PASALTHA THANGTAWIA BY MAFAKA KHIANGTE 1- 21

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: PASALTHA THANGTAWIA BY MAFAKA KHIANGTE 1- 19

Unread post by Ngaia » January 12th, 2019, 5:37 pm

PASALTHA THANGTAWIA EPI 19

E khai kan Thangnghala zet chu tih pah chuan Tuahkima chuan a paw bahlat nawlh a, U Kung khawnge i in lam Zawlbuk ah chuan dah chi ani lo, a hnar tawh chuan tumah an muhil lo ang tih pah chuan Val Upa Kunga kawh na lam pan chuan a pen zui pui pawk pawk a. Thangtawia te liamna lam chu melh rawn thup in, e khai beih mi an ni hauh lo, a palian ber pawh ala che lo ania kan lamtang an ni hlauh chu a vanneih thlak teh e tiin lalpa chu a nui zui vun vun a, lalnu erawh a tum loh deuh a a au chhuah avanga zak sen tal tal chung chuan Thangtawia te liamna lam chu hawiin biangsum khuar lang kak kak chuan a nui zui sak sak a.
... Zawlbuk lam titi leh chhungtin titi lai lum luahtu chu engdang ani lo, Thangtawia leh Sechal in beih thu chauh chu ani lo thei lo. Thenkhat phei chuan Ramhuai a zawl aniang khatiang em em a mihring chak a awm theih loh, kan khua ah hian an chamreng anih chuan chhiatna kan tawng lo ang tih pawh sawi theih loh tia mahni ngaihdan lo tlangaupui tu lah bo lo. Demawm an ni hran love, Sechal chaih kual thei khawpa mi tawrawt ani miau alawm le. Lal in lam ah erawh lal Fanu chuan an chanchin sawiin a lo phul ve liai liai thung a. A fanu tawrhna zawng zawnga hriat chian meuh chuan lal zaidam thinthawk alo chhuak ta tlat, khua var teh se tia ha chang thial bap bap chung chuan a tuibur hmuam chu a pik zui that that a.

... Kawl a eng det det tih ah chuan Zaupui zawlbuka riak tlangval ho te chu an mu tang hra hlawm a, pawn lama nui thawm kara thil rit tak leia tla thum leh dup thin thawm chu eng tak ni ang maw tiin bang awng atang chuan an bih dak dak hlawm a. Khua ala var chiang lo nen an thil hmuh phe ruai mai kar ah chuan tlangval pakhat chuan a thianpa bul ah chuan enteh mah Phung pahnih infiam an ni ngat mai, kan chawilung te jnfiam nana hmang thei khawp chu mi pangngai an ni thei lo hrim hrim khur deuh bauh bauh chunga a hrilhru thawm chu a ring lam mah nge an kianga tlangval pakhat chuan tawng ring su kan thawm an hre hlauh ange tiin alo khap zui zat bawk a. A hma zan atanga tihdanglamna chang tawh Thangtawia beng ah chuan dar ri ang mai chuan an phun thawm chu a chiang tlat si. Tuahkima lam pan pah chuan thil awmzia hrilh in, an nui dun nghal vur vur reng a. An sam tawn phelh in an hmai an hliah te te a, Zawlbuk lam pan chuan an pen zui pawk pawk a.

... Thaw dep dep a lo awm Zaupui val rual te chu an tawmna Zawlbuk nghing ta luai luai mai leh aw thum bel bul phun thawm nena in pawlh nuk kar ah chuan an in kuah khawm chawih chawih hlawm a. Val upa Kunga chuan zahngai, zahngai tia tawng khur bauh bauh chung chuan a naute chu hlau lo tur chuan a fuih ve ngial tak nang in awmzia a awm thui lo kher mai. Insum zo tawh lo tlangval pakhat a rawn au chhuah thawt tak ah chuan an sa rak ta nuai nuai mai a, tun ah tih leh zawlbuk luhkapui lama tlan lawn chu rual in, Zawlbuk hnaih ber in kawta Ban tlang ami puan an chiah huh sa chu Bawhbel atang chuan an vai per chuai chuai a, Thisen, Thisen tia Tuahkima au hum hum chu bawhhlawh leng vel chuan a hnar tiza in, hnap dawk zawk chuan a hahchhiau ta mai a, insum thei tawh hek lo le. Za em em maia nuih chhuah pah chuan tlangval ho tawm khawmna lam hawi chuan an lawnliam zui ta nghal a. Thangtawia chuan kha aw, phung phung, tih pah chuan alo hmasa apiang chu a theh phar ta tak tak mai a, rak teng tung chunga an awm lai chuan Thangtawia te thian ho nena ram lama lo in hmu hmasa pawl an zia lo hre tawh te chu rawn harh chhuak in, dekru, dek rawn ru tih leh bawh rawn an rual ta mai a, a zak an dek fuh meuh chuan za ti em em a, awi ka nu ti ruah ruah chunga tal tup tup in, a ban phak ho mawng ala kawm sak tang tang bawk nen. Hlauhawm an ni lo tih chiang tawh Zaupui valrual ten an han buan rawn tak tak mai zawng Zawlbuk bangthlang lam chuan tlin ta hek lo, a bang chawp chuan kawmthlang lam ah chuan an in bun thla ruih pek a, za em em a nuih huah huah pah chuan in kai tho in, Val Upa Kunga vunchhe khawk nuap nuap lam chu pan in, an nui khawk uar uar hlawm a. Thenkhat Thangtawia te phung hmuh a an hmub laia an awmdan lo inzirsak bawk nen zing thang thang ah an khek nui uar uar hlawm a. Val Upa chuan Zawlbuk bang thlanglam in tih chhiat man ah a bang tur mau in put ve ngei angai ang tia lo fiam zuiin, in chawilung den sawn te saw va dah tha rawh u tiin a pet zui pawp pawp a. Chutianga fiam ngam an nih an hriat meuh chuan Zaupui valrual te chuan Thangtawia te thian ho chu an nel zual in an thut hnaih hiang hiang hlawm a, an zinga a hmuipui pu Chawivela erawh tullo thei lutuk tia phun nuah nuah chung chuan a kal tau vei nghat nghat bawk a. Killaia erawh engkima lungawi em em zel mai anihna lo lang leh tawh in, ngawi reng chuan an lo khi suk suk thung a.

... Eng pawh nise lal mual lam ah i insawn chho mai teh ang, kan fatu tur te pawh kan pui pah ani mai lawm tia Val Upa rawtna chu zawm in, lal tual lam pan chuan an ri chho mup mup a. Lal mual an thlen chuan fatu chhuak hmasa pawl ten Vawkpui chingtawh nghal zet mai hnawh kian tuma an lo um hawk thut thut chu Tuahkima chuan thlek vung vung in, a tui dawn saw tih pah chuan Thangtawia chu a nam thut pek a, Thangtawi per phei durh in, Vawkpui a bawh vawkpui tlan chhia chu Tuahkima talhtum chuan alo hem zui dawt mai zawng, aw khaihhh mi tauh na dawn sia inven nana lo lek chauh ka ni asin le tih paha keh hui mai Tuahkima chu melh rawn thup in, ngawirenga lo thlir tu lal Sanglura chu lo nui phuh thawt in, i in veng thiam kher mai. Ruai atan siam nghal rawh u, kha vawkpui kha a ching tawh tho ania inthiam lo duh su, kan khual tha in ni miau alawm le tiin anui zui ve vun vun a, lal Sanglura inchhung lam pana a in her fel leh chiah tih ah chuan a dinna hlui bang zawn tak chu Silai mu chuan a rawn deng pawrh ta turh mai le.

.. Silai lo rikna lam an hawi nak chuan Zaupui khua ten an hriat chian em em mai, Thekpui Pasaltha Kapthianga leh englai pawha a kawppui te panga chu lal.mual ah chuan Silai nen lo ding khawh tau chu melh rawn thup in, a ngaihna an hrelo tlang kher mai. Lal Sanglura meuh pawn a thih teuh zia hria in, lal in chunga a banglaia Silai la tura dawk lut zawk in, chung khual duhawm lo tak tak hmachhawn zawng chuan a Silai chu a tinkawh ve nghal zat a. Eng nge in duh le ka lalna vangkhua ah Silai nen meuha lo che chhuak ta che u, dama he khua hi chhuahsan in duh anih chuan in Silai kha dahthla nghal rawh u. Za lo tih hriat taka nuih uar uar pah a Kapthianga hawikual vel chuan Thangtawia teho chu melh ding nalh in, khawilam Sazu nge ni ngai, ka phalna la hmasa lovin mikhual lo nei tawh suh u ak ti lo che u emni tiin lalpa chu a melh ding nalh a.

Hemi te thian ho inkawp khawm hian an chheh vel khua ah lal an hrawt ani hrim a, an hotupa ber Pasaltha Kapthianga hi huai ho nena inzawmna nei hiala sawi niin khawih nat theih loh tih hiala an chhal thin alo ni vei bawk nen. Zaupui khua ah hian chet an lak hmasak ber pawh kum nga lai liam tawh mahse tuman an theih nghilh theih loh ani tlat. An khaw Pasaltha Tinkhuma nupui umzuia rawn che kha an ni miau mai a, Pasaltha Tinkhuma nupui Lehlawn khaw nula hmeltha Pasaltha Kapthiangan a ngaihzawn em em mai. Khiangawi a mualliam tuar thiam lo in, rawn hneh chhuh atum tum ngei kha ani tlat. Khami tum khan anupui a chhanna lam ah Pasaltha Tinkhuma hian anun alo chan tawh nghe nghe kha ani a, a Pasal tana a rinawmzia lan tir nana Tinkhuma nupui a mah leh a mah a intih hlum tum pawh alo ni ve chiah bawk nen kha thil thleng avang khan Zaupui khua te hi an na tawk hle reng az mahse han beilet tur khan huaisenna an nei mawlh silo nen kha kum atang khan a khat tawk hian Pasaltha Kapthianga leh a hote hi a duh hun hun ah khua ah chuan lut in nuam an tawl ta fo reng a, tun ah pawh hian Nula thar lam leh tuai tir an awm leh tawh ang tih beisei leh ring chunga Zaupui khua hi rawn vak lut an ni leh tlat.

... Chang ret rawta chhan let pah chuan Lal Sanglura chuan ka vangkhua ah hian tunge rorel tura dah che ka dawh tam tawk tawh e tun ah chuan fapa ka nei ve ta ka duh ka mikhual anga, ka duh ka hnawt chhuak bawk ang. Pen khat pawha tawlh ka tum tawh lo tih pah chuan a silai cheng chu a kau zui rap a. Uaiii kan lal huaisen chu a vaupung ava na tave, Tleirawl tituai nalh deuh hrut tum ka nih vei nen tun tum zawng lalnu ngeiin a tuar angai dawn ava ang ta ve tia nuih thler duai duai pah chuan a Silai chu a hmet per nghal thuai a. Ral hma ah la ding tam lo leh chin la hre tam tawk lo, lal Sanglura chu vir nghal nawk in, a dinna luhkapui ah chuan a thal zui nghal thlawrh bawk a. Pasaltha Kapthianga leh a hote chuan hriat hmaih leh hmuh hmaih an nei tlat hun dang ang nisela hlau in Zaupui khaw mipui te chu an kimki leh chawih chawih tur ani vei nen, an zing ah mihrangval khual duhawm an tawm ve tih an hmu pha tlat lo. Tun ah tia Thangtawia au thawt rual chuan an thian Li chuan an che chhuak nghal phat reng a.
.. Silai chu puak thuai thuai mahse pawi erawh a khwih hman tlat lo. Patling thinrim ha thial thawm leh natuar te thawt thawt thawm chuan zui nghal in, hmelma lam ding khawm taih leh Thangtawia te thian ho in hmawchhawn chu Zaupui khaw mipui te chuan an tawlh hlat san dual dual a, an beisei hauh lova beih let phut tawk hmelma lam chuan an Silai an chan vek tawh, an chempui lek chhuak in vawitam an lo tan ho tawh dan hmang ngei chuan an tanhmun an siam rem sauh sauh a. Lal luhkapui lama lalnu leh lal Fanu tap thawm bak chu thawm chhuak dang a awm hauh lo. Val Upa Kunga chu muangchanga rawn pen chhuak in, khual val zawk te kan tana an din lai hian ngawi renga lo thlir ka thei hauh lo mai khawnge kan nih nih ni law law teh ang. Nauteu in kianga ralbeia din hi lawm ka chak em em tih pah chuan a chempui chu phawrh in a kut ah chil chhak in a hum nghet sauh sauh a.

... DUHTAWK LEH PHAWT MAI ANG AW. KAN VAN REGULAR EM EM😂😂

MAFAKA KHIANGTE.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 13th, 2019, 7:01 pm

PASALTHA THANGTAWIA EPI 20

Lal luhkapui lama lalnu leh lal Fanu tap thawm bak chu thawm chhuak dang a awm hauh lo. Val Upa Kunga chu muangchanga rawn pen chhuak in, khual val zawk te kan tana an din lai hian ngawi renga lo thlir ka thei hauh lo mai khawnge kan nih nih ni law law teh ang. Nauteu in kianga ralbeia din hi lawm ka chak em em tih pah chuan a chempui chu phawrh in a kut ah chil chhak in a hum nghet sauh sauh a.

... An mi hmachhawn mek Thangtawia te thian ho chu rum el awl taka melh chunga rum nghut nghut chung chuan a tu khua leh tui te nge maw in nih hrep le. Nangni nen buaina kan neih ka hrelo, Zaupui khua leh keni in kar ani e. In nun in la hlut anih chuan kiang rang rawh u tih pah chuan Pasaltha Kapthianga chuan melh zam tum tih hriat tak chuan Thangtawia teho chu a melh kual vei dan dan a. A kianga ding Tuahkima beng bula kun pah chuan Thangtawia pek chuan a mitmeng saw en teh in vawkpui riltam chaw ngen mitmeng chiah chiah kha a chhiata a chhiat zia saw tiin anui zui kur kur a. Zaupui khua leh a chheh vel ten an hlauh rawn a hming pawh an lam rin ngam loh khawpa mi tawrawt Kapthianga ngaihdan a pel chiang kher mai. Naupang engtin maw mi tih khanglang che chuan tih pah chuan a in seh ruh tawn tawn a. Thangtawia lah chu za em em a nui zuiin, ngawiteh khatin then vak vak lo teh min ti nui zawi zo dawn. Sepui nau vei hmel te pawh i pu a lawm le.. A hnapkhir chu kheuh zui ngawng ngawng in, Pasaltha Kapthianga lam hawi chuan ala pen per zui leh nghal a. I pangngai zan lo maw ni chu le a tir kha chuan khual val in nih man ah in nun ka zuah ang chu ka ti deuh kha ania, mahse tun ah chuan teuh lo mai tih leh Thangtawia lama zuan chhuah zawk chu rual in a Chempui chu chhuak thlak ngheng tum chuan a Lek chho vah bawk a. Mahse eng nge lo thleng ta, Kapthianga kangsang lai chu tha chak zet in a tlawh tih hriat tak chuan a zuan kanna atanga hlam hnih dawn ah chuan a per phei zui lawp a.

.. Ka rin aia i huaisar rauh chu le tho teh i han in mal thlur lawk teh ang. I beih tham ve meuh maw tih leh a Chem hlai hlep hlawp chu lek chung chuan Thangtawia chuan a hnaih phei nghal chheu chheu a. Chutiang khawpa an hotupa ngam tu leh tlawh leng lawp tu an hmuh chuan Pasaltha Kapthianga hote chuan en liam mai mai an lo tum awzawng lo chu niin tun ah tih leh chet chhuah chu an rual nghal zat a. An ral beih than dan diktak mai chuan ding kual pap chung leh in veng tawn chung chuan Tuahkima te chu an bawh phei nghal ta mai a. Hun dang leh tum danga an lo din chan tawh na an thiam thil hmang ngeia chet an lak tan rual chiah chuan an in suih khawmna kut leh lam phelh thawt thawt khawp chuan Tuahkima talh tum an dawng ta dawt dawt mai le! Chutah rang em em mai leh zei em em maia Chawivela leh Killaia ten leu kawi zawk zawk paha an han sah rawn tak tak mai zawng an chempui chuan lo in dang ve teh mahse awmzia anei thui lo tih hriat na chu kar lo ah chuan an ek zui thawt thawt nghal tlat. Val Upa Kunga chuan khaih aw tiin a chem chu lek in chet lak an tum ve ngial nang a, a sah ve tum apiang chu sah khalh ani hman zel avang chuan nui hui chunga lo au in, kha aw, kha pawh tiin a phur ber ber ah chuan lo tang in a lo sa rak ve vak vak ringawt a. Khawmaw min zuah tawh teh u tih leh a thiante nam per chu rual in, Tuahkima chuan a chhuk vuak ta nghek nghek mai a, natuar mangang au thawm a chu zawi tial tial a, ava ho tham e thaza pawh a reh hman hlei nem tih bul bul pah chuan Thangtawia te thawm awmna lam hawi chuan a in her zui vut a.

... E khai Pasaltha i chem kha chhar leh ta che nanghi maw khawih nat theih loh Pasaltha an tih che chu lo inring rawh tih pah chuan hnaih phei leh thut in, Kapthianga chem chhar tur kun lai mawng ah chuan a tlawh vak zui tawk a. E khai Tlangnuam perkai tum ang maia i bawh ruak ruak tho la ding ta che. Thangtawia leh a thiante hmachhawn chu a chin tam chi loh asin. Pasaltha Kapthianga chu a hmel en mai pawh chuan a tlawmla lutuk chu a tap lo chauh tawh tih a chhiar theih tlat. Kha i lung a chhe deuh ami nuih huau huau paha hnaih leh thut in, a kephah hnuai ah chuan a chem phek zawng chuan a hem sak zui thuai thuai a. Tuaha lo chelh teh a hmul ka meh sak dawn tih pah chuan Tuahkima lam ah chuan a kereka mansak in a theh phei nawlh a. Tuahkima lah chuan hneh zeta lo chelh hmak chung chuan nuam leh dawn ve tia nui huau huau chung chuan hepa hi maw in hlauh em em chu tihnat leh khawihnat theih anihzia chu en ta chu tia Zaupui mipui lam hawi pah chuan Kapthianga zak hmul chu a pawh tilh sak uai uai a, Thangtawia lah chuan a chemhnung lam hmang kher chuan a ngal hmul ka ziate tiin alo nawr ri rawt rawt bawk a. Lalpa ka vau e, ka kape i ti maw tih leh a ngal ruah lang dawn khawpa hlawi sak chu a rual leh zat a. Ti hian aw tih leh a beng leh hnar hlawi an rual leh mai zawng, mipa kei kani inti tam tak pawn an en ngam tawh lo chu ani e. Tuaha chhuah tawh rawh tikha chuan dam aiin thih a thlang tawh zawk ngei ang. Misual chunga that chhuah fo hian tumah a siam tha lo. A phutawk hremna a hmu anih kha tih leh in her chu rual hmak in, a lam pana Putar pakhat rawn in hawl phei bauh bauh chu a melh zui vat a.

.. Chu Putar chuan Pasaltha khawngaihin i chempui kha min hawh tir ta che he mihring hian ka fapa that in, ka famo pawn mual aliam phah si a, phuba ka lak na remchang min siam ta che a ti khur bap bap a. Pasaltha Thangtina pa chu melh vang vang chung chuan ka Pu i engpawi nge he mihring hian a sawi chu ka hre thuk hauh lo. Mahse i sawi hmang ah i Fapa te nupa pialrala thawnliam tu chu anih alang chiang e. Ka Chempui ni lovin, i fapa chempui ngei zawk in le ring leng lawnga au chhuah pah chuan ka sawi kha in hria maw. Chempui chu han la thuai tawh u thu a pe nghal zat a. Thaw deuh hluam hluam chunga Tlangval pakhat in Putar kuta chempui a pek chu melh rawn thup pah chuan Thangtawia te thian ho chuan an veng ru ran bawk a. Ka Fapa i lu la a, Sahlama tar tu ngei chu i rawngbawl tur in ka rawn tir ve ta. Kha le mi tenawmpa tih leh a hmel en a mawilo khawpa ranga chem vai chhuah pah chuan Pasaltha Kapthianga nghawng chu a ri no nghal chawk a. A vanglainun pel tam tawh teh mahse thinrimna lo pai rei tawh leh thapui chhuah tak meuha a sahna chu a thawkna tawk tih lanna chu Kapthianga Lu leh taksa chu a hrang nawlh hial reng a. Thangtawia chuan dawm vat pah chuan Kapu he lam ah hian aw tih pah chuan Kaphranga lu chu a chharsak zui vat a. A fapa that tu Lu khai chung ngei a, fam ngaih thu Pasaltha Tinkhuma ka atanga chhuak chuan patling mittui pawh ako chhuak hial reng a. Tuahkima lo in sut ve hruih hruih chu Thangtawia chuan kal pelh pah chuan chhe per pur em mai a a ti zui hram pek a, hun dang leh hmun dang zawng nise an in nuai leh ngei ang le.

... Chawivela au thawm ah chuan harh thut in, Killaia khi puih angai ngei ang tih pah chuan bawlpu lo hmakhalha Killaia'n lalpa mar alo zawng kual dab dan lai chu en bik mai lo chuan lal Luhkapui ah chuan an tlan lawn ve thuai a. Killaia chuan Bawlpu chu hnai set sawta melh chung chuan a lung zawn ah hian Silai mu a tang tlat mai. I zai vat loh chuan lalpa hi kan chhan thei hauh lo ang. I zai ngam em tih pah chuan a thut hmun chu kian in a mar chu ala tha e a ti zui sup a. A pasal thihna kotlannga dak mek chu lalnu chuan thlir vawng vawng chung chuan a fanu chu a kuah nghet sauh sauh a. Bawlpu kut khur dur dur a chevel chu hlauthawng taka thlir renga an din khawm taih lai chuan ka zai ngam lo. Lalnu leh lal fanu tap rawih rawih thawm bak hriat tur a awm lo. Tuahkima chuan na zeta tham pah chuan i zai tur ani ringawt i zaidam lo anih chuan ka that ve nghal ang che tih pah chuan Bawlpu chu a thing zui nawk nawk a. Killaia chuan Thangtawia kheuh fal zauh pah chuan zai anih loh chuan a thi dawn chiang sa a, zai anih chuan a dam leh hlauh thei bawk. Lalnu saw duhthlan tir mai ta che tih pah chuan a chal a beng thak thak a. A tu chuan nge maw zai ang le en ta che kan bawlpu ber pawn ka zai ngam lo atih saw Thangtawia an lo tih khur khur lai chuan Tuahkima te chu anlo la in nawr ve ngar ngar bawk a.

... Awle, lalnu lo hnai teh tih pah chuan kuah fal deuh chung chuan lalpa dinhmun chu a hrilh zui nuap nuap a. A tawp lama a nuih deuh suk suk dan ah chuan a thiante ngaih atha lo nghal reng a. Lalnu hmela lawmna leh beiseina hmel lo lang chhuak te chuan an ngaih ati thalo tulh tulh bawk a. A hmela lawm hmel pu thar deuh chunga a mah rawn pantu chu Killaia chuan ngaihthalo fe chuan alo melh deuh zak zak a. Chawivela bana vawn pah chuan Tlangval zai rawh, ka Pasal chu zaidam ngei ngei rawh nangmah ah chauh ka rinna ka nghat ania. Eng nge mamawh i neih tih pah chuan Killaia chu a tur zui sek sek a. Killaia mangang hawi let chuan Thangtawia leh lam hawia lo khi suk suk chu rumfea melh chung chuan lalnu tumah ka la, aihhhh Tlangval min hnial lo hram rawh Ka ngen tak meuh meuh che ani. I thianpa sawn a sawi vek alawm mak tak maiin thi tawh a ngaih pawh i zaidam leh thei ati tlat. Ka ring takzet che ania a ke vuanin a tap zui ta mai a, Killaia tih ngaihna hrelo thinrim bawk si chuan Thangtawia chu tum zawt mai hi anap a. A nihna tak ah chuan Killaia hi ran enkawl lam ah a tui tlat pek a, an Se tuai silai mu tawng palh a zai ve tawp tawh a, mak tak maiin a zai dam hlauh pek a, chu lo chu han chhuantur anei mawlh lo. Chutianga Thangtawia'n mi zaithiama alo chhuah mai chu a lawm hlawl lo. Rang taka Thangtawia pan rawk pah chuan min tih mualpho i tum ami tiin a sen tawn tawn a. Tawng rinna chi ni hek lo, Thangtawia lah chuan i zai loh pawn a thi dawn tho tho a, i Se tuai ang chiah khan ngai la zai hmak rawh khai le thiante u inchhung lam ah zawitein zawn lut ang aw. Lal fanu lam en pah chuan Tui lo chhuang so la tiin a tir nghal zung zung a.

... Pawn lam ah awmvek tura au lung lung chung chuan lalnu leh lal fanu chu kuah chhuak in kawngkapui atanga chhuah dawn pah chuan Killaia chu a mit ava siai zauh pek a. Chawivela leh Bawlpu chu Killaia pui tura inring rana lo kil ve chung chuan zamlo tur chuan anlo fuih ve mawlh mawlh a. I Se patuai ang chiah khan ngai rawh tia Thangtawia fuihna leh a nui hmel chu amitthla ah lo lang uar uar chung chuan ka zai zawh hun hun i tawrh hun tia insehruh teuh chung chuan a in tintuah zui ta thuai a. Pawn lam ah lah khaw mipui chin ngaichang chuan an thu thuap mai si. Khawnbawl te pawh lalnu te kiang hnaih ah chuan an thu khawm ve laih bawk a. Hnem mual mual chung chuan lalnu chu kuah in a sam te chu a chul sak vei hluau hluau a. Chawh hlim dan kawng dap in, lalnu leh lal fanu pawh an nui ve saih saih tawh a. A hmuh tirh atanga a mit ka nalh tu Pasaltha tuaitir Thangtawia kuahna chu lalnu chuan melh leh zauh thin in, a Pasal thih suala let mek reng nilo seng zawng Thangtawia awm ah chuan a bei ngeiin a rinawm.

.. Lal in kawngkhar a rawn in nam hawng tual tual ta thaw dep dep a, chin lo ngai chang mipui te hma ah chuan Bawlpu chu rawn ding chhuak in, lalpa taksa a Silai mu awm chu tha taka phawrh ani e. Mahse thisen a hlauh hnem em avang in biak theih ala nilo thung a. Kan lalpa hi a hnuk a fei em mai a, chhan ngei kan in beisei e a taksa tih chaknan Ar awm tur leh Artui te kan han pe anga, a zia leh mai tur ah ngai ang. I tin darh tawh ang u le. Kan ruai theh tum chung chang erawh khawnbawl leh lalnu te kut ah awmse tih pah chuan in her in lal in chhung lam ah chuan a lut leh nghal vut a. Khawnbawl upa te thutlukna ang chuan an Ruai sa tur chu in tin ah sem kual in, lalpa thichhawnga let reng kara ruai lo siam zawng a in hmeh hlawl lo bawk ani e. Lalpa tan tia, Artui rawn dahtute chu Thangtawia chuan lo chhawn thuai thuaiin, Chawivela chuan Thangtawia phurdan teh hurh ah chuan Artui a hip leh nual dawn tih a man chian em avang chuan Lawmpa i makpa awm ngawt maia, i zia thup ve deuh teh ti hi chuan a tha dawn lo tih lah lalnu lam pan chu rual in, lalnu kan heti ta nuai si nen keini ho pawh thlen in tur te dap in kan tinsan phawt ang che u kanlo lang leh vat dawn nia, Thangtawia kalbopui dan zawng rana rawtna va siam ani reng a. Mahse lalnu chuan e khai mai mai chuan ka remti teuh lo. A ni tello phei chuan ka awm ngam teuh lo min muantu leh ka fanu pawh in a rinber ani leh nghal khawi dang mah inkal ka remtilo. Kan pa pawh hian a remti hek lo ang kallo hram rawh u, a mittui a parawl leh ta mai a, Chawivela tih ngaihna hrelo chuan e khai. E khai lalnu kan kal lo ang. Lalpa chu enge a an tih leh kalsawn chu rual nghal in, a insiam chhe zui vak vak a.

... Thangtawia chet a hun leh ta mi en teh lalnu inkhaw miten lalpa an ngaihsak dan em em hi, Ka hnar tawh mai dawn kan lalpa pawn a eiseng tawh nang keini lah hian kan mamawh hmel si lo tiin a nuizui sang a. E khai anih kha ava tam tak ve. Eng ai ah nge in mamawh loh bik ang le, kan khawtan leh ka fanu te avanga in hah teh lul nen hip bawrh bawrh tawh u tiin anuih let sang a. Lalpa dinhmun ngaihtuahawm ani tawh lo bawk nen lalnu tawng pawh a zangkhai leh vah tawh a. Lalnu kalpelh zuai pah chuan Kawngtui atam thlawn mai mai lawngmaw a hman chhuahna lam lah hi tiin anui huk huk a, lalnu hmeltha pawh sen tan tan chunga Thangtawia chum taih taih pah chuan hawlo tih hriat tak chuan a theh thangna i zawn angai dawn anih chu tih pah chuan a biangsum khuar kak kak chuan nui sen sen in Thangtawia chu a vei siai zauh a.


... Tun episode chu ava sei ta ve inti in rilru in, tunlai chu ka regular ve tlat. Ka hman ve lai ania, regular reng erawh ka thei lo ang.

MAFAKA KHIANGTE.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » January 23rd, 2019, 9:30 pm

PASALTHA THANGTAWIA EPI 21

... Thangtawia chet a hun leh ta mi en teh lalnu inkhaw miten lalpa an ngaihsak dan em em hi, Ka hnar tawh mai dawn kan lalpa pawn a eiseng tawh nang keini lah hian kan mamawh hmel si lo tiin a nuizui sang a. E khai anih kha ava tam tak ve. Eng ai ah nge in mamawh loh bik ang le, kan khawtan leh ka fanu te avanga in hah teh lul nen hip bawrh bawrh tawh u tiin anuih let sang a. Lalpa dinhmun ngaihtuahawm ani tawh lo bawk nen lalnu tawng pawh a zangkhai leh vah tawh a. Lalnu kalpelh zuai pah chuan Kawngtui atam thlawn mai mai lawngmaw a hman chhuahna lam lah hi tiin anui huk huk a, lalnu hmeltha pawh sen tan tan chunga Thangtawia chum taih taih pah chuan hawlo tih hriat tak chuan a theh thangna i zawn angai dawn anih chu tih pah chuan a biangsum khuar kak kak chuan nui sen sen in Thangtawia chu a vei siai zauh a.
... Lawmpa i fimkhur deuh chu a thalo maw enteh lalnu melh dan che hi a dik hauh lo ania, nang lah hian Tlangnuam per kai pui mai tum hmel hi i pu tui reng mai bawk si. Nula hnahkhat tam tak an awm laia pawmlai nei kher i chhaih fiam leh thin hi thil dik ani meuh amawn le tiin Thangtawia chu a zilh malh malh a. Thawk lak hap pah chuan nia ani khawp mai Lawmpa kei zawng lalnu thatna hian min zem a ta aniang kal pelh mai harsa ka ti khawp mai. Engpawh nise lalpa lah hian thu pawimawh tawp sawipui che ka duh ati mauh mai si a, a eng thil tak ni ang maw ka ngaithla phawt aniang chu. Mipa sulhnu hriat hran theih loh ti thin mahse lalnu meuh zawng Tlangnuam chu perkai pui lo tur ah min ngai rawh a duat te chu a duat hlak mahna tih pah chuan anui zui var var a. Tenawm hian a tih paha Chawivela tho tau nulh chu anuih zui uar uar a.

... Thangtawia chuan kun deuh ngal chunga lalpa ngenna chu ngaihtuah vang vang in, a hui ve pap pap tho mai. A leh lam zawnga angaihtuah chuan lalpa chu a dem hauh lo mahse, lalpa ngenna hi kaltlangpui ta se, pawilian tak khawih theihna niin ahre bawk nen, an tawng hre phaka tap hnung puak lalnu hmeltha i erawh zah vanga lo sen ru tan tan chung chuan hmalam hun alo thlir ve tho mai. Engpawh nise lalpa kalo in ngaihtuah anga, chin kan in hrilh leh vat dawn nia lo damtha phawt teh, U Kunga te in lam ah ka zuk chuang chhuak lawk ange tih leh thawh vut chu rual in, tap lama awm lalnu chuan lo nuih sen sen chung chuan zan lam chu i rawn chuangkai leh dawn lawmni tia lo melh kal ralh chu a lo rual zat bawk a. Thangtawia rilru hahna leh in ngaihtuah buaina zawng zawng te chu lalnu hmeltha leh duhawm chuan a lem zo leh ta aniang kalo kai ngei ang tih pah chuan lalnu nawk thawi thuak chuan chhuak in, anek lah chuan huat a hnehin alo piai zauh bawk nen miten an hre velo tih nuih taka nui vun vun chung chuan a kal faifuk zui hlurh hlurh a.

... Zanriah eikham fel chuan Thangtawia chuan a thiante ho chu mitmei kual zauh zauh in, inthiar chhuanlam chuan Dai hnai lam pan chuan an inzui chhuak ta hal hal a. An in thiar zo thu khawm leh chu englai pawha fiamthu leh insawisa reng renga hun hmang thin Thangtawia te thian ho chu tun tum zet chu a thu tak tlang in, sawi mai tur hrelo chuan Thangtawiw thuruk chu an phak tawk theuh chuan engtia hmalak chi nge tih chu an suangtuah nasa ve tlang kher mai. A tawp ah chuan Chawivela an hmuipuipu ber Chawivela bawk chuan kei ka rilrua chhanna awm ta ber leh amah Thangtawiw ngentu dinhmunah ka indah chhin vel pawh hian a harsa dawn tih ka hria, mahse, he kawng hi Lawmpa hian alo kaltlangpui anih pawh in, thlana kan liampui tur thuruk anih kan hriat tlan atha in ka hria ngenna danglam leh mak zet ani e. Lawmpa i kut ah thutlukna awm teh se. Chawiveka'n chutia arawn sawi hawn tak ah chuan Thangtawia kut ah thutlukna dah in, Tuahkima pek chuan keimah zawk ni ila aw a rawn ti tak hluai ah chuan lalnu la nalh zia leh lal fanu pawn ala tluk loh zia ah te pakaiin an ri zui nghal hlut a. Killaia erawh ngawi deuh ngula thu tung ut chung chuan enge a ngaihtuah tih pawh hriat loh chuan alo khi suk suk thung a. A enge maw i hriat ruka khatia mi nu thusual hmu fuh nuiha i nuih put put reng chu le tia Killaia nem buk lawp pah chuan Tuahkima chuan a bula thingbung chuan a hlap zui zawt a, e e eeee tih leh Killaia chuan bawh let rual in, Thangtawia leh Chawivela te pahnih delh phei rawp chuan a bawh let nghal pawp a. A enge maw in hriata mani lo maha rilru hah nak lai chuan tih leh Chawivela chu chawilawp chu rual in, Killaia te pahnih den nan chuan Thangtawia chuan hmang zui zat in, Chawivela tho leh chuan mai mai chuan le. Thangnghal i hre khawpa ang tih leh Thangtawia mal vawn chu rual chat pah chuan a seh zui nghal chat a. Thangtawia nati au tial ruai ruai leh Killaia leh Tuahkima rawn che chhuak nen pachang thinrim lu chhum ban chhum huama in bei ang mai chuan an ri nghal chawrh chawrh hlawm a. Khawchhung mi thenkhat inthiar ve tum ten thawm nasa tak lo chhuak an hriat chuan hlauthawng taka bih ru dak dak chunga an hnaih nak chuan an khual val an khaw buaina laka chhanhimtu te thian ho lo in nuai an hmuh meuh chuan maktiin an ka ho hlawm a.

.. Khawchhung mi thenkhat lo dak dek dek ahmuh rual chiah chuan Thangtawia pek chuan a enge ni na vei khawnge in duh tak tak ani maw in ril ka phawrh khawp ang tih leh hachang thial chu a rual zui rawp rawp a. Thangtawia thinrim ang thawm ah chuan a thiante chuan chu hawi chhuak thak chung chuan Thangtawia hmel chu an zir zui vat a. Thangtawia mitmei chu man nghal in, chawivela chuan i theih athu le kan zing ah hian tunge roreltu ah ruat che. I ngam ngam ka ngam sak rawn che ta che tih leh akianga Thing tuai lo awm chu lek a rual zat a. Tuahkima lah chuan a kianga Lung arbawm tiat zet mai chu chawi vu vu pah chuan ka dengsawm vek dawn che u tih arual nghal bawk a Killaia erawh rang taka alaia zuanluh pah chuan ban phar chhuak in, e khai thianteu inbeng dai teh u thu hmangin sawifel atha tih pah chuan leh lam hawi chuan a nui zum put put a. Khaw mite beng mai nilo lal leh upate beng athleng hlauh ange tih pah chuan Thangtawia chu a va vuan bet nghal chat chat a. Khaw mi alo thlir rutu te lah chu hman hmawk bak lenga tlan let dawr dawr chung chuan lal hnena thu thlen tum chuan lal in ah chuan an thaw lut hlawp hlawp a. Khaw mite an tlan liam chiah tih ah chuan Thangtawia teho chu hman hmawh taka mual leh lama liam pah chuan khaw lu lam atang chuan lal in pan chuan an tlan nui uar uar a. Tuahkima tlan vawih nasa lutuk chuan Killaia tha ti zawi zo in, thut hnawk pah chuan Tuaha inthiar tha leh teh khawngaih tak in, i vawih rim kha ana lutuk mah mah sen awp awp pah chuan Tuahkima puana pawhsak chu arual nghal bawk a. Tuahkima lah chuan teuh lo mai Val upa Kima farnu kha a induh teh hmak em mai ka ur hak bawrh bawrh dawn khawp tih pah chuan a nui zui huk huk a.

... Khawnbawl upa leh khaw mipui thenkhat ten Thangtawia te in hnialbuaina hmun nia a hmu tuten an sawi an zuk thlen chuan tu hmel mah hmuh tur reng alo awm der silo. A va mak ngai ve tia hawi hawi pah chuan an chetna hnu pe sel sul te chu an thlek vak vak ringawt a. A va mak ngai ve maw aw tia phun nuah nuah chunga lal in an kai leh meuh chuan lalpa damlo kiang ah Thangtawia teho chu an lo titi tui nasa tawh mai si, hawi buai deuh nak mahse an hmel ah thinrim hmel chhiar tur awm hek lo. Lal chhungkua te ang tho chuan zawhna pawh pe ngam bik lo chuan thut hmun an rem zui ve mai bawk a. Leihkapui lama insawn chhuak lal Fanu leh Chawivela leh Killaia te pawh an titi tui viau tawh a. Thangtawia erawg engtik lai khan nge abo daih pawh hria an awm lo an titi lai kar ah chuan alo put bo daih ani lanna chu a hmel reng hmuhtur a awm tlat lo. Tuahkima erawh nui vur vur chunga Val Upa Kunga farnu hnaih bera thu chung chuan a ti ti phuan suah suah a. A khat tawka mawng tih sawi zauh pah chuan ri silo chuan a pe chhuak leh hak thin a. A nihna tak ah chuan Tuahkima pek chhuah thawmna miah silo mahse a hnathawh na em em mai chuan Kunga farnu Kawibiali chu a ti mangang tak zet zet. Thawpui lak hap paha leh lam a hawi ner kual vel chu a tum loh zet chuan Kawibiali zawk chu a vawih ri ta peng mai le! Zah luat vanga Kawibiali akun chal lai chuan Lengtuaitirte i mawng ar ang akhuange nam rum rum khual val in ka dawng kim ngei e.. Tlangval dang leng te lah insum thei awm tawh hek lo. Za em em maia nuih pah chuan an haw haw titih ta mai a, Killaia nui ve vak chu inthup hman tawh hek lo, a nui vawih zui tuar tuar bawk nen chu zan Val Upa Kunga te in a leng tlangval te chu in sangping in an han vawih tak tak mai zawng, Kawibiali run Vawih zan an ti ta hial reng a, kum thum chhung ngawt chu he zan hi an hmang ta ziah e an tih chu.

Lenghawn ar a khuan tak thliai thliai ah chuan lalpa chu muangchanga rawn in beng kang ve taih taih chunga a khawnbawl te ho lam chu rual in, e khai thla in va ti muang thin tak em hei zan arei leh ta, ka tha viau ania min zuk tin san tawh u. Eng emaw buaina deuh a awm ta anih leh kan in ko zung zung thei tho lawm tia upa te haw tura ngen zuiin lalnu pawh chuan lalpa rawtna chu alo tawmpui thuai bawk a. Chuti tur emni ni dawn lalpa kan la hah reng reng lo ania tia an chhan sap sap na te lawmthu hrilh chung zel chuan an in mangtha ta thuai a. Lal Fanu erawh a muttlem luat ah a thianu Khawnbawl Upa fanu nena riak dun tura a liam daih avang chuan lalnu leh lalpa chu an in melh tawn ralh ralh a. Khawnge ka Thlathum zu kha min tulh teh lu lam leh mawnglam hre lek lova mut ka duh e tia lalpa ngenna chu lalnu chuan rang taka ti hlawh tling thuaiin, thawk la map lova a dawt ngar ngar tak ah chuan taksa la chaklo nen kar lo ah tawn mang ram ah lalpa pawh a leng zui ta mai reng a. Lalnu erawh tap meilum lama insawn chhuak in, thawm leh chin ngaichang chuan a thu kun deuh chal a. A pasal lam chu hawi pah chuan i thil ruahman ah hian i chiang ang chu maw tih sap pah chuan a chal adawm zui vang vang a.

... Thawpui lak halh pah chuan Thangtawia chu lalnu kiang ah chuan a mu hlawm thla deuh tual a, a piah lawka khumpuia tui taka mu hnar suk suk lalpa lam chu melh pah chuan i beisei chu thleng tak ang mawle tih pah chuan lalnu hmeltha Tlangnuam per kaizo thlan tla deuh chap chu a ban kham tir pah chuan a chul vei hluau hluau a. Lalnu hmeltha i pawn a pasal muhil chu thlek vang vang pah chuan i remruatna ah hian i in chhir em lo ang chu maw tih melh taka melh vang vang pah chuan i Nupui hmasa nen khan engtin nge fa hi in neih theih mai le. I mi rin em em Bawlpu hian i fa neih theih tawh loh tur thu asawi hi adik em ang chu maw fapa ngei paisak theih che chu ka va chak em tiin a biangah mittui arawn luang ngiai ngiai a. Thangtawia chuan lalnu lam hawi pah chuan i U pasal hi ti hian Pasal ah i pawm leh mai chu ania thil mak tak chu anih hi mawle. Ka hmuh hmasak ber che khan lal Fanu nena in hmel ena in kum a in thlau lo lutuk kha mak kati reng a tiin lalnu a hmuh dan vel chu a sawi ve nuap nuap a. Ani reng lah taka Zaupui lalpa leh tuna lalnu lo nita laizawnnu hi kum sawm Panga vellai innei hman in, lalnu Chu natlawk pawh awm lova thihna kut vawt in man thut in, an pafa chauha an awm tur ngai ngam lova, a u Fanu awmpuia Zaupui lal ina cheng ve chawt tuna lalnu ni ta nen hian lalpa chu in hmel duh chho in, an in sawirem zui ta kha ani a, tuna lalnu hmeltha tia khual thang hat khawpa duhawm hi unau zinga tlai khawhnua piang ani bawk nen lal Fanu nena an in thlau viau lo pawh hi a awm ve tho mai. Lalpa nena an in neih tak dan leh lalpa fa neih kawnga harsatna a tawh, lalpa hnen atanga alo hriat tawh tho chu Thangtawia chuan lalnu hnen atang bawk chuan ngaithla leh in a beng a dawh dauh dauh a. Zawi thawp suta kan hlawh tling em ang chu maw tih paha lalnu lam hawi pah chuan khawnge a nem ngheh nan i vawbel law law teh ang tih paha khi suk suk chung chuan lalnu hmeltha leh duhawm tak thuhnuai tur chuan a per kai leh nulh a, a hma atang renga thawm lo ngaithla kur tu Killaia nui thum deuh dut chu Thangtawia beng ah chuan a chiang kher mai. Killaia nui thawm leh bihthlak na mai mai avanga a hlo thlawh lai thulh tum hauh lo chuan Thangtawia chu abu nghut nghut a.

... E khai thluak achawl hman dawn alawm le. Lam ang kalo let leh ta theih ang ang a, rawn post zel ka tum ange. Lo chhiar mam mai ru aw.. Hmeltha bik vak lo ho hahah😂😂😂

MAFAKA KHIANGTE.

HEILO HI RAMDANG KAN NEI LO.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)