PASALTHA THANGTAWIA BY MAFAKA KHIANGTE 1- 21

[Ngaia]

PASALTHA THANGTAWIA EPI 7
.. Tuk thuan te an ei kham fel meuh chuan Thangtawia inthiar pawh lo let leh tawh in, a pu ka kut hi a uih vet vet mawle hei kalo hawn a, tih pah chuan a mawng thiarna Thing tang chu lek kual in, i duh em, i duh em a ti kual zuk zuk a, nang mi bawlh hlawh kal rawh tia Lianpui khawnbawl upa in alo tlawh thluk tawk tak ah chuan nau suak bak ang maia tal nghal in, ring em em a, tap chung chuan Pasaltha Tinkhuma lam chu a pan tuang tuang a, Pasaltha Tinkhuma lah Thangtawia mi hneh theihna in hneh tawh miau hek, mi anglo leh zel pawh kut i thlak mai le, Khawnbawl upa pawh nila kut i thlak leh anih chuan ka ngawi liam tawh lo ang lokal rawh tiin Thangtawia chu alo thlem bang thuai a, Thangtawia chuan aaaa.. A pu saw chawh e, apu hi angam love, a lei chhuah khum in, a lam zui zak zak a, Thangtawia vhe vel chu ngei teh mahse a Pasaltha tih lungawiloh pawizia hre chiang tu Khawnbawl upa chuan ngawih a chuh leh ta nge nge a, Thangtawia lah chuan a khat tawk in, dawih ve siah a ti sek leh nghal a, Pasaltha phen ah awm nilo sela, kuk hnih khat chu a tawk ngei ang le!!!
... Lam a thui tham bawk nen a chet chhuah lam kan hma aniang chu lal Fanu eng thuam vak kha ken angai lo e, i thuam neih aia tha leh ropui hlir in ania lo hmuak che, kal kan siam mai loh chuan khua kan tlai zel e, Khawnbawl Upa Vuta lam hawi pah chuan lalpa chuan chuti but vut tur emni ni dawn le, eng hun ah pawh chhuak ula, khawkar ah zan riah ngei ngei in ngaih kha maw zanin te chu in cham ve bawk ang chu mawle tia tih pah chuan ngaihtuah muk tak nei tih hriat tak chuan a tep pah chuap chuap a. Lal Fanu te pahnih leh lalnu erawh hmeichhe lungno tih tak ah in kuah khawm tel tel in, an in sut faih faih hlawm a. Upa Vuta chuan hmeichhe mittui in min ko muang hman lo ve, kal teh ang tih leh Tlanglian khaw lal zah pah map lo chuan lal Fanu chu kaiin a chhuahpui zui dawr dawr a, awmze nei fe chuan Pasaltha Thangzoa chuan khaaaa Thangtawi i U kha veng tlat rawh aw an lo khawih na ange tih pah chuan a mitko a san zui ak a, Thangtawia lah chu phur fe mai a zuang ulh ulh in, keini chu khawdang ah kan pem daih dawn tih pah chuan lalnu Artui dah khawm chu a tham pah zauh bawk a, hun leh hmun dang zawng nise, Thangtawia khawsak dan mawlmang leh nui hui mai te chuan lal leh Upa te nuihbawm a hawlh keh ngei ang. An hun tawn in a zir loh bak ah an lem chan bul tanna ni miau hek hapui langa lo khik hui thu awm talo chuan.

... An lal fanu ngainatawm leh duhawm tak in, Tlanglian khua a chhuahsan meuh chuan Vangkhua anguiin hlim zai vawr thei lah awm suh. Vawkpui no hruai lai tak ngial pawn pal ngheng in lal fanu chu mittui nen an thlah lo choh ani ber a, lal Fanu chuan Thangtawia chu melh in, a ni ang Tlangval tuaitir kut ah chuan in nghah pumhlum harsa a ti ve kher mai. Bianga mittui luang ngiai ngiai chung chuan an vangkhua chu a melh kual dan dan a, lo chhana lo dang ngam awm talo chu kal zel in, Tlanglian khaw lan theihna hnuhungber chu an pal thleng ta thuai a. Thangtawia erawh phurnamen loh chuan a phur a maw tih mai tur chuan helam hi pumpelh ania tiin hma ahruai bai suih suih bawk nen, Khawnbawl Upa Vuta chuan nang mi anglo kawng hriat ka zawh hrep lawnge tih pah chuan a melh zui ram ram thin a, Thangtawia lah chuan a lei sei tak taka chhuah khum in, pumpelh lam ah liam vut in, kawng pangngai ah hian alo zai ul ul hman ziah bawk nen, Pasaltha Tinkhuma chuan alawm em em pek a, ka Naua pui hi a fel riau ani tiina thlavang a hauh deuh tui mai bawk nen an boruak a rit ru riau bawk a. Tlanglian khua te khan lal Fanu hi rawn ruk chhuah an tum ngei dawn tih an beng tluka an chian avang chuan an fimkhur tlang in, an hnu dal tu Tlangval te pawh an in leh burh zak zak reng a, chutiang a thleng dawn tih hre lawk Thangtawia erawh anui ru var var thung a. A thiante pathum khan a sawi hmun kha an thleng tawh angem aw tih vel ngaihtuah chunga kal ve zel in, a hahthlak atih lai ber chu Kebai der chu ani e. A ke kham na lutuk tawh chu a thu hnawk a, ring em em mai chuan a tap zui ta ruah ruah mai a, lal Fanu chuan Tawite ngatinge tia thut chilh vat in, lem chan an chhunzawm thuai thuai bawk a, Thangtawia lah a hma aia ring chuan ngaw khawk rum rum khawp chuan a tap au ruah ruah mai si. Nau huaibak ang mai chuan ala tap tawng zuah zuah leh nghal vawk nen Upa Vuta chuan i Lu ka laksak nang che bang rawh tia vin that that in, a tin uaih uaih reng a. Mahse Pasaltha Tinkhuma thinrim hmachhawn ngam hek lo le, na zet zet chuan amelh vak vak ringawt a, A Pu min hau ania,nge ka ke abai a, a na tawh alawm tih leh aia Uar chuan tah chu chhunzawm leh in lal Fanu chuan a lo kuah nghet sauh sauh bawk a. Tih ngaihna kawngdang awm talo chu Pasaltha Tinkhuma leh an khaw buanchak Sangkunga chuan an in puak chhawk ta zak zak a. Thangtawia lah Sangkunga hnunga bei tui chung chuan a nui hawk uar uar a, ala titi ang zuah zuah zui a, Upa Vuta kawk in, an paw ve dawn chuang lo che tiin ala chhaih tak ang zuah zuah a, mahni Sahmim chauh pawh thui kalpui atan chuan a rih sam nen eng anga thahrui ngah tan pawh Tlangval chhuak zawt tawh paw chunga zinkawng zawh zawng a hah thlak ngang aniang Pasaltha Tinkhuma leh Sangkunga chu an thaw kiar sawt in, zan lam ah an mut a tui hle dawn tih a lang pha tlat. Mual hnih zet an puak tak ah chuan ka hah dam tawh e tiin tha tak chuan Thangtawia chu a kal ve leh mai bawk a, hetiang reng chuan an tlin rei dawn biklo tih a hmu pha miau alawm le.

.. Kawl ah ni a liam tak ruai ah chuan riah buk sual chu zui nghal in, lal Fanu Saiziki ven uluk hunlai tak anih an hai loh vang chuan lal Fanu riahna tur pawh an siam uluk bik kher mai. Val Upa in riahpui mai se, Thangtawia lah Lal Fanu kiang ah lo amu duh silo, mi pathum leng khan buk kha sa phawt mai ang aw tia Pasaltha Tinkhuma ruahmanna chu zuiin Tlangval ho chu an phe nghal suau suau a. Kar lo ah mi pathum riah theihna awm chu an peih thuai reng a, tlai lam zanriah kil hma atang tawh chuan lal Fanu ven hna chu an thawk tan nghal der tawh a, lal Fanu Saiziki chu hui pap pap in, tlan chhuahna kawng kuak loh zia chu a hmuchiang kher bawk nen Thangtawia kuah chuan a tap ru keuh keuh a. Thangtawia chuan midang hmuh loh leh hriat thiam loh tur si chuan a hnem ve mawlh mawlh bawk a. An riah hmun sualna chu a duhthusam tak alo ni kher bawk nen, a thiante pawh an bul hnai mai ah an awm tih a hriat rukna chuan lal Fanu tlan chhuahpui theih chu a la inbeisei fan bawk a. Chhura rual rual thing ding thelh thuau kar ah riahhmun sual an ni vei bawk nen ni aliam fel meuh chuan khua a thim ti tih nghal der a, hman hmawh taka zanriah an bawl pawh peih fel nghal in, hnunglama mit nei ang maia awm tur thupek nen chuan zanriah an kil mawlh mawlh hlawm a. An Sarep pai la neih chhun lah atlem tawh bawk nen Thangtawia chu hawt vut vut in, ahhh Apu ka zung tih leh a chaw kilna hmun ah chuan zun cheh a rual ta mai a, aw aw awwww..thui thui tih paha Khawnbawl Upa Vuta thawh kan rual chiah chuan Upa Vuta thutna a insawn thurh in, helai chu ka zun khum lova, tiin a sa thalai chu a thlang zui zut zut a. Tlangval dangte tan pawh ei zui zel a chakawm loh aniang an tho phak phak hlawm a, al tam hi tih paha tawng per chuai chuai Thangtawia en chuan an uak that that hlawm a, Pasaltha Tinkhuma chuan ei dan mawi te a zirtir leh rih vel nen an ralven pawh an mangnghilh ti tih der a, chu huntha reilo te chu Thangtawia thiante tan ava hlu em, buk hnaih te te ah chuan an rawn in sawn hnaih phah ta sawt bawk nen Thangtawia pawh nui sun sun chung chuan ka puar e. Tih leh zuan tuk tuk chu rual in, Buan chak Sangkunga chu a zuan ang ur ur a, huihamm ava chhangchhiat theih ngai em tia Sangkunga nui vur vur chu chhaih zuiin an in umkual zuai zuai a.

.. An beisei ang thawm an hriat mai loh ah chuan Pasaltha Tinkhuma chu a fimkhur zual sauh a. Lal Fanu lova mu chawl tawh u, hei kan Naute lian pawh a muthlu lup lup tawh tlat mai. Pu Vut nangpawh va mu chawl tawh tia a tirh tak ah chuan an buk sak ah chuan an lut zui ta dial a. Thangtawia pawn mut hma chuan Artui hip pap pap chung chuan a mu nui var var a. Upa Vuta pawh kawngkal chau bawk nen a mu hnar nghal suk suk a, lal Fanu tui taka mu ang in awm tlat ang che leh lam hawi daih rawh tih leh a puan ven chu phelh arual ta mai a, lal Fanu chuan engtak ti dawn maw tia angaihtuah lai chuan Thangtawia lah lal Fanu suanhtuah chunga a vaihlo fun khal puk te te in, khawnbawl Upa Vuta lam hnaih ah chuan tawlh in, Upa Vuta puan chu a keu sak them them a, chutah leh Tlangval tuaitir taksa chak vanglai chuan mangpui mang ang Mai chuan Upa Vuta mawng leh Mal vel chu a thawi ta faih faih mai a le.. Rei nghah angailo kher mai, Upa Vuta chu rawn thu chhuak hlawl in, hettt hettt, e khai e khaiii.. Thangtawia chhir zawt pah chuan tenawm lutuk tih leh a chem chuh a rual ta mai a, chutianga thawm a rik tak hlut leh Thangtawia pawn lama a tlan chhuah tak ah chuan pawn lama awm ho pawh lo zuang tho in, an phek buai zui nghal ta mai reng a, hmeichhia ka ni emni, mi dep khanglan chu le Upa Vuta thinur hmai sen teuh chu tuman an dang ngam bik tlat lo. Thangtawia lah Pasaltha Tinkhuma phen ah a tawm tlat bawk si. Lal Fanu lam reng ngaihsak lova an awm lai tawi te ah chuan Chawivela zanthim pawh fiah taka hmu thei tura dawithiam in a duan lawk tawh ngei chuan lal Fanu chu a hruai chhuak hman tlat.

Khawnge lal Fanu ti a au tial ruan ruan chunga an tei thuak thuak lai chuan Thangtawia chu alo bo ve leh hman tlat. Pasaltha Tinkhuma chu thinrim eng phiara au chhuak in, bum a ka awm khang lan chu le, kha lem changpa Lu kha ka la khawp ang tih pah chuan a Chempui hrawl zet chu a vai ri fua fua a. Pasaltha Tinkhuma thinrim kal kual chuan miruang niawm tak pal nawk in, a tlu thelh leh nghal a. Pasaltha Tinkhuma chuan rang taka meichher lak pah chuan a mipal chu tunge tih a en nak chuan Thangtawia lek alo nisi. Kan naua chu heta hi a awm si hi mawle. Tunge lal Fanu chu hruai chhuak ta ang, Thanga, Thangtawi tiin a sawi zui dawt dawt a. Thangtawia chu rawn rum tiah tiah in, enge tih leh rawn thawh chhuah hlawl chu a rual zui a, khawnge lal Fanu tiin a hawi kual nghal hu hu a, ram huai ho khan an hruai daih aniang, pawh let ka tum a, min chum pawp dawp mai tiin a Chhip a tuai zui vut vut a, eng ram huai mah awm lo chuan lal fanu rawn ru chhuak tute hnu chu chhui rang rawh u, tin Pasaltha Tinthanga chu thinrim tak chuan a au zui tuar tuar a. Meichher tam zawk nena an zawn ngial pawh in, hnuhma hmuh tur eih a awm lo mai ni lovin, hmeithai in a englo zawn ang chauh ani tlat. Thangtawia chuan a hnar len vut vut in, chu nichina min chumtu te rim ang kha ka hre leh tawh ka duhtawh lo tih leh Sangkunga phena tawm chu a rual nghal zat a, a va mak teh talh aw. Huai a awm lo, enge nita tia au tial zui ruan ruan chung chuan Upa Vuta chu a tal zui chiam chiam a. Eng ril ber nge a awrh tak pawh hrelo chuan a men zui teuh a, chutah le an bul hnai lawk lawk hnim chu a rawn che ta sup sup mai a, ral hla tak atang chuan lal Fanu mang ang au aw alo chhuak bawk nen, patling za em em mai a nui khawk hluah hluah thawm te, aw sin em em maia khek rawih rawih thawm nen a in pawlh nuk lai leh Lianpui khaw tlangval te an Khawnbawl Upa Vuta ho a an in kuah khawm loh chauh lai chuan Pasaltha zia diktak a rawn lang zui ta reng a, a eng huai phiangsen chu ni che u maw kha keimah Thangtina sa leh ral laka tawlh ngailo ka lo kal e, lal Fanu kha min pe kir vat rawh u tih pag chuan a Silai chuan a piah deuha thingkung che luai luai mai chu a kap zui thuai a.
.
... Za em em mai a nuihzatna au thawm lo chhuak chuan mi huaisen thinurna chawk tho zual in, ngawpik lam pan chuan a pen zui pawk pawk a. Thangtawia chuan a pu kalo zui che tih leh chempui pakhat chu chhar vut in, Thangtina liamna lam ah chuan a liam zui ve nghal zat a. Ek thawt ri chuan zui nghal in, Upa Vuta ten ngaihtha lo zeta Thangtina liamna lam an hawi thap lai chuan Thangtawia chu eng ril amawni awrh chung chuan a rawn rak chho nawk nawk bawk a, a Pu an that tih leh a ril awrh chuan midang lo awm khawm te chu vawm a la rual zui bawk nen, khu minlo um ania tia Thangtawia kawhna lam an hawi nak chuan thim zing ah chuan Patling pahnih inzawm chen zeta sang hi alo ding dum run mai a, chu ngei chuan eng thil amaw hian ala rawn theh zui bawk nen, mei eng ah chuan an han in en hlawm a, Thisen vek alo nisi. Chutah zawng hlauhna nasa leh zual chuan man in, ui ka duh lo ka tlan dawn tih leh ring em em maia, khek vak pah chuan Upa Vaihlo fun til thawt khawpa pawh sak in a tlan zui nul nul a, keipawh tih leh mahni hawi na lam lam hawi chuan tlan an rual ta huk reng a, mawng lam leh Lu lam hrelo lek a tlan chhuak an ni bawk nen thenkhat chu Thingzung te pal in, thenkhat thing ah in tauh in, kar lo ah chulai ngaw chu a reh zui diak a.

Thangtawia pawh hman hmawh taka tlan zel in, an in nghah khawmna tur hmun chu a in pal thleng ve mai bawk a. Engtia hmalak tur nge tia an in rawn laih laih hnu chuan Thangtawia chuan ti khan khawlam pan nal nal ta ula, Pasaltha Tinkhuma lo harh chhuah hma ngeiin thui thei ang ber thlen tum ang che u, Chawia lal fanu hruai la, Tuahkima leh Killaia erawh in hniak langsang thei ang ber zel tur khan Lianpui kha lawm pan in kal hlauh rawh u, Zangkak Lui in thlen ve leh khua chu in rawn leh luh thung dawn nia, kei chuan helai ah hian in hnu ka thup zawh ah mei ka lo chhem ange, khua in thlen hma a an man hman loh nan che u, chelh khawtlai dan ka lo ngaihtuah mai ange. Lal Fanu kal ru le, lal A Nu tiina la fiamthu zui talh pek ., Midang An liam fel hnu chuan lal Fanu te tlanna lam chu zuiin an hniak chu a thai reh zui nghal mawlh mawlh bawk a. Lungpui puk deuh bel chuan mei a nun zui ta thuai a. Hmuamda chhung awm vel meilum rin chhana alo awm lai chuan Pasaltha Tinkhuma leh Sangkunga leh midang pasarih lai mai chuan an rawn pawh zui ta thuai a. Tinkhuma a hmuh rual chiaha lem chan chhunzawm nghal in, a pu lokal vat rawh sawlaia saw i hmu em a ding thim muk mai tiin Changel hnah lo uai suau mai, van Vara hmuh sual awl tak tur chu kawh hmuh in a khur zui hlawk hlawk a. A kawh hmuh tu in, Huai lianpui thlazap ang maia a hmuh miau avang chuan ngun taka an melh pawn ni ngei chuan an hre tlang ta aniang, Pasaltha Tinkhuma chuan a Silai lek kawh in a kap zui thawr a, mahse eng thawm mah chhawntu a awm lo. Meichher an han lak belh te te a, Huai thlazar du mai awmna lam pan chuan tumah in hlat ngam lo chuan an tawlh hnai harh harh hlawm a, inchhung dung chen awm an thlen meuh chuan an Huai thlanei chu Changel hung tih an man thiam ta thuai a, nuihza deuh si insum tak leh thinrim ru tak chung chuan hnaih phei ruak in, Chu Changel hung chu thinur hrikthlak nan an hmang zui hmiah hmiah a, Thangtawia lah a phur ber ber a tang in, a in hrosa ve kak kak bawk a. Ka hlauh ve khanglan che chu le tih pah chuan ke bai suih suih chung chuan ala sat zui tan tan a, i Lu ka la dawn ati vel thul dawm beh ngai khawp chuan a tal vel chiam bawk a, Khawnbawl Upa Vuta te lo thleng rum em em a melh chung chuan khawnbawl upa ve si dawihzep lutuk, en ta che mi Lu ka khai hi tih pah chuan a Tumbu sah bun chu a lek vei larh larh a, i mi Lu ve chuhhh ner nawng nawng paha leh lam hawi mek Upa Vuta chu melh khai khai chung chuan i dawihzep nen nen nichin lawk ah pawh i men pur kha aw. Tlanglian khaw ho lak ah khan i in lak ropui nen nen, mi huaisen diktak bul ah ka kal daih dawn tih leh Pasaltha Tinkhuma kianga thut chu a rual zui tharh a.

... Kawl arawn en fel meuh chuan Lianpui khaw val rual te chuan Killaia te hniak chu an hmu ta mai reng a, chhe heiii mihring hniak diktak ani ngei e, mi pahnih hniak alan dan ah hian lal Fanu leh a hruai tupa an ni ngei ang. Mahse engatinge Tlanglian khaw lam pan lova, kan khawlam pana an hniak an thlauh tlat tih chu an zawhna lian tak ani ta. Pasaltha Tinkhuma chuan ummm ro hran kan neih a tul ta anih hmel e. Khawlam ah an kir em tih en pawl leh he hniak hi zui zel pawl siam a tha ang. Pawl khat hi ka ho anga, pawl khat hi, Sangkunga'n a ho bawk ang. Kan hriat reng tur chu lal in ah khan lal leh upa te hma ah ngei thu ka tiam tawh a, Thisen chhuah lova, lal fanu hruai kir theih an in rinna leh beiseina kha ka lo pawmpui tawh. Chuvang chuan lal Fanu hian a pa in a rap hman anih chuan kan hneh chhuh lo ang. A mawh chu ka Phur mai ang. Mipa fa chu a thutiam ah a ding nghet tur ani. Khai le Sangkung khawi lam nge i thlan duh zawk le, Sangkunga chuan khawlam hi kan chhui zawk ange, nangni pawn in tum in hmuh tak loh leh minrawn fin ve leh mai aniang chu tih pah cchuan a chempui chu a hum nghet saih sauh a.

... Tlanglian khaw lal in chu lawm in an zuang suau suau ani ber a, an lal fanu Thisen pakhat mah seng lo leh mihring Thisen chhuah hauh lova hruai kir leh thei tu Chawivela chu chibai tum chuan a hming an lam sup sup a, mahse Chawivela hmel reng hmuh tur alo awm tawh hauh lo. Khatia lal Fanu lal in a a dah hnu lawk khan ngawi renga put chhuak in, a thiante hmuak tur chuan khaw Lungdawh ah chuan a thu leh vang vang tawh a, lal fanu hruai letna kawng ah a meizanghlaptu ber Thangtawia a nih zia leh hmingthatna lo khum khalh zawng a duh hauh lo. Rei pawh a thu hman lo tih ah chuan Killaia leh Tuahkima chu an rawn lang ngha mai reng a, vaibel la chhuaka an la kai fel awrh tih ah chuan Lianpui khaw buan chak Sangkunga leh a hote chu an hmela thinurna nasa tak nen an rawn lawr nghal thawt bawk a, Chawivela teho lo thu khawm laih chu melh pawh melh chhin eih lo chuan an kal pel zui vawk vawk a. An hmel hmai kha a dik hauh lo tiru lal mual lam i pan ve vat teh ang tiin kal an siam ve thuai a. Tlanglian khaw lal in lama an lawmna au thawm chuan khaw Mipui a nghawr hneh bawk a, lal mual ah chuan khaw mipui chu an lo pungkhawm tup tup tawh a. Sangkunga chuan mipui lo pungkhawm chu nek kaw pawp pawp in, Pasaltha Tinkhuma kaihza veng ve tan mek tu, mi lu pawh panga lai khai ve zan tawh Pasaltha nihna keng ve tan mek Duailoa chuan Sangkunga chu hmakhalh in lal in kawngka chu a phih thla zui vawk a. Chu thawmna leh hriam tak avang chuan lal in chhung hlim thawm pawh a reh zui nghal hmak bawk a.

... Tlanglian khaw lal leh Upa te lah chuan kam chona in pawm a, Thisen chhuah lovin kan fanu kan hruaikir thei a, mipa tak in thu min tiam ani lawmni. Khawnge Pasaltha Tinkhuma kha mipa chu a thutiam ah a ding nghet thin ani lawmni tiin a fanu hruai luih tumte chu a hmachhawn ve ta sak sak a. Kan chunga leng leh kan cho rual loh in nih kan hria chumi avang chu ani Thisen chhuak lo zawnga kan Cho che u tiin a ding khawng zui lah bawk a. Mahse kei hian ka tiam ve hleinem che u, thu tiam tu chu a awm lo, angam fa chuan minlo dang rawh u tih leh lal fanu bana kaih sawk pah chuan lal mual lam pan chuan a hnuk zui dawr dawr a. Duailo duhtawk rawh tia a hming ngeia rawn kotu aw chu Duailoa chuan a chiang ngang mai. U Tinkhum tiin a ding khawng zui lah a, mipa takin thu ka tiam tawh lal Fanu kha thlah la, he khua hi kan chhuahsan nghal ang. Kan lal kut ah rorelna chu awm rawh se tiin Pasaltha Tinkhuma chu a inher zui hmak a. Mipui zawng zawng hmuh laia a mah tham lo leh u zawk anih lan tir tu Pasaltha Tinkhuma kallai chu thlir vung vung in, nanga thuhnuaia kun ka ni lo ve kan lal lak ah chuan ka insawi fihlim zo khawp ang. Lal fanu hi ka pe dawn miau a, ti rilru chung chuan lalpa Nopui dawm theihna huntha anei nia ngaiin Duailoa chuan a Silai chu lek kawh thut in, a mah hnungchhawn tu leh hruai seilian tu Pasaltha Tinkhuma chu a kap zui ta thawr mai a, Pasaltha Duailoa chet dan leh mitmeng inthlak thut lo hmu chiang em em tu Thangtawia chu rang lutuka zuang dawk zawk in Pasaltha Tinkhuma chu a bawh tlu zui rawp a, mahse Silai mu chuan Pasaltha Tinkhuma dar ruh veilam a deng sawp hman tlat. Thangtawia khan nam sawn lo nisela pialral kawng a zawh nghal ngei ang le. A dar ruh pawrhsurh mai atanga Thisen lo luang chhuak chu hrelo ang maia ding chhuak in, Ka Nau min kap a maw. I ngam anih chuan min kap nawn leh law law ta che, i lo huaisen ve ta hle mai. Nge mipa tak in min hmachhawn dawn zawk tih pah chuan a Sahmim atang chuan a Chempui a phawrh zui zal zal a. Eng ang a huaisen leh tumruh pawh nise a hliampui tawrh na vang chuan hnehna achang dawn lo tih alang chiang nasa mai si. Nang kan lal phatsan tu i Nau ka ni love ka dah tha nghal law law dawn che tih paha Chempui nen a rawn thawk phei Duailoa hma ah tak mai chuan Thangtawia chu alo ding khawng zui zawt a. Ding rawh chuti anih loh chuan i Lu ka la ngei ang. Mi pangngai pha zan lo, an puak kawi an puak kawi Thangtawia kha ani ta lo em ni. A mitmeng rawn danglam ta leh hlauh neilo mitmeng chuan Pasaltha Duailoa chu a dintir zui chawih a. Makti awm taka thlir vung vung chung chuan mi bum hmang tiin a au chhuak zui tuarh tuarh a.

... E khai Ka type laiin mit lam harsatna alo chhuak leh a, in tan nachhawkna nen ka type zo hram e, in ziaktute hian kan bei ve nasa ania, hehe lo nghak leh hram hram ru aw. A gaihnawm loh deuh pawn angaihnawm tih tho tur..

MAFAKA KHIANGTE

HUATNA HIAN THILTHA A THLEN NGAI LO.

[Ngaia]

PASALTHA THANGTAWIA EPI 8

Mipui zawng zawng hmuh laia a mah tham lo leh u zawk anih lan tir tu Pasaltha Tinkhuma kallai chu thlir vung vung in, nanga thuhnuaia kun ka ni lo ve kan lal lak ah chuan ka insawi fihlim zo khawp ang. Lal fanu hi ka pe dawn miau a, ti rilru chung chuan lalpa Nopui dawm theihna huntha anei nia ngaiin Duailoa chuan a Silai chu lek kawh thut in, a mah hnungchhawn tu leh hruai seilian tu Pasaltha Tinkhuma chu a kap zui ta thawr mai a, Pasaltha Duailoa chet dan leh mitmeng inthlak thut lo hmu chiang em em tu Thangtawia chu rang lutuka zuang dawk zawk in Pasaltha Tinkhuma chu a bawh tlu zui rawp a, mahse Silai mu chuan Pasaltha Tinkhuma dar ruh veilam a deng sawp hman tlat. Thangtawia khan nam sawn lo nisela pialral kawng a zawh nghal ngei ang le. A dar ruh pawrhsurh mai atanga Thisen lo luang chhuak chu hrelo ang maia ding chhuak in, Ka Nau min kap a maw. I ngam anih chuan min kap nawn leh law law ta che, i lo huaisen ve ta hle mai. Nge mipa tak in min hmachhawn dawn zawk tih pah chuan a Sahmim atang chuan a Chempui a phawrh zui zal zal a. Eng ang a huaisen leh tumruh pawh nise a hliampui tawrh na vang chuan hnehna achang dawn lo tih alang chiang nasa mai si. Nang kan lal phatsan tu i Nau ka ni love ka dah tha nghal law law dawn che tih paha Chempui nen a rawn thawk phei Duailoa hma ah tak mai chuan Thangtawia chu alo ding khawng zui zawt a. Ding rawh chuti anih loh chuan i Lu ka la ngei ang. Mi pangngai pha zan lo, an puak kawi an puak kawi Thangtawia kha ani ta lo em ni. A mitmeng rawn danglam ta leh hlauh neilo mitmeng chuan Pasaltha Duailoa chu a dintir zui chawih a. Makti awm taka thlir vung vung chung chuan mi bum hmang tiin a au chhuak zui tuarh tuarh a.

... Thangtawia chu ngeiawm leh huatthla zeta kawisawi zeta ding chung chuan a hmazawna Pasaltha Duailoa lam hawi chuan nizan lama i au tial nasat teh lul nen ka Ram huai khawi ho vawk ril leh Ar ril mai mai rapa i Nula rak vak vak thawm te kha heng mipui te hian hre ve se ka va ti em.. Awiii ka nu.. I mawnghang lang huang huang khawpa thingzung pala i bawh thlawrh laia i mawnga kut vawt taka rawn beng tu che kha keimah, i kianga tlan ve, Thangtawia tiin a khek zui awr awr a. Ma ni lo maha Pasaltha lo intih ve tawh nak laia chutiang khera Thangtawia'n a rawn chhuah mualpho ta mai chu Pasaltha Duailoa chek in a mil talo i lu ka la dawn khawp tih leh Thangtawia lama rawn dawk phei chu rual nghal in, a Mi lu lak chem chu vai thlawn a tum lo kher mai. Thangtawia chuan tun ah tih zui thawt pah chuan a awm hmun alo sawn zauh bawk a. Duailoa tlan chak a pal tur en silo chuan Killaia'n a pal ngei tura a ke alo kham zeuh chu hmu hman mahse a zuan khum hman tlat lo. Ek thawt khawp a bawk phek phei thlawp in, tual char ah chuan dul rang nuai khawp chuan a khu phei rum rum a. Thangtawia dinna hlui bul ah chuan a chem paih thawt khawpa tlu bawk thlawrh chung chuan a then chawk chawk a, chutah a tukhum hik mup khawp chuan Thangtawia chuan a chumzui ngheng bawk a. A hmazawna nikhaw hre lova bawk phek reng Pasaltha Duailoa chu kawk in, kan lalpa in Thisen chhuah a duh loh avang chauh in i Lu hi ka la lo mai ang. Mahse infiamna kan la tan chauh ani si a, khawnge tih leh hawi kual that that chu rual in, lal in hnuai lama tlan luh a rual zui zat a.
.. Khaw mipui leh lal leh upate ngei pawn a eng chu ti dawn ni maw tia an thlir thap lai chuan in hnuai lama Ar awp lai chu a rak zui thawt a. Nui var var chunga rawn chhuak leh a kut a, Arpui mei rawn lek va va Thangtawia chu melh rawn thup in, eng atan chuan ti ni maw tih chu an zawhna ala ni fo. Kal paha pawt til mawlh mawlh chung chuan Duailoa tlukna hmun chu a thleng leh thuai a, chutah le a Ar hmul ken chu lek chhuak in, Duailoa hnarkaw hawlh sak nan chuan a hmang zui ta reuh mai a, Mate harh rawh le, Mate harh rawh le tih pah chuan a biang ah chuan abeng zui taih taih a. Khawkhat Pasaltha ve meuh chutiang em a, diriamna a dawn tak ah chuan Upa Vuta tlawm la lutuk chuan that nghal rawh u a rawn ti fiak ta thak thak mai le! Mahse an in nghah na leh an kulhpui ber Pasaltha Tinkhuma chhawr tlak ni tawh hek lo, Lianpui val rual te chet lak hma chuan Tlanglian val rual te chuan awlsam te chuan Upa Vuta lam lam in an hnungkhir nghal hmiah hmiah a, Tlanglian lapa Saichhunga meuh pawh lal mual rawn chuang thla in, Upa Vuta hnar chu a chhoh kawm sak tawn tawn a, a hnarkua zauh sak a tumta maw tih mai tura kawmsak anih tak ah chuan a ramri zauh chak zawng a nilo nge Upa Vuta chu a rak nasa kher e.

.. Hahchhiau thuai thuai thawm leh nui hum hum thawm chuan zuiin, Pasaltha Duailoa rawn harh leh rawn er chhuak lam chu an melh rawn thup a. Chutianga Naupangte mi ang pha zanlo nia angaih in, Arhmul a alo hawlh vel tlawmla lutuk tal vel chu pui tak ani. A Chempui ber lah a hum tawh silo. A tawk tawh viu lo maw Pu a tia Thangtawia tawng thawp sat lam chu hawi pah chuan khanglang che chuan tih leh a kut phar kak thu chu rual in, Thangtawia nghawng reh fuh ngei tuma bawh phei nghal in, Thangtawia lah alo in thlahdul hman tlat. Tawnhriat ngah lo anihzia a lang tlat. A tupa tlu chu thlir in, tumah in rawlh suh u Mipa leh Mipa, ngam leh ngam an in nuai anih kha... Pasaltha Thangzoa chuan ka Tupa a hnuai zawka tan chang ni ah engtia hmalak dantur ka sawi kha tiin a u zui that that a.

... A hnuai zawka tang patling thinurna a khat in a reh an chawp chawp Thangtawia chuan apu au aw chu a hre phatalo em ni le.. Thawk leh khat ah zawi hnawk in a ban pawh a thlak zawi zui hnawk a. Thangtawia nu rawn tah rawih rual chiah chuan Pasaltha Dailoa chu hawi chhuak in anui ang vun vun a, mahse enge lo thleng ta, Duailoa nui lai chu tawp chawih in, a kang zui awk awk a. Thangtawia chuan nuisanga a hnuai lam a tanga Duailoa Vaihlo fun hmet pelh rawlh rawlh chung chuan a nui zui sang a, tlema a thlah dul ve leh Duailoa chuan han chhuk chum chu a lo tum ve bawk a, mahse a chum hman hma chuan a nati lutuk chu a zawi leh rawih rawih thin a, chutah muangchanga thawh chhuahpuiin han in sangmar tum viau thin mahse Thangtawia manna chu a dik em em mai a, ka Pu Saisawmkap a ti ta zuah zuah mai a, mittui tla pur khawpa Pasaltha Duailoa a thamsak hnu chuan a awm ah tlawh zawt in, vawikhat pawh mi khawih i tum leh anih chuan i Lu ka khai ang tih pah chuan chil a chhak zui thawt a. Chetla tawh lo tura an ngaih vek Pasaltha Duailoa chu an beisei phak hauh loh a rawn in perh tho leh phut in, a kianga Thingfak lo awm chu a chuh nghal chat a, Pasaltha Tinkhuma aw ngei mai chuan Thangtawi i hnunglam tiin a au chhuak thawt a, Thangtawia pawh rang lutuka lo thu hniam in a chhip chu Thingfak chuan a vaw thawi hman tho mai. Na ti a indawm kun hman anilo tih inhriatna nena inbin phei zawk in, Pasaltha Tinkhuma kuta Chempui chu a pawt thla ngjhal zat bawk a, Pasaltha Duailoa rawn inher leh rual chiah chuan sang taka zuangin, a Chempui humlai chu a vai chhuak zui pawp a, mipui te dual kar ah chuan Duailoa lu leh a taksa chu a hrang zui nawlh a. Thangtawia rawn ding chhuak leh chiah chu Mi Lu i khai hun ah i nihna diktak alo lang chhuak ang tia Dawithiam nu in a thil pek kha a rawn thawk zui ta ngei mai le.

A maha danglamna rawn thleng chu Thangtawia chuan rang taka man nghal in, lal in hnung lama Bung zar du maia Dawithiamnu lo thu nui var var pawh chu hmu nghal in a nuih let ve sak bawk a. Lal Saichhunga lam pana Pasaltha Duailoa lu khai chunga pen phei chhat chhat chung chuan Thangtawia chuan lalpa min ngaidam thei lo anih pawh in ka nun erawh min zuah hram ka beisei he khua hi atul anih chuan ka chhuahsan mai ang. Keimah avanga Leido nei khua inni mai tur hi ka duhdan ani hauh lo. A hmazawna tlangval tuaitir te chu melh deuh ngur ngur chung chuan Saizik ka Zupui thaber kha han la la, i Naute lian hi han tulh ta che, i mi bo chhar ala ni reng ania, ka Nau ka pawi i sawi lo ve. Thudik hretu hei zat hi an la dam a, an nin thudik an sawi lova, Leido an thlang ta zawk anih leh Lianpui khua nen chuan kan indo mai ta lawng. Tun ah chuan Lianpui khaw tana nun hlan ngam ka nei tih ka chiang e. Naktuk ah Thingserh kan sat ang. Khai le, Upa Vuta kha thlah ula, lal in ah rawn hruai lut tawh u, ka Fapa Mi Lu i khai ta, khuanu chuan hualhim che sela, i damni hrui ang sei mawlh rawh se tiin malsawmna a hlan zui ta a, Thangtawia chuan Seki khat pum maia lal Fanu Saiziki pek Zupui chu dawt ngar ngar in, a va tak ve le, tiin a nui ta ver ver mai a, Pu Thangzoa chuan chhe heiii ka Tupa lehhh Tuahkim a mualpho hma khan kan in lam panpui vat rawh u, tiin a tupa rui meng phelh tan der chu kalpui tur chuan a tur nghal sek sek a.

... Khawnbawl Upa Vuta te pawh Tlanglian khua atang chuan thudik sawi tura intiam kamna nen chuan an inzui chhuak ta thliai thliai a, Pasaltha Duailoa Lu pawh hawn tir thlap in, a ruang erawh a tawih rimchhiat hman dawn a vang chuan zah tak in, an phumsak ve ta tho a. Pasaltha Tinkhuma erawh zinkawng thui zawh chi anilo mai ni lovin, a dam chhuah loh mai hlauhawm dinhmun ah a din miau avang chuan Thangtawia te in lam ah an zawn haw tum chuan an buatsaih thuai thuai kha ani a, mahse Pasaltha a nihna diktak rawn lang in, zawn ka ngai lo ve, hengte chu chawei ti tui tham pawh anih loh hi tia tan khawh tlat chung a kal saih saih in, Thangtawia te in a kai thei chu mitin mak tih a tling hial reng a, Thangtawia te in a rah luh a, an mut fel meuh chuan biakzui tur erawh a awm bik lo. Bawlpu chuan a theih tawp chhuah zui nghal in, a mamawh apiang lama che vat thei tur chuan Thangtawia thiante chu an awm thap bawk a, Thangtawia erawh lal Fanu Saiziki chu kai tlat chung chuan a mu hnar suk suk bawk a, lal Fanu pawh chu tha taka thu ve in, a nun chhantu Tlangval a mah aia kum thum ngawta naupang zawk nisi, khawkhat pasaltha leh Upa te bum kual fe thei khawpa mi danglam leh mi nghal Thangtawia kut chu chelh let in an hnung zan liamta thil te ngaih tuah in a nui zui sak sak a.

... Kar a liama Thla a vei leh meuh chuan Pasaltha Tinkhuma pawn nilum hnung puak in, Pasaltha uaithla lam tawh Thangzoa nen titi hrang hrang vawrh in, an in kawm tui thei viau tawh a, Thangtawia te thian ho erawh lo lam ah Thlai alo tiak tan tawh a, hna tau a tet tan tawh bawk nen an liam tuk tin a no ber a. Midang feh ve ten in lam an pan suau suau hnu chuan an thil dawn thar hmang chuan nunchan zir zui nghal in, khua an luh ve meuh hi chuan Leng len hun a ni hawlh fo mai. Nitin hian a chikmi tan chuan an taksa chu hmuh theih hian a danglam reng a, an hun hman thin dan chu Pasaltha Tinkhuma kianga an sawi chhuah tak ah chuan Pasaltha Tinkhuma pawh muangchanga kal ve in, Thangtawia ten hlo thlawh zawh thut muan an neih lai nang tawk vel hian thleng ve in, Pasaltha tawnhriat ngah tawh tih tak ah hriat loh leh zirbelh tur an lo la ngah nasa mai chu niin, Pasaltha Tinkhuma ho a, kar zet an beih tauh tauh hnu chuan hmasawnna pawh an ngah in, an thiam thil hman chak lutuk tawh hi a zat hian an za zek zek ani ber e. Thil mak tak pakhat awm erawh Lianpui lam an ngawi tlat mai hi ani. An ngawih avang hian ngaihtha a awm ngawt thu awm talo chu khaw ram lui bula puk ah chuan Tlangval pali te te in, ralven hna an in thawh chhawk zak zak a, hautak hle mahse an khaw tan an himna tur kawng anih miau avang chuan tumah phunnawi ngam pawh an awm eih lo. Thil dang leh ah chuan Lianpui lalpa hian a Pasaltha hliampui tuar a an hawn san tak a rawn ngaihven hauh lo mai chu ani e. Pasaltha Tinkhuma duhsakna lal Nopui vawitam lo dawng tawh thin leh Lianpui kha tana a nun pawh hlan hreh lo tu chu thu ngawi vang vang in, Pu Thangzo lal hnen ah kal ka duh e, mi han lawi pui zawk dawn em ni. Ka chak vanglai leh Lianpui khaw tana ka din thin laia hriat hlawh ve thin kha tun ah chuan ka thih leh dam pawh ngaihsak reng reng lova, ka awm tak mai hi, in lalpa hian rem atih chuan he khua ah hian in benbel ka thlang ta e. Hei ka Nau teho zinga damchhung ni tumtawi hi ka thlang zawk ta riau mai kati tih pah chuan a tho chhuak tuih tuih a.
.
... Thangtawia chuan a thiante ho chu bengchheng lo tur a a kuta zah pah chuan an chinthan pangngai bawk feh hawng tur Nula leh Nu ho insilfai chu an bih leh thap tawh a, tun tum chu ral atanga thlir mai mai Thangtawia hian a tum tawh tlat lo. Nu ho an in hruk fai mawlh mawlh lai leh Nula leh Tleirawl rual ho te, an in sil tan mek lai, an taksa an hlim lan san vanglai tak chuan Sakei hahum thawm alo chhuak ta phut mai le. A vawikhatna ah chuan hawi hrek hrek hlawm in, a nghawnga a thlun na hrui avanga thui kal thei lo, Thangtawia Sakei khawi ngei mai chuan a aw a chhuah ring zual sauh a, chutah le maang ang au thawm lo chhuak in, mahni puan pawh la tha hman mang lo chuan rak chel chul chung leh tanpuitu au chunga tlan chhe ho te chuan an mahni tawk zawnga Thangtawia te thian ho lokal an hmuh rual chuan a bawh hian an bawh rawn ani ber a, Tlangau Nupui mawngfual hneng hnuang rawn hmasa ber chuan awiii saw Thangtawia te tih leh Thangtawia kuah chu tum in a men teuh bawk a, Thangtawia lah chuan in kuah fuh tir alo tum lo nasa, in chhuihbah palh ang taka lo petek dawrh chung chuan Thirdeng fanu Nula Dengliani lo tlan lai chu alo nang tawk chiah a, Tlangau Nupui erawh Thangtawia hnunga kal Killaia dungbawh ut khawpa chuan a bawh phei zui rawp a, Thangtawia zawnga a chan a fuh leh ta tlat. Midang in rawn delh thuah zel in, Thangtawia awm ah chuan Dengliani nautam tlei chu zuan chhuah chak ang mai chuan a tal kual nawk nawk bawk a, Thangtawia lah chuan e khai, e khai enge nita tih pah chuan a mah rawn delhtu Tleirawl rual te chu alo kuah khawm vei zung zung a, an ngalrek lo lang zeuh pawh an thup tawk tawk thin anih vei nen, hlauhna avang chuan zah asawi theih tawh lo, a lai lum chan tum chuan Thangtawia te thian ho Lu te chu an kap kalak ang nawk nawk a, Chawivela chan a fuh lo nge, awiii ka nu a hing lutuk, tho teh u tia a rak chul thawm chuan hlauhna kar ah Nuihbawm lo ti keh pawl lah bolo, ni e, Chawivela hian tlema chiang lo deuha an ngaih Zaduhi chang fuh in, Zaduhi lah chuan Chawivela hmai chu a kap kalak suah mai bawk si, hliampui tawrh ai pawha tawrh har tur ani reng e. Killaia leh Tuahkima erawh an chan a tha deuh nge ngawi an dawh tlat. An duhtawk an ngah ta nge Thangtawia chuan Pi te u, engthil nge nita khatia hlau hlawpa in rawn phar tak chiam chiam mai ni le, hei engmah ava awm si love a tih tak ah chuan la ti deuh dai chunga tho chhuak sap sap in, Dengliani chuan a puan bih phelh vek khawpa a talna avang leh a rohlu Thangtawia nawkna atana a hman hrepna a vang chuan zak thar leh hnuhnawh in, awiii Thangtawi i zaklo tiin leh lam hawiin a sen zui tan tan a, Thangtawia lah chuan hnute nghei rual zet in barh luih tum chu hahthlak ani e, khawnge hlau hlawpa siamtu che u chu va endik ang hmiang, Tuahkim tirawh, Chawia leh Killaia kha chuan hmeichhe ho kha lo awmpui ula, kan va chian ange.

.. Thangtawia tan hmun la tan hma lutuk chuan Tuahkima nuih bawm a hawlh si, nuihna chi ani silo, Sakei an thlun rukna atanga kawi thumna atang chuan a bawk vak vel thul,kopang rin chhan te chuan a per vel thauh thauh a, kawi an liam dawn hnaih ah phei chuan Sapui in thawm a hre hma ania, lo bengcgheng suh u, tia a kuta hui pah chuan a puan chu pawt hlip in, ruak tangkawng chuan Silai nen a zuang zui thauh thauh a, a mawngphen zau thei ang bera kun kual vel chunga chetla mek a hnunglam chiang taka hmuh theih si, an tana kal chhuak ni bawk si chu hmeichhe ho chuan melh rawn thap in, a nihna tak ah chuan Tlangval a pumpa ruak tangkawnga a awm chu hmuhnawm an ti bik hauh lo, mahse an tana feh chhuak ani miau mai a, a Vaihlo fun lang lo tawk vela kun kut kut chung chuan a hnunga kal Tuahkima hriat tur tawk lek chuan a nui ri leh hak thin a, Nuho sawn min suangtuah nasa khawp ang mawle tih pah chuan kawi ah chuan a pil zui thuai a. Hmuamda chhung awm vel an nghah vang vang hnu chuan Silai vawikhat puak thawr in, thawm a reh zui ta vang vang a, an Sakei khawi an dah that hnu chuan kir leh vang vang in, hlauhawm a awm ta love, in em leh puan vel saw va la tawh u tiin Hmeichhe ho chu an fin zui la thuai a.

... An puanhnuai thil te an hmuhsak miau avang chuan Thangtawia te thian ho chu an tlawn rawn hi ani ber a, Thangtawia pek lah chuan ka lei hi ka vengseng angem aw tia vaibel pak hlarh hlarh pah chuan Denglian ka kiang ah hian lo thu teh tih pah chuan pawt thu in, nangzawng Nau i dam ngei ang tiin anui zui hak hak a, Dengliani chuan ihhhh Thangtawi lo leng la, ka Pa bul ah Chem tha tawk kan chher tir dawn nia tiin a thiam tawk chuan a tlawn kual ve nasa mai a, Nuho lah chuan in lo chu kan thlawhpui vek ang che u an lo ti bawk nen Thangvanneia leh a thiante kan ni dawn zu ni ngawt a, tak tak in thlamuang tak khan awm rawh u, in bu zawl hnimzia chu kan sawi na apiang ah kan zep ang. Chawivela khan a dawng tha bera ka hriat chu le, an vai maia za em em a nui khawk rawih rawih in, Chawivela pawh zalo zeta nui put put chung chuan ka chang hing khawp mai tih pah chuan a uak zui leh that that a, thil tawih rim te pawh a nam tel in ka hria tih pah chuan Zaduhi bengngawng lah chu Chawivela sawtna chu hrethiam hek lo, ha bal lang sau chung chuan alo khi ve vun vun a, ala nui zui ka ti tih paha Chawivela tho tharh chu an nuih zui tlawrh tlawrh a. An rual lo chuan hawn kawng zawh ngam tawh hek lo, Thangtawia te pawh thing tuai nen hawn kawng an zawh zui ve nge nge a, kawngtluana infiam reng reng chunga liam chho zel in, khawdai chu an chuang chhuak ta hlawl a. Thui pawh an la kal hman lo tih ah chuan Tlanglian khaw val rual engemawzat an lam pana lokal hul hul mai an hmuh chuan a ngaihna hrelo zet chuan an lo ding mawl tawp hlawm a. Thangtawia chuan enge thleng ta mai tiin val upa chu alo zawt thuai a, Val Upa chuan eng dang vak ni love, kan khaw ram lui ah tu tih hriat loh ruang tlaw an hmu ani awm e, chumi chian tur chuan kan lalpa in min tir anih hi. Mipa pangngai deuh min thlang chhuak anih hi mei nei zet chuan a tih khum kher pek a, Thangtawia lah chuan aw ani tak maw va kal tawh u, engmah ti thei tawh lo leh nunna pawh nei tawh lo ruang la tur tawk vel hi awmve ania tiin alo chhang let kher pek a, khanglang che chuan tia ben mai tuma a Val upa in a kut a lek uaih lai chuan Thangtawia chu a lokal sawn leh daih chu niin, chuti em em a, Thangtawia lo awmsawn hman chu mak tiin a hawi ang vual vual a, Midang in an rawn chim tak avanga Val upa kalsiam leh mai tur chu a tukhum chu Sadai ek hian a rawn deng zui thlawrh a, tunge mi vawm, Thangtawia bawk maw khawnge tia thinrim taka a au tuarh tuarh lai chuan mi bik nihna tamtak kawl vek tu, Thangtawia chu a kiang ah mai chuan alo ding reng bawk si. A mah han vawm thei ziazang ni talo chu a kut chilo hawi vel ta mai mai a, nui tet tet chunga kal pel zel in, Val Upa pawh chu nur deuh nung chung chuan a kal ve leh ta hnuang hnuang a, val Upa kal liam tur chu nuih sawn sawn pah chuan i mualphona ni a hnai ta a ti zui sap a.

... Duhtawk phawt ang aw. A bak chu kar thar lam angaih tawh hmel tlat. Ka mit hi dim angai tlat mai a, a thui tawk tawh viau hi maw.. Lo nghal ve zel kher lo u la, Thang nghala chanchin hi ka nihna ani miah lo ania

MAFAKA KHIANGTE

HMAI LEH LAM NEI MIHRING. MI ZAHAWM AN AWM NGAI LO.

[Ngaia]

PASALTHA THANGTAWI A EPI 9

Mipa pangngai deuh min thlang chhuak anih hi mei nei zet chuan a tih khum kher pek a, Thangtawia lah chuan aw ani tak maw va kal tawh u, engmah ti thei tawh lo leh nunna pawh nei tawh lo ruang la tur tawk vel hi awmve ania tiin alo chhang let kher pek a, khanglang che chuan tia ben mai tuma a Val upa in a kut a lek uaih lai chuan Thangtawia chu a lokal sawn leh daih chu niin, chuti em em a, Thangtawia lo awmsawn hman chu mak tiin a hawi ang vual vual a, Midang in an rawn chim tak avanga Val upa kalsiam leh mai tur chu a tukhum chu Sadai ek hian a rawn deng zui thlawrh a, tunge mi vawm, Thangtawia bawk maw khawnge tia thinrim taka a au tuarh tuarh lai chuan mi bik nihna tamtak kawl vek tu, Thangtawia chu a kiang ah mai chuan alo ding reng bawk si. A mah han vawm thei ziazang ni talo chu a kut chilo hawi vel ta mai mai a, nui tet tet chunga kal pel zel in, Val Upa pawh chu nur deuh nung chung chuan a kal ve leh ta hnuang hnuang a, val Upa kal liam tur chu nuih sawn sawn pah chuan i mualphona ni a hnai ta a ti zui sap a.

... Thangtawia te ho pawh khawlam pana liam chho hal hal chung chuan a tu ruang tak chu ni dawn maw buaina zakhua thlen tu mai ani ang tih pawh ka hlau hlel lo ve, kei zawng ralmuanga awm hi a hahdam ka ti ber mai tih paha Dengliani kal sawi tawlh tawlh chu Thangtawia te ho chuan a hnunglam a tanga sep kual vel in, an ri leh hak thin a, ani reng lah taka Dengliani hi Nula sanei lam niin khawkhat nula Ek tum lianpawl tak ni awma mawi hian a mawng te hi a vawng pauh deuh luh reng lah tak a, chutia a hnung lama Val rual kal te an rik leh hak dan ah chuan ngaihthalo zet chuan a hawi let haha thin a, a hawi let a piang lah chuan tu emaw ber hi Thangtawia chuan an mawngte lo kawm sak in an lo in um kawi hman ziah bawk nen ringhlel deuh si, nuam ti lo deuh tun chuan a tha ve leh zel mai bawk a, chutianga a thiante an phul hlut lai chuan Chawivela erawh a khat tawk a chil pik that that in, a hnarah hing rim ala nam nge ni dawn ni, a nuih a za ve tlat lo. Kan Chawivela chu anuih aza thei lo ani maw i dawng tha bawk em ani tia Tuahkima fiamna chu nuihpui bawk bawk chunga in lam pan zel in, an in then zui ta phak phak a, Thangtawia chuan Dengi zan lam chu in run kan rawn kai dawn e, i pa titi pui ka duh tel tlat mai tiin a thlek deuh ha ha a, Dengliani pawh chuan aw lo leng rawh u, mahse uan awih loh tia nui uar uar chung chuan in lam pan in a then phei zui zat bawk a.

... Tlanglian khaw lal in kawt ah chuan mipui te chu kal khawm zut zut in, mihring ruang lo awm ngawt chu tu laina hnai nge tiin mimal tin te chuan an en diat diat hnu ah pawh tumah chuan ka laina hnai vai ani e ti reng an awm lo. A ngaihna an hrelo tlang kher mai a tawp ber ah chuan khawnge kan bih chiang ve reng reng ange tih pah chuan khawnbawl min chu lal Luhkapui atang chuan a rawn pen thla chhut chhut a. Khawnbawl min Upa Seia'n chiang em em a, mitthi ruang a thlek duk duk lai chuan mitthi chu chiang zeta rawn meng kawk in, i hun a tawp dawn tih zawng sawiin a zawi leh nghal hnawk a. Khawnbawl min Upa Seia hlau thlabar zeta phar dawrh khawpa phu kual vel chuan Val Upa Kurthanga chu kuah thlawp in ala thi haauh lo tiin a khur zawih zawih ani ber a. Val Upa chuan awih awm loh lutuk chuan, i mitvai mai mai anih kha a nam tan tawh tih nak lai chuan a, khawnge minlo en rawh tih pah chuan ruang an dahna hlang chu pan hnaiin hei en ta che tiin a ban te chu a va kawih kau sak hawk hawk a, chutianga Val upa in a cheibawl vel tak ah chuan za vak lova nuih hul hak pah chuan alo nih tak kha mawle.. Khawnbawl upa Seia leh lam hawi rual chiah chuan Val Upa chu rak thawt in, minpuiru tiin a au zui chul bawk a. Val Upa lam an hawi nak chuan an miruang chuan Val Upa chu alo rek ang chawp chawp mai chu niin, Nunau mamgang te tuar tuar kar ah chuan Thangtawia te thian ho erawh midang hmuh theih hauh lova ruang thunun tlat tu, Dawithiam lalnu an thian nita an lam hawia nui var var chu en in an khi sak sak hlawm a, tlangval enge emaw zat in, huaisenna sawm khawma Val upa chhan tuma an hnaih rual chiah chuan chu ruang chu rapthlak eltianga khek chiam chiam chung chuan Val Upa chhip ah chuan tham in, a khai kang zui vaw vaw a, chutah meuh zawng mipa in mipa ka nih hi an ti hlei thei talo. Thawk leh khat ah til huk in, an darh nghal chum chum a, Thangtawia chuan Huai nula chu ve melh in a rawn buk khum nghat rual chiah chuan miruang pawh chuan Val Upa beng bul ah chuan thu alo fah ve chiah bawk a, Thangtawia chu dawk zawk in, mi ruang an zawn luh rapthlak taka che zui ta ring chu a thuai tliak nghal hmawk bawk a. Val Upa hlau dang sawp sawpa thu sawp nuai chu melh in, kha in in ngaih em kha tih pah chuan ruang zawi vek tawh chu Val Upa malchung ah chuan a theh thla zui kher pek a, ani lah hlauhna in a man laklawh tawh bawk nen te tial ruan ruan chung chuan ka duh lo. Ka duhlo tia au in, Thangtawia lah chuan kha alo um che nia tiin ruang chu a pu lawka Val Upa tlan na lam a piang ah chuan a um kawi zuai zuai a, mahse enge lo thleng leh ta, Thangtawia miruang put chu Changel tum liantak alo ni leh daih si. Mak ti leh angaihna hrelo taka an thlek sup sup lai chuan Thangtawia chu ding chhuak phut in, ui ka nuuuu tiin an khek zui mai zawng Pasaltha Thangzoa meuh pawh a phu ve dawrh thei hial a, lalpa in Thangzo a tawk khawp mai arawn tih tak ah chuan, ka tihpalh ani lalpa inthiam lo ngawih ngawih hmelpu a ngaihdam dil chung chuan kan paih bo deih ange tih leh Changel tum chu a pu lawk a, khawdai lama an khaw chawitu Tlanglian kham lam pan chuan a kalpui nghal nul nul a.

... Thangtawia te thian ho hnung ah chuan khaw mipui chuan zui dul dul in, kawngsir vel ah thawm hlek awm apiang chuan an hawi hruk hruk hlawm a. Thangtawia hawi her ah chuan han nghal leh zawk chu a chak zek zek tih hai rual loh a lan tak ah chuan Killaia chuan Thanga fiamthu tawh suh lal leh upa ten an kam khat leh ang che tia khap thuaiin, Thangtawia sa rak chiam tuma insangping lai chu a hup bet hman hram chu ani e. Thangtawia chu ding chawt in, khaw mipui an mahni zui tute ho lam hawi kir pah chuan helai thleng bak hi chu lokal ve tawh lo ula a tha in ka hria, kan thian ho hian kan va paih liam anga, kan rawn kir har deuh anih pawh in, ngaih lo ti thalo duh suh u, zunram thiar pah kan duh tlat pek a, hei en ula Changel tum mai anih hi tiin Changel tum pu chung chuan mipui lam hawi chuan a pen chhuak zui zat a, mipui lah chuan hei lo hnai suh tih pah chuan an tawlh let dual dual a, Mipui zinga Khawmvela te thian ho lo awm ve chu hmu vat in, Khawmvel lo hnai rawh u, min hriatpuitu atan pawh in tha ange, kan Naupan lai khan i huai viau kha mawle tiin a au zui lar lar a. Chutia mi zawng zawng hriata Thangtawia kohna chhang ngam lo nih chu Khawmvela chuan tlawma a lak zawng tak alo ni kher nen, ni e mawle tih pah a pen chhuak ve nghal in, in ti huaisen chawp tih hriat tak chuan khawi kanlo put chhawk ang che u tih pah chuan ti deuh dui chung chuan Changel tum chu ban in a thiante nen chuan an zawn zui ve thuai a. Thangtawia lah chuan khati tur kha ani. Nangni lal Chi al liak pha ngat inni bawka a chak pawh in chak ang tih pah chuan a nui zui san san a. Mipui te hmuh phak loh, kham ko pawh lal Mual chen awm vel lek a la awm tih ah chuan Khawmvela te Changel tum zawn chu anui ta hek hek mai a, in ti huaisen lui tih hriat taka zawn khur deuh dat dat chunga an kal lai chuan an Changel tum zawn chu che tual tual in, ban sei pui pui rawn chawr chhuak in, Khawmvela te chu a beng vawt ta thlur thlur mai a, chutah meuh zawng keizawng ka zawn duh tawh lo tih leh leia keuh dawt chu rual in, Thangtawia te thian ho chu an bawh rawn ani ber tawh a, anni thian ho lah chuan khawmaw kiang teh u tih paha lo nam kiang in, Changel tum chu an va vuanzui thuai a, hei enge hlauh tur awm tih pah chuan awl te a la kang in, kham ko lam chu pan in, tun ah le ti a au rual that that in, an theh thla zui nghal hmak a, nui var var chunga kir leh in, hlauhtur a awm talo inthiar lawk ang aw tih pah chuan pik kar ah an lut bo nghal diak a.

... Thangtawia te thian ho inthiar hlan chuan hawi hrek hrek chung a Khawmvela te lo ding ngawi thap chuan thawm hlek chu an hre thei sawt kher mai. Chutah hlau khur ru der der chunga an dinkhawm thap lai chuan an piah bung zar chu a rawn che ta dul dul mai a, Khawmvela thianpa Kawlenga chuan Khawma en teh saw tia kawk in, a hma aia nasa mah chuan Thingzar buk chu a che lawih lawih ta mai a, chutah zet zawng Thangtawi khawnge in awm tiin an au tial ta ruan ruan mai a, chutah le an bul hnim pik lam a tang chuan Thangtawia ngei mai chu rawn zuang chhuak phut in, a kut vawt zet chuan Khawmvela te chu a rawn kuah thut pek a, Thangtawia pawh an hmu ramhuai zo ta nge hlau thlabara tal chhuah tum chuan an in chai ani ber tawh a, Thlamang lai alo ni kher nen Thangtawia lah a sam a thlah hnuang mai bawk si, thim tham ah zawng Thang ramhuaia hmuha hmu vek tawh in, ke artui mawng khawnng zawt zawt khawpa chak chuan khawchhung lam pan chuan an dawk phei puat puat a, khaw Mipui ho lo dingkhawm an hmuh meuh chuan an hlauh na te thup in, kal pangngai chuan an kal zui vat a. Mipui lam in Thangtawia te chin anlo zawh chuan an inthiar hlawm anih kha. Kan mimawl ho kha Huai khan a khawih te teng tung mai a, chhan tuma ke kan pen dawn lai tak in, aw lianpui hian haw rang rawh u, in thiante hi chhan tlak an awm tawh lo arawn ti thum dut dut mai a, chutih lai tak chuan khu tute nge tiin Tlangval pakhat chu a rawn au chhuak chul a, chu Tlangval in a kawhna lam an hawi nak chuan mi pahnih thim lai zel chuh a an lam pana lokal niawm tak chu an thlir rawn thup a. An lo hnaih leh zual hnu chuan e khai an va sang em em ve, Mihring pangngai an ni hauh lo. Phung an ni ngat mai ka duh miah lo tia pa pakhat au chhuah rual chuan ri nghal huk in, mahni in lam pan chuan an tlan chhe dawr dawr hlawm a. Lo inchil leh in palthlu tawk lah bolo. Hniak pherh vunga tlan chhia mipui an reh fel meuh chuan Thangtawi chhuk vat rawh i ek chhe rih lutuk toh pah chuan Killaia chuan a koki chhuan mek Thangtawia chu a keuh lo chauh chu ani e.

... Chu zan boruak uap churh hnuai ah chuan Zawlbuk riak tlangval rual te pawh an mu nghet hlei thei meuh lo,a khat tawka lungthil in a den fo avang chuan an in rak chhawk zankhua ani ber e. Thim hnuai ah Thangtawian Lungthil tam tak ven hnan in, a vawmkual vel thin tih hre hlawm hek lo. Han ringhlel ngawt dawn se, a mah chu a te zing ber leh phunchiar bera tang in, tunge maw min vawm le a ti vei thar thar thin bawk nen a lem chan kual vel chuan a thiante nuih tiza thin hle mahse nui chhuahna chi ni hek lo le, mahni puansin tlang seh chung chuan puih loh theih hek lo. A va kham awm an ti ve sek hlawm a, a tawp ah zawng an zinga tlangval thenkhat chu intel khawm in, mei an nun hluah a, Zawlbuk chhung leh hnuai vel te bih kual in an han tei thuak thuak a, Thangtawia pawh hman hmawh taka tho chhuak ve in, a lung paipawn ho chu thim tham ah an hnung zela zui ve chung chuan a theh thang thuai a,chumi pah chuan hmalam bawh rawk khawpa inchhuih pai lui nawk chung chuan a hma chiaha kal Zaiawia puan ven chu a va pawtthla zui kher bawk nen, an hlauh nuih za ah chang in, Zaiawia Tlangval zakzum ber mai lah chu a Ding tlawh zuah mai si, ka tih palh tih pah chuan a puanven chu pe let in, tawtawrawt chu va tawi ve tia fiam zauh pah chuan a nui ri hek hek a. Khawcghung lam pawh an mu tha viau lo tih hriat tak mai chuan in tin a tang chuan khuh thawm hi a in chhawn tluar tluar zan khua thak reng a, chu zan thlamang lai tak alo ni bawk nen. KHUH ZAN tia a hming sa in, kum eng emaw ti chhung chu he zan ang hun alo thlen apiang hian an Khuh tlaivar deuh ziah ta mai a, a hnu ah phei chuan tunge khuh hnawk thei ber tiin in elna tenau te pawh an siam hial ani awm e.

... Chutianga thil mak leh rapthlak tak in Tlanglian khua a den mek lai chuan ni khat chu Pasaltha Thangzoa te chuan mikhual nula pahnih leh Nu upa tawh lam hi an thleng nawlh pek a. Khawlian lem lo tak in chutianga khual Nula pahnih ngawt mai an han thleng chuan khua a al hneh in, lal in thleng pawh in a deng thuai a. Khawi lam khual tak chu ni dawn maw tia lal leh upa ten an rel mek lai chuan Pasaltha Thangzoa leh a mikhual Nu chu rawn inzui lut in, Pu Thangzoa chuan Neihdawn khaw lama an naute an nih thu te leh lal hnena khual an thlen thu hriat tir tura kal an nih dan te a sawi nghal zung zung a. Lal hnen atanga khual thlen a rem chan lohna engmah an dawn tak lo ah chuan lawmthu sawiin khual Pitar Awithangi chuan lal leh Upa te chu a kut khur dar dar tawh chu a phar chhuak ve nghal thuai a. Khawmbawl min kianga a hnaih rual chiah chuan a hmel chu inthlak zauh in, midang in an hmuh hman miah loh chuan Pitar ah a chang leh thuai a. Mahse khawnbawl Min Upa Seia hmel chu dang deuh sup sup in, tawngchhuah tuma a ka a an lai tak chuan alei chu a khawngzui ta hmak bawk a. Au chhuak thei mi sela, hmana khua ata an hnawh chhuah tawh nula hming chu a au chhuahpui ngei ang le.
.
... Ngawi hmak ang che tih mitmeng na tak maia melhna dawngtu Upa Seia chu chhinkhat pawh chumi zan chuan a chhing eih lo. Kha Nula kha Sapui te pawh darh vek tur khan ramhnuai ah khan thichhawng in an kalsan tawh ani lawm ni. Duhtawk an ngah hnu ngei khan mahse engtin, engtin nge a rawn in lan leh theih zawk ni le. Thangtawia te in lam ah thung chuan khual Nula rim chuan in khat tlata Tlanglian khaw tlangval te pungkhawm in, an khual Nula pahnih lah a zuamawm lo tawk leh nelawm tak si chuan an tawng an thlah thiam nasa mai si. Khual nula ten mei tuah chhawm that paha an han kar lang lui zauh te chuan Tlanglian val rual leh pathlawi zang hang chin mit ati tlai in, Hmarcha thak an ei fuh ta maw tih mai tur chuan an si sup sup thei hial a, a hrisel zual phei chuan Thangtawia te chhuat an sik ngawr ngawr ani ber e. Thangtawia te thian ho erawh Sumhmun lam ah thu in, an khual Pitar ho chuan an ti ti ve sep sep hlawm a, tlangval lengve dangten ngaihsak hek lo le, an hmalak dan tur an valh malh malh bawk nen an riahmanna kal fuh mek avang chuan an nui var var hlawm a. Chawivela chuan thim thama Upa Val Upa Rongenga rawn kun thla dan dan chu chiang taka hmu in, a thilpek dawn thim ah pawh thil hmuh theihna chu a chhawr thin hle reng a. Midang te chu hrilh hre thuaiin, Val Upa hriat theih ngei tur chuan Tuahkima chuan kan khua hian naupang chum chiap deuh kan neih lai khan Nula hmeltha tak mai kan nei thin ni awm tak ani. Chu Nula hmelthat zia chu lui kawi Sarih lai a en thei an ti hial nia mawle. Tunge ni a hming an tih kha aw tiin a ngaihtuah zui vang vang a. E ni dawn tak Zamveli ani tak e, mahse mak tak maiin piang ve talo ang mai in thawk leh khat ah abo thut an tih chu mawle. Chu Nula chu an sawi dan chuan lal Fapa tun thlenga la Tlangval nen khian an in hmel duh viau thin ani awm e. Mahse Nula to tih tak ah ngaizawngtu leh thiktu te pawh anei ve ani mai thei e, ka hmu ve chak teh asin aw tiin Val Upa hriat phak tur ngei chuan a ti ti zui lar lar a. Hlauhthawnna lian tak maiin a man tih hriat taka Val Upa tawlh kir zal zal chu nuih ru tet tet chung chuan an mit an in siai khum zauh zauh a.


... E khai thluak ava chawl ve, lo chhiar mam mai ru aw.. Tunlai chu buaina hrang hrang hian min nang ve lutuk a, in zahawm tawh sia ka rawn thai nawk nawk e. A hma a mi kha a sei mah mah inti in ka hria a, hei chu aninawm loh tawk chiah chiah in ka ring e.

MAFAKA KHIANGTE.

Naktuk hi kan tana ni pawimawh tak, ram hruaitu thlan hun alo ni leh ta. Khawvel ah hian Suma lei theih mi chi hnih an awm. Sal leh Hmeichhe khawlo te. Chung mite ang chuan in Lei tir ve lo hram rawh. Party politics buaipui na hian ka ram min ti chhe thui ta. Tho la ding rawh i ram, i hnam tan rinawm tak leh huai tak in, midik thlang rawh le.

[Ngaia]

PASALTHA THANGTAWIA EPI 10

Thangtawia te thian ho erawh Sumhmun lam ah thu in, an khual Pitar ho chuan an ti ti ve sep sep hlawm a, tlangval lengve dangten ngaihsak hek lo le, an hmalak dan tur an valh malh malh bawk nen an riahmanna kal fuh mek avang chuan an nui var var hlawm a. Chawivela chuan thim thama Upa Val Upa Rongenga rawn kun thla dan dan chu chiang taka hmu in, a thilpek dawn thim ah pawh thil hmuh theihna chu a chhawr thin hle reng a. Midang te chu hrilh hre thuaiin, Val Upa hriat theih ngei tur chuan Tuahkima chuan kan khua hian naupang chum chiap deuh kan neih lai khan Nula hmeltha tak mai kan nei thin ni awm tak ani. Chu Nula hmelthat zia chu lui kawi Sarih lai a en thei an ti hial nia mawle. Tunge ni a hming an tih kha aw tiin a ngaihtuah zui vang vang a. E ni dawn tak Zamveli ani tak e, mahse mak tak maiin piang ve talo ang mai in thawk leh khat ah abo thut an tih chu mawle. Chu Nula chu an sawi dan chuan lal Fapa tun thlenga la Tlangval nen khian an in hmel duh viau thin ani awm e. Mahse Nula to tih tak ah ngaizawngtu leh thiktu te pawh anei ve ani mai thei e, ka hmu ve chak teh asin aw tiin Val Upa hriat phak tur ngei chuan a ti ti zui lar lar a. Hlauhthawnna lian tak maiin a man tih hriat taka Val Upa tawlh kir zal zal chu nuih ru tet tet chung chuan an mit an in siai khum zauh zauh a.

... Tlanglian lal in lam pawh an khual nula te hmelthatna chuan a deng thleng tih hriat tak chuan lal leh Upa ho titi lai lum a luah ve tlat mai. Chutia lal leh upa ten khual Nula chanchin an phulpui hlut tak ah chuan lalnu Chhungpuii chuan awww chutia tuaiterek tui intih viau chuan zuk kal chilh law law ula ti nia tih pah chuan sumhmun lam pan chuan a pen phei sawk sawk a, lal leh upate thurel kil ve mek Pasaltha Thangzoa chuan nuih kur kur pah chuan uaiii Saiziki pa a na lam kan in chhawn mai ang kati, kha lalnu lah ke artui dam dawk dawk khawpa a pen tak sawk sawk ni, tuamdam pui chi lah ni silo tia fiamthu pah chuan lalnu lam chu pan in, lalnu khawchhak lam hawia in kuangkuah than a lo ding kiang ah chuan Va kal hnaiin, lalnu kha i lung a va leng awm ve a va ti vei duk duk a, lalnu chuan leng hran lo ve. Mipa ho makzia hi chuhhh.. Pasaltha Thangzoa chuan a niasin, khual hmeltha hmuh a piang seprawtui vak zel mai, kei thil tul ber pawh niin ka hrelo, Saiziki pa lah tu hmel an hmu hnai ve dawn tawh ang chu tih nak laiin, a phur ber ber ah ala tang amaw tih mai tur lah ni chuan khik suk suk pah chuan lalnu thinurna leh thikna chu a kai puk sauh sauh bawk a, tih em ah chuan nangpawh i Nulat lai khan tlang tam thlawh khum khawpa thang kha i ni bik lo em ni. Tun ah a amah leh a fate avanga intuaihnumna pawh nei hman talo i ni chung pawh hian, a dik a dik, mi neih loh hlau a, ka Pa a rawn tlawn dan zawng zawng te kha ka hai hlei nem, awiii awiii en teh mi rawn melh dan te hre hru saw ka ten lutuk, a duh leh Khual Nula chu nei sela, Pasal pakhat te zawng ka la hmai bik chai lawnge a ti leh hmarh hmarh a. Pu Thangzoa leh lalnu titi na lam chuan lalpa beng a hawlh in, Pu Thangzoa nuih dan teh sawng ah chuan hlaugthawnna liantak neiin a Nupui lunglian a kai harh leh ngei dawna a hriatna nen, han hau ngawt dawn se, a Nupui chuan a tan leh in, min lainattu, Fanu ang maia min dawmtu ati leh hlauh dawn tih a man pha bawk si. A ma thut hmun ah chuan thu kul khun chung chuan kan Pasaltha Thangzoa zet hi zawng a sim thei lo anih hi. A tupa pawh Thangnghala an tih na chhan hi a Pu lo chu chhuntur dang a neih ka hrelo. Huata lak theih tak tak ni bawk silo, chung vel ngaihtuaha a thut ngawih vung vung lai chuan lalnu chu ngawirenga rawn lut in, rap chungsang lam chu a rawn pan ding zui nalh bawk a.

... Lalnu hnung lawka rawn kun lut dan dan Pu Thangzoa melh deuh zuk zuk pah chuan kan tha maw alo ti thawp deuh sut a, tha tur ah ngai ang, kei zawng ka El te pawh a kham them thum e ka zuk tluzal tange tih leh thawh chhuah chu rual in, lalpa Ruah bing lo thlena inven dan zir hi atha fo ania tih liam puat pah chuan a kal nghal ang nul nul a. Ruah bing tih chuan a va hril thui si ve tia ngaihtuah vung vung chung chuan lalpa chuan a nupui kal nghawng nghawng leh hawi tawi hmak hmak chu a melh deuh zuk zuk a. Hetia lal in lama an mahni hlim hlim a an buai viau lai hian Upa Min ber Upa Seia erawh Val Upa Rongenga nen dai tam ah imhmu fal in, an ngaihthat lohna liantak chung chang chu an sawi dun sap sap a. Zanriah chhum hun hnaih tawh lam leh losul haw inkar vel ah tak chuan Upa Seia te pahnih pawh nguntaka beng chhi tura in chah tawn chunga, inlam pana an tum lai tak chuan an hmazawn ah tak mai chuan hmuh leh atana an duh tawh ngailoh tur leh an hmu leh ang tih pawh an rin ngai loh nawmchen nana an duhtawka an lo tih chhiat tawh Sapui chaw atana an kalsan Tlanglian khaw Nula hmeltha ni thin Zamveli ngei mai chu a rawn ding ta zat mai le!!! Thlarau hmuta ang maia phawk hru chunga an hma a Nula ding chu melh ngawt ngawt in, nangkha, nangkha an ti sai zui hlawk hlawk a, uaiii kan mi huaisen pahnih chu inlo danglam ta hle mai kati, ngatinge in va khur nasa ve, hman ah kha chuan inthuhnuaiah min dah in, khawhring pai ah min puh zui kha ani a, Rongeng nang mitenawm vang kha ani lawmni, ka sawi thui lo mai ange, tun ah chuan ka nghah kum chu alo her chhuak ve ta. Rongenga ham haih rawn harh chhuak thut chuan a Chempui chuh thut in, hman ah khan lo thah nghal law law tur che hi ani asin, khawnge i tawngtam hma in, chumi ruala dawk chhuak zawk in, Zamveli nghawng zawn ah chuan a Chempui chu a vai ri nghal fua a, Zamveli lu bung hmawk lam chu hawiin nang hmeichhe laktlak loh ka Vau ve e min han tih khanglan chu le. Lubung leia let ngat mai chu za em em maia rawn nui hawr hawr in, a ma taksa lam pan chuan a lum zui bawP bawp a, Rongenga chuan umzuiin sah sawm vek tum a a beih nasat pauh leh a hah thlawn tlat. Rongenga tlan lai chu ding chawih in, a hnunglam ah chuan a leng phei zui dawrh a, Upa Seia tlan chhiat tum mek pawh a ke chuan zung a kaih ta maw tih mai tura ngheta ding chung chuan mang ang zet chung chuan a u tial zui ruan ruan a.

.. Zamveli chuan nuisanga Upa Seia pan pah chuan thil phut dip derh mai chu phawrh chhuak in, Upa Seia ka ah chuan tlem bun lutin, a lem theih ngei tur chuan a chhem zui nghal bawk a. Chutiang chiah chuan Rongenga ka ah bawk chuan ti leh in, in thih mai hi ka phal reng reng lo, tikhan zawi zawi in, damreng chung in in thi tawh mai dawn ani. Misual te hi a tir ah tluang viau in lang thin mahse an thil tih sual hian umphak hun anei thin an lo tih kha. He khua kanlo kal chhan kan zo ta, in chhungte erawh tihsual an neih ve loh a zar ah ka zuah hram ange. Upa Seia leh Val Upa Rongenga te tan an khawvel a tawp ta tiru nauteu i kal ang u le tih pah chuan a Nula hruai pahnih te nen chuan Thangtawia te in lam pan in, an kir nghal par par a. Pik kar atanga engkim lo en vek tu Thangtawia te ho pawh in lam pan ta mai lo chuan Sava te veh kual leh tur chuan dai lam pan in an in her ve hmak bawk a.

.. Thim hmul a nih ah pawh Upa Seia leh Val Upa Rongenga te hmel reng hmuh tur awm talo chu an chhungte an mangang tan ta hle reng a, ti chuan thenawm khawveng te leh thenrual tha te inzawt kual in, dai lam ah inthiar tura an liam thu pawh hretawk an lo awm ngei a. Hman hmawh tak leh tlang than hlau tak chunga liam thuai thuai in, Rei pawh an zawn hma chuan Upa Seia te pahnih thing tuluang chunga haw na lam tur reng hre lova lo hawi lo hawi chu va hmu chhuak in, a ngaihna an hrelo tlang kher mai. An han biak vel lah chuan tawngkam fel fuk si, an thu leh Ui beng hlin tur a awm der silo. Hman hmawh taka hruai hawng thuai thuai chung chuan eng Huai ber in nge man ta ang tih chu an zawhna lian ber ani ta. Chutiang zel chuan ani tel a, chiang lo tual tual in, kar aliam leh meuh chuan naupang thenkhat chuan an chhaih nawmnah ta pang reng a, hetianga an buai luai luai lai leh khaw mupui ten an ngaihsak loh vanglai tak hian Zamveli te ho pawh an bu zawl lam pana chhuak in, Thangtawia te chuan khawdai thleng an thlah thlap bawk a, Zamveli chuan Thangtawi nangni thian ho hi nakin ah chuan in hming ala thang anga, in kar ah hem thlak tum an awm ngei dawn ania, chutih hun ah chuan hei hi hre reng ang che u, min haw tute hi min hnaih der tute an ni fo tih hi. Damtak in ule tia thlah thlap chung chuan hmuh phak lo ah an pil bo zui diak a.

... Chutia thawk leh khat a, an khaw parawn pahnih te rilru lama chian lohna an nei ta thut mai chuan a dawn sei Nu leh Pa tam tak te ngaih erawh a ti thalo tlang in, an khua chuan hri thalo te an dawng mai dawn a lo ngai tawk leh thenkhat lah in thlahtu te atanga pawisawina liantak nei tawh leh thungrulhna an tawng ani mai lo maw lo ti tawk lah bo lo. Chutianga hun an chhiar mek lai chuan Upa Seia leh Val Upa Rongenga te pahnih khawsa zia chu a bawraw tulh tulh bawk nen, hmeichhia leh naupang tana hlauhawm khawp an kai chho ta tlat mai a, chutiang alo nih tak nuai ah chuan khawpawn lam ah Rip siam chawp in an khung hrang ta ngawt a, chuta tang phei chuan zantin mai hian min ngaidam rawh tia au tial ruan ruan thawm hian an khua chu a luah ta fo mai reng a, mahse eng chhiatna dang mah a thlen tak lo ah chuan khaw mipui te pawn ralveng ah an that phian saw tiin ngaih khat ah an ngai ve thei mai bawk a, Thangtawia te thian ho leh Pasaltha Thangzoa erawh chuan a chhan an hriat chian em avang chuan an phutawk hremna hmu ah pawm hmak in, an lam hawi pawh hian an pen tha duh meuh lo chu ani e.

... Thian ho a, inlawm dial dial chung zela hun leh ni chhiar ve zel in, Leido nei lova awm an ni bawk a, hlim nui thawm chuan Lo tin mai chu a fan chhuak rawih rawih a, Lawmnu pawh nei hran lem lova an thian ho a tlei tawk em em nakin lawk a, mihrang Val rual la chang mai tur te chuan eng buaina pawh hmachhawn reng thei an nih englai pawha hrilh tu leh fuih reng tu, Pasaltha Thangzoa an neih miau avang chuan inzir an chhunzawm ngar ngar bawk .An Taksa lah in A ngeih bawk aniang an kum phulo chuan an hrawl hraih hlawm a, mahse an thian zing ah hian hming pu zo em em mai a awm tlat pek a, a mah Thangtawia ngei hi ani tlat pek a, Thangtawia tih tak ah an zinga Palian fal ber Tuahkima khabe hi a tawng pha tawk chauh a, mahse rorelna leh hruaitu nihna hi Taksa len lam ah alo in nghat lo ani ange, a Pate ber mai rorelna hnuai ah hian an hriat miah loh hian an kun thap reng a, a ni aia ruahmanna tha nei talo chu Thangtawia kawina lam hawi hian an kawi dial dial chu ani ber e. Nikhat chu Killaia te lo lam ah feh in, Killaia te lo lai taka Thingding ah chuan Nauban par mawi em em mai hi a lo vul chek a, Thangtawia chuan thlek vang vang in, ummm kan lal Fanu Saiziki hawnsak tur anih hi. A hmel hmuh pawh a khat a lawm le tih pah chuan awlsam zet chuan a pakai chho nghal zawt zawt a. Thangtawia thing theihzia hrechiang tute vek an ni bawk nen Thlam chhung ah luhsan dial in Vaibel lak kai pah chuan Thangtawia leh lal Fanu hi an in haw lo riau a hriatna ka nei, lal Fanu hian leng ah sawm lai tum hnih chu ka phawk tawh asin ti a Chawivela'n ti ti a hawn lai tak chuan pawn lama Thangtawia ek thawt ri leh thil tla thum dawp ri chuan zui nghal in, zawi tham chhal a, Chawivel ti tham tiak mai an hriat rual chuan an zavaia chhuak in, Thangtawia lawnna thing zar lo tliak leh Nauban par a zung chawpa kau tuar mai chu an hmu nghal bawk a, ngaihtha vak lo leh an thianpa zia hre chiang tak chunga Thingbul lam pana an kal lai chuan vawikhat han thaw hawk ri leh hrawk hnawk tak ni awm tak thawm an hriat leh tak ah chuan ngaihtha vak lo chuan thlai te chu an keu thla pawp pawp a. Thangtawi, Thanga tia au chul chunga Tuahkima tlan thlakna lam hawia tlan ve nghal in, an thianpa Thisen in alo bual huh zuih tawh kara Nauban lo la hum tlat lam chu pan in an ri thla zui buan buan a.
.
.. Hman hmawh leh hlau thawng tak a Thangtawia pawm nawlh pah chuan Tuahkima chu a men deuh pur tawh a, Killai a thaw tawh hauh lo ania, e heuuu... A ban hi tih pah chuan Thangtawia ban dinglam tliak a ruh pir chhuak vek chu kawk in, mihrang hma a zam ngailo val rual te chu an chi ai tak zet, ring tak tak a, Thangtawia au mawlh mawlh chung chuan Thlam lam an pan pui sawk sawk a. Tuahkima chuan Killai hman hmawh angai, kan Sahmim vel kha rawn ak ula ka tlanpui mai dawn e tih leh zo tak maia paw bahlat nawlh in, thahrui chakna in a phuar sa tawh nak laiin hlauh thawnna nena Thangtawia a tlanpui meuh chu ramhrui leh hnim pik satliah chuan an dang hneh lo teh e, Sai kawng ang maia kaw phei pawp pawp chung zela khawlam pan in, kawng pangngai aiin, khua a thlenpui hma zawk dawn tih hria in, awih tlan chho ah te chuan a rik hian a ri chho buan buan ani ber a, Chawivela leh Killaia pawn hman hmawh em em a, um ve zel in, Chawivela chuan Bawlpu ka lo va ko ange tih leh a chak thei ang bera tlan chu rual nghal in, Aihniar hnuhnunga ang mai chuan a lim puat puat ani ber a, Thanga, Thangtawi i thi tur ani lo tia be mawlh mawlh chung chuan Killaia chuan zui ve zel in, Tuaha kalo chhawk dawn che mi tiin Thangtawia chu puak chhawk a han dil a, Tuahkima chuan angai lo ve, Tuahkima hi a thiante tan a hah ngai lo, ka hnung ah zel khan rawn tlan mai rawh. Thianpa hi tih harh tum in lo be mawlh mawlh rawh aw khur dar dar chunga chhang chung chuan a thaw zui hluam hluam a. Killaia chuan Tuahkima chu pawt ding chawih in, Thianpa hi a awm tawh lo, Thangtawia kan chan ta tiiin a tap chhuak hawk hawk a. A mi puak lai chu ding meuha Tuahkima'n a en ve nak chuan an thianpa chuan nunna reng anei tawh lo tih hriat tak chuan a hmui te chu lo duk in, minung hmel reng alang tlat lo. Thinrim insehruh teuh chung chuan Thangtawi, Thangnghal, mipa i ni lo em ni, ka thi hnuhnung ber dawn iti ani lawm ni. I thi tur ani lo i thi anih chuan Pialral ah sawisa tur che in ka rawn zui nghal ang che. Killai tlan ang Bawlpu in ala chhan thei mai thei asin, Killaia zawk chuan khawi le keimah ve kawng kha tawn kaw rawh kawi thum chauh ka nei tawh tiin Thangtawia chu apaw zui ve vat a. Chutah le Sai Chal thinrim ang maia thawm chhuah chung chuan an hmazawn pik chu Killaia chuan an tawn tak tak mai zawng ral atanga lo thlir tu khaw mipui te chuan Sai rual chetna ang ber chuan an hre hial reng a, khaw mipui Chawivela tlan haw in a koh khawm te chu Lungdawh ah chuan lo ding thup in, Thangtawia a khawsak dan huatthla la tak mah nise, mite ngainat rawn nunna renv nei tawh hmel pawh pu lova, a thianten an rawn tlanpui an hmuh meuh chuan a hnuk no zual chu an tap rawih rawih a, Khawnge Bawlpu tia Tuahkima au thawm chu Bawlpu chuan heta hi ka awm e.
.
.. Thangtawia te in lam ah tih leh bawlpu zak tawn tawn a, la in a tlanpui nghal nul nul a, Pa in fasen a chawi ang maia hnehsawha an chawi Bawlpu chu aphar kak nasa teh e, Thangtawia ruang let reng chu kawk in, Tuahkima chuan i ti dam tur ani. I ti dam theilo anih chuan ka pawtsawm vek ang che tih pah chuan a mangang lutuk thin tawt bawk si chuan chhuatlai uluk em em maia bawhthuah ngata an tah dap chu aper pawp zui hawk a. Killaia erawh tlema harh fim zawka tang in, Chawia tia au that in, Tuahkima chu pawn an an hnuk chhuak lui hram hram a. Tuahkima mangang hawi a phut mai chu an thian duna chelh in, midangte chu pui tur chuan an ko ta hial a, Tuahkima pawh rei tal buai bik lo chuan rawn in thing harh in, kha thing kha a zung chawp in ka phawt khawp ang tia a ha chang a thial bap bap lai chuan Chawivela chuan Vaibel nungsa lo pe in, kha khan i thluak ti nem phawt mai teh a thi lo ang. Thangtawia a thi thei hlei nem tiin an thian zinga a pangber chuan a hnem zui ve mawlh mawlh a.

... Bawlpu meuh pawh a beidawng ta nge hawi zak zak chung chuan Thangtawia hliam te chu a khawih zui mawlh mawlh a, chumi pah a mar chu zawng kual den den in, tumah thawm chhuah ngam pawh an awm lo. Thangtawiw nu erawh a in nghahna ve ber leh alo tukpui thak chutianga thihna kut vawt in a man ta mai chu tuar zo lo in, a tlu khawng der bawk nen. Pasaltha Thangzoa erawh Thangtawia lu lama ngawi renga thu kun run chung chuan thil tam tak angaihtuah ani tih hriat tak chuan a Tupa hmel chu a thlek vang vang reng a. Pasaltha em mittui sur tir duh lo ta chu na zet zet chuan a khap fawk fawk bawk a. Bawlpu pawh a beidawng ta, tap thawm lo chhuak chuah chuah in, lal leh Upa te lo lut hnung chiah ah chuan Lal fanu Saiziki te unau pawh rawn lut ve nghal in, tlawm leh zah pawh sawi hman tawh hek lo, Saiziki chu Thangtawia ruang lo mureng lam chu pana tlan in, a thingthi zui hnawk a, tuman an phelh sak theih loh Thangtawia'n Nauban par a hum tlat chu Chawivela chuan insehruh teuh chunga kawh hmuh in, he pangpar hi i tan tia a lakna lam ah a chesual palh ta hlauh a lawm le, tuman kan phelhsak theilo mai ni lovin kan phelh lui ngam lo zawk ani e tiin Nauban vuai tawh lam Thangtawia hum tlat chu a kawh hmuh thuai a, lal Fanu Saiziki chuan he pangpar vang mai mai hian maw ka tan i nun i hlan, Thangtawi lo meng leh teh hei i pangpar hawn chu ka tawn a sin tih pah chuan bianga mittui luang zawih zawih chung chuan Nauban par chu a tawn zui mawlh mawlh a, mahse lal fanu pangpar tawn hmu leh tur chi ani mawlh tawh si lo. Thangtawia chal leh a chal tisi chung chuan Thanga lo harh teh ka hmangaih che sin i fa ka pai hi engtin nge ni dawn a ti sep sep a, ( A ni reng lah taka khatia Lianpui khaw lal Nuoui tura hawn an tumni a an lemchanna lam ah khan zan mipa leh hmeichhia mudun nafam chu insum theih lohna khan fan in, Thangtawia kawngtuii kha vawikhat zawng a dawn ngei tak kha, lal fanu inthup tlatna hiaj amah Thangtawia ngei pawn chi a thlah tih reng a hre bik tlat lo. In ngaihzawnna em em awm talo chu a awm lo em love), lal Fanu tia Chawivela au thawm chu hla tulh tulh in, Thangtawia ruang bawh chuan Saiziki chu a zawi zui hnawka, lalpa pawn a fanu khawsa zia leh Thangtawia alo hmangaih zia a hmuh meuh chuan huat ah leh thinrim ah la duh lovin, lal fau pangzawk kiang ah chuan i Laizawnnu saw va buaupui tawh tiin a tir ta zawk a.

... Thangtawia te in leh kawt vel ah chuan Nu leh Pa leh thalai rual tamtak lo pungkhawm zel in, ruang Lumen tum chuan an in sulpel zut zut reng bawk a, Zu bel pu lut pawl lah awl lo.. Thangtawia chetsual atang hian Pasaltha Thangzoa hi vawikhat pawh ala tawngchhuak tlat lo chuan an ngaih a ti thalo tlang hle reng a, in hnawh puar ve tura an rawn na lah tawngkam khat pawha chhang lo chuan a thutna ngai ah thu ngar ngar chung chuan a Tupa chu a melh ding ngur ngur a. Tuahkima erawh Killaia chuan veng chawt in, Thangtawia ruang entir ngam pawh a ni tlat tawh lo. An thian ho a, an hun hman liam tak te mitthla zut zut chung chuan Killaia chu a thaw leh hawk thin bawk a, an thian zinga kum lama naupang ber Chawivela erawh hmeithai fa tih tak ah a pachangin a puitling zaw ber a, Thangtawia chetsual dan ngawt pawh vawitam a chham chhuak ta. Kawl a rawn en meuh chuan Thlanlai tut thalai rual an liam sung sung a, Vanglai taka thihna kitvawt in aman Thangtawia tana an tih theih hnuhnung ber thuk thei ang bera laiin, a mawng atang chuan Arsi a hmuh theih tih hial khawpa thuk in an lai hial ani. Thlan mual lam pana an zawn chuah meuh chuan Pasaltha ngawltawt zet Pasaltha Thangzoa meuh pawh rawn au chhuak rawih rawih in, ka Kungpui vullai a chuaita tiin bang ngheng chuan apai zui khawt khawt a, a tupa ruang melh vang vang chung chuan Thanga, Thangtawi ka tupa mangtha le, i pa leh i pi kha min han biak dawn nia a ti zuai zui raih a.

... E khai duhtawk leh phawt ang aw.. Phuahzui ngaihna avang ta riau a, thih tir hian a tawp hma theihna ber ni in ka hria..Hahaha

MAFAKA KHIANGTE

LUNGNGAIH HARSATNA TE ALO THLEN HIAN HLIMNA HLUTZIA ALO LANG THIN.

[Ngaia]

PASALTHA THANGTAWIA EPI 11

Kawl a rawn en meuh chuan Thlanlai tut thalai rual an liam sung sung a, Vanglai taka thihna kitvawt in aman Thangtawia tana an tih theih hnuhnung ber thuk thei ang bera laiin, a mawng atang chuan Arsi a hmuh theih tih hial khawpa thuk in an lai hial ani. Thlan mual lam pana an zawn chuah meuh chuan Pasaltha ngawltawt zet Pasaltha Thangzoa meuh pawh rawn au chhuak rawih rawih in, ka Kungpui vullai a chuaita tiin bang ngheng chuan apai zui khawt khawt a, a tupa ruang melh vang vang chung chuan Thanga, Thangtawi ka tupa mangtha le, i pa leh i pi kha min han biak dawn nia a ti zuai zui raih a. Ruangdai mai chang tawh Thangtawia chu ui tu leh mittui nena thlah liam tu angah kher mai. An Artui alo zen sak tawh leh Vawk chum alo phil sak tawh zawng zawng te pawn nasa taka tah rawih rawih chung chuan Thangtawia thlah nan tah hla an chham kur ngei nguai bawk nen, lal fanu Saiziki erawh Thangtawia kut dinglama vuan tlat in, Thlanmual lam pan chuan ngawi reng in a kal ve hmawk hmawk a, hmeichhia te kir rawh u le tia, Thangtawia an vur dawn meuh chuan lalpa pawh insum zo lovin a tap chhuak rawih rawih thei hial reng a. Lal Fanu Saiziki an han kaitho chu mak tak maia rawn ding fel at in, Thangtawi kalo kal ve thuai ang tih leh hawi let map lova, khaw lam pan nal nal in, a thiante chuan an umzui dawr dawr a, a thiante au thawm leh an biakna reng reng chu a ngaihsak lo nge hreawm pawh a lang map lo chuan an mahni in lam pan talo chuan Thangtawia te in lam pan chuan a ding zui nalh a. Chawivela chuan a thiante pahnih Killaia leh Tuahkima hawi a ruai mai chu an ban ah chelh sak in, a thiam tawk chuan ahnem ve malh malh bawk a. Thangtawia pu leh a Nu zawng biaktlak an awm meuh lo chu ani e.

... Tlanglian khaw mipui ten Thangtawia an sun mek lai leh tlangval ten a ruang an vur tan awrh tih ah chuan Tlanglian khaw run tuma rawn che chhuak ZAULIAN khaw val rual te chuan chet an rawn la ta tlat mai le. Khaw enthla tuten Tlanglian khaw Lusun thawm leh an chan chauh zia an hmuh ruala tlan kir a, zan hun pawh nghak zo lo a rawn che chhuak thawm chu a na kher mai. Zaulian Pasaltha Suihthanga chu ring leng lawnga rawn au chhuak in, min bei let lo mai rawh u, kan hual bet vek tawh che u, kan duh chu in lal fanu ani an rawn ti leh ta tlat. Zaulian khaw mite hian hriat hmaih pakhat an neih chu Tlanglian khaw Lusunna hian an tha ti zuaiin, an mahni do let tur pawha chakna nei lo tur ah an ngai tlat chu a ni. Mahse Thangtawia thihna hian Thih hlau lo, an thianpa ruala kal ve chak em em, mihrang val pathum a hring tih reng an hmu pha lo tlat. An thianpa leh an Kulhpui thihna avanga thin tawt paihthawlna mamawh em em thian thum te chu dawk chhuak nghal puat puat in, Hmelma ten lal mual an thlen hma ngei a lehkhalh tum chuan an thuam neih te la in lal mual lam pan chuan phen tur remchang dap chung chuan an meng fim kar tlat. Thangtawia ka a tanga an thil hriat tam ber chuan rawn deng nawn leh in, kan thinrim ber lai hi fimkhur kan ngaih ber hun ani tih chu an lo vawng hneh ngang mai. An khaw tlangval dang chet rawn lak tum mek te lam ah chuan Chawivela chu tlan chhuak vat in, hmelma ho lo leh chan dan tur a a kawh hmuh lai chuan Pasaltha Tinthanga lo thleng in, a ni kaih hruaina hnuai ah chuan an in sem darh nghal sang sang a.

... Zaulian val rual ten, lal mual an thlen meuh chuan lal Luhkapui ah chuan Killaia leh Tuahkima chu Tlai nitla tur lam chu lo hnung puak in thawm hrelo ang mai chuan an lo titi ang lung lung a. Lusunna in a tuam lal in chhung lam pawh an awm mai mai hauh lo. An Chempui theuh thut hnan far chung chuan engmah thleng lo ang mai chuan an ti ti zui hmiah hmiah bawk a. Zaulian Pasaltha leh a hote mi sawmthum tha zet mai chu lal tual ah chuan an ding thelh zui huang bawk a, ring leng lawnga Zaulian Pasaltha Suihthanga chu au chhuak in lal leh upa te chu pawna chhuak tur chuan a au lang lang a. Tha te te in kan inbe dawn nge thisen chhuah zawng in tan inlo khawh dawn le??? Tlanglian lal in chhung lam atang lah chuan hlim nui thawm bak hriat tur a awm tlat lo. Chutah khual thang pha ve ngat ti a chapo na in taka a nihna lo au pui tu Pasaltha Suihthanga thin ter tek chhuak chu lal Luhkapui ah chuan a zuang kai nghal nawlh a.. Mahse a zuan kai ai maha chak zawk chuan lal tual ah chuan a leng let zui nawk a, mi pangngai pha chiah lova an ngaih tui tak maia titi mumal pawh nei lova thian dun titi te chu rawn tum thla ve nghal in, Killaia chuan Suihthanga nghawng leh a chem chu a chuktuah nghal zat bawk a, Tuahkima chu a kianga ding run in, a Chempui, Thirdengpa in an hla chham nan taka a hman hlai hlep hlawp chu lek chhuak in, Thih hlau lo fa chu rawn pen chhuak rawh u le. Thih chaka tuihal Tuahkima ka ni ngai e. A mitmeng en reng reng chuan a sawi ang tak tak chu anih hai rual ni hek lo, chumai ala nilo, chutiang khawpa palian leh tawr chhah han hmachhawn chu thil chakawm tak anilo tih lanna chu Zaulian Tlangval pakhat chuan a Silai chu lek kawh in Tuahkima kah thal tawp tum chuan a insiamrem nghal zat a. Mahse lal in hnung lam atang chuan Silai rawn puak thuaiin, Pasaltha Zika chuan angam fa chuan in Silai kha in hmang thei ang hual beh vek in ni tawh. Tlanglian khua hi a hman hman vawk lal lenna hmun ani love a rawn ti chang zui rawt a. Tuahkima kah tum tupa chu nunna nei tawh lo tih hriat tak chuan lu pawrh tuam chuan a thal hual bawk a.

... Pasaltha Suihthanga chu rum ngal ngal chunga hawi kual in, mipa taka min hmachhawn ngam in awm em? A ngam fa chuan min hmachhawn sela, nge ni kan in phek nuai dawn zawk. Kan Silai kan dah ang. Nangni pawn in dah ang. Kut lawng ngata in nuai in ngam em tia au kuk kuk chung chuan a tal fat fat a. Suihthanga leh a naute hian kut lawng hau ringawta insual leh inbeih an zir nasat hi an chhuang reng lah taka, chutiang ang ni tur chuan an inzir nasa kher bawk nen, a chona chhang tumai an awm tak lo ah chuan zat hmel em em maia nuithler chung chuan kha maw a fawng lam chelh tu zawk in nih kha min hmachhawn ngam in awm lo em ni... Pasaltha Zika chu muang changa rawn pen chhuak in, khai le naute u kan Pasaltha rawl ringa chona leh ngenna chu han tih hlawh tling ta che u, nge keimah hi ka che chhuak dawn.. Silai leh Chempui dah vek in, mihrang val rual khaw khat ai awh tur theuh te chu kut lawng ngata in nuai tur chuan an in ep ta thup mai a, e khai U zik lo kiang teh i naute kan awm alawm..khaih aw thiante u in tal tak tak teh ang hei hi ani lawmni kan nghak fak kha tih pah chuan Tuahkima chu hmelma ho lama tlan chu rual in, a tharum an hmang tak tak mai zawng midang tan chet lak ve ngaihna a vang lam hret chu ani e.. Zaulian Tlangval pakhat amah lo hnaih tu ber chu chum tlu tawp in, a kerek ah ala nghal chaih bawk a, a thingfak hman ta tak tak mai ale.. A tir ah chuan a mi chum tluk pa chu natuar in a rak nasa kher mai. Mahse hnehsawh em em maia a mah chaihtu chaihna leh a mihringpui vuak nan taka hman a nih meuh chuan ring ruh tliak hnawp chung chuan a phe zui lawp lawp a, Saipui kah hliam ang maia duhtawka Tuahkima a tal vel lai chuan Chawivela leh Killaia pawh an lo awm mai mai hauh lo. Rang tak taka put kual zawk zawk chung chuan an thiamna theihna an han lan tir tak tak mai zawng Zaulian tlangval te tan chet lak hman ani mawlh lo. Tlanglian val rual lah mahni bu zawl ah zawng an lo duai lo nasa mai si nen an nuam ti kuk thawm pawh rapthlak tak hi ani ringawt. Mit khap kar lek chhung chuan Zaulian valrual te chu a thal fai vek ani ber a, Pasaltha Zika a au that that a, an tha an thlah meuh chuan hliam tuar chunga la tal ve fat fat thei mi sawm chuang awrh chauh ani ta mai a, chung thil zawng zawng a hmuh meuh chuan ngam loh chal ah chil an hnawm tih hrechiang chu Zaulian Pasaltha Suihthanga chuan chet la thut in, a Chempui a paih na lam pan chuan a zuang phei zui dawrh a, mahse thui a zuang hman tlat lo. Tenawm chuan tih paha a kereka mantu Tuahkima mengsen rum mai chu melh in, tawng tuma ka a an lai tak chuan leh pawh ti hman lek lo chuan Tualchar vuak nana hman ani zui ta. A vawikhat vuahna ah chuan natuar te thawm zawng a awm ngei e, mahse lei chara a luruh keh vek leh thluak per chuai chuai a, vuakna zawng eng anga Pasaltha tan pawh dampui chi ani mawlh tawh lo. Midangin an thelh theih meuh chuan Tuahkima kut ah chuan Pasaltha Suihthanga bawp leh lam chauh chu alo awm reng tawh a, nunau leh hmeichhe ho phei chu rap tih hriat taka rak teng tung chung chuan an hmai an hup chawn chawn hlawm a. Zaulian tlangval la dam awmchhun te lam pana Suuhthanga bawp khing khai chunga pen chhuak Tuahkima chu Zaulian tlangval te chuan an hlau mai ani lo. An rap em em tih a lanna chu a khabe in khawng leg zun cheh phunga an talna chuan a ti chiang viau mai.

... Thaza lak lawh Tuahkima lah dan mi ani dawn mi tih mai tur chuan a pen buk buk mai bawk si. Chutah zawng minpuiru tia au chul chung chuan Zaulian val rual te chu a lai lum in chuh chuan an in bawh thuah tup tup a, Chawivela chuan thianps insum. Insum tia vs hrilh ruk pah chuan a chelh thei hram hram a, in vangkhua in lawi leh anih ngai chuan in lalpa hnen ah chuan heti hian lo ti ang che u. Thangtawia thiante hmel i hmu thuai ang, i ril pawtchhuak vek tur in, kan lo kal dawn an ti lo ti ang che u. An Pasaltha bawp leh lam thi sung maia hawlh nawk nawk pah a an Vau mai zawng an sa rak nasa teh e. Ring leng lawnga au chhuah pah chuan Zaulian lal ka rep ang tih nghut nghut paha an thle buk buk mai zawng.Kiallais meuh pawh thiante mah nise a rapawm mai dawn lawm le tiin Pasaltha Zika kiang ah chuan a phun sap sap a. Chutianga thahrui ngah leh huaisen anih an hriat ngai loh. Lianthlawna an lo tih mai thin, Tuahkima chak zia leh huaisen zia an hmuh meuh chuan amah lo diriam fo tawh tu, Tlanglian val rual te pawn zantin an Buzawl tawmpui tu mah nise an melh tha ngam meuh lo chu ani e.

... Lal leh upa te pawh muangchanga rawn pen thla chhat chhat in, Zaulian tlangval la dam chhun te chuan Nun tur chuan an lo ngen mawlh mawlh bawk a, chutia buaina chinfel tuma chet an lak mek lai chuan Pasaltha Thangzoa chu a kum phu lova, lal mual lam rawn pan in, ka Tupa te u tiin a rawn au lauh lauh a. An pu ber rawl an hriat rual chuan in tiam rual ang maia Pu Thangzoa awm na lam pana tlan in, enge nits ka Pu tiin an din hual nghal thap a, in thianpa Ruang a awm tlat lo mai. Engmaw i sawi Thangtawia ruang maw awm lo. Ani chuan thlan ah kan vur hman ngei kha tia Pasaltha Zika rawn tawng chhuahna lam hawi pah chuan mak Khawp mai. Naupang in min rawn hrilh a, ka zuk fiah zo chiah e. Hman hmawh em em a, tlan nghal pur pur in, Chawivela leh Tuahkima chuan an thianpa ruang chu hmuh mai inbeisei deuh chuan leh alo tho leh aniang tih beiseina nen chuan an hawi kual ruai ruai bawk a. Thlanmual thleng hnuhung apiang te chuan Thangtawia ruang chu zawng ve nghal zel in,An mi zawn lah chuan hmeithai in a englo zawn ang mai lah ni chuan miin an ru bo aniang ti dawn se, hnuhma engmah hmuh tur a awm der silo. Zaulian tlangval te an thlun fela lal leh upa te rawn thleng ve pawh a ngaihna hrelo taka hawi kual in, engpawh nise mahni in lam ah theuh kir ta ula, in thianpa ruang zawng tur hian in rawn che chhuak leh dawn nia tia thupek pah chuan Thangtawi lokir leh mawlh teh tia phun sup sup chung chuan lal mual lam pan chuan a kir zui hnuk hnuk a.


... E khai Thiante u minlo hrethiam hram hram ru aw.. Damlohna in min tlakbuak ve khanglanga, nachhawkna in min chhawk lai chuh in. Ka rawn post zuai ani e. A tawi tih ka hria, mihring pawh a sang deuh leh Tawi deuh an awm a, mihring vek a lawm kan nih. Ka theih leh hmasak ber ah ka rawn chhunzawm leh ang. Thangnghala hi a awwmna ka la hre bik lo ania aw..

MAFAKA KHIANGTE.

[Ngaia]

PASALTHA THANGTAWIA EPI 12

An pu ber rawl an hriat rual chuan in tiam rual ang maia Pu Thangzoa awm na lam pana tlan in, enge nits ka Pu tiin an din hual nghal thap a, in thianpa Ruang a awm tlat lo mai. Engmaw i sawi Thangtawia ruang maw awm lo. Ani chuan thlan ah kan vur hman ngei kha tia Pasaltha Zika rawn tawng chhuahna lam hawi pah chuan mak Khawp mai. Naupang in min rawn hrilh a, ka zuk fiah zo chiah e. Hman hmawh em em a, tlan nghal pur pur in, Chawivela leh Tuahkima chuan an thianpa ruang chu hmuh mai inbeisei deuh chuan leh alo tho leh aniang tih beiseina nen chuan an hawi kual ruai ruai bawk a. Thlanmual thleng hnuhung apiang te chuan Thangtawia ruang chu zawng ve nghal zel in,An mi zawn lah chuan hmeithai in a englo zawn ang mai lah ni chuan miin an ru bo aniang ti dawn se, hnuhma engmah hmuh tur a awm der silo. Zaulian tlangval te an thlun fela lal leh upa te rawn thleng ve pawh a ngaihna hrelo taka hawi kual in, engpawh nise mahni in lam ah theuh kir ta ula, in thianpa ruang zawng tur hian in rawn che chhuak leh dawn nia tia thupek pah chuan Thangtawi lokir leh mawlh teh tia phun sup sup chung chuan lal mual lam pan chuan a kir zui hnuk hnuk a.
... Engtia hmalak chi tak ni ang maw tia an in rawn khawm laih laih lai chuan Rawlthar Kapzinga zunram thiar kal fal leh deuh chuan Thlan khur an laih uk tawh laih a harsat deuh vanga an pamtul tak khup chen vel awrh chauh mai khura zung tura a inhlim sut sut hawi chhuak chiah a thil hmuh leh a kereka rawn mantu avanga hlau rak teng tung chung chuan midang awm khawm ho awmna lam pan chuan a bawk phei rawk rawk a, ka hmu, U Thangtawia thlahrang in min man, a thi, a thilo ti nawk nawk chung chuan Pasaltha Zika chu a vuan chawn chawn a. Tuahkima chuan khawi ah maw i hmuh tia vin khur khur pah chuan chu Rawlthar kalna hnu lam pan chuan a tlan phei nghal buan buan a. Tuahkima pawh a thil hmuh avang chuan a ding chawih thei hial a, a sam uai hneng hnuang leh thur huang mai nen a, Thangtawiw lo thu luau mai chu melh tlawk tlawk in, Thianpa khati tur kha emni ni dawn le, lokal teh le i thianpa ka lo kal e, Chawivela leh midang lo thleng ve te pawn an melh rawn thap lai chuan Thangtawia thlahrang nia an ngai ngei mai chu a rawn che ta tual tual mai le. Lehhh pawh awm hman lek lo chuan mahni sahimna zawng chuan an darh nghal chum chum reng a. Chawivela leh Killaia erawh an thianpa ani miau maia in ti pachang hram hram chunga hnaih phei zel in. Inla puitling tak chuan Lawmpa hei zawng hringmi te khawvel ani asin. Pialral ah minlo hmuak dawn amaw tih nak laia khatia hringmi dungthula chet i rawn lak tak mai. Phuba lak duhna leh thuchah hnuhnung i nei emni zawk tia Chawivela in la paukhauh lui leh tawng sai deuh hluk hluk lam chu Thangtawia thlahrang ni a an hriat chuan a sam kar atanga mengpual deuh hru chung chuan rawn a rawn melh ding kul mai a, Mihring Lung pathum tal ka duh ania, ti chher chhuaih chung a rawn che tual tual in, a rawn thutung vei ut a. Thangtawia chetdan zet chuan a thian tha te ngei pawh a barakhaih hneh lutuk ta, hreh zeta a bula thing tuai bung lo awm chu ban du du in, Lawmpa min ngaidam ang che tih paha vuak thluk tawp tuma Tuahlima inbuatsaih lai chuan a ban phak lek a awm ani bawk nen, Tuahkima puan chu rang lutuka pawh thlak sak thut in, ka thilo, mi vawhlum riau riau ange. Thangtawia hi thi hman kala ni hlei nem. Tihtur tam tak ka la nei tih paha rang lutuka rawn ding chhuak Thangtawia chu melh rawn thap in, an ngaih zawng ala ngam mawlh lo. A lu hliam an tuamna Diar chu chhar in, min zawn haw mai teh u. Ka la natder angai ania, ka hliam mintih dam sak tu lah hi ka hre der lo leh nghal.. Hringlangtlanga Lunglohtui ka dawn hma thleng kha chu kala chiang viau maia, Tuahkima tap hluam hluam leh kan khua in run kan tawh dan te kha ka hmu vek asin, khatah khan min hruaitu hnen ah hringlama kir leh ka dil ngei mai a, mahse hei ka dam viau bawk si tiin a in lek phek kual vel nasa mai bawk nen, Killaia chuan la ringhlel deuh tih hriat tak chuan hnaih hret hret pah chuan a va kuah nghal chat a, Thangtawiw lah chuan rang lutuka avaihlo fun lo mansak pah chuan i tlawm em tih leh hmeh pial sak chu a rual nghal bawk nen, umm a chiang ka tlawm Kan Thangchimawma ngei ani e tia lawm taka au chhuak in, midang lo hnaih hma chuan lei ah an mut zui zar a.

... Kimki deuh dai chunga rawn hnai hrek hrek Tlanglian tlangval te chu Killaia chuan lo huiin lo hnai vet teh u, hei pangti lum a nei tlat mai. Kan thianpa hi a la thi hauh lo ania, a then khan Bawlpu lo han hrilh vat teh u tih pah chuan kan Thangtawia avanga lem chan ngaiziah hi chu aw tiin a phun zui bul bul a. Pasaltha Zika chuan Thangtawia mu zar mai chu melh vang vang chunga hnaih pah chuan a mar vel chu a dek zung zung a, Pasaltha khaw khat in ngahna ve meuh tan zawng hai rual loh chuan Thangtawia dinhmun awm chu man nghal in, khai le Hlang han siam zung zung ula, in lam i panpui thuai teh ang tih pah chuan leh lam hawiin a nui zui suk suk a. Tlangval ho che vel en chuan an phur zek zawk lo tih hai rual loh chuan alang chiang in, Thangtawia mu zar mai chu an hel ru deuh hram hram hlawm a, kar lo ah phuahchawp deuh tak chuan Hlang chu an peih mai reng a, hlang chunga an mut hnu chuan a zawn hmasa tu nih an chak vak lo nge, Hlang han dawm hmasa chaih tu chu an vang pharh mai. Chawivela chuan khaile kal siam ang aw tiin Hlang chu a dawm chaih a, tlawmngaih chhuah in Tlangval thenkhat chuan an rawn dawm ve ta sap sap bawk a, kawl ah ni a her liam ruai ruau lai chuan khawchhung lam pan chuan Thangtawia chu an zawn chho laih laih a. A lu lam ah chuan tangrei duh an awm der lo mai chu Khawmliana chuan fiah a duh ve deuh nge rang taka va dawm chaih in, khawnge a la nung inti miau mai sia tih paha a pen tauh tauh lai chuan a beng chu rawn vawt seng seng in, Thli bing ni awm tak hian a chhem ni chuan a in hre ber a. Thli lokal na lam en tuma a hawi phei nak chuan a Sam thur bem bum kara Thangtawia lo meng pual ru mai leh khi deuh sung chu a va hmu ta mai a, chutah zet zawng awi ka nu tia au tial ruan ruan chung chuan kopang ah bet thlawp in, kopang liluh tum ang mai chuan a dep awt awt hi ani ber a, tlem ah tlem ah an damlo zawnlai Thangtawia chu an thlauh lo chauh chu ani e.

... Enge, enge thil awmzia tia Khawmliana an buaipui laih laih lai chuan Chawivela chuan uang reng suh i ek chhe rih bawk si, kan nghat ri zawt mai tur che nia tia zuk hrilh ruk pah chuan a nak ah a sawh sak zui tawk bawk a. Khawmvela zak tlawmla bawk si chuan hmuhsual ka hmu mai mai mawle ka tha e tih pah chuan a lailum chu a chuh deuh tat tat a. A taksa zawn vela zawn ho lah a khat tawka er leh zak thin in, Hlang pawn lama Thangtawia ban rawn lawr chhhuak chuan a vai fuh leh nawk thin bawk nen, a hnu lama an sawi leh dan ah phei chuan Thangtawia zawn tu tamzawk chu zan an mulo an ti hial reng ani. A tupa thi tawh riak a a dah chutianga a mar awm leh ta mai chu Pu Thangzoa chuan awm ngaihna a hrelo ani ber e. Bawlpu kiang a thut hmun rem pah chuan Pu Dampui ka naua kha i kai harh thei anih ngat chuan ka Se tuai khu i duhber i thlang dawn nia tiin a lo tlawn vei surh surh bawk nen, lal Fanu Saiziki pawn Thangtawia kut chu chelh in, Thanga ti a phun sep sep chung chuan beiseina mit nen Thangtawia chu hawisan phal lovin, a thut chilh ran mai bawk a, Killaia teho erawh Sumhmun lam ah thu in, a ruk te chuan lo in kheuh in, an thianpa lem chang thiam lutuk chu an kawk zauh zauh bawk a.

... Bawlpu in a thiam thil tinreng hmanga a beih fat fat hnu chuan nasa taka tal buan buan chunga rawn thu chhuak hlawl in, Bawlpu Vaihlo fun chu a hum zui chat a, khawnge huai hmelchhe ho kha an awm tak tiin a haawi kuak vel ruai ruai bawk a.. A thil hum lah thlah duh hek suh. Hawi vual vual chung chuan a khi ang suk suk a. Thangtawia alo harh leh tawh mahse a thluak a sawh khawlo tumah a hrehrang lo tih chu khawpum titi ani thuai reng a, Bawlpu pawh na tiin then chak chak mahse Se Tuai hlawh chhuak anihna chuan ati lawm ngang aniang, in lam pana kal tuang tuang chung chuan Laltawti Nu chan a chau deuh dawn anih hi tiin a tuai leh zuk thin a. Kar aliam leh meuh chuan Thangtawia pawh Leihkapui ah nilum a ai leh lurh lurh tawh a. Mahse buaithlak ta ber chu tlema Nu valai tuai tha deuh a hmuh hian a Nupui emaw tiin a kai chut zel mai chu ani e. Kaih hlawhtlin nei tak maw.. Naupang ho lah tih thaih a ching in, a khawsak dan danglam tak chu a thiante ngei pawn an man ta tlat lo. A ruk tak chuan an veng ru deuh reng ta mai a, hawh u ram lam ah i hruai mai teh ang ti a rawtna siam in, ram lam pan chuan an inzui chhuak ta thuai a. Killaia te thlam an thlen chuan Thangtawia chu hawi kual vual vual in, Thianteu ka nun chan zir chu ava hah thlak ve le.. Lem ka chan chhan hi a awm asin, kan lalpa hi phiarruk ani tlat. Hringlang tlang atang khan chiangtakin kan vangkhua kang hluah hluah leh khawnbawl Upa Sawiluaia leh lalnu in diriam taka kan lalpa an sawisa lai hi ka hmu tlat nia. Mak leh deuh chu ka thiante hmel reng reng hi ka hmu tel tlat lo che u. Chuvang chuan kan kir leh hun ah at ka so zual sauh anga, upa Sawiluaia in ah min dah dawn nia, kan in ni ah ka ngai tlat dawn ania, tin hei hi ka lo harh tirh khan ka kut ah alo awm reng mai a, ka puan kar ah hian kala zep ta ngar ngar a, tih pah chuan thil mum var tw tak te hi phawrh in, ei mi ni tur ah ngai ang tih pah chuan a hmawm zui hmak a.

... Lalnu Sangzeli chuan khawnbawl Upa Nupui kianga thut hmun rem pah chuan a lakaih lai te chu a pui bawrh bawrh a, awi lal thian ka rilru hi a hah thin, nanglo chu inleih buakna pawh ka nei ve silo. Lal nupui nih hi ka tlin ngang lo anih hi. Lalpa lung lah ka ti awi zo meuh tawh silo. Nang enge i an inpa hi ala hrisel hmel si, tih pah chuan Upa Nupui Kawlengi chu abek bawr sar sar a. Chutianga lalnu meub in a dek fo tak ah chuan Kawlengi lah chuan an nupa thuruk te chu sawi chhuak in, lalnu kiang ah chuan a rohlu ber a thuhruk daih na chhan te, a dahna te nen lam chuan a sawi tlang ta vek mai a, kar tha zet chutianga hun tha dap reng reng leh a pasal pawh Upa Mina hlan kai tir intiam chunga lalnu in akawm mek lai chuan Sangzeli hriselna erawh apan ru zel tih Thangtawia chuan ahai tlat lo. Tin, a lemchanni atanga Lalnu leh Khawnbawl Upa khawsa zia tam tak leh lamtang an siam mek chu a chhin chhiah ru kauh kauh bawk a. Chung thil thleng chu a thiante hlan chhawng zel in, Upa Sawiluaia nupui tana Zupui lalnu in arawn ken apiang chu rang taka lo lak khalh in, infiam nan alo hmansak ta ziah bawk a, dawi thiam pitar malsawmna a dawn a finna chuan belh zel bawk in, mi anglo ang maia tal bual bual mah nise, hnunglama mitnei ang maia khawsa ta chuan Upa Sawiluaia te rorel vawrtawp thlenna tur thleng chuan a hre fai te vek reng a, tin mak danglam tak chu khatia thil mum var a ei ni atang khan a in hriat miah loh hian a taksa chu athag nasa in, mi pangngai kal in kal ngil ni sela, an thian zinga hrawl ber mai Tuahkima nen chuan an in tiat tawk viau tawh ang le. Thangtawia ni chung siin, hming pu zolo ber ani ngei dawn e.

.. Engkim Khawnbawl Upa Nupui Sangzeli a hrilh fiah hnu chuan, alo rinhlelh ruk ang ngei alo ni bawk nen Sangzeli pawh Thangtawia thu hnuai ah a kun ani ber a, lem chang thiam zawk zawk kan hriat mai dawn alawm.. Anihna tak ah chuan kan lalpa ngei hi a lawm ka Tleirawl ngaihzawng chu. Tuna lalnu nihna luahtu ngei hi kan puar ak ni thin in, ka rin em em laia a hmeichhiatna hmanga min luahlan tu anih ka hai hlei nem, ka la tar chhe bik lo asin, lalpa khian tunge a hmangaih zawk chu kan elpui ngat teh ang. An khual val chah te erawh in kut ah awm se tia intiam rualna duhawm tak nen chuan in hre thiam tawn tak chuan upa Nupui Sangzeli leh Thangtawiw chu an nui dun var var a.

.. E khai ava tawi em em ve. Khamawm loh thei eee..haha ka sawi khalh che u. Ka type puat puat a, a ngaihnawm nep viau maithei e. Tun inrinni lo awm tur ah hian zin chhuah programe ka nei leh ta mauh mai a, eng hun ah nge ka rawn chhunzawm dawn ka hre lova, minlo nghak hram hram ru aw. Rawngbawlna pawimawh ani bawk si nen. In fel em kha.. Khep Khep a te khua ah ngat kan Crusade dawn..

MAFAKA KHIANGTE.