PASALTHA THANGTAWIA BY MAFAKA KHIANGTE 1- 21

[Ngaia]

PASALTHA THANGTAWIA EPI 13

Upa Sawiluaia nupui tana Zupui lalnu in arawn ken apiang chu rang taka lo lak khalh in, infiam nan alo hmansak ta ziah bawk a, dawi thiam pitar malsawmna a dawn a finna chuan belh zel bawk in, mi anglo ang maia tal bual bual mah nise, hnunglama mitnei ang maia khawsa ta chuan Upa Sawiluaia te rorel vawrtawp thlenna tur thleng chuan a hre fai te vek reng a, tin mak danglam tak chu khatia thil mum var a ei ni atang khan a in hriat miah loh hian a taksa chu athag nasa in, mi pangngai kal in kal ngil ni sela, an thian zinga hrawl ber mai Tuahkima nen chuan an in tiat tawk viau tawh ang le. Thangtawia ni chung siin, hming pu zolo ber ani ngei dawn e.

... Thangtawia te thianho pawh engtia hmalak chi nge ni ang tia inrawn khawm in, an rilru in arbo a zawng kher mai. Lalnu leh khawnbawl Upa awmdan lah chu kuta man anih si loh chuan han sawilan chi leh lal hnena thlen chi lah ni silo. Chawivela chuan ti hian ruahmanna i siam chhin ang u hmiang, kan lalnu leh a kawppui pa in hmuh falna hmun ah hian lalpa hi hruai thlen dan kan ngaihtuah ran angai ani. Thangtawia sawi dan hmang ah Khawnbawl Upa in ami chah te an lo lan har a rinawm tawh lo bawk nen chet kan lak ran chu a ngai khawp mai tiin thu a rawn kheuh hawng leh ta phawt a, chutianga lalpa hruai chhuak tur meuh atan chuan Thangtawia Pu bawk an mamawh ani leh ta. Tin, he thil an buaipui hian thihna hmun ah anmahni ngei pawh ahnuk lut thei tih an hai lo tlang bawk a, engkim chian tur leh Thangtawia pu hmin tum chuan Thangtawia tih loh chuan Pu Thangzoa in lam pan in, Thangtawia erawh a lem chan chhunzawm tur chuan Khawnbawl Upa te inlam apan leh ta hnu hnu a.
.. Thangtawia leh Khawnbawl Upa Sawiluaia nupui Kawlengi chu tap zawla titi sep sep chung chuan an bu dun nghat nghat bawk a, Kawlengi chuan khawnge Tawia lal in lam chu ka han chuangkai ve ange aw..lalnu chhuanlam tur lah ka nei tha lawm, Sa hriak inhnawih mawlh mawlh pah chuan a puan te chu thlak in, khawkhat Nula hmeltha tia an sawi ve hat thin ka nih kha maw, ka dinhmun min lan tu khian tunge ka nih a hre ve dawn khawp nuih var var pah chuan Thangtawi ka fapa ka kal aw tiin a zai chhuak rat rat a. Pi Kawlengi a duhtawka a intuai hnum meuh chuan Fa lu tawn loh tih tak ah thangtawia pawn melh zui vung vung in, Nuai nawk pawh i la chakawm rum rum mai dawn ka ti a ti chhuak hial reng a. An ruahmanna leh an thangkam chu engtin tak per ang maw tih vel ngaihtuah pah chuan Thangtawia chu tei ruk ruk in, an ruahmanna fuh dawn riaua a hriatna chuan rawn mar thar leh in, a phur lawk lutuk chuan kawtkaia vawkpui lo bawk chu a vei pet zui pawp a.
.
... Tlanglian lal in lam pawh Khawnbawl ho te nena titi hrang hrang vawrha an rik laih laih chuan Upa Sawiluaia leh lalnu Sangzeli chu midang hriat thiam phak hauh loh chuan an lo in zai ru ralh ralh bawk a, Nulat Tlangval nun chen thar leh ang hrim chuan an in melh awl thei meuh lo. Upa Sawiluaia hmuh theih ngei tura lalnu hrisel tha Thisen chak bawksi in a nautamtlei lang haih khawpa an kun lui ngat te chu Sawiluaia tan chuan Upa Keiliana habal nui so mai thlir ai chuan thlir anuam ngei ang le. Chutia lal in lama an thawm mam mam lai chuan Tlanglian lalpa Rawllai D lamkawia tawn changni a, thinlai mu hnu kai harh leh fo thin tu Pi Kawlengi ngei chu a rawn pen lut ve ta zan zan mai le.. E khai lalnu i awm maw thil engemaw ka mamawh riau pek a ka rawn daklut ve rawih mai ani e. In titi kallai ka ti buai em lawng chu maw tiin Upa ho leh lalpa lam chu hawiin a ngaihla tawk lek chuan a nui zui var var a. Kawlengi rawn intuai hnum thar chuan lalpa ber kha a to chih tlat pek nge Se chal Sih tharlam hmu fuh ang mai chuan a lo meng tang hru chu niin, Tlangaupa in a kheuh zeuh tak ah chuan harh zawk in, e khai Kan khawnbawl upa nupui duatlai meuh in, mamawh anei anih chuan Saiziki nu lo pe mawlh teh. Kawleng a thu hrim in hei inkawmchhak kawmthlang lek si rawn dak lut ve fo ta che mawle tih pah chuan leh lan hawiin, nangzawk kalo neilo che hi chu aw ka tihsual anih zia ka chiang e, i tituai lah chu a la mam tha in, i mal leh mawngbawr lah a la Saisu pian zaih mai si, Sawiluaia khalh chul mai mai atan chuan tia suangtuah zuiin chhuanlam ah a vaivel chu apak sek sek a. Kawlengi lah chuan lalpa mitmenga a mah itna leh duhna hmana a hmuh thin lo lang leh zawk chu hmuh hmaih hek lo. A vaibel anung tawh lo tih hre lek lova, rang taka pak sek sek lalpa lam chu pan in, khawnge i Vaibel thih leh anun pawh hrehrang lo lek a, ilo tar tak mai le keiman meiling kan chhuan ang che tiin lalpa Vaibel chu laksak in, apak nun sak talh talh a, lalnu Sangzeli erawh a hun hnuhnung lama dawtthu alo vawrhdarh tawh thil avang leh a Pasal laka uire ru reng tawh anihna chuan kawng tam tak ah timna pe in alo ding ngawi zat thung a. Pi Kawlengi chhuah hnu chuan Upa dangte chuan Upa Sawiluaia chu fiam nak nak in, nangzawng i vannei teh e maw i Nupui lah hi a la mam nalh in, kan khaw nula tamtak pawn an la tluk phak loh tur kawl in, a mawngpheng lah nise kawngtui dawngzo tawk tur khawp in, a vawng tha narawh e tia fiam zuiin an ri zui laih laih a, Sawiluaia pawh nui tuh tuh chunga hawi kual in, kil khata lalnu lo thu tum deuh hmak ahmuh meuh chuan hnuailam a melh rang kher mai.

... Upa Sawiluaia leh lalnu inhmu fal pawn an ruahmanna an suihmum tan mek chu sawi dun sap sap in, Tlanglian khaw Chunga rorelna Lek kawh chu an tum dun nasa in, hmangaihna kawngbo ina chim buai mek lalnu lah chuan apasal fanau te lam reng a hre chang tawh hauh lo. Pi Kawlengi lal in lama a chuankai hnu atang kha chuan tul vak hlei lova, Upa Sawiluaia te in lama tek luh nulh hi lalpa lah chuan a ching thar ta riau pek a, khawnge Kawlengi Tuibur al i chhim teh ang atih tawh chuan Tlangaupa lah hian chak sateha lo neiin a lawm tawk leka Pi Kawlengi'n alo fiam thinnna te chu Tlangaupa lawmtawk lah a tling thin bawk nen, kawtkaia Pi Kawlengi thingek a hmuh dek dek tawh chuan lalpa thu pawh ngaichang talo hian a eh pui turh turh zel bawk a, hmeichhe lungfing tih tak ah Kawlengi lah chuan chhawnchhaih dan tawk athiam in, lalpa lung ti leng tawk lek a Tlangaupa sawi chhawn leh tur thu fah zeuh lah a thiam bawk nen lal leh Tlangaupa chu an khi dun vur vur zel chu ani e.

... Thangtawia te thian ho leh Pu Thangzoa pawh an inpeih fel ta, lalnu leh Upa Sawiluaia inhmuh falna hmun leh hun an chian ta fek fawk bawk a, hun an nei tlem bawk nen Pu Thangzoa chuan Khawmbawl Upa te chu leng ah sawm in, he hun tha hi pi Kawlengi'n lalpa alo bekbawr sar sar na hun tura ruat ani bawk nen. Sawiluaia leh lalnu pawn am taka hun hman tum in, Upa sawiluaia erawh a nawmsam loh chhuanlama hmangin, Pu Thangzoa in lam apan ve duh lo bawk nen misual te hamthatna ni khuanu hian a khar ta zawk emni le.lalpa pawh Pu Thangzoa in lam pana leng tura intintuah mek in, a pen chhuak chhut chhut a, lalpa kal chhuak chu tuk thuan ei kham atanga lo chang ru tawh Pi Kawlengi chuan Luhkapui atanga lo au lar lar in, a tuibur al tha tek tawk hmang leh a mitmeng pawisawi lo zet chuan lo thlem lut in, lalpa pawh nui vun vun chung chuan Upa Sawiluaia in lam ah chuan a kun lut dun dun a. Chutia lalpa ber a rawn chuankai ve leh chuan Upa sawiluaia chuan lawm taka lo chhawn in, lalpa minlo ngaidamla dai lam ah ka zuk in paih thawl leh phawt ange, Pu Thangzoa run kai hleithei lek lova, dai hrut ka ngaih pek hi. Pum lama in ro arel chuan a lang a mawi pawh a thlir hleih theih tlat loh mai a tih pah chuan lalpa chhanna pawh nghak lem lo chuan pawn lam pan a rual zui nulh a. Upa Sawiluaia leh lalnu Sangzeli thlamuang taka an in lem kual vel lai chuan Pi Kawlengi chuan lalpa chu tap zawl ah alo hmin fel der bawk nen, a thil hmuh avanga chet la mai lo tura a intiamna avang chuan lalpa leh Pi Kawlengi pawh dai lam pan chuan an in chhawm chhuak ta thuai a. Khawtual mite lah in, lal leh khawnbawl Nupui inzui chhuak chu rinhlelh en in an en hauh lo bawk nen lalpa ber erawh a beisei phak loh leh a manglama man pawh ala man phak loh thil in a den avang chuan a kal ngawi nghut nghut thung a. Thangtawia te thianho lo thu thap mai lalpa in ahmuh chuan a hawi phawk deuh hru hman a, mahse Kawlengi chuan thil awmzia hrilh zung zung in, lalpa pawn Nauteu ka tan hian inva hlu em.. Khawnge kan mihur nu te pahnih awmna chu min han hmuh tir teh u tih pah chuan thawpui a la zui halh halh bawk a.

... Hun ngah an inti deuh nge Upa Sawiluaia leh lalnu pawh an thla amuang in an kuttin bal te chu an in kher sak niap niap a, Upa sawiluaia kap kara thu kak chunga titi sar sar lalnu chu kuah hlu hlu chung chuan Upa Sawiluaia chuan lal anih huna a rorel dan tur te leh lamtang khawchhunga a siam tam tawh zia te sawi pah chuan lalnu puanbih chu a phelh zui ruai ruai a, in chhaih nui ar ar chung a nuam an tawl mek lai chuan an sir ding leh vei ah an thawri pawh hre pha vek khawpa hnaih tu an nei tih reng an hre pha hauh lo. Lalpa chet lak tum chu Kawlengi leh Thangtawia chuan chelh in nghak hlek ang an ti tlat bawk a. Rei nghah angai hauh lo, Upa Sawiluaia insum theihna leh nghah theihna chuan a tlin talo Tlangnuam per kai nalh pah chuan thawpui a la zui hulh hulh a, thla chuangfe a nawmsam loh chhuanlama lalpa nena mu dun tawh lo, lalnu Sangzeli pawh alo nuamsam nasa mai chu niin chutia duhtam taka Tlangnuam an chuan mek lai chuan an beisei phak hauh lo leh an mang lam pawh an man ngailoh chu Upa Sawiluaia leh lalnu chuan an dawng ta tlat. Lalpa keiman aw tih paha vak chhuak in, Upa Sawiluaia buh deng tangmar lai tak mai Mawng hang sek phiar lai tak chu a hma atanga alo hum lawk tawh kangthai zar a thliah hmang ngei chuan Thangtawia chuan a hlap ri zui thawk thawk a, lalnu mal no lai ah chuan vuak sak leh in, a tawk e, a tawk e.. Upa Sawiluai an ti luah luah mai zawng, mahni puan zawk pawh hrehrang lo leka puan in chuh chunga an phi buai viau lai chuan lalpa chuan Sangzel iva dam tha at at ve a rawn ti ram zui hmak a.
.
... An beisei loh lutuk thil thleng avanga hawi hai mek Sawiluaia leh lalnu Sangzeli chu lalpa kutthlakna avang chuan an hlawm dun nawk nawk bawk a. An puan la veng tha hman bawk silo. An lei rohlu uai thuah leh lang puk kak chung chuan lalpa chuan dimna tel hauh lo chuan a phuar zui mawlh mawlh a, khaile Uire nu kal rawh le tiin a tlawh zi zui awrh a. Pi Kawlengi chuan a Pasal hmaia bensak pawp pah chuan mitenawmpa leh tiin a kap bawr ah chuan a pet sak zui siah bawk a, a pet fuh ngang aniang Upa Sawiluaia pawh a aw asin vawt raih mai. Ka Fate nu atan reitak lo awm tawh. Ka khumpui mi tawmpuia, ka rorelna min luahpui tu i nihna vang chauh in, puan pek paha lalnu mittui tla par chu ten hmel zeta melh kawk chung chuan khai le, Nauteu khawlam i pan dawn ang aw..ka khawnbawl te hnen ah thu thlen tur in, pakhat kha lohan hmasa ula tih pah chuan rilru natna tawp nei tih hriat taka thuk taka rum thawm chhuak chung chuan a Nupui leh a khawnbawl alo rin em em te chu melh tawn in, Sawiluai heti em hian ani maw ka hnunglam atanga milo beih le, ka ring che a sin. Suahsalna kawng i valh ah ka Nupui nen kher leh nghal khawnge in hmel pawh ka hmutui nek love in lu ka la law law teh ang tih leh a kianga Killaia lo ding chempui chu pawh thlak sak in, a pan zui chher chher mai a, rang taka lalpa chelhpah chuan lalpa tuna i thah mai chuan thiam loh i chang ve thei ania, khua ah kan mi tenawm pa hian lamtang a siam nual tawh tih i hriat kha. Chuvang chuan fimkhur taka chet kan lak angai e tiin Thangtawia chuan lalpa chu chelh in, pi Kawlengi chu a mitmei thuai a, Pi kawlengi pawh chuan rang taka lalpa chelh pah chuan mittui nen lalpa chu a kai hrang thei ta mai bawk a.

... Chawivela kalliam hnu hmuamda hun awm vel ah chuan khawchhung lam pan chuan Upa Sawiluaia leh Lalnu Sangzeli te chu se kaih taka kai chung chuan khawchhung lam pan chuan kal an siam zui ta nghal a. Thui pawh an kal hman lo tih ah chuan Chawivela chu hman hmawh zeta rawn tlan kir in, a kut ah chuan a thiante pathum Silai leh Sahmima chempui ak teuh chung chuan a rawn phe thla hlawk hlawk a. Chawivela hmel leh a thuam ken an hmuh rual chuan ding meuha lo nghak in, ngaihthat lohna chuan a tuam nghal mup mup a. Thangtawia chuan anu leh apu mai nilo in, lal fanu Saiziki chu mitthla nghal in, a ngaih atha thei tlat lo. Lalpa chuan Chawia enge thil awmzia khatia lalsutvuan tlan taka i rawn tlan duai duai mai le.. Khawnge ka khawnbawl te chu tiiin alo zawt thuai a. Chawivela chuan hetah hian le tih leh hnim pik lama hnuh luh chu rual in, lalpa he kan milawilo pa mi chah te khan lal in leh khawnbawl upa ho an awp hman tlat mai. Kan muang sual deuh ani e. Tun ah hian khawchhung chu a buai nuai nuai ani ber e. Kan mihurpa lam tang leh khawtual mi nghet i tana rinawm tlat te an in ep thup mai. Thianteu chet kan lak vat angai ta tih pah chuan an Silai leh Chempui te chu a hlan zung zung a. Ti hian lalpa lo tawm tlat ula, kan rawn lam leh ngei ang che u. Min ring ngam rawh tih paha kal chhuah mai an tum lai chuan lalpa chuan ka khaw mipui te keimah avanga thih ngam lupua an awm laiin kei hi kalo biru mai mai ang maw teuh lo mai tih pah chuan Tuahkima chempui hum lai chu laksak in, Upa Sawiluaia leh lalnu Sangzeli te tukhum chu a chhu ri nghal chawrh chawrh a. Tikhan phuar hlawm ula, Kawlengi hian lo awmpui rawh se. Khawnge Mipa leh Mipa chu i han in nuai tak tak teh ang. Sailo ngurpui ka tawte a sai ngai love, Thangtawi tunge i nih ka hria, ka makpa hual chet la rawh le tih pah chuan anui zui hak a. Thangtawia zak nui put put chu Tuahkima chuan i chhe pet put i hmangaih chu chhan tir in ruahmanna siam rawh le tiin Thangtawia chu anam bu lawp a.

... E khai ava uihawm tawk ve mawle. Han in beih tir law law tha tur ania inti rilru hahhaa.. A lehpek ah chuan an in khuainuai tawh ngei ang le.. Hun awl reilo te ah ka rawn dah zuai ani e. A belh chian tlak loh in, a phelh pheng phung ang. Lo chhiar mam mai ru aw..

MAFAKA KHIANGTE.

A KOHHRAN ENG AH MAH NGAI LO MIHRING AN DING CHHUAK NGAI LO.

[Ngaia]

PASALTHA THANGTAWIA EPI 14

Thiante u chet kan lak vat angai ta tih pah chuan an Silai leh Chempui te chu a hlan zung zung a. Ti hian lalpa lo tawm tlat ula, kan rawn lam leh ngei ang che u. Min ring ngam rawh tih paha kal chhuah mai an tum lai chuan lalpa chuan ka khaw mipui te keimah avanga thih ngam lupua an awm laiin kei hi kalo biru mai mai ang maw teuh lo mai tih pah chuan Tuahkima chempui hum lai chu laksak in, Upa Sawiluaia leh lalnu Sangzeli te tukhum chu a chhu ri nghal chawrh chawrh a. Tikhan phuar hlawm ula, Kawlengi hian lo awmpui rawh se. Khawnge Mipa leh Mipa chu i han in nuai tak tak teh ang. Sailo ngurpui ka tawte a sai ngai love, Thangtawi tunge i nih ka hria, ka makpa hual chet la rawh le tih pah chuan anui zui hak a. Thangtawia zak nui put put chu Tuahkima chuan i chhe pet put i hmangaih chu chhan turp in ruahmanna siam rawh le tiin Thangtawia chu anam bu lawp a.

... Thangtawia chu ngawi vang vang chunga hawi kual in, awle kan lalpa hian min ngaidam sela kan naupan laia kan kawng ruk siam kha kan hman tangkai a tul tlat. Kei erawh khaw mipui ten mi pangngai hmuh a an hmuh loh ka ni lak lawh bawk nen ti hian khawchhung lam ka pan rawih anga, Tuahkim a bak chu i kut ah ka dah e. Killai kan Tuahkima thin butut erawh ven angaih fo kha ka kal e tih leh chet chhuah chu rual nghal in, midang hmuh phak loh a thlen ve leh kangthai hmun lam pana peng in, an khaw humhim nan chuan tiin kangthai chuan a in vaw vual tet tut a, vai vuta tal leh chiam in, Thangtawia mihring mak tak mai chuan a taksa chu ip ping vak in, Putar zangkul bem leih luih ang deuh chuan a chhuak leh ta tlat. Muang chang tawh lo chuan khawchhung lam a pan zui vang vang a.

... Lalfanu thlavang hauh a ding kul khan mai a hmel a zamna chhete mah chhiar tur awm lo. Pasaltha Thangzoa chu hmelma lam Chhumzing khaw Pasaltha ralhrat Taireka chuan melh tur khuih chung chuan Putar kiang rawh kha nula kha ka nupui tur atana in khawnbawl leh lalnu in min tiam tawh anih kha chuti anih loh zawng in i lu tuak var vo tawh pawh zah pah map lova ka chet angai ngei ang. Nanghi tunge i nih ka hria Pasaltha Thangzoa tia khual kai thin i ni e. Mahse tun ah zawng i kum a uai thla lam tawh min hmachhawn tur atan chuan i lak tlak ta lo ve. Pasaltha ilo nih thin na erawh ka zah khawp mai. Chuvang chauh chuan ka zuah ang che, kiang la, lal fanu kha lal in lam ah kalo titi pui ve lawk ange tih leh Pasaltha Thangzoa chu vai kian mai tum chuan a nam zui sawk a. Mahse chuti maia awlsama maimawmril pal chah theih mai zawng alo ni hlek lo. Pasaltha Taireka bek chu ri sawk in, a hmel leh pian en mai chuan kutthlak na thei tawh tura mawilo Pasaltha Thangzow kutthlak chu alo la na kher e. Taireka chu a pai chawn chawn thei hial a, khanglang che chuan tih leh Pasaltha Thangzoa tlawh thal tawp tuma, Taireka ke lek chhuak chu Pasaltha Thangzoa chuan alo nampial zui zauh bawk a. Mahse Taireka ke lek tlang chuan lal fanu duatlai leh Thangtawia hmangaih Saiziki tai bawr ah chuan na zet mai chuan a tlawh fuh ta tlat mai le!! Lal Fanu rak thawt ri leh na tuar vial ngawl ngawl chu mi pakhat paw hret hrut zet leh taksa vual tet tut leh bawrchhawr zet chuan a nu tia rawn buaipuiin, Pasaltha Taireka chu kawk in, fiah lo rei ruaia rak chunh chuan a an khum buan buan a. He mi bawlhhlwh pa hi tunge la sawn thuai teh u, tih pah chuan mi pangngai lo ka khing ngai lo tiin Taireka chu a tawlh duai duai a. Thangtawia chu ring taka nui huau huau chunga tlan kual in, hmelma ho chu a kuah ang thuak thuak a. Hmelma lam Pasaltha pakhat Zaitina chuan ten hmel taka ner sawk sawk chung chuan nangpui hi mi pangngai chu ni la, i hnawk tham viau dawn hi le.. Khawnge in khawnbawl Sawiluaia reng reng pawh chu a awm. Kan duh kan la anga, Sawiluaia lamtang lo zawng kan that vek bawk ang. A bak chu in lal thar tur Sawiluaia kut ah kan dah nghal ang. Khawnbawl Upa Sawiluaia chu au lung lung chunga a hawi kual vual vual lai chuan Thangtawia thiante leh lalpa pawh Upa Sawiluaia in chhung ah chuan an lut fel ve chiah bawk a.

... Upa Sawiluaia inchhung atang chuan ka lo chhuak dawn e, Tlanglian lal thar tur kalo chhuak dawn e, ka lam tanglo chuan thihna an hmachhawn ang. Tlanglian val rual tam zawk chu an lalpa tana ding thup in, in pek mawl tawp chu an tum bik der lo. Muang leia an thut laia luh chilh thut an nihna avang leh hmelma lam in Silai nena an tin thup na te avang chuan chet lakna hun an nei eih loh vang khan an Silai leh Chempui pawh an lek chhuah hman hma in, a Silai kawl ve chhunte lah an luhkhung hman bawk nen kut lawng chuan an ding thup mai reng a. Chutiang dinhmun ah chuan ding tawh mahse an khaw tan leh lal tana ding nih chu an thisen chuan angam in, thih hlauhna reng an nei lo. Lal thuam hlip a, upa Sawiluaia puan bat chunga lalpa lo chhuak chu makti leh angaihna hrelo taka an melh rawn thup lai chuan, mipui hnung lama hel kual vat tu, Chawivela chuan thawm dang rawn chhuah in, mipa leh mipa chu inring leh inring a in hmachhawn tur ani dawn lawm ni. Kan khual hmelchhe ho zing ah khan mal leh mala min hmachhawn ngam in awm em?? Kan lalpa tan ka rawn pen chhuak e tiin a rawn au zui lang lang a, chutia thawm rawn chhuah tu Chawivela lam an hawi thup lai chuan Upa Sawiluaia in hnuai atang leh kawmchhak lam atang chuan Sechal thinrim ang maia thawm na tak rawn chhuak phut in, Upa Sawiluaia luhkapui chu a chim nghal rum rum bawk a. Thawm ri nuai nuai leh vaivut khu mum mum kar ah chuan Tlanglian khaw tana aw tia Tuahkima leh Kilalaia au thawm rawn chhuak zuiin hmelma lam hawi buai lai tak chu an rawn bawh chilh zui nghal hmiah bawk a. Chawivela chuan Tlanglian khaw tan aw thingfak la rawh u tia au chung chuan a Silai hum lai chu a hmet puak zui thuai a. In hnaih chilh taka awm an ni miau maia hmelma lam pawn an Silai an hmang tam hman meuh lo. Natuar leh thinrim au thawm in pawlh nuai nuai leh an chhe lawh thawm kar ah chuan Nuthlawi Kawlkhumi chu rawn au chhuak in, kan khaw chhan nan aw tih leh thingfak chuh chu rual in, hmeichhe ho chu a fuih zui tuar tuar a. Hmeichhia in, hmeichhia ka nih hi tih ahun lo tia au thawm chuan Nuho leh Nula ho chu chawk tho in, an ban phak Thingfak leh Lung te chu la in, hmelma ho chu zam map lo chuan an bawh hmiah hmiah Mai zawng hmeichhe thinrim che vel chu an lo nasa phian mai le..
.
.. Hmelma lam Pasaltha pahnih ten an Silai lek chhuaka Chet lak an tum lai tak chuan an tukhum chu ri chawrh chawrh in, ban tha chak tak in a chumna a vang chuan an hlawm dun hawl hawl a. Chutah khawchhung lama Upa Sawiluaia lam tang te rawn che chhuak leh hmelma lam leh khawtual mi an lalpa tana ding nghet tlat te chu an in phek nuai ta mup mup mai le. Ring taka au chhuak chunga mipui bitna a zuang lut Tuahkima tal vel chu a rapthlak in, a thing tuai hum in, a den fuh tawh chu tho chhuak leh thei lo chuan an vial ngawl ngawl hlawm a. Kha keimah Thangtawia, Tlanglian fahrin tih paha Thangtawia rawn che chhuak chu a rapawm lek lek lam chu ani e, Thangtawia te thian ho an duhtawka an han tal tak tak mai zawng reitak an chakna thuruk lo thup tawh ten an nihna diktak an rawn chet pui ta tih Pasaltha Thangzoa chuan man nghal in, lal Fanu Saiziki chu kuah in, hmun him lam a pan pui thuai a. Mit khap kar lek chhung chuan Thangtawia te thian ho chetna chu a kuak hian a kaw duak duak ani ber a, Thangtawia chuan a thiante chu fuih lauh lauh chung chuan tumah kha that lo phawt rawh u tih pah chuan a tha chakna hmang chuan a hmazawna awm apiang chuan a chum thal zawih zawih ani ber a. Mi pangngai ang pha talo hial a an ngaih Thangtawia chuti khawpa a tal vel chu Khawnbawl Upa dang te chuan hmuhnawm ti taka thlir in, Thangtawia nge Tuahkima khu thahrui ngah zawk ang. En teh u, Chawivela leh Killaia tuan tha lutuk te saw an mi hmachhawn ten an khawih fuh hman lo chu anih ber saw.. Kan Upa Sawiluaia mi tenawm pawh chu khawnge maw a bih ruk le tia an hawi kual nak chuan lal in kil lama an lalpa hmelma lam pathum in an lo hual mek chu hmu in, khu le tih leh tlan chu rual nghal in, lal Khawnbawl nihna diktak lan chhuah tir in, Zamna leh hlauhna tel map lo chuan chung khual val pathum te chu an bawh rawn nghal huk mai reng a, chung khuak val te lah chuan chutianga hnunglam vennna chang hre hek lo le, kar lo ah tuk thlu zo in, lalber thinrim kal laklawh chempui hum lai chu phe zawk zawk in, an Lu leh taksa chu a hrang zui hlawl hlawl bawk a. Kan tlawm e kan tlawm e, Thangtawi duhtawk ru tia lal Sawiluaia lam tang Khawmvela thisen nena in chiahpiah nuai chunga thingthi lam chu pan in, Tuahkima chuan a tham kang zui lawp a. I nun i hlut avanga tlawm chu ni lola tih pah chuan a khabe ruh tliak rawp khawp chuan a hnek zui bur a, nikhaw hre lova thle hnawp Khawmvela chu theh phei nawk pah chuan a ban bul hmelma Chem in a tai thler chu melh vung vung in a khi ang suk suk a.

... Lal muala a Nupui leh lalnu ni mek hmangaih taka alo kuah thin leh a khawnbawl upa a rin em em mai thingthi dun ral chu lal Saikunga chuan melh vang vang in, sawi tur ka nei love. Uire nu ka fate Nu i nih avang chauh in, mihur zawn em chu i chung ah a thleng lo ang. Mahse ka ngaidam thei tawh lo che ani e. Ka hmuh phak lo ah la bo ula, khawdai thleng tlangval te khan va thlah ang che u. Enteh i hur luat ah i fanu saw tiin Saiziki na tuar thlan tla bat bat chu a kawk khur dar dar a. Lalnu Sangzeli chu muang changa rawn dak chhuak in, zamna leh hrehawm tihna nei map lova a pasal melh kal chung chuan ka hmangaih Sawiluaia rual hian thih ka thlang e. Nang mipa laktlak loh thu hnuai ah khan kalo kun rei mah mah zawk ani e. Vawiin ah hian ngaihdam dil che ka tum lova, ngaihdam ngai khawpa thil sual ka tih lah ka hrelo tih pah chuan zamna nei map lo chuan Upa Sawiluaia chu angheng hnai sauh sauh a. Lal Saikunga chu chek tlawk tlawk chung chuan ilo va tenawm em.. Sakei seh tlak pawh ni hrep lo che chuan that rawh u, a ti vij zui thak a. Mipui lam erawh rei tak an khaw lalnu lo ni tawh thin chutia kut han thlak mai chu an hreh tih a lang reng mai. Chutia ngawi renga lal tuala Khawnbawl Upa Sawiluaia leh lalnu te thingthi lai an thlir thup lai chuan lal In hnuai atang chuan a mak a, mak a rang hian, lalnu Sangzeli lam pana Sakei rawn dawk chhuak zawk in, lalnu Sangzeli maangang chu vawikhat a rak thawt hman tih loh chu a nghawnga Sakei sehna avanga a ruh tliak ta nen chuan a tal khur nghal chawr chawr a. Upa Sawiluaia hlau mangang thlabar rak kual ruai ruai mai chu Sakei chuan zuan leh nghal chat in, a hap zui leh bawrh bawrh a. Uire chu Sakeiin a seh duh tih zawng zawng chu a taka thleng in,Thangtawia a au that a, a tawk a tih meuh chuan thil anih tur ang ani zo hman tlat. A Sakei khawi ram lama a dah bo daih tawha angaih chutia alo let leh mai chu Thangtawia ber pawn mak ti tak chuan thleng vung vungin, midang a tih nat mai loh nan a beng ah pawt in a kai hrang ta thuai a. Chutih lai mek chuan lal Fanu Saiziki hmelma pasaltha in a tlawhna avanga nauchhiat tur thawm chu a rawn chhuak chiah bawk nen, Pu Thangzoa chuan Pi Thliahpuii chu ring taka au lung lung in, an khaw nau chhar thiam Thliahpuii pawh hman hmawh taka tlan in, lal Fanu Saiziki kiang ah chuan thut hmun rem in, Mipa ho khan lal in chhung lam ah zawn lut vat rawh u tiin a tur nghal sek sek a.

... An buaina kiang tawh mahse nunna chan enge emaw zat an awm hman tlat avang leh khawchhung mi lal lamtang te zing ah pawh thihna kut vawt in a man mi sawm chuanglai an awm ve bawk nen, thinrimna nasa tak nen chuan hmelma inpe leh Upa Sawiluaia lamtang khawtual mi ve bawk te chu an phuar mawlh mawlh hlawm a. Hmelma lam erawh an hotu pahnih te tih loh midang panga tih loh chu nunna nei tawh lo leh an ruang senghawitu awm lo chuan an let phung a, hmeichhe lam pawh in hliam neuh neuh an awm ve tho mai. In pawngbeihna hmuna hmeichhe ho ring rawlh ve na awm chhun ani hial awm e. Kha thil avang khan hnehna pawh awlsam te a, an chan theihna lai te pawh ani thei awm e. Chuthil avang chuan Val Upa te pawn ngaih tuahna thar neiin nula tlawngawl leh awmno satliah ngawt ni lova, thiam thil neih tir ve chu an rilruk zui ta nghal reng a. An khawchhung buaina chuan a hmet na tlang in, lungmuanga in ngeih tlang dial dial a, an leng za ni a an ngaih lai a, an zawlbuk kaipui, tuk chhuak a feh kawng an zawhpui te ngeiin hnung lam atanga an lo beih ruk rengna chuan a thin a ti sa thar leh phat thin tih alanna chu a khat tawka thelh phat phat ngai an awm fo chu a tilang chiang hle awm e.

Chutianga pawn lama an buai laih laih lai chuan lal in chhung atang chuan lal fanu Saiziki te that that thawm leh tap thawm chu a rawn chhuak ta tlat mai le.. Thangtawia chu dan hman rual ani tawh lo. Rang lutuka a tek lut in a thil hmuh hmasak ber avang chuan ding chawih in, lal fanu nau chhiat thisen nena in chiahpiah nuai mai chu thlir vung vung in, lal Fanu in ngaihdam dil mitmenga alo melh tawk tawk chu pan hnaiin, a va kuah hlu hlu a, Saii minlo hrethiam lawk aw.. I chunga kut lek tu hian tupawi nge asawi kan hrilh hre lawk ange tih pah chuan pawn lam pan vut chu rual in, Pasaltha Taireka kil khata lo ang buan buan, mal leh mala min hmachhawn ngam in awm lo em ni tia lo iak iak chu a pan ding zui nalh a. Taireka kut phuarna chu zai chah sak mawlh mawlh pah chuan Chawivela melh in, Lawmpa he Pasaltha an cheh zet hi a chempui kha han pe teh, ani ang duang bei ngam tur tawk chu he khaw in tin ah hian an in zep tun tih kan kawh hmuh ange. Lal Fanu kut thlak tu chuan Thangtawia, Pasaltha Thangzoa tupa pawi an sawi tih khawvel hian hre rawh se. Khai le Pasaltha an thiam pa i in peih em. Pialral ah ka in ringlo lai mi bei tiin thiam thu i chham kual dah ange tih pah chuan a Chempui chu a vilik vulh vulh a.

... Thangtawia mitmenga thinrimna thuk tak lo lang chu Taireka chuan melh vang vang in, naupang in peih teh reng mai hnehna lo chang ta ila, min nun angem tiin zawhna a pe zui hmak a. Thangtawia chuan ka tiam a che kei hi min hneh anih ngat chuan dam in i chhuak ngei ang. Mahse i vangkhua ah erawh thlamuangin i nung ngai lo ang. Thangtawia thiante hian an en liam dawn si lo che a. A khai thu tam sawi angai lo hnehna i chang dawn chuang lo tih pah chuan a chempui chu vilik in, kha Thanghmelthaa kalo kal e tiin a sat phei nghal hmiah hmiah bawk a, khual kai meuh Pasaltha Taireka chuan a thiam thil hmanga lo beih let duh in, tum teh mahse Thangtawia kutthlak na lutuk avang chuan a chem hum lai chu a phe dawrh dawrh ani ber a, a mi beihpa lah chu a chau thei lo amaw tih mai tur chuan a Kutthlak chu a na tulh tulh leh nghal nen a chem hum lai chu a thlah lo chauh thin chu ani e. Thangtawia chuan chawlh lak det pah chuan Taireka chu a chhuk melh run a. Lawmpa a thianpa kha han phelh ve teh ti te chuan thaza zual pawh a reh nang mawle tiin a au zui lung lung a. Chutiang khawpa tham lo tu chu Taireka chuan melh vang vang in, Tlangval a tawk e. Pasaltha thih erawh chuan thi ve tlak ah ka in ngai e. Ka Lu erawh ka Nupui kiang min lo thlen sak hram dawn nia, Upa Sawiluaia ro min tiam kha kan awh hneh em avanga he kawng hi zawh mai kan ni e. Kan Vangkhaw chung ah chuan i thinrimna leih baw lo hram ang che. A chem paih pah chuan a nghawng chu a dawh zui siah bawk a. Khaw mipui leh lal leh upa ten an thlir thup lai chuan Thangtawia chem chu a phe zui fua bawka.. Mipui te tuarh kar ah chuan Taireka lubung lir tawp tawp tura ngai hawi chhuak ngam lo ten an thil hmuh avang chuan a hawi a ho hlawm a. Thangtawia chem chuan Taireka biang chu thuk taka zai thler hawk in, Pasaltha ka nun ang che. Pa nei lova seilian ka ni a, i fate fahrah an nih ve kher a tul lo ve. Tin Pasaltha nihna hi chapo pui tlak ani ngailo, kan lal hian in nun a zuah anih chuan kawng dik zawh tawh ang che tiin a in her san zui hmak a. Pasaltha Taireka chuan a hnunglam atanga melh vung vung in, nang zet chuan i than thui dawn teh e. Tunge i hma ah dingzo awm ang le!
... Hmelma Pasaltha Zaitina chu dinchilh run chung chuan Tuahkima chuan zawhna lo pe in, mawhhh zawhna ka zawh che chu, min hneh anih chuan nung dam in i chhuak ngei ang. Tih pah chuan in mal beih pui ah alo sawm tluk tluk mai chu niin, a thidang harh leh in, Tuahkima tal vel hmu vek tu, Pasaltha Zaitina lah chuan abeihmi anilo tih a chian em avang chuan chhanna reng a pe ngam der silo. Tlawm in tihna lian tak avang chuan bei ngawt se.. Chu Tlangval hma ah chuan NauPang ang chauh ani dawn tih tu hrilh hran ngai lo chuan a chiang tawk kher bawk nen, Tlangval ka tlawm e. I duh chuan ka nunna i la thei e. Beih mi lo pui kan lo bei che u ani e, tlawm taka kun nguih tawh Zaitina chu kuai dak in, nangpawh chhin chhiahna siam sak ve hlak i ngai anih hi tiin a beng hmawr chu a hleh thlak sak hlawk a. Hmelma la dam awm chhun leh Upa Sawiluaia lam tang Tlanglian khaw mite ho chu melh kual dun dun in, nang khan in mal beih i duh em? Nang i duh em tiin a kawk kual zut zut a. Thangtawia te thian ho hma ah chuan ding ngam reng an awm tak lo ah chuan lalpa chu rawn in rawlh in, khaile ka fapa te u, ti khan tha te te khan lo awm tir tawh u lal in chhung lama inzui lut dam dam in, an mi man te chung chang sawi ho tur chuan an thu kual nghal pat a.

.
.. Ka chawl rei deuh bawk nen Thluak a chawl tlat mai a, chhiar loh ai chuan ala ziawwm tho tur ah ngai ang. Crusade kan zo ta bawk a, ka rawn regular ve hret thei tawh ang chu maw.. Mahse Christmas a hnai viau nen tunkar bak erawh Christmas chawlh lak ve angaih hmel in ka hria. Kan ziaktu duhawm tak Muantea khiangte damlohna khum ah a mu mek e. I tawngtaipui ang u. A kan pawh a kan theih ania.
.
MAFAKA KHIANGTE.

[Ngaia]

PASALTHA THANGTAWIA EPI 15
Beih mi lo pui kan lo bei che u ani e, tlawm taka kun nguih tawh Zaitina chu kuai dak in, nangpawh chhin chhiahna siam sak ve hlak i ngai anih hi tiin a beng hmawr chu a hleh thlak sak hlawk a. Hmelma la dam awm chhun leh Upa Sawiluaia lam tang Tlanglian khaw mite ho chu melh kual dun dun in, nang khan in mal beih i duh em? Nang i duh em tiin a kawk kual zut zut a. Thangtawia te thian ho hma ah chuan ding ngam reng an awm tak lo ah chuan lalpa chu rawn in rawlh in, khaile ka fapa te u, ti khan tha te te khan lo awm tir tawh u lal in chhung lama inzui lut dam dam in, an mi man te chung chang sawi ho tur chuan an thu kual nghal pat a.
Thangtawia mi pangngai pha tawh lova an lo hmuh vek chutianga rawn pangngai ta viau mai leh tisa lian tak alo pu reng mai chu Tlanglian khaw mipui te chuan makti leh angaihna hrelo zet chuan an melh hrek hrek a. A nihna tak ah chuan an rap ru lek lek tih a lang tlat. Thangtawia vei kual velna lama lo awm apiang chuan an lo kian dial dial miau mai a. Lal Fanu Saiziki pawh a naupai ala hram lutuk lo hlauh bawk a, a nunna atan derthawng khawp in, awm lo mahse a nau chhiat erawh atuar na in, Thangtawia lak ah inthiam loh na nasa tak anei bawk nen kun chala thu in, a mittui a khap per sak sak a. Pu Thangzoa chuan lal Fanu chu kuah hlu hlu in, a hnem ve mual mual a. Thangtawia nu pawh awm mai mai lovin Saiziki kiang ah chuan thu in, inthiam lohna tur a awm loh thu chu alo fah ve mawlh mawlh bawk a. Thangtawia ding toh lurh mai chu a pu in enge emaw a rawn hrilh tak sup ah chuan rang taka vir vut in, lal Fanu Saiziki awmna lam pan chuan a pen zui pawk pawk a. A thiam tawk a, lal fanu hnem ve mual mual chung chuan lal fanu chu a kuh zui hlu hlu a. Lal leh Upa te pawn an rorel an keuh thlu ta bawk a, hun rei tak a thlum a al eiza a lo khawsa tawh mahni khaw mi leh sa ngei te han thah chimih thak mai chu ni thei nganga lalpa ber in a hriat tak lo ah chuan ngaihdamna sangber an chunga lan tir in, khua a tanga hnawh chhuah an ni zui ta bawk a, lal fanu te pahnih erawh lalnu thil tih leh khawsak phung chuan a den nat em avang chuan zak taka kun tlawk tlawk in, Ka pa ti te chuan Pasal nei ngam leh nei tlak kan awm tawh nang le.. Uire fanu han nih ngawt mai chu, tunge famo atan min duh ta ang. Hringtu nu ber Uire hrin kan ni ta ngawt chu ani a tia Saiziki tawng kam chu lalpa chuan chhan har a ti kher mai. Mahse iai miah lova lungchim taka pawm duhtu an nei tih an hre ngam lo zawk a nisi.

... Hmelma Upa Sawiluaia puitu Pasaltha Taireka te ho pawh an Silai leh hriam te laksak vek in, Tlanglian khaw lam hawia hriam lek tawh lo tura intiam tirna nen an thian thi tate ruang pawh an ngen ang ngeia hawn vek in, Tlanglian lalpa in a nun avanga lawm em em chung chuan khua an chhuahsan ve mek bawk a. An thei anih tak leh an Silai te chu tlan theih tur chuan thu an dah tel bawk a. Pasaltha Taireka te hawng tawh chu khawdai atanga lo let leh vang vang in, Thangtawia te in ah chuan a lut zui zat a. Thangtawia te Pu tu lo titi mawlh mawlh hma ah chuan dingin Thangtawia hnen ah chuan a nun a vanga lawmthu sawi pah chuan nun kawngdik zawh thei lo lek a, an chhungkaw harsat vaanga che anih dan te leh chu kawng chu zawh tawh loh intiam chung chuan remchang te a awm a, kan Vangkhua i rawn lawi ve anih ngai chuan khualtha thlen in ani ka lo thlen dawn che tia intiam chung chuan khua a chhuahsan leh nghal vang vang a.

... Hun leh ni a liam a, hnuhhram lak te pawh tluang taka zo chho ve zel in, Thangtawia teho pawh tuk chhuaka in zui dial dial chung zel a, hun an hman lai chuan Favang awllen lama an tih chak zawng leh thil tha tih tur te dao kual ve in,muangleia awm tih tak ah an thawm pawh ana ham ham thin hle reng a, hetiang vel kar ah hian lalpa lah chu Khawnbawl ten Upa Sawiluaia nupui thihsan tak Kawlengi chu la lut mai tur chuan an lo nawr ve mek bawk a. Tin lal fanu te pahnih lah in apa khawhar lungleng chu hmuh hrehawm an lo ti kher bawk nen, lalpa ber lah nise Kawlengi a Rawlthar D alo ni kher bawk si. Thawm a awm ru tan der tawh mai. Chutiang thawm neuh neuh kara an len lai chuan lalpa lungleng chhuanlam tur hre bawk silo chu Kawlengi te in ah chuan a tum em em pawh ni lo hian alo tei lut leh ruk ruk thin bawk nen khawnbawl upa te pawn sawirem dan kawng dap ran tha an tih tlansa alo ni bawk nen kawng an dap zui ta chuk chuk a.

... Favang awllen lai nun a rawn in her chhuak leh ta bawk a, kumpui lingleta an lo nghah fak alo ni bawk nen Thangtawia te thian ho pawh Tlanglian khua atanga Ni Sarih zet kal Thlawhbawk ram chhunga Ram Sial kawlhrawng leh fing zet mai, Pasaltha tam tak hliam a, an nunna hial pawh lo laksak tawh tu, mihring thluak ang a pu ve ta mai amaw tih tur khawpa fing leh a hnu pawh man fuh har, Pasaltha tamtak kei ka ni inti chin tawh ten thah ngei tuma an beih rawn fo tawh beidawnga lo siam ziah tu ngei chu han beih chhin ve reng reng chakna chuan a bual hneh bawk nen Thlawhbawk ngaw lam pan tur chuan funpur an er zui tluk tluk a, chutianga Thangtawia te thian ho che chhuak tur inbuatsaih thawm chuan khua chu than thuaiin, zui ve chak leh an zinga tel ve mai lo dil pawl pawh an awm nawk reng a, mahse an lo tum lawk tawh ang chuan an Thian Li te maia chet chhuah chu an duh leh tumdan ani tlang ta tho tho a, zen leh amu tamtawk an mamawh tih an hriat chian em avang chuan an theih tawp chu chhuah in, an in bautsaih mawlh mawlh reng a, mitthla a Se ki maw em em mai dah chung leh an thawm thangvel suangtuah chunga inbuatsaih an ni bawk a, an titi pawh a pawr tha thei ham gam viau e.

Thlawhbawk khaw ram lam pana an liam hma zan ah chuan kokim tak a lal in lam pan dal dal in, a khat tawk chuan Thangtawia chu fiam zauh zauh in, thiante hmuh lai em em chuan insum tur aw. Miten nei silo, nghei silo an ti hlauh dah ang che tih pah chuan Killaia chuan chhe heuu Chawia en teh khi tunge Pu Uaifuala tap zawla Nula thu khi, khual Nula kanlo kawl reng tihna em ni, nang hawi zau ah ilo hre leh khiau tawh lo maw tih pah chuan chu Nula tap mei engin a chhun zawnga a sam dum hlep hlawp kara a hmel fel vang mai lo lang chu a thlir vung vung a, a ruk te a a mah chauha rim alo tum rilruk chutianga Killaia'n a hmu fuh pawiti lutuk, Chawivela chu hawi fithla deuh hmak in,mikhual nula zawng zawng ka hre bik ziah lo tih lah hmalam pana kal nul nul chu rual in, a thiante chuan an nuih zui dar dar a. Chutianga Chawivela kal fal Thla eng in a chhun chin kawnga kal tauh tauh chu Pu Uaifuala Leihkapui atang chuan khual Nula ngei kai chuan U Chawivel kha khawilam nge i pan leh dawn si a, a rawn ti ta lauh lauh mai.. Chawivela chuan a kut zaizira khap tum viau mahse Thangtawia leh Killaia bengtha leh chak lutuk chuan an rawn hre hman tlat. Thangtawia chu ring leh uar em em a, nuih vak vak paha zuang kual vel in, Chawiek tunge a nih i hriat loh chuan a va hrechiang si che ve, Thiannu Chawivela hian ka hre ngai lo ati che ania, huhuhuuuuu... Kan Chawivel phawi ranga tih pah chuan Killaia leh Tuahkima te lam pana tlan in, Chawivela leh Nula in chilh vel lai chu kawk in, an thian thum chuan tlan thut in, Chawivela chu an pu lawk a, an khek zui uar uar a, chu khual Nula a hawi haih viau lai chuan Pu Uaifuala chu lo chhuak in, Kungi lo lut tawh Thangtawia te thian ho an nih pek saw thutak an pailo han tih ngawt dawn chuan kan khaw in nghahna an ni lawisi pawi erawh an sawi lo teh ania tih pah chuan lal mual lam pana in tum chho zawt zawt Thangtawia te thian ho chu thlir vung vung in, Thian tha hlutna hi chu ava thuk em tiin a phun sup sup a.

.... Kawl a en fel meuh chuan Thangtawia te thian ho chu an thleng thui hman tawh kher mai. Tluangtea an kal anih chuan Tuk thuan chu an khaw ram lui vel ah ei hman tura in ngai chung zel chuan a te ber leh naupang ber Chawivela hma hruaina hnuai ah chuan an in zui dam dam a, a khat tawk a, sa te nau leh sava zanriak an thawn darh leh tlan te chu thlek zuiin an nuisang hlawm a. Pasaltha tan chuan favang boruak thiang tak hnuai a, han vah vel leh zinkawng zawh chu alo nuam kher bawk nen, an hmabak lah Ram sial ki mawi danglam em em mai leh Pasaltha kei kani inti te lo tlawm tawh tu leh Thlawhbawk khaw lalpa phei chuan he Se lu hi ka hma a dah thei tu hnen ah chuan ka Darbu thami hi ka hlan ngei ang mawle. Ka Fanu hial nen pawh hian ka thleng duh hial in ania ka rin ni a ti fiamthu fo mai a, mahse fiamthu na chi loh tawp a nih a ngaihtuah thleng lo ani e.

... Kawng lak ah muangchang lem lo leh tibuai tu em em tawng talo chu an kal sawt viau reng a, zan thum ngawt mai ramhnuai pilril lam hlir zawh a hun an hman tak ah chuan Thangtawia chuan mahni mihringpui hmu reng reng lova, khaw hel zawng hlira hun han hman tak chu a khamawm riau ta mai ka ti. Khawnge khua i chuan dawn teh ang tih pah chuan an hmazawn thing mar tha sang fal nalh lam chu a pan tuih tuih a, a hma zan lama kawthalo in a zut ruk deuh avang te pawh aniang a zang a zal viau reng a. Midang pawn tha te te a, zui ve maiin Thangtawia chuan thing chu kuah chaih in a lawn zui nghal mai bawk a. Mihring dung chen awm alawn hman tawk awm e, Chawia khaw maw ka ke kha han dawm teh tun tum chu keimah ngei hian khua chuan ve ka duh ani tia au in abei zui fat fat a. Chawivela lah thing thiam tih tak ah i va chhe teh tuah tak e aw.. Len vum thur pawh hian awmzia awmlo anih hi tih pah chuan Thangtawia dawm tur chuan a lawn zui ve zat mai bawk a. Inchhung dung chanve awm an in dawm ta tih ah chuan Thangtawia pum chu ri ulh ulh in, hnuai lama awm Chawivela chuan i vawih vaih ange ka thlah che ani.. Thangtawia insum hman tawh lo chu a vawih zui tuar a, enge lo thleng ta a kawthalo kha a lola dam chiang lo nasa mai chu niin a vawih ngawt tura in ngai anih vei nen Chawivela chhip ah tak mai chuan a vawih luang ta duah mai le.. Rak teng tung chunga tawlh thla zawt zawt in, thingbul nghenga lo thu awn duai mai Tuahkima te pahnih lah Thangtawia ek per chuan a chhuk den sur sur mai bawk nen thui thui ti chunga tlan chhe thawm nen, Thangtawi, tawpa , Tawiek awi kanu a uih lutuk tia uak thawm leh Thangtawia nui thawm nen chu ngawpui chhung chu akhat ani ber a, atih luih ni silo, nuih za bawk si in ham tang zo tawh silo Thangtawia lah chu a lawnna thing atanga tla thla in, ala hnang zui vei rawl nen Chawivela uak vel lah mittui tla phunga an tui paia insil in, in duh chen chen hnang rawh a ti fi hmak hmak bawk nen ka tih luih anilo ti tial ruan chung chuan leh lam hawiin Thangtawia lah a khi ang sun sun bawk nen tiang reng reng a vawih tak tha kala tawng ngailo tia an hla rawn chhamtu tawngkam chu lawm in an vai mai chuan Vawih tak tha tih ngawt mai chu an nuihpui zui tlawrh tlawrh a.

... Chutianga tlangval thankin zet mai vaihlo fun lang huang huang khawpa an nuih buk tlawrh tlawrh lai leh fimkhurna reng nei lova an buk tlawrh tlawrh lai chuan tumah kha che tawh hlek suh u, chu thawm lo chhuahna lam an hawi nak chuan Mi sawmhnih chuang lai tur hmela thinurna a khat tih hriat tak te chuan an lo hual thup tawh chu niin. Thangtawia chuan enge nita le pute u a ti dam zui dap a. An zinga hotu ber ni awm tak chuan min bum chu tum hlek lo mai teh u, nangni ho hi in hnu hma thup tur leh umzuitu in neih leh neih loh chian tura an dah che u inni ngei ang maw.. Khawnge kan lal fanu te thian dun chu in dah. Khawilam nge an panpui tih pah chuan Thangtawia chu a silai hmawr chuan a nawr chilh zui rap a. Pu a i duh chuan i hmet puak thei ang. Keini hi heta tanga khaw hla tak Tlanglian khaw mi leh sa te kan ni e, tun a i thu rawn chhak chhuah thu ah erawh a mualbo in kan bo tlat thung. Mikhual ve mai kan ni e, Thlawhbawk kha ram chhunga Ram Sial beiseia thawk chhuak ve mai kan ni e. Fel fai tak leh zamna tel map lo a chhang in a thut ngai reng chuan ala thu awn duai a, Sihal kaw hlui deuh reuha thu anih avang chuan pa tawi lam bem lei luai hi a ang mah zawk leh nghal a. Chu Pasaltha chu za lem lo tih hriat taka ring taka nuih huah huah pah chuan Tlangtlira hi nangni ang duang bum mai mai chi ka ni love, khai le nauteu heng mite ralthuam hi khawm sak ula, khawchhung ah Se chaih ngat in kan chaih lut tur ani. A naute melh kual paha thu a pek hun lai hun tha tawi te chu Pasaltha Tuaitir Thangtawia tan chuan hun tha tawp ani tlat.

.. Tun ah tih paha au thawt in, Pasaltha Tlangtlira silai dawt chu a vuan zui chat a, a phih tu tha in a hneh bawk a, Tlangtlira chuan lehhh pawh a ti hman meuh lo. Thi tur kan awm anih chuan kan rual in pali chu in kal ve khawp ang. Tin nanghi i thi hmasa ber bawk ang. Patawi bim leih luih a alo ngaih chuan hneh zeta rek bet in, a ma silai ngei mai chuan a tin chilh ta rup mai si. Tlangtlira chu Thangtawia khabe hnuai ah chuan tal ve viau chu tum mahse che tawh suh ti a vauna aw chu a vawt tel tlat tawh. Thangtawia chuan an mahni hual tute chu melh kual den den in, kan sawi ang khan keini hi Tlanglian khaw mi leh sa te kanni, khawi khua leh enge in harsatna lah kan hre hek lo. Mahse keini ni ila in tih ang tho hian kan mi hmuh hmasak chu kan ringhlel ve ngei ang. In Pasaltha sawi dan hmang ah khan in khaw lal fanu leh a thiannu chu ruk ni awm tak ani a, ni e, nang leh i thiante pawh hi in tel ngei ka ring.. Chutah zawng an mahni rawn hualtu zing a pakhat chu rawn tawng chhuak in, Tlanga duhtawk tawh teh thihna kotlanga ding chu nangmah i nih kha heng mite hi an ni thei lo ang ka tih tawh kha.. Val Upa Kaikunga rawn tawng chhuah tak ah chuan Pasaltha Tlangtlira pawh chu angawi zui ve mai bawk a. Tlangval i silai kha dah phawt teh thu in i sawi fel teh ang. Thangtawia lah chuan ni ang hmiang kha nangni lam khan in dah ve ngam dawn em.. In duh leh ti khan minlo tin mai mai teh u, mani lo maha ramhnuai Nin tawh nak laiin mi dawihzep ngenmu in mi fam tir hlei lawng e tih leh Silai lek hniam in hlauh neilo tih hriat tak chuan Pasaltha Tlangtlira chu nam pheiin a dep zui zauh pek a, chumi hmu hman lo midang te chuan tha te te in an in kaltir a an ngaih vek lai chuan Tlangtlira tan erawh a tlawm thlak ngang ni tur ani a ter nghal at reng a. Nau a ka dep e, min han tih khanglan chu le..ka that khawp ang che tih leh a chem chuh a rual ta mai a. Thangtawia chuan min thah hma in, in lal fanu te thian dun i thurualpui te nen in dah na lam chu sawi mai la, helam kawng rawn zawh nise hnuhma awm ngei tur ani dawn lawm ni. Val upa i nih ngei ka ringa tih pah chuan Val Upa Kaikunga chu melh in, hma hruai zar zar tu ani ang maw tiin Tlangtlira chu a kawk zui siah a. Val Upa lah chuan ni e, mahse engtia Kan Pasaltha chu ringhlel mai nge i nih tia zawhna a pek let leh lai tak chuan a tawk tia Pasaltha Tlangtlira au tuar leh a chempui nena rawn che chhuak chu Thangtawia chuan lo melh leh daih tawh in, Pasaltha Tlangtlira lam ah chuan a dawk phei zawk a, Tlangtlira Chempui vai chhuahna zak hnuai ah chuan lut zawk in, a chempui rawn vaithlakna tha a kiu bawr chu a dar chuan ava do zui chat a. Ban ruh tliak ri leh natuar te thawm chuan chulai ruam chu a khawk nghal raih raih a.

... Duhtawk ang aw.. Ka theib ve leh ka rawn chhunzawm leh dawn nia.. Kristmas chibai vek ule..

MAFAKA KHIANGTE.

ISUA DUHDAN IN KRISMAS HMANG ANG AWW.

[Ngaia]

PASALTHA THANGTAWIA 16

Nau a ka dep e, min han tih khanglan chu le..ka that khawp ang che tih leh a chem chuh a rual ta mai a. Thangtawia chuan min thah hma in, in lal fanu te thian dun i thurualpui te nen in dah na lam chu sawi mai la, helam kawng rawn zawh nise hnuhma awm ngei tur ani dawn lawm ni. Val upa i nih ngei ka ringa tih pah chuan Val Upa Kaikunga chu melh in, hma hruai zar zar tu ani ang maw tiin Tlangtlira chu a kawk zui siah a. Val Upa lah chuan ni e, mahse engtia Kan Pasaltha chu ringhlel mai nge i nih tia zawhna a pek let leh lai tak chuan a tawk tia Pasaltha Tlangtlira au tuar leh a chempui nena rawn che chhuak chu Thangtawia chuan lo melh leh daih tawh in, Pasaltha Tlangtlira lam ah chuan a dawk phei zawk a, Tlangtlira Chempui vai chhuahna zak hnuai ah chuan lut zawk in, a chempui rawn vaithlakna tha a kiu bawr chu a dar chuan ava do zui chat a. Ban ruh tliak ri leh natuar te thawm chuan chulai ruam chu a khawk nghal raih raih a.
... A kut khing khata Tlangtlira hrawka reh chaih pah chuan a bul thingkung ngheng chuan lei silo chuan a rek ang chawp chawp a. Thangtawia tawngkam leh Tlangtlira chetdan atthlak tak avang chuan a tu amah chuan pui tange tilo chuan an thlir rawn thap a. Lawmpa i rek hlum mai ange, thu zawhfiah tur kan la neih kha tia Killaia tawng thawm ah chuan harh zawk in, Thangtawia chuan Tlangtlira chu lei char ah chuan a theh vir zui nawk a. Chutiang khawpa lian leh thahrui ngah che vel chu ZAUPUI val rual te chuan la hmu ngai hek lo, Thangtawia chu melh rawn thup in, a tawk viau e tia rawn chelh tu Tuahkima lah chuan Thangtawia ai chuan alo la lian zawk leh nghal. An duh ai thui an pen tep tih Val upa chuan ngaightuahin leh lam hawi chuan a ner ru sawk sawk a. Ka Pu ti a Val upa Kaikunga lam hawi pah chuan min hrethiam ula, in khaw buaina ah hian he in Pasaltha hi a meizang hlap tu ber anih ka ring tlat nia, mahse chuti maia awlsam chuan a in puang dawn hauh lo. Kan dawp hle angai dawn a kan dawp lai hi in vaia hmuh a tan anuam kher lo thei engtin nge ni ang. Khulai ruam ah khuan i ho in kan chhuk dawn em ni ang. Nangin a zia i hrechiang sa bawk a, i dawp hmasa ber ang chu tiraw tiiin a rawn zui vat a.

... Pasaltha Tlangtlira leh Val upa Kaikunga chu lungpui phen ah chuan in hrawk leh in vin that that chunga in dawp in tisa ri no chawk chu a rawn chhuak leh zauh zauh thin bawk a. Kaikung kei in khaw daingul leh i thian Sabeng lo ni thin aiin heng hmel hriat loh khual val te thusawi hi i pawm zawk mai hi mak kati hle nai che. Eng anga nasa pawh in min khawih in min sawisa mahla i duh i hmu chuang lo ang. In mi rinhlelhna ah hian ka fihlim chiang em mai tia tan takte a a tan tak ah chuan Val Upa phei chu a beidawng ti tih der tawh a. Thangtawia chuan a nih tute thiltih nge tia zawhna pe thut in, Pasaltha Tlangtlira chuan rang lutuka lo chhan pah chuan nanga khual vakrawlai kiang ah khan ka sawi hlek lo ange, a sawi tum loh pui a au chhuahpui ruala in hre chhuak nghal in, hria pawh ni ila a tih zawm leh zat a, mahse a mah din hual tute chuan a mitmenga hlauhthawnna lo lut zauh chu an hmu hman tlat.

... Val Upa beidawng thu chhuak hlawl chuan engtia tih chi nge maw ni dawn le tia luthak hiah sut sut paha Thangtawia lam melh deuh run chunga a rawn tak ah chuan Thangtawia chuan kawngkhat chiah a awm. Khaile thiante u a kut leh ke kha han phuar phawt ula, a ka kha in hnawh tel dawn nia, a nuamti rak vel midangin an lo hre zau hlauh dah ange. Tuahkim hma kan hruai ve tawh ange, Mipat, mipatna kan hmang mai aniang chu khai le.. Nu i helai ah khumpui a awm si lova, in lama khumpui kai ang hrim in lawi that zan i hmang teh ang tih leh a vaihlo fun khalh puk a rual ta mai a. Sawisak tinrenga sawisak tawk tura in huam leh a thih hma chu a thuruk puan tum lo. Pasaltha Tlangtlira hmel chu maanganna chuan a rawn tuam nghal mup mup a, au chhuak tur in a ka hnawh sak tlat ani bawk si. Val Upa pawn hmuh nuam lo a ti nge leh lam a hawi hmak mai bawk a.. Tha chak zeta kuai bungbu lawp tu Thangtawia lam chu hawi tawk tawk in, Pasaltha Tlangtlira hmel chu a dang var pup tawh a, thei leh thei lova in puan a duh thu a au pui tawk tawk tak ah chuan Thangtawia chuan a mawng hang ah chuan a kut khinghnih hlai leh chhah zeta ben rik sak thawk pah chuan a ka phuarna chu a phelh sak a, mahse a laipui erawh ala khung duh lo lui tlat. Sawirawh tih pawh ngai tawh lo chuan Tlangtlira chuan a thuruk chu a sawi nghal zung zung bawk a. A tawp khar nan min that dawn anih pawh in, mipa pangngai thihdan ka phut ve e.. Mipat, Mipatna lam kher kha zawng tia khur dur dur chung chuan( Mipa leh Mipa inpawngsual Aizawla thleng lawk tur hi alo hmu lawk aniang) Ka duhlo ani a ti kun chal a. Val Upa chuan aw le i thi khawp ang i thih dan tur chung chang ah erawh kan lalpa thu thu ani ang. I thurualpui kan Khawnbawl Upa dangnala pawh chu a nui rei hauh lo ang tih pah chuan hnar chiam buih khawp chuan a chum sak zui chawrh chawrh a. Ten hmel zeta melh chung chuan thah nghal law law che hi ka va chak em tih paha khai tho lawp in, midang ten anlo nghah na lam pan chuan a phih chho zui dawr dawr a.

.. Val Upa Kaikunga chuan Thangtawia teho kal mai tuma insiam mawlh mawlh lam chu pan in, E khai Thianteu kal mai tum in va ang ve aw hei kan buaina lianber min chinfelsak a ni ruai tawh a lawmthu pawh inhrilh hman lo lek a, in liam leh daih mai te chuan kan lalpa hmel kan hmu ngam nang le, a uih zawn ang vut vuta phet pawh in kham ve lawmni. Tin, in kal tumna Thlawhbawk ngaw hnuk hnaihna kawng chu kei leh kan lalpa chauh hian kan hre tlat ania, he kawng in zawh zel anih chuan alo ber ah kar ah zanthum tal hun inla hmang ngei ang. Ka kawng hriat erawh nikhat tha inkal chuan in thleng ngei ang. Tin, rem intih chuan he Sa ropui hi beih ve chhin ka chak hrim hrim bawk nen in kianga han tal vel pawh ka chak khawp asin, mahni khua ah ngawt tal reng zawng in, fa chawi lovin kan fam mai dawn a lawm le tih pah chuan Thangtawia Sahmim chu a la lawk a a kalpui nghal nul nul a. Chawivela chuan in khaw nula hmeltha run min lawipui ngei angai dawn anih chu khawnge i tal tak tak teh ang aw. Hmel lama uang ngam fa chu kan tla na leh deuh dawn ani mai lawm tih leh pheikhai zang vaha pen chhuah chu rual in, a thiante pawh ngaihsak lek lo chuan a titi zui bawrh bawrh a.

... Khawdai an hnaih tan tih ah chuan Thangtawia chu ding chawt in, ngawi lawk teh u hetia khua kan luh ngawt a, a hlawp hlawp a lal fanu te an tantir na lam kan pan a nih chuan kan mi tenawmpa thuih hruai te hian kan thawm an lo hre thuai anga, tin kan mi chhan chhuah tum te nunna tan pawh hlauhawm a chang thei tlat a ka hriat chu le tia a ngaihdan a sawi chhuah tak ah chuan Val Upa chuan e khai ani dawn tak maw ka phur luat ah ka dai phelh lo chauh chu ani e. Engtia hmalak chi nge ni ang aw tih pah chuan Thangtawia chu rawn mitmeng zet hian a melh let hu hu a. Thangtawia chu a thu chhuak an nghak tih a hriat tak ah chuan inthlahrung duh lovin awle hei kan hriat theuh ang in, kan khaw Pasaltha ngei maiin hnunglam atangin minlo bei reng tlat mai a, hetia khua kan luh mai chuan kan mi tenawmpa thurualpui tehi kan man chhuak mai dawn hauh lo. Chuvang chuan kan Val Upa tih loh midang te hian kan mitangpa hi lo veng phawt mai sela, keini ho erawh kan lal fanu te an thuhruk na lam chu i pan vat teh ang u. U Kung hma ham hruai teh le tih pah chuan a Silai lek chhuak in a endik zui mawlh mawlh a. Zaupui tlangval pathum ten kan kal ve ange an tih tlat avang chuan an ni thian li nen thawm dim thei ang ber chuan lal in hnunglam kham awih bungvut bul thut lam chu pan in an pen pawk pawk hlawm a. Nasa tak in lal fanu te thian dun hi zawng tawh mahse tuna an dahna mual lam kal tura inpe te hi Pasaltha Tlangtlira lam tang te hlir an nih thin avang te pawh aniang lal fanu te chin hi an dap fuh thei tlat lo.

... Thangtawia hnar fing danglam zet chuan mei rim a man fuh ta tlat mai le.. Ding lawk teh u, kan hlat tawh vak lo in ka hria tih leh hmahruai chu rual nghal in, a theih chuan min lo nghak lawk teh u, Chawia nang i chet a hun tih leh a mah chu pil bo chu a rual nghal a. Chawivela erawh rang leh zei taka a bul Thingkunga pakai nalh in, zawngthlah niawm hrima mawi chuan buaina nei map lo chuan an hmazawn mei rim lo chhuahna lam hawi chuan a ban phei nghal zung zung a. Midangten an lo nghah thap lai chuan Thangtawia chu rawn kir leh vat in, kan pawngbawh ngawt thei lo ang. Mi sawmlai mai an ni tlat. Panga laiin Silai an kawl leh nghal engtia hmalak chi nge ni ang aw tiin a ngawi zui vang vang a. Killaia chuan engpawh nise, kan Val upa hian kan lal fanu te hreng tute chu chian ve sela atha lo maw. An zing ah khawtual mi te an awm ve thei tho ania, tin hengho hian eitur petu an mamawh ngei dawn a, tin kan Pasaltha khan a tlawh fo in ka ring lem kan chan a ngaih mai ka va ring em. Tun khawenga kan chet mai chuan kan chesual ve thei tlat. Unau hmelhai hun tal i nghak ang u tia a ngaihdan rawn sawi chhuah pah chuan Val upa chu kheuh zauh in, Thangtawia lo kir leh na kawng lam ah chuan an pil zui ta thuai a.

... Val Upa chu chek tlak tlak chunga thu zawi hnawk in, thil hi alova mak ngai em ka mi rin tak tak te pawh maw he thil ah hian lo in hnamhnawih le.. En teh u sawlai tlangval pahnih saw ka laichin hnai tak te an ni asin. Hetiang ang a nun kawngsual zawh tur hian kalo ring ngai lo. An chung chang thu chu keimah ngei hian lalpa hnen ah ka thlen khawp ang. Ka naute lo hmin a, nun kawng diklo zawh tir tu kan khawnbawl tenawm pawh chu ka chandarh khawp ang tia inseh ruh teuh chung chuan a thu sai ngat ngat a. Chutia an thlir reng lai chuan khawtual tlangval panga lai mai chu insiam zung zung in, kan kal a hun e kan Pasaltha pawh a rawn lang tep ang tia in thlah fel in a ruk thei ang ber chuan khawchhung lam pan chuan an liam zui ta thuai a. Tuahkima chuan kan nau pakhat chuan a eng chu rawlruk zauh ni maw an miman te chu, khang tlangval te kha an duh vang renga he thil ah hian in barhlut an ni lo thei tlata ka hriat chu le tia phun bul bul chung chuan a thiante hnung ah chuan a let hnu hnu a.

... Ril pawh atam ve viau tawh sin le, kan Pasaltha pawh chu ava rawn lang har ve tia lal fanu te vengtu pakhat a phun bul bul lai chuan an chhak kawng atang chuan pen thawm a rawn chhuak ta thuai a. Pakhat chuan chu alo lang mai a lawm. Naupang chhe tam tak hian i tam fal thin nge mawni dawn ni i rak hlut zel mai. Zanin zanlai ah kan chuan kan thiante pawh an rawn thlen belh tawh ngei anga, khua khi kan awp hun ah chuan helaia Thosi leh Vaihmite min seh man hi khawchhung nula ho khian an hmu mawlh ang. Kei lalnu ngei kha a kakpui ka lawnpui dawn khawp mai. A la tuai nalh pur pur em mai. Kha ilo thleng a ti hman tawk tih ah chuan a tawnglai chu tawp chawt in tumah che tawh suh u, hual beh vek in ni tawh tih thawm rawn chhuak leh an Pasaltha nghah amaw tia an lo thlir Tlangval pianthiam leh lian thelh thawlh an mahni Silaia tin chunga rawn pen chhuak chu melh zawk zawk Tute nge in nih a ti tial zui ruan a. An zinga pakhat chu rak thawt in a silai hum lai chu a thlauh nghal nawk bawk a. Chunglam thingzar atanga chempui hmanga vawmtu bawk chuan chet lak tum leh in awm anih chuan thihna ani tawh ang tih paha Silai kau ri rap chu an hre zui zat bawk a. Chutah kil hrang hrang atang chuan Silai hum thiau mai paruk lai rawn chhuah belh leh in, an zinga Palian em em mai, an mi hmuh hmasak ai maha la lian tur in Talhtum ni awm tak a rawn hum chhuah chu an melh zak zak hlawm a.

... Mangang tak leh hrehawm taka siam tu leh an lal fanu te lo ru chhuaka lo hreng tute hmel an hmuh chian meuh chuan Zaupui Tlangval te chu insum thei tawh hek lo le, a rem lai lai ah chuan an tuk ri nghal chawrh chawrh a, han bei let ve ngawt dawn se, Talhtum liana chuan lei alo vaw ri dut dut mai bawk si. Tlawmla tih hriat tak chuan an then chawk chawk hlawm a, Chawivela leh Val Upa ten hreng ata an hruai chhuah lal Fanu te thian dun chu lawm avanga bianga mittui luang chung chuan an insut hlawp hlawp a. Thangtawia chuan nui vur vur chunga pan in, e khai hlauh tur engmah a awm tawh lo ania, a tu saw nge nunrawng ber tiin hmelma lam thu kun lap tawh chu a kawk kual zut zut a. Lal Fanu chuaan an mahni rawn chhan chhuak tu Tlangval lian tha zet mai chu melh zak zak in sawpa Sawn tih pah chuan an zinga kum lama u ber niawm tak chu a kawk zui vah a. Lo hnai rawh tih paha lal fanu bana kaih chu rual in, a chempui chu a phawrh zui thuai a. Bungbu rawh tih pah chuan chu Tlangval hnarkua chu a chhoh pir sak tawn a. Lal fanu kuta chem pek pah chuan chem phek zawng khan hem rawh he mihring mawng ah hian tih pah chuan a nui var var a. Lal Fanu hmel a en chuan a zam tih hmu nghal in ti hian mawle tih leh lal fanu hnunglam a din chu rual in, a kut chu lek sak pah chuan fet zet a lek puiin, hmelma pa mawng chu a hem rik pui thlawp thlawp a, an ban vai chhuah apianga lal Fanu nautam tlei na ve taka nawk lui ngat zel in, lal fanu lah chu nuam tiin a nui hawk ang iar iar a, chutianga thaha vau fo tu mawng hlap theia a awm chu a lawm awm danglam em bawk ani e. Killaia chuan Thangtawia chezia chu man vat in, lal Fanu thiannu khawnbawl min Fanu chu lal fanu chet dan anga chetpui ve tuma pen chhuak nghal in, Parmawii kiang a thlen hma chiah chuan Chawivela chuan a rawn tlak khalh hman tlat. Tih tur hre mai tawh silo lai kual vel chuan aw ti khan hem rawh u, hem pawp pawp rawh u tia lo zuang kual thurg thurh in, hlauhawm kar ah pawh nui reng thin an nihna zia rawn chhuak leh tawh in, Thangtawia te thian ho chu an lam kual ta zuk zuk maia chumi paha hmelma lam ho chu tlawh zi leh awrh thin in, khawnge khawchhung thleng i chaih ang aw tih pah chuan hmelma lam chu an phuar zui mawlh mawlh a. Tuaha kha chaih kual teh tih paha hrui pek pah chuan Thangtawia chuan lal fanu chu kaiin awih pang ah chuan a pawm chho ang nawlh nawlh a. A sa thalai nilo a Misa bawk maw ka chan leh tak tia phun nuah nuah chunga hmelma lam an hnuk tak tak mai zawng sawisak ai pawh in a thlanawm kher lo ang..Naupang in Sephung an khal kual ang maia hneh sawh chuan a chaih kual ani ber e.

.

E khai thiante u ziah akhat aniang ahar ngang ngang khawp mai. Hriat thiamna nen minlo chhiarsak leh mai teh u. Ka theih anga hma ah kalo kir leh ang.

MAFAKA KHIANGTE.

[Ngaia]

PASALTHA THANGTAWIA EPI 17

Lal Fanu chuaan an mahni rawn chhan chhuak tu Tlangval lian tha zet mai chu melh zak zak in sawpa Sawn tih pah chuan an zinga kum lama u ber niawm tak chu a kawk zui vah a. Lo hnai rawh tih paha lal fanu bana kaih chu rual in, a chempui chu a phawrh zui thuai a. Bungbu rawh tih pah chuan chu Tlangval hnarkua chu a chhoh pir sak tawn a. Lal fanu kuta chem pek pah chuan chem phek zawng khan hem rawh he mihring mawng ah hian tih pah chuan a nui var var a. Lal Fanu hmel a en chuan a zam tih hmu nghal in ti hian mawle tih leh lal fanu hnunglam a din chu rual in, a kut chu lek sak pah chuan fet zet a lek puiin, hmelma pa mawng chu a hem rik pui thlawp thlawp a, an ban vai chhuah apianga lal Fanu nautam tlei na ve taka nawk lui ngat zel in, lal fanu lah chu nuam tiin a nui hawk ang iar iar a, chutianga thaha vau fo tu mawng hlap theia a awm chu a lawm awm danglam em bawk ani e. Killaia chuan Thangtawia chezia chu man vat in, lal Fanu thiannu khawnbawl min Fanu chu lal fanu chet dan anga chetpui ve tuma pen chhuak nghal in, Parmawii kiang a thlen hma chiah chuan Chawivela chuan a rawn tlak khalh hman tlat. Tih tur hre mai tawh silo lai kual vel chuan aw ti khan hem rawh u, hem pawp pawp rawh u tia lo zuang kual thurg thurh in, hlauhawm kar ah pawh nui reng thin an nihna zia rawn chhuak leh tawh in, Thangtawia te thian ho chu an lam kual ta zuk zuk maia chumi paha hmelma lam ho chu tlawh zi leh awrh thin in, khawnge khawchhung thleng i chaih ang aw tih pah chuan hmelma lam chu an phuar zui mawlh mawlh a. Tuaha kha chaih kual teh tih paha hrui pek pah chuan Thangtawia chuan lal fanu chu kaiin awih pang ah chuan a pawm chho ang nawlh nawlh a. A sa thalai nilo a Misa bawk maw ka chan leh tak tia phun nuah nuah chunga hmelma lam an hnuk tak tak mai zawng sawisak ai pawh in a thlanawm kher lo ang..Naupang in Sephung an khal kual ang maia hneh sawh chuan a chaih kual ani ber e.

... Zaupui khaw kawtchhuah an thlen meuh chuan an mihren te taksa hmun hrang hrang chu a pilh vual tet tut in, ke zungtang tin nei kim a bar pawh an awm tawh lo. An taksa na in chau teh mahse an mahni kaitu leh chaihtu Tuahkima tha chuan a hneh em mai a, an han tluk deuh chawrh pawn an thawh leh vat loh leh a hnuk thui ting ani mai si.. Vawitam ti hlum law law tura an ngen pawh thil awmlo ani hauh lo. Kawtchhuaha an chawlh muan hlek chhung chuan an tlukna tur leh an delh tur lam an ngaihtuah hman tawh lo. Tuahkima hnung ah chuan an thal nghal phawk phawk a. Val Upa Kunga chuan engtia hmalak nge tha ang tia Thangtawia melh pah chuan Thangtawia ruahmanna ah chuan a in nghah thui zia a mitmeng chuan a lantir nghal bawk a.

... Thangtawia chuan val Upa lam chu hawia inher rem pah chuan kan vai maia khua kan luh rual hi atha zawk in ka ring, lam kal kan intir hmasa anih chuan kan mi reh duh ber kan Upa leh a chikawite tan bikbo na hun kan siam thei tlat. Tin, kan thian thenkhat a tlawmngai thei te kan awm anih chuan khawdai hi lo nghakse a tha awm mange. Relhbo tum te pawh awm theih ani tlat mai a tia rawtna a siam chu a tha an ti tlang bawk aniang kei kalo awm ange an ti zui sap sap a. Chawivela pawh chuan kei kalo awm ve ange tia tawng lo cheh ve thuaiin, Chawivela leh khawtual tlangval pathum te chuan khawdai nghak tura thut hmun rem in, vaibel an beng muk sauh sauh a.

... Zaupui khaw hmawr an lut tan tih ah chuan Rawlthar rual khat inthiar tuma lo chhuak hal hal te nena intawk in, chung rawlthar rual te chuan angaihna hrelo zet chuan meichher eng kara lal fanu te thiandun leh hmelhriat loh Pasaltha rual te, an khaw daingul Pasaltha Sal kaih taka an kaih leh hmelhriat loh mitang an kaih te chu melh zak zak chunga in melh kual pah chuan hman hmawh tak chuan lal in lam pan in an tlan nghal dawr dawr a, an tlan pah chuan lal Fanu te an lo haw e tia au lauh lauh pah zel in, lal in chu an hnaih nghal ruak ruak bawk a. Khaw mipui zanriah eikham hlim te pawh pawn lama lo tlan chhuak thuaiin, an thil hmuh avang chuan angaihna hrelo zet leh lawm em em chungsi chuan an hawi ka ho hlawm a. Patling thenkhat chuan Val Upa leh an khaw tlangval te chu thil awmzia lo zawt tawk pawh an awm nawk reng a. Mahse chhanna erawh tuman an dawng lo thung. Makti leh angaihna hrelo zet chuan mipui chuan zui dul dul in, thenkhat ralthuam lo chuh tawk lah bo lo. Lal in lam pawh muk tak leh rilru a kiltin dap kual chunga an lo thut khawm thap lai a, thu lawm awm leh lawm awm loh lam in a den tak phut ah chuan phu suau suau in, lalpa Sanglura erawh lal zepui diktak lan tir in, a Silai tun chu la thla in, buaina nei map lo leh kut khur eih lo chuan a Silai mu abeng zui mawp mawp a. Silai nena a din chhuah leh lal in tuala lal Fanu te rawn thlen chu a in rual tawk viau awm e, pawn ler lama upa te nena an chuan chhuah ve meuh chuan lal fanu leh lalnu chu in kuah chunga lo tap rawih rawih in, Zaupui khaw mipui thenkhat ten an lo chibai nak nak bawk a.

.. Zaupui lalpa chuan a khaw Val Upa chu dingtaka melh in, e khai Kunga eng kan ti ta nge ni ngai kan in barakhaih dan ava dang ve tiin a zawt dam dap a. A aw a dam viau nanga nelawmna erawh a tel hauh lo thung. A kiang hnai bera lo ding he buaina bul tantu Upa Kapsanga chuan thikna bak ani hauh lo ang. Kan Val Upa hian Pasaltha hi a thikna a rei tawh reng ani. A lamtang tur in khual val te pawh alo chah lawk vek anih ngei khu tiin lal rilru chu hmin alo tum ve mek bawk a. Mahse lal fing leh rilru puitling zet mai lal Saingura chuan a khawnbawl upa aw khur ru dar dar leh a kut thlan a nuai lai chu a hmuh hmaih tlat lo. Ka khaw daingul Sal ang maia hlin ania, khual val engemawzat hlin an ni bawk a. Hmelhriat loh Tlangval thuam famkim nena inthuam ka hmu bawk a. Hun rei tak kan lo zawn tawh leh dama hmuh leh kan inbeisei tawh loh ka fanu te pahnih pangdamin ka hma ah an awm bawk a. Ka khaw daingul Pasaltha Sal chaih taka chaih tu lah ka Val Upa ngei ani bawk si. Khai le Kunga thil awmzia min han hrilh teh le tih pah chuan Luhkasanga ding chhuak tur chuan Val Upa chu a hui nghal zat bawk a.

... Mipui ri mur mur kar ah val Upa Kunga chu pheikhai zangvaha pen chhuak in, lal dinna kiang ah chuan a han ding zui vanga, lalpa beng bula thil sawi zauh pah chuan mipui lam hawi chuan a kut a phar chhuak thuai a. Val Upa chuan khua atanga lal fanu te zawnga an feh chhuah dan leh Thangtawia te ho nena an in tawh dan te, Thangtawia leh an khaw Pasaltha an in beih dan leh an dawp chhuah tak dan te, lal fanu te an chhan chhuah tak dante chu sawi zar zar in, mipui thinrim rum thang hup hupnkar ah ah chuan heng kan buaina zawng zawng lo chhuahna bul chu tih paha Khawnbawl Upa Kapsanga lam a hawi rual chiah chuan kha le lalpa tih leh Upa Kapsanga tlan chhiat tum zuan chu a rual nghal a. Mahse Val upa Kunga aia awm hnai zawk lal Sanglura chuan a khawnbawl chhipsam ah alo khai hman tlat. Upa kapsanga chuan zamna tel mapa lova lalpa chu melh in, ka thu hi i ngaithla ve phawt dawn nge i khawnbawl thu aiin val Upa thu hi i dah lal zawk dawn le tiin lalpa chu a melh let khai khai a, lalpa nui hul hak ri chuan a chhanna ape tih a in hria ni tur ani. Ring leng lawnga au chhuak in khai le tun ah tiin a lamtanga alo siam tawh te a ruk te a lo inzar pharh ho te chu chetla tur chuan a fuih zui nghal tuar tuar a.

... Mangang leh angaihna hrelo zeta Upa Kapsanga hawikual vel chu Tuahkima leh Thangtawia chuan lo nuih put put chunga hawi kual in, khawnge upa lamtang te chu an awm tak ti ni awm tak chuan an hawi vel ruai ruai a. Chutih lai vek chuan upa lamtang aruka lo inzarpharh te chu a mal te te chuan hnungkhirh chunga rawn nawr chhuak nawk nawk in, Thangtawia hma ah chuan an rawn tlawh thingthi hnawk hnawk a. Thangtawia chuan Upa Kapsanga chu nuisunga melh chung chuan Pu a, Thangtawia thlen chin ah tuman bumna an hmang ngailo tih ilo hrelo ani e. Mahni aia fing, fin khalh tum chu harsa deuh asin, lalpa heng tlangval ho zing ah hian mitha tak tak an awm tih ka chiang ania, kha mitenawm khan vauna tinreng nen a lam tang ah a siam ani. A ma rindan a kalpui na mah mah em aw tia lo thlek ha ha tu Killaia chu Thangtawia chuan kiai khum suk pah chuan Kapu Thangfing minti mai te che ava tih khum zauh pek a, Thangtawia fiamthu vanga inlek phek tum nghal mai Killaia chu Tuahkima chuan lo chelh vat pah chuan zia thup aw, zia thup aw khual khua anih hi tih pah chuan a nui huk huk a. An khual valte khawsa zia chu melh rawn deuh thup pah chuan Zaupui khaw mipui chu an in melh hrek hrek hlawm a. Thenkhat phei chuan ka
Mi rinzawng an ni miah lo tia lo phun tawk pawh an bo hauh lo.

... Chutia mipui an rik mum mum lai chuan lal Sanglura bawk chuan aw rawn thian khurh khurh chunga rawn phar chhuah leh pah chuan Thangtawia te ho chu Luhkapuia lawn tur chuan a sawm zui ta mai a. Upa Kapsanga erawh Val Upa chuan lo hnungkhirh mawlh mawlh pah chuan alo hrawm nawk nawk thung a. Thangtawia te kallai tlan khalha Upa Kapsanga nupui lo tlan chhuak chu mipui chuan melh rawn thup pah chuan an phun leh mur mur a. A pasal phuar beh renga awm chu kuah thlawp in, i thih rual chuan ka thi ve zawk ang. Eng anga tenawm pawh nila ka phatsan lo ang che tih pah chuan Pi Zavungi chu hawi kual zak zak in, a puan hnuai atang chuan Chempui a phawrh zal zal a. Val Upa Kunga lah chuan khawdang alo hawi daih mai bawk nen Upa Kapsanga kut phuarna chu a zai chat nghal mawlh mawlh a. A nupui chempek lek chhuah pah chuan ka thih rual chuan i thi ve tho ang tih leh lalpa nghawng fik hmawk tuma bawh phei rual tu Upa Kapsanga chu lal in bang deng dawt chuan a hlawm zui nawk a. Upa kapsanga au ri leh chetla thawm mipuiin an hriat rual chiah a Silai rawn puak thawr chuan Upa Kapsanga hmai ah tak chuan dengin, a sualman a tel ta. Thangtawia chuan a Silai la lek kawh vah chunga nuisuk chung chuan lalpa ava teuh ther ther ve tih leh luhkapui kil a, Upa Nupui Zavungi lo ding peu al mai lam chu pan a rual zat a. Mahse Thangtawia chet khalh tu an awm tlat. Nang hmeichhe tenawm lutuk tih leh a baksama hnuh rual tu lalnu hmeltha leh lal Fanu chu pui tur chuan Nuthlawi phanchang Tialuki lo che chhuak nen Zavungi chu lal tual ah chuan an hnuk thla ta hawn hawn mai a, Zavungi natuar mamgang te kar ah chuan Zaupui nuchang ho thinrim thawm lo chhuak zuiin an han chil rawn ta teh reng anih kha lalpa in thelh tawh ru tia a au tuar tuar chung pawn hmeichhe thinrim chu an thelh hleithei meuh lo chu ani e. Thangtawia chuan lalnu hmeltha Sangpari tangmar vel mal tawp tawp langa a tal vel chu uluk zeta lo melh in, a kianga ding Tuahkima chu kuaiin ala nalh zek zek e, nalh zek zek e tiin a sawi che lawp lawp a. Za vak lova nui huk thawm a hriat a a mi kuah a en nak chuan lal Sanglura zawk chu lo niin a tih ngaihna hrelo chuan i vannei khawp mai tih leh leh lam hawia a lei sei zet zet a chhuah chu a rual zui bawk nen, thihna kar ah mittui tla phunga nuih insum chung chuan Thangtawia te thian ho chu an ding sen tul hlawm a.
.
... Kum alo thar tawh si a, ka awl rei lutuk dawn in ka hria a, zan hnih daih law law ka rawn dah hnawk mai.. Kumthar chibai vek ule..

MAFAKA KHIANGTE.

2019 CHHUNG HIAN THIL THA TIH TUR ZAWNG LA, I HMU EM EM ANG.

[Ngaia]

PASALTHA THANGTAWIA EPI 18

Thangtawia chuan lalnu hmeltha Sangpari tangmar vel mal tawp tawp langa a tal vel chu uluk zeta lo melh in, a kianga ding Tuahkima chu kuaiin ala nalh zek zek e, nalh zek zek e tiin a sawi che lawp lawp a. Za vak lova nui huk thawm a hriat a a mi kuah a en nak chuan lal Sanglura zawk chu lo niin a tih ngaihna hrelo chuan i vannei khawp mai tih leh leh lam hawia a lei sei zet zet a chhuah chu a rual zui bawk nen, thihna kar ah mittui tla phunga nuih insum chung chuan Thangtawia te thian ho chu an ding sen tul hlawm a.
.. Tlangval ten hmeichhe thinrim an thelh mih meuh chuan khawnbawl Nupui chu hmel alawi pawh nei tawh lo chuan vut kar ah chuan a thal zawi der a, naupang tan phei chuan en chakawm loh khawpa rapawwm niin a mitmu chhuak deuh per pur te chu tlangval ho chuan an hnawh lut mawlh mawlh hlawm a. Lal Sanglura chuan fuihna thu sawi zui leh pah chuan khawnbawl Upa lamtang zawng te chungthu chu bengthara ngaih tuah leh ah dah in, Thangtawia te thian ho nen chuan lal in chhung lam ah chuan an in sawn lut nghal ta thuai a. Thangtawia tawngsual erawh a ti deuh dui thung a, a tawng thawm hre pha ve hauh lo lalnu phei chu a melh tha ngam meuh lo chu ani e. Khawnbawl upa te chuan lawmthu hrilh mawlh mawlh pah chuan Tlangaupa zupui phawrh chu an thal sak sek mai bawk nen, an titi a kaltluang tan ta viau mai. Thangtawia zak kun deuh ngul lah chuan upa ho in an pek zu chu rang taka ban vut vut in, a thu sawp ta nulh mai a, a thisen rawn ti lum thar leh in, lal Sanglura chu a thian kawm ta chiam mai a, Chawivela chuan Thangtawia awmdan chu man nghal in, lalpa min ngaidam la, Zawlbuk lam kan pan tawh ange tih pah chuan Thangtawia zak ah chuan a la lawk a, a phih tho zui nghal nawk nawk a. Thangtawia lah chuan e khai Lawmpa titi a kaltluang dawn chauh alawm le, lalnu hmeltha duhawmna a khat pawn min la hnar em hlei nem. Lal fanu kha hmeltha kha kan ti viau ania. Mahse lalnu han hmuh meuh chuan e khai lalpa min ngaidam teh, Tlangaupa zak leh lama la kang nawlh in, a kut khingkhat chuan a lek ta vu vu mai a. Hepa zet chu a tha ve tawp lo mai ka ti. Zaupui khua hi i thlah awm khawm nisela inva chhe dawn teh lul kha kha Tuaha lo dawng teh tih leh Tlangaupa chu Naupang theh taka theh lawp in anui zui uar uar a. Killaia chuan Thangtawia leh Tuaukima ten an zia an chhuah tan tih man nghal in, hman hmawh tak chuan a phih chhuak dawr dawr a. Chawivela erawh a naupang ber mah nise, a thiante tan ngaihdam a dil sak leh ta nge nge a. Lal in chhungw awm lal Chhungkua leh upa ho lah chuan an lo ngai thutak lo mai ni lovin. Khati khawpa Patling thankin an naute chaih mai kha mak an tih zia leh an tha ngah tur zia chu an lo tuipui daih thung a. Lalnu hmeltha erawh Pasaltha Zurui kam chhuak mai mah nise, a hmuh tirh atanga lenlai aruallo chu a pawi ngei e alo tih ruk ber kher in, chuti fakaua a fak ta mai chu ngaih tuah zuiin, theih nise, Tangkawng sa tui zia hrilh a chak kher e.

... Chawivela pawh phun nuah nuah chunga athiante Umthla duai duai chung chuan Killaia lo phar buai em em mai chu a nuih te pawh a tiza ve rum rum tho mai. Mi nghal Thangtawia hmanlai zia alo chhuak leh ta tlat mai le. A dana dan rualloha lim puat puat pah chuan a hma zawn in hnuai hrang hrang ah chuan tlan kual in, Se lo thlung an awm leh a um darh ang chum chum a, ring zeta nuih huau huau pah chuan ar a um darh chum chum mai bawk nen. Tual ui lo buah tu an awm ta tlat. Khanglang chuan tih leh chhuih len lawng lawng a rual zui zel bawk si. Chutia thawm natak Thangtawian a neih tak ah chuan Khawnbawl Upa Se chal ngeng zet mai chuan alo ngaithei hauh lo chu niin, a phit zui ta dut dut mai a, mipui lam lah enge nita tia meichher nena pawn lera rawn chhuak meuh a, Thangtawiw che vel lo thlir an tam tawh nen. Se Chal phit thawm lam chu Chawivela chuan hawi vat in, Thangtawi fimkhur rawh kha i hnunglam tia a au tuar rual chuan Thangtawia chu Se Chal sutna avang chuan a per zui nawlh a. Chawivela khan au vak lo sela chuan Thangtawia nunna a tan pawh a pawi ngei ang. Khatia a inher chiah kha Sechal Ki zum tak a pumpelh phah ta hlauh zawk chu ani e.
.
.. Rang taka din chhuah leh phat pah chuan chheheiii kan Duhlian tawngthiam velo chuan ava duh rum ve, inring ve ve in aw kha Killai ka Sahmim hi lo keng teh he Sechal hmelchhe zet hi zirtirna kan pe hlak ange. Tu Sechal nge tia au lauh lauh pah chuan a in bengfai thuk thuk a. Upa min Vunglaia chuan ring taka rawn chhawn in, ka Sechal a nih kha i elh hneh anih ngat chuan khawtlang ruai atan ka thawh nghal e tiin a rawn chhawn lang lang a. Uai chu khawpum a chai lam na hun kan nei dawn zu nia, lalnu hmeltha kha lalpa lam tual ah i rawn chhuahpui ve ngam dawn em tiin lalpa lam chu hawiin a nui zui sung a. Zaupui lal Sanglura lah mi chak ngaisang chi leh rilru zau tak pu mi alo ni bawk nen teh reng mai hnehna i chang anih ngat chuan i chheih pui thei ang tiin alo chhang nui huau huau a. Chuti maw khaile thiante u han thlah tawh u le tiin a thianten an vawn rawn laih laih Upa Min Sechal lam pan chuan a pen chhuak zui zat a.

.. Rei tak Se rual zinga lal lo hrawt tawh chotu leh beitu tawk ngai tawh lo Upa min Se chal pawn a mah hlau map lova rawn pan tu chu ahai mawlh lo. Lei a ke phiat per ur ur chung chuan Thangtawia pir len lawp tum chuan a phin zui zat bawk a. Mipui lam lah chuan Thangtawia zurui sual chevel chu thi ngei tur ah anlo dah hial tawh a. Chawivela meuh pawn a hlauhthawnpui ve aniang a au thawt thawt reng a. Chutah tisa in nawk ri chawrh chuan zuiin, mihrang val leh Sechal thinrim chu an in nawr ta tiang tiang mai le. Mihring tha hi tam in, huaisenna pawh sang viau thin mahse ke pali nei Sechal meuh chu hneh lo har ani ange, Thangtawia chu a tawlh ta hawn hawn mai reng a. Hlam khat vel a tawlh leh anih chuan kopang ah Sechal chuan a nawrbet ngei dawn tih alang tlat. Killaia leh Chawivela chet chhuah tum chu Tuahkima chuan lo dang thuaiin, kan Thiana hi eng ang taka chak nge anih ka hmu duh ati tlat pek a. Thangtawia dinhmun phet mek lo thlir rengtu lalnu hmeltha a koh duat nana Khumkimi an tih ngei chu rawn au chhuak thawt in, Thangtawi fimkhur rawh tiin a rawn au chhuak thawt thawt ta mai a. Thangtawia pawn chu au thawm chu ahai bik hauh lo, mahse a mah nawrtu tha hi a chak em ani e.

... Thangtawia kopanga bet rawk rawk khawpa anawr tawh pawha la duh tawk lo, Sechal chu kahthluk tawp mai lo rawt pawl lah bo tawh lo. Thangtawia chuan a ki ah tak a man avang chauha la him hram hram hi a ang ber a. Thelh tawh mai rawh u, nunna chan kan awm hma khan tia lalpa au chhuah rual chiah chuan Sechal chu kiu ruai ruai chung chuan atawlh hnung ta tlat mai. Khanglang che chuan Thangtawia, Pasaltha Thangzoa tupa kani ngai e. Kha aw lalnu hmeltha tan ti a au lauh lauh pah chuan Sechal chu a elh zui ta ngar ngar mai a, Tuahkima rawn au chhuah rual chuan mipui in lo zuiin mipui au hulh hulh kar ah chuan Sechal chu awn ruai ruai in, mihrang val Thangtawia taksa chu rawn che lawih in, a mah pawhin a hriat ngailoh leh tawn ngailoh chakna thar chuan rawn tuam in, Sechal chu lei vuak nan a hmang zui ta mai a, chutah meuh zawng au zui nachang hre reng awm tawh lo chuan Thangtawia che an melh rawn thup a, ka nawr e, ka rum e i ti vei maw tih leh a ring elh tliah rawp chu rual in, a chawi lawk a, a piaha thingkhawn darh ur ur khawp chuan a theh phei zui vawk a. Nuisung chunga hawi kual in, tunge Sechal lo thawh leh dawn tih pah chuan a piah lawka thingtuai kawngsira an lo tun chu pan in a elh bung zui ta hmawk mai a, chutah zet zawng an thianpa chu a pangngai tawh miah lo tih leh a zu in chuan a thluak a khawihbuai tih man thi nghal in, a thiante pathum chuan an zuan rual thawt a. Chawivela chuan beng sawk sawk in. A sahuat ber mai a zak ah chuan a dek sak zui ta thuai a, nui uar uar chung chuan a zu in hnathawh avang chuan awn ruai ruaiin a hnar zui nghal bawrh bawrh a. E khai kan Thangnghala zet chu tih pah chuan Tuahkima chuan a paw bahlat nawlh a, U Kung khawnge i in lam Zawlbuk ah chuan dah chi ani lo, a hnar tawh chuan tumah an muhil lo ang tih pah chuan Val Upa Kunga kawh na lam pan chuan a pen zui pui pawk pawk a. Thangtawia te liamna lam chu melh rawn thup in, e khai beih mi an ni hauh lo, a palian ber pawh ala che lo ania kan lamtang an ni hlauh chu a vanneih thlak teh e tiin lalpa chu a nui zui vun vun a, lalnu erawh a tum loh deuh a a au chhuah avanga zak sen tal tal chung chuan Thangtawia te liamna lam chu hawiin biangsum khuar lang kak kak chuan a nui zui sak sak a.

MAFAKA KHIANGTE