PASALTHA THANGTAWIA BY MAFAKA KHIANGTE 1- 21

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

PASALTHA THANGTAWIA BY MAFAKA KHIANGTE 1- 21

Unread post by Ngaia » November 9th, 2018, 9:16 pm

pict.jpg
pict.jpg (17.61 KiB) Viewed 26601 times
PASALTHA THANGTAWIA

Tlawm mai rawh chutih anih loh zawngin i kut hi ka herh tliak ngei ang mawle tih pah chuan Khawmvela chuan a bawkkhup zawnga a thut beh tlat Thangtawia mipa Naupang ngawhngawl zet chu a Vau zui chher chher a, a hmai Thisena bual khat tlat tawh chunga rawn leh hawi pah a nui keh sau chung chuan Thangtawia hi tlawm hnam anilo tlat. I duh leh herh tliak la ti nia, ruh tliak chu ala dam leh ngai tia rawn chhang rum ve al chung chuan a sualpuipa kawng tinrenga a hneh loh zawk chu ala nuihsawh zui zawmah leh ta nghal a, khanglang che chuan tih paha Thangtawia ban ruh elh tliah tuma tan alak lai tak chuan Khawmvela hote zinga pakhat Khawnbawl Upa fapa Luahpuia chuan Thangtawia khabe kual ah tak chuan a rawn pet sak zui chawrh a, Thangtawia meuh pawh te ve thawt in, a zal zui nghal hnawk a. Ti khan a ngawi tawh mai ang tih pah chuan Luahpuia chuan kal san ang u. U Khawm a hneh ngang lo che a nih kha tih pah chuan leh lam hawiin a ner zui sawk sawk a. A nihna tak ah chuan a thiltih zawh tak chiah kha nuam ati hauh lo. Thangtawia hian Mipa naupang mai an la nih lai khan Rul ngan lak ah alo chhan chhuak tawh miau a, a tana a tih let ve theih awm chhun chu a kut ruh tih tliahsak a nih hma ngei a, nikhaw hre lova a siam kha a tul tlat. Rawlthar nun tem tan tih tak ah hnehna chang zawk Khawmvela leh a hote thawm chu ana in, Zawlbuk thing tur Thangvela tel fel at sa leh a Sava perh thlak sa zing ami an duh zawng zawng laksak zui mawlh mawlh in, Thangtawia naupang hruai Chawiliana kil khata lo thu tawm chaih chaih chu rum taka melh in, he thil hi i sawi chhuak anih chuan Thangtawia chan ang hi i chantur anih hria ang che. Hnamchawm naupang rimchhe lutuk tih pah chuan chil chhak zui tlawrh in hawikir map lo chuan an kalsan nghal nal nal a.

... U Thangtawi harh teh tia a tui chawi thara theh thet thet pah chuan Chawiliana chuan Thangtawia chu a sawi che ve lak lak a. A beisei anga Thangtawia a harh mai tak lo ah chuan a mangang tak zet tawh tih hriat tak chuan a men teuh tawh nghe nghe a, a beidawn tawp ah chuan Thangtawia pawh rawn che ve talh talh in, kar lo ah rawn harh chhuak in, ka tlawm chuang lo ala rawn ti zui chhak chhak a. Mahse a mah sual rawn tute hmel ni lovin a nau hruai Chawivela chauh a hmuh tak ah chuan then zui sak sak in, an kal ta ani maw Dawihzep ho chu ngawi tak rawh Chawia Zangkhua ala bungbu ve khawp ang. Hei erawh hrereng ang che kan chunga thil thleng hi tu ma hnen ah sawi chhuak hauh suh aw, kan thing fawmna ah ka lum a, ka insawhna anih hi aw, khang ho kha i hlau em ni, hlau reng reng suh a huho in an awm reng hauh lo ang. Thangtawia hian phuba la lovin ka pai dai hauh lo ang, Tlawm ve ngailo, Pasaltha Thangzoa thlah ka nih hi tih pah chuan a nau hruai chu a hnem zui mawlh mawlh a. Chu rawlthar chu mi pangngai chunga leng anih tun an hre ngai lo, a mah lah chuan a in hre hek lo mi pangngai ve mai ani miau alawm le. Mihring nuna pawimawh ber mai pakhat erawh Thangtawia hian anei tlat Hlauhna an tih hi enge a awmzia leh hlauhawm an tih pawh hian a nun ah lalna a chang ve tlat lo,a rualpui ten an tih leh an rap thlanmual hmuna Rah tlan te chu a chan duhna hmun ni tlat in, mi kal ngam lohna ah hian a hlawh chham theih loh e, hlauhawm an tih hi han fiah ila hlauh tur alo awm lo ti ve tlat chi ani reuh a, a buaithlak ta ber erawh a ngeng lam mah mah leh a nghal em em mai hi ani ber a, Artui tham ruk, mi Ar tuilai phil leh Vawk chum han phil mai te hi a hreh tlat lo. A rualpui hmeichhe naupang lah velh loh a hleih anei lo nen, tu nu leh pa mah in an fate kawm atan an duh loh ani tlat pek a, chutiang taka naupang kawlhrawng chu ni mahse a mah kawp tlat tu, a aia kum lama naupang ChAWIVELA leh a rualpui pahnih KILLAIA leh TUAHKIMA te tan erawh a nunna hial pawh chan ngaise a tlan ngai hauh lo mai ni lovin, a thiante riltama an awm ai chuan a ei ai pawh pek a hnial tlat lo thung. Hnam chawm mah nise, a thlahtu atanga khuanu malsawm dawng an nihna avang te chuan in leh lo leh Ui leh Ar, Vawk leh Sial chen hian TLANGLIAN khua ah hian a ngah ber te zing ami an ni tlat a, hengte avang hian a a chapo tel kher kher hi a mah hawtu tan chuan a khawsa zia hian vawihnih khat ben chu a phu ve reng ani ber e.

Tlanglian khua hi khaw lian lem lo tak niin, in Za leh Sawmnga kan ni e tiin tang viau mahse khaw dang lal te ang bawk in run an tawh mai loh nan an in sawi tam mah lam chu ani e, Pa hmei in nen lama chhiar pawn in Za pawh an tling meuh lo. Hmeithai Ar bawm te an chhiar tel zel anih chuan an tling mahna le. Lal Sailiana awp khua niin Tlanglian thu vung mai chung zawl ah tak khua din in, an tui tlan lah kawr hnar lam zel ani bawk nen a thiang tha bawk a, ami chengte pawn an ngeih ngang ni tur ani. A mi cheng te reng reng hi an hrawl hruih vek tih theih ani a, thangthar lo piang chho zel lah an dawng ngauh hlawm mai a, an Zawlbuk bawhbel pawh khawdang Bawhbel aia lian fal leh sang lawr lak niin khual val tan Bawh liam mai a harsa aniang dul rang nuau khawpa bawh liam ta tawk tawk an kat sup renga, Pathlawi hrisel tha Tawnkima phei chuan ka bawh liam zawng hian kawngtui ka thlah hman ziah zu ti hial amawle. Rawlthar rual te lah nise chak leh Len lama in el rana khawsa an ni bawk nen Zawlbuk an kai hma atang renga in el rana khawsa an ni hlawm bawk a, thenawmte Artui in pek leh induhsak pawh a awm thei lo, mahni tu leh fate tan tiin Nu leh Pa te pawn an thukru tut tut fo mai.

... Bawka Pu lo chhuak teh vat awww hman hmawh ve thin la, ka hlauh ang ngeiin maw hei Artui chhar tur reng a lo awm leh tawh lo. Kan khua ah hian Ar tui tham hrat zet hi chu an awm mawle, i ngal hem siam ve lah hian tu mah hem fuh thei hek lo. Keimah ngei hian ka chang tawh ang tia ang bawrh bawrh chunga tei kual tarh tarh Khawnbawl upa Nupui Seikungi che vel chu thlir ru ran chung chuan ngah nge i Tupa ten min sual rawn vei awr awr ni. I la bih kim lo mah mah anih kha tih pah chuan Thangtawia chuan a Artui tham ruk chu a hip zui karh karh a, englai pawha a kianga tap ve chawt thin a thiante chu pe kual ve den den in, Pi Seikungi Ar chi tha ber mai Thangtawia'n a ring a thuai tliah sak in hnuai kil kara mi an Ui pa in arawn put chhuah an bial laih laih lai chu thlir in hmai vung chur chunh chuan a nui ang vawr vawr a. Chawivela chuan U Thangtawi min man chhuak hlauh ange a ti khur deuh dar dar a, Thangtawia lah chuan engtin nge min man chhuah teh lul ang aw, keimahni bak hian tunge kan thiltih hria, Chawia i khur alaw Mipa an khur ngai lo. Hmeichhe rilru ang chauh i pu dawn anih chuan..aihhh ka khur lo tuamah ka hlau lo.. Chawivela inla pa thar vel chu thlek in atha nakzan ah chuan nimin lama kut minlo thlak ve tu, Zakunga te kan rawk ve thung ang. Tukin ah enge in hmeh dawn tiin a zawt kual dan dan a, Killaia chuan Zawngtah leh Sa um bawl tia alo chhan tak ah chuan ummm duhthusam Killaia i in thiar hun ah Hnahkiah in i ek kan fun ang. Khawmvela pa lukham hnuai ah ka dah dawn khawp tih pah chuan a ruahmanna mitthla in a nui zui leh var var a, an hotupa chet lak dan tur vel suangtuah ve pah chuan za em em si nui ring ngam silo chuan an dir tlat tlat hlawm a. Bawka te thianho an kawta dingkhawm lat lat chu thlir in, Khawmvela chuan kan khua ah hian Thangtawia lo chu Ar tui zen ching ah awm ka hrelo. Ka hmuh hun chuan aban ruh ka tih tliah sak tawh loh atak ah tih pah chuan inla hotu zet chuan a tei vel thar thar a. Zawlbuk riak haw Tlangval hote chuan Khawma, Thangtawia ngei ani tih fiahna i nei ami an rawn tih tak ah chuan khup leh deuh zul zul chung chuan anilo ni tur dang an awm lo, ka dawp chhuak tho tho ang tia in hrosa kak kak in, an chhak thang piak phen a tang chuan mi nghal Thangtawia'n a chunga phuba lak tum in ruahmanna alo siam mek tih reng a hre hauh lo.

... Tuk thuan ei kham alo nih meuh chuan Upa Min Khapkima Artui bo thu chuan khawchhung a al hneh leh tawh in, Thangtawia pawh a pu in dawp chitin chuan a dawp kual vel fe tawh a. Mahse Thangtawia chhanna chuan a pu a ti lawm leh ta tlat. Ka Pu Tlanglian khua ah hian nang aia Buh leh Bal ngah ka hrelo. Ui leh Ar ngah lah kan lal chauh lo chu an awm hek lo. Duh ni ila, Artui zawng eisen loh min hlui thei ani lawmni. Thangtawia, Thangzoa tupa hi mi Artui zen duk duk khawp in ka tam chhe lo ve tia a chhanna chuan Pu Thangzoa hapui a hawlh fuh tlat alawm. Pawn ler ah chhuak in a ngam fa chuan ka Tupa hi Artui ru ah han puh leh chhin teh u, in chhuat mawiin Artui ka sawh keh anga, in banpui pawt phawng hlawk khawp in ka Se chal ka thlung ngei ang. Pu Thangzoa a vanglaia Pasaltha rothap leh hruanghrau na, Khiangte me an tih zawng zawng neitu au hla chuan khua a fan chhuak leh ta tlat. Thangtawia te putu hriat phak lova Nu leh Pa tamtak an hla erawh a ngaihthlak nawm viau loh. A sawitih vang saw a alawm a Tupa pawh a fel theih reng reng loh tu chhan tina lutuk Ngawr vei sela atha ang lo ti tawk lah bo lo. Thangtawia erawh nui var var chunga chawfun siam in ka Pu Sangha i ei chak ang ka thiante nen Vabak lui kan zuk vua ange tih pah chuan a pu tukhum lam ah chuan a insiam chhe zui vak vak a.

... Thangtawia te thian ho Lui kal pawh beisei ai daiha an hlawh tlin tak ah chuan an thawm atha in an ri teng tung a, Rawlthar nun chen an ni bawk nen an hlim nuithawm chuan Lui dung a luah hneh in, an Sangha man sa Mautheia an chhum chu Thangtawia chuan sem den den in, nidanga a tih thin ngai bawk chuan a ma chan tur erawh a thiante a sem bangnawi chauh chu ani leh pek a, Tuahkima chuan Thanga i chang tlem bik ziah mai tih pah chuan a hma ami chu Thangtawia lam ah chuan a theh phei zauh zauh a. Killaia leh Chawia pawn Tuahkima tih en tawn chuan Thangtawia chu Sangha an pe khawm leh liam liam a. In hnawn zak zak chung chuan an chhun chawfak pawh an tlingtla ta thuai a. Tun ah chuan an ruahmanna hautak ber pakhat Upa Min Khawmvela pu Lukham hnuaia nam rum rum dah chu ani ta. Killaia ek uluk em em mai a an fun chu khaiin khawchhung lam pan chuan an in zui haw dam dam a. Thangtawia kawng ruk hmuh chhuah atanga khawchhung lam pan te te in, a thiante pawn an hriat hauh loh kawngruk ngei zawh chung zela an kawi an kawi hnu chuan an tum ber khawnbawl min kawmthlang an chhuak ta hlawl mai le. Tah hian tuma hmuh loh tur in lo thu tlat ang che u. Ka che sual palh hlauh a nih pawh in a mawh in phurh ve loh nan rawn in lan hauh suh ang che u tih pah chuan Killaia ek nam tha zet nen chuan Upa Min inhnuai lam chu apan them them a.

... Tun ah chuan kawng pangngai zawh leh tawh in Khaw Lungdawh ah chuan an thu tlar tham a. An Lui kal an hlawh tling bawk nen, an tum ber Killaia ek fun lah an dah fel than ta bawk a. Rallu khai pen taka pen pawk pawk chung chuan Thangtawia te inlam pan chuan an zuang lam phei alh alh hlawm a. An che vel leh phur em em te chu khawchhung mi engemawzat chuan lo hmu ve in, Thangtawia ruahmanna fing tak chu an chetpui nghal a, Thangtawia te thenawm hnai ho Tar chaklo deuh ho chu an Sangha man te chu an sem phei pah zung zung bawk a. In thlen hma atang chuan apu hnaghlai lai chu ko in phur tak chuan in lam pan in an tlan dawr dawr hlawm a, Mipa naupang rualkhat Thangtawia ngaisang tlat tu te lokal khawm chu a Aite fun chu a sem den den bawk a. Nang a bawp chang rawh tun tum kan Sanghal kah chu a paw rim anam hman lek lek anih hi maw tia fianthu thawh pah chuan Kiallaia chuan Pu Thangzoa'n an tan liau liau a abilh sak a tuitling chu a hawp vei hraih hraih bawk a, chutia hlim taka an rik teng tung lai chuan Tlangaupa a rawn lang ta hlawl mai le.

... E khai Chhumi pa lah ni reng chuan enge i duh lo leng thu tawh tih pah chuan thutna te Thangtawia nu chuan alo pe sawk sawk a, Thangtawia nu Thansiami hi nu valai tak la niin, Thangtawia a piang fel awrh tih ah a Pasal Thangtawia pa ramkal hi chin hriat loh a abo hmak avang in, Pasal dang pawh ngaihsak lo leh mahni in lama haw leh zai pawh rel tawh lo chuan Thangtawia hi a tulpui ta ani ber a, a pasala Nu leh Pa lah in fa duat taka duat in, atan mahni khaw lama kir leh a, Nuthlawi Leng leh ni ngawt ai chuan a nun a nuam hrim hrim bawk nen, Pu Thangzoa pawh hian Siami Pasal a chhia a tha te pawh ila duh ve leh thei a ka in atang ngei hian fanu hralh in ka hralh dawn che ani ati fo reng a, mahse Thansiami hi mipa lam reng a hawi lo mai ni lovin, Ka pa Pasal chu ka nei tawh alawm, Thangtawia pa hi alola kir leh ngei ngei ang a la ti fan mai te chuan Pu Thangzoa te nupa hi a hneh thin teh e. Tlangaupa chuan Pu Thangzo mawng hung hman pawh ka nilo. Kan lal thu chhuak kenga lokal mai ka ni e. Upa Sangkhuma lukham hnuai ah Naupang nghal deuh in Ek thar lam an lo dah tlat mai a, tuk in ah lah Upa Seia Artui lo zen an awm bawk nen, chumai ala ni nem an Ar chi tha ber lah a ring ruh tliak veka chhar alo ni bawk nen.. E khai kei hi Tlangau tur zawk alawm le ka nih tih pah chuan Pu Thangzoa luhka atang chuan a au zui lang lang a, khua a mi zawng zawng te chuan lal mual lam chu kar lo ah an pan khawm nghal sawk sawk a.

.. Eng thil tak ni ang maw tia in zawt tawn sup sup chung chuan lal mual chu an mawi hmur tawh a, feh hawng lo thleng hmasa a piang pawh lal mual lam chu rawn pan khawm zung zung in, a ngaihna hrelo zet chuan zawhna ngai chu an in zawt sup sup a. Hmai dur deuh khup chunga lal leh upa te rawn in zui chhuak an hmuh meuh chuan mipui chu khap buai ngai lo chuan an reh nghal duk a. Lal Saitawna chuan aw thian khurh khurh chunga rawn pen chhuak in, khai le ka khaw mipui te u tia bul tan in khaw mipui a koh khawm chhan chu a sawi chhuak dap dap a, he thil tenawm tak titu hi tha te te a a in puang anih chuan ngaihdamna sang ber atan Lei ka chawi tir ang. Chutiang ani lova a dap a dap chhuah ngai kan nih chuan khua atang hian hnawh chhuah ani anga, a chhungte nen lam hnawh chhuah an ni ang. Ar tui tham ruk ching thu kha chu thu hran ni tase, ka Khawnbawl min Lukham hnuai ah meuh mihring ek tharlam zet mai hmuh anih tak ah hian in lal nih pawh ka zak zawk. Nangni ka khaw daingul tia kalo chhuan thin te u. Hetiang khawpa misual a ngam patna khua ah hian engtin nge zak map lova inla hawi ngam. Hmelma nise duhtawk in ka Upa te chhungkua hi athat mang thei ngei anga, ka khua pawh hi a hal darh vek thei dawn tihna asin. Mahni khua pawh venghim zo lo in nih kha he thil ti tu hi ni tlak fel hma ngeiin ka hre duh. He ek tum en hian Puitling thankin ek atan chuan a tum a lian tawk lo. Lal Saitawna meuh pawh a nuihza ru thinrim bawk si chu a insum zo lo thelh chu ani e. Ek dah thubuai ani ta ber si a, Rawlthar rual chu ko chhuak vek in, a mal te te chuan lal in ah an ko lut zel a. Thangtawia te thian ho erawh an lui kal thu leh an Sangha sem kuak vel te nen ram lama kal daih an nihna chuan a chhanhim hneh kher mai. Ruahmanna tha tak nena lal in lam pan leh amah Thangtawia ngeiin chhanna in ang tlang deuh tur a duang lawk miau alawm le. A mah Thangtawi ber phei chuan lalpa mifel tak leh fak hlawh ka ni ngailo tih ka hria. Mahse he thil hi chu ka chhiatna tur duh tu ten min hekna remchang an dap ani ngei ang. Tin, hei he ek en hian Zawngtah mu pum Phel te a awm nei nuai a, Kan tuk thuan hmeh ah kan hmeh hauh si lo. Thangtawia zawng a him chiang teh e. Lalpa thinrim tih ngaihna hre bawk si lo chuan tap kila thu tum luau mai a khawnbawl min chu melh zuk zuk in, a tawp ah zawng za em em mai chuan a nui chhuak ta hawk mai a, mipui an haw rem hman hlauh zawk a, Khawnbawl min pawh nui suk suk chunga ding chhuak in, a uih tha em kher alawm le tih pah chuan a nui hawk thut thut a. Thangtawia te ho lal in hnuai lama tawm ru pawh ngaih tha zet chuan mahni in lam pan in an khawngkhawbai haw auh auh hlawm a.

... Zan khat chu Thangtawia zanriah ei kham a thianten an rawn sawm lat lat lai chuan Tlangval zawlbuk riak tawh Dengsira chu rawn lang hlawl in, Thangtawi in thian ho khan Zawlbuk lam rawn pan rang rawh u. Vawiin ah thing in keuh lo ni awm tak ani val upa ten zuk ko rang rawh an ti anih chu a rawn ti leh ta tlat mai. Thangtawia chuan apu lam hawi pah chuan Ka Pu kan keuh tih ka han fiah ange, i thu min chah thin ang khan kan thing put pawh chhinchhiahna kan siam thlap alawm tih pah chuan pheikhai zang vah in an pen chhuak ta sang sang a. Zawlbuk kawn an thlen chuan an rualpui naupang dangte leh Zawlbuk riak tlangval te chu an lo kim thup tawh a, zam map lova hmahruai Thangtawia chu Tlangval thenkhat chuan piai chak tih hriat taka lo melh in, he nau hian Zawlbuk rawn kai teh se, nundanmawi zirtir hlak angai ani lo ti nang nang thawm te chu Thangtawia tan chuan thu thar ni hek lo le, nuisanga melh pah chuan a la kiai khum zauh zauh leh ta nghal a, chutianga Thangtawia che vel chu Tlangval pakhat chuan lo ngai thei lovin, Naupang kawlhrawng lutuk mai tih paha han ben mai chu tum in a bawh phei nghal deuh ruak pek a, Thangtawia lah mi tuanrang tih tak ah zei taka lo kun hniam pah chuan a mah rawn bawhtu chu a phur liam nghal zawt a, in chhuih bah palh niawm taka pai khawt khawt chung chuan a ke zungpui chu ahup nghal chat bawk a. Khanglang che chuan nau chahai tih paha rawn bawh leh tumtu tlan chhiat san pah chuan enge a, enge awmzia tia rak chul chung chuan apa thian hnai Pasaltha Kohbika phen chu a pan nghal chat a. Pasaltha Kohbika chuan tlangval ka phena biru tawh chu rawn pawt lui lola a hrisek zawk ang. Tin, i pawi asawi lai thawm reng ka hrelo alo tih rum tak ul ah chuan Chhuahchhawnga tan bawhzui leh beihzui chi ani tlat tawh lo. Pasaltha Kohbika hian a phen atanga ngeiawm zeta Thangtawia nuisawng hi hmu ve miau hek lo a thlavang a hauh na teh e.

.. Val upa Kurthanga chu rawn pen chhuak in, tunge vawiin ah thing keuh lo che u. Chhanna reng a awm lo inpuang vat rawh u arawn tih leh tak that that ah chuan kei chuan ka keuh tia chhanna chu a rawn chhuak ta tliar tliar a, Thangtawia bawk chuan mahni thing keuh theuh lek chhuak ila nimai lawm a rawn tih tak khauh ah chuan ni awm teh tak e. Khai le mahni thing keuh theuh chu han la hrang teh ule Val Upa in atih tak ah chuan Mipa Naupang ho chu an ri nghal hak a. Thangtawia te thian ho a thleng tlai ber chuan chan an nei ve ta tlat lo. Ummm a chiang e, nang naupang nghal lutuk naktuk ah thing in vawi khawp ang. Zirtirna pawh pek hlak in ngai anih hi. Ngawi lawk aw thing hi kan keuh ngei ani. Mau mual ah ngei kan la e, tin ka Pu min chah thin ang ngeiin kan thing keuh pawh chhin chhiahna ka siam vek. Keima tel vek ani bawk in duh chuan in fiah thei ang. Kan Thing keuh ah chuan a hmawr ah ka Pi Lazai ka tawn thlap a, chumai ni lovin a chhin chhiah nan a bul lam pakhat theuh ka thel ngei bawk e. Zam map lova Thangtawia a tawng chhuah tak ah chuan Tlangval te chuan naupang dang thing chu an en kual dan dan a, a tawp ah awrhtu leh Thangtawia te thing keuh mahni ta anga lo chhal tute chu tudang ni lovin, Khawmvela te thian ho an ni tlat. Khawmvela te thian ho lungawi lo chu an keuh ngei anih thu han sawi ve sateh mahse Thangtawia tan fung a fuh tlat tawh. Midang ten zanriah an kil reh thep thawp laia Thangtawia chetlak dan huatthla la zet chuan a chhanhim leh ta. Khawmvela te erawh Upa fo leh mi awmthei fa inkawm khawm mah nise Zawlbuk dan ang ngeiin a tuk khaw var ah Zawlbuk thing tur an Vawi ngei dawn e. Thangtawia chu rum taka melh in, phuba lak dan mawlh chu an ngaihtuah na a lianber chu ani nghal hmiah bawk a, Thangtawis tih tak ah midang a rualpui te beng a thleng awrh chauh ani vei nei, Tawia, patawite tia chhaih fiam hlawh fo mahse a thluak erawh a chimawm zawng in a tawi hauh loh...

... E khai, kut leh thluak a chawl deuh nge ka ziak hlei thei tlat lo nia mawle, typing mistake a awm nual in ka ring phone atanga type hi chuan mistake atam duh khawp mai. Pasaltha Thangtawia hi min thlatu ka Pu, Pu leh hming niin a hun laia Pasaltha ropuia chhiar ni chiah lo mahse Sa rep erawh an nghei hman meuh lo. A mah hriat reng nan leh a hming a daih mai loh nan ka han thai lang ani e. Rei tak ka chawl tawh a, ka rawn ziak thar leh chu ania enge a an dawn ni. Ka thawnthu dang ang lo tak in, mi ziah tam loh lam ka rawn hrut e ka tia a har phian mai ka ti. Tin, ngenna ni nghal chu. Kar khat ah a tam ber ah vawi hnih bak ka post hman dawn lo. In mi hriat thiamna ka ngen nghal e. Chhunzawm tlak tak mawle. Naktuk hian Champhai lam pan in ka zin dawn a, hei bak chu tunkar ah ka rawn post thei lo ang.


MAFAKA KHIANGTE.

A TAWNGKAM THIAM APIANG THLANG NGAWT SUH..



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 9th, 2018, 9:17 pm

PASALTHA THANGTAWIA EPI 2

Thangtawia chetlak dan huatthla la zet chuan a chhanhim leh ta. Khawmvela te erawh Upa fo leh mi awmthei fa inkawm khawm mah nise Zawlbuk dan ang ngeiin a tuk khaw var ah Zawlbuk thing tur an Vawi ngei dawn e. Thangtawia chu rum taka melh in, phuba lak dan mawlh chu an ngaihtuah na a lianber chu ani nghal hmiah bawk a, Thangtawis tih tak ah midang a rualpui te beng a thleng awrh chauh ani renga Tawia, patawite tia chhaih fiam hlawh fo mahse a thluak erawh a chimawm zawng in a tawi hauh lo...
... Hawi valh valh chunga kal kian an tum lai tak chuan Thangtawi lo ding teh u, nangni thian ho khan in el ah min cho em? Thingthu nung in dah hlat siak ah kan cho che u. Chu thu rawn sawi chhuak tu chu tu dang ni lovin Khawmvela bawk ani tlat. langval ho chu ri nghal hak in, a tha nangni thian pahnih hi in in hal zek mai a, a huaisen zawk chu han fiah ngat teh u tiin an lo cho tuah zui thuai a, Thangtawia lah chuan Khawmvel min tluk chuang lo ang. A hma pawn tap pur a rawn tlan chhe hawng kha nangmahni ani lawm ni ka ek lai pawn ka cho che tih hre mai teh i ngam anih phawt chuan khawhnih kai ngai pawh nise enge ka ngam loh lem ang le. Thian ho nilo in a mal leh mal in kan ti zawk dawn ami. A huhoa mi bei ngam tawk chauh hian mi el ve sek lo teh a rawn ti chang ta khawl mai a. Engtin tak chhang leh ang maw tia an ngawih thap lai chuan, chin ngaichanga lo ding ngawi ve reng Khawmvela pa chuan ka fapa i cho chhuah ani lawm ni arawn ti thum ta dut mai a, Khawmvela pawh a pa a rawn tawng chhuah tak ah chuan huaisenna nei thar leh in i ngam ngam ka ngam tih pah chuan, Thingthu nung chu lek chhuah a rual nghal zat a. Tunge a huaisen zawk chu kan hre dawn khawp a ti hul ve hak a. Kal te che kalo thlir dawn che nia, sawlai Huai liam kawna Pitar thu kher thin te kha lo hrilh la, Thangtawia, Thangzoa Tupa a rawn kal dawn minlo hmuak rawh u ati tiin ilo hrilh dawn nia tih pah chuan a dinna bula Bung zar ah chuan inthazo zet chuan a uai kai zui nalh a, kan mihuaisen tlan chhe lai thlir ang aw..kha khahhhh Khawmvel i hnunga kha Lu bungin a zui che ania ti a au zui lar lar in, a nui khek vei awr awr a. Thangtawia zia hrechiang tute an ni hlawm bawk a, khap en ah pawh en duh lo chuan Khawmvela pa chu an melh hrek hrek hlawm a.

... Pasaltha Kohbika chuan Tawia engtia hla ah nge i dah ngam a tia zawhna pek pah chuan a Chempui a siamthar tir hlawl Thirdengpa in atanga ava lak zawh chauh chu hei hi i keng dawn nia ka nau ati zui zat a. Thangtawia chuan Ka pa Kohbik khawi thleng nge dah se min tih zawk. Ka pu chuan hlauhawm pakhat chiah khawvel ah hian a awm, kan Mihring Pui te hi anni a bak chu hlauhawm a awm lo tiin min zirtir asin. Ka pa khan hlauh a hre ngai em tiin a zawt let kauh a. Pasaltha Kohbika chuan a dik mihring bawk hi kan tana hlauhawm chu an ni fo. I pa khan hlauh a nei ngai lo. Pasaltha thlah chu ilo ni takzet ti rilru chung chuan thim lam hawiin akhi zui sak sak a. Khawmvela Upa min tupa chapo lutuk hi a kham ru viau bawk nen, chutih rual in a thianpa fapa hi han chhan viau tlak a awm lo tih a chiang in, thing keuh lo tute pawh kha an nih ngei a ring tlat thung. Mahse he Thangtawi zia ngeng awm herh zet hi atha zawnga her dan a awm erawh al ring fan chu ania. Tlangval hote chu an ri ta hak mai a, ral hla fe mai a Khawmvela meichher de zauh zauh chu an kawk nghal sup sup a, Khawmvela hmabak kawi hnih na chu Huai liam kawn a nih tuman an hai lo. Huai liamkawn pel ngam awm chhun chu Thangtawia chauh hi ala ni miau mai a. Sawle, sawle, aw Huai liamkawn a pel tlat. Khawmvela pa chuan ka fapa ani miau a lawm le alo ti lar lar bawk a. Thangtawia chuan a rawn tlan let tep ang. Pitar te khan alo ti buai awm e alo ti bal bal bawk a. Huai liamkawn piah mual lang leh lai chu thlir thap a an awm lai chuan hman hmawh tih hriat taka rawn tlan let meichher eng chu an hmu ta mai reng a, a kal lama hun a hman rei ngaihtuah chuan Khawmvela rawn kir leh lam erawh hun a duh rei hauh lo. Hah thaw hlawp hlawp chunga rawn thleng in, midang hmel a hmuh tak ah chuan in la pa thar leh in khawnge Thangtawia, Patawitea chu i pitar sawi chu ka va hmu si love a rawn ti lar lar a, Thangtawia zawnga a hawi kual lai chuan Thanhtawia pek chu a chung thingzar atanga rawn tum thla thut in barakhaih a la ti zui leh nghal a, hlauhna in a man lak lawh tawh Khawmvela chu a rak thawt reng a, ehhh va sa rak nasa ve aw khawnge keimah Pasaltha Thangzoa tupa fel leh zaidam hian kan pitar te chu kava rim ange, Val Upa lam hawi pah chuan ka dahna chen hi in fiah peih ang maw ka ngam chen chen ka kal anih chuan in hah zek dawn ania a ti zui khang khang a. Kal mai mai teh tap zawla in tih huai hian awmzia a nei lem love tia ngaithei lo tih hriat taka Val Upa in alo chhan tak hluk ah chuan anih ahnu nangmah ngei khan i fiah ngam angem a ti let ta khauh mai a. Val Upa meuh cho chhuak a nihna chuan a barakhaih tlang aniang an ding ngawi thup hlawm a. Val Upa chuan awle hun dang zawng nise kut i tuar ngei ang. Khawi ah pawh dah rawh keimah ngei hian ka fiah khawp ang. Bumna hman i tum anih chuan i Pu hausakna in a chhan hlek lo ang che a ti zui khur khur a. Chhan ka ngaih ka ring lem lo thian te u minlo nghak ru aw kan Khawm huaisena thingthu chu kava zun khum lawk ange tih leh tlan liam chu rual in, an in kawta a pu in Meichher tur a siam thar tel hnih chu ak in, a Vaibel leh Vaihlo thuhruk chu a la tel zauh bawk a.

... An beisei aiin Thangtawia meichher an hmu har tlat. Khawmvela chuan a kal ngam tak tak lo aniang a ni khan tenawm chhuah bak thiam anei lo..sawle a lo lange tia Killaia au thawm chuan Khawmvela tawng lai chu a ti tawp chiang kher mai. Meichher ka va hmu tellove tia Tlangval pakhat phun bal bal lai chuan Thangtawia Thingthu nu rawn vai lauh lauh chu an en thap thung a. Khawchhung atanga pawha hriat theih ruai ruai tur awm vel chuan Thangtawia chu khek rawih rawih in, Huai liam kawn lam apan zui thauh thauh a. Thli thaw vuk vuk kar ah chuan a meichher ken chu la kaiin Huai liamkawn kawng lai taka Pitar lo ding kul khau mai chu pan in e khai ka pi kan va inhmu khat ve. Minla hria em Thangtawia hmana Bal chhum pawh ka ei ai ka pek tawh che kha, Pasaltha Thangzoa tupa ka ni e tih pah chuan zamna leh hlauhna nei map lo chuan a pan hnai zui mawp mawp a. Ding rawh tia chu Pitar te tawng chu hrelo ang maia a kal zel lai chuan a sir tuak atang chuan Thangtawia ke chu an rawn kan ta thuak thuak mai a, a enge maw tha te te a ka sawi pawha tih pah chuan a meichher ken chuan a vai tek ta chuai chuai mai a.. Huai aw, Huai aw tia kiang dual dual chung chuan Thangtawia chu an hlat nghal rawk rawk a. Thangtawia pawn Pitar awmna lai chu thleng tawh in, Mihring ruangam ang maia lo ding chu chiang zeta melh in, nang hi Ramhuai ini hauh lo. Dawithiam i ni chiang mai khawmaw kan zai chhin teh ang che tih leh a chem humlai chuan a hma zawna pitar te nimaia lang lo ding then thaw mai ban ah chuan a zai sak ta hlawih mai a, Thisen tharlam zet arawn chhuak ta tlat mai le! Pitarte chu rak thawt in, ka tlawm e, ka tlawm e, nang ang renga hlauh neilo ka la tawng ngai lo. I duh chuan kal tlang rawh mahse ka thuruk hi i thup lo anih chuan i damrei bik hauh lo ang tih pah chuan a kuttin sei bal zet chu a lek zui zuau zuau a.

... A enge maw i thuruk chu ka phawrh kher ang ni aw, thlamuang tak khan awm rawh i thian ka ni e tih pah chuan Thangtawia chu nuisang chung chuan a pan hnai leh sauh a, tirawh lo thu ve teh i chanchinn ka hre duh. Mahse hei i hriat ang in in el kan ni a, i naute hian ka thingthu hi kengse. Zaiawi khaw ram nen a kan inrina lui kam ah khan va dah teh se.. Luikam Lungpui chung ah khan a ti zui khar khar a. A kum phu lova inla pa zet Thangvela chu thlek vang vang in, Dawithiam pitar te chu Thangvela kiang ah chuan thuthmun a rem ve ta tlat mai le! Chu Pitar te nena an thut dun hnu chuan Huai ho an tak hmuh theih si loh chuan Thangtawia Thingthu nung chu keng in Thangtawia sawina lam pan chuan an liampui dawr dawr a. Thangtawia kalliam leh a thingthu liam chak lutuk erawh khawchhung lam mak tih a tling thung. Thenkhat chuan a tlan chhia ani ngat mai a hlau mangang in khawlam pawh a hrehrang tawh lo ani ngei ang an lo ti bal bal bawk a.

.. Thangtawia chuan a hmaa pitar nimaia a hriat in a hmel hmang diktak a han tarlan meuh chuan maktiin a thlek ngawih ngawih a. A va mak ve tih pah chuan a hmai te chu a chul sak vel thuak thuak a. Chu nula chuan nui hak hak chunga chhang in, ka hmel hi tar theilo tura ka siam anih hi. Huai ho hnen ah ka thlarau ka hralh miau alawm phuba chu ka la mawlh ang. Nang ngei hi ka la mamawh dawn che i mikhual ah ka la rawn tang ang. Tin, i pa pawh ka hria, i pu pawh ka hria. I khua ah sawn i pu chauh saw ka hlauh leh ka khawihnat theih loh awm chhun ani asin. Tun ah hian hmabak ka la nei a, chumi ka zirthiam hun ah chuan kalo lut ang. Nang pawh thilpek tha tak ka pe dawn che nia, kal tawg rawh zan arei mai dawn e. In khaw miten zawn mai che an rel tawh tlat. I thingthu dahna hla lutum hi an awih dawn lova, mahse tlan hlir in ka tlan khawmu in mi chawi te ti kual in i ze ngai bawk kha i chhuah leh dawn nia, in Val Upa erawh kalo tih thaih hlak ang. Khua atanga min hnawt chhuak tu zing ah a meizang hlap tu ber ani tlat tih pah chuan leh lam hawiin a kut chu avai kual pawp a, pitar hmel rapthlak zet alo ni leh der tawh. Thangtawia chuan nui var var chunga thawhsan pah chuan min zirtir ve zawk teh a ati daih thung a. Chu dawithiam chuan zirtir lo ve, kal tawh rawh le tiin Thangvela biang ah chuan a piai sak zauh a, a bo zui nghal hmak bawk a.

... Thangtawia kalsiam leh mai tum chuan alam pana khawchhung Tlangval pathum ngawt mai rawn inzui te meichher chu a hmuh tak ah chuan a hnung lama thui fe tlan let leh te te in, meichher te chu a ti pawr tha leh deuh a, chung ho tawk zawng chuan thlamuan hmel fe chuan a faifuk phei vei hlarh hlarh a. Tlangval te pawn an tih ruk em em mai Huai liamkawna Bung kung ngheng chung ngei chuan a chin ngaichanga rawn kal te chu alo nghak ta ran a. Tlangval hoten Thangtawia an hmuh meuh chuan an thaw deuh huai reng a, mahse alo awmna lai erawh an nel hauh lo. Tawia khatah khan enge itih an zinga pakhat chuan an ti vin deuh that a. Thangtawia lah chuan hei in hmu reng lo mi Huai ho kalo titi pui mai mai e kati mawle an pawi sawi lem loh chuan an fel khawp ania lo hnai ve ru alo ti vei lar lar a. A mah aia rual u zawk te hmel a hlauhna lo lang a hmuh chuan a ze ngai a chhuak leh tlat pek a, Thiante u ka kal mai ang aw khi ka U te ho anlo lang tlat mai. Nak zan ah ka hman tak leh kalo lang leh dawn nia ka U te ho khi han chibai ve ula. An hlauh ruk sa tawh nak lai chuan Thangtawia tawng zawh rual chiah chuan bung zar chu a rawn su nghal luai luai ta mai a, Thangtawia chin ngai changa rawn kal tlangval pathum te chu thil thang ngher nghur hian a theh zui nghal thawt thawt ta mai a, chutah zet zawng rak teng tung chung chuan a tlan hnuhnung bik nih hlau chuan anlo kal lam aia chak zawk fe chuan an tlan chhe nghal dawr dawr a. Ka um ve nghal ange tih leh tlan chu rual ve nghal in, an khaw tuikhur a thlen chuan chung Tlangval pathum te chu hlau thaw hlawp hlawp chunga lo thu in, Thangtawia chu rap hmel zet chuan an lo thlir rawn thap a. Thangtawia lah chuan inva tlan chak em em ve tiru kal leh tawh ila midang ngaih lam lam te alo thalo ange tih leh hmahruai chu rual in, engmah ka sawi lo ang tih pah chuan a nui dir tlat tlat a.

.. Thangtawia'n a Thingthu nung a dahna a sawi meuh chuan Zawlbuk tuala awm ho te chu an ri nghal huk reng a. Val Upa chuan rum el awl taka melh pah chuan naupang dawt sawi hlek suh ka ben hrep hma che hian i dahna diktak chu sawi mai rawh tiin a vo zui khur khur a. Thangtawia lah chuan aw va fiah phawtla ti nia, dawt ka hrilh che chuan ka lu hi ila nghal dawn nia a ti rum let al thung a. Pasaltha Kohbika chuan ka Naua sawi ang chu ni rawh se, khai le val upa meuh in thu i tiam tawh kha tah hian ilo let hun chu kan lo nghak ange, enge hruai duhte i nei em a rawn tih thum tak dut ah chuan Val Upa Kurthanga hmel dur khup chu hmulo ang maia hawi fithla thak chung chuan meilum chu a hnungpuak Zui zat a, Val Upa Kurthanga meng buai deuh nak chu a thian hnai te chuan lo man nghal chat in, khawnge kan Thangtawia chin chu fiah ve ka duh e tih pah chuan Val Upa Kurthanga hnung chu an zui nghal zat a. Val Upa te an liam fel meuh chuan Thangtawia chuan a pa Kohbik i kap kar ah khan kalo mu ang aw an lo let har dawn si, lokal ru lo mu ve daih ru tih pah chuan a thiante chu huiin kar lo ah an thian ho chuan tui em em chuan Pasaltha Kohbika thlazar hnuai ah chuan an muhil nghal sak sak a. Pasaltha Kohbika hian Val Upa te kalliam hnu lawk Khan a mirin zual bik Tlangval pahnih te chu tir liam ve nghal in, dawt an phuah ngam miah lohna tura tir tel ani reng a. Kawl arawn en pawn Val Upa te hmel reng hmuh tur a la awm hauh lo. Ani reng lah taka Thangtawia Thingthu nung dahna hi Tlangval chak tha pangngai tan pawh chawhma kal zan ani miau alawm le. Khua arawn var fel meuh chuan ral hla taka an rawn inzui zawi hnak hnak chu an hmuh theib ta mai a, Val Upa te rawn thleng hlim hmel chu ahmuh anuam lo in, an chauh mai bak ah hlauhawm an tawng nual tih a lang reng mai, Pasaltha Kohbika zawhna chu chhang in, aw Thangtawia chuan dawt zawng a sawi lo ve tih leh in lam pana kal chu a rual nghal nul nul a. Midang mutmu tuah thalo leh an chin ngai changa awm ho chuan Thangtawia chu makti taka thlek ha ha chung chuan mahni in lam an pan sap sap a. Thangtawia te thian ho lah chu an lola mutui nasa mai chu niin Pasaltha Kohbika'n a kaihthawh tak ah chuan harh vang zeta rawn tho chhuak in, mahni in lam pan tuma an pen chhuah dawn a, Pasaltha in naktip ah in thian ho khan ka Sa channa ah ka hruai dawn che u nia a tih zauh thawm avanga ding thap in, tak tak em Pa Kohbik an ti rual thawt a, aw tak tak e mahse in chhungte theuh lo dil ula a tih tak ah chuan lawm avanga zuang lam tawr tawr chung chuan mahni run lam pan in an phe thla lawp lawp hlawm a.

... Hun leh ni a liam a, Thangtawia te thian ho pawh Zawlbuk kai rual anlo ni ve ta reng mai a, khawchhunga ngeiawm leh huatthlala zeta chet a chin erawh a ban san hlei thei lo chu ani e. Mi Se tla an Til uai laia lo perh sak leh an kap bawr vel a Vangvat lo seh tir thin te, mi vawkchum lo phil tih vel a bansan hlei thei lo lai tak hi a hawtu tan chuan a huatawm zual in, kut a man fak theih a ni der lo leh nghal a. Pasaltha Kohbika hnuai ah nise inbuan, insual leh Ram lama chet dan tinreng te an zir hneh in, an thian ho a an han in beih laih laih pawh hian Thangtawia hma ah hian an tlawm tlat zel. A tharum leh taksa lam ah tumah tiat talo chu a fin kherek hmang hian a thiante chu a bin fo mai reng a, a chet lak hun alo thlen dawn ah meuh hi chuan a Vaiho fun hi thiante hmuh loh lam ah alo khal puk te te a, thiante nen puan ven an in man rual chiah hian haw hawhhh tih leh dep phei hi a rual ta mai thin a, a Vaihlo fun lah a lo zahpuiawm lutuk lo nen a chetdan maksak tak avanga a thiante tal buai chhung hian a bin hman tlat zel bawk nen Thangtawia buantu nih hreh hian an in hnawn zak zak fo reng a ni.

... Naupang kawlhrawng tia an sawi fona dang awm leh chu Thingnawi fawm rual anih atang hin Lengi run a kai ngam tlat hi ani pek a, a rawlthar chhuah atang phei chuan Nuthlawi leng leh Zahumi run ah hian atal tam in tap zawl ah hian inti thu fahran hian Vaibel a pak hlat hlat zel a, in leng lo chuangkai lo lawm tu ah ber tang in, chhungkaw p ber ang maia ro alo rel sek thin leh Zahumi beisei tu te tana ngeiawm zet zet a a khawsak fo thin avang hian kut thlawn pawh a tuar fo reng a. Ai a u ten kut an thlak lah hian ngawi reng hian a tuar ang lawi a, mahse kut thlak tu apiang te ran vulh erawh a kim lo ziah thung. Thangtawia zia a danglam leh em em mai pakhat chu a mut hmun ah hiaj puan a veng duh tlat lo pek a, zak map lova mawng lang tunga a mut vawih thlerh thlerh tawh hi chuan a mah haw viau tute pawh hi an nui leh tha tha thin. Chutiang reng reng a, hun leh ni an hman lai chuan an zawlbuk kai tur ni alo her chhuak ve ta reng mai a, mak tak maiin Thangtawia zawlbuk kai tur hian thawm anei na tlat. A chhan liantak pakhat pawh khawtual Tlangval te hian naupang fiam ni lova, Zawlbuk kai rual tawh buan a buan hi an chak takzet zet ani e. Chung zing ah chuan an khaw buanchak Thangbika hi a ni zual a, Thangbika hian huatna lian tak anei miau alawm. Lo kai teh se ramtuileilova siam ania ka chak ni ati khur khur reng tawh a, heti em em a, Thangtawia a huat na chhan hi engdang ni lovin a mah Thangtawia thiam loh hmasa hi ani miau alawm le.
.. Thangbika leh a kawmchhaknu pawmlai nei hi mi sawisep an kai ru tlat pek a, kut a man na fak awm silo hian mi mit ti kham khawp hian an in zui ngun reng lah tak a, Dengkimi pasal lah pumpui na nei alo niin ram lam hna thawk thei lo mai ni lovin, zan lam hna pawh athawk hlei thei lo bawk nen, Dengkimi lah a hrisel sen suah reng a, mi then khat hian an ram kal dun te hi an han zui ru thin tak nang a, Dengkimi hmeichhe a lo tih tak ah tu mah hian an hup fuh thei tlat lo. Chutianga a ruka inkawp chawt an nihna chu Thangtawia hian lo hre ve in, a bih thla chak leh tlat pek a. A vanneiha siam nge ni dawn Dengkimi inthiar tur kalliam hnu lawk a, Thangbika an in hnuai thim lam bela a liam ve lai chu a hmu fuh ta hlauh mai a, thawm nei map lova zui ve zel chung chuan Thangbika liamna lai chu a hmu hman zat zat thung a. Chutianga Thangbika a zui zel tak ah chuan Tuikhur mawng mual lungpuk deuh chhung a, a mi zui ruk te inhaw lo tih hriat taka anlo in bawh thuah lai chu a tawng ta ngei mai le..

... Thawm dim em em mai a veh hnai khiau khiau chung chuan Thangtawia chuan Lungpuk chu a vak thleng thuai a, chutah thahnem ngai em em maia Thangbika buh deng lai mawngsek phiar fuat maia nem pui zawt zawt pah chuan ka phawk e, ka phawk e, tlanchhiat pah chuan i ngam leh min khawih dawn nia, Dengkimi rum ri ka zir nghal loh a la ti zui hram pek a. Thangbika thinso chuan a Lu ka la dawn khawp tih pah chuan a thu tum zui luau reng a, mahse a dawn tam zawk Dengkimi chuan khap thuaiin, Thangtawia chunga chet a lak vaih chuan an mualphona khua sei dan tur hrilh sep sep pah chuan Thangbika Suk chu a tuai fai sak zui mawlh mawlh tak ah chuan nui vun vun chunga chet la leh in a buhden a chawlhsan chu a deng zui leh mai bawk a, hemi ni atang hian ani Thangtawia zawlbuk kai hun a nghah hlelh em em tak chu...

... E khai ava har reuh ve mawle, a rei anga ala ngaihnawm ve mai ang chu maw lo nam liam leh phawt mai teh u. I ram ka ram, ka hnam hi chhantlak ala awm e. Tho la ding la i Pathian ko rawh.

MAFAKA KHIANGTE..

A LAMA RILRU DIKTAK PU TUTE AU THAWM NGAITHLA THIN TU LALPA I AU ANG AW.. ZORAM HARH A HUN E.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 9th, 2018, 9:17 pm

PASALTHA THANGTAWIA EPI 3
. Thawm dim em em mai a veh hnai khiau khiau chung chuan Thangtawia chuan Lungpuk chu a vak thleng thuai a, chutah thahnem ngai em em maia Thangbika buh deng lai mawngsek phiar fuat maia nem pui zawt zawt pah chuan ka phawk e, ka phawk e, tlanchhiat pah chuan i ngam leh min khawih dawn nia, Dengkimi rum ri ka zir nghal loh a la ti zui hram pek a. Thangbika thinso chuan a Lu ka la dawn khawp tih pah chuan a thu tum zui luau reng a, mahse a dawn tam zawk Dengkimi chuan khap thuaiin, Thangtawia chunga chet a lak vaih chuan an mualphona khua sei dan tur hrilh sep sep pah chuan Thangbika Suk chu a tuai fai sak zui mawlh mawlh tak ah chuan nui vun vun chunga chet la leh in a buhden a chawlhsan chu a deng zui leh mai bawk a, hemi ni atang hian ani Thangtawia zawlbuk kai hun a nghah hlelh em em tak chu...
... Thangtawia te thian ho Zawlbuk kai no tur alo her chhuah meuh chuan khaw mipui chin hre ru deuh te chuan an sawi ru deuh sep sep hlawm a. Thangtawia te thian ho pawh a ruk tak chuan an huphurh ve tih hriat tak chuan Thangtawia te tap zawl ah chuan an thu bial ve laih a. Thangtawia e rawh nuisang chunga a thiante melh kual pah a hawi kual valh valh in, Thianteu lungngai suh u keiman hma ka hruai dawn alawm Chhuaha Vahmim tui kan hmuhna kha i la hre thei ang tiraw a ti zui zat a, Vahmim tui a lam rik tak ah chuan a thil tum man thiam nghal in an vai nuih zui tha tha a. Tuk thuan ei tura darh sang sang in, eikham hmasa Kawt chhuah lama in nghah khawm ah tia thu dah an ni bawka a tlai bik nih tum hauh lo chuan mahni in lam an pan ding nal nal hlawm a. Thangtawia pawh Tuk thuan ei chhung zawng chuan a Nu chuan a zilh ve malh malh a, Thangtawia pu Pasaltha Thangzoa lah chuan e khai Tawia Nu ka Tupa hian mi pawi a sawi ka la hre ve hlek lo nia, thil sual ti ah han puh tum viau thin mahse kut a man na an neih lah ka la hrelo. Ka hmingthanna chhawm tu tur anih hi. Thangtawi lo ngaithla teh zan in ah Zawlbuk i kai dawn ani a, tual thanga kalo hriat dan in, kan khaw buanchak Thangbika hian a hmel huat riau che ni awm in an sawi tlat mai a, i fimkhur hle a ngai dawn tih hria ang che. Thangbika te ang palian tlaw satliah hma ah Thangzoa thlah i tlawm tur ani lo. I pa Kohbika zirtirna kha vawng tlat ang che. Kan buanpuite rilru fim hmang thei lo lek a siam hmasak hi kan tum tlat tur ani i hria maw tiin a tupa chu a fuih zui malh malh a. Thangtawia chuan apu leh a Nu zilhna chu buk nghat nghat paha ngai thla in a Pu tlawn nan chuan Ar Thin leh Thial chu aPu hma ah chuan a theh phei zui nghal vat bawk nen a Pu zawng a ti lawm hneh thin teh e.

... Tuk thuan ei khana an thian ho an in hmuh khawm leh meuh chuan tuk dang an la ang thei lo an hmel ah chuan zam hmel a lang ve tlat. A thiante ho hmel chu en vang vang chunga kal chhuah rawt vut in, kal pah chuan inla kal ngai lohna hmun ah ka hruai dawn che u a ti bung vei nghat nghat bawk a. Thian ho zing ah a te ber ni mahse Thangtawia zia a bet tlat hruaitu nihna chu rawn lang leh tawh in a te ber hruaina hnuai ah chuan ram lam pan zel in, khawi ah tak kan kal dawn ni maw ti rilru niap niap chung chuan Thangtawia hnung ah chuan an zui dat dat hlawm a.. Tuikhur mual mawng lam ah her liam pui pah chuan Thangbika te a phawkna puk lam chu a pan pui par par a. Thangtawia chuan puk kawh vah pah chuan Huai tawmna puk anih khi tah khian kan lut ang. Puk tawp ah khian Tlak lei a awm reng tiin ka Pu in min hrilh dan chuan khi Tlak Lei khi kan Ei anih ngat chuan kan chakna a leta pung in, hlauhan in min hneh tawh ngai lo ang. Ka kal hmasa ber anga Puk pawn ah in duh chuan minlo nghak thei ang. Ram hrui chhah pah chuan ka kawng ah ka hling anga pawn lam ah min lo pawt tlat anga, hrui na taka ka pawh dawt dawt chuan min hnuk chhuak dawn nia.. Zunram kan thiar hmasa te te ange, hrui kha lo chhat ve vek rawh u tih pah chuan a kal fal zui nalh a. A thiante hmuh phak loh china Tlak lei chu a chem hmanga la khawm zung zung in, a Sahmim ah chuan a khung zui ta thuai a.

... Khai le ka lut dawn e, ka Taksa chauh in hnuk chhuak ta anih chuan rang tak in in tlan haw dawn nia hlau mah ta che u, Thangbika sawisak mai mai tura Zawlbuk kai ka tum hlei nem tih pah chuan Puk chhung chu a dai lut zui ta hmiah mai a. Killaia chuan Thangtawi i rual in kalo kal ve ange tih khur deuh dut dut pah chuan zui mai chu a tum a, Thangtawia lah chuan ni lo ve, keimah hian kan tawn darh ange. Kha leh Keimah Thangtawi zam ngai lova ka lo kal e.. I Tlaklei ka duh e. Kiang rawh kiang rawh ti a au lauh lauh chung chuan a chem chu a vilik pah zauh zauh a, a thiante hmuh phak loh chin a thlen chuan nuih var var pah in a leh hawi zawk a. Thlawk bo rawh a ti zui leh thak thak a. Tuahkima chuan a thawm a reh daih ania ti sai hlak hlak chung chuan a hrui vawn chu a phih deuh sak sak a.. A kawng phuarna an rawn pawh chet na avanga nghing deuh laih laih Thangtawia erawh puk kaw tawp ah chuan thu in a Tlak lei lak chu a lo awmsa ang tak tur chuan a siam mawlh mawlh a. Chawivela chuan Killai kan tlan lut ve rawih mai dawn ami a rei tawh em mai tiin a Chempui phawrh chu a rual ta mai a. Ti ru a rual in lut ve ang tih paha Puk luh ve tuma an in siamrem vellai chuan Keimah Thangtawia Huai Tlak lei eitu ka ni ngai e tia Thangtawia au thawm an hriat chuan an thaw huai hlawm a. Thangtawia rawn dak chhuak a kuta Tlak lei rawn hum chhuak bawk chu ngaisang tih hriat tak chuan an melh rawn thap a.. Puk kotlanga din pah chuan Huai te u in chakna Tlak lei chu ka ei ta tih paha hmawm zui hmak in, a thial zui mial mial bawk a. Rum el awl taka melh kual pah chuan Thisen rim a nam hak mai ka ti a chem chu vai kual pawp in, Khawmhma tuai chu a fik zui hmawk bawk a. Tunge kal hmasa ve dawn che u, an hotu en ber khawsa zia chuan phurna nasa tak a pe tih hriat tak chuan luh hmasak chu an in chuh zui mai reng a, chutianga a mal te te a an luh kim meuh chuan an hmel ah Zam hmel chhiar tur a awm lo mai ni lovin, Pasaltha Ral lu khai men tak chuan an meng tur khai hlawm tawh a, an thlang ruam chu kawk in, an Zinga thahrui ngah leh pian tha ber mai Killaia hnen ah chuan khulai ruam ah khuan i chakna en chhin tur a awm ngei ang. An thinlung lama chak thar riau nia in hriatna nena che chhuak an ni bawk a, nidanga an thian ho a an kar phawh zawh mangloh Lungpui te chu mahni pawn an chawi phawng zo ta tlat mai te chu mak an inti hial zawk a. Na tawrh lam ah enge kan an i fiah teh ang kha hei hian min han hlap chhin teh u tih pah chuan in sangping vak chung chuan Thangtawia chu a in dawh zui vang a, Khawmhma tuai chuan han hlap ri zawt thin mahse mahni thiante leh an hotu en ber na taka vaw ngam awm hek lo le. In tha in hmang ngam lo nge hnung thak hiah ang chauh alawm le tih pah chuan leh lam hawia na ti then zui sak sak in khawnge ka ni ve aw tiin a thiante chu a hem zui zawt zawt a, a mah Thangtawia ber na tia rak duh ta lo chu nati lo awm chuan awm vek in an then sawk sawk hlawm a, chutiang zela inbuan te zir chho leh in Chawivela vahmim tui hriatna mual ami Pakhat theuh an hip leh meuh chuan an khaw Tlangval tupawh nise buan ngam loh an nei tawh lo. Huai ho Tlak lei ei pha leh ei ngam val an ni tlat tawh alawm le.

... Tui khur han ti ila, Khur hla a ni zawk mah awm e, Khur hla chung Bung zara thut thap pah chuan Bungzara a lawnpui chhan chu hrilh fiah in, tumah thawm nei reng reng suh u, hmuhnawm ka thlirpui dawn che u, chu le an lo kal ania tih pah chuan a Vaihlo fun lang deuh kher chuan thut hmun rem in Bungzar pui ah chuan a thu tung fel at a, a thianten hnuai lam an han bih ve nak chuan lal fanu Nula leh Rawlthar tan tir te, Khawnbawl Upa fanu te rawn inzui thla chu hmu in an bih ruk chhan erawh tuman an la hre tlat lo. Thangtawia an han en lah chuan hnuai lam bih chung chuan alo nui var var chauh mai si. Chhe heuuu enge thleng ta, lal fanu teho chu inbual tur in an in phelh ta tlat mai, an chhak lama an mahni vengtu an thian te pahnih lah chuan Thangtawia te awmlohna lam an hawi daih mai si. Lal fanu melh pawh an melh that ngan loh, lal Sa tuihang ringa seilian Sailo thlah ngo sen suah mai te inbuak an han thlir deuh deuh mai zawng thawm chhuahna ngam silo chuan an kawngtui an hmet chik thawt thawt hlawm reng a, lal Fanu teho inbual lah an mahni thlir rengtu an awm tih hre hek lo hlim taka nui khek iar iar chung chuan an in fiam bawrh bawrh bawk a. Thangtawia te tan hmuhnawm tling ani renga chutih rual chuan an dinhmun erawh a hlauhawm hle tho, Nula inbual bihthla te hremna an tawk thei tih hriain an thu hnam zawih zawih chu ani ber e. Lal fanu te kal liam meuh chuan thu zawi hnawk hnawk in, an thil hmuh chu hmu velo ang hrim chuan an in hrilh zui bawrh bawrh a, a naupang ber Chawivela chuan Khawnbawl fanu Sangzuali sava bu chu buk teh e a rawn ti chhuak ta mai a, za em em maia nui zui chung chuan lei lam pan chuan an ban thla zawi zawi hlawm a.

... Zanriah ei kham anih meuh chuan Thangtawia chu inthiar tura chhuak nalh in, Huai liam kawn lam chu a pan zui nghal vang vang a, a beisei tak chu ava tawng ta ngei reng a, Huai pitar in alo pek thil mawm zil zel chu in chulh mawlh mawlh pah chuan khawlam pan leh vang vang in, Thangbika buan chu a chak hian a chak zek zek tawh zawk a, in a thlen leh meuh chuan a thiante pawh a mah sawm in an lo awm kim thap tawh a, khawvela ami ngaihsan ber mai a Pu ho ngei mai chuan Zawkbuk lam an pan ta ngei e. Tlanglian khaw in nghahna leh pa zahkai Pasaltha Thangzoa meuh Zawlbuk a kai chuan Khawtual tlangval te chu a ti tim deuh dui reng a, a hnunga a tupa te thian ho tana zawlbuk lawi a dil thawm in a zui tak ah chuan thawm ri zui mam mam in an lo lawm thiam khawp mai le. Mitin nghah leh en chak anih miau avang chuan Tlangval ho pawh zawlbuk an kai hma tlang bawk a, an lo kim deuh hmur tawh a, Lengi run kai zawh lama kai thar buan an tih thin pawh nghak zo lo chuan Kai thar buan chu an tan nghal ta phat reng a.

.. Thangtawia ding chhuak chiah chu eng khaw sawi set set lo leh midang pawh nghak zo lo chuan Thangbika chu rawn pen chhuak in khawnge kan Tlangval hlauh neilo chu keiman kalo buan hmasa teh ang tih leh Thangtawia pan chu a rual nghal ruak ruak a. Val Upa lah chuan an hnung thla liam ta mai ah Thangtawia a vang a hlau hlawpa lo awm tawh anihna rawn kai tho ve leh in Thangbika chu khap atum der lo. A langa mawi ah chuan Bika dim deuh khan aw nau zawkte an nih kha a ti ve ngial bawk a, a hmel leh mitmeng ah erawh Thangtawia chu sawp hrep sela tih chiah a chhiar theih thung. Thangtawia lah chuan ni ang hmiang khawnge kan Tlanglian khaw buan chak chu Arsi chhiar chuai khawp in ka han in bin tir ange nge min paw nghal law law dawn ka hneh dawn der si lo che a, ngei awm zeta lo nuih sawng pah chuan a lo insiam rem ve sauh sauh a.

.. Awlsam te a vawrh len lawp lawp tuma Thangbika che vel chu ahawi hai ta tlat. Pasaltha Kohbika ke bula seilian leh a zirtir tuan tha em em mai Thangtawia chu chuti maia vawrh theih alo ni bik tlat lo. Rang tak taka in daikhalh zung zung pah chuan a nui ang awr awr a. Thangbika tlawm la thinrim tan erawh a rum nghut nghut tawh nen Zawlbuk chu a rik hian a ri hulh hulh ani ber tawh a. A thawh khatna ah an sir tluk dun ta rup mai le.. A hnehna chang zawk an la awm tlat lo. A thawh hnihna an han tan leh chiah chu Thangtawia thlan tui lo chhuak chuan Huai Pitar thil pek a in hnawih ngei kha a rawn thawk ta mai a, Thangtawia Taksa chu a nal hian a nal fai vek tawh mai reng a, Thangbik an a nek hnaih phei chuan a pial ta zuk zuk mai a, chutah le Thangtawia zia lo chhhuak in, lal fanu inbual lai a mitthla zui ta.. A vaihlo fun rawn nung hmang chuan Thangbika kap bawr chu awmze nei fe hian a dep phei pah zawt zel a, Thangbika tan lah hai rual ni hek lo..khaih khaihhh tih paha a tawlh hnung chiah chu Thangtawia tan hun tha ani tlat. Rang taka Thangbika kap kara a mal rawlh luh pah chuan khap chen dawn a chawi ta vawk mai a, mak tih luat vanga an ngawih thup lai chuan Killaia chu rawn au hlut in, a phawi e, a phawi e a rawn ti ta lauh lauh a, chutah zawng harh chhuak in, Thangtawia tiin an rual ta thup thup a, Thangbika tlawm la lutuk lah chu hawi sen tawl tawl chung chuan nau a i chak lo ang a ti khur khur tawh mai si nen an boruak a sang tha mep mep teh e. Tlanglian khaw buan chak vawikhat pawh phawi kang tu la tawng lo Thangbika tlawm la lutuk chuan hah dam hun pawh nghak lo chuan khawnge i ti tak tak ang aw tih pah chuan Thangtawia puan ah chuan aman zui leh chat a, Thangtawia lah a fin kherek rawn chhuak leh in khaih tih pah chuan Thangbika beisei hauh loh chuan a vawrh pawh vawrh hman reng reng loh chuan chung lam ah a zuang kang nghal zui dawrh a, a phawi ve e tih thawm in a chhilh tawh si. Zawlbuk bang deng dawta vawrh a tum nen a tha tel si, tel mang si lova Thangtawia kang dawrh mai chu en in Thangbika chu anui ta vun vun mai a, nangte hi ka lawm zawng tak ini khawnge atawp nan aw tiin Thian buan chuan a buan ta daih thung a, Thangbika beng bula hrilh ruk pah chuan Val Upa delh tawk chiah sawn U Bik minlo bin teh i nau ka ni e, ka tanpui zel ang che i hrethiam em a ti zui sa sa a, a thuruk hretu ber in ka tanpui zel ang che a tih tak ah chuan val dawntawi Thangbika lawm zawng tak ni hek. Khahh tih pah chuan Val Upa vaibel leng lawp khawp chuan Thangtawia chu atheh phei ta mai a, Val Upa Vaihlo fun lang huang a a tlu leh a vaihlo vam tha zet in ahmul a kang hmui zui rum rum bawk nen then khat nuihza lutuk lah chuan Zawlbuk bang an lo beng puar pawp pawp bawk a, a tawp ah zawng Val Upa pawh nui sunga rawn thu chhuak in, kan Minghal Thangtawiw zet hi zawng eng ang tak in i hun hmang zel ang che maw i duhtawk teh ang kan sil awng zo dawn a thiante pawh an lem chuang lo ang tih pah chuan a vaibel chu chhar in Thangtawi kha vaihlo hi min bengsak thei tih pah chuan a nui zui ve vun vun a.

.. Tawk mai love, Chawivela kha lo chhuak teh se khawnge keiman kalo buan ve ange tia a hming hmerh meuh a chona arawn chhuak ta tlat mai le. Chu tawngkam rawn phuh chhuak tu chu Thangtawia te avanga zak taka hun lo hmang tawh khawnbawl Tupa Khawmvela ani tlat. An zinga kum lama nau ber rawn cho tu chu Khawmvela melh run run pah chuan i rualpui leh beih tawk hi thlang ve ta che khawnge ka thiana zawng a ruh ala no deuh ange keimah nen zawk aw tih leh Killaia chu pen chhuah a rual nghal zat a. Mi ngawichawi engtin nge Thangtawia hi a zui reng peih zawk tia an sawi sep sep thin Killaia che zia chuan a barakhaih tlang bawk aniang, Tlanglian val rual te an harh chhuah meuh chuan Khawmvela chu Killaia lu chung lam ah tlak hlau chuan a lo phar kak huang huang tawh a, tham lo tih hriat taka nghah chawrh pah chuan vawite khat mah min hmachhawn ve tawh suh tih sup pah chuan a hnung chhawn nghal hmak a. Killaia pen hnih thum a pen hman awrh awm e. Tlangval te chu an au chhuak thawt hlawm tih ah chuan Killaia hnung zang chu thingfak chuan a hem ri nghal thlawrh a, Killaia na tuar vial ngawl ngawl tura an beisei nen, hawi let pah chuan i va seh na love a ti lek ta mai a, khatiang te mai mai zawng kan in awm lemna lek anih kha mi dawihzep vuaka tlu mai mai chi ka nilo tih sup pah chuan Thingfak chu phih thlak sak lawp in tha te te chuan Val upa chu ava pe daih lawi a, Khawmvela zak tlawmla lutuk chuan mawi leh mawi lo pawh dawn lo leh khawhmu lo lek chuan Killaia chu a bei zui ta mai a, mahse Killaia taksa a khawih fuh hman tlat lo. A samziala zo tak maia khai kang tu Thangbika chuan rum fe a melh tur khui chung chuan i ring ruh hi ka thuai tliah i duh ami a tih tak ah chuan hlauhna in rawn man in a thil tih sual rah chu a seng ngei dawn e, midang zawng chhuah tir in, Khawmvela avang chuan Zawlbuk rorel an tan ta map map a.

... A chetdan tenawm tak avanga zilh hau na tawk hrep Khawmvela thinlung erawh a hmin lo chiang kher e, ngawi tak rawh u in thiltih man hi inla hmu khawp ang ti bal bal chung chuan kawngsira Arbawm chhia lo in hung chu a pet zui pawp a, Arbawm leng dawrh tura a ngaih lai chuan a mah Khawmvela zawk chu natuar rak teng tung chung chuan a vial zui ngawl ngawl a, chutianga natuar au thawm a awm tak ah chuan Zawlbuk chhung lam leh Zawlbuk hnaih deuh a awm te chu hman hmawh taka rawn tlan khawm nghal zung zung in, enge nita, enge thil awmzia tia rawn thleng hmasa apiangte chu an thil hmuh avang chuan nuihza insum tih hriat tak chuan an then sak sak hlawm a, Khawmvela erawh natuar then chak chak chunga thu chhuak in, a na love, ngaihtuahawm ka nilo tih pah chuan a Ke Zungpui ruh tliak chu a hum fuh ngam silo chuan lei char te chu a chum leh dat dat thin a. Arbawm chhia ni a angaih a pet tak kha engdang ni lovin, Thingtum Sum atana Lairawka pa put haw hlim alo tun that chu niin han thinrim dawn viau se tih ngaihna awm hek lo. Kalluih tum ngial mahse a maha kal thei zia ni hek lo le, a thiante ho chuan a zak tawn tawn a dawm chung chuan an in lam an pan pui ta thuai a. Lairawka Pa chuan an kalliam hnu chuan makti leh angaihna hrelo taka a thing tum chu melh vung vung in, engtin nge helai ah hian alo insawn daih theih aw a mak kher mai a kal thei aniang tih sup pah chuan adahna ngai ah chuan a sawn let leh tuih tuih a, Thangtawia teho erawh nui var var chunga thim china lo thu tawm kak chung chuan tu emaw ber pet atana an dah an thangkam chu Khawmvela ber kher chuan a rap per tlat mai chu makti leh lawm em em mai chuan a rilo a nui vak vak chung chuan an zuang lim tawr tawr hlawm a, Chawivela'n Khawmvela tih dan a zir zui ngat mai phei zawng mittui tla zawih zawih chunga in kuah khawm chung chuan Nuthlawi leng leh Zahumi te in lam pan chuan an tleh chhuak zui hal hal a.

... Thangbika leh a kawppui nu thlanmual lam kawnga an liam thla zeuh lai chu Thangtawiw pek chuan a hmu leh hman tlat pek a, ding meuh a in ngaihtuah vang vang in, enthla tawh lo zawk teh ang tih leh a thiante um chu a rual zui ta thuai a. Zakhumi te run an kai meuh chuan Tlangval dang eng emaw zat lo thu ve taih in, Thangtawia thutna thin erawh an lo kian lawk thlap thung. An ken mai loh chuan eng tin tin amaw a thawh tir leh dawn tho tho tih an hai tlat lo. Thenkhat phei chuan Zahumi hian he rawlthar hi a temtir hlak thin alawm lo ti tawk pawh an bo hauh lo. Alo tem tir thin em tih erawh an pahnih inkar ni teh se. Thangtawia lah zam map lova titi zui mawp mawp chung chuan ai a U zawk te mitmei lah a veng duh map lo zui a, a haw tutana huatthlala zeta a khawsak mek lai hian thil tih tur tul awm se a mawngzang leh ai a U te tirhna hnial duh miah lo ani leh tlat lawi a, tar chak lo zawk han puih mai te hi a hreh lo mai ni lovin a nuam tih zawng tak a ni bawk nen mihring mak tak zawng ani e. Titi hrang hrang vawrh chunga an rik hlut lai chuan in hnuai lama Ar ho chu an ri ta hlut mai le.. Hman hmawh taka dawk chhuak nghal puat puat chung leh au teng tung chunga tlan chhuak in Sanghar lian leh chal zet mai in Zakungi te Artui lai alo pu kawh vu mai chu hmu nghal in an in hmachhawn ta thap mai le.

In hnuai kil tawp ah an nawr bet ta hmak tih ah chuan Sanghar pawn a Ar lak chu thlah in a kaw tawp ah atang tih a in hre ve ni ngei tur ani a ha var hriam hmel zet chu then lang thah chung chuan a mah hnaih tu a piang mai chu alo bei let ti tih ta mai a, an zinga an la huai fal deuh Kawlenga tawlh hnai harh harh mawng ah chuan Thangtawia pek chuan ava kawm sak zauh pek a, ani lah mawng kawm haw chi alo ni khet nen khaihhh tih leh hma lam a dawk phei zawk chu rual in Sanghar chu a bawh phei nghal ruak a, a beisei hauh lova bawh thut dawng tu Sanghar mang ang tal kual vel chu Thangtawia chuan a thingfak ken chuan a khawng zui nghal mawlh mawlh a, Kawlenga rawn insiamrem in a rawn vuak pui ve leh kian san nghal hmak in, kawt lama lo pungkhawm ho hnen ah chuan U Kawlengan a vaw hlum tawh e a ti zui lar lar a, hmingthatna khum tir tu chu Kawlenga chuan haw ru bawk si, a mawng kawm tu anih hai bawk silo chuan melh khai khai chung chuan a tawp ah zawng huaisen nihna a hlawh phah miau mai a inti thei fe chuan a hawi vel ta larh larh a. Thangtawia chuan a thiante bul ah chuan Kawleng Sanghar depa an ti zauh pek a tu mah dang in an nuih chhan hrelo.mah se Sanghar dep tiin an nui dir tlat tlat hlawm a.

... Hei zawng hi ni leh rawh se aw.. A thui lutuk chuan in mit akham thin kha.. Ka edit hman lo leh nghal..

MAFAKA KHIANGTE.

THLUAK FIM TAK ZEL IN, MAHSE HNUNGTAWLH SI LOVIN.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 15th, 2018, 6:02 pm

PASALTHA THANGTAWIA EPI 4
In hnuai kil tawp ah an nawr bet ta hmak tih ah chuan Sanghar pawn a Ar lak chu thlah in a kaw tawp ah atang tih a in hre ve ni ngei tur ani a ha var hriam hmel zet chu then lang thah chung chuan a mah hnaih tu a piang mai chu alo bei let ti tih ta mai a, an zinga an la huai fal deuh Kawlenga tawlh hnai harh harh mawng ah chuan Thangtawia pek chuan ava kawm sak zauh pek a, ani lah mawng kawm haw chi alo ni khet nen khaihhh tih leh hma lam a dawk phei zawk chu rual in Sanghar chu a bawh phei nghal ruak a, a beisei hauh lova bawh thut dawng tu Sanghar mang ang tal kual vel chu Thangtawia chuan a thingfak ken chuan a khawng zui nghal mawlh mawlh a, Kawlenga rawn insiamrem in a rawn vuak pui ve leh kian san nghal hmak in, kawt lama lo pungkhawm ho hnen ah chuan U Kawlengan a vaw hlum tawh e a ti zui lar lar a, hmingthatna khum tir tu chu Kawlenga chuan haw ru bawk si, a mawng kawm tu anih hai bawk silo chuan melh khai khai chung chuan a tawp ah zawng huaisen nihna a hlawh phah miau mai a inti thei fe chuan a hawi vel ta larh larh a. Thangtawia chuan a thiante bul ah chuan Kawleng Sanghar depa an ti zauh pek a tu mah dang in an nuih chhan hrelo.mah se Sanghar depa tiin an nui dir tlat tlat hlawm a.

... Hun leh ni aliama Thangtawia teho pawh a ngai tea inkawm khawm dial dial chung zela hmalam an phak tawk te te a an thlir ve bek bek lai leh Lungkham em em nei lova an len mai mai chhung chuan lo hal a lo hun ve leh ta reng mai a, Lo hal na lama kal ve ngei tur an nih avang chuan Thangtawia te thian ho pawh Pasaltha uaithla tawh Thangtawia Pu Thangzoa chuan Lo hal na lama chet sual a awl zia leh nunna chan mai a awl ziate hrilh fak fak in, Sa tlan chhuah duhna lai te a hrilh zui malh malh bawk a, a Pu thusawi an ngaihthlak thap lai chuan Thangtawia ber chuan apu thil hrilh te chu apu sawi rual chuan alo sawi ve ang zung zung a, apu Zilhna thu hi a thluak ah vawn loh rual ni hek lo. Tuk zan a thu tha fah thin Thangtawia tan chuan a Pu rual zela lo chham chhuah kha a harsa tlat lo. Chutia apu ruala lo dak ve zawt zawt Thangtawia chu hawlh nawk pah chuan a Tai tiang tliang hlarh chuan a lu ah a khawn sak zui lawlh a. Ni dang ah pawh an Pu tu infiam fo na anih a vang leh a vuak nat tak tak phal loh a vang hian a tiang hi an in fiamna ani ve hrim hrim a. Mahse nidang ang ani ta tlat lo. Thangtawia chu nui thaw chung chuan a sai ta hluk hluk mai le.. A chil phuan rawn chhuak in, a thutna chhuat ah chuan a thal zui nghal thlawrh bawk a, a tira nui bawk bawk athiante ho chuan hlauthawng tih hriat tak chuan an bial zui laih laih a, chutah le Thangtawia chu rawn meng fiah thut in, rang lutuka zuang kual chung chuan Luhkapui lama ah chuan a su chhuak zui ta daih maia, In hnuai lama se awm khawm chu a ri nghal dawt dawt bawk a.

.. Se pui hur lai chu rak ruai ruaiin Thangtawia thiante zuk tlan chhuak chuan an thianpa chu an chelh zui laih laih a, Thangtawia lah chuan an Sepui hur lai malpui chu a dep zui ang ngawng ngawng bawk nen, an buaina chu thenawm khawveng ten an hmuh loh nan a thiante ho chuan Se patuai ho te chu an beng ri thak thak bawk a, nakin ah zawng Thangtawia chu zawi hnaka thu tung luau in, a kaw miah lo thil chu har tak ani arawn ti ta heu mai a, Pu Thangzoa chuan a tupa chet vel dan chu haw bawk si nuihza ve tho si chuan Thangtawi a tu tak chu chhun che maw heti reng reng zawng in ka dampui rei che pawn ka ring nek love, ka Sepui pawh i khawih khawlo zo anga sin, khual ah zin la, Nula Sihhnip deuh i tawng mahna tih pah chuan a tiang chuan a tin zui leh nghal uaih uaih bawk a, Thangtawia lah chuan e khai ka Pu Saisawmkap chiah lo ka tlawm e. Sangha i ei chak em, Sangha kan zuk man ange aw, chumi pah chuan Sa therhlo te pawh kan hmu mahna Silai kan keng ang aw. Nghalim leh Nghahtun vel han chhum hang ila, awii atui dawn lutukkk.. Sakhi chek in han tleng fai leh ila, a Pu sa eichak zawng hrechiang tu Thangtawia chuan a pu ahmin fel leh taaaa..

... A ruka an lo rel lawk vek tawh Silai kah zir pah fawma Damdiai lui hrut pah tur chuan Silai mu leh a Zen tamtawk tak apu dah that Thangtawian alo lak ruk nen ngei chuan pheikhai zang vah chuan an che chhuak nghal sang sang a. Lo lam hnatul la awm hek lo, Nula, Tlangval te pawh thenkhat thing phurh paha in lem tur te, thenkhat Lui lama hun remchang zawng paha han tek chhuak pawh an awm nual reng a. Thangtawia te Lui kal tumna hi a Lui adam nuam viau e tilo hian a kalka anuam lo in, a chhengchhe em mai a, tlawh tu pawh hi angah lo khawp mai. In fiam leh in tum deuh zawt zawt chunga kal zel in, an tum ram pawh an hnaih ta viau reng a. Hmahruai tu ber Thangtawia chu a ding ta chaih mai. A hnunga rawn kal bu tluk tluk Killaia chuan lo en hman hek lo le, a khaihhh tih leh Thangtawia chu bawh thla in, an thlang kham ko ah chuan an dak zuai hman hial tih ah chuan rang zeta vir let in Thangtawia chuan Killaia banreka man chawih pah chuan ko chhak lam hawi chuan a theh vak zui tawk a. Chutah chiah chuan ani Thangtawia ngei pawn mihring hi hlauh luat vang hian thahrui hi alo ngah theih zia a hriat tak ni. Killaia chuan e khai Thianpa kakpui lawn hauh lovin, famkhua kan lawi mai dawn lawm le enge i hriata i din thut reng reng tih pah chuan a vun chhe pilh chu a khawk zui nuap nuap a.

.. Thangtawia lam an han hawi nak chuan lui lam hawi chuan uluk zet hian abeng a lo dawh veng veng chu niin, chutah lo ngawi lawk teh u, Lui lam ah chuan thawm ka hre tlat nia, keini lo tute nge maw kal ve le, ka kaikuang hual te kha an lo man vek ang ka ti tiru thawm dim ula tih leh amah chuan hmahruai chu rual nghal in, awih tlan ah chuan Sa thar vanglai ang mai chuan a petek thla zauh zauh a. Muang changa Lui dung zawh thlak zel pah chuan Thangtawia pek chheheuu Parbuki ka hmu tlat mai a, en teh u a nautam tlei kawh that zia khu, Parbuki a awm chuan Zakhuma te thianho an awm ngei ang le, kan chen hual ber kher ah engtia lo kal ve nge maw an nih le... Engtin nge kan hnawh kian ang aw.. Engpawh nise ti hian Chakai dap thla zel i la, Sangha chu nakin ah kan khawih dawn nia tih pah chuan a puan ven sawichhing in Chakai chu a dap thla zui rawk rawk a. Parbuki te thian ho leh Zakhuma te thianho lo kal fal pawn an lam pana Thangtawia te ho rawn che thla chu an lo melh deuh ralh ralh a. Kum khat chhuak vek an ni bawk nen Zakhuma te ho pawh chuan eng teh ual ah ngai lem lo leh ngaihsak zui lem lo chuan tui ah chuan an zuang lut zui sap sap a.
.. Engtia hmalak chi nge tih melh taka an melh rawn thap lai chuan an tui chen tumna kam ah chuan Thangtawia chuan thuthmun rem in, a Vaibel chu a lakai zui nghal zat a. Ngaihsan loh hmel fe a, Zakhuma te ho melh kual pah chuan a ve sap sap hlawm chuan duham tak khan lo cheng tawh u, ka rawn cheng ve hman tep e tih pah chuan a thiante chu melh kual in, ka ruahman na neih hi atha dawn ania, tunge che ve ngam lo tur in awm em ati zui zat a. Ngam e, insual pawh ngai se Zakhuma te thianho kher zawng tih pah chuan Chawia chu a nui vei hak hak a, insual chu angai lo ang. Khai le in Sahmim kha dah ula tih pah chuan tho chhuak in, a Puan ven chu a phelh ta mai a, khai le phelh ve ru le. Tlanchhe lo ang an lo ti tawh si hreh leh zak deuh si chuan an in melh hrek hrek hlawm a, inva nu ve mawle tih leh Lui lam pana tlan then lawp lawp chu rual in ka kak zau thei ang bera kak huang chung leh Vaihlo fun kawh pawt chung chuan Li bula Lungpui rinchhan chuan a zuang lut nghal bawrh a, Thangtawia zuang lut tur lo hmu chiang lem lo Parbuki te chuan eng ah lo ngai vak lo in an la khek zui raih raih a, Thangtawia nui var var an hmuh chuan a thiante chuan eng emaw a ti dawn tih an man thiam nghal mai. Thangtawia zawn tui chu rawn puar pap pap in, en mai pawn a zung tih a lang reng mai. Chutah a hmel chu rawn sen ap ap in, a hmui bul lawk ah chuan Ek tum thar lam zet mai a rawn lang zui nawlh a. Killaia chuan aw haw lehh saw pawh tih pah chuan Thangtawia ek tum rawn lang leh nawlh chu kawk in anui zui kiah kiah a, tui chhunga awm ho pawn Thangtawia ek tum chu an hmuh hmaih hauh lo. Te chel chul chung chuan Thangtawi tenawmpa tia an an khum mek lai chuan Thangtawia chu liluh zuk in, a ke chu chung lam ah arawn ti kak nghal huang huang a, awiii ka nu Thangtawia saw tih leh tlanchhiat chu rual in, Vaihlo fun lang huanga a let ling zawnga awm Thangtawia rawn nui chhuak van van an hmuh rual chuan a thiante ho chuan an puan an pawtthla lawka ruak tang kawng chuan an zuanglut nghal sup sup ta mai a, huat a lak dawn in, huat tak tak theih si loh tih ngaihna dang hre hlawm tawh hek lo, Zakhuma te ho chu tui lo zet chuan hmun danga insawn tur chuan an insiam zui sap sap a. Parbuki thinrim deuh chuan Thangtawi vaihlo fun seipa ava ti kher pek a, Thangtawia lah chuan enge Parbuk, lal bukkim, nizana i inthiar lai khan i thlang ah ka inthiar i mawng kut chuk len nen nen tih pah chuan anui zui uar uar a.

... Zakhuma te ho chu han thinrim ru viau mahse zat leh zata in beih a ral ah Thangtawia te ho chu an ngam chiah silo nen lungawi lo ru fe chung chuan kalliam in, Pari in awmlai kher chu ni lose tiin a han inla puk thar leh vel bawk nen. Thangtawia teho lah hlim nui thawm khek uar uar chung chuan an in Li Luh siak zui zak zak a. Chutia Thangtawia te ho hlim taka an khek uar uar lai chuan Parbuki leh athiante chu hlau thlabar chunga rawn tlan let in, Zakhuma Sakeiin aman ania tih pah chuan an tap khur hlawk hlawk a. Thangtawia te tan lah puan han lakna hman awm tawh hek lo. Zakhuma thian mipa te melh kual pah chuan in thianpa chu in rawn tlansan amaw tih leh Silai chu ban in, Zakhuma te awmna lam pan chuan a dawk phei nghal pur pur a. A thiante pawn hman hmawh taka um zui nghal in hmeichhe panga laiin an lo thlir kher nen an thianpa ber in hmahruaiin thawmhnaw engmah in bel map lo chuan an tlan filh thuau thuau hlawm a.
... Thangtawia chuan a hmazawna Keipui no hruai laiin alo bawh beh run mai Zakhuma chu au in, Khuma tan lo khawh ve hlek suh. Keipui kha ka hau dawn ania, a tul anih chuan ka kap ngei bawk ang. Chuvang chuan ka sai palh loh nan che lo thi der mai teh. Zakhuma hlau chu thider rawh tih angai lo. Zakhuma au thawm chu a mang hriat ruai ruai chauh tawh zawk a. Mit sulh in dinhmun hlauhawm tawp ah ading tih pawh in hre lo chuan nikhaw hrelo chuan a Zal zawi zui hnak a. Thangtawia pawh a vawikhat Sapui hmachhawna anih miau avang chuan Sapui huhang chu na ati kher mai. Mahse Hlauhna pianpui talo chuan hma sawn zel in, ring leng lawng a au pah chuan e khai Pasaltha min kiansan tawh nang nena buaina neih kan duh hauh lo a nia ka thiana kha kiansan teh tih pah chuan Keipui mit ah tak chuan a melh ding ngar ngar a. Keipui lah chuan fate riltam dawm nan a, a bawhbeh tawh chu kiansan mai a tum hmel tlat loh. Kiangrawh ka ti a hnaih zual leh sauh a, Tuahkima chuan thianpa fimkhur la aw tih pah chuan Thangtawia thlawp tum chuan a pen hnai ve sauh sauh a. Ramhnuai pasaltha pawn a mah hlau hauh lova hnaih zel tu chu alo hai bik lo nge Zakhuma chu a thawhsan tual tual a, a kiang mai dawn maw ti a, Thangtawia in thlahdul zeuh lai chuan a rana rang mangkheng chuan Keipui chu rawn che chhuak in, Thangtawia chu a rawn bei ti tih ta mai a, rang lutuk a sir lama zuang sawn zawk Thangtawia ban puam erawh thisen thar lam tak a rawn hnam chhuak zui nghal tiam tiam a, a pu in tlan hun a awm ngai atih kha ngaihtuah chhuak zawk in, a dinna piah Thing kung lam pan chuan Thangtawia chu a dawk phei nghal puat puat a.

... Thangtawia ber a tlan tak ah chuan a thiante pawh mahni sahimna zawng in an bul thingkung rem chang ah chuan an pakai zui sap sap a, Sairawkherh hum vek an ni bawk a, Thangtawia chuan a thiante chu au in, tih hlum loh hram dan a la zawng fan a. In awm hmun theuh atang khan perh tlan tum teh u, thah kher ngai ka tilo ati zui lar lar a. Kil thum.lai atanga Saihlum pho char chang zwt zet in a den tak mawlh mawlh ah chuan Keipui huaisar zet pawn tih ngaihna a hre ta meuh lo aniang muang changa Zakhuma tlu melh vung vung pah chuan a hahum zui dum dum bawk a, a kiang mai dawna an ngaih lai chuan Zakhuma tlukna lam chu a pan leh ta tlai mai. Thangtawia chuan a tawk ta tih pah chuan a Pu Silai lai phir ngei mai chu lek kawh vah in, Keipui Zakdawh ah tak mai chuan a verh zui nghal sawt a. Keipui zuang zawk natuar hram thawm lo chhuak chu a rapthlak tham ngei mai. Keipui tlawm la tum mai lo thinrim taka Thangtawia lam hawia insiam rem leh chiah chu Thangtawia Silai mu chuan a chal dam ah tak verh leh siah in, Thluak pawh hawk khawpa Silai mu sa zet maiin a tawn nawn leh tak ah chuan huaisenna tinrenga thuam mah nise a nunna chuan a tlin ta bik lo tih hriat tak chuan chu Keipui chu a zawi zui hnawk a.

.. Thangtawia chuan a thing lawnna hnuai Tlangsam pik chu thlir vang vang in, thi ang der chuan a tla zawi zui hnawk a. Thangtawi, Tawia, harh rawh tia au tial ruan ruan a thiante au thawm chu Thangtawia tan a hla ta lutuk em ni le. Parbuki te ho lo thleng phei ve lah chuan nasa taka tah khum in, Thangtawia lah a zawi ngiai mai si. Parbuki chuan aw Thangtawi ngatinge min kalsan mai i nun amawiin, mi pawi i sawi ngailoh kha a tih kai zet chuan Thangtawia thi der insum theihna atawp tlat. I nun amawiin, mi pawi i sawi ngailoh kha tih kher zawng thih hnu ah in fakan mai ani si. Za em em a, rawn nui chhuak in, Parbuk i daw heh lutuk tih pah chuan a nui dir tlat tlat a, e he heeee minva ti mang ang em em ve tih pah chuan Killaia chuan Thangtawia chu a chawi vawk a, hnim pik kar ah chuan a theh phei zui vawk mai a, Thangtawia rawn thawk chhuak leh nen an han in man leh chiah chu an thianho ze ngai chhuak leh tawh in a rem rem chuan an i hem ta zawt zawt mai a, Thangtawia te thian ho infiamna na lutuk la hre ve lo, Zakhuma thiante leh Parbuki te ho lah chuan an in sual tak tak amaw tiin an lo thelh ve nasa mai si, an ni thian ho lah in mitmei kual in, an Chempui te chu phawrh in a ngam fa chuan min rawn hmachhawn ula, tiin an in vai thawi zui thuak thuak a, Thangtawia nuam tih zawng tak ani kher bawk nen a mawng te chu a phen khum vel ta mai a, chu kher zawng insum zo an awm talo za em em mai chuan an nui khek ta rawih rawih a.

.. An in fiam hah zual a reh hnu chuan Keipui ruang awmna lam chu pan in, Zakhuma pawh alo harh chhuak ta bawk a, Thangtawia chuan Keipui mei chu tan in a Sahmim ah chuan a thun zui hmak a. Parbuki te thiannu Seiliani hmeichhe zakzum leh nagwichawi zet chuan ngawi renga Thangtawia chu pan hnaiin, Thangtawia chem chuan ama puan tlang chu a zaithler zui mawlh mawlh a, hnai tak ah Thangtawian a melh reng tih pawh hrelo ang mai chuan Thangtawia ban chu a tuam sak zui mial mial a, chutianga Nula tuaitir te maiin a hliam a tuamsak tak ah chuan Thangtawia chu a zak thar ta riau ni tur ani. A sahmim chhunga a puan awm chu rang taka phawrh in a veng tha nghal mawp mawp a. Chawivela chuan Thangtawia a zak ve e tia au chhuah pah chuan a zuang zui lauh lauh a, Thangtawi sawitur hrelo lah chuan ka lawm e tih leh lui lam pana kal chu rual in a khi phei var var thung a.

... An Keipui thah tak pawh hrechang lo lek a, Sangha an man mawlh mawlh lai chuan an hmazawn ah chuan Sakei note hnim pik kara lo dak ker chu Thangtawia chuan hmu in a pan hnai vat a, chu Keite kar hnih mi awm lek te chuan Sakei zia diktak lo lantir in, alo ngur ve chhar chhar a. Thangtawia chuan pan hnai zel in, a Sangha man sa chuan a thlem lungawi mai bawk a. A dang an awm em aw tia an hawikual fe hnu ah pawh Sakei note dang hmu tawh hek lo, hetia kan kalsan ngawt chuan riltamin a thi ngei ang. Ka hawn mai ange tih leh a Sahmima thun chu a rual zui ta mai a, apu in engtin tak lo ngai ang mawle. Rei mawi tawk Silai kah an zir leh hnu chuan in lam pan in an in zui haw ta dam dam a, an Keite No man lah chuan kar lo ah nel nghal in, an in pawm chhawk chhen hlawm a.

... Pu Thangzoa chuan a tupa chu melh vang vang in, Keipui hnuk chhat tur atan chuan ila tuai viau in ka hria asin le, a no te chu ala rawn hawn ta deuh deuh leh nghal, engpawh nise i enkawl uluk hle angai dawn a nih kha. Tlema a leikan deuh ah a chenna ngaw ah i va dah leh mai aniang chu a ti zui chuar chuar a, ka Pu mi pawn Ui an vulh fing thei alawm ka vulh fing thei mai ang awlsam taka tih liam puat pah chuan a Sangha man te chu a phawrh zui mawlh mawlh a. Ui leh Sakei an in ang ngai lo, Sakei hi hring mi te vulh mi an ni ngai lo. I la in pal harh ve mai ang tih pah chuan Thangtawia nu hei i fapa sangha hawn hi han siam thuai teh kan lalpa pawh ka han temtir ve duh dawn ania, Sa lam ngawt hi an barh hlawm a, Sangha tui hang te pawh a chak ve tho in ka ring tih pah chuan a Sangha duhzawng chu a thlang vei zut zut a, a lian lian hi lalpa pe ila, Sangha tui chi a hre hrang tak tak lo ang, nge vut dai hi a pum ah ka hnawh zawk dawn mawni le tih pah chuan anui zui hak hak a, Thangtawia nu chuan Ummmm nang ngei hi anih hi Thangtawia lo hian chhun che tih pah chuan a pen tau deuh sak sak a, i lo zilh ngai loh chhan pawh hi ka chiang ta, Pasaltha nghal tak chuan tupa nghal tak anei ta ani e. Keimah thleng thleng hian minla Bum pu tu duh in ania ka rinni thinrim der tih hriat tak a an vel pah chuan Thangtawia pu nui vur vur chu a melh rum lui vel ngat bawk a. Ka Pu Sangha tui hang hian kawngtui asiam e an ti asin tih pah chuan apu chu nek vel in, Vengthlang Nuthlawi in lam pan duk duk awih tawh loh aw tiin anui zui hak hak a, apu lah chuan hettt i nu hriat ah sawi hlek suh.. Eng maw ka hriat ve thianglo chu tih pah a, tui um rawn khai lut Thangtawia nu lam chu hawiin, a engdang ni love, ka Tupa hian nupui neih angen titih der mai tih pah chuan ha bal lang seu chung chuan anui zui hak hak a.

... An hawn kawnga an rel ruk tawh ang ngei chuan Thangtawia teho zan chhuak miah lo chuan Zawlbuk ah upa zawk te titi ngai thla in meilum an hnung puak ar ar hlawm a. Lenghawn ar a khuang fel ta bawk nen mut bu an kai pharh zui sap sap a, englai pawha an mahni tih chhiatna zawng reng mai Khawmvela'n a pa hnen ah nula inbual zui ruk an ching tia dawt a alo hekna chu phuba lak let an tum khawp mai. Khawmvela kiang ah hian Tlanglian khaw tlangval thinchhe em em mai, Thinawrha an tih fiam thin Duhmanga a mu tih an chhinchhiah lawk tlat. An thian dangte an hnar ta suk suk tih ah chuan Thangtawia chu tho them them in, an thian ho a, an lo hnit khawlsa hnap an fun chu ten tih hriat tak a keng chung chuan an Sa um thar lam zet chu a hum tat bawk a. Duhmanga mawng chu dimtea hlim sak in, hnap chu dimte chuan a funna atang a bun chhuak in, Duhmanga mawngtam leh a keh kak vel ah chuan Saum nen chuan far tir in a mut hmun a pan leh ta vat a, Zawlbuk hnuaia a rawl lawk Tiang a hmawr a sah bial mat mai chu pawt dawk in, Duhmanga chu a hawlh harh zui zat a, thim zing ah engmah hmuh chian theih hek lo, Thangtawia tiang thuhruk chu Duhmanga hian a hmu hman lo tlat.
... Thinrim em em maia Duhmang au chhuak leh a kianga tui tak mu Khawmvela a chhuih zui pawp pawp ri chuan midangte chu kai harh nghal in, Duhmanga chu an chelh laih laih hlawm a. Mei an han chhawm en tak hluah ah chuan Val Upa chuan enge thil awmzia ni le, tiin Duhmanga leh Khawmvela chu a melh tawn sek a. Khawmvela chuan eng nge thil awmzia ka hre hrep love, ka mu tui lai mi rawn bei ngawt anih kha.. U Duhmang u zawk mah nila, i kut thlawn kha ja ba tawp lo ang tiin a tal zui fat fat a. Duhmanga chuan khanglang che chuan le hei bak bak a, in hmuhsitna tih pah chuan amawng chu hlim in, he mihring hian ka mawng ah hian a kawngtui a pik tir kher anih kha, Khawnbaawl chhungkua in nih ka hai lo, mahse heti em a, in hmuhsitna hi ka pai dai mai mai hauh lo ang. I ngam anih chuan i chempui nen khan lo chhuak la i sawifel ang hmiang, kawngtui thlauh khum tur em a, hmeichhe rilru pu ka ni love, hur ah pawh hur tawk a awm. I tuah ngang anih chuan in Vawkpui hurlao bei la ti nia tih pah chuan thinrim luat vang chuan te that that in, khawmvela kawngtui ni a angaih chuan Khawmvela thianpa awm ah chuan a tah sak zui kher bawk a. Mei eng thlar hnuai ah chuan Mipa kawngtui anilo tih reng hriat hek lo, Thangtawia teho thangkam per fuh lah chu nuih za si, nui ngam silo chuan thim lam hawia khi var var in, Duhmang Dawnguiha tia phun sep sep in, Dawnguih tia inkawk in hnap dawnga an ti vel thul, Khawmvela te inhau thawm chuan chhilh lo sela zawng an man chhuak ngei ang le.

.. A phuailuai khawp ang, mahse ngaihdamana nen lo chhiar liam mai teh u. ThianPa Nunmawia a awl dawn sia reader te inzahawm ka ti sia ka hunawl ah ka rawn type puat puat e. Pasaltha group nen khan buaina kan nei lem lo ania, tin Pasaltha group chhuahsan tur zawng in kan ti miah lo che u, in awm kawp sa teuh a, in awm kawp zel thei ang. Kan thil buaipui ber zawk chu hetah hian Writer thianten Story approve chawp ngai lovin, an rawn post tawh dawn a, keiin group kalo vil hman lo bawk nen, admin ah em awm kher lovin, kan Mode ta maia Member te leh writer te awlsam zawk nan hetah hian kan post hlawm dawn tawha chu zawng chu ani e, in huatna pawh kan nei lem lo ania. Member te erawh in mawhphurhna chu singruk chuang awm ve si ah hian Like leh Comment a chhe em em tih in hria tan han la vak teh u le.

MAFAKA KHIANGTE

DAM HLUTZIA MI IN A HRIAT NAN DAM LOHNA ALO THLENG THIN

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 17th, 2018, 5:48 pm

PASALTHA THANGTAWIA EPI 5

... Thinrim em em maia Duhmang au chhuak leh a kianga tui tak mu Khawmvela a chhuih zui pawp pawp ri chuan midangte chu kai harh nghal in, Duhmanga chu an chelh laih laih hlawm a. Mei an han chhawm en tak hluah ah chuan Val Upa chuan enge thil awmzia ni le, tiin Duhmanga leh Khawmvela chu a melh tawn sek a. Khawmvela chuan eng nge thil awmzia ka hre hrep love, ka mu tui lai mi rawn bei ngawt anih kha.. U Duhmang u zawk mah nila, i kut thlawn kha ja ba tawp lo ang tiin a tal zui fat fat a. Duhmanga chuan khanglang che chuan le hei bak bak a, in hmuhsitna tih pah chuan amawng chu hlim in, he mihring hian ka mawng ah hian a kawngtui a pik tir kher anih kha, Khawnbaawl chhungkua in nih ka hai lo, mahse heti em a, in hmuhsitna hi ka pai dai mai mai hauh lo ang. I ngam anih chuan i chempui nen khan lo chhuak la i sawifel ang hmiang, kawngtui thlauh khum tur em a, hmeichhe rilru pu ka ni love, hur ah pawh hur tawk a awm. I tuah ngang anih chuan in Vawkpui hurlao bei la ti nia tih pah chuan thinrim luat vang chuan te that that in, khawmvela kawngtui ni a angaih chuan Khawmvela thianpa awm ah chuan a tah sak zui kher bawk a. Mei eng thlar hnuai ah chuan Mipa kawngtui anilo tih reng hriat hek lo, Thangtawia teho thangkam per fuh lah chu nuih za si, nui ngam silo chuan thim lam hawia khi var var in, Duhmang Dawnguiha tia phun sep sep in, Dawnguih tia inkawk in hnap dawnga an ti vel thul, Khawmvela te inhau thawm chuan chhilh lo sela zawng an man chhuak ngei ang le.

... An buaina pun lun tak tak hma chuan eng tin tin amaw hmet mit hram in, a ruk tak chuan an mu nui tha hlawm a. A pu in a Sakei thah Lu a Ai sak fel ta bawk a, Lo hal na lam ah nise, a hun hma leh mi dangte inpeih tak tak hma a, Thangtawia lo deh ruk na avanga an vai buai tak luih luih dante chu ringhlel viau mahse kuta man na awm hek lo le, Thangtawia a vang hian a thian tha ber ber te pawh hi thaw dep dep hian an va awm ngun em!!! Chutia lungmuang taka an awm lai chuan an thenawm khua Zaduha chhungkaw thila alo zin chu natlawk em em pawh awm lo chuan a thih thu in, khua adeng ta thut mai a, Zawlbuk lam pana tlan khawm zung zung in, Zualko tur an in tir chhuak zui ta thuai bawk a. An hmabak chu tu hrilh ngai lovin an chiang sa theuh mai. Thangtawia te ho tan erawh mi ruang zawn leh in chuh chu an vawikhat tem ve na tur ani tlat thung. Val Upa te kaih hruaina hnuai ah zel pen chhuak in, Zaduha ruang chu an khua Thilthek khaw lam pan chuan an zawn chhuak ta muah muah a, Tlangval chaktha leh tawr tha zual deuh te chuan hmalama do tura ruahmanna siam in, Thilthek khua nena an in rina an thlen hma erawh an tha khek tir in, Thangtawia te thian ho pawh chuan a him chin zel ah chuan an zawn ve laih laih bawk a. A Pu in a fuihna zawng zawng te chu vawng reng in, hmalam pan chuan an pen ve tauh tauh hlawm a. Mahse Tlangval tuaitir mai an ni bawk nen rinkai pawl ah zawng an tang lo nasa mai.

... Thilthek nena an in rina ram lui an thlen chuan an beisei ang reng reng an hmu ta hauh lo mai. Thilthek val rual an lo ther huang tura an ngaih lai chuan tu hmel mah hmuh tur a awm tlat lo. An hnung kum liamta an han chhuikir chuan Ruang in chuh tuma hnehna chang lo zawk Thilthek val rual te chuan ruahmanna dang an nei tih man thiam nghal in, hmalak dan tur an rel zui laih laih a, Lui an kai anih chuan an hmazawn ah awih tlan kawng ruang lo chuh nana rem chang em em mai a awm tih an hmuh tlang vek a vang leh chutah ngei chuan an chang ngei nia ring in, enthlatu an in siam ta thuai reng a. Enthlatu nghaka lo thu khawm thap in, hmahruai tura an dah ho pawh an in ringtawk tih leh hmahruai pha an ni chu in lak nan an hmang tawk tih chu hai rual loh chuan a chhiar theih mai reng a. Pasaltha Kohbika chuan kil khata Thangtawia te thian ho ding khawm tal tal leh an thilsawi bengkhawn tura pan hnaiin, Thangtawia hi a belh chian hian ruahmanna tha tak nei thin mi anih leh a ruahmanna lah midang khei zawng ngat zel anih hai hek lo. Chu Minghal Thangtawia thluak chu an mamawh tih a hmu pha tlat. Tawia lo hnai teh tia ko fal in, ruahmanna siam tu tur hi ni ta la, engtin nge i tih ang a ti zui nghal tawng a, Thangtawia lah chuan Thingse mual ah khan minlo dan ngei kan ring tlang ani a, kei Thikthek lam mi ni ta ila, kawng kalo leih nal ngei anga, leh lam tan tan fung a awm hauh lo ang. A nih chutiang chuan lo ti tase engtin nge kan beih let tak ang tia zawhna chu Thangtawia chuan nui var var chunga chhang in, Val upa ten min rin ngam chuan hneh theih dan chu ka hria mahse kan thian ho hi hmahruai tu ah kan tan angai thung ang a ti ta mauh mai a, Pasaltha Kohbika chuan a va mak awm teh tlat ve tih chuai raih pah chuan Thangtawia te thian ho chu a melh kual den den a. Awle Val Upa thu hi kan zawm phawt anga, a thawh khatna ah hian atawlh zawk ah kan tang ngeiin ka ring a, a thawh hnihna a hmahruai tur in lo inring ang che u, in chesual tur anilo ati ram deuh hmuk a. Thangtawia te thian ho hi tu te nge kan nih in hre mai ang tih pah chuan Pasaltha Kohbika hnunglam ah chuan a phun zui bal bal a. Pasaltha rawtna chu Val Upa chuan pawm harsa a tiin, Thangtawia te thian ho mi ruang in chuh na hmuna la tel ngai hlei lo chunga rinnna nghah chu harsa a ti ngang ni tur ani. U Kohbik an ni ho sawn hnehna min chanpui chuan ka Lu ka hmuam ang ati chhuak ta hial a, Thangtawia pek chuan i hre mai dawn alawm, hnehna kan chan phah anih chuan i Vaihlo fun ka pen ngat ang aw a ti ta kher pek a, naupang te te tia in lak phek a tum teh reng nen Tlangval ho lo nui hluah hluah chuan a tum thulh tir in, teh reng mai, nang naupang hnehna min chanpui lo anih chuan i Vaihlo fun chu ka pen ve bawk ang. Thangtawia lah chuan pen e, pen lutuk e ka nei mawi teh ania alo ti kher pek a, ti chuan le hma lam pana haw haw luih luih chunga pen chhuak in, Thingse mual lam pan chuan an thang chho huam huam ani ber a, Thangtawia te thian ho pawh mi hmuh loh laia peng zauh in, Thangtawia chuan Changel hnah chu a sat nghal zung zung a, Kangthai hmun chu pan in, Changel hnah hmanga vuan chung chuan a thiante nena an hum tur tawk chu la in, an vawnna tur chin chu a thel fai zui han bawk a.

... Thangtawia chuan chu le hman hmawh angai tih paha dawk chhuak in, Thingse mual lam pan chuan an phe chho dawr dawr a, Val upa te pahnih in dawr thawm ah chuan tha te te in, ruang chu inhlan an tum lo tih a hriat khawp mai. Khawnge in hah tawh lutuk anih kha tih paha Thilthek val rual ten hlang an rawn dawm fel meuh chuan Tlanglian khaw val rual kan hah ve ngai love, khawnge haw hawhhh tih leh in nawr chu an rual ta mai a, Thangtawia lo rinlawk ang pakhat erawh a thleng dik tlat lo, kawng chu lo leih nal bik lo mahse, chhuk nawr tu zawk an ni miau mai a, a khaw lian leh chungnung zawka in ngai Tlanglian khaw val rual tan tan fung phetsa anih miau avang chuan an tawlh ta han han mai a, Val Upa chu hawi vel in, kan Thangtawia tih mualpho hun ti rilru chung chuan an naute tawlh han han chu e khai, e khai Tlanglian a tawlh dawn em ni tia fuih lauh lauh in, an mi ruang zawn chu thlah lo tur chuan a au zui lawng lawng a, mahse Thilthek lam hian ruahmanna tha tak nen lo chang an ni bawk a, Tlanglian tlangval hmahruai ho chu an nawr tawm thei tlat. Khawnge Thangtawia te kha an awm tia Val Upa au thawm an hriat rual chiah chuan kha keimah Thangtawia, Tawi mifela ka lo hnai e lo kiangtu tih pah chuan Hlang chu dawm chat in, an mahni khaw tlangval ngei mai tlawmla Hlang thlah duh lawk lo te chu a dep er ta zawk zawk mai a, zan thim hnuai ah eng hmanrua nge an hman hre chiah lo mahse Thangtawia te thian ho chu Hlang an hlan rang teh e.

... Kha le, mi huaisen leh chungnung ni ngailo, Thangtawi mifela leh a thiante kan lo thawk e tih leh hmalam pana pen chhuah chu rual in, Thilthek ho hnehna chang mai tura in ngai phur leh thaza em em maia rawn phek chhuak Hlang rawn dawm hmasa apiang mai chu an ek ta thawt thawt maia, anahhh, a sahhh, eng thil nge tia au chel chul thawm nen chulai mual chu akhat a ni ber a, Thangtawia te chuan hma hruai zel in, Hlang rawn dawm rei thei awm talo chu a tlawm zawk ah tang in, Thingse mual an lawn chhuak ta zak mai le, Val Upa in a tawk e, a tawk e, arawn tih tak ah chuan Thim tham lama hman hmawh taka an Kangthai ken lai chu vawm vawk vawk chung chuan an lo ding nui tha hlawm a. Thilthek Val Upa chuan Thangtawia te ho chu melh vang vang chung chuan in la naupan nen nen chuan aw a ti chhuak ta hluai a, han in mal thlur in, in nuai viau mahse thinrima lak zui chi ni talo chu hlim tak lawh lawm taka in hlan zuiin, Tlanglian val rual te pawh mahni khaw lam pana kir leh tur chuan hnehna chang tu au aw nen awm pho lah chuan Ru Lui lam pan chuan an haw haw thla luih luih a.

.. Val Upa ber erawh a nui hlei thei tlat lo, a eng ai ah nge maw mi chalak lutuk Thangtawia thangkam ah hian ka awh fo mai le aw ti rilru nuap nuap chung chuan a thla tliak kal hnuang hnuang a, a intiamna lah tih hlawhtlin ngei ngai thil ni bawk si nen chuan Lui lam pan chuan a kal ve hnuang hnuang a. Ramri lui an dai thlen leh meuh chuan Tlangval thenkhat chuan thing fawm zung zung in, Lui kam zawl zau lai ah chuan meipui an chhep eng zui hluah a. Khawnge kan Val Upa kha tia au luih luih chung chuan an khek rawih rawih hlawm a, Val Upa pen chhuak hreh lutuk chu an khaw buan chak Thangbika chuan zawl zau lai ah chuan a rawn pawm chhuak ta nawl nawl mai le! Thangbika chuan ka nau lo chhuak rawh le, mipa leh mipa in in tiamna chu han hlen teh le, in thian ho zara hnehna chang kan nih kha a ti zui lung lung a. Pasaltha Kohbika chuan Thangtawi fiamthu an hlen tak tak ngailo ania tiin lo khap bawk mahse Thangtawi nui sawi bawi mai a hmuh chuan a khap tumna chuan awmzia aneilo tih a hrechiang khawp mai. Nui sawi bai chunga rawn pen chhuak Thangtawia chu en in, Thangtawia an ti rual thup thup bawk nen Val Upa pawh zalo tih hriat tak chuan anui ve hui hui tho mai. Chutah leh Val upa lo ding khawh tau lam chu pan in, Thangtawia chu a thu hniam nghal hmak a, chutah in hmu chiang theilo ange tih leh Val Upa puan chu hlim sak in, a Tilmu chu a chawisak vel kual ta pek a, a la mar that viau hi tih leh rang lutuk a, a Til mu a pen rik fawk chu rual in, rang lutuk bawk chuan a per sawn nghal hmak bawk a, Tlangval ho haw haw leh kuk rawih rawih kar ah chuan Val Upa chu sin ruta rak chhuak in, Awi Kanu tih leh thal tawp chu rual in, a vial zui ngawl ngawl a, thinrim ah la dawn se a ma cho chhuah ngei nisi, a thluak thleng chuan fan veka hria in, a chhe ta ang aw a ti sai dat dat reng a, Thangtawia lawm lutuk lah chu zuang lam in, a Tilmu ka pen e, ka pen e tiin an khaw buan chak Thangbika dar ah chuan a uai zui nalh nalh a, Thangbika lah hian Thangtawia hi be chhe ngam tawh hek lo. Chunglama lo vawr in an haw haw zui luij luih a, Pasaltha Kohbika meuh pawh insum zo lo chuan Val upa kaih thawh pah chuan lem lam hawiin a khi zui suk suk a.

... Khawchhung an rap luta khua avar leh meuh chuan Thangtawia thil tih chuan khua chu al chhuak in, an lalpa meuh pawn chu ka Val Upa chu a aw a sin rut mai amaw tiin a tap chhak chu a beng khu luih luih reng a. Pu Thangzoa lah lawm em em a, lengkual in ka Tupa hi ka chhuang ania, Val Upa Tilmu pen pha ngat tiin uan hla ah anei zui ta leh nghal bawk nen, Val Upa pawh ni engemaw chen chu akimki hial reng a, chutianga khaw chhung titi ber a luah lum lai chuan an khaw titi thlak hlawk thil a rawn thleng ta tlat mai le. Hman hmawh taka lal leh upate thu khawm nghal chuan hmalak dan tur an rel zui ta laih laih a. Thangzoa pu pawh khual kai meuh Pasaltha alo nih tawh na a vang leh ruahmanna siam tura an duh tel avang chuan lal Rorelna zinga tel tur chuan an ko tel ta hial a, khawchhung titi ber pawh ani nghal reng a, chu chu engdang ni lovin, LIANPUI khaw lal Khawnbawl leh a Pasaltha ten Tlanglian khua an rawn pan miau vang ani. Tlanglian khaw tan hian tangrual in lo bei ni sela mi sawm bawr lek rawn thawk chhuak chu awlsam te in an lo hmetmit ngei ang. Mahse chutianga anlo ti anih vaih chuan Lianpui khaw thinrimna an dawl zo dawn lo mai ni lovin, Tlanglian khua chu a boral vek dawn tih tumah hrilh an ngai lo. Tlanglian khaw lal hian an hnung kum sawm kal ta ah khan Lianpui khaw lal hnen ah hian ka khua hi min zuah la, i duh duh ka pe ang che, kum sawm tal min nghak rawh tiin thu alo dah tlat si. Tun a an buaina ber chu Lianpui khaw lalpa hian Nupui sun in, Tlanglian khaw lal fanu Upa zawk ngei chu hruai tura rawn phek chhuak an ni tlat. Lal Chhungkaw buaina chuan khawpum al chhuak in, lal Fanu lah chuan Putar neih ai chuan thih ka thlang ati mauh mai si. Engtia hmalak chi nge ni ang tih chu an rel thui poh leh a kawng abo tulh tulh bawk si. Thangtawia te thian ho pawn an phak tawk chuan rel ve nak nak in, Thangtawi meuh pawh a lu ahai ve map map kher mai. Lianpui khaw Pasaltha rothap Tinkhuma laka ding changtur lah Tlanglian khua ah hian an awm lo mai ni lovin, an khaw buan chak Sangkunga lah nise Tlanglian khaw buan chak Thangbika lak ah chuan Sai tiat lawih ang ani bawk si. Thangtawia ngawi ngal mai chu rawn tawng chhuak in, zanriah ei kham ah khaw Lungdawh ah in hmuh khawm tur a bak chu kan sawi ho leh dawn nia tih zawng chu a thu chhuak ani rih tlat eng tak chu ni maw ti rilru theuh mahse an zawt thui buai peih lo, a sawi dawn chuang lo tih an chiang tlang em ani e.

... Zanriah pawh ka ei tui nek lo ve, ka vanglai han ni sela aw tih vang vang pah chuan Pu Thangzoa chuan a banglaia a Silai chu a melh ding ngar ngar a, Thangtawia chuan ka Pu Tupa tlangval i neih i theihnghilh te em ni. Thangtawia, Pasaltha Thangtawia tupa hi ka thawk ve tek tek chhung chuan kan lal fanu hi an hruai lui tawp lo ang. A pu hmel en pah chuan i hlauhthawn ang kha a thleng lo ang. Thisen a chhuak dawn lo, min ring mai rawh a ti thum zui bal bal a. A tupa en vang vang chung chuan eng nge tih i tum a ti bul zui hmuk a, Thangtawia chuan kalo in elpui dawn mawle Thisen chhuak lo zawng in, i Tupa hi kan lalpa hian enge ka tih theih a hre dawn khawp lal Makpa hi kala ni maithei asin nuih zui hak hak pah chuan ka Pu ilo thlir mai dawn nia a ti zui zat a. Fimkhur hle ang che nang lo chu in nghahna kan neih loh hi tin, nang kher lo inrawlh tur an tam tiin a tupa a ngaihtuahzia chu a hmel ah alo lang chhuak hial a, Ka Pu lungngai Mah che thil afel vek mai ang. Ka nu hriat lova, thil hrilh tur che ka nei hun i neih chuan tiin Sumhmun lam a pan zui ta thuai a. Pu Thangzoa chuan a tupa thil sawi chu bengsika ngaihtuah zui vang vang in, ka Tupa chu Huai pitar kan tih chu i sawi ang ngei chu maw lo ni. Kha Nula kha nula fel tak leh pangngai tak ani thin asin, chutianga thikna avanga thil kal kual maw lo ni dawn a, keimah ngei hi kalo tel ve a nge tiin a Tupa nen chuan Khaw Lungdawh lam pan chuan an inzui chhuak ta nghal a.

... Thangtawi te Putu in Lungdawh an pal thlen meuh chuan Chawivela, Killaia,Tuahkima te chu an lo kim thap tawh a , a mah mai nilo a pu nen meuha rawn thawk chhuak Thangtawia chu lo melh thap in, Tuahkima chuan Thanga khawi lam nge kan pan dawn taka alo ti nghal tawng a, Thangtawia hnen atanga thil engkim an hriat hnu chuan hriat chian leh zual chakna leh phurna nasa tak nen chuan kal an siam ta thuai a, Pu Thangzoa pawh a tlangval thar leh ta maw tih mai tur chuan hma hruaiin a mah hmuaktu a vang chuan hah leh chauh lam reng a a ngaihtuah pha lo hrim hrim, an kal chak tha par par bawk a, kar lo ah Huai liamkawn tia mite tih khai hmun chu an dai lut chu ani der mai. Huai liamkawn an dai luh atang reng chuan boruak pawh a inthlak ta hlawk reng a, thawm mak pui pui leh rim na em em mai a rawn chet vel kar ah chuan Thangtawia thian te ho chu an pen a ban ta deuh tlat, chu thil chu Thangtawia chuan hmu nghal in, laawk aw ka Pu tih leh apu kal pelh chu rual in, kha keimah Thangtawia, Pasaltha Thangzoa tupa, mi huaisen Thangzoa ho ngeiin in buzawl kan rawn dai dawn e, kawng min kianru a ti ta lauh lauh a, Thangtawia au zawh rual chiah chuan eng emaw hi ri suau in, an hma lawk ah chuan Nula hmel fai ving veng nu hnap mai chu a rawn ding chhuak hlawl bawk a.

... Ti hian duhtawk phawt mai ang aw.. Ka zin ka la chau deuh a, dah loh ai ah ka rawn hung lut hram e. Member te in vanneih zia in chhut ve ru, he group aia tun dinhmuna Pasaltha Story update a awm miah lo ania, i thian Pasaltha story lama tui deuh an awm chuan join tur in lo sawm zel rawh. Like leh comment mawlh kha aw..

MAFAKA KHIANGTE.

HUN LIAMTAWH IN BAWHBEH TIR MAI LOLA, HMALAM THLIR ZAWK TA CHE.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 19th, 2018, 11:21 pm

PASALTHA THANGTAWIA epi 6

... Thangtawi te Putu in Lungdawh an pal thlen meuh chuan Chawivela, Killaia,Tuahkima te chu an lo kim thap tawh a , a mah mai nilo a pu nen meuha rawn thawk chhuak Thangtawia chu lo melh thap in, Tuahkima chuan Thanga khawi lam nge kan pan dawn taka alo ti nghal tawng a, Thangtawia hnen atanga thil engkim an hriat hnu chuan hriat chian leh zual chakna leh phurna nasa tak nen chuan kal an siam ta thuai a, Pu Thangzoa pawh a tlangval thar leh ta maw tih mai tur chuan hma hruaiin a mah hmuaktu a vang chuan hah leh chauh lam reng a a ngaihtuah pha lo hrim hrim, an kal chak tha par par bawk a, kar lo ah Huai liamkawn tia mite tih khai hmun chu an dai lut chu ani der mai. Huai liamkawn an dai luh atang reng chuan boruak pawh a inthlak ta hlawk reng a, thawm mak pui pui leh rim na em em mai a rawn chet vel kar ah chuan Thangtawia thian te ho chu an pen a ban ta deuh tlat, chu thil chu Thangtawia chuan hmu nghal in, laawk aw ka Pu tih leh apu kal pelh chu rual in, kha keimah Thangtawia, Pasaltha Thangzoa tupa, mi huaisen Thangzoa ho ngeiin in buzawl kan rawn dai dawn e, kawng min kianru a ti ta lauh lauh a, Thangtawia au zawh rual chiah chuan eng emaw hi ri suau in, an hma lawk ah chuan Nula hmel fai ving veng nu hnap mai chu a rawn ding chhuak hlawl bawk a.
... Killaia chuan chheiii a va hmeltha kher em a ti chhuak hluai pek a, an vai maia nui deuh hak hak chunga Dawithiamnu hnaih pah chuan Thangtawia chuan i puihna kan ngai e. Kan khua in harsatna liantak kan tawk tlat mai tiin an khawchunga harsat thleng chu a sawi chhunzawm nghal mawlh mawlh a, Chawivela chuan enteh thianpa mit de re ru hian min en thup mai nia ka hawlh chhin dawn aw tiin Tuahkima chu a bek bawr sur sur a, Tuahkima chuan lo nghawk deuh sawk in, a tul mai mai lo tih hluk pah chuan an hmazawna ding Nula naupang tawh lo tak Thangthuii tia hriat hlawh thin, Khawhring nei leh Hmeichhe buan chaklo chhuah a, an chhuah tak khua atanga Thikna avanga an hnawh chhuah a chhungte ngei pawh an ensan zui tak, Thangtawia thu leh hla ngaithla mek tu chu a melh zui vang vang a. Pasaltha Thangzoa chuan Thangte i chung chang hi ka Tupa hnen atang hian kalo hre nual tawh asin, mahse engtin nge thudik ngei i sawi tih ka hriat ang. Pasaltha Thangzoa tawng zawh rual chuan an hmazawna Nula chu ding chhuak in, thil phut var hling hleng hi a puan bih kar a tanga phawrh in, an hmazawn boruak ah chuan a theh phei thawt thawt a, tawng maksak tak maia rak zui nawk nawk in, vawikhat a hah theh leh thawt a. Mak tak maiin an hmazawn boruak ah chuan Nula hmeltha leh duhawm zet mai leh nu hnap mai chu lo langin, a mah Thangthuii ngei mai dawta an puh lai leh tih luihna hmanga an sual dan te, khua atanga an hnawh chhuah dan zawng zawng te chu a hun laia awmve ang maia fiah chuan alo lang ta uar uar a, chu thil Pasaltha Thangzoa'n a hmuh meuh chuan kan hmel phak ho mai mai chuhhhh a Mitmeng chu rawn in thlak in, Pasaltha Rallu tam khai tawh zia diktak nen a rawn ding chhuak ta lah mai le!!!!

... Pasaltha Thangzoa ding kawh lah mai chu muang changa pawt thu in, Ka Pu nang zawng lo awl tawh rawh i ai awh zo vek lo mah ila, thachhang dawltu i nei ve tawh alawm Thangtawia'n a tih dam dap tak ah chuan Pu Thangzoa pawh muang changa thu in, kan kal chhan ber pawh ka nghilh tep alawm le, Thangte engtia hmalak chi nge ni ang le min puih theihna te i nei em?? Thangthuii chuan tih theih vak ka ngah bik lo khawp mai. In khual Pasaltha tur hi Lasi te nen a inzawl ani tlat pek a, kei nin kan khawihna thei tlat lo. Tihdan pakhat erawh a awm tiin a ruahmanna chu a sawi zui sap sap a. A bak zawng chu ka minghal luhlul Thangtawia kut ah a awm angai ani mai, i Tupa nghal zia lah hi i hre der si lova tiin a ha var rual thah mai lang chuan Thangthuii chu a nui zui var var a. Eng pawh nise in khual tur te hi tharum hmanga lo dan in tum anih chuan in hneh ngai dawn lova, finna hmang a hneh chi chauh an ni e. Kha he tui hi han in phawt teh u tiin Thangtawia te ho chu bur te tak te, rawng in ang lo vek chu a sem dan dan a. Ngawi renga in melh kual hrek hrek chung chuan an bur ken theuh chu an tlak pap pap a. Chhing vang vang ula, chhe heiii ka hmu fiah uar mai kati tia, Chawivela au chhuak hlut chu Thangthuii chuan a nuih var var a. An Zinga tharum ngah ber Killaia erawh amah leh a mah chu nasa em em a lo in thlek in, kei zawng ka chak thar ta riau a ka hriat chu le. Tuahkima erawh bengsika thil ngaihtuah tih hriat taka thu ngawi vang vang chung chuan a beng hriatna lo chak ta em em mai avang chuan a nui zui var var a, eng ang tak in, la hmang tangkai hlawm ang mawle. Thangtawia erawh bengsika a in ngaihtuah pawn eng ang in nge a thil in chuan a mah ah hna athawh a hre mai tlat lo. Thangtawia hawi a deuh hu hu chu kai hrangin, Thangtawi nang chu Thisen i chhuah phawt angai tlat mai. Mi Lu i khai zet loh chuan i nihna diktak a lang chhuak thei lo. In khual val te lo hmuah dan tur erawh i kut ah awm teh se, kar thar ah minlo mikhual dawn nia aw. Mi Lu i khai zet hun ah ka hnen atanga i thilpek dawn tur diktak chu i dawng tawh ang. Ka kal tawh ange tih pah chuan a ban a vai kual pawp a, Tar hmelchhe zeta chang leh in thim tham ah chuan abo zui hmak a.

.. Chakna thar nei ta riau a in hriatna nen khawlam an pan tham tham lai chuan Thangtawia erawh a ngaihtuahna a hmang nasa tih hriat tak chuan angawi deuh ngal thung a, a thiante phei chuan lungawi loh na ruk anei ah ngaiin biak pawh an be tha ngam meuh lo chu ani e. Khawdai an thlen chuan Thangtawia chu rawn nui chhuak hawk in, ka hre ta, Ka hre ta a nuih zui hak hak dan ah ruahmanna tha tawk tak anei tih hai rual loh chuan lang nghal in, a ruahmanna hre ve hawt lo a thiante lah chu an lo pawngsa phur ve em em ringawt bawk a. Pasaltha Thangzoa chuan ka Tupa eng ruahmanna nge i neih tak le? Ka Pu sawi lawk theih mai ani lo. Lal in ah erawh min hruai angai dawn ani. Thianteu tun tum chu in tel ve arem dawn tlat lo. Inring reng a in awm erawh angai thung ang. Kan hmelchhe ho chu lo kal rawh se, Thangtawia hian nun dan kalo zirtir hlak teh ang. An vengtu Lasi te tih theih loh Thangtawia hian ati thei tih an hre khawp ang tih pah chuan Killaia zak ah chuan kawm sak in ka chak tawh lutukkkk tiin a khek zui awr awr pek a, i thil in khan ati khawlo zo che anilo maw ti a Killaia nur nawng hnar chu chhoh kawm sak thut pah chuan ka tlawm tirawh, ka Pu Thangtawi Sai Sawm kap ti rawh tih pah chuan a nawr dingdihlip awk awk a, an zinga a te ber maiin a tawr tha ber mai a nawr kang awk awk lai chu za em ema lo nuih in, Killaia tan lah tan lak rem hek lo, a thahrui ngah zawk chu a tlawm zawk ah tang in, ka Pu Thangtawi Sai sawm kap ati leh ta nge nge a, an in thlah fel meuh chuan Thangtawia man let tum chuan a che nghal phat reng a, mahse Thangtawia lah in atum lo hre lawk sa ani bawk nen rang taka lo put kual zeuh zeuh chung chuan ka Pu Killai ka tlawm i tawn ah tui ang ka nem a ti zui zat zat a, mi tlawm tawh khawih zui awih loh kan tih kha tia a chham chhuah leh meuh chuan an thian ho thu tiam mi kan laka an tlawm tawh chuan khawih zui tawh loh tur tih dan chu Killaia chuan a zawm lo thei silo. A hnar tuai vut vut pah chuan chalak reuh lutuk mai a ti deuh hluk hluk a.

... Thangtawia leh apu pawh lal in lam pan ding nghal nal nal in, Pasaltha lal in chhunga luh dil thawm an hriat meuh chuan lal in chhunga awm ho te chu an phawk deuh hru hlawm a. Hetiang mangan ni khua an tawh chang ni ah hian vawitam Pasaltha Thangzoa hian alo muan tawh thin in, a ngaihtuahna fim tak avanga chan tha zawka an tan chang atam reng a, tun ah pawh lalpa in Tlangaupa hnen ah Pasaltha Thangzoa zuk ko tawh alo tih lai mek alo ni kher nen, an han phawk deuh hru pawh an demawm hran lo ve. E khai Thangtawia pu lo hnai tawh kha i Tupa nen ani maw in nih engthu tak keng chuan nge maw in Pu tu a in lo lan teh nawlh le tih pah chuan beisei nei tak chuan alo chhoh melh deuh ha ha a. An thutna pek lam pan pah chuan keini pu tu hian eng thu ropui mah ken kan nei law.. Mahse kan remruatna chhete min pawmsak theih hlauh chuan tiin Thangtawia ruahmanna chu lalpa hnena sawi tur chuan a mah Thangtawia kut ah chuan a Pu chuan a hlan ta thuai a. Thangtawia'n a ruahmanna asawi zawh chuan khuavang kallai ang maia ngawi thap in, lalpa chuan Tlangval i nunna atan leh i thiante nunna atan pawh pawi thei tur thil anih i hria maw? Lalpa ka hria e, mahse Thisen a chhuak lo ang. Min rin ngam chuan kan lal fanu hi tuman min chhuh lui ngai lo ang tih pah chuan zamna nei map lo chuan lal Fanu Saiziki chu a melh ding ngar ngar a. A aia rawtna tha awm hek lo le, lalpa chuan Thangtawia rawtna chu pawm in, Upa te lam hawi pah chuan kan za vaiin lem kan chang dawn tihna anih chu. Saizik chu i hria maw Thangtawia hi i kuah seilen mi pangngai pha zan lo, ram hnuaia i chhar anih chu aw tiin a fanu chu thil awmzia a hrilh fiah zui leh dap dap a. Lal Fanu naupang zawk chuan Thangtawia chu rum zeta lo melh chung chuan ten hmel zet hian alo ner khum nawng nawng a. Engdang vang ni lovin, Thangtawia a huat em em chhan hi tum khat an thingphur haw lam Thangtawia Sava veh haw lam nena in tawng in, Thangtawia Nauban par hawn nalh deuh mai chu a awh em avang chuan lal Fanu anihna chhuang in, lo hneh chhuh atum mai pek a, Thangtawia lah chuan ka phal lo, ka phal pawh ti duh hlek lo chuan an kianga thut pah in, a Nauban ken chuan a mawng ahru nawk nawk a, ka in thiar in ka mawng ka hruk hmaih alawm le, kha i duh phawt chuan nei ta che ati zui pek a. Nang hnamchawm mawng hrukna hnu kha ka duh love, ka pa ka hrilh khawpa ang tia a an tan tan lai chuan aw i duh leh hrilh la ti nia, ka pe che a, i duh lo ani mai lawm tih leh kalsan chu rual in, ala nui ang uar uar zui kha ani a, khami ni atang khan Thangtawia hi a hmel huat em em ringawt a ni ber e. Kum khat chhuak anlo ni bawk nen lal leh Upa te hian zilh deuh se ti em em a hun a hman lai te hian Thangtawia minghal tiin lar bawk mahse kuta man fakna an nei thei lo te chuan a thin a tirim zual in, mi inbual lai enthlak a ching an tih lah kuta man na awm thei lo bawk nen amah Thangtawia huat hian a haw em em ringawt mai chu ani e.

... Leng hawn ar a khuan tak ah chuan tho sang sang in, a tuk maia khual ngainatawmlo tak tak mikhual tur an nih tawh na chuan an pheikhai ati rit tlang kher mai. Thangtawia erawh lem chan bul tan angaih tawh miau avang chuan lal in ah chuan a tap zui angai ta tlat thung. A tir ah chuan lal Fanu te chuan an ngaina lo tih hriat tak chuan melh ram ram mahse hmuamda chhung vel Thangtawia a titi meuh chuan midang hip theihna maktak chuan Saiziki te unau chu hneh nghal in, an thut hnaih sawt hle reng a, Thangtawia chuan Saiziki hrilh ruk pah chuan a nui zui hak hak a, awiii ka duh thei lo he pa hi ka Pa tiin zualko a tum uk lai chuan i sawi chhuah vaih chuan in titi kha ka sawi ve ani mai. A engthil tak chu ni maw tih paha lalpa te nupa nui ve hak hak chu tun nihnih thum chhung vel a an nuih ve awm chhun ani hial awm e. Thangtawia mutna kha han siam tawh u, tia lalpa thupek an dawn rual chuan Thangtawiw chuan lem chan bul tan nan Nula pahnih kar ah ngat le tia tawng chhuah pah chuan zunram thiar tur chuan a chhuak nghal vut a, a ruahmanna neitu ber leh a meizanghlaptu ber ni rih miau hek. Hnial theih lah ni silo chu an lal Fanu pahnih te kar a mu tur chuan thu an ti tlu leg ta. Zun pah chuan keimah Thangtawia lal Fanu hmeltha te kara mu tur, Killaia ten damchhung in tum ve pawh nise an chan phak loh tur tih pah chuan anui zui var var a.

... Thangtawia meuh pawh a saseh tak tak a thlen meuh chuan a rin aiin Lal fanu pahnih te huhang chu alo na aniang chuan a Til lak mut put ta mai le.. Thangtawia a zak tih an hriat meuh chuan lal Fanu ten an ngei awm an chhuah ve ta tlat. Zawite te a phun ser ser chung chuan Thangtawia chu an nek ta salh salh mai le. Thlasik khawvawt hnuai ah Vala thlantui a chhuak ta zaih zaih mai. Thisen chak vanglai nun a thunun harsa zet leh hawkdak zet vaihlo fun lah chuan a bu rawn tawn darh in, pheilai arawn khai ta ur ur mai bawk si. Chu kher chu lal Fanu chuan a khan fuh ta zauh mai a, e heee..leh lam hawi hmak in, in zah chhawk zan an hmang ani ber e. Thangtawiw chet a hun ve ta, lal Fanu naupang zawk Saikungi lam hawi pah chuan a Nu tete duh tiin a ban zui zuau zuau a, uii ka duh thei lo tih leh leh lam hawi chu a rual ve nghal zat bawk a, ka thawl ta siai siai mai tia thawveng taka a mut dar dar lai chuan in hnuai lam ah chuan ar a rawn ai ta thawt thawt mai le. Ui ka nu tih leh rang lutuka Thangtawia chu kuah rual thawt in, Sanghar thawm chu Keite ngur chhar chhar thawm chuan a zui zat a. Thangtawia chuan Keite ngur thawm chu a hriat rual rual chuan a Keite khawi ani tih ahre nghal mai reng a, la te viau mahse siamtu duan lawk ang a, chungnung zawk Keite tawn ah chuan Sanghar chu a tlawm ti tih nghal reng a, Kwite leh Sanghar thawm a awk tak ah phei chuan Keite a tel tlat mai kati arawn zuang kai em lawng chu maw tiin thim tham ah chuan a khi ru sak sak a, lal Fanu te pahnih lah an hlau tulh tulh mai si. Nghet taka an kuah mek lai chuan lal Fanu te pahnih chu thlamuanin an hnung leh an mawngbawr ah te chuan a ben sak vei thak thak a, eng tik lai mah a ka ben phak ngai loh tur leh ben tawh lo tur ti rilru chung chuan a beng vei taih taih reng a, a beng uar mah mah chu ani e.

... Arpa chhiar khuan in a tih tur diktak hunbi arawn chhiar a, kawl arawn en meuh chuan Thangtawia teho pawh an muttui vanglai a thleng ve tan chauh tih theih ani e. Chu ni chuan enge a rawn her chhuahpui dawn tih tuman hre lawk hek lo le, mang lam ah an la leng tui viau ani ange, lalnu zing tho thawm pawn akai tho zo meuh lo chu ani e, chutia lalnu chet chhuah a, lalpa pawn khumpui arawn thawhsan hnu rei lo ah chuan khawnbawl upa ho pawh lal in lam ah chuan an rawn chuangkai leh sap sap tawh a. Lalnu tuibur al tha tek tawk nena kam chhia an tleuh lai chuan Luhkapui lam atang chuan lal in a luh dil thawm chu a rawn awm ta ngei e. An tawn tur hre lawk sa vek leh tute nge an khual tur lah hre vek an ni bawk a, an hapui zawng alang lo tlang khawp mai. Phur in an mawng zang tlang lo teh mahse Tlangaupa chuan lut tur chuan a sawm ta nge nge a.

.. Khual thleng thawm chuan Thangtawia teho mutui lai pawh chu a kai harh chiang in, lal Fanu Saiziki biang ah chuan mittui arawn luang chhuak nghal ngiai ngiai a, Thangtawia chuan lal Fanu min ring em?? Rin che chu ka duh mahse i mi bum tum te saw, sawi zui thei lova a sama in hliah chunga insut faih faih lal Fanu chu kuah pah chuan lal Fanu in ti harh rawh le, khai le lemchan i tan ang aw tih pah chuan Tap lama awm lalnu chu tial ren ruan leh fiah lo ruaia au in, a pi bawngte duh riltam tih pah chuan a sam thur be bu chung chuan a pen bai chhuak suih suih a, mikhual te en pah chuan a nui keh zui hui leh nghal bawk nen, an khual val te mit chu a la rang kher mai.Lianpui khaw khual te chuan angaihna hrelo zeta lo thlek ha ha chung chuan Thangtawia che vel chu an melh rawn thup a, Thangtawia hawi vel chuan khual kai Pasaltha Tinkhuma chu melh ding ngur ngur in, kan Sepui nen in va in ang ve aaaa silai i nei bik alaw a Pu tih pah chuan Tinkhuma kap kar ah chuan a thu zui chut a. Pasaltha Tinkhuma chu thut awn bum pah chuan a khaih a, a khaih a, tiin Thangtawia chu a nam deuh tung tung bawk a, lalpa lam hawi pah chuan en tah a Pu, lalpa sawn a Silai khi hman ve a phal miah lo, nang chuan i phal ang tiraw a U kiang ah kalo kal ve dawn a tiin Pasaltha Tinkhuma chu nel zet chuan a nek ang surh surh a. Lianpui khawnbawl Upa chuan a tu fa lu bawk nge maw i nih chu le aw.. Kiangteh atih lai mek chuan lalpa chu lo inrawlh vat in, Thangtawia chanchin chu a sawi zui zar zar a. A va buaithlak dawn ve aw tia khawnbawl Upa a chek tlak tlak lai chuan Thangtawia mizia mi a hneh theihna chuan Pasaltha Tinkhuma alo hneh hman tlat, kan hruai ve ang ka kiang ah a awm mai ang a rawn ti ta tlut a, khawnbawl upa tan pawh tih ngaihna dang awm tawh hek lo le, a riat ral ta mai mai a, kan in rem ani mai lawmni tia thu an pawh chah dawn lai chuan Thangtawia rawtna kha Pasaltha Thangzoa chuan a rawn din chhuahpui ta nghal a, kan lal fanu hi Thisen chhuah map lova in kut ata kan ru chhuak thei anih chuan hnehna kan chang aniang chu, chu chona chu in pawm em?? Chhanna thawm a awm dawn talo amaw an tih hnu chuan Tlanglian khaw chona lak ah kan tlan ngai lo, Pasaltha Tinkhuma aw ngeiin a rawn tih tak ah chuan an boruak tang ru zet hnuai ah chuan lal Fanu pawh a insiam zui malh malh a, Thangtawia erawh Pasaltha Tinkhuma pangtichawr ang mai chuan a bei zui thlap bawk a, chu chona chuan eng boruak tak thlen ang mawle.

.. Tuk thuan te an ei kham fel meuh chuan Thangtawia inthiar pawh lo let leh tawh in, a pu ka kut hi a uih vet vet mawle hei kalo hawn a, tih pah chuan a mawng thiarna Thing tang chu lek kual in, i duh em, i duh em a ti kual zuk zuk a, nang mi bawlh hlawh kal rawh tia Lianpui khawnbawl upa in alo tlawh thluk tawk tak ah chuan nau suak bak ang maia tal nghal in, ring em em a, tap chung chuan Pasaltha Tinkhuma lam chu a pan tuang tuang a, Pasaltha Tinkhuma lah Thangtawia mi hneh theihna in hneh tawh miau hek, mi anglo leh zel pawh kut i thlak mai le, Khawnbawl upa pawh nila kut i thlak leh anih chuan ka ngawi liam tawh lo ang lokal rawh tiin Thangtawia chu alo thlem bang thuai a, Thangtawia chuan aaaa.. A pu saw chawh e, apu hi angam love, a lei chhuah khum in, a lam zui zak zak a, Thangtawia vhe vel chu ngei teh mahse a Pasaltha tih lungawiloh pawizia hre chiang tu Khawnbawl upa chuan ngawih a chuh leh ta nge nge a, Thangtawia lah chuan a khat tawk in, dawih ve siah a ti sek leh nghal a, Pasaltha phen ah awm nilo sela, kuk hnih khat chu a tawk ngei ang le!!!

... Hun a chep, ka thai kawi nawk nawk a, ka edit hman lo leh nghal bawk nen lo Nghal leh bawrh bawrh mai ru aw.. Ka ziak thui ka va inti tak em....

MAFAKA KHIANGTE

RAM LEH HNAM CHHAN NAN THISEN AIIN THLUAK HMAN ATUL TA.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)