PASALṬHA HMINGLIANA BY Muantea Muantea Khiangte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

PASALṬHA HMINGLIANA BY Muantea Muantea Khiangte (Completed)

Unread post by Ngaia » November 11th, 2018, 2:20 pm

PASALṬHA-HMINGLIANA.jpg
PASALṬHA-HMINGLIANA.jpg (17.86 KiB) Viewed 23800 times
PASALṬHA HMINGLIANA BY Muantea Muantea Khiangte

PASALṬHA HMINGLIANA
BUNG 1 NA.
.
Bul kan ṭan ve rawih ang nge.
.

Kaihzawl khua, in 300 lai inchhal khua ah chuan Lal ropui leh rorel thiam tak Lal Lianzika chuan rorel in a khuaa chengte chu mi chhe fa leh Lal chial liak pha chin te pawh chu angkhat vek a en in a upa te zai ngai takin ro a rel mek a..

Lalnu peklianai chuan a fa nu kum 16 hmang mek Famkimi chu zilh hlak hlak chung hian mami nula tia chhiar ve theih i lo ni ve ta reng mai, i pa Lal a nih vang hian mi hnuaihnungte leh thawk mawh deuh te hi hmusita enhniam mi ni lo in i phak tawk leh theih chinah ṭhahnem ngai takin nula te tih tur awm ang ang hi hmasatu ni in mawngzang takin che sawk sawk ṭhin ang che. Mi te mitmei leh enrawn i la ni dawn tih hi hrereng ang che. Khawnge i u hi a awm tiin an zawt chhunzawm zat a.
.

Lal fanu hmelṭhatumai pawh in an faka fel an tih, a rualpuite pawn kawm nuam an tih leh A pa nihna hmachhuan ve miahlotu chuan ka nu, Ku nghaka hi kan pasalṭha pu Piandenga te inah ka kal lawk dawn a tih kha maw, nia ka nu i thu min hrilh te chu ka lo vawng reng ang nge tiin an chhang a.
.

Tuikhur veng tlabirh, veng mawnga in pakhat en reng reng pawh a hmeithai in tih hriat zet ah chuan Zorami chuan a fapa tlangval tuai tir te, kum 17 hmang ṭan mek, Hmingliana a kum en mai aia taksa pian mawi leh hmel pa hrak, ban bul lian ṭha nelh nawlh chu zilh malh malh in a nu chuan mama, hei tlangval zaqlbuk kai rual i lo ni ve ta reng mai a, i pa boralna pawh kum 5 lai a lo liam ta, i nun uluk la, aia upa te thu an hnial ngai lo aw, ṭanpui ngai reng reng an awm in an hel ngai lo a nia, tin zawlbuk te pawh hi kai ve tawh la a ṭha ang tiin zawt tih tih chuan an en ha a.
.

Hmingliana chuan ka nu nia hei la lo tum ve mek asin mahse ka hrehna chhan chu tumah han kawm fal bik leh han biak lumlam hi ka nei si lo a an ti a, a nu chuan mai mai ṭhin a, i tlangnel chawp ve mai dawn alawm zanin aṭangin zawlbuk chu kai ve tawh la a ṭha ang zingah aia upa te thawh hnuah an tho ngai lo a nia vawiin chu chul lamah bawkbawn tang rah vel zu zawng la a ṭha ang keiin chuktuah huan vela maian hmun hi ka lo thlo fai dawn nia an ti a. Hmingliana chuan aw le tih pahin a pa silai a rochun chu an hrufai hliau hliau a.
.

Zing chaqei kham chuan iptepui ak leh silai pu chung chuan an chul ram hmun chu fang kual turin pheikhai zang takin kawtchhuah lam chu a pan ta a. Lawmnu leh lawmpa te chuan kawtchhuah lama an lawm te lo nghakin an khaw nula hmelṭha Hmingliana aia kum 2 a upa Parliani leh a ṭhiante chuan an hma a tlangval tuaitir hmelṭha leh pa hrak an michhiat avanga an ngaihmelh lem loh a ruk a an lo duh rawn lo kal zan zan chu an lo thlir ṭhap a, Hmingliana kalliam chu sawi zui sap in tuikhur veng mawng lama hmeithai Pi Zoramai fapa kha an ti lang lang a nula pakhat chuan hmelṭha an tih thu leh pa an tih thu chu an sawi sap sap hlawm a.


Hmingliana chuan Vaawk ram dai lut in a haw lama chhui atana sahnu chu ngun takin an bih kual dan dan hlawm a, sanghal hnu a hmuh chu a la rei lo hle tih hriat takin kap hlauh i la aw tiin a duhthusam chu an sam kual a. An chul ram chu hel kual in a ruka nunchan a lo zirna hmun chu anvthleng thla a, kawrhte tui luang ri her her chu a mauthei thuhruk chuan khatpam in an thal a, a thal zaqh chuan a mau lo suihzum a dahṭhat chu hnimpik aṭanga la chhuak in a chem an phawrh a, nunchan an zir tak tak mai zawng rang tak a ni a in bin rang tak tak a vir kual in kha keimah hmeithai fapa ka lo kal e lo inring ru aw tiin tiin sangtak tak a zuangin a chhuk sah thul, vir leh zawk in a mau suihzum chuan an thingse kung lian ṭha takah chuan an khawh bur va va ṭhin a, thiambel hle e ti lo chuan zirtur a la ngah hle mai, a buaina ber chu sahnu chhui leh tho mitchhaih lo vir ve sek hi a ni.
.

Chutia tudang ngsi lo va a zir mek lai chuan a chhak lawk ah hian sakei keite ṭhankin tawh hian lo en ranin an ngur chhar chhar a, Hmingliana bula ṭumthla chhak in an hel kual a, Hmingliana chuan hlauh a hnek in a che zia chu inzirna ṭha tak a nih dawn hi tiin an nuih sak a, Hmingliana chuan en ngar chung chuan ram pasalṭha kiang rawh tihnat che la duh lo a nia, kiang rawh le tiin an bia a, chu keite chuan mak tal mai hian leia ṭhu vu chung hian a rawn thlek dauh dauh mai a, Hmingliana chuan kiang rawh tiin an panhnai a, chu keite chu tawlh hnung dawrh in ngur chher chher chung chuan hnim pik lam chu a pansan ta a.
.

Hmingliana chuan keite rawn zuan thlak na lam chu an melh a, khatiang khawpa zuangsang theih ve chak in keite zuanna aṭang chuan an zuangthla ve vel chhin a, a nunah hian hlauh awmzia hi a leng hlawl lo a ni. A nunchan zir chu duhtawk in an chul ram lam chuva pan ta a, a kalna kawngchhak lo ri leh rak ṭhin chu inring ru tak chung chuan an melh leh ṭhin a, a ning deuh chuan tunge i nih an ti vin ṭhat a, chutah leh, a hnunglama rawn ri thum chhak ri chuan lo zui nghal in rang taka an leh hawi chuan chu a thil hmuh chuan a tawlh hnungtir dawrh thei hial a ni. Chu sakei lian leh hrawl tak chuan Hmingliana chu en ding ngar chung chuan chu sakei lian leh hrawl tak chuan a mit chu khap fuk fuk chung chuan Hmingliana chu a hlir reng a, han beih tumna pawh a nei lem lo khawp mai. Mihrangval leh ramhnuai pasalṭha inhmachhawn chu an huhang a na in an mi hip pawh ana hle mai le.
.

Hmingliana chuan khawngaihin kal kiang hram rawh mintibuai suh i kalkiang lo a nih chuan tu emaw zawk zawk hi kan thi ngei ang an ti chang fal mai a. Chu sakei lian leh hrawl zet a macrawng leh a chezia hi dang a ti rilru em em a, sakei hi a lo hmu fo tawh mahse sakei hnarngula mihring taksaa kutchhuk awm ang hi a la hmu ngai miah lo a ni. Mak a ti rilru hle nghe nghe a, chu sakei chu inthing vak vak in zawimuanga lo danglam tial tial in mihringah a lo chang ta mai a leh, Hminga chuan mak a tiin ka ho hian a thlir renga chu keimi chuan lo bia in ka hming chu Ṭiala a ni a, mihring hmaa ka vawikhat inlarna a ni, khawngaihin tuma hnenah sawichhuak suh ang che. I lo piantirh a ta tunthleng hian ka ngaihven che a a chhan chu nang hi khuanu duan vohbik i nih vang a ni. Hringmi zawng zawngte zingah mibik i la ni chho ang nga, i khua leh tui te in nghahna tur i la ni dawn, i hmaah pasalṭha huaisen tak tak te an lo la ding ang chungmi te chu hnehin i khaw ralmuan tirtu i la ni dawn a ni. he thinghnah hi nuaisawm la a tui i sawr ang nga chu chu tui nen i chawhpawlh ang nga a tui i in dawn nia, chu chuan midangte mit aia chak mit a pe che ang nga midangte aiin thawm i dim thiam bik bawk ang nga, i taksa leh len lamah a pui bawk che ang nga thahrui pawh i neih belh bawk ang tiin an pe a.
.

Hmingliana chuan rinhlehna mitin an melh a, Keimi chuan la rawh ka thusawi chu a dik zia i hrechho zel ang. I tan ṭhianṭha tak ka ni e, harsatna i neih chuan ṭiala ka mamawh che tiin vanlam hawiin min ko la a chhanna i hmu ang, nih phawt le tiin hnim pik lamah chuan a liamsan ta a.
.

Hminga chuan mak ti taki chu thinghnah pakhat hring mawi danglam tak chhah met mawt chuvthlek vang vangin a ipte puiah chuan a diara fun ṭha in a ak than mai a.
.

Chulram a thlen chuan Samṭawk leh bawkbawn tangrah te chu lo in hmanhmawh lem lo tak chuan an chul hlui lawr ruam chu zawhin keimi hnah pek chu chhin a tum ta a. Keimi thilpek chu an nuai hlawm nawk nawk a a tui hring kak chu mautheiah chuan an sawr lut a tui tlemte thal hnanin an in chhin a, maktak maiin a taksa pengtin mai chu a mur chhuak ta vek a an in enkual vel ṭhin a thil in chu thawk chak tiin a hlauthawng zawmah zawk hial a. Rei fe a thil in chu ngaihṭha zan lo a a thuh nghah hnu chuan khawlam pan zai a rel ta a. Kal kawngah chuan a sanghal hnu chu chhuiin sih ruam ah chhui lut in siha tui lotlan karh karh sanghal pa chu a silai chuan tin vang vangin an kap thawr mai a, a bek ah tak kap fuh in thluak per chhak khaawpa an kap mai zawng thaw ri faih faih chung chuan a ke leng bat bat in he khawvel eng a lo hmuh ve te chu thim mup in a chhuahsan ta a. An bel chianga sum 5 lai a lo nia a lawm in a hlim em em a, an hnuka rualrem laiah chuan kawng a chheng chhiat em avang chuan put mai chu a huphurh a ni han pu mai dawn paawh ni se a huphurh lo hrim hrim a mahse kawng laka lum a hlauh vangin Ṭiala ka mawh che an ti a, chu ve leh a chhak aṭang chuan keimi chu lo ṭum thla chhak in mihringa lo chang in a lian ṭha hle mai han pu chhin teh an ti a, Hminga chuan khaia tiin an chawi lawp a a rin aiin a lo zang a i thil in khan hna a thawk ṭha hle a nih kha kha i zawh em kha mahse in khaw dai thleng kan chhawk ang che tiin an pu vaw a.
.

Dai an thlen chuan Hminga chuan i zanriah ei tur aw tiin a bawp lehlam chu an sahthlak sak a, keimi chuan lawm tih hriat takin i nun a mawi hle mai ka lawm e tiin an in ṭhen ta a.
.

Hmingliana an khaw tlangval tuaitir te in Sanghal sum 5 hah pawh hrelo ang maia an pu vaw vaw an hmuh chuan naupangho chuan khu khu en mah teh u, a chak asin ramhuai a niang tiin pawh ngam lo khawpin an en hrek hrek hlawm a, Naupang pakhat chuan u Dohranga aiin a chak zawk hrim hrim an ti lar lar a. In a thllen chuan a nu chuan ui mama a lian lutuk tiin lawm tih hriat tak hian a ri chul mai a, an ṭhenawm te chu au khawmin sa chu an chan darh a, a nu chuan Lal sa kha kha han pe lawk mai teh i hah viau nang a tiin an tir zui zat a, Hmingliana chu Lalin a thlen chuan Lalpa chuan tlangval a va lawmawm ve tu nge i nu leh pa tiin an zawt a, Hmingliana chuan tuikhur venga hmeithai Zorami fapa ka nia Lalpa an ti a, Lalpa chuan min lo pehnem hle mai a lawm e tiin an bia a, Tap lama eirawngbawl mek Lal fanu chuan Hmingliana chu en ngar ngar in tiang anga tlangval hmel ṭha leh pa hi an khuaah an lo awm tih hi a hrelo reng reng mai a.
.

Hmingliana kal liam hnu chuan Khawnbawl min Pu Dopuia chuan Lalpa kha tlangval tuaitir te kha pasalṭha pian dik tak dung zu thul a maw le, a pian te lah kha mihrangval pian diktak nia kan hmuh chu le, naupang tualchai ho in an sawidan chuan Hah hmel pawh pu miah lo in Sanghal sum 5 a pu haw an tih kha mawle, tiin an tui hnih leh a.
.

Lalpa chuan tlangaupa zu zui la i zawlbuk kai hun Lalpa in a hre duh tih hi zu zawt ang che tiin a tirliam nghal a. Tlangaupa a lo let leh chuan nui var var chung hian Lalpa zanin ngei ah zawlbuk a mawi dawn e an tih chuan Lalpa chuan a upamin Dopuia lam hawi chuan i fapa nen an in el ngei ang le mahse i fapa chu a la khan lo deuh hlek ang ka khawbuanchak hi zawng ka chhuang a nia an ti a, Pu Dopuia chuan khaih khaih Lalpa ka fapa te zawng eng ual a ni lo ang nge a hmel en reng reng khan a mitmengte kha a tur khai leh nghal keia fapa chuan a khan lo ang tiin in ngsitlawm tak chung chuaan an sawi a.


BONUS

Zantin lo tihchhuah ka lo tum ang. duhtawk phawt ang. Lo dam u la lo inenkawl ṭha ang che u.
Last edited by Ngaia on November 16th, 2018, 5:49 pm, edited 1 time in total.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 11th, 2018, 2:21 pm

PASALṬHA HMINGLIANA
.BUNG 2 NA.

Zawlbuk bawhbel kianga inthlahrung taka ding tlangval tuaitir hmelṭh leh mi pawisawi hlau tak chuan ka tan hmun a awm em tiin Zawlbuka Valupa ti ti mek chu an en ran a, Valupa chuan vala awm tuk e a, lo kal rawh lo kal rawh tiin an hui a, midang puanthuah lo intel khawm vum ṭan a sir kil lamah chuan a puanthuah neih ang ang chu an vawm ve rawih mai a. Valupa chuan vala tu nge i hming le i chhungte ni ve le tiin an zawt a, Hmingliana chuan an chhan zawh chuan a nih tak chu maw le, inthlahrunna tur a awm miah lo a nia lo hnai la kan kiang ah hian i mawng rawn hung ve ta che tiin an sawm zui nghal a.
.

Lenar an khuang al al zawh reilote ah chuan tlangval zawlbuk kai te chu lo haw khawm in Valupa chuan hei zawlbuk kai thar kan nei a, kan khaw mi leh sa ngei tuikhur venga hmeithai Zorami fapa a ni e tiin an in hmelhriat tir hlawm a, Valupa bawk chuan hei Hminglian kan mizo nuna bet tlat zawlbuk kai thar te buan/chai i hmachhawn a ngai dawn a i lo zam mai ang nge aw tiin tih tlangnel tum tak chuan nui sak pahin an bia a, Hmingliana chuan u Neihsiam zam lah lo ve, ka tawn tur tho a nia ka in peih sa diam a lawm tiin an chhang a.
.

An khaw buanchak chu lo ding chhuakin Dohranga chuan khawmaw kan zaqlbuk kai thar chu la hmaah hian lo ding teh se, a hmabak tur tho chu han hlen phawt teh se tiin Hmingliana chu an ko chhuak a, Hmingliana chu muangchanga a ṭhuttna a ta tho chhuak in u Dohrang min dim deuh la aw tiin an pan hnai a, Dohranga chuan nuihsak pah hian tehrengmai iHmingliana maw i nih kha khawnge in ṭan ang hmiang tiin Hmingliana puanvenah chuan an ṭham chat a, Valupa chuan khai le ṭan ru le an tih chiah chuan Hmingliana chu a kang ta vawk mai a, a thawh hnihnnaah pawh a kang leh ta tho mai, kil khata mi awmthei fa an neih thil hlu hmachhuana hawi valh valh ṭhin chuan khaia a va nep ve Dohrang khawmaw dangawm teh naupang pumrua lian ve uaih tawh lehnghal, nep lutuk ka tha za tihteh nan kan hmangvteh ang, kei Lal cial liak pha chin hian zawlbuk bang dennan kan hmang teh ang a rawn ti lar lar mai a.
.

Hminglianga thinling chu a na ngaih mai, hmusit taka ṭawngel tu an awm tih a hriat chuan a mitmeng chu lo danglam thut in a,swn ta ram mai le, zawlbuk bawhbel phena lo ding an Lalpa leh tlangaupa chu tuman hmu an awm lo mai ni lo in an ngaihsak lem lo em a ni. Hmingliana puanven leh a naknem chu sawk tel kherin naua ṭang rawh aw. Zaduna hian zawlbuk bang dennan ka hmang dawn khawp che an ti a, Valupa chuan khai le an tih chiah a sawizo hman awrh tih chuan Zaduna chu zawlbuk bang rituarh khawpin an bin mai zawng midangho chuan ka ho hian Hmingliana chu an thlir ṭhap a, Valupa chuan Zaduna chu bawihsawmin a hnang thaw ṭha hlei thei lo chu a hmung an chum sak liam liam hlawm a, Zaduna lo ṭha chhuak leh lo tho thinrim chuan hmela hmeithai fa mai mai ka inrin hmaa khatia min han tih chu le tiin a rawn bawh phei ruak ruak a, Hmingliana chuan chutia a mah bituma lo bawh phei chu dinglam sira, lo in hersan zawk pah chuan Zaduna tha pek kal lak lawh a tum ṭhelh si chuan bawhbel inkham ruah chu va su chawrh in a lo leh hawi lai tak chu Hmingliana chuan a hrawkah a lo rek chat mai zawng, thaw ang bawrh bawrh in a meng pual ru ru mai a, a ban a vai vak vak mai a, midangho chuan Hmingliana rehna ban chu lak tumin an lo elh ngang ngang hlawm bawk a, Hmingliana ban kuai her zo reng an awm lo mak an tiin Hmingliana chal dan em em chu a kawchhungah ramhuai a lut a niang an ti hial a, Bawhbel bul aṭang chuan Lalpa aw ngei mai chuan Vala a tawk tawh e thlah rawh a thi mai dawn tihri chuan zawlbuk a awmho chu a ti phu chiang kher mai, a aw dam dap fiah ṭha tak si chu a zahawmin an hriat lar em em aw a ni tlat.
.

Hmingliana chuan muangchanga thlah in Lalpa ka tihpalh min ngaidam ang che an ti a, Lalpa chuan chhang lem lo chuan zawlbuka an hotupa ber Valupa Neihsiama chu rum taka melh chung chuan, Neihsiam, zawlbuk aṭanga boruak ṭhalo a chhuahin i mualphona a ni tih hi theihnghilh ngai suh. I mawhphurhna hlen turin tun achinah valupa i nihna kha hmang tawh ang che. Thleibik nei loin i naute ho hi enkaql tawh rawh. Tunchinah buaina a chhuak leh tur a ni tawh lo. Dohrang a harh chianh tawh em tiin an zawt a, a ni chuan aw hei a harh tawh e tiin an chhang a, Lalpa chuan vin leh thinrim tih hriat tak mai hian Zadun ding teh, min en teh tiin thupe aw tak mai chuan an ko a, Zaduna chuan Lalpa chu zak tih hriat takin an en a, Lalpa chuan mi pa ve si i chetdan kha a mawi lo hle mai, tukṭhuan kil hmain i pa nen min rawn hmu ang che u, Zanin hian zawlbuk aṭang khan insuan chhuak nghla ang che an ti thawp sat a.

Lalpa chuan Hmingliana en leh in Hminglian, aia u zawk te ṭhelh theih loh khawpin i thinrimna kha in hneh tir tawh ngai suh ang che. Nagpawh naktuk zingah min rawn hmu ang che tiin Lalpa leh Tlangaupa chu Lalin lam an pan nghal a.
.

Zawlbuk boruak chu a daiin a vaqt raih mai le, Lalpa lo lang kher kher chu tu te pawh chuan pawi an ti hlawm hle mai a, chu aimah chuan Hmingliana chak dan em em chuan an thinling rawn luahkhat leh in Zaduna thih teuh zia chu an bula mi te ṭheuh hnenah chuan an sawi sap sap hlawm a. Tui lo zetin mahni ṭheuh in kawm in an mu mengkar hlawm a,,Dohranga chuan zawi sap hian Hminga min buan dan aṭang khan i ṭan ṭhat duh loh dan ka man vek asin, naupangte i la ni a, i chakna kha a dik lo zawngin hmang reng reng suh ang che. tiin an fuih a.
.

Zingkhua a lo var a, Dengsir mihrang valrual te chuan an Lal fapa nupui atan khualthang hat khawp a pasalṭha leh ral hrat khawkheng leh pawisak nei lo Pasalṭha Tlangbiaka ho chuan Kaihzaql ah chuan an Lal fapa tan ranngo zawngin khawdai an lo thleng mek bawk a.
.

Dengsir pasalṭha an hruaitu Tlangbiaka chuan a nau te hnenah chuan kei lhual thang pha chin min hmachhawn ngam an aqm daqn lo va, an khaw nula hmelṭha Parlianai hi hnehchhuh a lak hram kan tum ang, mahse a zaqldawh zawnga hma kan lak hmasak a ngai ang, Lal fanu pawh khi a bang bik tur a ni lo in hria maq an ti lar lar a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 11th, 2018, 2:21 pm

PASALṬHA HMINGLIANA
BUNG 3 NA.
.

Kaihzawl khawthleng leh zing nichhuakin a en phak chin chu en sen phutin naupang tualchai ho pawh chiar nak nak in,vawk nguk thawm leh arkhuang al al thawm chuan khua chu a luah hneh em em mai a, chutih laitak chuan Dengsir pasalṭha ral hrat khawkheng, rallu pawh vawi eng enaw zah lo khai tawh, nunrawng leh pawisak nei lo, ralbeih a thiam em vanga khaw hrang hranga hmingchher mek Pasalṭha Tlangbiaka chuan a nau ralthuam keng ṭhah mi 8 te nen chuan Kaihzaql kawtchhuah chu an rap ve mek bawk a.
.

Lo hmutu te chuan ṭi dak hian an leihka chungsang aṭang chuan an lo thlir ṭhap hlawm a. Lalina lal fanu eirawngbawla buai tak chu khual valrual te thawm chuan a ti phawk hra a, Lalpa leh Tlangaupa chuan lo hmu vatin chu a mikhual te chua Lalpa chuan a lo hrechiang na ngiang mai le, Lalpa chuan lo lut rawh u khai tehmial che u chuan eng nge in duh ve tak le tiin an zawt a, Pasalṭha Tlangbiaka chuan Lalpa kan lo kalchhan chu kan Lal fapa nupui atan in khaw nula hmelṭha Parliana hi kan Lal fapa in a duh a chumi ngaihven tura lo kal kan ni e an ti a,Lalpa chuan hlauhthawnna ruk tak nei chung chuan chu Parliani chuan in Lal fapa chu a hmel duh ve reng reng em ni an ti leh a, Tlangbiaka chuan chutiang zaqng chuan keini chuan kan ngaihtuah lem lo, a mah hmua rawn be tur a lo kal kan ni e an ti leh tawng mai a. Lalpa chuan tlangaupa Parliani chu zu ko teh khai a pa pawh i lo ko tel dawnnia an ti a, tlangaupa chu a kal nghal a.
.

Chtih lai tak chuan Hmingliana Lalina luhdil thawm chuan rawn luahkhatin Lalpa chuan tlangval eng nge ni ta tiin an zaqt a, Hminga chuan Lalpa naupang sava veh in Sakei lian deuh dai hnaia an hmuh thu min hrilh a chu mi hrilh tur che in ka lo kal a an ti a, Lalpa chuan a nih chu ka lawm e hei mikhual ka nei a lo zu kal tawh khai tlangaupa hnenah ka lo sawi dawn nia an ti a, Hmingliana chuan mikhual felhmel fahran loh ho chu chik taka a mitsira melh pah chuan Lalin chhuahsan turin a inher mek a, chutihlai tak chuan Dengsil pasalṭha chuan naua ka vaibel hi min han lak kai sak lawk mai teh khai nang tlangval ah an ti a Hminga chuan a lak kaisak lai tak chuan An khaw nula hmelṭha eltiang tumai pawhin khumpui an kaipui chak leh hmelṭha tia an sawinin theih loh Parliani leh a pa Pu Thansiama chu Lalinah an lo lut ve mek bawk a.
.

A lak kai chu pe in Pasalṭha Tlangbiaka chuan i fel hle mai kal rawh le tiin An khaw nula hmelṭha chu an en vung vung a, Lalpa chuan e khai kha lo ṭhu rawh u Pu Thansiam kan kohtir nachhan che u chu hei Dengsir khaw pasalṭha Tlangbiaka hian an lal fapa tan i fanu beiseiin an lo kal vang vang a nih hi an ti tawl mai a.
.

Pu Thansiama chuan a fanu chu eng vung vungin Lalpa chuti zaqng chu em ni, ka fanu hian ṭhian leh laqm chu tam tak a nei ngei ang, chu chu khawi khaw nula te neih ngei ngei a ni, mahse chutiang zawnga rilru a put pawh ka lo la hrengai hleinem, Mami Dengsir Lal fapa chu i hmu tawhin i kawm tawh reng reng em ni tiin an zawt a, Parliani zak leh sen ṭan ṭan lwilam bih ngar chuan ka pa hmuh pawh ka la hmu lo hrim hrim, chutianga mi pa beisei tur ang zawnga ka aqm lah ka hre hek lo tin, ka hmuh loh leh ka hmelhriat loh lak ah rilru lah ka seng ngai hek lo, an ti a.


Lalpa chuan Dengsir pasalṭha chu en vang vangin kan nula sawi chu in ṭawmpui em an ti a, Pasalṭha Tlangbiaka chuan kei Dengsir pasalṭha Tlangbiaka sa leh ral hmaa zam ngai lo khual thang pha chin hian kan lal in min mamawh avanga lo kal kan nia hlawhchham leh kutruaka a lo thlawn a kir leh mai kan tum hlei nen Lalpa i khaw pasalṭha ko la min hneh loh chuan in khaw nula hmelṭha hi ka haqn lui ang, min beingam an awm a min hneh a nih chuan khua hi kan chhuahsan nghal ang an ti tawl mai a.
.

Lalpa chuan uai chuti zaqng chuan maq kan tih dawn a, chuti zawng chuan tuman i ne ek pha pasalṭha ka nei lo e, khawngaihin ka khua leh tui hi chhuahsan rawh u ka tlangval te ho in an that mai ang che u an ti a.
.

Pasalṭha Tlangbiaka chu nuih uarh uarh pah chuan chutiang a rhleng ngai lovang, a phenna kan neih ṭhat em hi tiin Lal fanu leh Parliani chu an kawk vu a, Lal fanu leh Parliani chu hlauthawng takin an thin a phu dep dep a, Lalpa chuan chutiang chu khawngaihin thlentir lo hram rawh u, se chal nu pa in hawn zawk mai dawn nia an ti leh a, Tlangbiaka chuan Lalpa ka duh chu i hria e Sa nu pa lam ka sawi lo i pasalṭha minbei ngam an aqm loh chuan i fanu leh in khaw nula hi kan hruai haw tho tho ang tia a sawilai chuan Lal kawngka bula tlangval tuaitir te, a hmel a zamna aqm miah lo a kum phu lo va a pian in vuah fuh leh mawi fahran hmwlpa hrak chuan Khual val te u Kan Lalpa hi nawrluih chi a ni ngai lo, a ni ven leh kaihhruaina hnuaiah hian a khua leh tui te hi thlamuang takin kan awm asin, in tih ang kha tu khuaah mah kan ti ve ngai lo khawngaihin kan Lalpa duh dan kha zaqmin khua hi chhuahsan rang rawh u, chuan hei hi lo hre rawh u, ka thawk ve ṭek ṭek chhung chu an duh lo chung tumah in hruai lui dawn lo an ti phawng mai a.
.

Chutia ngam tak leh inring tak mai a a khual te tlangval tuaitir te zawlbuk kai thar chauhin ngam tak mai a an mahni an hmachhawn mai chu Lalpa leh midangte chuan an awih lo hiala a rilru a kim lo emaw an ti hial zawk a ni.
.

Tlangbiaka chuan naua leh, i lu kha ka la ang nga bungzarah ka khai mai tur asin tu falabawk nge i nih a an ti a, tuikhur venga hmeithai Zorami fapa Hmingliana ka ni ngai e, ka thusawiah ka ding nghet hle ṭhin an ti chang rat a.
.

Muangchanga Lalin chhunga penlut in An khaw nula hmelṭha Parliana hma chuan va dingin a kut veilam chuan Lal fanu chu an hui ru zauh a, Lal fanu chuan muangchanga Hmingliana lam chu pan ve hret hret in Paslaṭha Tlangbiaka hnenah chuan i naute panga lai pawnah i dah hi i tisual hle ang, kan Lalinchhung a awm te hi pathum chauh in ni, pakhatin Lal kawngka bulah a silai a la tung zui bawk si, ka sawi aqmzia chu i man thiam maw ka hlauh loh zia che entirnan in pathum pawh khan min beihrawn thei ang an ti leh mai chu,,Tlangaupa leh Parliani pa chuan mak an ti in a rilru a kimlo emaw an ti hial a, a hmachhawn lah hi mi namai lo leh ralhrat khawkheng, in malbeih pawh a rallu tamtak lo khai tawh, nu nau leh tar chak lo pawh suat hrehlo khawpa nunrawng Dengsir pasalṭha Tlangbiaka a ni leh nghal.
.

Tlangbiaka chuan uai naua ka vo e te min han ti khang lang a ni maw in Lal tualah ngei hian sawifel i duh em ni tiin an vo let a, Hmingliana chuan chu chu ka duhthusam a lawm Lal inchhung hi a zahaqm reng asin tiin Lal fanu leh an khaw nula hmelṭha chu khualvalho hel zawng chuan a chhuahpui a, Lalpa paqh chuan hrethiam in a,zui chhuak ve nghal a.
.

Khaw mipuite chu lo pungkhawm zel in chung pumkhawm zingah chuan Hmingliana chuan a nu a telve ang tih a hlau em em a, chutih rualin a tha te chu leh a taksa te chuan in sawizawi chak vangin an lo mur iai iai mai a, khaw mipuite chuan an khaw tlangval tuaitir inring taka chempui huma dingto chu mak ti takin an melh hlawm a, Lal inchhung aṭanga in thazo taka lal tuala lo ṭum thla chhak chu tu nge a nih an han hriat chuan mipui ho chuan an phun mur mur hlawm a. An khaw tlangval tuaitir chu a thih loh reng an ring lo a ni. Mahse hemi ni aṭang hian Hmingliana hmeithai fa tia an hriatlar ṭhin chu an nun ah ṭheuh paihbo in pasalṭha vangkhaw chhantu Hmingliana tiiin an hre tawh zawk dawn a ni.
.

Dengsir pasalṭha chuan naua kha lo inring rawh aw tiin rangtakin an bawh phei a, Hmingliana nghawng zawng chu a chempui chuan an vai phe vuai mai zawng mipuiho chu an lo ṭe ṭhat a, Lal fanu leh an khaw nula hmelṭha kut insuiha lo tho dep dep tepahnih chuan an khaw tlangval hmelṭha leh pa hrak chu lo thlur ngawih ngawih in a thih an hlau hle a ni. Pasalṭha Tlangbiaka chuan a chemvai chu a vai fuh loh reng a ring lo a ni, mahse a ṭhelh tlat sia, Tlangbiaka chuan nuih huah huah pah chuan kha chu aite chhinna chauh a nih kha an ti a, Hmingliana chuan uipa hur ang mai a i rak rak mai le lo kal ta che tiin an hui a, chu ve leh Tlangbiaka chuan bawh phei leh in Hmingliana dul zawnah a dul thler vek khawpa sah a tum chu a tum ṭhelh leh si Hmingliana veilam zira vir zawk chuan a chem chu a veilama hum chu la let in a dinglamah chuan hum vat in a sir zawng chuan a chempui hriam ṭha tak chu an vai phe vuaih mai zawng, mihring taksa leh lu hrang nawlh chuan zui nghal in, mipuiho chu lo ṭe dualin Chutia hnehsawh taka khualkai pasalṭha lu la tu chu an enkham thei mawlh lo, Dengsir tlangval pakhat hian a silai lek kawh in mipui ho zing aṭang chuan i hnung lam an rawn ti tuarh mai a, chu ve leh a bula ding Lal fanu leh an khaw nula hmelṭha Parliani chu an nauṭam tak maia namthlu lawp in a mah pawh a bawkkhup nghal a chumi rual chuan Hmingliana sam chhaql chu silaimu chuan rawn chhawk hmawk in a thi teuh ther ther teh e.
.

Rangtaka chupa silai kap ruak lama dawk chhuah puat chuan chupa chuan silai mu thunna hman a nei lo chiang kher mai,a lo hawi chhuak leh chiah chu he khawvel eng a hmuh hnuhnun ber a ni awm e, chutia a nghawng an chhawk hmawk chu mipuiho chuan rapthlak an tiin an khaw tlangval tuaitirte chu ngaisang leh insual thiam ti tak chung chuan an en ho hlawm a. Chutia a him ni a a in hriatlai chuan Dohranga chuan mipkhat chu hnehsawh taka lo manin a silaia Hmingliana kah a tum chu a ṭhulh tir chiang hle mai,Dohranga chuan a ringruh chu vaqilehkhatah an ṭhuai tliak pawp mai a, mipuiho chuan Lal tual mihring pathum nunna nei tawh lo leh thisen baw nuaih chu rap ti takin an melh hlawm a. Mipuiho chuan Dengsir ladam awmchhun panga te chu zim tuau tuau in an han chil rawn tak tak mai zawng an thi fai ta leng mai a. Hmingliana chuan U Do ka lawm e aw, ka nunna i chhanhim a an ti a, Dohranga chuan Hminga nang ang reng renga insual thiam leh cherang hi ka la hmu ngai lo, kan Lalpa chuan pasalṭha chaqimawina a hlan ngei ang che keipawn duhsakna ka hlan che tiin hlim takin chibai an in buk tawn a.
.

Kil khat a Lal fanu leh Nula hmelṭha Parliani chu lo inbeng fai nawk nawk in Parliani nauṭam zawna mipa kutthla la lang valkalh chu Hmingliana chuan a hmu chiang khetmai nuihsak pah hian a va thlir a chumi laitak chuan Parliani chu lo hawichhuakin a lam hawia Hmingliana lo ṭhen ṭhaw chu a run kher mai zak si, lai siṭ lawm bawk si, tihngaihna hrelo chuan midang te hriat hlautak chung chuan Hmingliana chu lei a va chhuahkhum ta ringawt mai a.
.

Boruak a daih hnu chuan Lalpa chuan mipui ri mar mar chu ngawiturin an ti a an han ngawih hnu chuan Lalpa chuan ka pasalṭha Hmingliana kha ka bulah hian lo kal se, Dohranga pawh an tih chuan mipuiho chuan kut bengin an lo haw haw dar dar hlawm a. Kaihzawl Lalpa chuan vawin ni hi kan tan chuan ni chhinchhiah tlak a ni a, chumi rual chuan kum kha leh chen a ta leido neilo a lungmuang taka kan khawsak laiin tun aṭang chuan Leido kan nei ta, hmeichhia tumah mipa tello in ramkal thingphurh ka remti tawh lo a, naktuk aṭangin ralvenbuk lam pawh kan thuam ṭha ang. Ka pasalṭha te pahnih hian chawimawi an phu a, tlangaupa ka rap chungsanga ka thlathum zu kha han la la ka fanu leh Parliani hian han dat tir teh se, vawiin ni hian awmni kan kham ang nga tumah ram lama fehchhuah loh tur. Ka pasalṭha Piandenga te pawh an lo haw tawh in ka ring a, kan khual ruang te hi tlangval tlawmngaiho khan daiah va phum in han senghawi teh u le, zanin hian hnehna lawm nan ka tualah lam kan thai ang, nula tlangval zawng zawng kokim takin zanriah eikhamah ka tual ah chhuahkhawm tur a ni e an han ti zet zawng nula tlangval te chu an phur khermai, an tan chuan chu zan lo thlengtur chu a nghahhlehawm em a tin ni.
.

Nula ho chuan an sawi bang theih loh An khaw tlangval tuaitir hmelṭha leh pa hrak mai pian in khaithli zaih mai Hmingliana chu ngaihmelh hlawmin an runsang kai tur atan an duh hlawm em em a, chutih laitak chuan Parliani lah bang bik lo, a nauṭam dek hmasa bertu an khaw tlangval pasalṭha tuaitir te in a nunna a chhanhim sak chu ngaihtuahin a thinlung hi a hlim ru veng veng mai a.
.

A rilru chuan valmawi nang awmlo la chuan chauin ka tlusawp tawh ngei ang le, mahni khawchhan nan chuan thisen a luan a ngai bawk si, aw, ka pasalṭha duhlai, i damni kum swi se ka suangtuahna tipuitling theitu chu nang chauh i ni a i ni reng bawk ang, an ti vawng vawng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 11th, 2018, 2:22 pm

PASALṬHA HMINGLIANA
BUNG 4 NA.
.

Kaihzawl khua chu zanriah eikhama thla lo lang ṭan chuan a rawn chhun eng ṭan riai ria a, intin aṭang chuan tlangval leh nula te chuan zan hlimawm an hman tur chu nghskhlel takin an za cheng hlawm a, Lalin ah pawh Lal fanu lah bang bik lo, an khaw tlangval tuatir te ral hlauhawm tak a,anga chhanchhuaktu Hmingliana chu a ngsihtuah veng veng a, Parliani pawh chuan engdang ngaituah zai a rel thei lo, he khawvel mipa piang tawh zawng zawnga a thinlungin a lo duhruk chu zanin hian an pahnih inkarah eng nge lo thleng ang tih pawh hre lawk lo in tlangval zawlbuk kai tur ho chu an leihka sang aṭang chuan a thlir liam a.
.

Kaihzawl khaw chung zawna thla lo eng chuan a mawizia lantirnan a eng chu lo zual zel in nula leh tlangval hlim thawm chu ṭawmpui ve niawm takin a enna a chhuah zual zel a. Dohranga chuan kha in awm maw pi Zoram khawnge Hmingliana hi an ti a, Hmingliana chuan ekhaia ka beisei loh deuh u Do lo ṭhu tawh khai khawilam thlichhia in nge lo chhem lut che a an ti a, Dohranga chuan khawilam thlichhiah mahin pasalṭha hnungzui hi kan chak ve alawm maw le an ti khauh a, Hmingliana chuan en vang vangin khaih khaih ka nu U Dohranga ang vek hi kan khaw tlangval ni ve se chuan kei daikil kara fa chuang hian hmeithai fa nih pawh ka hre lo chiang khawp ang tiin a thinlunga rilrunatna chu a lo lang chhuak nghal a.
.

Chu chu Dohranga chuan lo manthiam vat in fiamthu titak deuh hian Pi Zoram, zanin chu kan pasalṭha hnungzuiin nula kan lem ve tak tak teh ang vawin ni reng khan a dek fuh bik em mai an ti kher a, Pi Zorami lah pek chuan uai, chu keia fapa ve hian Lalpa se ek bak a tawk fuh hlei lawng nge hlim takin han kal u la, mi te entawn nih in tum tlat dawn nia,Do a, ka fapa hi i kaihhruaina hnuaiah hian thlamuang takin hun hmang teh se tiin an sawi a, Doa chuan khaih khaih a ni hian a lawm zirtirna min pe tu tur zawk i hman chuan kal ang hmiang tiin Laltual lam chu an pahnih chuan an panding nghal a.
.

Lal tual an han thlen meuh chuan nula leh tlangval ho chu an lo tling hmur tawh a, an kha buanchak leh an khaw tlangval tuaitir Dengsir pasalṭha tuhdawltu chu nula ho chuan an lo thlir ṭhap hlawm a, nakinah chuan tlangaupa lo au in, upa te leh a nei ningte hnen aṭanga an rap chungsanga zu bilh chu Lal leihkaah dah khawm on tlangaupa chuan Kaihzawl nula leh tlangval te u kan Lalpa remtihna ngeiin zanin hian kan nula te hian in hmaah ngei tlangval te u zupui an lo chhawp dawn a, zanin hun hi am taka hmang ṭheuh turin kan Lalpa chuan duhsakna a hlan che u a ni. Tumah mite mitkham zawnga awm lo in khaw inlungrual kan nihna angin hlimzai i vawr ang u aw an tih zet chuan nula leh tlangval ho chu an aw rawl tawp tawp thleng chhuah in an haw haw dur dur a.
.

Tlangaupa chuan Lal tualzawla nula leh tlangval ṭhu tling hmur lam chu hawiin nula ho chu dintlar tirin an bul hnaia tlangval awm chu a remchan dan ang zel in zupui chu an tulh ṭheuh hlawm a. Parliani chuan a thinlung zawng zaqnga a hmangaih a D zawngin a hawi vel ruai a, chutihlai tak chuan Dohranga chuan Hmingliana nak nem a kawm zauh pah chuan enteh kan khaw nula hmelṭha khualthang hat khawpa duhaqm sawn tu nge a zawn a a hawi ruai mai le? Vawiin ni a in mit leh mit intawng khan thu tam tak a sawi asin zanin hi i tan zanṭha a ni e an tih chuan Hingliana chuan u Do i ti anglo em mai kei mi chhe fa hmeithai fapa daikil kara mi han chhai tur chuan a sang em a ni, thil kan beisei zet si a kan beisei ang nga a awm leh si loh chuan kan na thlawn mai mai a ni an ti a.
.

Dohranga chuan mai mai ṭhin a mahni insit lutuk pawh hian awmzia a nei thui vak lo asin, hawh teh tih pahin Parliani bulah chuan pawh phei a rual nghal a,,an bul an va thlen chuan Doa chuan kha i bulah khan keini tlangval satliah ṭhutna tur atan hmun a la awm em an ti a, Parliani chuan ui u Dohrang kher kher a che intan te chuan hmun awm tuk e a, hawh u lo ṭhu ve rawh u tia Hmingliana melh ralh pah chuan an tawlh a. Dohranga chuan chutia kan khaw nula hmelṭha ṭawngkam ṭha chu keini tlangval satliah tan chuan hnar phal chi a ni lo e, Hminga i mawng hung rawh le tiin awmzenei deuh chuan an kiai suk a.
.

Lalpa chuan a ropuina tifamkimtu chu famkim taka inbelin a tual lai ngeiah chuan lam thsiin hma an hruai zet zawng. Pathlawi mawnghang Roduha chuan lovthlawp zat in Tlangaupa chuan Lal fanu kuta vawn pah chuan lamtual ah chuan an rawn chheih phei mai zawng, nula leh tlangvalho chu haw haw dur dur in valupa te chuan rawn zawmin an khaw nula ho chu pawt tho in lam an han thai zet zawng tudang an ngsi bik lo, lenlai chena hlimzai vawrte chuan zan chhinchhiah tlak an tana zanṭha chu am taka hmangin a ṭhen lo dawm hnem deuh te lukai chhawlh chuan an lawmnu te ramri a pel teuh ther ther teh e.
.

Valupa neihsiama chuan an khaw nula hmelṭha Parliani chu kaitho in rilru bet lo zet chung chuan Parliani chuan an valupa chu lam an thaipui ve lawp lawp a, Dohranga lah chuan Tlangaupa lam panin an bul a va thlen chuan Lal fanu chu thlurbingin in haw lo zet a in nuih seih in lam an thai a, Doa chuan Hmingliana ṭhutna a va melh chuan Hmingliana chu a lo tho chhuak mek a,, Lalin sir lama a thimlai pan in a inthiar turah a ngai mai a, mahse a lo ni awzawng lo mai le, Kaihzawl lanu valrual ten lam an thai lai mek chuan Lalin sira sakei lian zet a chaw zawng chuan ngun takin Kaihzawl nula leh tlangval lamthai mek te chu a lo thlir reng chu ni in Hmingliana chuan kal kiang rawh nang nena buaina neih hi ka duhlo a nia an tih chuan ring takin Lalin tuala awmho hriat tur ngei mai chuan inhrosa in an hahum zet mai zawng nula ho chu ṭe ṭhat in tlangval ho chuan Lalin sira thingfak intung chu rang taka la sap sap hlawm in Sakei awmna lam chu an rawn zim nghal zat a.
.

Hmingliana chuan ringtak mai hian tumah lo kal hnai suh u, mihring beitur zia a pu lo ve tiin an melh khai khai a, meichher siamzo ho chuan Sakei leh Hmingliana in hmachhawn chu an thlir ṭhap a, Hmingliana chuan kutlawng chuan panhnai hret hret in ram pasalṭha khawngaihin kiang rawh an ti a Sakei chuan a biakna hre ve niawm tak mai hian tawlhhnung hret hret in ngur chhar chhar chung hian Hmingliana chu an melh kar a, Ram pasalṭha chuan mihrangval khuanu vohbik chu a zah ve ngang a nia nge inherin hnimpik lamah chuan a kiansan ta a.
.

Dohranga chu Hmingliana bul a lo thlen chuan Doa chuan Hminga hmaiah na vak lo chuan an beng a i mawl nge i kim lo, hriam kenglo in tikhan vawikhat mah hmachhawn tawh ngai suh an ti tawl mai a, Hminga chuan u Dohrang minbei duh ni se ka zunram thiar tur ka kal kha min lo bei daih tawh ang an tih chuan Hmingliana thusawi chu dik an ti hlawm hle mai a, mak an tih em em mai chu khatiang sakei lian leh hrawl lutuk engmah hriam keng bawk silo a a hmachhawn ngam leh a hnawtkiang thei maite chu Hmingliana chu an rap in an en hrek hrek hlawm zawk zawmah a.Lalpa chuan an boruak lo danglam ta daih mai chu lo chhemalh leh in Laltual lam ah chuan nula tlangvalho chu an intheh ṭil leh hak hak hlawm a, mahse Hmingliana awm a nuam thei ngang lo, khati trh thut a mihring pawh beih tumlo a lo lang nawlh mai kha mak a ti em em a, naktuk ah a hnu kha chhui turin a rilru a siamfel ta a.
.

Chutih lai chuan Dohranga leh Parliani chu Hmingliana bula lo kal pheiin Doa chuan hei ka pum a nuam lo tlat mai tikhan loinkawm u la ka lo let leh thuai ang tia chhuanlam siamin a kalkian san daih a. Hminga chuan Parlianai enha pah chuan ka tihpalh aw an ti sap a,,Parliani chuan en ha pah chuan engah chuan maw an ti ha a, Hmingliana chuan ih ih aaa tiin a riatnawi leh vel ta mai mai a,,Parlianin thil a hriatchhuah chuan zak tak si nuohza bawk si chuan Hmingliana chu a chum taih taih a, ui ui ui, i ngsihtuah rei e tiin nui leh hak chung chuan leilam an bihsan ta daih a, Hmingliana chuan Parliani melhralh pah chuan Parte an ti a, Parliani chuan en ha in eng nge ni ta tiin an zawt a, engdang ni lo e, in thawhhma lam te eng nge in an an ti daih mai zawng a nula zawk chu a nuih a za ru ta riau mai a, nuih hak pah chuan a ṭha pangngai a ni ve mai ang chu nangni an ti a, keini pawh a ṭha mahse buh lo hming ṭan hi savain an rawn tlan a kan kham khawp chu rhar ve turah chuan ka in ngai an ti a, Hmingliana zeilo lutuk mai chu thildanga thlak a ngai tih hria in Parliani chuan Hminga ka lawm hle mai i chungah lo awm ta lo la tunah te hian i bula ṭhutur ka awm tawh awm si lo a nangmah vang liau liau a ni ka nunna i chhanhim a an ti hnap a.
.

Hmingliana chuan mai mai ṭhin a ka tih ve theihtawk awmchhun a nih kha keini ang hmeithai daikil kara mi hian mite tan hian thilṭha tihtur hi kan van em asin an ti a, Parliani chuan chutiangin thil an ngaihtuah ngai hleinem, i thil tih zawng zawngte kha keichuan ka theihnghilh ngai tawh lovang an ti a, Hminga lah pek chuan pasal i neih meuh hunah chuan i hre lo tawp ang an ti nang nang a, Parliani chuan chu pasal nei turin min duh em ni an ti a, Hminga chuan duh lo e an ti zuaih a mahse a sawizo hman si a va pawi tak zei loh nak a lai in, Hmingliana chuan a nia, i neihdaih te chuan ka khua a har dawn em a kawm tur ka nei dawn silo a an ti leh zet zawng, Parliani chu anui dir ta char char mai a, Hminga chuan ngati vak vak nge tiin an zawt a, Parliani chuan Hminga dara chum taih taih pah chuan Sahrang leh ral hmaa zamngai lo Tlangval huaisen leh Hmelṭha chuvtunah hian nula satliah lakah tui ang a nem duai e an tih tak ah chuan, Hmingliana chuan ka tan hian nulasatliah i ni lo asin an ti ve khauh a, Parliani chuan Hminga mit taka en ran pah chuan kha thu kha ka benghriata ri mawiber a ni ngei ang le khawngaihin han sawinawn leh teh an ti a,,Hmingliana chuan Parliani kut va hmer vawng vawng pah chuan ka tan chuan nula satliah mai mai i ni lo asin ka hlina ber i nia sin an tih chuan Parliani chuan Hminglian beiseina meialh minchhem entir zet siin nula dawihzep leh derdep thinlung hi na in hun leh ni ka chhiar leh si chuan an ti chuai raih a, Hminga chuan hmangaihna diktaka hmangaihtu che chuan rilruna leh thinlung hliama aqmin ka siam ngai lovang che an ti ve sap a.
.

Parliani chuan hunin a la hril ang chu Hminglian duhthu ka lo samṭhin leh ka duhthusam mipa chu i ni meuh mai mahse pasalṭha te chuan khual nula tecan lawm a hmangaih tak tak pawh hi an nei ngai lo, tiin zawt tih tih in an en ha a, Hminga chu nuihsak pah chuan Parte, ka hmanngaih zia che i fiah duh chuan itan engkim ka huam asin an ti a, Parliani chuan chutiang sawitur chuan hunthawl a sawiah i khek ang hmiang tiin chu zan an tana zan duhawm zan chhinchhiah tlak zan chu hlim takin in hmangaih thar te pahnih chuan an hmang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 12th, 2018, 5:41 pm

PASALṬHA HMINGLIANA
BUNG 5 NA.
.

Dengsir Lalinah chuan an Lal Aikhama chuan a upa te ho en vung vung pah chuan ni 6 lai a liam ta, ka pasalṭha te chin hreturin nang tlangaupa ka pasalṭha Zekuala ho in ka tlangval te ka tualah hian han ko khawm ta che tiin a tirliam nghal a.
.

Laltuala tlangval ho hmaah chuan thusawiin a bulah chuan a fapa Khamliana leh a pasalṭha chhuanvawr Zekuala chu ding peuh ul chung chuan Lalpa chuan hei ni 6 zet chhin hriat loh in thehhmeh ang maiin kan hre tawh lo a, tunah la la hian in mamaqh te la in ka pasalṭha ho hian in rammu ang, khua in chuan ang nga, in khaw chuan hmasak ber tur chu Kaihzawl khua a ni ang, in vaia kal a rem dawn loh avangin tiin Lal leika sang aṭang chuan tui chuan a khaw tlangvalho chu an theh a tui in a per fuh chin ho chu mi 20 chiah chiah hi an nia chungmi te chuan an pasalṭha leh an lal fapa hnung chu an zui dawn a ni.
.

Dengsir pasalṭha chuan Lal fapa chu en vang vangin Tlangbiaka te hi eng ti tiha rammu nge maw an nih le tiin zawhna an zawt a, Lal fapa chuan a pa hriat loh leh a bula pasalṭha hriat miah lo in ṭhi leh dar lawmmana pek intiam in a lo tirchhuak chu ni in ka hre bik lo eng emaw vanga ramchhuak khawmuang mai mai an nih ka lo ring ve ngawt a an ti thlarawk a.
.

Mahse nakina an hmahun he Lal fapa hian a dawn chiang lo em atin ni. Tichuan le an inpeihfel hnu chuan Kaihzawl khaw lam chu an panding nghal a.Dengsir pasalṭha Zekuala hi tuma pawi sawi ngai lo leh tlawmngai tak niin an khaw naupang chen hian an ngaina hlawm em em mai a, Lalpa pawh hian a upa te aimah hian a bekbawr tam zawk hial ang le.
.

Kaihzawl khaw Lalin ah vethung chuan Lalpa chuan khi hui chung hian Pu Duhmang nizan kan nula leh tlangval inlem lai kha kan vanglaihun chu la ni se aw an ti vang vang mai a, Duhmanga chuan Lalpa nia tiraw, hunin tunah zet chuan minliamsan ve in kan ṭhatlai nun ten mual minliamsan ve mek chu a ni sia, nuih ralh ralh chung chuan kumthar lamah nauthar lawm tur te pawh kan nei nual mahna an ti hui a,,Lalpa chu khik suk pah chuan i lo ngaihtuah kim hle maw ka upa nge nge, khu en mahteh ka khaw pasalṭha tuaitir te khu, an thalh zingah hian tu hi nge a chhun bik chu le aw khuanu vohbik dik tak a nih khu tiin Hmingliana iptepui ak leh silai pu a kawtchhuah lam pan chu Lalpa chuan an kawk vu a.
.

Duhmanga chuan Lalpa han chhui ngsihna ka hre mang lo e a, mi namai chu a ni lo hle a ni, Dengsir pasalṭha nena an in hmachhawn laia a mitmeng mawlh mai kha en rei a har khawp ang le a mah hmachhawn te tan chuan an ti a, Lalpa chuan ka khaw daingul tur a la nih khu, ka pasalṭha te hnung hi han zui tak tak teh se tiin an ti ti tui hle mai a.
.

Hminglianaa kawtchhuah a thlen chuan Dohranga chuan Hminglian kha khawilamah nge i kal dawn a tiin an lo bia a, Hmingliana chuan Vaawk ram lamah sawn sahnu tharlam te a awm takin kan tia maw le nang zawk khawilamah nge i kal zawk dawn a an ti a, hei Parliani leh kawlkungi hi thing phurhpui pahin beaithang kamna tur kan melh pah mai mai teh ang kan ti maw le hlothlawh awllen lai tak a lo ni bawk nen kha kan Pasalṭha Khawhluna leh Piandenga pawh sahnu changin an kalliam tak kha va fimkhur la insaipalh theih thil lak ah khu Parliani te pawh an lo thleng tawh alawm kan kal ang nge tiin an in ṭhen ta phak mai a.
.

Parlianin a hmuhtheihloh chin chiah chiah ah chuan Hminga chuan a thlir reng a, a rilru chuan nizan lawka an hun hmante leh An thusawi zawng zawngte kha dawnkirin kei michhe fa hian ka phuloh lakah rilru ka lo pe a ni, min va lo hmusit dawn ve leh, Dohranga hian a rukin a lo ngaizawng nge an ni paahnih hian inzawmna thuk tak an lo nei reng tawh zawk tiin a duh loh thleng thlengte chu a ngaihtuah a.
.

Muangchanga a tumram kal ve bek bek in Zawlzau khaw kawngṭum an in tlawhpawhna kawng chu thlengin Dohranga te chu a ruka zui chu a tum ta ran a, hnim pikṭul te chu sat eng sawk sawkin rwi vak lo kawng peng kawng Dohranga te kalna lam kawng zawh a tumna lam kawng chu pawhin muangchangin a kal ta a. A hmaa nula hlim thawm leh nui ar ar ri chu a hre leh ṭhin kawi lina an pel fel chiah tih chuan nula nui ri chu tawp chawt in Hmingliana chuan a va hmuh chuan mikhual valrual an hmahruaitu pasalṭha ralhrat tih hriat ngawih ngawih leh an khaw pasalṭha Piandenga lo in hmachhawn ran chu a va hmu thuai a. Pasalṭha Piandenga chuan pu te u, helai ram hi kan khawram chin a nia, engti tura lo kal nge in nih le tiin an zawt a.
.

Dengsir pasalṭha Zekuala chuan kan hma ni 7 kalta ah khan kan pasalṭha Tlangbiaka leh a naute hi hei tunthlengin an chin kan la hrelo a kan Lal fapa hoin kan lo zawng alawm maw le, inkhua Kaihzawl hi an lo paltlang ngei kan ring a an hnu kan lo chhui lut rawih a nih hi an ti a, Pasalṭha Piandenga chuan ngsihṭha zan lo chuan a nih chu maw le, hei hi inlal fapa maw, tiin Lal fapa chu an melh ran a, kei hi Pasalṭha piandenga ka ni e, chung mihrang valrual in ep rap mai te chuan an ralthuam chu an kut chuan a hlat lo hlawm khermai le. Dengsir pasalṭha chuan aw a nih hi hei an hnuckan lo chhui lut zel chu a nia khuaah te hian an lo chambang reng ang gne tiiin pasalṭha Piandenga chu an zawt tih tih a.
.

Piandenga chuan an lo kal awm pawh ka hrehleinem mikhualte hi chuan kan khua hi nuam an tiin kan khaw Lal hian ṭha takin a lo dawngsawng ṭhin asin an ti a, Zekuala chuan Piandenga melh leh ralh pahin chu kan ṭhiante pawn nuam an tih viau dawn chu le feh kal hmasa ten an sawi dan chuan kan ṭhiante chuan khua chu an lo lut ngei sia, nang khawkhat pasalṭha meuhin engmah ka hrelo i ti bawk si a tiin damdap si nelawmna nei miah lo leh ringhlel tak chuan an en ran a.
.

Hmingliana chuan an thusawi chu hriain inrawlh a hun a ni tih hria in an hnunglam aṭang chuan pute u kan khua chu an tlawh ngei e, mahse an awm tawh lo, khawihmunah mah in zawnghmu zo tawh chuang lo ang an ti khawl mai a. Dengsir tlangvalho chu an rum hat hlawm a, Zekuala chuan tlangval eng nge i sawiawmzia chu tiin damdap mai hian an bia a, Hmingliana chuan nia an thi vek tawh, in pasalṭha Tlangbiaka phei chuan pialralah tu emaw chu a lo nghak tawh ngei ang an tih meuh chuan boruak chu a rit in a ṭang at mai a. Chutihlai chuan Dohranga phen aṭang chuan Parliani chuan a lo thlir veng veng a, mahse hminga chuan a mitsir pawn a melh duh der si lo, Dengsir pasalṭha chuan chu ti chuvtu kuta boral nge a nih le an ti a, Hmingliana chuan pawisaknei lo, nunrawng leh hmeichhe awmnem laka kut thlak pawh hrehlo mi chuan damrei pawh a phu hleinem, Lal fapa en pah chuan nanghi maw Dengsir Lal fapa nangmah vanga he tiang thil hi thleng a nih tih i hre lo em ni tiin an en kal a, Dengsir lal fapa chuan khanglang che chuan i lu kha ka la mai tur asin naupangte te si aia upa zahna i tlachham hle mai an ti thlarawk a.
.

Hmingliana chuan i pasalṭha Tlangbiaka hnung i zui ve duh a hnu ka lu chu han lak tum ta che an ti khawl mai a, Dengsir ho chuan awihloh hmel fe hian he tlangval tuaitirte hian an khaw pasalṭha lhualthang hat khawpa pasalṭha lu a la maw a ni thei lo ang, tiin an han phunsap sap hlawm a, mahse a chezia ngun taka entu leh a pian invuah fuh tak te a hmel pa hrak leh a mitmenga zamna hmuh tur awm miah lo te a banbul leh a pian in vuah fuh tak te chu an khaw pasalṭha Zekuala chuan a hai mawlh si lo, an Lalfap hnrnah chuan zawite hian tum duh ting suh mibik khuanu vohbik a nih hi tiin Hmingliana chu an en ran a.
.

Hmingliana chuan Zekuala enkal pah chuan nang anga zawldawh leh dawhtheihna nei, thu kal lam leh haw lam dawn rana che chu ni se in lo kal hah pawh a ngai miah lovang le, kan Lalpa leh kan khaw nula kutthlakin mawilo takin a che a a naute ho fuihpawrh in mahse a paqi zo ta a ni. In Lal fapa bulṭan vek hi a ni, in Lal fapa khan a nupui tur atan kan khaw nula rawn chhuhluih tirin a kuang lo a rawn zauh a ni tiin an saawichiah mai chu, Zekuala chuan an Lal fapa chu melh tur khui chung chuan a tawk e, tlangval tu nge i hming le, kei hi Zekuala Dengsir pasalṭha ka ni e, ka hmelma i ni a, tunah chuan mahse kan la intawng leh ngei ang, tiin an hnungchhawn hmiah a, chutah rawn leh hawileh in tlangval, dikna vawng nung zel la, i khua leh tui te tan i damni sei rawh se tiin an nuih sak a, Hmingliana chuan ka hming chu Hmingliana a ni a, hmeithai fapa ka ni e, ka lo vawng reng ang, i hming hi chu ka lo hrebel khawp asin an ti a, Zekuala chuan aw le kal ang u le, lal fapa en rum ngul chung hian kan buai lohna turah kan buai a nih hi, an ruang pawh hlawm tur awm lo a kutruaka kan haw mai tur hi i pa i ti hmingchhe khawp mai, engtia han tih chi nge paaawh ka hre hrep lo e a. Kha tlangval khan thudik tak a sawi a ni. Tiin an khawlam chu lungsi lo takin an pan ta a.
.

Kal kawnngah chuan Lal fapa chu ṭawngzai pawh a rel thei lo a zak ngawih ngawih a ni. Midangho chuan kan pasalṭha khualkai ngat lu a lak chuan leh, engtin tak a hun hmangchho zel ang maw an ti sap sap hlawm a, Pasalṭha Piandenga chuan naute u kan tumram pawh pan chi lah a nih tawh loh hi, Hminga nangpawh kawng engkimah i fimkhur a ngai hle ang paslaṭha nun i rawntem chho dawn a i nun uluk hle ang che, hawh u i haw ang u tuman mahni tumram pan lo in khawlam i pan ang u hmiang tiin feh kal tur ho leh ramkal leh thingphur tur ho chu an let leh sap sap a.
.

Piandenga chuan kha Dohrang kan khawnula hmelṭha i lo chhawm reng lah tak a, Parlian kha thingphurh in tum em ni an ti a, Parliani chuan aw ku Piandeng hei U Doa ho hian kan lo tum a mahse kha boruak dangin min tlakbuak leh sia tiin Hmingliana chu an melh leh ralh a. Piandenga chuan a nih tak chu in phurh zawh tawk tur te chu kawnthlanglam leh chhaklam kha melh chho teh u khai hmundang panna chi a ni si lo tiin an bia a Dohranga chuan nia kan melh pui mai talawng, tiin Parlian tahkhan min lo nghak ula kawngchhak khiangro rawn awn khi in phur zo tawk chiah ang khawnge tipahin a pan nghal a. Piana leh Hmingliana chu ti ti chho in Parliani te an pelh fel chuan Parliani chu biak mai piah lamah melh pawh a melh peih thawt lo a ni. Mi rinawm lo turah a ngai hmiah tawh. Chutia Hmingliana han danglam ta tlat chu Parliani chuan a ruk tak chuan hrehawm a ti hle nghe nghe a, tiang hian a ni maw nula a lo fiamkual ṭhin ka lo ring sual hle mai tiin rilruna tak chung chuan a ti vawng vawng mai a.
.

Hun leh ni te liam in Hmingliana pawh chu lo lamah a ma buai buai in a buai ve hle mai a, a taksa te chuan puitlin lam rawn phawk chhuak in a hmel lah chu a hma ai khan a ṭha tulh tulh mai leh nghal a, Lengi run kai zai pawh rello chuan zawlbukah chuan Valupa te ti ti kamliam ah chuan a lo ṭhu ve khar ṭhin a, nakinah chuan zawlbuk a an awm ṭhap lai chuan Valupa chuan hawh u Hminga kan khaw nula hmelṭha Parliani run zu kai ang u hmiang an ti a, Hnial hreh si chak ru tho si chuan Valupa chu a zui chhhhuak ve ta a.
.

Parliani te kaiṭen an han rah rik chuan Valupa chuan kan tan ṭhutna a la awm em an ti lar lar a, Parliani chuan ui teh hlawl che u chuan lo ṭhu rawh u kha a remlai lai ah khan Ku Neihsiam, tiin a lo kawhhmuh a, Parliana bul set a ṭhu an Lal fapa Liannghaka chuan in ti ta tu tak mai hian Parliani chu an be sek sek mai a, Lal fapa hian a ngaizawng nasa in a zar hneh hle tih Hminglianan an hriat phei chuan Parliani chu duh ru hle mahse nula lepchiah ah a ngai hmiah tawh a. Lal fapa chuan Pari naktuk chu thingphurhpuiah ka rawn sawm dawn che asin an tih chuan Pari chuan Hmingliana melhralh pah chuan nia kan tum dawn nia a hun lo thleng se tiin an chhang mai a, Hmingliana te inpiah lawk a mi hmeithai Zingthangi fapa inthlahrung tak Valupa ruala kal ve Zingliana chu Lal fapa chuan melh vung vung pah chuan Zinglian lengi run te i kai ve ngam tawh a ni maw, khawnge zawlbuk i kaithar manah ka mei a thi hi min han lakkai sak lawk ta che, tiin hawi valh valh chung chuan an tir nghal zat a. Zingliana chuan lak kai sakin An Lalfapa chuan a duhtawk mai dawn a maw tihlai chuan Zinglian tunlai thang awh tur vanglai tak a nia silai i neilo nen i duh hun hunah ka siali laiphir hi i rawn hawhthei ang tiin hmusitna rawngkai tak chuan an ṭawng leh a, Zingliana chu a ruk tak chuan a zak hle a ni tih hriat tak mai hian hlan chuan a rawn bual ṭiam ṭiam a, Valupa chuan boruak ṭha lo a chhuah hlau ru tak chung chuan an Lal fapa nghakliana chu Nghaklian tunlai chu ram lamah i cheng hnem hle ka ti mai khuaah hmuh tur i vang hlemai an ti zauh a, Nghakliana chuan nia, ka vanneih asiamin sa hi kak tur ka hmu zauh zauh a, furpui rawn thlen hma hian ram lamah kan am deuh alaqm maw le, taka U Neihsiam furpuite kan thleng hnai tawh sia Zingliana melh ralh pah chuan Hmeithai in thuam ṭhat ngai te hi ka pa te ho hian an sawithawm i hremial lo maw lo inrin lawk te pawh a ṭha viau ang ka ti an thawk mawh ve si a an ti a, Neihsiama chuan hrehawm a ti hle mai an Lal fapa ṭawng duh dan chu han khak dawn se a pa nihna a chhuang bawk si nen. Hmingliana thin chuti kher khera an ṭawng chuan a khei hle mai le a rilru a na hle mai, Valupa chuan an awm lah ka hrelo e i pa lal khua lehtui ho hi kan hulhar khawp mai buaipui ngai em em an awm lah ka lo hre hauh lo mai an ti a, Lal fapa chuan a ṭhat hlauh chu an buh hmun tal te hi chu khawtlang tal hian hmeithai thawkmawh deuh ho hi chu zawhpui ṭhin i la an ti leh kher kher zawng, Parliani chuan nuam lo a tiin tlangval dang awm ve ho pawh chuan an Lal fapa ṭawng duh dan chu mak an ti hle nghe nghe a.
.

Hmingliana chu rang taka lo in perh tho zakin u Liannghak keini hmeithai ho hi kan duh vanga hmeithai kan ni bik lo asin Lengi runa tlangval kei ka ni inti chin mei nei taka inkhak fak fak hi a dawngsawngtu tan dawnsawn a hrehawm asin, tumai pawh hi kei ang nga hmeithai ve vek thei an ni asin, khawkhat Lal fapa ve meuhin i khua lehtui te zinga tiang zaqnga in hmusit taka ṭaqng in thlah mai hi mak ka ti hle mai tiin a hmela rilrunatna lo lang chu Parliani te inchhunga aqmho chuan an hmuh hmaih hauh lo hle mai a, an khawngaih tlang hle hlawm zaw hial a. Hmingliana chuan ti hian an ti leh a, U Liannghak, i duh chuan min haw thei ang, i pa lalna khuaa hmeithai ho hi kan lo chep hle mai maw, ka dama ka thawk ṭek ṭek chhung chu kei hmeithai fa hian ka in neih ve chhun khu thuam ṭhat a ngai ngai lovang, an ti a.
.

Zingliana chu lo tho chhuak leh in hmuhsitna rawngkai a i vawili min ṭawngkhum na a ni tawh, i silai kha ka mamawh lo a ka hawh ngai hek lo ang, kei hmeithai fapa hian ka tiam a che, nangni ang tlangval awmawl satliah hi ka ngaisang bik therte lo che. Lal fapa i nih na chu ka zah sak ang che, nula bula insawitheihnan i mi pa puite hi hmang ngsi tawh suh, hmusit taka minṭawngkhumtu hian ka rilru a tina hle mai, i ngam ngam ka ngam ka in peih e tiin an ding kak hah mai a.
.

Lal fapa chuan uai naupang pahnihin thuṭha ka hrilh e min han tih ve khanglang chu le tiin an ding to mai a,Valupa chuan khaih khaih hetiang tur hi a ni ngai lo e an ti a, Hmingliana chuan Lal fap hei hi lo hre rawh zanin hian i pa lalna ram hi ka chhuahsan nghal ang mahse hei hi lo hre rawh. Ka la rawn zaqng chhuak ngei ang che. A ngam fa chuan min lo dang dawn nia an ti a, Lal fapa chuan khanglang che chuan nang daikil kara fa chuang khan min vo ve a law hmeithai fa te te si tia a sawizawh rual chiah chuan Hmingliana chuan rang taka Lalvfapa lama dawk zawk chuan Lal fapa chu an hnek thal tawp mai zawng Parliani te inchhungah chuan mawng lang huang chuan rawn thozui tur awm leh lo chuan a bawk zawi hnuang mai a, Boruak ṭhalo chu rawn chhuak chhunzawm leh in Kaiṭena Patliani pa Lalina kal lo haw chuan e he he, ka inchhung pawh zah zo lo in sazu tualchaina a maw tiin awmherh inchhuah vai chu le, nangkha tu falu bawk nge i nih Lal fapa kutthlak tur khan i lian tawk em tiin Hmingliana chu an beng hawisawk a.
.

Hmingliana chuan ka pu engmah ka ni lo tuikhur venga hmeithai Zorami fapa, ka ni e ka pu min ngsidam rawh ka thiam loh a ni e tiin rilruna takin an chhang a, ka inchhung hi rawn rap leh tawh ngai suh chhuak nghal rawh i thilsual tihman hi i hmu khawp ang tiin Lal hnena zualko tur chuan Lalin lam a pan nghal a.
.

Duhtawk phawt ang.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2018, 6:00 pm

PASALṬHA HMINGLIANA
BUNG 6 NA.
.

Valupa chuan Parliani te in dap chhuat a Lal fapa zi ṭalh ṭalh chu lo dawm ṭhu in i harh maq an ti a, a khabe vung ul chu tuai vut vut in khawnga kan hmeiṭhai falubawk chu kan that teh ang tiin Parliani te banglaia chempui hriam hmel zet inthiat va chu an pan chhur chhur s tlangval ho chuan lo dang bet in an lo bawr laih laih a. Parliani chuan kil khat ah a mittui chu a lo hru keuh keuh mai a, a rilru a na in chutia an vangkhua a hmangaih awmchhunin chhuahsan an tum ngat phei chuan a khaw hawi te chu a tawi tak hian a hia a. Lalpa leh tlangval eng emaw zah chu lo ri thla hulh hulh in Upa Aikhama te in Parliani pa te in chu an lo thleng chawpchilh nghal mai a. Lalpa chuan ngawi renga lo ding Hmingliana chu thlek ha chung hian eng nge in buaina inṭan dan chu han sawi teh le tiin a chhanna chu in khat muk ṭan chuan an nghak ṭhap a. Hmingliana chuan Lalpa kei hmeithai fa, daikil kara fa chuang mai mai hian i pawi ka khawihna ah ngaihdam ka dil che a, kei i fapa in hmusit taka hmeithai ka nihna chu min diriam in ka dawhtheihnain a tlin ta lo a tiang hian ka che ta mai a ni an ti a.
.

Lalpa chuan rum ul in sawi zel rawh an ti a, Hmingliana chuan Lalpa kei hmeithai fa chuang i tana ṭangkaina neilo hian i pawi nasa takin ka khawih a min ngaidam la, chuan khua hi kan nufa in kan chhuahsan ang, i ngaihdamna sangber ka ngen e, kha leh chen min lo tuamhlawmnaah lawmthu ka sawi a, mahse Lalpa hmeithai min hmutsitna leh min ṭawngkhumna zawng zawng hi ka damchhungin ka hrereng ang tia a sawilai chuan Parliani inleng zinga tlangval Rochuh a a bengbuang, mipangngai phazanlo chuan Lalpa i fapa kha a hnek a a tlu chiang mai mai, Lalpa i fapa khan a cho awr awr vai a nih kha. Hmeithai fapa, Tiin mi zing zingah a ti chhen a, Hmingliana a hmusit em a nih kha, Lalpa i fapa hian mi hmuhsit a ching si, a hneh leh si lo a, an ti khauh mai zawng an boruak ngaichangho chu an nui ri hak hlawm a, Lalpa chuan rum tawk a en pah chuan nangkha lo ngawi rawh an ti vin tuarh a.
.

Lalpa chuan i duh a hnu i duh chuan khua hi i chhuahsan thei alawm mahse hei hi lo hre rawh ka fapa hian pawi lo sawi palh pawh ni se, kut inthlak kher a ngai em ni? tlangval te u Hmingliana te inah zu kal u la an engkim neih ang ang kha kha pawnah thehchhuahsak ang che u an tih chuan Hmingliana mitmeng chu lo inthlak in a sen ta vek mai a, Hmingliana chuan tlangvalho chu melh ran ran in a ngam fa chuan ka in khu in chinglet thei ang, a khawih khawih chu in thi ang an ti damthlap hlawm a, Tlangvalho chuan Hmingliana mitmeng chu en har an ti in an ṭih ru tlat mai a, mahse Lal thupek an hnial ngam si lo, Hmingliana chu an bial tuau tuau aParliani te banglaia chempui inthiat chu phawi dawk zawkin a ngamfa chu han che teh u le tih leh inchhung aṭanga chhuah pah chuan Parliani te tual a ṭumthla chhak in inchhunga awmho hnenah chuan a ngamfa chuan min lo hmachhawn ru le, kutlawng a sawifel in tih pawn kutlawngin le mipa fa chu mipa diktakin a che tur alawm. In hmuhsit Hmeithai fapa hian kan chandarh vek teh ang che u an ti chheu chheu mai a, Lalpa chuan pawh rawn ula a lu khu la ang che u an ti vin tuarh a, chu ve leh hmeithai fapa ve tho Zingliana chuan e he he Hmingliana lamah ka ṭang e an ti ve ta sak a, tlangvalho chuan bawh ngam chiah si lo, hual ti tih in an hual rawn ta ṭhap mai le, Hmingliana chuan lo hnai suh u in nunna in hlut ngai te a nih chuan tiin an vir zak zak a, mipuiho chu lo pungkhawm zelin chulai hmuna thilthleng chu hrethiam lo takin an in zawt sap sap hlawm a, nakinah chuan Pasalṭha piandenga chuan tumah kha che tawh suh u thilawmzia ka hriat hma loh chu engvanga buaina thleng nge an ti vin tuar a.
.

Mi ang zan lo bawk Rochuha chuan Ku Piandenga tiin kut an beng lauh lauh a, mipuiho chuan an lo nuih ṭha hlawm a, Piandenga chuan Chuha eng nge thil awmzia an tih chuan Chuha lah pek chuan sawinuam a tiropui mai sia, Ku Piandeng kan Lal fapa khian Hmeithai awm zawng zawng hi a hmutsit zia entirnan Hmingliana leh Zingliana hi na takin Parliani awmlai lai in a ṭawngkhum a a hmusit lutuk a Hmingliana khan an hnek hlawm tawp mai chu pa rem rem asin a hneh lo rap mai maw le. Lal fapa khi a chapo sia, a hneh leh si lo, engmah hre lo in Pu Aikhaman Hmingliana a rawn beng ve ringawt leh nghal, Parliani kawk vu chung chuan Parliani khian engmah a sawi ve ngam lo a nih khi thudik vek ka sawi a ni dawt a tel lo miah lo ti raw tiin a bula leng ve tlangval chu hnai tawk ah an bia a
.

Chutak la duhtawk mai lo in, Lal fapa mawng han zia kha an tih leh ngat phei chuan mipui lo ngaithla tu ho chu an nui leh kak ṭhin an Lal fapa chet dan chu tumai pawh chuan an dem hlawm em em a, Pasalṭha piandenga chuan chu chu a dik em tiin Parliani inleng ve tlangval pakhat chu an zawt a a ni chuan a lu lo bu nghat in aw dik e an ti a. Lalpa chuan a enga pawh chu ni se ka sawi chu ka sawi tlangval te u kha mihring lu kha la rawh u an in ṭhiahsak bawk ang che u an ti vin leh tuarh a.
.

Hmingliana chuan a ngam fa chuan han tum chhin ula kan in chu han ṭhiah han tum teh u ka thawk ṭek ṭek chhung chu in tum hi inhlen ngai lovang tiin rum al chungin an melh kual dan dan hlawm a. Rochuha bawk chuan aw haw le, Hmingliana ka ṭan e, tiin a hlim lawm vel chu a lo virkual sek mai a, Rochuha bawk chuan Parliani kaiṭena lo ding rilruhah ngawih ngawih chu kawk vu chung chuan Parlian i pa kha mi pawisawilo a lo beng ve ringawt a, in inah pawh ka lo leng tawh dawn lo, inchhungkua insual si, thudik pawh i sawi ve ngam lo, nula puitling ve si, an tih leh meuh chuan Parliani te chhung chu an zak in an kun tlawk tlawk mai a, chutihlaitak chuan Zorami Hmingliana nu chu lo pen chhuak in tlangval te u kan in riangte kan tawm luna neihve chhun chu zu ṭhiat ru le tiin Hmingliana chem hum lai chu leia paihthlak pahin a fapa duat lai chu ṭap zawih zawih in an beng hawisawk mai a, Lalpa chuan ka khaw tlangval huaisen te u, ka sawi kha in hria em ka ngaihdamna sangber ni pah fawmin a nun erawh zuah ula an in chu zu ṭhiah sak ru le an tih chuan tlangvalho chu Hmingliana te inlam pan chuan phur zan lo chuan an chhuk thla sap sap hlawm a, Rochuha bawk chuan a kutzungṭanga lo chhinchhiah in Khu pawh khu pawh in van sual hlawm em em tiin Hmingliana en vang vang pah chuan a mittui chu an khap per sak a.
.

Hmingliana chuan vanlam hawi chhoh pah hian ṭiala ka mamawh che an ti chuai raih a kan in kha min lo ven sak rawh aw an tih chuan Lalpa chu rum taka en chung chuan leia chem chu chhar in Parliani ke bulah a han thehkai lawp mai a, Hmingliana chuan Lalpa i thutlukna kha lo vawngnung reng ang che ka chunga i thiltih hi ka hrereng ang. Ting lenglawnga au pah chuan a vawikhat nan a pa hming an chhal a, Khual thang pasalṭha Chawnghminga fa pa, Hmingliana ka ni ngai e, hei hi lo hre ru kan in ṭhiah tuma kal chhungkua khan ka pawi nasa takin in sawi a ni an ti a, chutia a pa hming an sawi chuan Chawnghminga Hmunhlui khua pasalṭha ralhrat, Sukte pawih ho um darh tu khualthang hat khawpa a vanglaia huaisen leh hmelṭha leh pa hrak chu Kaihzawl khawho chuan an lo hre nameuh mai le. Chutah, Zingliana chuan Lalpa hei hi lo hre rawh, keipawh hmeithai i fapa hmusit zinga mi ka ni a khua hi la chhuahsan dawn, kan lo let leh ang an tih meuh chuan mipuiho chu an phun ta mut mur hlawm a.
.

Pasalṭha piandenga chuan he thilah hian ka kut ka sil e tia a inher laitak chuan tlangval hlau thlabar rawn au chho lauh lauh chu an lo en ha hlawm a, Sakei a lian lutuk a lian lutuk Hmingliana te kaiṭenah a bawk an tih lao chuan Midangho chu hlau mangang takin an lo tlan chho sap sap hlawm a, Hmingliana chuan tlangval lo tlan chho ho chu theihnghilh mai mai theih lo tur khawpa chiang chuan a lo en kar hlawm a, Hmingliana chuan Zinglian kal ang u le, ka nu an ti a mahse an ding dat a, Parlianai te kaiṭena Lal fapa leh Pu Aikhama lam chu melh kal chung chuan an hriat tawk lek tur chuan bul kan ṭan dawn chauh, ka lo kir leh ang an tih chuan kil khata Parliani lo ding chuan a hlauthawng em em mai a, A pa a lo inrawlh ve kher kher chu pawi hi an ti khawp mai a, Hmingliana nu Zorami chuan ring leng lawng hian Lalpa kan chunga i remruat dan hi ka theihnghilh ngai lo ang, Hmunhlui pasalṭha ralhrat, Zakhuma ka nau hian phuba a la rawn la ang an tih chuan khaw mipuiho chu an phun mur mur hlawm a, Zakhuma A ruala Sairal nupa that thei leh Lal Suakkunga an ni aia khaw lian zawk nawrtawm ral raih thei khawpa ralhrat khawkheng hming an han hriat meuh chuan an hlauthawng hlawm em em mai a.
.

Hmingliana chuan ka nu insum rawh hmeichhe ṭawng chhuah atan a mawi lo e, kal ang le an ti a, Parlianai chuan an kal liam thleng chuan a thlir zui vawng vawnga a hmangaih awmchhun chu tunah chuan ral a ni ta sia, a thinlung hi a na ngawih ngawih mai a ni, a nunna chhanhimtu chuti maia a pa in thukallam leh haw lam dawn lo a kut a lo thlak kha pawi a tiin an Lal fapa chu a haw ta em em mai a. Hmingliana te leh Pi Zingthangi te chhungkua chu in phur bawr ve lak in Hmunhlui khu chu an pan bek bek a. Kaihzawl khaw chin perh tarna an pelh chuan veilama hel in chhim lam chu an pan a, Hmunhlui khua hi khaw inlungrual tak an ni a, an tui tlan a ṭha in pasalṭha pawh paruk lai an nei a, an nula ho an hmelṭha in an no surh hlawm a, an Lal fanu Lunghnemi ngat phei chu an chheh vel khua te chuan Lal fapa tan lo be ve ṭhin mahse a ni chuan lo hnar zel in Lalpa lah chuan a pasal neih turah keini lo duhthlan ve nachhan tur a awm lo e ka chemtei hian a duh leh a hmangaih ber chu a nei tur alawm a ti mauh mai si a.
.

Parliani chuan a pa ṭhu ngui lap chu biain ka pa, kan boruak chu a va ṭha lo ve aw, Hmingliana thusawi kha tak tak a ni a ngem an ti a, A pa chuan mipa fain dawt an sawi zen zen lem lo, ka lo ti dik lo a ni e an tichuai raih a. Hmingliana te pawh khawkar kawnga zanhnih an han riah chuan chhun pachangah khua an lutvtawh dawn a ni. Hmunhlui khaw ram chinah an awm tawh a, Chutih lai chuan tukṭhuan an eikham fel chiah tia kalzai an han rel leh chuan in hrosa thawm leh in hau thawm chuan a rawn zui nghal a, Hmingliana chuan Zinglian tikhan lo awm la, kan chian ang nge an tih chuan a nu chuan mai mai ṭhin a, fimkhur la aw an ti hlak a, tichuan inhrosa thawm an hriatna lam chu a pan ta a.
.

Tlangval pian nalh tak inkhaithli zaih mai chuan pasalṭha nunrawn hmel zet pathum te chu a lo hmachhawn ran a, chung pasalṭha pathum zinga mi chuan naua haw la i nu pawnfen va feng rawh an tih chuan an nui khek uarh uarh a Hmingliana hnungchhawn zawnga tlangval ding kak hah a kut dinglama milulak chem hum ran chuan kan khaw ramchin a ni a, kha kha kan chi khur tlan mek a ni bawk, kan khaw ramchin a ni a, chhuahsan rang rawh u chuti lo chu ka that ang che u an ti chher chher mai a, Zawnghmun khua pasalṭha ralhrat Zamana chuan nuih uarh uarh pah chuan in Lal fanu khi khumpui ka kaipui dawn a i nu pawh hmeiah kan hruai haw ang in khua khi meivap ah kan chantir dawn an ti leh a, Chu pasalṭha chuan a sawi chu awl tak hlen erawh har tak tiin an chhang a.
.

Hmingliana chuan pathum leh pakhat leh pathum tiin inrawlh a hun tih hriain khaih khai pu te u zahngai hram ru Lusei leh Lusei inkarah nuaina a chhuak ngai lo e an ti dam dap mai a chu aw lo chhuahna lam an han hawi chuan tlangval la naupang tak pian dik leh inkhaithli zaih hmel pa hrak leh ṭha tak lo ding zan chu an thlir ṭhap a. Pasalṭha Zamana chuan uai naupang bawk, i lo inrawlhna tur a awm lo e, kal kiang mai teh i lu kha ka la ang nga bungzarah ka khai mai tur asin tiin an vau khar khar a.
.

Hmingliana chuan pu a buaina hi a thlen kher a ngai hleinem at so reng reng suh ang che Lawmpa a che hmasa a piang kha i lo thal zel dawn nia. Zinglian i in peih em? an ti a, hnimbuk kar aṭang chuan aw ka inpeih e a ngam fa chuan chet han thawh teh u an ti leh a, Hmingliana chuan hual beh vek in ni tawh pu a at so duh ting suh i lubur lian takah kha ka ṭhiante hian an thlawh darh vek mai tur asin, i chapo hle mai khawi khaw pasalṭha tia inchhal ve chu i ni ngei awm sia chu loh ah pathum leh pakhat pasalṭha zia lo em mai an tih meuh chuan Zawnghmun pasalṭha chuan an nun chhanna tur an ngaihtuah a ngai a ni tih hria in naua kan intawng leh ngei ang tiin an kiansan ta a.
.

Hmingliana chuan Zinga lo chhuak rawh le ka nu te kha lo ko la, ka hming chu Hmingliana a ni a ka ṭhianpa khi Zingliana a ni e tiin nuisangin chhibai an buk a, chu tlangval pian dik zaih leh inlhaithli zaih mai chuan nuihsak pah hian ka lawm e lo awm lo la chu ka nunna hian a daih seng bik kherlo ang, mahse pahnih tal erawh kha chuan nunna an chan ve tho ang, Zawnghmun pasalṭha ral hrat an nih kha an ti a, chutia an inbiak lai chuan Zorami chuan Zakhuma ka nau ka nau zakhum a rawn ti ṭial ruai mai a, chutah Zakhuma chuan ka u ka u Zorami, ka u tiin pan vat in an kuah thlawp mai a, chuta lo awmte chuan an mittui khap per sakin chulai hmun chu lawmna hlir in a khat a lawmna mittui luang chuan chhungkaw in hmu lo rei tawh tak te chu a va phuarkhawm chiang em. Zorami chuan Ka nau leh i va lian tawh ve, hei ka fapa Hmingliana a nih hi, Hminglian i putea a nih hi tiin mittui luang chung chuan an sawi a, Hmingliana nu chuan Ka nau i lo damṭha maw ka van ngai ṭhin tak che u em, ka nu leh ka pa an damṭha em tiin an zawt a, Zakhuma chuan ka u an damṭha e nangmah ngai hian i thla hi an ko an ko ṭhin asin, ka nu leh pa malsawmna dawng tur hian i va lo let har ve tiin an bia a, a nu chuan Hmingliana pa nen a an seilenna vangkhua an han chuan leh meuh chuan a lunghlui te chu a leng thar leh em em mai a, Bung 7 na lamah Hmingliana nu leh pa chanchin ka rawn zep ang.
.

Zakhuma chuan hawh u kal ang u hmiang, kan Lalpa pawn a hmuh chak thu che hi a sawi a sawi ṭhin asin, i naupan laia Kan Lalpa puak i ngen talt ṭhin thu leh ka fanu tia khawlai a lenpui fo thu te kha ka hnenah hian a sawi a sawi zel, hawh u kal ang u khua kan hlat tawh lo a nia tiin kal zai an rel ta a.
.

Khua an thlen chuan khaw mipuite chuan an lo thlir duh hlawm em em mai a, chutia tlangval hmelṭha leh lian ṭha tak pa hrak leh pian invuah fuh tak an khaw pasalṭha an zah em em tlawmngsi leh biaknuan Zakhuman a lo chhawm chho an hmuh chuan nula ho chuan hmelṭha tiin an ṭhiante chu an lo kheuh neuh neuh hlawm a, Lalinah chuan Lalpa leh Lalnu leh a khawnbawlte chu an lo ṭhukhawm a, Lal fanu hmelṭha em em mai leh piannalh inkhaithli zaih mai chuan eirawng a lo bawl mek a, Zawnghmun Pasalṭha Zakhuma chuan Lalpa kan lo lut thei a ngem tiin an dil a, Lalpa chuan aw haw ka khaw daingul lah nireng chuan le, eng nge i duh tak tehmial a, han sawi ta che an ti a, Zakhuma chuan Lalpa i fanu a lo let leh asin ka u Zorami a tet laia i awm nilen ṭhin kha an tih meuh chuan Lalpa chu ding hluai in ka fanu Zorami maw aw haw haw, khawnge tiin Lal tual an pan panthla ruak ruak s, Laltualah chuan Lalpa chuan ka fanu Zorami lo hnai teh tiin a huia an kuah vawng vawng mai a, Zorami chuan Lalpa ka dam alawm le, nang i lo dam maw tiin a bianga mittui luang chu an nuai a, Lalpa chuan ka khawnula hmelṭha chhuanvawr chu kha i lo nutling hle mai ka fanu ka damṭha e, hei tu te nge tiin an hlek a Zoramo chuan Hmingliana kawh pah chuan ka fapa neihchhun a nih hi an tih chuan Lalpa chuan a pa siar a pa siar bawiha lo kal teh tiin an kuah vawng vawng a, Lalin kawngka aṭanga lo thlir rengtu chuan a mi hriat ngai loh leh la hmuh ngai lo tlangval hmelṭha leh pa tak, pian nalh tak leh a pa in kuah chu a thlir dauh dauh a,,Lalpa chuan hawh teh u onchhung lamah i lut teh ang u khai tiin Lalin ropuo leh lianṭha tak ah chuan an lut a, Zorami chuan Lalpa hei hi i fanu em ni an ti a,,Lalpa chuan aw ni e, ka fanu a nih hi tiin vhibai an in buk dun a, Zorami chuan nula hmelṭha tak a nih hi tiin a thlir vawng vawng a.
.

Lalpa chuan makchhiat in tawk nge eng nge awmzia an tia an thu bul leh taqp lam an sawi chuan Lalpa chuan a ha chang ṭhial ri barh barh in ka fanu chutianga lo ti tu chuan ka pawi a sawi, lo ngawi tak rawh Kei Zawnghmun khaw lal Lalrikhuma hi a ngawi mai mai lo vang, Ka fanu ka inhrulah hian in in tur kan sa ang min hnial reng reng suh ang che an ti bau mai a, Zorami lawm leh thinlung hlim chu a mittui a lo hnam chhuak ṭiam ṭiam a, Lalpa ka lawm e i ṭhatna hi engtikah mah ka rul seng tawh ngai lo ang, an ti a.
.

Lal fanu chuan Hmingliana chu hmelṭha hi a ti ve thlawt ni tur a ni an melh leh ralh ṭhin a. Zorami chuan Lalpa ka nu te inlam kan va pan phawt ang nge tiin kal zai an rel a. Khawnbawl upa Zochhuma chu dinghluai in Lalpa lawmna hlir kumṭhat kum a ni e pasalṭha huaisen i neih belh leh asin an ti a, Lalpa chuan engah chuan maq tiin ka ho hian a khawnbawl chu an melh a, khawnbawlpa chuan Dengsir pasalṭha ralhrat, nunrawng lwh pawisak nei lo Tlangbiaka kha i hria em an ti a Lalpa chuan hre nameuh mai chu chu engtin an ti a, chu pasalṭha lu la tu chu i hma lawka ding tlangval tuaitir te, Zorami fapa kha a nia sin an tih meuh chuan Lalpa chuan mak a tiin a pa a khum ngei dawn e a mitmeng reng kha nelawm hle in lang mahse a mitmeng kha thinrim mitmeng ni ta se melh ṭhat ngam pawh a ni lo hial ang an ti a, kil khata a chanchin lo ngaithlakar tu Lal fanu chuan mak a tiin naupangtea pasalṭha chu a ngaisang in a lo hmel duh em em chu ni in. Khatiang tlangval tuaitirte khan Khualthang khaqpa pasalṭha ral lu a lak theih chuan engtiang takin maw hun hmang chho zel ang maw tiin a ngaihtuah neuh neuh a. Lalpa chuan an pu tu in maw a va lawmawm ve le aw, chemte i nu hi a va lo haw har ve tiin an bia a Lal fanu chuan pi kungi damlo a kan lawk a nih kha tiin a chhang a.

Duhtawk leh phawt ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)