PASALṬHA AIZIKA BY Nunmawia Fanai 1- 35
Re: PASALṬHA AIZIKA BY Nunmawia Fanai 1- 10
PASALṬHA AIZIKA
- Nunmawia Fanai
BUNG SARIHNA
Aizika'n an ram chhunga nghal mal, huai leh eng emaw tak vêngtu neia an ngaih, ṭhenkhat phei chuan a ṭih taka an ṭih zâwk mah, tû khâw khâ tâna han tihhlum chia an ngaih loh hial tawh a han kâp hlauh mai chu khawtlâng titi titamtu leh mi tin mai te mak tih a tlingin, a huaisârna leh ṭihawmna lak aṭanga tuk dawl a ni chu an lâwm hlê hlawm a.
A ni rêng lah tak a, he sanghal, chal leh lian tak mai hian vêngtu leh awmpui tlattu huai eng emaw tak a neih avang hian a finna piah lamah, a chêt dân tûr thlenga hrilha hruaitu neiin, mihring thluak ang maia fing nei hiala mawia a chêt phung hi a ramsa loh tlat ṭhin avangin, amah beitu pasalṭhate hian an fin khalh hman lo tlat zêl mai a. Chumi a nih avang chuan pasaṭha zingah rau rau pawha 'kei ka ni' inti nazah zawng hian a hnû pawh hi an chhui ngam meuh tawh lo va. An ram vahna hmunah te hian a hnû pawh hmu rengin, a hnaih a ni tih pawh hai lo mah sela, chuti ngawtin an pêl ngam ngai lo. A chhan chu, sa mual nghâkin a neitu nihna a chan hian vanneihna tam tak a khum tlat ṭhin avang leh, chumi piaha a danglam bik em emna chuan ṭih a hlawh em em mai a ni. Chutih lai kâra an khaw pasalṭha hlun pawh ni lo, pêm thar zâwk lehnghalin chutia a khaw tharah a vawi khat sa pêlnaa a han tlâwm ṭhak mai chu titipui bera neih loh chi ni hek lo le.
Zan khat chu, zanriah ei kham, khua a thim fel tawh, zawlbûk kai tûra inpuahchah leh a duma vaihlo a beng mawlh mawlh lai chuan kawngka insâwn rawk thâwm leh, "U Zika a awm em?" tia râwlthar pakhat, zawlbûk kai phâk hlim ve hlawt, kawm nuam leh kawm tlâk êm êm mai, 'Kâwltea' tia an koh, Aizika ngaina leh ngai êm êmtu leh a mei ang maia zui râwt mai ṭhintu chuan Aizika te chhûngkaw titi lai chu a rawn pawt chat hmuk mai a. Chu veleh, mi dangin an chhân hma chuan Aizika nu chuan, "Awi aw! Kâwlltea lah ni reng chuan! I u Zika'n a rawn lam phei har che i ti deuh em ni? Lah, a kawnga awm zâwkin i rawn leh pan tâk ruak zâwk chu ni?" tiin a lo chhâwn var a.
Kâwltea chuan a kuta thil fûn a ken lek vâ chung chuan, "A, eng dang ni lo ve. U Zika'n min rawn lam phei hman ang tih ka hlauh vâng zâwkin a nia ka rawn lan zâwk thuai ni. Hei, ka u Chawngpuii vawiin chhûna ka pi rawn tlawhin, 'I ṭhianpa Zika chu, a râl that hâw lah zeng ka bân ve ta si lo va, hei tê hian a tha hah te ka lo zûtsak ve ang e. Tun chhanah rih chuan an tan ârtui êm pawhin tui bâwm an la mâwisak âwm si lo va,' tiin pe tûrin min ti a. Ka hriat lai laiin ka rawn tlân nghal nal nal a nih hi," tiin a kal chak deuh avanga a âwm sêp deuh dat dat chung chuan a chhâng a.
Chutah Aizika nu chuan, Kâwltea artui rawn ken chu lâksak pahin, "Aw khai! A ni maw? I u Zika hian a phû loh hian, duhsaktu leh ngainatu a nei ve lo em maw ni tih nâk laia kâr a, hetiang te a han dawng ve leh teh mial ṭhin hi chu a va han lâwmawm chungchuang ngai êm ve aw!
I u Chawngpuii pui roh hi chuan mi hi a ti chhûngkhatin, keinia kâra khual chan la chang teh râwng mai min han laina hnai en tlat mai ṭhin hi chu a lawmawm ṭhin ngawt a nia. Saw pui, a hmêl te lah saw a keipui hmai ang phuau roh a, a ṭha ropui hi ka ti asin. Zika tak te hi duh se a nia ka tih ni; mo atân ka iai hauh lo a nia," a han ti kual duah mai a.
Aizika pa chuan, "A ni ngawt mai! Chawngpuii hi chu a hmêlṭhain a fel ka lo ti ru ve ṭhin ngawt tak asin. An ina han chuan kai ṭum te hian mi te lah hi a en hrang lo roh êm mai lah tak a. Hlim hmêl pu sâng reng mai hian, 'Ka pa, ka pa,' hi min ti a, a ngainatawm suah suah ṭhin tak tak a nia. Hei lah, tar kan ni tawh mai a, thih hmaa tu mawng han ben ve thuk thuk te a châkawm ve viau mai. Zika te hi han duhin pawm tlâkah min han ngaihsak hlauh sela, a manah na nâ na chuan ka neih lungkhawng pawhin ka dêng hreh hauh âwm lo ve," tiin a lo tui hnih ve zat a.
Chutianga a nu leh pa ten an han tih chuan Aizika chuan, "A khaih, khaih! Mi ten an hre reu reu ang e. Khatiangin duhthu an sâm chiam chiam ngai lo," tiin a han khap zauh a. Chumi zawh chuan, "Ti rawh le Kâwlte, lêng lên âr a khuang hnaih mai dâwn e, zâwlbûk lam panin i chhuak tawh ang hmiang?" a han ti a. Tichuan, zawlbûk kai tûr chuan an inzui chhuak dûn ral ral a.
Zawlbûk pana an kal mêk lai chuan Kâwltea chuan, "U Zik, ka u Chawngpuii chuan vawiinah i chanchin hi ka pi bulah a sawi reng mai asin. Ka pi lahin a lo tuipui em em mai bawk a," a han ti a. Chumi a sawi zâwng chuan a phûr lutuk chuan a kut hi a han sâwi hlak hlak a.
Aizika chuan, "A khaih! Chutianga chanchin sawi tlâk va neih awm suh; sawi tlâk loh sawiin chutia a enga lo tui viau nge an nih?" a han ti a.
Kâwltea chuan, "Ka u Chawngpuii hian a duh che a ni ang. Ka bulah te hian, 'I ṭhianpa a dam em?' te hi a ti ziah asin," a han ti leh a.
Chu thu Kâwltea'n a sawi chuan Aizika chu nuihsawh lam rawng kai ni lo, lâwm rûkna lam hawi zâwk mah hian a nui chhuak deuh hak a. Chumi zawh chuan, "A eng aiah chuan nge maw, kei ang khual chan la chang, duh loh huna lalin a hnâwl leh mai theih leh a la hriat chian loh lehnghal min han duh ngawt ang ni? Thil ni thei pawh va ni suh," tiin Kâwltea chu a han lehthal a.
Kâwltea chuan, "Ka u Chawngi hi chu a hmêl te hi a ṭha a, ngaizâwngtu pawh a ngah asin. Vawiina ramchhuak ho an lo haw pawh khan, u Sângrova chuan khawmuan pawh khawmuang hman eih lovin a sai sa rêp hawn kha vawmkho hnih lai ni tûr âwm hi a hleh nghal tak asin. Mahse, hmân ata tawh, neih tum rêng rênga a birha tlâktlum a tum chung pawh hian, u Sângrova chanchin hi chu ka beng hriatah a la sawi ngai hauh lo a nia. Chu lai kârah nang, vawi khat pawh la rîm lotu leh, hnaih taka la intawn chilh lo lehnghal hi, a engatia a sawi zâwk tlat zêl mai che hi chuan eng emaw tak hi chu min ngaihruattir ve alawm," a han ti leh hrâm a.
Chutia an titi chhûng chuan an hriat loh kârin zawlbûk kawt chu an thleng ta reng mai a. Zawlbûk bawhbel an han bawh liam hlawt tih chuan, "E khai! Kha lah, a ngai tê bawkin maw, nangni ṭhian dûn chu?" tiin vâl upa pakhat, 'Kailiana' hian mei chhawm ṭêk chhak chhak pah hian a lo chhâwn var a.
Aizika chuan an Vâl Upa lo chhâwnna chu, "A nih leh riang ruang tawh hi maw. Ani, Kâwltea tel lo hi chuan sêra mu kan thûr zo lo a ni ber e â," tia chhâwn lêt leh, zawlbûk chhuatpui tah khawng auh mai chunga ṭhut hmun rem chu a han rual nghâl a. Kâwltea pawh chu, thingnâwi a fawm laia aia naupang zâwkte laka zahzum chhuah ngai lo khân, a rahbi thâr bul ṭanna hmunah chuan ngâwi dawh dâkin Aizika kiang chêtah chuan ṭhut hmun a rem ve nghal zâl zâl a.
Ṭhut hmun an han rem fel tih chuan tlangvâl zinga pakhat, Pâwithlun khaw pasalṭha hmingthang tak mai leh an zah kai phâk khawpa lal khua leh tui lo muan tawhtu Sângrova chuan, Aizika chu thlêk deuh hâ chung hian, "Nang hi maw Aizika chu ni che a? Kan sai ramchhuah hlâna Pâwi râl i lo ûm chungchâng te leh, ka lo ur lâwk lai mêk, khu lai nghal mal huai, ka lo hual rûk rauh rauh lah chu min khalha i lo kah chungchâng te kha a thâwiin ka lo hre ve a. Han hriat chian a va châkawm ngai ve le aw?" tiin tham loh hmêl taka aw chhuak mei nei tak hian a han zâwt a. A ṭawngkam leh chezia vêl aṭang chuan mi dangte chuan, Aizika chu a ngeih lovin a tai deuh tlat a ni tih an hre thiam nghâl mai a. Mahse, chutiang a nih mêk kârah chuan Aizika lama ṭanga Sângrova chu han khap tum erawh chu tu mah an awm lo thung a.
Aizika chuan, Sângrova nêna an intawn hmasak ber ṭuma chutiang boruak a han inmûng nghâl deuh ngawt mai chu mak pawh a ti lêm lo va. Sângrova rilru tûr a han ngaihtuah phei chuan, an ramchhuah hlâna a hmingin khaw khah tak meuhva khaw chhûng a lo al hneh viau mai chu, lo chungnung reng sâ tawh leh chaponain a bual hneh viau tawh tân chuan dam dapa han pai mai chu a harsat dân tûr a ngaihtuah thiamsak viau a. Tichuan, Sângrova zawhna chu, "Aw ni e, Aizika chu ka ni alawm. Kha lah, nangni pasalṭharual sai ramchhuakin in liam bo vek mai si a. Kan lal leh Khawtea-te ṭhian dûn nen kan paliin kan han ûm ta kha a ni a. Vanneiha siamin kan han inchhan thei hrâm chu a nih kha â! Nangni han awmin, nangni'n han ûm zâwk ni ta ula zawng, an lu in rawn kim zâwk ngei âwm asin mâw."
"Nghal mal huai chungchângah kha chuan, kan lalin kan chunga ṭhat a chhuah avânga in sak hial kan han tum ve tâkah chuan, kan chungah khaw tlâng in lo ṭha êm em mai si nen, in sak min puih kawnga keini ang duangina tha thlâwn kan bat ṭeuh dâwn lai kârah, 'Khawii nge, a hrâina tûr ka'n dap ang e,' tiin ka han vâk chhuak kha a ni a. Khatia, hnu ka hmuh zinga thar ber mai khân mi koh tâk bik tlatah chuan, lo hauh lâwktu an awm tih hre lo tâ nafam chuan ka'n zui ngawt pek kha a ni a. Chutia kan inzui reng tâkah nâk kha chuan intawn fuh hun neiin kan han inmal beih ta chûk chûk kha a nia. Chu lai kârah, a chungnung zâwka ṭan tuma tha tâwp tak meuh chhuah dûn ve veah khan a vannei zâwkah ka ṭang ta hlauh a ni e. Vawi khat phei kha chu, a luhlul han chhuah leh hretin min han peih lohsan hlauh lo sela chuan, tunah hian in zinga khawsa ve tûr hi ka awm lo hial âwm asin."
"A nihna takah chuan, ka kal hma khân khatiang taka sa huai khân amah hmachhawn tûra lo ur lâwk mêktu a nei a ni tih hre ngat ila chuan, vawi khat min tlâwmsan ṭum khân amah bitum tûra tlâk zâwk tûr pasalṭha tana dahin ka tlâwmsan ve ngei ang," tiin a chhâng lêt khauh khauh a.
Chutia Aizika'n a chhân dân aṭang chuan Sângrova chuan Aizika a tai theih lohna thinlung chu, mei alh vânglai arbâwma vawm hlum tum ang mai hian a inchhawm nung hlauh ta mai a. Chutah, "A nih leh, kan khaw hming, hmangaih taka 'Leilên' tia kan lo chawi vul tawh sa, tlâng kan lo than zautir viau tawh hi eng vânga lal chu 'Pâwithlun' tia han thlâktir ngawt nge i nih?" tiin an ramchhuah hlâna lalin an khaw hming, 'Leilên' ni ṭhin kha 'Pâwithlun' tia a lo thlâk daih mai chu hre thiam lo pawh ni si lo leh, he hming hmasa hi put hawh a nih rih dân hre vek si chuan, "Leilên tih hming hi a dang ṭha zâwk put tlâk kan neih hma chuan kan châwi rih ang a. Nakinah, hming ṭha leh than zo tûr hming kan neih hunah chumi chuan kan thlâk leh ang. Chu vangin, ka pasalṭhate u, he khuain a châwi tlâk hming zawnna kawngah ṭan han la tak tak teh u," tia lalin a lo chah tawh chu, a thlâktu nih tuma a thim leh vâr pawh thlu lova a lo beihna a thlâwn tâk avanga erna thinlung thîp tak nei chung chuan a han zâwt fak mai a.
Chu zawhna chuan tlangvâl dangte pawh chu a cho phûrin, lal chunga an thinrimna leh lungawi lohna lantir ngam si lo chuan Aizika chu an melh rawn a, an phun khum sup sup mai a. Chutih lai chuan Vâl Upate pawh chuan, thil awm dân leh an lal Thandâwla zia zawng zawng hria a, an khaw hming a thlâk dân leh a chhanah chuan Aizika thiam loh leh dik loh a awm lo a ni tih chu an hre vek a. Chuta chhapah, an khaw hming thlâkna kawnga huaisâr taka chêt thawhtu chu chhuangin an ṭan ru viau hlawm bawk a. Amaherawhchu, thu zai han zâp chu tum rih lovin, Aizika zia tak tak chu hriat chian leh zual an duh avangin ngawih an chuh rih a.
Nakin deuhah chuan, chutianga tlangvâlin an melh râwn luai luai kârah chuan Aizika chuan, "E khai! Ṭhiante u, khati'n, min chuk rawn tumin in rilru kha hneh nghâl ngawt mah ta che u. Kan lal Thandâwla hian a khaw hming hi thlâk a hun a tih lai takin, a thlâkna tûr thil a thleng hi ka lawmpui viau asin kei chuan. A thuthlûknaah hian inrawlhna ka nei hlei nêm. Ka sal man kha han lâwi luhpui maina tûr hmun leh ram, in leh lo takngial pawh ka neih loh avangin lalin a duh anga a rêl tûrin lal in kawta hrânghrual ngulah ka thlung a ni mai a. Chu chu, lalin a khaw hming chawi thar nan a lo hmang a ni mai alawm lê!Khatiang a thleng dawn tih hre lâwk ngat ila chuan, kha laiah khân ka Pâwi sal man kha ka han thlung malêk tûr a nia le," tiin, hlauhna leh tîmna thinlung nei miah lo a han chhâng dam dap a.
Chu a chhânna chuan a tam zâwkah ngaih dân a siamsak a. Aizika chu an chhuang ruin an ngaisâng ru nghâl em em mai a. Mahse, chu'ng kârah chuan Sângrova leh a sangâwi zâwnpuite bik chu an thin a dam lovin, an sa zual zâwk ta tlat mai!
Chutah, Sângrova nau pakhat, thinchhia leh kawlhsen zet mai, Tlauchhata, 'Tlauva' tia an koh tâka chu a ṭhut hmun aṭang chuan rawn tho chhuakin, "Khawii nge, kan pêm khual pasalṭha Aizika inti chu, a va tlâwm lo hârh hârh ve! Mikhual chhaiha chhaih a duh em ni?" tih leh Aizika chu rawn pan phei a, a ṭhu mai mai lai chu dâk lawp khawpa kutṭanga tipira c rawn nawr nawk mai chu a rual ta mai a.
Chu kher chu Aizika tawrh theih loh zâwng tak mai chu lo niin, "E khai! Ṭhiana, khati'n tu kutṭang mah hian min la nawr ngai lo asin. A chhan chu, kei chuan min nawrna a têt leh len lam emaw, a nat leh nat loh lam ni lovin, a kuta min khawihtuin kut thawh duhna thinlung a put chhan lam hi ka ngaihtuah ṭhin avangin, a lêt lam hi ka ti lem ngai teh chiam lo a. Min fiam mai mai hi an hreh viau zêl a nia; infiampui ka tlâk vak loh ṭhin avang hian," tiin a han ṭawng dai dak a. Chumi pah chuan muang fân raih hian Tlauva hmachhawn chuan a ding chhuak ve ta to mai a. Chu veleh, Sângrova chuan, 'ka duh a thleng ta' ti ni âwm tak hian Tlauva chu va kuai sawnin, "Tlauva, lo kiang teh. Hei hi zawng ka chanpual a ni e," tiin Aizika chu a rawn din chilh thuai a. Aizika melh khai chung chuan, "Khawii nge, inṭhian ṭhatna atan i han i chai chat mai ang hmiang," a ti chheu chheu mai a.
Chutia Sângrova'n a chona chu Aizika chuan inbuan satliah ni lovin, insualna leh indona inkawp a ni dâwn tih chu a hai lo hlê mai a. Chu chu a châk zâwng tak mai a lo nih ve bawk avang chuan, "Ni ang hmiang; min hlahthlem hauh suh ang che," tiin a mita en kal chung chuan a chhâng dâi raih mai a. Chutia a ṭawngkam chhuaka a aw lo hre phâk ṭhenkhat chuan, a aw dâi zâwi raih mai rawn ri-ah chuan eng huhâng emaw tak lo chhuak tel hi an hria a, "E heu! Aizika hi mi namai a ni hauh dâwn lo mai! A aw ri ringawt pawhin thau a man sai dar dar thei tlat!" tiin an phun sup hlawm a.
Chutah le, "Aw khai! Khati rum rum tur a ni ngai lo ve. Kan pêm khual pasalṭha nena kan inhmelhriat dânin mawi mawh lam a pâwl tlat ta mai! Han inbeng dai teh un; thinur chung chuan inbuan loh rih a ṭha ang. Tihian, lêng lên âr a khuang tawh bawk a, nula rim tur ang ang kha nula rimin han liam sang sang phawt teh mai u. In nula rimna lamah thinrimna thinlung lam te han timit tlâng ula, chumi zawh lam, nula rim zawh lamah thinrimna tel lovin kan pasalṭha Aizika chuan fiahna hmachhawn zâwk teh se," tiin a han khap a.
Chutianga Vâl Upa a han inrawlh tâkah chuan an boruak rit tak chu nêm chhovin, tlângvâl ho chu nula rîm tûrin an chhuak ta thliai thliai hlawm a.
- Nunmawia Fanai
BUNG SARIHNA
Aizika'n an ram chhunga nghal mal, huai leh eng emaw tak vêngtu neia an ngaih, ṭhenkhat phei chuan a ṭih taka an ṭih zâwk mah, tû khâw khâ tâna han tihhlum chia an ngaih loh hial tawh a han kâp hlauh mai chu khawtlâng titi titamtu leh mi tin mai te mak tih a tlingin, a huaisârna leh ṭihawmna lak aṭanga tuk dawl a ni chu an lâwm hlê hlawm a.
A ni rêng lah tak a, he sanghal, chal leh lian tak mai hian vêngtu leh awmpui tlattu huai eng emaw tak a neih avang hian a finna piah lamah, a chêt dân tûr thlenga hrilha hruaitu neiin, mihring thluak ang maia fing nei hiala mawia a chêt phung hi a ramsa loh tlat ṭhin avangin, amah beitu pasalṭhate hian an fin khalh hman lo tlat zêl mai a. Chumi a nih avang chuan pasaṭha zingah rau rau pawha 'kei ka ni' inti nazah zawng hian a hnû pawh hi an chhui ngam meuh tawh lo va. An ram vahna hmunah te hian a hnû pawh hmu rengin, a hnaih a ni tih pawh hai lo mah sela, chuti ngawtin an pêl ngam ngai lo. A chhan chu, sa mual nghâkin a neitu nihna a chan hian vanneihna tam tak a khum tlat ṭhin avang leh, chumi piaha a danglam bik em emna chuan ṭih a hlawh em em mai a ni. Chutih lai kâra an khaw pasalṭha hlun pawh ni lo, pêm thar zâwk lehnghalin chutia a khaw tharah a vawi khat sa pêlnaa a han tlâwm ṭhak mai chu titipui bera neih loh chi ni hek lo le.
Zan khat chu, zanriah ei kham, khua a thim fel tawh, zawlbûk kai tûra inpuahchah leh a duma vaihlo a beng mawlh mawlh lai chuan kawngka insâwn rawk thâwm leh, "U Zika a awm em?" tia râwlthar pakhat, zawlbûk kai phâk hlim ve hlawt, kawm nuam leh kawm tlâk êm êm mai, 'Kâwltea' tia an koh, Aizika ngaina leh ngai êm êmtu leh a mei ang maia zui râwt mai ṭhintu chuan Aizika te chhûngkaw titi lai chu a rawn pawt chat hmuk mai a. Chu veleh, mi dangin an chhân hma chuan Aizika nu chuan, "Awi aw! Kâwlltea lah ni reng chuan! I u Zika'n a rawn lam phei har che i ti deuh em ni? Lah, a kawnga awm zâwkin i rawn leh pan tâk ruak zâwk chu ni?" tiin a lo chhâwn var a.
Kâwltea chuan a kuta thil fûn a ken lek vâ chung chuan, "A, eng dang ni lo ve. U Zika'n min rawn lam phei hman ang tih ka hlauh vâng zâwkin a nia ka rawn lan zâwk thuai ni. Hei, ka u Chawngpuii vawiin chhûna ka pi rawn tlawhin, 'I ṭhianpa Zika chu, a râl that hâw lah zeng ka bân ve ta si lo va, hei tê hian a tha hah te ka lo zûtsak ve ang e. Tun chhanah rih chuan an tan ârtui êm pawhin tui bâwm an la mâwisak âwm si lo va,' tiin pe tûrin min ti a. Ka hriat lai laiin ka rawn tlân nghal nal nal a nih hi," tiin a kal chak deuh avanga a âwm sêp deuh dat dat chung chuan a chhâng a.
Chutah Aizika nu chuan, Kâwltea artui rawn ken chu lâksak pahin, "Aw khai! A ni maw? I u Zika hian a phû loh hian, duhsaktu leh ngainatu a nei ve lo em maw ni tih nâk laia kâr a, hetiang te a han dawng ve leh teh mial ṭhin hi chu a va han lâwmawm chungchuang ngai êm ve aw!
I u Chawngpuii pui roh hi chuan mi hi a ti chhûngkhatin, keinia kâra khual chan la chang teh râwng mai min han laina hnai en tlat mai ṭhin hi chu a lawmawm ṭhin ngawt a nia. Saw pui, a hmêl te lah saw a keipui hmai ang phuau roh a, a ṭha ropui hi ka ti asin. Zika tak te hi duh se a nia ka tih ni; mo atân ka iai hauh lo a nia," a han ti kual duah mai a.
Aizika pa chuan, "A ni ngawt mai! Chawngpuii hi chu a hmêlṭhain a fel ka lo ti ru ve ṭhin ngawt tak asin. An ina han chuan kai ṭum te hian mi te lah hi a en hrang lo roh êm mai lah tak a. Hlim hmêl pu sâng reng mai hian, 'Ka pa, ka pa,' hi min ti a, a ngainatawm suah suah ṭhin tak tak a nia. Hei lah, tar kan ni tawh mai a, thih hmaa tu mawng han ben ve thuk thuk te a châkawm ve viau mai. Zika te hi han duhin pawm tlâkah min han ngaihsak hlauh sela, a manah na nâ na chuan ka neih lungkhawng pawhin ka dêng hreh hauh âwm lo ve," tiin a lo tui hnih ve zat a.
Chutianga a nu leh pa ten an han tih chuan Aizika chuan, "A khaih, khaih! Mi ten an hre reu reu ang e. Khatiangin duhthu an sâm chiam chiam ngai lo," tiin a han khap zauh a. Chumi zawh chuan, "Ti rawh le Kâwlte, lêng lên âr a khuang hnaih mai dâwn e, zâwlbûk lam panin i chhuak tawh ang hmiang?" a han ti a. Tichuan, zawlbûk kai tûr chuan an inzui chhuak dûn ral ral a.
Zawlbûk pana an kal mêk lai chuan Kâwltea chuan, "U Zik, ka u Chawngpuii chuan vawiinah i chanchin hi ka pi bulah a sawi reng mai asin. Ka pi lahin a lo tuipui em em mai bawk a," a han ti a. Chumi a sawi zâwng chuan a phûr lutuk chuan a kut hi a han sâwi hlak hlak a.
Aizika chuan, "A khaih! Chutianga chanchin sawi tlâk va neih awm suh; sawi tlâk loh sawiin chutia a enga lo tui viau nge an nih?" a han ti a.
Kâwltea chuan, "Ka u Chawngpuii hian a duh che a ni ang. Ka bulah te hian, 'I ṭhianpa a dam em?' te hi a ti ziah asin," a han ti leh a.
Chu thu Kâwltea'n a sawi chuan Aizika chu nuihsawh lam rawng kai ni lo, lâwm rûkna lam hawi zâwk mah hian a nui chhuak deuh hak a. Chumi zawh chuan, "A eng aiah chuan nge maw, kei ang khual chan la chang, duh loh huna lalin a hnâwl leh mai theih leh a la hriat chian loh lehnghal min han duh ngawt ang ni? Thil ni thei pawh va ni suh," tiin Kâwltea chu a han lehthal a.
Kâwltea chuan, "Ka u Chawngi hi chu a hmêl te hi a ṭha a, ngaizâwngtu pawh a ngah asin. Vawiina ramchhuak ho an lo haw pawh khan, u Sângrova chuan khawmuan pawh khawmuang hman eih lovin a sai sa rêp hawn kha vawmkho hnih lai ni tûr âwm hi a hleh nghal tak asin. Mahse, hmân ata tawh, neih tum rêng rênga a birha tlâktlum a tum chung pawh hian, u Sângrova chanchin hi chu ka beng hriatah a la sawi ngai hauh lo a nia. Chu lai kârah nang, vawi khat pawh la rîm lotu leh, hnaih taka la intawn chilh lo lehnghal hi, a engatia a sawi zâwk tlat zêl mai che hi chuan eng emaw tak hi chu min ngaihruattir ve alawm," a han ti leh hrâm a.
Chutia an titi chhûng chuan an hriat loh kârin zawlbûk kawt chu an thleng ta reng mai a. Zawlbûk bawhbel an han bawh liam hlawt tih chuan, "E khai! Kha lah, a ngai tê bawkin maw, nangni ṭhian dûn chu?" tiin vâl upa pakhat, 'Kailiana' hian mei chhawm ṭêk chhak chhak pah hian a lo chhâwn var a.
Aizika chuan an Vâl Upa lo chhâwnna chu, "A nih leh riang ruang tawh hi maw. Ani, Kâwltea tel lo hi chuan sêra mu kan thûr zo lo a ni ber e â," tia chhâwn lêt leh, zawlbûk chhuatpui tah khawng auh mai chunga ṭhut hmun rem chu a han rual nghâl a. Kâwltea pawh chu, thingnâwi a fawm laia aia naupang zâwkte laka zahzum chhuah ngai lo khân, a rahbi thâr bul ṭanna hmunah chuan ngâwi dawh dâkin Aizika kiang chêtah chuan ṭhut hmun a rem ve nghal zâl zâl a.
Ṭhut hmun an han rem fel tih chuan tlangvâl zinga pakhat, Pâwithlun khaw pasalṭha hmingthang tak mai leh an zah kai phâk khawpa lal khua leh tui lo muan tawhtu Sângrova chuan, Aizika chu thlêk deuh hâ chung hian, "Nang hi maw Aizika chu ni che a? Kan sai ramchhuah hlâna Pâwi râl i lo ûm chungchâng te leh, ka lo ur lâwk lai mêk, khu lai nghal mal huai, ka lo hual rûk rauh rauh lah chu min khalha i lo kah chungchâng te kha a thâwiin ka lo hre ve a. Han hriat chian a va châkawm ngai ve le aw?" tiin tham loh hmêl taka aw chhuak mei nei tak hian a han zâwt a. A ṭawngkam leh chezia vêl aṭang chuan mi dangte chuan, Aizika chu a ngeih lovin a tai deuh tlat a ni tih an hre thiam nghâl mai a. Mahse, chutiang a nih mêk kârah chuan Aizika lama ṭanga Sângrova chu han khap tum erawh chu tu mah an awm lo thung a.
Aizika chuan, Sângrova nêna an intawn hmasak ber ṭuma chutiang boruak a han inmûng nghâl deuh ngawt mai chu mak pawh a ti lêm lo va. Sângrova rilru tûr a han ngaihtuah phei chuan, an ramchhuah hlâna a hmingin khaw khah tak meuhva khaw chhûng a lo al hneh viau mai chu, lo chungnung reng sâ tawh leh chaponain a bual hneh viau tawh tân chuan dam dapa han pai mai chu a harsat dân tûr a ngaihtuah thiamsak viau a. Tichuan, Sângrova zawhna chu, "Aw ni e, Aizika chu ka ni alawm. Kha lah, nangni pasalṭharual sai ramchhuakin in liam bo vek mai si a. Kan lal leh Khawtea-te ṭhian dûn nen kan paliin kan han ûm ta kha a ni a. Vanneiha siamin kan han inchhan thei hrâm chu a nih kha â! Nangni han awmin, nangni'n han ûm zâwk ni ta ula zawng, an lu in rawn kim zâwk ngei âwm asin mâw."
"Nghal mal huai chungchângah kha chuan, kan lalin kan chunga ṭhat a chhuah avânga in sak hial kan han tum ve tâkah chuan, kan chungah khaw tlâng in lo ṭha êm em mai si nen, in sak min puih kawnga keini ang duangina tha thlâwn kan bat ṭeuh dâwn lai kârah, 'Khawii nge, a hrâina tûr ka'n dap ang e,' tiin ka han vâk chhuak kha a ni a. Khatia, hnu ka hmuh zinga thar ber mai khân mi koh tâk bik tlatah chuan, lo hauh lâwktu an awm tih hre lo tâ nafam chuan ka'n zui ngawt pek kha a ni a. Chutia kan inzui reng tâkah nâk kha chuan intawn fuh hun neiin kan han inmal beih ta chûk chûk kha a nia. Chu lai kârah, a chungnung zâwka ṭan tuma tha tâwp tak meuh chhuah dûn ve veah khan a vannei zâwkah ka ṭang ta hlauh a ni e. Vawi khat phei kha chu, a luhlul han chhuah leh hretin min han peih lohsan hlauh lo sela chuan, tunah hian in zinga khawsa ve tûr hi ka awm lo hial âwm asin."
"A nihna takah chuan, ka kal hma khân khatiang taka sa huai khân amah hmachhawn tûra lo ur lâwk mêktu a nei a ni tih hre ngat ila chuan, vawi khat min tlâwmsan ṭum khân amah bitum tûra tlâk zâwk tûr pasalṭha tana dahin ka tlâwmsan ve ngei ang," tiin a chhâng lêt khauh khauh a.
Chutia Aizika'n a chhân dân aṭang chuan Sângrova chuan Aizika a tai theih lohna thinlung chu, mei alh vânglai arbâwma vawm hlum tum ang mai hian a inchhawm nung hlauh ta mai a. Chutah, "A nih leh, kan khaw hming, hmangaih taka 'Leilên' tia kan lo chawi vul tawh sa, tlâng kan lo than zautir viau tawh hi eng vânga lal chu 'Pâwithlun' tia han thlâktir ngawt nge i nih?" tiin an ramchhuah hlâna lalin an khaw hming, 'Leilên' ni ṭhin kha 'Pâwithlun' tia a lo thlâk daih mai chu hre thiam lo pawh ni si lo leh, he hming hmasa hi put hawh a nih rih dân hre vek si chuan, "Leilên tih hming hi a dang ṭha zâwk put tlâk kan neih hma chuan kan châwi rih ang a. Nakinah, hming ṭha leh than zo tûr hming kan neih hunah chumi chuan kan thlâk leh ang. Chu vangin, ka pasalṭhate u, he khuain a châwi tlâk hming zawnna kawngah ṭan han la tak tak teh u," tia lalin a lo chah tawh chu, a thlâktu nih tuma a thim leh vâr pawh thlu lova a lo beihna a thlâwn tâk avanga erna thinlung thîp tak nei chung chuan a han zâwt fak mai a.
Chu zawhna chuan tlangvâl dangte pawh chu a cho phûrin, lal chunga an thinrimna leh lungawi lohna lantir ngam si lo chuan Aizika chu an melh rawn a, an phun khum sup sup mai a. Chutih lai chuan Vâl Upate pawh chuan, thil awm dân leh an lal Thandâwla zia zawng zawng hria a, an khaw hming a thlâk dân leh a chhanah chuan Aizika thiam loh leh dik loh a awm lo a ni tih chu an hre vek a. Chuta chhapah, an khaw hming thlâkna kawnga huaisâr taka chêt thawhtu chu chhuangin an ṭan ru viau hlawm bawk a. Amaherawhchu, thu zai han zâp chu tum rih lovin, Aizika zia tak tak chu hriat chian leh zual an duh avangin ngawih an chuh rih a.
Nakin deuhah chuan, chutianga tlangvâlin an melh râwn luai luai kârah chuan Aizika chuan, "E khai! Ṭhiante u, khati'n, min chuk rawn tumin in rilru kha hneh nghâl ngawt mah ta che u. Kan lal Thandâwla hian a khaw hming hi thlâk a hun a tih lai takin, a thlâkna tûr thil a thleng hi ka lawmpui viau asin kei chuan. A thuthlûknaah hian inrawlhna ka nei hlei nêm. Ka sal man kha han lâwi luhpui maina tûr hmun leh ram, in leh lo takngial pawh ka neih loh avangin lalin a duh anga a rêl tûrin lal in kawta hrânghrual ngulah ka thlung a ni mai a. Chu chu, lalin a khaw hming chawi thar nan a lo hmang a ni mai alawm lê!Khatiang a thleng dawn tih hre lâwk ngat ila chuan, kha laiah khân ka Pâwi sal man kha ka han thlung malêk tûr a nia le," tiin, hlauhna leh tîmna thinlung nei miah lo a han chhâng dam dap a.
Chu a chhânna chuan a tam zâwkah ngaih dân a siamsak a. Aizika chu an chhuang ruin an ngaisâng ru nghâl em em mai a. Mahse, chu'ng kârah chuan Sângrova leh a sangâwi zâwnpuite bik chu an thin a dam lovin, an sa zual zâwk ta tlat mai!
Chutah, Sângrova nau pakhat, thinchhia leh kawlhsen zet mai, Tlauchhata, 'Tlauva' tia an koh tâka chu a ṭhut hmun aṭang chuan rawn tho chhuakin, "Khawii nge, kan pêm khual pasalṭha Aizika inti chu, a va tlâwm lo hârh hârh ve! Mikhual chhaiha chhaih a duh em ni?" tih leh Aizika chu rawn pan phei a, a ṭhu mai mai lai chu dâk lawp khawpa kutṭanga tipira c rawn nawr nawk mai chu a rual ta mai a.
Chu kher chu Aizika tawrh theih loh zâwng tak mai chu lo niin, "E khai! Ṭhiana, khati'n tu kutṭang mah hian min la nawr ngai lo asin. A chhan chu, kei chuan min nawrna a têt leh len lam emaw, a nat leh nat loh lam ni lovin, a kuta min khawihtuin kut thawh duhna thinlung a put chhan lam hi ka ngaihtuah ṭhin avangin, a lêt lam hi ka ti lem ngai teh chiam lo a. Min fiam mai mai hi an hreh viau zêl a nia; infiampui ka tlâk vak loh ṭhin avang hian," tiin a han ṭawng dai dak a. Chumi pah chuan muang fân raih hian Tlauva hmachhawn chuan a ding chhuak ve ta to mai a. Chu veleh, Sângrova chuan, 'ka duh a thleng ta' ti ni âwm tak hian Tlauva chu va kuai sawnin, "Tlauva, lo kiang teh. Hei hi zawng ka chanpual a ni e," tiin Aizika chu a rawn din chilh thuai a. Aizika melh khai chung chuan, "Khawii nge, inṭhian ṭhatna atan i han i chai chat mai ang hmiang," a ti chheu chheu mai a.
Chutia Sângrova'n a chona chu Aizika chuan inbuan satliah ni lovin, insualna leh indona inkawp a ni dâwn tih chu a hai lo hlê mai a. Chu chu a châk zâwng tak mai a lo nih ve bawk avang chuan, "Ni ang hmiang; min hlahthlem hauh suh ang che," tiin a mita en kal chung chuan a chhâng dâi raih mai a. Chutia a ṭawngkam chhuaka a aw lo hre phâk ṭhenkhat chuan, a aw dâi zâwi raih mai rawn ri-ah chuan eng huhâng emaw tak lo chhuak tel hi an hria a, "E heu! Aizika hi mi namai a ni hauh dâwn lo mai! A aw ri ringawt pawhin thau a man sai dar dar thei tlat!" tiin an phun sup hlawm a.
Chutah le, "Aw khai! Khati rum rum tur a ni ngai lo ve. Kan pêm khual pasalṭha nena kan inhmelhriat dânin mawi mawh lam a pâwl tlat ta mai! Han inbeng dai teh un; thinur chung chuan inbuan loh rih a ṭha ang. Tihian, lêng lên âr a khuang tawh bawk a, nula rim tur ang ang kha nula rimin han liam sang sang phawt teh mai u. In nula rimna lamah thinrimna thinlung lam te han timit tlâng ula, chumi zawh lam, nula rim zawh lamah thinrimna tel lovin kan pasalṭha Aizika chuan fiahna hmachhawn zâwk teh se," tiin a han khap a.
Chutianga Vâl Upa a han inrawlh tâkah chuan an boruak rit tak chu nêm chhovin, tlângvâl ho chu nula rîm tûrin an chhuak ta thliai thliai hlawm a.
Link: | |
BBcode: | |
HTML: | |
Hide post links |
BUNG RIATNA
Ṭhen khatna
Tlangvâl nula rîm tûr tena zawlbûk an chhuahsan kim deuh duak hnu chuan, Aizika leh Kâwltea chu a hnufualah an ṭang dûn râwih a. Chutia an muanchân fâl bikah chuan Vâl Upa pakhat, Sângrova lama ṭang em em mai leh Aizika lo tai ru ve ngar ngar rengtu chuan, "Zika, kha lah, nula rîma tek chhuah zai rêl ta manga ka'n hriat loh che u chu?" tiin, amah ngaina lotu tlangvâl dangte laka biru deuha a ngaihna chu, uanpui lam pâwl lek lek chuan a han thâwi zauh a.
Aizika chuan, chu Vâl Upa zawhna chuan a phênah hliah a nei a ni tih chu a aw phawi dân aṭang chuan a hai hauh lo va. Chu vâng chuan duap tak anga a ngaih rûkna chu, "A, nghâktu lêng mah vân ta chuan, cho loh lêng kâra hnah hlui han chan kûk mai zawng, zah te lam lam a zahthlâk alawm le. Ṭhiante ho khân an tum tûr lêngi rûn te pawh han kai kim ve phawt sela maw le. Chumi hnu lamah, duh leh thla tâng lam ang maiin, thâwm ṭhat loh deuhna inah kan fân lût ve tak râwih ang chu," tiin a han chhâng a.
Chutia Aizika chhânna chuan inngaihtlâwmna phênah luhlulna ze lian tak mai a paiin, an pasalṭhate leh an tlangvâlte lakah chuan tlâwm a tum lo hlê a ni tih Vâl Upa chuan a hre thiam thuai a. A chhungrila huaisenna ze nghet tak awm chu hmuh thiamsakin, chhawnchhaih kual vak chi niin a hre ta lo va. Chumi a nih avang chuan, "Aw khai! A ni dâwn tak e maw? Ni e, khual chan riak la chan lai kârah hi chuan hnah hlui changa han ngampat viau pawh hian, mite ngaihah hian mawikhai lo lam hi a pâi hma duh riau âwm tak e. Chu, nang zawng, tlangvâl fing leh thil âwmkhâi hre tak zawng i ni phawt mai e," tiin a thu kalpui tum rûk chu a lehthliah leh ta daih a.
Nakin deuhah chuan, zawlbûka riak tawh lo pa ho, zawlbûk lama titi phung lêng vawrh turte chuan zawlbûk chu an rawn kai khap khap ṭan a. Chutianga pa hovin zawlbûk an rawn mâwi tâk khup khupah chuan, Aizika leh Kâwltea pawh chuan 'awm reng ta'ng e' pawh ti awh bik lovin, nula rîm tûr chuan bawhbel chu an bawh liam chhuak dûn ve ta zâl zâl a.
Pâwnah, zawlbûk kawta an chuan chhuah chuan thla mang lam, tâng na ṭan viau tawh chu inthlahrun hmêl deuh mai hian, kâwla a rawn chhuak tûr chuan a zung a rawn chhuah êng dul hnuk mai a. Chu chu thlir rân rân chung chuan, "A khai a! Khi lah, kan chhawrthlapui chuan chhawr a tlâk mang dawn ta tlat lo mai ka ti! A zahzum chhuahin kâwl hnuai lamah a hmêl a thukru leh dûk tawh a nih roh khi. Nula hmelṭha, duh loh chhawn ang tlatin a hmai a thup leh rûn tawh a nia. Vân vârah kawng zâng eih pawh kan zawh fuh hlei thei dâwn lo," a han ti a.
Kâwltea chuan, "I lunglên thu lam i phuh chhuak dâwn emaw tia, a ni lo zawng zawnga i han tlak duah chu! I inhmeh zawmah tho mai," tiin a lo tui hnih zat a. A nui hek hek bawk a.
Ka'n pêng leh lawk ang e. Kâwltea hi, râwlthar, zawlbûk kai hlim hlawt leh naupang tê mah ni sela, amah hi rilru puitling leh ṭawng hmangah pawha a naupan ang aia ṭawng puitling khak chi a ni reuh a. Chutih rual chuan ama phû loh hian a fing a, titi phung han sêp vel te hi a thiam em em mai bawk a. Hei hian, chhawnchhaih leh fiam rawn te hi a hlawh phahin, ngainat rawn hi a hlawh riau a, a ṭawngkam chhuak hre châk leh a titi ngaithla châk hian patlinga pumpa hi a bulah hian an tawlh leh hroh hroh mai ṭhin a ni.
Tichuan, Aizika a ṭawng leh hmâ chuan Kâwltea bawk chuan, "U Zik, zanin chu i nula rim vawi khatna tûr a ni bawk a, khawi lamah nge lênpui che ila min duh? Hmêl hriat leh hmêl duh deuh te chu i tawng ve em em tawh ang a, rîm hual te pawh i lo nei ru khiau tawh ang chu," a han ti zawm leh zat a.
Aizika chuan, "E khai! Chutin nula hmelṭha leh duhawm lam melhin ka mit hi a la lêng kual hman mang tlat lo. I duhna hmunah, lêng ila i tihna hmun hmunah min han mau mit pu hruai tawp mai ta che. A zui lamah ṭuan ka lo ti ṭha ve thung ang e," tiin a chhâng a.
Chutah Kâwltea chuan, "A nih chuan, U Sângrova bupui, ka u Chawngi te inah kan lêng mai dâwn em ni ang? U Sângrova'n a thik vel lai chea a hmêl han tidur kual vêl ka hmu châk tlat," a ti kauh a.
Aizika chuan, "Nang berin i tih a, ka lên vena tlâka i ngai a nih te chuan, duh leh i U Sângrova chu utûm thinrim tluk zeta puarin kan inhamtir pâng pâng anga a ni mai alawm," tiin Sângrova hming chu tham lo tak hian a fiamthu khum zauh a. Chumi a han hriat chuan Kâwltea phûr lutuk chu a nui kiah kiah mai a. Tichuan, kâwla thla tâng lam zung rawn inkâp êng chhuak chuai ruih mai leh, arsi de chiah chiah hnuaiah chuan, vân vâra kawng zâng inphah vâr zawi zawi chu zawhin, Chawngpuii te in lama lêng tûr chuan an inzui dûn ta ral ral a.
Nakin deuh, rei vak lo an kal hnu chuan Chawngpuii te in kawt chu an thleng dûn ta rawih a. Leika an han rah chik ṭât ṭât hnu chuan kawngkaah chuan an inzui lût dûn dân dân a. Inchhungah chuan an rin lâwk ang ngeiin Sângrova leh a ṭhiante chuan Chawngpuii la kai chu an lo kîl ṭiai hlawm a. Ta neih tih hriat deuh mai hian Sângrova chuan Chawngpuii lai kaih chu a lo vil uluk hle mai bawk a.
Chutah Chawngpuii chuan Kâwltea leh Aizika hmel a han hmuh phatah chuan, "E khai! Khawi lam thli chhiain nge maw keini ang inah te hial rawn chhêm lût khiah che u chu? Chutianga rawn chuang kai ve duh meuh te chuan, ṭhut hmun te kha zung kaih hial khawpa mawia nghetin han rem ta che u," tiin a lo chhâwn thuai a.
Chutah le, hlim deuh maia an lo khawsak ham ham laia an rin loh tak maia Aizika an han hmu thut mai chu, tum lâwk loh tak maia kâwia savawm tawk thut ang mai hmêl pû hian, an mak ti hmêl chu an meng kâwk hlawm a. Mahse, an hmêl danglam thut chu thup leh vatin awm dân phung pangai tak chuan an awm leh thuai hlawm a. Chutih chhûng chuan, anni pahnih pawh chuan mei êngin a chhun phâk chin, ban thlang lam hnaihah chuan ṭhut hmun an rem dûn ve sauh sauh a.
Chutia a tum loh tak maia a hmêlma rûk em em mai a han hmuh thutah chuan Sângrova chuan, "Aw khai! Kan Chawngpuii rûnah siang han lâwi ve ta poh che, Zika. Than ṭhat chang vâl chuan rîm tûr âwm pawh i lo hriat hi mâw," a han ti-el zauh a. Aizika chuan a thu sawi leh a tih-elna ṭawngkam chu mêna thlâk lo hmêl taka hawi kual vêl pah leh, an thin tirima chhaih kawlh tum rân hian, "Rova chu, ka rin ai takin khual chhâwn i lo thiam daih mai ka ti! At so zâwnga ngampat lam hmâ chi ni ila, kei ang mikhual chan la chang lek tân chuan ngampat luat awm lova ngheh churhna tham lah ni ka ti," tiin a han chhâng dam thluam a.
Chutianga Aizika'n zâmna leh tîmna eih nei lo va, a lo chhâwnna aw ki ngaihnobei lo zet leh ṭawngkam chaltlai zet mai pawh, fiamthu deuh taka a han lâk herhsak daih mai chuan Sângrova thinrim tawh sâ chu a tiling ṭha hle mai a. Chêt han thawh mai chu châk ru viau mah se, chêt han lâk ngawt chi ni hek lo le; a thinrim tihngaihna hre lo chuan a vaibêl chu a chal ên sen huam khawpa vâm huamin a pak êng pup pup ringawt mai a. Thu han chhâk chhuah leh tûr vâi tak chung chuan a vaibel dâwn chu a chilh ri bap bap a.
Chutianga Sângrova a han tlâwm deuhah chuan, Sângrova chaltlai dâna lung ni lo ru tak leh, Aizika'n awlsam deuh maia a dan kawl awh thiam dâna ṭan ru em em hian, mi dang an rawn inrawlh hman hma hian Chawngpuii chuan, "U Rova chu, kan pêm pasalṭha Zika lakah chuan i fiamthu a hâng der mai elo?" tiin a lo fiam zauh a. Sângrova chu za lo zet mai hian a khi lui tut tut rigawt mai a.
Ṭhen khatna
Tlangvâl nula rîm tûr tena zawlbûk an chhuahsan kim deuh duak hnu chuan, Aizika leh Kâwltea chu a hnufualah an ṭang dûn râwih a. Chutia an muanchân fâl bikah chuan Vâl Upa pakhat, Sângrova lama ṭang em em mai leh Aizika lo tai ru ve ngar ngar rengtu chuan, "Zika, kha lah, nula rîma tek chhuah zai rêl ta manga ka'n hriat loh che u chu?" tiin, amah ngaina lotu tlangvâl dangte laka biru deuha a ngaihna chu, uanpui lam pâwl lek lek chuan a han thâwi zauh a.
Aizika chuan, chu Vâl Upa zawhna chuan a phênah hliah a nei a ni tih chu a aw phawi dân aṭang chuan a hai hauh lo va. Chu vâng chuan duap tak anga a ngaih rûkna chu, "A, nghâktu lêng mah vân ta chuan, cho loh lêng kâra hnah hlui han chan kûk mai zawng, zah te lam lam a zahthlâk alawm le. Ṭhiante ho khân an tum tûr lêngi rûn te pawh han kai kim ve phawt sela maw le. Chumi hnu lamah, duh leh thla tâng lam ang maiin, thâwm ṭhat loh deuhna inah kan fân lût ve tak râwih ang chu," tiin a han chhâng a.
Chutia Aizika chhânna chuan inngaihtlâwmna phênah luhlulna ze lian tak mai a paiin, an pasalṭhate leh an tlangvâlte lakah chuan tlâwm a tum lo hlê a ni tih Vâl Upa chuan a hre thiam thuai a. A chhungrila huaisenna ze nghet tak awm chu hmuh thiamsakin, chhawnchhaih kual vak chi niin a hre ta lo va. Chumi a nih avang chuan, "Aw khai! A ni dâwn tak e maw? Ni e, khual chan riak la chan lai kârah hi chuan hnah hlui changa han ngampat viau pawh hian, mite ngaihah hian mawikhai lo lam hi a pâi hma duh riau âwm tak e. Chu, nang zawng, tlangvâl fing leh thil âwmkhâi hre tak zawng i ni phawt mai e," tiin a thu kalpui tum rûk chu a lehthliah leh ta daih a.
Nakin deuhah chuan, zawlbûka riak tawh lo pa ho, zawlbûk lama titi phung lêng vawrh turte chuan zawlbûk chu an rawn kai khap khap ṭan a. Chutianga pa hovin zawlbûk an rawn mâwi tâk khup khupah chuan, Aizika leh Kâwltea pawh chuan 'awm reng ta'ng e' pawh ti awh bik lovin, nula rîm tûr chuan bawhbel chu an bawh liam chhuak dûn ve ta zâl zâl a.
Pâwnah, zawlbûk kawta an chuan chhuah chuan thla mang lam, tâng na ṭan viau tawh chu inthlahrun hmêl deuh mai hian, kâwla a rawn chhuak tûr chuan a zung a rawn chhuah êng dul hnuk mai a. Chu chu thlir rân rân chung chuan, "A khai a! Khi lah, kan chhawrthlapui chuan chhawr a tlâk mang dawn ta tlat lo mai ka ti! A zahzum chhuahin kâwl hnuai lamah a hmêl a thukru leh dûk tawh a nih roh khi. Nula hmelṭha, duh loh chhawn ang tlatin a hmai a thup leh rûn tawh a nia. Vân vârah kawng zâng eih pawh kan zawh fuh hlei thei dâwn lo," a han ti a.
Kâwltea chuan, "I lunglên thu lam i phuh chhuak dâwn emaw tia, a ni lo zawng zawnga i han tlak duah chu! I inhmeh zawmah tho mai," tiin a lo tui hnih zat a. A nui hek hek bawk a.
Ka'n pêng leh lawk ang e. Kâwltea hi, râwlthar, zawlbûk kai hlim hlawt leh naupang tê mah ni sela, amah hi rilru puitling leh ṭawng hmangah pawha a naupan ang aia ṭawng puitling khak chi a ni reuh a. Chutih rual chuan ama phû loh hian a fing a, titi phung han sêp vel te hi a thiam em em mai bawk a. Hei hian, chhawnchhaih leh fiam rawn te hi a hlawh phahin, ngainat rawn hi a hlawh riau a, a ṭawngkam chhuak hre châk leh a titi ngaithla châk hian patlinga pumpa hi a bulah hian an tawlh leh hroh hroh mai ṭhin a ni.
Tichuan, Aizika a ṭawng leh hmâ chuan Kâwltea bawk chuan, "U Zik, zanin chu i nula rim vawi khatna tûr a ni bawk a, khawi lamah nge lênpui che ila min duh? Hmêl hriat leh hmêl duh deuh te chu i tawng ve em em tawh ang a, rîm hual te pawh i lo nei ru khiau tawh ang chu," a han ti zawm leh zat a.
Aizika chuan, "E khai! Chutin nula hmelṭha leh duhawm lam melhin ka mit hi a la lêng kual hman mang tlat lo. I duhna hmunah, lêng ila i tihna hmun hmunah min han mau mit pu hruai tawp mai ta che. A zui lamah ṭuan ka lo ti ṭha ve thung ang e," tiin a chhâng a.
Chutah Kâwltea chuan, "A nih chuan, U Sângrova bupui, ka u Chawngi te inah kan lêng mai dâwn em ni ang? U Sângrova'n a thik vel lai chea a hmêl han tidur kual vêl ka hmu châk tlat," a ti kauh a.
Aizika chuan, "Nang berin i tih a, ka lên vena tlâka i ngai a nih te chuan, duh leh i U Sângrova chu utûm thinrim tluk zeta puarin kan inhamtir pâng pâng anga a ni mai alawm," tiin Sângrova hming chu tham lo tak hian a fiamthu khum zauh a. Chumi a han hriat chuan Kâwltea phûr lutuk chu a nui kiah kiah mai a. Tichuan, kâwla thla tâng lam zung rawn inkâp êng chhuak chuai ruih mai leh, arsi de chiah chiah hnuaiah chuan, vân vâra kawng zâng inphah vâr zawi zawi chu zawhin, Chawngpuii te in lama lêng tûr chuan an inzui dûn ta ral ral a.
Nakin deuh, rei vak lo an kal hnu chuan Chawngpuii te in kawt chu an thleng dûn ta rawih a. Leika an han rah chik ṭât ṭât hnu chuan kawngkaah chuan an inzui lût dûn dân dân a. Inchhungah chuan an rin lâwk ang ngeiin Sângrova leh a ṭhiante chuan Chawngpuii la kai chu an lo kîl ṭiai hlawm a. Ta neih tih hriat deuh mai hian Sângrova chuan Chawngpuii lai kaih chu a lo vil uluk hle mai bawk a.
Chutah Chawngpuii chuan Kâwltea leh Aizika hmel a han hmuh phatah chuan, "E khai! Khawi lam thli chhiain nge maw keini ang inah te hial rawn chhêm lût khiah che u chu? Chutianga rawn chuang kai ve duh meuh te chuan, ṭhut hmun te kha zung kaih hial khawpa mawia nghetin han rem ta che u," tiin a lo chhâwn thuai a.
Chutah le, hlim deuh maia an lo khawsak ham ham laia an rin loh tak maia Aizika an han hmu thut mai chu, tum lâwk loh tak maia kâwia savawm tawk thut ang mai hmêl pû hian, an mak ti hmêl chu an meng kâwk hlawm a. Mahse, an hmêl danglam thut chu thup leh vatin awm dân phung pangai tak chuan an awm leh thuai hlawm a. Chutih chhûng chuan, anni pahnih pawh chuan mei êngin a chhun phâk chin, ban thlang lam hnaihah chuan ṭhut hmun an rem dûn ve sauh sauh a.
Chutia a tum loh tak maia a hmêlma rûk em em mai a han hmuh thutah chuan Sângrova chuan, "Aw khai! Kan Chawngpuii rûnah siang han lâwi ve ta poh che, Zika. Than ṭhat chang vâl chuan rîm tûr âwm pawh i lo hriat hi mâw," a han ti-el zauh a. Aizika chuan a thu sawi leh a tih-elna ṭawngkam chu mêna thlâk lo hmêl taka hawi kual vêl pah leh, an thin tirima chhaih kawlh tum rân hian, "Rova chu, ka rin ai takin khual chhâwn i lo thiam daih mai ka ti! At so zâwnga ngampat lam hmâ chi ni ila, kei ang mikhual chan la chang lek tân chuan ngampat luat awm lova ngheh churhna tham lah ni ka ti," tiin a han chhâng dam thluam a.
Chutianga Aizika'n zâmna leh tîmna eih nei lo va, a lo chhâwnna aw ki ngaihnobei lo zet leh ṭawngkam chaltlai zet mai pawh, fiamthu deuh taka a han lâk herhsak daih mai chuan Sângrova thinrim tawh sâ chu a tiling ṭha hle mai a. Chêt han thawh mai chu châk ru viau mah se, chêt han lâk ngawt chi ni hek lo le; a thinrim tihngaihna hre lo chuan a vaibêl chu a chal ên sen huam khawpa vâm huamin a pak êng pup pup ringawt mai a. Thu han chhâk chhuah leh tûr vâi tak chung chuan a vaibel dâwn chu a chilh ri bap bap a.
Chutianga Sângrova a han tlâwm deuhah chuan, Sângrova chaltlai dâna lung ni lo ru tak leh, Aizika'n awlsam deuh maia a dan kawl awh thiam dâna ṭan ru em em hian, mi dang an rawn inrawlh hman hma hian Chawngpuii chuan, "U Rova chu, kan pêm pasalṭha Zika lakah chuan i fiamthu a hâng der mai elo?" tiin a lo fiam zauh a. Sângrova chu za lo zet mai hian a khi lui tut tut rigawt mai a.
Link: | |
BBcode: | |
HTML: | |
Hide post links |
PASALṬHA AIZIKA
- Nunmawia Fanai
BUNG KUA-NA
Zawlbûk chhuata Sângrova na tuar, thaw hrâwih hrâwih chunga tlu zawi nghuai mai chu Aizika chuan thlêk deuh vang vang pah chuan, "Ka duh aia ka thin a lo ram mah mah chu a pawi hle mai! Tlêma tlêmah lal sût kan vuan lo chauh alawm maw le," tiin, Sângrova thinrim tharum laka a lo invênna lama tual a thah teuhzia thu-ah chuan kam nêm a han chhuah zauh a. chutih lai chuan Sângrova chu a ṭhiante chuan bawihsâwmin an bial laih mai bawk a.
Vâl Upate pawh chuan Aizika chêt dânah chuan thiam lohna nei lovin, Sângrova chêt thawh duh hmasak dân chu an dem mah zâwk a. Amaherawhchu, Aizika ṭan zâwnga thu vaw thlu bik lovin leh, Sângrova chêt dân mawi loh hmasak vâng leh a chunga thil thleng zui ta avanga demna thu chhâk chhuak bik chuang lovin, thu lai la tak hian, "E khai! Pasalṭha, kan khaw daingul ve ve nge nge, kan infiah chiang khel khawl ngei mai! Hetianga tlâwm lo ve ve tâah chuan a chungnung zâwk leh hnuaihnung zâwk an awm lo thei ṭhin lo a nia," an ti dam thlup hlawm a. Chutih rual erawh chuan, Aizika ṭuan rang lutuk leh Sângrova'n a khan lo lutuk mai chu mak tiin, Aizika chu eng ang mi chiah nge a nih hriat chian an châkna chuan a tur nat phah êm em thung.
Nakin deuhah chuan Sângrova na tuar pawh chu a ṭhian ten an bâwihsâwm sap sap hnû chuan a rawn meng harhin, a rawn ṭhu chhuak ve luau luau peih tawh a. A bân dinglam Aizika herhsakna pawh chu ruh lam khawih thiamin a hmeh remsak hnuah, vûng bûr hian a thlâk zawi hnuang a. A tlâwm hmêl ngui lup mai chu inthlahrun hmêl dûk hian chhuat lam hawiin a chhawng âwn dû a, a hrawka Aizika'n a rehsakna chuan chhûng lamah thawh a nei tih hriat deuh mai hian a khuh leh kharh kharh ṭhin a. Chu chu a han en en vang vang chuan, an zinga mi ang zân lo pakhat, Dâwllova chuan, "Sângrova chu, i va tlâwm chiang rawk rawk ve le!" a tih khum bâi bâi mai a. Chu thu a han hriat chuan Sângrova chu zaka kimki dâwk hian a sen ap ap mai a. A rilru tak chuan, "Uicho ve maiin sapui huai ka sual ngawt pek a, min ching zêk asin le," pawh a ti ve nuah nuah mahna le!
Chutia Sângrova a tlâwm chian hlê hnu chuan Vâl Upa pakhat chuan, "Kan pasalṭha Aizika chuan fiahna pakhat chu a pal tlang ta phawt mai a. Tu nge a hmaah han ding leh dâwn che u?" a han ti leh khauh khauh a. Chutih lai chuan Aizika chu tlangvâl ho ṭhut bial laih kârah chuan a laiah a ding rân mai a. Mahse, tlangvâl ho zing aṭang chuan ṭîk pawh han ti a, Aizika hmachhawn tûra ding chhuak ngam lo nih chu tlâwma han lâk tum âwm rêng rêng hmêl pu awm lovin, zawlbûk chhung chu thehmeh ang mai hian a rehin a reh ṭhiap mai a. Chutah Vâl Upa vêk chuan, "Uai! Zân tîr lama sa hliam dan chêp chhun rawn tum ang hut huta kan phûr nen, tûnah lêm, sapui huaiin ngaw hnuaia a vêl beh ang hrima kan han ṭit leh tâk dâwk chu!" a han ti sap a, a khi vei suk roh a.
Chu thu Vâl Upain a sawi zo fel hman âwrh tih chuan zawlbûk bawhbel lamah chuan thâwm rawn awmin, bawhbel chu pa pakhat hrawl hruah mai hian a rawn bawh liam zûl zûl a. Chu pa chu tu dang ni lovin, Sângrova putea, a nu te unau zinga an naupang ber, a vânglai pawha buan chak hmingthang lo ni ṭhin Sângnghîna a ni a. Ani hi zawlbûka riak tawh lova in lama riak chin tawh a niin, zanin pawh hi zawlbûk kai lovin in lamah in lêng upate nena titi phung vawrha tap lum vil ngawt kha a ni a.
Khatia, Sângrova leh Aizika an inbeih a, Sângrova chêt phet tain Aizika kut a tuar a ni tih thu kha an inbeih zawh dâwn ruaiah khan, Sângrova te nau, râwlthar pakhat pa ho titi ngaithla tura zawlbûk kai ve chuan a lo zu hrilh chu niin. Chu thu a han hriat chuan Sângnghina chuan, a tupa chhuan tawlawl ber Aizika laka than lai a tlâwm dêr mai chu tlâwmah a lain, a thin a ur ngang mai hi a lo ni a. Aizika chu zawr zawt khawpa sawp tumin a rana rangin zawlbûk chu a rawn kai chûk chûk mai hi a lo ni a.
Chutia, zan tîr lam pawha rawn kâi ûk si lo va, a zân tâi rêk tawh lama Sângnghîna rawn lang thut mai chuan Vâl Upate mit chu a la ngang ni tûr a ni, an lo melh rawn khâi khâi hlawm a. Chutih lai chuan Aizika pawh chuan ṭhut hmun a la rem fel loh avângin, hnial hrât ber ang mai chuan tlangvâl dangte ṭhut bial laih kârah chuan a laiah a la ding to mai a. Chutah Vâl Upa Kâiliana chuan a vaibêl êk khawn thlâk karh karh pah chuan, "Chhe hei! Vunga pa lah ni teh râwng chuan! Tun ang, zân khua pawhin a tâi rêk lam a hnaih tawh laia kârah, sanghal ba hmun hmu ṭha ni mai âwma phûra i rawn kâi ve tâk hâwl hâwl mai," tiin a lo bekbawrh a.
Sângnghîna chuan, "A, eng khaw dang ni lo ve. Zawlbûkah kan pêm pasalṭha fiahna neia inbuan a awm thu ka lo hria a. Chumi ka hriat rual chuan, ka tha hi a ṭhum tawh viau em maw ka'n fiah teh rêng ang tiin ka rawn hmanhmawh chho ve ta ngawt mai a nih hi," tiin a han chhâng a. Chutah Sângrova lam chu hawiin, "Uai! Ka nauva chuan a than ti khaihlaktu a tawng a va ni mai âwm êm? Lah, a sapui zia ngulh mai ṭhin kha uicho khawn chauh ang riaka nguai ruiha ka'n hmuh chu!" a han ti zawm leh zat a. Mahse, chutianga aw zângkhai taka iak kâng vah chu ni mah se, a chhûngrilah chuan Sângrova tlâwm hmêl chuan a thin a ti rimin, Aizika huatna leh phuba lâk châkna chuan a tur ut ut thung a. A thinurna ti tho zual tûr chuan zawlbûk boruak chu a rit uap churh mai bawk a.
Chutianga Sângnghîna thu han chhah kual vêl dânah chuan, Vâl Upa Kailiana chuan a rilru put dân hmang tûr âwm chu ngaihruat thiam nghalin, Sângrova thlavâng hauh a tum a ni tih chu a hre thiam nghâl ruak a. Chumi a nih avâng chuan boruak a sosâng mai ang tih hlauhthâwnna chu a nei tlat mai a. Tichuan, "E khai! Vunga pa, zân a rei lam tawh si a, kan naute ho ramchhuak lah hi an chau tlâng viau mai nen, mut hahdam lam te kan lo tintuah ru tawh asin," a han ti a.
Sângnghîna chuan, "Kan Vâl Upa thu chu a zahawm viau na a, kan tlangvâla chu han buan ve rêng rêng lova Vunga nu bula han inthawlh mûm leh tawp te zawng, zuk chal sih dâwt lai zungchala tin chuah mai te pawh kan ang dâwn êm mai; zawlbûk kai man pawh va awm suh," tiin a han hnial zauh a.
Chutia Sângnghîna'n Vâl Upa Kailiana a han hnialah chuan, Sângrova thlavâng hauh hun remchânga lain Vâl Upa pakhat chuan, "E khai! Chutiang taka ngen ngâwl chhuah ta chu, hun te zawng a hmangtu her rem dâna zirin a zâi mai ṭhin lah ni; kan tlangvâla chu han hmachhawn ta poh che," a lo ti thuai a. Chu veleh tlangvâl ho chu thâwm chhuahin an ri leh ta hulh hulh mai a. Tichuan, tlangvâlrual au thâwm ri hulh hulh kârah chuan Aizika leh Sângnghîna chu an han inhmachhawn dûn leh ta rân a.
Chutia an han indin chilh ngar mai lai chuan, Sângnghîna chuan Aizika chu a âwma han do luih deuh salh pah hian, "Nauva, kei chuan, ka tupa laka zâi i dawha i thlah mai duh ang rilru kha ka nei ve dâwn hlek lo a nia," a han ti zauh a.
Aizika chuan, nui hmêl pu sânga melh chung hian, "A khai, chutin aia nau an fiam nawmnah ngai lo. An hlahthlem ṭhin zâwk a ni ngai," tiin a thinrimna chu fiamthua lâk luihsak hrâm a tum ṭâlh a. A chhan chu, ani lakah chuan han thinrim chhan tûr a nei lo tih leh aia u a nihnaa zah a phû-na chu zahsak a tum tlat a; a nêm zâwngin Sângnghîna thinrimna chu lâksak hrâm hrâm a tum tlat a ni.
Tichuan le, an han inchelh a, an han inṭhâwm dûn ta a le. Sângnghîna chuan tharum chu a lo ngah nangiang mai a, a thawh khatna han ṭan thutah chuan Aizika chu a kâng leh dat dat ṭhin a. Mahse, Aizika hian thahrui a ngah zâwk êm avang leh inbuan a thiam êm avangin Sângnghina chuan a phawi kâng hlei thei tlat lo; a ṭan nat leh a nghet ting emaw tih mai tûr leh, a ke leh zawlbûk chhuat chu a inchâr ta emaw tih tûr hian a ding char auh reng ta mai a. Chutih lai chuan Sângnghîna chuan a tha tâwp teh meuh a chhuah laiin, Aizika erawh chuan Sângnghîna tha chhuah theih tâwp laka invêng tâwk chauhin, phawia vawrh bin vel kher tum lo hian, chhaih chauh tum lek hian a dawm nghet tlat thung a.
Rei ngial chutianga a tua mah mah inphâwi bik lova an indawm dunah ngar ngar chuan, a û zâwk leh chuai lam tawh zâwk, a tlo lo zâwk ta na nâ na chu, Sângnghîna chuan a tha chhuah tûr zawng zawng chu hmang zovin a zawi chhe ta dêr mai a. Chu lai tak chu Aizika chuan, "Ka duh hun hunah ka phawi thei che asin," ti ni âwm tak hian a han châwi kâng lawp a, vawrh bin lovin a dinna ngaiah chuan a nghat leh dap ta zâwk a. Chutah, tha chhuah tûr pawh nei tawh lova mawia Aizika kâwnga dawm dam ve mai mai tawh Sângnghina chuan, "Aw hawi! Nang zawng, hneh mi leh buan mi pawh i lo nih loh hi," tiin a dawmna chu a thlah zawm nghal a. Chutah, a duh hun huna phawia vawrh bin nawlh thei reng siina a laka zah a ngaih tlat dân a han hriat chuan, Sângnghîna chuan Aizika rilru chhungrila a nun nêm rûkna lai chu hmuhsakin a zah ru ta êm êm mai a. Thâwklehkhatah huatna thinlung chuan a kiansan ta duak a, "Nauva, nang anga mihring danglam hi ka la tawng ngai hauh lo. Khua hualin i damkhua hrui ang sei mawlh teh se," a ti thâwp sat a.
- Nunmawia Fanai
BUNG KUA-NA
Zawlbûk chhuata Sângrova na tuar, thaw hrâwih hrâwih chunga tlu zawi nghuai mai chu Aizika chuan thlêk deuh vang vang pah chuan, "Ka duh aia ka thin a lo ram mah mah chu a pawi hle mai! Tlêma tlêmah lal sût kan vuan lo chauh alawm maw le," tiin, Sângrova thinrim tharum laka a lo invênna lama tual a thah teuhzia thu-ah chuan kam nêm a han chhuah zauh a. chutih lai chuan Sângrova chu a ṭhiante chuan bawihsâwmin an bial laih mai bawk a.
Vâl Upate pawh chuan Aizika chêt dânah chuan thiam lohna nei lovin, Sângrova chêt thawh duh hmasak dân chu an dem mah zâwk a. Amaherawhchu, Aizika ṭan zâwnga thu vaw thlu bik lovin leh, Sângrova chêt dân mawi loh hmasak vâng leh a chunga thil thleng zui ta avanga demna thu chhâk chhuak bik chuang lovin, thu lai la tak hian, "E khai! Pasalṭha, kan khaw daingul ve ve nge nge, kan infiah chiang khel khawl ngei mai! Hetianga tlâwm lo ve ve tâah chuan a chungnung zâwk leh hnuaihnung zâwk an awm lo thei ṭhin lo a nia," an ti dam thlup hlawm a. Chutih rual erawh chuan, Aizika ṭuan rang lutuk leh Sângrova'n a khan lo lutuk mai chu mak tiin, Aizika chu eng ang mi chiah nge a nih hriat chian an châkna chuan a tur nat phah êm em thung.
Nakin deuhah chuan Sângrova na tuar pawh chu a ṭhian ten an bâwihsâwm sap sap hnû chuan a rawn meng harhin, a rawn ṭhu chhuak ve luau luau peih tawh a. A bân dinglam Aizika herhsakna pawh chu ruh lam khawih thiamin a hmeh remsak hnuah, vûng bûr hian a thlâk zawi hnuang a. A tlâwm hmêl ngui lup mai chu inthlahrun hmêl dûk hian chhuat lam hawiin a chhawng âwn dû a, a hrawka Aizika'n a rehsakna chuan chhûng lamah thawh a nei tih hriat deuh mai hian a khuh leh kharh kharh ṭhin a. Chu chu a han en en vang vang chuan, an zinga mi ang zân lo pakhat, Dâwllova chuan, "Sângrova chu, i va tlâwm chiang rawk rawk ve le!" a tih khum bâi bâi mai a. Chu thu a han hriat chuan Sângrova chu zaka kimki dâwk hian a sen ap ap mai a. A rilru tak chuan, "Uicho ve maiin sapui huai ka sual ngawt pek a, min ching zêk asin le," pawh a ti ve nuah nuah mahna le!
Chutia Sângrova a tlâwm chian hlê hnu chuan Vâl Upa pakhat chuan, "Kan pasalṭha Aizika chuan fiahna pakhat chu a pal tlang ta phawt mai a. Tu nge a hmaah han ding leh dâwn che u?" a han ti leh khauh khauh a. Chutih lai chuan Aizika chu tlangvâl ho ṭhut bial laih kârah chuan a laiah a ding rân mai a. Mahse, tlangvâl ho zing aṭang chuan ṭîk pawh han ti a, Aizika hmachhawn tûra ding chhuak ngam lo nih chu tlâwma han lâk tum âwm rêng rêng hmêl pu awm lovin, zawlbûk chhung chu thehmeh ang mai hian a rehin a reh ṭhiap mai a. Chutah Vâl Upa vêk chuan, "Uai! Zân tîr lama sa hliam dan chêp chhun rawn tum ang hut huta kan phûr nen, tûnah lêm, sapui huaiin ngaw hnuaia a vêl beh ang hrima kan han ṭit leh tâk dâwk chu!" a han ti sap a, a khi vei suk roh a.
Chu thu Vâl Upain a sawi zo fel hman âwrh tih chuan zawlbûk bawhbel lamah chuan thâwm rawn awmin, bawhbel chu pa pakhat hrawl hruah mai hian a rawn bawh liam zûl zûl a. Chu pa chu tu dang ni lovin, Sângrova putea, a nu te unau zinga an naupang ber, a vânglai pawha buan chak hmingthang lo ni ṭhin Sângnghîna a ni a. Ani hi zawlbûka riak tawh lova in lama riak chin tawh a niin, zanin pawh hi zawlbûk kai lovin in lamah in lêng upate nena titi phung vawrha tap lum vil ngawt kha a ni a.
Khatia, Sângrova leh Aizika an inbeih a, Sângrova chêt phet tain Aizika kut a tuar a ni tih thu kha an inbeih zawh dâwn ruaiah khan, Sângrova te nau, râwlthar pakhat pa ho titi ngaithla tura zawlbûk kai ve chuan a lo zu hrilh chu niin. Chu thu a han hriat chuan Sângnghina chuan, a tupa chhuan tawlawl ber Aizika laka than lai a tlâwm dêr mai chu tlâwmah a lain, a thin a ur ngang mai hi a lo ni a. Aizika chu zawr zawt khawpa sawp tumin a rana rangin zawlbûk chu a rawn kai chûk chûk mai hi a lo ni a.
Chutia, zan tîr lam pawha rawn kâi ûk si lo va, a zân tâi rêk tawh lama Sângnghîna rawn lang thut mai chuan Vâl Upate mit chu a la ngang ni tûr a ni, an lo melh rawn khâi khâi hlawm a. Chutih lai chuan Aizika pawh chuan ṭhut hmun a la rem fel loh avângin, hnial hrât ber ang mai chuan tlangvâl dangte ṭhut bial laih kârah chuan a laiah a la ding to mai a. Chutah Vâl Upa Kâiliana chuan a vaibêl êk khawn thlâk karh karh pah chuan, "Chhe hei! Vunga pa lah ni teh râwng chuan! Tun ang, zân khua pawhin a tâi rêk lam a hnaih tawh laia kârah, sanghal ba hmun hmu ṭha ni mai âwma phûra i rawn kâi ve tâk hâwl hâwl mai," tiin a lo bekbawrh a.
Sângnghîna chuan, "A, eng khaw dang ni lo ve. Zawlbûkah kan pêm pasalṭha fiahna neia inbuan a awm thu ka lo hria a. Chumi ka hriat rual chuan, ka tha hi a ṭhum tawh viau em maw ka'n fiah teh rêng ang tiin ka rawn hmanhmawh chho ve ta ngawt mai a nih hi," tiin a han chhâng a. Chutah Sângrova lam chu hawiin, "Uai! Ka nauva chuan a than ti khaihlaktu a tawng a va ni mai âwm êm? Lah, a sapui zia ngulh mai ṭhin kha uicho khawn chauh ang riaka nguai ruiha ka'n hmuh chu!" a han ti zawm leh zat a. Mahse, chutianga aw zângkhai taka iak kâng vah chu ni mah se, a chhûngrilah chuan Sângrova tlâwm hmêl chuan a thin a ti rimin, Aizika huatna leh phuba lâk châkna chuan a tur ut ut thung a. A thinurna ti tho zual tûr chuan zawlbûk boruak chu a rit uap churh mai bawk a.
Chutianga Sângnghîna thu han chhah kual vêl dânah chuan, Vâl Upa Kailiana chuan a rilru put dân hmang tûr âwm chu ngaihruat thiam nghalin, Sângrova thlavâng hauh a tum a ni tih chu a hre thiam nghâl ruak a. Chumi a nih avâng chuan boruak a sosâng mai ang tih hlauhthâwnna chu a nei tlat mai a. Tichuan, "E khai! Vunga pa, zân a rei lam tawh si a, kan naute ho ramchhuak lah hi an chau tlâng viau mai nen, mut hahdam lam te kan lo tintuah ru tawh asin," a han ti a.
Sângnghîna chuan, "Kan Vâl Upa thu chu a zahawm viau na a, kan tlangvâla chu han buan ve rêng rêng lova Vunga nu bula han inthawlh mûm leh tawp te zawng, zuk chal sih dâwt lai zungchala tin chuah mai te pawh kan ang dâwn êm mai; zawlbûk kai man pawh va awm suh," tiin a han hnial zauh a.
Chutia Sângnghîna'n Vâl Upa Kailiana a han hnialah chuan, Sângrova thlavâng hauh hun remchânga lain Vâl Upa pakhat chuan, "E khai! Chutiang taka ngen ngâwl chhuah ta chu, hun te zawng a hmangtu her rem dâna zirin a zâi mai ṭhin lah ni; kan tlangvâla chu han hmachhawn ta poh che," a lo ti thuai a. Chu veleh tlangvâl ho chu thâwm chhuahin an ri leh ta hulh hulh mai a. Tichuan, tlangvâlrual au thâwm ri hulh hulh kârah chuan Aizika leh Sângnghîna chu an han inhmachhawn dûn leh ta rân a.
Chutia an han indin chilh ngar mai lai chuan, Sângnghîna chuan Aizika chu a âwma han do luih deuh salh pah hian, "Nauva, kei chuan, ka tupa laka zâi i dawha i thlah mai duh ang rilru kha ka nei ve dâwn hlek lo a nia," a han ti zauh a.
Aizika chuan, nui hmêl pu sânga melh chung hian, "A khai, chutin aia nau an fiam nawmnah ngai lo. An hlahthlem ṭhin zâwk a ni ngai," tiin a thinrimna chu fiamthua lâk luihsak hrâm a tum ṭâlh a. A chhan chu, ani lakah chuan han thinrim chhan tûr a nei lo tih leh aia u a nihnaa zah a phû-na chu zahsak a tum tlat a; a nêm zâwngin Sângnghîna thinrimna chu lâksak hrâm hrâm a tum tlat a ni.
Tichuan le, an han inchelh a, an han inṭhâwm dûn ta a le. Sângnghîna chuan tharum chu a lo ngah nangiang mai a, a thawh khatna han ṭan thutah chuan Aizika chu a kâng leh dat dat ṭhin a. Mahse, Aizika hian thahrui a ngah zâwk êm avang leh inbuan a thiam êm avangin Sângnghina chuan a phawi kâng hlei thei tlat lo; a ṭan nat leh a nghet ting emaw tih mai tûr leh, a ke leh zawlbûk chhuat chu a inchâr ta emaw tih tûr hian a ding char auh reng ta mai a. Chutih lai chuan Sângnghîna chuan a tha tâwp teh meuh a chhuah laiin, Aizika erawh chuan Sângnghîna tha chhuah theih tâwp laka invêng tâwk chauhin, phawia vawrh bin vel kher tum lo hian, chhaih chauh tum lek hian a dawm nghet tlat thung a.
Rei ngial chutianga a tua mah mah inphâwi bik lova an indawm dunah ngar ngar chuan, a û zâwk leh chuai lam tawh zâwk, a tlo lo zâwk ta na nâ na chu, Sângnghîna chuan a tha chhuah tûr zawng zawng chu hmang zovin a zawi chhe ta dêr mai a. Chu lai tak chu Aizika chuan, "Ka duh hun hunah ka phawi thei che asin," ti ni âwm tak hian a han châwi kâng lawp a, vawrh bin lovin a dinna ngaiah chuan a nghat leh dap ta zâwk a. Chutah, tha chhuah tûr pawh nei tawh lova mawia Aizika kâwnga dawm dam ve mai mai tawh Sângnghina chuan, "Aw hawi! Nang zawng, hneh mi leh buan mi pawh i lo nih loh hi," tiin a dawmna chu a thlah zawm nghal a. Chutah, a duh hun huna phawia vawrh bin nawlh thei reng siina a laka zah a ngaih tlat dân a han hriat chuan, Sângnghîna chuan Aizika rilru chhungrila a nun nêm rûkna lai chu hmuhsakin a zah ru ta êm êm mai a. Thâwklehkhatah huatna thinlung chuan a kiansan ta duak a, "Nauva, nang anga mihring danglam hi ka la tawng ngai hauh lo. Khua hualin i damkhua hrui ang sei mawlh teh se," a ti thâwp sat a.
Link: | |
BBcode: | |
HTML: | |
Hide post links |
PASALṬHA AIZIKA
- Nunmawia Fanai
BUNG SAWMNA
Zing ni chhuak chuan boruak thiang kûk mai chu rawng chi hrang hranga cheiin, a zung rawn chhuak no nghelh mai chuan thing hnah dâiin a chiah hnâwn depte chu mit la thei tûr ang ber hian a chhun tle siar siar a. Zîng thli fîm thaw dai riaiin a chhêm chêt zâwng chuan an de sep sep mai bawk a. Chutia zân rorêlna hnuaia leilung mawina inthup tlatin a pâr mawina chhuaha a rawn vul thar leh tâkah chuan, zân thim hrehawmna mut bosanna zawnga tawmin tlat ho, nungchâte pawhin zing ni chhuak chu lâwma zai sain mual tin mai chu an âwi leh veng veng tawh a. Di thli far fêma dâi châmbâng hnâwng chiap mai pawh chuan, zân khaw thim hnuaia an huangtau an chhuah ang chu chhuah ngam tawh lovin, an lo kalna lam pan leh tûrin zing boruakah chuan vân lam panin an khu chho chiai chiai bawk a. Pa tar lam, khaw vâwt tawrh lama chakna nei tlêm tawh, mutmu tuah rei thei tawh lo, kâwl a ên aṭanga ni chhuah hun nghâkhlela iak iak ṭhin te pawh chuan kawtkaiah ni lum an hnungpuak ar ar hlawm nen. Hun azira engkim a danglam ṭhinna chuan leilung chu a tuam khat hneh leh hle tawh mai.
Chutih lai chuan, lal in lamah thung chuan, zing boruak thiang kûk hnuaiah chuan, khaw chhak lam aṭangin palai hmêl an hmu khup khup mai a. Chu'ng palaite chu tu dang ni lovin, Zahleithanga palaite niin, an pasalṭha chhuan tawlawl Pâwithlun khuaa sala awm mêk tlan tûra tlanna sum kenga rawn kal, Zahleithanga'n a rawn tirhte hi an ni a. An vâi chuan mi sawmhnih ṭha zet zawt niin, a zingah chuan pasalṭha tih hriat tak tak mi pali panga lai chu an rawn tel nawk bawk a. Chu'ng an pasalṭha rawn kal tel vete chu han en reng reng pawhin, an huaisenin an chungchuang hle a ni tih an hawiher leh chet phungah chuan a hriat theih a. An chêt ziaah chuan buai thut pawh hreh lova inrâlring sâ rân an ni tih hi a lang reng bawk.
He'ng Pâwi pasalṭha an rawn hruaite hi Zahleithanga unaute, Khuangṭhiauva leh Khuangtuala-te khaw hnih pasalṭha, Zahleithanga'n a rawn pun, eng emaw thu-ah inbah a awm thulha râwng taka chêt a ṭul dâwn a nih pawh a, lu chhum bân chhum huama che nghâl mai thei tûr, insual leh râl beih lama mi hrât khawkhêngte niin, râl lu tam tak lo khaia lo hrâng na tak tak tawhte vek an ni a. Chutih rualin, Aizika la hre ngai lo, khaw thlang lal ho hi ngaihnêp leh ngam sa ena lo en kumkhuatute an niin, Aizika laka chêt mawi loh chhuah châk tak takte vek an ni leh zêl a. A rûk tak chuan buaina chawh chhuah an cho âr hlawm a, chumi thinlung pu ru râna rawn thawk chu an ni rêng bawk a ni.
Chu'ng mite a han hmuh thutah chuan Pâwithlun lal Thandâwla chuan an lo kal chhan leh tu khuate nge an nih a han zâwt dap dap a. Anni chuan, Zahleithanga khua an nih thu te leh, an pasalṭha sala tâng mêk tlan tûra lo kal an nih thu chu an hrilh ve bawk a. Chutah lal Thandâwla chuan, "Aw khai! Rina hmaa hmanhmawha in rawn thawh thut hi tu'n va ring suh. Ka thu thawnin in lal in a dêng chauh ang chu tih leka laiin, Tlingi hova sangha vuate hâw lam an thopa zuan ang duai duai thâw hiala ranga in rawn lan ni. A hmaa palai rawn kalte kha ni lova ka'n hriat vâng che uin a nia ka'n hai viau che u ni," tiin a lo chiau au a. Anni pawh chuan a hmaa palai rawn thawk hmasate kha chu an ni lo tih leh, mi hran an nih thuin an chhâng a. Chutah tlângaupa hnênah chuan, "Lêngtea pa, hei lah, zing ṭhang ṭhangah hla te khua aṭangin khaw chhak palai kan thleng khup khup mai ka ti! Ka khâwnbâwlte leh ka unaupa Aizika te han ko khâwm zung zung teh khai. Anni tel lo chuan khual ṭha chhâwn dân ka thiam hauh hlei nêm," a han ti a. Chu veleh tlâgaupa chu ṭîk pawh ti lo hian khâwnbâwl upa ho ko tûr chuan a liam nghâl chûk chûk a.
Tlângaupa liam hlân chuan lal Thandâwla chuan a palai khualte hnênah chuan, "Ti teh u, lal in zawng khualpui meuh han inthiah khep khup nan chuan a huang a zim lam deuh e; ka zaudawh lamah sâwn i insawn hlauh teh ang u khai. Saw lamah chhâwlhâl te pawh kan dam thlum vawng vawng ang chu maw le; ka Upate kan lo nghâk a ni pah fâwm ang a," a han ti a. Tichuan, kâwmchâra thla thum zên zâwn a lo up tawh zu bêl nêna zaudawh lam pan chu an rual ta sang sang a.
Chutia zaudawha zu an han khâwn karh karh lai chuan Zahleithanga khâwnbâwl pakhat kam nam deuh tawh chuan, "Lalpa, a enga pawh chu ni sela, kan mi rawn tlan tûr bera hmêl hi hmuh kan va duh hmasa tawh ngai ve le? I salah riak awma kan rin laiin, a hmêl hmuh mai tûr lah chu i lal in leh a vêlah hian hmeithai zînga til zawn ang chauha vâng lah ni ka ti! Thinrimnain a la buan thlûka a sal beh mêk thinlung kawltu lal hian, bumna thu hmanga min chah fiam lek hi i ni mai lo vang tih pawh hriat ni ta lo chu, tu'n nge bumna thang mai a ni lo vang tih hria ang ni? Kan Mângropuia lu hian sahlâm a lo mawi fel reng tawh zâwk te hi a nih ka ringhlel lo ve," tiin, Lianchuhmânga hmêl hmuh tûr a awm rih loh chhuanlam chuan, lal Thandâwla thin chu kheisak tum rân hian a rawn ṭawng chhuak a.
Chutia Zahleithanga Khâwnbâwl Upa min Zahrânga rawn ṭawng chhuah duh dân chuan lal Thandâwla thin chu a khei zak tak tak a. Mahse, a enga mah hmaa han rîk nghâl ṭhak chu tum rih lovin, "E khai! A mai mai chuan! Chutianga dâwt leh inbumna thu mai mai bâwl kualah riak min ngai lo teh u khai. In mi tlan tûra hi ka sal ni lovin, ka pasalṭha Aizika sal a ni asin. Chu vangin ka lal in leh a vêlah chuan a hniak pawhin hmun a chang zîm khawp a nia. Sâw, en mah teh u, khami ni, Aizika kianga hmeichhia ang maia khûr hlawk hlawk chunga nun a dil hnua nun a nih a, sal tûra hruai haw a nih nia Aizika'n a thlunna hmun, ka hrânghrual ngul bulah sâwn a hniak pherh ving veng chu a la awm mial mahna. Amah tak erawh chu ka pasalṭha Aizika'n rem a tih hunah a la hmuhtir dâwn che u nia," tiin a han chhâng lêt na deuh khak a. Chu a chhânna chuan Pâwi pasalṭha ho thin chu a khei zawr hlawm a. Pâwithlun lal Thandâwla lu chu sah thlawh lawp mai châk hian an ṭhut hmunah chuan an inseh ruh ûlin, thup theih loh khawp hian an thinrim mitmeng chu a ling hlar hlawm bawk a. Chu chu lal Thandâwla chuan a hmuh hmaih hauh loh avangin, a ṭawng chhuah dân chuan a duh angin hna a thawk ṭha a ni tih a hriat chuan a lâwm ru hlê zâwk a.
Chutianga an chhâwlhâl an lo indamsak lai mêk chuan Pâwithlun lal khâwnbâwlte chuan lal zaudawh chu an rawn chuang kâi sap sap ṭan a. An rawn kâi kim ta maw tih chuan, "In rawn kim ta maw? Hei lah, zing ṭhang ṭhangah lal Zahleithanga palaite hmêl ka'n hmu khup khup mai a. An pasalṭha Lianchuhmânga tlan tûra kan inremna kha tihlawhtling tûra rawn kal an nih thu an han sawi tâkah chuan a rana rangin, Laltuaia pa ran ngo zawng tûra a liam ang vut vut khan Lêngtea pa ka rawn tur ta vut vut mai a ni," a han tih chuan, "A ni teh tak e, ai ruah hnu lamah daih an rawn thawh ka lo ring a, ka lo bengkhawn ta lawk lo va," tiin khâwnbâwl pakhat chu a rawn ṭawng chhuak boh a.
Chutah lal chuan, "Lêngtea pa, nang mawng zângah, kan silai khâwm zinga pakhat, rappui chung sânga ka thawlh leh, banglai tumpâng kia fungki ka khai lansarh vawh kha va lain, kan thu delh hian kilh a hlawh a ni tih anni ho hi han êntir ta poh che. A bâk fung dang leh fungki ho chu kan inremna a puitlin ruala inhlanah an awmna hmun kha lo la mawi rih rawh se," a han ti a. Tlângaupa chu lal thu ang chuan silai la tûr chuan kal nghal nalh a.
Tlângaupa silai leh fungki nena a lo lêt leh hnu chuan lal Thandâwla chuan, an palai khualte lam hawi chuan, "Kan intlanna tûr sum leh pai lam chu in rawn tlin thei em maw chu?" a han ti charh charh a.
Zahleithanga khâwnbâwl upa min Zahrânga chuan, "Kan pasalṭha sal tlanna atana in phût sial nupa tuak khat kha chu kan tlin thei mai a. Ama'rawhchu, kan silai min khâwmsak fung riat tlanna tûra min phût erawh kha chu kan tân tlin ngaihna a awm loh avangin, kan lal Zahleithanga'n, 'Se chal pakhat hian han ṭah awh ngawt mai teh un,' tiin se chal pakhat teh lâwng mai chauh a ni kan rawnn tlin theih hrâm ni," tiin a chhâng a.
Lal Thandâwla chuan, "Chu, in pasalṭha Lianchuhmânga tlanna sum chu in tlâk thei a, in silai erawhin in roh loh deuh zâwk changin a tlanna in kim zo dâwn lo a nih hlauh chu a," a han ti leh chuar chuar a.
Zahrânga chuan, "Lalpa, sial chal chuan min tlantir vek la kan va ti êm âw, kan silaite chu?" tiin a ngên ngâwl a han chhuah der vel a. Chutih lai chuan Aizika leh Lianchuhmânga pawh chuan lal zaudawh chu panin an ke an rawn chhep dûn thloh thloh a.
Chutia Aizika leh Lianchuhmânga rawn inchhawm hnalh hnalh mai an han hmuh chuan, an khaw pasalṭha, khawtlângin an zah rawn leh a muanna nia an khaw chawimawitu, chuti taka tlâwma a han awm mai chuan an rilru a tina hlawm ngang a ni ang. Zaudawh aṭanga lo thlirtu Zahleithanga mi leh sate zinga pakhat chuan aw zuai raih hian, "Aw hawi! Kan vângkhua mâwitu vâl, than lai hâwl chuanga chuan chan a va nei hniam ruai ruai ngai em!" a han ti thâm ṭiak a. Lainat tih hriat tak hian a thlir doh doh mai a. Chutih lai chuan an zinga Zahleithanga u Khuangṭhiauva pasalṭha ngawltâwt zet mai pakhat, Thanglianluaia thinurna chuan a chim a sâng chho thut mai a. A thinrimna lan chhuahtir a, chêt han thawh phut phut mai chu châk viau mah se, chhan leh vâng ṭha tak inmûng thar a awm hma chu chêt tum mai lovin a insûm hrâm hrâm rih a. A thinrim lutuk chuan mi dang hriat ve tham loha zâwi sup hian, "Aizik, lo ngai tak rawh! Vawiin hian i lu khaia ka haw lo a nih chuan ka hming hi Thanglianluaia a ni leh tawh ngai lo vang," a ti vei sap bawk a.
Tichuan lal chuan Zahrânga'n a ngen ngâwlna chu, "Han ngên ngâwl viau ta mah u la, in sial chal chuan kan silai khâwm zinga fung khat bâk hi chu a tlan zo dâwn lo tawp. A eng a, sal tlanna sial nupa tuak bâka silai tlanna atana sial pariat ti na nâ na, sial chal pakhat lek mai te in rawn tih buangbâr mai mai ni? Kei chuan tawlh ka tum hauh lo a nia," a ti tâwp hmuk ta mai a. Chu thu a sawi zo fel âwrh tih chuan Aizika leh Lianchuhmânga pawh chu an rawn inzui lût ve chiah bawk a.
Chutia lalin a han chhân bulh hmukah chuan Zahrânga chuan, "Lalpa, i phal emaw, phal lo emaw, i tawlh emaw, tawlh lo emaw eng mah hian kan silai fung hloh kan lâk kirna hi a dâl dâwn reng reng hlei nêm," a ti ta chheu chheu mai a. Chu thu a sawi zawh rual chuan, an lo tum lâwk ang ngeiin thil a thleng chho ṭan tih hriat tak hian, a bula a tun, a silai, a mu thun sa chu chuhin, rang takin a cheng chu a kau ri rak a, lal Thandâwla tin chu a rual ta nghâl rân mai a. Chu veleh a ṭhuihruai ho pawh chuan an hriam chu chuhin, chêt thawh nghâl mai tûr chuan an inringin an ding chhuak ta nghâl far mai le.
Chutianga rin loh lam taka inṭhâwn thutna thleng chuan Aizika meuh pawh chu a ti hamhaih lek lek hial avang chuan, chêt han thawh lêt dân tûrah chuan a buai ru hle a ni ang, lal kianga a ṭhut hmun rem chu muang ṭulh hian ding chhuak ṭual ṭual ringawt a.
Chutah, tu mahin ṭawng chhuah tum lova an reh dak lai chuan Zahrânga chuan, lal chu silaia tin rân chung chuan, "Thandâwl, kan sial chal chu silai fung riat tlan nan chuan i pawm dâwn nge dâwn lo," a han ti chuai raih a. Chutianga silai kaw hmawr lam chang a, a puah ruala a lu darh hawk nghâl mai thei din hmuna a din tâkah chuan, lal chuan duhthlan tûr dang neiin a inhre ta lo a ni ang, "Nunna nge nge, a hlu a ni ang e. In sial chal chu pawm lo zia ka ni em ni?" a ti chuai raih a. A thinrim leh tlâwma a la lutuk, tihngaihna dang awma hre si lo chu a ṭap lo chauh mai a.
Mahse, chutih lai chuan Aizika chuan, "Hetiang hi inremna thu sawi tûra mi khuaa chêt dân phung in neih ṭhin em ni?" tih leh tu mahin chêt an thawh hmaa rang taka lal tintu Zahrânga lama zuan phei leh, a silai lal chal zâwna kawh vâw mai dâwta vawna phih nghek mai chu a rual ta nghâl a; a phih na ngang a ni ang, Zahrânga kut aṭang chuan silai chu a thlawn hlawl mai a. Chumi rual chuan a dâwt lam chu Zahrânga lam hawia vawr virin, Zahrânga chal zâwn a dâwtin a tin lai tak mai chuan a'n hmet puak dur ta maia le! Zahrânga chu lu darh hawkin zaudawh chhuatah chuan a tlu zawi ta hnawk mai a. Chutah, a silai ken lai chu a dâwt lamah vuan chhunzawm leh nghâl zatin, a bul hnaih bera Pâwi pasalṭha chemtum hûma ding kâk ṭâ mai chu a bek dâm dawk khawpin a'n hêm zui leh nghâl chawrh mai a. A hêm na bawk a ni ang, silai pawh chu a dâwt chauh changin a kâwm chu a thlâwk hrang nawlh a; chu pa pawh chu a bek aṭanga thi rawn chik chhuak puat puat chung hian a ding tlûk ve leh zuar mai a. Chutianga Aizika a chêt thut chu tu mahin an rin lâwk a nih loh avang leh, a ṭuan ṭha chungchuang lutuk chu an chelh ngang loh avangin tu mah che hman awm hek lo, an ka hau ringawt hlawm a. Chutah Aizika chuan a silai dâwt ken lai chu lek vaw vaw chungin, "Tu nge chêt han thawt leh hmasa dawn che u?" a han ti chheu chheu mai a. Chuta a aw chhuak chu sapui thinrim râwl ai pawhin huhâng a ngah zâwk hial âwm e.
Chutianga a thinrim pawisak nei lovin awlsam deuh maia mi pahnih a han thal ṭhak tâkah chuan, a pawisak nei lo aw ri hretute zingah chuan Aizika chu han bawh ngam an awm ta rêng rêng lo va. A hmaa chêt chhuah hun nghâka thisena lo tuihâl ho, Pâwi pasalṭha ngawhngawl hmêl tak tak ho chu an hotupa, an khâwnbâwl leh an pasalṭha hma tâwngtu tuk dâwla a awm rang lutuk chuan a ti zâmin an zum dûk ta mai a ni.
Chutah le Aizika thinrim chu a la reh lo nasa mai chu niin; a mi vuak thlûk lu lâk chem, a hûmtu thain a tlin tâk loh avanga a kut aṭanga tla hrang nawlh, chhuata let reng chu a chhar a, silai dâwt nen chuan leh lam leh lamah a hûm dûn ṭa a. Chumi zawh chuan, "Nangni hian kan lal Thandâwla huangah in til in rawn tilian anga maw? Tu nge min rawn hmachhawn leh dâwn che u," tih leh an lu zâwna silai dâwt vai kual chu a han rual fua fua mai a. Chu zawng, an bekin a lo dawng ang tih an hlau tlâng ngang a ni ang, a pa lian deuh leh pa tê deuh pawh inchen ṭhapin an kûn hniam dual dual mai maw le.
Tichuan, chu'ng Pawi palai ho an tlâwm ral tâkah chuan, "Aw le, Zika, a tâwk ta e. Intlanna lama kan indâwrna kha i han chhunzawm leh dâwn tawh zâwk ang u," tiin Lianchuhmânga chuan a laiah bân a lo phar thuai a.
- Nunmawia Fanai
BUNG SAWMNA
Zing ni chhuak chuan boruak thiang kûk mai chu rawng chi hrang hranga cheiin, a zung rawn chhuak no nghelh mai chuan thing hnah dâiin a chiah hnâwn depte chu mit la thei tûr ang ber hian a chhun tle siar siar a. Zîng thli fîm thaw dai riaiin a chhêm chêt zâwng chuan an de sep sep mai bawk a. Chutia zân rorêlna hnuaia leilung mawina inthup tlatin a pâr mawina chhuaha a rawn vul thar leh tâkah chuan, zân thim hrehawmna mut bosanna zawnga tawmin tlat ho, nungchâte pawhin zing ni chhuak chu lâwma zai sain mual tin mai chu an âwi leh veng veng tawh a. Di thli far fêma dâi châmbâng hnâwng chiap mai pawh chuan, zân khaw thim hnuaia an huangtau an chhuah ang chu chhuah ngam tawh lovin, an lo kalna lam pan leh tûrin zing boruakah chuan vân lam panin an khu chho chiai chiai bawk a. Pa tar lam, khaw vâwt tawrh lama chakna nei tlêm tawh, mutmu tuah rei thei tawh lo, kâwl a ên aṭanga ni chhuah hun nghâkhlela iak iak ṭhin te pawh chuan kawtkaiah ni lum an hnungpuak ar ar hlawm nen. Hun azira engkim a danglam ṭhinna chuan leilung chu a tuam khat hneh leh hle tawh mai.
Chutih lai chuan, lal in lamah thung chuan, zing boruak thiang kûk hnuaiah chuan, khaw chhak lam aṭangin palai hmêl an hmu khup khup mai a. Chu'ng palaite chu tu dang ni lovin, Zahleithanga palaite niin, an pasalṭha chhuan tawlawl Pâwithlun khuaa sala awm mêk tlan tûra tlanna sum kenga rawn kal, Zahleithanga'n a rawn tirhte hi an ni a. An vâi chuan mi sawmhnih ṭha zet zawt niin, a zingah chuan pasalṭha tih hriat tak tak mi pali panga lai chu an rawn tel nawk bawk a. Chu'ng an pasalṭha rawn kal tel vete chu han en reng reng pawhin, an huaisenin an chungchuang hle a ni tih an hawiher leh chet phungah chuan a hriat theih a. An chêt ziaah chuan buai thut pawh hreh lova inrâlring sâ rân an ni tih hi a lang reng bawk.
He'ng Pâwi pasalṭha an rawn hruaite hi Zahleithanga unaute, Khuangṭhiauva leh Khuangtuala-te khaw hnih pasalṭha, Zahleithanga'n a rawn pun, eng emaw thu-ah inbah a awm thulha râwng taka chêt a ṭul dâwn a nih pawh a, lu chhum bân chhum huama che nghâl mai thei tûr, insual leh râl beih lama mi hrât khawkhêngte niin, râl lu tam tak lo khaia lo hrâng na tak tak tawhte vek an ni a. Chutih rualin, Aizika la hre ngai lo, khaw thlang lal ho hi ngaihnêp leh ngam sa ena lo en kumkhuatute an niin, Aizika laka chêt mawi loh chhuah châk tak takte vek an ni leh zêl a. A rûk tak chuan buaina chawh chhuah an cho âr hlawm a, chumi thinlung pu ru râna rawn thawk chu an ni rêng bawk a ni.
Chu'ng mite a han hmuh thutah chuan Pâwithlun lal Thandâwla chuan an lo kal chhan leh tu khuate nge an nih a han zâwt dap dap a. Anni chuan, Zahleithanga khua an nih thu te leh, an pasalṭha sala tâng mêk tlan tûra lo kal an nih thu chu an hrilh ve bawk a. Chutah lal Thandâwla chuan, "Aw khai! Rina hmaa hmanhmawha in rawn thawh thut hi tu'n va ring suh. Ka thu thawnin in lal in a dêng chauh ang chu tih leka laiin, Tlingi hova sangha vuate hâw lam an thopa zuan ang duai duai thâw hiala ranga in rawn lan ni. A hmaa palai rawn kalte kha ni lova ka'n hriat vâng che uin a nia ka'n hai viau che u ni," tiin a lo chiau au a. Anni pawh chuan a hmaa palai rawn thawk hmasate kha chu an ni lo tih leh, mi hran an nih thuin an chhâng a. Chutah tlângaupa hnênah chuan, "Lêngtea pa, hei lah, zing ṭhang ṭhangah hla te khua aṭangin khaw chhak palai kan thleng khup khup mai ka ti! Ka khâwnbâwlte leh ka unaupa Aizika te han ko khâwm zung zung teh khai. Anni tel lo chuan khual ṭha chhâwn dân ka thiam hauh hlei nêm," a han ti a. Chu veleh tlâgaupa chu ṭîk pawh ti lo hian khâwnbâwl upa ho ko tûr chuan a liam nghâl chûk chûk a.
Tlângaupa liam hlân chuan lal Thandâwla chuan a palai khualte hnênah chuan, "Ti teh u, lal in zawng khualpui meuh han inthiah khep khup nan chuan a huang a zim lam deuh e; ka zaudawh lamah sâwn i insawn hlauh teh ang u khai. Saw lamah chhâwlhâl te pawh kan dam thlum vawng vawng ang chu maw le; ka Upate kan lo nghâk a ni pah fâwm ang a," a han ti a. Tichuan, kâwmchâra thla thum zên zâwn a lo up tawh zu bêl nêna zaudawh lam pan chu an rual ta sang sang a.
Chutia zaudawha zu an han khâwn karh karh lai chuan Zahleithanga khâwnbâwl pakhat kam nam deuh tawh chuan, "Lalpa, a enga pawh chu ni sela, kan mi rawn tlan tûr bera hmêl hi hmuh kan va duh hmasa tawh ngai ve le? I salah riak awma kan rin laiin, a hmêl hmuh mai tûr lah chu i lal in leh a vêlah hian hmeithai zînga til zawn ang chauha vâng lah ni ka ti! Thinrimnain a la buan thlûka a sal beh mêk thinlung kawltu lal hian, bumna thu hmanga min chah fiam lek hi i ni mai lo vang tih pawh hriat ni ta lo chu, tu'n nge bumna thang mai a ni lo vang tih hria ang ni? Kan Mângropuia lu hian sahlâm a lo mawi fel reng tawh zâwk te hi a nih ka ringhlel lo ve," tiin, Lianchuhmânga hmêl hmuh tûr a awm rih loh chhuanlam chuan, lal Thandâwla thin chu kheisak tum rân hian a rawn ṭawng chhuak a.
Chutia Zahleithanga Khâwnbâwl Upa min Zahrânga rawn ṭawng chhuah duh dân chuan lal Thandâwla thin chu a khei zak tak tak a. Mahse, a enga mah hmaa han rîk nghâl ṭhak chu tum rih lovin, "E khai! A mai mai chuan! Chutianga dâwt leh inbumna thu mai mai bâwl kualah riak min ngai lo teh u khai. In mi tlan tûra hi ka sal ni lovin, ka pasalṭha Aizika sal a ni asin. Chu vangin ka lal in leh a vêlah chuan a hniak pawhin hmun a chang zîm khawp a nia. Sâw, en mah teh u, khami ni, Aizika kianga hmeichhia ang maia khûr hlawk hlawk chunga nun a dil hnua nun a nih a, sal tûra hruai haw a nih nia Aizika'n a thlunna hmun, ka hrânghrual ngul bulah sâwn a hniak pherh ving veng chu a la awm mial mahna. Amah tak erawh chu ka pasalṭha Aizika'n rem a tih hunah a la hmuhtir dâwn che u nia," tiin a han chhâng lêt na deuh khak a. Chu a chhânna chuan Pâwi pasalṭha ho thin chu a khei zawr hlawm a. Pâwithlun lal Thandâwla lu chu sah thlawh lawp mai châk hian an ṭhut hmunah chuan an inseh ruh ûlin, thup theih loh khawp hian an thinrim mitmeng chu a ling hlar hlawm bawk a. Chu chu lal Thandâwla chuan a hmuh hmaih hauh loh avangin, a ṭawng chhuah dân chuan a duh angin hna a thawk ṭha a ni tih a hriat chuan a lâwm ru hlê zâwk a.
Chutianga an chhâwlhâl an lo indamsak lai mêk chuan Pâwithlun lal khâwnbâwlte chuan lal zaudawh chu an rawn chuang kâi sap sap ṭan a. An rawn kâi kim ta maw tih chuan, "In rawn kim ta maw? Hei lah, zing ṭhang ṭhangah lal Zahleithanga palaite hmêl ka'n hmu khup khup mai a. An pasalṭha Lianchuhmânga tlan tûra kan inremna kha tihlawhtling tûra rawn kal an nih thu an han sawi tâkah chuan a rana rangin, Laltuaia pa ran ngo zawng tûra a liam ang vut vut khan Lêngtea pa ka rawn tur ta vut vut mai a ni," a han tih chuan, "A ni teh tak e, ai ruah hnu lamah daih an rawn thawh ka lo ring a, ka lo bengkhawn ta lawk lo va," tiin khâwnbâwl pakhat chu a rawn ṭawng chhuak boh a.
Chutah lal chuan, "Lêngtea pa, nang mawng zângah, kan silai khâwm zinga pakhat, rappui chung sânga ka thawlh leh, banglai tumpâng kia fungki ka khai lansarh vawh kha va lain, kan thu delh hian kilh a hlawh a ni tih anni ho hi han êntir ta poh che. A bâk fung dang leh fungki ho chu kan inremna a puitlin ruala inhlanah an awmna hmun kha lo la mawi rih rawh se," a han ti a. Tlângaupa chu lal thu ang chuan silai la tûr chuan kal nghal nalh a.
Tlângaupa silai leh fungki nena a lo lêt leh hnu chuan lal Thandâwla chuan, an palai khualte lam hawi chuan, "Kan intlanna tûr sum leh pai lam chu in rawn tlin thei em maw chu?" a han ti charh charh a.
Zahleithanga khâwnbâwl upa min Zahrânga chuan, "Kan pasalṭha sal tlanna atana in phût sial nupa tuak khat kha chu kan tlin thei mai a. Ama'rawhchu, kan silai min khâwmsak fung riat tlanna tûra min phût erawh kha chu kan tân tlin ngaihna a awm loh avangin, kan lal Zahleithanga'n, 'Se chal pakhat hian han ṭah awh ngawt mai teh un,' tiin se chal pakhat teh lâwng mai chauh a ni kan rawnn tlin theih hrâm ni," tiin a chhâng a.
Lal Thandâwla chuan, "Chu, in pasalṭha Lianchuhmânga tlanna sum chu in tlâk thei a, in silai erawhin in roh loh deuh zâwk changin a tlanna in kim zo dâwn lo a nih hlauh chu a," a han ti leh chuar chuar a.
Zahrânga chuan, "Lalpa, sial chal chuan min tlantir vek la kan va ti êm âw, kan silaite chu?" tiin a ngên ngâwl a han chhuah der vel a. Chutih lai chuan Aizika leh Lianchuhmânga pawh chuan lal zaudawh chu panin an ke an rawn chhep dûn thloh thloh a.
Chutia Aizika leh Lianchuhmânga rawn inchhawm hnalh hnalh mai an han hmuh chuan, an khaw pasalṭha, khawtlângin an zah rawn leh a muanna nia an khaw chawimawitu, chuti taka tlâwma a han awm mai chuan an rilru a tina hlawm ngang a ni ang. Zaudawh aṭanga lo thlirtu Zahleithanga mi leh sate zinga pakhat chuan aw zuai raih hian, "Aw hawi! Kan vângkhua mâwitu vâl, than lai hâwl chuanga chuan chan a va nei hniam ruai ruai ngai em!" a han ti thâm ṭiak a. Lainat tih hriat tak hian a thlir doh doh mai a. Chutih lai chuan an zinga Zahleithanga u Khuangṭhiauva pasalṭha ngawltâwt zet mai pakhat, Thanglianluaia thinurna chuan a chim a sâng chho thut mai a. A thinrimna lan chhuahtir a, chêt han thawh phut phut mai chu châk viau mah se, chhan leh vâng ṭha tak inmûng thar a awm hma chu chêt tum mai lovin a insûm hrâm hrâm rih a. A thinrim lutuk chuan mi dang hriat ve tham loha zâwi sup hian, "Aizik, lo ngai tak rawh! Vawiin hian i lu khaia ka haw lo a nih chuan ka hming hi Thanglianluaia a ni leh tawh ngai lo vang," a ti vei sap bawk a.
Tichuan lal chuan Zahrânga'n a ngen ngâwlna chu, "Han ngên ngâwl viau ta mah u la, in sial chal chuan kan silai khâwm zinga fung khat bâk hi chu a tlan zo dâwn lo tawp. A eng a, sal tlanna sial nupa tuak bâka silai tlanna atana sial pariat ti na nâ na, sial chal pakhat lek mai te in rawn tih buangbâr mai mai ni? Kei chuan tawlh ka tum hauh lo a nia," a ti tâwp hmuk ta mai a. Chu thu a sawi zo fel âwrh tih chuan Aizika leh Lianchuhmânga pawh chu an rawn inzui lût ve chiah bawk a.
Chutia lalin a han chhân bulh hmukah chuan Zahrânga chuan, "Lalpa, i phal emaw, phal lo emaw, i tawlh emaw, tawlh lo emaw eng mah hian kan silai fung hloh kan lâk kirna hi a dâl dâwn reng reng hlei nêm," a ti ta chheu chheu mai a. Chu thu a sawi zawh rual chuan, an lo tum lâwk ang ngeiin thil a thleng chho ṭan tih hriat tak hian, a bula a tun, a silai, a mu thun sa chu chuhin, rang takin a cheng chu a kau ri rak a, lal Thandâwla tin chu a rual ta nghâl rân mai a. Chu veleh a ṭhuihruai ho pawh chuan an hriam chu chuhin, chêt thawh nghâl mai tûr chuan an inringin an ding chhuak ta nghâl far mai le.
Chutianga rin loh lam taka inṭhâwn thutna thleng chuan Aizika meuh pawh chu a ti hamhaih lek lek hial avang chuan, chêt han thawh lêt dân tûrah chuan a buai ru hle a ni ang, lal kianga a ṭhut hmun rem chu muang ṭulh hian ding chhuak ṭual ṭual ringawt a.
Chutah, tu mahin ṭawng chhuah tum lova an reh dak lai chuan Zahrânga chuan, lal chu silaia tin rân chung chuan, "Thandâwl, kan sial chal chu silai fung riat tlan nan chuan i pawm dâwn nge dâwn lo," a han ti chuai raih a. Chutianga silai kaw hmawr lam chang a, a puah ruala a lu darh hawk nghâl mai thei din hmuna a din tâkah chuan, lal chuan duhthlan tûr dang neiin a inhre ta lo a ni ang, "Nunna nge nge, a hlu a ni ang e. In sial chal chu pawm lo zia ka ni em ni?" a ti chuai raih a. A thinrim leh tlâwma a la lutuk, tihngaihna dang awma hre si lo chu a ṭap lo chauh mai a.
Mahse, chutih lai chuan Aizika chuan, "Hetiang hi inremna thu sawi tûra mi khuaa chêt dân phung in neih ṭhin em ni?" tih leh tu mahin chêt an thawh hmaa rang taka lal tintu Zahrânga lama zuan phei leh, a silai lal chal zâwna kawh vâw mai dâwta vawna phih nghek mai chu a rual ta nghâl a; a phih na ngang a ni ang, Zahrânga kut aṭang chuan silai chu a thlawn hlawl mai a. Chumi rual chuan a dâwt lam chu Zahrânga lam hawia vawr virin, Zahrânga chal zâwn a dâwtin a tin lai tak mai chuan a'n hmet puak dur ta maia le! Zahrânga chu lu darh hawkin zaudawh chhuatah chuan a tlu zawi ta hnawk mai a. Chutah, a silai ken lai chu a dâwt lamah vuan chhunzawm leh nghâl zatin, a bul hnaih bera Pâwi pasalṭha chemtum hûma ding kâk ṭâ mai chu a bek dâm dawk khawpin a'n hêm zui leh nghâl chawrh mai a. A hêm na bawk a ni ang, silai pawh chu a dâwt chauh changin a kâwm chu a thlâwk hrang nawlh a; chu pa pawh chu a bek aṭanga thi rawn chik chhuak puat puat chung hian a ding tlûk ve leh zuar mai a. Chutianga Aizika a chêt thut chu tu mahin an rin lâwk a nih loh avang leh, a ṭuan ṭha chungchuang lutuk chu an chelh ngang loh avangin tu mah che hman awm hek lo, an ka hau ringawt hlawm a. Chutah Aizika chuan a silai dâwt ken lai chu lek vaw vaw chungin, "Tu nge chêt han thawt leh hmasa dawn che u?" a han ti chheu chheu mai a. Chuta a aw chhuak chu sapui thinrim râwl ai pawhin huhâng a ngah zâwk hial âwm e.
Chutianga a thinrim pawisak nei lovin awlsam deuh maia mi pahnih a han thal ṭhak tâkah chuan, a pawisak nei lo aw ri hretute zingah chuan Aizika chu han bawh ngam an awm ta rêng rêng lo va. A hmaa chêt chhuah hun nghâka thisena lo tuihâl ho, Pâwi pasalṭha ngawhngawl hmêl tak tak ho chu an hotupa, an khâwnbâwl leh an pasalṭha hma tâwngtu tuk dâwla a awm rang lutuk chuan a ti zâmin an zum dûk ta mai a ni.
Chutah le Aizika thinrim chu a la reh lo nasa mai chu niin; a mi vuak thlûk lu lâk chem, a hûmtu thain a tlin tâk loh avanga a kut aṭanga tla hrang nawlh, chhuata let reng chu a chhar a, silai dâwt nen chuan leh lam leh lamah a hûm dûn ṭa a. Chumi zawh chuan, "Nangni hian kan lal Thandâwla huangah in til in rawn tilian anga maw? Tu nge min rawn hmachhawn leh dâwn che u," tih leh an lu zâwna silai dâwt vai kual chu a han rual fua fua mai a. Chu zawng, an bekin a lo dawng ang tih an hlau tlâng ngang a ni ang, a pa lian deuh leh pa tê deuh pawh inchen ṭhapin an kûn hniam dual dual mai maw le.
Tichuan, chu'ng Pawi palai ho an tlâwm ral tâkah chuan, "Aw le, Zika, a tâwk ta e. Intlanna lama kan indâwrna kha i han chhunzawm leh dâwn tawh zâwk ang u," tiin Lianchuhmânga chuan a laiah bân a lo phar thuai a.
Link: | |
BBcode: | |
HTML: | |
Hide post links |
PASALṬHA AIZIKA
- Nunmawia Fanai
BUNG 11-NA
CHutianga Lianchuhmânga'n boruak tih daih tuma a laia kut a rawn phar tâkah chuan, Aizika pawh chuan a thinrimna chu alh chhuahtir reng tum tawh bik lovin a inbeng dai ve thuai a. A silai dâwt lek kân vâw chu lek hniam ruai ruai pah hian, "In ṭhian Lianchuhmânga nen hian lo inhrawn rên râwn hman lo ni ngat ila chuan, khawngaihnain chan a neih phâk lohna hmun ka chuan kaipui ngei ang che u." a han ti thûm nghut a. Chutah, a bula lal Thandâwla, chêt thawh nachâng pawh hre lova lo ding tlâwn zuah mai leh, a chêt dân huaisen thlâk tak mai mak tia lo thlir ngawttu lam chu hawiin, "Tinkuala pa, ka thin a ram luatah i chanpual pawh zuahsak lo chein ka hma ka sial tlat mai! Ka ka chêt dân mawi lo avangin min hre thiam ang che," a han ti dam leh thluam a. Tichuan a hmaa thil thleng awm lo ang maiin, a ṭhut hmun remna ngaia ṭhut hmun rem leh tûr chuan a han inher thuai a. Chumi lai chuan tu mah chêt thawh ngam awm tawh hek lo le. Lianchuhmânga leh mi dangte chuan an ṭhiante ruang let reng chu la kiangin, an piah deuhah chuan an zalh dûn rân a. Chutih lai chuan lal in pana thâwm rawn ri khup khup chuan an boruak reh lam chu a rawn zui ve nghâl bawk a.
Khatia, lal in lama silai a han puah tâk durah leh, Pâwi khual palai ten sal tlan tumin lal an rawn bia tih khaw mi ten an lo hriat avangin, lal in lama silai puak ta chu, Pâwi ho zia an lo râl hriat fo tawh bawk nen chuan, an lal leh Pâwi palaite chu inmû leh âr a nih ringin, tlangvâl in awm leh pa ho la chakvak deuhte chuan an hriam lekin râlpui an rawn er hmanhmawh viau chu a lo ni a. Kâr lovah lal mual chu râl bei thei chin mi sawmnga dâwn thaw chuan an rawn chîm nghâl khup khup mai hi a lo ni a.
Chutianga râlpui era lal muala tlangvâlte leh pa ho an rawn lan khup khup tâkah chuan, Pâwi palai ho chuan an chhûngrila Aizika laka an tlâwmna thinlung la châm bâng chu chhunzawm zêlin an kimki dui hlawm a. Mipui ho lah chu, "Eng nge kan lal in leh a vêlah hian thleng ta ngai? Khawii nge, kan Pâwi chal bâwk ho chu i han that fai lêng mai teh ang," tiin an phu mur mur a; a ṭhen, zau dawh lamah hriam lek chungin an rawn tlân phei sung sung bawk a.
Chutianga boruak a so sân chhohah chuan lal chuan tlangvâl leh pa ho, thinrima sahâwk hulh hulh ho chu khap daih rih phawt ṭûlin a hria a. Zau dawh aṭang chuan chhuakin mual laiah chuan a va phei a. Thinrimnain a buan so mêk ho chu a han vai dai hmasa te te a. An ngawih ṭhiap hnu chuan, "Ka khua leh tui, ka kut leh kete u, in mi hmangaihna leh in mi ngaihsakzia leh, ka tâna thih ngam lu chhum huama in awm ka hmuh hian, kei, in tâna rorêl tura lal nih hming pu ve mai hi ka lâwm tak meuh meuh a ni. Ni e, in hriat ang khan, nichina silai puak ri in hriat kha râl bei thâwm chu a ni ngei alawm. Kan pasalṭha Aizika'n ka lu chhanna atana a hmeh puah niin, kan Pâwi palai tlâwmna atana a hman a ni e. Chutih rual chuan, in hmuh ang hian hei, anni chu a tlâwm zâwka ṭang tûra tuk dawl an ni tawh avangin tunah rih chuan kan boruak chuan nêm lam panin a dai leh tawh bawk a, min lo kiansan rih ta mai ula. Boruak muang takin intlanna sum lam kan han ching fel leh phawt dâwn a ni ang chu. Hetianga kan rik khup khup reng zawngin, kan Pâwi palaite tlâwm hmêl sâwn chhelna an hlohzia a lantir tawh si a, zachham lâk hian min liamsan phiar mai ang tih te reu reu a hlauhawm hlel hauh lo a nia," a han ti dam dap a. Chu thu lalin a han chham chhuahah chuan, tlangvâl leh pa ho te chuan an thinrimna chu chhunzawm tum lovin an inbeng dai ta riai hlawm a. Tichuan, an hriam kente nen chuan in lamah an kir leh ta sang sang hlawm a. An liam fel ta tih chuan lal pawh chuan zau dawh lam chu a rawn pan ve leh hnalh hnalh a.
Ṭhut hmun a han rem fel hnu chuan, Zahleithanga palaite chu mitmeng hriam lam taka melh kual ralh ralh chung hian, "A engti ziaa hetianga thil tenawm leh huatthlala hi chîng chhuak tûra rawn inhmâkhua ngawt nge maw in nih ngai le? Tûnah hian, rip siam turin ka khua leh tuite hi thu ka pe thei a, chumiah chuan khua hi kan ram thleng rawkin ka khung reng thei che u asin," tiin thu bul a han ṭan chuar chuar a. Chu thu a sawi lai chuan Zahleithanga palaite chu tlâwm hmêl pu vuau hian an ngawi ṭhiap a. Chutah lal bawk chuan, "Aw le, kan thu bul ṭan tawhin tlawlh a kai dâwna ruaiah boruak a dai leh thei hlauh chu a tihzia viau mai. Thu thlun sâ neiin, ka thua ding nghet chi ka lo ni hlauh chuan in nunkhua a tih seisak mawlh ang che u. Amaherawhchu, thu thlun tawhin hlutna a neih zahsak lotu in pasalṭhate pahnih erawh hi chuan an nun hloh phahin, tunah chuan zingvawnzâwl lam panin Pâwla hmêl pawh an hmuh hnaih phah vuai tawh ngei ang. Hei hi zawng, ka ṭhatna leh thiltihtheihna piah lama rawn thleng a nih miau avangin, in dai buak rah in sengah ngai hmin ta hmiah zâwk ta ula.
"Le, ngun taka ka han ngaihtuah hian, in lal Zahleithanga'n mi ngenna ka lo zahsak tawh avangin, tunah hian in lakah zahngaihna lantirin a tua mah hi, in chungah kut lek a ni lo vang a. Tu mah hi sala manin ka hrêng hek lo ang che u. Tichuan, in laka ka ṭhatna leh zahngaihna avang chauhvin kan intlanna kawnga kan indâwrna kha kal tlangpui ka rem ti tihna a nih chu. Amaherawhchu, ka laka in pawi avangin kan intlanna sum leh pai erawh ka dan dâwn thung a ni. In pasalṭha Lianchuhmânga man atana sial nupa tuak ka ngen kha chu ka pawm phawt ang a. Chutih rual chuan, lu hloh hlauhawm khawpa min siam avangin in lal se chal in rawn kaih tel, silai tlanna tûra in tih kha ka thla hual nân ka ngên hlauh thung dâwn a ni," a han ti leh chuar chuar a. Chu a thuthlûkna chu tu'n han hnial ngam tawh hek lo, an duh emaw, duh lo emaw an pawm a ngaih tawh tho avangin Zahleithanga palaite chuan an pawm tih entir nan an 'ummm' dual a.
Chutah lalin thu dang a kai hma chuan Zahleithanga Upa min pakhat, Thanbilhhrânga chu a lo inrawlh thuai a,"Lalpa, i zahngaihna leh khawngaihna avanga kan pawi khawihin ngaihdam a hlawh hlauh chu kan lawm tak zet mai. Chutih rualin, kan silai tlanna tûra kan lal se chal rawn kaih i thla hualna atâna i ngen pawh hi, keini tân chuan hnial phâk lohva sânga rah a nih avangin kan pawm loh theih loh thilah hian, a tua mah kan inham buai hauh lo ang. Ama'rawhchu, kan unaute ruang erawh hi chuan lu hloh lova kan khua a thlen min phalsakin, râla min chansak lova an lute hian i sahlâm min mâwisak lo hrâm tûrin kan ngên tak meuh che a ni," a han ti a.
Lal chuan, "Ni ang hmiang. In unaute ruang chu an lu an hloh lovin hlâwm mawlh ta che u. Chumi rual erawh chuan, tûnah hian intlanna sum leh pai bâk inremna dang erawh in lal tân thu ka chah dâwn lo che u tih min hriatsak ula, râla min lo phiar chhunzawm a duh a nih leh, râlpui kan er vut vut mai ta lâwng," tiin chhâng nêm thluam a. Chu a thu sawi chu Zahleithanga palaite chuan ngâwi dâkin an lo ngaithla dûk hlawm a. Chutah lal vêk chuan, "Lêngtea pa, nang zuan zângah, kan tlangvâl in awm ho kha zu pun la, hei kan palaite ruang hlâwm tûr hian zâwnna an mamawh dâwnin a lang tlat mai," a han tih zawm leh zat a. Tlângaupa chu a tho vut a, a chhuak zui nghal a.
Tlângaupa a kal hlân chuan Zahleithanga palaite chuan an intlanna atana an se rawn kaih, dai pâwna an thlun chu an va kai chhuak ve bawk a. Lal in kawtah chuan an rawn thlung rûn hlawm mai a. Chu'ng sialte a han hmuh chuan lal chuan, "Aw khai! In lal chu, lal ropui tak a ni ngei ang maw? A sial te rêng pawh an ṭha narawh e. Saw lah, a chal ki zâr duai mai te rêng saw'n dullai sial a tia hial mai âwm mang e ka ti!" tiin a han fak luam a.
Nakin deuhah chuan tlangvâl ho chu ruang zâwnna hlâng siamna tura an mau sah chu puin an rawn lang sap sap ṭan a. Chumi kârah chuan, Pâwi palai thi tate chu râla chhiar an ni lo tih hria nula ṭhenkhat leh nu ho pawh rawn telin, an tuamna tûr puan te an rawn keng sap sap hlawm a. Chutia nu ho rawn lang ta nafam chu, lungchhiatna lama buan chak lo tak tak rawn tel lo thei hek lo; a lungchhe zual lah chu ruang tuam pah a,
"Awi maw! Khua hranah,
Sakruang rial ang daiin,
Thlûnglu a sen ngur e," tia lo kiu ang râwih râwih tâwk lah bo lo.
Tichuan, a rawn thleng tûr ang an rawn kim taa a lan hnu leh, hlâng pawh an peih fel hnu chuan lal chuan, "Aw le, hei, kan tum lâwk leh beisei anga thil a thlen loh avangin, kan palai khualte aṭangin ruang hnih ngawt a chhuak reng mai a. Chuvangin, kan chunga ṭhat chhuah lo hmasa zâwk pawh ni sela, ṭhatna leh tlâwmngaihna an chunga kan chhuah hi kan tih tûr ngei ngei tûr a ni. Chutichuan, anni, kan palai khualte hi an ram chin in rahpui hma loh zawng, ruang hi zâwnpui ngar ngar mai tur a ni ang a. Tu mahin, he hun chhung, mitthi ruangina min suih zawm chhung hi chuan râl leh hmêlma lam thu a sawiin a ngaihtuah tûr a ni lova, tu mah râl menin a meng tur a ni hek lo vang. Chu chu zah lova lo ti lui in awm a nih chuan, chu mi chu, nakum lo tûr ṭheh a nih hunah mi dang thlan zawh vek hnuah a lo tur a pawm ve phalsak a ni chauhin, a ṭul a nih phei chuan khua aṭanga inhnawh chhuah hial pawh hreh lo taka tih a ni ang," a han ti lâng lâng a. An lal thu sawi chu pawmpui tih hriat tak hian tlangvâl ho chuan thâwm an chhuah dual a.
Chutah lal vêk chuan, "Hei tûnah, kan boruak liai luai vâng phengin tûkṭhuan pawhin min ṭhinsan ta duai mai! Kan mikhualte hi tûkṭhuan êm hluisak lova kirtir leh nghâl lawng lawng mai zia ni ta lo chuan, ka'n han kil tlâng phawt ang a. Chumi chhung chuan nangni'n tikhan ruang lo kîl pâwl insiamin, a ṭhenin in lamah kawng laka in ṭâm dawm tûr te han bâwk liam liam bawk ula. Hla te khua pana inzâwn liam tûr in nih kha," a han ti leh a. Tichuan, lal chuan palai khualte, upa ho leh Aizika te chu tûkṭhuan ei tûrin lal in chhûng lamah chuan a hruai lût ta a.
Tichuan, tûkṭhuan te an ei kham a, an inpeih fel ta maw tih chuan tlangvâl ho chuan lal leh Zahleithanga palaite chuan zau dawh lam chu an rawn pan khawm leh ta thliai thliai hlawm a. Chutah lal chuan, "Le, tunah chuan ruang zâwnin in liam dâwn ta a ni a. Pâwithlun khaw ziaa kan tlâwmngaihna ngei mai kha in hloh ka duh lovin, kan palaite hi kawng lakah in duatin an lakah hawihhâwm in chhuah kawng tluan dâwn nia. Tluang takin va inthlen mawlh ang che u," tiin a han thlah a. Tichuan, tlangvâl ho chuan mitthi ruang chu an khaw lam panpui turin haw haw hluah hluah chungin an zâwn liam ta a.
Chutia an tlangvâlrual ruang zâwnte an liam hnu chuan lal chuan, "Ti teh u khai, ka zau dawh chhûng rêngin thisen rim a chhuah na hum hum reng mai, in chhung lamah titi khawchâng te sawi turin i luhsan hlauh teh ang u," a ti a. Tichuan lal inah chuan lal leh khâwnbâwlte chu an inzui lût diah diah a.
- Nunmawia Fanai
BUNG 11-NA
CHutianga Lianchuhmânga'n boruak tih daih tuma a laia kut a rawn phar tâkah chuan, Aizika pawh chuan a thinrimna chu alh chhuahtir reng tum tawh bik lovin a inbeng dai ve thuai a. A silai dâwt lek kân vâw chu lek hniam ruai ruai pah hian, "In ṭhian Lianchuhmânga nen hian lo inhrawn rên râwn hman lo ni ngat ila chuan, khawngaihnain chan a neih phâk lohna hmun ka chuan kaipui ngei ang che u." a han ti thûm nghut a. Chutah, a bula lal Thandâwla, chêt thawh nachâng pawh hre lova lo ding tlâwn zuah mai leh, a chêt dân huaisen thlâk tak mai mak tia lo thlir ngawttu lam chu hawiin, "Tinkuala pa, ka thin a ram luatah i chanpual pawh zuahsak lo chein ka hma ka sial tlat mai! Ka ka chêt dân mawi lo avangin min hre thiam ang che," a han ti dam leh thluam a. Tichuan a hmaa thil thleng awm lo ang maiin, a ṭhut hmun remna ngaia ṭhut hmun rem leh tûr chuan a han inher thuai a. Chumi lai chuan tu mah chêt thawh ngam awm tawh hek lo le. Lianchuhmânga leh mi dangte chuan an ṭhiante ruang let reng chu la kiangin, an piah deuhah chuan an zalh dûn rân a. Chutih lai chuan lal in pana thâwm rawn ri khup khup chuan an boruak reh lam chu a rawn zui ve nghâl bawk a.
Khatia, lal in lama silai a han puah tâk durah leh, Pâwi khual palai ten sal tlan tumin lal an rawn bia tih khaw mi ten an lo hriat avangin, lal in lama silai puak ta chu, Pâwi ho zia an lo râl hriat fo tawh bawk nen chuan, an lal leh Pâwi palaite chu inmû leh âr a nih ringin, tlangvâl in awm leh pa ho la chakvak deuhte chuan an hriam lekin râlpui an rawn er hmanhmawh viau chu a lo ni a. Kâr lovah lal mual chu râl bei thei chin mi sawmnga dâwn thaw chuan an rawn chîm nghâl khup khup mai hi a lo ni a.
Chutianga râlpui era lal muala tlangvâlte leh pa ho an rawn lan khup khup tâkah chuan, Pâwi palai ho chuan an chhûngrila Aizika laka an tlâwmna thinlung la châm bâng chu chhunzawm zêlin an kimki dui hlawm a. Mipui ho lah chu, "Eng nge kan lal in leh a vêlah hian thleng ta ngai? Khawii nge, kan Pâwi chal bâwk ho chu i han that fai lêng mai teh ang," tiin an phu mur mur a; a ṭhen, zau dawh lamah hriam lek chungin an rawn tlân phei sung sung bawk a.
Chutianga boruak a so sân chhohah chuan lal chuan tlangvâl leh pa ho, thinrima sahâwk hulh hulh ho chu khap daih rih phawt ṭûlin a hria a. Zau dawh aṭang chuan chhuakin mual laiah chuan a va phei a. Thinrimnain a buan so mêk ho chu a han vai dai hmasa te te a. An ngawih ṭhiap hnu chuan, "Ka khua leh tui, ka kut leh kete u, in mi hmangaihna leh in mi ngaihsakzia leh, ka tâna thih ngam lu chhum huama in awm ka hmuh hian, kei, in tâna rorêl tura lal nih hming pu ve mai hi ka lâwm tak meuh meuh a ni. Ni e, in hriat ang khan, nichina silai puak ri in hriat kha râl bei thâwm chu a ni ngei alawm. Kan pasalṭha Aizika'n ka lu chhanna atana a hmeh puah niin, kan Pâwi palai tlâwmna atana a hman a ni e. Chutih rual chuan, in hmuh ang hian hei, anni chu a tlâwm zâwka ṭang tûra tuk dawl an ni tawh avangin tunah rih chuan kan boruak chuan nêm lam panin a dai leh tawh bawk a, min lo kiansan rih ta mai ula. Boruak muang takin intlanna sum lam kan han ching fel leh phawt dâwn a ni ang chu. Hetianga kan rik khup khup reng zawngin, kan Pâwi palaite tlâwm hmêl sâwn chhelna an hlohzia a lantir tawh si a, zachham lâk hian min liamsan phiar mai ang tih te reu reu a hlauhawm hlel hauh lo a nia," a han ti dam dap a. Chu thu lalin a han chham chhuahah chuan, tlangvâl leh pa ho te chuan an thinrimna chu chhunzawm tum lovin an inbeng dai ta riai hlawm a. Tichuan, an hriam kente nen chuan in lamah an kir leh ta sang sang hlawm a. An liam fel ta tih chuan lal pawh chuan zau dawh lam chu a rawn pan ve leh hnalh hnalh a.
Ṭhut hmun a han rem fel hnu chuan, Zahleithanga palaite chu mitmeng hriam lam taka melh kual ralh ralh chung hian, "A engti ziaa hetianga thil tenawm leh huatthlala hi chîng chhuak tûra rawn inhmâkhua ngawt nge maw in nih ngai le? Tûnah hian, rip siam turin ka khua leh tuite hi thu ka pe thei a, chumiah chuan khua hi kan ram thleng rawkin ka khung reng thei che u asin," tiin thu bul a han ṭan chuar chuar a. Chu thu a sawi lai chuan Zahleithanga palaite chu tlâwm hmêl pu vuau hian an ngawi ṭhiap a. Chutah lal bawk chuan, "Aw le, kan thu bul ṭan tawhin tlawlh a kai dâwna ruaiah boruak a dai leh thei hlauh chu a tihzia viau mai. Thu thlun sâ neiin, ka thua ding nghet chi ka lo ni hlauh chuan in nunkhua a tih seisak mawlh ang che u. Amaherawhchu, thu thlun tawhin hlutna a neih zahsak lotu in pasalṭhate pahnih erawh hi chuan an nun hloh phahin, tunah chuan zingvawnzâwl lam panin Pâwla hmêl pawh an hmuh hnaih phah vuai tawh ngei ang. Hei hi zawng, ka ṭhatna leh thiltihtheihna piah lama rawn thleng a nih miau avangin, in dai buak rah in sengah ngai hmin ta hmiah zâwk ta ula.
"Le, ngun taka ka han ngaihtuah hian, in lal Zahleithanga'n mi ngenna ka lo zahsak tawh avangin, tunah hian in lakah zahngaihna lantirin a tua mah hi, in chungah kut lek a ni lo vang a. Tu mah hi sala manin ka hrêng hek lo ang che u. Tichuan, in laka ka ṭhatna leh zahngaihna avang chauhvin kan intlanna kawnga kan indâwrna kha kal tlangpui ka rem ti tihna a nih chu. Amaherawhchu, ka laka in pawi avangin kan intlanna sum leh pai erawh ka dan dâwn thung a ni. In pasalṭha Lianchuhmânga man atana sial nupa tuak ka ngen kha chu ka pawm phawt ang a. Chutih rual chuan, lu hloh hlauhawm khawpa min siam avangin in lal se chal in rawn kaih tel, silai tlanna tûra in tih kha ka thla hual nân ka ngên hlauh thung dâwn a ni," a han ti leh chuar chuar a. Chu a thuthlûkna chu tu'n han hnial ngam tawh hek lo, an duh emaw, duh lo emaw an pawm a ngaih tawh tho avangin Zahleithanga palaite chuan an pawm tih entir nan an 'ummm' dual a.
Chutah lalin thu dang a kai hma chuan Zahleithanga Upa min pakhat, Thanbilhhrânga chu a lo inrawlh thuai a,"Lalpa, i zahngaihna leh khawngaihna avanga kan pawi khawihin ngaihdam a hlawh hlauh chu kan lawm tak zet mai. Chutih rualin, kan silai tlanna tûra kan lal se chal rawn kaih i thla hualna atâna i ngen pawh hi, keini tân chuan hnial phâk lohva sânga rah a nih avangin kan pawm loh theih loh thilah hian, a tua mah kan inham buai hauh lo ang. Ama'rawhchu, kan unaute ruang erawh hi chuan lu hloh lova kan khua a thlen min phalsakin, râla min chansak lova an lute hian i sahlâm min mâwisak lo hrâm tûrin kan ngên tak meuh che a ni," a han ti a.
Lal chuan, "Ni ang hmiang. In unaute ruang chu an lu an hloh lovin hlâwm mawlh ta che u. Chumi rual erawh chuan, tûnah hian intlanna sum leh pai bâk inremna dang erawh in lal tân thu ka chah dâwn lo che u tih min hriatsak ula, râla min lo phiar chhunzawm a duh a nih leh, râlpui kan er vut vut mai ta lâwng," tiin chhâng nêm thluam a. Chu a thu sawi chu Zahleithanga palaite chuan ngâwi dâkin an lo ngaithla dûk hlawm a. Chutah lal vêk chuan, "Lêngtea pa, nang zuan zângah, kan tlangvâl in awm ho kha zu pun la, hei kan palaite ruang hlâwm tûr hian zâwnna an mamawh dâwnin a lang tlat mai," a han tih zawm leh zat a. Tlângaupa chu a tho vut a, a chhuak zui nghal a.
Tlângaupa a kal hlân chuan Zahleithanga palaite chuan an intlanna atana an se rawn kaih, dai pâwna an thlun chu an va kai chhuak ve bawk a. Lal in kawtah chuan an rawn thlung rûn hlawm mai a. Chu'ng sialte a han hmuh chuan lal chuan, "Aw khai! In lal chu, lal ropui tak a ni ngei ang maw? A sial te rêng pawh an ṭha narawh e. Saw lah, a chal ki zâr duai mai te rêng saw'n dullai sial a tia hial mai âwm mang e ka ti!" tiin a han fak luam a.
Nakin deuhah chuan tlangvâl ho chu ruang zâwnna hlâng siamna tura an mau sah chu puin an rawn lang sap sap ṭan a. Chumi kârah chuan, Pâwi palai thi tate chu râla chhiar an ni lo tih hria nula ṭhenkhat leh nu ho pawh rawn telin, an tuamna tûr puan te an rawn keng sap sap hlawm a. Chutia nu ho rawn lang ta nafam chu, lungchhiatna lama buan chak lo tak tak rawn tel lo thei hek lo; a lungchhe zual lah chu ruang tuam pah a,
"Awi maw! Khua hranah,
Sakruang rial ang daiin,
Thlûnglu a sen ngur e," tia lo kiu ang râwih râwih tâwk lah bo lo.
Tichuan, a rawn thleng tûr ang an rawn kim taa a lan hnu leh, hlâng pawh an peih fel hnu chuan lal chuan, "Aw le, hei, kan tum lâwk leh beisei anga thil a thlen loh avangin, kan palai khualte aṭangin ruang hnih ngawt a chhuak reng mai a. Chuvangin, kan chunga ṭhat chhuah lo hmasa zâwk pawh ni sela, ṭhatna leh tlâwmngaihna an chunga kan chhuah hi kan tih tûr ngei ngei tûr a ni. Chutichuan, anni, kan palai khualte hi an ram chin in rahpui hma loh zawng, ruang hi zâwnpui ngar ngar mai tur a ni ang a. Tu mahin, he hun chhung, mitthi ruangina min suih zawm chhung hi chuan râl leh hmêlma lam thu a sawiin a ngaihtuah tûr a ni lova, tu mah râl menin a meng tur a ni hek lo vang. Chu chu zah lova lo ti lui in awm a nih chuan, chu mi chu, nakum lo tûr ṭheh a nih hunah mi dang thlan zawh vek hnuah a lo tur a pawm ve phalsak a ni chauhin, a ṭul a nih phei chuan khua aṭanga inhnawh chhuah hial pawh hreh lo taka tih a ni ang," a han ti lâng lâng a. An lal thu sawi chu pawmpui tih hriat tak hian tlangvâl ho chuan thâwm an chhuah dual a.
Chutah lal vêk chuan, "Hei tûnah, kan boruak liai luai vâng phengin tûkṭhuan pawhin min ṭhinsan ta duai mai! Kan mikhualte hi tûkṭhuan êm hluisak lova kirtir leh nghâl lawng lawng mai zia ni ta lo chuan, ka'n han kil tlâng phawt ang a. Chumi chhung chuan nangni'n tikhan ruang lo kîl pâwl insiamin, a ṭhenin in lamah kawng laka in ṭâm dawm tûr te han bâwk liam liam bawk ula. Hla te khua pana inzâwn liam tûr in nih kha," a han ti leh a. Tichuan, lal chuan palai khualte, upa ho leh Aizika te chu tûkṭhuan ei tûrin lal in chhûng lamah chuan a hruai lût ta a.
Tichuan, tûkṭhuan te an ei kham a, an inpeih fel ta maw tih chuan tlangvâl ho chuan lal leh Zahleithanga palaite chuan zau dawh lam chu an rawn pan khawm leh ta thliai thliai hlawm a. Chutah lal chuan, "Le, tunah chuan ruang zâwnin in liam dâwn ta a ni a. Pâwithlun khaw ziaa kan tlâwmngaihna ngei mai kha in hloh ka duh lovin, kan palaite hi kawng lakah in duatin an lakah hawihhâwm in chhuah kawng tluan dâwn nia. Tluang takin va inthlen mawlh ang che u," tiin a han thlah a. Tichuan, tlangvâl ho chuan mitthi ruang chu an khaw lam panpui turin haw haw hluah hluah chungin an zâwn liam ta a.
Chutia an tlangvâlrual ruang zâwnte an liam hnu chuan lal chuan, "Ti teh u khai, ka zau dawh chhûng rêngin thisen rim a chhuah na hum hum reng mai, in chhung lamah titi khawchâng te sawi turin i luhsan hlauh teh ang u," a ti a. Tichuan lal inah chuan lal leh khâwnbâwlte chu an inzui lût diah diah a.
Link: | |
BBcode: | |
HTML: | |
Hide post links |
Local Advertisement
MOBILE SIAM ZIR DUH TAN!!!
Tech-Inn Mobile Repairing Traning Centre, Bazar bungkawn
Kum tin mi za chuang eizawnna kan siamsak a, Eizawnna tlaka thiam turin kan zirtir thin
Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122
PASALṬHA AIZIKA
- Nunmawia Fanai
BUNG 12-NA
Lal leh a khâwnbâwl ten lal in an luh a, ṭhut hmun an rem fel chuan ni pawh chu a sâng viau tawh a. Awllên lai ngang a nih avangin kaptu nei lovin lal khâwnbâwlte pawh chuan ṭhut hmun chu an rem nghet churh hlawm bawk a. Awm ni an kham hun âwlthâwng ngang a nih avangin zu khâwna nilên bâk tih tûr dang lungkham nei chiam ta lo chu, lal chuan a zu bêl chu a châwi chhuak deuh chhên reng hi a ni ngawt mai a.
Ni a vanlaizâwl meuhah chuan lal leh khâwnbâwlte chu an zu in chuan an lung tipuam hle tawh a. An titi phung pawhin lunglênna lam a kâwk thûk riau tawhin, nun hlui ngaihna avânga khawharna chuan huang khatah a hruai lût dial hlawm a. Chumi avâng chuan lal kâwm thlang zuang kunga rengchal kiu veng veng te chuan a vêl ṭap lo chauh hlawm hi a ni hawt mai.
Chutah, chuti taka lunglênnain a huang chhûnga hruai lût ta diak hlawm chu, an zinga pakhat Chuhthanga chuan, "Aw! Vângpui huna vân boruak thiang kûk mai hnuaiah, rengchal a han kiu veng veng hi chuan hun hlui leh hmun hlui min mitthlatir zut zut mai chu a ni sia maw! Nunhlui ngaih lunglên hi engtikah bâng ve ang i maw?" tiin aw chau lam ri chuai raih hian a sêp thâm ṭiak a. A bula ṭhu Chuauhluna chuan, "Hlunbuangpa, a ni ngawt mai tiraw? Hun hlui leh hmun hlui hi chuan min pelh thui poh leh ngaih zûn min bân tamin, a mi velh a na zual ting mai zawng a nih hi," tiin a lo tui hnih ve nghal zat a.
Chuhthanga chuan, Chuauhluna ṭawng leh a thu sawi chu hre âwm ang pawha awm lova a hma zâwn chhuat chu bih ngar chung hian, "Zakhûma khuaa kan awm lai, Mualthlûr ram kan neih kuma ka lâwmnu kha a nia ka nghilh theih tâk loh chu ni. Suangtuahna hian vah vêl a la tlin chhûng hi chuan a tawng hnaivai reng mai dâwn a nih hi," a han ti zâwi leh sap a, a vaibêl chu khû pawh chhuak zo mang lo hian a han pak pap pap a.
Chu thu Chuhthanga'n a han sawi chhuah chuan a piah deuha ṭhu, Zakhûma khuaa an râwlthar chhoh lai ata tawh chem chhe den zawm ang maia a kawppui râwt, Zauhnûna rui lungpuam beng chu a khawrh fuh a ni a chêk ang, "Hlunbuangpa, khâ i lâwmnu kha chuan i thinlung hi a lo rûksak tak tak che a nih hi maw! Khuarei zamual a liam hnûah leh ṭhang a liam zâwn hnu meuhah pawh, rûkru hawihâwm nih a la hlawh cheu mai chu a si a. Nun hi zawng, a famkim lohnain famkim a tumna kawng hi a zauvin, hmangaihna avanga a neitu zâwkin chan kan nei tlêm zâwk tlat mai te hi, khuanu themthiamnaah chuan dem kai ber zinga mi ni ta hiala hriatna ka nei rum rum mai ka ti," a lo ti zawm ve chuar chuar bawk a.
Chutianga Zakhûma khua an awm lai hun an han tharthawh chhuah tâkah chuan lal Thandâwla chuan, "Aw khai! Mualthlûr lam lam te in han sawi chhuah tâkah chuan, ka pu Zakhûma khua kha han ram mai atan chuan a uiawm ka ti ngei mai. Zanga khua teh meuhah, in hun lai na nâ na chuan, a ṭha lêngi, puan han ven hnan tûr pawh haihchham loha lêng a ni hawt tak ang a? Zaupuia lâwm nei hmelṭha fâl bik han nih ngat phei chu, lo sûl thereng hrâm ri pawh hre chang lo khawpa hma han târ âm viau pawh a awl ngawtin a nia ka rin ni. A ni em Hlunbuangpa?" tiin an thu sawi chu a lo thualsak ve boh a.
Chuhthanga chuan, "E khai! Chutianga lo sûl thereng chungchâng i han kam keu chhuahah chuan, ka lâwmnu lova kan feh ṭum hian alawm, tlai khat chu ka han âmpui deuh khân ka hma târ a lo huang deuh fê mai chu niin. Kha, lo sûl thereng hrâm lam reng reng bâra khawn thei lêk lovin, rite ho zawng an liam fel hnuah pawh hlen tum ṭâlhin kan la inthên dalh dalh mai a nih tak kha. Kan han haw hman meuh chuan, meichher kan ruai lo chauh asin.
"Kha'ng hun lai kha sapui a hrân lai deuh kha a ni bawk nen, lo sûl haw reng reng mai kha a huhovin kan inzui kawi nguah nguah ṭhin a ni a. Mahse, khami tlai tak kher kha zawng, âm luat awm lova kan inthlâk hlelhna khan sapui meuh pawh a hrântir zo meuh lo zawng a nih kha â," a han ti dap dap a.
Chutah Zauhnûna chuan, "Hlunbuangpa, i va han tâwp laklawh ngai ve? In rawn haw kawnga i lâwmnu i rawn duat haw dân mawlh kha a nia ka hriat leh châk tawh ni. A lo rei deuh ta a ni ang, zan khat, i zufâng hâwp sual phengin Roâwta te leikapuia i sêp chiam mai kha ka lo nghilh zo leh tak duak mai. Han chaih chhuak leh dem dem dâwn teh khai," a lo ti thuai a.
A ṭhianpain chutianga a han tihah chuan Chuhthanga chuan, "A mai mai ṭhin a! Chutianga han duat haw zâwng pawhin eng ka sêp rawtui em maw ni chiah le? Buankhûmpa hi zawng, thu hi i belh âwm ang mang ṭhin teh e," tiin a nui ruh ruh a.
Chutah Zauhnûna chuan, "Awh aw! A nih ahnu, khawthlir in rawn chuan chhuaha i ram nuam chuan kai thu kha kei hian ka sawi zâwk dâwn em ni ang?" a han ti leh zauh a. A nui kur kur bawk a.
Chutia Zauhnûna'n a ṭhianpa a han fiam kual deuh zauh aṭang chuan, lal chuan an inkârah inrawlh loh theih ni lovin a hre deuh a ni ang, "Chhei le! Kan Hlunbuangpa chuan bâ a nei tlata ka'n hriat chu. Mualthlûr lama a lâwmnu nena an inchhawm haw dân hriat châkin ka beng a za ngawt ngawt mai ka ti," a rawn ti chhuak zauh bawk a. Chutiang a nih tâkah zêl chuan an lunglênna thinlung rit nulh mai hlawm chuan, zângkhai lam rawm pan chho lehin an kânghlâng leh ta puk hlawm a, an nui hak hak hlawm a.
Chutia Lalin a han tur der deuh tâkah chuan Chuhthanga chuan, "A, khatia, rite zawng zawngina min han hâwnsan tâkah diak leh lo sûl thereng hrâmin awmzia a neih meuh tâk lo'vah chuan, ni a liam faih tihah haw turin thlâm aṭang chuan kan inzui chhuak dûn ta rak rak a.
"Thui pawh kan kal hma chuan ka hmaa a kal chu eng nge maw a hriat ni, a zia rawn dangin a tâwi a tâwi a, nawr kal chawp ngai titih hian a ke pên chu a muang leh thut ṭhin a. A chhan ka han zawh lahin eng mah sawi duh si lo hian a ngawi ang hmuk a. Chutah ka ngaih ṭha lo chuan a chhan chu ka zâwt ngun ta telh telh bawk a. Chutianga ka zawh sekah chuan a sapui hrâng hlauh thu zawi sap hian min hrilh a. Kei lah pek chuan, chutia a thil hlauh a han sawi tâkah chuan ka hlau thar ve leh ta hnuhnawh a. Mahse, kei lehzêl hlau anga ka lan kha mawi ni tawh hek lo, hnem pah zêlin ka chhawm hnak hnak a. A châng leh a hnungah ka kal a, a hmaa a kal ngam loh tâwpah a hnungah ka kaltir a, keiin hma ka hruai ve thung a.
"Chuti rêng rênga han inchhawm sâwt lo mai chu nin lamah te lam lam rawn kalin, amah ka khawngaihna nen chuan, puakah ka thlêm ta ngawt mai pek a. A tir chuan a han hreh viau dâwn tak na a, ka nawr luih nat ve tâk zêlah chuan a êm nen chuan ka bahlât chhâwng ta luah mai a nih kha.
"Tichuan, hlauhna thinlung pu chunga inpua kan ni bawk a, hah pawh hre chang lovin khawthlir chu kan inpaw thleng ta râwih a. Chutah kan han chawlh lai chuan a thla a muang ta huai ni ngei tûr a ni, nui kar kar chung hian, 'U Thangpui, i puak kha a nuam ka ti lutuk asin. Hetiang reng reng hian i chak ang tih hi ka ring ngai miah lo; rûn hmuna kan lâwi huna fa kan neih hunah pawh a hmingah 'Pâchaka' tih ka sa ngei ngei ang,' a ti vei luam a. Chumi hnu deuh chuan a ṭhut hmun a han siam ṭha a, a puan chu hlim chhingin a khawivah lâwi chawm bat mai leh, changkha lei dep ang maia var hlang mai chu hlim lang vâ chung hian a han ṭhu no hnâp mai a. Chu zawng ka thlir rei phal ta lo a nih pek kha," tiin a lâwmnu nena an inchhawm dân chu a han sawi nual a.
Chutah Chuauhluna chuan phûr fê mai hian, "Chu lah, Hlunbuangpa, i lâwmnu chu ram nuam i kaipui zui nghal mai tihna em ni, chumi hnu chuan?" tiin a lo inrawlh var a. Chuhthanga'n chhân tuma a kâ a ân zuau lai chuan, "Kha maw, pa ho titi chuan ram nuam kai thu-ah bawk a ni maw thu in vai luh leh tâk? Pa ho titi lai hi chuan beng hi chhêt hlauh ṭhin sela a nia ka tih ni," a lo ti vei hlak hlak a. A nui hak hak mai bawk a.
Chutah, mi dang an ṭawng leh hma chuan lalnu bawk chuan, "Khawii nge, in titia talângah lunglên pawh a reh leh zo mai dâwn alawm le. Lunglên a la vânglai tho bawk a, zai leh lâmin ka han âwi teh ang che u. Tui ûmte kha sawhin min lo zâwm dawn a nia," a han ti a.
Tichuan,
"Varngir ing law sangpar chungah e,
Themṭial bih leh khua khua kan mawi emaw,
Awi e ka nu, awi e ka nu e," tiin hla a han hril a, lal leh upa ho te chu tih hlim nan a han lâm dârh dârh a.
- Nunmawia Fanai
BUNG 12-NA
Lal leh a khâwnbâwl ten lal in an luh a, ṭhut hmun an rem fel chuan ni pawh chu a sâng viau tawh a. Awllên lai ngang a nih avangin kaptu nei lovin lal khâwnbâwlte pawh chuan ṭhut hmun chu an rem nghet churh hlawm bawk a. Awm ni an kham hun âwlthâwng ngang a nih avangin zu khâwna nilên bâk tih tûr dang lungkham nei chiam ta lo chu, lal chuan a zu bêl chu a châwi chhuak deuh chhên reng hi a ni ngawt mai a.
Ni a vanlaizâwl meuhah chuan lal leh khâwnbâwlte chu an zu in chuan an lung tipuam hle tawh a. An titi phung pawhin lunglênna lam a kâwk thûk riau tawhin, nun hlui ngaihna avânga khawharna chuan huang khatah a hruai lût dial hlawm a. Chumi avâng chuan lal kâwm thlang zuang kunga rengchal kiu veng veng te chuan a vêl ṭap lo chauh hlawm hi a ni hawt mai.
Chutah, chuti taka lunglênnain a huang chhûnga hruai lût ta diak hlawm chu, an zinga pakhat Chuhthanga chuan, "Aw! Vângpui huna vân boruak thiang kûk mai hnuaiah, rengchal a han kiu veng veng hi chuan hun hlui leh hmun hlui min mitthlatir zut zut mai chu a ni sia maw! Nunhlui ngaih lunglên hi engtikah bâng ve ang i maw?" tiin aw chau lam ri chuai raih hian a sêp thâm ṭiak a. A bula ṭhu Chuauhluna chuan, "Hlunbuangpa, a ni ngawt mai tiraw? Hun hlui leh hmun hlui hi chuan min pelh thui poh leh ngaih zûn min bân tamin, a mi velh a na zual ting mai zawng a nih hi," tiin a lo tui hnih ve nghal zat a.
Chuhthanga chuan, Chuauhluna ṭawng leh a thu sawi chu hre âwm ang pawha awm lova a hma zâwn chhuat chu bih ngar chung hian, "Zakhûma khuaa kan awm lai, Mualthlûr ram kan neih kuma ka lâwmnu kha a nia ka nghilh theih tâk loh chu ni. Suangtuahna hian vah vêl a la tlin chhûng hi chuan a tawng hnaivai reng mai dâwn a nih hi," a han ti zâwi leh sap a, a vaibêl chu khû pawh chhuak zo mang lo hian a han pak pap pap a.
Chu thu Chuhthanga'n a han sawi chhuah chuan a piah deuha ṭhu, Zakhûma khuaa an râwlthar chhoh lai ata tawh chem chhe den zawm ang maia a kawppui râwt, Zauhnûna rui lungpuam beng chu a khawrh fuh a ni a chêk ang, "Hlunbuangpa, khâ i lâwmnu kha chuan i thinlung hi a lo rûksak tak tak che a nih hi maw! Khuarei zamual a liam hnûah leh ṭhang a liam zâwn hnu meuhah pawh, rûkru hawihâwm nih a la hlawh cheu mai chu a si a. Nun hi zawng, a famkim lohnain famkim a tumna kawng hi a zauvin, hmangaihna avanga a neitu zâwkin chan kan nei tlêm zâwk tlat mai te hi, khuanu themthiamnaah chuan dem kai ber zinga mi ni ta hiala hriatna ka nei rum rum mai ka ti," a lo ti zawm ve chuar chuar bawk a.
Chutianga Zakhûma khua an awm lai hun an han tharthawh chhuah tâkah chuan lal Thandâwla chuan, "Aw khai! Mualthlûr lam lam te in han sawi chhuah tâkah chuan, ka pu Zakhûma khua kha han ram mai atan chuan a uiawm ka ti ngei mai. Zanga khua teh meuhah, in hun lai na nâ na chuan, a ṭha lêngi, puan han ven hnan tûr pawh haihchham loha lêng a ni hawt tak ang a? Zaupuia lâwm nei hmelṭha fâl bik han nih ngat phei chu, lo sûl thereng hrâm ri pawh hre chang lo khawpa hma han târ âm viau pawh a awl ngawtin a nia ka rin ni. A ni em Hlunbuangpa?" tiin an thu sawi chu a lo thualsak ve boh a.
Chuhthanga chuan, "E khai! Chutianga lo sûl thereng chungchâng i han kam keu chhuahah chuan, ka lâwmnu lova kan feh ṭum hian alawm, tlai khat chu ka han âmpui deuh khân ka hma târ a lo huang deuh fê mai chu niin. Kha, lo sûl thereng hrâm lam reng reng bâra khawn thei lêk lovin, rite ho zawng an liam fel hnuah pawh hlen tum ṭâlhin kan la inthên dalh dalh mai a nih tak kha. Kan han haw hman meuh chuan, meichher kan ruai lo chauh asin.
"Kha'ng hun lai kha sapui a hrân lai deuh kha a ni bawk nen, lo sûl haw reng reng mai kha a huhovin kan inzui kawi nguah nguah ṭhin a ni a. Mahse, khami tlai tak kher kha zawng, âm luat awm lova kan inthlâk hlelhna khan sapui meuh pawh a hrântir zo meuh lo zawng a nih kha â," a han ti dap dap a.
Chutah Zauhnûna chuan, "Hlunbuangpa, i va han tâwp laklawh ngai ve? In rawn haw kawnga i lâwmnu i rawn duat haw dân mawlh kha a nia ka hriat leh châk tawh ni. A lo rei deuh ta a ni ang, zan khat, i zufâng hâwp sual phengin Roâwta te leikapuia i sêp chiam mai kha ka lo nghilh zo leh tak duak mai. Han chaih chhuak leh dem dem dâwn teh khai," a lo ti thuai a.
A ṭhianpain chutianga a han tihah chuan Chuhthanga chuan, "A mai mai ṭhin a! Chutianga han duat haw zâwng pawhin eng ka sêp rawtui em maw ni chiah le? Buankhûmpa hi zawng, thu hi i belh âwm ang mang ṭhin teh e," tiin a nui ruh ruh a.
Chutah Zauhnûna chuan, "Awh aw! A nih ahnu, khawthlir in rawn chuan chhuaha i ram nuam chuan kai thu kha kei hian ka sawi zâwk dâwn em ni ang?" a han ti leh zauh a. A nui kur kur bawk a.
Chutia Zauhnûna'n a ṭhianpa a han fiam kual deuh zauh aṭang chuan, lal chuan an inkârah inrawlh loh theih ni lovin a hre deuh a ni ang, "Chhei le! Kan Hlunbuangpa chuan bâ a nei tlata ka'n hriat chu. Mualthlûr lama a lâwmnu nena an inchhawm haw dân hriat châkin ka beng a za ngawt ngawt mai ka ti," a rawn ti chhuak zauh bawk a. Chutiang a nih tâkah zêl chuan an lunglênna thinlung rit nulh mai hlawm chuan, zângkhai lam rawm pan chho lehin an kânghlâng leh ta puk hlawm a, an nui hak hak hlawm a.
Chutia Lalin a han tur der deuh tâkah chuan Chuhthanga chuan, "A, khatia, rite zawng zawngina min han hâwnsan tâkah diak leh lo sûl thereng hrâmin awmzia a neih meuh tâk lo'vah chuan, ni a liam faih tihah haw turin thlâm aṭang chuan kan inzui chhuak dûn ta rak rak a.
"Thui pawh kan kal hma chuan ka hmaa a kal chu eng nge maw a hriat ni, a zia rawn dangin a tâwi a tâwi a, nawr kal chawp ngai titih hian a ke pên chu a muang leh thut ṭhin a. A chhan ka han zawh lahin eng mah sawi duh si lo hian a ngawi ang hmuk a. Chutah ka ngaih ṭha lo chuan a chhan chu ka zâwt ngun ta telh telh bawk a. Chutianga ka zawh sekah chuan a sapui hrâng hlauh thu zawi sap hian min hrilh a. Kei lah pek chuan, chutia a thil hlauh a han sawi tâkah chuan ka hlau thar ve leh ta hnuhnawh a. Mahse, kei lehzêl hlau anga ka lan kha mawi ni tawh hek lo, hnem pah zêlin ka chhawm hnak hnak a. A châng leh a hnungah ka kal a, a hmaa a kal ngam loh tâwpah a hnungah ka kaltir a, keiin hma ka hruai ve thung a.
"Chuti rêng rênga han inchhawm sâwt lo mai chu nin lamah te lam lam rawn kalin, amah ka khawngaihna nen chuan, puakah ka thlêm ta ngawt mai pek a. A tir chuan a han hreh viau dâwn tak na a, ka nawr luih nat ve tâk zêlah chuan a êm nen chuan ka bahlât chhâwng ta luah mai a nih kha.
"Tichuan, hlauhna thinlung pu chunga inpua kan ni bawk a, hah pawh hre chang lovin khawthlir chu kan inpaw thleng ta râwih a. Chutah kan han chawlh lai chuan a thla a muang ta huai ni ngei tûr a ni, nui kar kar chung hian, 'U Thangpui, i puak kha a nuam ka ti lutuk asin. Hetiang reng reng hian i chak ang tih hi ka ring ngai miah lo; rûn hmuna kan lâwi huna fa kan neih hunah pawh a hmingah 'Pâchaka' tih ka sa ngei ngei ang,' a ti vei luam a. Chumi hnu deuh chuan a ṭhut hmun a han siam ṭha a, a puan chu hlim chhingin a khawivah lâwi chawm bat mai leh, changkha lei dep ang maia var hlang mai chu hlim lang vâ chung hian a han ṭhu no hnâp mai a. Chu zawng ka thlir rei phal ta lo a nih pek kha," tiin a lâwmnu nena an inchhawm dân chu a han sawi nual a.
Chutah Chuauhluna chuan phûr fê mai hian, "Chu lah, Hlunbuangpa, i lâwmnu chu ram nuam i kaipui zui nghal mai tihna em ni, chumi hnu chuan?" tiin a lo inrawlh var a. Chuhthanga'n chhân tuma a kâ a ân zuau lai chuan, "Kha maw, pa ho titi chuan ram nuam kai thu-ah bawk a ni maw thu in vai luh leh tâk? Pa ho titi lai hi chuan beng hi chhêt hlauh ṭhin sela a nia ka tih ni," a lo ti vei hlak hlak a. A nui hak hak mai bawk a.
Chutah, mi dang an ṭawng leh hma chuan lalnu bawk chuan, "Khawii nge, in titia talângah lunglên pawh a reh leh zo mai dâwn alawm le. Lunglên a la vânglai tho bawk a, zai leh lâmin ka han âwi teh ang che u. Tui ûmte kha sawhin min lo zâwm dawn a nia," a han ti a.
Tichuan,
"Varngir ing law sangpar chungah e,
Themṭial bih leh khua khua kan mawi emaw,
Awi e ka nu, awi e ka nu e," tiin hla a han hril a, lal leh upa ho te chu tih hlim nan a han lâm dârh dârh a.
Link: | |
BBcode: | |
HTML: | |
Hide post links |
ADVERTISEMENT (A hnuai a milem hi a nia hmeh zeuh tur chu)