PASALṬHA HMINGCHUNGNUNGA BY Muantea Muantea Khiangte 1-30

[Ngaia]

PASALṬHA HMINGCHUNGNUNGA

BUNG 21 NA.
.

Vanghmun Lal tuala Putar kum 80 mi hmelpu, zantan pai tawh lo tura ngaih theih chu Hmingliana chuan an en vang vang a, nakinah chuan Hmingliana chuan ka pu eng nge i duh tak le? An ti dam diai a, chu putar chuan thlek ngawih ngawih chung hian tu nge i pa ni le val a an ti an ti tawl mai a, Hmingliana chuan panhnaiin ka pu ka pa chu Pasalṭha Chawnghminga tia an sawi ṭhin kha a ni e an tih chuan Putar chuan ring leng lawng hian ka tupa ka hmu ta e, tunah chuan thlamuang takin pialral pawh ka lawi thei tawh ang, Ka tupa lo hnai teh tiin muang changin an pan a.
.

A bul a thlen chuan ka tupa i pa kha ka fapa neihchhun a nia sin, i nu a damṭha ang chu maw? I nu bulah khan ngaihdam min lo dilsak dawn nia aw, i nu hmai eng pawh keizawng ka hmu ngam tawh lovang, i nu khan min ngaidam maqlh rawh se aw an ti vawng vawng a, Hmingliana chuan ka pu ngaihdam ngai khawpin eng pawi nge ka nu chungah i khawih tak mai le? Ka nu chuan he khawvel eng hi a chhuahsan tawh a ni an tih chuan putar chuan aw, a van pawi tak em"' i nu khan hrehawm tamtak a tuar a ni, keimah vang vek a ni tiin Hmingliana pu hian an monu an duh loh thu leh hmeithai fanu a nih vanga an lo hmuhsit ṭhin zia chu an sawi meuh chuan Hmingliana chuan hun kal tawh chu hunin a liampui a, engmah a sawt tawh hek lo, thlamuang takin awm rawh, tiin a kalsan ve ta hmak a, he tia a kalsan chhan chu a nuin a ṭulpui ṭhak a, hrehawm tamtak a nu khan a damlaiin a tuar a, chu chu a thinlungin pai tlat in a nu thlarau a zah vangin a pa pa ngei pawh a kalsan ve hmiah mai tur a ni, tunah chuan chhungkua ka din ve tawh alawm ti chungin Vanghmun khua chu an chhuahsan ta a.
.

Vanghmun khua Chungnungate'n an han pelh fel chuan zan pawh a rei tawh hle a, Vanghmun khuaah chuan lenghaw ar a khuang al al bawk a, mahse Lalin ah chuan Lalpa chu vei thauh thauh in a upa te hnenah chuan tunah chuan kan ngam loh kan tawng ta a ni, a va pawi tak em, an ti vawng vawng a, a upa pakhat chuan Lalpa kan Pasalṭha ramriak hi lo haw ta se eng angin nge an ngaih ang le an tih chuan Lalpa chuan chu chu a lawm ka rilrua riak tlat pek chu, a nih nih kan ni ang nga ti nia, kan kuang lo kan nawr man rah kan hmu ta a nih hi, kha tlangval tuaitir kha ka thinlungah a riak tlat mai ka ti an tihzawm nghal zat a, Khawnbawl upa min chuan, Lalpa a pa a khum ngei ang le, an tih chuan Lalpa chu buk nghat nghat pah chuan an laka hriam lek hi kei chuan ka duh tawh lo ve, ka hma ka sial man ka hmu ta a ni an ti chuai raih a.
.

Chungnunga chu a khaw mi leh sa ho chuan en hrek hrek in tiang em em a insual a thiam leh a cherang mai kha mak an ti em em mai a, an ngaisangin an rilruah chuan tunah zet chuan ral pawh lo lian se an khaw innghahna an neihbelh leh chu an lawm hle a ni.
.

Khawkar kawnga zankhat an han riah chuan Mualzual khaw chu chawhma her awm velah an lut ta a, Lunghnemi chuan chutia himdam taka a fapa an hmu let leh chu kuah chung cungin vawikhatmah nangmah chuan ram lamah i kal chhuak tawh lovang, ka thu hi i awih dawn lo tlat an ti hlak hlak a, a nu angthawm hria Lalin chhunga awm ho chuan ṭik pawh lo ti ngam lo in Chungnunga ve thung chuan a pu chu an kiau suk a, a nui ang rah rah a, chulaitak chu a nu chuan lo hmuin a benga pawh pah hian i la nui zui em ni? Hmingchungnung, i nu hi thlamuang taka awm ka duh, an tih chuan Chungnunga chuan eiah ka nu ka tihpalh ka nui lo ve, ka hmu leh che hi ka hlim em em zawk asin, i fapa hi naupangchhia ka ni tawh hleinem, nangai pawn ka san tawh hi tiraw ka pute an ti let zat a, Zakhuma chuan a tupa chu ben thak thak pah chuan Vanghmun pasalṭha nena an in hmachhawn dan an sawi mai zawng, Lalin chhung chu thehhmeh ang mai chuan a reh ṭhiap a, chutah le, Chungnunga nu chuan rum taka melh hian Hmingchungnung, ral hmachhawn tur hian harsa takin ka hring chhuak hleinem che an ti thlarawk mai zawng, Lalpa chu lo nuichhuak hawk hawk in midangho pawh chu an nui hui hlawm a.
.

Lunghnemi chuan a pa chu en he haw in a hmelah chuan zawhna hlir a lo lang chhuak a, a pa chuan Mambawih, i ti ang lo em em emai, khatiangin ṭawng an kau ngai lo ve, an tihtak ah chuan Hmingliana chuan an nu bana kaih pah chuan hawh teh khua in chuan teh ang, tiin Lalin aṭang chuan a kai chhuak daih a, Chungnunga leh pek chuan ka pa, ka nu ka lo kal ve duh tiin an hnungah an umchhuak nghal zat a.

Chutia khawtual vela Hmingliana te chhungkua khawlai fanga an leng kual an han hmuh chuan a hmute a piang chuan an lo be sawk sawk a, nula tuichaqi ho lah chuan Chungnunga chu an en duhin hmelṭha an ti hlawm em em a, nula ho chuan kei chu a pianah sawn a pa a chhun ka tia, hmel ah a nu lam a kal ti ten an lo inhnial laih laih mai a, kal pah chuan Hmingliana chuan Chungnunga nu hei kei atan pawh a zakthlak lam lam a laqm maw le, Lalin kan luahlumpuina pawh a rei thawkhat e, Manzika lah in nupui raipuar lo nei luah tawh nen, inhrang changte pawh kan hun tawh e, an tih chuan a nupui chuan nia, ka pa pawh ka be fo ṭhina a remti lo tlat a lawm maw le, an tih chuan Hmingliana chuan i pa thu hi hnial ka duh lo ṭhin a, mite ngaiah pawh fapa tlangval ka nei ve tawh a, kan tih ngei a ngai ang, haw teh u, tuikhur venglam i fang teh ang u an tih chuan Chungnunga chuan a pa chu en he haw in ka pa, nia ka tlangval ve tawh, inhrang chang ka chak e, ka pute in ah chuan kan riluih luih zel a, a thawven thlak loh e an tih chuan Hmingliana chuan ka fapa chutiang thu chu vawikhatmah sawichhuak tawh ngai suh ang che, pasalṭha nun i la rawn hmang dawn chauh khawi hmunah pawh awm la chhel taka i tawrh a ngai a ni, an tih chuan Lunghnemi chuan an pa chu melh ralh in Thlanmual lamah hel kualin thlanmual an han thlen chuan Hmingliana chuan a nupui chu nghawk zauh pah hian an tlangval nulat lai a an lo in hmuh fo na ṭhin chu a mitmei chuan an kawhhmuh zauh a, Lunghnemi chuan nui rah rah chung hian i ho em mai a an ti zauh a, Chungnunga chuan eng nge in sawi an ti ha a, a nu chuan naupang hriat ve chi a ni lo ve tiin hlim tlang tak chuan an kal za a, tuikhur venglam an han thlen chuan hmun zawl nuam deuh si an han thlen chuan Hmingliana chu ding chat in chulai hmuna in bengbel chu a chak rilru hle a, an sawi nghal zat a, Chungnunga chuan ka pa ti nge helai hmun kher kher an tih chuan Hmingliana chuan pasalṭhate chuan a ralmuang lai leh hmun nuam lai an thlang ngai hleinem, sa leh ral pawh lo lian se a hre hmasa tu ber kan ni tur a ni an tih chuan Chungnunga chuan a nih chuan ka pa helai hi a va rem mai awm ve, ka nu chu duh leh ka pu te inlamah awm mai se he ta a awm duh loh chuan an ti heu mai chuh, a nu chuan bawihte em em a che mi va ngai lo ve, intel lo chuan ka hlim ngai hleinem, khawiah mah kalsan che u hi ka thei lo a ni an tih chuan Chungnunga chuan ka nu ka fiamthu a nih kha i tello te chuan khawiah mah ka awm dawn bik hleinem an ti ve a.

Ti chuan Lalin an han thlen chuan Chungnunga lah pek chuan pu kan in thar tur kan zuk en a, an ti tawl mai a, a pu chuan uai, ka hriat lohin chu ro in lo rel tihna em ni an ti damthluam a, Chungnunga reuh chuan pu aih ni lo ve, putea an nupui a nei tawh a fa pawh an nei ve ṭep tawh sia, inhrang kan chan a ngai ve tawh alawm, pu ka lo kal reng reng dawn alawm, pite ka ngai awm che, fa i neih hunah keiin a hming ka phuah ang aw, e taka pu tukin zing khan varṭianah ka tho a Zawlbuka piaha lungpui lian deuh in hung kha ka chawisawn daih an tih chuan Mak ti tak mai hian an ka ho hlawm a.
.

Zakhuma chuan chawilung kha ka chawisawn i tia mi an tih chuan aw Pute, ka chawizo alawm, a awmna hmun aṭanga hlam thum vel ah ka nghat an tih meuh chuan Chungnunga chak tur zia chu an rilru ṭheuh chuan an pai hlawm a, a pu chuan taite, i chakna kha thawk thei lo leh ṭanpui ngaite tan i hmang dawn nia aw, an ti nem duai a.
.

Hun a kal ve zel a, Hminglianate chhungkua pawh tunah chuan inhrang changin lo te neiin an buai ve hle mai a, Chungnunga pawh chuan a thiam angvtawk tawk in lo lam hna thawkin a hmelah hrehawm tihna pawh lang lo in nuam hi a ti zawmah zawk hial a ni. Lo lama a feh chang hian sa therhlo i lo hi chu an chhungkaw hmeh khawp hi chu lo hawn ve ziah in vahrit, ramar tih vel te hi a awk thei em em mai a, zaqlbuk te kai ve tawh in a rualpuiho te chuan an chung en hlawm a, a chhan chu a mah a palianin a rilru a tluang em em a, aia upate a zahthiamin an thu hi a hnial ngai lo a ni, a chakin a ṭuan a rang em em a, mibik chungnunga tiin a hming pawh an phuahsak hial a ni.
.

Mualzawl khua chu a ralmuang em em a, a chhan chu an khaw tlangval ho huaisen vang leh an pasalṭha te hi a uaithla lam ni tawh mah se, in 400 chuang an nihna leh Chungnunga huaisen zia hian khual a kai hat ve tawh avangin tumah hian Mualzawl khaw lam hawi hian hriam an lek ngam lo a chha chu a ni. Mualzawl khawep ah hian khua in 300 bawr vel a awm a, an inkarah hian ni 2 kal vel chauha in hlat an ni nghe nghe. Chumai piahlamah chuan Pawih khua Fanai Pawih Lalram Rihhmun nen hian khaw inhnaih tak an ni bawk a, an ramriah hian Ṭiau lui lian tak a luang a, chiseh in lam tawnin an in kal pawh hlawm fo a ni.
.

An hmar thlang lamah Khawmawi khua in 200 pawh tling lo khua a awm leh a, an piah leh deuh ah Kawibem khua Halkha Lal Remgkhaia chuan ro a rel ve mek bawk a, Mualzawl khua nen hian an in kalpawh ngai lo ve thung a ni. A chhan chu an inkarah tlangval chakṭha tan pawh ni 6 lai kal a nih vang a ni. Kawibem hi khaw lian ve tak niin in 400 lai inchhal khua an ni ve a. Pasalṭha pawh paruk lai niin an fanu kum 16 mi en pawh a hmelṭha leh piannalh an tih vanga an ennawn leh ṭhin fo Lingherhi a awm a, kum naupangte a khual thang hat khawpa hmelṭha tia an sawi ve a ni.

Chungnunga nena an intawn dan hi next ah lo chang ru le.

[Ngaia]

PASALṬHA HMINGCHUNGNUNGA

BUNG 22 NA.
.

Kawibem Lalin a Lal fanu naupang zawk kum 16 mi lek, nulat hre ve ṭan tawh chuan an hunlaia Hminglianaten an lo chhan tawh nula hmelṭha ṭhin tuna Kawibem pasalṭha Lingneiha leh Lingherhi fapa chu chhaih in an hlim tlang hle mai a, Lalpa chuan ka tupa hi a lo lian tawh hle mai ka ti, chemte inhrang inchan aṭang khan ka Lalin chhung hi a ruak huai hian ka hria, mi lah in lo tlawh khat nen ka ngai ṭhin khawp che u asin an tih chuan Lingneiha chuan Lalpa tunlai chu kan ram bawh in a zir lo nge ni kan ṭul ve em a ni an ti dam thluam a.
.

Lingherhi chuan ka pa lah ta pek ṭhin hi, inhrang kan chang ve tawh a, mi ngaiha lo lan sek te hi mi kan dip mai mai ang tih a hlauhawm ve asin, mi min hmuh dan tur te lam hi kan ngaihtuah a ngai alawm, tiin a nau nula ṭan ve ek ek chu be sar sar in lawmpa i nei ve tawh em an ti a, a nau Kawibem Nula hmelṭha chuan zak sen ṭan ṭan chung hian ui ha teuh suh ei, ka u in lo lang khat lutuk a, han tihtur em em awm lo nen khua a har thei hle mai an ti a. A u chuan tlangval inlengte i nei ve ang nga, kan dipdal palh ang che kan lo lang sek chuan an ti fiamthu zauh a.
.

A nau chuan ui ui ui, tumah hian melh pawh min melh peih lo a nih hi inleng neihte chu khawi lam an ti hlak a.
.

Lalpa chuan Lingneih, kan khua hi a muangin ral leh sa lakah hian kan him bawk a, ka Lalon hi lo mawi ve fo rawh aw, a uaithla lam te kan ni tawh vei nen, nang leh i naute avanga muangleia vangkhaw thlir chan kan chang ta a nih hi tiin a makpa chu an fak vei luam a.
.

Lingneiha chuan Lalpa, kan thudang alai chuan Mualṭhuam rama raqn inbengbel luseiho saw kan tan hnawksak an tling thei tlat mai ka ti keizawng, Ramri chin pel hian an hniak hmuh tur a awmfo mai a, nakinah kan tan pawh a la ṭha lo ang ka ti an tih chuan Lalpa chuan uai chuti zawng chuan maw kan in nek ṭan leh dawn a, hmanah lah ni se, ka pasalṭhate pahnih lu min laksak tawh nen, Luseiho nen a kan buaina hian kian lam a pan dawn lo a nih hi an ti chang fak mai a.

Lalpa bawk chuan an ngam chuan ka ramchhung ngeiah hian Lusei falubawk ho chuan an lu lo rawlh rawh se, tiktak em ah chuan pasalṭha ka ngah ve em mai an ti vei pung pung a.
.

Mualzawl khaw boruak chu a muangin chhungtin te pawh an hlim in buh leh bal ah an tlai hle a, an tuitlan a ṭha in mihring chengte pawh an paw phek hlawm a, Mualzawk khuaah chuan Lal Manphunga tupa Pasalṭha nun tem tawh Hmingchungnunga chu hrelo fa pawh an awm lo. Hmingliana te chhungkua pawh vengmawng lama inbengbel in chhungkua an din ve tawh a, Chungnunga nu pawn a fa pahnihna nei tawh in an fa hmingah Hmingdailova an sa a, kum 2 mi ni ve tawh in a u Chungnunga mizia letling thawk a ni thung, a rualpui te lak ah a sual hle mai a, ṭhian lah a kawm peih ngai lo a, a kal theih chin aṭangin tu nge a chhun ang le tiin an sawi sep sep kai a ni nghal pang mai a ni.
.

Hmingchungnunga Putea Manzika te pawn fa kum 3 mi neiin an fa hming koh nan Ralmana tiin an phuah a, naupang nunnem leh zaidam tak niin a mah lah hi a chungbuang nghe nghe a.
.

Hmingliana chuan Chungnung ka fapa lo kal teh le, tunah chuan puitling tak tak i ni ve ta, aia upa te thu awih kawngah mi mitmei veng ranin khawsa la, sa leh ral hmaah ṭhiante an tlansan ngai lo a ni. An ti dap dap a, Chungnunga chuan aw le ka pa, ka vawngreng ang, Tumpang kah beiseiin zan nga lai riak a chhuah kan lo tum a an tih chuan a nau chuan au mam min hruai ve loh chuan ka ṭap vak an tih chuan an chhungkua chu an nui ho dar dar a.
.

Hmingliana chuan bawihte nangte chu i tlangval hunah i u hnung i la zui dawn alawm, tunah chuan naupang i la nia i la kal ve theilo alawm an tih chuan a nih leh Sava mawi tawk min lo hawn rawh aw an tih chuan Chungnunga chuan a nau chu piai chung hian tehreng mai an ti a, Tukṭhuan an ei zawh chuan kawtchhuah ah a ṭhiante panga chuan an lo nghak a.

Chungnunga te Tumpang beiseia an ram riahna tur hi Kawibem khua ramri hrul hnaihlam a nia, an ni ṭhianza ho hi inlungrual tak, inkawmngeih em em an ni hlawm a, an huaisenin upa uaithla lam ho chuan an ni ṭhian ho hi chu aw, kan khaw daingul tur ṭhiau an nih hi, tiin an thlir zui vawng vawng hlawm zel a ni.
.

An ṭhianho a an kal chhuah kim tawh hi chuan thingse mual zawl hi chu a ruka nunchan an zir ruk na hi a bel tlun thei hial reng a ni. Ti chuan le, zan hnih an han riah hnu chuan ramhnuaiah an em ber lah chu a hnu takngial pawh hmuh tur a vang em em mai a, an ngaih lam lam te pawh a ṭha lo hial reng a ni. Thangena chuan ṭhiante u ti em em a sahnu tharlam hniak hmuhtur pawh awm lo hian eng emaw tak tawng dawna hriatna kan neih tlat chu le an ti chuar chuar a.
.

Kapzinga chuan khik suk pah hian khaw chhunga hmeithai Liankumi ina pawt mai mai kha ka nap zawmah tawh e a, an ti chuai raih a, Chungnunga chuan e, ṭhian te u, lungngai suh u, mi pa fa kan ni ngai e, hlawmchham tura ramriak kan ni lo ve, an ti a, nakinah chuan an riahbuk sualna pawh an pel hla fu tawh tih chuan Mau hmuna patling natuar rum ri an hre ta tlat mai le, Chungnunga chuan a ṭhiante chu mitmeiin an in semdarh nghal a, Mau hmun bul a, patling Pawih samzial bantliak leh kerek lo in thlep zawi hniang leh chau tih hriat ngawih ngawih lo rum ṭiah ṭiah chu pui a ngai a ni tih hriat tak hian a bul chu an han pan thuai a, chu pa chuan chung Lusei ho chu thei leh thei lo a thlek ha chung hian Nau te u nungdama awm tlak ka ni tawh le, tiin mengdul lap chung hian an lo bia a, Chungnunga chuan ka pu lhawi khua leh tui nge i nih le tiin mautheia a tui chu an lem tir a, chu pawihpa chuan Kawibem khua leh tui mi ka ni e, ka ṭhangte dawh aṭangin ka tlasual palh alawm maw le, an ti a, Chungnunga chuan aw le hlang siam i la kan zawn haw ang che, hahdam tak khan awm la, i dam leh em em ang, ti ru leh a zawnna tur buatsaih ila khawlam panpui vat a ngai a ni an tih chuan A ṭhiante ho chuan chutia an Leido khuaa Pawihpa zawn haw chu an an hreh rual rual in an mihliam chu an lainat bawk sia, an rilru ṭheuh chuan a nih nih kan ni a niang chu tiin khawlama zawn haw chu an tum nghet ta a.
.

Ti chuan le an mizawn chuan thei leh thei lo in an khaw kawng chu a hrilh chawp zel a, khua an luh dawn hian tlailam rawngbawl hun awm vel a ni tawh a, chutia an khawpa Luseiho in an lo zawn haw an han hmuh chuan an zui dul dul a, Lalin Leihka aṭang chuan Lalpa te pawn an lo thlir ve ṭhap a, chutia an vangkhuaa Luseiho ngampa taka an lo lut chu khaw mipuiho chuan an lo lawm tehchiam lo nghe nghe a.
.

Lal tual an han thlen chuan Chungnunga chuan Lalpa i bawlpu ko vat a ngai a ni an ti tawl mai a, Lalpa pawh chuan tlangaupa chu tirliam nghalin a in chhungah chuan a han zawn luh tir nghal a, chutah le an han ṭhufel chiah tih chuan Lalin chhung rawn dailut hmel nelawm lem loh tak pathum, Kawibem pasalṭha ral hrat tih hriat ngawih ngawihte nen chuan Lusei tlangval rual te chu an in ep ṭhap mai a, an boruak a sang ru nghal pang mai a.
.

Lal fanu hmelṭha tuaitir te chuan tuilum lo buatsaihin an mikhual Luseiho chu a lo uksak ve tehchiam lo ani. Lalpa chuan aw le, khawi khua leh tuo nge in nih le? An ti chang rat mai a, Chungnunga chuan Lalpa Mualzawl khua Manphunga mi leh sa te kan ni, tiin an mihliam an hmuhdan te chu an sawi a.
.

Lalpa chuan aw le, a ṭha e, ka Lalna hnuaia ka mi leh sa te in ṭanpui avangin in chungah lawmthu ka sawi ni se, a mah erawh chu kan Leido khua in ni tih hi hrereng ang che u Chungnunga enbik pah chuan nang tu nge i nu leh pa an tih chuan Pasalṭha Hmingliana fapa u zawk ka ni e an tih chiah chuan Kawibem pasalṭha Ṭialkapa chuan i pa hian kan pawi nasa tak a khawih tih i hria em an tih chuan Lalin chhung chu a reh hian a reh ṭhiap a, Ṭialkapa bawk chuan Lalpa hecti zawng hian em ni kan inbiak dawn le? Keini lusei ho hian buaina kan duh lo va, ṭanpui ngai chu kan hmelma pawh ni se kan ṭanpui ṭhin asin an tih chuan Lalpa chuan uai, i thu lak dan vel chu a va meikhup ṭawngka chhuak ve le, nau a an ti chang fak mai a.
.

Duhtawk ang aw

[Ngaia]

PASALṬHA HMINGCHUNGNUNGA

BUNG 23 NA.

Kawibem Lalin chhung boruak rit ru tak chu hriat ve chakin Kawibem Lalin kawtzawla in hawr khaqm mipuite chuan Lalin lam hawi chuan an awr an fan iak iak hlawm a, khawtual tlangval ho feh haw te chuan an ralthuam nen Lalin lam panin Lusei ho chu kutthlak chak takin an lo in hrosa hlawm bawk nen Lalin chhunga Lusei ho chan chu a chau hle mai le.
.

Lalpa chuan chuti fakaua ngampat chhuaha ka khaw dai lo dâi lut a, ka Lalin thleng hial a rawn rap ngam khawpa huaisenna in nei hi in â hle mai ka ti an ti chhur chhur a, Chungnunga chuan Lalpa chu tia insawi takah chuan thih ngam khawpa na i mi leh sa ngei maiin hliam a tuar a, eng nganmah i ngsi lo tihna a ni maw? An tih chuan Lalpa chuan ka khawmipuiho hi ka thlahthlam ngai lo ve, chung thu ah chuan i lo buaina tur a awm lem lo an ti leh khur khur a. Kil khata ngawirenga lo ṭhu Lal fanu pang zawk chuan Lusei tlangval hmelṭha fahran leh pian dik tak, a mitmenga hlauhna tel miah lo chu pa a tiin a thinlung chuan chu Lusei tlangval hmelṭha tak chu a haw phal mawlh lo a ni.
.

Kawibem pasalṭha Ṭialkapa chuan naua i ṭawng kauchheh dan khan ka ngeng a chhun tlat mai ka ti, an tih chuan ,

Sawilaia chuan ê chutiang zawngin thu kan la lo reng reng a nia, tin, heti em em a min haw tur hian in lak ah eng hi nge tihsual kan neih le? Hun kal tawh chu hunin a liampui mai a, tun hun zel hi a ni kan thir zawk ni an tih chuan Lalpa chuan nangni Lusei nena inhnim hnaih hi ka duh lo ve, ti hian haw vang vang ula, ka mit hmuh lai ngei hian kan khawlam hawi zawng hian in mit pawh in rawn len leh tur a ni lo an ti chang fak mai a.
.

Chungnunga chuan aw le, Lalpa kan haw ang, ka pu i hliam kha ṭhatakin i lo enkawl dawn nia an ti dam diai a, hliampa an zawn haw chuan aw le, hei kan Lalpa thlazarna hnuaiah ka awm tawh bawk a, ka hliam pawh a dam sawng sawng mai ka ti, nangni pawh tluang takin kal rawh u an ti tim dui mai a. Chungnunga bawk chuan Lalpa a nih leh kan kal ang, mahse kan hnung lam aṭanga min hmetmit barh in tum lo vang tih hi i ka aṭang ngei hian ka hre duh e an ti a, Lalpa chuan rang tak hian kal ula ni mai, ka lak ah hian i ka kha ang ngai tawh suh an ti chang rat a, Chungnunga chuan ti ru le kal ang u le tiin Lalin chu an han chhuahsan nghal a. Chungnunga chuan kan nunna hi a derthawng hle tih kha hrereng ula, in tukkhum pawh khan mit nei rawh se, kan lu hi lak an hreh dawn lo a, kan kalna ngaiah khan kan kal chhunzawm tho ang nga, mahse englai pawn inring rengin awm ang che u an ti a.
.

Kawibem Lalinah chuan Lalpa chuan a pasalṭha Ṭialkapa chu melh run chung hian ka khaw daingul leh ka innghahna nangin ṭawngkau han chhep teh le, umzui in ti nge muang taka an tumram thlentir an ti a, Ṭialkapa chuan Lalpa min zui emaw zui lo emaw kei chuan Lusei lu pakhat tal ka khai haw ngei ang ka umzui ngei ang an tih chuan , Lalpa chuan Khawnbawl upa Duhsuaka hnenah chuan tlangval 30 thlangchhuak la kan pasalṭha hnungzui tur hian Lusei lu hian ka Leikapui sang hi mawi teh se tiin thutlukna an siam nghal zat a.
.

Kawibem Lal Fanu chu chhuak tharhin ka ṭhiani te inah ka zu kal lawk ang nge tiin a chhuak nghal zat a. Ti chuan Lal fanu chu a ṭhiannu te inah chuan kalin Zingṭiani chuan ui tehhlawl che chuan eng nge ni ta i hmel a va dik lo ve an ti a, Lal fanu chuan ui ṭhiani kan khaw pasalṭha ten Lusei ho kha an um dawn a an lu kimin ka pan a ngen zui bawk, ui engtin nge ka tih ang le? An tih chuan Zingṭiani chuan chu chu eng nge i lo buaipui ve vak a? An tih chuan Lal fanu chuan mawh mawh, a pawimawh alawm tiin Chungnunga a thinlunga a tlaknat thu chu a sawichhuak lem lo a, mangang tak si sawi chak si, sawi zak bawk si chuan a awm a, chu ve leh Zingṭiani nau kum 11 mi lek chu lo haw in u, Lusei ho kha an huaisen hmel ṭek ṭek asin an hotupa phei kha chu a hmelṭha sia, a pa bawk sia, a palian sia, an liam tur thleng kan thir a, an tih chuan Zingṭiani chuan Lal fanu chu melhralh pah hian ka hrethiam mai, ṭhiani nula tak tak i lo ni ve ta a nih hi, Lusei kher kher an tih chuan Chu nula tleirawl te chuan ka u Kan Lal fanu hian hmelṭha a ti ve tho ang, u Herlian in inchhungah khan an awm rei sia, i melh nasa awm an tih chuan Lal fanu chu zak sen ṭan ṭan hian naupangin chutiang an sawi ngai lo , nih ka haw phawt ang nge an tih chuan a haw nghal vat a.
.

Lal tualah chuan Ṭialkapa chuan a naute 30 ṭha zen zawn hnenah chuan tunah kan um nghal ang Pasalṭha nun bul ṭan turin in huaisenna kha lanchhuahtir ru le an tih chuan a fuihthiam bawk a an haw haw hluah hluah a, ti chuan le an hnu chu chhui turin an liam ve nghal bawk a. Chungnunga chuan ṭhiante u engpawh tawk ila thih leh ruam khatah, dam leh ruam khatah aw niang, a thui thei angber kan thlen hman a ngai a ni, muangchang loin i tlan zawk teh ang u, lrngkir kha thlenhman i tum ang u, thla timuang chi kan ni lo ve, tiin hmahriuaiin an han tlan par par a, thui fe an han tlan chuan mualpawng lian pui hi chuangkaiin Kawibem khaw kalkawng an han thlir vang vanga, chutah le an lam pana kawngkawia hmanhmawh taka lo tlangte chu an zuk hmu thei ta, Chungnunga chuan in duh tak tak a ni maw Pawih mawnghang ho, lo kal mawlh ru ṭhiante u, kan hnam tan leh kan chhungte tan aw niang tlangchhe hnam kan ni lo ve, Zasiam, kir leh la, hei ramri chin kan thleng ṭep tawh bawk a, keinin kan theih ang ang in kan lo dang ang, khuaah hmanhmawh takin kal vat la chanchin va hrilh mai rawh aw an tih chuan Zasiama chuan uai ka ṭhinte thi leh dam kara an awm laiin kei hlimpiala ka awmbikna chhan tur ka hrelo an tih chuan Chungnunga chuan ṭhianpa a ṭul miau a ni, kal mai rawh a bawk ka sawi tawh lo ang tiin a silai chuan Zasiama chal chu an chuktuah ran nghal zat a, Zasiama chuan Lal thisenkai chu ni lo la i thu hi ka awih lo ang tih pah chuan inher vutvin khawlam chu hmanhmawh takin a pan nal nal a.
.

Thangena pek chuan uai, a va nuam dawn em, in che tak tak ila ni mai lawm an tih chuan Chungnunga chu van lam hawi vang vang pah chuan ka pa min ngsidam ang che, engpawh tawk ila ka hmangaih che u tiin an phun sap a. Pawih ho chu lo hnai zel in tlangpawng lai taka Lusei tlangval lo ding khawng lah an han hmuh thut chuan an ding chiang hle mai le. Chungnungs chuan ṭha te te in kan inthlah emaw ka lo tia lo kal rawh u le i han in nuai tak tak teh ang u tiin a mitmeng thip tak chuan an melh khui hlawm a.

[Ngaia]

PASALṬHA HMINGCHUNGNUNGA

BUNG 24 NA.
.

Hmingchungnunga chuan a ṭhiante melh zauh pah chuan mahni damkhawchhuah nan aw, tumah dim reng reng loh tur. An ni ho sawn kan nunna lak duhin min lo umzui a, tunah chuan an duh danin thil a thleng nge thleng lo kan lantir ang an ti thawp sat a.
.

Pawih Pasalṭha, an hruaitu chuan Chungnunga chu thlurbing bik tih hriat tak mai hian uai, Lusei ho chu in tlanchhe peih tawh lo em ni? Ka duh aia hmaa kan han nangchin che u chu le, mahse a pawilo zawk ah ngai ang, nau te u inring ru le ramri chinah sawn an in rin lut hman lo hlauh e an ni sawn kan pi leh pu te hunlai a ta tawh an kut thak hnawihnan tak min hmang ṭhin kha a nia tunah chuan kan tana phuba lakna hun remchang a in hawng e an tih chuan a naute ho chu an sem darh hlawm a.
.

Chungnunga chuan Belzik nang leh Thangena kha in kawp tlat u la, Sawilai ka veilam sir ah aw niang, kan tihfo dan ang khan aw, an Pasalṭha saw keiin ka bitum ang nga ka dahṭhat theih chuan a dang saw chu engvak ah mah ngai loh tur, tiin a thinlung chhunga huphurh ru ṭeuh chung si leh a ṭhiante ho a zam zawnga ṭawngkau chheh hlau tak si chuan an sawi a.
.

Zasiama khaw lampan pawh chuan an ram chin lutin van vawr zawngin a silai chu vawithum lai tlan pah chuan an hmetpuak ṭhuai ṭhuai a, amah au lauh lauh pah chuan keimah Mualzawl khaw tui tlan Zasiama ka ni ngai e, tiin au lauh lauh pah chuan khawlamah chuan tlan zelin a tlan pah te chuan Ramhrui te chu a palchat hmawk hmawk bawk a. Nakinah chuan tumtluk mual a chuangkai a Silai chu an hmet puak leh a vawihnih lai, a au dan ngaia au leh lauh lauh pah chuan, nakin ah chuan Zasiama chuan Zinglian chu aw chu ka hriat ṭhan aw ngei a va ni ve le, kan tum kan thlak a va ngaih hmel ta ve, tiin Zingliana leh an khaw rawlthar pali lai zanthum tla nen a Nghalchang bei tura in buatsaihte chuan aw lo chhuahna lamah chuan an beng an tu hra hlawm a.
.

Zingliana chuan uai, pasalṭha nge nge i beng a fing narawh e, tia a sawilai chuan Zasiama chuan a au dan ngai bawk chuan au leh in chutah zet chuan Zakhuma te pawh chuan Zasiama lam pan chuan an dawk phei nghal char char a, chutah leh an han in hmu thlantla phunga Zasiama thaw hlawp hlawpa ding sai hlak hlak chuan tui tui tui a ti mawlh mawlh a, Zakhuma chuan mautheia tui chu pe nghalin an intir khawlh khawlh a, chumi hnu chuan Zasiama chuan kan hmanhmawh a ngai, Kawibem khaw pasalṭha Ṭialkap leh a nauten min rawn nangchin a tunah chuan thisen tam tak pawh a luang ngei tawh ang kan hmanhmawh a ngai a ni an tih chuan Zakhuma chuan tunah tih pah in a lim in an han lim puat puat mai zawng, lo dang tum tu te tan chuan tawrh hlelhawm tak tur chu an ni.
.

Chungnunga chuan tih khawtlai tum ran chung chuan keini Lusei ho hian huatna che u kan nei lo e, ṭha te tein kan indawr em maw ka lo tia an tih chuan Ṭialkapa chuan uaih, ka hmaah hian bawkkhup hian ngaihdam mindil la ti chuan in nunna ka zuah ang, mahse Kapzinga kawh vu pah chuan khapa kha ka sal atan ka hruai haw ve thung ang an ti tawl mai a.
.

Ṭialkapa chuan khawnge in ṭhian zinga pakhat tiin a mit an len kual ruai a, Chungnunga chuan nuih sak pah hian e le, Silai kaw hmaqr i hmachhawn tih i hre na nge? He thil hi in kalpuitlang a nih chuan nunna chan hmasabertu tur chu nang kha i ni ,Mal leh mala min hmachhawn ngam in awm em an ti leh sak a.
.

Ṭialkapa chuan nuih uarh uarh pah hian Naute u bri ru le tiin an au ṭial ruai mai chu chulai tlangpawng rualrem zet a, Pawih leh Lusei in tam hleih tak mahni hmingchhala pasalṭha nuntem ṭantirte chuan an mahni hnam leh khaw tan an han in nuai mai zawng, Chungnunga hmaa awm te chu an tlu phuk phuk hlawm a, Thangena pawh hreh tak chung chuan a ban ruhtliak uaihnawp aṭanga thisen tharlam tak lo far dir tluk tluk chu thlek zauh in ka vanglai a va tawi lua em an ti sak a, Ṭialkapa chuan a mitsira Thangena tlu chu hmuin pan hnai hret hret in Thangena a dar nghenchhana thawh leh tum laitak chu a khabekual ah tak chuan an pet ri bur mai zawng, ruhtliak ri chuan zui nghalin Thangena chu tal khur dar darin khawvel eng a chhuahsan ta.
.

Thangena thisen nena inchiahpiah nuaih nunna nei tawh lo tih hriat ngawih ngawiha a mittin chunglam a melhrun Chungnungan an hmuh chuan rapthlak taka au chung hian Pawih 20 ṭha la dam chu pan chher chher in Kapzinga leh Belzika chuan an hliam pawh hrechang tawh lo in Chungnunga chu an han zui ve nghal zat a.
.

Chu tah leh Silai vawi sarih kiltin aṭanga rawn puak chuan Pawih ho chu a ti hrilhhai hle mai le, Ṭialkap chuan sialai rikna chu thlek ha chung chuan a naute ho chu an fuih ve bawk a, mahse a naute ho chu che ngam fa pawh an awm tawh lo tih hriat tak mai hian an ka ho hlawm a.
.

Zakhuma te chuan an han kap nawn leh chu Pawihho chu tunah chuan Pa 7 chiah an dam ta. Pawih pasalṭha Ṭialkap chuan aw le, tu nge mal leh mala min bei ngam awm le? An ti hnuhnawh a, Chu ve leh mitmeng rapthlak a en chung chuan Ṭialkapa lama hlauhna in hmun a chan loh Hmingliana fapa Hmingchungnunga ngei mai chu dawk chhuak zawk in Ṭialkapa bula ding chu tlawh hlawm tawp pah chuan Ṭialkap chu a chem chuan rang mangkhengin an vai pawp mai zawng, chu hun thleng dan chu a ran em vangin tumah chuan ṭik pawh an ti hman lo a ni. Ṭialkap lu leh taksa hrangnawlh chu ngaihsak zui lo in , Belzika melh pah chuan that vek rawh u an ti thawp sat mai zawng, Zakhuma chu lo penchhuakin Pawih ho ladam awmchhun ho chu an han sam mai zawng chulai Mualpawng lai chu mihring na tuar ri hian a khat a ni ber mai. Pawih la dam pakhat chu Zasiama chuan kha chu ka chanpual tih pah in tlan dawk ve zawkin a nghawng an chhawk hmawk mai zawng, Lusei mihrangvalrualte chuan Thangena chu kil bial laihin Chungnunga chuan Pasalṭha i nun a va tawi lua em, thlamuang takin chawl nang che, pialsal aṭangin min lo thlir la, i chhungte chu ka kut ah an awm e an ti sap a. Ṭialkapa lu chu ak nghalin Kawibem khua te u lo ngsi tak ru Hmingliana fapa ka lo kal e tiin tumah vengthawng duh lo chuan Kawibem khua chu an pan chheu chheu mai zawng, Zakhuma pawh chuan a tupa awmdan chu hrethiam tak mai hian a naute pahnih hnenah chuan Thangena ruang hi lo veng ang che u tah hian zanriah in lo buatsaih mai dawn nia tiin Chungnunga chu an han zui nghal zat a.
.

Hmingliana chu a awmdan chuan awm a tinuam lo hle mai a, a rilru chuan vei a nei tih hriat tak mai hian a fa pang zawk chu kawm melh melh chungin thildang deih a ngaihtuah thung lawi a. Lunghnemi a nupui chuan an pa awmdan chu lo manthiam vat in Chungnunga pa, eng nge i hriat a, Dailoa kha en teh i chem tlanghriamah khan a inti at ang nge an tih meuh chuan Hmingliana chuan aw hawi le Bawihte khawmaw tiin an nu bula dah pah chuan faisa kha iptepuiah khan dah la, Bawiha hi lo awm rawh aw. Ka rawn haw chin tur ka hremai lo tlat, tiin a fapa chala fawh zauh pah leh an nu hmaia piai zauh pah chuan a insiam nghal sawk sawk a, an nu chuan ka hau hian khawi maw kal tum che maw aw leh thut thut ṭhin a an ti hluk a. Hmingliana chuan Chungnunga tia a sawilaia an khaw zawlbuk kaithar Rihnema chu thaw hlawp hlawpa lo lut in Pa Hming, Thangena chu Pawih kut tuarin a boral, Kawibem lam panin Chungnunga te an kal a, Pa Zakhuman a hau e, an tih chuan a nupui melh ralh pah chuan a iptepui ah pah chuan aw le , Rihnem Lalin lam pan vang vang la kawi khawmuang lo khan Manzika hnenah Tuikhur mual peng aṭanga ka kal thu lo hrilh ang che tiin hmanhmawh takin an chhuak nghal a.

Rihnema chuan Lalin chu thleng nghal chawpchilhin Lalpa chu thil awmdan an hrilh chuan Lalpa chu thinrim taka a Lalin chhunga vei tawnsek in a fapa chu melh rulh pah hian ka fapa insiam rawh le, Hminglian hnungzui turin an khua chu mrivapah va chantir ang che u tlangaupa ka thurel min ṭawmpui tu te ka upa te ho ko khawm la, tunah chuan a nih tur ang an ni tawh hialin a nia ka rin ni, ka tupa thinlung hliamtu chuan mawh a phur ngei ang Thangen ka khawtlangval zaidam leh ka en fal, i paamhma lua a ni e, i chhungte hi ka ensan lul lovang, tiin a monu Darthangi chu melh runin in pa mamawh tur kha buatsaih sak nghal la, tia a sawilai chuan a fapa hnenah chuan ka tlangvalte pawh ko khawm mah ila a nihtur ang a ni zo tawh dawn tho a, Hmingliana pawh a thlengthui tawh viau ang tiin an hrilh a.


Chungnunga ten Kawibem khua an han dailut chiah mai zawng, lo thlirtu mipui ho chuan chutia an pasalṭha lu khai a, Lusei an khuaa in luling tak chu an lo ngsithei lo hle mai, Lo zim tuau tuau in a chem hum pah chuan a ngam fa chuan min lo hnaih rawh u tih pah chuan a hnaih ber Pawih tlangval pakhat fei kibar zum tak keng chu hnaihchilh thutin a nghawng an chhawk sak hmawk mai zawng, lo thlirtu mipuiho chu an ṭe chel chul mai a. Zakhuma te chuan Lalin pan pah chuan kiltim kiltang chu an chengrang chawi chuan hmehpuah mai theih tur chuan an silai chu Pawihho lamah chuan an lek kawh vâ mai a. Lalin an han thlen chiah mai zawng, Chungnunga chuan Ṭialkapa lu chu Lalin chhunga theh thlak pah chuan Lalpa chu a chhisamah an pawt dak nghal ṭhuaia chu ve leh Lalnu chuan Ral ral tiin a au chel chul mai a, Chungnunga chuan Lalpa chu thlah in a fanu hmelṭhactak, khual thang hat khawpa hmelṭha chu a milu lak chem vilik chung chuan an pan chheu chheu mai zawng, Lal fanu chu tap kilsir chuh chung chuan a lo khur hlak hlak mai a, a hmai phumin ka duh lo min nun rawh a ti lawm lawm mai a.
.

Lal fanu chu a bana phih tho lawp in ka salah ka hruai dawn khawp che rak rak suh ṭanpuitu pawh i neih loh hi an ti hluk a. Lalpa chuan tlangval khawngaihin ka fanu kha chu chhuah la kei hi i salah chuan min hruai zawk mai rawh an tih chuan Chungnunga chuan mitmeng thip taka melh pah chuan nangte chuan vawin khaweng bak i hmu tawh dawn hlei nen tiin Lalnu la nu valai tak no surh mai chu melh ruh pah hian Zasiama chu mitmei zauh pah hian ṭhianpa nang khumpui va kai pui rawh le hei chu ka chanpual a ni e tiin Lal fanu chu an chul kual vel thuak thuak a.
.

Hunin min daih lo tlat.

[Ngaia]

PASALṬHA HMINGCHUNGNUNGA

BUNG 25 NA.
.

Kawibem Lalnu chuan Zasiama melhran chung chuan tlangval zahngai zahngai tiin a puanven chu nghet tak mai chuan an hrawm a, Lalpa chuan khawngaihin zahngai ru in duh duh min dil rawh u ka pe ang che u tiin a mangang chu an ṭawng khur deuh hlak hlak a. Hmingliana chuan ngriawm chhuah chhunzawm zel in hei kan duh chu kan hmu alawm tiin Lal fanu hlauthawng taka khur deuh ngar ngar chu a lamah chuan an pawh hnai sawt a.
.

Zakhuma chuan Lal tuala mipui pungkhawm hnenah chuan in khaw pasalṭha te leh in Lalpa te nen inrem takin kan awm laiin min hmehmit barh pawh pawisa lo in min umzui a, tunah chuan a chan chhe zawk in ni ta a ni, in Lalpa te chhungkua hi kan kut ah an awm vek tawh a, kawhmawhbawl zawng leh min nek zawnga in khawsak vaih chuan in Lalpa te chhungkua hi an thi vek ang tiin an sawi a, a mah vek chuan Kapzing ka awm ve lo nang a ka sawi dik em an ti vei suk a, Kapzinga chuan aw tihnan a lu an bu nghat a.
.

Chutia kawibem Laltuala an buai luih luih lai chuan Kawibem khaw Pasalṭha Khualkai pha ve ngat pahnih Kharmawia leh Siruna leh a naute pali chu hlawhtling takin an khaw Lungdawh lo chuangkaiin an sa kah hlado chu an han chham vang vang a, an khuaiin buaina an tawh chu an hre der silo, mahse, Pasalṭha Lungfing chuan ngaih ṭhat lohna lian tak nei tih hriat tak mai hian Runa enteh Naupangho hmuh tur an awm miah lo mai ka ti, khi en teh kan lampana hmanhmawh taka lo tlang khi tu nge ni a, han en ve mahteh u an tih chuan Siruna chuan Kharmawi kan khua hian buaina kan nei a ni ngat ang hawh u i hmanhmawh ang u tiin sakhi patuai chu hnungpuak pah chuan hmanhmawh takin khawlam a pan nghal a. A hnungah chuan midangho chuan an rawn zui ve nghal bawk a.
.

Lalin chhungah chuan Chungnunga chuan Lal fanu hmelṭha tak chu en kal chung hian a beng bulah zawite midang hriat tham si loh chuan Lal fanu lungngai suh ka tina lo vang che, mahse kan buaina hi chu kumkhuain a reh lovang, kan thlah lo la awmzel te thlengin hei hi hrereng ang che Kei Lusei Pasalṭha Hmingchungnunga hian Hmeichhe chungah kut ka thlak ngai lo tih hi, mahse tunah rih chuan ka thu i awih a ngai a ni an ti tawl mai a. Lal fanu chuan en kar chung hian ka chungah hian khawngaih takin zahngai ang che aw khawngaih takin an ti a.
.

Hmingliana chuan a hmel nelawm taka lantirin aw le, hmelṭha nu ka nupuiah ka hawn dawn che alawm tiin an nui sak a. Chutia a vawikhat hmuhnaa chuti tak maia Lal fanu in ti ve meuh leh khual kai hat khawpa hmelṭha tih in hria in zahpah nwi lek lo leh ngai pawimawh miah lo va a hnenah thusawitu Lusei tlangval lian ṭha thelh thawlh leh hmelṭha tak leh pa hrak mai chu a run in a ngei hle mai a, mahse hmangaihnain a bual at tawh hmeichhe nunnem chu Lusei tlangval hmelṭha leh piannalh tak lak ah chuan tui ang a nem duai mai te chu a mah leh a mah a in haw ru em em bawk a.
.

Lal fanu chuan ner sak pah hian lehlam an hawi hmak a, chutih lai tak chuan Zasiama chuan Lalnu chu hrilhru sur sur chung hian Lalnu hmelṭha min hlau suh i chungah engmah a thleng lovanv, i pa remruat dan hian kan ngeng a chhun tlat a tin kan aihnahphahpui in nunna a chan phah bawk a, kan thuhnuaia in awm chhung hi chuan samsa kawlhsen taka Pawih mizia in chhuah loh hram ka beisei an ti hlak a.
.

Hmingliana pawh chuan chhim lam aṭanga awlsam taka Manzika nen a a hmingah pawh Kawng thuhruk tia an lo phuah Kawibem khaw panna awlsam tak pehhel na ni bawk ah chuan kal char charin tlangpawng aṭang chuan Kawibem khaw Lalin kawta mipui pungkhawm ho chu a zu hmu ruai ruai thei a. Vanlam hawiin Ṭiala ka mamawh che tiin a mit chhing vang vangin Ṭiala chu an ko a, chu ve leh a thlang hnimbuk chu che laih laih in Ṭiala chu lo chhuakin a pu chu an nul thuak thuak a, Hmingliana chuan ṭhiana ka va ngai che ve i dam maw? Tiin an be luama chutah kan hmanhmawh a ngai a ni kal ang le tiin a chungah chuan a tihdan ṭhan chuan an pakai nawlh a, chutah leh a pu chu an limpui tak tak mai zawng, Hmingliana chuan hnim a tawnna a ban te chu a pilh phengphung thei hial a ni.
.

Chutah leh, Kawibem ho te chu an khaw pasalṭha pahnih lo haw an han hriat chuan an an lamah an tleh thla hul hul hlawm a, chutah leh,,Siruna chuan ring leng lawnga Lalin lam pan pah chuan kan awm loh lai chang hrim ang maia kan khaw Lalina Lal hrawt ho Lusei ho chu in va huangtau ve le tiin an au lung lung a.
.

Chu an pasalṭha aw hrechiang em em tu an Lalpa chu phur thar tak mai hian Lusei tlangval te u ka pasalṭha te ramriak an lo haw e, in thil tihman chu in hmu mawlh ang an ti let ve sak a, Chungnunga chuan Lal fanu beng bulah chuan in pasalṭha te lu hi ka la kim vek ang vawiin ni hian i mit ngeiin i hmu bawk ang tiin Lal leihka ah chuan Lal fanu chu a kai chhuak nghal a, Kapzinga lah pek chuan Zakhuma beng bulah chuan kan mi nghala chu leh rngtak ti leh ang maw tiin an nui suk a.
.

Chutia Lusei pasalṭha hmelṭha leh piannalh tak Lalin aṭanga Lal fanu rawn kai chhuak an han hmuh meuh chuan mipuiho chuan inhmeh dun an tiin an hmelma pawh ni se an thinlungah chuan huat pawh an haw thei lo a chha chu a ni, a chhan chu he Lusei tlangval hi a hmelṭhat em vang te pawh a nimahna. Hmingliana chuan mipui kar aṭanga a fapa leh Lal fanu tih hriat ngawih ngawih chutia kut insuiha Lal leihkaa ding dun chu hrethiam lo tak chuan an thir vung vung mai a. Chungnunga chuan Lal fanu chu hnaih zual sauh pah hian a kut a vawnsakna chu thlah in a iptepui ah aṭang chuan Kawibem pasalṭha Ṭialkapa Lu chu Siruna hmaah chuan an thehthla ta bawl mai zawng, mipui ho chu ṭe in an thum ta hak mai a. Chungnunga chuan Siruna chu kawh vah pah hian a engmah hre hmasa hawt lo va khatia ui nu hur ang nga i rak i rak mai le kha lu kha la la, zu mu lum rawh tiin ngeiawm takin an bia a.
.

Chuthu Siruna an hriat meuh chuan mengsen run chung hian Zawng Lusei tenawm bawlhhlawh pa i lu kha ka la dawn khawp, kan Lafanu kha i kut hmawr pawh khan tawk tawh hlek suh an ti a, chu ve leh Chungnunga chuan Lalfanu kut chu an vawn sak leh kher mai zawng, Siruna chuan zawng hmelchhepa, lo kal ta che mi pa leh mi pa chu i han in nuai ang hmiang tiin Laltual zawl zau laiah chuan an zuang thauh thauh mai a.

Chungnunga chuan kawh vah pah hian vawin hian i lu ka la khawp ang, tia pen chhuk a tumlai chuan Hmingliana chuan mipui kar aṭang chuan dangawm teh u ka chhawnin a hem ang che u tiin awring tak chhuah chung chuan mipuiho chu ngaipawimawh lo tih hriat tak mai hian Lalin kawtzawl chu an pan chheu chheu mai a, chutia pa, lavalai tak mai, hmelṭha leh pian dik tak, en mai chuan tlanval hnahkhat leh awm hmelpu chhawn khim an han hmuh chuan Kharmawia chu lo phu zawkin a mah ngei nunna lo zuah tawh tu Hmunhlui pasalṭha ṭhin tuna Mualzawl khaw pasalṭha ni ta Hmingliana chu a hai lo hle mai le.
.

Chu ve leh ka pa an ti sap a, Chungnunga chuan , chutia ka pa tia a phun chu lal fanu chuan lo hrepha in a han belchiang dun chu in ang a tiin Lusei piang tawh zawng zawngah chuan hmelṭha a tidun in a entawn zak zak mai a, chu ve leh Kharmawia chuan Hmingliana kalna turah tak chuan lo zuang chhuak nawlhin ding takin an en ngar ngar a, chu ve leh Chungnunga chuan ka pa hmachhawn zawnga ke pen tu chuan ka pawi a sawi tiin Lalin Leihka aṭanga zuanthlak pahin a pa lamah chuan an lim phei puat mai zawng, mipuiho chu lo phu dualin he tiang reng renga mihring ṭuanrang hi an la hmu ngai miah lo hial a ni, chutah leh, Hmingliana chuan a fapa chu lo khapin Ngawi rih turin an mitmei zauh a, Hmingliana chuan Kharmawia leh Siruna chu ending ngar chung chuan in ngam phawt chuan chet la ru le, an ti khawl mai a, Kharmawia chuan Pasalṭha Hmingliana Lingneiha hnehsawh taka lu khaitu a nih saw, a nisawn Dumde mualah ka nun a zuah asin an tih meuh chuan Siruna chuan chu hming chu a lo ral hriat tak meuh mai le, phu uih chung hian Hmingliana chu an ending ngar a.
.

Kharmawia lam hawibik chung chuan Hmingliana chuan ka la hria che asin tlangval, keini Lusei te hian buaina kan duh lo, buaina hian thihna nun channa a thlen asin, hnam hrang ni mahila kan karah huatna thinlung put hi a ṭul lem lo ve, mahse min nawrlui tlat chuan in thu ni se, khawnge in Lal phuahchawp Lal suak lhe Lusei hmusittu chu a lu ka lakna tura kawng minfal ngam fa in awm em tiin a chempui chu mipui lam hawi chuan a herkual a. Thawm chu thehhmeh ang mai hian a reh ṭhiap a, chu ve leh Lalpa chu Hmingliana lama lo tlan pheiin ṭhingṭhiin Lusei pasalṭha ka thiam loh a ni, min ngaidam hram rawh an ti chul a, chutah zet chuan Lusei piang tawh zawng zawng zinga pa zaidam tia an sawia an ngaihsan rawn chuan Lalpa chu chhuk melh runin Lalpa i rorel dan hi a felhlel deuh a ni, i nunna hi ka kut ah a awm tih i hria em an ti a, Lalpa chuan ka lu hi i kutah ka hlan e Lusei Pasalṭha, ka tlawm e, mahse ka chhungte hmuh loh lai in aw niang tiin a lu chu ramhnuaia laksak turin an dil tawng mai a. Hmingliana chuan Lalpa chu kaitho in i Lalin chhungah i pasalṭha te ho nen rorelna ṭan turin inbuatsaih zawk rawh le, huatna chhan che u kan nei lo ve an tih chuan Lalpa chu lawm avangin a biangah mittui a luang hial a.
.

Lal chuan boruak a muanawm tih a hriathnu chuan a pasalṭha pahnih chu ko in Mipuiho chu an inlam ṭheuha haw turin an hrilh hlawm a. Lalinah chuan Lusei te leh Pawihho chu in ep ṭhapin an ṭhu far hlawm a, Lal fanu chuan Chungnunga chu melh leh ralh ṭhin in chutia a enlaitak chuan Chungnunga pawh chuan lo en ve in an mit leh mit chu a in tawng ta siah mai le. Zah vangin an mit chu an lasawn rang dun hle nghe nghe a.
.

Zakhuma chuan upa ber chanchangin Lalpa engpawh ni se kan inkarah hian buaina leh in hmelmakna thinlung hi pu tawh lovang u, khaw in ep mai kan ni, kan hnam hrang mahse inpawhtlang takin i awm ang u, zalenna dar khawngin ṭhate te in i awm tlang ang u, an ti dap dap a. Lalpa chuan inchunga khang zawng zawng thleng kha keima remruatna vek a nih kha pawi ka ti takzet a ni. In mi ngsihdamna sangber ka dil nghal che u ni se, Nia! In lam hawi hian chengrang kan lek tawh ngai hek lo vang, thlamuang takin i awm ang u, an tih chuan Zakhuma chuan aw le tihian inrem tlang takin i awm ang u, engpawh kan chungah harsatna lo thleng pawh ni se, inṭanpui tawnin tu ve ve pawh in pawhtlang takin nun i hmangtlang ang u an tih chuan Lalpa leh a pasalṭha te chuan remti tih hriat tak mai hian an lu an bu nghat nghat a.
.

Chutia inrem taka an awmtlan mek lai chuan Sukte Lal Lianzadinga Ngharchhip khawlal chuan a Pasalṭha te Kawibem Lal fanu chu hneh chhuh a, a hmei atana hruai turin a tir ve mek bawk a.
.

Ngharchhip khua hi tlang ṭhut, tlang hnuaia awm ni in in pawh 500 chuanglai inchhal ni in Pasalṭha khualkai pha pawh pasarih lai a nei a ni, ralkai thei chin pawh 800 lai neiin Lal pamham leh duham tak leh Hur kawh zet niin a hmel duhzawng te hi khumpui a kaipui hmiah zel a ni.
.

A pasalṭha te chuan Kawibem ram chhung lo tla lut tawhin an thiltum chu tih hlawhtlin an tum ruh hle nghe nghe a ni.

Duhtawk phawt ang.

[Ngaia]

PASALṬHA HMINGCHUNGNUNGA

BUNG 26 NA.
.

Ngharchhip khaw pasalṭha Khamtawnvunga chu ngawi ngul hian Kawibem khua chu panin , kun chhal chung hian hmalam chu a pan ding ngar ngar a, thil ngsihtuaj muk nei tih hriat tak mai hian, a bula kal englaimaha a mah hlat ngai lo Pasalṭha tawr ṭha zet leh hmel bumro tak, en reng reng pawhin a chakin a huaisen a ni tih hriat zet mai chuan , Khamtawnvunga chu melh rulh pah hian an khi suk a.
.

Chutah, Mangchhina chuan a dara nek salh pah hian eng nge maw i ngaihtuaha i ngawih vung vung chu le? Tiin an zawt phawng mai a, Khamtawnvunga chuan ti tak zet mai hian mahni hnampeng pakhat, hmeichhe pakhat vang mai mai a, hetia khawkhat pasalṭha ve meuh rammu a han chhuah leh tlawng mai hi zawng, a ni lo lam zawnga ngaihtuah hi chuan rilru sukthlek a dang zar duh a nia an tih chuan, Mangchhina chuan i lo chuti ve tho a ni maw? Kan Lalpa hi zawng a piangsual der tawh a nih hi an ti hluk a, Khamtawnvunga chuan a chhuh zawngah chuan kan hnehchhuh ngei ang, Kawibem Lal fanu hmelṭha zet chu, Mahse, nakin zela kan hnam peng hrang hrang nena kan inkar vaw chhe tu a ni thei a ni tih hi kan hriat tel a ṭha khawp ang, tunah pawh hian Kawibem khua kan luh hunah pawh a zai ngai leh a zaqldawh zawnga biak hmasak ṭha ka ti an tih chuan Mangchhina chuan nia, Kawibem khua han lut phawt ila a ṭul dan azirin hma kan la mai ang chu an tih chuan kal zai an rel leh a.
.

Kawibem Lalin ah chuan hmanhmawh taka an khaw tlangval thaw hlawi hlawi a lo lut chu an en ṭhap a, Lalpa chuan thil awmzia an zawh chuan chu tlangval chuan Lalpa Khamtawnvunga leh Mangchhina ten kan khua an lo lut ṭep tawh, mi 30 bawr vel an ni e, tia hlauthawng taka a sawilai chuan Lal fanu chu kil khat ah hian a lo khur ru der der mai a, Lalpa chuan a va mak bawk ve le aw, ka ṭawngkam ṭha hian a thlahliam zing narawh e, muangleia ṭhuthmun ka rem lai a, mawngkham hman lek lo va, a thin ṭhawng zawnga ka leilung an lo rah chhen chu le, tia a fanu enpah chuan Chemte lungngai reng reng suh an ti damdiai a.
.

Hmingliana chuan Lalpa hei chu in in kar ni teh se, a mah erawh chu kan puihna in mamawh a nih phawt chuan kan tlanchhe mai mai lovang, an tih chuan Lalpa chuan tlangaupa chu be thuaiin ka Pasalṭha te hian ka lalin hi veng se, ka khaw tlabgval te ho hmanhmawh takin an ralthuam famkim nen zawlbuk a,anga lo chhe chhuak mai thei turin lo inring rawh se, Hminglian Khamtawnvunga leh Mangchhina kaihhruaina hnuaia lo kal an ni ngat mai ka ti, an hming hi a thang nasa asin an tih chuan Hmingliana chuan kei ngei pawh hian ka lo talkhat hriat ve tawh asin, Lalpa engpawh chu ni se kal zai kan han rel phawt ang nge tiin a putea chu an mitmei zauh a.
.

Zakhuma chuan kal ang u le tia a sawizawh rual chuan Manzika chu lo lang hlawlin Hmingliana chu mrlh pahin umphak i va har ve le i uipa nge nge an tih zauh chuan Chungnunga chuan kei chu tah ka lo awm dawn Lal fanu chu melh ralh pah hian hlauthawng lo turin an mitmei nghal a.
.

Hmingliana chuan a fapa chu rum taka melh pah hian mi zui mai rawh, buaina ka duh lo ka tih tawh kha an ti khawl mai a, Kapzinga chuan ka aihnah phahpui kiangah ka lo awm ve a nge an tih leh chuan Thangena chuan keipawh a lo ti leh zel bawk si nen, Zakhuma chuan a ṭha e, tih paha Hmingliana beng bula thil sawi pah chuan naute hi kan dah pawimawh hun a awm ngai e, tlangval kei ka ni inti chin an ni ve tawh a, kan thu a chekawi thlenga zawmtir hi a ṭha ber lem lo e an tih chuan Hmingliana pawh chu a bu nghat a.
.

Tuallaia Lusei tlangval Lalin chhunga leng lo ho chu Kharmawia chuan Lalin hnaia bihrukna remchangah chuan a lo sem nghal zung zung a, Siruna chuan Ngharchhip pasalṭha chu hmachhawn tumran hian Kharmawia hnenah chuan ka chak loh tak leh ṭhianpa ka chhungte i kut ah ka dah e an ti dam thluam a.
.

Kharmawia chuan hrethiam takin nangmahin i ding dawn reng reng lo, i bulah ka awm ve ang an tih chuan Hmingliana chuan nuihsak pah hian beiseina nei lo ang maia ṭawngkau in chhahchhuah mai chu le, inrem takin kan awm tawh a, in tana mi hnawksak chuan Lusei ho pawi an sawi tel ve tih hi in hriat loh ka duh lo ve, tiin an hmela zamna lo langchhuak chu a hmuh hmaih awzawng lo mai, Lal fanu chuan Chungnunga chu melh ralhin i tan thihna a ni in khawlam pan mai rawh u an tih chuan Chungnunga chuan Lalpa min lo hrethiam lawk mai tih leh Lal fanu chu khumpui lama pawh luh pah hian Chungnunga chuan ka damchhung hian tuman an tina lovang che an ti tawl mai a, Lal fanu chuan engvanga ka laka ṭhat chhuah tlat nge i nih an tih chuan Chungnunga chuan chiang taka en kal chung chuan Lal fanu biangah chuan a kuta dawmin ka sawi chu ka sawi a ni mai, i tana ka inhuam zia hian saqifiah leh kher a ngai lo ve an tih chuan Lal fanu chuan Chungnunga chu haw lo tih hriat zet hian melhralh pah hian mahse tia a sawizawh rual chuan Chungnunga chuan a hmui hup pah chuan a nauṭam per bawih khawp chuan an pawm vawng vawng mai zawng, Lalfanu thla chu a va muang chiangkuang tak em.
.

Lal fanu chuan Chungnunga chu kuah let ve hnap in Chungnunga awma bei hle hle pah chuan Lal fanu chuan Chungnunga chu bia in finkhur hle ang che aw, tiin an chhoh en ha chu chulaitak chuan Chungnunga chuan Lal fanu hmui sen vamham ah chuan a lo fawp vawng vawng mai a, Chungnunga chuan chu le an lo thleng e tih leh Lal fanu chu a kutsuih chung chuan an chhuahpui a, Lalin chhunga awmho chuan Lusei tlangval hmelṭha tak leh Kawibem Lal fanu Herliani nula ti tuai nalh fahran leh hmelṭha em em, duhawmna zawng zawng neitu chutia Lalin khumpui lama lo chhuak dun chu ka ho hian en hlawmin inhmeh an tiin Lalnu phei chuan a thlir ning thei mawlh lo a ni.
.

Lal leihka a, kaih chhuah pah chuan tu nge ka nupui hming hi lam kha, eng atan nge in tih a? Tiin Ngharchhip Pasalṭha te chu an melh khai mai a, chutia Kawibem Lalin aṭanga Lusei tlangval tuaitir te, hmelṭha tak leh, hmel pa hrak palian ṭha tak, a mitmenga zamna hmuh tur awm eih lo leh taksa inphut mawi tawk tak kawng fek rat, dar hlai hlep hlawp leh Lal fanu duhawmna zawng zawng neitu a hmelṭhat em vanga khual hrang hrang Lal te pawn an fa mo atana an lo biak fo tawh kut insuih riala Lal leihka aṭanga lo dingchhuak te pahnih an han hmut zet chuan an hawi hai zawmah a.
.

Ngharchhip Pasalṭha, Khamtawnvunga chuan uai, chhe hei leh, ka tum loh deuh ka tawn tak chu le, ka lal lenna khuaa Lusei Naupang kan hmuh tlat pek chu le, Lal fanu duhawm, i kianga mi kha hlat la kan Lalpa rawngbawl turin in buatsaih rawh le an tih chuan Lal fanu chuan Chungnunga kut chu a hum nghet sauh a.
.

Chungnunga chuan Herliani chu melh zawkin thlamuangvtakin awm rawh an ti dam thluam a, Chungnunga chuan pu a, mi nupui duatlai te an pasal ten tu kut ah nge pe se i tih reng reng a? Nge in Lalpa nen chuan nupui in in ṭawm zaqk tiin ngeiawm takin an chhang let a. Chu thu a sawi chuan Khamtawnvunga thin a tirim kher mai, Naua leh, i ṭawng chaltlai hle mai maw, vawin ni hian Khamtawnvunga hian Lusei lu an vangkhuaah a khai haw ngei ang an tih chuan mipui kar a,ang chuan Kawibem pasalṭha pahnih lo penchhuakin Kharmawia leh Siruna chuan in Lal duham tak hian a ti khawlo zo tawh che u a nih hi, an rawn tih chuan Mangchhina chuan nangni pahnih bawk maw, vawin ni hian in lu ka la ngei tawh ang, tiin a chempui chu an phaqrchhuak zal zal a, chu ve leh, khaih khaih khaih, helamah zawk aw, tia aw lo chhuah nalam an han hawi chuan, pa valai tak, en reng reng pawh a a vanglai la pel eih lo, pa hmelṭha tak pian dik em em an han hmuh chuan Pawih Ngharchhip pasalṭha ho chuan an thlir ṭhap a, chutihlai tak chuan Chungnunga bawk chuan Helamah zawk le tiin Lal tual a inring taka ding kak hah lam chu an han thlir leh lai tak chuan Kapzinga leh Thangena chuan helamah pawh aw tiin an han nui kur kur mai zawng, Ngharchhip pasalṭha te ho chu an hawitawn zawk zawk a chha chu a ni e.
.

Chutah leh a kil sir aṭang chuan Zakhuma chuan Khamtawnvung kan in tawng leh ta maw? Mauhak ram chhungah khan ka nun tawh che a tih thawm a rawn chhuah leh meuh chuan Ngharchhip pasalṭha ho chu an hawi hai hle mai le.
.

Khamtawnvunga'n Zakhuma hmel an han hmuh chiah chuan a phu uk mai a, kan buainaah hian lo inrawlh ve turin tuman an saqm lo che u an ti lawi rut a, Zakhuma chuan Sawmna dawn kher kan phut lo ve, tu hi nge mal leh mala i hmachhawn dawn le? At chu so duh suh u, hualbeh vek in ni tawh e an ti chang khawl mai a.
.

Khamtawnvunga chuan a rilru in a nih nih kan ni ang tia a ngaihtuah rauh rauh laitak chuan Siruna chuan kei hian kan hmachhawn ang nge tiin a lamah chuan an pen hnai a, Khamtawnvunga chuan nuih ṭhaw chung chuan uai, i lo huaisen ve tawh hle mai ka ti, kan duh kan hmuh hma loh chuan in khua hi kan chhuahsan lovang lo inring rawh aw tia a chempui a hum ruh laitak chuan Chungnunga chuan aia naupangte an awm laia u zawkin infiampui tur an nei hi ka thik zawng tak a ni ngai e. Lo aqm mai mai teh tih leh Siruna hmaa din chu a rual nghal zat a.
.

Duhtawk phawt ang aw.