PASALṬHA HMINGCHUNGNUNGA BY Muantea Muantea Khiangte 1-30

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

PASALṬHA HMINGCHUNGNUNGA BY Muantea Muantea Khiangte 1-30

Unread post by Ngaia » December 14th, 2018, 5:10 pm

48328496_1333905113419139_6377772670712283136_n.jpg
48328496_1333905113419139_6377772670712283136_n.jpg (37.2 KiB) Viewed 30666 times
PASALṬHA HMINGCHUNGNUNGA
BUNG 1 NA.
.
Kawibem khua in 400 lai in dingah chuan Lalin lianpui Sukte Pawih Lalpa Lal Rengkhaia chuan a nupui ti tuai nalh tak, tlangval tam takin nula hnahkhat ai pawha hmelṭha leh nalh an tih, an thlirnin theih loh Lalnu Darkhaii chuan a fanu nausen kum khat tling ve ak ak tawh chu ka fanu hian khuavel ah thangṭhat hlawhin a hmel hian kawi sarih en rawh se tiin lawm thiam takin an sep lauh lauh a, Lalpa Rengkhaia chuan Duhsuak(khawnbawl upa) muang leia ṭhuthmun kan rem lai hian boruak in mung rit ru tak hi nang beng fingah i chik ve ngai em? An ti a, Khawnbawl upa chuan Lalpa, kan vanglai hun te hian liam lam pan ve zel in kan khaw hawi te lah hi keizawng a tawi ta tak mai ka ti, in sawi chhuah takah chuan Lusei Lalinah mihrangval tur a piang e tih thawm hian ka beng a luh khat em a chuti lam lam chu ka lo bengkhawn lem miah lo ka ti an tih chuan Lalpa chuan Lusei Lalin han tih te chuan Lusei Lalna ram te chu a tam a lawm maw le an ti a, Khawnbawl upa chuan Lalpa Hmunhlui Lalin a nau lo piang chu Sapui pawn a rawl chhuah in a lawmpui ve e an ti asin an tih chuan Lalpa chuan a vaihlo dawn pet kawh vah chung hian uai, chuti maw? An ni nena kan inkar hi mi chak vak tan pawh ni 10 dawn kal a tling hial ang nga, Fanai lam te nen a buaina an neih neuh neuh erawh tlangkam aṭangin ka beng hian a lo hre ve narawh e, a engpawh chu ni se, ka kawngdal zawnga lu rawn rawlh lawr chuan ka pasalṭha te ngenmu an dawng zel ang, hawh awi ka lo mangnghilh hman pek chu le khua chuanin veng mawng lam hrutin ka hnung han dawl teh khai fan pawh a khat tawh teh zawng em mai tiin Lalin aṭang chuan tlangaupa nen an pathum chuan an in zui chhuak nghal a.
.
Hmunhlui Lalinah ve thung chuan Lalpa chuan ka tupa hi en teh u hei pui a ding, a pa khumin khuatinah a hming a thang ngei dawn e tiin khi hui chung chuan a tupa Lalin chhuata ding nui ver ver chu an chhaih chiam mai a, a chang leh an chawikang a an putu chuan an hlim hle nghe nghe a, Khawnbawl pa chuan Lalpa a pa siar, a hmaihmel ah erawh a nu a chhun e, kan Hmingchungnunga hi a pu khawdaingul a ni dawn e tiin a lo khi ve hui a.
.
Zan a ni a, zan reh tak a ni, hramthiam sava ten an riahrun panin tu dang ngailo ten an thla khawngriin ralmuanna kungah an lawi e, van chungsanga thla no taka eng phut mai chuan Hmunhlui Lalin chu en phut in chu Hmunhlui Lalin chung zawna thla eng chu Ṭantlang Lasi Lalnu chuan Hmingchungnunga mu hil sek sek chu ngun taka thlirin nangzawng nunkawng zawh thiam la, i phak chin leh theihchin piahlama ka malsawmna che hi vawngnung reng ang che an ti ve sap a.
.
Hmingliana chuan a nupui duatlai chu biain hei zawlbuk lamah zanin aṭangin kan in suanphei ang nge mi hmaizah a na em mai an tih chuan a nupui duatlai chuan ni e, va kal tawh khai keini lam pawh hei kan fapa hi a hleikang ve zel a, inhrang chang tura kan in buatsaih a ngai ve tawh ang, inthlahrun hmel takin an ti a, Hmingliana chuan ni e, ka thaibawih deuh dawn tihna nih chu tia nuihsak pah chuan an sawi ve a, a fapa chala fawh zauh pah chuan taite i nu thu hi lo awih ang che aw muttui u le tiin Zawlbuk lamah riahrun rem turin a phei san ta a.
.
Lalpa chuan a upa te ho ko khawmin Tukṭhuan eihma chuan a Lalinah chuan an ṭhu bial laih a, Lalpa chuan hei kan kumin kum hi kum ṭhat kumah i puang teh ang u khai, ka pasalṭha ten khua chuan se, khawthar sah zai hi kan rel a hun viau ta ve in keilah chuan kan hriat chu tiin midangho chu an melh kual dan dan a. Khawnbawl upa chuan Lalpa ka rilrua riak tlat ka sawi chhuah ngam loh a ni i rawn sawi tak ni, i sawi kha keizawng ka rilrem zawng tak a ni e an ti a, midangho chuan an lu an lo bu ve tliar tliar hlawm a.
.
Lalpa chuan aw le, kan thu a rualtlangah i ngai ang u nangvtlangaupa ka pasalṭha, Zakhuma leh Zingliana kha zu au teh khai, ka makpa kha thirdeng in lampan in a kal tak bawk kha maw ko kim takin Lalpa in a hmuh duh thu i hrilh hre dawn nia tiin a tirliam nghal a. Hmunhlui pasalṭha te an kim ṭhep ṭhawp lai chuan Lalpa chuan hei kumin chu khawthar kai zai rel kum ah kan lo puanga, kan mihrangta te kal liam ta te pawh an zahaqm rual rual in ei leh bar thlenga ram chang ṭha kan bawh a lo ngai ve ta reng mai a, chhim lam mualṭhuamram lam sawn ka lung a dum hle mai a, saw ramngaw dur chhah tak saw han hma kum eng emaw zat liamtaa Lasi ho tuallenna hmun tia an lo sawi fo ṭhin ṭuanna a ni a, ka Lalna khua aṭanga ni 5 vel lai kal a ni nghe nghe, an lo sawi danin saw ram saw bawh chakin an mit tlin tawk an lo thlir ve tawh ṭhin a, han bawh tak tak nei si lo in an pamṭul leh fo ṭhin, keini Lusei hlauh nei lo te hi zam chhe mai mai tur kan ni lo ve, a ram awmzia zirchiang hmasa lo va pamṭul duhna thinlungpu mi kei Hmunhlui Lal hi ka ni lah lo ve, nangni ka pasalṭha ka in nghahna hian va chuan u la, in lung dumzo tak ram a nih chuan Perh in rawn tar dawn nia, in hriat reng tur erawh Halkha Pawih samzial ho nen kan kar a hla vak dawn lo tih hi a ni, ṭul loh ah in chengrang mu va seng lo ula, fimkhur takin in va kal dawn nia tu te emaw laka zam a, ṭhingṭhi hnam kan ni lo tih hi in thinlung khan vawng tlat ang che u, ni nga cham tur in in in lam ṭheuh pan ula, tukṭhuan eikhamah in Lalpa in lam in rawn pan leh dawn nia ti khan kan thurel chu a tawp e tiin thu chu an ti tlu nghal hmiah mai a.
.
Manzika chuan a u fapa Hmingchungnunga chu koki chhuanin taitea hi tiin Lalin chhuat ah chuan a virpui chiam mai a, a u Hmingliana nupui lah chuan Manzik i thlauh ang nge khawimaw ti chul chung chuan a fapa chu an ban du du a, a fapa lah chu nui ar ar in nuam hi a ti zawmah zawk hial a ni. Hmingliana chuan Lalpa hei Lunghnemi pawh a ziaawm ta bawk a in suan phei mai asin kan lo rilruk ni an tih chuan Lalpa chuan mai mai a, ka tupa tello in in duh leh in hrang va chang rawh u, a thawm hi ka beng hriatah a awm reng tur a ni an tih chuan Lunghnemi chuan ka pa, chutin an ti ngai lo ve, in karhlat pawh kan ni lo a, Hmingliana tan pawh in thlahrunna tamtak a awm ve bawk ang chu an tih chuan Lalpa chuan Hmingliana chu melh run pah hian ka makpa a hming chauhin i ni a, ka thinlungin ka fapa i nihna a pawm asin, eng kawngah maw i in thlahrun ang le? In hrang in chan hi ka remti lo sawi pawh sawi tawh suh ka beng hriat ah tih hmiah pah in an thusawi leh tur pawh ngaichang duh tawh lo vin a tupa chu a zakdawha chawikangin an sep leh lauh lauh mai zwng, Hmingliana tr nupa chu an in en ang ren rawn a an lu thak lo pui chu an hiat ringawt a.
.
Lalnu Vannguri chuan khawmaw ka tupa neihchhun kha ka lo pawm ve ang nge Mo neihlam lah hi kan la awn lo zawng a nih dawn hi an ti a awmzenei tak hian , Hmingliana chuan Bungkhaw Lal fanu sawn a lo la nghak mai thei asin an tih zauh chuan Lalpa chuan nui hak pah hian uai chu lam lam chuan ka fapa neihchhun thinlung a lo kuai em ni le? Palai kan tir vat ang nga a ni mai a lawm maw le an tih chuan an nui tlang dar dar a.
.
Duhtawk phawt ang aw.

PASALṬHA HMINGCHUNGNUNGA
BUNG 2 NA.
.

Hmunhlui Pasalṭhate chu Lalin lamah lo chuangkai in Lalpa chuan hmel hlim sarh chung hian lo kal tawh u khai, ka khaw daingul leh ka in nghahnate u, in mawng hung teh u le in Lal tlaktlai lo tak hian ka chawimawi ve theih hun che u a thleng e tiin Lalnu chu en pah in Manzika nu, ka tan leh ka khua leh tui tana lu chhum ban chhum huam te hian an phu a ni tih ka lantirna'n thulmawnga ka lo dah ṭhat ṭhi val kha han sem teh le an tih chuan Pasalṭha ho chu an phu deuh ak a, an Lalpa ṭhatzia leh an tan Lalpa uikawm loh zia an hriat chuan an thinlung chuan an Lalpa chu an ngaisangin an zah em em a ni.
.

Chutia Ṭhival a han pek na chhan chu Lalpa hian thui tak an hmahun tur a lo suangtuah vang a ni. Pasalṭha te nun hi a tawi in an vanglai nun hmang hman lo va mualliam ta te sawitur awm fo chuan an chhung leh khat te hmeithai chan an chang thei tih hria in an chungah vanduaina lo thleng pawh ni se, buh leh bala an ṭam chhiat loh nan a Ṭhival pe chu a ni.
.

Lalpa chuan ti khan kal u la tluang taka in kal theihnan khuanun veng che'u rawh se tiin Lalnu chu mitmei zeuhin a lo ruahman lawk sa diam sarep tam tham tak chu a fapa Manzika chu an ah tir a, Hmingliana kalchhuak tur chu a nupui duatlai chuan a fapa pawm pahin Hmingliana ban chelhin tluang takin va kal la, i fapa leh kei hian kan hmangaih che in kan hrereng che tih hi theihnghilh ngai suh ang che an tih chuan Hmingliana chuan an nu chu nuih sak in midang hmuh loh lai chuan a chala fawh zauh pah chuan kei pawn ka hmangaih che u tiin a fapa chu an fawp zauh a kalzai an rel ta a.
.

Chutia an kal hnu chuan Lalpa chuan engpawh an chungah lo thleng thei dinhmunah an ding tih hriain a pasalṭha te kalbo hlana an khua meivapa a chan chu hlau ru tak chung chuan midangho zai pawh ngai lem lo chuan tlangaupa hnenah tlangval ramṭang thei chin tawh phawt chu Lalmual lam pan turin an ralthuam famkim nen kalkhawm turin han au la, nula te khan mauthei rawn thawhchhuah pui bawk rawh se, ralven buk thuamṭhat tur a ni e tiin han au ang la, Valupa kha ka hnenah lo hruai bawk ang che tiin a tirliam nghal a.

Nula leh tlangvalte'n Lalmual an han mawi chuan Lalpa chuan khawthar sah chungchangte sawi langin tlangvalho hnenah chuan Mau banrek tiat changṭha sah tur tih leh Nula ho khan an chhawlhal tur ven nan mautheiin an zawh tawk tuikhur lama liam tur leh Ralvenbuk muala lama tlangvalte chhawlhal a piang lo leh turin an tih chuan Tlangvalho chu lawmin an haw haw dur dur a, chutih rualin Khawthar kaitur thu nu leh tar chak lo ten an han hriat chuan an huphurh ru hle ve thung a, mah se, Lal thu erawh an hnial duh lem lo thung.
.

Zakhuma chuan hma hruai zar zar in hei le kan ram chin chu kan pel fel der ta mai, Tumtluk mual kan chuangkai dawn ta reng e, Kaihzawl nen a kan ramri chin a ni ta, fimkhur taka chet kan lak pawh a ṭul ang, khaw dang ramvak lak ah kan fimkhur a ngai dawn a, thawmdim takin kalzai kan rel zel ang, sawlai thakpui hmun saw ruam lamah kan hel thla ang nga, kawrte pawh thlain kham ko ah kan lawn liam ang, kawngṭum hlui deuh tawh a lo awm ang nga chu chu zawh zelin Luanghmun kan thleng ang, kan pelh leh chuan Kaihzawl chul ram kan lut ang nga, an khaw lo mawng lamah kan liam leh dawn nia, ramṭang rual ka nih kum khan Hminglian i pu in min hruai kual hrep tawh a, ka la bel viau a nia hawh u kal ang u le kan hah a dam tawh chuan tiin kalzai an rel leh ta a.

Kaihzawl khawram chin an han zuang lut, Zingliana chu ding dat in sakhi patuai thau mum nalh takin an thlang ruama theirah a tlan chu en in a silai cheng chu kau ri rapin an tin kawh lah mai a, chutih lai tak chuan Hmingliana chuan a silai chu hup chat in Zinglian mi khaw ram chin kan dai lut tawh haw lamah khek zawk rawh thawm chhuah chi kan ni lo ve an tih chuan Manzika chuan nuih kur kur pah chuan a ni hnena thusawi hi chu awmzia a awm lo teh e a beng lehlamah a lut a sawi zawh rualin leh lamah a chhuak nghal a kal mai mai teh an tih chuan Zingliana chuan ner nang chung hian ni dawn teh tak e tiin a kal ve mai bawk a. Zanriah kil hun awm vel a lo nih chuan Zakhuma chuan mi khaw ram china riahbuk kan sual mai a ngai dawn a nih hi, tiangah tak hian a ni hmana kan mihrang kal liamtate khan an lo sawi pasalṭha zia lanchhuahna tur chu, Manzik, Hmingliana nen khan raw chang pum ruk sat u la, keinin tui leh changel lam kan lo buaipui ang nge he laiah hian riahbuk kan sual mai a ngai dawn a nih hi, meichher han chhit ngamna hmun a ni si lo a tiin an tihtur ṭheuh ah chuan mawngzang takin an phe nghal a.
.

Manzika chuan Hmingliana en ha pah chuan Hminglian ka pa remruat danah khan i lung te a awi em le? I nu lu nghahna han chhuahsana khawthar kai a han rel ta rup chu a nia an tih chuan Hmingliana chuan Manzik in sawi chhuah takah chuan a tir kha chuan hrehawm chu ka ti ve ngei mai a, mahse, famchangtate chu khuanu duan a nia keini hringmi tih danglam zia zang a ni lo ve, a la dam ho hi kan pawimawh si a, a engpawh chu ni se kan dam ang nga a tlawh lam kan peih a niang chu an tih chuan Manzika chuan a rilru te te chuan Hmingliana chu a ngaisang hle mai a. Hmingliana chuan Manzika en pah chuan a hnar an len vat vat a, Manzik Zingliana te khan mei an nun em ni let leh vat teh thlanglam hawi zawnga thlibengin mei rim ka hnar an lut tlat a kan hriat chu an tih chuan rang takin Manzika chu an buksualna lamah an tlang chho a.

Manzika a lo let leh chuan Hminglian i hnar a va fing ve mei erawh an la nun hman lo, i chiang chiah maw an tih chuan Hmingliana chuan chiang e, Manzik an ṭul ang ang chu lo buaipui mai rawh se, mau lah sah rik ngam chi a ni lo ve mei rim lo tlehna lam hi kan chian a ngai min zui rawh le an tih chuan fimkhur takin an awmna mawng lam an pan thla ta a. Nakinah chuan kawr ruam thuk zet, lungpui lian pui pui pali lai lo ding ngir khup hual kara mei eng teng teng chu an zu hmu ta tlat mai le, muangchanga pawh thla zel in an chhak luanghmun aṭang chuan thlir thla in engzah nge an nih an han en dak dak a, an hmuh theih chinah chuan pasarih lai an ni midangho an la awm leh awm loh an han melh kual a tumah an hmu tak loh ah chuan Hmingliana chuan khawi khua nge an nih ang aw an ti rilru a.
.

Manzika chuan kan pawh mai dawn em ni nge kan kir san mai dawn an landanah chuan Lusei vek an nih hmel an tih chuan Hmingliana chuan kirsan lo ve, kan tan a pawi thei kan pawh a ngai khawi khua pawh lo ni se kan pawh a ngai ramchhuak nge an nih a ruk a rala che tura ram mu zawk tih kan chian a ngai a chhan chu kan khaw tan a pawi thei an tih chuan Manzika chuan chuan engtin an ti hu a, ti khan min lo veng rawh tiin a iptepuia a ramhrui ah chu phawrh in an piah luang lawr sang zual bulah ṭawn bet in a khat tawkin i pawt che dawn nia kan hual vek tawh tih an hriatnan an tih chuan Manzika chuan chhuang takin chu hrui chu a ngalah an suihzawm nghal a.
.

Ram palailenga riahbuk sual ve tho te chu pawh thla in an hriattur ngei chuan an sa chan lai chu en ngarin kha pute u in va hlawhtling ve an tih chuan chung ramriak te chuan an rin loh lutuk thawmin an han ṭhawng chuan ka ho chuan an sa chanlai tawp meuhin an thlir hlawm a, an zinga Pasalṭha chuan ram palailenga naupang kan hmuh chu le ram mi te pawh i ni hial lo maw an tih chuan Hmingliana chuan en kar chung hian ni lah lo ve, khua chuanin kan ram kal kan bo a lawm maw le, hei in chhak ah khian riahbuk kan sual ve a tiin aw dam dap hian an ti a. Zawnghmun pasalṭha ralhrat Zamana chuan uai a nih chu hrethiam nghal vatin chu kan mei rim leh kan sa chhum rimin i hnar a lo verh deuh a ni maw an ti kher a, Hmingliana chuan aw, kan awmna nen kan in hlat lo em a tin ni tiin ramchhuak satliah an nih loh zia chu an thuam en chuan a hrethiam nghal a.
.

Hmingliana chuan kan vawikhat in hmuhna te a ni bawk a khawi khua leh tuia cheng nge in nih le? An tih chuan Pasalṭha khualthang Uaithanga chuan naua zawhna i zawt chik ve phian mai a, zawhna ngah lutuk hi hriselna atan a pawi thei asin lu channa tluk a ni tih i hria em an tih chuan Hmingliana chuan ka pu min ngaidam dawn nia ka hming chu Darkhuma a nia Maite khua ka ni e an ti zaih a, Uaithanga chuan naupang Zawnghmun pasalṭha ralhrat Uaithanga ka ni e, an tih chuan Hmingliana chuan ka pu i hming hi ka hrebel viau asin a taka ka hmu che chu ka lawm hle mai, tiin chibai tumin an pan hnai a, Uaithanga chuan chapo hmel takin uai chu ti e law maw, a va lawm ve keini hming meuhin khaw dang a kangkai zu nia tia nui huah huah in an chibai ve mai bawk a, Hmingliana chuan tunlai in khaw boruak te a nuam maw ramchhuak satliah mai mai en ni in nih an tih leh chuan Uaithanga bawk chuan ni lah lo ve Hmunhlui khaw lampan tur kan ni e an Lalpa biak rawn kan duh deuh maw le, a fanu hmelṭha khual kai khawpa hmelṭha pawh rim pah fawmin an tih chuan an zinga pakhat chuan ku Uaithang an khaw daingul pahnih Zakhuma leh Hmingliana kha i infiampui chak a ni lawm ni an tih chuan Uaithanga chuan chak teh reng e Lusei thlah zinga kei aia thei fa an awm hian ka buh bar a ti tui lo zu nia, zawlbuk ah emaw Lal tuala milu lak chem nen khawi emaw zawk zawk a infiampui ngri chu a ngai ang an ti huah huah a.
.

Hmingliana chuan ka pu, Lusei ho hi lungrual taka chenga a thlum a al ei za a lungrual tlanga khawsa ho tur kan ni asin , kan chhak leh thlanga Paqih ho hian min hmusit lutuk ang nge, Lusei leh Lusei kara in hmelmakna hi kei chuan awm lo hram se ka ti khawp mai an ti chang ve khawl a, Uaithanga chuan nuih leh huah huah pah chuan naupang ṭawngka chhah chhuah dan chu a va mak reuh ve maw le, Zawnghmun pasalṭha hian a duh chu tu dipdal lohin a ti mai ṭhin a thu hnialkalh hi thihna a ni asin an tih chuan Hmingliana chuan ka pu Hmunhlui chuan run an tawk zo chiah a an dinhmun pawh an siamṭha ṭan ve bek bek asin, in awmdan aṭang chuan ṭawngkamṭhaa an Lal han be duh in ang lo hle mai, tiang em em a Lusei leh Lusei in huatna lo thleng hi kei chuan tawp tawh se ka ti asin an tih chuan Uaithanga chu mengrum ula lo din chhuah pah chuan ka duh duh ka ti ang Hmunhlui khua ka thlen pawn ka duh dan danin ka awm ang, sala ka man khawm nghal vek loh an ti leh a, chutah tak chuan Hmingliana chuan ka pu buaina zawngin Hmunhlui Pasalṭha te hi an ram mu ve ngai lo asin, an tih leh chuan Uaithanga bawk chuan naupang i mi chhan dan chu ka kham hle mai thih i duh em an tih chuan Hmingliana chuan ka pu thih te zawng duh lah lo ve, hmelma enin en chu i la in thi vek tawh ang an ti chang khawl mai a, chulaia awm ho chu an hawi phawk ta hra mai a, an hmaa tlangval la naupang hmel tak pian dik tak chu mi naran a nih an ring lo hle mai a.
.

Uaithanga chuan nuih hak pah chuan naua min vau ve khanglang suh tih pah chuan leia a chem chu an chhar a, Hmingliana chuan ka pu ti duh ting suh hual beh vek in ni tawh, a che hmasa a piang chu ngenmu tuarin he lai hmunah hian in boral nghal ang, Manzik in in ring em an tih chuan an chhak aṭang chuan ring e Hminglian a che che chu kan sai ang, ṭhiana i inring em tiin a hrui chu an pawt che laih laih a, Zawnghmun rammu a chhuak ho chu an hawi ka hau hlawm a, Hmingliana chuan ka pu i infiampui chak em em chu i hmaa hi ka ding e, Hmunhlui pasalṭha Hmingliana chu ka ni e i thu hi khawngaih takin sut leh rawh keini Lusei leh Lusei kara buaina awm hi tawp rawh se, tin Hmunhlui Lal fanu saw ka nupui a ni bawk e an tih chuan midangho chuan Hmingliana chu ka ho hian an en hlawm a, Hmingliana bawk chuan Ka pu, Rallu chu ka lo khai ve tawh fo asin Dengsir pasalṭha Tlangbiaka an khan min tur luih loh hram ka beisei, tin Tawihzo khaw pasalṭha Irhliana an pawh khan an tih meuh chuan Uaithang chuan a hmaa tlangval la naupang tak chu en vang vangin a hmaa Hmingliana chu beih mi a ni lo tih a hriat chuan a sawi loh tur a sawi chu pawi a ti hle mai a. Hmingliana chuan kan khua chu va thleng ang che u mahse a kawhmawh bawl zawnga hun in va hman loh hram ka beisei, tunah hian Pawih Lalna ram Kawibem khua kan pan dawn a, an pasalṭha te va chibai turin tiin a chempui chu an beng thak thak a, kan thangbo chhungin kan vangkhuaa chengte sawn thlamuang takin hun lo hmang rawh se, a rik rap zawnga ka khua leh tui te chunga che chu an buzawl thleng ka luh chhuah ang ka pu i infiampui chak em em Zakhuma pawh kan zingah hian a awm asin ka putea a ni a, thlangtla rawk khawpa Pawih um darhtu Pasalṭha Chawnghminga kha ka pa min hringtupa ngei a ni e an tih leh meuh chuan chulai hmuna awmho chuan Hmingliana chu ngaihsan hmel takin an thlir dauh dauh hlawm a.

Duhtawk ang aw. Ka kut a kham.

PASALṬHA HMINGCHUNGNUNGA



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 15th, 2018, 7:46 pm

BUNG 3 NA.
.

Hmingliana chuan ka pu ka kalsan phawt ang che u, kan vangkhuaa chengte saw kan thangbo hlanin thlamuang takin lo awm rawh se, kan vangkhua in lut a nih chuan kan damṭhat thu min lo hrilh sak dawn nia tiin hawi let leh miah lo chuan a kal nghal a, Pasalṭha Uaithanga chu ding ngawi rengin phun sap chung hian ka duh aia thui ka va kal hman teuh ve le, a naute chu melh run run in ka hlauh vang ni miah lo in a sawi tam tak kha ka ngaihtuah hian dikna chen a awm zu nia, naute u sa chan hi chhunzawmin zingkar ah khaw lam kan pan mai dawn nia, tiang khawpa kan chunga ṭhat chhuah tu te khua kan rik rap khan ṭulna a thlen tam lo ve nakina kan buaina zakhua ti seitu a ni thei e an tih chuan midangho chuan dik chiah an lo ti ve hlawm a.
.

Hmingliana te chu tibuaitu nei loin zanah chuan tui takin an mu a, zing an han thawh chuan Zakhuma chuan kan khaw lampang ngaihtuah a na hle mai a an ti zauh a, Manzika chuan khuanuin an chungah zah a ngai ang nga eng em a thleng lo turah ngai ang, kan kalna tur hi a la hla tham deuh si a tukṭhuan ei zawh ah muangchang lo in kal zai kan rel mai dawn lawm ni an tih chuan Zakhuma chuan nia kan muanchan loh a ṭha ang, an tih chuan Zingliana chuan ei ka siam peih e an tih chuan an han bar mawlh mawlh a an rikham chuan vaibel te zu hanchawlin kal zai an rel ta a.
.

Thui fe far hmun an thlen chuan an mit tlin tawk a ruai rai deuh hlek tlang leh tlangin a karcheh ah chuan in ding tlar an hmu ta tlat mai le, a lanchian loh em avang chuan Hmingliana chuan Khiang thing a lawn in a ler bul aṭang chuan khaw lan chian theihna tur aṭang chuan an thlir vang vang a, Hmingliana chuan chu khua lo lang chu in 100 bawr vel lek an nih a ring nghal a, Zakhuma chuan Hminglian ruahmanna i nei em an tih chuan Hmingliana chuan khua hi hel lo in lut zawk i la kan kalna hmun tur hi pumpelh an hre mial mai thei asin an tih chuan an thu a rual tlang bawk a chu khua an la rah ngsi loh khua chu lut turin pheikhai an vawr tlang ta a.
.

Kawtchhuah an thlen chuan tuallaia naupangho chuan an vangkhuaa mikhual hmelhriat ngai loh an han hmu chu an en duh hlawm hle a, nakinah chuan naupang hnap tawlh pir per te Hmingliana chuan panin bawiha Lalin ah min hruai thei em an tih chuan Naupangte chuan a lu bu in Lalin lam a pan ding nghal a, tlailam zanriah chawchhum hun awm vel a ni a, Lalinah chuan Lalpa leh a nupui leh a fanu nula hleitling tak an khaw nula chhuanvawr ve chu awm bawkin tlangaupa leh Khawnbawl upa chu Lal leihka sangah ti ti lo vawrh in eng eng emaw hi an lo sawi ve mek bawk a, khawtuala tlangval ho chuan an la hmuh ngai loh an Lusei pui ralthuam famkim nena an vangkhua lo lawi lut te chu en hrek hrek in a ruka in hrilhru in Lalin an lo pan khawm ve mek bawk a.
.

Lalpa chuan an lam pana mikhual pali lo kal chu a ti ti tawp meuh in a lo thlir a, Lalin an han thlen chuan Zakhuma chuan Lalpa zanin lek min mikhual thei a ngem kan kalna tur a la thui sia, ram palailenga zan hman hi ka naute hian an kham deuh a an tih chuan Lalpa chuan ngun taka en he haw hian tu Lalna khuaa lo lawi lut nge in nih le? Khawi hmun nge in pan dawn le, kei hi Lalzaliana ka ni a Zawlzau khuaah hian mikhual hi kan lawm lem lo asin, buaina leh harsatna in thlen dawn loh phawt chuan thlen theih loh thu a awm lah lo ve tiin Tlangaupa hnenah chuan sawi zauhin ka pasalṭha Thansiama zu ko teh khai an ti a Tlangaupa chu a tirliam nghal bawk a.
.

Zakhuma chuan Lalpa kan lawm e buaina leh harsatna chu kan hnen aṭang chuan in hmu lo vang, Hmunhlui khua leh tui kan ni e an tih chuan Lalpa chu phuzuk in Hmunhlui khua maw? Tiang lai ah te eng nge in tih dawn hawh teh u ka Lalin chhungah hian i ti ti teh ang u khai tiin a hui a, Lalin chhungah chuan Lal fanu chuan rawng lo bawlin mikhual te chu a lo en ve hrek hrek a, Lalpa chuan in mawng hung teh u khai, engti tura lo kal ber maw in nih an tih chuan Zakhuma bawk chuan Lalpa khawthar kai tura Mualṭhuam ram rawn pan kan ni e an tih chuan Lalpa chuan phuzuk hian uai Mualṭhuamram berkher erawh chu a va mak ngai ve le, saw hmun saw itawm hle mahse sawlai hmun sawn ai a nei asin chu lo rengah Halkha ho sawn a hauh hian an hauh bur asin tah sawn khawthar han kai mah ula lungmuangin hun in hmang lo tawp ang le, keini thleng hian buaina zakhua thlentu in ni lovang tih pawh hriat va ni suh, ṭhulh leh mai teh u khai an tih chuan Zakhuma chuan Hmunhlui pasalṭha ramchhuak a hlawhtling lo ngai lo asin Lalpa, kan tana hnawksaka khawsa te chu an buzawl thleng kan luh chhuah a niang chu an tih chuan Lalpa chuan uai chuti zaqng chuan maw, ka ril rem zawng a va ni lo ve, pasalṭha khualkai hat khawpa thang paruk lai a kawl asin an tih chuan Zakhuma bawk chuan nuih sak pah hian kan tana hnawksaka an lu an rawn lawr sek leh pialralah kan thawn zel a niang chu Hmunhlui Zakhuma hian ka hlau therte hlei nem an tih chuan Lalpa chuan Zakhuma maw i hming ka hre bel hle asin i tum erawh sangviau in lang mah se, i vanglai hun i hmang tlem lutuk dah ang nge Pasalṭhate nun hi a sei viau lem lo zu nia, an tih chuan Lal tuala patling tawng chher chhuaih chuan rawn zui nghalin Lalpa i Lalin chhungah khan kan lo lut thei a ngem an tih chuan Lalpa chuan chu aw chu a hrebel na meuh mai le, Lalpa chuan Zakhuma en vung vung pah chuan Kawibem khaw pasalṭha Tawkkhaia an ti sap a, Lalpa chuan thei tuk e a, uai in va ṭhahnem khep khup ve an tih chuan Halkha pawih pasalṭha Tawkkhaia chuan nuih huah huah pah hian Lalpa i fanu hmelṭhatna leh duhawmna hian i vangkhua hi min chuan nawn tir fo reng a ni, khaw thar sat tura rawn thawk chhuak kan nia, Mualṭhuamram aṭanga rawn kawi lut kan ni e an tih chuan Kil khata Lal fanu chu hlauthawng tak mai hian a khur ti tih ta mai a, Lalnu chuan chemte hlau suh engtin mah i awm lo ang kan mi hnawksakpa tak hi chu aw an ti hluk a.
.

Lalpa chuan uai chuti a ni maw? Khawnge i aihnah phah pui Lianirha an tih chuan i thirdengpa in lam a pan kawi lawk a ni, a lo thleng ṭep tawh ang tiin Lalin chhung lam chu a pan ta a, chutia Lalin chhunga Lusei pali a la hmuh ngai reng reng loh an hmuh chuan a ding chawt a, nuih hak pah chuan Lalpa mikhual i lo nei ve reng a ni maw an ti a, Lalpa chuan aw, hei ni chin deuh lawk khan an ni pawh an lo lawi lut chiah a ni an ti a, Tawkkhaia chuan a nih chu maw le, ṭhiante u khawi lam nge panzai in rel dawn a, ranngo zawngte pawh in ang zaw mah ka ti an tih chuan Zakhuma chuan aw zangkhai vah mai hian zawng lah lo ve kan zin khawthawng mai mai a ni e an ti liam puat a, Tawkkhaia chuan a nih chu maw le, ka ṭawngvin huatthu loh ah Keini Halkha ho leh Lusei ho hi kan inkarah remna hi a aqm hlei thei lo hian ka mang an ti ang teh tak e, Lusei ho hian ti nge le in kuang lo in nawr reng mai le, keini Kawibem Lal Lalrengkhaia hian a duh loh chin a pel ang tih ka hlau hlel lo ve, chak thlang chhim hmarah te hian kan hnampeng hrang hrangte tam zia leh kan in lungrual zia hi nangni Lusei ho hian in hrethiam lo a ni, Lalpa i fanu hi nupui atan min pe mai rawh ka ram zah ve ka pe ang che, chuan i Lalna khua hi kei leh ka mi tamtak te nen kan venghim zel ang an ti a.
.

Lalpa chuan khaih khaih ka fanu te zawng mi inchhunga mo atan chuan a la tlak lo ve, a reng reng thu ah tu nenmah buaina neih hi ka duh lo va, i mi puih duhnaah erawh lawmthu ka hrilh che a ni an ti a, Tawkkhaia chuan khawnge Lal fanu hmelṭha rawngbawl hi kan pui ve reng reng teh ang tiin Lal fanu awmna lam chu a pan a an ṭhufel chiah tih chuan Lal fanu chu ṭe hlat in i kut khan min khawih suh tiin bangkil lamah chuan a tawm chawih chawih a.
.

Duhtawk lawk ang. Hna ka nei thut.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 16th, 2018, 6:22 pm

PASALṬHA HMINGCHUNGNUNGA
BUNG 4 NA.
.

Tawkkhaia chuan uai huai man ang maia mi han sahrang hmuh mai chu le, eng nge maw khati teh vak a i ṭe le? Puih mai che ka tum a nia an tih chuan Lal fanu chuan i mi puih pawh ka ngai lo ve kal kiang rawh mi tenawmpa an tih leh zet chuan Hmingliana chuan Pasalṭha tih a mawi lo khawp a kha tia i chet mai chu le, Pasalṭha chuan hmeichhe awmnem te a dimdawi tur zawk asin an tih chuan Tawkkhaia chuan uai khawilam Lusei falu bawk nge lo iak chu le? Nge ka beng dik loh vang zawk an tih chuan Hmingliana chuan a hlau che a nih kha kiang mai la, an ti leh a.
.

Tawkkhaia chuan midang melh run run pah chuan Kawibem Pasalṭha hi tuman an khak ngam ngai lo asin, tin nangni lusei ho nena kan buaina hi ka kham ta hle mai a tihlai chuan Pawih Pasalṭha Lianirha Thirdengpa in a kal kawi chu Lalin lo thleng ve chiah in, Lawmpa buaina i nei em ni tiin Hminglianate ho chu an melh run a.
.

Tawkkhaia chuan Lal fanu hian min han hlau pek a, Kawibem nula ho chuan ka biak loh an hlau hlawm asin, Lawmpa buaina lem a awm lah lo ve an tih chuan Hmingliana chuan chu keini Luseiho chu in tan kan hnawksak viau a ni maw? Keini Luseiho tana hnawksak chu kan ngaina bik lem lo ve, an tih chuan Lianirha chuan uai Lawmpa naupang i lo inhnialpui em ni? Ṭawng thlahdah an awm tlat a kan hriat pek chu an tih chuan Tawkkhaia chuan Lawmpa ti khan lo iak ve mai mai anghmiang, ka thengthawngah pawh a thawk pha nek lo ve a, an tih leh chuan Zakhuma chuan Lalpa Tumtlukmual lam saw khawthar kainan chuan min it pui lem lo a va ang ve, marawh chu hei a engpawh chu ni se kan tumram lam pan tura hla tak aṭanga lo kal kan ni a a hmun hma te pawh va chian ve reng reng kan han duh a, a lunghnura min sawipui loh hram kan beisei a nia an tih leh chuan, Lianirha chuan uai, kan perh tarna hmuna Lusei chuan chul kan remti hleinem, kan Lal lenna a nih saw tiin rum takin Zakhuma chu an en a, Tawkkhaia chuan Kawibem ram chinah kan rin lut tawh a hnu in lu rawn rawlh chu tumbuai duh ting suh u, pawipang zawk a thlen hma hian in vangkhaw lam pan ula a va ṭha awm ve an tih leh a.
.

Hmingliana chuan ka kawngdal zawnga ke pen reng reng an awm chuan kei hi min hmachhaqn hmasak a ngai ngei ang, in perh tarna pawh ni anghmiang, kan tar hnan ve che u ang nga a ni mai alawm, an tih chuan Lalpa chuan a nupui leh a fanu chu khumpui lama lut turin a tira an luh fel chiah chuan Hmingliana chuan Kawibem Pasalṭha pahnih chu entawn zak zak in ka kawngdal zawnga kawhmawh in bawl chuan kei hi min hmachhawn hmasak a ngai ang, tin hei hi lo hre rawh u, Tumtlukmual lam panin naktuk varṭianah kan chhuak dawn a, a sehhel zawnga kan tana hnawksaka in awm chuan tumah nungdamin ka chhuah lovang che u an ti hmak mai a.
.

Tawkkhaia chuan uai, naupang vaupung chu a na ve hle mai ka ti, milu lak chem nena ka hmaa ding tawh chu an phu tawk hremna ka pe ṭhin asin, naupang i thusawiah khan i chiang chiah maw an tih chuan Hmingliana chu dingchhuakin Pu a, i han fiah chhin dawn em ni? Engchen nge i thlen theih ang? Lianirha kawh vu pah chuan ka kawngdala ke pen i tum ve em an ti leh chhak a,,Lianirha chuan uai, tunah zet chuan ka thaza sawizawina tur ka tawng ta e, nang Lusei falu bawk te, i lu hi ka la khawp ang tiin an nui uarh uarh a.
.

Lalin chhung boruak hriaa Lal tuala awmho chuan an beng chu an chhi ngun hle mai, inhnial thawm chu ngawi kara ngaithlain hriatchian chu an chak hlawm hle mai a. Zawlzau khaw pasalṭha chuan uai, ka awm loh hlana kan Lalpa in a buaina siam chuan min hmachhawn a ngai ngei ang tiin tih bik neilo chuan an melhkual hlawm a. Lalpa chuan tawk rawh u ka khua hi chhuahsan ve ve ru, ka Lalna khuaah hian buaina ka duh lo an ti vin tuarh a.
.

Zakhuma chuan Pawih mawnghangho, kei Hmunhlui pasalṭha Zakhuma hmaah hian lo ding ru le an ti ve sak a, Manzika chuan ka tel ve loh chuan a kim lo ve tu ber hi maw ka hmaah lo pen dawn che u an ti ve sak a, khumpui lama Lalnu leh a fanu hmelṭha ve tak mai chuan Lusei ho an vangkhua lo lawi lut te chu an thih loh reng an ringlo nu fa a, mahse eng nge lo thleng dawn le? Lo chhiar zel mai teh.
.

Kawibem pasalṭha pahnih chu in en hrek hrek in Lalin chhungah han in hmachhawn se a tlem zawk an nih tih hriaiin an chan chuan maian chan pawh a tluk lo thei tih hriain Tawkkhaia chuan mal leh mal ngeiin le, pasalṭha in ti ve chin chuan dik takin le Lal tual lamah le tiin a chhuak nghal a.

Hmingliana chuan kha kha chu ka chanpual tiin an zui chhuak ve nghal a, Lal tuala lo awmho chuan Kawibem pasalṭha ralhrat chu an mi hlauh em em Tawkkhaia a ni tih hre nghalin a hnunga Lusei tlangval la naupang tak, hmelṭha zet mai chu melh leh in a thih loh reng an ring lo, mipui karcaṭang chuan
Zawnghmun pasalṭha ralhrat Uaithanga leh a naute chuan mihrangval pahnih in hmachhawn tur chu a naute ho semdarh chung chuan a tlir ve mek bawk a. Uaithanga chuan a naute hnenah chuan Pawih ho saw pariat lai an ni a, a ruka hnunglama che an lo awm chuan in sai nghal pawp dawn nia tiin a hrilh hlawm a.
.

Hmingliana chuan Pawih mawnghangpa han che ta che le an tih chuan nau chahai i lu khan kan vangkhua a thleng ngei ang kha le sa leh ral hmaa zam ngai lo ka lo kal e tih pah chuan zikzak in a rawn tlan phei a, Hmingliana mal zawna a chem hlaipui vai phe zawkin a ṭhelh tih hria in leia in binin a dinhmun an siam rem leh a, Tawkkhaia chuan i chetran ve fu kha le Lusei pa tiin an nuih sak a, Hmingliana chuan kan la infiam dawn chauh a lawm mawnghangpa an ti let ve sak a, Tawkkhaia chuan kha le lo inring rawh le ka milu lak chem hi i dawl em le tiin zik zak bawk chuan a rawn bawh phei leh a, Hmingliana chuan dinglam sira vir zawk in Pawihpa chemvai vai ṭhelh la let leh tur chiah chu vir let zawk in Pawihpa lo hawi let leh chu a chemfawng lam chuan a hnarkawnah tak an chhutsak bur mai zawng, a hnar aṭanga thisen tharlam tak lo chhuak baw hak in an tuai puat a, a thi a reh thei ngang lo, chumi talbuai lai chu rang taka bawh in zuang zawkin an chhuk sak nghek mai zawng a chem chuan lo dang ve mahse Hmingliana chem hmawr hriam tak mai chu Pawihpa dar dinglamah chhete in hna thawkin a tlum hman ta tho a, Pawihpa lah chuan Leia thisen thlauh kual nuaih chung chuan leichara ṭhingṭhi hnawk in a ṭhingṭhihna a khup chu duh kalhin na a ti tih a hmelah lo langin Naupang leh tih leh thei leh thei lo a tho chhuakin a hma aia zawi hian a chem chu an vai chhuak ve hram a, chu ve leh Hmingliana chuan lo kun zauh pah chuan a chem vaina lam a kut chu a dara pu in leicharah chuan a keuh thum dup a chumi rual chuan a chem chu Pawihpa nghawng zawnah na tak maiin an vaithla zet zawng leichar chu a chem hmawr lam chuan sat khem hlawk in Pawihpa lu chu a bung hmawk mai a, mipuiho chu lo ṭe ṭhawt in rap ti takin an mit an lo hup a, Pawihpa lu chu khai thi far duah duah in Lianirha lamah chuan an theh phei a, Lianirha chuan rum taka melh pah chuan ṭe ruai chung chuan a naute ho nen Hmingliana chu rawn bawh pheiin mipui sir aṭang chuan silai vawisarih a puak zet zawng Hmingliana bul thleng hman pawh tumah an awm lo.

Duhtawk phawt ang.

PASALṬHA HMINGCHUNGNUNGA
BUNG 5 NA.
.

Hmingliana chuan Kawibem pasalṭha lu khai thi far thluah thluah chung chuan, hei hi maw in ṭih leh in hlauh em em chu? Keini ang bawka thi ve thei a ni tih vawiin ni hian hrereng tawh ang che u, mahni vangkhua tana luchhum ban chhum huamin vawin aṭang hian ke pen chhuak tawh ang che u, hlauhnain in thinglungah bu a khuar tlat chuan in damchhungin lungmuang takin hun in hmang ngai lovang, bei ula huaisenna nen bei let rawh u tia thu an sawi chuan Zawlzau mipuiho chu an au dur dur a.
.

Hmingliana chu ngaisang tih hriat takin an en duh em em a nula ho lah chuan an runsang kai atan an duh a ni tih hriat tak hian an melh vawng vawng hlawm a. Lalpa chuan thusawina hun neiin ti hian thu an sawi ta a, kan vangkhuaa vaqk lal len ṭhin te chuan khawvel an chhuahsan ta, ka khua leh tui te u, kan pasalṭha sawi ang khan tupawh hi kan danglam a hun ta, keini Lusei ho hi Pawih ho vanga nun derthawnga awm reng tur kan ni bik lo, vawin aṭang hian nunthar nei turin in rilru lo danglam tawh rawh se, ka mihuaisen te u tia thu an sawi leh meuh chuan an au dur dur a.
.

Mipui an ṭin hnu chuan Lalpa chuan hmun danga thlen phallo in a Lalin lian ṭha ve tawk tak ah chuan a thlentir a, Lalpa chuan tiang teh nuaih kan han nih tak si ah chuan rilru dang in pu em lovang chu maw an ti a, Zakhuma chuan Lalpa pu lah lo ve, tiang te kha chu mipa fa kan nih chuan kan la tawk dawn chauh, tiin thleng lo ang hmiah hian a mize mak tak mao chu an chhuah leh nghal zat a, Lalpa chuan Hminhlui pasalṭha te chu ngsisang tak mai hian a en tlawk tlawk hlawm a.
.

Zanriah an han ei chu puar el in an ei a, Lalpa chuan tlangaupa lo chuangkai chu bia in hei kan thu dang a lai chuan ralven buk te kan thuam uluk a lo ngai ta, engpawh kan chungah lo thleng thei a nia fimlhur taka hun kan hman a ngai a ni ka upa te ho ko khawm la, Ramṭang rual zawng zawng tawh phawt chuan Lal tual lam pankhawm rawh se i lo au nghal dawn nia, tin ka pasalṭhaThansiama kha ka rorel min rawn ṭawm turin Lalin lo pan nghal bawk rawh se an ti a.
.

Mipui ho lo thlen hma chuan Upate ho nen chuan rorelin Lal khawnbawl upa Pu Relliana chuan ti hian thu an sawi a, Lalpa ngsihloh lamah ngai lo la, Kawibem ho nen a kan in tet hleihzia hrechiangtu chu keini ho hi kan ni, an pasalṭha te chanchin ngaichangin kan vangkhua an rawn lut ngei ang chumi hunah chuan engtin nge kan tih ang le? Kan vangkhua hi vawileh khatah meivap ah a chang thei asin an ti a.
.

Hmingliana chuan ka pu in sawi takah chuan a awm lo hran lo ve, ti hian rem kan ruat ang nge ngun takin in lo ngaithla dawn nia tiin an sawi ṭan a.
.

Kawibem Pasalṭha te lo chhuahna lam i pasalṭha ho in zawng se an hnu pawh chhui a harsat ka ring lo, an hnu in chhui zar zar ang nga, in khawram chin an rawn dai luhna aṭangin zan hnih riak faisa nen i tlangval te a ṭhen i tir ang nga, in khawram chin an rawn dai luhna aṭangin khaw thlang lam i tlangval te i pantir ang nga, Kawibem ho chuan in khawram chin an rawn luh dawn ah i nauten khawthlang lam an panna kawng chu an zawh tawh mai dawn a ni. I tlangvalte chuan an hnu chhui awlsam thei angber turin an hnu hnutchhiah se, ti chuan in vangkhua a him ang an tih chuan Hmingliana chu ngsisang leh fing tih hmel takin an en ka ho hlawm a.
.

Lalpa chuan chuti ni ta se, ka tlangval te nen va in nangchin ta se an tih leh chuan Hmingliana chuan Lalpa, i tlangval tr ho hian an hmakhalh dawn alawm, an theih chin leh phak tawk a a duhtawk an kal hnuah ruamzau deuh in lambunna ṭha tawk an hmuh chuan Ar keng se hnimhnah ah te an thisen in far tir duah ang nga i tlangval ten an silaimu in thing ding in phenna tawk an saikhem nual bawk ang nga, chumi hmuna in beihna nasa tak chhuak ang in Kawibem pasalṭha samzial i chap darh bawk ang nga, an pasalṭha lu hi an hmuh ngei turin in hnutchhiah bawk dawn nia an tih leh zet chuan Lalpa chu ding hluaia kutbengin pasalṭha mi bik an sawi chu i lo ni e tiin an chibai nawn leh a.
.

Manzika lah pek chuan a beng bulah i piana hnulama i sawi ṭhat ber ṭum a ni ta ve ang an ti sup a. Lalpa chuan a tlangval te chu zanin la la a chhuak turin an thuam famkim nena lalin lam pan leh turin a tirliam nghal a. Hmingliana chuan Lalpa ka mangnghilh dawn a lawm le, khawnge Kawibem pasalṭha te laka an chengrang chawi a min lo vengtu te kha an awm le? Ka hmuh a ngai, lawmthusawina an hnena ka neih ngei a ngai e, tiin a chhuak ta tharh mai a. Zawlbuk a zuk thleng, Khawtual tlangval hliam tenau nei ho leh Zawnghmun Pasalṭha Uaithanga ho chuan ti ti an lo vawrh ve mek bawk a. Hmingliana a zu thlen chuan an lo thlek ha hlawm a, Hmingliana chuan Zawnghmun pasalṭha te u ka nunna min humhim sak avangin lawmthu ka hrilh duh che u a ni, an tih chuan Uaithanga chuam mai mai ṭhin a, tlangval hmanzana i thusawi khan min hneh em vang a ni e, nang hi chu mibik diktak i ni. In tumram lam chu engtik nge pan in ril ruk deuh a an tih chuan Hmingliana chuan naktuk varṭianah a nih ka ring, Kawibem Halkha ho khan perh an lo tar hman pek a, kan tar hnan ve mai ang chu kan ti deuh, an ngam ngam kan ngam, Lusei hnampeng hrang hrang hi Pawih hlaua tlanchhe mai mai tur kan ni lo ve, an tih chuan Uaithanga chuan a dik chiah mai ka ti, Kan Lalpa pawh khan khaw thar kai kha hmanni deuh khan a sawi rik tak kha maw le, keini vangkhua pawh hian buaina lian ru tak kan nei a a chhan chu kan buh leh bal hmun atana kan ram bawh hi kumhnih chhing chu a fu vak lo a ni, kan ṭam lo chauh a ni ber e tunah zet chuan an tih chuan Hmingliana chuan a nih tak chu kan Lal te ve ve tello a rem kan ruat tlan mai a ngai dawn a nih chu ka han let ang nga, ka aihnahphah pui te nen kan lo kir leh ang tiin Lalin lam a pan nghal a.
.

Hmingliana te pali in zawlbuk an zuk thlen chuan Hmingliana te chuan ṭhuthmun an rem te te a ti hian an sawi,ṭan nghal a. Hei la ral lehlam unaute ho hi an ram bawh a fuh vak loh vangin khawthar kai zai rel te pawh an duh rum rum a engtia hma han lakpui tur nge ni ang tiin an ṭhiante an zawh chuan Manzika chuan a nihtak chu maw le, Mualṭhuamram en thlithlai tura kal kan ni a, nangnin kan tawh ang harsatna in tawk ve a nih te chuan kei chu U Zakhuma ngaihdan dan hi ka ṭawmpui e an ti a. Zakhuma chuan a va pawi ve maw le aw, chutianga harsat rukna in neih chuan kan Lal pawh hrilh hre ve i la a ṭhat dawn chu, hei kan Lal fapa thu thu ni teh se an tih tak ah chuan in thlahrung tak mai hian Manzika chuan ti hian an sawi ta a.
.

Keini hmunhluo khua leh tui te hian tuma hnena harsatna thlen hmasa tu nih hi kan tum ngai lo va, Lusei leh Lusei kara in hmelmakna hi dai tawh se inrem taka awm hi ka duh a ni tu te mai pawn Mualṭhuamram saw an it ru hlawm vek a, a marawh chu han bawh ngam an awm ngai meh lo ka lo hriat ve dan ah chuan ti hian keini Hmunhlui lam te chuan bawh a Mualṭhuamrama Khawthar kai kan tum chu a ni a, in duh chuan min rawn zawm ve thei ang, mahse, in lal leh kan lal inbiakremna kan ngaichang thung ang an tih chuan, Uaithanga chuan hlim hmel pu sarh chung hian a va tihzia dawn ve le, Halkha nena kan inkarah pawh buaina lo awm palh thei thil a ni a kan ṭanrual phawt chuan min rawn basa ngam dawn bik lo va a tihzia ngawt tak ang an tih chuan Hmingliana chuan a sulsu kaw tu kan nih erawh hrereng ula kan lo inrem ta a nih leh keinin duh kan thlang hmasa ang nga, kan Lal te ve ve in khawkhata luangza tura an in rem phei chuan a ṭha leh zual dawn a ni an tih tak ah chuan Uaithanga chuan chu chiah mai, i sawi ang khan khawkhat ah awmdun lo mah ila nangni a sulsu kaw tu in nih angin in zai ngaiin kan kal zel ang an tih chuan in pawh tlang takin Lalin lam an pan khawm ta vek a.
.

Mihrangval kei ka ni inti chinte te insuihkhawm meuh chu tu khua tan pawh beih huphurhaqm tak tur an ni, mahsela, Fanai Pawih Lal Ranglala fapa Rangtawna leh a pasalṭha unau pahnih Lasi zawl Beirawkhai leh a nau Liangkhaia te lak ah Lusei pasalṭha te hi an him zo dawn em le? Lo chang zel rawh.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 17th, 2018, 5:01 pm

PASALṬHA HMINGCHUNGNUNGA
BUNG 6 NA.
.

Lalin an han thlen chuan Lalpa te leh khaqnbawl upa te chu lo awm in chutia Khual val ho an leihka sanga lo ding khup an hmuh chuan Lalpa chuan ding meuh hian pawipangte a awm em lovang chu maw tiin a mitko an san ak ak a, Zakhuma chuan awm lah lo ve Lalpa, Muaṭhuamram lam pan tum tu te kan nia, i tlangval te chu i tirliam tawh em le an tih chuan Lalpa chuan hei an lo la thleng lo hlawm a nih hi, a, khu an lo lang ṭan der ka ti, hawh teh u inchhung lamah lutin in mawng kha hung teh u tiin a hui lut a.
.

Lalpa chuan tikhan lo ti ti ula ka rawn zawm leh vat ang che u hawh le Thansiam nangin hma i hruai a ngai a ni tiin a khaw tlangval ho hmaah chuan a ding peuh ul a, an kim thawkhat hle tihah chuan Lalpa chuan ka pasalṭha huaisen te u, fimkhur takin zu kal ta u la, in lo let leh lamah chuan Bung hmun ram lam aṭangin hmar veng lamah in rawn chuang chhuak mai dawn nia, ka pasalṭha zai ngai zelin ke in pen tlang dawn nia kal tawh u khai tiin kalzai a tel tit ta a.
.

Chutia a tlangval te a tirhliam hnu chuan Zakhuma chu melh in Lusei pasalṭha te u eng nge in duh tak tehmial le? Tiin an zawt a, Zakhuma chuan Lalpa, Mualṭhuamram pehhelna kawngṭum te hi a aqm mial lo maw tiin an zawt a, Lalpa chuan saw ram helna saw kan pi leh pu aṭang khan an sawi thawm ka hre miah lo ka ti, tiin a chhang a, Zakhuma bawk chuan aw le, keinin zawlbuk lam i tlangval te ai awhin kan lo mawi mai ang nge Lalpa zingṭiana chhuak tur te kan ni bawk nen tiin Zawlbuk lam an pan tlang ta a.
.

Zawlbuk a mihrangval ṭhiau khawhnih kei ka ni in ti chin ten khawkhat zawlbuk an han mawi zet zawng khaw mipuite tan pawh a thlamuan thlakin a rilru a hlim tlanghle a ni tih hriat tak mai in in tin aṭang deuhthaw chuan tui taka mu hnar ti bawrh bawrh ri chu a chhuak hlawm a. Zing varṭianah chuan Hmingliana chuan Zawlbuk thlanglama thawm ri leh rek rek ṭhin chu hriain a beng an chhi ngun zual deuh a, midang tih thawh hlau tak chung chuan an tho ṭhem ṭhem a, thawm rikna a zu thlen chuan Ṭiala chu mihringa chan tumin nasa tak si thawmdim tak mai hian a lo in thing nasa mai a.
.

Hmingliana chuan nuih sak pah hian thlir rengin Ṭiala chu mihringa a chan hun chu a nghak a, nakinah chuan Mihringa lo changin Ṭiala chuan Hminglian tukṭhuan ei lo vin kal rawh u khai, in tumram lam Kawibem pasalṭha ho in rawn pan an tum ve a nia keiin ti hian ka lo va kal hmasa ang nga, ka hnu hi in lo chhui zel dawn nia, ka hnu in hlsuh lohnan mau ṭang ka lo vit bur zel ang ka kal a nia tiin in her vut in a kal ta a.
.

Hingliana chuan midangho chu kaitho diat diat in kan hmanhmawh a ngai tlat, eng emaw hian min mawlh tlat mai ku Uaithang nen hian Lalin han pan dun i la kan mamawh tur ang chu kan dil tawp mai a niang chu ti khan lo in peih ula Zawlbuk ruam thlang aṭang hian kan hel mai dawn nia tiin Lalin lam chu Uaithanga nen chuan an pan ding nghal a. Lalin an han thlen chuan Lal fanu hian mei lo nun khu vat vat in chutia zing zinga an kaiṭen rap ri a hriat chuan phawk hra hian a lo melh kar mai a, Hmingliana te hmel an hmuh chuan thaw huai hian e khai lo leng ṭhu ru pasalṭha te lah ni reng chuan eng nge in duh le an tih chuan Hmingliana chuan Lal fanu kan chhuah nghal mai a ngai dawn sia kan rawn tlawh hmasa che u a nia, kawng laka kan ṭam hlau deuh in kan tawn pur tawp mai che u a ni an tih chuan Lal fanu chuan a nih chu maw le, tia thawh tharh pah chuan an buhzem lam pan nghal in iptepui lian ṭha tawk tak khat hnur in Faisa chu a lo khai chhuak a, Hmingliana bulah chuan khawi maw tih pah chuan a iptepui ah lai chu laksak lawk in khat ṭanin a thun sak leh mawlh mawlh bawk a, an lo neihsa tlenm la awm nen Uaithanga te neihsa nen buh ah chuan an phang ta lo hle mai le, Lalpa lo tho chhuak ve in ngawi rengin rap chung sanga sanghal sarep tam fe chu la thla hlawk hlawk in Hmingliana te ei atan a fanu chu an funtir nghal bawk a. Lalpa chuan tluang takin va kal u la in lo let leh lamah kan vangkhua in rawn lawi lut leh dawn nia tiin an in thlah ta a.
.

Hmunhlui lamah ve thung chuan Hmingchungnunga chu a ṭhiante zingah chuan a dawk zuah bik in a hmel te lah chu a ṭha lawr bik em em a, a ma tawk ah thahrui a ngah tih hriat ngawih ngawih hian a nghawng lian chum bat te chu a pu chuan nuih vur vur chung hian ka mihrang val tur a nih hi tiin chhuang tak hian a upa te bulah hian a sawi siam siam zel a, a mactawk ah ṭhian a ngaina in nu la ho lah hian pawm hi an in chuh a ni deuh ber mai, a nu pawh hian a chang hman meuh lo, Hmingliana nupui lah chu a nulat ai mahin a ṭha zawk emaw tihmai tur hian a no surh rauh a, pathlawi leh tlangval tamtak phei chuan khumpui kai pui itna mitmeng hian an thlir leh dauh dauh zel a ni.
.

Kawibem Hlakha Pawih Lalinah chuan Lal fanu Mangherhi kum khat la tling chiah lo a nu a chhun e an tih ṭhin Hmelṭha tak duhawm zet mai chu engtiang chiahin nge Murvalrn khaw fachuam Hmingchungnunga nen hmangaihna li thuk lam pana harsatna namen loh an paltlang dawn le? lo chang zel phawt la li inenkawl ṭha ang che.
.

Murvalen Lalpa chuan a khawnbawl upa Duhsuaka lam hawi chuan ka pasalṭha ho ramchuana kal te hi engtizia nge le an va lo let har ve le, ka ngailam lam te pawh an ti ṭha lo mang teh e tiin an phun bul bul a,Duhsuaka chuan Lalpa Tawkkhaia leh Lianirha kaihhruaina hnuaia kal chhuak an nia eng em an ti lo turah ngai ang khawnge Lalpa tukṭhuan ei a hun dawn t reng mai, daihnai lamah ka tupa kan kalpui mai mai teh ang vawin hun chu hei Lalnu pawn ṭhatlam a pan zel hi tukṭhuam bar tui u le tiin inlam a pan nghal a.
.

Hmingliana te pawh kal zelin Ṭiala mauṭang vih phun chu chhui zar zar in kawr ruam an han thleng thla a, Zawlzau khaw chin pel fel der in lengkir an han thlen chuan a chhak lam thingzung uaithla dur chu zawhtu awma in hamtan nan a hman a ni tih hriat zet mai hian thingzung lian ṭha laiah chuan Mauṭang in vit bur va hi hmu in nuih sak pah hian i kalna kher kher chu aw an ti sap a, Hmingliana bula kal Uaithanga chuan Hmingliana chu melh hrek hrek in a rilru chuan he nau tak hi chu aw mihring pawh a ni nek lovang nge, engtin nge lawng hi a hriat zung zung bik le tia a ngaihtuah lai mek chuan Hmingliana chuan zaizir hian kun rawh u tiin an hui hlawm a, an han kun zawh chuan sialai puak ri dur chuan rawn zuiin mihring hlim au thawm chuan zui nghalin a fuh chiang e, ti leh Mihring ṭe ṭhawt ri leh na tuar rum ri chuan rawn zui nghal in Pawih mawnghang ho in la hre ve khawp ang Lusei jo hi nangni laka tlawm chhe mai mai tur leh in thuhnuaia kun mai mai hnam kan ni lo ve, ka lu hi la u la in chhuang takin in Lalpa Ranglala bulah Lusei lu hriam keng lo ka sai e tiin in sawi dawn nia tia a dara ngenmi luhna thi chhuak chu tih tawp tum in ṭhen tlak tlak chung chuan an hup ṭat ṭat a.
.
Hmingliana te chu in enkual hlawm in hmun hnihah an han in sem darh a, an chhak kham bul zawla mihring inhrosa thawm Lusei leh Pawih an ni tih an han hriat phei chuan Lusei lunglian thinlung a dengna hlawm hle mai le, Hminglian leh Uaithanga chuan thingzung rinchhanin fimkhur takin kham chu lawmchhuah tumin an han pakai ṭham ṭham a, Zakhuma te chuan a kawr khawrawk lai helin
an kal hel ve thung a ni.
.

Duhtawk phawt

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 18th, 2018, 5:17 pm

PASALṬHA HMINGCHUNGNUNGA
BUNG 7 NA.
.

Pawihpa an hotupa ber niawma lang chuan , Lusei ṭawngtheipa, i khaw eng hmuh chu vawin hian a tawp dawn tiin a nau pali te nen chuan an nui uarh uarh a, Khawmawi tlangval chakai chhit pa chuan ka lu hi la vat rawh u mah se ka thisen luang hi avthlawn ngai lovang, a dar hliam aṭanga thisen rawn hnam lrh ṭiam ṭiam chu melh zawk chung hian mal leh mal a min cho han awm u la chuan tiin an sawi sai hlak hlak a.
.
Pawihpa chuan nuih uar uarh pah hian Rihhmun khaw pawisawi zia ti khan i hre tawh mai ang, i lu hi ka la ang nga, bungzar ah ka tar ang, tin hri hi lo hre rawh kei hi Rangtawna Rihhmun Lal Lalranglala fapa ka ni e, tiin a chempui chu an lek kang uaih a, chu ve leh thih i duh loh chuan i silai kha leiah khan dahthla rawh hual beh vek in ni tawh tih ri an hriat chuan chulaia awmho chu an phu chiang khermai.
.

Rangtawna chuan uia ka tihtum ah hian midang lo inrawlh ve ka remti hleinem, nangni Lusei ho hi khawi hmunah pawh in zarpharh hi tum ṭhin suh u, tiin a silai chu an la hum nghet sauh a. Hmingliana chuan chu i inti huaisen in i inti pasalṭha viau a ni maw? Nangni ang mi chaopo hi chu pialralah ka thawnliam hreh miah lo asin i silai kha i dahthlah dawn nge ka ngenmu hian i lu lian deuh kha a thawh darh vek zawk dawn hunṭha i neihlai hian in pe mai rawh u an tih chuan,,Zakhima chuan an piah aṭang hian Hminglian an va luhlul ve khawnge mipa leh mi pa chu kan infiampui sak dawn em ni a rawn ti ve leh a, chutia kiltin aṭanga aw a lo chhuah takah chuan Pawihpa chuan luhlul chhuah chi a ni lo tih hria in a silai chu muangchangin an han dahthla riai tiai hlawm a, Hmingliana chuan in silai awmna kha hlat ula, tlem rawn tawlh hma rawh u, Zinglian kan Lusei mihliam hi lo buaipui rawh le an tih chuan Zingliana chu hnim kar aṭang chuan rawn chhuak in Pawih ho silai chu an khawm nghal bawk a.
.

Hmingliana chuan dinhmun ngaiah kan ding ta ṭheuh mai, tunge ka hmaah hian rawn ding dawn le an tih chuan Pawih zinga pakhat chu lo pen chhuak in nang Lusei hmelchhepa hi ka hlau hleinem che, khawnge ka chempui kha tiin a iptepui leia tla chu la in a chuunga chem hlaihlep chu la chhuak in Hmingliana chu an bawhphei thut mai a, englaimaha fimkhurna hlauh ngailo Hmingliana tan chuan a muang mah mah a ni, Pawihpa chempui a lu zawna lo thawk phe fua chu lo kun zauh pah in a chem chu an vai chhuak nghal a, chu pawihpa insiamrem hmanlo nghawng chu uaihnap khawp in an sat mai zawng, Hmingliana chet ran zia an hmuh chuan mak an ti hlawm em em mai a.
.

Hmingliana chuan a chempui leh vu chungleh a chempuia thisen tharlam tak kai hnuang leh far tluk tluk chu melh pawh melh eih lovin Rihhmun Lal fapa Rangtawna chu melh leh ralh in nang kha a tir kha chuan i ṭawng pawr hle a ni lawm ni lo penchhuak rawh le an tih leh meuh chuan Rangtawna chuan hlau ru tak chung hian a ding sai ta hlak hlak mai a, Hmingliana chuan Zinglian midang hi phuar ula he Lal fapa hi ka mamawh tlat tiin hnimpik lamah chuan a chem hmawr chuan a nawr phei nawk nawk mai a, Chu Pawih Lal fapa chuan hlau tak mai hian a chunga lo thleng tur chu hrechiang em em in Hmingliana chu hlau tak mai hian ngaihdam an dil ta chuk mai a.
.

Midangin an hmu thei lo tih Hmingliana'n a hriat chian hnu chuan ding rawh tah khan tiin hla tawk ah a chem chu an paih ta hmak mai a, Hmingliana chuan hmel nelawm tak si, mitmeng thip taka en chung hian an hui hnai a, Lal fapa chuan Hmingliana chezia leh a awmdan chu hriatthiam har a ti hle mai a, Hmingliana chuan aw zaidam tak mai hian Lal fapa lo kal hnai rawh le tiin an hui nawn leh chuan Lal fapa chuan tim deuh tak hian an pan hnai a, chutah, Hmingliana chuan engvanga Lusei ho hi haw em em nge in nih le? In chungah eng hi nge tihsual lian tak kan neih? Mihring vek kan nia kan hnampeng a dang chauh mai zawk asin, ṭul lo tak a, mi lu lak hi eng nge in tan a ṭangkai na awm le? Hei leh chen ramchuan leh khaw chuanin hun ka lo hmang ve tawh, kan pasalṭhatna hi nunau chak lo leh pachhiate tana hman tur zawk a ni asin, a rikrap zawnga mahni theihna lanchhuahtir hi i hringmi puite zingah hmang ngai tawh suh, in hmuhsit em em Lusei ho hi kiltinah kan inzar pharh ve asin nangni ang tho khan, a thei fa leh mahni chakna hmachhuana mi chapo te hian rei an daih ngai lo.
.

Ka nu he khawvela ka neihchhun kha nangni Pawihho kuta boral a nia sin, in run a ruk a rala khaw in halsak te hi eng nge a ṭulna awm le? I pa Lalna vangkhua ngei pawh vawilehkhatah meivapah a chang thei asin, nang ngei pawh khan ngaihtuah la, i rilru chuan tunah te hian khawvel i chhuahsan daih tawh ang chu, mahse nunna hi a hlu a tuman hringmi te hian mihringte nunna hi kan pe thei lo asin, an tih chuan Rangtawna chuan Tlangval nang ang veka pasalṭha kei ka ni inti chinte hian i rilru ang hi pu tlang vek ila chuan tumai pawh hian zalenna kan nei ṭheuh ang.
.

Mahse tunah chuan in huatna hi kan thisen hian a ṭhan hnan tawh asin, ka ngaisang hle mai che, ka chunga zahngaihna i lantir vang hian lawmthu ka hrilh che. Hmingliana chuan ka tihtur ka timai a ni, ngaihsan tlak ka ni lo asin, tin Mualṭhuamram hi kan khawthar sahna tur a ni a i pa lalna ram chuan min tihbuai loh hram ka beisei an tih chuan Rangtawna chuan a nih chu buaina namenlo i la tawk ngei ang, mahse ka pa ka lo hrilh ang in pawisawi leh khawih zawngin kei leh ka ṭhiante chuan ke kan pen tawh ngai lovang.
.

Tunah chuan in kut ah kan in pe tawh a, kan chungacthleng tur chu ka nghak reng a nia an tih chuan Hmingliana chuan Hmunhlui pasalṭha Hmingliana hian kan kuta in pe tawh te lak ah hriam a lek ngai lo ve an tih chuan Rangtawna chuan nang hi Hmunhlui pasalṭha Hmingliana maw? I hming hi kan hre bel ve viau tawh asin, mahse i hming ringawt pawh haw em em tu ka pa pasalṭha te unau Beirawkhai leh Liangkhaia an awm asin an ni lakah hian eng ual i ni bik lovang, fimkhur hle ang che an ti ve sap a.

Tawk phawt ang.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 19th, 2018, 6:29 pm

BUNG 8 NA.
.

Pawih mawnghangho chu Hmingliana chuan en kual dan dan in in ngam a hnu kei ni Lusei te karah a ruk a rala chet leh in hriam lek han chhuah zel teh u, eng nge kan tih theih in hre ve mai ang. Tikhan in vangkhua pan ula kan hmuh phak ah in lu rawn lawr tawh ngai suh ang che u, in tan hian ngenmu pakhat sen hi a uihawm mah mah a ni, kal ula, he ram chhung hi rang takin chhuahsan nghal ang che u tiin an vau a.
.

Lal fapa chuan tlangval in lam hawi chuan hriam leh ngenmu ka chhuah dawn lo va, a mah erawh chu nangni Lusei leh keini Halkha pawih ho in kara buaina awm hi a reh mai mai tawh dawn lo, ka pa Lalna ramchhunga Lusei hmel in lan reng reng hi ka pa pasalṭhate'n an ngai thei lo va, chu erawh chu in hriatreng atan ka sawi a nih chu an tih chuan Hmingliana chuan niuh sak pah hian a nih a hnu in khaw pasalṭha te chu keini Lusei ho hian kan hlau therte hleinem, a ngam fa chuan theihna kan lantir zel a niang chu tikhan in ralthuam te hi kan lo kawl ang nge kal vang vang ula, keini pawn kan tum ram lam kan pan ang, Lusei khaw hawizawnga hriam lek chu thihna a ni tih in lo hre tawh dawn nia an tih chuan Lal fapa chuan kan silai kha min pe let lovang maw an tih chuan Zingliana chuan pe let lah lo ve a, in nunna kan zuah ringawt pawh kha in tan lawmna tham asin, an tih leh chuan Lal fapa chuan kan ralthuam la let leh tur hian kan lo kir leh ang tiin an khaw lam an pan ding nghal a.
.

An mi chhanchhuah pa Khawmawi tlangval Herliana chuan Hmingliana en vung vung pah hian ka nunna min chhanhim sak avangin lawmthu ka hrilh che u a ni. Khawmawi khua ka nia ka hming chu Herliana a ni e an tih chuan Hmingliana chuan Hmunhlui pasalṭha te leh Zawnghmun pasalṭha te kan ni e, in khua chu heta ṭang hian engtia hla nge tiin an zawt a. Herliana chuan chawhma kal pawh a tling lovang, kan khua hi a tir chuan khaw thuhruk tiin an sawilar zawk ṭhin. A chhan chu mualpawng lianpui pui in an kar cheh avang hian kan khaw hmun hma hi mikhual tan chuan hmuh a har em em a, ral lakah pawh kan him phah fo ṭhin a ni an tih chuan Zakhuma chuan a nih leh Mualṭhuam ram hi inkhua aṭangin engtia hla nge an tih chuan Herliana chuan kan khaw piah tlangbul ṭhut hnuaia ram pharh zau tak saw Mualṭhuam ram chu a ni a, kan pi leh pu te hunlaia Lasi tuallenna hmun tia an lo sawifo ṭhin ram a ni, kal chakawm loh khawpin ri va sawi tur a tam em em a, paltlang pawh hi sawi tur an awm ka hre ngai lo. Mahse hun leh ni leh kum te a ral ve zel a, tuna Pawih kutruaka in haw tir te khua sawn bawh tumin hma an la mek a ni. Kan khua aṭanga nihnih kal vel a la nia, in kal pawn in fimkhur hle a ngai ang kan khua aṭangin pumpelh kawng ṭum tereuhte a awm a, kan khua lut phawt ang u hmiang tiin a dar hliam chu na tiin an ṭhen chat chat a.
.

Hmingliana chuan hliam nei chung khan thui pawh i kal thei dawn em ni Zinglian hlang buaipui i la kan zawn mai a ngai ang, tlawmah la lo la, ke a i kal chuan kan sawt lo dah ang nge an tih chuan Herliana chuan mai mai a, chaw ei ti tui tawk lek alawm zawn ka ngai lo ve ka kal thei alawm ngsihtuahawm ka awm lo ve an tih chuan Uaithanga chuan tlangval tlawmah la suh i hliam kha thisen a chhuak hnem mai mai a ni tiin hlang tur chu an han buaipui nghal a, an buaipui zawh chuan khawlam an panding nghal nal nal a.
.

Khawmawi kawtchhuah an han luh chuan putar hnanghlai ho leh tuallaia naupang lo infiam te chuan an thil tih lai chawl meuh in an khaw tlangval an hriat ngsi loh mihrangval sawmpakhat lai maiin an vangkhuaa an lo zawn lut chu an lo thlir dauh dauh a. Herliana chuan an in zawn an thlen chuan helai hi kan chenna a nih hi ka nu nena khawsa ve mai kan nia, ti hian eitur tuihnai nei lem lo mah ila kan neih ang ang chu kan ei za mai ta lawng, hawh u inchhung lam i lut ang u tiin a darhliam hup ṭat ṭat chung chuan an inchhungah chuan an lut a.
.

A nu chuan a fapa duatlai hliam a hmuh chuan mittui tla chung hian hlauthawng tak hian thil awmzia an zawt a, Zakhuma chuan an intawn dan zawng zaqng a saqi zaqh meuh chuan ṭhenawm khawvengte chu an chek tlak tlak hlawm a, nakinah chuan pa upa lam tawh hian kan Lalpa rorel dan hi chu a mak ngawt mai, an ni Pawih ho lah sawn nuamtawl nan tak an lo hmang a, kan Lalpa lah hian a hlau bawk nen tiang ringawt te chuan nunau te hian thin thi pawn hun an hmang dawn lo zawng a nih hi an ti chuai raih a.
.

Naupang pakhat hian Zakhuma chu a pu i van chak hmel tak min kokichhuan zo em an tih chuan Zakhuma chuan khai aw tih pah chuan naupang chu chawilawp in a koki ah chuan an ṭhutṭir vanga naupangte chuan intithei tak hian kei chu a pu koki ah ka chuang bik bik, tiin a ṭhiante chu an nuihsawh vel a, Zakhuma chuan taite in Lalpa inah min hruai thei angem an tih chuan Naupangte chuan aw thei e, kan Lalfanu U Zamthangi khi a hmelṭha lutuk asin hmu ve ula hmelṭha in ti ve tho ang an ti lar lar a, Zakhuma chuan chuti chu nupuia hawn daih i phal em an tih chuan Naupangte chuan aih phallo a ni chu a fel lutuk Kan khaw nula hmelṭha Siamliani pawh a fel lutuk an inkawm ngeih sia nupui atana i hawn daih chuan U Siamliani pawh i hawn tel ve a ngai ang tunah pawh Lalin ah khian an in kawm dun an tih chuan midangho chu an lo nui dar dar a.
.

Hmingliana chuan nih leh taite Pawih ho hi an lo kal zing em an tih chuan Naupangte chuan aw, ka pu an sual si, kan khawctlangval te velh an tum fo ṭhin kan Lalpa khian a chhan ngam ngai lo, an nunrawng sia kan ran te hi an duh hun hunah an kap let tawp zel, an lo kal leh hunah vel ve rawh u an ti rauh a, Hmingliana chuan nih leh Lalin lamah min hruai la an tih chuan aw le tiin Zakhuma koki aṭanga chhuk in Lalin lam a pan nghal nal nal a.
.

Lalin an han thlen chuan Lalpa leh an khaw pasalṭha Lianhrima leh tlangaupa leh khawnbawl upa hi an lo ti ti a, chutia hmelhriat loh mikhual an han hmuh thut chuan in en he haw in Lalpa chuan e khai in va zahawm khup khup ve le, khawi khua aṭanga lo kal nge in nih le tiin an zawt a. Ngawirenga lo ṭhu tap lama vawkchaw chhum lo vil dun Lal fanu leh an khaw nula hmelṭha chuan mikhual te chu hlauh hmel tak hian an lo melh ve hrek hrek a.
.

Zakhuma chuan kei hi Hmunhlui pasalṭha Zakhuma ka ni e Lalpa, Uaithanga kawh pah hian a ni hi Zawnghmun khaw pasalṭha Uaithanga a nih hi tiin midang chu an hming a hrilh lem lo va. Lalpa chuan a nih tak chu maw le in hmingte chu kan lo bel ve viau asin eng ti tura lo kal nge in nih le? Pawipangte a aqm em lovang chu maw an ti a, Zakhuma chuan awm lo ve, mahse Pawih ho ngenmu tuarin i khaw tlangval Herlianan hliam a tuara kan lo zawn haw a ni an tih chuan , Lalpa chuan a va paqi ṭhin tak em ve le aw, buaina siam lo hram turin ka ngen mawlh mawlh a, tiin rilru hah hmel takin an kun ngaih a.
.

Hmingliana chuan Lalpa Mualṭhuam ram lam pan tura lo kal kan ni a, in khaw tlangval in hliam a tawrh avanga in khua lo chuan lut kan ni. Ka rindanah chuan i Lalna vangkhuaah hian Halkha Pawih ho hian Lal an hrawt niin ka lo hria a, keini chuan kan awm chhunga chutiang thil a thlen chu kan duh dawn lo va, kan hmaa awm te hi keini Lusei pasalṭha te hian kan thianfai zel ang an tih chuan Khawmawi pasalṭha Lianhrima chu lo ṭawng chhuak in uai, thu kal lam leh haw lam pawh hre hmasa hawt lo va, kan Lalpa demna anka in chhah chhuak tak mai le naupang, i in ti huai viau em ni? An ti khar khar a. Hmingliana chuan ngaipawimawh lo tak mai hian chu an khaw pasalṭha vauna chu hre awm pawh a lang lo hian Lalpa buaina siam erawh kan duh lo va a vawrtawp ah erawh chuan theihtawp kan chhuah ang an tih chuan an khaw pasalṭha bawk chu lo ṭawng chhuak leh in naua mi va ngai pawimawh lo ve aw tiin thip takin Hmingliana chu an melh a, Zakhuma chuan chu an khaw pasalṭha uaithla lam tawh chu melh rulh chung hian pu a saqi kha a dik chiah a lawm buaina siam tuma lo kal kan ni lo ve, Halkha Pawih nangni angin kan hlau ve lo ve an ti khawl mai zawng, Lalin chhung boruak chu a reh in a rit ru hle mai le.
.

Lalpa chuan pasalṭha te u in thu lak duh dan chuan ka ngeng a chhun tlat pek mai, kei Khawmawi Lalpa hian hlzuh ka nei lo ve, ka khua leh tui te himna tur a ni la zawn a an awm ang ang a ka en ni an tih chuan Hmingliana chuan chuti ni si Lalpa i khua leh tuite hian harsatna an tawkin naupangho te thleng hian an nin zia an sawi asin, tunah i khaw mi leh sa ngei maiin nunna a chan ṭhelh a nangin an awmdan ang angin i lo en liam ve mai a maw? Tiin an zawt a.

Duhtawk phawt ang.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)