PASALTHA HUAINGAMA BUNG2NA

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
arama ramtea
Posts: 3
Joined: January 20th, 2019, 5:19 pm

PASALTHA HUAINGAMA BUNG2NA

Unread post by arama ramtea » January 21st, 2019, 9:15 pm

PASALTHA HUAINGAMA BUNG2NA

1REC.....
Lianvawra chuan Rothanga leh a pa in mit mei zeuh zeuh thin chu lo hmuru reng in Rothangate pafa chu an in thurual anih a ring ta bur maia mahse eng mah chu a sawi chhuak lem lo a aruka en thlak ah a ti ta zawk a ni.


chutianga buaina leh harsatna te an chinfel tak ah chuan Lianvawra te ho chu Lalin atanga chhuak in Darpuii chu an in thleng a thlah a. Darpuii lung ngai miah suh aw hei ilam ka tang tlat ania tia Darpuii lungchhia tap hliam hliam chu a hnem mawlh mawlh maia. chutih lai chuan Darpuii te chan chin hre chiang chak tak leh Rothanga dem mawlh mawlh pah a DARPUII te in chhung chu thenawm te leh thilthlen dan rawn hmu tu tlem te te chu an lo lut khup khup maia. Rothanga chu in chhunga in sawh in sawh in a thinrim hle maia. Rothanga nu chuan Rothang kafapa ini a i thil tih sual hi pawm ve mai rawh min ti zak khawp mai tia afapa thin rim insawh insawh chu a zilh mawlh mawlh a. Rothanga chuan kanu kei aiin Michhefa Darneihpuii saw i tan zawk amaw ifapa ka ni lomni tiin anu Hauthangi chu chhangin athinrim hle maia. Hauthangi chuan Kafapa chu ini teh meuh mai kei pawh hi michhe fa chu kani asin hmeithai fa ve mai kani hmuhsit leh diriam hreawm zia hi i hrethiam lo ang a ti let ve ta siah siah mai. Rothanga chu a ngawi ta reng a. chutih lai chuan Rothanga pa Mualkhuma chu lo lut in a mengsen rum maia. Rothanga nu chuan Lo be lum lam vatin Ro a pa hei ifapa hi han hau ve teh a thiam loh ah pawh phuba lak a la tum fan mai ti a lo phun barh barh in mei nun tur chuan tap lam chu a pan nghala. Mahse Mualkhuma chuan a nupui chu chhang ta lem lo chuan Rothang Kafapa ini a i zahna leh i mualpho na avang hian phuba kan la ngei ang Lalpa min tih zah zia kha ala hre khawp ang he kan lal tlaktlai lo hi engtin e maw chuanmla tih a ngai ani ti a chhuat laia tei nghut nghut chuan ngaih tuah na thalo tak tak chu a pu in phuba lak dan tur ngawt chu a ngaih tuaha.


Lo sul haw hun a nih tawh a vangin Lianvawra leh Huaingama te poh an chhungte hmuah pah in Daihnai ah chuan an in zui chhuak hnak hnak maia. heimi ni hian Lianvawra hian a thianpa Thanzauva hmeithai fa chu an in tlabal leh thawm that ngai lai te thawm that puiin Lolam ah a kal lo kha a nia. Rin aia an zawh hma a vang in a nau Huaingama thingnawi fawm rual lek chu Daivela sava veh pui mai mai tum kha a ni a an thil tawnin a zir loh avang in an chhuak dun hman lo kha a nia.
Huaingama chu phur tak maia kal thauh thauh in kal kawnga thehlei leh sava a hmuh ang ang te chu perh thla zel in a kut hmui ltk chuan a u Lianvawra mak tih a hlawh hle maia. Feh hawng pawh an tawk zeuh zeuh tawh a. Lianvawra chuan a nau chu fiah leh zual a duh ta tlat maia. Huai a hawh sairawkherh in perh siak ang hmiang tia lungpui chunga sunhlu pum khat chu dah in Huaingama an cho der vela. Huaingama phur zawng tak mai lo niin enge kan in perh siak anga tia zawt in. Lianvawra chuan sawlai lungpui chunga sunhlu pum khat saw aw niang a ti kawk in an piah lungpui chung ah chuan sunhlu pumkhat chu a lo awm ran maia. Huaingama chu ka u min tluk hauh lo ang aw ti a nui vur vur in Lianvawra chuan hawhle i tawlh hla deuh teh ang hmiang tia hnung tawlh deuh dawrh in lungpui chunga sunhlu chu a lang tawk tawk chauh a. Lianvawra chuan khai aw kan perh hmasa ange tia zopasairawkherh thalngul ang tak chu a kuai kul pap maia. chutah a sairawkherh chu thlah in saihlum chu a ving phei fua maia a tum erawh a fuh lem lo.

Huaingama chu za em em a lo nuiin ka u khatiang te kha chuan Saipachal pawh perh la i fuh lo ang tia za em em a nuiin a u thil tum erawh a hre lo a tin ni. in ti thei em em leh mahni in ring tawk tak chuan Ka u min lo en rawh awww ti a sairawkherh chu kuai kul ve pap in an siai vang vanga Huaingama pawh hian a huphurh ve tho mai mahse uluk em em a tin in sairawkherh chu a thlah ve ta Lungpui lian tak chunga saihlum lang tawk tawk chu per nawlh in Huaimana chuan a fuh e tia tlan phei nghalin ka u ka fuh a nia tia a u chu ko chulin ka fuh karing miah lo a sin a ti lang lang maia. Lianvawra pawh chuan mak a ti hle maia Nuivar var pah chuan kanau hi chu pasaltha tak a la ni dawn khawp mai a ti ril ru nauh nauh maia. ti chuan lungdawh ah chuan thu in an ti ti dun malh malh maia. Ka u kanu leh pa te hi an lo thleng ve har tawh e tia hmalam thlir dauh dauh chuan a a thu duai maia. Lianvawra chuan An lo thlengve tep ang lo nghak hram hram ang aww ti a a nau chu chhangin a chul heuh heuh maia. Lianvawra chuan Lal in a Darpuii te chung chang an rel lai khan ti nge kapa kha a ngawih tlat le tia ngaih tuah neuh neuh in Darpuii chu a ngaih tuah let leh in a khawngaih thar hle maia. chutia thil eng eng emaw angaih tuah lai chuan kha inva ngaih tuah muk hmel ve tia Lianvawra nu chuan rawn biain Lianvawra pawh harh chhuak thutin Huaingama nen chuan an hawi rual thawt a. Chhingpuii chuan a fate pahnih lo thudun rial a hmuh chuan hmuhnawm a ti hle maia. Lianvawra chuan kanu in lo thleng a ni maw khawinge i phur chu kan lo chhawk ang che ti a anu Em phurh chu lak thlak sak in anau chiah Thangbawihi chu an chhiah khum zeuh a. chutih lai chuan. Huaimana chuan a u Thangbawihi Phur chu a lo lak sak ve mek bawka. HUAIMANA hi a rual pui te zing ah ro ro pawh a chak fal in a huai fal hle maia tin a pumrua poh hi a lian bik em em maia a u Thangbawihi pawh hi a tiat tep a ni. mahse kum lamah a lanau pang in a rilru chu a la naupang chhia hle maia.chhung kaw in ngaih tak mainiin Huaingama Pa leh a U te hi pasaltha niin Mualvawm khua ah chuan han ter pha an awm meuh lo. Lianvara pawh hi Naupangte mah ni se an khua hi sapui lak ah vawi tam tak lo hum tawh in Ramlamah thang a chhuah der tawh a. Mahse Leido nei lo nafam chuan Rallu erawh a la khai lo thung.

Mualvawm khua hian lei do nei lo mahse an Lal hi Lalfing em em mai a ni a. An khaw tlangval te hi hun awl a piangah Ralbeih dan leh nun chan chu a khawpasaltha leh khawnbawl upa ni bawk Huaitawna ho hian ram lamah a tir chhuak thin ani. he tiang te a nih a vang hian mualvawm khawtlangval te hian Ralbei ngai lo mahse engpoh tawk sela an in ring tawk em em vek mai ani. Lianvawra hi hetiang ralbeih zir leh in malbeih an zirna vel ah hian a zei ber leh tuan rangber ani thin a lanaupang hle mahse tlangval dangte hian an chung en in tluk lo an in ti hle ani. hetianga an in zir thin na hi eng tiang taka tang kai la ni ang maw.

hetia muang leia leido nei lo an awm reng lai chuan Zawlhmun khaw Lal Dothiaua chuan a thik in a lo er em em maia. tin mualvawm khaw Lal Zathangliana hausakna chu a awt in a thik em em maia a thi leh dar te chu neih sak vek a An chheh tlang dung vela hausa ber nih duh na te chuan a hneh em em maia. mahse chu a suang tuah na chuan awm zia anei meuh silo.Mualvawm khua hi in Zathum chuang an ni a. Lalzathangliana hi Rorel a thiam in a khaw mi leh sa tawh phawt hi chu a duh sak em em maia. mi rethei. hmeithai an vai chuan en hrang lo leh ang khat veka en in mipui te pawh in an lal chu fel an tiin an thla muan pui hliah hliah a.hetia muang leia an awm lai hian Zawlhmun khaw lal chuan ruahmana ten awm tak siama Mualvawm khaw run a an thi leh dar te lak sak vek chu tum in khawnbawl te leh pasaltha te nen ro an lo rel ve mek bawka.Mualvawm khua te chuan an mahni run tumin an khaw then awm zawlhmun te chuan funpui an er tluk tluk tih hria seng zawng an awm mai mai hauh lo ang mawle. Zawlhmun khua te pawh in hriat loh an neia chi chu eng tik lai pawh a in thlah dah ve ngai lo leh Ralveng awm reng na khua leh pasaltha hlang deuh thaw awmna khua run an tum tih hi an hre lo ani.

Zawlhmun Khaw Lal upa pakhat chuan Lalpa thu ka han sawi ve lawk ange rem itih chuan tiin Lalpa chu an dil a. Lal Dothiauva chuan phaltuke han sawi ta che ti a thunei aw tak chuan Upa khamvela chu a ti a. Upa khamvela chuan hei run kan tum khuate hi keini ai daih chuan an khua chu a lian a mahse an tlangval te hi ral bei ngai lo leh lei do nei ngai lo an ni a. chu vang chuan in malbeih leh in run thut ah poh an ni ai chuan kan chan a that hi ka ring zawk a. mahse a mi cheng a te leh an tlangval te hrim hrim saw an tam em a vang in pawng bawh ngawt chi chu a nih ka ring lo a ti dap dap maia.tin silai fung poh an ngah in silai kah an thiam viau a ni awma kan fim khur hle chu a ngai ang ti leh mi dang poh chuan an pawm tih hriat nan an lu an lo bu nghat nghat maia.Zawlhmun khaw Lal leh Upa khawnbawlte duham na hian eng tak hring chhuak ang maw.

Hun awl an neih a piang in Lianvawra leh Huaingama chu Dai hrut kual thin in Lianvara hian a nau Huaingama chu in buan te ralbeih dan te Thingtuluang zawh a in beih dan te in mal beih dan te thawm dim taka kal dan te zir tir thin in an hlim thei hle maia. maktak maiin Huaingama chuan a thil zir a piang chu a thiam chak in a hnensawh thei em em maia. Lianvawra chuan mak a tiin a nau chu a chhuang ru hle maia. Lianvawra chuan Huaia hei Nakin lawk ah chuan tlangval ti a la chhiar i la ni dawn a. chung hun ah chuan awmdan mawi leh mi mit ti kham lo zawnga awm i tum hram hram dawn nia. tin mi hnuaichhiah leh chapo taka awm hi chin reng reng loh tur ani tia Huaingama chu hrilh dap dap in. Huaingama chuan a U thusawi chu ngun tak in a lo ngai thla kar maia. zawm pawh a tum ruh hle ani. Lianvawra bawk chuan Sapel na ah te in la chhuak in sa i la chang ve anga. chung hun ah chuan a rai lai leh nau hruai lai reng reng kah loh tur a ni a malsawm lo a nia tia thu tha tin reng chu hrilh in thil dang chu ni dangah kan la in hrilh leh dawn nia ti a Huaingama beng thak thak in hawhteh i haw dawn ang hmiang Hei khua pawh a tlai zo dawn hei kan hlawhtling thaw khat tho bawka sava dang chu beisei tawh lo mai ang hmiang. Huaingama chuan nie ka u duham lutuk pawh hi a ni ber leihnem ti raw i thu thu a ni mai tia chhang ve leh in an pahnih chuan hlawhtling in ti leh Rilru thawveng tak chuan an in zui haw ta hnak hnak maia.

Hun chu chelh zawh rual a nih loh a vangin ni te chu a liam zung zung maia. Lo lam hnatul a zo thawkhat bawk nen mipui mimir te chu an thawvengin an hlothlawh awl lai chuh in pPasaltha thenkhat chu Ramlamah an in pulut tham tham hlawma. Lianvawra te thianho pawh Sasawthelh ngaw lama vah chhuah ve chu tumin atuk chu in buat saihnana hmangin atuk leh lama chhuak ve ttur chuan ruahmana chu siam felin Lianvawra chuan Zamvela bulah chuan Vawin chu hmeithai pi Biakliani kan zu pui ve dawn mi an pitu ri ngawt chuan an hlothlawh an zo har dawn lutuk in ka hria tia a thianpa chu sawmin Zamvela pawh chuan a tha khawpang tukthuan eikhamah PiBiakliani in a kal lovin Kawtchhuah ah kan in nghak dawn nia tia midang te hriat hlau tak chuan an in hrilh sa sa a.
Vawmaia chuan Nangni pahnih chu enge in in hrilh ruk sa sa a. min han hrilh ve teh u. kan hriatchi a ni chiah lo emni zawk Lianvawra chuan lo chhang vatin hriatchi veke mahse nangni in lo lamhna in la zo chiah lo deuh in kan hriaa. hei Zamvela nen hian pi Biakliani puih kan tum deuh a tia chhang in. Keimana chu lo tawng chhuak ve leh in. e khai keini pawh Nimin khan kanlo lam chu kan zo ve chiah a keipawh ka lo kal ve ange ti a ahman thu a rawn sawi ve a. Midang te pawh chuan an hman thu an rawn sawi tliar tliar a. Zamvela leh Lianvawra chu a lawm kher mai. Vawmaia erawh a nuihmel te in thlak in hlimlo tih hriat tak hian a ngai ta hmak a. Lianvawra chuan Thianpa Vawm ngati nge thil dik lo a awm emni Ilan dan a dang daih a nia tia Vawmaia hmel in thlak thut chu mak ti deuh hian a en vang vang maia. Vawmaia chuan midang zawng chu in hman veka thian ho in PiBiaklini in zupui bik dawn nia. katel ve hman lo hi pawi ka ti khawp mai ti chuai raih in Lianvawra chu a chhanga. Lianvawra chuan e khai in thlahrung reng reng suh. hmanloh miau te chuan tih ngaih na a awm chuang leihnem ti a chhang ve leh in Raltawna chu lo in rawlh ve leh in Vawmai in hlothlawh in zawh hmasak chuan min rawn pui ve anga kan zawh hmasak chuan kan rawn pui dawn che u nia tia Rawtna rawn siamin Vawmaia pawh chuan ni e a tha a lawm hawhteh u Chhungten chaweiah min lo nghak tawh ange tuk thuan eiin i haw phawt ang u hmiang tia ding hluaiin Midang te pawh chuan nie ahmam hmasa Kawtchhuah ah in nghah aw ti a in tin san in tlaibik nih hlau tak chuan tukthuan chu an ei ta hlawma.


Hmunzawl khua ah ve thung chuan an Pasaltha te rammut hun tur rel in Lal in ah chuan an lo ri laih laih maia ngaih dan leh ruahmana poh a in kalh nawk mai. ngaihdan leh duh dan hrang hrang an han sawi khawmm pawhin thuthluk na an siam mai thei lova. LalDothiaua chuan awle thuthlukna siam a harsa hle maia. enge kanpasatha te hian duh dan leh ruahmana te an lo nei ve reng reng em tia an Pasaltha chhuan vawr chu an a ngaihdan sawi ve tur chuan an han ti a.
Pasaltha Hualthanga chuan Lalpa ka ngaihdan hi in duh dan a ni em ka hre lo a. mahse kangaih dan sawi min phal sak chuan ti hian tiila tha in ka hria. Rammu pangai ang ni lovin Tlangval Sawm vel hruaiila Mualvawm khaw chin leh enge an dinhmun va chian phawt i la tha in ka hria ani. chuti ni lova pawng va run ngawt hian kan dinhmun chhiatna tur hi a hril thei ani. an khaw tlangval te leh Pasalthate mizia kan va thli thlai anga chumihnu ah kan lo let leh anga kanthu rawn hawn a zirin Lalpa ro in rel tha mai dawn emni. kan tlangval te hhi ka ringzolo a ni lo a fimkhur thu hla ah leh tlangval tam tak kan in chan loh zawk nan a rawn rawt ve mai ka ni e tiin a duh dan chu a rawn phuh chhuak a. Lalpa leh Khawnbawl te chuan an han ngaih tuah vang vang a. a aia rawtna tha a awm loh a vang in Pasaltha Hualthanga duh dan chu an pawm tlang taa. Lalpa chuan Anih chuan kan Pasaltha hian a miduh sawm chu thlang chhuak sela. Mualvawm khua chu va thlithlai sela chuan arang thei ang ber in thu in rawn thlen leh dawnnia ti a thlah in Pasaltha Hualthanga chu a chhuak zui nghala.

Lianvawra chuan anu leh pa bul ah chuan Pi Biaklini te nufa puih an tum thu chu chaw ei lai chuan a hrilh mawlh mawlh maia. Huaingama chuan Ka u minlo hruai ve ka kal ve chak em mai tiin a U chu kalve a dil a. Lianthuama chuan e Mana Naupang kal ve na chi a ni lo a lawm. Vawin chu i u nen hian lo in awm ula thil tha deuh ka lo hawn ang che ti a a nau chu thlem in Huaingama erawh a tum bur maia. Huaitawna chuan Ni e a tha a lawm Hmeithai leh Pachhia te hi kan tanpui hreh tur a ni lo a. amah erawh chu in tan pui a vang khan an lakah beisei nei hauh suh ang che u. PiBiakliani te tana ngaihthlak hreawm te khan tawng kau zu chheh lo ula tin hnathawh na ah a muang fal leh zawmthaw bik ah tan hauh lo tur ani a tiin thil tam tak chu Lianvawra chu a hrilh mawlh mawlh maia. Tukthuan te an ei kham chuan Lianvawra chuan a kam te thuah thuak thuak in tlaibik nih hlau tak leh hman hmawh tak chuan kawtchhuah lam chu a pan hlawk hlawk a. Kawtchhuah a thlen chuan a thiante tu mah an lo la awm lo a. feh ve tur mitlem te te chuan an thiante lo nghak ve in mei an lo pak khu talh talh a. Lianvawra an hmuh chuan lo be luam in thil eng eng emaw an in zawt luam a. chu tih lai chuan a thiante leh Pibiakliani tunu Dengi te chu an lo thleng ve chaih bawka. Lianvawra chuan kha inlo thleng ve thei maw ti a lo be luamin Keimana chuan iva thleng hma awm ve Pasaltha hi zawng kan hma khalh thei meuh lo chu a nih hi tia nuih vur vur in Dengi chu an mit sir zeuh a. Dengi chu kal tlang in Lianvawra te hian an puih tur hi a hre miah lo maia. Lianvawra chuan. Dengi iva hman hmawh ve kan rual hian kal ve rawh ti a Dengi kal lai chu ava au a Dengi chuan U Vawr minlo hrethiam mai teh u Muang hman ka ni lo ani tia chhangin a kal leh maia. Raltawna chuan an lo a kan feh tur hi in hrilh miah lo ami ti a nui vur vur in. Lianvawra chuan thawn thut kan duh deuh a lawm mawle. hawhu i kal teh ang u Dengi kha kan um phalo lutuk ange ti a kal chu siamin an rak chul hlawma. Tlangval thawveng hlang an ni bawka kal pah chuan in fiam in an ri thum leh tawk thin. an thawm hria awm seng zawng zawngrual emaw ti tawk an awm ngei ang le.




LE HEI TUNTUM CHU IN DUH ANGIN A NGAIH NAWM VAK DAWN LO A TIN KA TAWNGKAM HMAN POH DIK LO LEH CHHIAR HARSA TAK TAK A AWM ANG TIH KA HRIA MAHSE HETHAWNTHU HI PHUAH CHAWP LUTUK A NIH LOH AVANG IN A LO NGAIH NAWM VAK LOH ANIH PAWN MIN HRE THIAM DAWN NIA



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)