DORAL HRANG MAHSE BY *Zawntea Chhangte the Red Devils* (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: DORAL HRANG MAHSE BY *Zawntea Chhangte the Red Devils* 1 - 24

Unread post by Ngaia » April 25th, 2019, 6:20 pm

DORAL HRANG MAHSE.
*Bung (25)*.
Ka thawnthu ziah ka regu lo hle mai a, ka phone a chian loh vangin ka rawn zawm lawk thei lova, khawngaih takin min lo ngaidam hram dawn nia, ka sawi tawh thin angin, changtupa Hero uchuak lutuk ve lovin aw.
DORAL HRANG MAHSE.
*Zawntea Chhangte the Red Devils*.
Bung (25)














Hun a liam hret hret a, Zawlnghak khua a nihnih an cham leh hnu chuan Kapzela te chuan hawn an rilruk ta a, Zanriah ei kham upa ho Lal In an rawn chuankai hma si chuan Pasaltha Kapzela chuan, Lalpa, hei kan rawn kal chhan ber kan zo ta bawk a, naktuk lamah te hian hawn te kan rilruk deuh a, enge maw i ngaih dan le?) tiin a han zawt a, Lal Tlangkhuma chuan a Vaibel pak talh talh pah chuan, chuti tu tu tur emaw ni dawn le") a han ti a, Lal Tlangkhuma bawk chuan, ni e, in ui viau mah i la, inchelh reng theih ni si lo le, induh ang chuan inhaw ngei dawn nia") a han ti a, Pasaltha Kapzela chuan lawmthu te.a han sawi mawlh mawlh a, Upa ho Zanriah ei kham, Lal In chuangkai tur ho pawh an rawn inlan tan avangin Kapzela chuan inthiarfihlim hun a ni tih a hria a, chhuanlam eng emaw siamin pawnlamah chuan a chhuak ta daih a, pawn a va chhuah chuan Huala hmel reng reng a hmu ta lo mai a, rei ngial a nghah hnu pawh a Huala chu a rawn lan mai loh avang chuan Pasaltha Biakkhuma te In lamah a kal a nih a ring ta a, Biakkhuma te In lam pan chuan a kal ta nghal a.
#Huala erawhchu Lal fanu Zikpuiin min inthiarpui rawh a tih avangin Zikpuii inthiar zui chuan a kal daih thung a, Zikpuii a inthiar zawh chuan Hualan a lo nghahna chu a pan a, Huala bul a va thlen chuan, ka rei i ti em?) a han ti a, Huala chuan rei hran love, hawh teh i kir thuai teh ang, midangin min hmuh zawngin.a fel lo ange") a han ti a, Zikpuii chuan nuih sen sen pah hian, nih lohna a inpuh te zawng a ho e mai a" a lo ti a, tichuan In lam pan chuan an kal ta a, Lal In an va thlen chuan Zikpuii chuan, hawh teh Sum hmunah hian i inkawm teh ang" tih leh thut chu a rual ta nghal a, Huala pawh chu Zikpuii kiangah chuan a thu ve mai bawk a, Zikpuii chuan, Huala, naktukah chuan hawn chu intum ta tak tak a mi?) a han ti a, Huala chuan, kan tum dan chu a nia lawm, mahse u Kapa leh i pa inbiak dan a zir a niang chu" a lo ti a, Zikpuii chuan, inkhua a i hawn hun chuan min hre ve tawh awm der si lova maw?) a han ti a, Huala chuan, a engah chuan nge maw kan hriat loh ngawt ang che ni?) i hmelthatna ringawt pawh hian min tibuai reng dawn tawh chu a nih hi maw" nui var var pah chuan a han ti a, Zikpuii chuan kan inkawm nel dawn chauh a, min hawn san leh daih dawn chu a nia, ka ngai dawn hle mai che" a han ti a, Huala chuan keipawn ka ngai dawn hle mai che, amaherawhchu dam han hauh phawt i la, ka lo la zin leh mial maithei a sin" a lo ti a, Zikpuii chuan ngui hmel pu tak hian, chu zawng a rei khua e mai" a lo ti a, Huala chuan kan cham rei lutuk zawngin min duat si a, hawn nachang kan hre lo palh ang tih te pawh a hlauhawm a lawm" nui pah chuan a han ti a, Zikpuii chuan i tan a han lawm chiamna tur zawng engmah kan tih loh kha" a lo ti a, Huala chuan thu dang lo sawi daihin, tak a Zikpui nula i ni a, i hmel te lah a tha nasa mai si a, pasal neih te i tum hnai em?) a han ti a, Zikpuii chuan tunah zawng rimtu pawh kan hmuh zawh loh hi, bakah pasal neih lam hi ka la rilruk lo" a han ti a, Huala chuan, nangang nula hmelthain rimtu ka hmu lo i ti hi chu awih a har deuh a ni, khaw dang Lal fapa ten an la rawn beisei che ang a, Pasal tha tak neiin, fa duhawm tak tak te pawh i la nei ang chu" a han ti a, Huala vek chuan, mahse ka lo zin leh chuan nula ngei i lo la nih ka beisei" nui var var pah a Zikpuii en chung chuan a han ti a, Zikpuii lah chuan i lo zin har leh hma a zir a niang chu" a lo tisam et a, chutia zan rei tak thleng an inkawm hnu chuan Upa ho Lal In chuangkai te pawh chu an tin ta sap sap a, Archhiar atang te chuan leng hnar Ar an lo khuang vei thliai bawk nen, Zikpuii chuan, naktuk chhuah hma intum awm si a, mut hma te pawh i duh ang, tirawh i lut teh ang" tihleh In chhung lam pan chu a rual a, Huala ten ain chhung an luh chuan Lal Tlangkhuma chuan, Tlangval naktuk lamah chuan inchhuak dawn ta maw?) tiin Huala chu a lo zawt a, Huala chuan han chhan mai dan tur pawh a hre mai lova, a chhan chu, Pasaltha Kapzela nen an la inhmuh leh loh vang a ni.
Chutia a ngawih vung vung lai chuan Lal Tlangkhuma chuan, Tlangval Pasaltha Kapzela khan hawn intum thu kha min hrilh a" a rawn tih takah chuan Huala chuan, aw ni e Lalpa, kan tum dan chu a nia lawm" a han ti a, Lal Tlangkhuma chuan, intum ang chuan inhaw dawn nia" tin, ka khua a incham chung a inharsatna kan siam che u a nih chuan min hrethiam bawk dawn nia" a han ti a, Huala chuan, Lalpa i khaw mipui chungah hian han lung nih lohna tur reng reng ka hmu love, a tu a te mai pawh hi an fel em em vek mai, Lal tha leh fing an neih vang che a nih ka beisei" a han ti a, a thu hriat avang chuan Lal Tlangkhuma chu a hlim kher mai, chutah nuih var var pah hian, Tlangval i mi fakna chu ka lawm hle mai, amaherawhchu, ka khaw mipui te avang chauh a hmingtha ve ka nih chauh zawk hi" a lo ti a, Lal Tlangkhuma vek chuan, khawnge zan te pawh a rei lam ta e, Zikpui hei kan tlangval te pawh an mu duh tawh ang, mutna han phah sak tawh") tihpah chuan Khumpui lam chu a pan ta nghal a, Zikpuii pawh chuan mutna tur te chu a han phah sak a, chutihlai tak chuan Pasaltha Kapzela leng chu a rawn lut ve mek bawk a, Hualan a lo hmuh chuan, nupui te bul a nih loh meuh chuan Zan pawh a rei tak tak thei lo a nimaw?) nui thaw pah hian a lo ti a, Pasaltha Kapzela chuan, ka zawng nasa lutuk che a lawm mawle, Pasaltha Biakkhuma te In lamah i awm ringin ka zu kal a, i lo awm der bawk si lo, chhuah leh mai ka tum kha Biakkhuma khan min chelh ta tlat sia, kan titi ta luam a, hei ka rawn tlai ta vak a nih hi") a han ti a, Zikpuii chuan uai, kan Pasaltha chu a va insawi thiam nasa zawt zawt ve, a nupui lakah chuan a fihlim chiang khawp ang" nui hak hak pah hian a lo ti a, Kapzela chuan Zikpui i chhung te an mu vek tawh a mi?) a han ti a, Zikpuii chuan an mu fel ve chiah a nih kha" a lo ti a, Zikpuii vek chuan, hei ka peih tawh e nangnipawh mu ve tawh rawh u, naktuk lam inla kal chau dawn si a" ka peih tawh e" a han tih chuan Kapzela chuan Zikpuii chu lawmthu te a han hrilh luam a, tichuan tui tak a mu turin an inmangtha ta a.
#a tuk zingkhua a lo var chuan Huala te chu an insiam nghal sawk sawk a, tukthuan ei lova chhuah an tum avangin Zikpuii chuan an chawfun tur te chu a lo siamsak ve mawlh mawlh bawk a, a tul ang ang an tih zawh hnu chuan Lal Tlangkhuma chuan, hei inngai viau mah i la inchelh reng theih a ni si lova, tluang takin kal ta u la, ka u kha min han biak mawlh mawlh dawn nia" a han ti a, Pasaltha Kapzela chuan, ni e Lalpa kan lo hrilh ngei dawn nia" a lo ti a, tichuan Lal In chu an chhuahsan ta a, Leikapui atang chuan Zikpuii chuan, Huala, lo zin leh thuai ru aw" a han ti a, Huala te pawn an lo zin leh vat tur thu a chhangin Kawtchhuah lam chu an pan ta nghal a, Kawtchhuah an thlen chuan tumah an lo awm lova, Kapzela te chu an han ding khawmuang leh rih a, tichuan Chhippui khawlam pan chuan an kal leh ta a, finghnih zenzawn an kal hnu chuan Pasaltha Kapzela chuan, kan kal lama phul hmunah khan Chaw kan fak dawn nia" a han ti a, tichuan hlim takin an kal ta zel a, fehrehsan hun velah chuan phul hmun zawl chu an thleng ta a, Huala chuan, a engatia kan thleng hma riau a kan hriat chu ni" tihpah chuan a han hawi kual vel a, Pasaltha Kapzela chuan thil danglam engmah a awm love, kan zing chhuah avangin kan thleng hma a nih hi" a han ti a, Thing hlim hnuaiah chuan thuin Chaw te an fak ta nghal a, chaw te an ei zawh a Vaibel te an zuk lai chuan Huala chuan, Lal fanu te hi ngatinge an hmelthat theih em em bik ni?) a han tichhuak phawng mai a, Pasaltha Kapzela chu nui hawkinB chu, i lo lungawi leh viau tawh a nimaw?) a lo ti vat a, Huala chuan, lungawi a ni mai ang chu, hmeltha hmuh zawng a lungawi thlak em a lawm" a lo ti a, Kapzela chuan nuih tet tet pah hian, hmuh hnuhnun apiang zun i phurh zawngin i laktlak dawn loh tawp mai ka ti") a han ti a, Huala chuan, tu zun mah chu ka phur hran love, an hmeltha ka ti mai a lawm" a lo ti a, Huala vek chuan, hawh teh i kal tawh teh ang" a han tih zawm a, Pasaltha Kapzela chuan, Remsangi hmel pawh hmuh leh a chakawm tawh a lawm" awmze nei tak a tipah chuan a han ding nghal hluai a, tichuan Chhippui khawlam pan chuan an kal leh ta a, Huala chuan a pute khawlam a tlang nghal mai te chu remchang dawn riau hian.a hria a, chutia a rilru kawm a ngawi reng a a kal thauh thauh lai chuan Kapzela chuan, i va ngawi vung vung ve, Zawlnghak lamin i lung a len deuh a nimaw?) a han ti a, Huala chuan, chutiang engmah a awm lo" a lo ti deuh hluk a, Huala vek chuan, u Kap hei ka rin aiin kan cham rei ta si lova, kan khua a rawn kir ve ta mai lovin ka pute khawlam Hmartlangah chuan ka tlang nghal mai dawn mawni ka tideuh a" a han tih zawm a, Kapzela chuan, a remchang ngqwt tak ang chu, mahse i nu ngaih dan a ni lo viau ang a" a lo ti a, Huala chuan, thil awmzia i sawi chuan ka nu chuan a hrethiam lutuk ang, kan Lal te zawk hi an lung ni lo viau angem ka ti deuh a" a han ti a, Kapzela chuan, chuzawng hlauhthawn tur a awm lovang, kan Lal pawhin a hrethiam lutuk ang" a lo ti a, tichuan Hmartlang lam a kal tur chuan thu an ti tlu ta a, hlim tak a kal zelin, Tlai lam zanriah ei hma deuh chuan Chhippui khaw Kawtchhuah chu an thleng ta a, thut chawlh pah chuan Huala chuan, u Kap Lal In ah a mi kan thlen leh dawn" a han ti a, Kapzela chuan, Chhippui Lal hi a felin a tha viau mai a, amaherawhchu, veng hmawr lamah thlen kan tum tawh dawn nia, a lo ti a, tichuan an hahdam deuh hnu chuan khawchhung lam panin an kal ta a, Khawchhung an va luh chuan a lo reh deuh thuap mai a, Mihring veivak leh Naupang tualchai hmuh tur pawh an awm lo a ni.
Chutia Mihring veivak pawh hmuh tur an awm lo chu Kapzela te chuan mak an ti hle mai a, hmuamda zenzawn an hawi an hawi hnu chuan Huala chuan, khuaah hian thil tha lo a thleng a ni lo maw?) In atang te chuan Mei a la inchhem hlawm bawk sia") tiin Kapzela chu a han melh zauh a, Kapzela chuan, nia, keipawn mak ka tideuh a, In chhung lamah eng thawm mah hriat tur a awm bawk si lo" a lo ti a, Kapzela vek chuan, i Silai kha hmet puak thei turin inring la, Lal Mual lam i pan tawp mai teh ang, mahse fimkhur deuhin aw" a han tih zawm a, Huala pawh chuan a Silai te chu en fel nghal zung zungin, a inpeih hnu chuan Pasaltha Kapzela awm lohna lam Inhnuaiah chuan lut ve nghalin, fimkhur tak chuan Lal Mual chu an hnaih ta hret hret a, Lal Mual lan theihna an thlen chuan Kapzela chuan Huala chu ding rih turin a han zaizir a, Lal Mualah chuan Mipui an lo tlim hmur mai a, Lal Dokulha chuan Leikapuiah dingin thu a lo sawi lauh lauh mai a, hmuamda vel an din hnu chuan Hlauhawm a awm lo tih Lal tawngkam atang chuan Kapzela te chuan an hre ta a, Kapzela chuan a awmna lam a lo phei tur chuan Huala chu a han ti a, Huala pawh chu a phei ve mai bawk a, Hualan Kapzela bul a thlen fel hnu deuh lawk chuan Lal Dokulha pawn a sawi duh a sawi zo tawh a ni ange, mipui ho chu an kaldarh ta nghal sang sang a, rei vak lo hnuah chuan Veng hmawr lam a awm ni ngei tur a ni, mi panga vel hi Huala te lam pan chuan an rawn inzui diah diah a, Kapzela te chuan an tawmna Inhnuai atang chuan an lo thlir reng a, an rawn kal pelh hnu deuh lawk chuan Kapzela te chu tualah chuan an chhuak ta nghal a, veng hmawr lam pan chuan an kal ta nghal a, thui pawh an la kal hmanlo tihah chuan, Huala... Huala... Ti a rawn kotu thawm an hre ta tlat mai, rang zet a an hnunglamah chuan hawi rual nghal zawkin, an thil han hmuh chu an beisei lo kher mai, Remsangi chu Leikapuiah lo dingin Huala te chu a lo nuih sen sen a, chutia sawi mai tur pawh hre lova an din reng lai chuan Remsangi chuan, engatia min hel te inhan tum vei ni, lo kal rawh u lo kal rawh u" a lo ti a, Huala chuan Pasaltha Kapzela chu a han melh zak zak a, Kapzelan Remsangi chhan a tumlai tak chuan Lal Dokulha chu Leikapuiah chuan a rawn chhuak ve hlawl mai a, a In a thleng tur chuan Kapzela te chu a rawn hui a, Kapzela te lahin hnial an ti tawh bawk si lo, inthiamlo rilru zet chuan Lal In lam chu an pan ta a, Lal In an va thlen chuan Inchhung lamah Lal Dokulha chuan a hruai lut ta nghal a, Zu te zukin an zu kalna chanchin te chu a han zawt a, Kapzela te pawh chuan an zinna chanchin tlangpui te chu an han sawi zar zar a, tin, a tuk lam a an awm dan tur te chu a han sawi tlang nghal vek bawk a, chutia a thusawi lai a, Remsangi leh Huala lo inmelh leh zauh zauh thin chu Pasaltha Kapzela hian a hmuhhmaih hauh lo.
Kapzelan thu te a sawi zawh chuan, Remi hei kan Pasaltha te hi an ril a tam tawh ang, zanriah kha han siam la i ei thuai teh ang u" a han ti a, Remsangin a siam zawh chuan hlim takin zanriah chu an kil ta nghal a.
#Zanriah te an ei kham chuan khua chu a thim a ni tawh mai a, upa ho pawn Lal In an rawn chuangkai tak tak hlawm a, Kapzela te chuan nuam an tih loh avangin, pawnlamah chuan chhuah an han tum a, Lal Dokulha chuan, Kapa, i nau kha chu duh leh lo va chhuak sela, nang erawhchu thu ve rih rawh" a han ti a, Kapzela chuan mak a ti hle mai a, chutah Kapzela chuan, Lalpa inraurelna a ka lo awm ve reng hi a mawi love" tiin Lalpa chu a han hnial a, Lal Dokulha chuan, nia, thil mawi a nih loh piah lamah thil chin ngai pawh a ni kher lovang, amaherawhchu, i remruatpui kan mamawh a ni" thu tak fe a a rawn tih takah chuan Kapzela pawh chuan a hnial zel duh ta bik lova.
#Huala erawhchu Sumhmunah chuan thuin Chhippui khua te chu a han thlir kual a, a nu te chu a ngaihtuah chhuak a, ngai thar riau te hian a inhria a, chutia a rilru a kawm melh melh lai chuan, a hnunglam atang hian, Khawlam ngaih a va na tawh awm ve, a hiptu a na deuh a niang maw?) Hmeichhe pakhat hian a rawn ti a, Huala chu harh chhuak nghal zawkin, a hnunglam chu a han hawi nghal vat a, Remsangin a lo nuih sen sen a hmuh chuan, Remi lah ni rengin, mi rawn tiphu thelh a lawm mawle" nui pah chuan a han ti a, Remsangi chuan" Pasaltha te chuan thinphut eih pawh an nei lo emaw ka tia sin" a han ti a, Huala chuan, chuzawng ka chhan theih loh lam che ni rawhse, nakinah Pasaltha ho i la zawt dawn nia" a lo ti a, Huala vek chuan, kha i Ke te chu a va zia tawh awm ve?) a han tih zawm a, Remsangi chuan, nia hei ka zia tawh khawp mai" a han ti a, Huala bul a tawlh hnai sat sat pah hian Remsangi vek chuan, naktukah maw chhuah leh nghal intum?) a han ti a, Huala chuan ni e, amaherawhchu keichu Hmartlang lamah ka va kal leh phawt ang a, u Kapa erawhchu kan khua Damdiai lam panin a kal ve thung ang" a han ti a, Remsangi chuan a rilru chu han sawi mai te chu a duh rum rum a, mahse hmeichhe Buanchaklo leh Sihhnip zia a ni tih a hre si, a thuhrimah han sawi chhuak ta reng pawh nise Huala hian engtinnge a lo ngaih ang, a lo ngainep ru viau angem??? Chutiang vel ngaihtuah chuan a ngawi reng a, Huala chuan" Remi hei inkhua hi a nuamin a boruak te hi a thiang em em mai a, nula hmeltha tak tak pawh an ther fur lo maw?) a han ti a, Remsangi chuan an awm ve nual thu chuan a lo chhang a, Remsangi vek chuan zah pawh dawn zo tawh lo hian" ti ta daih i la Huala ngaihzawng te i nei em? A han ti a, Huala chu a han nui ringawt a, thutak fe a Remsangin a han zawh leh takah chuan, a Remi, keini tehlul hian khawilam ngaihzawng nge maw kan han hmuh ve ngawt angni" a han ti a, Remsangi chuan, Pasaltha te chuan inhmu lutuk ang chu" a lo ti a, Huala chuan, Pasaltha zawng ka ni hauh lo a nia, ka awm ser avang hian Pasaltha emaw min ti a nimaw?)
Ka huaisen vang ni lovin ka vanneih vang a nih zawk hi" a lo ti a, Huala vek chuan, Pasal neih te i tum hnai tawh em? A han tih zawm a, Remsangi chuan Pasal tur pawh kan hmuh zawh ve loh hi maw?) a lo ti a, Huala chuan, i hmuzova i lo hnar a nih zawk kha" nui thaw pah hian a han ti a, Remsangi chuan, nia, Vanzau Lal Fapa chuan min rawn beisei ngei kha chu a nia lawm, mahse, hmangaihna hi hmangaihna ang tak a a lanchhuah loh chuan, hlimna leh inlungrualna a awm thei tak tak lo a ni" a lo ti a, Huala chuan i sawi chu a dik khawp mai, Lal Fapa meuh i han hnar ta chu a nia, i hmangaih chu tutak niang maw?) i hmangaih hle a niang maw?) a han ti a, Remsangi chuan, Huala ka sawi tawh ang khan, ngaihzawng kawplai zawng ka nei hauh lova, amaherawhchu hmangaih zawng ka nei chiang a lawm, amah chuan ka hmangaih a ni tih a hrethiam em ka hre lo" a han tisep sep a, Huala erawhchuan beisei awm a awm loh tha zawk a a inhriat avang chuan, Remi i hmangaih chuan lo hriatthiamsak ngei che se ka tih pui hle mai che" tiin Remsangi thusawi chu a haider sak lui tlat a, Remsangi erawh a ngawi reng thung a, Huala bawk chuanB keizawng hmangaihna rahbi hi ka la tuk lova, engang hmanrua nge hman tur tih lah ka hre hek lo" nui ham ham pah chuan a han ti a, Remsangi chuan, ni e, tawn phawt loh chuan inhriatthiampui theih ni hek lo le" a lo ti a, chutia tui tak a an titi melh melh lai chuan leng hnar a lo khuang thliai thliai a, upa ho pawh Lal In atang chuan an rawn chhuak phak phak a, Huala te pawh chu Inchhunglamah chuan an lut ve ta nghal a. Chhunzawm zel tur.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 30th, 2019, 6:00 pm

DORAL HRANG MAHSE, thuhma, ka Nerve tha lo avang hian ka thawnthu ziah ka rawn regu thei lova min lo hrethiam hram hram dawn nia, a tawp thlen ngei ka tum ve tlat a nia.



DORAL HRANG MAHSE.
*Sawntea Chhangte the Red Devils*.
Bung (26)











Mut te a lo hun ta bawk nen, Remsangi chuan mutna te a han phah sak nghal zung zung a, tichuan Huala te pawh chu an mu ta nghal a.
#a tuk khua a var chuan Lal In Leikapuiah chuan Huala leh Pasaltha Kapzela chu an titi siam siam a, Kapzela chuan, hei Huala, nangmah maiin hriat ngailoh ramah i va kal dawn a ni a, ka ngaihtuah em em rual chein, ka rin tawk em abang che erawh chuan ka thla a muang em em a, i thih leh damah hian mawhphurhna ka nei tih hriain, fimkhur takin i va kal dawn nia" a han ti a, Huala chuan, min ngaihtuah suh, eng em ka va ti bik lovang," a lo ti a, Huala vek chuan, mahse a kalkawng te min kawh hmuh loh chuan" a han tih zawm a, Kapzela chuan, kawngruhah i kal char char mai dawn nia, han penkawina tur engmah a awm lo, i va bo lovang" a lo ti a, Kapzela vek chuan, Tlailam Zanriah ei hun vel chuan Lungdup khua chu i va luh ka ring a, khua a i va lut a nih pawhin, veng hmawr lam, michhe In-ah va thlen i va tum dawn nia" a han tih zawm a, Huala chuan, i thusawi chu ka hrereng ange, ka nu mawlh kha, min lo ngaihtuah lutuk ange" a lo phat mawi dan chu i kutah ka dah a nia" a tih chuan, Kapzela chuan khalam kha chu ka lo ngaihtuah fel vek mai ang" a lo ti a, Huala chuan, rei cham pawh ka tum lem lo a nia" a han ti leh hram a, chutia an lo titi melh melh lai chuan Tukthuan ei turin Lal bu chuan a rawn ko-va, Kapzela te pawh chuan an zui lut ve nghal a.
#tukthuan te puar tak a an ei hnu chuan Kapzela te chu an insiam nghal sawk sawk a, chutia an insiam mawlh mawlh lai chuan Lal Dokulha chuan, hei inkhawlamah min hawn san chu intum lui tlat chu a ni si a, han chelhlui thei che u lah kan ni hek lo, kan chhungkaw tan a inthil tih hi kan lawm em em a, ka lawmzia lantir nan, ka Se patuai pahnih inkai haw dawn nia" a han ti a, chutah rangzet mai hian Kapzela chuan, Lalpa, engmah i lakah hian kan beisei reng reng lo, i fanu kan lo chhanchhuahsak thei che kha kan lawm em em a, tin, i In a min lo thlentir duh avang ringawt pawh hian kan lawm tawk tawh em em a ni, engmah kan duh love") a lo tithuai a, Lal Dokulha chuan a han nawrluih deuh ngial pawh a awmzia a neih theih chuang loh avang chuan tihngaihna a hre ta bik lova, Lal Dokulha vek chuan, a nih leh ka thil pek inpawm duh tlat si loh chuan" Silai mu tlem tal ka pai tal ka pai ang che u" a han ti leh hram a, Kapzela te chuan han hnial leh deuh viau mahse, an hnial hneh ta bik lova, tichuan hlim takin pawnlam pan chuan an chhuak ta a, Remsangi chuan Huala te chu zui chhuak ve in, Sumhmunah chuan Engemaw hi Huala chu a han rawlhruk zauh a, Huala chuan, Remsangin amahah beiseina a insiam tam mai mai a ni tih chu hre mahse, han hnialna chi ni tawh hek lo le, nui seih pah chuan a lo la a, Remsangi chuan, Huala, i tumram chu tluang takin va thleng ta la, kan Inah ngei hian i rawn thleng leh dawn nia aw" thlakhlelh hmel tak a Huala melh pah chuan a han ti a, Huala pawh chuan ka lo thleng leh ngei dawn nia" a lo ti ve, Remsangi chuan Pasaltha Kapzela hnenah chuan lawmthu te a han sawi leh mawlh mawlh a, tichuan Kapzela leh Huala chu Kawtchhuahlam panin an kal ta nghal a.
#Kapzela ten Kawtchhuah an thlen chuan an han thu chawl a, Kapzela chuan, Huala hei kan pan lam tur a inang ta lo chu a ni a, tluang takin va kal ta la, dam takin i rawn haw leh dawn nia, ka sawi fo tawh angin, va fimkhur hle ang che") a han ti dap dap a, Huala chuan, ni e, min ngaihtuah suh, dam takin ka lo kir leh ngei ang, nangpawh tluang takin i kal dawn nia" a lo ti ve a, tichuan an mahni pan tur lam ve ve pan tur chuan an inthen dawn ta a, an inthen hma chuan Huala chuan, u Kap, Lungdup khaw Lal hming kha tumaw a nih a?) a han ti a, Kapzela chuan, Lal Rumvunga a ni ta in ka hria, ka chiang ta love a" a lo ti a, Kapzela bawk chuan, a tupawh chu lo nise, nangman i zir chuan tumah i chungah an sual lovang" a han tih zawm a, tichuan inhmu leh ngei tur a intiamin an inthen ta a.
#chhun Ni sen sa vawl vawl hnuaiah chuan Huala chu Lungdup khawlam pan chuan a kal hnak hnak a, biak tur awm hek lo chu, Sava hram chiah chiah thawm chu a hriat awmchhun a ni mai a, a khua te chu a har ru hle mai, chutia nileng a khaw kar kawng Ramngaw hnuai a a kal hnu chuan tlailam Zanriah ei hun velah chuan Lungdup Kawtchhuah chu a thleng ta hlawl mai a, hahdam deuh a khawchhung chu luh a duh avangin, Vaibel te zuin a han thu thlandai a, rei tawk fang a thut hnu chuan khua pawh a rawn thim det det tan a, Huala chuan pawi tawh a a hriat loh avang chuan Khawchhung lam chu a Silai pu chung chuan a pan ta hnak hnak a, veng hmawr deuh fal deuh tak a In ding chu a panding ta vang vang a, In bul a va thlen chuan fiah lenglawng tak mai hian, mikhual inthleng thei em?) a han ti a, In chhung lam atang chuan nutling tih hriat tak mai aw hian, khual tha nge khual chhia?) a lo tivar a, Huala chuan, khual tha ka ni e, khuaah hian zankhat chiah ka riak ang a, naktuk lamah ka kal leh nghal ang" a lo ti ve leh thuai a, In chhunglam atang a lo lut phawt tur a an rawn tih takah chuan Huala chu a lut ta nghal a, Hualan In chhung a va luh chuan nutling pakhat chuan tap chhakah Vawk chaw bel ni awm tak hi a lo vil a, a bulah chuan a fapa niawm tak tualchai rual vel hi a lo awm ve bawk a, Huala rawn lut a lo hmuh chuan Nutling chuan Huala chu a lo be sawk sawk a, a Iptepui te chu ban sak zung zungin, a Silai te chu a lo tunfel sak nghal zung zung a, chutah nutling chuan, Tlangval ka hming chu Zahmingi a ni a, nang enge i hming te ni vele?) a han ti a, Huala chuan ka hming chu Buala a ni e" a lo ti ve thuai a, chutah Zahmingi chuan, hei ei tur tuihnai kan pe thei dawn hauh lo che a, a awm ang ang kan ei tlang a niang chu" a han ti a, Huala chuan, ei tur lamah chuan venthawn ka ngailove, min lo mikhual ringawt pawh hi ka lawm em em tawh a ni" a han ti a, chutia an lo titi melh melh lai chuan Zahmingi Pasal Thathanga chu a rawn lut a, chutia a In a Tlangval rawlthar ni awm tak mai lo thu a han hmuh chuan mak a tihle mai a, Huala chuan lo hrethiam vatin, ekhai ka pu.hlauhawm ka ni love" a han ti a, Zahmingi pawh chuan, ni e Chawngapa hlauhawm a ni love, hei kan Inah zankhat lek rawn thlen a rawn dil a ka lo remti ta mai a nih hi" a han ti a, chutah Thathanga chuan aw a nimaw, Khualtha thlen nan chuan ka inhawng reng e, Tlangval khawilam pan tur nge maw i nih le?) a han ti a, Huala chuan hei vahsan lak leh hma tiin ka pute khua Hmartlang a va zin ka tum a lawm mawle" a lo ti a, Zahmingi chuan, a nih Huala khawi khua atang a rawn kal nge i nih reng reng a?) a lo ti a, Huala chuan Lal Savunga khua Damdiai atang a lo kal a nih thu te chu a han sawi a, chutah Pa ber Thathanga chuan, ekhai kan tawng ta luam a, nui Zanriah te han buatsaih tawh kan Tlangval pawh a ril a tam tawh lutuk ang" a han ti a, Zahmingi pawh chuan a siam ta a, a siam zawh chuan Zanriah chu an kil zui nghal a, Zanriah an ei mawlh mawlh lai chuan Huala chuan, ka Pu, inkhaw Lal hi tunge maw a nih le?) hei Zankhat chauh riah tum ka nih avangin ka dil hmasa lem si lova, a ngaih dan te a lo ni lo viau lovang maw?) a han ti a, Thathanga chuan, kan Lal hi Lal fel tak a ni a, i rilru tihah duh suh khualtha tan zawng, a inhawng zau teh a nia") a lo ti a, Huala bawk chuan Lal tha tak neih hi zawng a nuamin a thlamuanthlak teh a nia" a han ti a, Zahmingi chuan ni ngawt mai, keini hmeichhia te leh Tar chak lo te tan hlei hlei hian a nia thlamuan thlak ni, kan vannei ngawt mai" a lo ti ve a, zanriah te an ei kham hnu chuan Thathanga chuan Tlangval ti hian lo awm la, kan Val upa Ruala hmuh ka ngai tlat mai, Zawlbuk lamah pawh kai tum buai duh lo mai rawh" a han ti a, Hualan a chhan hma chuan Zahmingi chuan, ni e Huala, Zankhat chauh riak tur i ni thova" a lo ti ve a, Huala pawh chuan Zawlbuk kai loh mai chu tha dawn zawk a a hriat avang chuan a tum buai ta lova, Thathanga chuan, tikhan lo inkawm u la, ka chhuah san ang che u" tih leh chhuah a rual ta nghal a, Chhawna Naupangte chuan, apa, lo haw leh vat rawh aw" a han ti leng leng a, pu Thathanga a chhuah hnu chuan Huala chuan, ka pi inpa kha Pasaltha a ni ang maw.) a han tichhuak phawng mai a, Zahmingi chuan, ni e Lungdup khaw innghahna chu a ni ve a lawm" a lo ti a, Huala chuan, nia, ka hmuh phat khan Pasaltha a nih ka ring reng a ni, a han ti leh a, Huala vek chuan, a nih chuan ka pi hei ral hmatawngah Ininbengbel chu a nia, inpa hi a Tlawmngaiin a huaisen hle a ni ang maw?) a han tih zawm a, Zahmingi chuan ni e Huala kan pa hi chu pa tlawmngai ngang hi a ni a, amah Pasaltha a lo ni bawk nen, tihian ral hmatawngah kan awm ta mai a nih hi" a han ti a, Huala chuan chu, Thin thi a mut a har hle lo maw?) nui pah chuan a han ti a, Zahmingi chuan a ni ngawt a sin, mahse Pasal te ber duhna a ni miau si a lawmle" a lo ti a, chutia an lo inkawm bawrh bawrh lai chuan Thathanga pawh chu a rawn haw veleh tawh a, In a rawn luh rual chuan Thathanga chuan, kha inva lo titi tui awm bawrh bawrh ve" a rawn ti lut a, Huala chuan, ni e hei, Pi Zahmingi hian inkhaw chanchin te mi lo hrilh a, kan lo titi ve nasa mai" a lo ti a, rei vak lo an inkawm leh hnu chuan Leng hawn Ar a lo khuang ta chuah chuah a, Huala te pawh chuan mut zai an rel ta a.
#a tuk zingkhua a lo var chuan Thathanga leh Huala chu Leikapuiah thuin an inkawm a, Huala chuan hei ka pu, ka vawikhat zin chhuahna a ni a, hmelhriat loh khua a ni vei nen, Hmartlang khaw chanchin leh a kalkawng te min hrilh thei em?) a han ti a, Thathanga chuan hrilh thei tuk e, Hmartlang Lal chu Lal Vungtawna a ni a, amah pawh Lal fel tak a ni nghe nghe a sin" a han ti a, Pasaltha Thathanga bawk chuan, khua atang hian i kal char char ang a, tluang tak a i kal chuan Chhun chawfak hun velah Thing thelh hmun nuam deuh mai i va thleng ang a, chuta tang a i kal leh hlek chuan Kawng peng a lo awm ang a, chu chu Khawchhak lam panna a ni a, chumi lo lamah chuan i kal leh char char ang a, penkawina tur engmah a awm tawh lo, i kal tluan chuan thim hma deuhin Hmartlang chu i lut thei ang" a han ti leh a, Huala chuan, a nih leh Hmartlang khua te nen hian inintlawhpawh thin reng reng em?) a han ti a, Thathanga chuan, tlawhpawh thin lutuk e, hman deuh pawh khan Sakei sual kan va beih pui chiam tawh a lawm" a lo ti a, Huala chuan, chu inti hlum thei em?) a lo ti vat a, Thathanga chuan, aw Hmartlang Pasaltha Sangzelan a kap hlum ta a nih kha" a lo ti a, Huala chuan Thathanga chu rintlak ni a a hriat avang chuan, a nih leh ka pu, Hmartlangah chuan pu Sanglura, tih hmingpu i hre ngai reng reng em?) tiin a han zawt a, Thathanga chu a han ngawi deuh vang vang a, chutah lo tawng chhuakin, Tlangval, i mi sawi chu ka hriat zawng a ni tlat lo mai a, a han ti a, Huala chuan, bejdawn hmel tak hian, an mahni chu a nia va belh ka tum, an lo pem daih tawh te hi a ni mai ang ka ti" a han ti a, chutah Thathanga chuan a, Tlangval chutia ka mi hriat zawng a nih loh avang mai a pem tur a i han ruat ngawt ni, Hmartlang khaw mi leh sa te hi ka hre vak hlawm lova, a khattawk hi chuan kan intlawhpawh fova, chutiangin kan va inhre chat chat kher hleinem, Pasaltha leh Tlangval te hi chu kan inhre deuh a ni mai a" a lo ti a, chutia an titi bawrh bawrh lai chuan Zahmingi chuan Tukthuan ei turin a rawn kova, tichuan tukthuan ei tur chuan an lut ta nghal a, Tukthuan te puar tak a an ei kham hnu chuan Thathanga chuan Huala, tluang takin va kal la, i rawn kir leh hunah pawh kan Inah hian i rawn thleng leh dawn nia" a han ti a, Huala chuan a Iptepui leh Silai lak pah chuan ka pu min lo mikhual duh hi ka lawm takzet a ni" tiin, lawmthu te chu a han sawi mawlh mawlh a, Zahmingi chuan lawmthu sawi a ngai reng reng lo, tluang takin i va kal dawn nia" a lo ti ve a, tichuan Hmartlang lam pan tur chuan Huala chu a chhuak ta a, Huala a chhuah hnu chuan Thathanga chuan kha Tlangval kha a la naupan hmel viau na a, Tlangval naran zawng a nih ka ring hauh lo mai, a taksa rengah Sapui hnuhma a tam mai" a han ti a, Zahmingi pawh chuan, Damdiai khaw Pasaltha a ni mahna" a lo ti ve bawk a.
#Huala chhuak ta chu mi te chuan an hmu duh hle mai a, nula leh Tlangval te chuan an enzui vawng vawng mai a, Huala erawh chuan hria ang pawh a lang lovin a kal ngauh ngauh mai a ni.
#nileng a a kal hnu Thimhlimah chuan Huala chu Hmartlang khaw Kawtchhuahah chuan Vaibel zuin a thu hahchawl a, a rilru chu a buai ru kher mai, a Pute hriat a nei bawk si lo, a hriat ve awmchhun lah Pasaltha Thathanga khan a hriat mi a ni si lo, Huala chu a inngaihtuah nasa hle mai a, Hmartlang Lal Vungtawna chu han bel se tha takin Hmartlang Lal chuan a lo dawngsawng duh kher angem?) chutia rei ngial a inngaihtuah hnu chuan Hmartlang Lal Vungtawna hmuh phawt chu kawng awlsam ber niin a hre ta a, khua pawh tunah chuan a thim chiang ta hle mai, Lal In lam pan tur chuan khawchhung lam chu a pan ta hnak hnak a, pen sawm velawrh chauh a pen hman tih chuan khawchhunglamah chuan Silai a puak ta dur maile, Huala chu a ding nghal chawt a, chutah Silai chu a rawn puak leh ta thuai maile. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 6th, 2019, 8:19 pm

DORAL HRANG MAHSE.
thuhma tlem kan nei leh lawk ange, ka thawnthu ziah themhlem ve tak mai min lo chhiarsak a, comments leh like min lo pe thintute inchungah ka lawm em em a, ka rawn regu lo chung pawh a min lo nghakhleltu inawm tih ka hriat hian ka lawm leh zual em em a ni.
Inrinni zan a rawn dah tum tawh ka ni a, mahse current kan neih that loh avangin Story ka type thei lova ka lo dah lawk thei lo a ni.






DORAL HRANG MAHSE.
*Zawntea Chhangte the Red Devils*.
Bung (27)










A thil hriat avang chuan Huala chu a ding chawt a, a Mit leh Beng te chu lenin a hawi kual nghal ruai bawk a, a rilru chu a vak kual nasa hle mai, chutia rei ngial a dinna ngai a a din hnu pawh a Silai puak thawm a hriat zui leh tak si lovah chuan ral an nih chu a ring ta lo deuh a, mahse a thawm hriat chu enge a nih tih hriat a duh avang chuan Lal Muallam chu a pan ta thova, mak tak maiin In tinah chuan mei a lo alh hlat hlat hlawm a, In chhunglam tawng thawm pawh a hre thei a, Huala chuan Hmartlang khua chuan run an tawk lo a ni tih a hriat chuan a thaw a veng huai a, mahse Silai kha engvang a puak nge a nih?) vawihnih ngawt a ni leh nghal, chu chuan a rilru a la tibuai tho mai, chutiang vel ngaihtuah nauh nauh pah chuan a kal zel a, Tlangval Nula rim tur tak ngial pawh a tawk lo.
Lal In a han thlen chuan Leikapuiah chuan kai chhovin, luh a han dil a, Tlangaupa chu lo chhuakin thil eng eng emaw hi a rawn zawt a, tichuan In chhunglamah chuan a hruai lut a, In chhung an va luh chuan Lal Vungtawna leh a upa te chu an lo thu thap a, chutia Tlangval la naupan hmel tak, a Awm vel a Sapui hamna tih hriat hliah hliah a ser nei a rawn luh chuan Lal Vungtawna leh a upa ho chuan an lo en thap hlawm a, chutah Lal Vungtawna chuan, Tlangval, khawilam khual nge i nih a, eng ti tur a ka khuaah te i rawn kal ni?) a han ti a, Huala chuan, Lalpa, ka hming chu Huala a ni a, Damdiai khua atang a lo kal ka ni a, Hmartlang khuaah hian ka chhungte tlawh tur a rawn kal ka ni" a han ti a, chutah upa pakhat chuan, tute nge i chhungte chu ni reng reng a?) a rawn ti a, Huala chuan Pu Sanglura a ni ka rawn belh tum chu ni") a han ti a, chutah Lal Vungtawna chuan, e Zelapa, mikhual i nei dawn a va nih hmel ve") a han ti a, chutah Lalin a upa atan a a hlankai tak Upa Sanglura chuan, Tlangval, ka hriat ngai i ni hauh lo che a, i insawi fiah deuh thei em?) hmelhriat loh lo mikhual ringawt zawng a fel love") a han ti a, Huala pawh chuan Upa Sanglura thusawi chu awm a tih pui em em a, chutah Upa Sanglura en kalh pah chuan, ka pu, kei hi i fanu Kungpuii fapa ka ni e") a han ti a, chuthu a hriat chuan upa Sanglura chu a mengphawk nasa mai, chutah Huala bawk chuan, i pi leh pute hmel hmuh loh zawng a dik love tiin, ka nuin min rawn tir vang vang a ni" a han ti leh a, chutah upa Sanglura chu dinghluaiin, ka tupa ka hmuh phat che khan ka tupa i ni ang tih rin ngaihna reng ka hre lo a ni, min ngaidam dawn nia" tihpah chuan Huala chu a han chibai leh hnuhnash a, chutah Lal Vungtawna chuan, ekhai Zelapa, Tupa Huaisen Pasaltha i lo nei reng zunia, Tlangaupa ka zu thlum tha ber kha kan khualtha hi han thlit tawh" a han ti a, Tlangaupan Zu a rawn pek chu tlem lo lem zauhin, Hmartlang Lal Zu nge nge a thlum tui narawh e, hah pawh a dam sawng sawng mai a lawm" a han ti a, hetih lai tak hian Tlangval Pahnih te chu Lal Inah chuan an rawn lut a, chutah Tlangval pakhat chuan, Lalpa, kan Sa um lai chu a lo kal hlat hman tawh avangin kan Val upa te leh Pasaltha ten naktuk lama chhuizui an ti a, an remruatna te hrilh tur chein kan lo kal a ni" a han ti nghal bawrh bawrh a, Lal Vungtawna chuan, Silai kha Vawihnih lai a puak si a") mak tih hmel tak hian a lo ti a, chutah Tlangval pakhat ve thung chuan, ni e Lalpa, tun a Sapui khu chu a lianin a fing em em a, kah remin a awm duh der lo leh nghal a, kan Pasaltha Sangzela khan a han kap hman tak na a, a Mawngah chauh a kap hman a ni awm e, a han ti a, upa pakhat chuan a nih leh Silai vawikhat puak leh kha" a lo tivar a, Tlangval bawk chuan, beidawng thil tih mai a ni tawh, Tlangval phurfal deuhin an thal an lo thlah ve mai a nih kha" a han ti a, chutah Lal Vungtawna chuan a upa te hnenah chuan, ka upa te u enge inngaih dan le?) kan umzui tir dawn nge ni a, naktuk lamah kan chhuizui mai dawn?) tiin a upa te chu a han rawn a, chutah upa Pakhat chuan, Lalpa, kan Val upa te rem rawn ruat sa ang hian umzui loh mai chu a tha ka va ti em, zan thil te a ni si a, Mihring inchan te pawh a hlauhawm mange ka ti" a rawn ti a, chutah upa Sanglura chuan, ni e Lalpa, thuamipa sawi ang khan, keipawn naktuk lam a chhuizui mai chu tha ka va ti zawk em, amaherawhchu kan Sapui hi a huaisar riau mai a, a lo chang pawl awm se a va tha awm ve mawle") a han ti ve a, upa dang ho pawn an ngaih dan te chu an han sawi ve tliar tliar bawk a, a tawpah chuan ral veng indah nise, naktuk lamah chhuizui mai nise, tiin thu chu an titlu ta a, chutah Lal Vungtawna chuan, awle Tlangval te u, kan thu rel chu inhre ve vek a, Val upa te hnenah chuan zukal ta u la, an remruatna kan pawm thu chu zu hrilh ang che u, tin, kan sawi ang khan Ral veng tur chu ruat nghal bawk sela, an Kutah ka dah e" a han ti a, tichuan Tlangval pahnih te chu Lal In atang chuan an chhuak ta nghal a, Tlangval pahnih te an chhuah hnu chuan Lal Vungtawna chuan, Sa leh Ral lakah kan him rei tawh viau a sin mawle") a han ti a, upa pakhat chuan, a ni ngawt mai, kan thla pawh a muang viau tawh a sin mawle" a rawn ti ve charh charh a, chutah sawi chhunzawm lehin, mahse Lalpa TPasaltha huaisen tak tak i nei a, an tukzal thuai mai ang" a han tih zawm a, upa dang ho pawh chuan an upa pui thusawi chu an lo tuihnih ve tliar tliar hlawm bawk a, chutia thu dang dang te an sawi hnu chuan upa Sanglura chuan, Lalpa, hei ka tupa hi In lamah ka zu hawn pui phawt ange, Zanriah pawh a la ei awm si lova") a han ti a, chutah Lal Vungtawna chuan, ekhai a ni dawn tak maw?) kan thu dang a talangah ka lo hre chang tawh reng reng hleinem" Tlangval min hrethiam a niang chu" Huala en pah chuan a han ti a, Huala pawh chuan inthiam lohna tur engmah a awm hleinem, a khua leh tui ngaihsak chu a tih tur a nih thu chu Lal chu a lo hrilh a, chutah Lal Vungtawna chuan, a nih leh Zelapa, zu chhuk pui tawh, Zaninah zawng rawn kal buai a ngai tawh lovang, kan Sapui ber a hnaih tawh loh hi, tui takin inzu mu dawn nia" a han ti a, tichuan pu Sanglura te chu an In lam panin an putu chuan an chhuak ta a.
Upa Sanglura In hi Lal Mual thlanglam deuh hret a awm a ni a, Lal In atang hian a zu hla lo hle q ni.
#Lal In atang a an chhuah hnu Kawng an kallai chuan Huala chuan, pu, Upa i nih thu hi ka nun a sawi ngai si lova, khatia Lal In a i lo thut be pawh kha ka beisei phak reng reng hleinem") a han ti a, Pu Sanglura chuan, ni e Huala hei kan Lal duhsakna ka dawng hlauh mai a, tihian a rorelna Dawhkan kilpui turin min hlangkai ve ta mai a nih hi, i nu chuan a hrilh lo che pawh a awm viau e, khang hunlai kha chuan tun ang dinhmunah hian la ding hek lovi" a han ti a, chutia titi bawrh bawrh chung chuan In chu an thleng thla ta a, In an luh hma chuan Upa Sanglura chuan Leikapui atang chuan Zelanu, hei i tupa a lo zin a nia" a han ti leng leng a, chuveleh upa Sanglura nupui Pi Beremi chu In chhung atang chuan a rawn chhuak a, chutah Beremi chuan, khawilam ka tupa maw ni a" a rawn ti a, Pu Sangluran a chhan hma chuan Huala chuan, ka pi i fanu Kungpuii fapa Huala ka ni e" a lo ti vat a, Beremin Huala a hmuh chuan, aw a nimaw, a va lawmawm ve, ti teh u In chhunglamah i lut teh ang u, a han ti hlut a, tichuan In chhunglamah chuan an inzui lut ta a" thuthmun te an remtel hnu chuan Pi Beremi chuan, Huala ka fanu chu a dam tha a maw? eng titi a rawn zin nge maw i nih teh mial a?) a han ti a, chutah Huala chuan, aw ka nu chu a dam thatlai tak a ni e a han ti a") Huala vek chuan, Hmartlang khua a inawm thu hi min hrilh thin a", thangkhat lian zet inchanchin pawh a hriat tawh loh avangin a ngaihtuah deuh che u a, tihian min rawn tir ta ngawt mai a ni" a han ti a, Pi Beremi a tawng leh dawnlai tak chuan Pu Sanglura chuan, Zelanu kan zanriah pawh a la ei lovang han siamsak tawh" a lo ti hluk a, tichuan pi Beremi pawh chu tawng zui ta lo chuan Huala Chaw ei tur chu a siamsak ta nghal a, Pu Sanglura chuan, a nih leh Huala inkhua te chu inralmuang reng reng em?) Thangzauva pawh chu a dam maw?) a han ti a, Huala chuan, tunlai tak chu kan ralmuanlai tak a ni e" a han ti a, Huala vek chuan, ka pa chu Naupang mai ka nih laiin Thingin a delh hlum a lawm mawle" a han ti zuai raih a, Pu Sanglura chu a thuhriat avang chuan a han ngawi vang vang a, chutah lo tawng chhuakin, Huala min ngaidam mawlh mawlh teh, kan lo ngaihthah rei lutuk che u a ni, hman a hmanah khan rawn tlawh tur che u kan ni a sin") hreawm tih hmel tak hian a han ti a, chutah Huala chuan, e ka pu, engmah inthiamlohna tur a awm love, han intlawhpawh zung zung turin kar a hla bawk em a tin a ni") a lo ti a, chutihlai tak chuan Zanriah chu a ei theih tawh thu chu Beremi chuan Huala chu a rawn hrilh a, tichuan Huala chuan tui ti takin chaw chu a bar ta nghal mial mial a, Chaw te a ei zawh chuan Pasaltha Sangzela chu a rawn lut a, chutah pu Sanglura chuan, Zela Sapui chu a lo kal hla hman viau em ni?) Zan rei pawh a la ni lo kha a ni si a" a lo tivat a, chutah Pasaltha Sangzela chuan, ni e ka pa, ka rin dan chuan thui lutuk zawng a la kal hman chu ka ring lo a ni, mahse kan Val upa te khan umzui an remti ta si lova, naktuk lama chhuizuiah tiin kan tawp san ta mai a ni" a han ti a, chutah Pu Sanglura chuan, Val upa remruatna pawh chu a awm viau mai, Mihring inhlauh te pawh an hlau a ni ange" a han ti a, upa Sanglura bawk chuan, Zela hei i nau Kungpuii fapa Huala a rawn zin a, a han tih chuan Sangzela chu mak tih vang chuan a meng phawk nghal hru mai a, ni e, Sangzela hian a rawn luh khan Huala hi chu a rawn hmu ngei a, mahse Huala pianzia leh a Taksa a Sapui hnuhma te a awm deuh nuai avangin, a tupa a nih reng a ring lo hrim hrim a, a Pa mikhual satliah a nih a ring a ni.
chutia Sangzela mak ti tak a a awmlai chuan upa Sanglura chuan, Zela infarnu chuan a la hrereng che u a nih hi maw, nangni lah inhman loh chhuanlam a lo tha ve tumhrang vei nen, va tlawhchhuah intum ta si lova, infarnu chuan a fapa a rawn tir ta vang vang mai a nih hi") a han ticharh charh a, Sangzela rilru chu a vak kual nasa kher mai, chutah Sangzela chuan, ka pa, ka thiam loh vek a ni.
ka nau hi ngaihsak hle tawh tur ka nia sin") a han ti a, chutia an pafa a an titi melh melh lai chuan Huala pawh chu a lo kham ve mek tawh a, Kam te a thuah fai lai chuan pu Sanglura chuan, Huala i inpeih hunah ka kiangah hian rawn thu tawh aw") a han ti a, Huala pawh chu a inpeih chawpchilh a ni ve nghal mai a, a Pute kiang a a va thut phei hnu chuan pu Sanglura chuan, i ei puar thei bawk maw?) a lo ti var a, Huala chuan ka pian a hnulamah ka la puar ber ang" a han ti a, chutah pu Sanglura chuan, Huala hei i nu nutra i pu Sangzela a nih hi") a han ti a, Huala chuan Pasaltha Sangzela chu a han en vang vang a, chutah sawi sap hian, Hmartlang Pasaltha Sangzela Lungdup khua a ka thlen In pain a tih kha ka pu lek i lo nih chu" a han ti a, Sangzela chuan, ekhai, Pasaltha a han chhiar tham pawh ka nih loh hi" a lo ti a, Sangzela bawk chuan, beisei loh deuh maijn i rawn zin teh thut si a, kan la inhmu lo bawk nen, ka hai che.a lawm mawle") engtik thleng nge i cham theih ang?) a han ti a, Huala chuan, rei han cham pawh ka chak viau mai a, mahse vahsan lak a hun chho leh mai dawn si a, ni thum vel bak ka cham theih loh hmel" a lo ti a, Sangzela chuan, a nimaw, i pa a awm tawh si lova, engkim i hma vek a ni tawh si a, i chhuanawm ngawt mai" a han ti a, chutah Sangzela bawk chuan, khawnge ka va hawng phei ve tawh ange, Zawlbuk pawh zaninah chuan kai lo mai rawh" a han tih zawm a, Huala chuan, ni e, kawng ka kal chau bawk nen, min lo buan ngei awm si a, min lo vawrh nasa lutuk ange" a lo ti ve a, Sangzela bawk chuan, tikhan han awm hahdam la, naktuk Sapui kan beihnaah chuan i rawn kal ve dawn nia" dinhluai pah chuan a han ti a, chutah pi Beremi chuan, Zela mai mai thin hi a, Rawlthar mai a la nih hi, Sapui han hmachhawn tur meuh chuan a la tuai lutuk, i timak thin e mai" a rawn ti hlak hlak a, Pu Sanglura pawh chuan a nupui chu a rawn thlawp ve zat bawk a, chutah Huala chuan ni e, ka lo tum dawn nia" tiin, a pu Sangzela chu an chhang a, Sangzela chuan, ka nu, i tupa hi mi huaisen tak a ni tih hi ka hria a ni, Sa leh ral hma a han zam chhe hmel pawh a put loh hi, ti a nui tet tet pah chuan a chhuak ta daih a, Sangzela a chhuah hnu chuan pu Sanglura te nupa chuan Huala chu a tuk Sapui beihna a tel ve lo tur chuan an ti a, Huala erawhchu a ngawi reng a, a rilru erawh thlak a tum bau lo thung, chutia Huala an thlem siam siam lai chuan leng hawn Ar a lo khuang thliai thliai a, pi Beremi chuan Huala mutna tur te chu phah sakin mut zai an rel ta a.
#a tuk khua a var chuan Huala chu a tho vat a, hmai te a phih lai mek chuan pi Beremi pawh chu a rawn tho ve a, Hualan a Hmai a lo phih a hmuh chuan, ekhai i va tho hma ve, i lo inthlahrung te hi a ni ange" a han ti a, Huala chuan, inthlahrung lah love, ka chin dan pangngai a nih hi") a han ti a, pi Beremin Thuk mei a nun lai mek chuan Huala bawk chuan, ka pi, ka nu khan Laizawn nei ang khan a insawi si a ka va hmu love" tiin a han zawt a, pi Beremi chuan a thing tuah chhawm that mawlh mawlh pah chuan, i nu chuan dawt a hrilh hleinem che, nau Hmeichhia, Sangkimi a nei a lawm, Pasal neiin vengchhak lamah an awm a, an hmu ve chak ngawt ang che, tin, i nu te unau zing a upa ber Rualkhuma a awm bawk a, mahse vanduaithlak tak maiin Sapui lakah a boral tawh a" a han ti a, hetia an pitu a an lo titi lai mek hian pu Sanglura pawh chu a lo tho ve mek a, chutah Huala chuan, a nih tak chu mawle, a va zialo ve aw" a han ti a, Huala bawk chuan, a nih leh fa te a nei hman em?) tin, ka nutei te pawh chuan fa an nei em?) a han ti leh a, pi Veremi chuan, i pu Rualkhuma kha chuan nupui a nei hman lo hrim hrim a, a tih lai chuan Pu Sanglura chuan, tikhan inpitu khan lo inkawm u la, Lal In lamah ka han chuangkai ange" a ti a, a chhuak ta nghal a, chutah pi Beremi bawk chuan, i nutei te hi chuan Pathum lai an nei ve a, a upa ber nen phei chuan ininrual thuak awm mange ka ti" a han ti a, Buala chuan Zanlamah ka han tlawh ve dawn nia" tiin a Silai chu a la a, leikapui lamah chuan a chhuak ta daih a, Vawiin lama Sapui beihna a kal ve ngei a tum avang chuan a Silai te chu a han en fel a, rei fe a thlek hnu chuan a pu Lal In kal pawh a rawn haw a, Hualan Leikapui a a Silai a lo en fel a hmuh chuan pu Sanglura chuan Huala tum chu a hrethiam nghal a, chutah Leikapui a kai chhoh pah chuan pu Sanglura chuan, Huala kha vawiinlam chuan tel ve chu i tum lui ta tho a maw?) a han ti a, Huala chuan, ni e ka pu, hei ka lo inbuatsaih e ka lo ti.a nih hi" a lo ti sam et a, pu Sanglura pawh chuan dan luih a tum ta bik lova, Pu Sanglura chuan, chutia i tum tlat a nih si chuan han dan theih che ni suh, hawh teh tukthuan te pawh i ei hma ang u hmiang, i tlai bik lutuk dah ange") a han tih chuan In chhunglamah chuan inzui lutin Tukthuan chu an bar zui ta nghal a, Chaw an ei lai chuan pu Sanglura te nupa chuan an tupa chu an Sapui va beih tur lak a fimkhur tur chuan an chah mawlh mawlh a, tukthuan te an ei kham hnu chuan Huala chu a insiam nghal mawlh mawlh a, chutih lai tak chuan Pasaltha Sangzela, Huala pu ni bawk chu a rawn lut a, Huala lo insiam mawlh mawlh mai a hmuh chuan, Damdiai Pasaltha chu i la inpeih lo a nimaw" nui pah chuan a rawn ti lut bawrh bawrh a, Huala chuan, khawilam Pasaltha mah ka ni love, ka inpeih a ni mai e" a lo ti a, Sangzela chuan, a nih chuan kawtchhuahlam i pan nghal ang hmiang, midang pawh an thleng tan tawh ang" a han ti a, an chhuah dawn chuan pu Sanglura chuan fimkhur turin Sangzela te chu a han chah leh mawlh mawlh a, tichuan Pasaltha Sangzela leh Huala te chu Kawtchhuah lam pan chuan an chhuak ta a, Sangzela te an chhuah hnu chuan upa Sanglura chuan, Zelanu,, kan tupa chu a naupang viau na a, a huaisen dawn riau mai ka ti") a han ti a, pi Beremi chuan, a hmelah reng khan han zam hmel ka hmu hauh lo mai" a lo ti ve vat a, Pu Sanglura chuan, a ni ngawt mai, a pain dampui tawh lo mahse, kan fanu tan chuan a thlamuanpuiawm khawpin ka hria") a lo ti ve leh a, pu Sanglura bawk chuan, khawnge, Lal In lamah ka han chuangkai ve ange" tihpah chuan a dinghluai a, Lal In lam pan chuan a chhuak ve ta nghal a.
#Huala te chhuak ta pawh chuan Lal Mual chu an thleng chho tep tawh a, Lal Mual an thlen chhoh hma deuh chuan Pasaltha Sangzela chuan, ekhai engtizia a Lal Mual a Tlangval ho chu awm khawm leh ta si nge maw an nih le?) Kawtchhuah lam a innghahkhawm tur kan ti kha a ni si a" a han ti a, Sangzela bawk chuan, titeh kan Val upa ten ro dang an lo nei a ni mahna") a han tih zawm leh a, Lal Mual an han thlen chuan Lal Vungtawna chu Leikapuiah lo ding chhuakin fuihna thu te a rawn sawi a, thu te a sawi zawh chuan Val upa, Dozinga chuan an tlangval te kal dan tur leh kawtchhuah lam a innghahkhawm leh loh mai an tih chhan te chu a rawn aawi ve leh a, an rorel danah chuan Pasaltha Sangzelan hma a hruai ang a Tlangval pathum velin an zui bawk ang a, an hnung deuhvah Pasaltha dang kaihhruainain Tlangval Silai keng hovin an zui ang a, a bak Silai keng ve lo te chu a hnung dawlah Val upa te kaihhruainnain an rawn kal ve dawn a ni, tichuan Sapui an nan veleh a remchan danin an hual tawh mai dawn a ni.
#an kal dan tur te an relfel hnu chuan Zanlam a Sapuiin an Vawk a lak sak pu Rumliana te In lam chu Hmartlang khaw Valrual ho chuan an pan ta nghal a, Pu Rumliana te In an zu thlen chuan Zanlam a thui vak lo an lo kal tawh avangin, Pasaltha Sangzela chu Tlangval pahnih leh Huala te nen chuan Sakeiin Vawk a put liamna, pu Rumliana te kawmthlang Ram lamah chuan an liam ta nghal a, Tlangval tam zawk chuan an hnunglamah chuan an zui ve bawk a, fal deuh hlek chuan Huala te chu an kal zel a, Sakei hnu pawh chu Vawk Thisen a far zel avang chuan chhui a har lo hle mai, fimkhur tak leh inring tak chuan hnu chu an chhui zel a, tunah chuan Sangzela te chu an kal thui tawh hle mai a, an thian te pawh an hlat tawh kher mai, thui vak lo an chhui leh hnu chuan Hmun zawl deuh tak an va thleng hlawl mai a, Thinglian tak tak te chu a ding khep khup a, hmun thenkhatlai te chu a pik bawn phian leh nghal a, chulai hmunah chuan Sangzela te chuan an hnuchhuilai chu an hlauh ta tlat mai a, amaherawhchu, chuti mai a beidawn chu an tum hauh lo mai, Pasaltha Sangzela chuan a nau te chu fimkhur tur leh huaisen tak a awm tur chuan a han fuih sauh sauh a, tumah pawh chuan han zam hmel reng an pu lo, rei ngial an zawn hnu pawh a hnu chu an hmuh mai loh avang chuan Sangzela chu a thinrim hle mai a, a nau te hnenah chuan, hei kan hnuchhui ber kan hlauh tlat mai a, han kir leh ngawt lah thil dik niin ka hre si lo, bei tih dawn nan reng reng kan hmalam hi inchhui leh tawp mai ang u hmiang") a han ti a, an Pasaltha remruatna chu tumah chuan an hnial lova, tichuan hmalam pan chuan an kal leh ta a, thui pawh an la kal lo tihah chuan an chhak lam hnimbuk chu a rawn ri suau a, Mihring tre thawt ri leh Silai puak thawm chuan a zui ve nghal a, Sakei chuan Sangzela zuitu Tlangval pakhat chu awih thlanglamah chuan a rawn bawh liam a, Pasaltha Sangzela Silai chu puak zui ve nghal mahse, inrinlawkna nen a kap a ni lo bawk nen, Sakei Nakthawlah bak a kap hman lo a ni.
Sakei chuan a mi seh chu thlanglamah chuan a hnuk thla zel a, Sangzelan a Silai te a han sawh leh zawt zawt zawh hnu chuan, nau te u, kan hliam nual tawh a ni a, a tuan te pawh a fum ve tawhin ka ring a ni, fimkhur takin i zu pan thuai teh ang u") tih leh Sakei tawlh liamna lam pan chuan a kal ta nghal a. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 8th, 2019, 4:52 pm

DORAL HRANG MAHSE.
*Zawntea Chhangte the Red Debils*.
Bung (28)










Pasaltha Sangzela chu Huala te pawh chuan an zui ve nghal a, thui vak lo an chhuk thlak hnu chuan Tlangbal Pakhat chuan, midang ho khan min rawn zawng buai viau lo ang maw?) a han ti a, Huala chuan, buai lovang hei Sakeiin a mi seh a hnuh thlakna Thisen pawh a buakthlak zeih zuih hi") a lo ti vat a, Pasaltha Sangzela pawh chuan, ni e, Pasaltha rual an ni a an rawn hrethiam vek mai ang") a lo ti ve, chutah Pasaltha Sangzela bawk chuan, fimkhur takin lo zu chhui thla zel phawt i la, ka sawi tawh angin, kan thian te chuan thil chu an rawn hrethiam vek mai ang" a han tih zawm leh a, Huala chuan, hei fimkhur tak a chhuk a ngai tawh dawn a nih hi") a han ti a, Sangzela chuan, ni e, a rualrem lo thla tawh riau a, fimkhur takin kan chhuk dawn nia, kan Sa um tan pawh beih kan awlsam lai a ni dawn a, inring tak chung siin kan chhuk dawn nia, i kal ang u") a han ti a, tichuan Sakeiin a mi seh a hnuh liamna kham rualremlo takah chuan an chhuk leh ta a, an rin aiin kham chu kal a hreawm a, Lei te chu a nghet lovin Lung te chu an rap til thla chum chum a, an Sa um chuan rawn bei thut pawh nise, lo inven ngaihna reng a awm lo a ni.
eng tin tin emaw chuan an chhuk thla zel a, an Sa um pawn thawm reng a rawn nei lova, kham chanve vel an zawh thlak hnu chuan hmun rualrem lai deuh, zim te hi a lo awm a, tah chuan Sangzela te ho chu ding thapin, an thlanglam chu an thlir thla thap hlawm a, chutah Sangzela chuan, kan inchhan hman ka beisei tawh hauh lo mai") a han tichhuak a, Huala chuan, kan tih theih a tlem em a tin a ni, mahse kan theih tawp chu kan chhuah ve alawm") a lo ti a, Sangzela bawk chuan, hei Thisen a la baw thla zeih zuih a, fimkhur takin kan chhuk leh a niang chu, a Ruang hlawm tur tal kan nang hman mial mahna") a ti a, tichuan an thlanglam pan chuan an chhuk thla leh ta a, mahse a hma ang em chuan kal a lo hreawm tawh lo hlauhva, amaherawhchu, kal nuam tak zawng a ni mawlh lo, thui lutuk an chhuk hma chuan an thlanglam Kawr lian ve tak lo awm chu an zu hmu a, Kawr leh lam kawr kamah chuan Sakei chuan a mi seh chu a bawh bet a ni tih pawh chu an zu hmu thei a, mahse an dinhmun chu Silai han chelek theihna chi rual a ni lo, an mahni pawh an fimkhur loh vaih chuan Kawrah chuan tla thla thei an ni si, Pasaltha Sangzela chu a rilru a hmanhmawh hle mai a, rilru fim pawh a pu hlei thei lo a ni ber mai, fimkhur tak chung chuan Khamah chuan a tawlh thla zur zur mai a, a Silai ken a ngai bawk nen a buai hle mai, chutia Sakei nan hman ngei tum a a tawlh thlak pur pur lai chuan a Ke rahchhan Lung pakhat chu a phet ta hlauh maile, Pasaltha Sangzela chu a tawlh ta pur pur mai a, a Silai te pawh chu a thlauh ta daih mai, han invawntanna tur reng a awm bawk si lo, Sangzela chu tawlh thla zelin lui kawr kam Hnimpik laiah chuan a tawlh lut ta hlauh mai, Huala te pawh chu Pasaltha Sangzela hmanhmawh zia hriain a hnungah chuan fimkhur takin an rawn tawlh thla ve zel a, Sangzela a chesual tih an hriat phei chuan Huala te rilru chu a hmanhmawh kher mai a, mahse an awmna chu han chet zung zungna chi a ni si lo, fimkhur tak chuan an chhuk thla ve zel a, Sangzela tawlh luhna lui kawr hnimpik an zu thlen hma deuh chuan Pasaltha Sangzela chuan Kawr kam leh lam a lo thleng tep tawh tih tih chu an zuhmu thei a, Sangzela chuan a Silai chu hlauh tawh mahse, a Chempui nen chuan Sakei chu a pan hnai zel a, Kawrkam a kai phei hnu chuan Sakei chu a hma aiin Ram lamah a lo tawlh lut a ni tih chu a hmu thei a, Pasaltha Sangzela chuan Sakei chu sahlum ngei tum chuan lui kawr a kai veleh chuan a tlan ta nghal a, mahse a Sakei sah tum hi a lianin a lo ngeng ngang mai, Pasaltha Sangzelan inhrosa tun tun chung a a pan pawh chu lo beih let tum awm pawn a awm lova, a Sa seh chu a la bawh run a, Sangzela tih tim tum ni awm tak chuan a lo rum ve chhur chhur duh chauh a, Pasaltha Sangzela chuan chak zetin Sakei chu a pan phei zel a Sakei awmna a va thlen dawn chuan amah hnungchhawn a a Sa seh lo bawh runtu Sakei chu a rawn inlehhawi thut a, chumi rual chuan amah sah hlum ngei tum a rawn pantu, Pasaltha Sangzela chu a lo beng siah mai a, Sangzela chu pai nghal nawkin a cghaklam hlam nga dawnah chuan a let tawp a, han thawh kan leh nghal mai a tumlai chuan Sakei chuan a rawn zuan leh nghal a, chutihlai tak chuan Kawr kam leh lam atang chuan Huala Silai chu a lo puak dur mai a, Sakei chu Pasaltha Sangzela awmna thleng hman lo chuan a zuangkang lai chu a Bek a Silai mu sa tak a rawn luh avang chuan a let thla nghal nawk a, hliam tamtak a lo tuar tawh bawk nen, lianin chak viau mahse, thochhuak tur reng a awm ta lo.
Pasaltha Sangzela chu chutia Sakei ber a thih takah chuan rawn indawm kangin a rawn thuchhuak a, vanneihthlak takin Sakei khan a Ban bulah a lo ben sak a, chuti ni lovin a Hmaiah emaw a Bekah emaw te nise zawng, thochhuak tur a awmzui bik kher awm love, a Ban bul atang chuan Thisen a chhuak nasa mai a, tih reh tum chuan a Puanven te chu a han thai thler kawk kawk a, hetihlai hian Huala te pawh chu an rawn thleng phei ve a, Huala chuan, ka pu Zel i na em?) enge i an?) a rawn ti nghal bawrh bawrh a, Pasaltha Sangzela chuan, ka tha e, ka ngaihtuahawm loh e") a lo ti a, Tlangval pakhat Duhzova chuan, tlem a tlemah kan va inchhan hman lo teuh ve") a han ti a, Pasaltha Sangzela chuan a ni ngawt mai, khatia Sakei ka han hmu kha ka thinrim bawk si a, kan thiana Ruang kha kan chang lo mai ang tih ka hlau bawk nen, ka che ta buan buan mai a lawm mawle, mahse hei Huala Silai kah thiam a zarah ka la nun ve theih phah a nih hi") a tupa Huala chhuang rilru tak chuan a han ti a, Huala chuan chutia amah an han fak chu nuam a ti lova, khawnge, kan ruang chu kan bel chiang reng reng ange") tihpah chuan a dinghluai a, Sakeiin Ruang a dahna lam chu a pan ta nghal a, Ruang awmna a va thlen chuan Sakeiin a seh tak Bawihchhuaka Taksa chu Thisenin a lo bual khat vek mai a, Huala chuan Ruang chu a han let kual vel a, chutah Bawihchhuaka Nghawng chu Sakei chuan a seh a ni tih a nghawng uai hnup dan atang chuan Huala chuan a hrethiam nghal a, tin, a Awm vel chu Sakei chuan a ham nasa hle a ni tih pawh chu a hrethiam nghal bawk a, a Taksa a lo la kim biai danah Huala chuan Sakei chuan a Sa seh chu a ei hman lo a ni tih pawh chu a hai lo, Huala chuan a pu Sangzela te nen remruat thatah tiin Ruang chu a kal san a, Hnim damdawi zawng chuan hmun dangah a kal leh ta a, a duh a hmuh hnu chuan Huala chu a pu Sangzela te awmna lamah chuan a kir leh ta a, a pu Sangzela te bul a va thlen chuan Duhzova chuan Pasaltha Sangzela Ban bul chu a lo tuamsak mawlh mawlh a, chutah Huala chuan, u Duh, i lo buaipui hah tawh viau na a, ka Hnim damdawi rawn lak hi tuam hnan i la a tha lo maw?) a han ti a, Duhzova chuan, i rawn lak chuan a tha hlei hlei ang chu") tihpah chuan Sangzela Ban a lo tuam tawh chu an pawt phelh leh nghal sawk sawk a, Pasaltha Sangzela chuan, chutiang a ngaih tawh loh kha, nat pawh a na hleinem, kha Thisen chhuak pawh a awm tawh loh kha") a lo ti a, Duhzova chuan engahmah ngailo chuan a phelh lui ta zel a, a phelh zawh chuan Hnimhnah chu Duhzova chuan a han nuai tui deuh a, tichuan Pasaltha Sangzela Ban hliamah chuan belin a tuam hnan leh ta nghal a, hetia an lo buai nak nak lai hian Sakei an umna kham lamah chuan tawng thawm an hre ta thut mai a, Duhzova chuan a Silai chu a han chuh nghal vat a, Pasaltha Sangzelan a hmuh chuan, Duha, tudang an ni lovang, kan thian te an nih dawn chu") thlamuan hmel tak chuan a han ti a, Duhzova chuan kan thian te an lo ni ta a nih leh Silai mu a hek lo ang a ni mai alawm") a lo tisam et a, aSilai erawh dah tange chu a ti lem hlei lova, chutia hmuamda thum vel zenzawn an nghah hnu chuan an rin ang ngeiin Pasaltha Chalthanga, Pasaltha Thuamkunga leh Tlangval pathum te chu Huala te bulah chuan an rawn thleng hlawl mai a, chutah Pasaltha Thuamkunga chuan, ka rin aiin kan lo inthlau daih a lawm mawle, kha Pasaltha Sangzela chu hliam te i lo nei a nimaw?) inthiamlo tih hriat tak hian a han ti a, Pasaltha Sangzela chuan lo chhang vatin, engmahtham pawh a nih loh hi, ka ngaihtuahawm loh a nia") a lo ti a, chutah Pasaltha Chalthanga chuan, an piah hlam nga vel a Sakei engmah hre tawh lova tlu ngat chu en in, u Zel, kan Sa um chu han hmuh chian meuh chuan a lo hrawl kher a nih saw maw") tunge han tihlum reng reng a?) tiin a han zawt a, Pasaltha Sangzela chuan Chalthanga zawhna tak chu chhang ta mai lovin, Sakei hnu an hlauh dan atang chuan kim chang takin a han sawi ta vek a, a sawi zawh meuh chuan Huala chu Hmartlang Pasaltha te chuan an han fak liam liam a, Huala erawhchu chutia Pasaltha te meuhin an fak chu a zak hle a ni.
chutah Huala chuan, pute u" ka vanneih vang mai mai a nih kha") a han ti a, Huala bawk chuan, khawnge midang ho an awm a?) tiin thudang chu a han zawt ta daih a, chutihlai tak chuan an piah kawr lu lam atang chuan tawng thawm a rawn ri thla nak nak a, chutah Pasaltha Thuamkunga chuan, kan zavai a kham a rawn chhuk kha chet sual palh te a hlauhawm bawk nen a fel lovin kan hria a, Thisen buak dan kan han rinzawn dan velah helai hi a pawh thlak ngei kan ring a, kan Val upa te hovin kawng dang atangin an rawn kal dawn a nih kha") a han ti a, chutah Duhzova chuan, chu an nih ngei dawn chu thawm pawh an rawn neih that khawp chu") a lo ti vat a, rei vak lo an ngaihchan leh hnu chuan Hmartlang Tlangval te chu an rawn thleng thla ta a, chutia an Pasaltha Sangzela lo intuam bam mai an hmuh chuan Val upa, Kapkima chuan, ekhai kan Pasaltha chu i lo inhliam reng a nimaw?) tipah chuan thil thlen dan te chu a han zawt nghal zung zung a, chutah Pasaltha Sangzela chu dingchhuakin, an bai a hriat theih tur chuan thil thlen dan zawng zawng chu ring lenglawng chuan a han sawi a, a sawi zawh chuan Val upa te leh Tlangval dang te chuan Huala chu an han fak liam liam a, Huala chuan nuam lo tiru viau mahse, pehhelna tur dang awm chuang hek lo le, a vanneih vang mai a nih thu chuan a lo chhang zel a, chutia Huala chungchang ringawt Val upa ten an sawi lai chuan Tlangval pakhat chuan, u Kapkim hei kan Bengtawia chuan a Sa seh chu a la ei hman lo a nih dawn hi") a rawn ti a, Val upa ho chu an thusawi lai tawp nghal hmakin, Bawihchhuaka Ruang awmna lam chu an pan ta nghal a, a thenin Sakei engmah hre tawh lova lo tlu ruah mai chu an belchiang ve laih laih hlawm bawk a, lian an tih thu bak thu dang reng an sawi lo, Bawihchhuaka Ruang te an en fel hnu chuan Val upa te chuan ro rel nghal zung zungin, Hlang siamna ngaihtuah tur chuan an an Tlangval te chu an han ti a, tumah chu zawmthaw bik nih tum lo chuan an che nghal vat vat hlawm a, Hlang pahnih an siam zawh hnu, a pathumna tur an buaipui dawn lai vel chuan Pasaltha Sangzela chuan, Hlang kha pahnih bak a ngailo a nia keichu zawn ka ngailo e") a lo ti a, Pasaltha Chalthanga chuan, i inthlahrung te a ni ange, inthlahrunna tur engmah a awm lo a nia") Sangzela bulah chuan a han ti a, Val upa ho pawh chuan an lo tuihnih ve tliar tliar hlawm bawk a, mahse Sangzela chuan zawn a duh loh thu leh a kal theih tur thu a a lo hnial tlat avangin" Zawn luih chu an tum ta lova, chutah Val upa Kapkima chuan, hei Ni pawh a chawhnu lam tawh a, Kan Pasaltha berin zawn a duh tlat loh avangin kan zawn lui lo mai ang a, chuvangin Bawihchhuaka Ruang leh Sakei Ruang hi Hlangah han zalh u la, khawlam kan pan tawh dawn nia") a han ti a, Val upa Kapkima bawk chuan, kan Sapui tukzaltu Huala pawh Kawng rualrem chin atangin kan zawn mai dawn nia") a han ti leh a, thu te a sawi zawh chuan Tlangval ho chuan Bawihchhuaka Ruang leh Sakei Ruang chu Hlangah chuan an zalh ta nghal a, an tih tur te an zawh hnu chuan Khawlam panin an haw ta a.
an khaw tiraltitu ber an thah takah chuan Hmartlang Val rual te chu an hlim hle mai a, Huala huajsen an tih thu lah an sawi awl hek lo, thui feeee an kal hnu Tlailam Zanriah bawl lai vel chuan Hmartlang Valrual te chu Kawtchhuahah chuan an thu thap tawh a, chutah Val upa pakhat chuan Tlangval Pahnih te chu Lal hnen a an chanchin thlen tur chuan a tir ta nghal a, hmuamda zenzawn an chawlh hnu chuan Val upa Kapkima chuan kal chu a han rawt a, tichuan Khawchhunglam panin an inzui leh ta diah diah a, khawchhung an va luh chuan khua a mi a lo hmu apiang te chuan an zui ve nghal zel a, Hmartlang Valrual ten Lal Mual an thlen chuan mipui ho pawh Lal mualah chuan an lo tlim hmur tawh a, Lal leh a upa te pawh Leikapuiah chuan an lo ding thap tawh a, Tlangval ten Sakei Ruang leh Bawihchhuaka Ruang te an nghah fel hnu chuan, Mipui ho chu Sakei Ruang hmuh chian tum chuan an innawk tulh tulh a, a hmu apiang lahin lian an tih thu bak sawi tur pawh an hre lova, Bawihchhuaka Ruang erawh thil hmuh nuam a nih loh avangin mi nawlpui en chu Pasaltha te chuan rem an ti lova, an veng chawt a ni ber mai, chutia Mipui an zik hulh hulh lai chuan Lal Vungtawna chu mipui khap daih nan chuan a han au tuar mai a, chumi rual chuan a Ban a vai pah bawk a, an Lal authawm hria a Mipui an ngawih thap hnu chuan Lal Vungtawna chuan, awle ka khua leh Tui duh tak te u, Vawiin hian kan khaw rawn tiraltitu Sapui chu Vawiin lamah kan Tlangval ten an zu tihlum thei hlauh mai a, ka lawm em em a ni, tin, kan Tlangval te hi ka chhuang em em a, he kan khua Hmartlang himna hi an kut a innghat a ni tih an hre chiang em em a, kan khaw tan a an nun hlu tak hlan pawh an inhuam avang hian an chungah ka lawmin ka chhuang tak zet zet a ni") a han ti leh dap dap a, Lal bawk chuan, sawi zawm zelin, amaherawhchu kan hlim viau rualin kan khaw tan a huaisen tak a a nun hlantu, Bawihchhuaka erawhin a nun a chan hlauh mai a, amah Bawihchhuaka thihna hi pawi ka tiin, a chhung te pawh ka tuarpui tak zet a ni") a han ti leh a, chutia Bawihchhuaka a thih thu Lal in a han sawi chuan Bawihchhuaka chhungte chu an tap nghal hawm hawm a, chutah Lal bawk chuan, awle tunah chuan kan hriat chak theuh ka ring a, Val upa Kapkima lo chho se, Vawiin a Sakei an beih dan rawn sawi tehse") a han tih chuan Mipui ho chuan Kut an lo beng dur dur a, chutah Kapkima chuan mipui te a han zap daih hnu chuan, Pasaltha Sangzela Huala, Duhzova leh Bawihchhuaka te chu fal deuh hlek a an kal hmasak thu te, an hnungah chuan Pasaltha te leh Silai keng hovin an zui thu leh, an hnung leh a, Val upa hovin Muzuk Fei leh hriamhrei dang keng an ho thu te, rei deuh hlek an inzui hnu a Pasaltha Sangzela te nen an inthlauh tak dan te" Thinghmun ngaw a Sakei hnu Pasaltha Sangzela ten an hlauh tak dan te, bei tih dawn nan reng reng ti a ngaw thuk lam an pan dan te, thui pawh an la kal hma a kawng chhak lam atang a Sakeiin a rawn beih thut dan te leh an thlang lam a Bawihchhuaka a hnuh liam nghal dan te, leh theih tawp a rang a an um thlak nghal dan te leh Lui kawr a Sakeiin Bawihchhuaka ruang sakeiin Kawr kam a a lo bawh bet Sangzela ten an zu hmuh dan te leh, kawr kam an thlen hnu a Pasaltha Sangzela chet dan te leh, Sakeiin Sangzela a lo ben thu leh Sakeiin Sangzela seh tum a a zuan lai a Hualan Sakei chu a kah hman thu te chu kimchang takin a han sawi fai ta vek a, Hmartlang Nula te leh Nu leh pa ho chu Huala an hriat loh avang chuan an hawi an hawi mai a, Val upa Kapkiman thu te a sawi zawh chuan Lal Vungtawna chu lo ding ve lehin, Lal Vungtawna chuan" awle, Vawiin hian Damdiai khawlam atang a kan khual tha Hualan kan khaw tan thil ropui tak min tih sak a, a chungah kan lawm hle a ni") a han ti a, Lal bawk chuan, Huala chu Leikapuiah hian lo chho sela, ka Zu Nopui ka lo dawm tir ange") a han ti a" Mipui kar atang chuan Huala chu a rawn chhuak ve mai a, a hmel hmutu tan chuan Huala chu a zak a ni tih hai rual a ni lo.
Lal leikapui a han chuankai chuan Lal Vungtawna chuan a Zu nopui chu a lo dawm tir a, Huala chuan tlem a lo tem zauh a, Lalpa chu a hlan kir leh ta a, Huala Mipui lam pan a a chhuk leh hnu chuan Lal Vungtawna chuan Huala chu upa Sanglura tupa a nih thu chu mipui hriatah chuan a han sawi a, a tuk a an Sakei Lu chu a Sechal a ai ngei a tum thu leh tuma Ram chhhuak lo tur chuan a han tinghal bawk a, thu tlem a sawi leh hnu chuan mipui ho chu a tin tir ta a. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 14th, 2019, 8:19 pm

DORAL HRANG MAHSE.
thuhma tlem, insawi fiah a ngai reng mai hi hreawm ka ti, tunlai chu engtizia nge mawni" Current kan nei tha thei reng reng lo mai a, phone pawh a charge ful hman loh a, rei min lo titawh viau ang tih pawh ka ring a, keipawn rei ka inti a, ka regu lo intih tawh sa naklai a, ka rawn regu thei lo leh zual hi a pawi ka ti takzet a ni.
engpawh nise, kan thu neihna piahlam a ni miau si a lawm le..
Typing misstake a lo awm a nih pawn min lo ngaidamin, min lo chhiar mam sak leh mai dawn u nia.









DORAL HRANG MAHSE.
*Zawntea Chhangte the Red Devils*.
Bung (29)









Chutia Mipui an kaldarh hnu chuan Lal leh a Upa te pawh chu In chhung lamah chuan an inzui lut ve nghal a, Huala leh Pasaltha Sangzela te pawh a Pu te In lam pan chuan an inzui thla ve hnak hnak a, chutia biak pawh inbe lem lova ngawi reng a an kal lai chuan Duhzova chuan, Huala, Zanin chu mithi Lu men turin ka rawn sawm dawn che a nia") an hnung deuh atang chuan a rawn ti a, Huala leh Pasaltha Sangzela chu an hnunglamah chuan an hawi let nghal vat a, chutah Pasaltha Sangzela chuan, ekhai Duha rawn sawm hlauh tak rawh, kei lah hliam tenau ka nei bawk nen, ka rawn tel ve peih awm si lova") a lo tivat a, Huala pawh chuan ka lo nghak reng dawn che nia") a lo ti ve bawk a, tichuan an mahni In lam theuh pan chuan an inthen ta rih hlawm a.
#Lal In lamah ve thung chuan Lal leh a Upa te chu an Khaw rawn tiraltitu ber an tih hlum theih tak avang chuan an hlim hle mai a, Zu te inin an titi laih laih a, Lal Vungtawna chuan, Zelapa, fapa Pasaltha huaisen tak i neih tawh piah lam a, Tupa huaisen tak i han nei leh zel hi chu aw, pa vannei tak zawng i ni e") a Zu dawmlai tlak pap pah chuan a han ti a, Upa Sanglura chuan, Lalpa keia fapa te zawngin tumah va el phak suh, Khuanun amah a vanneihna a dah hi a la kal tluang mai a nih hi") a lo ti a, chutah Upa Pakhat chuan, ekhai Zelapa, vanneihna hi zawng a awm ngei a, mahse i fapa te ang mibik hi zawng, an huaisenna leh chakna te hi chu, vanneihna piah lam daih a ni") a lo ti ve charh charh a, chutah Lal Vungtawna chuan, kan khualtha Huala chu rawlthar lek mai mahnise, ka hmuh phat khan mi naran ringawt a nih kha ka ring lo reng a ni") a han ti a, Upa dang ho pawh chuan an Lalpa thusawi chu an lo tuihnih ve tliar tliar hlawm a, chutia a fapa leh a Tupa te Lal leh a upat pui ten an han fak thawm hriat chu Upa Sanglura chuan nuam a ti lo hle mai a, chutah upa Sanglura chuan, Lalpa, Naktuk kan Salu ai tur chu ka Vawkpa Sutnghak ngeiin ka lo do ve ange") tiin thudang chu a han sawi ta daih a, Lal leh Upa dang te chu an hlimzual ngei mai, chutah Lal Vungtawna chuan, chutiang a nih zawngin naktuk zet zawng, kan tlai hle dawn zunia") a han ti a, thudang dang te sawi a an titi leh hnu chuan Zanriah ei turin upa ho chu an tin ta hlawm a.
#pu Sangluran an In a zuk thlen chuan Huala chuan Tapchhakah Vawk Chaw Bel a lo vil a, pi Beremi erawh chuan Hmun a lo phiat bawk a, pu Sanglura lo lut Hualan a lo hmuh chuan, ekhai ka pu chu i rawn haw tawh a nimaw?)
a lo ti vat a, pu Sanglura chuan, ni e hei Zanriah ei a hun tawh si a ka rawn haw ve ta a nih hi") a han ti a, pu Sanglura bawk chuan, Huala bul a thut pah chuan, i pu Sangzela chu a inhliamna em?) Enge a an a?) a han ti a, Huala chuan, Pasaltha a ni a, engtham a ni pawn ka hre lo") tiin a lo chhang a, pu Sanglura bawk chuan, Sapui beih hi fimkhur a ngai reng a sin, engpawh chu nise, vanduai rau rauhvah a vannei khawp e") a lo ti a, chutah pi Beremi chuan, Zelapa i rawn haw tawh chuan Zanriah i ei nghal mai ang u aw") a han ti a Zanriah chu a siam ta nghal a, Huala chuan lo pui ve bawkin, Zanriah an peih hnu chuan an kil zui ta nghal a, chutia Zanriah an ei mawlh mawlh lai chuan pu Sanglura chuan, Huala hei ka beisei phak hauh lohvin kan khaw rawn tiraltitu min rawn tihhlumsak a, kan Lal leh upa te ho pawh an lawm teh a nia") a han ti a, Hualan a chhan hma chuan upa Sanglura bawk chuan, amaherawhchu khualkhua a khawsa i ni tih inhrereng la, i huaisenna leh chakna te hi lawmpuitu tamtak i neih lai hian, nangmah lo er ru em emtu che leh lo iksik ru ve em emtu che an awm ve thei tho a nia, chuvangin, chapona hi hnuaichhiah la, a hun a tlawm pawh hreh hek suh ang che, chutihrual erawh chuan, i dikna rah beh sak che tumtu lakah chuan tlanchhe ngailo la, huaisen takin i dikna chu humhim tlat ang che") a han tidap dap a, Huala chuan ngun takin a pu zilhna chu a lo ngaithla kar a, chutah pu Sanglura vek chuan, Zaninah pawh kan mithi tlaivarna lamah i va kal ve ang a, awm dan mawi i va hre dawn nia, a huhova awmkhawmnaah a tawng tam pawlah tan tur a ni lova, tin, tumah biak chhiat tur a ni hek lo, mi tan a hnawksak lo leh mi Mit tikham lo zawng a awm i va tum dawn nia" a han ti leh charh charh a, Huala chuan a pu Zilhna te chu ngawi reng a lo ngaithlain, zawm ngei pawh a tum a ni.
chutah pi Beremi chuan, Naktuk lamah i Nutei te chu i han tlawh mai a niang chu") a lo ti ve bauh a, Huala pawh chuan ni e hei kan heti leh ta si a, naktuk lam pawh hun a la awm tho a lawm") a lo ti a, tichuan tui ti tak chuan Chaw chu an bar zawm mial mial a, puar tak a Zanriah an ei kham hnu chuan Huala chu Leikapuiah dingin a Vaibel a han zu talh talh a, chutihlai chuan Duhzova chu Huala te In lam pan chuan a rawn kal ve mek a, Huala bul a rawn thlen chuan Huala chuan, e kha i rawn thleng der mai a nimaw?) I va rawn hma be?) a lo ti var a, Duha chuan, Leikapuia chuankai pah chuan, chutia mawni?) a hma pawh ka lo ti tawh hleinem") a han ti a, a ni lah tak a, nula rim tur a chhuah hun a pel deuh tawh a, a hma tawh lo reng a ni.
chutah Huala chuan, kan insiam lawk ange, ka rei lovang") tih leh In chhung lam a luh chu a rual a, rei vak lo hnuah chuan lo chhuak lehin, ka inpeih e, i kal dawn ang hmiang") han ti a, tichuan mithi In lam pan chuan an kal ta a.
#Huala ten mithi In an va thlen chuan mi pawh an lo tam tawh hle mai a, In chhung lum chang lo tlangval te chu pawnah Mei lum chhemin an lo thu bial laih a, Huala te lo kal an lo hmuh chuan Tlangval pakhat chuan, ekhai Duha te chu inrawn lang ve peih a nimaw?)
vawiin lam inchau awm si a, kha kan Pasaltha pawh i rawn hruai leh nghal a nimaw?) Tiin a lo bia a, Duha chuan, chau lah love a, kan tih tur a lawm") a lo ti a, Duhzova bawk chuan, rawn hruai lah love, hei mi rawn zui lui tlat si a, dang thei hek lovi a rawn kal ve ta mai a nih hi") Huala melh pah chuan a han ti a, chutah Huala chuan, uitu pawh a ngah hle a niang maw?) kan mithi chu hei mipui reng an tam mai") a lo ti vat a, an mahni lo betu Tlangval bawk chuan, ni e hei, Tlangval tlawmngai ngang a ni a Bawihchhuaka hi zawng, uitu pawh a ngah nangiang mai, hei tuanfum deuh chuan In chhung lum pawh kan chang lo a nih hi") a lo ti a, Duha chuan, chutiang a nih chuan Huala, tah hian i thu ve rih mai ang hmiang") a han ti a, Midang ho pawh chuan thu ve rih tur chuan an lo ti ve sap sap bawk a, Huala te tan pawh In chhung lamah chuan hmun awm bik hek lo le, Mei lum kil chuan an thu ve ta a, In chhung lam chu an zai tui hle mai a, Bawihchhuaka nu leh a farnu te chuan an unaupa leh an fapa ni bawk chu an tah hla chham thawm atang chuan an ui hle a ni tih hai rual a ni lo.
Huala te an thu fel hman awrh tih chuan Tlangval pakhat hi Huala te Mei lum ai naah chuan a rawn kal ve a, leng leh leng lo chuan a vawt ti chu Huala leh Tlangval pakhat inkarah chuan a rawn inzep a, a la tawng zuah zuah leh ta nghal a, a tawngkam te chu a la chapo em em leh nghal a, mahse Tlangval ho chuan a thusawi kalh zawngin thu engmah an sawi lova, Huala chuan mak a ti rilru hle a ni.
chutah Vuansanga bawk chuan, kan Sapui tihlumtu chu rawlthar lek maw a nih a, mikhual mai mai a ni lawmni?) Hmingthat duhin midang a hmakhalh bak a ni lo ange, bakah rawlthar mai tan zawng Sapui inring lai thah ngawt theih a ni love, Sapui kha a che tha thei tawh lo a ni hrim hrim ang") Huala a awm ve tih hre lo chuan a han ti ham ham a, Duhzova chuan, Vuana i rin thu mai a nih chu, Mit ngei a hmutu ka ni a ka hria alawm") a lo ti a, Vuansanga chu chutia amah lo hnialtu an awm avang chuan a lawm lo hle mai, chutah Vuansanga bawk chuan, Duhzova en pah chuan, ka hnial e te i tia law, nang a thusawi ai chuan ka tvusawi hi min an awih zawk ang, lo ngawi mai mai rawh") a han ti a, Duhzova a tawng leh dawn lai tak chuan Huala chuan ngawi turin a lo Mit mei zauh a, Duhzova pawn lo hrethiamin ngawih a chuh ta zawk a, chutah Vuansanga bawk chuan, inmi huaisen sawi chuan kan Tlangval pakhat pawh a venghim zo lo chu a nih hi maw") a han ti leh a, chuthu a hriat meuh chuan insum har a ti kher mai, chutah Tlangval pakhat chuan, Vuana a tawk tawh em em e a, thu dang i sawi tawh teh ang u") a rawn ti a, Vuansanga chu tho nulhin, mikhual tlangval satliah, a tlangval hruai pawh venghim zo lo lo ngaihsan te chu a, innep e mai") tihpah chuan kal san mai a han tum a, Huala chuan, Thianpa i huaisen hle a niang maw?) ni e, mi huaisen tak zawng ka ni hauh lova, mahse Sapui che thei tawh lo that tur lek khawp a mi dawihzep chu ka ni hauh lo a nia") a han ti ve sak a, Vuansanga chu ngawi reng chuan a kal sawn zui ta daih a, Vuansanga a kal sawn hnu chuan Tlangval pakhat chuan, Huala engahmah ngai suh, kan upa fapa a ni a, tikhan a ti leh chiam zel a, hrethiam hram hram rawh") a han ti a, Huala chuan, hrethiam tuk e, hetiang te zawng khaw tinah hian an awm chawk a nia") a lo ti a, tichuan hlim takin an titi zui leh a, Leng hawn hun a nih meuh chuan Nu leh Pa lam chu an haw ta hlawm a, Huala te ho pawh In chhung lamah chuan an lut ve ta a, Bawihchhuaka tahtu te chu an Mit bui chuk danah chuan an tap nasa hle a ni tih chu Huala te chuan an hai mawlh lo.
#a tuk zing khua a var chuan Huala chu a pute In lam pan chuan a haw ta nghal a, a pute In a va thlen chuan a pi chu ei relin a lo buai hle mai a, Pu Sanglura erawh Lal In lamah a lo chuangkai hman tawh a, Huala lo lut pi Beremin a lo hmuh chuan, e kha i rawn haw der tawh a nimaw?) i va chau em?) a lo tinghal sawk sawk a, Huala chuan, chau lah love, a lo ti mai a, Huala vek chuan, khawnge ka pu hi?) a la tho lo em ni?) a han tih zawm a, Pi Beremi chuan, mu tawh love, thu rel tur pawimawh a awm e a ti a, Lal In lamah a kal ta a nih kha") a lo ti a, Huala chuan han tih mai tur a hriat loh avang chuan, khawnghe tukthuan ei a la hun lo bawk nen, tih tur a vang e mai, Kawt a Thing saw kan chek phel mai mai ange") tih leh Hrei lak chu a rual a, pawn lamah chuan a chhuak ta daih a, bang hrul a Fahthing lo intung lian deuh te chu a ek phel nghal zung zung a, Tukthuan ei hun velah chuan a Thing eh chu a zo dawn ta mai a, chutia a Pu Lal In kal rawn haw pawh hmu lova Thing a eh karh karh lai chuan pu Sanglura chuan, e kha Thing te i lo ek a nimaw?) eh sa a la tam nen, i lo ek duh a nih kha" Leikapui a chuankai pah chuan a han ti a, Huala chuan, a hei tih tur a awm lo em a ka lo ek vel mai mai a nih hi, lo va lut rawh hei ka ek zo a ni mai e") a lo ti a, engmah sawi tawh lo chuan pu Sanglura pawh chu a lut ve mai bawk a, rei vak lo hnuah chuan Huala chuan a ek zo ve mai bawk a, a eh khawl sa te chu Thingkhawnah chuan a han rem fel leh sawk sawk a, a zawh hnu chuan In chhung lamah chuan a lut ta nghal a, Hualan In a va luh chuan Pu Sanglura chuan, Huala Nizan lamah Vuansanga nen in intibuai deuh em ni?) Duhzova Thlan lai tur nen kan intawk a, thil awm dan min hrilh puat puat a") a lo ti a, chutah Huala chuan, a ka pu, chutiang engmah a thleng love") a lo tisam et a, Pu Sanglura bawk chuan, Huala thil thleng eng emaw zawng a awm a niang, chuti ni lo se zawng, Tlangval a pumpain dawt mi hrilh ngawt thu awm suh") a han ti leh a, Huala chuan a thianpa Duhzovan a pu zan lam thil thleng a lo hrilh mai chu pawi a ti em em a, han zep tlang dawn se, a Ghianpa Duhzova chu dawt sawi hmang a ni ringawt dawn bawk si, chutah Huala chuan Zan lam thil thleng zawng zawng chu a han sawi fai ta vek a, Huala bawk chuan, ka pu ka thiam loh vek a ni, i thu min chah pawh ka zawm loh avangin min ngaidam dawn nia") a han ti a, Pu Sanglura chuan, Huala, hreawm timah ta che, engmah thiam lohna i neih loh chu, amaherawhchu fimkhur hle ang che") a han ti a, pu Sanglura bawk chuan, Zelanu tukthuan te i peih tawh chuan i ei mai ang u hmiang") a han tih zawm a, tichuan Tukthuan chu an kil zui ta nghal a, Tukthuan te an ei kham chuan pu Sanglura chu Lal In kal tur chuan a insiam mawlh mawlh a, chutihlai chuan Huala chuan, ka pu Duhzova kha Thlan a lai dawn i ti em ni kha?) mak tih hmel tak hian a han ti a, pu Sanglura chuan, aw ni e, Vawiin lam Sa Lu ai tur a ni bawk nen, inphum vat kha Lalpa khan thain a hria a" a lo ti a, pu Sanglura bawk chuan, tunah tak phei chuan an zo tawh in a nia ka rin, Lal In lamah ka han chuangkai ange") tihpah chuan a chhuak zui ta nghal a.
* #Nileng chuan hmartlang khaw mipui te chu Sa lu aiin an hlim hle mai a, Tlai lam a lo nih chuan Sapu ina ruai chu kilin puar takin an mahni In lam chu an pan ta hlawm a, Huala leh Duhzova pawh Zawlbuk lam pan chuan an kal ve hnak hnak a, Zawlbuk an thlen chuan Val upa pathum vel hi an lo awm a, Duhzova te an lo hmuh chuan, ekhai Duha te thiandun chu lo lut rawh u hei Mei lum te hi lo ai rawh u") a lo ti sawk sawk a, Duhzova te pawh chu Mei lum bulah chuan an thu ve nghal a, chutah Val upa pakhat chuan, Huala enge kan khua chu a an a?) i vawikhat rawn kalna a niang maw?) tiin Huala chu a han zawt a, Huala chuan, khaw nuam tak zawng a nih hi maw, khaw mipui te lah infel em em mai bawk nen") a han ti a, chutah Val upa pakhat chuan, engtia rei nge i cham theih dawn a?) a han ti a, Huala chuan naktuk lamah ka haw ang chu ka ti deuh a") a lo ti a, Val upa ho chuan Huala chu la cham ve rih tur chuan an han ti laih laih a, hetihlai hian Khua rawn thim tan tawhin Tlangval dang ho pawh Zawlbukah chuan an rawn chuangkai tan tawh a, Lenglen hun vel a nih chuan Val upa pakhat chuan, khaile, Nula In lamah i chuangkai tawh ang ule, amaherawhchu, tumah leng rei uchuak a tan loh tur") a han ti a, tichuan lengi Run kai tur chuan Tlangval ho chu an chhuak ta diak a, Huala leh Duhzova pawh lenna tur ber hre lo chuan an chhuak ve rawih mai a, tuber nge kan rimpui ang che aw") ti a Duhzova a inngaihtuahlai chuan Huala chuan, u Duh nula rim pawh ka chak hran lo-ve, i peih te a nih chuan Vengchhak lam ah ka nute Sangkimi te an awm a, ka la tlawh lo bawk nen, mi han lenpui zawk teh a") a han ti a, Duhzova chuan, u Thachhunga te a niang maw i sawi chu") a han ti a, Huala chuan, chupawh engmah ka hre lo, ka nutei tih loh chu") a han ti a, chutah Duhzova chuan, u Thachhunga nupui chu U Sangkimi a lawm, tirawh i han kal pauh ang hmiang") a ti a, tichuan Vengchhak lam pan chuan an inzui chho leh hnak hnak a.
#Thachhunga te In bul an han thlen chuan Duhzova chuan, u Chhung inawm em?) Leikapui atang chuan a han ti a, In chhung lam atang chuan Hmeichhe aw hian, awm e, lo lut rawh u") a rawn ti a, Duhzova ten In chhung an luh chuan Sangkimi chuan, Duha te lah ni rengin, lo leng rawh u") tihpah chuan thuthmun te a lo kawh hmuh nghal sawk sawk a, chutah Thachhunga chuan, Duha eng thil nge ni ta?) kan In lam lamah te inrawn len a?) Nula kan nei pawh a ni si lova") nui pah chuan a han ti a, Duhzova chuan, ni e hei, Zanin chu rawn len a tul tlat, Nula aia pawimawh a awm a ni mahna") a lo ti a, chutah Sangkimi chuan, chuti a nih chuan enge inrawn len chhan chu han sawi la mawle, hei mikhual Tlangval te i rawn hruai leh nghal si a") a lo ti ve a, Huala erawhchu a ngawi reng thung a, chutah Duhzova chuan, u Sangkimi hi a, i hmanhmawh thawt thawt e mai, han thu hahdam ve phawt i la mawle") a lo ti a, tichuan thu dang dang te sawiin an nui tlang leh dar dar thin a, chutia thu eng eng emaw sawi a an titi laih laih lai chuan Duhzova chuan, tak a, kan rawn len chhan chu kan sawi tawh ange") a han ti a, Sangkimi chuan i sawi har tawh ka ti reng a ni, han sawi thuai teh") a lo tivat a, chutah Duhzova chuan, u Sangkim hei ka thianpa rawn hruai mikhual Tlangval a maw i tih hi i u Kungpuii fapa Huala a nih hi") a han ti a, chuthu an han hriat chuan Sangkimi te nupa chu tawng chhuah nachang pawh hrelo chuan an kahau mai a, chutah Duhzova bawk chuan, inthu hriat chu mak inva ti awm ve, Huala pawh intihrilhhai mai dawn a lawm" a han ti leh a, chutah Sangkimi chuan, Buala kan lo hriat loh che avangin min ngaidam dawn nia, ka u fapa i nih reng ka ring phak lo a ni, ka u chu a dam tha a maw?) a rawn tichhuak ta hram a, Huala chuan, ka nute vawikhat inhmuhna a inhriat nghal thu awm hek lo le, min lo hrelo pawh kha a awm viau e") a lo ti a, Huala bawk chuan, ka nu chu a dam that lai tak a ni e, a bikin a ngai thei khawp mai che" a han tih zawm a, Sangkimi chuan, ka u Kungi tak chu aw, min la rawn hrereng chu a ni si a, ka va han ngai tak em") a han ti a, Thachhunga chuan, Huala eng thleng nge i cham theih dawn a?) tiin a rawn zawt a, Huala chuan, Vahsan lak te a hun chho leh tawh mai dawn si a, naktuk lamah hian ka haw mai tawh ang chu ka tia") a han tih chuan Sangkimi chuan, chu te chu i pan a lo vat mai ang chu") a lo tivat a, Huala chuan, ka nute, Naupang mai ka nih laiin ka pa chuan min boral san tawh alawm") a han ti a, Thachhunga chuan, Huala a pawi ka tih pui hle mai che, mahse engmah han siamthat theih a ni tawh si lova, pachang takin i tuar hram hram mai a niang chu") a han ti a, Sangkimi chuan, Huala chutia belh tur laina pawh an awm lohna a awm reng ai chuan kan khuaah hian lo pem daih mai u la, i pa a awm tawh bawk si loh chuan") a lo ti a, Huala chuan a nutei chu hrethiam tak hian, ni e, kan lo la pem lovang tih pawh a sawi theih loh") a lo ti a, zan rei tak thleng an len hnu chuan Huala te chu an haw ta a, kalkawng a an kal lai chuan Duhzova chuan naktuk inkhaw lam pan i tum bawk si a Zawlbuk chu rawn kai ve duh lo mai rawh") a tih chuan Huala pawh chuan a lo hnial bik lova, thui vak lo an kal leh hnu chuan pengah chuan an inthen ta a..
chhunzawm zel tur.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 19th, 2019, 4:08 pm

DORAL HRANG MAHSE.
Zawntea Chhangte the Red Devils.
Bung )30(








Huala chu a pute In lam pan chuan a kal ta nghal a, a Pute In a zu thlen chuan a Pute chu an lo la meng a, Hualan In chhung a rawn lut pu Sangluran a lo hmuh chuan, e kha Huala i lo haw tawh a nimaw? khawilamah nge i han len a?) a lo tivar a, Huala chuan thuthmun rem pah chuan, naktuk lamah hawn ka tum tawh si a ka Nutei te ka han tlawh alawm mawle, u Duhzovan min kalpui a") a lo ti a, pi Beremi chuan, chutia lo han tlawh nachang te i hria chu a tih zia hle a nih chu") a han ti a, chutah pu Sanglura chuan, naktuk chu la chawl hahdam ve phawt la mawle") a han ti a, Huala chuan, nia, la cham rih chu ka duh khawp mai, mahse ka nu ka ngaihtuah tawh deuh a ni, Zawlnghak khua kan kal khan let veleh tur khan min lo beisei awm si a, keilah hei ka rawn tlang ta daih bawk si a, min lo ngaihtuah tawh lutuk ang") a han ti achutah pi Beremi chuan, i sawi chu a dik khawp mai, nu tan hi chuan fate ngaihtuah hi a na em mai a, han chelh khawmuan viau che pawh thil dik ber chu a ni lo alawm") a han ti a, pu Sanglura pawh chuan, ni e, Zelanu sawi ang khan khual khua a zin i ni a, i nu chuan a ngaihtuah hle ang che, intlawh zen zen te hi a harsa si a, la cham rih ve deuh la ka ti mawle, chutia i nu i ngaihtuah viau tawh a nih chuan naktuk tukthuan ei khamah i chhuak dawn nia") a han ti a, chutah pi Beremi chuan, i pu Sangzelan inkhua thleng rawn zui che sela a that nen, a inhliam leh ta si a") a han ti a, Huala chuan a pawi ngawt tak mai ka pu Zela inhliam chu, mahse na lutuk pawh a ni lem lo bawk a, a zia chho ve zel mai ang") a lo ti a, chutia an titi mawlh mawlh lai chuan pu Sanglura chuan, kan titi ta luam a Zan pawh a rei ta e, Zelanu Huala mutna kha han phah sak la i mu tawh ang u khai") a han ti a, pi Beremi chuan Huala mutna tur chu a han phah sak ta nghal a, tichuan mut zai an rel ta a.
#a tuk tukthuan ei khamah chuan Huala chu haw tur chuan a insiam mawlh mawlh a, chutihlai chuan a pi Beremi chuan, Huala i nu chu min lo biak la, ka ngai hle a ni tih min han hrilh sak mawlh mawlh ang che aw") a han ti a, Huala chuan, ka lo hrilh ngei dawn nia, a ni pawn a ngai thin lutuk che u a nia") a lo ti a, chutah a pu Sanglura chuan, ni e hei Huala min hawn san leh mai i tum si a, i cham rei lo viau na a, kan khaw tan thil ropui tak min rawn tih sak a, a bik takin, kei i pu hi min chawimawi hle a ni") a han ti a, pu Sanglura vek chuan, i nu pawn kan rawn tlawh ngailo che u hi mak a tiin a lo vui viau pawh a ni thei a, thil awmzia te hrilhin ngaihdam te min lo dil sak mawlh mawlh dawn nia") a han ti a, Huala chuan, ka pu hreawm ti reng reng suh u, lam te a hla em mai a, inzin pawh zung zung hi a har em alawm, ka nu pawn a hrethiam lutuk ang che u") a han ti a, a insiam zawh hnu chuan favang awllen lam a zin leh ngei tum a inthlahin Huala chuan Kawtchhuah lam a pan ta a.
#Kawtchhuah a han thlen chuan Duhzova chu a Vaibel zuin Kawtchhuah Lungdawhah chuan a lo thu a, Hualan a bul a rawn thlen chuan Duhzova chuan, kha i rawn thleng ta maw?) a lo ti a, Duhzova bawk chuan, Huala, kan inkawm nel dawn chauh a min hawn san i tum leh mai chu a nia, eng rilru nge maw i put le?) a han tih zawm a, Huala chuan, u Duh, la cham chu ka duh lutuk alawm, mahse ka sawi tawh thin ang khan ka nu Kut leh Ke ber ka ni a, ka cham rei lutuk chuan ka nu ngaih a lo tha lo mai ang tih ka hlau deuh alawm mawle") a lo ti a, Duhzova chuan Huala chu puitling a tirilru hle mai a, a nu innghahna a nih zia te chu a hrechiang hle a ni tih a hriat phei chuan a ngaisang rilru hle a ni.
chutia Duhzova a ngawih vung vung lai chuan Huala chuan, a engati a i han ngawih tak vung vung ni?) a dam han hauh phawt i la ka lo la zin leh fo dawn alawm") a han ti leh a, Duhzova chuan, ni e Favang awllen lamah te i rawn zin leh ang chu, tluang takin i kal dawn nia") a rawn ti a, Huala pawh chuan, nangpawh lo dam zella, ka lo zin leh ngei ang") a han ti a, inngaih avang a inchelh reng theih ni hek lo le, tichuan inngai tak chuan an inthen ta a.
#Hmartlang khua a chhuahsan atang a Lungdup khua a Zankhat a riah leh hnu a tuk tlai lam, Ni pawh Suk chen awrh chauh a ni tawh tihah chuan Huala chu, Chhippui khaw Kawtchhuahah chuan a ding vang tawh a, a Vaibel te zu a rei vak lo a thut chawlh hnu chuan Khawchhung lam pan chuan a kal leh ta a, thui pawh a la kal hman lo tihah chuan, nangkha tunge i nih?!!! Tahkhan ding la i ralthuam kha dah thla nghal rawh, a nih loh chuan kan kap ang che, Kawng chhak lam atang chuan an rawn ti a, a beisei loh lutuk thil a nih avang chu a ding chawt a, a mak ti chuan tih mai tur pawh a hrelo a ni.
chutia tih mai tur pawh hrelo a a awm lai chuan, i ralthuam kha dah thla rawh ka tih chu, chhaklam atang bawk chuan an rawn ti leh a, Huala pawh chu inthing harh tawhin, ral ka ni love, inkhaw thenawm Damdiai khua ka ni e") a han ti a, chutah chhaklam atang vek chuan, tupawh nila i ral thuam kha dah thla rawh, kan va sawi ngun ta em" tihpah chuan Silai lekkawh va chungin Tlangval pakhat hi ama lam pan chuan a rawn chhuk a, Huala tan pawh an thu zawm mai loh chu tih theih dang awm hek lo le, a Silai chu a han dah thla a, amah rawn pan mektu Tlangval chuan a thiante pahnih chu a han ko leh tete a, Huala bul an rawn thlen chuan, Tlangval pathum zing a a upa ber ni a lang chuan, phuar nghal u la, a iptepui te kha dap nghal rawh u") a han ti a, Huala chuan, pute u, ral a hnai em ni?) enge thil awmzia?) a han ti a, Tlangval pakhat chuan amah phuar mawlh mawlh pah chuan, chuzawng kan Lal i la zawt dawn nia" a lo tisam et a, an tih tur ang ang te an zawh hnu chuan Huala chu Lal In lam an panpui ta a, Lal In an han thlen chuan Huala lo lambuntu zing a a upa ber chuan, Lalpa rinhlelh thilah kan khaw tawn luh tum tlangval pakhat kan rawn man a, kawtah sawn Tlangval pahnihin an awmpui a, Silai a put avangin i hnenah kan rawn hruai a ni") a han ti a, Lal Dokulha chuan, chutiang a nih chuan rawn hruai lut ta che u") a lo ti a, Tlangval chu a chhuak ta nghal a, a Khaw Tlangval pathum ten Huala an rawn hruai lut Lal Dokulhan a lo hmuh chuan, Huala ni rengin, Tlangval te u, ka fanu Ral lak a lo chhanhimtu Damdiai Tlangval Huala a nih hi"( a lo ti ta mai a, chutah Lal bawk chuan inphuarna te kha han phelh tawh u, hlauhawm a awm love") a han tih zawm a, chutia hlauhawm a awm tak lovah chuan Chhippui Tlangval te chuan Huala chu a Silai te pe kirin an kal san ta nghal a, a khaw Tlangval te an kal hnu chuan Lal Dokulha chuan, Huala min ngaidam dawn nia, ka Tlangval te khan an hriat loh vang che a ni") a han ti a, chutah Huala chuan, Lalpa enge thil awmzia?) ral an hnai em ni?) a lo ti a, chutah Lal Dokulha chuan, hnai hran love, khatia ka Tlangval ten Vanzau khua an han bei kha hnehna an rawn chang hlauh mai a, Vanzau Lal khian vua leh vang a ngah bawk nen, a thinrim hian a Vua leh vang te chu chah khawmin min rawn erlet leh kan hlau deuh a, fimkhur thuhlaah ral veng kan han indah a lawm mawle") a han ti a, Huala chuan, chutia hnehna inchang thei chu a lawmawm hle a nih chu a, mahse tun thut thutah chuan an rawn che leh mai dawn em ni?) tiin Lalpa chu a han zawt let a, Lalpa chuan, tun thut thutah chuan an rawn chet mai chu kan ring lutuk bik lova, amaherawhchu fimkhur tluk a awm lo a ni") a lo ti a, chutia a Pa leh Huala lo inkawm Remsangi rawn lutin a rawn hmuh chuan Huala chu Remsangi chuan a rawn nuih seih a, Lal Dokulha chuan, Remi Huala hi Chaw han siamsak nghal tawh hei a rawn thleng deuh chiah a a ril te pawh a tam tawh ange") a lo tinghal thuai a, Remsangi pawh chuan Huala Chaw ei tur chu a siam ta nghal a, Huala pawh chuan a kil ta nghal a, a Chaw ei kham Kam te a thuah fai mawlh mawlh lai chuan Upa ho chu Lal Inah chuan an rawn chuangkai tak tak hlawm a, Hualan a Kam te a thuah zawh hnu chuan Remsangi chuan Huala chaw eina tih fel mawlh mawlh pah chuan, i ei puar thei bawk em?) a han ti a, Huala chuan, puar tuk e") a lo ti a, Huala chuan Remsangi hmel chu hlim lo deuh riau hian a hria a, mahse engmah erawh a zawt lo thung, Lal Dokulhan Huala Chaw ei kham a lo hmuh chuan, e kha i ei puar bawk maw?) a han ti a, Huala chuan Lalpa ka puar khawp mai") a lo ti a, upa ho pawh chuan Huala chu an lo be luam hlawm a, Huala pawn tha takin a chhang ve zel a, Huala chuan upa ho bakah Pitar leh Putar lo thu ve te chu a hmu a, mak a tirilru hle a ni.
chutah Lal Dokulha chuan, Huala, Remsangi nen khan Sumhmun lamah lova inkawm tawh u, thu pawimawh rel ho tur kan nei si a") a han ti a, Huala pawh chuan hrethiam takin pawn lam chu a pan ta nghal a, Leikapuiah chuan dingin Huala chu Chhippui Khua chu a han thlir kual a, Thla a en lem loh avangin thui phei chu a hmu thei lem hlei lova, chutia hmuamda zet zawt a din hnu chuan a hnunglam atang chuan lungleng awm ve") Remsangi chuan a rawn ti a, Huala chu a hnunglamah chuan hawi nghalin, Remsangin a lo nuih sen sen a va hmuh chuan, Remi ni reng chein, lo thu ve rawh") a han ti a, Remsangi chu Huala bulah chuan a va thu ve mai bawk a, chutah Remsangi chuan, i va zinna lamah Nula hmeltha tak tak i va chhar awm si a i cham rei leh si lo bawk nen, i lungleng viau lo maw?) a han ti a, Huala chuan khawilam Nula mah va chhar teh suh a, keini te zawng tunge maw min han be tha ve duh tehlul ang ni?) a lo ti a, Huala bawk chuan, hmelthat thuah zawng, i hmel han elpha reng ka hmu lo") nui var var pah chuan an ti a, Remsangi chuan, i huaisen tluk zetin tawngkam pawh i thiam hi maw") a lo ti sam et a, chutah Remsangi vek chuan, Huala bul a tawlh hnaih sat sat pah chuan, naktuk chu la cham rih la") a han tisap a, Huala chuan, a chakawm viau mai, mahse ka nu amah chauhin ka rawn kalsan si a, min lo ngaihtuah tawh lutuk ang") a lo ti a, Remsangi chuan hun tha dang a neieh leh mai dawn tawh lo hriain a rilru zawng zawng chu Huala hrilh chu a tum ta a, chutah Remsangi chuan, Huala thil sawi pui duh che ka nei a ni") a han ti a, Huala chuan, eng thu nge ni a?) a lo tivat a, chutah Remsangi chuan, Huala, Hmeichhe tih a mawi lo tak a ni tih ka hria a, mahse khawngaihin min lo ngaihthlak sak hram rawh aw, Huala Hmeithai fapa ka hmuhsit vang lam ni lovin, he ka Thinlung hi Hmeithai fapa em chuan an luahkhah ka ring lo a sin, mahse Huala pawi ka tihran lo") a han ti a, Remsangi bawk chuan, Huala, Hmeichhe buan chak lo leh sihhnip angah pawh min ngai mahla, ka HMANGAIH CHE A SIN") zah luat cang a kun deuh chal chung chuan a han ti a, Huala chu a han ngawi deuh vang vang a, Remsangi bawk chuan, Huala pawmlai dang lo nei tawh i nih chuan tlang takin min hrilh la, Zanin ang a hun tha hi ka lo nghak reng tawh a sin") a rawn ti leh a, Huala chuan, Remi thil hi ngun deuhin ngaihtuah la ka duh a ni") kan rilru a rawn lang kan bawh buan buan hi a tha ber lo a nia") a lo ti a, Remsangi chuan Huala chu chiang zet a enin, Huala nang hmangaih hi thil tha lo ni a i ngai a nih chuan, tumah hmangaih a thil tha tih ngaiin ka hre love") a lo ti a, Huala chuan, Remi thil hi i hrethiam lo a ni, i hriat angin Hmeithai fa ve mai ka ni a, nang Lal fanu, kan inkar hi a zau lutuk a ni") a han ti a, Remsangi chuan, Huala, i sawi chu a dik mhawp mai, keipawhin ka ngaihtuah loh bik i ring em ni?)
mahse hei hi hria la ka duh a ni, i michhiatna leh Hmeithai fa i nihna hi chu ka hmuh kan thei a, chumi piah a nangmah hi lawm ka duh a ka hmangaih chu") Huala nek salh salh pah chuan a han tisep sep a, Huala chuan, Remi, keipawh hian ka hmangaih lo che a ni hleinem, mahse kan dinhmun a inthlauh em avang hian ka thup mai a ni") a lo ti a, Huala bawk chuan, i pa Rilru tur te han dawnpui vela, a fanu chhuan em emin Hmeithai fa a han hmangaih tlat tih a hriat hun chuan, zah luat vangin khaweng pawh a hawi ngam nang, bakah kei ngei pawh hi min that nghal duh mai ang") a han tileh a, Huala chuan Remsangi hi hmangaih ve tho mahse, an inkar hlat zia a hriat chian em avangin a la dang hram hram zel a, mahse Remsangi chu beidawn mai a la tum hauh lo, chutah Remsangi chuan, Huala, hmangaih te hmangaih tur hian nu leh pa remtihna lak a ngai em ni?) a lo ti a, Huala chuan chhan dan tur reng a hrelo, Remsangi bawk chuan, Huala, in pawh hi Dotu a tam pauh leh a nghet zawk thin a ni tiraw?) a han ti leh a, Huala chuan, Remi, kan dinhmun leh nihna ang ang a min hmangaihtu te hi a lawm hlu, keipawn ka hmangaih che a lawm") zawi sap hian a han ti a, Remsangi lawm lutuk chu Huala Awmah chuan zah reng hrechang tawh lovin a bei nghal hnawp a, Huala bawk chuan, Remsangi Biang a lawm avang a Mittui luang ngiai ngiai hui kiansak pah chuan, mahse Remi kan inkar a hmangaihna hi a kawng a bumbauh hle dawn a ni tih chu i hriat ve tho a ni a, chubangin chhel tak a kan tuar dun a ngai dawn a ni") a han ti a, Remsangi chuan Huala Kut hmer salh salh pah chuan, Huala, i tan a nih phawt chuan ka tuar zel ang, ka nunna thleng pawh hian tuar dawn mahse") a lo ti a, Remsangi bawk chuan, mahse Huala khuahmun a leng kan ni si lova, ngaih ngam tak a awm a va har dawn ve") beisei nei tih hriat tak a Huala melh pah chuan a han ti a, Huala chuan Remsangi kuah sauh sauh pah chuan, Remi, chung avang chuan i lung lo tiphang lo la, i tan ka rinawm reng a ni tih lo hria la, ngaihtha takin i lo awm dawn nia") a han ti a, Remsangi chuan Huala chu a rawn nuih sen sen a, chutah zawi sap hian, tluang takin i va haw ang a, lo zin leh thuai rawh aw") a han ti a, Huala chuan rinawm takin lo awm la, ka lo zin leh thuai ang") a han ti a, Remsangi chuan, ka hmangaihna ka hlan tawh che a, DORAL HRANG MAHSE, i tan ka lo rinawm reng ang") a lo tisap a.
mipahnih inkar a parvul hlim nau tak chu thanglian zel thei tak ang mawle?
Hlim tak a an gmabak te sawi dun sap sap chung chuan an titi dun siam siam a, chutihlai chuan leng hawn Ar chu a lo khuang chuah chuah a, In chhung lam atang chuan upa ho pawh chu an lo chhuak ve sap sap a, upa ho an tin fel hnu chuan Huala te pawh chu In chhung lamah chuan an lut ve ta nghal a, Lal Dokulha chuan Huala chu a lo be deuh luam a, Lal Dokulhan Khumpui lam a kai san hnu chuan Remsangi chuan Huala mutna tur te chu a phah sak ta nghal a, tichuan mut zai an rel ta a.
chhunzawm zel tur.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)