DORAL HRANG MAHSE BY *Zawntea Chhangte the Red Devils* (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: DORAL HRANG MAHSE BY *Zawntea Chhangte the Red Devils* 1 - 12

Unread post by Ngaia » March 2nd, 2019, 7:58 pm

DORAL HRANG MAHSE.
*Zawntea Chhangte the Red Devils*. Episode (13).
Huala ten Zawlbuk an thlen chuan, Tlangval dang ho pawh chu an lo haw ve mek hlawm a, Val upa ho pawh chu Pa ho Zawlbuk a rawn chuangkai ve te nen chuan an la titi tui nasa mai bawk a, Hualate pawh chuan chau an intih deuh avangin mut hma an tum ta a, a mut hmunah chuan Huala chuan eng eng emaw a ngaihtuah a, Silai a nei ve ta mai te chu a lawm em em a, an Pasaltha Kapzela chungahte chuan a lawm rilru hle a, a ram chhuah theih hun turte chu a ngaihtuah niap niap pah bawk a, chutia eng eng emaw a ngaihtuah lai chuan mut chhuak chuan a rawn zem chiai chiai a, a muhil zui ta mai a, khua a lo var chuan Huala chu hma takah a thova, a mutbu te chu tel fel zung zungin, a thiante tih harh hlau tak chuan an In lam chu a pan ta nghal a, Hualan an In a zu thlen chuan a Nu Kungpui pawh chu a lo tho tawh a, Huala chuan ka nu i va tho hma be a, a han ti a, Kungpuii chuan, Kum lam a tam tawh hi chuan mut rei a har khawp a nia, Rap a Thing hak mawlh mawlh pah chuan a lo ti a, Kungpuii vek chuan, nangpawh i rawn tho hma hle mai i chau awm hle si a a han tih zawm zat a, Huala chuan, chau teh suh e Tlangval a lawm kan nih a lo ti a, Tuium chu lain, Tuikhur lam chu a pan ta nghal a, Tuikhur a thlen chuan tumah tuichawi an lo awm lova, Huala chuan, a va tih zia em, tih pah chuan a tuium chu a thal khat zung zung a, an In lam chu a pan leh ta a, a haw lamah chuan Nula tui chawi ve tur ho chu a tawk tawh hlawm a, biak pawh be lem lo chuan a kal pel zung zung mai a, an In a han thlen chuan, Huala nu chuan Kawtlaiah Ar chaw a lo pe mek a, Huala chuan, ka nu Vawiin chu Lo lam ka zu kal dawn mawni, Zuva pawh an nghal ngawtin ka ring, Buh a ngaihtuahawm e mai ka ti a han ti a, Kungpuii chuan, ni e, kan ralmuan loh atalangah Lo lam kal reng a khat mai, i inhuam chuan zu kal la a tha ang chu a lo ti a, Huala chuan, chuti chu Chawthing mi han fun la kan insiam ang e a ti a, a insiam ta nghal mawlh mawlh a, a inpeih hnu chuan a nun a fun sak chaw pawh chu a Iptepuiah chuan a khung a, a Silai nen chuan a inpu chhuak ta a, luhkapui atang chuan, Satuihang hawp lo inbeisei rawh aw ka nu, nui pah hian a han ti a, a nu pawh chuan ka lo inbeisei tak tak dawn a nia, zu fimkhur hle ang che a lo ti a an inthlah ta a, Huala chuan kawtchhuahlam chu pan zelin, amah lo hmutu te chuan hlawhtling ngei turin an lo chah sap sap hlawm a, Kawtchhuah a thlen chuan Huala chu a han ding khawmuang leh rih a, a Vaibelte tankaiin Lo lam pan chuan a kal leh ta nghal a, an Lo a zu thlen chuan tukthuan ei hun vel a ni tawh a, a Wilai chu tung felin, Napthlakah chuan Thlifim dawngin a han thu thlan dai a, an buh cham del mai te chu a thlir kual pah a, a rilru chuan, kumin zet chu buh pawh kan ngah dawn lo a nih hi maw, amaherawhchu, ka nu nen chauh kan ni a, kan hawp khawp zawng kan thar em ang chu a ti a, a thut thlan daih deuh hnu chuan, chawhmeh la turin Thlam chu a chhuah san a, Maian leh Berul te chu a lak ngah hnu chuan, Thlam bul mai a Anthur chu a la leh bawk a, a duh tawk a ngah hnu chuan Thlam chhugah chuan lutin, a chawhmeh lak chu a han siam zung zung a, mei te nunin a chhuangkai a, Namthlak lamah chuan a thut san leh ta a, Buh Savain duh thawh tak a an tlan te chu a thlir reng a, Tlai tak khan lo intlanpuar rawh u, ka rawn umdarh tep tawh che u a nia, tiin a han phunsap a, Thuk lamah chuan a luh san leh ta a, a thil chhuan pawh chu a lo hmin tawh a, a chawfun te chu thet nghal zung zungin a bar nghal mawp mawp mai a, puar tak a tukthuante a ei fel hnu chuan Namthlakah bawk chuan thu lehin, a Vaibel te chu a han zu leh rih a, Midang rawn feh ve thawm te pawh chu a hre ta a, Huala chuan, midang ho pawh an rawn thleng tawh a nimaw? tiin a tho ta vat a, a Sairawkherh Thlam a a dah sa chu la in, a Saihlum pawh chu a ipteah chuan a khung nghal bawk a, Thlam chu a chhuahsan ta nghal a, Vau kiangah chuan Vaki an hram chiah chiah a, Vasuih leh Pite rual ho pawh Mihring an awm lo tih takah an lo nghal nasa mai bawk a, Huala chu Buh karah chuan vei kual nghal zung zungin, Sava lo bawrna lai deuhte chu a han thawng leh pawp zel a, Sava te chuan hlauvin an thlawk darh hak thin a, mahse an ril a tam ngang a niang e, kar lovah chuan an rawn pungkhawm a, Buh chu an rawn tlan leh thin a, Huala pawh chuan a lo umdarh ve zel bawk a, hla deuh hlek a mi te chu a Sairawkherh chuan a han perh darh leh chum chum bawk a, chutia Buh veng reng reng a a buai takah chuan Ni pawh chu a lo chawhnu ruih tawh mai a, Huala chuan, Tlai lamah Vau lamah chuan ka lut mai teh ang a ti rilru a, chutia a rilru a lo kawm melh melh lai chuan, Huala... Huala... Rawn ti ri a hre thut mai a, amah rawn kotu lam a han hawi chuan, an ri mai a mi, Siamthangi an Tlangaupa fanu a lo ni tih a hre nghal a, Hualan a chhan hma chuan, i va chau tawh awm ve lo hahchawl ta che, Siamthangi bawk chuan a rawn tih zawm zat a, Huala chuan, ka chau hran love ka la tul rih e mai a, ka lawm e a han ti a, Siamthangi chuan, i chhawlte pawh a hal lawmni? rawn chho mai rawh a han ti leh hram a, Huala pawh chuan, ni e, ka rawn chawl dawn nia a ti ta ringawt a, rei vak lo Sava a han vum darh leh hnu chuan a tum em em pawh ni lova a Sava perh thlak ho chu a han chhar khawm a, Sawm lai a lo tling nghe nghe a, perh thlak tum a veh pawh ka ni chuang lo bawk a, ka perh thlak tam khawp hi maw Iptepui a khung mawlh mawlh pah chuan a tisap a, um rem theih tak tak pawh an ni dawn a a hriat chuang loh avang chuan, Siamthangi te Thlam lam chu a pan ta nghal a.
Siamthangi te Thlam a han thlen chuan, Siamthangi leh, an upa fanu Dengchhumi chu an lo awm a, Siamthangin Huala chu lo be nghal chulin, i va rei si ve, thahnem hi i ngai leh lutuk a lo tibawrh bawrh a, Huala chuan, thahnem ngaih a tul a nih hi tiin a lo chhang mai a, Huala vek chuan, nangni chu inBuh pawh a tha mai inthar hnem dawn khawp hi maw a han tih zawm zat a, Siamthangi chu Huala thusawi pawh ngaihtuah lo chuan a tho vut a, Tui thawl chu la in, Huala kha Tuisik hi han In tawh ka lo bengvar lo lutuk a ni tih pah chuan Huala chu a pe a, Tuithawl chu lo lak pahin, inhmel hmuh ringawt pawh hahdamna a tling a lawm mawle, nui pahin Huala chuan a lo ti a, a In ta khalh khalh a, Dengchhumi chuan, Thian Siami hi chu Tlangval hmeltha deuh a hmuh hi chuan a buai zo vek zel a nia, Huala i lo dem lutuk a nge a han ti a, an vai chuan an nui hak hak hlawm a, rei vak lo an inkawm ho leh hnu chuan, ka kiansan leh phawt ang che u, ka lawm lutuk e, tih pah chuan a ding nghal hluai a, a Iptepui chu zen rawk rawkin, Siami hei ka themtlaw luatah tam pawh ka perhthla lo lo insem rawh u tih pah chuan a Saba ah chu Thlam chhuatah chuan a thehthla phak phak hlawm a, Siamthangi chuan lo chhar khawm thuaiin, Huala a ba tui dawn em, induh zawk lo a mi a lo ti a, Huala chuan, keichu ka beh leh dawn a lawm, a tam loh bakah a lian lo hlawm nasa mai si a kha, nidangah chuan hmeh tham deuh lawih kan inpe thei tawh ang chu a ti a, a chhuak ta nghal a, Siamthangi chuan Thlam luhka atang chuan kan lawm lutuk e aw, Zan lamah rawn leng rawh aw tiin a han be zui a, Huala chuan chhang tawh lem lovin an zau lam chu a pan mawp mawp a, an lo Hualan a zu thlen leh chuan a hma ang bawkin Sava ho chu an lo pung tam leh tawh a, Huala chu Buh karah chuan fimkhur tak a lut lehin, Sava ho chu a hnawt darh leh zung zung a, rei fe chu tia Buh veng reng reng a Lo a fan kual takah chuan ni pawh khawthlang lamah a lo inher bawih tawh a, an mahni rawn tibuaitu an awm reng bawk nen, Sava ho pawh chu an rem ta deuhva, Huala chuan Riah luh mai a ngai a nih hi, chuti lo zawng, Buh seng tur kan nei lo mai ang Zuva an nghal si a, tirilru pah chuan Thlam lam chu a pan hnak hnak a, Thlam a thlen chuan thu hahchawl zawkin, a kal tumna Vau lam chu a thlir vauh vauhva.
a thut hahdam deuh hnu chuan a Silai chu lain, Vau lamah chuan a inpu liam ta a, Vau a luh chuan Ni pawh a tla dawn suar tawh a, ngaw chhung phei chu a vawt lek lek tawh a, chutia Sahnu chhui a a vah rak rak lai chuan, Sakhi Huk dum dum thawm chu a hre ta thut mai a, a hnu chhui lai pawh chu chawlh sanin, a thil hriat chu khawilam atangin nge tih hriat tum chuan Beng a han chhi a, a chhak lam atangin a ni tih a hriat hnu chuan, thawm dim takin, Sakhi kah ngei tum chuan chhak lam mual chu a pan chho ta nghal a, Sakhi pawh chuan amah rawn veh tu an awm tih hre lo chuan a la Huk dum dum reng bawk a, Huala chuan veh hnai zelin, Sakhi pawh chu a hnaih tawh kher mai a, a Sakhi chu chiang tak a a la hmuh theih mai loh avangin a han hnaih leh deuh hret a, Sakhi chuan Hnim hnah lo petin, a lo thlamuang hle a ni tih chu Huala chuan a hmu a, amah a rawn hmu lo a ni tih a hriat chuan, a Silai cheng chu a han kauva, Sakhi hnim pet leh tur kun lai chu a Chaldarah tak chuan a Silai Mu chuan a verh ta pawp mai a, Sakhi pawh chu zuang zawkin, a thlang hnim hnawk karah chuan a tlu hlawm ta reng mai a, Huala chuan pan hnai nghal thuaiin, a han bel chiang vat vat a, Sakhi chu a chal tawh hle a ni tih chu a hre nghal mai a, a thim dawn tawh thova a inhriat avangin, a Vaibel te chu a han zu leh te te a, rei vak lo a chawlh leh hnu chuan, Sakhi Ke hnunglam leh hmalam chu a Iptepui hruiah chuan thlung ve vein, a Iptepui chuan a phur haw ta a, ama pual a a Sa kah vawikhatna a nih avangin Kawng a a kal lai te chuan a hlim hle mai a, Khaw thlenhlan a nghakhlel tawh hle a ni.
Chutia a Sa kah chungchang ringawt ngaihtuah a a kal takah chuan a lo kal thui tawh hle mai a, an khaw chawlhhmun a lo thleng tawh reng mai a, Meichher pawh chhi lova kal chu har a tih deuh avangin, Meichher tur te chu lain a han hahchawl a, a nu hlim dan tur te chu a ngaihtuah pah niap niap bawk a, rei vak lo a thut muan leh hnu chuan Meichher chu chhi kaiin, Khaw lam pan chuan a kal leh ta a, Leng hawn hun velah chuan an khaw kawtchhuah chu a thleng ta a, an In thlen hlan a nghahhlelh tawh em avangin, Kawtchhuahah pawh chuan chawl khawmuang tawh lo chuan an In chu a panding nghal a, an In a zu thlen chuan a rin loh deuh maiin Pasaltha Kapzela leh a nu chu an lo titi bawrh bawrh mai a, Huala rawn lut Kapzelan a lo hmuh chuan, e kha kan Pasaltha Ram chhuak chu i rawn thleng thei maw? a lo tivar a, Huala chuan, u Kap Pasaltha te zawng ni love, min an hriat tam vaih zawngin min nuih zat lutuk ang, a han ti a, Huala vek chuan, ni e mawle, Sava an lo nghal em a, ka tum aiin ka rawn tlai a lawm mawle, a han tih zawm zat a, a nuin Tuisik a rawn pek chu a innghal khawlh khawlh bawk a, Huala Nu chuan, zing a i thu sawi kha ka la hre reng a nia, nui pah hian a lo ti a, ka themtlaw luatah eng Sa lian mah ka kap love a lo ti a, Kapzela pawh a insum zo tawh lo, Huala Luhkapuia i innghat thawm reng a ring mai, khawnghe kan en teh reng ang, tih leh Luhkapui lam pan chu a rual a, Huala Sakhi kah a hmuh chuan, i Sakhi kah chu a chal kher mai a han ti lauh lauhva, Kungpuii pawh chu Luhkapuiah chuan rawn chhuak vatin, Huala Sakhi kah a rawn hmuh chuan, U Thangzau Fapa Sa kap thei i nei tawh a sin, tiin a phun chhuak sap a, a lungte chu a chhe lek lek mai a.
Huala pa Thangzauva hi Pasaltha em chu ni lo mahse, Pa huaisen leh tlawmngai tak mai a ni a, Huala kum ruk mi awrh a nih lai hian, an ram vahnaah Thing in a delh hlum hlauh mai a, Pasal dang pawh neih san tawh lovin, Kungpuii hian tihian, Huala hi a tulpui ta tawp mai a ni.
Kungpuii lung han chhe thar leh Kapzelan a hmuh chuan pan hnai vatin, ekhai pi Kungpui i rilru chu ka hriatthiampui khawp mai che a, amaherawhchu insum hram hram la a tha a ni, Huala pawh i tihrilhhai lutuk dawn a lawm a han ti a, chutia Kapzelan a rawn tih takah chuan, Kungpuii pawh chu rawn inthing harhin, a Mittui te chu a hruhul sawk sawk a, engmah sawi lovin In chhung lamah chuan a lut ta daih a, Kapzela pawh chuan zui lut ve nghalin, Huala Chaw lo bar mawlh mawlh hnenah chuan, i Sakhi kah chu a chal tha kher mai, a han ti a, Kungpuii chuan, hetiang a Sa a rawn kah tak tak pawh ka lo beisei lova, khatia kan hmu thut mai kha, ka lawm em a, Hualapa ka ngaih a zual deuh a lawm mawle, inthiam lo tak hian a rawn ti a, Kapzela chuan, ni e, i rilru pawh a thar ngawt ang, amaherawhchu, Huala tan a zirtirtu i ni a, a hmuh lai a i Mittui i tih tlak fo zawngin, Huala hian Huaisenna kawngah te, chhelna kawngah te a nih tur ang a ni phak lo mai ang, a han ti a, Kapzela vek chuan, i vawikhat Sa kahnaah Sakhi i kap a, i Kut pawh a hmui dawn e, a han tih zawm a, Huala chuan a Kam thuah fai mawlh mawlh pah chuan, i zar vek a ni e, kan chan nghal mai dawn emni ang? a rawn ti a, Kapzela chuan, ni e, i ching fel thuai teh ang, nangchu tikhan lo thu mai mai rawh, tih leh thawh chu a rual a, Huala chuan zui ve vatin, Sa chu an chan nghal mawlh mawlh mai a, an Sa sat thawm chu hriain, thenawm khawveng te chu an rawn kal khawm nghal thuai hlawm a, Huala te chuan, hrang hnih vel theuhin an lo hleh thlak zel a, Lal Sa tur a an dah hran chu Kungpuii chuan khaiin Lal In lam a pan pui ve bawk a, Kapzela ten ngawi reng a Sa an chan mawlh mawlh lai chuan, u Kap, enge i hriat a kan In ahte i rawn chuankai ve teh hlawl mai a Huala chuan a han ti a, Kapzela chuan, Sa khai haw tur a awm dawn tih ka hriat vang mawle, nui pah hian a lo ti a, Kapzela vek chuan, tak a, Lalin leng turin min sawm a mawle, zingah khan i lo liam hman daih bawk si a, a han tih zawm a, Huala chuan mak a tih deuh avangin, enge ni ta? pawihai te a awm emni a lo ti thuai a, Kapzela chuan, engmah pawi awm love, Daizo khua kan han kal chanchin kha a ni awm e, a lo ti a, Huala chuan, chutiang a nih chuan i hmanhmawh deuhvang aw a ti a, a che ta zung zung a, kar lovah an zo ta vat a, Kungpuii Lal In kal pawh lo haw ve chiahin, Lalpain a nghah reng tawh thu chu a rawn sawi a, Huala te pawh chuan an chetna te chu tifel leh zung zungin, Lal In lam chu an pan ta nghal a.
#Lal In Huala ten an han thlen chuan Lal leh a Upa te chu Zu no dawmin an lo kim thap a, Valupa Hmuaka, Chhungpuia leh Luaia te pawh chu an lo thu ran tawh hlawm a, Thanhlira pawh a bang bik lo, Kapzela te rawn lut a lo hmuh chuan, ka Pasaltha te ni rengin, lo thu tawh u khai, tiin thutna te a lo kawh hmuh zung zung a, Lal bawk chuan, Tlangaupa ka Pasaltha te kha ka Zu tuitling hi han dawm tir ve tawh a han tih zawm a, Tlangaupain Seki a zu tui tling a rawn pek chu tlem te lo tem zauhvin, Kapzela te chuan an pe kir leh ta nghal a, Kapzela te an thut hahdam deuh tak hnu chuan Lal Savunga chu rawn dingchhuakin, a koh khawm chhan chu a han sawi a, Lal Savunga chuan, hei Daizo khua inhan kal chanchin chu Zing lamah Kapzela hnen atangin ka lo hre tawh a, zaninah chuan, kan mi man te hi engtia han tih tur nge tih sawi ho i la ka ti a ni tiin, a koh khawm chhan chu a han thet a, Upa Dova chu lo ding nghal vatin, Lalpa kan khua pawisakna nei miah lova min hal sak vek tumtu te an ni a, thah fai vek mai ka duh a ni a rawn ti a, Kapzela chuan, Lalpa, tihian la hreng bet rih i la, a tha lo maw? Palai hmel pawh kan hmu thuaiin ka inring deuh a ni a ti ve thung a, Val Upa Hmuaka erawhchu an Khaw Tlangval te an thih chhan kha ama rel sual vang a a inngaih tlat avangin, tuntum an thu relnaah pawh hian a tawng tha duh lo a ni.
Chutia thu mum pawh nei lova rei ngial an sawi ho hnu chuan, Kapzela chuan, Lalpa ka rorelna kha kan pawm tlan theih si loh chuan tihian ka ngaihtuah a, Daizo ho hian engtinjge chet an rawn lak leh dawn kan hre lova, chuvangin, kan mi man zing a pahnih hi thil awmzia thlen turin an khaw lamah tir ta mai i la a tha berin ka hria a han ti a, Lal Khawnbawl upamin ber Zabiaka chuan, kan Pasaltha remruatna chu a tha ka tih zawng tak mai a ni, an tlangval te rawn tlan nan hian, Silai fung sawmhnih leh Sial sawm phut bawk i la, a rawn ti a, Kapzela remruatna chu an han khel ho leh hnu chuan an pawm tlang ta hlawm a, a tuk khawvar a chhuah tir nghal tur chuan thu an titlu ta a, an rorel te an zawh takah chuan, upa ho tih loh chu Lal In atang chuan an chhuak nghal hlawm a.
Thu belh, tunlai chu ka natna avangin Story lamah rilru pek har ka tideuhva, Post ka rawn siam khat deuhvin ka ring a, amaherawhchu, a rang thei ang ber a rawn kir ka tum ang.
Ka story tling lo tak te min lo chhiarsak a, like leh comment min lo pek sak ve zel turin ka sawm che u a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 8th, 2019, 2:07 pm

DORAL HRANG MAHSE.
*Zawntea Chhangte the Red Devils*.
Episode (14).



Lal In atang a an chhuah hnu chuan Kapzela chu an mahni In lam pan chuan a kal nghal nul nul a, Hualan chu chu a hmuh chuan um nghal batin, Kapzela kiang a ba thlen chuan, i sa khai hawn tur i theihnghilh daih a nia a han tinghal tawng mai a, Kapzela pawh chu ding chawtin Huala ka theihnghilh reng reng hleinem, Dailova nu ka ngaihtuah deuh a lawm mawle a lo ti a, Kapzela bek chuan, bakah, i Sa kah lo khai hawn teh ngawt kha thil dik ber ni pawn ka hre chiah lova a han tih zawm a, Huala chuan, engah chuan nge ka sa kah i khai hawn chu a dik loh ngawt ang? Hetiang ka tih theihna hi i zar vek a ni a, nang berin i khai hawn loh chuan tuman an khai haw bik lovang, ka pek tawh ho te pawh kha ka chhuh leh bek mai ang, thu tak fe hian a ti ta mai a, Huala hmel thu tak lutuk chuan Kapzela nuih a tiza tlat mai a, Nuih suk suk pah hian, Huala chutiang zawng a thlen ka remti love, hawh teh in In lam chu i pan thuai teh ang a rawn tih takah chuan Huala pawh chu rawn hlim ve leh ta deuhvin, Ngawi reng chuan an mahni In lam chu a pan ta nghal a, Kapzela pawh chuan a zui ve nghal bawk a, Biak pawh inbe lo chuan Kawtthlerah chuan an kal zel a, In thenkhatah chuan Nula leh Tlangval hlim nui thawm an hre thla zel bawk a, Huala ten an In an zu thlen chuan, ka nu u Kapzela hian ka Sa kah ve chhun pawh la duh lovin an mahni In lam a pan nghal hmak mai a ti lut nghal tawng mai a, Huala thu tak lutuk Kungpuiin a hmuh chuan mak a lo tihle mai a, Huala chhan a tum lai tak chuan Kapzela pawh chu Kawngkaah chuan nui vur vur hian a rawn lang ve leh hlawl mai a, Kapzela hmel Kungpuiin a hmuh chuan thil awmzia chu hrethiam nghalin, Huala, Fiamthu leh thu tak thliar hrang thiam lo tur khawp a Naupang chhia i ni tawh love a han ti a, Huala erawh chu engmah sawi lovin a ngawi ngal thung, Kapzpzela chuan fiamthu reng chu a hun tawh lo tih hriain, Huala ka tihpalh a nih kha, i rilru ka han fiah mai a nia, nui var var pah hian.a han ti a, Kungpuii pawh chuan Huala eng e maw hlekah mipa an titau bur bur ngailo a lo ti ve, chutia Huala Kungpuiin a zilh mawlh mawlh lai chuan, Nula rim te i tum lo a mi? Huala tiin, Kapzela chuan a han zawt a, Huala pawn han tihtauh reng chu thil tha ni a a hriat loh avangin, ka rim lo mai ang e, phu loh beisei reng zawng a rilru nat thlak mai mai tiin a lo chhang a, Huala vek chuan, kan ral muaan loh a leiah Buh pawh kan thar tam dawn hauh lo mai, Zu Va an nghal e mai a han tih zawm a, Kapzela chuan, ka lo rin dan chiah a ni, vawiin lam ka kal thei ta si lova, keinipawh enge a an dawn ni? naktuk lam chu ka zu feh ve dawn teh ang a lo ti a, chutia eng eng e maw sawi a zan rei tak thleng an titi hnu chuan Kapzela chuan din hluai pah hian, ka han haw ve tawh ang e, Pi Kungpui kha, Artui ten min rawn kan duh a kan lawm lutuk a nia a han tih zawm a, Kungpuii chuan, Kapzela thin mai mai thin hi a, engmah tham pawh a nih loh kha a lo ti a, Kapzela chuan khawnge ka Sa khai hawn tur chu ni a? nui vur vur a Huala melh pah chuan a han ti a, Kungpuii chuan tap lam chu pan vatin, kha le i duh khawp pawh ka pe che e maw? tiin Sakhi sa chu Kapzela a rawn pe a, Kapzela chuan, hei a tam lutuk a lawm, Pasaltha zarah Sakhi tui hang kan hawp dawn chu a nia, kan va puar leh dawn em a han ti a, Kapzela bawk chuan, a nih pi Kungpui ka tin san tang che u a ti a, Huala te chuan han chelh lui viau mahse, Kapzela chu a haw ta thova.
#Kapzela a chhuah hnu chuan Huala pawn Nula han rim tur a hriat loh avangin a nu mei lum kiang a thu bulah chuan thuthmun a rem sauh sauhva, Kungpuii chuan, Huala hei tunah chuan Tlangval i lo ni ve tawhin, Sa hial i lo la ve ta mai a, heng te hi chapo nan leh uan pui nan hmang ngai suh ang che, tin, dinhmun chhe zawk te hmusit ngailo la, puih an ngaihna a piangah pui hreh suh ang che a ti dap dap a, a nu zilhna chu ngun takin Huala chuan a lo ngaithla ran a, chutah Kungpuii vek chuan, i hriat ang hian hmeithai mai kan ni a, midang chungtlak zawng leh hmakhalh zawngin che ngai lo bawk ang che, tin, Pasaltha Kapzela hi dinhmun tha ber a i ding ve ngai a nih pawhin thlauthla ngai suh ang che a han ti leh a, Huala chuan, ka nu, ka pi leh pu te chanchin hi min hrilh ngai hauh lo mai a, tunah hian an la dam em? khawiahnge an awm? tiin thildang chu a rawn zawt daih a, Kungpuii chuan, a ni tak maw, tunah chuan i lo tlangval ve dawn ta bawk a i hriat pawh a hun ve ta e kan hrilh ang che a lo ti a, Huala pawh chuan, mei chhawm that sauh sauh pahin a nu chu a hnaih hret a, chutah Kungpuii chuan, i pi leh pu te hi tunah hian an la dam em ka hre tawh hauh lova, kan khua atang a ni thum kal Hmartlang khua a awm an ni, i Pa hi chu Damdiai khaw hlun a ni a, engtiin nge ka chiang ta lo, i pa te hi an lo zin a, tichuan i pa nen chuan lo inhmel duhin kan intawng ta a ni, rei pawh cham lovin i pa te chu an haw leh ta mai a, keipawh ka lungleng khawp a sin chung hunlai chuan, a han ti a, a ngawi deuh hlek a, chutah rawn sawi zawm lehin, kan khua chuan ral muang tak a kan awm laiin Run kan tawk thut mai a, amaherawhchu min rawn runtu te kha khawlian tak an ni lo nge ni chuti maiin min rawn hneh thei tlat lo mai a, kan Tlangval te pawh Pasaltha te remruat angin an insiam rem ve hret hret zel a, a tawpah phei chuan a umdarhtu zawkah an tang ta mai a, khaw mipui ho pawh kan hlim teh a sin, chungg kan khuain run kan tawk tih thu chu i pan a lo hriat chuan a rawn kal nghal vang vang mai a, ka nu leh pa te dilin min hruai ta mai a ni a han ti a, Huala chuan nuih deuh huk pah hian, ka pa chuan neih loh che a hlau hle a ni maw a han ti a, Kungpuii chuan, a nih pawh a ni mahna, a lo ti a, Kungpuii vek chuan, Hmartlang khuaah chuan chhungkaw khawsa thei pawl kan ni ve a, Sial pawh kan ngah khawp a sin a tih zawm leh a, Huala chuan, ka nu i u nau te chanchin i la sawi lo a han ti a, Kungpuii chuan, ka lo sawi daih tawh emaw ka tia sin, kan u nau hi pali kan ni a, mipa pahnih leh Hmeichhia kan ni a, a naupang pahnih hi hmeichhia kan ni, a han ti a, Kungpuii vek chuan, i pu Sanglura phei chu Hmartlang khaw Pasaltha a ni nghe nghe a sin a han tih zawm a, chutia an nufa a an inkawm melh melh lai chuan Leng hawn Ar chu an lo khuang chuah chuah a, Huala chuan, a ngaihnawm hle mai ka nu, zawh tur che ka la ngah a nia, a han ti a, Huala bawk chuan, naktuk lam chu ka riak lut dawn mawni ka ti a, Zu Va an nghal bawk nen, lang ringawt zawng Ni a tawi e mai din hluai pah chuan a han ti a, Kungpuii chuan, ni e, naktuk chu langin ka rawn zui ve dawn che nia, kal tawh rawh i tlai lutuk ang a lo ti a, Huala pawn chhang buai lovin Zawlbuk lam pan chuan a chhuak ta nghal a.
#chutia Zawlbuk pan a ngawi reng a a kal lai chuan, a hnung lamah chuan aw thian kharh kharh ri a hria a, Huala chu hawi let thuaiin tunge tih hriat tum chuan a hnung a lo kal chu a lo nghak a, a bul hnai a rawn thlen chuan a thianpa Thanliana a ni tih a hre nghal a, biak a tum lai tak chuan, khawiahnge zaninah i kal daih a, ka zawng nasa lutuk tawh che Thanliana chuan a rawn tinghal bawrh bawrh mai a, Huala chuan, khawiahmah ka vak chhuak lo, vawiin ka feh ka chau deuhva tiin a lo chhang a, Huala chuan titeh i kal teh ang a ti a, Zawlbuk lam pan chuan an inzui ta nghal a, Zawlbuk an thlen chuan Tlangval tam zawk chu an lo awm tawh a, Mei lum kilin val upa ho chu an lo la titi mek hlawm bawk a, Bawhbel te Huala te thiandunin an bawh liam chu Val upa Chhungpuian a lo hmuh chuan, Nangni thiandun chu Nula Mitmei inhmu tha deuh a nimaw? nui pah hian a lo ti a, Thanliana chuan lo chhang vatin, Nula chu khawilam amah zawng hian ka phili buai a lawm mawle a han ti a, Tlangval ho chu an lo nui dar dar hlawm a, chutia hlim tak a an titi takah chuan zan pawh a lo rei ta a, Val Upa ten mut an rawn rawt takah chuan tuman bengchheng siam zui lovin an muhil ta hlawm a.
#a tuk khua a lo var chuan Huala chu hma takah a thova, a mutbu te a tel fel mawlh mawlh lai chuan a thianpa a bul mai a mu Thanliana pawh chu a rawn harh ve a, Hualan a mutbu a lo tel mawlh mawlh a hmuh chuan, rawn thu chhuak ve vatin, a mutbu chu a tel fel ve nghal zung zung a, an zawh hnu chuan Zawlbuk pawn lamah an inzui chhuak ta nghal a.
Zawlbuk tual an thlen chuan, Vawiin enge i tih dawn? tiin Huala chuan Thanliana chu a han zawt a, a Vawiin lam chu engmah ka tih pawh ka ring lo, ka nu a dam tha lo e mai a, tiin Thanliana chuan a lo chhang a, Thanliana vek chuan, nangzawk enge thawh i tum tiin Huala chu a han zawt let a, Huala chuan Lo lam feh ka tum deuhba, ka riak lut dawn mah zawk a han tih zawm a, Thanliana chuan, i riah bo daih chuan kawm tur ka nei leh dawn lo a nih chu a lo ti a, Huala chuan, mai mai thin a, Nula rim tur pawh i hriat that viau kha maw nui pah hian a lo ti a, chutia rei vak lo an inkawm leh hnu chuan, wn In awmna a inan loh avangin Zawlbuk tual atang chuan an kal hrang ta a, Hualan an In a zu thlen chuan, a nu chuan Chaw lo chhumin Mei a lo vil a, Huala rawn lut a hmuh chuan, kha i rawn tho tawh maw? hei Vawiin chu thawh ka hai pek a lawm mawle tiin A lo be zung zung a, Huala chuan, riak lut tur kan nia hmanhmawh a ngai hleinem, tih leh Tuium lak chu a rual a, a dan pangngaiin, Tuikhur lam chu a pan leh ta nghal a, Hualan Tuikhur a zu thlen chuan Nula tui chawi ho an lo awm nual mai a, an lo ri chelchul leh nghal a, Huala chuan an sir deuhvah chuan dingin, Nula ho Tui thal khah hun chu a lo nghak a, chutia rei pawh a la ding lo tihah chuan, Nula pakhat hian, Huala i Tuium kha mi han pe tawh ka lo thal sak ang che a rawn ti a, Nula dang lo awm ve ho chu an lo e nghal dual mai a, Huala chuan zak rilru tak hian, a ngai hleinem, han thal zo phawt u la ka thal ve mai dawn a lawm a lo ti a, Nula bawk chuan, kan thal zawh hun i nghah chuan i rei lutuk ang, Nula dang an lo kal ve zel bawk si, min han pe thuai mai rawh a han ti leh a, chulai a lo awm ve Nula ho thawm chu a hma aiin a tha leh zual a, Huala pawn hnial buai reng chu a sawt lo tih hriain, Tuium chu Nula bulah chuan a va dah a, Nulain Tui a lo thal khah sak hnu chuan ka lawm e tiin an mahni In lam chu a pan ta nghal vang vang a, a hnung lam atang chuan, Huala kan lo biak dawn che nia Nula ho chuan an la tizui lawm lawm a, Huala chuan ngaihsak zui lovin an In lam chu a pan mawp mawp mai a ni.
Hualan an In a han thlen chuan a Nu chuan an ramriahna a an mamawh tur chu a lo siam mek a, Huala rawn lut a lo hmuh chuan, Huala engtiziange i va rei em em ve a lo ti hlak hlak a, a ka nu Tui chawi ve dang an awm si a, han hmasak bik ziah hi a nuam lova kan nghak a lawm mawle tiin a lo chhang a, Huala bek chuan, ka nu Nizan ka mut hmunah ka ngaihtuah a, keimahin Lo lam chu ka zu kal mai dawn mawni ka ti a a han tih zawm a, Kungpuii chuan Hualan feh ve a phal loh chhan chu amah a ngaihtuah vang a ni tih a hai hauh lo, Kungpuii chuan, Huala min ngaihtuah deuh a nimaw? feh ve tur midang pawh an awm dawn thova, haw pui tur chu ka nei em em ang a han ti a.





. #####.
Hetilai vek hian zan lam a an lo rel tawh angin, Lal Savunga leh a upate ho chu Lal In-ah chuan an thu thap mai a, Val upa Hmuaka leh Kapzela te pawh Lal Savunga duhdan angin an thu tel ve bawk a, chutia an kim tak gnu chuan Lal Savunga chu lo dingchhuakin, Nizan lam a kan rel tawh angin, Vawiin lamah Daizo khaw Tlangval pahnih chu kan tir chhuak ang a, kan miman te tlanna atan a kan phut Silai fung sawmhnih leh Sial Sawm kan tih kha kan pawm tlang hlawm meuh maw" tiin a vaibel pak hluah hluah pah chuan a Upa ho chu a han zawt hlawm a, a upa ten an pawm theih thu an rawn sawi tak liam liam hlawm takah chuan, Lal Savunga chuan, Rip chhunga an dah Tlangval pahnih kai chhuak tur chuan Kapzela chu a tir nghal a, Kapzelan Daizo Tlangval pahnih Lal In a a rawn kaih luh chuan, an Lalpa hmaah chuan a din tir a, chutah Lal Savunga chuan Tlangval pahnih a hma a ding te chu thip zet a melhin, engvang a min rawn run tum nge innih?
)
fiak thak hian a han ti a, Daizo Rlangval te chuan Lal Savunga chu a thinrim hle a ni tih an hai hauh lo, chutah Tlangval pakhat zawk chu khur beuh beuhva lo tawng chhuakin, an rawn run chhan chu Kum thum liam ta a a tlangval te an lo thah sak avang a, an Lal Ngurdawla lung la dam theih loh vang a nih thu chu a rawn sawi a, Lal Savunga chuan, in Lal chu Lal tha tak a nih ngei dawn chu, a han ti a, chutia an Lalin a han ti chu Upa ho chuan a awmzia an lo hre lo khawp mai, Lal Savunga bawk chuan, inhriat angin keipawh Lal ka ni a, ka khua leh Tui te pawh ka tan khawp mai, Lal ka nih ang a ka tih tur pawh a ni, amaherawhchu, kan khua leh Tui an nih avang a tan ngawt hi thil dik ber a ni lova, kan chhan tur a te hi an dikna a ni em, tih kan fiah hmasa tur a ni.
Tunah pawh inlal ngaihtuahna tawi luatah Thisen tamtak a luang a, Nunna hlu tak nen, chuvangin, in Lal ngaihtuahna tawi zet chu ka thu sawi hi inhrilh dawn nia a han ti a, Lal Savunga vek chuan, tunah hian kal ta u la, in-Lal chuan a Tlangbal te hi a la duh a nih chuan, Silai fung Sawmhnih leh Sial Sawmin rawn tlan rawhse, karkhat hun ka pe a ni tih inhrilh nghal dawn nia a han tih zawm a, Val Upa Hmuaka chuan, fin vervek inrawn chhuah a, rawl ral a inrawn che leh a nih chuan, Lal Savunga tlangval te hian zahngaihna kan lan nawn tir tawh lovang a han ti ram ve hmak bawk a, Lal Savunga chuan kal nghal rawh u tunah a rawn tih takah chuan, Daizo tlangval pahnih te chuan, an nunna an zuah sak avang a lawmthu sawi mawlh mawlhin, Lal In chu an chhuahsan ta nghal a.
Daizo Tlangval te an chhuah hnu chuan, Lal Khawnbawl upamin ber Zabiaka chu lo tawng chhuakin, Lalpa, Daizo ho hi a ruk a ralin an rawn thawkchhuak leh duh mai lovang maw?) a han ti a, Lal Savunga chuan, chupawh chu thil thleng thei reng a ni, Ral veng kan indah reng dawn nia a lo ti a) Pasaltha Kapzela chu lo tawng chhuak ve-in, Lalpa, tun thut thutah chuan an rawn chet ngam mai ka ring hauh lo mai, an khaw mi leh sa tu thah nge tih pawh hre lovin an buai mek a ni a, an Tlangval rawn tirh te ho lah, u Hmuaka leh a ho ten an lo tukzal bawk nen, an Tlangvsl thenkhat ho nise tihian hrenbeh an la ni si a, chuvangin ral han bei tur em chuan an inhuam ka ring lo a ni a rawn ticharh charh a, Val upa Hmuaka chuan, Pasaltha Kapzela sawi pawh kha thil dik tak chu a ni a, amaherawhchu, Fimkhur thilah ral veng chu kan indah zel a sual lovang a rawn ti ve, chutia an ngaihdan te an sawi khawm nak nak hnu chuan Lal Savunga chu lo dingchhuak lehin, ka upa te nge nge inthu rel a fingin ngaihthlak pawh a nuam e, engpawh nise, fimkhur thilah ral veng chu kan indah zel dawn nia a han ti a, Lal Savunga bawk chuan, hei buh pawh a hmin tan a, mitin mai Lo lamah buai hunlai a ni a, lang a feh ho pawh a huhovin kal zel sela, Tlangvalin ho zel thei bawk se a tha ang, Tlangaupa nangin han hrilh kual hlawm tawh a ti a, chutia an tih tur te an zawh hnu chuan tukthuan ei te a lo hun hnai ta bawk nen, an mahni In lam pan chuan Lal In chu an chhuahsan ta hlawm a.
Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2019, 7:25 pm

DORAL HRANG MAHSE.
*Zawntea Chhangte the Red Devils*.
episode (15).

Huala te nufa pawh chu Ni a lo san deuh tawh avang chuan an hmanhmawh tawh hle a, an mamawh tur te inkeng kim a an inhriat hnu chuan an In chu Thingfak a dovin an chhuak ta a, thui pawh an la kal lo tihah chuan Khaih khaih... Lo ngaithla theuh rawh u khai, Tunlai hian kan khua a ral muan tawk loh avangin, Feh tur reng reng mahni a kal loh tur a ni a, ral kut tuar palh thei reng kan nih avangin, Mipa thlazarna hnuaiah zel hmeichhia pawh kal tur a ni, a huhova kal zel tur a ni bawk e, hei hi Lal thu chhuak a ni... tithawm an hriat chuan Huala chu a ding vung vung a, a nu erawh chuan In lam a pan leh nghal thung, chutia rei fe^ a inngaihtuah a din hnu chuan an In lamah chuan a let ve leh a, In a luh rual chuan, ka nu, tirawh i kal thuai teh ang, engmah hlauh tur a awm lo a tinghal bawrh bawrh a, Kungpuii chuan Huala chu chiang tak a lo en-in, Huala hmeithai mai kan ni a, chuta karah Lal thu pal zam zawng a kan khawsak chuan min min ngainep leh zual lutuk ang a lo ti a, Huala chuan a nu thusawi chu dik a ti em em a, amaherawhchu a lung erawh a awi zan lo a ni.
Ka nu a nih chuan, a hma chhe tawh lo bawk a, chaw ei hma mai i la, inpeih hma i la a tha lo maw a han ti a, Kungpuii pawh chuan lo hnial buai lovin, Chaw ei chu a siam nghal a, chutia an nufa a tukthuan an ei lai chuan, a Fapa Huala chu Kungpuii chuan zilh mawlhin, Huala, mipa fa i ni a, chuvangin huaisen takin awm la ka duh a ni, amaherawhchu, huaisen avang a bawh buan buan tur a ni lova, tlan hun pawh a awm tih hre reng ang che, i hriat angin Lal nei kan ni a, chuvangin, Lal rorelna hi a kawi a ngil a zawm hi kan tih makmawh a ni, Lal fel tak kan nei a, chubang a keini Nufa pawh hi thlamuang tak a he khuaah hian la cheng ve mai kan ni tih theihnghilh suh ang che a han ti leh a, Kungpuii vek chuan, hmeithai mai kan ni a, kan chanchin chhe sawi pawh hi mi te hian nuam an ti pawh a ni thei, heng te pawh hi hre reng mah i la, kan haider luih mai a ngaih chang a awm a nia tiin a fapa chu thu a fah mawlh mawlh a.
Tukthuan te an ei kham chuan feh kal hun chu la ni chiah lo mahse, hmanhmawh zual tan erawh a awm lo tawh chuang hran love.
Huala chuan, ka nu kawtchhuah lamah midang kan lo nghak dawn em ni?) a han ti a, Kungpuii chuan, ni hmiangchu i hmanhmawh ngang si a") a lo ti a, tichuan Kawtchhuah lam pan chuan an chhuak leh ta a, Kawtchhuah an thlen chuan feh tur tlem a zawng hi an lo awm ve tawh a, Hmeichhe Tleirawl pakhat fal deuh hlek a thu hi Huala chuan a hmu a, pan hnai nghal vatin, aw a han thian kharh kharh a, chutah Hmeichhe tleirawl chu Huala lamah chuan a rawn hawi vat a, Huala chuan lo be nghal vatin, Nula enge i hming ni a?
) tiin a han zawt a, chu Hmeichhe tleirawl chuan zak tih hriat tak hian, *Thangpuii* ka ni a, pi Zathluaii fa nu Tlak veng lam a awm kan ni a rawn ti a, Huala chuan, hreh deuh tak hian, pa...pa....pa i nei tawh lo em ni a han tibah niai a, Thangpuii chuan, aw nei tawh love ka nu hovin kan awm a a lo ti a, Huala chuan, ka lo sawi hmaih daih mai, ka hming chu Thanhuala a ni a, Huala tiin min ko dawn nia a han ti a, chutia an lo ttiti melh melh lai chuan Huala kal tawh ang u le a nu chuan a rawn ti a, Huala chuan, Thangpui remchangah ka lo la leng dawn nia a ti a, a nu awmna lam chu a pan ta nghal a.
Feh tur ho pawh an rawn thlenkhawm tawh hlawm abangin Zaupui lam pan chuan an liam ta nghal hlawm a.
Nidang ang bawkin Nau riltam hun velah chuan lo chu an thleng thla hlawm a, Huala te nufa pawh chuan an Thlam chu an panding nghal a, Thlam an thlen chuan an phur te nghatin Thlam namthlakah chuan an thu thlan dai a, Kungpuii chuan, kumin chu zu va an nghal hle a ni ang maw?
a han ti a, Huala chuan, a chiang reng a lawm, bakah ral bei a kan inbuatsaih khan min tisukuk ve bawk a lawm a lo ti a, Kungpuii chuan, engpawh nise, thil chu a nih tur ang a ni zo tawh a lawm, keini nufa kham khawp zawng kan thar chhuak em em ang, tiin Huala chu a hnem a, chutia rei fe an hut thlan daih deuh hnu chuan, Lo lam panin Thlam chu an chhuahsan a, Nidang ang bawkin Huala chuan Buh lo tlan Sava ho chu umdarhin a hmanhlel leh tawh a, a nu Kungpuii pawh chuan Lo mawng lam a Bal a cho ve bawk a, hah pawh sawi lova mahni buai buai a an buai takah chuan Ni pawh chu lo tlangsang zelin, Chhun chawfak a lo hun tawh reng mai a, Huala chuan, ka nu rawn chawl hahdam tawh khai tiin, Lo mawng lam a a nu chu a han kova, amah chuan Thlam lam a pan nghal a, Namthlakah chuan thu hahchawlin Vaibel a han pak talh talh a, chutia rei vak lo a thut hnu chuan a nu pawh chu a rawn thleng chho ve a, Tui sik te in in, Namthlakah chuan a thu ve a, Hualan a nu Thlanhluam mai a lo hmuh chuan, ka nu keiman ka zu chhawk dawn che nia Chawhnu lam chu a han ti a, Kungpuii chuan, a ngai hleinem Ni a sa deuh mai a lawm mawle a lo ti a, Huala chuan din hluai pah hian, tikhan lo hahchael rawh tih leh Lo mawng lam pan chu a rual a, Lo mawng a thlen hnu rei vak lovah chuan a piah lawk chu a rawn ri deuh hruah hruah a, Huala chuan enge a nih tih hriat tum chuan a lo ngaichang a, mahse thawm chu a reh leh hmak a, chutia thawm engmah a hriat tak lovah chuan Bal chu a cho ta a, rei pawh a la cho lo tihah chuan thawm bawk chu a rawn ri leh hruah hruah a, Huala thin chuan a tuar ta lo, enge maw i nih a mi rawn tih thaih vel ni??? kan bel chiang tehreng ang che a ti a, a Chempui chu phawrhinV a thawm hriatna chhak lamah chuan a chho ta a, a thawm hriatna chu a chhak lam atang chuan a hnaih hret hret a, chutia fimkhur tak a a kal them them lai chuan a thlang hlam hnih vel atang chuan thawm chu a hre leh a, Huala chuan a thawm hriat chu enge a nih tih hriat tum chuan a pan thla leh hret a, a Chempui chu a hum ran bawk a, a zu hnaih viau tawh tihah chuan, ama lam rawn pan hian Saphai lian lutuk mai hi a rawn leng chho ta zul zul maile!!! Huala chu Tlan let vatin, Lungtum lian deuh chu a melh nghal ruai a, chu Saphai lah chuan dawlh ngei tum chuan a rawn pan zel bawk si, Huala pawh a chiai ru khawp mai, chutia mangang tak a a tlan lai chuan, a vanneih a siamin Lungtum Lu bur tiah aia lian hi a hmu ta glauh mai a, thaw hlawp hlawp a chawi kangin, amah pan a rawn tleng mek Saphai chu a lo hmachhawn a, Saphai lahin engmah hrethiam ve tawh lo le, Huala chu zial a dawlh ngei tum chuan a la rawn hnaih zel a, Huala chuan, Saphaiin a rawn hnaih viau ta maw tihah chuan, a tha tawpin Saphai chu a lo deng ngheng mai a, amah pawh chu Lung a den rual chuan hnunglamah a petek nghal dawrh a, mahse a deng fuh ngang mai, chutia Saphai a chet tak miah lovah chuan Huala chuan pan hnaiin a han bel chiang a, Saphai chu a Lu pherh vek khawpin a deng a ni tih a hmuh chuan, mi rawn tih thaih lo la i tan a tha mai tur kha a nia a tisap a, han tih zui vak ngaihna a hriat loh avangin, Lo mawng lam pan chuan a kalsan ta nghal a.
#an Lo mawng a va thlen chuan Huala chu a han thu chawl a, Saphai hlauva a tlanchhe ta mai te chu nep a inti em em a, chutih rual chuan a nuih te chu a za em em lawi a, chutia a rilru kawm a a thut beng veng hnu chuan harhchhuak zawkin, a Bal chawh lai chu a cho nghal mawlh mawlh a, thlan hluam a rei fe a chawh hnu chuan a duh khawp a ngah ta a, Thlam lam pan chuan a chho ta a, Thlam a thlen chuan a nu chu a lo awm lova, Thlai vel a la khawm a nih ringin Huala chuan a ngaihven duh lem lova, Hmuamda zenzawn a hahchawlh hnu chuan, Kungpuii chu a Maian sih pawm bawr teuh hian Thlamah chuan a rawn lut ve a, Huala chuan kanu i chau em?
tiin, tuisik a lo pe nghal vat a, Kungpuii chuan lo in nghal khawlh khawlhin, a in zawh chuan, Lo mawng hmar lam hnaih deuh khu Sanghal chetna niin ka hria a ni.
Ka bal pawh an nawr chhe zo mai dawn a lawm a han ti a, Huala chuan, ka zu kal miah lo mai ka lo thlithlai dawn nia a lo ti a, chutia an lo titi melh melh lai chuan, Huala... Tithawm an hre ta thut mai a, Huala chu Thlam luhkaah chuan chhuakin a va dak a, an ri mai, Siamthangi chuan ban a lo vai lap lap a, chutah rawn tawng chhuakin, inhaw be dawn tawh em? a rualin haw i la a rawn ti a, Huala chuan, keimah tak chu ka rawn haw dawn lova, ka nu hi inrualin haw mai se a tha ang a lo ti a, Siamthangi chuan, a nih chuan rawn chho mai se kan lo nghak dawn nia a rawn ti a, Huala chuan chhang buai tawh lovin a luh san ta a, an inbe ri kha Kungpuiin a lo hriat ve vek avangin Huala a va luh chuan a lo inpeih diam tawh a, Kungpuii chuan, Huala fimkhur hle ang che, a han ti a, Huala pawn ka nu min ngaihtuah suh a lo ti ve, tichuan Siamthangi te Thlam lam pan chuan Kungpuii chu a chhuak ta nghal a.
Ni a la Tlangsang deuh thova la hriat avangin Huala chuan Thangkam turin Lo mawng lamah chuan a Thangte kengin Lo mawng lamah chuan a chhuk ve nghal a, Lo mawng a zu thlen chuan, hmar lam an rite hnaih lamah chuan a phei a, chutia Sazu khan tha te a bih duk duk takah chuan a hmu ta hlauh mai a, a Thangte chu kam nghal zung zungin, a, zawh hnu chuan an Thlam lamah chuan a kir leh nghal a, ni pawh chu a lo liam dawn suar tawh avangin, zanriahte bawl nghal sawk sawkin, namthlakah chuan a Saihlumte a hrual malh malh a, a chaw leh chawhmeh te chu a hmin hnu chuan zanriah chu a ei ta nghal a, puar tak a chaw a ei hnu chuan tih tur a awm lem lo bawk nen Thlamah chuan thuin a Vaibel a han pak talh talh a, chutia mahni a khawhar tak a thlam a a awm lai chuan, Thlam luhka rawn rirak hi Huala chuan a hre thut mai a, Thlam luhka lam chu a melh nghal zat a, Huala i awm maw?;-) tiin, a rawn zawm nghal a, Hualan a chhan dawn lai tak chuan, Kawngkaah chuan Zadawla chu a rawn lang chawpchilh nghal bawk a, Hualan a lo hmuh chuan, pu Zadawla chu enge ni a i rawn lan tehhlawl mai? kan inhlat hle si a a lo ti a, Zadawla chuan, ni e, loh theih lohva rawn tih buai che a ngai a ni a han tih chuan Huala chu a lo phawk deuh hru a, Zadawla vek chuan, ka Lo-vah Sanghal an chhuak tlat mai aB ka Buh pawh an tichhe nual mai a, a theih ang angin ka hnawt ve na a a sawt lo khawp mai a, kan ri te lah Silai neivan lo ni si lova, Silai nen i riah luh thu kan ri ten min hrilh a, ka rawn kal vang vang mai a ni a han ti a, Huala chuan, hei tunah khua a thim tan chauh a ni a, an va huangtau em em ve mawle, tirawh in Lo lamah chuan phei vat teh ang a lo ti a, a Silai chu a en fel thuak thuak a, a Silai te a en fel zawh hnu chuan Zadawla te zau lam pan chuan an inzui chhuak ta a, pu Zadawla te Lo hi Huala te lo atangij a va hla lutuk lova, a karah Lo pakhat a tlazep a ni.
#Huala ten Pu Zadawla te Lo an thlen chuan Sanghal chetna lai chu pu Zadawla chuan Huala chu a han kawh hmuh a, Huala pawh chuan tikhan Thlam lamah lo han chawl la kan zu bel chiang a nge ka kap thlu ve thei ngut a nge maw a han ti a, Pu Zadawla chuan Zu hlawhtling ngei ang che a lo ti a, Thlam lam chu a pan ta nghal a.
Huala pawh chu pu Zadawlan a hrilhna lamah chuan a kal ta nghal a, Meichher keng lova kal a ni a Buh palchhiat a hlauhawm bawk nen, Huala chu a fimkhur hle mai a, thawm dim leh fimkhur tak a tawlh phei hret hret zelin, Sanghal chetna pawh chu a hnaih tawh viau mai a, chutia a hhnaih viau tawh pawh chuan Sanghal thawm reng reng Huala chuan a hre tlat lo, mak a ti ru hle a, Sanghal chu an lo tlan bo hman em ni ang, nge ka chhui zawn lo zawk ti chuan a inngaihtuah a, a Mit leh Beng chu a chhi ran bawwk a, chutia beidawng ru tak a a inngaihtuah lai chuan, a thlang lam vau lam a Sanghal innawr ngek thawm a hre thut mai a, Huala chu harh chhuak vatin, a thlang lam pan chuan a inher thla ta nghal a, zan thim a nih avangin chesual maithei a ni tih a inhre chiang em em a, Sanghal chu a chet khalh hman lo a nih chuan a chan chhe zawk a ni thei a ni tih chu tuma hrilh nawn a ngai hauh lo.
Chutia thawm dim leh fimkhur tak a a vah thlak zel takah chuan Sanghal awmna pawh chu a hnaih tawh hle mai a, an mahni pawh chu chiang lo ruai hian a hmu thei tawh a, Sanghal ho lah an mahni kah tum a rawn veh mektu an awm tih hre lo chuan an lei nawr phut saah te chuan thlamuang takin an lo inbual a an lo innawr khek nasa mai bawk a, Huala chuan a awmhmun te siam remin kap thei mai tur chuan a insiam rem a, mahse Sanghal ho chu kah remin an awm thei tlat lo, Huala chuan a ning tawh hle mai a, a rem hun nghak si se lova han kah mai chu a duh lek lek a, chu chu thil dik niin a hre si lo, Pasaltha Kapzelan a lo hrilh fo thin, Sa kap tur chuan dawh theihna neih a ngai ti a a lo hrilh fo thinna chuan a Thalfang a thlah tir lo mai a ni.
Chutia rei ngial a ngaihchan leh hnu chuan Sanghal ho chu an darh deuh hak a, Huala chuan min hmu em ni ang ti a, mak ti tak a a inngaihtuah kai chuan, Vau chhung atang a Sanghal lian zet mai rawn chho chhur chhur chu a zu hmu a, zan thimah chuan a ngho chu a var eng pup leh nghal a, Huala chuan kah ngei tum chuan a lo insiam rem sauh sauhva, chu Sanghal pawh chu rawn hnai zelin, chulai lei phut durh maiah chuan a rawn inbual ve a, chutia thlamuang tak a a inbual lai chuan Silai a rawn puak dur a, Sanghal pawh chu a thlang deuhvah chuan a hlawm thla nawk mai a, Huala chuan a Silai mu te thun leh te tein, a Sanghal kah chu a pan hnai a, a Sanghal kah a zuk hmuh meuh chuan a nghawng bulthutah a kap a ni tih a hria a, lian a ti em em mai a, a bul a hrui te chu chhatin a han teh nghal zung zung a, Sum Ruk lai mai a lo ni a, Huala chu a hlim kher mai, a Sa kah kiangah chuan thu hahchawlin a Vaibel te a han zu a, Silai ri kha Thlam a mi ten an lo hriat tho a rin avangin a lo nghak tawp mai a ni.
Chutia midang nghak a a hahdam atang a rei vak lovah chuan a chhak lam atang a Tlangval rawn kal thawm chu a hre thuai aB an Meichher eng te chu a lo hmu bawk a, Tlangval ho chuan, Huala a lian em"? An rawn ti leng leng hlawm a, Huala chuan, sum thum vel chu a nih ka ring" tiin a lo chhang a, Tlangval hovin Huala bul an rawn thlen chuan, Sanghal lo let ngat chu an rawn hmu nghal a, lian an tiin a Ngho te chu a sei tha an tihlawm em em a, a khattawkin an inzut chhawk sek hlawm a, chutia an phul hlut lai chuan Tlangval pakhat chuan hdui a han chhat zung zung a Sanghal chu a han teh a, sum Ruk lai mai hi a lo ni a, Tlangval pakhat chuan, Huala i kap lian kher mai" Pasaltha zar kan zo dawn a nih hi a han ti a, Huala chuan ka vanneih vang mai mai a nih hi, khatiang a hnaiah chuan tuman an kah thelh hauh lovang a lo ti a, chutia rei vak lo an thut muan leh hnu chuan, pu Zadawla te chu a pum a hmuh tir ve ngei an duh avangin Thlam lamah chuan an zawn chho ta a.
#Huala ten pu Zadawla te thlam an thlen chuan Thlam kawtah pu Zadawla chu a lo ding vang a, Sanghal zawn a Tlangval ho lo chho a lo hmuh chuan, inchau em? I va kap lian awm em Huala" tiin a lo be luam a, Tlangval ho an rawn thlen chuan, Thlam chhungah an zawn lut nghal a, tap Mei te an han chhawm en belh takah chuan Sanghal chu a lang chiang leh zual kher mai a, Pu Zadawla chuan Sanghal Ngho tuai vat vat pah hian, a lian tha kher mai, huangtau ngam awm pawh a nih hi maw" a han ti a, Zadawla vek chuan, Sum engzat maw a nih"? tiin Huala chu a han zawt a, Hualan a chhan hma chuan, sum ruk tha zet zawt a nih hi Tlangval pakhat chuan a rawn ti vat a, pu Zadawla chuan, Huala ka lawm tak zet a ni, i zarah kan Buh pawh a him leh dawn a nih hi a han ti a, Huala chuan, e khai pu Dawl lawmthu sawi a ngai reng reng lo, sawi tam tlak pawh a nih loh hi a lo ti a, tichuan hlim tak a titi zuiin, Sanghal chu an chan darh ta nghal a, chutia rei fe an chan hnu chuan an chan zo ta reng mai a, an chanpual theuhva insemin an kal darh ta hlawm a, Huala pawh Pu Zadawlan lawmthu te a hrilh nawn leh mawlh mawlh hnu chuan an mahni Thlam lam panin a inphur phei ve hnak hnak a, an Thlam a va thlen chuan a phur te nghatin, Msi a nun nghal sawk sawk a, a sa kah chu repin a thut chilh ran mai a, a inrep tha deuhva a hriat hnu chuan mut zai a rel san ta a.
Chhunzawm zel tur.
Thubelh, ka Story tling lo tak mai min lo chhiarsak avangin ka lawm em em a, chutih rualin, hrisel lohna avangin ka rawn regu thei lova min lo nghak leh fan fan u la, a rang thei ang bera rawn lan leh ka tum dawn nia.
Like leh comment min lo pek thin avangin ka lawm e.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 17th, 2019, 7:25 pm

DORAL HRANG MAHSE.
*Zawntea Chhangte the Red Devils*.
Episode (16).
A tuk khua a lo var chuan Huala chu a tho chhuak vat a, a Hmai te phih zung zungin Mei te chu a nun nghal a, Chaw chu a chhuangkai thuai a, Mei chu tha tak a chhawmin, Vau hrul a a Thang kam en tur chuan a chhuak ta nghal a, Vauvah chuan Ni eng lawm Saba te chu an hram chiah chiah a, Huala chu kal zelin a Thangkamna a zu thlen chuan Zupawl lian tha zet zet pahnih leh Chepa a lo inkhai zar mai a, Huala chuan a Thangawk te chu la in, a han kam tha leh nghal mawlh mawlh a, chutia a tih tur te a zawh hnu chuan Thlam lam panin a kir leh ta a, Thlam a han thlen chuan a Mei chhem chu a lo Mit lek lek tawh a, a Iptepui chu dah thlain Mei chu hah pawh sawi lo chuan a chhawm tha nghal zung zung a, Mei te a chhem alh hnu chuan, a Sazu awh te chu rawhin a han ziat fai leh zung zung a, chumi pah chuan a Sanghal Sarep te chu a siam leh a, hmeh dang siam dum tul a tih lem loh avangin, a thil chhuan te a hmin chuan tukthuan chu a bar nghal mawlh mawlh a.
#####.
He tih lai hian Daizo, Lal Inah chuan Lal leh upa te chu thu pawimawh tak relin an thu khawm ve mek bawk a, Lal Ngurdawla chuan, kan Tlangval ram mu te chu an zu hlawhchham ta mai em ni ang" tiin a upa te ho chu an be rawn a, Upa pakhat chuan lo chhawn vatin, Lalpa keichu ka ngaih a tha tawh hauh lo mai, zu hlawhtling nise rawn kir loh hun ni pawn ka hre tawh lo a lo ti a, Upa pakhat chu lo tawng ve lehin, a ni ngawt mai, ngaih tih thatna chi niin ka hre tawh lo, Lo lam tul hun lai a ni a, zu hlawhtling nise chanchin eng e maw rawn thlen lo chuan an zu tap bo mai mai chu ka ring lo a ni" a lo ti ve, chutia an rin thu te sawi a an lo titi melh melh lai chuan, Lalpa kan lo lut thei a ngem? Rawn titu lam chu an hawi nghal thap hlawm a, Lal Ngurdawla chuan lo chhawn vatin, lo lut rawh u a lo ti a, chutia Lalin luh phalna a pek takah chuan Tlangval pahnih te chu an lut nghal a, Lal Ngurdawla chuan, Tlangaupa kan Tlangval te hi Zu han thlit rawh an chhawl a hal tawh ang a han ti a, Tlangaupan zu a rawn pek chu lo lem zauhvin an han pe kir leh a, chutah an hahdam deuhva a hriat takah chuan, Tlangvalte u, eng thu nge inrawn hawn le"? tiin Lal Ngurdawla chuan a Vaibel han pak khuk hluah pah chuan a han ti a, Tlangval pahnih te chuan an chhang phur lo kher mai, chutah Tlangval pahnih zing a a pakhat zawk chu lo tawng chhuakin, Lalpa min ngaidam rawh a rawn tikhur dar dar a, Lal Ngurdawla chuan, Vala ngaihdam ngai khawpin enge intih sual a"? damdap hian a lo ti a, an Lalpa awka dam lutuk chu Tlangval chuan mak a ti hle mai a, chutah hreh tak a rawn tawng chhuak lehin, an chhuah atang a an hun hman dan te, Daizo, Khua an pelh hnu lawk a hnunglam atang a beih an tawh dan te, tah chuan Tlangval panga lai an inhlauh nghal thu te, Damdiai ruam a hmelma ten an lo lambun thu leh tunah rip chhung a an khung khawm thu te chu a han sawi fai ta vek a, an thu hriat chuan Daizo Lal leh upa te chu a deng na khawp mai a, tawng chhuah mai nachang pawh an hre lo hlawm a ni.
chutia an ngawihthap lai chuan Tlangval chu rawn tawng chhuak lehin, Lalpa, Damdiai Lal chuan Silai fung sawmhnih leh Sial sawm a i Tlangval te i la duh a nih chuan rawn tlan turin a ti bawk che a ni, a han ti leh a, chu thu a han hriat meuh chuan Lal Ngurdawla chu a thinrim ta kher mai, a Vaibel dawn seh keh rap rap pah hian, chu chu Damdiai Lal Khaw te tak te Lal chuan ka lakah a rawn phut a maw"? tih pah chuan a ding hluai a, tumah chu tawng pawh an tawng ngam tawh lova, Lal Ngurdawla bawk chuan, ka Tlangval te lo lambunin, thei inti takin a leng vel maw"? lo ngawi tak rawhse, keimah ngei hian an Lal Lu chu ka la ang ti a inhrosa tun tunin, a chhuatlaiah chuan a vei kual sek mai a, upa pakhat chu inthlahrung tak a lo tawng chhuakin, Lalpa, inbengdai tawh khai, rilru fim takin i ngaihtuah tlang ang u hmiang a rawn ti a, chutia upa pakhatin a rawn tih takah chuanupa dang ho pawh chuan, an Lal chu inbengdai turin an lo ti ve liam liam hlawm bawk a, Lal Ngurdawla chuan a upa te thusawi chu ngaihsak ta lo chuan, ka Pasaltha Doruma pawh an hreng tel ve a maw" tlangval te hnenah chuan a han ti a, Tlangval pakhat zawk chuan, Lalpa, Pasaltha Doruma leh Val upa Tubela chu Damdiai hovin min man khan kan hmu miah lo mai a, tin, Ruang zingah pawh kan hmu hauh lo a ni tiin a lo chhang a, chu thu a han hre leh zet chu le Lal Ngurdawla chu a thinrim a sosang kher mai, ka Pasaltha, ka lo chhuan ve em em te chuan min phatsan a ni chiang mai, Ral hlauva Tlanchhia Pasaltha ka hre ngailo-ve, an pahnih chuan ka tihlum ngei ang a han ti leh tun tun a, a upa ten inbengdai tura an tih tak sek avang chuan Lal Ngurdawla chu a insum thei ta hram a,, chutia an Lalpa thinrim a ziaawm tak deuh hnu chuan, upa zing a pakhat chu lo tawng chhuakin, Vala te u, kan Pasaltha Doruma leh kan Val upa Tuvela te chu khawi lam panin nge an kal inhria em"? tiin a han zawt a, Tlangval pakhat chuan, kan hre hauh lo mai, an bikbo lai reng reng pawh kan hre lo a ni an lo ti a, Lal Ngurdawla chuan, Vala te u min lo kiansan tawh u, ka upa te nen hian thu rel tur pawimawh kan nei e a rawn ti a, Tlangval te pawh chu an chhuak ta nghal a, Tlangval te an chhuah hnu chuan, kan thu hriat chu a lawmawm lohvin pawm thiam a har khawp mai, a han ti a, a upa te hnenah chuan ngaihdam te Lal Ngurdawla chuan ngaihdam te a han dil bawk a, Lal upa zing a pakhat chu lo tawng chhuakin, Lalpa, ngaihdam dil a ngai reng reng lo, engtia hma han lak tur nge tih hi i ngaihtuah tlang zawk teh ang u a rawn ti a, Lal Ngurdawla chuan, ruahmanna tha zawk nen kan zu run leh dawn em ni"? a han ti a, upa pakhat chuan, Lalpa" i duh ang chuan kan run leh ngei ang, amaherawhchu tun dinhmunah chuan kan Tlangval an hren te khu kan lak chhuah phawt a ngai a ni a rawn ti a, upa pakhat chu lo tawng ve lehin, Ni e Lalpa, kan Tlangval te chu a rang lam a kan zu tlan mai chu a tha lo maw a rawn ti ve, Lal Ngurdawla chuan, ka upa te u, inthurawn han hnial chu ka hreh viau na a, kei zawng, zu run leh nghal mai ka nap a ni a han ti a, upa zing a pakhat chuan, Lalpa, min lo hrethiam la, tun rum rumah chuan, mi run thei pawh kan niin ka hre lo a ni, Buh Lu chuh a hun dawn hnai a, inrun reng reng a kan hman hlel chuan kan hmabak chu Buh nei lova awm a ni mai dawn a, tin, kan Tlangval te an hren reng lai a kan zu run a nih ngat chuan, kan Tlangval te tawrhna khu a zual sauh dawn a ni a rawn ti dap dap a, chutia a Upa ten an hnial tlat takah chuan Lal Ngurdawla chu a han ngawi vung vung a, chutah lo tawng chhuakin, ka upa te u induh ang chuan nirawhse a rawn tichhuak a, upa pakhat Hrangliana chuan, Lalpa kan Tlangval te chu kan tlan chhuah thuai a ngai a ni a han ti a, Lal Upa pakhat chuan, ni e Lalpa, upa Hrangliana sawi ang khan, a rang lam a kan Tlangval te chu kan tlan chhuah a ngai a ni, i sial leh Silai zawng a thlawnin a liam lovang, kan run leh hunah kan la kir leh bek mai dawn a lawm a lo ti ve, Lal Ngurdawla pawh a upa te thusawi chuan a tihlim thar khawp mai, nui vun vun pah a lo tawng chhuakin, ka Upa te nge nge, inremruat a fingin pawm a nuam thin e, naktuk lamah Upa Hrangliana hovin Damdiai khua chu zu pan sela, kan Tlangval panga leh ka Pasaltha Laiawrhan zui bawk sela a tha inti em" a han tih chuan, a upa ho chuan tha an tih thu chu an lo sawi liam liam hlawm a, Zu te in pahin titi dang dang an sawi kai ta zel a.
######.
Damdiai lam erawhchu Ralmuang takin an khawsa hlawm a, Buh seng a hun dawn hnaih avangin mitin mai chu an buai tlang em em hlawm a, Huala pawh thawktu dang awm ta lo chu Ram lamah chuan a la tap chawt reng a, lehlang a a Nu a lo feh ve chang te hian a hlim em em a, biak tur nei ngailo tih takah, a nu a rawn feh hi chuan a tawng tam thin hle a ni.
#.
Tuk khat chu Damdiai Lal, Lal Savunga leh a upa ho chu zing ni lum aiin Luhkapuiah chuan an thu thap mai a, Lal Savunga chuan, tunkum zet chu zu va an nghal riau ni awmin an sawi a, hawp khawp kan inthar lo mai ang ka ti" a han ti a, Upa Zabiaka chuan, keipawh an sawi ka hre tak a sin, zu va an nghal chu thu dang nise, ral bei a kan inpuahchah rei deuh kha kan tawrh phah deuh ni awmin an sawi kha a rawn ti a, upa Siama chuan, a dikna chen pawh a awm ang, tupawh mai kha Kulh hung khan kan buai em em a ni a, tutanmah Lo lam ngaihsak theih ni hek suh, nikhat chauh pawh kha an tan chuan chetna hun tha kha a ni mai si a, a han ti a, chutia eng eng e maw sawi a an lo titi melh melh lai chuan, ral atang a, Mihring Sial kawi duah duah a rawn inzuu hi an hmu a, Lal Khawnbawl Upa Zabiaka chuan, Eheu!!! Daizo lam an ni reng mai ka ti, ka rin aiin an rawn che chhuak hma daih mai a han ti a", Upa Dova chuan, an Tlangval te chu an ngaihtuah ve hle a ni mahna a lo ti ve, chutia an lo titi lai chuan Daizo ho pawh chu Lal In bulah chuan an rawn thleng a, Lal Savunga chu Luhkapuiah chuan dingchhuakin, Daizo Khua atangin a niang maw? a han ti a, Daizo upa Hrangliana chuan, aw ni e Lalpa, kan Tlangval te rawn hruai chhuak tur a rawn kal kan ni" tiin a lo chhang a, Lal Savunga chuan, tirawh u chutiang a nih chuan, In chhung lamah i lut ang u hmiang, inchhawl te pawh a hal tawh ang a han ti a, Daizo ho pawn lo hnial lovin In chhung lamah chuan an inzui lut ta nghal a, thuthmun te an remfel hnu chuan Zu chu Seki a rawn pein an lo Insak liam liam hlawm a, an han thut hahdam deuh hnu chuan Lal Savunga chuan, inTlangvalte rawn tlan nan a ka rawn phut chu inrawn keng kim meuh maw"? Daizo ho hnenah chuan a han ti a, Daizo Upa Hrangliana chuan lo chhang vatin, aw Lalpa, min rawn phut ang chuan kan rawn keng a lawm a lo ti a, Hrangliana bawk chuan, Lalpa kan Tlangbal te chu an la dam tha a maw a han tih zawm zat a, Lal Savunga chuan, inbeihna kha a nasa em mai a, nunna chan pawh an awm teuh a ni, intlangval kan man ho chu an damin an chak tha khawp mai a han ti a"" Hrangliana chuan, Lalpa kan chung a zahngaihna i lantir avangin kan lawm lutuk e a han ti a, Lal Savunga chuan, nunna hi a hlu em a, zah ka ngai chauh zawk a ni, ka khaw lam hawi zawng a chet inrawn thawh leh a nih chuan kei Lal Savunga hian zahngaihna ka lantir tawh lovang a han ti hmarh hmarh a, Lal Savunga vek chuan, Damdiai khua hi tam zawk nih avang a pawng hneh theih ngawt kan ni lo a ni tih in hre dawn nia a han ti leh a, Daizo ho chu an thin a rim tlang hlawm hle mai a, tih theih erawh an nei si lo.
Hrangliana chuan tlawm hun a ni tih hriain, Lalpa, min ngaihdam kan ngai takzet a ni, tun chinah chuan i kawng dal zawngin Kut kan thawh tawh hauh lovang a han ti a, Pasaltha Laiawrha chuan, Lalpa kan Tlangval te chu hmuh min phslsak thei em a han ti a, Lal Savunga chuan, thei tuk e, tukthuante ei phawt u la muangchangin mawle a lo ti a, upa Hrangliana chuan, Lalpa min duhsakna avangin kan lawm em em a, amaherawhchu, tukthuan chu kan ei lo mai a nge, rem i tih chuan kan tlangvalte hi hruaiin khua hi kan chhuahsan vat zawk a nge a lo ti a, Lal Savunga chuan, chutia intih tlat chuan han chelh theih ngawt theih inni si lo a lawm a han ti a, Lal Savunga chuan Tlangaupa ka Tlangval te kha Daizo khaw ho kha chhuah turin va hrilh rawh, an rim a chhiain, an hmel hmuh pawh ka hne tawh e, hei an mahni tlanna pawh kan hmuh tawh hi nuih huah huah pah hian a han ti a, Tlangaupa a chhuah rual chuan Daizo upa leh Tlangval ho chuan an zui ve nghal a, pawn an va thlen chuan mipui ho chu thil awmzia hriat tum chuan Lal Mualah chuan an lo awm teuh mai a, Tlangaupain an mihren Rip chhung a mi te Tlangval ho hnen a chhuah tur a a han tih takah chuan Mipui ho chuan thil awmzia hriain an mahni In lam an pan leh sang sang hlawm a, an Tlangval te erawh chuan an mi hren te chu an chhuah ve mek thung a, chutia an han zalen ta chu Daizo Tlangval rip chhung a hun eng e maw chen awm tawh te chu an hlim hle mai a, a then te phei chu lawm luat avangin an Mittui a luang hial a ni.
Chutia Daizo Tlangval te an hlim viau lai chuan Lal Savunga chu Luhkapuiah chuan a lo chhuak a, tihian thu a han sawi a, Daizo Val rualte u, tluang takin kal ta u la, inchung a ka zahngaihna ka lantir hi theihnghilh hauh suh ang che u, Damdiai khua te hi eng khaw lakahmah kan zam lova, kan zam ngai bawk hek lovang, inchung a ka zahngaihna ka lantir hi intheihnghilh a, rawlral a rawn chet leh intum a nih pawhin, Damdiai khua te hi engtiklaipawn kan inpeih reng a ni tih in hre reng dawn nia a han ti a, In chhung lamah a luhsan ta nghal a, Lal Savunga a luh hnu chuan, an khaw upa Hrangliana chuan Tirawh ule, keinipawh i kal thuai ang u le a han ti a, Daizo Tlangval te chu thinrim teh mahse tih theih nei chuang hek lo le, insehruh teuh chung chuan Damdiai khua chu an chhuahsan ta a, Kawtchhuah an thlen chuan Daizo Pasaltha Laiawrha chu a han hawi let a, lo ngawi tak rawh u, Daizo khua hian enge kan tih theih inla hre khawp ang a han ti a, a thiante zui chuan a kal ve ta nghal a.
Damdiai Lal Inah ve thung chuan nui thawm a awm reng a, an mi hren te atang a Silai leh Sial an neih belh chu an lawm em em a, Zu te inin, an ri chelchul mai a, Lal Savunga pawh a tawng pawr leh hle tawh a ni.
Hun a liam a, Damdiai khuain an mi man an chhuah zalen atang pawn Kar Hnih lai a liam leh tawh a, Damdiai mipui ho pawh Buh sengin an buai tlang hlawm hle mai a, Huala pawh a nu nen chuan an ran te nen chuan Lo lamah an riak lut ve reng a, hah pawh an hah thin hle a ni.
Nikhat chu Huala chuan amahin Buh chu a Seng malh malh mai a, an rite an lawmte nen a an hlim nui thawm te chu a hre reng mai a, an thu sawi a hriat thenkhat chu a lo nuih pui ve leh tet tet thin a, chutia chau leh thlan tla zuih a a han beih chuan Chhun chawfak a lo hun tawh reng mai a, Huala chuan a Thlam lam chu panin Chaw chu a han bar mawp mawp mai a, chutia engdangmah ngaihtuah lova a ei mawlh mawlh lai chuan Silai puak ri a hre thut mai, Huala chuan a Chaw ei lai chu thawh sanin Thlam luhkaah chuan a va chhuak vat a, ka hliam ringawt a nia lo tlan rawh u, ti a Tlangval inko thawm a hre ta tlat mai, Huala chuan a Chaw pawh chu bar zawm ta lo chuan a *Silai leh Chempui* chu a chuh vat a, a thawm hriatna lamah chuan a Tlan ta nghal a, Hualan Tlangval ho awmna a zu thlen chuan, Sanghal an hliam thu leh mipahnih Saidinga leh thanhnuna ten an umzui nghal thu chu an lo hrilh a, Huala chuan, eng phei chu ka tithei bik hauh lovang a, amaherawhchu kan umzui ve reng reng a nge a ti a, Tlangval ho chuan kan lo zui ve ang che an ti a, an thian, Saidinga leh Thanhnuna te va pawh tur chuan an kal ta hlawm a, chutia thui fe an kal hnu chuan Ngaw lamah hniak chu.a lut tlat mai Huala te chuan an zui zel a, chutia hmanhmawh tak a an kal lai chuan, Mihring na tuar tre thawt ri an hre thut mai a, Silai puak zawm ri an hre nghal zat bawk a, Huala te chu hmanhmawh takin an tlan nghal a, Silai puak thawm an hriatna hmun an va thlen chuan, Thanhnuna Thisen nen a lo inchiahpiah nuai chu an va hmu a, Saidinga chu a thianpa bulah chuan Silai nen a lo ding ran bawk a, Huala te a lo hmuh chuan, ka thianpa ka venghim zo lo a ni, inthiam lo tak hian a lo ti a, Huala chuan, u Saiding, inthiam lo duh mah ta che, hei i theih tawp i chhuah a lawm a han ti a, Huala vek chuan, khawian nge inSa hliam chu a awm"? a han tih zawm a, Saidinga chuan sawlai hnimpik karah sawn a tlan lut daih mai a lawm mawle" a lo ti a, Huala chuan, Silai kha a puak si a" hriat zawm chak tak hian a han ti a" Saidinga chuan, ni e, a Bek a kah tum ka ni a, ka Thalfang ka thlah khan a lo chesawn hman a ni chek a niang chu, a ke hmalam invuahna velah khan ka kap ta a lawm mawle" a han ti a, Huala chuan, chuzawng a kal that theih dawn tawh loh chu kan va hnaih ang e a ti a Sanghal hliam tawmna lam chu fimkhur takin a pan ta nghal a, a hnungah chuan Tlangval pathumin an rawn zui ve bawk a, an awmna atang a hlam thum vela hnim pik kar atang chuan Sanghal tep chuap chuap thawm an hre tlat maile!!! Huala chuan, Pasaltha Kapzelan a lo hrilh fo chu hre chhuakin, kiang rawh u, a ngho a tat hriam a nia a han ti tuar a, a sawi zo hman awrh tihah chuan, a tawmna hnimpik kar atang chuan Sanghal hliam tuar thinrim chu a rawn dawk chhuak thut mai a, Huala chuan a Silai chu a hmet puak nghal dur mai a, Sanghal Chaldar chu a verh siah mai a, amaherawhchu Sanghal kha a rawn dawk chak em avangin Huala khan kap fuh mahse a hnung a rawn kal Saidinga chu a la rawn su hman tho mai, Saidinga pawh chu a leng dawrh a, amaherawhchu a banneih a siamin a insawh na lo thung.
chutia Sanghal ber a tluk takah chuan an pan hnai nghsl vat a, an zing a upa deuh ber, Khamliana chuan a han teh nghal vat a, Sum Sarih thuak hi a lo ni a, mak an tiin, ropui an ti tlang hlawm hle a, Rotlinga chuan, a Ngo te chu a va han sei ngai em! Tawng a chen thelh a lawm le, hetiang a Sanghal Ngho sei hi ka la hmu lo-ve a han ti , Khamliana chuan, Damdiai khuaah hian hetiang em a Sanghal lian kap thei hi ka la hre lo, a lo ti a, midang ho pawn Huala chu an han fak liam liam hlawm a, Huala chuan, mi Sa hliam tawh hnu kah te zawng intheih be vek tur a lawm a lo ti a, Thlam lamah pawh zawn chho ta lovin an chan ta nghal a, midang ho pawh an rawn thleng ve zel bawk a, Chutia Sa chan a an buai mawp mawp lai chuan, Huala i lo va tuan rang kher em veleh, a rawn tai tawh dawn che emaw ka lo tihman a a han ti a, midang ho pawh chuan Huala chu rang an tih thu an lo sawi ve liam liam hlawm a, Huala chuan, hlauh luatah ka che rang mai mai a nih kha, keini tuan panngai te zawngin, Satel hi kan eltawk viau a nia a lo ti a an han nui leh dar dar a, chutia hlim tak a an chan zawh hnu chuan Thlam lamah an inphur chho ta a, Thlam an han thlen chuan, Nula ho chu an khek chul hlawm a, Tuisik te chu an tlangval te an lo pe bawk a, Huala an hmuh dan pawh a dang ta khawp mai.
Hetia an busi takah chuan hawn pawh a lo hun ta reng mai a, an Sa te chu a inzat theuhin an insem a, an kal darh dawn chuan, Siamthangi chuan, ehe!!! Ka lo theihnghilh dawn a lawm, u Thanhnuna kha u vunga ten an zawn haw ta mai a nih kha, Bawlpu pan vat kha a fuh ber a an hriat avangin a han ti a, Huala chuan, Siami kha Sa hliam ringawt kan lo ngaihtuah a, a zia lo tak tak a ni, u Hnuna chu a na viau em a han ti a, Siamthangi chuan, aw, kaiza atang khan a thler chho deuh vek a, u Vunga kha chuan a thapui te a khawih thlengin a hria a, chuvang a haw rawt chuk chuk pawh an ni reng an ni a lo ti a, Huala chuan, a pawi tak zet a ni, a han tichuai raih a, Siamthangin rawn chhan a tum lai tak chuan, Khamliana chuan, Huala zu insiam thuai la, Vunga te chu i umzui thuai teh ang u hmiang a rawn ti a, Huala chuan, Siami a nih ka zu insiam ve phawt a nge a ti a, an mahni Thlam lam chu a pan ta nghal a, an Thlam a zu thlen chuan Huala chuan Buh phurh hawn chu a fuh dawn a a hriat loh avangin a Sa rep ho chu a ak haw ta zawk a, zangkhai tak a haw a duh chhan pawh Vunga te nan hman a inrin vang a ni.
a phur tur te a siam fel hnu chuan a Thiante zawm tur chuan a chhuak leh nghal a, Huala rawn chho Khamlianan a lo hmuh chuan, tirule, Huala pawh a lo thlen chhoh dawn khu a han ti a, Hualan a thiante bul a han thlen chuan, min lo nghak rei tawh awm si a, i kal nghal mai ang u hmiang" a han ti a, Khaw lam pan chuan zau-ah chuan an inzui ta diah diah a, chutia thui fe an kal takah chuan, Ni pawh a lo thlang ta khawp mai, Huala te ho chu an kal zel a, feh ve dang an tawh ho te chu an kal pel zung zung mai a, chutia an kal zel lai chuan, an hmalam a hmeichhe pahnih inphur bawr luk a an kal hnak hnak hi Huala chuan a hmu a, tunge an nih hriat a duh avangin Huala chuan aw a han thian kharh kharh a, chu veleh a naupang zawk chu a rawn leh hawi nghal vat a, Huala chuan, Thangpuii te ni rengin, tunge innih ka hre mai lo che u a lawm mawle, nui sang hian a lo ti a, Thangpuii chuan u Huala ni reng che a, inva hmanhmawh em dm ve a han ti a, Huala chuan, nia, u Thanhnuna Sanghalin a hliam a lawm mawle" tiin a lo chhang a, Thangpuii chuan, a va zia lo-ve aw, a na viau em"? tiin a lo zawt a, Huala chuan ngaihtuahawm hran love, a lo ti a, Huala bawk chuan, Thangpui ka kalsan phawt mai ang che u, thiante ho chhawk an ngaih takin a han ti a, Thangpuii chuan, ni e va hmanhmawh tawh a lo ti ve, Huala chuan remchang hmasa berah ka lo la leng dawn nia a ti a, a kal san ta nghal a, thui fe a kal hnu chuan an khaw chawlhhmun a thleng ta a, Thanhnuna chu Tlangval ho chuan an lo chawlh pui a, Khamliana chuan, i kal thuai ang u le, kan chhawk ve tawh ang che u Vunga te hnenah chuan a han ti a, Vunga te chuan lo hnial viau mahse Khamliana te ho chuan an chhawk ta thova, Vunga te ho chuan Hmeichhe ho nen chuan hnung lamah an zui ve a, Khamliana te ho chu uih zawn ang mai a kal an nih avangin an kal chak kher mai a, Hmeichhe ho chuan an zui zo lo kher mai, Khamlianan chu chu a hriat veleh, Vunga Hmeichhe ho kha muangchangin rawn kal pui mai rawh u aw, tiin, an hnung fe a rawn kal Vunga te chu a han hrilh leng leng a, kal an siam leh ta nghal a, Zanriah ei hun velah chuan Kawtchhuah an thleng ta a, Khamliana chuan Hnuna te In lam pan nghal i la, Bawlpuin enkawl nghal rawhse a han ti a, he tihlai hian Thanhnuna hian Thisen a hlauh hnem tawh em avangin engmah a hre tawh lo a ni, chutia Khamlianan a han tih takah chuan, chawl khawmuang lovin Thanhnuna te In lam chu an pan ta nghal a, Khamliana chuan Thil awmzia Lalpa hrilh turin a tir nghal bawk a, Thanhnuna te In an thlen chuan Thanhnuna chhung te chu an lo awm kim thap a, Thanhnuna engmah hre lova awm Tlangval ten an rawn zawn lut an lo hmuh chuan, Thanhnuna Nu leh a Farnu te pahnih chu an tap nghal pur mai a, Thanhnuna Pa bulah chuan thil awmzia chu Khamliana chuan a han hrilh zung zung a, Thanhnuna pa chuan a Fapa an chhanchhuah avang chuan lawmthu a sawi mawlh mawlh a, he tih lai hian Khamlianan a tir tak Tlangval pakhat leh Bawlpu chu an rawn thleng ve a, Thanhnuna pa chuan, Tlangval te u intih fai pawh induh ang a, min tin san tawh rawh u, hei Bawlpu pawh a lo thleng tawh a a rawn harh thuai mai ang han ti a, Tlangval ho chuan zan lam a len leh intiamin an chhuahsan ta hlawm a. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2019, 7:58 pm

DORAL HRANG MAHSE.
*Zawntea Chhangte The Red Devils*.
episode (17)







Thanhnuna te In atang a an chhuah hnu chuan Huala chu an In lam panin a kal nghal vang vang a, an In a zu thlen chuan a Nu Kungpuii chuan zanriah a lo kil mek a, chutia Huala lo lut a han hmuh chuan, Huala enge a awmzia tun ang hunahte i rawn lan hlawl mai a lo ti var a, a Iptepui leh Silai ban fel pah chuan, u Thanhnuna a chesual.a lawm mawle a han ti a, Kungpuii chuan ekhai aw, chu a na viau em" engtia che sual nge a nih a a lo ti a, Huala chuan, Sanghalin a tai a lawm mawle, a Kaiza tha a tai chat a ni awm e, tunah phei chuan engmah a hre lo a han ti a, Kaiza tha maw, a tha pui a nih chuan a pawi khawp ang le, a lo ti a, Kungpuii vek chuan, hei zanriah ka kil tan chiah a rawn kil nghal ve mai tawh a han tih zawm a, Huala pawn hnial lem lovin a nu Chaw ei chu min chhum kep em tih pawh ngaihtuah lovin a zawm ve ta nghal a, Kungpuii chuan, Thamhnuna chu a Thisen a chhuak hnem hle a niang maw?) a han ti a, huala chuan antui chu a han hawp hruih a, chutah lo tawng chhuakin, aw, a hlauh hnem ve khawp mai a han ti a, Huala bawk chuan, ka nu Buh seng zawh lam chu ka pu te khua Hmartlangah chuan ka va zin khaw thawng dawn mawni ka ti deuhva, i remti em?" a han ti a, Kungpuii chuan, ni e, i pu te hi i la hmu hauh lo mai a, an ni pawn an hmuh che chuan an lawm khawp ang, remtih loh em em pawh a awm hleinem, amaherawhchu nangmah mai chuan i ngaihtuahawm dawn e mai ka ti a han ti a, Huala chuan, ka nu mai mai thin hi aw, Tlangval ka ni ve tawh a lawm, ka ngaihtuahawm lutuk bik tawh lo a nia a lo ti a, Kungpuii chuan, fate rinngam hi a lo har an tih hi a lo dik riau mai ka ti" a han ti a, Huala chuan, chutia min ngaihtuah viau leh, Pasaltha Kapzela ka sawm ang a ni mai a lawm, nui tha chung hian a han ti a, a Chhaw ei chu a thawhsan ta nghal a, Kungpuii chuan, i ngam a thu a ni mai a lawm nui chung chuan a lo ti ve bawk a, eng eng e maw sawi chuan an titi ta zel a, chutia an nufa a an lo titi melh melh lai chuan, Thanliana chu a rawn lut hlawl mai a, Kungpuii chuan, Thanliana ni rengin, kan In ah te i rawn lan ve hlawl mai a lo ti a, Thanliana chuan, nia nu Kung, hei Thiana hi Nula rim pui turin ka rawn sawm a nih hi a lo ti a, Kungpuii chuan, ni e, va rim pui tak teh nula rim nachang pawh a hre lo mai dawn, naktuk lamah riah luh leh a tum bawk sia a lo ti a, Huala chuan, u Thanhnuna te In lamah ka han leng ang chu ka lo tia sin a lo ti a, Thanliana chuan, nu leh pa hovin an lenpui a lawm, i tih tlat leh Nula In a len hma rei vak lo chu kan chuangkai tho ang a ni mai a lawm a lo ti a, Huala chuan, mai mai thin a, len ve lem a rei lo te thut chu a dik dawn mi? Bakah tlai lutuk a Nula In a chuankai chu a chi lovang a lo ti ve leh a, Thanliana ngaihdan ni tawh lo chuan, i duhnaah chuan leng mawlh ang che, min lenpui peih loh vang a nih kha tih pah chuan a ding hluai a, Huala chuan, khaih khaih... Chutiang zawng ni love, keini lenpui duh loh phak pawh innih loh hi min lo nghak rawh kan insiam ang a han ti a, Hualan chutia a rawn tih takah chuan Thanliana pawh chu a thu ve leh mai a, Kungpuii chuan, Thana Huala hi chu hrethiam hram hram rawh, hetiang hi a ngaipawimawh thei lutuk a a han ti a, Thanliana chuan, ni e, a rilru hi chu a tha lutuk, amaherawhchu zanin kher chu ka ngenngawl ve deuh a nia mawle, a insit ang ai hian Nula ho hian an In a chuangkai tur hian an duh zawk a nia, engmah hi a hre si lova a han ti nang nang a, Kungpuii chuan, tu Nula mahin an In a leng turin va beisei suh, nuih hak hak pah chuan a lo ti a, Thanlianan chhan a tum lai tak chuan, kal tawh ang le tihtauh chingpa Huala chuan a rawn ti a, Thanliana chuan, Sa ka kah ve theih loh avang hian min hmusit bik suh aw a lo ti ve, chutia infiam bawrh bawrh chung chuan Lengi te Run lamtluang chu an zawh ta a, Huala te an chhuah hnu chuan Kungpuii chuan thil hrang hrang a ngaihtuah a, Thanlianan Huala hi chu Nula hovin In lengah pawh an awt ru hlawm khawp a nia a tih te chu a ngaihtuah a, Huala Sa lak theih zia a hriatin Thanliana thusawi chu a awih ve tho mai a, amaherawhchu rin bur erawh harsa a ti a ni.
Huala te chu kal zelin, Thanlianan a sawina Chhingpuiite In chu an va thleng a, Chhingpuii chuan Rimtu pawh a lo ngah khawp mai, Huala leh Thanliana rawn lut a hmuh chuan, ehiau! Huala leh u Thanliana te ni rengin, khawi lam thli chhiain nge kan In ah te rawn chhem lut che u a a lo ti a, thutna te a lo pe nghal zung zung a, Thanliana chuan thut hmun rem pah hian, khawi lam thli chhia mahin min rawn chhem love, Nula hmeltha zunin min ko kal zawk a ni e a han ti a, Tlangval pakhat chuan, Nula hmeltha Run lamtluang zawng tumah hian kan hai lo a nih hi maw" a rawn ti a, Tlangval ho chu an han nui dar dar hlawm a, Chhingpuii chuan, keini hmel te zawngin tumah va tluk phak suh, nui sang chuan a lo ti a, chutia an titi melh melh lai chuan Sa a tla e.... Sa a tla e.... Ti thawm an hre ta thut maile!!! Tlangval ho chu hmanraw chuhin an tlan chhuak ta hlawm a, Huala chuan, Chhingpui Fei han hman mai tur inkawl em a han ti a, Chhingpuii chuan an Khum hnuai a a pa Fei dah chu va la chhuakin Huala chu a rawn pe a, Huala chuan lo la vatin, Sa tlakna lam chu a pan ta nghal a, Thanliana pawn Vhempui nen a rawn zui ve bawk a, Huala ten Sa tlakna thawm an hriatna an va thlen chuan, pu Nghakliana te nupa chu Leikapuiah an lo ding a, Sapuiin an Vawk a hnuh liamna lam chu an lo kawh hmuh a, Huala chuan Meichher te chhi kai zung zungin Sakei liam thlakna lam chu a fei nen chuan a pan thla ta nghal a, Sakei chuan a Sa hnuh chu a pu kang lo tih hriat tak hian Thisen a baw thla zeihzuih mai a, Huala chuan chhui thla zelin Kawrteah chuan a chhui lut a, thui fe a chhui thlak hnu chuan a hmalam, hlam nga vel atang hian a Sa seh chu hauh tih hriat tak mai hian Sakei chu a lo rum ngul ngul mai a, Huala chuan Sakeiin Vawk chu a bawh bet a ni tih mei chher engah chuan a hmu thei ruai a, a hnung a Chempui nen a rawn kal Thanliana chuan a rawn hmu ve bawk a, Huala bulah chuan rawn dingin, Huala engtiinnge kan tih dawn Silai kan keng bawk si lo a rawn tikhur dar dar a, Huala chuan, Lung tum lian tha lenglawng han zawng teh a lo ti a, Thanliana chuan Lung chu a han zawng nghal a, a hmuh veleh chuan Huala chu a han pe a, Huala chuan lo lain, Sakei awmna lamah chuan pen nga vel a han tawlh hnai a, a Lungtum ken chuan, a Sa Seh bawh bettu Sakei chu a han deng ngheng mai a, Sakei chu thaw awkin, thinrim tak mai hian a rum hum hum a, chumi rual chuan a rawn dingchhuak ta nghal a, chu chu Huala duh dan a ni.
Huala chuan hnaih chilh vatin Sakei rawn dingchhuak chu a thin hnunah chuan a chhun ta siah maile, mahse chu zawng Keipui nun han chhah nan em chuan a la duap lua a ni, Huala rawn chhunna fei chu ben tliah tum chuan a ke hma lam chu a han vai a, Huala chuan a fei hman chu a bun vaih chuan a chan a chhe hle dawn a ni tih hriain Sakeiin a fei a rawn ben thelh tih a hriat chuan rang takin a phawi ta nghal a, Keipui awm atang chuan thisen a put nghal zur zur mai, Sakeichu awp hniam sutin a Sa Seh rawn chuhpuitu Huala chu zuan a tum ta a, hetihlai hian, Huala lo zam hlek suh u khawchhung lam atang a rawn ti thawm an hria a, Huala chuan Pasaltha Kapzela aw a ni tih a hre chiang khawp mai, Sakei chuan Huala chu a rawn zuan ta ngei maile, Huala chuan a fei chuan Sakei rawn zuang kang lai Hrawkah tak chuan a lo chhun ve nghal siah a, mahse Vanduai thlak takin Huala Fei chu a bung ta tlat mai, Huala chuan Sakei na ti a muangchan lai chuan Thanlian chem a han ti nghal tuar a, Thanliana chuan a Chem ken chu a rawn theh phei ve nghal a, Hualan chem chhar tum a a kun hniam lai tak chuan Sakei chu a rawn zuang leh ta thut maile, mahse Hualan chu chu a lo rin lawk a nih tho avangin Sakei rawn zuang chhuak gnuaiah chuan rang lutukin a lum phei nghal a, a awm thip nghal zak pawh chu a hre chiang khawp mai a, a Chem pawh a thlauh phah reng a ni, Hualan Sakei a lum pelh hnu chuan Sakei Meiah chuan a man nghal chawt a, thlah duh si lovin an hnuk ngheng mai a, Sakei thinrim pawh a hahum ring tawh khawp mai, Huala chuan Sakei mei chu a thlah vaih chuan a chan tur a hre chiang em em a, Sakei lahin tal chhuah a tum ve nasa mai bawk a, Sapui na na na chu a chak nangiang mai, Huala chu a thlan a tla zawih zawih tawh a, Pasaltha Kapzelate chu rei a ti rilru tawh hle a ni.
Chutia an lo inchai nang nang lai chuan, Huala lo tang hram hram rawh aw Pasaltha Kapzela chuan an chhak deuh atang chuan a rawn ti a, chutia thawm a rawn awm belh leh takah chuan Keipui chu a rum nasa zual kher mai a, tlangval dawih deuh phei chu an khur chhe der mai a, Thanliana pawh a bang bik lo, Huala chuan hmanhmawh teh u ka chelh hneh lo mai dawn a nia a han ti a, Kapzela ten Huala leh Sakei lo inpawt tiang triang mai an han hmuh chuan Huala chu huaisen ancti hlawm hle mai a, hmuhnawm an ti tlang hle a niang, kah mai nachang pawh an hre lovani.
Huala chuan u Kap han kap thuai rawh a han tih chuan Kapzela chu harh chhuak nghal zawkin, Sakei Chaldarah tak mai chuan a Silai mu chu a han luh tir zawr mai a, chutah zet zawng, Hualan a lo hliam nual tawh bawk nen, Sakei chu a tlu nghal ta ruah mai a, Sakei ber a thih takah chuan Huala chau lutuk pawh chu Sakei ruang bulqh chuan a mu ve nghal a, Tlangval ho chuan rawn pan hnai nghal thuaiin, Huala awm a Sakeiin a hamna Thisen chhuak te chu an rawn hru fai nghal sawk sawk a, Hnim damdawi te chu Huala hliamah chuan an han bel nghal bawk a, Val upa Hmuaka chuan Sakei zawnna tur hlang siam tur chuan Tlangval ho chu a han ti a, Huala chuan zawn ngai a intih loh avangin Hlang chu an siam ve dawn lo a ni.
Tlangval hovin Hlang an han peih hnu chuan, Val upa Hmuaka chuan, Huala han chuang tawh khai kan zawn ang che a han ti a, Huala chuan a lo duh lo nasa mai, Sakei kha ka thah a ni hleinem, Pasaltha Kapzela thah a nih kha a lo ti a, Kapzela chuan, Huala Sakei ka thah theihnachhan bul tumtu hi nangmah a lawm i nih, a lo ti a, Huala chuan, Sa reng reng chu a hnuk chhattu chu kan hliam hmasak pawh nise a thattu an ni ngai e, ti a min hrilh fo thin kha, mahni thah ni lovah chuan hming thatna khum ka duh lo-ve a lo tihmak mai a, Kapzelan Huala rilru that zia a hriat chuan a lawm hle a, Huala chu a ngaisang ru hle a ni.
Chutia Hualan a hnar tak tlatah chuan Kapzela chu Hlangah chuan a chuang ta nghal a, Val upa Hmuaka chuan tlangval pahnih chu Sakei an tih hlum tawh thu Lal beng lo han thlen tur chuan a tir nghal bawk a, tichuan an Sakei thah leh Pasaltha Kapzela zawn chuan kawng rualrem lam deuhvah an kal ta mup mup a, Tlangvalte chuan engdangmah an sawi thei lo, Huala chak zia leh Huaisen zia thu chauh lo chu. Huala chu he tihlai hian, hliam te nau deuh a neih avangin val upa Hmuaka bulah In lam ah ka lo haw phawt mai a nge a tih avangin Sakeiin Vawk a hnuh liamna lamah khan a lo kal daih thung.
Tlangval ho chuan Sakei Ruang leh Pasaltha Kapzela zawn chung chuan an kal zel a, Lal Mual an han thlen chhauh chuan mipui chu an lo phu mur mur mai a, Tlangval hovin Sakei Ruang Lal Inkawt a an han nghah chuan mipui ho chuan hmuh chian loh hlauvin an rawn zim nghal tuau tuau mai a, a hmu a piang chuan lian an tih thu chu an sawi nghal chul zel bawk a, Kapzela Hlang chung a rawn chuang an hmuh avangin chu Sapui chu tu thah nge tih erawh inzawh a, inhrilh hriat a ngai hran lo.
Chutia mipui Sahawk zualpui a reh hnu chuan Lal Savunga chuan thu a han sawi a, ka khua leh Tui te u, hei zaninah ka Tlangval te leh ka Pasaltha te zarah lungmuangin kan awm leh thei dawn a ka lawm takzet a ni a han ti a, Lal bawk chuan, kan Tlangvalte leh Pasaltha te ho hi ka chhuang em em a, an tih tur te hriain tlin takin, mahni nun hlan a ngaihna hmunah pawh tlanchhe mai lovin huaisen takin an bei thin a, an zar a mawi leh hmingtha ve mai ka ni a, chuvangin kei Lal Savunga hian ka chhuang tak zet zet a ni a han tih leh chuan mipui ho chuan Kut an lo beng hluah hluah a, Lal chuan sawi zawm lehin, tun a kan buaina hi a tawpna a la nih mai a rinawm lohva, chuvangin ka Tlangvalte tun a an thil tih hi duh tawk mai lohva chhawmnung zel turin ka duh bawk a ni a han ti leh a, Lal chuan sawi zawm lehin, hei Sapui mi tam tak nunna min suat sak theitu tur inrawn tihlum thei hi kan lawm em em a ni.
a thattu chu kan hre theuhvin a rinawm a, engtia that nge a nih tih Val upa Hmuakan kan zavai hriatah han sawi tehse a han ti a, mipui ho chu an lo au dur dur a, Val upa Hmuaka chu Luhkapuiah chuan lawn kaiin, tihian a han sawi a, Damdiai khaw mipui te u zanin a inzing a thu han sawi tur hian ka hriat a tlem em em a, chuvangin, engkim a tir atang a thil thleng hmutu leh hretu Thanliana kha lo chho tehse a han ti a, Thanlianan luhkapui a han thlen chuan mipui ho chu an ngawi thap hlawm a, Thanliana chuan, an nula rimna In atang a thawm an hriat thu te, Huala Sakei awmna lam pan a Fei nen a tlan nghal thu leh, Sakei nen an inbeih dan zawng zawng te leh Pasaltha Kapzelan a rawn kah dan zawng zawng te chu uar takin a han sawi a, chu thu an han hria chu mak an tihlawm hle a, Huala hmuh tum chuan Nula ho chuan an Mit an len ruai hlawm a, mahse chu zawng an len thlawn mai a ni.
Lal Savunga chuan, awle zanin a ka thu hriat chuan min tilawm kher mai, Damdiai khua hian innghahna Khaw daingul kan neih belh leh dawn ta, Pasaltha Kapzela leh Huala kha lo chhuak sela, chawimawina Nopui ka lo dawm tir ang a han tih chuan Mipui ho chu an lo au chul hlawm a, Pasaltha Kapzela Leikapui a a kai hnu pawh chuan Huala reng reng a la rawn lang lova, Mipui ho lah chu Huala hmuh tum chuan an lo hawi nasa tawh bawk si, Val upa Hmuaka chuan thil awmzia chu hriain, Lalpa hnenah chuan, Lalpa Huala chu hliam a neih avangin an In lamah a haw ta nghal a nih kha a han ti a, Lal Savunga chuan, a nimaw, zukan thuai a ngai a nih chu, engpawh nise mipui ho hi thil awmzia kan hriattir phawt a nge a ti a, Mipui lo phun mur mur chu a zap dai ta nghal a, chutia mipui an reh tak duak hnu chuan Lal chuan thu a han sawi a, hei Zaninah Sapui kan tih hlum theih nan a a sulsutu ber Huala chuan hliam a tuar hlauh mai a, zaninah hian a rawn tel thei ta lo a ni a han ti a, Lal Savunga bawk chuan, Sa lu han ai pawh a chakawm viau na a, Buh seng kan tul tlan em avangin kan Sa Lu hi chu kan ai lo phawt daqn a ni a han ti leh a, tichuan eng eng e maw a sawi leh hnu chuan mipui ho chu a tin tir ta hlawm a, Nula rim nan a tlai deuh tawh avangin Tlangval ho chu Zawlbuk lamah an titi laih laih hlawm a, Huala huaisen thu chauh lo chu engdangmah an sawi thei lo, zan rei tak thleng an inkawm hnu chuan an mu ta hlawm a, Huala erawh he mi zan hian Zawlbuk a kai ve lo a ni. Chhunzawm zel tur.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 23rd, 2019, 9:03 pm

DORAL HRANG MAHSE.
*Zawntea Chhangte the Red Devils* episode (18)
A tuk khua a lo var chuan Damdiai khua chu nidang ang bawkin zing ni chhuak chuan a rawn chhun leh vang tawh a, Nula ho pawh Tui chawiin an tul leh hle a, Naupang Thingnawi fawm rual ho pawh dai hnai a an thangkam en in an liam ve vat vat hlawm a, mahni zawn theuhah mitin mai chu an buai tlang hle a ni.
he tih lai hian Lal Savunga leh a upate chu Leikapuiah an lo titi ve siam siam hlawm bawk a, Lal Savunga chuan, ka Tlangval ten Sapui awlsam tak a an han tihlum thei mai vhu a thlamuan thlak ngawtin ka hria a vaibel zuk khu puak liam vut vut pah chuan a han ti a, upamin Zabiaka chuan, a ni ngawt a sin, nun chan tumah an awm lo leh nghal a, keipawh ka lawm tak tak a ni a lo ti ve thuai a, upa Siama chuan, Run kan tawk zo hlim chauh a ni a, kan tlangvalte kan hlauh hnem bawk nen, Sapuiin min rawn vel leh zet kha chu kan Inchan leh mai ang tih kha ka lo hlau ru khawp a sin a han ti a, Upa Dova chuan Lalpa, Huala chu i hriat zawng a ni reng reng em"? ka lo hre fuh hauh lo mai ka ti a han ti a, Lal Savunga chuan, veng Mawng lam a awm Pi Kungpuii fapa neih chhun khu ni ta in ka hria a lo ti a, upa Zabiaka chuan, Lalpa i hriat chu a dik e, a pa pawh Thangzauva, i khua leh Tui tan a theih tawp chhuah thin kha a lo ti vat a, Lal Savunga chu a han ngawi deuh vung vung a, chutah lo tawng chhuakin, Thangzauva hman kum a Thingin a delh hlum tak kha maw?" a han ti a, Zabiaka chuan aw ni e Lalpa a lo tithuai a, Lalpa chuan, Thangzauva kha Pasaltha tih tur em chu ni lo mahse a huaisenin a khua leh tui chhan nan chuan a inpe zo khawp a sin, chutia Thangzauva Fapa a nih zawngin a pa hnung a rawn zui zo hle dawn e nui var var pah chuan a han ti a, Lal Savunga vawk chuan, nizan lamah a inhliam si a Buh seng tul hunlai a ni bawk nen, amah ber khutia a inhliam si chuan Tlangval ho pui turin kan tih mai a va ngaih hmel ve a upa ho melh kual ralh pah chuan a han ti a, an Lal remruatna chu a tha an tih thu chuan a upate chuan an lo chhang a, Vai hriat a Tlang han au tir chu Kungpuii te tan nuam dawn a a hriat loh avangin, an Tlangvalte chu a ruk a hrilh hre turin Lal Savunga chuan a tir chhuak ta nghal a, Lal leh upa ten eng eng e maw sawi a an han thut muan leh hnu chuan tukthuan ei turin upa ho chuan an In lam theuh an pan ta hlawm a.
#.
Huala pawh a nu chuan tikhan lo awmdam la keimahin ka zu seng ve bek bek mai ang, Chaw bar mawlh mawlh pah a a tih chuan, ka nu, ka lo kal ve thei mai ang ka na lutuk hleinem Huala chuan a lo ti a, Kungpuii chuan, i nat lutuk loh chuan naktuk lamah kan kal dawn nia, Vawiin chu tihian In lo nghak la, lo awmdam phawt rawh a nun a lo tileh hluk a, Huala pawn chhang buai zel tawh lovin a nu thu zawm chu a tum ta zawk a, Chaw te an ei kham chuan Kungpuii chu a insiam mawlh mawlh a, a inpeih hnu chuan, Huala hei ka kal a nia, engmah kha lo ti lo ang che a ti a, Kawtchhuah lam chu a pan ta nghal a, a Nu a chhuah hnu chuan Huala chu chhuatlaiah chuan a vei kual a vei kual a, Buh seng tul hunlai a a inhliam chu pawi a ti em em a, chutia eng eng e maw ngaihtuah a chhuatlai a a lo vei kual sek lai chuan, Huala kha i awm maw Mawngkapui atang chuan an rawn ti a, Hualan kawngkapui lam a va hawi chuan an Khaw upa Zabiaka leh upa Duha te an lo ni a, Huala chuan, ekhai, kan upa te ni reng che uin, enge ni ta? kan Inah te inrawn chuankai tak mai lo thu rawh u... Tihpah chuan thuna a lo pe zung zung a, upa Zabiaka chuan, engdang ni love, nizan a kan khaw mipui nunna min chhahsak theitu tur Sapui i han tihlum mai kha kan Lapa a lawm em a min rawn tir a lawm mawle" thuthmun rem pah chuan a han ti a, Huala chuan zak tak mai hian, Pute u, Sapui kha ka tihhlum a ni hleinem, Pasaltha Kapzela tihhlum a nih kha a lo tithuai a, upa Duha chuan, Huala i sawi chu a dik khawp mai, amaherawhchu, kan Pasaltha Kapzela kan va sawi nep ta lam ni lovin, Pasaltha Kapzelan rem tak a a kah theihna kha nangmah i ni tih tuman kan hai hleinem" a lo ti a, Huala chuan sawi tur a van ta kher mai, chutia a ngawih vung vung lai chuan, upa Zabiaka chuan, hei kan Lalpain ka kan ve nan a ti a, Artui leh a Zu tuitling min ken tir a tihpah chuan a rawn phawrh a, Huala chuan, pute u, a lawmawmin a va zah thlak ve mawle, hliam na pawh ka ni lo a sin, ka tuar hi a zuau deuh mai a lawm a lo ti a, upa Zabiaka chuan, Sapui meuh lakah hi chuan Pasaltha tamtak pawh hi an chesual chawk a nia, a lo ti a, Upa Zabiaka vek chuan, kha Lal Zu tui tling te hi han in la, i zia deuh maithei a sin, nuih deuh hak pah chuan a han tih zawm a, Huala chuan hrehin han hnial lui viau mahse, a hnial hneh dawn chuang a a inhriat loh avangin, inthlahrung tak chuan, Zabiaka kut a Artui leh Mau bur chu a lak sak a, ka lawm lutuk e a tisap a, upa Zabiaka chuan nui var varin, kan lalpa chu i chungah hian a lawm tak zet a nia a lo ti a, Huala chuan, ka vanneih zar kan zo tlang te a nih chuan a lawmawm lutuk e, kan Lalpa bulah pawh min ngaihsak a, a upa te meuh a rawn tir che u a, ka lawm tak zet a ni tih min lo hrilh sak dawn nia a han ti a, eng eng emaw an sawi leh hnu chuan, upa Zabiaka leh upa Duha chu Lal In lam panin an chhuak ta a, chutia an Khaw upate an chhuah hnu chuan Huala chu tap chhak kiangah chuan a thu a, an Lalpain Zu tui tling a rawn pek chu a han khiat khalh khalh a, tih tur a awm loh chu thu hran, engmah a tithei lo bawk nen, mitin mai chu Buh sengin Lo lamah an liam duak bawk si a, Huala chuan reh a ti tlawk tlawk hle mai a, a Khumah chuan mu-in thil eng eng e maw Huala chuan a nghaihtuah a, a Pute khua a a zin hun turte chu a ngaihtuah kai ta zel a, chutia a rilru a kawm melh melh lai chuan a hriat loh karin a lo muhil ta daih mai a, a han harh meuh chuan Ni chu a lo Chawhnu ruih tawh a, tho chhuak nghal vatin Huala chu a inphih harh nghal sawk sawk a, a nu rawn haw chu a chauh hle a rin avangin Mei te chu a nun nghal sawk sawk a, thei leh thei lo chuan Chawte chu a chhuangkai nghal thuai a, a Chaw chhum vil chuan Tap kiangah chuan a thu ran a, a rilru chu a kawm malh malh a, an Lalin a rawn ngaihtuah viau mai te chu mak a ti em em a, chutia a Rilru a lo kawm melh melh lai chuan, Huala enge maw i ngaihtuah vung vung a? i Chaw chhum pawh a hmin tawh kha rawn tithawmah chuan a harh chhuak zawk a, a Chaw chhum chu a suan thla ta nghal a, Huala chuan, ka nu, inva rawn haw hma em em ve??? mak tihhmel tak hian a han ti a, Kungpuii chuan, kan Lalpa hi kan chungah a tha em a ni. Tlangval ho min seng pui turin a lo ti a, kan rawn zo daih mai tiin a lo chhang a, Huala chuan, a va zahthlak ngai ve aw, midang puih ngai a han awm chu a han ti a, Kungpuii chuan, a ni ngawt mai, amaherawhchu engmah kan hre lawk si lo a lawm a lo ti a, Kungpuii bawk chuan, Lo kan zu thleng kha Tlangval ho kha an rawn kal khawm tuau tuau a, min rawn pui ta mai a lawm mawle, indan theih ni ta hek lo le, a lawmawm lamah ngai phawt mai teh ang a lo ti a Huala chuan, ni e, mi te hi kan chungah an lo fel khawp mai a han ti a, Huala vek chuan, e tak a, Vawiin khan kan upa te an rawn leng a sin a han tih zawm a, Kungpuii chuan mak tih hmel tak hian, a va mak ve, enge an rawn tih reng reng a a lo tivat a, Huala chuan thil thlen dan zawng zawng chu a sawi ta vek a, a sawi zawh hnu chuan Kungpuii chuan, kan Lal hi chu a tha mange aw, hetiang Lal fel kan nei hi chu kan vannei khawp mai a han ti a, Kungpuii bawk chuan, Huala ka sawi fo tawh angin fimkhur hle la, i nun uluk hle ang che, Lal ngaihsakna kan han dawng te hi kan lawm viau lai hian, min lo iksik ru tawk pawh an lo awm reng thei a nia a han ti a, Kungpuii vek chuan, mi te hi an sual chu ka tihauh lova, amaherawhchu, kan chung a that chhuah fo thintu te hi kan chhiatna duhtu pawh an ni thei tho a ni tih i hre dawn nia a han ti leh a, Huala pawn Lu a lo bu ve nghauh nghauh a, a nu thusawi chu dik a ti em em a, vawntlat pawh a gum a ni.
Kungpuii chu a fapa thu tha tinreng a fah hnu chuan a insilfai nghal a, khawsak relin a buai nghal vat vat a, Huala erawhin Leikapuiah a Silai te a en fel ve thung a, chutia a Silai ngawt buaipui a a lo hmanhlel lai chuan, kha i hliam chu a va zia tawh awm ve" rawn tiri a hria a, Huala chu hawi chhuak nghal vatin, ekhai, Thian Piangliana nireng che a, lo leng rawh khai, hei tih theih vak ka nei si lova, awm mai mai aiah Silai te ka lo en fel e ka ti a nih hi a lo ti a, Leikapuia chuankai pahin Piangliana chuan, Buh seng kan tul bawk nen, Zing lamah ka rawn kal hman ta ngang lo a ni a han ti a, Huala chuan, hei i titha lutuk a lawm, hei hliam na pawh ka nih loh hi a han ti a, Piangliana chuan, nizan Sapui inbei zet kha chu Huaisen kan tihlawm khawp che a sin a lo ti a, Huala chuan, mai mai thin a, ka vanneih vang mai mai a nih kha a lo ti a, hetia an lo titi melh melh lai hian an kawmchhak atang hian, nangni pahnih chu inva sawi muk awm ve Thanliana chuan a rawn ti a, Huala chuan, nia rawn tel ve rawh i lawm zawng tak mai thil kan sawi a nia a lo ti a, Thanliana pawh Huala te lam pan chuan a chhuk ta nghal a, Buala te bul a zu thlen chuan, hanliana chuan, Huala Buh kan thar tam ka ring lo i ti sia inthar tam em khu maw" a rawn tinghal bawrh bawrh a, Huala chuan nia kan vannei hlauh a nia nge, inchungah hian ka lawm tak zet a ni, engtik niah e maw chuan intan tangkai hun ka la nei ve mial mahna a han ti a, Thanliana chuan, chutiang sawi saawi a ngailo, ram chhuak i la ni mai awllen lai hian a lo tihsamet a, Piangliana pawh chuan, ni e, Pasaltha hnung zui chu ka chak ve teh a nia a lo ti ve thuai bawk a, Huala chuan, khaih khaih khaih... Tumah Pasaltha kan awm hleinem, a lo ti a, Huala vek chuan, ka pute khuaah zin ka lo tum deuhva tun awllen lai hian a han ti a, Thanliana chuan, i va hmanhmawh awm ve, Zan hnih khat lek riak pawn i hman lo maw a rawn ti leh a, Huala chuan, hmanhmawh hran love, ka hliam te hi han dam fel phawt sela kan tum dawn nia a lo ti a, chutia Hualan a han chhan takah chuan Thanliana leh Piangliana pawh an hlim kher mai, eng eng emaw sawi a rei vak lo an thut leh hnu chuan Thanliana leh Piangliana chu Zanriah ei turin an haw ta a.
#Hun leh ni te chu a liam be bek bek a, Sapui an tihhlum atang pawn nithum lai a liam leh tawh a, Huala pawh a dam tha tawh khawp mai, Zankhat chu Chaw an ei kham an thutmuan lai chuan Huala chuan, ka nu, tunah chuan Buh te kan seng zo ta bawk a, ka Pute khuaah chuan ka va zin tawh dawn mawni ka tideuhva a han ti a, Kungpuii chuan, ni e, intlawhpawh zen zen hi a theih si lova, i va kal dawn nia, amaherawhchu ka sawi tawh angin, nangmah mai chuan ka ngaihtuah deuh che a ni a han ti a, Huala pawn a nu Rilru chu hriatthiampuiin, ka nu, Thianpa Thanliana ka sawm ang a nimai, a lo rem ta lo a nih chuan keimahin ka kal mai a niang chu a lo ti a, Huala vek chuan, mahse ka zin chhuah hmain, Zan hnih khat lek riah kan tum a a han tih zawm a, Kungpuii chuan, tute nen nge riah intum a a lo ti a, Huala chuan, Piangliana leh Thanliana te nen mawle, Pasaltha Kapzela hi ka sawm ve dawn mawni ka ti deuhva a han ti a, Kungpuii chuan, e... Han zai tak rawh a ni kaihhruina hnuaiah zawng inva hlawhtling phian maithei a sin a lo ti a, Huala chuan dinhluai pah hian, naktip mai a kal tum kan ni si a, Pasaltha Kapzela chu ka han zai ang e a ti a, Kungpuii pawh chuan, ni e han kal tak rawh, a lo phur phianin a nia ka rin a lo ti a, Huala chu Pasaltha Kapzela te In lam pan chuan a chhuak ta nghal a , Pasaltha Kapzela te In a han thlen chuan, Pasaltha Kapzela te chu an chhungkuain an lo titi laih laih hlawm a, Leikapuiah chuan chuangkaiin Huala chuan, inawm em?" a han ti a, Pasaltha Kapzela chuan, awm e lo lut rawh khai a lo ti a, Huala chu Inchhung lamah chuan a lut ta nghal a, Kapzelan Huala a lo hmuh chuan, Huala tehhlawl chu, lo leng rawh khai, enge i duh teh mial a" a lo ti var a, Dailova thutna rawn pek chu lo lak pahin Huala chuan, eng duh lo-ve ka rawn tlawh khat em che u a, ka rawn kal a nih hi a lo ti a, Kapzela chuan, ni e, Buh seng tul hunlai a lo ni vei bawk nen, intlawh zen zen hi a har bawk a lawm a lo ti a, Kapzela bawk chuan, kha i hliam chu a va zia tawh awm ve a a han tih zawm a, Huala chuan, a engmahtham pawh a nih loh hi, ka tuar a zuau vang mai zawk a lawm a lo ti a, Kapzela chuan, Sapui beih hi fimkhur a ngai reng a sin, i huaisennaah chuan ka chhuang khawp mai che a, amaherawhchu, Sapui reng reng mahni chauhvin bei tawh suh ang che, a han ti a, Huala chuan inthiam lo tak hian, u Kap, ka tihpalh a ni a han tisap a, Kapzela chuan, nula rim te i tum lo a mi?" a han ti a, Huala chuan, tumah han rim tur pawh ka hre lo a, a han ti a, Huala vek chuan, tak a, ka thian Piangliana leh Thanliana te nen Zanhnih khat lek riah kan tum a, min rawn ho la ka tideuhva a han tih zawm a, Kapzela chuan, keizawng nangni thalai rual han pawl tur em chuan ka tuan a fum ta deuh a ni, ka hnawk mai mai ang e nuih hak hak pah chuan a han ti a, Huala chuan, upa tawh i inti chungpawn i hnung kan la zui zo lo chu a nih hi maw" a lo ti ve, chutia an pahnih a an lo titi melh melh lai chuan, Zamawii chu a rawn lut a, Huala a rawn hmuh chuan, e kha Huala i lo leng a ni maw"? A rawn tinghal bawrh bawrh a, Huala chuan, nia, hei zan hnih khat ram riah puiah ka rawn sawm a u Kapa hi a lo ti a, Huala vek chuan, kha i va dam tha tawh awm ve a" tiin a han zawt let a, nia hei ka tha tawh khawp mai, Zamawii chuan a lo ti a, Huala chuan, Thangpuii te In a len a la duh deuh avangin, u Kap ka lo beisei dawn che a nia, khawnghe, ka thian te i rawn tel ve theih thu hi kan hrilh ve teh ang, an lawm ve dawn e mai a ti a, Kapzela te tan a chelh hman loh chuan a chhuak ta daih a.
Huala a chhuah hnu chuan Zamawii chuan, ka rin ai daihin Huala hi a huaisen mai ka ti a han ti a, Kapzela chuan, ni e, amah hi Naupang viau e ti lo hian a puitling riau leh nghal a, Sa te lah hi a la thei phian bawk si a lo ti ve a, Huala chanchin chu an nupa chuan an sawi ta zel a..#.
Huala pawh Thangpuii te In lam pan chuan a kal zel a, Thangpuii te In awmna a hriat mai loh avangin a mi tawh a piang chu a zawt pah zel a, a tawpah chuan a tumna ber Thangpuii te In chu a thleng thei ta, pawn lam atang chuan, inawm em"? a han ti a, In chhung lam atang hian, nu phanchang ve tawh tih hriat tak hian, awm e, lo lut rawh a rawn ti a, Huala chu lut nghalin, In chhung a han luh chuan, Thangpuii leh a nu chuan Mei lum an lo ai a, Huala rawn lut a lo hmuh chuan Thangpuii chuan, ehe!!! Huala lah ni reng che in, lo leng rawh, a lo tinghal bawrh bawrh a, Huala chuan, Thangpui ka tum angin ka rawn leng vat thei lo a ni inthiam lo tak chuan a han ti a, Thangpuii nu Pi Zathluaii chuan, tikhan lo inkawm rawh u, thenawmah kan leng lawk ang e a ti a, a chhuak ta nghal a, pi Zathluaii a chhuah hnu chuan Thangpuii chuan, Huala Mei lum hi rawn hnaih ve rawh a han ti a, Huala pawn lo hnial lovin Thangpuii kiangah chuan a tawlh hnai ve a, Thangpuii chuan, i lo len duh tak tak pawh ka ringhleinem" nui seih pah hian a han ti a, Huala chuan, Nula hmeltha Inah chuan engahnge maw kan len duh loh tehlul ang ni" nui pah chuan a han ti a, Thangpuii chuan zak sen ap ap hian, vel a che a, keini te zawngin hmeltha min va tisuh a lo ti a, Huala chuan, tak tak a, Buh seng tul hunlai a ni bawk nen, ka rawn leng vat thei lo a ni a han ti a, Thangpuii chuan, hei i lo leg tho a lawm, nui var var pah hian a lo ti a, Thangpuii vek chuan, Huala han inzawt ta tawp i la, i nu tunge?) a han ti a, Huala chuan, ka nu chu Kungpuii a ni a, veng tawp lam a awm kan nia a han ti a, a pa hming a sawi lan loh avang chuan Thangpuii chuan mak a ti deuhva, inthiam lo rilru tak chung hian, hmeithai fapa ve tho maw i nih?) a han tisap a, Huala chuan aw ni e, ka naupan deuh lai hian ka pain min boralsan a a lo ti a, titi dang dang te sawiin an nui leh bawk bawk thin a, chutia hlim tak a an titi lai chuan leng hawn Ar a lo khuang chuah chuah a, Pi Zathluaii leng pawh a rawn lut ve chiah bawk a, Huala chuan dinhluai pah hian, ka tawng tui luatah haw nachang ka hre lo pek a lawm mawle, khawnge Zawlbuk lam ka han kai ve tawh ang e a han ti a, Thangpuii chuan a la hma lawm a lo ti a, Huala chuan, ka len rei lutuk zawngin, Zan dangah min hne lutuk palh ang e, ram riah zawh lamah ka lo leng leh dawn nia, mang tha tak mang ang che u a ti a, Zawlbuk lam pan chuan a chhuak ta nghal a. Chhunzawm zel tur.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)