DORAL HRANG MAHSE BY *Zawntea Chhangte the Red Devils* (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: DORAL HRANG MAHSE BY *Zawntea Chhangte the Red Devils* 1 - 18

Unread post by Ngaia » March 30th, 2019, 7:30 pm

DORAL HRANG MAHSE.
*Zawntea Chhangte The Red Devils*.
episode (19)




Hualan Zawlbuk a han thlen chuan Tlangval Nula rim a leng ho pawh an lo haw kim tawh hlawm a, Huala Bawhbel 4awn bawh liam Val upa Hmuakan a lo hmuh chuan, e khai kan Pasaltha chu Nula Mit mei i hmu tha deuh a ni ang maw?) nui sung hian a lo ti a, Huala chuan, hmu hran love, Pasaltha Kapzela te In lamah ka leng a lawm mawle a lo ti a, a mutna te kuai pharhin a mu ve ta nghal a, Mut hmunah chuan an titi laih laih hlawm a, Thanliana leh aPiangliana chu Huala mutnaah chuan rawn kalin, Zaninah chuan khawiah maw i han len a" an rawn ti sa sa a, Huala chuan thu dik tak sawiin, a lenna chu a hrilh ta a, chutia an titi lai mek chuan Val upa te chuan mut an rawn rawt ta a, Tlangval ho pawn bengchheng siam zui lovin an mu ta nghal hlawm a, Zing khua a lo var chuan Huala chuan Huala chu a tho thuai a, a mutna te chu a tel fel nghal zung zung a, an In lam chu a pan ta nghal a, In a zu thlen chuan Kungpuii chuan Mei a lo nun tawh a, Huala chuan, kaBu kha i tho der tawh a nimaw?) a han ti a, Tui um hunna lam chu a pan ta nghal a, Kungpuii chuan, nia hei ka tho ve chiah a nih hi a lo ti a, Huala chuan a nu chu be zawm tawh lovin Tuium pahnih chu a la a, Tuikhur lam chu a pan ta nghal a, tuikhur a zu thlen chuan Nula Tui chawi tlem te hi an lo awm a, Huala chu an lo be siam siam hlawm a, Huala pawn tha takin a chhang zel hlawm a, a Tuium te a thal khah hnu chuan an In lam chu a pan leh ta nghal a, kalkawng a a kal lai chuan thil hriat chhuah a nei ta tlat mai, a nu a zin san daih chuan tunge Buh lo chhek ang? Huala chuan mawl a inti hle mai a, a nuin engmah a sawi chhuak lo te chu mak a tirilru hle a, chutia eng eng e maw ngaihtuah a a kal takah chuan an In chu a thleng ta reng mai, Tui um hunna a a Tui um hun pahchuan, ka nu ka pute khuaah chuan ka zin lo mai ang a han ti a, Kungpuii chuan engati maw!!!? i kal ngei ang chu a lo ti a, Huala chuan thuthmun rem pah hian, ka nu ka lo mawl em a ni a han ti a, Huala vek chuan, ka zin daih ten tunge buh chhek ang a han ti a, Kungpuii chuan nui var var chung hian, i theihnghilh mak hle mai a lo ti a, Kungpuii vek chuan, Huala thulh lah love, i kal ngei tur a ni, a han ti a, Huala chuan, ka nu min ngaidam rawh, ka chak zawng leh duhna ka lo dah lal lutuk a ni a han ti a, Kungpuii pawn a fapa inthiam loh zia a hmuh chuan thil engkim grilh chu tha a ti ta zawk a, Huala hnenah chuan, Huala thil engkim kan hrilh mai ang che, i pute khua a zin i duh thu i sawi khan, i pa Hmingliana leh i pa Hmingthanga bulah thil nih phung ka sawi a, an ni pawn an phurpui khawp che a sin, Buh chhekah te mai mai zawng a rilru tibuai suh se kan lo chhek vek mai ang an ti a, tunah pawh Chhek In an sa mek a ni, i inhliam si a a han ti a, Hualan chung thu a hriat chuan a ding hluai a, ka nu Chaw mi han fun tawh, ka pa Hmingliana te chu ka zu pui ve ang e, a zahthlak zozai e mai, kan ramriah tur pawh hi ka thulh mai ang a han tipang pang a, Kungpuii chuan Huala chu chiang tak a enin, Huala, Mipain a thutiam.a sut leh zung zung tur a ni lo, thu kan tiam tawh reng reng kan puitlin ngei tur a ni, i thiante pawh i tihrilhhai lutuk ang a sin a han ti a, Huala chuan, ka nu, a zahthlak zozai tawh em a ni a lo tileh hram a, Kungpuii chuan, Huala i pa te pahnih hi i hmin thei chuang lovang, tum buai duh lo mai rawh a lo tihlak a, Kungpuii vek chuan, Huala Mipa fa i ni a, rilru nghet, mi te rintlak nei la ka duh che a, kan puitlin theih loh tur thutiam zuah zuah hi mi te min rinngam lohna bul a ni thin a han tih zawm a, Kungpuii vek chuan, tun a i thil tum pawh hi tum tlang ang che, keima remtihna ngeiin i va zin dawn nia, i pute chu va tlawh la ka duh thin a, mahse ka sawi chhuak mai ngam lova, khatia nangman kal i duhthu i rawn sawi khan, ka hlim em em a, va kal ngei la ka duh avangin, i pa te pahnih ka han be ta a, an nin an lo remti nasa mai bawk nen, i va kal ngei tur a ni, engmah inthiam lohna tur a awm lo a han ti a, Huala chuan a nu chu han hnial thin mahse awmzia a neih thin loh avangin, a Pute khua a zin chu inthiam lo rilru tak chuan a tum tlang ta a.
Huala chuan a Tuk mai a ramriah an tum avangin a Silaite chu a han fel zung zung a, Tukthuan ei tur a a nun a rawn koh takah chuan a lut ve ta a, Tukthuan an ei lai chuan a Fapa chu Kungpuii chuan a zilh mawlh mawlh a, Huala, inva ramriahna turah chuan va fimkhur hle la, ka fapa neih chhun i ni tih hrereng ang che a han tidap dap a, Kungpuii vek chuan, hmingthat tum luatah thiante an hmakhalh zung zung ngailo, tin, engpawh va tawk thei inni a, i thiante i phatsan tur a ni lova, a tul a nih phawt chuan i nun hial pawh i hlan mai tur a ni, thiante puih ngai reng a awm tur a ni ngailo a nia, Pasaltha Kapzela zai ngai takin i awm dawn nia a han tileh dap dap a, Chaw ei mawlh mawlh chung chuan Kungpuii chuan a fapa chu thu tha tinreng chu a fah mawlh mawlh reng a, Tukthuante an ei kham chuan Huala chu a thiante In lam.a pan ta nghal a, Thanlianate In a va thlen chuan Thanlianate chuan tukthuan an lo kil mek a, Thanlianan Huala a lo hmuh chuan, e kha Huala i lo leng a nimaw?) a remlaiah khan lo thu tawp mai teh tiin a lo be sawk sawk a, rei vak lo a thut hnu chuan Thanliana pawh chu a kham ve thuai a, kamte a thuah fai hnu chuan, enge ni ta? i rawn lan ve tehhlawl mai tiin, Huala bulah chuan thuthmun a rem ve a, Huala chuan, Piangliana te Inah kal phawt i la, kan sawi dawn nia, a lo tisam et a, Thanliana chuan, a eng tak chu nimaw? tirawh i kal nghal mai ang a ti a, Thanliana chuan a chhungte chu thil awmzia a hrilh a, Pianglianate In lam pan chuan an chhuak ta nghal a.
Thanliana leh Piangliana hi mi awm thei tak chhungkua ve ve an ni a, Piangliana phei hi chu, Lal Khawnbawl Upamin, Zabiaka fa panga zing a a Naupang ber a ni nghe nghe a, Thanliana pawh hi Damdiai khaw Pa hausa, Hausiama fapa Naupang ber dawt a ni.
Huala ten Pianglianate In an va thlen chuan Piangliana chuan Luhkapuiah a Silai a lo en fel mek a, Hualate lo kal pawh chu a lo hmu hauh lova, Thanliana chuan, i va tul awm ve mawle" a han ti a, Piangliana chu rawn hawi chhuak vatin, ehe!!! Nangni pahnih chu enge inrawn tih dawn? lo thu ve rawh u a lo ti a, Huala chuan, engdang ni love, kan rawn tei phei mai mai a nia thuthmun rem pah chuan a han ti a, Piangliana chuan, a nih tak chu mawle a lo ti a, Piangliana bawk chuan, Nizanah kan ramriah tum thu hi ka pa ka hrilh a, a remti khawp mai, mahse kan riah tumna min zawt a ka lo hre der mai si lova, ka pa nuih a za teh a sin, tihpah chuan a nui hak hak a, Huala chuan, kan tum ve ngawt a, khawilai nge ni ang tih lam reng kan ngaihtuah lo mai a, i pa i nuih i tiza pawh chu a awm reng mai") a lo ti a, Thanliana chuan, khawilai nge han riahna chi deuh ang?) a han ti a, Huala chuan, *Sabawh mual* lam hi a chi loh maw ka lo tirilru a, Sa pawh a tam khawp an titlat a ni a lo ti a, Piangliana chuan, nia, ka pa pawn Sabawh mual tih takah, Sa pawh an tam khawp a tih ka hria a ni a lo ti ve bawk a, Huala chuan, Pasaltha Kapzelan a hre vek mai ang, lungngai lo phawt ang u?) a han ti a, Thanliana chuan, Pasaltha Kapzela chu a lo kal ve dawn i tihna em ni?) Huala en pah chuan a lo tivat a, Huala chuan Kapzela lo tel ve theih tur thu chu a han hrilh a, chung thu an hriat chuan Piangliana leh Thanliana chu an hlim ngei mai, an ri nghal hlut a, Huala chuan, indah fel la, Pasaltha Kapzelate In lamah chuan chho teh ang u, Zan lam Nula rim induh leh awm si a, nui pah chuan a han ti a, Piangliana pawh chu indah fel nghal zung zungin, a inpeih hnu chuan Pasaltha Kapzela te In lam chu an pan ta hlawm a.
#.
Pasaltha Kapzela te In Huala ten an han thlen chuan Zamawii chu a lo awm a, Huala te lo lut a lo hmuh chuan, ekhai... Nangni thian ho tehhlawl chu, eng thil nge ni ta? tiin a lo be nghal sawk sawk a, Thanliana chuan, engdang ni love, Pasaltha Kapzela biak kan duh deuh a lawm mawle?) a han ti a, Kungpuii chuan, a nih tak chu mawle, Dai hnaiah Thing ka va pu lawk ang e a ti a nih kha, lo nghak rawh u a lo haw tep ang a lo ti a, hmundang a kal buai tawh lovin, Huala te ho pawh chuan thuthmun an rem ve ta a, Zamawii chuan eng eng e maw sawi puiin a be siam siam reng a, Huala te ho pawh an nui leh hak zel a, chutia rei ngial an thut hnu chuan, Pasaltha Kapzela Thing pu pawh a lo haw ve chiah a, Kawngka atang chuan, nangni thian hau chu, enge induh a? inrawn len teh mial a?) a han ti a, Piangliana chuan, lo lut ve phawt la mawle??) a lo ti a, Kapzela chu In chhungah chuan a lut ta nghal a, Huala chuan an kal chhan te chu a han sawi a, Kapzela chuan, *Sabawh mual* saw kan tum dawn nia, Sazuk hual tur pawh a awm in ka ring a ni a han ti a, Huala chuan, a tha ngawt ang chu, Silai kan pu chhuak thei vek dawn leh nghal, hlim tak hian a lo ti a, Kapzela chuan, chutia Silai kan ken theih theuh dawn chuan Buk nghaktu nih tuman induh dawn lova, chuvangin, Buk nghak tur mi pahnih kan hruai tel a ngai dawn a ni a han ti a, Piangliana chuan, ka lo ngaihtuah thei maiin ka ring a lo ti a, a that chu, amaherawhchu, Buk nghak tur mai mahnise, i fimkhur dawn nia aw, Kapzela chuan a lo ti a, Kapzela chuan hmeithai fa, a duh a ni tih a tawngkam atang chuan tuman an hai lo, Piangliana chuan a Lu a lo bu nghauh a, an hriat atan a thil tur hrang hrang Pasaltha Kapzelan a hrilh hnu chuan Huala te ho chuan hlim takin Pasaltha akapzela te In chu an chhuah san ta hlawm a.
#.
A tuk mai a riah luh tum an nih avangin, inbuatsaih nan chawhnu lam chu hman an tum tlang hlawm a ni.
Huala chuan a thiante chu kalsanin an mahni lam a pan nghal a, an In a zu thlen chuan Kungpuii chuan Huala engmah sawi lovin i kal bo nghal hmak a, i kalna chin turte sawi ta che a lo ti hluk a, Huala chuan, nia ka nu ka tihpalh a ni. Pasaltha Kapzela te Inah ka han kal a lawm mawle a lo ti a, Chawhnu hun chu a nu nen a inkawmin an hmang liam veleh ta mai a, Tlai a lo nih chuan Zanriahte chu an kil dun a, Chaw ei pah chuan Kungpuii chuan a fapa chu thu tha tinreng a fah mawlh mawlh reng a, Zanriahte an ei kham chuan Huala chuan, ka nu ka mamawh turte min khung fel pui la a han ti a, Kungpuii pawn a fapa mamawh tur chu a buaipui nghal zung zung a, hetia an nufa a an lo buai viau lai hian Thanliana leh Piangliana chu an rawn lang hlawl mai a, Hualan a lo hmuh chuan, lo leng rawh u, nula rim te intum lo em ni?) a lo ti a, Thanliana pek chuan, Nula In tih reng zawng a ninawm e mai, Nuthlawi run kai pawh a khat a lawm le a han tiham ham a, an nui tlang dar dar hlawm a, Huala chuan, chu ka nu i rawn beisei deuh tihna a nimaw?) nui tha pah hian a han ti a, Thanliana chuan, ni hmiang chu, a ni lo awm hek lo a lo ti a, Piangliana chuan, Chhingpuii ka hrilh ang a i buai hle tur a sin a lo ti ve a, an vai chuan an han nui leh dar dar a, a tuk a an riah luh hun tur te chu sawi kai zelin, fiamthu nen, chumi zan chu an tumtawi ta a ni.
#a tuk khua a lo var chuan Huala te thian ho chu an han inkaitho hlawm a, Zawlbuk tualah chuan an han ding khawmuang a, Huala chuan, Pianga Buk nghak tur chu i hmu tawh maw?) a han ti a, Piangliana chuan, chungte mai mai thil har a ni lo e mai ka hual fel vek tawh nui var var hian a lo ti a, Tukthuan ei kham lam a Kawtchhuah lam a innghahkhawm tur tiin, an mahni In lam theuh an pan ta hlawm a.
#Huala pawh Vawiin lam a an ramriah tur avang a hlim nui var var pahin an In lam a pan hnak hnak a, an In a zu thlen chuan a dan ngai tein, Tui chawi chu a han tum a, mahse nidang ang lo takin, Tui umah chuan Tui a lo awm tlat mai a, Huala chuan a nuin Tui chu a lo chawi a ni tih chu a hre nghal mai a, engmah pawh zawt lem lovin, tual a Thing chu a ek ta nghal a, Tukthuan ei tur a a nun a rawn auh takah chuan a lut ta nghal a, Chaw te chu a bar nghal sawk sawk a, Kungpuii chuan a fapa chu a zilh mawlh mawlh reng a, Tukthuan te an ei kham hnu chuan Huala chuan a Iptepui leh a Silai nen chuan Kawtchhuah lam chu a pan ta nghal a.

Kawtchhuah a han thlen chuan Pasaltha Kapzela leh Piangliana te chu Buk nghak tur mipahnih a hruai te nen chuan an lo awm thap tawh a, Huala chuan, nangni chu inva hma bik ve min lo nghak rei tawh em?) a han ti a, Kapzela chuan, nghak rei love, kan thleng ve chiah a ni a lo ti a, Piangliana chuan, Thanliana pawh khu a rawn kal a lawm a lo ti a, Karlovah Thanliana pawh chu a rawb thleng ve a, Thanliana a rawn thlen tawh chuan i kal ang u le Pasaltha Kapzela chuan a han ti a, hlim takin an tum ram, *Sabawh mual* chu an pan ta nghsl a, tluang tak a an kal thei a nih chuan, Tlai lam Zanriah ei hun awm velah an thleng thei dawn a ni..
Huala te ho chu infiam nui bawk bawk chung chuan an kal zel a, tlai lam Zanriah ei hun awm velah chuan Sabawh mual chu an dai lut ta a, Riahbuk sualna tur te chu an melh nghal zung zung a, karlovah chuan Lui te bul chu an pawh ta hlauh mai a, tahchuan Buk te zarin an buai nghal sang sang a, a thenin, thing ro te an lo fawm khawm a, an zawh dawn tawh lamah chuan Pasaltha Kapzela chuan, Huala zanriah chawhmeh tur i va zawng dawn em ni?) a han ti a, Huala chuan, ka va hlawhchham mai mai ang ka ti) a lo ti a, Kapzela chuan, Sava zanriak tur pawh an awm ang va kal rawh a lo ti leh a, Huala pawn lo hnial tawh lovin Buk nghak tur a an hruai, pakhat chu a inzui tir a, an kal ta nghal a, Buk atang a an piah mual khat an thlen phei hnu chuan, an thlang lawk Thingkung a Sava thlazap phurh phurh ri chu Huala chuan a hria a, Pan thla nghal vatin, chu Sava chu Vahrit a ni tih khaw thim tan lek lekah chuan a hre thei ta, Huala chuan rei pawh rial lovin chu Vahrit chu a han kap thawr mai a, Vahrit pawh chu a awmna thingkung atang chuan a piah deuhvah chuan a vir thla nghal nawk a, chh veleh, Huala hruai pa chuan a tla e... a ti a, Vahrit chu a va chhar ta nghal a, Huala chuan engdang beisei tawh lovin Buk lam a panpui ta nghal a, Buk an va thlen chuan a thiante chuan Mei an lo nun tawh a, an lo kil bial tai leh nghal a, Huala te an lo hmuh chuan Kapzela chuan inva hlawhtling maw?) a lo ti a, Huala chuan, kan vanneih a siamin Vahrit zanriak tur kan va nang hlauh a ni" tih pah chuan a Iptepui atang chuan Vahrit chu a han phawrh a, Piangliana chuan, inrawn hlawhtling khawp a lawm, khawi ka lo puah ang e a ti a, a puah ta nghal a, Thanliana chuan a pui ve bawk a, an siam zawh chuan Chaw an lo chhum hmin diam tawh bawk nen, Tlai takin Zanriah chu an kil tlang ta a.
Zanriah ei khamah chuan Mei lum te kil bialin Vaibel te an han zu hlawm a, Kapzela chuan, naktukah chuan kei leh Thanlianan kan thlanglam mual khu kan hrut ang a, Huala leh Pianglianan kan chhaklam mual inhrut ve thung dawn nia a han ti a, Kapzela vek chuan, Ramthanga leh Biakzuala te hian Buk an lo nghak ang a han tih zawm a, tih tur a awm loh avang chuan mei lum chu an bialthap reng a, titi dang danf te vawrhin zan rei tak thleng an inkawm a, Pasaltha Kapzelan mut a rawt hnu chuan Buk chhungah chuan lutin mut zai an rel ta a.
a tuk khua a var chuan an tho sang sang hlawm a, a thenin Tui an chawi a, a then chuan mei te nunin, Tukthuan tur te an lo buatsaih hlawm bawk a, zing nieng lawm Saba chiar nauh nauh ri leh Damdiai valrual hlim nui ri chuan Sabawh mual chu a luah a, a reh lo kher ang le...
Mahni tih tur theuh te an zawh hnu chuan Vaibel te zuin Mei lum chu an hnungpuak ar ar hlawm a, an Tukthuan te a hmin chuan Ni pawh a lo sang deuh tawh nen, tuktbuan chu an kil zui nghal a, Pasaltha Kapzela chuan, tlai lutukah tumah haw loh tur a nia, tin, fimkhur hle tur, Huala chu ka hrilh fo tawh thin a, Sa reng reng hliam intawrh rei tir tur a ni lo a han ti a, tukthuante an ei kham hnu chuan hmuamda vel an han thu khawmuang leh a, chumi hnu chuan mahni seh seh mual hranah tiin, an inthen ta a.
an lo rel lawk tawh angin Huala te chu an chhaklam Mualah chuan an chhova, thui pawh an la kal lo tihah chuan Sa hnu pawh an hmu nghal reng a, mahse an han belhchian chuan hnu chu a thar lam a ni tawh lo tih an hre nghal a, an awmna atang a Mual thumna an kai phei leh hnu chuan, Sazuk hnu chu Huala chuan a la fuh ta hlauh maile, a thianpa bulah chuan, Thiana Sazuk hnu hi i chhui zui char char mai teh ang, a hniak hi a la thar fu mai leh nghal a, kan kah hlauh zawngin a lawmawm dawn e mai a han ti a, Piangliana pawh chu a phur khawp mai, tichuan Sa dang pawh beisei tawh lovin Sazuk hnu chu an chhui ta ngat ngat a, mahse rei ngial an chhui hnu pawh chuan an tum ang ngawtin an pawh thei ta reng reng lo mai a, Ni lah chu a chawhnu ruih tawh leh nghal a, chutia Sa hnu chhui a an kal lai chuan Piangliana chuan, a hnu a la thar viau si a, kan pawh mai ka ring a sin mawle a han ti nang nang a, Huala chuan, a mak ngawt mak ka ti, keipawn kan nan hman ka rin tehlul nen a lo ti ve a, khua lah chu a tlai zel bawk si, Huala vek chuan, hawh teh thianpa i kir phawt teh ang, naktuk lamah tha tharin kan chhui tha dawn nia, kan Vuk kan hlat tawh si a, kan kir leh chhung nen, kan rei lutuk zawngin midang ngaih kan titha lo palh ang e") a han ti a, Piangliana chuan, hei leh chen kan kal tawh a, Kut ruak ngawt a kir leh te chu a, lungawi lo tak hian a lo ti a, Huala chuan, a dik khawp mai, mahse beidawng mah ta che, khua a tlai tak tak hma hian kir i la, a remchang apiang kan kap tawh mai dawn nia") a han ti a, Piangliana chu Hualab chutia a han tih takah chuan a lunghnur lutuk pawh chu a ziaawm veleh ta deuh a, tichuan an Buk lam pan chuan an kir leh ta hnak hnak a, sa dang beisei an nih avang chuan fimkhur tak chuan an kal zel a, chutia fimkhur tak a an kallai chuan an thlang lamah chuan Sakhi huk thawm an hre tlat mai, an pahnih chuan an ding rual thawt a, an thlanglam chu an en thla nghal vat bawk a, Piangliana chuan, engtinnge ni ang? Zu kah chi a ni a ngem?) tiin Huala chu a han zawt a, Huala chu a han ngawi deuh vung vung a, Sa dang han beisei dawn lahin khua chu tlai a ti tawh si, Kut ruak a kir lah a thianpan a hreh zia a hre chiang bawk si, rei fe a inngaihtuah hnu chuan, kan zu kap thei ngut a nge maw? tirawh, i zu tum chhin reng reng ang hmiang a han ti a, thlanglam pan chuan a kal ta nghal a, Piangliana pawn phur takin a zui ve nghal a, thui fe an chhuk hnu chuan Sakhi huk thawm reng reng an hre tawh lo, beidawng tak a an hawi an hawi hnu pawn thawm chu a reh hmak a, Huala chuan" i kir mai ang thianpa, kan Sa tur a ni lo ani ang e") a han ti a, Piangliana pawn tih theih an neih loh zia chu hriain, ni e, Khua a tlai tawh si a, i kir phawt mai ang") a lo ti ve a, Pianglianan thil a hriatthiam avang chuan Huala chu a hlim kher mai, chutia an chhak kawng lam pan a kal a tum lai tak chuan a piah hlam sawm vel a Thingkung che leh zauh chu Huala chuan a hmu ta tlat mai, a Thianpa chu zaizir chuan bengchheng lo turin a hrilh nghal a, Huala chuan, tikhan lo awm la, i Silai hmeh puah inring reng khan aw tih leh a piah lamah chuan a kal phei ta nghal a, hnimhnahin chu Thingkung chu a bullam a hliah tlat avang chuan, enginnge Thingkung chu ti che tih Huala chuan a hre thei lova, a va hnaih lutuk chuan a titlan mai ang tih a hlau si, a thlanglamah chuan Huala chu a tawlh thla hret a, Tichuan Thingkung lam chu a hnaih leh hret hret a, a thlanglam atang chuan, Thingkung tichetu chu chiang lo ruai chuan a hmu thei ta, Sakhi a ni tih pawh hre chiang khawp mai, Sakhi lah chu amah kah tumtu an awm reng a ni tih hre lo chuan thlamuang em emin hnim chu a pet mawlh mawlh reng a, Huala chu a hnungchhawn tlat avangin a rawn hmu lo a, a chang leh a Ke gnunglam chu a han per leh dat dat a, Huala chuan thawmdim tak chuan a veh hnai zel a, tunah chuan a a gmu chiang ta khawp mai, a Silai cheng chu dim te in a han kau , thlamuang tak a lo awm Sakhi Nakthawlah chuan a kap ta siah maile, Sakhi pawh chuan a bul a Thingkung chu a va deng rawp a, mahse. A chhak lamah chjan a tlan nghal ta tlat mai, Huala chuan Piangliana chu a au vat a, Piangliana pawh Huala beisei loh tak chuan a rawn *eih* hnai kher mai, Huala chuan ka hliam a nia a han tichul a, chumi pah chuan chhaklam chu a pan nghal a, Hualan Sa a hliam thu a sawi chuan Piangliana chu Sakhi kah ngei tum chuan chhak lamah chuan tlan chho nghal a, Sakhi hliam a nak atang a Thi put zur zur mai, la tlanchhe tawk tawk a han hmuh chuan Piangliana chuan a han hnaih chilh vat a, Sa hliam tawrh tir reng tha lo tih hriain, hmun leh hmunah chuan a Ngen mu chuan Sakhi Chaldar chu an verh siah mai a, Ngen mu pahnih a han dawn meuh chuan, Sakhi mai tan zawng thih pui loh rual a ni lo, Piangliana chu a hlim ngei mai, a lawm lutuk chuan, Huala ka kap tawh e a tichul mai a, ni e, a Sa kah vawikhatna a ni , hlimluatah a beng thleng thleng pawn a Malpui khai mahse, a mawh hranlo-ve.
Piangliana Silai thawm a hriat rual chuan a hah lutuk chu Huala chu a thu nghal hmak a, Pianglianan a kah hlum a rin tho avang a han pawh nghal peih lo a ni
chutia a thut hahdamlai chuan Piangliana hlim thawm chu a hrereng a, amah a rawn au leng leng thawm pawh chu a hrereng a, a Thianpa hlim lutuk chuan a nuih tir var var a, Huala chuan, ka rial rei lutuk zawngin a ngaih a lo tha lo ang e ti rilru chungchuan Piangliana te lam pan chuan a chho leh ta hnak hnak a.
ni e, a duh chuan Huala khan Sakhi kha nawn buai ngai miah lo khan a hnuk chhat thei reng a ni a mahse, Kut ruak a kir leh a thianpan a hreh zia a hriat khan, ama Sa kah ngei mai a an hlawhtling haw tur chu a thianpa chu a hlim hle ang tih a hria a, a thianpa in a hnuk a chhah theih nan, Sakhi nakthawlah a kap ta a ni.
Piangliana bul Hualan a han thlen chuan, kha i lo tukzal der tawh a nimaw?) ka themtlaw luatah kan hah phah nek a lawm mawle, thuthmun rem pah chuan a han ti a, Piangliana chuan hlim nui sung pah hian, hlawhtlin hi chuan hah deuh mah i la a zia deuh a lawm a lo ti ham ham a, Huala chuan, kan tum ber kan hlawhtling ta bawk a, i kal dawn ang hmiang, a ti a, khuain a thimhnan tho dawn a a hriat avangin Meichher tur chu a la nghal a, a inpeih hnu chuan, a kaptu i ni bawk a ka lo awl ang che tih pah chuan Huala chuan Sakhi Ke hmalam leh Ke hnunglam chu a Iptepui hruiah chuan a thlung a, Buk lam pan chuan an kal ta a, thui pawh an la kal lo tih chuan Khua pawh chu a thim zui ve bawk a, Meichher te chu chhikaiin an kal leh hnak hnak a, lenglen hun awm velah chuan an buk chu an zu thleng ta a, Pasaltha Kapzela chuan, ekha inrawn thleng thei maw? kan lo ngaihtuah hman viau che u sin, engati em em nge ni a?) tiin a lo zawt var a, chutihlai chuan midang ho chuan Huala Sakhi phurh chu an lo glanthlak sak a, Huala chuan inthiamlo tak hian, u Kap kan tihpalh ni, Sazuk hnu tharlam tak mai kan hmu , kan nan mai ringin kan chhui zui a tiin, Sazuk an pawh mai theih loh dan leh, an beidawng rawn haw lamin an thlang ral a Sakhi huk thawm an hriat thu te, an kah hliam hnu a an um tak vak dante chu a han sawi zar zar a, a sawi lai chuan midang ho chuan ngaihnawm titakin an lo ngaithla kar hlawm , a sawi zawh chuan Kapzela chuan, naktukah ka hovin kan chhuizui dawn nia, Chaw kan lo ei san mai che u a, inei ve nghal mai a niang chu a han ti a, Ramthanga ten chaw te an siamsak hnu chuan Huala te chuan an kil ta nghal a, Chaw an bar mawlh mawlh lai chuan, Thanliana chu vawiin lam a an kalna leh an Sanghal kah dan sawi chuan a lo pawt zuah zuah a, Huala te chuan an lo zawh belh veleh zauh zel bawk nen, Thanliana chuan a sawi phur siam siam ngei mai, Huala ten Chaw an ei kham hnu chuan Buk tualah Mei te chhemin Vaibel te an han pak hlat hlat a, Kapzela chuan, naktuk a an Sazuk chan dan tur te a han sawi zung zung a, Kapzela chuan, naktukah chuan a huhovin kan chhui phawt ang a, tichuan kan pawh hnuah kan insemdarh dawn nia a han ti a, titi dang dang an vawrh hnu chuan Vawiin lam an tal hah tlang deuh bawk nen, rei tak pawh meng lo chuan, a tuk a an hmabak phurawm tak suangtuah rauh rauh chung chuan mut zai an rel ta a. Chhunzawm zel tur..
Typing mistake a tam ang tih ka hria a, khawngaihin min lo chhiar mam sak leh hram mai dawn nia, ka hriselna a that loh avangin ka rawn chhunzawm thei lawk lo a ni e..
Like leh comment min petu zawng zawngte inchungah ka Thinlung takin ka lawm .



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 2nd, 2019, 6:30 pm

DORAL HRANG MAHSE.
*Zawntea Chhangte the Red Devils*.
episode (20)





Mi chak meuh pawh Hmangaihna chuan a titlawm a, mi huaisen thinlung meuh pawh a chiah zawp thin, tih chu Huala chuan a hre phak der si lo.



#a tuk khua a lo var chuan Huala te chu an tho leh sang sang hlawm a, nizan lam a Buk an thlen hma a an Kapzela te hovin an lo chan darh vek tawh, an lo rep fel diam tawh chu mei lum ai a Vaibel pak talh talh pah chuan an ur leh tluk tluk a, a thenin chaw leh a hmeh te an lo siam ve mawlh mawlh bawk a, Tukthuan te an peih hnu chuan an kil ta nghal a, chaw an ei lai chuan Pasaltha Kapzela chuan, vawiin lamah Sazuk hual kan tum ang a, kan hlawhtlin hlauh chuan, naktuk tukthuan ei khamah muangmarin haw kan tum tawh dawn nia a han ti a, Thanliana chuan, u Kap a nih leh vawiin lamah hlawhtling ta lo i la engtinnge niang?) a lo tibauhva, Kapzela chuan, Salian tak beisei kan ni lem lo bawk a, kan haw tawh tho dawn nia, chaw thial pawng pawng chung chuan a lo ti a, tukthuan an ei kham hnu chuan an hmanhmawh deuh avangin Sazuk hnu chhui tur chuan an chhuak ta nghal a.
#an Buk chhaklam mualah chuan chhovin, Sazuk chuan hnu tharlam a hnutchhiah leh tawh em, tih thlithlai pah chuan an kal zel a, hnuhma tharlam an hmuh loh avang chuan, nimin lam a an chhui tawpna lam chu Huala te chuan an Pasaltha Kapzela te chu an panpui ta a, nimin lam a an chhui tawpna an va thlen chuan uluk takin hnu chu an han chhui leh ta a, Mual hnih an kai phei leh hnu chuan Sazuk hniak tharlam tak chu Pasaltha Kapzela chuan a la fuh ta hlauh mai, Kapzela chuan a naute chu ti dingin, hei, Sazuk hnu hi a tharlam khawp mai a, kan hlat tawhin ka ring lova, a huhova kan inzui dul dul chuan kan thawm hriain a lo tlanchhe leh hman ang tih a hlauhawm si a, chuvangin, Huala hian thlang lam atangin a rawn hual ang a, Thanliana leh Piangan chhaklam atangin an rawn hual ve thung ang a, keimahin ka va luh chhuah ang, a han ti a, Kapzela bawk chuan, Huala i kalna tur lam khu Lui awmna lam a ni a, kan um chauh deuh hunah chuan a Tui halin a rawn bel maithei a nia a han ti leh a, Pasaltha Kapzelan an awm dan tur a sawi zawh hnu chuan an kalna tur lam theuh chu an pan ta nghal hlawm a,.
Kapzela chuan fimkhur takin chumi Mualdung chu a hrut phei zel a, ngaw thelh hun mai a va luh dawn lai tak chuan a hmalam chu a ri ta phut a, Kapzela chuan en nghal vatin, Sazuk tlanliam tur Mawng chu a va hmu hman a, Kapzela chuan a ui ngei mai, umzui nghal thuaiin, Sazuk tlanliamna a va thlen chuan Sazuk chuan chhaklam a pan ta tlat mai, Pasaltha Kapzela chuan a Thal thlah inring ran chuan a veh chho leh them them a, a awmna, Ngaw thelh hun mai a pelh fel hnu deuh lawk chuan a chhaklam mahse a hnunglam nisi atang chuan silai a puak ta dur mai, Kapzela chuan an kap ta a nimaw" ti a a din vung vung lai chuan Silai a puak leh ta tlat maile!!! Kapzela chuan thil awmzia chu hrethiam nghal vatin, Silai ri a hriatna lamah chuan gmanhmawh takin a kal ta nghal a.
khatia Kapzelan Ngaw thelh hun mai a rawn dai luh khan Sazuk chuan a lo hmu hmasa hlauh a, a tlanchhe ta kha a ni a, thui vak lo phei zawng a a tlan hnuin, chhaklamah a tlan chhova, Thanliana leh Piangliana te awmna lamah a tlan ta a, Thanliana te lah thawm rawn ri thut chuan a ti hamhaih a, Sazuk lah mangang tlan chhia tih takah a tlan chak nasa mai si, Thanliana te chu thlanglamah chuan a tlan pel phei fua mai a, an thalfang chu han thlah ve leh hnuhnawh mahse, Sazuk lah tlanchhia, che ve reng an nih avangin Thanliana chuan a Mawng ti chhahlaiah a kap fuh a, Piangliana erawh Thalfang thlah hnuhnung zawk a nih avang a kap fuh ve ta lova, thlanglam panin Sazuk chu a liam leh ta a ni.
#Pasaltha Kapzelan Piangliana te bul a han thlen chuan Thanliana chuan, u Kap kan chhuah ta hlauh a ni") a lo ti teh ngawt a, Kapzela chuan hah thaw hlawp hlawp chung hian, Silai kha vawihnih lai kha a puak si a, tiin, mak ti tak hian a han zawt a, Piangliana chuan, ni e u Kap thawm kha a rawn ri phei buan buan a, khatia thawm kan han han hre thut kha kan hamhaih vek a, kah mai nachang pawh kan hre lova, kan harh chhuah meuh chuan a liam tur kan hmu hman a, Thanliana hian a kap ta nghal a, a Mawng tamah chuan a kap fuh a, kan kah ve kha chuan a tlai tawh lutuk a ni, u Kap kan nep em vang a ni, inthiam lo tak chuan a lo ti a, Kapzela chuan, lungngai mah ta che u, inhliam tawh a, kan kap vat mai dawn a lawm, tiru i um zui nghal ang u a han ti a, Sazuk liamna lam chu an pan ta nghal a.






#Huala chuan a thian te thawm chu reh a ti hle mai a, Lungpui chungah te chuan a thu leh rih a, a thian te chuan an Sa hnu chu an hlauh ta mai em ni ang?) tih te chu a ngaihtuah nauh nauh-va, chutia thil ngaihtuah a a hawi kual hra hra lai chuan Silai puak dur ri a hre ta thut mai, Huala chu tho chhuak nghalin, ka thian te chuan an kap ta a nimaw?) ti rilru pah a chhak lam pan a tumlai tak chuan Silai puak ri a hre leh ta tlat mai, Huala chuan, ka thiante chu an che fuh lo deuh a nimaw?) a ti sap a, hmanhmawh tak chuan chhaklam a a thiante han pawh tum chuan a chho ta hlawk a, a Silai chu hmeh puah inring tak chuan a hum ran bawk a, chutia fimkhur tak a a chhoh lai chuan a chhaklam hlam sawmpanga vel Luang hmun chu a rawn ri thla buan buan a, Huala chuan a piah mai Thingkung lian tha ve tak chu pan nghal vatin, inphen nan a hmang a, a thawm hriat pawh a rawn hnai zel a, Luang hmun a rawn pel fel ta, tunah chuan Huala pawn an Sazuk hual mek chu a ni tih a hmu thei a, a Silai chu a hum nghet sauh sauh a, Sazuk chu a chau hle a ni tih chu a Lei chhuah dan atang chuan Huala chuan a hre nghal a, tunah chuan hlam nga erhawrh chauh an inkarah a awm ta, Sazuk chuan Lui tui dawt a tum tih chu hai rual a ni lo, a han ding leh det a, a han hawikual hrek hrek a, a hnar te chu a han len kual a, thawm hlauhawm engmah a hriat lohvah chuan a han kal det a, chutah zet chuan inring tak a lo awm Huala tan kah a rem ta, Sazuk bek verh zawt khawp chuan a Silai chu Huala chuan a han hmet puak dur mai a, Sazuk chu a leng deuh nawk a, a chat thla zui nghal a, Huala chu a bihrukna atang chuan chhuak nghal vatin, a Sazuk kah chu a va pan hnai nghal thuai a, a Ki hreu bum mai te chu mawi a ti em em a, Sazuk a vawikhat kahna a ni a, Sakhi leh Sanghal a kah pawh a a hlim thin nen, tuntum a Sazuk kah zet chu a hlimzual hle mai a, a rilru chuan, a pa kha la damin rawn hmuh pui ve hial se a ti hle a ni.
chutia a sa kah a lo belh chian lai mek chuan Pasaltha Kapzela te ho pawh chu an rawn thleng thla ve a, Huala bul a Sazuk lo tlu ruah mai a hmu chuan Pasaltha Kapzela chuan, ekhai nang nge nge tluk loh rim i nam thin e a han ti a, Piangliana te pawh chuan a lian an tih thu chu an lo sawi ve chul bawk a, Huala chuan, inrawn hliam tawh hnu ka lo vanneihpui mai a nih hi, nui var var hian a lo ti a, Huala bawk chuan, Silai ri kha vawihnih lai kha a puak si a?) tiin Pasaltha Kapzela chu a han en a, Pasaltha Kapzela chuan thil thlen dan chu Piangliana leh Thanliana te mualphona thup si chuan mawihnai kimchang takin a han sawi a, Kapzela vek chuan, hei Ni pawh a chawhnu lam tawh a, chan darh zung zung i la, Bawmrangin kan phur phei mai dawn nia") a han ti a, Piangliana chuan keiman Bawmrang tahna tur Mau chu kan pu ang e" a lo ti thuai a, an piah mual Mau hmun lam chu a pan ta nghal a.
Kapzela te chuan Sazuk Sa chu an chan darh nghal zung zung a, rei fe an chan hnu chuan an chan zo ta der mai a, Piangliana pawh chu lo let ve leh tawhin, Bawmrang chu lian tha hemhawm tak chuan an han tah leh sawk sawk a, an zawh hnu chuan Sa hrang chu an zawh tawk theuh chuan an vawm lut a, a Sa chhe lai deuh te chu Ramsa dangin an ei a tan tiin an hnutchhiah a, Buk lam pan chuan an kal ta nghal a.
inphur rit viau hlawm mahse an hlimna leh phurna avang chuan an kal chak tlang hle mai, Ni pawh a liam dawn ruai tawh tihah chuan an Buk chu an thleng ta a, Ramthanga leh Biakzuala Buk nghak tur a an hruai ten Huala Sazuk kah Ki hreu bum mai an hmuh chuan an phul nghal hlut a, Ramthanga chuan, U Hual, a Ki chu a mawiin a va lian em em ve, engtinnge i kah theih a?) Sazuk Ki zut hauh hauh pah chuan a han ti a, Huala chuan, ekhai Rama, han en la, i u te ho hi pasaltha vek an nih hi, an mahni hian min kian zel a lawm, nangpawn zui la i kap ve thei lutuk ang chu") nui thaw pah hian a lo ti a, an thut hahdam deuh hnu chuan zanriah chu an kil ta nghal a, Sakhi chek leh Sanghal sa hmeh leh an ni bawk a, an ei tui leh tlang kher mai, Zanriah te an ei kham hnu chuan Mei chu an chhawm tha sauh sauhva, Sa hrang te chu repin an ur leh tluk tluk a, Pasaltha Kapzela chuan, kan ruahman angin vawiin lamah kan hlawhtling thei a, a lawmawm tak tak a ni, ti hi chuan naktuk tukthuan ei zawhah khawlam kan pan tawh dawn nia") a Vaibel pak hluah hluah pah chuan a han ti a, Thanliana chuan, hlawhtling tak a haw tur kan ni bawk a, khaw thlenhlan ka nghakhlel tawh kher mai a han ti a, Piangliana chuan, Chhingpuii kiang a han insawi theih leh vel i chak tawh vang mai mai bak a ni lo ang a lo ti bauhva, an nui tlang dar dar a, chutia an fiamthu hlut lai chuan Huala chuan a pute khua Hmartlang a zin a tum thu leh amah mai a a kal tur chu a nun a ngaihtuah thu chu a rawn sawi chhuak phawng mai a, a sawitu a thu tak em avsngin fiamthu thawh zui pawh an awm lo, Pasaltha Kapzela chuan, a va mak awm tu tu ve mawle, Chapchar awllenah te tum zawk la a fuh lo maw? hei pawltlak pawh thla chawhnu lam kan kai leh dawn a ni tawh si a, rei pawh i va cham thei nang") tiin a lo rawn a, Huala chuan, i sawi chu a dik khawp mai, amaherawhchu, Chapchar awllenah chuan Sai ram chhuah te kha kan Val upa ten an rel leh a maw kha a ni ang a, tel ve ngei ka duh ve dawn si a mawle") a lo ti a, Kapzela chuan, ni e, i hma thlir chu a dik reng mai, amaherawhchu, Thi leh Dar leh Sa tih mai mai ai chuan, kan chhung te hi kan ngaipawimawh hmasa tur a ni"( a lo ti a, Huala chuan Pasaltha Mapzela chu han chhan mai dan tur pawh a hre tawh lo, chutah Piangliana chuan, Huala lungngai mah ta che, i hnung zui tur hian i thiante hi kan awm reng a sin a rawn ti a, Thanliana pawn a rawn tuihnih ve zat bawk a, Huala chu a hlim ngei mai, mahse a ngaihtuahnaah chuan thil tamtak a lut nghal a, a thiante bulah chuan a sawi chhuak nghal ta reng a, Thiante u, inchungah hian ka lawm takzet a ni, amaherawhchu keimah a ka zin chu a tha zawk a ni, inhriat angin, hmeithai fa ve mai ka ni a, ka va kalna turah hian eng thil nge kan tawn dawn pawh a hriat lohva, keimah avang a innun inchan hlauh zawngin, kan nufa hmakhua a thim dawn e mai"( a han ti a, Piangliana chuan, Huala, hmeithai fa i ni tih chu kan hria a, mahse, mitha fa i tluk lohna erawh kan hre hauh lo a ni, a thuhrimin, thiante phatsan a tlanchhe turin ka nu leh pa te hian min zirtir bik lo a sin, thian tha kan ni a, thih leh ruam khatah, dam leh tlangkhatah kan ti a niang chu") a han ti a, rei fe an sawi leh hnu chuan Zan te a rei tawh bawk nen, khaw thlen hun a rel thatah tiin mut zai an rel ta a.
#zingkhua a lo var a, Sabawh mual ngawpui pawh Ni eng lawm a Sava hram te chuan a rawn luah leh tan tawh a, Hualate ho pawh tukthuan te relin an buai tlang leh hle mai, Pasaltha Kapzela chuan, Chapchar awl len lamah chuan kan Lal pawn Sai ram chhuah te a rel ngei a maw a ni ang a, intel ve thei theuh ang chu maw?) Mei lum hnungpuak ar ar pah chuan a han ti a, Piangliana chuan, kumdangah khan ka pa hian a remti tlat lo zel mai a, tun tumah zawng, ka hnial lui dawn tawh hrim hrim a lo ti a, midang ho chuan an lo nuih dar dar a, Pasaltha Kapzela chuan, kan nu leh pa te hian kan thatna tur hlir an ngaihtuah thin a, a hunlai chuan min zilhna thu te hi a khain pawm a hreawm thin a, mahse an finna lo tam zia leh lo thui zia hi kan upa telh telh a kan hre mai a ni") a han ticharh charh a, Kapzela vek chuan, tunah chuan hei Tlangbal tih theih inni dawn tawh a, i pa pawn a remti tawh lutuk ang") a han ti leh a, chutia Pasaltha Kapzelan a naute a zilh mawlh mawlh lai chuan an tukthuan tur pawh a lo hmin a, Tukthuan chu an kil ta nghal a, Tukthuan te puar pengpawng a an ei kham hnu chuan an phur te chu an han en fel leh zung zung a, khaw thim hma a khua luh an duh avangin, an insiam zawh hnu chuan thu khawmuang tawh lovin an khaw lam chu an pan ta nghal a.
#an phur te chu rit viau mahse, infiam nui bawk bawk pah a kal an ni a, hah leh chauh reng an hre lo emaw tih tur a ni, mipa Ngal tha chak chak thiau an ni bawk a, Pasaltha Kapzela te chu Zanriah ei hun vel chuan Damdiai khaw kawtchhuahah chuan an thu vang tawh a, hahdam deuh a khawchhung luh chu an tum a ni, chutia an thut hahchawlh thap lai chuan Thanliana chuan, Huala, Sazuk hlado i chham dawn lo em ni?) a han ti khauhva, Kapzela pawh chuan, ni e Huala, han chham tak teh, ngawi reng a khaw chhung luh zawng, mipamham zia a ni ngai e") a lo ti ve bawk a, Huala pawh chuan, chutiang a nih chuan kan chham pauh a niang chu tih pah chuan a ding chhuak nghal a, a aw tawp a Sazuk hlado a han chham meuh chu Khawchhung a mi tan hai chi rual a ni lo, a chham zawh chuan midang ho chuan Silai chu an lo hmet puak dur dur a.
hetihlai hian Lal Savunga leh a upa te ho chu Zu te inin Lal Inah chuan an titi laih laih a, chutia eng eng e maw sawi a an rik hlut lai chuan Kawtchhuah lam a Hlado chham ri an hre ta tlat mai a, an titi pawh an tawp chiang kher mai, chutah Lal Savunga chuan, upa Zabiak, i fapa te ram chhuak an lo haw a va nih hmel ve") a han ti a, upa Duha chuan, Sazuk hlado te an chham a ka hriat chuu, an rawn hlawhtling hle a nih dawn chu") a lo ti ve a, upa Dova chuan, Pasaltha Kapzela hova kal an ni a, an rawn hlawhtlin viau chu i beisei teh ang") a lo ti ve vauh bauh a, Lalpa chuan, Tlangaupa nang Pasaltha Kapzela te Inah chuan lova kal ta la, Zanlamah ka Inah rawn chuangkai rawhse") a han ti a, Tlangau pawh chu a chhuak ta nghal a.
Pasaltha Kapzela te pawn khaw chhung chu an rawn dai lut tan a, Naupang ho pawh Sa Lu zawn turin kawtchhuah lam an pan hnak hnak hlawm a, Pasaltha Kapzela te bul an han thlen chuan, Pasaltha Kapzela te chuan, an Salu chu Naupang ho chu an lo zawn tir a, Naupang ho chuan Sazuk Lu chu zawn zelin, Huala te In lam an panpui ta a, Huala te ho pawh chu Pasaltha Kapzela te In lamah chuan an kal ve nghal a, Kapzela ten an In an va thlen chuan an Khaw Tlangau leh Zamawii chu an lo titi melh melh a, Dailovan a pa a lo hmuh chuan, ka pa in lo haw tawh a law? Eng Sa nge inrawn kah a") a lo ti hlut a, Kapzela chuan a phur nghah pah chuan, hei Sanghal te, Sazuk te kan rawn kap a nih hi a han ti a, Zamawiin tuisik a rawn pek chu an innghal khawlh khawlh a, a naute ho chu a pe chhawng ve nghal zat bawk a, an thut hahdam deuh hnu chuan Pasaltha Kapzela chuan, pu Tawia tehhlawl chu, eng thil nge ni a, kan In lam lamah te kan hmuh nawlh mai che a?) tiin a han zawt a, Tlangaupa Tawia chuan, engdang ni love, Zanin lamah Lalin a In lam a rawn leng turin a ti che a, ka rawn hrilh che a nih hi") a lo ti a, Kapzela chuan, a nimaw? eng thuah nge ni reng reng a?) tiin, hriat belh duh nei tih hriat tak hian a han zawt leh a, Tlangau chuan, Zawlnghak khua a a u naupa fapa Lung phunna tur chungchangah a ni awm a sin") a lo ti a, Kapzela chuan mak a ti hle mai a, Tlangaupa bulah chuan, a engvang a a unaupa fapa lungphunna tur thu a mi biak han duh daih mai chu ni aw?) a han ti a, dinhluai pah hian Tlangaupa chuan, Zan lamah rawn leng phawt la engkim a chiang mai ang a ti a, a chhuak ta nghal a, Tlangaupa chhuah hnu chuan an Sa te chu a inzat theuhin an chhep a, Buk nghak tur a an hruai, Ramthanga leh Biakzuala te chu an thlan hmasak tir a, Zamawii pawh chuan Lal Sa tur khaiin Lal In lam a pan ve bawk a, Sa chu Kapzela chuan thlan hmasak tir zelin a tawp a a bang chu a chang ve ta a, Sa te an insem zawh hnu chuan an mahni In lam theuh chu an pan ta nghal a.
#Hualan an In a zu thlen chuan Kungpuii chuan i chau em? Tiin, Huala phur te chu chawi thlak a han tum a, Huala chuan, chau love" tih pah chuan a phur chu a nghat thuai a, Kungpuii chuan, ka fapa tunah chuan thlamuanpui tham i ni ve ta, i Sazuk kah te hi i pa khan han hmu ve se, a hlimin, a va chhuang dawn che em") tah aw deuh tuau hian a han ti a, tuntum zet chu Huala pawn a pa hmuh ve atan a awt a ni, ka nu, keipawh Sazuk ka kah thluk rual khan keipawn ka pa ka hre chhuak nghal a sin" a han ti a, mahse a zuau zawng a thil sawi reng chu a tha lo tih hriain Huala vek chuan, mahse engmah han tih danglam theih a nih tawh loh hi, khatia ka Sa kah i tah pui zel zawngin, Sa ni lovin Tumbu ka veh zel tawh ang") nui thaw pah chuan a han ti a, Kungpuii chu inthing harh thuaiin, a fapa lo nui thaw mai a hmuh chuan tuisik a pe nghal thuai a, Huala chuan ka nu kan insilfai ang a, chaw kan ei dawn nia a ti a, Tuihmun lam chu panin insil ta nghal a, a insil zawh chuan Zanriah chu an kil ta nghal a, Kungpuii chu a tawng tam lo khawp mai a, Huala lahin a be fam hek lo, Zanriah an ei kham hnu chuan Huala chuan Sa chu a rep nghal zung zung a, tunah chuan Kungpuii pawh a rawn pangngai ve leh tawh a, an nufa chuan glim takin an titi a, a Pute khua a a zin tur chungchang te chu an sawi kai leh a, Huala chuan a thian te pahnih leh Pasaltha Kapzela hriat a a zin tur thu leh, Piangliana leh Thanliana ten zui ve an inhuam thu te chu a nu chu a han hrilh zar zar a, Kungpuii chuan, i thiante an lo tel ve theih hlauh chuan a that chu, naktip lamah inva kal a niang chu a lo ti a, lenglen hun vel a nih tawh avangin Zawlbuk lam kai tur chuan Huala chu a chhuak ta nghal a.#Lal Inah ve thung chuan Lal Savunga leh a upa ho chu an titi laih laih a, Lalin a Sawm angin Pasaltha Kapzela pawh a thu ve bawk a, Lalpa chuan, awle, kan hriat angin Zawlnghak khua a ka unaupa Zawlnghak Lal ni bawk, Lal Tlangkhuman a Fapa lungphunna a tel ve ngei turin min rawn sawm a, kan Pasaltha te ram riah ni chiah khan an rawn thleng a, vawiin lamah kan Pasaltha Kapzela te rawn nan hman lohvin Lal thlamuantu leh khaw innghahna ber an nih ve si avangin an chhuak leh ta a ni a, inhriat angin khual ralah han kal chi ziazang ka ni tawh lova, ka aiawhin ka Pasaltha Kapzela hi kal turin ka beisei deuh a ni") a han tidap dap a, Lalin thu a sawi zawh chuan upa Zabiaka chu lo ding ve-in, ni e, kan Lalpa sawi ang khan amah ber khualral a han kal chi a ni tawh lova, Pasaltha Kapzela pawh i chau hle ang tih kan ring a, mahse kan Lalpa rin ber i ni mauh mai si a, i zu tlawmngai thei mai angem?) inngaitlawm tak hian a rawn ti a, Kapzela chu lo tawng chhuak ve-in, Lalpan min ringngam hi ka lawm em em a, a tan chuan khawiahpawh nise ka kal zel tur a lawm, ka chau love a rawn ti a, Lal Savunga chu a lawm kher mai, Pasaltha Kapzela chu lawmthu a hrilh mawlh mawlh a, zu te chu a zuk ta hial a, zu in pah chuan Lal Savunga chuan, kan Pasaltha berin rem a tih chuan Tlangval ngal chak deuh pahnih hruaiin naktuk Vartianah inchhuak dawn nia a han ti a, Kapzela chuan, Lalpa min ngaihtuahnaah ka lawm e, amaherawhchu Tlangval pakhat chau ka hruai zawk ange" a han ti a, Lal leh upa ho pawh chuan an lo hnial duh ta lova, thil tul dang dang te an sawi leh hnu chuan Pasaltha Kapzela chu Huala zawng turin Lal In atang chuan a chhuak ta a..
#Zawlnghak khua hi Lal Savunga unaupa Lal Tlangkhuma Lalna niin, In za leh sawmnga in an inchhal a, khawthlang hmar lamah awmin, Damdiai khua atang hian zankhat riah khaw inkarah a ngai a, Damdiai khua atang a chhuahin, Damdiai khaw thenawm, Chhippui khuaah Zan khat riah a ngai a, Chhippui khua atang a thlanglam pang zawng a vartian a kal lehin, tlai khawthim nang tawk velin, Zawlnghak khua chu a thlen theih a ni.
#Pasaltha Kapzela chhuak ta chuan Zawlbuk lam a pan nghal a, Zawlbuka Huala a lo awm lo a nih chuan an In pan mai chu a tum a ni.
Pasaltha Kapzelan Zawlbuk a zu thlen chuan Lengi Run kaiin Tlangval tam zawk chu an lo chhuak a, Val upa te leh Pa ho chu Mei lum aiin an lo titi laih laih a, Huala leh Tlangval tlemte lenna tur hre ve lo ho chu Val upa te titi ngaithla chuan an lo awm ve bawk a, Val upa Hmuakan Kapzela a lo hmuh chuan, ekhai, Pasaltha Kapzela a ni reng mai ka ti, lo thu ve tawh hei Mei lum te hi lo ai ve rawh khai")) a lo tisawk sawk a, Kapzela chuan, a vawt pawh ka tihran love, Huala hi thil enge maa han sawipui ka duh mai a nia" a lo ti a, rei vak lo an thut hnu chuan huala leh Pasaltha Kapzela chu an chhuak ta a, Zawlbuk atang a hla deuh tak, hmun fianrial lai ni si an thlen hnu chuan Kapzela chuan a dinpui ta a, chutah Huala chuan, u Kap engthil nge ni ta, a va pawimawh awm ve a?) mak titak chuan a han ti a, Kapzela chuan an Lalin a aiawh a a tirh thu leh a tirhna khua te, a tirh chhan zawng zawng te chu a han sawi zar zar a, Kapzela vek chuan, Huala zin i tum tih pawh ka hria a, amaherawhchu, kan khaw Tlangval tamtak te ai hi chuan ka ring zawk che a ni") a han ti a, Huala chu a inngaihtuah vung vung a, a u mahnise, pa ang mai a a lo en Pasaltha Kapzela sawmna hnar chu a hreh si, rei tawk fang a inngaihtuah hnu chuan, ka thian Piangliana leh Thanliana te nen khan engmah kan la sawi chiang chuang lo bawk a, ka zin tum pawh hi ka thulh mai ang e") a rawn tichhuak thei hram a, Kapzela pawh a hlim khawp mai, a tuk vartian a chhuah tur a nih thu leh Khaw Kawtchhuah a innghak tur a inhrilhin an inthen ta a.
#Huala chuan an In chu pan nghalin, a nu bulah chuan Zawlnghak khua a zin a tul thu leh a chhan leh avang te chu a han sawi a, Kungpuiii tan pawh thil han thlak danglam theih a nih tak loh avangin, Khualkhua a awm dan tur te chu a Fapa chu a hrilh mawlh mawlh a, Leng hnar Ar a lo khuan takah chuan Huala pawh Zawlbuk lam panin a chho leh ta a, Zawlbuk a han thlen chuan rei pawh meng zui tawh lovin a mu ta nghal a.
#a tuk khua a rawn eng det det tan tihah chuan Huala chu a tho nghal a, a mut bu te a tel fel hnu chuan an In lam a pan ta nghal a, an In Hualan a zu thlen chuan nu pawh a lo tho tawh a, Huala mamawh tur te chu a lo peih diam tawh a, Hualan a chawfun la lum vung vung mai a han khawih chu a lawm ngei mai, Kungpuii chuan, inzin dawn sia, ka lo tho hma ve a nih hi a ti a, Huala chuan a nu chu chhang zui lovin a Silai leh a mamawh te ak chung chuan Kawtchhuah lam chu a pan ta nghal a, Hualan Kawtchhuah a han thlen chuan Pasaltha Kapzela chu a lo awm vang tawh a, Kapzela chuan kan kal nghal mai dawn em ni ang" tiin Huala chu a han rawn a, Hualan pawi a tih loh thu a a lo chhan chuan, Chhippui khaw pan chuan an kal ta nghal a, thlasik lai a nih avangin Boruak chu a vawt ngang mai a, Zing daifim te chuan Gnim leh Thingkung te chu a chiah huh dup mai a ni.
#Huala te chu Chhippui khaw lam pan chuan titi bawrh bawrh chungin an kal zel a, Chhun chawfak hun velah chuan Chhippui nen a an inrina lui chu an thleng ta hlawl mai a, Lungpui pakhat lo awmah chuan thuin Kapzela chuan, tah hian chaw i fak ang hmiang a han ti a, Huala pawn ni e, ril pawh tam tawh a lawm mawle a lo ti a, chutia Chawfak tum a an inbuatsaihlai mek chuan, Chhippui khaw lam, Huala te pawn an zawh tur lam kawng atang chuan, min kal tir rawh... Ka Pa bulah min kal tir rawh, khawngaihin min hruai lui suh...
ti a hmeichhe Mangang au ri Huala te chuan an hre ta thut maile!!!. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 4th, 2019, 8:18 pm

DORAL HRANG MAHSE.
*Zawntea Chhangte the Red Devils*.
Bung (21)









Mangang a awm mek tan Pasaltha chu a tlanchhe ngailova, Hmeichhe chak lo zawk te rap bettu chu tukzal tur a ni.
tih chu Kapzela chuan a hai hauh lo.


#an thawm hriat avang chuan Kapzela te chuan an tum an thulh chiang khawp mai a, an pahnih chuan an inentawn zak zak a, tawng chhuah mai nachang pawh an hre lo a ni, chutia an awm reng chuan an tan pawh a him lo thei tih hriain Pasaltha Kapzela chu a inngaihtuah harh thuai a, chutah rawn tawng chhuakin, Huala hun tam kan nei lo, Lui hnar lam e maw, Lui Mawng lam e maw hi an zawh dawn a ni ngei ang, chuti ni lova, Lui hi an kan a nih ngat chuan kan khua bak a pawh theih loh") a han ti a, Huala chuan, engtia hma han lak chi nge ni ang? kan va chang mai dawn em ni ang") a lo ti vat a, chutihlai tak chuan hmeichhia bawk chu a te leh ta tuar tuar mai a, khawngaihin ka pa bulah min hruai rawh u... Ka tlin tawh ngang lo... Ka kal thei tawh ngang lo... Ri a tah tawng ri chu Huala te chuan an hre leh ta tlat mai a, thawm pawh a hma ai chuan a lo hnai tawh a ni tih pawh an hai lo.
Pasaltha Kapzela chuan, Huala hun a tam tawh lo, chhak lamah khian chho la, tanhmun han siamrem ang che, chet ka lak hma chuan engmah rawn ti lo bawk la, i Silai kha hmet puak thei turin inring ang che, engzat nge an nih kan hre lova, pawngpaw bawh ngawt chi a ni lo, i tanna turah chuan kal nghal rawh a han ti a, Huala chuan hnial a han tum deuh na a, Pasaltha Kapzela mit meng a hmuh chuan hnial chi a ni lo tih a hria a, Lui hnar lamah chuan chhovin, Lui hnar hlat zawng an thawm hriat te hnaih zawng ni si chuan Hnim zingah a bibo ta a, Huala a liam hnu chuan Pasaltha Kapzela chu Lungpui phenah a biru ve nghal a, a Silai chu a hum ran bawk a, chutia thawm ngaichang a a beng a chhit lai chuan a awmna lam pan a hmeichhe inhnit feih feih ri leh Mipa rawn inhrosa phei tawn tawn ri chu a hre ta, Kapzela chuan a beisei ai a mihring thawm a tam loh avang chuan engzatnge an nih tih hriat tumin a han bih dek dek a, Huala pawn a awmna hnim kar atang chuan chumi te chu a lo thlir ran ve bawk, Pasaltha Kapzela chuan Hmeichhe vobet mektu te chu mi pali an ni tih a hre thei ta, a chet lak dan tur te chu a ngaihtuah reuh reuh a, thawm pawh a lo hnai tawh kher mai, chutia a rilru a siam fel hnu chuan a tawmna Lungpui phen atang chuan Pasaltha Kapzela chu a zuang chhuak thut a, chumi pah chuan, tumah kha che tawh suh u, hual beh vek inni tawh") a han ti tuar a, an thil hmuh avang chuan Nula mantu te chu an ding nghal chawt a, sawi mai tur pawh an hre mai lo a ni.
chutah Kapzela bawk chuan, insilai kha dah thla rawh u, hual beh vek inni tawh, a Silai a tin ran pah chuan a han tichang leh fal mai a, chu veleh Tlangval zing a an hruaitu ber chuan, engvang a min hualbet ngawt nge innih? nangmah a min beih ngam loh avangin min tih der i tum vel a maw") sawm ve loh chu lo inrawlh buai duh suh u") nuih huah huah pah chuan a rawn ti a, Kapzela chuan, puih ngai te pui tur leh chhan ngai te chhan tur hian sawm kher ka ngaihna ka inhre love a han ti ve leh salh a, Pali zing a pahnih chiahin Silai an ken avangin Kapzela hian a hlau lo a ni, chutah an hruaitupa bawk chuan, pua, tha tetein min kal tir mai rawh, Vanzau khaw Pasaltha Zavunga kawng dal hi a pawi a nia") a rawn ti a, Kapzela chuan ngaihnep hmel zet mai hian, Pasaltha maw i nih a"? hmeichhe awmnem chungah chuan a ni mahna, keichuan mahni aia chak lo zawk te rap bet thin ka hre love" nuih huah huah pah chuan a han ti a, chutah Zavunga thinin a tuar tawh lo, a hmeichhe vawnlai chu thlahin, a bul a lo dingpa hnenah chuan, kap rawh a han ti tuar a, Tlangval pakhatin Kapzela kah tum a a Silai cheng a kau fel chiah tihah chuan, an chhak lam atang chuan Silai a lo puak dur mai a, Kapzela kah tumtupa chu a hlawm nghal nawk a, a chat thla nghal a, Pasaltha Kapzela chuan, tihel tak mai hian, ka tih der loh zia che chu i hre tawh ang maw?) kan kap hlum vek law law dawn che u em ni?) nuihsawh pah chuan a han ti a, Zavunga chuan thinrim tak mai hian, engvang a min lo bei ringawt nge innih?) a ha chang thial bap bap pah chuan a han ti a, Kapzela chuan, a chhan leh avang chu i hriat zawk ka ring") a lo tisam et a, Kapzela bawk chuan, inralthuam kha dah u la tuman nun inchan tawh lovang a han tih zawm a, Pasaltha ve nafam chu, Zavunga pawh a a bik tlat lo, rum fe a Kapzela rawn melh pah chuan, min hualbet vek a nih te chuan keini mi tlem te ralthuam keng te chu hlauh tham kan ni nem le, kan ralthuam hi kan dah thla lovang, thih thlengin kan tang ang") a han ti ve leh a, Kapzela tan pawh han chhan mai dan tur avang khawp mai, chutah Kapzela chuan, nunna hi a hlu a, chuvangin, Nula kha thlah u la inkalna turah chuan kal vat rawh u a han ti a, chutah Zavunga chu nui huah huahin, uai, i huai viau emaw ka tia thih i hlau e lo?) a rawn ti a, Kapzela chuan, hun tam ka pe tawh lovang che u, tunah hian kal nghal rawh u") a han ti leh a, Zavunga thinin a tuar ta lo, tunge maw i nih a ka vo ve te mi han tih, khawnge kan that law law teh ang che tih leh Kapzela lam a rawn tlan chu a Chempui nen chuan a rual ta mai a, Kapzela chuan uluk takin Zavunga chu a lo en ran a, Zavungan Kapzela nghawng sah chhawk hmawk tum a a chem a rawn vai fua rual chuan Kapzela chu a lo kun hniam zauhva, chumi rual chuan a Silai kawm chuan Zavunga rawn inherrem leh tum Nakthawlah chuan an chhu ngheng mai a, Zavunga chu thingthi nghal rawpin, a Nak chu a dawm nghal vawng vawng a, chumirual chuan Kapzela chuan vona aw a hre ta tlat mai, Zavunga Tlangval hruai pakhat chuan Nula nghawng a a Chempui chuktuah ran pah chuan, i Silai kha dah thla nghal rawh, a nih loh chuan he Nula hi a thi ang" a rawn ti ta tlat maile, Kapzela chuan, Nula kha thlah rawh a nih loh chuan i Lu bur kha ka thlawh darh ang a han ti ve a, a sawi zo hmanawrh tihah chuan Zavunga chu lo tho lehin Kapzelan a hmalam ringawt a ngaihtuahlai chuan, a hnunglam atangin a rawn rek ta mai a, Kapzela lahin chutiang chu beisei hek lo le, a tang thei ta reng reng lo mai a, a rektun a kuahbeh hneh em avang chuan Kapzela chuan tan han khawh viau mahse a sawt hleithei tlat lo, chutia Kapzela leh Zavunga an inchai tiang tiang lai chuan, Nula Chem a tintu tlangval chuan, nula, nangmah chhantu tur ber lah kan Pasaltha Zavunga tawnah a fam dawn chu a nih saw maw") nula nuihsawh pah chuan a han ti a, a sawi zo hman chiah tihah chuan, chhaklam atang bawk chuan Silai a lo puak leh dur mai a, chu Tlangval chu nui nawn leh ngai tawh lo turin Huala Ngen mu chuan chulai Lei daiah chuan a leh tir tawp mai, Huala chuan a Silai mu chu a sawh leh sawk sawk a, Pasaltha Kapzela te awmna hmun zawl lam pan chuan a Silai tinkawh vah chungin a chhuk ta them them a.
Pasaltha Kapzela pawh Zavunga rehna a ta talchhuah tum chuan a la tang fat fat a, a theih tawp tak meuh a chhuah pawh chuan a tal chhuak thei tlat lo, Zavunga lahin chhuah a tum lo nasa mai si a, tunah zet chuan Pasaltha Kapzela chu a chau tawh kher mai, Zavunga chuan a Nghawngah chuan kuahbetin chulai lui kam hmunzawllaiah chuan a hnuk kual nek mai a, Zavunga chu Kapzela chuan a hnungchhawn tlat abangin Kapzela tan chuan Zavunga chu khawih nat a har hle a ni, chutia Zavungan Kapzela a hnuh kuallai chuan Kapzela chuan Lubur tiah vel Lung hi a rap fuh ta hlauh mai , chumi Lung a intlawhchhan chuan Kapzela chu hnung zawngin a inperh thut mai a, chau ak chung a inperh mahnise, Zavunga chuan chutiang teh thut chu a lo beisei loh avangin Kapzela chu a thlah a, a hnunglamah chuan leng phei dawrhin, Kapzela lo bihrukna Lungpuiah chuan Tukhum vaw chawrhin a va intauh ta vak maile, a va intauh nat em avang chuan Zavunga Tukhum atang chuan Thisen a chhuak nghal zur zur a, Kapzela pawh Zavunga Ke bulah chuan a chauh em abangin a mu thal ve huang bawk, an piah deuhah chuan Huala chuan Tlangval pakhat chu a phuar mawlh mawlh ve thung a, lawm luat avang a Mittui hru hul pah chuan Huala te bulah chuan Nula chu a thu ve bawk, Hualan a tih tur te a zawh hnu chuan Pasaltha Kapzela chu a pan hnai nghal thuai a, sawi nghal nawk nawkin, u Kap... Harh teh.... U Kap..... Tiin a au pah mawlh mawlh a, Pasaltha Kapzela chu lo meng diar diarin, Tui mi han pe tawh" a rawn ti a, Huala chuan Maubur a a Tui pai chu a han tulh nghal zung zung a, Tui te a in takah chuan Pasaltha Kapzela chu a harh deuh huai a, a Lu erawh a la hai deuh chhu avangin a la tho kang mai ngam lo a ni.
chutia Hualan Pasaltha Kapzela a buaipui mawlh mawlh lai chuan Thi tawh a a ngaih Kapzela Lu lam a Lungpui ngheng a awm Zavunga chu a rawn rum tiah tiah a, Huala vhuan Zavunga lam chu hawi nghal vatin, Thisen nen a lo inchiahpiah nuai Zavunga chu a lo meng tawk tawk a, Huala chuan dam chhuak zo dawn chuang a a hriat loh avang chuan, Zavunga Chempui chu a la lawk a, hnai tak a Zavunga zu melh pah chuan, Hmeichhe chak lo zawk chung a mahni chakna hmachhuan thin ho hi indam reng a tul love a ti a, Zavunga Lu chu a chhawk ta hmawk a, Huala chuan Pasaltha Kapzela chu a thut chilh ran a, Tui vawt te chuan Kapzela Lu te chu a han deh sak a, rei ngial an inbuaipui hnu chuan Kapzela pawh a ziaawm ve ta a, tunah chuan rawn thu chhuak peih tawhin, Kapzela chuan, tlem a tlemah min rek hlum lo chauh a lawm mawle"( a han ti a, Huala chuan, in inbei kha ka hmu reng che u a, i talput mai kha ka rin avangin ka rawn pui ta lo che a lawm mawle") inthiam lo tak hian a lo ti a, Kapzelan Huala inthiam loh zia chu hriain, ekhai, inthiam lohna tur engmah a awm love, ka rin aiin a lo chak ve phian a lawm mawle") nui sak pah hian a han ti a, Kapzela vek chuan, Nula saw i be tawh reng reng em?) khawi khua nge a") tiin Huala chu a han zawt nghal zat a, Huala chuan, ka la be hauh lo mai, engmah ka la hre bik hauh lo" a lo ti a, Pasaltha Kapzela chu tho thurhin, Nula lam chu a va pan hnai a, Nula bul a va thlen chuan Kapzela chuan, Nula enge i hming le?) damdiai mai hian a han ti a, Nula chu lo dak chhuakin, ka hming chu Remsangi a ni") a Mittui hruk mawlh mawlh pah chuan a lo ti a, Kapzela chuan, a nih leh Remi, engvang a khang ho khan hruai lui che nge an nih") tiin a han zawt leh a, Remsangi chuan, ka pa hi Chhippui Lal, Lal Dokulha a ni a, Vanzau Lal fapa hian min neih a duh em em a, kei lahin mitmei reng ka hmuh duh si lova, ka duh thlanna chu zahin ka nu leh pa te pawn min tir lui duh ta lova, a tihlai tak chuan Kapzela chuan, Tlangval kha pali chauh an ni si a, engtinnge an hruaichhuah theih che a, i pa chuan Tlangval a nei ve teuh awm si a") a lo ti a, Remsangi chuan, an Tlangval phuar en pah chuan, an ni hian kan khua hi an enthla reng a, tenawm takin min bum a ni, lungchhe tak a inhnit hlawp hlawp pah chuan a han ti a, Kapzela pawn engmah a zawt zui duh ta lova, chutihlai chuan Huala chuan Vanzau ho Silai leh Chempui a chharkhawm Kapzela te bul a rawn dah pah chuan, U Kap, engtinnge Ruang te hi kan tih dawn a rawn ti a, Huala che vel chu Remsangi chuan a en duh khawp mai, Pasaltha Kapzela chuan, hei Nula kal pui tur kan ni a, tunah lah khua a tlai tawh riau bawk nen, thimin min nang hman ngei dawn tho na a, Hmun remlaiah khan dah khawm la, Chhippui khaw lam chu i pan thuai ang u a han ti a, Huala chuan a thah tak Ruang te chu Lui kam hmun biru deuhlaiah chuan a han vawm khawm leh zung zung a, a zawh hnu chuan Kapzela chuan, Remi i kal thei angem") a han ti a, Remsangi chuan Ke a han kal leh chu huphurh viau mahse, a inthlahrun em avang chuan, ka kal thei mai ang, zawi sap hian a lo ti a, Kapzela chuan, Huala nula kha lo buaipui la, hei kan Tlangval hi ka rawn chhawm ve thung ang a ti a, Vanzau ho Silai chu a la lawk a, Vanzau Tlangval hnenah chuan, nangin hei hi i pu ang a ti a, Hualan a phuarna hrui chu a Chempui chuan a chhahsak mawlh mawlh a, Kapzela chuan, phakar chhuah a tlanchhiat i tum vaih chuan i thiante hnung zuiin i liam ve nghal ang") a han tih zawm a, Tlangval lah chuan a lo hlau nasa mai, ka pu min nun hram rawh khur hlawk hlawk chuan a lo ti a, Kapzela chuan Silai put tir pahin, chu zawng, Chhippui Lal bulah i ngen dawn nia") a ti a, an inpeih hnu chuan Chulai Lui kawr chu an chhuahsan ta , Zanriah ei hma deuh hret awm vel a chhuak an nih avangin leh Nula hruai an nih avangin, Kapzela chuan an thim lut dawn a ni tih a hria a, kal pah chuan Meichher tur te chu a melh pah a, an hmalamah chuan Huala leh Remsangi pawh an inchhawm ve hnak hnak a, Lo fingkhat awm vel an kal chuan Remsangi chu Lei thilah chuan a tawlh thlu zawt mai a, thawh leh mai tum a a innem kan lai chuan a Ke atang chuan Thisen a rawn chhuak ta tiam tiam maile. chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 8th, 2019, 8:48 pm

DORAL HRANG MAHSE.
*Zawntea Chhangte the Red Devils*.
Bung (22)








Hualan Remsangi Ke atang a Thisen rawn chhuak a hmuh chuan, ekhai kha i Ke a Thi a nih kha, tah hian lo thu chawl la, Hnim damdawi kan zawng ange ") a han ti a, hetihlai hian Kapzela te pawh an rawn thleng ve chiah a, Kapzelan Remsangi Ke a Thisen chhuak a hmuh chuan, ekhai aw, kan zawng hmelchhe ho chuan an hnuk nasa hle a nimaw,) a han ti a, Huala chuan, tikhan lo inbuaipui ula, Hnim damdawi kan ngaihtuah ange" tih leh kalsawn chu a rual ta nghal a, Pasaltha Kapzela chuan a Puan ven chu zai thler nghal sawk sawkin, Remsangi Ke a Thisen rawn chhuak chu a hruk sak nghal zung zung a, rei vak lo hnuah chuan Huala pawh Hnimhnah hum tun chungin a lo let veleh tawh a, Kapzelan Huala a lo hmuh chuan, i va rawn kir leh hma ve" a lo ti a, Huala chuan, nia, saw lai maiah sawn ka va hmu hlauh a lawm mawle" tihpah chuan a thil ken chu Kapzela chu a pe nghal a, Kapzela chuan lo la vatin a nuai tui nghal zung zung a, Remsangi Keah chuan a hnawih ta nghal a, Remsangi chuan thip a ti hle mai a, engmah erawh a sawi chhuak lo thung.
Remsangi Ke te an tuam fel hnu chuan Pasaltha Kapzela chuan, Huala, Nula hi i puak mai a ngai ta a nih hi" a han ti a, Huala chuan phur hmel fe hian, chuzawng, thil har a ni hleinem") nui sang hian a lo ti a, Pasaltha Kapzela chuan, chutiang a nih chuan, hei khaw thimin min nang dawn tho tho si a, Vaibel te zuin i thu chawl teh ang u" a han ti a, tumah chuan an hnial lem lova, tichuan Vaibel te zuin an thu chawl ta a.
Chutia Vaibel te zu a an thut ngawi thap lai chuan Remsangi chu lo tawng chhuakin, Pute u, hei ka chungah inthain min rawn chhanchhuak ngawt mai a, tu te nge maw innih le? ka va hre ngailo che u ve mawle") a han tichhuak phawng mai a, Kapzela chuan, a ni tak maw, engmah reng kan la inhrilh lo mai, kei hi inkhaw thenawm Damdiai khaw Tlangval Kapzela ka ni a, hei ka nau hruai hi Huala a nih hi") a han ti a, Remsangi chuan, Tlangval Satliah mai chu an Awm ser rekruak danah chuan an nih a ring lova, amaherawhchu chulam chu engmah a zawt zui duh lo thung..
Remsangi chuan, inzarah hei himdamin ka kir leh thei dawn a ni a, inchungah hian ka lawm tak tak a ni") a han ti a, Remsangi bawk chuan, khawilam kal tur nge innih reng reng le?) tiin a han zawt leh a, Pasaltha Kapzela chuan, Zawlnghak khua a kal tum kan ni a, inkhuaah zan khat rawn riah kan tum a" tiin a lo chhang a, Remsangi chuan, tlem a tlemah keimah vangin inthi lo chauh a ni a, a zia lo tak tak a ni, ka pa pawh inchungah hian a lawm ngawt ang") a han ti a, Kapzela chuan a Vaibel pak khuk tual tual pah chuan engmah lawmthu sawi a ngai reng reng lo, i au thawm kha kan chaw fak tum hahchawlin kan hre thut mai a, i awrawl atang leh i thusawi dan atang khan duh lo chung a hnuh luih kha i niin kan hria a, kan lo bei ta ngawt mai a ni, a vannei zawkah kan tang thei hlauh a nih kha" a lo ti a, Remsangi chu a hlim hle mai, ka pu, kan Inah in lo thleng ngei ngei dawn nia a lo ti a, Huala chuan, inkhuaah Tlangval dang an awm tawh lo hrim hrim a maw" a lo ti bauh a, Remsangin Huala en pah chuan, aw hmelma lam chu tumah an awm tawh lo, Khua kan thlen hunah ka pa hnen atangin engkim inhre mai ang, engmah hlauhthawn tur a awm lo" a lo ti a, chutia eng eng emaw sawi a an chawlh hahdam hnu chuan kal zai an rel dawn ta a, Pasaltha Kapzela chuan Remi Huala khan a paw mai dawn che nia, han kal chi ziazang pawh i nih tawh loh kha" a han ti a, Kapzela vek chuan, mahse i biak hmasak reng a ngai dawn a nia, Nula bulah chuan a tawng tha ngam thin lo a nia" nuih hak hak pah chuan a han ti a, Remsangi chuan ka kal ve thei mai ang" inthlahrun luat vang chuan a lo tisap a, Huala chuan Remi i hliam en in han kal chi i ni hleinem, inthlahrunna tur engmah a awm lo, hmeithai fa lubawk mai ka nih hi" a han ti kher pek a, Remsangi chuan, Huala pian tha tung mai leh a hmel fel fak mai a hmuh chuan Hmeithai fa a nih chu a ring lo a ni.
Chutah Remsangi chuan, Huala maw i nih kha, Lal te pawh hi hmeithai te avang chauh a Lal thei an nia sin, i inngaitlawm lutuk a nih kha" a lo ti zek mai a, Remsangi rilru put hmang chu Pasaltha Kapzela leh Huala te chuan mak an ti hle a ni.
chutah Huala chuan, ka lo kam tam deuh a ni, i thusawi chu ka lo hre reng dawn nia" a ti a, Chhippui lam pan chuan an kal ta a, unau hmelhai hun vel a ni tawh a, Remsangi paw pah chuan Huala chuan Meichher tur a melh pah zel a, an hnung a rawn kal Pasaltha Kapzelan Huala hawi pah leh zauh zauh thin a hmuh chuan hrethiam nghalin, Huala Meichher tur chu ka ngaihtuah fel vek tawh aw, khua a la thim lem loh avangin ka la chhi lo mai a nih hi" a han ti a, chutia Pasaltha Kapzelan a rawn tih takah chuan Huala pawn hmundang melh tawh lovin Remsangi paw chung chuan hmalam chu a pan ta hmawk hmawk a.
Thui pawh an la kal hma chuan khua chu a rawn thim tan a, Sava zanriak tur ho pawh an chiar nak nak a, Huala te chuan Meichher te an han chhi kai zunh zung a, hmalam panin an kal leh ta a, Pasaltha Kapzela te pawn an hnungah chuan an tlangval man nen chuan an zui ve hnak hnak bawk a, chutia thui fe an kal hnu chuan Huala chuan, Remi hei khua pawh a thim chiang ta hle mai a, inkhaw Tlangval kan tawh mai ka inrin vei nen, thawm engmah an rawn nei lo mai a, enge maw a awmzia ni le?) a han ti a, Remsangi chuan, kan Tlangval tamzawk chu Sa pelin an riak bo vek mai a, khuaah chuan Tlangbal tlemte chauh an awm a, a Lu i lak sak tak Zavunga kha a chakin a huaisen em em mai si a, bei let turin ka pa chuan tumah a rawn tir ngam lo a niang" a lo ti a, Pasaltha Kapzela chuan, a nih leh i pa chuan remruatna tha zawk te a neih i ring em?) a lo ti a, Remsangi chuan, aw ring e, a Tlangval ramriak ho a chah hawn nghal ka ring a ni, ka pa chu a ngawi mai maiin ka ring lo" tiin a lo chhang a, tichuan titi pah a nui leh bawk bawk pah chuan Chhippui khaw lam chu an pan ta zel a, Pasaltha Kapzela hian Chhippui Lal Dokulha hi chu a hre hle mai a, amaherawhchu Chhippui lal hian a hre ve em tih erawh a hre lo thung.
#rei ngial an kal leh hnu chuan Huala te ho chuan Chhippui kawtchhuah chu Leng haw hun vel chuan an thleng ta a, hmuamda vel an chawlh hahdam hnu chuan Khawchhung lam panin an kal leh ta hnak hnak a, Khaw chhung an va luh chuan In tin mai atang chuan Mei a lo la alh hlawm a, rimtu nei ngah deuh Nula In phei chu an la nui dar dar a, Kapzela te chu kal zelin Lal In chu an hnaih zel a, thui vak lo an han kal leh takah chuan Lal In chu an thleng ta a, Lal Luhkapui atang chuan Remsangi chuan Mikhual inthleng thei angem" a han ti a, In chhung lam atang chuan Lalpa Dokulha chuan, thleng thei e, lo lut tawh khai" a lo ti a, Remsangi chuan Tlengrel chu nam tawlhin In chhungah chuan Hualan a paw chung chuan a lut ta a, chutia a fanu Vanzau Tlangval ten an hruai daih tawh tur a an ngaih, a In chhung a a rawn kir leh Lal Dokulhan a hmuh chuan mak a ti hle mai a, a Upa te pawh an bang bik lo, chutia a pa ten an lo thlir thap mai Remsangin a hmuh chuan Hualan a puakna a ta chu a chhuk thla a, Chhuat a rah rual chuan Remsangi Ke atang chuan Thisen a lo chhuak leh ta mai a, Hualan chu chu a hmuh chuan zo zet mai hian Remsangi chu a pawm kang nghal a, chutihlai chuan Lal Dokulha pawh chu lo inngaihtuah harh ve tawhin, ka Fanu, enge a awmzia?) Tlangbal te u lo lut rawh u a rawn ti a, Kawngka bul a awm Kapzela te pawh chu Lal leh upa ho thutna lamah chuan an kal hnai a, Tlangaupan thutna a lo pekah chuan thuthmun te an rem ta a, Kapzela te an thut fel hnu chuan Lal Dokulha chuan, Tlangval te u khawi lam Tlangval te nge innih a?) enge thil awmzia?) tiin mak tih hmel zet hian a han zawt a, Kapzela chuan aw a han thian kharh kharh a, chutah lo tawng chhuakin, Lalpa, kei hi Damdiai khaw Pasaltha Kapzela ka ni a, ka nau hruai hi Huala a ni") a han ti te te phawt a, chutah Kapzela bawk chuan, Zawlnghak khua a Lal Tlangkhuma fapa Lungphunna a Damdiai Lal in a aiawh tur a a tirh thu te, Ramri Lui a an Chhun Chawfak tumin Remsangi au thawm an hriat thu leh, Vanzau Tlangval te nen a an inbeih dan te leh a vannei zawk a an tan thute chu a han sawi zar zar a, a thusawi chu hei thu zawh fiah duhte i neih takah tiin pakhat hi i hnen kan rawn thlen a ni, tiin a thusawi chu a tlip ta a.
Kapzelan an inbeih dan zawng zawng a sawi zawh hnu chuan Lal Dokulha leh a upa te ho chu mak tiin an kaho mai a, tawng chhuah mai nachang pawh an hre lo a ni.
chutah upa pakhat chu rawn inthing harhin, Tlangval te u, kan khaw tan a innun pawh hlut zo lova inbeih avang hian kan lawm takzet a ni" a rawn tichhuak a, midang pawh chu rawn inthing harhin, Lal Dokulha chuan Kapzela en pah chuan, Pasaltha Kapzela maw i nih kha?) inchungah hian ka lawm takzet a ni, a han ti a, Lal Dokulha bawk chuan, ka Tlangval te leh ka Pasaltha te Ramriakin an lo kal bo vek mai a, Vanzau Pasaltha Zavunga kha a huaisenin a ralhrat nasa mai si a, tun a khua a Tlangval awm te hian an umzui ngam lo a ni ber a, keipawhin ka tir lui duh ta lo a ni") a han ticharh charh a, Lal Dokulha bawk chuan, ka Pasaltha Ramriak te pawh ko haw turin lam kal ka tir tawh a ni" a han tih zawm leh a, Pasaltha Kapzela chuan, Lalpa Vanzau ho chu an Pasaltha lu kan lak avang hian an thinrim hle dawn a, a titu lovin intuar a ngai dawn a nimaw?) inthiam lo tak hian a lo ti a, Lal Dokulha chuan, khaih khaih inthiam lo mah ta che, keimahni vang a ti inni a, engmah inthlahrunna tur a awm love, Zavunga inthat thei ringawt pawh hi kan chhuang takzet che u a ni a lo ti a, Lalpa bawk chuan Vanzau lamin an rawn run hma ngei a an chet chhuah hmasak zawk tur thute chu Kapzela bulah chuan a han sawi leh a, chutia a pa te leh Pasaltha Kapzela te an titi lai chuan Remsangi chuan ka pa, Chaw pawh an la ei lo a nia") a mutna atang chuan a rawn ti leng leng a, Pasaltha Kapzela chuan Lalpa kan ril a tam love siam buai tir duh suh a han ti a, Lal Dokulha chuan, tukthuan bak inla ei lo a nih hmel a, in Chhun Chawfak tur lah kan fanu vangin inthulh bawk nen, Ril tam lo chi reng inni nem, Chaw te han ei puar u la, hei Zan te a rei tawh bawk nen, ka Inah hian inriak dawn nia") a lo ti a, Lalnun chaw a siamsak chu Kapzela te chuan hnial buai tawh lovin an ei ta a, an Tlangval man erawhchu Chaw leh Tui tlem pein Rip chhungah an khung ta thung a, Chaw tui tak a Kapzela ten an ei lai chuan Upa ho chu zan te a rei deuh tawh avangin an mahni In lam pan chuan an tin ta hlawm a, Kapzela ten puar tak a chaw te an ei kham hnu chuan Lal Dokulha chuan, inthlahrung hauh lovin ka Inah hian inawm thei ang" a han ti a, Pasaltha Kapzela chuan Lalpa tha tak a min lo mikhual avangin kan lawm e" a lo ti a, rei vak lo an titi leh hnu chuan Lal Dokulha chuan inchau awm si a, tui takin inmu dawn nia a ti a, Khumpui lamah chuan a kaisan ta a, Lalnun mutna te a rawn phah sak takah chuan Kapzela te pawh Vawiin lam an chau deuh bawk nen, an mu zui ve nghal a.
#a tuk khua a var chuan Huala te pawh inphih fai sawk sawkin Lal In tualah chuan Zing Ni lum aiin Pasaltha Kapzela nen chuan an titi mawlh mawlh a, Tukthuan ei hma ti a, Upa Lal In rawn chuangkai turte pawn an rawn be pah zel bawk a, Huala te pawn tha takin an lo chhang ve zel bawk, chutia eng eng emaw sawi a an titi takah chuan zingkar chu an hmang ral a ni ve leh ta reng mai a, upa ho Lal In a chuangkai ho pawh an tin leh sang sang tawh a, chutia Huala te an lo titi melh melh lai chuan Leikapui atang hian Lalnu chuan, Chaw ei kan peih tawh e, kan pasaltha te kha lo lut tawh rawh u" tiin a han auva, Kapzela te pawh chu In chhung lamah chuan an lut ta nghal a, Kapzela ten In chhung an luh chuan Remsangi chuan a lo be thuai a, kan Pasaltha te chu khua chuanin in lo chhuak bo daih a nimaw") nui sen sen pah hian a lo ti a, Kapzela chuan nia hei rawn kal mai mai a har si a tiin, rawn kal chhunah kan han hawi khawthawng a lawm mawle" a lo ti a, Huala chuan i hliam chu enge a an tawh a" a lo ti ve zat bawk a, Remsangi chuan Huala chu lo nuih var varin, hei ka tha tawh lutuk a lawm, pilh satliah mai a nih hi" a lo ti a, ticguan engmah sawi zui tawh lovin Tukthuan chu an ei ta a..
#Tukthuante an ei kham hnu chuan Kapzela te chu an han insiam nghal zung zung a, an inpeih hnu chuan Lal Dokulha chuan, Damdiai khaw Pasaltha te u inchungah hian ka lawm takzet a ni tih min hriat nawn sak u la ka duh a, intan lah han tih theih ka nei si lova, intum ram cgu tluang takin zu thleng mawlh ang che u, tunah chuan kal lam mai inla ni a, inrawn kir leh lamah chuan kan buai zualpui pawh a lo reh tawh turah ngai i la, tun aia nuam zawk hian ka lo thleng tawh dawn che u nia, tunah chuan kan voruak tawnin a zir lo e mai a, min hrethiam a niang chu" a han ti dap dap a, Kapzela chuan, Lalpa i In a min lo thleng duh hi kan lawm em em a ni, tin, engmah kan beisei reng reng lo" a lo ti a, Lal Dokulhan inrawn kir leh hun chuan ka Inah ngei inrawn thleng leh dawn nia, he Khuaah hian engtiklaipawn hmun a awm tih inhre dawn nia a tih leh hnu chuan Kapzela te pawn an kir leh hun a tlawh leh ngei intiamin Lal In chu an chhuahsan ta a, Kapzela te hian an tum ram ZAWLNGHAK khua hi tluang takin an thleng thei tawh angem? Nge harsatna an tawk leh dawn? next episode lo nghak phawt ang. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 12th, 2019, 3:41 pm

DORAL HRANG MAHSE.
*Zawntea Chhangte the Red Devils*.
Bung (23)












Kapzela te an chhuah hnu chuan Remsangi chuan ruak deuh huai hian a inhria a, amaherawhchu engmah erawh lan chhuah tir a tum lo thung.
#Kapzela ten Kawtchhuah an thlen chuan an han ding khawmuang leh rih a, Chhippui khaw chhung lam te chu an han thlir leh vang vang a, tichuan Zawlnghak khaw lam pan chuan an kal leh ta a, an kal pah chuan an titi bawrh bawrh a, Pasaltha Kapzela chuan, Huala tlem a tlemah kan va thi teuh ve") a han ti a, Huala chuan, keimah a ka pute khaw lam a ka lo kal lo kha ka vannei tak zet a ni" a lo ti ve a, Pasaltha Kapzela chuan, khang te kha chu a bultanna chauh a la nih kha, kha ai a hun harsa leh khirh zawk te pawh i dam zel a nih chuan i la tawng dawn chauh a, ka lo hrilh fo tawh che angin, rilru fim tak i hmang tlat dawn nia" hei tunah pawh kawnglakah hian enge kan tawn dawn a hriat lohva, inring ru sa reng ang che" a han ti a, Huala chuan, tihian eng khuaah nge kan luh leh dawn?) tiin a han zawt a, Kapzela chuan eng khua mah kan lut tawh dawn lo, tluang tak a kan kal chuan Tlai lam Zanriah ei hun velah Zawlnghak khua chu kan lut ang") a lo ti a, engmah pawh sawi tawh lem lo chuan an kal ta zel a, chutia thui fe an kal hnu chuan Ni pawh a sang ta khawp mai a, Huala te pawn Chhippui khua chu an hlat tawh khawp mai, ngawi reng a an hmalam pan a an kal mawp mawp lai chuan Kapzela chuan, Ni pawh a sang leh ta kher mai, kan hma fing hnih velah hian Phul hmun nuam deuh mai a awm a, tahchuan kan hahchawl dawn nia" a han ti a, Huala pawh chuan a lo hnial bik lem lova, tichuan an hmalam pan chuan an kal zel a, chutia thui vak lo an kal leh tlauh tlauh hnu chuan Phul hmun zawl nuam deuh mai chu an thleng ta a, Thinghlim chu belin an thu hahchawl ta a, chutia an hahdam pah chuan Huala chuan, u Kap, engtia khaw khat Lal meuhvin Tlangval pali lek kha han umzui tir ngam lo nge maw a nih le" a Fanu an la hruaisak leh nghal kha a ni si a" a han tichhuak phawng mai a, Pasaltha Kapzela chuan, Huala Chhippui Pal kha i hriat angin Lal fing tak a ni a, a Tlangval te an lo ram mu vek mai si a, chuvangin a hlimchhawn a Aa Tlangval khaw lo nghak te kha a um tir ngam lo a ni mahna, ama sawi ang khan, Zavunga han hmachhawn ngam kha khaw hmun nghak Tlangval ho zingah khan an awm lo bawk nen") a lo ti a, Huala chuan, mahni Khua leh Tui venhim chu a va hnai lo awm em, ama fanu ngei pawh Tlangval Pali lek lakah a hum zo lo a ni si a" a han ti leh hram a, Pasaltha Kapzela chuan, i thlirna atang chuan.a awm khawp mai, amaherawhchu Lal tha leh fel chuan mahni khaw mipui te himna tur a nih chuan an chhungkaw chan vek pawh an huam vek thin reng a ni, a thuhrimin, Nula kha Vanzau Tlangval te khan Silaiin an tin tlat a nih hmel a, Lal tan khan han tih vak theih a awm lo dawn bawk em a ni, a Pasaltha te leh Tlangval tam zawk an awm lo bawk si a" a lo ti a, chutia rei ngial an titi hnu chuan an hah te pawh a lo dam ta bawk a, Zawlnghak khaw lam pan chuan an kal leh ta a, chutia biak pawh inbe lem lova an kallai chuan Pasaltha Kapzela chuan, i va ngawi vung vung ve, Remsangi kha i ngaihtuah a ni ngat mai, nui hak hak pah chuan a han ti a, Huala chuan chutiang engmah a awm lo" a lo ti mai a, Pasaltha Kapzela bawk chuan, i ngaihtuah zui loh pawn a ni tal kha chuan a ngaihtuah zui che ka ring a ni, a melh dan reng che khan a zir mai, a lo ti leh a, Huala chuan, chutiang lam zawngin engmah ka hre ve hauh lo mai, bakah kei Hmeithai fa mai mai leh nghal, Lal Fanu te meuh chuan engahmah min ngai hlei lovang e") a lo ti a, Kapzela chuan, Nula te hi i ngaihven lo lutuk a, engmah hi i hrethiam lo a nih hi, fimkhur hle ang che") a lo ti a, Kapzela bawk chuan, Hmeithai fa inti tawh suh, Remsangin a remtih loh kha" a han tih zawm a, an han nui dun ham ham a, chutah Huala chuan tak tak a, Lal fanu nge nge a hmel kha zawng a tha chiang a lawm") thu tak fe hian a han ti a, Kapzela chuan ekhai chu a zun i lo phur ru reng a nimaw?) a lo ti a, Huala chuan, phur teh suh ei, a hmeltha ka ti mai a nia" a lo ti a, tichuan titi pah chuan an kal zel a, Huala tan a hriat tur leh thil tangkai ni a a hriat te chu Pasaltha Kapzela chuan Huala chu a hrilh pah reng a, Tlailam Zanriah ei hun vel a nih chuan Pasaltha Kapzela te chu Zawlnghak Khaw Kawtchhuahah an thu vang tawh a, Huala chuan, tluang tak a kan thleng thei chu a lawmawm hle mai" a han ti a, Pasaltha Kapzela chuan a ni ngawt mai, thla pawh a muang huai mai a lawm" a lo ti a, Huala chuan, u Kap Vanzau khaw ho khan Chhippui khua kha an run leh i ring em?) tiin a han zawt a, Kapzela chuan nuih deuh hak pah hian, nang hi a tha dawn lo tawp mai, Remsangi kha i vei a ni chiang mai" a lo ti a, Kapzela vek chuan thutak deuh zawk hian, Vanzau ho chu an ngawi mai maiin ka ring tawp lo mai" a lo ti a" Huala chuan, an pasaltha Zavunga kha kan thah a ni si a, kan khaw tan a hlauhawm phak lovang maw?) a han ti a, Pasaltha Kapzela chuan thil thleng thei tho mahnise, kan khaw tan em chuan a hlauhthawnawmin ka hre lo, min rawn bei ta a nih leh kan lo that phiar ang a a ni mai a lawm") a lo ti a, rei ngial an titi hnu chuan Khawchhung lam panin an lut ta a, Khawchhung an va luh chuan Zanriah ei hun a nih avangin a lo reh deuh thap a, Mihring veivak pawh hmuh tur an awm meuh lo a ni.
Kapzela te chuan Lal In chu an panding nghal vang vang a, Lal In an han thlen chuan Lal leikapuiah chuangkaiin Kapzela chuan, mikhual inthleng thei em?) a han ti a, In chhung lam atang chuan Khual chhia nge khual tha?) an lo ti a, Kapzela chuan, khual tha kan ni e, Damdiai khaw Tlangval Lal Savunga tirh te kan ni e" a han ti a, chu veleh In chhung lam atang chuan luh phalna an hmu ta a, chutia luh phalna an hmuh takah chuan Kapzela te chu an lut ta nghal a, Kapzela te In chhung an han luh chuan Lal Tlangkhuma leh a Upa te ho chuan an lo en thap a, chutah Lal Tlangkhuma chuan, Damdiai Pasaltha Kapzela te lah ni rengin, Tlangaupa an thutna tur te pe la, zu te kha han thlit sak nghal tawh, an chhawl te pawh a hal tawh ang") a han ti a, Kapzela ten thuthmun te an rem hnu chuan Lal Tlangkhuma chuan, ka u chu a dam a maw?) tiin Kapzela chu a han zawt a, Kapzela chuan Tlangaupa Zu rawn pek lo temsek pah hian, aw Lalpa, a dam that lai tak a ni" a lo ti a, Lal Tlangkhuma chuan incham chhung chuan inhreawm ka phal dawn hauh lova, Zawlbuk lamah pawh riak lovin ka Inah hian inriak rih mai dawn nia" a han ti a, Lal Tlangkhuma bawk chuan Ziki hei Damdiai Pasaltha Kapzela te hi chaw ei han siam tawh, an ril a tam tawh ange" a fanu Zikpuii bulah chuan a han ti a, Zikpuii chuan a siam nghal mawlh mawlh a.
#hemi zan vek hian Chhippui Tlangval te leh a upa te hovin Lal Dokulha chuan a ko khawm a, an hun tawn dan zawng zawng te chu Lal Dokulha chuan a tlangval te leh Pasaltha te hriatah chuan a sawi fai ta kelh a, chutia an ram mut hlan a Vanzau ho an rawn che mai chu Chhippui Tlangval te leh Pasaltha ho chu an thin a rim tlang hle a, Chhippui Pasaltha Thanhranga phei chu a thinrim zual em em a, a thianpa Farnu a lo ni leh zel bawk nen Remsangi hi a thin a rim tak zet a ni.
chutah Lal Dokulha chuan, kan hun tawn chu kan hre theuh tawh a, han beih mai nge tha ang a, hetia lo nghah tawp mai hi?) kan Pasaltha te khan enge inngaih dan le?) a han ti a, chutah, Chhipui Pasaltha Thanhrangin, Lalpa, Vanzau khua hi pan ta mai i la a tha lo maw, an khua kan hal nghal vek bawk ang a" a han ti a, midang te pawh chuan an han sawi ve nak nak hlawm a, tichuan an Pasaltha duh dan chu an pawm tlang ta hlawm a, Lal Dokulha chuan, awle kan Pasaltha te duh danin Vanzau khua chu kan run ang a, naktuk hi inbuatsaih nan kan hmang ang a, naktip lamah kan chhuak dawn nia" a han ti a, chutah Lal Dokulha Fapa Siamkunga chuan, ka nau duh lo chung hnuk luitu te khua chu Ding chhuak leh ngai tawh lo turin kan chimih thak tur a ni ang" a han ti pung pung a, tichuan an rorel te an zawh hnu chuan Chhippui Tlangval ho chu Lal In atang chuan an tin sang sang hlawm a.
chutia Tlangval te an tin darh hnu chuan Lal Dokulha chuan a Fapa Siamkunga chu kovin, ral bei ve lo tur a a duh thu chu a han hrilh a, Lal Dokulha chuan, Kunga ngun takin ka thusawi hi lo ngaithla ang che, tihpah chuan a Vaibel chu a han la kai a, chutah Lal Dokulha chuan, Kunga, ka Fapa neih chhun i ni a, i nau phuba lak i duh luatah ral han beiin i nun te han chan nila, i pa Lal Thutthleng hi tunge luah ta ang?) a han ti a, Siamkunga erawhchu a ngawi reng a, chutah Lal Dokulha bawk chuan, i farnu hi i neihchhun a ni a, i hmangaih hle tih pawh ka hria a, mahse hei i hriat angin, i farnu pawn a nun a chan pawh a ni em lova, chuvangin i thinrimna hi inbengdai hram la ka duh a ni" a han ti leh charh charh a, upa te ho pawh chuan Siamkunga chu a pa thu zawm tur chuan an lo thlem ve tliar tliar hlawm bawk a, chutah Siamkunga chuan a pa Lal Dokulha chu en kalhin, ka pa, ka Farnu tan hian khawdang Pasaltha te mahin an nun an thap ngam a, engahnge kei, a nuta neih chhun hi ka ngawih reng angni?) a han ti a, Siamkunga bawk chuan, ka pa, ka thinrimna hi a sosang em a, khawngaihin min dang lo hram ang che, tin, ka han thi lovang tih ka tiam bawk a che" a han ti a, Lal Dokulha chuan a Fapa chu ral beih phal lo hle mahse, chelh zo tak tak dawn chuangin a inhre lova, Lung si lo chung chuan, Kunga kan inchelh zawh hmel ta si lova, i han kal lui ve a nih ngat chuan, hlawhchhamin rawn kir hauh suh ang che" a ti ta zawk a, chutia a u pa te nen a a Fapa an zilh mawlh mawlh lai chuan Leng hnar Ar chu a lo khuang thliai thliai a, upa ho pawh Tin phak phak hlawmin An mahni In lam chu an pan ta hlawm a, Chhippui khua chu a reh ta tan a, zan te a lo rei tak deuh hnu phei chuan Rannung hram thawm bak hriat tur a awm tawh lo a ni.
chutia mitin mai tui tak a an mut lai chuan Lal Fanu Remsangi erawhchu muhil thei lovin a Khumah chuan a tal a tal a, a thil ngaihtuah avang chuan amah leh amah te chu a indem rilru hle a, Hmeithai Fapa, chu pawh a vawikhat hmuhna mai leh nghal a vei zui em em mai chu mak a inti hle a, an lo kir leh angem?) tin, ka rilru hi hria nise kha pa khan engtinnge min ngaih ang, tih te chu a ngaihtuah nauh nauh a, chutia muhil thei lova a suangtuahna a kawm melh melh lai chuan Khuang hmasa Ar ho chu an rawn khuang chuah chuah a, Remsangi pawh chu a muhil ve ta hram a..
#a tuk zing khua a lo var chuan Zawlnghak Nula leh Tlangval te chu Fatuin an buaisang sang a, Lal Tlangkhuma hian Sial leh Vawk a khawtlang hrai a tum a ni.
Huala pawh Zawlnghak Tlangval ho chu puiin a buai ve hle mai , Lalin remti lo viau mahse a awm mai mai ning tawh chu a fatu lui ve ta tho a ni..
Tukthuan ei te a hun chuan Sa pawh chu an chan fel tawh a, Val upa ten, khai le, kan hah lutuk ange, hei kan chan zo vek tawh a, Tukthuan ei kham lamah Tlangval thenkhatin inbuaipui ang a, Tlangval tam zawk chuan Khawdai lam a kan Lungphun tur dah kha Lal tual lamah kan zawn chho dawn nia?) a han ti a, chutia Val upa ten rem an ruat zawh hnu chuan Tukthuan ei turin mahni In lam theuh an pan ta hlawm a.
Chutia Huala pawhin Lal In a pan lai mek chuan a hnunglam atang hian, Tlangval lo ding teh tiri avang chuan Huala chu a ding chawt a, Huala kiang a rawn thlen chuan, Tlangval mikhual em ni i nih?) ka va hre ngailo che ve Biakkhuma chuan a han ti a, Huala chuan aw ni e, Lal Savunga khua Damdiai khua atang a lo kal ka ni e" a lo ti a, Biakkhuma chuan Lal Fapa lungphun tur vang hi a ni ang maw?) a han ti a, Huala chuan, aw ni e, kan Lal hi Zawlnghak Lal Tlangkhuma u nau pa hi a ni a, kan Lal hi khualral a han kal thei a nih tawh loh avangin, a aiawhin kan rawn kal a nih hi" a lo ti a, Biakkhuman chung thu a hriat chuan a inthlahrung ta hle mai a, Huala hnenah chuan, Tlangval i Tlawmngaihnaah chuan ka fak khawp mai che, amaherawhchu, Lal aiawh meuh a rawn kal inni a, chuvangin, Tukthuan ei kham lamah chuan i lo hahdam tawh dawn nia, tin, zing lam a kan lo chhawr hrep che avang pawh khan min hrethiam dawn nia" a han ti a, Huala chuan nui var var pah hian, Zawlnghak Tlangval te zawng intuan a tha e mai a, engmahpawh kan ti ve hman hleinem" a lo ti a, Huala vek chuan, ka hming chu Huala a ni a, Tukthuan ei kham lamah kan inhmu leh dawn nia" a han ti a, Biakkhuma chuan, e tak a, ka hming pawh ka lo hrilh bik reng reng hlei che nem, Biakkhuma ka ni e, puar takin han ei la, Khawdai lam a Lung zawn tur chuan lo thawkchhuak duh suh ang che" a ti a, tichuan tukthuan ei tur chuan an inthen ta a.
Hualan Lal In a han thlen chuan Lal leh a upa ho chu an lo la thu thap mai a, Lal Tlangkhuman Huala a lo hmuh chuan, Tlangval kha i rawn haw tawh a nimaw?) ka Tlangval ten an lo tirkat nasa awm si che a, i chau viau ang ka ti" a lo tivar a, Huala chuan, chau lah love Lalpa, i Tlangval te zawng an mawng a zangin an zam a tha em msi a, keini tuanfum deuh chu chet pawh kan che ve hman lo a ni" a lo ti a, a thu hriat avang chuan Lal Tlangkhuma chu a nui var var a, chutah Lal Tlangkhuma chuan, Ziki Tukthuan han siam tawh u, kan Tlangval te pawh an ril a tam tawh ange" a han ti a, Zikpuii pawh chuan tukthuan chu a siam ta nghal a, chutia Hualan Pasaltha Kapzela zawng a a lo hawi a lo hawi lai chuan Pasaltha Kapzela chu Kawngkapui atang chuan a rawn lut hlawl mai a, Hualan a lo hmuh chuan, khawiah tak lo vak ve dun dun che maw aw" a lo ti hluka, Kapzela chuan nui thaw chung hian, Nula ka rim ve mawle" a lo tisam et a, Zikpuiin chaw a ei theih tawh thu a rawn sawi chuan an kil ta hlawm a.
#Tukthuan te an ei kham chuan Huala chuan a kam a thuah sawk sawk a, Lal In atang chuan a chhuak ta nghal a, Kapzela chuan inthlahrung tak hian, Lalpa ka naua kha hrethiam ang che, a la naupan bakah khualkhua a la zin ngailo a ni a, nunphung a hre lo deuh a ni") a han ti a, Lal Tlangkhuma chuan, ekhai Kapa, i nau kha zawng Tlangval tlawmngai tak a nih dawn kha, Tlangval satliah mai a nih ka ring lo a ni, a awm reng a ser nasa mai, engmah inthiam lohna tur a awm love") a lo ti a, hlim takin Tukthuan chu an ei zawm mial mial a.
#Huala chhuak ta pawh kha Biakkhuma chuan a lo hmu hlauh a, Huala rawn tel ve chu pawi tiviau mahse, inkirtir leh ngawt chu dik a a hriat tawh loh avangin an Lungphun tur dahna Khawdai lamah chuan a inzui tir ta zawk a.
Biakkhuma hi Zawlnghak khaw Pasaltha a ni a, amah hi Pa nunngil leh zaidam tak a ni a, amah hi a huaisen a a tlawmngaih em avang hian Zawlnghak khaw mipui te pawh hian an chhuangin an thlamuanpui em em a, Lal Flangkhuma ngei pawh hian a chhuang hle a ni.

#an Lungphun tur dahna an va thlen chuan Tlangval ho chuan Lung chu inchawikan siakin an lo ri laih laih mai a, tumah chuan chu Lung phek chu an chawikang thei hauh lo mai a, Val upa Pakhat chuan, kan Pasaltha Biakkhuma te pawh an lo thleng ta maw, han hahdam se han chawi ve tehse, a khin tha nelh nawlh riau mai, tumah rengin kan chawikang zo lo mai" a han ti a, hmuamda vel an hahdam hnu chuan Biakkhuma chuan, nangni pawn inzawh loh chu ka zo bik dawn em ni?) tihpah chuan Lung tlang chu a han vuan a, Tlangval ho chu an lo haw haw hluah hluah a, chutah Tlangkhuma chuan tha a han hmang ta a, Lung chu a kang riai riai a, a ngal thleng chuan a chawi kang ta mai a, Tlangval ho chuan an Pasaltha chu chak an ti em em a, haw haw hluah hluah pahin Kut te an lo beng dur dur a, Biakkhuman Lung a dah thlak hnu chuan Val upa pakhat chuan, awle i duh tawk tawh ang u le, inchau lutuk ange" a han ti a, chutia an val upain thu a sawi zawh chuan Ring lenglawng hian Biakkhuma chuan, Val upa ten min lo hrethiam sela, Damdiai lam a kan u nau pa Huala hian han chawi ve tehse" a han ti a, chutah Tlangval ho chuan Kut an rawn beng leh ta hluah hluah mai, Huala chuan, ngawi teh u, keia tha zawngin tumah va el phak suh, kan mualpho lutuk zawk ang, ka chawi rih lo mai ange" a tih pawh chuan Viakkhuma chuan a ti lui deuh tlat mai a, Huala chuan nui var var pah chuanV chuti na na na chu a tikimtuah kan chawi ve reng reng ange, midang bulah min sawi mualpho lutuk lovang che u tihpah chuan a Puanven chu a han sawi chhing sauh sauh a, chutah Lung tlang chu a vuan ta, Tlangval ho chu an lo au dur dur a, Huala chuan khale... Tihpah chuan Lung chu a han chawi ta a, Ban phiar tawng tawng khawp a a han tan meuh chuan a Khup thleng chuan a chawikang ta mai a, Tlangval au hluah hluah thawm chu a reh thap a, an mak ti lutuk chuan Huala chu an en thap ringawt mai a ni, Huala chuan Lung chu dah thla leh thuaiin, Val upa Pakhat chuan, kan Tlangval chu a chak hle mai, i duh tawk tawh ang ule, tunah chuan khawlam panin i chho tawh ang ule") a rawn tih chuan Tlangval ho pawh chu lo harh chhuak hlawmin Huala chu an rawn fak tliar tliar hlawm a, tichuan Lung phek zawn chung chuan khawlam panin an chho ta dul dul hlawm a. Chhunzawm zel tur.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » April 16th, 2019, 6:49 pm

DORAL HRANG MAHSE.
*Zawntea Chhangte the Red Devils*.
Bung (24)











Zawlnghak Tlangval ten Lal Mual an thlen chuan Mipui ho chu an lo zi mup mup tawh a, Lal leh a upa te pawh chu Leikapuiah chuan an lo ding thap tawh a, Tlangval ho Lung rawn zawn chu lian an ti deuh nge ni, Mipui ho chuan an thlir an thlir hlawm mai a ni.
Chutia mipui sau hulh hulh chu Lal Tlangkhuma chuan a han khap dai a, Mipui ho an reh ta thap maw tihah chuan Lal Tlangkhuma chuan thu a han sawi a, awle Vawiinah hian ka fapa Lung ka phun dawn a ni a, min hmanpui tur a khualkhua atang a ka mi sawm te leh, ka khaw Mipui ho chungah hian ka lawm tak zet a ni") a han ti te te a, sawi chhunzawm zelin Lal Tlangkhuma chuan, Vawiin hi a hun ti a lo ruat pawh inawm maithei a, mahse ka fapa kha inbuan ngaina tak a nih avavangin, amah hriatreng nan Vawiin hian hmuhnawm en tur ka buatsaih dawn a ni") a han ti a, an thu hriat chu an beisei loh thil a nih avang chuan Mipui ho chu an phur khawp mai a, an Lal tawngkam atang chuan inbuan a awm dawn a ni tih chu an ring hlawm theuh a, mipui bengchheng te a han khap daih leh te te hnu chuan Lal Tlangkhuma chuan, engmah vawiin a hun kan hman dan tur hi kan inhrilh lawk lova, vawiin hian ka fapa pual a hun hmang kan nih angin, inbuan ka buatsaih dawn a ni" a han ti a, mipui ho chu an lo ri chelchul a, chutah Lal Tlangkhuma chuan, Vawiin kan infiamna a chak ber hian ka Se pachal a kai haw ang" a han ti leh a, Lal Tlangkhuma bawk chuan, Tlangval ho khan Favai kha han la khawm se a tih zawm a, Lalin thu a sawi zawh chuan upa pakhat chu lo dingchhuak velehin, fuihna thu hrang hrang leh infiamna a thinrim lo tur te, tlawm zawk nih dan thiam tur leh a chak zawk pawh chapo lo tur te chuan a rawn chah ve bawk a, chutia Lal leh Upa ten fuihna thu hrang hrang te an sawi hnu chuan Val upa chu Lal Leikapuiah chuan chuangkaiin, awle, kan khaw thenawm mai a awm, Dozinga Dengsur Pasaltha leh kan khaw buan chak Pasaltha Biakkhuma te kha lo chhuak sela, a han tih chuan Biakkhuma leh Dozinga te chuan mak an ti hle mai a, sawi tawh angin, Lal hian inbuan a buatsaih dawn tih tuman an hre lawk lova, tute nge inbuan dawn tih lah an hre lawk hek lo, chutiang a nih chuan Dozinga leh Biakkhuman mak an ti pawh hi a awm lo hran love.
Val upain Inbuan turte hming a sawi chuan mipui ho chu an lo te chelchul mai a, hemite pahnih hi an lo inchona a rei tawh em avangin, hmuh pawh an chak tawh tak zet a ni.
Dozinga leh Biakkhuman Favai an chhunvumna an rawn chhuah chuan mipui ho chuan Kut an lo beng hluah hluah a, an Puanvenah chuan an invuan ta chat maile, Tlangaupa chuan an inpeih tawh a a hriat hnuah chuan, khaile... Tan tawh rawh ule... A han tituar mai a, Biakkhuma chu tan pawh tang hman lo chuan Dozinga chuan a chawikang ta luah mai, An beisei loh lutuk a thil thleng a nih avang chuan Zawlnghak khaw mipui ho chu mak tiin an ngawi thap mai a, Lal Tlangkhuma chuan, ka Pasaltha han tang ta che le," Leikapui atang chuan a lo ti lauh lauh a, chutah an invuan fel leh ta maw tihah chuan, tan leh ru le... Tlangaupa chuan a han ti leh tuar mai a, chu veleh Dozinga chuan a hma ang bawk a Biakkhuma chu chawi leh mai a han tum a, mahse Biakkhuma erawh chuan inchawi tir a tum tawh hauh lo mai, vir tawn sek pah a an inelh ngawng ngawng hnu fe chuan Dozinga chu a kang zawkah a tang ve ta tlat maile... Zawlnghak mipui ho pawh an thawm a rawn tha ta ham ham khawp mai, Biakkhuman a dah thlak hnu chuan an Puanvenah chuan an han invuan leh nghal chat a,, chutah Tlangaupa chuan, tun a dingchang zawk hi chak a puan an ni tawh ang" a han ti a, Tlangaupa vek chuan khaile... Tan leh tawh rawh ule... A tih rual chuan Biakkhuma leh Dozinga te chu an intham na tawh kher mai, Dozinga chuan elh thluk ngei tum chuan a thiam thil hrang hrang chu a han hmang a, mahse Pasaltha ve nafam chu Biakkhuma pawh a duai bik hauh lo, Dozinga chuan chawikan tum lovin elh thluk a tum tih Dozinga chet danah chuan a man ve thuai a, chutia rei ngial an inchai hnu chuan a tu amah chu an chungnung thei lo, an thlante chu a luang zawih zawih tawh a, mipui ho pawn hmuhnawm an ti kher mai, chutia chungnung zawk nih tum a an vir kual sek lai chuan Dozinga chuan Biakkhuma chu a daikhalh thut mai a, Biakkhuma chuan lo persawn san zeuhin Dozingan a tum a thelh tih hria a Biakkhuma a va hnaihchilh leh chiah tih chuan Viakkhuma chuan lo manchawtin, Dozingan tanhmun a siam ngheh hma chuan a lo chawikang ta luah maile, Zawlnghak Mipui ho lawm lutuk chu an ri lelu mai a, Zawlnghak Lal Tlangkhuma lahin ka Pasaltha chhuanvawr a nih kha a lo ti ve bawk a, Zawlnghak khaw Mipui te chu an hlim takzet a ni.
Biakkhuma leh Dozinga te tha tak a an inthlah hnu chuan Tlangaupa chuan, khaile tunah Zawlnghak khaw buan chak, Thanghrima leh Damdiai khawlam a kan unau tunge lo chhuak dawn le" a rawn ti ta tlat mai, Kapzela chuan, Huala kan khaw ai chu va awh ta che" a han ti a, Huala chuan, u Kap khaw khat vuan chak meuh lak a han dingchang turin min beisei em ni?) a lo tivat a, Tlangaupa lahin a rawn lam sek tawh bawk si, Kapzela chuan a beih a hma a i zam nghal ngawt ni" va kal thuai tawh" a lo tihluk a, tui lo zet chuan Favai an chhunvumna tual zawl lam chu Huala chuan a pan ta hnak hnak a, Tualzawl a va thlen chuan Thanghrima chuan a lo nuih suk a, zawi sap hian Huala chuan, mi buan dan tawk i thiam ka beisei" a han ti a, Thanghrima lah pek chuan, Thlan a tlak deuh vat tawh hi chuan tawk chin hriat hi a har duh khawp a nia" a lo tisam et a, Thanghrima hi Zawlnghak khaw buan chak a ni a, Pasaltha Biakkhuma tih loh hi chu Zawlnghak khuaah hian hneh lova, a tan hmun a fuh deuh chang phei chuan Biakkhuma pawh hi a hneh leh zauh thin a ni.
Tunah chuan an Puanvenah ve ve an indawm dun ta, mipui ho chuan an khaw buan chak hmaah chuan Rawlthar Huala chu a dinchan zawh an ring hauh lova, Pumruaah intiat tawk viau mahse, sanlamah erawh Thanghrima hi a sang zawk bawk nen, Zawlnghak mipui te pawh hi an demawm chuang lohve.
Tlangaupan khaile... Intan thei e... A tih rual chuan Thanghrima chuan awlsam tak a Huala chu han phawi zawk mai a han tum a, mahse Huala chuan Leiah zung a kaih ta emaw tih tur chuan a kaang thei ta tlat lo, Thanghrima chuan a han bei fat fat a, mahse awmzia erawh a nei thei chuang lo, Huala chuan khale aw... Keimah ve aw, tiin Thanghrima chu a han phawi zawk mai a, a dah thla leh nghal thuai a, mipui mak ti pawh an reh leh ta thap mai, amah Thanghrima ngei pawh chuan mak a tikher mai, an Puan ven a an indawm leh hnu chuan Tlangaupa bawk chuan, tan leh tawh ru le... A rawn tileh tuar a, Thanghrima chuan awlsam zet mai hian Huala chu a phawi ta zawk mai a, mipui ho chu an rawn ri ta chuah chuah maile, chutah an Puanvenah chuan an han indawm dun leh chat a, Tlangaupa chuan, nangni pawh, ahma a mi te ang bawk khan, tun a dingchang zawk hi chak a puan inni ang a han ti a, chutah Tlangaupa vek chuan, tan leh rawh ule... A han tih chuan Thanghrima leh Huala te chu chungnun zawk tum chuan an inelh leh zawn zawn mai a, Thanghrima lahin a zuam ang ngawtin a chawi thei si lo, rei ngial an inchai hnu chuan Thanghrima chuan a beih pa chuan chawi ve a tum miah lo tih a hre ta a, Huala lah a tang nasa tih hriat tak chuan a Thlan a tla phung mai si, chutia rei ngial an inchai hnu chuan Huala chuan a hun tha hmuh chu remchang a hmangin a inchawi tir ta daih a, Mipui ho chu an lo au hluah hluah a, Thanghrima erawhin engmah a hai hauh lo, Huala a dah thlak hnu chuan zawi sap hian, *Tlangval min chawi kha i tum ve miah lo tiraw?)* a han ti a, Huala chuan, tum tehreng e a, ka theihtawp chu ka chhuah ve a lawm" a lo ti a, tichuan tha tak chuan an thuthmun lam panin an inthen ta a.
Chutia Huala leh Thanghrima ten an thuthmun an remfel hnu chuan Lal Tlangkhuma chu Leikapuiah lo dingchhuakin thu a han sawi a, Awle ka khua leh Tui duh tak te leh khualkhua atang a ka misawm te vawiin hun min lo hmanpui avangin ka lawm em em a, ka khaw Tlangval te mualpho lutuk tur min venpui a, hlahthlem nachang inhriat avangin ka lawm em em bawk a ni" a han ti dap dap a, Lal Tlangkhuma vek chuan, ka khaw buan chak Thanghrima kha han hahchawl sela, tichuan kan infiamna chu a hmawr kan bawk dawn nia" tiin a thusawi chu a titawp a, chutah khawnvawl upa pakhat chu lo dingchhuak velehin, awle kan Lalpa sawi ang khan, kan mikhual Tlangval te infakawm ka ti takzet a, chak lo zawk a inhan tang thiam em em mai te kha hmuh a nuamin kan khaw tan entawn tur tha tak niin ka hria a, chhawmnung zel ang che u" a han ti a, thu tlem a sawi belh leh hnu chuan a thusawi chu a titawp veleh ta a, chutah Tlangaupa chu lo dingchhuak velehin, kan Tlangval te kha inhah a dam tawh chuan buanzawl lamah hian lo chhuak u la") a han ti a, chuveleh Biakkhuma leh Thanghrima te chu an rawn chhuak ta nghal a, Tlangaupa chuan, tun a a dingchang zawk hi chak zawk an ni nghal ang a han ti a" inbuan tur ten an Puanven te an indawm fel hnu chuan, khaile... Tan rawh ule, Tlangaupa chuan a han ti tuar a, Biakkhuma leh Thanghrima chu an che nghal phat phat mai a, tuntum chu Thanghrim a chuan tlawm a tum tawh hauh lo, fimkhur tak chuan chet a la zel a, rei ngial an inbeih hnu pawh chuan Biakkhuma chuan a chawi thei ta bik hauh lo mai, tunah chuan an hah tawhin an che pawh a muang tawh khawp mai a, an Thlan te lah chu a far zawih zawih tawh a, chutia Biakkhuman a lo hneh fo tawh thin Thapui tak meuh a a tang chung pawh a a hneh mai thei lo chu mipui ho chuan mak an ti hle a, a then lahin a hlahthlem a niang an lo ti rilru ve bawk a, hmuhnawm ti tak chuan an khaw Tlangval inchai te chu an thlir ngawt ngawt mai a ni.
Chutia chungnun zawk tum a an inpawmchilh rap rap lai chuan Thanghrima chu a Ke chheh a sual palh ta hlauh mai a, chulai tak chu Biakkhuma chuan a lo chan a ni si, an inpawmchilh rap raplai a, Thanghrima hnung tawlh hret chu a Ke chheh a sual ta tlat mai, Biakkhuma chuan rang lutuk a hnaihchilh nghalin a chawikang ta vu vu maile, Mipui ho chu an lo au hluah hluah a, an infiamna te an zawh hnu chuan Lal Tlangkhuma chuan thusawiin, mipui ho chu a kal darh tir ta nghal a, Tlangval te erawhchu Lung lian tak zawnin Thlanmual lamah an liam ve nghal thung a.
Tlai Zanriah kil hun a nih chuan Fatu ho chuan hmun hrang hrangah hnah te phahin hlui te chu an han buatsaih a, mitin maiin Zanriah chu an kil theuh a, Zanriah te an ei zawh meuh chuan khua pawh a thim ta ruai mai a, Lal In a awm ve reng chu nuam an tih chiah loh avangin Kapzela leh Huala te chu chhuanlam siamin an chhuak daih a, lenna tur pawh hre lova kawng dung a an vah an vah lai chuan Biakkhuma chuan a lo hmu a, ekhai kan Pasaltha te chu Engtizia a khawlai a han tei ruk ruk nge maw innih le?) tiin a han zawt a, Huala chuan lo chhang vatin, a hei inkhaw thleng hi a nuamin a rem em mai a, rawn kal a khat bawk nen, rawn zin chhunah tiin kan vak vel mai mai a nih hi") a lo ti a, Biakkhuma chuan, titeh u kan In lamah lo leng tawh u vah vah ngawt ai chuan" a han ti a, luhna mai tur an hre lo bawk nen, Huala te pawh chuan hnial lovin an zui ve ta, In an thlen hnu chuan an han titi luam a, Thanghriman Huala chak a tih zia te chu Biakkhuma chuan a han sawi luam a, Huala erawh chuan min hlahthlem mai mai a ni ange, theihtawp ka chhuah chung pawn ka hneh chuang lo chu a nih kha" a lo ti a, tichuan zan rei tak thleng chuan inpawh takin an titi hauva, leng hawn Ar a khuanhnu fe chuan tui tak a mu tur a inthlahin an inmangtha ta a. Chhunzawm zel tur.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)