DORAL HRANG MAHSE BY *Zawntea Chhangte the Red Devils* (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: DORAL HRANG MAHSE BY *Zawntea Chhangte the Red Devils* 1 - 6

Unread post by Ngaia » February 6th, 2019, 5:43 pm

DORAL HRANG MAHSE, *Zawntea Chhangte the Red Devils*, episode (7).
Chutia mipui ho a kal darh tir hnu chuan In chhung lamah an inzui lut ve nghal a, Zu No-te dawmin a upa te nen chuan an hmalak zel dan tur-te chu an sawi khawm laih laih hlawm a.



Tlangval ho pawh chu Val upa Hmuaka, Val upa Chhungpuia leh, Val upa Luaia-te kaihhruaina hnuaiah chuan Ram lam panin an inzui duah duah hlawm a, Tlangval rual awmkhawm tih takah an thawm pawh a tha mup mup khawp mai. An tum ram an thlen hnu chuan, Val Upa Hmuaka chuan Hna a han sem nghal zung zung a, tupawh mai chu an phurin an thatho em em mai a, an Val upa-te ho pawh an lawm takzet a ni, chutia rei fe titi leh fiamthu nen a an thawh meuh chuan, chhun chawfak hun a lo ni reng tawh mai a, an duhkhawp chu la ni zan lo mahse, hun tam an neih loh avangin, a thenin an hmanrua-te chu khua lo thlen turinn Val upa Hmuaka chuan a han ti a, a tam zawk chuan an thingtuai sah te chu khaw lam an panpui ta nghal a, khua an thlen chuan, nula ho tuisik lo pek chu an han insak zauhva, awl hman pawh ni a an hriat tawh loh avangin, kulh hung chuan an buai nghal sang sang a, A thenin ram lama an thian-te lo sah khawl sa an la a, a thenin kulh an lo sa bawk a, nula-te ho pawn awl tum mai bik lovin, an tlangval-te chu an theih ang angin an lo pui bawm ve bawk a, Damdiai khua chu an buai takzet zet a ni.



#amaherawhchu an khaw himna tur leh an khaw tan a ni tih an hriatchian hlawm em avangin tute mai pawh chu chau leh tha thrum reng an awm lova, an nula-te tuisik keng a an chhawlhal lo hnawn sakna-te chuan a tiharh thara, Raldo tura inbuatsaih e ti lo chuan, lungngaihna chuan, Damdiai khuaah hmun a chang rih lo a ni, Ram lamah pawh chuan Kapzela-te ho chu an la bung ve nasa mai a, Val upa Hmuaka chuan, i duh tawk ang u hmiang, Khaw lam kan puih loh zawngin, a hmanraw nei teuh si hian, tangkai hauh lovin kan chan palh dah a nge.a han ti a, chutia an val upa berin a tih takah chuan, an theih ang tawk a tamin, thing chu an tel hlawm a, khaw lam chu an pan ve ta hlawm a, khua atang a chak an lakna hi a inhlat loh avangin, Zanriah ei hun vel chuan khua chu an lut a, an thian-te hna lo thawh Kapzela-te hovin an hmuh chuan, an thian-te chu thawk chak an ti em em mai a, Val upa Chhungpuia hnenah chuan, ka beisei phakbakin intuan a tha e, tihpahin Damdiai khua lo inhungkual khup mai chu Val upa Hmuaka chuan a han melh kual a, chuti a mawni? intel lo chuan eng tak tak kan puitlin thei lo a chha chu a nih hi maw, Val Upa tho Chhungpuia chuan a lo ti a, Kapzela ten rei vak lo an thawk ve tan tihah chuan, Tlangaupain Zanriah ei phawt u la, Zanriah ei kham lamah inchhunzawm leh dawn nia lalin a ti a nih chu, a rawn tih avangin, Lal thu ang chuan, Zanriah ei turin an mahni In lam theuh chu an pan ta rih hlawm a, Lal khawnbawl ho pawh Lal Savungan a sawm angin, an mahni In a zanriah ei lovin, Lal In lamah an ei hlawm a, Ral do tur e ti lo chuan, Damdiai khua chu an hlimtlang kher maile, an hlim tawpna ber tur a nih vang nge? hriat va ni suh.



Chhungtin ten zanriah an ei kham meuh chuan khua pawh a thim tan det det tawh a, Naupang ho pawh engmah hrethiam lo tih takah pawnto turin, Tuallai an pan khawm leh sang sang hlawm a, Dailova leh a thianpa Hrilluaia pawh a Nu Lianpuiin a nu a lo awmpui theih dawn avangin, an pawnto ve theih phah a an lawm kher mai a, a bikin, Dailova chu, Zan hmasa lam a nu avang a a pawnto theih tawh loh avangin, hemi zan hi a phur zual takzet a ni.




tlangaupain chhuahkhawm tawh tur a ni e, ti a a han koh khawm takah chuan, nula, Tlangval ho chu an mahni In atang chuan an rawn chhuak khawm sap sap a, Val Upa Hmuakan mei chu Hmun nga laiah a han chhem tir hluah mai a, hnathawh a awlsam zawk dawn vang a ni. tumah inphut lovin, anhma.a tla chu phur takin an thawk leh nghal sang sang a, Zan thim pawh sawi thei lova, siamtu Daizo khua chu an haw ru em em hlawm a, mahse tumah chuan an sawi chhuak lo thung, chutia rei fe an thawh hnu chuan, Leng hawn Ar a lo khuang thliai thliai a, Tlangval ho chuan, Zanin zet chu le, kan nula rim a hahthlak kher mai, an han tifiam sap sap hlawm a, an han nui tlang bawk bawk hlawm a, Val upa Hmuaka chuan, Khaile naute u, han hahdam tawh u khai, inchhawl-te pawh a hal tawh ang e a han ti a, Tlangval ho pawh chu thu chawlin, an khaw Nula ten tui an lo pek chu an lo insak liam liam hlawm a, an lo fiam pah zauh vei thin nen, an nula-te chu an han lai leh rih thul a, Tlangval ho lahin chu chu hmuh nawm an tisi, hna thawk e ti lo chuan, hah leh chauh reng an hre lo.




an hahdam tak deuh hnu chuan, Val upa Chhungpuia chuan, hei kan zo tep a, Zanlai Arkhuan hmain zawh hman kan tum dawn nia, han tileh hram hram ang u le, a rawn tih chuan, phur leh Thatho takin Tlangval ho chu an che leh sang sang a, fiamthu nen hlim tak a thawk an ni bawk a, zanlai Arkhuan hun hma deuh chuan khua chu an hung chhuak ta vek hman a, TVal upa Luaia chuan Lal In lam chu panin, an zawh tawh thu chu a han thlen a, Lal Savunga chuan, inva thawk chakin, inva tiropui em, naktuk zingkarah, Val upa Hmuaka, Chhungpuia, Thanhlira leh Kapzela rawn kal rawhse aw, nangpawh rawn tel ve ang che a lo ti a, Lal Savunga bawk chuan, tui takin zu mu tawh u, ral veng erawh chu indah tho ang che u i kal thei e, a tih zawm zat a, Val upa Luaia pawh a thian-te lam pan chuan a kir leh ta nghal a.


Val upa Luaian a thian-te bul a thlen chuan, an lal thuchah chu Hmuaka-te ho kiangah chuan a sawi nghal zung zung a, Val Upa Hmuaka pawh chuan, Tlangval ho chu ko khawmin, a tin theih tawh thu chu a hrilh ve nghal bawk a, Tlangval ho chu an mahni In lama insilfai turin an kal darh nghal sang sang a, a insilfai zo hmasa a piang chuan, Zawlbuk lam an pan nghal zel a, an thlenkim hnu chuan titi tawh lovin an mu ta nghal a.




#a tuk zingkhua a lo var chuan, tuk dang ang bawkin, Damdiai khawtual chu zing ni chhuak chuan a rawn chhun leh vang tawh a, Dai hnai Sava-te pawh zing ni eng lawmin an hram leh nauh nauhva, naupang ho pawh tuallaiah chuan, an ri leh chul hlawm bawk a, hetih lai hian, Val upa, Chhungpuia, Val upa Hmuaka leh Val upa Luaia-te ho chu Zan lam a Lal thuchah avang chuan, Lal In lam panin Zawlbuk atang chuan an inzui chhuak tham tham a, Lal In an han thlen chuan, Upa ho chu an lo kim thap tawh a, Kapzela-te thiandun pawh an lo thu ran tawh bawk a, Val upa Chhungpuia chuan, Lalpa kan rawn tlai deuh a nimaw? tiin thupha a han chawi lut nghal a, Lal Savunga chuan, intlai love, inthiamlo duh suh u, nui sang hian a lo ti a, Thanhlira pawn keinipawh kan thleng ve chiah a lawm, a lo ti ve bawk a, Lal Savunga chuan, hei kan kim ta bawk a, rem i han ruat tha ang u hmiang tiin a koh khawm chhan chu a han sawi a, Val upa Hmuaka chu lo tawng chhuakin, Lalpa, hman zan a kan rel tawh ang khan, mipanga chu Tukthuan ei khamah hian kan hmelma-te chinchang thlithlaiin, Daizo khawlam panin chhuak nghal sela, Buhfai zan hnih khat daih keng bawk sela, hmelma-te nen kawng lak a an intawn palh hlauh chuan, a rang lamin khaw lam rawn thlen sela, tin, midang ho zawng khua a lo awm tur tih loh zawng chu Lungthu khua nen kan inrina lui ruamah khuan lo insemdar ve thung i la, kan palai ten thu an rawn thlen dan a zirin, lo insiam rem ta mai i la a tha lo maw? tiin midang ho chu a han melh kual a, Thanhlira chu lo tawng chhuak ve in, Val upa Hmuaka sawi kha ka pawm zawng tak mai a ni, kan hmelma-te hi engtikahnge an rawn chet chhuah dawn kan hre si lova, hetia, lo Sakuh Ser nghah ngawt hi chu a fel lo a ni a lo ti ve bawk a, Kapzela chuan, Pawi intih loh chuan tlangval ho chu keiman ka kaihruai mai dawn emni? a lo ti ve a, midang ho pawh chuan rem an lo tih sak hlawm a, val upa Hmuaka chu lo tawng chhuak lehin, Val upa Luaia hian khaw lam a mi ho chu lo kaihruai sela, kei leh, Thanhlira, Val upa Chhungpuia-te hian ram lam chu kan kaihruai ve thung ang, a han ti a, upa Zabiaka chuan, Hmuaka nang chu khawlamah awm la, tha ka van ti em, Thanzika a awm tawh si lova, nang, kan ral rel thiam ber kan hlauh leh che zawngin a pawi dawn e mai a lo ti a, midang ho pawh chuan, upa Zabiaka thusawi chu a dik tiin an lo tuihnih ve hlawm bawk a, mahse Hmuaka chuan, kal a tumvtlat tho avangin, tumah chuan an chelh lui duh ta lova, chutia rorel an zawh hnu chuan, tukthuan ei turin, Lal In chu an chhuahsan hlawm a, Tlangaupa chu lalpa hrilh angin, tukthuan ei kham a lal muala tlangval ho zawng zawng kim tur a ni tichuan a au pah lauh lauh bawk a, Chhungtin ten tukthuan an ei kham chuan Tlangval ho chuan Lal Mual an pan nghal zel a, Tlangval ho an rawn kim hnu chuan, an rorel dan chu kimchang takin Lalsavunga chuan Tlangval ho chu a han hrilh a, Silai fung sawmruk vel chauh an neih thu chu a sawi bawk a, Upa Dova chuan, fuihna thu-te chu Lal Savunga thu sawi zawh chuan a han sawi ve bawk a, tlangval sawmthum chu val upa Luaia chuan a thlang chhuak nghal bawk a, tih tur an neih ang ang-te an zawh hnu chuan, mahni hmanraw neih ang ang-te la in an kal darh ta hlawm a, Kapzelan a hrilhlawk angin, Rotlinga-Huala-,Thuama leh Piangliana-te chu Kapzela ho chuan Daizo khawlam panin an chhuak ve nghal bawk a, In Lam a hmanraw la ho pawn innghahkhawmna tura an tih Kawtchhuah lam chu an pan khawm hlawm a, Val upa Hmuaka chuan thu tlem sawiin, Chhungpuian tlangval Sawmli a ho ang a, Lungthu khua nen kan inrinna chhim lamah khuan in lo chang ang a, ka hovin, Tlangval sawmpangain, hma kan hruai ang a, Hmar lamah, Thanhliran tlangval sawmli bawk a kaihruai ve bawk ang a, midang zawngin hnung inrawn dawl ang a, kan inhmuh tir tur a ni lova, kan tlem leh tam kan inhriattir tur a ni hek lo, tin, Silai kan indaih loh avangin, fei leh hmanraw dang ho kha, tangkai thei ang ber a hman tur a ni ang, inpawmchilh a ralah chuan min tam hneh e mai a, chuvangin inpawmchilh loh hram kan tum dawn nia, amaherawh chu, engpawh hmachhawn thei turin inpeih u la, kan lo inpawmchilh ta a nih pawhin, huaisen takin kan bei zel tur a ni a, fimkhur takin inche dawn nia a han ti a, thu a sawi zawh chuan Ram lam pan chuan an chhuak ta nghal a.



#nidang ang bawkin nau riltam hun vel chuan Lo chu an thleng thla a, Favang boruak nuam tak kar a, sawmfang chamdel mai thliin, a chhem thlek ngheng-te chu mawi ti viau mahse, an hun tawn nen a inmil loh em avangin, an kal pel mawp mawp mai a, Kapzela-te Lo, Lungthu ram hnaih ber mai an thlen chuan, Thu hahchawl tur chuan Val upa Hmuaka chuan a han ti a, Tui sik-te an han in hlawm a, Vaibel lo pak talh talh tawk an awm bawk a, an remruatna-te chu Val upa Hmuaka chuan Tlangval ho chu a fah nawn leh bawk a, Kapzela ten chanchin an rawn hrilh dawn tho avangin, lo ral khel lutuk chu Hmuaka chuan tul a ti lova, a ram chinchang lo thlithlai tur leh inphenna remchang lo ngaihven rih turin tlangval ho chu a hrilh bawk a, an hahdam tlan deuh hnu chuan, Tlangval ho chu inthen darhin, Val upa Chhungpuia, Thanhlira leh, Val upa Hmuaka-te chuan an lo rel tawh angin, an tanna tur lam theuh chu an pan pui ta hlawm a.





Sawi tawh angin lal Ngurdawla khua Daizo hi khawchhak lam a awm daih mahnise, Damdiai khua nen hian a inhlat lem lova, tlangval chakvak tan chuan, nikhat leh chawhmaah a thlen theih mai a, upa lam deuh tan chuan, nihnih vel hun hman a ngai thung a ni.
tunhma chuan damdiai khua leh Daizo-te hi khaw inhua ti a hriat an ni ngai lova, kumthum liam ta a, Rawpui ram Sa tamna hmun an tih mai thin chu, Damdiai khua-ten Kapzela hova tlangval pali hruai a an riah tumin, an Sazuk hliam chu Daizo tlangval pali, Rawpui ram lo riak ve tho ten a hnuk an lo chhah sak a, Damdiai lamin an sa hliam chu midang kut a pek mai an tum si lova, Daizo tlangval-te pawn an sa kah ngei ni a an hriat ve tho avangin, tawlh mai an tum bik si lo nen, an intibuai ta vak mai a, a tam zawk an nih vang nge ni, Damdiai khua-te hian hnehna an chang a, lu hial an inlaksak a, Daizo khaw tlangval pali zing a pakhat chu tlanchhiain, an lal, Lal Nggurdawla bulah dawt thu a thlen ta a, mahse Lal ngurdawla hian phuba lak nghal duh viau mahse, an inpuahchah lai vel a, Lal Ngurdawla nupui a boral thut avangin, a sarhu lai a phuba lak loh mai chu thain a hre ta zawk a, Kumthum lai a liam hnu, Damdiai khua-te pawh an lungmuang tawh ang tihah, tihian chet a rawn la ta reng a ni.
πŸπŸ‚πŸπŸ‚πŸπŸ‚πŸ.

Daizo khawlam pawh zingkar atang chuan an buai mup mup khawp mai a, khawlian zawk ni a inhriatna nen, tute mai pawh chu an phur em em mai a, an val upa ten an fuih phur thiam bawk nen, indo thuai thuai chu Tlangval ka ni inti chin chuan an chak tawh tak zet a ni.
tukthuan-te an ei kham hnu chuan Raldo tur a an thlan Daizo khaw Tlangval Zathum zet mai chu Lal mualah chuan an tling hmur mai a, Lal Ngurdawla chuan, tlangval zawng zawng raldo tur a a duh thu te, a upa ho leh a Pasaltha ten ngun leh zual a an ngaihtuah hnu a, vai kal tul an tih leh tak loh thu-te, Tlangval zasawmnga te chuan him tak a khua an lo venhim tur thu-te chu a han sawi a, hlawhtling ngei turin a tlangval raldo tur ho chu a fuih sauh sauh bawk a, lalin thu-te a sawi zawh hnu chuan, an Val upa Tuvela leh Pasaltha Doruma ho chuan Daizo khua chu an chuahsan ta nghal a.πŸπŸ‚πŸπŸ‚πŸπŸ‚..











Kapzela-te ho pawh chu fimkhur takin an kal ve zel a, Zanriah bawl hun hma deuh chuan, tlang pakhat pharh nuam deuh maiah hian an chuang chhuak hlawl mai a, Mauthei a an tui sik pai-te chu in in an han thu chawl a, ral lehlam a kawng awm chu thlirin, kan kawng zawh tur a nih saw tiin a nau-te ho chu a kawh hmuh a, an thlan-te a daih tak deuh hnu chuan, kal an siam leh ta a, kar lovah an ral thlir kawng chu an thleng ta reng a, chu kawng chuan Tlang sang lam zel a pan a, Hnuhma engmah hmuh tur awm lem lo mahse, chu kawng chu zawh than a ni tih Kapzela-te ho chuan inhrilh an ngai hauh lo, Tlang lam pan a thlan tla phung a thui fe an kal leh hnu chuan, thing lian tak tak lo dinna hmun an pawh leh ta hlawl mai a, a thim in boruak pawh a vawt deuh sung a, chutia thinglian tak tak-te ngawi reng a an kal pelh hmiah hmiah lai chuan, an mahni tawk zawng Mihring rawn tawng nauh nauh thawm an hre ta thut maile!!!.
Kapzelan thawm a han ngaihthlak chian deuh chuan, an thahnem hle a ni tih chu a ring thiam ta nghal a, Kapzela chuan, a nau-te ho chuu kawng thlang lamah chuan a pen pui ta nghal a, an thawm hriat pawh chu lo hnai zelin, an rawn inhrosa nasa mai a, an tawngkam hman danah chuan Daizo Tlangval-te ngei a nih tih an hriat hnu chuan, remruat nghal zung zungin, Pianglian, Rotlinga nen hian kir leh ta u la, kawng hrul zelah hian inkal dawn nia, hmakhalh ran intum ang a, fimkhur leh thawm dim takin inkal dawn nia, loh theih loh a nih loh chuan, Silai hmet puak suh ang che u, kal nghal rawh u le, keinin kan rawn chelh khawtlai ang, a han ti a, Piangliana leh Rotlinga-te pawh chu an kawhchhuak ve nghal zat a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 9th, 2019, 6:01 pm

DORAL HRANG MAHSE. *Zawntea Chhangte the Red Devils*, episode (8)..
Thuhma tlem azawng kan nei teh ang. Pathian zarah hei DORAL HRANG MAHSE, tih story chu episode 8 lai ka lo ziak ve ta reng mai a, ka finna-te a tlemin, ka hriatna-te a zau lo em em a, mahse, Pasaltha story ziah ve hi ka chak tlat avangin, insit ngawih ngawih chungin ka ziak lui ve ta ngawt mai a ni. Kum lamah pawh nise, tawn hriat han ngah turin ka la upa lova, kum 23 bawrvel story ziah chu tawngkam-ahte pawh a niang, a puitling tawk lovang tih ka hria a, khawngaih a, ngaihdamna nen a min lo chhiarsak leh turin ka sawm leh che u a, Like leh Comment tha tak tak min pek thin avangin ka lawm e.


DORAL HRANG MAHSE. episode (8) Rotlinga-te an kal liam hnu chuan a naute pahnih Huala leh Thuama-te chu bengchheng lo turin Kapzela chuan a zaizir nghal a, an chhak lawk kawngah chuan Daizo val rual, thinrim inhrosa chu an kal nguah nguah thung a, Kapzela-te pathum chuan, Thingbul phen atang chuan ngawi rengin an thlir ran hlawm a, Daizo Tlangval ho an kal liam hnu chuan, Kapzela chuan, kawngah chuan a naute chu a chhoh pui thuai a, kawng an chhuah fel chuan, le, a rang thei ang berin kan um nghal ang a, mi pahnih khat tal thah kan tum dawn nia, an buai phili chhungin, Rotlinga-te pawh an hlat dawn a, an umphak hman zawngin, kan khua chu Meivapah bak a chang dawn lo.a ni, chuvangin, Huala i fei khan, a hnungdawltu i thal hmasa ber dawn nia, keinin Silaiin kan rawn zawm nghal ang, kan tum kan hlen veleh, rang tak a tawlh kir nghal tur, min rawn umzui rei peihin ka ring lova, raldo tur anni bawk nen, a hma a kan tawmnaah khuan kan biru leh dawn nia, kan beisei loh dan a thil a kal a, min rawn bei rei a nih pawhin chiai loh tur a ni a, kan tawlh hnung zel dawn nia, kan hlauh tak em vang a hnungtawlh tur kan ni lova, tul hauh lova nun chan a hlauhawm zawk vang a ni, sawi tawh angin, khulai thingbul phenah khuan kan innghak khawm dawn nia, a han ti a, thu a sawi zawh chuan, Daizo khaw tlangval ho liamna lam chu an pan veleh ta nghal a, Tuibur hmuamda hnih vel an kal chuan, an hma.a Daizo Tlangval ho inzui nguah nguah chu an va hmu ta reng a, Kapzela chuan a naute chu thawm dim leh zual turin a zaizir pah reng a, hmalam chu a pan hnaih hriau hriau pah bawk a, Huala leh Thuama pawh thawm dim takin Kapzela hnungah chuan an kal ve tham tham bawk a, Tuibur hmuamda vel an han kal leh chuan Kapzela-te pawn Daizo ho chu an hnaih ta kher maile, an tanhmun-te an han siamrem deuh hnu chuan, Huala i chet a hun e Kapzela chuan zawi sap hian a han ti a, Huala chuan, zei tak mai a a Fei chu la kang nghalin, a hnungdawl a kal Daizo Tlangval pakhat Tukhumah chuan a Fei chu a khawhbur ta va mai a, Daizo Tlangval pakhat chu a hmalamah chuan a tlu bawk nghal rawk a, a hma a kal-te chu a va bawh bawk a, midangin, eng thil nge tih hriat tum chuan an mit an len nghal ruai a, thenkhatin an mi hliam chu an buaipui bawk a, chutia an buai phili lai tak chuan, Silai a rawn puak leh dur a, an zing a mi pahnih chu an hlawm leh tawp mai a, Daizo Tlangval-te chu an beisei loh lutuk a thil rawn thleng thut chuan a tihrilhhai ngei mai, an Pasaltha Doruma chuan, tuphiangsen nge ni a, a ruk a ral a hnung lam atang a mi bei, mipa i inti a nih ngai chuan rawn chhuak ta che, mal leh malin i lo innuai ang vin tak chuan a han ti a, mahse rawn chhawntu reng an awm hauh lo, Kapzela-te ho chuan an tum an puitlin hnu chuan rang takin an tawlh kir nghal a, chutia thui fe an hnungtawlh hnu pawh chuan rawn umzuitu thawm reng an hre lova, Kapzela chuan mak pawh a ti rilru hle a, a rilru tete chuan, intum a ruh hle mai maw? lo ngawi tak rawh u, intumdan chuan inva khawsa dawn lo rua em a ti nauh nauhva, Huala chuan, u Kap engtinnge ni zel dawn? tah hian kan riak mai dawn emni? a han ti a, Kapzela chuan, a theih chhung chu kan chelh khawtlai ang, mipahnih khat vang lekin an tum an thulh duh lova, tunah hian an la buai phili khawpin a nia ka rin, hawh teh u, i va belchiang leh teh ang u, hun remchang kan hmuh chuan a hma ang khan kan che leh dawn nia, tihpah chuan hmalam chu a pan leh ta nghal a, Daizo tlangval ho pawh an val upa Tuvela sawi angin, lei chu an lai nghal a, an Tlangval-te ruang chu khaw lam thlenpui duh viau mahse, Raldo tur a kal an la nih miau avangin phum fel mai chu tha zawk a an hriat avangin, lei lai chuan an buai tlang kher mai, chutia thinrim insehru teuh pah a lei an laih turh turh lai chuan Silai chu a rawn puak leh dur mai a, lei lai a buai em em Daizo Tlangval-te zing a mi pahnih chu an let leh tawp maile, Doruma thinin a tuar tawh lova, midawihzep ho lo inhmel rawn inlan ta che u, ti a inhrosa tun tun pah chuan Silai lo puahna lam chu a pan ta nghal a, Tlangval pathumin an rawn zui nghal zat bawk a, Silai puahna ni a an hriatna hmun an thlen chuan Mihring hmel reng reng an hmu hauh lova, Doruma chu hawi kual vulh vulhin, a ha chang chu a thial rap rap pah bawk a, chutah ring tak mai a au chhuakin, Doruma Daizo khaw pasaltha, Sa leh Ral hma a tlanchhe ngailo ka ni ngai e, mi hnunglam atang a bei lo khan rawn inlan ta che u tiin, chulai ngaw khawk rum rum chuan a inhrosa a, Kapzela-te lah an nui tut tut thung a, Doruma chuan, a naute ho chu kir pui lehin, an Val upa Tuvela bulah chuan, Damdiai khua-te hian kan tum hi an lo hria a ni lo maw? a han ti a, Tuvela pawn a ngaihna a hre lo khawp mai, i rin thu chu thil ni thei chu a ni teh meuh mai a, mahse engtinnge an hriat ang? tiin, Doruma chu a han zawt let hu a, an buai dun kher mai, chutah Doruma chuan, Silai keng panga khan lo veng rawh u, midang khan lai chhunzawm leh phawt rawh u a han ti a, Tlangval ho chuan Lei chu an lai leh ta nghal a.







Kapzela chuan, vawiin atan chuan kan duh tawk ang a, hei Zanriah ei a hun tawh a ni reng mai a, eirawng kan inbawl mai ang a tah hian, tichuan, meichher nen Daizo khaw lam kan pan nghal ang a han ti a, Vaibel-te zu in an hahchawl hlawm a, Vaibel-te an zuk zawh a, an hahdam deuh hnu chuan, mei chhemna turte lain an buai leh nghal sang sang a, Zanriah-te puar tak a an ei hnu chuan, Meichher nen Daizo khaw lam pan chuan an chhuak leh ta nghal a, khua a thim tan tawh avangin Meichher chu an chhi hlawm bawk a, chulai ngawpui chu Zan hram chi ho thawm chuan a rawn luah tan a, chutia ngawi reng a an kal lai chuan, u Kap, engtia hma han lak zel tur nge? tiin Thuama chu a rawn tawng chhuak a, Kapzela chuan, Daizo khua khi kan bel chiang ang a, tin, a remchang apiang kan that nghal zel ang, chet buan buan chi a ni dawn lova, an lal khi Lal mawl tak a nih loh chuan, a Tlangval-te Raldovin a tir chhuak vek lovang, chuvangin keini pathum lek tan khaw khat hneh theih a ni lova, chupawh khaw lian tak mai leh nghal, chuvangin, fimkhur takin kan che dawn nia, a lo ti a, eng eng emaw sawiin an hmalam chu an pan zel a, Zanlai Ar khuan hun vel chuan Daizo khawdai chu an chuang chhuak ta hlawl maile.
πŸ‘ŒπŸπŸ‚πŸπŸ‚πŸ..










Damdiai tlangval ho pawh Rotlinga-te thu rawn thlen avang chuan an tan hmun-te siam thar lehin an lo inralring tawh khawp mai a, an khaw ralmuang tak rawn tiraltitu Daizo khaw ho chu tu a te mai pawh chuan hmachhawn an chak hlawm tawh takzet hlawm a ni.
zanlai Ar khuan hun awm velah pawh chuan Daizo Tlangval-te chu an la rawn lang thei ta reng reng lo mai a, Hmuaka chuan, Inthu rawn sawi hi rintlak a ni meuh maw? hei Zanlai Ar khuan hun a ni tawh si a, an rial rei riau mai ka ti Rotlinga-te bulah chuan a han ti a, Piangliana chuan, dawt kan sawi love, kan hmu ngei a lawm, Daizo khaw ho ngei an ni e, a lo ti si, Val upa Hmuaka pawn sawi leh mai tur a hre lova, a naute pahnih hian dawt an hrilh a ring bawk si lo, chutia a rilru kawm a a din vung vung lai chuan, u Hmuak, an lo hnai e, tihpah chuan an mahni rawn pan a meichher rawn inzui duah duah chu Saidinga chuan Hmuaka chu a rawn kawh hmuh a, mahni tanna hmun tur a an ruatah chuan inral ring takin Damdiai val rual-te chu an awm ta ran maile.
Daizo tlangval ho chu an val upa Tuvela leh Pasaltha Ral Lu tam lo khai tawh Doruma kaihhruaina in engmah hre lo chuan hmalam chu an rawn pan ve zel a, Damdiai Tlangval ten an lo channa ruam pawh an rawn dai lut tan a, an tawngkam hman duhdan atang chuan pawisak an nei lo hlawm hle a ni tih chu Hmuaka-te ho chuan an hre chiang khawp mai, Hmuaka chuan, pawi khawihtu zawk inni chungpawn inla thinrim zawk a maw? lo hnai zel teh u, a tirilru nauh nauhva, chulai Lui ruam, kawr zim leh khawkrawk tak Daizo tlangval ten an dai lut kim ta maw tihah chuan, Hmuaka Silai chu chulai ngaw khawk rum rum chuan a puak ta dur mai a, natuar thawmin a zui nghal zat bawk a, midang ho Silai pawh chu a rawn puak ta ulh ulh hlawm a, Daizo Tlangval-te chu an tlu ta phuk phuk hlawm a, a then tlanchhiat an tum a, an mahni leh an mahni pawh an insu buai nasain an insu let remrum mai a, Damdiai Valrual Silai lah chu kil hrang hrang a tang chuan a puak reng bawk nen, Daizo ho chuan a theih ang angin rawn kap let ve mahse, tanhmun tha tak a lo siam Damdiai valrual-te pawi erawh a khawih pha lova, Val upa Hmuaka chuan, naute u duh tawk rih ang u le, tiin Damdiai Tlangval-te chu a han khap dai a, Tlangval ho pawn thuawih takin, an val upa thu chu an zawm a, chutia Silai mu leng-te a reh fel takah chuan Dan chep a awm Daizo Tlangval ho pawh hmun rem laiah chuan an rawn chhuak khawm a, Hmuaka chuan, Insilai zawng zawng hi kan la ang a, tumah kan that tawh lo ang che u, nunna hi a hlu a, neih nawn leh theih a ni hek lo chuvangin.... A tihlai mek chuan, khaile tiin Doruma chu a au thawt a, Val upa Hmuaka chu rawn zuan a rual pah bawk a, midang ho pawn chet an rawn la ve nghal bawk a, tutanmah Silai han chelekna chi ni tawh hek lo le, an inphek sual a ni ta mai a, mihring tisa han insat richawk chawk-te, Thir han inkhak ri bal bal-te leh ruh han insat rirap rap te mihring na ti thawm-te chuan chulai ngaw ruam chu a khat a, Damdiai Tlangval ten ruam chep lai a an lo kah thluk nual avangin a hma ang a huphurhawm anni tawh lova, lambun tawk thut anni bawk nen, Daizo Tlangval-te lah chiai rilru nen a tang anni bawk a, an inbeih rei hnu chuan a tawlh zawkah hreh takin an tang hret hret a, Damdiai Valrual thinrim lahin an nawr tawm zel bawk a, inhliam leh nun chan pawh chulai ruamah chuan an tam ta khawp mai, a tawp a tawpah chuan Daizo Tlangval-te chu an inpe ta nge nge a, Hmuaka chuan Thisen a luang hnem ta e, a tawk tawh e, mi tlawm tawh hnu Damdiai khuain kan khawih zui ngailo Daizo tlangval ho bulah chuan a han ti a, Thanhlira chuan, innunna hi kan kutah a awm a, kan zawhna tha takin min chhang dawn nia, a Chempui vilik a tei kual vut vut pah chuan a han ti veleh a, val upa Chhungpuia chuan, hei Sawmnga chiah inni tawh mai a, khawnge midang ho kha, inpasaltha dawihzep zet pawh kha, vin thak chuan a han ti a, Daizo tlangval-te chuan khur zawih zawihin an hriat loh thu chuan an lo chhang a, phuar nghal rawh u Chhungpuian a tih chuan Tlangval ho chu phur takin an che nghal vat a, Mei-te an han chhem en hnu chuan ruang lo let remrum-te thisen lo baw zeihzuih te chu an hmu ta nghal a, Damdiai lam pawh Sawmli dawn an inhlauh ve tho avangin, hlawhtling viau mahse an lawm a kim bik lo a ni.

πŸ‚πŸ.

Khatia an inpawng beih tak vak hnu khan, an chan a chhe hret hret zel a ni tih an hriat avangin, Doruma leh Tuvela-te chu an lo relh bo daih pek a, Val upa Hmuaka inring lo ni a a hriat a bawhrawk mai, bawh thelhin, Thingbul zumah a Mit a zu vaw bawk nen, a rem dan danin a relhru bo ta kha a ni a, Val upa Tuvelan a lo hmu khiau bawk nen, pan hnai thuaiin inlungrual takin, an thian-te an phatsan dun ta a ni.πŸπŸ‚πŸπŸ‚πŸ.





.
Val upa Hmuaka chuan, tihian zanin chu tahhian kan riak mai ang a, kan chau tlang tawhin ka ring, a duh chu a rem dan dan khan muhil rawh u a han ti a, thanruma chuan, u Hmuak, Midang tlandarh ho kha an hlauhawm viau lo'ng maw? tiin a rawn zawt a, Hmuaka chuan, a huho pawh a min bei ngam lo chuan a fala min beih ngam i ring emni? nui var var pah chuan a lo ti a, an Val upa tawngkam avang chuan Tlangval ho pawh chu an lo nui huk hlawm a, Hmuaka bawk chuan, amaherawh chu fimkhur thilah mi pathum chu min vengtu tur kan indah dawn nia a tih zawm leh zat a, Thanhlira chuan, keiman ka lo veng ang che u ka mut pawh a chhuak love a rawn ti a, Thanruma leh Saidinga pawh chuan keipawh ka mut a chhuak love, u Thanhlira hnung kan lo dawl a nge midang tawng ve hma chuan an rawn tive zat bawk a, Val upa Chhungpuia chuan, kan Tlangvalte intlawmngai hle mai, le tui takin mut i tum ang u le, hlauh tur engmah a awm love a han tih takah chuan, mei chu chhawm thain chulai ruamah chuan, Thisen leh Ruang leh remrumnaah chuan zan mu chu an chhing ta hlawm a. Chhunzawm zel tur.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2019, 8:32 pm

DORAL HRANG MAHSE. *Zawntea Chhangte the Red Devils*, episode (9).




A tukzing khua a lo var chuan Damdiai valrual ho chu an tho sang sang hlawm a, inhliam Sawm vellai an neih bawk avangin, a Zawntu tur mihring pawh an indaih lo lek lek a, Val upa Hmuaka chuan, tukthuan chu In lamah kan ei dawn nia, hei Ruang leh inhliam zawn tur kan neih nual avangin, Daizo khaw ho kha chuan inThiante Ruang kha chu hetah phum mai u la, inhliam ho kha chu khaw lamah inrawn zawn ve mai dawn nia, inthih leh dam chu Lal leh Upa te kutah awm rawhse a han ti a, Val upa Hmuaka hi Lainatna ngah mi tak, nun hlutna hria a, a theih hram chuan, tawngkam a buaina reng reng chinfel duh mi a ni, tuntumah pawh hian a lainatna ngah luatah an khaw Tlangval-te an thih phah teuh a ni tih a inhria a, hreawm pawh a tiru takzet a ni.



Hmuaka bawk chuan, tunah inThiante phumna tur chu lai nghal u la, phakar chhuah a lo tlanbo ruk tum inawm a nih chuan thah nghal inni ang, Daizo Tlangval ho hnenah chuan a han ti a, Daizo Tlangval-te pawn phur lo takin, an phuarna hrui Damdiai tlangval ten an phelhsak hnu chuan lei chu an lai ve nghal a, Tlangval rual an ni bawk a, Chhun chawfak hma deuh chuan an lai zo a ni ta reng mai a, Damdiai Tlangval ho pawn an thiante zawnna tur an lo peih ve tawh bawk a, Val Upa Chhungpuia chuan, le kan inpeih chuan khaw lam pan dawn ang ule, a han ti a, Damdiai Tlangval-te chuan an mahni chanpual theuh Hlang chu dawm nghalin, Khaw lam chu an pan ta nghal a.
Damdiai Tlangval thenkhat chuan Val upa Chhungpuia hovin hma an hruai a, Daizo tlangval ho chuan an zui ve zat bawk a, a hnung berah Val upa Hmuaka leh Thanhlira ten Tlangval dangte nen an rawn zui ve leh bawk a, Daizo tlangval te pawn han put bona remchang han melh ru viau mahse, Damdiai valrual ten an laitat tlat bawk si a, Hliam zawn pah anni bawk nen, phur lo zet a Damdiai valrual ho zui mai loh chu tih theih dang an nei ngang lo a ni.
Chutia thui fe an kal mup mup lai chuan, Daizo tlangval hlliam pakhat chu thawk leh khatah a rawn khur chiam mai a, A zawntu ho chuan dinpuiin an hnaih nghal vat a, chu chu an hnung a kal damdiai Tlangval ten an hmuh chuan an pan hnai ve vag bawk a, chutia an mi hliam an kil bial laih lai chuan, an mi hliam chu a rawn thaw vak vak a, a chatthla a ni zui ta mai a, Val upa Hmuaka chuan, hetiang kan nih leh takah chuan, muangchanna chhan tur kan nei ta love, a ngai ang khan zawn leh ula i kal leh nghal ang u, a han tih takah chuan tlangval ho pawh chuan hlang chu dawm leh nghal farin, kal chu an siam leh ta nghal a, chutia rei pawh an la kal hma chuan, a hnung dawl a kal Thanhlira chuan, u Hmuak nizan khan engatinge kan kah hlum nghal vek mai loh? a rawn ti a, Hmuaka chuan, a ni ngawt mai, ka tih sual tak zet a ni, khati teh thut a chet an rawn thawh kha ka beisei lo em bawk a lawm mawle, inthiam lo tak hian a han ti a, Thanzika chuan, ni e, kan rilru ang vek hi midang hian an pu lo a sin, mahse a nih tur ang a ni vek tawh a, inthiam lo lutuk duh suh, leh pekah chuan tih sual.a awm tawh lovang, u Thanzika a awm tawh lova kan rorel a felhlel deuh a ni e, tiin a lo chhang a, ni e, Val upa Thanzika kha chu la dam nise kan inchan lo tawp ang le, min kalsan hma lutuk hi chu a pawi ngawt mai Hmuaka chuan a lo ti zuai raih a, Thanhlira chuan hmuaka chu a inthiamlo hle a ni tih hriain, titi dangah a pakai pui ta daih a, eng eng e maw sawi chuan an thiante chu an zui ve zel . Chutia thui fe an kal leh hnu chuan Khua pawh an hnaih tawh khawp mai a, hnehna chang tih takah Tlangval ho pawh chu an thawm a tha leh zual khawp mai, thui vak lo an kal leh hnu chuan, Kawtchhuah an thleng ta hlawm a, Hlangte chu nghat a hahchawl turin Val upa Hmuaka chuan a han ti a, chutia an thut hahdam deuh hnu chuan khawchhung lam chu an pan leh ta hlawm a, hlado chham chu Val upa Hmuakan tul a tih loh avangin, ngawi rengin khua chu an lut ta hlawm a, khua an lo lut tih lo hmu hmasa apiang chuan an zui ve nghal zel a, an inhrilh darh ve zel bawk nen, kar lovah chuan Lal Mualah chuan mipui chu inkoh khawm ngai hran lovin an rawn kim a ni ta mai a, Val upa Hmuaka chuan, Lal In tualah chuan a naute chu din tirin, Lal In chhungah chuan a lut ta nghal a, chutia an Val upa Hmuaka rawn lang hlawl mai Lal leh upa ten an hmuh chuan mak an lo ti hle mai a, ngawi reng chuan Hmuaka chu an lo en thap ringawt mai a ni, Hmuaka chuan, aw a han thian kharh kharh a, chutah rawn tawng chhuakin, Lalpa min ngaidam rawh, engmah inthawt lawk lova ka rawn thawn thut che avangin a han ti a, Lal Savunga chuan, ngaihdam ngaiin engmah i tisual love, an han hmu thut che a mak kan rideuh a lawm mawle.a lo ti a, Hmuaka chuan, ni e, Lalpa nizan lamah khan Daizo tlangval ho chuan kan khua rawn chimih vek an rawn tum a, ti a bultanin, Daizo Tlangval ho nen an inbeih dante, inhliam sawm vel an neih thu leh, mi thi sawmli dawn an neih ve thute, Daizo Tlangval thenkhat an rawn man thute chu a han sawi nghal vek a, Tlangval Ruang leh hliam zawn tur an tam avang a, palai rawn tir rawn tir ta lo an nih thute chu sawiin a thu sawi chu a han tlip a, Lal Savungan chung thu a han hriat chuan mak a ti hle mai a, rang tak mai hian, Daizo Tlangval chu inthat tak zet.a maw? an thahnem hle si a a han ti a, Hmuaka chuan, Lalpa, ka lo sawi tawh angin, hnehna hi tam leh tlemah a innghat hran lo ka tih kha maw, a thuhrimin, Khuanun kan chungah zah a ngai pawh a ni ang e, chapo lo tak hian a lo ti a, Lal Savunga chuan, Tlangaupa kan Pasaltha hi hah zu han dawm tir tawh, a chhawl a hal lutuk ang e a han ti a, Tlangaupan zu a rawn pek chu lo tem zauh pahin Hmuaka chuan, amaherawh chu Lalpa, mi sawm dawn chu an put bo hmanin ka hria a ni a han ti leh a, Hmuaka thusawi chuan Lal leh upa ho nuih a ti za khawp mai, chutah upa Zabiaka chu lo tawng chhuakin, Aawm vel lek chu hnawksak tham pawh an nih loh chu maw? a huho pawn an bei ngam lo che u a nia, nuih huah huah pah chuan a rawn ti a, Hmuaka chuan, nih chu a ni ngawt mai, amaherawh chu nu nau leh hmeichhe tan hian, Dai kan chu a la hlauhawm deuh lo maw? a rawn ti a, upa Siamliana chuan, ni e, fimkhur tluk chu a awm hauh lo mai a lo ti ve bawk a, chutia Lal leh upa ho an lo titi lai chuan, Biakthangi Lalnu, chuan, pawn lamah mipui hovin an nghah thup thu chu a rawn sawi a, Lal Savunga chu ding nghal hluaiin, kan hlim luatah kan lo titi tui deuh a ni maw? ti teh u i chhuak ang u hmiang tih leh pawn lam pan chu a rual ta nghal a, upa te leh Hmuaka te ho pawh chuan an zui ve nghal bawk a.
Lal leh upa ho an rawn lan takah chuan mipui ho pawh chu lal thuchhuak ngaichangin an ngawi nghal thap a, chutah Lal Savunga chuan thu sawiin, Daizo tlangval hovin kan khua chimih vek tumin an rawn thawk chhuak a, mahse kan Tlangval ten lo tuk zalin, an that nual mai a, amaherawh chu zan thim a inbei an nih avangin, lo tlanbo tawkkan awm tlat mai a, hmeichhia chuan kan boruak a muanawm deuh hma chuan Dai kan loh tur a ni a han ti a, sawi zawm lehin Lal chuan, mahse tumah ralti lutuk a awm loh tur, hei kan tlangval ten Daizo Tlangvalte pawh an rawn man nual a, an ni ho hi chu Rip chhungah kan dah ang a, nikhatah chaw vawikhat an puar khawp zan kan pe tur a ni a, tin, Tuihal dang charin kan siam tur a ni lo ka upa te nen an chungthu kan la ngaihtuah tha ang tiin a thusawi chu a titawp a, chutah Val upa Hmuaka chu lo ding chhuak velehin, zan hmasa lam a an inkah dan leh inbeih dan zawng zawng chu chipchiar takin a rawn sawi veleh a, Kapzela te pawh ngaihtuahawm an nih loh thute, Daizo khaw lam pan a an kal avang a rawn haw ve rih lo an nih thute chu a rawn aawi ve leh a, a thusawi chu ama remruat fel tawk loh avang a inhliam leh nun chan an awm thute chu a han sawi a, ngaihdam te dilin a thusawi chu a titawp ve leh a, thute an han sawi zawh chuan mipui ho chu Lal chuan a kal darh tir ta hlawm a, hetih lai hian hmeithai pakhat, Kungpuii pawh a lawm khawp mai a, a fapa Rawlthar Huala a lo la haw ve loh chhan a han hria chu a lawm takzet a, chutih rual erawh chuan a ngaihtuah ru hle a ni.
Tlangval dang ho pawh chu tukthuan ei lo an nih hlawm avangin an mahni In lam chu an pan nghal sang sang hlawm a, val upa Luaia hovin Tlangbal sawmthum khaw lam a lo awm ho chuan Ruang chu an seng fel nghal sang sang hlawm a, inhliam ho pawh an mahni In lamah an zawn thleng nghal vek bawk a, Daizo tlangval te pawh chu Rip chhungah khungin chaw leh Tui an chhawp sak a an kalsan ve ta hlawm a.
Tlangval In lam a haw hovin an tam hnem an bar zo tawh ang tihah chuan, Tlangaupa chuan, Lal thuchhuak angin, Ruang zawng zawng phum nghal vek tur ti chuan a rawn auva, Tlangval ho pawh chuan, hah leh chauh pawh sawi lovin Lal Mual chu an pan leh nghal sang sang a, hetih lai hian In hrang hrang atang chuan tap thawm a lo chhuak ve bawk a, an fa boral mai a tan a an la phal loh thute chu Nu ho chuan tap chungin an chham kur dup pah bawk a, Damdiai khuate chu lawm viau mahse, an hlimna erawh a famkim lo a ni, Val upa Hmuakan tap thawm leh Nu ho thuchhamte chu a lo hriat chuan a inthiam lo thar leh em em mai a, U Thanzik, i hmunruak luah khah hi a harin, i aiawh zawh hi a va harsa em, zawi sap hian a tichhuak a, an In atang a chhuakin Lal Mual lam chu a pan ve hnak hnak a Lal Mual a han thlen chuan Tlangval thenkhat chu an lo awm tawh a, rawn kal mek an la awm bawk a, Val upa Hmuaka chuan ro rel nghal zung zungin, Tlangval lo thleng tawh ho chu Thlan lai turin a tir liam ta nghal a, ama hovin tlangval dang rawn tlai deuh ho nen, Ruang chu an zawn ve thung dawn a ni..πŸ‚πŸπŸ‚πŸπŸ‚πŸπŸ‚πŸ.








Daizo khaw daiah chuan Kapzelate ho chu thu hahchawlin Vaibelte an han zu tete phawt a, Tuibur hmuamda hnih vel an thut renrawn hnu chuan, Kapzela chuan, Daizo Tlangvalte hi engzat chiah nge tunah hian awm kan hre lova, chuvangin kan fimkhur hle a ngai dawn a ni, zaninah hian khua kan lut nghal ang a, a nasa thei ang berin khua kan dai chiar ang a, kan hnuhma chu a tam thei ang ber kan hnutchhiah tur a ni, kan hniak an chhui zawn thiam lohna turin a han ti a, Thuama chuan, u Kap chu chu enge a tul kherna? tihian tuman min hre lova chet pawh a awlsam zawk lovang maw? a lo ti a, Kapzela chuan, i thlirna atang chuan a dik khawp mai, mahse Tlangval engzatinnge khua hi la nghak chiah tih hriat a ngai a lawm, zaninah chuan Mihring chungah hun remchang tak kan hmu a nih loh chuan chet kan la lovang, an ran vulh kan thah sak hlawm dawn nia, mahse, thawm dim takin aw, zanin a kan chet dan a zirin, naktuk lamah Lalin a ko khawm ngeiin ka ring a, tah chuan tlangval engzatnge khuaah hian la awm kan hre theiin ka ring, hei naktuk tla chu buhfai pawh kan la nei a lawm, kan boruak tawn dan a zirin rem chu kan ruat zel dawn nia a ti a, Daizo khaw chhung lam pan chuan chumi Zanlai mi mut reh tawhah chuan an lut ta a, Kapzela chuan, khaw chhung lo daidar turin a naute chu a hrilh a, Amah chu Zawlbuk lamah a kal ta nghal a, Zawlbuk Tlangvalte chu an mutui hlawm hle a ni tih Zawlbuk tual atang chuan Kapzela chuan a hria a, thawm danglam deuh awm a a hriat lohvah chuan, Daizo tlangval Thlamuang tak a an la mu bawrh bawrh mai chu mak a ti rilru hle a ni. Kapzela chuan, Zawlbukah chuan an Silai lak sak tur a awm takah tiin, Zawlbuk Bawhbel chu thawm dim takin a bawh liam a, a vanneih a siamin tumah chu an harh lova, an mu hnar nasa hlawm khawp mai, Kapzela chu hawi kual vat vatin, Tap lam hnaihah chuan a va inthawlh ve ta ringawt a, a va inthawlhna pa chu a harh dawn a maw tih tur hian a rawn zi tual tual a, mahse chu chu ngaipawimawh duh lovin a inthawlh fel et mai bawk nen, rawn zi tual tual pa pawh chu kar lovah a mu hnar ve leh mai bawk a, Kapzela chuan chet a hun a ni tih hriain, a Lu chung mai a Silai intung chu muang changin a ban riai a, Silai chu a lak fel hnu chuan thawm dim takin Zawlbuk chu a chhuahsan ta nghal a.
Thanlianate pawh chuan a theih ang a nasain an hnu chu an hnuhma chu an hnutchhiah zel a, chutia Daizo khaw tual a an vah rak rak lai chuan, an hma lawk a In Pakhat atang chuan thawm a rawn awm thut mai a, Hualate thian dun chu an bul hnaih mai In hnuaiah chuan an put lut nghal a, rei pawh In hnuai a an la awm lo tihah chuan, an hma lawk In atang chuan patling pakhat chu lo chhuakin, kawtlaiah chuan a zung ta mai a, a zun zawh chuan lut nghal mai lovin a la hawi kual vauh vauhva, luh tum a a inher lai tak chuan, a hnung lam atang chuan tha chak tak mai hian a rawn rek thut mai a, a rawn rektu tha a chak bawk nen, a beisei loh lutuk a thil lo thleng a ni bawk si a, a chil phuante chu lo tlain a tang thei ta lova, Huala chuan a reh pa chu a thi tawh a ni tih a hriat chuan, kawtchhuah lamah a pu nawlh a a kal pui ta nghal a, Thanliana chuan a rawn zui ve nghal bawk a.
Tuntum chu type sual ka ngah khawp mai, min lo chhiar mam sak leh hram mai teh u. *chhunzawm zel tur*.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 21st, 2019, 6:19 pm

DORAL HRANG MAHSE. *Zawntea Chhangte the Red Devils*. Episode (10).
Kawtchhuah an thlen chuan thu chawlin Huala chu a han thaw deuh halh halh a, a ruang put a lo rit ve phian bawk nen, engmah pawh a sawi peih mai lo a ni, chutia a thawk deuh halh halh lai chuan, U Kapa hi a va reh rei ve mawle, min rawn zawng a ni lo maw? Thanliana chuan a lo tideuh sek a, Huala chuan, lo zu zawng mai ta che, min lo zawng buai rei lutuk ang a lo ti ve leh a, Thanliana pawh chuan a thianpa Huala thu chu hnial buai lovin, Kapzela zawng chuan khaw chhung lam pan chuan a kal ta nghal a, Kapzela chu Huala te zawng chuan khaw chhungah chuan a vak kual rak rak a, inhnuai leh kawm kar bihruk theihna awm a a rin deuh te chu a bih kual dun dun zel bawk a, chutia rei fe a vah kual hnu pawh a Huala te a hmu mai lo chu mak a ti ru hle a, In hnuai pakhatah chuan lut lehin, a han bih kual leh duk duk a, mahse Huala te hmel reng a hmu chuang lo, beidawng tak a In hnuai atang a a chhuah leh hnu lawk chuan ama lam rawn pan ni awm tak thawm a hre ta thut mai a, rang tak a, In hnuaiah chuan lut leh nghal vatin, a Chempui chu hman nghal theih tur chuan a phawrh nghal bawk a, a thawm hriat chu lo hnai zelin, a tawm rukna In kawtah chuan a ding ta chat mai a, a thawm hriat pawh chu a reh deuh vung vung a, chutah, khawiah tak chuan kal ang maw? a ti sap a, zawi hlein lang mahse, zan rehah chuan a lo ring hle a ni mahna, Kapzela chu a tawmna atang a chhuak vatin, Thanlian heta hi ka awm e, Thanliana pan hnaih pah chuan zawi te hian a han ti a, Thanliana pawh chuan lo hre vatin, lo kal vat rawh kawtchhuahah kan nghak reng che a nia a lo ti a, Kapzela pawn engmah sawi tamna hun a ni lo tih hriain, Thanliana sawina hmun Kawtchhuah lam chu an pan dun ta nghal a.
#kawtchhuah an han thlen chuan Huala chu Vaibel pak hluah hluahin a lo thu a, a bulah chuan a reh hlumpa ruang pawh chu a lo let ngut bawk a, Kapzelan chu chu a hmuh chuan, enge a awmzia hei ruang te hi a let ngut bawk si a, tiin Huala chu a zawt a, Hualan a chhan hma chuan Thanliana chuan lo chhang vatin, Hualan a reh hlum dan leh, a zan zun zung an hmuh fuh a nih thute chu a rawn sawi zat zat a, Kapzela chuan, hetiang.a nih chuan naktukah chuan an buai khawp ang le, Huala nang bul i tan ta sa sa, a Lu kha han la la, hei Bung lerah hian kan tar dawn nia a han ti a, Huala pawh chuan a mi thahpa Lu chu sat bung nghal hmawkin, Bung lerah chuan lawn pui a tum nghal a, Thanliana chuan, Huala nangmah chauhvin i awm loh hi, thil hi mahni a tih tum vek thin suh, nui vur vur pah hian a lo ti a, Huala Lu bung ken pawh chu a lak sak nghal a, Bung lerah chuan a lawn ta a, Thanliana Lu bung tar zo Bung ler atang a a lo chhuk hnu chuan, Kapzela chuan, zanin a kan thil tih hian khaw mipuite a tichiai dawn a, tin, tu thil tih nge ni ang tiin Daizo khaw Lal hian a tlangvalte a rawn tirh ngei ka ring, chu chu remchangah kan lo hmang tangkai ang a, Tlangval tlafal deuh kan hmuh apiang kan that dawn nia, a han ti a, a Silai Zawlbuk a a ruk chu banin, Huala kha hei hi inven nan i hmang dawn nia, tiin a pek zawm zat bawk a, chutia a beisei loh lutuk a thil lo thleng chuan Huala chu a ti lawm khawp mai a, a lungte hial a tichhe lek lek a, sawi mai tur pawh chu Huala chuan a hre lo a ni.
Chutia ngawi reng a a awm lai chuan, Huala tlawmah la lo la, i vanneihnaah pawm mai rawh, mipa fa chuan kan neih ngei a ngai a lawm, Thanliana chuan a lo ti a, Huala pawh chu rawn harh chhuak zawkin, hetiang hi ka neih ve pawh ka lo inring ngailova, ka inring pha bawk hek lo, hnuk ulh lek lek hian a rawn tichhuak a, Kapzela chuan, a nia sin, hun hian hun dang a her chhuak a, chu a hun herchhuah vanneihna chuan min kal pel reng bik lo a nia, tikhan Sa kah nan leh Raldo nan tangkai takin i hmang dawn nia, a lo ti a, Huala chuan a Silai chu a chul hliau hliauva, a nu hriattir a nghakhlel tawh takzet a ni, Kapzela chuan, hawh teh u, khuang hmasa ar pawh an khuamg zo tawh e, insaseng thuai ang u tih leh Ruang lu bung chu a pu nawlh a, Ram lam chu a pan ta nghal a, Huala ka Silai kha mi rawn ken mai rawh aw, kal nawl nawl pah chuan a han ti a, Thanliana leh Huala pawh chuan an zui ve nghal bawk a, ram chhung an luh hnu chuan Kapzela chuan a Ruang put chu hmun awih deuhvah chuan a paih a, Hualan a lo kensak a Silai chu Huala hnenah chuan a dil nghal a, hmalam pan chuan an kal leh zel a, khawvar hma deuh chuan, hmun zawl nuam deuh pakhat hi an thleng a, a thlang mai chu lui a nih avangin Kapzela chuan tah hian innghat ang u, eirawngte bawl zung zung i la, ei puar thuai teh ang u, enge kan tawn dawn a hriat si loh a han ti a, Hualate pawh chuan Thing rote chu fawm khawm nghal zung zungin, Kapzela chuan Tui a chawi ve thung a, an duh tawk an ngah hnu chuan Meite chhemin chaw chu an chhum a, an pathum chuan an kil laih bawk a, Kapzela chuan, vawiinah a tam thei ang ber mi thah kan tum ang a, hmeichhia nu nau leh tar chak lo chu kan hmufuh a nih pawn khawih loh tur, tin, kan hneh dawn lova kan hriat mi pali nga chin chu mahniin bei suh ang che u, Tlanchhiat hun a awm a, beih hun a awm ngai, ka ngam zawng a lawm tih avang a pawng basa ngamna hian chet sualna a thlen thin, Silai hmet puak lova chet kan tum dawn nia, a hrang theuhin kan kal ang a, Khua khi kan hel ang a, keimah hi chaw kan ei kham veleh an rorel dan hriat tumin ka han kir leh ang a, Tukthuan ei hun pangngaiah ka lo kir leh ang a han ti a, chutia a naute bula an vawiin hun hmandan tur a hrilh melh melh lai chuan an Chaw chhum pawh chu a lo hmin a, chaw chu an ei ta nghal a, Chaw te an ei kham meuh chuan Ni pawh a lo sang tawh khawp mai a, chulai Ram pawh chu Sava hram chuan a rawn khat tan tawh bawk a, Kapzela chuan, ka sawi tawh angin, eng remruatna nge an neih tih chu hriat ka va tum ang a, khawiahmah lo kal bo suh ang che u a han ti a, Huala chuan, u Kap, a rualin kal nghal vek mai i la a rawn ti a, Thanliana pawh chuan a rawn thlawp ve zat bawk a, Kapzela chu a han ngawi deuh vung vung a, chutah lo tawng chhuakin, a nih leh aw, induhdan chuan le a han ti a, an Vai chuan khawchhung lam chu an pan leh ta tham tham a.







#Daizo Lal In-ah chuan tukthuan ei hma tiin a upa ho chu an chuangkai hlawm a, an tlangvalte hlawhtling tak a an lo haw hun tur leh, Damdiai khua an han chimih rap mai turte chu sawiin an titi laih laih a, chutia an titi laih laih lai chuan, Lalpa ka lo lut thei a ngem? kawngkapui lam a rawn ti thawm chu an hre thut mai a, Lal Ngurdawla chuan lo chhawn vatin, lo lut rawh a han ti a, Kawngkapui atang a pu Tar pakhat rawn lut a hmuh chuan, e khai lo leng rawh pu Zadawla ni rengin, enge i duh tak mial a a lo ti a, Zadawla chuan, Lalpa hei thu lawmawm loh tak mai keng a lo kal ka ni a, naupang Zing Sava veh turin kawtchhuah Bung ler a Lubung intar an hmu a a han ti a, chung thu an hriat chuan Lal leh upa ho chu mak tiin an meng phawk nghal hru hlawm a, Lal Ngurdawla chuan, naupang thu sawi chu rintlak va nisuh a lo ti hnuhnawh leh a, Pu Zadawla chuan, Lalpa i ngaihdan tho kha keipawn ka hriat tirh chuan ka ngaihdan a ni, mahse, Naupang ho chuan fiah pawh an cho em avangin keimah ngei ka han kal a, dawt an sawi hauh lo a ni a lo ti leh a, Upa zing a pakhat chuan, a nih leh tu lubung nge ni reng reng a? tiin a lo zawt a, Pu Zadawla chu a ngawi ta tlat mai a, chutah Lalpa chuan, ngatinge ngawih i chuh tak tlat mai ni? a rawn tih takah chuan Zadawla chu hreh tih hriat tak a lo tawng chhuakin, Upa Hrangliana makpa Duhmanga a ni e a han ti a, Upa Hrangliana chu a ter nghal at mai a, Pu Zadawl helaiah hian dawt sawi turin a mi i rawn kal? Lal In a nih hi.... Dawt thu sawina hmun tur a ni lo a tinghal chhur chhur mai a, Zadawla pawh chuan chhang buai ngam lovin, ngawi reng chuan a thu kun lap a, Lal Ngurdawla chuan, Hranga duh tawk teh, thu dik a nih leh nih loh chu fiahin a awm mai dawn a lawm, a han ti a, a Pasaltha Laiawrha ko turin Tlangaupa chu a tir chhuak nghal bawk a, Lal Ngurdawla chuan, pu Zadawl min lo zu tin san thei tawh e, i thu rawn thlen hi dawt a nih chuan, keiman hremna ka pe ang che a tih zawm zat a, Zadawla pawh chu ngawi rengin a chhuak ta nghal a, Lalpa chuan, khawi khaw thil tih nge maw ni ang? Damdiai lam rawn tih ni dawn se, ka Tlangval te an thang mek a ni bawk si a han ti a, a upa te an tawng ve hma chuan, Tlangaupa leh Laiawrha pawh an rawn inzui lut ve a, engeni ta lalpa, Laiawrha chuan a rawn tinghal bawrh bawrh a, Lal Ngurdawla chuan, hei zing naupang Sava veh tumin, Kawtchhuah Bung ler a Lubung intar an hmu a ni awm a i han la thla dawn emni ang a han ti a, Laiawrha chuan, ka beisei loh lam thil daih mai a ni ka ti, tu lu bung nge ni reng reng a? a lo ti a, Lalpa chuan, upa Hrangliana thu ngui bur chu melh pahin, hei upa Hrangliana makpa Duhmanga a ni awm e a han ti a, Laiawrha chuan a va zia lo em aw, engpawh nise ka han la thla phawt ang e, tih leh chhuah a rual ta nghal a, Laiawrha chhuah hnu chuan Lal khawnbawl pakhat chu lo tawng chhuakin, Lalpa hetiang thil kan tawn takah chuan, tukin ka zing thovin tual a ke hniak ni awm tak lo chiar dup mai ka hmu tak a sin, eng teh vakah ka lo ngai duh lova, a han ti a, upa dang ho pawn an kawt a hniak an hmuh ve thu leh, hniak chu a tam hle a, khuaah hian a inzam chhuah hial thute chu an lo sawi ve nghal laih laih bawk a, an thusawi tawp lam hre hman tawk vel chuan Laiawrha pawh chu a rawn lut ve leh chiah a, Laiawrha thil rawn khai an hmuh takah chuan titi dangah an pakai ta zawk a, Upa zinga pakhat chuan, Lalpa hei, dawt a ni hauh lo tih chu a chiang ta reng mai a, engtia hma han lak chi nge mawni dawn le? a rawn ti a, Lal Ngurdawla chuan, a ngaihna hriatthiam pawh a har hle mai, kan chhehvel khua ho lahin an rawn tih ngam ka ring bawk si lo a han ti a, Laiawrha chuan, tuallai vel a mihring hniak ka hmuh tam dan atang khan, ka ngaih a tha lo reng a ni a lo ti ve bawk a, Daizo Lal leh a Upa ho chu an rilru a buai ru khawp mai, Lal Ngurdawla chuan, engpawh nise, tukthuan ei pawh a hun tawh a, Tukthuante ei phawt i la, Pasaltha ho nen ngaihtuah thatah dah phawt ang u hmiang a ti ta ringawt a, upa ho pawh chu mahni In lam a tukthuan ei turin an chhuak ve ta nghal a,.




#Upa ho pawh chuan an thil rel tur a pawimawh em avang chuan, Lal In chu Tukthuan an ei kham chuan an pan khawm leh nghal a, Pasaltha leh Tlangvalte pawh chu an rawn tel ve ta hlawm a, Lalin thil awmziate a han sawi chuan, Tlangval ho chu an thin a rim em em hlawm a, an khua rawn tiraltitu chu zawn chhuah a, Sah sawm vek chu an duh hlawm a ni.
Lal Ngurdawla chuan, tihian ka ngaihtuah a, a zau thei ang berin tlangval hovin khua hi en fel sela, hnu hma an hnutchhiahah zel chhui zui nghal se ka lo tideuhva, tiin a ngaihdan a han sawi a, a upa pakhat chuan rawn thlawp zatin, Lalpa ngaihdan kha keipawn ka lo ngaihdan a ni, vawiin lamah tumah Ram chhuah loh tur a bikin Hmeichhia hlauh phei chu, a han tih zawm zat a, an han sawi khawm laih laih hnu chuan, an Lalpa ngaihdan chu tha an titlang a, hnu chhui tur chuan Lal In chu an chhuahsan ta hlawm a.






#Kapzela te ho pawh chu a mal theuh a insemdarhin, an hmelma te lo chhuah hun chu an lo changran tawh a, Kapzela chu Khaw Lu Lamah a kal a, Huala erawh Khaw Mawng lamah a kal ve thung a, Thanliana erawh chu Hmar lamah a kal ve thung bawk a, Kapzela chuan a tawm rukna atang chuan khua chu a han thlir thin a, mahse Mipui han pungkhawm awm reng a hmu hauh lova, mak pawh a ti rilru hle mai a, kan tlai ta emni ang? nge ni a, kan Lu Bung tar kha an la hmu lo zawk? tih te chu a ngaihtuah neuh neuhva, chutia rei fe a ngaihtuahna a kawm hnu pawh chuan, thil danglam reng engmah a thleng bawk si lo, Kapzela chu a beidawng ru tawh khawp mai a, engtia hma han lak chi nge ni ang tiih ngaihtuah a, Khawchhung a thlir leh vauh vauh lai chuan, Lal In atang a Tlangval rawn inzui chhuak dam dam chu a zu hmu ta thut mai a, a tawmnaah chuan rang lutuk a a tawmnaah chuan tlum lut nghal zawkin, fimkhur takin a bih ta zawk a, Kapzela chuan thil awmzia chu man thiam nghalin, a Tlangvalte chuan Lal In ah ro an rel a nih chu a ring thiam ta nghal a, Kapzela chuan Tlangval Lal In atang a lo chhuak zat chu a lo chhiar zel a, Tlangval ho chu Sawmpanga lai an ni tih chu a hre thei ta a, mahse, Tlangval ho chu an kal darh leh si avangin, Kapzela chuan engtizia nge mawni? an kal darh leh si a tirilru a, amaherawh chu ngaihchan deuh phawt tha a a hriat avangin, a tawmnaah chuan ngawi rengin a thu ran ta zawk a.






#Tuibur hmuamda zenzawn a nghah hnu chuan, Daizo khaw Tlangval ho chu Lal Mualah chuan an pungkhawm luih luih a, Damdiai Valin a enthla reng a ni tih hre ta lo chu tawngkam pawh an duhtui lo tlang kher mai, Tlangval ho an rawn kim hnu chuan, an Val upa chuan thu a han sawi a, hei kan khuain thil duhawm lo tak mai kan tawng a, ti a bultanin, an khaw mi leh sa Lu rawn la a, A Taksa pawh hmuh tur a awm loh thute chu a han sawi a, an kalna tur theuh a semdarh nghal bawk a, Tlangval ho chu Panga zel a intsemin, an kal darh ta hlawm a.



#Kapzela chuan ama lam pan a Tlangval Panga rawn inzui dam dam chu a lo thlir ran a, a chet lak dan turte chu a lo ruahman ru rauh rauhva, an hnung lam atang a beih chu tha zawk a a hriat avangin, inkal pelh tir phawt chu a tum ta a, a tawmna hnimbuk karah chuan ngawi rengin a thu ta ran a, Daizo Tlangvalte pawn hnu chu rawn chhui zelin, Kapzela tawmna bul chu an thleng ta a, chulai velah chuan hniak chu a chiar nasa leh zual a, Daizo Tlangval ho chuan hniak chu an han bel chiang that that hlawm a, an zing a Pakhat chuan, kan hnu chhui hi hriatthiam a har ka ti ngawt mai, Mihring ke hniak vek pawh niin ka hre zozai tawh love a rawn tichhuak a, Pakhat chuan, ni ngawt tak mai, a thenah hi chuan Mihring Ke hniak ngei a ang tho bawk si, a lo ti ve bawk a, chulai hniak chu an han bel chiang leh thin a, mahse han rin zawn dan tur mai pawh an hre chuang lo, chutia rei fe an awm hnu chuan an zing a Upa ber chuan, hawh teh u, Pasaltha Zabuanga hrilh thuai mai teh ang u, a rawn ti a, midang ho pawh chuan ni e, u Zabuanga zawng hnu chhui thiam leh Mit fing ngang a ni a, a hre leh mai tak ang an lo ti ve liam liam bawk a, an zinga Pakhat chuan, inPali khan zu kal ula, helai vel hi ka lo bel chiang ang e a han ti a, a thiante ho pawh chuan lo remtih sakin, Zabuanga hmu tur chuan an kal san ta a.



. #Kapzela pawn a tawmna hnim buk kar atang chuan an thusawi chu a hre vek a, a hun tha neih tawite chu hman tangkai a ngai a ni tih pawh a hai lo chiang kher mai, a Chempui hriam vervawr chu la chhuakin, fimkhur leh thawm dim tak chuan, a thlang hlam hnih bawrvel lek chu a zu bih dek dek a, a zu bih pa lah chuan, Lei chu hmuh tlang tum ni awm takin a lo en ngur bawk nen, Kapzela lahin a chet vat loh chuan, midangin an rawn nang hman ang tih a hlau si, a rilru chu siam fel vatin, rang lutukin a tawmna atang chuan a zuang chhuak thut mai a, chutia thawm rawn chhuak thut ta chu enge tih hriat tumin, Daizo p chu a rawn hawi chhuak ve nghal vat a, Chempui rawn phe zuai a hmuh rual chuan Kapzela Chem chuan a bekah a rawn sat bur mai a, engmah a hre zui tawh lo a ni.
Kapzela chuan, A thih tawh chu ring tho mahse, a han Sat nawn leh sak a, awm reina chi a ni lo tih a hriat avangin, a mi thahpa chu a ngai ngaiin a dah a, a Chhak lam ram ngaw lamah chuan a tawlh liam ta nghal a, a theih ang angin a hnu chu a thup pah zel bawk a. *chhunzawm zel tur*.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 23rd, 2019, 6:10 pm

DORAL HRANG MAHSE *Zawntea Chhangte the Red Devils*. Episode (11).
THUHMA TLEM.
ka vawikhat ziahna a ni a story hi, chuvangin tling lo leh fel lo a tam ang tih ka hria a, khawngaihin, ngaihdamna nen min lo chhiarsak leh theuh dawn u nia, e leh lawk, changtupa hi Story dang angin an lo, *hiro* ve lovang, mahse ka ziah tum dan a ni tih min lo hriatsak dawn nia.







DORAL HRANG MAHSE.
Episode (11).




Kapzela liam atang a rei vak lo hnuah chuan Daizo Tlangval ho pawh chu an Pasaltha hnuchhui thiam Zabuanga ho chuan an rawn thleng veleh a, an thil hmuh chuan a tihrilhhai tlang kher mai a, tawng mai nachang pawh an hre mai hlawm lo a ni. chutia hrilhhai tak a an thianpa Ruang chu an thut biallaih lai chuan, an Pasaltha Zabuanga chu lo tawng chhuakin, hei kan beisei loh thil a thleng leh ta tlat mai a, Lal beng zu thlen nghal thuai ta che u a han ti a, an zing a, naupang deuh pahnih chu an kal ta nghal a.
Tlangval dang ho chu han thinrim teh mahse, tih theih dang nei chuang hek lo le, Thut hmun a insawh insawh mai loh chu tih theih an nei lo a ni.



#a mi tirhte an kal liam hnu chuan Zabuanga pawh chu chulai a hnu lo chiar dup mai en fel chuan a phe ve nghal vat vat a, reife uluk leh chik tak a a han en chian fe hnu chuan, Mihring nuhma ngei niin a hre ta a, a naute Pahnih bulah chuan, Mihring Hnuhma ngei a ni e a han tichhuak a, Tlangval Pahnih zing a pakhat chuan, engtinnge Mihring hnuhma ngei a ni tih chu i hriat a lo tivar a, Zabuanga chuan, inhriat angin he lai Lei hi a nem angreng a, hniak kha uluk takin han bih u la, kan mi chhuite hian min tih buai an tum hle a ni tih a hriat theih a ni, a changin helaiah hian thingthiin an kal a, a changin, an kutin lei hi an nem bawk a, a changin kal pangngaiin an kal bawk a ni tiin a rawn chhang a, amah chuan Leiahte chuan a han nem a, thingthite chuan a han kal vel bawk a, Tlangval Pakhat chuan, a lo nih dawn tak hi maw? A nachang pawh an hre hle tak mai tih pahin, Zabuangan an tih dan a zirna a, a kutzungtang thla lang kulh chu a melh pah a, Pakhat chu lo tawng velehin, hetiang ti tur chuan hun thawl neih pawh a ngai ang maw? a lo ti veleh a, Zabuanga chuan, ni e, hun thawl neih chu a ngai ve khawp ang, kan lo inthlahdah deuh a ni a lo ti a, chutia an titi laih laih lai chuan, khua atang chuan Mipanga hi an rawn thleng chho ve bawk a, Zabuanga chuan khawchhung tho a nih avangin, Hlang chu siam buai a ti lova, a remchan dan dan chuan an Khaw Pa Ruang chu an zawn thla ta nghal a. Lal Inkawt an thlen thlak meuh chuan khaw mipui ho pawh an rawn pung hnem tawh khawp mai a, enge thil awmzia tih hriat tym chuan an inzawt kual sek hlawm bawk a, chutia an rik luih luih lai chuan, Daizo Lal, Ngurdawla chu a upa te ho nen chuan, Luhkapuiah chuan an rawn chuang chhuak ve bawk a, Lal Ngurdawla chuan Mipui phun mur mur chu khap daiin, thu a han sawi a, ka Khua leh Tui duh takte u, Hei Vawiinah hian kan khuain beih kan tawk a, a ruk a ral a ka khaw mi leh sa nun rawn chhattu hi kan zawng chhuak ang a, a lu kan la ngei bawk ang a han ti a, Mipui ho chuan Kut an lo beng hluah hluah a, Lal Ngurdawla chuan sawi zawm lehin, nizan lamah kan khuaah rawn lut ru an awm ngei niin a hriat a, chuvangin, Zanin atang chuan Ral veng indah tur a ni, Mihring kan inhlauh tam hmain a han ti leh a, hetia thu a sawi mek lai hian, Kawtchhuah lam atang chuan Mihring Lu nei tawh lo hi mipanga chuan an rawn zawn a, Lal In an rawn thlenpui dawn hnaih chuan Mipui ho chuan lo hmu vatin, an mit chu an len nghal thup a, Lal thusawi pawh an bengkhawn hlawm tawh lova, chu chu Lal Ngurdawlan a hmuh chuan, helam rawn hawi rawh u a han ti fiak thak a, Mipui ho pawh chuan Lal chu a lungawi lo a ni tih hriain, an Lalpa lam chu an hawi leh vat hlawm a, Ruang pawh chu kawtlai an rawn thlenpui ve chawpchilh nghal bawk a.
Chutah Lal Ngurdawla chu rawn tawng chhuak lehin, Vawiin Ni tlak hma chuan kan zawn chhunzawm tur a ni ang, a zau thei ang berin khua leh a chhehvel hi a hma aia nasain dap bawk ang che u a han ti leh a, Lal Ngurdawlan thu a sawi zawh chuan, val upa pakhat hian Lal Ngurdawla chu thusawi a rawn dil a, Lalin phalna a lo pek hnu chuan thusawiin an Val Upa chuan, an upa Hrangliana Makpa Duhmanga Ruang an hmuh dan leh an hmuhna te chu a han sawi a, Mipui ho pawh chu ngawi thuapin, Lu nei tawh lova awm, Duhmanga Ruang chu an melh thap hlawm a, Duhmanga nupui pawh a la tap uar khawp mai.
Lalin thute a sawi zawh chuan Mipui ho chu a kaldarh tir a, ngui burin In chhung lamah chuan a upa ho nen chuan an inzui lut ve nghal a.






#Daizo ho thurel hria a, mipui ho pungkhawm lo hmu a lo hre kartu Huala chuan, a rilru a kawm malh malh a, engtinge ni ang tiin a rilru a buai ru kher mai, chutia rei fe a ngaihtuahna a hman hnu chuan, U Kapa zawn hmuh phawt a ngai a ni a ti ta a, a lawnna Thing ler atang chuan chhuk thlain, Kapzela chu zawn hmuh hmasak a tum ta a, khaw lu lamah Kapzela kha a kal tih a hriat avangin, fimkhur takin khua chu a hel ta a, chutia fimkhur tak a a kal them them lai chuan, Thanliana chuan a lo hmu ran a, a Thianpa thawm dim lutukte chuan a nuihte lam lam a tiza hial a, Hualan Thanliana tawmna bul a thlen dawn chuan, a han ding det a, chutah kal tum a a pen chhuak leh chiah tihah chuan, thawm i va dim ve!!! Thanliana chuan a rawn ti thut mai a, Huala phu nasa lutuk lah a thlang lamah chuan a tawlh liam thla hun hun mai bawk nen, Thanliana lah a nui dir char char mai bawk si... Huala chu rawn inbeng thovin, Ral ram a ni tih i hre lo a mi??? a lo tihlar a, Thanliana chuan la nuih deuh hak hak pah hian, i thawm dim lutuk khan nuih i ti za a lawm mawle a lo ti daih a, Thanliana awmna a vah chhoh pah chuan, U Kapa kan zawn hmuh vat a ngai a ni thu tak fe hian Huala chuan a han ti a, Thanliana pawn fiamthuna hun a ni tawh lo tih hriain, engati tu tu nge? a lo ti a, Huala chuan a thil hmuh dante chu a han sawi zung zung a, Thanlianan chung thu a hriat chuan, kan hmanhmawh a ngai a nih chu hawh teh, Khaw lu lam i pan thuai teh ang a lo ti a, Kapzela awmna a an rin Khaw Lu lam chu Fimkhur tak chuan an pan dun ta nghal a. fimkhur tak chuan Daizo khaw hrul Daiah chuan an inzui zel a, khaw chhung lam pawh an hre thei ririai a, an thawm hriat lah chu Tlangval inhrosa thawm a ni tih pawh an hre chiang khawp mai, chutia ngawi reng a an kal lai chuan, an hma lawk a, Thingluang lo tlu ruah phen atang hian, ding rawh u!!! Tu te nge innih??? Thinrim tak hian mipa khat hian a rawn tituar a, chupa chu a tawmna atangin, Silai rawn tin kawh va chung hian a rawn chhuak nghal bawk a, Hualate pawh chu ding nghal chawtin, an thil tawn teh thut chuan a tichiai thelh a, chutah Huala chuan, Damdiai khaw Tlangval kan ni e, tha tak hian a lo ti a, Damdiai khua an ni tih a hriat meuh chuan, an hma a ding, Daizo tlangval Lianphunga chu a thinrim kher maile, rum fe a Hualate thiandun melh pah chuan, nangni vang a kan khawtlang kan buai zia hi inhria em? vawiinah hian intuhrah chu inseng ngei ang a han ti a, a hma a dingte hi vo zam mai chi an ni lo tih Lianphunga hian a hre lo a ni.
Huala chuan Lianphunga Mitah tak chuan en in, heng kan buaina bul tumtu chu in Lal tlaktlai lo zet a nih kha, tiin zam map lo hian a lo chhang let a, Lianphunga chuan, kan Lal hmingte i sawi chhe vel e law? khawnge kan that law law teh ang che a ti ta mai a, Huala pawn a chet vat loh chuan midangin an rawn nanchin hman a hlau si, chutah rang lutuk a Lianphunga lam a tlan pah chuan, a Chempui chu a vai nghal fua a, Lianphunga pawn a Silai chu a hmet per ve hman tho mai, mahse a rin loh lutuk a Huala a rawn chet thut avangin, a duh angin a Silai a lo hum nghet lova, Huala chempui chuan a Silai chu a rawn khakper tlat mai, Silai a puah takah chuan Tlangval dang chu kar lovah an rawn thleng nghal dawn tih Huala te thiandun chuan an hre chiang khawp mai, Silai a khakper sak rual chuan, Huala chuan Lianphunga pumah chuan a tlawh zui nghal ngheng mai a, rang lutuk a bawh chilh nghalin a nghawngah chuan a zai nghal siah siah bawk a, Thanliana pawn Huala Silai chu a lo chhar ve nghal bawk a, Hualan Lianphunga chu a lo that fel diam tawh bawk nen, rang lutuk chuan, Huala rawn kalna lam pan chuan an kir leh ta nghal a.
#Silai puak ri an hriat rual chuan Daizo tlangvalte chuan mak an ti hle hlawm a, Tlangval kim lo an awm emni tichuan an inenfel nghal zung zung a, an Val upa chuan Kawtchhuahah kan innghak khawm chauh a ni a, tunge lo tlafal deuh an awm emni a bul a thu Laiawrha hnenah chuan a han ti a, Laiawrha chuan, ka hre hauh lo mai, tumah han tlafal awm pawn ka hre lo a lo ti si, an Val upa xhuan, chutiang a nih chuan kan mi chhuite hian min rawn tih hlauhthawn an tum a ni mai lo maw? tiin Laiawrha chu a han zawt leh hram a, Laiawrha chuan, i thil sawi pawh chu a ni thei tho mai, amaherawhchu, Kan tlangvalte hi an la rawn kim lova, chuvangin, kan tlangval a ni lo tih fiahna kan nei chuang si lo nen, zu fiah reng reng chu a tha ka ti, a lo ti a, Val upa pawh chuan, ni e, ngaihthah chi ngawt zawng a dik ove, Tlangval Sawm hruai hian zu fiah tawh u, an hnu pawh chhui a awl deuh mahna a lo ti a, Val upa bawk chuan, hei tlangval an la rawn chhuak kim si lova, ka lo nghak thleng hlawm phawt ang a, kan rawn zawm ve nghal ang che u a han ti a, Laiawrha pawn engdang sawi tawh lovin Silai puahna lam chu Tlangval sawm rual zet nen chuan an pan ta a.

(Laiawrha leh an Val upa titi rei lutuk leh, thuthlukna an siam vat lo hi a pawi ta chu a ni a, khatia Silai puak thawm an hriat rual khan, a rang a rangin Silai puak thawm an hriat rual khan pan nghal mai nise, an Tlangval an chan leh kher lo ang a, an mi chhui te ber pawh an man mial mahna, mahse engkim a nih tur a ni zo tawh a, a pawi tur a pawi zo leh ta..πŸπŸ‚πŸπŸ‚πŸ.






#Kapzela pawh chuan thui fe a kal hnu pawh a amah rawn umzui thawm a hre miah lo mai chu mak a tirilru hle a, Daizo Lal hian a khua leh tui te thlavang hauh a ti na vak lo emni ang? tih te a ngaihtuah a, mahse a khua leh tui te thlavang a hauh avang a tun dinhmun hi thleng an ni bawk si, tih te chu a hre chiang em em bawk si, Kapzela rilru chu a vak kual nasa khawp mai, chutia eng eng e maw ngaihtuah a a kal zel lai chuan, a rilruah Huala te thiandun an rawn lut zawk a, q kal lai pawh chu ding chawtin, tunah hian engtinnge an awm ang??? Hmelma kutah nge an awm ang a dinhmun hlauhawm takah an ding zawk ang, tih chu a ngaihtuahnaah chuan a rawn lut zut zut a, hmelma hovin an rawn umzuiin a hre lo bawk nen, Hualate zawn hmuh phawt chu a tulin a hria a, fimkhur takin Daizo khaw lam pan chuan a kir leh ta a.



#harsatna tawk lovin Daizo khaw lan theihnaah chuan Kapzela chu a awm leh vang tawh a, Tlangval hovin Lal In lam pan a Ruang an zawn luih luih chu a zu hmu a, Kapzela chu a han nui sak a, a rilru chuan Huala te kut tuar a niang maw a ti a, Daizo Tlangval hovin Ruang an zawn hi Lianphunga Ruang kha a ni a, Tlangval za rual dawnin Ruang Pakhat an han zui hul hul mai chu, Hmelma ruang a nih Kapzela hian a ring lova, Daizo khaw ho pawisak neih loh zia a hriat chian ve em avangin, hmelma ruang nise, Tlangval chutiang zat zatin an zui a ring lo a ni.
Kapzela chuan Daizo Tlangvalte che zia chu a thlir reng a, chumi pah chuan, a hmalak zel dan tur chu a ngaihtuah pah neuh neuhva, hmuamda zen zawn a ngaihtuahna a sen leh hnu chuan, khaw mawng lam pan chu thain a hre ta a, Daizo Tlangvalte an buai luih luih mai bawk nen, Tlangval ho punkhawm tam dan a hmuhin a tan pawh chet a awlsam dawnin a hria a, Ram lamah chuan tawlh lut hlekin, Daizo khaw mawng lam pan chuan a kal ta nghal a, a kalna hi kawng ni hek lo le, hrui zam leh hnimte chu a tawn eng thla zel a, a tum ang ngawt chuan a kal chak thei lova, khua a mi ten a thawm an lo hria a nih hlauh chuan a chan tur a hre chiang nasa si, thawm dim ngai bawk nen, Kapzela chu a buai kher mai a, mahse khaw mawng thleng tur chuan, kawng dang a awm lo tih a hria a, a theih tawp a thawm dim leh fimkhur chuan a hma lam chu a pan zel a, hnimpik lai te a kal pelh hnu chuan, a kalna chu a dik em tih hriat tumin khaw chhung lam chu a han thlir thla a, Lal tual pawh a zu hmu thei a, a hma ang chuan lang chiang thei tawh lo mahse, a tum chu a zawh dik a ni tih a inhria a, a hlim khawp mai, khawi laiah nge Huala te pahnih pawh chu an awm ang aw, tih ngaihtuah chuan a hmalam a Thing ngir khup chu a thlir vauh vauhva, chutia ding tak a a ngaihtuahna a kawm lai chuan a chhak hlam sawm vel chu a rawn ri rak rak a, Kapzelan chu chu a hriat rual chuan Leiah a bawk hniam nghal vat a, a Silai chu sawhna hun a ni tawh lo tih a hriat avangin, a Chempui chu a phawrh ta nghal a, chutia inring tak a a awm lai chuan, a chhak lam a mi te chu an nui hak hian Kapzela chuan a hria a, thil awmzia a hrethiam lo kher mai, chutia a ngaihna hre lo tak a a awm lai chuan, a chhak lam hnim buk kar atang chuan, Huala leh Thanliana chu nui sung hian an rawn chhuak a, Kapzelan chu chu a hmuh chuan, nangni pahnih maw ni a, ka sat tho mai dawn che u mawni nui vur vur pah hian a han ti a, Thanliana chuan, hmelma i ni lo chu i vannei takzet a nih kha maw a lo ti let a, chutia an han nuih hak hak lai chuan Kapzela chuan khua hi chhuahsan kan tum tawh ang a, hei kan vannei a tuman harsatna kan tawk lova a lawmawm e, amaherawhchu hnung lam a mit nei angin awm reng u la, fimkhurna hlauh ngai suh ang che u, a han ti a, Thanliana leh Huala pawh chuan Lu an lo bu nghauh nghauhva, hetih hun hi Zanriah ei hun hma deuh a ni tawh a, Kapzela bawk chuan, min lo zui u la, Ni tlak hmain a thui thei ang ber thlen hman kan tum dawn nia, a ti a, a lo kalnaah chuan let leh chi a a hriat loh avangin, an chhak lam tlangah chuan a chho ta nghal a.. Chhunzawm zel tur.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2019, 8:40 pm

DORAL HRANG MAHSE. *Zawntea Chhangte the Red Devils*, episode (12).


Kapzelate chuan tlang lam chu an pan zel a, Daizo khawchhunga hmeichhe tap ruih ruih thawmte pawh chu an hre thei ririai pah bawk a, thui fe an kal leh hnu chuan Tlang zawl deuh chu an lawn chhuak ta hlawl mai a, Kapzela chuan, Hahchawl phawt i la, kawng thui tak kal kan la hmabak si a, a Vaibel tankai pah chuan a han ti a, Thanlianate pawh chuan thuthmunte an rem ve nghal a, Thanliana chuan, u Kap, Vawiin Thianpa Huala chet ran zia chu i hmuh ve atan ka awt ngawt a sin, a han ti a,, Kapzela chuan, enghil nge ni a? pehhel lovin han sawi chiang law law la mawle a lo tivat a, Thanlianan a chhan leh hma chuan Huala chu lo tawng chhuak vatin, U Kap, engthilmah a ni love dawt bak a phuah leh hleilawng e, a lo ti vat a, Huala rilru put hmang chu Kapzela chuan mak a ti hle a, Kapzela chuan, engmah zep tur a awm hleinem Huala, tiin, a han nawr lui deuh ngial a, Huala chuan, u Kap, zep tur engmah a awm hleinem, tiin a lo chhang mai a, Huala bawk chuan, Thildang sawi tawh teh ang u, a han tih zawm zat a, Thanliana pawh chuan a thianpa chapo loh zia a hriat chuan a chhuang rilru hle a ni.
Thanliana chuan kan khua kha tunah hian engtin awm tak ang maw? tiin, thildang chu a rawn sawi nghal vat a, Kapzela chuan lo chhang vatin, ni e, an ngaihtuahawm ngawt mai, amaherawhchu Val upa Hmuaka kaihhruaina hnuaiah a ni a, a ralrel a sual mawh riau bawk nen, ka thla erawh a muang deuh a ni a lo ti a, Huala chuan, ni e, Val upa Hmuaka hi ka la bel chiang lutuk lo na a, pa fing leh rem hre tak zawng a niin ka hria a lo tive bawk a, Kapzela chuan, Huala i sawi chu a dik khawp mai, inla naupang a, inla hre chiang lo tak ang, amah hi belhchian dawl tak, lainatna ngahmi tak a ni a, buaina reng reng tharum aia tawngkam a chinfel duh mi a ni, chu chu inla Pasaltha thenkhat hian a dawih vang a maw an ti thin a, an tisual thin chawk a ni a han ti a, Huala chuan min kaihruai ve duhte a nih zawngin, a hnung ka la zui ve khawp ang a han ti a, Kapzela chuan, inla naupang a, hun pawh inla ngah a lawm, amah atang hian zir tur tam tak inla nei a ni, a kaihruai duh lutuk ang che u a lo ti a, Kapzela bawk chuan. Khua pawh a tlai ta ruih mai, i kal dawn ang u hmiang, remchang laiah zanriah chu kan inbawl chawp mai dawn nia a ti a, an kal ta nghal a..









Damdiai Lamah ve thung chuan tupawh mai chu an hlim em em hlawm a, an hmelmate tukzal an ni bawk a Lungkham reng an nei lo a ni.
hetihlai hian Lal Inah pawh Lal Savunga leh a upate ho chu an ri laih laih a, zu No dawm pah an ni bawk nen, an thawm pawh a tha ham ham hle a ni.
Chutia an rik luih luih lai chuan upa Duha chuan, Lalpa keini hi kan hlimin kan lawm viau tak na a, Pasaltha Kapzelate chanchin kan hre miah lo erawh hi chu ka ngaih a tha zan lo a ni a rawn tichhuak a, Lal Savunga chuan, Upa Duh i han sawi takah chuan keipawh ka rilru kaptu chu a nia lawm, a lo ti a, an boruak chu a inthlak ta hlawk mai, upa Siamliana chuan ral kutah han thi nise an Lu pawh kan hmuh ka beisei lo a han ti a, an boruak chu a rit ru kher mai, Lal Khawnbawl Upamin ber Zabiaka chu lo tawng chhuak ve in, Lalpa Keichu Kapzela hi chuti mai a Ral kut a tlu chi niin ka hre hauh lo mai, a ral hrat zia leh rem hriat zia kan hria a, nungdam a kan vangkhua hi a rawn luh leh ka ring tlat a ni, hei inhriat angin, ni tam pawh a la vei lo a ni a, inngaihtuah lutuk deuh a ni a lo ti ve thung a, upa Dova pawh chuan, khawnbawl Upa Zabiaka thusawi chu a rawn thlawp ve zat bawk a, Lal Savunga chuan, ni e, Kan rilru pawh a lo no deuh a ni mahna, amaherawhchu ngaihthah ngawt zawng a dik lovang, ni hnih vel han ngaichang leh i la, chuta kan boruak tawn a zirin remruatna thar kan nei dawn nia a han ti a, zanriah ei te a hun tak avang chuan upa ho chu Lal In atang chuan an chhuak sang sang hlawm a.



#Thanhlira te pawh chuan zanriah an kil ve mek bawk a, a nupui Lianpuii bulah chuan Thianpa Kapzela te chu ka ngaihtuah riau mai, hmelma kar a han chetla tur an ni si a a han ti a, Lianpuii pawh chuan, keipawh ka rilruah an riak reng mai, dam hian kan inhmu leh lovang tih ka hlau takzet a ni a lo ti ve a, hetia an lo titi melh melh lai hian, Kungpuii, Huala nu chu a rawn lang hlawl mai a, Thanhliran a lo hmuh chuan, Pi Kungpuii tehhlawl chu, enge i duh a i rawn lan tehhlawl mai a lo ti vat a, Kungpuii chuan, a Fapa Huala a ngaihtuah thu chu a han sawi a, chanchin eng emaw hriat a inbeisei avang a rawn leng lut a nih thu chu a sawi nghal zung zung bawk a, Thanhlira chuan, Pi Kungpui i rilru chu a hreawm ngawtin ka ring, amaherawhchu eng thu thar mah hriat kan nei bik hauh lo mai, mahse intilungngai lutuk duh mah ta che, naktuk lamahte chuan an rawn thleng ve tawh mial maithei a sin, Pasaltha Kapzela hova kal an ni a, chuti mai a an han chetsual ka ring lo a ni a lo ti a, Kungpuii chuan, ni e, Huala hi chu inhriat ang hian, ka innghahna awmchhun hi a ni ve a, hetia ral ram a a han thangbo daih mai hi ka ngaihtuah deuh a lawm mawle a lo ti a, Thanhlira chuan, a ni ngawt mai, amaherawhchu ngaihtha tak khan han awm phawt mai la, Naktuk lam a an hmel kan la hmu lo a nih chuan, Lal beng kan thlen dawn nia a lo ti a, Kungpuii chuan ka lawm lutuk e, chanchin eng e maw hriat i neih tak leh min hriattir ve a niang chu a ti a, an mahni In lam pan chuan, Thanhlirate In chu a chhuahsan ta nghal a.




#chhungtin ten zanriah an ei kham chuan khua a thim tan tawh a, Naupang pawnto tur ho pawh an dan ngaitein Tuallaiah chuan an ri leh nauh nauh tawh hlawm a, Tlangval ho pawh Lengi run lamtluang panin zawlbuk an chhuahsan leh zang sang hlawm a, an Khaw Nula hmeltha Saii runsang lawi chu an tum tham hlawm a ni.


#Kapzelate pawh chu kal zelin, Daizo khua chu an chhuahsan fel tawh a, Luite kamah chuan chawlin, Zanriah inbawl mai chu an tum ta a, Kapzela chuan, hei inhriat angin, Kan khaw lam a ngaihtuahawm si a, chubangin Zanriah hi ei zung zung i la, i kal leh nghal mai ang u hmiang? tiin a naute pahnih chu a han berawn a, Thanliana chuan, ka remtih zawng tak a ni, kan chhungte pawh an ngaihtuahawm a lawm a lo ti a, Huala erawh chu a ngawi ngal thung, an chaw chhum te a hmin chuan an bar nghal mawp mawp a, Kapzela chuan chaw chhum tur kan nei tawh lova, kawng lak a kan ril a tam tak leh thei rah ilovin kan inhnawh puar tawh mai dawn nia a ti a, hmalam pan chuan a kal leh ta nghal a, hman hmawh tak a kal an ni bawk a an kal chak kher mai, zinglam khawbar hma deuhbah chuan, Lungthu ram chhung an dai lut tan a, Kapzela chuan, hei Khal pawh a eng tepin ka ring kLungthu ram kan dai lut tawh a, Kan Thlamah kan chawl hahdam law law mai dawn nia a naute bulah chuan a han ti a, Huala chuan, chawlh kher pawh a ngaiin ka hre lo keichu a lo ti a, Thanliana pawn nia keipawh ka chau hauh lo mai a lo ti ve bawk a, Kapzela chuan a naute tlawmngaih zia a hriat chuan a lawm rilru hle a, a chhuang rilru hle a ni.
Kapzela chuan, keizawng ka kum a lo tam ve deuh tawh a ni mahna, tuibur hmuamda vel chu hahdam ka duh a ni a han ti a, a naute pahnih chuan an u Kapzela thusawi chu an awih lo rilru kher mai a, amaherawhchu tawngkam khat mahin an hnial miah lo thung. Chutia kal pah a an titi bawrh bawrh lai chuan kawl pawh a rawn eng tan a, khaweng lawm Sava te pawh chu an rawn chiar tan nauh nauh hlawm a, Huala chuan Tukthuan chawhmeh tur veh hawn pawh ka chak hle mai a han ti a, Kapzela chuan Hualan a Silai chu a hmang chak tawh hle a ni tih chu hrethiamin a nui suk a, Savate zawng vehna hun a la tam dawn a lawm, kan khua kan thlen vat hi tun atan chuan a pawimawh ber rih a ni Kapzela chuan a lo ti a, tukthuan ei hun velah chuan Lungthu khua nen a an inrina lui ruam chu an thleng a, Thisen lo ro khang tawh te chu an hmu nghal nual bawk a, Kapzela chuan an inbei nasa hle a nimaw? ama hriat tawk lek chuan a ti sap a, thui vak lo an han kal leh chuan, Lei lo phut durh mai chu an hmu a, Kapzela chuan, hetah hian Ruang an phum a nih dawn hi, kan thiante Ruang pawh a ni maithei a ni a han ti a, Huala chuan chulai Lei vung tharlam zet chu han belchiang that thatin, a rilru chuan Inruang a lo nih ngat chuan, phuba ka rawn la ngei ang a ti a, chutia a rilru a kawm melh melh lai chuan kal ang u le, Kapzelan a rawn tih thawmah chuan a harh zawk a, inthingharh vatin, U Kap Daizo ho hian kan khua hi an awpbet a ni lo maw? a han ti a, Kapzela chuan Huala chu a thinrim hle a ni tih chu a hmuhhmaih hauh lo, chu chu thil thleng thei a ni, fimkhur takin kal nghal ang u le a ti a, hmalam pan chuan a pen chhuak leh ta nghal a, hmanhmawh tak a kal zelin Fing sawm vel an kal chuan Kapzelate Thlam chu an thleng ta a, Huala chuan u Kap chawl lo mai ang u hmiang, hniak hi a let zawng a kalna awm reng reng ka hmu hauh lo mai, kan Lal ten min lo nghakhlel lutuk tawh ang a han ti a, Kapzela chuan Huala thil chik zia leh huaisen zia a hriat chuan a lawm hle a, hniak awmdan pawh a sawi chhuah duh loh lai a, Hualan a lo chhut ru ve kar mai te chu mak a ti hle a ni.
ni e, chauh pawh sawi hman kan ni ta lo a nih hi maw, i kal tlang nghal mai ang u Kapzela chuan a lo ti a, Huala leh Thanliana pawh chu an hlim ru kher mai, Kapzela chuan, fimkhur takin kal u la, hnunglam a mit nei ran a awm tur, a han tih zawm sat a, harsatna tawk lo chuan an kal zel a, hniak lo pherh deuh phengphungte, leh chawlhna ni awm tak lo bel deuh hliau mai te chu tutanmah hmuhhmaih theih a ni tawh lo leh zual a, Thanhlira pawn a hmu ve ta zung zung mai a ni.
Chhun chawfak hun hma deuh chuan Damdiai khawchhung pawh Kapzelate chuan an hnaih tawh khawp mai a, Kawtchhuah thlen hma deuh chuan Kapzela chu a han ding a, a naute bulah chuan, tah hian lo awm u la, khuaah khian enge thleng ka han fiah hmasa ang e a han ti a, Huala chuan, u Kap ka han kal zawk ang lo hahchawl pah zawk rawh u a lo ti vat a, Thanliana chuan, keimah ka han kal zawk ang, Huala i nu innghahna i ni a, u Kap nangpawh i Nupui leh Dailova innghahna i ni bawk, keichu engpawh tawk i la ngaihtuah tur ka nei lo, ka han kal ang a lo ti ve bawk, Kapzela chuan, ngawi teh kan vaiin...
a tihman chauh tihah chuan, kan vai a kal a ngailo keimahin ka han fiah ang, Thanliana chuan a lo ti leh vat a, kawtchhuah lam chu a pan ta nghal a, pen nga vel a pen chauh tih chuan rawn hawi letin, U Kap i thu ka hnial a ngai tlat min hrethiam dawn nia rawn hawi let pah hian a ti a, chak takin kawtchhuah lam chu a pan leh ta nghal a, Kapzela chuan, eng em ava ti lo turah ngai phawt mai teh ang a han ti a, Huala erawh chu a thianpain an dinhmun a rawn thlir thiam pui lutuk te chu mak tiin a rilru a lo kawm daih thung a, Kapzela thu sawi pawh chu engmah a lo hre lo a ni.
Rei ngial an nghah hnu chuan Thanliana chu a rawn lang veleh ta hlawl mai a, a hmel atang chuan hlauh tur an awm lo tih chu Hualate chuan an hrethiam mai a, Thanliana chuan engmah buaina a awm love, Val upa Hmuaka hovin kan hmelma te chu an tukzal tawh e a rawn ti a, Kapzelate chu an thu hriat avang chuan an thaw huai a, Hlim takin khawchhung lam pan chuan an kal ta nghal a, Kawtchhuahah pawh chuan thu muangchang duh tawh lovin, an mahni In lam theuh chu an pan nghal hlawm a.
Hualan veng mawng lam a an inchu a pan ve nghal a, an In a zu thlen chuan a nuin kawt a thing a lo ek tauh tauh chu a ymu a, ka Nu i va buai awm em a han tih chuan, Pi Kungpuii chu rawn hawi vatin, a fapa Huala chu a hmu thut mai a, Kungpuiin Huala a hmuh chuan, a Hrei chu dah lawkin Huala chu a pawm nghal chawt mai a, ka Fapa dam a kan inhmu leh chu ka va lawm em, lawm avang a tap deuh tuau hian a han ti a, Huala chuan a nu chu lo kuahlet ve in, ka Nu min ngaihtuah avangin ka lawm e, tap tawh teh suh, hei dam takin ka lo haw tawh hi, In chhung lamah i lut phawt teh ang a ti a, a nu chu In chhung lamah chuan a kuah lut a, In chhung an luh takah chuan Kungpuii pawh chu inthingharh vatin, Huala ka tihpalh lutuk aw, ka ngaihtuah em vang che a ni a mittui hruk hul pah chuan a ti a, Huala chuan, ka nu ka lawm e min ngaihtuah avangin, amaherawhchu Mipa ka ni a, tun aia hmun ralti leh khirh zawkah pawh ka la kalsan hun che a la awm ang, i intih pachan deuh chu.a ngai a ni a lo ti a, Kungpuii pawh chuan ni e, ka lo tum tawh ang e, hmeichhe rilru no tij takah ka han mangang leh mai thin a lawm mawle, a tuisik suah pek pah chuan a han ti a, Huala chuan a nu rilru chu a hriatthiam pui em em a, amaherawhchu a chhang buai tawh lo thung, chutia a rilru a kawm melh melh lai chuan a nu chuan a rawn sawi dat dat a, Huala pawh chu lo harhchhuak vatin, eng ni a? tiin, mak tideuh hian a nu chu a en hau mai a, Kungpuii chuan enge i ngaihtuah a, biak reng i hriat loh mai a lo ti a, Huala chuan eng ngaihtuah love, enge min biakna chu ni a? tiin a lo chhang a, Kungpuii chuan, Silai te kha khawi lam a mi nge ni a, tiin a lo zawt a, Huala chuan a bul a Silai chu melh zauh pahin, U Kapzela rem hriat zar ka zo a ni e, tiin a lo chhang a, Kungpuii chuan, min thil min pek nazawng hi lak loh tur a ni ngai, phal tak a min pe a maw kan tih lai hian min fiahna pawh a lo ni reng thei a nia tiin a fapa chu a zilh mawlh mawlh a, Huala pawn a nu zilhnate chu ngun takin a lo ngaithla a, vawn tlat pawh a tum tlat a ni.
A hahdam deuh hnu chuan Huala chu a insil fai a, a intihfai zawh hnu chuan a nu mei bul a lo thu kiangah chuan thu ve in eng eng e maw an sawi dun melh melh a, an nufa a an lo titi melh melh lai hian, an thenawm khawvengte chu an rawn leng lut hlawm a, Kungpuii chuan thutna te lo pe in a lo be siam siam hlawm a, an kawmchhak putar pakhat chuan, Huala hei Silai te i rawn neih tak mai i han che na hle a ni ang maw? a han ti a, Huala chuan che na teuh nang aw, thiante chhan ka ngai reng a lawm mawle, kan Pasaltha zar ka zo a nih kha tiin a lo chhang a, thenkhat chuan an han chettlat dan chanchinte an lo zawt ve bawk a, Huala pawn ama chet dante chu thup zelin, an han kalna tlangpuite chu a hrilh ve zel hlawm a, khua te a lo tlai lam deuh takah chuan Huala te In a leng ho pawh chu an tin ta hlawm a, Huala chuan, kan In lengte an tin takah chuan, i eh zawh loh thing saw kan ek zo law law ang e a ti a, pawn lam chu a pan ta nghal a, Hualan thing a eh tauh tauh lai chuan, khai khai i chau lutuk ang e rawn titu chu Huala chuan a en vat a, Piangliana chuan, chawl hahdam ve bawk la mawle vawiinah inrawn thleng chauh a ni a, thahnem i ngai mah mah thin a lo ti a, Huala chuan thahnem ngaih hi a tul rih tlat a nih hi a lo ti a, Huala bawk chuan, i va fel ve a, i rawn lan vat mai a, a han tih zawm zat a, Piangliana chuan inhnung ka zui zo ve si lova, ka rawn lang vat a nih hi a lo ti a, Huala chuan, tirawh In chhung lamah i inkawm teh ang a ti a, an inzui lut ta nghal a, Huala chuan u Zamawii enge a an a? a Vaibel tankai pah chuan a han ti a, a zia ve zel chu a nih kha maw, Vawiin lam erawh ka la tlawh miah lova ka hre mai bik lo tiin Piangliana chuan a lo chhang a, Piangliana bawk chuan, ehe!!!. Silai te chu khawi a mi nge ni a? tiin a han zawt nghal zat a, U Kapzela zar ka zo a nih kha ti a Hualan a lo chhan chuan, Thianpa tihi chuan i zarah Sa pawh kan hmeh ngun thei dawn a nih hi maw phur tak hian a han ti a, Kungpuii chuan, i thianpa khan a kah pawh a thiam ve ngut dawn a mawni? a lo ti ve bauhva, Huala chuan, a ni ngawt mai, Sa kah zawn tur awm si lo hian min zawn haw fo zawk ang ka ti a lo ti ve, Piangliana chuan, chuzawng kan la hria ang chu, ka haw ve tawh phawt ang e Zawlbuk lamah kan inhmu dawn nia a ti a, a chhuak ta nghal a.
#Piangliana a chhuah hnu chuan, ka nu Zanriah te i peih tawh chuan ei hma mai ang hmiang Huala chuan a han ti a, Kungpuii chuan a ni tak maw? kan siam nghal a nge a ti a, chaw ei chu a siam ta nghal a, Chaw te an ei kham chuan, Huala chuan, ka nu zanin chu U Zamawii ka va tlawh ang e, Zawlbuk lamah ka riak nghal ang a han ti a, Kungpuii chuan, va kal tak rawh, a tha be tawh viau a nia a lo ti a, Kungpuii vek chuan, i va kal tak rau raubah chuan, Artui pawh han ken ve nghal la mawle tih leh Archhiar lam pan chu a rual a, Kungpuii chuan Artui pum thum chu Huala chu a rawn pe a, Huala chuan Zawlbuk lam chu a pan ta nghal a, Hualan Zawlbuk a han thlen chuan, Val upa Hmuaka leh Chhungpuia te chu an lo awm a, Huala an lo hmuh chuan, ekhai kan Pasaltha chu lo lawi lut ve teh, i va rawn hma em tiin, Val Upa Hmuaka chuan a lo be zung zung a, Huala pawn Val upa Hmuakate lo thutna Mei lum lam chu panin, Pasaltha te zawng min ti lo teh u, mi nuih kan tiza lutuk ang e a thuthmun rem pah chuan a han ti a, Chhungpuia chuan Huala inhan kalna chanchin te han sawi la mawle a han ti a, Val upa Hmuaka pawh chuan, ni e, hriat pawh a chakawm a lawm a lo ti ve, Huala chuan an han kalna tlangpui chu a han sawi zung zung a, Zawlbukah chuan Tlangbal dangte pawh chu an rawn kai be zel bawk a, Huala chuan Tlangval an rawn tam deuh tak avang chuan nuam a ti ta lova, tawi fel takin a thu sawi chu a titawp zui ta thuai a, a thut hmun sawn tum a a thawh kan dawn lai tak chuan a thianpa Thanliana chu a rawn lut a Huala chuan pan hnai vatin, zanin chu khawilamah nge len i tum deuhva? tiin a zawt a, Thanliana chuan, Han lenna mai tur pawh ka hre lo a lo tih chuan, keipawh han lenna em em tur ka hre bik lova, u Zamawii va kan ve i la, huala chuan a han ti a, Thanliana chuan a tha ngawt tak ang, ti teh i kal nghal teh ang a lo ti a, bawhbel chu an bawh liam ta nghal a.
Zawlbuk tual an chhuah chuan nangni thiandun chu inva hmanhmawh ve, lenna tur inhre tha deuh a ni ang maw? Val upa Hmuaka chuan a rawn tileng leng a, Huala chuan u Zamawii kan va tlawh ve ang e lenna tur dang kan hre si lova, tiin a lo chhang a, an kal ta nghal a, Huala ten Kapzela te In an thlen chuan Kapzela te chu an thenawmpa, leh a thianpa Thanhlira te nen chuan an lo awm a, Kapzelan Huala te thiandun a lo hmuh chuan lo be vatin, Huala te thiandun chu lo leng rawh u tiin, thutna te a lo kawh hmuh nghal zung zung a, Thanliana chuan, Nula mitmei kan hmu ve si lova kan rawn leng tawp mai a nih hi thuthmun rem pah chuan a han ti a, Zamawii chuan a mutna khum atang a lo thu chhuakin, inva fel ve, in lo leng ve duh a a lo ti a, Huala chuan, u Zamawi hei ka nuin Artui mi hum tir ve a, engmah tham phei zawng a ni lo na a ka lo kan ve nan che tih pah chuan Zamawii chu a pe a, Zamawii chuan lo lak pahin, inva tilawmawm em, a ngailo a sin mawle a lo ti a, Huala chuan, engmah tham pawh a nih loh kha a lo ti a a thuthmun chu a pan leh mai a, Thanhlira chuan, inchau em tiin Huala te chu a han zawt a, Thanliana chuan, chau love, tlangval thachak rual a lawm kan nih a lo ti a, Kapzela chuan, Hmuh tha an han hmu pawh a ni maithei a sin, Huala rengin biak pawh a hre thei lo mai, nui hak hak pah hian a lo ti a, Huala chuan, chutiang a ka awm awmreng ka hre lo a lo ti a, Thanliana chuan, ka hriat loh thil a lo awm reng a nimaw kan kaltlang reng emaw ka ti a, a lo ti ve, eng eng e maw sawi chuan an ti ti a Zamawii pawh hemi zan zet hi chu a hlim khawp mai.
Chutia rei fe an len hnu chuan Leng hawn Ar pawh a lo khuang chuah chuah a, Huala chuan, Thianpa keini pawh i tin dawn ang hmiang a han ti a, Zamawii chuan a la hma a lawm mawle tiin a lo chelh a, Thanliana chuan kan va tin phawt ang e, nangpawh i zia tawh khawp kha, lo dam zel rawh, Naktuk lamah kan rawn leng leh zawk dawn nia a han ti a, Zamawii pawh chuan, a nih leh mai ule, mangtha u le a ti a, Huala te pawh chuan Zawlbuk lam chu an panding nghal a.. Chhunzawm zel tur.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)