PASALTHA RAMZAUVA 1 - 3

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Pasaltha Ramzaua
Posts: 4
Joined: January 25th, 2019, 12:13 pm

PASALTHA RAMZAUVA 1 - 3

Unread post by Pasaltha Ramzaua » January 25th, 2019, 12:17 pm

Pasaltha Ramzaua

Episode. 1

.
Ka story cover photo mawi tak leh ka duh dan taka min siam sak tu hi Thazela Hmar ani a achungah ka lawm takzet zeta lawmthu ka sawi bawk ani, tin he Pasaltha Ramzaua story hi chipchiar taka ziah ka duh avangin akal zung zung thei dawn lo tih chhiar tuten min hriat sak ula ka duh a, chuan Pasaltha Ramzaua story hi thawnthu mai mai ani a chuvang chuan hmanlai kan pi leh pute kan mizo nun dan tarlan na nimahse chawtak khukpuia khukpui hlut lo tur in kan in ngen ani.
.

Mipa naupang zawlbuk thing fawm pawh rual la ni pha chiah lo chu chempui pakhat kengin apa lalna ram chhung tho si mahse ramchin ahriat phak loh ram pilrilah chuan khawi lam nge pan tur tih pawh hrelo chuan akal thauh thauh a, naupangte mahni se arilruin thiltam tak angaihtuah a kum ang phei chuan kum riat mi lek ani a, apa Ramenga'n bawiha nang chauh hi ka thlah awm chhun ini a chuvang chuan nang tal hi chu idam khaw chhuah angai ani, ipa leh ipa lalna khua Bunghmun tlawm lai leh tluchhe lai hi hmu lo la ka duh ani, khuanun zah angai anga tha taka lo seilian in ipa phuba hi ilo la la ngei dawn nia heng kan hmelma min run tute zinga ka lu la thei awm chhun tur a chu Buanmuka ani a chu hming chu ihre reng dawn nia kal tawh rawh le kafapa ti a lalin kawm thlang lam atanga akal tir lai chu angaihtuah let a naupangte mahnise akum phu loin arilru apuitlingin anu leh pa ten an zirtir tha bawka thil kalphung awm ang tur chu angaihruat thiam ruaia mahse puitling ang êm chuan angaihmaih thui thiam rih lo mai pawh a, anu leh pa chunga thleng tur leh an khaw chunga thil thleng tur chu hrilh chawp ngailoin ahre ve veka chu vang chuan amit atang mittui luang chhuakin akhabe atang leiah afar thla zung zunga, asir ding leh veia thawm ri leh rak rak thin chuan angaihtuahna ram ata akai harh zo meuh lo a, ramngaw dur thim nguk hlau rual lek si chuan hlauh ahre hek lo, anu leh pate nena hlim tak leh thlamuang taka an awm laite chu ngaihtuah chhuakin arilru tawt lutuk chu khaw lama let leha hmelma ho chu va sah sawm vek chu anapa mahse ani naupang mai thinawi fawm rual pawh la ni pha lo tan chuan tih mi ani si lo a, arilru tawt leh lungchhe lutuk chu akal lai chu ding chawtin adinna hmunah chuan thingthi hnawk paha van lam hawiin ring pamakin an au vak vak ringawta ani naupang mai tan chuan chu lo chu tih theih dang nei hek lo Buanmuka maw ilu ka lak hma chuan kei Ramzaua Bunghmun lal Ramenga fapa hi thlamuang tak leh thin thi diaiin ka chawl hauh lo ang tiin thu atiam mawlh mawlh ta mai, chutia reimawi tawk athingthit hnu chuan zawi muanga thoin hmalam pana kal leh tuma pen khat apen hman awr tih chuan alam pana thawm lo rik phei rek rek na lam ahnung lam chu hawia mengsen ram chung chuan eng thil pawh hmelma emaw sahrang emaw pawh nise thih thleng rak khawpa beih tumin a insiam rem sauh sauh a, thawm pawh chu lo hnai zelin hnimpik kar atang chuan a ui vulh chinghne thlah apa ve ge chu an lo zuang chuaka an hnungah athian kawm ngeih em em eng tik lai pawha thlah thlam ngai lo a zui thin Vanzaua leh Rammuana chu an lo chuak ve bawka Ramzaua chuan makti taka lo enin Vanzau min lo zawng em ni nge keimah ang thoin in chhung ten an kal tir ve che u tiin a zawta, Tiala leh Buanga chuan Ramzaua kut chu mei then lauh lauhin an liak hlep hlepa, Rammuana zawk chuan lo chhangin aw ni e nangmah ang thoin min lo kal tir ve ani ti a chhangin beidawn hmel takin lei lam chu a en tlawk tlawka, Vanzaua pawh chu chempui hum chungin hnuai lam abih ngar ngara, khaw lam chanchin hriat in nei em tiin beisei nei takin a en hlawma, Rammuana bawk chuan engmah kan hre biklo kan lo kal dawnah kha chuan lalin lamah silai vawitam tak apuak ţhuai ţhuai tih hriat kan nei biklo tiin a chhanga, Ramzaua chuan inti paukhauhin awle tunah chuan khaw lama let leh chi ani tawh lo a ti hian hmalam panin kan kal zel anga khaw thim hma chuan khua kan lut tur ah ngai ang tiru leh ikal ang u kan nu leh pate phuba erawh kan la la ngei dawn nia tiin athiante lo thlen hmaa kal atumna lam pan chuan hmahruaiin akal nghala athiante pahnih pawh chuan ngawi rengin an zui ve nghala, Ramzaua thian pahnih pawh hi akum rual pui ve tho an ni a Vanzaua hi an pathum zingah chuan anau bera Rammuana erawh a u ber thung, Vanzaua hi hmeithai fa ani a Ramzaua hian anihna leh adinhmun lam en ve duh loin thian tha ah asiam ta zawka, Rammuana erawh hi chu upamin Sangvunga fapa ani thung, Rammuana pawh hian Vanzaua hi hnuaihnung zawk leh hmeithai fa anih avanga hmusit mai loin thiantha ah asiam ve zawk bawk ani.

.

Chaw chhun fâk hun thleng an kal bek bek hnu chuan luikawr luite tui thiang leh vawt fimkak luan her herna chu thlengin chutah chuan chaw chhun fâkin an thu chawla, naupang na na na chu Vanzaua chuan kanu ka ngai ati chhuak tawl maia, ramngaw pilrilah chuan nu hmel hmuhtur awm hek lo le Ramzaua leh Rammuana chuan an thiam ang tawkin an hnem ve a, mahse ahnemtu ate pawh chu nu ngai rual lek an ni ve tho a mahse rilru puitling deuh zawk na na na chu an inti paukhauh hram hram a, zep loah chuan an ni pawh hian an nute chu an ngai ve em em tho ani mahse an nu leh pate chu tunah chuan nungdama an awm an ring tawh lo a, khuanu zarah nungdamin la awm mahse sal ah an man vek an ring ani. Tichuan kal zelin tlai ni nem lam ni pawh suk chen chauh ani tawh tih vel thlenga an kal hnu pawh chuan khua chu sawi loh thlawh hma hmuh tur pawh an nei hauh lo a Vanzaua beidawng leh nu ngai bawk si chu atap ta nge nge a Ramzaua leh Rammuana chuan an han hnem leh rih a, reimawi tawk anin hnem hnu chuan Vanzaua lungchhe zual pawh reh tawhin ni lah khawthlanga lam pana dan rual lohin aliam bek bek zel si a Ramzaua chuan tawm himna tur kan zawn vat angai chuti lo chu khua hian min thim hnan mai ang tiru tawm himna turizawng vat teh ang u tiin hma ahruai leh a, tawm himna tur zawng ta na na na chu puk pakhat tawm him nâna tha deuh chu chu hmuin chu lam pan chuan an kal nghala puk an then chuan chu puk chu rin aiin afaia puk thuk zawng chu patling hlamhnih vel tur ani a azau lam erawh patling hlamkhat vel ani thunga, puk chu alum nuam hle bawk, Ramzaua chuan rammi leh ram pasaltha ani em lo ang chu maw ti hian innghat ila zan muh tur thing tam tham tak kan mamawh dawna chuan tui pawh keiin tui ka han chawi anga nangnin thing lo fawm ru aw tiin achempui kengin puk achhuah san nghala, Rammuana leh Vanzaua pawh chuan thingban fawm nghal zung zunga reilote hnuah an fawm ngah nghal maia, Ramzaua pawh mau pathum kengin puk alo thleng ve bawka, mau pahnih chu chang hnih neia tanin tui dah nan ahmanga pakhat erawh chu atui chawina kawra chakai aman ho khung nan ahmang thunga, pukah amau pathum lo hawn adah hnu chuan chaw chhumna tur mau ahan sat leh a ti chuan chaw leh chakai chu tumbu pahnih nen an chhum pawlha, sarep an nu ten an ken tir erawh an la inkhek rih thung a, naupangte leh ramngaw hnuaia la chetla ngai lo nimahse atulnain anan miau avangin an tih angai miau a mahse rinai takin an che fel zawk hiala.

.

Ni tlang leh tlang inkara aliam fel rual chuan zanriah an kil ve nghala, zanriah an eikham reilote ah khua pawh athim nghal mai a, an pate khaw khat Pasaltha lo ni tawh thin thiau an nibawka hlauh an hre hauh lo a heihi khuanu malsawmna an dawn ti ila kan sawi sual lo turah ngai ang, khua athim hnu chuan rei vaklo eng eng emaw sawiin an titi ve nak naka chumi hnu chuan meipui puk chhunga an chheh ve hluah chu vur belh ţeuhin an pathuma inkuah rialin an mu ta hlawmaa, an kiangah Tiala leh Buangate an mu ve bawka tichuan relote hnuah an muhil nghal bawrh bawrh a, khuanun zah angai anga eng em an tawk lo turah ngai ang aw, Tiala leh Buanga hi chinghne thlah kan tih tawh kha an lian in an fing em em a patling tai an chen lek lek hial a, sa pawh an hmaah awm teuh mahse an puin eirawh u atih hma chu an ei ngai lo hrim hrim a, an pu thu an awi em em bawk ani.

.

Bunghmun khua Dampui khaw inri na luikawr zotui thiang luanna kam ah chuan Vanphawnga leh aţhihhruai sawmpanga vel zette nen chuan an sanghal kah rep tlawr dup dup pahin hmalam hun tur an rinthiam theih dan ber leh ngaihruat thiam danin hma lak zel dan tur an rel malh malha, an hruaitu ber Vanphawnga hi misual ani bik hauh lo a hetia tu lalna khua ah mah awm duh lo a an inlak hran nachhan pawh hi eng dang niloin heng hun lai hian rethei fahrah hmeithaite leh pachhiate hmuhsitna leh tihduh dahna anasat em avangin Vanphawnga hian chung mi ho chu kilkawiin ti hian ramhnuaiah awm hmun khuarin an khawsa ve nawl nawla, atirah chuan tumah tihnat tumna pawh an nei lem lo a mahse hun akal liam zela khaw hrang hrang an fanna ah hmeithai fahrah retheite hmuhsitna leh tihduh dahna anasat em avangin hreh tak chungin mihring nunna hial an la ta a tunah phei chuan pawisak engmah neiloin leh mihring nunna hlut zia pawh hre chang tawh loin an vaihma vek zel ta mai chu ani e.

.

Chhangtiang kawla'n zan ţih baiawm tak hnehtu chu induh tawk takin leh a êng mawina zawng zawng nena lo lawr chho ţiam ţiamin leilung hring fate tualchaina chu vangsang tak atang chuan achhun tle neuh neuh a, sirva chitin rengte pawn chu ni êng mawi tak chu lawmin siahthing zar bela an aw neih zawng zawngin fakhla an rem a, sakhi nufate pawn chu ni êng mawi tak thlazar hnuai ah chuan thlamuang takin tawitaw rah leia tla chu chharin âm taka hmawm zawih zawihin biang puar tawn tawn khawp chuan an ţhial nuap nuapa sakhi no erawh chu anu thlazarna hnuaiah chuan tawitaw rah hmawm zauh zauh pah hian athaza chu azuang leh zak zak thin a anu thlazar hnuaiah chuan athla amuangin ahlim viau a mahse sirvate leh lei a bawkvaka kal sakhi pawhin anu thlazar hnuaia'n hlim tak leh thlamuang taka an awm lai chuan hringfa khuanun duh taka asiam thingnawi fawm rual pawh la ni pha lo leh nu ngai rual lek lek pathumte erawh chu nu leh pate thlazar hnuaiah pawh awm thei loin leh thu tha hrilh tu leh enkawl ngai ngawih ngawihin puk thim tak ah riang ngawih ngawihin an awm lawi si khuanu hian rem aruat sual em ni ang le chu zawng hunin ala hril zel ang chu. Ramzaua chu hâm bâi bâi chunga thu chhuakin an hawi kuala athian pahnihte erawh tui takin an la mu a nimin lam an kal chau deuh nge ni, tho chhuakin tui um pahnih chu lain tui chawi turin tui hmun lam panin akal nal nal a, reilote hnuah let leh nghalin mei anun sawk sawk a, naupang chhia ang la ni mahse puitling tih ang zawng zawng an ko ah atlak miau avangin atih loh theih silo ale, athawm ah athian pahnihte pawh chu ham bâi bâi chungin an lo tho chuak a Rammuana chu inphih harh turin tuihmun lam apan a, Vanzaua erawh Ramzaua bulah chuan thuin hmawlh hian lei athai neuh neuh a, Zaua imu tui em tiin a zawta aw mutui ani mai ka mangah kanu ka hmu a kanu chuan min mutpuiin min chul hliau hliau a, kanuin min chul hliau hliau lai chuan pa pakhat hmelchhe deuh hian kanu chu ka bul atang chuan hnuk sawn dawr dawrin achempui ken chuan asawt pawp pawpa kanu kha athi ngei ang tiin mittui pawrawl kiangin asawia, Zaua lungngai suh kan nu leh pate chu an la thi lo ang kan la zawng chhuak dawn nia mipafa kan nih hi chhel taka awm tur mipa chu ţah ngai hauh lo tur tiin kapain min hrilh thin mipa chu pasaltha kan ni a chuvang chuan pasaltha an tap ngai lo ania ti a Ramzaua'n ahnem takah chuan pasaltha ţahbelh nih duh bik loin pasaltha ka nia ka ţap tawh lo hrim hrim ang tiin amittui pawrawl kiang luang thla lek lek chu ahru mawlh mawlh a, Rammuana alo thleng ve bawk nen an pathum chuan tuk ţhuan tur an bawl ho dial dial a.

.

Tichuan an nu leh paten buhfai eng emaw zah annpaitir an chhum hmin leh sarep an pai tlem an chhum hmin bawk nen chuan puar eleuhin an ei nghek a, tuţhuan puar taka an ei hnu chuan an ţhu leh vang vang phawt a, tunah chuan belhtur neilo naupang pathumte chuan hmalam hun tur pawh ngaihtuah thiam em em loin atla chawpa awm naw naw tura hma lam pan tuma an in siam mek lai chuan an kalna tur lama thawm a awm avang chuan thawm awmna lam hawiin an ding ţham hlawm a, Ramzaua erawh chu apain ahrilh fo thin angin chempui hum chunga inring taka ding kak teuin eng pawh lo chhuak se sah chhum hmawk tum chuan thawm awmna lam chu a en kar a chutah le sahrang sahring ei anih an rin teh lul nen mipa pathum ralthuam famkim keng thiau leh fel hmel em em pawh pu lem lote chu an lo chhuaka, hma hruaitu leh thu hmel ber chuan ehiau pasaltha ram riak emaw tih laiin thingnawi fawm rual lek a mawi naupang ka han hmuh chu le, bawiha lo kal teh u hlauhawm kan nilo e khawiah nge in nu leh pate engtia hetia ram palai lenga lo awm mai nge maw in nih le ka hming chu Vanphawnga ani a kapa Van tiin min ko thei ang ati zawm zata, an mahni tihnat tum an nilo tih ahriat chuan kan khua tu emaw ten an run a keini hi chu kan nu leh pa ten min lo tlan chhiat tir a tiin Ramzaua chuan achhanga Vanphawnga bawk chuan chhe hei chuti chu inkhua leh in nu leh pate chu an boral vek dawn tihna ani maw, awle bawihate u lungngai reng reng suh u kan kiangah in awm daih dawn nia inhming te min hrilh ve ula tiin azawt leh a, kan khua leh kan nu leh pate chu an boral ngei kan ring, ka hming chu Ramzaua ka nia ti a achhan zawh rual chuan Rammuana leh Vanzaua pawh chuan an hming an sawi ve bawka, awle atha e naute u lo kal ru le tunah chuan chhungkua kan ni tawh e lungngaihna tur leh hlauh tur a awm lo ania induh chuan kapa tiin min ko thei ang in nu leh pate phuba chu in tlangval hun ah inla la dawn nia ti a be mawlh mawlhin an inkulh lailawkna lam pan chuan an hruai zel a kawm tlangnel pawh atum khawp mai.

.

An thiltih tum tithei loin awm mahse naupang pathum ngawt hruai haw tur an neih avang chuan lungawi lo tak chunga kalin lungawi an phei pah zela, Vanphawngate hian Bunghmun khua ah luh a hmeithai fa rethei leh pachhia kilkawi tur an awm takin tiin Bunghmun lam hi pan an ni a mahse rin loh deuhin Bunghmun khua an kal tumna chu runin a awm tih an hriat avang leh run a an awm chuan adam awm chhunte pawh salah an hruai vek ringin beidawng leh lungawi lo zetin an let hna hna a mahse naupang pathum ngawt hruai haw tur an neih avanga lungawi lo em em niloin an inkulhna lam an ta hna hna a. An inkulh lai lawkna hmun an thlen chuan lo awm hmasate chuan Ramzauate thian thum chu an en duh hle a chutiang bawkin Ramzauate pawh chuan mit tla dawn dawnin an en kual ve tho a, chu hmunah chuan buk lian tak tak pathum buk pakhat misawmhnih zet riahna tur vela lian hi an sa a buk pakhatah chuan Vanphawnga chuan aluh puia, ahruai pahnihte erawh an thiante zingah an kalpeng thunga, buk chhung an luh chuan patling pathum thu hmel tak takan lo thu ţhama, Ramzauate chuan nguntakin an en kar a, patling zinga pakhat chuan kha kan pasaltha chu ilo va hlawhtling ve inaupang lo hruaite hi Bunghmun khaw naupang an ni ang chu maw ti a zawtin aphul hlut a, nia hei hlawhtling ani mai ang chu kan kal tumna Bunghmun khua chuan run an tawk ani awm a an vaia an thih loh pawhin adam awm chhunte pawh salah an hruai vek kan ringa mahse hri vanneih thlak takin heng naupang pathumte hi kan hmu hlauh a, an ni hi an nu leh paten an tlanchhiat tir ani awm e tiin thilawmzia ahrilh dap dap a, anih tak chu mawle azia lo hle mai mahse hei naupang pathum ngawt ilo hruai haw theia alawm awmin atha lutuk e, bawihate u in hming min hrilh teh u le Vanphawnga lo chhawn tu bawk chuan ati leh a, Ramzauate pawn felfai leh tha takin an hming an hrilh a an khua ang em em chuan tlangnel lo mahse anthla erawh amuang ve huai a naupangte hian uap lumtu leh kaihruaitu an mamawh reng ani. Vanphawnga chuan naute u chaw chhun fak ahun den e inrilte pawh aţam tawh ange tiin tlangval pakhat ko lutin chu tlangval hnenah chuan naupangte chu chaw chhun pe tura tiin tlangval chuan Ramzaute pathum chu achhuah pui a.

.

Ramzauate an chhuah hnu chuan patling pathumte hnenah chuan an han kalna chanchin chu sawi zawm lehin khang naupangte kha rin ang an ni hauh lo ania atih chuan patling pathum zinga pakhat chuan chu englam hawiin nge rin ang an nih lohna chu alo ti hâ a, khatia an riahna puk bula thawm kan neih velleh khan thawm kan chhuahna lam lo hawi thapin an chempui hum ranin inring takin min lo hmachhawn hah zu nia heng naupangte hi lo seilian ngat sela chuan mihlauhawm tak an nih ngei ka ring chu mai niloin an kiangah chinghne thlah niawm a mawi uipahnih lian tak tak an lo awm ve bawka chu ui pahni chuan naupangte chu ven him tum tih hriat tak hian min lo ngurvei chhur chhur mai ti a an sawi dap dap chu patling pathumte chu an lungawi hle nitur ani an lo bu ngut ngut a, patling zinga pakhat leh chuan atha e nangin han chher hriam la mihlauhawm takah i chhuah thei ngei ang alo ti ve nuah nuah a, tichuan Vanphawnga chuan buk chu chhuah sanin anaute ho hnenah chuan an kalna chanchin sawiin leh titi dang vawrhin an titi tui hlawm kawp mai. Tichuan Ramzauate thian thum pawh Vanphunga'n hmelma beih dan leh thil chi hrang hrang zirtirin hun an hmang chho bek bek zel a, an nithian thum pawh tunah chuan rawlthar rilru pu tanin an taksa pawh alian ur tawh a tlangval thenkhat phei chan an tiat lo hial tawha, thingnawi fawm rual an nih lai atanga zirtirna an dawn ang zahngaihna lantir hian min ti chak lo a nunna hlut zia vawn nawn tluk tluk hian min tichhe thei bawka, keini hi fahrah kan ni a hmeithai rethei leh pachhiate hmusit tute leh ti duhdah tu tawh phawt chu an chungah zahngaihna lan tir lo a vaihma vek tura zirtirna dawng an ni a, tin, tu lalna khua ah mah keini hi kan leng ve lo a tupawh hmeithai rethei leh pachhiate an nih loh chuan thah hmiah hmiah tur tiin an zirtir bawka an nu leh pate phuba lak chakna nen a khat an ni bawka chu zirtirna chu an rilruah pawh alut tha narawh e, he zirtirna hi adiklo ani tih hre reng mahse mahni hmasialna avangin hmeithai rethei leh pachhiate hmuhsitna leh tih duhdahna chang chawiin tiang hian zirtirna an pe ta thin a thil tha zirtirna dawnsawn aiin thil thalo zirtirna dawn sawn chu alo awl zawk bawk nen Vanphawnga naute chuan an thinlung phekah ziakin an dah hmiah mai ani, aleh lam kawnga thlir chuan an thil tum hi atha viau nâ a zirtirna dik erawh ani lo a, mihring nun phung tur pawh ani bawk hek lo a, zahngaihna lantir leh mihring nunna hlutzia vawn nun hian min tichakloin min tichhe ngai reng reng lo ani, mahse hmeithai leh retheite hmuhsitna leh tih duhdahna hluar lutuk hi chuan mitam tak ti hêl tu ani châwk thin reng ani.

.

Chutia Ramzauate thian thumin thil chi hrang hrang an zir mek lai chuan Vanphawnga naute chuan Vanphawnga tel loin khaw pakhat in zasawmnga vel dinna lek Khaupui khua chu lutin hmeithai leh retheite chu kilkawi tumin Khaupui khaw lal pawh zah zoloin anpawl zawm tura sawmin an vak kual chiam a, hmeithai leh retheite tello chuan khua ading theilo tih hriain Khaupui khaw lal chuan akhaw mipui ate ber atanga alian ber leh rethei ber leh awm thei tak takte thleng chuan asapui sahauh hle maia chuvang chuan atlangvalte nen an lo bei chiam mai a mahse tam zawk na na na Vanphawnga naute chuan an hnehchhuh hle mai a khaupui khaw lal pawh chuan akhaw rethei takte chu sapui sahauh hle mahse nunna hlut zia ahriat avang leh mihring chu duh thlang thei an nih zia hria in nunna chan ţeuh ai chuan tiin akal tir ta nge nge a, Vanphunga naute pawh an pawl lo zawm tharte nen chuan hlim tak leh thlamuang takin an inkulhna lam pan chuan an kal ta vang vang a, heng mite hian Vanphunga leh apawlte thil tih tum hi hre ngat sela chuan an zui lo tawp tur hi ania, mahse aleh lamah chuan Vanphunga naute hi zuilo pawh nise an chenna khuaah retheite hmuhsit na leh tih duhdahna anasat em avangin leh zalen taka tumah chungnung bik awmlo a lungrual taka athlum a âl eiza a awm ho dial dial chu thlangin an zui pawh ani mahna. Ramzauate thian thum chuan chutia tlangval leh nutling pui pui leh nulate an mi hmuh ţhan em em te zinga an hmuh ngai loh lo kalte chu an en duh hle mai a Vanphawnga'n naute u helamah inrilru pe zawk rawh u an ni ho saw chu hne hlu khawpin inla hmu dawn chauh alawm inzirlai zir hi apawimawh rih zawk e atih avang chuan an thil zir lamah chuan rilru an pe ta zawk a, an ni thian thum lah chuan an tum aruh bawka anthiam chakin hma ansawn chak hle a Vanphawnga'n an chezia a en chuan alung awi hle ni tur ani bu ngut ngutin anui ver ver a, Vanphawnga pawl lo zawm tharte pawh Vanphawnga pawl tlangvalte chuan an riahna hmun turte kawh hmuhin an chawlh hah dam tira, Vanphawnga pawl lo zawm tharte lah chuan engmah hre ve hek lo pawl an zawm tharte kianga khawsak chu anuam dawnin athlamuan thlak hle dawn hian an hria phur pawh an phur khawp mai. Mahse nakin ah hel hmang mihring pawisawi lote suat tu tiin khaw hrang hrangin an la sawi dawn si chung hunah chuan eng thil tak thleng ang maw chung hunah chuan Vanphunga pawla awmte hian Vanphunga chu kalsanin an khua theuhah kir leh dawn ta sela an lalte leh mipui ten lo pawm leh thei tak ang maw, anih loh vêk pawn lungsi lo zetin Vanphunga pawlah chuan an la awm chhun zawm zel dawn zawk le, khuanu pawh hian heng thil thleng zawng zawng hi ahmuin ahrelo nge ni anga hmu reng chungin en liam mai mai atum zawk ni ang le.

.

Vanphunga leh apawlte chu an inlungrualin athlum a âl an ho zâ dial dial a, tumah sang bik chungnung bik an awm lo a unau thisen zawmpui ang veka in enin duhsak pawh an induhsak narawh e, an inkulh lailawkna Bunghmun leh Dampui in ri na kawr chu chhuahsan tawhin an inkulhna hmunpui ber ramngaw pilriltakah chuan thla dawn an awm tawh aRamzauate thian thum chuan ram chin hriat chian leh zual nan ti a ramvah an chak hle mai a Vanphunga hnenah chuan an dil ta ngawta, Vanphunga pawh chuan anaute pathum chu ahrechiang tawh hle a, tin, zawlbuk kai pha chin an ni ve tawh bawk nen rem alo tih sak ve mai bawka, fimkhur taka che turin achah lawm lawm bawka, Ramzauate thian thum pawh phur leh tha tho taka chhuakin hmar lam an pana vawikhat an ram chhuahna tur ani bawka an phur ngang mai a, eng sa pawh pakhat tal hawn an tum ruh hle bawk ani, phur taka kal zelin chawhnu her hret thleng an kal hnu chuan sanghal hniak thar tak leh lian tha tak an hmu ta hlawl maia chu sanghal lah chu ahniak atang pawhin nghalchang tih ahriat reng maia arahna hnu pawh chiang takin alang thei hial ani, chu nghalchang hnu chu phur takin an thian thum chuan inthen darha sadang beisei tum lem loin an chhui nghal zâr zâra thui pawh an chhui hma chuan sapui hniakin apawlh ta tlat mai, chu an sahnu chhui lai sapui hnuin alo pawlh leh zauh thin an hmuh chuan an pathuma in en hehawin ahnuk chhat hmasa tu zawk zawkin kan chang anga ni mai atul tak leh abawp pakhat chu kan hleh ve mahna ti a lungrualin nghalchang hnu chu an chhui chhunzawm leh malh malha, fimkhur erawh angai viau dawn thung a achhan chu upaten kan sahnu chhui lai sapui hnuin apawlh reng reng chuan chhui chhun zawm loh mai atha a mahse laklawh thil a awm ve thina chungah erawh chuan fimkhur angai em em a hnunglam mitnei ang maia awm angai thin ani achhan chu sapui hian asachhui lai lo chhuitu leh lo beisei an awm hi aduh lo ani.

.

An ni thian thum pawh chuan chhui ve zelin fimkhur pawh an fimkhur narawh e ahnung bera kal Rammuana chu hnunglam thlithlaiin ahawi let zing malh malh hle mai, Vanzaua pawh kal satliah mai mai bik loin an sir ding leh vei ngun taka thlithlaiin ahawi kual ve zak zaka, Ramzaua erawh chuan asahnu chhui lamah chuan rilru ape thung a, mual chanve ang vel an chhui leh chuan nghalchangin hnim arah behte pawh an tho ţual ţuala chumai bakah vaihmite leh tlip an awm tan tlat tawh chutah zet chuan inralrin angai tih hriain hre thar lehin an mit pawh an len ngun ta hle mai, thui lote an chhui leh chuan nghalchak tep chuap chuap ri pawh an hrethei ta a chutah ding rual thawta inmit mei zauh zauhin an inthin hranga hmalam panin fimkhur leh thawm dim thei ang berin an kal leh ţham ţhama, inthen hrang mahse an inhmu phakin thawm an inhre tawn thei vek ani. Ramzaua chu alaiah awmin nghalchang tep chuap chuap na lam chu fimkhur takin apen hruau hruaua, ahmaa hnim ţo tawite si zar pharh duai chu a han keu kau dêk dêk chu nghalchang lian tha tak mai chu tiang anga lian leh chal ngho sei chu la hmu ngai hek lo ropui hi an ti khawp a, vulh atan ava itawm ve aw tepawh ati ani maithei ani, reilote thaw han la leh tetein asilai fawng chu adara chhuanga acheng kau rapin ahma a nghalchang chu kutkhur eih loin atin kawh vaha, vawileh khatah ngaw dur khup a thangkhawk rum rum khawp chuan asilai chu ahmet puak ţhuaia, silai ahmeh puah rual chuan chu nghalchang chu zuang kang zawkin lei athlen leh rual chuan thihsual in atal khur hlawk hlawka reiloteah azal zui a, nghalchang zakdawh ah tak akap fuh bawka hnu chhui nawn ngai loin leh hahdamin nghalchang chu an zawn haw thei dawn e, nghalchang atluk rual chuan silaimu sawh zawt zawtin nghalchang akah tluk lamah chuan phur taka nui deuh ver verin akal nghala, nghalchang bul athlen rual chuan aţhiante pahnih pawh an lo thleng chawp chilh ve nghala chu nghalchang chu an han belchiang that thata ropui an tiin lian an ti hle mai a sa la kap ngai hek lo an lawm lutuk chu an let kual an let kuala Vanzaua phei chuan ui ver ver chung hian achul hliau hliau a akhat tawkin ava han ropui tak em ati ati mai a, nghalchang pawh ropui an tih chuan sazuk chal ki hreuh thazet emaw tumpangsial an kah hun phei chuan eng tiang takin ropui ti leh ang maw an hmel hmuh achak awm ngawt ang, chutia nghalchang lam hlira rilru an pek lai chuan an sahnu chhui lai sapui hnuin apawlh leh zauh zauh thin tih chu an mangnghilh hmin thak tawh a, an sir lama thing tang tliak ri rek an hriat rual chuan Ramzaua chuan thil hriat chhuah zawk neiin kun rawh u tiin a au tuara an pathuma an kun rual dual chiah chu an luchunga keipui lianzet tial rekruk hi alo inkhawh tlang zawk a an piah lehlam sirah chuan ţum tla chhaka lo insiam rem leh nghalin Ramzauate pathum chu inhrosa a ngur chhur chhurin a âng sen huam a, eng vanga ka sa chhui lai min khalh nge in nih ka sa tur anih kha tih melh taka melh hian an pathuma zuan tluk tawp tum chuan a awp hniam sawt sawta chu velleh Ramzauate pathum chuan chu keipui thil tum chu hriain an silai ken theuh chu hmetpuak rual thawtin chu keipui pawh chu ngenmu pathum em em chu tuar loin hreh tak chunga ngur chhur chhurin khawvel êng hmu ve tawh lo turin lei daiah chuan azâl ta a, silai kap tute pathum pawhin an silai chu hrechiang takin an kap puak ani a chuvang chuan an tum pawh an hlah lo chiang hle reng ani.

.

Keipui ruag chu zah taka chhawlchhinin nghalchang chu zawn theih tura buat saihin an zawn haw ta nal nala, Ramzaua erawh akaptu ani bawka Rammuana leh Vanzaua silai chu ken sakin hnung adawl thunga, Vanzaua rit ti deuh chuan kal pai deuh khat khatin min va en thei ve thiante kan chau chhe zo dawn ania atih chuan nui kurh kurh pah hian akaptu chuan an zawn ve ngai hlei nem ati then maia, Vanzaua lah chuan phun bul bul pah hian inla pasaltha lutuk mai thiante khawngaihna reng reng neilo mai ati nuah nuaha, Ramzaua pawh chuan Vanzaua awm dan a en a rit ati ani tih hriain khawi nghat ula Vanzaua hi ka'n chhawk ange ati ta nge nge a, Rammuana pek chuan nuih tet tet pah hian chaw lak ngaihtuahin tha ava nem deuh ve lengite bulah chuan a insawi theih teh reng nen an ti chu Ramzaua nen chuan za tak hian an tlawr tlawra, Vanzaua lah chuan tum barin inchak bawka in thlen thleng chawl miah loin zawn par par ang che u tiin Ramzaua silai pathum ken chu keng ve thungin akal nghal nul nul a, Ramzauate pahnih pawh chuan nui ruh ruh paha nghalchang chu zawnin an zui nghala tichuan ni tlak dawn suar suarah chuan khua an lut ve mek a, alo hmu apiang chuan an lawmpuina thuin an lo fah ve bawka, an inkulhna hmunpui ah hi chuan khaw chhung ang bawkin inhrang theuh an chang a chhungkua angin, Ramzauate pathum erawh chu Vanphunga leh anupui Buanmeki ten fa angin an awmpui thung ani, Vanphunga hi khaw hrang hrangin lal an neih angin an lal ang renga an neih ve ani bawk ani, Ramzaua ten an inkawt an thlen chuan Vanzaua pek chuan kanu pasaltha ramchhuak kan lo haw e kawng mi lo hawn tawh u tiin a au lung lunga inchhung lam atang chuan pasaltha ramchhuak tante chuan engtik lai pawn kawng zau takin a inhawng sa reng e tiin Buanmeki chuan alo chhawna, Ramzauate pahnih lah chu an nghalchang zawn pawh zawn hlei thei loa nu kiah kiah chuangin pasaltha ek nem pasaltha ek nem tiin Vanzaua chu an kawk zawt zawta, inchhunga luh pahin Vanzaua chuan rum tak hian alo melh vak ringawta chu hlei hlei chu an juih tiza zualtu ani ting mai si a pum dawm ngawng ngawngin an nui thler hawk hawka, tichuan thenawm khawvengte sawm khawmin nghalchang sa chu an chan darh mawlh mawlh a, inzat theuhin tumah chang tam bik awm loin an insem hlawma, Ramzauate nghalchang kah chu pa ho leh tlangval ho chuan ropui an ti ve kher mai, an chul bang thei lo ani ber e, Vanphunga leh apawlte inkulhna ah hian in zathum chuang ading ve khup tawh a, mipa ralkai thei chin pawh zathum dawn an awm bawk ani. Vawnphunga chu leikapui ah chuan ding vang vangin akhua chu ti tawh mai ang aw an thlir vang vanga, arilruin ti hi chuan khaw lian vak lo chu kan run ngam tawh ang chu, vaibel pak khu tual tual pahin mipa tam zawk leh mihring hrim hrim pawh hei aia tam zawk hi kan mamawh belh ani, heti ringawt hi chuan khaw hrang hrang awp betin ro ka rel thei rih dawn lo tlat hei aia chak zawka hmalak angai ani fapa pathum tawrawt tak tak ka nei bawk alawm le ti a lungawi hliah hliah tih hriat takin inchhungah alut zui a.

.

Duhtawk rih phawt ang aw.



Link:
BBcode:
HTML:
Hide post links
Show post links

Pasaltha Ramzaua
Posts: 4
Joined: January 25th, 2019, 12:13 pm

Unread post by Pasaltha Ramzaua » January 28th, 2019, 11:32 am

Pasaltha Ramzaua

Episode. 2

.

Ramzauate thian thum erawh changdang in kân san tum loin Vanphunga khaw mipui tan lal anga an neih fate nimahse lo neih awl bik nih duh loin an thian thumin lo an vat ve a chu lo an vah a chu vat zoin hal pawh an hal tawh hiala chu akang tha nge tha lo en turin leh mangkhawh tura chhuakin kangvar lam an pana, tukţhuan eikham hlim hlawl ani a midang erawh chu an lo hal kang tha nge tho lo tih en tura chhuak pawh an la awm meuh lo a kangvar lam pan erawh an tum ve tho ang chu, Ramzauate chu kal zela titi paha kal an ni bawka tudang ngai loin an hlim tlang khawp mai, reilote hnuah kangvar chu thlengin lo lu atang chuan an han thlir vang vang rih phawta, khuanu zarah rinai takin akang tha khawp mai Rammuana chuan ati chhuak hlawla nia hei mangkhawh tur pawh a awm mang loh hi maw tiin Vanzaua chuan atuihnih a, ni e hei khuanu zarah akang tha khawp mai vawiin chu Vanzaua nangin kang bang awm pheuh pheuh hi lo la khawmin lo hal la Rammuana nen hian thlam chakrua tur vaua thingtuai leh mau vel kan han la ange thlam neihloh zawng furah ahreawm dawn em mai, hei mangkhawh tur pawh tam anih loh hi ilo zo hma anih tak leh min lo puih mai dawn nia titawh thianpa thlan adai tawh in ka hria thingtuai leh mau chu i han la zawk ang hmiang tipahin kal arual a Rammuana pawh chuan azui ve mai bawka, Ramzauate vau lam pana kal mek chu kan inzawh rual inbka ring han sat zung zung ula tiin Vanzaua chuan a au zui ţawk ţawk a, Ramzauate chuan chhang ta nge pawh ti lem loin vauah chuan an lut ta daih a, Vanzaua pawh chuan mangkhawh tur tlem awm pheuh pheuh chu khawh khawm turin ache ve nghal sawt sawt a, Ramzauate lo vahna hi ram lam hnaih ber ani a midang te hi chu hmeithai deuh hlir an nih avangin khaw lam hnaih ah awm sela an duh ani.

.

Vanzaua mangkhawha abun mawlh mawlh lai chuan an rite pawh lo thleng ve tawhin kha iva thawk tam tawh awm bik ve ithiante pahnih hmel ava lang ve lo ve tiin an lo au lung lunga, abeka thlantui luang zawih zawih abana hru zauh paha ding chhuak vahin ekhai thawk tam bik suh ei hei ka tan ve chiah ani, ka thian pahnihte chu vauah thlam chakrua la turin an lut ta anih kha, akang tha bawk maw tiin an chhawn ve bawka, nia hei rinai takin akang tha e mangkhawh tur pawh a awm lo abar chu anih hi haw dawna insawm dial dialah kan ti ani ang chu ti a an lo chhawn letna chu ni e kan haw rual hlawm dawn nia han thawk ţeuh phawt ula ti a Vanzaua'n achhen let na chu nuih pui deuh supin hna ngaiah kir lehin Vanzaua chuan abung leh mawlh mawlh a, Vanzauate rite pawh chu atul ang ang ti turin an che chhuak sang sang a, taima tak leh thlantui far zawih zawiha chaw chhun fak hun thleng mangkhawh tur tlem a zawng awm chu la khawm zoin a hal alh hluah hluaha, Ramzauate pahnih pawh pakhatin thingtuai pasarih chung leh pakhatin mau ngiltha tak tak sawmpanga lai pu chungin vau chhuah sanin thlam relna tur hmun atana tha an tih nalai ah chuan an keuh ri dawpa an thil put chu thut chhana hmangin an han ţhu chawl rih vang vanga Vanzaua pawh an bulah lo kalin thut hmun arem ve a, chawhnu lamah chuan kan pathuma vawihnih theuh emaw vel kan kal chuan thlam relna tur adaih tawh mai ang chu han hahdam ila chaw chhun kan fak phawt anga tiin a upa ber chanchang Rammuana chuan rem an ruat a, chaw chhun fak zawhah pawh chuan ţhu deuh vang vangin an pathum chuan vau lam panin vauah chuan an lut ta diala, Rammuana leh Ramzaua sahsa an tel sa thlap bawk thingtuai leh mau chu sawi ang tak takin vawihnih ţheuh an leh tawn zak zak hnu chuan thlam chakrua chu an chhek ngah der a, ni pawh kawla aliam nan suk chen er awr bar a awm lo a, keizawng haw hma ka duh e sum tuk ka ngai si a sum hlui kha zawng achhe hrip hrep si a kanu ahah thin em mai ti pahin Vanzaua chu a insiam nghal sawk sawk a, Rammuana pawh chuan keipawh haw hma ka duh e Ramzaua erawh pasaltha deuha chawhmeh tur lo zawng rih sela atha ange ti a insiam ve mawp mawpin Vanzaua nen chuan khaw lam pana kalin an rite chu sawm kawi zawkin khaw lam an pan ta nal nala.

.

An rite hi hmeithai chhungkua mah nise mipa antama an nu ber leh an pang ber tih loh pathum hi mipa ram tang rual an ni vek tawh a, an pang ber hmeichhia pawh hi nulat ahre ţan ve tawhin anui duh em em a, anuih zawnga biang sum lo lang kalh hian ati duhawm leh zual a hei tak hi Vanzaua duh zawng tak niin nulat hre tawh Dengite in hi akal pel thei meuh lo ani, Dengi hi hmeithai fanu mah nise ahmelthain apian adik a ahmaifang atha bawk nen asam dum sei hnuang mawngbawr vaw hnap hnapa an kal lauh lauh hi khuavang lasite aia achhiat bikna sawi tur avang hle ang tih tur khawpa nula duhawm leh ze zawi tak nuih duh em em lawi si ani. Ramzaua pawh chu athian ten an haw san takah chuan areh deuh duk hian ahria a anrite pawh an haw tel leh zel bawk nen asilai chu enfiah tete a thlaichi vel chu kanu ho in naktukah kan kal leh ani mai ang chu ti rilru neuh neuhin lo mawng lam panin achhuk thla chhak chhaka, lo mawng vauah chuan lutin an lo mawnga zotui thiang luang her her chu changel hnah khawrpuma thalin a khiat khawlh khawlha duh tawk a in hnu chuan khaw lam pan tho siin sa ther ilo kah tur a awm mahna tiin kawr chu kânin akal thauh thauh a, reimawi tawk akal hnu chuan kawr pakhat hi apawh leh hlawla chu kawr ah chuan tui erawh aluang lo nâ a sahnu atam phian thung, chung sa hnu chuan kawr hnar lam apan hian ahria a kawng pawh chho tum pahin chu sa hnu chu achhui chho a, kawihnih akal liama kawithumna akal pel leh dawn chiah chu eng sa berin emaw tui adawt ri kawlh kawlh chu hriain fimkhur leh thawm dim takin apan ta ţhem ţhema, ahma a hnim ding sangluah chu an keu dek dek chu sih tui sakhi pachalin tui titak leh thlamuang tak lo dawt khawlh khawlh chu hmuin ahan insiam rem sauh sauh a chu sakhi chal chu azak dawh ah tak zuang Zawk khawpin an kap ţhuai maia sakhi lah chu zuang kang zawkin lei athlen leh rual chuan ahnuk achat fel chu ani mai a asilai mu chu sawh leh rihin asakhi chal kah tluk chu panin hlawhtling inti takin kawr hnar lam chu zawh chho zelin sakhi pachal chu apu a, kawng ruh pangai pawh apawh tawh reilote thu thlandai zawkin asakhi chal kah nen chuan khaw lam apan ta nal nala.

.

Ni pawh kawlah aliam ruai tawh a Ramzaua erawh hmanhmawh hmel loh zet hian lungdawh ah thuin vaibel apak khu tuau tuau a reimawi tawk aţhu a vaibel bengkhat azu zo tawh bawk nen asakhi chal kah ki hreuh mawi zet chu pu leh lawpin khaw chhung alut a, khua ala thim lo bawka lo hmu apiang chuan kha iva hlawhtling ve achek pawh atui dawn kha tiin an lo be luam a, ka vannei ve mial anih hi ti a amawi tawka chhangin akal pel zela reilote hnuah inthlengin asakhi kah chu luhka an dawh ah chuan zawite a dahin inchhungah alut zui nghala, anu maian chawk ri rawk rawk chuan lo chhawn vatin e kha Ramte ilo haw tawh ani maw va insil dai la zanriah kan kil dawn nia alo ti hlut a, Rama vawiin engmah ilo hawn lo ani maw tiin pa a an neih Vanphunga chuan vaibela vaihlo beng pah hian alo ti bauh bauh a, insil sawk sawk pah hian â kutruak ngawta haw ai chuan tiin sakhi patuai tlafal tir vanneih asiamin ka tawng hlauha ati hmanchiah chu chu ikap em khawiah nge idah tiin Vanzaua chuan alo zawt nghal rawk rawka, kha khalai luhka ah ka dah kha Ramzaua'n atih rual chuan Rammuana nen chuan luhka ah chuan chuakin Ramzaua sakhi chal kah an han hmu chu heihi maw apatuai tlafal tir chu imit ava mak bik awm ve achalin akihreuh bumte chu ava mawiin ava ropui ve khawuli nge in puah zung zung teh ang achek tui hawp pawh achak awm alawm tiin Rammuana nen chuan an puah nghal mawlh mawlh a, Ramzaua insil zo athiante puih tum chu apa chuan koin ka bulah hian lo thu teh khai hei khuanu zarah ikut ahmuiin sapawh ikap nual tawh a ka khaw mipuite pawn an chung en che in an zah em em bawk che a mahse ichakna leh itheihnate hi midangte chung tlak nante a hman loh tur ani a tanpui ngaite tanpui nan hman zawk tur ani ngai Vanzaua leh Rammuante pawh an bang bik lo in pathum chungah hian mipui mit afu ţhupa chuvang chuan ho deuh leh pamham deuha awm tur ani ngai lo e tiin a hrilh dap dapa Ramzaua mai nilo Rammuana leh Vanzaua pawh chuan sakhi chan mawlh mawlh pahin an lo ngaithla kara, sakhi sa an chan zawh chuan achek leh ati tha deuh deuh tlem chu an chhum pawlh leh rih a chumi chhung chuan vawiin a ankangvar kal chanchin sawiin hlim takin an titi a, pian tirh atanga thingnawi fawm rual anih thleng pawha pa tih tur nei ve lo Vanzaua'n an nei ve ta chu alawmin ahlim hle mai a alawmna chuan van atawng thei hial awm e pa neih hlut zia ahre thar awn awn mai niin a inhre hial ani. Zanriah eikham chuan reipawh thu loin zawlbuk lam panin in an chhuah san a, zawlbukah chuan khaw hrang hrang tih dan ang thoin valupa ten tlangvalte chu thu ţha mizo nun ze mawi leh awm dan turte an inhrilh ve dap dapa, valupa ten duh tawk an sawi hnu chuan lengi runa kai tumin an chhuak nghal huk a, zawlbuk kai hlim lengi runa la kai ngam lote erawh valupate titi ngaithlain mawngpaw hrupa zawlbuk meipui bula tawlhin an ngaithla ţhapa, lengi run kai ngamlo mahse lengi run kai ho ai chuan hlawk thawkhat hle hian an in hria ani, Vanzaua chhuak ta chu khawlam nge apan leh dawn tiin athiante pahnih chuan ahnung hmuhphak loh leh thawm hriat phak siloh atang an zui ru ţham ţhama, Vanzaua lahin engmah hre ve hek lo akal faifuk hlarh hlarh a, Dengite in athlen chuan len luh a han dila inchhung lam atang Dengi aw ngei maiin lo leng rawh u atih zawh rual chuan hawi kual hruk hruk in alut zui a, Dengi chuan hlim tak leh aw zangkhai tak hian alo lawma, ţhut hmun rem pahin vawiin chu ichau bawk em ni lah asa si a hnim ţo lah ala awm bawk si lo a tiin bul an ţan a, Dengi nu chuan bawihi tikhan lo inkawm rawh u thenawmte inah ka han chuangkai zawk ange tiin achhuah san a, chau lah lo e nula tana chauhna tham ani hlei nem, tidaih ila ithian pahnihte hi lenna tur tha deuh dang an nei em ni ka hmu khat riau a, nanglo chu tumah lengtu tur ka nei ve lo ani hi nang hi chu ifel ngawt mai inzarah satui hang lah kan hawp zing narawh ti a Vanzaua an melh no vel lai tak chuan pawn atang in awm em len ve inphal em tih ri ahriat rual chuan a aw no nalh tak chuan awm e lo leng rawh u tiin Dengi chuan achhawn a, Vanzaua lah chu pawn lam atanga in awm em len ve inphal em lo ti tu aw chu Ramzaua ani tih ahria a alu thak lo pui chu hiat nuah nuahin min lo zui ru ani maw hemite pahnih hi chu an chak lo khawp ang tiin bula mite hriat tham siloh hian aphun nuah nuaha, Ramzauate pahnih pawh loin zui lutin ê kha lo len nachangte in hria ani maw lo ţhu rawh u kha ţhutna atam kha tiin Dengi chuan alo be sawt sawta, Ramzaua bawk chuan nia hei kan ţhian Vana hian mahni chauh alen chu a inthlahrun awm em mai min han len pui tawh u tiin min sawm a mahse hei duh angin kan lo hma thei lo ani hi ti pahin Vanzaua chu amelh zuk zuk a, Vanzaua lah azah luat avangin hawi chhuak ngam tawh hek lo hnuai lam abih ngar ngar a, titi vawrhin hlim takin an inkawm ho dial diala, Vanzaua erawh athiante pahnih leh Dengi titi hnuai lam biha tum burin angaithal a, nuihzat thlak lam an sawi ve pawh chuan aner suk suk duh chauh a, an titi pawh akal tluangin atui phiana Ramzaua chuan ţhuthmun thawh san pahin keini zawng kan lo va lawi hmasa ange Muana nen hian vawiin kan chau deuh bawk nen tiin kawngka lam chu apan a, khai khai Uramzauate thin lah hi mi hi inleng tha duh der lo a inlo len chhunah lah inţhu nghet lo bawk si nge inlung kan tiawi zo lo zawk tiin Dengi chuan an ui der ve a, Ramzaua'n achhan hma chuan Rammuana chuan lo chan khalhin kha ibula ţhu kha kan lo luh hma zawnga ţawng zuah zuah si kan lo luh velleh ahmuia khawn sak ang hlauhin a ngawi leh duk si a alungte reuh reuh kan tih awi loh palh zawngin kan tuar thei lo ang tiin achhuak daiaha, Ramzaua chuan lo tuihnihin nia kha kan thiana khan asawi duh asawi zo hman lo palh ange kan mo atan kan hual lawk vek tawh che ania aw thu tak si fiamthu titih a tiin achhuah san a, Dengi lah chutia Ramzaua'n mo atan kan hual lawk tawh che ani atih avang chuan fiamthu mahni se azak lutuk chu asen awp awpa.

.

Kan hmelate pahnih chu an va chak dawn lo rua em tiin aphun leh bul bul a, Dengi lah chuan aphun ri lo hre an si mahse athil sawi tak hre si lo chuan Vana enge isawia iphun bul bul mai i ţhiante pahnih thil sawi vang khan ilungawi lo em ni aho lutuk lung tih awi lohna tur a awm hlei nem fiamthu mai mai anih kha aho lutuk chaw tak khuka khukpui chi pawh va ni suh atih chuan Vanzaua chuan Dengi mitah tak eng chungin athian ten thu tak si fiamthu titih a kawng an sah kuak chu chhunzawmin leh ahuaisen na zawng zawng sawm khawmin asawi chhuak thei hram e, atuk khua avara ni achuah meuh chuan kawt zawla naupang infiam ri leh intin sumhmuna nula ho buh deng ri chu a inchhawn tluk tluk a, pa ho lah an nupuite eirel dal tawk vel chiahin tapmei an ţhut chilh rana, an nupui ten eirel min dal lo va insawn tawh an tih pawhin ni e khawi ka han kian zau deuh ang che tih pawh tum lem loin an ţhut ngai chuan ala ţhu ngar tho a, eirel buai lai laiin vawk rilţam chu lo ngek rawng rawngin achaw kuang chu anawr lingkhup thak thaka, naupang nunhlei zual an lo ri ve chhen bawk nen arik hian ari hluah hluah niber maiin alang, Ramzauate thian thum pawh inah haw tawhin an nu eirel a lo buai em em chu Vanzaua chuan apuih vat vat a, anuin duh lo hle mahse apuih lui ta tho a, " mipa mah ni ila kan tih ve tur tho alawm farnu kan nei bawk si lo a " ti a ţawng mawlh mawlh pah chuan, Ramzaua leh Rammuana chuan hreipui la chhuakin an thing put sa la eh loh tum lian lenglawng tak chu la chhuakin an ek phel nghal sawk sawk a, paber erawh chu khaw mipui ten lal anga an neih anih avangin khawnbawl pariat lai inruat ve in khawnbawlte nen chuan anlo inkawm ve malh malh a, atu ate mai pawh chu an mahni tawkah an huai tlang vek ani.

.

Tukthuan Vanzauate nufa ten an peih chuan khawnbawlte pawh tukţhuan ei turin an ţin darh tawh bawka chu hun remchang chu chuhin tukţhuan chu puar takin an kil tlang hlawma, tukţhuan ei kham chuan Buanmeki chuan afate pathum hruaiin thlai thlak turin lo lam panin kal ta nghala, chutiang zela buh tuh pawh an zawh hnu chuan zan nga vel riak buhfai kengin nghalbual ngaw lam panin Ramzauate thian thum chu an in pu chhuak hnak hnaka, chutia an lalfate pathum kawtchhuah lam pana phur tak leh tha tho taka an kal hnak hnak chu khaw mipui abik takin nula ho chuan an en duh hle mai a an khartung rawn sawn tur atan pawh an iai hauh lo ani. Ramzauate chu kal zelin chaw chhun fak hun pelh hretah chuan nghalbual ngaw chu an dai lut meka, henglai ram hi aram ala chang ţhain ala ngaw tha hle mai a, sa lah pasaltha nilemlote pawn an kap an kap rênga, tin sa pawh duhthusamin ala tam bawka ramvah nikhua pawh hian hlawhchham kut benga haw hriat tur an la awm lo a ram vak apiangte chu an la hlawh tling zel mai tih thei khawp hial ani, buk sakna tur remchang tui hmun hlat silo chu sahnu chhui tur tha awm leh awm loh en pahin an zawng a, chutia riahbuk sakna tur zawng ta na na na chuan thui pawh an kal hma chuan hmu nghalin an phur an nghat leh te te a tichuan zawimuang hahdamin riahbuk an sual nghal mawp mawpa, thildang buaipui lo a an pathuma pathum mutna tur lek an han buaipui chu reilote chhungin an zo ta mai a, an khaw ram chhung ani bawka sapui tih loh venthawn tur dang neilo a inhriain uluk vak loin an khawrpum nawk nawk mai ani, buk sual chu zo tawhin tui chawi thingfawm chauh tih tur an nei tawh a, an buk sak lah mipathum tan chuan an thawlin alian deuh hle mai a chep taka awm ai chuan duh zawk miau hek le, Thianpa nang kut hmui deuhah chaw hmeh tur han dap ta che Vanzaua nen hian tui chawi leh thingfawm chu kan lo ti mai ang Rammuana'n atih chuan phur taka ailai leh iptepui lain Ramzaua chuan buk piah mual lam panin akal nghala, Vanzaua leh Rammuanate pahnih pawn thingfawm leh tui chawi chu harsaah ngailoin an ti nghal sawk sawk a, Ramzaua chhuak ta chuan mual khat akal liam hnua akal pelh tak mual lo zawmtu mual akai leh chiah chu ahawi kual vat vata sa thawm leh hnim che zawk pawh hmuh hmaih tumloin abeng leh mit chu chhi in hmuntin mai chu uluk takin a en kual den den a, sa thawm hriat tur a awm tâk loh ah chuan fimkhur leh thawm dim takin hmalam apan leh ta ţham ţhama, sa thawm hriat tur la awm lo mahse fimkhur angai em em tho a achhan chu ramhnuai ah chuan ramsate hi an beng hriatna achak zawka chumai la niloin an mit hmuh athui zawkin afiah zawka chu vang chuan fimkhur hle angai tih hriain hmanhmawh hauh loin sa thawm awm leh awm loh ngaithla pah karin hmalam apan ta ţhem ţhem mai ani.

.

Amual zawh lai chu zawh phei zelin sawntlung pawng pawh ahnaih sawt tawh khawp mai, arin danah chuan sawntlung pawng piah lam chu awih pang anih tawh aring a, chu sawntlung pawng chu in phen nana hmangin awih thla tawpa kawr awm chu sawntlung pawng phen atang thlithlai tum chuan fimkhur taksiin ahma zawng aiin akal chak deuh sawt a, sawntlung pawng athleng tep tih chuan nghalrual innawr ngek thawm hriain sawntlung pawng chu inphen nana hmangin abawk phek nghal thawr a, sawntlung pawng phen aţang chuan dak chhuak det detin awih thla tawpa kawr lam chu an en chuan nghalrual thahnem zet chu lo inbualin alian deuh ho chuan atê deuh ho chu an nawr ngek nasa maia, asilai chu kah maitheih tura buatsaih nghal sawk sawkin nghalrual zinga alian fal deuh ber chu kut khur eih lo chuan atin vang vanga silai ahmeh per hma chiah chuan aveilam piah deuh hnim pik kar atang chuan silai lo puak ţhuaia chu silai apuah rual deuhthaw chuan Ramzaua silai pawh chu apuak nghal a, khaia ava zia lo ve aw thal ka lo thlah hman chu aw tiin aveilam piah deuha silai lo puah na lam chu a en nghal vang vanga, hnimpik buk laih atang chuan tlangval pakhat hi lo chhuakin chu tlangval chuan ekhai thal kan thlah rual hle mai ka hriat hnu lah i ang hle mai tiin akut alo phar chhuaka Ramzaua pawh chuan akut pea in chibaiin ihriat hnu pawh ka nithei tho alawm Ramzaua ka nia ati zawm nghala, chu tlangval chuan ka hriathnu iang ka ti reng a ka hai che lawm le min hrethiam dawn nia Kapthanga ka nia ipa khawngaihna thlazar hnuaia nghei lo leh thlamuang takin kei leh kanu kan awm hi kan lawmin kan hlim em em ani, titawh i sakah chu iva belchiang teh ang tiin akal nghal a Ramzaua pawh chuan azui ve nghal a, sanghal lah chu rin aiin alian zêk a nghalrual zinga lian ber thlang an ni bawk a thau pawh athau ţha khawp mai, lalfapa hlado han chham ta che le ithalthlah vanga thi ani e Kapthanga'n atih chuan makti taka Kapthanga en chung chuan nilo e keichuan thal i thlah hnuah chauh lawm thal ka thlah ve chauh ka thalthlah vanga thi ani mahna mahse kei aia thalthlah hmasa tu zawk ini a isa tur ani zawk e, chuan lalfapa tiin min ko lo hram la ka duh Ramzau tiin min ko la ka duh khawp mai an ti a, Kapthanga chuan thalthlah hmasa tu nimah ila ka thalthlah khan ahnuk achhat tih kan hre hlei nem ka sa tur ani bik lo e kan insem anga nangin alu ichang dawn nia ala ti leh hrama Ramzaua chuan Kapthanga chu en vang vangin irilru aţhain ithil phalin ihuamhap lo hle mai ti rilru chungin nilo nilo thalthlah hmasatu ini a chu vang chuan alu hi chu ichan tur ani kei chu asa min hleh phal leh min hleh tur chauh lawm ka ni, eng pawh nise riak turin em ni iram chhuah, ka lo kalna lam mual thumna ah sawn ka ţhian pahnihte nen riah buk kan sual a riahpui tur inei loh chuan leh pawi itih loh chuan min lo zawm ve ta che hei khua lah athim mai dawn si ti a sawmna chu lawm taka pawmin aţha viau tak ang chu, mahni a riah ngawt ai chuan athlamuan thlakin khawhar pawh azia deuh ang chu ti a Kapthanga chuan chhangin sanghal chu zawn theih tura buatsaihin Ramzauate buk awmna lam pan chuan an zawn ta nal nal a.

.

Khua athim fel tawh a, Rammuana leh Vanzaua phei chuan zanriah peihfel vek tawha an ţhiana lo thlen hun nghakin chawhmeh zawng tura akalna lamah chuan an ring an fân an fân tawha, an awmna mual aţanga mual thumna a silai puak chu an ţhiana kah puah ngei anih an ringa, chu silai puak chu an ţhiana silai kah puah anih si chuan buk thlen ahun tawh si a nge ni midang silai kap puak hi kan ţhiana kah puah ah kan ngai zawk ti a an rinthu an sawi dun laih laih lai chuan an ţhiana kal liamna lam aţanga thawm lo awm avang chuan thawm awmna lamah chuan hawi an rual nghala, thawm pawh lo hnai zelin meipui an chheh en phak chin ah thawm chhuah tute an lo lan chuan makti tak hian an en hau a, ahmasa zawka lo kal chu an hre hauh lo a ahnung zawka kal erawh chu an ţhian Ramzaua ani ngei ani tih an hnar tluk zetin an chianga mahse chu an ţhian Ramzaua sanghal lo zawn pui tu chu an hriat zawng leh an hmuh ngailoh ani a mihring pangai nge, nge ni a lasi tlangval zawk ahmel leh apumrua aruangâm lan danah chuan lasi tlangval ani thei bawk si lo, lasi anih si loh chuan tunge ni anga khawi khaw tlangval nge ni ta ang le, nge ni a kan khaw tlangval alo ni reng zawk ti rilru chungin makti a ka hau hian puih nachang pawh hre loin an en tlawk tlawk a, Ramzauate pahnih buk an thlena an sanghal zawn an nghaha Ramzaua'n aţhiante pahnih hmela mak tihna leh zawhna mit meng ahmuh chuan hei kan khaw tlangval Kapthanga hian kan buk min lo ţawm ve dawna inpahniha rawn hmasa lo che u in kan buk min ţawm turin ka lo sawm tawp mai asin aţhiante pahnih melh pah chuan ati, sawi zawm leh nghalin Kapthanga nen an intawn dan chu asawi mawlh mawlh a aţhiante pahnih chuan ngun takin an ngaithla a, Ramzaua'n Kapchunga nen an intawn dan asawi zawh chuan Kapthanga chu chibai leh hnuhawhin kan khaw tlangval tlawmngai tak ilo ni reng anih chu zanriah kil phawt ila tichuan sanghal sa hi chu muangchangin kan chan dawn nia ti khan lo ţhu hahdam ula chaw ei kan han siam ange tiin Rammuana chu en zawkin Vana titawh chaw ei isiam thuai thuai teh ang kan ţhiante pahnih hi an ril aţam tawh ange ti pahin Vanzaua nen chuan chawi ei an siam nghal sawk sawka, Kapthanga inthlahrung chuan puih atum viau nâ a puih kan ngai lo e lo ţhu hahdam mai mai teh khai an tih tlat avang chuan Rammuana leh Vanzaua chaw ei siam chu puar el euhin an hlawm ta zawka, zanriah puar eleuha an ei kham chuan reimawi tawk ţhu leh rih in khaw chhung chu ni sela chuan lenglen hun awm velah chuan sanghal sa chu hlim tlang takin an pali chuan an chan mawlh mawlh a chu mai bakah ţhian thar an nei leh ta zel chu an lawm em em bawk ani.

.

Sanghal sa an chan zawh chuan sanghal sa chu an rep leh nghala chu sanghal chu rinaiin athau phian a an rep tlawr dup mai ani, sanghal lu pawh chu thalfang thlah hmasa tu anih angin Kapthanga tan an dah ta a, tin, Ramzaua khan thalfang thlah lo pawh nise Kapthanga thalfang thlah khan sanghal hnuk achhah tho an ring bawk nen Kapthanga salu tura khuanu ruat ani e tiin an dah ta ani, titi vawrha titi pahin sanghal sa chu an rep tlawr dup dupa, arep tha thawh a an hriat apiang chu an dah hrang ta zel a, chutiang zela sanghal sa an rep zawh chuan dah thain tawnmang ram nuama chenga leng dêl dêl turin zan mu an chhing ta siai siai a, chhunlamah an che chau tlang bawka an mutpawh atui hlawm khawp mai, chutia tui taka an mut bawrh bawrh lai chuan Ramzaua chu chiang taka harhin aţhu chhuak nghal zawka chutih rual chuan thingţang tliak ri rak chu ahre nghala asilai leh a iptepui chu ban da dain ram pasaltha buaina kan duh lo e zahngaiin min kalsan tawh chuti anih loh zawngin tu emaw nunna chuan atuar ngei angai awm si a zahngaiin kiang rawh khai ati leh a mak tak maiin keipui pawh chu akiang ve mai bawk a, keipui ber akal kian hnu chuan mu tha lehin reilote ah amuhil nghal maia, amu hil chiah tih chuan mumang mak tak anei a, amangah chuan mipa khat hian ahming pum ngeia lo ko in Ramzau Ramzau tuna i awmna khuaa lal a insiam ipa anga inchhal bawk Vanphunga hi ithurualpui tur ani lo mizo hnam zawng zawng tana chhiat na bul ani a chu vangin athil tih tum tenawm tak hi itih tir tur ani lo atih zawh rual chuan chupa chu vawi leh khatah bo daihin Ramzaua pawh chu aharh nghal zawk a khua pawh avar ţan det det a, amang mak tak chu ngaihtuah neih neuhin atho chhuaka, tui ûm la in tui chawi turin tui hmun lam apan a, a mang mak tak chu ngaihtuah chhunzawm zelin amanga mipa khat in tun a i awmna khuaa lal a insiam ipa anga inchhal bawk Vanphunga hi ithurualpui tur ani lo ti lo hrilh tu chu tunge ni ta ang ka hriat ngai mi lah ani si lo a, ahmel lah kha azahawmin upa lam hmel apu mah zawk si a ani lah kha chuan min hriat chiang hle bawk si a amak hle mai lasi tih dawnin nitheiin alang bawk si lo, bakah lasite chu hmeichhia an ni ţhin tiin an sawi bawk si eng pawh nise ahunah alo lang leh tho ang chu maw ti a tui thalin buk lamah alet nghal nal nal a, buk athlen chuan khua var fel tawhin Kapthanga chuan mei alo nun mial mial a, kha iva tho hma ve imu thei meuh na nge tiin Ramzaua chuan abia a, ekhai ka mut atui lutuk talangin thawh ka hai lo chauh ani iva tho hma zawk ve tiin azawt let a, ka zun chhuakin min ti harh a khua avar ţan tho bawk nen inthiar pahin tui ka han chawi mai mai anih hi tiin achhanga, an thawmah Vanzaua leh Rammuana pawh lo tho chhuakin ham bai bai chung hian inva tho hma ve kan han in phih harh lawk ange tiin tui hmun lam an pana, Ramzauate pahnih pawh chuan eirel an tan nghal sawk sawk a, Rammuanate pahnih inphihfai an lo let chuan vawiin lam an vah dan turte an sawiin titi phawkphawhraw pui pui phuh chhuakin an nui huah huah hlawm a, eirel an peih chuan ahma lama ei tha tiin an kil zui nghala, vawiin lam an ram vah dan turah chuan Ramzaua leh Kapthanga buk atanga chhak lam mual an zawh anga Rammuana leh Vanzaua chu chhim lamah an kal thung dawn ani.

.

Duhtawk phawt ang aw, office kan buai lai ani bawk si a rilru pek ahar bawk nen abuarchuar nuai mai thei a min hrethiam hram turin ka ngen ache u, dawhthei takin kan nghak hram hram dawn nia.

Link:
BBcode:
HTML:
Hide post links
Show post links

Pasaltha Ramzaua
Posts: 4
Joined: January 25th, 2019, 12:13 pm

Unread post by Pasaltha Ramzaua » February 1st, 2019, 11:55 am

Pasaltha Ramzaua

Episode. 3

.

Ramzaua leh Kapthanga chhuak ta chu mual khat an kal pelh hnu chuan hmun khata kal ai chuan kan hlawh tling hmazawk ang tiin an in ţhen hrang a, Kapthanga chuan kawr ruam lam panin akal a, Ramzaua ve thung chu Kapthanga nena an zawh kawng chu zawh chhunzawmin nizan amanga athil hmuh chu ngaihtuah neuh neuhin hmalam apan zela, kha pa upa lam tawh tak lah khan ahriat chian hmel em em mai si a, mahse ani lah chuan hriat chu sawi loh vawikhat mah ala hmu ngai hauh si lo a, amanga alo in lar kha ahmuh hmasak ber ani a chumi tih loh ah chuan khawi laiah mah, khawihmun ah mah ala hmu ngai hauh si lo a chu lam chu dahţha ila, athil sawi lah kha asawi ziktluak(asawi zo law law) silo a, lal a insiam ipa a inchhal bawk Vanphunga thil tih tum hi iti tawp tur ani chuti lo chu mizo hnam zawng zawng tan chhiatna bul ani tih chauh ani mai si a, abak engmah ahrilh silo, hma han lak dawnin hma lak dan tur lah ahrilh bawk si lo a, apa a inchhal Vanphunga thil tih tum hi tih tir loin ţhulh tir dawn pawh nise Vanphunga thil tih tum ahrilh tlat loh avangin abang bo hle mai a, apa a inchhal Vanphunga chu zawh tawp chi niin ahre si lo, lo zawt ta pawh nise Vanphunga hian ahrilh duhin arinawm lo a chu bakah engvanga zawt nge anih leh engvanga hriat duh nge anih tih lo zawt let ta zawk sela engtin nge achhan anga engtin nge a insawifel ang tih nen lam ngaihtuahna sengin arilru abuai hle maia sapela ramvak ani tih pawh hre chang tawh loin hmalam panin akal mawp mawp ringawta, chutia thil dang ngaihtuah lo leh arilru suangtuahna ngawt kawma akal mawp mawp lai chuan aţhian chhar thar Kapthanga silai ri chuan asuangtuahna ram ata chu ko chhuak zawkin engthil nge maw ka ngaihtuah vak vak ni ava zialo ve le sapela ramvak ka ni tih pawh ka inhre chang tawh lo achha chu ania ava zahthlak ve le ti a alu thak lo pui hiat nuah nuah a phun bul bul chung leh inthiam lo tak chungin silai rikna lam chu panin ţhiante zar kan zo leh ani mai ang chu ti pahin akal nul nul a, silai ri chhuahna lai awm vel athlen chuan ahawi kual nasa mai a Kapthanga'n ka rinaiin alian daih mai a atih ri chu hria in apan nghal vata, khai khai ţhianpa iva han kap lian em em ve akite chu azar pharh mawi hle mai zukchal ka hmuh tawh azawngah alianin aki aropui hle mai rinai daihin ilo pasalthat phian hi mawle tluk zawng ilo har khawp anih hi ti a phul phei hlutin Kapthanga zukchal kah chu afak sak luama, khai khai iti zahthlak e a khuanu zarah vanneih asiamin ka tawng fuh ve hlauh anih hi maw heng ang zukchalte chu ikap nual tawh ang chu kei ka vawikhat kahna ania tluk aralah chuan ka tluk lo hle zawk ang che tiin inngaitlawm takin achhanga, ni e Ramzaua hi achak zia leh huaisen zia kan la tar lang lo mai pawh a aţhiante hian achakzia leh ahuaisen zia sa alak theih zia hi an la hre chho dawn chauh ani, bakah Ramzaua hi a inthup ve deuh bawk nen belhchian tak tak theih lohin ain dah thiam em bawk a chuvang chuan achakzia leh huaisen zia hi an la hrelo mai chauh ani.

.

Ramzaua chuan zukchalte chu chuti maia silai fawng vuan satliah tana kah ngawt ngawt theih ani hlei nem pasaltha tak tan pawh beih fe angai a keini ang duang silai hawl chuak ve satliah tan phei chuan kah har tak asin midang hnenah sa la thei riauahte min lo sawi palh reuh reuh ange pawn chhuak ngam lo leh khua pawh hawi ngam loin min siam ang tih pawh ka hlau hlel lo e atih chuan an pahniha in enin an nui ver vera, Kapthanga chuan aţhianpa Ramzaua insawi dan chu a awi lem lo hle a aţhianpa hi michak mihuaisen leh sala thei tak anih ala ring fan a, tin, thiante phatsan leh tlansan mi anilo ang tih pawh aringa rin pawh aring sual lo reng ani. Titawh khai buk lamah zawn phei itum teh ang khai kan ţhianate pahnih lah an vak hla tawh awm si a kan thlen zo em ang chu maw ti pahin Ramzaua chuan azawnna tur thingtuai chawnpuar tiat vel chu asat sawk sawka ahnah leh ţang vel chu athel faia chu mi chhung chuan Kapzaua'n ramhrui lain zukchal ke chu thingtuai rawlh theih turin alo phuar ve mawlh mawlha tichuan buk lam panin an kal ta nghala, zukchal an zawn tir kha chuan rit pawh an ti vak lem lo a mahse thui mawi tawk an zawn hnu chuan ahmasa zawka kal Kapthanga chuan ţhianpa titeh ichawl lawk teh ang khai ti hi chuan kan inti silawng palh anga buk kan thlen zo lo ang tih pawh ahlauhawm e tiin chawlh arawta, an zukchal zawn nghata an ţhut rual chuan ţhianpa rit iti ve lo em ni rit tihmel lah ipu ve derbsi lo a keizawng buk kan thlen thei lo ang tih pawh ka hlau hlel lo e ati ta phawng maia, ekhai keipawn rit ka tiin chawlh irawt har ka ti hman hial tawh a chawlh rawt ka tum lai takin min rawt khalh ta zawk hlauh anih kha buk thlen hmaa vawi hnih vawithum vel kan chawlh pui chuan buk em chu kan thlen zo ve mai ang chu maw tiin Ramzaua chuan aţhiana aia chak zawka lan duh bik loin leh zukchal an zawn hmaa buk kan thlen zo ngut ange maw chu titu zawk chuan aţhiana chu buk an thlen zawh ngei theihna tura ţang fan fan turin afuih let ta zawka, chutiang zela kalin leh harsa ti em em loin buk an thlen thei ta hrama, buk an thlen chuan Kapthanga chu ţhu hnawkin zukchal pumkhat zet chu alo rit ţha hle mai zanin tlai chu achek nen lim nghek ila nimai kan zawn hah em ti a nui ţhaw pahin an ţhu chawl deuh vang vanga, an hahdam deuh tawh maw tih chuan ţhiante nghah pah nifawmin tiinbzukchal sa chu an chan ţan mial mial a, khua lah ala thlai chhe lo bawka titi pahin lian pui puiin an chan a, titi paha chan an ni bawka an chan sawt lo kher mai, hmanhmawh vak angai lem lo bawk nen.

.

Ramzaua hian zukchal pakhat ringawt te chu amah chauh pawhin in thleng rak apu thei a mahse ţhiante aia chak zawk nih duh loin Kapthanga rual tawkin a insiam rem zawk a ţhiante aia chungnung zawk nih lah aduh hek lo a, tin, mi ţha chhungkua an ni emaw mirethei chhungkua an ni emaw athliar ve ngai lo a in ang khat vekin aţhiante pawh hi a en reng bawk ani. Rammuana leh Vanzaua pawh lo thleng tawhin nghalchang lian ţha zet an kap ve hlauh a, akap tu Vanzaua chu mite hmuh ve loh ka hmu ti niawm taka khiangrah tla ang maiin akhi deuh huih reng mai a, asa chan pawh aphur surh surh khawp a achan zung zung mai a achungah hlimna vawr tawp athleng emaw tih mai tur in ahlim hle bawka, Ramzaua leh Rammuana chuan an ţhian Vanzaua hian nghalchang hi avawikhat kahna ani tih Vanzaua awm dan aţang chuan hrethiamin sa chan pahin Vanzaua chu en leh zawk ţhinin an nui suk suk a engmah sawi lo mahse an ţhiana hi an lawmpui em em ani , enga kha tia khiangrah tla ang maia i khik deuh huih reng mai ni eng tak chu hria che ni maw, nge ni a kan hmuh ve loh hmuh ţha i hmu zawk sa chan mawlh mawlh pah hian Kapthanga chuan Vanzaua nui keh deuh hui chu nui suk suk chunga en in ati ta hlawl a, Vanzaua lah chuan zep ţhen tum pawh nei lem loin tute pawh sa vawikhat kahna a nghalchang kap thei chu an lawm bik lo angem ni nang phei chu nila chuan i sa kah ilam hual duh hial ang chu mawle an ti let meuh chu za em em a vai nuihin sa pawh an chan ţha hlei thei lo chu ani e, hlim taka titi pahzela chamin thim dawn ruaiah sazuk pumkhat chu an chanzo thei hrama, nghalchang erawh zanriah khama chan atan ti a dah rihin eirel an ţan ta zawk a, eirel chu pakhat tih tawk lek anih avangin Vanzaua chuan akutah adah hmiaha, Rammuana'n tui achawi ve thunga Ramzaua leh Kapthanga erawh chu sarepna tur siamin an buai ve malh malh a, an vai mai chuan mawg pawh hung hman meuh loin an che sap sapa, Vanzaua'n zanriah ei theih a apeih chuan tihtur dang chu dahtha rihin sazuk chek nen buh changrum chu tui tizetin an lim ta ngheka, zanriah puar eleuha an eikham chuan an han ţhu khawmuang leh rih a tichuan Vanzaua'n sazuk sa chu meipuiah repin midang pathum Ramzaua, Rammuana, Kapthangate chuan sanghal lian ţha zet chu an chan leh zung zung a, chu sanghal chu alian ţha bawka asa pawh atam ţha ngiang mai, Vanzaua sa rep lah chu pakhat tan chauh chuan atam tham bawk nen arep sawt lo hle mai a Ramzauate sanghal sa chan zo chuan puih nghal sawk sawkin zanlai ar khuan hnu awm velah an inrep zo thei ta ţawka, zan arei tawh si a naktuk chauh chu hlawhtling viau tawh mah ila kan duhâm sual êm lo turah ngai bawk ila sa dang kan beisei leh dawn nia, naktukah chuan ahrang ţheuhin kan vak anga silai ri kan hriat hmasakna ber lam panin kan kal khawm dawn nia ti a thu dahin mut zai an rel ta hlawm a.

.

Atuk tuk ţhuan ei kham ah chuan nizan lama an thurel tawh angin ahrang ţheuha kalin an vak darh hlawma, mahni ţuanna mualah ţheuh nghalchang emaw zukchal emaw kah ţheuh tumin sahnu thar awm leh awm loh lei lam bihin hmalam en pah zauh zauhin an kun leh ngar ngar ţhian a, atu mai pawh chuan hlawh chham an tum lo bur a salu hawn ţheuh pawh an tum ruh hle bawk ani. Ramzaua pawh tun ţum chu ţhiante zar zo/zawh bik ringawt tum tawh bik loin zukchal hniak thar leh lian tha zet ahmuh fuh hlauh chu achhui zui nghal vata, ahniak landan atang ringawt pawh chuan he zukchal hi alian ţha tawk ani tih ahriata Kapthanga nena zukchal hnu an chhui sapui hniangin alo pawlh ang kha awm tawh loin tun ţum chu ven thawn tur em em awm loin achhui zar zar thei a, mahse ven thawn tur dang awm lo angin hre mahse ala fimkhur hle tho a eng pawh tawk thei reng ani tih a in hre reng ani, ahnu chhui lai chu chhui chhunzawm zelin mual hnih zet achhui hnu chuan chu zukchal hnu achhui lai mek chuan kawr lam apan thla zela Ramzaua pawh chuan beidawn san mai loin achhui zawm zel a, kawr kam leh lam alawn chhuah rual chuan ding riha amit len kual ruaiin abeng achhi vang vang a chu tah le zukchalin a hnim apeh chet lai laih chu hmuin zawi muang leh fimkhur takia pan hnaih hriau hriauin asilai chu kah mai theih turin atin kawh vah a, ahnu chhui lai mai nilo sa dang eng pawh lo chhuak thut mahse thal nghal tawp thei tur khawpin a inring pen pawn khawp mai, hnim che laih laih chu hnaih phei zelin hnim hnah kar atang chuan zukchal senduk lam mah chu alang thei ta zauh zauh a, ahmuh chian theih loh avangin ahnaih leh rih a tunah chuan zukchal taksa pum chu ahmu chiang ta ngang mai, chu tiang em em a zukchal ki hreuh mawi leh ropui chu la hmu ngai bik hek lo ropui atiin mawi ati hle mai a hetiang renga zukchal ki zar mawi leh ropui hi a awm thei dawn em ni ati hiala, chutiang ngaihtuah hman anih loh zia hriain asilai chu a hmet puak dur a, asilai apuah rual chuan chu zukchal thlamuang taka hnim pet mawlh mawlh chu zuang zawkin ahma lam panin atlan ta daih mai, khaia ka kap fuh hle khan ka hre bawk si na neilo ang maia atlan tak daih mai le kah thiang lo ka lo kapte hi ani lo maw eng pawh nise ka kap fuh chianga hnu chhui tur tal ahnuchhiah takin tiin zukchalin hnim apeh na hmun chu apan a, ahmun athlen chuan beisei nei takin hnuai lam abih nghal vata abeisei ang ngeiin chu zukchal chuan Ramzaua tan hnu chhui tur thisen tharhlam tak ahnuchhiah ta hlauh mai, Ramzaua chuan asilai mu thun leh rih tete in zukchal akah hliam chu achhui zui nghal par par a hmanhmawh tak si fimkhurna hlauh chuang si lo chuan, chutia thui vak lo achhui hnu chuan tam tham ang reng tak ahmuh chuan asa hliam um chu ahliam ana tawka achauhpui tawh hle tih hriat takin achawl zauh zauh tih hriain phur tak leh tha tho takin achhui chhunzawm nghal leh par par a, lo fingkhat awm pawh achhui hma chuan ahnu chhui lai mek zukchal chu thingbul nghenga bawkin alo thi fel diam tawh a, chu zukchal tlukna hmun athlen chuan zukchal akah chu belchiang hma rih loin hlauh awm ahnaih leh hnaih loh athlithlai leh rih a hlauhawm ahnai lo a ahriat chuan zukchal chu kuai let velin abelchiang thet thet a chutah lawm tih hriat taka nui ver verin vanlam hawia asilai lek kangin akap puak ta dura asilaiah zen leh amu thuna sawh sawk sawkin vaibel ţana pak khu luih luihin aţhiante lo thlen hun anghak a, aţhiante pawh rei nghah an ngai lo kher mai, athleng hmasa apiang chuan Ramzaua zukchal kah chu belchiang nghal that that zelin aki ropui zia leh mawizia chu zukchal len ţhat zia chu an chham chhuak ta zel a, Ramzaua'n akah dan vel asawi meuh phei chuan mak an tiin azakdawh ah taka ngenmuin fuh si na neilo ang maia tlan ta daih mai chu veng himtu anei ani lo maw an ti vek a, mahse vanneih thlak taka zukchal ruang an hmu thei ta hlauh chu an lawm in an hlim hle ani.

.

Tichuan zukchal chu abawp pali la thla hlawkin pahnih ve ve a insemin Kapthanga leh Rammuana chuan buk lam an pan pui a, alu leh ataksa chu la hrang lehin Ramzaua chuan alu chu Vanzaua put tirin amah chuan abak zawng chu pu lawpin akal pui ta nal nal a, Vanzaua chuan asilai leh Ramzaua silai puchung leh zukchal lu pu chung chuan mak ti zeta Ramzaua chu en zui vawng vawngin aumzui nghala, Rammuana leh Kapthanga'n buk an thlen ruala an zukchal bawp put changel hnah sahsa an phah chungah chuan daha let leh nghal tuma an in her chiah chu Ramzaua zukchal abawp pali leh lu telloa lo pu phei lawp lawp leh ahnunga zukchal lu pu chuanga ahmaa kal Ramzaua umphak tuma hmanhmawh zeta Vanzaua lo kal an hmuh chuan mak tih avanga ka hauin Ramzauate pahnih lo kal chu chhawk nachang pawh hrelo malekin an en ngawih ngawih a, Ramzaua'n azukchal pum put changel hnah chunga akeuh rit dawp rual chuan harh nghal zawkin khai khai khai khatiang ti te kha chuan i inti silawng mai nga sin ti tawh reng reng suh kan lo let dawn reng alawm tiin upa ber chan chang Rammuana chuan azilh ta hrepa, Ramzaua lah chuan let tawn sek ahah thlak ka ti deuh mawle ati then a, Vanzaua chu lo inrawlhin alu min put tir a buk lam pan tuma kal ka tum lai takin apum zai hawnga akawchhung vel aphawrh dawn emaw ka tih laiin hnehsawh zeta inthawhin buk lam panin alo kal pui nul nul si a ti hian mak tih na nen ka lo um zui lawp lawp chu ani hi, keiai daiha pu rit zawk si ka la umpha thei ţhak lo zu nia ti a Ramzaua chu chhuan hmel zeta enin asawi zuah zuah a, Ramzaua lah chuan chu tia amah fakna thu Vanzaua'n aphuhchhuak chu nuam lo ati hle mai a mahse engmah sawi tur hre tawh hek lo angawi reng ta ringawt a, Kapthanga chu lo inrawlh ve in ka ring sual lo hle mai kan pahniha zukchal ka vanneih asiama ka tawn fuh hlauh kan zawn pawh khan rit ti hmel leh hah hmel apu lo ka ti reng a ka ringsual lo kher mai alo ti hlut a, engtin nge azawh pawh izawh reng reng ni ichak khawp mai mahse tun hnuah erawh ti tawh ngai suh ache tha khek hunte pawh a awm ngai engpawh nise hei sa chan turin min hmuak reng tawh a zawi awiin chan ang u hmiang Rammuana'n atih chuan upa ber chan chang thu chu hnial loin an hah adam tawh bawk nen hlim tlang takin an chan ho laih laih a, Rammuana bawk chuan hei khuanu zarah kan hlawhtlingin kan phurh zawh tawk aia tam mah sa kan nei tawh bawka zanin ah la rep loh hi rep ila naktuk tuk ţhuan khamah zawi awiin khaw lam kan pan dawn nia tiin aruahman na chu asawia upa ber ruahmanna chu an pawmpui tih hriat nan an bu tliar tliar hlawm a, tichuan hlim taka chan hoin zanriah kil hun awm velah chan zoin zanriah khama repah tiin an dah ta rih a, zanriah kham chuan vaibel zu a thu khawmuang vang vangin meipui an chheh hluah chungah chuan an sa chansa lian pui pui chu an rep tlawr leh dup dup a zukchal sa chu alo thau phian bawk nen ahriak afar nasa mai a ahriak meia afar rual chuan mei chu alo alh sang leh hluai thin a chutiang zel a leng hawn ar khuan hun awm vel thleng an rep chuan an zo thei hrama an sa rep chu dah ţhain saruh lian deuh deuh chu buk hlat deuh takah dah khawmin mut zai an rel ta a.

.

Atuk zing khua alo var chuan thawh phan neiloa tho sap sapin aţhenin mau satin bawmrang sarep phurhna tur tahnan an lo hlai a, ţhenkhatin eirel relin bawmrang an tah bawka an buai leh mam mam khawp mai, tukţhuan kil hun hma chuan inpeih felin tuţhuan chu bar sawk sawkin zawi awiin kan kal dawn nia tiin khaw lam panin buk an chhuah san a, tlangval tha chak rual ţhah an nibawka zawi awiin kan kal dawn nia ti mahse an kal chak hle a tlai lam eirel hunah meuh chuan kawtchhuah ah thlan ti daiin an ţhu far tawh hlawm a aţhenin vaibel van lama inpangaw zial tup tup khawpin an fawp khu luih luih a an thlan adaih hnu chuan nghalchang hlado leh zukchal hlado chhamin khaw chhung an lut a, khaw lamin kawtchhuaha hlado chham leh silai ri an hriat rual chuan an khaw pasaltha ramvak an hlawh tling ani maw tiin luhkapuiah chhuakin an ring an fân nasa mai a, naupang ho pawh awm mai mai loin sa lu zawn tuma tlanin kawtchhuah lam an pan a Ramzauate chuan an sa kah lu chu zawn tirin haw haw chungin lalin lam panin an zawn zela lalin an thlen chuan sa lu chu luhkapuiah nghatan nghata lalpa Vanphunga chuan luhkhapui aţang afpate ramchhuak chu alo hmuak ve bawka afate sakah lu ahmuh chuan lawm tih hriat taka nui ver verin Vananu lo chhuak vat teh hei ifate sa lu lo hawn hi lo en ve teh sa lu ropui tak ani tiin an nu rel buai lai chu ako chiama Vananu lah chuan buai lai lai a inkoh reng ringawt mai ka buai ziate hi min hriat pui ve ta che ti a lo bak chhuak hukin afate sakah lu ahmuh rual chuan awi kanu ava han mawiin ava han ropui ve akite chu a ngho lah azumin asei ţha si ti a phul hlutin zukchal ki leh nghalchang ngho chu azut chhawk chhen mai a kafate hi an hlawhchham ka rin loh piah lamah salu ropui tak min lo hawn ka ring a ka ring sual lo khawp mai ti a afate achhuang tih hriat taka nui keh hui chungin asawi dap dapa, tichuan naupang salu zawn hote leh ţhenawm khawvengte chu sem kual veka tumah tam bik awm loin khaw pumin ansem veka chumi hnu chuan la bang zawng chu hmun hnihah chhep hrang lehin Kapthanga chuan hmun hniha an chheh hrana hmun khat achanpual chu lain inlam panin ahaw ve nghal a, lal Vanphungate chhung pawh an buai nek nek chhungin zanriah ei alo hun ta bawk nen thu ţha inhrilh chungin hlim tlang takin zanriah an kil a.

.

Zanriah eikham ah chuan an unau thuma in zuichhuankin Kapthangate inlam an pana Kapthangate ina lutin kha inhmelchhiat lai ani maw ani maw ţhianpa Kapa zawlbuk lawi turin kan lo sawma ti lutin ţhut hmun an rem a, Kapthanga nu pi saipuii chuan nia hei kan hmelchhiat lai tak ania arem remah khan lo ţhu tawh u Kapa pawh hei akham ţep tawh anga atih zawh rual chuan Kapthanga chu tho nghal thurin tuihmun lam pain akam aţhuaha, Kapthanga'n akam aţhuah chhung chuan pi Saipuii chuan nangni unau zet hi chu infelin innun zia reng aţha a innghahna tlak in tling hle mai, hei in hmuh ang hian hmeithai fa mai ani a chutichung pawh chuan kawm serhah la loin hei salu hial inlo hawn tira keini chhung tan chuan lawmna tham atlinga inzarah sa tuihang kan hawp theih paha kan lawm khawp mai nangni unau thlazar hnuaiah chuan kafapa pawh hi a ngaihtuah awmin ka ring lo ani ti a chaw bar pahin lawmthu ahrilha, Kapthanga chu ngawi rengin Ramzauate bulah chuan aţhu a, nu Saipui ţhianpa Kapa thlazar hnuaiah zawk lawm sa pawh kan kah ve theih ni ani hi awm lo sela hlawhchhama kutbengin kan lo haw ngei ang ani hi zawng rin ai takin apatlingin apasaltha a keini aiin angaihtuah awm loh zawk daih ania ti a chhangin Ramzaua chuan ţhianpa Kap ihman tawh chuan zawlbuk lam kan pan dawn mi tiin asawm zui zata, Kapthanga'n ahman tawh thu a achhan chuan zawlbuk lam panin Kapthangte in chu an chuah san a, zawlbuk an thlen chuan tlangval zawlbuk lawi chin chu an kim thawkhat tawh a zawlbuka Ramzauate pali an luh hnu reilote ah valupa Hranga chu lo dingin fuihna thu leh awm dan mawi tlawmngaihna chungchangte sawia inzirtirin inzilhna hun ahman pui asawi duh ang asawi zawh chuan tlangval ho pawh lengi run kai turin zawkbuk an chhuahsan ta sap sap a, Ramzauate pawh chuan zawlbuk chu chhuah sanin an in ţhen darh ve leh a Ramzaua leh Kapthanga chu hmun khatah kalin hmeithai fanu Numamite in lam an pan a, Numamite inkawt an thlen chuan in awm maw ti pahin luhkapui rah chu an ruala inchhung lam atang chuan awm e lo leng rawh u aw no nalh tak Numami aw ngei chuan ti a lo chhawnin Ramzauate pahnih inchhung an luh rual chuan ţhutna alo kawh hmuh zung zunga, tlangval leng an lo awm nual bawka, ţhut hmun rem pahin Numam tunlai indam ţhat lai ani em tiin Ramzaua chuan azawt a, khuanu zarah kan dam ţhat lai ani e Uramate lah ni reng che u in inlo leng ţha duh lo riau mai min tlawh serh te ani lo maw eng thlichhia in nge lo chhem lut hlawl che u a tiin a nui sen sen a, a tlawh serh lul lo e kan buai tahlangin kan inrim hman meuh lo chu anih hi inhmuh loh karah kha ihmel pawh alo ţha sawt khawp mai ati zawm zata tlangval leng ve te chu nui hluah hluahin ani hi zawng nitelin a ţha tulh tulh mai ni an lo ti ve bawka, Numami chuan lawm tih hriat takin Urama thin hi a mi han fak vel dan hi chu i thiam ngawt mai tiin anui sen sen a tlangval leng ve dangte karah inbiak fal reng bik theih ni hek lo le titi dang dang vawrhin hlim tlang takin an titi ho a.

.

Vanzaua pawh a 'D' Dengite runsang kai lehin kut zungţang insual tir niap niap chunga insi riala ţhuin Dengi chuan Vante vawiin inghalchang lu lo hawn kha aropui ka ti lutuk asa tam tham zet min lo hleh leh nghala kanu phei chu alawm teh asin tiin an lawm zia a 'D' Vanzaua chu ahrilh siam siama, Vanzaua pek chuan anih nang ilawm ve em tiin azawt ta khauh chu Dengi run lutuk chuan lawm lo tiin leh lam a hawi san hmaka, athlem dan tur hre leh silo chuan Dengi ti tau mai teh suh ka fiam mai mai che nih kha nula pumpa an titau dut dut ngai lo fiam thu mai mai anih kha ati leh phei chu Dengi kawi laklawh chuan fiam kual mai mai tan chiah maw min tih hmeithai fa mahni ila zahawmna chu ka nei ve tho asin ati leh phei chu Vanzaua sawi tur hre tawh lo leh Dengi thlem dan thiam tawh chu engvanga khatiang zawhna lo zawt ta ngawt nge anih tih chu a in zawt let hial a, Dengi alama kawih her pah chuan ka tihpalh ani ihuat thuah achang ang tih rin ngaihna reng ka hre lo ani min ngaidam rawh atih hnu chuan an inkar chu aţha leh thei ta chauh a, arilruin thil dang asawi thui pui ang tih ahlau kher mai, chutia hlim tlang taka lengi runa kai tlangval ho titi tui lai chuan lenghnar ar lo khuangin an titi tui lai leh thupui fun aţheh mawlh mawlh lai pawh tawp sanin kham lo tak leh ui tak chunga zan danga an nula rim ten an thlah hnu chuan an taksa hahdam tir turin zawlbuk lam an pan ta sang sanga, mutbu kai pharhin an mu dula valupa ten mut ahun tawh e an tih chuan thuawi takin tuman bengchheng siam tawh loin tawn mang lama lasi malno zut ngei tumin an chhing siai siai a.

.

Ramzaua erawh mu thei loin amut hmunah chuan in let tawn chhenin hman zan amanga athil hmuh bawk chu ngaihtuah lehin eng tianga hma han lak tur nge ni anga khawi aţanga bul ţan tur nge ni ang, tuna min enkawltu kapa hian thil ţha lo tak tih tum anei emaw ni dawn le, tin, thil ţha lo chu ati duh dawn em ni? thil ţha lo tak chu tih duh ta ngei pawh nisela engvanga tih tum nge ni anga, chu athil tih tum chu dang dawn ila eng tin nge ka dan theih ang, hmangaih taka min enkawl seilian tu hi ka ti na thei dawn em ni? Ani chuan keh thei dawma min dawmin duat takin kan mamawh tin reng min pein min enkawl ani si a engtin nge hmangaih tak leh duat taka min enkawl seilian tu hi ka do thei ang ni, ani chuan khawi lai ram pilrilah emawa thi bo mai mai tur kha a inah min la lutin damna min pe ani si enge thil awmzia hi ni ta ang le, kha ka manga thu min hrilh tu lah khan min hrechiangin athil sawi zawng zawng kha ati mai mai lo a dawt ani lo tih hriat takin ahmel kha azahawmin athu tak hle si a, kha pa thusawi kha rin tur nge ni anga rin loh tur ni ang, lo ring lo ngawt ta ila kha pa sawi ang khan mizo hnam zawng zawngin an tawrh phahin an chhiat pui dawn si, aleh lamah kha pa thusawi kha lo ring ta ila dawt lo ni si sela kapa ka tih mualpho mai bakah tuman min ring tawh loin ka ţhiante tak tak pawh hian min kawm serh tawh dawn si tih vel ngaihtuaha a in let tawn sek hnu chuan zanlai ar khuan pelh hnu fe ah chuan ahriat loh karah tui takin achhing ve hrama.

.

Zing khua alo vara naupang zing nichhuak lawm tualchaite chu in um kawi zawr zawrin an ţe chel chula, nula buh deng dup dup inchhawn ri tluk tlukte chuan khaw chhung ati reh lo khawp mai, Ramzauate unau thum pawh zing takah thoa in lam pan nghalin tih tur tul dapin tuk ţhuan khama an ţhian Kapthangate nena nghafuan ruh an tum chu hre rengin an ti sawk sawk a, chutia tih tur ţul dapa an tih sawk sawk lai chuan mikhual ralthuam famkima inthuam tlangval pathum hi kawtchhuah lam atanga lo kalin lalin lam pan dinga hman hmawh taka lo kal chu Vanphunga khaw mipuite chuan anlo thlir zui vawng vawnga, Ramzaua tuah thing ek phel mawlh mawlh lai pawh chawl meuhin lalin lam pana tlangval pathum hmanhmawh zeta lo kal te chu ngaihţha lo zetin alo en ve reng a, chung tlangval pathumte chuan lalin an thlen chuan lalina luh dilin tlangaupa chuan lo chhawn varin lalin chhungah an lut ta nghala, lal Vanphunga chuan lo chhawn varin khawilam khual nge in nih a tu lalna khua aţanga lo kal nge in niha eng duh leh beiseia lo ka khua lo lut nge innih ti a ţhutna kawhhmuh pahin azawta, tlangval pathum zinga upa ber chuan lalpa Huaingama ka ni a lal Bula lalna khua Hmunzau khua atanga lokal kan ni akan in buaina kan tawka keini chuan kan chingfel thei si lo a iţanpuina dil turin kan lal Lalbula'n min lo tir ani atih chuan Vanphunga upamin chu lo ţawng vatin anih chuan in buaina tawh dante chu han sawi ta ula ţanpui theihna che u pawh kan nei mial maithei asin alo tih chuan Huaingama bawk chuan keipui huaisar zet pahnih hian kan ranvulhte min lak sak ţhina kan ranvulhte min laksak rualin kan umzui ve ţhin takna a kan tihlum thei der lo a hlawhchhamin kan haw leh nge nge ţhina khaw mipuite pawh chhuak ngam loin kan inkhung reng ţhina mahse inkhung reng theih ni hek lo, lo vak chhuak pawl an awm leh ţhin bawk nen mihring lu hial kan inchan ta nge nge a mihring lu hial kan inhlauh takah chuan kan lal Lalbula'n in ţanpuina dil turin min lo tir ta ani, lalpa nangmah beiseia lo kal kan ni a mahse nangmah i theih loh pawn ithlah ifate tal min puih tura rem minruat pui theih chuan kan lawm hle ang tiin athu sawi chu ati tawpa, inbuaina tawh chuan ati buai che u in ati mangang hle dawn che u anih chu eng pawh nise kei chu heti mai hi ka ni tawha fapa pawh pathum lai chu ka nei a, kafate mahnise kal rawh u ka tih theih an ni tawh bik lo a kafate pawh ka lo hrilh anga tukţhuan kham lamah kan in hrilh hre leh dawn nia, nangni pawh ka upamin Khami pah inah in thleng dawn nia lal Vanphunga'n atih chuan mikhual pathumte chuan lawmthu sawi mawlh mawlhin lalin chu an chhuah san in tlangaupa chuan an thlenin turah ahruaia, lal Vanphunga chuan khai le kha kan hriat ţheuh angin Hmunzau khua ten kan puihna dilin min lo pan vang vang ani a enge kan ngaihdan ni ta le tiin a upate chu en kualin arawna, upamin Khamipa chu lo ţawng chhuakin ţanpui ngai an awm reng laia hnung lo chhawn hi kei ka ngaihdan ani lo hulhuala chu vajg chuan ţanpui theihna kan neih phawt chuan ţanpui ngei hi ţha ka ti khawp mai ţanpui theihna kan nei lo anih erawh chuan thu hran an ti dap dapa upa dangte pawhin upamin thu chhak chhuah chu ţha an ti tlang hlawm tih hriat takin an bu tliar tliar hlawma, awle ka upa ka rorelna min puihtu ten ţanpui ţha in tih chuan kan ţanpui mai ani ang chu tiin lal Vanphunga chuan an thu rel ati tawpa, upate pawh rorel an zawh chuan tukţhuan ei turin mahni inlam ţheuh an pan ta sang sanga, Vanphungate pawhin tukţhuan an kil ve nghala, tukţhuan kil lai chuan Rama hei kan ţanpuina dilin Hmunzau lal chuan atlangvalte alo tir ani a kei hi timai hi ka ji tawh a nang Hmunzau khaw lamah chuan ţhian pakhat sawmin in han kal dawn nia, Vanzaua leh Rammuana hi chu thil dang tih tir duh ka nei a an zui ve hman dawn lo che u a fimkhur takin in han kal anga Hmunzau khaw lalin lawmthu sawina pek atum che u chuan silai pathum in dil dawn nia tih tur dang pawimawh i neih loh chuan ati dap dapa, ţhianpa Kapthanga sawmin kan han kal dawn nia tiin Ramzaua chuan achhanga.

.

Duhtawk phawt ang aw, carrent a awm lo rei bawk si

Link:
BBcode:
HTML:
Hide post links
Show post links

Pasaltha Ramzaua
Posts: 4
Joined: January 25th, 2019, 12:13 pm

Unread post by Pasaltha Ramzaua » February 22nd, 2019, 10:06 am

Pasaltha Ramzaua

Episode.4

.

Tuk ţhuan ei khamah chuan aţhian Kapthangate in lam panin achhuak a, Kapthangatein a thlen chuan tuk ţhuan an lo kil ve mek a, inchhunga lut pahin e kha inhmelchhiat lai ani maw tiin ţhut hmun arem a, nia hei kan hmelchhiat lai tak ani vawiin lam eng thawh zai rel nge in tum deuh chaw bar pah hian pi Saipuii chuan ati a, nu Saipui vawiin chu kapa'n ka ţhiana nen hian Hmunzau lama kal turin min ti a ti hian chawlchilh deuh takin ka lo kal ta tawp mai, thawh tur dang pawimawh aneih lem loh chuan tiin Ramzaua chuan achhanga, anih tak chu mawle eng thu leh hlaah nge ni ta, Kapa pawhin engmah thawh tur dang anei hran lem lo a lo thlawh lah ala hun lo deuh bawk nen in han kal dawn nia lal thu chu hnial mi ani si lo a in va fimkhur hle dawn nia khualah inla zin ngailo bawk si mawi lo deuha khaw sak tur ani ngai lo ania, fimkhurah fimkhur luat a awm lo ania ti a thu ţha hrilh pahin Kapthanga kal kal aphal thu pi Saipuii'n asawi chuan Ramzaua leh Kapthanga chu an lawm hle a, an hma chhawn tur hi eng tiang chiaha hlauhawm nge anih tih pawh ngaihtuah loin an ţhianduna Hmunzau khaw lam an pan thei tur chu an hlimin an lawm hle ani. Kapthanga chaw ei pawh chu aphur lutuk vang nge ni kil chauh e tilo chuan akham vata anu chuan bawiha ipuar meuh maw chaw kaw puar lo a i awm hi ka duh lo ania atih phah hiala, mahse Kapthanga chuan kanu ka puar alawm min ngaihtuah lutuk anih ţhianpa ka han insiam anga kan kal mai dawn nia, kanu zan nga tla buhfai kha min han fun sak la aw ti zawmzatin a in siam nghal sawk sawka, chutia Kapthanga insiam mawlh mawlh lai chuan valupa Hranga chu lo lut nawlhin, kha Hranga lah ni reng chein keini inahte ilo lawi luh ve tak a pawi pangte a awm em ni? Tiin pi Saipuii chuan alo chhawn vata, â eng pawi pang mah awm lo e hei ka naute pahnih zin tur hi zui ve ka duh deuh a lal thu hmu nilo mah ila an remti ange maw chu tiin hei ka lo lut ta tawp mai ani atih chuan Ramzaua chuan lo chhang vatin phal tuk e kan valupa meuh in min kaih hruai chuan athlamuan thlak dawn em mai atih chuan anih ka han insiam ange aw ka rei lo ang tiin valupa Hranga chu achhuak leh nghala chhuah pahin kawtchhuah ah kan innghak khawm dawn nia ati zui a.

.

Kapthanga insiam zawh chuan kawtchhuah lam panin an kal nghal a, Kapthanga nu chuan fimkhur hle turin luhkapui atang chuan alo au zui lawm lawma Kapthangate ţhiandun erawh chu Kapthanga nu thusawi hre awm pawn an lang lo a ngawirenga kalin kawtchhuah lam an pan ding ngar ngara, kawtchhuah an thlen chuan valupa Hranga leh Hmunzau khaw pasaltha pathumte chu chu vaibel fawp khu hluah hluahin lungdawhah anlo ţhu ran tawh a, ekhai hmakhalh inva har ve le duh angin kan lo hma thei lo a inthiam loh hmel taka Ramzaua'n atih chuan khai khai khai keini pawh kan thleng ve chiah alawm inthlahrunna tur a awm lo ania, kan kim ta bawka kan kal mai dawn em ni ang valupa Hranga chuan ati zawm zata, tichuan muang chang tawh loin Hmunzau khaw lam pan chuan an kal ta nal nal a, mipa chak ţha ţhiau pasaltha ti a chhal ngam chin vek an ni bawka hmeichhe awmnem tan phei chuan um dawr dawr ngai khawpa chakin an kal a chawhma zet an kal hnu phei chuan an thleng thui tawh hle reng a tumah ngaihtuah awm leh chhawm dawl ngai an awm lo bawk nen thlunna phelh ang par para kal an ni bawka tlailam eirel hunah meuh chuan Bunghmun ram chin pawh anpel thui tawh hle a, khua atlai chhiat tak tak hmain riahbuk sual vat aţhe e tiin buk sualna tur atana tui hnaih leh hmun zawl ţha deuh hlek an hmuh ah chuan phur nghatin buk an sual ta a, zankhat lek riahna tur lek ani bawka tiin an khawr pum nawk nawka buk an sual zawh chuan thingro zan muh tur aţhenin an khawma aţhenin mau pum lian ţha satin tui an chawi bawka Ramzaua erawh zanriah hmeh tur zawng tura an tih avangin akal chhuaka, tumah mawng pawh hung hman meuh loin an phe zung zunga Hmunzau pasalthate pathum pawh awm mai mai bik loin an che ve sawk sawka, valupa Hranga erawh engmah tih ve phal loin buk bula thing bul nghengin an ţhut tira chu tia engmah ti lo a ţhut chu duh loin nuam lo ti viau mahse athil tih tum tih khalha an nek chhuah zel avangin anaute ho chetla chu lungawi taka thlira nui ver verin thingbul nghen chhanin aţhu awn duai a, a ka in sawi chhuak lo mahse arilru chhungril ah erawh anaute chu achhuang em em ani.

.

Ramzaua zanraih hmeh zawng pawh lo haw tawhin ram ar pahnih akah thlak chu Vanzaua chuan puah nghal mawlh mawlhin achhum ta nghala, chaw leh chawhmeh ei theiha ahmin meuh chuan khua athim chiang tawh hle a valupa Hranga'n khai le zanriah kha han buatsaih ula zan arei tak tak hma hian i bar zung zung teh ang u ram hnuaia riak kan ni bawk nen eng thil nge kan tawn dawn hriat va nisuh i ei vat teh ang u atih chuan zanriah chu siam sawk sawkin ram ar sa nen chuan puar eleuhin an ei ta hlawm a, duh tawka chaw an ei puar hnu chuan vaibel ţanin meipui buk kawt kawngka bula an vur eng hluah chu ţhut hual ţhapin eng eng emaw sawiin an titi hlawma, Hmunzau khua ten buaina an tawh dante chu sawikaiin an titi pawh akhun khan ţan khawp mai, Ngama in khaw buaina tawh dan chu kim chang takin min han hrilh teh â kim chang deuh taka hriat pawh aţha alawm le valupa Hranga'n atih chuan Hmunzau pasaltha Huaingama pawh chuan ni dawn tak e tiin ti hian asawia, zan khat zawlbuk kan kai chu mutna puan kan pharh sap sap lai chuan min puih rawh u ti a au thawm chu veng mawng lam aţang chuan lo chhuakin au thawm areh rual chuan vawk natuara ngek rawng rawng thawm chuan arawn chhunzawma keini ho pawh rang taka zawlbuk chu chhuahsanin hmanraw kan neih ang ang chu hum chhuak bawkin sapuiin vawkpui no hruai lai alakna kawng thlang hnim pe thla hun lamah chuan kan liam thla nghala, kei leh tlangval pathumin silai kan hum chhuak bawka, sapuiin vawkpui no hruai lai akalpuina lam chu fimkhur takin kan chhui zela, zanthim hnuaia meichher nen chauha chhui kan nibawk nen sapui kan chhui lai mek hian min lo chang letin min lo bei thut sela chuan kan talbuai ve hle ang tih tur khawpin kan meichher chhit chu a êng ţha lo hle a, eng kan ti zo ta nge ni zawlbukah meichher siam sa zu nei miah lo a ka han ngaihtuah chian poh leh ka zak rum rum thei hial ani. Tichuan sapuiin vawk akal puina lam chu chhui zelin kawr kan zu thleng chu mak tak maiin kan sapui um lai chuan asa seh bawp pakhat chauh chu lain akal bo ta daih a mak kan tiin ngaihna kan hrelo tlang hlawm hle a khawi emaw hnim pik ah tawmin min lo chang rengte hi ani lo maw fimkhurah fimkhur luat a awm lo e an tih ţhin kha maw ti a vak darhin sapui tawm duhna awm deuh deuha kan ngaih chu kan han enkual veka mahse sapui hmel reng reng hmuh tur a awm hauh lo mai a keini pawh chuan zan rei lam ani zel bawk nen sapui hmel hmuh tur awm lo mahse sapui kan chhui chhan ber kan la let thei tho alawm tiin chu zan atan chuan kan duh tawk ta ringawta, tichuan atuk tuk ţhuan eikham atang sapui hnu chu chhui zawm leh in chawhnu her bawi thleng kan chhui hnu pawh chuan engmah hmuh kan nei lo a insem darhin kan han vak darh ve viau na a vawk ruang kan hmuhna ah bak sapui hnu chu hmuh tur a awm ta miah lo a chu ta tang chuan chu sapui chu athlawk thei ta emaw tih mai turin ahnu arulchuk ta daih mai si a ţhahnem ngai leh tlawmngaih chhuaha han vahdarh vak pawh chuan awmzia anei lo khawp mai tichuan beidawng bawka hawin zanin lamah alo lang leh tho turah ngai ang asa seh lah kha abawp pakhat chauh achang hman ta si a, zanina alo lan hunah chuan kan chhuah tawh tur anilo tiin khaw lam kan pan leh ta a.

.

Vaibel fawp khu tuau tuaua sawi zawm lehin zanriah chhung tin ten kan kil zawh chuan tlangval hote nen kan hmanraw neih ang angte keng chhuakin zawlbukah tumah len pawh leng chhuak loin sapui lo lan hun chu kan nghak ta tawpa, nupui fanau uap lum tur nei ho pawh mahni inah ţheuh sapui lo lan huna che chhuak mai thei tura inring takin an awm ve bawk a chumi ţum chu nungdama chhuah tir ka tum tawh lo hrim hrim a, mahse kan thusawi ahrethiam ve ani chek ang chu zanlai a ar akhuan âl âl thlenga thawm hriat tuma kan awm ţhap hnu pawh chuan sapui thawm reng reng hriat tur a awm lo a, natuara vawk ngek thawm lah hriat tur awm hek suh aseh tu tur ber sapui thawm lah areh vung vung bawk si ti ringawt hi chuan kan zavai vai chuan tlaivar chi ani lo e tlangval pathum vel meng tur inruat mai ila tichuan abak zawng mut kan tum dawn nia sapui thawm lah hriat tur awm hek suh tiin tlangval pathum thlang chhuakin abak zawng chuan mutna siamin kan mu ta hlawm a, zing khua avar hnu pawh chuan sapui thawm hriat tur a awm loh avang chuan akal bo ta ah ngaiin ngaihţha takin kan awm ve leh mai a, mahse chu sapui huaisar zet chu kal bo loin hun remchang alo zawng ve zawk chu niin chutah le khaw thim thet thet unau hmel hai hun velah hian kawtchhuah lam aţangin silai puak thawm kan hre leh ta a, silai puak ri areh rual chuan natura ţe ri chuan achhun zawm nghala keini pawh kawtchhuah lam panin chak thei ang berin kan hmanruate nen kan tlan ta nghala, ka ngaihţha thei loin chuti ringawta hnawtbo tu pawh awm lo a sapui kalbo mai chu ring loin ka silai leh chempuite chu lak maitheih tura dahin aruk takin ka in ring ran a ka ţhian pahnihte pawh inring ru taka awm tura ka tih avangin an ni pawn silai an lo hum chhuak ve bawka, kawtchhuah kan han thlen chuan lungdawh piah deuha leia silai lo awm chu kan pan nghal vata silai awmna aţang chuan kan han hawi kual a silai awmna aţanga pen sawmhnih vel tura hlaah chuan iptepui leh chem thisen kai deuh nuai chu hmu lehin kan pan leh vata chuta ţanga thlanglam kan han en leh nâk chuan sapui luhthlak na tih riat tak hian hnim khup chen dawn dawn chu ape thla hun a, chulai hmunah chuan ro kan han rel chawpchilh ta rupa silai keng ho zawngin meichher nen kan chhui zui anga meichher kengtu tur pakhat nen abak zawng chu khaw lamah an let anga lal hnena thil thlen dan zawng zawng an han hrilh dawn ani ti a ro kan rel zawh chuan meichher kan siam belh sawk sawka khaw lama let tur ho pawh an liam tawha, meichher kan siam zawh chuan keini pawh silai keng panga leh meichher min ken sak tu nen kan paruak chuan sapui luh thlakna ah chuan kan liam thla ve nghala, thui pawh kan chhui hma chuan lei khuar deuh laia thisen ţha hnem tak kan hmu nghal ta maia, kan sapui huaisar tak hian hetah hian achawlh puia mahse kan thawm ahriat avangin ralmuang taka asa seh a ei theihna hmun tura angaih lam apan anih hi tirawh u a la kal hla hman lo ang ichhui chhunzawm ang u tiin hma ka hruai leha ka naute pawh chuan thuawi takin min lo zui nghala, chutah le lo fing khat pawh kan chhui hman lo ang tih chuan sapui thawm kan hreta nghal maia chu sapui pawh chuan kan thawm chu hriain leh kan meichher chhit êng ahmu ni chek ang chu thinrim tih hriat tak hian a inhrosa chiam mai a, chu velleh ka naute chu fimkhur leh zual tura chahin kan han hnaih thla leh deuh a kan insem darh dawn chiah chu sapui thawm chu reh hmakin vawi leh khatah kawi aţangin nge alo zuan chhuah tih pawh hriat loh khawpa ranga kan meichher keng tu ber abawh tluk rual chuan silai kan hmetpuak ve nghala, silai puak ri areh rual chuan kan lo kalna lam aţang chuan sapui dang pakhat lo zuang dawng leh zawkin tlangval silai keng pakhat chu lo zuan tlu lehnghal thawrin aringruh aseh tliah sak hmawka chutah meuh chuan hlauhna chuan min tuamin ka thauah min man ta tlat a chet pawh ka che sawn thei eih lo a ka tha akhurh nasat em avangin, ka nau hruai pathum dam la awm chhunte chuan k'u Ngam sapui pahnih lai an ni tlat mai kan that thei chuang lo ang insa seng mai ang u silai mu lah thunna hman ani tawh bawk silo tiin ka zak ve ve ah min la lawkin min tlan pui ta nal nala enge ka hriat tak ni kha ti khawpa ka khurh nasat mai tun thlenga ka ngaihtuah let pawh hian kha tia ka khurh chiamna chhan kha ka la hre thei loin mak ka la tibang thei lo, tichuan sapui thawm hriat phak loh na chin kan thlen chuan reilote kan han chawl zawka khaw lam kan pan ta nghala, chutia khaw lam pana kan kal chuan keipawh ka pangai tawh a rilruin ka nau hruaite hmaa ka awm dan zawng zawng ka han chhut kir chuan zahna hlirin ka khat a ka tê chem chem hian ka inhre hial bawka, tih theih dang nei tawh hek lo hlawh chham leh lung hnur takin khua kan lut a tichuan le lal hnenah chanchin thlen angai a chu chu ka thil hreh ber ani a achhan chu kan lal hmaah hlawhchhamin ka in lan ngai lo a tun ţum chu lal hmaah hlawh chhama ka in lan angai tlat si a le lalin ah lutin lal hnenah chuan chanchin engkim kan hrilh ta a kan lal pawh chuan chetsual chang pawh a awm tur alawm ahlawh tlin reng thei bik hlei nem tiin min hrethiam khawp a, tichuan chu zan chu kan hmang liam ve leh mai a, tichuan kan lal chuan thu chhuahin tumah mahni chauhin daiah pawh kal loh tur ani ang sapui pahnih laiin min vêl reng si a mihring lu hial kan in chan tawh a kan in chan nawn tawh loh nan kan fimkhur tlang dawn nia tiin tlangau a au lauh lauha, tlangau chu a au zawh chuan ka inah lo lutin lal in min hmuh duh thu min lo hrilh chuan zui chhuak nghalin lalin ka thlen chuan kan lal chuan nangni hnena tanpuina dilturin min ti a tichuan ti hian inkhua kan lo pan ta thawr mai ani hi tiin asawi a.

.

Valupa Hranga chuan anih tak chu mawle keini pawh hi inkhaw lam panin kan lal thu angin leh ka tawng in huat thuah chang lo sela ţanpui tura min lo ngen angin kan zui ta che u chu ani a amah erawh chu Hmunzau pasaltha tena in tih theih loh chu kan ti thei bikin ka ring lo a, he inbuaina sapui ngei pawh hi kan ti hlumin kan hnawtbo thei bikin ka ring chuang hlei lo a mahse bei tih dawn nanah erawh kan han buaipui ve phawt ani ang chu, eng le khaw le hei zan rei lamte ani tawh si a mut zai rel tawh ila aţha ange atih zawm zat hnu chuan thu awi taka mutna siamin an mu ta dial a, zan lamah eng harsatna mah tawk loin tuitaka muin an hnar bawrh bawrha, tichuan atuk tukţhuan puar taka an ei hnu chuan rei pawh ţhu khaw muang loin kal an siam leh ta nghala chutiang zela nithum an kal leh meuh chuan ani li na tlai chaw chhum hun awm velah chuan Hmunzau khaw kawtchhuah ah chuan ţhu ţhapin Ngama vawiin pawh hi lo a feh an awm lo ani ang maw areh em mai valupa Hranga'n atih chuan, nia inkhaw lam kan lo pan ni aţang tawh khan tumah lo lama feh a kal ngam pawh an awm meuh lo ani, he sapui huaisar tak hi chuan min tibuai khawp mai theih chu nisela chuan pawhsawm vek ania ka nap ati tûn tûn a, chuti chu han sehsawm vek zawk ta che inralvulh alo kamram manah i kamram ve ani mai lawm Kapthanga'n atih chuan an vai nuih ta dar dar a, an ţhu hahdam ta maw tih chuan khaw chhung lut turin kal an siam leh ta a, Hmunzau khua chu an buaina tawhin azir bawka khaw chhung chu khaw ram tawh ang maiin areh ruih maia khaw ram ani lo tih hriatna pawh intin aţanga meikhu zam chhuak chauh chu ani a, meikhu zam chhuak hmuh tur awm lo phei sela chuan sumdawng emaw khualpang zin satliah emaw te chuan he khua chu an chhuahsan vek tawh anih dawn hi an tih ngei pawh arinawm hle reng ani. Khaw chhung lutin lalin an pan ding nghal nalh a, khawlaiah naupang infiam thawm chu sawiloh hmuh tur takngial pawh an awm meuh lo a, tun dinhmunah chuan Hmunzau khua hian rûn lo tawk ta thut pawh nise Hmunzau khaw tlangvalte leh pasaltha ten rûn an tawk tih pawh an hre lawk dawn lo a chumai niloin arûn tute tan chimih barh awl tak tur ani, Ramzauate lalin lam pana kalte chu tumah hmu tu pawh an awm meuh lo a, khua kan luh hma hian he sapui huaisar tak hian khaw mipuite hi an tibuai leh em nidawn le hetiang em em a areh tak mai ni valupa Hranga chuan ati hial reng a, valupa Hranga thusawi chu tuman chhang lem lo a ngawirenga kalin lalin an pan ding ngar ngar a, lalin an thlen chuan Huaingama chuan lalin a luh adil chuan tlangaupa hian lo chhawnin lalinah an lut ta diala.

.

Lalin chhung an luh chuan Hmunzau khaw lal Lalbula leh a khawnbawl upate chuan an lo lawm thiam khawp mai a, e... Kha inlo thleng ta maw lo ţhu rawh u khai, inchhawlte pawh ahal tawh ange Zikapa nang kan khual ţhate leh kan pasalthate hi an dang han tih hnawm sak tawh khai khaw kar ahla tham si a an chhawlte pawh ahal tawh ange ti pahin Lalbula'n Ramzauate chu ţhutna tur akawh hmuh a, tlangau Zikapa pawh chuan an Lalbula sawi ang chuan seki khat luaua Lalbula thla thum zu suak eng kukin Ramzauate leh pasaltha Huaingamate chu asem kual den den a, Lalbula bawk chu lo ţawng lehin awle hei ka pasalthate in ţanpuina dil tura inkhaw lama ka lo tirh nachhan chu inhriat vek tawh ka ringa tlawmngaia ka thu hmu a ka khua in lo lut tawh na sa sa chu he kan buaina sapui hi min tih hlum sak ani ang chu, he sapui huaisar zet pahnih vang hian ka khaw mipui dai chhuak ngam an awm tawh meuh lo a nunau phei chu tual chhuak ngam pawh awm meuh lo ani Ramzauate en pah chuan ati dap dap a, lalpa ipasalthate hlawh chhamna ah chuan kan hlawhtling bik kherin ka ring lo a, tin, ipasalthate tih theih loh lah kan ti thei bik hek lo amah erawh chu bei tih dawn nan reng reng pawh ikhaw tual nuam takah kan tla lut na sa sa chu kan bei ve ani ang chu, mahse lalpa sawi tawh angin kan hlawh tling bik kher lo thei ania, kan lo hlawh tling ta lo anih pawhin indem loh ah kan ti ani ang chu, kei hi lal Vanphunga valupa Hranga ka ni a hei hi Ramzaua leh Kapthangate an nih hi, Ramzaua hi kan lal Vanphunga fapa pathum zinga mi lai ani e ti a kawkin a inhmel hriat tir a, Lalbula ţawng leh hma chuan e...khai lal Vanphunga fapa meuh alo thawk chhuak ani a kei zawng lalpa kan buaina hi min chinfel sak theih ngei ania ka rin ni upamini'n atih chuan ni e ka upamin sawi ang khan inhlawh tlin ngei hi kan ring tlat ani mahse mihring tih theih phak bak chu kan phut lo ania he sapui pahnih huaisar zette hi an fing em em a chu vang chuan in han fimkhur hle dawn nia, in thlenin tur pawh ka Lalbula'n atih lai chuan lalpa min min hrethiam la khaw hmawr lamah thlenin tur kan lo hual lawk tawh a chutah chuan thlen min phal sak hram la kan duh ani, kan tan pawh chet a awlsam phah dawn a valupa Hranga'n atih chuan Lalbula chu ngawi deuh vang vangin awle aţha e induhna ah chuan han thleng rawh u ka khua a incham chhung chuan tlakchham engmah in nei lo ang duh leh mamawh in mei anih chuan min han hrilh ula ka upate nen hian kan tih theih zawng anih chuan pek che u kan tum zel dawn nia, tin, hei ka pasaltha Huaingama hnenah pawh hian duh leh mamawh chu insawi zel mai dawn nia, ani hian sapui in chhui kawngah pawh apuih thei ang che u mamawh dang in nei tawh lo anih chuan in thlenin lamah in kal thei tawh ang inlo kalna ahla tham si a chawlh hahdamte pawh in duh ange atih chuan Ramzauate chuan lawmthu sawiin lalin chhuah sanin khaw hmawr lama pasaltha Huaingamate in lam titi pah zelin an pan a.

.

Pasaltha Huaingama in an thlen chuan Huaingama nupui leh fate chuan an lo lawm thiam hle a, Ramzauate pawh chuan inchhungah lutin an phur nghatin ţhut hmun an rem a, pasaltha Huaingama nupui'n zanriah bawla achet sawk sawk lai ti ti vawrhin Hmunzau khaw harsatna tawh dan leh sapui chet tlat ngunna deuhte sawi kai zelin an ti ti tui hle mai a, tun ţum chu hei nangni in awm tawh bawka kan thla a muangin kan ngaih angam a he kan buaina sapui pawh hi min tih hlum sak emaw min hnawh kian sak theih ngei kan beiseiin kan ring tlat ani pasaltha Huaingama'n atih chuan, khai khai khai keini ţhian thum hi thlamuan pui tham leh ngaih tih ţhat puina tham kan hauh lo a, tin, Hmunzau pasalthate hlawh chhamna ah hian kan hlawh tling bik kherin ka ring lo, amah erawh chu bei nge sei rundung an tih ţhian kha maw, Hmunzau pasaltha ten min puih phei chuan hlawh tlinni hmel te pawh kan la hmu mahna, amah erawh chu sawi tawh ang khan Hmunzau pasalthate tih theih loh hi keini ţhian thum silai hawlchhuak satliah ve mai mai hian kan tih theih kan ring bik hauh lo a chuvang chuan kan lo hlawhchham ta anih pawhin indem loh ah kan ti ani ang chu ti a valupa aw ka chhuak chu ekhai khuanun zah angai anga inhlawh tlin ngei ka ring tlat ani, mihring tih theih piah lam zawng kan phut bik lo e, eng le khaw le kan tih ngei ngei angai si a keini Hmunzau tlangval tlawmngai ţhenkhatte pawn kan puih thei ang che u nga kan hlawh tling em em ang, engpawh nise tirawh u zanriah ikil phawt mai teh ang u hmiang khua lah atlai lam zel si a, zan lamah kan sapui huaisar zette pahnih pawh an lo chet leh ngei beisei ila atha ange, mi pawi kan sawi em lo turah ngai bawk ila ti pahin anupui hmeltha leh fa pathum aneih hnu pawha la inkhai thli zaih mai chu chaw ei siam turin ati zawm zat a, zanriah puar eleuha an ei hnu chuan ţhut hmun rêm taka rem sawt sawtin vaibel an pak khu hlat hlat a, vaibel bengkhat an zuk zawh chuan pasaltha Huaingama in chuahsanin zawlbuk lam an pana.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)