MIN NGAIDAM ANG CHE By Tluangpuia Hilthang

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Tluangpuia Hilthang
Posts: 1
Joined: November 11th, 2018, 1:02 am

MIN NGAIDAM ANG CHE By Tluangpuia Hilthang

Unread post by Tluangpuia Hilthang » January 31st, 2019, 4:55 pm

MIN NGAIDAM ANG CHE
Tluangpuia Hilthang
Kolasib

Khawvel changkanna in kan State ngei ah pawh a rawn ken luh mek mobile phone chu ka awt ve hle mai a. Ka thian tlem a neinung zawkte chuan an hum deuh fur tawh a. Kan phone hmanlai ai a a thatna kha chu duh duhna ah a ken sawn theih a. Tin SMS an tih mai hmang chuan midangte te thu a thawn theih bawk a. Chu tih loh ah chuan tunlai ang a hla ngaihthlak leh thlalak tih vel kha chu a la awm mang lo a. Tlem a neih deuh erawh kha chuan hla tlem leh thlalak tlem dah theihna erawh kha chu an nei a. Chungte lah chu keini nu leh pa chawmhlawm ringawt tan erawh van a rah ang a ni leh si a. A man tlawm chi 1100 an tih ang chi tal lei chu ka chungte ka dil ve ta tawp a.
Thian ten lo nei ve ta sup sup ta chu min lei ve ta nge nge a. Mi han biak tak tak dawn kha chuan kan pawisa kan hmang zo zung zung mai a. SMS an tih lam chu ka uar chho ta viau mai a. Chutih rual chuan nula han biak tur hi ka hre thlawt lo a. Mipa leh mipa in biak reng chu a lo ninawm nen, nula number neih dan te kan dap chho ta zel a. Ka cousin pakhat khaw dang a mi hian a thiannu pakhat number hi min rawn pe hlauh mai a. In hre ngai pawh ni lo han biak chu ka hreh viau na a. Ka unaunau chhuan lam chuan kan be ve ta tawp mai a. Rin ai chuan biak a lo nuam viau mai a. Kan in bia kan in bia a, hriat mang loh chhung in kan lo in ngaina hman viau mai a. Engemaw avang a han in biak theih loh te hian lung a leng thei hman hle thin.
Chu tleirawl ka biak thin chu Dingpuii a ni a. Nurse GNM training mek in a zo tep tawh nghe nghe a. Kei ai in kum hnih in a naupang a. Chutih rual chuan a rilru erawh chu a puitling ru viau mai a. In Ngaihzawnna lam pang rawng kai a han biak erawh ka la ngam bik chiah lo a. Engemaw an training hunawl awm loh lai ni nen, kar khat vel chu kan in be mumal tawh lo a. Zankhat chu hunthawl kan han nei leh ta a. Ka ngai lutuk che Dingpui kan ti thuai mai a. A ni pawh chu a in sum thei ta bik lo nge, kei pawh in ka ngai lutuk che hi a rawn ti ve a. Chuti chuan hmel in hmu lo chuan kan in ngaizawng chho chu a ni ve ta mai a. Kan khua a in hlat chu thuhran, an training na lah chu an khua a la ni bik bawk si lo a. A training zawh law law a in hmuh chu kan ti thlu dun ta a.
Tluang tak chuan a training pawh chu an zo ve ta mai a. An khua lam ah an haw phei a leh rih a. An khua a va zin ka tum rilruk lai tak chuan private hospital ah, han in hlawhna tur a hmu hlauh mai a. Chumi a zawm hun law law ah chuan in hmuh chu kan ti thlu leh ta zawk a. A hna thar chu an zawm chho ta nge nge a. Kan khua atang chuan a la hla viau na a, tlem chuan an khua ai thlawt chuan a hnai ta deuh bawk a. Hmu tur a phei pawh chu ka tum nghal thuai a. Chu a thawhna khua ah chuan kan chungte hnai vai tak hi an awm nghe nghe a. Chumi te tlawh chhuan lam chuan ka chhungte bul ah chuan ka zin tum thu kan hrilh a.
Chhungte tlawh chhuah ngai pawimawh ber ang hrim a lan ka hreh deuh bawk si a. Ka thianpa te an awm bawk a, lo zin ve teh min ti reng bawk si a kan ti nghal zaih bawk a. Chutia nang ber in chungte tlawh chhuahna chang in hria chu a lawmawm hle mai. Keini kan hman bawk si lo a, va kal mawlh ang che min ti a. Dingpuii tlawh tur chuan chhungte phalna thlap chuan ka chhuak ta a. Ka thlen in turte hi chu an rawn zin fo a, ka zak em em hran lo a. Dingpuii mawlh chu ka hmuh chak leh huphurhna a in chen viau mai a.
Tluang takin ka thleng phei a, ka chhungte pawh an lo fel in min duat viau mai a. Ka thlen zan chuan hmu chak viau mah ila, chhuak lo in ka mu phawt a. A tuk ah zan lam a night avang in a awl dawn a. Chumi hun a in hmuh chu remchang zawk in kan hre hrim hrim a. A tuk zing chaw eikham a ka thlen in lam a, in hmuh chu kan ti thlu ta zawk a. Ka thlen in te chu tlang takin ka hrilh nghal a. Ka nu leh pa te erawh hrilh rih lo turin ka ti a. An ni pawh chuan a tha a lawm, nurse te phei chu dam mawh hritlan ah an hlu a nia, min lo tihpui ve hlawm a.
Chaw eikham dar sawm vel ah Dingpuii chuan min rawn be ta a. Hei ka lo thleng tawh a min lo lam rawh. Mahni a lo luhte chu ka ngam teuh lo a ti a. Phone a in be pah reng in pawn ah chuan kan chhuak nghal a. Ka chhuak chu min hmu in min lo hui nghal a. A bul ah chuan va kal hnai in, kan hmu chiang chu ka duh ai in a lo no nalh mah mah a. U Sangtea maw i nih min han ti a. Aw ni e kan ti nghal vat a, in chhung lam ah chuan kan in zui lut nghal a. Ka thlen in te chu an nu ber tih loh chu School leh Office in an chhuak vek a. Kan han lut chu nu ber pawh chuan in nghak tur in awm bawk a. Mitthi kan va ral teh ang a ti a, min chhuahsan zui ve leh nghal a.
Kan pahnih chauh chuan kan awm chu a ni ta mai a. I rin ai in ka chhia ang a, nang chu ka rin ai in i nalh daih kan ti a. Nuih deuh sak pah chuan, min rawn hmu duh ve hrim hrim a ka lawm lutuk, i rawn chau viau lo maw an ti a. Chau lo e, a pawttu i tha hrim hrim a kan ti let ve nghal a. Phone ah kan lo in be nasa tawh hrim hrim a, kan pahnih ah in ngainatna a lo tam tawh a. Kan hmel leh pian avang a han in duh leh loh kha chu ka ring lo hrim hrim a. Chutih rual in ka phu loh sa nghal hrim hrim chu a ni bik lo chuan ka hria a. Hlim leh in thlahlel tak chuan chumi ni chu am tak in kan hmang a. Zan lam night leh tur a nih avang in dar thum vel ah chuan a haw phei ta a. A tuk a an in lam a in hmuh thung kan rel ta a.
A tuk dar sawm vel chuan min rawn lam a. An in luah lam ah chuan kan kal dun ta a. A thiannu nen a luah dun an ni a. A thiannu erawh hi chu BA Final zirlai a ni a. Kan va thleng phei chu kan han in chibai a. Class kal tur chuan min chhuahsan zui ve leh nghal a. A tuk lam a haw tawh tur ka nih avang in kan am dun hle mai a. Inruk mai te ka rawt pui ta a. Kan la in hre chiang mang si lo a, a chi lo ang a ni in a ti thung a. Engnge mi la hriat chian lohna ka ti thung a. Inruk chungchang ah chuan kan in hnial nileng hi a ni ta mai a. A tawp ah chuan ka nawrna bawk a. Zanin ah thutlukna ka lo siam ang a ti a. Zan lam night leh tur a ni bawk si a, min va thlah phei ta a.
Zan ah chuan min rawn be ta lawk lo a. Inruk chu a duh lo nge ni ang, damlo an ngah ang a an buai rih zawk tihte chu ka ngaihtuah nasa mai a. Dar sawm pahnih vel chuan min rawn be ta a. Kan buai zualpui a reh chiah a. Ka lo hmangaih em hman em bawk si che a, i rawtna siam chu ka pawmpui ta mai che a. Ka thiannu hnen ah ka nu te lo hrilh mai la ka ti a. Tin kei pawh ka ai lokal turin ka thiannu ka be fel tawh. Ka hmangaih em avang che in ka ring che a, ka rin ang i lo nih loh chuan ka na ngawt ang a ti a. I rin ang ngei chu nih ka tum ang ka ti let ve nghal a.
Kan in be zo chu ka rilru a vak thui ta khawp mai a. In ruk tuma va zin phei kha ka ni lo hrim hrim a. Chubak ah nupui neih tak tak hi chu, ka lo la ngaihtuah ngai lo a. Eng rilru pu in nge maw ni, inruk te kha kan tih tawt tawt chu le. Kan la in ngaizawng rei bawk si lo a. A mawi te pawh a mawi lo hrim hrim tihte thleng chuan ka ngaihtuah a. A tawp ah keimah zawk in ka kar lui tlat a. Chuvang chuan ka ti beidawng tur a ni lo tichuan thu tlukna ka siam ta nge nge a. Ka thlen in pa chu ka chhungte lo va hrilh hmasak tir ila tha ang ti rilru chung chuan ka lo muhil ta a.
A tuk zing chaw ei kham chuan ka thlen in pa chu ka hrilh ta nge nge a. Rin ai in in va hmanhmawh ve tichuan min han fiam a. Nimin khan kan chesual palh a tichuan dawt var kan sawi ta zaih a. I fakawm hle mai, chutiang chu mipa dik tak chet dan tur a ni a ti ta then mai a. Chaw eikham ah an in luah lam ah chuan ka va phei a. Thawmhnaw pawimawh zual tak tak chauh chu ken turin kan ti a. U Sangte ka rin tawk em avang che a nih hi aw, ka training chhuak ve chauh a. Ka chhungte in senso na pawh ka la rul ve hman lo a ni ber a. An hriat hun ah chuan an rilru hi a na dawn lutuk a. Mahse min hmangaih em a, an nat rei chu ka ring chuang lo a ti a.
Zan ah night bus in kan khaw pan chuan kan haw ta a. Dingpuii hmel kan en chu ka lung hi a awi hliah hliah mai a. Chutih rual chuan a chhungte rilru kan tina dun tur chu hreawm erawh ka ti ang reng viau a. Keimah min ngheng chial chuan tui em em hian a muhil a. Min rinna leh ka tan a in pekna ka ngaihtuah nasat poh leh ka hmangaihna a pung a. Ka theih tawp a atan pasaltha nih chu ka tum ber a ni. Zing dar kua rik hma hret in kan in ah chuan kan han lut dun ta a. Ka nu leh pa te nen chauh a awm kan nih tawh avang in, a ni pawn hreawm a tih lutuk chu ka ring lo a. Ka pa chuan Sangte chutia nupui nei duh te chu, Biak in hawng te pawh a tih hram tum tur a nia. Mahse thil kal tawh chu thil kal tawh a nia, nangmahni pahnih hi a pawimawh ber tur chu in la ni tho a a ti a. Chubak chu min han hauh na em em pawh a nei hran lo.
Kan inrukna pawh nithum a ni ve ta reng mai. Dingpuii pawh a nu leh pa te nen chuan an in be reng tho a. A hauh pawh an rawn hau ve nasa mai a. Ka hmangaih em a lawm min ti tlat bawk si a. Mahse lungawi lo lutuk lo in, a rang lam a inneih chu kan ti fel ta a. Tluang tak in tih tur ang ang te ti fel in, Dingpuii chu Pathian leh a Kohhran ho hma ah, damchhung a ka nupui ni turin in a nuam emaw, a hreawm ah emaw tiin thu ka thlunpui ta a. Pathian hma ah kan thuthlung a nih tlat avang in ka zah in ropui ka ti hle a. Zawm ngei pawh ka tumin ka nun thleng pawh a uluk chu ka rilruk ber a ni. Kan inneih zawh chuan a hna han bansan mai a ui ve deuh nen, a hnathawhna lam ah thla nga vel kan va awm ta phawt a.
Ka nu leh pa chauh in nghaktu an ni bawk si a. Chu lo ah kan lo ruak lo chho nen, kan khaw lam awm phei mai kan rawt ta a. A hna pawh chu bansan fel in, mahni in leh lo ngei ah kan awm phei ta a. Kei pawh in kan dawr lam ah ka nu leh pa te ka pui ta bawk a. Dingpuii pawh reilo te ah private hospital thawhna tur a hmu leh thuai a. Hlawh tam lem lo mahse, a tha ve hrim hrim ka nu leh pa te pawh chuan an ti a. A thawh chhunzawm chu a ni ve leh ta mai a. Pathian malsawmna dawng in fa pawh pahnih kan nei chho ta der a. An unau a an Sikul kal han hmuh te hian ka hlim veng veng thin. Ka chhungkaw dinhmun atang a ka ngaihtuahna a awm fo thin chu, hlimna leh inneih nghehna hi in ngaihzawn rei leh rei lo ah te, Biak in hawn leh hawn loh lam ah ni lo in, a innei a te pahnih ah a lo pawimawh ber a nih hi ka ti thin.
Chutia chhungkua pawh hlim tak a kan awm lai in, tlai khat chu Dingpuii chuan ka thiante in ah thil ka theih nghilh a. Ka va lam lawk teh ang hi a ti a. A tlai tawh bawk si lo, naktuk lam ah lam mai rawh kan ti chu a kal lui ta ngat mai a. A lo haw chu kal luih kher kha a ngai a mi, pa ber in naktuk ah kan tih chuan aw ve mai thin la ka ti a. Kan thu chu in bakaih chho ta zel in, ka chhuak dawn a ti ta mai a, a chhuak zui nghal a. A chhuak ta chu ka rilru hi a vak thui khawp mai a. Kum sawm thelh harsatna leh buiaina awm lo in kan lo innei ve ta a. Thiantha leh mi zing ah pawh chhungkaw awhawm tak, sum leh pai lam ah chuan din ve in ka hria a. A lo nih loh zia chu kan hmu chho ta a. Thil theinghilh lam chungchang mai mai ah, kan nupa chu kan in then ta der chu a ni a.
Rilru pawh mu leh mal nei lutuk lo chuan ka awm a. Ka ha te nawt fai in mut tum in ka in buatsaih mek a. Kan kawngka chu rawn ri in kan hawng a. Dingpuii leh a chhungte kan khua a awm ve ho an lo ni a. Sum kan rawn chhuah dawn a hi an rawn ti a. Chutia kha tiang mai mai a sum in chhuah duh a nih chuan in thu a lawm ka ti ve deuh ngat a. An duh duh chu bungrua an la a, a zan la la chuan sum pawh an chhuah fel chu a ni ta der mai a. Ka fa naupang zawk chu lak an tum a, ka phal ta bik lo a. Zan ah an unau a muhil chu ka thlir a. Ka mittui hi a tla ta zawih zawih mai a.
Dingpuii nen kan inthenna pawh kumnga lai a lo tling ve ta reng mai. A hunlai a ka rilru natzia leh tah nasat zia kha. Chhungkaw hlim tak kan din ni in ka lo hria a. Mahse kha chhungkua ka din ah khan Pathian a lo tel lo fo tih ka ngaihtuah a. Nupa in fate pawh ngaihsak hman mang lo in ei kan zawng ve ve a. Kei pawh in mi hriat lem loh in zu ka in fo a. Sum a awm chuan inneih nghehna a nih ka ring fo thin. Pathian lak a kan rochan kan fate erawh, kan ngaihsak hman lo fo thin. Pathian hma a kan in tiamna kha sum leh pai a tih ngheh ka tum a. A lo ngheh loh zia chu zankhat thil mai ah ka hre ta vek a. Dingpuii lak ah ni lo in, Pathian hma ah ngaihdam dil tur ka ni ka ti a. Min ngaidam ang che Lalpa min ngaidam rawh ka ti ta vawng vawng a.

Ka rilru ka taksa, ka ngaihtuahna thinlung
Ka hun hlu neih zawng leh ka vanglaini te nen
Ka Lal tan hmang lo in, khawvel chu chen in
Hlimna lawmna muanna a awm chuang si lo

Min ngaidam ang che Lalpa min ngaidam rawh
Ka vah bosan rei em che i tan ka nung ngai lo
I hmel eng ngei kha Lalpa min hmuh tir leh la
I ang chhung muanna ah chuan min chawlhtir leh ang che

Ka tan a i thatna min khawngaih lainatna
Ka thinlung chhungril ah hre reng mah i lang in
Ka Lalpa i duh zawng thil tih ka nei lo
I tan a nung turin min hruai leh ang che



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)