MI LU LAK CHEM by Muantea Khiangte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: MI LU LAK CHEM by Muantea Khiangte 1- 7

Unread post by Ngaia » February 25th, 2019, 7:48 pm

MI LU LAK CHEM

BUNG 7 NA.
.

Rokhuma leh Runthera chuan Hualtu khua an pelh fe tawh hnu chuan Hualtu khaw Lalpa chuan Uaia, kha tlangval mitmeng kha i lo hmu ve em le? A mit meng khan thihna hnehtu a nih zia a tilang hle a kan hmuh chu le! Danglamna mak tak zu nei tlat a, a mi dip te lam lam kha a na phianin huhang a ngah hle mai ka ti, an tih chuan Khawnbawlpa chuan in sawi tak ah chuan a pian te lah kha la naupang hle e ti lo khan a fuh in khuanu vohbik an sawi fo ṭhin hi a ni ngei ang, Lalpa i vangkhua hi lo tlawh leh tak maw an ti dam dap a.
.

Runthera chuan Rokhum tuna kan khaw kalsan tak an Lal fanu kha i lo hmu ve mial em? An tih chuan Rokhuma chuan ka lo mit mei lem nang, nang hi nula hmel keu deuh i hriat thri dawn fu hi an ti zauh a. Runthera chuan chulam lam lah ni lo ve, a hmelṭha in a nu hnap asin a mitmeng mawi tak mai khan i lam zu hnaih tlat pek a, kan khaw nula hmelṭha dinhmun a derthawng tlata hriatna kan neih chuh an ti kauh a.
.

Rokhuma chuan mai mai ṭhin a keini tlangval vala val satliah te zawng tu khaw kha mah hian min uksak hlei lawng nge an ti sap a, Runthera chuan ngawi lawk tiin an ding vang vang pah chuan vanlam hawi chho in boruak chu an hip vang vang a, Runthera chuan Zawi thawp sat hian Unaupa tiin ka ko tawhang che tunah chuan unaupa ka nei ve ta e tiin an sir a kawrte tui luang ri her her chuvthlir leh in kan naupan laia Aite kan khawrhna hmun a nih hi an ti sap a.
.

Rokhuma chuan khua hi kan hlat vak tawhin ka ring lo an tih chuan Runthera chuan hlat tawh lem lo e, tlai nitlak hmain kan thleng ang, ti hian feh kawngṭum kan pawh chho ang nga feh haw chhawn haw tur te pawh kan tawk mial mahna an ti a, Rokhuma chuan nang hma hruai la kal zai i han rel thuai thuai teh ang tiin khawlam chu a chak thei angber an pan char char ta a.
.

Lunglian khaw Lungdawhah chuan boruak hip in khaw awmdan vel chu an thlir kual valh valh a, nakinah chuan khaw chhung chu an han lut dun a, Leihka sang aṭanga lo thlir vawng vawngtu lah an tawng hnem narawh e, Rokhuma chuan Unaupa i khaw hluo te hian mikhual an lawm vak lo a nih dawn hi an ti sap a, Runthera chuan Hualtu Lalpa khan a sawi tak kha maw le thlenin tur i zawng hmasa phawt teh ang hmiang tih leh Runthera chu pen zauh an rual nghal a.
.

Runthera chuan ka pu mikhual in thleng thei a ngem an tih chuan Putar hnanghlai chuan chik zet a en ha chung chuan vala te u thleng thei tuk e khawi khawlal tui tlan nge in nih le tia an zawh chuan Runthera chuan Ka pu, Vanzau Lal Lalvankhama mi leh sa kan ni e an tih chuan , Putar chuan uai in lo kalna a hla tham hle mai ka ti, heng lai lai lo thlengte chuan tihtur pawimawh tak in nei a ni chek ang chu maw? An tih chuan Runthera chuan ka pu, in khaw nula ho hmelṭhat thu hian Lusei khaw hrang hrang khua a thang nasa hle mai a ranngo kan lo zawng a nih hi an tih chuan Putar chuan nuih hui pah hian ka vanglai hun liam hma lutuk hi chu aw, kan khaw nula hmelṭha chungchuang Chhingzoi hi zawng ka zem hneh ngawt ta ve ang an ti sak a.
.

Chutia Runthera'n a nau a la dam a ni tih leh an khaw nula hmelṭhaa a lo ṭang chu a thinlung hi lawm in a khat hle nghe nghe a. Putar chuan kha tia ding khawng reng lo khan lo ṭhu thlandai ta che u maw le aw, Rualchhina nu hei mikhual kan neih hi, lo chhawn ta che, tih leh Rokhuma lam han hawi pah chuan hmeh ṭha erawh han hmehpui tur che u kan nei lo nangin kan ei ang ang in ei a niang chu an tih chuan Rokhuma chuan a iptepuia Sanghal sarep kalkawnga an ei bang la tam tham tak chu phawrh pah hian hei hian zanin na na na chu min puar pui em ang chu tih leh Khualchhawna putar chu an hmehbel nghal a.
.

Pu Khualchhawna chuan eheu leh, aw Rualchhina nu, hei kan mikhualte sarep lo ken hi kha han chhum teh le, a hmin hma hmaa ka dul ṭam ri an kal nghal rulh rulh chu le an ti khi hui a, Rualchhina ram kal pawh lo haw in Runthera nen hian in rual khat niin an tetlai pawn an lo inzui nasa thei khawp kha a lo nia. Runthera hi an lo hre tawh lo reng reng chu ni in.
.

Rualchhina chuan an leihka a rah chuan Runthera lo nui var var an hmuh chuan Rualchhina chuan Runa, an ti sap a chu ve leh ka ṭhian i dam maw tih pah chuan an han in chibai lawp lawp a.Pu Khuala chuan Runthera kha maw tiin an han in chibai hnuhnawh leh a, thil engkim chu chawbar lai chuan an han sawi siam siam hlawm a. Runa te hmalak dan tur leh an khaw nula hmelṭha Chhingzoi chu rim ngei ṭha a an hriat hnu chuan Chhingzoi te in lam chu an han pan ta a an pathum chuan, Runa hian a farnu chu a ngaiin a ban dinglama khuavang awm te chu a la theihnghilh bik miah lo a.

Khawnbawl upamin Changthlana te in bul an han thlen chuan Chhingzoi rimtu te thawm chu a ṭha narawh e, acrik hian an ri hma ham mai a, Chhingzoi ngsizawngtu deuh mai an khaw pasalṭha ral hrat khawkheng ve tak an chung en ran a mi dip a na e, tia an lo sawi ṭhin Pawngliana chuan in ti tatu tak mai hian a la kaihna kiangah chuan an ṭhu awn duai mai a, in awm maw tlangval satliah tan mawng hunna a la awm mial em tih leh muangchanga luh chu Rualchhina chuan an rual nghal a, Chhingzoi chuan awm tuk e kha a rem lai lai ah khan in mawng kha hung teh u khai U Rualate lah nireng chuan kha khawilam khualṭha in nge i hnung rawn zui chu ni a an tih chuan hei Vanzau lama ka unaupa Rokhuma a nih hi ka pa rawn tlawha rawn khualpang zin satliah an nih hi, hei hi a ṭhian sabeng Zodawla a nih hi an ti zaih mai a, midang lo awm ve te chuan lo en hrek hrek in an han ṭhufel chiah tih chuan an Pasalṭha Pawngliana chuan meinei tak mai hian tunlai kan khaw boruak hian ka ngsih lam lam te pawh hi a ti ṭha lo mang teh e an ti a.
.

Chutia an pasalṭha an chung en berin ṭawngkau an chheh takah chuan midangho chuan an lo ngsi chang ṭhap a, an nula rim ber Chhingzoi chuan U Liana lah hi a engti zawngin maw an ti ha mai a, Pawngliana lah chuan kan khua hian khualpang zin satliah kan nei thei riau mai, thinthi a kan hnar mut lai lai te hian min hmet mit barh duhtu hi an awm lovang tih sawi theih va ni suh tih pah chuan Rokhuma chu an melh hrek nghal a.
.

Midangho chuan boruak rit ru tak kara lo tlak zeh chu an tum lo bur hlawm a, Rokhuma chuan an boruak chu thlak tum hian Chulam lamah zawng keini val satliah hian khawiah va ti suh, in khawthleng a nuamin a hmun hma pawh a rem narawh e an ti dam dap a, chutah an pasalṭha chuan Rokhuma en hau pah chuan vala iṭawng a mawiin a dawih aw dau mai ka ti, Lengi runsang kai ve tur chuan i la nau deuh a ni tiin tihzah tum tak chuan ṭawngkau an chhep salh a, chu ve leh Rokhuma chuan nuih sak pah hian khaih khaih Lengi runsang kaina hmuna khatia hnah ro lak tlak loh ang lek a ṭawngkau i chheh khum te chuan mutmu pawh tui takin kan tuah thei nang le, nangni ang pasalṭha thlazar hnuaia mawng hun ringawt pawh hian kan thla a muang tawk thawkhat lah nia an ti dam leh diam mai chu an pasalṭha chu hawisang nghal vah hian Chhingzoi chu an melh leh ralh a.
.

Chhingzoi chuan an khual tlangval chutia an khaw pasalṭhain na raka a ṭawngkhum hnu pawh a dam dap mai a a la chhang thei chu mak ti ru takin an en hrek hrek a, chuvtlangval pa hrak leh hmel nung sarh, pian dik tak mai chu a mi uap na a tiin engtin emaw tak hian a awm a ni tih lah a in hai mawlh si lo. Chhingzoi chuan melh leh ralh ṭhin in chutia Rokhuma a va melh lai tak chuan Rokhuma pawh chuan a va melh ve sak a an mit leh mit intawng sak chuan Chhingzoi lungphu chu a ti rangin chutia a awmdan lo chik ru tlat tu an Pasalṭha chuan an khual val tihzah a tum lam chu hawi in Vala kha nang tlangvalah ka Vaibel hi han la kai teh khai an tih chuan Rualchhina chuan Ku Lian khawi keiman le tih leh ban an ruala Pawngliana chuan melh rulh pah hian nang ka tir che em ni? An ti lawi rut a, chutah leh Rokhuma thin chuan tuar tawh bik hek lo, midang locawm ve te chuan an boruak chu hai lo tih hriat tak mai hian an ṭhutna chu an han hlat tial tial hlawm a.
.

Rokhuma chuan chang fak mai hian khaih khaih khaih khual chhawn dan mawi te hi a awm ngai e, tiang hian kan khua chuan mikhual la ti ve ngai lo, zahawm takin an entawncturin khawmite hi kan Lalpa hian thu ṭha min hrilh fo ṭhin, tih leh chhuah tum chuan an ding uaih mai a.
.

Pasalṭha chuan khual zaktheilo tak i nih hi le tih leh a mawnga pet pawp an rual nghal a. Rokhuma chuan chu an khaw Pasalṭha chu mitmeng thip taka melh ralh pah chuan ti khan i thin a dam tawh em ang chu maw? Ka ṭawngkam ah khan ngaihdam ka dil a che an ti chang fak mai a, Lunglian khaw pasalṭha chuan mai mai che chuan tih leh a tukkhuma ben an rual leh nghal zat a, chutah Chhingzoi chuan zahngai zahngai in khaw nula mualpho hi in duh loh chuan duhtawk rawh u khai tiin hlauthawng aw khur dar dar chuan an ngen a.
.

Rokhuma chuan dam thlap mai hian ka cho phak rual i ni lo ve, khawngaihin duhtawk teh khai an la ti dam thlap thei mai chu Chhingzoi te ina lengvtlangvalho chuan an khualval chu mak hi an ti telh telh mai a. Chutahcan pasalṭha chuan kei hi he khaw daingul hi ka ni a keiin a ṭha ka tih chu ka ti mai ṭhin, khualval reng reng hi ka ngai thei lo a ni tih hi i lo hre dawn nia, Lengi run kher kher chu ni lo se chuan i lu kha bungzarah ka khai tawh ngei ang an ti leh a.

Chu tah Rokhuma chuan muang ban charh leh a mitmenga danglamna lo lang nghal zat hian zawi fiah fai fel fak mai hian ka dawh rei ta hle mai che kut lawnga inbeih nge i duh a mi lu lak chem nen tiin inring takin Lengi run chhuatlaiah chuan an ding kak ta hah mai le, chu ve leh, Runthera chuan U Pawnglian tum duh ting suh, famkhua i lawi hma lutuk dah ang nge, i ngam loh Zawlsik khaw pasalṭha Rundawla tuhzal tu a nih kha, Zarpui khaw mi leh sa ni ṭhin Rokhuma a ni ngai e, an tih chuan midangho chu an ka ho mai a, Rokhuma chuan aw fiak ṭhak mai hian i duh thlang ta che an tih chuan Pawngliana chuan mai mai che chuan tia Chhingzoi te banga chempui in thiat chu an chuh rawk mai a, chu ve leh Runthera chuan Pawngliana kut chu hneh taka manbet in ka farnu te runsanga buaina siamtu chuan Chhingzoi nuṭapa Runthera hi avhmachhawn thei ang an tih sak tak ah chuan a tu mai pawh chu mak tiin an meng phar nasa hlawm hle mai a. Chhingzoi chuan ka u Thera tiin a mittui luang chungin a u lam a pan chuan a u chuan a lo kuah thlawp a. Ka nau i damṭha maw an ti sak a, ka u ka dam alawm le ka nu a damṭha maw an tih chuan aw dam ṭha e lo hruai che in kan lo kal a ni an tih chuan Chhingzoi chuan midangho chu melh zak zak hian hlauhthawn rukna lian tak nei chung chuan lei lam an bih ngar a, chutah Lunglian tlangval ho chu melh kualin in mi hmusit leh in mi diraim vawitam tawk Runthera ka nih hi, nang pasalṭha a in chhal khan ka pawi i sawi a ni pawnah kan sawifel ngei ang an tih chuan Pawngliana chuan e he he aia upa zah dan kan zirtir ang che tih leh tual lam pan an rual nghal zat a.

Rokhuma chuan midangho hnenah chuan mi pa fa leh mi pa fa chu tuman ṭanpui loh tur, a ni lo zawnga che in awm vaih zawngin pialral in lawi ngei ang an ti sak a. Chutah Chhingzoi chuan a u chhuak ta chu hlzuthawng tak leh khur dar dar hian an melh kar mai a, an intawn dan chu a lawmawm hlawl lo a ni.
.

Rokhuma chuan Unaupa dim deuh la aw tiin an nuih sak a, chutah le, hriam keng lo ve ve chu leh kut lawngin an in nuai rep rep mai dawn zu nia, an khaw pasalṭha hi pa lian ve pangngai tak Runthera aia taksa lian a ni a, Runthera erawh a sang hret thung a ni.
.

Runthera chuan o hmuhsit leh i enhniam em em i remruatna tenawm tak vanga Lal hnawhchhuah hial tawk hi a puitling tawh e tih leh zik zaka tlan pah chuan a beihpuipa inrin hma chuan zuang zawkin a hnarah tak an hnek bur mai zawng a hnek a na bawk a niang leichar laiah chuan a tlu thum ṭawk mai a, Runthera chuan Pasalṭha laktlak loh pa tho ta che le bul kan ṭan dawn chauh alawm tia a tlu a nghah lai tak chuan an khaw pasalṭha pakhat Duhlaia chuan tumah kha che tawh suh u kan khuaa buaina lo siam chuan damin khua hi a chhuahsan lo tawp ang tiin Runthera chu silai kaw hmawr che map lo chuan a tin vung mai a.
.

Runthera chuan Ku Duhlai hmana i puih chak em em ṭhin Lalpa laka chhan i tum Runthera kha ka ni ngai e an tihmeuh chuan Duhlaia chuan a silai chu la thla tial tial in Runthera chu a en vawng vawng mai a, chutah an khaw,Lalpa suaksual zet leh Chhingzoi pa chu lo thleng chawpchilhin mipuiho chuan an lo zui dul dul bawk a.
.

Runthera chuan zahpah lek lo hian Lal hmel an hmuh chuan uak thui tih pah chuan rumal hian Lalpa chu en in i hnawhchhuah Runthera hi a puitling ve tawh asin an ti a, Lalpa chuan thip taka melh pah hian tual laia a pasalṭha hnar thi nuaih a lo ṭhu chhuak chu melh rulh pah hian Tu chu maw i nih a an ti chher chhuaih mai a.

Duhtawk ang



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2019, 8:36 pm

MI LU LAK CHEM

BUNG 8 NA.

Lalpa chuan thu hnu kaitho leh tura helai thleng thleng a in ring in lo rawlh ngam a hnu a kham phei zawnga in khua thlen pawh in ngam tihna zu nia. Kha leh chen muangleia ka thlazar hnuaia kun khan a do zawnga ka Vangkhua in lo lawi lut hi ka rilrem zawng a ni lo ve, tlangval te u a lu hi ka duh a ni an tih tuarh chuan Tlangval ho chuan Runthera chu an lo zim ṭan ti tih ta mai a.

Chutah Leihka sang aṭang chuan Chhingzoi chuan Lalpa ngsidam rawh tih leh rawn tlanthlak rualin a u chu a khupah a vuan bet ṭai mai a, Lal Bualzinga chuan kha nula kha hnuksawn nghal rawh u tia a sawilai chuan Rokhuma chuan a ngamfa chuan hmeichhe awmnem kha kut han thlak na teh u kal hmasa te rawnbawl turin pialral ah ka thawnliam ngei ang an ti chhak mai a.
.

Chutah le, Pu Khualchhawna chu lo kal in Lalpa i khawbuaina hi i chingfel thei mai lawm ni? Mi lu lak chem a thisen kai kher lo hian a theih ngang loh leh kha le in mi lu lak chem hi tih leh Rokhuma lama theh phei an rual nghal zat a.
.

Rokhuma chuan Mi lu lak chem pakhat zawk chu Runthera pe in an han nui dun sak a. Runthera chuan ka nua Nula derthawng i hming chu hmeichhia a ni e, i tan helai zawl hi a him lo ve, Pu Khuala bulah sawn va ding tawh khai an tih chuan Chhingzoi chuan ka u tiang tur hian em ni khuanu'n nungdama min la zuah le? Khuannu nun hi a va rawng ngai em ti chung chuan a in hnit hlap hlap a.
.

Runthera chuan ka nau i mittui kha min hmuh tawh suh, pasalṭha nun tem tur leh i nun khaw chhuah nana beitu i nuṭa hi ka nem hlauh dah ang nge, hmabak hlen tur a tam hi kiang mai mai teh khai, tiin an nawr sawn a.
.

Pawngliana chuan ringtaka au hian khawnge ka mi lu lak chem kha min han pe teh u, nang kha i lu ka la ngei ang tiin Runthera chu an kawk vu a. Rokhuma chuan Lalpa lam hawi pah chuan hei hi maw i duhthlanna chu? I inchhir khawp ang tia Lalpa a melh khui lai chuan Lal fapa Khupzinga chuan nangkhan ka pa i vau a maw? Tih leh a mi lu lak chem chu an vilik nghal zat a.
.

Rokhuma chuan a tawk e. Tu nge ka hmaah hian lo ding dawn che u? Pasalṭha chu pasalṭha lakah a tlawm mai tur a ni, in mal beihah tu nge ka hmaah hian lo ding dawn le an ti chher chher mai a, Lalpa chuan ka khaw tlangval huaisen te u khual laktlak loh pa lu hi ka duh a ni. Chil hlum ru le an tih tuarh hnu chuan tlangval ho chuan an rawn bawh ta hak mai le. Rokhuma lama tlangval chempui nena lo tlang chu Rokhuma chuan dawkzawk pah hian zuang ching hian a nghawng a fik sak hmawk mai a, chu ve leh an tan pawh hlauhthawnawm tak a nih vangin Lalpa ding ngawireng inring mang hlei lo a lo ding kawh lah chu zuan thut in Lalpa ngawngah chuan a mi lu lak chem thisen la far fap fap chuan Lalpa nghawng chu an chuktuah ran mai a.
.

Rokhuma chuan a ngam fa chu che leh ru in Lalpa nghawng hi a bung ngei ang an ti chang rat mai a, chu ve leh Runthera hmachhawntu te chu an ding khawng lah mai a, Rokhuma chuan i tlangvalte hi an hriam dah turin thu pe rawh chuti lo zawng i nghawng hi a chhum nghal a ni mai tihpah chuan an nawr na deuh salh a. Lalpa chuan Lungsi lo tak mai hian awtham ṭuak hian in hriam kha leiah dah rawh u tia a sawizawh ve leh Rokhuma chuan Unaupa i farnu kha an tih chuan Chhingzoi chuan a u awmna lam chu an pan nghal vat a.
.

Rokhuma chuan Lalpa i tlangval te hi tawlhkian tir rawh ti chuan ka nun ang che an tih chuan Lalpa chuan a naute ho chu an tawlhkian tir hlawm a.

Rokhuma chuan, aw le Lalpa reilote kan thu i awih a ngai a ni, i khaw mipui te hi ṭhingṭhit tir la nang erawh chuan kan him nan min la zui a ngai ang ka thu i hnial chuan nang leh kei hi helaiah hian nunna nei tawh lo in kan thi ngei ang, a thi hmasatu tur chu i hriat kha an ti chang fak mai a.

Lalpa chuan a khaw mi leh sa ho chu leiah a ṭhingṭhit tir hnu chuan Khualchhawna te inlam hnungtawlh zawng chuan Lalpa nghawnga Mi lu lak chem chuktuah reng chung chuan an an thlenna lam an pan ta a.

An thlenin an han thlen chuan Rokhuma chuan Pu khual khawngaihin min ngaidam dawn nia, zan khat faisa kan mamawh e an tih chuan pu Khuala chuan rangtakin an buatsaih nghal zat a.
.

An han inpeihfel chuan Lalpa chu chhawmtel zelin i mi te khian min lo um vaih chuan i nghawng hi ka tan ngei ang an tih chuan Lalpa chuan a khaw mipuite chu tuman zui lo turin an ti a, chutihlai chuan an Pasalṭha te chuan um dan tur an lo ruahman mek a. An khaw lungdawh an thlen chuan khaw mipuite pawh chuan an Lalpa chu ngaihtuah tih hriat tak mai hian an rawn zui ru ta tho a.
.

Rokhuma chuan vawikhat chiah ka sawinawn leh ang i khaw mipuite khi kir tir rawh an ti vin leh ṭhat a, Lalpa chuan ka khaw mipuite u zahngai ru Pasalṭha in dawt thu thang a thehdarhin a sawi ngai lo ve him takin ka lo kir leh ang an tih chuan an ngaih a ngam ta deuh bawk a Lalpa awmna lam ah an ring fan iak iak in an tawi khawmuang ta a, an him ta maw tih leh Rokhuma chuan Lalpa chu melh rum al chung hian min lo umzui tir a nih vaih chuan in khua hi meivap ah ka chantir ngei ang nga nang ngei pawh hi sal ah ka hruai ang che an tih chuan Lalpa chu a chhuah zalen ta a.
.

Rokhuma chuan ti hi kan ni ta mai sia, Runa nang hma hruai la, keiin hnung ka lo dawl ang. Min uizui tumtu te hian min hlat vak ka ring lo a ni. Chhingzo tuar hram hram rawh aw, kan hmaah eng nge lo thleng dawn lah kan hre si lo, an tih chuan Chhingzoi chuan min ngaihtuah reng reng suh u hei ka kal thei lutuk alawm, tiin a chala tlangfim lo bawl chhuak ṭiam ṭiam chu an hui pap a.

Runthera chuan Unaupa, hei mualkawi hmun hei kan thleng dawn hnai tawh a, min umzui tur chuan an rilru a paukhauh a ngai ve ngawt ang, ka farnu chu awm lo se han rik rap rap ka chak asin le an ti bal bal a, Rokhuma chuan Unaupa, engpawh ni se in hnu ka hmuhtheih turin lo sial ula min lo umzui nge umzui lo tiin kan lo khawmuang deuh ang nge kal rawh u an tih chuan Runthera chuan khaih khaih ni bik lo ve, an ngam chuan min lo umzui se la, engmi nge kan nih tih hi kan lantir ngei ang, tiin meichher keng chung chuan Rokhuma chu an melh kar mai a.
.

Vanzau Lalinah chuan Lalpa leh a Pasalṭha Cheua leh Kawltea chu ṭhu kharin Lalpa chuan ka khaw daingul pahnihte u, muangleia ṭhuthmun kan rem lai a, hriam leh Ngenmu sur kara ka mi leh sa an awm hi ka remti lo a ni, ti hian kal ula in mirin zawng nen Hualtu khawlam pan nghal ang che u, tluangtakin kal ula, zing zan tlak tur faisa kha in am deuh dawn nia, him dam takin ka vangkhua hi Rokhuma leh Runthera hian rawn lut ngei rawh se an ti chuan Cheua chuan aw le Lalpa ti hian kan inpeih chu a ni mai a, Zawlbuk lamah kan tlangval te pawn kmmin lo nghakhlel tawh ang, kan kal nghal ang nge tih leh chhuah an rual nghal a.
.

Lunglian Lalpa inchhungah ve thung chuan Lalpa leh a Pasalṭha te leh upa te chuan ṭhuthmun rem pah chuan an Lalpa Lalin chhunga vei tawn sek chu ancen leh hrek hrek ṭhin a, Lalpa chuan aw le, ka khaw in nghahna te u eng nge in ngaihdan le? Umzui in ti nge ti hian enliama a ruk a rala chet thawh in duh le? An tih chuan an pasalṭha Pawngliana chuan a hnar vung duk cher mai chu tuai zauh zauh pah hian Lalpa kan vangkhua ngeiah ngampa taka buaina rawn siam in kei ngei pawh ka inrin hma ngei in hei thisen min chhuah a ni a, eng hi nge kan la nghah ni an ti hluk hluk a. Lalpa chuan midangho kha eng nge in thu leh hla le? An tih chuan Pasalṭha Duhlaia chuan Lalpa ka hlauh vang leh ka chung en vangah lo ngai lo la, tum tut tut a kan in umzui chuan in chan palh pawh a hlauhawm hle a, kan mi umzuiturte hi engmi nge an nih tih hi kan hre tawh thawkhat hle in ka hria, mi namai an nih loh zia leh hlauh an neih loh pawh kan khawtual ngeiah hian kan hrechiang viau tawh, an hmeichhe hruai khan an chet lak a ti bahlah ve mai thei chuti chung pawn kan khuaa an ngampat dan leh an huaisar zia kan hria, engang fakaua ralrel thiam nge an nih lah kan hre lo, an thangkamah kan in barhlut ang tih ka hlau a ni, chu aimah chuan ka duhthusam chu ti hian thlamuang takin lo awm se, a ruk a ral a chet lak hi a fuh mai lo maw an tih chuan a upa te ho chuan kei chu chu ka rilrem zawng tak a ni e an han tih tliar tliar takah chuan Lalpa chuan aw le, awllenlai lo ni nen a hun leh ni te chu ka pasalṭha te kut ah awm rawh se, tiin thu an pawtchat ta a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 27th, 2019, 8:07 pm

MI LU LAK CHEM

BUNG 9 NA.

Rokhuma chuan Chhingzoi hnenah chuan tuar fan fan rawh aw. Kan hun tawn hian a zir si lo a, theihtawp i chhuah a ngai a nia an tih chuan Chhingzoi chuan nuih sak pah hian ngaihtuahawm ka ni lo e, mahse, Pawngliana te ho khan min lo umzui ka hlau a ni an tih chuan Runthera chuan an ngam a hnu, mi lu lak chem nen ka lo hmachhawn mai ta lawng an ti sak a.
.

Thim lal thuneihna hnuaia hlauh nei lo mihrangval pahnih kal te chuan an inkara nula hmelṭha leh pianthiam tak Lunglian khaw nula hmelṭha ṭhin chu veng tlat in hmatiang an sawn ve zel a. Hmeichhe nunnem leh zaidam tak, keh thei dawma dawm ngai an chhawm tel miau avang chuan kal pawh a sawt mawh hle mai le.
.

Runthera chuan hei ramri pawh kan pel fel ta, tunah chuan thaw pawh a veng tawh e, thla i han timuang deuh ang u hmiang, a meichher ken chu an ti ṭek chhak chhak a, a alh ti lian in zanin chu hei, riahbuk kan sual mai a ngai dawn a, remchang lai deuh kan melh ang nge changel hnah sah tur pawh a awm mial mahna tih leh kal an rual nghal a.
.

Rokhuma chuan Chhingi i chau em hahdam tak khan awm rawh an tih chuan Chhingi chuan ka hahdam alawm tiin a thlan bawl a chala mi chu an hui deuh pap a, chutah Chhingi chuan mang lam pawh a ka man phak ngai loh he tia hun kan hmang mai hi mak ka ti a chumi rual chuan ka nuṭapa engtik ah nge ka hmuh leh ang tia ka lo suangtuah ṭhin chu a kiangah hun ka hmang mek si an ti siam siam a.
.

Rokhuma chuan engpawh ni se, hmahun hi thui tak i thlir a ngai a ni, tia a sawilai chuan Runthera chuan
Ti hian a rem laiah hian riahbuk kan sual mai ang nga, zing khawvar kan nghak mai dawn an tih chuan mautheia an tui la neih chhun chu Chhingzoi in atan an han khek rih a. Vanzau Pasalṭha Cheua leh Kawltea chuan Cheua nang hma han hruai la tawnhriat ngah tawh ah keiin hnung ka lo dawl ang nge, khu kan tlangval ho pawh an lo in peih ṭhap tawh a nih khu, tiin an zuk fin nghal a.

Ti chuan le, Vanzau mihrang val rual te chuan Lunglian khua pan tur chuan pheikhai zang takin kal an zai ta a, Rokhuma chuan Chhingzoi muthlu leh lawp lawp chu thlirin a piaha Runthera muhil thaw sak sak pawh chu melh zawk pah hian a meipui chhem chu an chhawm eng zual sauh a.
.

Lunglian khua leh Vanzau khua hi in hlat lem loh tak khua tlangval chak vak tan chuan zingkarah chhuak ta se zanriah eirel hun awm velah an thleng ang tih lek a a kar in hnaih a ni.
.

Thawm maksak pui pui karah chuan Rokhuma chuan a silai chu a hlat lo khermai, thing lian pui pui in a hual vel zawl lian fahran lo tak a riahbuk han sual chu mutmu pawh a tuah ngam meuh lo a chha chu a ni. A chhan chu zamthim chhah tak hnuaiah engte nge an hmaah lo thleng dawn tih a hriat lawk bik loh vang a ni.
.

Mei hnungpuak zawnga an kalna lam hawi vang vanga thil tamtak a ngaihtuah lai chuan i la mu miah na nge tia vawh tih vanga mei alh lama a kut rawn phar da chung hian Chhingzoi chuan Rokhuma chu an melh ralh a, Rokhuma chuan hei ti hian khua kan nghak var a nge i mutui meuh na nge, nge? I lawmpa ngai hian let leh rum rum te hi i duh zawk le tiin an fiam zauh a.
.

Chhingzoi chuan ner deuh sak pah hian chutiang lam lam pawh a ni lo ve, kan awmna hi a ruam ang reng sia vawtin min ṭham deuh a nih hi tih leh tawlh pah chuan mei chu an hnaih zual sauh a, Chhingzoi chuan in sawi chhuah tak ah chuan i lawmnu mitthla in i muhil thei lo a ni maw tiin an fiam zauh a, Rokhuma chuan keini ang vala val satliah te zawng hi tu khaw kha mah hian min lawm peih lo a chha chu a ni e an tih chuan awih loh hmel tak mai hian Chhingzoi chuan nuih hak pah hian i in ngaitlawm hle mai ka ti, an tih chuan Rokhuma chuan khua kan luh hunah phei chuan kan khaw tlangvalho mit i la ngawt ang, kei phei chu mi pawh i hre duh tawp nang tiin an fiam zauh a.

Chhingzoi chian ui ha i ti awm ang lo em mai, tiin an chum taih a, RoKhuma chuan kinah phei chuan in runsang pawh kan lo kai ngam tawp nang, an tih leh lek phei chuan Chhingzoi chu a nui dir ta ngar ngar mai a, Rokhuma chuan ti vak vak nge an tih chuan Chhingzoi chuan i thusawi dan vel kha i naupangchhia em atin ni tiin an nui leh hak a.
.

Chhingzoi chuan keini ang nula ve mai mai te zawng tu nge kan runsang lo lawia i beisei vak ni, nang leh phei chu kai pawh i lo kai duh tawp nang tiin an melh ralh a, Rokhuma chuan e duh tehreng e nula hmelṭha leh fel kianga zan hun han hmangte chu tu tlangval in nge hnar phal tehlul ang? An tih chuan Chhingzoi chuan i ankanem kha a tak tak ni ta se, tu khaw nula pawh hi lawmin an thinlung a nui ru ver ver ang chu an ti let ve sak a.
.

Rokhuma chuan nang chuan min ning ngawt lo maw? Tia an zawh chuan Chhingzoi chuan ning che ni ila tunah pawh hiam i bulah ka awm tawp nang, a thu hrimah kan unau chungah hian ti nge ṭhat i chhuah? Awmna mumal pawh nei lovin khuanu venhimna a zaran kan lo seilian a an tih chuan Rokhuma chuan chhan tam tak a awm tiin a chhang a.

Chhingzoi chuan a chhan tak chu alawm ka hriat duh, ka nuṭapa hi mitamtak chuan rilru kim lo tiin an sawi ṭhin a, ka pa boral aṭang phei kha chuan tumai pawh khan mi pangngai hmuhin an hmu tawh lo hial a, tunah hetiang dinhmunah a ding leh hi mak ka ti a ni nang chu awm lo la tuna kan hun hman mek te hi beiseina beidawnthlakah an chang ngei ang an tih chuan Rokhuma chuan tumah reng hian hma hun kan hre lawk lo a, huaisenna tello chuan tumah reng hian kan ko a in nghat hi kan ti hlawhtling thei lo a ni, i u hian huaisenna ka neih loh a nei miau a tin ni an ti a.
.

Chutah a hnunglam aṭang chuan Chhingi, tu khaw kha mahin ka ui ka ar an tih loh, daikil kara tlangval sathliah ve mai, kham huaiho rorelna hnuaia kun mek chu a nunna thapin i bula mi khan munthar mi pe a, kan unau hian a lakah lawmthu sawi sen loh kan ba a ni tih hi o thinlumg khan vawng reng ang che.

Hman kan pi leh pute hunlaia khuavang fachuam, khuanu vohbik an sawi thin chu i bula mi ngei kha a ni, an tih chuan Rokhuma chuan hmanhmawh tak mai hian a meichhem eng chu an ṭhelh nghal a, a tukkhum chu rawn hit mur er er in an buk tecah chuan lutin Runthera chuan ka ho hian eng nge ni ta an ti hu a, Rokhuma chuan ka hriatsual loh chuan vaibel khurim ka hre tlat mai, tih leh an buk sual hnunglamah chuan put ruin Runa tikhan lo awmpui rawh aw tiin chhanna nghak lo chuan a kal ṭhem ṭhem nghal a.
.

Chutah le, Rokhuma kun da da chu aw fiak ṭha zet mai hian i ban kha phar rawh, tih leh a beka silai kaw hmawr hmehbel chu Pawihpa chuan an rual nghal a, chutah Pawihpa chu changtum raih in kiltin aṭang hian Pawih samzial an hmel hmuh chian theih si loh, thlaeng in an chhun leh pheuh pheuh ṭhin chu mi pasarih lai chu silai keng ṭheuh hian an lo chhuak a.
.

Chutah Rokhuma chuan eng nge in duh? Tiin an zawt phawng a, pawih pasalṭha chuan Lusei pa zawhna zawh buai ka ngai lo ve khawnge i ṭhian te? Tiin a lo kalna lamah chuan a naute pathum chu an tir nghal a, a naute chuan buk te chu hual bet nghalin an nau zinga mi chuan hual beh vek in ni tawh in banpharin lo chhuak ru an tih chuan Runthera leh a nau chu muangchangin an lo chhuak a, pakhat chuan mei la khu vat vat chu chhemalhin chutia meienga nula hmelṭha fahran an han hmu chu an hotupa chu a phur hle mai le.
.

Pawihpa pasalṭha an hotupa chuan Lunglian khaw nula hmelṭha a nih hi tiin an nul thuak thuak a, chutah Runthera chuan ka nau kha o kuthmawr pawn khawih hlek suh tiin rum takin an melh a, chu ve leh Chu pasalṭha chuan Ngunzarema hi i thu i pe ngam maw tih leh Runthera hnarthi baw hawk chuan an hnek bur mai a, Chhingzoi chuan ka u tih leh ṭah a rual nghal a, Rokhuma chuan uai, mi che thei lo lakah chuan i huai ve hle mai maw, min phuarna hi min han phelh ula i in malbeih teh ang u tiin rum takin Pawihho chu an melh kual a.
.

Pawih pasalṭha chuan nawmchennan a hmantum tih hriat tak mai hian Chhingzoi chu a chhipsama ṭham thawh pah hian buk ah chuan an nem lut pawp mai a, nuih var var pah hian a dawt te te in aw tiin a naute ho chu an mitmei zauh a.
.

Chu ve leh Zaqmg hmelchhe pa ka nau kha i tihnat vaih chuan i lu ka la ang an ti ṭhawt a, ngaipawimawh duh miah lo chuan Chhingzoi chu a lamah a awma a nauṭam per bawih khawp chuan an pawh sawk a, Chhingzoi chuan ka duh lo ka u min chhan rawh tiin thlaphang takin bukah chuan a ṭe chul mai a, chu ve leh kiltin aṭang chuan silai lo puak dur dur in pawih ho chu an tlu ta pguk phuk mai le, an hotupa Chhingzoi pawngsual tum tu chauh a bang ta, chutah leh, U Kawl in va tlai teuh ve le tih leh Kawltea chuan an phuatna hrui an zai chah sak a chu ve leh buk chu pawh chim rualin Chhingzoi chungah lo mu Pawihpa samzialah chuan ṭham kang nawkin pawi a lo la khawih hmanlo hlauh, na tawk tak mai hian a mit ah an hnrk bur mai zawng, a mit dinglam mu chu a keh nghal sawk hial a ni.
.

Midangho chuan chu pawihpa chu rei an dam tir lo hle mai le Chhingzoi chuan Rokhuma chu kuah nghal thlawpin a mittui a la dir char char hial a ni.
.

Rokhuma chuan tunah chuan hlauh tur a awm lo ve tiin mei eng lamah chuan an in chhaqm chhuak ta a.

Duhtawk ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2019, 6:22 pm

MI LU LAK CHEM

BUNG 10 NA.
.

Rokhuma chuan Kawlte, U cheu kan lawm hle mai, a chhe thei angber dawna ngaihtuahna mumal pu hman lek lo a, ka lo Arpui mitchhin laia mang lam pawh a ka man phak lek loh kara in hmai eng ka han hmu zet zawng, Vanzau Lalpa chuan min lo la hre ve reng a ni tih ka hriat hian in chungah leh kan Lalpa chungah lawmthu ka sawi mawlh mawlh ni se an ti dam diai a.
.

Cheua chuan khaih khaih, ti khan an tlak duah ngai lo, hei zingkhua te pawh a rawn var ṭan a chha chu a ni tawh si a, tah hian Tukṭhuan in rel nghal i la a ṭhat dawn hi, tlangval huaisen te u kan chawhmeh ken a piang kha hei changel ah hian han bun khawm ila thing ṭangro chhem tur i buaipui nghal ang u khai, Runther hei hi maw i farnu chu? A hmel lah chu Ramhnuai Lalnu ianga mawi a nih hi tiin an fak luam a.
.

Runthera mitmeng chik taka lo en kar tu Kawltea chuan Runa tiang hun hi kan la tawk leh lovang tun nge sawi thei? Nun khawchhuahnan chuan kan beih let a ngaifo reng a ni, Vanzau khua hian Pasalṭha a neih belh leh a, chu chu nang hi i ni, Chhingzoi maw i farnu hming chu a mawiin a hming pawh a puzo ngei mai, an tih chuan Runthera chuan ka lawm e, tia chil an lem khalh khalh chuan Cheua chuan an ni pathum kaw ruah tur zia chu hria in an duh lo chung cung chu tukṭhuan bar hmasaah a ṭantir ta a.
.

Puar pang maia ṭhut khawmuan pah a an dul an chul an chul lai chuan chung Pasalṭha ho mit chuan khawdang reng a hawi thei mawlh lo a chha chu a ni, an kiangah nula hmelṭha leh pianthiam a awm ve miau avang leh an chawei na vel phur leh thothang taka a tihfel laia a puanbih lar a a mal no nalh tak lo lang paq leh phek ṭhin te chuan an mit an len sawn phal reng reng lo a chha chu a ni.
.

Cheua chuan Rokhuma te chet thawh dan vel chu chipchiar takin an zawt a, Runthera chuan an sawi zung zung hnu chuan an hruaitupa ber Cheua chuan kan hah te a dam tawh chuan kal zai te i rel tlang ang u hmiang, kan Lalpa pawn tlumtea thlir in min lo thlir reng dawn a nia, Rokhum nang kan nula hmelṭhai chu rawn chhawm mai la, an tih chuan Chhingzoi chu a lai deuh ṭet ṭet a, a rilru chuan he Rokhuma hi a vawikhat hmuhnaah khan a thinlung kawngkhar kha lo kik hawngtu ni se a duh em em a ni. Mahse chutoang lam hawia han in rel hran chi ni lah si lo le, Diktaka sawi chuan Rokhuma pawh hian a duh ru ve em em a ni, mahse a vawikhat hmuhnaah tiang maia rilru a put chuan mi pa laktlak loh takah a chhuah mai a hlau bawk si nen a, mahse, Pawih ho in an hual hma kha chuan in haw lo tih hriat ngawih ngawih khan mitkhap kar chhunglek in hun an hmang kha a nia, chung zawng zawng chu Runthera hian a hai mawlh si lo.
.

Cheua chuan fiamthu han thawh nuah nuah pah hian a bula tlangval ho chu an nui ri leh hak zel a, Kawltea lah pek chuan kan kawmchhak nuthlawi kha hei U Cheua hian zankhat kha chu a lo zen ni ngei tur a ni, Kan Lalpa hnen kha a zan a zan khan a thlen a, mahse a lo uksak vak lem lo a ni awm e, U Cheu a nawm dan a dang em tia an zawt leh chiah mai chu an nui ri ham ham hlawm a.
.

Cheua chuan mai mai ṭhin a, a nauṭam uaifual phir ralh kha Mankaia thlamah i zen e an tih kha maw le tiin an fiam zui nghal zat a.

Chhingzoi chuan Rokhuma melh ralh pah hian khua kan hnaih tawh em an tih chuan Rokhuma chuan zawi sap hiam hnaih tawh e, i chau deuh em ni la puak i duh em an ti fiamthu a, Chhingzoi chuan chau lo ve, Pasalṭha rual zinga hmeichhia lo kal tel ve hi zahthlak ah kan la deuh alawm maw le, ka paw zawk dawn che em ni an ti heu mai a.
.

Rokhuma chuan min paw zo awm lo em mai a, zahthlak lah lo ve, nula hmelṭha tak kan chhawn haw a ni tih hi hre ngat se chuan khaw mipuiho zawng zawngin min lo hmuak ngei ang an tih chuan Khaw chhung luh nan kawi thum chiah an bak ta .

Cheua chuan hei le khua kan lut hnai dawn tawh bawk a, kan nula hmelṭhai chu kan zawn haw mai dawn em ni an tih fiamthu chuan tlangval ho chuan Zanin na na na chu Chhingzoi runsang kan kai ang chu le tiin an nui ham ham a, chutah Kawltea chuan Siamliani runsang kai tur nen chu in va indaih awm lo ve le, Rokhuma hnungzui tur kha inthlang fel mai dawn em ni an ti khauh mai zawng, Rokhuma chu za lo tak mai hian a nui hul hak a, chuthu lo hretu Chhingzoi chuan Rokhuma melh ralh pah hian a rilru chuan a kianga kal hian Lawmnu a nei em ni? Tih ringawt chu a rilruah a awm a.

Rokhuma chuan khaih khaih, kan Lal fapa Kawlkhama huhang kan zo nem maw, chan loh tur melh reng aichuan Zawlbuk meihnungpuak pah a, Valupa ti ti ngaihthlak ka nap e an ti liam puat a.

Kawltea chuan Rokhum kan Lal fapa i rawn sawichhuah takah chuan tu hi nge a chhun lam lam le ka ti, tia sawi leh tura a ka an an zuaih laitak chuan Cheua chuan a mitmeng chuan lo khap thuaiin Cheua chuan ngaih khat ah i ngai mai teh ang u tiin an thu kallai chu a rawn hliahkhuh a. Cheua chuan Zahlir, Aithanga nen khan Lalpa hnenah lo han kal ula him dan takin kan lo let leh thu hi in lo zai dawn nia, tin Pawih nena kan inkar thu hla erawh hei mi lu kan khai haw lo nen sawilan loh a ṭha zawmah ang nge tiin a tir nghal a.
.

Vanghmun Lungdawh chuangkai in an thlansa ti daiin thlithaw heuh heuh lo leng chuan Chhingzoi sam sei bu chhah tak chu rawn chhem leng siau siau in an hui leh heuh heuh ṭhin a, Cheua chuan hei le khua pawh a lang ta uarh mai le, khuannu venhimna a zarah ko kim takin mahni run ṭheuh kan pan dawn zu nia, a ṭhen ten fanu thar duhawm tak nen hun an hmang dawn bawk nen, a engpawh chu ni se, Kawlte, Chhingzoi run i kai ang aw zanin zet chu zan tumtawi pah fawm in an tih chuan Chhingzoi chuan ui ha, in lo leng duh phawt te chuan keia lo hnar phak rual in ni lo ve tiin an nui leh har har a.
.

Kawltea lah pek chuan mi duhlai runsang kai tur hian an mi dip a na fu lavang maw? Keizawng Sairam chhuah a, kan ṭhenawm ramri pel rawt khawpa vanglai nun am tak mai a han hman te lam lam hi zu chak zek zek a, an tih chuan Rokhuma chuan Kawlte, keipawh ka rilrua riak tlat zu nia, awllen te han thleng dam chho phawt ila U Cheua ho hian han bei teh tak ang u hmiang anctih chuan Cheua chuan ni ang hmiang, hawh u le kalzai in rel leh dawn ila chhungte ngaih lam lam te hi a lo ṭha lo dah ang nge tiin kalzai an rel ta a.
.

Khua an han lut chu mipuiho chuan lo hmuakin Runthera farnu chu tlangval leh putar naupang chen chuan hmelṭha an tih thu hlir an sep rawtui an a tling hial a ni, a then ten Siamliani nge ṭha ti ten an lo in hnial leh laih laih ṭhin.

Hun leh ni te chuan Vanzau khua chu herliampui ve bek bek in mitin mai chuan mahni hna ṭheuh thawkin mahni seh seh mual lamah an lian nitin a, a ṭhen ten beai thangte kam in a thawkmawh deuh te chuan hnuhhram lamah an hma sial ve bek bek in ni tla vanvuai thleng thlengin an thawk nasa hle mai a, Rokhuma pawh an lo awmna bing hle e ti lo chuan a thawk sawt in kar lovah a lo lama buh hmun te chu thlo zoin a nun chu a hlim ve veng veng mai a.
.

Chutih lai chuan Zarpui Khua chuan buaina tawk mek an khuaa feh kal haw feh kawnga lubung a lo let leh ringawt ṭhin chuan Zarpui khua chu a ti ral muang lo hle mai a, An Lal Tawnliana chuan a upa te ho hnenah chuan Vanzau khaw Pasalṭha Cheua leh Zamana leh Kawltea chu beiseina sang tak nen pur tawp turin thutlukna an siam nghal hmiah a.
.

A valupa te leh a tlangval te chu zing varṭiana chhuak turin a ti nghal hmiah a, hetia Zarpui buaina bulṭanna chu an Lal fanu hi Phulzau khaw Lal Lalthangtinhawla fapa, Zahawla a nupuia han dil hlawhchham an Lalpa thintim in a ruk a rala a pasalṭha chhuantawlawl khualkai pha ngat pathum , Aidenga, Lengsira leh Zaduna rawng taka chet han lak tir kha a nia, in malbeihah Zarpui pasalṭha te hian an ngam hlawl si lo, Rokhuma khuanu vohbik chu la kawl ngat ni se tiang dinhmunah hian an ding lo chiang viau ang.

Vanzau Pasalṭha Cheua, Zamana, Kawltea, Runthera, Rokhuma te hi eng ang chiah in nge an chet dawn le? Rokhuma chu Zarpui khaw tan ke pen in a mi lu lak chem nen a kal chhuak dawn em le? Hmuhsitna vawrtawp dawnga thinlung hliamtu khua hi ṭanpui tur in ke a pen dawn em le? Hr in beihna nasa tak lo thleng tur hian Lusei khuaah hian chhiatna nasa takin a nghawng dawn tih reng tuman an hre lawk bik si lo, Cheua leh Zamana thihna chuan engtiang chiah in nge nge Mihrangval pathum Rokhuma leh Kawltea leh Runthera a den nat dawn le? Sailo Lal Saithangpuia lu la tur a thisen a chal hnawm ngat Vanzau mihrangval pathumte hian Sailo lu lak an tumna kawnga Sailo mihrang, sa leh ral hmaa zam ngai lo, Sailo hnam thlah te zinga an hming dai tawh ngai lo tur Pasalṭha Saitawna, Sailosuaka, Raldawna te paltlang a ngai miau dawn si.

Lo nghak fan fan la, thinnel takin lo dawh hram hram ang che.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 2nd, 2019, 7:55 pm

MI LU LAK CHEM

BUNG 11 NA.
.

Vanzau Lalinah chuan Lalpa leh a Khawnbawl upamin chuan Zarpui khua aṭanga ṭanpuina diltute chu an en kar mai a, Zarpui Pasalṭha Mantawna chuan Lalpa kan khaw buaina hi zahthlak leh dawihzep thlakah min lo ngaihsak lo hram la, kan Lalpa mang lah a ang nasa ropui si nen, keinin han do let in han basa ngam ve mah ila, keini aia a tuar nasa tur chu kan khua mi leh sa te an nih leh zel nen, chu loh vah Phulzau khua hi khaw lian leh Pasalṭha huaisen tak nei an ni nen, hma han lak tum teh mah ila, han tih ngaihna vak kan hre lo a ni an ti dam diai a.
.

Lalpa chuan chu in Lalpa chuan ka pasalṭha te beisei in thawk a rawn lak tir che u tihna a ni maw an tih chuan Zarpui pasalṭha chuan Lalpa aw ni deuh ber mai tiin an chhang a. Vanzau Lalpa chuan a lu buk nghat nghat pah chuan chu ka pasalṭha ka khaw daingul te thihna lui ruama an lu rawlh tura in Lalpa in a duhna chhan hi a aia duh chhan ṭha te kam keu chhuah tur in hre mial lo maw an ti leh chuan Zarpui Pasalṭha chuan Lalpa, Lusei leh Lusei inkata buaina chhuak leh ṭhin hi kan Lalpa chuan a duh lo va, ti tawp turin nangni nen a hrui khat vuan chunga hma la turin a duh che u a ni, an tih chuan Lalpa chuan aw le, he thu ah hian thutlukna ka siam thei lo ka pasalṭha te kam chhuak ka lo ngai thla ve phawt ang nge, tiin thu pawhchah pah chuan an mikhualte chu thlenin tur an ruahman sak nghal zat a.
.

Vanzau Lalpa chuan Tlangaupa ka pasalṭha te kha an hming kimin Zanriah khamah ka Lalin hi lo mawi teh se, Runthera tiam in tiin an tir chhuak nghal a.
.

Zanriah eikhama Lalin chhunga ṭhubial ṭaih hlawmin an thurel chu a khun khan tlang ngei mai le. Lalpa chuan Cheua engtia hma han lak chi nge niang? Mi buaina kara ka pasalṭha te Lu rawlh ve tur cheu chuan ka ti lui lo che u a nia, an ti a, Cheua chuan Lalpa, kan,Lal i nia, keini thu lo tihtlukna chi a ni lo ve, Lalpa i remruatna hi lawm taka pawm tur mai zawk lan ni e an ti dam thlap a. Kawltea chuan Lalpa Phulzau Lalpa thu sukthlek dantur pawh i hai ka ring lo, a pasalṭha te lah i hriatchian vek an ni, an ni lam hawi zawnga Mi lu lak chem lek tura min duh a nih pawn keini Vanzau Lal Lalvankhama tlangvalte hi kan zam hauh lo, kan tin therte pawn kan hlau hek lo, Lalpa i thutlukna kan nghak e an tih chuan Lalpa chuan a lu buk nghat nghat pah chuan aw le ka pasalṭha leh ka Vangkhua venghimtute u, ti hian aw niang tiin thu an sawi ta a.
.

Aw le, Zarpui Lalpa meuhin a an buaina ti reh tura ka Pasalṭha te meuh rawn pun chu keia lo hnar chi rual ah lah ka ruat lo ve, Kawla leh Rokhuma leh Runthera hian ka vangkhua hi ka thlazar hnuaiah lo veng se,Cheua leh Zamana hian ka tlangval rual 30 khawm se Zarpui lhaw lam pan turin an ti dap dap a, Kawltea chuan Lalpa kal ve tura rua ka lo hman lai lai a, mahse Lalpa i thu hnial erawh ka tum lo a ni an tih chuan Lalpa chuan engte nge kan hmaah lo thleng dawn lah kan hre lawk lo. Tukkhum mittnei ran a hun lan hman a ṭul a ni, naktul varṭian lamah chhuak turin Cheua hian zawlbuk lam lo zu thawi se la, Tlangaupa nang, kan khuaṭha te lo hrilh mai la a ṭha ang nge, tiin Lalpa chuan thu an pawtchag nghal a.
.

Zing ni chhuak engmawi tak chuan Vanzau khua chu a chhun paw pheu mai a, mitin mi mir te chuan mahni ṭul ṭul hna te khawih in anzing buai hle hlawm a, an Pasalṭha te thihna ruamah an ding dawn tih lah hre lawk lovin hlim takin lamkawia an liam tur ban vai lauh lauhin an thlir liam a.

Zarpui Lalinah chuan Lalpa chuan hei, zah pawh dawn lovin in mi puihna tello chuan eng kan ni si lo a, tiin an khaw ralmuan loh zia chu an sawi dap dap a, Cheua chuan Lalpa eng nge kan an dawn tih lah va hriat ni suh, mahse theitawp han chhuah ila, kei leh i tlangval sawm rual nen lo awmna bing ber ah zanthum riak turin in buatsaih ta ila, i pasalṭha ten ral piah lamah hma lo la se, theihtawp kan chhuah tlang a niang chu, Lalpa ka remruatdan hian a kaw zawnga a thlen ngei ka beisei an ti charh charh a.
.

Lalpa chuan Vanzau pasalṭha nge nge i thu a fing e, engtikah nge chhuah zai rel ila kan tih ang? Tia Lalin chhunga a mi koh te chu an enkual dan dan a. Cheua bawk chuan naktuk Varṭian hi kan tinzaqn mai dawn em ni? Tia Lalpa an zawh chuan Lalpa chuan khaih khaih khaih, hah te lam lam a dam hman nang, nilhat te zawng aqmni khama hahdam ni ah kan hmang ve bawk ang chu an tih chuan Cheua chuan Lalpa kan hah lo ve, an tih ṭalh chuan Lalpa chuan chuti a nih chuan nak zing lama chhuahzai rel turin kan in buatsaih a niang chu khawnge i lo kalna lam lam te a hla tham sia Mutmu teh pawh han tuah hma ula a ṭha ang nge tiin ṭin zai an rel hlawm ta a.
.

Vanzau lamah ve thung chuan zan lam chu zan dang ang lo tak mai hian a reh hian a reh ṭhiap mai a, Runthera te in a Chhingzoi rima nui ri leh dar dar ṭhin tih loh chu thawm dang vak hriattur a vang hle mai, Siamliani te inah ve thung chuan Siamliani pa pum nuam lo Lalin aṭanga lo haw chuan Rokhum, Kawla, keizawng Zarpui ho buainaa ring lo rawlh ve ngawt hi buaina zakhua min thlentu ni dawn tlat a kan hriat tlat pek chu an ti nuah nuah a, Rokhuma chuan Pu Tuak ngaihtuahna a kal ding duh riau mai ka ti, mahse eng em thleng lo turah ngai ila an ti bah niai a.
.

Siamliani chuan ui ha, keipawh ka rilruah a riak reng mai, kan khaw awmdan te lam lam hian ka ngaih lam lam a ti ṭha lo mang teh e, khawimaw Kawlte i vaihlo kha a no a nih kha tih leh lak kai sak an rual nghal zat a.
.

Kawltea chuan Khaih khaih khaih ngaihṭha khan awm rawh u, U Cheua hmalakna hi a hlawhchham khat a nia tia a sawilai chuan Lenghaw ar a lo khuang al al a, Kawltea chuan Ṭhianpa Khum ṭin zai kan rel mai dawn em niang? An tih chuan Siamliani chuan a mak mang teh e, Tuibur hmuamda te tal an ṭhu khawmuang ngai e, nge lengi runsang dang kan leh in tum zawk an ti zauh a, Rokhuma chuan nei lah lo ve, Zawlbuk val upate an zahawm ngai e, tih leh thawh an rual nghal a.
.

Rokhuma chu mutmu pawh tuah thei mumal lo hian a let a let mai a, Runthera lah chuti bawk, chutah Khuma chu ṭhuchhuak hlawl hian a piah thim tham deuha Runthera lo ṭhu chhuak chuan a lo melh lar bawk nen, Rokhuma chuan Zawi sap hian Thera, zanin zet zawng maimiziala kan awm chu le an ti thawp sat a, Thera chuan nia keipawh hi eng tih tih nge ni mutmu pawh kan tuah theih loh reng reng le an ti bal bal a. Rokhuma chuan mutmu tuah i han tum leh ang hmiang tihpah chuan an mu ṭha ve leh mai a.

Rokhuma mangah chuan tlangsang lai tak a lu nei lo va mipakhat lo let reng leh, chiang taka melh ngar tu tu tih a hriat loh Pasalṭha hian tu emaw nghawng hi a lo zai thi baw hawk hawk bawk a.

Rokhuma chu tho chhuak hluaiin Kawltea chuan kha Khuma, i mutui meuh maw tiin nuisang hian an zawt a, Khuma chuan mutui e le, mumang bo ṭhaka kan mut chu le an tiliam puat a, Runthera chu Zawlbuk bawhbel bawhliam pah hian kha nangni pahnih chu eng thuchhia a ṭha nge in lo sawi a? Tiin an zawt a, Rokhuma chuan thutak hmel fe hian a mumang chu an sawi chhuak phawng mai a, Runthera chuan buk nghat nghat pah hian vawin chu kan pathum hian Tum tluk mual lamah i herliam mai ang u hmiang, thil ṭha deuh tihtur kan nei a nia an tih chuan Kawltea chuan en he haw hian Runa engthil maw an ti ha a, Runthera lah chuan kan kal hunah chauh ka sawi ang, a tihlai mek chuan Tlangaupa chu rawn thleng chawpchilhin Tlangaupa chuan in lo awm remchang hlauh mai ka ti kan Lalpa in a rang lama hmuh che u a duh a ni an tih chuan Lalin lam chu an pan nghal a.
.

Lalin an han thlen chuan Lalpa chu Lalin chhunga vei tawn sek chung chuan leihkapui lam chu an hawi leh zauh zauh ṭhin a, chutia a mi duh te an lo thlen chuan Lalpa chuan in mawng hung rawh u tiin an ngawi leh ngul a.
.

Lalpa chuan ka koh chhan che u hi tun va hria se ka tih loh vang a ni e, nizan lam ka mang lam hian ka ngaihtuahna a ti kalding hle a ni, tiin a pasalṭha rammu a chhuak te an boral vek thu a mumang lama a hmuh chu an sawi chuan Rokhuma chu a ṭhu ngil nghal awt a. Lalpa chuan manglam mah ni se ngaihthah chi ah ka ruat lo tawp mai ka ti, khua hi chhuahsan lo ula awmni kham turin ka duh che u a ni, an tih chuan Kawltea chuan Lalpa i thu ni rawh se, chutia kan Lalpa meuhin a awmni kham tura min duh te chuan a thu kan zawm mai a niang chu, tiin Lal fanu Thangpuii eirawngbawl chu an melh zauh a.
.

Lalpa chuan Ka pasalṭha leh ka in nghshna te u, tunlai chu ka awmdan hian ngaih lam lam a ti ṭha thei thlawt lo ka ti, a ṭul zual te chauh hian lo lam pan se tlangaupa nang vengmawng aṭang khan han au la a ṭha ang tiin an tirliam nghal a.

Ti chuan leh, chhungtin te feh tura lo in ruahman ho chuan phawk deuh duk hian tlangaupa chu an en ho mai a, Khawnbawlpa chuan uai kan Lalpa thu chhuak chu khaw nge kan ngaihven ang nge tih leh Lalin lam pan an rual a, Lalin a han thlen chuan Lalpa chuan nang nge nge ka thachhang i dawl zo bet e, Siamliani pa lo ṭhu teh khai, tiin a mang lam chu an hrilh dap dap a.
.

Tukṭhuan eikham a nih chuan khaw mipui ho nu nau te leh nula leh tlangval tihtur hrelo ho chu Leihkapuiah a chhun pachangah chuan ti ti vawrhin an nui ho dam dam a. Dai hnaiah chuan Kawltea, Rokhuma leh Runthera te chu muk taka ti ti in Kawltea chuan thutak fe hian a kawi a ngila kawng engkima in pui tawn tur kan ni tih hi i vawng reng ang u, Sa kah hnem lam hi pasalṭhatna lam a ni lo va, Pasalṭha diktak chuan a khua leh tui tan engpawh a bei ngam tur a ni, tiin Cheuan an zawlbuk an kai tirh a ta a lo kaihhruai dan zawng zawngte chu an sawi dap dap a.
.

Runthera chuan khulai haipui hnuai hlim ah khuan Kawlte i nunchan zir hi la hmu fo ṭhin ti teh u kan pathum hian in kawp tlatin nunchan in zir teh ang u khai an tih chuan an chak zawngtak lo ni nen, an pathum chuan Haipui buk hnuai zawlah chuan khawmhma chem lem nen chuan an han in ral sah pawp pawp mai a, Rokhuma chu khan lo hle mah se, Khuma chuan khawkhat khualkai pasalṭha aia an hnuaihnunna bik a hmu miah lo a ni.
.

Rokhuma chuan Kawlte, i chem i hum khan i kut ṭang khan a fawng hmawr pel suh se, Runther, i ke chheh zawnga i kar zau zawng kha duhaiin a thui mah mah, palh thil thu ah i in veng hman lovang tih leh a kaiza chu an tlawh thlep pawp mai a, i hmu maw, i hnunglam i tukkhum pawh khan mit nei rawh se, Kawlte kha aw tih leh zik zaka tlan pah in Kawlte zawn a thlen hma chuan kuna in bim thutin Kawltea kaihza tha chu khawmhma chem chuan a va zai a. Rla bei tur chuan kan beih tum te mit tak hi enzam a pawimawh hmasa ber a, chumi hnuah an dinglam nge an veilam tha pek na zawk tih kan hriat a ṭha, an ke chheh hian ding lam nge veilam chet tir hmasa tih te hi kan hriat a pawimawh hawh u le, ṭhu chawl lawk ang u hmiang an tih chuan an han ṭhu chawl te te a.
.

Rokhuma bawk chuan Kawlte, i kut dinglam hi i khawr hle a ni tih ka hre thei a, i ke phah nghahna tur lah i ngaihtuah ngai hek lo, a rual rem ṭha em? Khawi hmunah pawh buaina tawk thei vek kan ni, kan lei rah tur a rem em? Kan hmelma te hi kan hmachhawnin an ke chheh dan hi kan en uluk a ngai fo ṭhin an ti dap dap a, Runther, i tha pek kha vawikhatah kal tir vek ngai suh, khek hun a awm ngai a nia, kan mi beihte a zir in, ṭul lovah tha kan pek vak vak chuan kan beihpuite hian min veh chau thei a ni tih hriat a ṭha, an tih chuan an pahnih pawh chuan Khuma sawi chu pawm tih hriat tak hian ngaihsanna nen an bu duh nghauh nghauh a.
.

Rokhuma chuan le, in ti leh dawn chhin i la, tiin an han ṭan leh chu Rokhuma chu a lawm in a khi var var mai a, ti kha chuan Vanzau Mihrangval Pathumte hi tu in nge lo dang ngam ta ang le? An ti lar lar a. Runthera chuan hawh u haw zai i rel ang u hmiang, Lalpa koh theih renga kan awm a ngai a ni tiin khawchhung lam an pan nghal a.
.

Khawchhunga an pathuma an han kal chu Rokhuma chu a lianṭha bawk a a lang lawr ngauh bik a, nula ho lah chuan haw lo tih hriat tak mai hian an lo thlir dauh dauh mai a, chung zingah chuan Runthera farnu Chhingzoi chuan Rokhuma chu mit la sawn lo lek hian a lo thlir veng veng mai a.

Duhtawk ang.

BONUS

Ka thu lo hian tuman Mi lu lak chem hi Whatsapp ah lo post ka phal tawh lo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 3rd, 2019, 7:22 pm

MI LU LAK CHEM

BUNG 12 NA.
.
COVER PHOTO KA THLAK E

Rokhuma chuan Kan khaw awmdan vel chuh, Huih chho thli lah hi a thawh leh hak hak ṭhin ka ti, hetianga Huih chho thli a thawt hek hek hi chuan kan pi leh pu te khan Sahrang emaw Ruang emaw hi kan Lalpa Lalna ram chhungah a rawn lut ṭhin e an tih tak kha maw an ti chuar chuar a.
.

Runthera chuan Zarpui khua hian kei zawng, ka ngaihtuahna zu luahkhat tlat pek a an tih chuan Kawltea chuan khaih khaih khaih in ngaih lam lam te kha a ṭha lo hma a nih kha eng em a thleng lovang, UCheua leh Zamana ho a kal an nih kha hrereng ula, khawnge Runthera farnu seih hmuturin mawng in hung tlang ang u hmiang an tih chuan Runthera in lam chu an pantlang ta a.
.

Zarpui Khaw Lalpa chuan eheu leh, tlangaupa khu ka Khual duhawm kan thleng ngei dawn e, ka Lalin an rawn rah rualin kacthathum zu ngei mai khan ka lo hmachhawn teh ang, Pu Liandal khu en mah teh, Vanzau Pasalṭha Cheua ka hmu tel zu nia, tiin a rilru tawt tawh leh a mangan rukna te chu chawp leh chilh chuan an bo duak a.
.

Upamin Liandala chu khi hui chung hian Zamana pawh a tel khu! Ti hi chuan Phulzau khua chu reiloteah kan la thri ngei turah ngai ang an ti thlarawk a, thil hi an hrechiang lo a ni.

He an ruahmana ah hian mi eng angin nge nunna an chan dawn tih reng an hre si lo. Phulzau Pasalṭha Aidenga hian a vua leh vang Lalsaithangpuia pasalṭha chhuantawlawl Saitawna a sawm tel tih hi an hre lo atin ni.
.

Phulzau Lalinah ve thung chuan Lalzahawla chuan Aideng khawnge i aihnahphahpui Saithangpuia Fa chuam Saitawna ral leh sahrang hmaa zam ngai lo khualkai pha ngat chu a awm a? Kei in Lalpa hian hmai hmaa han biak kan duh teh tlat chu le, an tih chuar chuar chuan Pasalṭha Aidenga chuan tun lawk khan a lo thleng ve chawpchilh chauh a, a insil thlandai a nih kha, Lalpa, zanlam ah i Lalin nuam takah hian rawn chuangkai pui ka lo tum ang nge an tih chuan Lalpa chuan aw le, hei kan thudang alai chuan Zarpuiho pawh an fimkhut hle tawhin ka ring a, lu lah an hlauh na rawh, i chet chhuah tawh na te hian ka lung i dum hle mai ka ti, nang nge nge, ka khaw daingul i awm vang hian ka gmai hi a uang leh chawk zel a chha chu a nia tiin an nui khi hui a.
.

Ni a vanlaizawl a, chhum dum chhah tak kal ruai ruai kar a ni lo lang eng leh ut ṭhin chuan Phulzau khua chu mawi takin a chhun eng phak a. Nau ṭah mawh deuh te chu ṭap ri chuar chuar hlawm in an nu te nauṭamtlei ngen in an thiam tawk in an ṭap ri chuah chuah a. Ralmuanna tlanga leng na ngang chu an hmel hmai hmuh lah a nuam narawh, an nula te lah chu tihtur em em hre loin an mal mum nalh tak lang paw phek in naupang tualchai leh inkawibah chu nui ri har har chung chuan an thlir hlawm a. Leihka sang aṭanga Putar hnanghlzi ho lah chuan an vanglainun dawnkirin hmui fawn hlarh hlarh in an ramchhuah dan an sulhnu te sawi chhuakin an vanglainun an ngai a ni tih hriat tak mai hian an sep vei lauh lauh a.
.

Zarpui khaw Lalin ah chuan an Lal Tawnliana chuan thlathum zupui engkuk nena an hah zu lo hluiin kha in lo kal tluang maw? Zarpui Lalpa hian ka lawm a che u, in mawng kha hahdam tak khan hung ula, ka upa te an kim ṭhep ṭhawp bawk a, mi tihdan lo ang tak hian chhun pachang lai lai hian ro i han rel teh ang u khai, khuanu pawn zah lo ngai se, Chemte nang i ṭhiani run va kai teh khai patling rorel rum hi hmeichhe derthawng tan benga luh a nuam lo dah ang nge tih pah chuan a fanu chu a ṭhiani te run kai tur chuan a tirliam nghal a.
.

Cheua chuan Zarpui Lalpa zu nge nge chuan hah lah a tidam narawh e, kamsir daralh khawp a ka lei kan tih sei a liamah pum lam kal dan pawh a dik raih mai ka ti, Lalpa i vangkhua pawh a nuan narawh e an tih chuan Lalpa chuan nuih huah huah pah chuan nia hei ka upate remhriatna a zara thuneitu nih fawm mai mai zawng ka la nih hi, in lo thlen taka lei ah riru kal peng dinglai pawh hahdamna lungpuin a thlak rang teh e khai, tiin an harsatna tawh dan chu an sawi ṭan nghal a.
.

Zarpui Lalin chhunga rorelna thawm chu a khunkhanin a mi uap a na hle mai, Cheua chuan Lalpa chutiang a nih nak alaia chet in thawh loh a leiah ngampat lamah pawh in ram an rawn bawh zau duai dawn a nih chu, ti hian rem in ruat tlang ila, kei leh i pasalṭha pakhat in kawp in tlangval 40 ho ila, Zaman leh i pasalṭha pakhat in kawp se tlangval 40 ho bawk se, mual lehlam aṭang ve ve in kan nek khawm ang nga an tih chuan Lalpa chuan ngaihtuahna fing tak chu a nih ngei chu, a mah erawh chu Phulzau Pasalṭha Aidenga, Lengsira Leh Zaduna sas khualkai pha ngat an ni tih hi kan hriat loh ka hlau tel bawk a, an ni lak ah sawn fimkhur theihtawp in chhuah dawn nia, kan ṭanhmun a ṭha a nih ngai chuan nu nau leh tar chak lo te nunna erawh in zuah a niang chu, naktuk mai hian zing varṭianah chhuah ta u la a va ṭha awm mang teh e an tih chuan Cheua chuan nia Lalpa chu chu ka duh dan a nia fehrehsan lai taka chet lak hi ka duhthusam a ni, a chhan chu zanthim hnuaiah mahni lam insai palh te lah a hlauhawm bawk nen an tih chuan Lalpa chuan an thurel ti tawpin Thlenin tur ah chuan an khaw tlangval leh upa te leh valupa te chu a sem dan dan a, Cheua leh a nau tlangval pahnihte chu Thingdeng Thanglaia te inah an han thlentir a, a fanu nula hmelṭha khualkai pha ngat chu hmelṭha an ti tlang teh e.

Pu Thanglaia chuan e khai a, Vanzau Pasalṭha te maw zanin chu Sakhi sarep nen leh Artuilai nen kan hlui teh tak ang che u tiin ṭhutna awl a lo kawhhmuh zung zung a, Cheua chuan khaih khaih khaih a ngai lo ve, hei kawng laka kan eibang Sanghal sarep pawh kan la nei nual alawm tih pah chuan a iptepui ah aṭang chuan an pe nghal a.
.

Pu Thanglaia chuan Cheua, Kawltea hmel lam lam te hian kan vangkhua a lawi ve mial em an tih chuan Cheua chuan a ni zawng tlemin a la nau deuh a Lalpa thlazar hnuaiah eng emaw thut thleng theiah kan khek a nih tak kha maw le, a naupan erawh zawnga enliam mi lah chu a ni hauh si lo, kan tluk lo a chha chu a nih hi an tih zawm nghal zat a.

Pu Thanglaia chuan a nih chu maw le aw, taka kan khaw mi leh sa lo pem ta, Ṭhuamkebaia an tih te kha an dam ṭha meuh maw? An tih chuan a fapa Rokhuma kha tlangval lian ṭha thelhthawlh ni khan ka lo hria a, mahse kan khua a an awmlai kha chuan tlangval tuai tir te chauh a la nia na tih chuan Cheua chuan dawn tak maw in khaw mi leh sa hmasa kha an ni dawn teh tak e a, an damṭhatlai tak a niang chu, lo kal kha a chak ve khawp mai a, mahse kan Lalpa in a hauhbet bur mai sia an tih chuan Pu Thanglaia chuan ngah nge maw a khap beh ṭut a in Lalpa chuan mahse a awm lo hran lo ve, nangni Pasalṭha te hnungzui tur chuan a la nau in a la tuai mah mah ang chu an ti a.

Cheua chuan chek tlak tlak in Rokhuma chanchin chu chuti em em Zarpui khuaa a thangtlawm leh an ngaih pawimawh loh dan chuan a ngen a chhun ta raih mai le.

Cheua chuan khaih khaih khaih Pu Thanglai an tih chuan Thanglaia chuan chemte kha i vawkchaw chhuan a liam dawn tih pah chuan a fanu lasai lai chu an au a. Cheua chuan Rokhuma te ang kan khuain kan kawl hi khawdang lak a kan himna a nia sin, a ni ne te zawng kan phawk chhuak zo lo a chha chu a nih tawh hi, tiin Rokhuma thil tih zawng zawng chu an sawi lang duh chuang lo a, a chhan chu an lo hmuhdan kha hriatzel a chak vang zawk a ni.
.

Pu Thanglaia chuan kan thudang alai chuan Lunglian khaw nula hmelṭha Vanzau Pasalṭha ten an chhuh e tia thutgang hi in Lalpa khan a lo hre ve tawh reng reng em? Min hrilh hriat theih chuan ka lawm hle ang an ti a.
.

Cheuan sawi tuma a ka a an zuaih lai chuan Vanzau tlangval Hranglaia chuan thuthang dik lo tak zawng a nih chu ka pu, kan khaw mi leh sa ngei Runthera farnu a nia kan khuaa a chhungte bula in bengbel tur a Rokhuma leh Runthera han hruai anih kha an tih chuan Pu Thanglaia chuan a nih tsk chu maw le thuleng dik lo vak vel hi a tam khawpa tih leh ngawih a chuh nghal a.
.

Zan a ni a, a tuk maia Phulzau khua runtuma tui taka an mut lai chuan Phulzau khaw pasalṭha chhuan tawlawl pathum leh Sailo lal Saithangpuia fapa chhuan tawlawl Saitawna tel in Zarpui khua meivapa chang turin khuan hnuhnung a khuan zawh chuan Zarpui Lal Laltawnliana khaw lungdawh an lo lut ṭan der ta mai le, hmun thumah inswm kualin mi 30 te chuan silai keng vekin Zawlbuk lam an pan a,,Saitawna leh a ho mi 10 chuan Lalin an pan ve thung a a dang zawng chuan vengmawng aṭang leh tuikhur mual mawng aṭangin an rawn hrut chho ṭhem ṭhem ta mai le. Aidenga chuan a naute chu inring turin thu an pe a, chutak leh a kut zungṭang pathum an tih pir chhoh vah hnu chuan Zawlbuk a tlangval ho chu an han kah rawn tak tak mai zawng an thi chiang hlawm hle mai le, mi pathum hliam tuar la thilo te chu phih tho lawp chung hian Cheua dara sialimu luhna kaw phat a kuta hupbet chung chuan Cheua chuan mi inring lo lai bei ngam lek a dawihzep ho tia chil chhak tuarh in Aidenga chuan a naute ho chu Zawlbul tualah meipui a tuah tir nghal a, Lalin lama Silai puak thawm nen vengmawng aṭanga nunau mangan awrawl chhuak chu a rapthlak hle mai le, chutia mei an en ṭhat hnu chuan Aidenga chuan Cheua chu en ha pah hian uai hei zet zawng Vanzau mawitu lah ni reng che chuan a pawi lo ve, Phulzau khaw dal zawnga kepen te chuan an tuhrah an seng mai ṭhin tih leh a mi lu lak chem nen an pan chheu chheu mai a, Cheua chuan nuih sak paha ṭhen deuh chat chat chung hian ka lu hian kan khua thleng rawh se an ti sap a, Aidenga chuan i duh ang chuan le tih leh a chem vai zawk chu raulin Cheua lu leh taksa chu a hrang ta nawlh mai le.

Zarpui tlangval al dam tlemte chu in pe in hmeichhia ho leh mi pa ho te chu a hranga dah hlawm in chung zinga tlangval Vanzau tlangval chuan Cheua lu nei tawh lo let reng leh Zamana tukkhuma silaimu luhna kaw phat aṭanga thisen lo baw nuaih leh nunna nei tawh lo tih hriat ngawih ngawiha bawkkhup ngat chu khawngaih takin a thlir tlawk tlawk mai a.

Aidenga chuan hotu chan changin an Lalpa nghawnga a mi lu lak chema chuktuah chung hian ti hian eng nge kan thi theih i hre tawh viau ang chu maw? I nunna hi ka kut ah a awm tih i hria em? An tih chuan Lalpa chuan pasalṭha ka hria e, khawngaih takin nunau pawisawilo ho hi chuan tuar ve suh se an ti a.

Ka lu hi a ni lawm ni in Lalpa in a duh ? La la diriam takin ka lu hi bungzarah khai ang che u an tih chuan Aidenga chuan ni lo ve le, i uikawm rah vanga hetiang dinhmun thleng hi i nih hi, i nun kan zuah ang nga tumah hi salah kan hruai hek lovang, in ralthuam kan khawm vek ang nga kan Lal chhiah khawn khua in ni reng tawh ang thi leh dar kan hawn bawk ang tiin an neih rohlute khawm sakin an khaw lam an pan nghal a, Aidenga chuan in pawh hal a ṭul lo e ti hian hun leh ni te hi hrehaqm tamtak tuarin hmang rawh se tiin an khawlam an pan ta a.
.

Ṭap thawm leh na tuar rumri chuan khawchhung chu fanin tlangval tlem la dam nen chuan mi 120 ṭha chauh an ni ta an bianga mittui luang te chuan kirzai reng a rel si lo, an fapa an in nghahna ve te chuan pialralah sianglawi in hun an hmang mek a ni si. Zarpui Lalpa chu kum tlawk tlawkin mang lam pawha a man phak loh thihna kutvawt chuan a vangkhua lo manin eng tihzai reng rel thei lo in a Lalna vangkhuaa nunna nei tawh lo let ngut ho chu mit lasawn lek lo hian a thlir tlawk tlawk a.
.

Vanzau tlangval zawlbuk riak zunzunga a kal laia tlanchhuak ta chuan an khaw ramchin thlengin thaw hlawp hlawp hian mangang tak hian khaw lam a pan mek a. Ti chuan khua chu lutin zing eirel hun awm velah chuan thlengin chutia Lalin pana an khaw tlangval chau tih hriat taka tlan pai ṭuan ṭuang chu an lo enduh hlawm hle a. Lalin a thlen chuan Lalin chhung aṭanga thinrim aw lo chhuak chu a hlauhawm kher mai le. Lalpa chuan ka pasalṭha Kawla leh Runthera leh Rokhuma zu au nghal rawh tiin tlangaupa chu a tirliam nghal a.

Mahse Tlangval chuan Lalpa an pathum chu an awm tawh lovang, hmanhmawh takin Zarpui khua an pan, ka chhawlhalin ka lut a ka hrilh hmasa ta mai a ni an tih chuan Lalpa chuan tlangval lo awm hahdam ang che. Tih leh a vanglainun ang maia a thuam inbelin Cheua te hminglam chung chuan a banglaia a silai tun chu ngun taka enfel chung chuan Tlangaupavhnenah chuan tlangval 40 in min zui rawh se tun ah vat in Tih leh chemtei nu mi pa thu hnial tum duh ting suh, ka vangkhaw chhan nan hian ke ka pen dawn e, kawng laka eitur lo buatsaih rang ang che ti chher chher in a upa te chu a awm loh chhunga a khua leh tuia an duhdana ro lo rel tur chuan an chah nghal zat a.

Ti chuan le, tumah in be lem lo chuan Zarpui khaw lam pan chuan Mihrangval pathum te chu an lim ziai ziai mai a, an u te thihna chuan an nunah pawisak an nei tlem hle tih an mitmeng rapthlak tak aṭang chuan a hriat theih a,

Duhtawk phawt

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)