MI LU LAK CHEM by Muantea Khiangte (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

MI LU LAK CHEM by Muantea Khiangte (Completed)

Unread post by Ngaia » February 5th, 2019, 10:09 pm

MI-LU-LAK-CHEM.jpg
MI-LU-LAK-CHEM.jpg (10.81 KiB) Viewed 21872 times

MI LU LAK CHEM

BUNG 1 NA.
.
He Mi lu lak chem tih hi ka hmachhawp mek a nia bung khatna hi ka lo khiuriu ang che u.

Hmingchungnunga zawh a thar tur a ni e.
.

Vân dumpawl chhah tak kal ruai ruai kar a ni lo lang leh zeuh zeuh ṭhin chuan Zarpui khua in 150 lai inchhal ve khua chu a en leh zeuh zeuh ṭhin a, an Lalpa zaidam leh fel tak chuan a khawnbawl upa hnenah chuan Pu Liandal, hei awllen lai te lo ni bawk nen engpawh tawk thei kan nia, ralvenbuk lam hi kan thuam ṭhat a va ngai ve maw le, muangleia kan ṭhut lai hian min hmehmih barh duhtu khua te hi an awm lo vang tih pawh sawi theih ni suh an ti charh charh a.
.

Khawnbawl Upa min Pu Liandala chuan , Lalpa berin ṭha i tih leh ṭul i tih te chu kan bawhzui ang nga a ni mai a lawm, khawnge Tukṭhuan bar te pawh a hun lam lam tawh e, Lalpa bula han awm hi chuan khawdang leh changdang pawh kan hawiin kan kân thei lo zawng a nih hi tukṭhuan bar tui phawt le tiin in lam panin a haw ta a.
.

Khurpui venga in tlabal ve tawh tak, mi awmthei chhungkua an ni lo a ni tih hriat tak inchhungah chuan chungkaw pa ber chuan Rokhuma nu, ka mau tiang kha min han ban lawk ta che, ka pum ṭiṭauh dan hian min kam ul mai ka ti khawnge daiah kan daileng lawk teh ang tih leh tap a mei chhemkhuk bul aṭang chuan an in beng kang hluai a.
.

Leihka sanga tlangval tuaitirte, Zawlbuk pawh la kai lo, hmel pa hrak, mahse a thawkrim ve tawk a ni tih hriat tak tlangval dawldang tak, sangthlarh, cher ru riau tak chuan an chhungkaw dinhmun chhe lutuk leh an in tlabal lutuk chu a ngaihtuah rauh rauh a, chu mai chu a la ni lo. Mi hmuhsit, entleu leh diriam a tawk zing malh malh lutuk te chuan Zarpui khua chu pem chhuahsan hial a ni a chak ni.
.

Chuta kar a, Khum kebaia fapa luhlul tia mi chhaih nawmnah a tawk fo ṭhin te chuan a rilru a tina thei hle nghe nghe a ni.
.

Zan a ni a, Zan reh tak a ni, Thla bial zan a ni a, boruak thiangtak kara thli thaw heuh heuh te chu a dawngtu tan kalsan har a va ni chiang em. Leng haw Ar vawihnih a khuan hnu pawn Khurpui venga tlangval tuaitirte chuan mut zai pawh a rel thei lo, eng tak chuan maw mawlh ru tlat ang le? Tuibur hmuamda awm vel zet, leihka sanga ngaihtuah muk tak tih hriat tak maia vanlam hawia thlifim a dawn lai chuan Samsa thang rim na tak chuan a hnar chu a rawn luhkhung chiang hle mai le, chutia a hawikual vual vual laitak chuan an piah lawk in pakhata Nupa rek a awm, Pu Hualtawna te kaiṭena Sakei ṭial lian ṭha tak mai bawk vung vung chu a va hmu ta mai le, chutah le, chu Sakei chu inthing vak vakin a bula Sa bawp lian ṭha tak mai chu va hmu leh in ṭik pawh ti ngam lo chuan a en ngar mai a.
.

Chu Sakei ṭial lian ṭha tak mai chu thla no taka eng chuan a chhun chiang em em mai leh nghal a, chu Sakei chu in thing vak vakin zawi zawiin Mihring diktak maiah an chang leh zet zawng, a hmutu tlangval tuaitir chu a khur ru ta der der mai a, zawi sap hian Pu Tawna Keimi an ti sap a. Ti chuan le, Rokhuma chuan zawitea Pu Tawna te inlam pan ṭhem ṭhem in an in zawn an thlen chuan ṭawng thawm chu an hre ta vat reng a.
.

Pu Tawna nupui, Pi Chawngdengi chuan an pa bulah chuan rilruhah hmel tak hian U Tawn, khua hi keizawng chhuahsan mai a ni ka nap ni an ti tawl mai a, Pu Tawna chuan khawi hmunah pawh awm mah ila engmah a danglam dawn chuang hlei lo, mi hriat i hlauh a hnu nangmah kha pem la ti nia an ti chang rat a, chutah leh an kaiṭena ke pen thawm ah chuan an ti ti lai chu tawp chawt in an luhka chu an en dun nghal vat a, chutah le an inpiah lawk a mi Rokhuma chu an han hmu nawlh mai chu, mak an ti nupa hle nghe nghe a ni.
.

Rokhuma chuan Pu Tawna chu en ngar in kei hian engkim ka hria a ni, Pu Tawn, an ti tawl mai zawng Pu Tawna te nupa chuan sawitur an van hle mai le, Rokhuma chuan Pu Tawn, ka zep tlat ang, lungngai reng reng suh u, in tan a ka ṭangkai theihna awmchhun a piangah ka ding zel ang, ma rawh chu khawmite leh ran te ralṭi zawnga i awm loh hram ka beisei a ni an tih chuan Pu Tawna chuan Rokhum lo kal hnai teh engkim i hreta sa sa, tiin a tlangval laia khawkhat tlangval hmelṭha a nih thu te, Lasi a zawl a, a mihringpui neilo tura a intiam dan te, a hnu a tuna an nu Chawngdengi a neih leh vanga Ṭantlang Lasi Varparhi hremna a tawh dan te leh tun thlenga Varparhin a la biak thu te an sawi dap dap chuan Rokhuma chuan a khawngaih hle mai a, ṭanpui ngei tum chuan a rilru a siamfel hmak mai a.
.

Pu Tawna chuan Rokhum, tunah chuan ka fapa ang chiahin ka en tawh ang che tiin a banglaia a Silai ṭha zet mai tlawrh ve ngai lo chu melh leh in Zawlbuk i kai hunah ka banglaia ka tun Silai khi ka hlan ang che , khi Silai khi Lasi te malsawm hnan ngat a ni e an tih chuan Rokhuma chuan engmah phut let ka nei lah lo ve, Pu Tawn ngaihngam tak khan awm rawh u, ka chhungte'n min ngaihtuah lutuk ang nge ka ṭinsan phawt ang che u tiin in lam a panding nghal a.

Zingkhua a lo var a, tuikhur lam panin Rokhuma chu a tlanliam ve nghal a, tuikhur a zuk thlen chuan tui chu an thal nghal mawlh mawlh a, chutia ngawi renga tui a thal lai chuan a hnunglam aṭang chuan hmeichhe ṭawngri leh nui hak hak ri chuan a tui thal lai chu ti tawp chawt in an leh hawi a, an khaw nula hmelṭha tak a mah aia upa hret Thingdeng fanu Mankungi leh Lal fanu Zoliani chu lo ni rengin a biak phak an ni lo tih hriat tak mai hian a tui thal lai chu an thal leh mai a, Mankungi chuan ui Pu Khum kebaia fapa chu a va tho hma ve min han thal khalh chu le an ti bai bai a, chu tia a pa hming hmusitna rawngkai tak a Khum kebaia fapa a han ti kher chu a rilru a na hle mai le, tiang em em a an khaw nula leh zelin a an hmuhsitna ṭawngkam a dawn hi a ring pha mawlh lo a ni.
.

A thal zawha haw tura a inhet chiah lai chuan Lal fanu chuan hei, min han thal sak ve law law teh tiin thunei aw tak mai chuan Rokhuma chu an ko a, Rokhuma chuan in duh leh thal ve ula a ni mai alawm, tiin a kalsan ta hmak a, chutah le, Lal fanu chuan i va zak lo ve a, Lal fanu thusawi hnial ngam turin eng nge ni a i inhriat a? I chak lo ang lo ngsi tak rawh Khum kebaia fapa an ti leh kher a, mahse eng ah mah ngai lo chung chuan Rokhuma mi luhlul chu a kal ngat ngat mai a.
.

In acthlen chuan Rokhuma chu avtum deuh par mai a, a nu chuan lo manthiam nghalin Taite, mi ṭawngkam na i dawng leh ta em ni an tih chuan Rokhuma chu an bu nghat a, tuibur hmuamda awm velah chuan Tlangaupa chu Rokhuma te inah chuan lo chuangkaiin hei in fapa hi Pi Zing Lalin a hmu duh a ni an rawn tih chuan Rokhuma nu chuan chhe hei le eng pawipang nge awm a, Taite? An ti ha a, Rokhuma chuan ka nu ka rawn haw lamah ka hrilh dawn che nia tih pahin Tlangaupa nen chuan Lalin lam an pan dun nghal a.
.

Lalin a han thlen chuan tap lamah chuan Lal fanu chuan huat hmel takin Rokhuma lo lut chu an lo ner khum vel a, Lal, Laltawnliana chuan Rokhuma chu melh kul chung hian a hmel en aia aw dam thluam mai hian tlangval in thu leh hla han sawi teh le, hei ka fanu hi i chungah a lungawi lo hle mai a engti zia nge an ti dam thluam a.
.

Rokhuma chuan Lal fanu melh zak zak in hmusit taka an ṭawngkhum dan an sawi chuan Lalpa chuan a fanu chu melh run chung hian Zolian ding teh an ti tuarh mai a, Lal fanu chu phuzawkin Rokhuma a hauh hrep ringa a thinlung a lo lawm tawh vei nen chutia a pa hmaisa an hmuh zet chuan a lo rilruk nen chuan in persan a ti hle mai le
.

Lalpa chuan mi hmusit turin i nu hian harsa takin a hring chhuak lo che, i pa hi Zarpui khaw lal ni mah ila chhia leh ṭha i hriat hnu pawh hian mi chungtlang tak a ka ṭawngkhum i hre tawh ngai em? I pa hi min ti zak nawn tawh ngai suh, Tlangaupa Mankungi chu va au teh le an tih leh chuan Tlangaupa pawh chu Lalin aṭang chuan a petek chhuak rang kher mai, tiang em em a Lalpa thinrim hi an la hmu ngsi tlat lo.
.

Mankungi a lo thlen chuan Lalpa chuan rum taka melh run chung hian Zolian ka hmaah hian rawn ding dun ru an tih chuan a fanu te ṭhiandun chu melh kul chung chuan mi hmusita mi diriam turin eng nge in nih? Zangkhua pawh a la bungbu thei asin, tu hian nge hmahun hre lawk? Ka beng hriat ah mi hnuaichhiah ranin han ṭawngkhum leh teh u, kei Zarpui khaw Lalpa hian dikna leh inremna leh in hmangaihna ka duh, tu fa pawh ni ula in chungah angkhat vekin ro ka rel ang, Mankung i nu leh pa rawn leng rawh se va haw tawh rawh an ti ram hmak a, Mankungi chu rang taka haw in a haw kawngah chuan Rokhuma chu haw tak chung chuan a in sawh a in sawh a, Lalpa chuan tlangval Pu Zakhuma fapa maw i nih i hming tu nge le an ti nem duai a, Rokhuma chuan Lalpa Rokhuma ka ni e an tih chuan Lalpa chuan aw le zu haw tawh rawh khai, i chhungte ngaihlam lam pawh a ṭha lo ang nge i lo hrethiam hram hram dawn nia a tih chuan Rokhuma chu in lam panin a haw nghal a.
.

Lal fanu leh Mankungi hi nula hmelṭha tak ni dunin an inkawmngeih em em mai a, mi reng reng hian Mankungi a hmelṭha zawk, Lal fanu a ṭha zawk ti ten an in hnial phah fo ṭhin reng a ni

Rokhuma'n in a thlen chuan a nu leh pa chuan thil awmzia an lo zawt a a sawi ta vek mai a, a pa chuan kan Lalpa hi Lal ṭha tak a ni reng asin an ti chuai raih a, tukṭhuan eikham chuan chaw lian tawk tak funin chul ram lama Samṭawk leh bawkbawn rah leh tumbu vel zawnga kal tur chuan a in siam sawk sawk a, ti chuan mi feh kal hma chuan liam thlain awllen lai a nia a ṭul zual te tak tak lo chu feh pawh an awm mang lo hian feh kawngah te chuan mihring thawm ri va hriattur a vang hle nghe nghe a ni.
.

Ti chuan le kal zelin a kal pah te chuan hmuhsitna dengkhawng tak tak a tawh hnem tawh zia te chhut melh melh in a tumram lam pawh a hnaih ve zel a, kawi thum zet zawt an kal leh hnu chuan Kham chhrngchheng tak awmna chu a thleng ta a, he kham hi an feh kawng kual laia awm a ni a, patling hlam nga dawn velah hian kham chu helna kawng sialin tah chuan an kal mai zel a, kham sangtak chu tuman an tlawhpawh ngai lo a ni.
.

Rokhuma chuan chu kham chu ding chawl meuh in an melh kal mai a, eng emaw mawlhtu awm tlat hian a hre nghe nghe a ni. Midang lo kal an awm nge awmlo tiin an hawi kual zak zak a, chutah le, Rokhuma chuan kham chu pan thlain a ko tlang an thlen chuan kham hnuai chu an thlir thla a, kham hnuai aṭang chuan thli rawn thaw chho heuh heuhin chu thli thaw chuan rim dang a rawn chhem chho tel ta tlat mai le, mei khu rim rawn nam chho chek chek in Rokhuma chuan mak hi a ti em em mai a, helai hmunah hian tumah an kal ngai si lo, fiah chu a tum ruh hle a ni.( He tia kham kotlanga a dinlai tak hian Lal fanu leh Mankungi hian namthlak daih an chak ngawt ang).

Hel dan tur zawng ngar ngarin a tawp a tawp ah chuan a hmu fuh ta, fimkhur taka lei tlahniam tila chhuk thla in a chempui ken chuan lei chu til mahse in hamtan nan a hmangin a theitawk chuan a chempui hmawr chuan lei kham chu thuk lem lo taka sawhphun thlain a chhuk thei ve zel a, thui fe a chhuk hnu chuan kawng rualrem zet mai kham kotlang aṭanga lang thei si lo laiah chuan kham lai tak pan thlakna hi a lo awm riak mai a, Rokhuma chuan mak a tiin ka ho hian ding awn deuh dai chung chuan an thlek phei a, chu kawng zimte lo in phan phei riak lam chu zawh pheiin a tawp dawn hnaiah chuan dinglamah kual tereuhte hi lo awm in an kual a chutah le a thil hmuh chu awihawm lo khawpa mak tiin ka ho hian a thlir reng ringawt a. Chutia Kham chanve lai vela puk ṭha zet mai leh luahlum lai a ni tih hriat zet chu luhna chang pawh hrelo chuan a en reng ringawt a, chutah le in ring tak chunga chempui hum chung chuan puk lam chu an pan ṭhem ṭhem a, Puk chhung chu a nuam in a dai a, a lo belin a thim deuh chhalh bawk a, kal zelin a chanve awm vel kal tawha a in ngaih laitak chuan a hming ngeia rawn ko tu an awm ta tlat mai le, Rokhum dingrawh tih ri chuan a kal lai chu a ti tawp chawt a, chu hmeichhe aw vintak kara ngsihnbei tak aw lo chhuak chu thip tak ni mahse ngaihthlak nuam a ti lawi si. Rokhuma chuan changrat hian tu nge i nih tuma thu in ka awm dawn lo tiin an pen leh hmak mai a, chutah le hmeichhia chuan ding rawh kal tawh suh ka ti helamah tia aw lo chhuah nalam bang lam an hawi phei chuan nula hmelṭha em em mai, nu hnap mai a mal vawng lang chiang em em mai chuan Rokhuma chu a lo melh ngar mai zawng, Rokhuma chu a phuzawk hial a ni.
.

Nula chuan tu nge i nih ka hria che, tiin Pu Tawna nen an tunhma chanchin an hrilh hnu chuan Nula chuan he hmun hi zep tlat ang che, ka puk a nih hi i duh hun hunah i khawsak ve ka phalsak ang che, lo hnai teh an tih chuan Rokhuma chuan muangchang chuan an pan hnai a, a bul a thlen chuan Rokhuma chal chu an khawihsak vang vang a a kut a lakthlak hnu chuan nuisang chung hian mal ka sawm che a nih kha, Zarpui khaw muantu i la ni ang nga, khualkai hat khawpin i la thang ang. Sa ah malsawmna i la dawng dawn chauh a, i chakna leh i ṭuan ṭhatna te kha mi te chungah chapo nan hmang ngai suh ang che, mal ka sawm che hi tuma hnenah i sawi chhuak tur a ni lo, mal ka sawm che hi i fiah duh chuan in khaw Zawlbuk chhungah i fiah thei ang.
.

I tumram kha chu pan lo mai la, mauhak karah i sa tur a tang e, kal rawh le ka hahchawlh a hun e tiin puk thim lam chu a pan phei nghal a, Rokhuma chu a ngaihna hrelo tak chung chuan an khaw lam chu a pan nghal a.
.

Mauhak hmun a han thlen chuan Sakhi patuai lianṭha zet mai hi mau bul leh bul in karah lo tangin a lo in hai bat bat mai an hmuh chuan a thusawi kha a dik a ni tiin chu sakhi patuai chu a nghawng an sat pawk mai zawng khur ngat ngat in a zal ta raih raih mai a,, Sakhi chu pawt chhuakin an pu vawk mai chu a mah leh a mah pawh chu mak a in ti hle mai a, an khaw lungdawh a thlen chuan naupangho chuan zui dam dam in a ki ka duh ti ten an han dil liam liam a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 6th, 2019, 5:39 pm

MI LU LAK CHEM
.

BUNG 2 NA.
.

Rokhuma chuan ka nu hei Sakhi vanneihthlak takin Mau karah a lo tang hlsuh mai a tiin a nu rawng lo bawl lai chu an au a, a nu chu lo chhuak vatin a fapa in chutia Sakhi patuai mam nalh tak mai la lum vat vat an lo hawn chu a hnuk te lam lam chu a ulh hial zawk a ni, a pa nen chuan chan zung zungin an thenawm hnai te chu hleh kual dan danin Lal sa tur chu a nu in kriman ka han pe ang nge tih leh Lalin lam pan a rual nghal a.
.

Pi Rozingi'n Lalin a han thlen chuan Lalpa leh midangho chu an lo awmkim ṭhap mai a, Lalpa chuan lo chhawn thuai in aw hawi le Pi Zingi lah nireng chuan khawilam sa nge ni le? Tiin aw nelawm tak chuan an lo zawt dam diai a, Pi Rozingi chuan hei ka fapa in Mau karah a lo tang hlauh mai a, ka vawhlum a tiin a rawn pu haw ta mai alawm le, Lalpa rngtham mah ni lo mah se hei in sa tur a ni e ka kal leh nghal mai ta nge ka rawngbawl lah ka lo zo si lo an ti bah nak a. Lalpa chuan aw le kan lawm e, tiin an chhawn a.
.

Zanriah kil lai chuan Zakhuma chuan hei thlangval i lo ni ve ta a, zanin hian zawlbuk kai ve tawh la a ṭha ang, tiin awmdanmawi leh aia upa te zahna kawng hrang hranga hriattur ṭul chu an hrilh dap dap a, Rokhuma chuan aw le, ka pa Kapzaua leh Fangmawia pawh hian Zawlbuk kai an duh ve tawh chuan ka hria, kan zu sawm chhin ang nge tih leh kal chhuah a rual nghal a.
.

A ṭhian te pawn an lo remtih tak ah chuan Zawlbuk lam pan chuan an in pu chho ve hnak hnak hlawm a, Zawlbuk an han thlen chuan Valupa Kapliana chuan uai zanin chu mithar kan nei ngei dawn e hawh u meilum hi lo hnungpuak ve rawh u khai tiin tlangval tuaitir pathum te chu an melh ran a, Rokhuma chuan K'u Kaplian a ngai lo ve, tiin a rem lai laiah chuan an puanthuah chu an han vawmkhawm ve rawih mai a, zawlbuk a valupa te ti ti chu mei engin a chhun phak lo vah chuan an ngaithla ṭhap hlawm a.
.

Lengi run kai hma chuan tlangval ho chu Zawlbuk lam pan chuan an lo ri phri nak nak hlawm a, Khawnbawl fapa in luling tak mai leh a pa nihna hrerana midang hnuai en ran Sawithanga leh a chi kawi pali te chuan Zawlbuk lo lawi in Sawithanga chuan K'u Kaplian hei zawlbuk kai ṭhar kan nei e law maw? Tiin an zawt a, Valupa chuan aw a nih hi zanin chu ennawm hmuhtur a awm dawn e tiin phur tak mai chuan a lo chhawn a.
.

Sawithanga chuan a nih chu maw le, Lengi run kai zawh lam ah a niang chu maw? An tih chuan Valupa chuan ni e, mah se, zawlbuk pan lam hma tum ṭheuh i la an ti nem duai a, Sawithanga chuan zawi sap hian ka thu thu tih leh chhuah a rual nghal a. Nakinah chuan Valupa chuan an ni ṭhian thum chu hui hnaiin thuṭha engkim an hrilh dap dap a, chutia ngawi renga a sawilai chuan an khaw pasalṭha ralhrat ve tak leh sa pawh la thei tak Mantawna chu lo lang in kha zawlbuk kaithat kan nei e law an tih chuan Valupa chuan aw a nih hi kan pasalṭha chu khawilam thlichhia in nge lo chhem lut ve teh tlat che a? An tih chuan Mantawna chuan e le, zawlbuk buan ka mit hian a hmu khat tawh em alawm maw le khawnge ni mei hi hnungpuak pah hian kan Zawlbuk kaithar te infiamna chu lo nghak ang hmiang, tih leh a mawng chu meichhem bula hun an rual nghal a.
.

Lengi runkai haw ho chu Zawlbuk lamah chuan an rawn ri phei nak nak hlawm a, an khaw buanchak Zochhuma pawh mei engin a chhun chinah chuan a ṭhu vei luah a, Fangmawia chuan Rokhuma kheuh zauh pah chuan saw pui saw chu ka buan chak zawng a ni miah lo mai a tiin an nui kur kur a, (Zochhuma kawh zauh pah chuan)
.

Valupa chuan hei leh Zawlbuk kai thar pathum ngawt kan nei a, tu nge le kan kaithar lo buan hmasa ber dawn le an tih chuan an khaw tlangval tawr ṭha vectawk tak chu lo pen chhuak in Rokhuma te lam chu an melh zauh a, chutah le Fangmawia chu lo penchhuakin Valupa chuan khaile in ring ru le tiin vawikhat, vawihnih, vawithum tiin vawithumnaah chuan le an ṭang dun nghal phat mai a, Fangmawia chu avtumpuipa chuan a phawi kang vawk mai a, a vawihnihnaah pawh chuan Fangmawia chu a kang leh ta vawk mai a, chutah le, Valupa chuan nangni pahnih chu lo chawl ula Rokhuma kha lo penchhuak rawh se an tih chuan Rokhuma chu muangchangin an lo pen chhuak a.
.

Chutah le an khaw pasalṭha lo pen chhuakin kha chu keima bitum tur a ni ngai e, tih leh Rokhuma lam chu an pan phei a, midangho chu an lo ngawi ṭhap mai a, chutia an khaw pasalṭha zaidam leh nunnem, mite entawn ber Rokhuma hmachhawn zawnga lo penchhuak chu lo thlirin ṭik pawh an ti ngam lo a chha chu a ni e.
.

Rokhuma chuan zawisap hian ka pa Man min dim deuh la aw an ti thawp sat a, an khaw pasalṭha chuan nuihsak pah chuan a lu an bu nghat a, Valupa in le an tih rual chuan Rokhuma chu a kang vawk mai a, a vawihnih naah erawh an khaw pasalṭha chu a kang ve thung a, midangho chuan ka ho hian a kang e a phawi kang e an lo ti sap sap hlawm a, a vawithumnaah etawh Rokhuma chuan tha thlahin a mah leh a mah chu an kang lui dawrh mai a, an khaw pasalṭha chuan midang hriat loh tur hian i chak hle mai ka ti tlangval i tha chanve pawh ka hneh dawn miah lo a nih kha tiin a ṭhutna lam a pan a.
.

Chutah Valupa chuan aw le Kapzau chu nak zan lamah kan khek rih ang tia a sawilaitak chuan khawnbawl fapa chuan khaih khaih Lengi run ka lo kai tui deuh nen ka pum nuam lo ka dai pan lai lai a khatia in lo duhtawk mai ten khawnge kan zaqlbuk kai thar chu mut ti tui tu atan kan buan ve reng reng teh ang tih leh Rokhuma chu auh pah hian naua mi pa i nih ngai chuan min lo hmachhawn teh khai an tih chuan Zawlbuk boruak chu a ṭang ta at mai le.
.

Rokhuma chuan chutia naua tia han in auh kher kher chu a la na ve ngang a niang i he lo chuan Sawithanga chu an hmachhawn ta siah mai a, Sawithanga chuan naua zaqlbuk bang deng puar pawp khawpin khawnge kan bin teh ang che, tih keh Rokhuma puanven leh a nak vun chu ṭham tel tawkin an herh vial sak leh hram a, Rokhuma chu ngawi rengin Valupa au chhuah chu an ngaichang a, Valupa in khai le an tih ve leh chuan Rokhuma chuan an chawikang vawk mai zawng, lo hmutu te chuan an awih lo hial a ni, a rang em lah tak a, leia nghat duh lawk lo vin an vir kualpui a, ti chuan an nghat ta a.
.

Sawithanga thinrim lutuk chuan ang hmuar hmuar in Khum kebaia fapa phawikana kan awm chu le an ti ṭhawt a, chu ve leh Rokhuma chu sa ve phat in ṭawng miah lo chuan a mitmeng nelaqmna pakhatmah nei tawh lo chuan lo kal ta che an ti khur dar dar a, chu tah le an in ring ta maw tih leh Valupa chuan khai le an tih leh chuan Rokhuma chuan Sawithanga chuan ṭan na hun pawh pe hman lo khawpin Zawlbuk bang deng puar pawp khawp chuan an vawrh tehreng a nih kha, midangho chuan Sawithanga chu ngsihven nghal hak in an kilbial laih laih a, a ṭhen phei chuan Rokhuma tlangval satliah ve mai, satui hang pawh hawp zen zen lo, tlangval tuaitir te, chuti em em a tha an lo nei mai chu mak an ti in ka ho hian an thlir dauh dauh hlawm a.
.

An khaw pasalṭha chuan nuih sak pah hian Valupa hnenah chuan mibik tur diktak an saqi ṭhin ngei hi a nih hi tiin Rokhuma chu an kawk vah a, Sawithanga chu thinrim tak a mengsen ram chung hian dangawm teh u ka ṭha ka engmah a na lo ve, tiin an sawi a, na neilo angin awm mah se a dar dinglam dik lo chu a hai mawlh si lo.
.

Valupa chuan a tawk tawh e, zanin atan, tuman bengchheng siam tawh loh ni se mahni muthmun ṭheuh i pan ang u le tiin an sawi a.
.

Hun leh ni te liam ve zelin khaw mipui tlem zawk chuan Rokhuma chak zia chu an sawi sep sep hlawm a,,a ni lah lo lam a ṭulin a riak daih mai leh nghal a, a rukin a ram riah laite chuan awl laiin insual leh sakawl laka in ven dan te chu a zir ngat ngat zel a, a ni tel in a taksa pawn puitlin lam panin a hmel te lah chu eng hi nge a ngeih tih ber pawh hriat si lohin a pa in a ṭha telh telh mai a, a pian lah mibik tia an sawiho tam tak in an neih ang hi a ni ta.
.

Khaw chhungah a awm tlem em em mai a, Keimi Hualtawna Silai a hawh te chuan sa hi nitin deuh thaw a kap a ni ber ta mai le, a thlam teruhteah chuan salu an tlar ve dal mai a, zanlaiah te hian mumang mak tak tak hi a mang fo ṭhin nghe nghe a ni. A thlam tereuhteah chuan tamtham tak sa rep rep khawlin ṭhenawm khawvengte leh Lal sa a phur haw tur te chu a hlim em em mai a, chutia hlim taka a awmlai chuan an khaw piah lawk, ni hnih kal vel lek ah hian khaw pakhat Lunglian khua in 250 inchhal khua chuan an Lal Bualthanga thupek angin a pasalṭha Hreuthanga khualkai pha ngat, Lusei Lalna ram hrang hrangah chuan a hming hrelo fa an awm lo hial ang tih khawp a mi hmingthang leh a chi kawi pa5 te chuan an Lal fapa Bualzinga tan Zarpui Lal fanu chu dil turin a lo tir chu ni in, an Lalpa chuan an rem ngei tur a ni, an rel loha chhuanlam fahrah te te an siam chuan an khua meivapah kan chantir tur a ni an ti chhur chhur mai a.
.

Lunglian khaw Pasalṭha chuan a naute hnenah chuan hei khua pawh kan lut hnai dawn ta, fimkhur taka chet kan lak a ngai ang, tiin Zarpui khaw ramchinah chuan Ni thlangtla tur chu an nghak a. Rokhuma pawh chu in phur bawr luk chung chuan kawtchhuah an chuan an ṭhu chawl vang vang a, khawtuala naupang infiam te ho chu hla tak aṭangin a han hmu thei a, kal zelin ram lama hun a hmang tam lutuk chuan awmdan te pawh a ti thiamlo hial zawmah a, naupang ho lah chuan ai saw mikhual tiin an mahni khaw tlangval ngei chu mikhualah an lo chhuah chu ni in Rokhuma phei chu a thinrim hial zawk a ni.
.

In a thlen chuan a nu leh pa chuan en hrek hrek in a tawp a tawpah chuan a pa chuan kan khaw kalkawngte i la hria maw an lo ti hu a, a awm lo hran lo e, furpui chhung tehmeuh ram han riah chu a chhungte tan chuan.
.

Rokhuma pawh chuan ka pa em em ṭhin hi hei sanghal sa leh sakhi sa tiin a thil phurh chu an bun ruih mai zawng, a nu chuan taite a va tam em em ve, i hah dam se Lalsa tur han pe lawk mai ta che tih leh Lalsa tur chu an thliarhrang zung zung a. Rokhuma chu tuibur hmuamda awm vel an ṭhut thlandaih hnu chuan Lalin lam panin sanghal sarep tamtham tak keng chuan pheikhai zang vahin an kal a.
.

Lalin a han thlen chuan Lalpa chuan aw haw tlangval khawilam sa nge tiin an lo zawt hu a, Rokhuma chuan Lalpa Sanghal sa a nih hi ka vanneiha siamin kan kap ve a, tih tham pawh a ni law tia a sawilai chuan
Lal kaiṭen chu rawn ri ṭham ṭham in hawihhawmna tlachham tak mai nen chuan Lalpa i khua chu hei a va lo lian tawh tak ve hmuh loh karin, hei i Lalin pawn kan Lalin a dung a thul ve lam lam tawh e tih leh Lalin chhunga pen luh an rual nghal zat a.
.

Lalpa chuan chhei raw, Lunglian khualkai Pasalṭha te lah nireng che u chuan pawipangte a awm em lovang chu maw? An ti nem duai a, Pasalṭha Hreuthanga chuan awm lah lo ve, hei kan Lalpa thukenga lo kal kan nia, hei Kan Lal fapa hian i fanu hi nupui atan a duh miau mai si a, man leh mual tawh pawh kan sawitlang a niang chu tiin an hawi vawlh vawlh a.
.

Lalpa chuan uai chuti zawng chuan maw kan in biak dawn a? Chutia in Lal fapa in ka fanu te a lo hmel duh a hnu keini pawh kan lo inrawn ang nga, ka fanu pawh kan lo berawn reng reng a niang chu an tih chuan Lunglian Pasalṭha chuan uai a pa i la dam a, a ni te chuan thu va nei suh, Lalpa ti hian kan sawifel thei mai lovem ni an tih lai chuan Lal fanu leh an khaw nula hmelṭhaMankungi chu nui har har hian Lalin ah chuan an rawn in zui lut a.
.

Chutia Lalin a mikhual nelawm lem loh tak, an han hmu thut chu an phuzawk hial a ni.
Lal fanu leh a ṭhiannu an han hmuh chuan hmelṭha an ti dun in Lunglian pasalṭha chuan khawi zawk hi nge i fanu an tih chuan Lalpa chuan an hrilh nghal zat a, Lunglian pasalṭha chuan Lalpa in khaw nula te hi an ṭhat phekphuk hlawm hi maw Nula lo hnai teh tu nge i hming tia a sawilai chuan Rokhuma chuan Lalpa ka chhuak thei tawh angem an tih chuan Pasalṭha chuan Lalpa bulah chuan hei sal i nei em ni an tih chuan Lalpa chuan nei lo ve kan khaw tlangval a nih kha hei sa min lo hleh zawk a nia an tih chuan Lunglian Pasalṭha chuan uai mi thangawk te hi a lo ni zawk ang nge, an tih chuan Rokhuma chuan melh ding ngarin ka pu, mithangawk ka la ngai lo, mi thil pawh ka la ngai lo an ti chang fak mai a.
.

Lunglian pasalṭha chuan Lalpa i khaw tlangval thusawi chuan mi dek zar mai ka ti an tih chuan Khai khaih insum la, naupang mai a la nih kha Lalpa chuan an lo tinem duai a. Naua i pu rual ka ni em ni? Mankungi melh rulh pah chuan ranngo zawngin ka lo kal a khati khan vawikhat mah min ko tawh ngai suh, haw la i nu pawnfen va feng tawh tiin an nui huah huah a.
.

Rokhuma chu haw mai lo chuan Chu khualkai pasalṭha chu en ding ngar ngar chung chuan Lalin chhungah chuan a ding teu mai a, chutah le, Lunglian pasalṭha chuan uai naupang i va luhlul ve maw le, ka sawi kha i hre lo em ni? Tih leh Rokhuma chu nem hrrsawk an tum thla rawk a, Rokhuma chu a nem per zo i khaw lo mai le, Lunglian pasalṭha chuan naua tu nge ka nih i hria em? I lu hi ka khai haw ngei ang an tih chuan Lalpa chuan khaih khaih khaih Khualkai pasalṭha i nih tun kan hai lo ve, ka Lalna ram chhunga buaina siam ka duh lo ve an ti a.
.

Lunglian Pasalṭha chuan Lalpa min lo hrethiam teh tih leh Rokhuma hmachhawn chu a rual nghal a. Rokhuma chuan Lalpa kei pawh min ngsidam hram dawn nia, tih leh chhuah rualin Lal tual a thlen chuan midang lo awm te ho chuan an lo en ṭhap a, Rokhuma chu hmanhmawh taka tlang haw nghalin a chempui hum chungin Lalin lamah a rawn lim chho ta puat puat mai le.
.

Lal tuala midang lo pungkhawm ho chuan kan,Khum kebaia fapa kha a ni em an lo ti hu hlawm a, a pian leh hmel lo danglam ta lutuk chuan khaw mipuite mak tih pawh a hlawh hial zawk a ni. Lal tual Rokhumah a thlen chuan ring taka au in Lunglian Pasalṭha khualkai kha mi pa i nih ngai chuan min lo hmachhawn ta che an ti vin ṭhawt a, a,aw chhuak chuan thihna a kengtel tlat mai le.
.

Lunglian Pasalṭha chuan uai tu falubawk nge tih leh a chempui vilik pah chuan Lal tual lam chu a pan thla a, a hmaa ding tlangval pian nalh tak leh hmel pa hrak mai chu en ha chung hian nau a leh kha aw lo inring rawh aw tih leh bawh phei a rual, Rokhuma chuan zawi sap hian khualkai ve si ah chuan i ṭuan a va fum ve maw le tih leh Lunglian Pasalṭha lo tlan phei chu tlan paha pan ve in Lunglian pasalṭha chem chu lo thlawk phei ve fuain a bum hman lo teuh kher mai le, kun hniam dawrh in Rokhuma chu a chal a pilh hlak hman ta tho mai le, Lunglian Pasalṭha chu nuih hak pah hian nau a leh,,tih leh a lam pana tlab a tumlai tak chuan Rokhuma chuan a hmakhalh ta, Lunglian pasalṭha lama limphei puat in a chem an vai chhuak chu mipuiho chu ṭe ṭhat in Lal tuala Lunglian khualkai pasalṭha Lu leh taksa hrang nawlh chu ka ho hian an thlir tlawk tlawk hlawm a.
.

Lunglian la dam ho chuan beihmi a ni lo tih hriat tak mai hian a hmai pawh en ngam lo in kan tlawm e kan chungah zahngai tiin Rokhuma hmaah chuan sangtakah ban an phar chho a, lo entu mipui ho chuan englaiin nge Rokhuma hian a sah tih reng an hre lo, lim phei puat lai zawng an hmu hman.
.

Rokhuma chuan Lalpa lam en pah chuan Lalpa min ngaidam ang che ti sap pah chuan in lam a pan nghal a,Lunglian khua la dam ho hnenah chuan in pasalṭha ruang hi hlawm ula khua hi chhuahsan rang rawh u. Tiin thu an pe a.
.

Hun leh ni te ral zel in a ni telin Rokhuma chu a hmel a ṭha in a pian te lah chu a mawi tawlh tawlh mai a, sa lah a la thei, an khaw nula ho lah chuan an runsang kai turin an mitmei fo a, mahse Nula lam a hawi der si lo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 7th, 2019, 7:36 pm

MI LU LAK CHEM

BUNG 3 NA.
.

Zarpui khaw Pasalṭha Huzaua chuan Pu Khum tukṭhuam te in bar ve tawh maw? An tih chuan Rokhuma pa chuan aw haw lo kal teh khai, teh hlawl che chuan kan Pasalṭha chu khawilam lamah nge vah chhuah in tum le an ti nem diai a, Huzaua chuan vawin lam chu Sesih mual lam han hrut mai mai kan tum maw le, kan thudanga lai chuan kha Rokhum khawilamah nge vah chhuah in tum a? Tia a zawh chuan Rokhuma chuan chul hrut pahin sa hnu tharlam te hmuh fuh takin ka tia hei Ram lama vah chhuak ka lo tum a tiin an chhang a.
.

Huzaua chuan chuti kan kalrual mai dawn em ni an tih chuan Rokhuma chuan a thinlunga phur ru tak leh nuih sak pah hian kan Pasalṭha te hnungzui te chu kan chak zawng tak a lawm maw le, ka hman chu a ni ta der mai a, tih pah chuan a nun chaw a funsak chu an ak nghal zat a. Pu Khuma chuan e keini fa pa ve zawng, han hruai lim lam tlak va ni suh, a tibuai mai mai lawng che maw an tih chuan Huzaua chuan khaih khaih khaih Pu Khum i fapa hnung hi ka zui zawk dawn maw le, i fa pa hi i la hrechianglo mai mai a nih kha an ti hlut a.
.

Ti chuan kawtchhuah lam an han thlen chuan Nula leh tlangval inlawm te chu an lo in nghak khawm far hlawm a, chutia an khaw Pasalṭha leh an khaw tlangval tuaitir hmaifang ṭha zet leh pian dik tak, ral lu naupangtea khai thei chu an hmu duh in nula te chuan Rokhuma chu melh bik takin haw lo tih hriat tak mai hian an han melh de kal raih hlawm a. Huzaua chuan nula ho hnenah chuan in lawmte in nghak nge thing in phur dawn le tia an zawh chuan nula ho chuan hei kan lawm te kan lo nghak a tia an chhan chuan Huzaua chuan nih chu hma kan han hruai ang nge hawh le kal zai kan rel mai dawn em ni? An tih chuan Rokhuma chuan nia a pawi hleinem tih pah chuan an kal nghal a.
.

Kal pah chuan Rokhuma chuan U Zau, kei chu khua hi pem chhuahsan daih mai hi ka duh rum rum ṭhin an tih chuan Huzaua kal lai chu ding meuhin Rokhuma en he haw pah chuan engvang chuan maw? I vanglai hun i hmang dawn chauh a, chutiang rilru te i put tak mai le an tih chuan Rokhuma chuan nia chutia ngaihtuah zawng chuan nihna lai chen chu awm ṭhin mah se, mi te hmuhsitna ṭawngkam dawn reng mai zawng tlangval nunkawng zawhṭan tan chuan nâ tih chang hi ka nei ṭhin a, Khum kebaia fa pa tih lo ri leh ṭhin hi ngaihthlak a hrehawm em a ni an ti a.
.

Huzaua chuan nih phei zawng a ni mahna le, chu tiang ṭawngkam chu hun a kal ve zel ang nga rehlam te pawh a la pan tur ngai ang aw, chhel takin awm la, he khaw muantu hi i la ni dawn a ni, engkim hi a eng zawnga thlir hram hram tum tur, i kiangah ka ding zel dawn alawm an ti a, Theikum mual an thlen thlak chuan Huzaua chuan hei le, sih awmna lai pawh kan hnaih ta thawm in dim teh ang hmiang, tiin a silai chu an en dik nghal a.
.

Sa hnu tharlam hmuh tur awm nual chuan Pasalṭha pahnih thinlung chu a tilawm hle mai. Huzaua chuan Rokhum hei sih kan lut dawn a inring reng khan awm rawh aw an tih chuan Rokhuma chu a lo in peih sa diam tawh zawk hi a lo nia. U Zau ka inring e hma han hruai la an tih chuan Huzaua chuan thawm dim tak mai hian Sih chu an pan ṭhem ṭhem a. Sih an thlen dawn hnaih chuan hnim pik kar aṭang chuan Sih ruam chu an han hawi thla a, chutah le, Sih tui tlan a thlamuang taka tui lo dawt Nghalmal chu chiang tak mai hian an zu hmu thei a, Huzaua chuan i sa tur a ni e, tlem han veh hnai deuh la a zak dawh laitak khu i tum dawn nia, an tih chuan Rokhuma chuan mai mai a U Zau i sa tur zawk a lawm, aia upate awm reng laia a naupang zawkin an hmakhalh ngai lo ve an tih tak tlat ah chuan Huzaua chuan hnial buai duh lo chuan a veilam sirah an hel hnai hrat hrat a.
.

Chutah le, chulai ruam khawk rum rum chuan Silai chu an puak ṭhuaia, Nghalmal chuan a zakdawh ah tak silaimuin a dawn takah chuan tuiah chuan a bawk khup run mai a, meng pual ru ru chung chuan a thei tawkin thawh tum eng ang mahse thawh zai reng a rel thei lo, chutah Silai an puah nawn leh sak tak ah chuan Nghalmal chu khur dar dar hian a zal ta raih raih ta a.
.

Rokhuma chuan Huzaua chu hnaih thla vatin a kiang a zu thlen thlak chuan Huzaua chuan nuih var var pah chuan Ngenmu hnih ngawt sen atan chuan a patuai lam hret chu a ni e, hawh awi zawl deuh ah hian i pawt chhuak ang hmiang an tih chuan Rokhuma chuan pui bghal vat in a ke hnung pahnih ah chuan an phih pawp mai zawng, Nghalmal tuai chu a che ṭha duh teh e.
.

Huzaua chuan mak ti tak mai hian tha i va ngah ve le aw, tiin an en vung vung mai a,,Rokhuma lah pek chuan fiamthu ti tak deuh hian kan khaw chawilung pawh khi zawlbuk ah ka hung thei hial ang chu an tih leh lek phei chuan awih tak mai hian nangpui roh hian i thei zaw ngei ang ka ti Sa dang melh hman kan ni tawh lo ve ti hian i lungawi dun mai a niang chu an tih chuan Rokhuma chuan U Zau lungawi e le, hei tum aia hma in kan hlawhtling zu nia, an tih chuan Huzaua chuan kan chan zui mai dawn em ni an tih chuan Rokhuma chuan mai mai a lo awm mai mai teh khai i nau ka awm hi, mahse tuma hnenah sawi miah suh aw tih leh Nghalmal chu an pu hmiah mai a.
.

Huzaua chuan mak ti tak mai hian en ho chung hian nang pui rauh hi Ramhuai tha i nei tel hial in a ni ka rin ni an ti hluk a, Rokhuma chuan chhangta nge ti lo chuan khawlam pan chuan a kal nghauh nghauh mai sia, Rokhuma chuan nakinah chuan U Zau thingtuai leh Ramhrui kha lo melh deuh teh khai, Khua kan hetia kan luh chuan mi mak tih ka hlawh lutuk dah ang nge an ti a, Huzaua chuan tehreng e tih leh an hmaa Thingtuai chu sat nghalin Ramhrui pawh chu an chhat nghal zat a.
.

An tum aia hmaa an hlawhtling chu an lawm hle mai a, ni lah chu vanlaizawlah a la ding eng kulh mai chauh a la ni si, an khaw luh dawn hnaiah chuan an chhak kawng chunga thing en ri karh karh ri chu an hre thei a, an hnaih chhoh zel chuan an khaw nula hmelṭha Mankungi leh Lal fanu leh an ṭhian pakhat hian thing chu lo fawm ni in, Lal fanu chuan kan thudangca lai chuan kan Khum kebaia fapa hi kan khaw nula ho hian an runsang kai tur hian an melh awl lo ve keizawng ka huat hi a la reh thei meuh lo a chha chu a ni e an ti pang pang a.
.

Mankungi chuan ui ui ui, insum deuh teh ka ti, i pa hremna kan tawngbaw hlauh dah ang nge, tia a sawilai chuan Huzaua mitmeng thinrim tak chuan Lal fanu ṭawngka chhuak atan chuan a va uchuak deuh ve le, tiin Lal fanu chu a mit chuan an thlurbing vang vang a, chutah le, Lal fanu chu zah luat vang chuan a kun chal mai a, a ṭhiante dang lah chuan ṭawngka chhuah zai an rel si lo, Huzaua bawk chuan Rokhuma melh zauh pah chuan Rokhum kal ang le, i pa ka biak a ngai a ni, i tawrhna hi ka hriatthiampui che, khua hi chhuahsan turin lo in ruahman ula kei leh ka chhungte pawh kan lo in buatsaih ang an ti hmiah mai a, ti chuan kalzai an rel leh nghal a.
.

Thui pawh an la kal hman lo tih ah chuan Nula thingphurho zinga mi Mankungi chuan min chhan ru Sakei tiin an rak fiak ṭhak a, chu ve leh huzau leh Rokhuma chu let thla leh in Nula thingphur te chuan an hmaa Keite chal zet hruanghrau nat hmel zet chu hlauin an lo dingkhur hlat hlat mai hica lo nia.
.

Vawilehkhatah Rokhuma chu lim phei puatin a vawikhatnan Khum kebaia fapa ral leh sahrang hmaa zam ngai lo ka lo kal e, tih leh Nula ho leh Keite in karah chuan an ṭum thla chhak mai a, chutah le, Rokhuma chuan Ram Pasalṭha zahngai zahngai, kal kiang rawh, tihnat che ka duh lo a nia, kiang rawh le, tihpah chuan an hnaih zual sawt a, chutah le chu Keite chuan a ngam loh Pasalṭha a tawng tih hriat tak mai hian meikhup zal zal chung chuan ramhnuai lam a pan ta daih mai a, lo hmutu te chuan mak an ti in ṭawng zai reng an rel thei lo, hawh u i haw ang u, in tan tilai hmun hi a him lo tih leh thudang sawi lo chuan a in her nghal hmak a.
.

Huzaua chuan nula ho pawh chu nghak ta nge ti lo chuan Rokhuma chu a zui nghal ve zat a, Huzaua chuan kawngtluan chuan Rokhuma chu ngaihtuah in ka kianga awm tlangval hi mibik diktak a ni, khuanu vohbik tia an lo sawi ṭhin chu a ni ngei hi a ni tiin a rilru te te chuan Rokhuma chu a ngaisang hle a.

In an thlen chuan Sanghal sa chu chan mawlh mawlhin zat leh zat a an insem hnu chuan an ṭhenawm ho chu hrang lian vak lo chuan an han hleh dan dan a, Lalsa tur chu an han dah hrang nghal a. Huzaua chuan ti khan zu haw la, tlailam eirel hun ah i pa hmu turin ka lo kal ang an tih chuan Sanghal sa tamtham tak nen a in phur haw luk mai a, Rokhuma pa chuan e heu leh Pasalṭha hnungzui chu a va inchhirawm loh ve kha, taia an tih chuan Rokhuma chuan ka pa pem ang u tih leh a huntawn zawng zawng rilruna taka a sawi zawh meuh chuan Pu Khuma chuan aw le, ka vanglai zawng leh ramtui leilo a ka awm hmaa sa ka barh hnem zia te kha aw tunah chuan hmanlai an changta si a maw, a pawi lo ve fapa tlangval ka nei alawm, Taia nu zanin hian kan chhuak nghal ang, Vanzau khua kan pan phawt ang nga, Vanzau Lalpa in min lo pawm duh mial mai thei asin, bwisei hi han ti sang phawt i la an tichuai raih a.
.
Tlai lam eirel hun awm velah chuan Huzaua chu lo lang in kha Pukhum thudang vaka han pehhel lo khan i fa pa hian kan khua hi chhuahsan a duh hle mai a, i he lo in ka lo pawmpui hmiah mai asin i thu hmu hmasa lem lovin an tih chuan Pukhuma chuan nia rem kan lo ruat thla rawk chu a nia an tih chuan Huzaua chuan aw le keini chhunglam pawn kan remti e, keini chhungkua pawn i hnung kan rawn zui tang nge an tih chuan Pu Khuma chuan nangni lam lam te zawng he khua hian a mamawh che asin keini te zawng heti mai hi kan ni si a, an tih chuan Huzaua chuan mai mai ṭhin a, he khuaah hian ka awmtui tang hlawl bik hleinem, Lenglen arkhuang hmasak ah inpeih fel i la a ruk thei angberin kan chhuak mai ta lawng an tih chuan an remti tlang ta a.
.

Rokhuma chuan muangban charh mai hian Pu Tawn hei kan pem a ngai ta sia, i mi duhsakna zawng zawngah khan lawmthu ka hrilh duh che a ni, hei i silai ka hawh hi kacrawn dah duh a ka kal leh mai ang nge damtakin aw, tiin hnukulh ṭeuh chung chuan a mit chu an khap fak fak a. Pu Tawna chuan Rokhuma chu en vang vangin Rokhum Silai hi ka mamawh hleinem i hriatloh kar khan ka hlan fel daih tawh asin i tan uluk takin vawng reng ang che.

Silai chu hmehbel nghalin i tactur liau liau a ni e, uluk hle ang che. I damni kum te sei zel rawh se mangṭha u le, tiin an in thlah ta a.

Zanlai khuan hmasa a khuan al al hnu tuibur hmuamda velah chuan Huzaua leh a nupui la valai tak Neihthangi leh a fapa kum 8 mi lek Laimana chu Rokhuma te inlamah chuan in phur bawr luk chuan an lo kal a, Huzaua chuan kha Pukhum in inpeih ve tawh em le? Tiin an ko a, Pu Khuma chuan aw hei kan lo ngaichang che u kan in peih e tih leh kal an rual nghal a.
.

Thuo fe an kal hnu chuan an khaw pan tur Vanzau khaw chanchin chu Pu Khuma chuan an Lal fel thu tlangkam aṭanga a lo hriatdante an sawi siam siam a. Zarpui khua aṭanga nithum kal a ni a, Vanzau khaw nula hming Siamliani hmelṭhat thu pawn khual kai in Vanzau khuaah pawh a hming a lar ve hle mai nghe nghe a.
.

Pu Khuma chuan an khaw pasalṭha Huzaua hnenah chuan Vanzau khaw Pasalṭha Cheua mi rumra leh pawisak nei thlem tak, mahse dikna ngaina mi ni lawisi chuan an khaw tlangval te engtin tak fuih ṭhin ang maw, tiin an sawi kai leh nghal zat a.

Khaw kar kawnga Zanthum an riah hnu chuan Losul haw hun velah chuan Vanzau khaw lungdawh chu an chuangkai ta der mai le, khaw chhung pan zelin a lo hmutu te chuan an en duh in an melh hrek htek hlawm a, nakinah chuan Putar hnanghlai hnenah chuan Pu Khuma chuan bai deuh sawih sawih pah hian ka pu khawngaihin Lalin min kawhhmuh thei em an tih chuan Putar hnanghlai chuan taite lo chhuak teh le tia an auh chuan naupang fel tawh tak chu lo chhuakin a pu eng nge an ti ha a, khu mikhual ho khu Lalin han kawhhmuh lawk ta che an tih chuan phur takin naupangte chu Lalin lam pan chuan a kal nghal a.
.

Lalin ah chuan Vanzau Lal Lalvankhama leh a nupui leh a fanu hmelṭha ve tawk tak pian inkhaithli zaih mai Thangpui leh khawnbawl upa Tuakliana leh tlangaupa chu lo awm in Pu Khuma chuan Lalpa ka lo lut thei em mikhual kan nia an tih chuan Lalpa chuan thei tuk e le, ka Lalram a lo tla lut te chu ka hnar ngai lo ve khawi khua aṭanga lo kal nge in nih le? In chhawlte lam lam a hal tawh ang ka ti, Tlangaupa ka rapchungsanga mi kha han chawi thla la han leh teh le an ti zawm nghal zat a.
.

Pu Khuma chuan Lalpa ka lawm e. Zarpui khua aṭanga lo kal kan nia, Lalpa i thlazar hnuaia ngaihngam taka rawn kun lut turin i khawngaihna sangber kan rawn dil tawp mai a ni, an tih chuan Lalpa chuan uai kei Lal ve satliah ka upa te vanga maqi mai mai hnuaia kun tura hei chen chen in lo kal tak mai le. Siamliani pa i ngsihdante han sih hmuh ve ta la an ti nen diai a, Khawnbawl upamin chuan Lalpa nangberin ṭha i tih chu keini rem lo ruat ve tur zia zang a ni lo ve, ṭha i tih ang kha ka pawmpui che a nia an tih chuan, Lalpa chuan in chhungkua in em ni an ti chuan Pu Khuma chuan ni lo ve Lalpa, kan khaw pasalṭha Huzaua uapna hnuaia i Lalna ram rawn chuangkai kan ni e an tih chuan Lalpa chu ṭhu sang uk chung hian Huzaua maw khawimaw in hmel kim hian rawn in lan teh u khai an tih chuan Pu Khuma chuan an ko nghal zat a.
.

Lalin Huzaua an hmuh chuan nui var var pah hian Pasalṭha meuhin ka huang a rawn dailut chu a nia Pasalṭha ka neih belh leh tihna ni fa hmiang, Rokhuma melh run pah chuan hei hi tu nge an ti hu a, a ke ler aṭang chuan a chhip thleng chu Lalpa chuan chik tak chuan an melh vung vung a. Pu Khuma chuan ka fapa Rokhuma a nih hi Lalpa an tih chuan Lalpa chuan aw le a ṭha e, hei awllen lai lo ni nen ka zem in ring thei ang, Tlangaup nang vengmawng aṭangin han hrut chhuak dap la, ka Lalna rama rawn pem thar te hi hmunawl laiah naktuk ah insak sak tur a ni a han au ang che, tia a sawilai chuan an Khaw pasalṭha Cheua chuan Lalin chu acrawn rap ve chiah a.
.

Lalpa chuan khai aw,ka pasalṭha lah nireng chuan eng thu hla nge i rawn ken le an tih chuan Cheua chuan Lalpa Velthanga chu sapuiin a hliama tunah khua an lo panpui mek a ni awm e an tih chuan , Lalpa chuan aw haw a va zia lo ve eng em a ti lo ang chu maw an tih chuan a ni chuan aw, Lalpa a dar ruh a tliak a, a awm veilam ah a kak bawk a mah chu rinai tak chuan a harh ṭha e an tih chuan Lalpa chuan aw le a tihzia nasa e, hei Zarpui Pasalṭha Huzaua a nih hi, Huzau kan khaw Pasalṭha Cheua a ni hi an tih chuan Huzaua chuan Cheua chu an chibai nghal zat a.
.

Cheua chuan Lalpa chu zawhna mitmeng in an melh chuan Lalpa chuan ka khaw tui rawn tlang tawh tur a lo pem thar an ni e i lo mikhual nghal thei a ngem an tih chuan Cheua chuan thei tuk e ti hian min zui haw nghal mai se Lalpa an tih chuan an in zui chhuak nghal a. Lalpa chuan Pu Khuma chu te nupa hi ka thleng ang nga, Nang Siamliani pa Rokhuma hi i thleng mai dawn em ni? An tih chuan Khawlbawl upamin Pu Tuaka chuan thei tuk e le,,kan hmeh ang ang a ei ang nga ni hmiang hawh le ka inlamah i inzui chhuak ang hmiang tih leh hmahruai an rual nghal a.
.

Khaw mipui feh hawngte chuan an khawnbaql upamin leh khual tlangval sang thlarh mai leh pian dik zet mai, mitmeng fiah fai fel fak leh leh hmel ṭha tak in pawh tlang taka an in zui an han hmuh chuan an hmu duh hle mai a. A ṭhente chuan a tupa a niang ti ten engmah hrelo chuan an lo sep rawtui ve satliah hlawm a.
.

Khawnbawlin an han thlen chuan a fanu khualkai hat khawpa hmelṭha Siamliani chuan zai rat rat pah hian bai chhuan a lo vil mek a, chutia tlangval lianṭha thelh thawlh leh hmelṭha tak hmel pa hrak leh a pa an lo inzui haw an hmuh thut chuan ngawi rengin a lo en heu mai a. A pa chuan chemte hei kan mikhual aw Rokhuma a nih hi, hei hi ka fanumal, Siamliani a nih hi an tih chuan lai tak ve ve chuan an han in chibai a.
.

Khawnbawl upamin chuan Rokhum ngawi tak teh Zarpui khaw pa nimin khan a lo thleng tak asin kan kawmthlang Pu Dala te in ah khuan a thleng a tia a sawilai chuan Tokhuma chuan Zarpui khaw pa Pu Vungtawna chu hmu thut in in en renrawn in Pu Dala chuan ka manglam ni zawk hiala ka hriat chu le, Rokhum, engtizia nge kan Lal fanu tia acsawizawh hma hma chuan Rokhuma chuan Pu Dal heng lam lamah daih daih khual pang zin mai mai en ni an tih chuan Pu Dala chuan ka farnu Pasalte khua a nia ka thlawh e ka tia nang zawk an tih chuan Rokhuma chuan hei Vanzau khuaa khawsaa in bengbel turin Zarpui kan chhuahsan ta a nih hi an ti a.
.

Pu Dala chuan Khawnbawl upamin chu en he haw in ka pu, khaq vannei tak in ni e an ti sak a,,Khawnbawl upamin chuan engah chuan maw an tih chuan Pu Dala chuan in khaw tlangvalte ti ti ti tui tu ber maw le an tih chuan Khawnbawl chuan sawichiang law law ta mai la a va lawmawm awm ve maw le an tih chuan Pu Dala chuan e le Lunglian khaw Pasalṭha khualkai hat khawpa Pasalṭha huaisen leh ralrel thiam Hreuthanga thih thu in khaw tlangval ten mak tia an sawi an sawi tukdawltu chu i hmaa mi hi maw le an tih meuh chuan Khawnbawl upamin leh a fanu chu an phuzawk thei hial a. Khawnbawl chuan Rokhuma en vang vang pah chuan tlangval ka ringsual lo che. He khaw muantu hi ni mawlh ang che. Tia a sawilai chuan Rokhuma chuan ka pu ka lawm e, kha thu kha khawngaihin tuma hnenah sawi chhuak lo hram ang che u, an ti nem duai a.
.

Siamliani chuan chu tlangval a vaqikhat hmuhna ata a thinlung sawi nghing lawihtu chu mak ti takin a en veng veng mai a,

Duhtawk ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 9th, 2019, 6:06 pm

MI LU LAK CHEM
BUNG 4 NA.

Thlakhat zet Vanzau khuaa an khawsak ve hnu chuan Vanzau khaw mi chengte mizia pawh,Rokhuma chuan a man chak ve hle mai, mahse timan deuh leh mi zai ngaia khawsak ṭul hun chu la awm ṭhin mah se, an khaw hlui Zarpui chu a ngai tawh lem bik lo a ni.

Zarpui khaw Lal chu a Lalin chhunga tei kual nghsuh nghauh pah chuan a upa tevhnenah chuan ti hian an ti ta tawng mai a, ka aihnahphahpuite in ni a, in tello chuan ka rorel a famkim thei lo tih hrechiangtute in ni, hetia a ruk a ral a, mawngvawmba ang mai a ka khua leh tui an han chhuahsan ringawt mai hi ka ngaithiam thei lo a ni, a chuta karah ka in nghahna leh ka lo enthlak ruk mek in a hei tia ka Lalna ram chhung pawh nuam ti lo va khawdang min belhsan hian chhan ṭha tak a nei ngei ang, chu a chhan chu nangni ka upa te hian sawi theih in nei mial em an tih chuan midangho chu an han ngawi ṭhap a.
.

Zarpui khaw Lalpa chuan a nupui Zakhumi chu melh run chung hian Zoliani nu, i fanu hian ka beng hriatah ngei ṭawng a lo thlahdah tawh a, ka Lalna hnuaia awm nuamlo khawp a hetia ka Pasalṭha leh romtui lei lo a a awm hmaa sa min baehtu berin a khawdang ṭang min belhsan chhan hian i fanu nen hian in kungkaihna an lo nei zawmah lo maw an tih chuan Lalnu chuan Chemtei pa chutiang pawipang awm lo turah chuan ngaih phawt mai la, a dam han hauh phawt i la a chhan te pawh kan hre zel lawng maw an tih chuan Lalpa chuan aw le, a eng ngapawh chu ni se, ka pasalṭha Mantawna leh ka tlangvalte hian lo chhui zui zel se, Vanzau khua va tlawh chhuak rang teh se, tlangaupa nang zu ko teh khai an tih chuan tlangaupa chu hmanhmawh takin an Pasalṭha Mantawna te in lamah chuan a liam thla nghal a.
.

Vanzau khaw Lalpa chuan Pu Tawk hei kan vawin khua hmel chu hmuh a nuamin chengrang kan chawi ni te lam lam kan hriat chhuah tak chu le,,lung hlui te lam lam pawh a leng narawh e, khawnge kan pem tharte mize sukthlwk te lam lam hi i lo ngaihtuah em an tih chuan Vanzau khaw nula hmelṭha Siamliani pa Lal khawnbawl min chuan Lalpa a ni teh tak e khai, kan khaw awmdan hian pawl delh ruah pawh rawn sur tir hnaia kan hriat tlat chu le, khu kan pem thar Rokhuma tlangval chhuak tir te khu a ram va chal viau a ni awm e ka ti, a mah khu a danglamin sa lah a la thei fu e an tih tak kha an tih chuan , Lalpa chuan aw hawi, i lo chik zawmah mah a nih chu nang nge nge, ka in nghahna atan hian ka lo ruat sual lo che mang nge, in sawi thawi tak ah chuan sa pawh vawithum lai min barh tawh asin, anctih chuan Khawnbawl chuan Lalpa kan thudang a lai chuan kan tlangval i Lalna tui thiang ring a khawsa vengmawng lama khawsa, Runthera mizia khu tunlai chu naupang leh nula mit a la viau a ni awm mang nge an tih chuan Lalpa chuan nia, ti ti dang thawm a ṭanga ka lo ral hriat danah pawh Zawlbuk pawh a luahlum ngai lo a ni awm e an ti a.
.

Khawnbawlmin chuan Zawlbuk riakho thawh hma te hian a ranga rang mangkheng hian zawlbuk kiangah khuan a tlankual vak vak zel a ni awm e, an ṭhenawm vawk sumruk vel lai tura lian pawh a ching hneh khawp asin, kan pasalṭha te pawh hian an ṭih ru ruai nghe nghe a ni an tih chuan Lalpa chuan ka khaw mi lrh sa te tan hian buaina a thlen lem loh chuan a awm awm hian lo awm teh se an ti hluk a.
.

Vanzau khaw Zawlbuk chu a rik hian a ri hluk hluk mai a, a chhan chu an khaw fiamthu thiam leh an khaw buanchak Velthanga lo inchai fiam chuan Zawlbuk run rawn kaia nu leh naupang leh pa thleng mit a ti tlaiin an lo nui leh dar dar ṭhin a. Nakinah chuan an khaw tlangval Runthera Runa tia an koh mai ṭhin ṭawng tlem tak leh mi pangngai pha zanlo chuan Zawlbuk bawhbel chu a rawn bawhliam thut mai zawng midangho chu an phuzawk in an phawk hra mai a, chutah leh, khawi keimah hian aw tih leh an khaw buanchak khualkai pha hat khawpa hmingthang Velthanga chu a puanvena la lawkin Zawlbuk bawhbel pel rawkin an bin ta tehreng a nih kha, tlangval dang thinrim chuan bawt nghal hat in Runthera chu hual zim bet nghal hukin valupa chuan Runa khatin tumah an ti ngai em ni an tih chuan Runthera chuan tlangvalho chu en zak zakin ka duh leh ka ti ang, zanin hian Zaqlbuk riak ho hi ka vawrh vek dawn che u tiin an nui ṭial vak vak a, midangho chuan an ṭih ru in an thauah a man hlawm a, Runa lah chuan nuih khek uarh uarh pah chuan tu nge ka hmaah hian lo ding ngam an tih chuan Rokhuma Runa mizia lo chik ru tlat ṭhintu chuan Zawlbuk kil thim chin aṭang hian muangchanga thawh pah hian Runthet keimah hi i hmaah ka lo ding dawn e, lo dangawm ru an ti chang fak mai a.
.

Aw lo chhuahnalam an han hawi chuan an khuaa lo pen thar tlangval la naupang tak, pian dik takmai mitmeng thipvtak kara huaisenna pairu tlat mitmenga Runthera en kal chung chuan Pasalṭha nun tem tura in buatsaih tan chuan i thil tih zawh chiah kha a tenawm tlat, i hma a hi zam ngailo val ka awm e an tih chuan Runthera chuan kawh vu pah hian nang kha ka hria che, tih leh Zawlbuk bawhbel bawhliam a an in lam a tlan acrual nghal a.
.

Rokhuma chuan hei zet zawng mihring thil tih a ni lo U Velthanga kha lo buaipui rawh u, tih leh Runa chu um a rual nghal a, Runthera chu an in tereuhtea tawn sen tlat chung chuan a nu chu a kuahbet ran mai a, chu tah le, Runthera tein kawngka chu in hawng ri ṭhuai chung hian Rokhuma chuan Runa chu an pan chher chher mai a, Runa chuan nangkha ka hria che lo hnai suh tiin a mitmeng danglam vek khawp chuan a lo melh khur khur mai a, a chang leh rak nawk nawk chung hian a lo tihṭhaih kual vel a.
.

Rokhuma chuan aw men damthlap mai hian Runa ko kal teh khai, i buaina hi tireh tur hian thih thleng pawn ka huam asin an ti nem duai a, Runa lah chuan nang kha ka hria che, khuanu vohbik i ni, ko hnai hlek suh tih leh lei chhuahkhum an rual a. Rokhuma chuan hnaih zual sawtin nang huai tenawm pa tun aṭang hian ka unaupa lak acta hi inthiar fihlim rawh chuti lo chu i buzawl ka luhchhuah ang nga, i lalna ram hi ka ching phul chhuak vek ang anctih chuan Runthera chu rak nawk nawkin nang khan ka buzawl hi i luh chhuah malek ang, kiang la ka tan harsatna thlen tum suh an tih chuan Rokhuma chuan aw le a ṭha e, tih leh,Lalin lam pan an rual nghal a.
.

Lalin a thlen chuan a la hma bawk a zantir lam a la ni bawk nen, Lalinahcchuan Lal elh midang chu awm in Lal fanu leh an khaw nula hmelṭha Siamliani pawh tap kilin an lo inkawm melh melh a, chutia Siamliani an hmu chu a phuzawk hiala a chhan chu inleng neia a inlengte kawm hlim tura inah a awm a ring vang a ni, mahse Lalnu nawmsam loh chhuanlam a leng lut satliah hi a lo nia.
.

Lalpa chuan uai ka Lalin chhung tun ang hunah te i rawn dai tak mai le? Pawipang te a awmem ni an tih chuan

Rokhuma chuan Lalpa khawnge i Lalna ramchhunga bung kung hi a awm an ti tawng mai a, Lalpa leh midangho chuan lo melh tung hra hlawmin Lalpa chuan chu chu i tan eng nge a pawimawhna le an tih chuan Rokhuma chuan Lalpa, a pawimawh lutuk, he bung leh i khaw mi leh sa i tlangval Runthera hian inzawmna an nei a ni an ti tawng mai a, midang awmho chu an ka ho hlawm a.
.

Lalpa chuan chu pawh ni se a nin buaina a siam lah ka hre lo, khaw mi leh sa tan lah a hnawksak ka hre lo, tlangval ngaihngam tak khan awm mai mai rawh, ka khawvbuaina chu keiman ka chingfel mai ang an tih chuan, Rokhuma chuan zawlbuka an khaw buanchak a vawrh dan leh a awmdan te an sawi chuan Lalpa chuan a tihdan ṭhan a nia a thazat chang hian ti chuan a aqm mai ṭhin a ni an ti a.
.

Rokhuma chuan Lalpa ikhua leh tui i hmangaih ang bawk hian kei ngei pawh hian i khaw tui ka tlan tirh phat aṭang khan ka hmangaih a, nu nau chak lo leh nula te thlabara an awm hi ka phal lo, hei hi kan tih tawp a ngai a ni, tia a sawi lai chuan Zawlsik khaw pasalṭha leh an Lal fapa chapo vr tak, Siamliani beiseitu chu lo lang hlawl in Lalpa mikhual in thleng thei em tih ri chuan,Lalin chhunga awm te a ti phawk hra a, chutah Lalpa chuan e nangni in ni maw? Khualkai pasalṭha te chu tun ang hun hunah te pawipang a awm em lovang chu maw an tih chuan Rundala chuan awm lah lo ve Lalpa hei a zana zanin kan lo thleng rup mai a nih hi, in awmdanah chuan thu kulmuk rorelna nei in va ang ve maw le tih leh a mawng hun an rual nghal zat a.
.

Lalpa chuan nia hei khawimah chhuah suh se ka khaw tlangval pakhat lakah buaina kan han nei deuh alawm maw le kha in mawng kha hung ula tlangaupa ka rap sanga ka thlathum bel kha lo chawi thla la an han zu hi han zuk teh le an lo kalna lam lam a hla tham si a an tinem duai a.
.

Zawlsih Pasalṭha Rundala chuan chu i khaw mi leh sa ngeiin i khaw chhunga buaina asiam te chuan ti nge a chinfel hna i pasalṭhate hian an thawh mai lo an ti leh a, Lalpa chuan nia, remruatna bul fuk lah hei kan la sawi thei lo a chha chu a ni e eng lam lam duha lo chuang chhuak ngr in nih le an tih chuan Lalin chhunga Siamliani melh ralh pah chuan hei kan Lal fapa hian i khawnbawlmin fapa hi nupui atan a rawn ngen tawp che u a nih hi avturtu lam a na sia kan rawn ar lhawthimdai lut tawp mai a nih hi an tih chuan Lalpa chuan uai chulam lam chu maw ni dawn, hei a pa leh a fanu pawh ka Lalin lum kil in an lo ṭhu hlauh mai ka ti an ti a.
.

Zawlsih pasalṭha chuan kan thudangcalai chuan in khaw buaina chu i pasalṭha ten ka hnungzui se kan han chingfel mai dawn em ni? Chu tlangval chu a lu i duh nge sal atana kan hruai haw i remti zawk hial em le? An tih chuan Lalpa chuan ka upa te hian eng nge an ngaihdan te hi ni ve le? Keia thua chinfel chi a ni lah lo ve an tih chuan Khawnbawl upamin chuan Lalpa kan pasalṭhate kutah dah i la a fel mai lo maw an tih chuan Lalpa chuan nia tuk khua lo var se rel ṭhat ah i dah mai ang u Rokhum zu haw tawh khai a tihlai chuan Zawlsih Lal fapa chuan Lalpa in khaw buaina zawng i pasalṭha te ai chuan kan chingfel hma mai lo maw? Ka naute ho pawn i tualah chanchin ngaichangin min nghak reng a nia, i pasalṭhate ho lah hi i Lalna ram chhunga buainaah hian hrelo ang mai hian an beng hi an ti ngawng tlat ṭhin mai hi pawnfen feng tlak an ni an ti ta piap mai a.
.

Lalpa chuan ka khaw buainaah hian inrawlh turin tu khaw pasalṭha mah ka sawm lo a, ka mamawh hek lo, a ṭul dan ang zelin keiman ka chingfel mai ang an ti ram ve hmak a, Lalin chhung boruak rit ru tak chu Lal fanu leh an khaw nula hmelṭha chuan Lalin boruak chu ngaihtlak hrwhawm an ti kher mai le, Siamliani pa chuan Chemte zu haw tawh khai, ztlangaupa ka fanu hi in thleng i zu thlah lawk mai dawn em ni? Pasalṭhate hu hang kianga beng lo chhit ve reng hi nula tan ngaihthlak a nuam lo ve an ti nem duai a, tlangaupa chuan Siami hawh le ka zuk thlah ang che an tih chuan Zawlsih Lal fapa Nghaksiama chuan khawi nge keiman ka zu thlah ang chu tih leh thawh an rual nghal a, Siamliani chu a thutna aṭanga hreh taka tho chhuak in Lal fapa chu a hlau a ni tih hriatzet hian a pa leh Lal fapa chu an melh tawn zak zak a, Lal khawnbawl Tawkliana chuan keimah zawk hian le, tih leh a fanu chu hui hui an rual nghal a. Chutah Zawlsih khaw Lal fapa chuan ka pu keimah hian le tih leh Siamliani ban vawn chu an rual nghal a, chu ve leh, Rokhuma chuan thlah rang rawh, i lu kha ka lak i duh loh chuan hmeichhe awmnem zawk te hlauin an siam ngai lo, mi pa tih atan a mawi hek lo, tih leh Siamliani a vawnna ban chu an herh sak pawp mai a, chu tah Zawlsih khaw pasalṭha chu lo inrawlh nghal zat in, uia, naupang in a vauzam dawn che em ni? Mai mai chuan le, tih leh Rokhuma chu hmachhawn an rual nghal zat a.

Duhtawk phawt ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 14th, 2019, 8:30 pm

MI LU LAK CHEM

BUNG 5 NA.

Lalin chhunga boruak rit ru tak mai chu khawtual tlangval ho chuan hre ve hek lo le, Lalin chhunga Lalpa rum taka meng chung chuan Ka lalin chhung zahpah lek lo a khatia in sal kawl ang maia ka khaw nula chunga a kut thawh zawng leh fiamthu thawh nana in han hman mai chu le, rang takin ka Lalna khua hi chhuahsan rang rawh u tiin Zawlsih khaw Lal fapa leh an pasalṭha chu an melh run a.
.

Zawlsih Lal fapa chuan uai, keini aia khawte zawk leh ka pacawpna hnuaia muangleia in awm hi lawm tak a ruanga hmelma ang maia um chhuah min han tum vei chu le, Lal Vankham hei hi hria ang che, tun aṭang chuan in Leido kan ni tih hi in ngam ngam kan ngam thingluang zawh in tih leh kan cho che u, in malbeih in tih leh in ngam ngam kan ngam an ti piap piap a.
.

Lalpa chuan e he he, tunah hian in nun in la ngaihlu a nih ngai chuan ka khua hi chhuahsan rang rawh u, ka tlangvalte hian an pawtsawm vek mai ang che u an tih chuan Zawlsih Pasalṭha chuan uai, Lalpa chuti zawng chuan maw ṭawngkau i chheh le? Tu hi nge ka hmaah hian rawn ding ngam i pasalṭha te chu lo ko chhuak ta che an ti khur khur a.
.

Rokhuma chuan kan Lalpa pawh zahpah lek lo a kan Lal laka ṭawngkau chheptu chuan min hmachhawn thei ang an ti ram hmak mai a, he tih lai hian Rokhuma hian Lalin chhuahsan a tum uk tawh chu Khawnbawlmin pa hian chhuak lo turin a lo hrilhru sap kha a ni reng a ni. Chutia an hma maia tlangval la naupang tak, Lalin chhunga inring tak a ding kak hah leh hlauhawm awmzia pawh hre map lo khawpa mitmeng thip tak kara fiah fai fel fak a Zawlsih Pasalṭha melh kaltu chu Zawlsih khaw pasalṭha hian a la hrechiang lo em lah tak a.
.

Lalpa chuan Rokhuma melh zawk pah hian Zawlsih pasalṭha chu melh run chung hian in lakah zai ka ngai ang ka Lalna inchhungah hian buaina siam ka duh lo ve, chhuak rang rawh u an tih chuan Zawlsih Pasalṭha Rundala chuan Lalpa i cho chhuah a ni e kei khualkai Pasalṭha hmaah hian tu nge rawn ding dawn le an tih chuan Rokhuma chuan hnaih thut in Zawlsih Pasalṭha chu a khabe takah an hnek chho bur mai zawng Lalin chhuatah chuan a thal hual mai a, chu tah leh Zawlsih Lal fapa inron hma chuan a awmah an thlawh leng leh pawp mai zawng, Lalin chhuatah chuan Zawlsih Lal fapa chu a kun nghal ngawih ngawih mai a, Rokhuma tha kal lak lawh chuan mai mai tih leh dan hman rual loh chuan Rundala Lalin chhunga mu hlawm reng chu a sama ṭham thawh rualin a chawi lawk a, Lal tual charah chuan a theh thla thum ṭawk mai zawng Zawlsih Pasalṭha ban dinglam tliak tih hriat tak a uai zawi hnap chu Lalin bula awmho chuan an lo thlir ṭhap mai a, Rokhuma chuan Lalpa min ngaidam ang che tih leh Zawlsih Lal fapa chu pan hnaiin i la duh em tih leh a hrawka reh rual chuan a kut khinghnih in Zawlsih Lal fapa chu a hrawka rek kang lawpin an thing tak tak mai zawng a zawi hnaek thei hial a ni, Lal fanu leh khaw nula hmelṭha Siamlian chuan rap tih hriat tak mai hian an hmai hup in an lo ding khur hlak hlak mai a.
.

Lalpa chuan zawi thawpsat hiat duhtawk rawh le tlangval an tih chuan Rokhuma chuan thlah thuaiin Lalin chhuatah chuan dim baksak lo hian an nghat bur mai a, Zawlsih Lal fapa chu thaw hrawk hrawkin a tal zawng chuan a Vaihlo fun a kapkar aṭanga a sazu mu leh lam lo lang chu Lalin chhunga awmho chuan hmuin an han nui ri hak a, Lal fanu chuan a ṭhiannu chu pawm chaih chaih hian ui Lal ṭhian tiin a hmai an hup kual vel a.
.

Rokhuma chuan Zawlsih Lal fapa chu hnungkhir nghalin Lalpa min ngaidam ang che, lohtheih lohna in min nangchin ta sia an ti sap a, Lalpa chuan Rokhuma chu melh vang vangin tlangval inthiam lo duh suh, ngsihdam dilna tur chhan reng a awm lo ve, tih leh Tuakliana chu hui zauh pah hian Lal kaiṭen lamah an in zuilut a, Tlangaupa chuan zawisap hian turu miah miah teh e, kan mitharpa chu an ti sap a.

Lal tuala Zawlsih tlangval pali la awmte chu an khaw tlangval ho chuan hriam nen inring takin an lo hual ṭham tawh a, Lalpa chuan rum taka melh khawl pah chuan in Pasalṭha kha kaitho ula khua hi rang takin chhuahsan ang che u, ka khuaah hian buaina rawnsiam nawn tawh lo bawk u la, Tlangaupa Lal fapa kha rawn hruaichhuak la, an tih mek lao chuan Rokhuma chuan lo ṭhutchilh ranin Zawlsih Lal fapa hnenah chuan ti hian i pa hnenah i lo sawi dawn nia, kan ngam loh val kan tawng a, chu tlangval chuan hr khua hi vawikhatmah rawn hmu leh ngai tawh lotur in min ti bawk a ni, chuti lo chu kei ngei hian i Lal inchhung ka rawn suasam ngei ang a ti tiin i lo sawi dawn nia an tih chuan Zawlsih Lal fapa chuan meng dava ralh ralh chung chuan Rokhuma chu melh pah hian Naua kan chunga i chetdan hi kan hrereng ang tiin an sawikhum a.
.

Rokhuma chuan aw le, in hrereng dawn nia, kei pawn ka lo hre reng ang che u, kan Lal ngilnei tak vanga i nun hi zuah chauh ka ni tih hi theihnghilh bawk lovang che, tiin Lal kaiṭenah chuan an hnukchhuak dawr dawr a.
.

Hun leh ni te ral zelin Vanzau khaw nula hmelṭha chuan a ni tel in Rokhuma chu a vei hle mai a, mahse Rokhuma hian a uksak hlawl lo a ni.

Vanzau khuaah chuan an khaw tlangval maksak tak Runthera chet dan ṭhin chuan nu nau te ho ṭih a hlawh hle mai a, chu chu eng emaw kawngzawng taka Rokhuma chuan puih theih a in beisei tlat a ni.
.

An khaw pasalṭha te kaiṭen chu ke pen ri chuan ti ri khep khep in Pasalṭha Cheua chuan e khai, Rokhumah lah nireng che chuan eng nge i duh tehmial ni tiin an lo zawt a. Rokhuma chuan Runthera a ngaih pawimawh dan vel chu an sawi chuan chuti maw chuti taka kan khaw Pasalṭha meuhin i ngaih pawimawh a hnu, hei zawlbuk luahlum hma hian in che chhuak i la an in ah a lo awm mial mahna tih leh a mawng hunna a ta thawh chhuah an rual nghal zat a.
.

Ti chuan le, Vanzau khaw Pasalṭha an zah leh an ensan em em mai Cheua leh Pasalṭha tuaitirte pian nalh tak leh tlangval hmelṭha tak Rokhuma in zui lo hmutu te chuan engtak maw ti ang maw tiin an hnunglamah an lo thlir zui vawng vawng hlawm a. Runthera te in an zu thlen chuan Runthera chu lo zai rat rat in tap mei chu a lo chhawm ṭha mawlh mawlh mai a, chutia an khaw pasalṭha pahnih hmel an hmuthut chu tho nghal zawtin an kawngka lam chu rang taka panin an lim chhuak zawk a, chutia chak mangkhenga ramhnuai lama an lim thla chu Rokhuma chuan um nghal vat in Cheua pawh chuan a hnungah chak tak mai hian an um ve nghal zat a.
.

Tuikhur lamah chuan rak nawk nawk pah hian tlan thla zel in hah pawh a hah na ngiang mai le a khup dawma chawla thaw hlawi hlawi pah hian a hnunglam chu an hawi zak zak mai a, chutah leh a sir aṭang chuan Rokhuma chuan zuan thlu pawp in a thlang awih laiah chuan an lum thla dun a, U cheu hmanhmawh rawh le tiin an au ṭhak ṭhak a..

Cheua chuan an lumna lam chu pan thla ve nghalin Runthera chu an bawh ve nghal vat a, Runthera chu rak nawk nawk pah hian Chea leh Rokhuma chu melh hraw hraw chung hian min thlah ru tiin aw thum tak mai chuan an ti a, Rokhuma chuan Runa mipangaiah kan chhuah dawn che, an tih chuan Runthera chuan Rokhuma kut a ban a man behna kut chu melh vung vungin min thlah rawh an ti thum leh bul bul ṭhin a.
.

Rokhuma chuan kacthlah awkawng dawn lo che he tia i nun ti danglamtu hi tu nge min hrilh rawh le an tih chuan Runthera chuan in tan a sawt lo bung huai tirgkah ka nih hi nangni hringmi beih mi a ni lo ve an tih chuan Cheua chuan Runa tumah kan hlau lo ve sawi ṭha mai rawh chuti lo chu kan Lalpa hian i nu nen hian khua aṭang hian a hnawtchhuak mai ang che u an tih chuan Runa chu nuih uar uar pah hian min vauzam tum duh ting su an ti leh hmuk a.
.

Runa chu thawk leh khatah meng tung kual vak vakin mihring pangngai pawh a ni lo hial awm e, an rak nawk nawk a, Rokhuma chuan nang huai tenawmpa kan ṭhianpa lak aṭang hian inthiar fihlim rang rawh chuti lo chu in bu zawl ka kih sak khawp ang che u an ti vin ṭhat ṭhat a, chutah U Cheu khaw hnaih lamah hian bung kung a awm em tia a zawh chuan Cheua chuan awm e le, kan awmna aṭanga hla vak lo kham chheng chhe tak thlen hma, luang hmun chhak ah khan a awm alawm, an tih chuan aw le, tih leh Runa chu thlahin i duh na hmun hmunah chuan han kal ta poh che, zanin hian i bu zawl ka luhchhuah khawp ang tiin Runa chu rum takin an melh kul a.
.

Runa chuan Rokhuma melh vak pah hian nang hian i thei chuang lovang tih leh tlan vak an rual nghal a.

Cheua chuan Rokhum eng ngecruahmanna i nei em an tih chuan Rokhuma chuan U Cheu bung awmna ah chuan kan kal dawn lawm ni, zanin hian a tawp rat thleng in kan bei ang chu ka lo tia an tih chuan Cheua chuan phur tak hian ni ang hmiang hawh le tih leh bung awmna lam chu an an han pan dun chheu chheu mai a.
.

Mihrangval pahnih hlauhawm amzia pawh hrelo pahnih in Huai ho luahlum bung an han pan meuh chuan Bunghuai Lalpa chuan a naute hnenah chuan kan beihmi a ni lo e khuanu vohbik a tel miau sia, khawnge keimah ngei hian kan bia ang nge an ti a.
.

Vanzau Pasalṭha pahnih chuan an hmaa ṭhim chhah tak maia palian dum zun mai hmul ngah tak mai lo ding chu hmu in Rokhuma chuan kiang rang rawh kan kawng dal duh suh an tih chuan Huai Lalpa chuan nang khactu nge i nih ka hria che kan buzawl suasam tuma lo kal in ni an tih chuan Cheua chuan i hre dik e, kan khaw tlangval tibuaiin i thununa hei hi kan duh lo a tunah hian i buzawl kan suasam dawn tih leh pen hnaih an rual nghal a.
.

Huai chuan Cheua chu melhrun chung hian aw le, in khaw tlangval Runthera chu hringmi zingah pangai takin hun a hmang tawh ang a zalen tawh an tih chuan Rokhuma chuan chupawh ni se kan khaw mi leh sa tan in la hlauhawm thei a ni in buzawl chu kan luhchhuah dawn tho tho an tih chuan Huai pa chuan kan tlawm e in khawtan hnawksakin kan awm lovang kan tiam che an tih tak ah chuan Rokhuma chuan aw le ti hian kan haw ang, mahse kan tana hnawksaka in awm vaih chuan in buzawl kan lo luhchhuah leh ang tiin khaw lam an pan nghal a.
.

Khua an han thlen chuan Runthera te in lam an han pan a, Runthera te in an han thlen chuan Runthera chu tapah lo ṭhuin an khaw pasalṭha te hmel an hmuh chuan dam dap hian e khai lo leng rawh u, eng nge in duh tak mial tiin an lo be sawk sawk a, Cheua chuan kha i ṭha maw, hawh le min zui rawh le, Lengi runsang kai turin kan lo sawm che a an tih chuan phur takin an zui chhuak ve nghal zat a.
.

Ti chuan le an khaw nula hmelṭha Siamliante kaiṭen an han thlen chuan Cheua chuan kan lo ṭhu lut ve thei em? Mawng hunna te kan la chang mial em an tih chuan Siamliani chuan ui ha, kan pasalṭha lah nireng che chuan an tih chuan hei Pathum lai kan nia tih leh a hnunga mite chu hawh u le tih leh luh ancruala tlangval dang awm te chuan an khaw mianglo a an lo ngaih tawh Runthera an han hmutel chu ka ho hian an lo en ṭhap hlawm a.

Duhtawk phawt

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 24th, 2019, 7:09 pm

MI LU LAK CHEM

BUNG 6 NA.
.

Siamliani te runsang kaia tlangval ho lo ṭhu ṭhap chuan an khaw pasalṭha leh an khua tlangval lo pem tlangval tuaitir huai sar leh kawlh zet, nunnemna ruk tak nei lawi si, mitmeng fiah kak leh hmelṭha tak pa hrak pian dik zet mai ten kar chah rana an khaw tlangval mi pangngaia an en loh leh an hlauh ruk, tu khaw kha mahin an uk sak vak loh tlangval Runthera chu an han melh tawn zak zak a, a ni lah chu ngawi ngalin mi te mitmei a en ru kar mai bawk sia.
.

Chutia Lengi runa an boruak lo thlak thleng thut Rokhuma'n an hriat chuan nuam lo a tiin a ngaih lam lam te pawh a ṭha lo zawmah hial a ni.
.

Chutah Nula fel leh hawihhawm Siamliani chuan kan Pasalṭha te mruh keini in ang nga in lo chuangkai ve teh hlawl chu le, khawilam thlichhia in nge lo chhem lut ta che u le? Tiin Rokhuma han melh ralh pah chuan an bia a, Pasalṭha Cheua chuan, khaih khaih khaih, in run kai tur hian hei ka bula mi te hian min nawr nasal lutuk a tin ni, Nupui fanau nei tawh ni mah ila tlangval zuanzangho bula an ti ti ngaihthlak leh nula hmelṭha han hmuh hi chian hah pawh a dam sawng sawng zu nia an tih chuan Siamliani bawk chuan ui ui ui, kei ve mai mai te zawng kan khawnula ho hi ka tluk lo a chha chu a ni. Kha a,reng rengah Thera lah lo kai ve reng chuan an tih chuan Cheua bawk chuan nia hei lengi run kai hun ve uaih tawh si hi kaina chang a hre dawn lo tak ngial a kan rawn hruai a nih hi an ti a.
.

An khaw buanchak Runthanga chuan U Cheu kan thu dang a lai chuan Kan Lalpa hian Sairamchhuah lam te hi awllen lai hian han rawt thut mai se eng nge in ngsihdan ve le? Nangni kan in nghahna Pasalṭha ho hian han sih hmuh ta u la keini sawi ai chuan a bengkhawn zawk hial ang ka ti an tih chuan Cheua chuan nia hei Kan Lalpa hian changdang te hi a rel zawk em ni aw, Siamliani pa te hian thu thar beng verh thlak te hi Lal rorelnaah hian hriat zawk a nei em ni le? Zaman leh Kawltea pawh ka lo berawn ang nga zam thum riakin kan ri huk mai dawn en ni an tih tak ah chuan Tlangval ho chu an phur kher mai.
.

Runthanga chuan Thera melh rulh pah hian kha Thera lengi run kaina changte i hre ve ta maw? Khawpumpui awptu ang mai hian i hel kual pawp pawp zel kha a nia, i tho thang hi chu a ṭha zaw phian leh nghal a, an tih chuan midangho chu an nui dar dar hlawm a, mahse nui ve duh miah lo a kianga mi Rokhuma chuan phun sap chung hian lo ngai tak rawh u in khaw muantu te zinga mi a la ni dawn khawp tiin an phun sap a.
.

Cheua chuan khawnge ṭinzai kan rel mai dawn em ni? Nupui fanau te uap lum hman lo leka Siamliani nui hmel hmuh zet zawng tawp in tai a nei dawn lo ve tiin an tho uaih a, Siamliani chuan Ku Cheua lah ṭhin hi mi fakder hi i thiam em mai, tiin an nui har har a, ti chuan an pathum bawk chuan inzui chhuak leh in Cheua chuan an in lam a pansan ta a.
.

Runthera chuan Rokhum ti ti pui che ka duh a ni, hei zawlbuk i kaina khua pawh a la tlai lo turah ngai ila, an tih chuan Rokhuma chuan hrethiam takin ni ang hmiang tiin thlanmual lamah an pahnih chuan mi te hmuh hlau tak chuan an pan ta a.

Mawng hunna remchang an han hmuh chuan an han ṭhu a, Runthera chuan kei chu kan khua hi nuam pawh ka ti lo, ka tun hma lo nundan khan a zir lo em a ni. Ka tetlai kha chuan Pasalṭha tak nih hi ka lo chak ve ṭhin a, nangni phei chu awm lo ta u la, an ti vang vang a. Rokhuma chuan uai chuti zawnga ngsihtuahna i sen mai ten a dik nang, dam hauh ila bul ka lak aṭang hian i ṭan ṭha leh dawn a ni an tih chuan Runthera chu a chhungril nun aṭang chuan tumruhna lian tak a lo irh chhuak leh a.
.

Runthera chuan ka lawm lutuk a nia tia hnukulh ṭeuh chung chuan lawmthu an hrilh mawlh mawlh a, nakinah chuan Runthera chuan kan khua i lo lawi luh dawn aṭang khan kei chuan i lo kal tur hi ka hre lawk daih tawh, mi bik i nihna hi ka hre daih tawh asin, an tih chuan Rokhuma chuan nuihsak pah hian a nimahna le, hawh leh Zawlbuk kai ka tlai bik lutuk ang nge nakzan aṭangin nang pawh i lo in pu lut dawn nia zingkhua var se, naktuk tukṭhuan eikham aṭangin i nunkawng hril theihna tur kawng kan dap ang, i chem kha lo tat hriam la, Thingse mualah kan pahnihin kan kal ang tiin an inṭhen ta a.
.

Zing khua a lo var intin maiah chuan Siamliani runsang kai zingah Runthera a tel ve tih chu nu nau naupangho chen beng a verh zar mai a, mi hmuhsit leh mi anglo in an khaw nula hmelṭha runsang a kai ve chu an awih lem lo hle hlawm bawk a. Runthera hi mi pangngai pha chin ve chu ni se, tlangval hmelchhe lem lo tak, sang thlarh hi a ni vei roh a.
.

Runthera nu Chhunchhingi chuan a fapa mizia dang ta lutuk chu a awih lo hial zawk a ni. Thera kha khawilamah nge chhuah i rilruk deuha tia a biaklai chuan Rokhuma chuan kha tukṭhuan te in bar ve tawh maw Pi Chhing an tih chuan aw haw Kan Pasalṭha lah nireng che chuan lo kal teh khai hei ka fapa hi tiin an melh zak zak a, Rokhuma chuan lo hrethiam takin tunah chuan i mal tawh lo ve, nakin lama sawiah kan khek dawn nia hawh le i inpeih tawh chuan Kal zai i rel ang hmiang an ti a, ngawpui chhung pan tur chuan kawtchhuah lam helim liamkawn lam aṭang chuan an liam thla dun hnak hnak a.

Thingse mual an han thlen chuan an piah lawk kawrte lo awm chuan Runthera mit a la hle mai a, Rokhuma nghawk zauh pah chuan en ve mah teh khulaia kawr zau lai taka inbual khu i hmu em an ti ha a, Rokhuma chuan a kawhna zawn an en chuan tumah a hmu thei ve tlat lo mai, makti takin Thera chu a en he haw a, Thera lah chuan khu en teh amah pawn min en reng mai khu a kutin min hui tlat, tih leh kal a rual nghal a.

Rokhuma chuan dan buai pawh a tum lem lo, Thera chuan Lasi nula hmelṭha tak chu en ho in eng nge i duh? An ti tawng mai a, chu nula hmelṭha leh pian nalh tak chuan hetia i lo ṭha chhuak leh ta hi kan lawmpui lutuk checa ni, tunah chuan i khaw daingul ni turin ke pen ang che, i farnu pawh hriselṭha takin a la dam e, i fanu chu khual kai hat khawpa nula hmelṭha a ni e, tunah zet chuan ṭhianṭha tak i nei ta, a ni kha kan vohbik pasalṭha a ni a, angpawh hi mal ka sawm che a ni i tihtur ti tawh rawh le tiin a thamral nghal a.
.

Ti chuan leh, ral beihdan chihrang hrang an han zir dun chu, Rokhuma chuan mak a tiin a thiam chak lutuk chu a ngaih a ṭha lo hial zawk a ni. Ti chuan an pahnih chuan ram lamah ni li ngawt nunchan zira an han tap chawt hnu chuan Runthera chu a thiamin a taksa pawh a ṭha tawlh tawlh emaw tih mai tur khawp chuan a ni telin a mah chu a danglam chak hle a ni.
.

Zanriah chawei kham hunah chuan Rokhuma chu Thera te inah chuangkaiin Thera nu chuan a chanchin leh an khaw hlui chanchin te a fanu neihchhun a ngsih zia thu leh Runthera vanga an khaw,Lalpa in a hnawhchhuah tak dan te an sawi chuan Rokhums chu acsa ta zak mai le, Runthera te chhungkua chu chhanchhuah duhna thinlung a pu nghal pang mai a.
.

Rokhuma chuan aw le, pi Chhing engpawh ni se naktuk hian in khawhlui lam pan turin kan in bautsaih ang i fapa hi tunah zet chuan Pasalṭha tamtak tluk loh a nih hi, Ṭhianpa, Lunglian khua chuan Pasalṭha zam ngailo, mihrangval pahnih han hmachhawn teh se an ti sak a, Runthera lah chu lo phur tawh lutuk mai hian kan zan kal law law mai dawn em ni? Ni 4 kal lek a lawm pangngai taka kan kal phei chuan an tih chuan Rokhuma chuan thil reng reng hi tihbuan buan loh hi a finthlak ṭhin a nia, naktuk zing tuhṭhuan eikham ve leh kan chhuak dawn nia tiin Zawlbuk lam an pahnih chuan an pan dun ta a.
.

Zawlbuk an han thlen chuan tlangval ho chu sn lo kim ṭhap tawh mai a, Runthera mutbu nena lo in pu lut an hmuh chuan mak ti tak mai hian an lo thlir ṭhap a, Valupa chuan Thera lah nireng chuan kha a rem lai laiah khan lo vawm ve mai ta che tih leh a ti ti chu an zawm leh nghal zat a. Lal fapa Kawlkhama chuan uai kha Thera chu zawlbuk kaina changte i hria chu a lawmawm hle mai, mahse zing kar karah chuan tlan khu rum rum tawh lo la an tih chuan an nui hak hak hlawm a.
.

Rokhuma chuan in hmuhsit em em hi in nunna chanhimtu tur a ni tih hi in hre si lo a an ti sap a.

Zing khua a lo var, Rokhuma chuan Runthera naka piai hlak pah hian tho rawh le hmabak kan neih kha tiin a beng bulah an sawi zauh a, Runthera pawh chu phur tak mai hian a mutbu te chu tel felin in lam an pan dun ta a.
.

Tukṭhuan an ei kham chuan an in peih at nghal a ti chuan le, faisa am tawka ak puar luah in kal zai an rel ta a. Tibuaitu awm lo chuan zan hnih ramhnuaiah an riak a, an riah kar pawh chuan nunchan an zir dun zak zak zel tho a ni. Kham chhengchhe lai tak karah chuan a helna hnuhma hnum tak awm chu Rokhuma chuan a hmu ta tlat mai le, hei hian khawi khua nge a tan tlang ang le, tiin a mit tlin tawk chu ngawpui chhah tak hring ngulh mai hmun chu an thlir vang vang a. Nakinah chuan Rokhuma chuan Thera he kawngṭum hi kan kalna lam tur pawhtu pawh a ni mai thei asin an tih chuan Thera chuan ka hre lo le, nangin ṭhaa i hriatdan khan ro rel la ka zui ang che i tihdan dan ni teh se an ti sam et a.
.

Rokhuma chuan a nih leh aw mi zui rawh le tiin Lungpui kara kawng hnum tha tak mai chu an han zawh zel a, nakinah chuan tlangchhip thleng chho in a hnuai an han hawi thla chiah mai chu khaw lian lem lo tak in za bawr vel lek khua hi a lo awm reng mai chu niin, Rokhuma chuan khaw thuhruk an sawi hi a ni mai lawng maw an ti sap a.
.

Thera chuan an hmuh ve meuh chuan mak a tiin khua chu luh thuai thuai a chak hle mai a. Ti chuan kal zelin ni pawh khaw thlanglamah a herliam ve mek zel a, tlailam eirawngbawl hun awm velah chuan khua chu lutin mihring chengte chu an lo tam zaw phian mai a.

An khaw thleng chu a lo remin boruak chu a nuam phian mia a. Lalin ni awm tak Lian tak mai hi zawlzau lai takah chuan a lo ding luah mai a, chutia an khuaa mikhual lo kal te chu khawchhungmite chuan an lo en duh in an khaw tlangval te chuan a rukin an hnungah an zui zal zal a.

Lalin an han thleng chuan tap lamah hian nula hmelṭha vevtak mai hian zai rat rat chung hian eirawng a lo bawl karh karh a, Rokhuma chuan Lalpa kan lo lut thei a ngem an ti nem duai a.

Lalpa chuan thei tuk e, khawi lam lam khua aṭanga lo chaungkai nge in nih le an tih chuan Rokhuma chuan Vanzau khaw Lal Lalvankham khua leh tuia chengte kan ni e an tih chuan Lalpa chuan a nih chu in Lalpa chu a damṭha meuh maw eng pawipang nge awm le? He lam lam tea in lo chuangkai tak mial le? An tih chuan Rokhuma chuan Lalpa pawipang awm lah lo ve, hei Lunglian khua pan tur kan nia, i khua aṭanga hel dan te hi a awm mial lo maw Lalpa an ti dam thlap a, Lalpa chuan a nihtak chu Lunglian khua maw in pan dawn le? Va fimkhur hle ang che u, an khaw mi chengte sawn mikhual hi an ngaina vak lem lo a nia,,an Pasalṭha ho lah saw an nunrawngin pawisak lah an nei hek lo, khualkai hat khawpa thangte an ni ve leh nghal a, An Lal rorel dan sawn keizawng ka ngeng a chhun tlat mai ka ti an ti chuar chuar a.
.

Chutia Lalpa in a sawilaia Rokhuma hmel pa hrak leh mitmeng nelawm tak kara thihna rimnam lo lang tel chu Lalpa chuan a hmuhhmaih hauh lo mai le, Lalpa chuan a hmaa tlangval pianthiam tak pasalṭha diktak neih zawng zawng neitu chu a en a a ennawn leh ṭhin a, a kianga tlangval ria lam pang sangthlarh leh a ruhrel chik tak a en chuan a liani mi namai a ni lo tih chu Lalpa pawh chuan a hre nghal a, Rokhuma chuan Lalpa ka lawm e, a kawng min kawhhmuh theih chuan kan lawm hle ang an tih chuan Lalpa chuan aw hawi varṭianah chhuak ta u la, fehrehsan velah in thleng theu ang, tlangval chakvak tan te zawng ka khua aṭanga hla lo te a ni e, mincrawn tlawhpawh fo alawm tiin an chhang a.
.

Rokhuma chuan Lalpa kan chunga i ṭhatna hi kan hre reng ang, kan lo let leh lamah kan riak zawk mai dawn nia a tih tlat avang chuan kawng chu Tlangaupa chuan a kawh hmuh a ti chuan kal zai an rel leh ta a.

Duhtawk phawt ang. Ka hmanlai ka lo chuh ve a nih hi.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)