PASALTHA HUAINGAMA

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
arama ramtea
Posts: 3
Joined: January 20th, 2019, 5:19 pm

PASALTHA HUAINGAMA

Unread post by arama ramtea » February 6th, 2019, 11:25 pm

PASALTHA HUAINGAMA3NA

2REC..
Dengi kal lai chu ava au a Dengi chuan U Vawr minlo hrethiam mai teh u Muang hman ka ni lo ani tia chhangin a kal leh maia. Raltawna chuan an lo a kan feh tur hi in hrilh miah lo ami ti a nui vur vur in. Lianvawra chuan thawn thut kan duh deuh a lawm mawle. hawhu i kal teh ang u Dengi kha kan um phalo lutuk ange ti a kal chu siamin an rak chul hlawma. Tlangval thawveng hlang an ni bawka kal pah chuan in fiam in an ri thum leh tawk thin. an thawm hria awm seng zawng zawngrual emaw ti tawk an awm ngei ang le.

Hmanhmawh tak si mahse Dengi pawh mai lo tur chuan Dengi thawm hre phak tur tawk lek chuan Lianvawra te thian ho chu an kal ve zel a. Dengi pawhin an tul zia hrerengin hman hmawh tak chuan hmalam chu pan hlawk hlawk in an michhiat zia te chu ngaih tuah in apa dam lai te ngaih tuah chhuak in a lung chu a leng em em maia.kar lovah an lo pawh thleng ve maiin a buk khawr te tak te ah chuan in nghat in an thu chawl deuh vang vanga. amah puih tumin a mi ngaih san em em Lianvara te thian hovin lo lu lamah an en thlareng tih reng a hre lo. Dengi chu Thlawhlai ah chuan pheiin a hmani a a thlawh hmabak lam chu panin a la thlawh tlem zia te ngaih tuah in a rilru a hah hle maia. chutih lai chuan lo lu lamah chuan thing sat ri chu a rawn ri tluar tluara. Dengi chuan mi thing sat sa tliah tur ah ngaiin a hlo thlawh hmabak chu a thlo tan taa. Lianvawra te pawh in an zawh tawk tur thing tuai chu tel felin Dengi te lo lam chu an pan ta tham tham maia. Dengi buk khawr chawp chheve tak sir ah chuan thing tuai chu nghat in Dengi hriat an hlauh em a vang in nghat charh lo in dim thei ang ber chuan an in chawi thlak sak them them a. he tih lai hian Vawmaia chu rawn lang hlawl in ani pawh hian a thianten an rawn hmu ang tih an hlauh a vangin thawm dim tak a rawn lang ve hlawl kha a nia.mahse a thiante thawm dim em em a an awm chu hmu in a hrethiam ve thuaia. Keimana chuan Vawmaia chu rawn hmu in maktih hmel tak leh thawm dim tur chuan zaizir chuan an hrilh thuaia. Vawmaia pawh chuan lu lo bu nghat nghat in. a thiante chu a va pawh thuaia. Dengi chuan a hna chu thawk mawlh mawlh in thildang reng a ngaih tuah hman lo.Lianvawra chuan ro rel zung zungin Vawmaia rawn lan tak ah chuan Keimana nena lo in kawp tur hrilh in Raltawna pawh keimana te pui mai tur chuan a hrilh bawka. kei leh zamvela erawh in ngawi rengin Dengi kan pui dawn nia ti rule hna i tan ang u hmiang tiin a nui vur vur maia. midang pawh chu nui vur vur in an thil tih tum ah chuan an phur tlang hle mai.


Huaingama te pawh an thianhova dai hrut kualin sava rah tlan leh thehlei leh thil dang dang thang te chu kam in an ri leng lawng a. chutia hlim tak maia hmalam pana an kal lai chuan an chhak deuh ah chuan thawm rawn awm thut in Huaingama tih loh chu an phunasa hle maia. an sa tih tlan lah chu hlau tih hriat tak hian ral leh lam ah chuan a rawn huk ta tuarh tuarh maia hlauh nei tih hriat fa hran hian a huk tuarh tuarh renga. Huaingama chuan a thiante phunasa lutuk chu hnunglam atanga nuih tet tet in a khivur reng maia. mahse thawm dang a rawn awm leh ta tlat mai le chu erawh chuan tlan chhiat san lo in a zui ta tlat mai. Huaingama tih loh midang chuan hria ang pawn an awm lo a. in fiamin an khek leh tuarh tuarh thin. keite than kin zet tawh leh keite than kin tawh leh kawlh tha zet chuan chutia a sa pel lai rawn ti tlan ngawt tu te chu chhuah tum hauh lo hian a veh them them maia.Naupang mai mai chu a hre hrang ve na ngiang maia. Huaingama thiante chuan an hma zawn a sakuh kawng ni awm tak mai lo bel thla han mai chu bel chiang that that in thang chu an kam mawlh mawlh maia. chu laitak chu keite thankin zet tawh chuan remchang ah la in a awp hniam ta suai suai maia. Huaingama pawh chuan a thawm hriat a reh tak hmak ah chuan in ring tak a awm in a mit chuan a thawm hriat tawp na lai vel chu engmah hmuh hmaih tum hauh lo leh in ring taka awm in an chhak thang hmun chu a melh ngar ngar a.Keite than kin zet pawh chuan a sapel mek te zinga a lam hnai ber Lianchhunga chu thlur bing nalh in a dawk chhuak nghal zat maia. keite in Lianchhunga nghawng seh chat tuma a bul a thlen dawn lai tak chuan a bekah chuan Saihlum chang fel fawl chuan rawn deng siah in a darh chuai maia. Keite pawh chuan a tum chu thelh in Lianchhunga te ho chu a va su thlu rum rum maia. chu veleh Huaingama chu Keite in a thiante a va sut na lam ah chuan dawk phei zawt in Keite luhai rawn thawh chhuah a tum lai tak chuan a meiah chuan Huaingama chuan pawt let zawtin a a bul mai a khiangthin lo ding luah ah chuan an hlap pawp maia keite pawh natuar tih hriat taka chiau vawn vawn in a vial ngat ngat maia. Chutah keite chu rawn in tung tho leh in tlawm mai erawh a la tum hmel hauh lo. Lianchhunga te erawh chu khatia keitein a rawn sut rawp rawp khan an tlu dial maia. Huaingaman keite a pawh let zawk khan thil hlen dan hrethiam nghal in hlau in an lo khur ngar ngar maia tumah che chang ngam reng an awm lo. Huaingama chu an thlir ngawih ngawih mai ani. Keite chuan Huaingama chu a rawn pan leh ta chher chher maia. mahse Huaingaman khiang kunga a hlap na a vang khan a tuan erawh a fum ta deuh a ni. chuti pawh chuan ala cherang thawkhat tho mai. Huaingama chuan eng tik lai pawha a ken reng thin maubu changa apa siam sak fei tawi te a hmawra thir hriam tak mai thirdengpa in a vuah sak chu a ip te ah a tang chuan muang changin a la chhuak ta them them a. keite pawh a awmna a tang chuan awp hniam leh suai in rang lutuk maia Huaingama seh hlum ngei tum chuan a rawn dawk chhuak zawk maile. mahse Huaingama hi chiti maia sahrang pakhat tuk zal tura rawn piang chhuak a ni lo tlat. Huaingama pawh chu rang mangkhenga dawk phei ve zawt in keite nen an in pawmchilh hma hret chuan Lei a tleng phei thut in a chung zawna keite rawn thlawk phei dul ah chuan a fei ken chuan lo thil tlang hrawih in huaingama chu a ding nghal zawt maia keite pawh chu Huaingama chung tawm chho nawk in Huaingama chuan lei lamah chuan nalua awm lo tur chuan keite taksa a fei tlang hmawr lam lei a tlum hmawk khawp chuan an chhun ngheng maia a kut thlak tu hian a hneh bawka keite kawlh sen zet pawh chuan a tlin ta bik lo e.


Lianvawra te thian dun pawh ngawi renga Dengi lam pan a phei in Dengi lah eng dang ngaih tuah lova Thlawh lai thlo mawlh mawlh in a thlan rawn tla chu a khat tawk in a hru leh zauh thina. Lianvawra te pahnih chu Dengi piah deuh ah chuan an bung ve ta mawlh mawlh maia. Dengi chuan chutia a bul maia lei in rit thawm chu hria in an hawi phei thuai a. chutah a thil va hmuh chuan a ti hrilh haiin a ka hau maia. Lianvawra te chu melh rengin tawng na chang reng a hre lo. lianvawra te lah chuan chutia Dengi hawi a huih an hmuh chuan tu phur thar in a hma aia uar zawk chuan hnim chu an thlo leh sawt sawt a. Dengi pawh in thing harh in U u u vvawr.nga nga ti nge in ram. sa in pel loh ti bah deuh nuaih in. Lianvawra te chu an nuih a za hle maia. Lianvawra chuan Dengi mak i va tih hmel ve hei Kan sa chan tumin nagmah chauh a i lo bung mawlh mawlh kan hmuh khan kan rawn pui ve chawt mai che ani ala hma tho bawka tiin Dengi chu an hrilh a. Dengi chuan in thiam lo leh zak tih hriat tak chuan Uvawr a ngai reng reng lo asin hei hma lah zau tak han thlawh tur ka nei tawh lo a ka zo ve thuai dawn a lawm tiin a lo chhang ve bawka.Zamvela chuan ekhai i in thlahrung a nih kha in thlahrung duh reng reng suh a tawp thlengin kan zawh pui ang che a lo ti ve thuai a. Dengi pawh a hlimin a mit atang chuan mittui a lo tla hial renga. Dengi chuan kalawme aw ti sup in a nu lawm ve dan tur te chu a ngaih tuah neuh neuh a. chutih lai chuan Bekte lam ah chuan thawm a rwwn chhuak ta dup dup mai le. Dengi chuan eng thawm nge tia a bukte sak lam chu hawi chho vat in a thil han hmuh erawh chuan a hnuk a ti ulh in lawm avanga mittui dir zung zungin. Lianvawra te lam chu a hawi vata. Lianvawra chuan nui vur vur in Dengi hrilh hmasa lo che a kan lo kal a vang hian min hre thiam dawn nia thawn thut che ka tum vang a nia ti a nui vur vurin a thianpa Zamvela an melh zauh a. Dengi lawm lutuk chuan Lianvawra te thian dun chu kuah vawng vawng mai chu anapa. mahse chu thil chu tih chi a nibawk silo. lawmtak leh in thlahrung tak chung chuan.a thlam tur Vawmaia te ho in an lo rel mek chu a thlir ta dauh dauh maia. Raltawna chuan Dengi te nufa ho Di lo dah khawmsa chu chih mai theih ttur in a lo thliar tha. ve mek bawk a. Vawmaia te ho chuan Dengi te nufa ho Chawlh hahdamna tur tawk thlam lian lo tak chu an rel chak in a ruangam tur pawh a rawn lang ruak tawha. Lianvawra chuan Dengi ti teh u keini lam chuan kan hna lam i buai pui tawh zawk ang u hmiang an ni ho pawh khiiii an zo thuai dawn a nia tia an thlawh hmabak lam chu thlo tan leh in Dengi leh Zamvela pawh chuan an rawn zawm ve thuai a.


Hetih lai hian Zawlhmun khaw lal duham leh thi leh dar awh na a vanga thikna in a bual khah tlat Lalnunrawng tak chuan a tlangvalte leh apasaltha chhuan vawr Dopawrh a ho chuan Mualvawm khaw run tur leh an thi leh dar rohlu neih zawng zawng chhuh sak tur chuan a tir liam ve chiah a. an tum ang leh duh dan hian thil chu a thleng ngut a nge maw chu.Lal Dothiauva chuan a Pasaltha ral rùn tûr te chu an hlawh chham reng ring lo in Lal in ah chuan an chet dan tur vel te lo seprawtuiin an hlim tlang hlawm hle maia. Zawlhmun khua atang hian Mualvawm khua hi Ni thum kal vel niin Chawl hauh lo leh hman hmawh chuang silo in Dopawrh a leh Zawlhmun khaw tlangval te chu an kal zel a. Tlangval rual tih tak ah an kal sawt hle maia.Muang changa kal zel in losulhaw hun am vel ah chuan buk sakna tur hmun rem tak chu hmu in Zawlhmun khaw val rual ho chu in nghat in an che suau suau maia. An Lal duham na avanga Pawisawi miah lo ten an mahni avang in nunna an chan dawn tih mai loh chu an nun ze mawi tak leh aia upa an zah na chu a hmuh nawm hle mai.

Lianvawra te pawh hlim taka nui ho leh dar dar in Vawmaia te pathum pawn an hna chu tlin tak in an zo ve chiah a. Lianvawra te chu rawn puiin Dengi chuan hnukulh teuh a thlam thar a neih chu thlek vang vang in Lianvawra te chunga a lawmna chu anasa hle maia. Dengi chuan Uvawr lawmthu han sawi ngaih na pawh kahre lo in lakah hian bat ka ngah hle mai ti in sut hlap hlap in a lawm na chuan van a tawng hial ta ve ang.


Lianvawra te pawh in hawn zai rel in haw kang ah chuan an in fiam nui uarh uarh maia. Dengi leh Vawmaia in mit sir leh zauh thin chu Midang te chuan an hmuh hmaih hauh lo. Lianvawra chuan Vawmai nang Dengi hi lo han hawn pui therhlo fahran pawh kah tur a awm tak in kan lo hnu fual ange ti a tum nei ran chuan Vawmaia chu an kiai zauh a. Vawmaia pawh naupang chhia ni tawh hek lo hrethiam tak in nie in tih tlat chuan hnial chi lah va ni suh che u muang chang in kan lo kal bek bek ange tia kal zai rel in Lianvawra te pawh a chhak lam ngaw ah chuan an lut ta tham tham a. Vawmaia chuan Dengi hawhteh khakai hmun rem lai ah khan kan thu chawl lawk dawn em ni chhawl te pawh a hal a lawm mawle hei kan tlai chhe lutuk lo vang tia Rawt in Dengi pawh chuan ni e U vawra te pawh in min rawn nang hman leh mial mai thei a sin ti a a em phurh lai a maubur chu la chhuak in Vawmaia chu a pe nghla Vawmaia pawh chuan lo la vat in
mau bura tui chu an in khawlh khawlh a. Lianvawra te pawh chuan Vahrit eng i lo vel poh tawn palh tak mial in tiin hma lam chu thawm dim tak chung chuan an pan tham tham a. in sem darh in mahni sa hmuh ang ang kap tura in hrilh hlawm in thawm an dim thiam in mi satliah chu an nilo tih a chiang hle mai. Lianvawra chuan thawm dim taka sa thawm ngai chang pah a hmalam a pan mek lai chuan a azawna thawm lo chhuak thut chuan ti ding chawt in eng thawm nge tih hriat tum chuan a ngai thla leh vang vanga. chu tah a hmazawna a thawm hriat chuan thlang lam panin satenau chu a ni lo tih a thawm nat dan a tang chuan hre thiam maiin thawm dim tak leh hnahthel pakhat pawh rak rik hlau tak chuan a pan phei them them maia. a thawm hriat pawh a hnaih phei ta hle mai. chutah a sa veh mek chu sanghal a ni tih a tep rik chuap chuap dan ah chuan a hre nghal a. tlema hnaih phei leh hret in chu sanghal pawh chu a va hmu thei taa. arin ai tak chuan a lo lianin a ngho chu a pir vah maia. Lianvawra chuan uluk taka chu sanghal chu a tin in a duh ang taka Chu sanghal in her rem hun chu a nghak ta ran maia. Midang te pawh chuan vahrit te sakhi te kap in an silai thawm a vang chuan Lianvawra Sanghal tin mek pawh chu phu zawk in a in a hawi kual in a in her tawn chhen ta maia. a hlau thawng ve hle a ni tih chi sanghal khawsa zia a tang chuan a hriat hliah hliah a chhak lam hawi zawnga a in her leh chiah chu nghallian leh hrawl zet chuan a tawrh phah ta Lianvawra silai chu puak dur in a silai hmawr chu a alh phei zuai maia a ngen mu chuan nghalchang zak dawh ah tak va verh sawk in nghalchang lian leh hrawl zet pawh chu zuang kang zawk in a din na hmun ah chuan a tal khur ta cher cher mai.

Chutia an chhak lawk a silai rawn puak thut chuan Dengi chu ti phu zawk in Vawmaia chu a rawn kuah ta chawih maia. chu erawh Vawmaia lawm ah a lo tla ve thung ani. Vawmaia chuan kan thiante an nih chu eng tak kap ang maw tiin Dengi bul ah chuan a lo phun ve mual mual maia.


le thiante uu hei net pack ka nei mai thei lo a kalo post mqi thei lo ani in mi hriat thiamna ka rawn dil e. arang thei ang bera rawn post leh ka tum dawn nia. in vai chungah ka lawme



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)