SANGKHUMA - Hriata Tea (Completed)

[Ngaia]

Chutia, val upa ho titi ngaithla a, anlo thut ngawih reng lai chuan, Nu phakhat fa sen pawm hi, zawlbukah chuan, arawn dak lut hlawl mai a. A thu rawn sin luh chu, tumah tawngzai rello in, anlo ngaithla thap a. A pasal ramkal ala rawn haw loh avanga a mangan thu chu sawiin, zawlbuk tlangval ho chu, arawn tah awh ani ber. Sangkhûma te inbuan zawh hnu khan, mauhak lamah, ar chhiar tur mau pu tur a, a chhuak chu, tun thlengin alo la hawlo a, kan inhnuaiah lah, a thla arûm reng mai leh nghal a. Lo thlen tih anei bawk silo. Ka mangang tawh takzet ani anti a, a insut zui hliam hliam mai bawk si.

Tlangval awm hnufual tlemte chu, tumah phut ngai lo in, an ding nghal suau mai a. Val upa chuan, han khap pahin, kapi lova haw ta la, ngaihngam takin lo awm phawt rawh khai, kan lo ngaihven ange. tiin an thlah te te a. Tlangval ho hnenah chuan khaile, kan thu hriat chu, sawi chhawn leh kher pawh ngailoin kan hrevek anga, mauhak a, mau put tum, tun hun thlenga la hawlo ta chu, a chesual palh anih ngawt loh chuan, sapui kut atuar anih hmel a. Chuvangin, tumah kal hmasa fal bik awmloin, kawtchhuahah innghak khawm ila, tumah vuai cha bik lo in, han insiam tawh u, anti dap dap a.

Sangkhuma pawh a pa silai, tuna asilai lo nita chu, duat leh uluk zetin an lek vat vat a, kawtchhuah lampanin a chhuak zui leh ta nghal vat a, kawtchhuah ah chuan, mi sawmhnih thethaw an tling tih in, mauhak lam pan chuan, chul kawngah ah an inzui ta diah diah a.

Mauhak thlen hma thinghmun ngaw, mual tereuhte chu, an lut tan chiah tihin, thla rûm thawm an hre ta mai a, tleirawl zual deuh phei chu, an innek nghal tâlh tâlh mai. Thlârûm lah chuan, kawngchhak leh thlangah azui tuak chhen leh nghal a. Mauhak an luh dawn lai mek chuan, an piah lawk atang chuan, thlaai thawm arawn chhuak leh ta mai a, thawm ngaithla an han din dat chuan, mipa aw ngei ani tih an hria, an mi zawn chu, tuman dama hmuh an inbeisei tawh heklo. Thla ai chuan, an meichher êng chu, rawn hmu ang hrimin, an lam pan chuan arawn ai ta vawn vawn mai a. Tumah hmalam panzai rel thei heklo. Val upa Vunga chuan, ekhai, naute u, hlau reng reng suh u. A ruang awmna min hrilh thei ngei ang. Tiru, min han zui rawh u, ati a, hmalam panin, thlaai thawm lam chu, apan phei ta buan buan mai. Sangkhuma chuan, arawn zui nghal vat a.Thla ai thawm chu, areh leh tak mai si avangin, kawngdung chu, an zawh zui zel a. feh kawngpui tan tlangtu luite tui ti deuh chîpchîap kawngdung aisang hreta, tuikhur an hiah khuar, feh haw leh ramkalte tlan ber thin. Dâmtui fim antih mai an zuk thleng chu, An mi zawn Denghlira chu, tuikhur tui in chuan, alo kun bungbu kut mai a, vawkpui chawei thawm ang maiin, atui in chu, ari hruap hruap leh nghal, meichher eng nen a. Han hnaih pahin, Val upa vunga chuan, kha i tha maw u Deng. Hei kan, atih lai mek chuan, a ding chawt a, a hnunglawka rawn zuitu, Sangkhûma va nek rawp khawp chuan, an tawlh hnung zui a, Denghlira tui in rawn dingchhuak chuan, lu alo nei reng reng lo niin, a nghawng bung atang chuan, thi duk tak tak leh tui arawn chhuak nguah nguah mai a, a thawri hruih hruih leh nghal. An meichher eng ah, hnunglam atanga rawn hmuve tu ho chu an te teng tung mai ani. Chu an te thawm chu, rawn chhawn ni awm fahranin kawngthlanga, thingvawkpui kung kawihrui zamin a bawm khah luk atang chuan, patling natuar mangang arawn te ve ta mai a. Kawihrui buk chu, chuan tu awm ang hrimin, a che luih luih leh nghal a.

Sangkhûma chu, rawn harhchhuak hmasa berin, a hma a, val upa vunga chu, an hma khalh a, Denghlira taksa lu nei tawhlo tui in leh tum niawm taka kun leh mek chu, an bawh thlu tawp mai a. a bawhthluk Denghlira chu, lu pawh nei hleilo chuan, atal ang fuat fuat leh nghal a. A bawhbettu a chak em a, tal chhuak thei heklo. A zal ta riai a. A chak thawkhat bawk aniang, Sangkhuma pawh a thaw asa phang mai. Tu man pui ta nge ti heklo. An thlir thap ringawt mai ani. A dawih zual deuh phei chu, an awm hmunah, zuncheh thawt khawpin, anlo ding khur dur dur a.

Val upa Vunga chu, inti pachangin, Sangkhuma chu, arawn pui ta vat a. Denghlira ruang, lu nei tawhlo chu, kawng zau laiah an han mut a. A la rum deuh nghut nghutin, ahriat leh nghal. Tumah dang chechâng ngam awm tawh nghal lo. Sangkhûma chu, hlâng siamna tur mau satin a phe zui vat a. Vunga chuan, khaile, hei mihring kan inchan ta silo a. Tunge han zualko thei che u, anti a. Tumah chhangtu reng an awmlo. Sangkhuma mau sat rawn thleng leh chiah chuan, ka han kal ange arawn ti vat a. Mahse, val upa Vunga chuan, nang chu nilo e, kan thiana ruang hi, tulum lut anih hmela, i tello chuan, kan chelh hneh lo ang. ati ta tlat a. Mi pathum thlangchhuakin an tir liam ta ringawt mai ani.

Hlang te an han siam sawk sawk a. Engvanga lubunga lo thi ngawt nge anih tih chu, tu mah inzawh leh hranpa ngailo in, an hrethiam vek, Zopui khua chuan, Leido annei ta anih tih chu, tu hrilh mah an ngai biklo.Khatia Bawkpui Lal Rozika thinrim, a hote nen a haw ta kha, Rozika thinrim chuan, zual lam apan zui zel a. A hote zingah tuman han khap dâina tur thu thlum leh âwka chhuah ngam awm heklo. A thinrim âng thawm chu, an ramtha chanchin ngaihthlak ani ber a.

Rozika thinrim lah chu, a chemtum vilikin, a in hrosa tûn tûn reng a, Kei Rozika sangkhaw neitu ka ni ngai e, ka khawper pawh zat lo turin, ka hmaihma ah ngei min uan khum vei amaw, lo ngawi tak rawh u, inla hre dawn khawp mai. In nuih theih lai khan lo nui mawlh teh u. Nuam zawng insa dawn lo khawp. In thlung lu kha, sahlama ka khai then nawlh nawlh hun ah zawng, tun ang khan in nui meuh ange maw. Tunge nui rei zawk kan la hre khawp ang. Ka thin ava rim ngai em, pa leh pa han insah sen zuai zuai kava chak ve tiin, kawngsira perhte te chu, a chempui chuan, asat fik leh hmawk thin a. Pate thinthawk tih takah, an invai vung vel chu, chêpa nung khai ang vat vat ani mai.

Denghlira mau pu chuan, a mau put chu nghatin, a chhawl hal tih reh nan dãmtui fim chu intur in a pan phei a. A dang ro tawh bawk aniang, mau no hnih ngawt mai chu, hmui phawi hauh lo in, a hrawkbawk kal rawlh rawlh khawp chuan, an khiat ri khulh khulh a. Thawk huai huai pah chuan, thuchawl turin a mau têl awmna sirah chuan thut hmun an rem a. A vaibel êk a khawn fai koh koh lai chuan, Rozika rawn ang bawrh bawrh thawm chu, an bengngawng thu hriat riruai a. Hriatchian tuma kawngdung lam thlir chungchuan a beng an dawh sauh a. Kar lo ah Dothiaua te chu, an rawn lang zui nghal zat a.

A hmahruaitu Mangliana hmel a hmuh atang chuan, Bawkpui ho anni tih a hrethiam nghal mai a, nelawm taka lo nuih var var pah chuan, tui hmuna mau no chu la in, tui an thal a. E,khai,, kan pûte chu inva haw leh hma dawn ve,, engtizia a, haw leh ta vut mai nge maw in nih le, in hmel atang chuan, vui hmuipu hmel te lah chhiar theih riruai a ka hriat chu le, kha u tui hi han in tawh u, in chhawl hal pawh ati ziaawm ngei ang, kan khaw ram chhung tui ah chuan, a thiang in, atui ber ania alo ti sawt sawt a. Mangliana chuan, tlem an dût zoh a, midang hlan pahin, akiang zui nghal a.

Rozika'n zopui khaw pa Denghlira lo nui sang mai hmel an hmu chu, a thinlung thinrimna akhat so bulh bulh mai chu, chhemdai tu awm heklo. Up beh rualloh in, ati so liam ta ani. A hmel hlim nui sang mai chu, amah deuhsawhna ah angai zo vek tawh a. Vuihmui pu tih an lamrik leh ngat phei kha chuan, a taksa pum chu, tuiso a leih ang maiin ati sa ta zak mai. A thinrim hmel chu, thisen chhuah chakna leh nunrawnna in arawn thlak a. Chu chu, a hmelah pawh chiang takin alang chhuak hial ani. Denghlira erawh chuan hmuve heklo.Lalpa, kha teh damtui fim thiang kek kawk hi han inla, i ruih thing pawh a chhawk zangkhai deuh ngei ang tiin, mauthei khat luau a, atui thal chu, arawn pe a. Rozika chuan, han in khulh pahin, a kam an thuah puat puat a. Ka kawmchar tuitai pût pawh atluk niau lo e, khawmaw han thal leh teh anti zui zat a. A rilru chu hria se a thal sak lêklo tur, mahse khuanu duan lawk chu, tû han tih danglam rual ni heklo. Ani ang patha leh rilru thianghlim chuan, Rozika rilru bawlhhlawh leh kha zet chu, a hmel atang chhiarthiam ve mawlh heklo î, Nui hauh hauh chungin tui thal tur chuan, an kun zui ve mai a.

Chutia Denghlira han kûn, a nghawng zawl lai chu chuhin, Rozika chuan an hnaih sauh a, zak kau meuhin a tha tawp ana chuan, Denghlira nghawngah tak mai an sat ri thaih mai a, Denghlira chu, a ngûk deuh hruihin a hriat a. Tuikhur tuiah chuan, hmai phum in a bawk rawk a. A thi tur chalchang ke han leng awt awt bak chu, a chechang zui lo reng reng ani. Rozika lah chuan vawkhat han sah mai pawh duhtawk lo in, an sat nawn charh charh a. Denghlira thisenin a per berh luai tawh hnu chuan, a duhtawk ve ta hram a.

Tuikhur tui thisenin a bual sen luai tawh ah chuan, a kut silin a hmai an phih zui a. Khati chuan ka dam deuh ta huai mai. Mahse, bul tanna chauh ani tih lo hre rawhse. Tikhan an rawn hmuh hun che nghakin lo bawk phek reng mamai teh tiin an diriam zui a. In her vut pahin, alu kha rawn ak rawh u. A thla kha hrâng se, a khawnawt in chawkbuai zui rawhse ala ti ta cheu a.

An lalpa thinchhiat leh nunrawn dan zawng zawng hretu vek annih avangin, tumah tawng zâi han chhat ngam awm heklo. Thinlung lama chek ru tlawk tlawk chung chuan, an lalpa Rozika chu anzui leh ta hnu hnu mai ani.

Denghlira ruang zawntu te chu, an tlem tham bakah, an ruang zâwn in zir bawk silo. Tumah han do rei ngam pawh an awm silo a, Sangkhuma leh Val upa Vunga chu, an rim tlauh tlauh kher mai. an ruang zâwn lah chu, arum deuh nghut nghut bakah, a thawri leh hrawp hrawp thin a. Valupa Vunga meuh pawhin, nuam ati bik hauhlo. Midang thlamuan an ngaih avang leh Sangkhuma zamlo hmel chuan a muan ani ber a. A ti lui thei hram hram ani.

Zualko tura an tirh te zingah Thangchhunga kha atelve a. Hma hruaitu ber pawh ani nghe nghe, mahse, thui pawh an kal hma in thla rûm riin kawngchhak leh thlang kartawn in, azui awllo ta mai a, a hnungbera kal lah chuan, hmanhmawh ru, hei min pawt zoh zoh reng ania ati sek leh nghal. A hmahruai Thangchhunga chu, an rawn bawh leh rawk rawk thin nen, Thangchhunga ning phêng chuan, khawinge keiman hnung kan dawl ange, eng kan tih a ngahnge u Denga thla mai mai kan hlauh lêm ang le, a damlai maha hlauhawm hleilo, ka ngam sa reng reng leh nghal. A thih hnua ka hlauh ngawt nachhan tur ka hrelo e, tiin an inhrosa a. A thiante chu kawng kianin a chhawm haw ta ani.

Amah Thangchhunga sawi leh dan takah, ka hnung lawka palian zet thawm rawn chhuak chuan, min ban zuau zuau ni hian ka hria, a thaw deuh huam huam leh nghal a. ka tukhum te chu, arawn thawkkhum sung sung mai a, hawilet lo tura ka insum leh inti pachang kha, ka tang lutuka, êk ka cheh lo chauh ani. Ka hma a kal te lah chu, an tap aw tuau mai a, an men ang pîr pêr a. chuti chung chuan, an han kal chak laileng khawp a, meichhera hliau thelh ang thuak thuakin, kawngkawiah te chuan an liam zung zung mai ani. Ka um na lamah ka hah lutuk chu, ka kâ ka thâw leng heklo. Ka hnar te chu, ka hmu parh hâwrh hâwrh thei nia mawle. Ding chuang hauhlo in, Meichher êk nawr thla a, kan khawmuang deuh hret hi, ka hnunga kal lah chuan, mi rawn su leh ang dawt thin a. Thil nuam tak zawng ani khawp mai. Nikum chhung zawng zawnga kalo zawh hnu feh kawng nisi kha, a thui kati in atawp theilo mai ang tih ka hlau hial ani tiin, a hnuah Sangkhuma hnenah a hrilh ani.

An kal chak bawk aniang, zawlbuk an thlen meuh chuan, tlangval leng pawh anlo la haw kimlo hial ani. Chanchin an han sawi zung zung a, arang arangin, an thawk chhuak zui leh ta ani. Val upa Vunga hah leh dangro lutuk chuan, khawlam atanga meichher rawn êng chuah chuah an hmuh takah chuan, zah pawh dawn lo in chawlh arawt ta nge nge a, kawn zal nuam laiah in nghatin a thaw hle hle mai ani. Sangkhuma chuan hrethiamin, tikhan lo chawl rawh u, in chhawl ahal tawh ang kawng thlangah kâwrteah khuan, tui a awm in ka hria ka zuk chawi ange tih leh luh thlak arual a. Mau bur lian fe fe panga an sat a. Hlam khat ai sei maha tanin, a châng an sawh pawp a, tui thal khatin a tawn khawm a, kawngdunga a thiante awmna lam pan chuan, a chhoh pui leh ta vat a.

Kawng a chuan chhuah hma hret chuan, thlabar te thawm a hreta mai a. A thiante mangang rak thawm ani tih ahre mai, an thawm atang chuan an tlandarh ani tih pawh ahrethiam, hmanhmawh zetin a kal chho buan buan a. Kang a han chuan chhuah rual chuan, kawnglaia Vunga lo let reng chu, an hmu hmasa ber a. chumi thlang lawkah chuan, Denghlira ruang lu nei tawh lo chu, alo thu tung ût mai a, alu awm tawh heklo. A hawi zawng chuan ataksa chu, a her tel tual tual zel a, thawm ngaithla ang hrimin a che vel leh nghal, tlanchhe ve hmanlo ho chu, chechang ngam heklo. Kawng ko ah anlo bet fur mai a, thawm chhuah deuh tu lam apiangah chuan, alo inher vut zel niin, Sangkhuma chuan, a tui um chu nghatin, an pan thla a. Chu ve leh a tho vut a, an kal tawhna hnu ram lam pan chuan, akal bu thla nghut nghut mai ani. Midang zawng chu, aarang arangin, khawlam pan zawngin an tlan ve thunga.

Sangkhuma chuan, a um thla zel a. Denghlira ruang lah chu, lu nei tawh hauh lo e tilo chuan, kawng tan zawnga thingluang tlu te chu, a kân thla ang thauh thauh a. Sangkhuma chuan, azuk pawm bet a, fehkawng zim ah chuan, an in elh dun ta ngat ngat mai ani.

A tawpa tawpah zawng Sangkhuma chuan, a keuh leh ta nge nge ani. Kawnglaia abawhbeh reng lai chuan, Denghlira chu thum teng chuaih hian arawn tawngchhuak ta mai a, Hringmi zingah nang anga chak ka hre ngailo. Kei leh ka hote zawng zawng nen min tlawm ta. kan chhuak tawh ange, khawngaih takin min kal tir rawh. Tun atang chuan i thu kan awih tawh ang. I hnung dawlin, i hma kan su zel tawh ange arawn ti ta mai a. Sangkhuma chuan tunge inih anti a, Denghlira vau a, hmawng huai kan ni e. Khawngaihin min kaltir hram rawh arawn ti leh a. Kal ta che u, min rawn tibuai leh anih chuan, in chênna hmawng chu, kit in ka rawn hal darh vek ang ati a. Min man nghet lutuka kan chhuak kim theilo, in thlah dul la kan kiansan vang vang ang che arawn ti leh a, Sangkhuma chuan alo la kuahbet reng ani tih hria in, a thlah ta a. Kan lawm e, hringmi zingah nang reng renga chak anla awmlo. Min buan hnehtu awmchhun ila ni, nang zawng sa leh ral hma ah i fam lo ang arawn ti leh a, thli lum han thaw deuh huk a hriat rual chuan, Denghlira ruang chu, zawi fe in a che hrut a. An reh ta vang mai mai.

Ruang chu, mut tha in an siamrem a. Chutih lai chuan, midang pawh an rawn thleng khawm ta tak tak a. Hlang ah dahin an zawn haw ta ani. In lama Denghlira nupui, a fasên nen chauha awm chu, in hnuaia thla rûm ri avang chuan, a lung muang theilo. A pasal âw ka ngei niin hre mahse, a thâu ah a man a, archhiara ar arawn khawih te leh tak zel ah phei chuan, a pasal thlarau ni theiin aring tawhlo ani. Kawtkaiah mau tel arawn tun rik rap rap hnuah, luhka arawn thawm zui leh a, sumhmuna ar awp chu, a tuk zui hlarh hlarh a, zentu awm ang mai a, a te tak duar duar hnuah, kawngka arawn sawi zui leh a. Mahni pasalte thawm han hlauh ngawt chu, zialo atih deuh avangin a inti pachang lui hram hram ani. kawngka hawng tura ava pan lai chuan, khuma a naute mut chu, arawn tap ta tuarh tuarh mai a. Chulam chu ngaihvenin a fapa chu ava pawm ta vat a. kawngka inhawng thawm avang chuan, a dakchhuak vat a. Kawngka chu, alo inhawng ngei mai. Thli vawt tak arawn thaw lut ham ham a. A pawnfen phe hlawp hlawp khawpa arawn chhem chung chuan, ava khar tha ve leh mai a. Tap lama ri deuh hrawp hrawp lam ava hawi leh chiah chu, apasal chuan an chawhmeh bel chu, liluhin alo kun kût mai a. Alu aleng lo tih hre reng chunga makti a, a enreng lai chuan, apasal denghlira chu, lu nei tawh lo ani tih a hmu ve ta chiah ani. A nghawnga bunga chawhmeh kai luai chung chuan, alam arawn hawi tual tual a. Chu thil zet chuan, arap takzet ani. Mu leh mal pawh neilo a, te ruai ruai chungin atlanchhuak ta nghal a.

Khawlaia nutling mangang te ta vak vak chu, ngaihvenin thenawm khawveng an rawn chhuak khawm tak tak a. Chanchin an han hriatchian meuh chuan, bengvarlo inti in an hnem mawlh mawlh a. Zawlbuka thu alo thlen tawh chu ngaichangin inah an awmpui ta thap a. chutia an awmpui tak chinah pawh chuan, inhnuaia thla rum chuan tawp zai reng arel chuang lo. Sumhmuna ar awp lai lah akhawih te reng bawk a. Inchungah te chuan, a kal kual ni ngei tur ani, a pen thawm leh kalna chin chu a hriatin, inchung dî chu, arawn rap pawp mai dawn emaw tihturin a thawm zui reng bawk a. A awmpuitu te ho pawh an awm reng anuam theilo. Inhnuaia thlarum tawpzai rello lah chu, meichher nen pa ho in an zuk en thin a. Engmah hmuh leh hriatzui tur a awm heklo. Sangkhuma’n a hnawh chhuah hma xawng kha chu, anlo buai ve em em mai ani.

Denghlira thihna pawh karkhat lai aliam tawh a. Zopui khua tun hma zawnga khaw nuam leh hlim em em thin te chu a ngui zota. Leido nei annih tak avang chuan, thlawhhma lak leh ramkal bakah daihnaia thingtuah lak chenin, an ti zo tawh a. Tlangval te lah an hah narawh. An palai te chinchang lah hriat la ni hek suh.Khatia Denghlira ruang an vuiliam hnu khan, Zopui khaw tlangval te thinrim leh tlawmngai chuan phuba lak ngei tumin an inpuah chah nghal a. Thenkhat phei chu, azan azan khan thawhchhuah ve nghal an tum ut ut reng ani. mahse, valupa ten inbengdai hram hram rawh u. Thinrim laia thiltih zawng atha ngailo e, kan Lalpa thu i ngaichang phawt ang u khai, antih avangin thinrim hachang thial bawp bawp chung leh insawh tau nghawng nghawng chung chuan an inbengdai ta hram ani.

[Ngaia]

Lalpa Dothiaua pawh a in ngaihtuah buaiin, alu ahai ngang mai. A upa te thu ngaichangin athu ngawi ngal mai a. Upa min Rêngipa chuan, lusun te chu, kan tawrhpui viau theuh a. Mahse, han beilet ve tur em chuan, kan khanlo deuh ang. Anni sângkhua ti a chhiar ngam anni a. Keini lah zathum nufa awrh kan ni mai bawk si. Til khai reng kan intam hleih mai. Keizawng remthu sawia, tlawm zawk chan han chan mai pawh atha zawk lawng maw kati deuh anti a.

A then beihlet duh awm mahse, remthu sawi a, inphah hnuai mai duh zawk lam chan chuan, a buk rit ta mah mai a. Kilkhata lo thu ngawi reng Thangchhûnga pû Luaia ngaihdan anilo nasa mai. A vaibel dawn thial rap rap pahin, In thu han sahthlak dan mai mai chu, a zangzaw thuchhuak mange kati. Amah Rozika duhdan takin, pachang til tial meuh tawhin thu kan thlunga, chu chu a bawhchhiat hnuah, keini min thiamlo in ahaw tau a. Chumai pawh chu duhtawk lo in, kan khawpa lu ala khai haw zui a, a mi lû lak kalsan tak nupui leh fapa anu chhu dam lek chang chang te khu in hmaizah velo emni. Hmeithai leh fahrah min siamsak anih hi. chuti chung chuan, thupha chawitu zawk nih in zaklo amaw. Kan khua ah lo zinin, kan Lal inchhung ngeiah pawh min tham loh zia ati lang reng a. Hetia ruang min hnutchhiah chung pawh a Thupa chawia, dawih aw kan han chhuah zawngin, min nuihzata min han hmuhsit dan tur chu, kan tlangvalte rilru na pawh engtia thawidam nge intum. Chhu ruang bualloh val rualte pawhin, khua leh tui te thlavang hauha ke pen an ngam chuan, keini chhu rawng vuan a, chi mang lo thah te thukhawm thu rel hi neu set, neu set katilo theilo. keizawng kalo inthiar fihlim teh ang. In thak thak thakin thak ula. In thâng thângin thang teh u. Kei zawng kalai adam thei nek lo e, tiin a chhuak ta daih a. In a thlen hnu thleng chuan, a thinrim chu ala insawh, ala insawh a.

Dawi hlawm zêzû lutuk mai. Pawnfen feng vek tlak anni. Kan Lalpa lah hi, an mithat avanga Rêngipa, rêngipa thu ti reng mai. Mahni khua lehtui te thlavang pawh hauh ngamlo Lal hnuaia khawnbawl nih pawh hi ka zak zozai ta. Lo upa deuh lo phei ila, ka pêmsan nal nal tur hi ania ati bawrh bawrh a. Chutihlai chuan, Sangkhûma arawn lutve chiah a. Engtizia nge ni bawrh bawrh, kapu chu iva lungawi loh hmel ve tihpah chuan, tap kawma lo thu apu Luaia lo phun mawlh mawlh chu, arawn thut hnaih a. Thangchhunga pa chuan, kha engtizia emaw tehreng ni, Lalin atang arawn haw tau anih awm kha, a chhan kan zawh lah chuan, min chhang duh hlei lo a. Mahni tawkin tapchhakah a ar nghal mawng phun zuap zuap reng mai. Han zawt vel teh khai, min pêm pui te hi alo tum reng ania nge alo ti fiam hlut a.

Pu Luaia chuan, thinrim fe hian, nanga dang lo, ka fiamthu e te ilo tih. Pachang til tial kan thinrim anih hi. Khatia ilo uan teh fahran zawngin, ka pêm pui lo ang che u tih pawh ka sawi thei hleinem. Lal dawihzep leh upa pakhat thu vuakthlak apiang pawmpuina khuaah hian, ka cheng tui tang fahran lo ania ati zui erh a. Thangchhunga pa chuan, apa thinrim chu, chhan zui mi anilo tih hria in ngawih a chuh vat a.

Sangkhuma chuan, eng pawi hai nge awmta kapu tiin an zawt leh a, kan Leido Rozika chungchang mawle. Hmeithai leh fahrah hnutchhiaha kan khaw pa lu ngei khaia min diriam hnu aliam ah, thupha chawitu zawka tan zuk la tum a mawle. Rengipa thu rolum anih chu, tun hnial ngam heklo. Ka thinrim in ka rawn haw san anih hi ati a. Sangkhûma chuan, chek tlak tlak pahin zawlbuk lam ngaihdan ava ni dawnlo rua em. Thenkhat phei chu, Lal thupek hun nghakin, anlo inbuatsaih ru fe tawh asin. Keipawh telve zai kalo rel a. I thurawn lak tumin ka rawn pan che anih hi ati ta phawng mai a.

Ka rinlawk ang chiah anih chu, eng thu nge an rawn neih dawn ka hre tawh bik law, mahse, khua leh tui kan nih chhung hi chuan, kan tihtur anih ang ngei in, Lal thuchhuak chu, zahin lo pawm phawt mai la. Rawlrala che duh an awm anih pawn lo zuive rih lem suh ang che. Lal Rozika khi ka mi hriatchian ani a. Chuti mai chuan, remthu asawi pui theih hauh lo ang. A chapo zia lah tlang hriat. Tunah pawh a che hmasa ah bawk arawn tang lo ang tih tunge sawi thei. Chuvangin inralring renga awm hi kan tih makmawh ani ati charh charh a.

Zopui khua chu, tunhma zawng a ang thei talo. Tunhma kha leh chena, khawtlang awh awm leh hlimtak ni thin kha, a pui anawiin an nguizota. Naupang tualchai chenin, hlim nui khêk ri hriattur pawh a awm tawhlo. Nula tlangval te in chhaih nui awr awr thawm hriattur a awm tawh heklo. feh kawng chu sawiloh, daihnaia thingphur leh tuichawi kawng chenin, tlangvalten silai nen an veng ani ta ber a.

Mahse, thlamuanna erawh kawngkhat chu, anla neive hram hram ani. Tlangvalte erawh an hah narawh. Nitin, zantin, a inchhawkin ralveng an insiam a. zopui khaw lawiluhna kal khan hmun thum ah chuan, ralven buk siamin zawlbuk puanthuah khai chin zawng chu, a inchhawkin ralveng an indah reng a. Hemi khânpui pathum tih loh hi chu, zopui khua lut tur chuan, Bawkpui lam chuan, rawn kalna tur annei hauhlo ani. Ralven buk pawh khua atanga silai ri hriatphak na ngeiah siamin, hmun biru leh khawhawina zau si ah an bun hram hram a. Ralveng te avang chauh chuan, khawchhung nun nguai leh ipik lutuk tur chu, azia ve hram hram hram ani. Chu chu, tunhnai maia, an tih thar chauh ani a. Palaia kal an upa pathumte chin lah chu, ninga lai liam tawh mahse, hriat tur a awm silo. Mitin rilru chu a phawklek in, a tang ru teuh tawh ani.

Zopui khaw tlangval thaza leh thinrim zual te phei chu, an thinrim tulh tulh emaw tihturin, an tawngkam leh chetzia atang hriattur a awm zauh zauh reng a. Zawlbukah pawh silai leh fei a intung kat nuk reng a. Tlangval thenkht thaza leh thinrimna chu, valupa ten anla bengdai thei hram hram ani chauh zawk. Nula rim zai rello a, silai lo tuaifai hauh hauh tawk lah bolo. Lal thuchhuak chuan, valupa te lu pawh ati haiin, an hah phah hle ani. An lungawiloh rukna erawh an thup hram hram na a, a chhan leh vang erawh tun an hailo. Tlangval thenkhat phei chuan, an sawichhuak tan zauh zauh tawh reng ani.

Zan dang anglo takin zankhat erawh chu, zawlbuk tlangval chu, an leng chhuak fai deuh vek a. Patling thenkhat loleng lut leh val upa te chu, an inkawm khawm tal tal a. an thu khel erawh engdang nilo in, an khawtlang buaina bawk ani.

Valupa Vunga chuan, kan upa palai kalte chinchang kan hre har lutuk hi chu, ka ngaih reng atha thei tawhlo. Kan thudang alai chuan, sawi leh sawi hnu zanin chu, tudang kan nilo hlawm bawk a. Khawiah chhuak leh suh se, kan tlangvalte awmloh lai lai. kan khawtlang inrelbawl dan hi, ka kham ta deuh tlat mai. A neinung nung rorelna ni te pawn ka hreta, ataka thâ thawhtu lam aia, a neinung leh tawngtam zawkte thu thu a, kan awm ta mai hi, ka ngaimawhin ka helh sawt riau mai. Enge in ngaihdan chu, ka hreve hlei law. Heti hrim chuan, reiloteah kan zopui khua hi, pun lam aiin kan la tiltiak mai pawh ka hlau hlelh lo. Hetia upa min thu thu a, kan awm leh an hawiher te reng mai hi, ka chhangkham ta ani ber e anti chuar chuar a. Patling rawn lenglut zing ami pakhat chuan, Ani ngawt asin, tun kan sawi lemlo na a. Khawtlang hian kan ning ru fu tawh anih hmel a. Hetia leido te hial kan han neih a, khawtlang kan buai tak chinah hi chuan, tunhma a, kan utawk tûr vawn mai mai kha, kan phuhchhuak ta zauh zauh hlawm chu anih hi. Hmanni ka nuphal pa tualthih chungchang leh aruang buaipui thu hla ah te reng mai, sawitur atam khawpin ka hria. Ka zuk thleng ve lemlo na a. Rengipa tupa chuanvawr Raldoa kha, a in sawi lawk fu mai a, a zuk thlenve achin chu, ka nuphal pa ruanga tulum lut pawn chet athawh ngamlo ni hial khan a insawi vawng a. Tlangval thenkhat lah chuan, an sawi hmangah Sangkhuma vanga rawn thlen thei chauh annih thu leh, Sangkhuma huaisen thu kha hahipin an sawi bawk si. An sawi hmangin, nangin i zuk ho anih hmela. Chanchin chiangkuag taka han hriat pawh ka châk khawp mai tiin, valupa Vunga chu, an zawt titih a. Midang lo chek tliar tliar karah, Valupa Vunga chuan.

Leh mai mai thin a. Raldoa te chhungkaw mizia chu tun kan hailo. an thusawi leh ui bengah hlin tur tak tak va awm nek suh. Sangkhuma awmlo se engtin nge kan rawn in hawn tehlul ang. Khatiang reng renga hlauhna kha ka pian ahnulamah kala tawng lo. Tawnleh pawh ka duh heklo. Sangkhuma zet zawng anaupan tehlul nen, kalo rinphak baka chak leh huaisen alo ni e. Amah avang chauh khan, hlauh vangin ka mualpho lo mai mai ani tiin, an chanchin chu, an hahuk kai atang an hrilh chhuak dap a. Makti leh ngaihsan vanga anlo chek tlak tlak lai chuan, Sangkhuma atel phawt chuan, hlauh ka nei leh tawh ngailo ang. Kan lalpa thuchhuak hi, ama rilru puaakchhuak ni mah suh se, kan zawm lo theilo mai pawh a, Bawkpui ho run a han rammut hi ka chak phah takzet asin. Amah han khing phak tur hi an awm ka ringlo reng reng. A ngawichawiin, azaidam emmai a. Miti zawk zawk lo tak alo ni bawk nen, Raldoa’n a chungthlakna tawngkam te hi apai dai mai mai zel zawk a. A chang hi chuan, kalo thinrimpui leh lek lek thin tiin an tlip zui a.

Denghlira û, pa upa ve tawh lam chuan, alo chuti ani maw, a mimal tak pawn lawmthu hrilh ka ba nasa zuk nia. Kan Raldoa te chhungkua hi zawng an vai mai hian, Rengipa siar, rêngipa siar. Zahna hi hmu thuai hlawm heklo. An hetih reng zawngin, mualpho hun chu anla nei dawn khawp e. Raldoa lah hi, a mawn dâi tam len a, a thlen chin chinah an tawng an lur lur a. An zahna khua zawng ala sei dawn khawp mai alo tive bawrh bawrh a.

Val upa pakhat chuan, ngawitu kan titi i thlak teh ang u, hmeichhe inkawm khawm ang mai a. Kan thusawi in mi chungchang a thlur bing tak hi. Kan lal leh a khawnbawl thuchhuak zawmin, kan tap tawm mek chu ani ta si a, kan palai te chinchang lah hriattur awm hek suh. Heti hrim chuan, kan rammu lo ang tih pawh asawi theih loh hi. Zanin kan ralven buk nghaktu te hi, tute nge thlak dawn. Sangkhuma leh thangchhunga hi zankhat mah anla awl lo niin ka hria, kan pasaltha tuaithar thlamuanpuiawm tak hi, kan duat deuh pawh atulin ka hria arawn ti charh charh a.

Val upa vunga chuan, ani tak asin kan thu ngai ami bawk. Kan upa min tupa huaisen Raldoa hi a thawhchhuah ve awm reng reng kala hrelo. Khawchhungah aleng zuar zuar a, a hawi pasaltha vei fû si. Heti hrim chuan, hminghmerhin kala sawi chhuak khawp ang. A ralmuang china huaisen leh hlauh neilo. Tapchhak zawl atanga inla huai em em ringawt hi chu, an tawngtam ang ai hian, an nep duh zel zawng anih hi. Kan lalpa lah chuan, kan khaw ti hmingthatu Sangkhuma aia Raldoa an fak ri tlat te kha ka lâi alo na khawp asin.

Zanin pawh arawn hawtlai leh ber anga, lo mu hmasa leh ai upa te zahna nei map lo in, thawm arawn nei leh pek ngei ang. Hui ha,, ka hnê thut mai. Ngahnge maw kalo sawi leh tak chiam ni, min hrethiam teh u tiin, a vaibel a beng mawlh mawlh a, ngawih achuh zui ta nghal a.

Mualveng pasaltha ûn tawh tak tawng tlem tak chu, arawn tawngchhuak ve vat a. E,,khai. Inthlahrung reng reng suh. Tun kan dem hauhlo ang che. Lo ngai reng rawh u, ka buaina hian mihrâng arawn ko chhuak ngei ang. Chumi hnuah zawng, tawngka chauha mi huaisen leh mi chapo te chu, hailan anni anga. tawng tuitam viau te chan chu, tapchak zawla inhrosak ani ringawt tawh ang. Sangkhuma pa kha, ka mi hriatchian ani a, apû lah ka hre hman bawk. Kan Lalpa hi ala naupang deuh a, apa anga mifing anilo bawk nen, mihuaisente hlutna leh thlamuanpui awmzia hrethiam turin, harsatna ala hmachhawn tam tawk lo atin ni. Kei ngei pawh hian, leido kan neihloh chin pawh ka hretawh hleinem. Pawih ral hi kan do leh hlauh ruk ani deuh mai a. Rammu hian kala thawkchhuak ve heklo. Sangkhuma Pû hunlai khan,pawih ral do a an feh chhuah kha ka hria a, an milu rawn hawn, sahlama antar pawh ka hmuve nghe nghe. se enrual aichuan ka u tawh ngei anga, kala ramtang lo deuh thung. Sahrang erawh kalo bei ve fe tawh a, keipui kuthnu pawh ka taksa ah hnutchhiah kani nghe nghe. Kan khawtlang inrelbawl dan zawng tun kan hai hauh lo ang. In phunna pawh a âwm kati hliah hliah. Midiklo te chu, khuanun an dinchan reng a phal ngailo. Keini tihchhuah ngailo in ala rawn hailang ngei ang ati chuar chuar a.Kan thudang alai chuan, vawiin mambawihi pa(ama fapa) ramchhuak rawn haw khan, kan khaw zuk sih ruama Tumpangchal kiu ri a hriatthu asawi a. Kan hun tawnin zir se zawng, kan tlangvalte chawk phûrtu anih dawn vei nen. Kan heti ani si a, han sawichhuah pawh ka duhlo viau nachungin, kan thu khel lai pensan nan ka rawn sawi ta mai ani e anti zui a.

Midang chuan, dilchhut lehzualin an han zawt zui nak nak a. Ani chuan heti hian an chhang a.Kar hmasa lam daih tawh a, a thiapa Khûpa nen a, ramchhuak tawh kha annia. Thu khuh deuhin ka rawn sawi na a, in dilchhut tak viau ah si chuan, An sazuk pêlin, zuk sih khu an zuk tlawhchhan a. An riah tirha an hmuh leh hriat hauh siloh chu, nithum zet an châmchilh hnuah sazuk beiseia sih anlo chan lai chuan, Lalthuama(afapa) chan khan chu, rawn zawh in tumpangchal arawn kal bur bur mai ani awm e. A hmuh hma hauh atang, ani sazuk beiseia lo thu ta chuan, a hnim rawn tawn chet atang chuan zukchal thankin lian mangkheng anih alo beisei hle ani awm e. Mahse, a chan hmun atanga lang thei chin arawn chuang chhuak hlawl mai chu, mak ati lutuk a, kah nachang pawh hreloin a, a enreng ringawt mai ani. In ngaihtuah harh a, kah an tum meuh chuan, aliam leh vut lawi si ani. A lian viau ni tur ani, ka upa Rengipa sepachal ki kual vurh tawh te khi chuan atiahlo han han hle niin asawi.

Ama sawi dan takah, ka chan hmuna kalo thu thlan dup lai chuan, tho mitchhaih leh khawichhur vaikianga ka han zap zo chiah chu, ka piah luang hung buk zet chu, arawn che luai mai, sazuk rawn tawn chet anihloh reng ka ringlo. Ka silai ka hmer nghet sauh a, sih tual fai chin alo lan hun chu, kalo nghak ta ran a. A fimkhur hle ni tur ani, areh zui vang vang mai. Alet leh ta mai emaw kati hman tawh a. Pawiti rilru zeta insiamthat ka tum lai tak chuan, ka piah lawk sih tual fai lai ah chuan, arawn chuangchhuak hlawl mai a. Ka beiseiloh lutuk tumpangchal ki kual ruih mai kan hmu thut mai chu, ka hamhaihin, ka dip asai ngar ngar thei hial ani. Engtiklai maha sahu sual nei ngai hleilo kha, ka khur der der ta mai a. A ki kual ruih mai inkarah chuan, sar azam tlat hian ka hmu leh nghal a, an hawi vulh vulh mai chu, alu te lah chu, an zo vel velh khawp leh nghal a.

A len a, an len zia chu, kan hmeithai pitar darchhungi In nen khuan a intiat hialin ka hria ati ani. Kahna chang reng reng ka hrelo. Ka harhchhuah meuh chuan, a inher vut a, alo kalnaah bawk alet leh ta mai a. Khati khawpa lian si, khatiang em em a, atuan han tha mai kha mak kati ani. Lo kap ta tehreng pawh ni ila, zukchal kahna tura ka silaimu thun mah nise, ka kahtluk zawh pawh ka ring chuang lo ati ani anti a.

A thianpa Khûpa hnena an hrilh chu, a awihlo ani awm e. Mahse, atuka an chân leh chuan, Khûpa chuan a hmuve ta thung a. Ani sawi dan chuan. Bukah thianpa Thuama’n tumpangchal a hmuh thu min hrilh chu, asawi lian rapthlak si a, ka awih sak hauhlo. Ani fiamthu duh pheng hian, kan hlawhchham rei tawh avangin, min tih phur nan asawi mai mai anih ka ring a. Ka awihsak miau loh avangin, ani lah angawi zui mai bawk a. A tuk ka chân hmun a, ka thu fel deuh hlawt tih ah chuan, ka tawng ve ta ani. Zuksih pui hlun leh lian zawk khu ka chan ani a. Sih hmun zawl rawn luh phei hma a. Rairuang hmun khu arawn che phei luai luai mai a. A thawm erawh alian lemlo. Sazuk no hruai anih dawn hi kati rilru hman tawh a.

Mahse, kan enchiang chu, rairuang kung chungah chuan, a ki dum fim relrawl hi, arawn lang ta ruau ruau mai a. Engtizia emaw tehreng ni, ka thauah mi mana hlauhna mak tak ka nei ta tlatmai pek a. Ka khur ani chilh zui mai leh nghal, a taksa pum lang theia arawn lan meuh chuan, ka khur chhe fe tawh mai nia mawle. Ka hlau kati ngawt tak na a, ka hlauh ber erawh ka hre hauhlo thung. An hawi vel vual vual te chuan, min hmu niin ka hria. Mahse, keilah khûr miau hek. Ka kap theilo tih hria niawm fahranin, sihtui chu a duhtawk a dawt a. A mawngtam bial mut mai chu, min chhawnin, a kal liam leh ta ani. A lenzia leh aki thatzia kha ka sawi fiah thiamlo. sawi eng ang pawh ni ila, a hmuve kher tu tan lo chuan, awihawm ani theilo ang. thianpa Thuama khan alo sawi uar tawklo zawk ani. Kan hmuh phel chauh kha a hmu ani mahna ati hial ani anti leh a.

A sawi zawh meuh chuan, chil lem ri khawlh khawlh thawm hriat tur a awm nawk mai. Chu thu zet chuan, an thu hmasa zawng a khuh chiang ngei mai. Tumah reng tawngzui tum pawh an awmlo. Khuavang kallai tih ang maiin an reh thap mai ani.

Tlangval leng haw hmasa thenkhat chuan, an thu hnuhnung chu, an rawn hre hman riruai a. an in hrilh nawn leh nak nak lai chuan, a hnufual ho pawh an rawn haw khawm tak tak a. Upa ho zawlbuk rawn kai te pawh tinzai an rel ta ani.

Chu Tumpangchal chanchin chuan, zawlbuk tlangval ho chu ati phawklek nghal ta pang mai. A haw hmasa ten, an hnuhnung ho an hrilh chhawn nak nak lai chuan, val upa ten, venbuk thlak tu tur an rawn ruat zui ta vat a. chutih lai chuan, Raldoa leh a chêkawi, a thu akawi angila zawm duam duam thin. Mipathum te pawh an rawn haw ve mek a. Raldo a chuan, a âwki ring leh chapo lar mai chu, zandang ang bawka rawn hmatheh in, hla dukdak lo zet arawn sa lung lung a.
“ I mal râng leh chawnpuar khuhtu”,
“Ka hlim ang val chunglûr an”.
“tang suh, tang suh chêmte,”
“I khawivah lawi, ka zen dawn e”.
“Chik nghawr nghawr teh suh”.

[Ngaia]

Awh khaih, inlo la meng vek elaw.engtizia nge, inva phâwk hlawm hre hru ve, tiin bawhbel arawn bawhliam phat ata atawng phar phar a. Kilkhat atang chuan, i hla sak chu i phuah thiam vei roh fu kha le. mahse, valto lo len chen zet leng hian, i lenna te i men muthlu láwp lâwp zantin mai si a. haw kawngah i to haw leh thei fua fua viau si alo ti zoh a. Mai mai a, tunge ni. Tu robawm mah la kar hawng hlei lo hian, thimtham atang thikthu rawn pe chhe viau lo la anih chu alo ti hmuk a. An inhnial thui hma in, val upa Vunga chuan, khai khai, zanin chu venbuk lam thlak tur kan lo inruat mek anih hi. Nang pasaltha ah, Raldo mauhak lam venbuk nghaktu Sangkhuma leh Thangchhunga te va thlak teh u. khu lam khu chu awmkhauh deuh leh pasaltha deuh ten in do phui loh chuan, sa leh ral hmatawng ani si a, kan nghing ang tih ahlauhawm bik tlat a rawn ti a.

Raldoa chuan, vawin atang khan ka nuam manglo deuh a, hei zanin pawh a zualkai deuh a, ka rawn haw hmapui anih hi. A thuhrimah enge ralven angaih kherna tur, remna siamin an thang mek ani si a. Heta lo raltit ve em em ringawt te zawng a dawihzep hna deuh lo maw anti zat zat a.

Fimkhur tluk a awm hleinem, khawtlang muanna hi, tlangvalte kuta in nghat ani a. Hmeichhia leh nunaute bakah, tar chaklo zawkte thlamuang taka an mut theih nan, inven hi kan tih makmawh ani tiin Vunga chuan an chhang a.

Ho mai mai emai, kapu pawhin engmah lungkham tur a awmlo. Remna siamin anrawn haw leh mai ang atih kha, bakah zanin chu, ka nuamsamlo em a, mut hma duhin ka rawn haw anih hi. Val upa tih vanga intih thu viau ringawt mai. Midang pawh tirh tur an tam hi, a hunah zawng ka che phat mai ang ala ti zui hram a. Thlanglam kil atang chuan, Raldoa nungchang mil vaklo tu ni ngei tur hian, ka peihlo ti tha hle hle la ti nia, a muang chinah bak eng itih sawitur a awm hleinem arawn ti zauh a.

Raldoa mu, nuamsamlo inti. Puana ilukhup hmak chu, rangzeta in haihawngin, arawn têr nghal at mai. Tunge ni, i ngam chuan, rawn chhuak ta che, chuti te a min tih khanglan chu le. Tunge ka nih i hria em, ka duh dan danin ka awm ang, inlo sawi phak a awmlo. Thim thama tawng dût dût lo khan min rawn hmachhawn rawh tiin, awm pho lahin a ding uaih a. Thlanglam kilah pawh an indawm bet ni ngei tur ani, an ri deuh khat khat bawk a.

Val upa bawk chuan atawk e, atawk e. Tute nge inpe thei in awm chuan, lo chhuak ula, in thiante khawvawt hnuaia ralveng chu zuk chhawk teh u, arawn ti thuai a. Mi pali chu, an insiam mawlh mawlh a. Silai nen an chhuak zui ta nghal a. Val upa chuan, midang zawng kha chu, mu tawh rawh u, tiin Raldoa lo la inhrosa khûr khûr chu, tih chhanin an an au lauh lauh a.

Sangkhuma te thiandunin zawlbuk an rawn thlen chuan, midang chu, anlo mutui tawh kher mai. Thawmdim takin Midang tih harh hlau chuan, an mutna an siam sat sat a. An zal zuive ta nghal a ni. An chau ve tawh bawk a, reiloteah an muhil zuive nghal mai a.Zanlai a pel fel awrh ang tih ah chuan, vengmawng lam atang mangang au thawm alo chhuak a. Zanreh tihtakah a hriatchian vau vau khawp mai. Nuchang au rawl chuan, Sa atla ê, sa a tla ê, tiina au vau vau a. Chumi thawm ah chuan, sangkhuma mutui lai chu, ben harh ang maiin, a tho zawk mai. Tho rawh puih ngai an awm ti a, rawn hrilhtu awm tlat hian a hre nghe nghe ani. Nuchang mangang aurawl chuailam chu, chiangtakin a hre hman nghe nghe. Thawhphan nei hauhlo chuan, rangtakin a thochhuak nghal vat a. Hetiang rikrum thil atana alo dah ruk. meichher ban chen vel lek, chhit kai awlsam tura a hmawrlam alo meh phuai sa thlap chu pawt chhuakin, zawlbuk meipui rem tawh chu, an thai ling vat a. A deh kai lai mek chuan, a thianpa Thangchhunga chu arawn tho vei vut a. Mai mai tak che hian, min kaitho dawn nge dawnlo tiin ka ngaichang mai mai che anih kha. Hetiang hunah pawh min thawng hauhlo a, mahnia liammai intum hi chu, i chunga ka rilru put hmang hi, i phaklo ah ka ngai. Nge ni a, mahni mai a, thangthat lak itum zawk. I hnung dawl zolo mah ila, i thlaphenah tal midang ka hmakhalh ve aniang chu, tiin silai arawn chuh ve nghal rap a. Meichher a chhitkai rual chuan, rangtakin an thawkchhuak zui ta nghal a, midang thawm pawh ngaihsaklo chuan, venghmawr lam panin, a uih zawn ang vat vatin, an kâr páwk pâwk mai ani. An zuk thlen chuan, pu Rûnthanga nupui alo ni a, pu Rûna te chhung chu, chechang ngam heklo. Pa ber lah chu, sapui hûhâng ah azâm bechhe der mai si a. In hnuaia an vawkpa sut nghak chu, sapuiin arawn lak sak niin an hria a, an mangang au thawm vel pawh kha, a pawisa hauhlo ani awm e. Nichin lawk, in rawn thlen hma mai pawh khan ala awm reng asin. Pawnah chhuakin, fârfim chhit eng hnuaiah aze tial ruai leh Amit de rual mai ka zuk hmuh khan, minti zam der mai a. Thimtham hnuaiah lehnghal chuan, engtia han tihzui ngaihna ka hre silo a, inchhung atang ka zuk au vel ringawta. Ka hlau tih ahria nge ni. Min pawisa lo khawp mai. In meichher engah khan a tlan ta chauh niin ka hria, tiin pu Rûna chuan tawng khur deuh dat dat chung chuan chanchin alo hrilh sawk sawk a. Midang thawm leh meichher eng rawn lan rual chuan, inhnuaiah lut thla in, a sulhnu an han belchianga.Vawkte dang pahnih ngawt alo bengthlu tel leh nghal a. adang chu, an tlan darh ni ngei tur ani. Hmuh tur an awmlo thung. A seh tak ber a hnuhna hnu hma chu, chhuiin Sangkhuma chuan hma ahruaia. Thangchhunga pawhin a thianpa hnu chu a rahchilh ve zat zat bawk a. Midang panga lai lo thleng thar te chu, val upa Vunga’n rawn ho in. Sangkhuma te thiandun chu an rawn pawh ve ta bawk ani. Sangkhuma chuan, a meichher êk chu nawr thla in, thiana nang han keng teh silai nen chuan, miti tuanfum zawk dawn tlat mai. Tikhan hnunglam atang mi rawn ên la, katan hnuchhui leh chet lak anuam zawk ang tiin, a meichher chu an pe a. An hnunglam atang val upa Vunga chuan, fimkhur leh hmanhmawh hauhlo khan aw.. a chet dan kha, sapui zahngaihna neilo chi anih hmel tlat. A eiduhloh tur thlenga akalpah zul danah arawnti ve bawk a. Meichher eng hnuaiah chuan, sahnu bihin sangkhuma chuan, hma ahruai zuizela. Thlasik rim, la nam chiahlo mahse thli thaw avang chuan avawt angreng phian thung. Tunang hun hi, khawchhunga sapui rawn chet duh hun pawh va ni suh. Fur chhiatlai pawh ani silo a. Arawn tlangnel leh huaisar danah hian, sapui nghal leh chimawm tak ani phawt ang, tiin valupa Vunga chu ala tawngzui sap sap a.

Khawro lai anih avang leh hnim hring pawh an rawih tan lam ani bawk nen, khawnawm lai anih avangin, daihnai chena mihring leh ran sulhnu in, dâi vel a bawhbel lai alo ni bawk si. Chu achhapah zanthim hnuaia meicher eng ringawt ringa, Hnuhma han chhui chu thil awl aitak zawng anilo viau ang le. Sangkhuma chuan, an bosan leh that that thin a. A hmuzui ve leh mai zel bawk a. Hmun thenkhatah a hnuh na hnu lang mahse, thenkhatah erawh apu kang daih emaw tihturin hmuhtur a awm hauhlo thung. An khaw mawng chuanhnuai ramchhia lam chu, apanpui ni berin an hria. Sapui tan chuan, duhthusam ram ani ve reng ani. Thangchhunga chuan, pu Rûna khan kan hma lawka liamve mai nikhan asawi si a. Ka rinaiin athleng hla hman fe mai kati. Hmaichhanah kankan intawh vat mai kalo ring ri rawka. Heng thleng thleng chu, akal hman ka ring hauh lo asin le, tiin a phun bal bal a. a sawi zo deuh awrh ang tih ah chuan, an hma lawk ruam, kawrhte chep kam lehlamah chuan thawm an hrezui ta ani. Han din deuh dat pahin, thawm an han ngaithla a. Thingtang han tliak ri deuh rap lam chu panin Sangkhuma chu a kal zui vut a. Thangchhunga pawhin phûr hmel fe in azui ve nghal zata. Val upa vunga chuan, a hnai tawh anih hmel. Fimkhur takin aw.. Sangkhum, chak lutuk bik teh suh. minlo tawng anih chuan, kan inpui hmanlo palh ange tiin an ko titih a.

Kawrhte kam lehlam an han perkai chu, piahlawk a thlam tiat vel hmunzawl titih ah chuan, asa seh lai bawh rûn chungin, alo meng de rual mai a.Alian tha kher mai. Asa seh chu ahauh hle tih hriat zet hian, arum ngul ngul mai leh nghal a.e Meichher engah chuan, alangchiangin an rûm ngul ngul mai chu, a huhang ana bawk aniang. Val upa Vunga hnunga tlangval ho chu, an kimki chawih chawih mai ani. Thangchhunga chuan, avan lian kher em. Miti zam rum rum mai kati. Khawinge kan kap ange aw anti a. Val upa vunga chuan, hnawhsawn dan hram zawng ila achi zawk ang. Keipui te hi chuan, an thih dawn ruaiah pawh akaptu hi an bawh deuh ngei zel ania. Hliam palh pawh a hlauhawm reng reng arawn ti vat a. An han hnaih deuh chu, arawn ding ta phut mai. ng sen huam chungchuan, arûm hum hum mai a. Hnaihzui ngamlo in, an ding chawt mai ani. Sangkhuma erawh hniak khat pawn atawlhlet eihlo. a silai chu akin, a chempui ala chhuak zawk ta dah a. An pan hnaih tak zelah chuan, keipui chuan, asa seh chu a hnuk ta mai a. Chu chu, sangkhuma chuan chuhpuiin a sa seh ruang bawpah chuan, an chelh ve chat a. an inhnuk titih ani ta der mai. Sangkhuma chuan, han phih sawk pahin, pasaltha thlah rawh khai, kan duhlai anih hi i chantur tlem chu ka hnutchhiah ang che anti a. Keipui thinrim rum ngul ngul chuan phih pahin, an thing zui viau na a. A chelhtu in chelh nghet miau hek. Eng a anpui theilo. Thah kher che hi ka duhlo ania, thataka ka dillai che hian min pela, i chanpual chu, kan kal hnuah i eimai dawn nia tiin Sangkhuma chuan an phih thlaksak ta lawp mai a. Keipui pawh chu, a mengkhup ta lup mai, inherin piahlawk luang hung hnuai atang chuan, a aihuai Sangkhuma chezia chu, arawn thlir dauh dauh a. Keipui aimaha makti leh hmuhnawm titu zawk athiante chuan, an thianpa Sangkhuma chevel chu, mitla lêk lo in, anlo thlir vung vung a, puihzai rel reng an awm heklo. Sangkhuma chuan, kan chawm leh hrai mahnise, ilo seh takah chuan, hei abawp hi, ka hleh ang che. A dang rawn beisei tawh hauh suh. kan buaina irawn belhchhah leh a, ka hmu leh che anih chuan, ka sezawl chhuah tawh dawn hauhlo che ania tiin, beidawng leh inthlahrun hmel zeta lo thlir voh voh tu, keipui lamah chuan asehhlum tak vawk bawp chu an thehphei thak a.

Ramhnuai lalpa leh mitin te tihkhai keipui riltam meuh pawhin, mihuaisen mitmeng leh chezia chu, anlo hrehrang hle ania nge. A chanpual chu, inthlahrung hmelzetin, ui in apu mitmei veng rana a eitur a thut chilh ang mai hian, arawn hnaih hrauh hrauh a. Sangkhuma melh zuk zuk chungchuan, arawn bawhchilh veta a. Tichuan muangchangin, asabawp chanpual chu hmuh phakloh lamah apu liam zui ve ta chauh ani. A thianten âng deuh phuau chunga anlo thlir thapna lamah chuan, vawk ruang chu, an hnuk phei a. An piahlawk atang chuan, midang kuk thawm leh meichher eng arawn lang chilh ve nghal bawk a.

Valupa vunga chuan rorelin, a pum puma hawn kher angailo e, tihian chan darh ila, kan inzangkhai tlang thei zawk ang atih avangin, changel hnah phahin an chan zui ta nghal a. Midang lo thleng thar hnukhawiah Raldoa pawh phakzetin arawn lang ve hlawl mai. A ze ngai erawh abosan chuanglo. Rawn thlengve chauh e tilo chuan, khawnge keipui chu a awm, inlo tihlum hman em lo maw, in hnawt tlan ngawt pek emni. Mutmu pawh tuah tha theilo a min han siam vei chu le, i han beizui nghal teh ang. A mei ah ngat chaih haw ila ni mai lawm arawn ti lung lung a.

Sangkhuma chuan, kan lo chhuah mai asin. Sahrang meuh hi chu zahna lantir ve angai ani. Mihring em min khawih lo bawk a. Asa seh pawh hei minpe let leh tawh e, a chanpual la in akal ta anih kha alo vat a. Midang a hmu leh hrechiangtute chuan, sangkhuma chetdan huaisen thlak leh hmuhnawm zet chu, an thian lo thlengtharte chu, anlo hrilh sap sap a. Raldoa erawh chu, a meizang hlaptu ber niawm ang ziaziang alo thlen tirh ata ala tawng lung lung reng a. ka rawn thleng har deuh chu, ahim phah zuk nia le, rawn tawngve hman ngat ila zawng ka sai thluk loh vek pawn, alu phelphawkin kan sat tur ania ala ti phar phar a.

Thangchhunga ning thut chuan, tawng tuitam viau lo hian, atha thawh lam hma ve thin la zawng, a ngho sei zia pawh i hmu ve hman tur hi ania. Muang leiah midang hnu khawiah tangin, i inhrosa leh ang kuk kuk a. tawngka a vauzam theih nise, ngahnge kan ran te arawn seh ngam tehlul ang alo ti ve fuk a.

Raldoa thin a khei viau nitur ani. Thinrim zet hian, tawngtam te min han tih khanglan, ka sa bawp man zah pawh i man tawh em ni, tawngtam zawk chu a hriat reng alawm. I pu tawnghmang thiam luatah kan ralti zota ani lawm ni. Ani tawngtheih zarah leido nei a, kan awm tak hi arawn ti let ve sak a. Thangchhunga lah duai duh bik suh, Chu, leido neih chu hrehawm iti in, ilo raltit phah viau ani maw, khawchhngah le’m ila zai ring thei lûng lung fû a ka hriat si. I pu zahngaihna leh finna zarah kan tha tlang leh em ang chu maw, anti zui ve salh a. Valupa Vunga chu lo inrawlh vatin. Tiru hei kan sa chan hi, rawn la diat diat teh u, aneitu te inah kan luhpui dawn nia. Alu nunga khalh haw theih ani tawh silo a, kan in zangkhai tlang thei zawk ang tiin, kanlo chan darh ngawt mai anih hi arawnti ta a.

Raldoa erawh ala lungnilo ani tih hriat zetin, ala phunzui nung nung a. Keipui ruang hlawm tuma kalin, a sa seh ruang lo hlawhtlin hawpui ve ngawt te chu a. Mipa fa tan chuan, tih ngai pawh va ni suh, keizawng ran thisen ringawt chuan, ka ipte tihsen ka tum velo ala ti zui hram a. Thangchhungan chhan leh tuma a an zuau lai chuan, Sangkhuman arawn nghawk zauh a. Val upa Vunga arawn tawngzui ta zawk a.

A ngaihdan apel ve ngang nitur ani. Mai mai tak che chuan, Raldo. Englaia i thiltih nge chhuan tur ineih. Ai upa te thu hnial loh lai reng reng neilo mai che. In mithat hi emni i chhuan em em. Kan ngawih liam mai mai avang hian, ka theih tak emaw iti ani ange. I tawnghmang leh chetdan hi ka kham ta, chuti khawpa huaisen inih chuan, keipui chu, kan piah lawkah sawn ala bawk reng alawm. Sangkhuma sabawp pek a khel ri pawh arik leh bawp bawp thin chu, va kap ta poh che. i duh ang takin keipui ruang chu, rawn hlawm haw tak rawh.

Zawlbuk tlangval tho tlai thei ber inih ahnu, midang tuichawi sa a, tuktin inphih inih kha, i tawngkam leh thusawi hi umphak nila, tunge hnial buai tehlul ang che. I pu avanga kan ngawih liam mai mai avang hian, i inluling em em reng ringawt mai, duh leh rawn ak malêk rawh. I tello hlirin alawm engkim hi kan tih. Kan phût reng reng lo che. ati ve hrep mai a.

Raldoa chuan, hmangâitu an melh kual vel a, tu khawkha in anlo ngaihsak silo a. A thinrim lutuk chuan, i mi han tih dan chu ila hre khawp ang, ai u zawk inih vang alawm ka ngawihsan mai mai che ala rawnti hram a. Chu tawngkam chuan, valupa Vunga thinrim insum, kal siama inher fel vek tawh chu, ati tek chhawk mai ani. A thinthawk thut chu, upbet hman heklo. A silai leh ipte adah rual chuan, Raldoa chu arawn hmachhawn siah mai a. Mizaidam leh huaisen thinthawk chuan, huhang alo nei na meuh mai.

Khai le, i silai nge i hman duh i chem, keipawhin u zawk ka nih avanga kalo dawh thinna che chu, dah tha in ihan inrualpui beih teh ang. U zawkah min ngai reng reng suh. Midang i chungthlak thin te ang ah khan min ngaila, i duh dan takin han che teh le. mipa thankin ve ve chu, ihan inhlep ral thak teh ang. I ngam ngam ka ngam a, i duh duh ka duh tih hi han hre hmasa la. hei ka ngaichang che ania ati ta chheu chheu mai. Raldoa hmaah chuan, chemtum humin ading to mai a. A mitmeng chu, mihuaisente mitmeng chiah chiah niin, keite thinrim ang maiin, amengsen râm mai a. Azâm loh zia leh engkim angam in ahuam tih lah ahriat hliah hliah leh nghal. Alo entu te zingah ngei ngei pawh, a hmachhawn nilo chunga lo zam tawk an awm thei hial ani. Raldoa chu, azamin a mangang kher mai, alo rin leh beisei ang ngawtin Valupa Vunga chu vauzam mai mai chi anilo tawp tih ahmuchiang hle ani. Ngaidam han dil leh tlaikhawhnu chu, a chapo na avang chuan ahrehve tum hrang si a. A hma ading Vunga duhdan chu zawmin a hmachhawn ngam chuang bawk silo. Vunga mitmeng fimkak leh senram mai chuan, ati zam chhe hle ani. Azun fep atla tih pawh ahria, mahse, hlauhvanga ataksa khur chu, midangin an hmuh ahlauh avangin a chechang ngam silo. mangang taka tuilairap dinhmuna adinlai mek chuan, Sangkhuma chu, rawn penchhuakin an karah arawn tlazep ta hlauh a.U Vung inbengdai hram hram rawh. angamlo che ani e. tiru, i kal ang u khai, khawcchung hlatsan rei thei pawh kan nih loh hi alo ti sawk sawk a, Midang hnungah Raldoa pawh lunghnur fe in a rawn kal boh boh a. A thinlung chu, thinrimna in a khat ani. Midang zawng zawng hmuh laia, khati khawpa Vunga laka an tlawm chiang mai kha, azak hle a, khatiang em a zahna kha ala tawng ngai heklo. E ngemaw kawng tala, Phuba lak dan tur mawlh angaihtuah a, zahna leh thinrimna in a thinlung chu a su dup dup ani ber.

Tukthuan eikham hlimin, Lam kala an palai tirh te chu anlo thleng a. An hmel pawr fipfep leh phelh phang mai atang chuan, thu lawmawm lam anrawn sin haw lo tih ahriat hle. Mipathum nisi kha, pahnih chiah an rawn ni tawh lehnghal, khawdang hawi miahlo in, lalin anrawn pan ding nal nal a. An hmelah chuan lungchhiatna leh thinrimna a chhiar theih ani. An thu rawn hawn chuan, reiloteah khawchhung afan chhuak nghal a. Lusun chhungte an tawrhpui piahlamah, mitin rilru chu, thinrimna leh rapthlak tihna in a luah vek ani. Awmni khamin, vuina hun an hmanga. Lapa Dothiaua chuan, a upa tualthi ta chu vawkpa sumnga in a tlaichhiah nghe nghe ani.

[Ngaia]

Khatia Rozika hnena remthu sawi tura, Lal upa pathnum Bâwkpui kalte khan, Lal Rozika khua an luh phat ata, an thiltum chu, a tlawlh ngei an ring nghal a.
A chhan pawh, kawtchhuaha Denghlira lu sahlâma lo inkhai, mitmu pawh neitawhlo, thotlê leh khuaiin ri mum mum khawpa anlo bawm hut hut an han hmuh phat atang rengin, an khaw pa chu, râlthah diktak sawngbawlin, an diriam hle ani tih an hre mai.

Pûma patling leh tlangval lo awmkhawm laih laih chuan, sailumu den hrual bak chu, tunang chhun pachangah tihtur anneilo tawp ang. Anni khawlaidunga mikhual kawngkal ta chu, anlo enduh khawp mai lehnghal a. An rawn endan lah, khawchhunga zâwngrual tla lut ang maiin anlo en niin an hre nghe nghe ani.

Laltual a, Hrânghrual ngul pahnih lo inphun an han hmuhzui leh takah phei chuan, an biak tur ber Lal Rozika chu, siala râl aitu ani tih a chiang bawk si. Ralthat inti tan chuan. A thattu ber anih aliamah, a aih loh chuan, a mithah thlarau kha a nem lo anga, amah pawh bei ngamin, Mitthi khua ah pawh a chhiahhlawhah atang thei dawn silo a. A aih ngei angai ani. Muallaia an thingserh phun, in sat chik nuk atang chuan, mihuaisen Lal leh khawtlang tana inpe ngam an tam tawk ani tih an hrethiam mai. Nimin lawka an râl aih chu, an urhsun hle tih a chiang ani. A khâipa ber, chêmte-ipu antih mai thin Thanrûma chuan, akalpui te hnenah. Hei kan thiltum chu, a tlawlh mai awm mange kati. Kan thu ken leh anni lo khawsak dan hi, a in tuha lo deuh dawn a ang. Engtih theih kan neilo bawk a. Kan tawn tur tur tawngin, atawp kan sik tho tho angai si a, inphahhnuai thei angbera kan awm angai dawn anih hi, ati sap sap a.

An zinga naupangber pu Lianzika chuan, kan rindan sa tho anih kha maw,, Chuti chunga hei lehchen kal tawh kan ni bawk a. Beinge sei rundung kan ti mai aniang chu alo tive bauh a. Lalin atanga thawm lo chhuak chu, atha ham ham viau mai. Lal leh upa ho zuin chu, an lu a kai tawh hlawm ni ngeitur ani. Hla hrilin anlo zai dap dap a. Lal Rozika chuan khua lehtui angah bawka, a In pawh alianin, asei tha kher mai. Sumhmun an han kai chu, Sumhmun pawh azau tak ani. Lut phei zelin, vanlung(Chhiahhlawh/bâwih ho chenna) zau hekhawk chu, an pel pheia, Lal chhuatpui ber dawvankaina lo awmin, chutah chuan Lal Rozika leh a upa te bakah, a pasaltha te ho chuan, zu khawnin, arui lungpuam leh thatho zual anlo chheihlam hap hap a. Chumi piah chu, lalchhungkaw riahna niin, apiah leh kawmchar ber chu "bahzar" (Nula puantuahna) ani leh a. pindan panga lai a awm a, lian leh seilo chi ziazâng anilo.

A inchhung an lawiluh atang rengin, Rozika chu, chapo lo chi zia reng alo nih loh hi anti rilru theuh a. An zâm phah zual sawt in ahriat nghe nghe ani. Lal rozika chuan, lenchhâwn tawn in, alo uibuk thut vung mai a. Haileng no dawmin khabe lama far zawih zawih khawpin, zutui tling alo khiat khulh khulh a. Anni ho va lut chu, tu khawkha in ngaihsak tange anlo ti lem hleilo a. Nakin deuhah chuan, upa pakhat lâm thai zo dangchâr rawn dingchhuak chuan rawn hmu in, Khâi,,, hei Lalpa, inleng kan nei ava ang ve tihpahin, zubel lam apan san leh nghal mai a. Midang chuan, an rawn hawi ta sap sap a. Lal Rozika chuan meng phelh deuh leh thamlo zet hian, hmai zangthal ang hehaw in, Zopui khaw upa pathum ama inchhunga lo ding zum zâ mai te chu, an thlek tawn vel a. Hnuaichhiah leh hmusit awka zet hian. Lo hnai deuh teh u, in chhe chipchep lutuka ka hmuphak hleinem che u, enge induha, khatia ngawirenga inlo din zum duk mai. Ekhai!!!...phivawk hriak in rawn inchulh emni kati. Umm..naupang ang mai a uite rimte tlenga nam thirther a ka hriat cheule. In rim leh inhmel atang chuan, Dothiaua chêkawi inniang maw. Tawlh hla teh u anti zui leh zat a.Khai, ka upa te u hei kan leido lam te min rûn turin ka inchhung an rawn lawi anih hi. Ka pasaltha te kha lo insum rih ula. Muallam nan a, râllu aih tur kan neih leh ngei dawn hi. Eng thu nge an rawn sin luh ilo ngaihthlak sak ve reng reng teh ang a'nti lûng lûnga. Mângliana leh a thiante rui phur chu, anlo haw haw dur dur a. Lal Rozika bawk chuan chhuatzawl kha lo kian ula, thu hahdam rawhse, hetia andin reng zawngin, an khûp saiin a chelh zolo vat mai ang. Han thuchawl hret sela, michak khualzin te chu, lalinah pawh inbuan mai ta lawng. An chenbeh viau na a, khi leh chen atanga helai meuh rawn thleng thei chu, an khaw chhuanvawr tharum tlema zawng an rawn paipawn ngei turah ngai ila, in thaza tih ziawm nan leh intuai hriamna atan, inla buan dawn nia tiin, eng thu nge, in khawte Lal Dothiaua pêrpûr chuan, arawn kentir cheu a anti zui zat a. Thanrûma chuan, a zâm rukna chu thup hram hramin, a aw an thian kharh kharh a. inremsiamna thu han sawi tâwl chi ni a, ahriatloh avangin Kan lalpachuan, i ngaihdamna dilin, remna thu sawi aduh ani anti tan dêk dêk a.

Dothiaua ve mai mai chu, anin anawm amaka duh hun huna remthu thlunpui te min tum ngam zawk a. A khaw tualah lem a tawng huai viau si, a tih loh tawp tur Lal Rozika minti thinrim anih hi, Nangni danglo, ln lal in a in michak Sangkhuma hmingchhala haileng no min lênkhumtu in nih kha. Engtia rawn kalchhuak ngam nge maw in nih zawk le. In huaisen fê nge ni a, in âtmu in inlemsual zawk. Tlangaupa, hei kan mikhual Dothiaua uichuang vulh te hi, ka kawmchar zu ngei mai kha, rawn chhawp teh. An chhawl hal ilo tih reh sak teh ang. An mi endan heu hau hi, ui sa ningnawi beisei ang mai min thlir hinghiang chu le.. anti zui a. Zopui upa te chuan Ekhai, Lapa kan chhawl ahal lo e, i khawngaihna leh zahngaihna dil tura rawn kal mai kan nia, zah fakah lu em chhum suh tiin, kan rawn armei kawhchhuah ve tawp mai ani a. A tirtu azir in saphungah pawh kan kui tur lah ni. I thu leh hla tha pawh beisei ngamlo chung chungin, i zahngaihna kan rawn dil ani e anti a. Chutih ahnu, ka kawmchar zu chu i han khawn ho teh ang. Eng ang chiah a inphah hnuaiin nge, ka zahngaihna chu in rawn beisei, kan hre phawt ang chu. Tlangaupa, nang hailengno khat parh parh khan han tulh kim vek phawt teh. Chumi hnuah an no tur i rawn chhawp dawn nia, ka mikhualte dangchâra hrêk chung hian, titi pui hi ka duh hleinem anti lung lung a. Tlangaupa zu rawn pek chu, anlo in tliar tliar a, Zopui upa Thanrûma chuan, han tep chuap chuap pahin, ekhai,, Lalpa i kawmchar zu chu, a thlum tui narawh e. Nokhatna pawn lu ati nghing der der mai kati. Ka dangro leh chhawlhal pawh athiang ta vâk e. Kan duhtawk ange, keini zawng kan pachhiat leh angrawp aleiah kan lu kan zolo hma si a, tuisik aia lem nuam leh thlumtui zawk mah nise ka duhtawk fang ani e tiin, thuhnuairawlh leh inphahhnuai fe chuan ano chu asirlamah an tung a.

Mai maia pachang til tial tan, lû han zawh lohna turin, dangro chiah hnawng tham pawh ani hleinem. Manglian in zu sawr thar chu, han chhawpsak teh u. Anti zui zat a. In inzawh hma chu, eng ro dang mah kan rello ang ati tlut mai a. An zu rawn chhawp chu, a dum deuh ngun mai a. Hnamtûr an thlak emni aw, tih chu an rilruah a awm vek ani. In loh theih ni heklo le, tlem an han temchhin zauh a, Hnamtûr êm chu anilo anih hmel. Vaihlo rim anam a, a kha phak hluk mai. Inluih chu har tak ani. Lal Rozika lah chuan, ka no dawm min khalh thei in awm na nge, khati hrim chuan, ka tlak rual talin in tlak tur ani. In hma a inchhawp kha, in inzawh hunah ro dang kan rel ang ati zui hmuk mai a. Midang an mitmei zauh a. A pasaltha fawr bik ni ngei tur, zu lo inve dang. Mángliana leh mipa ruk te chuan,amal te tein rapchunga thingfak chu, an pawt dawk zâl zâl a. Zopui upa pathum te chu, an thingfak pawh chhuah hmang chuan an thut hual a. An râl chei chu ani ta ber mai.

Chutia tihluihna hmanga, zutui tling leh vaihlo sawr pawlh an han in ta chu, harsa anti in, arei deuh hnu ah phei chuan, an uak pawp pawp mai a. Thanrûma leh Lianzika chuan, Lalpa minngaidamin min hrethiam hram teh. Kan inthei ngang tawh lo ani. Anti thlâwt mai a. Lal Rozika chuan, chu ka zu chu intlakah pawh min ngaihsak na nge.. chuti hrim hrim zawng, in mi hmuhsitna leh thamlohna ila rawn chhawm zel zuk nia. Tlangval te u, in thaza tireh turin Dothiaua khaw inbuan chak te hi han bitum teh u. In tha tawp in chhuah loh zawngin, ka khawtual mai nilo. Ka rûn zauah ngei min hnehsawh hle dawn tihna ani a. ka khua lehtui te innih angin, ka hmingthat leh chhiat chu, in kutah a in nghat e anti lung lung a.

Zopui upa te chuan, Lalpa min ngaithiam hram teh u, tlangval khualzin zawlbuk chuangkai rual pawh kan nih loh hi, keini patar lam chuan, tu khâw khâ kan hneh hlei nang. Hneh chu sawiloh, an phûrna leh thazatna pawh kan chawk tho zo hlei lawng e, kan pa mal hlawm si a, inherh ilo fahran pawh kumkhaw chawr loh nan kan hmang mai awm asin. Min hrethiam in min ngaidam mawlh mawlh teh u anti chûl a. Lal Rozika lah chuan, nangni duh leh duhloh lam ka ngai pawimawh hleinem. In khawtuala min hnehsawhna kha, ka thinglet duh mai che u ani. Nangni thu ka ngai pawimawh lo. In theihtawp chhuah ula ni mai. ati hmuk hmuk a.

Zopui upa pathum zinga ami lai, la tawng ve mang hauhlo, pu Chhunthanga chuan, chutia keini thu leh hmeichhe thu in, kawngro asut tak siloh ah chuan, theihtawp kan chhuah ve mai ta lâwng. Âite pawh in a kawtawpah chuan, bawppui tlahlawkin aw ati ani lawm ni. Keiman hma kan hruai ange tiin arawn dingchhuak tuih tuih a. An zu pek leh inluihtir avanga uak deuh pap pap chungin, chhuatzau lam pan chuan, an pai phei deuh khat khat a.

Vala te u, tirawh u. In thaza leh kutthak chu ka hnenah hian han hrithla mawlh teh u, ka thiante erawh dimdawi deuh ula. Enge ni vei, pachangin engdang nge ka hlauh tawh chuan ang, chhu rawng vuana hei leh chen kalo dam tawh ahnu, chi thlah ka nei tawh alawm. Chepa thangawk pawhin, ka awk ta laileng, ka awkhlum law law dawn ati ngai ani lawm ni. Lo chhuak hlawm teh un, vawikhat na rêng rêng zawng vanglai nun in tem leh teh ang. Aw,,, ka vanglai kavan ngai tak em tiin a phun sap sap a. A hunlai leh vanglaia pa ngawltawt, mihuaisen thinphut neilo. Tlawmngaihna akhat anih aliamah, zaidam thin athawka. A dawhtheihna leh zaidamna in atlin seng ta biklo ani ange. A rilru chu, ataksa leh tharumin umphak tawhlo mahse, a thinlung erawh hlauhna leh zâmna in ati nghing eihlo ani tih ahriat hle ani.

Mihuaisen awka leh chevel hian, hûhang alo nei viau ani ngei ang. Khuavang kallai ang vel chu, an reh duk mai ani. Mahse, Lal Rozika chuan tlangvalte u han nuai hrep teh u, ka inchhungah ngei pawh chuti khawpa min han diriam ngam chu le, lu lam leh mawnglam hrelo lêk khan han vawrh teh u arawn ti tun tun mai a. Lalin chhuat zau laia, pu Chhunthanga ding bu deuh lâk lâk chuan, hlauh leh pawisak aneilo tih ahriat hle a. Amah huala Bawkpui upa leh tlangval(pasaltha) ho thu khawm chuan, chhete mahin anti sâi chhinlo ani ngei ang. Alu chu zolo viau mahse, amitmeng erawh afiah tha kher mai.A awka leh chezia chuan, pasaltha leh rilru tha pangngai ho rilru chu a hneh viau ni tur ani. Tumah rawn penchhuak reng an awmlo. Mángliana rui phur lungpuam chuan, Sangkhuma laka a zahna leh thinrimna hrikthlak tumin arawn penchhuaka. Amitmeng leh chezia chuan, pawisak aneilo hle tih ahriat a. Savawm zurui ang maiin, awm leh mawi pawh a thliar hrang lemlo niin alang. Khawinge keimah Mangliana, Bawkpui khaw chhuanvawr, vawmthiang chaih hlumtu kani ngai e, vanglai nun chu, ngai ngawih turin kan siam teh ang che, tihpahin arawn pawm nghal chat a. Pu Chhunthanga chuan, tha ah hneh thuai heklo. Mangliana chuan, han au deuh that pahin, lalin chhuat awngphah ri thak khawpin an bin nghal zawt mai a. Pu Chhunthanga rawn tho chhuak tur rawn inbengkang mek chu, azakhnuaiah dawmin aban ah aman bawk a, hnehsawh zeta han chin thawh lawp pah chuan, a kawngbawrah an kuah zui chat a. A thatawp ani ange tihtur khawpin, lalin bang deng dawt khawp chuan, an theh bin leh thuai a. Midang lo haw haw dur dur karah, Mangliana chuan hawi deuh valh valh pahin, tikha zawngin, atawng u vak tawhlo ang anti zui a.

A thlavang hauh turin a thiante chu, rawn penchhuak ngamlo mahse, a dem hauhlo. Dem ahnekin an thlabar mitmeng chu, thlamuan theih aduh em em ani. A chakna zawng zawng sawmkhawmin arawn inbeng kang leh tial tial a. a thinlung chu meipui sa tak alh hlup ang ani. A kawngruh chu a diklo tih ahria. Mahse natuar hmel tihlan erawh atum baulo. Mangliana'n a thiante duhlo chung chung kaihchhuah tuma alo pawh lai mek chuan, Vala ka tlawm maiin iring emni. Keimah Chhunthanga sa leh ralah ka tlan ngai biklo. Sai tiat pawh nila, ka hlauh lohna che chu angai reng ang. Ngam leh ngam chu i han inchalhtauh leh teh ang. Chem hriam zawng en a, in hleh ral thak pawh ka hnial hleinem arawn ti chheu cheu mai. Thenkhatin ngaihsanna mitmenga an lo en laiin, Mangliana rui phur rilru erawh ati so bulh bulh mai. Rangtaka pan phei pah chuan, tar te te si, i tawngkam i bei hraw riau mai kati. Khawinge, tawkzo ila salo ani ange, kan keuh huk thawt thawt teh ang che. Tihpah chuan an pawm chat a. Patar lam tuan leh tlangval azawnga awmkhauh leh tuantha Mangliana te ang chu, ngkawngah mah tluk leh elphak turin tih ngaihna awmheklo. Lalin chhuatah chuan, a phêk tlak leh ta thlawrh mai ani.

Lal Rozika lah chuan, mai mai a, dim reng reng suh. Ka inchhungah ngei ngei pawh a hming min han chhal khum ngam chu le, a pian hma ngai rum rum khawpin han siam teh ang che alo ti tun tun a. Pu chhunthanga chu harsa ti zet hian arawn inbengkang leh hram hram a. Thei leh theiloa rawn dinchhuah pah chuan, khawinge atawp in thleng law law teh ang. Zopui khua lehtui diktak ka nih ang in, kan tlangvalte hma kan hruai ange. Tharum ah zawng ka ngamlo che tih ka hria, mahse mihuaisen leh pasaltha te tihdanin chemtum nen ihan inbei ve teh ang. Ka thisen hian hlauhna leh zamna a pianpui lo ang bawkin, nangni ang mihring, zahngaihna bosal lutuk hma ah hian meikhupa tlawmzawk chan changa haw atum heklo. Eng mihring nge maw in nih a, zahngaihna leh lainatna pianpui hlawl hlawm lo mai che u. Rozik lo ngai reng rawh. I lal hrawtna hian fam ka chan atang rei i daih lawng nge, palai leh upa zawk te pawh thliar hranglo a, i nunrawnna chu, zopui khaw pasaltha ten anla rawn ti tawp ngei ang. Kei hi an hmahruaitu kani e. Ka thisen aia lum leh tharum ngah zawk te in hmachhawn hun zawng alo thleng ngei ang. I duha i cho chhuah anih ang ngeiin, nang leh i khua lehtui hi, tingmit inni dawn ani tiin, a thinrim vawrtawp chu, dama haw leh atum lo tawp tih hriat zetin arawn âng chhuak a.

Pai deuh khat khat chung chuan, athiante lam chu rawn panin, a ipte chu an ban a. A thiante chuan lo dawm vatin, thiana insum hram hram teh khai, a til tlem zawk kan nih hi, i duh anga kan inlek phek ve ngawt zawngin. Kan chan chuan, maian chan pawh atluk hlei nang, inbengdai hram hram rawh anlo ti a. Mai mai a, he Rozika lellul hian pang dam a min thlah liam inring emni. Tharum hmang hian inremsiam aduh ngei ang. Kei ka awm anga, nangni erawh in haw theih nan ka bei ang. Kan khua inlet leh hun chuan, ka lu chauh zawng in hawn hram dawn nia ati tlut mai thung. Rozika thinrim chu, hmai sen tulin arawn dingchhuaka. A zu heh luat avanga a hnar sen deuh hlar tawh te chu, asen tak zual hle ani. Ka lalin chhungah ngei pawh chemsen lêna inbeih chakin i hûk tak ang piap piap a. I duh chu i hmu mawlh ang. A tu ber nge inmal beihpui atan i duh chu han thlang nghe nghe teh. Nanga tar kiring mai mai kha zawng atu amah hi i khing phak hlei lawng e, arawn ti a.

Pu Chhunthanga chuan, nang emaw i duh duh rawn theh chhuak rawh. Ral beih turah ka zuam zawng ka thlang ngailo. Zuam bik leh zuamloh zawng lah ka nei heklo. Mahse, hei erawh ka ngen ve ang che. I lakah hian khawngaihna dil erawh ka tum hauhlo ania.Nang leh imite hian ka lu inla anih pawhin, in duhtawka in râllam zawh ah ka thiante hi sezawl chhuah la, ka lu hian kan khua thleng hram rawhse tih hi ani. Hmelma karah mah nise, palai chungah tal chuan that an chhuah ve thin bawk alawm anti a. Rozika chuan, inremsiam hi in uar viau mai kati. I duh ahnu, mitthi tur thu hnuhnung chu, zawmsak ngei che ka tum aniang chu, keimah ngei hian ilu chu, han lak ka duh viau na a, a hmalawka inkhawpa lu kalo lak tawh avangin midang ka kian ange. I duh duh ko chhuak rawh khai, atu amah hi i hneh dawn chuang hleinem tia nuih huk huk pah chuan, a thu a, zuno dang adawm zui leh nghal zat a. Chhunthanga chuan khawnge i michak chhuanvawr chapo zet, kan tlangval Sangkhuma vawrh hrep kha a awm, a tharum chiah kha emni a chhuan, chemsen lek chu a ngam ngut lo emni zawk anti ve zat a. A thiante chuan, rawn bekbawr in, thiana inbengdai la, ngaihdam dil leh zawk teh. Heti ngawt tur anilo antih pawh chuan, arilru chu sawh sawn atum bau lo. Mai mai a, mi chapo leh uangthuang hma ah ka inphahhnuai hlei lawng e, ka ralthah tak te pawhin, mitthi khua atang minlo thlir anga, tuna ka pang himna beiseia duap ka kai mai zawngin, famkhua ka lawi hunah, ka rawng min bawlsak duh tawp nang. Hetiang mi chapo leh intivei lutuk hi, tharum hmang lo chuan, inremsiampui theih anni ngailo. A reng thuah, min chinzan na lamah khan, rei han daih tur leh, kan khua thleng leh thei ziazang kani tawh lo tihpahin, a ban hmanga anak alo chehbeh reng chu, han kau in, an entir zauh a.

A tawrhchhel zia chu, sawifiah thiam chi pawh va ni suh. A nakruh tliak in, avun arawn do pawng tuam mai a. Pakhat phei chuan, avun chu rawn do pawpin, ruh filawr alang tut mai ani. Chuti chunga nati miahlo leh na neilo ang maia a awm thei chu, mak tak ani. A thiante chuan, rapthlak anti in, dan beh mi ah anruat heklo. An thinlung chu, thinrimna leh tlawmngaihnaa chawhthawh ani ta zawk ani. A thiante mitmeng atang chuan, an rilru chu chhiarthiamin, thiante u kei anga atso mai lo in, inbengdai rawh u. Ka lu hian, zopui khua athleng ngei tur ani. Ka na tawrh hi, tih dam vat ka duh tawh zawk si a. Thu hretu ah in tang hram dawn nia. Lu a kelsam to khawpin kalo upa ve ta a. Ka damlaini pawh alo chawhnu sa tawh reng reng mai. Hetia, pasaltha thiha ka thi tur hi ka lawm a, ka rilru hi a hlim em em ani. Sahrâng emaw râl hma a thih hi ka duhthusam ani reng si a. Hei erawh kan tlangval te ka chah leh thlahna nise, tiin zopui khaw tlangvalte tan thu a hnutchhiah a. Atawp nan kan Lalpa kha he thu hi inlo hrilh ngei dawn nia. Roreltu dik chuan, thleibik anei tur anilo. Mihuaisen, tlawmngai leh dikte hi an thlamuanpuiawm ber. Khua leh tui hi darkhuang ri in a hui khawm lo a, mihuaisente in ngaihtlawmna leh mangan huna an awka in huikhawmin, a thlamuan thin ani. thurawn pakhat chauh ai chuan, thurâwn tam zawk chuan, finna leh hriatna apai tam zawk si. Zopui khua a daih mai loh nan. Kei, tar chaklo tak hian, hma kalo hruai ange anti a. Zahawmna hi neih sum leh nihna ah nilo in, mihringin dikna a kenkawh danah a awm zawk ani.

[Ngaia]

Chu nihna neitu Chhunthanga chu, Lal Rozika inchhung chhuatzauah chuan, a ding to a. A hma ading Mangliana thinrim hmel rui â phuang mai chu hmachhawnin a chhoh en deuh hâ a. A zâmloh zia chu, a hmel leh chezia ah ahriat in a hmuh theih ani. A ngeitu tan chuan, putar ngeiawm tak hmuh pawn ahmuh theih ngei ang. chutianga entu erawh an awm hauhlo. A huaisenna chu, Ngaisang leh zah ru takin an thlir thap a. Mangliana leh Rozika erawh chuan, sa râwp melh in an melh thung. Vala, i duh hun hunah i che thei ang tiin, Manglian-a chempui huma inlek valh valh chu, an phun khum sap a. A rawn tawh rual ruala lo tawh ve hman ngei tum chuan, a inring kher mai. A hliam avang chuan, chet a harsatin inveng thei pawh ani heklo. Mangliana rawn chet ruala lo chetve hman ngei tum chuan, alo inring tawp mai ani. A dinhmun chu, keipui hma a, sakhi thachat nen thuhmun reng ani. Chuti chunga aifiar kawlh ang hra hra a, a awmhmun ngaia rulngan dan beh ang mai a, a in lek khawh ve chu a hmuhnawm mai piahlamah, zahawmna leh huaisenna tluantling ava ni tehlul em. Mangliana thaza leh rui phur chuan, a hma ading putar chempui lek khar mai chu, thamlo zet hian an melh chhuk run a. Deuhsawh leh nuihzat chung hian, tar kiring dam ining tawh ani maw, pasaltha leh chak inti in, nang ka han that tur che hi chu, nuam zawng kati bik chiahlo. Mahse, i chapona leh luhlul na in a cho chhuah kani miau si a, min hrethiam aniang chu anti el a. Han tin zuau zuau pah chuan, an chhaih zui a. A rin leh beisei angin Chhunthanga chu, thinphût neilo tih takah, a chechang duh eih lo.

Mahse, upa zawk na nâ nâ zawng hliampui tuar anih bawk si avangin, zamlo leh inring pen pawn ading mahnise, Mangliana te meuh han khing tur chuan, a kum rengin a delhrit tawh mai. Mangliana chemin, adar lehlam arawn sah uai tak hnawpah chuan, chechang zui theilo in, a thingthi rawpa a chempui hmang chuan, in hawlhkhalhin a inlek khawng hram hram a. A taksa na chuan, a thinlung chhungril chu a thunun phaklo. A rilru leh ngaihtuahna chu, Zopui khua a, a inchhung ah ngei alawi lut a. A tu leh fate hmel chu mithla in, amalte te in a dawn kira. A thlakhlelh ngawih ngawih te ahan kalsan mai tur chu, a hrehve hle ani. Thih a hlauh vang erawh ani hauh silo. A tû te bula awm ala ninglo a, afaten anla thlakhlelh zia lah ahai heklo. Anni chu ngaiin thlahlel viau mahse, a duhthusam thihna a hmachhawn thei chu alawm a. Thlamuang leh hlimtakin lo awm ula, khuanun lo veng mawlh che u rawhse. Famkhuaah kalo nghak ang che u, anti rilru sap sap a. A khaw hmuh rawn thim riai riai chu, an khap fak fak a. Chumi rual chuan, a chhipsamah Mangliana chuan arawn tham a. Kuai van vadakin, a hrawkhrui chu, azai sak zui ta ani.

An thianpa thih dan leh thuchah te hre rengin, an thinlung chu, thinrimna leh tlawmngaihna hlirin a khat a. râl man ang maia an sawngbawl zui tak avangin, zawlbukah phuar hlawmin an dah a, an thianpa lu an muallâm thawm chu, an hre phak ve reng nghe nghe ani. Upa phanchang lam annih tawh avangin, tlangval ho kutthak pawh an tuar nasa lutuk hranlo. Zawlbuk bangkil nghenga kut hnungkhirha anlo thut sen reng lai chuan, Lal Rozika thupek hmu in, rawn kaih chhuah an ni a. A thianpa lu an ai lai chu, an thlir tir ta ani. (ral aih dan vel hi chu inhre duh anih chuan, kawngdangah kan zep dawn nia).

Tlailam anih a, khua a han chawhnu tak viau ah chuan ruang chu, tlak lamah phumin, a lu chu sahlama an khai hma in, thingtuai ah an tara lungdawhah an phun zui a. Chumi hnua sahlama antar leh hnuah, an rawn hawn tir ta ani. An thianpa lu chu, anam tawh angreng hle leh nghala, mahse, hnutchhiah erawh an tum hauhlo. an hritlan phah lâk reng ani.

Zopui upa te palai kal thil tawn chuan, khawchhung a fan chhuak rang hle kan tih tawh kha. Zopui khaw tlangvalte thin a kheiin, tumah an awm hle hle thei tawh lo. An upa ruang an thlak zan chuan, an ina leng lo khawpin, inriak an hmu tha a. Val upa ten, an ruat fel ringawt mai ani. Chumi zana Palai han kal zinga upa Thanruma thusawi chuan, zopui nula tlangval mai nilo. Pachang rilru thlengin a chawk tho a, Nuchang thinrim hachang thial ri thlengin hriat tur a awm ani. mittui khap per sawk sawk chunga, Pu Thanruma hnukulh tawngka chhuak chu, tumah rengin an hmaih lo. Upa Chhunthanga thihna chuan, nghawng anei lianin, a thihchhan leh duhdan chu, chu zan la la chuan, tih ngheh in a awm a. Zopui khua chu, lungrualna ah rilru hmunkhat pu in, pum khatah aluanza tir ta si a. Chhia leh tha hriatna nei a, lungfing chin tawh phawt rilru chu hliamin an awm a. Phuba lak duhna leh, an khua leh tui tana thisen far ralraih thlenga inpe ngam thiauah a chantir ta ani.

LALLIANZUALI Zopui khaw nula chhuanvawr, a tleirawl chhuah tirh ata, pathlawi leh tlangvalte ngaihzawn rawn, a hmelthat zia an hrilhfak. Lal fanu anih avanga an hnimhnaih that ngamloh mahnise, amah afelin, a inngaitlawm em em a. Michhia leh tha thliar hauhlo a, khualtha biak vek thei ani a. A hmel leh tlawntlai that chu thuhran, la deh athiamin, a kuthnu amam dak thlarh mai leh nghal a. A taimak leh mawngzan zia chu, an ina lal upa chuangkai thin te fakna leh chhuan ruk ani reng ani. Lal fanu anih na chu, inchhuan nan leh chapo nan a hmang heklo. A tawngkam leh nunzia avang chuan, azahawm phah hlei hlei ani. A pa lahin a chhuang narawh. Mi fate angin, an inah tlangval han chuangkai lut dur dur ngam heklo. A ngam chhun te lah an chuanglut zantin bawk silo a. khawhar vawng vawng chang lah angah. A thinlung leh ngaihtuahna luaha, awpbet tlattu Sangkhuma lah mi azawnga mi inngaitlawm, zakzum leh inkilhtawih em em reng alo ni bawk si. An rilru leh thinlung chu, inhriat tawnsak tawh mahse, han inkawm falna hun an neilo mai nilo in, midang mitmei vengthawng reng rengin an khawsa ani si a. A luhka rah rik ahriat apiang lah chuan, Sangkhuma hmel beiseiin, a thlir awllo a. A ni chu, arawn kallo ang tih hre reng mahse, a beiseina leh suangtuahna chu, in awmlem nan a hmang ani ber a.

Zopui khaw tlangval thinrim chu, tu han upbeh leh beng daih theih rual ni heklo. A tu pawh mai chu, silai nei emaw neilo emaw, an in tintuah nasa mai a. Ralkai rual tawh phawt chu, thinrima hachang thial lo reng awm heklo. An fei leh phaw an tuai hnum a. Zawlbuk kawt leh pûmah an inhawr khawm hut hut mai ani.

An khaw upa an vuiliam atangin, nithum aliam tawh a. Sangkhuma te thiandun pawh funpui er in, silaimu an hrual dun tlauh tlauh mai a. Silai zen lah an deng khawl hnem na laileng. An thinrimna chu, tawngka in sawilo mahse, an thinlungah erawh an pai dai mai biklo. Milû khai lo chuan, an rammu chu, haw an tum heklo.

Lal Dothiaua meuh pawh a kun lup reng mai. Lehlamah a upa min, a thu akawi angila azawm. Rêngipa lah chuan, inrem theih dan kawng ringawt ala sawipui bawk si, a khua lehtui te lah thinrimna sawi hleihtheih loh in, a hmei apa an rüm ani bawk si. Rêngipa dan takah, anni zathum nufa tan chuan, Lal Rozika khua, sangkhaw inchhal te chu han el phak rual niin a hre silo. Mahse, khawtual mite thinrimna chu, engtin nge a khap daih theih ang. Amah ngei pawh thinrimna in atuam hlup hlup ani si a. A tih ngaihna hrelo chu, mut hmunah a hûi leh pap pap thin a. Chumi thawmah chuan Lalnu in, a aw rawn then kharh kharh pahin tihian arawn ti a.

RÂLLIANCHHINGI Lalnu Rallianchhingi. Chhingi antih mai chu, Sangkhuma nu Rualthankhumi te khaw upamin fanu ani a. Dothiaua hian lalfapa anih avangin, zawlpuan phah ngata a neih ani a.Zawlpuan phah chungah pawh, Lalnu Chhingi hi atlawm heklo.A pa hi an khaw pasaltha râllu pawh aruala paruk hawn thei ani a. Chu pawh amah chauh leh nghalin. Nula hmeltha leh hleitling tak niin, apa dungthulin a huaisen hle a. Hmeichhia mah nise, a nulat lai pawn, ramhnuaiah ka hlauhna khawp ka kal thleng phaklo tive ngat ani a.

Mami pa imu thei meuh na nge, engnge i ngaihtuah a, kan leido chungchang hi ani ang maw,, i rilru tur awm chu ka ngaihruat thiam mai, dik tak maw. Tuilairapin i ding mek ani tiro... keia thu chu, eng hû ah ngai mah suh la, kan sawive reng reng teh ang. Hetia Rengipa thu i ngaihchâna, a thû akawi angila i zawm reng mai hi, kan khua leh tui te zingah hian sawi ser i kaiin, i upa te zingah pawh hian chhang kham tawk an awm mek asin.

Eng kan ti bik em nang. Kan tlangvalte hi an duai bik hleinem. An theihna piahlamah, thinrimna leh tlawmngaihna in an rilru leh thinlung athawm zui leh nghal. Kan khaw rilru put hmang hi Rengipa thu a kalna chi ani tawhlo. A hma a, athu zawma palai kan tirh te chan lah heti ani a, duap kai a athu anga kan kal leh zawngin, khua leh tui tihtur pawh kan nei tawh lo ang. Kan tlangvalte leh zawlbuk thuchhuak hi i pawm mai angai tawh ani. Kan tlangvalte ti phur thei zawnga i aw pawh i chhuah atha ang arawn ti a.

Zawlbuk riak tlangvalte titi chuan, kawngdang leh chângdang a kan theilo. Silai ka neive lo chu aww,,, ti a, lo kiu vawng vawng tawk lah bolo. An neih chhun, abn fei kibar lo tat hriam zantin lah bo hek suh. Val upa te thu ngaichangin, Lal thuchhuak an nghak ani ber a. Nula rim zai rello a, zawlbuka tap zankhua lah an tam. An thinrimna chu, ngawihbo pui an tum tawh heklo. Lal thuchhuak chu, ngaichang ve bawk mahse, an thinlung duhdan chu, kaltlangpui antum nghet hle ani.

Sangkhuma te thiandun pawh an mahni tawkin an inbuatsaih ru nasa mai a. Funpui er in, silaimu den hrual leh silai zên an deng khawl tluk tluk mai ani. Midangte angin, an thinrimna chu, phun lungawi leh inhrosak nan an hmang heklo. Milû khai haw ngei tumin an inbuatsaih sauh sauh mai ani.

Lal Dothiaua pawhin, a upa min thu chu, hnial hreh viau mahse, a nupui thusawi chu, pawmna chin anei a. A khua lehtui te thlavang chu a hauh ngei atul ati ani. Palai kalte thu rawn hawnin, atur hmanhmawh bawk nen. Che hmasa a an tan ngei a ngai tawh si a. A thuchhuak chu, amah ngeiin zawlbukah a luhpui ta nge nge a.

Lal Dothiaua thu sin luh chuan, zawlbuk tlangval ho a chawk phûr ngei mai. Lal thuchhuak chu, aranglama bawhzui turin an phu suau suau ani ber a. Val upa ten ro relin, ruahmanna an han siam a. Nihnih hnua thawhchhuah antih chu, an pawm thei lo. Tu pawh mai chu, inring taka lo in kau ru sa vek annih avangin, an tan funpui han er leh chuan atul tlat lo ani.

An khua a, sialai awm zawng zawng an han dap kual a. Sawmthum lai alo ni mai. Chung zinga sawmhnih chu, aneitu nen thlangchhuakin, Rammu tur an thur chhuak ta nghauh nghauh a. A bak silai sawm chu, ralven nan leh khaw veng turin an ti ta thung a. Inruat leh in thlanchhuah pawh an harsat fu mai. Tu pawh mai chu, thinrim leh phuba lak chakin, an za em em vek mai si a. In khap leh thlem fawmin an inbengdai thei hram hram ani ber.

Rammu tur mi sawmhnih zingah chuan, Sangkhuma te thiandun pawh telin, an thatho kher mai. Valupa Vungan a ho khawm dawn ani a. An phur tlangin an thatho lutuk chu, an helhhawlh zo vek zawk ani.

Zawlbuk thuchhuak sep rawtui chung chuan, tlangval nula rimtur an chhuak sang sang a. Zan thla eng hnuaia kuk chhuak rawih rawih tawk lah bolo.Upa ho pawhin Van lamin thlirin, ka thla de pawh rammut hun tha ani dawn e, dinglama chemchawi arsi pawh, veilamah milu khaiin a en kalh khi maw,,, mahse, he hun hi kan leido te tan pawh hun tha anih ve tho avangin, ralveng kan indah uluk lehzual a tha ang anti bauh bauh a.

Sangkhuma chu, rammu tur anih avangin, a pu thurawn lak aduh a, chuvang chuan, Thangchhunga te inlam panin a luai chhuak vang vang a. A pu pawh Lalin lam kal zui lo a, alo haw thleng ve chiah niin. Tap kawmah an inkawm dun a. A pu chuan thu tha tinreng fahin, i unaupa Thangchhunga hi veng tlat ang che. Ani hi zawng bai bel dai baw chi hi ani roh a. I thu zawng azawm viau in ka hria. Nang i awma ka ngaihtuahlo deuh ania. Ral kut tuara a fam ta hlauh anih pawhin, a lu tal zawng rawn hawn mawlh ang che anti zui a.

An titi mawlh mawlh lai chuan, Thangchhunga nau lianmawii leh Lallianzuali an rawn lut hlawl mai a. Lianmawii chuan, a u Sangkhuma chu, rawn mitmei zauh pahin, châr lam leihka ah an chhuak phei zui a. Sangkhuma rilru chu, zuali hmel a hmuh rual rual chuan, sawi danglamin a awm ve nghal a. A pu lah chuan, hrethiam niawm ang ziazângin, khawinge ka mutsan teh ang che. Ka kawng reng a kham tawh mai. I naute nen sawn lo inkawm hlim teh u tiin atho zi uan uan a. Muthmun apan zui ta nghal a.

Zopui khaw tlangval Rammu tur sawmhnih panga te chu, zawlbuk kawtah an kim thap tawh a, silai kengvelo mipanga te chu, rawngbawl saktu turte anni ber a. Mahse, anni pawh fei leh phaw nen an in fam at tho mai. Valupa te thu ngaichangin, an awm mek ani.

Palai kal zing ami. Pu Thanruma chu lo dingchhuakin, an thianpa thu hnuhnung Zopui khawtlangvalte a chah chu arawn sawi ta ani.

Kan upa huaisen ralhrat pu Chhunthanga khan zopui khaw tlangvalte ti hian thu a hnutchhiah cheu a. Kei Chhunthanga damlai chawhnu lam tawh hian. Ka vanglai nun ah kirin, kan leido pasaltha ka hmachhawn dawn ani a. Mahse, ka zam lo. Ka hnung hi kan tlangvalten inrawn zui dawn tih ka hria. An Lalin chhunga ka thisen bua hian, alo nghak reng dawn che u ani. Chakna hi, tam leh tlemah a awm lo a. In lungrualna leh tan ho na te, rilru fim tak hmanga fin leh thiamna ah a in nghat zawk ani. In tan sah kuak theih ka neilo na a. In bultanna tur erawh kalo su hmasa ange. In khua lehtui chhan nan chuan, in thisen far ralraih thlenga inthawk hnuhnung ber thengin in rawn bei tur ani. Mi huaisen hnuk hi a fei bik lo. milian apiang an chak heklo. In chhungte leh kan khaw tan rawn penchhuak mawlh ang che u ati ani anti dap dap a.

Valupa ten fuihna thu nen, an han cho phur zui leh a. An haw haw hluah hluah lai chuan, ramlam hawiin bâwngpui ahram thlawk lauh lauh a. Rammut hun tha ani e. Rawn vannei mawlh ang che u tiin an in thlah liam ta ani.

Bawkpui khua chu, pan ding ngawt lo in, tlak lam atang an hel anga, a leh luh dawn ani. chutiang tur chuan, an kal ta tauh tauh a. Zankhatna chu, Bawkpui khaw ral ep liamah an inkulh a. A tuk zana mutreh hun laia Bawkpui khua chu luh atum ani. mei pawh khu lo thei ang ber turin an chhem a. Mei eng alansarh loh nan, changel hnahin an tun hual bawk a. Rawngbawl chhung bak chu, mei pawh an nun ngam heklo. Zanriah hmeh atan lah, therhlo ilo fahran pawh han kap tirin, silai hmetpuak ngam heklo. Hruizik leh ankhapui bakah, tumbu nen an tam tal mai mai a. An riahna hi, an hriat ngailoh ram anih avangin, mualdung inkhawh leh ni eng hmanga rin kal chawt mai kha anni a. Zana arsi lo lang atang chuan, an thelh lo turah an in ngai ringawt mai ani.

Ngaw chhung hmun zawl rai dup mah nise, lungpui lian tak tak hmeithai in tiah vel lek lek hi a bawk fer fur a. Chu chu tanchhanin an phen ani ber a. An ralmuang hle nghe nghe ani. An chau tlang bawk a. zanriah an eikham fel meuh chuan, puan hlap sinin, changel phah chungah an zal ar ar a. Meichhem eng ngam heklo. khua atanga engtia hla ah nge an awm tawh chin hriat ani silo a. Changel hnah chungah, van khi an sin ani ber a, a thawleng duh viau tave ang.

Sangkhuma pawh A hma zana, Lianzuali nen an inkawm dan leh Lianzuali thusawi te hre rauh rauh chung chuan, lianzuali hmel mitthla reng chungin, a hriatloh karah alo mutui bawrh bawrh viau mai. A mumangah chuan, hmeichhe hmeltha zet hian alo hui lauh lauh a. Lianzuali emaw tiin apan vat a. An hmuhchian takah chuan, Lianzuali awzawng alo nilo. A hmelthat zia chu, han tehkhin tur awm thei hian a hrelo ani. Chu nu chuan, Hlau leh mangang hmel zet hian, Sangkhum harh rawh, tho vat la in awmna kha chhuahsan rang rawh u. khang in inphenna lungpui kha, lungpui satliah annilo, an nung vek ania. Thisen châkin an tuihal em em reng asin. An chilh hlum ang cheu nga, in thisen khan an inbual dawn ani. Kha hmunah khan ramsa takngial pawh zuah anni ngailo. Tho vat rawh, hman hmawh rawh ti lawm lawm chung chuan, aral ta riai a.

Sangkhuma harh hlawl chuan, a mumang chu, maktiin an hawikual a, an bul vela lungpui te chu, an che hrut hrut a, an chik nghur nghur mai leh nghal. A then anlo insi bup bup mai bawk nen. Mak tih vanga a hamhaih chu, rei ani biklo. A thiante chu, hmanhmawh zetin an chil tho zui vat a. Arawn harh hmasa apiangte chu, maktiin an hawi heu ho mai ani. Han hrihfiah zung zung pah chuan, an in singsa sung sung a. Lungpui lian tak tak te chu, satel ang maiin an lam pan chuan an rawn vak hruau hruau mai a ni. An rinaiin an tuan lah chu, a tha hrep leh nghal a. An zinga pakhat. A reiloh nan shortcut leh mai teh ang. Inlo nghakhlelh tawh lutuk ange.

[Ngaia]

Lenghawn ar a khuan tliar tliar lai chuan, zopui khaw valrual rammu te chuan, an tum hmun Bawkpui khawdai chu thlengin, an in nghat sang sang a. Rawngbawl ilo tih ngam ni heklo le. An faisa kan puah ken te chu semin, hruizik leh thangtung te nen in hnangfak nan an hmanga. Val upa vunga chuan, khua hi halin, mei engah kan sai zui mai dawn emmi niang anti a.

Sangkhuma chuan, ngawiteh Uvung chutia kan tih mai ten. Keini aia thahnem zawk annih bakah silai pawh an ngah zawk ngei anga. Keini ramchin hrelo zawk leh nghal chu, min chimih thak mai lo maw.. anti a. Ani teh tak e a. Raldoa thu niawm fahran te kan phuhchhuah chu le. Ani pui roh hi tinge maw arawn telve loh le, ka thlamuampui hran hauhlo na a, a vaupung atih nat theih pung pung vei nen. khapbeh ngai khawpin atel chak ang chu kalo ti asin anti zui zat a. Sirlam atang pakhat chuan, tuk dang zawng aia hma in a tho a. A haw daih alawm. Chu chu, Lal leh upate rawn kal tuk kha ani. Atello hian anuam kati fe mai. A him china inhrosak kuk bak tihtheih anei hleinem. A awmkhauh leh apu nihna pawh lhawtualah chiah ani a chhawr leh uanpui thin. Arawn ti fak fak a.

Vunga chuan, anih Sangkhum engtia han tih nge i rilruk deuh anti a. Keia thu leh rel tur ani hauhlo na a,, upa zawk ten min han zawh takah chuan, tihian mutreh hun nghak ila, zing khawvar dawn hnaih lamah kan chê ang chu kati deuh. Khawvar ruala insaseng kha kan tan a awlsam deuh awmsia. Zanthim hnuaiah zawng ramchin hriatloh nen, min nangching vat awm si a, kan chet chhiat phah mai lo maw kati deuh a. Ee,,, i thu chu a tha e. Upa zawk nih vanga kan thu in that zawk thu va nei suh. Pasaltha nge nge chu, in dawn thui in, in thurel apawm na awm ber anih hi. I duh dan leh thu chu ka pawm e. Midang kha, rawtna dang han phawrh tur nei in awm em anti zui a. A tha alawm thudang rodang ka neilo e, anlo ti tliar tliar a. Vunga chuan, chuti anih zawngin, Sangkhuma kutah kan inghat ni rawhse, anin min han kai hruai teh se anti charh charh a.

Sangkhuma chuan, hei an ralmuang awm hle mai. Ralveng pawh an indah lo ani awm ania. Min han tham loh zia reng mai hian, ka ngeng a chhun tlat mai. An rinloh takin i han barakhaih teh ang. An khawsa zia hian, ka tha anti za riau mai. Ti khan lo mu chawl rawh u. A thei thei chuan mutmu kan tuah atha ang. Kan hma hun hriat va ni suh. Ralveng pahnih indah ila. Khawfing chah hma hreta che chhuak thei turin kan inring theuh dawn nia. hei zan pawh ala reilo bawk a. kalo meng hmasa ange. Kan tha kan khek thiam leh keimahni tan zel ani dawn si a anti a.

A thu chu an pawm tlang khawp mai. aremchan dan danin mut hmun an rem zui ta nghal a. Zan hmasa lamah an riahna hmunin zir heklo. An thian pakhat inhliam ata langin, an buai pherh erh kha ani a. An chau tlang bawk aniang chu, reiloteah an muhil nghal bawrh bawrh hlawm a.

Zanlai arkhuan hun alo nih chuan, Thangchhunga harh chu, arawn thuchhuak hlawl a. A thianpa Sangkhuma Bawkpui khaw lam thlira lo thu vauh vauh chu, chhawk tumin arawn tho tham tham a. hawilet chuang map lo in, Sangkhuma chuan, iva rawn tho hma ve. I muhil thei meuh nange. alo ti vat a.

Thangchhunga rawn thlengphei chuan, makti zetin, engtinnge min hriat, thawm ka dim tehreng nen, thimtham hnuaiah leh nghal anti hu hu a.

Engngah nge ka hriatloh ang che, naupanlai ata, hei leh chen kan inzui tawh a. I rim atang te, i thawri leh boruak hipluh zah thlengin ka hre mahna alo ti sam ét a. Em em tak che hian, chutiang kher kher zawng thil theih pawh va ni suh ati bui bui a. Ngahnge maw atheihloh ang le, i mumang thlengin ka hria asin ala tihsak hram a. Awihlo lutuk chunga zawh atum lai mek chuan, Ilo tho ta sa sa,, tihian kan thiante hi lo veng la. Zawlbuk ah sawn kava chuangkai teh ang silai man tur pawh a awmin ka ring. Ka duh duh ka va thlang ange tiin Sangkhuma chu, a insiam zui sat sat a. Kalo kalve duh, mahnia tlat fal phet hi tum thin lo teh. Min pensan dan hi i zawng ve hrim hrim zawk nge ni. Kalo kalve dawn ati ta tlat a. An thawmah val upa vunga chu rawn harhin, arawn thochhuak zui ve nghal vat a.

Kha, inla muve nange. Khawnge kal intum in insiam tak sut sut mai arawn ti a. Thangchhunga chuan, keichu ka tho chiah. Hei kan thiana hi ala mu velo mai pawh a. Zawlbuk lama va chuankai alo rilruk mek a. Zuive kalo tum anih hi alo ti thuai thuai a. I ngaihtuah chiang meuh maw, eng ro dang nge in rilruk reng reng chutia hmelma ho bukpui hial chuankai han tum tak mai chu tiin, Vunga chuan an zawt a.

Â.. Mangliana zawn pahin, an silai dawtah tui thun ka rilruk alawm mawle. Ka hlawhtlin phawt chuan, zawlbuk saw kan hual anga. An tlangval te ber kan chimih a, ka hupbeh theih chuan, midang chu, belchhung sa anni tawh mai dawn a kati deuh anti a. Va fimkhur hle ang che. Kan hmachhuan leh in nghahna ber ini a. I tello chuan engruai kan nilo ang. i thlaphenah huaisenna kan nei ve chauh ani si a anti a. Thangchhunga chuan, ka kalve dawn ka tih chu maw aw,,, zawlbuk kawt atang tal kalo veng thei ang che alo la ti fan a.

Umm,, chuti teh fakaua ikalve chak chuan, min zui ta poh che. I lungduh chawntawii te laichhuat i pal ang khet khut kha chuan, i pheichheh kha theh hniam hlek suh ang che tiin an fiam zoh a. Tehreng mai buaipui ngai zawng kani biklo tawp ang. tuanfum vanga chhan ngai leh i nunna thleng nan chuan awm loh hram ka tum ngei ang anti ve charh charh a.

Sangkhuma chuan, a silai kenglo in apu milu lak chemsei, hriam vervawr chu kengin, iptepui a aka hma ahruai zui ta ni. A hnungah a thian leh unaupa ni bawk. Thangchhungan, silai nen a zui a. thimtham zingah arkhawthim dai nawk nawkin Bawkpui khaw zawlbuk lian hem hâwm tak chu, an pan ta hriau hriau mai ani.

Kawmkar thim zual leh biru lai deuh chu, chuh chung zelin, zawlbuk chu, an hnaih hret hret a. A veh a han veh ngial erawh chu, uisen rawl cho chhuah a hlauh avangin Sangkhuma chuan, pangngai thei ang bera kal tur ati tlat ani.

Zawlbuk kawtah chuan, thawm ngaichangin an han ding vang vang a. thiana tah hian minlo veng ta mai che, thimtham hnuaiah zawng pahnih thawm aichuan, pakhat thawm chu, azia deuh mahna. Lunglohah ila em lawng chu tiro anti leh rih a. Thangchhunga chuan, la lo e a. Va lut rawh. Kalo veng ang che, ka buar ve si a. I tuan kati fum zo ange. Ka duh chin zawng ka zui tawh che alawm alo ti vat a.

Sangkhuma bawhbel han lawnliam chu thawm nei hauhlo in, bangkil thim laiah chuan, amit tih fiah nan an ding vang vang phawt a. A khaw hmuh a chian tak hnu chuan, keartuia chhuat rap miahlo in, Mangliana chu, an zawng hmasa deuh a. Pasaltha te hi chu, an zan mu pawh nise, an mit takah enloh tur, mit leh mit intawng hi chuan, hriatna mak tak apechhuak a. Chu chu, pasaltha te ah hian a zual bik emaw tihturin an harh sam hle thin ti a, apu thurawn chu zawmin, an mit tak chu a en duh bik lemlo.

Vawihnih ngawt a zawnkual hnu pawh chuan, Mangliana ruangam awm ang a hmuzo tlat lo. A thu hrimah zawlbuk chu, mutna ruak leh awl atam riau in a hre nghe nghe a. A beidawng chuan, bang lama an silai tun chu, a duh duh thlangin, sawm vel zet chu a pawm chhuak ta ani.

Thangchhunga chu, faifukin an ko zauh a. Luhka hnuai atang arawn lawr zui ve zat mai. A silai pawm chhuah chu, a malte te in an hlan chhawng a. A tawpna ber a pek lai mek chuan, zawlbuk chhunglam atang thawm alo chhuak a. Keite zuanzang ang maiin, thawm chhuah hauhlo chuan, zawlbuk kawngka veilam ah a ding phek thlar a. Thangchhunga erawh zawlbuk luhka hnuaiah chechang zui ngam hauhlo in a thu ngawi hle hle bawk a.

Zawlbuk chhung atang chuan, thophang tih hriat zet hian, pakhat arawn chhuak chhur chhur a. Luhka hmawr pawh thlengphei peihlo chuan, Thangchhunga tawmna zawn takah a ralthuam bil leh tawite, hmun ralmuanga hman chi, chu phawrhin, a tuipai chu inthlahrunna nei hauhlo in, an khawh chhuah tir ta to to mai roh a. Mihring thankin tawh zun hi zawng a inchhek khawl hnem poh leh a hîng ting mai leh nghal a. Ham bui bui chunga a khawh chhuah tir huau huau chu, Thangchhunga tan chuan, lo sepui ruahdo ngawt mai loh chu, tih theih awm heklo. A sam pial thân khawpa ado mai loh nakah.

Chupa chu a zun zawh ve leh inherin zawlbuk kawngka sira Sangkhuma lo ding phek reng chu, arawn hmulo thei dawnlo a. Sangkhuma tan lah han insaseng na tur chuang a awm tawh heklo. A thianpa ruahpui do mek chu hân tawh mahse, a chet ngei angai ta ani.

Chupa zung zo puanven siamtha mek chu, a ka hupsak chungin, an pawmbet chat a. Luhka ah zawng thawm an chhuah lo thei dawn lo tih ahriat avangin, an pawmkang a. Chupa chuan 'leh' pawh atih hman hma in, luka atang chuan a chhip lei vit zawngin an zuanthlak pui dawp mai a. A tharum hrim hrim pawhin a ngam in a hneh bawk a. Chupa ring chu athlep hnawp mai ani.

Thawm ngaichangin an han thu vang vang a. Sangkhuma chuan, tikhan duh leh alu kha lo la la, a chhipsam leh vun chauh pawh kha apawilo. I duh dan danin lo singsa teh. Kava lut leh lawk ange, ka tihtur kala zolo ati a. A lut zui leh ta nghal a.

Zawlbuk silai intung ho ah chuan, amal te te in, tui an thun diat diat a. Thawmdim ngai nen, hun zawng aduh viau mai. Mahse, an chan thatna tur leh thlamuanna tur ani tlat si ani. A duhtawk a ngah hnu chuan, zawlbuk riak chu, an chhiar leh te te a. A chhuahsan zui ve ta ani.

An mithah hmasak ber luvun chu, Thangchhungan a chip sama khai theihin alo hik a. Silai sawm zet nen chuan, an thiante lo nghahna lam chu an pan ve ta a. Thangchhunga chuan, khatin ka hriat tur ngei a, i hnar kha tum dût dût kher angailo. Ka hîng tih chu ka inhreve reng. Manilo maha thinrim naklaiin, khatia min tih el vel khan minti thinrim zual ania. alu kha lak ka duh viau na a. A hmelchhe em mai a. Ka vawikhat hmuh kha ka duhtawk viau ani. Chuvangin, a chhip vun ka hik ta zawk anih hi, silai nen kan ritsak lo zawk dawn bawk si anti zui zat a.

Sangkhuma chuan, a bualfai pîk piak khawp che alawm. I sam pawh vawk hriak thih ang zan anih kha. I rim erawh atûr deuh chauh ani. Kan thiante chuan nuchang thusual i hmu emaw anti ngei ang le. I diriam duh takin kati deuh a, alu pawh i kutah ka dah anih kha, i duh dan danin iti thei alawm. A bualna che dâwt kha ila tel law law lo nia tiin an fiamzui salh a.

An thiante chuan, an mahni chu ngaichangin, anlo tho vek tawh a. Anni pahnih an han hmuh takah chuan, an hahdam huai huai ani ngei ang. Anlo phesek pawh chu, an awm hle hle thei ta ani. Ro an rel leh te te hnu chuan, khawchhung an lut zui ta tham tham a. Silai an inchan kim tawh bawk a. Mi sawmhnih pahnih valrual te chu, an thinrimna leh tha tho na hrithla turin an thawkchhuak ani a, an pheikhai azâng tlang ngei mai.

An inghahna hmun chu, inhmuhkhawm lehna tur atan an ruata, Sangkhuma duh danin, nunau te a ngaihtuahna chu zah sakin khawchhung erawh an hâl lo anga. Zawlbuk riak tlangvalte erawh chimih thak an tum thung. Lalin chu an hman tak leh an beizui chauh dawn ani. La Rozika chuan, eng ang nge annih hria se, a chapona leh hruanghrau na chu hnuh hniama, ama khua leh tuite ngei demna chu, hlawhve se an duh zawk avangin, Lalin lam chu suasam kher loh pawh an pawiti lemlo.

Sangkhuma rilru chu, Mangliana a hmuh zawh loh avang leh zawlbuk riak chu, a khawpum leh zawlbuk len ngaihtuaha tlem atih avangin abuai ru viau mai. mahse, chutiang ringawt ngaihtuah chu bansanin, zawlbuk bawhbel rinchhana silai lo chhuang mek a thiante chu, an kan lawr a. khawfing chat tur pawh a in tham mek ani ta. Châr lama zuangchhuak tur lo changtute lam chu ava thual nawn leh a. An inring kim ta bawk a. Vartian leilung rawn lan hun chu an nghak ani ta ber mai. Midangin zawlbuk chu hal a. Chumi enga mangang tal phili vel chu kah mai an han rawt thut thut a. Zawlbuk kang chuan, indang aman kai vaih chuan, a khawpumin a kang mai dawn si a. Chu chu Sangkhuma chuan aremti thei silo.

Zahngaihna lantir a hun tawhlo. An mi diriamna leh palzut dan zia rengin a phulo hulhual ti a, tan khawh tute chu val upa Vunga chuan, in thinrimna leh ngaihdan chu, a tha in azahawm khawp mai. Mahse, kan pasaltha hian arel suallo tawp ang, a kutah engkim hi i dah ngam ang u, arawn tive tlat avangin, tuna an dinhmun leh awmhmun ah theuh hian an insawh nghet ta ani a. Bawkpui khaw tlangval zawlbuk riakte chung chu, apikin an lainatawm zawk hial mai. Thlamuang taka mu te chuan, silai kaw hmawrin an thawh hun nghakin alo thlir reng tih an hre silo. Hre ngat se zawng thlamuang tak chuan an mu lêk lo ang.

Kawl arawn eng a, Leilung alang tan rei ruai tih ah val upa vunga chuan, Bawkpui tlangval te u, thawh in hai e. Zopui khawtlangval Sangkhuma leh a hote kanni ngai e. Tihpahin, zawlbuk thingnawi tel chuan an vawm a. Arawn thochhuak hmasa apiang chu, an sai tlu tawp tawp mai ani. Sangkhuma khan zawlbuk riakte kha alo chhiar thlap tawh avangin, silai chu bawhbel ah an chhuang tam ber a. A mu lo thun tur pahnih an indah thlap bawk ani. Châr lama tlanchhuak veng turin pathum an awm bawk a. Sangkhuma erawh silai ri hria a, khawtual pa ho lo tlanchhuak vengin, muallaiah a ding to mai a.

Duhtawk an ngah hnu chuan, an in nghahna hmun hlui lam panin, an ralthah te lu chu an hlawm sawk sawk a. An tawlh chhuak zui ta vat a. Rawn umzui tu tur ber an tlangvalte chu, an chimih viau in an hrebawk a, an thla amuangin, an lawm kher mai. Tumah in hloh then lo a, an kirsan thei chu an lungawi hle ani.

Khawchhunga nunau mangang te, ri têng tûng chu, hmanhmawh angreng takin an herliam san ta a. Milu sawmpali ngawt mai khaia, anmahni lam inhloh then hauhlo leh pang himpiala an haw thei chu, an lawm in an hlim takzet ani. Chu achhapah silai sawm tehmeuh an man leh nghal. Chu erawh sangkhuma leh Thangchhunga pual liau liau ani thung. Mahse, sangkhuma chuan, silai neivelo te chu asem den den a. rallu erawh khai velo mahse, a iptepui ah chuan, chhip vun pasarih ngawt a awm tih tun an hriatpui lemlo. A silai man ringawt pawh chu, rallu khai haw nihna nen danglamna awmlo tluk ani tawh sa reng reng mai.

An mahni rawn umzui te an awm takin, tih thu hla ah Sangkhuma leh mipathum in an thiante hnu dawlin an hnu fûm a. Zan hmasa lam a, anriahna lungpui che thei awmna mual chu kal pelin, a hmasa ho chuan, Lungpui hmunzawl piahlam mual hnihna kawrte kam zal nuam lai thinghmun ngaw chhah takah riahbuk anlo sual a.

Ti hian thlahrang group a ka post tlemin apel a. Group hlut nan ti a, ka post kha ani a. Group dangah ka post lawr ngailo a, mahse min chhiarsaktu te zingah, warning ka dah chung pawh in, ka thu hmu miahlo a, whatshapp lamah min post darh sak ching an awm tlat mai a. Ka ziah phûrna leh tuipuina zawng zawng min tihchhiatsak vek ani. Minlo hlutsaktu te ka tih beidawn phah a, chapo leh induh nih ka hlawh phah a, ka rilru tur min dâwn pui hauhlo a, demna tamtak kalo hlawh phahna ani a. He groupa mite hi chuan, khawngaiha min copy past sak lo turin ka ngen ngawih ngawih che u ani. Heti chunga ti lui an awm anih chuan, an chungah engpawh thleng se an sawibuai thei lo ang. He ka thusawi hi chapo vangah min ngaihsak lo hram turin ka ngen cheu ani.

Sangkhuma tlawmngaihna leh huaisenna te, a fin leh ral rel thiamna bakah, abula khawsak a thlamuan thlak zia te chu, a rammut pui te hrilhfak a tling ani. A zaidam leh in ngaihtlawmna piahlamah a thil phalna leh midang tana a inpumpek na te chuan, an rilru chu a hneh in, an ngaihsan zia lah an endan ah alang chiang hle ani.

Riahbuk sual tu ten, rawngbawl anlo peihfel vel chiah tih in, Sangkhuma te pawh anlo thleng ve chilh a. Val upa vunga chuan, enge chanchin in rawn hawn le,, zuitu kan nei awm emaw chû alo ti vat a. Kan han ngaihchan viau pawhin, kan hriat leh hmuh theih chinah chuan, min han umzuitu leh an thawm riva engmah hmuh leh hriat kan nei lo chu ania, min umzuitu an awmlo anih loh pawn, kan hnu an hlauh emaw an hmu mai rihlo ani phawt anga. Kawngdanga minlo lehkhalh te anih ngawt loh chuan, tun hunah zawng engmah hlauhthawn tur a awmlo e. Kha inlo tha maw, hliam leh na nei in zep te kan lo awm emaw chu, anti zui ve zat a.