SANGKHUMA - Hriata Tea (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

SANGKHUMA - Hriata Tea (Completed)

Unread post by Ngaia » February 23rd, 2019, 6:18 pm

SANGKHUMA BUNG KHATNA

(Keia thu ve tehlul hian, tu khaw kha tluk ve mah suh se, ka remtihna tello chuan, copy past, group danga lo post chhawn lam chi reng reng ka phallo ani.-Hriata Tea)

Favang thlasik awllen lai ani a. Lal Dothiaua khua in zathum zet zawt, zopui khua chu,chhun ni sensat lai tak chuan, ruahthimpui thawk tur intham ang maiin arawn thim deuh khup khup a. Nu ho mangang chuan an fate tualchai chu ko in, an ri le lu mai ani. Lal ina lal leh a upa te ho zu ina, inkawm khawm mek te pawh chu, engtizia nge tiin, luhka sang parah an rawn mawm chhuak sap sap a, upa min rêngi pa chuan, engtizia a, kan vawin khaw awmdan chu avan mak teh thut ve mawle, ruahthimpui thawh hun em pawh va ni suh, kan tunlai khawvel hi zawng, kan hun bi chhiardan leh teh dan pawn, awmzia anei talo chu anih hi mawle anti bauh bauh a. Amak ngawt tak asin anlo ti tliar tliar a, lal ina luh leh phak phak pah chuan, eng em kan tilo turah ngai ila, kan vah chap pho pawn atuar em lo tur ah ngai ang anti zui a. A hnung bera rawn lut upa luaia, thil chik mi tak leh tawng zen zen lemlo, upa un tak chuan, kan khaw awmdan chu, engdang anilo. Chhum dum kha kiangin, kawlah sar azâm kulh mai. Lalpa i khua leh tui zingah mihrang val alo chhuak dawn ani zawk e,, arawn ti lut a. Upa dang ho tukverh lama an dah(dak) sap sap lai chuan, atu chu nge nau han vei mai tur awm hriat in nei emaw chu, tiin lalpa dothiaua chuan a upa te chu, tih bik pawh nei lemlo in an zawt a. Tun ka hria ti ta lo chu, lalpa chuan, tlangaupa nang ngal chakah han ngaihven teh khai, tiin, zukhawntu, pa thau lam lek lek hawi vual vual reng chu an enbik a,ka khaw dai ngul tur lo pian hun leh a rawn chawrchhuahna chu ka hre duh ani, anti charh charh a. Tlangaupa chhuah hnulawk chuan, lalnu raipuar hram ve tawh tak chu, amutna atang rawn thochhuakin, eng inti ta nge ni, inva phawk hre hru ve, in zu kai afuh meuhlo emni zawk arawn ti chhuaka, upa ho chuan chanchin anlo hrilh nak nak a. Aw haw, chutichu kan pasaltha nupui rualthani anih dawn chu,, khawinge ka zuk kalve teh ang. A mal si a, buaipui tu pawh anei ngûtin ka ringlo. nu tlawmngai thei ngang hi ani a, tumah apun duh awm tawp silo a, tih leh chhuah arual a, lalpa chuan nanga raipuar leh nghal engemaw itih theih lem ang le, i zuk tlusual reu reu ange anti hluk a. Tlangaupa chu, thaw hlawp hlawpin alo lut a, lalpa chuan khai a, iva rawn hmanhmawh awm ve, upa te u, tlangaupa zuanzang hi, in no kha lo leh teh u, athu rawn hawn hi, a phuh chhuak kimlo hlauh ange, anti zui zat a. Upa pakhatin ano rawn pek chu, a han thawk khat pawp zawh chuan, an thaw halh a. Lalpa vengsang lam chuan, vawk no nei tur tan anote bawm tur anlo siam mêk a. Veng thlang lamah pu tâia te se no thar ka zuk hmu bawk a, chu zawng chu ani e, anti a. Upa ho lo nui dar dar karah lalpa pawh a khi vur vur a. Iti tha thin hle mai, ikal thui hman emai a, hah awm reng pawh ini e,, engtin nge i kal hman zawk anti a. Ê lalpa, ka tân chai chai mai mawle,, anti ho a. Va thuchawl tawh khai anti a. Kal deuh tluih tluih pahin, a hna ngai zu bêl bul chu a bêl leh nghal chat a.

Zopui khaw chuan hnuailam, tlak dêng tuikhur kawnga Rualthankhumi zing tho chu, tuk dang anglo takin, a pum ana riai riai reng mai a, phûrlo tak a, tukthuan rêl pahin, a ngaih ngawih ngawih leh a hmangaih em em, a pasal fam chan ni kha, a hrechhuak uaih uaih a. Vawin hi thla riat atlin champha chiah ani a. Atan erawh nimin ang mai a, chiang ala ni thung, a thih dan chanchin duhawm lo zet leh a thlâ hial hrâng ni a, sawi zui leh, hmutu te avanga khawhar inriak leh inlengte pawh tun thleng a, hnawng zui ta anih zia te pawh a hrechhuak uaih uaih a, mahse, tumah adem lo. A ngaih em em a pasal thlarau chu, hlauh a hnêkin a hmu chak ngawih ngawih zawk ani. A thih dan boruak avanga sawi duh nei rawn inlar anih aring nghet tlat a, mahse han zawt turin a hmuve thei silo. Zantin deuhthaw a thlanmual kal thin pawh ala sim theilo ani si a. Khuandîma pasal nei anih avangin, chhung leh khat hnaivai zopui khuaah hian anei miahlo a, a pasal zakhûma nu upa ve tawh tak leh zakhûma nen an in neih dawn a, apa zawn pu dolâia lal upa min, rêngi pa atih mai chu, anni chauh a. Apasal zakhûma lah, vânlaia tla ang mai, hmeithai fa niin chhungkhat, lam hnai nei bik miahlo. Buh mal vuih ngawk mai alo nive leh zel nen. Anu(apasal nu) lah hnathawk theilo tar chhia mai ani tawh a, in nghah paha rawng lo bawl leh ran enkawl erawh a thei fû mai. Mahse ani naupangtêa pasal sûn, rai hram mek chauh tan chuan, a hma hun chu alungngaih thlak takzet ani. Hmalam hun a dâwn thui poh leh apasal a ngaih azuala. A pazawn ber te lah chu, a belh a han belh chi rualloh in, a pasal thih thu ah sawisep kai leh puh mawh ber anni si. An mi that avangin, tuman an phunpui ser ser ngamlo mai pawh a, sawisep zawng an kai hat tho ani.a hma atang tawh in, apa zawn te lêm si, an chawthing pawh azen ngamlo kha ani sa reng reng a. Anni lahin, ka ui, ka ár an rawn ti bik hlei lo a, tih a hnekin an do deuh chet tlat zawk ani. A chhan pawh rualthani hi, upa min, rengi pa fa upa ber dothanga tan an bia a, a remloh hnuah, zakhûman annei leh si hi an thîk ani ber, dothanga leh zakhûma hi, naupan lai atanga huaisen lama in el chho dun ngar ngar anni a, an mithat avang hian, dothanga hi, hmingthat hlawhtu zawk chan chang chho char char ani a, mahse, an han puitling chho a, thu ringawt nilo. Thiltiha lantir an tul tak chinah zawng, huaisen diktak leh pasaltha zawk chu, arawn lang chhuak ta a. Khawtlangah hmingthatna zawng zawng hui a, zakhûma hming arawn lar takah chuan, dothanga te pafa chuan, an er ru hle ani. Rêngipa lah chuan, adik adawk tlu lo in, afapa thlavang chu a hauh hlur zel mai a, upa mîn anihna chu, a chhuangin, atawngtam aleiah a thu pawn pawm alo hlawh bawk nen, a hausakna in a chalhdelh kher bawk si a. Lalpa meuh pawn tih lunghnur aduh bik tlat lo. Chung zawng zawng ahriat ve kar avang chuan, a chapo in, ka thu thu, tih rilru pu ran mai ani a. Zakhûman rualthani a hel tih ahriat ve leh, khawkhat nula hmeltha. A hmelthat thu khual hial kai ta chu, zakhûma leh thal nan hrim hrim pawh tiin, afapa nupui atan, rosum tamtak hmachhuanin, alo han len khalh ani a. Mahse, rualthani te khua a, zakhûma pu(anu unaupa) leh rualthani pa in thu anlo thlun lawk dimdiam tawh avangin, arem thei ta ngang silo a, a thinur beidawng chuan, lo ngawi tak rawh u, in chungah phuba kala la khawp ang tiin a intiam ru hial ani. A thinlung tûr ngah tak chu, dah tha in, a fin kherek a thawh a, rualthani pa chu, thianah siam in, zakhûman rualthani aneih dawn pawh hian, ngahnge midang midang inzawn buai duh ang, kei ka awm alawm, ei leh bar nise, kan hnianghnar a, silh leh fen lah kan chham heklo. Mâkchhiat tawh thu hla ah pawh kan belfakawm ber ang tiin, pa chan lo chan, a inhuam thu chu, âwmpho lahin asawi zuah zuah a, chu tawngkam tha chu umin, rualthani pa zawn atan an hmang ta kha ani a. Chung zawng zawngte an dawnkir chuan rualthani rilru chu ana takzeta, apasal pa azawnga pa tha ber mai, nunnem,zaidam leh rilru tluang em em. Huaisen leh chak tak kha angai ngawih ngawih a, vawikhat tal hmuh leh theih a chak takzet ani.chuvang chuan, zanrei pawh sawilo in, thlanmual apan chawn chawn thin ani. Thihna azawnga thihna rapthlak sârthi a, a han fam ta mai hi, tawrhthiam har ati in, a bawihsawm loh leh dawmhlum pawh hlawh hauhlo a, an liam ta mai hi, atuar thiam thei thlawt lo ani.

Chutiang ringawt ngaihtuah a, tap kawma alo thut kun lup lai chuan, anu zing rawn tho chuan, engtizia veng veng nge ni ta, bawihi i chawchhuan aliam anih kha, arawn tih takah chuan, a harhchhuak ve hlawl a. E he, kalo hre reng reng hleinem, ilo tho tawh ani maw kanu, tihpah chuan, chawbel liam mek chu, chawh pahin, an chhem hniam suai suai a. Anu(zakhûma nu) chuan lainat takin, a fa mo hmeltha leh fel tak, apasal ngaia kun tlawk tlawk reng mai chu, lainat taka thlir vawng vawng pahin, a mittui rawn hnam tur chu a dang hram hram a, rei enzui ngamlo chuan, khawinge, archaw kan pe ange, se huang pawh ka hawn loh chuan tiin a chhuahsan zui nghal a. Khawhar hla sa a, zai rat rât chungin, rualthani chuan, chawhmeh atan, bawkbawn no alo chan mek a. Zakhûma nu,(apasal anu. Anu kan ti zel tawh ang) lo lut chuan, mami hei artui hi chhum rawh khai, chaw i ei mumal lo si a, i chau lutuk ange, nau keng lai inih kha hre reng la, i fa lo piang tur avang tal pawh khan, inti chak hram hram ang che anti a. Kanu ka tha alawm, min ngaihtuah lutuk anih kha, nangmah zawk kha inti chak hram hram ang che, hei chawhmeh hi kan chhuang anga, ilo vil chhungin, tui ka zuk chawi ange tih pah chuan, a bawkbawn chan zawh tak chu, a thlak mawlh mawlh a. rapa paikawng chu la thla in, tui um ruak a thawn zui mawlh mawlh a. Awi aw, i naupai a hrâm tawh vei nen, kei lah chuan ka chhawk thei der mai silo che a, zuk fimkhur nasa ang che, lung nal ah te i zuk inbilh sual hlauh dah ange ati zui lawm lawm a.

Rualthani chhuak ta chuan, tuikhur apan ding nal nal a, apum na riai riai reng chu, ziaawm lam ahnekin azual tulh tulh in ahre leh nghal a. Tuikhur azuk thlen chuan, zingtui chawi dang an awmloh avangin, alo tling fim puau a, tuikhur chhaka, thlanvawng kung lian tak, tawi mût mai, azar peng thuam nuam tak, tuikang nghak leh insu te, hawi thawvenna ber. Mahse, tun hnua mitin tih khai lo nita chu, a thlir chho vang vanga, an sawi ang a, apasal thlarau han ban kual vel chu, hmuh ve theih a chak takzet ani. Khatia, zan tuikang nghak ho meipui chhep a, an infiam rik laih laih lai a, zakhûma thla in, an meilum arawn hnungpuak ve khur mai kha, thlabarin ate tengtung mai a, zakhûma chuan, meipui chu, thut mit in, a khabe a tuai bal a a tep chuap chuap mai ani awm e, chutah tuikang nghak ho thlabar tlandarh te chu, a bawp a bal lawka, vuak tum ang hrimin, khawngkhawbai chung chuan, a um chiam mai a, thlanvawng zar ah te chuan, ban kaiin, an tlanchhe rak vel chu, anuih sawh zui uarh uarh mai a. Ta tang kha chuan, tumah zanah tuichawi ngam an awm tawh lo ani. Zingah nise, nichhuah hma a, tuikhur thleng ngam an awm heklo. Mahse chung inrikrapna te chu, rualthani tan chuan, lungti lêng tu leh, anun hlui kaitho thar tu anni zel si. Chutiang ngaihtuah chung chuan, atui um a thal zo thuai a, a êm ah thawnin, harsa ti tak chuan, a inchawi a, inlam panin akal zui hlawk hlawk a, chho ankal tan chiah tih chuan, apum chu, namenlo in, arawn na ta a. Theihtawpa inti pachang lui hram hram chung chuan, a phur nen a inthlen thei hram ani. Tukthuan eikham atang phei chuan, a thokang peih ta miahlo a. Nau avei chu ani ta der mai a. Mahse, anatuar chu, vawikhat te mah arûmin a auchhuak duh derlo thung, anatzual changchuan, a heh apet fan fan ringawt mai ani.

Khatia chhun pachanga khawdur arawn thawh khup khup lai a, nunau leh upa ho anlo buai phili viau lai khan, rualthani nau vei chuan, a vawrtawp atawng ve mek a, anu chauhin buaipui in, an mangang dun hle ani. Avawikhatna anih bakah, nau har chi alo ni leh zel nen, mahse, eng em thleng lo in, chhunlai tak, ni avanlaizawl vel chiah tih khan, fapa duhawm tak ahring ta hlawl mai a, rualthani te nufa chu, lawm avangin, anbiangah mittui aluang ngiai ngiai a. Rualthani nu chuan, ka tupa duhawm te i pa, ka fapa zakhûma hming daih loh nan SANGKHÛMA ni la. Ipa khûmin, mi sang chuang rawn khûm ang che. Anti a, a thinlung rit leh hrehawm tak chu phawrh chhuak zuiin, mihrang val, zam ngailo rawn nila, ipa hmingchhiatna dawt thu leng hi, rawn hlip kiang la, ipa thlarau lungmuang taka pialral akai theih nan, i pu leh ipa dungthulin mihuaisen pasaltha rawn ni mawlh ang che, khawinge milu khaiin, ralthat thei pasaltha ini dawn em, ipa chem hi han hum teh le tiin, chemfawng lam chu, an vawn tir a, alo tham nghet na meuh mai, han zut thlak sak pah chuan, nau tha ini e, ipa phuba zawng ila thei mawlh ang anti zui a. Chutihlai tak chuan, leihka atang lalnu chuan, in awm êm, arawn ti a. Awm e, lo lut rawh tiin anu chuan alo chhawn vat a. Ekhai kha inlo chhar fel diam tawh ani maw, a hmelte chu avan tha em, a fu ke pawh a hrawl hraih mai kati. Naupianghlim pawh a ang hleinem, a fel nghal fak mai anih hi, tih pahin, anu hnute ahne lai chu, an kuai let vel a, atap duh hauhlo leh nghal a. Nau tha anih hi, khawtlang muantu rawn ni mawlh rawhse, tiin mal an sawm a, kan va lawm tak em,, lalnu meuh ilo lan aliamah, malsawmna min han hlan ani a, kan lawm tak meuh ani. Engtin nge i hriat zawk a, i naupai arih tawh vei nen, hei chen chen ilo thlen theih zawk tiin rualthani nu chuan lawmthu alo hrilh pah mawlh mawlh a. Lalnu chuan, ê,,, kanu lawmthu sawi angai reng reng lo. Eng kan tih theih loh hi, kan upa te ho in, vawin kan khaw awmdan hian, mihrâng lo piang tur a hril e anti teh tlat a, nau hring mai tur awm te an han ngaihven zui tak ah chuan, rualthani lo. midang an awm ring hek suh, ka rawn ar mei kawhchhuah ve tawp mai anih hi, ka rawn kaldanin zir talo chu, engmah lah chu, ka rawn hum lut hlei lo a, hei inlo inbuaipui thei hlauh a, atihzia hle mai anti a. Engmah rawn hum angai reng renglo, i hmel kan hmuh ringawt pawn kan thlamuang huai huai asin. Eng em kan tilo anga, kan tha tlang chho zel ang chu maw, ilo kal chu kan lawm takzet ani anti ve leh a. Naute chu han pawm pahin, sangkhûma maw inih a. Khaw awmdan sâwi danglamin, i nu chhûl i rawn hai hawng ani a, i pianna ni chuan, mite thinlung ti phâwklêk mahse, khawtlang muantu rawn ni la, I pianni in akentel huaisenna chu, rawn thanlen pui mawlh ang che. Nang hi ka chhinchhiah leh vohbik ini dawn ani anti a. Anu bulah zuk mut tir leh pah chuan, rualthan i tha amaw kha, ka chhohsan leh phawt ang che u, lal leh upa te pawn chanchin anlo hrechak tawh ang, bengkhawn ru zual bik pawh an awm ngei ang le anti zui zauh a. Rualthani nu chuan,kan buai atalangin, khaw awmdan pawh kan lo hre hleinem. Han chho tak rawh khai, keini vang tehlul chuan, khawiah khaw awmdan va danglam suh. Ilo kal avangin kan lawm takzet ania, kha nang pawh i hlat tawh vak hmel loh kha, indim hle ang che, upat lamah, nau innei leh dawn ani a. An chhang a khât hle dawn anih kha tiin an thlah a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 24th, 2019, 7:02 pm

Sangkhûma pian kum chu zopui khaw tan chuan, kum that kum ani a, an thlawhhma te chu, favâng vah tih takah, hlo a awl in, buhkung an tha si a, a vat zim ber pawn, phurza lai an thar avangin, phurza neih kum anti hial a. Sangkhûma te chhungkaw tan erawh kum tha tak ani lemlo. Pa ber awm talo chu, thlawhhma la chhunzawm ve thei heklo. Kum hmasa lama an buh thar an ringzo titih tawh a, sangkhûma nurualthani chu, mi buh la in a hlawh nitin deuhthaw a. Sangkhûma nausen buchip tak anih atanga hnathawh san reng ngai chu, arilru ana in, hrehawm ati thei em ema, thing han phurhsan ringawt pawh hrehawm atih thin tehlul nen, a fapa hnute pawh la nghei lo, a nu tangbelh thlahlel ngawih ngawih tu chu, nileng lengin, a feh bosan thin ani si a, inlama afapa leh api in awm vel tur chu, angaihtuah ngamlo thin zawk ani. An sepui no neih hlim alo ni hlauh zawk a. Upa in, antam leng leh pawh ahang tui nge nge anti na a, ani ve chu, rilru leh taksa hah kawp anih avangin, khawkhat nula hmeltha nisi kha, ani telin a chhe rawk rawk mai ani. Ani tan zawng he khawvel hi hremhmun ani a. Zakhûma nen a, anhlim dun lai zawng zawng rulh letna emaw tihturin hrehawm na nasa tak inthuahthip karah afapa hma hun atan an nun khua tur asual chho mek ani tak si a.

Sangkhûma erawh, naute duhawm leh tih nuam tak ani thung a, nilenga anu in a feh bosan chung pawn, buaipui ngai ani ngailo. A hnute duh an tap chhuak zeuh thin tih loh hi chu, tah pawh atap ngai heklo. Chhun lamah, an sepui hnute ringin, zanlamah erawh a chûn nu tangah hmangaihna tui thiang atlan ve thung a. anu tan lah, a hlimna leh lawmna, hahdamna thlentu leh chakna thar petu ani ve bawk.

Sangkûng chu,a bawkvak thei in, a thu tung thei tawh a, chutiang alo nih atang meuh chuan, a rawn danglam chho nghal hle a, maipum alek vuh vuh thei a, dawhthlengah asawh keh thei hial ani. A pi chuan engtiang takin rawn puitling ang che maw, hetiang inih hrim chuan, i thlamuanpui awm dawn khawp e, mahse, i kal theih meuh chuan, kei tehlul hian ka awm zo dawn hauhlo che anih hi ati thin a, nau duhawm leh hmeltha tak ni mahse, mi pawm lawr leh lawm a hlawh vaklo thung. A chhan pawh a pa thlarauin, a veng tlat anti ani. A pawmtu te hi, zakhûma thlarau hian, alo en leh ngur thin a. An bulah te thu in alo tawlh ve leh hruah hruah thin. Chungte avang chuan, min an tih khai a, pawm chakin, lâwm chak viau mahse, an ngam tlat thin lo. A pi in an chhuahsan lawk hlan te hian, amah in anui leh kek kek thin a, a ban phak hauhloh bangrel sang ami leh tungchaw ami te hi, a bulah awmin alo khalh leh thin a. Chungte avang chuan, sangkhûma pi chuan, afapa zakhûma thlarau chu hau in, abia a. Kan ngaiin kan thlahlel ngawih ngawih che a, mahse, hringmi te zinga cheng thei ini tawh silo a, min kalsan tawh rawh, khawtlanga kan hmingchhiatna hi, min tih reh sak la, i fapa hian, i hmingchhiatna pawh arawn siam tha ngei ang tiin a hrilh a. Chuta tang chuan, zakhûma thlâ inlar thin pawh chu, alo zia ta a, kal erawh akalbo lemlo anih hmel, afapa chu, midang awmloh laiin, ala rawn awmpui fo ani tih sangkhûma pi chuan ahre ru tho ani.

Thing delh loh lungdelh loh na na nâ chu, Sangkhûma pawh hleikang ve zel a, thingnawi fawm rual anih atangin, atlai sava veh mai mai pawn, chhungtlai a hawn ziah thei a. A sairawkherh perh thiam zia chu, athiante hrilhfak atlinga, arualpui te reng reng in, an chung en vek ani.

An chhungkaw harsatna erawhin, zual lam apan zel a, amah hmangaih taka, awm thin tu api lah chu, a hrisel lo chho tial tial a, anu hnam hruiah vuanin, anu fehna ah azui nitin thin. Api chaklo tê chu, inlamah a awmpui ve thin bawk. Naupangte e tilo chuan, an chhungkaw harsatna chuan, ati puitlingin, a kum phulo in, afing fel hle ani. A pi chuan, anu hnenah, mami ka awmloh san hunah che u chuan, inkhuaah kir leh la, hetah zawng vua leh vang inei silo a, itan a hrehawmin, ka tupa hma hun hi athim lutuk palh ange. I nu leh pate anla dam a, anbula awmturin an duh ngawih ngawih che kha, ka tupa pawh hi, apû (a ma nuta) ten an chhawmdawl thei zawk dawn ani. Khual ral atang hi chuan, han inpuih aharsa si a. Ilo let leh ngei dawn nia tiin a chah a. Mahse, rualthani chuan aduh bau lo. Ka nû chutin min ngen suh, ka pasal lu nghahna khua hi, ka kalsan dawn lo. Khawtlang alo muan tawhna zawng zawng leh athil tih that te ngaihtuaha hrezui duh hauh silo. A chhuan chhe zawnga a thihna thu ansawi zozai te hi, mamte a nen hian kan tuar dai thak ang. Min ngaihtuah duh suh, chutia min kalsan mai ka phal heklo. I tupa hi, arawn thanlen a, a hming ringawt pawh khawtlangin an thlamuan pui em em hun alo thlen thlengin min dampui dawn alawm. thihna lam thu chu isawi tawh lo ang. Thihna in min tih retheih zia hi hria in, kan nunna hi, kan theih chhung chu, kan chelhtlat tur ani dawn lawm ni. I taksa kha, i rilru avang khan, a chakin a chaklo thei asin. Natna pawh hi, adamna leh damlohna chu, kan rilru ani ve bawk, inti pachang la, itu leh fate hi, min awp khawm reng ang che anti a. Mami irilru alo puitling hle mai. Ka tluklo tawp che ani. I sawi ang chuan, ka rilru pawh a paukhauh leh ta e. Enge ka lungngaih ang, nang leh ka tupa ka nei cheu a, mamawh dang kalo nei reng reng hleinem. I thu min hrilh ten, minti chak thar leh ta anih hi ati a.

Sangkhûma chuan anute ti ti chu, manthiam veklo mahse, api chu thi mai atan aphal biklo. Api lahin, a chhuang narawh. Ani lah api leh anu lawmzawng tih chak reng rengin a hman hlelh a. Mi rilru tluang leh nun ngil na na nâ chu, thiante zingah pawh duhsak a hlawh ve zel a, a sava perhthlak chena avehpui athiante semve zel thin ani. Zaidam fu si, luhlul tak ani a, amah vel tap zo an awmlo. Tlangval sual deuh pawhin, velh tum enah an en tawh heklo. sarthi thlanvung chunga thingthunung indahsiakah pawh, a enthlatu tlangvalte maktih a tlinga an khaw naupang zingah a hming hrelo an awmlo hial awm e. A mû perhthlak leh a sanghar awh te avanga intina an artui khawn thin chuan, nu leh pa te hriat a hlawh tir viau bawk.tumkhat chu, a thianpa kawmngaih bik, mual venga upa Luaia tupa Thangchhunga nen, thingdawl luiah, chakai khawrhin an kal a. Chhungtlai zet ve ve a, insem tham an man hnu chuan, thatho takin inlam panin an rawn haw a, bâwk khawh mual an rawn thlen chuan, nî atla dawn suar suar tawh a, lamlian an rawn chuang chhuak chiah chu, keisen kawngdung rawn zawh ve mek nen chuan, an intawk ta chaih mai, a hmasa zawka kal, a thianpa Thangchhunga chu ading chawt a, keisen lah chuan, anni naupang mai mai chu, alo zuam viau ni tur ani, kawngsira pen san mai talo chuan, âng sen bâi bâi chungin arawn pan ta chher chher mai a, thangchhunga hlau lah chu, sangkhuma lamah arawn tlan let ta mai a. Chu chu keisen lah chuan, azuam phah sauh thung. Rangzetin arawn zuan thlu tawp mai a, a chawnpuarah sehin, an phih a, sangkhûman a banah chelhin alo vuan a, keisen lahin, thlah duh bik hek suh, sangkhûma chuan, thlah rawh tih pahin alamah an phih sawk mai a, chumi rual chuan, athianpa natuar chu, ate rawng rawng mai. A hliamtuar zawk na na na chu, arawn bawhzui leh nghal ruak a, sangkhûma thin thawk lawk chuan, ameiah manin, lamlian châr lai vuak nan an hmang ta dawp dawp mai a, a duhtawk meuh chuan, keisen chu, chechang tur reng reng alo awm tawh lo. A thianpa chu, an bawihsawm vat a, a chawn thler, inhik uak mai chu an hmehbel sak châwt châwt a. Thangchhunga nati lutuk chuan, then tlawk tlawk chungin, thianpa, ana emai, ka au vak anga, tuma hnenah sawisuh aw anti a, i duhtawkin au rawh tumah ka hrilh lo ang anti ve vat a, thangchhunga chu mittui tla purin a auzui rawng rawng mai ani. Keisen uipum tiah zeta lian chu, sangkhûma chuan, kawngsirah an theh sawn a, chu chu, a chhawlchhin ve thlap a, athianpa ke chu, iptepuiin atuam sak a. A tiatpui reng nisi chu, hnehsawh zetin an paw bahlat nawlh a, khawthim tur la eng riruai hnuaiah chuan, inlam panin a hawpui ta ani. A tukah khawchhung akhat nghal vek a, lal leh upa te beng hial athleng zui ta a. A keite thah chu, tlangval ho in, an zuk hlawm a, zawlbuk kawtah a kâ an kam kau a, thingfãk a kam ding in an din tir a, an en huai huai mai ani. An han belhchian chuan, alu ruh alo sawp vek niin, a chakzia chu, mak tilo reng an awmlo. Thangchhunga pû, upa Luai'an vawkpa sumnga in a âi sak a, atupa chhanhimtu chu, a chawimawi thiam hle. Zawlbuk thingfawm awl in, khawtlang mit fukna ber alo nita a.A pianni atang reng a, khawchhung beng hriat, a thut theih tirh ata, maipum sawhkeh zo. A kal thei tawrh tawrh tih a, uipum tham kang vaw vaw thei kha ani reng a. Engtiang taka chak leh huaisen nge anih dawn tih chu, mitin ngaihven leh bengkhawn alo nita ani.


Sangkhûma pawh alo hleikang ve zel a. Rawlthar tuaitir te mah nise, a rilru a puitling in, rual el ati na khawp a, rin leh tur chuang nei talo chu, a ramtang hma hle a. Thangchhunga chhungte chuan, an tupa leh fapa duhlai nun humhim tu chu, an thlahthlam biklo, pu Luaia chuan, afapa(Thangchhunga pa) hnenah kawng engkima chhawmdawla, hma lakpui zel turin ati a. Sangkhuma pawhin, nu lehpa neihin anei a, thangchhunga pu nen chuan putu ah an insiam a, pu luaia chuan aduhsak hle nghe nghe ani. Thangchhunga pa puihbawm na in, Lo te aneive a, thahnem ngai em em in, ariak reng mai thin. Khawchhungah atal tam loh avangin, anaupan lai ang in, thenrual anei tam tawh heklo. A thianpa thangchhunga nen erawh an la inzui reng a, an in ngai tawn em em thung. A ramriak reng mai chu, api leh anu in an hau thin a, hna athawk nasa lutuk chu, an lainat ru ve em em si a, ani ang rual ramtang la awm heklo. thenrual kawm hman lêk lo a, ram lam hlir a, atal mai chu, lainatin an zilh ve bawk a, ani lah chuan eng hu ah ngai heklo, ram lam chu, nuam atih zawk thu in a chhang mai thin.

Vau ah sathang a tlar a, a kut a hmui in, a awk thei na ngiang mai, sakhi sarep te chu, an chham lo tluk ani. Thangchhunga pu, pu Luaia lah chuan, silai tello pawn heti khawp hian, sa min barh ani a. Silai han nei phei la zawng eng ang takin, sa la thei ang che maw, ati ru rauh rauh thin ani. Chuvang chuan, a hrilh ru a. Lal inah khian, i pa awllan puak bung a tang a. Chu chu, sepa chalin tlan chhuak la, silai tha, tlawlh ve ngailo ani a, i pû pu leh ral lak sum niin, in chhungkaw in rochun ani a. Sa la thei tak ani, a tlawlh ve ngailo. I duh phawt chuan, kan silai pawh hi, i hawh thei tho ania, mârawh chu, chhûng-a pa hian a hawlchhuak ve nitin a, eng erawh a kahpui lem hlei law, amah i dil thiam dan azir aniang chu ati a. Sangkhûma chuan, mi kâ atangin apa silai tân thu leh apa thlarauin, chu silai chu, savawm hriak hnawih a, tapchhakah alo hruk thin thu te ahreve tawh a, apa thih dan erawh chiangkuangin tuman ansawi duhlo. Anu leh api pawh alo zawt tawh a. An sawichiang duh bik silo, nakinah ila hre mai ang anti ringawt thin bawk si. A pa thattu leh athih chhan a, an puh ber keipui vun lih, favai hnawh puar a, an thui pum leh chu. Upa min Rêngi pa te luhka ah a hmu thin a, hun lo taka apa hnuk chhat tu leh, pa neilo a siamtu chu, a haw ru viau thin kha ani a. Mahse, an lung fing deuh a, apa chu, sakei seh hlum nilo deuh a, sawi thawm te an hre chhawm ve zel a, sakei a huatna erawh a thlah fel tak tak rih lemlo. Pu luaia chu, apa chungchang la zawh chian arilruk ta ran a.Kum avei a, Sangkhuma pawh, Rawlthar tak tak niin, tlangval rilru apu chho tan a, pian thiam zeih zawih, lang zen zaih mai, abula han awm a, lian tak, mi dip na tak leh hûhãng ngah tak ani.

A thawhrim avanga a taksa phiar fat mai chu, hmuhnawm tham ani bawk. Mi tawngtlem leh zakzum tak ani a, an michhiat avangin, thenrual a pawl tam lo a, athianpa thangchhunga nen an inzui chawt mai thin ani. A taima bawk a, amah alo chak bawk nen, aram tan tirh ata, khamkhawp athar zat zat renga, a thawh theih chin atang chuan, buh leh bal ah rual an awt bik talo. An vanneih asiam in, an harsat zual laia an tih ral ve loh, an sepui ching tawh emaw antih chu, arai leh hlauh mai a, no thatak neiin, aki pawh amawm tan der tawh a, apa silai tlan nan ati rilru rauh rauh a, aduat thei hle ani. Apa kha pasaltha diktak, hlauh neilo leh sakap thei em em, lasi azawl aniang antih huai huai kha ani a. Mi tlawmngai leh tuarchhel, thiante chhan nana nun hlan ngam ani. zopui khua chuan, leido neilo mahse, an khaw daingul leh, an thlamuanna ani a, a hunlai khan amah hrelo an awmlo. Khatia an khua a, sakei sual alo tlak tak ah chuan, mitin nun ati ralkhel em em a, tumah feh tha ngam awm heklo. An ran aseh sak fo a, an hual fuh thei bawk silo. Mihring pawh pathum ngawt aseh tawh a. upa min, Rengi pa sepui a rawn seh leh takah chuan, aruang hlawm lo in, "kar" an chhuan hnana, silai puak ri ngaichangin, zawlbuk tlangval ho chu, an mu meng kar hlawm a, Zakhûma(sangkhuma pa) pawh a meichher chhawp rukna mitthla chungin amu mengkar reng a, mahse an beisei ang in, kar chu aper mai lemlo. Zing khawvar dawn hnaih, kawl la en hma si ah chuan, an kar kam chu aper ta a. Zakhûma mutui lai chu, ben harh ang zawkin a harh hlawl mai a, silai puak ri zuai lam chu an hre vuai a, chu veleh thawmdim takin, atho vat a, zawlbuk bang leh bawhbel inkara a meichher thawlh ruk, ban chen lek chu, pawt chhuakin, zawlbuk meipui rem tawh chu, an thai dur a. Thawmdim leh hmanhmawh zetin, a chhem kai a, a tlanchhuak zui ta ani. Kar an kam na lam chu apan ding nghal nal nal a.

Khatia zakhûma chevel thawmah khan, upa min rêngi pa fa u ber, dothanga chu, rawn harhin, a puan inlukhup kar atang chuan, zakhuma chevel chu alo thlir ru ran a, silai ri kha hreve hman heklo, zakhûma chu anupui bula mu, rawn let leh emaw ati zawk a, a thikna thinlung chu rawn tho in, a êr ruk em em em leh, a hmingthatna daltu zakhuma che vel chu, thinrim ru tak leh rilru chhe tak pu in abih kar renga, zakhûm'an meichher chhi chunga a silai alek chhuah takah chuan, kar aper anih aring thiam ve nghal mai a, remchang ah lak tum ran in, rilru chhe tak pu chung chuan, meichher pawh chhi ve duhlo in, azui ru ta nghal a.

Zakhûm'an kar kamna hmun azuk thlen chuan, akap fuh ngei ani tih hriat zetin, thi alo baw nuaih mai a, thisen far chu chhui zuiin, midang hmuh ve theih loh turin, a chawk reh nghal zel bawk a, a hnungah rawn kalve an awm tih reng ahrechang lo. Mautlawn tluk thum vel an chhui thlen chuan, sakei chu, kawrte kamah alawn kai tih a hre zel a, a hliamna viau ani ngei ang, kawrte chu, zuangkai mai lo in, alwnin alawn kai tlat ani. Mahse thui pawh a chhui leh hma chuan, a hnu arulchuk ta tlat mai. Tih ngaihna hrelo a, adin reng lai chuan, a hnunglamah te thawm alo chhuak a, silai ari zui zat bawk a, rangtakin, thawm lo chhuahna chu, apan phei vat a, ava thlen chuan, sakei chuan Dothanga chu, amah tak langlo lekin alo bawhbet ran mai a, dothang chuan, ahrawkah manin aseh loh nan alo nam kang ngar ngar a, silaia han kah dawnin, dothanga chu akah fuh ahlau si, aseh hman takngial dawn in a hresi a, a silai chu adah lawk a, sakei ke hnunglamah chuan, manin atheihtawk ana in an phih ngheng mai a, sakei pawh aleng lawp mai, dothanga chu, i tha em tih pahin, sakei lakah chuan an din hliah a, a silai alo theh thlak tawh avangin, a chempui nen chauh keipui hliam, ang sen huam mai chu, a hmachhawn ta ani, keipui thinrim chu arûm hum hum a, kal bai deuh uih uih chung in, chhaklam apan a, ko sang lai atang chuan, zakhuma, chemtum nen chauha lo ding chu, arawn zuan ta a, chutih lai kher chuan dothang tlu rawn thawh tum chuan, a hma ading zakhuma chu, tanchhanah hmangin, alo pawt ve chiah si a, keipui chu amalruh atliah avangin, azuang hleithei lo hlauh zawk a. Mahse, zakhuma eu lai zuanthlu tur tawk chuan, ala in perh tleng thei tho mai, zakhuma chu tlu lo tur a, alo invai buailai tak arawn nang ching tasi a, sat hman tawh heklo. Keipui chu, a nghawngah lo manin, thlanglamah an lum thla dun ta a.

An inbeihna hi, kumthum leng tul pik anih avangin, thui erawh an lum theilo. A meichher chu a thlauh a, kawl rawn eng tan tir hnuaiah chuan, an inbei ta thial thial mai a, keipui chuan adarah aseh sak a, mahse a ngho lehlam bung anih avangin, aseh bet thei biklo. A nghawngah manin anam kanga, dothanga chu, sakei kap turin an au zui a, chumi pah chuan, achem chu, an hum tha a, a kut lehlama sakei namkan pah chuan alu ah theihtawpin an sat ri chawk mai a, silai ari zui thuai a, keipui let zawi thla hnuang chu, ngaihsak zui thei tawh heklo, aw zuai raih hian, thianpa min ralpalh ania arawn ti tam tiak a. keipui erawh chelo changlo in, a let ngut a, zakhuma chu, amit sulh sulh a, a khawhmuh pawh avai tan ta ruai mai. vawin zet chu, athih ni ani ngei dawn ani tih ahrethiam mai, a nupui ala ngaih ngawih ngawih leh athlakhlel em em chu, amit thla in a hmu a. Anu tar chaklo tak nen an kalsan mai tur chu, a hreh ngawih ngawih hle ani. Mahse a hliam chu, dampui rual ani lo. Silaimu chuan alung a pawh tlat. Dothanga chu rawn chhuk thla in, zakhûm ka ralpalh reng reng lo che, ka duh leh tum tak ani ka kah, ka hmingthatna tur zawng zawng min chhuhsaka, ka chungah lengin, nuam i tawl a, chuvangin, ka ngaitheilo che ani. Tun atang chuan, i hming aiin ka hming hi lam rik ani tawh dawn ani, tiin an diriam zui a. Zakhûma makti hmel chu ngaihsak zui lo in, sakei mu zawi hnuang tawh chu, an kap zui leh dur a, midang thawm arawn ri nuaih nuaih a, zakhuma chu thei leh theilo in thawh arawn tum hram hram a, mahse, pasaltha, tuarchhel leh chak tan pawh ahliam chu, damchhuahpui chi ni mawlh heklo, sakei ham na leh sehna ringawt pawh pa naran thihpui tham zet ana anih tawh aliamah, silaimu thun tling el awl a, alung chu, kah tlang ani tlat si a.

Mipui nawlpui rawn thlen hma chuan, tlangval pali leh val upa pakhat an rawn thleng hmasa a, zakhuma hliamtuar lo let reng chu, an han bawihsawm a, mahse biak tawng theih ani tawh lo. A thi tur mitmeng chuan, dothanga hmulthi ding uaih uaih thei khawpa chiangin a enkal mai a, a chatthla zui ta ani. Midang awm ve ta chu, Dothanga chuan, pawiti leh hrehawm ti awm fahranin, an buaipui leh hnuhnawh a, alo thleng hmasa ho hnenah chuan, a ral palh ani tih asawi zuah zuah a, sakei chu, ama kah hlum ngei niin, zakhûma chu, a chhan hman loh avang leh aral palh avangin apawi tihthu asawi châm chî a. Diktak chuan sakei kha, zakhûm'an asahna avanga thi ani a, a thi tawh hnu akap ani lek si a. Khatia zakhûma hnunga, meichher tello a, azui ruk lai khan, zakhûma leh sakei chu inbei buai se, remchangah hmanga zakhûma chu, kah tum sa ran kha ani a, mahse arinloh dan takin, amah zawk kha, sakei khan arawn bei tasi a, a phu nasa lutukin, akah thelh phah reng bawk a. A mangang au te thawm hria a, zakhûm an arawn chhan takah kha chuan, a thil tum ruk avang khan inchhirin, azak hle kha ani a. Mahse zakhuma leh sakei an han in pawmchilh takah chuan, zakhûma hmingthat leh tur chu ngaingam thlawt heklo. Zakhûm'an keipui lu an sah rik chawk pawh kha ahmuchiang hle a, asah fuh zia leh anat dan hmu chiang miau hek. Sakei chu, a hlauhawm tawh lo tih pawh ahria, zakhûm'an keipui nam liam paha arawntho kang lai chu, arilru chhia leh vertherna chu upbet zolo in, zakhûma ngei chu azuk kap lui ta ngat ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 25th, 2019, 7:46 pm

Mipui nawlpui an rawn thlen chuan, zakhûma ruang chu anlo singsa fel diam tawh a, sakei seh hlumah chhalin, inral palh thu hla kha chu, tih rik ani talo a, a duhthusam ang ngeiin, Dothanga pawh chuan, hmingthat ahlawh ta pang reng a. Mahse, mi chapo leh uangthuang te hi chu, an mahni bawk an in mualpho leh nge nge thin ang bawkin, Dothanga insawithei vel chuan, amah leh amah a insawi awk leh tasi a, a zuk thleng hmasa te beng pawh ati kham hle ani. Dothang pa, Doliana(rêngipa) lah afapa thusawi apiang akawi angila zawm leh pawm duam mai alp ni chhap bawk si, afapa in, zakhuma chu, dawihzep leh thiante pawh chhan ngamlo a, tlan chhia a, amah doliana chu, kap zawk ta hial ang a, asawi chu pawmin, ani mi chapo leh inchhuang tak chuan, an pafa a, an êr ruk em em zakhûma thi tawh hnu chu, tih hmingchhiat zui zel an pawisa heklo. Lal hnenah kalin azualko ta a, lalpa lah chuan, a upa min rêngi pa thu rawn sin luh chu, lo pawmpuiin a duh dan ang thlapin, zakhûma silai pawh a hren sak zui ta ani.

Chutiang teh nuaih a, thu a kal leh tak si avang chian, azuk hmu hmasa tute chu, lungawi bik hek suh, an thil hmuh dan leh hriatdan chu ansawi chhuak velo thei silo a, khawtlangah sawisep atamin, chiangkuang taka hretu dang awm heklo. asawi theitu tur ber zakhûma lah aboral tawh si a, hmingchhiat zawng zawng phur chungin, vuiliam ani ta ani. Mahse, azuk hmu hmasa tute zing smi, val upa kha, Sangkhûma thianpa ber, Thangchhûnga pa hi ani. A pa upa luaia ang bawka thil chik mi anih avangin, zakhûma thitur mitmengin, Dothanga a melh dan kha ahmuchiang hle a, zakhûma hliam awmna an mitthla thin a, zakhûma kha, hrechiang ve tawk hle in a inhre bawk, thiante phatsana tlanchhiatsan tur chi anilo tih ahrechiangin, a ringlo hulhual ani. Mahse, ngaihruatna leh rinthu lo tlangaupui vak chu, dik berin ahrelo a, zakhûma lah arawn thawh leh phah dawn silo a, a ngawihbo pui ta ringawt mai ani. Mahse, apa pu luaia erawh athil hmuh dan leh hriatdan engkim ahrilh vek thung. Zakhûma thla an hran zui tak chiam ah phei kha chuan, an rindan chu, adik an ring nghet tlat a, mahse khawtlang tibuai khawpa zakhûma thla hrang ta chuan, dem ahlawh ta zawk bawk si nen, sawichhuak lo in, an ngawihbo pui ta ani. Chutiang chu thil awmdan ni mahse, zakhûma thla kha engvanga hrang zui ta nge tih chu, hriat ani lemlo. Dothanga thusawi hnuhnung, nang leh i chhungte reng reng kan chunga leng in awmtur anilo atih vang ani mahna. Zakhûma thlarauin a fapa aven tlat. Heng zawng zawng hi, sangkhûma ian ahrechhuak thei angem tih chu, hunin ahril ang chu.

Tuk dang ang bawkin, sangkhûma pawh tukthuan eikham ve leh feh turin kawtchhuah lam apan nal nal a, nidang anglo taka atlai deuh avangin, kawtchhuah chuan, an lâwm te nghaka lo thu khawmuang pawh an thahnemin, anlo ri nak nak hlawm a. A thianpa Thangchhunga chu, sawntlung pawng lama an bawrkhawm laih laih na lamah chuan, awmve in. A thianpa Sangkhûma chu, auin alo hui lauh lauh a, chumi ruala, lungdawh lama nula inhrik en ho, lo hawiphei ta thupin an rawn thlir tak vawng vawngah chuan, ani mi zakzum leh inthlahrung chi, an michhiat hre renga thenrual pawl tamlo tak sangkhûma chu, a zak hle reng a. Thangchhunga lah chuan, helamah hian lo telve teh tiin an sawm zui zat a. Engtak ni ang maw ti rilru chungchuan, a panphei ve vat a. Engdang nilo in, sawntlung leiban, ném, muk thalai chu, tunge sat thûk thei ber tih ah anlo in el a, Thangchhûnga chuan, thianpa han sat ve teh, kalo tlawm der tawh ania anti a. Midang pawh chuan, han satve teh tak tiin, anlo sawm tliar tliar a, Sangkhûma chuan, eng kati bik hlei nang, nang ber i tlawm tawh aliam ah, titeh ikal teh zawk ang tihpahin kal mai antum a. Thangchhunga chuan, thiana engemaw i hmanhmawh le, tuk dang midang aiin kan hma ziah a, vawin chu, kan Lo a kan feh ni ani bawk a. Midang rualin kan kalve ang. Ka thu thu a i awm ni anih hi, sat ve duhlo mahla, ka sat lai tal ilo tlir aniang chu, min tluk angemaw anti bawrh bawrh a. Sangkhûma pawhin, nui hauh hauh chungin an hnaih ve sauh a. An bial laih laihna zing atang chuan, keimah Dothanga fapa Raldoa tih thawm chu alo ri zui zat a, an haw haw zui dar dar a. A thenin anlo beng thak thak a, asat thuk thei ber anih avangin, aban hrawlfu chu, akhai kak ta a, a awmbawr chhah tup chu, poh lahin ahawi larh larh bawk a. Thangchhunga chuan keu kuak sawt sawt pahin, kha keimah sakap theilo, silai keng renga fapa kalo kal e, mai leng hawl hawl in in dung pil hmawk khawpin kan sat ange anti lauh lauh a, nuih dar dar pahin anlo kian sat sat a, a chempui tawite bing zet chu, vilik zauh zauh pahin, zak kau hawkin an sat thuai mai a, a chem lek danin zir heklo a phek zawngin azuk hem ri thlurh a, an nuoh dur dur lai chuan, anui ring ber ber ah atang zui leh nghal a.

Sangkhûma nuihza insum pawh alo nui tut tut mai. Chu chu arawn hmuh fuh ve leh. Mite chu ka nuih e, ilo ti vel a, enge i an han sat ve teh tiin sangkhûma chu, cho chhuah an tum zaih a. Sangkhûma lam hawi nak nak pah chuan, ekhai, han satve teh khai, ilo inkiltawih ania nge. Infiamna anih hi, tukdanga hmuh tur i awm ngai silo a anlo ti sap sap bawk a, khai khai ka thianpa bak kha chu han sawn leh chuang tur ka awmlo. Ani sah kha athuk tha berin ka hria tihpahin thangchhunga chu an melh ralh a. Raldoa chuan, kan naupang chaka chu, han satve bawk la mawle, i sah avangin eng iti hlei nang, i hlau te anih ngawt loh chuan tiin, er rilru ranin, chapo aw lârin an rawn tawng lang lang a. chu tawngkam chuan, ati phûr ve ta riau mai a, anih leh aw, tû khawkha tluk lo mah ila, thianpa chhûnga tal kan el ve ange tihpah chuan, a ipte puia a chempui tah hriam ver vawr hlai hlep hlawp, rit nalh mai chu, phawrhchhuakin, anlo sah tawhna sir deuh lei rum chang thalai tak chu, thut hniam zeuh pahin, sam lam te hian an sat a. Kar zeuh pah chuan an phawi zui nghal vat a, anlo haw haw dar dar lai chuan, Thangchhunga chu arawn phusa vat a, ngahnge i phawi leh daih a, apawilo e teh dan ka hre tho tihpah chuan, mau ro an phel sin a, a sahna hmuamhma ah chuan hawlh lutin, a thlen chinah an ulh thlep a. Asah thuk zia alo hmuh ruk kar avanga midang hriattir duhin ateh kher ani. lek va va pah chuan, khamaw asah thuk ber ka ring reng ah anti lar lar a, an han en sap sap lai chuan Raldoa chuan a hming chhal meuhin an sat ve leh a, atluk miau loh avangin, atlawmngai ru hle ani. Sat thuk leh chak ti zeta, a chungchang thu an sawi nak nak lai chuan, titeh thianpa Chhung i kal teh ang, hei khua atlai dawn tiin a kalta vut a, Thangchhunga chuan nui var var chungin, a hnungah azui ve vat a, a duh ber leh tum beratih tir tawh bawk a, apawiti lemlo. A thianpa chu, ahnunglam atang chuan chhuang zetin, anuih var var a.

Chhun chawfak lai chuan, Sangkhûma chuan, Thangchhûng pa hnenah kapa, hei inbuh chu, atha hle mai, in thawk awm bawk a, silai zawn te chu, inthar mai lo maw anti a. E,khai,, chutiang tiang kan thar lo tawp ang. i unau te hi, nang angin taima ve mawlh heklo. An pingpei vel mai mai a, an han thawh ve chhun te lah hian, an zawmthaw ropui si, an lu pân hnathawh roh a, kan hneh lo lam anih hi, nang zawng i thianpa rengin i buh asawi tha mai, i taima in, i thawkrim thin bawka, khuanun buh leh balah mal asawm che anih hi. tang sauh sauh ang che. I ri pa pawhin, in nau sangkhuma hi abuh kung han en chuan, hreiha zawn te chu, athar ngei ang atih che kha, i hlo thlo hmuhnawm atih thu pawh asawi nasa teh asin. Sangkhuma hmu phaka ka bun chuan, hnathawh nachang ka hre thin lo. Amah thlirin ka chawl veng veng zel mai atih kha, tiin anui huah huah a. Tak ana, hetia minpui tura irawn riah ve takah chuan, kan zo hma dawn khawp e, induh leh chawhnu lam chu, luiah te zuk kal ula, ka aiawt chiah pawh nihnih ngawt ka rial tawh a, atlave bawk viau tawhin ka ring ati bawrh bawrh a. Thangchhunga chuan, kapa thin hi chu a, amah dêk dâwk hi ania, tihian afate hi min puh zaih zaih a, silai pu in, hlothlawh ngaihsak lek lo jian, vau ah alut tuak reng a, engmah kap thei mang silo. Asa kah te hi, kan ei awm pawh ka hrelo. A kah thu erawh kan hre fo a, mahse, hmana alo kah tawh te hlir ani kan hriat thin. I sa awh leh kah hi kan ei ngun hle a, asa rawn hawn ve te hi, chu kapu awh sa alo ni ziah leh nghal, nang leh kapu khi awmlo pheise, khawia sa tehlul nge kan eive ang, vawktalh lah akhât ropui si anti bai bai a, apa lah chu, anui ang tut tut a, sangkhuma lah chuan, nui ruh ruh chungin, chuvang ani maw, kawtchhuah ah khan, sakap theilo, silai kengrenga fapa tia, i hming i chhal lauh lauh ni anti ve sak a, asawilaia Thangchhungan arawn mitmei na chu hrethiamlo derin asawi lui ve ngat ani. Apa chuan, Thangchhunga mai mai thin hi chu, uan chin tawklah hi i hre thin lo a, fiamthu thawh nan, mahni pa te aupui dum dum zel mai anti fuk fuk a. Sangkhuma lo nui tut tut chu, thangchhunga chuan, rum fe in an melh râwm râwm a. Apa bawk chuan, hei in tlangval ve dawn tawh a, in pahniha inzui ruk ruk renglo hian, lâwm te neive ula, hnathawh te pawh anuam duh ngai. Thangchhunga phei hi chu, i rawn lâwm anih ngawt loh chuan, hnathawh nachang pawh ahrelo. Upa zawk anu lehpa te hi ania min rin zawk mah ni. Nakum lamah chuan, neive tawh ngei ang che u, nula ho ti ti ah pawh i hming hi alangsar viau tih ka hria ania, anti dap dap a.

Thangchhunga chuan apa silai chu, hawl chhuakin, an vau lui lam chu an pan thla a, Thangchhunga pa lah chuan, silai te in lek chhuah ve ngawt a, a kah dan pawh i hria ami, i unaupa sangkhuma khan ak zawk se atha ang, ani chu, sakhi leh sanghal lo kap tawh ani a, nang zawng i thiante reu reu iralpalh ange tiin, a auzui kha ani a, Thangchhunga lah chuan, chawei laia athusawi rulh letna ni pahfawmin, apa runluih nan hrim hrim a ak lui ve tlat a. Thui pawh an kal hma chuan, ngahnge chawei lai khan, kapa hming ka chhal dan kha irawn sawi kher kher, ka mitmei mawlh mawlh che kha, i hrethiam lo ami tiin an chhuah chhal a. Hrethiam teh suh ei, mitmei leh zaizira thilsawi reng reng ka beng hian ahrethei lo. I aw ki ang a, ring beu deuh lo hi chu, ka hrethei hleinem. Ngahnge sawi suh i rawn tih mai loh tiin alo chhang then a. Lui an han thlen thlak tak ah chuan, nuam ti zetin, aiawt chiah chu an en thla ta nghauh nghauh a. Thangchhunga chuan, tirawh khulai deuhah khuan, bîl kung a awm tih kapa sawu ka hria ania, chakai kha dah la, i zuk kal chhin ang hmiang. Haw pahin, kan la chho leh mai dawn nia, savawm emaw zawngrual emaw kan hmu mai thei asin anti a. Phûrzetin luimawnglam chu an zawh thla ta ani.Kawithum vel an kal hnu chuan, sangkhuma chua, a awmna i hre meuh maw, nangpui hi, i ramvak chak hian, min bum mai mai alo ni ange anti a, a kiai zui sak a. Thangchhunga chuan, kan thleng tep ang, kapa sawi danah hairual anilo ati ve tlat a. Kawihnih vel an han liam thlak leh chuan, luikam chu, alo pharh ut mai a, dinglam sir hmunzawl tlangdungin arawn sut finna ah chiah chuan, bil kung lianzet hi, alo ding luah mai a, an han thlir vang vang hnu chuan, sangkhuma chuan, thiana khi, zâwngin an tlan anih khi, han veh rawh. Tah hian kalo nghak ang che. Kan pahnih chuan hmuh kan awl mai mai. Silai pakhat chauh ani bawk si anti a. Thangchhunga chuan, han kal zawk ta che, kala ti thang silo a, ka han ti tlan mai lo ang maw anti a, kei ka nih avanga kah bik thu a awmlo. kalvat mai teh, i hnungah ka rawn kal ang ati ve tlat a. Thangchhunga kal liam hnu chuan, muangchang leh fimkhur takin azuive ta chauh a, diktak chuan, a kap chak zek zek ani. Mahse athianpa chuan a chakve tho tih a hria a, a kian mai chauh ani. Ama lo a, ariah lai khan, thirdeng pa silai tawngtawl zet kha ariahpui ve thin a, karkhat chhungin, sakhi leh sanghal a thal nghal pang mai a, kha khan ati phurin, sa lung veiah asiam ta ani ber. A silai awhna pawh azual hle reng ani. Chutiang thil ngaihtuaha, athianpa hnu a chhui lai mek chuan, silai ari ta dur a.

A kap ngei anih ringin phurtak chuan, silai rikna chu, apan vat a, mahse thui pawh athlen hma in, a thianpa mangang rawlin arawn koh chu ahre zui ta mai a, hmanhmawh zetin thawm lo chhuahna lam pan chuan, a dûk pur pur a. Thangchhunga mangang chu, ala au ruai ruai reng avangin, zawn hmuh ahar lemlo. A thil va hmuh erawh chuan a barakhaih ve tho mai. Thangchhunga chu, thingtuai chawnpuar pawh tiatlo turah hian, alo in vuan tai mai a, a hnuaia savawm lianzet, chum buang mai. Sum sarih tualleng zet tur, âwm vî kulh. Amah rawn ban zuau zuau tu chu, mangang leh phâwk zetin alo chhuk melh run a, savawmin a rawn ban apiang chuan, a lawn sang chho zawk a, mahse, a lawnna chu, a kur dawn zel si a, a tawlh hniam leh a, chu ve leh alo savawmin alo ban ve leh thung a, alo tawlh tawn zak zak mai ani. Sangkhuma chuan, hmanhmawh angai tih ahria, silai neive talo chu, savawm hnunglam vun, hmul buk thalaiah chuan, thamin an phih let tawp mai a, a chempui chu, phawrhin, savawm rawn tho leh mek chu, a hmachhawn ta ran a. Savawm thinrim lah chu, hram ruai ruai chungin, a ding kang ur ur a, sangkhûma chu, arawn bei phei ta buan buan a, chemtum nen, inring rên râwn a, lo ding ani bawk a, savawm hmui no chu, a hmai rual deuhthaw in, alo chhawk sak hmaih mai, savawm nati lutuk lah chuan, a hmui chu, leiah atat nawk nawk mai a, chumi chu, remchangah la in, an hnaih sauh a, a lu ah tak thluak hnâm chhuak pur khawpin an sat ri hnip sat a. Che leh tur chuang awmlo in, a awp rup a, alet zawi ta hnuang mai ani. Savawm te ang, vun chhah leh luruh chang tan pawh, sangkhuma kutthlak chu, dâwl zawh rual alo nilo. Thangchhunga chuan, i sat hlum der ania thianpa, ka nunna min chhan sak leh ta anih hi, kava lawm em, awmlo la zawng, ka sa eiduh hawt silo in, min pawt thler fe awm si anti a, a thaw zui hluam hluam a. Khawnge i silai, i kap thelh nge, i hliam zawk tiin, sangkhûma chuan an zawt a. La thawk halh halh pah chuan, amah hi kati tawp silo a, kah chu sawi loh hmuh pawh ka hmulo reng reng, chunglama zawngpachal ka kap chiah kha, ka sirlam atang hau, hau, hoo,, ti chungin, min rawn bei thut alawm, amah pawh ka kap tawp silo a, arawn thinrim ve ringawt anih kha, ka silai pawh amu ka thun hman tawh silo a, ka theh thla lawk a, ka tlanchhe ta ani. Ka lawnna kung berkher lah saw, min dawl thathum silo a, ka mangang teh asin, rawn thleng har deuh phei la, ka mawngtam chu, a hêk huam ang chu, tikhan lo awm rawh, ka silai lak pahin, ka zâwng kah kha, athi emaw kan en ange tiin, akal hnu hnu a.

Sangkhûma chuan, savawm chu, hmun rem laiah an hnuk sawn a, alo chhawlchhin lai mek chuan, Thangchhunga pawh silai nen, zâwng pachal arawn paw hnawp hnawp a, ekhai,, kha iva kap thla lian ve, i pa chu, i diriam fe dawn anih kha, tiin sangkhuma chuan alo fiam a, Thangchhunga chuan tun atang chuan keimah hlirin silai ka chang tawh ang anti ve nghat nghat a. I ngam leh ngut ange maw, ti teh kapa te chu, i han pun teh ang. Khawi i sakah chu kalo ak ange, nang pasaltha ah silai nen hma han hruai la, i hnung ka rawn zui ange, sawm loh thian thinchhe deuh te anlo awm leh hlauh ange tiin nui deuh rah rah chungcchuan, sangkhuma chuan anti a. Veitak che hian aw, chhantu liana i awm bawk a, a pasaltha lo zawk hian, chengrang nen hma chu kan hruai teh poh aniang chu, mahse, kapa hnenah ka silai tlansan thu kha sawi miah suh ang che, anti zui a. Hma hruaiin an in chhawm haw dun ta a.

Savawm a sah hlum atang khan, karhnih zet aliam tawh a, khami hnuah khan, snghal pakhat leh sazuk lâ, a thal leh der tawh a, tun hnaiah phei chuan, lal hnena sa hleh ngun ber niin, khawtlang pawhin an bengkhawn zual tawh hle ani.

A Lo pawh a thlo zo tawh a, a pu Luaia te Lo pawh sutkuak puiin, a zawhna siam antum avangin, chhete a hming lekin an zuah ve a. Ani Lo lah chu, Anu in, mama a zawhna siam ve ila atih pawn, thenrual sawm tur pawh ka hriatloh hi, kan michhe si a, keini lo ah te tunge feh duh ang ni, ati tlat mai a. chuvangin, ama zawh zawhin azo tawp a, A pu luaia te Lo zawhna a, feh turin a insiam mek ani. A inpeih fel hnu chuan, ken pui ngai te a awm takin, a thianpa Thangchhunga te in lam chu apan zui ta nghal a.

A va thlen phei chuan, a pu Luaia chuan, E,, iva rawn inpeih hma ve, keini lah kan la buai luai luai mai nih hi, in hmakhua rawh u, kati mawlh mawlh a, tun ka tawng bengkhawn heklo. Hei a belebut in an buai chûk chûk hi, hawh teh kha, lo thu la, thingpui hang hi, lo dawm rawh alo ti seuh seuh a.

Kan thudang alai chuan, hmanni chu, kan lalnu in i chungchang minlo zawt a, sangkhuma hi, sate min rawn hleh ta fo mai a, amah lah hi ka hmu ngai hlei lo a, a pianni a, ka zuk en bak kha chu, a keite vuakhlum i aih sak ni kha ka hmuh ani leh mai a, hei lalina sa chhiah rawn dah ngun ber ani ta der mai. Engang takin lo seilian ni maw, ka hmuchak khawp ania alo ti a. A duhsak hmel riau che in ka hria. Vawin chu, an nufa in an rawn feh ve dawn ani awm e, a bia che anih chuan, tha takin i chhang dawn nia anti zui zat a. Chu thu Sangkhum'an hriat chiah chuan, a thinlung chu, engemaw ti takin, asu nghal nghal dup dup a. Engdang nilo in, a fanu tih asawi rik vang mai kha ani. An lalfanu hmelthat zia chu, a hma daih atangin alo hre tawh thin a, a feh haw in, naupang inkawibah zinga alo telve kha, tumkhat chu a hmu fuh tawh a, khata tang khan, a thinlungah a khatliam em em a, mahse, an michhiatzia angaihtuahin, lalfanu chu sawiloh midang pawh a fiam der ngamlo ani si a, lal fanu em chu, a beisei ngam hauhlo na chungin, a hmel hmuh leh theih erawh a thlahlel em em ani. Chuvangin, athu hriat avangin nidang zawng zawng aiin, vawin a feh tur chu, a phûr phah ta hle ani.

Thangchhunga daikal zo rawn lut chuan, awki ring leh thatho zetin, khai aw,, chhantulian ilo thleng der tawh ani maw,, kawtchhuahah minlo nghak mai lo nia, ngahnge helam lamah irawn pên kawi duh arawn ti nghal thar thar a. Aaa,,, kenpui ngai leh tul te in neih takin kati deuh tiin Sangkhuma chuan alo chhang a, chu ve leh, tapchhaka apu Luaia zawk chuan, mai mai a, engmah ken angailo, chungte chu, hmeichhe hna alawm, tikhan kal rawh u, duh leh tuite lo zuk chawi ula atawk, inhmakhawsuih rawh u, tih tih pawn tuman zawm duh hlawm heklo, Thangbawih insiam la, i unaupa nen hian lo zuk kal rawh u, thingfawm leh tuichawi bakah, chaweina tur hnah te lo zuk la ula, hmeichhe ho zawng an thianten anla rawn phurhpui mai ta lawng anti zui zat a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 26th, 2019, 8:23 pm

Thangchhunga nen a, an chhuak ta chu, kawtkaiah an lalfanu Lianzuali leh athiannu lo kal nen chuan, an intawk chat a. Hlauh vang ni miahlo in, Sangkhuma thinlung chu, a su dup dup a, a ke pen te chu, danglam huih in a hre nghe nghe ani. Thangchhunga erawh chuan, thatho zetin, e zuali te chu inlo kalve thei maw, inva fel em em ve aw, in ruala kal a, in mawngbawr leh chawn var han chhawm che u, a chakawm hle mai. Mahse, mualveng pa awmkhauh, aw kî sang fe kha kan ngam leh awm silo a, kan lo hmasa ange, anti zarh zarh a. E, nang leh ibula mi aia, âwmkhauh dang an awm dawn emni, hnungdawl tu atan chuan, nangni tlul tnge awm chuang ang tih pahin, zuali chuan, Sangkhuma zak kimki, kun deuh chal chu, an nuih saih a, Sangkhuma eraqh a lei chu, phuarbeh ang hlauh ani thung. A thinlung erawh chu hmeichhe hmeltha zet, nui hmel chuan, a hma zawng aia nasa in a chhun tui zawih zawih ani ber. Phûloh leh beisei phak hauhloh zûnah a uai dawn niin a inhria a. A hmel duh atawn hmasak ber chu, rilru beidawngzetin, an hnunglam atang a thlir zui vawng vawng a. Engtizia nge khatia i din veng veng ti a, Thangchhung'an a rawn koh tak ah chuan, harh chhuakin, zak ru chem chem chung chuan, a thianpa chu a zui ta vat a. Thangchhunga lah chuan, alo man thiam nasa mai niin, nang hi i ngawi rûn rûn na a, hmeltha chu, i hai biklo tawp mai kati. Zawlbuka Lianzuali hmelthat thu an sawi laih laih lai te khan, i beng ilo chhi ru kar thin ani maw,, ngawi tak rawh thianpa itan kan chhai ve dawn nia, a melh dan che kha ka hmu reng ania, itan chuan, a huphurhawm lo tawp ang anti surh surh a, khai khai a, sawi tawh reng reng suh. Mite reu reu in, an hre palh ange. An ni ang lalfanu hmeltha te chu, kei ang tam chuam, melh ringawt pawh lêi chawina tham ani ang chu, tha ka tih thu zawng ka pha biklo. Mahse keia tan chuan, van arah ang ani a, khatia a hmel ka hmuh kha ka duhtawk e. Titeh i kal vat vat zawk teh ang tihpah chuan, hma hruaiin a kal ta vut a. A hnunglam atanga thlir vang vang pah chuan, a rilru in. Aw i rilru te lah hi, inthlahrunna hian i khatliama, i rilru that vang hian, thil tha tamtak ila chân dawn anih hi, nang ang thiantha unaupa a, ka nei che hi ka lawm ani. Lo ngawi tak rawh, i thianpa hian itan chuan engkim ka huam ve bawk asin. Ka theihtawp zawng ka chhuahpui dawn khawp che hi maw, ti rilru nauh nauh chungin, Thangchhunga chuan, a hma a kal Sangkhuma chu a um dat dat a. Minlo nghak ve bawk la mawle, khatia a uih zawn ang vut vut a, i kalte chuan, min hruai chau mai dawn asin anti nang nang a.

Lallianzuali lut ta chu, phûrna hlirin a khat a. A thinlung zawng zawng luahkhat a, alo vei em em, sangkhûma a han hmu chu, alawm a. A zâm em avanga amah tak abe ngamlo kha, pawi ati in, a inchhir hle ani. Leh pek ah chuan, be hmasatu nih hreh hauhlo turin, a infuih mawlh mawlh a. Thangchhûnga farnu, Lianmawii chuan, awi âw,, uzuali chu, ilo kalve thei maw, kavan lawm. Tirû lo thu rawh u, ka buai lutuk a, hei ka hman ve dawn chiah e, inlo tel thei chu ka lawm tak tak ani ati mawlh mawlh a. Khawi kan lo phurhpui ang che, irit lutuk ange, kawtchhuahah chawfun dang phur belh tur inei ngei awm si a, tiin an phun sar sar a, i ngeiawm e a, i phur ah dah ngam hlawm se, i phur zo ngut emaw chu, vawin chu, kan khaw tlangval ho mit atlaiin, nuam anti hlawm teh ang chu, tiraw Ukim tiin, zuali rawn kalpui thirdêng fanu, Rokimi chu an melh ralh a. Tehreng mai keinite chu, tu khawkha in min hrechang nang, mahse, lasi note kan kalpui dawn a, a thatna êng ah, amah hnaih châk te biak pawh kan hlawh phah ve mahna tiin Rokimi chuan, alo tuihnih zauh a. zuali chuan in tihdan vel chu, min tan rawn chiang mai. A nuam pawh kati lo anti fiam bai bai a. Lianmawii chuan midang hmuh loh lai chuhin, a bengbulah. Nuam zawng ila ti dawn khawp, ka u Chhûnga nen an kal tawh kha, arawn ti sar sar a. Lawm vang a, nui har har chungin, ivan chimawm thiam tak em, tiin an haw der vel a. Chutih lai chuan, Upa Luaia alo lang a, kha Zuali chu ilo tel thei maw, ipa atha em, tukin lam ka rawn lang peih talo a, feh ve ka duh bawk nen, khawnge i nu, arawn telve thei dawn ang chu maw anti zui a. Thei dawn e, kawtchhuah lamah kalo nghak ange atia, kapa pawh atha e. I rualin kan kal ang chu kapu anti zui a. Ni lah lo e, ka bula in kal ten in muang lutuk anga sin, tlangval ho pawn nuam anti nang. Keini zawng kan chakvak tawh silo a, in hmakhawsuihin kalo va kal hmasa ange tihpahin a chhuak zui nghal a. Zuali chuan, thiani i hman chuan kan kalve mai dawn em niang anti a. Lianmawii chuan, aw, ka hman e, ka hnam hi kan suih leh lawk ange, ka nû kan kal aw,, tiin an aû zui lâng lâng a. Kal rawh u, kal rawh u. Ngahnge ilo la kal loh, artalh tur te in phur leh nghal lo zuk kal vat vat rawh u, arawn ti hlak hlak a. Nui tha chung chuan an in en thap a, an chhuak zuive ta nghal a.

Nimin lawk a, a thiannu Lianmawii te Lo zawhna chu hre rengin, a mumang thlenga alo man zui Sangkhûma nui hmel chu, theihnghilh hlau fahranin, an mithla zui vang vang a, a ngaihtuahna chuan, Sangkhuma chezia, dam dap leh tawng tlem tak, ngeng ngalh si, te chu, ngaihtuahin. A dar pharh hlap leh a âwmbawr tût âl mai bakah, a bânbul invuah nghet tlet tlawt tak te chu, a mitthla vawng vawng a, a hnathawk hmuhnawm zia te kha, ala hrechiang hle ani. A manga a nuilai hmel a hmuh mawlh chu, theihnghilh hlauin, a mithla nawn awn awn a. Tho chhuak lawk talo chuan, inchunglam melhin, Sangkhûma ramvah haw tum, silai nen a, a inpu liam tur a thlirzui vawng vawng lai te kha ngaihtuahin, chaweilaia, ar thial leh a thin arawn pek avanga, a lawm zia te kha aw, Nimin ang reng renga hun nuam kha, a pian ahnulamah atawn awm pawh ala hrelo hial ani. Hlim lutuk avanga, a mut hmuna alo lêng ut ut lai chuan, tapchhak atang anu in, mami i nuamsamlo emni, mut hmunah, thawm iva nei rei ve, arawn ti a. A harh zawk a, rangzeta apuansin lai chu thlawh hlim pahin, atho vat a, nuamlo lo e, ka rawn tho dawn e tiin an chhang vat a. Chutianga i pangte a dam anih chuan, lo tho teh tak, mi ngaihah chuan, nula inni ve reng tawh si a, nula ve si rei deuh deuh mut tur ani ngailo. Hei upa ho zing leng pawh an rawn lut thuai ang. Mak anti ange anti zui mawlh mawlh a, Lallianzuali ch, arawn zai chhuak rât rât a, tuium hunna lam chu, panpheiin, fenthlîrah tui an bun chhuak a, chârlam leika ah, a hmai ava phih sar sar sar a. Chutihlai mek chuan, nutling aw in, intho tawh maw,, arawn ti dâk dâk a, Lalnu chuan, tho tawh e,, lo lut rawh tiin alo chhâwn var a. Sangkhûma nu chu, hnânga sanghal sa thil khawm, khâi in alo lut a, e,,,!! Rualthani lah zu ni reng che,, teh hlawl che chuan, engnge nita zing thang thangah te ilo lan teh hlawl mai alo ti hluai a, Sangkhûma nu chuan, â engdang lo e, hei mama sakah ka rawn dah dawn anih hi, naupang han tirh mai tur ka hmu silo a, insiam nghal duhtakin katia, ka rawn kal anih hi anti a. Kanva lawm tehlul em, engtiat nge a kah a, Sangkhûma chuan, hei min va rawn hleh hnem reng reng ve mawle anti zui zat a. A tam loh kha, tikhan lo siamve mai mai rawh u. ka kal leh mai nge, tih leh inher aruala, Aw chuti tut tut tur emni, súm engzat chiah maw Sangkhûma sa kah chu ni a tiin an zawt leh a, aw, kalo chhan theihnghilh che ani maw, sûm sarih ati anih kha mawle, ti a a chhan lai chuan, lalfanu zuali chu, arawn tek lut nalh a. Sangkhûma hming lamrik ahriat rual khan, alo bengkhawn nghal hle a. A hmai chu, phih sawk sawk in, arawn tek lut ta vat reng ani. Sangkhûma nu thusawi hnuhnung sûm sarih tih chu, arawn hre hman a, a nu nen an inthlah lai chuan, sanghal sa chu, alo kuailet vel mai mai a, Sangkhûma ah riak, a chan a. Han khawihvel pawh nuam ati hle nghe nghe ani.

Khatia Lo zawhna a, a kal hmasa a sangkhuma te thiandun kal ta kha, thlâm te phiat faiin alo singsa a. Tui an chawi khawl a, an inpeih meuh chuan, an rawn thleng khawm tak tak tawh a. A mit fuk na ber leh a ngaihtuahna zawng zawng luahkhat tu Lallianzuali hmel chu, a thlir ning theilo. Midang hriatloh ah, an mit leh mit a intawn chang erawh chuan, mei si ang maiin, a tek chuaih chuaih ani ber, Lianzualin arawn nuih saih saih phei chuan, a tui rallo chauh niin a inhre hial ani. A mitmei pawh hmu ngei chuan a inhria, mahse a phûloh lutuk leh banphak loh ah adah avangin, a duhluat vanga, a ngaihruatna mai mai niin a ring zawk a, a rawn en duh thin dan leh a hmuh laia a awmdan vel erawh a hmuh hmaih biklo. Lo duhve ta tehreng pawh nise, a lawh phak loh tawp tir chu, a zuan phak chuangin, aringlo ani.

A nih lah tak a, sangkhûma tan zawng khawkhat nula hmeltha, mi zawng zawng mit fukna, tlangval zawng zawngte duhthusam fâwm kimtu, chu a chhapah an lal fanu neihchhun la ni bawk si. Ani hmeithai fa ve mai tan chuan, han chhaia, inthlahrung hauhlo leh zak miahlo a, han lêm vel tur chuan, atan zawng khua avar mawlh lo ani. Chuvangin, lalfanu zuali mitmei chu hmu in hrethiam mahse, a duhna chu, ati lang ve ngam tlat lo ani.

Tunah zawng a kal tur ang ang chu,anrawn theng kim ta bawk a. Val upa in, i bung tan tawh ang u hmiang antih takah chuan, talhkhuang nena lo zai rawng rawng te leh, chârlam leihka mawi a, lo nui hawk hawk te chu an tho sang sang a. phûr leh thatho takin, a then anzai kal rât rât a, lo inchhaih hawr hawr tawk lah bolo.zai luah luah leh kûk ruih ruih tawk an awm bawk a. Hlim leh pheikhai zang em em in, Hemi ni atan liau liau a. Hlo thlawh tur anlo zuah. Thlam châr lam hmun zimte chu, an pan diah diah a.

Hmakhata bawh in, Nula leh tlangval chu, inkarthlakin an han intlar thapa. I tan ang aw, tih leh haw haw chungin, mahni hmazawn chu an han thlo ta a. Tlangval phawk zualin, an lawmnu te fiam pah si in, haw haw chungin, an han thlo puat puat a. An lawmnu te hlim nui awr awr ri chuan, an hnathawh chu hah hrechang lo lêk in ati phur thung. Hrehawm anti lo a, hahthlak anti phal heklo. An hlimthawm nuiri chuan, belhchian a dawl a. Thinlung chhungril hlimna tak tak rawn irh chhuak thawm ani. Tu mai pawh chu an hlim em em vek a. Tudang mah an ngailo.

Sangkhûma leh Lianzuali pawh midang karah an in melh fu leh zauh zauh thin a. Tu hriatpui hlei lohin, an thinlung chu, alawm ru dun veng veng ani ngei ang. Lianzuali mitmeng leh chezia avang chuan, Sangkhûma pawhin, ami chhiat leh a phûloh zia chu, theihnghilhin alo nuih let leh var var thin a. Anuih let tih erawh a inhre hauhlo thung. A nuamti leh phûr phêng chuan, a duhaiin alo thlo chak bik leh thin hial ani.

Zau tham ni lemlo ta chu, nula tlangval phûr leh thatho taka thawkte tan chuan, rei daih heklo. an hma chu, hlenin an kûk rûih rûih a. In chhaih nui awr awr chungin, thlam lam an pan diah diah a. A then thlam tlaitlan thu in, talhkhuang nen an zai a. Thenkhat vau luite ah insil dai turin an kal bawk a. Lo zawhni hi zawng, a hminga hnathawh ani mai a. Nula tlangval tan chuan, hun nuam leh hlimawm ani ve reng ani.

Sangkhûma erawh a pu Luaia te pafa rawngbawl chu, a pui zui mawlh mawlh a. A thawsa zual tih reh tum a, thlamchhak daihlim a, alo din veng veng lai chuan, a hnunga rawn kheuh zeuhtu lam chu an hawi vat a. Tu dang nilo in, alo vei ruk leh, ngaihzawn em em Lianzuali nui hmel nalh leh duhawm em em chu, an hmachhawn ta siah a. A fanghma hmin vel sa rawn pek chu, zâm luat avanga hamhaih leh phawkzetin, an ban tual tual a, ka lawm e, tih thâm tuak pah chuan a chil alem ri khulh a. Zuali chuan, keipawh le, tia lo nuih saih pahin, an ngaihmelh ralh a. Midang vengthawn luat vanga engdang sawizui talo chuan, akalsan leh vat a. Lawm bawk si, zak bawk si a, zuali hnunglam thlir zui vawng vawng pah chuan a fanghma rawn pek chu, ui rilru zetin, tui ti em em si hian a keih seki ta tawn tawn a. Theih nise, eilo a dah that aduh zawk hial ani.

Chaweite an peih zui ta bawk a. Changel hnahin hlui an han phah a. Zoar tuilai ngat hlir, buhchiar nen chuan chhun chaw an han fak a. Sangkhûma chu, sa bel nen chawei laite vilin, akal lawr dan dan a. Chu hun chu, remchangah hmangin,A huaisenna zawng zawng nen, ar thin leh athial chu, midang hriatloh nana buh nen suah pawlh in, Lianzuali hmazawnah chuan, azuk buh hlang suah zauh a. a thaw veng huai huai mai. Hmabak hlen ta ah riak ala in ngai zui. A pu Luaia bula thut hmun rem ve pah chuan, chaw an kil zui ve nghal a. Zualite hlui lam ava hawi zauh a, Lianzuali chuan, alo en reng niin, a petu rilru leh pek chhan hrethiam niawm fahranin, ar thin arawn lek lang zauh leh nghal.

Lo lu atang a haw hmasa ho an rawn kûk rûi ruih a, a thenin anlo chhawn vau vau bawk a. In au lawng lawng tawk lah bo lo. Chutih lai chuan, sangkhuma erawh ramvah haw tumin a insiam mek a. Thangchhunga lah chuan, haw puiah alo sawm ve sek bawk a. midang hriat hlau zet a. Phun sar sarin zuali te saw kan haw rualpui dawn lawm ni anti a. Nang i awm alawm. Ilo haw rualpui mai niang chu, Raldoa te zingah zawng, zah bak chu, engmah ka hlawhchhuak chuang lo ang. In silai awl lai chuh hian, pu Chhuana vau ep ah sawn, a Lo a, chhuak thin nghalmal kha kava pêl teh ang. Keiang tan chuan, ram lam hi anuamin, rualawh analo ber. Neih theih hauh loh tur tih hriat reng lakah, ka lungngaihna tur tuh in, hlimna reilote chu, ka umlo mai ange tiin alo hnial fithla thak a. sawm zui mi anilo tih hrethiamin, lungawilo zet hian a nûr khûm nung a.Sangkhûma chu, a riru leh mitthla a, Zuali ngaihtuah neuh neuh chung chuan vau ah alut a. Ngawchhung dai raih hnuaiah chuan, suangtuahna nen aleng vel ta ani ber. Lianzuali hawiher leh chezia, a mitmeng leh awmdan engkim khan aduh ani tih arawn tilang tih chu, a hrethiam ve tho. Mahse, azahzum chu sawi loh, ami chhiatna avang ringawt pawn a chhanglet ngamlo ani. Duhsakna hote apek theih avang khan a lungawi a. A bak a beisei tawh heklo.

Vau chu, hrut phei zelin, kawrte azawh thla a, kawrte lianzawk azuk pawh leh chu, chho zawnga zawh chho in, pu Chhuana te lo, Rûngi pa zau lam chu, pawh turin akal thauh thauh a. Ni ala sang bawk a, a hmanhmawh lemlo. Muangmarin sahnu thar bih pah chung zelin atum ram pawh a hnaih ve zel a.

A vah kual fe hnuah pawh, a beisei ang sahnu thar a hmuh tak siloh avangin, chul kawng lam atanga khawchhung luh tumin, sava zanriak kah tur azawng haw ta ringawt a. Chawlhhmun hlui a thlen thlengin, kah tur ala hmu ta chuanglo. A beidawng chu, kawngsir luiteah a inphih harh a. Chumi kal han siam leh tan chiah chuan, sanghal thawm a hre ta thut mai. A kalna tur lam kawng chung hret ah chuan, amah rawn pan zawngin, arawn thawm phei halh halh a. A nu hur azui emaw tihturin, thawm arawn chhuah a, a thut hmunah chuan, lo chãng in, thinghmun failai arawn chuanchhuah hun chu alo nghak ta ani.Mahse, sanghal chu a hawk ta dut dut mai, a thawm atang chuan, a inhrosa tih ahrethiam mai. Mahse, engvang nge tih erawh a ngaihtuah buai viau. Arim hre tur chuan, thli beng dan atang ani thei silo a. Tih ngaihna dang awm heklo. Fimkhûr leh thawmdim em emin aveh hnai ta hrauh hrauh a. Luang bâwn pik lai nilo se zawng a hmu thei ngei tawh tur hi ani a. Sanghal lah a thawm na ngaiah ala hawk dut dut reng bawk a. A hnaih hriau hriau a, chutih lai chuan, sanghal thawm pawh aring ve sawt. Alam pan chuan, arawn ri phei ta buan buan mai a. A rawn phin phei ni ngeia a hriat avangin, a silai chu, kau sa in alo inring pan pan a. Mahse arawn thlengphei talo. Bawkvak ti tihin, luang kung zapan hloin a bawh lûk kar ah chuan, ava dak lut da da a, sanghal mawngtam chu, ava hnim phak lo chauh ani.

Sanghal hma lawkah chuan, rulngan lian em em mai hi, sanghal ai sang mah chuan,A aawr ti phek hlai dâr chung hian, alo dingkang ur mai a. mak ati kher mai. sanghal lah chuan, ei atum nge, hnawh sawn atum zawk ni, an hnaih zawk a, atawlh let leh a, chutiang hlir mai chuan, hawk deuh dawt dawt chung hian, alo in hrosa nasa mai a. Rulngan zawk chu, ding kang ur chung chuan, a tawlh hnung hruah hruah a. Sanghal chuan arawn chuk phakloh deuh si ah chuan azuive nghal zat zel a, rulngan arawn tawlh hma leh a hnungtawlh ve thunga. Chutia a ennawm thlir reng chu, duhtawkin, hlam hnih vel lek atang chuan, sanghal zak dawh takah an kap ta dur mai a. Hawk dawt bak chu, a chechang zui hauhlo. A ke a leng vuat vuat ringawt mai ani. Rulngan chu, hnawt sawnin sanghal let hual chu,an bêl chianga a lian tha kher mai. Hmun rem laiah awlsam zetin an hnuk sawn a. Nghalrul lian leh ngho thazet chu,A puma a hawn mai aduh viau nachungin, miin an lo hmu ang tih ahlau bawk si, lo hmutu an awm vaih chuan, a chak zia chu, thup rual loh in, a tlangthang mai dawn si a. Tui ahla lo bawk a, akawchhung haiin, asu fai nghal vek a. Changel hnah in a fun a, ipte puiah ak iak in, sanghal bung lehlam nen, khawchhung apan ve ta ani. he a sanghal kah hi ani,anu in lalina sachhiah a han pek leh a sa an hleh tel a kha.

Hlo thlawh awllen tih takah, han thawh tur em em awm heklo. Nula leh tlangval te tan chuan hun nuam leh hlimawm tak ani. An lâwm te thingphur zui leh, an puantah lai rim chu, tlangvalte hna ber ani mai a. Sangkhûma erawh pa mal anih piah lamah, inlam aia ram lam nuamti chi alo ni chhap bawk nen. Lo lamah ariak kartin tho a. Hemi kar pawh hian, fasuar leh buh in tur te sak pahin ariak lut leh ani.

Lianzuali leh Lianmawii te thiandun thing phur chuan, an thing fawm sa chu, tan pahin, anlo khawh khawm mek a. Lianmawii chuan, ka u zual, tunlai i hmu ngai em, tih pahin Lianzuali chu, an nuih var var a. A eng chu maw,, alo ti deuh hu a. Eng dang nge maw nise, itih le,, ka’u Sangkhuma ni mai lawm, anti deuh hluk a,kalo ngaihtuah lai tak, i zawhna ka man lo lutuk atin lawm. in lo zawh tuma ka hmuh kha ani mai, tuichawi chhuanlam a, an ina zuk kal mai te ka nâp rum rum asin. Mahse, hmeichhe lepchiah leh awmherh minlo tih ka hlau si. A nungchang han thlirin, ka mitmei atang ringawt chuan, min hnaih ngam dawnlo tih ka hrethiama, min hnaih ngam tur hian engtin ngemaw ka tih dawn ni. Nangin min puih loh chuan, tih ngaihna pawh ka hrelo ati chuai raih a. Ti daih ila, thiannu Kimi khan, kapa silai arawn hawh a, fasuar siam pahin ka riak dawn e, arawn ti atia, a riak emni anti zui zat a. Riak leh tawh pek e mawle, arawn haw chhuah tum hi chuan, arawn leng a, kapu bulah hian, atawlh hrut hrut zel alawm. Kapu lah hian, atupa ngei ngei ka’u Thangchhunga ai mah hian, aduatin, a duhsak zawkin kahria. Ka’u Chhunga hian a thik deuh thin emaw kalo tia, Ani lah chuan, ngahnge kan thik ngawt ang. Lo duhsak zawk te chu, antih tur alawm. Keichu, an tû leh fa diktak ka nia. Min hmangaih tawh sa reng alawm ati then mai sia, an thiandun lah hi, unau inhmangaihna aimah hian, anasa emaw tihtur in, an innelin, an in duhsak narawh. Ka’u sangkhuma hi chu, a fel si, a hawihhawm bawk si, lo inti unau lo phei ila, ka chhuhsak daih ang che mawle tiin a nui zui uar uarh a. Chu, ilo ngaizawng ru ve reng elaw tiin zuali chuan, an fiamzui zauh a, teh suh ei, lo ngaizawngin, lo melhtai engang mah ila, a hrethiam beh buh lo ang. Min naute chei emai, ati bâi bãi a. Ka u zual, kan fawm sa hi, kalo zuk ek ange aw, hei kan phur khawp chu, kan ngah tawh hial dawn hi, Lo chhuk ve nghal mai rawh, tih leh chhuk arual a.Zuali chuan,Ka tan lai hi, a kan zo anga, kalo chhuk ani mai tiin an au zui a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 27th, 2019, 8:03 pm

Sangkhûma lo riak pawh,A thilsiam te azo thawkhat tawh a, a zing tho chu, tuichawi tumin a vau sir luite chu apan phei mek a. Buh hmun apelh phei hma hret chuan, alo mawng behlawi hmuna sakhi lo tla lung lung chu, azuk hmu a, rangtaka let leh in, thirdengpa silai a hawh chu, ava la a. Buh hmun atang chuan a veh thla them them a, an inkarah hlam li bak atla lo ange, tihtur atang chuan an kap dur mai a. Sakhi chu, a hûk thawt mai. pen hnih vel pênin, a dingkhur dur dur a, ke hmalam durusuih ut in, a awp rup a. Atlu thal huang mai ani. Hlawhtling inti zetin, thlamah a pu chho a. Tui chawiin vauah alut zui ta a.

Tuk thuan rel pahin, Fasuar leihlawn tur a tuk a, a duh ang tawka a siam zawh hnuah, tukthuan eiin, a Sakhi kah chu, a pum a hawn aduh avangin, a hawpui ta ani.Bellei kawn arawn thlen chuan, kawnglaia Thangchhunga farnu, Lianmawii thing lo ek chu, an hmu a. Han barakhaih atum zet a. mahse tih chiai aduh loh avangin, an khuh kharkhuh kharh a. Lianmawii lo hawiphei chuan, Aii,, ka’u Sânga ni reng che, min va ti phu ve, arawn ti ta tho a. Ehee,, sakhi i kap elaw, khawmaw kalo en tiin a phî zui cheng a. Khawmaw lo dangawm teh, kan innghat ange tiin, kawngsir fai zau laiah chuan, silai te tungin, Sangkhuma chu, an in nghat a.

Hei nangmah maiin emni i nih, thing ehsak tur che pawh inei nange. Mualveng ami kha, a hman lo emni tiin, an fiam a. Lianmawii thil hrechhuak thut chuan, chhan pawh tum lo in, kawngchhak lam hawi chuan, ka’u zual,,, tiin an au a. Chu hming tawite chuan, Sangkhuma thinlung chu, ati su nghal dup dup mai. An inkawmngeih zia hrechiangtu anih avangin, lalfanu Lianzuali bak anih aring theilo. A lungphu rawn rang ta sauh leh, atiril khur der der chu, thunun an tum ngial na a, eng a ang theilo. “ Lo chhuk tawh rawh, hei ka ek zo der ania” anti lang lâng a. Chu ve leh, Sangkhuma chuan, Lianmawii hrei chu, han lak pahin, khawinge kan eh sak ang che, tiin atho ta vat a. Kalo chhuk e, hei fah tum ro ka hmu fuh hlauh mai. rawn tih lang lang pah chuan arawn ri thla sat sat a. Ivan ek chak em em ve, ka awihlo reng reng ti mawlh mawlh chung chuan, kawnglaiah arawn chhuak thla hlawl a. A thil rawn hmuh chuan, a barakhaih em avangin, atawng lai chu, atawp chat a.

Lallianmawi chuan, A’u Sangkhuma rilru put hmang ahriat duh avang leh, a thiannu barakhaih na remchang chu, hloh atum hauhlo. Zuali hming alam rik atanga Sangkhuma awmdan avang chuan, a kiai sak a. A thiannu lo chhuk thawm chu, ngaichangin, sirlamah an pahniha, hmuh chian theih na ngei tur atang chuan, alo thlir ran a. An han inhmu thut, hamhaih vel chu, alo en reng a. za em em hian anui chhuak ta uar uarh a.



SANGKHUMA BUNG HNIHNA

A rinloh leh beisei hauhloh Sangkhûma an hmuh tak thut ah chuan, a hamhaih in, a lâi angreng hle a. sangkhûma lah chuti bawk. Lianmawii arawn nuih tak hawr hawr ah chuan. Inti huai lui in, Sangkhuma chu, an nuih sak a. I riak anti che emaw tia, ilo hawchhuak emni anti a. Riak e, tukinah sakhi ka kap hlauh a, a puma hawn ka duh sia, ka rawn hawpui anih hi, tia han chhan pah chuan, a thing eh lai chu, Sangkhuma chuan a ek zui mawlh mawlh a. Khai aw,, hei hi ani maw, avan nalh zer zawr ve. i kap tha hle mai tih pahin Zuali chuan sakhi chu, azut hauh hauh a.

Zak leh In thlahrung tih hriat zet, dawih aw dui hian, Zuali i phur tur chu, kalo eh sak ve ang che chu, sangkhûma chuan anti a. Awi a,,!! ngailo. I chauh awm tehreng nen, i riak ilo haw chauh leh nghal, kati hah lutuk ang che atih lai chuan, Lianmawii chuan, eh sak rawh, eh sak rawh. Hei kawngthlanga fah dingro hi kih kan tuma, alo lian phian sia, a chang bawk si. Kan pamtul thak a, thingtang kan kuai ta ringawt anih hi, arawn ti bawrh bawrh a. In va sawi har ve, khawinge kan kih sak ang che u, tih leh pan thlak arual a. Han hnial zui ngaihna awm miahlo in, a chêk zui mawlh mawlh a. A pang sir ah tlem an dâwp a. A har la in, an chêk tak tak ale, a hneh sawh bawk a, a hmuhnawm ngang aniang. Zuali te thiandun chuan, chil lem nachang hre lêk loin, anlo thlir dun veng veng mai ani.

Fah thing ding ro, uipum tiah zet chu, awlsam te in, sirlamah khamphei zawngin an kit thlu a. A fâk tawk a, tan chhumin, kawngah a theh chhuak cho zel a. An phûr tur ve ve chu, eh sak leh in, reilote ah, pa naran nileng hna tur chu, awlsam te in, azo der mai ani. Zuali te thiandun chuan, mak anti ngei mai. Sangkhûma chak dan mawlh chuan, Zuali rilru chu a hma ai nasa in a hneh leh ta ani.

An phûr an thawn laiin, sangkhuma chu, alo thu chawl vang vang a. Lianzuali te thiandun chu, an nui leh hak thin a. Nangni pahnih chu, min rel ani maw, kalo han haw mai dawn emni anti zauh a. A ngailo an rawn ti rual thawt a, an sawi rual lutuk chu, an han nui leh rih a. Lianmawii chuan, tu zawk hi nge, sa bawp i man tir ang, tih ah kan lo buai anih hi, tih pahin anui zui ar ar a, Sangkhuma erawh a in ngaihtuah zui vung vung thung. A nachang alo hriat hauh loh ani a. Tu zawk chu nge a man tir tak ang. A rilru ah chuan, Zuali chu, alian zawk ngei mai. Mahse, sa chhchhiah pek tur tho si, a bawp leh zel amantir chuan, mi ngaihdan tur a dawn ngam silo. Lianmawii lah anau tak tak ang ani a. Inpui chan chang an ni bawk si. Chutiang ngaihtuaha alo ngawih vung vung lai chuan, Zuali chu, rawn pheiin, I zarah fah thing ro thazet kan phur dawn ani a. ka lawm hle mai. I hah phah ngawt ang chu arawn ti a. Hah teh suh ele, nang vanga hah te chu, ka chak zawng tak aniang chu, alo tive zauh a. An mitmeng leh chezia atang chuan. An rilru chu, an inhriatsak ve ve niin alang. Mahse, hun fal awmloh chu thu hran. An zahzum na leh dinhmun inthlauhna avangin, an kar thu chu, sawi rem ani rihlo mai mai ani ber.

Lianmawii chuan, Ka’u Sangkhum i sakhi bawp chu, k’u Zuali hi mantir rawh aw, keini chu, chhungkhat kan nih kha, a chêk nen lam kan ei leh tho dawn si a. In thian that nan tal pawh mantir ngei ngei rawh arawn ti a. Zuali chuan, a thiannu chu, melh vak pahin, iti awm anglo e a, kan lo chhawr hah hrep a. A sakah sa bawp lehzel lo man te zawng ka duh teuhlo alo ti bai bai a.

An thian duna sabawp an in hnawn lai mek chuan, Sangkhuma chu, rilru buai zetin alo ngawi reng a. Lianmawii chuan, tiru, ikal ang u, kawtchhuahah kan sawifel dawn nia. thingphur dang te pawh anlo haw tawh ang, ka’u Sânga minlo chawi, tihpahin a phur kamna chu, a phet a, a ema thawn luh zui pahin, a rih kam asiam zui mawlh mawlh a. Sangkhuma chuan an chawi sak a. Min rawn um rawh u aw. Mahse, hmanhmawh lemlo ula tihpahin, a kal nghal vut a. Sangkhuma lah azâm deuh ti tih nghal der mai. Zuali phur chu, han chawisak pahin, Lianmawii kal nul nul chu, haw rilru zetin athlir zui vawng vawng a. Zuali erawh a thiannu chet dan chu, hrethiamin alo lawm ngang mai. Lianmawii hmu phak tawk si chuan, a hnungah muang fan raihin, thinlunga in duh leh in hmangaih tawn tak te pahnih chuan, an zui dat dat a. An rilru put hmang leh thinlung thuruk chu, in hlan tawn tak ang maw.

Sangkhuma chu, salu rawn lawm saktute alo chiau aû, a tâlângin, zawlbuk alawi tlai phah deuh a. lenglen hun tawh ah si chuan, zawlbuk thawm chu, alo la tha ngei mai. Zan dang zawng zawng aiin an thawm aring leh nghal. Tlangval ho chu, an haw haw leh dur dur thin a. an thawm atang chuan, mikhual an buan ani ngat mai, ti rilru chungin, bawhbel chu, an per liam a.

Zawlbuk chhuat zawlah chuan, Bâwkpui khaw tlangval Liandawla leh Raldoa anlo inbuan a. A thawh hnihna anlo tan leh dawn chiah ani. Alo phawikan zawh chiah avangin, Raldoa chu, hmai uang zet hian, mikhual tlangval chu, vau zam phêt tumin, alo tawng phar phar a. An han tan leh chiah chu, Raldo zawk chu, a kang ta lawp mai. A tlawmngai ngang nitur ani. Chawlh lawk pawh awmlo in, an bei zui leh chat a. Chiang zet hian, Liandawla chuan, alo bin leh thak a. a rawn thochhuak leh mitmeng chu, Valupa vunga chuan, a thinrim ani tih alo hrethiam a, rangtakin alo tlazep vat a. A mualpho talo hlauh ani.

E khai,, kan tlawm chiang hle mai. Bâwkpui khaw tlangval chhuanvawr te kan ngamlo cheu ani e, a chaklo zawk pawh han khing phak kan awm silo a. Min tlawm chiang hle mai. Ti teh u, tlangval ho khan, kan nula hmeltha tha han rimpui teh u khai anti a. Chutih lai chuan Thangchhunga arawn au chhuak a, ngawi lawk tu,, hei thianpa Sangkhuma alo thleng e, ani hian han beive teh se, a tu emaw zawk zawk chu, a hneh ngei ang, rawn tih lûng lûng pah chuan, Sangkhuma chu, arawn pan nal nal a.

Ani teh tak e a, Sangkhum nang han bei ve chhin teh, ti a. Valupa Vung’an arawn hminghmerh tak ah chuan, phûr ru zet si, a phûrzia erawh ti lang hauhlo in, arawn ding chhuaka, kan Ûte hneh loh chu, han hnehbik thu awm suh. An thlavang hauh nan tal pawh, kan beive chhin aniang chu, ka hauh zo ngût ange maw tih paha, a puanven siamtha mawlh mawlh chung chuan, Liandawla chu, an pan phei a.

Liandawla chuan, ila tuai deuh anih hi le tlangval. I theihtawp chhuah ang che aw anti a. min dim deuh aniang chu, mahse i tlakna turah pawnpui kan phah dawn lo ania, anti ve sak a. An han inpawm chiah chu, an tang nghal ve ve hle a. Sangkhuma chuan, chiang lutuk lo chiang lutuk lo in, an phawikang hram a. Tlangval ho anlo haw haw dur dur mai. Mahse ala tawk lo. Khatiang lek kha chuan, Raldoa pawn a phawikang ve thei tlat.

A thawh hnihna an tan leh ta. An tang dun phat phat kher mai.Liandawla tan la chu, a au that that reng a. Sangkhûma chuan, A hma ai chiang hretin an phawikang leh ta lawp mai. Zopui khaw tlangval ho chu, anlo haw haw hluah hluah mai. Liandawla tlawmngai chu, a chek karh karh a. Amah aia naupang fe, an hnehlo chu, a sa deuh phat a. thinrimna erawh atel lemlo. An pawm zui leh chat a. Sangkhuma chuan, awlsam leh rangzetin, an bin ta mai a. Liandawla rawn tho chhuak leh chu, arawn nui sang mai. Ekhai, ka tlawm e, tlangval chak tak ini. A tirah khan, min fiam mai mai ani tih kalo hrelo ani.Tih pahin arawn chibai lawp lawp a. Tlangval ho thawm pawh atha ngang mai.

Mahse, kha zawng aite chhin na chauh ala ni. An inbeih lai ngun taka lo thlir reng tu, Mângliana Bâwkpui khaw inbuan chak. An lal Rozika chhuan taw’lawl. A chakzia khual ral kai pha ngat. Si’ai pawhin a keuh thluk zawh loh ni a, an sawi hial thin. Tlâng tluana inbuan chak ber ti a hriat lar, palian thelhthawlh sa nghet leh tût al mai chu, a thuihhruai Liandawla thlavang hauh turin arawn ding chhuak ve ta ani. Ani zet hi chu, Sangkhuma chuan, a hneh anring lemlo. A thianpa Thangchhunga erawh chuan, a hneh ngei aring nghet bur thung.

Liandawla chuan, Mângliana chu, bekbawr in, fimkhur viau ang che, a chak teh ania, a thapui pawh ala chhuah lo niin ka hria anti a. Nuih suk pahin, mangliana chuan, nang buan turin, thapui ka chhuah ngai bik hleinem, lo ngai reng rawh. Zawlbuk chhuat phah vuak fainan kan hmang ange ati nghut nghut a. A chakzia a inhriat avang leh amah hnehtu chu sawi loh, han phawikang theitu la tawnglo anih avangin, a inchhuangin, a chakna pawh a chapo pui thin viau reng ani.

Zawlbuk meipui chu, an han vur belh sauh sauh a. an thawm atha bawk a, naupang leh in hnai deuh ho phei chu, zawlbuk an rawn chuangkai sap sap a. Tlangtluana hmingchher tham khawpa chak Mangliana leh sangkhuma chu, an indin chilh ta ran mai le. An tan dawn ta, Tlangval ho haw haw hulh hulh karah chuan, an han inpawm chat chu, an tang nghal ve ve hle a. an inhneh tawk bawk a, tu mah mah inphawikang thei bik hek suh, an vir dun zak zak mai ani. Sangkhuma chu han awp hniam sat pahin, a ding mar leh thut a, chumi rual chuan, khup thleng dawnin an phawikang ta mai a. Zopui khaw tlangval ho chu, an ding suau a, an haw haw, thûm hluah hluah mai.

Mangliana tlawmngai leh makti chu, a ter at at mai ani. A thawh hnihna an han tan leh chu, a hma ai zawngin an tang ta, in phawikan tumin, tan anla a, an inveng bawk a. An han tang tak tak chu, zawlbuk bawhtah te chu, a tawm tên tûn mai ani. Mangliana chuan, Sangkhuma puan chu, han sawk ngheh pahin, a kawng vun tlem an tham tel zauh a, chumi avanga, sangkhuma han er zawk, tha thlah lai chu, remchangah hmangin, an phawikang ve zat a. Zawlbuk thawm zawng a tha ngei mai. A rikin, an ri hulh hulh mai ani.

Mangliana lawm erawh ala kim velo. A hming thatna chu, hum thei dawn in inhre mahse, amah phawikang theitu la tawng lo anih avangin, khatia awlsam taka han phawikang mai theitu, tlangval la naupang tak Sangkhuma chu, thamlo leh deusawh lam hretin, an melh a. Vala i thatawp chhuah a, tun aia i tan deuh angai tawh ang. Ka hlahkhem tawh dawn hauhlo che ania, anti pâng pâng a. Theihtawp chhuah bak chu, tihtur awm heklo. Upa zawk ni mah la. Infiamna tualah zawng, ka rualpui beih hmiah dawn che ania anti ve salh a.

A thawh thumna an han inpawm leh chu, an tang dun na ngiang mai. An tihrawl han tang sek te chu, artui tiat tiat in, a bawl tuk tuk mai ani. Tlangval ho haw haw thawm nen, entu mipa rual au phur ri hulh hulh karah chuan, mângliana tan la pawh, a au that that a. Sangkhuma chu, daikhalh antum ngial thin na a, amah aiin arang zawk si, atum dan thlak atum lai mek chuan, sangkhuma chuan, leh pawh atih hman hma in,an phawikang ta zawk mai a. Mak tiin a hawi ta vual vual mai. a tlawmngaimai. a tlawmngai lutuk chu, a thinrim ru teuh mai ani. Zopui khaw tlangval ho makti leh lawm bawk si chu, an khek ring ngei mai. An thawm chuan, khawchhung afan chhuak hial ani.

Lianzuali thingphur hawta khan, a thingphurh chu, kawtkaiah an keuh a. A pa leh upa ho inleng an awm arin avangin, a sabawp man chu, a em ah dahin, a pawnchhe lukhum chuan an khuh te te a, inchhungah alut zui ta nghal a. Anu chuan, ilo haw tawh maw, i chau em, tiin alo be bawrh bawrh a. Chau lo e tihpahin,ka’nu khawnge kapa te hi anti zui zat a. Kha Bâwkpui lal leh a thuihhruaite anlo zin dawn ani awm e, a hmuak turin upa ho nen an kal ta anih kha. Han insil thlandai la, inchhung te kan singsak deuh loh chuan, mikhual pawimawh tak kan thleng dawn anih hmel sia, an lo thleng dawn hnai tawh ang. Khawinge i thingphurh chu, a hak nghal theih chuan, kan ha nghal ange, anti a. Theih tehreng mai, fah thing hlang ngat lehnghal mawle tiin anui var var a. A nu chhuah hnu chuan, a sabawp man leh, sa chhiah sakhi dar chu, ala chhuak a, sangkhuma hlauh leh venthawn ber chu, pumpelh ani dawn ta hlauh mai. mi hriat a hlauh em em, asa bawp man chu, midang awmloh lai chu, chuhin, rêp atan a chan zui mawlh mawlh a.

Anu thing seng rawn lut chuan, mami chu, iti mai mai emaw katia, khawia fah ro nge maw hetianga tha te i rawn phurh chu le, E,khai,, khawia sa zozai nge ni ngai anti zui hlut a. An thingphurh dan chanchin chu, sangkhuma a duh zia tello in, an hrilh hliam hliam a. Mahse, a tawngkam leh chezia atang anu chuan, a lo man thiam tho mai. Engtia ti zui talo chuan, ngahnge i thiannu Lianmawii chu, a bawp i mantir mai loh le, sa chhiah ringawt pawh atam tawh vei nen abawp leh zel han mansak te chu a, ati nuah nuah a. Amah vang ker kawr alawm mawle, inti neitu zetin min hnawn lui tlat alawm. A kaptu zawk ni awm ang ziazangin, min bel lui tlat anih kha. Kan inhnawn vel atalangin, Sangkhuma pawh kan ti mangang viau in ka hria anti zui a.

Lal leh a mikhual tur, Bâwkpui khaw lal Rozika leh a thuihhruai te ho pawh anlo thleng tak tak a. Rozika leh a pasaltha chhuanvawr Mângliana inbuan chak hmingthang chu, lalinah an iptepui bangin, an in nghat a. Midang zawng chu, upa ho in, an sem darh ta ani. Rozika chu, pa tawi hmemhmawm, chapo lar mai, thinchhe zet ani a. A rawngin ngilneihna pawh atlachham hle ani. Mahse, a duhzawng leh alawm zawng ah chuan, pa tha tawpp ani thung. Zopui khua aia khawlian zawk annih avang leh, a pasalthate hming a than avang hian, a chhehvel lal dangte lakah pawh a inti lalin, a inti thu hle reng a. Tun tum alo zin pawh hi, pawih ral lo hnai zel chungchang sawi ho ani nanga, a lal hrawt duh vel ani zaw ber awm e. A thenawm lal dangte han tawngkhum deuh lâr lâr hi, nuam ati hle ani.

Mânglianan, Lianzuali an hmu chu, khawdang ahawi theilo. A thinlung chu, lianzuali ah a bet thlawp ani ber mai. mahse, tlangval apumpa, zawlbuk kai miahlo a, lalina upa ho bula lo awm tlang ngawt chu, dik in a hre silo. A chakzia entir a, zopui khawtlangval ho chu, vawrh kim vek a rilruk ani. Chutia hmingthat han lak hmasak pbawt tum chuan, a thianpa Liandawla thlenin lam panin, zawlbuk kai puiah ava sawm ta ani. Zopui khaw tlangval ho hneh kim vek tum chuan, zawlbuk an kai dun ta a. A thianpa Liandawla lah pa vantlang aia chak alo nive bawk nen. Zopui khaw tlangval zingah hnehtu an awmlo anih si chuan, Mangliana tan han khin tur dang awm heklo. A hawi sang lurh lurh hle ani. Mahse, Sangkhûma kha alo lang ta si a. A rinloh deuh a. Tlawm zawk chan an chang zui phei kha chu, a tuar na in, a thinrim ru hle anih kha.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » February 28th, 2019, 6:26 pm

Zawlbuk thawm ri hulh hulh kha, lalin atang pawn hai rual ni heklo.An thawm a that em avangin, Lal leh upate zu ina inkawm khawm pawn, an bengkhawn lo thei talo a. Bawkpui lal Rozika lah chuan, ka pasaltha mângliana a che ani ngei ang. I khaw tlangval zingah amah han khing pha tur an emaw chu, tiin zopui lal Dothiaua chu, chungthlak deuh larin an zawt a.

Kava hre mai lo em, i pasaltha hi zawng a hmingthang emmai a. A tlangthan dan atang ngngawt chuan, han bei tawk tur an awm pawh kava hre mai lo ve. Réngipa tupa Raldoa te khan lo khing tawk tak maw le,, anti bauh bauh a. Rêngipa chuan, khing tawk ve bawk dawn lawm ni, an pumrua pawh a intiat tawk viau in ka hria, alo ti vat a. Chuti chu, tunge chak ber zuk ngaihven teh u, tiin Rozika chu, a tawng lung lung a.

Lal Dothiaua chuan, tlangaupa nang ngalchakah, zuk ngaihven teh. Tunge buan chak ber i rawn hre dawn nia tiin an tir a. Tlangaupa azuk thlen chuan, Mangliana leh Sangkhuma lo inbeih tan lai tak kha ani a. Mitkhap nachang pawh hrelo lêkin, a en tum tla thak a. Lalina a han let leh chu, Sangkhûma chak zia mawlh mai chu, a han sawi ta chiam mai a. Rozika chuan, a awih theilo. Chutianga, ka Mângliana han phawikanga, hneh thei tur an awmlo. Ka awilo reng reng ati ta tlat mai si, midang an han tirh leh pawn, Sangkhûma chak zawk thu bak hriattur awm heklo. Ka hmuh lai ngei a, an inbeih that leh loh chuan, ka awih theilo ati ta tlut mai. Naktukah lal tualah hian, inbei se, a chaklo zawk zawkin, se nufa chawiah kan ti anga, in ngam emaw chu, tiin inchawi angam arh mai leh nghal.

Lal Dothiaua chuan, khai khai khai, tlangval ho infiamna thilah lo inchawi kher angai hleinem, i duh leh an inbei tha leh anga ni mai lawm tiin duap kai zawkah alo tang thuai a. An inbei tha leh ngei tur ani. In chawi in ngam loh pawn, a chak zawk chan tur erawh kan siam ve dawn lawm ni. In sawi hmangah, in Sangkhûma lah naupang mai ala ni leh nghal. Ka Mangliana han khingpha tur em chuan ala nau deuh ani. A chak zawh inrin loh avangin, inchawi pawh in ngamlo ani ange ati vei phar phar a.

A tawng dan fek fek leh, midang a chung thlak dan chapo leh hmai uang zet chu, alo ning ve tawh bawk nen, a tupa diktak ang chiaha alo en leh a hmangaih Sangkhuma thlavang hauh pahin, pu Luaia chu, arawn tawngchhuak ve ta a. Ngahnge se nufa inchawi mai mai te kan ngamloh bik ang. inchawi kher erawh kan tilo mai chauh ani. Tih em ah chuan, Sangkhuma chakzia tun kan hai lo. Ka mi hriatchian ani bawk. Inchawi iduh talh chuan, kan inchawi aniang chu, kan chak talo anih chuan, ka sepui leh anote ki mawm tan mek khu, phaltakin ka pe ang che. kan chak zawk anih chuan, i se nufa chu, kan lalpa hian chang thung se, Mahse, kan lalpa hnenah hian hei erawh ka ngen duh. Sangkhuma a chak anih chuan, a pa silai hi, i pe let thei hram angem kati ani arawn ti ve ta a.

Rozika chuan, chuti chu, sepui nufa nen ka haw dawn zuk nia. thianpa Do, silai pek chu, i tiam ngam emaw chu, i tiam emaw tiam lo emaw, a chak dawn chuang hleinem ati bawrh bawrh a. Lalpa Dothiaua chuan, inchawi kher chu, tul tilo mah ila, nangni berin induh te chuan, in sawi ang chu ni rawhse, ati ve ta a ni.

Zopui khua chu, a pui anawiin. Lal tualah an pungkhawm hut hut mai a, favai nei apiangin, tualzawl an zuah awl lai bikah chuan, an rawn chhung zel bawk a. Sângkhûma leh Mângliana inbei tur zet chu, mitin maiin hmuh an chak em em vek ani.

Sângkhûma chu, apu Luaia chuan, he infiamna hi, in elna ani a. i chak ngei theih nan, i tha tâwp in tang ang che. I tan remchang ka siamsak che hi, bawhpelh hauh suh ang che. ka sepui nufa te hi, min hum sak la, i pa silai khi neih ngei itum dawn nia, tiin alo fuih charh charh a. Thangchhûnga pa lah alo mangang nasa, kapa thin hi chu, lo inchawipui lo tawp la ni tur, sepui chi tha avân tehlul nen, kan neihchhun ani leh nghal. Midang zawng zawng an ngawih laia, a tawngtamlo âwm berin, lo chhan reng reng mai ati nuah nuah a. A pa chuan, Aw,, midangin chhang ngam heklo. Kan lalpa thlengin, mahni inchhungah, an thaibawih thut dûi vek anih kha. Rozika lah, midang chung thlak leh deuhsawh ta reng rengin, a tawng phar phar leh nghal. A han tawng dan zia reng mai khan, ka lâi a ati na tlat atin ni. sepui te chu, khû, a’lâ anla tam alawm. A chi tha tawk zawng an awm leh mawlh ang. kan chân dawn tih pawh hriat va ni suh. Sangkhuma hi a chak ngei ka ring tlat ani. Nizanah lah alo hneh tawh a, a chak zawk tlanchhiat thu awm hek suh. Mi tawngkam ssatliah, a hlahkhem ani ange, tih thu mai mai zawng khawiah tun va hlahthlem suh. Tlang tluana hming chher tham khawpa lar in, mi tamna zing, khualah leh nghal, a hmingthatna ti hliau turin, a hlahtlem malek lo ange. A chauhthu barawh vel mai mai ani. ati zui tan tan a.

Thangchhûnga chu, phûr leh thatho zetin, arawn lut a. Thiana, ti rawh i kal tawh ang. Lal tualah mipui an pungkhawm tam tawh ania. Bawkpui lal Rozika phei chuan, khawnge in Sangkhûma chu, arawn inlan ngam lo emni ati sek ani awm e. Ti rawh ikal teh ang. A rawn ti thar thar a. A phûr surh surh kher mai. thiana ek cheh thawtin vawrh tawh ang che aw,anti zui a. A pa chuan, Thangchhunga lah hi, mi lûngzîn naklaia, thawveng hawlh reng mai. A beitu tur zawk nila, tun ang hian i thawveng tho ange maw alo ti bul bul a. Thangchhunga chuan.

Tun ai hian ka thawveng fe ang chu, hneh ve thei ni ila, a beitu tur zawk nih asin ka duh. An lalpa ho ho khian, hnar hmu lurh lurh khawpa siam asin ka châk. Nizanah lah chiang takin, hnehtu zawk kan ni tawh a. Enge ilung ngaih a, duhlo rai ang mai a, ilo thut tum bur mai le, kapa thin hi chu, i ho thei emai, hlim hun anih hi, hlim hun. anti leh thar thar a. A pú chuan, khapui kan se nufa khu, chân hlauin, alo phun alo phun anih kha, Chhûngbawih nang han hrilh fiah teh tiin, alo nui ruh ruh a. Khawinge kalo han kal ange, rawn chhuak har suh ang che u, tiin a chhuak zui ta nghal a.

Thangchhunga chuan, kapa engemaw ilo hlauhthawn le, Raldoa te chaklo inthup mawi tumin, a hlahthlem mai mai alawm atih tawngkam kha, ilo hreve aniang maw, Mangliana te lenpuitu anni a, hlahtlem angin, an sawi ta vel mai mai anih kha. Mangliana lah, a hlahtlem awmve hmiah hmiah mai ani awm e. An tenawm ania. Ti rawh thiana i kal teh ang. Mangliana leh an lalpa chu, i han diriam ang hmiang. mi chapo te hi chu, hnuh hniam ve an ngai ani, ati ve khauh a.

Mângliana leh an lalpa Rozika pawh anlo infuih nasa mai. Rozika chuan, i hneh phawt chuan, i duh duh ka tih sak ang che. Lal anga khua leh tui nei a, indan hial pawh duh la, ka darkhûang ring tha ber nen ka indan ang che. I chak ngei tur ani. Kan chhehvel ah hi chuan, khaw ropui ber leh hlauh ber kan ni a. Kan hmingthatna hi chawi nun zel ka duh ani. I duh ang angin bei la. Keiman ka chhan tlat dawn che tih hre reng ang che alo ti sauh sauh a.

Mângliana tlawmngai lah chu, zanlam a, a chakloh na rulhlet ngei tumin, mipui hmuh ah Sangkhuma chu, chin hrep a atum rilru ran a. An lalpa intawng batna chu, thing let thei tura chak ngei atum tlat ani. A chak anih phawt chuan, Lianzuali chu, neihsak turin a ngen mai dawn a. Ani lal thusawi chu, an hnial ngam ring heklo. Lianzuali chu, nei thei ngei dawnin a inhria a, a hlim ru kher mai.

Bâwkpui lal Rozika helhhawlh chu, lalin luhka ah a vei tuak sek a. A dan pangngaiin, chapo leh inti thu nei zet hian, In Sangkhuma chu, ava han reive mawle, a rawn inlan ngam leh silo emni zawk. tiin a tawng lurh lurh reng a. Mipui au dur dur leh hâw hâw hluah hluah karah chuan, Sangkhûma alo thleng e, an rawn ti loh loh a.

Khawkhat aiawh ve ve chu, laltuala favai chap darh chungah chuan, an indin chilh ta ran mai le. An pumrua han thlir chuan, Mangliana chu, Sangkhûma chuan, a khan lo hle a. Mahse a mitmengah erawh zam hmel apu eihlo thung. atan chuan, he hun hi, a pawimawh em em ani. Khawtlanga anlo hmingchhiat tawhna te, ti dal tur leh apa silai ngei a hlawh theihna tur ani leh nghal, chuvangin, hmingthanna chu a duh ber nilo mahse, chaklo zawk nih chu, a tum hauhlo thung.

Sangkhuma han hawi chhuak zauh chuan, lalin luhka a, apa te sira lo ding, Lianzualin, hlauthawng hmel mitmeng pu chunga alo thlir reng chu, a han hmu a. A phûr phahin, a duh ber leh, amah duh ngawih ngawihtu hmaah chuan, tlawm zawk nih atumlo zual sauh a. Mangliana lahin, zanlama alo tlawm tawhna chu, rulh let ngei atum urhsun hle bawk ani. Sangkhuma hnenah chuan, ka nau tang hle ang che, nizan ang mai mai kha chu kani tawh dawn hauhlo ania. Tun tum chu, ka hlahkhem che beisei hauh suh anti a.

Sangkhuma chuan nui sângin, tehreng ele, min hlahthlem tih kalo hre hleinem, vawiin chu, chiangtak leh sawisel bo in aw niang. anti ve sak a. Val upa chuan, khai le,, tan rawh ule anti ta a.

An han inpawm tan phat chu, an tang nghal ve ve kher mai. Mipui ri nuaih nuaih leh tlangval ho haw haw hut hut thawm karah, Rozika chuan, Mangliana chu, fuih in alo au that that a. Tu ve ve mah in phawikang thei bik awm hek suh, tan an han la vel chuan, favai te chu, vaivut khukin anpal khu leng chum chum mai ani. Sangkhuma chuan rang mangkhengin, mangliana tan han phet zeuh chu, phawikangin, an sir tluk pui ta hram a. Entu te thawm atha ngei mai. Mangliana tlawmngai lutuk chu, arawn thawh rual rualin, sangkhûma chu, arawn pawm leh nghal chat a. Chuta tan an han la zet chu, hmuh nawm tak ani. An in daikhalh tawn zak zak a, an vir zek zek mai ani. Sangkhûma ke chheh han buai zeuh chu, remchangah hmangin, Mangliana chuan, chiangzetin an phawikang ve zawt mai a. Lal Rozika chuan, kha kha, ka pasaltha Mangliana anih kha. Khati mai tur kha ani. Naupang chumchiap mai mai chu, dim an ngailo ati lurh lurh a. A thawh thumna an tan leh hma chuan, a pasaltha chu fuih in, a bekbawr sur sur a.

Sangkhuma pawh a thianpa Thangchhunga chuan, thiana dim hlek suh, favai bar hung khawpin han bin teh khai. Arawn tive sar sar bawk a. A thawh thum na chu an tan leh ta. An han inpawm tan phat atang, atu ve ve pawh an tang dun nghal kher mai, mangliana chuan, han dai khalh zauh paha, rawn luh chilhin, awrawl chhuah meuhin, phawikan antum a, a thei hauhlo. A mitmeng chu, mak tihna in a khat ani. Sangkhuma chuan, chutia phawikan tuma, rawn luhchilh tu, mangliana chu, awlsam zetin alo phawikang zawt mai.

Mipui hlim thawm chu, ari dûr dûr mai ani. Tlangval ho hâw hâw hluah hluah karah, Bawkpui lal Rozika erawh a chek tlak tlak a, ala awih thei chuang lo. Chakloh leh tlawm zawk chan chang thiam hauhlo anih ahnu, a tlawm la lutuk chu a ang tun tun mai a. Kha zawng, mangliana ke chheh asual palh vang liau liau ani. Inbei tha leh rawhse. Bî ala kimlo. ati ta tlat mai a.

Chutia, ani berin ti ta tlat chu, an han inbei tha leh ta ale, An inpawm tan hawt tih chuan, awlsam leh sam lam zetin, Sangkhuma chuan, a thianpa Thangchhunga duhdan takin, favai bar hung khawpin, an bin khu luih mai a. Entu mipui zawng an lawm dar dar kher mai. Mangliana chu, thinrim mitmeng sen râmin, arawn tho ze thalh thalh a. A thinlung chu, huatna hlirin a khat ani. Lal Rozika lah chuti bawk, a michak huaisen leh chhuanvawr, chutia an aia khawte zawk tlangval tuaitir in, a han hneh ta mai chu, alung adam theilo. Thinrim hrawk phiar tawng tawngin a âng tun tun a, vawikhat dang inbei leh rawhse, kha zawng ka pawm theilo. Mangliana’n tan ala ve hman hleinem. ati leh tlat mai. A upa te ho chuan, khap tumin, Lalpa atawk viau lawm ni, vawin zawng kan ai a fuhlo ania nge, i duhtawk tir tawh ang khai. Kan michak te pawh an hah tawh bawk alawm le, an han ti dam diai a. Ani pa thinchhia, mahni thu duh leh inla Lal em em anih aliamah, zutui tling alo lem hnem tawh bawk nen, inbei se ka tih chuan, an inbei leh ngei tur ani. Vawikhat dang leh bak ka phût bik hleinem ati tlut mai si. Lungawi thuai heklo. An han inbei leh ta nge nge a.

Sangkhûma ngaihdan erawh a pel ve ta tlat. Lal nih avanga duh duh bawhbeh tum ngawt rik ngawt mai. I chapo na chu, i michak chhuan tawlawl hmang hian, kan hnuh hniam sak ang che ati rilru ta chheu chheu mai. Mangliana chuan, a hneh loh zia hre tawh mahse, a hmingthatna tudai tu, tlangval naupang tak Sangkhûma chu, finkherek hmang tal pawha hneh hrim hrim atum rilru thung. Chutiang rilru pu chungchuan, a thiamthil hman tum hre ru rauh rauh chungin, Sangkhuma chu, a rawn pawm bei chat a. Sangkhuma chu, tan pawh a tang der duh tawh lo. Manglian’an arawn pawm chiah chu, a puanven alo tham rek sak vak a, a kut pahniha, a kawng chu, kilh nghetin, a mah tak pawh kûn duh hauh lo in, a dãr chung lamah an chawi bin thuai mai a. Manglian chu, ke pali vawr suau in, favai bun lohna tualcharah chuan, atla thûm khu luih mai ani. Thawh pawh tho lawk thei heklo. Sangkhuma chuan, nui sângin an kaitho a. Mipui hlim thâwm hulh hulh karah, Lal Rozika pawh, phawk hru in, a kut chilo hawi ta vel vual vual mai ani. A thinrimna erawh a thup hleithei lo. A bul amite vin khûr khûr pahin, zu no a tlak piap piap mai ani.Mipuiin Sangkhûma chibaia an bawr luih luih lai chuan, Lal upa pakhatin Sangkhûma chu a rawn ko a. lalinah chuan alut phei ve ta a. Lal Rozika chuan, kun deuh lupin, Tlangval lo hnai teh, kalo belchiang teh ang che, khati khawpa, ka michak Mangliana han chîng zân thei mai chu, eng ang mi nge maw inih le, kha ka no hi, kan leh teh ang che tiiin a no chu, an pe a. Sangkhûma chuan, ekhai, kapu ka phu hauh hleinem. Mahse, i zahawmna vawn him nan, kan in ange, tih pahin, an dût zauh a. Lalpa chu, pek let leh pahin, ka lawm e, anti a.

An lalpa Dothiaua pawhin, nui vur vur chungin, Sangkhûma chu, an ko a, lo hnai teh khai, min chawimawi takzet ani. Hah zu i phû e, Mami, hei kan tlangval chak hi, ka zutui ber kha, han suah la, rawn tulh teh khai, tiin Lianzuali chu, an ko a.

Lianzuali chuan, fianpui khat luau a, zutui tling êng kûk mai chu, thalin, nuih saih pah chuan, hawh awi, michak tan a thlum zo ngut ange maw, i hah pawh athawi dam zo ngûtin ka ringlo. Mahse, i dangro tal chu, a chiah hnawng ve thei mahna tih sap pahin, an tulh a. Sangkhuma chuan, an dût khalh khalh a, rawn hawi chhuah pahin, a thlumtui na rawh e, dangro chang lo, hah thlengin, a thawi dam alawm. Minpe tu, mitmeng leh hmel hian awm ngaihna hreloin, min siama, ka khaw hmuh thlengin,a buai zota. ka hlimna in atawn san ber tum ani. Anti ve sak a.

Lal Rozika chuan, tlangval ka khuaah lo pem la, ram hualah ka siam ang chia, ka khawnbawlah i awm nghal dawn nia. Khati khawpa chak si, in Lal Dothiaua lemin ahriat lêk loh che hi, anti lung lung a. Lal Dothiaua chuan, khawinge kan intiamna ang in, i pa silai chu, nei mawlh teh khai, i phu takzet e. Tun an sawibuai tur anilo ang. ka banglaia in tung kha han la ula, kan buanchak, Sangkhûma hi, han pe teh u, khuanun min veng anga, sa tamtak minla barh dawn ani. Anti charh charh a.

Sangkhuma chu, a lawm kher mai. A haw kawngah te chuan, han ramvah pui hun tur mawlh angaihtuaha. A pu Luaia chungah alawm zual hle. Kalkawnga tawngkam thlum leh duhsakna thilpek anlo bel luih artui te chu, a hum haw tan mai ani. Khatia Lalin atanga Sangkhûma a chhuah tak hnu khan, an inchawina se nufa chu, sawi chhuakin, chak zawk an nihna hming chhala zuno te an han dawm vel chu, Lal Rozika chuan a thinrim in mung mup mup kha, upbet zo ta ngang heklo. A rui lungpuam chu, arawn puak keh ta ani. Upa ho tawngkam engemaw lai chu, a bawp lawkah la in, Min ringlo ani maw, se nufa mai mai ngahnge kan ui tehlul ang ni. Ka aia khawte zawkin, ka hmaichhanah min diriamin, kan chaklohna chu, in chakna hmingchhalin, zuno min tlak khum vel maw. Kei Lal Rozika, khaw sarih lal chunga leng hi, in mi hmuhsitna tawngkam avangin nuam in salo ang ti a, thinrim engphiarin, chumi ni la la chuan, a thuihhruai te nen an haw tau ta nghawng nghawng mai ani.

Ama khawnbawl te ngei ngei pawn khap thei heklo. A in âng thinrim tulh tulh mai si a. Lal Dothiaua thin ter tek rawn thawk chuan, dawhthei bik heklo, lalin ah chuan thinrim hmaisen an inhmuh ta ani. Lo ngai reng rawh u, in tih thinrim hi tunge ka nih inhrelo ani. In la inchhir khawp ang tiin a haw tau ta kha ani a.Sangkhuma zawlbuk lawi lut chuan, an inbuan chungchang leh Lal Rozika thinrim haw tauh thu anlo phun pui sap sap chu, ngawirengin, zawlbuk mei en phak riruai atang chuan, alo ngaithla vauh vauh a. Tlangval ho nula rim tur pawh an chhuak tan nak nak tawh a, A thianpa Thangchhunga chuan, zanin chu, khawilamah nge kan tuan ve dawn le, zanin zet chu, itan chuan kan khuaah hian han luh hrehna tur tu rûnchhung mah a awmlo. Kan khaw nula lah i duh duh, i ngai thei ngei ang. tiin anui vur vur a. I ngaihtuah zawng lah hi, amak thin teh e, kan vaval upa te thu khawchang chu, han ngaithla lawk ila, i duhna naah ka luai chhuak leh aniang chu, tihpahin, val upa ho titi in, sairam chhuah chakawm zia leh anawm thin zia an sawite chu, a ngaithla zui dauh dauh a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)