SANGKHUMA - Hriata Tea (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: SANGKHUMA - Hriata Tea Phek 1 - 95

Unread post by Ngaia » March 15th, 2019, 8:11 pm

Mangliana chuan, keipui riltam ang mai a. Hnunglam atanga min vehtu lakah hian, ngên mu ka seng hreh hleinem. Mipa fa zawk chu, tunge ilo enchhin teh ang tihpahin, arawn pan hnai a. A silai a, la tin reng chung chuan, hnunglam atanga min beih tum siin, keia silai keng chu min sel leh si ani maw. Ralthuam ineilo takzet anih chuan, sawlai lungpher fai zau laiah sawn va dingchhuak teh. Tunge inih kan chian teh ang che tiin, silai kawhmawr chuan, an hawlh sawk sawk a.

Thangchhunga tan chuan, athu zawm mai loh chu tihtheih awm heklo. Asawina lam pan tuma an inher chiah chuan, athil lo pal leh tluk phah nachhan, anu Rualthani ruang chu ahmu ve chiah ani. Anu Rualthani te chu, atan hairual ni heklo. A hmuh rual chuan, azuk sawi nghal mai dawn a. Mangliana chuan, kal rawh athi tawh. Nangpawn i zui ve thuai ang. Tihpahin a rawn hawlh leh zawt zawt a.

Thangchhunga chuan, Pasaltha inti ve si, Hmeichhe chungah pawh hêm thlak duh ka hre ngailo e. Zahngaihna neilo mihring hi pasaltha a vuah leh chhiartlak va ni suh. Mipa inih ngai chuan, chen leh chen tiat leh tiat, dinhmun in angah dingin, min hmachhawn ngam dawn em tiin an cho zui sak a.

Mangliana thin sa phut chuan, han tuk thluk nghal mai atum zuau a. Mahse, nuih huah huah pah chuan, nang hi ka hretawh ngat mai che. I han tawng hmangah hian min hrechiang viau bawk anih ka ring. Khawimaw tah khan ding la, ka lam rawn hawi teh tiin dimlo zetin an hawlh nawk a.

Thangchhunga chuan min hrechiang duh anih te chuan, tinge i silai kha dah a. Min hmachhawn mai loh. Kut lawng chuan, engruai inih iringlo emni zawk tiin, tih thinrim phet atum lui tlat a. A hneh emaw hnehlo emaw athi dawn anih rau rau chuan, arte thih ngawt aiah Mangliana chu engemaw ti tala sualpui leh tihnat atum rilru rân ani. A tum chu a cho chhuak ta reng bawk a.

Mangliana chuan chiangzeta rawn thlek pahin, ka lo hre har zawk hle mai che kati. Sangkhuma thianpa uangthuan zet kha ini maw... i duh ang chu ka pe mawlh ang che. I thianpa laka ka thinrimna hi i chungah hian kan hrithla then teh ang. Nang anga Sangkhuma hmachhawn theih hun hi asin kalo chak leh ngaihtuah reng chu ni a. A ai chu han awh mawlh teh ang che. I duh leh i hriam neih chu han lek ta che,, tiin an cho zui ta nghal a.

Thangchhunga chuan, Sangkhuma zawng engkawngah mah i chelh tawp lo ang le. Hriam lek tur ka neilo ta rau rau. Khawkhat pasaltha ve meuh chuan, kut lawngin min bei ngam ve ang chu maw tiin an cho let leh salh a.

Mangliana thinrim chu, a ter at mai. A silai chu tungin, a ipte pui a nghat lawk a. Thangchhunga chu, arawn bawhphei ta ruak ruak mai ani. Chu chu Thangchhunga lo beisei leh tum ber ani thung. Mangliana rawn sa patal phei chu, alo melh kar a. Tharumah a khanlo hle dawn tih ahriat avangin, in manbeh tir loh hrim hrim atum ani.

Mangliana te ang palian sek phiarfel bawk a. Mangliana'n Lianzuali te umzui tuma, meichher a phel lai mek chuan, An valupa chuan, ngawitu,, naute u. Kan khaw awmdan kha amak kati renga, amak leh zualna chu, kan inkar zimte ah heti tak mai a, boruak an danglam thei leh. Kan khawhmuh ti tawi tura chhum leivak in thlipui tleh kara min daidang tlat mai te hi ani. inbengdai ula, umzui lo mai teh u. Hringnun piankenin a hrinloh fa, an in rawlh anih ka ring tlat mai. Kan ralkaihte hi, Hringmi te tluk rualloh huai enge maw takin apui ani ngei ang. Hetiang thil hi zawng pawisa lo a, bawhzui chi ani ngailo e. A tlanchhuak te kha chu, liam mai se, hei kan la hlawhtling thawkhat viau alawm le,,, minti hnufum mai mai tur a, ral kaih haw kher pawh kan tan atul ber hleinem. Anti charh charh a.

Mangliana erawh a lungawi thei bau lo. Lianzuali avanga alo chapona leh an khaw rûn alo phurna ber Lianzuali hei leh chen manin a kai haw mek ani a, an hlauh leh si tur chu, a tlawmngaiin arilru adam thei thlat lo ani. Sangkhuma nen lalin chhunga, an mit in det lai kha a hmu chiang si a, Sangkhuma laka phuba lakna tur leh atheihna alantir na tur ber, han sezawl chhuah leh ngawt chu aremti thei nganglo ani.

A meichher siam tel that mawlh mawlh pah chuan, keizawng umzui lo zia kani lo e, Huai leh hrâng te avanga zam chhe mai tur ah ka in ngai heklo. An lalfanu chauh kha zawng man leh ngei ka tum ani. Ti chuan, kan hlawhtlinna hi, hnehna ah ka ngai ve thei tawh ang. Zing nichhuah hnu thlenga kalo let talo anih chuan, minlo kalsan mai dawn nia. tuman min zui suh u. In salman te lha a duhin umzui ve ula, keizawng mahni a, liam mai ka thlang rih tlat. Min hrethiam ang che u. Tih leh ameichher dehkai aruala, Lianzuali te hnu chu chhuiin aliam zui ve ta ani.
Sangkhuma te thiandun chu an hmahruaitu leh sulsutu ber ading ni hmiang. Ahmazawnga kawng eng hei huai kha, a phui ta tlat mai. Vunga chuan, hei engtizia nge. Kan hmahruaitu hi a chau tawh emni dawn tiin arawn zawt ang he haw a. Sangkhuma chuan, eng ka hrebik hleinem. Khawinge keimah Sangkhuma, in puih leh athuawih intiam kani ngai e. Ka hma su la, in hnung ka dal na nge, in pheikhai hringmi ai in arit ta emni anti a. A reh ta tlawk tlawk mai. An bulah erawh awmve dang an awm tih chu, boruak awmdanah an hrethiam ve ve tho.

Thli rum an lampanin arawn ri phei hum hum a, an bul alo thlenphei chuan, thingzhnah leh hnim ari sung sung a. Sangkhuma bengbulah chuan, kan kir a hun ta, kan tuallen theih hun zankhawthim chu, khawvar in arawn thlak hma ngei hian, kan kir leh angai ani. Kan kal min phalsak rawh. Arawn ti a.

Sangkhuma chuan, um,, kir leh ta ula, hringmi chungah that chhuah zel tawh ang che u. In mi puihna ah kan lawm e. Anti a. Huai aw bawk chuan, hringmi damlai tihnat theihna kan neilo. In hmalam mual thumna luipui kam lehlam kawn zawlah an awm e. khawvar in min nanchin hma ngei hian. Kan kirsan tang che u. tiin thli chu an kaltawhna hnu lam pan chuan, arum phei ta hum hum a.

Val upa vunga chuan, khati khan min kiansan ta mai tihna emni. Min uaplaia ka awm nuamlo zawng zawng kha, reh tak a hneh in, min han kiansan takah chuan, ka khua lah har ta riau a, ka hriat chu. Anlo thlamuanpui awm hle anih dawn kha. Engvanga let ta mai nge maw annih le anti a.

Zingkhawvar tur khian an tuanna leh awmhmun ah anawr kir ta anih ber kha. Phûng leh ramhuaite nawmsip bawl hun zankhawthim chu, hringfate tualchaina khawvar engin a umbo mek anih ber hi. Ti teh, hmalam i pan zui zel teh ang an sawi danin kan hmalawk luipui kam lehlam mual kâwn zawl ah an awm anih awm chu anti a. Chutih lai chuan, silai puak ri niawm tak hi an han hria a, an han ngaihthla zui ngial a, arik zawm tak loh avangin hmalam panin sangkhuma chuan, hma ahruai ta thunga.

Thui fe an kal leh hnu chuan, Valupa vunga chuan, i rilru ka hre hauhlo na a, a chaihtu ang nal nal a, in kal takah chuan, keizawng ka tha in atlin dawn hauhlo mai. Hmanhmawh lutuk pawh hi inchhuihpalh theih ani ngai e. Arawn ti a. Chutihlai tak chuan, silai arawn puak ri dur a, ding chawtin, an beng dawh meuhin an han ngaithla zui vang vang a. Vawihnih dang ari leh dur dur a. Areh ta vang vang mai.

Arikna chu ava hnai ve. An tihlai mek in, hmundang atang silai puak ri, arawn thangkhawk leh rawih rawih a. Sangkhuma chuan, kan mite tlanchhuak an awm ani ngei ang. Silai rawn rikna hmasa kha kan hmalam kawrruam saw niin ka hria, i chhui dawn ngawt mai teh ang anti a.

Vunga chuan, ka rindanin vawmkah luipui atanga rawn ri chhuak niin ka hria. Kan hlat lutuk tawh hleinem, khawvar rualin kan thleng thla hman ngei ang. i thian huai ho te khan, Bawkpui lam min panpui nise zawng, kan kal sâwt dan ngaihtuah in, tunah hian, Bawkpui khawdâiah kan awm tawh tur hi ani a, mahse, an hnu min chhui sak anih dawn hi. Titeh luipui chu ipan phawt mai teh ang. Kan mite tawn fuh pawh kan nei mahna, chutih rual chuan, hmelma lam pawh chaltauh tjei reng kan ni tih kan hriat erawh a tha ang. Khawinge hma kan hruaive thung ange tiin a kal nghal a.

Sangkhuma chuan zui ve nghalin, Vunga chu a tawng zawm mawlh mawlh a. Lui kan tlakthlak hma a, kan mit leh beng kan lên hmasak angai dawn ani. Chutilo chu, hmelma lam hi rinloh lamah kan phawk fuh ang tih a hlauhawm tlat. Kan thinrimna leh phuba lak duhna te dah tha a, rilru fim pu reng thei turin in buatsaih la, engpawh kan chungah thleng thei ani a, thinrimna avanga khaw hmulo leh chhia leh tha hriatna bosal khawpin chet kan thawh tur ani heklo. Ati mawlh mawlh a.

Luipui kam chu, zing kawleng leh ngawchhung thingin a hliah loh ani bawk a, alo eng uau bik a. Ngawchhung atang chuan an hmuh theih tawk tawk thlirin an bih ngial hnuah tiauzawl chu an tum thla ta ani. Luipui chu a kãn na tur suar pan lai melhin an kân phei ta a.

Linzuali leh Sangkhuma nu Rualthani tlan ta kha, midang pathumin an rawn zawm ve a, Hmeichhia pali leh mipa pakhat niin, an mipa neihchhun Tlangau fapa tlangval tuaitir Thawmvungan hma ahruai a. Thimtham ah luipui pawh tumin tlangdung an chhuk zawh a. Tluk leh thawh fawmin an inpal thla nawk nawk mai ani. Hnunglamah umzuitu anneih leh neih loh an en awl heklo. An hlauh luat alei ah thimtham ani na vâng vângin an kal thei phian mai.

Luipui an thlen chuan, vân varah luipui leh akam chu alo eng ta deuh a. An hlauhna pawh azia huai huai ngei in arinawm. Luitui chu eng khaw sawi set set lo in, an in khawlh khawlh mai ani.

Midangin kal leh zel rawt mahse, Lianzuali te erawh chuan, khawvar hma chu, Thangchhunga lo nghah mai an duh thung. Ramchin hrelo vek anni bawk nen, an thu a inhmu hleithei lo ani.

Hlauhna in an khat tlat si a, an awm hmunah chuan, thlamuang thei thlawt heklo. Luipui tal hi kân ila antih tak tlatah chuan, an mipa neihchhun chuan, Hma hruaiin suar panlaia daikai tumin an che chhuak ta nge nge a. Luidung chu, chhak lawkah akân theih mai ringin, an inzui chho diah diah a.

Thui pawh anla chho lo. An hmalawk ah chuan, tiauzawl lo awm in, luipui kan na tur chu an han hmu ta ani. A hmasabera kal Thawmvunga lungpui chunga an perkai leh chiah chu, silai arawn puak thuai a. Thawmvunga chu Paih ang thlawrh in, an hma ah arawn let hlawl mai. An thlabar leh phuzawk chu, te thawmin a zui nghal a. Hmeichhe pahnih te phei chu, te ruai ruai chung chuan, mumal lo zetin an tlanchhe nghal ta ani.

Silai rawn puak leh dur chuan, tlanchhe ta pakhat zawk chu, a rawn dêng let leh tawp a. Lianzuali tlan tum chu, Rualthani chuan manbetin, lungpui phênah a kuai thu a. An thiannu luitui dai tan mek chu, silai mu vawithumna chuan, a dêng fuh leh ani ngei ang. atluk tawp rual chuan, luitui in thing luang ang maiin arawn lên thla zui leh mai si a.

Lianzuali chu, chîai lo tura hrilh mawlh mawlh pahin, pi Rualthani chuan lungpui a hêl pui a, kun chungin luikam chhengchhe lai, lung phên tur awm na zel bêl in, luimawng lam apanpui ta ani.Mahse, anni hmeichhe tan zawng thimtham hnuaiah, vân var ringawt ringa luidung han zawh chu, thil na mai ani hauhlo. Silaimu dawn palh mai hlauhna nen, hlau leh khûrin an indap chawp nawk nawk a.

Rualthani han hawichhuak chuan, vânvar thlâr ah lungpui chunga Mangliana, silai kenga hawikual vual vual chu a han hmu a. Tu anih han hrelo mahse, Hmelma ani tih hai bik mawlh heklo. Arawn hmuh mai hlau in, che duh map lo chuan, an thlir dun ta ringawt mai ani.

An chêt vaih chuan, a tan hmuh an awlsam dawn ani tih, Rualthani chuan hreve tlat hek. Lianzuali chu vuan a, hnem ruk sap sap pahin an thu dun ngar mai a. Mahse, an mi hmuh pa chu, luimawng lam panin lung chungah arawn zuang sawt thla ta euh euh mai le.

An chet vat angai ta,,, in phênna tur zawn pah a, an tlanchhiat ve mai loh chuan, arawn hnai thla zel si a. An bul arawn thlen hnaih hunah arawn hmu ngei dawn si. Rualthani chuan kal rawh, tih leh Lianzuali chu kaihthawh aruala, luimawng lam panin an che chhak zui ta ani.

Silai arawn puak leh thawr a. An bul lawk lungpui chu, silaimu in arawn dêng têk chuaih mai. Mahse, Luikawi ah an mahni rawn kap tu chu, an liamsan ta hlauh a. Mahse, reilote ah arawn lang zui ve leh mai dawn si, luidung lah chu thuife alang ngil thla ut tawh mai si a. Luipui lah dai phei ngam ni tawh heklo. suar chhia niin, luipui kuang zim na alo ni leh zel si a. Tui thiam tan lo chuan, ral lehlam kai phei chu thil huphurh awm tak leh theihloh tluk hial ani ngei ang. bihruk na zawn bak chu, antan sahimna beisei tur a awm ta lo.

Mahse, Rualthani. chiai ve miahlo rilru chu apa dungthulin, a ngaihdan kaltlang pui atum ve ta ngut mai. Lianzuali hnenah chuan, Nangtal chauh zawng himdamin chhuak mawlh ang che. Tihian luidung hi zawh thla zel la, i daikai theihna tur i thlen ve leh kai phei in luidung hi, Thangchhungan asawi ang khan zawh thla char char la. Kan khaw chul ram chu i pawh mai dawn nia. Antia. Lianzuali lah chuan, chutin ka kalsan mai theilo che. Mahni chauh chuan, kalna tur pawh ka hreve silo tiin, tah aw tuau in alo chhang a.

In hnialbuaina hun kan neilo. Khipa khi ka theih ang ang in kalo ti khawtlai ange. Kal tawh khai, ka fapa kha i hmuh leh ni ah chuan, ka hmangaih ani tih han hrilh la, lungdam takin, api leh apa ka zui ta ani tih min han hrilhsak ang che. Ral kaih chuan, min kai haw lo ang tih i rawn sawi dawn nia tihpah chuan, hnunglam a hawi zak zak a.

Mihring ruangam pawh luidungah arawn dum thla leh ta zoh zoh mai. Luikuang zimna tih takah vanvar in luitui lai bak chu, kap eng bik hek suh. Mipa tan pawh. Thimthama Luidung khawkrawka han kal buan buan chu thil awl ai ani biklo ani ngei ang. Chuti mai chuan, arawn thleng thla chak bik hauhlo.

Lianzuali chuan, ka nu,, keimah chauha tlân zel zawng ka huphurh emai. Tui hleuh ka thiam alawm. Luitui hi inlenthlak tir ila, ka pui zel dawn che nia, kan thih tak leh kan pahnih in kan ni tal dawn asin tiin, beidawng aw arawn chhuah leh hram a.

Tui chu, i thiam takzet amaw tiin an zawt vat a. Lianzuali chuan, tlema phûr aw deuhin, thiam e fur tuilian ah pawh, vawmkah lui ka hleuh fo alawm alo ti var a. Chuti anih chuan, ti rawh khi alo thlenthlak hma leh min rawn hmuh hma khian, luipui chu hleuh tak ang hmiang. Kei erawh lungtum thlak ang vang vamg ka ni mai. Ka talbuai in ka ti bahlah ang che tih ka hlau zawk ani, tih mawlh mawlh pah chuan, luipui chu an hnaih phei zui nghal a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 16th, 2019, 7:31 pm

Thangchhunga liamta erawh kha chu, mangliana leh a hote ahel ata lângin, tlangdung pangpêr ah mualdung hlatsan ngam silo in, thawm chhuah hlau bawk si, hmanhmawh bawk nen, akal ve tauh tauh a. A nau Lianmawii hre ru rauh rauh chung leh alaka inthiam lohna nen, khâm leh awih tên bak bahai tak tak te chu, lawn in, a chhuk awl heklo. In thlen phawt a, silai nena a thianpa Sangkhuma nena rawl leh ngei tum in a inseh ruh nasa mai ani.

Lianzuali leh anu Rualthani te kha a intiam ang ngei a, pawh leh tumin, a kal ve zel ani a. Kalkhan rem leh nuam zawk zawnga han kal kual turin, mualdung kawn chhuk thla zai zai chu, bosan palh ahlau bawk si. Zanthim hnuaiah a hnaih thei ang ber ni a, ahriat dan ang in akal ani. Him chin a hriat a thlen chuan, tlangdung lam pan chhoh a. Mualdung chu, zawh ve tawh rilruk in, an ding chawl dat a.

Kal leh mai tuma a inher lai mek chuan, a chhak lawk ah meichher eng arawn lang ta mai. Chechang zui ngamlo in, thingbul a bêl zui ta vat a. Meichher eng chuan a awmna lam ala rawn hnaih tak deuh deuh leh nghal a. Atan han tlanchhiat na chi anih tawh loh bakah. Thimthamah thawm chhuahlo a, lo bihruk chu atan vanneihna abeiseiawm zawk ani.

Meichher eng ah mipakhat mai ani tih an hmuh chuan, athaw deuh huai huai a. Mahse, ani hmanraw neilo leh chau chhelo chauh tawh tan chuan, mipakhat tha pawh, a chai atan zawng huphurhawm tak ala ni tho mai. Chu achhap ah meichher ênga rawn lang ta chu, Bawkpui khaw pasaltha Mangliana ala ni tak deuh deuh leh nghal.Mangliana lah chuan, thlir rengtu anei tih reng ahrelo. A thinrim chhan ber Lianzuali chhuah rutu in alo thlir reng ani tih hria se zawng. Thangchhunga chu arawn pawt darh vek duh ngei ang le.

Hetia mangliana rawn kal Thangchhungan alo hmuh theih nachhan ber ni a lang chu, khatia,,,, Lianzuali te sulhnu an chhui zui khan, mualdung an chhuk zawh char char ani tih ahriat chian hnu khan, luipui pawh antum anih aring thiam nghal mai a. Chuvangin, lehkhalh ngei tumin, mualdung tan zawngin, luipui arawn pan thla ta ani a.

Lianzuali tih loh chu, thah vek atum rilru sa rân a. Lianzuali ngei pawh nise, rokhawlhna siama, a tang buai anih ngat chuan, zuah atum biklo. Rualthani te hlei hlei kha, Sangkhuma nu ani tih hre ngat se zawng. Nuamti takin athat thei hial awm e.

Lianzuali tlanchhuak a umzui chhan ber pawh. Amah tlawm tu leh a hmingthatna zawng zawng hnuk hniam a. An lal leh mipui mithmuh a tlawm tu Sangkhuma nen Lalina an mit in dêt dan engkim a hmuh chian vang ani a. Lianzuali chu, anei theilo anih chuan, midangin an nei bik tur anilo tih chu a rilru ani ngut mai ani.

Chu rilru, Mahni hmasial hmangaihna nen chuan, Lianzuali chu arawn umzui ani a. Pawisak anneilo mai nilo in, zahngaihna anei chhete lo ani ber e. Ami huat ber Sangkhuma tawng lo ta chu, a hnaihtu apiang chungah athinrim hrikthlak mai duh in, a châk zek zek mai si a. Thinrim inseh ruh tun in Thangchhunga'n a thlir reng ani tih hre map lo in arawn kal pel thla ta ani.

Thangchhunga chuan, mangliana chu engti tih a, helam rawn pan teh tlat nge maw anih tih chu a ngaihtuah rauh rauh a. Lianzuali te arawn umzui anih ngat chuan, ramchin a hre hle ani ngei anga, Lianzuali te chu a pawh vat an ngai ani. Akal liam ta maw tihah, tlangdung lam chu panin a che chhuak ve ta vat a.
Thawmdim lam pawh a ngaihsak tawh lo. Lianzuali leh anu rualthani pawh vat tum chuan, a theihtawka chakin a kal buan buan mai ani.

Luipui luangri a hre thei tan tih ah chuan, luipui lam atanga silai puak ri lo chhuak chu, chiangzetin a hre ta mai. A ding chawt a. kal leh mai atum lai mek chuan, arawn ri leh. A thinlung chu, hlauhthawnna in asu dup dup mai ani. Luipui lam silai rawn rikna chu, hmanhmawh baklengin a pan ding ta nal nal a.

Luipui luang dum dum sira lungpher chungah chuan, Rualthani chu an ding dat a. Lianzuali chuan tirawh ka nu, ka hleuhkaipui thei em em ang che hlauthawng hauh suh tiin an thlamuana.

Rualthani chuan, panphei pahin. Zuali min ngaidam ang che. Tih theih dang ka neilo tihpahin Lianzuali chu anam thla ta mai a. Suar chak lai ani bawk a, lianzuali chu, tui chuan luimawnglamah alen thla ta ani. Lianzuali chuan ala rawn au zui lawm lawm a. Rualthani chuan vannei la, himdamin let leh ngei ang che. Tuia tlakhlum ai chuan, hmelma beia thih chu ka thlang zawk tlat si a. Min ngaidam ang che aw tiin aphun zui sep sep a. Hmanraw han hman mai tur chi melh pah chungin lungpui phênah tan hmun alo khuar ta ani.

Mangliana chuan, Lianzuali au vau vau ri an hriat chuan, a hmanhmawh zual sauh a. Tui tla ah riak angai nghet hmak mai. Lianzuali tlak tanna bulah chuan dingin, luitui chu a thlir vauh vauh a. Tih ngaihna awm heklo. Lianzuali ber hmuh zui tur awm talo chu, chhan ngaihna awm silo a.A beidawng thinrimin alu thak lo pui chu a hiat ta vel mai mai a. Pakhat zawk tal kha zawn hmuh angai ani. ti rilru chung chuan A kut an la thla, luikam lama amit an lênkual leh chiah chu, a lu ah thingbungin arawn hlap ta chawrh mai. A rawn vawtu tha chu tha hle mahse, thingbung chu alo mawih tawh niin, thing chu a bung hmawk a. Mangliana chu, arawn mengrum ngang mai.

A hnunga hmeichhe hleitling zet lo ding chuan, a thingbung lehlam la chelh chhun chuan, arawn vaw nawn leh tur chiah chu, abânah an dawm sak a. Hnehsawh zet hian, ama lam an phih dawrh mai a. Mangliana te ang thahrui chu, hmeichhe awmnem tan do zawh rual ni heklo. Alam pan chuan arawn kat phei dawrh a. Mangliana thinrim thut khaw hmulo chuan, insehruh chungin abekah alo chum zui siah mai. Rualthani chu, thingtum keuh ang dawpin luikam lunghmunah chuan, a tlu nghal thlawrh a. Che zui tur reng reng a awmlo.

Chutia aleh hlawm tak rengah chuan, Lianzuali alo nih palh hlauthawng ru zetin an bêlchianga. Che zui chi ziazâng alo nilo. A chumna ringawt pawh kha, pa naran lehtawp na tham anih sa tawh vei nen, a tluk na lama alung zuk tauhna chu, a thluak ahnâm sawk mai ani.

Lianzuali anih loh avanga thaw deuh huai chung chuan an dingchhuaka. Lianzuali aw ahriat tawp na, luidung mawnglam chu beidawng rilru zetin athlir thla vauh vauh a. Ami thah tak Sangkhuma nu Rualthani chu, khawngaih leh lainat ahnêkin, a hre zui map lo.

Hmanhmawh pheleng a asilaimu thun chu phawrchhuakin, azên an thun belh a. A Sawh zui mawlh mawlh hnu ah, amu an thun leh te te a. Luimang lama zawn zui zel nge tha anga. Hawsan mai tih ah a rilru a in kap buai viau na a. Zankhawthima, luidung zawh ai chuan, meichher siama kirsan chu atum ta zawk ani.

Thangchhunga lui rawn thlengthla chuan, luimawng lama silai puak thawm chu an hre zui leh nghal zat a. Silai puak ri chu ahla hauhlo. Lungpui chungah chuangkaiin luimawng lam chu, fimkhur tak siin a chhuk thlir vang vang a. Hmuh erawh aneilo. Luimawng lam chu apan thla zui ve ta tho a. Arilru chu, hlauhthawnna hlirin aluah a. Hmanhmawh zetin thimtham hnuaiah a kal thla ve zel a.

Luikam chhengchhe lai tihtakah, lungnal arap fuh ale, inring hman heklo. Tukhum vaw chawrhin a tlu dup mai. A lu tuai vut vut pah chuan, atho tual tual a. A lu hai deuh chu, a inthing nar nar a. an pên tan chiah chu, ake ana tih ahre chiah ani. A kheimit a ti na ta tlat si a. Kal harsa ati in athinrim hlur mai bawk a. Ruh tliak em anilo bawka. Bâi deuh suih suih chungin, luimawng lam chu apan thla zui zel a.

Thimthama ami zuk hmuh chuan, silai zen alo sawh mek ani tih azuk hre thei a. Chuvang chuan, tudang reng annih aring theilo. Mangliana anih loh vêk pawn Hmelma lam lo chu, helaiah silai nen zanthim hnuaia teihawi tur an awm tlat lo. Chung avang chuan, thimthamah fimkhur takin aveh thla ta hriau hriau mai ani.Hmanraw han hman mai tur in, thingbung takngial pawh hmuh tur avang si,, lo châng ngawt dawn se, alo kalna tur ber a hre lâwk bawk silo. Luimawnglam ala thlir vung vung avang chuan, akal thla leh zel lo ang tih lah hriat ni hek suh. Lungtum hum nuam tawk vel adap fuh tak nen chuan, a veh phei them them a. A ke na lah chuan, atur ut ut mai bawk si. Han zuanglim thei zia reng ani silo. Enge maw ti ti chuan, ahnaih ve zel a.

Lung chunga thu luimawnglam thlir chiah chu en in, fimkhur leh thawmdim zeta aveh phei hrauh hrauh lai chuan, thil apal a, a ke lo nasa bawk nen, inring hman heklo. A lung hum thlauh ri rawk chungin, lungchunga thu Mangliana hnung lawkah chuan, ava tlu bawk thlawrh mai. A pawizo ta...

Mangliana chu, rangzetin arawn inhera. A silai rawn lek kawh nghal pah chuan, tunge inih che hlek suh, ka silai hi aper rang viau ania. A den pawh na tak ani tihpahin, a silai kawhmawr arawn chhawn vuh mai.

Ani ke na ta chu, thawh lawk pawh aharsat zawk ani si a. Chet zuina hun nei heklo le. Mipa fa inih ngai chuan, ralthuam neilo hmaah chengrang kau in, i in lek phek ngawt zel tur anilo asin, tihpahin an tho taih taih a.

Mangliana chuan, keipui riltam ang mai a. Hnunglam atanga min vehtu lakah hian, ngên mu ka seng hreh hleinem. Mipa fa zawk chu, tunge ilo enchhin teh ang tihpahin, arawn pan hnai a. A silai a, la tin reng chung chuan, hnunglam atanga min beih tum siin, keia silai keng chu min sel leh si ani maw. Ralthuam ineilo takzet anih chuan, sawlai lungpher fai zau laiah sawn va dingchhuak teh. Tunge inih kan chian teh ang che tiin, silai kawhmawr chuan, an hawlh sawk sawk a.

Thangchhunga tan chuan, athu zawm mai loh chu tihtheih awm heklo. Asawina lam pan tuma an inher chiah chuan, athil lo pal leh tluk phah nachhan, anu Rualthani ruang chu ahmu ve chiah ani. Anu Rualthani te chu, atan hairual ni heklo. A hmuh rual chuan, azuk sawi nghal mai dawn a. Mangliana chuan, kal rawh athi tawh. Nangpawn i zui ve thuai ang. Tihpahin a rawn hawlh leh zawt zawt a.

Thangchhunga chuan, Pasaltha inti ve si, Hmeichhe chungah pawh hêm thlak duh ka hre ngailo e. Zahngaihna neilo mihring hi pasaltha a vuah leh chhiartlak va ni suh. Mipa inih ngai chuan, chen leh chen tiat leh tiat, dinhmun in angah dingin, min hmachhawn ngam dawn em tiin an cho zui sak a.

Mangliana thin sa phut chuan, han tuk thluk nghal mai atum zuau a. Mahse, nuih huah huah pah chuan, nang hi ka hretawh ngat mai che. I han tawng hmangah hian min hrechiang viau bawk anih ka ring. Khawimaw tah khan ding la, ka lam rawn hawi teh tiin dimlo zetin an hawlh nawk a.

Thangchhunga chuan min hrechiang duh anih te chuan, tinge i silai kha dah a. Min hmachhawn mai loh. Kut lawng chuan, engruai inih iringlo emni zawk tiin, tih thinrim phet atum lui tlat a. A hneh emaw hnehlo emaw athi dawn anih rau rau chuan, arte thih ngawt aiah Mangliana chu engemaw ti tala sualpui leh tihnat atum rilru rân ani. A tum chu a cho chhuak ta reng bawk a.

Mangliana chuan chiangzeta rawn thlek pahin, ka lo hre har zawk hle mai che kati. Sangkhuma thianpa uangthuan zet kha ini maw... i duh ang chu ka pe mawlh ang che. I thianpa laka ka thinrimna hi i chungah hian kan hrithla then teh ang. Nang anga Sangkhuma hmachhawn theih hun hi asin kalo chak leh ngaihtuah reng chu ni a. A ai chu han awh mawlh teh ang che. I duh leh i hriam neih chu han lek ta che,, tiin an cho zui ta nghal a.

Thangchhunga chuan, Sangkhuma zawng engkawngah mah i chelh tawp lo ang le. Hriam lek tur ka neilo ta rau rau. Khawkhat pasaltha ve meuh chuan, kut lawngin min bei ngam ve ang chu maw tiin an cho let leh salh a.

Mangliana thinrim chu, a ter at mai. A silai chu tungin, a ipte pui a nghat lawk a. Thangchhunga chu, arawn bawhphei ta ruak ruak mai ani. Chu chu Thangchhunga lo beisei leh tum ber ani thung. Mangliana rawn sa patal phei chu, alo melh kar a. Tharumah a khanlo hle dawn tih ahriat avangin, in manbeh tir loh hrim hrim atum ani.

Mangliana te ang palian sek phiarfuat mai. Chak tih hriat ngawih ngawih acho ngam hi huaisenna tawp chu ani ve hrim hrim. Pa pangngai tan chuan, a hma ah thinthi a, zahngaihna ngen lawm lawm na tham ani ve reng reng a. Thangchhunga erawh azâm bik hauhlo. Aite pawhin, akawtawpah chuan bawp tla hlawkin aw,, anti ngai ani lawmni tih chu, a ngaihdan ani bur mai.

Mangliana'n arawn pawm beh hma chiah chuan, akûn zauh a. Mangliana khabe ah chuan, an chho hnek awrh mai a. ahlatsan zawngin a per zui vat a. Mangliana erawh atlu hauhlo. Patling kawngkal dandin satliah ang maiin a ding chut ringawt. Chuta athinrim rawn thawk leh erawh savawm zurui ang mai ani ta. A khabe chu atuai vut vut a. Thinrim rûm ngul ngul chungin, ameng sen rúm a. Thangchhunga chu, tham lo zeta nuisawh chungin, pawhsawp vek tum hian, an bawh phei leh a.

Lo insaseng zung zung turin, an inbeihna hmunin, zir miau heklo. A ke na bawk si chuan, atuan ati fum lo thei silo a. Thangchhunga tan insasengna hun a awm talo. Mangliana thinrim chuan, arawn man fuh rual rualin. A thawm ta nawk nawk mai le. Thangchhunga tan zawng, keipui hma a, uichal chan ang lek Mangliana lakah chuan ani ta si.

Manglianan an pawm kan ruala, an paih thlu chu, a paihtu tha chu, atan chelh rual ni heklo, lungchunga a zuk intauh bup chu, a khawhmuh athim in avâi nghal ruai mai. Mangliana thinrim lah chuan, arawn thlawh a, an tum zui bawk a. Ana hriatna te chu, abo vek. Mahse, chechang thei ani talo. Mangliana thinrim in, âng bawrh bawrh chunga atlawh chawrh chawrh hnu chuan, phih tho leh in, luikam lungpher ah chuan, an paih zui leh thlawrh a. A ngaihtuahna thlengin a bozota. A thihni a ban ve ta ani ngei ang.

Hmeichhe te tuarh thawm leh mangliana thinrim ang thawm chu a hre zui ruai ruai a. Hmeichhe aw chu, Lianzuali ngei ani tih ala hrethei. Chu aw chuan, harhna thar pe in, a inti chak lui hram hram a.

A theihtawp chhuahin, dinchhuah leh tumin an inbeng khalh a. Mahse, chu zawng thil theihloh ani. Tun thlenga ala thi lo hi, ahliam tawrh ngaihtuah chuan, thilmak tawp ani ngei ang. Lianzuali aw chu, an hre leh riruai a. A hre hla tial tial a, a khawhmuh pawh thim zota. A chhungte leh anau Lianmawii te chu an ngaihtuah a. A hmel hmuh leh achãk in, a humhim theilo chu, pawi ati in a inthiamthei mawlh lo. An chunga ngaihdam dil ru mawlh mawlh chung chuan, a hriatna bo mek leh vairuai mai nen chuan, nikhua ahrezui talo ani.

Rualthanin tui a, anam thlak tak Lianzuali kha, tui khan thui alen thlak hma in, tui zangkhauh ring chuan, vaukam lam panin ahleuh zui nghal vat a. Asawi ang takin, tui zawng alo thiam na meuh mai. Mahse, luikam chu lungbang anih thlak deuh zui avangin, han kaina mai tur a hre bik mai lo a. Kawi khat zet a inlenthlak tir takah chuan, lui kuang chu, alo pharhzau ta huar mai. thlang lawk chu tiauzawl hmun nuam pharh ut mai niin li lian tak thlang suar panlaiah chuan, awlsam takin a hleuh chhuak a. Luitui chu malte thleng lekin a kân phei a. A chawlh vang vang hnu ah. A nu Rualthani chu, tlansan mai tum talo chuan, luipui chu arawn zawh chho leh ngat ani.

Lo tlan chhe thla zel ta se, tihte angaihtuah a. Amah maia luitui kân na tha leh awlsam an hmuh takah phei chuan, a ngaihtuah let lo theilo ani. Zanthim hnuaiah zawng luikam chhengchhe lai chu, zawh aharsat avangin, thuilo te mahnise. Hmeichhe awmnem, ram dai leh hmunkhirh kal tamlo ber alo ni vei nen a kal sawt hleithei lo ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 17th, 2019, 7:20 pm

A rawn thlen chhoh meuh chuan, Mangliana'n hnehsawh zet leh dimna chhete pawh neilo a, Thangchhunga alo sawisa lai chu arawn hmu a. Chhak lawk a, anu Rualthani ruang let reng an hmuh leh hnu ah phei chuan, hmeichhia mah nise, a thinlungah hlauhna in hmun achang tawh lo. Mangliana'n Thangchhunga atum chawrh chawrh lai chuan, hmanraw hman tur dapin amelh kual ruai ruai a. Lungpui sira Mangliana silai leh ipte pui chu ava hmu ta ani.

Silai chu, an chuh ve ngawt tak na in, a hmetper thiam ta tlat lo. An hmet ve ngial thin tak na a, apuak thei tlat silo a. Tih ngaihna dang hre heklo le, ipte pui chhunga, Mangliana chempui lianzet chu la chhuakin, manglian chu apanphei ta ani.

Mangliana lah chuan, khawdang hawi lek lo in, Thangchhunga diriam reng reng in, atha alo thawh ve mek bawk a. chumi lai tak chu chuhin, Lianzuali chuan, mangliana tukhumah tak sah tum chuan, achem chu an vai vak a. Mahse, a palenna chuan, mangliana chu a chhanhim ta ani ber, lianzuali chuan, aduhna lai takah sat phak heklo. Mangliana dar hnunglam ah achem chuan ahan sat ta zawk ani.

A awmna aia, mangliana awmna ala sang zawk cheu si a. Mangliana chem lah pa naran chem aia lian leh rit alo ni bawk nen. A duh ang thâl in leklam zo heklo, atum na ber asah phakloh bak ah. Chem phek zawng chuan, ahan hem titih a. Chuvang chuan, a kutthlak nat ang pawhin, a kutthlakna erawh ana lemlo.

Mangliana rawn inher chu, hlauin an kimki leh rih a. Chu tak chu, Mangliana tan duhthusam ani thung si. Mangliana rawn hawiletin, Lianzuali an hmu chu, a thinrimna ai mahin, phûrna angah zawk mah awm e. Lianzuali chu, manbetin a chem chu an chhuhsak nghal zat a.

Sangkhuma te thiandun chu, luikam an rawn tlak thlakna tiauzawl atang chuan, lui hnar lam an rawn pan chho ta kha ani a. Thui pawh an zawh chhoh hma in, suar pan laiah luitui an kan phei a. Silai rikna lam ni a, an hriat chu, an rin zawn chho tawp mai ani. An lui daikai na chu, Lianzualin a hma lawkin a daikai ani tih hria se eng rilru tak pu ang maw.

A hmasa zawka kal, Vunga chuan luikam balu lei nem laiah chuan, hmeichhe hniak a hmu ta ngei reng a. Sangkhuma han kawh hmuh pah chuan, hei hmeichhe hniak lah ni tlata ka hriat chu le,,, luihnar lam panin a kal anih hmel leh nghal a. Hetiang ram rila hmeichhe maltlat chu, tu tak ni ang maw le. Lasi nula han ti dawn ila, an ke hniak an hnutchhiah âwm lêk silo a. A ke hniak hi, i zui chho ve ngawt mai teh ang anti zui zat a. Sangkhuma pawh in, eng dang sawilo chuan, ke hniak chu a bih vung vunga. A hma akal Vunga chu azui ve mai bawk a.

Luidung chhengchhe lai an pel chho dawn tih ah chuan, kan hmeichhe hniak hnutchhiahtu hi, ka rin aiin a kal thei zawk phian mai kati. Zan khawthim hnuaiah a vak chho ani phawt anga. Engti tih a, kal thei nge maw anih zawk chu le... tiin vunga chu arawn tawngchhuak leh bauh a.

Sangkhuma arilru kâwma in ngaihtuah vung vung chuan, ani ngawt mai zanthim hnuaiah êng tello a, akal anih ngat chuan, a mangang hle ang le. Hei kan hmuh chhoh mai ka rin vei nen, ka rinang ngawtin kan hmu mai lo tawp mai. A hniak hnu lah lungchungah chuan alang ve thei bawk silo a. Mahse, han pênsan na turin, lungbang ah hi chuan, alawn awm der silo a, luitui hi, a hleuh kai anih ngawt loh chuan, a peng lo turah i ngai phawt teh ang atih lai mek chuan, a hma akal mek Vunga chu, a ding chat a.

Ngawiteh chu,,, eng thawm nge ni.. rûm ri ava ang ve,,, titeh i chian vat teh ang. Kan hma a lungpui phen atang khian niin ka hria, tih leh lungpui chu, hêl aruala. A thil va hmuh chuan, a barakhaih ngang aniang chu, a ding chawt mai.

Sangkhuma chuan, Thangchhung tih pahin, arawn hmakhalh vat a. A thianpa leh a unaupa ni bawk. Thangchhunga bawksawp nuaih chu thutchilhin a ko zui nghal mawlh mawlh a. Engtin nge ala dam theih. A hliam chu han en mai pawhin ana tawk ani tih ahriat hliah hliah ani. A mit lehlam chu avung phui vek a. Alu atanga thisen chhuak leh ahnar thi te chuan, a hmelhmai bakah, a awmna lungpher te chu, a bual sen ngei nguai mai ani.

Sangkhuma chuan, sawi nawk nawk chu duh viau mahse, a hliam nat tur zia a hriatsak avangin a ko mawlh mawlh reng a. Chhanna erawh chu, natuar rûm ri chauh ani thung. Chutia Thangchhunga buaipui a, a thutchilh lai chuan, valupa Vunga chuan, sangkhuma nu ruang lo let hlawm reng chu, ava hmu zui leh a.

Sangkhuma han hrilh dan tur pawh thiam har ati in, a hamhaih angreng kher mai. Thangchhunga ko a, lo thutchilh mektu, Sangkhuma chu panpheiin, a dâra va khawih pah chuan, a nu ruang chu a kawhhmuh ta ringawt a. A thi tawh tih hrilh nan, alu thing in, a meng dul raih a. Sangkhuma rawn thawhchhuah tum mek chu, Thangchhunga chuan, abanah thei leh theilo hian, arawn man tawk tawk a.

Sangkhuma chu athu leh vat a. Thangchhunga rawn tawngchhuah tum, hmui phun chu ngaihthlak tumin abeng azuk dawh a. Thangchhunga chuan, harsa ti zet hian, unaupa ilo thleng tawh maw,,, kava ngai che em,,, kalo nghak reng che anih hi, i nu leh ka chunga kutthlak tu Mangliana kha, pialralah kalo hmuak dawn ani tih min han hrilhsak ang che aw... ka rulh let theih nan, i rawn thawn ngei ang tih min tiam rawh arawn ti thâm tiak a.

Sangkhuma chuan tehlul mai. Lungngai hauh suh ang che. Kut ke kim in nge iduh, kimlo in. Inti pachang la tuar fan fan rawh. I tello in enge ka nih ang. Nang tal chuan min kalsan ve lul suh. Damtakin khua ah kan kir leh ngei tur ani anti a.

Thangchhunga chu, harsa ti zet hian arawn then sak a. Mangliana khan Lianzuali kha aman leh in ka hria, i bul ka rawn thlen zolo ani. Min ngaidam ang che. Kanu thani(sangkhuma nu) nen pialral atang kan lo thlir reng ang che. Midang kha chhanhim ngei ang che aw... tiin a rawn tawng lui hram hram a. A beng atang te chuan, thisen arawn chhuak zui ngiai ngiai a.

Nilo ve,, min kalsan suh. I tello in engtin nge ka awm ang. Chhungkua ka nei tawh lo asin. Tuar hram hram teh tiin sangkhuma chuan a ko zui lawm lawm a. A tawp nan ti niawm fahranin, Thangchhunga chu, arawn nui leh sak a. unaupa Lungmuang takin ka kal thei ta, nangmah nghakin ani kala dam chauh ni. Khi inu, leh kapu an lo lang e, min kal tir tawh rawh. Ka nâ tawrh hi ana emai, ka damchhuahpui zo chuanglo ang arawn ti tawk tawk a.

Sangkhuma meuh pawh, a mittui a hnam sawk mai. A nih leh le, lungmuang takin kal ta che... i bâwih leh chhiahhlawh ni turin, Mangliana chuan, i hnen arawn thleng mawlh ang anti sap a. Thangchhunga chu, thihsual pawh nei miahlo in, azal riai riai a. A chatthla zui ta ani. Sangkhuma chuan, lungchhe em em in, a tette ata, a kawmngeih leh a aihnah phahpui, a unaupa ang hiala angaih. A then tak chu, a pawm vawng vawng a. Anu ruang let reng bulah chuan, a pawmphei a. A zalh dun ta ani.

A tuarah van pui a chim tak meuh meuh a. A hnuk ulh chu, insum har ati kher mai. A nu ruang dai ngiak tawh chu, an pawm a. Kapi lo hmuak ang che aw... hei ka nu alo kalve hi, kapa,, ka nu hi lo thlamuan la, lo venghim ang che. Ka venghim zolo ani... keimah mai a, awm turin ngahnge maw min kalsan vek mai le... ka nu, min ngaidam ang che aw.. ka vahbo san vang vek che ani si a.. i mangan leh thlabar lai bera, i fapa in ka thlamuan theilo che hi ana kavan ti em. Katana ilo tawrh zawng zawng te kha, ka la rul ve hleinem che. I kianga awm hi kala thlahlelh asin ati vawng vawng a.

Famkhua ah chuan lungrualin leng ula, in fapa hi minlo nghak ang che u. In chunga hlei lên tu te nen kan lo kal ve ngei ang. In tello hringnun hman hi thlakhlelhna ka neilo e. pialral kawtchhuah atang chuan minlo thlir ula. Kei emaw anni emaw chuan, kan la rawn zui ve mawlh ang che u. Anti sap sap a.

Hnuk ulh insum teuh chung chuan, uVung min hrethiam teh ang che. ka insum zo nganglo ani. Engtin nge kan tih ang. Hetia han kalsan ngawt lah chu, ruangdai mai mah nise. Ka ngaingam ngang lo ani. Ka venhim theihloh hnuah pawh, an ruang leh zel hi, ramsa te chaw atan ka hnutchhiah theilo. anti a.

Vunga chuan, ka hrethiam lutuk che lawm. I rilru pawh ka pawmpui a che. I remtih chuan, hei hi kan rawt teh ang. Kan awmna in azir silo a. Luikam leinem laiah hian, zalh ila, ramsa ten an hai hawn theih loh nan lungin kan chhilh mai dawn em mi niang anti a. Awle,, a tha ngawt tak ang chu, kan hun neih in azir bawk silo. Lusun a, tâp reng thei pawh ka nih loh hi. I rawtna ang chuan, iti ang hmiang ati ve ta ani.

Khup thleng vel a thukin, lei an cho khuara chutah chuan, anu leh Thangchhunga chu zalh dunin, luikam lungtum chuan an chhilh zui ta ani.

A hma a, lung intiang vum thur bulah chuan sangkhuma chu ading vang a. Minlo thlir mawlh ang cheu aw... in rauthla talin min rawn awmpui ang cheu. Intana ka tih theih tawk hi min pawmsak ula, muangten piallei daiah chuan, zal nang che u. In chunga hêm thlak tu chu, in chaih phar ve theih nan, ka rawn umzui tir ngei ang che u tih ka tiam e. Unaupa,,, mangtha aw... ka nu,,, Mangtha le.. min han hreve reng thin dawn nia. tiin a phun sep sep a. Inher in, hnunglam hawikir hauhlo chuan, akalsan ta ani.

Luikamah zel hnu hma zawngin, an kal chho a. A nu leh lianzuali te ho luipui rawn tlak thlakna pawh an pawh chho ta.. an hnuhma chu chhuizui nge tha anga. Thangchhunga thusawi bawhzui a, Mangliana hnuhma zawn zui zel tih thu ah, an han inrawn leh rih a.

Sangkhuma chuan, Mangliana hnuhma ngei i zawng teh ang. Lianzuali a hruai anih ngat chuan, akal sâwt bik hauhlo anga, hnuhma pawh a hnutchhiah ngei ang. Kan khua ti ram a. Ka chhungte min thah zawh saktu hi, hmaihma ngeia hmachhawn ka duh ani. A pian hma ngai ram ram turin, kan siam ve teh ang tiin a hachang a thial rap rap a.

Valupa Vunga pawhin, i thu thu le, i duhdan dan ka pawm e. I thinrimna erawh i chhia leh tha hriatna tih bo tir suh ang che alo ti ve bauh a. Mangliana sulhnu zawngin, luikam ah chuan, inkar hlat angreng tak hian, an chho dun ta zel a.

Tlangau fapa leh midang ruang te chu, hmu chho tho mahse,,, an hmanhmawh em avangin, rilrua ngaihdam dil mawlh mawlh chungin, an kalsan ta zel a. Mangliana leh lianzuali hnu pawh tiau leh balu lei nem zingah an hmu chho ta mai reng ani. Sangkhuma chu a hmanhmawh sauh mai. Hnuhma chu chhui in an kal sauh sauh a.

An hnuhma atang chuan, Mangliana chuan, meichher a chhi anih ngei arinawm. A meichher ek nawr thlakna te hmuh tur a awm tlat ani. Mangliana sulhnu chu, ngawchhungah an chhui lut ta zel a. Fimkhur thu hla ah, thawmdim alo ngaive bawk nen. Duh ang thâl in an kal theih loh phah zawk ani.

Kalpahin, hruizik leh hnah nem banin, an faisa kan puah pai te nen, an inhnawhpuar ve zel a. Vunga erawh a chau tawh kher mai. Mahse, nunna meuh pawh chân huama, Sangkhuma hi zui ve ani tlat si a, buaipui ngai leh ti hnufum tu a tan chu atum bik bau lo. Dam leh tlangkhat, thih leh ruam khat tih chu, ala sahuai thin vawn tlut tho.

Ngawchhung dai raih chuan, an taksa chau tawh tak chu, a chhan viau zawk a. An thinrimna leh phuba lak châkna chuan, thathar a pe ani ngei ang. Ramvak haw hlim, zankhua a kawngkal annih rêng ahriat loh mai.

Mangliana chuan, ramchin a hre hle ani tih a hriat. A inkulhna hmun a pawh leh chat thei tlat ani. A sulhnu bik chu hriat hran ni tawhlo mahse, a thiante hnuhma leh an râlkaih te sulhnu phêrh vêk vûk chu, a hma aiin chhui anuam in, Sangkhuma te kawng sialsak tu anni ta ber a. Mangliana pawhin, athiante sulhnu chu azui ve ngei an ring tlat ani. Sangkhumate thiandun chuan, thatho zetin, Mangliana leh a thiante sulhnu chu an chhui zui ta zar zar a. Sangkhuma chuan hma hruaiin, a thinrimna vawrtawp chu, upbeh hram hram tumin a ngaihtuah duhlo lui tlat a. Vunga hnenah chuan, hei an hnuhma hi hai rual anilo bawk a. Hnung dal an insiam palh tak hlauhin, kalo va hmasa fal deuh anga. Muangmarin i rawn kal dawn nia. Rawn hmanhmawh duh lo la, a him chinah kalo nghak ang che, ati a.

E, ni tuk e a,,, katan chuan, nuamsa ani ang chu, va kal hmasa tawh khai. Mahse, i thinrimna avangin, i rilru a fimlo palh hlauh ange. Mângliana i hmu fuh anih pawn, insum la thinrim laia chet buan buan hi chu, atha ngailo ania aw... Nang ber i tluk chuan, keichu tlawm sa ka ni tih hria la. Rilru fim i pu hram hram dawn nia alo ti ve vat a. An inhlatsan ta ani.

Tlailam naurual zanriah chhum hun vel ani tawh a. Vunga chu Sangkhûm an alo ko ding a. I châu em, ti a lo biak seuh seuh pah chuan, Hei an khua kan thleng dawn dêr mai... khawdai ah sawn an in nghat a. Rammu hlawhtlingte tih danin, khua an nghak var dawn ani. Zanin hi kan hun neih tawp ani ta... ti teh in hnawhpuarna zawngin, i chawl hahdam teh ang. Kalo chian vek tawh a. Kan chet dan tur rêlin fianrial i pansan ang hmiang. Chawlh hahdamna hun kan neih chhun hi, âm taka kan hman ve angai ani alo ti sawk sawk a.

Kâwrtê ah, luite tui an bêl a, an buhfai bawk chu chhûm in, meikhu chhuah nasa lo thei ang berin, ei an rel a. Chawhnu lam ah zawng, kawr ruam ah hi chuan, thlî hi chhuk zawng zel in a thaw thin a. Chumi anih avang leh him tawk china an ngaih anih avangin, mei an chhêm ngam chauh reng ani. Sangkhuma chuan, a rungmal lo vawmthluk chu hem in a a tawng mawlh mawlh a.

Zanin tlai hi chaw kan ei hnuhnun ber tur pawh ani thei a. Râl kutah kan fam ta anih pawn, riltam chunga pialral kai zawng i tum biklo teh ang. zanin zet chu a siruk lâ in kan che aniang chu, vanlai tla an sawi ang maia min siamtu te chungah hian, zahngaihna ka lo lantir sang lua ani. Dam thlakhlelhna neilo in min siam ta sa sa, thih hlau lo chet dan leh nunphung kan tem tir aniang chu tiin a in seh ruh kher mai.

A mitmeng zaidam dup thin kha, a lungchhiatna leh thinrimna vangin, asen râm mai a. A meng dur khaih mai ani. A rilru erawh afim hle tih a hriat thung. A mah hrechiangtu ani bawk a, Vunga chuan, Sangkhuma chezia leh mitmeng chu, a tawrhhlelh awm hle ang tih a hre mai.

An inpeihfel rual chuan, khaw ên lai chuhin, chaw an bar sawk sawk a. Mangliana te ho, an khaw daia inkulh mek te chu an pan zui ta ani. A him chin atang an chevel chu an thlir a. Zan lama an nungchan zir hun, silai puah tam hun leh an hlim sahawk hun tur chu an nghak ta rân mai ani.

Sangkhuma chuan, UVung tihian mutthilh itum teh ang. kan awmna hi ahim tawk bawk alawm le,,, kan châu lutuk palh hlauh ange. Nizan kan kal tlaivar thak tawh a. Vawiin nilengin chawlhna hun kan nei heklo. Thawhtlai a awmlo tawp ang. An silai puak thawmin min kai harh tho ang. Lungmuang takin i han chhing dun sek teh ang.

Ani tak e a,,, thawhhai a awmthei hauhlo tak ang chu,,, a harh hmasa sa in kaihthawh ah kan ti aniang chu tiin Vunga chuan mut hmun arem sat sat a. Sangkhuma chuan, i harh huna kalo awmlo anih pawn, chiai hauhlo in minlo nghak tawp ang che. Anni ho saw ka thlithlai ani tih i hre dawn nia atih zauh hnu chuan, An mu zui ta vang vang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 18th, 2019, 8:58 pm

Sangkhuma mutui lai chu, tu tih hriatloh hian, tho rawh atlai tawh tiin arawn hrilh a. A harh zawk mai. Silai puak ri ulh ulh ri an hre zui nghal zat a. Mangliana te chuan thawm anlo nei fe tawh niin. Rawn kaiharh zawk tu kha, mak ati ang reng viau a. Mahse, apu(Thangchhunga pu) in alo sawi tawh dan ahrechhuak thut a. Alo ni maw,,, ati rilru vang vang mai (hetianga kaitho tu awm thin hi, ramhuai chi khat tHANG angin an sawi thin a. Ram pilril emaw, ramhnuai leh fehkawng vela han muthilh hian, tho rawh atlai tawh ti a, min kaitho tu hi an awm thin ve châwk ani. Hetiang avang hian, thangharh tih tawngkam hi alo chhuak ani awm e.) A bula mu Vunga thaw sâk sâk chu, tihharh hlau takin a tho tham tham a. A silai chu, an endik leh te te a. Mangliana leh a hote awmna lam chu apan phei ta ani. Mangliana te ho chu, anlo phûrin an hlim kher mai. An rin leh beisei ang aia khua an thleng hma tur chu an helhhawlh hle ani. Tu pawh mai chu an hlimin, engdangmah an ngaihtuah theilo. Ralkai ngata han haw hi chu adanglamin, hlawhtlinna vawrtawp ani tlat ani. An silai chu lâwnin tlang an tlir a, khua an thâwm ulh ulh mai ani.

Thinlung na leh hliampui tuar mek. Pawisak nei tawh lo leh dam aia thih ve châk zek zek tawh zawk. Hmelma te chunga khawngaihna leh lainatna lantir tum tawh bau lo. Thinrimna akhat phuba lak chiah damchhan neia inhria, sakei sawm pawh ûm hlum thak thei tur khawpa thinrimna in atuam mek Zopui khaw pasaltha. hûai ho pawhin an hlauh tlawn Sangkhuma chuan, an ni chu pêl in arawn veh ani tih hre ngat se zawng. An hlim sahawk bik lo tawp ang le.

Sangkhuma chuan, thim zing atang tan hmun tha zawngin a melh kual a. Chet lak dan tur a ngaihtuah mek lai chuan, a awmna thlanglam kawr ruam atang chuan, alam pan zawnga meichher êng lo chho mek chu azuk hmu a. Mangliana hote zing ami tuichawi annih aring nghal hmiah ani. Chu chu beih hmasak tumin, thawm hriatloh tur leh meichher eng chu mangliana ten an hmuh ve theih hma a, zuk tuk thluk ngei tumin apan thla ta ani.

Kawngchhak ah thu in alo châng rân mai a. Mipathum lai anni tlat mai. Silai erawh pakhat chiahin a keng a. Mau um in tui an rawn pu far mai bawk a. Silai hmehpuah aduh loh avangin. A silai chu abula thingkung ngheng chuan, an tung tha te te a. A chem chu a phawrh ta ani.

A hnungbera silai kengtu chu, kutthlak hmasak ber angaih avangin, a zawn a mipahnih lokal te chu, a inpelh tir te te a. A hnungbera mi chuan, arawn pel chho ve chiah tih ah chuan, azuive ta choh a.

A hnung atanga han sah nghal mai chu an tum zet a. mahse, amah thattu hmel tal ahriat theih nan tiin. A silai put lai chu a dâwtah manin an phihthlak sak lawp mai a. Chupa chu, hrilhhaizet hian ameichher nen arawn hawilet vat a. chu tak mai chu, Sangkhuma chuan alu phelphawk khawpin an sat ta ani.

A thiante pahnih chu, meichher êng danglam tak vang chu ni ngei tur ani. An ding chat a. Pakhat chuan, engti zia nge ni arawn ti vat bawk a. A hnungzawka kal rawn tawngchhuak mek chu, arawn hawi let vat a. Mahse a hma a lo ding chu, a hmelhriat hauhloh Sangkhuma ani tlat. Tunge,, ati hman zuau a. Alu chu a chhip atang alai takah phelphawk ani ve nghal. A hmasa ber a kal chu, atui um put lai paihin atlan ta mai a, Sangkhuma chuan, abula tuium chu, an sat fik hmawk a. A hma a, tlanchhe chho mek pa chu, ahan khawh tlang zawk mai. Ring vak lo hian, ami khawh pa chu, ate deuh that a. Kawngthlangah alet thla tupa, hnimzingah chuan, thihsual in atal khur chawr chawr mai ani. Ruang te chu kawng thlangah, kawng atang hmuh phak loh turin a theh thla vek a. Mangliana te lam bei zui turin, Vunga awmna lam apan san ta a.

Vunga chu alo la mutui ngang mai. A châu tawngkhawng viau ni tur ani. Silai puak ri ulh ulh pawn ati harh map lo. Sangkhuma chuan, an sawi harh a.

A rawn harh ruala silai puak thawm ahriat vang chuan, Vunga chuan a silai arawn dap nghal ruai a. An harh chian tak hnu chuan inthlahdulin, kalo va mutui awm ve mawle.. a tlai tawh viau em arawn ti nung nung a.

Tlai lo e,,, i mutui sia, i châu viau anih ka ring a, ka kaitho duh lawk lo che nih kha, hei i thil zawn chu anilo maw tihpahin, Vunga indap that that reng chu vaibel an pe a, anih hi,, meitalh eng ila apawi phak em lawng chu maw anti zui zat a. A pailung chu talhin, a vaibel a lakaia, pak tulh tulh pah chuan, thla eng chu athlir zui vang vang a.

Sangkhuma chuan, Uvung enge ni i ngaihtuah veng veng, hei sarep hi thial duh lawmni tihpahin, an Tumpang kah sarep chu arawn pe a. Vunga chuan, thial chap chap pahin, engdang ngaihtuah lo e,, chi thlah lo a thih hi ka thil hreh ber ani thin a. Mahse, Nupui fanau lo nei ta ila, ka kalsan turte ngaihtuah reng rengin, ka hreh zawk ngei awm si a kalo ti vel mai mai alawm. Mangliana leh a hote chu an thawm ava tha dum dum ve, engtin nge hma kan lak dawn le,,, arawn ti bauh bauh a.

Sangkhuma chuan, kalo va thlithlai tawh a. Ti teh i inpeih chuan, iva hnaih phei teh ang. An thiante pathum tuichawi ka thah sak tawh si a, an ngaih athalo hman palh ange. Beihzui zai irel ve tawh teh ang, an nuam tawlna khua asei tawh bawk alawm le,, kan ngen mu te hi han tawng ve se, nuam zawng an sa rei bik hlei lawng e.

Ka muthilh hlanin ilo thawk fe tawh ni maw,,, i han bei teh tak ang hmiang. Enge beisei tur kan neih chuan, kan khua lah min rauh sak tawh a. Mipa til tial zet tawh hi beidawng leh thinlung na in min thlahthlam a, ka thawk têk tek theih chhung chu, an ni lakah sawn hnung tawlhin hniak khat pawh ka phawi tawp lo ang. Thih hlau lo ralpui pahnih kan ni alawm le,, i kianga thih leh ralbeih chu, katan chuan chawimawina nopui dawm nen danglamna a awm hleinem. I han tang ral raih teh ang aw ni. Tiin Vunga chu, hachang thialin a inseh ruh a. Mangliana leh ahote chu, an veh phei ta them them mai le.

Sangkhuma chuan, uVung nang hetah lo tang la.. hei silai pakhat ka man hi i hmang tel dawn nia, kan mite saw keiin kava chhuah ru anga. Mipa ho saw min puitu atan an tangkai thei dawn ani. I chem kha minlo pai ve thung teh. Hmanrua kan neih ang ang kan lek tir ve zel angai ani. an hlim sahawk vel avang sawn, min hre chang dawn hauh lo a. Ka inpeih ve leh ka rawn kûk vak anga, chu ve leh meichhem saw i kap dawn nia.

Ngawiteh iva luh phei mai chuan, ava hlauhawm duh awm ve, anlo hre palh hlauh ang che... saw,, sawpa saw Mangliana ani lawmni. Han saithluk tawp mai kava châk em tihpahin Vunga chuan, asilai alek uaih uaih a. Sangkhuma chuan, Nilo ve,, sawpa saw chu ka bitum tur liau liau ah dah ang che. Chuti mai a, a thih ka phal hleinem. Nuamsa taka thihtir i tum mai ni. Tah hian lo awm la, ka kûk ri chu lo ngaichâng reng ang che. Ka kûk ri i hriat hnu ah chuan, i duh apiang ilo sai thlu thei ang. Mangliana erawh ka chanah i dah hram dawn nia. I awmhmun hi rawn chhuahsan ve hauh suh ang che. I awmna lamah hian kan mite ka rawn tir dawn ani anti leh thlap a, a thawkchhuak zui ta nghal a.

Sangkhuma chu thih hlaulo tihtakah angampa kher mai. Mahse, mei eng chinah erawh a awm duh hauhlo thung. Mangliana leh a hote zingah chuan, lut ve in, a vei thuak thuak a. A sirtawng deuh a, mipakhat lo awm, an mi leh sa te awm hnaih bertu leh aveng tura an dah ni ngei tur chu, meitalh ava dil a. chupa lah chuan ngaihtuah hleilo in, an ralman te an ventir bik chu, anin tawh thu lo sawi bul bul pahin, a indap ruk ruk a.

Chu chu remchangah la in a chumthlu tawp a. An mi te zingah chuan, ava zalh tha ta ani. Amah hnaih ber tu chu, a zawlbuk kaipui thin Riliana lo niin, alo hre nghal chat ani ngei ang arawn ko dût dût a. Mangliana chuan an phuarna chu ava phelh sawt sawt a. Vunga chem chu pek pahin, midang hi kaitho in lo phelh vek rawh. Mipa hlir hi chhuah hmasa ang che. Hepa silai leh chem hi la la. Midang i peve dawn nia, tumah chiai suh u. Ka kûk ri in hriat ve leh. Mipahnihin, midang zawng hi hruaiin, hei in awmna thlang ruam hi panin tlan ula, silaimu leng in tawn loh nan, a pangperah pheiin, sawlai mualpawng saw lo panpui rawhse, sawtah sawn uVunga a awm a. A silai ri ah inva pawh thei mai ang. Midang harh tha deuhin hmanrua lek se, minrawn puibawm ve dawn nia. ka kûk ri lo ngaichang vek ang che u. Tikhan midang hrilh darh zel ang che u ati zung zung a. Ani erawh Mangliana te hmuh phak turin ralvengtu aiah ava ding lang ta thung a.

A rilru leh mit chu, Lianzuali zawngin avan ruai ruai a. A hmuzo tlat lo chu a mangang ru viau mai. Ngaihtuahna thalo tak tak a rilru ah alo lut nghal zut zut a, chu chuan ati thinrim tulh tulh leh nghal.

Chutih lai chuan, alam panin mipahnih an rawn phei mek tih ava hmu a, an rawn hriat mai loh nan, an hmuh lai reng si chuan, hmun thim deuh lai chuh pahin, lo phei mek te chu alo hnungchhawn a.

An rawn titi phei bawrh bawrh a, pakhat chuan, ka paitung ka ruah der mai. Fungki nen lam ka ruah thak nia mawle,, kalo phûr pheng ani ngei ang. Nang ila nei em tiin a thianpa chu an zawt a. Pakhat chuan, fungki ah chuan tlem kala nei a, mahse, silai bengchah ber paitung erawh ka ruah thak ve tho. Hei kan ralveng Chhingvunga hian, ala nei ngah khawp ang. Zantir atang ala ding ngat ngat alawm. Silai ala kap ve hauh hleinem, kan dil dawn nia alo ti ve vat a.

An rawn thleng phei hnai viau tawh tih ah chuan, a tawng hmasa tu bawk chuan kan thudang alai chuan, kan u Mangliana salman nula saw ava han hmeltha kher ve,, kalo hmu ngai miahlo a. Sawtia midang zingah pawh dahve lo a, abula adah tlat danah sawn, a duh hle ani ngei ang maw,,, Duh awm teh e,, keipawh ni ila, ka duh hlum lo chauh ang chu, kan mi rûn te lalfanu ani awm asin. A hmelthat zia chu, khual thuthangah pawh i hre fo tawh ang chu, anti a. A ni maw... zopui lalfanu Lianzuali hmelthat zia an sawi chu kalo hre fo tawh tak alawm. Zanthim meipui eng ah, a lungngai leh châu hmel ka hmuh ringawt pawh sawn. An lo sawi uar tawk lo anih saw... hei,,, thianpa Chhingvung kan lo chhawk dawn che tiin arawn ko nghal zat a.

Sangkhuma bengah chuan, an thusawi zawng zawng chu, darbel vuak rik ang mai a chiang ani a. Arilru pawh adam huai huai mai. An rawn kohna erawh a âw atanga an hriat chhuah a hlauh avangin, a chhanglet duh hlei lo a. A chempui chu dapin, a la chhuak a. A ban thlawp zaihin, a kut hnunglamah a hum bo ta ani.

Pakhat zawk chuan, min va chhânglo ve, ilo muthlu emni. Tirawh tlâng tlir in khua va thâwm ve tawh khai. i kal hma in, i zên tlem azawng erawh min han sem ve teh, hei kan fungki leh paitung pawh kan ruah thak mai, arawn ti bawrh bawrh a. A bula rawn din hnaih pah chuan, nang leh nanglo a, iva ngawichawi ve mawle,, arawn tih leh rual chuan, an thianpa chhingvunga awzawng anilo tih a hrechhuak a. Chu erawh a damchhunga a thil hriat hnuhnun ber ani zui ta ani.

Amah rawn hnaih tu zawk asah thluk rual chiah chuan, pakhat zawk tan siam mek chu, bawhzuiin a nghawng chhum dawnin an sat zui leh a. Chechâng tur awm lêk lo in, an thal chiang dun ngang mai. Meipui hnaih lam ami te chuan, an rawn hmu lo ani ngei ang an rawn ngaihsak loh dan ah. An silai leh chem chu laksak pahin, Riliana chu an hui zauh a.

Midang la harh tha deuh leh viak tha deuh beihlet ve duhtu an awm em, hei ralthuam daih tawk hi va zawng la, ka hnungah min tawn ngaichang dawn nia.Tunah chuan mi sawmhnih bak anni tawh lo e. A tla fal apiang saw kan kuk thlu zel anga, silai zên pawh an tlachham tan tawh ngei ang. An thun sa ho ah lah amu an sawh tel dawn hauh silo a. Tumah saw hlauhawm an awmlo ania. midang chu va zawng teh phawt kalo nghak ang che anti a.

Riliana rawn let leh chu, midang sawm chuang hretin kun dâ dâ chungin an rawn zui phei a. Sangkhuma chuan, a beisei aia tam an hmuh takah chuan, ekhai,, ralthuamin min daih silo a, ralthuam daih tawkin min zui mai rawh u. Anti a. Hnunglam atang chuan pakhat hian, ralthuam ka mamawh velo e,, ka chhungte min thahsak zo tawh a. Ka thih leh dam hi a in ang reng. pakhat tal zawng ka liampui ve reng reng dawn ani tiin, arûm zui ngal ngal a.

Riliana chuan, tumah hi hnar chi anni lo. An mahni thu leh duhthlan na ngei a, rawn inpe anni. Enge pawi, thingbung ilo fahran pawh nise, a kengtu rilru azir in ralthuam hlauhawm tak ani thei alawm le.. tumah hi min ngaihtuah hauh suh alo ti vat a.

Chuti anih chuan, silai keng zawng kha rawn hmasa se,, hei ka silai hi nang chang la,, ka kûk ri in hriat rualin in hmetpuak dawn nia, tum bik erawh nei hrang vek ang che u. Mi sawmhnih lai anla ni a. Keini erawh ralkhat atanga minlo vengtu Uvunga nen sawmpali kan ni ang. Tumah zam reng reng suh u. Kan chimih thak anga, an khua kan hal sak zui ve nghal ang. Hniak khat pawn hnungtawlh reng reng loh tur ani. Silai in hmeh puah zawh ah. Thun leh lo in, in bawh zui nghal dawn nia. Pakhat theuh in kah thluk chuan, kan inzat tluk ani mai. Tikhan, a hnaih thei ang berin in veh hnai dawn nia, in duhna hmun hmunah tan la ang che u. Silai keng zawng khan ka hnungah min rawn zui ula, min ngaichang dawn nia anti dap dap a. A kal zui ta nghal a.

Mangliana leh a hote hlim sahawk mek chu, Sangkhuma hote chuan, an hriam neih ang ang, thingbung leh lungtum te nen, sanghar ar veh tak in, an veh them them mai ani.

Sangkhuma erawh arilru a, mipahnih te titi hre ru rauh rauh chung chuan, chemtum nen, meipui eng lam chu, kun deuh chal hian apan phei thauh thauh a. Lianzuali hmel erawh a beisei angin hmuh tur reng reng a awmlo. Alo hnaih ber tu silai kaw lo sawh chât chât lai chu, han kûk râih pahin, a chempui chuan an chhip thlak ngheng mai a. Thingzik bul kih ang hlauh in, ami sah pa chu alet hlawl mai. A silai sawh mek chu, lak pahin, mu pui an lum lut a, a thiante silai puak ri ahriat rual chuan, a lek kawh a. Beih an tawk ani tih hria a, rawn hawi phawk ber chu an sai thlu tawp mai a. Silai chu paih zui nghalin, chemtum nen abawh phei zui ta nghal a.

Vunga chuan, a chan hmun atang chuan Sangkhuma kûk ri chu, ghak hlelh zetin alo ngaichang reng a, rei ati in a helhhawlh pheng chu, a zî azî mai a. A chang leh han kakthluk tawp mai chakin Mangliana leh ahote chevel thawveng zet chu, a silai chuan an tin leh vang vang thin a. a awmna atang chuan an langsar si. Insum har ati ngang mai. A tu pawh mai chu, lîpuia lungte vawm luh ang mai a, kahthluk awlsam turah adah vek ani.

A nghahhlelh em em, Sangkhuma kûk ri a hriat hma chuan, meipui chheh en lampana Sangkhuma phei nghauh nghauh chu ava hmu ta ani. Alo hlauhthawn pui ngang mai a. Mipakhat silai zên sawh mek bula din chat pah chuan arawn kûk ta râih a. A bula mi asahthluk lai chu, a mitsira hmu reng chuan, Mangliana te mei chheh ên chu ava kap darh ve nghal chuaih a. Meipui eng chu, athim ta ruai mai le,, mahse, mei engah khan, hmelma ho awmna chu a lo chhinchhiah kim hman bawk a, abuai phah lemlo. An hamhaih avanga ding ka hau lai chu. Silai pakhat zawk chuan, an saithlu zui leh nghal zat a. Midang thawm an hriat zui leh phei chuan tlan chhuah a, chemtum nena va beih ve mai a châk et et ani. Chem erawh Sangkhuma alo pe tawh tih ahrechhuak chiah, hmanhmawh zetin, silai pahnih chu, a zên a sawh zui leh ta zawk a.

Meipui têk chuaih chu amit ta hmuk mai, rãl lam chuan, beih an tawk ani tih anhriat rual chuan, an tlu zui tawp tawp mai si a, ala dama te lah hamhaihin an ding ka hau mai bawk a. silai ri a tawp hmak a. An sirlam leh hmalam atang chuan an rawn bawh zui ta mai bawk nen. an silai ken lai lah chu amu tello a, azên chiah thun alo ni bawk si, an harhchhuah meuh chuan, hmelma lam kutthlak an tuar zui mawlh mawlh mai ani.

Sangkhuma chuan, a hma zawna hmelma lo ding apiang chu vaihma in, a changél hmun sam hmiah hmiah mai ani. Mangliana zawngin amit alen kual ruai ruai a. Chutih lai chuan, asirlam atang, Mangliana'n a hming chhal a, a in hrosa thawm chu a hreta ani. Ava hmuh rual rual chuan, amah beitu alo tuk thlu mek a. Mangliana chu va auh that that pahin, a panphei ta chher chher mai.

Mangliana leh a hote chu, barakhaih annih ang bawkin, an mahni rawn beitu te chuan, thihchilh ngei tuma rawn bei anni tlat si a, chawkaw puar pawh eilo leh chau tawngkhawng viau tawh si kha, thinrimna leh phuba lak duhna thinlung avangin, chakna thar annei ani mahna. Karlo ah, a bet zawkah tangin. An hnehlo ani ta der mai. Hma rawn hruaitu Sangkhuma chak zia leh a kutthlak nat zia, an han hmuh atang khan, an tha a khur a, hlauhna in manin, chechang hleithei lo in, an tha a thum zota ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 19th, 2019, 9:19 pm

Mangliana erawh mi ngawhngawl leh chak anih ang bawkin, tlawm zawk chan chang ngailo leh thiam hauhlo ani bawk a. A silai dahin, a chemtum nen, amah rawn beitu mipahnih chu, kâ chhawn tur pawh awm hauhlo in, alo sat thlu der mai. Thinrim hachang thial chungin, a hming a chhal a. A inhrosak kûk kûk lai chuan, ahming ngeia rawn kotu a hreta ani.

A lampana Sangkhuma lo phei mek chu ava hmuh rual chuan, an hawikual vel a. Amah chiah chu, dam awmchhun ani tawh tih ahreve chiah ani. Chu chuan, thinrimna nasa tak aneihtir a, amah rawn pan mektu Sangkhuma chu apan phei ve ta nghal a. Mahse, an intawh hma chuan, che tawh hauh suh i chet leh chuan, ngên mu i dawlh ani mai tiin silai kaw hmawr pathum ngawt mai a hmachhawn ta ani.

Sangkhuma chuan, a hote chu, an silai hmetper lo tura auh lawm lawm pahin arawn thleng phei ve chilh nghal a. Mangliana hnenah chuan, khawnge Lianzuali i dah anti nghal tawng mai a.

Ngeiawm zeta then sung chung hian, zamlo tih hriat zet in, Mangliana chuan, chu zawng tharum hmanga in zawh chhuah chi chauh ani. Mal beiha min cho in awm chuan, min bei ula, ka hneh loh chuan, ka sawi chauh ang anti ram hmak a. Chu veleh silai kawhmawr in an rawn hawlh nghal sup sup a. Zâm map lo hian, min kap ula,, ka thi anih chuan, in lalfanu chu athi ve nghal ani mai. In hmu bik tawp lo ang. Chemtum nena min hmachhawn ngam in awm chuan ka inpeih reng ania anti zui salh a.

Sangkhuma chuan, thiante u, in thinrimna kha lo bengdai hram hrâm ula. In silai te kha, dah thla rawh u. Hepa hi chu ka chânpual liau liau ani e. Kan in malbeih ngei tur ani. Chumi hma in engtin nge kan inremsiam ang han sawi teh le, tiin mangliana chu an zawt a.

Min hneh chuan, Lianzuali awmna ka hrilh ang che nga,, ka hneh che anih chuan, nungdamin min chhuah ve tur ani.(midang anlo thûm nghal huk a) chutiang tur chuan, i hote hi hrilh la, chah ve rawh, i thu an awih dawn emaw chu anti zui salh a.Chutihlai chuan, sirlam atang Sangkhuma hote kan nilo. A thu zawm tur lah kan ni heklo. I sawi emaw sawilo emaw kan that tho tho ang che. arawn ti a. Thlanglam fe atang chuan, Vunga aw hian, tuna thusawi tu kha tunge ni.. khatiang sawi thei leh sawi ngam tur dinhmuna dah tu che kha tunge. I kâ kha i chip hmak lo anih chuan, keiman, râl thah in ka that che nga, i lu kala ang arawn ti khur khur mai.

A thusawi zawh rual chuan, arawn thleng ve nghal zat bawk a. Enge inthu ni a. Meipui kha chhem alh ula. Mipathumin, khawlam khi han veng nghal rawh u. Hmelma ho thizat hi chhiar bawk ang che u. Arawn ti nghal zung zung a. Mangliana chempui nena lo ding kun ngal mai, han thlek pahin, Sangkhuma thu hi zawm lo ni ila chuan, i mite zingah i thi hmasa ber ang tih hria ang che. Meipui i hnungpuak lai zawng zawng khan ka silai kawhmawr hian, i tukhum kha abih reng tih hria ang che. Chuvangin, ngawhngawl chhuah a, Lianzuali awmna chu isawi duhlo anih pawn, kan zawng hmu tho tho ang. I duhthlanna vang nilo in, Tunah hian, Sangkhuma duhdan leh a thu ang zawkin, in in hmachhawn dawn ani. Chu chu, a hma daih atanga Sangkhuma duhthusam leh tum ber ani tih hria ang che. Lianzuali awmna chu sawila, I chungah zahngaihna kan lantir thei zawk mahna anti charh charh a.

Mangliana chuan, a hma ading pa naran satliah ve mai chu, an en thin a. A thusawi dan leh chevel reng reng chu, a huaisen tawk hle ang tih ahre mai. A thu rawn sawi chuan, a hnehin a rilru pawh a khawih viau reng ani. Sangkhuma te ang naupang zawk na'na na chu, tawngka leh chetze hmanga vau zam deuh theih mai alo inbeiseina leh, tharumah hnehlo mahse, hriam nen chuan, Sangkhuma chuan, hlau deuh tura alo ngaihna chu, a rin ang alo ni hauhlo. Sangkhuma hian, hriam nen hmachhawn ngei alo tum sa ve reng ani tih an hriat chuan, mak ati in, a zuam ang ngawt ani dawn hauhlo tih a hrethiam mai. Chung an ngaihtuah chuan, arilru chu zam rûkna in arawn tuam a. Mahse, a tuang ti chhah lui in, Ka rilru chu ala ngai reng. tiin a tawngchhuak ta zawk a.

Meipui engah Mangliana leh Sangkhuma chu, in hma chhawnin an ding dun ngal mai le,, alo entute lah chu, thawk pawh thaw tha ngam heklo. Zan chu areh tlawk tlawk mai ani. Meipui han inhlap thawm te chu, aringin, vahchap hal ang hlup hlup ani ber awm e.

Sangkhuma chuan, he hun hi ka duhthusam ani a, ka nu leh ka unaupa min thahsak avangin, nang hi, an rawngbawl saktu atan ka thawn liam ve dawn che ani. I duh hun hunah chet ila thei ang ka nghak che ania, anti chhak a.

Mangliana chuan, ka thah hnuah che zawng i hote hian, min that ve ngei ang tih ka hria, mahse, pialralah chatuanin ka bawih ah i awm tawh dawn ani tih i inhre dawn nia. Kha le, keimah Mangliana. Zâm ngailo kani ngai e. Ka hma ading tlu lo anla awmlo tihpahin, a chemtum chu, a arawn vai phei a. Sangkhuma chuan, lo lak leu sak pahin alo bum zeuh a. Teuh ther ther tak ani.

An fimkhur dun bawk a, in helkual in an inveh leh rih a. Mangliana chevel chu a kepen adik thlup mai. Ral bei thang tih ahriat hliah hliah ani. Sangkhuma lah duai bik hek suh, englai a alo zir nge tih rum rum turin, a chem han vilik dan reng adik mai. Entu tan chuan, an khaw pasaltha chu, tan bikna nei lêk lo a, ka rin leh ka rin tih mai pawh awl tak ani.

A hneh emaw hnehlo emaw thi tho tho tura in ngai. A kawtawpa tan khawh. Ék cheh thawt khawpa tan tum Mangliana chuan, a bitum mek Sangkhuma rilru chu tihbuai tum rân in, i hmangaih Lianzuali chuan a puanbih kêk thla in, ka hma ah a rohlu chu min chhawp sak a. Kei lahin nep phal bik hek suh, a karah ka tlak zeh tak kha, a thawm chhuah ri pawh aring khawp asin. Tiin an chêk sawlh zoh a.

Chu kher chuan, Sangkhuma thinlung a dêng na ngang mai. Rûm deuh nghat pahin, Mangliana chu arawn bawh phei a, mangliana nak thawla han sah tlum thawih mai tum chuan, a chem chu arawn vai phei ani. Mahse, chu tak chu mangliana duhthusam alo ni si a. A chem rawn vai chu, bumin alo per sawn zeuh a, chumi rual chiah chuan, virkual zawk pahin, sangkhuma darah asat fuh ta ani. Mahse, duhthusam rem leh na a, sat ani biklo hlauh, pa naran tana hliampui tling thei ngei tur zawng ni mahse, Sangkhuma chuan, na anei ani tih a inhrelo emaw tihturin a chet a fum phah hauhlo.

Val upa Vunga chu, rawn tawngchhuakin Sangkhuma chu fimkhur turin arawn fuih a. A thusawi kha bengkhawn mah ta che,, Lianzuali chuan, khatiang rêu rûau lakah khan, a inphal ngawt lo tawp ang tih hre rawh. Amah khan, atha hneha, atlawm lui anih ngawt loh chuan, Lianzuali chu, a tlawm mai lo tawp ang. Fimkhur la, Thangchhunga duhthusam kha hre reng rawh arawn ti lauh lauh a.

A dar hliam atang chuan, thisen rawn luang chhuakin, a nak lama leh âwm lam chu abual sen thla luai a. tan hmun siam tha in, a chemfawngah chil an chhak pharh pharh a. A chem chu hum ngheh sauh sauh pahin, Mangliana chu aveh phei leh tan ta ani.

Mangliana chuan, Sangkhuma hliamtur chu, thir ling lai den zui tum ang mai hian, arawn bawh phei ve nghal zat bawk a. An chemtum han inkhak chu, a têk sawk sawk mai ani. A tu amah insat fuh hleithei bik hek suh. In pawmchilh in, an in nuai ta tak mai le.

An chem humna lam ve ve chu an in mansak avangin, tumah hriam lek thei bik awm heklo, an in elh dun chiang chiang mai a. Sangkhuma chu, han kun hniam zauh pahin, Mangliana ke lehlam chu azuk man a. A ke lehlam daikhalh chung chuan, chawikangin an nam ta ale,, Mangliana chu, athal chiang ngei mai.

Mangliana rawn tho mek chu, inring taka ding chungin Sangkhuma chuan alo nghak a. Chutihlai chuan, entu te lam ho chuan, bawhzui la va sat hlum ta chee... tiin anlo au thung a. Mangliana rawn tho leh chu pan pheiin, Sangkhuma chuan sah tum ang in an tin zuau a. Lo indan tuma Mangliana han phar deuh zuk chu, remchangah la in, a kun hniam thuta amalpui ah an sah sak thawih mai ale,, Mangliana meuh pawh anêr nûng mai. A ke na lam chu a thingthit nghal rup a. then tlawk tlawk chung chuan, arawn dingchhuak zui leh nghal zat a. A ke pen erawh asak ta talh mai. A bai deuh ta uih uih ani.

Sangkhuma chuan, a rilru fim a hmang tak tak ta bawk a, Mangliana chu, chhaih zân a. Chet lak dan tur hrelo lêk a, siam atum tlat a. Mangliana hma ah chuan, sir lehlam lehlama zuang tawn deuh zeuh zeuh pahin, a hnaih phei zel a. Mangliana erawh chet lak mai dan tur hrelo in, a hnungtawlh deuh hârh hârh thung.

Sangkhuma chuan, Mangliana hnungtawlh in, a ke na lam a hnuk deuh ti tih lai chu, a ke na lai ah ngei mai chian, an pêt sak thuai a. Mangliana chu arâk thawt mai. A thingthi rup a, a tluk mai loh nan, a kut chu in bengkhalh nan hman angai miau si a. Chutih lai tak chu remchâng ah la in, Sangkhuma chuan, Mangliana chem humna lam darphêng hlai lai ah chuan, a chem pil hmawkin an sat thaih mai a. Mangliana natuar chu arak deuh thawt a. A chem hum lai chu vuan nghet thei tawh heklo a thlauh zui ta ani. Mahse, chi hne u ang mai a, han kûk deuh rûih pah chuan, anui deuh sak a.

A awka han chhuah chuan, awmzia alo nei tlat mai. Silai arawn ri thuai a. Chumi rual chiah chuan, hmeichhe te that thawmin azui nghal a. Hmeichhe te ri chuan, Sangkhuma beng a verh ngang mai. Uvung, hepa hi lo veng lawk teh u, tih leh te thawm awmna lam pan chuan tlan arual ta nghal a.

Thawm lo chhuahna lai vel a thlen chuan, a hawikual ruai ruai a. Midang pawh anlo thleng ve tak tak bawk a. Natuar han rûm deuh nghat nghat thawm a hriat tak ah chumi lam chu apan zui nghal vat a. A thil va hmuh chu, ava duhlo tehreng em...

Lianzuali chuan, a âwm atanga thisen lo chhuak chu dawmin, alo thaw kawk kawk a. Sangkhuma chuan, hnaihchilh in, an pawm vat a. Auh mawlh mawlh pah chuan, Zuali min hria em, harh teh. Hei ka rawn zawng zel che asin. Engtizia nge ni, hetia i chunga hêm thlak tu hi tunge ati mawlh mawlh a.

Lianzuali chu arawn meng siar siar a. Harsa tih hmel zet hian, a rawn nui sak a. Ilo thleng tawh maw.. kalo beisei reng che asin. Mahse, keizawng ka tlin dawn talo ani. Min hrethiam ang che aw... hetia i bula ka hun tawp ka hmang thei hi kava lawm em.. ilo kal ngei ka ring tlat reng ani. Midangte kha chhanhim la, keizawng min ngaihtuah hauh suh ang che. Ka tlin dawn talo. Ka khaw hmuh avai zota. Lo hnai teh ka hmuchiang theilo che. A tawp nan, ka biangah hian min han fawp la, i heh lum ther ther khan min han tawk teh se,, tichuan, thlamuang leh lungdam takin ka kal thei ang. Min han hreve reng ang che aw... ka rilru leh thinlung zawng zawngin, ka hmangaih che a. I fa hmasa ber hming ah erawh ka hming hi lo vuah hram ang che tih pahin a zal riai riai a, Sangkhuma kohna chu a hre zui talo ani.

Sangkhuma chuan, rilru mumal apu thei talo. A khawhmuh a phe ruai a. Ameng âruai mai bawk a. A mittui chu khap per sawk sawk pahin, Zuali min ngaidam ang che aw.. ka thiamloh vek ani. Ngahnge maw kha tumpang kha kalo kah kher kher chu aw,,, tiin a rûm tlawk tlawk a. Rilru na leh hrehawm avang hian, thih nghal theih nise zawng. Sangkhuma hi vawisang tam athi nawn ngei ang.

Lianzuali ruang chu pawmin arawn dingchhuak a. Amah lo thlir rengtute chu ahmu reng reng lo. Lianzuali ah chuan, arilru zawng zawng a awm vek a. A hun hman mek te pawh atheihnghilh zo vek tawh ani. tawng nachang ahre tawhlo a. Atap heklo. Lianzuali ruang pawm chungchuan, a hmalam chu apan tawp mai ani.

Vunga chuan, rawn man dingin, an sâwi nawk nawk a. Mumal lo zeta a rawn hawichhuah takah chuan, Mangliana kha atlanchhuak tlat mai. Chechang thei turah pawh kalo ngailo a. Mahse, a lo awm tawh hauhlo tiin an hrilh a.

Chu thu an hriat zet chuan, Sangkhuma mitmeng chu hmuh thelh ruallohin a danglam nghal vek a. Lianzuali ruang chu, hmun rem laia zalh pah chuan, Zuali tah hian zâlin minlo nghak ang che aw.. kalo kir leh anga, thlamuang taka chawl turin ka rawn thlah liam ang che. Kalo kir talo anih chuan, k rawn zui ve che ani tih i hre dawn nia. Thlamuang takin lo chawl nang che tiin, Lianzuali biangah chuan an fawp vawng vawng a. A rawn dingchhuak leh mitmeng chu, rapthlak khawpa hlauhawm ani tawh.

Khawnge ka chem kha a awm, khawi hmunah pawh awmse, ka zawng chhuak dawn ani. Mualdaih thleng chu ka umzui tho tho ang. Zuali chunga kutthlak tu nen hian, ka sahsawm hma chu mutmu ka tuah heklo ang. Khua ah lutin, an khua ka hal ve dawn ani. A duhin min zui ula ka kal dawn e. Ka thinlung hi lainatna leh khawngaihna tello a min siamsak tak hi, asiamtu te ngei chuan, an tawrh angai ani.

Sangkhuma chu Vunga chuan, a chem pek pahin, tlangval inbengdai hram hram ang che aw. I tawrna hi hrethiam phaklo mah ila, ka hmuh pui vek che avangin ka hrethiam che asin. I duh ang ngei chuan che la, fimkhurna erawh bosan suh ang che tiin an hrilh a, Sangkhuma erawh chuan, hre awm ang pawn a awmlo. A chem la in, silai a chhar a. zên sawh mawlh mawlh pah chuan, Manglian thisen gar chu bihin, khawlam apan tih ahre nghal mai. Midang ngaihsak hlek lo chuan, Bâwkpui khua chu apan zui ta ani.

Khawdai lungduh sira mangliana lo bawk sawp reng chu ava hmu a, panphei in, a silai chu a nghat a. A chempui chu phawrhin Mangliana chu an phih tho lawp mai a. Mangliana chuan, chau zet chung hian, khawngaihna lantir turin alo ngen a. Sangkhuma chuan, ka thinlung hi lainatna leh khawngaihna tello in min siam sak tawh, tunah chuan i rilru ang pu mi kani ta, nang leh keiah hian inremna leh khawngaihna in hmun a chang lo. Theih nise, vawi tamtak thah nawn che hi ka duh asin. I lu hi kala anga. In khaw kawtchhuah ah hian târ in, in sahlam ngei hi, i lu hian amawi tawh dawn ani. I thih hma in Lianzuali chunga kutthlaktu kha min hrilh rawh anti chng rat mai a.

Mangliana Bawkpui khaw pasaltha, tlangtluana hmingchher tham khawpa chak leh hiaisen meuh pawhin, Sangkhuma rilru beidawng leh thin tawt mitmeng chu a do rei ngam hlawl lo ani. Lianzuali kha, thah tum kher pawh ka nilo. Ka thih chuan i kap hlum dawn nia tiin ka ventir anih kha. Ka tlawm takah khan, ka kûk ri hria in kalo chah tawhna thu chu a zawm ta ani. A thiamloh ani lo e. Keima dikloh leh hmasial luat vang zawk ani. Khua ah sawn lutin midang a pun tawh ngei ang ati ta a.

Sangkhuma chuan, i dam ni chu atawp ta, naktuk khaw eng tur hi i hmu ve dawn talo ani. I thih dawn ruai ah zawng thudik sawiin, i nunphung pawh adanglam ve ta alawm. Mi huaisena chhiar tlak ini love, mi dawihzep leh vaupung tina mi, mahni hmasialna akhat. Mi chaklo te rahbeh ching. Midang chungthlak ching mi inih hi ka hria asin. I mit chhing rawh. I men lleh chhin in, ka chhem vai ati buai dawn hauhlo ania. I lakah lainatna leh khawngaihna lantirin, ka that zawk dawn che ani tih hria la, lawm hle ang che anti a.

Mangliana chhing chunga ahma a, thingthi mek chu, a chempui chuan, anghawngah an sat fik hmawk mai ale, Mangliana lu chu alir bup bup a, a taksa lu nei tawhlo chu, reilo deuh chhung chu, ala thingthi tung ut a, alet zui tup a. A ke a khawng zui dawt dawt a. Na erawh ahre tawh kher lo ang.

Mangliana lu chu asam ah khaiin khawchhung chu apan zui ta ani. A hnunga Vunga leh midangin anrawn zui te chu, hre awm ang pawn alang lo. A thinrim zia hre vek ta chu, Vunga meuh pawn, khap in nundan phung ahrilh ngam tawh heklo.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 20th, 2019, 7:44 pm

Lianzuali kap hlumtu erawh kha chu, Sangkhuma leh Mangliana an inbeih dawn tirh a, Vungan khawlam thlithlai a, vengtu atana atirh te khan, khawchhung lam pana arawn tlanchhia chu, anlo man daih tawh niin, Sangkhuma erawh an hrilh ngam lo mai mai ani.

Khawchhung mite chu, an khaw pasaltha rammu hlawhtling te hmuah tuma inbuatsaih an nih avangin, intinah mei eng hmuh tur a awm a. Zawlbuk ah lah tlangval awmchhun in, silai inthemthiam in, an hlim viau bawk. Mahse, An pasaltha te thawm reh rei ta deuh chu, ngaihtha lo in, thenkhatin pawn lêrah an ring anlo fan ve mek bawk a.

Khatia, Sangkhuma khawchhung lut, Mangliana lu khai then nawlh nawlh ta kha, anlo hmu duh viau mai a. Zanthimah chuan, tu anih hre hek suh. Mi lu khai a, khawchhung lo lut ta chu, pawnlera lo ding chhun te chuan an hmu duh ngang mai. A hnung lawkah mi sawmhnih rualin an rawn zui bawk nen. Engti zia a, khawvar hma hma a, khawchhung lo lut ta mai nge an nih tih chu, an rilrua zawhna awm. Ani vek ngei ang.

Chhiatna lo thleng tur hrilh lawktu zualko ang hrim in, Thli a thaw deuh vûk vûk a. Sâr thli ani mahna. Tuallai vaivut a chhêm khûk te chu, chhun êng nise zawng alang sar hle tur hi ani na ale.. Hmalam hun hriatlawk theih nisi hek lo le. Thihna in thla azar mek ani tih hria se zawng, Bawkpui khaw mipui te chu, an pasaltha te hmuak turin, hlimtakin an inbuatsaih lêk lo tur.

Zawlbuk lama silai puak ri dum dum chu, pan zel a. In pakhat lo hnaivai berah chuan lutin, thingthu nung arawn lek chhuak a. Inchhunga lo awm te chu, an te tengtung mai leh nghal a. Sangkhuma erawh chuan, angai pawimawh lo kher mai. A thingthu nung ken chu, thli thaw ah chuan, a vâm sen huam a, meisi a chhem thlawk er er a. Enge tan nge maw atih le,, ti a anlo ngaihtuah lai chuan, Sangkhuma chuan, a thingthu nung ken lai chu, zawlbuk chungah an theh kai chho zauh a.

Tikhan, in tlar ula, zawlbuk kawngka a lo tlanchhuak hmasa apiang inlo kap dawn nia ti8n an hrilh a. Zawlbuk chung chu reilote ah meiling vam tha tak leh thli thaw tangkawp chuan, a chhem alh thuai a. Zawlbuka awmte chu, Sangkhuma chuan an au a.Bawkpui tlangval te u, lo ngaithla teh u. Keimah Sangkhuma zopui khaw pasaltha kani ngai e. In Pasaltha Mangliana lu chu hei ka khai tak hi. Nungdama awm in duh chuan, tunah lo chhuak rawh u. Silai nen kan hual vek tawh che u ania. Reilote ah zawlbuk kha a rawn kang zo thuai ang. In inpek duhloh chuan, kan that mang vek ang che u anti charh charh a.

Zawlbuk chung chu, a alh nasa sawt kher mai. a chhunga awmte lah inpek leh pek loh ah an in ngaihtuah buai ani ngei ang an reh thap mai a. Meialh chuan, thli a ko tulh tulh a. A alh sem ta zuai zuai mai.

Zawlbuk atang chuan, silai nen an rawn tlanchhuak tan ta a. Mahse, silai kaw hmawr in alo bih sa miau si a. An tan chetlak ngaihna a awmve thlawt lo ani. Arawn chhuak hmasa apiang chu, an let hawl hawl mai ani. A hnuhnung lam ho chuan,ralthuam kan neilo e, kan inpe e tiin an rawn au vau vau. Inchung kang hluah hluah chu, an tan do zawh rual ni heklo an rawn inzui chhuak ta diah diah a.

Zawlbuk kang hluah hluah chuan, in dang aman kai thuai a. In mankai tawn zelin, khawchhung chu, apum kan dawn ngei niin alang. An mi man te an buaipui lai chuan, Sangkhuma erawh alo bo daih mai. Khawlai rawn tlanchhuak zinga ahuaisen zual chuan, chet rawn thawh an han tum ve tak na a, silai sawmhnih zet mai hma ah chuan, eng an ang thei heklo. Pialrala liam mai loh chu, an tan kawngdang a awm thei lo ani.

Sangkhuma kha chu, Lalin lam panin alo kal daih niin, Lalin chhung thawm chu atha viau mai. Lal leh upate ho in zu an in ni ngei tur ani. An pasaltha rammu hlawhtling te chu anlo lawm lawk ve ngei chu ani tak si ale. An khua chu akâng mek ani tih an hre hauhlo. Khuangte nen a then anlo zai dap dap a. Sangkhuma chu ngawirengin alut a. Mangliana lu chu, lalin chhuatah chuan, an theh thla thak a. Mangliana lu chu alum bap bap a, an zu khawnna bulah chuan, saisir zawnga mengkuau in, a ding chut a.

Chu thil avang chuan, an hlim sahawk lai chu, an reh nghal dak mai. An rawn hawichhuak leh chuan, Sangkhuma chu an thlir thap a. Chêt lak tum pawh an awm hauhlo. An hamhaih hle ni tur ani. Ka deuh heu hau hian, Sangkhuma chu an thlir thap a.

Sangkhuma chuan, a duh apiangin chet in thawh thei ang. Hei ka ngaichang reng che u ania. A bikin in Lal Rozika kha kati bik nghe nghe anti thum chhak mai a. Bang chhaklamah depah dingin, pawnlam atanga lo lut an awm pawh a, hmu thei ngei turin a insiam rem a.

An hamhaih leh hawihai an han harhchhuah takah chuan patling pahnih chu, an ruih phur vang nge, an huaisen hrim hrim zawk. Sangkhuma hi anla hriatve loh vang ani ngei ang. Banglaia chempui inthiat chu chuhin, an rawn che chhuak ve ta phat mai. Rozika lah chuan, a silai alam ruai bawk a.

Mipahnih te huaisenna chu, fakawm viau mahse, Sangkhuma hma ah zawng keipui hma a, zuhrei infiam ang lek anni. Bûi lungtawk an sawi ang maiin, sangkhuma kutthlak vawikhat lek chu, dawl lo in, an kepen atawp der mai. Midang chu chezui ngamlo in, an kimki thap a. Rozika erawh a rui lungpuam nge ni, a silai rawn la turin midang chu ala au ruai ruai reng a. Tumah lah chechang ngam awm heklo.

Sangkhuma chuan, Rozika chhipsama han tham pah chuan, an khaikang lawp mai a. A thamtu tha chuan a hneh bawk a. Ani ang pate deuh ta chu, a ke a leng vuat vuat ringawt mai ani.

Nang hi,a bul tumtu inih ang bawkin, i chapona leh rilru chhiatna hian, famkhua ah atir liam dawn che ani. Khua leh tui nei a, rorel tlak pawh ini phiangsen lo. Zawldawhna leh ngilneihna pawh hrethiam lo mihring. mi chhumchhia leh rethei pachhiate hmusit a. Thutiam leh inremsiamna pawisalo tu inih hi ka hria. Ilakah hian zahngaihna ka nei thei talo ani. Famkhua ah chuan rui chungin han lawi lut la, pialral kaita ka chhungte leh kan lal khua leh tui te kha, i pasaltha chhuanvawr Mangliana nen sawn an rawng han bawlsak ang che u.

Rozika lu chu khaiin pawnah a chhuak zui ta nghal a. Chhuah pahin, midangte hnenah chuan, nungdama awm in duh chuan, in lalpa nupui fanaute kha kaitho in, pawnah lo chhuak rawh u. In Lalin hi meipui in arawn man kai thuai ang anti zui a.

Mi tha leh rilru thianghlim ta fam chuan, thinrimna avanga khua han hmuh loh thut chu neive bawk mahse, rilru pangngai an han put leh theih takah chuan, thinlung tha nana na zawng midangte khawngaihna leh lainatna ah an lut leh nge nge thin.

Zing khua alo var a. Zan lama an khawsakna hnuhma an hmuh chian takah chuan, Sangkhuma rilru chu, hrehawmna nasa takin a chîm belh leh a. Mipui, nunau thlabar leh mangang hawihai hmel chuan, a thinlung an hliam belh lo theilo ani. Chenna tur in neilo a. Thlabar leh mangang ti dek a an awm, an hmuh chuan a thinlung thatna leh ngilneihna chuan, a vel lo chauh zawng ani e.

Sangkhuma chuan, a thiante leh Rozika khua leh tui te chu, bengchheng lo a, a thusawi lo ngaithla turin an au that that a. Theh hmeh ang mai a, an reh tak thap ah chuan, a rilru chu asawi chhuak ta ani.

Keini khaw hnih te hi, tunhma zawnga inlungrual leh thukhat vua a leng ho thin kan ni a. Mahse, in lalpa chapo leh thinchhiat luat vangin kan heti zota si a. Kan fa duhlai leh kan pa duhlai te chu lo inthahsak tawh mah ila. Lungrual takin kan la cheng ho leh thei ngei ang. Hetah chênna tur in leh lo innei lo ang bawk hian, in tlangval leh pasaltha te rammu chuan, kan khua min halsak ve vek avangin, nangni ang tho hian, nungdam awmchhunte chuan, chenna mai bakah ei leh intur neilo in, bahra laih kan hmabak ve mek ani. Chuvangin, tumah hi sal a hruai ini lo anga, râl kaih in kan kai heklo ang che u. Mahse, kan zinga chên a, min lungrual pui duh zawng chuan min zui haw thei ang. In thu thu ani e ati dap dap a. Mahni ngaihdan sawiin an ri zui ta nak nak a. Sangkhuma erawh Lianzuali ruang adahna lam panin a kal nghal daih thung a.

Zopui khua chu, pemthar te nen khaw lian tak ni leh in, In leh lo an din leh tan mek a. Sangkhuma erawh a nun ram chu, tih chhiatin a awm zota. A mi hmangaih leh thenrual tha ten pialral an kaisan zo tawh a. Dam nuam tihna anei heklo. In leh lo din a, inbenbel lam a ngaihsak lo a. A chhungte thihna leh amah avanga pa neilo leh fapa neilote nunkhua a hmu ngamlo a. phuba lakna in a nghawng chhuah thil te chuan, amah ah chuan hrehawmna nasa zawk an tuh sak tlat ani. Khawchhung awm nuam tilo ta chu, daiah riahbuk sualin a inkulh tawp mai ani.

An pasaltha leh an mite chhanchhuaka nunna pe lehtu chu, an ngaisangin an zah a. Biak leh kawm pawh an châk thin. Mahse, Lalnu leh Vunga tih chauh lo chuan, an be tawng zo tlat lo ani. Lalnu chuan, Lalah awmla, khua lehtui te hi min kilkawi ta che... ka fapa ah riak ka ngai che a. Ka thlahlelh che asin. Lusun khawhara chhun leh zan vuiliam hi a tul tawh lo e, khawchhungah lo lut la. I thlazar hnuaia awm kan duh ani atih pawn, Duh thuai heklo. Vunga lahin a sawm ngun narawh.

Tuk khat chu, Lalin sak thar luhka ah Sangkhuma arawn chuangkai hlawl mai a. Ngawirengin, a Tumpang kah lû chu, lalin kawngka luchungah arawn tar a. Lalnu chu rawn Mangtha in, ramchhuah atum thu arawn hrilh a. He tumpang lu hi, min hriat reng nan ilo tar dawn nia. Kan chhak lama, ka nu chhungte han zawn chhuah ka duh ani. Kalo let leh lo anih pawn, hei hi ka ngaihhrui na che u nise, ka rawn hre reng ang cheu anti a.

Lalnu chuan, dan an tum ngial a. Mittui nen meuh a, a tahawh pawhin dan mi ani silo. Sangkhuma rilru chu tuman hriatpui hek suh. Fungki leh paitung akin, a silai a pu a. Diar khim in ram lam a pan ta ani.

Kawtchhuah atang chuan, khawchhung lam chu, atawp nan ti niawm fahranin ding chung meuhin a thlir vang vang a. Naupan tet ata a nun khua alo hmanna leh seilenna khua, a chhungte lu nghahna hmun, engdang tu dang ngailo a, a tualchai thinna chu, tunah zawng atan rilru hahna leh hrehawmna thlen tu ani ta si. A nu te, api te, Thangchhunga, leh apû te an ngaihtuah a, an tello a, a hringnun hah thlak zia hi rawn hriatpui ve tak ang maw. Lianzuali nui hmel duhawm tak kha an mitthla vang vang a. A rilru leh thinlung chu, a hnim ruih a. Lungchhiatna in arawn thâm ve ani ngei ang. A khawhmuh phe ta ruai chu, tih fiah tumin, amittui a khap per sak a. Ka chhungte leh ka mi hmangaihte u. Intello chuan, nuam kati thei lo ani. Min ngaidam ula, pialral kawtchhuah atang khan min han thlir teh u. Hlim leh lawma kan tualchaina vangkhua chu, ka kalsan mai ta nge. Mangtha vek u aw.. ati sap sap a. Zopui khua chu hnung chhawnin. A zan mumanga, a hmeichhe hmuh thin in, a kohna lam ngawpui chu panin, a liam ta ani.

………………………….A TAWP TA…………………………

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)