SANGKHUMA - Hriata Tea (Completed)

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Ngaia
Site Admin
Posts: 25813
Joined: April 30th, 2016, 4:07 pm

Re: SANGKHUMA - Hriata Tea Phek 1 - 65

Unread post by Ngaia » March 7th, 2019, 7:13 pm

Kan awmlo anih hmel e â, hei kan naute réng mai atû mai pawh, an mawng azâng tha viau rih chu anih hi. Nangni lamin in zêp anih ngawt loh chuan, kan tha tlang niin ka hria. kha u, in chhawl ahal tawh ange, hei mualhawih thingpui hang hi han dawm ula, chawl hahdam ve tawh u. Chawei an peih thuai in ka ring tiin Vunga chuan, alo chiau au thuai thuai a.

Sangkhuma te pawh an silaite tungin, thutchawlh pah chuan, mautheiin thingpui hang an dawm far a. Tu pawh mai chu, tlawmngai ber nih tum leh midang aia thawk tlem bik nih hlau in, mawngvawm ba ang hrim chuan, tihtur tul apiang tirh leh phût chhuah ngai hauhlo in an phe vat vat a. Ralmuanga an hriat avang leh an riah hmun chuan azir avangin mei eng hnuaiah zanriah an ei a. An hlim tlang dar dar viau ani.

Zanriah an eikham chuan, meipui thut hualin an titi nak nak a. khawchhung an luh hun tur mawlh chu nghakhlelhin, an sêp rawtui nasa mai a, An rinaia an chet that avang chuan, inlam haw an chak phah na ngîang mai. Sangkhuma chuan, fimkhur tluk a awm theilo e, ral ramah zawng thinthi a, awmreng theih thu awm hek suh. Tikhan lo tlu zal ula, meichher eng hmuh turte a awm emaw kan thlithlai ange, tih leh thawh aruala, Val upa Vunga chuan, han chawlve bawk la mawle, a hah pawh i hah tawh em em lawmni. Keini sahim na leh hahdamna tur ngaihtuah hian, i mawng pawh i hung hman meuhlo chu anih hi maw,, chutiang te chu midang pawn an thlithlai ve tawh tur lah ni. I zarah heizat hi hliam pawh nei hauhlo in, milu kan khai haw dawn ani a. Nang ber hian mutchawlh i mamawh ani. Ti teh thuve rih teh khai. Midang kha, kan chunglam mualchhip khi han kai ula, mei eng hmuh theih te a awm emaw han thlithlai teh u. Kan hmahruaitu pasaltha hi, kan duat ve deuh loh chuan, alo chau lutuk ange anti zui zat a.

Zanlai arkhuan vel âwm ah chuan, Sangkhuma mutui lai chu, te thawm in ati harh a. Rangzeta a zuan thawh rual chuan, midang pawh anlo tho ve sung sung a. Engtizia nge, engthil nge ni tihpahin, silai leh chem an rawn chuh nghal rap rap bawk a.

An zinga naupang ber. Vunglaia chu rawl chhuah meuh a, mang ang te chu lo niin, a hlau hle ni tur a ni. A khabe sai hlawk hlawkin ameng râng ruai mai. A bula mu te chuan, han sâwi deuh nawk nawk pahin, thil awmzia an han zawt nak nak a. Hlauh luat vanga tawng khur deuh dar dar chung chuan, tihian an sawi a.

Engvang nge pawh ka hrelo, ka harh hlawl kha, ka hmaiah min chhem heuh heuh tu awm niin ka hria. Ka meng rualin ka thuchhuak nghal mai bawk a, kan meipui chheh rem tawh lam hi, thianpa Rumliana khan alo chhem heuh heuh mai ni in, ekhai,,,!! Rûma inah in haw emaw tia, engtia heta lo awmve ngawt nge inih, buaina intawk emni, khawnge ikalpui te tihpahin ka thochhuak zui nghal a. Pênkhat pawh ka pênchhuah hma in, ataksa che hauhlo hian, alu chauh kha arawn her tual tual a. Ruh neilo ang maiin, ataksa in min hnungchhawn reng si khan alu pui roh khan mi rawn hmachhawn ta siah mai nih chu, amitmu pawh avar vek leh nghal. Ka phu nasa lutuk kha, ka inthunun hman nganglo a, kalo auchhuak ani ngei ang. Ka au tih pawh ka inhrelo. Mitkhap kar lo ah abo zui leh mai bawk si ani ati a. Ala khur zui beuh beuh leh nghal a, a hlau takzet ani ngei ang.

Val upa Vunga chuan, eng han tih theih kan nei rihlo bawk a, i mu leh phawt teh ang u. Naktuk vartianah kan chhuak anga, khua pawh kan hlat lutuk tawh lo ang. A kual zawnga kal kher pawh angai tawh lo e, fimkhur takin hmanhmawh lama khawlam kan pan atul anih tak ber chu ati bauh bauh a. A then an mu sap sap a, thenkhatin meipui an chhawm nunga an thianpa Vunglaia hlau leh thlabar chu, hnem pahin an menpui bawk a. Val upa Vunga chuan mut hmunah. Kan thiana thil hmuh chuan, ka ngaih reng ati thalo kati, kan lalfapa Dothuama lah an zingah khan, a sahimna ka duhluat ah ka tir haw ve kha ani tak si a aw,, ati vang vang a. Eng pawi nge maw ka tih tak le,, tawhsual an tawk anih teh chuan ava pawi dawn tak em ati leh vawng vawng thin a.

Zing vartiana an chhuak chu, an ngaihthat lohna chângchawiin, an kal chak bawk a, tuk thuan ei kham, fehrehsan hun velah chuan, an khaw tlang phûl mawi lan theihna an chuangkai der mai. Khawchhung erawh lag thei mah suh se, an hlimin an lawm a, an rilru helhkham ber an thiante chanchin ngaihven leh ngaihtuah pawh an mangnghilh hial ani. An hlim leh phûr sahawk ata láng in, an fimkhur na pawh an hlauh zo a, an ri le lu mai. Mahse, an khaw tlang phulmawi lan theihna an kal liam atanga thui pawh nilo ah, an khaw ramchin tlang mualdung an pawh ta thuai a, an hlimna leh phûrna pawh azual sauh sauh a. khawchhung luh huna, an lâwmnu ten kawtchhuaha arkeziak anlo ban hun tur leh, rallâm huna chhâwndâwl an han tawn tur te, Chumi tuk atang erawh nisarih chhung zet Lenchhâwn tawna an han leng hah hah thei tur chu, nghakhlelhin an phûr nasa mai ani.

Mahse, chu an mual zawh lai ah chuan, mihring sulhnu an hmu ta zauh zauh a. mualdung tawp dawn lamah chuan, an thiante pathum ruang lubunga lo let reng mai chu, an hmu ta mai a. A hamhaihin, sawitur an van kher mai. Anlo phûr rukna leh hlimna te chu, a chuai rawih rawih a. Thinrimna leh lungngaihna in an ngui nghiai mai ani. Pawitih vanga chek tlawk tlawk chungin, Val upa Vunga chuan an belhnaia. Khaimaw,,,naute u. In himna tur leh nunseina nih beiseia kalo tirh liam na cheu hi, famkhaw lamtluang maw lo ni a. A pawi kava ti tehreng em,,, min ngaidam mawlh ang che u. Indam ni sei tur kha, Keimah vanga atawi tak hi. Thlamuang takin chawl ula, in ruang dai hi zah tak chungin kan lo tuam hlawm ange anti dap dap a.

Sangkhuma chuan, uVung i thiamloh ani hleinem. Hmalam hun hriat va ni suh. i duhsakna i hlan te anni alawm. An thiamlo hauhlo ang che. An vanduai palh ve anih hi. Tihian kan theih ang ang in, an thlan tur lai ila, an ruangdai chunga kan tihsak theih tawk ani si a. Han in hawn dawn ila, ram hei leh chen atang chuan kan inthlen zolo ang tih ahlauhawm si. Enge in ngaihdan erawh ka hrelo a, lo sawi tawh u, Hnuhma hi kan en vel teh ang tiin, akal hrang ta nghal a.


SANGKHUMA BUNG THUMNA

A rilru ah chuan, Mangliana kuthnu anih aring nghet nghal hmiah a. A thiante ruang kha, silaia kah vek anni a, chuti anih avang chuan, kah hlum zet hnua anlu kha lak anni ngei ang a, khawia tang nge anlo kah tih zawng chuan, ruang awmna atang chuan, hnuhma zawngin akal lawr a. A hmuhfuh hmasak ber chu, a chhuizui ta ani. A rin ang chiahin, chhaklam thinghmun ngaw atang chuan, an thiante chu kah anni tih ahria. Mi sawmthum vel dâwn an nih, an hnuhma atang chuan aring deuh a. Chulai chu awmhmun khuar nan an hmang tih pawh a hre thei. Ramchin an hre hle in a hria. Chu hmun chu, zopui khawlam atanga rawn kal pawhna sulhnu zawk niin, an haw kawng ani ngat mai. Chuti anih chuan, khawchhungah engang fakauin nge an chet ang. A rilru chu, hlauhna in avawikhat nan arawn man ve ta, Lianzuali hmel a mitthla hmasa ber a. Anu leh api a ngaihtuahzui zat a. A pî tar chaklo tak chu, sahimna zawnga tlanchhe tur pawn athahruiin atlin lo tih ahria, a nu lah chuan, atlansan duh dawn hauhlo tih pawh ahrechiang hle ani. Hmeichhe awmnem mai anni si a. An chungah enge thleng ang angaihtuah ngamlo. A thinlung chu thinrimna leh hmanhmawhna in atêr at at mai ani. A thiante azuk fin leh chuan, thlân tur an chemin anlo cho laih laih a. Ngawchhung lei leh ramchang tha ani bawk a. Laih har khawpin a châr lemlo. Ani pawh chuan, ngawirengin a cho zui nghal zat a.

Thangchhunga chuan, rawn thlek hnaih pahin, a bengbulah iva in ngaihtuah nasa awm ve, biak pawh i hriattheih loh arawn ti thum hlût a. A harh zawk mai. Engtizia nge, thilpawi a awm ta emni anti zui zat a. Aaa,, engpawi dang lo e, kan thiante hi kalo ngaihtuah mai mai alawm mawle. An lu pawh kan chang lo ani si a, an ruang tal hi hawn theih aduhawm vei nen. Lam ahlatham bawk si, kawngchin hriat ni bawk silo. A pawi teh zawng anih hi anti zung zunga. An thiante ruang an phûm zawh meuh chuan, chhun chawfak alo hun der tawh mai. Mahse, an rilru leh thinlung chu mawlhtu a awm tlat avangin, Hmanhmawh takin, khawlam pan chuan an kal zui ta nghal a.

Sangkhuma rilru chu, kawngkhat chuan ala hahdam ve hram hram a, a chhan pawh Mângliana te sulhnu ah khan, sal man te hnuhma awm ang a hmu tlat lo a, chu chuan arilru ti dam deuh mahse, sal man lam ngaihsaklo in an khua chu, anlo chimih mai angem. Khua chu anlo hal vek mai lo maw.. chutiang ringawt ngaihtuah chuan, a chaihtu ang nal nalin alo kal ani tih reng a inhrelo. A hnuglam atanga Thangchhunga'n arawn auh tak loh loh ah chuan an hawilet a, alo hmasa fal nalh niin, Thangchhunga rawn thleng chuan, engtizia nge ni, a uih zawn ang vut vuta i kal pur pur mai le.. min hruai chau mai dawn alawm. Khawchhung zawng engpawh lo thleng se, tih theih kan nei chuang hleinem. Eng em a thleng bik nang. Ralveng lah kan upa ten an uluk viau anih kha maw,,, kan chaweina kha arei deuh tawh a, kan chau tlang tawh viau anih hmel. Muangmar in min han hruai hlawm teh tiin a thaw halh halh a.

Ni maw,,, kalo inngaihtuah bing lutuk alawm le, min hrethiam tawh khai. Khawinge nangin hma han hruai nghe nghe teh tiin kawng an kian a. Thangchhunga chuan, nilo e,, uVunga'n han hruai teh se, ani ramchin hre deuh tiin alo hnial vat a. Vunga chuan, anih leh aw,,, heta tang chuan khua pawh kan hlat tawh hleinem. Chul Kawng kan pawh thuai dawn nia tiin hma a hruai zui ta nghal a.

Khatia, zopui khaw valrual rammu a, an chhuah ni la la khan, Bawkpui khaw tlangval pasaltha rual sawmthum te chuan, zopui khua rûn a, an mipa zawng zawng chimih a, ral kaih haw ngei tumin an rawn thawkchhuak ve chiah a. Zopui khua chu chhuah lam atanga beih tum annih avangin, Sangkhuma te nena intawk lo zawngin, inper san zetin an rawn thawkchhuak ve kha ani a.

Mangliana rilru ah chuan, zawlbuk riak tlangval ho chimih a, lalin lama lalfanu lianzuali chu, man ngei atum ruh hle ani. Lalnu leh Lalpa ber a thah chuan, tu khawkha in an rawn tlanchhuak in aring heklo. Duh leh nupuiah anei anga, a duh leh a hmei atan. Sal chhawr pawn a chhawr mai dawn ani. Zopui khua an hneh phawt chuan, an Lalpa lah in a duhdan leh athu chu zahin, aduhsakna zawng zawng a pumhmawm leh mai dawn ani a. anni ang zat valrual thawkchhuak tan lah, zopui khua chu huphurh awm thuai heklo. Mupui leh ar note ah a tehkhin hial si a. A rilru chu a hlimin, a phur surh surh viau reng ani.

Khawdai an thlen dawn hnaih ah chuan, an valupa chuan, tah hian chawl hahdam ila, ralvengte anlo indah takin, an mutchhuah rimtawng hun i nghak phawt teh ang u. Khawvar dawn hnaihah ralveng thlithlai chungin, kan bei dawn nia atih pawhin, Mangliana in ngaihtuah phur phêng chuan, a chakna hmachhuanin, an val upa thu chu ahnial a. chawl khawmuang lo a, beihzui nghal arawt mauh mai.

Hetizat hi kan thawkchhuaka ralveng emaw, zopui khua hrim hrim hi kan tan enge hlauh tur awm. Kan tan chuan bêlchhung sa anni hawt alawm. A dawih zual deuh kha chu, lo chawl hahdam rawh u. Keizawng ka kut te hi, rallu khai châkin aza zek zek tawh ania. A duhin min zui rawh u tiin hma a hruai zui nghal a. Pawisak neilo zetin, kawn zâl laiah chuan kalin, a vaibel bengmuk zawh chiah chu, lak kai tumin pailung atalh tek chhak chhak a.

Zopui khaw tlangval rammu a, chhuak te an liam tûk zanhnih na zinglam zanlai arkhuang an tiau zawh atanga reilote ah chuan, venbuka mipali te zinga pakhat chuan, a thiante chu bekbawr in, hmun leh hmunah phun ser ser hian, kawn zal laia meitalh tek chhak chhak chu, an kawh hmuh a.

Chutihlai chuan, ralveng zing ami Raldoa muhil chu a rawn hnar vei kuk kuk a. A thiante lah thawmdim em em a awm annih vei nen. A huatthlala viau ta ve ang. Ral nge annih an mi leh sa chian hmasa lo a, thal thlah ngawt an ngam silo. Raldoa rawn hnar kuk kuk chu hupbetin an han kai harh a, ala rawn tho â lek lek leh nghal.

Raldoa rawn harh chuan, zawlbuk a awm emaw inti in, ahnar rawn huptu chu, thinrim zet hian an melh khawh pûk a. tawngchhuah atum zuau lai chuan, a kâ chu rawn hup zui leh in, thil awm dan a rawn hrilh tak sar sar ah chuan, a harh kâwk kâwk mai. A thin chu hlauh vangin a su nghal dup dup a. a thianten, kawn zallaia rawn thim phei map map te chu an han kawh hmuh zui leh phei chuan, zâmna leh manganna in a man zui nghal a. a rilru ah chuan tlanchhiat mai duhna arawn lang hmasa ber a. Mahse, a ralven puite mitmei chu aveng lo thei silo. A duh dan dan a, alo tawngkhum leh chin zan thin te hma a, dawihzep chan han chan chu a ngaingam biklo ani.

Midang chuan, kan thiante an nih tak hlauhin, thla êng hliahtu chhum khi akian hun i nghak phawt ang u. Kan inralpalh hlauh zawngin, a zahthlak dawn emai an tih sap sap lai chuan, a zâm chhiat hma a, insaseng thei dinhmuna din a duh tlat ani. Chuvang chuan, midang thu chu ngaichang duhlo in, a silai chhuan em em chuan, meitalh rawn tek eng leh chiah chu, an kap ta dur mai a. A zâm vanga kut khur pheng chuan, atum a thelh phah leh nghal. Thiante silai rawn puak ta chu, eng tih theih nita heklo. silai puak riin arawn chhawn zui ta bawk si a. Midang pawh chuan, an kap zui ve ta ani. An ni awmna atang chuan, mangliana te chu, chhuk thlir deuh theih annih avangin, alan pawh an lang chiang bik deuh a. an in saseng han phu deuh suau te chu, an hmu thim map map a. Pahnih chu an tlu nghal pang mai a. Tumah tlan awihloh aw tiin an in fuih sauh sauh a. An hmuh apiang chu, an kap dawp dawp zel mai ani.

Râl lam lahin, anni chu rawn bei dawn mahse, kawnzal fai lai chu an rawn paltlang ngei ngei angai tlat si a. An tan chuan inthemthiam nana lo hman chu an tihtur awlsam tak ani tlat ani. Raldo meuh pawhin, muang leiah zawng nuam ati ta phar phar kher mai. A hmingchhal meuhin a inhrosa kuk kuk tawh mai ani.

Mangliana pailung han talh tek chhak chhak reng chu, an val upa chuan rawn khakin, khatin râl hmatawngin hmelma ramchhungah pailung talh talh tur ani ngailo. Zanthim hnuaiah chuan, alangsar teh ania arawn ti a. Mangliana chuan Nangpui roh hi, min naupang chhe chei riau mai kati. Sa leh râl hma a zam ngailo keimah mangliana, siâi keuh thluk zawh loh ka ni ngai e. I dawih luatah hlauhthawnna in i khat anih hi. Tu kutah mah ka thi tlaw lo ang. Lo iak lo iak lo teh atih rual chuan, an talh tek lui leh salh a.

Silai arawn puak ta dur mai. A vaibel lu tak chu, silaimu in arawn deng per sawk mai a. A phuve chiang ngang bawka, a hamhaih angreng hle reng ani. Anmahni lam silai han puak ri ah chuan, a inthing harh a, silai rawn puak zui thuai thuai chuan, abula mi pahnih ngawt rawn deng fuh in, an let hlawm tawl mai ani. Silai rawn puak thut avanga an hamhaihna chuan, hun rei a awhlo. Tawlh let chungin, phên tur an zawng a. Arem dan dan in an kap let ve bawk a. a him chin atang chuan, an thiante ruang chu an thlir ani ta ber mai.

An val upa chuan, ralveng kan thawng tho ani ngat mai. kan dinhmunin azir silo a, silai ri khan khawchhung mi tam zawk a ko kal ngei awm si a, kan inhnuhdawk mai angai a ni. Ralveng han luh chhuak tur khi chuan, kan thiante chan saw kan hmabak ani mai si a. Kan tum a fuhlo anih tak ber hi. Kan kir leh mai angai ani anti charh charh a. Mangliana chuan, thiante ruang em hlawm thei lo mah ila, an lu tal hawn lo chuan kir ka tum lo. Ka hmingthatna khuh bo tura meikhupa haw ai chuan, an zingah sawn ka zâl ve zawk ange. Khawinge an lu tal chu hawn kan tum teh ang arawn ti dam duam a. Val upa chuan, nilo e. I lu i zuar ani dawn asin. Nang ber ithih chuan, tlawm sa kan ni mai. Khawdang pawn min zuam zo vek ang kal lui teh suh anti a. Mangliana chuan, ka fimkhur loh rah ani a, tun tum chauh zawng ithu kan hnial leh teh ang, lo kap buai ula, kan thiante ruang saw kava la ange anti a.

Michak leh huaisen anihna chu, chapo pui in uang viau thin mahse, tlawmngaihna leh huaisenna bosal lo na nâ nâ zawng. thiante tana muanpui-awm, anihna chu alangchhuak ve fo reng a. A tum chu sawhsawn tir mai mai chi ani biklo. A thiante silai rik rual chuan ralveng ho laifei mu lêng karah, nghalchang hliam tluk zeta tuan tha in a lîm chhuak ta ani.

Râl lu aiah, an thiante lu ak in an tawlhkir zui ta kha ani a. Umzuitu an awm anih chuan, lo lambun ngei an tum ta zawk ani. Mangliana tlawm la deuh chuan, kir leh an rawt thut thut thin a. Mahse, val upa chuan, hlawhtlin reng theih ani ngailo e, kan thiante hi zawng an vanduai ta deuh ani mai a, keini tal panghimin kan la awm alawm. A siruk la in kan la thawk tha leh zawk ang chu le... atih tlat avangin, a hnial zui duh ta biklo ani. A chapo leh athu duh luat vanga vanduai ta annihna chen a awm si a, chuvanga tlawmngaiin, val upa thu han hnial nawn leh chu a duh tawh bik silo.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 8th, 2019, 8:46 pm

Kawng lehlamah, valupa thu nge nge zawng a fing deuh nge nge zel bawk nen. Silai ri hria in khawchhung chu anlo inralring vek tawh ngei anga. Ralveng te chu khawchhunglamin an rawn puih hmain sutlang thei pawh nita tehreng se, khawchhung lam anlo inralrin tawh si chuan, antan kawng aping tawh sa reng reng mai. Zopui khawtlangval rammu in an chhuak ve tih hria in, zopui khua ah chuan silai sawm bak a awmlo tih te han hre ngat se zawng. Mangliana phei chuan, amah chauh pawn asu lui duh hial maithei ani. An rinloh leh beisei loh tawp a. Zopui khaw tlangval pathum rawn inpei zawn tlang te an han hmuh takah chuan, an khaw mi leh sa an nilo tih an chiang si a. Henglai ramah te zawng, zopui mi leh sa bak tawn tur va awm lul suh. Mangliana thinrim inhrik thlakna ah an tang ta ani.Ramvak inhliam palh mai annih an rin avangin, huai tak ei ti niawm fahranin Mangliana rilru pawh azang hawk mai. Chemtum nen ngei a, beih atum rilruk vei nen, a thiante silai an puah takah chuan, akap ve ta kha ani a.

An lû la in, umzuitu an awm hlauh chuan, an silai ri an hre ngei dawn si a, hmanhmawh takin an insaseng ta nghal ani. Sangkhuma te nen khan, zankhat zetin an insulpel ta nghe nghe anih kha. Dai bulah in nghatin, antum dan leh beisei ang em chuan hlawhtling lo mahse, milu khaia ral that ve ta na fam chu, sawm chuang lai thawchhuak anni miau si a. Bawhhla chhamin, tlang an thawm ve ulh ulh a, mahse, an beisei angin chhawnlettu silai rawn puak thawm an hreta mai silo a. Rilru buai zeta an lo awmlai chuan, an Lal leh upa te hmel an hmu ta ani.


Lal Rozika chuan, ka pasaltha te u,,, hei kan hun tawnin azir silo a, serh leh sanga kan neih pawh pawisa zolo in, in hnenah kan rawn kal ta mai ani a. In mi hriatthiamna ka ngen hmasa duh ani tiin, an hun tawng chu an hrilhfiah a. Thianglo leh serh tlat mah nise, kan rawn pawh rawih mai che u ani e. In hrilh haiin in rilru pawh ana ngei anga, in hlawhtlinna pawh, lawm leh chawimawi in phû takzet e. Mahse, kan khua chu lusun lo chhung kan awmlo emaw tih hial turin thihna in min rut khawm ani ber a. Nangni lo chu ka khawdai ngul leh phaw pawh an awm talo. Tihian khawchhungah ilut tlang phawt mai teh ang u, ati dam dup a. Lal Rozika meuh pawh a ngui ve lup mai. Thinrim hachang thial thei dinhmunah ding heklo le, a piantirh a ta,,, ala tih ngaih reng reng loh. Midang laka inphah hnuai chu a tih ngei alo ngai ta. Lei dawh chunga in malbeih ah han cho dawn ngawt mahse, Sângkhûma chak zia leh huaisen zia a hretawh a. A pasaltha te zingah Sangkhuma han khing phak tur a hre silo. Mângliana pawn a hnehlo han han hle tih a hrechiang tlat ani. An chakloh vaih chuan, a chapona leh inchhuan ve na te hnuh hniam in a awm dawn si a. Mahni aia khawte zawk thuhnuaia a han awm tur chu a ngaihtuah ngam lo ani.

Tunah ngei pawh arilru chu, a hmin tak tak theilo. Khuang chawia thangchhuahpa hial ni tawh in, ka khawper pawh zat lo ti a, alo uankhum thin hnenah khan, a in phah hnuai alo ngai tasi, Rilru kanglang tak pu chungin, an thurel chu a bawhzui tu tur an ruat fel a. Tu tan mah thil nuam hnai anilo ang tih chu a chiang reng mai. Mahse, tlawm zawk chan chang annih tak avangin, meikhupa inphah hnuai chungin. Chapo na rilru an dahthat angai ta miau si ani.

Tlai ni tla tur chu kâwl bulah a sen phût a, khua a thiangin, boruak thengthaw nuam tak chuan, thlifim a kengtel a. Lalin charlam leihka ah chuan, zopui nula hmeltha lalfanu Lianzuali chu, an khaw rala tlangdung thinghmun ngaw in a bawm Cham dûrh mai chu thlirin a hawi vauh vauh a. A baksam thlifimin a chhem len delh delh karah chuan, a hmel nu zêm mai, ngainat awm takah chuan, A nun-nem leh zaidam tak thinlung chu alang tel a, a mit in a thlir lamah chuan, a rilru chu a awmlo. chu tlaini tla tur in mawi em em a, pâr an chhuang chuan lunglen naah hruai lutin arilru leh thinlung zawng zawng luahkhattu Sângkhûma hmel leh sakruang chu mithla chungin, a dâwn vawng vawng a. An rammut dawn zana Sangkhuma nen an inkawm dan te kha hrechhuakin a lung aleng em em mai ani. A hmangaih leh thlakhlelh em em sangkhuma hmel chu a hmu leh angem. Ral kutah ava thih teh chuan, sangkhuma tello a a hringnun hman tur chu, a dãwn ngam lo ani.

Sângkhûma'n kei hmeithai fa ve mai, pa te thlâ, hrâng leh nghal. Khawchhung mite thinhrik hi, Nangin min hmel duh anih ngat si chuan, chu aia dam min thlakhlelh tirtu a awm chuanglo. I tan kalo haw leh ngei anga, Ralmuangah nang chhingzo thei tur hian, inlam leh ramlama thangchhuahpa ka nih ngei theih nan, itan leh ka tan ka neih ngei theih nan che theihtawp ka chhuah dawn ani, atih lai tawngkam kha a bengah ari nawn leh awn awn a.


A nu in arawn auh takah chuan, a suangtuahna ata rawn harhchhuakin, inchhung lam apan hnak hnak a. Lal leh upa ho zu in pawhin an rilru helh leh kam tu ber sawiin anla ri laih laih a. Thangchhunga pu, upa Luaia chuan,kan rammu te chanchin pawh hi hriattur a hnaivai tawh in ka ring e a. Hman zan mai a, min rawn beitute nen khan kawnglakah an intawng emni dawn ni. min rawn beih tuk fehrehsan hun vel khan, tlang lal mual ep ruam lam ah sawn, Thangkima hruizik kheh khan, silai ri ka hria e ati tlat mai a. Mahse, vawitam erawh ari lo niin asawi. ramvak han tih dawn in, keini lam atang chuan tumah kan chhuak awm silo a. Khawchhunga silai la awmchhun chu, venbuk lamah vek a awm bawk si. Eng ang takin rawn haw tak ang maw?? ati bauh bauh a.

Rengipa chuan kha,,, kan râlvengte anlo harhvang hlauh a, khua tihtur neiin kan la dam chu anih hi maw,,, ka tupa Raldoa ven zan ani a, ama sawidan chuan, sawmli sawmnga rual vel niawmin asawi nghe nghe asin. An pailung tek êng ahmuh avangin an enchiang chu. Thla êng chhûmin a bawh thim deuh lai ani a, kawn zallai ruamzawl saw dâp chhuakin, an rawn thim phei mam mam mai ani awm e. A thiante pathum chu kawhhmuh in, anlo kah rawn ta ani. Pathum lai chu, an kap thlu a. An thiante ruang chuhin an tawlhlet ta ani awm asin. Ralveng silai an tawn takah chuan, silai ri ah kan lo inrin tawh an ring ani chêk anga. Min beih zuih tak loh danah.

Rammu in tam zawk an chhuak ani tih hria se chu, min beizui ngei ang. Raldoa lah inhnuhdawh tum miahlo a, khawchhung mite tana tan ral raih tum alo ni bawk nen, an tan hmun atha hrim ale, kan la him tlang chu anih hi, tiin Raldoa chu fak pahin, chawmawi ngiat leh dah sang lâr in an sawi a. An fakawm in kan khaw tana an inpekna chu keinin panghimin kan têl anih hi. An chhuanawm khawp mai tiin lalpa chuan, alo chhang a. Upa dang te chuan, anlo tuihnih tliar tliar a. Khawnge zanriah ei pawh ahun dawn tawh hi, kan tin mai loh chuan, zanlamah kala rawn luai lut leh zawk ang chu tiin. Upa ho chu, Lalin atang chuan an tin zui sap sap a.

Lalnu chuan, a fanu kawchar leihka a. Ral lehlam thlir veng veng chu, au in arilru hriatthiam sak ru tak hian, chawei siam turin an ko lauh lauh. Chu chu ani. a ngaihtuahna ata Zuali rawn kai harh tu chu. An lo tin vek tawh ani maw rawn tihpah chuan, chawei siam tur in a che zui seuh seuh a. mawng zang tih takah a viak a tha in, a chevel te reng reng hi, pitar putar mittlung tak ani a. Nu leh pa te fa mo awh ruk. Tlangval te ennawm leh an suangtuahna leh rilru zawng zawng kaptu anih reng ni.

Zariah eikham fel lenglen hun velah chuan, khawnbawl upa ho pawh lalin an rawn chuangkai leh tan sap sap tawh a. Lalnu chuan lo chiau au in, tungchawa tuibur chu, kamchhe tleuh nan alo theh a. Lalnu nge nge, i tuibur zawng a altui thin ngei mai anti zui sap sap a.

An lalpa ho a, Rammu te chungchang sawi a, titi bul an tan lai mêk chuan, chhuah lam khawdai atang chuan, bawhhla chham thawm alo ri a.
Râl sial hawl ing e,,
rimnampa thlunglu tlun e.
Hawikawm, tualrawih, chiau u law.
Silai ari zui dur a. chutah ari zui ta dawt dawt mai.

Chheiraw le, ka rammu te thawm lah ni reng mai. An hlawhtling hle anih dawn chu maw, tiin an phûl nghal hlut mai.

Khatia, Lianzualin kawlkil lam Ramngaw dur thlir a, sangkhuma a ngaihtuah veng veng lai khan, sangkhuma te rammu haw chu Dai hnai kawtchhuah rawn thlengin, an in nghat sap sap a. An chau tlang viau tawh na â,,, Kawtchhuah an han thleng chu, an phûr thar leh ta hle a.

An ni rammu hlawhtling te chu, sawm aia antam avangin bawhhla chhama silai kah puah zawh a, khawchhung luh nghal mai a thiang silo a. Dai ah chuan khua nghak tlai a, khawvar hun an nghah angai miau si a ni. Khawchhung lam nen inbiakpawh thiang heklo. ralveng te erawh loh theihloh a, an hmachhawn angai miau a. Anni hnen atang chuan, an rilru helhkham ber khawchhung chanchin an hriattheih phah thung. An him ani tih an han hriat takah chuan, an chauhna te chu, chhem bo ang hmakin, phûrna in akhat zo ta ani.

Khaw nghah tlai pahin, zariah tur an buatsaih a. Kalpaha hruizik leh thangtung an kheh te leh an tumbu khawrh te chu siamin, athenin tui an chawi a. Thingtuah fawm an awm bawk a. An phurna chuan, hah leh chauh ati bo zo tawh a. Kar lo ah zanriah pawh an peih nghal der mai. Lenglen hun pelh hretah chuan, an inpeihfel ve ta ani.

Val upa Vunga chuan bawhhla chhamin, a silai an hmet puak dur a. Midang chuan lo ruan zuiin an thawm zui ta ulh ulh mai. Chu chu ani, Lal In ami ten anlo hriat kha.

Sangkhuma pawh a phûr na ngîang mai. rilru zangkhai takin, a silai a lawn ve ulh ulh a. Thangchhunga hlim sahawk leh phûr pheng chuan, a silai alawn ulh ulh reng mai bawk a. Thianpa ka paitung ka ruah der mai, khawnge ita milo chhûn ve teh. Ka duh angin khua kala thâwm lo tlat mai tiin, Sangkhuma chu arawn dil a. Khawchhung lam atang pawn an rawn chhawn ve ta. Ralven buk dang ami te anlo haw ani ngei ang.A khat tawkin intih thawven nan leh inchawh phurna ni pahfawmin silai an kap dum dum reng a. Khawchhung lam amite lah sahawk ve bawk. Tlangval nula rimte chu, bawhhla chham anih a, silai an rik tak ulh ulh ah chuan an nula rimte tin sanin, zawlbuk an pankhawm nghal sap sap a, Nula ho lahin, rammu haw valrualte lo bân turin, arkeziak an buatsaih ve nghal sauh sauh bawk a. khawchhung ami te hlei hlei chu, an helhhawlh nasa niin alang.

Lianzualin bawhhla chham thawm leh silai ri ahriat rual chuan, a thinlung chu asu nghal dup dup mai. Sangkhuma chu himdamin lo kir ve tak ang maw tih chu angaihtuah hmasa ber a. Hlimna leh hlauhthawnna in pawlhin arilru chu a phawklêk zo vek ani. A nu hnenah chuan, arkeziak lo bân tur buatsaiha a thiannu te inlam kal chu an dil zui zat a. A nu pawhin hrethiam takin alo phalsak a, thihna leh thival a pe tel nghe nghe a. Zualin a thiannu Lianmawii te in apan lai chuan, zawlbuk lam atang rammu haw, dâia khawvar hun nghak te chhawn turin silai arawn ri ve ulh ulh a. Khua amite tan, rammu haw daipawna in hrosa mek te chu zuk kal pawh phal ani biklo a. Nula ho chu arkeziak lo ban tur buaipui in an tlaivar anga, Tlangval zawlbuk nghak te pawh, daia rammu haw inhrosa mekte chhawn pah fawmin, silai kap chuan an in themthiam tlaivar thak bawk ang. Upa ho lah awmtual mei aiin an tlaivar ve dawn bawk ani.

Lalnu leh mitha nu ho chuan an duhsak zawng rallu hawn tute awhtir turin, thihna, thimal leh thifen thlengin an buatsaih ve bawk a. Tupawh mai chu khawvar hun nghakin an hman hlelh ani ber e.
(Chhiartu tan ninawm anih zawk takin, ral aih dan leh an lo hmuah dan vel hi chu, kati lang tello mai a nga, in mi hriatthiamna ka ngen e.)

An rammû, an haw atang khan, karkhat alo liam leh ta reng mai. Mitin mai chu, lo lamah buh la in an buai tan tawh a. Buh lu chuh lai anih avangin, a then an riaka langa feh an awm reng bawk a. Khawchhung chu chhun lamah zawng, mû in ala ange tihtur khawpin, areh thei kher mai.

Leido nei e tilo chuan, ramriah leh feh an thulh thei silo a. An leido te pawh an tulve tho ani mahna, buh lu chuh lai ani tlat si alawm le. Nunphung pangngai takin hun an hmang rih chu ani a. Rei daih tak ang maw.

Sangkhuma pawh amahin ariak tlauh tlauh a, anu in lângin arawn pui zeuh zeuh bawk a. Ani tlangval chak ta chuan, karkhat chhungin ala zo mai dawn niin alang. A buh kung a tha in, a vûi a that bakah ahmin tha em em mai leh nghal a. A rin leh beisei aitam athar dawn niin a hria a. A lawm hle nghe nghe ani.

Sangkhuma buh han la chu, a hmuhnawm bawk aniang. Ari pa phei chuan, a buh lak theihnghilhin alo thlir chawhma leh thak mai thin a.

Tlâm ém lianzet mai chu, khâupui hlâi zeta a hih hmangin a dar atang, a âwm lamah kaihkhirh in A phur(ak) a. A vawm khat zung zung a, a mah lang lo lêkin a vawm vum thei a, a buh âh(ât) lah chu, a fai fel viau tho bawk si ani. Ral atanga lo hmutu tan chuan, Buh chu kalpaha thuai chhum zung zung ang maiin a hriat a. Hmuhnawm lo chi zia-zâng ani nem le.

Sangkhuma buh la zo chu, ramvak turin a insiam malh malh a. A nu feh haw tur chuan, mama lo haw ve tawh bawk la mawle,, i pî lah chuan, asawi reng mai che a, a ngai tawh viau che ania. ka rinai daihin kan la zo hma a, nang nge nge zawng. Mite tawngka ang maiin ilo chak anih hi. Hetia buh ber kan lak zawh tawh chuan, vawin chu kan haw rual thei ang chu kalo ti asin lee,, ati keuh keuh a.

A kanu, sarep pawh kan nei tawh silo a, therhlo ilo fahran pawh, ei a chakawm alawm le.. ka ramvah tawpna chin lah alo rei tawh bawk nen, chawhnu lam chu kan vau lam te hi hrutin kan vak kual mai mai ange. Sanghal lah an thau dawn tan tawh a. Buh beiseia rawn thawm zauh zauh thin kha, kan pêl chhin ange kati deuh a. Naktuk lamah kalo haw dawn nia tiin Sangkhuma chuan an chhang var a.

A nu a haw tak hnu chuan, a silai a pu a, fungki nen paitung ak in, an vau lam ngawpui pan chuan a thawchhuak zui ve ta ani. kal pah chuan, Lianzuali hmel a mitthla a. An rammu haw kawtchhuaha anlo hmuah laia, a hlim hmel mawi leh duhawm zetin, ngai leh thlahlel em em mitmenga, midang hmuh leh hriat hlau tak si a, rawn zai ralh ralh chung khan arkeziak arawn ban a. Chu mai chu duhtawk lo in, thihna leh thival arawn ban zui lai hmel te chu a hrechhuak uai uai ani.

A unaupa sun a, a tah nasat luatah, a mitmeng mawitak mai, han bui deuh cher mai leh sen rêm mai te kha aw,, sangkhuma mitah zawng a thatna belhchhah tu ani zawk si. Han hnema, tawng thlamuan pah a, Han kuah vawng vawng te chu duh mahse, midang mitmei ven angaih chu thu hran, mipa tan thil mawi ani silo.

A ngaihtuahna a ding luatah, a hma lawk nghalbuala sanghal lo inbual chu, a thawng tlan ta mai a. Pawiti rilru zetin, beisei em em lemlo chung chuan, a chhuizui ta tho a. a ngaihtuahna chu sapelh lamah dah in, fimkhur zawkin a kal ta thauh thauh a.

A vanglai a hmang chho dawn tan ani a, a pian a fuh in, a ruakhau bawk a, ati hrawl analh ang bawkin, a kengtu taksa in azir tel leh zel si a. A feh haw han kal vel te reng reng hi, nula ho mit hian a umzui awl lo mai a. A ni ang mi zakzum leh tawng tlem bawk si chuan, zah rum rum chang aneih phah hial thin reng ani.

A mitmeng dam raih mai leh a mize zawi leh in ngaitlawm tak nun chuan, a bula awm ati hahdam in, a thlamuan thlak hle reng a. ral thlir ngawt ang aiin, abula han awm chiah chuan, alen zia a hriat hle ani.

A sa han pêl vel chu, lasi nula te tan pawh, hmuhnawm tham atling a. Mit la lêk lo a, enzui vawng vawng tlak ani ve reng reng ani.

A duhai thui mah a chhui tawh a, athawm riva hriattur a awm tak siloh ah chuan, a beidawng let der mai a. Haw san mai rilruk in, a awmna mual chu kal hel a, zuk sih lam ngaw fem hrût haw atum ta zawk ani. Tichuan a sanghal chhui lai chu bansanin, zuk sih lam ngaw hmawr fem tal hrût tur chuan, a liam zui ta vang vang a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 10th, 2019, 9:35 pm

Therhlo. vahrit, ramar leh varihaw tih vel te chu, a thawng tlan ar ar thin na a, sa lian beiseia miau avangin a kap duh lem hlei lo a. khua lah alo tlailam ve zel a. Zuk sih ngaw tawntirh pawh a hnaih tawh viau mai. Chutih lai chuan, sazuk han khek ri a hreta. a hmalam kawrte kam mai chu niin a hria a. Fimkhur zetin, thli beng loh na lam atang chuan, a pêl phei ta nghal a.

Fimkhur em em in, a hnaih phei hriau hriau a. Sazuk pawh a khek leh that that thin a. Ava hmu thei ta, sazuk lâ mam tha zer zawr hian, amah rawn ep zawngin a nâk lam arawn chhawn a, mual lehlam hawi chuan, a khek that that a, a mei tawite chu a hêm vei zoh zoh bawk a. Sangkhuma chuan, tanhmun siamin a silai chu adar ah an chhuanga, sazuk nâk pek ah chuan, a lûng pawh ngei turin, a zakdawh ah tak an kap dur mai ale,,, sazuk chu a zuang zawk hian a hriat a. A tla thla lam erawh a awp nghal rup mai a, thlang zawng chuan, ke leng ut ut in, a tawlh thla tual tual a. Chechang zui tur chuang a awmlo tih hre tho mahse.

A silaimu an sawh leh chât chât phawt a, chutih lai mek chuan, a chhak fê tlang zawl lam. Zuk sih atang chuan, Tumpang arawn kîu ta mai a, an ngaihthlak chian vang vang hnu pawh chuan, vawithum lai a kîu nawn leh ani. Zawlbuk titi ah alo hriat tawh avangin, a rilru chu, tumpang kîu ri chuan aluah hneh kher mai. Buh chil zawh ve leh thawhchhuah ve a rilruk ta rân ani.

A sazuk kah chu an belchianga, a kawchhung te phawrh in, a pumpui te chu luite ah asu nghal vek bawk a. A sa tha chu aduhlai lai a hlep a, hlawhtling inti zetin a haw zui ta a. a lak bang zawng chu, arî te ho aduh apiang phurh a phal sak a. a rî pâ ho chu, an lawm kher mai, a zân azânin meichher nen anva phur nghal chûk chûk mai ani.

Zopui khua chuan, leido nei chung a, ralti reng renga an thawh rah chu seng in, Buh an ngah kum tak ani a. Zopui khaw hausak kum ber ani zaw mah awm e. An lalpa Dothiaua pawh fapa sûn hlim mah nise, a lawm thiam khawp mai. A chunga a khua leh tui te thatna chu, a fakin a chhuang khawp a. Fathâng chhung tute reng in an uar sak em bawk a, lawm lo chi rual anilo. A lawm zia tih lan nan, khawtlang hrâi pah fawm in, buh leh bala an hausak kum chu, khuangchawi nana hman arilruk ve rân a. Thangchhuahpa han nih a, pialrala faisa achawm an ni tur leh a damchhunga puantial bat thei, diartial khima, vakul chang tawnin a inchei thei tawh dawn ani. A inah pawh tukverh mai nilo. Bahzâr a siam thei tawh dawn bawk nen. Chung chu thlakhlelh loh rual ani silo a. Mahse, an leido nei chuan, arilru a kap viau bawk si.

Bâwkpui lam in thu thar an rawn nei a. An tlangval rammu bang zawng zawng deuh thaw, ramriak te tih chauh lo chu, zawlbuk riak zawng zawng zingah khan, pahnih chiah dama chhuak an awm ani awm e. Thlan lai tur tlangval awm hek suh, pachangin an fapa te ruang mittui tla zawih zawih a thlirin, thinrim hachang thial chungin an fate thlan tur an laihsak ani a. An thu leh hla eng tak ni ang mawle.
TUMPANGCHAL LEH SANGKHUMA.

Zan li an riahna ani ta. Mut hmunah Thangchhunga pa chuan, hei eng kan ang dawn lo emni dawn le,,, kan tumpangchal chu a thawm riva reng reng hriat tur lah awm theilo chu,, Heti hrim chuan, hlawhchham mai aiah zukchal kah tur te tal kan melh a hun tawh anih hi. Chutia kan tih ngawt loh chuan, kutbengin kan haw mai angai ngei ang le, tiin beidawng aw arawn chhuah a.

Val upa vunga chuan, eng aiah nge in beidawn ngawt ang le, heti khawpa arial rei tawh te chuan, alo lan hun a hnai ting mai alawm. Zanriak buhfai lah kan ngah a. Keichu ka tha tho tulh tulh zawk asin. beidawn tâwpa kah tur zukchal zawng kan hmu mawlh ang. Kei ngei pawn, vawin khan, zukchal na nâ nâ chu ka hmu tak asin, han kah thluk ruah mai chakna in ka khat a. Tlema tlem ah ka thal ka thlah lo chauh alawm. Hei zanli leh ni nga chhung chu, arawn lang lo tih kan chiang tawh a. A rawn hnai viau tawh tur asin. beidawng mai teh suh anti a.

Buk nghak rawngbawl atana an hruai nen mi panga an ni a. Zanli lai an riah tawh avangin, Tumpang thawm riva hriattur awm silo nen, midang te beidawnna leh tlawm ban tu alo ni bawk si. beidawng rilru tawk an awm tawh hial reng ani.

Sangkhuma chu a mumangah hmeichhe hmeltha leh duhawm zet mai hian, arawn ko a. Sângkhûm tunah hian i hma hun atan duhthlan theihna kape ang che. He tumpangchal hi i kah chuan, lungngaihna nasa tak i hmachhawn anga, kâp lo a i hawsan anih chuan, i hmangaihte chhanhimin i huikhawm thung ang. I hma hun chu i duhthlannaah a innghat e arawn ti a. A thusawi awmzia chu a hriatloh em avangin zawh nawn tuma a an ziau laiin, abula mu rawn inlet chuan, arawn nghawk harh a. Mutthilh leh mai atum lai chuan, kawl arawn ên zui tak avangin atho zui ta a ni.


Chawbel vil pahin, a mumang ala hriatchian em em chu, ngaihtuah in, enge a chhan ni ang tiin alo ngaihtuah veng veng a. A mang chu ngaihtuahin an mitthla nawn leh a. Kha nu kha a hmuh hnu ni ngei in a hre bawk si. Mahse, khatiang em em a hmeltha kha chu, a hmu tawh anih chuan, a hriat ngei aring bawk si. Engvanga tumpangchal chu kah phallo nge anih. Ka hmalam hun tur a duhthlan tur ka neih chu enge nita ang.

A hrechhuak ta. An rammut tum a, lungpui che thei hmun atanga hruaichhuaktu kha ani. Mang lamah bawk arawn tlawh leh niin a hria a.
A thusawi awmzia pawh aman thiam ta ruak mai. Tumpangchal ka kah chuan, thangchhuahpa nihna ka nei thei a. Mahse, hun harsa leh hrehawm ka paltlang tur chu enge nita ang. Tumpangchal ka kah loh a, ka nun hahdam tur chu enge ni ang le. Tiin a ngaihtuahna alo kawm mawlh mawlh a.

A dara rawn ben thak thak pahin, buk nghaka an hruai Thangchhunga pa chuan, eng iti vung vung nge ni, zing zingah chawbel liam theihnghilh thak a, in ngaihtuah taak. Iva tho hma reng reng ve,, bûk nghak rawngbawl tura min hruai kani ve a, min thawhkhalh tuktin a. I rawngbawl sa hlir ka ei ang reng lawi sia. Min ring tawp ta che le.... khawinge kalo chhawk ang che. Nizan i vahrit rawn hawn kha, ka zân mun e katia, chawhmeh dang siam angaih loh hi. Va inphih harh teh. Mut i khamlo nge i lungleng zawk anti fiam zui zat a.

Midang pawh an rawn tho ta phak phak a. inkawm hlim pahin, an vawin chet dan tur te an rel nak nak a. Chawei siamin vahrit tuilai leh apa tuai chhum han sa chu, changel hnah ah an thet khu vut vut a. A âwm ti var ser sawr lek larh larh pah chuan. Thangchhunga pa chuan, silai kan hmetpuak ngam silo a, hetiang te chu kan ei phak pawh ka ring hleinem. Tumbu leh hruizik te bak chu ka beisei hauhlo asin le tihpahin an ei zui mawlh mawlh a.

A bawp lek varh varh pahin, valupa Vunga chuan, ani ngawt asin. Sangkhuma zar vek mawle., Silai hmetpuak miahlo chung pawn, sa hlir minla barh anih hi tihpahin a keih hlawk hlawk a.

An zinga tleirawl ber chuan, Tumpangchal kah tuma ka kalve vawikhatna ania, kapa lah chuan, kal buai duh suh. Hetianga, tum bik leh pel bik neia ramriah hi zawngin, hnah nem rin mai mai atam duh ania, He tumpangchal ngat phei hi chu, afing si a. zanriak chawhmeh ilo fahran han pêl tur pawn silai in hmetpuak ngam awm silo a, hrehawm bak in zuk hlawhchhuak lo ang min ti asin. Mahse, sa hlir kala ei chu anih hi alo ti ve khauh a.

Sangkhuma chakzia an hre tam tulh tulh a. mak anti telh telh bawk. A sairawkherh siamchawp, zawngpachal arawn perhthlakna ringawt pawh. An kuaikul ve hleithei lo ani a. Silai i mamawh ve loh hi, anti vel mai mai hlawm ani.

Sangkhûma chu a chân hmunah ala in ngaihtuah nasa mai a. Tumpang chu kah loh mai nge tha ang tiin arilru a buai ru hle ani. Haw han rawt ngawt dawn se,,, a khaipa leh rinrawl ber han beidawn mai chu a tlawmngai ve bawk sii, chu a chhapah an khawtualpa ngei pahnih ngawt alo tih hlum tawh na chuan ati thinrim in, midang beidawnna chuan a cho phur viau bawk.

He Tumpangchal hi a kah theih ngat chuan, thangchhuahpa niin, pasaltha nihna anei kim tawh dawn a. Lianzuali pawh atan a beisei awm ve thei sawt dawn ani tih te angaihtuah tak zelah chuan, enge ni vei, mumang mai mai avanga ka in ngaihtuah buai ang ni. He tumpangchal hi, then hrangtu nilo in ka duhzawng laka min pawt hnaitu tur zawk ani tiin arilru chu Tumpangchal kah ngei tumin a sawh nghet ta tlut mai ani. Haw rawt hmasatu nih chu atum bik ta dêr lo.

Chumi ni chu hlawhchham bawkin an hmangliam leh a. Zan nga zet chu an riak ta. Tumpangchal lah chu thehhmeh ang vang vang ala ni bawk si. Dawhtheilo deuh leh lungleng hma chi ho tan phei chuan beidawn rum rum a hun tawh ve reng ani.

A zan nga na tûk, zinglam fehrehsan hun velah chuan, Sangkhuma chu a chân hmunah, bet lo zet hian ala thu vauh vauh a. Chhuksan mai nge tha ang la chân rih deuh tiin a in ngaihtuah mek ani. A zun rawn chhuak tan riai chuan, azun bur a khat tawh tih arawn hriattir a. Chhuk mai tuma a in ngaihtuah lai mek chuan, apiah lawk a thawm rawn chhuak chu a hreta ani. A thawm atang chuan, tumpangchal anih ngei aring nghet hmiah mai. Thawm dim em em in alo insiam rem sat sat a. Arawn chhuah pheina ngei ngei tur sih tual fai lai tawntirh chu alo bih uluk ngang mai. A rawn thawm phei zel a, inring takin asilai chu alo lek kang ve tual tual a.

Mahse, a beisei loh lutuk sakhi tuai arawn lang heu mai. A thinrim lek lek nâ a, a kiai zui ta sak zawk a. Sakhi tuai mam nalh zek zawk in, sihpui kam khawn var eih uaih mai a liak vel lai chu, a hmuhnnawm thlir ta vel mai mai a.

Chutia, sakhi a thlir veng veng lai chuan. a piah thlanglam deuh a, zuk sih dang chang ve tu, an rawlthar hruai chu arawn au te nasa mai a. A hming lam meuhin arawn ko vau vau mai leh nghal. A chãn hmun atang chhukin, hmanhmawh phelengin a pan thla ta buan buan a. Arawn au tu rawl, mangang leh thlabar lutuk ri chu, pa naran tan phei chuan, zâm rum rum na tham ani.

A zuk thleng thla chu le, Tlangval Bâwihchhuaka chu, fah kung malpui tiat vel dingmar zet mai kungah hian, saruakin alo inkherhbet nasa mai a. A hnuaiah chuan, Tumpangchalin hnar tum dut dut in, a ke hma alo phiat sûrh sûrh mai bawk a, a lawnna kung chu a khât tawkin alo tauh thin ni ngei tur ani. An tauh leh bur mai a. A tauh na bawk a. An kûr zûk in perh let chuan a vawrh thla teuh ngei mai. Hlauh luat vanga, sahuai thingvawn tlut mai ani bawk a. A in vuan tang thei hram hram ani.

Sangkhuma chuan, hmanhmawh angai tih a hria. Mahse, tan hmun erawh afuh tlat lo. Tumpangchal mawnglam chu a hmachhawn tlat mai si a. Hmanhmawh zetin sirlamah tanhmun tha en pahin an tawlh sawn a. A hmanhmawh luatah thawm alo nei ani ngei ang. Tumpangchal chu, arawn hawi vut a. Sangkhuma a hmuh rual rual chuan inherin arawn phin phei zui ta mai a.

Tumpangchal ki kual ruih mai leh lian em em mai chu, a len ang aia tuan tha leh rang ani tlat mai. Thingzar leh bawn pik te chuan, a kawng an dal eih lo. Arawn su eng phei pawp pawp mai ani.

Inthiarfihlimna hun a awmlo tih ahriat avangin, Sangkhuma chu a ding chawt a. Ngunthluk mangkheng in, amah rawn phin pheitu Tumpangchal rawn dûk phei zur zur mai chu, alu lei bar mai ah chuan, lo tin in, an inkarah hlam hnih lo liam atla lo ang, tih ah chuan a chaldam ah tak. Darngên mupui in, a thluak hnam chhuak sawk khawpin alo verh siah mai a. a duh ang tawka a zên sawhmuk leh Zan nga lai alo hem tan tawh ani bawk a. Tumpangchal lian leh huaisar meuh pawn a dawl biklo ani ange. A tawm deuh chawih mai a. A hmazawnah tak chuan, a ki kual ruih mai nen chuan arawn bawksawp ta rup mai ani.

Vawihnih vel chu, a hnar ala phit dut dut a. A thi tur chalchang chuan, a ke aleng ut ut a. Azal ta riai riai mai. Bâwihchhuaka rawn chhuk chuan, lawmthu rawn hrilh mawlh mawlh pahin, a thinrim hrikthlak nan Tumpangchal chu arawn tlawh vei arh arh a. Sangkhuma chuan, nui deuh tet tet chung hian, Bâwiha,, i puanven khawnge. I saruak kha khuh angai ania, kan thiante pawh anlo lang tep tawh ang, khatiang a an rawn hmuh che chuan, khawchhungah an fiam ngei ang che anti a.

A hrechhuak ve chauh ni ngei tur ani. ka puanven a pir thla daih alawm maw pek le,,, ka veng lo tih pawh kalo hre tawh hleinem. Ka silai pawh zawn angai tak alawm. Khatiang em em a thlabarna kha kala nei ngailo. ka thihni turah riak asin kalo ngaih. Min rawn chhan hlauh lo la zawng ka indawmbet thei reng hauhlo ang le tih pah chuan, a puan ven zawng turin, mawngtam lang kung in akal sawn ta a. A hnunglam atanga Sangkhuma'n nuih hawk hawk na chu apawisa lem hlei lo a.

An thiante dang anrawn thleng zui ve nghal mai bawk a. An han belchiang chu, alian anti tlang ngei mai. A ki inkara sar zam kulh mai chu, mak tiin an hmu duh hle ani. Rei erawh alang zui talo.

Val upa vunga chuan, hei zet chu le, a ki han ropui dan em em hi, anlo sawi uar tawklo zawk lah ni a. He Tumpang ki an neih theihna tur anih phawt chuan, lalte pawhin an lalna an kian duh ngei ang che. Hetiang reng renga ki tha hi kala hmulo. An sawi pawh kala hre heklo. Hmuh pawh ka hmu leh tawh lawng e.
Ti teh u, i chan vat vat ang. Alian si a, khawen laiin kan inpeih fel hman lo palh ange tih zung zung pah chuan, Bâwiha lo let leh chiah chu, nang Thangchhunga pa kha va pun la, hetah riahbuk pawh kan sual chilh mai loh chuan, vei vah abuaithlak mai mai. In rawn insuan phei nghal dawn nia. E,,, taka nichin khan nangmah emni au tial ruai ruai kha,,i inhliam em lo maw anti a.

In hliam lo e,, hepa pui roh hian, ka chân hmun atanga ka chhuk chiah kha mi rawn phin thut alawm mawle. Minlo chang reng ani hial ang. min la teuh ther ther teh asin. Ka puanven pawh a hlip daih alawm tih bui bui pah chuan, Tumpangchal chu atlawh leh awrh awrh a. Mi dang lo nuih dar dar lai chuan, Thangchhungapa pun turin akal zui ta nghal a.

Sangkhuma chuan a silai zen a sawh zawh chuan, tumpangchal tlawh chung ngei chuan, hlado an chham vang vang a. Silai an lawn zui ulh ulh a. Tichuan asa chu an chan zui ta ani.

Sa chu anni panga lek tan chuan, phurh zawh sen rual ni heklo. Zankhat tal rep phawt ila kan phur hnem thei deuh ang tiin, an rep ta tluk tluk mai ani.

Chumi zan chuan thawm maksak tak tak in ati buai tlaivar zak a. Tumpang lu bung lah chu, a kiu leh ruah ruah thin a. Mutmu tuah ngam aram pawh an awmlo hial a. Sangkhuma erawh alo chhing sek chuan, mumang neiin, a mangah chuan zan hmasa lama a hmeichhe hmuh bawk khan. Hei kan duhlai ngawih ngawih chu min kahsak ta si a. I chunga thleng lo tura ka dan tang tang chu, ka phelh ve ta e. Salu ropuina hian, i hma hunah kawngro asu ngut ange maw. Ka hrilh lawk tawh che a. I chungah engpawh lo thleng se, min dem thei lo ang. Tin, alu hi nangmah ngei lo chuan an kawlin an tar tur anilo. Chuti lo chu, he salu hian a awmna in apiangah chhiatna a thlen dawn ani ati a. Lungngaihna leh hrehawmna i hmachhawn hunah minla rawn zawngchhuak dawn nia. Ramngaw chhah leh ril apiangah hmuh ka awlsam ang tiin arawn thlah a.

Chawhnu lam naurual zanriah chhum hun vel ah chuan, Ramchhuak te chu an sarep phurh te nen, khawdai an rawn chuang chhuak a. an phurte chu an nghat sap sap a. An khaw pum puiin an hrilhfak. Mipa tawh phawt chuan, kah an chak em em. Mahse, mi nunna hial la a, beidawnga siamtu Tumpangchal lu, ropui eltiang nena khawchhung an han lut tur chu, an phûrin an helhhawlh kher mai.

Tumpang hlado an han chham vang vang a. Silai kap puak ulh ulh in, khua an han thâwm a. Tichuan muangmarin khawchhung an pan zui ta ani. Mahse,!!!

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 11th, 2019, 6:39 pm

An rin leh beisei angin, salu zawn tur naupang rawn tlan hmasa an awm hauhlo. Thawm riva hriattur lah a awm heklo. Kawtchhuah an han thleng chu le, an khawchhung chu, meivap ah alo changzo vek niin, ban mut khu vut vut leh naupang thenkhatin ba kang bang anlo zawng vel te chu an hmuh theih chhun ani mai. Mi thenkhat chu, anlam panin anrawn kal diah diah a.

Tuman tawngzai reng an rel thei lo. An thil hmuh avang chuan an hamhaih zo vek ani. Khawchhung mi lo kalte chu, tuk thuan pawh la eilo an la ni leh nghal. A chhan chu, an buh leh bal zawng zawng a kang zo vek si a. An sinlai chiah chan an nei ani.

An zingah chuan, Lalnu pawh telve in, hma arawn hruai nghe nghe a. An chanchin tlangpui chu Lalnu chuan an sawi thuak thuak a. Mipa dam leh awmchhun te chuan, an khaw tlang lamah bawkte an khawh alo ni a. Ruang lah chu phûm loh in an mut khawm ringawt mai ani.

Sangkhuma chuan, a chhungte chanchin an zawt a. Tuman an chhang heklo. Ruang dahkhawm chu an en lawr dan dan a. Lubung deuh hlir an nih avangin. Tunge annih tih pawh hriat ahar angreng fu mai. mahse, a piantirh ata alo chênpui ngar ngar a pi leh anu chu a hai bik hlek lo ang.

Api ruang chu a hmu ta ngei mai. Anu ruang erawh ahmu ve lo. Thinlung chhunga rum vawng vawng chungin, amah hmangaih leh ngai em em thin tu, atet te ata awm tlei a. A ei ai pe a, atan engkim tawrh huam. A pi ruang dai chu thutchilhin an pawm a. A thinlung chhung ril tawp ber atang arum chhuak ani. Tar chaklo leh bawrhsawm mahni pawh in enkawl hleithei tawhlo chungah pawh an chem hriam anla nghat duh cheu ani maw... kapi min ngaidam ang che aw.. i chhuan em em thin i tupa hian, i mangan lai ber hun ah, ka awmpuiin ka venghim silo che a. Thlamuang takin lo chawl ang che. Kei emaw i chunga hlei lentu te emaw hi chuan kan la rawn zui ve mawlh ang che. I tan milu ka khai ngei ang tiin, hnuk ulh teuh in a phun sep sep a.

A pi ruang chu zah takin a phum fel a. An rawn beih dan leh rûn dan chanchin zawt chiang turin Lalnu awmna chu a pan a. An sarep te chu phawrh in, an sem diat diat a. atu amah inhnem thei bik awm hek suh. khawchhungah chuan, mipa puitling himdam chu, upa lam deuh anni mai si a. Hmeichhia leh naupang bakah, pitar putar te chuan an theih tawk tawk thawkin, an inpui tlang a. A then thlan laih ngai bawk. An chênna tur bawk khawh angai bawk si.

Zanlai arkhuan pelh hretin, khawchhung chu an rawn bei a. Zawlbuk an luhchhuah hmasa ber a. zawlbuk chu halin, chu chuan indang aman kai zel a. Chumi êng a mipui mangang tal vel chu, Nu nau leh pitar putar sawilo in, an vai hma hmiah hmiah mai a ni. zawlbuk silai an khawm vek avangin, tlangval tan chet ngaihna awm heklo. A luhlul zual an kahhlum bakah an vaw thlu bawk a. Salah tamtak kai in, zing tukthuan ei hun hma hretin an chhuak leh ta ani. tiin Lalnu chuan mittui tla zawih zawih in an sawi a. Mambawihi tak kha aw... ava mangang dawn tak em ati zui vawng vawng a.

Chu thu chuan Sangkhuma thinlung chu a chhun phu dup dup mai. Zuali chu an hruaive tihna emni anti vat a.Aw,, a pa in tlan rawh u, tiin min rawn kaitho a. Kan chhuah dawn lai takin Mangliana kha arawn lut a. Apa in lo dan atum kha,, asat. awii,,, ka sawi ngamlo. a inhnit hlawp hlawp a. Mambawihipa atluk takah chuan, mami tlan rawh rawn hawilet hauh suh ang che tihpahin Mangliana kha ka vuan bet a. Mahse,, keia tan zawng chelrual ani silo. Min thinthluk rualin asilai khan min hem a. Mambawihi min rawn auh lawm lawm kha ka hre rei ruai a. abak chu engmah ka hrezui talo ani.

Tukina chhuak annih chauh zawngin, anla kal thuilo tawp ang le. mi sawmhih chuang hretin, sal sawmruk vel lai an kai anih chuan, an kal chak theilo tawp ang. Tih theih ka nei emaw neilo emaw ka dam chhung chuan, nuamsa in khua an lut lo tawp ang. Zankhat leh nikhat zet hun kala nei alawm. Khawinge kan um zui tehreng ang tiin a insiam zui mawlh mawlh a.

Lalnu chuan, nangmah chauh chuan i hneh theilo ang. Kan khua aram zo tawh si a. kilkawitu leh uaptu kan mamawh asin anti a. Nilo e, ka nu pawh ka zawn angai a. Zuali thlabar leh manganga a awm laia heta lo awm ngawt chu ka theilo ani. A tan chuan engpawh kati ang. Engmah tilo a, awm ai chuan, amah chhan tuma thih chu ka thlang zawk tho tho ati tlut mai thung. U vunga te an awm a. Mangang suh u. Anti zui zat a.

Chutih lai chuan, Vunga arawn tawngchhuak ve vat a. Min sawi bang suh ang che. I rualin ka kalve dawn. Nangmah chauh zawngin iliam bik lul lo ang. I tuan kati fum anih leh min kalsan anga ni mai. Ka zui dawn tho tho che arawn tive bur mai.

Thangchhunga pa leh an ramchhuahpuite bakah midang an rawn inrawlh vat bawk a. Tleirawl thaza thinrim pawh an rawn inkau nghal at mai bawk a. Mahse,,Sangkhuma chuan, nilo ve,,, in fungki leh paitung kha min pai ula atawk e. Hei mipa kan tlem si a. Nangni talin inlo uap loh chuan, hmeichhe hlang mai annih hi. Midang lah hliamtur anni si a. Tlawmngaih chhuaha inlo awm hram angai ani. Thlan laih ngai nen, tihtur tam laia ka rawlbosan tur cheu hi pawi kati em em ani. Min hrethiam ula, kallo thei niin ka inhre ngang silo a. Tihtheih ka neilo anih pawhin, min rawn ngaihven duh suh ang che u. Bawkpui lam thu in nghak anga, in chhungte chu in theih ang ang in, inlo tlan chhuak mai aniang chu anti a.

Lalnu pawhin alo tuihnih ve vat a. A che thei zawng zawng inkal chhuah ten. Enge inva tawn dawn lah hriat ani silo a. Nangni tal zawng awm hram rawh u tiin alo tahawh ve takah chuan. An remti thei ta hram a. A zan, azanin Sangkhuma leh Val upa Vunga chu an thawkchhuak dun ta ani.

Sângkhûma chuan, Uvung khawi atang nge kal ila, hnai ber ang tiin an zawt a. Nikum lam thlawh hma kawng atang a hnai berin ka ring. Mahse, chul leh tul pik erawh kan tawn fe angaih hmel. Zau tawp tlang chungzawl atang khan, Bawkpui khua chu, a hmuh theih thin alawm. Khata tang khan en zawna kan kal tawp chuan, naktuk fehrehsan hun velah chuan an khawdai kan thleng hman tawh ang alo ti a.

A that hlauh chu, kawng hnai ber chu i zawh teh ang. Kal harsa leh kham bakbahai deuh erawh kan hel ve zel aniang chu, zan kal tur kan ni si a, pawisak kan neilo ta sa sa, meichher chhi ila, kalpahin mauro kan dap chawp zel mai dawn nia. Nang ramchin hre zawk ini bawk a. Hma han hruai teh khai tiin, a kalpui pa chu, a hmanhmawh luatah a hruai chau mai ang tih a hlauh avangin, hma an hruaitir a.

Thui fe an kal hnu chuan, ngawiteh Uvung hriatchhuah ka nei tlat mai. Tikhan meichher nen lova kal ta la, hei thlaral lam pawh alo chhuak tan tawh bawk a, Denghlira vau a Hmawng huai ho kha kava pun rawih mai teh ang. Ka thu thu a awm an tiam tawh tak alawm mawle, keini aiin an viak atha zawk bawk a, Mangliana leh a hote ti khawtlai thei tu tur an nih ka ring e a, phungbawm ah kava sawm rawih mai teh ang, tun ang hun ah zawng anni aia puitu tha an awm awm tawp silo anti a. I meichher kha ti mit hauhlo la, i êng atang ka rawn zawm leh dawn che nia. anti zui zat a.

Vunga makti hmel leh a mitmeng zawhna nei chu haiderin, in hrilhfiahna hman a awmlo. Kan hmanhmawh angai ka rawn pawh leh vat ang che nga, kalpahin ka hrilhfiah dawn che nia ati sawk sawk a. An inthen zui ta ani.

Sangkhuma kalta chu, mahni mai ani bawk a, a hmanhmawh bawk nen, a thapui tlem chhuahin a kal vung thur thur kher mai. Bawn pik kara ram hrui, hrui duk leh sazuk nghawng hlap te mai mai chuan, a ke pen anti bahlah eihlo. Mi naran maimawm ril sut ang maiin, a tawn tlang hmiah hmiah mai ani.

Denghlira chul ava thlen chuan, tulpik tawn vak aiah tiin, lo lu atang thingtuai ban chen vela tan chhum hmangin denghlira vau hmawng kung buk lian tha zet mai chu a zuk vawm a. Vawithum vel an vawm hnu chuan, a zuk au ta ani.

Keimah hranthang val Sangkhuma. Ka koh min chhawn u aw.. Bâwkpui valrual laifei chawi pheikhai ti thuanawp an, sul ang min zui nang che u. Ka laichin lenrual sial ang an kai e. Huk dum dum tang kati, anti a.

Chu ve leh Hmawng kung chu a pum nghin luai luai mai a, thli arawn thaw ta ham ham a. abul vela thingkung leh hnim te chu, chuantu awm tih hriat zet hian arawn che ta luih luih mai.Sangkhuma chuan, a bul velah chuan awm an awmve tih a hrethiam nghal mai. Kal tawh u, in puihna ka mamawh ta e, ka kawng sial ula. Kalo thlen hma chu, lo chelh khawtlai ang che u, anti zui a. Bawkpui khawlam pan chuan, thli arum phei ta vung vung mai ani. A kalna tur chu, keu en sak zel ani a, amak tih khawpin, an thiltheihna chu a hreta ani.

Tlangbawk atang khua an chuan a, a thlang fe lo fing thum velah chuan, meichher eng azuk hmu ta a. An kuk vak a. Chulam pan chuan a kal zui leh ta nghal a. A hmuh theih hauhloh, amah hruaitu te chuan, kalkhan rem leh nuam an hre kher mai. Rampalailengah hnim leh hnawk tawn hauhlo in, a khawlai dung fai kal hmiah hmiah thei tlat. Reiloteah Vunga chu a pawh ta mai reng a. Chuta an han kal dun ta chu, Vunga mak tih a tling ani.

Sangkhuma chuan, uvung kal tâuh tâuh mai ang aw, i chau hle ang tih ka hria. Mahse, kan hmelma te hi khawchhung an luh hma ngeia kan umphak angai ani. Khawchhung an luh hman vaih chuan, kan mi leh sate chu, kan chhan tam thei tawh hauhlo ang. Ramhnuaiah zawng heng huai ho puihna hmang hian kan la chhan vek theih pawh a beisei awm deuh anti a.

Mangliana leh a hote chuan, an hmuh leh tawn hmasak apiang an that hmiah hmiah mai kha ani a. Zawlbuk riak tlangval an kah hlum bang te chu, an hnungkhirh nghauh nghauh a. A luhlul zual leh chet lak tum awm ang deuh chu, an kah hlum loh leh an khawng thlu tawp tawp zel a. An duhtawk an ngah meuh chuan, khua pawh avar chiang tawh hle ani. An mahni lam chu, pahnih chiah an in hloh a. hlawhtling an inti kher mai.

Zopui khawlai dung chu, thisen leh mithi ruangin a kawi nuaih mai a. Ramriak bo te leh Dai lama tlanchhuak thei tlemte te chu, himdam awmchhun anni ta ani.

An ral kaih te an thathnem deuh avang leh milu an hawn uar em avangin, an kal sawt hleithei lo a. An vaiin sawmhnih paruk anni a. Chutiang zat lekin in zathum nufa inchhal ngam, zopui khua an han mang ti tih thei chu an hlimin an lawm akim viau ani. Mahse, chutiang zat lekin, râl sawmruk dawn thaw an han kai haw chu, an buai phah kher thung.

Khua alo tlailam tawh bawk a. An hnu rawn chhuia rawn umzui tu tur an awm ring heklo. Hmunrem laiah luite tui tlawhchhanin riah hmun an khuar a. An sal mante lah chau bawk. Anni lah chau bawk. Zing chawei lo theuh ta chu, antamchhawl lo chauh tawh ani.

Mangliana chuan, meilum hnungpuak chunga an ral man te diriam pahin zanriah a ei tuam tuam a. An chaw ken in daih seng heklo. an ral kaihte han hraipuarna tur awmlo ta chu, zopui khaw ho chuan, Mangliana leh a hote chawei chu, an thlir tlawk tlawk mai ani.

Val upa chuan, kan tam si a, kan riahfai kenin daih seng heklo le, keini tal kan inhnawhpuar aniang chu. zanin bak chu keini pawn hnah nem leh tumbu te, changel zik te chena kan rin angai tawh ngei dawn ani. kan sal man te lah an chau tawh bawk si, heti chuan nungdamin kan inthlen tam dawnlo tawp mai. Buaipui ngai kan ngah phah viau anga, kan khawtlai phah dawn anih hi. Hei kan riahna lah chu, kan ramchhung pawh ala nilo leh nghal. Engtin chuan kan ti dawn ni maw anti bauh bauh a.

Mangliana chuan, chaw hmuam tun chung hian, ngahnge i lungngaih a chau chhe zual leh kal hleithei lo apiang chu, an lu kan la zel mai dawn alawm. Kan ah sen loh leh kan paih anga ti nia arawn ti hmuk hmuk a.

Valupa chuan, ni mai tak alawm. Hei chau viau hlawm lo phei se, keini aiin antam zawk ani a, kan mut hlana min beih mai pawh an hlauhawm thei dawn anih hi. Mahse le, anni kawruak tamchhawl lek tawh chu, keini sahmim ip hnawhpuar hlim tan chuan hlauhawm an tling hlei law... fimkhur thu hla ah ralveng erawh kan indah ve chu atha ang anti charh charh a.

Mangliana chuan, chechang peih pawh an awm ngut ange maw. An kut lah kan hnungkhirh vek ani a. Mahse, i thu thu le, i thuthlukna kalh zawnga ruahmanna dang neih emaw bawhbuai hrim hrim ka tum tawh lo e. I tih dan dan aniang chu. Keiin kan veng hmasa anga. Ka duh duh ka rawn kaitho mai ang che u, anti zui ve zat a.

Zanlai arkhuan hun pawh a hnai ta, Mangliana chuan Lianzuali muhil hmel chu mei eng ah a thlir leh vung vung thin a. A ngaihtuahna ti hlawhtling turin chawbel chu ava zen ruk ruk a. Chawtlang tlem lo la awm chu lek chhuakin, Lianzuali chu sawi harh in, akut phuarna chu a phelhsak mawlh mawlh a. Kha hei ei rawh, kalo mangnghilh daih che a, min hrethiam dawn nia. I riltamin i chau tawh ngawt ang tiin chawtlang an pe a. Lianzuali rawn harh chuan, Mangliana an hmu thut chu, a phuzawk a, a auchhuak thelh ani. A chawtlang rawn pek a hmuh chuan, ariltam zia ahrechhuak chiah. Mahse, a pa ngei sat hlumtu kuta chaw tlang chu itna chhete mah aneilo. A thinrim thut chuan alo vai per dawrh a.

Mai mai chuan, i duh leh ei malêk la ti nia, ka thu thu a awm tur inih kha hre reng rawh. Khatiang nungchang kha ipu zui zel dawn anih chuan, i rethei khawp ang. Lo ngai tak rawh khua kan han thleng anga, kala sâwi deuh ang che tihpahin, mangliana thinrim chu insehruh chungin akalsawn ve nghal a.

Lianzuali chuan, Anu a ngai vawng vawng a, Sangkhuma a hrechhuak zui ve nghal a. Enge tunah te hian atih ang, An lo haw tawh angem. Min rawn hrechhuak ve angem le, alo haw huna alo lawm theilo tur chu pawi ati in, khaw lo ram vek a rawn hmuh hunah engtin nge a awm ang. An riah dawn zanaLianmawii te chârlam leihka a, an inkawm laite a hrechhuak uarh uarh a. Sangkhuma'n ka kah hma chu kalo haw lo ang. He tumpang hi ka kah theih hlauh chuan, Nang ka hnaih ngam ve phah dawn che ani. atih lai te khan tun ang hun tur hi a dawn phaklo. Hlimna in a khat a, Sangkhuma tangbelin lungmuang leh ngaihngam em em in ameng de sar sar kha ani a. Lianmawiin a rawn hmuh a, afiam nasat dan leh an nuih nasat zia te chu ngaihtuahin, a hun tawn mek theihnghilh thakin a kiai deuh sak sak a.

Sangkhuma te thian dun chuan, kawng zawngtu leh hmahruai an nei tha tawh bawk a. An kal sawt kher mai. Vunga chuan, hei imi phungbawm te chu, an viak a tha in, kawngkal anti nuam hle mai kati. Mahse, ka tiril erawh mi tham deuh er er tu ka neih phah reng chu anih hi. I ruala kal nilo phei ila, ka khup a sai mai ang tih pawh ka hlau hlel lo e. Engtin min ti chu ani chuang hlei lo a. Ka awm erawh anti nuam chiahlo deuh ani anti charh charh a.

Ani maw,,,, ngaih ngam takin awm rawh khai, hûhâng zawng annei na meuh alawm. Engtin min ti lo leh min puitu zawk anni bawk a. that leh that kan inlawm anih hi. An kawng zawn leh hriat reng atha mai. Fehkawng faia kal ang mai kan nih hi maw,,, heti hrim chuan, kan umphak vat ngei ang le, i kal sauh sauh teh zawk ang tiin Sangkhuma chuan alo chhang vat a.

Lallianzuali chu a suangtuahna ata, a bula mu Rualthani(Sangkhuma nu) rawn hui deuh pap chuan arawn kai harh zawk a. An thlek zui vat na a, Rualthani chu a muhil tui hle ni a, ahriat avangin, kai harh kher lo in, suangtuahna ramah a chên san zui ve leh mai a.

Rualthani chu, Lianzualin a muhil emaw atih lai khan, a muhil hauhlo. A thinlung chu, lungngaihna in arum mek ani. A nu(apasal nu) tar chaklo takin, min tlansan rawh atih lawm lawm lai te kha mitthla in a ngaihtuah let neuh a. A fapa Sangkhuma awmlo chu a pawi atih rualin, tha zawk hle ah angai tawh thung. A mah leh midang chhan atumna lamah athih phah ve ngei awm si a tihte angaihtuah a. Alo haw huna ahrilhhai dan turte chu ngaihtuahin a khawngaih ru hle ani. A nu tar chaklo takin chhan tuma arawn vawn lawm lawm lai a, an vuakthluk tak anu hmel te kha mitthla in, a mittui a khap per sawk a. A thin tawt lutuk chu rum chhuak in, an hui deuh pap a. Chu chu, lianzuali ngaihtuahna atanga ti harh tu kha ani.

Zanlai arkhuan hun apel fel awrh ang tih velah chuan, khawpui arawn ri dur dur a. tek atla ta zuai zuai mai. Thli rum rawn thawk in, ruahmal lian fu fu mai hi arawn tla nghal phuar phuar a. Ngawchhung thinghnah ro te chu, rawn deng ri tluar tluar in, thinghnah leh hnah ro te chu thli in arawn chhem leng chum chum bawk a. A thawm rawn chhuah ringawt pawh chu mi naran tan mut san mai mai chi ani mawlh lo. tek tla eng zuai zuai karah Bawkpui ho riahbuk chu arawn nuai vel ta ani. Bawkpui lam pasaltha te chu tumah reng muthei awmhek suh. An tho sung sung mai ani.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 12th, 2019, 7:14 pm

An valupa chuan, engti dan nge maw ni ngai le, tun ang huna thlipui leh ruahpui rawn thawk ta ngawt mai chu,, thinhbul ye kha bel ula, in humhimna zawng ngawt mai teh u. Kan ralkaihte erawh in awmhmun atang mitmei theuh ang che u. Remchangah la a, tlanchhiah tum an awm vaih chuan, kah thawr zel mai tur ani tiin a au lauh lauh a. An awmhmunah theuh chuan, thli leh ruah chu an sepui ruah do ta chawrh chawrh mai ani.

Thangchhunga mu meng ru kar reng chuan, Mangliana'n Lianzuali hnena chawtlang ape ru lai leh Lianzualin a benper sak laite chu alo hmu renga. Hmeichhe rinawmte huaisen zia leh ngawhngawl zia chu, mipa te tluk rualloh ani tih pawh ahriatchian phah hle ani. Riltamna avanga mahni nunna hial pawh a eitur thleng duh an kat nuk tawh awm si a, a thil hmuh avang chuan Lianzuali chu a ngaisangin a thianpa Sangkhuma a ngai vawng vawng kher mai.

An hnungkhirhna chu, atumna arei tawh bawka a phel thei ta nge nge ani. Zan hi tlanchhuahna hun remchang nia hria in, alo tum lawk sa ran kha ani a. Lianzuali leh anau bakah, a nurualthani te awmna chu a thlithlai ru reng kha ani a. a riltamna leh chauhna te chu, atum ruhna chuan a khuh bo vek ani. Remchang zawngin ralveng mutchhuak inthlah dul hun changin a mu meng kar mai ani.

Khatia thlipui leh ruah rawn thawk ta khan, Thangchhunga duhthusamchu rawn thlenin, a che chhuak zui ta vat a. Thlipui ruah thawm chu anasat tehreng nen, arin aiin a thawk nep tlat chuan, ati hrilhhai lek lek mai, mahse Mangliana leh a hote lah chu, an phibuai viau lawi si a. An rawn ngaihsak hauhlo tih a hriat rual chuan, hmanhmawh zetin, Lianzuali te awmna lam chu, apan phei a. An phuarna a phelhsak mawlh mawlh lai chuan, anau Lianmawii a awm velo tih a hrechhuak chiah ani.

Lianzuali lah chuan, thimhlim khan min kai hrang daih tawh alawm. Ka hmuzui tawhlo reng reng ati bawk si. Anu Rualthani chian, meipui hnaihlama an chhawm phei lai kha chu ka hmuh ve ngei kha maw,, a bak erawh ka hmuzui bik hauhlo alo ti ve bawk a.

Thangchhunga chuan, tihian tlangdung hi, a kâwn zâlah zel hian zawh thla zar zar ula, vawmkah luipui in zuk tlak thlak hma chu inzawh char char dawn nia. lui in thlen hunah minlo nghak ang che u. Ka nau chu kan zawng lawk ange ati a. Lianzuali chuan, thiannu mawii chu rawn hruai haw ngei ang che aw.. iva zawng hmu ngei dawn nia. A tello a kal chu ka hreh emai ati vawng vawng a.

Thangchhunga chuan, kal tawh rawh u. Ani chu ka rawn buaipui mai ang. In sahimna ngaihtuah ula, zing khawvar hnu thlenga ka rawn zawm lo che u anih chuan, luipui chu kan in min kalsan mai dawn nia, ni chhuahna lam hawizawng hlira in kal chuan, in ram chin hriatna ah a hruai thleng em em ang che u. kal tawh ru, khawtlai hman kan nilo tih pahin atir liam ta ani.

A ni pawh thimthamah a nau Lianmawii zawngin a vak kual ve leh nghal a, aremchan dan danin, midang tlanchhuah duh ve tho te chu, a chhuah pah zel bawk a, ami chhuah te hnenah chuan, a nau awmna zawh pahin, a duh apiang chhuah ve zel turin a hrilh nghal zel bawk a.

Meipui hnaihlama an hmuh thu an hrilh zel avangin, chu lam chu a hnaih phei ve hriau hriau zel a. Mahse, chhum leivak leh thlipui kara ruahsur chuan, meipui anan hlum vek tawh si a, Mangliana leh a hote awmkhawm na lam ni bawk nen, fimkhur angaiin, mahni lu zuar nihna ani ber mai.

Mangliana chuan, kan khaw awmdan hi, thilmak tak zawng anih hi mawle,,, thlipui leh ruahsur karah chhum leivak hetiang in a awm chhah thei ang tih ngaihna reng reng ka hrelo. Kam râl kaihte pawh an hmuh theih reng reng hleinem mawle, khawinge, kan thlithlai teh ang. Hetiang hun remchang hi chuh a, lo tlamchhuah te an tum rawk ange, ka dim dawn hlek lo ania, tihpahin a tek chhuak zui ta nghal a.

Thlipui tleh kara chhum zing phui mup mai chu, mak ti em em chungin a palphei bawrh bawrh a. Zanthim hnuaia chhum han zing leh ngjal si chuan, thui hmuh theih hek loh, a arkhawthim dai phei nawk nawk mai ani.

Mahse, an râlman te awmna hmun an chuang chhuak chu alo veng huai si a, mak ati takze
t ani. A mak tihna erawh rei a ngaihtuah hman lo. A hlauthawn ruk ang ngei ngeiin, Lianzuali te awmna chu, alo ruak ta tlat mai. An hawivel a, thimtham a, ngawchhung ril lam pan zawnga dum thim bik map map chu, an ralsai nghal thawr mai a. A hote chu auh tuarh tuarh pahin, a silaimu a thun leh nghal sawk sawk a.

Thangchhunga chuan, meipui an chhehna hmun ni a, a hriatna lam chu a hnaih phei hriau hriau zel a. Mahse, mangliana thawm leh silai arik tak ah chuan, an ralkhel tawh tih a hrethiama, Mangliana leh a hote chu, an rawn lang zui nghal mai bawk nen, Anau chu ngaihtuahin, atello a kirsan chu hreh hle mahse, tihtheih anei tawh silo. Kalo kir leh ngei ang ti rilru mawlh mawlh chungin, thimthamah arelh ru bo zui ve ta ani.

Mangliana thinrim a in hrosak kuk kuk lai chuan, a thenin mei anlo nun a. Thlipui leh ruah pawhin hân lam apan ve zHmanraw han hman mai tur in, thingbung takngial pawh hmuh tur avang si,, lo châng ngawt dawn se, alo kalna tur ber a hre lâwk bawk silo. Luimawnglam ala thlir vung vung avang chuan, akal thla leh zel lo ang tih lah hriat ni hek suh. Lungtum hum nuam tawk vel adap fuh tak nen chuan, a veh phei them them a. A ke na lah chuan, atur ut ut mai bawk si. Han zuanglim thei zia reng ani silo. Enge maw ti ti chuan, ahnaih ve zel a.

Lung chunga thu luimawnglam thlir chiah chu en in, fimkhur leh thawmdim zeta aveh phei hrauh hrauh lai chuan, thil apal a, a ke lo nasa bawk nen, inring hman heklo. A lung hum thlauh ri rawk chungin, lungchunga thu Mangliana hnung lawkah chuan, ava tlu bawk thlawrh mai. A pawizo ta...

Mangliana chu, rangzetin arawn inhera. A silai rawn lek kawh nghal pah chuan, tunge inih che hlek suh, ka silai hi aper rang viau ania. A den pawh na tak ani tihpahin, a silai kawhmawr arawn chhawn vuh mai.

Ani ke na ta chu, thawh lawk pawh aharsat zawk ani si a. Chet zuina hun nei heklo le. Mipa fa inih ngai chuan, ralthuam neilo hmaah chengrang kau in, i in lek phek ngawt zel tur anilo asin, tihpahin an tho taih taih a.

Mangliana chuan, keipui riltam ang mai a. Hnunglam atanga min vehtu lakah hian, ngên mu ka seng hreh hleinem. Mipa fa zawk chu, tunge ilo enchhin teh ang tihpahin, arawn pan hnai a. A silai a, la tin reng chung chuan, hnunglam atanga min beih tum siin, keia silai keng chu min sel leh si ani maw. Ralthuam ineilo takzet anih chuan, sawlai lungpher fai zau laiah sawn va dingchhuak teh. Tunge inih kan chian teh ang che tiin, silai kawhmawr chuan, an hawlh sawk sawk a.

Thangchhunga tan chuan, athu zawm mai loh chu tihtheih awm heklo. Asawina lam pan tuma an inher chiah chuan, athil lo pal leh tluk phah nachhan, anu Rualthani ruang chu ahmu ve chiah ani. Anu Rualthani te chu, atan hairual ni heklo. A hmuh rual chuan, azuk sawi nghal mai dawn a. Mangliana chuan, kal rawh athi tawh. Nangpawn i zui ve thuai ang. Tihpahin a rawn hawlh leh zawt zawt a.

Thangchhunga chuan, Pasaltha inti ve si, Hmeichhe chungah pawh hêm thlak duh ka hre ngailo e. Zahngaihna neilo mihring hi pasaltha a vuah leh chhiartlak va ni suh. Mipa inih ngai chuan, chen leh chen tiat leh tiat, dinhmun in angah dingin, min hmachhawn ngam dawn em tiin an cho zui sak a.

Mangliana thin sa phut chuan, han tuk thluk nghal mai atum zuau a. Mahse, nuih huah huah pah chuan, nang hi ka hretawh ngat mai che. I han tawng hmangah hian min hrechiang viau bawk anih ka ring. Khawimaw tah khan ding la, ka lam rawn hawi teh tiin dimlo zetin an hawlh nawk a.

Thangchhunga chuan min hrechiang duh anih te chuan, tinge i silai kha dah a. Min hmachhawn mai loh. Kut lawng chuan, engruai inih iringlo emni zawk tiin, tih thinrim phet atum lui tlat a. A hneh emaw hnehlo emaw athi dawn anih rau rau chuan, arte thih ngawt aiah Mangliana chu engemaw ti tala sualpui leh tihnat atum rilru rân ani. A tum chu a cho chhuak ta reng bawk a.

Mangliana chuan chiangzeta rawn thlek pahin, ka lo hre har zawk hle mai che kati. Sangkhuma thianpa uangthuan zet kha ini maw... i duh ang chu ka pe mawlh ang che. I thianpa laka ka thinrimna hi i chungah hian kan hrithla then teh ang. Nang anga Sangkhuma hmachhawn theih hun hi asin kalo chak leh ngaihtuah reng chu ni a. A ai chu han awh mawlh teh ang che. I duh leh i hriam neih chu han lek ta che,, tiin an cho zui ta nghal a.

Thangchhunga chuan, Sangkhuma zawng engkawngah mah i chelh tawp lo ang le. Hriam lek tur ka neilo ta rau rau. Khawkhat pasaltha ve meuh chuan, kut lawngin min bei ngam ve ang chu maw tiin an cho let leh salh a.

Mangliana thinrim chu, a ter at mai. A silai chu tungin, a ipte pui a nghat lawk a. Thangchhunga chu, arawn bawhphei ta ruak ruak mai ani. Chu chu Thangchhunga lo beisei leh tum ber ani thung. Mangliana rawn sa patal phei chu, alo melh kar a. Tharumah a khanlo hle dawn tih ahriat avangin, in manbeh tir loh hrim hrim atum ani.

Mangliana te ang palian sek phiarfel bawk a. Mangliana'n Lianzuali te umzui tuma, meichher a phel lai mek chuan, An valupa chuan, ngawitu,, naute u. Kan khaw awmdan kha amak kati renga, amak leh zualna chu, kan inkar zimte ah heti tak mai a, boruak an danglam thei leh. Kan khawhmuh ti tawi tura chhum leivak in thlipui tleh kara min daidang tlat mai te hi ani. inbengdai ula, umzui lo mai teh u. Hringnun piankenin a hrinloh fa, an in rawlh anih ka ring tlat mai. Kan ralkaihte hi, Hringmi te tluk rualloh huai enge maw takin apui ani ngei ang. Hetiang thil hi zawng pawisa lo a, bawhzui chi ani ngailo e. A tlanchhuak te kha chu, liam mai se, hei kan la hlawhtling thawkhat viau alawm le,,, minti hnufum mai mai tur a, ral kaih haw kher pawh kan tan atul ber hleinem. Anti charh charh a.

Mangliana erawh a lungawi thei bau lo. Lianzuali avanga alo chapona leh an khaw rûn alo phurna ber Lianzuali hei leh chen manin a kai haw mek ani a, an hlauh leh si tur chu, a tlawmngaiin arilru adam thei thlat lo ani. Sangkhuma nen lalin chhunga, an mit in det lai kha a hmu chiang si a, Sangkhuma laka phuba lakna tur leh atheihna alantir na tur ber, han sezawl chhuah leh ngawt chu aremti thei nganglo ani.

A meichher siam tel that mawlh mawlh pah chuan, keizawng umzui lo zia kani lo e, Huai leh hrâng te avanga zam chhe mai tur ah ka in ngai heklo. An lalfanu chauh kha zawng man leh ngei ka tum ani. Ti chuan, kan hlawhtlinna hi, hnehna ah ka ngai ve thei tawh ang. Zing nichhuah hnu thlenga kalo let talo anih chuan, minlo kalsan mai dawn nia. tuman min zui suh u. In salman te lha a duhin umzui ve ula, keizawng mahni a, liam mai ka thlang rih tlat. Min hrethiam ang che u. Tih leh ameichher dehkai aruala, Lianzuali te hnu chu chhuiin aliam zui ve ta ani.
Sangkhuma te thiandun chu an hmahruaitu leh sulsutu ber ading ni hmiang. Ahmazawnga kawng eng hei huai kha, a phui ta tlat mai. Vunga chuan, hei engtizia nge. Kan hmahruaitu hi a chau tawh emni dawn tiin arawn zawt ang he haw a. Sangkhuma chuan, eng ka hrebik hleinem. Khawinge keimah Sangkhuma, in puih leh athuawih intiam kani ngai e. Ka hma su la, in hnung ka dal na nge, in pheikhai hringmi ai in arit ta emni anti a. A reh ta tlawk tlawk mai. An bulah erawh awmve dang an awm tih chu, boruak awmdanah an hrethiam ve ve tho.

Thli rum an lampanin arawn ri phei hum hum a, an bul alo thlenphei chuan, thingzhnah leh hnim ari sung sung a. Sangkhuma bengbulah chuan, kan kir a hun ta, kan tuallen theih hun zankhawthim chu, khawvar in arawn thlak hma ngei hian, kan kir leh angai ani. Kan kal min phalsak rawh. Arawn ti a.

Sangkhuma chuan, um,, kir leh ta ula, hringmi chungah that chhuah zel tawh ang che u. In mi puihna ah kan lawm e. Anti a. Huai aw bawk chuan, hringmi damlai tihnat theihna kan neilo. In hmalam mual thumna luipui kam lehlam kawn zawlah an awm e. khawvar in min nanchin hma ngei hian. Kan kirsan tang che u. tiin thli chu an kaltawhna hnu lam pan chuan, arum phei ta hum hum a.

Val upa vunga chuan, khati khan min kiansan ta mai tihna emni. Min uaplaia ka awm nuamlo zawng zawng kha, reh tak a hneh in, min han kiansan takah chuan, ka khua lah har ta riau a, ka hriat chu. Anlo thlamuanpui awm hle anih dawn kha. Engvanga let ta mai nge maw annih le anti a.

Zingkhawvar tur khian an tuanna leh awmhmun ah anawr kir ta anih ber kha. Phûng leh ramhuaite nawmsip bawl hun zankhawthim chu, hringfate tualchaina khawvar engin a umbo mek anih ber hi. Ti teh, hmalam i pan zui zel teh ang an sawi danin kan hmalawk luipui kam lehlam mual kâwn zawl ah an awm anih awm chu anti a. Chutih lai chuan, silai puak ri niawm tak hi an han hria a, an han ngaihthla zui ngial a, arik zawm tak loh avangin hmalam panin sangkhuma chuan, hma ahruai ta thunga.

Thui fe an kal leh hnu chuan, Valupa vunga chuan, i rilru ka hre hauhlo na a, a chaihtu ang nal nal a, in kal takah chuan, keizawng ka tha in atlin dawn hauhlo mai. Hmanhmawh lutuk pawh hi inchhuihpalh theih ani ngai e. Arawn ti a. Chutihlai tak chuan, silai arawn puak ri dur a, ding chawtin, an beng dawh meuhin an han ngaithla zui vang vang a. Vawihnih dang ari leh dur dur a. Areh ta vang vang mai.

Arikna chu ava hnai ve. An tihlai mek in, hmundang atang silai puak ri, arawn thangkhawk leh rawih rawih a. Sangkhuma chuan, kan mite tlanchhuak an awm ani ngei ang. Silai rawn rikna hmasa kha kan hmalam kawrruam saw niin ka hria, i chhui dawn ngawt mai teh ang anti a.

Vunga chuan, ka rindanin vawmkah luipui atanga rawn ri chhuak niin ka hria. Kan hlat lutuk tawh hleinem, khawvar rualin kan thleng thla hman ngei ang. i thian huai ho te khan, Bawkpui lam min panpui nise zawng, kan kal sâwt dan ngaihtuah in, tunah hian, Bawkpui khawdâiah kan awm tawh tur hi ani a, mahse, an hnu min chhui sak anih dawn hi. Titeh luipui chu ipan phawt mai teh ang. Kan mite tawn fuh pawh kan nei mahna, chutih rual chuan, hmelma lam pawh chaltauh tjei reng kan ni tih kan hriat erawh a tha ang. Khawinge hma kan hruaive thung ange tiin a kal nghal a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » March 13th, 2019, 7:37 pm

Sangkhuma chuan zui ve nghalin, Vunga chu a tawng zawm mawlh mawlh a. Lui kan tlakthlak hma a, kan mit leh beng kan lên hmasak angai dawn ani. Chutilo chu, hmelma lam hi rinloh lamah kan phawk fuh ang tih a hlauhawm tlat. Kan thinrimna leh phuba lak duhna te dah tha a, rilru fim pu reng thei turin in buatsaih la, engpawh kan chungah thleng thei ani a, thinrimna avanga khaw hmulo leh chhia leh tha hriatna bosal khawpin chet kan thawh tur ani heklo. Ati mawlh mawlh a.

Luipui kam chu, zing kawleng leh ngawchhung thingin a hliah loh ani bawk a, alo eng uau bik a. Ngawchhung atang chuan an hmuh theih tawk tawk thlirin an bih ngial hnuah tiauzawl chu an tum thla ta ani. Luipui chu a kãn na tur suar pan lai melhin an kân phei ta a.

Linzuali leh Sangkhuma nu Rualthani tlan ta kha, midang pathumin an rawn zawm ve a, Hmeichhia pali leh mipa pakhat niin, an mipa neihchhun Tlangau fapa tlangval tuaitir Thawmvungan hma ahruai a. Thimtham ah luipui pawh tumin tlangdung an chhuk zawh a. Tluk leh thawh fawmin an inpal thla nawk nawk mai ani. Hnunglamah umzuitu anneih leh neih loh an en awl heklo. An hlauh luat alei ah thimtham ani na vâng vângin an kal thei phian mai.

Luipui an thlen chuan, vân varah luipui leh akam chu alo eng ta deuh a. An hlauhna pawh azia huai huai ngei in arinawm. Luitui chu eng khaw sawi set set lo in, an in khawlh khawlh mai ani.

Midangin kal leh zel rawt mahse, Lianzuali te erawh chuan, khawvar hma chu, Thangchhunga lo nghah mai an duh thung. Ramchin hrelo vek anni bawk nen, an thu a inhmu hleithei lo ani.

Hlauhna in an khat tlat si a, an awm hmunah chuan, thlamuang thei thlawt heklo. Luipui tal hi kân ila antih tak tlatah chuan, an mipa neihchhun chuan, Hma hruaiin suar panlaia daikai tumin an che chhuak ta nge nge a. Luidung chu, chhak lawkah akân theih mai ringin, an inzui chho diah diah a.

Thui pawh anla chho lo. An hmalawk ah chuan, tiauzawl lo awm in, luipui kan na tur chu an han hmu ta ani. A hmasabera kal Thawmvunga lungpui chunga an perkai leh chiah chu, silai arawn puak thuai a. Thawmvunga chu Paih ang thlawrh in, an hma ah arawn let hlawl mai. An thlabar leh phuzawk chu, te thawmin a zui nghal a. Hmeichhe pahnih te phei chu, te ruai ruai chung chuan, mumal lo zetin an tlanchhe nghal ta ani.

Silai rawn puak leh dur chuan, tlanchhe ta pakhat zawk chu, a rawn dêng let leh tawp a. Lianzuali tlan tum chu, Rualthani chuan manbetin, lungpui phênah a kuai thu a. An thiannu luitui dai tan mek chu, silai mu vawithumna chuan, a dêng fuh leh ani ngei ang. atluk tawp rual chuan, luitui in thing luang ang maiin arawn lên thla zui leh mai si a.

Lianzuali chu, chîai lo tura hrilh mawlh mawlh pahin, pi Rualthani chuan lungpui a hêl pui a, kun chungin luikam chhengchhe lai, lung phên tur awm na zel bêl in, luimawng lam apanpui ta ani.Mahse, anni hmeichhe tan zawng thimtham hnuaiah, vân var ringawt ringa luidung han zawh chu, thil na mai ani hauhlo. Silaimu dawn palh mai hlauhna nen, hlau leh khûrin an indap chawp nawk nawk a.

Rualthani han hawichhuak chuan, vânvar thlâr ah lungpui chunga Mangliana, silai kenga hawikual vual vual chu a han hmu a. Tu anih han hrelo mahse, Hmelma ani tih hai bik mawlh heklo. Arawn hmuh mai hlau in, che duh map lo chuan, an thlir dun ta ringawt mai ani.

An chêt vaih chuan, a tan hmuh an awlsam dawn ani tih, Rualthani chuan hreve tlat hek. Lianzuali chu vuan a, hnem ruk sap sap pahin an thu dun ngar mai a. Mahse, an mi hmuh pa chu, luimawng lam panin lung chungah arawn zuang sawt thla ta euh euh mai le.

An chet vat angai ta,,, in phênna tur zawn pah a, an tlanchhiat ve mai loh chuan, arawn hnai thla zel si a. An bul arawn thlen hnaih hunah arawn hmu ngei dawn si. Rualthani chuan kal rawh, tih leh Lianzuali chu kaihthawh aruala, luimawng lam panin an che chhak zui ta ani.

Silai arawn puak leh thawr a. An bul lawk lungpui chu, silaimu in arawn dêng têk chuaih mai. Mahse, Luikawi ah an mahni rawn kap tu chu, an liamsan ta hlauh a. Mahse, reilote ah arawn lang zui ve leh mai dawn si, luidung lah chu thuife alang ngil thla ut tawh mai si a. Luipui lah dai phei ngam ni tawh heklo. suar chhia niin, luipui kuang zim na alo ni leh zel si a. Tui thiam tan lo chuan, ral lehlam kai phei chu thil huphurh awm tak leh theihloh tluk hial ani ngei ang. bihruk na zawn bak chu, antan sahimna beisei tur a awm ta lo.

Mahse, Rualthani. chiai ve miahlo rilru chu apa dungthulin, a ngaihdan kaltlang pui atum ve ta ngut mai. Lianzuali hnenah chuan, Nangtal chauh zawng himdamin chhuak mawlh ang che. Tihian luidung hi zawh thla zel la, i daikai theihna tur i thlen ve leh kai phei in luidung hi, Thangchhungan asawi ang khan zawh thla char char la. Kan khaw chul ram chu i pawh mai dawn nia. Antia. Lianzuali lah chuan, chutin ka kalsan mai theilo che. Mahni chauh chuan, kalna tur pawh ka hreve silo tiin, tah aw tuau in alo chhang a.

In hnialbuaina hun kan neilo. Khipa khi ka theih ang ang in kalo ti khawtlai ange. Kal tawh khai, ka fapa kha i hmuh leh ni ah chuan, ka hmangaih ani tih han hrilh la, lungdam takin, api leh apa ka zui ta ani tih min han hrilhsak ang che. Ral kaih chuan, min kai haw lo ang tih i rawn sawi dawn nia tihpah chuan, hnunglam a hawi zak zak a.

Mihring ruangam pawh luidungah arawn dum thla leh ta zoh zoh mai. Luikuang zimna tih takah vanvar in luitui lai bak chu, kap eng bik hek suh. Mipa tan pawh. Thimthama Luidung khawkrawka han kal buan buan chu thil awl ai ani biklo ani ngei ang. Chuti mai chuan, arawn thleng thla chak bik hauhlo.

Lianzuali chuan, ka nu,, keimah chauha tlân zel zawng ka huphurh emai. Tui hleuh ka thiam alawm. Luitui hi inlenthlak tir ila, ka pui zel dawn che nia, kan thih tak leh kan pahnih in kan ni tal dawn asin tiin, beidawng aw arawn chhuah leh hram a.

Tui chu, i thiam takzet amaw tiin an zawt vat a. Lianzuali chuan, tlema phûr aw deuhin, thiam e fur tuilian ah pawh, vawmkah lui ka hleuh fo alawm alo ti var a. Chuti anih chuan, ti rawh khi alo thlenthlak hma leh min rawn hmuh hma khian, luipui chu hleuh tak ang hmiang. Kei erawh lungtum thlak ang vang vamg ka ni mai. Ka talbuai in ka ti bahlah ang che tih ka hlau zawk ani, tih mawlh mawlh pah chuan, luipui chu an hnaih phei zui nghal a.

Thangchhunga liamta erawh kha chu, mangliana leh a hote ahel ata lângin, tlangdung pangpêr ah mualdung hlatsan ngam silo in, thawm chhuah hlau bawk si, hmanhmawh bawk nen, akal ve tauh tauh a. A nau Lianmawii hre ru rauh rauh chung leh alaka inthiam lohna nen, khâm leh awih tên bak bahai tak tak te chu, lawn in, a chhuk awl heklo. In thlen phawt a, silai nena a thianpa Sangkhuma nena rawl leh ngei tum in a inseh ruh nasa mai ani.

Lianzuali leh anu Rualthani te kha a intiam ang ngei a, pawh leh tumin, a kal ve zel ani a. Kalkhan rem leh nuam zawk zawnga han kal kual turin, mualdung kawn chhuk thla zai zai chu, bosan palh ahlau bawk si. Zanthim hnuaiah a hnaih thei ang ber ni a, ahriat dan ang in akal ani. Him chin a hriat a thlen chuan, tlangdung lam pan chhoh a. Mualdung chu, zawh ve tawh rilruk in, an ding chawl dat a.

Kal leh mai tuma a inher lai mek chuan, a chhak lawk ah meichher eng arawn lang ta mai. Chechang zui ngamlo in, thingbul a bêl zui ta vat a. Meichher eng chuan a awmna lam ala rawn hnaih tak deuh deuh leh nghal a. Atan han tlanchhiat na chi anih tawh loh bakah. Thimthamah thawm chhuahlo a, lo bihruk chu atan vanneihna abeiseiawm zawk ani.

Meichher eng ah mipakhat mai ani tih an hmuh chuan, athaw deuh huai huai a. Mahse, ani hmanraw neilo leh chau chhelo chauh tawh tan chuan, mipakhat tha pawh, a chai atan zawng huphurhawm tak ala ni tho mai. Chu achhap ah meichher ênga rawn lang ta chu, Bawkpui khaw pasaltha Mangliana ala ni tak deuh deuh leh nghal.Mangliana lah chuan, thlir rengtu anei tih reng ahrelo. A thinrim chhan ber Lianzuali chhuah rutu in alo thlir reng ani tih hria se zawng. Thangchhunga chu arawn pawt darh vek duh ngei ang le.

Hetia mangliana rawn kal Thangchhungan alo hmuh theih nachhan ber ni a lang chu, khatia,,,, Lianzuali te sulhnu an chhui zui khan, mualdung an chhuk zawh char char ani tih ahriat chian hnu khan, luipui pawh antum anih aring thiam nghal mai a. Chuvangin, lehkhalh ngei tumin, mualdung tan zawngin, luipui arawn pan thla ta ani a.

Lianzuali tih loh chu, thah vek atum rilru sa rân a. Lianzuali ngei pawh nise, rokhawlhna siama, a tang buai anih ngat chuan, zuah atum biklo. Rualthani te hlei hlei kha, Sangkhuma nu ani tih hre ngat se zawng. Nuamti takin athat thei hial awm e.

Lianzuali tlanchhuak a umzui chhan ber pawh. Amah tlawm tu leh a hmingthatna zawng zawng hnuk hniam a. An lal leh mipui mithmuh a tlawm tu Sangkhuma nen Lalina an mit in dêt dan engkim a hmuh chian vang ani a. Lianzuali chu, anei theilo anih chuan, midangin an nei bik tur anilo tih chu a rilru ani ngut mai ani.

Chu rilru, Mahni hmasial hmangaihna nen chuan, Lianzuali chu arawn umzui ani a. Pawisak anneilo mai nilo in, zahngaihna anei chhete lo ani ber e. Ami huat ber Sangkhuma tawng lo ta chu, a hnaihtu apiang chungah athinrim hrikthlak mai duh in, a châk zek zek mai si a. Thinrim inseh ruh tun in Thangchhunga'n a thlir reng ani tih hre map lo in arawn kal pel thla ta ani.

Thangchhunga chuan, mangliana chu engti tih a, helam rawn pan teh tlat nge maw anih tih chu a ngaihtuah rauh rauh a. Lianzuali te arawn umzui anih ngat chuan, ramchin a hre hle ani ngei anga, Lianzuali te chu a pawh vat an ngai ani. Akal liam ta maw tihah, tlangdung lam chu panin a che chhuak ve ta vat a.
Thawmdim lam pawh a ngaihsak tawh lo. Lianzuali leh anu rualthani pawh vat tum chuan, a theihtawka chakin a kal buan buan mai ani.

Luipui luangri a hre thei tan tih ah chuan, luipui lam atanga silai puak ri lo chhuak chu, chiangzetin a hre ta mai. A ding chawt a. kal leh mai atum lai mek chuan, arawn ri leh. A thinlung chu, hlauhthawnna in asu dup dup mai ani. Luipui lam silai rawn rikna chu, hmanhmawh baklengin a pan ding ta nal nal a.

Luipui luang dum dum sira lungpher chungah chuan, Rualthani chu an ding dat a. Lianzuali chuan tirawh ka nu, ka hleuhkaipui thei em em ang che hlauthawng hauh suh tiin an thlamuana.

Rualthani chuan, panphei pahin. Zuali min ngaidam ang che. Tih theih dang ka neilo tihpahin Lianzuali chu anam thla ta mai a. Suar chak lai ani bawk a, lianzuali chu, tui chuan luimawnglamah alen thla ta ani. Lianzuali chuan ala rawn au zui lawm lawm a. Rualthani chuan vannei la, himdamin let leh ngei ang che. Tuia tlakhlum ai chuan, hmelma beia thih chu ka thlang zawk tlat si a. Min ngaidam ang che aw tiin aphun zui sep sep a. Hmanraw han hman mai tur chi melh pah chungin lungpui phênah tan hmun alo khuar ta ani.

Mangliana chuan, Lianzuali au vau vau ri an hriat chuan, a hmanhmawh zual sauh a. Tui tla ah riak angai nghet hmak mai. Lianzuali tlak tanna bulah chuan dingin, luitui chu a thlir vauh vauh a. Tih ngaihna awm heklo. Lianzuali ber hmuh zui tur awm talo chu, chhan ngaihna awm silo a.A beidawng thinrimin alu thak lo pui chu a hiat ta vel mai mai a. Pakhat zawk tal kha zawn hmuh angai ani. ti rilru chung chuan A kut an la thla, luikam lama amit an lênkual leh chiah chu, a lu ah thingbungin arawn hlap ta chawrh mai. A rawn vawtu tha chu tha hle mahse, thingbung chu alo mawih tawh niin, thing chu a bung hmawk a. Mangliana chu, arawn mengrum ngang mai.

A hnunga hmeichhe hleitling zet lo ding chuan, a thingbung lehlam la chelh chhun chuan, arawn vaw nawn leh tur chiah chu, abânah an dawm sak a. Hnehsawh zet hian, ama lam an phih dawrh mai a. Mangliana te ang thahrui chu, hmeichhe awmnem tan do zawh rual ni heklo. Alam pan chuan arawn kat phei dawrh a. Mangliana thinrim thut khaw hmulo chuan, insehruh chungin abekah alo chum zui siah mai. Rualthani chu, thingtum keuh ang dawpin luikam lunghmunah chuan, a tlu nghal thlawrh a. Che zui tur reng reng a awmlo.

Chutia aleh hlawm tak rengah chuan, Lianzuali alo nih palh hlauthawng ru zetin an bêlchianga. Che zui chi ziazâng alo nilo. A chumna ringawt pawh kha, pa naran lehtawp na tham anih sa tawh vei nen, a tluk na lama alung zuk tauhna chu, a thluak ahnâm sawk mai ani.

Lianzuali anih loh avanga thaw deuh huai chung chuan an dingchhuaka. Lianzuali aw ahriat tawp na, luidung mawnglam chu beidawng rilru zetin athlir thla vauh vauh a. Ami thah tak Sangkhuma nu Rualthani chu, khawngaih leh lainat ahnêkin, a hre zui map lo.

Hmanhmawh pheleng a asilaimu thun chu phawrchhuakin, azên an thun belh a. A Sawh zui mawlh mawlh hnu ah, amu an thun leh te te a. Luimang lama zawn zui zel nge tha anga. Hawsan mai tih ah a rilru a in kap buai viau na a. Zankhawthima, luidung zawh ai chuan, meichher siama kirsan chu atum ta zawk ani.

Thangchhunga lui rawn thlengthla chuan, luimawng lama silai puak thawm chu an hre zui leh nghal zat a. Silai puak ri chu ahla hauhlo. Lungpui chungah chuangkaiin luimawng lam chu, fimkhur tak siin a chhuk thlir vang vang a. Hmuh erawh aneilo. Luimawng lam chu apan thla zui ve ta tho a. Arilru chu, hlauhthawnna hlirin aluah a. Hmanhmawh zetin thimtham hnuaiah a kal thla ve zel a.

Luikam chhengchhe lai tihtakah, lungnal arap fuh ale, inring hman heklo. Tukhum vaw chawrhin a tlu dup mai. A lu tuai vut vut pah chuan, atho tual tual a. A lu hai deuh chu, a inthing nar nar a. an pên tan chiah chu, ake ana tih ahre chiah ani. A kheimit a ti na ta tlat si a. Kal harsa ati in athinrim hlur mai bawk a. Ruh tliak em anilo bawka. Bâi deuh suih suih chungin, luimawng lam chu apan thla zui zel a.

Thimthama ami zuk hmuh chuan, silai zen alo sawh mek ani tih azuk hre thei a. Chuvang chuan, tudang reng annih aring theilo. Mangliana anih loh vêk pawn Hmelma lam lo chu, helaiah silai nen zanthim hnuaia teihawi tur an awm tlat lo. Chung avang chuan, thimthamah fimkhur takin aveh thla ta hriau hriau mai ani.Hmanraw han hman mai tur in, thingbung takngial pawh hmuh tur avang si,, lo châng ngawt dawn se, alo kalna tur ber a hre lâwk bawk silo. Luimawnglam ala thlir vung vung avang chuan, akal thla leh zel lo ang tih lah hriat ni hek suh. Lungtum hum nuam tawk vel adap fuh tak nen chuan, a veh phei them them a. A ke na lah chuan, atur ut ut mai bawk si. Han zuanglim thei zia reng ani silo. Enge maw ti ti chuan, ahnaih ve zel a.

Lung chunga thu luimawnglam thlir chiah chu en in, fimkhur leh thawmdim zeta aveh phei hrauh hrauh lai chuan, thil apal a, a ke lo nasa bawk nen, inring hman heklo. A lung hum thlauh ri rawk chungin, lungchunga thu Mangliana hnung lawkah chuan, ava tlu bawk thlawrh mai. A pawizo ta...

Mangliana chu, rangzetin arawn inhera. A silai rawn lek kawh nghal pah chuan, tunge inih che hlek suh, ka silai hi aper rang viau ania. A den pawh na tak ani tihpahin, a silai kawhmawr arawn chhawn vuh mai.

Ani ke na ta chu, thawh lawk pawh aharsat zawk ani si a. Chet zuina hun nei heklo le. Mipa fa inih ngai chuan, ralthuam neilo hmaah chengrang kau in, i in lek phek ngawt zel tur anilo asin, tihpahin an tho taih taih a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)