SAVANNAH

Mizo pipu te chanchin, zo nunze mawi, tlawmngaihna, ai upa zahna lam lantir thei thawnthu....
Pjsstephen1997@
Posts: 43
Joined: March 8th, 2019, 9:44 pm

SAVANNAH

Unread post by Pjsstephen1997@ » March 28th, 2019, 10:16 pm

SAVANAH

By Pjs

*Rim mak danglam

*Thlifim leh Savanahi rim

*Lungchhiat thlak

* Chhungkua


RIM MAK DANGLAM

Eng nge a chhan ni ang le? Eng thilmak nge amahah hian inthup ang? Zawhna tam tak ka nei a, hriatthiam loh tam tak ani hmelah chuan ka hmu a ni.

Zawite hian "eng nge a chhan, ka va han hrethiam lo em!" Tih chu a beng bul maiah chuan ka han sawi a.

A pangti lumte chu a la reh lo, a rimtuina chuan a kiansan ṭana; a rim a chhia e tihna ni lovin, a hmel pawh a ṭhat ngaiin a la ṭha reng a, sawifiah thiam rualloh a mawina leh famkimna pawh a la chuai chhuang hek lo.
Ka zawhna chhan tuma a han nui seih chuan ngaih a tiṭha lo rum rum mai...


Tuemaw nausen duhawm tak lo piang chu a hmutu leh hretu mak tih a ni a, a hringtu nu leh pa lahin chutiang nau a hring ta mai chu mak an ti a ni. A rawn pianni chuan rimtui tak mai, Pangpar parzu nei rimtui tak ang mai rim hi a rawn nam chek chek a, nausen duhawmna leh hmelṭhatna zawng zawng pawh a rawn paw chhuak a ni.


Chu naupang rawn pian lai chuan kum hnih mi lek ka la ni a, ani hmu tur leh lawm tura ka nu'n min hruai ṭhin lai pawh ka la mitthla thei ruai mai. Chu naute chu a nuin a rawn pawm chhuah chuan, thil rimtui tak engrim nge a nih erawh sawifiah thiam har tak rim chu a nam nghal chak chak a, kei chuan Rose par hnai taka hnim a, a rim thlum dep dep awm ṭhin nen hian ka tehkhin ber, mahse chung ka rim hriat ṭhinte ai pawh chuan chu naute rim chu a la tui zawka hriat ala nuam zawk cheu.



A lo ṭhang lian zel a, nipui fur favang leh hunpui rawn inher chhuak ṭhinte hian, chu nausen mawina leh duhawmna chu an rawn hril thar zela, amah aṭanga rimtui chhuak ṭhin pawhin a huang chin a zauh zel a, tleirawl duhawm chungchuang a nih thleng hian.



Mihring pangai a nihloh hial te kan ringa, a hmelṭhat chungchuanna ringawt pawh hi mak tak a ni a, a pian nalh leh duhawm chu sawiloh, a taksa khawilai emaw aṭanga rimtui pekchhuah tur a nei reng hi thil mak tawpkhawk a ni.


Ani nen chuan ṭhian inkawm fo ṭhin kan ni a, a nu'n a khuahkhirhna a nep deuh chang chuan, kan inah te pawh a rawn chuangkai ve fo ṭhin, ṭhian dang kawp theiin a khawsa lova, chuti ang mi mak danglam a ni tih a inhriat avang chuan, a awm leh mawi tawk chauhva ṭhian kawm chu a duhthlanna a ni.



Kan khua chu khawlian a ni lova, mahni tawk erawh chuan a changkang leh sang thei ang bera khua leh tui ṭha nih kan tum ṭheuh a ni.
Ramngaw durpui puiin min hualvela, kham leh tlangsang pui puite venhim niin, tuihna ṭha tak leh thianghlim tak kan in a, a ram leiṭhatnain a a chawm thlai leh buh ei a, khawdang purbuai ngai hauh lova khawsa khua kan ni.

Khawvel thil tihtheihna leh finna intihsiakna ten kan nun hona boruak a tibuai pha lova, a nuam a tudang kan mamawh reng reng lo.


Awle.
Kha Nula tleirawl te kha, a hringtunu tan phurrit a ni, duhawmna leh itawmna namenloin a taksa a bual vela, mak tak maiin mihring chauh alo hip reng reng lo, kan ranvulh uipa, zawhtepa , arpa thlengin a zunah an uai tlat a ni. Sawifiah thiam har khawpin a nu chu a buaia, mipa reng reng a hmuh a phal lova , a hringtupa, a pa ngei pawhin a hmuh a phal lo.

Itawmna leh duhawmna, tisa chakna zawng zawng hip thei khawpa, a taksaa danglamna lo awm leh rimtui a pek chhuah te avang chuan ani venhim chu a ngai a ni. Hmeichhia nazawngin an hmuh a phallo a, a rimtui tihreh nana rimdang a inchulh chang erawh chuan , ui leh ar te chuan an kiansan ve mai ṭhin..


Pindan naranah a awm a rem lova, rannung(insext) luh theihlohna pindanah chauh lo chuan atan a him lo tlat a ni.


Nitin a hmel hmuh ka chaka, hna ka thawh lai leh mahni a, ram ka vah changte hian a ni chauh chuan ka thinlung a luah a ni, kan mitthlaah a cham a, kan thinlungah a khatliam a ni. Nia, tute pawhin an hmu chaka, a rim hriat leh te pawh an chak alawm..

A zún chu mipa tin te thinlungah a inzam nghet tlat tawh a, kan taksa chu buai angin lang lo mah se, kan chhungril chu a buai nuaih vek a ni, chakna thinlungin min bual á zo ta a ni ber mai.


Kei chuan Rose tiin ka ko mai ang chu..

Nikhat chu a nu hnen aṭangin thuchhah ka dawng tlat mai..'Rose chuan kei min ngaih thu chauh a ni..Min hmuh a chaka, a ṭhian khawm ber ka nih miau avangin..

Eng hi nge ka thinlungah awm ka hrethiam lova, ka ngaih a zuala, thi tur ang mai hian ka ngui riau a. Chutia min ngai ve anih chuan ruahmanna tam tak ka siam a, a awmna pindan aṭanga ruk chhuah dan tur kawng mawlh mai chu ka thinlunga lian ber a ni. Hmu thei ngat ila chuan, a zhawmna zawng zawng ka hlihsak anga, ka phurrit hi ani hnenah chuan ka hrithla tur hi a ni a, tiin chakna namen lovin min bual a ta a ni.

Khaw mipui thinlung a tihchingpen zia chu sawiloha lum a ni a, kan ranvulh leh ramsate thinlung a lak lah sawithiam chi rual a ni hek lo. Thilmak tawpkhawk a ni.

Buhseng zawh hlim a ni a, Rosei tan pawh pawn chhuahnan hun remchang a inhawng ve ta a, nimahsela venhimnan a hmel hliahkhuh a ni a, a rim hliah nan rimdang a taksa a chulhchhuah vek ani bawk. Tuallai fanga a rawn chhuah theih tak hlauh avang chuan, kei min hmuh chu a thil tum hmasak ber a ni a, ka tel vena tur ruahmanna siamin thuchah min hnutchhiah nghe nghe.

Mahse kan tluang ang em? A awmna pindan anin thu leh a nu khuahkhirhna a nin thu min hrilh a, kan pahnih chauh a, khawiah emaw hun zalen tak neih chu a duhthusam a ni... Awi kei pawn chu chiah chu alawm ka duh niii...

Ani ruahmanna chu ka chakzawng tak a ni..zanlaiah ani chu ruk chhuah a, khawi hmunah emaw a hruaibo daih a ni.

Chumi zanah chuan ani ruchhuak tur chuan ka insiam ta a, eitur eng eng emaw ka siam a, mutbu ka tel a, silai leh a mu tamtak ka pai bawk a. An in zawn ka thlen chuan ani pawh inpeihsa diamin alo ding tawh a, tichuan kawt chhuah lam pan chuan kan liam mawl ve ta tawp a.

Van lamah ruah sur turin Chhumte an inlumlet vel a, thla eng ruih hliahin a zing khat ta mup a, tek a phe zawr zawr a, khawpui a ri dur dur mai bawk si. Hmanhmawh takin lo lam pan chuan kan kal zel, chul thlam tawmhulna a awm tak mialin, ka hmehen ka lo keng hlauh mai chu a tangkai ngei mai.

Lo lam pana kan kalna kawng chanve velah chuan ruah chuan min nan ta nge nge a, thlam hmasa ber kan thlen chuan luhpui mai ka han tum a, nimahsela, ani chuan “Inthlam thleng law law ila, min nan huh tawh tho sia” a rawn ti a, tichuan kan thlam lam pan chuan ka chhuk leh ta a.

Vannei thlak takin kan lo kan thlen chuan ruah pawhin han zai a rel ve ta a, thlam kan luta, mei ka nun a, silai ka hem ro hnu chuan rapah chuan ka khai ta rih a. Thlam kan luh phat atang khan Rose chu a kil thimlaiah chuan a tawm ta reng a. Kei chu pawna chhuak a, pawna lo nghak rih turin min ti a, ngaih that lohna tam tak a nei tih chu a aw-ka chhuak atang chuan ka hre thei nghal a, ka hriatpui loh thuruk tam tak a nei tih ka hriat avangin ka chhuahsan ta rih a.

Thlam chhakah chuan mei chhem turin min ti a, a duh ang ngei chuan meipui ka chhep hluah a, mei a alh rem deuh hnu chuan meikhu urna lama awm turin min ti leh a, mak tihna leh hnialna engmah nei lovin a tihna lam lamah chuan ka awm zel mai a ni.

Meikhu urna lama ka awm lai chuan, meikhu rim hliah vek thei khawpa rimtui chu ka hnarah chuan a rawn cham ta a, rim danglam a ni. Rose par rim ang mai kha.. Ka lo hriat tawh zawng zawngte ai pawhin a rimtui zawk hial a ni.

“Kan ruah do avang kha a ni, ka rim hliah khuhnana ka thil inchulh zawng zawn a reh vek...Engtin nge nita ang..” Mangan hmel taka Rose-i thusawi chu ka hria a, thlam lam pan mai ka han tum chuan, ka taksa chu thil danglam tak mai tawn hriat nei chak hian ka za ta chung mai a, ka lairil a khur a, ka tihrawl te chu an za ta mur mur a..

Tlang takina a sawi a, “Insum rih rawh khawngaihin, henglai vela ramsa awm leh rannung awm te hnarah ka rim hi a cham ve tawh si a. Ka boral loh nan an ni lak a ta hi mi venghim phawt ang che.” Rang takin ka luta, ka silai ka chuh a, ani chu puanthuah chhah tak hmangin a lo inzial nghet tlat tawh a, a hmel ka hmuh loh nan a thup a, a rim erawh thup theih loh khawpa nasa in a leng vel ta si...

Thlam hnuaiah chuan nghalchang hawk thawm a rawn awm a, thlam thlangah sakhi leh saza pa ki tha tak mai an rawn lang bawk.. Mei chu ka chhawm tha zela, a alh eng pup mai bawk a, ka hmeh ena ka chhunna lam apiangah engsa sa emaw ni an rawn lang a, thlam chhungah Sazu an rawn inlara, thosi leh vaihmite an rawn zi hut hut mai bawk a. Rannung tam tak rawn thlawk vel tihbo nan meichher ka siam a, ka lo vei kiam duak duak hlawm a, Rose chu puan chhah tak hmanga intuamin chet pawh a che chang ngam lo.

Reilo te ah chuan thlam chu a che ta dul dul a, thlam chunga eng sa nge awm ang a, thlam hnuaiah eng sa nge awm ang ka hre lo. Silai mu ka thun a, a remchang apiang ka kap ta zawt zawt maia, a then an tlu a, a then an tlanchhia a. Nimahsela a la tawp dawn hauh lo... ala intan dawn chauh..sazu in rose-i inkhuhna puan lam an bei a, a awm a ni tih an hre si. Puanthuah kara pangang leh tit lo awm te chu mei chuan ka hliau tla ta zung zung a, tihngaihna hriat a va han har em. Ani awm ngaihna hre lo chu a lo tlanchhuak a, a te chul mai a.

Chutia alo chhuak chu eng emaw tak mai hian min zem leh ta a, thawmhnaw inbel mumal lova lo mu a ni si a. A hmel eng paw phak mai chuan zanthim chu a chhun eng a, a taksa ngaihno bei leh senno chek mai lah chu... a bul hnaia kal ka han tum chiah chu min beng sawk mai a, “Harh rawh silai kha eng atan nge i tih, a mu thun la hmet puak leh rawh..thlam a chhiat hma hian.”

Ka harh kuarh mai a ka mitvai emaw ti a, ka mit ka han nuai chuan, ka melh leh ta ngat a, mitvai a ni awzawng si lo. Ka hnar lahin a rim a hrechiang si. A bawp leh a chawn pang vela hnapkhawn leh pangang lo bet chu ka thenfai sak a, a ni chuan min melh ngai chuan min la melh reng a, a thawmhnaw pan te kar atanga a tisa mawina lang chuan ka mit a tivai a ni..a sam hmawra rannung awmte chu ka vai kian sak a, hmundang reng ka hawi thei ta lo.. Tlam bang leh a ban vel sanghal in a sut chet dul dul pawhin rilru a luah thei ta lo, Rose mawina leh rimtuina chauh chuan a ni ka thinlung luah ni.

A tawp a tawpah chuan “Aw le..tunah chuan i duh duh tirawh, dan rual a nisi lo...ka himnan i tih theih tawk i ti a, tunah chuan i kutah ka inhlan e, ka thianghlimna chu i ta a ni.” A rawn ti ta a. Ka meichher ken chu thuk lamah ka theh chho a, mutbu awmna lamah kan inkuah phei a, inhawng takin min lo chhang let a, a hmui chu duhthawh takin ka fawp a, a taksa khawi lai emaw a, rannung awm te chu a ni chuan a hui thla a, puanthuah hnuai ah chuan kan inthawlh ta a. A chhah tha bawk a, rannung dang reng reng an lut ve thei lo. A ni chu nghet takin ka kuah a, ka fawp a, ka zutkual ve la, ka dap vel ruai a, a ni chu a ngawi renga , a hnute nem leh no tak, lian tha ve tawk tak te chu ka han dap vel a, a ni chuan “Muangchang hman i ni lo i tih vat angai thlam hi a chim hman hlauh a ngee” a rawn tit a a.

Hmanhmawh takin puan chu ka tlawhhlim a , a bawp pahnih inkarah chuan ka inzep ta a. Chutih lai chuan a rimtuina zawng zawng a chhuah a, thlam leh a vela ramsa awm te lahin chen ve ngei tumin tan an lo la bawk.. Mahse khatia ka tum ka hlen leh ka taksa a rawn na zawk a awm zawh khan a ni chu na tiin a te thawt a, a na tilutuk awm ngaihna hre lo chuan nghet taka kuah turin min ti a, tichuan a hma aia nghet leh zual zawkin ka han kuah ta a.

Ramsa leh rannungte thinrim chuan an theih ang a nasain thawm an chhuah a, an thawm a rin em avangin a khawk rum rum thei hial a ni. Chutia an hram chiam hnu hun rei lo te hnuah chuan thehmeh ang mai hian an reh ta thiap a. Ani chu a rawn thaw huai a a mit atanga mittui lo chhuak te chu ka han tuai fai sak a, kawl a rawn eng a, tiauchhumte chu a rawn umbo zo ta a, lungchim takin ka kuah vawng vawng reng a.

A taksa atanga rim mak danglam tak rawn chhuak thin khan tunah chuan a kian san tan ta a, chu chu ani lawmna ber pakhat a ni. Thilnung apa tawh phawt chu a zun a a uaitir theihna hmanrua kha rim ngei mai kha, ka tan chauhva a hun tak a ka hriat theih turin a dah bo ta a.

Chung thil zawng zawng leh engvang tak nge ni ang heti em em a famkimna nei a mihring alo piang hi. Nia, chungte chu zawttu a ngah ang chu, mahse ka hriat a ngai tlat si a ni.

Chutia ka awm chunga a bei hle hle lai chuan “ ka hrethiam lo che a ni” tiin a beng bulah chuan zawite hian ka va sawi sep a, chutia ka thusawi a hriat hnu a, a nui seih ringawt chuan ngaih a titha lo rum rum mai. Ani chuan zawite hian “ Ka hrilh ang che, eng nge ka nih a, khawi atanga heng danglamna hi nei nge ka nih tih chu...” a rawn tichhuak ta a. Ngaihngam takin ka awmah chuan a bei hle hle a, kan pahnih chauhva hriat phak lekin a nihna chu a sawi ta melh melh a.

Chung a thu min hrilh zawng zawng te chu mak ka tiin min tihamhaih em em a, chuti fa kova danglam a ni tih ka hriat avang chuan awih loh theih niin ka hre si lo. Ni chu rawn chhuak lo in rawn lang rih lo sela ka va han ti em. Duhthawh tak a ani kuah chu ka la thlahlel em em si a, mahse ani ka mutpui avang chauh chuan ni a rawn lan veleh a ni chu lak bo in a awm dawn si a, chutih hunah chuan engtin nge ka awm zel ang?

Rose- i pangtilum ka deh chhung hi a va han rei lo em, mahse i kal liam a ngai dawn si a.

“Ni love Siamte, i bul velah ka awm reng dawn alawm, khawiah pawh kal la ka hmuh phakah i awm reng dawn a, engtik niah emaw chuan i kiangah thlamuang takin min la muttir leh dawn a lawm, chutih hunah chuan ka kalsan che a ngai tawh lovang a, ni rawn chhuakin kan karah kan inthen nan awmzia a nei tawh lovang.

“Mahse engtik tak nge ni ang leee.. ka hmuh leh hun tur che chu...?”

“Ka hre bik lo, chutih hunah chuan i theihtawp chhuahin min zawng ang a, i beidawn thlengin, nimahsela, i hah rimtawng karah chuan rimtui tak mai i hria ang a, chutih hunah chuan ka awmnaah i kal thei ang a, ka awmna tur hmuna ruatah chuan.”

“Ka va han ngai dawn che em...”

Tlang kar atanga nizung rawn lang siar siar chuan, thlam bang a rawn chhun tlang a,mitkhap kar lovah ani chu lakbo a ni ta nghal a..

CHAWNGTINLERI laizawnnu a ni a, mihringte anga awm a, a lasi nihna bansana, mihring nihphung leh nihna zawng zawng nei turin, a mi hmangaih tlangval chu pasalah a nei ta a. Chutichuan Lasi ni tawh lovin, thi thei taksa chu a rawn chhawm ta a, upatna ten a taksaah nghawng nei tawh turin, kan khuaah chuan in leh lo neiin a pasal nen chuan a khawsa ve ta a. Nimahsela Chawngtinleri chuan “ I fanu lo piang tur chu ka kutah a awm tur a ni, nang chu i boral dawn si a. Nang hi theihnghilh mai che ka phal dawn si lo, chuvang chuan i fanuin i ai a awh ang a, ka theihnghilh loh che a, ka hriat reng theihna tur che in.” Nimahsela a ni chuan, “Ni lo ve, ka fanu Lasi niturin ka phal lo ve, a lo pian atangin ka chawm seilian ang a mihring ten nen an nung ho tur a ni, mihring angin lo piang sela, mihring angin seilian hram rawh se”. Tiin a lo chhang let a. Chutiang chhanna a dawn hnu chuan chawngtinleri chu a kalbo ta rih a.

Hun eng emaw chen liam ta a, nausen duhawm leh mak danglam tak lo piang chu Chawngtinleri chuan mal a sawm a, Lasi nihna dinhmun pein, nihna ropui takin a thuam a, a rawn pian hlim chuan lak mai a tum a, mahse a laizawnnu chuan a phal ta tlat lo mai. A tunu zawk chu lak sak zawk mai turin a ngen ta chiam a, a remtihna ang ngei chuan thu an thlung leh ta a. Chu nausen tan chuan thilpek danglam tak a hnutchhiah ta a. Rim makdanglam tak thilnung awm zawng zawng zinga a pa tawh phawt chu a zuna a uaitir theihna turin..Chawngtinleri chuan a tunu a fanu lo pian hun mawlh chu a nghakhlel ta em em a.

Chu rim makdanglam tak mai chuan mi a hip anga , nau a pai vat theihna turin.....

“Tichuan a rim hmanga amipa duh tak a hip a, a hnena a lo kal a mutpui veleh kei chuan ani chu ka la bo ang a,nausen lo pian hun chu min nghahpui bawk ang. Nausen chu ka kiangah a awm ang a, chatuanin ka laizawnnu hriatreng nana Lasi nula tur chu.” Tiin

Chutia nausen la tur Lasi rawn kal zawng zawng te chuan an hlawhtling lo a ni tih an hriatin, chu nausen chu a hmingah SAVANAH tih chu an sa ta a, chu chu Thlawkbovi tihna a ni.


THLIFIM LEH SAVANAH-I RIM.

Savanah a awm tak loh avang chuan kan khua chu a ngui riai hian a hriat a, kei ka ngui vang nge ni ang tih pawh ka hre lo. A awmna leh a kalna hria chu a hringtunu chauh a ni tih ka hria a, thuruk tam tak ka hriatte chu Savanah-i nu ka hmuh a piang hian ka chhuinawn leh fo ṭhin a, mak ka ti a ni.
Ani chuan savaanah a lo kir leh ngei dawn a ni tih a hriat avangin a hmelah sunna hmel pakhatmah a awm lo. A laizawnnu in ṭha takin a enkawl ang tih a hre tlat a ni.

A fanu a bo tak hnuah chuan a hmelhriat ṭha tak ka ni chova, a thuruk ka hria a ni tih erawh a hre lo. Mahse a ni hmaah chuan savannah-i chu sun der fo a ngai a, ṭah der fo pawh a ngai ṭhin.

Savanah-i bo hnu thla tam pawh a liam hma chuan pangngai takin ni te chu ka hmangin ka chhiarliam thei tawh a, ngai hle mah ila, a lo kir leh ngei dawn a ni tih ka hriat avangin chu chu ka inhnemna ber a ni. Zawn tumna rilru pawh ka pu lova, silai nena ram ka vah chang pawhin a ni hmuh tumna rilru pawh ka pu ngai hek lo..
Thlawhhma te la tharin kan khua chuan buh leh balah malsawmna tam tak kan dawng a, kan khua aṭanga thlai thar ṭha tak tak te chu khawpui lamah kan hralh ṭhin a, sum leh paiah kan khua chuan a chimchin a sang em em a, khawpui lamah pawh pemlut kan awm ta zeuh zeuh mai.
Eizawnna dang dapin kei ngei pawhin khua chu ka chhuahsan ve ta rih a.

Chutia khawpuia hun rei pawh ka awm hma chuan eng emaw hian min mawlh tlat mai a, eng nge ni a, engvang tak nge ni ang tih chu ka hrelo va, ka lu a nat loh leh ka pum chu vih ang mai hian a na leh ṭhin a, ka hrethiam lo takzet a ni.

Khawpui daifem ka pute inah ka awm a, hna mumal pawh thawk theilovin ka awm a, ka tum angin engthil mah ka ti thei ta reng reng lo mai..
Karthum chhung teh meuh mai khumbetin ka na a, damdawi ṭha tak tak te hmanga min enkawlna chuan awmzia a nei lo kher mai, ni khat chu khuma ka mut reng lai chuan, vawilehkhatah ka harh thut mai a, harhchiang tak ka ni, ka veng hawk a fiah takin ka meng a, ka benghriat leh rim hriatna te pawh a hma zawng aiin an chakin an fiah a ni.

Chutia mak titak mai a, ka awmlai chuan ṭap thawm insut ri hlep hlep hi ka bengah chuan a rawn ri ta a, khawi lam aṭanga lo chhuak nge a nih erawh ka hre silo. Chawl hauh lovin a insut ri feih feih reng a, ṭah chhuak tak ṭap ri ngam lo nen hian ka tehkhin ber mai. A rawn chhuahna hmun hriat tum chuan tukverhah te chuan ka han dak a, pawn lamah te chuan ka han vei kual vel a, mahse khawi aṭanga lo chhuak nge ka hre thei si lo. Ka zawng zela, ka pute kawmthlanga thinghnuaiah chuan ka chhukthla a, ṭap thawm chu a la ri chhunzawm zela..

Hmeichhe duhawm tak rilru nat avanga ṭap chu a nih ka ring a, a rawlah a ṭah a chhuak hle a ni tih pawh hai rual a ni lo.
A tawp a tawpah chuan "Lo haw tawh rawh.. ka ngai tawh che asin" tiin chu hmeichhe aw te chuan awtham ṭiak te hian a rawn sawi chhuak ta a.. a ṭap a bang rih a, ṭahchhuak tak a ni tih hriat tak hian a la irh ek ek reuhva.
Kei min bia nge..ka hmuh ve loh-i hian ka hmuh ve loh bawk a be zawk, han biak ve chiam lah chu thil tihchi niin ka hre si lo..awm ngaihna ka hre lo takzet..

Chutia a ngaihna hre lova ka tap kual vel lai chuan thlifim hi a rawn thaw heuh heuhva, chu thlifim karah chuan hman a ka hriat ṭhin pangpar rimtui tak ang mai rim kha, a rawn thaw tel ta a, zun zawng zawng neitu rimtui zawng zawngte rimtuina neitu ka Savanah-i rim ngei kha a ni... Ka harh kawk a, ani chu ka au chiam a, ka bul maiah a awm a ni tih ka hriat avangin, mahse min chhang lo...
A rang rangin khawpui aṭang chuan ka haw ta vang vang a, chumi ni aṭang chuan Savanah ka ngaih a zual a, ka thlakhlelh a zual a, a ni hmuh vat chu ka chak ta et et a...
Savanah-i nu nen pawh awllen deuh lai chuan kan inkawm fo ṭhin a, nu zahawm tak a ni nachung hian a fanu vang chauhin an inah pawh ka chuangkai fo mai a ni..Min duat em em a, an inah chaw te min eitir a, anpa nen pawh ramvakin kan chhuak dun fo a. Ani hnungzui chu hlawhtlin loh pawh kan nei ngai lo, sakhi, sanghal, saza kan kap a kan hlawhtling thei hle a ni, mahse ka kap ve thei lo a ni bulah chuan ama kah vek a ni ṭhin..


Nikhat chu ram kan chhuak dun leh ta a, kawng kan kal lai chuan "Nang chu I la naupanga, sakhi te, saza te hian 'ani kah chu kan duhlo a la naupang em mai anti a..i kah theihloh phah alawm" tiin nuih sun sun pah hian a rawn sawichhuak hlawl mai a...
“Ka ring chiah lo..tunah kum 22 ka tling ve tawh a, kap thei tur khawp chuan ka upa ve tawk..”

Ani chuan la thutak lo mah se, kei chuan tlawmah ka la lo thei lo, sa hmaah a silai a hung thei riau mai a, ka hmuh ve loh lai hian ani chuan alo hmu hman ziah bik zel mai a, a kap zawkah a ṭang leh nge nge ṭhin.. Achang chuan keimah ngei pawh hi ka innuihzat ṭhin..Mahse, ani chu kap lo thei chi pawh a ni lo..Lasizawl a ni miau a..

Chumi ni pawh chuan kan hlawhtling leh hle a, haw kawngah chuan an chhungkaw thuruk ṭhenkhatte chu min hrilh ta hlawl mai a, hre deuh vek tawh mah I la, hriatloh tlem azawng ka lo nei a..
An nu (Savanah-i nu)chu Lasi zingah pawh a huaisen leh thiltithei ber berte zinga mi a ni a, Dampa huaiho amah ngat a bei a hnehtu a nih thute chu min hrilh ta a. A laizawnnu Chawngtinleri nen pawh an inngainatna a thuk em em a, mahse, Dampa huaihovin phuba lak ngei an tum avangin amah chu an zawng ta char char a, chuvangin mihring anga awm chu a himna kawng pakhat a nih avangin hetiang hian a awm ta a ni.
.[2/9, 9:50 PM] Pjs Stephen: Zan daifim leh chhawrthla engno reih mai chuan, zan boruak a tinuam hle mai a, ngawdur khup kara chingpirinu hram thawm leh zawbuang nupa inchhawn thawmte chuan lung anti lengin Savanah ka rilruah a awm lo thei lo a, ani kha eng nge a an ve ang le? Kan inhmuhlohna a rei tawh si a. A nu hian a awmna leh a chanchin hi min hrilh duh mial lo maw le..Ka zawt ngam chuang bawk si lo. Zanin hian ani kha ka bulah han mu ve thei teh sela aw.. duhthawh takin ka kuah vawng vawng tur hi a nia.. Min ngai ve ang em le.? Tunah hian a rim pawh kha rawn zam vel mah se, a rim tel lova ka ngaihna thinlung hi a hnehin a hliahkhuh thei chuang awm lo ve..

Fapa mal ka ni a, ka piantirh ata duat taka enkawl ka nih vang pawh a ni ang nge... Ṭhen leh rual, chhung leh kua te hnenah Savanah i nena kan chungchang sawi a rem si lo, ani ka ngaihna chu ka chhungrilah ka upbet a, mahniin ka tuar tlawk tlawk mai a nih hi. Lasite tan mihring nazawng biak pawh a rem si lo..Zawnvak ngaihna ka hre si lo, nghah tawp mai lah chu awmze nei thei niin ka hre si lo. A ni telin ka ngaihna a zual zela, ngaihdan siamthiam har khawpin ka thinlung a chawmawlh zo tawh a nih hi.. Awmlai veiin thi ta pawh ni ila; ka demawm loh tawp ang..

Nikhat chu Savanah-i nu'n an ina lengah min sawm a, beisei eng emaw nei tak chung hian ka va lut a, mahse ka beisei loh lam daih a lo ni. Ani chuan a thuruk zawng zawng min lo hrilh ta a. Thil pakhat ka hnen chauhva sawi a nei a, "Huaiho kha ka va hneh a ni ringawt lova, an tana thil pawimawh tak ; an tan bawka natna thlentheitu ni bawk si, Arsi ang maia eng tak lung hi, Dampa ngawpui chhungah an venhimin a awm a, chu lung chu ka ruk chhuah saka , chuvang chuan, min zawng reng a, ka lung êng ruk chu lak kir leh an duh a ni., an ni tan chuan lung chu an ramzauhna ber a ni a, Lasi kuta a awm erawh chuan an tan a hlauhawm a, Lasi ten an mahni beihnan an hmang ṭhin a ni. Lasi kut chuan kha lung thiltihtheihna kha huaiho hlauh turin an her danglam thei a ni.
Chu lung chu ka kutah hian a awm a, ka lasi pui te'n ka kawl a ni tih hi an hre lo, tichuan he lung hmang hian ka himnan ka thiltihtheihnain ka her danglam a, He khua hi a him a, huaihoin min khawihbuai thei ta lo a ni."

A sawizawm zel a..
"Huaihoin he lung an kawl lai kha chuan an ram an zauh chak hle a, mihringte tan mi hlauhawm an ni a, thil pakhat sawihmaih hauh loh tur ka nei.. Lasi te leh Huaiho te hian kan thilduh ber chu, Ramngaw humhalh leh neihbelh zel hi a ni a,chu chu ka thilduh leh tum inang awmchhun a ni. Mahse an ni chuan a ti ta mah mah a, mihring lovat lai an tihlum a, an buh leh thlai an tihchhiat sak a, ramsa ṭhenkhatte hmangin an buh leh thlai an tihchhiat sak fo bawk..
Tichuan lung eng an kawl tak lovah chuan an ram an zauh thei ta lova(Lung êng chu a rawn keng lang a) he lung hi tun thlenga an zawn ber a ni a, ka sawi tum leh heng ka hrilh chhan ber che chu, i nupui ni mai tur ka fanu ni bawk dinhmun hi a derthawng thei a ni". Tiin a rawn sawi chhuak hlawl mai, a hmelah chuan ngaihṭhatloh ruk riauna a nei tih a hriat theih a..
Kei chuan "Savanah chu i laizawnnu'n a venghim ang chu''.

Ani chuan " ka hrelo le, lung êng hi ka laizawnnu ka pe a nih chuan a venghim ngei ang..Mahse kei hi ka thi ngei dawn si a, engtin nge ni ang..?"

"Savanah chu i fanu a ni tih Huaiho chuan an hria em ni?".
"Fanu ka nei tih chu an hria a, mahse Savanah hi a ni tih an hriat ka ring lo."

"Anih chuan hlauhthawnna tur a awm loh chu".

"Mahse maw Siamte Huaiho chu an vak chaka, an kal theih lohna hmuna thilthleng pawh an hre zung zung thei a, an ni ho chu an tha a chak a, thiltihtheihna tam tak an nei asin. Savanah i hmuh hunah pawh i lo hrilhhre dawn nia.."
Kei chuan a mitah tak ka va melh kawk a..
"Engtin maw..kan inhmu dawn em ni..??Khawiah ..engtikah?"

Mahse a ni chuan "I zawn chuan i hmuh ka ring." A lo tisam et mai si a, ka va han hrethiam lo emm..
Haw rih tura min hrilh pahin, min ko a nih loh chuan an ina chuangkai lo turin min hrilh nghal bawk a..
A tukah chuan, Savanah zawng turin ka chhuak ta a, silai leh a mu tam tak nen, chaw lian tawk takin ka fun bawka, kan khaw ram chhunga ramngaw zau pui te chu ka dai dar hneh hle a.. mahse Savanah i rim awm hriattur a awm hauh lo mai..chutiang hlir chuan ka hman ni apiangin ka chhuak a, mahse hmuh ni reng ka nei thei ta lo.. ka hmuh leh pawh ka ring tawh lo.. A nu thusawi leh amah ngeiin kan inṭhen dawna a thusawi kha ka hriat reng avang erawh chuan beiseina tlemte chu ka la nei ve a. Kan khaw ram mai pawh nilo, Ṭawitlang ramngaw zau leh durkhup mai thlengin ka vak kual ta a, Savanah-i ka zawnna hmunah chuan ka kal ngailohna hmun tam takah ka kal a, ka la hmuh ngailoh thil tam tak pawh ka hmuh belh zel a, a hlawkthlak angreng phian mai..
Mahse khawnge a ni chu a awm ang lee???

Savanah zawnga ni eng emaw zat ka chhuah hnuah chuan, ka taksa a chau a, kan lo lam hna pawh ka thawkthei ta lo..Ani hmuh inbeisei reng reng a, ka vahkuala ka hmuh tak silohah chuan, ka bei a dawng ta rum rum mai a, mahse ani ka hmuh chakna leh ngaih a zual zel a, ka ngai ngawih ngawih a ni..

A tawpnan tiin nikhat chu ka chhuak leh ta a, Tawitlang lamah bawk chuan ka chho a; chumi ni berkher chuan ka chawfun ka theihnghilh hlauh mai a, Chawhnu herah chuan ka chauh tawh em avangin, ka ril a ṭam ta em em a, ka mit a vai ruai a, ka tui a hal hle a, kawrte ah tui in mai tur a lo awm bawk silo nen, ka chauh em avangin thingkung lianpui bulah hian ka tlu ta hnawk mai a, a hmun a awih deuh avangin ka lum ta mai a, ka ṭamchhawl chu ka zawi em avangin ka inhamtang thei tlat lo..Awihpang hnuaia tlema zawllai awmah chuan chechang thei loin ka mu ta reng mai..Haw leh thei tur awmin ka inring ta lova, Savanah-i pawh hmuh leh ka inbeisei ta lo. Ka mitah chuan lungchhe mittui a rawn luang chhuak a, keimah leh keimah chu thei leh thei loin ka inbe mawlh mawl a, ka ṭah a chhuak em em a, ka ṭap thei silo, ka dang a ro hulh hulh a, ka lumna hmun a awih em avangin ka tlakna lamah ka ring ka sawh dik lo a ni tih ka hrethei bawk a, che thei lovin ka awm ang angin chu hmunah chuan ka zangthal ta reng a..

Ka rilru chu khawi khawiah emaw a kal kual a, Savanah i hmel leh a pianzia zawng zawngte, min kalsan dawn zana ka bula a awm dan leh kan thiltihdun te, a aw sin tham ṭiak nalh tak te leh, a kutno leh nemthep mai te chu ka mitthlaah chuan an rawn lang zut zut a. Vawikhatmah ka hmuh leh tawh dawnloh avangin, mahni inkhawngaih tak chung chuan, ka mittui a rawn luang leh zung zung a. Ka lum up up a, ka thaw a tawp dawn a ni tih ka hriatlai chuan, ka mit ka chhing ta riai riai a..

Mahse..thlifim a rawn thaw heuh heuh a, ramngaw hnuai chu a rawn fang vel a, mi a rawn chhem heuh heuh a, thei leh thei lovin men leh ka han tum a, ka tlin si lo.. thlifim karah chuan Savanah i aw a rawn langa, ka bengchhe ri mai a ni..mahse ka hnarin rimtui tak a lo hriat tawh zawng zawngte ai pawha rimtui zawk chu a hre leh ta..Savanah ngei a ni, mahse chu pawh chu ka mangram mai a nih ka la ring cheu..

Engchen a rei nge a nih ka hre lo a, mahse hun reilo tak chu a nih ka ring..ka harhchhuak a, ka mit ka han men veleh chuan..Ka nupui hual Savanah ngei mai a lo lang a, a hmel êng paw vak mai; a mitmeng mawi tak, a hnar leh khabe ruh invuah fuh em em mai te, a hmui senno chek, a lian mah mah ang em aw..tih tur , te leh chuang tura ka phal chuan si loh te; chung zawng zawng invuah fuh rem em em, a nihdan tur dik taka inremkhawm thlap mai, a vun no leh senno chek mai ina a phuar khawm fuhrem thlap mai leh a samsei buang tle siau a han hui leng seng seng mai ka han hmu leh ta chu..
"Hei hi vanram nge..ka mumang..ka thi tawh ngeiin ka hre si a".
Tiin zawisep hian ka la han phun khum leh cheu a..

Ani chu a nui ri kerh kerh a, a bulah chuan tuemaw a awm ve a ni tih a hriat theih a , an inbe melh melh, hun reilote hnuah chuan amah chauhvin a awm tawh a ni tih ka hre thei a, ka harhchiang tial tial a, ka awmna hmun chu a paw chiai chiai a, Savanah-i rim a nam chem chem reng a, chhimbal rawng chi hrang hrang hian min hual vel bawk, ka han dak chhuak dawn a ka la thei tlat lo..Savanah i nui chu a ri leh ker ker a, ka tukkhum a dawm a, min kuai hnaia, ka hmuiah a fawp ta vawng vawng a, a mit aṭangin mittui a lo luangchhuaka, engvanga luang nge a nih ka hrethiam pha velo..
Hun rei tawk tak min fawh hnu chuan, ka harh kawk a, ka taksa chu pangai takin ka chet kual vel thei ta a.. kan inkuah vawng vawnga, a dul a lo len tawh deuh avangin..mi a kam deuh al mai..Nia..kan lawmna leh hlimna kha sawifiah thiam chi rual a ni lo..
Kan inkuah zawh chuan a dul chu min khawih tir a."Enteh hei i fanu a nih hi..ka hrin a hun ṭep tawh asin.."

Kan inmelh a, kan nui dun leh rih a.
Kan awmna hmunah chuan tumah an awm ve lova, khawihmun nge a nih hre lo mah i la, a nuam hle a ni tih chiah chu ka hria...
Tichuan, Savanah nen chauh chuan kan awmdun a, a bulah ka mu a, hlauhthawnna nei hauh lovin..inṭhen leh chu kan duh tawh lo ang a, kan zuam tawh hek lovang..



LUNGCHHIATTHLAK


Chu hmunah chuan Chawngtinleri a awm lova, Lasi pathum leh keini pahnih chauh chu kan awm a, ka mangram lamah pawh ka la hmuh ngailoh hmun nuam, ramsa chi tinreng an awm a, ngawdurkhup maiin a hual velna hmun laili takah chuan dil lian vak lo a awm a, chu dil bulah chuan chenna in lian vak lo a awm a, eitur tuihnai tak tak leh theirah chihrang hrang a awm bawk, a va han nuam em!. Awmhlenna atana duhthusam a ni. Awm reng theih sela ka va han ti em.. a ni ka ngaih em em Savanah nen lehnghal..

Lasi nula pathumte chuan kan eitur chaw leh tuite chu min rawn pe ṭhin a, lal ang mai a cheibawl kan ni. Karhnih lai chutah chuan ka awm tawh a, Savanahi nau hrin hun a lo hnaih deuh chuan, Chawngtinleri chu a rawn lang ta a. Ani chu ka hmaah a ding a, Chawngtinleri an sawi ṭhin hi a awm tak tak em.. tih pawh ka lo hriatloh phuahchawp mai mai emaw ka lo tihṭhin kha, a tak ngei a lo ni si. Lasite chu mihring hmel leh pianzia ang tak an ni a, danglamna reng reng an awm lo, mahse an ni chu thlarau ang mai an ni a; an thawmhnaw inbel pawh dangdai tak a ni.. An sam sei tak mai leh chhah ṭha tak mai chauh chu an awm leh a vel khuhtu awmchhun a ni a, Puan vainem ang tak var thianghlim em em mai chu an kawngah an hreng a, chu chuan an mawng leh an kaplam chu a khuh ve a, chu chu an thawmhnaw inbel chhun a ni..an keah engmah an bun lova, chute chung pawh chuan an kesir leh kethiah chu a no thianghlim em em reng tho. An hmel a ṭhatzia leh a vun no sen sak mai te chu an sawi ai pawhin an duhawmin an ṭha zawk bawk..


Chawngtinleri chu a hminga tak a ni lova, mihring ina kan lo hriatdan leh koh nana hming kan vuah mai chauh a lo ni.. a hming chu KEPSAVAH a ni a, a ni chu a ropui a, a inthuamna pawh lasi dang nen a inang lo. A mawina leh ropuina chu ka hmuhlai kha chuan a fiah viau a, tunah erawh chuan ka sawithiam ta lo..

Khawiah emaw min hruai a, thil eng eng emaw min sawipui a, kei chu kan khuaa kir leh rih turin min ti a, hreh hle mah i la; ka kir leh a la ngai rih si..
A tukah chuan lasi pakhat min hruai hawtu tur chu luhká ah a lo ding a, Savanah chuan nau a hrin zawh karhnih hnu a a lo kir tur thu a sawi zawh chuan, hreh chung chungin kan inthlahliam leh ta rih a..

Kha hmun kha khawia awm nge a nih ka hre lova, Lasi pakhatin min hruai haw tura ka kut a chelh veleh khan, Savanahi ka zawnna Tawitlang ngaw durkhup hnuaiah khan kan lo awm leh reng tawh a, Savanahin min rawn hmuhna hmunah chiah chiah khan..Chu lasi nulate chu ka hmuh ve hauh loh hian mi tu tute emaw hian an rawn be mawlh mawlh ni ngei tur a ni, a lo chhang nghal hmak hmak a, an thilsawi chu ka beng chuan a hria..mahse a awmzia ka hre der si lo..an inbiak tawp dawn lamah chuan..
"Lunghlu kan kawl lo kan tih tawh kha, Hualtu khaw ram chu inpaltlang theilo a nih pawhin min mawhpuh thei lo ang.." ti a Lasi thusawi ka hriat chuan Huaiho nen an inbia a ni tih ka hre thei a, Savanahi nu lung éng kawl chungchang kha an sawi a ni..
An inbiak zawhah lasi nulate chu a rawn kal hnai a, tluang taka haw tura duhsakna min hlan zawhah, ka haw kawnga saza ka kah tur thu min hrilh a, kan inthlah ta a.

Silaimu ka thun a, a cheng kau sain ka ak ta reng a, hmuh thut pawha kah nghal mai inring sa in kawngah chuan ka kal zela, kawnga thingzung lo zamah chuan ka petek zauhva, silai chu ka thlauh a, rampa leilengah a puak ta dur mai..a va han pawi lungrun tak em..mahni chauh mai mah nimah i la zah te pawh ka zak deuh rum rum mai...
Saza kah chu sawi loh..engmah ka kap lo ang nge tiin silai chu ka ak ta daih a, mahse, rinloh tak maiin kan khaw daiah chuan saza chu a rawn lang ta hlawl mai..Hmanhmawh em em in silai mu chu ka thun vata, vanneihthlak takin ka kap tlu ta hlauh mai.. Chu saza chu a chal em em mai lehnghal a, a ki pawh a ṭha khawp mai.
.
In ka thleng chu ka nu leh ka pa'n thi daih tawh emaw, Savanah-i ang a, bo ve hmak ang turah te min lo ngai a, min lo sun fel vek tawh chu niin..khawtlangin nisarih min lo zawng tawh a ; thilzahthlak tak zawng a va han ni em!. Mahse ka sa kah ka put luh vang erawh chuan an lo lawm ve viau mai a, ṭhenawmte kan pe ve a, a sa tam zawk chu kan rep bawk, a ki pawh kan luhka chungah ka tar ve ta a, a mawi ve tham viau mai. Zawhna erawh ka ngah fu..
Eng eng emaw thukhawchang kan sawi zawh chuan, Savanah-i te inlamah ka va leng ta a. Ka sa kah thu a hriat chuan Savanah-i pa pawh a lo phur ngang mai, hun remchanga ramchhuah leh chu kan tithlu leh ta a. Ani nena ka ramchhuak leh a nih ngat chuan, ka kap ve tawh ngei ngei ang tiin ka insehruh ve ta rauh rauh a..

Chuti chuan kan ramvak dun leh ta a, Ṭawitlang ramngaw dur lam chu ka han panchhoh pui a, kah leh ngei inbeisei takin, Lasi nulate pawh kha a lo la awm mial maithei asin.. ani kha engsa emaw ni tak chu min kahtir leh se ka va han ti em!

Zanhnih riah tuma ramchhuak kan ni a, kan hlawhtling haw viau turah kan ngai, mahse, Tawi ngawpui kan luhchiah chuan a boruak a dang hle mai a, a vawt hle mai a, thawklehkhatah thli a rawn thaw leh vuk vuk ṭhin a,, achang chuan ka hmulthi te hi an ding leh ur ur ṭhin..
Tlailam khua a thim dawn hnaih chuan boruak chu a vawt mai a ni tawh lo, a hihin a hit vur tawh mai a ni..Engvang nge ni ang lee??Hmanni a ka kallai nen chuan a boruak a dang daih tawh mai a, thlahsik khawvawt em chu a la nisi lo..; ka ngaih a ṭha thei thlawt lo.. kawrte kam ko sethlam zau vak lo kan hmuhah chuan kan lut a, mei kan chhem a, chuta zan riah chu kan tum ta a..

Khua a lo thim chuan kan meichhem tih loh chu éng dang engmah a awm lova, puk kovah chuan dumde an rawn thlawk neuh neuh reng a, hun reilote hnuah chuan tam tak mai hi an rawn zi ta hut hut mai a, an tam dan chu sawifiah dan pawh thiam a har ka ti..an ri mur mur a, An han awmkhawm chu kan meichem eng ai pawhin an eng zawk thei hial.. kan ngaih a ṭha lo ve ve a ni tih chu kan mitmengah a hriat hle a.. Thli vawt em em mai chu a rawn thaw leh vur vur ṭhin a, chu thli vawt tak chuan kan awmna puk chu a rawn chhem leh vuk vuk ṭhin, rei pawh a tleh hma chuan thli na leh vawt tak mai chuan a rawn thaw leh ta hum hum mai a, kan meichem te pawh chu a chhem darh fai ta vek mai; a thim mup a, mei a mih veleh chuan a reh nghal duak a, a reh duak hnuah chuan thlilum tak mai hi a rawn thaw leh hum hum a, mihring mangang au thawm a ri ruai ruai a, a ṭe chiam a, hlauhna namenlovin a hualvel a ni tih chu a hriattheih, ka hmul thi a ding sung sung a, ka chhungril chu a vawt a, ka taksa pum chu a hit fai ta vek mai a..
Puk killama tawlhluh pahin silai ka chuh a, mahse, puk kilah chuan Parema(Savanah-i pa) chu a lo bawk a, a taksa a khawng vek a, a hit em em bawk.. ka au chiam a, “Parem Parem??” tiin..Min chhang tlat lo.. ka han thin nawk nawk pawhin a harh thei si lo..

Thlilum huam huam chu a rawn thaw leh ta vuk vuk a, chutih rual chiah chuan Parema mangang authawm chu a ri ruai ruai a, a changin a rum hlut hlut mai bawk.. Mangang aw tak hian.."Min pui rawh.".ti hian a au vak vak ta mai a, ka beng bul maiah hian ring tak mai hian..."Mi han chhan rawh..Siama.."..
Keuh dawt ang mai hian ka let ta dawrh a, tu in nge min khawih ka hre si lo....inti paukhauh takin ka han ding chhuak a, ka han din chiah chuan Parema au thawm chu a hla tial tiala, kawr mawng lamah chuan a chiau thla ta vawng vawng a...

Chutih lai chuan thlilum huam huam mai chu thlivawt tak hian a rawn luahlan leh ta a..Hlauhna namen lovin min man bet ta a, ka tlu hnawk a.. ka thlarau chu ka hlauhna chuan a up bet a, a hneh ta a.. Ka thla lakchhuah a nih dawn chuan puk kochhak aṭang chuan lung éng tak mai keng hi a rawn zuang lut a.. Engkim mai chu a rawn titawp ta.. ka hlauhna te chu a la reh lo, ka khur a, ka taksa a khawng vek tawh avangin ka che thei lova. Chu lung eng tak mai ka mitin a hmuh thut chuan ka mit a vai ruai a, tunge rawn lut kha ka hmu chiang thei tlat lo.. Savanah a ni ngei ang..nge?? Lasi nula dang zawk..??

Ngaw chhung chu a ri dur dur a, lei chu a nghing leh dawt dawt ṭhin..ka han dak chhuak a, boruak chu a alh puat puat a, a ṭek leh chhawk chhawk ṭhin bawk..a eng leh pup pup a, thingzar te chu an tliak sawk sawk a, puk kotlang aṭanga hla vak lovah chuan Lung éng kengtu khan a lung ken hmang chuan boruak chu a vai ṭek chuai chuai mai a, ka en reng a. Thim mup mai kara thil eng emaw awm nen chuan an insual a ni tih ka va hmu thei a, a ni chuan hnehsawh takin a bei a, chung thim kara meikhu ang mai a chevel te chu a umbo zo ta a..

Ani chu a rawn kal hnai a, Savanahi nu a lo ni reng mai, min kai tho vat a, Parema mutna lamah chuan kan va kal hnai ta a, ani chu a awmdan ngaiin a lo la awm ta reng a, Huaihoin a thla an hruaibo avangin...khawiah nge an hruaibo ang le..??

Inbeihna a awm tih an hriatin Chawngtinleri leh Lasi dangte chu an rawn lang ta a. Savanah-i nu'n Lung êng a keng tih a laizawnnuin a rawn hmuh chuan, mak ati hle a, eng emaw sawi tuma a han an zuau lai chuan, kawrmawng lam aṭangin Huaiho thawm a rawn ri hum hum a..Kan awmna ngaw hnuai chu zan mah ni se Lasi ho an awm tak avang chuan a eng pup reng mai a..
Huaiho chu an rawn thleng chho ta a. Thim mup kar aṭang chuan aw chherchhuai mai hian..
"Lung éng kha min pe rawh.."
Savanah-i nu chuan "Ka pasal thlarau khawnge i dah..??Min pe kir leh rawh.." tiin a lo chhang a.

Chawngtinleri chuan "Kisnevah, Huaiho chu pe rawh, an mahni ta liau liau a ni si a..pe la, tichuan i pasal thlarau chu an pe kir leh ang.." a rawn ti ta a..

Savanahi nu chuan a lung éng ken chu Huaiho hmaah chuan a thehthla ta a, tichuan huaiho chuan lung chu lain an kalbo ta a, chutia an kalbo veleh chuan Parema pawh chu a rawn harchhuak ve ta nghal a..

Chu zan boruak, ngaw durkhup hnuaiah chuan keini ho chu kan ding ngawi ta ṭhap a..Chawngtinleri chu a laizawnnu'n tuma hriatloha, Huaiho lunghlu a lo kawl ru reng a ni tih a hriatin a lungni ta lo em em a..a mittui a far hial a ni..Huaiho lunghlu a bo avang a, huaihovin an beih tawhna te a chhui kir a, a laizawnnu lunghlu rukbo avanga, mawhchhiat leh tihbuai a hlawh tawh zawng zawngte a han ngaihtuah chuan Savnahi nu chu a dem ta em em mai a ni.
"KIsnevah mi hmasial..
Mahni himna tur leh hlimna tur chauh ngaihtuah,
Mihrin hmangaihna avanga mihring ang a awm.. engthil nge i tih hi???
Min hmangaih emaw ka lo ti a..
Kei nena thawk duna, kan hna dik tak Lasi tihtur dik tak kan tiha kan thawhdun hi ka duhthusam a ni asin..
Tunah erawh chuan hriatreng che hi ka duh tawh lo ve.." tiin lungchhe takin hnunglam a hawi a, Lasi dangte nen chuan an kalbo ta a..

Savanah-i nu mitah chuan mittui a rawn luangchhuak zawih zawih a, a thiltih tawh te avanga inchhir a sawt tawh si lo..
a va han lungchhiat thlak tehlul em..!!
Ka rilruah chuan engtin nge Savanah-i chungchang hi ni ve ta ang..??
A lo haw ang nge..chatuanin Chawngtinleri hian a chelh kumkhua tawh dawn zawk le..??
Hetiang boruak karah naute nen engtin nge a awm ang le..??
Ka tan pawh thil lungchhiat thlak tak zawng a va han ni em...!!

CHHUNGKUA


Savanah-i nu chu Parema chuan duat takin a kuah a, a hnem a, a hmangaihthu hrilh pahin a a awmah a kuah bei ta hle hle a..
Kawl a en veleh chuan haw mai turin kan insiam a, boruak lungchhiatthlak tak chu kan thlah liam vat turah ka ngai, mahse, thilchu a nih dan tur pangngai chuan a awm thei ta meuh lo. Chhungkaw inlaichinna a chhiat meuh chuan, pangngai taka khawsak a har tawh dawn mang e ...

Engtin nge nizel ang le???
Savanah hi a rawn haw dawn lovem maw ni le, 'Fanu kan nei ve tawh a ni tiraw.. ka hrethei a ni, thlifim kara i rim rawn nam chek chek hi'..

Nitin mai hian a lo haw tawh lo'ng maw tiin , ka hnathawk haw chu, an inlamah chuan ka kal ṭhin a, mahse a lo awm ngai si lo..a nu chu zawt mah ila a hre bik awm si lo.. ani pawh hian a fanu chu a ngai ve tawh hle ang.. mahse engtin nge a tih bik chuan ang ni..A rawn haw ngei chu a rin ka ring a, a naute nen lohtheihlohvin Chawngtinleri chuan a rawn dah kir leh ang tih chu a ring tlat a ni..
"Savanah-in nau a hrinna a la rei lova, hun reilote a awmpui zet ang a, a taksa pangngai taka a hrisel leh hunah a rawn haw ngei ang". Tih chauh chu a sawi theih chhun a ni..
"Ka laizawnnu chu mi ngilnei tak a ni a,ka tilungawi lo hle na chu, min theihnghilh hauh lovang a..kum upa tar kun khupbih ka nih thleng pawhin, min ensan hauh lovang, a tunu Savanah-i leh a fate thlengin..ka hria a ni...ka duhthlanna min zahsak em em a, min tihhlawhtlinpui ngei ngei ṭhin.."
"Lo nghak hram hram la dawhthei takin, ni rei lote hnuah a rawn haw ngei ngei ang.."

Chu thu min hrilh zawh chuan, karkhat chhung chu an inah ka chuangkai duh ta lem lova, mahse, hma ka la sawn thei tlat lo..ka nitin nun hman dan chu a chiang lovin eng emaw mawlh tlattu nei rengin ka khawsa ṭhin..Va len luh leh em chu, nuam ka ti lova..ka inthlahrung bawk si..lo haw ta pawh nise. Kei chu an hrilh hmasak ber tur ka ni tho nachung hian...

Mahse, nikhat chu zing thawhnuam ka ti riau mai a, phur takin hna ka thawk a, ka hnathawhna hmunah pawh Savanah-i hlir ka mitthlaah a cham a, ka bul maia awm ang mai hian, a lo haw ngei a nih ka ring ta a..
Lo sul haw kawngah chuan zawimuang hian ka kal a, thawklehkhatah, ka hma zawn maiah hian Chawngtinleri ngei mai kha a lo ding vang mai a, ka hamhaih ngei mai, mahse a nuih chu ka tiza a ni ang, a nui sen sen a..Lai rutak leh tihngaihna hrelo tak chung chuan hnuailam ka melh a, ka ding ngawi ta reng ringawt a. Min be mawlh mawlh pah chuan min rawn hnaih zel a.
"I nupui chuan fannu duhawm tak a nei a, a hrisel ṭhain a ṭhangduang dawn em em a, nang hi a pa i ni a, chhungkawpa ber i ni tih hi i hriat ka duh a, ṭha taka enkawl turin ka duh che a ni...
In buh leh bal te tluang taka in thar theihnan leh in thiltih apiang a, tluang tak leh malsawmna tam taka vur tur che u in kei ka awm reng anga, zam ngai suh ang che.."

A sawizawh chuan ka han dakchhuak a, a mitah chuan ka en ngam lo nachungin, lawmthu ka sawi mawlh mawlh a, mi ngilnei tak leh mi zaidam tak a nih thu chu keimah ngeiin ka hre ve ta a..

Ani chu, duhsakna min hlan zawh chuan, mit khap kar lek chhungin a bo leh ta daih a. Chak takin ka feh haw chu ka kal a, Savanah ka hmuh leh dawn mai piahah Ka fanu ka hmu chak em em tawh a, chungkua ka din ve dawn a nih chu..Ka va han phur lua emm....

Khawchhung ka luh chuan kan inlamah pawh lut hmasa lovin, Savanahi te in lam chu ka pan ta nghal a, a tlanin ka tlan hlawk hlawk a ni ber mai....thaw hlawp hlawp chungin ka thleng ta a ; an kawtlai ka thlen chuan..zawimuangin an kawngkhar lam chu ka pan phei a. An kawngkhar tlema inhawng karah chuan Parema leh an nuin ṭhutthleng chunga an mut, naute chu lawma an lo chaihkual vel chu a lang thei a, naute nui ri ker ker pawh a hriattheih..enteh..ka fanu duhawm dan tur chu aw..!!! I lo ngaihtuah ve emm..

Kawngkhar chu tu emawni hian zau zawkin a rawn nam hawng ta a, a kut no leh senno chek mai te, a hmelṭha em em mai, chatuan khawvar tirh ata a thim leh thleng pawha khum theitu awm leh tawh ngai lo tur-i ngei kha...a rawn lang ta a, hmanhmawh vang ni hauh lovin a rawn tlan chhuak a, ka hnen a rawn thlen chuan, inthlahlel takin kan inpawm ta vawng vawng a..



THE END..



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)