TETAKTEI ( an unfinished Story) By Ririni Khiangte (Abbra PitarteiSualfingi)

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

Re: TETAKTEI 1- 55 By Abbra Reo Ririni Khiangte (PitarteiSualfingi)

Unread post by Abbra Reo Ririni » March 27th, 2021, 11:36 am

TETAKTEI
CHAPTER 55

Ririni Khiangte Abbra Pitartei




Chhungril aţangin nasa lutuk in ka taksa chu a rawn khur chhuak hlawk hlawk a!

Rinchhani kut țangah Professor Msa'n zungbun a bun tir lai te chuan ka lungphu inthum rawn dup dup chu a rang leh lutuk a, tuar zo lovin lungphu chawl in ka thi mai dawnin ka hria!



"Inhualna zungbun ah min pawm sak rih rawh, inneihna pawh a ranglam a buaipui ka duh nghal ang" prof Msa ngei maiin a tih lai te chuan hmuh hreawm ti viau siin ka maimitchhin san thei lo. Ka mittui a rawn luang zung zung a, ka mithmuh a thil thleng zut zut chu rapthlak hle mah se an tawp theilo!


Khawvel a ka mipa hmangaih ber in, ka mamawh lai ber in ka mithmuh lai ngei in hmeichhe dang inneihpui ah a sawm mek!



Hethil thleng mek hi ka hringnun duhthusam ah an tel ve lo a sin!!


Ka thinlung in engtiang chiah in nge a nat pui dawn tih hrelo ang mai chuan Rinchhani chu a kalsawn pui a! Manganna thlipui nasa lutuk in min tuam hlup hlup ani ber!




"Jordan... ka.. ka pasal in min kalsan a nia. Jordan.. Professor Msa..." thlaphang lutuk a ti chhungin a țanpuina mamawh zet chuan Jordan-a chu ka va melh tak ang țawk țawk a...


Mahse, a hmel landan pawisak neih loh hmel zet ka hmuh tak ah chuan kut tha khur hlawk hlawk in ka kâ ka hup bet a! Ka awm chhung ipik lutuk a vang chuan in thawk pawh ka thaw chhuak thei lo! 


Engtin nge a ni rilru tenawm lutuk hian min puih ring a a hming te ka la lam chhuah theih zawk.


Prof Msa leh Rinchhani te inhnuai an thlen thlak hnu a thil thleng zel tur te chu chiang fahran in ka hma ah an lo lang ni ber hian ka hria.


A kut ah Prof Msa zungbun bun tir ngei mai kha hlim zet in midang ho a hmuh kual tir a nga! Midangte chuan mak ti tho mah se lawmpuina hlan in nupa hlim tak ni zui turin duhsakna an hlan ang! Tumah rengin kei leh Prof Msa te kan lo inzui ve tawh tih an hre zui tawh lo a nga....



"Aih... hetiang thil hi a thleng tur a nilo, a thleng tur a nilo... ka duhlo! Hetiang thil rapthlak lutuk hi a thleng tur a nilo! " ka sam sei zet țham nghek chuang a ka au chhuah tak tuar tuar ah chuan Jordan-a chuan min hnaihchilh rang kher mai!



"Lola" fiak țhawt a rawn tiin ka ban rek ve ve ah a rawn dawm a. Ka thawk lak a buai vek tih leh ka khur nasa lutuk tih a hriatfiah rual chuan min thing deuh nawk nawk bawk.



Thawk la kawk a zawi lutuk a chhuatah ka țhut thlak hnawk tak ah chuan a sam tuai put in a thaw chhuak ve hrawk.


"I lawm tawh em Jordan?" mittui nen dak chho vah a ka han en chuan ka thinlung kehsawm hneh zia a hmu chiang ve hle ani mahna insehruh țeuh in a hawi sawn vut.



"A kal tawh.... ka... ka inngah ve na chu a kal tawh" ti chhuak leh tawk in at hmel lutuk in ka nui chhuak hak.




"Kum kha leh chen kha rinchhan tur mumal hrelo a nun ka hman avang in min khawngaih țhin ani lawm ni? Ngatinge... ka thinlung zawng zawng a tluk luhna tur ka neih ve chhun chu ka lak ațangin min umbo sak leh si. Jordan.. hun kal tawh a ka harsatna paltlang zozai kha tawk min tihpui ve lo em ni? Mawh? Lalhlimpuii hian hlimna a tawn buak a hun ve tawh i ti miah lo maw? Lalhlimpui hi a ni kiang ah khan a thinlung takin a hlim ve a sin, kum 20 chhung nun beidawng tak a hun lo hmang tawh I ȚHIANNU hian a hneh ah khan thlamuanna a hmu a ve a sin! Ka hlim ve i phallo maw?" beidawng leh rilru na lutuk in en pawh min en lo a Jordan-a inhumruh ngut ngut chu ka au khum tuar tuar.





Ka taksa chu a khurh nasat em a vangin ka thawk a chham zo va! Ka thusawi te hriatthiam tum a, min rin duhna te nen a prof Msa'n min en ngawih ngawih lai a Jordan-a lo inrawlh ve leh in engkim a chawh buai leh vek lai te chu ka awm zawn țham ngawt ngawt chungin ka hmu let zut zut.



"A Duattei nih reng kha ka la duh a sin" ţap chhuak hawk a ka tih chuan Jordan-a chu a lo rum chhuak hrawih!


A nupui, a hmeichhia leh a atchilh em em a Duattei bik liau liau nih kha ka la kham lo a sin! Hmangaih tak a a enkawl a Duattei chiah nih kha ka duh! Chu bak khawvel ah ka awm chhung in tihtakzet a thlakhlel ka nei ve lo! Mahse, chu thil ringawt pawh chu ka dawn ve atan chuan a lutuk lûa a ni a nge! Duhawm loh tawp in kan inkar a titawp vek tlat!


Ka țhut-sawp niai na bulah ah Jordan-a a lo țhut hniam ve rual chuan ka che chhuak phut!



Basket a fruits in rem țhap chung a chemte chu ban chawt in "Lola" ti tuar a Jordan-a lo ding chhuak nghal chu ka banrek ah chemte chuktuah a inher let in ka melh nghal ran bawk.


"Tihlek suh, Lola" ti leh tuar in min pan hnai a.

Pawisak pakhatmah nei lo tih hriat zet in ka lo nuih sak thung.



Hlauhthawn hmel zet a Jordana thaw hawk chu ka en a, ka mizia hrechiang bertu leh ka beidawn tawp ah chuan thihna hi ka hlau ve lo tih hrechiangtu ani bawk a! A mitmeng chu a chiai kher mai! Damchakna nei tawh lo ka hmel chu lo en leh țhin in ka banreka chemte inchuktuah ran chu a melh leh țhin a.



A ban lo lek chhuak in muangchang in min pan hnai a "Lola, tihlek suh, i pum chhung ah naute a insiam mek kha.."


Naute!

Hrep a!



"Ka tih leh tih loh tur min hrilh hlek suh" vin tuar a ka tih nghek chuan rilru buai hmel zet in a sam a tuai puat.


"Engnge ka hrilh tawh che kha Jordan" nui lui sak a ka tih leh chuan a hma zawng aiin a hmel ah chuan hlauhthawnna a lang chhuak nasa!




Prof Msa hnuhtlawm nan a min hrai ruih zan a thil thleng kha a sawi chhuak a nih chuan ka intihlum ang tih ka hrilh tawh a nih kha!




"Lola leh Jordan te chu mite thik rawn khawp a ţhian dun inchhan, harsatna leh manganna an tawh chang pawh a inthlahthlam lova kut inchelh tlat țhin... Yeahh... Kha Jordan leh Lola te kha chu mahni hmasialna khawvel hian an ei ral tawh a ni ang tiraw?" nui chhuak hak in ka ti nangin ka mittui erawh a hma zawng aiin a tla nasa!



Ka țhian țha ber in min phatsan a ka hringnun a chawh leh kual vel dan hi a runthlak em a tin ni!


"Jordan, dinhmunchhe tawp ah ka din lai ber pawh in ka chung a i chet ang hi chuan i lakah chet ka la ve miah lo ang! Ka thih phahna tur hial pawh nise maw... i hmangaih lak ațang lak hran tum che in verther ka chhuah ve lo ang! " ka ti a, kut tha khur zawih zawih ka ban a chemte ka chuktuh chu lo melh in insehruh țeuh hian lu a lo thing a.




"Jordan-a Jail ah a tang tih a hriat rual a talbuai vek țhin, a țhianpa jail ațang a a lak chhuah hma chu rilru nuam a awm thei ngailo Lalhlimpuii chung a i chet dan hi kha Jail a lut ţhin Zohmangaiha hmasa khan a en liam theih i ring em? Kha Zohmangaiha kha chuan maw.. Lola chung a verther chhuahtu te lak ațang in a țhiannu kha a humhim zawk țhin a sin!" Ka tih leh tuar chuan rawl vin lutuk hian "sawi tawh suh" a rawn ti let nghek.

Ka nui chhuak hak hak a!


" A hma pawn kan nun ah midang an tel ve ngaihleinem tiraw? Lola leh Jordan... A țha, Lola leh Jordan..." lu thing nak nak a tiin Jordan-a chu ka melh a.


"Ka nu boral lai a min hnem țhintu Jordan-a ang khan ka hnukchah ni thlengin hriatreng che ka duh a sin Jordan, diklo tak a puh ka nih țum a Jail ațang a min rawn la chhuak tu, dawt a puh ka nih chang pawh a ka hma a ding tlat țhin Jordan Zohmangaiha ang a hriatreng che ka duh... min hrai rui a, uirena tenawm lutuk a min tluk luhpui tu ramhuai bawlhhlawh nilovin" ti tuar a chemte ka pawh zawk chuan ka ban rek chu a thip zawk!


"Lalhlimpui!"


Mangang lutuk in Jordan-a chuan min hnaih chilh a! Mahse, thisen rawn dir chhuah zung zungna ka ban chu lek kang vah a chemte bawk ka chuktuah leh chuan tawp chawt in, min hnaih ngam bawk silo... ka thil tih mek hlauhawm zia hmu thiam vek chung si hian "Duhtawk lul rawh" a ti tawk!



"Keipawn, ka chungah zahngai a, khazan rapthlak zet a thil thleng hmang a min tibuai tawh lo turin ka ngen ngawih ngawih țhin che kha...." tia ka ban rek ațang a thisen lo dir tluk tluk chu melh in ka nui ro halh.



Mangang tawpkhawk a ka awm lai khan a khawngaihna ngen lo ka nilo! Mahse, min ngaithla lovin verther zetin a che lui a nih kha!


"Tihian hriatrengna duhawm loh zet kan inhnutchhiah ve ve ni mai rawh se tiraw Jordan... keiin min pawngsual tu angin ka thihni thlengin ka hrereng che a nga, nangin... nangmah avang a i mithmuh ah ngei a nunna la tu hmeichhia ang in..." khi sak in ka ban rek na ut ut bawk chu a aia thuk zawk in chemte chuan ka tai leh hrawih!





A thuk bawk a! Thisen rawn pik chhuak puat chuan ka awm leh hmai a lo per lum pap! Jordan-a'n min hnaihchilh a tum rual chuan ka ban rek ah bawk chemte ka chuktuah leh avang in an chhia phuh chhuak hluk in pindan chhung ațang in a tlan chhuak nghal a!




Kei erawh ka zawi riai riai! A hma aia nasa in thisen chu a rawn pik chhuak zung zung bawk nen ka khawhmuh a tawi nghal mup bawk.




Dawhkan ngheng a ka thisen in a far huh zui chhuat ah chuan țhu thla in ka thaw hle hle a!

"Naute, ka tihpalh aw... kei ang bawk a enkawltu mumal neilo leh nun khawhar lutuk a dam khawchhuah ai chuan kan nunna hi tawp rual se, khawharna hre miah lovin hringnun piah ram ah lut dun zawk ang aw" nui lui chung hian ka ti a.



Pindan chhung a Prof Msa leh Rinchhani te pahnih lo tlan lut hlawl chu phe ruai hian ka hmu!
Prof Msa hmel ka hmuh rual chuan ka lungchhe thar leh thut a!


Ka hma ah a khup pakhat a lo țhingțhi a ka chemte humlai a lo laksawn rual chuan thisen chhuahna lam ka ban chuan thei leh theilo hian ka lo ban a, a biang lum thur thur ka deh sak chuan thaw chhuak hrawih in ka kut chu lo hum hnan in min dahthlak sak daih!



"A thisen chhuak hi tirawp rang rawh" hawi chhuak a Rinchhani a vin tuar lai a a hmel awm dan chu hmufiah thei tawh lo mahila ka lo thlir ngawih ngawih tho.


"Professor" ka aw chu a ri chang chang.


Ka thil sawi hriatchian tum a a lo kun hniam chuan zanin a he hmun kan pan hma a ka insiam vel min chhaih buai a, ka hnung lam aţang a min lo kuah thuak thuak lai vel kha ka mitthla ah a lo lang iar iar.


" ... Ka tan chiah i lungphu hi a phu reng dawn tiraw?" ka hmui bul ah a beng a lo dawh hnaih rual chuan ka lo tisep! Rum chhuak hrawih in a awm hla nghal dawrh a nih chu!


"Ka lungphu hi chu maw..." tiin thei leh thei lo in ka nui a "i tan chiah a tawp thlengin an phu reng dawn"


"Ngawi hmak rawh, Lalhlimpui" fiak fur a lo tiin a thaw chhuak hulh hulh!



Ka ban ah chuan eng emaw hi an rawn vet nawk nawk, ka taksa zawi chak lutuk leh thisen ka hloh hnem tawh lutuk a vang a damdawi in kan thleng vat a nih loh chuan chhan tlak ka awm tawh loh tur thu Rinchhani chuan a sawi bawk.

Zo zet in ka taksa chu a kang lawp!

Min pawm tu awm lum nuam zet chu ka ngheng a. Ka hriatna chu vai tual tual mah se a lungphu rang zet a che dawt dawt chu ka hrait hmaih thei lo.


"Engthil atthlak tehhrep nge i tih hi i hria em?" ti chhuak hrawih in mipui lo thum huk te chu min kal pel pui pawk pawk a.



Ngatinge kan pahnih thawnthu hi a buaichuar bik em em mai le!

Ngatinge kan pahnih hringnun thawnthu ah hian hlimna a tlem bik em em? Tumah chimbuai lo a inhmangaih kan thlakhleh dun zia lah a hrechiang bertu te pahnih kan ni! Mahse, Malsawmtluanga leh Lalhlimpuii te hringnun thawnthu duan a nih lai khan hlim tak a an tawpna tur duan tel ani ve lo a niang!! (?)



__________________________




"Nangni pahnih hi chu khuanuruat in ni ka tih fo țhin kha" Rs-a'n tiin Prof Msa ban ah kuah a Rinchhani te dingdun chu a nuih suk suk a.


Midang awm ve ho pawn Rinchhani kut a zungbun man tam hmel zet chu en in prof Msa te pahnih chu lawmpuina an hlan sap sap bawk.




Ka awm ve tih leh prof Msa nun ah ka lo telve tawh tih hrelo ang hmak a Prof Msa țhiante'n lawmpuina an hlan lai chu rilru na zet hian ka thlir tlawk tlawk a.



A huntawn tawh ah a hlimber țum ang mai a Prof Msa mitmeng a hlimna lo lang chhuak te chuan ka thinlung a rum tir tlawk tlawk!


"Hon, kal tawh ang le" ti sup in duat hmel lutuk a Rinchhani melh chung chuan car kawngkhar a hawnsak a, ka dul dawm a thingkung daihlim hnuai a ka ding reng chu min rawn hmu tih hriat zet in prof Msa hmel landan chu a danglam nghal vek!



"Saw mi tenawm nu saw tu phiangsen in nge lo luh tir che u a?" fiak fur a ti a a ka lam a lo pan lai chuan rilruna leh beidawng zet hian ka lo melh tlawk tlawk mai!

A hmelpa zet ah leh hmangaih tak a min melhna țhin a mitmeng ah chuan min huatna leh ten na bak a lang chhuak lo.


"Ka mit hmuh phak ah rawn inla tawh suh" ka bul a rawn thlen rual chuan ti chhuak chhur chhur in na zet hian ka ban bulah a rawn man a, gate lam ah min hnuk nghal dawr dawr mai!


Tualzawl lam ka hawi let chuan Rsa te Jacoba te ho chu Rinchhani bulah dingin keichu ' i chantawk i hmu' ti ang mai a nuihsawh hian min lo thlir ve reng anih chu!


"Ka pawhsawm vek hma che in thlawk bo rawh" ti hrawk in kawngpui char ah min theh thlu hnawk!



Phu dawrh a ka men chhuah hlawl chuan ka lungphu chu nasa mangkhen in a lo inthum rawn dawt dawt! Thaw kawk kawk a ka țhut chhuah hlawl chuan damdawi in ah ka awm mek tih ka hre zawm zat bawk.





Dang ro lutuk leh chhungril sahal huam huam chungin ka maimitchhung leh a. Ka mumang thawk ipik thlak lutuk a vang a ka manganna belhchhan zual turin a takram a thil thlengte chu ka hrechhuak nghal uar uar!  



Thawk rang hlawp hlawp in ka meng chhuak a! Ka ban chu a lo intuam chhah luk a, drip min lo khai bawk!



Pindan chhung ruak huai leh thawm reh tlawk tlawk chu melh kual in ka mittui bawk a lo luang thla leh zawih a! Thil thlengte kha mumang mai a nilo tih fiahnan tu thusawi mah ka mamawh lo.


Damdawi in ka luh chang a ka harh chhuah rual a a hmel ka hmuh hmasak ber țhin prof Msa hmel hmuh tur awm ta miah lo chuan engkim a tichiang vek!



Nghet zetin puan sin chu ka hum a! Ka lung zawn lo na ngut ngut avang chuan ka mu tawm nghal ngawih ngawih! A nupui angin min ngai lo tak zet tawh! Ngahnge thi hlen lo a ka harh chhuah leh? Ngatinge thawk lakpui harsa khawpna natna hmachhawn leh tur a ka dam chhuah?




Kawngkhar chu a lo ri rak a!


Hawi pawh ka hawi chhuak lo!


Doctor coat fual var ha a Rinchhani lo lut chu ka lo melh ngawt ngawt.

A file ken chu a bih zauh hnu ah lo hawi chhuak leh in a rawn nui sak a! A kutțang a zungbun chu ka hmuh loh hlau niawm fahran hian kut a kuangkuah pawn zungbun a bunna lam chu pawn lam ah a dah.


"I lo harh tawh maw? Na han sawi tur te i nei em?" a ti a. Chhan let ngaihna ka hrelo.


Thil thleng mek chu a nunrawn thlak ka titak zet bawk.


Ka pasal in inneihpui a a sawm hmeichhia chu ka intihhlum tum, hlawhchham in ka hmachhawn hmasak ber ani leh nghal a! Tawrh thiam a harsat zia leh ka natna in min sawisak dan a chikim zia chu tu mihring mahin min hriatthiampui lovang.


"Ms... oh.. Jordan-a ka call sak ang che aw" nui hak pah a tiin a coat fual ipte chu a zen a.



Chhungril ațang in ka taksa chu a rawn khur leh hlawk hlawk tawh! Rinchhani hmel a nuam tihna leh hnehtu chanchang intihna chu rei en duh lovin ka maimitchhing riai riai a. Mit tinreng in deusawh tak in min thlir țhup ni ber hian ka hria.




Kawngkhar inhawng thawm leh "a harh tawh em?" ti sup ri ka hriat rual chuan ka meng chhuak hlawl!


"Mess... uggg..." Rinchhani țawng bah nak chu melh pawh melh tawh lovin nizan a a thuamhnaw hak ngai chiah inbel a, mut kham lo tih hriat fahran a prof Msa lo pen lut chu ka lo en ngawih ngawih.




Khum a ka mu chu uluk lutuk hian reilote chhung chu min en vung vung a. Keimah vang a hlauthawng in zan a mu bik miah lo tih ka hriat na chuan atthlak zet in min tihlim nia mawle!



Mahse, a mitmeng chu huatna in a rawn thlak a, ka lak ațang a mit la sawn in Rinchhani chu a melh ta daih.


"Nizan khan thisen a mamawh tawk pek nghal anih avang in ni 2/3 awm rih se, a țha ani mai" bahlawh hauh loin Rinchhani chuan a ti a.

"A.. a nau pai a ngaihtuah awm em?" Kut hum ruh țeuh chungin a ti leh nghut.


"Ngaihtuah awm loh.. amah pawh a țha vek" Rinchhani chuan a ti puat a. Prof Msa chuan buk khum nghut in "lo va chhuak rawh" a ti sup.



Rinchhani mengphar awn awn chu hmulo ang mai hian a kal pel a, ka mutna khum lam chu a lo pan ding nghal ngur bawk.




TETAKTEI
CHAPTER 56




Rinchhani kal chhuak in cabin kawngkhar a pawh khar bur ri a reh fel meuh ka mutna khum pan a kê pên thawm bak hriat tur a awm lo!


Ka lungphu inthum rawn dup dup chu a kê pen tin vangin a rang zual hlawp hlawp a.

Nimin tûk mai a, a biang tawn tawn ah chelh chung a a mitah chiang zet a ka en, hmangaihna leh a fa paitu ka nih avang a min chhuanna te nen a min lo melh lettu mitmeng ah khan min huatna bak a lang chhuak tawh lova. Min hmangaih em avang leh min atchilh em avang a awlsam tak a na țhin mipa hmel ah khan phuba lak duhna landan nunrawng lutuk bak a lang chhuak tawh lo!




A hmel insehruh țeuh chuan min titîm em avang chuan in ka lo inhum ruh vak a, nelawmna tel miah lova ka khum bul ah lo ding run in na fahran in min melh chhuk ngur, min tihnat pawisak lohna leh min huatna nasa lutuk a mit a lo lang chhuakte a vang chuan ka thihna tur a lo thleng ni mai hian ka hria.



" atthlak lutuk in che nawn tawh suh ang che" chhum hmuk a tiin min melh run. Ka thinlung erawh a na hit zawk!
'engnge i an?' tia ka țhat leh țhat loh hriat a tum tawh lo lutuk chu a na ka ti tak zet.


Ngawi reng a insehruh tlat a ka melh let ngawt ngawt avang chuan a ni ngei ang. Rum chhuak hrawih chungin "tufa teh hrep nge i pai tih lam ka ngaihtuah lo, i hriatreng tur erawh nunna pahnih nangmah ah khan a awm tawh, mualphona i hmachhawn ngam loh vang mai a pawisawi lo nunna tihtawp sak tur khan dikna chanvo i nei lo" a tih chhum leh hmuk chuan ka thin chhung chu a na ut ut.


"Professor..."

Ka... dam ka thlakhleh miah loh chhan hi mualpho ka hlauh vang ah maw a lo ngaih a!


"Damdawi in i chhuah san theih hun ah ka in a i bungraw awm zawng zawng pawh hmaih awm lovin la chhuak nghal vek ang che!" hikin min țham nasat lutuk avang a khur hlawk hlawk a ka melhna chu ngaipawimawh loh zet in hmui a chip nghal hmuk bawk.



"Ngatinge ka tello in i zin chhuah?" ka zawh letna chuan a thinurna a belhchhah tih hriat zet in a hmel lan dan chu a rapawm kher mai.


"I uirena tenawm zet ah khan min hnuhluh tum hauh suh" a rawn tihchhhuah tuar chuan ka heh khur dar dar chu ka seh a. "Tenawm hian" a ti zui hrawih bawk.


"A nih chuan ka thiam loh fai vek ah ngai bik suh.." ka ti let ve tuar. " ka chung a thil thleng hi ka duh thlanna vang a nilo tih tal min hriatthiampui ta che Malsawmtluang, ka tawrhna te hi i hmu thiam lo em ni? Mualpho ka hlauh vang a kha thil kha ti a min la ngai cheu maw" rilru na lutuk a ti a ka melh ngawt ngawt chuan insehruh ngut ngut chung hian min melh let ngur.


"Țum engzah nge i thlazar hnuai ah ka awm leh hnu pawh khan vau na ka dawn... țum engzat nge pawngsual tuartu nichung si a i inchhung lum ah ngei khan mangang thlabar leh tihtheih nei silova ka awm... a chhan chu maw, min rinna pakhatmah nei ngailotu NANG ka hmangaih vang che hi a sin! Min hmangaihna te min venghim zo lo ni a inngai a mahni indemna i neih hlau in nanghi lo dah hmasa ber lo ta che ila... ka nun ah nang hi lo lut lovin lo hmangaih miah lo ta che ila chuan maw.. tenawm tak a ka lak a che tu kha dan hmangin hremna nasa ber ka pe ang! Chuvang chuan mualpho hlau leh ka duhthlanna hmang ngei a engkim thlen tir ah min puh tawh suh! I nunrawng lutuk" ka țawng chhung zawng chuan khap hlek lovin min en ngur, 'i nunrawng lutuk' ka tih telna erawh elsen zet a min kiai khum suk in a kut pahnih chu a kekawr ipte ah a zen lut a.



Ka nat lutuk vang nge ka thinrim lutuk vang zawk thliar hran theih lovin ka chhungril chu a khur dat dat. Ka tawrhna min hriatthiampui hauh lova min dem ngawih ngawih dawn a nih chuan ani pawh hi dêmna tur ka nei ve tho a sin! Jordan-a nen kan inkar a thil thleng kha hrilh theih in a khawsa bik tlat lo!

Keimah emaw tia Ruth-i te sex video vang a â vek khawp a talbuai hlimchhawn lai kha ani a, rilru buai ang chiah a khawsa in mi â ang maiin amah leh amah intihnat a pawisa hauhlo a nih kha! Chu a rilru lam fel lohna chu ka hmuh chian em avangin keimah pawh indah pawimawh thei lovin thudik dawngsawng tur a a chak tawk leh chak tawk loh thlitlai reng reng in mangang takin ka awm ve tho!


Mahse, ani hian min lo hmangaih ve ngai miah lo tia sawi theih tur khawp in a che a! Min venghim zo lo ang ah inngaia amah leh amah a indem ka hlauh em em lai khan chutiang lam chuan engmah a thleng lo! Ka dinhmun chhete tal a min hriatthiam sak aiin a nun ațang min paih chhuah a awlsam daih zawk!


Chu chu hmangaih te chung a kan rilru put dan tur em ni? Nge ni a.. ani hian min lo hmangaih ve ngai reng reng lo zawk?





"I chhungte bulah chuan engpawh i sawi thei ang. Ka timualpho zui lo ang che, ka duh ber erawh ka mithmuh phak ah rawn inlan tawh suh! Chu zawng chu!"

"I inchhir leh natur engthil mah ti suh" chuthil chu engvang a sawi ngawt nge ka nih ka inhrelo.

"Uire na ka ngaidam thei ta lo hi ka inchhiarpui ka ring hauh lo mai" ngeiawm lutuk a min kiai khum suk in a tawlh hnung ta hrut.



A tawpnan ti ang hrim hian uluk lutuk in min thlek leh vung vung a.


'Kan chan hlen dawn ta' tih ngaihtuahna in min rawn luhchilh rual chuan ka chhungril chu natna in a rawn țham a, chelhbet turin ka dinhmun in a zir hlawl loh a vang te chuan ka manganna a zual tulh tulh.


"Min hmangaih tawh miah lo ang maw?" zawite hian ka tia, ka hmangaihna engtik ah mah a reh ve tawh ngai dawn lo tih ka hriatna chuan kan inkar chu tawp lo se tiin duhthu a la sam fân tho!


Ka zawhna avang chuan huatna in a pawlh tel miah loh hian reilote chhung chu a mitmeng a danglam hman zawk. A kekawr ipte a a kut zen luh pawh a hum nghet ngang bawk.


"Khuareiah ka mamawh lai ber che a min thlauhthlak avang hian i inchhir miah lo ang maw Professor?" beiseina sang tak nen a ka tih lai a a mitmeng mawlh chu!

".. ka bulah ding tur leh diklo tak a ka laka chet la tu min beihlet pui tur ber in min thlauhthak avang hian i zan mutui lai harh chhuak hlawl in 'ngatinge, ka Duattei kha thlauhtha lova thudik ka zawn chhuah hmasak loh' tiin i inngaihtuah ngai miah lo ang maw?" a insehruh nasat lutuk avang in a chal ah thisen zam a rawn pawng chhuak țawlh țawlh a.

"Mawh? Ka nupui thusawi kha ngatinge ka lo rin mai loh? tih ngaihtuah a, rilru insual buai chungin zan hun i hman tlaivar țhak chang a lo thlen hun ah tunhun hi ngaihtuah let rawh aw... ka kut chelh tur leh ka bulah ding tur a ka mamawh em em lai che a i nun ațang a min paihchhuah lai hun hi hrechhuak ang che aw..." tawite a nui chung in ka ti a. A mitmeng chu ka sawifiah thiam lo.

A rilru erawh a insualbuai nasa tak zet!

A hmelah chuan 'ngawi tawh rawh' tia min kuah beh thlawp mai chakna lo lang chhuak siin; 'khawvel ah kan awm chhung chuan intawng leh tawh ngailo ang aw' ti ang hrim in a insehruh ngawt ngawt a.

A kâ ațang a rawn thaw chhuak ham ham chung a tawrh har zet a min melhna a vang ngawt chuan 'Duatte, tawrh tir che ka duh lo a sin! Mahse, thudik a lan chhuah theih nan na tak a ka siam che a ngai rih ani' tia sawi turin ka lo beisei ngawih ngawih!



Mahse!


cabin kawngkhar chu lo inhawng in Jordan-a lo pen lut a hmuh rual chuan ten hmel zet a min melh in a inher vut a.


"Veng țha tawh ang che... tun ang sawn che leh mah se dang turin a kiang hnai ah hmuh tur ka awm tawh ngai dawn lo tih hrilh bawk la" Jordan-a a kal pêl turin a tih nghut chuan ka lo maimitchhing tawp!




Ka mittui lo luangthla lum pap pawh a lo hmu ve dawn chuanglo tih ka hriatchian em a vangin hruk buai ka tum lo.


Cabin kawngkhar chu a inkharphui a!

Ka tawp nawn leh ta! Ngatinge ka tawp hlen zawk mai loh le?


Ka kawchhung a natna te, beiseina chhete beitham zet te leh chan hlen hlauhna nasa lutuk insual kual vel tup tup avang chuan in khum khuhna puan chu ka țham nghet ngang mai.


Ngawi rengin Jordan-a chu khum bul chiar ah a lo țhu thla tih pawh ka hria! Meng chhuak a, min kalbo san tur a hrilh tur pawn tha ka neilo.


"Lola" ti sup a ka chal a lo deh chuan meng chuak miah silo hian a tawh leh deh ka duh loh zia a hriat theih nan ka thle sawn a. Ipik hmel zet a thaw chhuak hawk pah hian ka sir ah a kut chu a nghat dat.



* I chhungte bulah chuan engpawh i sawi thei ang. Ka timualpho zui lo ang che, ka duh ber erawh ka mithmuh phak ah rawn inlan tawh suh! Chu zawng chu! * Prof Msa thusawi chu ka beng ah a ri nawn tluk tluk mai, ka bek a mittui luangthla lum pap pap reng chiah chu ka thinlung natna min hriatthiampui tu awm chhun ani hial ang.





"Lola, eng emaw tal ei rawh aw?" reife tu zawk mah țawng lo a kan ngawih chawrh chawrh hnu ah Jordan chuan a rawn ti a.



"Engmah eilo a i awm chuan i chau zual palh ang" min ngaihtuah zia hai theih lo in a aw chu a zawi hle.


Mitmeng chhuak a rum theihpatawp a ka melh na a vang chuan hreawm tih hmel zet in a thaw chhuak hawk!



Mahse, beidawng duh lo a " i pum chhung a naute avang tal khan.." a tih leh rual a huatna te nen ngei lutuk a ka nuih sakna avang chuan in khum ah a kiu pahnih a lo nghat a. Ka kut hum tawm ngat ngat a lo chelh rual chuan ka theihpatawp in pawh let ka lo tum teh nangin ka ban rek lehlam a na miau a, tha ka neilo lutuk.



Min tihnat belh hlau tak hian ka kut chu a hum a, a hmui a lo nawr leh in ngawi reng hian min en ve tlawk tlawk tho.



A hnenah hian engthumah sawi tur ka hre tawh lo! A duhthusam ang ngeiin a u in a nun ațangin min thehchhuak tawh a! A duhthusam a thlen dik tak si avang in lawmpuina ka hlan chiam mai zawk dawn em ni?




Nilengin rilru mumal pu hlei lovin ka mu ngawi chawrh chawrh a, Jordan-a pawn vawi khatmah cabin a chhuah san leh tawh lo. Ka be lova, min be lo bawk.
ka chung a thil thleng hi ka chhungte'n an hre ve lo tih hriat zet in tu hmel mah an lo lang lo. An hriat ve kher lah ka duh hek lo.

Ka hmalam hun tur ka han dawnkual chhin a!

Thinlung ipikna leh beidawnna nasa zet in min tuam nghal hlup hlup mai bawk si!



Nizan a Prof Msa'n Rinchhani inhualpui ah a sawm na kha Rinchhani'n a ngawih bo pui dawn lo tih ka chiang. Aaa... tunah ngei pawh hian a thawhna Hospital a hnathawk ho phei chuan an hriatpui vek tawh hial ang! Tukin pawn a zungbun kha a langsar thei ang ber a pho chhuah a chak zek zek miau a! Thuthang vel an hriat hun ah ka chhungte lam in zawhna min zawt ngei a nga!! Eng chhanna nge ka pek tak ang!!! Min hmangaih tak zet tu pasal ka neih tawh avang a thlamuang a, min lawmpui em em tu ka phirpui hnen ah khan engnge ka sawi tak ang?


Heh pet fan fan a a rilo a ka ţap khur leh ngawt ngawt ţhin chu Jordan-a chuan beidawn hmel takin min en tawp!


Phurna leh chakna pakhatmah neilo, thih hun nghak tawp mai ni hial te a inngaiin ka thinlung chu a rum a! Ka nun kawng zawh tawh ah khan kal harsa ti a, hringnun khawvel ațang a bo pil daih chak chang ka nei fo a! Mahse, khang ka lo tawrh tawh te ai khan tun hun hi paltlang ka huphurh zawk daih!

Nimin lawk a ka ta la ni a, zan khat thil thu a ka hmangaih theih tawh siloh mipa khan ka kut chelh in min rinna tlemte tal nei ve nise chuan ka tawrh hi a ziaawm deuh tur!


Mihring rilru leh ngaihtuahna in beisei tur a neih loh chin ah chuan nun hian awmzia a lo nei reng reng lo. Thlaler ram zau lutuk lai taka mahni chauha awm, kal lehna tur chuang awm tawh lo, nisa lutuk tuar chung a thih hun nghak tawp ka ang ber in ka hria!



Ka phone lo ri thut avang chuan in ka phuchiang ngang mai! Ka hawi dawrh a, khum bul dawhkante chung ah chuan ka purse leh phone a awm reng tih ka hre ve chiah.



Jordan-a chuan a la kang a. "Kimkima" tisup in phone chu min pe ve mai.


".... Lalmate, a rapthlak lutuk, khawiah nge i awm?" hello pawh ka tih hma chuan a rawn au nghal teng tung mai.


"Kimkim, engthil nge thleng a? I țha em?" ka ti let vat a. Min țhawng dawt dawt thei thil ka tawn nasat em avang hian ka hlauthawng hma in thil pangngai lo deuh ah chuan ka thlaphang hman titih ziah.



"Keichu ka țha.. Mahse, in in hi?" a lo tih leh tung a! Khawi kan in nge a sawi?


"Ih... i scooty ka kawl kha lo dah let ka tum a. Mahse, kawtzawl ah ka hung a, ka kalsan nghal mai tur kha in inchhung ah thil tla keh darh chuai chuai ri a lo chhuak a, hlauthawng lutuk a inchhung ah ka luh chuan maw... chhuat lai ah leh choka vel ah fruits a lo let rem rum a, prof Msa chungah hian engthil nge thleng a? Nu Rami'n 'Lola eitur a nimin tuk lawk a i leisak an nih hi, duhtawk rawh' a tih chiam chiam chung pawn fridge a eitur awm ho kha a paih chhuak vek a, a thinrim hmel bawk si! Lo haw teh, nu Rami nen in in kan tifai" hlauthawng lutuk a Kimkima rak reng tung chu ka maimitchhin khum sak!




Prof Msa in ah let in ka tan a a thil min leisak ho ah a thinurna a hrithla tih lah hrilh nawn ka ngai lo!


"Lalmate..?" Kimkima bawk chuan a rawn ti leh chul a.


"Khawi ah nge Prof Msa?" kawchhung sa hut hut chung hian ka ti chhuak thei hram.


"Ka hrelo... a inkhalh chhuak leh daih tawh, bang vel ah Apple a vawm keh nasa bawk si.. Aaaa.. khawiah nge i awm, lo haw rawh, nu Rami pawn a ngaihtuah che a nia" phili zet a a lo tih leh chuan chhan ngaihna hrelo lutuk hian ka thaw kawk.



Jordan-a chuan phone chu min chhuhsak vut a. Rum zet a ka melh rual chuan a beng ah phone chu ngaithla nghal zat in tukver lam a pan pui daih.


"Aw, Kimkim" a tih zawm zat.


Kei erawh ka kut pahnih a hmai hup vang vang in thawk ka la a!


Nizan ațang tawh boruak thlabar thlak lutuk hlir tawk kan nih vang nge, ka chhungril chu a rawn khur leh hlawk hlawk tawh!



Ka eitur a eitur țha țha a lakkhawm ngei mai chung ah țuan a, huatna te nen min suangtuah chung a engkim a ching let kual vel tur te, a hmel thinrimna kar a natna lang chhuak tel ve tur te ka mitthla zawng te chuan ka na a, prof Msa tak pawh ka lainat!

"Min haw viau ani maw? Malsawmtluang.." ka ti a.



keipawh hian huat ngawih ngawih ka duh. Hetiang leh lutuk a awlsam a ka mamawh lai ber a min thlauhthla thei tu mipa hi haw hle pawh niila ka demawm bik hauh lo ang.


A chhan chu... nupa dangte pawh a chang chuan a pasal unau pa in an lo sual luih ve tawh te pawh sawi tur an awm ve nual tawh a! Mahse, chung harsatna tawktu țhenkhat chuan prof Msa'n min thlauhthlak ang teh tawp hian an nupui te an thlauhthla ve ngailo. A mawihnai ah tal thudik zawng chhuak turin an bei a, hmeichhe chaklo zawk te'n an rinchhan turin an kiang ah an la chen tir ve zel a. Prof Msa erawh in a ti ve lo. A hringnun ațang in min thehchhuah a tum nghal thawr mai a nih kha!




Mahse, chutichung pawh chuan ka haw tak tak thei chuang lo! Ka â tawh hial te a nih ka ring!



"Kimkima hnen ah chuan i haw theih dawn rih loh thu ka sawi tawh, khua a thim țep tawh a, zing ațangin engmah ila eilo, ei tur ka zuk la ang" dawhkan-te chung ah phone lo dah pah a Jordan-a'n a lo tih chuan rum em em hian ka lo melh hrep a.


"Ka titakzet a nia Lola, naute..."


"Naute.. naute.. i kâ hmang khan vawi khat pawh ka pum chhung a naute hi lam ri ve tawh suh" ka ti nghal tuar.

"Lola?" lungawilo zet in a rawn ti ve hrawk.


"I kâ bawlhhlawh zet khan lam ve theihna dan i neilo, i neilo tak zet tih inhre rawh Jordan, prof Msa nen kan inkar a chhiat tak vek a vang mai hian nang hi ka hnaih che lo inbeisei miah bawk suh"


"Ka fa i pai mek, min hnaih duh lo viau pawh nila ka enkawl dawn che" nghet zet a lo ti pah a a lo kunhniam rual chuan elsen zet hian ka lo nuih a. "I mumang ram ah bak a thleng ngailo ang" ti sak in huatna te nen ngeng ngul a Jordan-a lo kunhniam chu ka lo melh ngawt ngawt.


A kiai suk a. Nizan ang chiah khan pawisak pakhatmah a neilo!


"Ka fa hi pa tello a a țhanlen ka remti ngai dawn lo tihchu i hriat kha, min dan tum buai duh suh, ka kawng dal tu dahbo turin pawisak ka neih loh zia i hria" a aw zawi lutuk chu engtin emaw tak hian a hlauhawm ru kher mai!


"Ka hmangaih che tih i hriat.. ka tina ve hauh lo ang che" a ti a, khi suk pah a ka sam hnawk niai khawi pah si a ka mitah tak chiang zet a min melh run chuan inthunun zo lo lek in a hmai ah chuan chil ka chhak țhawt!



Show post links

Top

NgaiaSite Admin

Quote

Unread post May 28th, 2021, 11:11 pm

Ngeiawm lutuk a kiai suk in Jordan chu a thle buk, ka huat lutuk a vang a ka thawk lak rang sawk sawk chu min pawisak loh hmel zet hian a lei chuan a kâ chhung lam hawl kual in ka mitah min melh leh siah.


Ka inring hman lo, min rawn fawp ta thut a, ka ban na lo lam chuan a awm ah theihtawp a nam in tal nawk nawk mahila a tawp chuang lo, thinrim leh rilţam hmel zet hian min fawp buan buan a, ka chehlei thei silo leh min zah lo lutuk avang ka tawt up up ani ber!


Ka mittui a tla tih a hriat rual chhuan Jordan chu a tawp a! Thaw chhuak hawk hawk pah a awm ding mar in dawhkante chung a tissue box a tissue chu pawt chhuak nghal pawp pawp in a hmai chu a hru fai nghal.




"Eitur ka zuk la ang, i ei ngei a ngai tih hria ang che" ti sup in tissue chu dawhkante hnuai a bawlhhlawh bawm ah a vawm lut a. Cabin ațang a kal chhuah hnu pawh chuan chet ngaihna ka hrelo!



Keimah leh keimah chu ka inhua a ni!



Hetitak mai a Malsawmtluanga leh Zohmangaiha te pahnih in an chinphar retheih a ka țang hi ka inhaw tak zet!





.........

"U..." thinphu dawt dawt hian ka ti a. Ka u thu rawn sawi chu ka hriat tawh vek mah nise pawm thiam harsa ka la ti!



"A dik em? Becky'n a sawi a... thudik a nilo tiraw? Ani hi chu a țawng țam țhin hrim hrim a"


"U, ka pa te in ah khan lo la awm ru, ka lo kal ang" ka tih sep rual chuan single sofa ah țhu chung a Jordan-a phone khawih mek chuan min en nghal thuai a.



Phone chu titawp in thawk ka la kawk kawk. Ka rin ang ngeiin Prof Msa'n inhualpui ah a sawm thu kha Rinchhani chuan a lo thehdarh nasa tawh ngang mai! Becky pawn lo hre ve leh tawh in zanin tlai ka u te chhungkua an in a chaw ei phei te bulah a lo sawi fai leh vek tawh!




Ka u in a hriattirh a a hrilhhai dan tur ka mitthla chuan Becky ka haw zual kher mai! Henu țawngtam lutuk leh a buai lohna tur a a lo buai peih lutuk hi chu a khamawm.


"Khawi ah kal nge i tum a" ding hluai in khum ațang ka tho chhuak chu min pan nghal zat.



Chhan let chu sawi loh, melh pawh lo melh peih lovin venflon a thisen chaw khaina in connect chu ka pawt phelh hmiah.


"Lola?" Min ngaihtuah hmel zet in a rawn ti nghal țhawt.


"Lo inrawlh suh Jordan"


"Tilui suh, i taksa a la chak tawk lo, thuilo te pawh kal la i tlusawp nghal mai ang"


"Chuthil chu ani lawm ni i duh?" ti hmak in theileh thei loin ka kê chu ka hlang thla a, beidawn hmel zet a hnar chuar zauh in a thaw chhuak hawk.


"I kal duhna sawi rawh" ka ding tur chu ka dar ah lo man in khum ah min nam țhu leh rih a. Ka haw bawk si leh hetiang khawp a natna min thlen tawh chung pawh a ka lakah thuneitu ang mai a che kual reng mai ka ning lutuk bawk si chu ka hah ngawih ngawih.




"Jordan, khawngaih takin ka chungah hian zahngaihna lantir teh! Ka hmuh phakah i awm reng hian maw.. ka chau, ka ipik,... ka... ka hah hluah hluah" tha nei lo zet chuan ka theih ang a ringin ka au khum tuar!



Char tichuar nung a min melh chhuk run in ka biang a mittui lo luang leh ringawt tawh ka hru nghal tawk chu dimte hian ka ban rek ah a lo hum a.



"Nangmah a chesawn turin i la chak tawk lo, i kal duhna ah chuan ka hruai ang che" a lo la ti leh cheu.


Hah lutuk leh beidawng zet hian ka han melh a, a hmel lan dan luhlul lutuk vang chuan ka chau zual tulh tulh.



Engkim chu a thleng zut zut ani ber!



Ka pa te inchhung kan luh a, ka hmel landan an hmuh rual chuan mak tih hmel zet hian min lo en a, ka darah Jordan-a'n min kuah a, lo lut ve lo tur a ka hrilh ngial pawn ani ramhuai suaksual lutuk hian min ngaithla duh mang silo!



"Ha.. U Mama'n 'a diklo ang' a tih nasat tehreng nen, mi zawng zawng in an sawi luai luai chu a lo dik zawk si a va nih hmel ve!" Min Eesen zet hian Becky chuan a lo ti kher.



Rang lutuk in u Biakpuii chuan Mami a mitmei a, Bawihpuia chu an pahnih in tualzawl ah an chhuahpui nghal daih. Ka u bulah min țhutfel tir hnu ah ka sir ah Jordan chu a lo țhu ve nghal a. Ka u hmel lan dan buai nuaih mai chu en in ka thaw chhuak riai riai a.




A mitmeng a zawhna tam tak lo lang chhuak chu a chhana pek ka hreh tak zet!


"Hlimi, u Msa zin hlan in Jordan-a nen hian nupa ang chiah in in lo khawsa tak tak maw?" Becky bawk chuan nui sang mai hian a lo ti a. Rum lutuk a ka va melh chuan dar ti kang ak in "troll page ah inchanchin an sawi dan a lawm" tiin a nui sawng zui.



"Hlimi, lo ngawi rawh" a vawi khatna atan ka pa in ka thlavang a hauh ve ta chuan min tiphu dawrh mai!

Muani erawh a cancer natna in a eichhe hneh bawk a, chauh hmel tak hian a țhu ngawi hle hle.


U Hriatpuia chu ka landan derthawn hmel zet avang chuan a insum hram hram tih hriat tak hian aw a thian khurh a!



"Thil thleng hi engnge a awmzia?" a aw chu zawi dap mah se a lungawi loh hmel hle..


"U, ka nau pai hi.. ka..."

"Keima fa!" Ka bul a țhu Jordan-a'n a lo tih sup chuan nghet lutuk in ka u chuan kut a hum ruh nghal!



"A țhawng ang che u tih kan hria... Mahse, Lola nau pai hi ka fa a ni"


"Jordan, duhtawk teh" ka ti halh, ka chau lutuk bawk si nen nikhaw hrelo in ka awm mai dawn hian ka hria.



"I pasal i uirse san tak zet maw?" Ka u min zawhna leh a aw ri zet chu le!!


"Kan harhfim loh vang a thil thleng ani a, Lola hian thiam lohna a neilo!" Jordan-a vek chuan a lo ti leh hmiah.


Ka u chu ka en țhin a, a na hle tih ka hria! Uirena avang in a nupui nen an ințhen ve tawh miau a!! Amah pawh chuan sawitur hrelo in min en tlawk tlawk mai!


Ka duh reng vang a thleng a nilo tih hrilh fai vek ka duh. Mahse, Muani te nufa awm lai hian chung thil chu sawi chhuah chi pawh a nilo, thudik lo lutuk an vawrh vir leh a nga, Becky ngat phei chuan nuam a ti leh nasa dawn lutuk!


A ngaih ang ang hian ngai phawt se, chiang zawk in engkim ka la hrilh vek ang!

.................
Jordan-a chuan min neih ngei a duh thu te nen lam ka u leh ka pa bul ah chuan a sawi vek! Ka luak a chhuak ut ut a, lo hnial buai tur pawn thawk ka la thei țawk rih si a, Becky te nufa an awm ve tlat si nen an tan enawm siam ka duh lo!
A duh ang ang chuan han che phawt se, nei erawh ka tumlo bur ani tawp mai.

"U Msa tan chuan paidam mai mai theih pawh a lo nih tawp loh kha, u Rinchhani inneihpui ah a sawm nghal hmiah, an inneihar tawh lo ang" Jordan-a inthiar fihlim a akal chhuah hnu chuan Becky bawk in a ti zar zar.



"I buailohna tur ah hian i lo buai peih thei e, ngawi ve tawh em em rawh" aw chau zet hian ka ti thlawt.


"Dawt ka sawi hleinem, a nau fa pai chungin a fa pai ang te khan i lo insawi tawh lehnghal a!" a ti leh zar zar. Ka inthunun thei tawh biklo. "Becky, i țawng thei lutuk, mi nun chhelai hi hmuh nuam tiviau zel suh, i nu ang hian a sawhkhawk ila tuar ve palh a nge aw!" ka theih ang a ring a ka au tuar chuan Becky chu a sa kher mai.



"Nang fahrah chuangtlai nu, ka nu chungchang hi engtin maw i sawi ve khanglang a" tih leh ka sam a lo keh a tum rual chuan "a tawk!" ti țhawt in ka u chuan Becky chu sofa ah a nam țhu hnawk!



Rum lutuk a min melh ngawt ngawt in Becky chu a khur hlawk hlawk thei!



"Becky-i, nu Muani kha inchung lamah lo han chhohpui rawh" ka u in khauh zet a a tih tak ah chuan ngawi hle hle a nu Muani țhu chu ka melh zauh a, a natna chungchang kha ka tum reng vang a sawi chhuak ka nilo bawk nen a vawi khatna a tan tak tak a lakah chuan ka inthiam lo ve!



"Mate, min va han tibeidawng ve mawle" Muani te nufa awm tawh loh hnu ah ka u chuan a ti thlawt.


Sofa nghenchhan chu nghengin a thaw chhuak hulh hulh a.

"Kha zan a thil thleng kha ka hrelo tila.. min ring a ngem?" ka tih sep chuan lo țhu mar in ka u chuan min en ruai ruai.


"U, thil thlen dan ka hre lo tak zet a sin, Prof Msa nau fapa birthday a nia, ka phei ve a, Jordan khan softdrinks min pe a, naute timu pah in ka in ve mai, ka harh leh meuh chuan khum khat ah Jordan nen kha...." sawi hleithei lova ka insut chhuah tak hlawp hlawp avang in ka u chuan nghet lutuk in min kuah nghal chawt!




A ang chhung ah ka tluk luh rual deuh thaw chuan nizan a ta tawh rinchhan tur neih a, nghet tak a min kuahtu thlazar hnuai ah ngei inbun thawl ka mamawh tak zet tih ka hre thar kuar kuar.


Chuan, prof Msa min kuahna țhin ka ngai takzet bawk.



"I duhthu vang a uire i nilo tak zet maw?" dimte a ka hnung ah lo chul in a ti a


"Aw... ka muhil kha Jordan-a bulah ka harhchhuak ringawt... engmah ka hrelo!"



"Ka ring che... ka hrethiam, ka hrethiam ta e" ti sup sup min kuahna a ti nghet sauh sauh! A aw dam lutuk leh ka thusawi te ringhlel miah lova min hriatthiamna thinlung a pu thei chuan ka thinlung rit lutuk chu a chawk hahdam hawk mai!




JORDAN *POV





A khat tawk in ka ban a sanna chu ka bih sek a. Ka rilru ipik lutuk leh kawchhung tawt lutuk avang chuan ka awm ngaiin rei ka awm thei lo.



Couch ațang chuan tho chhuak in hotel pindan chhung ah chuan ka vei tawn sek a.



Ka u leh Lola inkar tawp ațangin kar hnih a liam tawh!


Lola dinhmun erawh a țhalo tulh tulh! Deprission nasa lutuk nei zuiin mi â ang maiin a khawsa ani ber! Thil a ei thei lo a, zan lah a mu thei bawk silo, pindan ah a tawm tlawk tlawk a, min haw hle mah se vawi khat pawh min hauna thumal khat pawh a chhak chhuak tawh ngailo! Chu tak chuan ani min tih hreawm zual.




Nitin zan tin ka tlawh ziah a, a room chhung ah ka luh pawh in min hauh chu sawi loh, ka awm ve tih tak ngial pawh hria angin a awm ngailo. A phone screen a ka u nen an thlalak chiah chu a hmuh theih awm chhun ang mai hian a en a, a changin a nui a, a chang leh a ri a ţap chhuak thei silo in khur hlawk hlawk a mittui tla chung te in a awm ah phone chu a pawm bet thul!



Ka u nen an inkar a tawp a nih chuan a tuar ngei dawn tih ka hria! Mahse, hetiang lehlutuk hian a tuar ang tih ngaihtuah pawh ka ngaihtuah thleng pha lo!




A ni tel in ka rilru a nuam lova, ka thil tihsual pawi zet chuan min delh rit tulh tulh bawk!



Hotel kawngkhar inhawng ah Rinchhani lo pen lut ka hmuh chuan ka vai khual chhen chu tawp in ka lo melh nghal run.



Hlim tih hriat zet hian a ké pên te chu a zangkhai in a rawn nui lut nghal sang bawk.


"Min lo nghak rei tawh em?" tiin a bag chu center table ah a nghat a. Fridge awmna lam a pan nghal zat bawk.


"I sava khawilai chu engnge a an tak zel, vah harhpui ve la, heti te chuan a rilru i hneh har dawn lutuk" ti phar phar in fridge a beer can pahnih chu a la chhuak nghal zat.


Ani thung chu a thil tum ah a chiang bawk a, zantin deuh thaw ka u in ah a kal tluk tluk! A tum nasa bawk a, kar 2 lek la liam mah se ka u leh Lola te dinhmun erawh lei leh van ang ani thung!




"Hetiang ringawt a Lola awm hi ka hmu thei tawh lo" beer can min pe tur a a ban lo lek chhuak chu a tawp chawih!


"Kar hnih lek a la vei hi... a la na ve bawk ang chu. Vah thawven pui la, kal chhuahpui tam rawh" ti ram hmarh in mitmeng dur khai chung hian in beer can chu min pe a. Ka lo lak rual chuan couch pan in a kal nghal nal nal.



Beer can chu ka kheuh hawng a, chawl hlek lova ka lem khawlh khawlg tak ah chuan ka kawchhung sahal lutuk pawh a ziaawm ta deuh.




"Ka u a hmangaihna hi a rehthei tawh ngai dawn lo!"


"Nang pawn i hmangaih ani lawm ni? Hmeichhia te chu 'kan hmangaih te aiin min hmangaihtu' bulah kan hlim zawk. I rilru kha nem viau suh se, tun hun thleng tur hian kan thawkrim lutuk" a lo ti a, Beer chu lem ve khalh in a bawp sei zet chu a khawkherh nghal zat.



A sawi dik ang! Tun hi chu a hlim chhawn lai a la ni a! Hun han liam leh deuh se Lola pawn zawi zawi in ka lakah rilru a pe ve mahna!

"A pum a puar lian ve tawh em?" Rinchhani'n a tih chuan can ruak chu hmet khawr in dustbin ah ka vawm lut pawp.


"I lo buai ve na tur a awm lo" ka ti hmuk. Nui sak in beer can chu dawhkan ah a nghat a.


"Buaina tur ni ve bawk e, ka mipa hmangaih ber fa a pai miau tlat a!" ti hlak in a nui var var.


Nie, Lola hian ka fa a pai reng reng lo! A nau te pa dik tak chu ka u ngei ani! Kha zan khan kan pahnih inkar ah engthil mah a thleng lo!



Ka tupa birthday party ah ka u tello in Lola chiah a lo kal ve tih a hriat rual in Rinchhani hian a thluak a vawrhvir țan a. Lola in tur drinks ah khan mutthilhna damdawi kan kap lut. Nghet tak a a muhil lai kha Rinchhani hian a thuamhnaw a hlih sak. A harh dawn hnaih ah zan khua a mudun ang a kan lan theihnan lemchang in a kiang ah khan ka mu ve chauh!



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 18th, 2021, 1:39 pm

 

TETAKTEI
CHAPTER 57

Ririni Khiangte Abbra Pitartei

" chet ilak hmanhmawh loh chuan kan pahnih hian kan chhe vek thei tih hria ang che" ti sap tu chu melh run in a ep a couch inhung ah chuan ka țhu thla hnawk.


"Nau a hrin chhuah hma ngeiin a rilru hneh tum rawh, a nih loh zawngin naute a lo piang chhuak a nga, hrilh nawn leh chuan ngai hauh lovin i u in a fa ngei a ni tih a hrechhuak nghal vek ang! Chutih hun a kan laka a chet dan tur rapthlak zia chu i hriatthiam ve tho ka ring..." thil thleng tur hmu lawk ang mai hian Rinchhani hmel lan dan chu a dang nghal sawp sawp a.


Mitmeng thlabar ru zet a min lo en leh pah chuan "Jordan, phai lam ah Hlimi hi chhuk thlakpui daih mai ta che... aw? A nih loh chuan nau a hring a nga, i u hian nausen a hmuh rual in thil engkim a hrethiam nghal vek dawn, i u hmuh phak lohna tur ah kalbo pui rawh, ih... aaaa... tuna a naupai hi i fa a ni chung lova, tih tlak sak dan kan ngaihtuah leh mai dawn em ni?" a lo ti leh zet chu! Ner khum sawk in ka en run run.


"I tenawm tak zet a nih hi tiraw, Rinchhan?" khik khum suk in lu ka thin khum nghut.


"Sawi dikloh lai ka neih ka hre miah lo, a naupai saw a lo piang chhuak a nih chuan nang leh kei hian i u thinurna meipui kan hmachhawn dawn, a lo piang chhuak loh a nih chuan i u in uireah a ngai laklawh tawh tho a, a nau pai hi chhiat engang mah se saw hmeichhia saw a hnaih leh tawh dawn lo. Nausen a lo pian chhuah rual a hremna hmachhawn nge i thlan dawn, a naupai tih tlak sak a, tun ang a Lola i hnaihtheihna hun remchang bawhpelh loh.. i duh thlanna ni rawh se" tiin Rinchhani chu verther tak a khi var var in couch nghenchhan chu a han ngheng vel ar ar a.



Ka rilru pawh a insual buai nasa ta viau!


Lola nau pai hi a lo pian chhuah hun ah ka u in la hmuh ve hun a nei dawn! A thisen kai ngei nausen chu a hai bik hauh lo vang! Chutih hun ah chuan Lola a uire hauh lo tih hrechhuak in an hringnun in hlimna a tawn san lai ber a an pahnih inkar a hem thlaktu te chu tutenge tih a hrethiam rang dawn lutuk!




"Ka rawtna kha i pawm tih ka hria a nia" ti fuh intih hmel lutuk a Rinchhani nui ri avang chuan harh chhuak tut in amah chu ka en let a. A ni erawh 'hlauh leh tur chuang a nei tawh dawn lo' intiang hrim hian a lo nui sang thung!!



"Damdawi chu ka kut ah dah rawh. Tun hun hi kan tan a chet lakna humrem chang anih hi. A rilruna ngaihtuahna mumal lo lai tluk a a eitur ah damdawi telna hun remchang a awm dawn lo"




"Hetiang leh lutuk a tenawm in nih ka lo ring chhin ngailo a sin" aw ri lo chhuahna lam chu ka en dawrh. Kawngkhar bul a a phone lek kang va a Kimbawihi lo ding reng ka hmu thut chu ka ding chhuak hluai "Kimbawih.."

he hmun ah hian ani kher chu hmuh thut ka inbeisei loh lutuk vang te pawh ani mahna. Chet lak mai ngaihna ka hre biklo.

Mak min ti lutuk leh beidawn hmel bawk si hian Kimbawihi chuan min en tlawk tlawk a "Jordan, engkim a pawi thui tak tak hma hian duhtawk rawh, i u in thudik a hriatchhuah hun ah i hmachhawn ngam dawn mi?" ti halh in ipik hmel lutuk in a thaw hawk. A phone screen chu khawih zeuh in a ak țha nghal zat a. Rinchhani chuan Kimbawihi kekawr ipte chu a melh nghal ngar bawk.

"Video in i lo record tih sawi hlek suh" fiak zet a Rinchhani'n a lo tih tuar chuan Kimbawihi chu a lo nui sak a.


"In pahnih thusawi zawng zawng kha fiah takin ka record thlap, a hnung lam a inphiarrukna hi u Msa'n a hriatchhuah ve hun chuan in nuamsa lo khawp ang" cho zet a Rinchhani en chung chuan a ti khum sak sak.


Rinchhani meng phawk hra chu țhen khum sak in muangchang in kei chu min en ve leh in beidawng tih hriat zet hian lu a thing nak a.

"Jordan, ka hmangaih che avang in hun țha ka pe leh ang che. Hlimi leh i u te inkar a in inrawlh dan tenawm zet hi nangmah ngeiin i u i hrilh a nih chuan kan pahnih hian nun bul kan țan țha leh thei a sin. Mahse... ni.. ni 2 hnu ah pawh i u hnen ah inpuang a, ngaihdam i dil lo a nih chuan keimah ngeiin in video hi ka pe ang" tiin rang zet in hotel pindan ațang chuan a tlan chhuak ta a.


"Eng nge ila tih reng a, umzui la, a phone kha laksak ta che" khek tuar chung a Rinchhani'n a lo tih nghek tak ah chuan ka inthing harh nawk.

"Video kha i u a pe vaih a nih chuan kan pahnih hian kan thi ani mai Jordan" kawngkhar ațang a ka chhuh fel hma in Rinchhani vek chuan a lo ti khur hlawk hlawk.


Keipawn kan chung a thil thleng thei ka hrechiang bawk a, thaza zet a inhum ruh chungin ka tlan chhuak nghal a


Kimbawihi nangchin hman tum in chak zet in step ah chuan ka tlan thla hlawk hlawk. Engtin teh hrep kha khanu khan ka awmna hmun a rawn zawn chhuah theih.


Video kha ka u in a hmu a nih hrep chuan! Ka thin chhung chu a so phul bulh a! An nupa chung a kan chet dan a hre miah lo chung pawh a Lola'n min huat tawh tehlul nen, engkim a hriat hun ah phei chuan....


Rum hrawk in Hotel kawngkharpui ah chuan ka tlan chhuak put!


Hotel kawtzawl ka chhuah hlawl rual in a scooty a Kimbawihi tlan chhuak fel chiah chu ka hmu hman hram.

"f**k"


Parking ah tlan thla ve in chak zet in bike chuan ka dawk chhuak ve nghal a, ka nun ah anu teh hrep kha ka mamawh ve tawh lo! Nun bul țan țhat maw? Huh! Ka hmangaih hleih loh nen a dam chhung hun hmai ai chuan, dawhthei tak a ka hmeichhe hmangaih rilruna thawi dam sak a, hun reilote chhung pawh a kiang a awm ka thlang zawk fe.



Kar lo ah Kimbawihi scooty chu ka hmu nghal mai a!


Hetichen a thui ka kalpui tawh ka ruahmanna hi ani vang a a chhiat ka remti hauh lo!


Speed ti sang zual sauh in mual lehlam kawi a Kimbawihi tlan liam chiah thlir a kawng ka en leh chiah chu ka hma ah chuan truck lian zet a lo lang ta thut mai!



Bike chu her pawp mah ila thawk lehkhat ah a ri bur a! Ka hlawm țawk rual deuh thaw in thir insawh ri rum rum ka hre zawm a! Engkim chu a thim ta vek!



Thawm ri nuaih nuaih ka hriat rual deuh thaw ka taksa pumpui chu tawrh harsa khawp in a na ngut ngut tih ka hre zawm zat!




"A la thaw em?"

"A marphu a la awm?"

"Vaipa kha a lo tlanbo a nge, lo veng țha rawh u"


"A taksa kha khawih che nghal ngawt suh u, ruh dik lo vel a awm phei chuan kan khawih pawi zawk thei a nia"


"Val-a, i hrah em? Min hre thei em?"


Ka chheh vel chu a ri nuaih nuaih, thaw chhuak hrawk hrawk a mit men ka han tum chuan ka mitah thisen lum pup a lo luang lut nghal a!


Hrep chuan!!

"Karei! Ka duh thei lo, Jordan?" Khek tuar tuar pah a ka bul a hmeichhe lo țhu thla chu Kimbawihi ngei ani tih ka hria. Patling ho chuan ka taksa chu sawi che lo tur a lo khap in 'a hriat zawng ka ni em?' tih an lo zawt zung zung a.


Kut tha khur hlawk hlawk in ka biang a lo dawm rual chuan ka tha chu sawm khawm in a kut ah ka lo hum chawt! Ka meng chhuak a, thisen vangin a hmel ka hmu chiang thei bik lo

"Jordan... ka duh thei lo! A chung ah hian engthil nge thleng a?" țe tuar tuar a kan chheh vel a mi te a au khum lai chuan ka pawt ngheng, a lo kun hniam a "Sawi rawh.. Jordan, i țha tiraw? Khawiah mah kal suh aw. Min kalsan suh Jordan"


"Ka chung a thil thleng hi nangmah vang ani tih i hria em?" ka tih hrawih rual in ka thin hnun a na thip zawk, ka kâ aţangin thisen a lo pik chhuak puat bawk.


Ţap pur chung a thlabar zet a Kimbawihi lu thing nawk nawk chu harsa zet a thaw hrawih hrawih in ka nui lui kher bawk.


"Video kha ka u i pe a nih chuan ka chung a thil thleng a mawhphurtu i ni tih inhre kumkhua tawh ang che" ka kâ ațang a thisen chhuak bawrh bawrh chungin Kimbawihi inthiam lo hmel chu ka en lui ngat ngat!





__________________________
LOLA'S POINT OF VIEW

"Mate" ka room kawngkhar lo in beng ri dat dat avang chuan ka phu chhuak nghek!!


Ka lungphu ri dawt dawt chu dawm in ka han maimitchhing hmasa phawt a "mate, i țhiante an lo kal a, kawngka hi lo hawng la, inkawm rawh u" ka u bawk in a lo ti leh dap dap.

Ka țhiante hmel ka mitthla a. Min ngaihtuah in ka chanchin an lo ngaihven in min rawn call țhin a, mahse ka chhang duh ngailo. Aaaa, ka duh lo pawh a nilo, ka thei lo a nih mah zawk ang, engmah hian thathona leh zauthauna min pe thei lo a, țawng ri ka hriat te, thawm ri hlek ka hriat te hian ka lung a zing mup mup zel.

"Lalmate, kan ngai tawh che a nia, lo hawng teh" lungchhe aw lek lek a Kimkima'n a lo tih chuan tawitei a nui hak in ka meng chhuak a.


Ka hringnun chauh luat vang te pawh ani mahna, tumah ka ngai ve thei lo, ka lung tak ngial pawh a leng thei tawh lo.

Ka nuam tih zawng leh thil tih chak chi hrang hrang te ka suangtuah ngial pawh in eng mah hian in min tiphur lo a, keimah a awm tawp chu ka duh ber țhin.

"Lola, lo hawng teh, hei, Momo kan lo keng a, a rim chu i hre thei em?" Remremi'n a lo ti ve ta thung.

"Lalkimkima hian a ban zawk zawk reng a, i lo hawn vat loh chuan a ei zo vek dawn a nia" a ti leh hlak hlak, min thlem titih a, min siam hlim an tum lutuk lai a chak leh duhzawng ka nei miah lo te chu ka inhua in ka ţhiante chu ka lainat tak zet!!

"Lola, lo hawng vat teh, i lo hawn loh chuan tlai ah in inah hian chaw kan ei dawn nia" Kimkima vek chuan a rawn ti leh hlur a.

Nithum liam ta khan Zodika a lo kal hlawl a, doctor hmuh a lo rawt tak tlat avang khan ka u pawn lo pawnpui thuai in Doctor kan pan ta kha a ni a, nau ka pai miau avang in sleeping pills ka ei țhin pawh min thlak sak vek a, depression damdawi pawh a hranpa liau liau in min chawh țha ta kha ani a.


Ka pum chhungah naute a insiam lai reng a depression ka nei chu keipawn hreawm ka ti tak zet! Reh duak thei se ka ti țhin. Ka nau pai insiam mek tan hian nghawng pawi tak a nei thei ve tlat a!

"He natna hreawn tak, mahse, a nei leh vei pung zel si hi i hneh hunah chuan mi dang tan malsawmna i ni ngei dawn a ni. Miin, "saw mi pawh sawn depression a nei țhin a, tunah chuan a dam tawh a sin" tiin a kawk ang che a, mi mangang leh beidawngte i lam an rawn hawipui țhin ang. I awm mai mai pawh damlo tan malsawna i ni tawh ang


Hawh teh, nangmah leh mi dang hmuha i nep lohzia lan nan he natna chimawm zet hi hneh ngei ngei rawh aw!"

Khami ni a Zodika lehkhabu min pek chhung a thu inziak ka ngaihtuah chhuah rual chuan ka insang mar a! Nie, he natna, pawn lam a lang chhuak silo, ka chhungril a țang a min ei ral a, beisei tur hlawl nei lo ang mai a min siamtu hi ka hneh a ngai.


Min lainat a, ka tan a ipe zo em em ka țhian te lak ațang hian ka inkhar khip tawh tur a nilo...



Kawngkhar ka hawn rual a ka țhian te hmel a mak tihna leh lawmna lang chhuak chu tawite hian ka nuih sak a.

"Awi, Lalhlimpui, ngatinge i inkalhnan char char zel a" vin hlur a tiin Kimkima chuan min kuah nghal thlawp. Nuni leh Remremi te pawn mittui tling deuh pam hian min lo nuih a.

"Inkalhhnan tawh miah suh. Hei, Momo kan lo keng, lo kal rawh ei ang" ţap deuh pur chung a a mittui hru mual mual in Kimkima chuan min kai chhuak nghal a.


Sofa a Zodika lo țhu ve reng ka hmu thut chu ka phu deuh zawk. Ani erawh chuan ngainatawm zet in min lo nuih thung.


"Hei, Mate Zodika pawn a lo tlawh che a, vawiin chu i țhian te nen hian chhuak harh ve rawh u aw" ka u chuan a lo ti nghal sawk sawk. Ka u hmel ah chuan keimah avang a nasa tak ah beidawnna ka hmu thiam reiruai.


Ka țhiante pathum leh Zodika te chu ka melh kual a. A tawp ah ka u chu en leh in thawk ka han la deuh kawk a!

An zavai a mitmeng ah chuan min ngaihtuahna te, ka hlim min duhpuina te leh min lainatna te chu ka hmu thei vek.

"Umm, an Momo lo ken hi ka ei a nga, ka insiam ve dawn nia" ka ti chiah chu ka u chu a thaw huai a, Zodika pawn chhuan hmel zet a min en in lu min buk khum nghut nghut a.

Kimkima mawlh chu a phur ta ngang mai!

"Madina te'n lo kal ve an tum a, mahse an ni chu an bialnu te nen an nizel sia, kan lo hruai ve duh lo a nih kha" an ti barh barh a.

Choka lam ah min kai phei a, phur lutuk a kan kal kualna tur a sawi phawr phawr lai te chuan ka chhungril chu a hreawm leh vung vung tawh. Khawlai ah Prof Msa leh Rinchhani hmu thut ta ila tih vel chu ka ngaihtuah a, hlauthawnna leh mangnna avang in ka lungphu chu a lo rang nghal hlawp hlawp. Ka kawchhung te chu a mur chuah chuah a. Mahni a room chhung a awm leh mai chakna chu ka nei lian leh hle tawh.




Ka insiam vel chhung te chuan ka zawi em em a, che chang lo lek a darthlalang hma ah din vung vung chang lah ka ngah. Mahse, ka țhian te chuan dawhthei tak in min insiampui a, bengchheng kar ah ka awm rei deuh chuan nikhawhrelo a awm tur ang mai hian ka chau a, muhil thei silo hah ngawih ngawih in ka zawi reng țhin.


Chuthil chu an hriat ve a vangin a hma ang phawr phawr in tumah an ri lelu tawh lo.



Nuni chuan kawrfual sen no dal raih, a var a par sep sep hi ka thuamhnaw bawm ațangin a lo la chhuak a.

"Lalmate, hei ha rawh, i sam kha Remremi'n ti kir bawk se" a lo tih chuan melh ngai melh a ka ngawi vung vung chu inthing harh in lu ka buk khum nghat.




Kan kal chhuah dawn chuan Zodika pawh a țhutna aţang in a lo tho chhuak ve vut a.

"I lo kal ve dawn a mi?" en kiau pah a ka tih chuan a lo nui ruh ruh a, "car a khalh dawn a lawm, lo kal ru, kan tlai zel a a nia" Kimkima chuan ka ban ah lo kuah pah in a ti sawk sawk.


Zodika chu ka thlek ngial a. Lo kal ve chu a tum tak tak tih lah a kekawr ipte dap ruk ruk a car chahbi a phawrh chhuah nulh chuan a lang reng mai bawk si!!


"Zodik, naktuk sunday ani tawh sia, inbuatsaih te i ngai lo a mi?" zawite a ka zawh chuan uluk lutuk hian min en deuh vung vung a.

A bul a awm erawh a hahdam thlak ka ti tak zet! Min țawngțaipui tur thu a sawi ve tawp ngailo a, min titi pui a, hma lam ka pan theih nan BEISEINA hawi zawng a Pathianthu ang ren run a lang silo a min titipui a thiam bawk si.


"Inbuatsaihna ursun ngai em em a awm hleinem"

"Mahse ..."

"Khawi ah chuan maw kan kal dawn?" Nui suk in seat hnung a ka țhiante chu a han en daih a.



An ni kal duhna lah chu a lo hla ropui bawk si! Nasa tak hian ka rilru ah chuan 'room chhung a awm i tan a hlawk daih zawk' ti a min lo nawr tu a rawn awm nghal tut tut.


"Ok, Lola, music ka play ang aw" tia Zodika'n min biak tak ah chuan lu ka buk khum nghat a. Engine ti nung in zai a play zui nghal a.

A lakah hian ka inthlahrung zual tak zet! Pro Pastor niin kohhran a awp tawh a. Pathian thu ah te in enlet nan hun a hman ve duh dawn tehlul nen, ka harsatna tawh a hriat ve rual ațang khan min vil deuh chawt a, an kohhran mipui te pawn an ngai diklo vek ang tih ka hlauhpui tak zet.


"Zodik, a hma in Ngopa lam hi ka lo hre ngai miah lo a, inkhua khi a lian ve em? Nge, a la thingtlang ve tho?" Remremi'n titi a vawrh țan a, rik lelu ka zawh miau loh avang in țum dang angin an inchhaih rak duar duar lo.


"Lian ve tawh e, in 1500 bawr vel chu a ding ve tawh ang, sawrkar lam pawn village ti ngawt tawh lovin town an ti ve kher tawh a sin. Han dam tlang ila, in lo zin ve ang chu le" Zodika chhanna avang chuan an phur kher mai.


"Lo nei an la tam em?"

"Yeap, mi cheng zatve dawn khi lo nei a eizawng kan la ni mai awm a sin.."

"Kan lo kal hun ah chuan Lo ah feh ang u aw" Kimkima chuan a han ti leh thawr a, ka lo nui ve ta hak.

"Lalkimkim, tu lo ah chuan nge maw i feh ve ngawt ang le?" tia seat hnung lam ka han en chuan a lo nui put put a.
"Zodika te'n lo an neih loh pawn an hmelhriat te lo ah ka feh tal ang" a ti leh hram.


"Keichu lui ah kal ka chak zawk. Sangha han man ila, lui kam ah ngei han chhum hluah mai ila..." Nuni'n a tih rual chuan feh a chak thu a sawi kha a hrezui leh tawh lo tih hriat takin Kimkima pawn lui ah Bomb vawm a chak thu a sawi leh nghal zat.


Kan nui ta dar dar a.


Zodika chu thingtlang nun chi hrang hrang an zawt zel a, Zodika pawn ngaihnawm deuh in an khaw chanchin chu a sawi a, lui kam ah chuan Leilet zau pui pui a awm deuh zel tih te, lui kam vel a Lambak leh Chakawk te chu nu țhenkhat in vai khawm in eizawn nan tak a hmang an awm țhin thu te chu a sawi zel a, ngaihnawm ti deuh a Zodika titi kan ngaihthlak vang nge Hangi Lunglen tlang chu kan thleng hma riau hian ka hria.



Ni sen sa vawl hnuai a Aizawl khawpui lang pe ut chu kan chhuk thlir a, thlifim a tam in a chheh vel boruak chu a thawven thlak tak zet.


Kan kal chhuak tur hi an lo ruahmansa vek tih chu motor hnung ațang a puan phah tur te, eitur chihrang hrang leh lukham thleng a an thiar chhuah tak ah chuan ka hre ve ta chiah.



"I chau hma thei reuh sia, i mut duh ka ring a" nui suk a tiin Zodika chuan lukham chu a melh ralh a.


"In lo va inbuatsaih nasa tak" ka ti hlak.

"I phu ve a lawm" tiin min chhang mai leh nghal. Ka bul ah chuan lo țhu thla ve in a nui chhuak ta hawk hawk.


Kan țhiante pathum chu thla la in an vir buai em em a, tlang hmawr zet a khuar deuh lai ah thla lak an duh bawk si, Lalkimkima ber in 'ka kê hnuai thleng in a za vek' ti duai duai si a a bawkvak phei deuh hrut hrut chu Nuni te chuan an nuih tlawr tlawr a.


"An va â mai mai tak e aw. In tla a nge aw" ring deuh hian ka au tuar. Lo hawi let in an la nui țhaw zui.


"Lehkhabu kha i chhiar zo tawh em?" a zawhna min zawh avang a ka en chuan min lo en ve chiah bawk nen rang deuh in mit ka la sawn nghal daih. Zodika chu a lo kiai suk.

"Chhiar luih ka tum a.. mahse.. ka chhiar chak thei lo"

"Umm, mahse, tilui hram hram la aw" a tih lai chuan ka en leh zeuh a, uluk fe hian min lo la thlek vung vung tho. Mit ka la sawn duh tawh biklo.

"Rinna nunah tih hram hram nun hi a pawimawh an lo tih ang hian depression khawvela pawimawh tak chu hram hram nun hi a ni tih hrereng la" a ti leh ta a. Ka bu nghat nghat chu min nuih leh suk in soft drinks chu a herhhawng nghal zat.

Ka lam ah lo lek hnai pah in "In rawh, i țhian te bul ah sawn kan kal ve dawn nia" a ti leh a, thuawi fe chuan ka lo ban ve mai a.

Ani erawh chuan tlang hmawr a khur dawt dawt a ding chung a Kimkima'n 'hmet vat vat ru' a ti duar duar lai chu a thlir a. A nui leh suk suk zel bawk.


"A hmawr ah sawn i ding ve ngam a nge'm?" tia a lo hawi let thut chuan ka thil in lai ka hak lo chauh.


"Ka duh mai mai lo, naute hian a hlau ang" ti chiam a ka meng tal tap chu a hlimpui ngang mai.
Nghal zet a min en a nui ruh ruah pah hian "naute in a hlau nge nangman i hlau zawk?" a lo ti sup.


A mitmeng chimawm zet chu melh let rawm rawm in ka ding tharh a.
"Ka hlau lo chiang lutuk, lo kal rawh, nangmah hian i hlau zawk in a nia ka rin" ti hlak in a ban ah ka zuk man a.

Uang zet a lo țang der in ka pawt tho tur chu a țhu lui deuh tlat a nih chu!


"Tho vat teh, Kimkima saw i nuihzat bawk a, a hmawr ah sawn ka phei pui dawn che" tia ka pawh leh laih laih chuan a lo ding ve hlawl, 6ft a tling ţep a, nui chung a ka dar ah min lo kuah meuh chuan a dar pawh ka chen lo.

"Kan pahnih in thla i han la dun ve reng reng teh ang" a ti ve ta a.


Zodika nen kan inzui phei chuan Remremi te chuan min lo hui lauh lauh, Lalkimkima tlak hlau bawk si thlalak nalh neih loh hlau bawk si din vel dan chu an lo zir a, Kimkima erawh an thla la tu ah a lo țang leh tawh a, a hmawr lamah a din tak loh avang chuan a lo pawr nangang mai.


"Lalmate, i sam kha i beng ah zep la, chuan khawpui lam saw thlir rawh" ring fahran a Kimkima'n a lo tih chuan nui hak in an lam chu ka va hawi a.

Thli thaw in ka sam sei zet leh kawrfual a chhem chhet hlap hlap chu hmuhnawm tih hmel fe hian Zodika chuan min lo thlir ve reng


"I lo kal ve ngam lo a mi?" tia ka fiam chuan a chet ta hluk.

"Kimkim, phe miah lo turin kan thla lo la ang che" ti nghut a a lo pen phei pawk pawk chuan an lo 'e' vel dual leh nghal.


"Theodore Roosevelt khan 'Huaisenna chu hma lam pan tura chakna neih hi a ni lo va, chakna nei lo chung pawha hma lam pan hram hram ngamna hi a ni zawk' a tih kha tun a i hun hman mek nen hian a inmil viau in ka hria" tiin ka bul a lo thleng phei nghal a.


Ngaihna hrelo zet a ka en chhoh heu lai chuan "fuh lutuk" tiin Kimkima chu a lo ri hlut.

Zodika pawh a hawi let ve vut a, Zodika awm zawn ațang Kimkima lam ka va thlir chuan a lo click leh nghal zat.

"A nalh bon heavy uchuak aw" a lo ti tak ang lawng lawng lehnghal a.


Kan tlan let leh lam ah chuan C Luri zai bawk a play leh a, kei chu ka chau chhe leh der tawh. Ka meng peih țawk țawk a, thaw hle hle chung in seat nghenchhan chu ka ngheng a.


"Lalmate, a hreawm e, keimahni vang vek" Nuni'n a lo tih chuan min en thuak in Zodikia'n min chhan sak a "Hreawm ti duh suh u, dam tana thil ho tak kha ralpui phiar a a phiar a ngai tlat tawh a, tihian a chhuak vak hrah hram hram a nga, a taksa chau awlsam lutuk țhin pawh hi a bo tual tual dawn a lawm" a tih tak ah chuan ka țhiante pawh an hahdam ta huai mai.


Zodika chu en in ka nuih seih a. Ka dinhmun a hriatthiam em em chhan hi keipawn ka hriatna a la rei biklo. Khawvel a a hmeichhe hmangaih ber in thisen cancer vangin a boral san a, chuta ţang chuan nunbeidawnna kawrruam ah lut in deppression nasa lutuk a nei chho țan a. Chuvang tak chuan ani awlsam tak a 'ka lo țawngțaipui ang che' min ti tawp lova min ngaihsakna a pek nat em em ni.


Pathian chuan engkim a tithei na meuh mai, mahse rilru lam damlohna hi a tlangpuiin chutia vawi leh khata dam thut chi natna a ni si lo a. Vawi khat han ven a, han dam deuh huai hi chu a awm, mahse deppression disorder ah chuan kan natna chu a rawn let leh thuai țhin. Chuvang chuan ngaihsak tu kan mamawh zual bik ngawih ngawih țhin.


"Ka tui a hal tawp" a lai ah țhu kuk in Kimkima'n a lo ti hluai.

"Ok, Hotel ah hian kan inhnawh puar dawn nia" tiin Zodika chu parking ah a tlan lut nghal a.

Hotel chhung kan lut tur chiah erawh ka taksa pumpui chu a țek chhawk chhawk a! Ka thawk a chham nghal lek lek.


Hotel chhung aţang chuan prof Msa leh ka u te an lo inzui chhuak a. Prof Msa ka hmu rual chuan ka thin chhung chu a lo na nghal ut ut. Ka natna hmachhawn mek chu ka sawifiah thiam lo! Kar 2 hnu ah ka hmuh leh thut vang te pawh ani mahna! Ka thahrui a bo a, ka bul a tu emaw ber ban ah chuan ka chelh nghal chawt.

Nghet zet a ka kut lo hum pah in "i hmachhawn thei, i chak tawk, Lola" lo ti sup tu chu ka hen thlek chuan ka kut chu lo hmer nghet sauh in Zodika chuan min lo nuih a.

Kei erawh ka lungphu a phut ran em avang in ka lu a hai mup mup.



"Ehe, mate, in let tawh dawn mi?" ka u chuan a lo ti hluai. Ka rilru tur hrethiam zet in "Msa nen hian thil pawimawh kan sawi dun lawk a" ti sup in kei chu min en leh a.

Chil ka lem khalh ringawt.


Ka u bula mipa lianpui lo ding ve nghal khup chuan ngunthluk fe hian min thlek a. Kar hnih chhung lek a ka lan dan bawrhsawm bik lutuk chuan min insit thar tir zual kher mai!


Ani thung chu kan pahnih kal hran takna hian amah ah nghawng lian tham a nei ve lo tih hriat lutuk in a pangngai vek.

Chutak chuan min tina zual ni ber hian ka hria!!! (?)


Zodika'n ka kut a humna chu melh ngur ngur in min ten hmel zet hian prof Msa chu a ner ta sawk.

"Hriatpui, ka kal san ang che u" ti nghut in keini ho chu min kal pel nghal thuak a.

"Hmela mai mai chu le" Remremi'n a hriat tur ngeiin a au khum hram. Prof Msa erawh thuneih hmel zet a hawi sang vuah in Hotel tual zawl ah chuan a chhuak a.


'Hma lam pan in kê i pen awlsam bik hle mai maw? Zanlai ah i țhan harh changin i bul ah mu ang ah min ngaiin min zawng ru ve ţhin tho em?' rilru a be mawlh mawlh in Parking pan a Prof Msa kal bo ta chu ka thlir tlawk tlawk.


A inchhung ah khan kan pahnih sulhnu a tam in inthlahlel tak a kan khawsak dun țhinna khum ah ngei khan a mu țhin awm si a!

Min ngaih vang in vawi khat tal 'Duatte' ti a rum chhuak in min pan tumna rilru a pu ve țhin a ngem le?



"Mate..." min ngaihtuah hmel zet a ka u in a lo tih tak ah chuan insangmar in ka nuih lui a.
Muangchang hian ka u chu ka en a, Prof Msa kha hmachhawn thut tur a min duh pui bik loh zia a hmel ah chuan ka hmu thei.

"I țha em?" min ngaihtuah hmel zet a min zawh chuan "Kimkima hi a tui in a hal a, kan lo kawi zawk a nih hi" ka ti sep ringawt. Ka u chu a bu nghut nghut a, prof Msa nen khan engthil nge an sawi dun tih chu hriat chak tluk zet in ka awm zel dan tur an sawi dun anih ka rinna a lian a.


Nie, ka dinhmun khirh zet hian ka thawk a tipik ţhin.


Ka u te bulah hian nuam ka ti ber a. Mahse, unau piang hmun diktak kan nilo a. Chubak ah nupui a nei ve leh tawh avangin ka chungah engang pawn țha in ka tan inhuam mah se in kiltawihna ka neilo thei tawh lo.



Delhi a ka pa dik tak zuk fin ta ngawt ila. Ka mualpho nasa tawh mai si a, nupui ang a min kawl tu unaupa fa pai chung a ka fin ve thawr a nih chuan a fa te ho in in hmeichhe rapthlak tak hmuh in min lo hmu vek dawn!


Tun dinhmun ah hian tunge ka belh a nga, tute kiang ah nge ka fa lo piang mai tur hi ka enkawl sei len ang tih te chu ka chinfel vek a la ngai dawn zui.



Thil ei thei dinhmun ah ka ding lo tih ka țhiante chuan an hrethiam te pawh ani mahna Hotel ațang chuan kan chhuak ve nghal a.


Dawr te ah tui leh softdrinks vel pawh an lei ta ringawt.


Ka u chu kan hma ah a tlan a, keini ho chu kan ngawi țhiap, seat hnung aţang ngaihtuah hmel zet in ka țhian te chuan min thlek leh țhin tih pawh ka hria.


Mahse, ka țawng chhuak peih thlawt lo.

Kan pahnih ta tur a phone cover in ang a siam tir kha keichuan tun thlengin ka la hmang a. Prof Msa thung chuan a hmang tawh lo.

Keimah min hriatchhuah theihna tur ang chu a in ka chhuah san rual khan a dahbo nghal vek anih te ka ring.


Ka maimitchhing a, chiang tak in ka mitthla ah a hmel a lo lang nghal a, hmelhriat satliah ang pawh a min en lovin thil tenawm tak ang mai in a nih kha min en.


"Khai aw! Accident an awm a nih saw" car ti ding pah a Zodika'n a tih tak chuan inbeng kangin motor hmalam chu ka va en a.




Mipui hi an lo bawr tuau tuau a, kawngpui ah chuan thisen duk zet a luang ngeh nguah bawk.


Mipui kar ațang a "kiang teh u, boruak a mamawh a nia" ti a prof Msa lo ding chhuak vut ka hmuh rual chuan seat belt ka phelh a.


Mipui an tawlh kian hnu ah chuan phawk lutuk in ka meng nghal kawk kawk mai!

"Kimbawihi anih saw... ih, Jordan-a" bah zet a ka tih chhuah rual in Kimkima te ho pawh an che suau.


Rang lutuk in car ațang chuan kan chhuak a, kawngpui a thisen luang duk zen zun ka hmuh chian rual chuan ka lu a hai tihtih nghal der!


"Lola, hetah hian lo awm rawh" ka tlan ve tur min pawt ding chawt in Zodika chuan car lam ah min kai let leh dat dat.


"Jordan-a aniin ka hria, Zodik, a thisen a chhuak nasa lutuk, kawngpui a thisen luang zawng zawng saw Jordan-a thisen vek a ni em?" chiai lutuk a ka tih khurh hlawk hlawk chuan Zodiaka'n ka biang ah a lo dawm nghal chawt.



"Thawk la rawh" a rawn ti deuh țhawt a, thaw hleithei lo in ka awm tih ka inhrechiah.

"Lola, hetiang thil thleng rapthlak zet hi hmu ve tur i nilo a sin" pawi tih hmel zet a lo ti chuai ruih in a awm ah min kuah bet ta ringawt.


"Jordan-a ani ngei ngei ang" ti sep sep in ka chhungril chu a rawn khur ngawt ngawt mai. Zodika awm chu ka hmai a nawr vak in ka maimitchhing a!


Mahse, thawchham tur ang mai hian thaw kawk in ka meng chhuak leh nghal a!


A chhan pawh kawngpui a thisen luang zenzun kha chiang lutuk a hmu in ka tiril a țham tlat!


"Lalmate, Jordan-a a nih saw.. a thi a ni mai thei" ţap pur a Kimkima'n a lo tih leh zet chuan ka tawm chawi chawi ringawt!


"Kimkim" Zodika'n a tih sup chuan Kimkima țawng leh tur pawh chu a tawp chawt mai.


Zodika'n car ah min țhut luh tir lai te chuan ka vai ruai a, Remremi leh Nuni te pawh ţap hlawp hlawp chung a lo tlan let in Jordan-a bike leh truck an insu a, Jordan hliam tuar chu a rapthlak lutuk, a malpui ruh te pawh a inthlep hnawk tih te an lo sawi teng tung a!



Ka bing mum mum ani ber!



Ka nun rethei lutuk a min chin kual sak a, min pawngsual tu, thawk ngaihna hlawh hrelo khawp a min nawr chep țhin tu mah nise thi tur chuan ka duh biklo!




Kan hma a Ambulance tlan ri ruai ruai chu Zodika chuan a zui ve zel a. Remremi te chu an ţap hlawp hlawp, chanchin hrilh in Sammy-a te an call bawk a, kei erawh ka mittui a tla ve thei lo. Ka khur nasa hle ringawt!!



Damdawi in kan thlen ve chuan emergency room ah an lo buaipui sawk sawk a, thisen kai hnuang a chiai hmel lutuk a Kimbawihi vei kual tawn sek pawh chu a khur a, a chang leh van lam dakin a thaw vak vak a.


Keini ho tlan lut min hmuh rual chuan "Lola, keimah vang vek a sin" tia ţap chhuak hawk in min lo kuah thlawp.



Kimbawihi ţap khur hlawk hlawk hnung ah chuan ka chul sak a, sawi ve tur engmah ka hre chuang lo.


Khum chu parda lianpui in an zar hliah a, hliam hrukfaina leh damdawi mamawh la a nurse te vei kual chhen in parda an pawh hawn sawk sawk chhung bakin Jordan-a chu ka hmu ve thei lo.


Thaw hrawih hrawih hi a u bulah chuan thil sawi a nei bawk.



"Kimbawih, eng nge thil thlen dan ni reng reng a?" tia Nuni'n a lo zawh chuan "keimah vang vek, Jordan saw a thi thei lo" lungchhe zet a ţap in chu thu bak chu a sawi thei lo.



"Nupui hual ka nei tih i hria ani lawm ni?" Prof Msa aw vin zet avang chuan ka hawi dawrh. Mahse, nurse in parda a pawh phui leh nghal avang chuan parda phen ah chuan engthil nge thleng ka hre zui thei lo.






Sammy te pawh an lo thleng rang kher mai.


Pa Saia leh nu Hmingi te lo thlen hnu lawk ah Jordan-a chu inzaina room ah an nawr lut ta a.

'Kan theih tawp kan chhuah dawn a. Nangni pawn rilru țawngțaina lo nei reng rawh u' tia Doctor in a sawi lai khan nu Hmingi a ţap chhuak rawih rawih a.



A zai tu tur doctor te hmel ah khan Jordan-a dinhmun țhat loh zia leh beisei tih san ngam a nih lo zia chu mi â ber pawn an hmu thiam ang.



Kimbawihi chu nu Hmingi dar ngheng in a ţap hlawp hlawp reng a. Ka lainat tak zet! Kei pawh hi min haw ngawt ang.


A mipa hmangaih em em fa ka pai miau si a!!



"Mate, nang chu in lam ah lo va hahdam rih ta che" ka bul ah lo țhut pah a ka u in a tih chuan lu ka lo thing ringawt.


Thaw ham ham in ka darah a lo tuai hauh hauh a.


Ramhuai pa tiin khawvel ațang bo daih tur in duh mah ila, thihna nen an insual tak meuh ah chuan tun hnai a thil thleng te nilo in, hman a ka țhianpa Jordan-a ang zawk khan ka hrereng a. Mipa hlim thei tak, mahni tawk a ngeng ve ngul leh min duhsak em em tu, ka hlimna tur a engkim tih inhuam a, rukru a puh ka nih chang pawh a min ringhlel ve ngailo tu mipa ang zawk khan ka hrereng a. Hetiang ngawt a tawp tur hian ka phallo! Ka phal lo tak zet!



Darkar khat dawn hnu ah inzaina pindan kawngkhar chu a lo inhawng a.


Ka lungphu a su nghal dup dup.

Prof Msa leh Pa Saia te chuan Doctor chu an pan nghal thuai a. Thei leh thei lo in nu Hmingi pawh a ding chhuak a.


"Pathian zarah kan inzai hlawhtling chuan kan hria. Mahse, a harh chhuak mai rih lo ang. A lu hi a sawh na deuh a, a hnungzâng ruh pawh a sawh khawloh deuh avang in a lo harh chhuah leh hun pawn kê in a kal ve leh thei tawh lo mai thei" Doctor in a ti dap dap a.

"Bawiha!" Nu Hmingi chu a ţap chhuak rawih rawih mai!


Kan țhian dangte pawh an in hnit faih faih a, kei erawh thinlung nei ve lo ang maiin ka mittui a hul a! Kan inkar boruak hrechiang tu te vek an ni si a, pawi tihna neilo ang hial in min ngai vek ngeiin ka ring!!

*mate, ka lo chho ve thei ţep tawh aw* Ruthi message a vang chuan tawite in ka țhen sak.

Tunah hian competitive exams a hmachhawn mek a. ' exam a pek zawh hun ah ka lo chho a nga, kan unau in duh leh in kan luah daih dawn nia' a rawn ti ve ngial țhin.

*țha deuh khan inchhiar la* ti a ka reply chuan simley lo dah tuar in *lehkhabu te hian min hlau hial tawh in a nia ka hriat ni* a rawn ti a. A ri meuh in ka nui chhuak ta hak hak.


Thla khat a liam hnu Jordan-a dinhmun erawh in hma a sawn mawh khawp mai! Inzai zawh ațang khan vawi khat pawh a mit a rawn meng leh tawh lo!!


"Hlimi?" Jordan-a cabin kawngkhar ka pawt hawng tur chu ka tawp leh dat. Ka inher chuan hmai dang bei a Kimbawihi lo ding reng chu ka hmu nghal a.

Inthiam lo ru zet in ka nuih tawi tak mai.

"Ih, i awm pui a mi?"

"Aih, ka lo thleng ve deuh chiah zawk" a ti hap a. Kawngkhar bul a lo thlen rual chuan amah chuan kawngkhar chu a hawng a.

"Lut ang" a lo tih leh sep chuan ka insangmar nasa ngang mai.



Dan ngai te in ventilator a lo invuah a, pindan chhung chu a hnawm țhat theih nan khawl hmang in hû an ti chhuak char char bawk.

Eng emaw zawng a ngaihtuah phei chuan pindan chhung chu a rapawm in boruak chu a rit bik hluah hluah.


Kimbawihi chu Jordan-a khum bul chair ah a țhu a, heh pet fan fan in nunna neilo ang mai a Jordan-a mu bam mai chu a thlir tlawk tlawk.


"Mi â pa, ka hmangaihna che hi min hriatthiam sak ve ta che" ti sep a Jordan-a kut zawi hnuang a hum sak lai chuan ka lo hawi sawn daih.



He hmeichhe lak ah hian ka inthiam thei thlawt lo! A niin Jordan-a a hmangaih em em laiin a fa ka pai a, Jordan-a lah in a thlahthlam nghal hmak bawk si nen ka lainat ngawih ngawih bawk.



"Jordan, engmah ka la sawi chhuak lo a sin. Mahse, ka theih tawp in i thil tihsual te kha lo siam țhat ka tum ang aw... chuan, i lo harh leh meuh chuan tu thinurna mah i hmachhawn a ngai dawn lo, chuvang chuan hahdam deuh in awm rawh aw" a ti sep sep a.


A thil sawi chu ka hrethiam lo bawk si nen lo awm ve reng chu nuam tilo in Jordan-a tan a ka pangpar lei chu khum bul dawhkan sang chung ah ka dah a.


Kimbawihi dar ah khawih sak zeuh in "pawn ah ka lo nghak ang che" ka ti ta sep.




Darthlalang dum deuh phut chhan ațang chuan khawpui chu ka thlir dauh dauh a. Chutih lai chuan kê pen thawm a lo ri a. Ka hawi chhuak in a ka mihring va hmuh te avang erawh in ka thin chhung chu a na zawk!




Thawk chelh bet nghal tlat in prof Msa leh a ban ah kuah chung a Rinchhani te lo phei mek chu ka lo en ngawt ngawt.



Rinchhani'n min hmuh rual chuan nuam tih hmel lutuk a nui seih in a zungbun bunna lam in prof Msa ban bul chu a kuah tel nghal zat bawk.



Malsawmtluanga erawh chuan melh pawh min melh ve lo. Ka zawn an lo thlen lai te chuan lungphu su dup dup in ka lo țang mar a.


Ngawi ngul in cabin kawngkhar chu a nam hawng a, an lut dun nghal daih.

Thaw chhuak kawk in bang chu ka nam a. Ka lungphu mumal lo lutuk avang chuan panic attack ka neih mai hlau in ka pen sawn hlawk hlawk a.


"Hlim, min lo nghak ve la" hnung lam ațang Kimbawihi'n a lo tih chuan harsa ti lutuk a nui chungin ka inher a.


"Thil i ei tawh em?"

"Aih.. ih, haw tlang nghal mai ka lo tum a" ka lo ti a.

"Umm, nia, taxi chang mai ang" zangkhai deuh hian a lo ti leh a.

Mahse, step ah kan chhuk thlak laiin nu Hmingi kan tawk ta mai a! Nu Hmingi lah chuan min ngaihtuah hmel zet in 'i cher e mai, thil i ei țha lo em ni?' a ti chul a. Kimbawihi a awm ve reng bawk nen nuam ka tilo kher a sin.


"Lo kal rawh u, damdawi in kawt ah hian thil ei ang u" a ti a. Hnial ka tum hle nangin kimbawihi zawk pawn sawm tak te a min sawm tak ah chuan hnial ngaihna ka hre ta biklo.




"Hlimi, ei țeuh rawh, nau pai lai phei chuan cher duh miah lo tur" phur hmel tak hian Kimbawihi chuan a ti sar sar mai.


Nu Hmingi lah chuan Kimbawihi chu a veng thawng chhin miah lo bawk nen an awm dan chu ka hrethiam lo tak zet.


"Nu" ti sup ri vang chuan ka thil hawp lai chu ka tawp dat.


Dawr chhung ah Prof Msa leh Rinchhani te pahnih kha an lo inzui lut ve a.

"Mapui, nangni elaw? I nau chu engnge a lo an?"

"A pangngai rih, i awmpui leh dawn mi?" ti nghut in keichu min lo melh thuak bawk.

"Aw, hei, Hlimi te hian thil han ei zo se, ka lo han țhupui nileng leh a nge" ti siam siam in prof Msa te pahnih chu a nuih a.


Rinchhani chuan kei leh Kimbawihi ngawt chu min en tawn zak zak a. "Ei belh rawh" ti pah a Kimbawihi'n a thleng a mi min sem țhen lai te chuan Rinchhani chuan min en chik dun kher mai!


"U Rinchhani chu i fel e, i thawhna hospital ni lo mah se Jordan-a tlawh tur in i lo kal ve ziah a" tiin Kimbawihi chuan Rinchhani chu a nuih var var a.

Rinchhani pawn tawite hian a nuih let ringawt.




In ka thlen rual a ka u thusawi erawh in min țhawng kher mai!!!


"Engtin nge chutiang thil ti tur chuan min tih theih zawk?" tham deuh chhal a tiin ka u chu ka en tlawk tlawk.


Thaw hulh a "mate" a lo tih sup chuan lu ka thing nawk a.


"Min duh lo a, min hnawtchhuak tawh tih i hria ani lawm ni? Tun ah inneih a duh leh si a maw.. chuan... nang.. nangpawn amah chu nei tur in min duh bawk a, he ta ka cheng ve hi min lo ning tawh hle anih dawn hi" ti tuar a pindan ațang ka chhuak tur chu ka u in min au lawm lawm.


Mahse, ka bengkhawn duh bik lo.


Malsawmtluanga'n min neih a duh thu a lo hrilh a, ihé lovin a lo pawm nghal hmiah thei chu mak ka ti tak zet!

"Mate, thinrim nghal ngawt lo teh" kawngkhar pui ațang ka chhuah hma chiah in ka ban rek ah a rawn man a.

"Jordan-a'n accident a tawh ni khan Msa nen hian kan inbe tawh, Jordan-a nen in inkar a thil thleng kha i hriat miah lo thu ka hrilh.."

"Chuan?" ka lo ti tuar. Khami ni khan hrilh engang pawh nise ten hmel zet in Malsawmtluanga khan min la melh tho a lawm.

" inngaihtuah nan hun thawl a mamawh rih thu a sawi a, a nau fa pai ang ah a ngaih miau avang che in a haw rih che tih chu ka hria. Mahse, Malsawma hian i hmangaih tluk zet in a hmangaih ve tho che a sin"


"Aih, min hmangaih nise chuan ka hmuh lai ngeiin Rinchhani kha a nupui a tan a sawm lo ang" ka ti țiau.


"Mate" beidawn hmel tak hian ka u chuan a lo tichhuak hulh.

"Kei min kal tir kha a inchhir ngai dawn lo tih a sawi a lawm, u. Min hmangaih tak tak nise chuan maw ka ngaih lutuk avang a ka talbuai țhin lai khan 'eng nge ka an' tih tal hriat tum in min lo ngaihven ang, mah se a tih miah loh kha" ti hap in ka kâ ațang in ka thaw hawk hawk.



Ka talbuai nasat lai khan vawi khat lek tal min lo bia nise chuan khatiang leh lutuk a nun beidawng khan ka awm lo ang!



Ka u min chelhna chu thingthla in ka chhuak nal nal.


"In ah i awm em?" phone a chhan rual chuan ka ti nghal thawr a.

"Awm e, i țha em?"

"ka lo kal dawn" tih leh phone off ka rual nghal.



A in luah kawt ah Zodika chu a lo vei kual sek tawh, ka kawng kal lai min lo hmuh chuan ding chawt in a thaw huai mai.


"Engnge thleng a?" inchhung ah kan inzui luh rual chuan a ti nghal thawr a. Sofa ah chau zet a ka țhu thla chu ka hma ah tak lo ding in min en chhuk nghal run bawk.


"Malsawmtluanga'n min neih a duh thu ka u bulah a lo sawi a. Ka u in a lo remtihpui thlap a nih chu!" ti deuh tuar a ka thawk hak chuan ka bul ah a lo țhu thla ve nghal a.


"Han sawi chiang deuh teh"


"Sawi chiam tur ka hrelo, Malsawmtluanga'n inneih a duh. Chu pawh min hnawhchhuah hnu ah" ipik lutuk a ti leh hap in sofa nghenchhan chu ka ngheng dawt a.

"Ngahnge i neih mai loh ang?" Zodika chu phawk lutuk hian ka en a. Ani leh zel pawn maw hetiang hian ti dawn a.


"Ka u ang chiah i ni" ti hap a ka tho tur chu ka banrek ah lo chelh vat in dimte hian min pawt țhu leh nghal a.


"I hmangaih em a ka hriat vang a lawm" ti sup a ka kut a hmer deuh ngat ngat chuan ka lungphu chu a rang dawt dawt a. Nie, Malsawmtluanga kha kei hian ka hmangaih em a ni.

Mahse, chumi vang ngawt chuan a duh duh in min pawt phar vel tur a nilo.


"Engnge sawi tur a min duh" ti sup a ka mitah tak a lo en tak ah chuan ipik zet hian ka thaw hak a "ka hrelo" ka ti zui sep bawk.

Zodika chuan a țawngțaina pindan ah min hruai lut a, kross lian tak hma ah chuan cousion sen pahnih a dah thla a, kan țhing țhi ve ve hnu chuan maimitchhing in a țawngțai a, kei erawh in chham tur hlawl ka hrelo.


Jordan-a fa ka pai tih an chhungkua pawn an hre vek tawh a, chutih lai kar a prof Msa nen lo inneih leh daih chu ka rapthlak hmel ngawih ngawih dawn


Chulo reng ah Rinchhani nen nichin lawk pawn an la inzui a, engtitih a min neih chu duh leh ta thut nge maw nih ang le?




Kross chu melh ngawt ngawt in ka inseh ruh a. A țawngțai zawh hnu chuan Zodika chu a tho chhuak mai a, muangchang a ka thawh chuah ve hnu in țhutkhawmna lam ah kan inzui phei leh ta a. A nun hi a awhawm bik ngawt mai, kawng engkim ah Pathian a rawn hmasa vek zel a. Kei erawh in harsa ka ti em em thung si.


"Lola, keichuan prof Msa hi i hmangaih a nih chuan nei tur in ka duh che" ka ngawih dun vang vang hnu ah a lo ti chhuak ta a.


"Amah pawn hmangaih lo che se la neih che a duh miah lo ang. A neih duh chhan ah che hian eng chhuanlam pawh hmang mah se keichuan a hmangaih vang che ani tih ka ring nghet bur" zawhna mitmeng zet a ka en chuan țhen sak in a kut phah chu a chelh kawp a.


"Puitling, mahni a thuthlukna siam thei tawh a ni a, nawr lui tu an awm vang ngawt chuan neih a tum hauh lo ang che"


"Mahse, min hnawhchhuah tawh kha"


"Umm, ka hria... i tuar hle bawk a nih kha. Mahse han ngaihtuah teh, Malsawmtluanga lo i hmangaih thei chuang bawk silo a. Amah ber in neih che a duh a nih chuan nei la, inkhat ah inchen dun na na na chuan in inkar a helna pawh in ziaawm lam a pan chho zel a nga, lungdam tak a inawm dun leh theihna kawng pawh a lo ni zawk mai thei a sin"




.

Zan ah chuan Kimbawihi number ațang in message ka dawng teh hlawl a!

*u Msa hi nei ngei ngei ang che* tih zawng.

*eng nge i sawi awmzia?* tia ka zawh let chuan *nei tawp rawh Lola. Nei ngei ngei ang che* a lo ti a. A chhan ka zawh ngial pawn engthil mah ka zawt chhuak zo tawh lo.



Jordan-a a hmangaih luat ah Jordan-a hlat thei ang ber a awm tur a min duh vang te anih ka ring rum rum.


A tuk zing ah chuan Malsawmtluanga hnen aţang in call ka dawng ta a! Ka lungphu chu a mumallo in ka thawk a zing leh mup mup tawh.

Inhmuh a duh thu a lo sawi leh lek phei chuan chhanna mumal pe hlei thei loin ka off a, Zodika ka call leh ta tawp.


Zodika hi chuan ka rilru lam harsatna zawng zawng engkim min hriatpui a, ka thlaphang hma in ngaihtuahna fim ka pu hlei thei lo a. Engkim a thim zawng a thlir in ka hlauthawng hma em em tih te a hriat ve vek avangin țawngţai in Pathian min rawn pui thlap zel.



Zodika min rawn angin Prof Msa nen kan lo chen dun țhinna in lam chu ka pan ta a.

Kawtzawl ah ka awm laiin chak lutuk in Bruno a lo tlan chhuak a, nu Rami'n ri chul chungin a lo zui chhuak bawk.


"My Boy, min lo la hrereng maw?" tia ka chul chuan a hlim hmel ngang mai. Min zuan uan uan a, a palian mai bawk si nen nu Rami'n a lo hau chul bawk.


"A lang ve tawh reuh lutuk" nui var var a ka dul zawn a lo melh chuan tawite hian ka nuih ringawt.


Ka cher si a, ka naupai pawh thla hnih ani dawn tawh a, min en chik tu tan chuan a puar ve ek ek chu a hriatthiam theih tawh ang.


"Han cho tlang mai rawh, lehkha chhiarna pindan ah khan a awm, in eitur ka lo siam ang" nu Rami chuan ti sawk sawk in choka ah a lut nghal a.




Kailawn a ka chhoh lai te chuan ka lungphu chu a ri dawt dawt, kailawn ka chhuak chho fel chiah tih ah prof Msa lehkha chhiarna pindan chhung ațang a Rinchhani lo chhuak ve chiah chu ka hmu thut a!


Thinrim tih hriat lutuk a kawngkhar chu pawt khar bur in a insut nghal hlawp hlawp mai!!



Ka lo ding reng chu min rawn hmu thut in min pan nghal zat a. "Jordan-a ngenna avang a nei tur che a ni tih inhrereng la, zan ah ka bul lam ah a lo riak zeuh zeuh a nih pawn nat phah lo ang che" thip lutuk a min melh in a rawn ti sai hlak hlak.



"Chhungte belh tur mumal pawh neilo! A nau fa lo piang tur hi inkiltawih dek a mi hran hran in ah i insuan kual pui loh nan chiah a innei tur in ni tih inhrereng ang che" min tih khum leh salh salh in kailawn ah chuan a chhuk thla hlawk hlawk.



Kawngkhar chu kik pawh kik buai duh lo in ka nam hawng a.
A chhunga mipa hmel rum ul pawn ka thawm hria in a lo ner suk.

"Thla leh hian kan innei ang" nelawmna pakhatmah tel hauh lo in a lo ti nghal nghut. A hmel lang thim khup leh rum ul ah chuan min huatna a thup țhen hauh bawk lo!

Nie, min haw ngawt ang! Kei min nei anih chuan a nupui hual Doctor Rinchhani nen khan an innei thei ngai dawn tlat lo!

"Kan innei ang; mahse, mite hmuh ah chiah nupa angin kan awm ang! Ka nun ah i inrawlh tur a nilo a, tunge ka hmuh a, tu nen nge hun kan hman tih ah i lo buai tur a ni bawk lo! I tihtur zawng chu ka chhungte leh midang hmuh a nupui țha tak ang a lemchhan a ni mai" chhum bung zet zet a a lo tih lai chuan ka chhungril chu a na in a rum tak zet. Mahse, lan chhuah tir erawh ka tum biklo.


Ngawi run in a kut a whiskey no chu a melh vung vung a! Doctor Rinchhani nen an inkawp zui zel dawn tih min hriattirna ah ka ngai nghet hmak bawk.

"I mimal nun leh i hun hmanpui tih vel ah chuan min vengthawng duh suh, midangin an man chhuah loh nan che inveng uluk deuh la ani mai" ka ti ve sak!

Ban a lek vut a; kan awmna inhlat viau mahse ka thazam erawh a phu zawk thung! Whiskey no a whiskey awm zawng chu a thawk khat pawp a. A ban hrawl tham zet chu lek chhuak leh vutin glass chu dawhkan chungah a nghat ri deuh dawt.

Min tham lo tih hriat fe chuan a taksa hrawlpui chu a han siam rem a!

A țhutna sofa lianpui nghenchhan chu hahdam hmel zetin a ngheng ur ur, he pindan chhung ka luh aţang a vawi khat nan a mitmeng uk thim ruih leh melhna zet chuan min melh ta ngur bawk!




TETAKTEI
CHAPTER 58
Ririni Khiangte (Abbra Pitartei)


A țhutna sofa lianpui nghenchhan chu hahdam hmel zetin a ngheng ur ur, he pindan chhung ka luh aţang a vawi khat nan a mitmeng uk thim ruih leh melhna zet chuan min melh ta ngur bawk!


A der mai a min neih duh tu hi ka beiseina leh suangtuahna luahkhattu a la ni fan a.

Mahse, beiseina beidawn thlak min siamtu ani thung si. Ka nunah harsatna tam tak min thlen avangin ka hua a. Marawh chu ka hmangaih na erawh a reh thei silo.




Ngunthluk lutuk a ka dul zawn a melh vung vung tak ah chuan harhchhuak thut in ka bag chuan ka han hliah ringawt a. Phun deuh hluk a Prof Msa hawi sawn vut chu melh leh zeuh in ka insangmar a. A duh a sawi tawh a, keipawn duhdan ka nei ve tho! Chuthil chu ka sawi chhuak ve ngei tur a ni.


"Kan inneihna tur hi lemchanna mai a ni i tihna a ni tiraw?" ka tih lai chuan muang zet hian min en leh ruai ruai a.

A hmel lan dan muk ruih ah chuan eng thil nge a ngaihtuah ka hrethiam lo! Min chhan tum hmel pu hlek lo a a kutphah hrawl zet a hum tawm nghal avang chuan in ka lungphu a su rang dawt dawt a.

Engthil dang nge maw ka beisei chuan le? Ka lo suangtuah țhin inneihna hlimawm tak kha chu ka tan chuan suangtuahna mai chiah ani kumkhua tawh ang!


"I nun ah ka inrawlh lo a nga, nangpawh ka nun ah inrawlh bik lo ang che" ka tih ve kher tak ah chuan mitko ti hnîm deuh khui hian min en ngur ngur.


Ka thawk rang lutuk leh lungphu ri dawt dawt avangin ka awm chhung chu a sa pup pup a. Mahse, he zawhna hi ka zawt ngei ngei tur a ni!


Thinlung na ngut ngut chung a inhum ruh in prof Msa mit ah tak chuan ka melh lui a.

"Chuan, Jordan-a lo harh chhuah leh hun ah kan ințhen nghal dawn em?" ka ti ta hlawl!

Rum chhuak hrawih a a rawn din chhuah hlawl avang chuan kat hnung dawrh in kawngkhar chu ka ngheng rawk rawk.


Lung zin hmel zet a thaw chhuak hawk in prof Msa chuan rum zet hian min en ta a! Kei erawh in nasa zet a ka lungphu ri dawt dawt zawn chu dawm in ka maimitchhing ngawt ngawt.



Kan cheng dun takzet dawn a nih chuan ka mental dinhmun thleng a hriat ve a țul bawk dawn! Rik hlut leh inhrosak thut te hi a hma ang khan ka dawlzo ve tawh lo!! Rilru fim put hram hram tum a ka meng chhuah leh lai chuan insehruh ngut ngut chungin Prof Msa chuan min lo la en run a.



"Chuthil chu i duh dan ani em?" chhum bung zet a lo ti hrawih in a kamisz ban chu a thlep tawm hmuk hmuk.

Atthlak zet in a sawi lai khan natna ni awm tak ka hre tel in ka inhre bawk.


"Ka zawt che a lawm. Chuan, khawngaih tak in kan awm dun lai chuan vawi leh khat ah che chhuak thut tawh suh.. ih... ka "

"Ka tihpalh" a lo ti thum sup, ka sawi tur pawh sawi zo thei lo chuan ka en deuh kawk ringawt! Tunah khan Malsawmtluanga hian 'ka tihpalh' tih a sawi em? Chu pawh ka bul ah lehnghal!!


"I u hnen ațangin ka hria a lawm" ngun zet a min en chung a a lo tih leh tak ah chuan ka thaw ta halh.


Ka u nen an inbiak țum khan ka rilru lam harsatna engkim a sawi tel tih ka hrethiam ve ta chiah.



Sawi leh mai tur hrelo a kan ngawih dun rauh rauh tak ah chuan Prof Msa chu tukverh lam pan in a kal phei a, parda uk lian tham zet inzar chu nawr hawn belh in pawn lam chu a thlir nghal vung vung.


A smart pants ipte ah kut zen lut hlun in awm ve lo ang mai ah min ngai a a din ngawi tak tlat ah chuan ka inthlah dul ve ta a, muangchang a inher țhem țhem in kawngkhar herhawnna chu ka hum a, chumi pah a ka va melh leh zeuh lai pawn a din dan ngaiin a lo la ding reng a.


"Inneihna tur chungchang vel ah pawimawh a awm chuan ka u nen in inbe zui tawh mai dawn a nia" ka ti leh hram, en pawh min en tawh lovin prof Msa chuan lu a lo bu nghut.


Ka kal chhuah hma chuan uluk fe hian ka en nawn leh a, kan innei tur chuan a tithinur hle te pawh ani mahna, a insehruhna avang in a bek zawn a pawng țalh ţalh a. Chhuak thuai thuai se min tih hmel zet in pawn lam ngawt chu a en lui tlat bawk.




Lehkha chhiarna pindan ka chhuah san fel chiah chu ka thaw chhuak nghal hawk. Pindan chhung boruak rit ipik lutuk avang khan ka lu a na deuh ut ut tih ka hre zawm nghal zat bawk.

Boruak dang hip vat ka mamawh tih inhria in ka kal sawn nghal thuai a.


Mahse!



Kan nupa pindan ni țhin ka kal pelh dawn chuan tawi khawmuang dat in kawngkhar inkharpui țhiap chu ka thlek veng veng a.


He pindan chhung ah hian ka hlimna zawng zawng te kha kalh hnan ani mai te hian ka hria!!


"Kan inneih chuan inpui lam ah kan awm ang" ka hnung mai ațang a prof Msa aw ri lo chhuak thut avang chuan ka phu deuh zawk.


Kawngkhar aţang chuan mit la sawn thuai in ka insangmar nghal tlat.

Chutah prof Msa vek chuan "kan innei a nih chuan kan ințhen tawh lo ang" a lo ti leh hmuk.

"Jordan-a lo harh..." tia ka inher let chu ka sawi zawh hma hauh in thinrim zet hian min lo pawt chat a.

"Zohmangaiha a lo harh chhuak emaw, harh chhuak tawh lo pawh nise kan innei a nih chuan kan ințhen tawh dawn lo" nghet lutuk a lo ti churh in tur zet hian min melh khui a.


Han sawi ve leh mai tur pawh ka hre lo! Min hmangaih ve tawh bawk silo, tinge ințhen leh mai chu awlsam tak a a pawi mai loh le?

"Dam chhung in inrem lo zet in kan awm dun reng ang i tihna maw?" tia ka zawhna avang chuan khi deuh suk in a lo pen hma hrut.

"Kha lam chu i ngaih dan dan ni rawh se" ti sup a ka hma ah a lo din rual chuan inhmachhawn a inhnialbuai chiam ka chak loh em avang in ka buk khum ta vel mai mai.



Ngawi reng a inher in kailawn ah chuan ka chhuk thla a. A rawtna chu a țha phian zawk ang, hlim tak a kan lo chen dun tawh na in ah hian lemchanna hmang a phuar beh chawpna avang a chen dun leh chu keipawn ka chak biklo.



Mahse, Rinchhani nen hunthawl neih nan he in hi an hmang țangkai tawh hle ang tih vel ka ngaihtuah thlen erawh in ka hah hluah hluah. Ka bing chuk chuk a, ka pen mek na chhuat te chu a hla du vek hian ka hria a.




Rinchhani nen an inthlah dawn lo tih chu chiang takin min hrilh tawh, a tak ngei ah engkim ka hmachhawn hun ah chhel takin ka tuar thei a ngem tih erawh ka hrethiam rih lo!


"Hlimi, thingpui ka lum a sin hei, lo in phawt rawh" nu Rami thusawi avang chuan ding chawl leh dat in ka han nui lui a.

Ani hmai eng hmuh pawh hi ka inthlahrung zo vek tawh.

"Ka kal tawh zawk mai ang nu Ram" eng emaw lo sawi tum a a an leh ziau lai chuan nuih leh sak in kawngkhar pui ah chuan ka kal chhuak ta tho.


Pawn lam boruak chu hip lut ham ham in ' i hmachhawn thei, Lalhlimpui' tih chu ka rilru in ka sawi nghal mawlh mawlh.


He in pan a ka kal lam ah kha chuan thinrim engphiar a inhnial in kan nat loh hlau in kan in țawng khum a nga, ani phei chuan hmusit leh diriam tak tak in ka chung a thil thleng te kha a sawi chhuak leh hial ring rilru a kal kha ka ni a.


Mahse, ka beisei loh zet a ka inhnial buai tak loh avang leh țawngkam dengkhawng tak tak kan hman loh avang chuan venkhat in ka veng deuh hawk.


"Bruno, min lo zui suh" tualzawl a ka kal chu min zui zel avang in ka ding leh rih a.

Bruno lah chuan pangchan hmel deuh a min en chungin mei a vai lauh lauh a. Luh a tum loh hmel kher mai.

"Va lut rawh, gate pawn ah i chhuah phei chuan miin an ru daih mai ang che" tiin in lam ah ka nam let țang țang a, a pa lian ropui si, luhlul deuh in a chesawn duh miah lo a nih chu!


"Engnge i hriat a? Min lo zui suh ka tih chu..." beidawng zet a ti halh in rum deuh hian ka han melh a, meng khup deuh lup in ka kê a lo nul dun dun zui.


"I pa Jacob-a khan a kawl leh daih che ka ring tawh a sin le.. Lokal teh, lut ang" ti hap in inchhung lam pan chuan ka pen let a.

Chutia ka let tak ah chuan thuawi deuh in ka hnung ah a lo kal leh hnu hnu roh sia.


"Le, inchhung ah va lut tawh rawh" veranda ah chuan lawn chho ve tawh lo in Bruno chu ka hnawt deuh titih a, a neitupa ang mai a lungawilo hmel pe na zet hian ka kê bul ah a lo bawk rup a nih chu!


"Eng nge i hriat a? Khatikhan min tihtauh khum reng reng suh" tia ka vin ngial pawn meng khup deuh lup in min en kur ringawt.

"Nu Ram, Bruno hian min zui a tum zel a, lo thlem teh" beidawng rilru deuh a ka au lang lang lai chuan Malsawmtluanga zawk a rawn chhuak nulh a nih chu!


Ka inrin hma hauh in ka tawlh hnung chiam ringawt.


"Eng nge ni a?" lo ti sup in kei leh Bruno te chu min en tawn thuak a. Bruno lah chu lo ding ve tawh in ka kê bul ah a lo kal leh hrut hrut tawh.

"Min zui a tum ringawt a hei, inchhung ah hruai lut rawh" pangngai tak chuan ka ti let ve mai. He lai hmun ațang a a hlathei ang ber a kal thuai thuai duh tawh bawk si nen chuan rilru hmanhmawh zet in Bruno chu ka hnawt leh ngial a. Ani lah chuan min en dauh dauh in min hnaih hrut hrut a.



Prof Msa chuan a kekawr ipte ah a kut zen lut hlun in kei leh Bruno chu min han thlek dun leh a, a nui deuh ruh ruh bawk. Kei lah kal mai tum in ka che sek a, Bruno lah chu min zui ve nghal tum ni awm takin mei a vai vut vut bawk nen a tawp ah chuan Malsawmtluanga chu a lo nui chhuak ta huk huk.

Rum zet a ka melh kha kha lai chuan Veranda ațang chuan lo pen thla vut in "My Boy, inchhung ah lo lut rawh le" tiin Bruno nghawng awrh ah chuan a lo man a.

Bruno lah chu a ngik deuh nghur nghur a, a lungawi loh ve hmel kher mai. Prof Msa'n a pawh lai te chuan thle ngut ngut in keichu min en tlat a nih chu!

"A lo ngai ve hle che a nih dawn hi" ti sup a chiang fê a prof Msa'n min lo en chuan ka ip deuh chawi ringawt.


Bruno nghawng awrh a chelhna chu thlah in a lo ding mar ruai ruai a, kan inhmachhawn tak siah ah chuan ka awm chhung chu a rit vek.

"Tikhan lo inhruai lut mai ru" rang deuh a ti puat in ka inher a, a chak thei ang ber in tual zawl ah chuan ka pen nghal hlawk hlawk.


Bruno chu a lo bauh țhawt țhawt a, lo tlan ve mai a tum tih chu a thawm na zet aţang chuan ka hre thei.

"My Boy, thuawi tur" fiak deuh țhak a a pu in a tih tak ah chuan bauh tawh lovin a ngik ve nghur nghur a, hawi let erawh ka tum tawh lo.


Hun chu a kal mawp mawp a, kan inneih ni tur pawh a hnai ta kher mai!


Prof Msa te lam leh ka chhungte chu engtin nge an inbiak tih vel ka ngaihtuah ve peih lo. Rilru ka sen deuh hlek chuan ka tukhum te hi a sa hut hut a, beidawnna, hnualna leh sawifiah theih loh khawp a ipiknain min tum leh mai țhin. Hetiang hian vawi engzat fakau nge ka awm lah ka hre seng lo.



"Kan ngaihtuahna pawh hi a țha zawng a bawl ve fo tur, thil țha lo lam kan thun hnem lutuk chuan chu chuan min hneh țhin" tiin Zodika khan min hrilh a.



A dik viau in ka hria.

Chuvang tak chuan ka dinhmun khirh lutuk leh duhthlan tur dang awm chuang bawk silo hi a țha lam zawng in suangtuahna ka din luih char char a ngai.

Ka u te kiang ah hian damchhung in ka awm reng thei dawn lo, sawn pai chung a ka pa te chhungkua zuk belh ngawt lah mitmei venna tur hlir ani dawn a.


Prof Msa nen kan inneihna tur hi mite hmuh ah chuan rapthlak tak angin lang mah se nu Hmingi te nupa ka chungah an țha em em a, an tu tur ka pai mek bawk. An ni hnen chiah chu naupai chung pawh a inthlahrung lutuk lo a ka awm theihna hmun tur ani tih te in ka ngaihtuah lui țang ţang țhin.


Prof Msa nen kan inkar tur erawh a eng zawng a thlir ngaihna hlawl ka la hre rih lo!


Jordan-a kan tur a ka kal ve chang apiang in Kimbawihi a lo awm ziah zel a. Jordan-a kut leh ke, hmai leh nghawng vel te chu tui lum ah puan chiah huh in a hrukfai sak hliau hliau zel a.


A damlo engmah hrelo a khum a mu zawi reng pawh hetiang tak a duat a, ngaihsak a enkawl nitin peih tu Jordan-a'n a nei chu ka lawmpui rual rual in a â ka ti takzet. Kimbawihi'n a hmangaih tehlul nen engtin nge kei țhian ang bak a en theilo tu hi min hmangaih ang a a inhriat tlat țhin le?


....

Tlai khat erawh chu room tukverh ațang in kawl engphut chu ka thlir a, ka lung a rawn chhe thut a, hetiang dinhmun a ka awm chhan ber Jordan-a ka huatna chu a rawn lian in a lak ah ka thinrim thar ngawih ngawih. Prof Msa nen nupa hlim tak ni a kan hringnun kan hman theih lai reng a ka nun min tihchhiat sak vek dan te, amah vang liau liau a ka mipa hmangaih nen kan inkar a tawp hmak tak dan te chu ngaihtuah let in natnate'n min lo luhchilh tup tup a.



Thil dang ngaihtuah luih ngial ka tum pawn ka theilo, tha nat lutuk avang in ka khur hlawk hlawk a, ka pum chhung te chu a rawn țek chuai chuai; a tawp ah phei chuan ka mipa hmangaih tan a hmangaih let tlak loh khawp a min siam tak avang a kehsawm vek in ka ţap chhuak ta hlawp hlawp.



Ka pindan a Ruth-i lo tlan lut in min rawn kuah thlawp lai te chuan thawk buai vek siin ka ţap tawp thei lo!


"Mate, engnga tinge?" ti chul in ka biang ah a lo dawm chawt.


"Ngatinge ka hmangaih nen kan inkar a tihchhiat vek hnu ah ka hreawm tawrhna te engmah lo ang mai ah ngai a khum ah a mut hahdam veng veng bik?" ţap hlawp hlawp a ka tih chhuah tawk tak ah chuan min hrethiam zet in Ruth-i chu a thaw ta hawk.



"Kha zan ah khan ka lakah tenawm tak in che lo se chuan maw Ruth, tun ah te hian Prof Msa nen hlim deuh in hun kan hmang dun a nga... tun ang hian zak tak leh rilru nuam lo reng reng in ka chhungte ho hi ka siam miah lo ang che u. Mahse, ani khan prof Msa ka hmangaih lutuk tih leh a tello chuan ka talbuai zel țhin tih hre vek siin khatiang khan a che lui tho a! Ruth, Prof Msa hi ka hmangaih a sin, mahse a tan chuan hmangaih let tlak pawh ka ni tawh lo! Ngatinge.. ngatinge Jordan-a khan khatiang thil kha ka chung ah a tih.. ngatinge?" thaw chham lek lek in ka au chhuak tuar tuar!


ka ipik a, ka chhungte tan mi hnawksak mai ah ka inngaihna a lian a, prof Msa tan Jordana fa pai reng chung a hmangaih ka harsat tawh dan tur te chuan min rawn hnawh tawt up up!


"Ngatinge ni?" Mangan hmel zet a pindan chhung ah midang an lo tlan luh lai te chuan ka ngaihtuahna ipik thlak lutuk thunun thei bawk silo in ka lo sapatal nawk nawk a.



Ka thawk a rang in ka lu a hai mup mup a. U Hriatpuia chuan a awm ah min kuah bet a, ka thawk ipik a zual tulh tulh bawk nen mumal lo lutuk a khek chiam chiam in ka u chu ka sual let nawk nawk tho.


"Lalhlimpui, i ngaihtuahna te kha inhneh tir suh" ti hrawk a nghet leh zual a min kuah ngheng tak ah chuan ka thazam a țek chawk a, ka zawi nghal hnawk bawk!


Khum ah min mut țhat tir lai te chuan ka zawi ngawih mgawih a, ka thaw țawk țawk ani ber.


Mittui tla zung zung in khum tlang ah Ruth-i chu a lo țhu a. "Hetiang hian maw i lo talbuai țhin a?" ti țiau in ka biang ah lo chul in ka taksa khawi lai pawh chu a khawih kual ruai a.


Ka ban zawi hniang te chu lo hmet nawk nawk in khap lo lek a ka meng vai riai chu "Mate" a lo ti leh hawlh zel.


.

Ka chhungte'n zanriah an kil lai chuan min titi pui turin ka pindan chhung ah Zodika a lo lut a.


Ka talbuai chiam lai khan phone call in ka doctor an bia a, ka doctor leh Zodika hi keimah vang in an inhre țha tawh in an inbe ngun em em a, ka doctor chuan ka chanchin a lo hrilh a nih ka ring.




A eitur lo khai luh chu ngawi reng in khum bul dawhkan ah chuan a rem chhuak a, a tawp ah milk chocolate chu a chal zawn ah lek vut in a lo kiai suk.



Mahse, țum dang ang a ka nuih let peih loh avang chuan thaw huaiin ka khum tlangah lo țhu in ngainatawm deuh hian min han nuih a.


" ka chhungte tan hian hnawksak leh phurrit mai ka niin ka inhria?" ti a puan a ka inlu khuh tur chu rang tak hian min lo dang a.


Beiseina nei hram hram tur a min duh tih hriat zet a zawldawhna te nen min enna chu mittui tling pam hian ka en let ngawt ngawt.

"Zodik, ka tuar chhuak zo dawn chuang lo, ka thih hma mai hi a țha zawk ang" ka tih leh sep chuan ka mit ah lo en ngur chungin lu a thing nghut nghut.


"Eng ang mi pawh ni la Pathianin a hmangaih reng che, a khawngaih em em che a. I chhungte tan i hlu tak zet bawk. Thihna chungchang kha sawi tawh suh, i thi a nih chuan kan tuar na ngawt ang" ti in Zodika chuan chiang fe hian min en a.


Lo hnial tum a kâ ka an ziau lai chuan ngenngawl zet a min en in a nui a, lu a thing leh nghut bawk.



"tuna pawimawh ber chu, natna hreawm tak i tawrh mek ata i dam leh theih nan huaisen tak a beih a ni. I dam tih pawm hreh lo la, i chhungte leh i țhiante hian hnawksak kan ti reng reng lo che, kan hmangaih che in i hlim kan duh ber zawk" ka kut phah lo hum pah a a tih zawih ruih chuan lu ka thing nak.


Zodika thung chuan "a dik ngei a ni" ti ang hrim hian min lo melh let a.

Ngawi reng a mittui avang a phe riai a ka en ngawt ngawt chuan ka kut chu lo hmer nghet sauh sauh in "khâng i natna in a ken tel ngaihtuahna ipik thlak tak tak te kha inhnehtir lo hram hram la, awih lo lui tlat ang che" a lo ti leh ta a.


A kut leh lam chu a lo lek chhuak in ka sam ah a lo chul thuak bawk.
" Lola, Isua Krista hian i mamawh apiang pek zung zung che aiin amah nena in inlaichînna lam hi a tuipui zawk che," damdap a a lo tih leh chuan ka awm chhung chu a che rawih rawih. Dimte hian ka mittui a lo tuai hul leh a.


"Hringnun a zawhna khirhkhan pui pui hi Lalpa'n min chhan sak in min chinfel sak zung zung a tum lem lo va. Amah nena inlaichinna nung kan neih a, a fa duh tak kan nihzia min hriat tel tir a tum fo tih i hre tlat dawn nia," a ti leh dap dap.


Thawk la a Zodika thusawi te ka ngaihtuah chian tak ah chuan ka veng leh huai huai lawi a!


He depression tak hi chu aw! Dam san tawh ka va chak tak em!!


Chutia Zodika nen kan ngawih dun vang vang lai chuan in; room kawngkhar inkharphui lo chu lo inpawt hawng zau in khawvel a ka mi beisei lo ber hi a lo pen lut ve a!




Phawk zet meng kawk a ka kang deuh awk chu Zodika chuan min en in kawngkhar lam chu a hawi let ve thuai bawk.


Kawngkhar bul a Prof Msa lo ding run a hmuh ve tak ah chuan ka kut a humna chu a thlah thuai mai.


"Ka lo tibuai che u em?" Malsawmtluanga chuan lo ti nghut in Zodika chu a en nghal run bawk.


"Buai lo e... kal tawh ka lo tum mek a hei," pangngai tak a tiin Zodika chu a tho chhuak nghal a.


Tun ah kher hi chuan Malsawmtluanga nilo in Zodika kiang a awm hi ka mamawh tak zet zawk a sin le!



"Lola, lo țha zel rawh aw, ka kal a nge" chiang zet a min en in Zodika chu a nui suk a. Malsawmtluanga erawh a dinna ngai ah ding run in Zodika leh kei chu zir chianna nei ang hrim a uluk hian min en dun a.


Zodika a kal chhuah dawn pawn inla thuneitu fe hian Prof Msa chu zu han tawlh sawn duh map lo a mawle.



Zodika kal chhuak chuan kawngkhar chu a pawt phui a. Khum lam panin Malsawmtluanga pawh a lo pen chhuak vut a, boruak rit nghal vek avang chuan ka țang nghal țeuh bawk.


Khum tlang ah a lo țhut thlak rual chuan khum kil lam ah ka tawlh phei hrat a, ka chet dan chuan a tilungawi lo nge a rum chhuak nghut mai.


"Inneihna hi kan titawp mai dawn em ni?" ti sup a chiang fahran a min melh chuan ka hîk chhuak pup a nih chu!

"No.. Duatte" ti chhuak hulh in ka darah lo khawih tum niawm tak hian ban a lo lek chhuak hlui a.

Mahse, dah thla leh ruai ruai in a kâ aţangin a han thaw chhuak leh hawk phawt a.


" ka ngaihtuah vang che a nia. Mahse, ka nu leh pa te kiang ah i awm chuan inthlahrunna tur a awm dawn hauh lo a nia. An tu tur i pai a, ngaihsak tak leh țha tak a enkawl che pawh an duh, rilru hahdam tak in i awm thei ang" aw ki hniam ruih a a lo tih chuan ka thaw chhuak riai riai a.




Mahse, Zodika nen kan inbiakna te a lo hriat avang a min lainat chawpna chuan min tilang khawngaihthlakawm zual vek hian ka hria.


Chhang let lo a ka ngawih reng avang chuan in min en vung vung in ipik hmel tak hian Prof Msa chu a thaw leh ham ham zel a.


"Thinlung titawt zual thei thil ngaihtuah tam lo la. Chuan, engmah zel din ngut ngut suh" ti nghut in a kutphah hlai zet chuan hmai a tuai puat a, chutiang țawngkam te chu a hnen aţang hian dawn ka lo inbeisei lo reng reng.



Chhuat lam chu melh ngur in a ngawi leh vung vung a. Leather jacket dum a ha a, a perfum rim pa zet pawh hman a ang bawk khan amah nen a la inrem hluah hluah tho.

"Tu hmeichhia mah ka mutpui lo a nia" a lo tih sup avang chuan bangbo zet hian ka melh kawk a!

Prof Msa erawh in chhuat lam a la melh ngur thung.


"I depression hi keimah avang a a zual ka duh lo... keimah avang a zeldinna maksakpui pui nei a talbuai tur lehlek phei chuan ka duh lo che. Chuvang chuan thudik ka hrilh che a nih chu" hniam thum ruih a a lo tih leh pawh chuan țawng nachang ka la hre chuang lo.


Ka beng chhung chu a ri deuh mup mup a, ka talbuai a duh loh avang ngawt in dawt chiang lutuk a sawi kher a ngailo a sin le!! (?)




Ruth-i'n thingpui kan in duh leh duh lo min lo zawt a.


Prof Msa chuan kei chu min en a, lu ka thing nak avang chuan "kan duh lo mai ang" ti sup in Ruth-i chu a nuih lui suk.



Uluk zet in ka lainzawnnu chuan min han thlek dun leh ren rawn phawt a. Vau zam tum ang hrim a Prof Msa a melh hrep hnu ah ngawi rengin a chhuak a, kawngkhar a kharphui rual chuan atthlak tih hmel zet in prof Msa chu a nui suk bawk.




Chumi zan chuan a awm ve ta reng a, kei nen chuan vawi khatmah kan inbe leh tawh chuang lo.


Matt-a a lo tlan lut a, Prof Msa chu a lo ngai ve ngang reuh a niang a rawn bawh that that a.

Pakhat lah chuan a kapkar ah lo din tir in a fiam zuk zuk reng a, Matt-a pawh a khek ve nasa ngang mai.


A tawp ah phei chuan prof Msa chuan a phone chu a pe a, Matt-a pawn rang zet in a games duh zawng a thlang kual nghal zat zat.


Naktuk ah mo kawr vel en kan tum avang in kan țhian ho chats room ah chuan Nuni te chu an ri laih laih reng a. Haw mai a tum bawk silo nen chechang lo lek a khum a ka mu chu ka lo muhil tlang daih ani ang. Ka harh leh meuh chuan ni a lo chhuak ut tawh a.


A engamah hma a ka lungphu che nghal dawt dawt zawn ah ka kut chu nghat in ka maimitchhing leh vang vang a.

*Ka chhungte leh ka țhiante tan hnawksak ka nilo a, min hmangaih in ka hlim an duh em em vek* tih chu ka rilru a sawi nghal mawlh mawlh in panic attack ka nei tur chu inbengdaih ka tum nghal a.

Tlem a ka ziawm deuh hnu chuan ka țhu chhuak a, Zodika min hrilh fo ang in Bible chang tawite chhiar in ka ni hman dan tur chu țawngțai in Pathian hnen ah ka hlan a. Ka rinhleh lai ber pawh in 'Lalpa, i kutphah ropui ah ka rawn inkawl tir e, nangin țha i tih dan angin min kaihruai ang che' tih ngawt tal pawh chham tur in min hrilh ţhin.



Ka tho chhuak turin ka puan sin ka theh hlip mai tur chu ka tawp leh dat a. La kang deuh in ka han hnim deuh vang vang chuan Prof Msa rim pa zet kha a lo chambang a.


Mak ka ti viau. Nizan khan khum tlangah ringawt a țhu si a, engtin nge ka puan sin lai, chu pawh ka awm zawn ah teh daih a rim hi a lo chamban theih le?

*Good Morning*

*I nat lai pawha hlim ang taka i awm lui thei kha i chakzia lantirtu a ni.*

Zodika message lo aw va te chu nui var var in ka reply let a.


*vawiin lam chu mo kawr en chuan i chhuak dawn mi?*

*umm, nang engnge i tih dawn?* ka ti let a.

*inrual a kal chhuah ve chu chak viau mah ila Home tlawh in bial upa te nen kan kal chhuak dawn a* a lo tih chuan ka nui hak. A zui țhin te hi kohhran upa inhmuam up tak tak vek an ni țhin si a. Boring a ti ve ngai lo em mawni.


*țha deuh in aw*

*ok, nangni pawh nalh deuh in inlei dawn nia* a lo tih chuan ka nui var var a.





"Hetah hian mo kawr vel chu an nei nalh țhin lutuk. Hetah duh zawng i hmuh loh chuan pakhat ah kan kal leh dawn nia" Remremi chuan a ti zung zung a.


"A nih hi, a changkan hmel hlawm reuh tawp" Ruth-i pawh chuan dawr pawn ațang a en vang vang hnu ah a lo ti ve a.


Kimkima a tel ve bawk nen khawlai ah hi chuan ani hi a insum hleithei lo leh pek țhin a, a ri phawr phawr a, chau ru viau mah ila min tihhlim a tum ve dan ani miau si a, tawi te te in ka nuih ka nuih ve mai.


Remremi sawi ang tak tak in an mo kawr zawrh chu a lo nalh hlawm ngang mai.


Ka nau pai a lan ve deuh tawh avang erawh in ka duhthusam mo kawrfual erawh a vang pharh.


Rei ngial enkual a țhahnem fe ka hak kual chhin hnu ah Ruth-i thlan chhuah chu kan la ta a.


A man a pek lai chuan ka lo meng bial nasa mai. Ruth-i lah chuan card a phawrh a, awlsam zet in mo kawr cheng sing chuang man chu ka tan a lei fel der!!!


Hawh mai kha ka pawi tih loh tehlul nen, kan Ruth-i zet erawh chuan 'hawh' ang chi kha a lo pawm ve awmzawng silo a. Pheikhawk pawh French brand lar zet ami min lei sak hmiah tawh bawk.




Kan bazar boruak erawh pasal nei tur dangte bazar boruak nen a in angin ka ring lo.


Ka dinhmun an hrechiang a, ka nat palh hlau reng reng in an țawngkamte an veng fimkhur a, kan nui nasa hle nangin tupawh chuan kan thil sawi chhuah tur kan uluk em em vek.



Haw tur a kan intintuah vel lai tak in prof Msa'n min lo call leh hlawl a.


Chhan loh ka tum zet nangin 'driver koh leh a buai thlak, min lo hruai tur in hrilh rawh' Ruthi ber chuan a ti ta tlat sia.



Insangmar țeuh in ka chhang a. Min lo hruai a tum sa zawk nge 'khawi ah nge in awm? Ka free a' a lo ti nghal thawr bawk.


Ka lo nghahna caffe kawt a lo thlen rual in a call bawk a lo lut leh a.

"Pawn ah ka awm tawh" ka chhan rual chuan a lo ti sup.

"Kan lo chhuak" tih leh phone off ka rual a, inkhaibawr luk a kan inzui chhuah chuan a bullet bike ah Rsa chu a lo țhu khur a, Prof Msa erawh Bolero bang ngheng in a lo ding a, mak tak maiin tarmit a lo vuah bawk.



Ka chhuak min lo hmuh rual chuan rang zet a che vut a, motor hnung lam a hawn ah chuan kan indah lut sap sap a.

"Hei, nangmahni min nghahpui tur che u in min sawm tlat sia" nui kur kur pah hian Rsa chuan a lo ti a.

Ka en deuh ha chuan a nuih a zat hmel ngang mai. Prof Msa lah chuan 'ngawi mai mai rawh' ti hluk in Rsa chu a en run a.


Rsa chuan nui deuh ruh ruh hian "Lola, ka kalsan ang che u aw" a rawn ti a, prof Msa en leh kher rual chuan atthlak tih hmel zet phun hluk in prof Msa chuan "kal vat teh" a lo ti nghut.


"Het, rawlthar bialnu hmu zak ang mai a a tir ah min sawm urhsun nen, min mamawh loh tak ah chuan vin chiah maw ka hlawh dawn a" ti in Rsa chuan a bike chu a ti nung dut dut a. Ruthi ho chuan nui tet tet in prof Msa chu an en a.


Kei erawh chuan a tarmit vuah chu ka lo melh leh zeuh țhin a.



Paper check fel tur a ngah chang hian a vuah ve țhin a, khawlai ah vawi khat mah a vuah chhuak ngai bawk silo nen engti tih a vuah nge a nih ang tih chu ka ngaihtuah leh ngut ngut tawh.


Rsa a tlan chhuah hnu chuan prof Msa chuan ka țhut luhna na tur in kawngka a pawt hawng a, ka țhut luh lai te chuan a tarmit vuah ngawt chu ka lo en leh țhin.


Seat hma ah ka țhu a, ka hnung chiah ah Ruthi țhu chuan mo kawr ka hak chhin kual lai a a thla min laksak chu min hmuh zat zat a.

Remremi te erawh an titi tui viau.

"Kal kawina tur in nei tawh lo maw?" tiin Prof Msa chuan min enkual thuak.

"Yeap, vawiin a kan lei duh ho chu kan lei zo tawh" tiin Ruth-i chuan a lo chhang a, bu nghut in steering chu hnehsawh zet hian a her kual a.


"Ih..." ti sap a Prof Msa ka melh zeuh chuan min lo en ve chiah.

"Ngatinge.. kha kha.. tarmit kha?" nuam tilo zet hian ka ti leh a. Amah pawh chuan hrechuak ve thut ni awm tak hian a nui a.

"Ka khawhmuh a phe riau zel a, ka vuah regu deuh a nih hi" a tih ve mai tak ah chuan ka bu ta nghat.

In kan thlen chuan ka pa in thingpui in tur in a sawm luam a, prof Msa pawh lo lut kawi in reilo te chu a țhu khawmuang ve a, kei ni lam chu inneihna tur vel avang in ka chhungte an inpuahchah nasa ngang mai.


Prof Msa te hi engtiang takin nge an inpuahchauh erawh ka hriatpui ve lo. Ka pa kiang ah chuan a titi ve luam a, kei ni erawh vawiin a kan thil lei vel te phawrh chhuak in kan ri leh nak nak zel a. Chutia ka țhiante nen kan rik nak nak kar a ka va en chang apiang in prof Msa chhuan min lo en vung vung zel.


Rang deuh a ka hawi aswn leh nghal thuai țhin chu tawite a nui suk in lu a thing nghut tih ka mitsir chuan ka hmu hman ziah.

.



A thleng ta!


Nie!

Malsawmtluanga nen mite hma a nupa ang a lem kan chan țanna tur kan inneih ni chu a thleng ta!


Ka laizawnnu mo kawr min lei sak ngei mai chu ka ha a, ka make up in a zir bawk nen tun hnai a ka bawrhsawm zia lang lo lek in ka inhmu hmelțha kher mai! Ka mo kawr hak lak a simple in a lang pui em em a! Lemchanna mai a hak tur a tan chuan ka inhmeh lutuk chu ka rilru a na ru et et.


Kohran hall a innei mai mah niila kan inneih min lawnpui tur a lo kal te chu an țha hnem ngang mai! MLA ni lai mek te, sawrkar department a hna pawimawh tak tak chelh tu te chu an chhungkua in an lo kal khep khup a.


Chung mipui tam tak hmuh ah Prof Msa chuan min huatna thup bo țhak in min ngaihsak em em a. A țhian ah Rsa a din pui a, keiin Nuni ka dinpui thung. Jacob-a te ho pawh pawimawh leh țul ah chuan an che nghal zung zung zel a. Rinchhani'n thip ve a min en leh ngawt ngawt țhin erawh in awm aatinuam lo.


Thla kan lak lai te phei chuan min la hmangaih tak tak emaw ka intih theihna rum rum tur khawp a ril hian min en țhin a, min dimdawih in ka tluk sual palh hlau in min veng a, ka kawngah nghet tak a a lo chelh chang te chuan ka lo ip leh chawi țhin.


Zodika leh nu Hmingi te chu eng emaw sawi hian an ding dun a, Zodika chuan ka va en chang apiang hian ngainatawm zet hian min lo nuih țhin a. Tawite a ka nuih let ve a lo hmuh fuh chang apiang in prof Msa chuan ka kawng a kuahna a ti nghet salh zel.


Zan ah erawh a in ah party neiin keini pawh zan kan riak nghal dawn thung.


Rinchhani pawh a lo tel ve a. A bulah Rs-a chu a awm deuh chawt! Mite hmuh a ennawm a siam mai loh nan a veng ru a ang zawk mah.



Zan dar 11 a rik meuh chuan ka chau rimtawng lutuk chu ka lu a hai leh mup mup tawh


Prof Msa hnen ah ka hrilh chuan min hrethiam tak in room ah min hruai chho a, amah pawn midang te chu a țin tir hnu ah a lo chhoh leh tur thu sawiin min chhuah san a.


Mu tur a ka inthlak zawh hnu vek chuan puan sin tur dang ka la chhuak a, khum khat ah mut dun ka duh reng reng lo.


Lukham pakhat chu la in couch sei zet ah chuan ka tluzal nghal hnawk.


Ka maimitchhing vang vang a. Ka dul puar ek ek tawh chu hup vang vang in thawk ka han la a. An fapa naupang zawk fa pai chung a an fa u zawk nupui ang a an in ah ka lawi lut tur hi nu Hmingi te hi an lawm tak zet a ngem? tih vel chu ka ngaihtuah a!



Mahse ka lung lo zing nghal mup a vang chuan tho chhuak leh hlawl in ka thaw vak vak a. Pawn lam thawm a la nat em avang in pills chu ka ei a, reilo te hnu ah chuan pawn lam thawm chu a reh tial tial a.


Ka taksa rit luk pawh chu a zang tial tial a!




Nisa in ka hmai a lo chhun khalh tlat avang chuan ka țhu chhuak hlawl! Thlan in min lo bual huh hluam a. Ka awmna ka hrelo țhleh nangin nizan ah khum zau zet ah sawn tumah an mu lo tih hriat tak a lo la mar at a vang chuan A INȚAN TA E! ka tirilru a.



Tukverh ka hawng a, thlifim a lo thawt luh heuh heuh tak ah chuan pindan chhung uap zet pawh chu a lo ziaawm a.


Tlang chung a ţiau chhum zam chek chek chu melh veng veng in ka rilru in Pathian chu ka bia a.


Nie, tunhnai ațang lehlek phei hi chuan mahni mihringpuite rinchhan a, an rual a kal ve mai mai chu tawpna a lo thlen in kan natpui ngawt ngawt a, kan kê pen rual a pên ve a, kan rual a kal ve zel tur a Pathian kan sawm tlat erawh chuan ani chuan kawng laklawh ah min tawp san ve ngailo tih ka hrechiangin ka hmufiah ve tawh em a!


Chuvang chuan Pathian lo chu ka tan han belh leh chuan tur dang an awm lo.


Ka inphihfai vel hnu ah chuan ka sam khuih in darthlalang hma ah chuan ka ding a, ka dul puar ve ak tawh chu ka kawr chhan ah chuan chul in 'naute, engkim a eng zawng a thlir thiam tum zel ang aw' tiin ka bia a.


Chutih rual erawh in natna khum a Jordan-a mu mek chu ka mitthla ah a lo lang a, ka maimitchhing sawk.


Thaw ham ham in samkhuih chu ka dah thla a, rilru ipikna leh hreawmna hre ve lo lek a a mu hahdam bik chu a awh awm rilru rum rum mai a lawm.



Pindan chu chhuah sanin kailawn ah ka chhuk thla a, inchhung chu a lo la reh tlawk tlawk.

Kawngkharpui chu chhunglam ah a lo la inkalh a vang chuan ka thaw huai.


Gas thuk ah coffee tur ka chhuang a, prof Msa chuan room dang a hmang a nih ka ring. A coffee tur pawh ka chhun kep ve chuang lo. Duh leh a lo thawh hun ah insiam ve mai rawh se.


Fridge ațang cake box ka pawm chhuah lai chuan kailawn lam ah thawm ka hria a, a lo chhuk ve anih ringin ka lo insangmar nghal țeuh.



"Good moring" ka beisei loh lutuk a choka chhung ah Rinchhani lo pen lut ka hmuh thut chuan ka cake box pawm lai chu ka thlauh tawp!

A tla khawk in ka thisen zam ațham hik chuai rual in ka awm chhung chu a lo so nghal bulh bulh.

Tho phang hlim tih hriat zet a ham bai bai in a sam chu a tuai a. Mutkawr sen pan zet a malte chen vel a fual a hak chu a sam a tuai zawng te chuan a inhlim chhing a!!


Nizan khan hetah ani hi a riah tir ve a maw? Nge an pahnih in.... lu thing nawk a ka insehruh fan fan chu Rinchhani chuan min nui ta ver ver a.


"Mak tivak mah ta che, in inneihna hi atak a nilo tih chu kan hriat ve ve kha" ti a nui chungin fridge chu a pawt hawng a.


Ka lungphu che hlawp hlawp chu thunun tum in ka inhum ruh fan fan mai!!!



Ka type sawt lo. Khita Lola talbuai lai khi ka feel lutuk a, ţap chung in ka ziak.  dar 2: 17 india ah dar 11: 47 vel khan kan wifi a in off daih a. 2:30 am ah a in off țhin emaw ka tia. Wifi ka on khan ka connect thei ta reng reng silo. In lo chang thlawn em? A pawi ka ti tak zet.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 18th, 2021, 1:42 pm

Chapter 59

"Mak tivak mah ta che, in inneihna hi atak a nilo tih chu kan hriat ve ve kha" ti a nui chungin fridge chu a pawt hawng a.


Ka lungphu che hlawp hlawp chu thunun tum in ka inhum ruh fan fan mai!!!


Țullo tawp in ka rilru kil tin ațang chuan mahni inrintawk zawh lohna te, nuihzat ni a inhriatna te chuan min rawn zim tup tup a.

Ka chheh vel a thil awm chu ka hmu hla leh du tawh!


"Lawi țhat zan ah pawh khum khat ah inriak dun lo nghal pang mai sia" fridge kawngkhar nam khar dawp pah a Rinchhani'n a lo tih leh kher chuan ka hrawk chhung a na ut ut.


Cake box chhar tur chuan rang zet in ka țhu hniam a. Mahse, mut lohna tih hriat zet a khum a puan phah lo la mar vek si te kha ka mitthla ah a lo lang nghal zut zut.


Fridge hma a Rinchhani ding chu ka mit sir leh zeuh a, a mutkawr pan zet hnuai ah chuan engmah a inbel lo tih hriat lutuk in bra thla takngial pawh a lang lo.




Ka kut tha chu a rawn khur chhuak titih a.

Cake box chu chhar in rang lutuk a ka awm ah pawm bet chung in ka ding chhuak a, chumi pah chuan choka luhna ah Pajama chiah inbel a Prof Msa lo ding ngawi ngul ka hmu tel ve lehlek phei chu ka inrintawkna beitham zet nei ve te pawn min thlawh bo san nghal duak mai hian ka hria!


"Awww, Honey, i lo tho peih maw?" tia Rinchhani'n prof Msa a nuih sak lai chuan rang zet in ka inher let a.


Ka lungphu erawh a su dup dup.

"Coffee ka siam a nga, room ah ka lo keng chho ang ka ti a sin le, nizan kan meng rei sia, i mut rei duh ka ring a" a ti leh lai te chuan ka tukhum lo sa pup pup in ka thinphu a rang em avangin ka taksa chu a su dulh dulh.


Prof Msa chu a țawng lo a, engtin nge an awm tih lah ka en ngam tawh hek lo. Ka dinhmun hreawm lutuk leh bing chuk chuk si avang chuan ka thinlungin mangang zet in Zodika chu a au tih zawng ka hria.



"Rinchhan" prof Msa aw zawi sup avang chuan harh chhuak thut in ka coffee chu mug ah ka thli chhuak a, ka thaw khur hlawp hlawp te chu an hriat ve hlau lutuk in thawk ka chelh a.


Coffee no leh cake box pawm chung a ka inher let chuan ka hik chhuak deuh pup nangin ka insangmar a!


An ni pahnih chu engatanmah ngailo ang mai hian choka chhuat zau zet ah chuan ka pen phei ta a, Prof Msa taksa chung lam ruak kung mai chu 'ka ta a nih hi,' ti ang hrim in a kawngah Rinchhani chuan a lo kuah a, Prof Msa thung chuan min en ngut ngut.



Ka kal pelh dawn a Rinchhani lo nui ver ver chu chawngkawrh rul tur ai pawn ka thinlung tan chuan ka khâ fe zawk.


Malsawmtluanga chuan țawngkam khat lek pawh a chhak chhuak lo, inchhung ah hian ka awm ve a nih chuan ka talbuai thuai dawn tih inhria in kawngkharpui chu ka pan ding a, lock ka hawng tur te chu ka khur nasat em avang in ka che buai țhelh.



Kawngkharpui nam hawng a pawn boruak ka hip rual deuh thaw in ka mittui a lo luang thla zung zung a. A ri a țah chhuah ka hlau lutuk bawk si nen ka insehruh ngat ngat mai.


Tha neilo zet a Garage sîr pan a ka kal lai te chuan 'Lalpa, ka pian hma khan khawvel eng ka hmuh ve duh leh duh loh min zawt hmasa la ni tur?' ka rilru chuan ka ti a.


Ka hringnun hman tur hi a hre lawk vek awm si a, heng zawng zawng hi ka pian chhuah chuan ka paltlang vek dawn tih hrereng si a ka nu pum chhung ah min din ve kher hi eng remruatna nge ni ta ang le?

Garage sir a theihai buk hnuai ka thleng chiah chu țhutthleng ah ka thil ken lai chu dah in hmai ka hup nghal tlawk tlawk!!


ka awm ve lai reng a Rinchhani a riahpui sak kher hian min tina dawn tih a hrechiang ber a sin! Amah vang a ka talbuai a duh loh thu kha a sawi a nilawm ni?

Min hua in kan inneihna hi a der mai pawh lo nise ka awm lai kher a hmeichhe dang han riahpui mai chu!!(?) A nunrawn thlak tih piah lam daih ani e!


Harh fim tho si, vâi deuh ruai mai hian tlang bawhtu ţiau chum ral tial tial lai chu ka thlir a, mumang ang ruai hian ka awm ni ber hian ka inhria.


Tualzawl a ţiau lung in phah a heel bun pên ri khep khep chuan ka hriatna thazam rawn țham harh chhawk in ka phu ngheng!



La harhfim chiang lo riai hian tualzawl lam chu ka han thlir a, nizan party-na a a thuamhaw inbel ngai chiah inbel a amah nghak tu car lam pan a Rinchhani kal lah lah chu ka hmu zui zat.



Car ah a țhut luh hma chuan in lam chu a lo hawi let leh a, Prof Msa chuan a thlir zui reng te pawh ani mahna a kut chu lo vai in a nui vel awr awr a!

Thi silova ral riai riai hi ka inchan ber!



'Kan inneih hma pawn a sawi chian viau tawh kha, tunțum chauh lo pawh an ni pahnih hian min zahpahna neilo lek in min khawsak khum leh ngei ang. Chuvang chuan chak takin ka awm tlat tur a ni, ka thinlungin Malsawmtluanga a hmangaihna te hi dahbo in ka fa lo piang tur tan zawk engkim ka tuar a nga, an ni pahnih in min diriam theih loh hun hi a thleng thuai ang' ti rilru chungin Rinchhani chuanna car chu ka thlir liam a.

He inneihna ka pawm chhan dik tak, inkiltawih tak a naupai lai a ka awm lohna tur a inneih hi pawm mai ka nih zia te chu ka inhrilhnawn leh mawlh mawlh bawk.


"Lo lut la" ti sup ri avang chuan phu zawk in aw lo chhuahna lam chu ka en phei a.


Mumang ang ruai a lo awm ka nih vang nge ka chheh vel a thil awm chu ka hmuchiang thei chiah.


Garage kawngkhar ngheng a kut inkuangkuah hlun in prof Msa chu a lo ding ngawi ngul a, tshirt dum a lo inbel tawh bawk.


Ngawi reng a tho chhuak in coffe no leh cake box chu ka la kang a, thil ei chakna hlawl ka neih tak loh avangin ka coffe siam pawh ka leihbaw vek ta ngawt kha a nia.




Chechang lo lek in ka let phei chu min lo en run run, kal pel in inchhung ah ka luh san nghal daih, no vel ka sil laiin a lo lut ve a, rang lutuk a che nghal sawk sawk in kawngkhar a kharphui lai vel chuan choka ațang chhuak in inchung ah ka chho ding leh nghal a.



Min lo zui ve zel em tih ka hrelo, a mitmeng hriatthiam harsa zet erawh kha chuan min en zui zel tih hriat tak in ka hnung lam chu a sa hut hut.




Ka inthlak fel vek hnu ah pindan chhung ah a lo lut ve leh ta a, khum tlang ah țhu thla nghal dawt in bag a ka inkhung lut lai chu min en run run reng a.

Kei lah chu thil thleng kha ngatanmah ngailo ang mai hian ka vir buai lui a,
"Nizan khan...."

"Eng mah sawifiah i mamawh lo, i nun ah ka inrawlh dawn lo va, tunge i hmuh a tu nen nge hun in hman tih vel lah ka ngaihven dawn lo bawk. Nangpawh ka nun ah i inrawlh tur a ni bik lo!" bag a ka thil khung lai chawl meuh in bahlah hlek lo hian ka ti fiah fak.



Prof Msa hmel lan dan chu ka sawifiah thiam lo, helhkham lian tak nei ang mai hian min en ngur ngur.


"Inneihna a thlen hma pawn chiang takin min hrilh tawh kha" ti leh sak in ka nuih lui seih bawk.


Ani pawh chu a ngawi ta hmuk bawk.


Bag ah ka inkhung zawh fel rual chuan ding chhuak in pindan chhung ah chuan theihnghilh ka neih leh neih loh ka en kual leh thuak a, engmah hnutchiah ka neilo tih inhria in chechang hauh lo a țhu ngawi ngul a min en tlawk tlawk tu chu ka kiai khum leh seih a.


"inhnuai ah ka lo nghak ang che, rei lutuk lo la, lemchhana dang kan hmachhawn leh a la ngaih dawn kha" tia dar chhin ak in kawngkhar lam chu ka pan a.

Ka awm chhung tawt leh hah lutuk erawh thawk lakpui a harsa tak zet.



Inhnuai ka thlen thlak rual in door bell a lo ri a, nu Rami a nih ka ring chiah lo deuh bawk nen kawngkhar chu ka melh deuh renrawn phawt a.


Mahse, veranda a mipa aw thum zet țawng dut dut ri ka hriat tak ah chuan rang tak hian kawngka chu ka hawn sak a.

A beng ah phone ngaithla chungin Rsa chuan min lo nuih nghal suk.
"I nu" hmui phun a lo tiin inchhung ah chuan a lo pen lut nghal a. Tawite in ka nuih let ve sak bawk.

"Aw, nu Hming an lo tho ve tawh a nih hi hei," tia nui huah huah in sofa ah a țhu thla nghal dawt.


"Ka'n tur hmanhmawh a nge, kan lo thleng har lo ang" a tih zawm a. Phone a tih tawp rual chuan "khawnge?" tiin min en nghal zat bawk.

"Inchung ah.. e, khi a lo chhuk thla a lawm" Prof Msa lo chhuk thla mek melh zeuh pah a ka tih tak ah chuan Rsa pawh a ding leh hluai a.

Ka tan a ka țhiante an inpek zawh tluk zet in Rsa pawh hi țhiante tan a mi inpe zo tak, a tel ve tawhna ah chuan tlamuanpui awm tak a engkim hlen chhuak țhin a nih zia ka hre ve tawh.


"Kan nupui nei tharpa chu, a va che patling sawt ve" ti hluk in thatho loh hmel zet a Prof Msa lo chhuk thla chu a han fiam nghal zat. Ka lo ip ru deuh chawih a. Rinchhani nen an inzawmna an la kalpui reng tih Rsa pawn a hriat ve vek tho ka ring.


"I lo thlenna a rei tawh em?" ti sup in ner deuh sawk hian a chal chu a dawm a. Tarmit bawk a vuah leh tawh.

"Ka lo thleng deuh chiah, kal nghal ang u, i nu in inleng neuh neuh an awm a, lo letpui vat rawh a rawn ti lelu tawh mai" Rsa vek chuan tiin ka bag khai lai chu khaichhawk ka ngai em tih min zawt nghal zat.


Lu ka thing nak a, ngawi rengin kawngkharpui pan chuan a kal ve mai a, Prof Msa erawh in a lu chu thing deuh nawk in ka bag chu min lak sak hmuk.

Ka en chuan țhen deuh sak sak in a kut hlai zet chuan a bek chu a lo hmer deuh a. Nizan a thil in vel leh Rinchhani nen an chet velna a zo lo deuh te pawh anih ka ring!

Ka ngaihtuahna tuitanglo zet avang chuan ka luak a chhuak deuh hlui leh nghal.

"Kal ila" ti sup a min en chuan thuawi deuh in Rsa chu ka zui ve mai a.


Kan inkar boruak chiang tak a hreve tu a nih avangin Rsa pawn a kâ a veng ve khawp mai.


Motor kan chuan lai pawn fiamthu sawiin Prof Msa a kap fo nangin a hma ang khan kan inkar chungchang a chhaih fiam a ching ta lo.

*zingkar hma tawk ah Rsa khan min lo hruai a, Prof Msa te inpui ah kan awm tawh, lo let vat vat ru* tiin Nuni pawn ka insiam vel lai khan min lo text tawh.


Zingkar a ka thil hmachhawn te thlawt te avang khan mo thar en tur a țhenrual țha lo leng lut te pawh han hmachhawn vel chu ka chak lo tak zet.


An in lan theihna aţangin mi pawimawh hmel tak tak te motor a lo inhung dul a.


Thaw ipik lutuk a thaw hak in ka sam chu ka hui mam thuak thuak a.

Jordan-a fa zawk ka pai tih an hre fur a, lem tak a nui chung a min han be vel tur ka ngaihtuah hian ka hah lawk hluah hluah.

"Kan Mizo dan ah mo thar tuk a mo en a len khawm hi a la bet nghet miau sia... hahdam tak a awm tum phawt teh" ti duah in Rsa chuan ka ngaihtuahna hrethiam zet chuan ka darah a lo beng dat dat.

Tawi te hian ka nuih let sak ringawt.


Hetiang dinhmun ah ka din tak vang nilo hian, inneih tuk a mo thar en tur a kan inlen chilh luai luai hi chu kalsan a hun tawh ka ti ve deuh.

Tun ang lai ah phei chuan tute pawn privacy an ngaipawimawh tawh a, an nghah fan fan pumkhat a an insiam hun a lo thlen tak ah chuan kawppui thar tute pawn hunthawl nuam tak an mamawh vek dawn a. Hotel leh khawi hmun emaw a riak chhuak kher lo a in lam a lawițhat zan hmang țhin te hlei hlei hi an lainatawm zual hian ka hre țhin


Mo thar en turin zingkar hma tak tak ațang țhenrual țha te an lo chuangkai nghal a, mi dang in a tlangnel dan chintawk hre lem lo te phei chuan țhing fahran in innei thar te mut pindan ah luh tawp ching te an awm leh zel a.... mo thar an hmuh chak vang chu ni tho mah se an privacy zah sak a, lawițhat tuk lo deuh a mo thar en te hi ching tawh ila a tihawm ngawt mai.


"Saw, Mother-i pawn a nghahhleh tawh lutuk vang che u in mawngvawm ba ang maiin veranda ah a vei leh tur tur tawh saw" Rsa'n a lo tih deuh hluk chuan prof Msa ngawi ngul ngul pawh a lo nui chhuak ve ta hawk.


Tualzawl ah a inkhalh lut a, ka thinphu su deuh dawt dawt chu tihziaawm tum in ka thaw deuh ham ham a.


Mi tam tak kar a ka awm hian ka chhungril lam a ruak tulh tulh zawk a, ka thawk a buaiin boruak ka hip țha hleithei lo țhin. A bik takin hmelhriat loh kar ah hian a zual țhin.


Motor a din rual in Rsa chu a chuak nghal thuai a. Mahse lut nghal mai lo in motor bul ah chuan tawi khawmuang in zial a țan leh a.


Nu Hmingi pawn prof Msa motor a lo hmuh tak ah chuan hahdam huai hmel pu chung hian kut a lo vai ta lap lap mai.

'Engkim a țha vek dawn' ka hriat tham lek a sawi a ka thawk chhuah halh lai chuan ngun fe hian prof Msa chuan min lo en a.


Ngaihven tawh lem lo a ka țhutna lam kawngkhar nam hawng a ka chhuak tur chiah chu ka ban rek ah a rawn man chawt.

"Engnge?" ti chiam a ka en dawrh chuan ka kut a hmerna chu lo ti nghet zual sauh in "Rinchhani nen khan kan mu dun lo" a rawn ti hem mai!!


Ka lungphu a ran tawh sa tehlul nen a thusawi avang chuan a ri dup dup a. Ka talbuai deuh a hmuh chang apiang a ka awm a nawm theih nan dawt hmang a min hnem ziah hi ka mamawh lo tak zet!


"In mut dun leh mut dun loh ah ka buai lo ka tih tawh kha" ti hmak in ka ban rek a hmerna chu ka nam sak nawk.

A thlah bawk si lo nen thawk zing zet hian ka melh rawm rawm a.

"Nizan khan a in hnem deuh a..."

"Nizan chungchang kha sawi tawh suh" ka ti deuh țhawt.

"Mahse, Duatte" ti sup a a taksa in min hnaih chilh rual chuan set kil ngheng in ka awm hla nghal dawrh a.


"Ihmaw Profesor, kan inneih chhan hi ka hrechiang ve bawk a lawm. Min hua, chu pawh chu ka hria, min hmangaih tawh lo bawk. Keipawn ka hmangaih vang a nei che ka nilo. I sawi ang khan ka naupai lai hi a pi leh pu te kiang ah chiah rilru kam tu neilo in ka awmpui thei dawn a ka hriat avang a nei che ka ni" ka tih khum hmiah tak ah chuan a hmel chu a lang chang ta kher mai.


Rum ul a min en ngut ngut in a insehruh a, ka ban rek a hmerna pawh chu a nat em avangin a mur chuah chuah thei.


"Ka depression avang hian thil danglam deuh hmachhawn thut turin ka chak tawh rih lo mai pawh a, ih, dawt hmang a ka rilru min tih hahdam sak kha tum tawh suh. Mahse, ka talbuai lai i hmuh a i inthiam loh phah dawn ai chuan Rinchhani nen in awm dun dawn ah tlang tak in min hrilh hmasa zawk rawh. Dawt inhrilh ai chuan a țha zawk, ka hmuh dun thut hun ah che u pawh rei tak talbuai lo in ka in adjust vat thei mai ang" tiin thikna neilo ang maiin ka depression chu hmatheh ah hmangin inphen nan ka hmang a.


A lo rin ang leh beisei ang a Rinchhani nen an awm dun vel in min tina ta lo lutuk a a hriat vang tehhrep nge; rum hrawih in ka kut chu a thlah ta nghut.

A hmel lan dan tinelawm lo zual tur tingin tarmit a vuah bawk nen, a lan dan chu a hlauhawm ani tawp mai!


Mahse, tun ah hian engkim hrilh tlang law law ka duh.

"Nizan khan ka hrilh hman ta lo che a. Mahse, khum khat ah mut dun ka duh lo" tia ka sawi lai chuan nelawm loh tawpkhawk hian min melh dur nghal khûi a.

" midangin an hriat kher pawh a ngailo, ka lian vak chuang lo tho a, i room a sofa ah khan ka riak țhin ang" ka dar ah bag hrui bat mawlh mawlh a tiin ka chuak nghal daih.

Zial zu a Rsa lo ding run chuan uluk zet hian min lo en a, keini pahnih min nghah avang in motor bul ah zial a zu mai kha ni a, kan thawm kha a hre vek ngei ngei ang.



Prof Msa lo chhuak in kawngkhar a nam phui dawt lai chuan 'engthil nge ni a?' ti ang hrim in ka lu chung ah hawi kang vut in prof Msa chu a va en a.


Prof Msa chuan lu a thin khum nge pawh ka hre nek lo.

"Lut ang u" Rsa vek chuan lo tiin ka hnungzang ah a lo beng dat a. Ka va han phurlo tehlul em!

.
Tui zet a ka muhil chu min rawn sawi dat dat a. Ka meng dawn a, mahse ka taksa chau hluah hluah avang chuan ka harhfim hleithei lo.

Chutah prof Msa chuan rum deuh nghut in "Duatte" a lo ti leh sup.

Harhchiang lo zet in ka meng chhuak a.

A thaw huai chu dim light eng dul ruih hnuai ah chuan ka hmu phe riai.

"I kut hian i nghawng ah i inrek bet tlat a, a va țha lo ve" ti sup a ka nghawng ka rehna kut min phelh sak a a lo hum vang vang lai te chu ka hre reiruai.

"Ih, ka hrawk a thisen zam phu zeuh zeuh hi ka feel theih loh chuan ka thawk a chham zel a" buh niai a tiin ka kut a hum chu ka pawt a, ka nghawng bawk rek a ka muhil leh mai tur chu rum hawk in ka kut a lo la sawn leh vut a nih chu!


"Khawi teh, i ninawm lutuk.." ti hlur in ka kut chu ka phih ngheng a, nileng a thuamhnaw rem fel a ka chet bak ah in leng an lo lut dawt zut a, thingpui lum sak in ka sem kual a, tlai ah chhungkaw chawhlui kil ho an ti leh a, ka taksa mai nilo mipui kar a ka awm nasat lutuk avangin ka rilru lam thleng hian a chau a, ka muhil thei lo ang tih hlau a mut dawn ah pawh ka țawngțai urhsun tehlul nen hetia min lo tibuai sek hi ka ning tak zet.

"I nghawng ah khan in rek tawh lo teh, mangchhe deuh mang palh ta la thil pawi zawk a thleng palh mai ang" ti duah in ka kut chu a hum nghet sauh sauh.


Ka thin in a lo tuar leh bik tawh bawk silo nen ning lutuk a țhu chhuak hlawl in rum tak hian Malsawmtluanga chu ka melh ta rawm rawm ringawt.


"A hma khan hetiang hian i awm ngai miah lo" ti a min en run chuan ka mut kham lo lutuk bawk si chu ka țah a lo chhuak ut ut.


"Engnge i lo buai ve vak a, a mak e mai, ka chau a nia" țah aw lek lek a ka tih tak țuau ah chuan beidawn hmel zet hian min en ta vung vung a.

Ka hrawk a thisenzam phu zeuh zeuh hi ka feel reng loh chuan ka ipik thut zel a, thawchham tur ang mai hian ka thawk a buai chiam zel.

Min țhutchilh tlat chu haw zet a "Eng nge?" ti leh tuar a ka kut ka pawh nghek chuan "Hetia i mutthilh lai a i in rek țhin hi doctor i hrilh em?" a lo ti ve nghut. A buai lohna tur ah a buai peih ka ti tak zet tawh.

"Hrilh, ngai ah ka nei vang a ti.. i lawm tawh em? Zanlai ah in kaithawh phah nan chuan i zawhna min zawh hi a ho tak zet" ti bak leh hlur in khum ah chuan ka let thla leh tawp a, Malsawmtluanga berbur lah chuan ka hrawk ah ka inrek leh ang tih hlauawm ang hrim chuan khum tlang ah țhu run in ka kut a hum tlat a, țah chhuak țun in ka maimitchhing a, ka mut chhuak a lo reh leh vek tawh bawk si, ka thinrim lutuk chu ka tha a za et et thei mai.


Thinrim țun a ka men chhuah leh hlawl chuan uluk lutuk in min lo la en char char a. Ani te chu tihian mu turin a kal a nga, reilote hnu ah nghet zet in a va muhil nghal a nga, kei ve... pills ka ei tawh a vangin ka ei nawn leh thei der silo! Ka ngaihtuahna tehhrep te avang chuan ka thinrimna chu lo zual tulh tulh in ka ipik bawk si nen Malsawmtluanga dar ah tak chuan ka tlawh ta pawp!


"Engnge?" tia a nuih hawk hawk te chuan ka haw zual tulh tulh a. Ka sa chhuak vek bawk.

"Va mu rawh, engnge i hriat a? Zan dang ah vawi khatmah ka muhil lai min lo tiharh tawh suh, i hria em?" Tlawh leh zawt zawt pah a țap titih a ka au khum tak tuar tuar ah chuan ngawi rengin ka kut a hum lai chu a thlah ta a. Khum ațang erawh a tho chhuak lo!!


Engtiang in nge min ngaih ang tih lam ka care sise tawh lo, puan a inkhu țha sauh sauh in a țhut lohna lawm hawi chuan ka mu saisir nghal daih bawk.



Reife chutia ka mut saisir tak hnu ah chuan ka muhil leh tawh emaw a ti ani ngei ang!! Dimte hian ka sam chu a lo chul a, a kut chu vai per sak nawlh duh viau mah ila ka thinrimna a nasat em avang chuan ka țap thei mai dawn a inhria in muhil tawh ang chuan ka thaw ta hle hle ringawt.



Dimte te a ka tukhum sam lo chul hluau hluau pah chuan zawi lutuk hian a lo țawng chhuak ta a.

" i zan mutui lai harh chhuak hlawl in 'ngatinge, ka Duattei kha thlauhtha lova thudik ka zawn chhuah hmasak loh' tiin i inngaihtuah ngai miah lo ang maw? tih kha min zawt ani tiraw? Nang tereuh hian ka inhriatchian aia nasa in min lo hrechiang zawk fe a nih dawn hi" hniam zawi thum ruih hian a lo ti a nih chu!



Ka lungphu chu a che nghal dup dup!

"Ka zan mu thei lo tur thlengin i lo hmu lawk a, zan hun hi ka huphurh țhin a sin" ti thawp leh sup in ka hnung mai chu a lo nam a, min awm hnaih zual sauh lai te chuan ka lungphu chu a rang in a sa pup pup.



Ka tukhum ah a lo fawh lai chuan ka harh tih a hriat hlau lutuk hian ka lo țang mar a.

Eng thil a sawi nange hrethiam kilkel lo mahila hreawm tihna nasa tak erawh a aw ah khan ka hre thei.


Khum ațang a tho chhuak a sofa sei inhunna lam a pan lai te chuan thawk ran lutuk avang in thlan in min leih bawrh bawrh mai.


__________



Prof Msa nen kan inneih ațangin kar thum zet a liam ve leh tawh a. Thil danglam han thleng vak erawh a awm lo. Nitin hna ah a kal chhuak a.

Rinchhani nen erawh an inthlah chuang miah lo tih chu social media a Rinchhani thlalak upload vel ațang in a chiang reng. Zan ah lo haw tlai țum a nei zauh zauh a. Inpui ah kan awm tak a vangin riah chhuah em erawh a tihchiin a hrelo te pawh ani ang, a la riak chhuak biklo.


Keinen chuan kan inbe tlem em em a, sofa ah a riak a, kei khum ah, kan pahnih chiah a room ah kan awm hnu phei chuan kan inbe lo tawp zel.


Nu Hmingi nen kei ni chu in lam ah lo awm in a chang changin Jordan-a tlawh turin ka zui chhuak ve țhin a. Chu bak chu ka pawn chhuak lo khawp mai.



Ka nu leh pa te pawh Delhi ah an chhuk thla leh tawh a, Ruthi erawh helam ah a cham rih thung, ka lunglen a hlauh em avangin nu Hmingi zawkin leng turin a phone fo a, ka țhinte chu exam hmachhawn mai tur te an nih hlawm avangin a lo kal vak ngailo.


Jordan-a pawn hma a sawn thei rih lo a, a lo harhchhuah leh hun a a dinhmun tur dik tak pawh Doctor te'n an la sawi thei lo. Nu Hmingi ber hi ka lainat ţhin, a fapa neih chhun liau liau thla hnih dawn thichhawng a mu tawp mai chu a rilru a hahdam loh pha em em a. A taksa pawh a tla dawk mai.


Kei erawh min duatin min ngaihsak em em a, Pa Saia thleng pawn ka tan a hriat nuam loh tur țawngkam an chhak chhuak ngailo.


Pa Saia mizia danglam ta lutuk chu mak ka ti ru viau zel.

*i mak e, tinge i lo len țhat duh miah lo a, ka nu pawn a sawi chhuak leh hlawl țhin che* tih ka thawn a.

Zodika nen text in kan inbe mek a, kan inneih tuk tlai ah khan chaw kan ei khawm a, chutah chuan Nu Hmingi ngeiin chaw ei ah a sawm a, a lo tel ve nghe nghe bawk.


Mahse, khami tlai a haw ațang khan kar 3 zet a liam tawh a, min tlawh nawn leh tawh lo reng reng. Text pawn min be khat ta pharh a, atthlak zet in prof Msa leh Rinchhani te avang a ka nat tawpkhawk lai khan min țanpui theih beisei in ka thinlungin a au a nih kha!


A chhan chu ka talbuai chang apiang in ani kha chuan ka ipik lutuk tiziawm thei zawng a min țawng thlamuan dan a thiam a. Ka mamawh lai ber in ka tan a awm reng țhin vang te pawh ani ang, a reh ta vung vung chu ngai ah ka nei thei der lo.


*Lola * tih te mai hi a lo thawn let a.


*tinge i inlak reh em em a?*

*tunah chuan pasal nei lai i ni tawh a lawm* tih a lo thawn a.

*Pasal nei tawh mah ila ka țhian i nia, pasal neih vang a in thlahthlam kher tur a mi?*


*i hrethiam lo siah... ok, naktuk chhun ah ka lo leng dawn nia* a lo tih chuan ka nui ta ver ver.

Mahse, nu Hmingi nen kan tihtur neih chu ka hrechhuak thut a.

*naktuk hian Jordan-a kan turin damdawi in ah ka kal leh dawn si*

*umm, a pawi loh chu damdawi in ah chuan kan inhmu dawn nia* a lo ti ta a.



Ka talbuai lai ber a min fuih kal tu a nih avang in tun hnai a ka ziaawm ta lutuk te hi hrilh ve a, hma ka sawn ve hret hret zia hmaichhan ah ngei min hmuh ve chuan a rilru pawh a nuam ve sawt mai ang.



Pindan kawngkhar chu lo in nam hawng in prof Msa hna bang chu a lo lut hlawl a, ngawi reng hian tarmit a la thla lai chu ka lo en a.


"Vawiin lam engnge i lo an?" ti sup in khum bul dawhkan chung ah a lo dah a.

"Ka țha" ti a ka chhan chuan a bu nghut. Ngawi rengin a thuamhnaw inbel chu a hlip sawt sawt a.
"Thingpui i in duh em?"

"I lum peih chuan ka hnial lo khawp mai" nui suk a min en in a thuamhnaw chu suktur bawm ah a vawm lut a, boxer nen chiah a awm tak ah chuan rang deuh in room ațang chuan ka chhuak nghal daih.


Kawngkhar khar phui a inhnuai lam ka pan tur chiah erawh Jordan-a room ațang a inhnial thawm lo chhuak avang chuan ka ding chawt a.


"... i duh leh hrilh nghal law law rawh, an hriat chhuah rual in pa Saia leh Msa thinrim lutuk hian Jordan-a life support te hi an lak thlak tir duh nghal ang chu" zawi chang fek fawk a titu chu Rinchhani ngei ani!


Ka inhum ruh țeuh a. Malsawmtluanga hian a rawn hruai haw ve tihna maw?

"Ka sawi kha hrereng rawh, Pa Saia hian Jordan-a ai thlawt chuan Msa hi a dah hmasa zawk. Jordan-a chet dan hi a hriatchhuah rual in mahni pawh a thaw thei tawh lo ringawt tan hian a sum chhete mah a seng duh tawh in ka ring lo... i hria maw?" ti chang leh fak in kawngkhar inkharphui lo chu a lo pawt hawng a.



Pawn a kei min rawn hmu thut chu a meng phawk nghal kawk bawk.


Mahse, insiam țha leh thuai in ka dul puar lang ve tawh tak chu a rawn melh a, khi sak pah hian "zanin tlai chu Msa nen chaw ei chhuahna tur kan nei a, a hrilh tawh che em?" a lo ti nghal zat.


Natna avang a ka chhungril phu zawk zawk chu thup tum in ka nui lui a. Mahse, ka chhan hma hauh a Rinchhani lo chet leh dan avang chuan ka nui tawi ta halh ringawt.

"A insiam mek a mi? I peih chuan thingpui lo lum teh aw, ka dang a ro riau" ti in Prof Msa room kawngkhar chu a nam hawng a, a lut tlang nghal tawp a nih chu!



"Lola" Jordan-a room ațang a Kimbawihi lo chhuak chu tawite hian ka lo nuih lui a.

"I lo kal lai ka hre miah hleinem" ka han ti a, kan nupa mut pindan chhung ah chuan engnge thleng mek ang tih chu ngaihtuah loh hram hram ka duh.


"Hei a laptop vel hi ka lo la lawk a, a video vel te hi play sak ila, a țha chak deuh mahna" ti hap a laptop bag a lek kan hliai chuan tawi zet in ka nuih leh ringawt.


Han hnem viau ngaihna ka hre țhin lo. A beidawng ve duh lo a, tihian music te play sak a, lehkhabu te a ri a chhiar sak in a harhchhuah leh theih nan a kawng hriat ang ang a zawh ve ngat ngat mai ani.




Chaw ei dawhkan kil a nu Hmingi ho a thingpui kan lo in lai chuan Prof Msa leh Rinchhani te pahnih chu an lo inzui thla a.


Nichin khan thingpui ka han pe duh lo ve ngat kha a nia.


"Nu" choka kawngkhar ah chuan lo dak lut in keini ho chu min lo en thuak a. A hmel a inthiam lohna pakhat mah ka hmuh loh avang chuan tlawm ka intizual kher mai.

"Mapui, kal chhuah leh in tum elaw? Kha,"

"Aw, chhuah zawk ka ngai, chaw pawh min lo ei san ru" tiin min lo en a, ngaipawimawh loh hmel zet in phone ka khawih san daih.

"A va pawimawh awm ve aw" tiin nu Hmingi chuan min veng thawng tak hian a lo haw hun tur a zawt a, prof Msa pawn a hriat bik rih lo thu sawiin Rinchhani nen chuan an inzui chuak nghal a.


Kimbawihi pawh an chhuah hnu reilo te ah chhuak ve nghal in hnathawk te leh nu Hmingi ho chiah chuan kan awm leh ta ran a.


"Mapuia hi hrethiam rih hram hram rawh aw" nuam tilo zet a tiin ka kut chu a lo chelh a. "Kan fapa te pahnih vangin hun harsa leh dinhmun khirh tak tak i hmachhawn a, keizawng, i lakah hian ka inthiam thei thlawt lo!" hreawm tih hmel zet a tiin min en tlawk tlawk mai.


"Ka tu tur lo pian hun ah hian eng chhanna nge maw kan han pek dawn ni? Hlimi, kan chhungkua hi min ngaidam mawlh mawlh teh aw"

"I thiam lohna a awm hleinem" ka tih chuan tawite a lo nui luiin ka dul chu a lo ban de de a.


"A pa te unau in hreawm tawp khawk in a nu an siam țhin tih a lo hriatthiam ve hun ah kan la dam ve te a nih chuan ngaihdam ka dil thei mahna" a ti a. Mit hnawm chap hian ka dul a chul hliau hliau chu a thlir tlawk tlawk bawk.


Tukțhuan ei kham vel ah Nu Hmingi chu damdawi in lam ah a kal a, prof Msa hna kal tur insiam vel chu buaipui ngaihna vak hrelo hian khum tlang ah țhu in ka en vel mai mai ringawt.


Nizan khan zan dar 10 pelh ah a lo haw a, zu rim a rawn nam bawk. Min be lo in a mu nghal mai a, tun ah chuan Rinchhani nen an inkar a la tawp lo tih hi amah zawk hian a chhungte hmuh ah thup țul a ti tawh lo zawk te hian ka hre hial tawh.

"Ruthi a lo leng leh dawn em?" ti sup in min en a. A kamisz kilh a kilh pah mual mual bawk.

"Aih, keimah ka kal chhuak dawn" ka tih chuan mit a kan deuh uk a.

"Jordan-a ka tlawh dawn a, tah chuan ka țhianpa a lo kal ve bawk dawn a" pangngai tak a ka tih chuan ner sawk in a inher vut a, darthlalang ațang a min lo en leh run in "tu i țhianpa?" a lo ti hmuk.


"Ka țhianpa tawp" ti hmak a nui sangin ka en let ran a. A nun ah ka inrawlh loh ang bawk in ka nun ah inrawlh tur in ka duh bik hauh lo.


"Ok, a țha. Mahse, i fa paina pa damlo kan tur a mipa dang hruai tel chu a nasat thlak deuh in i hrelo maw?" lo ti a min nuih suk chuan ka chhungril chu a lo sa leh pup pup tawh.


A țawngkam hman duh dan chuan kar thum zet pangngai tak a ka lo awm ve tawhna zawng zawng chu a vaw țhiat leh vek ka tilo thei lo!


"Ka thil tih ah lo inrawlh buai lo la ka duh khawp mai, ka en liam tawp ang chiah che hian min en liam ve tawp rawh" ti in ka ding chhuak a.


Ka aw kha zet ațang chuan a thusawi in keimah ah nghawng a neih thui zia a hrethiam ani khawp ang, engmah a sawi belh ta lo.


"E.. zanriah min ei chhuahpui a duh nghal bawk a vangin ka nu leh pa hnen ah khan min lo hrilh sak mai dawn nia, ka hrilh hma in an kal chhuak hman daih sia" ka bag leh phone lak kawp pah chuan ka ti leh duah a


Zodika'n zanriah ei chhuah lam a sawi miah lo. Mahse, min tihnat duh em em tu hi runluih ka chak ve tlat a, duh leh Ruth-i nen kan ei chhuak thei tho.




"Kha pro Pastor nen khan in ingaizawng tak zet em ni?" kawngkhar a ka kal chhuak tur chiah chu ka pen tawp leh chawt! A aw kî hniam zet chu a hlauhawm ru tak zet bawk.


"Hre ve turin duh che ila chuan ka hrilh daih tawh ang che" hawi let lo a ka ti zet chu!!

"Lalhlimpui, ka nupui i ni tih inhrereng rawh!" thinrim rawl vin lutuk hian a rawn ti tuar.


Phu ngheng a kawngkhar herhawnna chu hum vak in ka insehruh a.

A kê pen a rawn hnai a, kut min thlak palh mai pawh a ka inven theih nan tia inher let in ka lo hmachhawn ve siah.


"I nupui chu ka ni mai thei, mahse, i chhungte leh midang hmuh a nupui țha tak ang a lemchang tur a tih ka nih kha... chuan maw, hei vang tak hian a lawm Jordan-a harh chhuah hun ah kan ințhen dawn em tih ka zawh che?"


"I sawi awmzia ka hrelo?" ti vin hluk in thinrim inbengdaih tum zet hian min en run a

"Ohh, Zodika kha pro Pastor a la ni rih a, nang nen kan ințhen hun ah chuan a pastor nihna tur ti buai lo theih ber tur a inneih kan duh mai thei a" tia pawisawi loh hmel fahran a ka nuih var var chuan min beng thlu nghal tawp lo chu a mak ka tiletling hial zawk!


A mitmeng chu a sen rum a, a hmel pa zet pawh thinrimna avang in a lo sen țawlh țawlh.

"Ni hman nuam aw" a taksa en kual dan dan a nuih hak in thawven hmel fahran hian ka kal san nghal nal nal.



Damdawi in ka thlen hnu a thil thleng erawh ka beisei loh tawp khawk ani!


Cabin ka lut fel chiah tih ah Malsawmtluanga a lo lut ve hlawl a. Hna ah a kal daih tawh ang chu tih lai a hetah a lo lang hlawl chuan kei chang nilo ka nu pawh a țhawng ngang mai.


Chutah!! Ka nu bul ah chuan "nu, Vawiin chu kan nupa in kan lo awmpui ang, Kimbawihi nen hian let ula, chawl hahdam rawh u" tiin ka bul ah a rawn țhu nghal chut a nih chu!



Show post links

Top

Abbra Reo Ririni

Quote

Unread post June 27th, 2021, 8:29 pm



Chutah!! Ka nu bul ah chuan "nu, Vawiin chu kan nupa in kan lo awmpui ang, Kimbawihi nen hian let ula, chawl hahdam rawh u" tiin ka bul ah a rawn țhu nghal chut a nih chu!



Phawk fahran hian Malsawmtluanga chu ka en tlawk tlawk, ka nu leh Kimbawihi te chu en run in ani erawh a țhu nghet churh.

"Aaa, chuti tur em ni?" Bah deuh niai hian ka nu pawn a lo ti ta reng "kan chau hran hleinem," a han ti leh a, a hmel ah chuan a inthlahrun zia a lang thei bawk.


"Hna kal ka tum chuang lo a, kan lo chhawk ang che u, Bawihi pawn awmpui a tum sa tho a, tihian kan lo awmpui mai ang, ni lawm ni?" ti duah a min en vut chuan chhan let ngaihna pawh ka hrelo.

"Eng nge i hriat a?" ti hap a ka en chuan hmui ti sawi in dar a kan uk ringawt.


Ka nu leh Kimbawihi te pawh rilru buai hmel zet hian an in en tawn sek a, diktak chuan Prof Msa zin hlan kher a Jordan-a nen kan inkar ah thil thleng a awm avang khan ka nu hi ka lakah a inthiam loh tluk zetin prof Msa lakah pawh hian a inthiam lo a, a inthlahrungin a hma ang khan prof Msa hi fiam in a titipui chiam tawh ngailo.

Chuan, vawi khatmah Malsawmtluanga hian Jordan-a damlo hi nileng țhak a awmpui țum a la neilo, chhungkaw dang te pawn phut en ah pawh an en lo. Tun ah tak hetia awmpui duhna rilru a lo pu ta thut hi ka nu te tan pawh ngaihțha tak a remtihpui thlap chu a harsa hle ang.


"Mapui, hna ah kal zawk rawh, kei ka awm a, hei Kimbawihi pawh a awm bawk a, kan ngaihtuah awm hleinem" ka nu chuan a lo ti leh ta a, mahni induh tawkna a khat kan mihring chapo a chuan a chhang let tawh lo nangin a țhutna aţang chuan thawh mai mai a tum loh hmel kher mai.




Thuthlukna han siam mai ngaihna hrelo tak in ka nu leh Kimbawihi te pawh chu darkar khat dawn an awm khawmuang leh rih a, kan pathum chuan kan titi mial mial a, Malsawmtluanga erawh a ngawi hmuk. A tawp ah chuan ka nu leh Kimbawihi te chu an mitmei a in rawn in an ding chhuak ta a.



"Chutia in nupa a in awmpui theih dawn chuan Kimbawihi hi a Patea te in lam ah ka va thlah phei a nge aw," tia ka nu in bag a ah tak ah chuan ka lo kal ve dawn tih mai ka duh rum rum.


"Nu.." ti sep a kal lo se tirilru zet a ka en chuan Malsawmtluanga hmek hmuk in "nie, Kimbawihi pawh helam ah ngawt a tal si a, a chhungte lakah pawh a inthlahrunawm a lawm" a lo ti ve nghut a.

A inla fel vel lutuk chu ka ei hlawl lo!


Chutia awmpui a inhuam viau chuan amah chiah hian awmpui se, keichuan ka nu te hi zui ve daih ila tih vel chu ka ngaihtuah neuh neuh a.


Ka nu te an kal chhuah dawn chuan ka rilru a buai tak zet tawh, 'eng thil nge i hriat a?' tih melh a prof Msa ka melh kha kha lai chuan hriatthiam harsa zet hian min lo en run ringawt bawk si.



Kawngkhar ah ka nu te an chhuah hma chiah in cabin kawngkhar chu lo inhawng in doctor leh nurse an lo inzui lut a.


"Ekhai! Doctor engthil nge ni ta," ka nu in a tih hliai tak ah chuan ka țhutna ațangin ka ding chhuak ve nghal zat.


Doctor chuan a file ken lai chu bih thuak in nui hmel pu chung hian ka nu chu a em a "hei, i fapa hian hma a sawn deuh a" a tih rual chuan hlim tih hriat lutuk hian ka nu leh Kimbawihi te chuan kut an inchelh chawt mai.

"Han sawi chiang deuh teh?"


"Aaa... nikhat ah oxygen hi litter 7 vel a hmang a, mahse oxygen level hi 94% vel a nih tawh avang in zawi zawi in oxygen hi kan tihniam hret hret thei tawh a, vawiin aţang hian litter 6 vel a han wind kan tum thu hi hre ve ula kan duh deuh a ni" doctor in a tih tak ah chuan ka thaw huai mai.


"A va han lawmawm em em ve aw, Doctor. A nih chuan oxygen tel lo in a awm thei vat tawh dawn i tihna ani tiraw," tia ka nu in a zawh leh chuan hriat nuam tak hian "pi Hming, chu chu keini pawn kan beisei khawp mai, rin aiin Jordan-a hi langlo lam ah a in recover chak a nih hi" a ti dap dap a.



"A harh chhuak țep tawh i tihna a ni em?" Ka lo tih chuan ka nu te phen ațang in Doctor chuan min lo thlek thuak a. Ka bul mai a mipa erawh a rum hrawih.


Rang zet hian ka zuk en a, thinrim mitmeng rum lutuk hian prof Msa chuan min lo melh khui khui a nih chu!

"Pathian zarah a lo harh chhuak thuai mai ang, țawngţaina te nen kan țang kawp a nga" tiin doctor te chu an chhuak ta a.


Ka nu leh Kimbawihi te hlim lutuk mawlh mai chu aw....

Hnuk ulh țun hian an in en a, engmah hrelo a Jordan-a mu zawi reng chu lo pan pheiin nu Hmingi chuan a lu ah kut nghatin țawngțaina a hmang leh rih a.


Doctor hnen a ka zawhna avang a prof Msa thinrim em em chhan tur kha ngaihtuah neuh neuh in rum tak a min melh leh ngut ngut țhin tupa chu ka en ve zeuh zeuh.


Ka nu te pahnih chu Cabin ațang chuan beiseina sang tak nei chung hian an inzui chhuak a, prof Msa nen chiah kan awm tak ah chuan sawi tur chu vang raih raih tak a ni.

"A harh chhuak tur chuan a tihlim hle mai che maw?" lo ti thum nghut in a khup a kiu nghat hian a țhu chhuak nghal run a.

"Ka hlim ve bawk loh in" ti sap a ka en chuan a lo insehruh țeuh mai.

"I nau a ni a, a harh chhuak leh tur chu i lawm ve miah lo em ni?" tia ka zawh chuan ner sawk in a ding chhuak vut a.


Ka thazam phu ve uaih chu duh lo in ka inhum ruh a. Hepa chet chhuah dan ni phut phut țhin avang hian talbuai ka duh tawh lo tak zet.


Ka zawhna pawh min chhang lo chuan a vei kual vut vut a, a palian in helhkham neih hmel zetin a hmel a rum ul bawk si nen cabin chhung boruak chu a ipik leh vek tawh.


"Ih, i nin viau chuan haw daih la?" zawite a ka tih sep rual chuan lo inher let vut in min melh nghal hrawk ringawt.

"I nin hmel em a ka ti mai mai a lawm" ti leh hram in ka meng kual ralh a. "Min va han ning awm em em ve a?" ti hmuk a ka hma ah tak a lo din tak hmiah chuan rum zet hian ka melh chho a.

"I mood chhiat lutuk avang khan i duh duh in min rawn puh ringawt suh" ti hlar in ka bag chu ka pawm țha nghat.

Zingkar ah țha tak a hna kal a chhuak thei reng kha ka nat loh hlau ang hrim a min țawngkhum fuk hnu ah hetah a rawn lang ve leh hlawl a, a mood a la chhe em em zui, hetiang ringawt a lo awm ve reng ai chuan haw leh daih se ka duh zawk fe bawk.


'Zodika lo kal hun ah huatthlala zet a a țawng fuk fuk chuan insumna tel miah lovin ka chhang let ve zel tho ang' ti rilru mawlh mawlh in phone ka phawrh chhuak a.

A țawngkam a na țhin in midang a ngaipawimawh lo thei ropui si, a ri deuh hluai ang tih hlauthawnna avang in ka lungphu chu a su dup dup mai.

Mahse, a awm ve vang ngawt a Zodika hnen ah lo kal lo tur a hrilh phah chu ka tum biklo.


Nimin tlai pawn Room ah Rinchhani'n a luhchilh ve tho.


Phone ka hmeh en chuan Zodika message a lo awm va tawh. Message en a ka țhen sak chuan ka bual ah bawk na zet hian a lo țhu thla dawt a.


Chhete pawn ka ngaihsak duh tawh biklo.

* Ka lo thleng ţep, ei chak in nei em?*


Minute 40 liam tawh ami daih anih avangin Hospital bul vel ah a awm tawh ring in ka ei chak zawng pawh ka hrilh ta lo.

*lo thleng vat la ani mai* tih ka thawn let a.

Cabin kawngkhar pawn ah message tone ri kauh ka hre zawm nghal zat bawk.


Malsawmtluanga țhu tum deuh hmuk chu thinphu rang dat dat a va melh zeuh in kawngkhar lam chu ka en leh a, dimte a lo innam hawng in hmel hmuh hahdam thlak lutuk hian Zodika chu a lo pen lut a.

Tshit dum leh cotton kekawr dum a inbel tawp a, a hmel nung sar mai chu Prof Msa a hmu tel ve pawh chuan mak ti awm in a awm lo. Ka lo nuih var var chuan "eng nge a an tawh a?" ti sup in kawngkhar chu a kharphui leh nghal a.


"Doctor khan a oxygen litter pawh hi kan tihniam deuh thei tawh ang a ti a, an chhuak deuh chiah" tia ka nuih var var chuan khum hlat a chair inhung ah chuan a țhu thla a.

"A va lawmawm ve aw, oxygen level ber a san tawh chuan a țha chak viau ang" tiin Jordan-a chu a thlek deuh vung vung a.

A hnu ah chuan kei leh prof Msa te chu min en leh in a nui leh sak a.
"Lehkhabu chhiar tur ka lo keng a sin" lehkhabu ken pathum ngawt a lo lek kan vut chuan rang zet hian ka ban a.

*Depression kara pathian kut* tih bu chu thlang vat in lehkhabu dang chu ka pe let leh a.
Zodika chuan prof Msa chu en pah hian "u Ms, i chhiar ve duh em?" tiin a han zawt a.


Chuta Malsawmtluanga hmel awm dan han zahpuiawm zia mai chu!


Tur zet a Zodika melh hrawk pah chuan "duh lo" a ti bul hmuk. Ka lo ip deuh chawih a, Zodika chuan nuam a tilo vek ang tih hlau deuh hian ka nuih tlawn a.


Mahse, Prof Msa chet dan chu haw awm ang pawh a lang lo a a nuih suk suk tak ah chuan ka thaw huai mai!



Tih tur dang awm ta chuang lo chu Zodika nen chuan ngawi rengin Lehkhabu chu kan chhiar mial mial a, kan bula țô haw tur ințham vel ang hrim a hmel dur khûi a țhu ve reng pa chu ngaihsak tumna ka nei biklo.


A khat tawk in ka lehkhabu chhiar a ka rilru hneh deuh lai chu chhiar ri in Zodika ngaihdan te chu ka zawt pah zel a. Ani pawn dawhthei deuh hian a lehkhabu chhiar lai khup meuh in min sawipui ve zel a.


Depression hneh thei tur a keimahni kan pawimawh zia te, natna dang ang a damdawi hmang a tih dam ve theih a nih loh dan te, rilru hlimna hi thiltihin a ken tel tlat avangin natna kan dona kawngah hian mi dang tâna thil țha tih a, luan chhuahte pawh hi a pawimawh hle, mi dang tan a malawmsawna kan nih hian keimahni inrin tawkna min pe in, hlutna kan nei a ni tih min hriatchhuah tir fo țhin, tih lam te chu min sawipui a, ka rilru a lang ang ang ka sawi chhuah apiang a țha tak a min ngaithlak sak țhin avang tak hian a kiang ah hi chuan ka hahdam em em zel.


Doctor leh Nurse in Jordan-a chu an rawn tlawh leh a, an chhuah hnu reilote ah chuan ka rilțam in ka tha a lo khur ru der der a.


Kan zavai a thil ei tur a kan chhuah vek chuan kan hmuh loh karin Jordan-a hi lo zual ta thut se, a pawi dawn lutuk tih ka hriat avang chuan eitur lei a keimah a kal chhuah nge, Zodika emaw prof Msa zawk tirh mai țha ang tih chu ngaihtuah reuh reuh in an pahnih chuan ka en tawn leh zauh zauh țhin a.


Prof Msa hmel rum ul leh thinrim hmel zet a kei leh Zodika te min en khu khu țhin na avang chuan ani hi chu thil lei turin ka tir ngam dawn lo chiang sa. Thaw hak a Zodika ka va en chuan a lehkhabu chhiar lai chu khup thuk in min lo en ve chiah a.

"I awm a nuam lo em ni?" zawi deuh hian a lo ti ta a.

"Ih, ka ril ațam lutuk a" ti nai nai a inthiam loh ru deuh a ka en tak ah chuan a min nuih suk in a ding chhuak nghal a.

A ban a sana bih vut pah chuan "a lo tlai tawh bawk em a nih hi, engnge ka lo lei ang" ti nghal zat in kei leh prof Msa chu min en dun a.


"Momo leh f...." ka sawi zawh hma a min lo pawt chat tu avang chuan ka phu dawrh hial in ka hria!


"Ka zuk lei ang" nelawm loh lutuk a lo ti hmuk a prof Msa a din vut chuan ka meng phawk deuh kawk mai!!

Hepa hian engnge a hriat tak zet le?

"Aaa, tikhan lo awm rawh u, ka zuk lei a nge" nui suk a tiin Zodika chu kawngkhar lam ah a inher a

Mahse,

Malsawmtluanga tehhrep hiang engthil nge a hriat tehreng ni.

"Ka nupui a rilţam a nih chuan keiman ka buaipui ve thei" ti hluk in Zodika chu a melh ta ngur ngur a nih chu!!!

Kan boruak chu a țha dawn hauh in ka hrelo! Muangchang in Zodika pawh chu a lo inher let a.


Nunphung a hrelo ka ti bawk si leh awm leh mawi thliar hrang lo lek a a țawng chhuak fuk fuk chuan min ti thinrim tet tet mai.

"Engnge i hriat a?" ti zawi hlak in Zodika lak ah ka inthiam lo bawk si chuan a kutphah hmunglam ah ka ben sak thlawp.

"Zodik, țhu rawh, amah hian zuk lei rawh se. Momo ka ei chak, chuan, fruit salad kha packet khat ka duh tel bawk, drinks lo lei tel la, Zodika pawn ka ei ang tho a duh ve" ti sawk sawk in Zodika chu țhu turin ka mitmei nghal zat bawk..



Malsawmtluanga chu a kal chhuak tawh mai dawn emaw tih hnu ah chair a Zodika țhu fel leh chiah chu phun hluk in a en leh ta ngur ngur a. Engthil nge maw a la duh belh cheu le?


A kal hlan in kei leh Zodika chiah kan lo awm dawn tih hrechhuak thut a thinrim zual ang mai hian a kut chu a han hum ruh a.

"Professor" Zodika mitmei veng ru zet chuan ka ti chhuak halh.

"Bawihi, kan pahnih in zuk kal ang" ti dut a a lo inher leh chuan tihngaihna hriat loh luat avangin ka thidang lo chauh tawh.



"Engnge i hriat a? Zodika chiah hian Jordan-a hi lo awmpui se a dik in i hria a mi? I duh leh lo awm la, keimah ka zuk kal ang" ti ram hmak in ka ding chhuak a, Zodika kal tur kha lo chuh buai țung lo se nitur.

Ka rilțam tawh lutuk bawk si nen chuan ka tha a khur titih tawh a, a tawi khawmuang hrut hrut chu ka thinin a tuar tawh bik țhak lo.


Mahse, chutia keimah ber ka kal tur chu a ngaingam leh chiah lo te pawh a ni mahna, tum deuh bur chung hian a kal chhuak ta vut a.


"Chhe berbur lutuk" ti khum hlak in ka țhu thla deuh dawt. Ka rilțam lutuk chu țamchhawl tur ang deuh a awm in thlan in min lo leih a, tui bottle chu ban in ka lem nghal khawlh khawlh.


"Thikthu chu a pe chhe ve maw?" nui suk a Zodika'n min en rual chuan ka lo ner sak ringawt.


"Ka ngei tlat a lawm, nimin tlai ah pawh room ah Rinchhani'n a lo kal chilh tawh, an chhuak dun a, zu rim nam chungin zan dar 10 pelh ah a lo haw a.." ka sawi lai chuan ka ipik em avang in ka thaw chhuak hawk.

In ațang a Rinchhani nen an inzui chhuak lai vel kha ka mitthla ah a lo lang a, ka awm chhung chu a lo tawt ipik leh mup mup tawh.

An kalna tur pawh kan zawt chhuak zo lo a nih kha!


"an la inthlah miah lo tak tak em ni?" ngunthluk fe a min en pahin Zodika chuan a lo ti sup.

'In thlah miah lo tak tak em ni?' tih thu in ka thinlung a den dan chu a rit ulh mai.


Ka awm chhung tawt deuh up up chu tihziaawm tum a thaw ham ham pahin lu ka bu nghat nghat a. Zodika pawh chu min beidawn pui hmel zet in a thaw ve hawk tho.


"Ngatinge maw aw, i lakah thikthu pe chhe viau siin i rilru tur a dawn miah loh le" ti a prof Msa kal chhuah takna lam kawngkhar a en lai chuan chil lem dak in lu ka thing nghat a.

"Sawi zawm tawh lo ang" min lo en leh chuan ka lo ti hap a, Zodika pawn min lainat hmel deuh a min en in a lehkhabu chhiar lai chu a keu leh ta zawk a.


Mahse, keimah ber zawk chu ka phili deuh tlat a, ka ké hmawr te chu a lo hik chuai chuai a, Rinchhani nen hian an inthlah fel tak tak tawh dawn chuang lo a ka rinna chu a lian in, tihian an inkar hre vek siin a nupui lem ka chang zel tho dawn em ni? tih vel chu ka ngaihtuah ngut ngut a. Ka thawk te chu a lo sa deuh pup pup a.

"Lola" tia ka hming a min koh ri ka hriat chuan hawi chhuak dawrh in Zodika chu ka nuih seih ringawt.


"Engtin nge i awm a?" a lehkhabu chhiar lai chu khup in uluk zet hian min thlek a.

"Ka țha a lawm" tawite a ka nuih luih chuan Zodika chuan ka thusawi chu a ring ve hauh lo tih hriat takin lehkhabu chu țhutthleng ah a dah a.


"Umm, eng emaw kan sawi dawn em ni ang?" a lo tih chuan tawite a nuih let in "eng chungchang?" ka ti ve vat.

Nie, ka rilru kal bing thut thut țhin hi keimah mai a lakpen dan ka la thiam tawk lo a. Ka rilru a kal bing rual a ka ngaihtuahna la peng thei thil dang a awm hi chuan panic attack lak ațang ka fihlim ve mai thei tawh.


Zodika chuan min sawipui thei tur chu uluk tak in a ngaihtuah tih hriat fe hian a ngawi deuh vang vang a. A tawp a tawp ah chuan Jordan-a lam ah chuan thle buk in a nui deuh a.

"Jordan-a hi maw, ka sawi tawh kha, ih hma a sawn ve tawh lutuk"

"Chulam a nilo, i ngaidam tawh em?" tia chiang fe a ka mitah tak a lo melh siah chuan ka awm chhung chu a sa deuh pup.

"Hma a sawn zel a, kar lo ah a lo harh chhuak tawh dawn Lola, chutih hun ah chuan huatna te nen nge i lo hmachhawn ang ngaihdamna thinlung pu chungin" tia min zawh tak ah chuan chhan let ngaihna ka hre ta hauh lo.




Khawl hmang a thawk la a muhil mek Jordan-a chu ka en a, thi tur em chuan ka duh lo, chutih rual erawh chuan ka chung a a thil tih zawng zawng avang khan ka ngaidam tihna erawh a nilo.


"Hlimi, i țhianpa hian i ngaihdamna a mamawh hle ani tih chu i hria tiraw?" tia min en lai te chuan ka thawk a rang vek.

"Zodik, i hria em? Ka țhianpa a nihna ang chuan a thih hi ka duh miah lo... nu Hmingi vang tal pawn a thih hi ka phallo. Mahse, ka... ka sual ani mai thei, ka chung a a thil tih te kha ngaihdam tumna rilru ka la pu chhin lo" ti sep hian ka nui lui a.

Bu nghat nghat a a ngawih deuh vang vang hnu a a thu lo sawi chhuah leh avang chuan ka insehruh fan fan mai.

" 'Kan chung a thil tisualtu te kan ngaidam angin nangpawh in kan thil tihsual ngaidam ang che' tiin Lal biakna ah khan kan chham tel țhin kha. Kan chung a thil tisualtu te ngaidam thei miah silo in Pathian hnenah kan sualnate ngaidam turin kan dil dawn tihna em ni?" tia chiang lutuk a min en chuan ka tawm chawih chawih!


"Lola, mi in kan chung a an tih ang zel a thungrulh duhna rilru kan put hian maw, keimahni chiah kan hreawm a sin, ngaidam theitu i nih rual khan i phurrit pakhat chu a zâng hawk ngei ngei ang"


"Ngaihdam pawh min dil lo tu... min vau bet a, rilru thlabar mangang reng reng a min siamtu hi ka ngaidam tawp mai ang maw?" ti deuh halh a ka en chuan a lo nui a.


Kei erawh thinrim țeuh in ka insehruh ngat ngat mai.


Damdawi a min hrai ruih hnu ah pawh min vau kual a, zanlai ah pawh thinthi a mu ngam lo a min call lui ngat ngat țhin tu, ka lakah zahngaihna lan tir hram tur a ka ngen chung pawh a ka thlabar hmel hmuh nuam tizual sauh ang mai a min chhaih buai țhintu hian min ngaidam rawh pawh a tih nilo in ka ngaidam ngawt thei lo!


"I thinlung a huatna awm kha a lian tawh em a, chuvang a hmalam pan a kal pawh harsa ti i ni tih i inhria em?"

"Zodik, sawi tawh lo ang" ti hap in ka hmai chu ka tuai puat a. Ka thawk rang lutuk leh thinphu che dawt dawt avang chuan ka awm a nuam lo.

"Keichuan nun hahdam leh engthawl tak nei tawh la ka duhpui em che a ni" ti sup a a kut chelh kawp a min en chuan hrethiam lo fe hian ka melh let a.

" 'Jordan, ka ngaidam tawh che' tih thu kha sawi chhuak la, i phurrit indelhbeh tir tlat kha a kiang hawk mai ang" a lo tih chuan inthunun hman lo lek in "ka ngaidam thei silo a lawm Zodik!" ka tituar.


Ka mittui lo luang thla zawih chu hui nghal tawk in ka insehruh a, hnuai lam bih a nui hak a min en lai chuan thana fe hian ka melh let a.

"Min nuihzat maw?" ka ti țiau.

Lu lo thing nghat in a lo ding chhuak a, ka mitah tak chiang lutuk a min en tlat chung a ka lam pan a a lo pen chhuah chuan ka khur ti tih a, ka thawk a rang hlawp hlawp bawk.



Keimah a sual inphum bet tlat chuan Pathian mi hman Zodika chu a hlau tiila ka awm dan chu a sawifiah ber ang!


Min hnaih tulh tulh a, ka chhungril a sual inphumru tlat te chu an hlauthawng zual tulh tulh!

"Kan chung a thil tisual tu te kan ngaidam angin nangpawh in kan thil tih sual ngaidam ang che tih a nih kha, Jordan-a hi i ngaihdam theih loh chuan Pathian hma ah i sual ngaidam turin i țawngțai ngam dawn em ni?" dam dap a a lo tih chuan lu thing nawk nawk in ka ţap chhuak hawk ringawt.


Ka sualna tam tak hi Pathian in min ngaidam tur a ka duh em em laiin Jordan-a ngaidam tur a rilru siam chu ka hreh ngawih ngawih thung si.


"Lola, i ngaihdam thu hrilh la, i huatna in a delhbeh reng i țhianpa phurrit pawh hi paihbo sak tawh rawh" a lo tih sup chuan engtin emaw hian ka chhungril chu a awm, mittui tling pam a Zodika ka han en chuan "a lo harh chhuah hun ah chuan nangang bawk a Pathian fa nitur in chance a nei ve thei dawn a sin" a lo ti ta a!


Pathian fa!!


Ka kâ hup bet chawt a țhu tawm tlat chung a Zodika ka en chuan Pathian ațang a chhuak thlamuanna dik tak neitu hmel pu chung hian min lo nuih let a.


"Pathian fa ka ni maw?" ka tih chuan lu bu nghat nghat in Jordan-a chu a thlek a. A sawi dik a ni! Kei hian Jordan-a hi ka ngaidam a nih chuan a lo harh chhuah leh hun ah pawh ngaihdamna in thil a tih theih zia kan hmu zel mai thei a sin.


Tha khur hlak hlak in khum lam chu ka hnaih phei a, huatna ka pai reng hian eng hlawkna mah ka nei lo tak tak.

"Jordan, ka thusawi hi i hrethei tiraw?" ţap țiau a ka tih chhuah lai te chuan ka aw chu a khur nasa ngang mai.

"Hetiang a awm hi i inhmeh lo tak zet, ih, ka huatna che avang a nih chuan lo harh chhuak tawh rawh. Ka... ka Ka ngaidam tawh che aw, chuvang chuan lo harh chhuak thuai thuai rawh, ka ngaidam tawh che" harsa ti chung chung a ka kâ ațang ngaihdamna thu a chhuah meuh chuan ka thinlung rit churh churh țhin kha a zang deuh hawk a nih chu!


Chuthil a vang a ţap chhuak hawk a nui chung a Zodika ka han en leh chuan min lo nuih let in ka darah a lo hmer a.
"Ka tithei, Zodik.. ka ti thei, ka ngaidam thei a nih chu!" ti mawlh mawlh a ding chhuak in Zodika chu ka han kuah bet nghal chawt.

"Ka hre reng a ni, i rilru hi a thianghlim lutuk tih ka hriatna a rei tawh reng a ni" ti sup in ka hnung ah a lo chul a, a thusawi awmzia chu hrethiam ve kilke lo mah ila ka rilru zangkhai ta lutuk avang chuan ka nui lo thei lo!



"Ka nupui hi i kut hmawr pawh in lo tawk ve tawh suh," mipa thinrim aw rawl fiak zet ka hriat rual deuh thaw in tha chak lutuk in Zodika chu a kuai her sawk a!


Prof Msa chuan Zodika khabe ruh kual ah tak a hnek ri nghal chawrh a nih chu!!

Rapthlak ti lutuk in prof Msa chu ka en kawk a, Zodika lo inring bawk silo bang kil lam a tlu hnawk chu rum chhur chhur a a pan phei leh rual chuan ka harh chhuak nghal zawk bawk.


"Engthil nge i hriat a Malsawmtluang?" ti tuar in ka tlan phei a, Zodika lo inbeng kang mek ka va pui tur chiah chu na lutuk a ka ban rek ah lo man in dimlo lutuk in min phih let dawrh a nih chu!


A taksa ah ka intauh chawrh rual a ka dul hnuai na zawk avang chuan rum hak in ka kun nghal tlawk tlawk.


"Khatiang in Hlimi lakah khan tharum hmang tawh suh" Zodika aw chang zet avang chuan thawk harsa ti zet a hawi chhuak in chil ka lem dawk mai.

Min rawn hnaih chilh a, mahse, ka taksa a lo tawh hma hauh in a kut kingkhat in Malsawmtluanga chuan a kawrawm ah a lo hrâwm bawrh.
"Ka nupui a nih hi, i lo inrawlhna tur a awm lo!" Zodika hmai bul chet chuan a tih khum hrawk a! Ka ban rek pawh a hmerna ngang mai.

"I nupui a nih chuan pasal dinhmun hlen chhuak ta che, rilruna reng reng a he hmeichhia hi i siam leh a nih chuan maw HMANGAIHTU THINLUNG insum theihna hi i cho chhuak dah a nge" chang zet a tihrawk a prof Msa'n a kawrawm a țhamna chu hneh zet in a phih thlak sak hmiah!

"Khanglang che chuan le" tih leh prof Msa chu a che chhuak thut a, Zodika kawrawm ah bawk țham leh a hnek leh chawrh a tum rual chuan ngeng ngul hian Zodika chuan a ban in a lo in dang hmiah.


"Vawi khatmah Lola lak ah hian tharum hmang tawh suh ang che" prof Msa hmai bul chet ah ti khum leh hmiah in prof Msa awmah chuan a nam dawrh a.

"Lola, i țha em?" tia kei a kun tlawk tlawk chu ka darah lo kuah in chair ah chuan dimte hian min nawr țhu a.

A hmel ka hmuh chian rual chuan Zodika khabe ruhkual lai chu a lo sen țul a, ner deuh sawk a prof Msa lo che chhuak leh thut in ka hma a Zodika țhu hniam mek kut a rawn thlak leh zet chu kan ri rum rum ani ta ber!

Zodika lah in lo dawh mai a tum tawh bik bawk silo,
Doctor leh cabin dang a damlo awmpui tu midang te chu lo tlan lut in an rawn pawt țhen ta a. Malsawmtluanga ka haw lutuk chu ka țah a chhuk ut ut! A chet dan awm anglo leh lutuk avang khan Zodika hi a mualpho let der thei a sin!

"Engngati nge ni buan buan a? Damlo an awm ve reng hi" tiin Doctor chuan lungawi loh hmel zet in a melh dun a.

Ka hlau ang chiah in kawngkhar a hmeichhe lo dak lut ho in Zodika an hmuh rual chuan an inhrilh ru sap sap a.

Vawiin a thil thleng hi synod beng a thleng anih vaih chuan Zodika tan a pawi thui ngawt ang!


"A zialo hle mai, buaina ka thlen cheu a" a kamsir thi a kutphah hnung a nul tawk a Zodika'n a tih sup chuan hreawm ti zet hian ka melh tlawk tlawk ringawt.


"Vawi khatmah ka nupui hmu tur hian lo kal tawh suh ang che" a kutchal a kawk meuh in prof Msa chuan mizing ah a vau zui hram a nih chu!!

Chutih lai a Zodika hmel awm dan chu ka sawifiah thiam lo, an mahni lo țhelhtu te kar ațang chuan in min lo en a, hreawm tih lutuk a vang a ka insehruh țeuh chu min nuih suk in prof Msa chu a en leh a.

Țawngkâ achhang lo in lu a bu ta nghut bawk.



Doctor leh midang ho chuan Zodika chu an chhuah pui ta a. Kawngkhar inkhar phui hma chuan chiang fe in min lo en leh ngat bawk.
Kawngkhar a inkharphui rual erawh in Malsawmtluanga inhrosa thawm bak hriattur a awm lo.

A eitur lo lei ho te pawh cabin chhuat ah chuan a let darh phung a, thinrim thaza tih hriat zet a vei kual sek in kei a țhu ngawi tlawk tlawk chu min en in a thaw chhuak leh hawk zel bawk.



Ka khel na ngut ngut a ziawm deuh hnu chuan ngawi reng a dingin ka bag ka ak țha a.

"Khawi ah tehhrep a kal nge i tum a?" vin tuar a ka ban rek ah a lo man leh chawt chuan rum zet hian ka melh a.


"Min vin miah suh, chuan i chet dan atthlak lutuk avang khan Zodika kha a hmingchhe vek thei a sin" ka tih khum tuar chuan a laknat hmel kher mai!


"Ka hmingchhiat aiin a hmingchhiat kha maw i hlauh zawk a?" ti tawk a ka kut a hmer ngawt ngawt chuan ngeiawm lutuk in ka nuih thung.

A kâ ațang a rawn thaw chhuak ham ham chungin tawrh har zet hian min melh ngawt mgawt mai.

"I hmingchhiat chu kei a lo hlauhpui vak che in awmzia a nei ve lo ani lawm ni, khawlai ah hmeichhe dang nen in inzui kual a... hmingchhiat loh hlau in ani lawm ni insapatal dun" ka kut thing nawk pah a ka tih chuan eng emaw sawi tum hian a ang zuau a. Mahse, ngawi leh hmuk in a thaw chhuak ta hawk.



"Min thlah teh" ti hlak a kut ka thin leh chuan ka beisei loh dan lutuk in a awm ah min kuah bet nghal hlun a nih chu!


"Keimah aiin khapa kha i ngaihsak zawk maw?" thum zawi lutuk in a lo ti sup.

Min kuahna duhlo lutuk a ka tal nawk nawk chu min man nghet zual tulh tulh in a hmui chuan ka beng a lo nawr a.

"Ani kha ngaihsak viau mahla ka nupui i ni tih inhrereng rawh" a lo ti leh hrawk bawk.


"Ka nilo" tituar in a ban bul ah ka nam nghek, ani thin in a lo tuar leh tawh bawk silo.
"lalhlimpui!" fiak zet a lo ti in min kuahna chu a phelh thawl a!

"Kha mihring khan engvang phiangsen a ka nupui hi lo kuah ngam che nge a nih?" a rawl a ring bawk a, ka thawk a chham lo chauh.

"I nupui nilo in i nupui a tan a lemchang ka nih hi, chuan vawi khatmah min kuah tawh suh, ka chauh i tizual, ka ipik,... ka... ka hah hluah hluah" tha nei lo zet chuan ka theih ang a ringin ka au khum ve tuar a!

Prof Msa chuan lungawi loh hmel zet hian ka ban rek chu a lo hmer nasa sauh bawk.

"Ka haw tak zet che. I duh tawk in ka nun infiamkual nan i hmang a, i hmeichhe chhuahpui țhin pawh ka sawisel ngai lo che. Mahse, min ngaihsaktu mipa dang an awm hlek in min tihnat tawhna ngaihtuah thleng pha hauh lo in i ta chei a min cheibawl i tum leh a... i tan hian doll ka ni em ni? Mawh? Ka na lai hmu thei viau siin ngatinge ngaihsaktu ka neih lai i hmuh theih leh silo. Malsawmtluang, hetah hian natna hrethei thinlung a awm.. natna hrethei thinlung, ngaihsaktu mamawh ve tho thinlung ka nei a sin, duat te, hrethiam tu te, hmangaihtu te ka mamawh ve a sin" ka awm zawn țham tawk tawk in tha nei lo zet chuan ka au khum nawk nawk.


A kâ ațang a lo thaw chhuak hawk a min en ngut ngut chuan thanat luat avangin ka khur ve tho!

"Nang hi chuan maw natna bak min pe lo. Chuvang chuan khawngaih tak in ka awm ang ang in min awm tir rawh, ka thinlung in hahdamna a hmuhna hmun ah chuan min awm tir tawp rawh, chu bak ilak ațang ka phut lo che" ka tih lai chuan ka kut a hmer ngut ngut chu a thlah ruai ruai a.



"Min lo zui miah suh" ti halh a tawlh hlat san nghal in kawngkhar lam ka pan san nal nal.



Damdawi in kawtzawl ka thlen thlak rual chuan duhthawh lutuk in ka thaw deuh kawk kawk a.


Kawngkal leh tualzawl a awm ho chuan min lo en hrek hrek leh nghal a!

Mak ka ti viau dawn nangin nichin lawk a Malsawmtluanga chet dan avang khan thu a lo leng hman nual tih chu ka man thiam ta mai.


Ka bag chu zen rawk rawk in Zodika chu call nghal ka tum ut ut a.


Mahse.

Fiamthu tel hauh lo a 'Hmangaihtu thinlung insum theihna hi i cho chhuak dah a nge' a tih lai kha ngaihtuah let in lu ka thing nghal nawk!



A thilsawi awmzia ni thei tur chu ngaihtuah kual in ka kut hmawr thlengin ka țang hah nghal vek.


Nilul suh se!

Kei hi min hmangaih tur a nilo!


Thawk la kawk kawk in tualzawl ațang chuan a chak thei ang ber in ka pen nghal hlawk hlawk.


Ka thawk chu a rangin ka thinphu a inthum rawn dup dup a. Zodika min melhna mitmeng te kha ka mitthla ah a lo lan chang phei chuan ka țim ru uaih uaih mai.



Chapter 60

Ka thawk chu a rangin ka thinphu a inthum rawn dup dup a. Zodika min melhna mitmeng te kha ka mitthla ah a lo lan chang phei chuan ka țim ru uaih uaih mai.


Taxi pawh la lo in kê ngat in pan tur lam pawh hre chuang lo in ka hma zawn ah chuan ka kal ngat ngat a.


Ka thawk ipik lutuk tireh tum in ding meuh a thawk ka han la leh hak țhin chu min hmutu te chuan min en duh phah hle lehnghal.



Kei hi ka vanduai tak zet in ka inhre tak tak tawh. Ngatinge le, midang te'n hmangaihna an hlimpui bik em em lai a ka tan erawh buaina ipik thlak lutuk chiah a nih bik țhin le?



Zodika thil sawi in ka beng a lo luh chang phei chuan hah zet in ka vanvadak a. Mipa, țhian ang a ka en te hian engtitih a min hmangaih ang a inhre zel mai nge maw an nih bik le?

Hmangaih nih hi hlimawm viau mah se midik tak lo lak ațang a hmangaih nih chu a lo dawngtu tan chuan nun pum buai vek theihna a ni tih chu ka hrechiang ve hle tawh!


Nge ni a, kei hi hmeichhe zuamawm tak ka lo ni reng zawk.


Ka țhian țha ber Jordan-a lah in min hmangaih ang ah inngai tlat in a ta ka nih theih nan dinhmun chhe lutuk a ka din a pawisa lo a.


A hmangaihna chiah dah pawimawh in ka thinlungin a tu nge a hmangaih tih reng min ngaihtuah pui hauh silo in chet a la a, tun ah hian chu a thil tih avang a hreawmna leh zahna chu keimah chiah in ka hmachhawn mek zel bawk.




Zodika a lo lang a, ka nun chhungril thukruk zawng zawng pawh hrilh ngam in min fuih kal tu ber ani ta reng a. Mahse, ani pawh kha....



Thui zawk ngaihtuah zui ngam lo in lu ka thing leh nawk.


Kei hi mipa rilru chawkbuai pha tur tawk lek a sihhnip leh zuam awm ka lo ni reng em? Thaw ham ham in ka lungphu su dawt dawt tih ziaawm tum chuan chil ka han lem a. Tu mipa mah mitmei hmuh hmasa in, an zuam theih turin ka awm in ka inhre bawk si lo nen ka rilru chu a buai in a ipik tulh tulh mai.


Kawng a ka tawh ho te'n mak tih hmel zet a min en zui leh țhin pawh chu ngaipawimawh lo in railing invuah chu ka hum a.


Ka thinlung hi chuan Malsawmtluanga chiah kha a hmangaih a, hmangaihna ka dawn let duh pawh a amah ațang a chhuak chiah kha a ni a sin!


Chu erawh....


Maimitchhing sawk in ka mittui lo tla mai tur chu dan kir tum in ka inseh ruh ngat ngat mai.


Ka rilru lo fim deuh a, ka awmna hmun ka hriatchian tak ah chuan za lo zet a nui lui sak in kawn zau pui lo awmna lam chu ka pan phei ta zel a.



Ka chheh vel a mihring insul pel nuaih nuaih te chu ngaipawimawh duh loin dawr hma a step sir lam ah chuan ka țhu a, kan college hlui gate lang ruih chu thlir in prof Msa nen kan sulhnu te chu ka mitthla ah a lo lang zut zut mai.



Kan inhriat țantirh lai te, theih patawp a hlat ka tum chang pawh a college gate pawn ah min lo nghah tlat hun lai te, kan țhian ho kar ah kan mize thawveng lutuk pawisa lova a awm ve tlat țhin lai te kha ka mitthla ah chuan a lo lang iar iar a, lunglenna leh khatih lai hun a kir leh chakna nasa lutuk in min tuam hlup hlup avang chuan ka țah a rawn chhuak ut ut.


Gate chhung ațang a țhian za ho tih hriat zet lo inzui chhuak te chu uluk tak hian ka thlir reng a, an zing a inngaizawng tih hriat tak nula leh tlangval te kal hrang tur chu an țhiante chuan an fiam zui nak nak a.

Tawi te hian ka nui chhuak ta hak.


Hman ah chuan sawtiang chiah sawn prof Msa khan ka țhiante kiang ațang in min hruai hrangin uang zet zet in ka țhiante khan min fiam zui ve ţhin a sin.

Ka ngaihtuahna teh hrep avang chuan in ka mittui a rawn luang thla nghal zawih mai.


Rang lutuk a tuai hul thuak in kut inkai rial a inngaizawng te pahnih kal hrang ta te chu ka thlir veng veng a.

Prof Msa nen kan inkar a țhat lai te, a pa meuh in min duh lohna a lan tir chung pawh a min thlauhthlak a tum miah loh lai te kha ngai zet in ka ngaihtuah let lo thei lo...
Inngaizawng hlim dun tih hriat zet te chu taxi ah an lut a, atthlak lutuk in ka thinlung chuan prof Msa motor ah ka țhu lut tur lai vel kha a lo tehkhin leh daih tawh. A ni pahnih saw chu hmangaihna avangin an nat ve loh hram ka beisei!


An tlan liam tur an țhian te'n uang fahran a an auh zui na chuan ka țhian te min ngaihzual tir tak zet. Thaw chhuak hawk in lu ka thing nghal nawk a. Keimah vangin an buai tam tawk tawh a, ngaiin an bul a awm chak viau mahila an exam lai tal chuan pawh buai ka duh biklo.



Kawng a mi chi hrang hrang in kal pel a, motor tlan loh lai chuh a kawngpui kan a lo tlan leh phat phat țhin te chu melh veng veng in ka hringnun chu ka chhui kir a.

Hmangaihna awmzia ka hriatthiam ve hma hun ah khan let leh thei ila ka ti tak zet! Tun ah hi chuan hmangaihna avangin ka nâ a, ka chak tawk zo tawh lo va, mite ngaih ah chuan nupa ni tawh mah ila ka hmangaihna ka tih lan a rem tawh bawk silo.


Hmangaih em em chung siin hmangaih ve tawh lo ang a ka lan luih a țul tawh a! A zui țhin hmeichhia pawh thik sateh mah ila an khawsak dan in min tina phalo ang a ka lan luih a țul bawk. Hetiang zawng zawng hi hmangaihna awmzia ka hriat tak avang a ka chung a lo thleng ta a ni a! Hmangaihna awmzia la hrethiam miah lo kha lo la nita ila chuan tawrh pawh a ziawm deuh mai tur.



Ka țhutna dawr hma ah tak bolero lo ding dawt ka hmuh rual chuan awilo zet in ka meng deuh kawk a. Malsawmtluanga berbur hian Jordan-a kha a lo kal san ve ringawt tih sawi lul suh se!


Driver side ațang a prof Msa rawn chhuak vut chuan uluk lutuk a min rawn melh vung vung in kan college hlui gate lam chu a va hawi phei ve leh a.


Min lo en leh chuan a rum chhuak hawk.

A ngaihtuahna a awm hriat sak theih miah silo a min en ngur pah in step ah chuan a rawn pen chho ta a.


Kei erawh ka lo insehruh tlawk tlawk mai, helai ah kher min rawn hmu fuh chu ka duh lo tak zet!


A niin duhtawk a hmeichhe dang a kawp kual theih lai a, kan pahnih thawnthu hlui te avang a lungleng a, kan sulhnu hlui tamtak awmna hmun ah kei min rawn hmuh leh hian min tihnat belh theihna chance a nei zual sauh dawn.

"I va thleng thui hman reuh ve" ti sup in ka hma ah tak a lo ding khup. Hriatthiam harsa zet in min en chhuk nghal ngur bawk.

Min umzui lo tur khan ka hrilh chiang viau sia!

"Haw tawh ila, nge, thil kan ei hmasa dawn?" ngawi reng a hma lam ngawt ka en tlat avang chuan a lo ti chhuk leh sup. Ka chhang let chuang lo.



Ka nu te kha a haw tir ringawt a, amah lah tun ah hetah a lo kal ve leh ang lawi a, tu in nge Jordan-a kha awmpui ang tih chu ka hrechak viau nangin lo biak nghal mai chu ka chak hlawl lo.



Chetsawn ka tum lo tih a hriat tak ah chuan thaw chhuak hawk in prof Msa chu ka bul ah chuan a rawn țhu thla ve nghut a.

"Hetah te engnge i tih a?" a lo tih leh pawn ngawi ngal in hma lam chu ka en tlat a, a mipa rim zet chu lo hre nghal in ka inhum ruh a, ka thil lo ngaihtuah zawh chiah te avang khan ka la dik chiah lo bawk si nen min en leh vung vung țhin chu tuar zo loin ka ţah chhuah ka hlau tak zet bawk. Kawngkal te chuan min en duh hlawm kher lehnghal.


"I ril a țam a ni lawm ni?" min en vung vung a a lo tih leh pawh chuan lu ka lo thing ringawt a.

Sawi leh mai tur a hre tawh biklo te pawh ani mahna, a ban pahnih chu a khup ah a nghat run a, kan college hlui gate lam chu ngawi ngurin a en ve ta vung vung a.


Dawr neitu te pawn chutia an dawr step a kan țhu tlat chu an lawm vak lo nge mawni, dawr chhung lam ah chuan an ang barh barh a, prof Msa vang hian min rawn hau dawt ngam lo tih lah a chiang reng.



Ka bul mai a Malsawmtluanga țhu ngawi ngul chu ka en chuan ding tak hian gate lam chu a lo melh vung vung a, ka ngaihbel mai mai ani em pawh ka hrelo, a hmel lang muk zet ah chuan lunglenna ni awm tak ka hmu thei.



Chutia uluk lutuk a ka en lai reng chuan min lo en thut a.
"hun hi a kal chak tiraw?" a lo ti sup bawk, kan mit a intawn siah avang chuan ka lungphu chu a rang deuh dawt dawt a.


Ka ngaihtuahna zawng zawng hriatfai vek tum ang hrim hian ka mitah tak min en lui ta tlat a, hun kal chak zet in kan pahnih inkar ah khi zau tak a siam tak avang a ka tawrhna chu a hmuh thiam hlau lutuk in ka hawi sawn nghal daih.

"Ngatinge damdawi in i lo chhuah san ve rikngawt a?" min zawhna chhang lo a ka tih hlak chuan prof Msa chu a phun deuh hluk a. Ngawi hmuk in hma lam a en leh ta daih bawk.

"Ka nu te i hrilh leh em?" ti pah a ka en chuan muangchang hian min lo en leh a "ih, kan pahnih in kan awmpui dawn emaw an tia, an let san daih sia.."

"Nurse te'n a vil a lawm" a lo tih hmuk chuan ngei zet hian ka melh ta hrep ringawt.


"I mak e... ka nu te tal hrilh ve tur che a lawm," ti hlar in bag ka zen nghal a.


Vawiin khan rawn lang ve hlawl lo se nitur tih chu ngaihtuah rauh rauh in ka nu number ka hmet chhuak nghal a.

" ti lo teh," lo ti hluk in prof Msa chuan ka ban rek ah a rawn hum hmiah.

" nikhat tal chu hahdam ve rawh se, nurse te'n an vil a, ngaihtuah awm a ni lo bawk" ti leh duah in ka phone chu min lak sak hmuk a nih chu.

'Min pe nghal rawh' tih deuh tuar tum a kâ ka an ziau lai chuan ka ban rek ah hum reng chungin a ding chhuak vut a.


"Eng emaw ei tur kan zawng dawn mi niang?" ti sup a min pawh thawh a tum tak ah chuan rum lutuk a melh hrep in ka kut chu ka thing ngheng bawk.

"Tihteh Duatte, mi dawr kawt a kan țhut reng hian dawr neitu te lung kan tiawi vak lo a nia" ti thum dut a dawr chhung lam a han melh ngur tak ah chuan thaw hak in ka ding chhuak ve ta hram a.


Malsawmtluanga ber bur lah chuan ka kut chu thlah a tum tawh mang silo. College gate ațang a zirlai naupang lo chhuak te leh kawngkal ho chuan hmuhnawm tih hmel zet hian keini chu min en deuh ţhap a.


Ka dul puar lian ve țan tawh chu ka kawrfual hak avangin a lang ve tawh hle a, a nupui rai lai ngaihsak zet ang mai a ka kut ah chelh run a prof Msa'n motor kawngkhar min hawnsak lai te chu an tan chuan a hmuhnawm ngawt hial ta ve ang.



Ka țhut luh dawn thleng chuan ka kut chu a hum a.

"Ruthi bul ah ka kal duh" ti sap a ka en chuan chal tichuar a mitko ti hnim deuh khui hian min en deuh vang vang a.

College ah chuan min hre tu te an la awm ve bawk si nen kawngkhar a lo khar mai lo chu ka ngei ru tak zet.

"Hmanhmawh teh" ti hlar a ka kut a humna ka ben sak thlawrh chuan a bu ve ta nghut.

Kawngkhar chu lo nam phuiin a țhutna lam a pan vut a. A lo țhut luh ve rual chuan in "i duh leh nang chu i let leh nghal dawn nia" ka lo ti hmak bawk.



Tur zet hian min rawn en khui khui a, engmah ka sawi belh duh tawh bik der silo, Ruthi nen chiah hun hman ka duh, ani hian lo tih ve tur pakhat mah a neih ka hre bawk lo.


Ngawi rengin motor chu a khalh mawp mawp a, cabin chhung a a lo chet chhuah thawr dan ah khan inthiam lohna chhete mah a nei zui lo tih lah a lang reng.



Kan in pui kawmchhak ah motor a din tir rual chuan rang zet in seat belt ka phelh a.

"Zodika kha call in emaw, a in ah kal in emaw ngaihdam dil ang che" tia ka en zet chu a lungawi loh pui kher mai!


"Ngaihdam ka dil lul lo ang" thinrim lutuk a lo ti chhuak chhur chhur in steering chum pawp hian min en nghal run a.


"Mihring pawh i nilo, mi dang hmuh ah mualpho tawp in i siam a, a hmalam hun a tan a pawi thei hle bawk tih hrereng chungin inthiam lohna chhete pawh i nei miah lo maw?" ka ti ve tuar.


A thinrim lai kha chuan thuchiang hre hauh lo a pro Pastor meuh kut a thlak hreh lo kha chu tlemte in a thiam awm deuh.

Mahse, darkar hnih dawn a ral tawh a, rilru fim tak a a ngaihtuah let chuan doctor leh damlo chhungte hma ah khatiang a a țawng khum ngawt kha dik a intih bik ka ring lo kha a nia!!!


"Ka nupui a lo kuah ngam che kha thil dik a niin i hria em?" ti hrawk in min en ngur ngur.


Thinur zet hian ka melh a, a nupui dik tak nilo in mite hmuh a nupui țha tak ang a lem chang tur a hrilh leh a neih mai ka ni tih hi ngatinge a hriatthiam duh tak miah lo le?


"Nimin tlai a Rinchhani'n room ah a rawn luhchilh ngam che kha thil dik a niin i hre bik em?" ti ve salh in khabe kang vah hian ka en ta ran a.


"A lo kal tih ka hre lawk biklo" ti bung nghut a hmalam a en vut chuan awilo zet in ka nui chhuak ta hak.

Prof Msa chuan min en leh vut a. Kei erawh za lo fahran hian ka nui lui hak hak thung.


"I hna bang nen in rawn haw rual tih chu a chian viau kha, chuta kar ah kal dunna tur nei in in inzui chhuak leh bawk, tichuan a lo kal tih i hre lawk bik miah lo a.. a țha hrim hrim e" ngeiawm lutuk a melh ralh in kawngkhar chu nam hawng in chhuak turin ka che nghal a.


Mahse, ka ban bul ah hneh zet a lo man leh chawt a min hnuh let deuh hrawk chuan thinur fe hian ka melh a.

"In ah khan ka rawn hruai lut lo" chhum bung fe chuan a lo ti hrawih

"Mahse in chhuah dun kha" thinrim fahran hian ka ti let hlar mai.


"Kha chu..." ti sup a sawi zawm lo va a ngawih leh tak daih ah chuan ka ban bul a manna kut chu ka chelh sak a.

"Keichuan Jordan-a ngaihdam tur a thuthlukna ka siam thei ta in ka rilru rit a lak kian hawk avang a ka hlim lutuk in Zodika kha kuah ka ni" tia a kut ka pawh phelh sak tur chu a rawn ri phut ani ta ber mai!


A taksa hrawl zet a min hnaihchilh pah chuan keipawh chu a lam ah min hnuk hnai hrawk a.

Thinrim lutuk a min melh nghek pah in "Zohmangaiha i ngaidam maw?" a rawn ti nghal khur khur mai a!


"Aw" ka tih rual a a mitmeng hlauhawm lutuk chu a rapthlak tak zet.

"Hrai rui a, pawngsualtu che kha i ngaidam thei a maw?" khur ru dur dur a a lo tih hrawih chuan ka lungphu chu a nghing lawih!


Thinrim lutuk a thawk la hrawk hrawk chung a min en tu chu rilru buai zet hian ka en let ve ran a.


Ani hian ka duh vang reng a thil thleng a nilo tih a pawm ngam tawh tihna em ni?

"Ih... ka " nghilh deuh duk chuang a ka tih chuan ka ban bul a hmerna tha khur ru dur dur chu thlah hlawk in seat nghenchhan chu a ngheng nghing dawt!

"Ka thusawi kha a dik tih i ring ngam ve tawh em ni?" zawi sep a tia ka en chuan tawrhharsa zet a min en let ngut ngut in prof Msa chu a insehruh țawlh țawlh mai.


Min ring ve tawh chuan hlimna min thlen pawh in ka hrelo! Tun ai hma khan ka thusawi kha ring nise chuan a dan erawh a dang mai thei.


"Hmangaih nei reng chung a mipa dang ngaih melh thei mizia i pu hleinem.. Jordana lehlek phei chu" ti hluk in prof Msa chu a ner sawk.

A thusawi erawh in na zet in ka thinlung a vit tlang zawk thung!!


"Min hrechiang intihle si in a tirah khan min ring duh lo a tiraw?" rilruna lutuk a ka tih chuan min en leh ruai ruai a. Kha zan hun mangan thlak tawpkhawk ah khan ka rilru chu let leh in 'hraih ruih ka ni, Jordan-a nen kan inkar a thil thleng engmah ka hrelo' tia min thlauhthlak hlau lutuk a ka ngen lawm lawm lai te.



A mitmeng ah min huatna ka hmuh rual a ka hlauthawng lutuk leh mangang lutuk ding khawng reng hma ah ngei inneihpui ah Rinchhani a sawm lai te chu chiang leh fiah zet in ka hmu let zut zut bawk!

Ka chhungril na ngut ngut leh motor chhung phui tlat avang chuan ka talbuai chiam dawn a inhria in ka malpui chu ka țham vak vak a.


"Pawi ka khawih thui hman hle a ni tiraw?" rit zet a prof Msa'n a lo tih zuai ruih chuan rang fahran hian "aw" ka lo ti hmak.

A rum ri hawk leh tawrh harsa zet a min en na chuan kha zan a ka lan dan mal leh rethei lutuk kha min hriatchhuah tir zel a.

Ka che ta rawk rawk, ka kal chhuak tur chu min dan leh pawh a tum tawh bik lo!

"I ngaihdam theih loh khawp a thilsual ka tih tawh... a dik em?" thawp sup a a lo tih leh chuan na lutuk in kawngkhar chu ka nam khar bur.


Hreawm tih hmel fê a a sam a țham tawk leh min en zui ngawt ngawt chu ka kalsan nghal nal nal bawk.



Ngatinge thinlung mangang zet a ka insawifiah lai khan min rin zawh loh? Tun ah mahni duhthu ngei a mipa dang mut pui thei ka nih lo tih a hriatchian thu a sawi leh si a... Rinchhani inhualpui ah a sawm hma te khan min hrechiang a nih chuan min rin ve tur a lawm.


"Mate... teh hlawl chuan" phawk deuh hra a Ruth-i min enna chu ka nuih let sen sen a.

"Ka rilțam lutuk" men deuh ţiau a ka tih tak ah chuan ka darah a lo kuah deuh lawp a
"Lo lut rawh, eitur ka'n siam a nge," ti nghal zat in inchhung ah chuan min kuah lut a, kawngkhar a kharphui leh tur in pawn a prof Msa Bolero ding a han hmuh chuan min en deuh ha a.

"Ngaihven duh suh" ti sap in inchhung zau zet ah chuan ka pen lut nghal daih.


He in hi ka pa pian na in ani a, mahse a hna thawh kha Mizoram chhung ațang a han thawh zawm chi ziazang a nih tak siloh ah chuan dah ruak in ram dang ah an kalsan ta a, Mizoram ah an lo haw chang in thla hnih khat te chen nan an hmang ţhin.



Kan ineih dawn khan kar 2 cham in hetah hian an awm ve reng a. Mahse, ka nu treatment kha khaihlak chi ani silo a, an let thla leh ta diak kha a nia. Kei tak phei chu he in ah hian kar khat vel bak zan ka la riak ve lo.


"Mate, kan order dawn nge noodle hi ka siam dawn?" Ruthi lo au lang lang chu hawi let hian ka han en a.


"Ka hrelo, i tih dan dan ani mai" ka tih tak ah chuan a lo let phei a, țhutkhawmna a dawhkan chungah chuan lehkhabu leh lehkha phek a lo in chhap hnawk rum bawk si nen peih loh hmel zet in Ruthi chu ka lo ner khum a.


"Tun exam ah khan ka tlin loh chuan exam pakhat lo awm leh tur hi ka try leh nghal ang ka ti deuh a" a ti a.

"Ka order mai ang aw, i duh leh nghah chhungin lo va mu la" ti a bang thlang lam dep a mut theihna nghal sofa zau zet lam chu a melh nghal ralh.


Ka hnial ta bik lo, ka taksa rawl țhem țhum leh rilru chau lutuk chu reilote ka mut hahdam chuan a reh mai te ka ring.



"Ac hi ka adjust duh a ngem?" a lo ti leh lar lar a.


"Aih, tihian a dai nuam tawk lutuk"

"Ok, i muttheih loh chuan titipui tur in ka awm reng aw" nuihzat hmel lek lek a a lo tih chuan ka nui ve ta hak.



Ka lo chhing hman sek a niang, "Va kal suh, a muhil deuh chiah" ti vin hlak ri ah chuan ka meng leh hlawl.

Ruth-i chuan tunge abiak tih chu inchhung boruak uap țang ut dan aţang chuan ka hrerang hle bawk.


Ka chungchang ah prof Msa nen chuan a inhnial tih pawh ka hria.

Ruth-i chuan a tir ah ka thusawi ring duh lo a Rinchhani a inhualpui sak kher te kha sawi chhuak in a hau hlak hlak a.


"Tun ah hi chuan a rilru lam natna te avang in chhungkaw ho lak ah a inkiltawih em em a, amah avang a kan mualpho lutuk ang te a a ngaih rih miau avang in a rilru dam theihna tur nia a hriat kawng a zawh hi dang lo mai mai kan ni tih hria ang che, keini chuan innei malek mah ula ka unau nu leh a naupai lai saw kan enkawl thei. Mahse, thisen inzawm kan ni tih kan hriatchhuah ațang a reilo te ah chanchhe zet a kan chhungkua min belh hi a ngam rih ngang silo a.. i hriatreng tur erawh chu, a tuar zawh loh khawp natna i pe emaw, a rilru lam natna tizual phah thei zawng a i khawsa lui ngar ngar a nih chuan tihluihna hmang pawh in ka unaunu hi kan rawn la chhuak ang" zahpahna nei bik hauh lova a tih khum fak fak chuan nghet lutuk in kut ka lo hum ruh a.


"Ka nupui ani tawh a, thihna in min pawt hrang anih tawp lo chuan kan awm hrang hauh lo ang" ngeth fahran hian prof Msa chuan a lo ti chhum hmiah


"Kan la hria ang chu" Ruth-i lah chu a ngeng ngal reuh bawk si.


Mutchhuah chu sawi loh, ka thinphu chu a rang in thlan in min bawh bawrh bawrh a.

"Naute hi lo piang se, Paternity test kan nei nghal bawk ang" prof Msa vek chuan a ti leh sup.

(Paternity test hi nau piang hlim DNA leh naute pa ni a inringhlel/ an puh a te DNA la kawp a, lap lamah an DNA a in mil leh mil loh test na aw)

"Ha... a tir ah ka nau thusawi chhete mah a rinna nei silo in tun ah chuan naute pa i nih i inring leh ta hle si ani maw?" elsen hmel zet in Ruth-i chuan a nuih hak.

Kei erawh in ka lungphu dup dup zawn ah ka kut nghat in ka thaw chhuak ham ham mai. Ka nau lai hi a fa a nih ring lo se chuan Paternity test chungchang hi a sawi chhuak hauh lo ang le!


Engtik ațang khan nge a fa a nih rinna a lo neih țan ang le tih vel chu keima tawk in ka ngaihtuah ve rauh rauh a. Engmah erawh ka ngaihtuah chhuak zo lo.



Eitur a lo thlen hnu chuan Ruth-i'n min lo kaitho a, an inbiakna zawng zawng ka hre vek tih hre lo zet hian "pawn ah u Msa kha a țhu reng sia, lo lut tur in ka hrilh ve a nia" a lo tisar sar a.


Tlai eirawngbawl hun awm vel ah in lam pan in kan haw ta chiah, kawng tluan chuan kan inbe lo a. Kawt ah a tlan luh rual in a phone a lo ri a.


Screen chu melh in a tarmit vuah lai a la thla a. "Min lo va luh san rawh" ti sup a min en chuan bu ve nghat in ka chhuak ta a.


Kawngkhar ka khar hnu thleng pawn call chu a chhang chuang lo.



Inchhung ka lut chiah erawh ka taksa pumpui chu a sa chhuak pup a! Chechang lo lek in choka bul ah chuan ka ding khawng reng ringawt.


Ka nu leh pa leh Rinchhani te pathum chu țhutkhawmna lam ah an lo țhu ho țhap a nih chu!



Khun khan zet a ka pa țawng lai mek in min rawn hmuh chuan a țawng chu a tawp leh rih a.


Ka thisen lo lum pup pup leh thinphu su nghal dup dup avang chuan ka kutphah te chu a thlan huh nghal vek bawk.

"Hlimi, i lo haw tawh maw? Helam ah lo țhu phei ve ta che" ti churh a ka pa in min lo en lai te chuan nuih luih ngial ka tum a, ka hlawhchham chiang khawp mai.


Rinchhani sawn hetah eng nge a lo tih?


Tinge ka pa in min hmuh vel ah a thil sawi pawimawh hmel zet kha a tawp san?


Prof Msa fa a pai thu a lo sawi vang em ni ka nu leh pa hmel saw a thu tak em em!


Duh lo teh mah ila ka ngaihtuahna chu thu țhințhawng tak tak vek ka dawngsawng dawn a inhriatna hian a rawn luah a, ka bing nghal mup mup bawk.


Ka theih tawp a chak a ka pen chung pawn ka chhungril a hlauhthawnna nasa lutuk min țham tlat tu avang chuan ka tha leh ruh te chu a sak țung a.


Ka nu chuan nui lui tih hriat zet a min lo en in a bul ah chuan min pawt țhu a, Rinchhani erawh in huat hmel zet mah se min nuihzat hmel pu chung si hian min lo en a.


"Ruth-i kan tlawh kawi lawk a" ti sap a ka kutthlan huh dap mai ka hum tawm chuan ka nu chuan ka darah a lo tuai that that a.

"Mapuia khan a rawn sawi a lawm, i chau em?" a lo ti leh nghal zat.


Harsa zet a nuih lui in lu ka thing nghat ringawt a. Chutah ka pa chuan aw lo thian leh khurh in sofa nghenchhan ngheng țha pah in a rawn țawng chhuak leh ta a.


"Hei, thil pawimawh kan lo sawi ho mek a" ti sup in min lo melh a, thaw dep dep in lu ka bu nghat ringawt.
"Khawi ah nge Malsawma pawh chu?" a tih zawm leh tak ah chuan ka aw khur tur inveng zet chuan pawn ah phone a hman rih thu ka sawi ta a. Ka pa bu nghut nghut chuan Rinchhani chu a en leh ta a.


Engthil nge an lo sawi ho mek chu ka hriat ve chak tluk zet in ka chhungril chiai lutuk avang chuan kalsawn daih ka duh lawi a!


"Rinchhan, fanu ang chiah a kan en i ni a, ka koh chhan tak che pawh Malsawma nen hian in la inzui nasa a, Malsawma lah nupui nei tawh a nih avangin mi te hmuh ah pawh thil mawi a ni tawh lo, Malsawma pawh ka zilh dawn tho a, nangpawh fanu angin ka zilh hmasa che a nih chu, Malsawma nen in inkar ah la awm a awm a nih chuan tawpsan tawh rawh u" nghet zet a ka pa in a tih chuan mak ti lutuk hian ka melh kawk kawk mai!




"Pa Pui" a beisei loh lutuk thil a hre ve tih hriat zet in Rinchhani pawh chu a meng phawk kher mai.


"Puitling in ni tawh a, chhungkaw mualphona thlen thei zawngin kawsa tawh suh u. Malsawma hian nupui a nei tawh tih hria la, i zahawmna tur tal in kan fapa hi lo hnaih tawh suh ang che" a tih leh lai te chuan mak ka ti lutuk bawk si leh ka hamhaih lutuk bawk si chu ka thawk a rang hlawp hlawp a.



"Mess-a leh Hlimi te inneih chhan chu kan hriatchian vek kha, pa Pui" thinrim zet a Rinchhani'n a lo tih khur hlak hlak chuan ka pa chu a rum nghut.

"An inneih chhan chu engvang pawh nirawh se. Mahse, nupui nei lai a ni tawh. Tin, kan thlah te ah nupui pasal ințhenna hi kan duh ve lo. Malsawma leh Hlimi te inneih chhan chu eng vang pawh lo nise thihna vang chauh lo chuan an ințhen tawh dawn lo" ka pa chuan a ti nghet ta bur.



Rinchhani chuan thawk a la hak a, thinrim aw kì sang hmang lo hram hram turin a inthunun tih hriat tak hian a taksa țang at chu a han thlah dul leh te te a.



Chutah kei chu min rawn en in a kiai ta sak bawk. Nichin lawk a ka pa thusawi avang a a chiai hmel kha chu hmuh tur awm tawh lovin huat hmel zet hian min melh a.


"Hlimi, pa Puia te nupa hi i han hrilh dawn em ni? A duhthlanna ngei in Msa hian a nupui hual nitur in min sawm tih kha" ti salh a țhutna sir a a bag- chu center table - ah lo dah in hnehtu chanchang intizet hian khabe a tikang vah bawk.



Chiang leh fiah tak in khazan a thil thleng te kha ka mitthla ah a lo lang leh a, thawk ngaihna hrelo mangang lutuk a ka awm lai hma ah ngei anih kha nupui a tan an insawm...



Țawng chhuah ngaihna hrelo a kut ka hum tawm ngat ngat chu ka nu chuan rang tak hian a lo hum hnan a.

"Thil thleng tawh chu engpawh lo nise tunah chuan Hlimi nen an innei tawh a, mi pasal ani tawh tih pawm thiam in lo hnaih che a tum chang pawn lo hlat zawk hram hram rawh Rinchhan" ka nu chuan ti ve leh in ka kut chu a lo hum nghet sauh bawk.


"A nau fa paitu a nih vang chiah a nei a ni a, an inchhung khur ah sawn pawm a inkiltawih tak a a awm tur lak ah a chhan chhuak ringawt pawh hi a tawk in tihpui ve tawh em em lo em ni? Ngatinge Msa rilru tur inhriatthiampui miah loh a, a hmangaih loh mai pawh nilo in, a nau fa pai tu nen hian dam chhung a chen dun tir chu in fapa zawk in lainat lo em ni?" Rinchhani chuan aw ki hniam raih hian a lo ti ve leh hmiah.


*a hmangaih loh mai pawh nilo in..* tih lai chuan ka thinlung a vilh na ngut ngut. Chutiang chuan ani maw Rinchhani bul ah hian min lo sawi țhin ni.



"Engthil pawh chhuan lam ah ngai mah la nupui nei lai ka fapa nen in inzui ka rem ti tawh lo. Malsawma hian nupui pakhat bak a nei tawh dawn lo tih hre bawk la" rum ul a ka pa'n a tih lai chuan prof Msa a lo lut ve ta hlawl bawk.



Rinchhani a rawn hmu thut chu a ngaihna hriat loh hmel fe chuan min han en kual a. Vawi leh khat ah ţah chhuak hmel zet a Rinchhani a lo inhnit chhuah tak hlawp hlawp ah phei chuan hawi buai deuh hûin "engthil nge thleng a?" a lo ti chhuak hluk.


"Mess, inhualpui a min sawm tu kha nangmah zawk i ni lo em ni?" ţap țiau a Rinchhani'n a tih lai chuan chiang lutuk in prof Msa chuan min rawn en a.

Natna avang a ka chhungril sa pup pup chu thup hram hram tum hian hreawm tihna a khat a mitmeng ah chuan ka melh let ve tlat bawk.

"pa Puia te hi han hrilhfiah ve teh, Hlimi nen in inruk hnu ah khan vawi khat pawh ka rawn zar buai hmasa lo che. Mahse, i nupui in i nau fa zawk a pai tih i hriat zan khan ka nawrna che nimiah lo in inhualpui ah min sawm a nih kha, ka hmangaih em che avangin kei kha chuan ka hnar thei lo che a. Mahse....." sawi zawm thei lo a rilru nat hmel zet a țah chhuah tak hlap hlap ah chuan prof Msa chu a insehruh ngut ngut.


Kun vut a Rinchhani ban rek ah a chelh sak lai chuan ka hmai tiril te chu a lo za uaih uaih.

Rinchhani chu a pawt tho a, a bag chu a kut pakhat a lak kan sak leh vut in kan pathum chuan min rawn melh kual thuak
"Rinchhani nen kan inkar ah hi chuan inrawlh suh u" a ti thum sup a nih chu!


Țhutkhawmna ațang a Rinchhani a kalsawn pui dawn chuan ka hîk chhuak pup pup ani ber. Țang țeuh in 'ka ngaihdam theih lohna tur che in engthil mah tih belh tawh lo teh professor" ka rilru chuan ka ti mawlh mawlh bawk.


"Malsawmtluang țhu rawh u, inpahnih inzui chhuak tam lutuk avang a kan mualpho tawh zia hi inhria em? Nupui nei lai i nih tawh hi, zahpawh inzak lo em ni?" Lungawi lo lutuk a ka pa'n a tih leh khur khur chuan Prof Msa te pahnih pawh an ding chawt.
Muangchang a lo inher let in prof Msa chuan min rawn melh a. Chutah ka pa chu en leh in a thaw chhuak ta ham ham.

"Kan inkar ah engnge awm tih inhriatchian loh chuan Rinchhani hi koh in lo zilh tawh suh u" a tih nghut chuan tur zet in ka pa chuan a melh a. "Tun hi a tawpna nirawh se, he in ah hian kan nupa inkar vang a ko luh chhan tur in neilo" ti leh hmuk in chak zet in Rinchhani chu a kal chhuahpui dawr dawr a.



Kawngkhar ațang an chhuah bo hma chu thawk pawh ka thaw chhuak lo!


A chiang ta e! Kei hi min hmangaih ve tawh lo!! Jordan-a fa ka pai vang chiah a min nei a ni!



Ka pa ang zui hluk hluk te chu ka hre hla dû vek a, ka nu chuan inbengdai tur a hrilh in keichu room ah ka hruai chho ang che min ti a.



Hnial nachang pawh ka hrelo.



Kan nupa room ah chuan min zui lut ve zel a, ka natna chu Rinchhani ban a chelhsak chiah khan a ințan tawh a, tun a ka bing mup mup chhhan erawh hi chu ka zah lutuk vang ani ngei ang!



"Țhu hahdam rawh, Mapuia thusawi kha kei chu ka ring nghet hmak, ka hahdam ta deuh bawk" tia ka nu in khum tlang ah min țhut tir lai chuan a hrethiam lo zet hian ka en a.



Kei chuan a chet dan ah leh Rinchhani chhan lutuk a ațawng chhuahna ah khan hahdampui tur ka hmu ve lo!


"Nang pawh chu i pa ang mai" ti hlak in ka nu chuan min han nuih a.

"I pa pawh khuan a fapa mizia hi a hrethiam thei thlawt țhin lo. 'Kan inkar ah engnge awm tih inhriatchian loh chuan Rinchhani hi koh in lo zilh tawh suh u' tia Mapuia'n a sawi kha i lo ngaihtuah chiang ve lo em ni?" tia khum tlang ah lo țhu ve pah a a nuih var var lai te chuan ka rilru a buai tulh tulh.


" ' he in ah hian kan nupa inkar vang a ko luh chhan tur in neilo' a tih tawh kha, Rinchhani nen hian eng inzawmna mah an nei tawh lo! "

"Nu?"


"Ka hria. A chapo in mahni thu a duh ve a. Tlawm zawk ah țan ai chuan hnehtu a nih theihna tur in engthil pawh tih a duh mai țhin, Bawiha fa i pai emaw a tih țum khan i mit hmuh ah leh a nau hmuh lai a thinlung kehsawm ang a lang duh lo in, a tlawm loh zia hmuh tir nan che u Rinchhani kha hmanrua ah a hmang ta mai a ni. Ni a liam a, rilru fim a hman thiam hnu ah chuan hmanrua ah Rinchhani a hmang ta kha thil țul lo tawp ani tih a hrethiam a. Mahse, a chapo na avang zawk in Rinchhani nen inkawp zui leh ang a lan zel pawi tilo mai mai chauh ani"

"Mahse.." ka lo ti sep chuan zaidam deuh hian ka sam ah a lo chul a.

"Min ring tawp rawh, Msa hi ka hrechiang a lawm. Tun ah pawh khan Rinchhani nen hian kan inkawp lo tih thu sawi chhuak thei reng siin i hmuh lai ngei a inhualpui ah a sawm tawhna kha a natna thup tumna mai ani tih kan hriat a hlauh vang zawk a peh hel tak a in nupa inkar tichhe thei tu a nih loh zia sawi ta zawk a nih kha"



Ka nu kal chhuah hnu thleng pawn a thusawi te avang khan ka rilru chu a insual bulh bulh a


Ka nu sawi tak te kha a tak tak nise ka tih tluk zet in an inkawp tawh lo tak zet a nih chuan ngatinge tlang tak a a sawi chhuah ve mai loh tih vel chu ka ngaihtuah a, ka thep suai suai thei tlat lo!



Zanriah ei hun ah pawh Prof Msa chu a lo la haw lo, ka nu chu a hma zawng aiin a che vel a zangkhai in ka pa nen kan rit deuh lek luk chu min han hau fiam leh rih țhin.



Ka pa chu inla mipa ngang ani a, chaw chu a ei bawrh bawrh a, kei erawh in ka lem hleithei lo.

Tun ah te hian Rinchhani nen em ni an awm dun ang? tih vel ngawt chu ka ngaihtuah a.

"Hlimi, ei țeuh țeuh rawh, mi pahnih tan anih kha i ei a ngai" ka pa chaw ei kham tho tur chuan a lo ti nghut. Nuih lui sen sen in a lungawi nan ka bar deuh pawk a.



"I damdawi kha ei nghal teh aw" ka nu'n a tih rual chuan "min han lak teh, ka sa ei kha ha kár ah a tang" ti hluk a hakherna ban pah chuan kawmchar lam ah ka pa chu a kal chhuak nghal daih.

"Aw.. tui bottle bul lawk ah ka dah a, inban ve nghal mai tur che a lawm le" ti barh barh in ka nu chuan a damdawi te nen a umchhuak ve nghal a.



An pahnih a min ngaihtuah vang a Rinchhani biak duhna thinlung an pu khan min hneh tak zet.


A tir kha chuan pa Saia hi prof Msa nen kan inkawp duhlo ber tu kha ani a, hetiang a ka chung a ațha ta lutuk hi mak ka ti viau dawn nangin zanin tlai khan prof Msa tan a min duh lohna a lan chhuah tir hreh ngailohna chhan chu ka hmuthiam ve ta in ka hre bawk.



Nupui pasal ințhen leh tih vel hi a pawm zawng ani ve lo.


Prof Msa nen kan inzui țan tirh lai kha chuan ka nungphung a ho in ka hming kha a chhe ve em em a. Ruihhlo engpawh khawih thei vek, zan riah chhuah lah ka awlsam si, Muaneki te nufa in dawt a min puhna avangin rukruk ching than in ka thang bawk.


Prof Msa nen kan inzui tak ah chuan chung ka mize țha lo leh rukru a Muani te nufa min puh țhin na te kha thu tak ang maiin Rinchhani khan a hrilh vek zel dawn a. Prof Msa lah a thutak ropui bawk si nen kei a mizia han en khan pasal nei rei thei tur chi kha ka lo ni lo ve leh zel bawk nen.


A fate ah nupui pasal ințhen an awm duh lo em em tu patling rilru khauh tawh laklawh kha chuan kan inneih reiloh a hlauh em avang zawk a min do ta em em kha ani tih ka hrethiam ve tawh


Ka kham hnu lawk ah prof Msa chu a lo lut ve ta nulh a.

Kut sil sur sur pah in chaw ei siam ve nghal mai turin min hrilh a. Ngawi reng a ka che kual vel chu chair ah țhu ngawi run in min en zui reng a, ka chhuah san dawn chuan ka ban rek ah a lo hum deuh chawt a.

Mahse, kawmchar ațang a ka nu leh pa te an lo inzui luh tak a vangin "zan in chu inbe teh ang" zawi sup a tiin min thlah leh mai a.


"Malsawm, chaw kha ei kham la, lehkha chhiarna pindan ah min rawn hmu ang che" ka pa in a lo ti ve leh nghut.


Thleng seng fel a che vel tur an awm tho avang in room ah ka chho nghal daih a, ka nu erawh reilote tal Jordan-a hmu tur a kal turin a insiam thung.



Zan dar 10 pelh ah pawh a lo la chho silo a, pills ka ei a, khum ah chuan mu saisir chung hian ka lo nghak deuh ren rawn a.


Ngatichen chen nge Rinchhani a hruai chhuak kha khatiang tak a rei a thang? tih vel te chu ka ngaihtuah neuh neuh a.

Ka nu khan an inkawp tawh lo tih min pawm tir tum hle mah se kan inneih dawn pawh khan chiang tak in a hmeichhe kawp vel lo ngaihven lo turin min hrilh a, khang pawh kha ka lakah tlawm tak a lan a hreh vang bawk em ni dawn?


Rilru buai zet in kawngkhar lam chu ka melh chhen a.


Ngaihdam min dil ta se ka induh khum reng thei a ngem?

'Kan chung a thil tisual tu te kan ngaidam angin nang pawh in kan thil tih sual ngaidam ang che' tia Pathian hnen ah kan sual ngaidam tur a kan duh chuan keini pawh in kan chung a thil tisual tu te kan ngaidam thei tur ani tiin Zodika khan min hrilh a nih kha!


Zodika....


Thaw chhuak hak in phone ka ban a.


A chanchin chu zawh ka duh viau nangin biak leh ka ngam tawh lo.

A zuam theih leh sihhnip tak a ka lan țhin vang a prof Msa hma ah khatiang a țawng chhuak ngam pawh kha a lo nireng thei a. Kan inkawm dan ah khan zuam awm a ka awm lai inhre miah lo mahila tun ah chuan inven theih na na ah inven ka duh tawh.

*Kimkim, lehkha i zir laklawh em?*



"Awi! Lalmate, ka ning tawh e, tun sem hi chu ka fail mai dawn*


A type lai a a hmel awm dan tur ka mitthla rual in ka nui hak.

*tihram hram... kar leh ah inzawh tawh dawn kha*

*ka ning a.. *

*ih, Zodika chanchin i hria em?* ka ti a. Ani hian thil a hrethei deuh a, boruak nei hat pha chin hi chu a lo hre vek zel.

*aih, hrebik miah lo, engnge a an kan zawt ang aw* a lo tih chuan țum dang nise chuan ka hnial chiang viau ang.


*umm, chuan an veng a i hmelhriat te kha an kohhran chhung ah thil danglam deuh a thleng em tih zawt chhin teh aw* ka ti leh a.

*engtia thil danglam?*

*aaa.. hei, danglam bik deuh tawp hi* thil thleng kha a hreve lo tu in an hriat belh ka duh miau lo.


*ok* a lo ti ta a.

Synod lam beng a thlen chuan mi nupa inkar a inrawlh ang riak in an ngai dawn a. Kei leh prof Msa vang a a tuar phah ka hlau tak zet.


*Lalmate, Zodika chu a țha ang, tun ah an inkhawm daih a, an veng a kohhran upa fanu kha ka bia a, thil danglam vak a awm lo a niang, an inchhung ah pawh an sawi lo* a lo tih tak ah chuan ka thaw huai mai.



'ka thinlung hmutu' tih hla in play ruai ruai ri avang chuan ka harh deuh hlawl.


Pindan chhung chu a lo thim mup a, he hla hrim hrim hi chuan mi a fan hneh bakah a music zawng zawng nen hian mahni inngaihbel a awl em em bawk si nen harh hlawl rual a ka hriat vang nge ka hnuk a ulh deuh țun ringawt.



Computer dawhkan lam ka ve en chuan chair lianpui chu ngheng in prof Msa chu a muhil nge tih pawh hriat loh hian a lo țhu vung vung a.

Computer eng pup in chhun thei mah se nghenchhan ah lu nghat a chunglam a hawi tlat vangin a hmel ka hmu thei lo.


Hla chu a zo a. Hla ngai bawk chu a lo in play nawn leh zel a.


Chutiang a ințhenna hla lungrun lutuk a ngaithla ta mai chu a inhmeh lo tak zet, marawh chu a ngaihthlak chhan ni a ka rin, ka nu leh pa in Rinchhani nen an inkawp zui zel an rem tih tak loh avang a harsa ti chung chung a Rinchhani a thlah dawn a vang te a nih ka ring a.


A lan dan rilru na hmel lutuk chu keimah vang a nilo tih hre tho mahila ka țah a tichhuak tak zet.
A kâ ațang a thaw chhuak ham ham a a kutphah hrawl zet a chal ah a nghah tak ah chuan a muhil lo tih hria in ka mittui lo luangthla pap chu ka tuai hul a.


Theih se nih ka chak i lawmna, hlimna thlentu,
Khawvel tawp thlenga i kianga awm tur chu
Mahse, kan tan van a rah ang
Engtikah mah kan theih ve loh tur
Nangnen chuanin suih kan ni ve lo
Damtakin mangțha ka thinlung hmutu


Hla tawp rual a thaw deuh hawk a ka mutna lam a lo hawi thut chuan rang zet in ka muzangthal nghal daih.


"Ka tih harh che mi?" pawi tih hmel zet a lo ti hluk a khum lam a lo pan lai te chuan țah chhuah hlau lutuk hian ka lo insehruh a.


Computer ațang a eng lo chhuak in min chhun phak reng avang in ka mittui chu a rawn hmu nghal te pawh ani mahna.

"Duatte na i nei em?" lo ti sup in khum ah chuan a rawn țhu kai nghal a, min ngaihtuah hmel zet a ka pang a lo deh rual chuan ' nangmah avang a ka thinlung na hi i hmu thei lo em ni?' Ka rilru chuan ka lo ti mawlh mawlh.


"I pum em ni na?" dam dap a min zawh leh chuan mittui tla zung zung sia țah chhuah hlau zet hian ka melh ngawt ngawt.


"Ka... ka chet dan vang kha ani em?" mahni inthiam loh hmel zet a a lo tih leh hrawih chuan ka țap chhuak ta hawk ringawt.


Prof Msa chu a rum chhuak hawk a, "Pathian!" ti leh tawk in hnehzet in min pawm kang nawlh a, lo dan pawh ka tum lo, khum tlang ah a țhu a, a malchung ah naute ang mai hian min pawm in a awm ah chuan min kuah bet hlu hlu a.


Kekawr bul chiah a hak avangin a awm chu a ruak kung a, a pangtilum in min ur sa hut hut bawk.


"Ka tihpalh, ngahnge maw i bul ah ka awm hian ka inthunun theihna a bo țhak țhin ni? Damdawi in ah ka hruai ang che aw?" mahni indem zet a lo ti leh tawk in ka dul a lo chul a.



A thinrim thinthawk in min phih ngheng țum a a taksa ah ka intauhna avang a na ang ah min ngai tih ka hrethiam ta chiah.


"Duatte?"

"Ka kal duh lo" țap țiau a ka insut hlap hlap chuan a lo thaw chhuak hawk.


Damdawi in kal a sawi apiang a ka hnial zel avang chuan beidawn hmel zet in min kuah bet a, a lungphu pawh a rang dawt dawt.

"Ka sual ngawt mai tiraw?" reife hnu ah chuan a lo ti ta sup.

"Aw, i sual" za lo tih hriat zet a lo nui che dawt in ka hnung ah a lo chul hauh hauh, ka țahna avang a hnar ping țîak in ka kâ chuan ka thaw ham ham reng a.

"Umm, a bik in i lak ah hian ka sual" thum zawi ruih a a lo tih leh tak ah chuan ka tawm deuh chawih mai.

Prof Msa erawh chuan min lo kuah nghet sauh sauh thung.


"Ka inhrethiam bik țhin lo, ka tihnat chang che a muhil thei lo khawp a hreawm ti leh ber si hian a hun laiin ka in thunun theihna ka hloh ziah, midang zawng zawng aia min tihnat awlsam bik vang te pawh ani mahna, awlsam tak a min tih nat bik ziah lai a tina pha ve lo tu che nih ka hlauh luat țhin vang ani ta ber in ka hria" hriat theih chang chang khawp a zawi hian a rawn ti thawp sat ta mai a.


"Min tina pha lo angin i inngai țhin a maw?" tiin a khabe hnuai ațang chuan ka han melh a.

A kutphah hlai zet a ka khabe ah lo dawm in uluk lutuk hian ka hmai tlang chu a en kual dun dun a.
"A chang chuan Aw.. chutih rual erawh in natna min pek ang zat chiah pek let ve che ka chak tel bawk țhin" a rawn ti hriam hrawk a.


Ip chawi a rilru buai ru zet a ka en chuan a kut zungpui in ka hmui a lo nul leh thuak a, ka hrawk chu a tawt tlat a, thinphu dup dup a chil ka lem chuan a chal in ka chal a lo tauh nghal dat bawk.

"Min tih nat ang chiah a ka tihnat let ve chang che hian reilo te hnu ah inchhir tawpkhawk in ka awm leh țhin tih erawh min hriatpui hauh lo ang" na tuar aw ri zet hian a lo ti leh ta a. Kan chal a insik reng avang chuan ka hmui bul lawk ah a thaw chhuak lum ham ham bawk.


Ka lungphu chu a rang zawih zawih thei mai.


"Rinchhani i inhualpui kha i inchhir i tihna em ni?" tim dai a ka zawh chuan harsa tih hmel zet in "aw" a lo ti tawk.


"Mahse, tun lawk pawn amah vangin hla i lo ngaihthlak kha" ka ti chhuak ta phawng, prof Msa chu zawite hian a nui ta hawk a.

"Eng nge i nuih a?" min nawr hla deuh in mit tizim sun hian min melh sawt sawt a.

"Hla kha Rinchhani vang a ka ngaihthlak emaw i lo ti reuh a?" min nuih hak, a hmel chu a thim ruih a, a meng zim sun bawk.


"Aw" ka tih tak sep ah chuan thaw huaiin a awm ah bawk min kuah bet leh hlu hlu a.

"Ani vang chu nilul lo e. Nangte reuh hian min țhen duh viau pawh nila thihna ngawt lo chuan min țhen hrang dawn lo... i dam chhung in hlim tak a siam che a i kiang ah awm reng duh mah ila ka chung ah thihna a lo thleng hmasa a nih chuan i thawk tawp thleng a i kiang a awm chak viau mah ila ka thei ve dawn silo a" zawi thum zet a a lo tih dut dut chuan a awm chhung ațangin min nghawr che dur dur a.

A thil sawi awmzia hrethiam lo lutuk chuan a banbul ah chelh in min kuahna ațang chuan ka tal hrang a.


Chuta prof Msa hmel lan dan chu ka sawifiah thiam lo! Computer eng chiah in a chhun vang nge, a dûl ruih mai bak ah thina thu a sawi zawh tak ang chiah khan hun nei tam tawh lo intih hmel zet hian a chauh hmel tak zet bawk.



Mahse, țawng tum a ka ang ziau chu a thu lo sawi avang chuan ka tawp leh dat a.

" a tir a i thusawi ka rin nghal mai loh avang khan min ngaidam rawh aw" a lo ti thum sup.

"A hunlai kha chuan ka nâ in ka zak em em a,.. khavang tak a ka tawrh ang chiah tuar ve tur a duh che pawh ka ni bawk. Mahse, i sawi ang chiah khan rilru mumal pu thei lo lek in ka thinlung a tawt a, ngahnge hunthawl ka mamawh rih tia țha tak a ka thlah mai lo che tih ngaihtuah in zan lah ka muhil thei ngai bawk lo..." rawn ti chhuak hrawih a a thawk chhuah hawk chuan ka lo ipik ve țun ţhei.



"Tun ah min ngaidam nghal rawh ka tilo, mahse min ngaihdam theih nan chuan engpawh ka ti ang" ti leh nghut in computer eng rinchhan chuan uluk zet in min en ta a.



A thil sawi zawh tak chiah kha sawi chhuah harsa a tih hmel in midang bul phei chu nise ngaihdam a dil hauh lo ang tih lah ka chiang.





Zingkar ah ka harh leh meuh chuan prof Msa nen chuan inhmatawn hian kan lo mu a. Ka hrawk ah ka in reh a hlau tih hriat zet in ka kut pahnih chu a lo hum bet tlat bawk.


Tui zet a muhil lai chu rei ngial ka thlir a, tuk dang ah chuan kei aiin a harh hma ziah zel. A sawi ang tak tak khan zan ah a mu tam ngailo, sofa ah a mu țhin a, kei chu pills ka ei țhin avang in ka muhil thuai a, zun chhuak vang a ka țhanharh chang te hian inchung lam melh vung vung in a lo la meng reng ţhin.



Ka kut a hum beh tlat chu amah tih harh hlau zet in ka la sawn țhem țhem a, hmul in a bawh dap a hmai tlang nghet țha zet chu dimte a tawk de de in ka thaw ham ham mai.




Rilru fim tak a engkim a ngaihtuah hnu khan Jordan-a leh Rinchhani te pahnih inthurual in damdawi in min hrai ani te a rinhlel ru rum rum a, a chhui zui ngial pawh in Jordan-a leh Rinchhani te an inhmu ngai bawk silo, kar2 hnu lek ah Jordan-a a chesual leh ta zel si nen an inthlah dul lai chan fuh inring a abeihna pawh in awmzia a neih tak loh thu te min hrilh a nih kha!!


Damdawi a hrai leh ka hriat loh lai a mutpui chu ka ni ngei a, marawh chu Rinchhani han rinhleh tel ve nachhan tur ka hre ve mai lo.


Naute a lo pian hun ah pawh Paternity test neih a duh thu Ruth-i kiang ah a sawi ang bawk khan ka bul ah pawh a sawi ve. A fa a lo ni ta lo emaw pawh nise a fa ang chiah a a pawm theih tur thu min hrilh a nih kha!!


Pindan bathlar ah ka chhuah chuan tual zawl a ka pa vei kual vut vut ka zuk hmu thei a, prof Msa tih harh hlau takin room ațang chuan ka kal chhuak ta țhem țhem.


"Good morning" ka pa chuan kawtzawl a ka chhuak ve min lo hmuh rual chuan a lo ti thuai a.

"Tukin chu i tho hma bawk a, kan walk dawn em ni ang?" a lo tih zawm zat chuan phur fe hian lu ka bu a.


Ka nu chu zing țawngțai inkhawm tur a a kal tawh thu te chu a sawi ve mual mual a. Zarkawt ațangin Chandmari kawn thleng kal a rawt a, kawn a vai dawr ah paratha kan ei dawn nia a tih chuan ka nuih a za kher mai.



Zing kar a tlan ve dang ho te pawn ka pa chu an lo hriat țhat hmel hlawm kher mai.

Kei ni erawh han tlan vak chi ka nih loh avang in muangchang hian kan kal dun a, hetia kan inchen chilh tak ah chuan ka pa mizia pawh ka hrechiang tial tial a, fiamthu a duh ve hle tih pawh ka hre tawh.

Prof Msa ka ti leh mai ţhin hi a lawm thei viau bawk.


Kei lah in han koh dan tur dang ka hre der bawk silo. Prof Msa ka tih loh chuan Malsawmtluanga tih leh tawp ani zel mai


"Naute te han nei fel ula, Mapuia hian a hna hi bansan in kan chhungkaw sumdawnna hi luhchilh tawh se ka ti khawp mai" kan haw leh lam ah chuan a ti ta a.

"Professor hna hi a țha viau nangin thla khat a a sum lakluh aiin petrol pump leh caffe hi tihtak zet in buaipui se, a thla khat hlawh ang hi chu kar 3 chhung lek in a la lut hman dawn a, Bawiha a lo harh chhuah leh hun ah chuan in hrang chang bawk ula, sawrkar hna hmang a chhungkaw chawm ngawt zawng tun ang laia engmah tham ani tawh lo" a ti duah a.


Professor te hi hlawh țha pawl tak an ni ve chuan ka hria, thlakhat ah cheng sing li/nga bawr vel an la lut a, ka pa erawh hi chuan tlem a tih hmel viau sia. India ram a petrol pump lian tak tak te nen an indawr tawnna hi a hlawk phian anih ka ring.



Gate ah kan inzui luh chuan rilru buai hmel zet in tual zawl ah prof Msa chu a lo vei tawn sek a. Ka pa nen a gate a kan lut mek min rawn hmu thut chu a rawn che chhuak phut ani ber e.


"Khawi ah tehhrep nge i kal bo a?" rawn ti vin hluk in a rawn pen phei pawk pawk a. Ngaihna hrelo zet a ka lo en heu laiin ka pa erawh in nui sun sun in prof Msa chu a kal pel a.

"Ka zingkar walk min zui ve a nih kha" a ti sam then.


Ka pa'n chutia a tih tak ah chuan thaw hawk in ka hma ah tak a lo ding a, ka kut chu a lo hum ringawt bawk.


"Pa, i hruai chhuak dawn a nih chuan min hrilh hmasa tawh rawh" inthunun tum zet a ka pa melh pah chuan a ti bul nghut.

"I la mutthilh vangin a lawm ka hrilh loh che" ka pa zawk a hau ringawt chu duh lo zet in a awm zawn ațang ka hrilh ru sar sar a. Thaw huai in a bu ve ta nghut nghut a.


Ka pa thung chuan nui hawk hawk in inchhung ah min luh san a.

"Tinge a?" ti ha a prof Msa ka en chuan ka kut a hum mek chu a lo hmer salh a.

"Ka harh rual in ka hmu silo che a, Vuli lah in i awmna chin a lo hre bik bawk silo, ching tawh suh ang che" a tawp lam ah bung zet a tiin min kai lut a.


A harh lai a in ah ka awm loh vang ngawt a a lo buai ve em em mai chu a atthlak tak zet.


"Hlimi, hei in nghal rawh le" inchhung kan luh rual in carrot juice chu ka nu in min lo pe thuai a.


Coconut tui nen mixer grinder ah min her sak vek zel a. Ka mo tuk ațang khan tuktin ka intur in a siam ziah.


"In nu leh i pa te exercise chu i lo mangan pui chiam ani maw?" tia nui hawk hawk in prof Msa ding ngawi hmuk chu a fiam zui a.

Pakhat lah chuan tur zet a meng khu khu in a chhang duh bik der lo.

"I gym kalna țhin ah khan hruai ve țhin la, exercise tam se, nau neih pawh a awlsam deuh ang" ka pa pawn chanchin bu bih pah in a lo ti ve dut dut a.




Kan hun tawn hahdam thlak ta lutuk chu mumang a ang tih chang ka nei fo.
Prof Msa nen pawh kan inkar țha leh nuam em em chu tichhe hmasa tu zawk nih kan duh loh ve ve a, a ngaihdam min dilna kha ka ngaihdam thu ka hrilh miah lo nangin a sawi ang tak tak in ka rilru a tihnat tawhna te min thawi dam sak tumin min duat em em reng bawk.



"A mak e, kha thingpui kha a dai hman vek ang, in tawh rawh" khum a a zing tho țhu ngawi vung vung chu ka biakna avang chuan a lo hawi chhuak thut a.

"Thingpui a?" a lo ti ang he haw a.

"Aw, in tawh rawh" bangbo hmel zet a min en in khum bul dawhkan chung a thingpui no chu a en leh a.

"I lo ken luh lai ka hre miah lo" te chu a la ti tak ang deuh deuh a.


Inhnuai ah ka chhuk dawn in thingpui min lo ken chhoh mai teh a tih vangin minute 5 liam ta khan ka ken choh sak daih tawh. Amah pawh ka hrilh tawh reng sia.



A dai tawh bawk a, a lem deuh khawlh khawlh a

"Rsa te khan huan a kal an rawt a, zirtawp ah hian kan kal dawn nia, i u te pawh an sawm in ka hria" ti pah in a lo tho chhuak ve ta hram.



A hna kal tur kan inzui thlak chuan keimah ka kal hmasa a, ka pa kal chhuak tur pawn kailawn tawp a lo dingin keini nupa inzui thla chu min lo thlek reng a.

"Malsawm, tunlai i mit kha i insawisel deuh em ni?" a lo tih nghut chuan hawi let in a tarmit la thla a a kut hnung lam a bek a lo nawr deuh vang vang lai chu ka han hmu ve thuai a.


"Tunhnai te hian a phe deuh a, ka thesis buaipui vel vang hi ani ang" lo ti puat in prof Msa chuan ka biang ah a lo fawp zauh a. "Ka lo bia ang che" mit min siai suk in kailawn ah chuan a chhuk thla vut.

Ka pa pawh chuan ' Hlimi,in ah tawm reng lo khan bazar ah te kal chhuak ve rawh' lo ti ve duah in an inzui chhuak a.


"Doctor hmu teh, i nu pawh kha i kum ang rual a nih khan......" ka pa in prof Msa bul a a thil sawi chu ka hre zui thei tawh lo.



Tunlai hian a lu nat thu sawi miah lo mah se a awm mai mai lai te hi a phone ken lai emaw te hi dah tawp in a bek tawn tawn ah hian na tak in a in hmet leh ngut ngut țhin a, thil tihsak lawk tur a min hrilh te hi a lo theihnghilh leh daih zel.
20210630_000635.jpg

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 18th, 2021, 1:49 pm

TETAKTEI
CHAPTER 61 LAST CHAPTER
AN UNFINISHED STORY



* Thil eng pawh mai hi, a duhawm lam leh duhawm lo lam pawh Pathian thiltihtheihna huang pâwna che thei a awm lo reng reng a ni.


Chatuana kang ve ngai lo tûr tui nung lui Isuaa zung kaih tlatte hian harsatna an tuar pawhin an zung kaihna Isua avangin an tuar chhuak ang. Rah chhuah an țhulh lo vang a, an uai ngai lo ang.*



Ka lehkhabu chhiar lai chu khup thawk in ka thaw chhuak hak a, ka pa khan chhuak harh tur in min hrilh nangin khawlai a kal chhuah hi hreh tak te in ka hreh bak ah chhan sawi tur awm si lo hian ka hlauthawng tlat zel a, lehkhabu chhiarna pindan ah ka inkhung leh ta ngawt kha a nia.



Mahse tunah tak hi chuan ka chhuak harh ta lo chu ka inchhir ta deuh, an pafa inbiakna kha ngaihtuah zui loh tum pawn min lo luh leh ngut ngut ţhin.

Țum khat chiah Prof Msa hian anu boral ta chanchin kha min hrilh. Sawi chhuah sek a duh loh zia hrechiang bertu ka ni bawk in ka hria.


School ah an awm laiin anu boral thu an hre thut a, an unau in school ațang in an haw a nih kha, a nu boral chhan lah kha thluak a thisen zam chat a ni kher bawk nen tunlai a awm dan nen ka ngaih a țha thei thlawt lo.



Chair nghenchhan chu ngheng in celling melh veng veng pah chuan thawk ka han la leh ham ham phawt a.


Tunlai a lut nat chhan te, ka khaw hmuh a phe riau a ti fo ta mai te, a haihawt thar ta em em mai te hi a thluak lam a thisen zam fel loh vang te lo niin inrinlawkna awm hman hauh loin min kalsan ta thut mai se!



Ka ngaihtuahna teh hrep a vang chuan thaw chhuak kawk in ka ding chhuak nghal hlawl ringawt!

Dawhkan tlang chu ka kut pahnih a hum ngawt ngawt in lu ka thing nawk nawk bawk.



Ka pa khan engvang in nge anu chanchin kha a sawi tel kher le? A lo hlauthawng ru viau zawk em ni ang, ngaihtuahna mumal lo zet in lehkha chhiarna pindan aţang chuan ka kal chhuak a, ka ngaihtuahna maksak pui pui chu tih reh dan ka zawn vat loh chuan ka talbuai chiam mai ang.



Kawngkhar nam phui a ka nghen vang vang lai te chuan ka lungphu chu a lo su leh dup dup tawh tih ka hre chiah!


"Hlimi?" u Vuli aw ri avang chuan kailawn lam chu ka en phei nghal vat a. Nui sang chungin amah pawh chu a lo chhuak chho ve chiah bawk.

"I u Biakpuii te an lo leng a" ka beisei loh lutuk thil a lo sawi avang chuan phur tak hian ka pan phei nghal a.


"Ani maw, engmah min hrilh silo a, an lo thlenna a rei tawh em?"

"Aih, an lo thleng deuh chiah" kailawn tawn tirh ka thlen phei rual in inhnuai lam a Bawihpuia te nufa lo nui hak hak chu ka zuk hmu zawm nghal zat.




"In lo kal tur thu pawh inlo sawi lawk silo a.." ri tung a ka zuk pawh ve tak ah chuan Bawihpuia chu lo tlan that that in ka malpui ah a lo kuah chat reuh a.

"Anite" lo dak chho heu a min nuih chuan kan inhmuh lohna rei tawh zia ka hre ta chiah.


Unioform a ha thlap bawk si nen zawhna mitmeng zet a u Biakpuii ka va melh chuan a lo nui ringawt.

"Bawihpui, school i kal nange?" kun hniam deuh in a dar ah ka dawm a, fiah fe hian min en let ve kiau bawk.

"School kal turin kan lo chhuak a, mahse, kha.. Anitei bul ah ka kal duh tiin a nuar ta chiam sia, nidang a a nuar zen zen ngai chuang silo a, school ah kal tlangpui pawh niila a lungawi dawn in ka hre lo a, kan lo tlang ta tawp a nih hi" Biakpuii chuan sofa-ah țhu pah in thil awm dan min hrilh zung zung a.


A sawi dik chiah, Bawihpuia hi naupang sual leh nuar ching ani maih lo.
"Anitei bulah kal ngen in i lo nuar vel a ni maw?" ka han ti a, a biang tawn tawn ah chuan dawm sakin a chal ah ka fawp ta vang vang ringawt.

"Anitei chu kan in ah i lo kal duh tawh lo a, khawiah nge Big big uncle kha?" ti ve nuah nuah in inchhung chu a thlek kual ve ngial mai.


Prof Msa'n a zawng ru ve ngei tih inhria se chuan a hlim pui leh viau ang.

"Uncle Big tawk kha chu university ah a kal a" ka tih chuan a ban lehlam a ka malpui lo la kuah țai in la tlangnel chiah lo tih hriat tak hian a ding kawisawi kual vel a.

"A sual țhin em?" tia u Biakpuii ka en chuan lu a lo thing thuai mai

"A fel lutuk zawk, a zia a zawi reuh bawk sia maw, mi hi a ngaina ve em em bawk nen Matt hi chu sawiselna tur hlawl a awm lo" Bawihpuia nuih ver ver pah chuan a lo ti a. A mit meng ka hmuh chuan a thusawi chu ka ring nghet bur bawk.


Hetiang tak a Bawihpuia hmangaih pui theitu nupui ah a nei hi ka u pawh a vannei ka ti tak zet.

"In lo leng khat bawk a, awm ve reng rawh u aw"

"Anite tlai ah chiah ka haw duh aw" rang lutuk a Bawihpuia'n a lo tih chuan kan nui ta hawk hawk.

He ta ka lawiluh ațang khan a hranpa in ka u te hi ka tlawh leh ta miah lo a, sunday tlai khat erawh prof Msa nen chaw ei ah min sawm avangin kan va ei phei ve ngei a, prof Msa nen kan inkar a țhat vak loh lai kha ani bawk.

"I chhungte an kal chhuak vek em ni?"

"Umm, pump lam en pui turin ka pa a kal chhuak ve a, ka nu erawh damdawi in lam ah" ti pahin a bul ah chuan ka țhu ve nghal a, min ngai zet in Bawihpuia pawh min si chet hian a lo țhu ve nghal a, ka malchung ah lo bawk in a kê lehlam ti che lauh lauh pahin inchhung chu a en kual ve ruai reuh bawk. Ka nu awm lai nise a rikpui nasat dawn vei nen.


U Biakpuii te nufa chu an awm ve ta reng a, chhun ah u Vuli'n thingpui min lum sak a, ka nu cookie siam chu tui tife in Bawihpuia pawn a ei ve țeuh mai.

Ka pa Pump tlawh pawh chawhnu ah a lo haw hlawl a, ka u te nufa a hmu thut chu a ri ve hlut bawk.


A hnu ah phei chuan kan bulah pawh awm duhlo in ka pa bulah ngawt Bawihpuia chu a tawlh ta hrut hrut a, ka pa lah a hmel en ang a lo ni hauh biklo, Bawihpuia chu a hlimpui in an mut pindan pan pheina a sa lu an tar te chu a kawhhmuh a, Bawihpuia zawhna naupangchhia tak tak te chu ning hauh loin a chhang let zel a. A tawp ah phei chuan sa lu tar zawng zawng chu 'apu kah' tiin Bawihpuia chuan ka pa sa kah lu ah a ngai ta vek mai a!


"Bawihpui, apu nen khan lo phei tawh ru, apu khan thingpui in ve phawt rawh se" ka pa thingpui tur dawhkan ah hung pah a ka tih chuan corridoor lam ah an thawm a la țha dun kher mai.

"Pa Saia hi ka rin a ang lo" u Biakpui pawn a ti hial bawk.

"Umm, nelawm loh deuh hian lang mahse fiamthu te hi a duh ru phian a sin" ka ti ve thuai a.


Ka pa leh Bawihpuia te lo let phei ka hmuh chuan ka nui lo thei lo. Ka pa chuan a rawn kai phei a, ka pa sir a kal dat dat a ka pa en chhoh heu pah chuan zawhna an la rawn inzawt phei nasa ngang mai.


"I tlangval e mai, lo leng ziah teh" sofa ah țhut hmun rem pah in ka pa meuh pawh a ti ve hluk. Bawihpuia lah chu a bul ah a țhu a, ka pa chuan a hnungzang ah a ben sak thuk thuk a.


A fa te ho hi pasal nei in veng dangah an awm vek tawh a, tu chu nei ve deuh duah tawh mah se tleirawl deuh țhuau an nih tawh hlawm avangin pi leh pu bul a han tawlh hret hret nuam tirual an ni tawh mang silo, hetia Bawihpuia a ngaina ve em em pawh hi a mak ka ti hran lo. Kum a upat hnu ah chuan kawm hlimtu tupawn an mamawh nasa zual an ti țhin miau tlat a.


Ka pa thingpui inzawh hnu lawk ah u Biakpuii'n haw a rawt ta a, Matt-a chuan la hreh țung țung hle mah se 'school i kal lo ngawt tawh bawk si, kan haw tlai leh zel chuan i pa lung a awilo palh ang' tia A nu in a hrilh tak ah chuan a bu ve ta nghut nghut a.


"Apu ka lo len leh hun ah i silai chu min en tir tak tak rawh aw," tia ka pa a en leh tak heu ah chuan mak ti lutuk hian ka pa chu ka en ve a.


Lo nui chhuak hawk hawk in ka pa pawn 'i lo len leh phawt phawt chuan ka ulhbun silai ka phawrh chhuak tawh ang' a ti ta sup. Lungawi fe chuan an in hruai haw thei ta a.


Ka u te nufa chuan nan car a tlan liam hnu chuan ka pa chuan aw a thian deuh khurh a. Ka en rual chuan thutak fe in min lo en reng a.

"Hlimi, eng emaw kan han sawi dun lawk dawn em ni?" a tih tak ah chuan ka ngaih a țhalo leh vek tawh.


In lam pan a ka pa let phei chu muangchang in ka zui ve a, prof Msa chungchang min sawipui duh a nih ka ring nghet hmak bawk.


Veranda a hnang tah țhutthleng dup ah chuan lo țhu in a bul a țhutthleng chu min lo kawh hmuh ve zauh a, rilru a hlauhthawn rukna nasa lutuk nei chung hian ka țhu ve a, ka kut phah te pawh a lo thlan huh leh dup tawh.


"Engtik nge i in check up- kha?" Ka dul puar ve ak tawh lo en pah chuan a han ti hmasa te te a.

"Kar hmasa khan ka nu nen kan kal tawh kha.. ih, thla thar lam ah daih ani tawh ang" tiin tawite hian ka nuih a, ka pa pawh chu a bu ve ta nghut nghut.



Reilo te chhung chu a melh ngai melh in a ngawi deuh vung vung a.
"Tunlai Mapuia awm dan hi i lo chik ve em?" ti a ngaihțhat loh hmel deuh a min en tak ah chuan ka lung zawn chu a lo sa deuh pup.


" 'ka mit vang a niang' a ti mai țhin tak nangin aaa.. a che hi a phelh ru riau a hriat chang ka nei tlat, ka hmuh phak loh lam ah hian engtin chiah nge a awm le?" ngaihtuah thui hmel tak a min en vang vang pah chuan a lo ti leh ta a.


Kan nupa mut pindan ah kan luh hran hnu a a awm dan a danglam em tih a hre duh tih lah a chiang reng.

"Pindan ah kan awm hnu pawn nâ a neih thu a sawi ngai chuang lo, mahse a thil tih laklawh lai pawh nise dah tawp in a bek tawn tawn hi a dawm leh vung vung țhin a.. i sawi tak ah chuan ih.. a haihawt thar riau bawk" ti hap a ka pa ka en chuan a lo thaw ve hulh tho.


Bing tak a thil ngaihtuah ang mai hian a ngawi leh vung vung a, a hmel thutak zet chu chik tak hian ka lo en a. A hmai vun zur ve tawh tak te, a sam țuak var vo tawh te leh a kutphah hnung lam vun chuar a thisen zam lo lang chiang tak mai te chuan a kum a upat ve tawh zia a ti chiang a. A fapa naupang zawk lah a harh chhuah leh hun tur hriat theih loh lek in damdawi in khum ah a mu reng a! Thu lawmawm loh leh chhiatna lam thu dangin deng zui chiah se chuan a chakna la neih ve zawng zawng te hi a bo duak thei hial in ka ring.


"Mapuia nu chanchin kha i hre ve em?" zawi sup a a lo tih leh tak ah chuan lu ka bu nghat a.


"Hman deuh khan prof Msa'n min hrilh tawh a" tim deuh tak a ka tih lai chuan ka pa chu a lo nui sun sun.
"Anu chungchang hi tu bulah mah a sawi chhuak ngai hauh lo a sin" a ti sup bawk. A hmel ah erawh prof Msa ngeiin engkim min hrilh chu a ven pui huai tih erawh a lang thei.


"I hre tawh tho a nga, ka nupui hmasa kha nat lawkna han sawi tur em em awm loin a boral thut a, doctor te khan a thluak a thisen zam a chah vang an ti a. A boral lai khan tun a Mapuia kum zat ang chiah hi ani ve a. Aaaaa, a natna ang kha inthlahchhawn theih ani ngei e tih a awm hauh lo nangin kan fa te'n khatiang ang natna an neih ve palh theihna chance erawh a awm tih doctor ngei pawn min hrilh tawh... tunlai Mapuia awm dan ka chik hian ka ngaih a ngam thei zan lo a ni" zuai ruih a tia en ngai a en tak tlawk tlawk ah chuan ka hlauhthawn tluk zet in ka pa chu ka lainat a, chutiang bawk in prof Msa pawh. Thluak lam natna nei tur a ka dah chhin ringawt pawn ka chhungril chu a na ngut ngut.



"Pa?" mittui tling deuh pam a ka en chuan ka pa chu a lo inpet ruh deuh a.
"I hriat hi, i pasal chiah hi kan chhungkaw innghahna ani tawh" harsa tih hmel zet lo ti chhuak in a han nui lui ngial bawk a. Mahse, a aw a thlaphanna leh manganna lo ri tel ve chu ka hrechiang viau thung.


A hmai vun zur ve tawh tak ah chuan prof Msa lak ah a innghah nasat zia leh a innghahna ber a fapa in a nu ang mai a a kalsan mai hlauhna nasa lutuk ka hmuh sak thiam kuar kuar bawk.



"Pa, thil pawi lian tham a thleng em bik nang, prof Msa pawh lo haw se, doctor bul ah keimah ngeiin ka kalpui dawn nia" ka ti tak nangin kei pawh chu eng ka ang bik lo, ka mittui lo tla mai tur chu dan kir tum in ka khap fak fak a.

Mahse, ka pa hmel zuai tak mai avang chuan ka intipachang thei bik thlawt lo. A ngaihtuahna vak thui lutuk tur te chu ka lainat tak zet.


"Mapuia hian anu natna ang kha a nei ve ang ka tihna a ni hauh lo a nia. Marawh chu a hriselna dinhmun hi chiang tak a kan hriatpui a ngai. Amah hian a duhthu chuan engthil mah min hrilh miah lo ang" hla tak en tlawk tlawk pah a a lo tih leh chuan ka bu nghat nghat a.


Prof Msa naupanlai chanchin te min hrilh a, anu boral hnu ah phei chuan a damloh chang pawn engmah sawi chhuak lo in amah thu in doctor a lo hmu ve tawp zel a, chhungte hriatpui hauh loin a lo inenkawl dam ve leh mai zel tih vel te min hrilh a.



Inchhung pan a ka pa lut mek chu ka thlir zui reng ringawt. Upat hnu ah a fapa te pahnih avang in rilru rit tak in hun a hmang leh ta mai chu a ni si a aw...



Ka rilru a vah kual thui lutuk vang te pawh ani mahna prof Msa chu ka ngaiin a lo haw har ka ti em em a, inchhung ah pawh lut ve tawh lovin ka țhutna aţang chuan gate pawn lam chu ka thlir dauh dauh reng a, kan in lo tlanpel a motor lo tlan apiang chu prof Msa a nih ringin mawng ka lo kan leh ak ţhin a.

Ka pa nen a kan hlauthawn rilruk ang ngei hian natna eng emaw tak lo nei ta se la!

Lu thing nawk in ka ding chhuak a. Mahse, ka rilru lam fel lohna bawk a lo chhuak a, chungril aţang in pasal sun tur a inhriatna hian min rawn tuam a, ka duh loh tawp nimahse prof Msa ruang khum a in zalh lai te ka hmuh zawm zut zut a!!

Kuang ah dah a, thlan khur a an thlak thla lai nen lam a chiang leh fiah lutuk a ka hmuh tak uar uar chuan ka thawk a rawn buai nghal vek bawk.

Rilru mangang leh tawt lutuk in u Vuli chu ka au țhawt a, khawng tur ang mai hian ka taksa chu a țang ulh leh vek tawh.


"Hlimi, i țha em?"

"Ka damdawi.. ih, kan khum bul ah khan ka damdawi a awm, ih maw , a vai khan lo la thla vek teh.." khur hlawk hlawk a tiin kawngkapui a a lo chhuak tur chu ka kut in inchhung ah tlan chho turin ka zaizir nghal a.


A mitmeng hlauhthawn hmel lutuk ah khan ka lan dan tur chu ka hrethiam mai.


U Vuli lo let leh hma chu keima duhthu pawn țhutthleng ah chuan ka țhu thla thei lo, tui bottle leh damdawi chu center table ah lo dah in ka darah a lo kuah a. "Hahdam rawh, engkim a țha vek a nia" hriat nuam tak a lo tiin țhutthleng ah chuan min kuah țhu a. Damdawi chu ban rawk rawk in u Vuli'n bottle chhin min lo haw sak mek chu laksak leh chawt in ka lem a. Ka lungphu lo su dup dup leh ka taksa che deuh hluau hluau avang chuan țhutthleng nghenchhan chu ka ngheng nghal hnawk bawk.

U Vuli chuan ka kut phah te chu min han hmehsak deuh nawk nawk a, hetia thil țhalo lam hlir in ka ngaihtuahna a lo luhchilh tawh laklawh chuan ka hriatna thazam hi kaihharh a ngai ka ti mai țhin, min hmeh deuh nawk nawk te, ka lu lei min hiah sak te hian bing lutuk a ka hriatna thazam kal ding ngut ngut kha zawi zawi in a reh ve țhin a.

"U Vul, khawngaih takin vur tlang kan neih ang ang kha kan bathroom ah min ken choh sak a, bucket ah tui dah khat in vur tlang chu min lo chiah sak ta che"

"Vur tlang a?" hriatthiam loh hmel zet a min en chuan ka nuih lui seih a. Depression leh anxity a lo lan chhuah nasat lutuk chang hian tui vawt a inbual hian mî a chhawk hahdam ve thei lutuk.

"Umm, fridge ah khan ice cube kan ngah em?"

"Aaa... aw, a awm țeuh a lawm, ka han siam nghal a nge" a ti a, ka tho ve tur chu min pui thuai in min ngaihtuah hmel zet hian min en a.


ka chhip ațang tui hit țha zet a ka in leih rual chuan ka harh nghal sawng sawng. Ka taksa sa hut hut leh rilru buai deuh nuaih te pawh lak bo duak ang mai hian a veng deuh hawk mai.


Ka awm zawn sa bik hut hut te, ka tukhum leh hnungzang thla te chu ka leih nawn sek a, reilo te hnu ah ka rilru mumal lo nuaih pawh lo fim țan in pangngai takin ka thaw chhuak ta hak.


Ka laktlak loh ruk em vang hian em ni a nawm loh thu tak ngial pawh prof Msa'n min hrilh ngailoh?


Lu thing nawk nawk in towel lianpui in ka taksa chu ka tuam hlan a, ka pasal in a harsatna leh damlohna te a hrilh tlak loh khawp a thil danglam deuh dawngsawng thei lo va ka bawrsawm ta chu hreawm ka ti thar kher mai.


Inhnuai pan a ka kal lai mek in kawtzawl ah chuan motor thawm ka hre ta a, ka ké pen pawh a rang nghal sauh.


Kawngkhar pui ah ka chhuah rual in hlim hmel pu sar chungin ka nu chu motor aţang a lo chhuk thla ve chiah a.

"Hlimi vawiin engnge i lo an?" min hmuh rual in a lo ti nghal zat.
"Ka țha lutuk, Jordan-a chu engnge a lo an a?"

"Bawiha pawh a țha e, hei, Mapuia hi a rawn bang hma thei hlauh a. A rem chang em a pangpar kan lo lei haw țeuh mai" ka nu chuan phur tak hian a lo ti nghal le lu mai.


"Vuli, in buai loh chuan min lo pui teh u aw" ka nu chuan a ti zui nghal zat, driver side aţang a prof Msa lo chhuak vut chu chik fe a en in ka pan hnai a.

A mah pawh chuan ka chhip aţang a ka kê hmawr thleng a ngunthluk lutuk a min en chhuah vek hnu a mitko ti hnim khui in ka mitah tak min en run a.

A bul ka va thlen rual chuan a ban lo lek chhuak vut in ka sam hmawr chu a lo khawih a.
"I va inbual tlai ve?" ti sup in chik lutuk hian min en a, rang deuh in ka sam chu ka khawih ve ringawt a. A lo nui suk mai.


"Ih, nia, ka rin aiin i lo haw hma" bah niai a ka tih chuan ka khabe ah a lo dawm a, min kuai dak nghal salh bawk.

"Tun ang a tlai ah chuan inbual tawh suh aw, hritlang i kai palh ang'' a lo tih leh nghut chuan thuawi deuh hian lu ka bu a.

Chutah eng emaw hrechhuak thut ang mai hian driver side kawngkhar chu a pawt hawng leh a, a ban lian leh sei thlup a chhung lam zuk ban in pangpar bawr nalh zet hi a lo lek chhuak ta a.


Phawk deuh tak a ka lo en chuan kiai suk suk pah hian min din hnaih zual sauh bawk.

"Pangpar an zawrh zing ah khan eng ber nge i ngainat ang ka hre mai silo a" mit ti zim sûn a min en chuan nui hak in pangpar bawr chu ka ban vat a.

Keng kang a ka hnim vang vang lai chuan prof Msa chuan hmuhnawm min tih hmel zet hian min lo en vung vung bawk.


"A nalh lutuk, a rimtui bawk si" nui var var a ka en chhoh ha rual deuh thaw in hnunglam aţangin "eeehhheemm" lo ti vak ri ka hre thut a, phu ngheng a lai zet a u Vuli te lei ka va chhuah khum vak chuan prof Msa meuh pawh a lo nui chhuak hawk hawk.

"Va induat nupa deuh ve, vawiin ah pangpar bawr a rawn hawn che a, naktuk ah chuan i room khat a khawi tur a rawn hawn tawh mai lo maw?" u Vuli te țhian dun chuan uang zet hian an rawn ti zui a.


ka lai lutuk bawk si nen ring deuh in ka 'naaaa' ta vak ringawt a, an zavai chuan min nuih ta hawk hawk hlawm a.


Prof Msa'n motor hnung a hawng a, pot a pangpar chi hrang hrang inkhawi te chu an hlang thla a, lo tihpui ve ka tum ngial pawn an zavai chuan an țang kawh tlat a, motor bulah lo ding in an che vel chu ka lo thlir mai mai ta ngawt.



Kawtzawl bang hrul lam ah an hung țha a, ka nu hian pangpar a ngainat em avang in kan tual zawl hi a vul chuk reng mai.

"Naktuk ah leițha a bag in lei ila, pot lian ah kan thlak kual dawn nia" tiin an pangpar lo hawn thar ho chu hmuhnawm ti zet in ka nu chuan a thlir kual a.

"Thingpui in in duh em?" ka tih chuan a kut phah a bal kai beng fai thuk thuk a lo let phei in prof Msa chuan 'a in chak' thu min hrilh a.


Motor chu hawng leh in a bag a la chhuak a, pangpar bawr nalh zet keng a ka lo ding ran chu min nuih leh suk in ka kawng ah a lo kuah nghal hmiah.

"Matt-a te nufa an lo leng a sin" in lam pan a kan kal hnu chuan ka ti a, mitko ti kang uk in min lo en ve chiah bawk.

"A school kal tur a nuar tlat a, ka bul a lo kal a ngen nasat em avangin u Biakpuii'n a lo len pui a, in a lo thlen rual in 'khawi ah nge big big uncle kha' a ti nghal mawle" ka ti chiah chu nui chhuak hawk in step a ka pen chho tur chu fimkhur tur in min hrilh nghal sup bawk.


"Kan tlangval-a chuan min zawng ve reuh a?"

"Umm, mahse ka pa a lo haw hnu chuan ka pa nen an inkawm char char a maw, ka pa a ngaisang rapthlak mai"


Verandan ah chuan min dinpui dat in ngun zet hian min en a, hrethiam lo deuh a ka en chhoh heu chuan inchhung lam chu thlek thuak in min en leh run a.
"Ka pa a lo haw tawh maw?" a ti nghut bawk.

"Aw.. ih, vawiin chu a lo haw hma a" ka tih chuan prof Msa pawh a bu ve ta nghut a.


Inchung ah inthlak turin a chho tlang a, kei erawh in kan thingpui in tur ka chhuang nghal a, prof Msa pangpar min lo hawn chu hnim leh vang vang in glass vest nalh zet ah chuan tui ka dah a, bakcheh in ka hmawr lam chu ka chep rual zung zung a, chutia pangpar khawi a ka lo buai em em lai chuan ka nu te pawh an lo inzui lut a.

"Nichin khan ka lo enpui lo a, a va lei nalh em em ve" ka nu'n a lo tih chul chuan ka lo nuih hak hak ringawt.

Hmeichhia ni mah ila pangpar ngaina lutuk a zezawi leh ni dim dem ang mizia kha ka nih ve ngailoh avang in pangpar chungchang ah hi chuan sawi chiam tur ka hre hlawl țhin lo.


"Tikhan in nupa mut pindan ah khawi rawh, kawt a pangpar țhenkhat pawh saw a vuai chhiat mai mai ai chuan khawi a tan a lak theih reng a nia aw" lo ti leh siam siam in pangpar chu min lo khawi pui nghal mawlh mawlh a.


"Duatte, bucket hi ngatinge kan bathroom ah a awm a?" Prof Msa aw ri ka hriat rual chuan ka inher nghal zawk. A sam chu a la huh deuh a, tshirt var leh kekawr bul a inbel tawp, choka luhna ah chuan bucket ruak khai in a lo ding run a.

"Kha kha maw.. ih, nichin khan tui vawt in ka inbual a, ka lo ken thlak theihnghilh a nih kha" ka tih lai chuan mit ti zîm sûn hian min en chik zual sauh.

"Shower a chhe silo a?" ti sup a min ngaihtuah tih hriat lutuk a min en rual chuan keimah chu ka insit leh vek tawh.

"Chhelo e.." zawi te a tiin pangpar kuang chu ka zut niap niap a.
"Tui lum a i inbual duh loh pawn tap water in i inbual thei reng sia?" dil chhut zet hian a lo ti leh nghut.

"Ka ipik deuh a, vur tui vawt a inbual khan min chhawk zangkhai deuh a lawm" nui chung hian ka ti a.
"Eng ngatinge ni? I nuam lo leh viau em ni?" Ka nu pawn min ngaihtuah hmel fe in a lo ti nghal ta reng a.


'Ka ipik satliah mai mai' tiin ka doctor in vur tui(tui vawt) a inbual hian kan nervous system leh thluak function te a puih theih thu a sawi vangin tui vawt a inbual chu ka tan a țhat thu te ka sawi mial mial a. Prof Msa erawh in ngawi rengin bucket chu choka bual in lam ah a luh pui a, ka nu pawn doctor leh mi thiam zawk te'n țha nia an sawi chu tihchhin ve zel a pawi loh thu te min hrilh in min țawng thlamuan a.

Chutia ka nu nen kan ti ti lai chuan prof Msa chu ka ep ah lo ding in uluk lutuk hian ka chevel chu min thlir tlat a!


Bawrhsawm deuh leh depression avang a la tal buai nasa lutuk ang ah min ngai tawh lo se tih chu ka duh tak zet!

Ka chak loh nia a ngaih chhung chuan engtik ah mah a lu nat chhan te hi min hrilh dawn lo tlat sia

"Thingpui a so. Nu, i inthlak hmasa phawt dawn em?" ka tih chuan a thil tih lai chu dah thuai in a kut chu a sil a.
"Ka va inthlak ve phawt a nge, thingpui kha han inzo ila, zanin tlai chu bal kan bai hluah mai dawn em ni?" nui hawk hawk a a lo tih chuan ka hnial lo chiang khawp mai.


Sa tih vel ai chuan bal bai hi hmeh reng thei ila ka duh zawk fe tlat a.


Choka ațangin ka nu a kal chhuak a, ka che reng reng chik lutuk a min en tlat tupa chu mit kan khum ak ak in ka nuih a.
"Cake i ei tel duh em? Nge cookie?" ka tih chuan lu a lo thing nghut.
"Chaw ei a hnai tawh dawn, thingpui tawp kha a tawk mai" a tih sup chuan ka pangpar khawina hnawk chu chhar khawm sawk sawk in bawlhhlawh bawm ah ka paih a.

No ah thingpui ka thli chhuak zo try-ah ka dah fel hma chiah chuan ka hnung lam ațangin nghet zet hian min rawn kuah ta a.


Ka lo tawm deuh chawi lai darah a khabe chu lo nghat leh in a hmai chuan ka sam lo la hnawm deuh chu a lo nawr a, thawk a la nghal ham ham bawk.


"Tui vawt a inbual ngai hial khawp chuan engthil in nge siam che?" thum zawi ruih a lo tiin min kuah nghet zual sauh.

"Ka doctor in stress a ti ziaawm thei a tih vang ka tih tawh kha..."

"Ka hria, stress i neih chhan chu a lawm ka hriat duh" zawi sup mahse thupe aw zet a a lo tih leh tak ah chuan ka thaw chhuak riai riai a.

'Ka pa nen i damlo niin kan ngai deuh a, chu kan ngaihdan a vang ringawt chuan i ruang te hmu zuiin thlan khur ah i kuang an thlak thla lai te ka mitthla ah ka hmu nghal vek' tiin engmah hrilh tlak loh khawp a ka lak tlak loh zia ka hrilh ang maw?


"Chhan em em a awm lo, i hriat ve tho kha, depression chu thawk khat han ven deuh huai chang a awm a, inrin loh lai takin a lo let leh mai a... a chhan a awm lo" tia ka dul hnuai a a ban lo suih beh ka tuai sak hauh hauh tak ah chuan rum chhuak hawk in min kuahna chu a thlah thawl a.

"A pawi ngawt mai, keimah vang vek in hetiang hian i awm a" mahni inhuat hmel zet a ti chhuak hluk in amah hmachhawn tur chuan min kuai her a.


A kutphah lianpui pakhat chuan ka kut a hum a, lehlam erawh in ka khabe ah a rawn dawm thung.

"ka chapo luat avangin i rilru lam thlengin ka hliam che a, keimah vang vek" sehchilh zet hian a ti bung vut ta mai a.

Țawng tur a ka ang ziau chu prof Msa chuan min lo pawt chat leh hmiah bawk.

"Keimah leh ka chungchang avang chuan nasa tak a ka hliam tawh i rilru leh i thinlung hi an na nawn tawh lo ang tih ka tiam a che" aw dam dap leh nghet chur hian a rawn ti leh a.


Eng thil mah ka sawi hman hma in choka ah chuan ka nu leh pa te an lo inzui lut a, prof Msa pawn ka khabe a dawmna chu thlah in amah chuan thingpui no chu tray ah a dah a. Dawhkan ah a va dah lai chuan țang țeuh hian ka lo thlir reng ringawt.



Tun ah khan ka thil hlauh ber a ni a lo sawi chhuah ni!


Amah avang a ka rilru a hah leh a buai a duh tawh lo. Chutiang rilru a put chhung chuan a chungah engthil pawh thleng se min hrilh duh tawh miah lo ang.


"Duatte, ka nu hian thingpui hmeh tur a duh ang" ti a min lo en chuan inthing harh nawk in cake box leh cookie Jar chu ka ban a, dawhkan lam ah chuan ka kal phei ve a.


Ka pa'n Matt-a te nufa lo len thu a sawi lai chuan 'a awm lai a nilo chu pawi a tih thu' ka nu in a sawi nghal a.
"I cookie siam hi a ei hnem reuh tawp a sin" nui var var a ka tih chuan ka nu chu a hlim hmel kher mai.

"Inrinni ah hian ka ur thar leh a nga, kan pe ve dawn nia" a ti a, eitur han siam vel nuam a tih zia ka hre ve tawh a, chutia a kut siam ngei tui titu an awm in a tihphur zia pawh a hmel eng sar sar ah chuan ka hmuh sak thei.



U Vuli te ţhian dun in eirawng an bawl zawh fel hnu ah chuan ka nu in bal bai a siam ve leh a, ka nu ka ngainat zualna em em chu ka chawhmeh duh zawng chu a kut ngei a min siamsak a tum tlat zel hi.

.
Ka muhil tui lai chu zun chhuak avangin ka har hlawl a, hnung lam ațang ka kawng ah nghet tak a min kuah a, ka dul zawn a ka kut min lo hum bet sak vek tu chu tih har hlau zet in khum aţang chuan ka tho chhuak țhem țhem a.



Ka zung zo washroom ațang ka chhuak chu washroom light hmet thim ta mai lo chuan khum a prof Msa muhil lai chu ka thlir ta reng a.


Thawm dim te hian ka pan phei da da a.

A maimitchhing chual a, nghet tak a muhil tih hriat fe hian a thaw suk suk mai a a lang hmelțha tak zet bawk. A sam dum hlap chu a thur siang a, kan puan sin in a kawng chen thleng a khuh a, chu chu siam țha a, ka khuh țhat dawn lai tak chuan mit meng chuang hauh silo hian a rawn inseh ruh ta ngut ngut a!

Rum deuh hawk a a lu a hmeh tak ah chuan dimte in a chhip sam kar ah ka kut chu zen lut in ka hmeh sak a. A thawk lak a rangin thlan in a rawn bual huh țan ta mai a!


Hlau thawng ru lutuk a a dar ah ka sawi rual chuan rang zet in ka ban rek ah a rawn man chawt a. Ka phu ngheng chu prof Msa chuan mitmeng hlauhawm zet hian min rawn melh nghal ngur a.

"Prof"

Keimah ka ni tih a hriat chian tak ah chuan a nem ta ruai ruai a.
"Duatte" a rawn ti zawi sup bawk. Min vawn behna kut chu a thlah thawl hret na a a la vuan reng tho a.

"I lu a na leh a mi? I thlan nasa lutuk a" ka tih chuan țhen sawk a maimitchhing leh in a thaw hlu hlu a.

Ka kut a hum loh lam chuan a lu ah ka lo chul a. Chutah prof Msa chu lo meng chhuak leh ruai ruai in chil lem dawk chung hian "tui bottle kha min lo ban mai ta che" lo ti in a inbeng kang nghal a.


Ka mut na lam dawhkan chung a tui bottle ka ban lai chuan a kut lehlam a a lu dawm vung vung pah in a mutna lam side drower chu a pawt hawng a, damdawi chu mum khat hmet chhuak a a hmawm rual chuan hlauthawng ru fe in ka lo en reng mai.


"I mu tui lai ka ti harh che mi?" ti sup in bottle chu a lo ban a, a lem khawlh khawlh hnu ah a mutna lam dawhkan ah chuan a dah a, a han insiam rem leh vel te chu a rit hmel in a lu chu a nat hmel tak zet.


"Ngatinge nge i lu hi a nat reng le?"

"Computer ka khawih nasat vang a nih hi" țhen suk in min en a, khum lu ngheng in a thaw suai suai bawk.

"Tun ah khan eng damdawi nge i ei?" ti sep a ka melh kal chuan a ngawi deuh vung vung a, a lu na vang chuan a țawng chak hlawl lo a ni mahna.

"nachhawkna satliah mai a nih kha"

"Khawi maw ka lo en ang" tih leh ka khup a inben kan ka rual lai chuan nui chhuak huk in dimte hian min kuai țhu a, khum lu dup zet ngheng a a țhu mek chu ngheng turin min kuah hnai sauh bawk.

"i rilru tibuai duh lo teh, ka mit vangin ka lu a na țhin a, doctor in tarmit power awm min siamsak tawh tho mah se ka mit a lo chaklo tawh em a, luna hi chu ka nei deuh reng a, tikhan nachhawkna kha ka ei a nga, vitamins lam te nen ka in ei rei deuh hnu ah chuan a reh mai dawn a lawm" ti duah in ka malpui chu a lo beng thuk thuk a.

"Hei te reuh hi a chet a hun ve dawn tawh lo maw?" ti sup a ka pum puar a lo chul chuan ka ip nghal chawih a.

Chu ka awm dan chu hrethiam zet in zan a ka mutpui țhin silk suit kawr chu a hlim a, a kut phah lawng lum vung vung chuan a chul nawn leh ta ngat bawk.

"thil dang sawi daih tum suh, naktuk ah kan pahnih in doctor kan hmu ang" rang lutuk a tiin a kut chu ka nawr sawn a, ka kawr pawh chu ka siam țha nghal sawk sawk bawk.



Jordan-a fa pawh lo nise a fa ang ah a pawm theih tur thu kha a sawi tawh nachungin keimah zawk hi ka tîm tlat.

"Eng doctor maw?" nui hawk a tia min en chuan chiang fe hian ka en let a, damdawi khan a chhawk deuh tawh ani mai thei, a hmel insehruh țeuh kha a lo awm tawh lo.

Tlang tak a anu natna ang kha a neih ve ka rin thu han sawi khum tawl mai chu thil dik ani mang silo.

"Specialist. Ih,.. Neurologist pan ang" a mit ah pawh melh țha ngam lo a ka tih chuan a lo nuih hawk ka rin teh lul nen ngawi ngur in min lo en let run a!

"Ka pa in i bul ah sawi a nei em?" bung vut in a lo ti ta hmuk.

"Aih.. engmah a sawi lo. Mahse, hna kal tur a inchhuah dun lai a in thil sawi kha ka hria" ka tih lai chuan thaw hawk in zuai ruih hian "Duatte" a lo ti sup.

"Professor, i nu.. aa.. ka nu natna ang kha i nei ang ka ti hauh lo a nia. Mahse, vawiin khan research ka nei kual a, inthlahchhawn theih ani tih nem nghehna a awm lo. Mahse, thluak a thisen zam chat te, tumor nei te thisen zawm pui zing ah hian neih ve theihna chance a sang tih vel ka hria a..." a kutphah lian zet vawn sak pah a ka tih mawlh mawlh lai a mit zîm sun a min lo en ngut ngut na avang chuan tawp dat in ka thaw ta hak.


Ka thusawi avang chuan a insit ka hlau leh hnuhnawh tak zet.


"Chutiang thil tehhrep i lo ngaihtuah avang ani maw i strees a rawn nasat?" chum bung fahran a a lo tih hrawih chuan ka tawm chawih mai.


Nuam tilo lutuk hian a kut ka vawnna chu muangchangin ka thlah riai riai a, mahse prof Msa zawk chuan rang zet a lo hum nghet sauh in ka khabe ah a lo dawm nghal a.

"Min en teh" thupe aw zet a a lo tih chuan ka hmui hnuai seh sak in hnuai lam ka bih tlat.

"Duatte, min han en teh" a hma aia dam leh ngenngawl zawk a a lo tih leh tak ah chuan tim ru deuh hian ka en let ta a.

Prof Msa chu a lo thaw huai mai.

"A țha e, ngaihțha lo tak a i awm ka duh lo, naktuk ah doctor chu kan hmu ang, a țha em?" min kuai dak zual salh pah in a lo ti leh sup.



Thaw huai a lu ka buk tak ah chuan khum lu a nghenna ata chu lo awm chhuak in ka chal ah a rawn fawp vang vang a.

Tun a kan pahnih rilru put hmang hi a rit in a hreawm tak zet. Ka drepression avang in prof Msa hian thil zawng zawng min hrilh chu sawi loh, ka rilru natna tizual belh a hlau em em tawh a. Kei lah in thil engkim a nihna tak ang a ka hriatfiah hma chu zel dinna maksak pui pui ka duh vang reng nilo in ka nei nghal zel tawh mai bawk si!



Zingkar ah pawh chuan a hriatthiam hlauthawng ru tak chung siin a che vel chu ka chik em em a, engmah chu a sawi chhuak lo, marawh chu computer bul a a phone charge chu a zawng tih hriat zet in khum bul a plug awmna te chu a bih kual vut vut a.

A tawp ah chuan mail lo thleng vang in computer awmna lam chu a pan phei a, dawhkan ah a phone-a va hmuh chuan a phun ta hluk ringawt.



A inbual hlan in nizan a a damdawi ei kha eng chiah nge a nih tih en sak ka tum a, drawer ka pawh hawn chuan eng damdawi mah a lo awm tawh lo a nih chu!


Chute mai mai chuan ka ngaihțhat lohna a belhchhah zual a! Nachhawkna satliah nise chuan ka hmuh hlau in a dahsawn miah lo ang.


Washroom kawngkhar chu ka kik dat a, shower inphuh ri sur sur chu a tawp nghal hmiah bawk.

"I'm almost done" a rawn ti a. Nui hak in "ka pa te bulah doctor hmu tur in kan kal chhuak dawn tih ka lo zuk hrilh ang aw?" ka tih lang lang chuan min rawn chhang let mai lo a.


"Prof" ti leh ngat in kawngkhar chu ka kik nawn leh a.


Kawngkhar chu chhung lam aţangin prof Msa chuan a lo pawt hawng hlawl a, a taksa chu la huh hluam in towel uk lian zet chu a veng a


"Doctor a? I in check up a hun leh tawh em ni?" ti deuh hu a a sam ațang a tui lo dir thla tluk tluk a kut a a hui chho tawk chuan ka lungphu chu a che nghing lawih!


Ngaihna hriat loh hmel zet a min en lai te chuan țah chhuak insum țeuh hian ka melh ngawt ngawt a. Nizan lawk ah doctor chu kan hmu ang a tireng sia! Ama thusawi ngei pawh chu a hre leh tawh lo tihna maw?


"Kar hmasa khan ka nu nen in in check up ani lawm ni?" ti sup in sawi tur hre lek lo a ka ding chu min en a, ka chhan lawk siloh avang chuan in towel pakhat chu a ban in a sam huh chu a hrua a.

"I doctor in vawiin kal nawn leh turin a hrilh che a mi? Dar 11 hnu lam ah chiah class ka nei dawn a, ka hruai hman ang che" a lu huh hru mawlh mawlh pah chuan a lo pen chhuak a.

"Nizan a... ih, nizan a kan thil sawi kha i hre tawh lo a mi a?" tîm deuh leh amah vengthawng ru zet hian ka ti a.

"Eng chung chang?" mitko ti kang uk a ka hma ah tak a lo din tak ah chuan thawk la kawk in lu ka thing nghal nawk.

"Engmah a nilo, ka..."

" Specialist hmuh chuang chang vel kha a mi?" a lo tih nghut chuan "i hre chhuak maw?" rang lutuk a tiin ka en a, chuta nui ruh ruh a a lo kun hniam rual chuan rum lutuk hian ka lo melh ta hrep ringawt.

"Malsawmtluang" vin tuar in a ban bul ah ka beng ri thlawp, prof Msa thung chu a nui chhuak hawk hawk a, a ban lian zet chu ka taksa ah rawn suih bet a.
"ka fiam mai mai che a nih kha... mahse, fiam nawn leh chi i ni miah lo"

"Mawla, min tihlauthawng hman a lawm" ti hlur a ka tal aih aih chu a awm ah min kuah bet a, ka ţah rawn chhuak ut ut a vang chuan ka mittui a hnai nghal kuar bawk.


"Duatte, engtin nge maw ka han hrilhfiah dawn che le. ka țha, i pasal hi ka hrisel țha lutuk, thihna hial pawh ka hma ah lo inlar mah se bei let in ka tlawm țhak a nga, i kiang ah ka awm reng dawn a lawm" dam lutuk a a lo tih chhuah dap dap chuan ka mittui a lo luang thla zawih a!


Rang zet a dingdihlip in prof Msa nghawng ah chuan ka kut pahnih ka suih bet a. "I thusawi zawh chiah kha i tih loh vaih" ti țiau a a awm ah hmai ka phum rual chuan ka sam ah a lo chul hauh hauh a.


Ka mittui in a awm ruak khung a far na avang chuan min kuah nghet zual sauh in ka bek ah a rawn fawp vang vang a.

"Ka tiam ang che. I tan chuan thihna meuh pawh ka hneh ang! Ka hneh dawn chiang lutuk" nghet zet in ka beng bul ah a rawn ti sup sup a.



Mizo in Specialist kan neih țhat ber te zing a mi chu a clinic ah kan pan a, ka pa ațang a Mizo mipui te hriat hlawh ngang an ni a, doctor pawh chuan prof Msa chu a lo hre țha ngang mai! A awm dan vel te chu kimchang tak in a hrilh a, mit doctor a hmuh tawh tho thu te pawh a sawi, mit doctor in a damdawi chawh na lehkha te chu an han in entir ang leh lawp lawp a.


A hnu ah chuan doctor pawh chuan a mit chak tawk loh vang a nih thu chu a sawi a, a doctor rawn hmasak in a damdawi chawh ho chu țha tak a ei tur in a chah ta hleuh a.


Mahse ka ngaih erawh a țha thei chuang lo! Doctor nen chuan an inhriat țhat hmel ropui si, clinic kan pan hma khan an lo inbe lawk vek te a nih ka ring ru tlat a.

"He lam hi ka hre ve vak lo a. Mahse, CT scan emaw MRI em ni, khatiang kha tise a pawina a awm em?" Prof Msa rawn hmasa hauh lo a ka tih chhuah phawng chuan min en dun nghal vat a.


"Nge, Ct scan emaw MRI ti tur hian natna confirm hmasak kher a ngai, mahni hriselna dinhmun hriatchian duh avang hrim hrim in a tih theih em?" prof Msa chu en duh miah lo in luhlul zet hian doctor chu ka en lui tlat a.

Min chhan hma chuan ka bul a prof Msa țhu chu a melh hmasa thuak tih pawh ka hria.

"A theih loh a mi? Ka hriat duh zawng chu ka pasal hian natna a nei emaw neilo pawh nise a full body hi check up a, a hriselna dinhmun chiang tak a hriat ani mai" dawhthei lo zet a ka tih leh fak fak tak ah chuan dawhkan chung a ka kut chu prof Msa'n a lo hum a.

"Doctor, ka nupui sawi ang chuan test chu ka lo nei a nge" ti sup a ka kut a lo hmer ngheh salh chuan ka en thuai a.


"I duh ang chu kan ti vek ang" ti sup in min lo nuih suk bawk.


Doctor pawh chuan a thawhna hospital lam naktuk ah MRI ti a kal turin min hrilh ta a.


Prof Msa hian natna neise ka tih vang a ni miah lo. Awlsam tak in a mit chak loh vang tih hi ka pawm tawp theilo, chu keimah a rinhlehna awm tlat chu khawl pui zawk hmang a a taksa kan enfiah phawt te a nih loh chuan a reh dawn lo a.

Chutiang bawk in keimah ngeiin ka nawr lui lo a nih chuan ka hlauthawn ruk ang a mit chaklo satliah ngawt nilo a lo nih phei chuan a result dik tak min hrilh dawn lo a, chuvang chuan hetia ka nawr luih chiah hian ka pasal dinhmun dik tak ka hre ve thei dawn.



Hna ah a kal loh tur thu a thawhpui te bul ah a sawi tawh tho avang in Jordan-a awmna hospital ah kan kal kawi leh a.

La harh chhuak lo mahse a oxygen level pawh a lo țha tawh viau a, chawhnu lam ah phei chuan a kutțang te chu a lo phu chhuak zauh zauh a. Doctor te pawn beisei an neih san thu an sawi ve ta hial bawk.



"Lalmate, prof Msa leh Zodika te kha engtik lai ațang nge an lo in close tak em em a?" Kimkima thu lo sawi chu a ngaihna hrelo zet hian ka beng a phone chu la sawn in ka melh nghek a.


"I sawi awmzia pakhatmah ka hrelo, nang a lehkha zir ngawrh lutuk hi i tho â zawk a mi?" ka tih chuan min ei lo nasa mai.


Uar fahran a hnehsawh zet zet a min hauh deuh hrep hnu ah thutak zet hian "ka ti tak tak a lawm, vawiin pawn cafe ah ka hmu dun" a lo ti leh ta a.


Mak ka ti kher mai.

"I hmuh dun lai chuan engtin nge an awm?"

"Kut an inkai a, an in kiss vel tih ka lo sawi i beisei em?" nui thler duai pah a a lo tih chuan ner nawk in hmui ka ti sawi vak a.

Amah lah chu a thusawi lawm ber ber ah țangin thil dang sawi zawm thei lo lek in prof Msa leh Zodika te pahnih chu a ship dun ta ngat ngat a, thinrim bawk si, nuihza ve tho bawk si hian ka țhen ka țhen ve mai.


"thil pawimawh hmel deuh an sawi a, tak tak a na"

"Engthil nge ni ang le?" Ka tih rauh rauh chuan "i pasal kha zawt ve mai rawh, ka ning, lehkha ka zir dawn" bak hlur a lo tiin phone chu a dah daih a.

"Hepa tak hi chu aw" ti nang nangin khum ah phone chu ka dah a.

Prof msa leh Zodika te chu eng chung chang ah nge an inhmuh ang le? A chet dan atthlak zet kha pawm ve tawh in ngaihdam a dil tihna a mawnle.


Prof Msa MRI result pawh a lo chhuak tawh a, engkim a țha vek tih result thlalak nen min kawh hmuh pah a doctor in a sawi hnu ah chiah ka hahdam thei a nih kha!!


"Ehe, Rs i lo lenna a rei tawh em?" Țhutkhawmna ah Rs-a lo țhu reng chu ka pan thuai a. Leather jacket hi a ngaina ve ngang anih ka ring, design hran hran hi a ha ve thei ziah.


"Ka lo thleng deuh chiah, inpa a lo la haw lo a mi?" a lo ti ve thuai a.

"Umm, a lo thleng ţep ang, thingpui ka lum ang che aw"

"Aih, inpa chu ka lo nghak zawk ang, Jacob-a hna dil kha list a rawn chhuak a, a tling ve a nih kha, a lawm nan zanin tlai chu kan in ah chaw ei khawm tur, ka rawn hruai dawn che u" a ti nghal thawr a. An țhian ho hi chu an inla Big Boss thei hlawm mai siah!!


Prof Msa hna bang a lo haw rual chuan ka bul a sawi ang tho kha Rsa chuan a sawi zung zung a. "Han inthlak la, chhuak leh nghal ang u, midang in rei min lo ti tawh ang" hnial hman ngaina awm hauh lo in a ti leh thawr bawk.


"Tut tut țhin a..." prof Msa'n a tih chuan "han hmanhmawh mai teh, chawhmeh siam tur lah kha khawn thluk chawp a la ngai zui" te chu a la ti tak ang deuh deuh a.

"Hlimi, nang chu tikhan kal tawp rawh, i inthlak ve leh zel chuan kan rei dawn lutuk" ti a min en chuan ka lo nuih ta ringawt.


Ka nu min leisak kawrfual hring duk ka ha a, chappal kaih ka bun tho bawk nen keipawn inthlak chiam a ngai chuangin ka hrelo.

"Hmanhmawh khu ruai tur si chu phone tal pawn min hrilh lawk ve tur che u a lawm" ti nghut a prof Msa ding chu sofa nghenchhan ah a ban kham phei duai a țhu țha sauh sauh in a nuih duh lek chauh a.



Inchung pan a a țhianpa kal chho chu "inbual hmasa duh suh, ui rawh in i vir buai a nga, i thlan leh hrep dawn" te a han tih khum a, pakhat lah chuan ui rawh hman lo chiah chiah in kan thleng chho ang a lo tih san then a.


Ka lo nuih ka lo nuih ringawt.


Rsa nu leh pa zin chhuah lai ani tih drinks vel an chelek lang lutuk ah chuan ka hrethiam ve ta chiah.


Țhenawm lawk chu Rinchhani te in a nih avang in a lo phei ve thut a nga, kan inhmachhawn a ngai ang tih te chu ngaihtuah in ka țang ru țeuh reng a.

An ni țhian ho erawh in chutiang lam chu an ngaihven hmel loh kher mai.
"Bruno kha in duh chuan inrini leh chawlhni ah inkawl thei reng a nia" ka bul ah lo țhut pah in Jacob-a chuan a lo ti dut dut.


"A inhlei em? I chhung te'n an ning viau em?" tia ka en chuan lu thing nghut in zial a țan a.

"Jacob, ka nupui bul ah khan zial zu hauh suh" kan chhak deuh ațang in prof Msa'n a lo tih nghut chuan Jacob-a chuan a han melh rum nasa mai.


"Khipa han over țhin zia hi chu aw.. a țha e.. Hlimi bul ah zial kan zu lo ang" ti nghut nghut in Jacob-a chu a tho leh vut a, inchung zawl kil tawp lam ah chuan va ding in zial chu a va zu ta daih a.

"A mak thei e mai" ka bul ah prof Msa phei chuan ka lo tih khum hlak.

A phun hluk ringawt a.


Ui lian țha zet chu chan darh in patliang deuh țhuau in an duh dan tak a a an han sawngbawl kual mai chu a so țan dek dek a, a hmin hun a nghah hlel awm nghal der mai.


Rsa te fapa Thante pawh a kal ve thei tawh a, inchung zau lai ah chuan intitlangval deuh te hian a kal kual ve khat khat reuh a, a khat tawk in ka dul chu lo beng leh thek in a nui khek leh rai țhin bawk nen ka lawm reuh tak zet.

"Hlimi, i u Ruth-i number kha min lo pe teh" Jacob-a zial zu zo chuan a rawn ti su su a.

"Ruth-i maw?" phawk deuh tak a ka melh chuan a lo nui suk ringawt a.

"Ngatan nge i tih? In inhre țha a mi?" ka ti leh ang hehaw a. Mahse, nula leh tlangval ve ve an la ni a, chutia number indil te chu thil theih loh pawh anilo.

"Aaa... whatsapp-ah ka lo thawn ang che aw" ka tih leh tak ah chuan rang zet in a phone a phawrh a.

Ruthi number chu ka thawn a. "Play kual ka phal hlek lo a nia" melh kha kha chung a ka tih chuan ner sawk in a tho leh nghal daih.

"Ka hriat loh hian an ni pahnih hi an lo inhmu țhin ami?" ti a prof Msa ka en hâ chuan 'ka hre bik hauh lo' ti ang hrim in dar a lo kan uk ringawt a.



Khawthim hnu ah zanriah kan ei hman ve ta chiah a, mipa rual in duhtawk a an sawngbawl ani bawk a, uisa bai chu ka ei hnem ve ngang mai. Mipa lam pawn an lem deuh nual avang in sa hlang te chuan an ei tak ang hmiah hmiah a.



Chaw ei kham hnu ah pawh haw an rem tilawk silo a, Thantea te nufa pawh intimu turin an inthiar fihlim a, inchung zawl ah chuan thla eng kan lawm ani ta ber mai.


Hla an play dup dup a, hmeichhe dang an awm ve tawh lo bawk nen an thil in chu a thawk deuh nge, uang zet in Rsa leh Jacob-a chu an phar dur dur reng a, a tawp ah phei chuan David-a rawt ang in an han inlam hniam siak ta pek a!

Ka hnung lam ațang a min kuah hlu hlu a prof Msa ding pawh chu a nui chhuak ve hawk hawk.

Rs-a lah chuan prof Msa chu a rawn pawt ve chhen reng a, an hna te avang in țhian ho an inhmu khawm khat a, hetiang a hun hman tlan a, hna ngawt nilo a țhian inkawmho na hunthawl a nei ngailo tih ka hriatchian miau avang in an awm dan chu han khap pawh ka tum lo.


Chulo ah khawlai ah nilo Rsa te in lum ah ngei hlimna an hmu thei chu ka lawmpui daih zawk bawk.

Vanlalhlana hla 'tumbai lek' ngei mai chu an han play ta a lawm!


Bek a chhuat nawr si pah a chhuat a han ben thuk thuk meuh ah chuan Jacob-a chu lam hniam ber ah puang in an ri bul bul hlawm mai.


"Ka hmuh hmasak ber țum che u kha chuan hetiang hian in uang ve thei ang tih reng ka ring chhin ngailo" prof msa chuan ka biang ah a lo fawp zauh a, ka hnung lam ah lo ding leh nghal in nghet tak hian min rawn kuah a.


"Keipawn ka hmuh hmasak ber zan che kha heti tak hian i zun ah ka uai dawn tih ka hre lawk bik hauh hlei nem" a hmui a ka beng lo nawr in a rawn ti thawp sup a.


Ka lungphu rang nghal dat dat avang chuan ka biang a lo sa hat hat thei mai, lai ru zet a ka thlek chho ha chuan a chal in ka bek a lo nul nghal thuak bawk.


Dar9 a rik meuh chuan rui lungpuam dang te ang bawk in hla cool zet zet an play ta reng a, Jacob-a hla thlan apiang chu 'a naupang ber a nih hi' tia ngaihthlakpui mai aiin Rs-a leh David-a te chuan an thlak sak thla zen a.

"An â mai mai e aw, an nau a khi tau chung in a haw leh nul nul duh mai dawn tih ngaihtuah țhin tur a lawm" prof Msa chuan a lo ti hluk hluk a.


Prof Msa sawi ang tak tak in Jacob-a rui lungpuam bawk si chu inhnuai ah a chhuk thla ta daih a, Rsa leh David-a te pawn an nuih kur kur mai.


JT PRODUCTION hla an play thlen tak ah chuan Rs-a te pahnih pawh chu chair ah țhu in an titi dun ta daih a.


An hla play ber kher erawh chuan hun liam tawh min ngaihtuah let tir in min kuah tu awm nghet țha leh lum nuam zet chu ka ngheng ar ar a.


Kha zan a prof Msa te țhian ho nen kan inhmachhawn dan te kha mitthla let in hla thu nen chuan ka hmeh bel kual a.
Midang te angin romantic tak in thil a thleng ve hauh lo nangin kha zan kha kan pahnih thawnthu bul ințanna pawimawh tak ani a, ka hringnun ah thleng ve ngailo tur a ka lo dah țhin hmangaihna thawnthu ka zawhna kawng a zan pawimawh ber ani bawk.


*kan intawnna lamtluang a mawi vang em ni?
Heti tak a i zun ah ka uai hi
Thawnthu ka hriat tawh a min hneh ber kha
Nangma min hlan ngei mai kha a lo nisi

.
.

"Mapui, keini chu i pa nen Bawiha tlawh in kan tlang nghal ang aw" Biak in ațang a kan chhuah rual in ka nu'n a ti a.


Ka mo tirh ațang khan chhungkua in chawlhni ah kan inkhawm zat zat a, ka nu leh pa ka hmaizah vang in a tir kha chuan phur lo chung chung in ka kal ve țhin a. Tun hnu ah erawh inkhawm hman loh ka hlau ru viau tawh zawk.

"Umm, kal ru, driver kha in hrilh tho tiraw? Keini nupa chu kê in kan haw thei a" prof Msa pawn a ti thuai a.


"Au Lola..." Biakin chhuk thlakna step ah kan chhuk thla hman țep, ring leng lawng a hmeichhe naupang in min lo auh-na avang chuan ka inher let leh thuai a.


"Doris" ka nui lo thei lo. Phur lutuk a hmeichhe naupang hmelțha lutuk lo tlan phei chuan kan bul a lo thlen rual in min nuih nghal sen sen a.


"Daddy bul ah au Lola te an ni saw ka ti char char a, ka lo ring dik tak tak a" a ti a, țum hnih chiah kan la inhmu nangin min lo la hrereng chu mak ka ti letling hial zawk.


"I va fel tak aw, i mawi bawk si" kun hniam deuh in a biang ah ka piai sak a, "thank you" tiin a lo nui chei chei a, he naupang tluk a hmelțha leh mitmeng nalh hi mizo ah chuan an awm thei tawh kher lo ang.


"In lo let leh tih pawh ka hre hleinem" prof Msa'n a tih tak sup ah chuan Dors-i kut ah kai in kan kiang a chhungte lo ding chu ka lo nuih a.

"Zirtawp ni khan kan lo thleng a" officer Carlos-a chuan a ti sup, prof Msa nen chuan an han inchibai leh rih a, a bul a nupui hmelțha lutuk chuan min lo nuih in 'i va puar lian tawh ve' tiin min fiam zauh a. An chhang chhe reuh bawk sia, an chhungkua chu an hmuhnawm tham tak zet.


Phir unau te a pakhat zawk kha Thelma chuan a pawm a, Carlos-a erawh in țum dang ang bawk in Daniel-a a pawm run, Carlos-a pa in phir pakhat zawk a pawm ve a, nu ber erawh in a tupa te tui bottle niawm tak hi a keng a, police uniform ha pali zet in officer anihna ang in an guard leh thlap bawk.


Eng emaw prof Msa te țhian dun in an sawi zawh hnu chuan "kal kawi lehna tur in nei em ni?" tiin prof Msa chuan a zawt a.

Doris-i chuan a lo chhang rang nangiang mai.

"Au Cindy te naute kan en dawn" intihrethei zet a lo ti var in min en chho heu bawk.


"E, Hades-a te pawn naute an nei tawh tak ang chu" Prof Msa chuan a ti nghut.

"Umm, Delhi ah kan awm hlan in an lo nei a, kan va leng phei ve a nge"


An motor hunna thleng chu kan inzui thla a, an chhangchhe bawk nen motor pahnih ngawt an hmang.


An tlan liam hnu chuan keini pawh in lam pan in kan inzui a, Rs-a chuan an kawt ah min lo chang a, an in ah thingpui in turin min sawm leh rih a.


An in hi chu Rinchhani te in nen a inhnaih em avang leh an intlawh pawh ve reng avangin Rinchhani kher lo, an chhungte tu emaw ber hi an lo lut hlawl ang tih hlau in ka țang ru țeuh zel.




"Hnathawk tu te kha ka duh dan uluk tak in hrilh la, zawmthaw deuh in khawih hauh suh se" ka pa chuan a ti a.

A țawngkam hi a chhum bung ve in dik tak a thil tih duh mi ani a, a aw rik dan chhum deuh mah mah țhin pawh hi ngaiah ka nei ve tawh viau.


"Malsawm, nangpawn i awm lai chuan en uluk pui la aw, vil ve deuh a, hrilh uluk loh chuan an inthlah dah leh mai țhin" a tih leh chuan prof Msa pawh a bu nghut nghut.



Rs-a khan kal chhuah a rawt tawh a, kar hamsa kha an han ti zet nangin remchan zawkna avangin an țhul kha ania, vawi in hian Vairengte lam a Prof Msa te huan ah kan zuk kal dawn.


"Mutbu vel hi motor ah ka zuk dah hmasa a nge" ti in bawr zet hian a inkhai chhuak a.


Huan ah chuan in a awm a, hnathawk pawh pariat zet an awm, khum vel a awm sa vek nangin a rimtui lo palh thei a a tih avang in heta țang mut bu ken a ti bur sia.


Phone charger leh power bank te chu ka bag ah ka thun a, mamawh lak kim loh ka neih palh tak in tiin ka in check nawn leh thlap a.

Khum a a laptop kal san tawp chu lu thing nak in ka khup a, nichin khan hei hi ken tur a ti khan ka hria. Laptop bag ah chuan ka khung a, zipper ka pawhphui leh thlap hnu ah side lehlam zip lo inhawng chu ka zipp phui ve leh mai dawn a..


Mahse, thil lo lawr chhuak chu enchian ka chak ta tlat a.


Ka phawrh chhuah rual erawh in mak ka ti kher mai!


MRI result ah chuan lu ruh thlalak pali ngawt a lo lang a. A sir ah date in ziak ka hmuh phei chuan mak ka ti leh zual.


"Engnge a awmzia?" hrethiam lo lutuk in lu ruh thlalak ding sir tin a chhun han dum val bik chu ka en ka en a. Date( ni) inziak lah chu prof Msa MRI ti tur a ka kalpui hma kar ami daih tawh kha!



A awmzia chu ka hriat miah loh in prof Msa hian MRI te pawh a lo ti tawh tihna maw?


Rang zet in MRI ka tih pui țum a result doctor min pek ka dahna lam chu ka pan a, file chu keu hawng pawp in ka kut a result ka ken mek nen chuan ka en tawn a.


Test ka neih pui țum a result ah hi chuan lu ruh thlalak ding sir tin a chhun han dum val bik hi a awm ve miah lo!!



Show post links

Top



Chhiar hmasa ula aw

'Ririn ka chhuang lutuk che' tiin keimah leh keimah ka han inhrilh tawl mai teh ang. Ka ziah ngaihnawm vang nilo in, mahni inrintawkna nei lo chung leh a hma ka phak tawh lo zia inhrereng chung a beidawn san lo va, a tawp ka khar(ziak) thleng thei hi ka lawm tak zet a ni. 


A tir ațang a a tawp thleng a min chhiar sak avang in ka lawm a. Ka chawlh vang vang hnu a ka lo let leh hian nasa tak in tun hma ka phak loh zia chu ka inhriat tluk zet in min hriatpui a, mahse, keimah ka insit zual theihna tur in tuman min deu in min sel ngailo te hi ka lawm tak zet. 


Love you all Euphoria.

Chhiar ru, țahna tur a awm lo a, rilru natna tur a awm lo bawk.




Pakhat hi prof Msa result tho ani a ngem?

Lo ni ta se! Aw Lalpa! Ka duh thei lo, luh ruh ding sir a val bik hi tumor a nih loh vek chuan cancer tihna!!

Ka taksa pumpui chu a sa chhuak vek!


"Duatte, i inpeih tawh em?" Prof Msa'n a rawn ti sup, ka phu ngheng a, MRI result pahnih chu kut tha khur dar dar a hum in kawngkhar lam chu muangchang hian ka melh phei a.


Ka thil ken lai a hmuh rual chuan Prof Msa chu a che miah lo!

Chung te hlei hlei avang chuan ka lungphu chu a phu rang nghal hlawp hlawp.


Ka melh ngawt ngawt a, a hmelpa zet chu a la ngai reng, na nei hmel a pu lo. Mahse, he result, a bag chhung aţang a ka lak chhuah hi engnge a awmzia ni ta ang?


Thawk pawh thaw chhuak țha ngam lo in MRI result pahnih chu ka melh dun leh a. Ka tawt up up!


Chil lem dák in ka hawi chhuak leh a, prof Msa chu a dinna ngai ah a lo la ding reng a, zawhna mitmeng zet a en in ka thil ken pahnih chu ka lek kang a.

"Hei hi kan pahnih a i test result kan hawn kha ani miah lo" thlaphang lutuk hian ka ti a! Prof Msa chuan min chhang miah lo.

Chu tak chuan ka hlauthawnna a lo belhchhah zual!

" i laptop bag ah a lo awm ringawt a. I result kha chu cabinet ah ka dah daih sia. Hei hi a nia.. pakhat zawk hi ngatinge a lo awm ve rikngawt le?" tlang tak a zawt dawt ngam silo a ka riak nawk nawk chu min lo pan a. Engtia hmachhawn tur nge ka hrethiam lo.

"Bag ah laptop ka khung khan ka hmu ringawt a"

"Duatte" ti nghut in ka hma ah a lo ding a.


Ka thil ken pahnih chu min laksak in a bih deuh vung vung a. Chumi chhung chu reilo viau mah se ka lungphu phu nasa lutuk leh chhungril sa pup pup avang chuan ka â thei mai dawn in ka hria.

"I result kha chu keimah min kawl tir sia, ngatinge pakhat hi?"
Eng emaw tal sawi se ti lutuk hian ka en ngawih ngawih. Mahse, ka hlauhthawnna hi a dik tih a rawn sawi chhuah ka hlau viau lawi!

A rawn phun chhuak ta hluk a! Ring vak lo hian a nui hawk bawk, zawhna a khat mitmeng a ka lo en ngawt ngawt chu lo kun hniam in ka chal ah a rawn fawp zauh a.

Hrethiam lo lutuk hian kan pahnih a result kan hawn zawk ka kut ah a lo hmeh belh lai chuan ka lo la en reng a.

"He thil hi staff te ta a nih hi" ti sup in a laptop bag aţang a ka phawrh chhuah chu a thing nghut nghut a.

"Maw?" Ka lo ti hu.

"Student te practical an tihpuina ami tur in MRI aţang a thluak a thil danglam awm dan lanchianna an mamawh a, kan doctor hmuh kha a copy ka dil sak a lawm" pa zet hian a nui leh suk a. Ka la nui ve thei chuang lo.


"I ti tak tak em?" a result zawk hmer nghet salh pah chuan ka ti a.


A ban pahnih in thaw huai pah hian ka kawng ah min rawn kuah a, min din hnaih zual sauh bawk.

"Ka result chu i hriat a lawm, ka țha vek, chu lo ah chiang takin ka result ah khan ka hming a chuang, he result hi chu damlo dang ta a nih avang in a damlo hming pawh a chuan miah lo hi" amah vek chuan lo ti leh in a ken lai chu a han lek kang leh a.


A sawi dik.

Prof Msa result ah hi chuan a hming pum mai bak ah test neih ni leh thla thleng in a inziak a. Bag ațang a ka phawrh chhuah ah kha chuan a date chiah a inziak a nih kha.




"I inpeih tawh chuan kan kal dawn mi?" amah bawkin a ti leh ta sup.

Ka taksa țang mar nasa lutuk chu thlah dul riai riai in ka bu ta nghat nghat a.


Prof Msa chuan result pakhat zawk chu file vel a remna lam ah a keng phei a. File pakhat kar ah chuan dah daih pah in 'laptop hi Bairabi lam ah ken ka duh sia, kan tibo palh ang, in ah hian lo awm rih rawh se' a ti duah a.



Laptop bag ah charger ka lo khung hmaih chu khung leh in electronic vel off lo a kal san kan nei em? tih vel en kual a a che vel chu ka en ngawih ngawih a.


A tello a ka nun hmang tur ang a ka inngaihtuah ringawt pawh in thih ve mai ka duh zawk. A kalna apiang ah zui a, a awmna hmun apiang ah awm ve zel ka duh.

Natna tam tak min pe in dam thlahlel lo rum rum khawp in min siam țhin mahse ka hlat ah awm lo a, ka hmuh phak ah awm a ka pasal a nih dawn phawt chuan ka tuar thei zel mai ang. Thihna chu nilo in!


A computer plug off lai chu a hnung lam ațang in ka va kuah chawt a, a taksa chu a lo țang mar nghal țeuh. A mipa rim pa zet chu hip lut in thawk ka la a, ka rilru lam diklohna avang chuan ka hnuk rawn ulh in hetiang hian ka pasal hi kuah tur a awm tawh lo thui dawn hian ka chhungril chu a hre ta tlat a....

"Duatte" ti sup a ka ban a lo hmer chuan țah chhuah insum zet in a hnungzang lum vung vung chu ka hmai in ka nawr ngawt ngawt.


"Professor. Ihmaw, i lu a nat chang te, i awm a nawm loh chang te pawn min hrilh nghal zel rawh aw, ka enkawl ang che. Ih, engmah min hrilh duh loh hian ngaihtuahna țhalo pui pui ka neih phah zawk a, chuvang chuan i mit vang a i lu a nat pawn min hrilh zel tawh rawh aw" țah loh tum viau mah ila ka mittui a rawn baw nghal zawih.



"Kitten" ti hulh a a lo inher chuan rang lutuk in ka mittui chu ka tuai hul nghal sawk sawk a.

Muk zet a min en in ka khabe ah a rawn dawm a, min kuai dak nghal salh bawk. A hmelpa zet chu a lang dam ruih a, a mitmeng ah chuan chiang takin min duatna leh hmangaihna ka hmu thei bawk.

He mitmeng hi hmu leh tawh ngailo tur a ka indah chhin ringawt pawn ka lungzing mup mup thei.


"Ngahnge chutiang thil vang mai mai te a i țah a, ka enkawl zawk dawn che a lawm" a lo tih chuan ka insum hman tawh lo, ka țap chhuak ta hawk a.

"Ka tello in khawiah mah kal suh aw" țap țiau hian ka ti a. Ani thung chuan helhkham nei hmel zet si hian muk ruih in min en ngut ngut.

"Diktak chuan i thi dawn in ka ngai tlat a..." ti chhuak phawng in ka insut hlawp hlawp.


Tawrh harsa zet a min lo en ngawt ngawt in a kutphah hlai hlup chuan ka biang a rawn dawm a.
"ka auhna che pawh min chhang lo in i maimitchhing hlen a nga, 'duatte' ti a min ko-na ri pawh hre tawh ngailo tur hian ka inchan tlat a, chuthil chu ngaihtuah tawh loh ka tum pawn ka theilo, ka.. min thihsan suh aw, i tello chuan ka nung duh bik lo, ih.. aih, min kalsan suh aw. Min kalsan miah suh" chiai zet a ka tih chhuak nawk nawk chuan lo rum hrawih in a awm ah min kuah bet nghal hmiah.


Ka dar ah a rawn fawp nghal tawk bawk!


"Ka kal lo ang, ka nunna i nih hi Lalhlimpui, khawiah mah ka kalsan dawn lo che, ka chungah engthil pawh lo thleng se ka kiang ah i awm zel theihna turin engpawh ka hmachhawn ang" a lo ti nghet chur a.

ka nghawng ah bawk lo fawp leh tawk in a hmai sa huam chuan min nawr deuh vang vang a, awm ngaihna hlawl ka hrelo! A thih ka phalo a, chutiang bawk in ka kiang ah rei a awm tawh dawn lo ni a ka hriat tlatna hi ka tibo thei bik bawk silo!



"Țap tawh suh le, Malsawmtluanga hian a tello in Lalhlimpuii hi nun hman tir a tum reng reng hleinem, ka kalna apiang ah ka hruai che a nga, ka awmna hmun apaing ah i awm ve zel dawn a lawm
Duatte" dam thlup a a lo tih chhuah ruih chuan ka awm chhung chu a che rawih rawih.

Min kuahna chu thlah thlawl in ka biang a lo khuap a.


Ka lungchhe lutuk a rawn hmuh chian rual chuan phun leh hluk in ka hmai tlang chu a lo fawp kual dun dun a. Thlahlel zet in a ban rek ah ka lo man bet țawk țawk bawk.


"Kha thil tehhrep khan hetiang hian a ti ţap dawn che tih lo hre lawk ila chuan ka rawn hawn miah lo ang" lawm lo zet hian a ti ta hluk hluk.

A kutzungpui in ka biang chu a lo chul a, a mitmeng pa zet chuan hnai sawt sawt ah min en in "Eng nge ka sawi tawh kha, i mittui tla te, i na lai hmel ka hmuh te hian i nat aia nasa a lo na ve in ka talbuai vek țhin" lo ti chhuak tawk in duhthawh zet hian ka hmui ah a rawn fawp ta ngawng ngawng a.



Min fawhna chu a ril ruih a, ka ngaihtuahna țha lo zawng zawng te chu min lakbo sak ve tum ang hrim a kohham hian rei ngial a che zawm a. Keipawn a kawr awm ah lo țham in ka chhang let duhthawh ngang mai.




Ka țah nasat em avang in ka mit a bui lak a, hetiang ngawt a midang ka hmachhawn chuan an rilru a buai vek dawn sia.


Washroom ah hmai phih tur in ka lut leh rih a, prof Msa pawn face towel keng in kawngkhar ah min lo nghak run.


Ka hmai nuai pah a darthlalang aţang a ka va en chuan muk ruih hian ka che vel chu min lo thlir reng a. Chungte ngawt pawh chuan ka mittui a ko chhuak dawn zel mai.

Ka rai rilro no lutuk vang nge ni a nga, nupui ka nihna angin ka pasal chung a lo thleng tur lo hriat lawk theihna ka nei zawk pawh ka inhrethiam tawh hrep lo.

"Hrereng rawh, he kan pindan chhung ah ngei hian kan fa inhlei tak tak te an la tlan kual a nga, ka thil pawimawh dahna ban phak a, pawi an khawih hun ah 'kha chu apa ta a nih kha, khawih sak suh u' tiin kan fate chu i la hau a nga, kei in zualko a ka bul an lo kal hun tur ka lo nghak reng țhin ang.." ril ruih a a lo tih chhuah chuan ka hmai phuan tleuh zo chu ka ding mar vat a.



Darthlalang aţang chuan ka hmu nghal dawn tih lo inhre thei ang hrim hian pa lutuk in a lo nui suk bawk.

"He bathroom chhung ah ngei pawh hian kan fate school kal tur kan inbualpui a nga, school kal peih loh vang a nuar in bathroom chhung khawk rum rum khawp a an khek ri te kan la hre dawn chauh.. " nui suk a tiin washroom chhung chu a melh kual thuak a.


Kei erawh in a hmel landan dam thlup phen a a suangtuahna avang a a hlim hmel chu uluk lutuk hian ka lo en ngawih ngawih thung.


Inhnuai ah ka inzui thlak ve meuh chuan midang chu kawtzawl ah an lo awm vek tawh a.

"Ngati em em nge, pakhat chauh zin chhuak tur pawh ni-hlei lo, inthlahna hun hmang ang mai" Rsa'n a lo ti hluk chuan midang chu an nui ham ham leh nghal.


Prof Msa chuan phun hluk in seat hnung a pawt hawng a, bag vel a dah luh lai chuan Kimbawih lo ding ve reng chu ka han nuih a.

"Fimkhur ula aw" lo tisep a ka dul a lo melh chuan nuih var var in lu ka bu a.


Min en veng veng reng a, a hmel awm dan chu ka hrethiam chiah lo, sawi duh nei hmel deuh si hian a thaw leh hak zel a. Jordan-a enkawl in a buai țhin em em a, a taksa pawh a tla dawk tawh.


"Tirawh u, kan kal tawh dawn em ni?" Rs-a chuan a lo ti ta lung lung.
"Bualpuia ah kan inhnawh puar thla a nga, a hmun a ei tur chu Bairabi ah kan lam thla mai dawn nia" amah bawk chuan a lo ti leh duah a.


"Vairengte ah kan kal dawn emaw ka lo ti a" ka ti sep a, Bolero bang ngheng a ding run in prof Msa chuan min lo nuih suk.


Ka nu in țawngțaina a hman zawh rual in kan chuanna tur ah țheuh kan lut nghal a, Rsa te chhungkua chu an tlan hmasa ber a, ka u te motor in an zui ve leh a, Jacob-a chuan bullet a khalh a, Ruth-i chu 'ka phur ang che' a ti tak nangin Ruth-i chuan a duh der lo.


Seat hnung ah a lut tharh a, ka luh ve hma chuan ka nu in 'indim la aw, Mapui, nangpawn fimkhur tak khan motor khalh la' a ti lar lar a.

"In lo buai a ngem?" ka tih chuan lu a thing nar nar.

Damdawi in ah Jordan-a a awm lai a hetia lo zin chhuah hi thil mawi ani chiah lo nangin oil palm huan zuk enpui a țul miau sia.



Ruthi leh prof Msa te chu entrance exam chungchang vel sawiin an ti ti tui viau. Kei erawh in prof Msa chu ka lo thlir leh veng veng țhin a. Ka sun dawn nia ka inhriat tlatna chu depression in min buanna mai mai ani tih rin tum in a eng zawng a ngaihtuahna hman ka tum lui ngat ngat a,

"Mate hreawm i ti em?" Ruth-i'n a lo tih chuan nui chung in lu ka thing a. Delhi lam a be zo chiah a, ka pa pawn indim turin min rawn chah nasa viau mai.

Prof Msa pawn min lo en ve vut in a kut lehlam chuan ka dul chu a lo chul thuak bawk.

"Chawlh i duh chuan sawi rawh aw" ti sup in mit min sia suk a. Ner zeuh in lei ka chhuah khum ringawt a.

"Ka rin aiin kawngpui hi a țha... nge ni a, kan tlan thui tulh tulh a nga, a lo chhe telh telh zawk dawn" Ruth-i'n a lo tih leh tak ah chuan kan nui ta hak hlawm a.


Mizoram kawngpui hi a mak ngawt mai! Fur țum khat tuar chhuak zo in tumah hian an la siam lo hial in ka hria!



Kan tlan rei tak ah chuan ka rit lutuk leh rilru no tlat pawh a zia ta deuh a, Bualpui a zin veivak te chawlhna țhin hmun nuam zet ah chuan chawl in kan inhnawh puar a, kan naupang hruai te'n harsatna an siam lo bawk nen ding khaw muang chhen lo in kan tlan par par a, Bairabi kan thlen thlak chuan a boruak chu a lo dang deuh zar mai.

Helipad veng ah chuan mamawh la khawm tur in kan ding a. Prof Msa leh Rs-a te chu dawr lian zet ah an lut nghal a,

Ruthi nen pawh kal chhuak ve in thla te kan la kual a, chutia motor pathum ngawt inzui chu dawr chhung ami te pawn min lo hmu duh ngang leh nghal.

"Helam hi i la kal bik lo tiraw?" ka darah min lo kuah in dawr thler lun zet chu Ruthi chuan a en kual vel a.

"Umm, ka vawi khat kalna, nang phei chu Mizoram ah i awm khat si, Thenzawl lam pawh ila kal lo ang a" ka tih chuan chal a ti chuar deuh nang a.

"Lunglei lam ami kha ani em? Dilpui awmna kha?" a tih chuan lu ka lo bu vat a.

"Hman ah kan kal tawh a lawm, Mizoram ah chawlh hmang a kan lo haw țum in" a tih lai chuan softdrinks keng in Jacob-a chu kan lam pan in a lo kal a. A pa lian in a sa a țha rauh si a, Bairabi nula lam pawn an hmuh duh viau mai.


"Hman zan ah min lo text ve ringawt a nih chu" Ruth-i chuan ka bengbul ah a lo ti sar sar a. "I reply em?" zawite a ka tih chuan "aw, mahse sawi tur a vang e" a ti hlak a.


Ka chhan hma in Jacob-a chuan min lo hnaih chilh nghal a, inngaizawng dawn pawh nise Jacob-a hi ka iai pui miah lo.

"in chau em?" thum dut a lo tiin drink chu min pe a, Ruthi chu a melh ngur bawk.

"Chau lo e, heta țang hian huan awmna chu a la hla em?" ka lo tih chuan coke chu a kheuh hawng a. Ruthi erawh a ngawi leh ngar tawh.


"Hei, hemi veng Helipad ațang hian kan peng a nga, Tlawng lui hrul ah zel kan tlan a nga, darkar khat tlan pawh ani tawh lo ang" ti duah in kan pen na tur lai te chu min kawhhmuh a.



A khaw thler vel chu a phai ram mah zawk hian ka hria. Kawlai ah kuhvarah kung hmuh tur a tam bawk si.


Mamawh an lei vel chu motor ah an load zung zung a. Oil palm huan tlawh in helam ah hian an tla thla fo tih hriat takin prof Msa chu khawtual patling ho chuan an lo be leh khauh țhin.

Huan chungchang te sawi in 'in oil plum kung chu an hrisel bawk a, in hlawk dawn khawp mai' an han ti hlawm a, patling țhenkhat te nen an ding tlang chu hmuhnawm ti zet hian ka lo thlir a.
Reilo te hnu ah ka dinna lo pan pah chuan a tarmit vuah chu la thla in a tshir hma ah chuan a hru thuak bawk.

"I chau tawh em? Ka ngaihtuah viau che a nia" ti sup in prof Msa chuan ka kawng ah a rawn kuah, a lo hmer deuh salh chuan ka kawng chu a kham hle tih ka hre chiah. Mahse ka sawi chhuak ta biklo.

"Chau lo e, a khaw thler vel hi a nuam reuh e" nui var var a ka en chuan uluk fe hian min lo en chhuk run a, khawlai lun lai ah awm lo ila chuan min fawp ngei ngei ah tih theih khawp in a mitmeng chu a thuk ruih.


"I hmelțha zet ah hian nuam i ti tih chu a chiang reng a lawm" kiai suk a lo tiin midang hriatthiam loh tur a lo kun hniam in ka chal ah a lo fawp hram.

"Huan kan thlen hun ah phei chuan nuam i ti viau ang" amah bawk chuan lo ti leh sup in ka țhutna tur lam ah chuan min kal phei pui a.

"Kimkima te'n exam an la zo silo a, a lo kal ve chak si. Eee.. Bairabi ah hian Sai a awm a mi? Sai kha thla lo lakpui ang che a lo ti nasa mai" ka tih nang nang chuan a lo nui nghawr dawt.


"Kan Kimkima tak hi chu aw... Ka hrelo a awm țhin a, mahse sawtah zophai ramri bul ah daih a nia" a ti ve mai a.


Huan kan thlen meuh chuan Mizoram chhung ah kan awm tih ka awi theilo hial zawk.


Ram thleng zawl leh zau lutuk ah chuan oil palm kung a lo ding hring țhup a, huan ațang a hla lo te ah chuan Tlawng lui a luang tlang ruah bawk. Beach ang maiin țiauvut a tam in khawi emaw ram tuipui kam vel hi a ang tak zet a ni.


Huan hnathawk te chuan zah deuh hian min lo dawngsawng a, a tam zawk chu vai an ni a, Mizo awm chhun chu patling hmel pu tawh deuh vek an ni a, bungrua te kan unload hnu chuan Rsa pek chuan nui ruh ruh in "nangni pahnih khan naupang te hi Tlawng kam ah khuan lo zuk vah kual pui ru" Jacob-a leh Ruthi te en pah chuan a ti a.


Bawihpuia chu a phur nang mai.

Jacob-a'n hnialna nei hauh lo a Thantea a pawm nalh laiin Ruth-i erawh chuan Jacob-a zui chu a peih loh hmel viau mai a, hnial erawh a hnial ta biklo.


"Bawihi, lo awm hahdam la, huan hi kan han fang kual lawk a nge aw?" lo ti sup in a chempui pai chu a la chhuak a.


Huan enkawltu lu ber niawm tak patling pakhat pawn a ipte pui ah chempui khung in kawngkhar bul a a lukhum parh chu a ban a.

Prof Msa te inzui chhuak chu ka thlir reng a, ka u leh Rsa erawh eirawng bawl in an vir buai viau, vai hnathawk tu te chu vai țawng nal tak hian Rsa chuan a be chhen a, an nui bawk bawk hlawm a, Rsa nupui nen hian kan la innel ve vak bawk silo nen u Biakpuii nen an titina kiang ah chuan ka lo țhu ngawi ve reng mai.



Ka muhil lai chu eng emaw vang in ka harh hlawl a, rannung hram chiah chiah ri leh lui luang hum hum thawm ka hriat chuan ka buai hman nak a, mahse ka buai reilo.


Zan dang a a awm țhin ang bawk in prof Msa chu thlan in a lo bual huh leh dup tawh a, harh miah silo hian a lu chu a lo hmet leh ngut ngut tawh.

Thawh phan neilo lek a inbeng kangin ka sawi dawt dawt a, a hmel lan dan chu hmuh a hreawm in a na tuar lai chuan min vilh ve ngut ngut.

"Duatte..." ti chhuak hlawl a a lo men chhuah chuan a mitmeng chu a â deuh ruai a. "I harh em?" a biang ah chul sak in ka awm hnaih nghal sauh.


Zan dang ang bawk in a bul a awm chu keimah ka ni tih a hriat rual chuan a nem leh ruai ruai a.

"Ka motor khalh kha ka zo lo deuh a niang" ti nghut a a lo inben kan chuan rang zet in tui bottle ka ban a, damdawi a ei hnu lawk ah prof Msa chu a muhil leh nghal mai a.

Mu saisir in a hmel pa zet chu ka thlir ngawih ngawih, Thantea rak țhat țhat țhin pawh chuan a tiharh zo ve lo.

"Dam thuai thuai rawh aw, i thusawi te kha ka hrereng dawn a nia, fa tam deuh kan nei a nga, kan fate inhlei tlan kual ve thlir a, lungawi hmel zet a nui lai hmuh ka duh a nia aw.." ti sep sep in a tukhum sam ah kut ka zen lut a, a lu lei chu na vak lo a hmeh sak salh salh in a chal leh ka chal chu ka nawr si a.



Kan hmalam hun tur a suangtuah chang a a hlim hmel mawlh mai kha a tak ah chang ngei se ka duh tak zet!


Zingkar ah chuan ka harh hnu lawk ah a lo harh ve a, mahse khum ah chuan a țhu ngawi deuh vung vung a, a phone ka charge sak a, hmai phih tur a silhmun ah ka luh dawn te chuan mak tih hmel zet hian min thlir a, a vawi khat min hmuhna ang mai hian...


Hmai huh hru mawlh mawlh pah a ka va chhuah leh chuan khum tlang ah kun ngul a lo țhu in hnuai lam a lo bih ngut ngut.


Ka thawm hria in a lo hawi chhuak vut a.

"Duatte, hetah lo kal teh" a lo ti nghut.
"Mut i kham meuh maw?" ti pah in ka pan hnai a, engkhaw sawi set set lo hian ka ban rek ah lo chelh in a malchung ah min pawt țhu a.

"Ka ngai kher mai che" ti sup in ka awm ah hmai a lo phum a, min kuah nghet ngang bawk.

"Kan mu dun char char a, min ngai tho a maw?" nui chung a tiin a tukhum ah ka man a, a chhip ah ka fawp zauh bawk.

"Kan mutthilh lai kha chuan ka hmu lo che a" zawite hian a nui pah hawk a, "keichuan ka mumang ah ka hmu che a sin, i mumang ah min hmuh ve loh vang a nih chiah chu.." uang zet a ka tih chuan ka awm zawn ah chuan a lo thaw chhuak suai suai a.


"Inphih fai la, vawiin ah kan en zawhpui chuan naktuk ah kan haw leh nghal thei i tih tawh kha, ka nu leh pa an ngaihtuah awm ka ti..." ka tih lai chuan a lo dak chhuak a.

A tho phang sam thur hiang chu a inhmeh tak zet tho.


"Lalhlimpui, i va ngaih awm em em ve mawle.." thutak zet a lo ti chhuak nghut in khap lo lek hian min en leh ngawt ngawt a.

Ka nui tak nangin a awm dan chuan ka ngaih a ti țha lo ta kher mai!
"I mumang a țha lo em ni?" a hmai ah chul sak pah in ka han ti a. "Țha e" lo ti sam hmiah in ka kut chu a man a, a fawp a, a khat tawk in ka nghawng ah hmai lo phum in thawk a han la a.

"Ka nupui tereuhte hi i lo ngaihawm em a ni.." ti chhuak hulh in ka sam te chu a lo hnim leh ringawt țhin.

Pasal te'n an ngaihthu an sawi chhuah khum mawlh mawlh hmeichhia chuan vannei hle ah a inngai tur in ka lo ring țhin a.

Mahse, a ni hauh lo!

Ngaihtuahna țhalo pui pui ka put leh hlau in a hnungzang ah chuan ka han beng deuh dup dup a.

"Inphih fai rawh, kan chhuah har lutuk chuan i țhianpa nghal zet kha i ngam lo leh viau mai ang" ka tifiam a, prof Msa pawh chu a lo nui ve ta hawk hawk.


Tuk țhuan eikham rual in ka pa nen an inbia a, phone a hman lai te chuan naupang te ka infiampui lai chu min lo thlir leh vung vung zel.


Nileng deuh thaw in hnathawk tu te nen chuan an buai a tih theih ang.


Ka pa in thu a chah uluk bawk a, huan zau lutuk chu trucktor te in an fang chhuak vek a, oil plum kung hrisel loh hmel deuh deuh te chu an kit vek a, a chhan pawh mihring in tlang hrileng kan inkai chhawn theih ang tho hian thingkung te buh kung te pawh hian an inkai chhawng ve thei a, a rual a buh kung thi tawp tawp te pawh thingtlang lo neitu țhenkhat ten an tuar chang a awm fo hi!

Tlai ni tlak dawn ah chuan mipa hnathawk hah ho pawh an inbual fai ta hlawm a, an khawihpui bak chu vai hnathawk ho in an khawih zawm a, kel an talh a, vai ho in an siam dawn avang in Tlawng kam a kal an rawt a. Kan zuk thlen thlak chuan khaw dang ațang a lo kal pawh an lo tam ngang mai.


Ruthi leh Jacob-a te awm dun han invin leh hlaih hlaih țhin te, Ruth-i'n 'min zui kual reng suh' a tih țeuh hlar chang a Jacob-a'n nuih san mai a, zui kual a țhulh chuang miah lo te chu ka hlimpui viau nangin prof Msa nen kan intawn țan tirh lai a keimah ni pahnih kha an mahni ah chuan ka hmu a, lung an tileng thar kher mai.



"Duatte, lui dung hi kan zawh thla mai mai dawn mi?" ti a prof Msa'n min lo zawh chuan Rs-a bawk a lo nghal kher mai.


"Rawlthar inngaizawng nghal lo, chance zawng du du reng su" a lo ti pek a, rum tak a prof Msa'n a va melh nghek chuan a lo nui ruh ruh leh ta nghal a.


Țiau vut ah chuan kêlawng in kan kal dun a, ka chappal leh a pheikhawk chu a kut lehlam ah a khai a, a kut lehlam in nghet takin ka kut a chelh bawk.


Ni tla tur eng suar suar in a hmai vun uk sen kharh chu chhun hang zual a, mahse a sam thur chho hiang leh a mitmeng thuk ruih te nen chuan a lang pa zual kher mai.



"Hemi pawh hi kan huan chin vek kha ami?" thui fe kan kal tawh hnu pawn chhak deuh a oil plam kung ding ngur khup chu a la awm zel.

"Umm, khu lai deuh thleng khu kan huan chin chu" ti sup in lui dung kawi lai chu a kawk a,

"Engtin nge Bairabi ah daih daih huan zau lutuk in neih theih a?" zau ti zet a ka thaw chhuak hak chu min lo nuih suk in min kalpui leh a.

"Ka pian ve hma aţang a ka pu te enkawl daih tawh kha a lawm.." a lo tih chuan a sawi leh tur hriat belh chak zet in ka en chho kiau a.


An naupan lai chuan leilet a ni țhin a, school chawlh chang apiang in anu leh pa te nen an riah thlak țhin thu te chu sawiin he lai hmun hi anu hmun ngainat ber te zing ami anih thu te chu min hrilh ta a.

Tlawng sangha te chu man in he huan ah hian kar hnih dawn te an cham țhin thu a sawi lai a a hmel a lunglenna lo lang chhuak ka hmuh chuan a kut chu ka hmer nghet zaul sauh.


Muangchang in kan kal thla zel a, an naupan lai a an tui chen țhin na hmun hma min kawhhmuh lai te chuan hlim veng veng siin sawi tur hrelo zet hian ka lo nui a, tun ang a buaina neilo leh thinlung inpawh zet hian awm dun reng thei ila ka ti tak zet.



Khawthim dawn ah huan ah kan let chho a, Bawihpuia tlan țak ţak chu u Hriatpuia'n a um fiam a, kan ri chho teng tung mai.


Prof Msa phone ah lai a rawn ri a, a kekawr ipte aţang a lak chhuah rual chuan hmui ti sawi zauh in min en a.
"Ka pa a nih hi, kan be lawk a nge, lo han chho tlang ru, plam kung kan kih zat a hre duh a niang" a tih sup chuan lu ka buk khum a.


Prof Msa chu kan kal san a, Ruthi nen chuan kan titi chho mawlh mawlh a, ka beisei loh lutuk hian thlam kawt ah chuan Rinchhani ka va hmu thut a, keimah ah nuam lo tihna a rawn awm nghal ringawt bawk. Ruthi pawn a hmu ve tih hriat tak hian ka ban ah a rawn kuah a.

"Engnge an rawn tih ve dawn a" a rawn ti a.
"Ka hrelo" ka ti sep.
Thaw hak in min kai phei a, motor pakhat a lo inhung ran bawk.

Țawng pah a Rinchhani nui mek in min rawn hmuh chuan a țhen sak mai.


Rsa te ho pawn min rawn hmu ve nghal a, ka awm nuam lo nghal vek chu an hriat hlau tak hian ka insang mar ţalh bawk.


"Bairabi ah traning pe in ni 3 kan cham tawh a, traning a zawh rual in huan ah in awm tho si, kan lo kal ve tawp a sin" nui sang a Rinchhani'n kan lam hawi a a lo tih chuan keimah ni chu min be lo tih a mitmeng aţang chuan ka hre thei.

Ka hawi let a, prof Msa phone hmang zo chu kan hnung lawk ah a lo ding reng tawh a. Min lo melh runna avang chuan thaw dep dep hian ka en ta ran ringawt.


"Hah tak in ni thum kan tal tawh, zanin tlai chu free deuh a awm a chak awm, hmelhriat țha hlang in lo ni hlauh bawk a" Rinchhani thawhpui nu ni awm tak in a lo tih lar lar chuan
ka awm a nuam lo, ka țang ru teuh a ni ber.

Mipa pakhat awm ve erawh a țawng lo thung.

"In kelsa siam hi a tui hmel tawp.. ka tem chhin dawn, awi, zakthei lo min ti em?" Chu nu bawk chuan tih zawm leh nghal in a nui hawr hawr a.

Prof Msa tan pawh hnial ngaihna a awm in ka hrelo.

"Ka thusawi kha hrereng ang che" Ruthi'n ti hlak in prof Msa chu a melh kha kha a, thlam chhung ah min luh tlang pui a.

Kan kal pelh lai in ling hlar in Rinchhani khan min lo en a nih kha.

"Haw tir ve mai tur a nia u Msa pawn" Ruthi chuan a ti hlak hlak a.

"Aw... an lo kal vek tawh a, khatiang a lo hnar haw leh te chu a mawi hleinem" ka ti tak nangin ka rilru erawh a nuam biklo.

"Chu pawh nise... a tina leh vaih che a nih chuan kan chhungkua hian engnge kan tih theih a hre chiang tawh ngawt ang" ling hlar in Ruth-i chuan a ti leh ta a. Hrethiam lo zet a ka en chuan a lo nui halh a.

"Mate, ka chapona nilo se, mipa pakhat vang a i na tuar lai hi hmuh a hreawm ka ti, chhungkua neilo ang maiin nang lah chuan amah chiah i vuan tlat mai sia, diktak chuan hetiang mai mai a kan thisen kai ve tho si i awm hi maw a tha nat thlak a sin, kan chhungkaw dinhmun en pawn kei ni aiin an țhat bikna hlawk ka hre lo. Mahse, i thlang tlat miau sia" a ti a, beidawn hmel zet hian min en bawk.



"Prof Msa leh Rinchhani te inkar ah engmah a awm tawh hleinem, chuan, tun pawh hi țhian inkawm țhin vek an nia, an lo thlen vek tawh hnu a hnar haw leh kha an tan pawh a nuam dawn hleinem..." ka tih chuan tawite hian a nui ta ringawt a.


Prof Msa hian natna min thlen a hlau tak zet tawh zawk tih hrethiam se ka duh tak zet.



Prof Msa lo lut a hmuh rual in Ruth-i chu a ner nak a.

"Engtin nge huan ah i awm tih an rawn hriat theih a?" ti salh kher a nui deuh sawng a prof Msa a en chuan ka lo ip deuh chawih.


"Ka hre bik hauh lo" ti sup in prof Msa chuan min lo en a. A mitmeng ah chuan min venthawnna leh Rinchhani te avang a thinrim ngawt lo tur a min duh zia ka hmu thiam in ka hria.

"A nih vel chu a" Ruth-i vek in a tih leh nek chuan "Ruth" zawite hian ka lo ti a. Inbeng daih tum zet in Ruth-i chu a thaw chhuak hak a. Thlam ațang chuan a chhuak nghal daih bawk.

"Chaw ei an sawi a, kan chhuak ve dawn mi?" ka lo bu nghat a, mahse amah chu ka dinna lam ah lo kal phei in ka kawngah a rawn kuah a.

"An lo kal dawn tih ka hre lawk bik miah lo a nia" a ti nghut. "Ka ring che alawm" ka ti sep chuan thaw huai in ka chal ah a rawn fawp vang vang a.

Kan inkar boruak nuam lutuk hi an ni vang mai mai a tih chhiat ka duh lo.


Zanriah ei lai chuan pangngai takin an ti ti mawlh mawlh hlawm a,
Rinchhani te țhian dun chuan ruih nei an ang ka ti zawk hial, boruak an ngam in an nui hawr hawr reng a.


Engvang a kei ni chu min lo fin ve duh ringawt nge anih ka hrelo a, lo thinrim viau tur ani em pawh ka hre chuang lo.



Zan ah chuan kawt ah mei an chhep a, a ni pathum chuan kal mai an tum lo nge hetah riah ve an tum zawk pawh ka hrelo, haw lam reng sawi lo in Rs-a chu an chhaih fiam reng a..




"nuam lo tih phah suh aw" Rsa nupuiin ka beng bulah a lo ti a, lu ka bu ringawt.

Keini chu Veranda ah kan țhu a, Theihai bawl kan inchhawp chu ka ei pah mawlh mawlh bawk.

"Nangni pahnih kha helam ah lo țhu thla ve ula" Rs-a'n a rawn tih lauh lauh.
"Inbengchheng e mai, Thantea hi a mut a chhuak a, tihian hnute hne pah se, a muhil thei zawk ang" an nu in a ti let a.


A țhian te zing aţang prof Msa pawh a lo kal hrang ta nge nge, ka zuk pawh duh bik lo a, Rinchhani nui ri ar kiang ah chuan ka awm chak lo ani ber ang.


"Haw an tum nange a?" Rsa nupui chuan a lo ti a. Keipawn chu chu ka hre chak. Haw tur nise zan dar 8 a hnai tawh a, an tlan chhuah chu ahun tawh ani.


"Ka hriatpui mai mai lo" ti hluk in ka bul ah a lo țhu thla a. "Hmarcha i tel tam si, ei tawh lo teh" ti nghut in Theihai awmna plate chu min laksak nghal daih bawk.

Hmui ti sawi nang in ka hawi sawn hmak a, meipui an chhehna aţang in Rinchhani'n min lo en reng tih ka zuk hmuh chuan ka awm a nuam lo deuh zawk a!

"Hei in rawh" ti sup a tui bottle chhin hawn sa prof Msa'n min lo pek lai pawn Rinchhani chuan kan lam chu a lo thlir reng a. Tui bottle chu ban in ka in nghal a. Ka sam chu ka beng ah min lo zeh sak in duat hmel zet hian prof Msa chuan min lo en vung vung a.


"Keichu mut luh daih ka duh" ka ti a,
"A pawi miah lo ang, naktuk ah motor i chuang chau leh dawn bawk si" a lo ti ve nghut a.
"Nie, mu hahdam daih rawh, Thantea pawh hei a muhil ta bawk a, keipawn kan mutpui daih a nge" Rsa nupui pawn a lo ti ve a.


Ka ding tur min pui a Prof Msa'n ka kawng ah a lo kuah lai te chuan Rinchhani chuan min lo la en ngawt ngawt a nih chu!


A awm dan chuan ka ngaih a ti țha chiah lo, haw daih tawh se ka ti tak zet.

"Ka nupui hi ka'n mutpui phawt a nge" tiin mei pui ai ho chu a han au a.

Rinchhani hmel dul raih chu ka en a, tlem chuan ka khawngaih ve ta.

"Che na lutuk lo ula, pawn lam ah awm kan awm tih hria ula" a țhiannu chuan a rawn ti deuh duar a. Tuman an nuih pui lo.


Ka mu tui lai chu ka harh hlawl a, prof Msa mut na lam ka dap nghal a, a lo ruak huai tih ka hriat rual in pawn lam thawm ka hre zawm nghal zat.

Phone chu hmet engin dar zat ka en a, zanlai dar 12 a lo pel fel chiah. Phone chu khum ah dah thla in ka maimitchhing leh vang vang a, nichin khan 'muhil phawt la' a tih a, min mutpui reng a, keipawn huan neitu te ber mut bo daih kha a dik tilo in ka mut hnu ah tho leh mai turin ka hrilh anih kha.


Rinchhani te kha an haw tawh em tih chu ka ngaihtuah ngut ngut a, a tawp ah chuan thlithlai tur in ka tho chhuak leh ta nge nge.
Huan hnathawk te riahna in te tam zawk light pawh a lo in off vek tawh,


Light pawh hmet eng chuang lo in tukverh ațangin pawn lam chu ka thlir a, a lo thim țhuap a
Motor head light eng ah chuan an riahna in te a Rsa lut leh kawngka kharphui chiah hi ka va hmu a. Rinchhani te chuan haw an tum chiah a nih hmel.


Prof Msa hmuh ve mai inring a ka hawi kual leh chuan ka duh aiin ka hmu rang mah mah a. Ka hik chhuak pup a! Nasa mangkhen in ka lungphu a ri nghal dawt dawt bawk.


Prof Msa chu kan riahna in te lam hawi in a ding a, Rinchhani chuan a hnung lam ațang in a lo kuah a nih chu!


Ka lungphu su dup dup avang chuan inhum ruh in an ni pahnih chu ka melh ngawt ngawt a.

"Rinchhan, hetiang hian awm lo teh, let rawh, i țhian te'n an ngah che saw" prof Msa aw thum dut dut ri ka hriat leh lek phei chuan thawk ka lo ip nghal ngar ngar mai.


A taksa a Rinchhani ban suih beh a pawlh phelh sak lai chuan ka lo țang ve em em mai a...
Mahse, rang zetin Rinchhani chuan a kuah leh nghal hmaih a nih chu..

"Rinchhan..."

"Mess, khawngaih takin zanin chiah chu min hrethiam teh, ka ngai che" an dinna chu kawngkhar hma mai anih avang in an țawng ri chu ka hrechiang kher mai.

Insehruh pah a Rinchhani kuahna thin thlak sak a tum leh lai te chuan Rinchhani chuan a kuah nghet tulh tulh a.
"Rinchhan, kut thlak kher che ka duh lo a nia" prof Msa aw chu a chang beng bawng viau.

"Ka birthday ah vawi khat chiah inhmu ang, chubak engmah ka dil tawh lo ang che.." țah aw țiau in Rinchhani chuan a ti leh ta zel a..


Thawk ipik hmel zet a thaw chhuak hawk in prof Msa chuan a ban chu a pawh phelh sak nawk, Rinchhani'n a kuah beh leh hma chuan rang zet in a inher nghal vut bawk.

"A theih loh ka tih tawh kha... let tawh rawh" a ti nghet churh! A aw chu a ring lo nangin a rum viau bawk.
"Ms..." Rinchhani bawk chuan a ti tham leh chhal mai.

"I rui a nih kha" chhum zet a ti hmuk in a lo inher vut a, rang zet in khum lam ah ka let phei a, ka mut fel rual deuh thaw in pawn lam aţangin kawngkhar chu a lo in pawt hawng a, ka lo maimitchhing ta ringawt.


Kawngkhar a pawh phui hma chuan pawn lam a Rinchhani inhit faih faih thawm te chu a hriat vek theih a, a ruih mai bakah prof Msa neih let leh a duh luat avang in a talbuai ni ber tawh hian ka hria.



Kawngkhar a pawt phui a, chhung lam ațang a a lock khap ri te chu thinphu dep dep hian ka lo ngaithla a.

Ka muhil niin a hria ani mahna, thawm dimte in a rawn pen phei a, pindan chhung chu thim ruih mah se ka meng chhuak ngam chuang lo, a thumahnaw inbel chu a hlip ri sut sut a, a mutna lam ah a lo lawn rual in khum chu a hniam suih.



Saisir a ka mu chu ka bek ah a rawn fawp a, "ka hmangaih che" ti sup in dim lutuk hian min kuai zangthal a, meng chhuah mai tur ani em pawh ka hre thiam lo.


Ka taksa si chet in a lo mu a, boxer chiah a inbel tih a pangtilum vung vung in min sik rual chuan ka hria a, min tih harh hlauh hmel zet in a ban chu min lukham tir leh in ka kawr chhung ah a lo zen lut a, ka dul a tuai kual thuak hnu ah hneh zet in ka hnute a rawn hum a.



A lungphu ri dup dup chu ka ngaithla kar a, pawn lam ah lah Rinchhani kha a ţhiante pahnih in car ah lut tur in an thlem ve bawk. Chung vel thawm chu hrelo ang hmak in prof Msa chuan a hmui lum in ka chal leh hmai vel chu a nul kual dun dun a, ka harh tih hriat tir a, thil thlen vel dan zawh ka chak viau nangin ka hmuh chin ah khan ka duh tawk ta zawk.


Ka harh leh meuh chuan khua a lo var vek tawh a, sava chiar nak nak leh vai hnathawk ho an țawng a riak nawk nawk te avang chuan ka nui chhuak nghal ringawt bawk.


Bathroom kawngkhar a lo ri rak a, rang zet in ka en nghal a, a chhung ațang a prof Msa lo chhuak ka hmuh chuan ka thaw hak mai. Ka thawh khalh deuh ziah a, tukin chu min thawh khalh ve teh tlat, chuan, nizan khan luna vangin a tal buai miah lo tih ka hriat rual in ka nui leh seih a.

A sam huh hru thuak thuak pah a a lo hawi chhuah chuan ka lo harh tawh tih hria in pa zet hian a rawn nui nghal suk.

"Good morning" ti sup in khum pan chuan a lo kal nghal a. Kekawr bul chiah a ha a, a awm ruak kung leh tihrawl țha zet a tui la bawl ţiam ţiam leh a sam hnawm chhap mai chu hmuhnawm ti zet hian ka lo en reng a.

"Tukin chu ka thawh khalh tlat che" ka biang ah a rawn fawp a, khum tlang ah chuan lo țhu thla nghal in ka sam chu ka beng ah a lo zep a, lunglen hmel deuh hian min en nghal vung vung a.


"I mak thei" ti hlak a hmai ka hup chuan nui hawk in ka ban rek ah a lo man a.

"Tinge, i vawi khat min hmuhna ang mai hian min en vung vung zel a?" ti pah a puan sin a ka inkhuh țha sat sat chu min nuih suk suk ringawt.



"Ih, Rinchhani te kha an riak ve a mi?" ka ti leh a, a kutphah a ka biang lo khuap in lu a thing nghut.

"Zanlai ah an inkhalh haw a nih kha" a ti a.
"An in nual khan ka hria a, an va ngaihtuah awm ve" ka ti ve leh mai.
Prof Msa erawh in a ngaihtuah zui vak lo tih hriat zet in ka biang chu a kutzungpui hian a lo nul hauh hauh a.

"Hetah tuk țhuan ei ila, muangmar in keini pawh kan haw dawn nia"


Ka inphih fai zawh ah kan inzui chhuak a, Ruth-i mitmeng rang rak ka hmuh chuan prof Msa chu kal san in ka pan nghal zat bawk.

"I mu tui em?" ka ti a,

"Nizan Rinchhani nen an awm dan kha i hmu ve em?" a lo ti khauh.

"Ruth.."

"Hepa avang hian i na leh thuai dawn a hriatna ka nei tlat" zalo fahran a min nuih sak in ni lo chhuak siar siar lam chu a thlir ta daih a.


"Sai chu thla i lakpui na si nge?" Kimkima chuan a ti nghal duai duai, ka nuih hak a.

"Lalmate, i va han ngaihawm tak" Nuni leh Remremi te chuan min kuah nghal chuk chuk a, keipawn ka lo kuah nghet kher mai.

Kan inhmu lo rei tawh lutuk a, an cher kuam te hian ka hria.

ka dul puar ve lah tawh chu lo chul in ka rai ta mai chu la ringhlel ru zet hian an han nui leh rih a.

"Keichu ka ngai ve lo, Sai pawh thla lakpui duh hleilo" Kimkima'n a lo ti hmawn hmawn a.
"Nang leh Sai tih reng mai, duh hun hun ah a hmuh theih bik hleihnem" ka tih chuan men hmawn hmawn pah hian a hawi sawn a


"Lo kal teh, min ngai tawh lutuk awm ngaihna hrelo i nih kha" ti vak pah a nghawng ah ka han kuah tak ah chuan 'i dul hi ka nek puak pawp ang tih ka hlau' ti duai duai pah chuan min kuah thle lawp lawp ta tho a.



Exam an zo tawh a, țhian ho a kal chhuah an rawt tak tlat avang in kan leng chhuak kha a nia, kan inhmuh lohna a rei tawh bawk nen chutia kan inhmu khawm leh thei ta chu sawi tur kan ngah hlawm ngang mai, kan lifestyle a in ang tawh lo a, exam an zawh tawh miau avangin an ni chu duh tawk in house party neiin an tal kual leh vel thei tawh a nga, min lo tlawh ngawt te a nih loh chuan ka tan lah leh chhuah du du a mawi tawh der mai silo...

"Exam in zo tawh bawk a, chhun ah kan in ah lo leng ziah ang cheu" ka tih rual chuan Kimkima a lo phur ngang mai.

"Keichu ever ready aw Lalmate, i nu leh pa te an awm loh phei chuan in compound kha shooting tihna tur a hmun nalh tawp khawk a nih kha" a lo ti hlawih hlawih a.
Kan han nui leh rih a.

Coco cafe ah kan inhnawh puar a, 'ka treat ang che u' ka tih chuan an nuih a za sia, 'i in la nutling tawh vel lutuk' an han ti leh ringawt țhin.

Tlai ah chuan prof Msa'n min lo hruai a, ka țhian te pawn an ze ngai bawk lo chhuah in an lo fiam leh chiam a. A khat tawk in Nuni chuan a kut tum a hmuh zauh zauh a 'Lola hi han duat lo na te' a ti chhe mai bawk.


In kan thlen hnu lawk ah ka nu damdawi in kal pawh a lo haw ve a, prof Msa chuan hna khawih tur a neih thu sawiin room ah min chhoh san a, ka nu nen thingpui kan inzawh hnu ah ka chho ve a, a laptop pawh khup lo in khum lu ngheng hian a lo muthlu a.



Tih harh hlau zet hian ka pan phei a, a pang chu ka dek a, khawsik a neilo.


Zan thum vel chu ani tawh ang, țawng vaih a ching a, ka hming a lam mawlh mawlh zel.
'I damdawi ei hian hna a thawk lo a niang' te ka ti leh ringawt ţhin a, chutia ka tih chang chuan a nui mai zel.

"Duatte" washroom pan tum in khum chu ka thawh san fel chiah, rang zet in ka inher let leh a.

Mut chhuah hmel zet a lo meng chhuak in prof Msa chuan min lo nuih suk a.

"Ka ngai riau che" ti sup a a maimitchhin leh duar duar chuan lu ka thin khum nghat.

"Ka va insil lawk ang, chaw ei hma chu ka mutpui dawn che a nia" ka tih chuan mit la chhing reng chuang hian lo kiai suk a.
"Rei suh aw, ka ngai che a nia" a aw zawi sup avang chuan ka kaw chhung chu a che rawih rawih, chhang let lo in ka thlir ta reng a, a chau ngang ani mahna mit chhing in a thaw suai suai reng a, nikhat chung ringawt pawn min ngaih thu hi a sawi ngun mawlh mawlh ţhin lutuk a, a chang in ka nuihpui a, a chang in a hriat hlau zet in ka mittui a tlak phah bawk!!

Kan mut dun lai reng te hian "i tello chuan nun hian awmzia a neih pawh ka ring lo" tih chhuah phawng te hi a ching a,

He thil kher hi chu dawnsawn dan ka la thiam lo!

"Delhi ah ka let tawh dawn" Ruthi'n a ti a, mak ti zet hian ka en nghal kawk bawk.

"Ka pa ten an lo chah che a mi?" ka ti sep a.

"Chah chuang lo e, result a chhuak țep tawh a.. chu lo ah Mizoram chu a ninawm e, chhuah velna tur a vang si" a ti halh a.

"Engtik a let nge i tum?" ka tih chuan dar chhin ak pah in "naktuk ah" a lo ti a.


Min deng deuh dawt mai.

"Engmah min hrilh lawk silo a... ka lakah lungawi lohna i nei em?" ka ti ta thlawt.

"Aih.. chulam a nilo" ti halh in min pan hnai a. Mahse engmah a sawi belh leh hma in ka phone a lo ri a.

"Chhang phawt rawh, nakin ah kan sawi țha dawn nia" a tih chuan bag ka zen nghal a.

Ka nu call ani tih ka hriat rual chuan hlauhthawnna hian min rawn tuam a, tun ah damdawi in ah a awm mek a, Jordan-a a țhalo tihna em ni dawn?


"Aw, nu?" ka ti nghal thawr a, ka inhumruh nghal țeuh bawk

"Hlimi, Bawiha a harh... Bawiha a lo harh tawh"

"Maw?" ka ti deuh tuar, ka nu chu a rawn ţap deuh hawk a.

"Bawiha a lo harh tawh..."

"Nu, a va lawmawm tak em aw.. kan lo kal nghal ang aw" keipawh chu ka hamhaih ve vak tho



"Ngatinge?" Phone ka dah rual in Ruth-i'n a lo ti nghal a.
"Jordan-a a lo harh tawh.. damdawi in ah kal ang" ka nu ang bawk in ka țah a chhuak ut ut.


Ruth-i'n car a khalh a, ka hlim na leh mak tihna chu a inzat hial ang. Nizan lawk ah pawh kan nupa in kan tlawh a, oxygen level te chu țha tawh hle mah se harh chhuak tur angin a la awm miah silo.

Ka rilru in Pathian hnen ah lawmthu ka sawi mawlh mawlh a. Ruth-i erawh in min melh leh zawk ţhin bak engmah a sawi ve lo.


Damdawi in chhung kan luh rual in chak zet a Rinchhani kal chhuak tur nen kan intawk a, ani lam chu ngaihven hman pawh ka nilo, ding takin Jordan-a cabin lam chu ka pan hlawk hlawk a.

Cabin pawn ah chuan kan ţhian te pawh an lo awm kim vek tawh, chhungkhat hnai zual te pawh. Min hmuh rual in Kimkima chuan Jordan-a harh thu chu min lo hrilh tung a, ka bu vel mai mai rih.

Cabin chhung ah ka luh ve rual erawh in thaw chhuak hawk in ka mittui a hnam ve ta sawk. Jordan-a chuan mit a lo khap fak fak a, khum lu ah țhu in ka nu chuan a sam ah a lo chul a, min hmuh rual in ka nu chuan mittui tla zung zung a min lo en in a han nui ringawt a.

Kei ngei pawn sawi tur ka haihchham ve vek tho! Mumang a ang ka ti.

Jordan-a'n muangchang a min lo en ve rual chuan ka lo nuih hak a, ka lan dan chu rei ngial min en char char, a hnu ah chuan ka dul puar lian ve tawh tak chu a mit in a chhui thla a!

Ka nui chu tawp riai riai in ,awi zawi in ka thazam chu a țang nghal țalh țalh,

"Hlimi, khawi ah nge inpa hi?" Ka pa in a lo tih chuan inthing harh nawk in ka hawi kual a.

Ka thlen tirh khan tu tu nge awm tih lam reng ka lo ngaihven lo a, prof Msa a awm ve miah lo tih ka hriat chuan phone ka lek chhuak nghal a.

"Kan call țhin a, a chhang thei bawk silo a" ka pa vek chuan a ti deuh nghut a, ka hamhaih a ta lang bawk si nen nichin khan call nachang ka hre miah lo tak tak.

"Biak kan tum ve chhin a nge" ka ti a, doctor leh nurse an lo lut ve chiah a.

Ka phone chu ka dah thla leh rih a.

"Kan chimbuai loh theih deuh chuan a lawmawm ngawt ang, nakin deuh ah test tur in kan nawr chhuah te a la ngai dawn a" an lo tih chuan ka nu leh Kimbawihi tih loh chu kan chhuak ta vek a.


A tu te mai pawh chuan mak kan tiin a țha lam zawng in min țhawng vek ani ber. Puitling lam pawn a lo harh chhuak tawp mai chu mak an tih thu an sawi ve mawlh mawlh reng tho.


Ka kal hrang deuh a, prof Msa chu ka call a. Min chhang thei bik miah lo. Beidawng duh lo in ka call nawn ngat ngat a, mahse, a chhang thei chuang lo. Ngaihna hrelo zet a a msg tur ka type lai chuan ka nu in min lo ko a.

"Hlimi, Bawiha hian hrilh tur che a nei a nih hmel, va lut leh lawk mai ta che" a tih chuan ka thinphu a rang nghal dawt dawt.

Naute chungchang a sawi dawn a nih chuan keimah a hmachhawn ka huphurh tak zet! Beidawng zetin ka phone chu ka bih a.

"Mapuia chuan a chhang thei chuang lo em ni?" Ka nu vek in a lo tih chuan ka bu nghat.

"A va mak ve aw.. aaa.. message pawn ka hrilh tawh tho a, a buai rih aniang, a hmuh vel ah a lo kal ve mai ang" a ti a. "Va lut lawk mai ta che" lo ti leh pah a ka darah a lo ben dat dat chuan ka bu ta nghat nghat.


Insangmar țeuh in cabin chhung ah chuan ka lut a, Kimbawihi chu khum bul chair ah a lo țhu ve a, ka rilru chu a buai zual map mai, naute chungchang sawi tur nise chuan Kimbawihi hi awm ve awm loh tak.

"Hlimi, lo kal teh" damdap hian Kimbawihi chuan a lo ti a.

Jordan-a pawn ngawi rengin min lo en reng a, ka awm dan chu a hahthlak ani tawp mai.

Engthil nge ka hmachhawn dawn ka hriat loh tluk zet in ka fa paina pa ani a, a u nen nikhaw hrelo a a awm hlan in kan lo innei bawk! Chuta karah amah hmangaih hlum lo chauh tu hmeichhia te nen pindan khatah kan awm ho vek a. Ka thil hmachhawn tur chu thil țha tak anih ka beisei lo tawp bawk.


Khum bul ka thlen rual in Kimbawihi chuan Jordan-a chu a melh zeuh a, muang zet a Jordan-a'n mit a khap rual chuan thaw huaiin Kimbawihi chuan min en leh ta a.


"Hlimi, i lakah thu lian tham tak ka zep avang hian min ngaidam thei lo pawh nila ka dem miah lo ang che" Kimbawihi'n a lo tih chuan a ngaihna ka hrethiam lo kher mai.


"Hei en rawh" ti a a phone min pek chuan Jordan-a nen chuan ka melh dun zawk a, a hnar ah pipe a in vuah miau avangin Jordan-a chuan țawng lo in lu min buk khum a.



Thaw dep dep in Kimbawihi phone chu ka la a, screen a video ah chuan Jordan-a leh Rinchhani te an lang a.

Rang zet in play na chu ka hmet nghal a.

*Nau a hrin chhuah hma ngeiin a rilru hneh tum rawh, a nih loh zawngin naute a lo piang chhuak a nga, hrilh nawn leh chuan ngai hauh lovin i u in a fa ngei a ni tih a hrechhuak nghal vek ang! Chutih hun a kan laka a chet dan tur rapthlak zia chu i hriatthiam ve tho ka ring...* Rinchhani ngei mai in a tih chuan ka nghing lawih!


Mak ti leh angaihna hre lo zet hian Jordan-a te pahnih chu ka en tawn sek a. Kimbawihi chuan hreawm tih hmel lutuk hian min lo en a "khathil kha Jordan-a accident ni a ka record tawh a nia, Hlimi, engkim kha hrilh vek che ka duh țhin lutuk. Mahse, Rinchhani khan min vau nasa em a.. Pa Saia thinur in Jordan-a life support a tih tawp sak hreh loh tur thu a sawi phei kha chuan engmah ka ngaihtuah thei tawh lo.. ka... min ngaidam rawh aw" tia min lo pan a tum chuan rang lutuk in ka kut ka phar chhuak a!


Tawp chawt in țanpuina mamawh hmel zet in Jordan-a chu a en nghal ruai bawk.


Keipawn thawk la khur hlawk hlawk in Jordan-a chu ka en a, ka thawk la hrawih hrawih ri bak thawm dang a awm lo.

"Jordan.. ka pum chhung a mi hi prof Msa fa ani tiraw?" ka aw chu khur hlawk hlawk mah se a fiak țhak tho.


Ka mit ah mit en let ran in lu a bu nghut a.

Maimitchhing sawk in ka insehruh nghal fan fan mai

'U, i nupui hian ka fa a pai' tiin khazan khan ka khawvel min tihchhiat sak vek a nih kha!!

"A tir ațang khan i u fa ka pai tih i hre sa vek. Chutichung chuan i fa pai ang in min lan tir a?" Meng chhuak hlawl a ka tih leh chuan lu a lo bu leh nghat a.

Tha na bawk si hian ka nui chhuak ta hawk hawk!

"Hlimi?" Kimbawihi in a lo tih thuai chuan lu ka thin khum a.

Ka dul puar lian tawh tak chu ka ban pahnih a kuah bet in ka mittui a rawn tla ta zung zung.

"Naute, a tirte ațang khan i pa diktak bul ah i awm sin" țap hlawp hlawp in ka kun tlawk tlawk mai.


prof Msa nen kan inkar ațhat tawh hnu pawn ka naute hi a huat palh mai hlau in ka tim em em reng țhin a, ka dul chul a chak chang pawn ka dawh ngam țhin lo a nih kha!

Chung thil zawng zawng ka ngaihtuah thlen rual phei chuan tha na lutuk in ka dul chu ka kuah nghet zual sauh. Khang hun chhung zawng khan apa dik tak lak ah ka lo inkiltawih pui țhin reng a lo nih chu!!


"Hlimi, khawngaih tak in Jordan-a hi ngaidam hram rawh aw. Duh nise chuan heng video hi hmuh tir lo tur che in min hrilh thei reng. Mahse, a lo harh chhuah rual a a thu sawi hmasak ber chu maw " video kha Lola emaw, ka u zawk pawh pe rawh" tih ani a sin.." ka ţah na avang a ka taksa khur hlak hlak chu min rawn kuah in Kimbawihi chuan a lo ti a.


"Jordan, ka naute hi maw apa kiang ah ngei inkiltawih tak in ka khawsakpui țhin a sin, apa in chul a chak chang pawn kan mu dun ang a i sawi tlat avang khan a lakah ka inthlahrung a, ka muthil ni a a hriat chang bakin ka pum te hi a khawih ngam ngailo... a awmzia i hria em? Apa in ka pum chhung a a fa insiam mek hi ka muhil ni a ahriat hnu ah bak a chul in a be ve ngam ngailo..." thana zet a tichhuak tawk in Jordan-a chu ka melh ngawt ngawt.

"'Jordan-a fa pawh lo nise ka fa ang in ka pawm ang' tiin ama fa ngei hi a sawi țhin a sin" țah nuih hak pah a ka tih chuan "sorry" hmui phun a lo ti in Jordan-a chuan min en tlawk tlawk.


Ka inher thut chu Kimbawihi chuan ka ban ah a lo man chawt a.

"Khawi ah nge i kal dawn?" a tih chuan ka dul chu nghet deuh a kuah in "Ka naute pa bul ah.." ka ti sep.
"Ih, khawih, phone lock kha ka lo thlak ang" a tih chuan ka hrechhuak ve leh chiah.


A phone ka hum lai chu min laksak a, eng emaw a hmeh mawlh mawlh lai chuan Jordan-a chuan thei leh thei lo hian min lo en a.
"Kha.. number in ka thlak, 1 2 3 4 5 6 kha hmet la a inhawng tawp ani mai" a ti a. Buk khum nghat in kawngkhar lam chu ka pan a.
Kawngkhar a ţang ka chhuah hma chuan ka hawi let leh a
"Jordan, keichuan ka ngaidam tawh che a lawm. Mahse, i u erawh i hmachhawn a țul ang" ka ti a, a thaw huai chu tawite a nuih lui in ka chhuah san nghal a.


Ka tha chu a na ngei a lawm. Na tak ani. Mahse, a lo harh chhuah hma khan ka ngaidam tawh a, Pathian in ka thana leh rilru hliam ser awm te pawh hi min lak kian sak leh mai ang.


Cabin pawnah ka nu ka hmu chiah chu ka insum leh thei tawh lo.
"Nu, naute hi prof Msa nen kan fa a nih hi, kan pahnih a kan fa" ti khum mawlh mawlh in a darah ka bei thlawp a.

Engkim an lo hretawh ani tih hriat zet in a shock lo a. Duat zet in ka hnung ah min chul hauh hauh mai.

"Eng nge i sawi awmzia?" Ruth-i'n a lo tih chuan a awm ve tih ka hre chhuak chiah.

Harh chhuak thut in ka nu lak aţang chuan ka inla hrang a, Kimbawihi phone lock chu hawng in Ruth-i chu ka pe a. Ka phone ațang in prof Msa ka call leh nghal zat bawk.



Vawi tam ka call hnu ah pawh min chhang thei loa, ka tih ngaihna hrelo in MZU a a thawhpui te ka call ta ringawt.

Chuta ka chhanna dawn chuan min shock ani tawp mai!

"Lola, in pa chu ni thum ngawt a lo kal tawh hleinem, a ai lo awh tur in staff te min hnawn kual a sin" a rawn ti ta mai a!


Sawi tur reng ka hrelo. A chhan pawh chung ni thum chhung chuan hna kal tur ang a insiam in a kal chhuak ziah si a! Vawiin thleng pawn hna ah kal tur angin a sin in a chhuah san!


Tinge hna kal tur a chhuak nitin si university ah a kal thlen ngailoh? Khawi ah nge hun a hman țhin ang.


Thaw hawk in beisei na pawh nei chiah lo in nu Rami ka call ta ngawt a. A ring reilo. A lo chhang thuai mai.

"Nu Ram, prof Msa in ah khan i awm em?" ka ti tawl a.

"Aw, awm e, eng nge ni ta?"

"Tun ah khan prof Msa in ah a awm em?"

"Aw ka mu dawn a ti a nih kha.. an awm, ngatinge ni, ni 3 ngawt helam ah a rawn awm tawh a, i lo kal ngai bawk silo" a rawn ti ta duah a. Ka thaw huai nangin ka rilru chu a buai zual kher mai.


"Ka lo kal dawn" tih leh phone off ka rual a.

"Ruth, please, min hruai leh mai rawh" ka ti a, Video kha a lo en zo tawh tih hriat tak in ngawi rengin Kimbawihi phone chu min pe let a.

Ka nu leh pa bul ah chuan prof Msa awmna ka hriat thu leh keimah ngeiin biak hmasak phawt ka duh thu ka sawi chuan min hnial bik lo.


Ruth-i chuan prof Msa in lam panin car a khalh a, ka rilru buai zet chuan tinge ni3 ngawt hna kal tur a insawi a inchhuah san țhin si, a in ah a han mut daih țhin tih chhanna chu a ngaihtuah chhuak zo chuang lo.


Kawt ah car a din rual in ka kal chhuak a.
"In dim țhin rawh" Ruth-i chuan a rawn ti vin nghal hlar, nui lui hak in kawngkhar ka nam phui a, in pan a ka pen hlawk hlawk chu min lo zui ve tho mahse nghah ka tum lo.


"Tun ah khawi ah nge?" Inchhung ah nu Rami ka hmuh rual chuan ka ti nghal thawr.


"Aa... Hlimi, a muhil rih a," a ti a, tawite a nuih lui a inchung panna kailawn pan a ka kal mai tur chu nu Rami chuan ka ban ah a rawn vuan leh nghal chawt.

Hrethiam lo zet a ka en hu chuan "Hlimi, chho lo teh, i hmuh duh ka ring lo" nuam lo tih hmel zet hian a lo ti ta a.

"Eng nge i sawi awmzia.. Jordan-a a lo harh tawh a, chhungkua in Damdawi in ah kan nghak reng a lawm" ti a nuih var var in kailawn ah chuan ka pen chho ta ngat.

' i hmuh duh ka ring lo' Nu Rami'n a tih miau avang khan ka rilru chu a hlauthawng in a hmanhmawh zual sauh bawk. A chhan chu ka hlauthawn ruk ang ngei khan prof Msa hian ka lak ah a natna chungchang zep a nei a nga, ka hmuh lai a talbuai a hlau hian he in ah hian inkhung hrangin a na a chhuah chang pawn amah in engkim a lo tuar tawp țhin a nih ka ring nghet hmak tawh!



Kailawn ka chhuah chhoh meuh chuan ka lungphu a rangin chau chhe tak a prof Msa ka hmachhawn anih pawn tal buai lo tur leh engkim a hrilh ngam khawp a huaisen tak a awm turin ka infuih sauh sauh a!


Pindan kawngkhar chu kik pawh kik hmasa lo in ka herh hawng țhem țhem a, ka nam zau a, pindan chhung ah ka pen lut chiah erawh ka kat hnung leh nghal dawrh!!


Ka hmu sual a nih beisei lutuk in ka mai mitchhing a, ka chhungril chu a khur dawt dawt.

Mit meng leh a khum lam ka en nawn leh ngat pawn an lo la awm reng!

Rapthlak ti lutuk in ka kâ ka hup bet chawt a!

"Nu Ram, min lo tibuai rih suh ka tih kha..." meng hlei lo in Rinchhani chu a lo inbeng kang deuh a, a bul a ka pasal mu bawkkhup duai hnungzang ruak kung mai bawh ani bawk nen, a inben kan rual chuan a hnute a lang vek thei!


Ka lungphu inthum rawn dup dup chu a rang leh lutuk a lungphu chawl in ka thi tawh mai dawn te hian ka inhria.

Khup sai hlawk hlawk a ka tawlh hnung rawk rawk chuan tu emaw hi ka su dawt a! Ani pawh chuan ka pasal leh Rinchhani te mu dun chu a hmu ve ani mahna.
"Min tenawmpa chu leh" a ti chhuak hlak.
Chumi rual chuan Rinchhani vek in "nu Ram, kal sawn rih rawh, mamawh kan neih chuan kan lo ko mai ang che" a rawn ti țeu hlar a.

Ka thinlung chu a na hit nghal zawk!

Ka mihring sut khan kawngkhar chu na zet a pawt khar bur in ka ban ah a rawn man a, â ruai a ka ding khur hlawk hlawk chu min kai sawn nghal dawr dawr.

"Hlimi..." hreawm tih hmel lutuk in nu Rami chuan min lo pan a. Kei erawh ka lungphu su dup dup avang chuan ka che hluau hluau hial in ka inhria.

"Ih englo..." bah nak a tiin inchung lam chu a han melh a. Kei pawh chuan at hmel zet a inher let in inchung lam chu ka han en ve leh ringawt.

Damlo na tuar a hmu tur ang a ka inngaih laiin khum khatah Rinchhani nen an mu dun lai ka hman hmu ta zawk a nih kha!


"Kal ang... tun ațang chuan Malsawmtluanga hi mitthi ani tawh" thinrim lutuk a Ruth-i'n a lo tih chuan ka en nghal dawrh.

"Mate, he in ațang hian chhuak vat teh ang.." ti leh a min kaih leh mai a tum chuan ka țang ta tlat a.

"Lalhlimpui, harh chhuak rawh, i hmu ve vek ani lawm ni, Malsawmtluanga'n a phatsan che... khi phatsan tu kiang ah khian ka let tir che ring miah suh" sehchilh zet a a lo tih nawk nawk chuan ka â hui pawh kha a bo ta deuh.


Muangchang in Kimbawihi phone ka hum chu ka lek kang a. Ka mittui a lo hnam nghal țiam ţiam bawk.

"hei hi prof Msa i lo pe dawn nia" phone- chu nu Rami ka pe a, "ih, lock hawn nan khan maw, 1 2 3 4 5 6 hmet tawp se, video a lo lang nghal mai ang" ka ti leh a.


Hreawm tih hmel zet hian nu Rami chuan phone chu hum in min en tlawk tlawk.

.

Mumang ram a awm ang mai hian ka vai riai a, ka ţap lo a, ka mittui a tla bawk hek lo. Ruth-i'n min tih ang ang chuan ka awm tawp.


Kan in ah min let pui a. "i Id card i dahna min hrilh rawh" a tih chuan buai miah lo in a awmna ka hrilh a. Car ațang chhuan chhuak in "tah hian min lo nghak ang che" a ti a, ka bu vel mai mai ringawt.



Reilote hnu ah Ruth-i chu a lo let leh nghal a, lo țhu lut in motor chu a ti nung a, phone a hmang nghal zat bawk.

"Miss, vawiin a thlawk chhuak tur ticket pahnih ka duh aw, a ranglam in" a ti nghal a.


"Min en rawh. Mizoram hi kan chhuah san dawn" a lo ti a, ka pum chung a ka kut nghah chu a lo hum leh vang vang a.

"Mate, i tan a țha tur zawk a nih hi aw, hemite unau hian an tirethei che e mai, ka hmu thei tawh lo, kan dam a nga, naute hi chu pa mamawh miah lo in kan enkawl seilian ang, ka tiam ang che.. aw, min ring hram rawh" nghet deuh a ka kut lo hmer pah chuan a ti mawlh mawlh a.

"Ka ring che a lawm Ruth," ka tih sep chuan thaw huai in ka kut chu a lo hmer nghet zual sauh.


Kan thlawh chhuah hun a thleng ţep tawh, ka phone hum lai chu chawl lo in a lo ri char char a, min lo call tu pawh tu dang nilo in prof Msa ngei ani.


Rinchhani nen khan an tho chhuak ve tawh a nga, nu Rami'n Kimbawihi phone kha pe in video kha a hmu ve tawh tih em ni ang?


A fa leh amah țhen hran tum a nasa tak a phiar ru tu nen an mut dun hnu a thudik hriat chhuah leh si chu engnge a an ang le?


*duatte, i phone kha chhang hram teh* screen chung a a message lo thleng ka hmuh rual chuan ka mittui a lo hnam sawk mai.


A call a lo luh zawm leh char char a. Chhan erawh ka tum bik lo.

Duty te'n gate an lo hawng a, Ruthi chuan ka dar ah lo beng dat in min nuih a. Tho chhuak ve nghal in duty hnen ah chuan ka ticket chu ka pe a, a pawt phel a, a lehlam min pek leh lai te chuan chawl lo in ka phone chu a lo ri char char.

"I chhang dawn lo em ni? Thlawhna chhung ah chuan phone i hmang thei dawn lo a nia" hmeichhe duty zawk in a lo tih chuan ka inngaihtuah vang vang a.


Nun bul ka țan that duh tak zet a nih chuan Mizoram ka hriatreng theihna tur thil reng reng hi ka keng tel tur a nilo.


Ka pum chu dawm in thawk ka la a. Chutah muangchang in kan inneih zungbun chu ka phelh a, phone nen chuan hmet kawp in duty nu chu ka pe ta a...

Mak ti zet a min en rual chuan at hmel zet a nuih let in "nakin ah a neitu dik tak in a la rawn zawng mai ang, min lo pek sak dawn nia" ka ti a. Ruthi'n ka kut ah rawn kai in Runway pan chuan min kalpui ta a!


Engtik ah emaw chuan hmangaihna hi natpui a, țahpui tawh bik lo in ka hlimpui ve ngei beisei!


TETAKTEI
(an unfinished story)

A TAWP TA... A tawp zan te a ni bawk a, comment vek tum ang u aw. Ka thawnthu dang ka phakloh zia ka inhria. Fakna ka phut dawn lo a. Plot twist hrethiam lo kan tam leh dawn tih ka hre bawk a 😂Umm, engpawh nise inthimrim pawn lo sawi bawrh bawrh ula,😭 👉❤️ 💓 mai pawh hi dah vek tum ang u auh.


A chhum bung in tih chuan🤣 inngaihtuah zawm dan tur ka lo rawlruk ang che u. 👇

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 18th, 2021, 1:51 pm

IMG-20210713-WA0002.jpg


TETAKTEI
(second Chance)



MALSAWMTLUANGA' POV
Kum 4 HNU AH!


"Nu, miin min en duh khawp mai" țhen suk in screen chu ka melh run bawk.

"A ho mai mai, i fapa hian a ngai che a lawm.. apa pui, lo haw thuai thuai rawh tirawh le?" Jordan-a fapa la țawng thei hleilo chu screen ah a rawn ti lang a. Mahse a rak tak țhat țhat avang in Jordan-a a lo lang rang kher mai.

"Heipui, a fapa in rawl a chhuah hlek tawh chuan vai vawih aia rangin a rawn lan leh hlawl hi" nui kur kur a lo tiin Jordan-a te pafa in pawm chu a lo ti lang a.

"U, hei, Boss vang hian Airport ka la pan hman lo aw" a fapa awi dur dur chung a Jordan-a'n a lo tih chuan ka phun chhuak hluk.

"Driver kha lo tir mai rawh u" ka ti hluk a.
"Aih, Boss hian in a awm a ning hrim hrim, kan lo hmuak dawn che"

"In tih ţal chuan le, mahse hei kan rawn thlawk chhuak tawh dawn, in ah khan a khawmuan chin tawh lo ang"

"Ok, ok,.. Kimbawih.. Mummy, i inpeih chuan chhuak tawh ang u" tiin a au zui lang lang a.


Screen ah chuan ka nu chu lo lang in a rawn nui a. "Mapui, Hlimi pa te chuan engmah an lo sawi duh chuang lo maw?" beidawn hmel zet a a lo tih tak ah chuan ipik lutuk in hmai ka tuai pawk a.


"Nu, gate an hawng a, ka dah a nia" ti nghut in phone chu ka off nghal hmak.


Ka țhutna ațang chuan tho chhuak in darthlalang bang hlai pui chu ka pan phei a, ka kekawr ipte ah kut zen lut hlun in runway-a thlawhna lian tak tak thlawk chhuak a, a țhen lo țum mek te chu ka thlir vung vung a.

Kum 4 zet a liam ta.

"I ţap ang ka tih reng kha, keipawn ka țahpui nasa lutuk" ka dinna bul ah chuan college chawlh hmang a Mizoram lam haw tur an awm a nih hmel.

Ka hawi let thuak a, an lehkhabu ken lai ka hmuh chuan ka kiai suk.

Bawihi nen kan chanchin beh chhan a ka ziah, thla hmasa lawk a kan tlang zarh kha an sawi zui nasa hle tih ka hriat chuan an ngaihdan te chu hriat chak ru zet in beng ka chhi ru ran a.



"Keichu professor hi ka haw ngawih ngawih. I feel like she really believed that she found her way back home with him but he just let her down. I wish she happy now..." tleirawl pakhat zawk in a tih chuan nghet zet in kut ka hum ruh a.


Keipawn a hlim chu ka duh a lawm. Mahse, min hrereng chung a hlim turin ka duh.

"True story a nih i ring em?"

"Ka hrelo, a ziaktu hian true story a nih leh nih loh a ziak silo a. True lo ni ngat phei se chuan changtunu hi a lainatawm zual ngawt ang, a thil paltlang zozai kha hmeichhe kum 21 mi tan chuan tuar chhuah zawh ngaihna a awm lo"



Mizo țawng ngei a ti ti bawrh bawrh kar ah chuan thawk ka lak țek țek chhung a ka theihnghilh tawh ngailoh tur aw ri ka hre tel ta a!


Rang zet in ka inher nghal vut. Terminal chhung zau lutuk a mipui insul pel suau suau te chu ka en kual ruai a.


"Tlangval, min lo nghak rawh, i tlu palh ang" Bawihi aw ri in a lo ti leh zet chu! Ka lungphu a in thum rawn nghal dup dup.


Ka dinna aţang chuan pen sawn vut in aw lo chhuahna ni a ka hriat lam chu ka pan ding nghal a. Ka hma lawk a mipa naupang leh anu ni ngei tur te rawn in um phei mek ka hmu chiah chu ka ding khawng nghal ut.

"Tlangval.."

Duattei ani ngei tih ka chiang ani!

"I va tlan chak em em ve" tiin mipa naupang chu a pawm kang a, uluk lutuk a ka lo thlir chu min hre ngailo ang mai hian min kal pel nghal zat bawk.



😅(second chance) hi ziah tum na pawh ka nei chuang lo a. 🤣 A tawp dan khi a chhum bung in tih chuan hetiang deuh hian in dream zawm dawn nia. Tak tak in han comment zel phawt ula...😚







[/b]

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » August 27th, 2023, 1:47 pm

Abbra Reo Ririni wrote:
February 18th, 2020, 8:10 am
Chapter 18
TÊTAKTÊ-I
Abbra Reo Ririni Khiangte
(PitarteiSualfingi)





Ka mitmeng chu ti zìm deuh sanin, ka kiu pahnihin khumah chuan ka inbengkhalh a, Muaneki hmèla min hautna nasa lutuk rawn lang chhuak tup tup chu ngaihnêp hmêl lutuk hian ka nuih lêt hak bawk.








"I lo hriat ve mai mai atân, he in hi in nufa a in rawn awm ve hmâ pawha ka lo chên tawhna a nih vângin i thu sawi chu ka zâwm lo mai ang e," huatthlala lutuk hian ka ti deuh hlak, a meng tâl tap chu nui leh hakin thawven hmêl fahran hian ka mu zangthal thla dawt a. Ka thinrim zia thup nâna nui mai ka ni tih erawh ka inhre chiang tak zet! Nuhrawn dangte hian Muani min ngaih theih loh ang chiah hian an fahrawnte hi ngai thei lovin rukruah te puh mai bâkah, mite hriat hauh si lovin in ațang chhuak tùrin an hrilh ve fô țhìn ang em le?







Ka awm dàn pawisak neih loh hmèl zet vànga lungawi lo tih hriat tak a, Muaneki rûm chhuak hak chu kawngka innam khàr thâwmin a zawm nghâl zat! Nu Thiangtei a awm ve a, a chêt zui dàn a rawn hmuh a hlau a nih ka ring ber! Kut ka hûm ruh nghâl!








Kut min thlâk a nih chuan, a chêt dàn aia râpthlâk zêla chêt lak inpeih atin, a ke pên tin ri ngaithla chung chuan ka thâ a lo za zek zek! A hmâ zawng khân kut min thlâk chang paw'n ngawi rengin ka dawh mai zêl! Mahse, Jordan-a'n Becki a hnek zân a, ka room-ah min rawn luhchilh a min ben țum kha chuan, inthunun hman lo lekin ka bêng lêt ve chawrh a nih kha! Khata ka hriat chhuah tak erawh, kut thlâk lêt ve kha nuam ka ti!




Yeaa.. ka ti tak tak!





Aia upa zâwk kutthlâk lêt ve chu kan culture ngaihtuah chuan a nasat thlâk hlê tih ka hria! Mahse, nuam ka tih zek zek bâkah, ka nu tân phuba ka laksakah ka inngaih miau avângin, tûn ațang chuan kut thlâwn ka tuar tawh ngai dâwn lo!






Ka pindan chhûngrilah, a rilru puthmang dik tak a lan chhuahtîr țhìn hi vêng chhûng mipuite'n hre ve hauh si lovin, nuhrawn fel ber chhuahin an chhuah luai luai a, he nuhrawn fel leh a fahrawn pawh hmangaih taka enkawl theitu ni a an sawi ngei mai hian, in ațangin min hnawhchhuah a tum tih tlângaupui mah ila, tu mihring mahin min ring hauh lovang! Chuvàng tak chuan mite hian a nihna dik tak an hmu thiam ngai dâwn lo! Ka tuar tawp a nih chuan, he hmeichhia hian duhtâwk chin a nei ngai dâwn lo bawk! Mi zawng zawngin min ngai sual ta sa sa, an mi ngaih ang ngei chuan he mite nufa hi ka thungrul zar zar tawh dâwn bawk!







"I beisei ang thil eng mah a thleng ta chuang si lo a tiraw?" ka khum bulah rawn dingin kut a kuangkuah fel hlan a. Khuma ka mu lai chu ka chhîp aţanga ka kê hmâwr thleng hian min melh ralh ralh bawk!






"I pa nên kan chanchin dik tak i uin a hria a nih chuan, kan nufa hi in ațanga kan chhuak ngei ang tih ngaihtuahnate nên hmanlai thuhlui i phawrh chhuak chiam chiam a; mahse, hei, he in chhûnga roreltu ber ka la nih tho hi!" bân phar kâk hliaiin, za lo zet leh min hmuhsit hmêl fahran hian min rawn nuih kher! A mitmeng pawr ar ah chuan, kan unau vângin in ațangin a chhuak mai mai dâwn lo tih ka hmu thei bawk!







Mak tih hmêl deuh hian ka meng lian deuh a! Muani chu a lo nersak, khumah țhu chhuak hliai pah chuan lukham pakhat chu ka la nalh a, Muani melh lêt kar pahin ka kuah nghâl hlàn bawk.






"I thil sawi chhuah khân awmzia pakhat mah a nei ta mang si lo... i nu thlarau chenin inlainatawm nufa tak zet!" min tih khum leh salh bawk!








"Khami tûk khân eng nge thleng kha? Yeahh.. ni dâwn tak! Lu hai ang maiin step ah khân i tlu der vêl tak tiraw?" innocent hmêl lutuka enin, hlauhthàwn hmêl lutukin Muaneki chu ka melh a. Hnâr var hak hak khawpin a lo thaw sawk sawk.











"Ka u hmai êng hmu ngam lovin kar hnih chhûng ngawt lemchangin i dam lo der a! Damdawi inah in nufain inbirûk nghe nghe tak kha! Thil sual ti tute chiah an biru țhìn.. huh! Nufaa damdawi ina biru ka hriat awmchhun in ni hial ang, chu pawh ka u hmai êng hmuh ngam loh vângin," hmusit lutuk a tiin ngeiawm fahran chuan ka nui ro hak bawk!






"I kâ kha vêng țha rawh!" thinrim lutuk a ti tuarin ka lukham pawm lai chu a rawn phih nghâl sawk, kei erawhin ngainêp zeta lo enin, rawn kun hniama ka dara rawn man chawt tunu chu ka lo nuih tet tet a! A hmêl lan dàn râpthlâk zetah chuan chiang zeta en lêtin ka chhaihkawlh leh hlak kher!





"Dawihzep nu! Mi dik pakhat lek hmai êng pawh hmu ngam lo khawpa damdawi ina birunu!" chek tlat tlat a lu thin khum nak nakin ka tih khumsak! Ka dar chu na zetin a rawn hmet nghâl vak bawk.






"I sawi dik, khami țum khân ka na hauh lo; mahse, ka thil tih theihzia chu nangni fahran unau khân in hmu chiang viau bawk lo'm ni? Nangni leh in nu thi tawh chanchin lungchhiatthlâk lutuk ai chuan, ka pasalin min ngaihtuah zâwk tih te pawh inhmu vek ang chu!" sehchilh zet hian a rawn ti chhuak nawk nawk a. Min thin deuh sawk pah chuan min nam lawp bawk!







"I plan neih ve chhun chu a fail ta vek si!" thaw khur hlak hian a ti leh a, "I uin, i nu nêna in lo tawrh tawhna engkim a hriat chhuah vek hnuah pawh, ka chungah kut a lek thei ta mang bawk si lo va, khawngaihthlâk lutuk!" min deusawh fê chuan a ti ham ham zui a.







Tho phutin ka nam thlu chawrh ang a, hmêl mumal hmuh tlâk lo khawpin, a hmaiah hian ka ham nawk nawk dâwn emaw ka ti tut tut tawh; mahse, he hmeichhia hi chu chhaihkawlh a nuam riau a! A nihna dik tak hmangin, ngeiawm rawng kai deuha chhaih zeuh hian ani ang tân chuan a na êm êm mai zêl a ni!







"Ka u kut lek ngai hauh lovin i fanu birûkpui dàn i zawn rum rum kha mawle! Kut lek phei se chuan kan in lamah in khawsak a lo sâng ve ting tang tawh sia, in in lamah in lêt phei te kha a ngai leh si ang a..." sawi zo duh lovin ka tâwp dat a! Muaneki chuan min ben chawrh a châk hmêl tak zet!





"Mi dawihzep dangchêp tùr chuan, dikna lang chhuak mitmeng ngawt a tâwk tih zawng zawng i lan chhuah chiantîr viau kha," khum ațanga din chhuah pah chuan ka ti erh! Ka uin a nihna dik tak a hriat ruala, a hlauthâwng lutuk nu tlingpui si, nikhaw hre lova a tlu der lai kha mitthla lêtin ka ner rusak bawk! A khawsazia hi a hmuhsitawm asin! A nihna dik tak rawn lang chhuak ta si, hmachhawn ngam lovin, fanu nula nei uaih tawh a tlu der tawp mai kha a nia!






Lu thing deuh naka ka ding chu, thîp lutuka min melh ngawt ngawt pahin ka darah rawn man a tum leh a, na lutukin a bân chu ka lo nam per nawlh a, a pai deuh khat nuihsawh ru zeta ka lo melh ralh ralh chu, hnâr var hak hak chungin min melh rum ta ngawt ngawt a.







"Thil pakhat, ka khawih lêtna che tuar i huam a nih loh chuan i kut hmawr paw'n min tawk tawh suh," ti chang fakin, ka t-shirt chu ka pawt mar nghâl zat bawk. Nuhrawn a nih vângin, kei a fahrawn hi a duh hun hunah kut min thlâk ang a, keiin ka lo dawh mãwl tawp zêl ang maw?? Âtthlâk turu lutuk!






"He in ațang hian ka chhuak mai mai dâwn lo tih ka hrilh nawn leh ang che! E, thil pakhat, tûkin khân ka pa rawn kalin, amah ngeiin hâw tùrin min rawn thlêm a, nang mihring hian chhuak tùrin min lo hrilh nghâl tih hreta se a lungawi i ring em?" amah en lem hlei lo chuan khuma ka bag pack chu ka ban a. Ka ak țhat mial mial laia a rawn khek deuh tuarh avâng chuan chhuat bihin ka khi sak!







"Chutiang thil âtthlâk lutuk i pain a ti teuh lo.. mi hur, zân laiah duh duhin an phurh chhuah theih hmeichhia hi hnawh chhuah a tumna che a rei tawh," a rawn ti khek tuar! Nui chhuak haka, lu ka thin khum deuh nar nar chu, min melh rum kher asin! A hmèlah chuan ka pain 'hâw tùra' min sâwmna thû chu, a âwih hlawl lo tih a lang chiang tak zet bawk! Chu chuan a mãwl zia a ti chiang ting bawk.








Ani tehlul hian he in ațang hian kan unau mi nawr hlain, an nufaa he in lo ta neih, a lo tum reu reute hi a niang e! Chutiang thil chu engtikah mah ka thlentîr ngai dâwn lo!







"A hâw ngawih ngawih che tih chu i chunga a chêt dàn ațangte hian i hre thiam ve mai lo em ni? Hmanni tûk lawk paw'n hnawhchhuah a tum che kha.. lo lêt leh tùr chuan a hrilh teuh lo che!" Elsen fê a min ti khum tawn tawnin, hnawk min tih hmêl lutuk chuan ka taksa chu a en chhuak vek a!







"Vânduaithlâk takin in nufa lemchanna hian a rilru in hnehsak pumhlum thei lo a nih hmèl," ka ti hmak. Min melha hnâr var hak haka thâwk lain, a kut thlâk thlák ngil zar chu a hûm ruh nghâl ngawt ngawt a!






"I fanu hruaia he in chhûng in rawn luh rual khân thil tum pakhat chiah i nei, chu chu ka pa'n a fa ang chiaha i fanu a pawm theih nân lemchanna tinreng nên ka pa rilru hnehsak a ni! Ka sawi dik em? Ka pa'n hmeichhe nungchang țha leh fel tak anga a ngaih theih nân i fanu chu lem i chan kualtîr țhìn a; mahse, thil pakhat hriat hmaih i neih chu maw... a fa dik takte aia, i fa rawn chhawm luh ve maiin a rilru zawng zawng hnehsak theia i ngaih tlatna hi, a dik lo hul hual tih ilo hre ve mai mai dâwn nia!" tih khum fak fakin ka nuihsak bawk!






"I pa hian nang ai thlâwt chuan Beckte-i hi a hmangaih zâwk," ka kal pêl zet tawh, ding leh datin ngaih pawimawh loh hmêl fê chuan ka thle lêt a.






"I thil sawiah chuan i chiang chiah em?" Â tih hmêl lutukin ka nui chhuak hak bawk! Ka nu uiresan thei tu mihring lak ațangin hmangaihna dâwn ka thlâkhlelh vâng ni hauh lovin, he hmeichhia hi tih thinrim a, èlsèn lêt ka châk vâng a ni zâwk mah!






"Â lutuk, i pa hian he in kan rawn luh hnuah țawngkam țhain a be ve tawh che em? Ka fanu lakah rinna a nghah ang hian i lakah rinna a nghat ngam em? A teuh lo lutuk! Thil engkimah a ke ber chu ka fanu hi a ni tawh," ti khur hlak hlak chung chuan râpthlâk lutuk hian min nuih sâwng bawk.






"Naah! I fanu lakah rinna a nghah vâng ni lovin, a chhawr țangkai zâwka nih chu!"





"Lalhlimpui" a rawn ti nghek! Ner sakin lu ka thing a.





"I fanu duat lai hian a lemchanna puan zàr hlîp ta chiah se, KŢP-a inhmang êm êm chunga a pindan chhûnga a sen-chî a kawl ru tlatte, KŢP thil tih bawhpelh hauh si lova a bialpate'n an riahchilh țhìn tihte hi ka pain hre ta chiah se!!! oopss, kei ang chiah hian thup țhen nei lovin, a nihna dik takin lang chhuak ve ta se, ka pa hian kei min dawhtheih tluk hian a dawhtheih i ring em?" Khi sak chunga ka tih chuan, Muanbali hmèlah chuan min rawn keh bawrh bawrh châkna hi a lang chhuak zut zut tawh! Mite'n a thil tih țhat an hriat sak lovang tih hlau a, a fanu thil tih țhat sawi chhuahna hun remchâng dap ngar ngartu hian, a fanu nun dàn dik tak miin an hriat hlauin, a thup bo pui hmak hmak țhìn tihte hi tuma'n an ring pha teuh lo! Chutiang bawkin kan Beck-mithianghlim-i hian a room-ah a bialpate a riahpui ţhìn tihte, sualna nei lo khawpa mite hmuha inlan fel țhìn nû room chhûngah hian, condom hman hnû țum thum ngawt chhar ani tawh tihte hi ka pa'n hre ngat se, tûn ang hian an nufa hian nuam an ti teuh lo!







"Ka fanu chu ilo thîk hlè a ni maw?" a tih lai chuan hmusit lutuk hian ka nui chhuak hak! Thîp fahrana min melh khaiin a rawn lêt phei a.






"I fanu hi tu hmeichhia mahin an thîk tawp lovang tih ring thiam mai ta che! Lemchanna vâng chauha mihring fel lutuk anga lang chhuak hi ka êk tlukah pawh ka ngai lo," ka lo ti salh! Ka ngai lo tak tak!







Mahni nihna ang pawha lang chhuak ngam lo, mite hmuh a nula fel leh țha êm êma lan duh vânga lemchang nun neih ai chuan, ka nihna dik taka lan chhuah a, zalèn taka khawvêl hmachhawn hi ka duh zâwk fê! Mahni nihna ang pawha lang chhuak ngam lo, mihring FAKE lutukte hian rei an daih ngai lo bawk!







"E, thil pakhat leh chiah," ka room ațang ka chhuak tùr chu ding leh datin kawngkhàr ațang chuan Muani chu ka thlêk lêt a.







"Ka u leh Bawihpuia'n min rawn fin mai thei; chutih hunah chuan ka u hmai êng i hmuh hreh luat vangin tlu der ringawt tawh suh aw, kha aia âwihawm deuh lemchan dàn tùr in nufain ngaihtuah chhuah tum r'u," nui hak hian ka ti a, thinrim lutuka a rum chhuak hak chu, kawngkhàr pawt hawng pawpin ka chhuahsan nghâl nal nal!






Ka ute pafain min rawn fin dâwn lo lutuk tih chu ka hria! Duh pawh a duh dâwn lo; mahse, Muaneki chhaihkawlh hlek nâna sawi chhuah zeuh kha chu a nuam ve reng! Nge nia, zànin tlaite hian helamah zànriah lo ei ve tùrin ka hrilh nghe nghe dâwn em maw ni? Muaneki hlau lutukin dam loh der dàn tùr a ruahmanna hmuh a châkawm tak zet!







"Eng nge a lo sawi," inhnuai ka thlen thlâk rualin nu Thiangtei'n min pan nghâl vat a. Choka-ah ka lût a, min zui lût ve nghâl bawk.







"Eng vak mah, tlaiah chuan bâl min lo bai sak tak tak rawh aw" ka ti a.






"Lutuk, hei, in chhûng vêl hi ka thianfai zo ang a, Bazârah bâl chu ka lo va lei dâwn nia. Chuan, engtik nge rawn hâw i tum?" ti pahin, dawhkàna thei bâwm lamah chuan thle zauh a, rang zetin green apple chu ka ban a.






"Ka hre rih lo," ti hlakin ka keih hmarh a, Nu Thiangtei chu a ner deuh nâng mai. Ka naupan lai ațangin kan inah hian hnà a thawk tawh a, U Hriatpuia nên kan inkâra mi boralta pawh kha a hre hman.







"In neitu ber i awm hrang tlat hi a dik miah lo a nia... khâng thlakhat dâwn chhûng khân, an chhûngte lam an kawi khâwm dul dul a, he in neitu ang maiah inngaiin zanriah ei in an chhûngte lamin an rawn fin ziah, an hneawm teh mai nia," ti halhin, bawnghnute ka in duh leh duh loh a mitmei chuan min zâwt nghâl zat a. Lu ka thing nak a, kan Muaneki-te nufa chuan nuam an lo tawl nasa tih ka hriat chuan ka sa deuh phat bawk.





"Kârleh lamah ka rawn phei tawh ang"





"Nuhrawn hrawn ai chuan, i uin lama khawsak chu i tân paw'n a nuam zâwk ang tih ka hria; mahse, chhûngkaw mi leh sa dik tak ni lovin i nu lo enkawl felfai sa in chhûng an rawn ta neih lutuk hi hmuh hrehawm ka ti! I lo awm ve khân an chhûngte lam rawn tlàngnêl lutuk tùr pawh an tîm ve deuh a," a ti leh mawlh mawlh a. Ngawi renga ka bu nghat nghat min hmuh chuan, ka hnungah dîm têa rawn bêng datin a nui lui a.






"He in chhûnga awm tùr dik tak i ni tih inhria la, i dinhmun chu mihrang fain an luah rem ti rêng rêng suh, he in hi i nu sulhnu hnuhnung ber awmna a nih vângin, kei zawng an nufain duh duh a ro an rêl kual nân ka phal thei lo," a ti dam leh seuh seuh a. H thû chiah hi Prof Ms-a pawh khân min hrilh tawh!







"Awi! Lalnuthiang nangmah vàng vek, class ka tlai dâwn chiang lutuk!" chokaa sana intâr melh kâwk pah chuan ka ti nghâl tung! Min lo nuih hak hak a, Fridge kawngkhàr chu pawt hawng pawpin tui bottle ka la chhuak nghâl a. Nu Thiangtei chuan glass min lo bansak ve lehin, tui chu ka thli chhuak nghâl sawk sawk bawk.








"Fîmkhur rawh.. i hâk ang e," ti pah chuan a lo nui hak hak mai.






"Tlaiah kan inhmu leh dâwn nia," Bân vaiin choka ațang chuan ka tlàn chhuak a, țhutkhâwmnaa chanchinbu bih a Muani lo țhu reng vâng chuan ka tâwp deuh chaih! 'Nu Thiangtei thu sawi kha a hria ang em le?' tih ngaihtuah chunga, choka ațanga Nu Thiangtei rawn chhuak ve mêk ka va en chuan, Muani chu a rawn hmu ve a ni ngei ang, 'A pawi lo' hmui phun a ti sepin min nuih nghâl var var bawk.






Muani chu ka en leh zawk a, ngawi ngalin chanchinbu phêk chu a bih a! Nu Thiangtei bawk chu en lehin ka kal hnuah Muani hian engtin emaw a lo ti ang tih ka hlau tak zet!










Ka bag pack hrui siam țha malh malh chunga, tualzawla ka pên chhuak hlak hlak chu, ka scooty bula bike inhûng chunga lo țhu-pa avâng chuan tâwp chawtin amah chu ka melh nghâl râwm a!
20200204_022239.jpg
20200204_022239.jpg (43.09 KiB) Viewed 14853 times





Jordan-a pawh chuan min rawn hmu nghâl thuai a, bike aţang chuan min melh kur chunga chhuk thlain, a helmet pawm lai chu seat-ah a dah a, a hmai tlàng duk phung leh a kutchâng hnung lam duk sen țulte chu, rei lo tê chhûng pawh ni se ka hmu chiang tak zet! Sawi mai tùr hre lo tih hriat tak hian a sam hnim lai chu tuai chho thuakin, a thaw chhuak nghâl hawk! Chawp chilh lutukin nizâna min țawngkhum dàn zawng zawng kha, ka rilruah a rawn thar nawn zut zut a! Ka thin chhûng rawn tawt nghâl up up chu ka thinrim vâng a ni tih ka hre chiang!





Jordan-a chu awm ve lo ang hmaka ngaiin ka che chhuak nghâl a, ka scooty dinna ka pan chu tawrh har zeta min lo melh tlawk tlawkin, ka scooty sîrah chuan a ding nghâl khar a, kei pawh ka thleng phei ve nghâl mai a.



Boruak țang nghâl at leh ka lak ațanga mit la sawn miah lova, Jordan-a'n hniam ruih a min melh tlawk tlawkna vangte, in chhûnga Muani nên kan inhnialna thilte vâng khân, ka thâ chu a țangin ka thisen chu a lum pup pup a.



Jordan-a'n chu ka mitsîr paw'n ka melh tawh lo hrim hrim, seat pawt hawnga helmet ka lak chhuah lai chuan, mipa naupang chhang eiru man chhuah ang mai hian, a kutțang ulh ri khauh khauhin a lo ding ngawi ngul a. Kan pahnih inkâr chu a hlat hmèlin țhian inpawh lutuk pahnih kha kan ni tih pawh a hriat tawh lo!




Helmet chu ka khum a, châbi vuah lût a ka herh nung tùr chiah chu zâwi supa ka hming a lam vâng chuan ka tâwp deuh dat bawk.


"Lola," ti supin min hnaih deuh a.

"I hmuh ang hian class ka tlai dâwn tlat!" Melh pawh melh tawh lo chuan ka ti chang nghâl fak! Scooty chu ka herh nung nghâl hlat hlat a. A taksa che ãwkin chuan beidawng lutukin a thaw hawk tih ka hria!



A mitah tak melh kher lo mah ila, a hmêl zuai nguai leh hrehawm tihna a khat chu, nichin ka hmuh thut rual khân hmaih awm lovin ka chhiar kim nghâl vek the! Mahse, chumi vâng ngawt chuan min tih natna kha ka theihnghilh nghâl ngawt thei bîk si lo!


"Lola, khawngaihin," a thaw chhuak hawk a, scooty châbi chu a rawn pawt phawi nghâl daih bawk! Rang lutuka chuh lêt ka tum chuan ngawi ngulin a kekawr ipte-ah a thun lût nghâl hmak a nih chu!


"Min pe rawh," ti nghâl hrâkin, rum deuh hian ka melh chho nghâl hrep.


"Ka thlah ang che," a kiai deuh suk a. A mitmengah erawh ka hnial lêt dâwn tih a hre sa vek tih a lang reng!


"I â tawh a nih chu!" ka ti țhat. A kut pakhat a sam tuai chho thuak pah chuan min din hnaih lehnghâl hrut a.


Rum tâwka melh hrepin hmalam ka ensan daih! Țhian chu thû inhmuh loh palh vâng leh eng emaw thil vângin kan inti thinrim a, inbiak duh loh changte neiin thla khat dâwnte pawh kan inhêl ngat ngat țhìn tih ka hria. Jordan-a nên pawh hian eng emaw thil vânga inhnial hrep chângte neiin, ka tih tauh khum bar bar țhìn a; mahse rei a daih ngai lo! Nizâna min țawngkhum dàn teh thlâwt erawh, a hmêl ka hmuh rual hian hre nawn tharin ka nat phah ziah tawh dâwnin ka hre tawh!



"Lo chhuk rawh, ka thlah ang che," hma lam ena ka țhu ngawi ngal chu ka helmet khum lai min rawn phelhsak a. Rang lutukin chuh lêt tum mah ila a lo la sawn vat a, ner sakin hma lam bawk ka en lehnghâl daih bawk!


"Lola, i thinrim tih ka hria alàwm, ka tina bawk che, min huat tluk zet khân ka inhua a, ka inthiam lo bawk. Nang paw'n hetianga hrehawm kan tawrh dun reng hi i duh lo! Chuvàng chuan sawi fel ang. Ummm?" a laka ka lungawi loh chang apianga min thlêm țhìn dàn ang chiahin, zâwi deuh leh inthlahrun hmèl tak hian a rawn ti hniam ruih a.


"Eng chu nge kan sawi chuan ang a?" ti tuarin ka melh nghek a, ka mittui a tling khat leh vek tawh! A hmai duk khem nian leh mahni inthiam lohna ipik lutuk vàngte chuan, nizâna a țawng chhuah dàn zawng zawng kha theinghilh vek thei ila ka ti ve tak zet tho!



"Mawh? Eng thil nge kan sawi fel chuang ang a Jordan?" ka tih leh nghek rualin, kut a rawn lek chhuak zawk a, lo dàn nachâng pawh ka hre lo, ka mittui a rawn tuai hul thuak tâkah chuan, rûm chhuak hakin a kut chu ka lo nam per nghâl nawlh bawk!


"I kut hmawr paw'n min khawih tawh suh," ka ti zui hmak!




"Natna ka thlen nasa hlê che a nih dâwn hi! I mittui hi a chhuak zen zen lo asin le," tih pah chuan a nui ro hawk! Mittui nên chuan rum deuhin ka melh a, Jordan-a hmêl erawh a hnîm ruih tih bâk ka sawi thiam lo. A thil sawi avâng chuan ka rilru a no belh sawt lehnghâl bawk nên, rang lutukin ka mittui chu ka tuai hul sawk sawk a. A rawn tla lehzêl chu thinur lutuka ka tuai tâwk lai chuan, Jordan-a chu rawn che thutin a âwmah ka lu chu a kuah bet nghâl chawt nia!


Ka inhnit chhuah hlawp hlawp rual chuan, kawchhûng ipik hmel lutukin a lo rûm chhuak hawk thung a.


"Lola, khawngaihin.. he thil hi kan siam țha thei," beidawng aw rit lukin a ti hulh, "Țap tawh suh, ka sawi loh tùr tawp ka sawi chhuak a nih kha Lola, i mittui ti tla tawh suh, khatiang... hmeichhe zahpuiawm tak i ni lo a nia, ka zahpui ngai bawk lo che... thil dang pawh kha," sawi zo lovin a rûm chhuak leh hawk a. Kan boruak chu a ipikin a rit ngawih ngawih a ni tawp mai!


"I hria em Jordan, nimin thleng khân khawvêlah chân che ka hlau ber! Mi zawng zawngin, dik lo takin min hmu mah se ka lamah Jordan-a a țan tlat chhûng chuan, lam țang dang ka mamawh ngai lo ka ti țhìn a! Chutiang khawp chuan asin keimahah i pawimawh, ka dikna mi dangin an hriat ve loh a, nang chiah min hriatpuitu i awm paw'n pawi ka ti ngai lo! Ka nun dan vânga min hauh chângte, mi dangin ka chêt dàn an nuihpui bawk bawk laia nang erawhin ka u ang maia min zilh a, awm dàn tùr țha zâwk min hrilh chângte paw'n hua angin lang țhìn mah ila, ka hma ngai tak taktu ka neih awm chhun i ni tiin ka rilru hi a hlim țhìn lutuk! Mahse, nizàn khân... engkim i ti chhe vek!" ti nâwk nawkin, ka țap chhuak hlawp hlawp bawk; a âwmah min kuah bet nghet bawk nên thâwk pawh ka thaw țha thei lo!



"Ka lakah i thinrim a nih paw'n engati nge thil dang n min hauh a, min vin hrep mai loh.. ka nu leh pa chungchâng sawi chhuak kher lo khân..." rûm chhuak hrâwkin ka chhîpah a khabe ruh kualin a rawn nawr tâwk a! Ka tâl a, min kuahna a tih ngheh zual sauh vâng chuan a nâk chhoah na tawk tawkin ka chum zui ta pawp pawp a.


"Lola, engkim ka siam țha ang... ka.. kha thil teh hrep kha eng vânga sawi chhuak ngê ka nih ka hre bîk lo!" ti țhawtin min kuah behna chu a thlah hlawl, rawn kûn hniam nghâlin ka biang a rawn tawk a.


"Min thinrim khum rawh, i duh tâwkin min au khum la, i duh leh kut min thlâk rawh, a pawi lo; mahse, engkim ka siam țhat leh phal rawh Lola, vawi leh khatah ka natna pek che kha lak bosak vek ka tiam lo che. Ka... inkharkhip lovin hun min pe rawh... tih nat che kha ka tum a ni lo asin!" beidawn hmêl lutuka rawn ti chhuak hawlhin ka chalah a rawn nawr zui tâwk a.


Chhàn pawh chhâng buai duh tawh lovin, a kut lehlam a ka helmet chu ka phih thlâksak hmak, rum chhuak kâwka Jordan-a a din chhuah lai chuan ka khum țha a.


"I sawi dik, nizâna i țawng dàn zawng zawng kha ka dam chhûngin ka theihnghilh tawh lovang!" ka ti let hmiah, a hmela inthiam lohna leh ka țawng dàn vànga a nat ve zia chu, rei en duh lovin hma lam melh ngar pah chuan kut ka lek chhuak a.



Jordan-a chuan chechàng mai lovin, beidawn hmêl lutuk chuan min han melh tlawk tlawk phawt a! Hetianga a inchhîr chhante, ka nat êm êm chhante hi amah vâng vek a ni a, nizàn khân ka chungah eng ang paw'n thinrim mah se țawngkam dangin min hau nek rawh se! Kan inhnial buai ang a, kan inkâra inrintawnna erawh a kehchhe lo thung ang! Tûnah erawh engkim a tlai vek tawh!




Kei nêna inbiakna chuan awmzia a nei dâwn lo tih a hriate pawh a ni mahna, muangchângin a kekawr ipte chu a dap ruk ruk a, ka kutah châbi chu rawn dah mai lovin a rawn vit lût a.


"Ka tih palh tak zet Lola," ti supin a chal chu helmet-ah a rawn nghat dat bawk. Ka hrawk thîp țûng ti reh tùrin chil ka lem khalh a, "In enkawl țha ang che," ka ti lêt halh. Chu thû ka sawi lai chuan mangan hmêl lutuka rûm hawkin a ding mar a, thil dang a sawi leh hma chuan chak deuhin ka dawk chhuak nghâl zawk! Gate chho deuh hleka ka tlàn lai chuan side glass ațangin a dinna ngaia ding ngula min lo thlîr zui rengtu chu hmuh loh theih a ni lo! Hetianga kan pahnih inkâr a buai ta nuaih hi hrehawm ka ti ve tak zet!


"Ka tih palh Jordan," ka ti chhuak ta nge nge! "Ka.. tûnah ni rih lo, ka hre lo, engtikah emaw chuan nizàn thil thlengte kha ka theihnghilh ve mai thei asin!!!???"

> > > > >>>>
"Lola!" hnung lam ka hawi nghâl thuai a, ka lam pana Jeff rawn kal chu mak ti deuhin ka lo en hau ringawt!



"Kha aw," coffee dàwr nghak tu'n a tih chuan hawi lêtin ka coffee tûr a lo dah chhuah chu kan ban vat a, ka inher leh chuan Jeff-a chu a rawn thleng fel chiah a.



"Engati nge class chhûngah i awm loh?" inla upa deuh chuan a ti kher a, ner nakin ka melh deuh râm a.

"Ka tlai alàwm," ka ti hlak, Jeff-a chu a jacket ipte zenin a lo nui huk a, Jordan-a nên kan inbiak vêl vâng khân ka tlai phah vek tih ka ngaihtuahnaah a lo luh rual chuan lu ka thing nak a, coffee khu vat vat dàwt kalh pahin Jeff-a chu chîk deuh hian ka melh a, ani lah chu chîk deuha ka en tih inhriain a jacket ipte zen țuț chungin a lo insawi kual vêl a, nimin tlaia Jordan-a kut tuar ngawtah khân a tel ve lo tih hriat takin a hmêl a him dam pial.


"Eng vângin nge kan college-ah ilo kal ve rikngawt a?" chho melh hâ in ka ti a. A rawn nui chhuak deuh hawk chu hre thiam lo zetin ka en lêt thung, MZU-ah finale year Jordan-a-te nên an zir mêk a, tûnah.. kan college-ah ka hmu leh nulh bawk sia.



"Kan college hluiah hian chhe lo an tam êm a? MZU an rawn luh hunah tu hi nge ka lo duat ang tih ka rawn thlîthlài a nih hi," a tih chuan, a thu sawi âwihawm loh lutuk chu ka lo nuih lêt ta chiam bawk.


" Engati maw class-ah i awm loh a?"



"Ka tlai ka tih tawh kha," ti hlakin, coffee dàwr kawt ațang chuan ka pên sawn nghâl zat, rang lutukin Jeff-a chuan min rawn zui a.



"Kalna tùr dang i hre lo elo?" ka lo ti fiam a.
"Yeap, class i nei rih chuang lo, ka zui kual char char dâwn che,"



"Chhe viau suh," ti hramin ka melh deuh khai ringawt. Heheu-in zân chhuah nuam ti viau mah ila, Madina, Jordan-a leh Sammy-a, Kimkimate bâk hi mipa ka hnaih ngai lo hrim hrim. Jeff-a-te nên hian house party-ah inhmuh châng nei fô mah ila, a fâl lutukin kan awm dun ngai lo bawk. Chhûn êngah phei chuan kan inhmu ngai mang lo a tih theih hial ang.



"Kal ve i tum em?" a rawn ti a. Class nei lo zirlai dangte chuan Jeff-a chu an lo en duh hlè bawk, "Khawiah?"


"Humm, i hre lo maw?"


"I sawi loh chuan hre nâng," ka ti ve mai, a nui deuh hmêl chu melh zeuhin, shed lam chu ka pansan a. Min lo zui ve zêl vâng chuan nuam ka ti lo deuh hlek tawh.



"Jordan-a leh Kimbawihi thlahna party-ah mawle," tiin țhutthlengah chuan a țhu thla nghut a, phâwk deuh hian ka melh kâwk nghâl! A rawn hawi chhuah leh chuan lo insiam țha nghâl thuaiin a piah deuhah chuan ka țhu a. Delhi-ah a kal dâwn tih mi dang kâ ațangin ka hre chauh a, tûnah pawh inthlahna neih an tum tih vêl pawh mi dang hnên ațang tho! A tir tê ațangin eng mah Jordan-a'n min hrilh a tum miah lovah ka ngai nghet hmak tawh!


"Kal ka ring lo," zàwi ang reng taka tiin, Coffee chu ka in leh a; mahse, ka lem châk tawh lo lutuk chu ka luak a chhuak hlúiin ka hria.



"I kal lo ang maw?" Jeff-a chuan a ti deuh hluai a.

"Umm, ka ute in lamah ka awm phei a," ti a, mit siai zeuha ka nuih tak sakah chuan hre thiam zetin a lo nui ve sûng a.



Chuan, hmeichhe hmel țha deuh leh pian nalh deuh kha Kimbawihi a ni tih ka hriat phah ta bawk a. A țha rêng rêng tho e!



Jeff-a nên chuan pângngai takin kan titi a, nizàn Jordan-a-te insualna ah khân a awm ve lo tih leh, video chu a dawng ve tihte a sawi nual, chutia eng eng emaw sawi a kan lo nuih hawk hawk lai chuan ka țhiante an rawn lang hlawl bawk.



"Hey.. Jeff-Bawihte!" Kimkima chuan no tak mai hian a rawn ti nem duai a, Jeff-a paw'n Kimkima chu a hriat chian tawh tho vângin, "hey girls," a lo ti ve var a. Remremi erawh chuan a rawn melh rum nghâl êm êm ringawt a.



"Engati nge kan college-ah teh daih?" Nuni'n a tih chuan,
Jeff-a chuan a lo kal chhan dik tak chu pângngai takin a sawi ve mai bawk a. LalKimkima lah chuan 'engati nge ka tlai' tih min zawt duai duai reng bawk a. Tûkțhuan ei lovin a lo kal tih sawi pah chuan, thil ei tùra kal chhuah a rawt nghâl zat bawk.


Mi dang paw'n an hnial lo bawk nên Jeff chu Nuni leh Kimkima'n an sawm tel nâin, kan principle dàwra a țhiante la khawmuang nghah a ngaih thû a sawi a.



"Lalmate, engati nge i lo tlai ka tih chu?" Kimkima chuan ka bânah min kuah that pahin a ti leh duai tawh!


"Kan in ka tlawh kawi lawk alàwm, khawia kal ngê in duh?" ka ti lêt a. Pizza ei an rawt tâkah chuan kan pawm tlàng berin ka hria.



"Scooty keng lovin kein kal ang u, hunna tùra buaithlâk thei si, Bazâr-a kal kawite ka duh," Nuni'n a ti a. Kei paw'n thuamhnaw en kual mah ila pawi ka ti vak hran lo.

Ke in gate lam kan pan a, Kimkima chuan action nên meuh Jordan-a-te insual dàn a zir pek a. 'Thisûk ka nei i tia ni lo'm ni? Nizân video-ah kha chuan hlau hmêl pawh i pu leh si lo' ka tih chuan, uar fahran hian 'khâng mipa pahnihte khân Jordan-a an khawih nat a hlauh vâng' tih a sawi nasa mai.



"Jordan-a hi a che maksak sâwt ngawt mai! Lola, duh ve mai la, i duh loh vâng a nih hi hetiang taka a chêt bawraw!" min melh râwmin Remremi'n a tih tâkah chuan, kan boruak pawh a dang nghâl vek.



"Sawi chhuak tawh s'u ka tih kha!" Nuni'n a ti deuh nghek bawk,
"Eng nge.. kei chu Jordan-a hi ka khawngaih, a nun a buai phah vek a," min dem hmêl zet a tih pahin, min melh rawlh chungin Remremi chuan a ti leh kher bawk.



"Kum hei leh chen a duh zia che pawh a lantîr tawh a, chhâng ve mai la, amah aia țha chu i hmu miah lovang aw, a ngaihsak chein a duat êm êm che a," a ti leh deuh hlawih hlawih a. Ka ngawi reng chu Kimkima'n min lo khawngaih deuh ngê, Remremi chu a melh rang ve vak vak ringawt a.



"Sawi tawh s'u, mood inti chhe vek," Nuni vêk.



"Dik chiah, sawi tawh s'u, chu lovah Jordan-a'n a duh vâng ngawtin Lalmatei hian a duh ve ngawt thei hleinem, nang pawh class 12 kan nih lai ațanga ngaizawng tawh tu che, headmaster fapa samkir bep bup kha duh ve tawh rawh ti ngawt che ila i duh bîk dâwn tihna em ni? Amah paw'n a duat êm che kha. Ei tùr leh thil chi hrang hrang a pe char char chung che paw'n, i duh theih miah loh kha..... Lalmatei hi nawr lui tawh re re suh," ti lêt zêkin ka bân bulah a kuah a.



Remremi'n a dara a rawn ben pawp na chu țe duai a bêng lêt ve thlawpin min pawt hma nghâl dâwrh!



Mahse!



Taxi rawn tlàn mêk chu motor kawngpuiah a ke inhrut ri ruai khawpin a ding chawt mai!



"Fîmkhur ta che!" mipa aw fiak vîn țhawtin a zawm nghâl zat bawk!






"Awi! ka nu! Kan thi," Kimkima chu a țe chhuak nghâl chul a, Taxi driver chu thinrim hmêl lutuk hian a rawn chhuak a. Remremi leh Nuni paw'n kan bul an rawn thleng chawp chilh nghâl zat bawk.






"In va'n fîmkhur lo ve mawle, thihin duh em ni?" rawn ti tùn túnin, keini țhianho lo ding țì dâk chu min rawn vîn nghâl hrep a nih chu! Kimkima hlau lutuk bawk si chu a khûr deuh dawt dawt hial a.






"I kâ kha vêng țha rawh," hniam chhek chhawk a rawn ti thûm dup rî vâng chuan ka hahdam nghâl huai thei nia!








Ka țhiante chu âw lo chhuahna lam en chuan an hawi phei țhap a, Prof Ms-a chuan driver side kawngka nam phui dawtin, a kamisz hâk bân kawrkilh chu a hmet phelh nghâl mual mual a. Driver pawh a ngawi chiang kher asin!







"I rawn tlàn phei kha kawia i rawn lan rual sawn ka lo hmu tawh che, i khalh tùr ai bâka chakin speed i tih sàn vâng zâwkin zirlai naupang i su țhelh a nih kha," hniam chhak, nâwk luih ngamawm loh khawpa khauh hian a ti nghut a. A kamisz bân chu a bân puam thlengin a thlep chho thuak thuak a, Driver chu khabe kãng vuhin a melh chhuk rùn bawk!


Show post links
Top
Chapter 19
TÊTAKTÊ-I
Abbra Reo Ririni Khiangte
(PitarteiSualfingi)
Abbra Reo Ririni
Unread post February 3rd, 2020, 11:58 pm

"Tu nge i nih a, ka motor khalh dànah min sawisêl tùrin traffic duty i ni em?" dawih aw deuh duia tiin, Driver chuan Prof Ms-a ding khawng luah, vawi leh khata rawn pên chhuak nghâl vut chu a melh zuk zuk a.







Lalkimkima lah chuan 'prof Ms-a hot zia saw' ka beng bulah a rawn ti hman hrâm a nih chu! Nichin khân khûr hlawk hlawk khawpa a hlauh hman teh rêng nên! Prof Ms-a rawn pên phei khup khup chuan a ti zâm chhiate pawh a ni mahna.



"Fîmkhur tawh ang che u," kan țhianho min melhin Driver chuan a ti ta hmuk a, a pàwr ngam tawh lo lutuk chu Kimkima pek chuan a lo nuih hmanhmawh bawk a!



Rang lutukin a taxi lamah a kal pheiin, kan bula Prof Ms-a rawn ding nghâl khup chu rawn melh leh zuk zukin a tlàn ta daih a. Kan thaw nghâl huaiin ka hria!





"Prof, kan lawim lutuk, lo awm hlauh lo la chuan kha pa khân kan țhianho hi min vîn phar hrep ang!" Kimkima'n a ti nghâl zat zat a. Prof Msa chu hmui chîp hmukin a bu nghut. A mitmeng thim khup chuan min melh chhuk rùnin, a kut pakhat chu a kekawr ipte-ah a zen lût nghâl hlùn bawk.






Min rawn chhan lai khân thlamuanpui viau mah ila, tûnah tak hi chuan ka țhiante hian driver ai khân an hlau tawh zâwk daih tih an hmêl ațang chuan a hmu thiam ve tho ang!




"Aaa, thil ei tùrin kan chhuak dâwn a, kan kal tawh mai ang, kan làwm lutuk a nia aw Professor," Kimkima chuan ti zung zungin Nunite chu mitmei nên, kut zaizirte nên kal nghail tùrin a signal a.






"Khawi hmuna ei nge in tum a?" ti thûm dût tupa vâng chuan kan ding nghâl țhap a.





"Ugh, Dominos-ah," tiin Nuni'n a chhâng a. Prof Ms-a ding ve reng chu melh zeuhin, kal daih tawh se ti fahran chuan chal ka tih chuar khum khai bawk. Ani lah chuan min ei zawh vek tum ang hrima chîk leh tak ngulin min melh chhuk rùn a.







"Ka rualin kal r'u," a ti thûm dût a nih chu! Ka mitah tak min melh ran chungin, a kekawr iptea a kut chu a la chhuak nghâl zat bawk.



"A ngai bawk lo!" ka ti nghâl chiam! Khik suk paha a thlêk buk rual chuan ka țhiante chu an inen hrek hrek tawh.



"A ngai lo, keimahniin kan kal ve thei reng," ti leh sawk sawkin, Kimkima bânah chuan ka kai a. Prof Ms-a chu rum deuh hian ka melh khai khai a! Kan țhianho bula a awm ve ka duh rêng rêng lo! Ka țhiante hian an ngainat loh sa tawh teh rêng nên, motor khatah kan chuangho vek a nih phei chuan thâwk pawh an thaw țha ngam nâng mawle!





"Rawn lut r'u, kei pawh chutah tho chuan alàwm ka kal dâwn," tih pah chuan, hnial lêt hman lo khawp hian a inher nghâl daih a nih chu! Bolero dum lianpui pana a lêt phei nul nul chu rum mangkhêngin ka melh vak vak a. Melh alh pup thei ila ka ti tak zet!



"Kal mai ang u, a thû kan âwih loh chuan kan Professor tùr a la ni dâwn sia, kan mark a chhe mai mai," Kimkima'n a rawn ti chhuak phawng a.


Smart pants dum leh body fit kamisz dum inbel thlup pa chu driver side pawt hawng pah chuan a rawn hawi lêt vut a! A lan dàn smart thlup leh thuamhnaw dum khup bawk si chu, a hmêl tak ngul leh serious rùn reng nên chuan a inrem vêl vek!





Ka hmâah a rawn inlan thut thut ringawt pawh dan ngaihna ka hriat loh laiin, kan țhianho hmaah a rawn inlan phei chu dan ngaihna ka hre lo leh zual!


Motor kawngkhàr chelh rana a thle leh zauh chu melh zauh zauhin ka țhiante chuan 'kal ang' an ti ta sap sap a.







Hreh deuh hian ka phei ve hnak hnak a, Dominos-ah kal a tum sa hauh lo tih thim ruiha min lo melh reng chunga, a kiai deuh suk dàn ațang chuan ka hre vek bawk! Ka țhiante zâm chhiat lutuk vâng chuan, ran talh tùra an hruaite pawh kan ang lek lekin ka hre hial!







"Țhu lut r'u," bolero bul kan va thlen rual chuan a lo ti thûm sup.






Ka țhiante chu rang deuhin, kawngka pakhat ațangin an inhnawh lût țawlh ţawlh a. Ka lût ve tùr chuan rum mangkhêng a va melh râwm bâk tih theih ka nei dèr si lo, ka țhiante awm lai hian ka hnial lêt vak dâwn lo tih hria ang hrim chuan a lo nui ruh ruh zui a.







"Hmêla!" ka ti hrâm. Mit min siai zauh chu lan cool pui ruih mah se ka thinrim a belh chhah ting zâwk! 'Eng vânga kan țhianho hi min hruai tum ve ringawt ngê a nih?' tihte chu ngaihtuahin, ka luh ve hmâ chuan ka melh hrep hrep ringawt!







"Ka rual bawkin i lêt dâwn tih hria la," mi dang hriat tham loh chuan a ti sup. Ka hnial ngei ngei dâwn tih hria ang hrim chuan a țhu lût nghâl vut bawk.







"Teuh lo em mai!" ka rilru chuan ka âu nghek a. Lungawilo deuha ka țhu lût ve chawrh chu rawn hawi lêt si lova hmalam melh rengin a kiai suk lehnghâl!






Passenger seat hnungah ka țhu a, khawi hmunah pawh, ri phawr phawr leh leng halh țhìn ho chu kâ nei lo ang maiin kan ngawi kar hlawm mai!






Kan țì dâk chu a hre thiam a ni khawp ang, khi suk suka engine start nun vut vut pah chuan dârthlalang chu a her rem zui a. Chimawm lutuk hian dârthlalangah chuan mit ala rawn siai hrâm a! Ka țhiante hi awm lo se chuan ka va zuan ang a, ka kêk hrep duh hial ang tih tùr khawpin a chêtphung inla râwlthar lutuk chu ka haw hlur tawh!






Chimawm leh lutuk! Senior tawh ropui si, keini nêna infiam rual pawh a ni tawh dèr si lo! ka rilrua ti hlak hlak rengin ka țhu tûm ta bâr a.




<> <> <> <> <>






Hetiang khawp hian kan țhianho nungchang hi a lo țhain, kan ngawi chawi tih rêng an mahni ngei pawh hian an inhre hauh lovang! Prof Msa'n min biak loh chuan tumah rêngin țîk pawh kan ti ngam lo!



'Eng subject ngê kan lâk?' tih min zawh laia, seat hmâa țhut dànin dawta kan chhâng felfai thlapte chu kan chîn țhin a ni lo lulai lutuk a! Prof Ms-a huhâng uap na zet hnuaiah chuan kan zal rawih rawih ti ila a dik ber ang!




Dominos dàwrah chuan min luhpui dial a, a thû kan âwihin a zai kan ngai tlang dik diak lutuk chu lehlam kawnga ngaihtuah chuan a nuihzatthlâk tak zet!



Kan ei duh min zâwt a, chu pawh chu zàwi fel thânin kan chhâng a, kan in ni se chuan ka hau ngam dâwn lutuk; mahse, ka țhiante awm laia ka hauh chiam chuan.... Aaa.. kan pahnih inkâra thil thlengte kha a sawi chhuah ka hlau ve tho bawk sia!


"Table lova hauh r'u, nangin min zui la," ti nghâl tawlin min melh bîk rân a. Ka țhiante pathum chuan rang lutukin min kalsan nghâl diak bawk.



Order siamna lamah chuan a thle zauha a kal chu, 'i la hre khawp ang' ti rilru rauh rauhin, ka zui hnà hnà ta ringawt a.



Mi dangin line țhup zîngah chuan ka ding ve rân, Prof Ms-a chu ka hnungah a rawn ding zui vat a. A taksa ațanga lumna rawn chhuak chu ka hre rangin, ka hnungzâng chho chu a za nghâl uaih uaih a, in line kan tam bawk nên kan țhiante paw'n min rawn hmu chiang thei kher lovang, kan ding lam chu bang a ni tawh bawk. A âwm lum vung vung chuan ka hnung a rawn nawr si chet a! Muang ruiha ka dul zâwnah a bân dinglama min rawn kuah dûn dûn lai chuan ka thisen a lo lum leh pup pup tawh!


A kiu thleng a vun uk khurh, hmulin a bawh dap bân lian leh thâ ngah zet chu ka dulah rawn kham pheiin ka kawng fêkah a man zui salh! Ka tiril chu a za leh uaih tawh!




"Finally," ka beng bulah rawn kun hniamin a phun zui sup a, ka hnungah chuan min do nghâl rùn bawk!




"I kut hi dah sawn rawh," hma lam en ngar pah chuan ka ti chang fak a. Ka beng hnuai chu a rawn thâwk khum lum ham ham mai, ka taksa mur uaih uaih leh thinphu rang nghâl dawt dawt bawk si vàng chuan, a bânah chuan ka bensak ta thlawp a! Thûm zawi ruiha nui dawtin, ka darah khabe a rawn nghat zui dawt a nih chu!





"Hmêla.. ka.. ka țhiante...!" hawi kual nghal ruaiin ka ti bah nawk nawk a.






"Che lo la, min rawn hmu hauh lovang," thûm chhek chhawk a ti supin min pawt hnung zual salh a! Kan taksa a insik dat rualin a biang hmul thap hruih chuan ka beng hnuai a rawn nùl za thuak ! Ka tum loh lutukin thâwm ka siam teuh kher mai!




"I sual lutuk, ka that dâwn che!" zàwi chang zet hian ka ti a. Ka dara khabe nghata hmalam melh ranin a kiai suk ringawt!



"Mi an awm hi," ti halhin ka nghawk leh sawk a.




"I bengchhen loh chuan a tumah hian min rawn ngaihsak dâwn lo," ka kawng fêka rawn țhâm salh pahin a ti nghut.





"Hahdam rawh, in ngaizâwng dangte tih loh dàn pawh a ni lo!" ti hlukin hnung lam ațanga min khuap hlùn chuan ka biangah a rawn fâwp thuak a.






'Inngaizâwng' tih thumal chuan ka âwm chhûng hi a deng lum pup!






"I ngaihzâwng ka ni bawk lo," thle hâ hian ka ti a. Mit ti zìm suna min melh reng chungin, a kutphah hrawl zet pakhat chuan ka malpui a rawn hmer salh a nih chu! Ka îp nghâl châwih mai!





"Ka ta i nih hi," a ti thûm ruih, "He lai mi pawh hi ka ta... nakin lawk a duhtâwka ka *sensor* tùr a nih hi," ka beng bula rawn tiin ka malpui ațangin a kutphah lum thur thur chu a sawn chho leh ngat! Khawiah nge kan awm tih ngaihtuah lek lovin ka mal inkâr chu a rawn hup tâwk a nih chu!





Ka tâl nghâl aih a, nui nghawr dawta min man bet nghet sauhin, ka jeans kekawr kap chhanah chuan na deuh hian a țhâm ka ti mai! Ka âwm chhûng sa pup leh za nghâl uaih vàng chuan thâwk ka hîp lêt kâwk a! Mangang zeta ka thlêk țâwk țâwk chu mit min lo siai sukin, a hmui lum thur thur chuan ka beng a rawn nawr tâwk bawk.

"Hahdam rawh, tuma'n min rawn ngaihven lo," ti chungin kut a ti che leh! Ka bul vêl ka en kual chuan tumahin min lo ngaihven lo tak tak!



Prof Msa sawi ang ngei chuan tu pawh chu an țawng mur mur a, customer an tamin dàwr chhûng lah a khat țhup, take away a order tum lah tawt huang khawpin kan in line dul.





Mahse...





"Tâwp rawh!" ti chang fakin ke ka chîp vak a, he pa han ngeiawm dàn chu aw!!! Dingdihlîp ãwkin ka ding kâk leh a, ka thinphu chu a inhnawh tup tup bâkah ka mal kâr chu a za uaih uaih bawk. A bânrêkah zuk hûma ka pawh nghek tâkah chuan ka beng seh zauhin a kut chu a la sawn a. Ka thaw hawk thei! Chêt a la leh thut ang tih hlau lutukin, a kut lehlam chu ka kut pahnihin ka hûm bet țai ta ngawt a.




"Thil hi ei zo i la, ka inah khân kal ang," zâwi ruiha ti tupa chu ka thlêk lêt nghâl vat a, a mitmeng thim ruih a tisa châkna sosâng lutuk ka hmuh rual chuan, țêk den dawp ang maiin ka taksa pumpui chu a sa chhuak pup.





"I hria tiraw?" thum sup a tiin a ding mar nghâl vut! A mit thim khup chuan a ngaihtuahna awm thup țhen hlek lo hian min melh chhuk rùn a. Khitiang mitmeng pu chunga kan awm fâl a nih chuan!!!???






"Aih, ka duh lo," rang deuha tiin hmalam ka en nghâl daih. Prof Ms-a chu a nui nghawr dawt a, ka kawng fêka a chelh rùnna kutphah hrawl hrup chuan a rawn țhâm nghet salh salh a. Ka thisen lum pup pup chuan ka hmai a ti tai leh hlar tawh ngei ang!






"Class ka la nei dâwn," ka tih chuan, ka kawng fêka a hmerna chu a tâwp chut! A kutphah ka chelh beh țai chu nghet deuhin ka hûm ve vak bawk.





"Dar eng zâtah?" a ti nghut.


"Chawhnuah"


"Good, dar 11 ațanga dar khat thleng kan awm dûn thei dâwn nih chu," a ti nghal tawl. Hreh deuha ner nâng chunga ka han thlêk lêt chuan, ka dula min kuah beh rùnna chu phelhin mit min siai suk a. A bân thâ ngah zeta laksawn rual chuan ka ni huihin ka hria.





"Min hnial a sâwt lo tih i hriat chian kha," a ti leh nghut. Kan order siam hun a lo ni ve chiah bawk nên hnialna hun pawh a awm lo. Kan țhiante ei duh zâwng an sawi chu ka ngaihtuah lêt a, he pa zei leh lutuka a chêt dàn vâng khân ka theihnghil deuh reuh lehnghâl a!







Pizza box pathum nên kan va lêt leh chuan ka țhiante chu an lo nui var var a, an mitmeng kil khatah erawh prof Ms-a awm ve chuan an awm a ti nuam lo tak zet tih a hmuh theih thung.






Ka bulah tak prof Ms-a chu a rawn țhu thla vut bawk nên, ka țhiante chuan min ringhlel ang tih hlau zetin dawhkàn hnuaia a malpuiah chuan ka chum pawp a. Hria ang paw'n zu han awm duh dèr lova mawle!





"Subject ba in nei em?" tih zawhna a siam chuan, kan inmelh kual hrek hrek a. Mi dang zawng chuan an neih loh thuin an chhâng a.






"Hlimpui, nang subject ba i nei em?" Pângngai tak a tiin pizza slice khat chu a bân pah a.





"Umm..." ka ti fân raih a. Ka neih miau vângin sawi belh vak tùr erawh ka hre lo hlè.



"Eng zât?"



"Pakhat," ka ti leh tawp. Min melh rùn rún phawt a, chutah bu nghatin ka țhiante hnênah chuan inthlahrung lova ei tùrin a hrilh zawm ve dût dût bawk.





Kan awmho rei deuh hnuah chuan, ka țhiante zâm chhe lutuk pawh a reh ta deuh a. Kimkima țawng leh duai duai țhìn chuan kan boruak uap lutuk tùr pawh a ti ziaawm a tih theih ang, Prof Ms-a pawh a nui ve suk suk reng mai.





Mi dang hmuh ve hauh lovin dawhkàn hnuai ațang chuan, ka malpuiah a kutphah hriat hran awlsam lutuk a vah kualtîr dun dun reng erawhin min ti buai ruin ka îp leh châwih țhìn!





"Kâr lehah chuan kawrfual emaw, pawnfen chhîng emaw lo fêng ang che," hnung lam thlek satliah anga langin ka beng bulah zàwi lutuk hian a rawn ti a nih chu!






Ka hre sual emaw tiin ka melh chho kâwk a! Mahse, ka malpui pawt kau salha, ka malpui chhûng lam a rawn chùl kual dun dun rual chuan dawhkàna pizza en nghâl tlatin ka insehruh ta vak ringawt!








"Engati nge kan college kawtah khân ilo awm ve rikngawt a?" hnehsawh zetin steering a her kual a. A in lam panin kan tlàn chhuak tawh bawk, ka țhiante kiangah khân a bula ka kal tùr thu a hrilh hmiah mai a! Ka hlauthâwng lutuk meng phar chiam kha Kimkima'n a lo hmu a niang, Remremi leh Nuni mak ti lutuk tùrte kiangah chuan 'Jordan-a chungchâng a nih a rin thû' a sawi ta hlauh a. An hamhaih lutuk pawh a zia nghâl huai a nih kha!







"Ka zawh che chu," ti vakin phone hûm chung chuan ka han melh râwm a.





"Eng vângin nge ka phone call i chhàn loh?" a ti chhum hmuk. Mit mu ti che kual ralhin hma lam ka melh nghâl daih a.





"Ve ngil ngel țhin hian!" ti chhuak hlukin a khabe ruh kual chu a tuai thuak a. Ruah rawn tla ngawt chu hun lo ti fêin ka ner nghâl nâng nâng bawk.






A in tual zâwlah chuan a tlàn lût a, ruah chu a tamin khua a dur thim nghâl mup a. Garage-ah a inkhalh luh lai chuan in leh a chhehvêl chu ka lo melh kual ve chhên ringawt a! Motor chu a ding thi ta duk a.






Kawngkapuia ka pên lût chu ka hnungah rawn lût ve nghâl zatin kawngka chu a pawt khàr zui a, ka pheikhawk chu a huh deuh vângin ka tlawh phelh a, kawngka inkhàr rî avâng chuan ka vir lêt nghâl zâwk bawk, Prof Msa chuan chung lamah lock nghâl khapin a rawn inher nghâl vut. Ka mitmeng ațangin ka tìm deuh tih chu hria ni àwm takin a rawn țhen suk bawk.





"Hetah eng nge kan tih dâwn a?" ka ti ta ngawt a.


"Kan mu dûn dâwn!" a ti hniam ruih! Phâwk lutuka ka meng kâwk chu min pan hnai zêl a, a smart pants hma lam pawng deuh ul chu a hria a nih paw'n a zahpui hauh lo tih a lang reng!


"I thuamhnaw inbel lai hi hlìhsak vek chein ka suasam dâwn che"





"Maw...?!!!" ka sawi zawh hmâ chuan, ka mal pahnihah chuan vuanin zo fahranin min chawi kãng lawp, in chung pan chhohna bangah chuan min nawr bet zui a! A th** khawng țul tawh chuan ka mal inkâr chu a do nghâl ran bawk.





"Chutianga ka suasam che chu i duh em? Fawhnuam nu" ka hmui bul chêtah a rawn ti thûm chhak. Ka hamhaih lutuk bawk si nên a nghâwngah nghet deuhin ban ka suih bet a, Prof Ms-a chu ka hmui bulah chuan a thaw lum ham ham reng bawk.


"Sex... min nawr lui dâwn lo i tih kha," ka lo ti bah nak, thatchhe zeta nui rûm hawkin bangah chuan min nawr bet zual sauh! Mit ti zìm sun a min melh su, a kut pakhat chuan ka khabe a rawn dawm a. Ka hmui hnuai chu a kutzungpuia nùl thuakin min rawn fâwp nghâl ngawr ngawr, a lei sa huam leh thap hrâk chuan duh tâwkin ka kâ chu a hawl kual nawk nawk a ni ber!



Ka hmui hnuai pet chawka inlâk hran pah chuan thim khupin min melh a, a pa lian bawk nên a mi uap chu a nà-in ka ipik leh mup tawh!




"A nih chuan ka mu dûn ringawt dâwn nih chu," ti supa, banga min nawr bet reng chunga a kap bâwr a tih chêt rual chuan îp châwihin ka thaw chhuak hak a.




"Mut dûn ka duh hleinem," ka ti chhuak halh, nui hawk a ka mitah tak min en ngurin kekawr chhan vêkah chuan a rawn d** a, ka taksa za chuai chuai vânga thâwm siam mai lo tùrin ka inthunun țang țang thung!




"Engtia rei ngê i inthup theih chu han en chhin ila ka duatte," ti thûm hrâwkin a rawn d** rang sawt a nih chu! A dîm lovin ka point-ah tak chuan a rawn nawr salh salh bawk.





"Nakinah phei chuan dîp tu awm hauh lovin ka z**** ruh țul hi i kawchhûngah duhtâwkin a la khawsa dâwn!" ka beng bulah țawngkam phawkphawhraw pui pui rawn chhak chhuakin a phun sup sup a, ka mal inkâr za chuai chuai chu a țawngkam hman vang ngê, kal darhin ka kê hmawr thlengin a za lum pup pup tawh! Ka hmui hnuai pet fan fan chunga ka nghik chhuah feih tâkah chuan Prof Ms-a chu a nui rûm ta hawk!



A tâwp! Ka khur ti tih ringawt!



"Rei lo tê chhûng kuah chung chea muthilh lawk ka duh," tiin ka hmuiah chuan a rawn fâwp leh ngawr ngawr phawt a. 'Mu dun dâwn' a tih khân ih.. thil țha lo lam a sawina a lo ni lo tih ka hriat tâkah chuan ka hahdam deuh huai mai!



Prof Ms-a chuan a sawi ang tak takin min khawih zui lo; mahse, ka kawr leh bra chu a pindan chhûng zau zet kan luh rualin min phelh felsak dèr! A kawr tal hâk ka dil lahin ' I kekawr pawh ka hlihsak nghâl loh che' a ti hmiah mai sia. Ka țawng tam leh ka thuamhnaw inbel a hlîp tam dâwn tih hre thiamin ka ngawi ta hmak.




Khawpui a kal ri ruih ruih a, ka bula mu, a bân hrawl zeta min kuah bet reng tu chu rawn che țual țualin, a kutphah hlai hlup leh lum thur thur chuan ka hnute khuhtu awm lo chu a hûm lehnghâl hmiah, ner sakin ka mu zangthal țha ve mai bawk.



Muthilh ve ngial ka tum paw'n ka muhîl ve thei dèr bawk si lo! Boruak vâwt vur hnuaia Prof Ms-a panglum nuam zet khuap lum chu a nuam dangdai tak zet!



Hahdam hmêl lutuka thâwk la suai suai paha ka hnute a rawn hmer leh salh țhìn vâng chuan, nui chhuak hakin Prof Ms-a chu ka thlêk a.





A chhîp sam buk lai chu a thur síang a, kut lek chhuakin ka tuaisak thuak bawk. Mipa naupang ang chiahin a mu tui roh lehnghâl! A khabe ruhkual hrawl tham zet chu ka kutțangin ka thai thla riak riak a, a chêtphung cool ruih leh chapo ni hauh si lova, a hawi her sang vuh mai ngaihtuah chuan, kei ve nên maia khum khata mu tùr mizia a niin ka hre thei lo! Mahse, min dang chepin, ani mipa rilru puitling leh nghet churh bawk si hian a kianga tâwp lo thei lovin min siam ziah zêl lehnghâl!




"Kan țhianho zîngahte khân i nui ve tak ang suk suk a. Naupang chhia min ti lo'm ni?" ti sepin zei lutuka min fawhna țhin a hmui chu ka tawk dà dá a.


"I nunphung ka chawk buai vek tiin min dan chep nân i sawi chhuak khur khur țhìn tiraw?" ka ti leh hak, hmulin a bawh deuh lûk vângin, min fawh châng leh ka taksa dang duhtâwka a fawh kual châng hian, thîp deuh hlur țhìn mah se hman dàn tùr a thiam êm vàng hian min ti â lo chauh zêl!



"Nang... Tlangvâl senior, nèlawm loh lutuk bawk si hian ka nunphung i chawk buai ve vek tho! Hetiang hian mipa bulah ka awm ang tih ka suangtuah thlen phak bâk khawpin, min khawsakpui a! I mak tak zet!" ti halhin hmul bawh dap a biangah chuan ka kutphah ka nghat ta thlep bawk.


Âtthlâk tih hmêl lutuka mipa nui rûm hawk vang chuan ka harh riai ruai, ka taksa chu a za kual uaih uaih a! Vâwtin min țhâm zui sung sung bawk!




" Bawihi, tlai i duh loh chuan harh a hun viau a nia," a aw thûm dup chuan ka âwm chhûng a nghawr che dar dar.



"Bathtub-ah ka dah lut hial dâwn che em mawni reuh le!" a ti rî leh, thil lum thupin ka hnute a rawn tuai kual thuak tâkah chuan ka meng chhuak riai riai a. Prof Ms-a tho phang sam thur síang chu ka hmai chung chêtah ka hmu nghâl zat! Sexy lutuka min nuih sukin a biang hmul chuan ka hnute a rawn nùl thuak a nih chu!


"I ninawm.. i biang hmul kha a thap hrep hrup si," țeu hlara tiin thawh phan awm hlek lo chuan ka melh ta hrep ringawt! Ka puan sin lai a lo hlîp vek lehnghâl! Ka vîn nghâl hrepna vàng chuan a nui che dawt ringawt!


"Ka phone kha min lo pe teh," ka thil hriat chhuah thut vâng chuan ka ti ta hap a. Ka âwmah khabe nghat rengin, khum bul dawhkàn chunga ka phone chu a ban ve nghâl mai.




Phone chu ka hmet êng pap a, Prof Ms-a erawh thawh hlim châkna sosâng a chhuak ka ti lo thei lo! Ka chung lamah a rawn insiam rem vut a! Ka phone khawih chu rem lo zeta ka kut min dah sawnsakin, a ka chhûng sa huam chuan ka hnute a rawn hmuam nghâl hmak! A lehlam chu rawn hmet deuh ngawr ngawrin pakhat zâwk chu a fâwp dawk dawk a ni ber!


Inthunun tum zeta thâwk la hakin, a chhîp samah ka kêk a. A nuih hawk rual chuan ka âwm chhûng a țêk za uaih bawk!

"Hei en rawh," ka ti halh a, duhthawh zeta chêt lain ka mitah tak min melh ngur ringawt a nih chu! A kâ chhûng a sa țhain a khaberuh kual ringawt pawh a hrawl tham bawk nên, a chêt dàn koham zet vâng chuan ka maimitchhing ta tawl.




Rûm chhuak nghut paha, ka lu zâwnah a rawn inbeng khalh vut tâkah chuan khum lian zet chu a nghing zui laih, ka mal pahnih chu nawr kau hrâwkin a kâwngah min kherh behtîr a.




"A tak ram kan thlen hunah chuan hetiang hian ka (censor) hrep ang che," ti hlukin ka mitah tak min melh chhuk ràn a, a kiai suk suk nain a mitmeng thim mup dànah a uang lo viau!



"Dîm lo taka sawp hrep dâwl zo tùrin inenkawl uluk ang che"



"I râpthlâk lutuk," ka ti hlak, a nui chhuak ta hawk a, min rawn bawh bet ruai ruai a, a kap zâwn chu a lo puar leh ul tawh!



Lukhama ka phone dah tawp chu a la kãng a. Hmeh èn pahin ka hmai zâwnah screen chu a rawn lek nghâl vut bawk, Finger print in lock chu ka lo hawng a, Screen a melh leh rual chuan a mitko a ti hniam nghâl khui bawk!






"Ka sawifiah thei," phone khuma teh thla tawpin a ti nghut. Chutiang insawifiahna vêl ka beisei vânga Dr Rinchhani message rawn thawn kha hmuhtîr ka ni miah lo!


Insawifiahna neih a duh ngawt chu mak ka tih rualin, amahah pawimawhna nei ve tak tak angah ka inngaih phah a. Chu erawh țul ka ti viau lo.




"Sawifiah duh suh, ka hmuhtîr mai mai che," ka tih chuan, Lu thing nghutin chunglam ațang chuan ka hmuiah a rawn fâwp zeuh a, "Nizân khân min hmu tùrin kan inah min lo nghâk a, ka room-ah kan inbia a nih kha," a ti fiah nghut.





Ngawi renga ka en vâng ngê, ka hmuiah bawk rawn fâwp lehin a thaw chhuak zui hawk.



"Hetiangin thlâ a la tih ka hre hauh lo"



"A pawi lo, ka hmuhtîr mai mai che ka tih tawh kha," tih pahin a darah ka nam dat a.



"Class kal ka ngai tawh" ka tih zawm leh tâkah chuan, a taksa rihnate nên zawng zawng khumah chuan min bawh betin min fâwp leh ngawr ngawr phawt a! Ka mipa kiss hmasak ber hian in kiss leh a kaihnawih chu a zeiin a hnehsawh bawk a, ka thiam anga uara lo fâwp lêt ve nghâl ngawng ngawngin, a tukkhumah ka vuan ve chial bawk.



Prof Ms-a phone a ri leh hnuhnawh a, a lehkha chhiarna room-ah file laa lêt a ngaih thû min hrilh hnu chuan, tualzâwlah ka lo nghâk dâwn tih hrilhin kailawnah chuan ka pên thla nghâl tharh tharh.





Ka pheikhawk bun fela kawngkapui kalhna ka hawn lai chuan, in chunga a phone hmang thâwm ka hre zui mai bawk.



Kawtzâwl ruah tui tling deuh pamah chuan ka kal chhuk a!



Mahse! Eng thil ngê ka hmuh tak hi!





Gate bula Jordan-a bike lo inhung reng ațang chuan, thinrim tih hriat lutuka Jordan-a rawn chhuk thla nghâl vat chu tawlh hnung hretin ka lo melh phâwk kâwk a!




Kut hûm ruh tlat hian in lam pan chuan a rawn pen nghâl pawk pawk bawk! Engtin nge hetah ka awm tih a hriat theih... chuan, he in hi....!!



"Jordan_" thil dang ka sawi hman lo, ka hmai chu a rawn ri nghâl chawrh! Mak ti lutuka ka hawi chhuak chu min thah châk hmêl lutuk mitmeng sen rum nên kan inmelh nghâl siah bawk! A hmêl dur khup leh mitmeng sen rûm bawk sî-ah chuan, harhfîm hmêl a put loh tluk zetin tual thah hreh hmêl a pu miah lo!


"Zohmangaih!!" ka hnung ațanga Prof Ms-a aw khauh zet rawn chhuak hrâwih vâng chuan, Jordan-a chu a hawi â deuh ruai a!




Min benna sa hut hut leh na ut ut chu ka kut a dawmin, Jordan-a chu ka melh tlawk tlawk ringawt!




Ka bul lawkah Prof Ms-a chu a rawn ding nghâl khup! Kei erawh Jordan-a lak ațang chuan mit lâk sawn nachâng pawh ka hre lo! Rinhlehna leh mak tih nain min tuam hlup hlup a! Tûnah khân Jordan-a'n kut min thlâk tih chu âwih harsa ka ti tak zet!




"Hetah eng nge i rawn tih?" nèlawm loh fahranin ka bula ding pa chuan a ti chhuak nghut. Chutah kei chu min enin kut a lek chhuak nghâl vut a! Ka khabeah dawma min kawih dâk rualin Jordan-a lak ațang chuan mit ka la sawn ve thei chiah! Second rei lo tê chhûng mit ti zìm suna ka hmai tlàng a melh kual hnû chuan, Prof Ms-a mitmeng chu a inthlâk hlawk a! Ruahthimpui sûr tùr ințham kual ang maiin, a mitmeng chu a dur nghâl tup tup bawk! Insehruh țeuhin ka biang chu dîm lutukin rawn chùl a.





"Chhâw-a, Bawihi hi kut i thlâk ngam a maw?" ka khabe ațanga kut a lak sawn rual deuh thawin bân a vai nghâl thut, Jordan-a bek chu ri nghâl chawrhin a pai nghâl chhawlh bawk!


"Rui chung leh nghâlin," ti chhuak hrâwkin, a nau jacket âwmah chuan a țhâm leh bâwrh, hnek leh chawrh tuma kut a hûm ruh tlat a lek uaih tawh chu che phatin ka va uai bet a. Prof Ms-a chuan min en nghâl vut bawk.




Keimah chu ni lo ila chuan min vai per nawlhin Jordan-a hi kut a thlâk belh leh ngêi ang tih a hmêl rum ul-ah chuan ka hmu chiang lutuk bawk.


"A tawk tawh.. vawi.. vawi khat chiah alàwm min ben," ka ti a. Rûm chhuak hrâwihin Jordan-a a țhâmna chu a thlah nawk!


Ka biang rawn khuap nghâl pah chuan pawi tih hmêl lutukin min melh a, Jordan-a rawn ding mar leh chu a bek ațangin thisen duk kuk a luang chhuak nghâl tih ka hmu zui zat bawk nên, prof Ms-a min biakna pawh chu ka hre mumal thei lo!



"I ruih chhiat ber lai paw'n hmeichhia kutthlâk tawh suh! A bik takin ka hmeichhia phei chu," thir hlawm ang maia sak leh rumin prof chuan a ti chhuak hrâwk, ka bânrêkah a hûm a. In lamah chuan min kai lêt dat dat bawk.



Thil thlengin min țhâwng lutuk bawk si chu ka â ruai mai hian ka hria!





"I țha tak zet tih sawi hrâm teh Bawihi"






"A na hleinem," ka ti a, Prof Msa hmêl dur khui chu enin ka nui ringawt bawk. Rûm chhuak nghutin seat hmâah chuan min țhut luhtîr a, ka chala a rawn fawh vang vang hnuah kawngka chu rawn nam phuiin tualzâwla Jordan-a ding ngawi reng chu a han thlêk leh vut bawk.




Side glass ațang chuan ka hming lam tuar tuar chunga min rawn ûmzui tu chu ka melh ngawt ngawt a!






Tualzâwl kan tlàn pelh lai khân, harh chhuak thut ang maiin ring lutuka ka hming lamin a âu chhuak tuar a nih kha!







Kan tlàn tlang zêl ta si a, hmanhmawh zetin a bike-ah lawnin min rawn ûmzui a.. side glass ațangin a khât tawk a ka hming a min au tuar tuar lai chu ka hmu vek thei bawk si nên, Jordan-a chêtphung buai nuaih leh maksak zet chuan min ti buai ve tak zet!


"Lola!" a tih leh țhawt!





"Ding rawh," ti sepin ka seat belt hren chu ka phelh zui rawk rawk.




"Ding rawh.. ding rawh ka tih chu!" Prof Ms-a lam hawi chuan ka âu chhuak ta nghek! Min melh ngur a, sawtianga Jordan-a ka hnungchhawn a nih chuan, ka dam chhûngin ka inthiam thei tawh ngai lovang! Mi â ang maia min ûmzui lawm lawm tu saw ka țhianpa tho kha ala ni!


"I chiang em?" ti nghutin min melh rùn a.








"Aw... ka.. sawtianga mangang sawn ka kalsan thei lo," ka mittui a tla ringawt! Ka mittui tla hi chhut chian chuan Jordan-a vâng a la ni zar zar! He pa hian min ti buai tak zet! Jordan-a min au lawm lawm hmêl ka mitthla lêt ringawt paw'n ka awm chhûng hi amah khawngaihna leh lainatnate nên a na ngut ngut thei!






Prof chuan Bolero chu a ti ding dawt a! Rang lutuka ka chhuak tùr chu ka bânah rawn manin min hnûk lêt leh hrâwk bawk!



"Bawihi...."



"Ka be dâwn.. ih, min nghâk suh.. lo awm ve bawk lo la," eng emaw sawi tuma kâ a àn zuau lai chuan, lu thing nawk nawkin ka bânrêk a hûm chu ka pawh phelhsak bawk.




"Min nghâk suh.. ka sawi ang chuan... kei leh Jordan-a hi hun thâwl min pe rawh," ti zui lehin, Kawngkhàr chu ka nam hawng nghâl pawp! Kawng kawiah Jordan-a chu chak lutukin a rawn lang zui ve hlawl a!





Helmet pawh a khum lo! Kan tlàn pelh rual khân harh chhuak thut ang maiin a che rawk rawk a. A bike hunna ah khân a tla daih tih pawh a chêtphung buai ru nuaih vâng hian a hre teuh lo! A û motor ațanga ka chhuk chu âwih loh hmêl zet hian bike chu a ti ding chawt a!


20200204_023022.jpg
20200204_023022.jpg (27.53 KiB) Viewed 14816 times

"Kutthlâk che kha ka tum lo asin," bike ațanga chhuk thlain a rawn ti phawng! A bike tlu nghâl bur pawh ngaihsak lo chuan min pan nghâl hlawk hlawk a.





"Lola.. damn it! Kutthlâk che kha ka tum lo... ka tum lo tak zet!" mi â ang mai a phun chhuak bual bualin ka biang a benna chu a rawn tawk a. Rilru buai hmêl lutuka rûm chhuak hawkin, a chalin ka chal a rawn nawr si leh tâwk thul, a tâl buai tak zet!




"Eng thil teh hrep ngê maw ka tih le... Lola..!!" a ri chhuak hrâwih.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)