●UTOPIA:1996● S2 By Abbra Reo Ririni Khiangte(PitarteiSualfingi)

[Ngaia]

☆UTOPIA:1996☆
Season 2 💫💫
Chapter 6
By
Abbra Reo Ririni Khiangte (PitarteiSualfingi)




Reply leh ka tum zet nangin a in a awm ve satliah mai ka ni a, an rual a min hruai chhuah a tum tak tak ka ringlo, chuvang chuan lo thutâk khúkpui chiam kha ka duh ber lo.





Luggage chu ka pawt hawng a, a chung ber ah ka purse a lo awm a, rang lutuk in ka la kang a, mahse a chhung ah chuan ka pawisa ken ve ho kha a lo awm tawh miah lo, peng dang vel chu ka en kual thuak thuak a, id card leh ka lehkha pawimawh dang ka thleh tet chiah an lo awm ngat a! Ka pawisa an ru vek anih dawn hi! Duham hlawm leh lutuk mai a!





Ka inbual fai zawh chuan ka sam huh hniang chu 'fan' hnuai ah țhutpuiin ka khuih dalh dalh a, ka ngaihtuahna a kal bing chang a piang in nizan ah thil thleng bawk kha ka lo ngaihtuah leh veng veng țhîn, duhthawh tak a min fawh a, ka hmui a peh kual chang a piang a danglamna ka neih ang kha khawi ațang a rawn kal nge anih ka hre chhuak zo miah lo! Keimah a danglam thei zawng zawng a danglam vek, ka kawchhung sa chuai chuai reng țhin te kha 'tisa chakna' vang a ni thei mai nge!





Hmai sa țawn țawn chung chuan ka rum chhuak hak bawk!



Carlos Zohmingliana zurui chet dan vang ringawt khan ka ngaihtuahna te pawh an kal dik thei tawh lo anih thawthang hi maw? Tisa chakna daih daihte ka ngaihtuah thleng tâ chu a nia!


Ka ngaihtuahna ngawt ka kawm anih chuan a hmui lum leh lei sa huam thil ti thei zet te vang khan suangtuahna tenawm zet ka neih belh hial mai ang, khum ațang ka tho tharh a, samkhuih chu bag tê ah ka thun a, ka pi leh pu ka bia a nga, ka haw dawn tih kha hrilh nghal kher loh pawn ka ngaihtuahna ațang Zohmingliana theh chhuah ka mamawh! Ka rilru lakpen ka mamawh tak zet!




Side table chung a phone chu la kang in lock ka hawng a, iphone chhuak thar ber ani a, iphone hi ka awt chhin ngai miah lo, engkim ah gmail a ngai vek a, ka hnen zawng tak ani tlat pek a, thil download hlek duh pawn gmail hmang a tih vek a ngai thlap kher hi kei chuan ațhat ve na pawh ka hrelo, phone in 'ring' rî chu ka ngaithla ran a, haw leh thut ta ila mak an lo ti ngawt ang!




"Hello Mate." Ka pi aw ka hriat rual chuan ka thaw nghal halh bawk.

"Pi, eng nge in tih a?"



"Hei huan tê ah ka lut thla a, maian ka sîk ê te ka tia."



"Awi! a tui ngawt ang.." ka ti a. Tukin ah maian bai kan ei thu vel sawi ve tum zet nangin Hyderabad ah ka awm tawh lo tih sawi chhuah phah ka hlau leh ta deuh a.




"Rahnõ ne te nen bai ila a tui ngawt ang.." ka ti leh hram.



" i ni te pawn an rawn sîk ve reng mawle, a no țha hnup hnup sia." a rawn ti ve lang lang bawk. "E, mate Valpuia khan a biak theih loh thu che a rawn sawi a, i number te kha kan lo pe tak a sin." a rawn tih leh rual chuan kut ka hum ruh nghek a, ka mitthla ah Valpuia a rawn lang a, amah biak ka chak loh zia hre vek siin nahnge ka chhungte hnen ah ka number a lo dil vel kher le? Muansangi nen an khawsak dan vel kha ka pi leh pu ka hrilh lo hrim hrim bawk.



"Aaa.. Fb lam ațang pawh kan inbe thei reng sia."



"Kan khua ah signal a awm țha lo em a lawm, whatsapp in ti em ni? Khang pawh kha a hman hlei theih loh." ka nui lo thei lo, khaw dang a kan chhungte nen group kan siam a, ka pi pawh kan add ve tak kha mawle.




"Thingtlang lam hi chu a buaithlak tlak zel a lawm."
"Current a awm țha bawk silo a, phone pawh kan charge full hma in a thi zel a, e taka Muansangi i pawn ka ngai e, a tih che kha i țhiante i be ngailo em ni?"




Chhan dan tur hrelo zet in ka nui ro halh a. Be ngailo mai nilo in biak tumna ka nei tawh lo hrim hrim.




Ka pi nen kan inbiak zawh meuh chuan tlailam dar 4 a pel ruih tawh, khawpui thawm pawh a reh lai tak ani a, mitin school ah leh office ah an awm țhup a, mottor kawng a horn ri chuah chuah thawm hriat tur a vang pharh. Ka sam a ro tawh vang in khum ah ka lawn kai a, nizan ka mu tlem bawk a, Carlos-a rawn haw hma tallo mu ila țhat ka ring, aaaa.. a raw haw hun ah pawh pindan ațang ka chhuah loh a fuh ber ang.




Inchung a 'fan' vir mup mup chu ka melh reng a, muhil tawh tur ka nih laiin ka ngaihtuahna ah Muanpui leh Carlos-a ngawt an awm vang in ka harh tulh tulh thung!



Engtik ațang khan nge nupa ang chiah a an khawsak țan ang le? tih zawhna chuan min ti sa hut hut thei, midang mitmei ven tur awm miah lohna hmun ah an khawsa a, nupa ang chiah a khawsa tlang a, sex hial hmang dun tur chuan an induh tawk hle ani phawt ang! Engti tih a la innei silo, khawsa dun tlat nge an nih tih te ka ngaihtuah kual ruai a, kei thingtlang nula mawlmang ve tak tan chuan amak tih bak sawi tur a awm lo!



Thawnthu ah leh Fb troll page lian tak tak ah Mizoram an awm lai a mi in vawng ve tak te pawh phai an thlen thlak chuan in luah tlang in nupa ang mai a khawsa an tam tih chhiar tur a awm fõ a, an inkar a induhna nasa lutuk an control zawh loh vang pawh lo nitase, Carlos-a'n hmeichhia a ngaihsak loh dan pawh Muanpui khan a sawi nual a, Carlos-a bul țan hmasak chu anilo phawt a nga, Muanpui zawk em ni chet la hmasa tu!



Huiham! Ka ngaihtuahna mak pui puite chuan hahdam a hneh in ka thinphu a ti rang dawt dawt zel mai bawk si! Muanpui bulțan nilo in Carlos-a'n a hnar theih loh vang a khawsa tlang an ni tih chu rin hram ka tum lui a!



Chutiang nisi chu tinge nizan leh tukin khan min fawh le?




Kohhám zet a ka hmui hnuai a peh ngawng ngawng lai kha ka ngaihtuahna ah bawk a rawn lut leh a, ka hmui hnuai lam chu ka tâwk ta zeuh ringawt bawk.




Zan a thil thleng kha chu a ruih vang a thleng ani ngei a! Mahse zing lam ah khan ka room ah rawn lut in min dang chep leh a, min fawp leh kher bawk!

Aaa chhan a awm lo, a huhang na zet leh a chezia cool ruih in ka awm dan phung a tibuai țhin tih ani zei tawh lutuk leh sex ah pawh tawn hriat ngah tawh lutuk chuan hrethiam thuaiin min chhaih kual a tum vel mai mai anih kha! Chulo puh tur a awm lo! Mahse chu thil chu a dik ngei anih chuan min zahna pakhatmah a neilo tihna ni a! A bialnu awm loh changa a 'flirt' pui tur tâwk lek ah min ngai chu tlawm thlak ka ti hle bawk.





Ka thaw chhuak hawk hawk a! Hmeichhia te ngaihtuahna vak kual thui țhin lutuk hi chu aw!





Pawnlam a mipa aw thum dûp phun búl búl thawm ka hriat rual deuh thaw chuan mit ka meng kawk a! Pindan chhung a lo thim mâp tawh a, chuan mipa aw ri chu pakhat mai nilo in inbe thawm ani! Khum ațang ka thawh chhuah hma si chuan ka room hman kawngkhar chu a rawn in kik ri kauh va! Nasa lutuk in ka phu zui nghek bawk.





"Thelma?" Carlos Zohmingliana aw hniam ruih ka hriat rual te hlei hlei chuan ka thin phu a rawn rang zui zawih zawih a! Hepa hi a hlauhawm tih bak sawi ngaihna ka hre tawh lo! Ka awm dan phung zawng zawng leh lungphu a control vek thei a! Mi hlauhawm lutuk anih hi!




"Thelma?" a rawn kik leh dat rual chuan hmai hup thawk pah in thawk ka la halh mai!




"Ka lo chhuak ang." ka ti vak a, ka thusawi chu a hrethei nihmiang, a rawn kik zui tawh lo!



'Ka thu loh chuan vawi khat mah rawn rang tawh suh.' tih leh kun hniam in ka awm zawn chu ka melh nghek a, ka lungphu ania, keimah chiah in ka control tur ani bawk! Carlos-a daih daih in a rawn control ka phal teuh lo mai!




Light ka on a, ka muhil tui hle ani ta ve ang, tlailam dar 7 a lo pel leh der tawh, ka mutna vang a sam hnawk deuh niai chu ka kutin ka han tuai man sawk sawk a, pindan chhung ațang ka chhuah rual in engtin nge kan inhmachhawn ang? A mit khur thuk dak chhung a mitmu uk khap leh zim deuh sûn khan min lo en in a boruak ken telin min chhaih buai țhin tih ka thawk lakdan rang fõ țhin ațang a lo chhiar leh vek mai a ngem? Gosh! Ka ngaihtuah zawm peih tawh lo! Min biak hmasak loh chuan ka be dawn hauh lo.





Pindan ațang ka chhuak chiah, min ep zawng a couch in hung ah chuan hahdam hmelfe hian police uniform ha chung in a lo țhu rûn a, Ethan-a ka hmuh telve tak ah chuan ka hahdam ru huai ringawt!




"Insiam la?" A rawn ti zawi sup, pindan kawngkhar ka pawt khar lai te chu min eizawh vek chal hmel py hian uluk zet in min en ngur a.



"Engvang in?" Ka ti ve hmiah. Ner suk pahin nghenchhan a ngheng dawt, Ethana chuan min rawn en a, a kiai deuh suk ka hmuh rual chuan tawitê in ka nuih let seih a.



"Dinner turin chhuak ang u." Zohmingliana chuan a rawn ti hmuk, Ethana pawn a en háw mai! Mahse kal ve ka duh lo tak tak!




"Aih, in ah ka lo awm ang " ka tih rual deuh thaw chuan thinur hmel zet dur khup hian chal a chûar zui tûp a, tîm deuh dâi a ka melh chu min melh ta nghek bawk.



"Thelma an ni Muanpui nu ho in chhuak se, Juhu beach ah school naupang te nen kan chhuak dawn, kan rualin rawn kal ve la?" Ethan-a'n a rawn tih rual chuan beach ah ka kal ve chak lutuk chu ka nui chhuak hawk thei hial in ka hria! Carlos-a meng dur khui chu ka hrelo der hmak bawk




"A țha ngawt ang." Ka ti a. Ethan'n Carlos-a a en zui vut bawk.



"Induh duhna ah kal teh u." ti hmuk pah chuan a tho chhuak vut a. Ethana chuan a care hmel over loh.


Ka zawn a rawn kal pel lai chuan a mit meng zim sûn leh thuk dak, lang lum deuh huam bawk si chuan lungawi lo tih hriat zet in min melh khui khui a, a police uniform inbel hi uniform kawrban bul ani ve tawp lo a, ban a tlun a, chuan hma lam ah hian kawnghren ang deuh a inhreng deuh țap a, veilam ipte ah rawng chi hrang hran a inbel bawk a, a dar a arsi inbel pawh pali ngawt ani țhawt!


Chung khaikhawmna chu heng police thuamhnaw rih tham hmel zet leh a hmel landan thu neih hmel zet te hi a inrem vel vek! A taksa hrawlpui khuh bo tur a țhui bik ni mai awm in a taksa nen a inrem thlup bawk.



Na deuh in pindan khawngkhar a rawn nem phui dawt a! Ka phut zuk laiin Ethan erawh a nui ri suk duh lek choh



"Insiam la, kan let leh vat a nga."


"Mizo naupang te nen tiraw?" ka tih rual chuan ka aw ri te chu a zangkhai vawk tak tak.


"Umm, class xi leh xii zirlai an nia."


"Aw le, ka reilo ang " tih leh room chhung a luh ka rual a, Ethana nen unau an ni tho a, chuvang chuan amah ka zui kha thil sual ani pawn ka hrelo, a bialnu te nufa nen an chuah hona ah kal ve ai fê chuan a nuam daih zawk bawk ang.



Ka luggage ve chu chhuat ah mutin 'zip' ka pawt hawng mawlh mawlh a, beach ah anih dawn chuan tlem a thuamhnaw zangkhai deuh hâ ila a nawm ka ring, tuipui kam ah vawi khatmah ka la kal ngailo, tuipui insawi ri hlup hlup leh a bul vel a mihring au thawm te hriat ve tluk a thil chak ka nei ngai lo bawk.



Ka thuamhnaw lak chhuah chu khum chung ah dahin thawk ka la hap a, Inchhung AC dai ruih hnuai ah hlir ka awm a, pawn boruak lum hulh mai lah station kan thlen túk kha ka awm hnuhnun berna leh hmasakna ber ani mai a, zan lam ah engtiang tak in nge a lum dawn ka hre miau lo!





T-shirt var tlem a lian deuh ka inthawlh a, jeans kekawrbul ka inthawlh leh sawk sawk a, ka kawr tlang chu ka suih bawk a, savun kawnghren uk ka kawng ah chuan ka thil phei leh mawlh mawlh a, ka hmai ah nâ lotê tak takin make up ka hnawih bawk, ka hmui hnuai zawk chhah deuh hlek vang hian lipstic ngawt ka inhnawih pawn inchei deuh angin ka lang awlsam em em a, chuvang chuan ka hmui ah rawng langsar ka inhnawih chuan ka mit vel ka chei tawh ngailo, tunțum erawh Mumbai (Bombay) khawpui ah ka zan chhuah vawi khatna tur anih vang in liner langsar lotê in ka inhnawih a, ka mit pawh



peach-coloure nâ lo te in ka hnawih a, ka sam buang thang erawh ka thlah mawl tawp!



Chappal pan thlep khai chung in room ațang chuan ka chhuak a, ka bag ah tereuh tê ah chuan phone chiah a awm!

Utopia;1996 S2(1).jpg
Utopia;1996 S2(1).jpg (16.35 KiB) Viewed 12939 times



"Wow!" ka hawi chhuah dawrh rual chuan Ethan-a'n phawk zet hian min lo en a, ka in hâ bul lutuk em ka ti hman rum rum mai!




"Tinge, a bul lutuk em ni?"



"Nope, mi hran daih i ang a lawm." nui ro hawk chungà a rawn tih tak ah chuan tawitê in ka nuih let a, Carlos Zohmingliana pindan kawngkhar pawh nâ zet in a rawn inpawt hawng pawp a.



A lan dan smart thlup ka hmuh chian rual erawh chuan ka awm chhung lam hi a rawn lum leh hûam tawh! Body fit coat dum dak zui mai a ha a, a hnuai ah kamisz var thianghlim zet a ha leh bawk, a pheikhawk dum hnum tle hlur thleng á ka zuk en thlak vek rual chuan a lo rûm nghut a, rang zet a ka hawi chhuak leh a mit meng dur khûi mai chu kan in melh leh siah tawh! Ka awm bawr ațang ka kekawr bul hak in a khuh loh chin ka mal thla zawng zawng a mit in a chhui thla dun dun, ka thisen a lum nghal hat hat rual chuan atthlak lutuk in Ethana țhutna lam ah ka pen chho nghal daih bawk.






"In thleng drop leh ang che." A ban ah sana lawk zet bun mual mual pah chuan a ti fûk a, Ethan-a a bia tih ka hriat vang in ka ding ngawi ngal ringawt!




"Drop leh loh te'n le." a ti leh a, min en zawk pah chuan a ban a sana chu a bih leh vut a.




"Zan ah ka rawn let dawn lo." a rawn ti hmuk, Muanpuii'n a sawi lawk vek tawh, țawngkâ a chhang lovin lu ka bu nghat a, Ethana nen chuan a thin kan ti ûr ta mai emaw tih tur khawp a tûr a min melh dun leh khûi khùi hnu chuan a sana bunna ban chu a kekawr ipte ah a zen lut hlun a, savun kawnghren dum hlap a hreng tih ka hmu thei ta bawk.




"Bus in min rawn lamna tur thleng min drop la." Ethana thusawi vang chuan dawhtheihna tlakchham hmel fêa a pen vut tawh chu tawp leh chut in Ethana chu ching ren rûn in a en ngur mai.


"Bus in kan kal dawn.."


"Ola cab in bus stop chu pan mai ru." a ti hmuk, a țawngkam bul hmuk hmuk reng leh a chhan pawh hriat hleih theih loh vanga a hmel lang dur khûi reng chuan ka tha a lo ti țang ve em em ringawt a!


Kawnhkhar lam a pan nul nul tak ah chuan Ethana chuan eng emaw a rawn sawi nui nui bawk.



"Helam ah car ka nei lo tih a hreve reng sia." A ti deuh hmuk, a țawng dan vang chuan ka nuih a za ru hle leh nghal!


" Thelma?"



"Awi ah!" Ka chhang rang lutuk chu ka in ngei leh hnuhnawh!



"Tah hian chahbi pakhat a awm, keng tel la, tibo lo vang che." a tih tak duah ah chuan common room ațang chuan ka kal chhuak ta nge nge a, kawngkhar bulah vei nei țun ang mai hian a lo ding khawng luah, a chahbi spare sawi awmna a kawh fuk fuk rual chuan lu ka bu leh nghat bawk.



"Zohming min drop dawn lo tak tak maw?" Ka hnung mai ațang Ethan'n a rawn ti ve thung! Carlos-a chu a dawhtheihna neih zawng zawng laksak kan dil tá mai emaw tih tur khawp hian a hmel landan a rum ûl tawh mai bawk si! A eng saw nge maw diklo le!



"Dawn lo, Muanpui te'n min nghak reng tawh." ner suk chunga min en kher pah chuan a rawn ti er a! An nghah tawh vang anih chiah chu tlangkang rawn inphuh chhuak tur ang mai a athin râm em em ni!




Kawngkharpui ațang a chhuak chiah chu nâ tak maiin ka kâ ațang ka thaw chhuak hawk a! Thunei tu ber ani tih hriat zet a duhtawk a inchhung ah a chet kual vel chhung khan ka thaw chhuak mumal miah lo.



" Chupa mai mai chu!" Ethan chuan a rawn ti hluk bawk.



"Champhai a rawn haw ve hun ah ka phur duh miah lo vang." a tih leh rual chuan ka lo nui ta hawk hawk a, amah pawh chu a rawn nui ve tho, Carlos-a chabi sawi chu ka la chhuak a, Ethana nen inhnuai lam kan zuk thlenthlak ve meuh chuan a motor hnung lam takngial pawh kan zuk hmu hman lo, dar 7:30 a ni awrh a! Bus stop thleng min drop hmasa pawh nise dinner ei turin an tlai dawn loh teh reng nen!



"Ola cab ka call lawk ang ang aw."




"Umm." Ka bu nghat a, kawtzawl zau hek hawk chu a fai hun a, Ethan-a phone a hman chhung chuan grass hring dup in zar pharh phei duai ah chuan ka kal phei zel a, building chhawng 20 dawn a sang hnung lam ah chuan swimming pool pathum ngawt a lo awm reng chu niin! Light eng in a chhun eng phut a, a lang hring deuh phut bawk si!



A bul vel ah chuan naupang infiamna tur ni awm tak tawlhpahrit te, pipu leh sakawr lem virkual thei te a lo awm thluah bawk a! Ka hriat tak zawng chu he Appartment hi mi hausa ti a inchhal chin lo chuan an luah miah lo ang! An engkawl dan a changtlung in hmun tin deuh thaw an CCTV camera a invuah thluah a, gate pui ber pawh mipali ngawt in an veng, chuan chhawng hmasa ber kawngkhar lianpui bul ah computer nen a duty an lo awm a, he building tlawh tu te hming an lo la thlap a, hming an sign tir a, an chhuah dawn ah hming bawk sign tir leh in building an chhuah san darkar zat an chhinchhiah thlap, tun lawk pawh khan keini pawn chu thil chu kan paltang zo chiah.




"Thelma?"



"Ka lo kal." tih leh Ethana awmna lam a tlan phei chu ka rual a, nizan khan Carlos-a aiin a upa tih ka hre tawh a, mahse zanin Carlos-a nelawm loh dan leh chet kual vel dan ah kha chuan Ethan-a hi a nau zawk en in a en ni ber hian ka lo hria.




"Lut rawh le." A lo ti a, a cap koh pawh a lo thleng fel hman der tawh mai! Ka țhu lut a, amah pawh seat hnung ah chuan a rawn țhu lut ve nghal zat, driver bul ah kan kal duhna a hrilh rual deuh thaw in google map car hma lam a mi chu a rawn in 'on' nghal a.


InShot_20190520_220037858.jpg
InShot_20190520_220037858.jpg (75.63 KiB) Viewed 12953 times



Khawpui ri hulh hulh mai kan tlan pel zûl zûl a, 'a changkang e' han tih chiam tur ka hmu lo nangin building kum 100 chuang lo ding tawh tih hriat nghal theih khawp a lian leh ngheh hmel zet zet kan tlan pel rual te chuan history hun lai vel ka ngaihtuah let lo thei lo, tun lai insak ang mai mai ani ngailo a, ban țhenkhat ah awmze nei tak in thil a i ker (kher) a, Aaa.. a pui mup tiil a dik ber zawk ang.




Ethana chu Mizoram a awm tam zawk tih tak ah titî a thiam in Carlos-a kiang ah ka awm chang a ka țang ru țûk ang kha a kiang ah ka awm chuan ka nei lo a, kan titî barh barh reng a, Bus stop ah chawl lo in beach kan tlan nghal dawn tih a sawi a, Naupang ho pawn zirtirtu dang te nen beach an pan mek thu a sawi leh a, Carlos-a ang lo takin kan khua pawh alo hre thlap, chu ngawt pawh chu nuam ka tih phah hle bawk.



"Nizan kha a rawn rui nawi em?" Tuipui lang champût hrul ah kan tlan tawh a, Ethana zawhna min zawh vang chuan ka hrawk chhung hi a rawn tawt nghal țalh bawk.



"Umm." A nui chet nghal tlak, ka en hâw rual chuan a phone bih ngur chung in a lo la nui cheu anih chu!


"Ka hrai rui anih kha."



"Maw?" ka ti hû! Phone screen ațang chuan mit la sawn in min siai zauh va.


"Ka dawp mawle?"


"Eng ah chuan?" rang zet in ka ti nghal zat.


"Thurûk ani hrih " a tih tak ah chuan zawt sual inti zet in lei ka chhuah zeuh va.


"Kan unau inkar zawk mawle."


"Ok.." ka ti halh a, thil inzawh duh vang ngawt a khati khawp a inhrai ruih chu mak ka la ti tho tho.


"Engtin chiah nge Carlos-a nen hian in intawn a?"
"Sawi dawn chuan a thui lutuk, buaina ka tawk a, ka hnathawnna tur ațang ka tlan chhuak a, rel station ani tih pawh hrelo in mipui tamna lai ah ka tlan lut tawp a, chuan amah hian min lo hmu a.. chuan.. aaa. A ticket min pe a." A lo meng deuh âwk chu ka hmu chiang viau.



"Mumbai kan rawn thleng ta hlawl a, a tir chuan amah hi zui pawh ka tum bik chuang lo, ih. Kalna tur ka hrelo a, ka purse leh phone vel ka tlan san vek sia. Min kal san a, chuan.. a rawn let leh a, a in ah min hruai a.."



"A kal san tawh hnu ah che a rawn let leh amaw?" Țawngka a chhang loin lu ka bu nghat a, khami tûk khan a rawn let leh ka ring lo hrim hrim, ngaihtuahna bing mup mup leh hlauthawng bawk si khan station chhung ațang ka kal chhuak a!


Min um tu te kha rel pindan dang ah an lo chuang ve reng a nga, mipui zi nuai nuai kar ah khan min rawn man thut mai ang tih te kha ngaihtuah in ka hlau hman em em bawk! Mahse vawi leh khat ah ka hma ah a rawn ding leh thut a! Ka veng nghal huai leh ka hahdam nghal sawng sawng kha Carlos-a vek pawn a hmu thiam kher lovang!




Ola cab chu a ding ta dat a. Ethan chuan kan chûan man a pe a, motor hunna ah bus lianpui a lo inhung ve ruau bawk a, chu chu naupang ho chuanna anih ka ring ve tawp!


"An thleng hmasa zawk anih dawn hi " a chhuak vut a, ka țhutna lam ațang ka chhuah ve rual chuan tuipui thli lum deuh huam mahse hahdam thlak em em siin min rawn chhem nghal hak a! Ka hip lut nghal vang vang mai! Mizo tleirawl țawng nak nak thawm te, thla laksak tur a an in au tung thawm te ka hre zawm zat a! Mizo dang ka hmuh ve hma zawng kha ka lungleng tih pawh ka inhre mang lo kha a nia! Mahse ka mizo pui ngei mai ri nak nak thawm ka hriat tak ah chuan ka țah a chhuak rû țun ringawt!




"Sir." Ethan chu an lo be sap sap a, zirtirtu dang pawh an rawn kal khawm deuh a, min en duh dauh dauh hlawm hle bawk.



"Ka nau anih hi.. Chuan kal darh lutuk lo ila, tuipui kam dawr ah hian dinner kan ei leh dawn nia.."
Ethan-a'n an awm zui zel dan tur a sawi mawlh mawlh a




Naupang țhenkhat chuan min nuih sen sen hlawm a, mipa 15 leh hmeichhia 15 zirtirtu te nen phei chuan 40 rual dawn an ni a, kan thawm pawh a zawi lo hle! Tupui arawn fawn hlup hlup a, a țhen an tlan lut a, a țhen țiau a thil lem lo ziak tawk te an awm a, keipawh tleirawl ho nen tuipui fawn in lak let tirin kan ri têng tûng hlawm a! He khawpui ka thlen hnu a ka nuih nasat ber țum ani hial ta ve ang!



"Message i dawng nual a nia." Ethan-a te lo țhutna lam chu huh hluam in ka let a, a bul a ka bag min lo ven sak chu a kawk zauh bawk.



Rang zet in phone chu ka la chhuak a, tûkin private number ațang bawk khan message 5 ngawt a lo awm a. Ka open a.


*a hmun in thleng tawh em?*


*Thelma?*


*message i hmuh rual in i chanchin rawn sawi rawh *


*dinner in ei tawh em?*


*Thelma?*


A va mak sek sek ve mawle? ti rilru nauh nauh chung chuan a message eng ber nge ka chhan dawn tih ka ngaihtuah a. In ațang a chhuah dawn te kha chuan Ethan nen khan min nin (g) ngawih ngawih hmel a pu reng si!


*a hmun ah kan awm tawh, dinner kan la ei ve lo.*


Tih zawng ka thawn! Zan dar 9 a pel tawh bawk.

Message tone a rawn ri leh nghal zat. Amah bawk.


*dinner ei ula, let tawh ru.* tih zawng hi! Ner nang in screen chu ka melh nghek a!

*ka sawi chu i hria em? Ethana kha hrilh la, in ah let tawh turin ka duh che.* ka reply loh vang ni ngei ang! A message hnuhnung zawk chu a warning ta țhek țhawk viau! Phone chu ka hmet thim daih a. A in zau pui ah keimah chiah in ka awm dawn a, hetah mizo naupang te nen ngei a la bengchhen ka thlang zawk fê!


"I rilțam tawh em?" Ethan-a chu ka en nghal vat, lu ka thing nghat bawk.



"An phur lutuk hi han reh fel se dinner eina tur lam kan pan dawn nia." A ti a. "Kan ram ah hetiang a hmun nuam lutuk leh tuipui vel a awm ve mang silo a, chhun nisat laia kal pui ai chuan zan dai ah hruai a fuh zawk ka ring a, hei kan tisual in ka hrelo." naupang ri lawng lawng lam en vung vung pah chuan arawn ti leh duah. Keipawn zan lam ah a hruai hi fuh ka ti zawk daih! Chhun nisa lah a sa bawk si! Tun ang tak hian an tlan kual peih miah lo ang.


Ka phone ah call a rawn luh thut rual chuan rang zet in screen chu ka en vat a. Private number bawk kha!

"Hello."


"Message kha i hmu anih chuan reply nachang hre ta che." a rawn ti chang bûl! Ethana chu ka melh zeuh va, mahse a bul a zirtirtu dang awm ve te nen an lo inbe daih.


"Eng nge i sawi duh a?" zawitê in ka chhang let a rawn thaw chhuak ham ham ri ka hre zawm zat bawk.


"In ah haw tawh rawh." a rawn ti sup! A bialnu te nen an kal chhuak a, chuta kar ah a rawn let dawn lo bawk! Chuti chung pawh a min rawn thunun a tum deuh tlat chu ka haw tak zet!


"A la hma a lawm."


"Aih, dar 9 a pel tawh, hmeichhia zan ah khawlai a awm reng a țha ber lo." thinur, țawngrin duh bawk silo ang mai hian a rawn ti chhum leh hmuk hmuk a! ka inseh ruh vak bawk.



" school naupang in awm an la duh sia." Ka ti ve ta tlat! Nâ zet a a thaw chhuak hawk ri ka hriat rual chuan ka thaw ve huai a, a hmel landan tur chiang zet in ka mitthla ah a rawn lang a, vanvadak in thinur in control tum zet in a khabe ruh kual hrawl zet a che țawlh țawlh hial mai thei!



"Thelma min hnial tawh suh, in ah let tawh rawh." a vin lo, a ring miah lo bawk. Mahse a dawhtheihna limit pelh chin a thleng tih ka hre thei! Ka chhan let hma in phone a ti tawp zui daih a! Ka tân tunge anih tih hrechiang in emaw, kan chhungkaw hnai tak ni ngat se chuan ka vin let ve nghek ang!


Ethan-a phone a ri ve leh chiah a! A pick up hma chuan min rawn en zâwk a! Carlos-a ani lo anih chuan tuipui hi ka hleuh chhuak vek ang!



"Rawn kal ve i tum tih rawn sawi miah suh." Phone a chhan rual chuan a ti thawr a! Ka ring dik! Thinrim zet in ka rilru in ka lo ti nghat bawk.



"What? .. tun ah hian maw?" A ti hû a, min rawn en leh kher tak ah chuan hmeichhe khawlo tak in ațang vakbo a chhungte'n an zawn ang maiin in a let tur bawk in min rawn ti leh tawh tih ka hria.



"Aih, dinner kan la ei lo, kan ei zawh ah Thelma chu ka drop leh mai dawn lawm."




"Dammit!" a rawn ti hawlh! A hma zawn ah phone a lek vû rual chuan kei min tih ang bawk kha a û pawh a off hnan hmaih tih hrilh nawn ka ngai tawh lo reng reng!


"A engnge maw diklo le?" a ti leh hlut a, keipawn chu chiah chu ka lo ngaihtuah! Tinge in a let tur chuan min duh em em le? Rukru rawn kal in a in an lo rawk a hlauh te ani mai lo maw?




"In ah let tawh tur in a duh che a." Ethan'n a rawn tih sup tak ah chuan zawite in thawk ka la halh a. Ka let dawn lo! Tak tak, ka let dawn lo! A thunun kual mai mai tur ka nilo, a tan tumah ka nilo chung leh phone kal tlanga a thu sawi apiang ka zawm anih chuan hei ai hian min zuam sauh vang.



_____ 💫Euphoria you are amazing remember that💫____

Carlos Zohmingliana's POV


Thaw chhuak hawlh pah chuan 'wash basin' chu ka nam țawlh a! Ka thawk lakdan nâ zet chu thunun a harsa lam hrat!




Ka kûn deuh khun chu dak chhuak hlek in ka hma a darthlalang lianpui a ka hlimthla rawn lang chu ka melh ta ngur a! Ka landan engkim a la pangngai vek! Ka rilru tih chauh loh chu! Ka kut chu tui rawn dir ah chuan ka khawh tir thuak thuak a, hmai ka tuai zui puat bawk!




"In control rawh!" chang hrawk in darthlalang a hlimthal rawn lang chu ka melh khui bawk! Hetiang teh hrep a rilru muamal lo pu hian ka la awm ngailo! Chupawh hmeichhia vang leh nghal in!


Ka rum chhuak leh hawlh a, ka kawchhung sa huam huam reng chuan ka taksa pum a kang sahal huam huam ani ber e! Ka kekawr ipte chu ka zen leh ruk ruk a! Ethan hnen ațang emaw Thelma hnen ațang pawh an let tawh tih rawn sawina meseage tak ngial pawh ka la dawng lo cheu!




"Zohminglian.. i thluak nûbûlh hi thun vat rawh! I hmeichhia pawh anilo, a duhtawk in a tal kual thei a lawm." Ka bek zawn a thisen zam phu zauh zauh khawp a inseh rûh ngawt ngawt chung chuan inbeng dai turin ka inhrilh mawlh mawlh reng a! Mahse sawtna chhetê pawn a nei hrep lo ve!


Wash basin ka chum pawp rual chuan Man area kawngkhar rawn inhawng ațang mipa pakhat a rawn lut vea, ka lo awmdan in a zir lo bawk ni ngei ang! Rang zet in a kal chhuak leh nghal zûk! Ka nui ro nghal hawk bawk!




"I hmeichhia anilo, a duh dan dan in a tal kual thei." Darthlalang ațang ka mit ah tak in en ngur ngur pah chuan ka ti chang leh hrawk! Chuthil chu ka pawm thiam a ngai viau bawk!




Dinning hall ah ka let leh tak ah chuan Muanpui te nufa pawn an eitur chah an lo ei zo chiah a, ka in ațang ka chhuah hnu khan second reilo te chhung pawh hahdam tak leh Thelma ngaihtuah ngut ngut lo in ka awm zuinder lo! Pi Zuali min biakna ka lo hrelo fo a, zanin ka awm dan zet chu keimah ngei pawh ka inhaw hlur thei mai!





"Chah belh duh in la nei em?" Ka ti thawr, chair ah ka țhut thlak rual deuh thaw in Muanpui chuan ka kut a lo ban a, ka hmui bul ah la kang vut in ka fawh sak vang vang bawk.




"Kan puar lutuk, mahse engmah i ei mumal lo a nia." a ti a, a nu hmeichhe fing zet leh amakpa ka nilo ang tih hlau em em reng pawn min en ngar mai.



"Ka puar hman hle tho." ka țhen lui suk bawk.




"Chahbelh duh in neih loh chuan bill kan buaipui a nge." ka ti nghut a, Muanpui kut ka hum sak chu thlah in ban ka lek chhuak zui hlek bawk. Customer service in kan table lam a rawn pan thuai a, Pi Zuali pawh washroom hmang lawk turin a tho zat, bill siam in service chu counter lam ah a let a, pindan chhung eng dul ruih leh mi hausa chin țhiau thawm nei mang lova zanriah ei ve dang ho chu ka en kual thuak a! Tuipui kam a kal duh zawk hmeichhia khan thil a ei ve tawh angem tih bawk ka bawk ka ngaihtuah leh daih thawh.





"Babe?" țawngrin hlau tih hriat zet a min ko tu chu ka en nghal vut, chik fê in min lo en reng tawh.


"Sawi la." ka ti nghut.


"Diklo a awm em?"



"Nope."


"Mahse.. ka nu biakna che i hre ngai bawk silo, ka biak che pawn vawi hnih thum au nawn ngei ngei i ngai a.."




"Sorry ka chauh deuh vang anih ka ring." ka ti hluk, a kut nem thep in ka kut chu a rawn hum a.



"I nawm loh chuan sawi vat ta che, let i la, i mu vat dawn nia.." țawngkâ a chhang lovin a hmelțha ser sawr chu en in lu ka bu nghut ringawt!



"Luna i nei em?" Ka bu leh nghut, "ka ring deuh a, i mit a sen rûm a lawm." a tih zawm sep sep a, dawt muhlum ani der lo leh nghal! Nizan Thelma ka fawh hnu khan vawi khat pawh ka chhing lo, ka chetdan vang khan min hlau in emaw, in ațang tlan chhuah nghal a tum mai a ngem tih ngaihtuah in a pindan kawngkhar ngheng in ka țhu tlaivar țhak a, nileng in hna lian tham pui pui chinfel ngai a awm leh zut nen ka lu a na deuh bur.



Kan bill zat nen hnathawk tu a rawn let leh rual chuan walet ka la chhuak a, kan pathum zankhat thil eina ngawt pawh rs 3000 a kai vai vai! A tips tur ka dah tel sak hram bawk.



"Tinge Hmingpuia chu?" Pi Zuali rawn let leh chuan a rawn ti zung zung a.



"A nuam lo deuh a, haw i la, mu hahdam rawh se, tun lai chu a hahrim tawng ve deuh anih hi."



"E, a va zialo ve, Hmingpui let vat ila i hahdam dawn nia." a rawn ti hluai a, ka hmeichhe ngaihtuah ngut ngut reng hi ka hmuh phak ah awm nise chuan ka țha ni mai tur!


Muanpui flat insawn luh tharna lam panin motor ka khalh a, an nufa in an titî mial mial reng a, an thusawi chu pakhat tê pawh ka hre zui lo! Hma lam bih ngur reng in steering ka her kual mawp mawp tawp!



"A khawngaih thlak reuh tak tak ani, thingtlang lam mi daih ani bawk sia." Pi Zuali țawng tawp lam chu ka hrechiang ta viau. Tu chanchin nge tih lah an sawi zawm leh der tawh silo a.



Gate chu chhung lam ațang an rawn hawng a, muangchang in ka inkhalh lut a, wine glass no khat zawng ka in, ka lu nat deuh tluk tluk vang nge ka khaw hmuh a fiah lo lek lek!



"Muanpui." A nu a chhuak tawh, a chhuak ve tur chu tawp chat in min melh a.



"Ka inkhalh haw mai ang."



"Maw.. a va fair awm lo ve." Ka nui lui suk ringawt!
"I rawn thleng ta sa sa, tah riak mai rawh, nuam lo chung a inkhalh let tur chuan ka ngaihtuah che." Seat hnung lam ațang ka biang a rawn tawk a, ka bek ah a rawn fawp nghal zauh bawk.


"Mutthilh ka mamawh ber."



"Ka hria, kan mu nghal dawn nia." Min chhang rang lutuk chu ka nui che nghal dawt!




A in thar ah chuan kan inzui lut a, a insuan luh hma pawh a ka buaipui sak vek ani bawk a, security a țhat bak ah building a chengve te ah țawp hnawk deuh an awm lo.



Badroom pahnih leh bathroom pathum a awm a, ka in lamah cheng tam viau mahse Mizoram ah chhungkaw hlun an nih vang in a khawsak dan thup bo na tur ang lek a hming a flat luah ve mai ani a, a tawk tiu teu viau bawk.



A nu chu a room hman tur ah a lut tlang a, tui lum ka in duh leh duh loh min zawt a, ka mamawh hran in ka hrelo, a room ah kan inzui lut a, zan dang angin engmah tihpui chakna ka nei miah lo bawk, ani pawn a hrethiam hle chuan ka hria. Ka coat hak ka hlip mawlh mawlh a, ka t-shirt a kawl chu a thuamhnaw bawm ațang a rawn la chhuak a, inthawlh ta lem hlei lo chuan khum ah la lawn kai nghal tawp.






"Lo mu rawh aw, ka intifai lawk dawn." Ka bawk khup thuk, ka tukhum ah a rawn tuai hauh hauh va.
"Ok, reilo la." A kal sawn zui nghal mai a, thaw suai suai chung in side table a ka phone dah kai tawp chu ka ban leh ta nge nge bawk!



Message a awm lo!


A țha a lawm! An duh hun hun ah in drop rawh se.





Muanpui rawn mut ve lai pawh hre hlek lo in ka muhil tlang nghal ani ngei ang, ka harh leh meuh chuan ka kawng ah a ban rîa țhâl mai chuan min lo kuah bet chial a, kei erawh ka lo la bawkkhup duai thung. Ka awndan chu siam rem in ka taksa kuah chial a lo muhil ve sek sek chu ka mut rem tir a, a hmai fang sin deuh ral leh vun ngo veng mai chu make up tel miah lo pawn hmelțha tak ani mai! A biang ah tawh sak tum a kut ka lek chhuah vut tawh chu ka la let leh a, khum ațang ka tho chhuak nghal vut bawk.




Nizan t-shirt hak tur a min pek pawh kha ka inbel lo tlang ringawt anih hmel, couch chung ah a lo inthlep țha tlap, ka la kang vut a, ka inthawlh nghal zat bawk. Side table a phone bawk chu ka pan a, zing lam dar 6 a lo ri tawh! Mumbai khawpui erawh a lang thim deuh ruih!



Thelma rawn call na emaw, message emaw tal pawh a la awm hlek lo! Rum nghut chung chuan phone chu ka theh thla dawt a! Hmeichhe rawn rum țiah țiah thawm ka hre zawm zat bawk.



A rawn in let thak a, mutna a a hak țhin kawrfual pantê leh pantie chiah a ha leh teu tawh.



"Good morning." Mit la meng chiang hlei lo hian a rawn nui ri hak a, keipawh khum tlang ah ka țhu thla ve dawt bawk.



"Morning, i mu tui em?" ka ti sup, ka nghawng ah ban a rawn suih bet a, a lu kan in ka hmui ah a rawn fawp zeuh bawk.



"Ka muttuina damdawi lianpui kuah chung che in ka mu a, ka muhlum lo chauh." a ti a, ka nui ve suk bawk!


"Lo mu leh la.."


"No, hna kal ka ngai.."



"Ka ning e." a rawn ti hap a, rawn inbeng kan in ka mal chung ah a rawn țhu kai hmiah, ka nghawng ah a ban pahnih a rawn suih bet leh nghal chial bawk.
"Naktuk ah ka nu a haw tawh dawn."


"Umm..." ka ti nghut, a inla hrang hlek a, ka mit ah chiang zet in a rawn en ta kal.



"Lungawi lohna i nei em? Or ka nu in i duh loh zawng sawi palh emaw te."


"Teuh nang, ngati nge?"



"Aih, nimin tlai ațang khan i mood a chhe tawh tawp a, ka bul ah i awm reng nangin i ngaihtuahna erawh hmun dang ah daih.."

"Ka chau ka tih tawh kha."


"Tak tak em?"



"Umm, chuan in lam ah ka let angai." ka sawi zo chiah rawn inbeng kang in ka hmui ah a rawn nawr nghal chawt a, a tukhum sam ah ka țham sak nghal nghek! Mahse a chet lak a a buai phah chhete lo, a rawn uar tial tial a, ka mal chung ah țhu reng ani bawk a, a mawng bawr a rawn ti che kual leh a, ka thaw chhuak ve hawlh tho!




"Please, in la hrang tlat suh." a phun sep sep, ka fawh let ve tak ah chuan phur zet in a rawn che zawm a, khum ah a vang zawng in ka mu zangthla duai, chung lam ațang min rawn keih let tawn tawn, a kâ chhhung ah lei ka chet kual tir a piang in Thelma kâ chhung sa hiam a phurna ka hmuh ang kha ka zawng a; ka hmu lo!



Ani zauthau tawh bawk si chuan hmeichhe dang daih amah ah ka zawng tih hre lek loin min dap kual ruai a, ka boxer chhung ah a rawn zen lut a, a tak a rawn hum chawt rual chuan ka rum nghut, Muanpui pawh a kawng ah man in khum ah ka hlang thla a, hrilhhái fê in min en dawrh bawk.


"Sorry."



"Hmingpui.." a rawn ti tûng a, hlauhthawnna a hmel ah chuan a lang chhuak chiang viau bawk, a rawn lawn kai leh ngat a, ka khawih lui anih chuan nimin tlai a ta tawh ka thluak chhung chhuahsan duh miah lo tu hmeichhe hming ka lam chhuah rî a hre ngei ang!





"Duhtawk rawh." Ka ti sup, a biang ah ka dawm a, a kut bawk chu a ngai ah a rawn zen lut a, thir tum ngawt ka ni biklo, ka chakna tih thawh ngei ngei tum a kut a chet rual deuh thaw in Thelma suangtuah chung in rang zet in ka thisen a rawn lum nghal bûlh ta reng!




A tawlh hniam thal a, ka boxer kawng ațang phawrh chuak meuh va a rawn **** zui leh tak ah ka rilru zawng zawng luah tû hmeichhe hming lam chung a rum chhuak lo turin ka inseh ruh chawt chawt a, ka thinphu sa bulh bulh reng leh thisen zam za țek chawk chawk chuan Thelma hming hlir a lam, a hmui hnuai chhah tap leh a ka chhung sa hiam te... nizan a kal chhuak tur inthuam dan sexy ru zet mai ka ngaihtuah thlen tak ah chuan a vawrtawp ka thleng teuh tawh lutuk! Mahse chuthil chu ka thlen tir thei lo, vawi leh khat ah ka tho kang thuta, ka pawm kang zui lawp bawk! Bang ah ka nawr beh chawi rual in a rum zui hak a! A thawk a rangin chak hmel zet in a mit meng a phi chiai!



"Ka thei lo... !" Chhuat ah ka dah thla a, ka insiam rem nghal thuai bawk.



"Doctor hmu turin kal ang." Ka awm ah a rawn bei nghal chat. "Umm, i damlo tak tak hma in inentir ila.."


"Muanpui."

"Ka ngaihtuah che a lawm."


"Ka țha leh vat mai ang." Ka ti nghut, doctor pan ațha chi ka nih loh zia ka inhriat chian lutuk vang in ka nuih a za ru hle bawk. Ka khabe hnuai ațang a rawn dah chhuah leh rual chuan a hmui ah ka fawh sak vang vang a! Rilru siam fel vat ka mamawh! Ka mamawh tak zet!




Washroom ah ka intifai a, Muanpui nu pawh Muanpui room ah rawn lut in naktuk a hawna tur ticket en kual in an ti lang lang reng a. A nu hi hmeichhe sual tak ani hran lo, mahse ka chungah a țha em em reng leh a țawngkam nêm hlei țhin hi a fake ka ti tlat lawi a!


Midang chanchin a hre thei em em a, mifa te sawn pawm sawi nuam a ti piap piap teh lul nen a fate nun dan erawh a pasal kiang ah ngei pawh a thup pui țang țang a! Hmeichhe dang angin Muanpui hi â ve nise zawng a rai na a rei tawh ngawt ang. Mahse pills a ei a, mudang sawn pawm ang in kan chet khawloh rah alang chhuak ve ngailo tih mai loh chu mifate mualpho pui thil tam tak kan inkar ah pawh a thleng fo! Chutiang a hriatpui vek chung pawn a hmel hriat fa in sawn a pawm chuan an hmel hriat dangin an hre punlun lovang tih hlau in a sawi zui chiam țhin.



"Thelma kha kan in ah thlen tir la, an khaw sumo ticket pawh laksak nghal ang che u.."



"Kan lak sak mai lo in pawisa nei hmel pawh a put loh kha!" Ka hmai huh hru mawlh mawlh a ka kun lai chu ka hawi chhuak dawr hial thei mai! Thelma! Ka ti ve sup a.



Washroom ațang ka chhuak zui vut bawk.



Laptop an lo țhutchilh ran lam chu ka pan ve vut a, screen ah chuan Thelma hming pum nen lam a lo lang kulh bawk.


"In Thelma sawi hi tunge?" ka ti hmuk, Muanpui chuan ka min rawn en zauh va. A mit meng tlan chhe nghal chu ka hmu chiang viau bawk.


"I in a awm ve i lo țanpui nu kha mawle, Mami hian a khawngaih deuh a, ka rual a haw ve turin ticket ka book sak ve anih hi!"




Ka rûm chhuak nghut! Muanpui chu a ding thuai a.


"Nu lo va chhuak lawk rawh, Hmingpuia nen hian kan han inbe lawk ange." a ti sawk sawk, pi Zuali chhuah fel hnu lawk chuan Muanpui chuan ka kut a rawn ban a, nâ hauh silo in ka lo dahsawn sak hmiah bawk.

"Hmingpui?"


"In rawlh suh ka tih tawh ani lawm ni?" ka ti chang bal! A rawn nui lui hak a.



"Thelma duhthlanna alawm." Ka chhuk melh khùi rual chuan ka kut a rawn hum nghal chawt bawk.



"Ka ti tak tak, nizan in ah kan rawn kal lai khan ka nu in a lungleng em tih a zawt a, a pi leh pu angai tawh tih a sawi a, mahse hawnna tur leina ticket man tur a neih loh vang in..."



"I nu in Thelma chungchang a hriat ve dan kha explain ngai hmasa i ti zawk lo mi?" Țhen suk pah chuan ka ti kher!



"Ka hrilh a lawm.. ih englo."




"Lo inrawlh suh ka tih kha " a kut ka thin per sak nawlh, ka thuamhnaw dahlam ka pan zui vut bawk.
"Hminhpui, a haw duh chuan haw tir mai la, ka nu kiang ah a haw duh tih a sawi a lawm." Ka bul zel ah a rawn kal. Ka bulah ngei Thelma'n a sawi hma chu ka pawm ve dawn lo.




"Nu leh pa anei tawh lo a, a pi leh pu a ngaihtuah vang in a haw duh, mî haw duh chung chu i dang lui ang maw?" A rawn ti ta tuar! Ka chawl dat a. Thlema'n nu leh pa a nei tawh lo! Leh zel chuan leh!





Ka coat chu ha tawh lo in ka man khawm tawp. Kawngkhar lam lan ka pen pawk pawk chu min umzui zel a. Tun ah tak hi chuan amah nen a inbiak ka chak miah lo! Thelma chungchang h inrawlh tawh lo tur a ka hrilh hnu ah a aia thui zawk a kal leh a, a thil sawi zawng zawng hi a lo dik ngei anih pawn Thelma ngeiin a sawi tur ani! Ka kut ah a awm tawh a, a haw tak tak duh anih pawn keiman ka buaipui ang.



"Babe.."



"Duh tawk rawh! Muanpui.. ka thusawi kha zawm a harsa viau em?" kan thawm ngaithla in a nu a awm hnai ngei ang tih ka hria! Chuan.. hmeichhe vin chim hi ka duh ngai bawk hek lo! Mahse min nawr lui ni ta ber in ka hria.




" i ngaihtheih lohna mit meng pawh kha a tan nuam tih lohna a tling tawh lutuk! Tun a i chet lak dan leh lek phei chu.. " ka ban bul a rawn man chu ka thing thla zui nawk, a room kawngkhar ka pawt hawng zui pawp bawk.




"Hmingpui.." pi Zuali min auhna pawh ka uksak tawh lem lo, kawngkhar pui ka hawng a, Muanpui chuan min umzui ve zel bawk, inhnuai motor hunna thleng min um thla dawr dawr! Bolero ah ka luh hnu ah pawh kawngkhar a la rawn chum nghek nghek tho!




Hlauhthawn hmel zet in glass a rawn beng dawt dawt reng a, a hmel ka hmu reng anih chuan ka lungawi lohzia thunun hman lo lek in ka che zui hial ang! Thelma nun ah inrawlh tawh lo turin țum eng emaw zah ka warning tawh! Mahse zawm chu sawi loh a nu thleng in inrawlh turin a sawm lut ta hial chu anih si hi!



"Hmingpui." Ka ner suk! Ka kawchhung a lungawiloha leh thinurna in mung kual muah muah chu ka â ațang chhuah țhen tir tum in ka thaw chhuak leh hawk a.




Engine ka tih nun rual deuh thaw in ka dawk chhuak nghal zawk! Muanpui erawh mi â ang maiin a ding mawl tawp!




Bing zet in ka in lam pan in ka inkhalh let mawp mawp, ka kawchhung a so bulh bulh reng! Thelma tehhrep pawh chhuan a haw duh chuan ngahnge kei min hrilh mai lo! A biang duk vel a reh fel anih chuan a hna thawh theih tawk ka zawn hmuh sak nghal ang! Chuthil chu a pawm emaw ka tia! Thawkzîng fê in steering ka chum chawrh ringawt! Kan sawi dun a țul viau.





Lift ațang ka chhuak nghal vut, ka kekawr ipte a chabi chu la chhuak in kawngkhar ka hawng tlang nghal pawp!




"Thelma." Ka aw chhum zet chu a hlau anih pawh tih vak ngaihna a awm lo! A room kawngkhar ding zet in ka pan pawk pawk a, kawngkhar ka nem hawng rual chuan vanvadak meuh in ka rum chhuak hrawk bawk!





"Khawi ah teh hrep nge i awm a?" Ka kawrchung pawh a pindan chhuat lai ah ka vawm hlawm bawrh! Ka kal chhuak leh vut a, washroom lam ah let chho a, ka kik dawt dawt phawt a, a reh tak vung vung ah chuan na zet in kawngkhar ka theh hawng zui pawp! A pindan chhung ah bawk in a lo rûak huai!




"Thelma." Na zet a thawk la hawlh hawlh reng chuan ka kekawr ipte ațang phone ka la chhuak vut, a number ah ka call nghal zat a, a chhang lawk thei der lo leh nghal!




"Chhang rawh!" Ka lungawi lo lutuk chhuan phone chu bang vawm nan ka hmang teuh kher mai!




"Hello." Mipa aw in a rawn tih rual chuan ka sa bulh a! Sâ tak tak ka ni!

[Ngaia]

'Chhingkhual lenmawi!' tih hla leh he story hi inrem ka ti viau! 🙈 Chhingkhual lenmawi tih phuahtu pawh khan 'lawmkawiâ a hmeichhe tawn zúai kha a vei zui ta em em a, hla chuai thei lo leh dangdai lutuk a phuah chhuah phah ta anih kha!'

He thawnthu hi a dangdai ka tihna niloin! ( ka thil sawi hlek lo ngaikawi tlat tawk kha in awm leh dawn a.😂) Carlos-a feeling neih nen zawk hian ka tehkhin rauh rauh țhin! Induhna/ veina/ suangtuah zuina thleng tur hian hun tam a lo ngai miah lo! tih ka sawi fiah tumna zawk ani e. 🤗

☆UTOPIA:1996☆ S2
Chapter 7
By
Abbra Reo Ririni Khiangte (PitarteiSualfingi)😈




"Tu phiangse nge i nih a?" Ka ti chang bûl! A rawn nui ri hawk ka hriat rual chuan hmaichhan ah ngei inhmawchhawn a a hrawk ah tak hnek sak chawrh mai ka chak hlur bawk.




"Khawi ah nge Thelma?" dawhtheihna tlachham fe in ka ti leh vut phone rawn chhan sak tu chu a thaw hawlh a, ka rilru kal bing mup mup leh thisen so bulh bulh reng chuan thui ngaituahna hmang theilo in dawhtheihna min tlakchham tir em em vek!



"Hetah Mizoram house ah kan awm." a rawn tih deuh lawng lawng tak ah chuan Ethan-a nen kan inbe mek tih ka hre ta chiah! Ka thawk lak rit chur mai chu a khur ru thei hial!




"In ah drop tur in ka hrilh che!" seh chilh rûn chung chuan ka phun sup.




"Inbeng dai phawt te." phone ka off zui hmiak, kawngkhar pui ka pawt hawng zui pawp a, khatiang thuamhnaw themnem zet in bel chung khan engvang teh hrep in nge pawn lam ah a riah chhuah? Lift chhung ka luh rual deuh thaw in thir bang chu ka hnek ri zui dawp! Inthunun tih vel ka ngaihtuah thleng pha tawh lo hrim hrim! Ka duh ber erawh a awm mek na hmun ațang a hruai let ani tawp!




Chak mangkhen in parking ațang ka tlan chhuak a, Mizoram house lam ka pan ding nghal zat bawk! Ac ka on tak nangin ka thisen lum bulh bulh vang a ka taksa sa pup pup reng chu a chhawk hahdam thei der lo! Eng ngaihtuahna pû in nge in ah haw lova Mizoram house ah a riah ve ngawt! In ah haw tur in ka hrilh lo pawh anilo! Huh! Ka thinur lai hmuh a chak vang teh hrep anih ngat chuan a sim ram ramna tur in ka che mai ang!





Ka thawk chhuah leh thawk chhuah loh pawh ka hre nek lo ve, steering ka hum beh mek chu a khat tawk in ka hmer leh chawt chawt a! Ka hriat hauh lovin Mizoram lam ah haw a tum tih ka hriat hnu lawk ah in ah riak lo in Mizoram house ah ariak ve ngawt tih ka hre zawm zat a! Chung thilah chuan lawmna tur pakhat tê mah a awm lo! Ka thinur hle a ani tawp!
Ka phone rawn ri ve reng chu rum nghut pahin ka kekawr ipte ațang ka phawrh chhuak a! Muanpuii!





Ka off zui nghal hmak, a rawn ri zawm leh zat a, chhan tumna ka nei lo, tun țum chu a kûanglo a nawr tih chiang taka a inhriatthiam rawih rawih thleng in ka che zui zel ang!




A hma aia chak in speed ka san sauh va, ka in leh Mizoram house inhlat deuh ka huat ber țum a ni hial ta ve ang! Engvang in nge chahbi nei reng siin in ah a haw mai lo? A rui lutuk a nga Ethan-a'n a room ah a pawm lut ve tawp ani thei mai ngem! Huh! Chuthil chu an pahnih tan a thlen loh a fuh ber ang!




Ka hmuh hmasak mipa tawh phawt kutthlak nghal chawrh chawrh mai lo tura inhrilh ru mual mual chung chuan Mizoram house lane ah chuan ka tlan lut ta par par a!



Kum 30 zet zawt khawvel ah ka awm tawh! Tun ang tehchai a lawm lo leh thinur hian ka awm ngai bawk hek lo! Ni 4 vel lek ka hriat hmeichhia vang a tal buai chiam rual lah ka ni der lo, talbuai loh tum lahin ka thluak thleng in a luah khat vek ang lawi a!


Hetiang tehhrep a vei ngut ngut tumah ka la neih ngailoh vang te pawh a ni ang! Ka rilru thunun dan ka thiam der lo! Ka thisen lum bulh bulh ti dai tur a ngaihtuahna hman phei chu thiam lo zual tak ka ni tawp!





Gate pawn ah motor ka din tir dawt! Ka chhuah vut rual deuh thaw in kawngkhar pawh na zet in ka nam phui dawt! Gate chhung ah ka pen lut nghal pawk pawk bawk, kan school naupang țhenkhat pawh tual zawl ah an lo ri nak nak tawh, ka hma zawn a awm a piang kut thlak nghal chawrh hreh hauh lova ka va lang ve hlawl chu phawk fê in min lo en țhup bawk.





Inchhung ka luh rual deuh thawin zirtirtu zing a pakhat ka hmu hmasa ber. Min hmu ve chu a meng dawrh a!




Khawiah nge Ethan-a a awm tih ka zawh rual in kailawn ah amah ngei a rawn lang nghal hlawl. Kuttum ka hum nghet nghal ngawt ngawt bawk.





"Khawi ah phiangsen nge Thelma pawh chu?" Kailawn ka chhuah chho ve rual deuh thaw in ka ti bul vut.



"Teacher hmeichhia te nen room khat an an riak." An room hman min kawhhmuh rual chuan bing zet in chu lam chu ka pan phei mawp mawp a, dim hauh loin kawngkhar ka nam hawng pawp! Khum chung a tui zet a hmeichhe lo muhil mek ka hmuh rual chuan atthlak tawp in ka thaw chhuak hawlh thei!




Chawl chhin hlek lova ka awm chhung a che dawt dawt reng pawh sa huam huam tawh loin a ri zawi ve tial tial a! Ka nihna pangngai hlauh vek a min siam turin amah lah chuan eng dawi thil mah a hmang der bawk silo! Nizan hmasa a ta tawh chhum inzing tual tual ang maiin ka thluak chhuang a zing phui vek tawh a! Ani lah chu amah vang a thisen chhuah hial chak a ka sat huam huam laiin ka chunga a thil thlen tir mek lah a hre ve der bawk silo!





Khum ațang sawn va phih tho nawlh in 'eng vang teh hrep a in a riak lo nge anih.' tih ka va zawt nghal thawr mai dawm em ni?




Huh! A chhanna min pek pakhat lek pawh ka duh loh zawng anih chuan hei aia nasa daih hian ka che leh duh dawn nia min rawn mung kual leh tup tup tû chuan ngawi reng a, a muhil lai thlir rih țha min rawn tih pui ta zawk a! Vanvadak meuh in ka thaw rum leh hawlh bawk!





"Thelma!" Ka kâ ațang boruak hlawm chhah zet mai chuan ahming tho a lam!



"Nizan ah an mu harh a.." pindan chhung ah Ethan-a a rawn pen luh ve tak ah chuan ka sa leh hulh tawh!




"In ah drop turin ka hrilh che." ka ti chhum hmuk. A nui chet hlak ka hriat rual deuh thaw in a t-shirt awm ah ka țham nghal nawk! kawngkhar bul bang ah ka nawr bet zui dawp a! Țûr fê in mi melh let khui leh nghal!




"Min thlah vat teh."



" ka thusawi kha zawm mai te che. " ka rum khum chhur chhur ani bet! Zirtirtu rawn kalve zing a mipa te nen hian an lo inbe țha deuh anih phei chu chu pa pawh chu ka dim hauh lovang.



"Hmeichhe pakhat mai mai vang in min thinur khum suh."



"A phone lo chhan sak tur khan dikna i neilo." ka ti leh hram. A kawrawm ka țhamna chu a rawh phih sawk a.



"I bialnu pawh kan awm tlan lai anih chuan ka chhan sak fo ani lawm ni?" kei ang in a thinrim ve lo! A sawi dik lutuk vang chuan ka ner nek bawk.


"I bialnu pawh nilo phone call ka lo chhan sak chu i tan pawina a awm em?"



"Ngawi rawh!"


"Aih, i awm dan hi ka duh lo, hmeichhia vang ngawt a kut min thlak i chak pawh hi lawm hauh lo."


"Anih chuan a kiang hnai ah awm tawh lo vang che." Bang ah bawk nawr beh sawk pah chuan ka au khum nghek! A nui rõ hawk a! In ah drop se, chhuah san leh nghal nise hetiang tak hian a chungah ka lawmlo lovang!



"Ka khum min țawm pui tur a ka sawm i hlau deuh em ni?" a rawn tih leh tak ah chuan ka thisen lum bulh bulh reng chu a so bawrh bawrh ani ber a!



"Engmaw i sawi kha?"


"Ka khum min țawm pui tur a ka sawm i hlau deuh em ni ka ti mawle."


"Ethan!" a bek tawn tawn ah hneh zet a vuan in a tukhum chu bang ah ka tauh tir chawrh a! A rawn rum deuh hawk bawk.



"I kâ ațang khatiang thu kha a chhuak leh anih chuan.."



"Min thlah vat teh." ti nghut in ka ban bul ah a rawn hmer chawt, ka lungawi lo tak zet tih a hriat chian ngeina turin hnaih chet chawt ah a la din chilh ngur tho!


"A hnaih ah awm tawh suh."

"I bialnu in a thik tur khawp in ani hi ngaihven tawh suh."



"Ka duhthlanna tur anih chu." Ka ti bul vut, khum chung a hmeichhe mu mek che țalh țalh mit sir a ka hmuh tak ah chuan Ethan-a lak ațang chuan ka in la hrang vut a, thawk la hawlh chunga a tukhum tuai vut lai ka hmu hram, ka mit ah tak a rawn en zui ta ngar a, Thlema tal leh țalh țalh thawm ka hriat vang in a lam hawi turin ka inher san ta tho, Thelma pawh a rawn harh ve tawh dawn a niang.



"Nu Zuali'n a rual in a haw dawn tih a sawi." Khum lam ka pan vut tur chu ka inher let leh vut a. A chal si lo chauh vin ka din hnaih leh hmaih!



"Khathil ah khan inrawlhna i nei ve anih chuan Ethan.. ka lawm lo tak zet tih hria ang che." ha chang țhial rawp rawp in ka phun sup! A tan inrawlh ve loh a fin thlak hle bawk ang!



Ka dinna ațang ka tawlh sawn ngai dawn lo tih a hriatthiam theih nan a mit ah tak en ngur reng in ka melh let ve khui khui bawk!



"Zohminglian i awm dan hi in enfiah hmasa phawt rawh." Ka awm ah a rawn nam chawrh! Tukverh lam pan in a kal zui ta daih a. Ka thaw chhuak ve ham ham tho.



"Hmeichhe pakhat vang mai mai in thinur chiam suh, i mize hrechiang tu tan chuan mi â chekual vel i ang hrep a nia." ring hauh silo va a rawn tih leh nek rual chuan a dinna lam chu ka en vut a, tukverh ațang pawn lam a lo en daih! 'Mi â chekual ve maw?' Huh! An inrawlh lohna tur ah an inrawlh sek vang a tun a ka awmdan hi cho chhuak an ni zawk.




"Tho rawh.'' Khum lam ah ka kal ta vut, Thelma chu a rawn meng hlawl a, min hmu thut chu rawn ang deuh haû in min melh reng bawk.





"Tho rawh, let ang." Kun hniam in a dar ah ka man a, khum ah chuan ka tung tho nghal nawlh! Eng emaw rawn sawi a tum ve ngial a, mahse pindan chhung ah Ethana a hmu tel ve leh bawk si nen harh hlawh rual a thil thleng a tan chuan mak a ti ve deuh a niang, hriatthiam loh hmel fê in ka che vel chu min en ta reng a, chhuat chu bih kual vutin a chappal lo awm hrang ram chu bun mai theih in ka dah rem sak zat, tho phang hmel nen mak ti hmel zawng zawng nen min en dawrh dawrh reng a.




"Ka thusawi chu i hria em? Haw ang " khum ațang ka pawt tho nghal nawlh, a chappal chu a inthawlh sawk sawk a, a bag lian lo tak pawh a hrui ah man nawlh in pindan chhung ațang chuan ka kai chhuak nghal dawr dawr bawk.





"Thil diklo a awm em?" Thisen chhuah chak hial khawp in min siam tih hria nise zawng chu zawhna chu min zawt hlek lo vang! Ngawi ngul in kailawn ah ka chhuk thlak pui dawr dawr a, kawtzawl a naupang leh zirtirtu lo awm ve ho chuan min en țhup, Thelma lah chuan engmah a hrethiam bik lo tih hriat zet in ka sir a tlan dat dat reng chung chuan mi en leh zauh zauh țhin.



Ka thinurna hmeichhe chung ah lan tir ka duh ngailo, ka zirtirna dawn ani ngailo bawk! Kum heileh chen Muanpui nen pawh kan inzui tawh, vawi khat tê mah hetiang te hrep a thintawt hian a chetdan vang in ka awm chhin ngailo!



Ani hi a rawn lang a! Hmeichhe dang mit meng ka chhiar thiam loh laiin a inthlahrung mit meng ka chhiar sak ve thei thung! A ngaihngam lo hmel te, Muanpuii inla vei kual țhin vang a a inthlahrung dék țhin te! Chung zawng zawng chu ka tan a engmah nilo hmel leh chetzia ah engvang teh hrep a chhiar vek thei si nge ka nih tih lah chhum chung a rorel tu chiah khian ahria ang.




"Lut rawh." Bolero kawngkhar ka pawt hawng pawp a! Mak tih hmel fê a min en rengna chu ngaihpawimawh sak lovin keiman a dar ah ka man sak a, motor chhung ah chuan ka nawr lut nghal rawk rawk bawk, a bag tereuh tê chu a malh chung ah ka nghat chawrh! Rang lutukin a rawn vun nghal țai a.




"Seat belt kha hreng rawh." ka âw ri nelawm loh zet vang nge dawhtheihna pakhat tê mah ka nei tawh lo tih ka hmel ah alan chhuah chian vang pawh tu hriat va ni suh! Rang lutuk in seat belt a hreng zui rawk rawk a, kawngkhar ka nem phui dâwt rual a, a tîm deuh chawi chu ka hmu phe fû a.




Hma lam ațang bolero chu ka kal hûal a! Ngawi ngul in ka țhu lut ve dawt! Ka thawk lakdan nâ zet vang chuan ka thaw hrawk hrawk ani ber! Seat belt ka hreng ve sawk sawk a, Thelma țhu tîm dai reng chu ka ngaihven loh lui hmiah bawk.




Office kal tur leh school bus tlan hun lai tak anih vang in traffic a tam em em a, horn ri ruai ruai reng chuan ka thluak nûbûlh reng chu a rawn ti zîng zûal vek! Sttering ka chum pawp chang apiang in Thelma'n mit a chhing sawk a! Țawng chhuah erawh a tum hmel loh viau!





Kan block hnai kan thlen hnu ah chiah motor pawh a thawl a, security lam in gate an rawn hawng sawk sawk a, inhnuai motor hunna lam ah ka tlan thla zui nghal zat bawk, ka mit sirin a bag hrui hum nghet sauh sauh pah a Thelma thaw dêp dêp chu ka en leh zauh țhin a! Ticket chungchang leh Nizan in ah a let loh chungchang sawi dun kan ngai a! Aw rawl vîn hmang hlek loin ka awm theih lah ka ring lo mai nilo in ka thei dawn lo tih ka hming ka hriat chian tluk zet in ka hrechiang.





Ka car bul ah bolero chu ka hung lut a, flor tin a lirthei nei reng reng in motor hunna bik kan nei vek, zing tin ka driver emaw security in emaw an silfai ziah bawk. Parking kil khat a pindan zimte ah hian security ho chu an riak mai zel a, dawr kal zawk a țul chang pawn kan ko va, an rawn kal nghal zung zung mai țhin!




Seat belt ka phelh tak ah chuan rang zet in Thelma pawn a seat belt hrenlai chu a hmet phelh a, hna ah ka kal ka ring ta lo bur bawk! Motor ațang ka chhuah rual deuh thaw in security pakhat a rawn lang hlawl a, ka motor chung lam nen a silfai turin ka hrilh zawm zat, motor chahbi chu ka pe a, Thelma rawn chhuak ve chuan min hlauh hmel tak in min rawn en zawk a, uluk lutuk a ka lo en ngur lai ani kher nen rang zet in a hawisawn nghal daih bawk.



Lift bawm ah kan inkhaih chhoh chhung zawng in chhuat a bih ngar a, keipawh ka thaw chhuak suai suai reng, lift in hawng ri tléng ah chuan rang zet in a kal chhuak a, ka chhuak ve min lo nghak in sir lam ah a lo ding fel at! Nizan khan in ah haw ta mai se chuan tun ang tehhrep a mood chhia hian min hmu ngai lo tur a nia!




Engti tih a riak chhuak nge anih tih pawh chu ka hre chak ut ut tawh! Chhan țha tak a neih ngei a țul ang!




Kawngkhar ka nem hawng pawp, a luh hmasak hun ka nghak tih a hriat theih nan ka rûm nghut bawk, a pen lut a, a chappal pan thlep, a kê fai ser sawr nen a inchawih zet chu shoe rack (pheikhawk bawm/ chhuar) kiang ah a phelh a, kun hniam in a khai kang leh țhem țhem bawk!



Kawngkhar ka nam phui a, awm mai dan tur hriat loh hmel fê hian a thaw ve ham ham reng bawk!



"Nizan ah tinge in lam i pan loh?" a hnung mai ah ka ding nghal rûn, a lu chiah chet in sir lam a thlek zawk a, mahse rang fahran in hmalam a en leh daih.


" Kan let in a tlai tawh lutuk a.." ka lo ner suk mai!

"In ah hian i let a maw?"

"Aih." lehlawi si chuan!

"Thelma?"


"Ka inthlak dawn." tih leh chhung lam a pen luh a rual a, a hnung mai ah ka zui ve zel tho, common room ațang a pindan lam pan a tum rual chuan che phutin a ban bul ah ka man sak hmiah, a phu nasa lutuk chu hma lam ah a bawk thlawp lo chauh!



"Inbiak kan ngai."

"Aih, ka inthlak phawt dawn." Rawn hawi let hlek loin a banbul chu phih sawn ve a rawn tûm a, zawhna pakhat zawk pawh hetiang tak hian min chhan a hreh ani a, a phahnihna zawt chhuak tur phei chuan ka beih fê ațul ngei ang!




"Carlos!" a tal chhuak zo bawk silo beidawng chu a rawn au ta țhawt! Ka pawt let dawrh a, ka awm ah a rawn in tauh chawrh.




"Engvang a riak chhuak nge i nih." A tal leh aîh rual chuan a ai a nghet a man in ka hnuk hnai zual sauh!

"Chhan a awm lo.."



"Tak zet?" ngeiawm lutuk in ka nui chhuak huk bawk, rang zet in tal chhuah a tum leh zat a, a ban bul ka vawn behna ka thlah rual deuh thaw in a dul zawn ah ka man ta chawt a, ka taksa si thlawp turin ka hnuk hnai leh nghal siah! Amah zawk pawh a rawn thaw chhuak nghal halh!




"Engvang a riak chhuak nge i nih?" ka ti sup, ka kun hniam a, a chhip ah na zet a ka hmui a ka nawr rual chuan a rawn tal ve leh ta phut, ka kuahna ațang hian ka duh ang chhanna min pek hma chu a tal chhuak dawn hauh lo!



"A mak, min thlah rawh."

"Chhanna min pe hmasa rawh." Ka au deuh țhawt, a kut tereuh têin ka ban nem phelh a tum ve ngar ngar a.


"Thelma?"

"He in zau zet a keimah chiah a riah ai chuan Mizoram house a riah ve kha a nawm ka ring a, chuvang chuan ka riak ve, i tan a pawina a awm em?" a rawn ti ve ta țhat!



"A tir khan nangmah a awm i hreh tih sawi kha a harsa em?" ka ti chhuk hmuk! A rawn nui chhuak hâk a! A kut pakhat in a chhip sam a rawn nawr chhoh rual chuan țullo lutuk in a chhip ah bawk ka fawp leh vang vang mai!



"Khati khan min ti tawh suh." A kiu in na deuh in min rawn ngawk sawk a, ka man khawmna ka thlah ve ta vut, awm hran a tum rual chuan kuai her lawp in min hmanchhawn zawng in a kawng ah ka man bet leh der! A thawk a rang ve in a thinrim ve hmel em em leh nghal!



" min en rawh." Ka ti sup, ka awm zawn a la melh ngar thung.


"Thelma ka mit ah rawn en rawh." ve ngil ngel reuh va, a kawng a ka ban suh zawm chu thlah thawl in a khabe ah ka vawn sak vut a, ka kuai dak tur chu a țang phat phat hle bawk, a kawng ah man nghet sauh pah chuan ka mit ah tak a en theih nan ka kuai dak ta tho! A mit meng lian kiau mai chu a sen deuh ram a, a thawk lakdan rang zet vang in a awm bawr leh ka taksa a in si chet chet reng bawk.



"Nangmah a awm i hreh anih chuan tinge i sawi mai loh?"


" sawi tawh lo ang."

"Aih, nizan zankhua in hmun dang ah i riak, message tal a min hrilh lah thil harsa anilo." Hawi sawn hmak a tum leh rual chuan a aia na in a khabe ruh kual chu ka man bet a, a hmui fawh nuam zet mai a fawp leh mai lo turin ka inthun a țul viau bawk.



"Khatiang kha thleng nawn tawh suh se."



"I in a mahni a riah chak awm loh zia i hriat ve ka ring." ner deuh sak in pah chuan a rawn ti kher!



"Chuthil chu tlai ah khan sawi ta che." a thle sawn hmak tur chu ka kuai dak leh sauh va, a mit meng lian kiau mai chu a alh niber in ka hre tawh!


"Eng nge ka sawi chuan a nga?"

"Thelma." Ka ti hmuk.

"Nangmah ngeiin i riak chhuak dawn tih i sawi vek hnu ah mahni a awm ka hreh thu lo sawi tâ pawh nila sawtna pakhatmah a awm dawn chuang hlei nem!"



"Aih, sawi la chuan khawiah mah ka riak chhuak lo ang." a meng lian deuh kawk a, a hmui hnuai chhah deuh tap chuan ka mit a la hle tawh bawk.



"Sawi tawh lo vang, ka inthlak thei tawh em?" ka ban bul ah rawn nem dat in a tawlhhnung hret a, ka pen hma ve zat bawk.


"Carlos?" a rawn ti halh.



" In ah nangmah a awm i duh lo tih sawi kha thil harsa ani em? Thelma." Ka kun hniam a, kan hmai a insilo chauh! Hetiang a ka awm hnaih chang a piang in eng emaw takin min tuam in ka thazam thleng in a danglam vek țhin.



"Sawiin awmzia a neilo ka tih tawh kha." a țawng zawi tawh lutuk, a eu hnung deuh hlek a, ka kun hniam ve zel bawk.



"I sawi anih chuan ka ti mai ang! Nangmah a zan khua a mahni chauh va awm i duh lo tih sawi la chuan ka rawn let em em bawk ang." Ka țawng ri chu a ri che che, ka chal in a chal ka nawr tak ah chuan thawk a hip let halh a. Ka lungphu normal lo zet chuan eng nge ka tih mek tih lam min ngaihtuah tir thei tawh baû lo bawk!



"Aih.. ti suh." Ka hnar in dimte in a hnar ah ka nul a, a țang țung bawk.


"Carlos ti tawh suh."

"Eng chu maw?" kan inawm hnaih bawk a, a hmui lum hiam mai leh ka hmui a insi reng tawh.



"Min thlah rawh." a țawng ve zawngâ a hmui hnuai lam rawn che sep chu ka pet nghal zat, kar awm lo ah ka thluak thleng in a lum nghal bulh a, a tal nghek rual in ka thlah a, mahse a khabe ka man na kut chu a tukhum ah ka nawr lut nghal hmaih, ka chal leh a chal a insik theih nan ka lam ah ka hnuk hnai leh sauh va! Kan pahnih inkar a boruak danglam bik zet hi eng nge anih tih hriat ka mamawh! Boruak dam rûih, mahse lum sa hiam lawisi hi keimah chiah in ka feel lo ani tih ka hriat a hun ta viau!




A kâ chhung lum ve hiam mai ah ka lei bawk ka nawr lut leh a, thuk zawk ka luh rual a piang in hei aia nasa zawk duh belhna boruak sa hut hut in min rawn tuam a, min chhang let ve turin ka mamawh tak zet bawk!


Țawngkâ a sawi lo in ka mamawh zia chu ngenngawl lutuk in ka lan chhuah tir mawlh mawlh, a lei nawr chet sak ka tum lui ngar ngar a, a chappal khai lai a thlauh tawp tak ah chuan kha feeling dam ruih ang a lang leh whiskey tak țha zet ang mai a thisen hmet lum vek thei lawi si kha keimah chiah in ka neilo, Thelma pawh hian kan inkar a boruak kha a hrethiam ve tih ka hrechiang ta viau!

[Ngaia]

Ka pawm kang zui nawlh a, a thawk chhuak hak rual chuan ka kawng ah min kherh beh theih nan ka kut pakhat in a kê ka siam rem sak a, a sam rawn uai thla hniang hui sawn a, a hmel landan ka hmuh chian rual chuan ka rum nghal hawk bawk!





" Min ti â zo vek tawh." Ka fawp leh nghal ngawng ngawng; common room ațang chuan kal sawn puiin ka room lam ka pan ding a, room kawngkhar ka nem hawn dawt rual chuan harh chhuak zawk ang maiin ka fawhna țang a awm hrang nghal dawrh! Khum bul ka thlen pui chawpchilh nghal der a vang in ka bawh bet nghal hmiah bawk!




"A thleng leh tawh." Seh chilh nawk in a rawn phun! A tal dawn a, ka taksa kherh ber reng chung abawh bet ka nih vang in a mal inkar ah ka tla lut zual sauh.




"Duhtawk ang, hetiang hi a thleng thei lo.." ka dar ah a rawn nam chawrh, a sam ka hui sawn sak rual chuan a hmui huh ve hliam mai chu dimlo zet a fawh chhun zawm bawrh bawrh chak tak ka ni!



"Eng vangin?"


"Maw? Min zawt a maw, Muanpui.." ka ner sawk a, ani erawh maimitchhing in a thaw nghal ham ham thung.



"Carlos awm sawn rawh." A thusawi chu ngaipawimawh lo luiin ka chawi kang leh deuh nawlh a, lukham ah a lu a nghah rual chuan ka malpuiin a mal pawh ka nawr sau sak nghal hmiah! Ka bawh bet leh a, ïp chawi chung in ka dar ah a rawn nawm nghal nghek bawk!



"Mizoram a haw i duh em ni?" Ka ti nghut, reilote tak tak ka chal chu achal ah ka nghat a, dak chhuak leh hlek in ka chhuk en nghal ngur bawk.




"Thelma, ka bia che." a hmai rawn zar tu a sam chu a biang nul tel sak in ka nawr sawn hlek a, a bek tawn tawn ah ka kiu in ka innem khalh run, kan taksa hnuai lam erawh a malin kar ațang hneh zet in ka delh bet thung!




"Ih.. " a hmui che zeuh chu insum hman lo in ka fawp leh chawk phawt a, ka in lak hran hlek rual chuan rang lutuk in a hmui chu a hup bet a! Ka nui ro nghal hawk bawk!



"Sawi zawm rawh." Ka ti sup.


"Sawi tur ka hrelo."


"Muanpui nu kiang ah i haw duh tih i sawi em?"


"Aih.." a mit ah tak hnaih zet ațang ka bih ngur, dawt sawi mit meng dawi ka hmu lo bawk. Ka inseh ruh ta nghek a.



"Ka sawi lo a maw, Ethana nen in chhuah hnu khan an lo kal a, ka haw duh em tih leh ka lungleng em tih te, ticket min lak kep tur thu leh inthlahrun a ngaih loh thu kha a sawi zawm nghal vek a." Thinrim viau e tilo chuan ka nui leh hawk tawh!


A sawi dik ang! Pi Zuali mizia a ni tlat, Thelma tan hnial ngaihna awm hauh lo in thu inhnaih tak tak a sawi kawp vek a nga, a tan a hnial ngam loh tur khawp in 'inthlahrun a ngailo!' tih a sawi tel ngei bawk ang!




"Engtin nge i chhan?" Ka ti sup a, a hmui hup behna ban rek ah chuan man sak in ka lak sawn sak nghal zat bawk!




"Chhan dan tur ka hrelo."


"I chhungte chu i ngai reng reng em?"



"Ngai ve tho e." Rang zet hian a rawn ti a. "Mahse mi hausa chawlh hmang a zin kual zawk ang mai a ka let leh nghal anih chuan.... aa.. ka pawisa neih ve chhun a bo vek bawk sia.. mahse."



"A pawi lo, haw i duh lo! A dik em?" ka ti sup, lu a bu ta nghat nghat a, ka thaw ve huai bawk.




"I biang a duk awm pawh a reh tawh a, i hna tur kan ngaihven tawh dawn nia." ka ti sup a, lukham var thianghlim zet a a sam buang thang mai a awm hnawk niai a, ka fawh țum khan ka duh thawh bawk a, a hmui chu a sen duk deuh țalh, a lu bul a ka kiu nghah chu siam rem in a nghawng lang var vâk chu ka kutțang in ka nul kual a, a thaw chhuak miah lo!

A lungphu erawh a rawng dawt dawt thung!



"Eng nge i tih dawn?" a aw rawn ri chhuak chu a ro halh, nui suk chungin ka kun hniam a, țawngka a chhang lo in ka chal chuan a bek vel ka nawr vang vang a, hethil hau tak ang a lang si hi ka thiam zawng ani ngut a nge maw? Mahse Thelma ngei hi tih sak ka duh! A vawi khatnan! Hmeichhe nghawng ah love bite siam ka chak viau!




Dimte in a kahbe ruhkual ka fawp thla zel a, a beng hnui ka fawh thlen rual chuan a rawn thaw chuak hak a, a kut rawn chet leh a tum tih ka hria, ka man bet a, a lu zawn ah ka nam beh sak hmiah!



"Carlos, hetiang hian awm tawh lo ang, a țha em?" Ka awm dan siam rem in ka tawlh hniam hret, a kut nem beh sak chu a rawn hum nghet sauh va.



"Muanpui bialpa i nih hi.."



"Ka kut ah dah rawh, ka chingfel mai ang " ka ti sup.


"Aih."


"Thelma, tun hun chiah hi ngaihtuah rawh." a nghawng ah fawh sak zauh pah chuan thawk ka la hawlh, a nghawng vun nem thep chu ka hne dek dek a, Thelma pawh inveng tih hriat lutuk in a țang tâk reng a, ka hnek sak na tial tial a, a thawk lak rawn rang halh halh reng chuan min ti phur zual sauh, a ai a duhthawh a ka hip leh tak ah chuan a kâ ațang a rawn thaw chhuak hak a!




Second tina a thawk la ri chuan ka kawchhung lam a țham za uaih uaih, a mal inkar ah nawr na zual sauh chung chuan ka rum chhuak dur dur a, a kut ka nem behna hi ka thlah anih ngai chuan a taksa khawi lai pawh belh chian tum in ka dap chhuak vek duh ngei ang!





"Carlos.." ka hming lam meuh va a rawn phun leh țiak rual chuan a aia nasa a bawh bet in a nghawng ah hnuhma langsar zawk siam sak ka tum a, hmun khat ah mai pawh nilo, a taksa nem lai a piang fawh duk sak vek ka chhung lam chuan a chak ut ut, Ka duh tawk meuh chuan keimah zawk pawh ka thawk lak a sa phulh, a nghawng ațang awm sawn in a hmui ah bawk ka fawp leh nghal hmiah!




A hmui nem thep leh zún ngah em em chu dim tak si, kohham em em lawi siin ka pet kual mial mial, dimte in ka dar ah a rawn nem a, ka hmai sa huam si chuan a biang ka nawr zui tâwk bawk!




"Ka thluak chhuang ah hian tinge nangmah ngawt i awm a?" A rawn nui hak a, a hmui hnuai lam ka pet leh hram!



"Zan hnih chhung min hrem rawh tih i hria em?" Na zet in ka fawp leh chawk phawt a. A khabe kual pawh thahlel tak vek in ka fawp kual vek, Ka thluak a chawk buai hneh lutuk hi keih bawrh bawrh a. Rilrufim pu theilo lek a siam ka chak hlur mai!

[Ngaia]

☆UTOPIA:1996☆
Season 2 💫💫
Chapter 8
By
Abbra Reo Ririni Khiangte (Pitartei=Sualfingi) 😈


Thelma's POV



Chunglam ațang hneh zet a min bawh bet mek tu landan sexy lutuk chuan min dawi â vek ni maiin ka hria, a vun rawng a sen țawlh țawlh a, a bek kîang ah thisen zam a lang val kulh bawk, min thlahlel tih thup chhin miah lova a hmai sa vur a ka hmai a rawn nul kual thuak thuak rengna te chuan ka taksa a phu thei zawng zawng a tiphu zawih zawih reng a, a kutzungțang hrawl tham zet chuan ka hmui a rawn keu hawng a, chintawk awm loh khawp a rawn pet kual rual a piang in ka kawchhung lam a sa kual pup pup zel, a lei hrawl zet leh thil ti thei em em mai a rawn nawr luh chang lahin ka thazam a khur lek lek renga, thawk lak dan nâ zet chung in min fawhna thlah zawk a, aw rawl lian leh cool ruih sia a rawn rum chhuak leh nghutin a ngai ang bawk in ka khabe vel tuai kual in ka hmui bawr a rawn keu kaûva, a rawn fawp leh ngawng ngawng zel!




A taksa hrawlpui chu a sa huam! Kan infawh nasat tawh lutuk vang in a hmui pawh a sa in a hmang thiam tulh tulh emaw tih tur khawp in kohham em em siin ka hmui leh khabe ah a bur tlat bawk!





Eng emaw ka feel rual deuh thaw in ka kawr nghawng a pawt zau tawk tih ka hre zat! Hlauh a hneh in ka thazam a za uaih a, a hmai sa huam a ka awm bawr a rawn nawr tak tâwk ah chuan thawk ka hip let nghal kawk bawk!


Ka awm chhung chu ka hriat ngailo thil phurawm zet leh feeling makpui pui vangin a rawn tawt kual tûp tûp a, a chhip sam buk laiin ka khabe hnuai a rawn nawr zat mer mer rual te chuan kohham zet a min fawh ang khan ka taksa hmun tin mai chu min fawh chhuah sak vek tur a ngen ka duh rum rum! Ka ngaihtuahna chu tu zirtir chawp mah ngailo in ka tawh theih reng a pangtilum vung vung awm reng vang hian a 'wild' vek tawh!





"Thelma Bawihte, dak deuh rawh le." A aw pa chhek chhawk leh hniam ruih chu ka nghawng leh awm bawr inkar ațang a rawn ri chhuak dur dur, ka awm ruh zawn ah tak hmui sa huama a rawn nawr leh tak ah chuan a sawi ang chuan ka dak deuh va!





A lei hmawr thap deuh hlek chuan ka hrawk tâk mai chu a rawn nawr kual a, ka thaw chhuak anih chuan ka tha khur nasa lutuk vang in thawm ri mak sak zet ka siam dawn tih ka hrechiang lutuk, a lei chuan thil bial a siam ni maiin ka hria! Awmze nei tak a a liah kual bik area chu ka beng hnuai min fawh sak ang chiah khan a rawn fawp leh ta mai!


Rang lutukin kut ka hum ruh nghal ngawt ngawt a, a hming ka lam leh kher phut ang hrim in a malpui hrawl zet pahnih chu rawn chet in ka mal pahnih chu a aia zau zawk leh chung lam a awm turin a rawn nawr chho leh tawk, a taksa hrawlpui rihna te nen min delh beh leh hmiah a, ka tai zawn hi a rawn țek chhawk hial bawk.




Mipa leh hmeichhe inkara inhiptawnna nasa lutuk chungchang chu lehkhabu ah ka chhiar ve tawh țhin! A tak ram ah nilo in Utopia ah chiah a thlen thei ring in chung a inhip tawnna an ziah te chu nuih zat lek lek chang ka nei fo!




A tak ram ah a thleng ngei thei tih erawh a hrechiang bertu ka ni ta ngeiin ka ring! Carlos Zohmingliana, karkhat pawh tlinglo ka hriat mipa chet dan engkim hian min hip a, zauthauna keimah a vawi khatmah la thleng ngailo a hmui hmang a rawn thlen tirin ka taksa khawi lai pawh a siam danglam vek thei a!


He inhip tawnna nasa lutuk leh alh hluah hluah reng hi timit tur a eng thil emaw ka tih a ngai tih ka rilru ril ber chuan a hria! Mahse.... ka vun nem lai hne dek dek tu chhip sam ah chuan țham sakin ka tukhum in lukham ka nawr zui nghek! Ka thawk a rawn rang zui hlawp hlawp a! Na deuh tak a a rawn fawh rik chawk rual deuh thaw chuan a rawn hawi chhuak vut bawk.




"Malsawmdawngzeli lasi i ni em?" a hmui a huh hluam, thawk lak mumal loh lutuk vang a chil lem khawlh khawlh chung chuan ka nui chhuak hak a! Ka chal ah a chal rawn nghat in a rawn nui che ve dawt tho.



"Lasi zawl țhîn in a zawlnu lasi a vei zui ngut ngut ang maiin a lawm ka vei che." Pa zet hian a rawn nui lum leh hawk a, a kutțang hrawl zet in ka nghawng a fawh hrep lai chu a khawih zui mual mual bawk.




"Hmun dang ah siam sak leh tur che in min duh em?" a hnar in ka hnar a rawn nul thuak a, ka khabe kual vel chu insumna tlak chham hmel zet in a tuai kual ruai reng bawk.




"Aih." ka ti vat, awm hrang hlek in a rawn nui ro hawlh a, a hrawk ah pawh thisen zam a lang kulh tih ka hre chiah! Kan awm dan te lah chu! A mit meng lang lum huam a min chhuk en ngur reng chung chuan a rawn thaw chhuak hawlh hawlh reng a, a chang in ka sam a chul a, a chang in a kutzungpuiin ka hmui hnuai a rawn nul a, kan infawhna vanga a hmui lang sen ve țâl rengte chu khawih sak ve chak viau mahila ka thisen lum pup pup a daih tak riai riai ah chuan 'tun a thil thleng mek hi thleng ngailo tur ani' tih ngaihtuahna in ka thinphu chu a rawn ti sa bulh bulh.




"Engnge i ngaihtuah?" ka khabe hnuai ah a rawn fawp leh vang vang pah chuan a rawn ti sup, a aw dam ruih ah chuan min ngaihtuah hluah hluahna ni awm tak ka hre tel bawk, maimitchhing zawk a mit ka men leh rual chuan a pindan chhung zau zet a thil awm ho chu hmuchiang in nuam tih lohna in min rawn țham vawt er er tawh mai!



"Carlos?"



"Thelma Bawihte sawi rawh." Ka hmui ah bawk a rawn fawp a. Ka chung a a chet dan ang hian Valpuia ngei pawh khan min la khawih ve lo! Khum ah te chuan mu tlang in inkuah satliah te pawn kan inkuah ve ngei tawh, Carlos-a nen kan awm dan! Se* hmang tur ang mai a inbawh beh a, tisachakna kaitho hial tur khawp a kohham a infawh erawh kan inkar ah khan a thleng ngailo!




"Awm sawn tawh rawh." ka tisep rual chuan a ka hmai chunglam ah a rawn innem khalh nghal rûn a, kan thlan pawn ka hrelo, mahse kan awm dan inthunun lo zet vang khan hû vangin kan hnawm ve ve thung.



"Engvang in?" a rawn ti thum bûl, a mit mu uk thim ruih chu a lang thîp nghal ram bawk.



"Ka sawi tawh kha.." a dar ah ka nem rual deuh thaw in nâ lutuk in ka banrek ah a rawn man chawt a! Ka âng nghal zawk mai!



"I tlan chhe leh dawn em ni?" a rawn ti chhum hmuk. Tlan chhia a?



"Hman zan ang khan min biruak san leh i tum anih chuan i tisual hle ang." ti leh hmuk in ka kut pakhat chu ka bek zawn ah a rawn nawr bet nghal hmiah, ka ngaihtuahna zawng zawng hmuh tlang vek a tum ta emaw tih tur khawp a hnai ah min bih nghal ngur bawk. Hman zan khan ka biruk san reng reng lo, ka bialpa nilo ka fawh ve ngawt vangin ka inthiam lo ngawih ngawih! Chuan tun ah lah a thleng nawn leh der tawh bawk si.




"Ka chingfel vek ang ka ti em?" a kawchhung lam ațang a rawn rûm ri nghut, ka thaw chhuak hak a.
"Chhuk tawh la."



"Aih, ka zawhna che kha chhang rawh, engmah ngaihtuah duh suh, ka chingfel ang." nghet chur mai hian a rawn ti leh nghut, ka hmeichhiatpui rilru tih nat sakin keimah vangin an ințhen ka rem ti ang maw?




" c'monThelma?" a rawn tih leh hluk tak ah chuan a mit ah tak ka melh let ve ta ngar a.



" Engmah ngaihtuah tawh suh." a kiu in ka bek zawn ah a rawn innem khalh pah chuan a rawn ti leh sup, dam ruih in a kutphah hrawl zet chuan ka biang a rawn khuap a, a kut awmna chin chu a lum nghal vung vung bawk



"Kan awm dan hi thil thleng ngailo tur a ni tih i hre vek!" Ka ti hap a, Carlos-a erawh ka thusawi vang chuan a hmel pa zet leh cool ruih reng chu chhetê pawh in adanglam phah der lo, dim zetin a kut zungpui chuan ka beng hnuai a rawn tuai kual hauh huah va, a kut chevel chuan keimah ah awmzia a nei leh lo thei lo!



Muanpui ka ngaihtuahna ah a rawn lang a, hmeichhe nasa tak te chet dan ang chiah in Muanpui bialpa nen a khum ah ngei kan awm dun mek! Chuthil chu ka chung ah thleng tur pawn ka duh ngailo, ka hmeichhiatpui dangte chung ah thleng tur pawn ka duh bawk hek lo, marawh chu hmeichhe nasa tia an sawi țhinte zing ah ka hming a lang ve hial theihna tur khawp a thil rapthlak chu ka thlen tir mek reng bawk si!


A taksa hrawlpui a min khuap bet tlat tu hmel landan dam ruih leh hlauthawnna thinlung pu ngailo hial khawp a zamna in a tihbuai ve theih loh mipa chu lukham a lu nghat reng chung chuan ka en ve ta reng, Muanpui ta zawk a ni tih chhung lam ațang min rawn hrilh ser ser rengtu a vang chuan ka țah a chhuak țûn ringawt! Keihian midang ta ka lo duh ve! Midang ta ani tih hre reng in min khawih chang lahin lo indan dan ka thiam bawk silo!





"Bawihte engmah ngaihtuah tawh suh." a khabeh ruhkual hrawl zet in ka hmai a rawn hnaih rual chuan mit ka chhing ta ngawt, a hmui lum in ka chal a rawn nawr vang vang a! Tun lo hi țum khat lek pawh a khawihna dawngsawng leh ngat ila chuan amah hi ka atchilh hlum lo chauh tawh ang.




" Thelma." ka bengbul ah a rawn phun sup rual chuan mit ka meng a, a biang leh ka biang a insi chet, a darhrawl chuan min khuap bo hneh lutuk bawk.



"Umm."


"Maimitchhing leh rawh." Ka sam hui sawn in ka beng ah a rawn fawp zauh va, atthlak tawp in ka dul zawn chu a mur leh chuaih tawh.



"Maimitchhing rawh le." a țawng ring lo, bengbul a kan inhrilh ru ang chiah hian a zawi em em a, mahse mit ka chhing leh ta tho.



"Engvang mahin ka in ațang kal chhuah tum ngai suh ang che." a sawi zo va, ka beng ah bawk a rawn fawp leh zauh va. Ka rilru buai nuai nuai reng chu a hma zawng aiin a rawn buai belh búlh tiila a dik ber ang.



" i haw duh anih pawn keiman ka buaipui ang che, mamawh i neih pawn midang kiang ah nilo ka kiang ah ngei sawi vek țhin la ka duh, chuan... Muanpuii emaw a nu pawh nise indan chep tir tawh lovang che." a rawn tih leh sup rual chuan ka nui chhuak hak a!



Mit ka meng chhuak chiah tihah rang zet hian ka hmai zawn ah tak a rawn inbeng kang leh nghal vut bawk.



"Ka sawi chu i hria em?" kiai deuh suk pah chuan sexy lutuk in ka mit ah tak a rawn en a kher, ka thawk a buai leh nghal vek tawh! Chuan Muanpui nu mizia chu a hrechiang viau tawh anih ka ring!


"Aw le." Ka ti sep, that chhe zet a rawn rum chhuak hawk pah chuan ka hmui ah bawk a rawn fawp leh a, engang pawn in fawp ngun in, kohham tak leh nâ lek lek pawn min fawp bawrh bawrh mahse Carlos Zohmingliana anih chhung chuan ka hne thei ngai pawn ka ring lo!



A duh tawk a rei chung lam ațang min en vung vung hnu ah ka taksa ațang a let thla ta hram a! Ka thaw chhuak deuh hawk bawk!


"Khawi a kal nge i tum a?" ka țhu chhuak tur chu ka kawng ah a rawn man nghal chawt! Lukham ah lu ka nghat thla leh dawp bawk.


"Ka tho tawh dawn."

"Aih." A rawn ti hmuk, ka sir ah chuan a rawn mu rem sauh sauh va, a ban pakhat chu ka lukham theih turin ka nghawng hnui ah a rawn nawr lut nghal zat bawk.



"Hna ah i kal dawn lo mi?" Ka tih rual chuan a lam ah min hnuk hnai nghal sauh, ka chal ah bawk a rawn fawp leh zauh phawt a
.

"Kan mu nileng ang chu ka lo tia."

"Maw?" Ka ti nghek, Carlos-a chu a rawn nui che dawt a. A tih tak tak loh hram ka beisei.


"Min kuah ve la." a rawn ti leh sup, ka awm zawn a ka ban dah khawm chu rawn man in a kawng ah min kuah tir ve a.



"Nizan hmasa ka in vak kha i hria em?" a rawn ti daih bawk. A rui nawi lutuk kha ngaihtuah let in ka nui chhuak ta hak hak a, Carlos pawh chu a rawn nui ve huk huk tho.



"Chair ațang tla hlawm tawp duh hmel pu zet khan i rawn haw a." ka ti a, ka tukhum ah rawn man in a nui ri leh hawk bawk.


"Khatiang khan ka rui ngai miah lo.."

"I sawi tawh a lawm."

"tak tak?" a la nui reng tho.



"Umm, khami zan khan i sawi." ka ti let a, thaw chhuak suai suai chung in ka sam chu a chul zui hauh hauh a, kan inhriat hun chhung ngaihtuah chuan kan inbiakna te inrul tawk lek in inchhang let mai pawh niila a awm lo miah lo, mahse khum khat ah inhma tawn a mu dun in min kuah khawm hlu hlu ang lawi a! Aaa.. Thelma engmah ngaihtuah rih suh!



"I muhil em?" Reife ngawi reng a kan inkuah reng hnu chuan a rawn țawng chhuak hmasa a, a lungphu ri ve dawt dawt kha ngaihthlak nuam ka ti hle bawk.

"Aih, tinge?"


" i chanchin min hrilh la?" A kâ ațang thaw chhuak suai suai chung chuan a kutțang in ka beng a rawn tawk a, ka mur nghal uaih uaih, ka sam chu ka beng ah min zeh sak in dimte te in a khawih zui mial mial bawk.


"Chanchin sawi tur ka ngah lo lutuk."

"Umm, mahse hre tur a min duh chin tal sawi la." a rawn ti zawi sup.


"Bul țan dan tur ka van hrelo tak.." ka tih nang nang rual chuan min awm hnaih sauh pahin a rawn nui che leh dawt a, a hmui bawk in ka chal ah a rawn nawr a, dimte in a ban min lukham tir a lak chhuak rual chuan ka en nghal dawrh bawk.



"Lo mu rawh." a thawh kan vut hma in ka biang ah a rawn fawp leh hram, tukin ringawt pawh a hmui hian ka taksa vawi sang chuang a si tawh ni ber in ka hria. Khum aţang chuan a tho chhuak vut a, kawrchung a ha tawh lo a, kamisz body fit var a hak chuan a taksa nalh zet chu a phuar deuh hlek a, a tihrawl che kual vel pawh a lang chiang zual sauh



Side tlabe chung a 'ac controller' ni ngei tur chu kal pahin a la kang vut bawk. A hmet ri țat țat reng a, reilote hnu ah room chhung boruak chu Mizoram a thlasik boruak vawt raih ang maiin a rawn in lumlet nghal vek bawk. Reilo te tak tak mu zangthla in mit ka chhing a, hetia a pindan chhung ah ka awm reng lai hian Muanpui rawn kal ta thut se!



Îp chawi in mit ka meng leh nghal hlawl a! Ka rilru pawh hi ka hrethiam teh hrep love! Mahse hei erawh ka chiang viau! Carlos Zohmingliana hi ka thlahlel! Chu ka thlakhlehna chu dah hmasa rih in tun ah pawh a thusawi la zawm zel reng ka ni!



Khum a rawn kal hual vut tak ah chuan amah chu en zui zel in hahdam turin ka inhrilh lui a!



A pindan chhung cheimawi nan â a hman rack uk khup lam chu pan leh vut in couch chung ah controller chu a theh kai nghal tawp! photo frame size lian ber chu a va la vut a. A pindan chhung ah ka luh hmasak ber zan khan chiang lo ruai in ka hmu tawh.


Khum ah chuan ngawi reng in Frame chu a rawn dah thla a.

"Kan chhungkaw thlalak anih hi." a rawn ti sup, rangfe in ka țhu kang a, Frame chu ka la kang zui nghal zat bawk.


"Hei i pa ani em?" ka ti hliai, Carlos-a chu a rawn bu nghut a, tun a Carlos-a landan leh thlalakâ a pa landan chu inang tak ani tawp! Mizo mipa vantlang ai daih in an pumrua a hrawl a, an khabeh ruh kual hrawl zet leh invuah ngheh hmel zet pawh a in ang fû!


"Mipa naupang hi.."

"of course keimah ka nih kha!" Chhunglam ațang rawn nui chhuak deuh hawk pah chuan a rawn ti hluk, thlalak a mipa naupang hmel fiah zet chu en in khum bul a Carlos-a ding sar vuah chu ka han thlek chho leh vel a, hmui ti sawi zauh in a hawi sawn vut bawk.


"I naupan lai ani tih a la hriat theih, mahse i pa nen hian in inang tawp, i pa leh tun a nangma landan hi indanglamna a tlem e.." a bu ve nghut mai!



A kamisz hak kawr kilh a phelh mawlh mawlh tih ka hmuh rual chuan ka frame ken lai chu ka bih lui ta ngar ngar a, ka chhung lam a lungphu erawh a mah in arawn che leh dawt dawt tawh. Ngaihthah luih hram hram tum chuan thlalak a lang ho chu ka en ngar a.


A nu leh pa, chuan fanu pakhat a nei bawk.
Muanpui khan a pa boral tawh thu a sawi tawh tak bawk!



"Ka nu leh ka nau Emma kha Aizawl ah an awm a." khum a nghing deuh dawt, ka hnung lawk ah a rawn țhu thla a, a ban hrawl zet chuan ka dul zawn ah min rawn kuah nghal hmiah. Amah ngheng thei tur a min pawh hnun tak ah chuan kawr a ha lo tih rang lutuk in ka hre thei.



"Matei nen hian in inrual vel ka ring." ka dar ah a khabe a rawn nghat a, ka khabeh ruh kual a hmuiin a rawn nawr leh zauh rual chuan ka hmai a sa nghal țalh țalh mai!


"Ka upa tawh lutuk a sin." ka ti a, a rawn nui suk rual chuan ka beng hnuai a za uaih bawk.



"Matei pawh kha a upa tawh lutuk a sin." nuihza insum zet hian a rawn ti ve kher. Ka lai lutuk chu ka ner zeuh ringawt.

"Anih nang ve, kum engzat nge i nih ve tawh." Ka ti a, ka dula a ban suh beh chu ti nghet salh pah hian ka bek ah a rawn tauh ri bâb!


"Min û tawp mai dawn nia.."

"Maw?" Ka nui chhuak hawk a, Carlos pawh chu za zet hian a rawn nui ve hawk hawk bawk. A ri meuh va a nuih tawh hi chuan a aw rawl a lian bawk si, chhung lam a fan dan a na bik ngûng zel.


A awm ka ngheng chial, an chhungkaw chamchin chu min hrilh ta zel a, a aw hniam ruih leh thum deuh chhur chhur chu ngaihthlak anuam in a țawng chu ngaihthlak reng mai ka thlahlel ngawih ngawih.





Kum 6 a pum tawh a, kum 7 na a hman mek laiin a pa boral thu an hria a, a nau Emma phei chu kum pawh a la tling ve lo, chuta țang chuan anu ho in an khawsa țan a, a pa boral hnu aţang chuan a pa ang a police officer nih ve a tum ruh tlat thu te a sawi kai chho zel a, a nu chu amah hringtu anih loh thu a sawi lai chuan ka lo meng deuh kawk a! A duhthal a sawi sawh meuh chuan thaw chhuak suai suai in min kuah behna a tih nghet sauh bawk.



A nu hi a nu tak nilo mahse a hmangaih hluah hluah tih leh a nu pawn a hmangaih zia a sawi chin zawng ațang pawh khan ka chiang viau chuan ka hrechiang viau, a nu tak pawn pasal dang a nei tawh a, chhungkaw hran din a,fapa dang a neih tawh a bawk a, a pawh lutuk lo tih te thleng in min hrilh a, a nau chanchin a sawi lai phei chuan duatna aw ri ka hre tel thei hial. A mah ang a unaupa innghah ngamna neih ve ka chak zual sauh bawk.



"Chuan?" a rawn ti sup, ka thle deuh va, a bek in ka bek ah a rawn nawr zui zat mai.


"I chanchin ka hre ve duh." mipa naupang thil ngen ang mai a arawn tih leh nghut tak ah chuan ka ngheng țha sauh va, ka zak hnuai ah a ban rawn nawr lut in ka awm ah a kham chho a, ka dar lehlam ah ham man in a taksa ah min kuah bet tlat ani ber!



"Keipawh kum 6 mi ka nih laiin ka nu leh pa an boral tawh, bus accident ah chuan ka pi leh pu kiang ah ka khawsa a, pianpui unau dang ka neih loh a vang in keimah tawp ka ni mai! Nangmah ang lo takin Mizoram chhung ah ka tâp char char." a rawn nui che dawt a. Ani chu Mumbai khawpui ah hian alo piang reng tawh zawk a, kum 2 a nih thleng Mumbai ah hian awm in Mizoram ah an let a, kei erawh tun hi rampawn ka vawi khat kal chhuahna ani thung.


"Ngaihzawng i nei em?" a rawn ti thut a, ka thaw hawlh ringawt.


"Bawih?"

"Ih.." Valpuia chungchang ka sawi chhuak hreh lutuk chu ka ipik mup mai hian ka hria, Valpuia nen kan inkar tawp hnu reilote ah helam ah ka tlâthla a, ani hi tawng in ka mangan laiin min țanpui a, chhut let phei chuan Valpuia nen kan inkar atawp ațang karhnih țha zen zawt bak a la liam lo, chutiang anih lai chuan amah nen tihian kan awm dun leh nghal ani a! Mak min tih loh vek pawn aaaa hmeichhe easy tak ang ah min ngaih phah thei!



"helam i rawn thlen hnu ah i be leh tawh em?" a aw ni deuh vut vang chuan ka thaw chhuak leh halh a, min pawm behna pawh a hma zawng aiin a nghet tawh bawk.



"Be lo." ka ti a, A kâ hmangâ a rawn thawk chhuah hawlh rual chuan tawite hian ka nui a.


"Ih, kan inzui rei ve hman lutuk, inneih pawh kan tum a."


' Jesus christ' zawi sup in a lo ti hluk.


"Valpuia ania, kan khua ah BDO office ah a thawk a, kei hi private school ah ka thawk ve bawk a.."


"Chupa chu neih i tum tak tak lo tiraw?" Ka țawnglai chu min lo pawt chat in thawk zin hmel fe hian a rawn thaw chhuak hulh a. Ka tukhum in a awm ka tauh sak dat bawk.


"Dawn lo.."

"A țha." A lo ti nghut, ka nui chhuak ta hawk a, ro zet hian arawn nui ve suk bawk.

"Kan tawp dan hrilh kher tur che in min duh em?"

"I tan sawi a harsat dawn chuan.." ka beng hnuai ah bawk a rawn fawp leh vang vang a, a hmuiin min tawh rual a piang a lum huam chung a ka za uaih uaih țhîn hi ka hrethiam der lo leh nghal!


"Ka best friend nen sex an lo hmang țhin a."

"Mipa vanduaia chuan i duhawmzia a hre lo tawp anih chu." a rawn ti nghut, hnung lam ațang ka dar ah khabe a rawn nghah leh tak ah chuan ka ban chet in a chhip buk lai ah chuan ka kut ka nawr lut ngam ve ta a.
.

"Min khawihna hmasa ber a ni tih i hria em?" nghet tak in a ban pahnih chu ka hma lam ah a rawn suih nghek a, ka khawih let ve leh velo te chen in a lo chhinchhiah thlap chu mak ka ti hle mai.


"Eitur kan siam dawn mi niang?" a rawn ti ta thut a, ka hawi kual thuak rual chuan khum bul dawhkan a Alarm clock chu ka hmu fuh nghal chat! Ekhai! Zinglam dar 10 a lo pel der tawh.



Min kuahna ban hrawl zet a lak sawn tak ah chuan ka thawl huai a! A ham zui hawk bawk.

"I mut a chhuak em ni?"


"Eitur ei zo ila kan mu dawn nia." a ti a, khum ațang ka thawh chhuah rual chuan a kamisz kha chhuat carpet chung ah a lo kal san tawp tih ka hmu chiah, ka chhar kang a, thing fai thuak in couch chung ah ka dah a.



A dawn din ve vut tak ah chuan a taksa nalh lutuk leh a 6 pack lang chho ruih mai chu en lo tur in ka haw sawn nghal thuai a, ka rilru chu rawn hria niawm tak in a rawn nui nghal hawk bawk.


Rang lutuk in kawngkhar lam pan chuan ka tlan zui chawn chawn a, ani bawp sei leh hrawl bawk si chuan min nangchin leh nghal der tho. Ka dar ah a rawn kuah a, ka dah chho zeuh rual chuan chimawm bawk si, sexy ru lutuk bawk si a min lo chhuk melh reng chuan a kiai suk a!



Ka hmai a sa leh țalh țalh tawh, kawngkhar a pawh hawn rual deuh thaw chuan door bell a rawn ri ta mai! Ka phu nasa lutuk chu ka thawl dawrh lo chauh! Muanpui a rawn kal tih na em ni? Ka thin phu a rawn rang nghal dawt dawt a, chawp chilh tak a motor accident tuar te an thlarau in an taksa a chhuah san fû ang vel hi ka inchan ber!



"Muanpui a ni ka ring." ka ti sep, Carlos-a phun hluk chuan ka dar a kuahna a rawn ti nghet sauh va, tal chuah ka tum ve rual deuh thaw in door bell bawk chu a rawn ri leh nghal zat! Ka thisen zam te hi a țek chhawk thei in ka hria.

"Carlos?"


"Bawihte hahdam rawh." Ka dar ah tuai zauh pah chuan common room ațang min kuah chhuah a tum ve ta mai! Nasa lutuk in ka tal a, Muanpui a lo nih palh chuan.. uggg ka hmachhawn duh lo. Min chhuk en vut rual chua ka mit ațang ka ngaihtuahna a rawn chhiar thei ta nih ka ring! Min kuahna a phelh thawl a. Rang zet in ka tawlh sawn nghal daih, ka room hman mek kawngkhar ka pan zui nghal daih bawk.



"Ka reilo ang." ti nghut pah chuan min kal pel a, room kawngkhar hawnna ka vuan țai tawh, common room tan tlang chuan a pen zui pawk pawk a, suit kekawr kha a la ha, mahse! Lalpa leh! Kawr a ha reng reng lo!



Kawngkharpui lock a hawn rik khap rual chuan ka room hman țhin chhung lam ah ka pen lut nghal daih a. Kawngkhar ka nem phui a! Muanpui anih chuan engkhaw sawi set set loin Carlos-a nghawng ah uai in an in fawp leh ngawng ngawng tawh ang!



Mengkual ralh pah chuan ka thaw chhuak hak a, chhuat lai a thil dum lo awm hlawm reng chu ka hmuh rual in ka pan nghal vat, muangte in ka la kang riai riai a, Carlos-a perfume rim pa zet ka hip luh rual chuan ka awm ah ka kuah bet nghal chawt a! Pawn lam thawm chu ka ngai chang deuh reng a, hmeichhe țawng thawm emaw, Carlos-a thawm pawh hriat tur a awm lo!



Eng nge thleng ta ang!


Kan awm dan kha Muanpuii'n a hriat rual a a thinrim hmel tur mit thla a hmu zuai zuai reng chung chuan Carlos-a kawrchung chu ka hum nghet ngawt ngawt a! Ka dik loh zawng miau a vang in hlauh chu ka tih tur reng pawh a ni!



"Thel." Pindan kawngkhar a rawn kik rik kauh rual chuan ka țek zawk a. A rawn inherh hawng a, khum hul deuh ah a kawrchung pawm ber reng a ka lo ding min rawn hmuh rual chuan a rawn nui chhuak nghal hawk bawk.



"Diklo a awm em?" A rawn pen lut a, kawngkhar pawh amah in a in vaw khar dawp. Rawn pen pawk pawk in ka hma ah tak a rawn ding nghal run bawk.


"Tunnge.."


"Oh, security anih kha.." a rawn tih rual chuan ka thaw huai a, a kawrchung ka lo hum ngheh ve em em chu min laksak in ka khum chung ah a theh kai a, ka hmai zawn chet ah a rawn kun hniam nghal hmiah bawk.

"Thelma?"

"Kan awmdan hi a diklo Carlos.. ih Muanpui.."


"A tawk, ngaihtuah suh ka tih kha."

"Mahse i bialnu ani a lawm."



Ka sawi belh leh hma in a hmui lum in ka hmui a rawn nawr nghal hmiah, a ban hrawl zet chuan tawlh sawn thei lo tur khawp a nghet in min kuah bet a, ril ngûk leh duhthawh zet a min fawh ngawng ngawng tak ah chuan zawitê tê in ka inthlah dul ve riai riai a. A ban thah chak zet min kuah khawmna chu rinchhan in ka chhang let ve nghal zat bawk.




Reingial kan infawh hnu chuan rawn rum chhuak hawlh pahin min thlah thei ta hram, a chal lum in ka chal ah a rawn nawr leh vang vang a, a thawk lak dan nâ zet țhin hi a taksa hrawlpui nen a inrem thlup tawh.



Shanti a lo kal dawn lo tih a sawi a, artui tam tham zet vaw keh in a kang a, lo tih ve chiam tur ka hre der mai silo, coffee a chhuang bawk a, kawr ha lova duhtawk a choka chhung a a chekual vel chu a hmuhnawm satliah lo, a sexy em em mai ni! A ban bul pawh a sek in ka ban bul pahnih belhbawm ang vel anih ka ring.



"Carlos?"



"Umm?" a rawn inher vut a, a kawngkhen a lo phelh thawl tawh niin a kekawr kawng chu a fual in a V line ka hmuh rual deuh thaw chuan a mit ah tak ka melh tlat a, a kiai suk leh nghal!



"Ka lo va intifai ang."



"Ok, reilo la, i rei chuan ka rawn lut ve nghal dawn nia." Ka ner ta nawng ringawt! Towel la in ka washroom hman țhin ah chuan ka lut a, ka sam chu ka chip lam ah ka bawk tawm tawp, darthlalang ah chuan ka nghawng a hmun hnih duk chu ka thlek vang vang a!



Pakhat zawk ka beng hnuai zawn thla ah anih laiin, pakhat erawh ka hrawk zawn ah tak! Langsar em em in a siam kual raih thung!



Ka kut in ka han tawk zeuh va, a lei leh hmui a chet kual tir dan kha hlauhawm khawp in a zei ani tawp! Hmai ka phih mawlh mawlh a, washroom kawngkhar hawnna a rawn inherh rik rak rual deuh thaw chuan a rawn innem hawng der a! Carlos-a rawn lut ve vut leh kawngkhar a nem khar zui hmiah chu âng deuh hâu in ka lo en tawp!




Washbasin hma a ka lo ding chu min hnaihchilh nghal hmiah a, ka 'tap on' reng pawh chu a rawn herh tawp hmiah! A savun kawnghren dum hren kha a lo phawrh chhuak daih tawh bawk.

tinge i lo luh a?" ka dak deuh haw a, ka hnung lam ah a rawn ding nghal vut, vanvadak meuh in ka han en haw haw tho.


"I rei chuan ka lo lut ve dawn ka tih kha."



"Humm, minute 5 pawh ka la awm tling lo."
A hmui hnuai lam a pet sawi zauh ringawt! Board chu ka pawt hawng a, toothbrush ka ban rual chuan ka dul zawn ah bawk min rawn kuah bet hmiah, hetiang ka taksa dek loin a awm rei thei lo emaw tih tur khawp a min thlakhleh hmel tak a a chet reng chuan a zûn ah bawk ka uai nghet tial tial ang tih ka hlau!


"Lo va chhuak la."


"Nope." a ti sup. Thaw halh in hâ chu ka nawh zawm mawlh mawlh a, darthlalang ațang chuan uluk tak in min en ngur ngur reng a, darthlalang ațang chuan a mitkhur thuk dak a eng emaw rawn lang zauh ka hmuh zauh rual deuh thaw chuan hnuai lam ațang ka t-shirt hak chhung ah a rawn zen lut ta mai! Ka rák țhawt a! Ani erawh anui hawk thung.


"Zohminglian."


"Engtin maw min ko a?" Ka nak ah a kut lawng ngal ngat in a rawn țham tawk, ka sahuat lai ani bawk si nen au tûng chung in ka tal zui nawk nawk a, hnung lam ațang a awm khauh țung in min nek run, ngailngan tak a ka taksa khawih in min la dek za zui! Ka tal leh ka nak zawn a za zual sauh mai si! A tawp ah phei chuan 'ka tlawm!' tiin ka au ta chûl a, Nui hawk hawk pah chuan Carlos pawh chu a tawp ve ta hram!



Ka din mar leh meuh chuan ka mittui a tla phung tih ka hria.


"I va sual ve." Darthlalang ațang chuan rum deuh in ka melh vak a. A kut lum huam chu sawn chho in ka bra hren lai chhan a rawn țham tawk a! Mahse rang lutuk in a kut chu a la chhuak a, ka bek ah a rawn fawp zui nghal tâwk bawk.


"Carlos?"

"Sorry, kha thil kha chu i phalna ka la hmasa anih loh chuan a thleng nawn tawh lo ang." A hmuiin ka bek a nawr chawt chawt, darthlalang ațang bawk ka mit ah a rawn en.


"Sorry." a ti nawn leh sup bawk.


"Thelma Bawihte?" Zawite a min kohna ri ka hre vuat vuat, a kutțang in ka biang a rawn nul kual zai zai a, a kut chu a hmuiin rawn zawm in ka biang leh hmui vel chu a hmuin arawn nawr kual dun dun a.



"Ka fawh harh kher che i phut em ni?" Couch a ka mu lai chu min rawn bawhbet deuh in ka hmai bul chet ah a rawn nui lum leh hawk a. Mit ka meng ve siar siar bawk.



"Good evening." Ka nui leh ringawt a, mit ka chhin leh hma chuan a nui ve deuh suk chu ka hmu rûai.


"Bawihte, nangmah a i lo awm rih a țul a nia." Mit ka meng leh zawk a, ka chal ah a rawn fawp nghal zauh bawk.

"Kal chhuah lawk ka ngai a"

"Umm."

"Umm" ka tih dan rawn zir chuan a nui che dawt a. "Tun ah hian 6 a nia, 8 bawr vel ah ka rawn let ang."

"Okey.."


"God! Mut duh reuh lutuk, ka lo let hma chu lo muhil rih mai rawh." a ti sup a, ka hmui ah rawn fawp leh vang vang in a tho ta hram bawk.

A phone a rawn ri a, phun hluk chung in a kekawr ipte a zen a, kei pawh chiang lo ruai in ka meng nghal diar diar mai.



"Abdul.." a ti ri chiah ka hrethiam, a dang chu Hindi țawng ka hriatthiam teh duah loh a hmang tawh.

Hna hmanhmawh thlak aneih vang in Carlos-a chu achhuak zui nghal mai a, a awm lai a ka mut chhuak chuah chuah kha thehhmeh ang hleuh in a reh nghal daih bawk.



Nileng in kan awm dun a, movie en dun in kan taksa a awm hrang rei ngailo tila adik ber ang!



Muanpui ka ngaihtuah chhuah chang a piang erawh in nuam lo tiin ka lo ngawi leh veng veng țhin a. Zep loh ah chuan Valpuia nen kum eng emaw kan inkawp chhung a ka duhna ai khan ni khat pum hlum pawh nilo Carlos-a nen kan awm dun a, a laka ka luanliam na leh ka duhna hi a nasa ta zawk daih!


Muanpui lak a ka inthiam loh zia pawh nasa tak ani mai! Tun ah tak hi chuan sawifiah chiam dan ka thiam rih lo bawk nen Muanpuii tih thumal ngawt chu ka thluak ah hian a ri deuh tluk tluk reng.



Door bell a rawn ri thut a, couch ah chuan ka țhu chhuak nghal at bawk.



A rawn ri nawn leh a! Carlos-a rawn let leh nan chuan a hma mah mah.



Kawngkharpui lam chu ka pan phei a, door viewer ațang bih in pawn lam a Muanpui lo ding reng ka hmu ta siah! Ka hawn sak ang nge hawn sak lo ang! Uugg, Thelma naupang chhia i nih tawh loh kha!



Kawngkhar ka hawn rual deuh thaw in a rawn pen lut nghal zat a, ka hmai ah rawn beng sawk pawh nise ka dawh tawp ang ka ti rilru mawlh mawlh bawk.



"Thelma, min țanpui hram rawh." Țap deuh ţiau a a rawn tih tak ah chuan ka en nghal kawk a. Muanpui hmeichhe hmelțha tak ni țhin kha a țahna vang in a mit a bui deuh lak a, a hmai pawh mittui hruk hrep tawhna tih hriat fe in a sen mar țál bawk.



"Thelma.." ka kut ah a rawn hum a, mak ti zet in ka en reng mai!

"Min pui rawh aw, anih loh chuan ka â thei mai ang." a rawn țap ri hawk a, mahse rang zet in a thawk a chelh leh a.


"Hmingpuia in ațang hian chhuak rawh." ka mit ah tak a rawn melh a.


"Ka ngen che anih chu, a in ațang hian chhuak rawh, ka PG awmna hlui ah khan seat pakhat a awl, tah chuan insawn lut rawh."

[Ngaia]

☆UTOPIA: 1996☆
S2
Chapter 9
By
Abbra Reo Ririni Khiangte (PitarteiSualfingi)





Ka hresual emaw tiin ka melh ngawt ngawt a, ka kut chelh reng chungâ a rawn inhnit leh hraih tak ah chuan ka hriat sual ani lo.



"In inkar a thil thleng hi ka hre vek a sin." nui lui hak a a rawn tih leh rual chuan ka awm chhung a rawn nghing nghal lawih! Ka hma a hmeichhe hmelțha zet mit meng ah chuan natna ka hmu chiang hle bawk. Thawk chhuah harsa khawp a ka hrawk chhung a inhnawh phui tlat a vang chuan ka beng a ngawng nghal chuah chuah a. Thidang daih thei ila chuan ka thidang chiang viau vang!




"Hmingpuia nen hian kan induh tawn a, kan inzui rei hle tawh bawk, kan inkar ah eng emaw deuh hlek a awm laiin nang i rawn lang a, ka lak a a lungawi lohna min hmuh tir a tum nan nang hi hmanrua ah a hmang bawk che." 'Hmanrua ah a hmang bawk che!' Ka thinphu dawt dawt chu a ding chawt a! A tawp hlen nghal hmak tawh dawn in ka hria! Hmanrua!


Aw Lalpa!



Za vak lova Muanpuii a rawn nui leh hak rual te chuan ka bing mup mup a, ka khawhmuh a zîm tûp bawk.



"Nupa ang chiah in kan khawsa a, nupa ang maiin inhnial chang leh intihlungawi loh chang te pawh kan nei ve bawk, nupa inkar pawh reilote a buai a, inpawh tak a thil an sawi țhat leh rual a engkim a fel leh vek țhin ang hian kan inkar pawh rei a chhe thei tak tak ngailo, kan inkar a chhiat chhung lek a, a hunawl hnawh khat tu ah a lo hmang che hi a aiawh in ngaihdam ka dil nghal bawk che.." ka thuhriat zawng zawng chu mumang a thil thleng anilo, harsa zet in chil ka lem lui khawlh a, zah lutuk na vang in ka hrawk chhung a rawn in hnawh tup tup reng a, kawchhung rawn ni deuh nghul vang chuan luak nghek ka chak ber.





Muanpui chu ka en leh a, ka zak ngawih ngawih! Carlos-a nen kan awm dan engkim a lo hre ve vek anih chu!



" ngaihdam min dil a ngailo.." ka ti tham țîak, ka ngaihtuahna bing chuk chuk vang chuan keimah a awm a, ngaihtuahna fim hman ka mamawh tak zet! Nghet leh zualin ka kut ah a rawn hum a.




"I hrethiam ang tih ka hria alawm, Mipate hian khawhar tuar an thei lo em a tinni." Rilruna tih hriat zet si hian a rawn nui lui leh hak bawk.





A bialpa lo hnar thei lo tu thirimna tel hauh lova min hmachhawn thei chu kei anga hmeichhe â anih loh zia a lang chiang em em a, chu ai mah chuan ka zah thar ngawih ngawih, khuk bo daih theih se ka ti tak zet!



"A pawi ka ti Thelma, i lo awm lai tak ani bawk si a, ih.. mipa lungleng chuan remchang an zawng ve reng zel bawk nen." Carlos-a nen kan pahnih inkar a thil thleng ho kha ka ngaihtuah let a, Muanpui sawi zawm leh tur chu ngaithla ngam lo in lu ka thing nghal nawk bawk.




"In ațang hian chhuak rawh aw, anih loh chuan .. ih.. sex hial ah in tawp ang, kan inkar lah a tawp hlen tak tak ngai dawn silo a, i hmalam hun a chhiat vek loh nan ka hrilh che anih chu! Carlos-a hian a lungawi loh changin hmeichhe dang zan hnih khat hun hmanpui lawp lawp țhin mahse a tana hmeichhe hmasa ber ka nih a vang in min thlah thei biklo, nang ber kher a chhaihkual che hi a pawi ka ti tak tak... " a thusawi leh dang engmah ka hrethei tawh lo, a hmui phun sep sep reng chu ka melh ngawt ngawt a.






Mipa dang nen an danglam emaw tia ka lo rin em em chanchin ka hriat dan chuan min ti țhawng in min tina tak zet, ka kawchhung chu kutâ țhâm nâwk nâwk ang maiin a rawn nâ thip hlur a, ka awm chhung a mi pawh a phu dawt dawt, a kîang hnâi ah kei nilo hmeichhe dang lo awm zawk pawh nise chu mi lakah chuan ka laka a chet ang tho khan a che dawn!




A lakah awmzia ka neih vang nilo in a bialnu nen an intihthiam loh laia a hun a khawhralna hmeichhia mai ka ni tihna anih chu! Kan din mêkna chhuat te chu a rawn vir muai muai mai hian ka hria a, a bial nu ngeiin thinrimna tel hauh silo in Carlos-a chet țhindan min hrilh mek a, amah lo hnar thei lo tu hmeichhe pakhat ve mai ka ni bawk.





"Tûkin khan ka țhianpa ka bia a, i hnathawh tur pawh ka hmuh sak tawh che, Nike dawrah Manager in i thawk nghal thei ang, ka PG sawi pawh thla eng emaw zah chhung fee ka pe lawk a, ka chhuak leh ta si a, ka fee ring chuan hlawh i neih hma chu a thlawn in i awm thei bawk ang."




Common room lam ah min kai phei a, eng eng emaw min hrilh sep sep reng bawk, mahse engthil nge a sawi pawh ka hre mumal thei lo, Muanpui sawi tak mizia leh Carlos-a chu hmehbel ka tum ngial nangin ka thinglung zatve chuan chutiang khawp a mipa lawilo leh infiamna atan hmeichhia te hmang duh tur chi anilo tih a pawm thlap, lehlam erawh chuan ' mipa te'n khawhar leh lunglen an tuar theih loh zia' a hrechiang ve em em lâwi a! Kum eng emaw zah ka lo zui tawh Valpuia pawn min phatsan thei anih kha!





"Naktuk ah PG ah chuan insawn nghal rawh aw?" Ka kut ah a rawn hum leh rual chuan muangchang in a mit ah tak ka en a. Ka zah ngawih ngawih.




"Thelma, inthiam lo duh suh, i la naupang a, Carlos-a pawn chu chu hria in a chhaihkual ta reng che, mahse keichuan ka haw lo che tih hria la, a fiamkualna che ah hian i luanliam tak tak hma in rilru siam thar la, ka sawi chu zawm hram rawh." ka bu nghat nghat a rawn hmuh tak ah chuan thaw huaiin a rawn nui lui ve ngial a, hmeichhe dang nita se chuan a kut in ka hmaiah tak min beng chawrh tawh hîal zawk ang! A bialpa lo awmfal pui tu ka ni miau a, chutiang chuan ka chungah che pawh nise sawive tur pakhatmah ka hre dawn chuang lo.




Ka hnathawhna tur a lehkha pawimawh ka kawl ho chu min dil a, ka phone number a la bawk, ka ngaihtuahna chawmawlh vek tur chu thing harh lui hram hram in a mamawh ho chu ka pe vek, tihian ațhianpa a pe nghal a nga, hna pawh ka zawm nghal thei dawn bawk.




Khum ah ka mu tawm kak a, Valpuia nen an lo awmdun țhin tih ka hria tih Muansangi'n a hriat rual khan tun a ka awm ang chiah hian a awm ve a ngem? Ka kawchhung a khur dar dar reng a, ka pang a sa vur a, kiltin ațang zahna in min rawn khuh hlup hlup reng a, mi zawng zawng in hmeichhe nikhua lo tak ka ni tih an hre nghal vek in ka hre bawk.




"Ngatinge keimah kher hmanrua ah min hman a?" Carlos-a kawrchung chu ka awm zawn ah ka kuah bet ngâwt ngáwt! A bialnu a runluihna hmanrua ka ni tih ka inhriat vek tawh hnu ah pawh a pangtilum nuam zet leh min fawhna duhthawh lutuk te kha ka la thlahlel tho a, mahse chuthil chu a thleng nawn tawh ngailo ang!




Thelma Malsawndawngzeli hi hmeichhe lawilo tak ani ngai lo! Tihpalh thil thuâ a thinlung hip bet nghal tlat tû mipa nen an inkar a thil thleng zawng zawng pawh kha hun a rei a nga, a theih nghilh vat mai ang! Chu chu Thelma dán ani bawk!




Ka ţap muhil ani mahna, ka mut mekna khum chu a rawn che dawt a, khum chu a hniam suih bawk, a rimtui hman ri pa hrekhrawk mai ka hip luh rual chuan ka kawchhung lam a rawn lum nghal ham ham a, chumi rual deuh thaw chuan mipa rui deuh suk ri ka mang hriat ruai ruai bawk.



"Tui deuh in mu rawh aw, Thelma." A hmui lumin ka beng ah a rawn nawr a, a aw dam ruih mai chu ka mumang lam ah chamhlen tir tum in thawk ka la zui siai siai a.

"Hmingpui?"

Hmui lum a ka beng nawr reng tu chu a rum ri nghut!


"Inbe lawk ila." hmeichhia bawk chuan a rawn ti leh a.


"Bawihte min lo nghak rawh aw." a kutțang in ka biang a rawn nul kual zai zai a, a awm lum vung vung in ka taksa a rawn sik leh chet rual chuan ka biang ah arawn fawp a!



Hmeichhe aw bawk in 'Hmingpui' a ti ri ka hre tel leh bawk! Engang mumang teh nuaih nge maw ka neih le?



Ka dang ro húam leh hrawk thîp hlur chuan zawi zawi in min ti harh a, pindan chhung chu a lo thim mup a, a reh tlawk tlawk bawk.



Ka hrawk thîp țâk mai ka feel leh rual chuan țhen sak in khum ațang chuan ka inbeng kang a, pindan chhung chu thim mup mahse khum puan phah var a Carlos-a suit dum lo la awm ve reng chu a hmuh hmaih theih lo. Chumi rual deuh thaw chuan Muanpui nen kan inbiakna ho zawng zawng kha ka hre let leh vek a, ka awm chhung a rawn nâ nghal ngut ngut a, nitam pawh ka la hriat loh mipa vangin ka rilru mai pawh nilo ka taksa nen lamin ka na vek ni mai hian ka hria.




Engkim theihnghilh tum chuan chil ka lem khawlh a, ka hrawk chu ro satliah pawh nilo in khawsik sang vur ka lo nei reng tih ka hre zawm nghal zat! Ka hnar a ping lûk a, ka kâ hmang in reifê ka lo thaw tawh tih hriat zet maiin ka hmui te chu a hîl deuh riap a, khum ațang ka tho chhuak ta nge nge bawk.




Light ka hmet eng a, side table chung a alarm clock inhung chu ka melh zawk a, zan dar 11 : 30pm a la rilo deuh.



Kawngkhar herhhawnna chu thawm dimte in ka herh țhem țhem a, zaulo tê in kawngkhar chu ka pawt hawng a, common room lam pawh dim light eng ruih chiah a lo inchhi tawh a, Carlos-a lo haw tawh in a mu lut tawh anih ka ring.



Thawm dang deuh ngaichang in ka ding renrawn phawt a, mahse minute2 dawn hnu ah pawh thawm engmah ka hriat tak loh ah chuan thawm dimte in pindan chhung ațang chuan ka pen chhuak țhem țhem a, ka khawsik sang lutuk vang chuan tlun ang mai hian ka khur leh hlawk hlawk țhin a, tui lum emaw tal in ila ka zia deuh ka ring.




"..... Thelma nen inawm dan zawng zawng pawh kha ka hrelo der ang, ka ngaidam che ka tihna anih chu!" Muanpui aw ri ka hriat rual chuan makti lutuk in ka vir let nghal nawk! Ka thil va hmuh vang chuan meng kawk chung in ka kâ ka hup bet vat a! Mit ka chhing sawk a, ka meng leh a, an lo la awm tho, ka hmuh sual anih ring in Carlos leh Muanpui te chu ka melh leh ngawt ngawt a, mahse ka hmu sual lo, Ka awm chhung a rawn na leh zawk tawh! Zanlai ah pawh haw loin hetah an lo la awm dun a maw?




Zawitê in ka thaw chhuak ham ham a, an lo awmdan a vang chuan ka khawsik pawh a sang zual sauh mai hian ka hria, ka hrawk a rawn sa vung vung a, ka mit pawh a sen rûm ang ka ring!




Ka inher riai riai a, pindan chhung ah luhbo leh nghal ka tum nangin dangchar a thih mai ka hlauh vang chuan thawm dim takin choka lam ka pan ta țham țham a, khawpui lang pê út lam hawiin Carlos-a a ding khawng luah, a hnung ațang Muanpuii'n a kuah bet a, kan lo awmdan a vang khan a ngaihdam thu a hrilh bawk!




Choka chhung ka luh rual deuh thaw chuan bang a switch on na ka dap rawk rawk a, nazet in ka thaw chhuak hawk hawk bawk, khawsik sang vang a tlun nen, Carlos-a ka hnar thei lo tih engkim a lang chhuak vek bawk nen, Muanpui emaw Carlos-a pawh an hmel ka hmuh ngam tawh pawh ka ring lo! Muanpuii hi sual duh ni pheise chuan Mumbai-a Mizo awm ve dangte hnen ah ka chanchin a thang nasa tawh ngawt ang! Awmna tur neilo an lo buaipui a, chu chu remchang ah laiin Muanpui bialpa kherh thluk a tum zui nghal zat! ti a ka lar zui chuai chuai lo chu Muanpuii rilru puitlin vang vek nita ber in ka hria.




Kut tha khur hlawk hlawk chung chuan fridge kawngkhar ka pawt hawng a, vur in a hmeh khawng vek ang chiahin ka chhung lam vawt mahse ka thinglung ber a sa huam huam miau, tui bottle chu la chhuak in glass awmna lam ka pan zui rawk rawk a, an ni pahnih in min rawn hmuh hma ngeiin pindan chhung ah khan luhbo leh ka duh.




Balcony lam ațang thawm ka hre ta thut mai! Kei lah in choka light ka ti eng pup bawk si! Bottle a tui chu glass ah chuan ka thli chhuak rawk rawk a, choka lam pán a ké pen thawm a rawn hnaih tulh tulh rual te chuan ka tha khur a rawn nasa zual sauh!




"Thelma?" Carlos-a aw thum hniam ruih ka hriat rual chuan ka phu nghek a, ka kê hmawr a hit zui țhawt! Glass keh ri chuaih ka hre zawm leh zat bawk!



"God, Thelma." a aw ri hulh leh maktihna ka hriat rual deuh thaw in ka dar ah a rawn kuah nghal hmiah, chhuat lam ka bih a, thaw chhuak hawlh pah chuan ka ké bul a glass tla keh râm mai chu a en ve vut bawk.



"Ka tihpalh.. ih.. ka tuiin ahal lutuk a." Ka ti bah nawk nawk, glass keh chhar fai tum a ka kun hniam tur chu ka dar a man khawmna a rawn ti nghet zual sauh va.



"Ka tihpalh." ka ti nawn leh sep bawk. Chhuat lam ka bih leh rual chuan rum nghut chung in ka dar ah a rawn hmer ta hmiah, amah hmachhawn turin min pawt rem nghel zat a.



"Khawsik i nei." a rawn ti sup, 'i tidik, ka chung a i rilru put dan engkim ka hre tawh!' tia nem sawn nghal lawp tur ka ni nangin ka nuih let ringawt a. Chhuat lam bawk ka en leh zeuh rual chuan ka khabe ah a rawn dawm leh nghal hmiah, min kuai dak deuh salh bawk.


"Engtik ațang nge?"


"Eng chu maw?" Ka ti a, uluk zet a min en ngur chung chuan arawn kun hniam ruai ruai mai. A hmel pa zet mai chu a lang ni deuh khup, Muanpui nen an awm dun laia ka lo in lan ve thut vangin a lawm lo viau te pawh ni ang!



"Thelma, khawsik i neihna a rei tawh em?"
Ngaihthlak nuam zet hian a rawn ti dam ruih, choka kawngkhar ah Muanpui lo ding ve reng ka va hmuh rual chuan ka khabe dawm mek tu ban rek ah chuan vuan in ka phih sawn sak nawlh a. Ka taksa khur nasa lutuk chu in control theilo in ka kaihza tha a inthlep ti tih a, mahse engtin mah ka awm hma in ban tha chak zet in ka kawngah a rawn man leh hmiah, a taksa lum vung vung si chet in min hnuk hnai zui zat bawk.




"Ka țha." Ka tisep, Muanpui zawk in min thlir reng tih ka hriatna ringawt te chuan min hnawh leh mup mup tawh.



"I țha lo, lo kal rawh i mu leh dawn nia." A hmuiin ka bek a rawn nawr zauh va, ka tal aih nangin min kuah behna chu a nghet lutuk, Muanpui hmel hmu thei lo zawng a min man bet chu ka lawm ru ngawih ngawih.



Tlem a ka awm hran hlek rual chuan Muanpui chu a rawn pen lut ve thuai a, Carlos-a chuan keimah chiah min en ngur thung.



"Thelma, i nuam lo em ni?" a rawn ti zung zung, a mit ah ka melh zeuh rual chuan ka kawnga Carlos-a min man behna kut zawk a lo melh ngar tih ka hmu a.



"Ka khua a rawn sik ringawt a." ka ti hap. Ka mit ah tak chiang kek kawk a min rawn en tak ah chuan nuam lo tih lutuk in ka insehruh chat chat a, mahse haw ngam tur ka ni lul lo!



"Hmingpui a room ah lo va kuah lut la, damdawi ka rawn la ang." a ti ta zung zung, choka ațang a kal chhuak a, damdawi dahna a hrechiang hle tih hriat tak a a chekual vel chu zak hle tur ni chungin ka thik ringawt lawi a!


Aaaa.. a sawi engkim kha a dik vek, Carlos-a nen an lo inzui rei tawh lutuk, he inchhung a thil dahna engkim pawh hrechiang tur khawp in a chhung ah hian a tal tam bawk a, kei amah runluihna ang lek a abialpa ngaihsakna dawngtu tan chuan lo thik ngam pawh ani reng reng hleinem.



Carlos-a chuan min kal chhuahpui mai a tum a, ka țang deuh țak tih a hriat rual chuan a rawn rum nghut mai.



"Eng nge ni leh tawh Thelma?" a rawn ti chhuak hawlh! Vawiin lam a ' Thelma Bawihtei' kha a bialnu a awm ve tak ah chuan Thelma tawp ka ni leh tawh bawk.


"Tui ka induh.. chuan keimah in ka kal thei." Ka ti sep a, ka hrawk ro hulh a vang chuan ka aw ri pawh a tham țîak, chesawn miah lova a ding vuah reng takah chuan ka chhoh melh zawk a uluk lutuk in min lo chhuk en ve run tih ka hmu a, ka kawngâ a ban nghet zet chu ka pawt nghal zat bawk.





"Lo ding rawh, ka rawn lak ang che." a rawn ti ta sup, mi kuahna ban lum nuam zet a lak hran rual chuan ka vawt nghal vûk a, counter rinchhan meuh in thawk ka la halh a, hetiang tak a khawsik sang hi ka ngei ngai pawn ka hrelo, ka ruhchuktuah te thleng in a na ngut ngut,





Carlos-a che vut chu ka thlek a, choka chhuat huh nuaih mai chu kar kan pawk in glass pakhat a la kang nghal nawlh, fridge ațang ka bottle lak chhuah kha a chhin zui nghal daih, filter lam a pan a, tuilum a thli chhuak phawt a, tui pangngai zawk a thli lut leh a, tinge keimah kher hmanrua ah min hman tih zawh ka duh a! Mahse, a tan hlutna leh amah hipna pakhatmah ka nei ve lo tih a kâ ațang ngei hre tâ ila tun ai daih a laktlak loh hian ka awm dawn tih ka hria! Chuvang chuan Muanpui min hrilh ang khan ngawi rengin a in ațang ka chhuak tawp zawk mai ang.




"In rawh le." glass no chu ka hmui zawn ah a rawn lek kang vut a, a kut deh dam thlup in ka tukhum a rawn dawm leh rual chuan ka mittui a rawn hnai nghal kúar a, chil ka lem zui khawlh mai!





"Bawihte i nuam lo anih chuan tinge min rawn hrilh vat lo." A aw dam ruih vang chuan ka țap chhuak thei mai dawn in ka hria! Glass ka humna kut tha chu a khur nasa zual sauh va, a kâ ațang rawn thaw chhuak ham ham pah chuan glass chu a la sawn nghal daih, counter ah a nghat a, a kutphah hrawl pui a hnehzetâ ka biang a rawn khûap leh tak ah chuan ka hrawk chhung lam ațang thil eng emaw a rawn ri nghal hraih mai. Ka insehruh a!



"Hlau miah suh, damdawi i ei anga, i țha leh vat mai dawn lawm." A hmui lum in ka chal ah a rawn nawr ta vang vang a! Țap chhuak ngawt lo tur a ka insum nasat lutuk vang in ka hmai te chu a rawn sa zual sauh a.



"Hospital lam ah kal i duh em?" Min biakna aw ri dam ruih ah chuan a bialnu runluih na atan a hman mai mai ka ang lo.



"Aih." ka kâ ațang boruak sa zet a chhuak halh.



"Ok, damdawi ei la, kan mu dawn nia." hmeichhe naupang kan duat deuh kan biak ang chiah in min bîa a, ani nen hian lo inhre miah lo tur kan ni a sin!




Zohminglian i hmanrua mai mai nimah ila min khawihna kut dam ruih te, i tan pawimawhna nei ve tak tak emaw ka intih phah hialna tur khawp a min duatna aw ri te hi kei chuan a lem nilo, a tak ngei ang in ka lo hrereng mai ang aw? Chu chauh chu i phal ang tiraw?




"Khum ah mu ang le, ka kuah lum che nga, khawsik chu a reh vat mai ang." Reilote chhung ka chhip ah khabe a rawn nghat zawk a, a țawng ri chuan min nghawr dur dur bawk.




Choka ațang min kuah chhuah lai te chuan ka tlun nasat lutuk vang in ka pen a sak țalh a, ka hnung lam ațang hneh zet a ka kawng a min man bet tu chuan zawi muang in min pen pui zel bawk, Common room ah Muanpui a lo țhu reng tih ka hmuh rual chuan khawsik sang chu ka thluak ah a lut hial mai hian ka hria! Damdawi keng chungin zawi muang hian a rawn ding ve riai riai a. A mit meng a dul deuh raih a. A chhan erawh hrechiang tak ka ni!




"Hei eila, zinglam ah clinic ah kan kal dawn nia." a kut a damdawi chu ngawi ngul in Carlos-a chuan a lak sak vut, a bialnu tak awm lai leh zel a min buaipui tlat chu ka hrethiam hauh lo bawk.



"God, tihi chuan i tha neih zawng zawng pen nan i hmang ral vek dawn." Carlos-a rum deuh nghut ka hriat vûat rual deuh thaw in ka kang zui nawlh a, ka tal nghek dawn tih hrelawk ang hrim in min man khawm nghal vek anih chu!




Rihna neilo ang maiin pindan chhung ah min pen luh pui nawlh nawlh a, khum ah min nghat thla a, a kawrchung khum a lo let ve reng chu a hmu ang tih hlau lutuk in ka man tawm nawk nawk a, ka delh bet nghal tlat a, a nui rum nghal hawk bawk.




"Hethil kuah chung a i muhil lai kha ka hmuh loh ring hlek suh." puan lum a min rawn khuh pah chuan a rawn phun sup, ka melh zawk a, min hmuhsitna mit meng hmuh ka inrin viau laiin a mit meng lang lum huam ah chuan nuihzatna leh eng emaw eng deuh sawt sawt ka hmu daih.




"Hmingpui min thlah tawh la." Muanpui a rawn țawng tak ah chuan rang zet in puan sin lai chu ka pawt chho va, Carlos-a lah chu khum tlang ah chuan a rawn țhu thla ang deuh deuh va. A duh dang tawk a țha a puan min sin tir hnu ah chiah kawngkhar lam hawi tur chuan a inher hrut bawk.




"Zan a rei tawh sia.." Muanpui vek, ka hriat sual nge inthlahrun hmel zet in a nui tawi leh hak a, ka hriat sual ngei anih ka ring, inthlahrunna chhan tur anei lo.



"Room pakhat ah riak mai ta che." khum a ka mu reng chu min rawn en ngur chungin Carlos-a chuan a ti sup a, ka awm zawn nghing lawih chuan min pawt chau nghal rawih rawih. Mit ka chhing ta daih a, a thawk la ri hawl ka hriat rual te chuan ka chal a rawn za uaih bawk.




"Ka riak theilo tih i hriat kha.. zing ah ka nu drop ka ngai a.." nuam tihna Muanpui aw ah chuan a rawn lang ta a, kei erawh engmah hre thei lova awm ka chak hluah hluah. Carlos-a chuan engtin nge a chhan let leh ang! Ka thinphu ri dawt dawt reng vang chuan ka taksa chu a su hluau hluau va, ka khawsik vang ai mahnin an ni pahnih vang hian ka chau chhe zual ngawih ngawih!




Kawngkapui inpawt phui thawm ka hriat rual chuan tui tla thawk pawh chham tawh, vawi leh khat a boruak hip lut leh kawk ang mai hian ka boruak tam lutuk ka hip lut kawk kawk a!



Side table a glass no leh damdawi chu ban in ka ei zui nghal zat bawk!



Muanpui thlah tur a a chhuah hma khan tui min chhawp sak thlap a, damdawi eitur a min hrilh lai te chuan an pahnih hmel hmu ngam tawh lo in ka muhil der tlat a, room a chhuah san hma khan rit zet in a thaw ve hawk tho anih kha!



Thelma, eng buaina nge i inhnuh luh i hria em?




Mut țhat leh mai ka tum zet tawh nangin zawi zet in ka tho chhuak leh ta nge nge a, kawngkhar lock na chu ka hmet lut nghal khep bawk! Lock chu a rintlak ngei em tih nemngheh nan ka herh a, ka pawt deuh nawk nawk a, a inhawng thei lo!



Khum ah bawk ka lawn kai a, keimah leh keimah pawh chu mak ka inti a, chaklo ka inti ngawih ngawih bawk!




Valpuia leh Muansangi sex hmanglai ka mit ngeiin ka hmu a, ka țap chhin miah lo! Kan inkar a kal tluang em em laiin phatsan ka ni tih ka hre chhuak a, tun ang teh hrep a chau leh khawsik sang hial nei nghal țhawt khawp in ka tuar lo! Tinge ka paltlang zawh tak chiah ang a awlsam kha engkim hi ka fight let mai theih loh? Chu zawhna chhanna chu kei ngei pawn ka hrethei loh a nih si chuan tûmah in a chhanna min rawn pe ngawt lo vang!

[Ngaia]

Carlos Zohminglian's POV



Number ngawt ațang phone call ka dawng a. Nileng in hna ka kallo ta ngawt a, hna khawih tur a tam tehlul vei nen ka rilru lamah lian zawk a awm miau vangin in ah ka inkhung ta tluk tluk kha nia.




Phone call ka chhan hma chuan ka mal chung a kê nghat a, Thelma muhil sek sek chu ka en zauh va, a mutui thei em em reuh leh nghal.


"Hello."

"Officer Zo-a i ni em?" lehlam ațang chuan an rawn ti thawr! Ka nih ngei thu in ka chhang let leh nghut bawk.



"Sir, Abdul tih mipa pakhat accident vangin kan hospita ah rawn dah luh ani a, chhung hnai tumah anei bawk silo, a case a serious viau bawk si." ka meng awk hial mai!



"Hospital hming sawi rawh." ka ti hmuk, Abdul-a an dah luhna hospital hming a rawn sawi rual chuan phone chu ka hmet tawp vut a, accident kut dawh chung ah a thleng ang maw?



Ka ngaihtuahna a thil rawn lut zawk a vang chuan dimte in Bawihi kê chu ka hlang thla a, tlai lam dar 6 a hnai kuar tawh, ka tan a mi țangkai ber in manganna atawk anih chuan ka lan vat ngei a țul viau bawk.



Bawihi chu tih harh ka tum zet nangin lu thing nghut in ka tho chhuak ta zawk a, pindan ah ka lut zui vut bawk, denim jeans dum ka inthawlh tawp a, t-shirt dum inthawlh leh in leather jacket dum ka la chhuak a, room ațang ka chhuak leh nghal vut bawk.




"Thelma Bawihte?" couch ah chuan țhu thla ve in ka bawh ti tih a, a mutui reuh zek sia, kaihthawh a inthlahrun awm rum rum bawk, mahse kal chhuh nge a țul lawi a, ka kalna tur chin tal ka hriattir loh chuan, thawk a la sek sek reng a, ka kutțang in a biang mam hên chu ka nul kual zai zai a, kut ngawt a tawh duh tawk lovin ka kut chu ka hmuiin a chhui zawm zat bawk.



God! A la harh lo cheu anih chu!


"Ka fawh harh kher che i phut em ni?" Ka nui rum nghal hawk bawk, mit a rawn meng ve ta siar siar bawk.



"Good evening." ti sup in ka bawh bet leh zual a, a rawn nui seih ringawt a, mutthilh leh nghal atum rual chuan lawmawm ti zet in ka nuih leh suk a! Hetiang tak a hmeichhe pure zet mai kiang ah ka awm țum khatna ani bawk a, a chetdan engpawh mai hi hmuhnawm ka ti em em vek.



A chal ah bawk ka hmuiin ka han nawr leh vang vang a, kal chhuah ka ngai tih ka hrilh tak ah chuan hrethiam zet in a lo remti ve mai a. Abdula doctor bawk in min rawn call nawn leh tak ah chuan a case zawt chiang pahin in chhu ka chhuah san nghal vut bawk.



Parking ațang ka tlan chhuak fel chiah! Ka in rawn kal tur tih hriat tak a gate a Muanpuii rawn pen lut ve hawl hlawk ka hmuh rual chuan engine chu ka ti thi leh dûk a, min rawn hmu ve in a rawn nui sak a. Ka motor lam pan chuan arawn tlan ti tih nghal der bawk.


Kan inhmuh hun chu fuh viau lo mahse ka rilru diktak sawi hun ani tih ka hria! Ka thusawi tur hian amah a tihnat ang bawk in keipawh vuak letna nâ tawk tak ka dawng ngei ang! Chu vuak letna lo thleng tur pawh huam chuan engkim tlang takin a lan chuah a hun tawh!


"Kan in ah lo kal i tum em ni?" a rawn ti a, ka kal tumna nen a inper san lutuk vang ani ngei ang, ka nui ro hawk thung.



"Nileng in ka call i chhang duh silo a.." ka glass down ah chuan rawn awm lut in rilru nat hmet zet in min en tlak tlak bawk.



"Rawn țhu lut la."


"Maw? Aah umm, khawnge kan kal ang." phur fê maiin a rawn ti nghal zat, chhang lem hlei lo chuan lock ka hawng ri khap a, motor hmalam ațang kal hual in a rawn țhu lut ve nghal zat bawk.



"Ih.. ticket chung chang kha.. Babe, pawi ka ti tak tak." a rawn ti halh a! Thelma chungchang ah inrawlh tawh lo tur a ka hrilh hnu ah a nu zawk chet a lak tir tak kha maw.



"Min ngaidam tawh tiraw, i reh zui daih bawk sia, nuam ka tilo ania ." Seat ah țhufel at chung chuan min en ngar a, steering ka hum run, kum engemaw zat ka zui ve tawh lak a hetiang a rilru danglam ka pu ta ngawt hi dik ka intilo, mahse a hma ang khan ka ngaihsak thei tawh lova tukina a landan phei kha chuan a beisei ang engmah ka tisak thei tawh lo bawk! Mipa rilru leilo tak ang maiin hmeichhe dang ka suangtuah tel tat tawh a! Tawp law law zawk i la, a tan kawppui hran zawn leh pawh a awlsam zawk ang!




"Babe, i la thinrim a mi?" a rawn leh tisep.


"Muanpui?" Muangchang in ka en ve ta chauh va, motor chhung a light eng dul raih hnuai ah chuan hlauthawn hmel fê in min en let reng tih ka hria.



"I thinrim chuan sawi țha la, hetia i awm tlat chuan ka hlau mai ang che." a rawn nui lui hak bawk.



"Kan inkar hi tawp se ka duh!" Ka ti sup!



"Maw?!" a rawn ti deuh țhawt! Ka thaw chhuak ve hawlh tho.

"Tawp se ka duh."



"A theih loh." rang lutuk in a rawn ti let a. "Ticket chungchang vang kha anih chuan a thleng nawn tawh lo tak tak ang!" Hlauthawn hmel zet hian a rawn ti leh nawk nawk, rum nghut chungin lu ka thing nghut.


"Babe.." a ţap ti tih der!



"Ka tihpalh, ka awm dan ațang hian kan tawp a țha ber."


"Fiamthu thawh suh, kan ințhen thei lo tih i hriat kha." a aw rawl a rawn ring ta deuh.


Ka nui rô hawk a! A tan a hrilhhai thlak ang tih pawh ka hria, mahse rilru ka pe thei tawh hlawl lo! Hei aia ka tihnat belh leh ai chuan tawp mai hi a finthlak zawk!



"Tawp ka duh, i tan a harsa ang tih ka hria, mahse ka hrang tawh tih ihrethiam vek tho tih ka hria.."


"Thelma vang ani tih sawi miah suh?" A rawn ti nghal tuar, ka lo beiseih aiin a aw a ring daih leh nghal!

"Sorry!"

"Kha thingtlang nula vang mai mai khan kan inkar tihtawp i duh tak zet maw?" a rawn au nghek a! Hmusit zet a Thelma a koh dan chu a țullo hle bawk!


"Khanu vang nilo.. ugggh, tlem a hmeichhe class ve deuh vang nise chuan ka hrethiam ang, mahse thingtlang nula pakhat vang maiin tawp i duh hi a awiawm loh tak zet!"


" Midang hi hmusit nghal ngawt țhin suh! A bik takin Thelma chungchang ah i kâ kha veng fimkhur bawk ang che." ka ti chang búl! Steering ka humna kut pawh a nghet ngut ngut bawk e!


"Ka awi thei lo che, Zohminglian kha hmeichhia khan a brainwash mek che tih i hmu thiam lo em ni? I hma ah hmeichhe khawngaihthlak tak ang leh zezawih hmel tak angin a lang kual a! f**k! A thang ah i awk tih inhre rawh..." a au in a rawn au tawn tawn tawh! Ka duh tak ka sawi tawh bawk a, a țawngkam midangte diriam em em țhin chu chhan let tumna ka nei lo! Mahse zanin a ral a, khua a rawn var ațang chuan hmusit takin Thelma chungchang a sawi thiang tawh lo bur!




"Hmingpui a bum kual mai mai che anih hi, a tir pawn ka sawi tawh kha țanpui a mamawh vang nilo in nangang mipa rilru țha lutuk bum kual a, an rilru lêm kual sak a, an lak ațang pawisa dawn bak a ngaihtuahna ah a awm lo." Ka kut a rawn vawn chawt rual chuan na zet in ka lo thing per nghal nawlh! Vawi lehkhat ah a rawn khek chhuak ta tuar tuar a, Thelma ka hruai haw țum pawh khan tun lawkâ a sawi zawh tak chiah kha min lo sawi khum tawh bawk.




"Inbum tir suh, ka nu rual in haw se keini pawn nun bul țan țha leh ang, a rawn lan ve hma a kan awm ang khan awm leh ang, a haw duh lo anih pawn chhuah tir mai la, nangmah lo mipa dang bum kual tur a hmu leh vat dawn tho, a sugar daddy ațan reng i tlin dawn mi?" Thelma lak ah rilru chhe zet a lo pai reng chu a rawn bun chhuak ta vek! A puhna zawng zawng vang a ka lungawi loh zia lan chhuah tir a, tina mai lo tur chuan ka inthunun țang țang bawk.




Mumbai ah hian Thelma'n a hnathawh ang mipa hausa bum kual a thawk ve dang țhiante a neih a rin thu te a sawi kual ta duah a, ka pawisa a incheina man to tak tak ka lei sak hnu ah leh ka dâk vek hnu ah Thelma chuan min kalsan leh tur thu te nen! A chhuah chhe teh tâwl lutuk chu nuaihzat lam a kal lek lek hial! Engtin nge hmeichhe pakhat ve mai a rin chhiat em em theih zawk ni?



"Hmingpui.."



"Sawi belh tur ka nei tawh lo, tawp ka duh." Chu zawng chu ka sawi! Inhnit ri hraih chung in seat ah a țhingțhi a, ka chhip sam buk lai ah a rawn țham zui nghek nghek, ka ban bul ah chum țawlh in Thelma'n min ei dâk vek hnu ah min chhuah san leh tur thu te a sawi zui tawn tawn a, kut min thlak chu tawp a tum miah lo, dan ka tum lem lo bawk, ka chetdan hi a tuar tu tan chuan a nunrawn thlak hle ang tih ka hria, kan pahnih bik ngat phei chu inriah chilh a, sex thleng ti dun vek tawh kan nia a, ka rilru dang ta hlawk chu ka tuar tur lo nita zawk pawh niila ka che na viau ang! Marawh chu ka ngaihtuahna ah midang awm reng chung chuan kan inkar hi ka kal tlanpui thei tawh lo! Ka nghawng ah a rawn ham leh tâwk a! A thip hrep lehnghal!




"Kan tawp thei lo, tinge khanu kha i rawn hruai haw kher kher a?" țap hawk hawk chung in min chum țawlh țawlh a, a lungawi hma chu a duhdan angin che mai rawh se, sex hial a inzawmna ka neih pui tawh lakah ka rilru a lamlet tak thut a vang hian chunglam hremna pawh ka dawng hil mahna! Mahse mipa thinlung in thlakhleh zawk dang a neih tlat tawh chuan lemchan a theih baû tawh loh!



"Ka drop ang che." rei ngial thinrim tih hriat zet in a țhu ngat ngat tawh.



"Nang lo pawh vai sumdawng lian tak a kawp lo ang tih i chiang em?" Nin nuihsawh fe hian a rawn nui chhuak hawk a, thip tak in min melh khai khai bawk. Chutiang mihring chu Thelma anih ka ring lo bur! Chu erawh a lo hmuhsit ruk em em lak a tlawm ta si hnen ah hian sawi chhuah ka tum lem hlei lo a.



"Lo en reng mah rawh, nakin lawk ah a mize dik tak a rawn chhuak a nga, vai sumdawng hausa țhenkhat in an pawh kual pui vel mai mai dawn che."



"I duhtawk i sawi tawh anih chuan chhuak rawh." ka ti hmuk!

"Zohminglian i la inchhir ang." A ti ram hmarh, ka inchhiar nih pawn Thelma apuhna zawng zawng a thlen dik tak vang ani ngai dawn lo tih ka chiang tawk viau!



" i credit card a pawisa awm zawng zawng a hman kawt sak vek hun ah chhe ka thusawi dikzia chu i hre mai ang." Na zet in kawngkhar a rawn khar phui zui dawp!


Ner sukin engine ka ti nung nghal zat! Amah ang tur ah Thelma a ngai nghal ngawt chu a hriatchian loh lutuk vang ah ka ngai!



Hospital lam pan in ka inkhalh ding nghal mawp mawp a, zurui pakhat car thunun thei lo in kawngsir theihaikung buk hnuai a kutdawhâ Abdul-a ațhut chu a su ta mai ani awm e!



Traffic ah ka tang leh renrawn a, ka kekawr ipte a phone chu phawrh chhuak vut in a harh tawh leh tawh loh zawt in Thelma ka text hram. Green light a rawn en tak ah chuan motor hmalam ah phone chu ka thehkai dawp a. Thuife ka inkhalh leh hnu chuan damdawiin lian tak kawt ah ka tlan lut ta der!



Security hnen ah motor chahbi ka pe nghal zat, hospital chhung ah chuan hmanhnawh zet in ka tlan lut a.


"Officer." ka tawp chawt, min rawn be tu doctor ngei kha ani tih a aw ri ațang ka hre nghal zat bawk.



"Khawi lam ah nge?" ka ti nghut, ban a rawn lek chhuak a, emergency hall zau zet, ah chuan hall kil lam pan in a kal zui dawr dawr a, thisen in a bual huh deuh zui a Abdul-a ka va hmuh tak ah chuan ka rum chhuak nghal nghut bawk.



"A țhat chhuah lehna tur a tih ngai zawng zawng chu tun ah la la hian ti nghal vek ru." Doctor bul ah chuan ka ti sup, a kê ah hliampu a tawrh vang in zai a ngai dawn tih in ah ka awm lai khan min hilh tawh.


"Aw le sir, tah hian i hming sign kan mamawh ang " a lehkha rawn lek chhuah ah chuan hming ka sign zui zat a, phe zui vat vat in operation room peih fel tur in doctor dangte nen an tlan sawn nghal zung zung bawk



"Abdul?"

"Sir nachhawk in kan jaction a, a harh rih lo mai thei." Nurse pakhat in a rawn ti a, ka bu nghut bawk.



A mit vun che deuh dur dur ka hmuh fuh rual chuan a lu bul ah chuan ka kun hniam thuai a.


"Abdul i harh em?"

"Baba." hmui phun in a rawn ti ve ta sap. Thaw huai pah chuan a awm chung ah kut ka nghat vang vang a.

"Baba."


"Abdul țawng rih suh, i hliam pawh naktuk lamah chuan a zia thuai mai ang.


" mainne dekha.." thil hmuh a nei tih a sawi tak ah chuan rang zet in beng ka dawh hnai a.


"Baba doctor kha ka hmu, lung inrem chhung a tang a rawn chhuak lai ka hmu a, amah pawh chuan min rawn hmu ve a, ka tlan chhiat hnu lawk ah accident ka tawk zui nghal zat bawk."


"Ka hrethiam e." ka ti nghut a, a sawi duh ber min hrilh tak ah chuan hahdam hmel zet in thawk a la ve sa siai siai a.


Abdul-a accident tawh dan hi tihpalh a thleng nilo in indah țhat tumna a nih hmel ta tlat!



Doctor leh nurse țhenkhat in zai tur in an nawr lut a, kei erawh accident thlenna area a police station be pawp in ka buai zui ta viau! Tlai lam dar 5:30 bawr vel a an area â accident thleng chanchin kim chang ka hriat duh thu ka sawi chuan chutiang eng accident mah a thlen loh thu in min rawn chhang ta tlat mai a!



Doctor te pawn car in a su tiin an rawn sawi thlap bawk si. Inzai hun chhung a la rei dawn tho a vang in pawn lam ah ka tlan chhuak a, security pawh ka motor la tur in a tlan zui ve nghal zat! Police station ah ka tlang a nga, zanin tlai report zawng zawng ka en nawn vek ang, chak zet in Hospital ațang a hla lo te police station chu ka pan nghal a, an report dawn ho ka hai let sak ngial pawn Abdul-a accident tawh hun lai vel eng record mah a awm hlek lo.



"Tlai dar 5:30 bawr vel khan kutdawh țhut țhinna ah accident thleng eng report mah in dawn lo tak zet a?" Inspector nen kan inhmachhawn ran mai.



"Sir kan station ah eng report mah a rawn lut lo." Thirim ru țeuh in station ațang chuan ka tlan chhuak a, Abdul-a țhut țhinna theihai buk kung bul ah motor chu din tir dawt!


Accident chu a thleng ngei tih motor ațang ka chhuah hma hauh in ka hre hmu zawm zat a, darthlalang keh them a tam in thisen pawh a val duk thleh thluah a, engtin nge police lam in station ațang hla lo te a thil thleng report chu an dawn loh theih?



A hmuhhma vel chu ka en kual thuak a, Police lam in CCTV kan dahna area ani tel em tih hriat tum in a kal kual chiam bawk! Vanduai thlak tak maiin he lai kawng ah hian CCTV a lo awm tlem em em a, a awm chhun pawn he lai hmun hi a cover pha lo.



Abdula su tu car number kha hre thei ngat ila chuan doctor-a kha kan hlat tawh in ka ring lo, lung inrem chhung ațang a rawn chhuak lai Abdula khan a hmu tih a inhre miau a.



"Sunil eng nge chanchin?" Ka call a chhan rual chuan ka ti thawr a. Lemzia a mihring hmel kha tunge anih hre tur a ka rawih mek ani a, India ram mipui maktaduai tam fê kar a, lemziak hmang ngawt a tu emaw zawn chhuah tum chu a harsa dawn tih ka hria! Chanchinbu ah chhuah in kan ti darh chuai chuai thiang der bawk silo.



" ka computer hian doctor rual sing chuang fê profile ka hack vek tawh, but Boss kan mizawn mek hi a vang khawp mai."



"I fing tawk tih ka hria, i hmuh chhuah har ka ring lo." ka ti nghut, a rawn nui ro hawk a. Ka chet lak mek dan hi India ram danpui bawhchhiatna ani tih kei tluk a hrechiang an awm lo ang! Police officer in hacker ka ruai ani a! Hreve tu dang awm ngat se zawng! Ka chungthu a rit ngawt ang.



"Kar leh a science exhibition project a awm dawn kha, i thuneihna hmang in chu hmun ah chuan i lut tlang thei reng in ka ring." A thil rawn sawi vang chuan ka nui suk ta mai. A sawi dik chiah tak e! Khawpui tin a țang doctor rual an rawn fúan khawm tak ang chu!




In ka haw hma in hospital lam ka pan leh phawt a, Abdul-a pawh hlahtling takin an lo zai zo tawh a, mahse an damdawi pek vang in a harh chhuah mai loh tur thu an lo sawi a. Ka thaw ve ta huai mai!




Thil thleng engpawh a awm anih chuan mim call vat turin ka hrilh a, zan dar 10 pelh thuak ah in lam panin ka inkhalh haw hman ve ta hram. Kawngtluan in Thelma ka call zut a, chhanna ka dawng lo, ani trreuh hi couch ah khan tui zet in a la muhil reng em ni dawn?



Lift a inhawng ri tleng a, ka kawngkhar hma ah Muanpuii lo țhu reng ka hmu hlawl chu ka tawp deuh chuih mai.


Muang chang in a rawn ding chhuak a. Nichin mai a thinrim zet a min au khum tu hmeichhia kha ani tih a nui ver ver ațang chuan tuman an awi lo ang.



"Eng nge i rawn tih dawn?" ka ti hmuk.



"Biak che ka duh a."


"Sawi la." Ti hmuk in ka kut pakhat chu ka kekawr ipte ah ka zen lut hlun bawk.


"Ih.. inchhung lam ah inbia ila." ka lo ner nghal suk.


"C'mon Babe, buaina ka siam lo ang." a rawn ti nem diai a, sawi pui leh tur chuang ka neilo nang in tun ang dar zat ah tawh ka kawngkhar bul a lo țhu reng in min lo nghak a, a sawi duh neih chu ka ngaihthlak sak ve tur ah ka ngai.



A room hman ah Thlema chu a lo mu lut tawh tih hriat tak in inchhung chu a reh huai a, Muanpui rawn lut ve chuan min fawh tum in min ban nghal chawt bawk.


"Nilo e." Ban lek chhuak vut pah chuan ka lo indang hmiah.


"I sawi duh chu sawi tawh la."


"Nichin a i sawi kha i ti tak tak lo tiraw?" Tham chel hian arawn ti țîak.


"Sorry, khawi ah mah khan fiamthu a tello."

"Ka hria e." ti sep in lu abu nghat a.


"Eng emaw intur min lak sak la." a rawn ti leh daih. A awmdan chu hrethiam lo fê in ka en ngur ringawt.
" aaa.. kan inkar tawp tawh mahse țhian tal kan la ni reng thei ang chu tiraw?"


"A țha a lawm." ka ti nghut.

"Intur chu?"


"A awmna i hriat kha, lo va en la." za vak lo in arawn nui hak a, choka lam pan in a kal nghal zat. Kei erawh Bawihi room hman ah ka lut a, tui em em a a lo muhil sek sek mai chu tih harh hlau tak in ka pan hnai a, ka kawrchung a lo kuah bet ve țai tih ka hriat rual chuan ka nui chhuak hawk teuh kher mai! Lawmawm reuh lutuk!



Muanpuii'n thawm a rawn neih tak ah chuan pindan chhung ațang ka chhuak vut a, pangngai tak a inbiak a duh thu sawi in nichin a chet dan vang te khan ngaihdam min dil ta luam bawk. Vawi leh khat a ka rilru a let thut chu hrethiam lo in a sawi zui ta reng a, kei erawh sawi ve tur neilo zet in ka ding mawl tawp!



Muanpuii min ngaihdam thu vel a sawi a, bul țan țhat leh vel a sawi kai leh tak nuaih ah chuan tlai lam ang bawk khan kan inhmachhawn leh dawn tih ka hre ta mai.



"Ka thlah ang che." Ka ti nghut, ka hnung lam ațang min kuah bet ta tlat a, Thelma nen kan awm dan zawng zawng a hriat vek thu a sawi chuan ka nui che dawt ringawt! A ngaihdan ah chuan Thelma hian sex leh a kaihhnawih a min thlem tur ah a ring tlat a, hei tak hi amah nen an inang lohna! Ka lak a chet a lak dan ang chiah khan hmeichhe dang pawn chet an la ve tur ah ngai tlat!



Bawihi thaw ri hak thawm ka hriat rual chuan ka inher vut a, choka light a lo eng pup tawh. Ka va hnaih chilh rual deuh thaw in a pang a sa vur tih ka hre zawm ta zat, amah lah chu a khawsik san lutuk vang nge a dang bîal a, a khur hlawk hlawk reng a, Muanpui kiang ah kan tawp tih ka sawi hnu lawk a hmuh lai reng a, amah nen kan inkar tawp chhan ber hmeichhia buaipui chiam pawh a tan hmuh a nuam lo ang tih ka hre tho nang in Thelma țah chhuak insum hmel chu ngaihsak zui lo a awm harsa ka ti viau lawi!




A chhungte kiang ațang a aw hran țum khatna ani a, a khawsik a san tual tual ang zel in a chhungte a ngaihna anasa zual sauh dawn, room ah pawm lut a, Muanpui awm lai a ka buaipui chu nuam a ti bik miah lo, inveng ran in a awm tlat bawk.



Muanpuiin amah thlah tur a min sawm lai chuan Thelma chu muhil tur ang maiin a chhing leh diar diar a, dandawi ei tir hmasak ka tum chuan a lo muhil nghet hle tawh.



Thaw ham ham chung in Muanpui chu chhuak tur in ka mit mei a; thlah hmasa phawt ila tu mit mei mah ven ngailo in Bawihi pawh ka duat thei mahna!



Motor ah kan țhu lut fel chiah. Message ka dawng hlawl a. Motor hmalam a phone chu ka ban zui vut bawk. Muanpui rawn țhu lut pawn message adawng ve chiah.



Ka open rual erawh in ka ner suk mai!


"Sanjay." A phone screen min hmuh va pah chuan a rawn ti a.


"Yeap." Ka ti hluk.

"Hapa tak hi chu aw." Nui hak in Muanpui chuan a ti a. Sanjay hi Muanpui ațang ka hmel hriat ve Sumdawng hausa ani a, Mumbai khawpui chhung ah ngawt pawh amah hnuai ah Nike Dawr pathum a awm! Nupui neiin Delhi ah a khawsa tam zawk a, mahse a nupui tello a pary nuam ti em em, hmeichhia kawp kual a, khawvel chen ve tak mai ani a; kum 50 a hnaih viau tawh laiin rawlthar thaza tak ang maiin a ler ru viau! Sumdawnna ah erawh naupang pawl nimahse a thluak țha lutuk vang in company tam tak a leh pel zung zung a, nun a tladah hrat tih loh ah chuan ka țhian siam tawh a zawng a rilru tluangtlam ber ani lawi a!




Party a buatsaih dawn a, chu ta tel ve tur chuan kei leh Muanpui min rawn sawm ve thlap! Party ka ti tak nangin a tan chuan hmeichhia te nen a nuam tawlna ani leh dawn tih ka chiang viau.



"I kal a ngem?"



"A hun lo thleng phawt se " ka ti nghut, a flat lam pan in ka tlan tlang par par a, bar leh caffe țhenkhat chu zan a rei tulh tulh a, a lun tulh tulh thung emaw tih tur khawp in țhalai an lo la awm nghek nghuk a.



" Sanjay-a hmeichhe kawp țhin ah hian north east lam mi an telve țhin tih i hria em," Muanpui chu ka melh zawk a, ka chhang let lo thung. Sawi tawh ang in phai rawn thleng te hi tumah kan inveng seng lo, kan inthunun seng lo bawk. Mi țha tam tak zing ah hnam dang kawp lawp lawp hrelo tlem te an awm ve reng a! Sumdawng hausa Sanjay-a hmeichhe mî bawk si chu lo hnar phal lo te pawh an awm nawk ang!



"Party ah chuan ka kal ka ring, a hmeichhe kawp țhin te pawh a lo thlak kual leh tawh em tih hriat a chakawm a lawm." a ti leh hlak a, ngawi ngul in steering ka her kual pawp pawp, ka let leh hma chu Bawihi kha lo harh lose ka duh hle a ani tawp!





Room kawngkhar herhhawmna chu ka herh a, chhung lam ah a in lock hmiah! Rum chhuak nghut in ka room ah ka lut tlang a, drawer chu pawt hawng in chahbi bawr chu ka la chhuak vut! He inchhung khawi pindan ah pawh hian inkalh hnan rawh se, ka hawng vek thei.






Ka hawng ri rak a, eng rilru puin nge a lo lock ve thlap reng reng ni. Kawngkhar chu dimte in ka nam hawng riai riai a, Kawngkhar bul a switch chu a 'dim' ber a ti eng in khum lam chu ka pan zui zat. Dawhkan a damdawi chu pahnih ngawt a lo ruak a, ka kawrchung bawk a lo kuah bet leh țai tawh tih ka hriat rual chuan nui suk in ka jacket ka hlip nghal tawp. A bul ah chuan dimte in ka inthawlh a, a pang sa vûr pawh a lo dai deuh tawh!





"Bawihte, i harh em?" A nghawng hnuai ah ban ka rawlh lut a, a tukhum ah chuan ka fawp vang vang phawt a.


"Thelma?" Ka ti leh sup, a kawng ah ka kuah tel tak ah chuan a rawn tîm deuh chawih a. Ka nui suk bawk.


"He lam rawn hawi la." a dul ah nghet tak in ka kuah tho.


"Aih, ka khawsik i kai palh ang."


A pawi lo, lo hawi rawh."

"Khati khan min duat deuh ang in min be tawh suh." a rawn ti sep, ka inbeng kang uk a.

"I țha em?" Min chhang lo in a na zet in thawk a la halh ringawt.