●UTOPIA:1996● S2 By Abbra Reo Ririni Khiangte(PitarteiSualfingi)

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

Re: UTOPIA:1996 Season 2 By Abbra Reo Ririni Khiangte CH 1 - 61

Unread post by Abbra Reo Ririni » September 9th, 2019, 4:46 pm

ptember 2nd, 2019, 12:10 am
☆UTOPIA: 1996☆ S2
CHAPTER 62
Abbra Reo Ririni Khiangte (PitarteiSualfingi)



▪Emma's pov▪



Nau neihna room pawn a ka u ding ngul chu hmuh a hreawm thlawt a ni e!




'Ka nupui nau neih a hun tawh, min nghak reng tawh ang.' tiin hman a Thelma dawmdawi in awmna hmuh ah khan a kal zantin a! Zan a lo thlen hian a lunglen a zualin a talbuai a zual bawk. Tun hi Thelma rai aţang thla 8-na chiah nimahse ka û hian hriat theihna a nei em mawni! 'Ka nupui in nau a nei tawh dawn.' a tih loh leh 'ka fate an piang tawh dawn, damdawi in ah min nghak.' a ti ruai mai a! Tlaivar țhakin damdawi in nau neihna pindan pawn ah a ding ve chawrh chawrh zel.




Raipuar dangte fa hrin an rawn pawm chhuah chang lahin Thelma nen an fa emaw tiin lo chuhpui tlat te a ching a! A khawsak phung chu a laina hnaite tan chuan hmuh a hreawm in a khawngaihthlak ngawih ngawih!



Zanin pawn nu pakhat nau neihna pindan ah an nawr lut a. Ka û lah pek chuan Thelma nau vei emaw tiin khum chunga hmeichhe nau vei vial ngawih ngawih kut ah chelhin doctor a au ta tuar tuar mai a! Raipuar pasal kha thil awm dan hrilh fiah fê lo ila chuan mipa, fatir nghak ve tho rilru phili buai lutuk nen khan an insual hrep ngei ang!




Pindana nau vei mek chhung hnai te kiang ah chuan a ding ve rún a. A chang leh kawchhung tawt hmel zet in a thaw chhuak hawk a. Ngakhlel tih hriat fê in pindan kawngkhar chu a en leh vung vung țhin.




Pindan chhung a mi an rawn nawr chhuah hunah hrilh hai tak leh bangbo zeta a en leh vung vung tur hmel ka mitthla rual chuan maimitchhing sawk chungin ka inhum ruh ta nghek! A talbuai lutuk hian kei ngei pawh min tina a! A na hmel leh a lungleng lutuk awm ngaihna hrelo a a hui chhuak hawlh ri a natna tam tak inphum ru hian ka awm chhung a tina ngut ngut pha hial țhin bawk.



Thelma chanchin lah hriat tur pakhatte mah a awm zui lo a! Ngopa a an chhungte pawh tun thleng in a be bik lo. Duh lo viau mahila 'a țhi tawh em niang?' tih hi kan inzawt lo thei lo. Chhui zui tur pakhatmah awm loin a khungcher bo cherh cherh mai bawk si! Amah hmangaih a, a tello a awm thiam miah lo ka û talbuai zia leh atello a thawk lak ngaihna pawh hrelo khawp a nunphung buai vek mipa khawsak dan hi hre thawi se chuan a awmna ațang a rawm let leh duh hial ang!


Thelma a hmangaih ang a nasa in ka û hian a mihringpui dang tumah a hmangaih leh theih tawh pawh ka ring lo! Theih tawp chhuahin zawng kual țhin mahse beidawng bawk in a rawn let a. Ka pa kê bulah țhu in 'hei aia rei a nupui hmangaih a duh thu' kun ngul chungin a sawi sup sup țhi. Hmangaihna leh lunglenna in a sawp chauh vek tawh ka û hi Thelma lo chuan chakna a pe leh thei tawh pawh in ka ring lo!



"Û, haw tawh ang.." a ding ngawi ngul chu a hnung lam ațang a dar ah kut ka nghat a. Muangchangin a rawn inher ruai ruai a. Hman a ka ûnaupa, mipa hrisel tak leh en mai pawh a in fit tih hriat tak a taksa tihrawl inphiar thlup țhin kha ani tawh lo a! A bawrchhawrin mitam zawk phei chuan khawlai a vak rawlai mai mai emaw tiin an en hrek hrek zel tawh.




"Haw tawh ang le, ka nu te'n min nghak rei tawh lutuk." țah chhuak insum zet chung chuan ka nui lui sak bawk. Hetiang teh thlawt hian khawvel a mipa chak ber leh hrohramna lutuk a talbuai ta hi tumahin an awi in ka ring lo!



"Ka nu te chu call la, hetah lo kal rawh se. Bawihi pawn a hring țep tawh ang." ti sup in kawngkhar bawk chu a en leh vung vung a.


"Û!" beidawng lutuk hian ka ti țîau! Ka țap tih a hriat ka duh bawk silo. A banbul chu ka chal a nawr sak ngawt ngawt chungin ka inpet fan fan ringawt.


Inchhung ah a nui ngai tawh lo a. Thelma leh a kaihnawih bak a sawi chhuak ngailo bawk. Kan biakna in a beng a thleng zo tawh lo a. Thelma leh an fa ngawt a ngaihtuahna ah hian a awm ngut ngut a. A chang phei chuan a thawk lak ipik lutuk hi aw rawl lian zet in a rum chhuak dur dur țhîn.



Nau vei mek chhungte chuan mak tiin ka û chu an en mawl tawp, a țhen lah chuan rilru kimlo emaw tiin țîh hmel zet in an en hrek hrek hlawm a.


Tihian khua a var chuan mi pangngai ang chiah a awm in Thelma zawngin a inkhalh kual ngat ngat țhin. Khua a rawn thim chiah hian lunglenna leh a nupui zún in a rawn zem a, khawi hmunah pawh awmse he damdawiin pan hian a rawn inkhalh let hmiah hmiah a. Nau neihna pindan bulah Thelma nau neih hun nghakin a awm ve chawt a. An nupa khum ah vawi khat pawh a mu leh tawh ngailo. Thil a ei țha lo in a mu ngai bawk silo. Ka û te nupa leh Thelma pum chhung a naute chu an ruang hlawm tur awm miah silo in kan chan riai riai hi ani ber!




"Û, duhtawk rawh.." ka ti chûl mai! Nurse in naute a rawn pawn chhuah chu a lo chuh leh tlat tawh a! Amah a palian in a bawrchhawr bawk si, chhungkaw awm ve te chuan nausen chu a tina palh ang tih hlauin a ri nghal hlut bawk nen! Kan boruak chu nausen ţap thawm nen a inpawlh nuk a. A mangang thlak lutuk!




Ka u lah chuan "Ka fa anih hi." a ban a nausen țap ngak ngak kuah bet tlat pah chuan aw rawl lian thum zet chuan a rawn ti hluk! Naute pa thinrim chuan hnek chawrh a chak hmel et et tawh. Nutling awm ve lah chuan hlauh hmel zet in ţap chungin naute chu pe let turin an ngen túng a. Ka û lah chuan a fa emaw tiin midang in an khawih hlek pawh a phal bur bawk silo!




"Naute kha ka kut ah min hlan nghal lo anih chuan police ka call ang." Naute pa chuan a ti chhum hmak. Ka ú lah chuan ngainep tih hriat fê hian anuih duh lek chauh va.



"Hetiang mi â, rilru buai leh nghal damdawi in chhung ah chet tlat tir fo hi a him lo tih an hrethiam lo em mawni?" Nutling ho chuan an ti hlawih hlawih.l a.



Naute pa pawh chuan kut a thawh chuan a fa tir pianghlim hlawl a hliam palh thei tih hria in police lam a call zui hmiah a. Ka û erawh chuan nause ţap ngak ngak reng chu lawm nuih ve tum ang hrim in a thiam ang tawkin bang kil ah din pui tlat in a chhaih ve thung a. A landan chu mi vakvai! Khawharna in a tuam belh tlat hi a ang ber!




Reilote hnu ah pindan chhung ațang doctor a rawn chhuak a, pawn lam boruak a rawn hriatthiam rual chuan beidawn hmel zet in a thaw ve hawk tho.



"Kha.. Zohming, tu nau nge i pawm a?" a rawn ti hluai. Hetiang hian ka u a hmuh fo tawh avangin han dawr dan vel tur pawh a haihchham tawh bik lo.


Ka û lah chuan a fa a pawm emaw a inti miau a. A hmel thim bûl țhin eng ta hawk te chuan min tina tlawk tlawk thung.



Doctor bulah chuan "Ka fa anih hi, Bawihi a hmuh theih tawh em?" ti vut in naute chu a țah loh nan a sep ve hluau hluah a.


"Naute kha nurse pawm tir leh la, cabin ah lo va mut lum se, naute nu pawh an rawn nawr chhuak thuai ang." ti sup in ka û phur zet mai ti hnual lo tur berin nausen chu a en sak ve thui a. "a ţap pawh a bang hmiah anih hi, cabin lum ah a awm thuai loh chuan khawsik a kai palh ang " Doctor vek chuan nui sang chungin a han ti leh a. Ka û chu a ngawi ta vung vung a. Tîm daia nurse in naute a ban rual chuan dimdawi takin naute chu a hlan chhawng ve mai bawk.



"A lum thei ang ber in tuam ang che u.." ti zui hram in naute chhungkhat awm ve leh nurse in naute pawm chunga chak tak a an kal sawn thuai chu a en zui vung vung a. Amah chu din hnaih in a ban bulah ka kuah ve thuai bawk.



"Ka nupui...? " tia eng emaw doctor a zawh dawn lai tak chuan pindan kawngkhar chu a rawn innam hawng a. Ka û che nghal vut tur chu ka theih ang a nghet in ka kuah bet nghal tlat! Naute pa in a nupui thlan in a bual huh hliam mai ban a chelh sak thuai rual chuan ka û chu a inhum ruh țeuh va.




"Ka nupui kha i kut hmawr pawn tak suh!" a ti fiak fur bawk.




"U, a hmel hi enchiang ta che, Thelma anilo.." a nupui kut mipa dangin an chelh sak ah ngaiin mipa zawk chu a khawih zui nek ang tih hlau fe chuan hmeichhia chu ka kawk vâ a. A che phut phut nangin a awm ah nam in ka nawr let ngat ngat bawk!




"U... Thelma a nilo!" ti chhuak tuarin a awm zawn aţang chuan mittui nen ka chho en a! Ka û pawh chu a tawp ve chut tho! Mahse, a nupui a awm ve lo tih hrechhuak ni awm tak a a hmel rawn dur nghal khup khup chuan a rilru nat dan tur leh a beidawn dan tur zia a ti lang chiang hle! Hetiang teh hrep a kan chhungkaw khaipa ber tal buai ta hi hriatthiam a har tluk zet in a na ngawih ngawih!




Ka u chu din hnaih saih in "Thelma anilo.." ti leh sep pah chuan ka chalin a awm ka nawr ta ngawt ngawt, a lungphu chu a rang dawt dawt a. A natna leh lunglenna hi tlemte tal chhawk zangkhai sak theih ka chak tak zet!




Beidawng aw chau fe hian "Mate.." a lo ti a, a aw zuai ruih chuan min hrawm nawk nawk! Ka dar pahnih ah a rawn chelh a. Ka hawi chhuah rual chuan lu ka thing nak nak bawk. Ka û pawh chuan a hmu chiang ta a ni mahna! Natna a khat aw rawl lianpui a rum chhuak hrawkin a vanvadak ta tlawk tlawk a.



Nau neihna pindan kawngkhar pawn ah chuan kan pahnih chiah in kan ding ngawi ta chawrh chawrh! Ka û taksa khur ru dur dur leh ri khawlh khawlh khawp a a chil lem thawm bak hriattur a awm lo!






"Mate.. ka nupuiin nau a hrin dawn ah chuan khawvel a natna a tawrh theih hreawm ber a tuar dawn sin, a pasal kut hi chelh a mamawh dawn... a nau hring tur in a taksa ah natna a thlen rualin a pasal kut hum hi a mamawh dawn.. ka.. a chal ah fawp a, 'engkim a țha vek mai ang' ti a hnem turin min mamawh bawk... God! Khawi ah teh hrep nge ka nupui hi a awm le!" ti chhuak hulhin a ban bul a ka kuah behna kut chu a rawn hum zui ngawt ngawt a.



Zing khawvar hnaih tawh tak ah ka unaupa nun beidawng zet chu damdawi in ațang ka kai chhuak a. Nunna neilo ang mai hian a zawi in chakna pakhatmah a nei tawh lo. Ka kaihna na ah chuan ngawi ngul in min zui ve hnu hnu a.





Motor dahna kan thlen rualin Passenger side ka pawh hawn sak ah chuan țhu lut turin ka hrilh a.



Zawi tham tuak a "Ka tello a nau a hring anih ngai chuan a na tawrh ka belhchhah sak dawn.." a lo tihchhuah leh chuan beidawn thlak tife in "Û?" ka lo ti chuai raih. Thawk a han la ham ham a, hawi kual thuak paha thawk la leh hawk chung hian "Ka kut vawn tur a zawng ang a" a han tihlut a, a ngaihtuah thui poh leh a tello a a nupui in fa a hring tur chu ngaingam lo in a thawk a ipik zual sauh mai bawk nen, tunah pawh tihtheih dang nei hek lo beidawn hmel takin a kuttum hum ruh tlat in motor chung chu a nawr zui ta ngawt ngawt! "Khawiah emaw chuan min nghak ngei ang!" a han tileh hawk a.




"Lut phawt rawh, ka nu te'n min lo ngaihtuah tawh ang." ti sep in a dar ah chuan ka tuai sak that that a.





Inherin Damdawi in lam chu muk zet in reingial a en leh vung vung phawt a. A ngaihtuahna ah hian Thelma nau neih hun tur a len em avangin damdawi in a kalsan dawn apiang hian a nupui nau nei tur, natuar a vial ngawih ngawih kalsan ang ah a inngai fo a. Chuthil chuan a ni, a nun hi ti ipik zual țhin ni.






In lam panin Car ka khalh a, ka u chu seat nghenchhan a tukhum a nawr in a ngawi vung vung reng a. A chang phei chuan Thelma a zawng hmu lawk theilo chu a inhuat phah a. Mahni indemna a nei lian lutuk hi dam tlak lo leh Pasal ni tlak loh ah a inngaih phah fo va. A nunna a tan hlauhawm zawngin a che thut ang tih mawlh hlau in a theina apiang ah ka zui kual reng țhin.




"U?"


"Ummm."

"Tiang ngawt lo deuh hian awm tawh la, umm? Hmuh i hreawm.."


"Ka nupui leh ka fa te'n mahni inlum loh ah zan tam hun an hmang tawh.. an tawrhna ai chuan ka la tuar nep a lawm." ti sup pah chuan tukverh darthlalang ah kiu a nghat a, a kut phah chu a chal chungah dahin a maimitchhing zui ta vung vung a.



keipawn rang takin Speed ka ti hniam a. Thelma awm lo tih a hriat ațang a muhil lai vawi khatmah ka hmu leh tawh lo! Chutiang khawp chuan a ni Thelma zawn hna a thawh ngawrh. Car a music system chu ban rak rakin hla ka play a. Ring takin ka play ngam lo, ka û ngaihtuahna ipik thlak lutuk lak pen nan ri riai riai lek in ka play a. Reilote tal muhil thei se ka duh


Gate ah ka tlan lut chuan kawngkapui inhawng ka hmu zui zat! Hmanhmawh taka Ka nu rawn kal chhuak hlak hlak chu glass down in thawm dimturin ka signal thuai a. A kawrlum phiar lian pui hak a intuam lum țha pah chuan car chhung a ka û țhu mutthlu chu a rawn en zui ta veng veng bawk.




Ka bul lawk a ka û țhu chu uluk zet in keipawh chuan ka en ve a.


Mihring chak țha tak mai awngrawp nan hian khawvel doctor te hmuh chhuah natna dang dang kai a lo țul hlek lo. Hmangaihna hian mî chaklo a ti chak țhin a! Chu hmangaihna vek chuan khawvel a mihring chak ber leh rorum ber pawh a sawp chau rawih rawih thei!

Ka û pawh hi khawvel doctor thiam te natna hming vuah nilo, Hmangaihna zawkin a sawp chau vek a. Mipa lumna ngah tak ni thin kha ama lumna khawp pangtilum pawh a nei zo tawh lo hial ang tih tur khawp in a vawt ruiha! Nuih nachang a hre tawh bawk silo. Ka û, ka super hero leh min hmangaih em em țhin tu kha a ral riai riai ni ber hian ka hria.



Ka u chu amah anglo tak a a muttui em avangin kan ti harh duh lo a. Car kawngkhar pawh ka nam phui ngam chuang lo. Ka nu nen chuan in lamah inzui pheiin bathlar ah kan țhu dún a. Ka nu pawh Thelma leh ka û ngaihtuah reng reng a hun hmang ani bawk a, a lang upa chak kher bawk.



"Hmuh a hreawm țhin khawp mai." ti sep pah chuan a thaw zui ham ham. Ngawi rengin ka țhu a. Ka û tan hna zawm ngaihna a awm tawh lo hrim hrim. Station lamin rawn kal chilh in ursun takin rawn sawm ngawt ngawt țhin mahse 'police hna aia pawimawh thawh tur ka nei' tih zawng a chhangin beidawng takin a nau te ho in an haw san fo a. Keipawh a hma angin hna ah insawrbing a harsa a. Tihian kan nung chho ve nawk nawk rih chu ani ber!


If you want to be ORIGINAL,
be ready to be COPIED😝


Ka phone rawn ri chu ka chhang thuai a, "Eng nga?" phone a min rawn be tu chu mak tih lutuk vangin ka vin let tuar ringawt!


"A dik ngei a lawm, min ring lo anih chuan kha mi nia, sum a lak chhuah țum a a hming sign te nen ka rawn pan ang che u." a rawn ti a. Kan inbiakna chu ti tawp in khum ah chuan ka țhu ngawi vang vang a.



Thelma bo ațang thlathum a liam tawh a. Ka û nun pawh a buai chuar tual tual a. Tun ah pawh Thelma zawng tur bawk in a chhuak a. Engtik nge a rawn let ang tih a sawi bawk silo! Tunah lah....








Thaw chhuak hawk in rang takin room ațang chuan ka kal chhuak zui dawr dawr, kailawn ah ka chhuk thla zawt zawt a. Kawngkapuiah chuan tum bar leh lungawilo tih hriat zet in Zualtei a rawn lut ve mek bawk.







"I hospital dawn nange?"






"Dawn lo.. Arya khawsak dan hi ka kham." Tum bur chung in couch ah a țhu thla dawt a. Tun hnai hian an inhau tamin Mumbai a doctor ve tho hmeichhe pakhat leh Arya inbiakna a man fuh thu a sawi ta fo mai a, an la innei chiah bawk silo nen, an pahnih inkar chu buaithlak lo ti ru ve fo mai!







"I rawn tlanbo san em ni?" A bu nghat a! Ka nui lui sak nangin ka nu ka melh pah ruai bawk.






"Zual, lo țhu lawk la, ka nute room ah ka va kal lawk ang." ka ti a. Rilru hah hmel zet chuan lu min buk khum nghat nghat a. Tluangi hnen ah chuan Zualtei nen kan coffee in tur lo chhuang tur a hrilh pahin ka nu leh pa mut pindan kawngka chu ka kik zui dat.






"Nu?"





"I va chiai hmel ve.. i u a țha em?" Puan huh a ka pa kut a hru lai chu tawp in a rawn ding chhuak hliai bawk.






"Ih.. Thelma.."






"A chanchin i hria em ni?" ti túng pahin a meng zau nghal kawk bawk.







"Aih.. ih.. Bank lam ațang min rawn bia a. Kan chhungkaw chanchin mi sawi thawm an lo hreve anih ka ring, tun lawk khan manager-in min lo bia, Thelma'n aaa.. a bo ni khan a ac ațang cheng nuai6 a la chhuak a ti a.." Ka nu mak ti lutuk chu a var nghal pup mai hian ka hria.








"Eng a tan nge chutiang zat a tam pawisa chu a lak chhuah ang?" kan chhungkaw boruak tawn hian a vaw chau hneh ve lutuk a, thu thințhawng hre thut tur chuan a chak lo mah mah.







"Ka hre biklo.. ih, manager chu lo thleng phawt se." ka ti sep a. Muangchang a lu bu in thawk a la zui vang vang mai.







Thelma leh ka nu hian damdawi dawr a sum chevel chu an buaipui ber a. Pawisa hlawm lut reng reng hi ka nu ac ah leh Thelma ac ah dah luh ani țhin. Cheng nuai ruk chu eng vang a la chhuak nge anih ang! A lak chuah hnu ațang a bo zui hmiah bawk nen.. ani hi!







Lu thing nawk pah chuan ka nu chu ka melh zeuh a. A mitmeng chauh hmel zet ah chuan eng nge a ngaihtuah ka hmuthiam lo!








"Hei.. a ni (date) nen lam a in record vek. Cheng nuai 6 la chhuak in hming a sign thlap bawk." Bank manager chuan file lian tham zet chu kan nufa hmuh theih tur in a rawn nawr rem a. Ka nu chuan ban thuai in kha mi ni a pawisa la chhuak hming tam tak intlar thla dul zing a Thelma hming leh a sum lak chhuah zat number awm phei dul chu a melh vang vang a.







"Inchhungkaw boruak hi tlang ti ti leng ațang ka lo hreve țhin a. Mahse, inhre țha kan nilo bawk nen ka ngaihven khuruai lem lo. Tun thla file kan khawih fel țum khan in mo nu in sum tam tak thla2 liam tak khan a la chhuak tih ka hmu chhuak teh nawlh a. A tir chuan engteh ual ah ka ngailo nangin a bo ni an sawi leh a sum rawn lak chhuah ni hi a lo inangreng tih inchhungkaw chanchin titi a sawi te kâ ațang ka lo hria a. A bo hun kha ka zawt nawn leh ngat a. Tukin hna ka thlen rualin file pawh hai let leh vekin a sum rawn lak chhuah ni nen ka en mil a, a lo in ang chiah sia a. Hriat ngei in mamawh in ka ring." a ti duah a.








Zualtei chu ka nu bulah rawn țhu ve thuai in file chu a en ve thuak bawk.







"Cheng nuai6 hi la chhuak in a kalbo tihna mawnle?" a ti sep a. Zualtei phun sep ri vang chuan ka nu chu a thaw zui kawk hial bawk!







"Chutiang in Thelma'n a ti teuh lo." a ti chhuak sap.




"Nu, ka sawi ve mai mai anih kha, a sum lak chhuah hi ahrawl tham em a, heng sum a lak chhuah ni ațang hian a bo zui daih bawk sia... ugg, thil ni thei.."






"Thil nithei pawh lo ni mahse Thelma.. Thelma chu chutiang mi anilo." Ka nu chuan a ti leh țal. Ka nu chu hnial let vak ka tum lem lo. A ngaihțhatna tur ang ang chu ring phawt rih rawh se. Rilru natna tur dang nei belh leh chi ani tawh lo.








"Hetiang thil lian tham lutuk min rawn hriattir a vang hian kan lawm lutuk a nia." manager haw tur chu gate thleng ka thlah a.







Cheng nuai ruk a lak chhuah ni leh a bo tak ni a inang! Ka nu kiang ah khan ka ngaihdan sawi chhuak lo mahila.. thaw chhuak hak in kawngpui lam chu ka melh vang vang a.








Khang sum zozai kha eng a tan nge a tih ang. Nuai6 a la chhuak a. Vawi khatmah in ah a rawn haw tawh lo. Chutiang anih chuan pawisa chu a tlanbo pui anih mai loin pawisa nen an bo dun hmiah sia.. uggg! Ka ngaihtuahna chau zet pawh chu ka chher hriam thuai a țul dawn anih hi!








BANK Manager in Thelma chanchin arawn sawi ațang ni reilote ah thu dengkhawng lutuk dang kan hre zawm leh zat a! Chuthu chu Ngopa lam ațang ani ve tawh thung! Thelma-i pu chuan pa Zothana a rawn bia a. An chhungkaw mualpho theihna tur ani nangin chhuangkua ang a inzawm kan la nih miau a, kan hriat ve ngei a duh vang a keini lam min rawn hrilh ani bawk!







Kan thu hriat chuan min țhawng in awi harsa kan ti tlang ngang mai! Chu zawng zawng ai chuan ka û in a hriat ve hun ah engtin nge a awm ang! Tunah pawh hetiang khawp hian a talbuai ani a. Thelma bialpa hlui Valpuia khan a nupui Muansangi hnenah a fa a pai lai chu ti tla tur a hrilh in cheng nuai1 a lo hnutchhiah a. Valpuia chu chin hriat loh in kar hmasa ațang khan a bo zui hmiah tih leh a chhungte leh anupui hnen ah chuan 'amah ngaihven lo tur a hrilh in a hmeichhe hmangaih ber nen Mizoram pawn ah an inben bel tur thu' a lo hnutchhiah anih chu!







Valpuia nupui Muansangi rilru na lutuk leh thinrim bawk si chu Thelma pu te in ah kalin a nupa inkar chu a an chhuahpui a. A pasal hmeichhe hmangaih ber chu Thelma anih miau avang leh an inneih hnu ah pawh Valpuia'n a theihnghilh theih miau loh avang in Valpuia'n a kalsan chhan chu Thelma puhin Muangsangi raipuar chu Thelma te in ah a ang chiam a.






Valpuia'n a nupui cheng nuai1 a hnutchhiah leh Thla hnih kalta a Thelma'n cheng nuai ruk a lak chhuah tak kha inzawmnna lian tak a neih ka ring nghet tlat tawh bawk!






An ni pahnih hian inthurual in kan chhungkua hi min bum ani thei mai a ngem?








Ka nu rilru mangang lutuk chu inchhungah a vei tawn chhen a, pa Zothana te chhungkua an rawn leng phei a. A rual a an bo dun hmiah chuan ngaihțhat lohna kan neih dawn tih hria in Thelma zawk a awm bo hmasa ani thei mai angem tih zawng zawng ka ngaihtuahna chuan a chhui kual a. Ka thinphu hi a za tet tet bawk!








"Carlos-a hriattir chi ani in ka ring lo." Pa Zothana chuan a ti nghet churh! Ka nu vei kual chhen chu tawp in rilruna tih hriat fê hian a thaw ham ham a.








"Tunah pawh hetiang khawp hian a nâ in a talbuai ani a, Ngopa lam ațang kan thu dawn hi a hreve leh zel anih chuan kan fapa hian dawnsawn ngaihna a hrelo ang.." muang zet chuan a ti leh sup. Midang chu kan ngawi dîak hlawm a. Heng kan chhungkaw boruak in lumlet hneh lutuk hian tupawh chu min hmet chau tawh niber hian ka hria.








"Thelma leh Valpuia chu an tlanbo anih i ring em?" Zualtei nen ka khum ah kan riak dun a. A muhil tawh emaw ka tih laia a zawhna min rawn zawh chuan min ti tawt țún leh nghal.






"Ka hrelo."






"Em, dik tak chuan engatan nge cheng nuai6 lai kha a lak chhuah ang.. ngaihtuah chiang mahte.."





"Aa.. amamawh viau aniang." nui lui sakin Zualtei chu ka kuah a, nghet deuh a min lo kuah ve thuai in ka hnung ah a rawn beng zui thek thek bawk. Jayden-a nen inneih tintuah ru takin hunpui kan hmangzo kha ani a. Mahse, ka u te nupa hun tawn avang hian inneihna lam ngaihtuah theih pawh ani tawh lo. Jayden, Zualtei leh Amanda hi awm lo pheise chuan ka û talbuai ka lutuk vang a ka rilru ipik lutuk hian min chim chau tawh hial ang.








"Lo mamawh ta ang se.. eng vang a mamawh nge anih? Nuai6 a la chhuak a, in lam ah a let tawh miah lo... Mak ka ti."








"Keipawn." ka ti sep. Sawi chiam tur ka hrelo. Mak ka ti tak zet! Ka nu ac ah hian pawisa chu a awm tam ber! Thelma ac ah hian nuai10 bawr vel damdawi dawr ațang leh ka u in thlatin a transfer sak te chhutin a awm a. A zat ve hawk a la chhuak ang ani a. Chu lah in lam ah rawn let pui lo in a bo pui zui hmiah bawk.






"Valpuia an tihpa chu a theinghilh thei lo te pawh a niang." Zualtei bawk chuan a ti a.






"Mahse, ka u fa a pai a.. midang fa pai chung chuan mipa dang a um ngam em dawn mi?"





Thaw hak pah chuan "a dik ve reng, a awmna chin tal hre thei ila.. a nau neih a hun a pel tawh bawk sia.."





"Mipa nge hmeichhia aneih ang le?" Maimitchhing chungin ka thaw chhuak ve ham ham mai. Vah ka nei tawh dawn emaw tiin ka hlim ru ve em em a. Thelma nau neih hun a pel tawh a. Hrisel țha takin a hring a ngem? Mipa nge hmeichhia a hrin ang tih te chu ka ngaihtuah kual neuh neuh a.






Valpuia nen an tlan dun tak tak anih ngai chuan ka û fa chu Valpuia'n a pawm ngawt dawn lo! Ama fa ngei pawh a nupui hnen ah titla tur a hrilh tu mipa khan ka û fa tih a hriatchian bal chu Thelma a paitlang tir bik miah lo ang!







Ka ngaihtuahna hahthlak zet avang chuan ka harh tulh tulh a. Zualtei mutthilh tawh hnu pawh chuan sana chek kauh kauh thawm ngaithla in ka meng ta reng! Rilrufim put a harsat tluk zet in ka ngaihtuahna chu thil thleng palh thei zawng zawng a chhui kual ruai a. Ka hah tak zet tawh!









Carlos Zohmingliana's pov



Bawihi leh ka fa chinchang hriat tur awm miah lovin kum khat a liam ta a! An mahni zawn chhuah tumin theih tawp chhuah țhîn mahila ka thlen chin apiang ah beidawng bawk in ka let leh țhîn. Kan chhungkua ka ngaihsak hman lo a. Ka hun zawng zawng chu ka nupui leh ka fa zawnna ka hmang ani ber!







Bawihi tello chuan ka ruak a! Ka thawk lak thlengin a khaih lak a! Thlaler ram ro zet a vakvai hi ka inchan ber!







Anita te a pan anih ring in Anita pawh vawi duai lo ka kal chilh a. Ruatkima lah chuan khami tlai khan a damlo bawihi'n a tlawh ngei thu leh dar 3 pelh hnu ah a haw leh thu a sawi a. Bawihi ka zawnna kawngah min puitu pawimawh tak ani zui bawk!







Nepal, Itahari city ațang ka let thu pawh ka chhungte ka hrilh lem lo. Taxi chu gate pawn ah a ding dawt a. Keimah chiah a he gate chhung a pen luh ka huphurh țhin zia lah tumah in min hriatthiam pui hauh lovang!








Tualzawl ah pa Zothana bolero leh car dang pakhat lo ding ka hmuh tak ah chuan țhen suk in airbag ka khai nawlh a. Ka haw tur thu ka sawi hauh lo! An lo hria ani chawk aning chu maw!







"Engmaw i sawi zawh chiah kha?" Ka tih hrawih rual deuh thaw chuan țhutkhawmna pindan a ka chhungte lo țhu khawm laih chu an rawn hawi chhuak nghal dawrh bawk!






Ka nu mitah mittui a tling khat vek a! Matei pawh chuan rilru nat hmel takin min en tlawk tlawk bawk!



"Carlos!"





"Eng thil teh hrep maw in lo sawi ka tih chu!" a hma aia ring leh fiak zawk chuan ka ti leh țhawt! Ka nu ding tur pawh couch ah chuan a țhu thla chawi bawk!







Muangchang in doctor coat fual var ha chu a rawn ding chhuak a! Kawngkharpui ațang chuan țhutkhawmna area pan in ka pen phei pawk pawk bawk!







"Tun lawk a i thu sawi zawh chiah kha han sawi nawn leh teh." ti sup chuan a hma ah dak ka ding nghal rún.




Pa Zothana leh Jayden-a chuan min khap rawn túm sateh mahse he mihring thusawi zawh chiah khan ka thisen a ti lum lutuk! Amah ngei pawh hi pawhsawm vek hial mai ania ka duh ni!





"Pu Hming, i hriat angin doctor ka ni a.."






"Hrep chuan.. i hnathawh leh nihna ka zawt lo che.." ti chhuak hrawkin doctor coat fual nghawng ah ka țham zui hmiah! Keimah aia a hniam zawk miau avang in ka hmai zawnah awm thei turin ka pawt hrawk bawk! Hnaih zet ah chhuk bih ngur pah chuan ka melh khúi a! Midang tupawh rawn inrawlh leh rawh se! Ka phin darh vek ang!







"I.. i nupui khan ka hneh ah nau a rawn ti tla!" ner suk pah chuan ka insehruh ngawt ngawt! Inchhung ka pen luh rual khan chu thu a sawi ri chu ka hre tawh!







"Ka pawhsawm vek che i duh te anih loh chuan khatiang dawt phuahchawp lutuk pu lut chung khan ka inchhung hi rawn rap rawh suh." ti hrawk in ka nam dawrh! Pa Zothana'n rang zet in doctor chu a rawn man thuai a. A tlu em lo!







Mittui nen a ka chhungte țhu ngui bar leh hnuai lam melh tlawk tlawk rengte chu ka en kual vut a! An ni hian he doctor laktlak loh zet thusawi hi an awi reng reng em mawni!





"Ka inchhung ațang hian chhuak rang rawh." ti leh hrawk pah chuan ka pan hnai leh thut a! Ka hma ah Jayden-a a rawn ding ta hmiah.





"Bawiha inbeng dai hmasa rawh."




"Tawlhsawn rawh." ti nghut in doctor chu ka pan leh dawn a. Jayden-a chuan ka taksa rawn kuah in min nam let ta dawrh!


"Hrep chuan.."







"Û." Emma a rawn au nghal țhawt, ri chawrh khawp in Jayden-a bek ah tak ka hnek fel der! A pai chhawk chu rawn ding mar lehin a lu hai chawlh chu tih reh tum niawm tak chuan lu a thing nghut a.






"A tawk tawh, țhu rawh u.. Carlos i pa te kan awm reng lai a kut thawh kha thil dik ani hauh lo. Jayden țhu rawh! Zohming nagpawh kha țhu rawh." Pa Zothana'n chang zet a a rawn ti nghut tak ah chuan ka nu in ka ban ah a rawn pawt a. Couch ah țhu turin min hnuk nghal țang țang bawk!








Dawhkan a thlalak inpharh darh nuaih mai ka hmuh rual chuan ka thisen chu thununzawh loh khawp in a lum leh bulh tawh!




"Zohminglian.. Țhu rawh!" Pa Zothana bawk chuan chang khel khawl hian a rawn ti a. Tha khur ngawt ngawt khawp in kut ka hum ruh tlat! Thlalak a hmeichhia lah hi!






"I thuhriat ang chu sawi rawh le.. " pa Zothana'n a ti dam dup. Couch lam chu a rawn pan ve leh a. Ka thinphu so bulh bulh leh na ngut ngut hial khawp a phu dawt dawt reng chuan ka chhung lam a hmet hit sung sung lawi!






"January ni 2 țúk ani a. Thelma hi ka clinic ah rawn kalin nau tih tlak a duh thu a rawn sawi. Keichuan a nau pai chu a hrawl tawh em avang leh thla hnih khat hnu a nei thei mai anih tawh vang chuan hring ngei turin ka lo nawr ve thung. Doctor ka nia. Hmeichhe tam tak te'n nau ti tlak sak turin min rawn pan fo va. Doctor ka nihna angin mihring nun hi ka hlut, min rawn pan tu te chuan an rilru put hmang an thlak theih nan kawm in nau titla lo turin ka lo fuih ve fo a. Țhenkhat tan kawngro a sut laiin țhenkhat erawh in an dinhmun in a zirloh em avang in tih tlak ngei ngei an duh thung!









Thelma pawh chu pasal pawm lai nei ani a. A tan chuan nau tih tlai aiin hrin a țha zawk thu te. Tun ang a nau hram tawh hi a ti tla anih chuan amah ngei pawn a tuar tur thu te hrilh in ka theih tawp in a rilru hmin sak ka tum a. Mahse, tih tlak kha a tum ruh bur a vang leh min ngen nasat em vangin ka tih tlak sak ta ni.. thlalak kha.. aaa, ka clinc chhung ami ngei ani e!"









Ka rilru hamhaih lutuk vang chuan eng nge tihtur leh tihloh tur pawh ka hre mai lo!No! Awm ngaihna ka hre hlawl lo!






"Lehkha phek kha clicn-a in entir tura a hming ziah luhna ani a. I hming pawh a chuan ve ngei kha." doctor vek chuan a ti a.







Dawhkan a thlalak awm darh nuaih te chu ka kut a lakang in tu thlalak nge anih tih hriat tum a beih ngai loin a thawi a ka hmuh rual khan ka nupui ngei ani tih ka chiang lutuk!








Khum ah a mu a. A bawp pahnih chu indah kak deuh in a kang bik hlek, puan in an khuh hlun bawk!








"Nau... ka fa ti tla turin a rawn pan che maw?" ka thinur lutuk leh thinchhung na ngut ngut bawk si vang chuan ka țawngte chu a sehchilh nawk nawk!








"In nupa rem tihna ani thu a sawi miau si a!" inthlahrun hmel tak chuan a ti dul raiha.







Ka nupui ngei in a rilarah, kan pahnih fa ngei a titla tih thu in min deng chiah mai chu ka sawp rawp ni mai hian ka hria! An mahni zawng a kum khat tal tap ka vah kual hnu a ka thu hriat zet chu! A va tawp teh thlawt ve mawle!







Ka nunphung chu a dang ta hlawk! Ka talho in ka che ngap tual tual a. Ka nupui leh ka fa ka zawng chhuak a nga! An tello a ka nun ruak lutuk hnawh khat leh in ka theihtawp chhuahin ka hmangaih ang! Chhungkaw țha tak din in ka hnen ațang an kalbo leh tawh loh nan ka venghim reng ang ti a ka suangtuahna neih derthawng zet tawh chu vaivut thli in a chhem darh ang maiin a leng darh zo vek a!










Nun hlut chhan tur ka nei tawh lo bawk a! Ka nun dan chu hau tak ani tawp! Hna ka zawm leh tawh a. Mahse, tupawn hrawn hreawm an tih khawp in ka thin a chia in zahngaihna pakhatte mah ka nei tawh lo! Hmeichhe chihran hran ka kawp kual a! Ka hun tam zawk chu hotel ah ka hmang ral tiila a dik ber ang!









Ka hmeichhe kawp te sex hmanpui ka tum chang erawh in Malsawmdawngzeli teh hrep vangin ka putlin thei ngailo! Marawh chu sex kaihnawih, foreplay leh zu ah ka tlan nasa viau thung! Ka hmeichhe kawp țhin te lah chuan min nep phal der chuang lo! Mahse, thlakhat bak hmeichhe ngai ka kawp peih thung lo!








Ka nun chhe hneh lutuk chu țap chungin ka nu in bansan turin min ngen fo va. In ah ka haw mang ngailo, ka hnathawhna ah min rawn kal chilh in in lam ah let a, insiam țha turin min rawn ngen fo! Keimah vang a natna a paltlang tam lutuk chu hrelo ka nilo! Rilru na tih hriat tak a min en ngawih ngawihna te pawh hrereng chungin ka nunbeidawng tawh lutuk chuan hmuh sak a duh tawh lo vang ani zawk!









Keimah ngawt a ka awm chuan Malsawmdawngzeli'n kan pahnih fa a titla tih ngawt ka ngaihtuah ngut ngut țhîn a. Thinhnun na zet in ka sapatal leh chiam țhin. Chuvang tak reng a mahni a awm duh lova hmeichhe dang dang kawp kual țhín ka ni bawk!








"I inhnem tawh lutuk." Ka no tlak leh tur chiah min rawn chhuh sak tu chu muangchang in ka melh a. Zualtei chuan lungawiloh hmel zet in min lo melh ve khai khai bawk!









"Wow tunge ka hmuh hi?" ti hlut pah chuan a hmai zawn ah ka awm hnaih thut, thaw hak chungin ka no chu min pe zui vat bawk.





Hotel lian zet ah party kan nei a. Open air ani a, chicks lah an tam, intur lah duhthusam in a hniang hnar bawk.





"Khawnge i mei kha a awm a?" Hawi kual thuak in mit min kan khum ák a. Ka chicks hruai ve pawh kha kawnge a kal pawh ka hriat zui der loh chu mawle!





" a haw a niang." ti hlukin whiskey ka tlak zui pap.


"Khawnge Arya."




"A kal chhuak lawk a, a rawn let țep ang." ti sap in in tur a lam zui ve zat bawk.





A pasal hual hnam dangpa nen khan innei tak tak silo in an la inzui ve reng a. Vawi tam Emma hnen ah an buaina a thlen ziah țhin nangin hriat loh karin an lo țha ve leh mai zel.





"Ka let san dawn che." ti nghut pahin glass chu dawhkan ah ka nghat dawt.





"In ah haw ve tawh em em rawh, ka nu leh Emma i tikhawngaihthlak e mai." Ka ding tur min puih tum chuan a rawn che thuai nangin ban ka vai vut. Dawhkan rinchhan in nghet lo zet chuan ka ding ve ta hram bawk.





"Hotel ah bawk em ni i riah dawn.."




"Yeap! Chicks te nen." mit siai suk in ka nui chhuak hawk a. Ka nun hniam ta lutuk chu ka innuihzat te pawh animahna!









Music thawm leh mihring in be lung lung ri te, hmeichhe nui thler duai duai thawm te hlat a ka kal hrang chiah chu țullo tawp in Malsawmdawngzuali bawk in ka thluak a rawn luh nghal zat! He hmeichhia teh hrep nen a hmangaihna khur ah tluk luh lo remtingailo ila chuan tun ang a nun hniam, nun beidawng ngawih ngawih hian ka awm ngai lo ang! Hmangaihna lipui ah hleuh lut turin a zun in min zem a. Ka hringnun in hlimna vawr tawp a thlen laiin chu lipui ațang chuan min hleuh chhuah san in lithuk lai ah min hnutchhiah a! Hmangaihna tuipui chak takin duhtawk a min nuai kual laiin min hnung chhawn a! f**k! Tual that thei hia khawp a hmeichhe nunrawng suangtuah kual nan ka hun hlutak hi senral ka rem ti reng reng lo!






Ka room panna corridoor reh ruih ka zawh lai chuan room pakhat kawngkhar inhawng ațang Zualtei pasal hual ang zet rawn pen chhuak chuan ka kê pen chu a ti tawp chawt!












A chhung a hmeichhia nen chuan kawngka bulah ding reng in an in fawp zui ngawng ngawng a! Ka thisen rawn so bulh chu thunun tumna ka nei hauh lo! Vai a karin ka mizo pui hmeichhia hi a phatsan ngam ang maw?






"Asshole!" ti hrawk in a darah ka phih nawk! Ka hnek zui chawrh rual chuan chhung lam a hmeichhia chu a țe țhawt a! Arya pai nawk chu ka hnaih zui buan buan bawk!







"Wow! Ka kuttum vawi khat chiah i dawng chung pawn i tho zo lo ang maw?" nui hawk pah chuan a coat nghawng ah ka țham leh bawrh! Phih mar zawt in a khabe hnuai ah ka chho dawm siah a!







"Carlos.. duhtawk rawh." Ka hnung lam ațang hmeichhe in min rawn pawh tak nawk nawk ah chuan Arya bulah chil chhak țhawt in anchhe zet ka phuh chhuak hram! Ka ban bul a rawn chelh tu chu ban ka thim khum nghut a.







"Kan inhualn a tawp... hremhmun ah kal rawh" Zualtei thinrim aw fiak zet chu ngaihven zui tawh lo in ka room lam pan in ka kal nul nul. Ka hnung lawk ah chuan hill pen thawm a rawn awm zui tlat tlat bawk!







"God! Zualte ka mamawh hauh lo che." Room chhung ka luh rual in arawn in zep lut ve hmiah. Ka biakna chu hrelo ang hmak in pindan chhung rilah a pen tlang hmawk hmawk a.





"Ka mu duh a sin." ti leh hram in ban ka phar hluai bawk!



Couch ah a țhu thla dawt a. A insut rik tak hraih hraih ah chuan kawngka pawh nam phui in ka jacket hak leh shirt hak ka hlip tawp!





"I duhtawk in țap zo la, chhuak ang che." ti hluk in khum ah ka let thla zui tawp bawk.



"Phatsan nih hi hetiang khawp hian a na thei a nia." ka in hnem bawk a, a thusawi chu ka bengkhawn sak peih tawh lo.





"Thelman a phatsan che tih i hriat rual khan tun a ka nat ang tho hian em ni i nat."




"Min be tawh lo teh." Ka ti hmuk. Rum țuah țuah lah chuan lukham pakhat ka ban nawlh, ka beng hup nan hmang in thawk ka la zui suai suai a.






"Kan chan a inang.. phatsan kan ni ve ve.. dam chhung a kawppui tur a kan suangtuah ten hringnun kawng chanve min zawhpui a.. chu kawng chanve ah chuan kan kut an chelh tlat chu thlah in kan tello in hmalam an pan a..."






Malsawmdawngzeli hmel rawn lang chuan whiskey vang a ka thisen so bulh bulh reng chu a rawn hmet dai rawih rawih! Muangchang in khum chung ah chuan a rawn lawn kai a. Ka taksa chu rawn kap karin khum ah chuan a ding ran bawk!






"Ka hmuhnawm viau ami?" nui pah chuan a din kak dan ngai ngai chuan a rawn țhu hniam a. Ka taksa chungah a rawn țhut hnu chuan a hmelțha zet chu ka hmu phe ruai tawh mai!





"Min tilai dawn nia.. tikhan min en reng suh." zah hmel takin a kun ta daih a. Damn! A zahzum ngaiin a la zakzum reng reuh anih hi!




Thelma's POV
Dubai
City in the united arab emirates






"Dorsi, kal ang le." ti nghut pah a ka fanu zo zet a pawm kan a rual a. Kei erawh țullo tife in ka ner nawng mai!



"Mr Hades." ka ti fak rual chuan ka lam a rawn hawi hma in a ner suk tih hriat zet in a biang vun che chu ka hmu thei.


"Thelma.. Vawi engzat a tam nge Hades ti a au tur a ka hrilh tawh che." ti sup pah chuan muangchang in a rawn inher ruai ruai a. Ka taksa hrawlpui a ka fanu bet ve țai lah chuan Hades-a nghawng ah a kuah ve thek bawk.



" i hriat ang in i hnuai a hnathawk tu ka ni. Manager chuan zah takin a be tur che. Nilawm ni?"


Rum nghut pah chuan a ban a rangkachak a luan sanna lawk zet chu a bih vut a!



"Innhnial lam chu nakin a tan dah țha teh ang.. hun hlut zia i hriat kha." ti sup pah chuan min en ngur ngur a. A tawp ah chuan tlawm zawk ah ka țang leh ta nge nge bawk!



Dar chhin ak chungin ka meng kual ralh a. Chutia ka tlawm zawk tih a rawn hmuh tak ah chuan nui suk in ka fanu pawm chung chuan min hnungchhawn zui vut bawk!


"Minute 10 hnu ah parking ah rawn thleng thla ang che."






"Ka zui dawn che u tih ka sawi lai ka hrelo." ti hmak in ka dawhkan vel chu ka dah fel pah tho. Hrep chuan a.


"Thelma.. minute kua." He mihring mahni thu duh leh lutuk hi chu aw!


Kawngkhar hlaipui a invuak khar dawt rual chuan thaw hak in darthlalang bang hlaipui ațang chuan ka awmnna chhawng ațang a lang pha Dubai khawpui, ni in a chhun rual a eng sawt sawt mai chu ka thlir kual thuak a!




"Doris reng reng pawn chhuah ngen ziah lo tur a sin le." ti sap in ka sam bawk tawm chu ka phelh mawlh mawlh a. A hmawr lam kawi chiat chu pawi tilo zet in ka chul man thuak thuak bawk!




Nithum hnu ah Mizoram lam ah kan let tawh dawn. Kum 4 dawn Dubai ah awm in Dubai khawpui a hotel lian leh changkang ber pawl ah Manager hna ka thawk a. He ka thawhna hotel ah hian Hades-a pui hian 20% share a nei tel ve tih ka sawi tel hram ang!



Mizoram ah chuan Hades-a sum neih zat khum pha an awm ka ring lo! Rangkachak khawpui ti hial an sawi Dubai ah patner țha tak neiin hotel lian tham leh lar hut tham ah chuan share a nei thluah a. Sumdawn a thiam in a fing a! A nunrawng bawk! Midang chaldelh a thiam in midang ta chhuhsak a thiam em em a. Mizoram mipui te hian Mizoram a hotel lian ber nitupa ani tih bak hian an hre kher in ka ring lo! Rangkachak laih chhuahna khur a tlawh ngun viau tih ka hre bawk. A awmzia chu he mizopa hi Arab mipa tam tak thluak in a ngaihtuah chhuah phak loh hi a ngaihtuah thleng zung zung a. Thiam takin tu emaw share chu a kut ah a awm leh ran tawh in ka ring!









Hotel chhawng sawm pa18 zet a sang ațang lift in ka inkhai thla a. Ka fanu Doris pawh he lam pre-school ah kal in nitin nau awmtu kut ah ka dah țhin a.







Doris awm ațang Hades-a mizia a inthlak nasa a. Naupang a ngainat loh hmel tehlul nen Doris a țah hlek tawh chuan ka thiam loh ah min puh in a vir buai ruai zel. Nau ka nei hlim, Doris la sen bawk si, hnute a kham khawp la hnechhuak thiam lo țah belh lutuk te kha keimah min hauh khur khur chung in Doris a awi ve hlu hlu zel a. Ka chung a sual in min vin chiam țhin mahse ka fanu a duat em avang in tih vak ngaihna ka hre biklo. A hlim chhawn lai kha chuan ka haw ngawih ngawih. Nausen piang hlim a țah hlek rual a ka thiam loh ah min puh hlur țhin kha a hmai ah tak benchawrh ka chak phah fo.








Ka ban vei lam hi a záwi a! Nie! Doctor in hriau a vih luh hnu ah hriau in vit bur chung a tha ka hman hrep vang leh ka phawi chhuah dan dikloh vang pawh ani mahna!




Doris sen lai ațang kut záwi ka nei țan a. Rei ka pawm thei lo a. Ka kut hi mur chuah chuah in engmah feel thei lo in a ngawng daih zel.







Chungthil Hades-a'n a hriat hnu ah lehlek phei chuan Doris hnute ka pek dawn apiang in aman a pawm tel a. Ka hnute a hmuh ka duh bawk silo. Ka hma ah țhingțhi rún a Doris pawm chungin Doris puar hma chu sir lam a hawi ngur ngur țhin.








"Lift ah dinner i rawi ei thla nghal anih dawn hi kan lo ti hial tawh." Lift kawngkhar a inhawn rual deuh thaw chuan kawngkhar hma ah tak a lo ding khawng luah. Ka ner ru nawng a.








"Bawihte, ka lo pawm ang che." ti sep pah chuan Doris chu ka ban ve thuai a. Mahse, inla pangchang zet in Hades-a nghawng ah a kuah țai a. Chimawm zet a mit ko min kan khum úk pah chuan kal tur a min hrilh nan a ban hrawl zet chu a lek chhuak vút a.






"Do.. ice cream ka lei dawn sin."




"Pa nen kan lei ve dawn lawm." awlsam zet hian a ti ve hmiah. Hades-a lo nui ri suk chu hrelo der in a car dum tliang hlur hunna lam pan chuan ka pen zui pawk pawk a.







A tir chuan 'Pate' tiin ka ko tur țhin a. Engtik lai ațang khan nge Hades-a pui roh hian 'pa' a lo intir teh reng ni. 'Pate' ti tawh lo in 'pa' a ti ta fo a. Thlak tir ka tum viau nangin kei aiin hades-a thusawi a awi țhin miau a.








The Dubai Mall ah Bawihtei thuamhnaw tur leiin kan vak kual hrep a. Hades-a'n a koki chhuan a. Amah a pa hrawl in he ram ni leh sa a ang bawk si! Bawihitei sam amah awm tuin a țawn-kak sak leu bawk si nen mi chuan an hmuh duh in lo nuih sen sen tawk lah an awm nawk.







Bawihpuia khan Carlos-a fukke engkim a chhun hlawm tawp a. Bawihtei erawh a hmel ah keimah ka inhmu riai riai țhin. A mitmu a lian kiau a. A hmui a chhah deuh tap bawk. Ka sam buang a rawn chhun ve leh zel bawk nen lawm a hlawh in pre-school a kalna ah pawh nu leh pa dangte hian 'doris' an ti chul thei vek. A hnar ngul leh hnar leh mit inzawmna khur deuh dak erawh Carlos-a chiah chiah thung.








"Hei kha lak sak tel rawh." ti sup pah chuan ka hnung ah a rawn ding zui hmiah. Țang țúngin a taksa si lo tur chuan ka ding hma hrat a. Bawihtei kawrfual tur ka keu kual dan dan chu hnung lam ațang rawn ban ve vutin kawrfual sen-dang dal raih chu a khai kang nawlh.









"Hei, pali lai ka lak sak tawh." Ka taksa thlawp lo chauh va a rawn din rún avangin hawi let loin kawrfual ka lak hran tawh sa chu ka khai kang zauh a.







"Tikhan panga ani mai." ti nghut in a kawrfual lak hran chu ka dar ah a rawn bat hmiah. A tawl sawn rual chuan amah ațang lumna rawn chhuak min tisa pha hial thei pawh a bo zui ve mai a! Ka thaw rui huai thei mai.




Mall chhung chu a lian in inkapawhna pawh a dandai em em a. Kil khat ah ding tawp ila. Mahini kê pen ngailo a tawlh zal zal thei khawl a awm rem rum a.








"Pa.. Fish en ang." Doris tereuh chuan a ti leh rih. Hades-a chu a rawn hawi let vut a. Hill ka bun miau avang in ka kê a kham tawh ka lo ti sep.







"Naktuk ah aquarium and underwater zoo ah chuan kan kal dawn nia." ti sup in a koki ațang pawt thla nawlh pah chuan a pawm kang zui lawp a. Doris chu a nui hawk iar iar a. Midang vei vak ho pawn hmuhnawm ti zet in an en zui reng bawk.








Ka fanu thil sawi apiang chu tihhlawhtlin sak a tum nghal bur țhín a. A chhan hlur bawk nen a chang phei chuan Doris-i thil ei țha duh lo hi chaw a hrai hial chang a awm bawk.






Car-ah kan țhut luh hnu reilote ah Doris chu ka malchung ah țhu in a zai ve lang lang a. Mizo țawng a thiam lutuk lo a. Hei hi ka thiamlo ani tih ka pawm bawk. Hnam dang karah a awm tam si a, an biak hunah a hawi â bik lutuk ang tih ka hlauh luat ah țawng a zir tir lai a Mizo țawng a ka biak tluk tluk bak ka be tam ta lutuk lo a. Mahse, a duh zawng sawi nan leh thil eng emaw sawi nan chuan Mizo țawng hi thiam lo deuh in a hmang țhin..







Kei leh Hades teh tlawng a kiang ah awm a. Mizo țawng a be tu kan ni bawk nen a thiam sa țhenkhat pawh a theinghil tual tual a. Amah vang liau liau a Mizoram ah let duh ka ni bawk.








"Ka chau khawp mai." ti nghut pah chuan car hma a ac chu Doris zawn ah a her rem vut a. Bawihtei chu ka awm ah tawm kak in a muhil sek sek tawh.







"Kal chhuah kha i ti kher a, zan ah meeting i nei rei țhin bawk nen i chau rimtawng anih dawn kha.." hmui a pet sawi zauh va.





"Damdawi ei la, hna khawih lo in mu ang che."




"Nupui fel tak i ang ve deuh a lawm." a ti sup, ka melh rawm tih inhria chuan min en duh miah lovin hmalam melh ngur chungin a nui suk a!







" paperwork khawih tur a tam kha khawih zawm ang che." ti hmak pahin hmalam ka melh ve hmak. A nui chhuak hawk a. Ka mit sir chuan lu a thing deuh nghut tih ka hmu hram.







Hotel room kawngkhar chu ka nam hawng thuai a. Ka fanu zo zet a pawm chung chuan a rawn pen lut a. A hnung ah hnathawk tuin kan thuamhnaw lei a rawn khaibawr luk bawk.







Hades-a chuan Bawihtei chu a luhtlang pui a, khum dup leh zau zet ah dimdawi zet a a nghah hnu chuan ac a adjust a. Security min rawn zui chho tupa tips pe tur chuan a smartpants kekawr ipte a zen zui vut bawk.




Coins hi a pai ve ngai pawn ka hrelo. Security pawh chu note a pe a. Security kal chhuak chuan kawngkhar a rawn pawt phui a.







"Eng nge i tih dawn?" Meng phawk kawk pah chuan a coat hak hlip vut tupa chu ka en hâu! Coat chu khum hnaih ta ber a couch ah a theh kai zui nawlh bawk.






"I hmuh ang hian ka thuamhnaw ka hlip." ti leh supin a tie awrh a phelh thawl a.




"Ugg, i room ah phei rawh." Kawngka lam ka kawk nghal vat bawk. Dar kan úk in a bodyfit kamisz ban kilh chu a phelh thawl a. Rum fahran a ka melh khai khai laiin kun ngul a min melh chungin a nui ang suk suk zui.


"Mr Hades!"


"Hrep chuan... Thelma, khati khan min ko tawh teh suh. Nachhawkna kawl i nei chuan mi rawn lak teh." ti zawm duah in a kamsiz ban chu a thep tawm chho mual mual a. Ngawi rengin khum tlang ah a țhu zui run bawk.



"Thelma?" ti leh sup in min en ngur a.




"Mr Hades tih duh der silo. Min tirna tur u hre viau lawi." ti nai nai pah chuan ka hill bun lai chu phelh in ka kal san tawp, he hotel pindan ah hian a thlawn in kan nufa in min chentir a. He pindan midang luh tir a, kum4 chhung a a sum lak luh tur ang zawng zawng chu kan nufa vang liau liau in a chan vek tihna anih chu! Hotel pindan pakhat zankhat a tan luah man ringawt pawh a to tham in kum4 chhung a a sum lakluh tur suangtuah thiam tan phei chuan kan nufa tan sum a hlauh hnem zia chu inchhut thiam ve in ka ring.




"Hei ei la, i room lam ah let ang che." ti sep pah chuan nakchhawkna sang leh glass a tui awm ka pe a. A ban ve mai a. A ei a, tui a lem khawlh khawlh lai chuan țullo zet in Carlos-a damloh lai kha ka hre chhuak uaih uaih a. Ka bul ah mut chak bawk siin chuanlam tur a zawn kual lai te!




Ka ban rek ah rawn hmer chawt a, min pawh lawp rual chuan hun liam tawh ațang chuan ka thlawk chhuawk dawr ni ber hian ka hria. A malchung ah min pawt țhu dawt in ka au chhuah loh nan ka kâ a hup zui hmiah a. A chet dan in min țhawng lutuk bawk si chu ka meng phawk nangang mai!




"Nithum hnu ah Mizoram ah kan let dawn.. ka hnen ah in awm zui zel dawn em?" zawi sup a rawn phun in hnaih chesawtsawt ah min en ngur a. A rawn chet thut vang a ka lungphu rang lutuk leh mit meng phawk lutuk kha a zia deuh tawh!








Ka țawng dawn a. Mahse a kutphah hrawl zet a ka kâ a hup bet tlat tih ka hriat rual chuan meng tal tap chungin a ban rekah ka pawt nghek a. Hnung lam ațang ka kawngah rawn kuah hmiah pahin ka kâ a hup behna chu a la thla hram.








"Tinge min pawh vak a." Thawk ka tum rual chuan ngeiawm lutuk hian a rawn nui chhuak suk a. Hnui lam chu bih in a hmui chu a liak huh zeuh bawk.







Khum a sang bawk si, ani mipa hrawl lutuk malchung ah ka țhu bawk nen ka kê in lei a rap phak ve silo a. Chu chu min nuihzat mek bawk!


"Ka zawhna che kha." ti sup pah chuan a hmel landan a tak leh ngul tawh.







"Keima kê ngeiin ka ding ve tawh ang chu." ka taksa chu a țang țúk, mit ti zim sún a min en ngur chung chuan a ngawi vung vung a.







"Ka lak ațang i zalen thu ka la sawi hauh lo.. Thelma." a aw thum ruih chuan ka thling a hmet khang nghal vek mai hian ka hria. Ka en ngawt ngawt lai chuan ka hmuh hamsak ber țum ang chiah a pawisak neih loh hmel lutuk hian a kiai suk a!









Ka fapa ruang zalhna hmun anih vang a chhuahsan ka hreh em em Dubai khawpui chung ah chuan kan kang ta ruai ruai a. A kil ah ka țhu a. Ka fanu a lai ațhu chuan kei nilo in Hades zawk a ti buai a.








A mihringpui dangte lakah nunrawngin khawngaihna tlachham viau mahse ka fanu lak ah kher hi chuan a nem ve em em a. Doris hian a pawt kawi hnehsawh khawp bawk. Ka fanu chungah zahngaihna a neih ang chhe te tal hian ka chungah zahngaihna han lan tir ve deuh hlek sela chuan..




Thawk chelh tlat chungin chil ka lem zui khawlh! A lak ațang ka la zalen loh thu a sawi lai kha ngaihtuah let in ka țîm uai uai a. Mizoram ah leh zel pawn engtin tak ka chungah inlak vung tum dawn nimaw!








Dubai ațang kan thlawh chhuah ni tuk ah Mizoram leilung ngei ah kan chuanna thlawhna chu a țum ve leh ta a! Kum li hnu ah kan ram leilung ka rap leh tur chuan inang lo tak takin min fan ngut ngut! Thlawhna kawngkharpui inhawng ațang Lengpui boruak a rawn luh hak tak achuan huatna, natna te leh phuba lak chakna te chuan ka tha zam chu a rawn zawh zawr zawr niber mai hian ka hria!








"Thelma?" rawn ti tu aw zawi sup vang chuan hawi kual thuak in mit ka khap zui fak fak a. Thawlhna chhung amite chu an lo chhuak vek tawh a. Ka fanu muhil chu a dar ah pawm bet in Hade-a chuan min lo chhuk en ngur mai!




"Aaa.."





"Kan in lam ah kan tlang nghal ang." ti nghut pah chuan a ray ban shades chu a vuah zui zat a. Inla ngeng leh lutuk mai.




#Ads Click #Comment ah lo lang ngei ngei ru aw.

#Share with link





InShot_20190903_012525084.jpg
InShot_20190903_012525084.jpg (55.04 KiB) Viewed 13095 times


☆UTOPIA: 1996☆S2
Chapter 63
Abbra Reo Ririni Khiangte (PitarteiSualfingi)





If you want to be ORIGINAL,
be ready to be COPIED😝


Kan bungrua nghak a hall ah kan awm lai te chuan khualzin dang ho chuan Hades-a chu an en duh in an phun sep sep reng a.


A țhen in kei nen a min melh tawn zak zak in an bul a mite an hrilh ru thul! Hades-a lah chuan a ngaihven lo tih hriat fê hian a hawi sang vuah a. Hnam dang a ang an ti te pawh ani mahna!


Ka ngaihtuahna vang chuan ka nui chhuak hak bawk


"Eng nge?" ti sup in min din hnaih hrut bawk. Midang sawi sep sepna thawm engahmah a ngaih loh laia kei a lo nui ringawt a rawn hre nghal chat chu ngei ru deuh hian ka chho en háw a.






Shades a vuah miau avangin a mitmeng rum ûl erawh ka hmu lo.




"Engmah.. saw, kan luggage." a hnung lam ka kawh vâ rual chuan a inher nghal vut. Ka fanu muhil a darah a kuah bet hlun bawk nen luggage chu keiman buaipui tum in ka che zui zat nangin ka ban rek ah a rawn hmer nghal chawt mai.







"Trolly kha rawn nawr rawh." ti nghut pah in kan piah deuh a trolly awmna lam ah chuan a thle búk a.




"Mahse.. Doris.."

"Thelma." aw thum leh hniam ruih a ka hming a lam chang apiang hian Zohmingliana nen kan inhriat țan tirh hunlai boruak in min tuam hulh țhîn.


Ka bu ta nghat a. Ka ban rek a hum beh rún pawh chu thlah in luggage rawn vir chhuak ruai ruai lam pan chuan a pen zui ta vut. Trolley pakhat chu ka hnuk chhuak a.





Khualzin awm ve ho chuan Hades-a chu an hmu duh ani tawp mai! Kan luggage mai nilo midang luggage pawh a rawn chhuak ruau ruau nangin Hades-a chu kawng an lo kian thuai a. Vai sumdawng hausa zet ang ah ngai pawh nise awm ka tihpui viau. Bussiness suit dum hlap nen a induang zúih a. Thil a tih theih hmel hluah hluah.






"Pakhat a la ngai." ka fanu nghet tak a kuah bet hlun chung in luggaga lian zet pakhat chu a khai nawlh a. Trolly ah a rawn dah rem hnu chuan luggage pakhat chu eng rawng nge tih min zawt țha ve mai bawk.





"Bawihtei kha ka lo pawm chhawk ang che." Ka bag chu ka ban ah nawr chho in Bawihtei chu ka ban ziau a.





"Min tibuai lo." ti nghut pah chuan kan luggage dang rawn chhuak leh mek chu a pan zui vut bawk.





Lu ka thing ta nghat a. Ka ban veilam hi a zâwi țhîn tih a hriat miau avang in mall a kal chhuah chang pawn Doris pawm kual chu a kut ah a dah hmiah tawh.






Trolly ah a rawn dah leh dawt rual chuan min nawr khalh ang tih hlau ang hrim in rang zet in trolly chu ka turn pawp a.





"Naupangchhia reuh lutuk." ka hnung ațang chuan a rawn ti sup bawk.




"ILP siam tir turin an tih din che ka rin vei nen." Arrival hall kan chhuah san rual chuan ka fîam a. A rum nghut chu en duh miah loin hmalam ka en lui tlat bawk. Ka nuih chu za viau mahse a pumrua a hrawl in biang hmul a nei bawk nen Mizoram luh phalna permit siamna hmun ah khan an lo tih din ka ring deuh tak tak.






"I hnampuite kar ah chuan i nghal ru ve phian anih hi." Zau zet a pen pawk pawk pah chuan a rawn ti nghut. Ka nui chhuak ta hak hak a. A sir a kal ve dat dat pah a ka chho en rual chuan a shades vuah chu la thla in a lo țhen ve suk bawk.





Hades-a driver ni ngei tur hian building chhung ațang kan chhuah rual chuan kan lam chu a rawn pan thuai a. Tual a khualzin dang an chhungte nen a inhmu khawm thawm leh a țhen inthlah thawm awm nak nak chu en kual thuak in ka nui sak bawk.





Driver in ka trolly nawr lai min nawr sak rual chuan kan chau em tih te min zawt zui sawk sawk a. Hades-a hian kan nufa kan tel dawn tih a hrilh lawk tawh anih ka ring ve ringawt.





Driver inhlan luh lai chuan Building tualzawl a mi chi hran hran insul pel kual vel chu en in ka hawi let veng veng mai!





Tuhriatpui hauh lovin ka fa te him nan ka ram ngei ka chhuah san a. Tuhriatve hauh lovin ka let leh ta a. Hmeichhe tan a hun harsa leh hreawm ber ka pal tlang lai pawh khan ka mizo pui biak tur neih chhun chu Mr Hades-a hi a ni tlawng. Hun rei tak hnu a mahni hnam țawng ngei a țawng ri nuai nuai thawm hriat leh chu a dan a dangin ka ram ah ngei ka awm tih a chiang bik tak zet!







Ka neih chhun ka chhungkua ka pi leh pu em pawh ka awmna chîn hrilh ngam loin kum4 tal tap chu ramdang ah ka fa nen kan awmbo a țul a. An dam țha a ngem tih ka hriat chak tluk zet in keimah vang a an rilru hah dan tur pawh ka hre thar kuar kuar bawk!





Ka mitthla ah ka pi leh pu an rawn lan rual chuan Mizoram boruak hip lut vang vang pahin ka maimitchhing vang vang a. An lang upa ve tawh ngawt ang! Tupa leh tunu an nei tih an inhriat hun a an nui hmel tur ka ngaihruat leh rual chuan nui sak pahin ka meng chhuak hlawl! Ka hawi chhuah rual chuan Hades-a nen kan in melh nghal siah bawk! Múk zet in min lo en ngûr a.






Ka tîm deuh châwi chu mit tizîm sún in min en leh ngur ngur a. Engtik ațang khan nge ka hre ta lo. Ka chhung ril lam thleng a en tlang tum ang hrim a ngun leh uluk zet a min melh vung vung a chíng țan a. Kan nufa min humhim thei hial khawp a thil ti thei ani bawk nen a huhang na zet leh uap tu ngah zet hian a thuhnuai a awm ka nih zia min hriat thar tir rawih rawih zel.






"Hotel ah lut hmasa ila a fuh ka ring." a rawn ti chhuak sup. Bawihtei lah chu a muttui in Hades-a darah chuan a bawk deuh thlep a.





"Ka pu te in ah pawh ka thleng thei a...." ka sawi lai mek a tûr zet a min melh khúi takah chuan sawi zo loin ka né nê kual ta vel mai mai.





Kan trolly min nawr sak tupa dinna lam ah chuan a ban pakhat lek vút in 'kal rawh' ti ang hrim hian chal chur tûp in min melh zui hrawk bawk.





Eng nge ka tih theih chuan! Tun thleng a ka fanu nen nung dama kan awm theih chhan ber ani miau a. Ngawi rengin car var lo dinna lam pan chuan ka pen ta pawk pawk a. Hades-a chuan min rawn zui ve zel a.






"Hotel ah tlang ang che." nelawmna tel ho lo hian driver chu thu a pe nghal bawrh. Seat hnung kawngkhar ka pawt hawng a, Hades-a chuan rawn pawh zau belh hmiah bawk.






Ka țhu lut a, a hma lam ah a țhut ka rin tehreng nen Bawihtei hnung lam ah veng chungin seat hnung ah chuan a rawn țhu lut ve dawt a.

"Ac kha 'up' deuh teh." a ti zui nghut bawk.





Driver chuan a sawi ang chuan a ti nghal zung zung a. Bawihtei hnung lam ah a ban hrawl zet pakhat a veng chungin a coat hak ban lehlam chu a pawt chhuak a. A hnuai ah tshirt bodyfit dum a hak tho avang chuan ka pui ve thuai bawk. Bawihtei a kuahna ban chu thlak in ka pawt chhuak thuai a. Min en leh ngur ngur tawh nangin ngaihven zui lo zet in a coat chu ka thlep rem a. Ka mal chungah ka bag nen pawm in tukverh ațang pawn lam ka en nghal daih bawk.






"Hotel thlen hun ah tui in tir țeuh ang che, boruak in thlak thut vang hian dehydration a nei palh ang." Ka rilru chuan ka nui var var a. A takah erawh lu ka bu nghat thung.






Thisen a inzawmna nei miah lo hetiang tak a a ngaihsak leh a tan a țha leh țha lo tur a ngaihtuah nghal zung zung țhîn hi mak ka ti tak zet zel. Bawihtei pang sa hlek te hi keimah aiin a hre thei a. Damdawi eitir a, mutthilh tir hnu a khawsik reh nghal thei mai tur ang chi ah pawh doctor kan pan rum rum phah fo va. Hetiang tak a Bawihtei min ngaihsak pui chhan tur hi ka ngaihtuah rauh rauh zel.





Aizawl khawpui kan hnaih tulh tulh a. Ka ngaihtuahna chu thil chi hran hran hian a rawn luh nghal tup tup bawk!






Mumbai ațang Zohmingliana nen kan haw dun țum boruak ah khan ka let leh hmasa ber a. Kan tlan pelh khawi lai pawh chuan Zohmingliana teh hrep min hriatchhuah tir a.





A nupui nitur a an in a kê ka pen luh hmasak ber lai te.. ka nu in min lo lawm lai te! Ka ngaihtuahna chu duh lo zet in Hades-a coat hnuai ah chuan kut ka hum ruh ta ngawt ngawt.






Reilote hnu ah Zohmingliana chanchin ka hre thuai dawn. Suzi nen khan engang chhungkua nge an din ang. Ka awm lo khan an chhungkua ah nghawng a nei pha ang nge, ka awm leh awm loh ngaiven zui miah loin inchhung ah Suzi an hruai lut nghal zawk. Suzi nen a an fa pawh kum 3 bawr vel ani ve tawh a nga. Kei nen a kan fâ tihhlum a duh chhan hial khawp naupang chu a hmangaih ngawt hial ta ve ang!





Ka dul zawn na hit uaih mai chu inveng hman loin ka kuah nghet vak a! Nunna nei tawh lo ka fapa hmel duk vek tawh kha chiang zet in ka mitthla ah a rawn lang zui zat bawk! Kum4 chhung ka lo pai rawh rilru kha zet chuan min rawn tûam hlup hlup a. Ka fapa ka chan chhan an fa ka hmu ve ngai te anih chuan ka fapa chung a thil thleng ang chiah kha a chung a thlen tir ve ka chak tut tut! Chak tak ka ni! Keiin ka fapa.. Bawihtei phir pui ka chan laia ka fapa thih chhan Suzi nen a an fa chu hmangaihna dawng a, a khawsa tur vel ka mitthla chang apiang hian nunrawngna in ka khat țhín!







Ka fapa nunna aiin an fâ nunna a hlut bikna a awm lo! Ka lakah nunrawng takin che hmasa nilo se chuan Zohmingliana kha țha tak a kal sanin ka fate pawh ka hring chhuak a nga, Bawihpuia pawh mi nung ani ve ngei ang.. mahse, ka lakah an nunrawng hmasa a, an pawikhawih chu inthiam loh nan a hmang loin ka pum chhung a pawisawi lo nunna lak an tum nghal tâwng a! Chutiang hnu a an laka rilru țha tak put chu tu mihring mah hian an theih bik ka ring lo. 'Remchang ka hmuh hun ah emaw, an dinhmun ang ah ka din hun ah ka rul let ve ang!' tih hi tupawh in an pai rilru ve reng ang.







Aizawl khawpui chhung kan tlan lut a. Zohmingliana te in kawng hlir kan la zawh par par tih ka hriat rual chuan ka thawk a zîm chuk chuk a, tual zawl kan tlan pelh laia Suzi nen an fa infiampuia pawn lam ah lo awm tur ang ten ka suangtuah kual thul!



Ka țang lutuk leh thawk ipik lutuk chu inveng hman lo bawk in ka thaw chhuak nghal hawk hawk mai!



"Thelma?" Hades-a aw zawi ruih chu buk khum nghat pahin "ka țha." ka ti let thawr. Ka fa tihhlum a duh vang a doctor leh nurse rawn tir a, min hruai chhuahna in ngei mai chu ral ațang a lang pha ût tawh a. Ka thinphu inthum rawn dup dup leh thazam țang ngawt ngawt chuan awm ngaihna hlawl min ti hrelo!



A zawn kan tlan thleng a. Gate inhawng huau ațang tual zawl leh inhma lam lang ut mai chu ka mitsir in ka hmu thei a. Ka rilru pakhat zawk chuan "bawihte i pi leh pu in anih hi' tih a sawi laiin pakhat zawk erawh in 'I nu phat san tu, i phirpui i chan chhan ramhuaipa chenna anih hi!' tih ka sawi thung.




Kawngkual zau lai ah Bolero dum keimah ni táwk zawng a a rawn lan thut rual chuan ka taksa chhung hi a țek kual chhawk chhawk ni ber hian ka hria. Tukverh lam hawi nghal daih in ka dul chu ka kawr chhan ah ka țham zui ngawt ngawt a!




Kan inpel fel a. Tuipui thuk tak chhung ațang hleuh chhuak ang mai in thawk ka la nghal kawk bawk!


Hades-a'n "Thelma..?" a lo tih sup chuan, "Ka țha." Ka ti țíau. Ka thinrim lutuk vang nge ka nat thar leh lutuk vang pawh ka hre hrep lo ve. Ka hrawk chhung chu a rawn nâ ngût ngút.



"Mamma." tho phang aw tham țîak a Doris min auh na ri ka hriat rual chuan ka hawi chhuak
rang khawp mai.



Hades-a chuan ka lam hawi zawngin a lo pawm reng tawh a. Hades-a awm ah bei kak chungin Bawihtei chuan min lo nui sen sen a. Hades-a pawn min lo en leh ngur tawh.




"I lo harh tawh maw? I mutui lutuk a, Mizoram kan lo thleng der a sin." phur hmel zet chuan ka ti nghal sawk sawk, bag leh Hades-a coat chu seat ah dahin Bawihtei chu ka ban thuai a. Ka bul ah a lo kal hma chuan a zi mar ve țalh ţalh phawt a. Cute ti zet a ka fanu che kual vel ka en veng veng lai chuan Hades-a thung chuan a zik mar rual a a dul lang ve hiai chu Bawihtei kawr hma pawhfan sak vut in a khuh sak hmiah.



"Hei Aizawl anih hi, nuam i ti em?"Bawihtei chu ka malchung ah a țhu a, darthlalang chhan ațang chuan pawn lam a en ve dauh dauh bawk.


"Tah hian kan awm tawh dawn a.. School pangngai ah i kal tawh bawk a nga, țhian thar tam deuh i nei bawk a nga.." ka tih mial mial laiin
"Mamma, Atikah leh Dareen an awm ve dawn em?" lo vanvadak chho hâ pah chuan a rawn ti ve sep.

"Nope, hetah chuan Mami te, Nutei te hlir an awm dawn." ka chhan hma a Hades-a rawn chhana vang chuan ka nui chhuak hak a. Hepa țhin tak hi chu aw!



"Mami?" Hriatthiam loh hmel deuhin Bawihtei pawn a ti ve sap.

"Mami chu littlegirl sawina a nia. Nutei pawh little girl dang sawina bawk aw." tia Hades-a'n a hrilh leh lai chuan "Cynthia awm ve se." a ti vang vang a. Dubai preSchool a kalna a a țhian kawm te ho a ngai ve reuh lutuk chu ka lainat reuh hle bawk.




"Cynthia ang a țhian fel deuh i nei thuai dawn lawm."




"A nih Mamma.." tia Țhut rem sat sat pah chuan a rawn inbeng kang ve ar ar reuh a. A taksa te ve tak ka kuah sak rual chuan ka bengbul ah a rawn phun sar sar a. "Daddy kan hmu thei tawh em?" zawite in ka beng ah min hrilh ru mahse bomb puak dur ang maiin a ri ring thung.



Chhan let mai ngaihna hrelo a ka ngawij reng laiin "Eng nge Mamma chu i hrilh a?" Hades-a'n a rawn ti sup. Bawihtei chu lai zet a nui chungin ka malchung ah bawk a țhu țha leh a.




Hades-a en pah chuan " 'Daddy kan hmu thei tawh em?' ka ti a." a thusawi in min vuak chauh zia hrethiam lo zet chuan a ti puat. A chhip ah ka fawp vang vang a. Pa a nei tawh lo tih vel a naupang rilru thianghlim ah chî tuh ka duh miau loh avang in nikum pre-school a kal țan tirh khan naupang dang in Daddy an ti țhin kha a lo hria a, khawi ah nge ka daddy a awm tih zawhna min zawt ve ta reuh a. Khami țum khan apa chu a thi tawh ti ahrilh ka chak ut ut nangin naupang rilru thianghlim ngaihtuahna ah dawt chi theh ka duh miau loh avangin Mizoram ah a awm thu ka hrilh kha ani a. Kum 3 anih lai a țawng fiah lo deuh a min zawh ka chhanna kha a hrereng ang tih reng ka lo ngaihtuah chhin ngailo.







Hotel kawt zawl ah car chu a ding ta a. Hotel chhung ațang hnathawk tu pali an rawn tlan chhuak dawr dawr a. Hades-a chhuak vut chu zahhmel tak a en in a thusawi tur ngaichanh zet chuan an kut hmalam ah suih in Hades-a hma ah chuan an ding țhap a.





Kan nufa țhutna lam kawngkhar chu a rawn pawt hawng a. Bawihtei țum thla tharh chuan dan pangngai tê in hotel hnathawk te chu 'hi' a ti zauh va. An ni pawh chuan nui let var varin an kut an vai ve thuak bawk. Dubai lam ah pawh security te hi a ngaina in a be ve lang lang zel.




"Luggage hi VIP room lian ber ah rawn thiar chho ang che u." ti nghut in Bawihtei chu a pawm kang zui nawlh.

"Pa, hei Mizoram a i in chu mi?" Bawihtei'n Hades-a nghawng ah kuah ve țai pah chuan a ti reuh a. Hades-a pawh a nui chhuak hawk bawk.




"Hei chu hotel zawk aw, Tah hian zanin chu kan riak a nga, naktuk ah kan in ah kan insuan lut ang." Min rawn melh zawk a. "Ka coat kha rawn keng mai rawh aw." a ti nghut bawk.




Hotel chhung ah kan inzui luh rual chuan hotel a thleng te leh food hall a thil ei a rawn chawl te chuan Hades-a bul a kan nufa min hmu tel ve chu min en dawrh dawrh hlawm a. Hades-a lah chuan engah vak a ngaih hmel mang bawk silo. Zau zet a Bawihtei pen pui nawlh nawlh pah chuan a lam pan a hotel hnathawk tu rawn kal chu 'buaipui kan ngaih loh thu' a hrilh sup a. Lift awmna kan thlen meuh chuan a hnung ah ding in thawk ka la zui halh bawk.





"I chhungte an lawm miah lo ang." ka ti hap, inher miah chuang lovin a hnung a ka ding chu min rawn thlek bûk a.



"Sawi i nei em?" hmela mai mai chu.


"Neilo." ka ti hmak. Hmalam hawi vut pah chuan a nui suk a.
Lift a inhawn rual chuan Bawihtei chu au hliai in Hades-a pawmna ațang chuan a tal thla ve thuai reuh bawk.



"Tui in kha aw?" Kan room hman tur floor number hmet pah chuan a rawn ti leh nghut. Ka bu nghat a. Hetia a thlazar hnuai ah kan awm reng chuan amah hi kan tibuai mai mai hian ka hre țhin a. Min kal tir se. Ka lak ațang eng rulh letna nge a phut tih țha takin min hrilh se ka ti ngawt mai!





Pindan zau helh hawlh ah chuan Bawihtei chu a tlan kual a, thuanhnaw hak chawp ka phawrh chhuah lai te chuan couch senduk inhung kual ruih ah chuan a lo țum leh leu leu țhín. Hades-a erawh meeting ko nghal in hmuh tur a awm zui tawh lo.


"Bawihte tv i en duh em?"

"Aih, Mamma, park a awm em?" a bek a sam bet thlep hui sawn ve nauh nauh pah chuan min en ve hâ bawk.


"Awm ang, khu tah folkland an infiamna nuam deuh a awm, naktuk ah kan kal dawn nia." Ka ti a. A bu ve nghat a. Mut chhuak in min zem luk luk reng vangin ka ham sak leh nghal.


"Tui kha in leh rawh le, patea lo let hma in i bottle ami zawng kha inzo hman rawh aw. "

"Zun chhuak." rang tawk a rawn tiin a kekawr kawng kilh chu a hmet phelh ve thuai a. Ka nui ta hak hak bawk. Naupang dan ani miau a. Tui in sawi chuan zun chhuak an chhuan lam ve ngei ngei.



Khum zau zet ah chuan ka bawk zal a, Bawihtei chu tv ka on sak a. Tom & Jerry en in a nui hek hek reng a. Dubai kan chhuah san hnu ah ka mu mumal miah lo bawk nen ka lo muhil leh hman zauh zauh țhin a. Dubai ah pawh hotel pindan chhung ah tho kan awm a. Vawi khatmah amah a kal chhuah a chin ngai loh avang in a kal chhuak em lo ang chu ti rilru in ka mut dan siam rem in reilote mutthilh tum chuan ka chhing zui ta vang vang.


Bolero khalh tupa landan kha chiang zet in ka chhelh vel ah chuan a rawn lang nghal kulh ani ber!


A lan dan a lo upa ve ta deuh a. Kan inhmuh hmasak ber țum ang chiah khan biang hmul a nei lúk a, a mitmeng pa hrekhrawk kha a lang thip rúm bawk. Tlai lam dar 4 a rik awrh ah station lam ațang a rawn inkhalh let tihna ani a. Suzi nen chuan nupa hlim tak an ni zui zel ani mahna in lam pan hmanachang a hre ta e mai!



Ka suangtuahna vak vel țullo zet avang chuan ka awm chhung a sa leh hut hut tawh! Țullo zet in kan inneih lai a in lam pan a a rawn let hun nen ka khaikhin a. Ro zet in ka nui chhuak hak bawk.

Dar6 kha a rawn haw hma ber ani țhin. Kum4 a liam meuh chuan a nupui leh fa in an pawt nâ bawk a nia nge.



Ka chhip zawn rawn lum leh huam țhin chuan min ti harh a, mit erawh ka meng chhuak lo. Ka muhil nghet leh dawn chiah tih ah eng emaw rit nulh in ka kawng ah a kuah tih ka hre leh a. Ka mut chhuak bawk si, chau leh mit kham lutuk bawk si chuan nawr sawn a, mutthilh leh nghal mai tum in ka kawng a thil lum rit nulh chu ka dap dan dan a. Ka kut chu hneh lutuk a a rawn hum chawt rual in ka phu nghek a. Hnung lam ațang ka taksa chu a che dawt bawk!



"Muhil leh rawh." ka chhip zawn a lum leh hawk a. Harh chiang tawh tak ka ni ringawt!


"Mr Hades!" ti chang fak pah chuan hnung lam ațang min kuahna ata chu tal hran ka tum nghal nawk nawk bawk.


"Thelma, chelo teh! Ka chau ve tho a nia." Hniam ruih hian a rawn phun sup. A chau anih pawn ka taksa dek in a awm tur tihna anilo.


"Min thlah rawh." min man nghet sauh pah a a taksa ah bet thlawp khawp a min hnuhnai hrawk rual chuan ka tal leh nghek a! Rmnhuaipa mai mai chu!


"Hades." ka ti țhawt, hnung lam ațang a bawp in min kherh beta, khum a dup bawk si ka che hleithei lo.

"Au chiam suh, Doris i ti harh dawn." inbengkang in ka bengbul ah a rawn phun sup kher bawk.

"Doris.." ka ti ve ta sep.

"A tv en a muhil, a harh hma chu min mutthilh tir lawk rawh " Lukham ah lu nghat thla leh dawt in thawk a la zui suai suai bawk.

"I mut duh viau chuan i room hman tur ah mu rawh." Ka ti chang fak, ka dul zawn a aban chu ka pawt pah nawk nawk a. Tha hmang duh miah loin a ban chu a dah zawu hnuang a. Chu chu a rit zual ting mai bawk sia.

"Hades!"


"Ka muhil bik miah lo tih i hriat kha " Ka ngei bawk si, ka muhil lai min lo kuah ve ringawt chu min zah loh vang ni ber hian ka hre tawh.

"Min țanpui țhinna kha remchang a la zahloh tak a ka chung ah khawsak i tum anih chuan.."


"Thelma." ti hluk in min hnuak hnai leh hrawk a. "I ngaihtuahna ah khan misualpa chan min chan tir bik ziah țhin lo teh." ti nghut pah chuan ka tukhum chu a rawn nawr a. A nui tel in ka hria.


"Room dang ka la lo, mikhual an tam vang hi he pindan chiah hi ruak a awm.."
"Maw?" Ka au tuar mai hian ka hria!

"Siiiit, ri nghek țhin lo teh, zankhua in meeting ka nei dawn, chuvang chuan reilote min mutthilh tir rawh." a aw a chang leh rún tawh.

"Min kuahna hi phelh la ka tho dawn." ka thusawi hrelo ang hmak chuan a thaw suai suai reng a. Min kherh bet nghet bawk si. A ban tha ringawt pawh ka phelh hleithei bawk silo. A bawp rit zet phei hi chu ka tal zawng pawn a che zo lo hial in ka hria.



"Thelma... i che sek anih chuan i kawng ka kuahna kut hi i kawr chhung ah ka zen lut dawn nia." ka khawng awt ani ber!

"Good girl, nangpawh muhil leh rawh, i hun kal tawh ngawt ngaihtuah lo khan i taksa kha hahdam tir rawh." a sawi tawp lam chu a ri chhuak chang chang. A lungphu dup dup chuan ka dar a nghawr che thei a. Ka lungphu pawh a rang nang mai. Min kuahna vang nilo in nichin lawk a a thusawi vang zawk khan ka thin chu a phu zaih zaih a.



Reife chu che lo leh ngaihtuah ber tur hrelo in ka mu meng kar a.


Khang kum4 chhung khan vawi khat pawh min kuah emaw, ka taksa sik hrim hrim a tum chhin ngailo. Dubai kan chhuah san hma ni thum ațang khan a mizia hi a inthlak danglam țan a, khami ni pawh khan a mal chung ah min kuah țhu tlat tawh bawk. Of course, loh theih lohna vangin Bawihtei pian hlim ațang hnute a hnek chhung kha chuan kan taksa a inhnaih țhin hle. A chhan pawh ka bân tha a zawi țhin miau a. Bawihtei lahin rem tak a pawm loh chuan hnute a kham khawp a hne thei bawk silo.


Duhlo sateh mahila Hades-a hian a lu lam min chawi kan sak a ngai a. Puan var pan a ka taksa leh Bawihtei hmai khuh tel hlun in inhmatawn a kan awm laiin hnute ka pe fo. Zahah pawh la dawn in a hun lai kha chuan a theih loh hrim hrim. Mahse, khang hun lai pawh a min zuam a, ka taksa sik tum ngai hlei loin tun hnai tê a a taksa hnaih tur a min pawt bet tlat țhin hi ka hrethiam lo.




A muhil nghet a ka hriat hnu chuan a ban chu ka chawi kang deuh țhem țhem a.

"Reilote ka tih kha.. Thelma." Ka țîm chawi mai! Min kuah nghet zual sauh in a hmaiin ka tukhum a rawn nawr tâwk a. Zohmingliana bawk in ka ngaihtuahna a rawn luh dawn rual chuan duh lo lutuk in ka che ta thut ringawt!


"Engmah sawi suh." Mit kham hmel zet a memg zîm sûn chungin amah hmachhawn a ka inher thut chu min en ngur ngur a. Rilru ah inbuatsaihna nei hmasa lem lo a Zohmingliana ka hmu thut khan amah hmachhawn tur a ka lo la inpeih loh zia min hriafiah tir rawih rawih.

"Muhil leh rawh." ti sup in ka nghawng hnuai ah ban a rawn rawlh lut a, nghet deuh in a awm ah min kuah bet ta hmiah bawk.

"Tlai a Bilero kan tawh khalh tupa kha ani em?" A țawng zawih em a vangin a aw chu a thum leh zual.

"I sawi awmzia ka hrelo." Ka ti hmak. A kawr nghawng chu ka melh ngar bawk. Nui chet dawt pah chuan a thaw a la hawk a.

"Bolero dum chhung a chuang pa kha em ni i ngaihtuahna zawng zawng nei tu chu.."

"Ngawi rawh.."

"Doris-i pa pawh." sehchilh zet in a rawn ti hrawih bawk. Ka chhang let duh miah lo a. Chutia ka ngawih tak tlat ah chuan thaw chhuak ham ham reng in a chang leh min kuah khawmna chu a ti nghet leh vak zel a. Min thlah rawh tiila a duh leh awm der silo. Sual roh lutuk mai!




Bawihtei nui hak hak leh thleng inkhak ri thawm awm leh țhin chuan min ti harh leh a. Pindan chhung ah chuan light pangngai a lo eng ut tawh a. Ka in let thek a. Couch zau zet ah chuan Doris leh Hades chu an țhu a. Dinner an ei dun mawlh mawlh a. Bawihtei'n a thleng a veg awm a duh loh hauh lo Hades-a thleng ah a vawm kai zauh zauh zel bawk.


"I Mamma mut duh zet pawh a hrah ve ta a lawm." hmai hup thak a ka ham chhuah hawk lai chuan Hades-a'n a ti hluk a. Rum deuh in ka melh vak bawk.



"Ka chah kep lo che. A dai a ei ai chuan i ei duh hun ah hnathawk ho i hrilh dawn nia." a ti leh vut. A thleng ruak chu glass table ah a nghat a. A lo inthlak leh vek tawh a. Chutiang bawk in a inbual zawhna a la reilo hmel in a sam chu a la lang hnawm dap a. A dim vut rual chuan ke lawng in a awm tih ka hre chiah.


"Dubai lam nen video call meeting pawimawh a awm dawn, zan ah chuan kawngka hi kalh țha ula, zing ah bak ka rawn let dawn lo." a ti duah a. Tui bottel chu ban in a lem zui khawlh khawlh bawk.

"Pa, Dubai ah inkal dawn maw?" tiin Bawihtei'n a lo zawt ve khauh a.

"Nope, sweetie, hotel ah tho hian meeting room ah ka awm ang... is that all right for you?"

"All right"

"Yeap... So, go to bed early tonight." Hades chuan a ti let vut. Bawihtei pawh chu fork a eitur hawlh pahin a bu nghat nghat a. Ka lu nâ ber bur lutuk chu damdawi ei ka ngai dawn in ka hre hial mai.




Mizoram kan thlen ațang ni2 a liam tawh a. Hades-a chhungte hmu tur a kan kal hma in Hades-a nau, a phir pui Anna hotel ah rawn kal in an chhungkaw hriatpuina tello in nupui anei em ni? tih a rawn zawt túng a.


Hades-a lah chuan 'fanu kan nei der tawh.' a lo ti hmiah bawk nen a phirpui nu hawi buai lutuk kha a khawngaikthlak a sin.

Mahse keiman thil awm dan tlangpui ka hrilh thuak thuak hnuin min ringhlel hmel tak chuan a nui lui ve ta a. Doris a lawm phian bawk nen kan chung ah a sual hran biklo. Mahse, Hotel hnathawk țhenkhat in an family hnen ah an report dan a dik tawk loh miau avangin an hriat loh a innei kan nih chu a ring deuh tlat a. Nakin ah hun in a hrilh chawp zel tur ah ka ngai tawh.



Tlai ni nem ah Bawihtei chu thuamhnaw zahpuiawm loh deuh hak tirin hotel bul hnai a bazar ah ka kal chhuah pui a. Dubai ah kha chuan hotel building chhung ah naupang infiamna zau helh hawlh a awm vang in boring tihna hman awm loin infiam turin a tlan kawi reng țhin. Ni3 hotel ah kan awm tawh a. Naktuk hian Hades-a'n an in ah chaw ei tur a min hruai a tum a. Hotel lam ah awm nge An in lam ah awm kan duh tih min zawh chuan rang zet in Hotel ka ti hmiah.



A chungte kiang ah min hruai hnu chuan ka duh zawng ti thei tur a zalenna min pek tawh ka ring a. Ngopa ah chho a. Bawihtei'n school ațan hma han cham deuh rih ka duh bawk.


Ka pu te chu biak chak viau rih mahila kum4 hnu ah phone kal tlang a ka bia a. Ka han țhawng anih chuan kan thute a inhmuh loh palh ka hlauh vang a Ngopa ah kan nufa han thlen chhoh tawp a fuh ring ka ni bawk.


Thingpui dawr an siam tui țhinna deuh ah Bawihtei chu ka kai lut a. Kan table tur ah kan țhu fel chiah tih in ka ep a hmeichhe țhu chuan ka mit a la zar. Ka en țha leh ngat a. Ani pawh chuan thlarau a hmu ta mai emaw tih tur khawp a phawk hian min lo en ngawt ngawt a!


"Zualte?" tia ka uah rual chuan a phu nghek hial in ka hria. A hmai chu a dangin hit in a țham chhuah vek hi a ang ber.


"Thel.. Thelma.." a lo ti bah nawk nawk. Ka nuih let var var a. Kum tam tak liam hnu ah kan inhmu teh thut chuan a țhawng hle anih ka ring.

"Bawihte, Aunty bul ah sawn kal lawk ang le." tiin Bawihtei chu ka kai a. A țhutna țang chuan a rawn țum thla ve therh a. A lam pan a kan kal chu Zualtei chuan țawng nachang pawh hrelo in min lo en ngawt ngawt bawk.


A dawhkan bul kan va thleng phei chu "Thelma.. i ni tak tak.." a aw thian kharh pah chuan kut a rawn phar chhuak a. "Ka awi theilo." ti pahin a nui hak hak bawk. A landan a pangngai deuh tawh a.

keipawh chuan "I dam em? Hmuh che ka inbeisei miah lo." ka tive zung zung a.

"Ka țha.. ih.. khawnge i awm bo daih a." Tiin Bawihtei chu a melh zauh a.


"I fanu em ni?" a tih zawm zat bawk.

"Umm. Ka fanu anih hi." ka tih let chuan a khur tih ka hmu thei a, a khur chhan tur ka hre miah lo. Kan inhmuh thut vang ti ngawt dawn ila kei zawk pawn ka hmu thut kha mak ka ti viau nangin khur erawh ka khur em lo. Min țhawng tih erawh ka sawi hram ang.



"Kan lo zawm ve ang che aw." ka ti leh a. A bu nawk nawk a. Kan Țhut fel hma si chuan dawhkan chung ami a bag chu zen rawk rawk in phone a la chhuak a.

"Thel, pawi ka ti lutuk, hospital ah emergency a awm anih hi.. ka let nghal a ngai." phelh phung a lo tiin a tho thut a. Biak leh na hun pawh awm tawh lo in dawr ațang chuan a kal chhuak dawr dawr a. Bawihtei chuan mak tih hmel zet in a en zui vang vang a. Ka chanchin a hriat tawp ber lai kha chuan ka rai a. Bawihtei lian ve uaih tawh mai a hmu tel khan a ti hamhaih zual anih te ka ring deuh ringawt.






CARLOS ZOHMINGLIANA's POV



File ka khawih mawlh mawlh lai chuan ka phone a rawn ri sek a. Ka ngaihven lo lui nang in vawi 10 dawn a rawn call zawm tak char char ah chuan rum nghut in dawhkan chung ami chu ka ban vut a. Zualtei.




"Sawi rawh. " Ka ti chhum hmuk.




"Biak che ka duh.."



"Ka buai.."




"Carlos.. khawngaih in.. ka.. ih station ka rawn pan mek. A hmanhmawh thlak a." a rawn ti a. A aw ri chu ka ngaihbel vang nge a chiang lo ruai hmai hian ka hria.





"A țha lawm." ka ti ta nghut. File chu ka khawih zui leh mawlh mawlh a. Kar hmasa khan Delhi ah officer meeting in ka kal a. Nithum awh mah nise țullo tawp in ka fa ti tla a, kalbo tawh hmeichhia kha Delhi khawpui chhung ah a awm ringin ka zawng kual leh chiam a. Ka chet dan tam tak hi tlawm thlak ti viau țhin mahila inveng hman lo khawp a chhung lam a min tur tu hian min nawr tawh chuan Malsawmdawngzeli bawk zawngin ka lo kual leh chiam țhin.






Ka cabin kawngkhar a rawn innnam hawn rawk rual chuan muangchangin ka hawi chhuak ruai ruai a. Taksa dang deuh bei a Zualtei rawn lut chuan ka hma a chair chu a rawn pan zui rawk rawk a.





A țhut fel rual chuan a bag zen zui mawlh mawlh in dawhkan ah chuan test kit a rawn dah hmiah.




"Eng nge awmzia?" ka ti hmuk. Min chhang lovin a hmai a hup a. Thawk a la vak vak a.


"Zualte."

"Ka rai.. Carlos.. ka rai.."




"What?" Ka ti hluk. A hmai hupna chu la thla in mittui tling pam in min melh ngawt ngawt a.




Ka fa a tihna maw? Huh! Ka ruih țum in țum thum ngawt chu ani nen hian khum khat ah kan lo mu dun tawh! Saruak ngal ngat in harh chhuak țhin mahila ka khawih lai ka hre ngai hauh lo.



"Ka rai.. "


"Chuan?" ka ti chhuak nghut. Test kit pawh chu ka ban chuang lo.


"Chuan a? Ka rai ka ti anih chu.. țum thum ngawt sex kan hmang.... " a rawn ti tuar a. A tawp lam ah erawh a țap chhuak hawk thung.


"Ka.. i fa anih hi.. 'chuan' i la ti a maw?" a lo tizet chu ka sa chuak pup mai hian ka hria.

If you want to be ORIGINAL,
be ready to be COPIED😝



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 9th, 2019, 5:06 pm

September 4th, 2019, 10:17 pm

superthumb-2.jpg
superthumb-2.jpg (9.68 KiB) Viewed 16249 times



☆UTOPIA: 1996☆ S2
CHAPTER 64
Abbra Reo Ririni Khiangte(PitarteiSualfingi)



Ka nui chhuak huk chu ka hma a hmeichhe țhu chuan thanat hmel takin min en ngawt ngawt bawk.




"I fiamthu ani em?" ti chhuak hulh in ka tho chhuak vut a. Zualtei thawk la hak chu melh ngur chungin tukverh biang ka ngheng a, kut ka kuangkuah zui hlun bawk.





"Hethil hi fiamthuna chi ani in i hria em?" thutakzet chuan a rawn ti halh. "Ka.. i thiam loh a ni ti a dem che ka tum lo. Kan nun a mipawimawh ber ten min phatsan a, inhnemna emaw tiin zu kan in a.. a rah.. a rah chhuah kan tuar anih hi.." a hmai hup a thawk la ham ham pah chuan a rawn ti leh a.



Hotel lam ah ka riah chhuah țhin miau avang in zu ka in nasa. Zu ka in laiin Zualtei hi ka kiangah a awm ngailo. Of course zu in ka thiam lo, ka ruih tawh phei chuan lak tlak loh tak ka ni! Ka ruih lai a thil thleng ka hre mumal ngailo. Ka ruihna khawp a tam lo viau bawk. Chu vang tak chuan zu hi ka in mai mai ngailo! Tun hnu ah erawh ka nun a ruah em a vang leh ka fa hial ka nupuiin a ti tla tih ka hriat hnu ah ka nâ leh nun beidawng tawh lutuk in in inhlum țhak hial ka duh vang a in ta tluk tluk ka ni a. Khawi ațang nge Zualtei hi a rawn lan țhin a. Khang țum thum ngawt khum khat ațang kan thawh dun țum khan kan inkar ah thil thleng a awm em tih chhe tê pawh in ka hrelo.




"Thuamhnaw mumal inbello a khum khat ațang kan thawh dun vang ngawt in ka fâah i puh ang maw?" ka aw rik dan ngeiawm zet mai chu dawnsawn a hreawm ang tih pawh ka hria. Tun hnu a ka mize thar a ni miau. Sim tumna ka nei tawh bawk hek lo.


Rilru na tih hriat takin "Min ringlo a ni tiraw?" a rawn ti zawi sep!


"A dik." ka ti sup.


Ngawi rengin dawhkan a test kit chu a ban a, bag ah a thun luh hnu chuan rawn hawi chhuakin ka mit ah tak a rawn melh ngar. A rai ngei chu a ni mahna, a lan dan chu a dawldangin tha a neih loh hmel hle a, Bawihi raino hlim hmel bawk ka mitthla ah rawn langin ka inhum ruh nghal țêuh.





"Ka fa ani a, a pa i ni bawk, i fa ah i pawm lo pawh ani thei! Mahse, kei chuan i nupuiin i fa ngei a tih tlak ang khan ka rilarah ka fa hi ka ti tla ve ngai dawn lo." Ka mit ah tak en ngar chungin a phun sep, a țawngkam min hman khum avang chuan ka thisen chu a rawn lum kual bûlh bûlh. Kut thlak ka hreh hauh lo tih a inhriat ngei theih nan rum úl in ka chhuk melh ngúr bawk.





"Thelma kha a rawn let leh i ring anih chuan engtikah mah a rawn let tawh lo ang.. a pum chhung a i fa pawh.." ti sap in a ding chhuak a.





"Pawisa tam tak nen a tlanbo tih i la hriat ve loh vang ani tiraw a rawn let leh beisei rukna i la nei cheu ni." bag ak țha paha min melh ngar pah chuan a rawn ti zawi sep!




'Pawisa tam tak nen a tlanbo.' tih chu ka vawi khat hriatna ani! Min țhawng hle bawk!



"Eng nge i sawi awmzia?" ka ti chhuak sup, kawngkhar pan tur a a inher tawh chu a tawp dat bawk. Muangchang in a rawn inher let a. Ani hian Malsawmdawngzeli chungchang ah ka hriat ve loh thil hriatruk a nei em ni.



"Zualte?" dawhtheihna tla chham zet a ka tih bulh hmuk lai chuan thawk a la ve hak bawk.




"Bank ațang cheng nuai ruk la chhuak in Ngopa a a bialpa hlui nen khan an tlanbo.. min ring duh lo anih chuan i chhungte i zawt thei ang, engvang in nge i lakah kum hei leh chen an thup tlat tih te pawh i zawt tel duh in ka ring.. Valpuia pawn a nupui hnen ah a fa pai lai ti tla tur a hrilh in i nupuiin in chhungkaw sum a lak chhuah hmangin a inchhawm dawlna tur a pe bawk.." vawi khat mah a thawi pawh a ka la hriat ngai loh a thil rawn sawi chhuan min țhawng dawt dawt tih hrethiam zet chuan a nui lui sak a.



"Ka sawi tawh kha.. Thelma in i fa a tih tlak ang kha chuan ka pum chhung ami hi ka ti tla ve dawn lo." ti leh sap in hnuai lam a bih a. Ngawi rengin kawngkhar lam chu a pan nal nal.




Zualtei chhuah hnu ah pawh chuan chetsawn nachang hrelo in ka ding ngawi ngul! Ka fa a titla mai pawh nilo in cheng nuai ruk lawih nen in a lo chhuah san reng maw!




Zalo fahran chuan ka nui chhuak hawk hawk.. Kan chhungkaw sum tlanbo puiin mipa dang a um tih chu ka chhungte chuan engvang a thup teh hrep nge an nih!





Cement bang chu hnek țawlh in ka thaw chhuak hawk hawk a. Thinrim țun e tilo chuan Malsawmdawngzeli zun in min zem hneh lutuk vang a khawhmu lo lek a ka talbuai te kha ka inhmusit hlur bawk!




Kan chhungkaw sum tam tak la chhuak a a bialpa hlui um tu hmeichhia vang khan mi â ang mai a awm in mi â ang maiin ka zawng kual a! Ro lutuk bawk in ka nui chhuak leh hawk hawk chung chuan ban ka phar hluai bawk.



"Malsawmdawngzel! " ti chhuak sup in ka vanvadak vung vung. I zun in min zem ât loh chauh lai a ka chung a i khawsak kual dan zet chu!





Pindan chhung thim mûpah chuan reife ka țhu chawrh chawrh tawh! Eng de zeuh a awm lo ang bawk ka birthday a Malsawmdawngzeli sanna min pek, ka bun lai bân chêk thawm bak thawm dang hriat tur a awm lo! Ka taksa chhung pawh hmu thei ngat ila chuan he pindan chhung thim mup ang chiah hian a dum thim ngúk ngeiin ka ring!




"Malsawmdawngzel!" ka aw chu a chhuak țawk țawk!


"Thelma.." Eng emaw sawi leh ka tum rual chuan thawk zing lutuk vang in ka ding chhuak ta vut, ka bul lawk a dawhkan lian zet chu ka phih thlu nghal bawrh bawk!



"Malsawndawngzel!" Theih tawp a ring in ka au chhuak țhawt a! Awm ngaihna ka hrelo! Ka hrawk hrui in phiar țawlh țawlh vang a ka tha zam rawn danglam ta te chuan ka thisen dai duk tawh chu a rawn ti lum bulh bulh, chu ka thisen lum lutuk chuan ka thawk lak a rawn tina zual sauh bawk!




"Malsawndawngzel!" aw rawl ring takin ka au leh țhawt!




Kawngkhar a rawn in nem hawn pawp rual deuh thaw in leihnuai eng in a thlen phak lohna ang mai a pindan chhung thim mup chu a rawn eng zui ût bawk!




Bang a Malsawndawngzeli nen kan inneih thlalak in tar kulh chu kawngkâ ațang eng rawn lut chuan a rawn chhun rúih a.



"Û?" Matei aw ri ka hriat rual deuh thaw chuan thinrimna in min tuam phut, sa hal ang maiin ka sa huam huam bawk, che chhuak vut pah chuan chair chu ka man kang nawlh, kawngkhar bula hlimthla ding chu ka hmu phe ruaih!




"Û!" ti tuar in a ban in a lo indang ve thuai a, a dinna bul lawk bang chu ka chair vawm pheiin a deng dawt! Matei chu a kat hnung dawrh, he pindan chhung ah hian a rawn pen luh ka duh loh zia a inhriat chian theih nan ka melh zui ngur bawk!





"Û, ti.. tinge a?" Mangan hmel lutuk hian a rawn ti bah nawk nawk, a chhan min zawt a maw? huh! Thawk ipik churin ka rum chhuak hrawih, ka thawk lak na zet vang chuan ka taksa chu a che hrawk hrawk reng bawk.



Zorinzuali melh ngur chungin thawk ka hawm hawm reng a, ka chet dan chuan a shock hle ani mahna pindan chhung ah chuan a rawn pen lut ngam biklo! Ka farnu ani lawm ni? Engtin nge Malsawmdawngzeli khawsak dan zawng zawng kha ka lakah zep a hriat nei lo ang mai a min khawsak khum theih.



"Carlos... tinge in rik rum rum a?" phili hmel zet a ka nu rawn lang ve hlawl pawh chu ban vai vut in pindan chhung ah rawn lut tura ka duh loh zia ka tih lan khum hmiah! Matei ding khawng reng bul ah chuan a tawp ve chawt bawk.



"Carlos.. i țha em?" Matei hamhaih lutuk dar ah chuan kuah chhuat a chiar ințhiat rum chu a melh pah zauh va. Ani hrep pawh chu!




"In lam ah i rawn haw khat lutuk a, i rawn let lai pawh kan lo hre miah hleinem, zanriah kan lo ei tawh a, i eitur ka zuk siam ve ang che aw." A lemchanna chu ngainep zet chuan ka nuih suk a. Muangchang a min en leh in zawhna min zawt tih hriat takin a mit ko a rawn ti sang ak a. Ani pawh hian ka lakah Malsawmdawngzeli sum ruk chhuah dan engkim a zep pui tho! A nun ah kei aiin ka nun tichhe vek a ka fa hial tihlum tu kha a lo dahpawimawh tawh zawk reng leh ta nghal a!




"Carlos, lungawi lohna i neih chuan țha takin sawi rawh, engvang a inchhung bungrua a țuan nge i nih.."



"Eng.. Malsawmdawngzeli leh a bialpa tlan dun chu engtiang a rei maw thup intum a?" au hlut pah chuan ban ka phar hluai bawk! Ka thusawi chuan ka nu leh Emma te chu țhawng bawk ani mahna phawk zet a min en in an ding ngawi ta hmiah! Ro lutuk in ka nui chhuak hawk bawk!






Hrep chuan a! Ka ban phar kan hlui chu vai leh vutin an ni pahnih chu ka hnung chhawn a. Thinrimna leh thisen chhuah chakna in ka thaw khur hawm hawm.





"A țhawng viau che u ani tiraw? Eng chen a rei maw i mo nuin mipa dang a um thu chu zep pui i lo tum a?" deusawh zet a nui leh sukin kun hniam khun chungin ka nu leh Emma te chu ka melh ngur. Engemaw sawi tum a Emma ang ziau chu ka nu zawkin a ban ah chelh sakin a khap thuai a!




Huh!



Eng nge an lak ațang hian hriat ka inbeisei a. Kum 4 dawn an thuzep tawh chu tun ah hian min hrilh nghal turin maw? Damn it!


Malsawmdawngzeli khan ka fâ kha ti tla mai nilo in bank a pawisa nuai 6 la chhuakin a bialpa hlui Valpuia teh hrep nen khan an lo tlan dun reng tih thup bo pui an lo tum țang țang hai chhuah a a awm meuh chuan sawi tur reng hrelo in an ngawih tak hmiah hi!





Malsawmdawngzeli leh ka fa zawng a khang hun chhung ka talbuai lai zawng zawng khan mipa dang um a Malsawmdawngzeli khawsak dan ka lakah an thup bo thei ngai a nih chu! Tu nu leh farnu in nge chutiang thulian tham lutuk chu an fapa leh unau pa lak ah thup ngai!



An ni pahnih chiah hi an ni hial ang chu!




"Room ațang hian kalbo vat teh u." ti chhuak țhawt in khum tlang chu ka tlawh nghal pawp. "Ka thusawi chu inhria em?" a aia vin leh khauh zawk a au leh nghek pah chuan ka melh nghal rún bawk.



"Carlos.. inbengdai la, inbe teh ang.."




"Eng nge i sawi chuan ang?" ka sam tuai chho puat pahin ka au leh țhawt! Zualtei khan min hrilh lo nipheise chuan tun thleng hian Malsawmdawngzeli leh a tlangvalpa tlan dun thu hre miah loin ka awm a nga! Ka fâ a ti tla tih hrereng chung pawn amah tal hmuh inbeisei in ka kalna hmun apiang ah ka zawng chiam zel ang! Tunah an thuzep ruk engkim ka hriat hnu ah inbiak a duh leh hnuhnawh maw!




"Thelma chanchin chu khawi aţang i hriat nge ka hrelo. Mahse, chhan țha tak vang a hrilh loh che kan ni.."



"Eng chhan țha tak nge i sawi chu?" ti hrawk in ka inher let vut! Ngawi reng a ka nu leh Emma dingte chu tûr zet in ka melh zui khûi bawk.



"Khatih hunlai khan.."


"I fapa ka nih loh vang ani tiraw?" thinrimna a khat ka aw kha hrawih vang chuan ka nu chu a dang nghal sawp sawp mai. Mahse, chu chiah chu ka lak ațang thudik an thup chhan a puh tur awm chhun ani! Khi suk pah chuan ka pan hnai hrut a.





"I fapa tak ka nilo.. chuvang chu ani tiraw ka nupui khawsak dan dik tak hreve tur a min duh loh?" ti chhum leh vut in ka nui chhuak hawk bawk.



Aw rawl lian zet a ka nui chhuak hawk thawm pindan chhungah a khawk reh hnu chuan a reh zui tlawk tlawk a! Ka nu kuah tur a Emma che chhuak pawh chu thinur țún in ka melh ngúr ringawt.



Emma chuan "U, i rilru a mak hle mai. Khatiang a ka nu țawngkhum kha zahna pakhat mah i nei miah lo em ni? " a lo ti hlak hlak a



"Zorinzual ngawi hmak rawh." Hachang țhial rawp rawpin ka ti chhuak leh hrawih. Ka lak ah an thuzep ruk lian tham lutuk hian ka tha a tiza zek zek!


"Khang hunlai khan ...."


"Bawihte." Emma țawng lai chu tham țîak a rawn phun in ka nu chuan a lo pawt chat thuai a. Ka thusawi khan a țhawng ngang a ni nge, a hmai a var bêi a, rilruna tih hriat tak a min en veng veng hnu chuan muangchang in a inher a, Emma chuan rum fahran a min melh rawm rawmin ka nu chu room ațang a hruai chhuak nghal nal nal. Keipawh hi an lak ah ka lawm bik hauh lo! Engtin nge... f**k! Khatiang khawp a thu lian tham kha ka lakah an zep theih!






Khum tlang chu ka tlawh leh chawrh a! Ka thisen lum lutuk leh thazam che kual zawk zawk reng chuan tharum a chet chhuahna tur a mamawh ngawih ngawih.




"I ropui lutuk Malsawmdawngzel.. i chet dan lawilo zet pawh ka nu leh ka farnu te hial in an thup pui che a ni a... huh! Hmeichhe ropui tak i ni e." bang a kan inneih thlalak lianpui intar chu din chilh in Malsawmdawngzeli hlimthla chu diriam fê in ka ner khum sawk. A pasal te chhungkaw sum la chhuak a mipa dang um ngam khawp a hmeichhe huaisen! A fa ngei pawh ti tla thei khawp a hmeichhe nunrawng vang hian kei lah chu mi â ang maiin ka khawsa a!




Harsatna lian tak tawk rengin ka zawn chhuah hun a nghak reng ang tih chiah ngaihtuah ngut ngut chunga amah zawng a ka hun leh tha ka senral lai khan kha mipa laktlak loh zet nen khan ka sum hmangin nuam an lo chen reng ani a! Min lo va nuihzat dawn rûa ve mawle!






"Damlo i ang e, i nawm loh hmel lutuk." kailawn ah chuan ka pen thla pawk pawk a. Țhutkhawmna Area a Zualtei leh Emma lo țhu dun chuan min rawn en nghal vat bawk.



Biak ka chak miau lo, ngawi ngul in choka ka pan ding a. Kan inchhung khur boruak nuam tak țhin lah kum4 liam ta ațang khan a chhe vek. Lungngaihna in engtik lai pawh a a chenchilh ang maiin a chhung a chengte leh inchhung bungruate pawh kan ngui tlang vek.



Choka chhung a ka lut tur erawh ka tawp chawt. No dawm in ka nu chu melh ngai melh in a lo ding reng a. Nizan a ka țawngkhum dan teh tlawt khan a tina ve hle te pawh ani ang.




A awm ve tih hrelo ang hmak in ka pen lut vut, fridge kawngkhar ka pawt hawng thawm ah chuan rawn inher in aw a thian kharh a.


"Coffee em niang."




"Ka in chak lo." ka ti hmuk. A thaw chhuak hak a. Fridge chhung chu ka bih kual dun dun. Ka ei chak zawng pakhat mah ka hmuh loh vang in dim lem lo takin kawngkhar chu ka nam khar dawp. Ka nu pawh ngaihven tawh miah lovin ka kal chhuak leh nul nul. Ka lak ah khatiang khawp a thulian tham an zep kha ka lawm hauh lo! Biak chakna ka nei bawk hek lo.





Gym kal chhuhna tukverh darthlalang chu ka nawr tawlh a. Rang takin Hunter-a leh Casper an chhuak nghal zat bawk.



"Maw?" Emma chuan a ti chîam. Inhnung lam a ka kal chhuak tur pawh chu chawl dawtin ka hawi let a. Zualtei nen an țhu dun, keimah chu min rawn en ve ve bawk. Chutih mek lai chuan ka nu pawh choka ațang a rawn chhuak ve chiah a. Chutah Emma chu ding chhuak záwtin rum theih tawp in min melh ta ngawt ngawt!



"Bawihte, eng nge ni a?" Ka nu chuan ti thuai in Emma chu a pan a. Zualtei kun ta lap ațang chuan... hrep a!


Emma chuan mak tihna leh rilru natna a khat hian "Û... nang leh Zualtei..." sawi zo thei lovin insehruh tlat pah chuan a rum nghat a. "Zualtei hian i fa a pai. A dik em?" a tir lam chu zawi sehchilh ran in a sawi, a tawp lam erawh a rawn au khek tuar thung!



"Eng nga?" ka nu pawh chuan mak tih hmel tak in min en ta bawk.




"Zualtei hi a rai.. ka û fa a ti." Emma chuan ti ram hmar in a kal sawn nghal nal nal a. Ka nu mak ti hmel chu natna in a rawn thlak ni ber mai hian ka hria. Ngawi rengin ka ding khawng luah a. Ka fa a ni em? Nilo em tih sawi tumna ka neilo. Ka nun ninawm zet leh awmze pakhat mah nei tawh lo hi ka ning hle tawh tih zawng ka hria.





"Zualte, i țhannu thusawi kha eng nge ni a awmzia." ka nu chuan ka hnen ațang eng insawifiahna mah a dawng ngai dawn lo tih inhria in Zualtei chu a pan ta thuai a. Emma erawh ka nu leh pa mut pindan ah a lut bo hmiah.




Zualtei pawh chuan ka nu hmel pawh en țha ngamlo in "Nu, pawi ka ti lutuk.. ih, min hmuh dan a dang vek tawh ang tiraw?" ati chuai raih a.


Eng danga chhang lo in "I rai tih chu a dik em ni?" tiin ka nu chuan a zawt leh ngat.

"Aw.. keipawn nimin khan ka hre ve chiah... Carlos-a pawh ka hrilh tawh. Kei lah kan inhualna tawp ta thut vang a rilru nâ ka tal buai ve deuh a, Carlos-a pawh kei ang tho.. kan harhfim lai a thleng ngai miah lo tur kan ruih lai in a thlen palh vang liau liau ani.." kun tlat chungin zawite in a phun sep sep a. Ka nu chuan min rawn en țhîn tak nangin a lakah ka thinrim miau. Ka mitmeng ațang eng thil mah a chhiar thei lo ang! A laka ka lungawi lohna chiah lo chu!




"Carlos-a fa ngei a ni tih i chiang maw?" zawldawh tak a ka nu zawhna vang chuan Zualtei chu a insut chhuak hraih. Ka nu chuan thaw la hak chung in a dar ah kut a nghat a. Malsawmdawngzeli țap nise chuan a kuah leh tawh ngei ang!


Ner nawk pahin pawn lam ah ka kal chhuak vut!


Malsawmdawngzeli teh hrep khan ka thluak a suk hnehsawh ang tho in ka chhungte thluak pawh a wash hneh hle anih hi! A thil sual tih leh a rukruk zep sak tur hial khawp in a lawm a lam an țan tawh ni!



Phul chung ah chuan țhu in ral lehlam a Lengpui Airport lang ruih chu ka en vung vung a. Kum 4 chhung lek a kan chhungkaw nun phung danglam ta dawrh te, hmathlir nei a chhuangkua dinve ka chakna mei vap ah chang a nun hlut peih lo hial khawp ka awm ta mai chu ngaihtuah pawh ka ngaihtuah buai peih hrep tawh lo.




'I lo hria em? Nangin ka fa ti tla a mipa dang min umsan laiin Zualtei khan ka fa a pai a, pai tlang a inhuam a sin. Tinge nangmah i nih lo.. kan chhungkaw sum ru chhuak a i umzui mipa khan ka pek theih loh che eng thil nge a pek bik che. Kei aiin a hmangaih lo che tih ka chiang viau bawk. Ani ai a nasa khan ka hmangaih che.. sum i um anih pawh in ani ai khan ka hausa zawk.. kan chhungkaw sum ru chhuak a, i um remti tu khan in sum tlanbo pui a chen ralpui rual che in a thlahthlam lo ang che tih i chiang em? Hnam dang kar ah bawk baihvai tak a vahvai leh kha i duh em ni? Hyderabad a buaina i tawh ang khan i hma ah ka rawn lang thei tawh dawn lo... i um mihring teh hrep in hnam dangkar ah a kalsan hun ah che engtiang a nun zui zel nge i tum a?'




Thaw chhuak hulh in ni zung rawn eng sawr sawr chu ka en vung vung! A lakah ka thinrim ber lai leh ka huat ber lai pawh in amah vek ka rilru chuan a be mawlh mawlh tho a! Rum chhuak nghut in ni rawn tlang sang tual tual chu ka melh ngur.




Nunthar țanin kê i pen tawh bawk a. Hlim ang che. I kalna apiang a ka thinlung i ken tel ve zel erawh nangmah ngeiin min pe let leh anih loh chuan thinglung nei lo in ka lo awm zel ang. I hlim dan ber in awm rawh! A thinlung i ken tel sak pa hi chu a beidawng tawh em a! Thinlung lumna nei miah lo in kum 4 a hmang ral tawh, chuthil chu nungreng chung a hremhmun a hun hman nen danglamna a awm lo, nun bul țan țha tur a din chhuah leh tumna ka nei tawh lo! Malsawmdawngzel ka thinlung a hmangaihna awm zawng zawng ru bo chung khan hlim hle mai rawh aw!







Ka țhutna ațang chuan muangruih in ka ding chhuak a. Nunchhan tur neih tawh loh ber a hnu. Rilru in a thawven pui tur ang ber zel in ka nung tawp ang! Tumah ka mamawh tawh lo. Fa pawh.. nang nen a kan fa anih chuan loh chuan ka hmangaih thei hrep pawh in ka ring lo. Apa ka nihna ang thung chuan a tan ka awm ang! Nangmah vang liau liau in.. Malsawmdawngzel nang vang teh hrep hian hmangaih neih ka hlau hluah hluah tawh!




In lam pan a ka let tur inher chiah chu reilote chawl dat in ka thaw chhuak hawk a. Uluk takin ka nu'n min lo thlir reng. A mo nu tehrep kha ka huat ber lai pawn ka ngaihtuahna aţang ka dah chhuak thiam hauh lo tih a hriat ka duh lo. Lu thing nghut chungin muangchang in ka let phei a.




Darthlalang tukverh innawr hawng huau ah chuan lut tlang hmuahin biak pawh ka be zui lo.


"Carlos.." ani pawh hi Malsawmdawngzeli ang chiah. A lak ah ka thirim lai ber pawh in a aw zawi raih hian min thunun țal tho.


Amah en lem lo chuan ka ding dat a. "Room ah.. room ah lo lut la, ipa ho in inbia ang u."


"Sawi tur ka neilo." ka ti chhum hmuk.


"Carlos.." a țah aw vang chuan ka inher let leh ta nge nge bawk. Mittui tling pam chungin a lo nui lui a. Kum 4 chhung leka a lan dan upat sawt zia lah chu awiawm loh hial khawp ani.



" ka fapa i nih hma hian ka țhian i ni a sin Carlos. Mipa naupang kum 5 mi lek khan kei , hmeichhe ngainat awm loh lutuk leh miten zu zuar fanu ka nih vang a biak țhat en a an en loh kha min ngaina em em a. Min hmuh chak vang in Champhai ațang i rawn kal vang vang țum kha nang nen kan vawi khat inhmuh na ani a. I sawi dik, ka fapa i nilo. Ka fapa nila chuan kum 5 mi i nih hnu ah chiah kan inhrelo ang. Ka țhian mipa naupangte i nih lai khan ka ngaina tawh che. Tu lakah mah țhat chhuah ngailo hmeichhia khan i rilru tihnat palh ka hlau țhin a sin.. tu mittui tla mahin ka thinlung a huatna awm a tih nem zawh loh laiin ka bul ah awm i chak vang a i mittui tla kha chuan min ti țap ve fo țhin.. i pa nen kan innei a. Chumi hnu ah chuan ka țhian mipa naupangte kha ka fapa i ni ta a. Keichuan hmangaihna ka hriatfiah dan ber in ka hmangaih che. I pa nupui ka nih darkar ațang khan ka fapa i nilo tiin vawi khat pawh ngaihtuahna ka hmang leh tawh ngailo. Nu in fate a hmangaih dan ni a ka hriat thuk ber hmang in ka hmangaih che. I nau ai hian ka hmangaihna che a nep chuang lo.. mahse, second reilote lek chiah pawh ka fapa nilo ang a i inngaih theihna tur a ka lo awm anih chuan min ngaidam rawh... chu second khat lek rilru kawi put theih nan a i hmuh a pawh chu siam țhat nghal thei nise ka siam țha nghal thuai ang, ka fapa i nilo tih hi ka lo hrereng tawh lo zawk asin."


" Khathil kha i hriat rual in min hrilh ve tur ani." ka ti chhuak khauh. Ka kut lehlam chu jogger kekawr ipte ah ka thun lut hlun a. Țum dang a a mittui tla nise chuan hmuh hreawm tiin ka kuah leh thuai ang. Tunah erawh chetsawn tumna ka neilo. Tak ngul a melh in ka ding run ringawt.



"Eng chu nge ka sawi chuan ang.. I nupui in sum a la chhuak lai ka mit ngei a ka hmuh pawh nilo hmangin i rilru ka hliam belh ang maw? An tlan dun lai ngei hmu miah lo leh an tlan dun ngei tih finfiahna i hma ah chhawp chhuah tur thlalak pakhat pawh nei lo in i nupui leh mipa dang an tlan dun tih ka hrilh dawn che em ni?"



"Chhuanlam ka duh lo." ti hmuk in mit ka la sawn hmiah. Insehruh țawlh țawlh pah chuan pawn lam ka melh lui ngur! An mut pindan kawngka chu chhung lam ațang a rawn inhawng a, Emma'n wheel chair in ka pa a rawn nawr chhuak bawk a. Ka pa in ka nu awm dan a rawn hmuh chian rual chuan a engamah hma in min melh ngur ngur a.




"Bank record ah khan Thelma'n sum a la chhuak ang leh hming a sign angin lang mahse kei chuan Thelma anih ka ring hauh lo a sin.. i nupui kha khatiang ti duh mi anilo.." ngeiawm zet in ka țhen suk. A ac a pawisa awm chu amah chiah lo in a la chhuak theilo. A sum lak chhuah hrawl tham zet kha ac nei tu ngei hnen ah lo chuan khawi bank mahin an pe chhuak ngai dawn lo.




"Rawn let se, a chanchin than dan țha lo zet hi amah ngei in rawn sawifiah thei se nitur." Beidawn hmel zet a ka nu kun tlawk tlawk thusawi chuan min hrawm na rawih rawih! Keipawh hian rawn let se.. clinic chhung a a thil tih te.. kum hei leh chen ka lak ațang a awm bo chhante hi rawn sawifiah se ka duh a sin! Hetiang teh thlawt a hrilhhai hian tu mihring mah an awm bik teuh lo.




"A awm loh hnua a chanchin maksak pui pui hriat tur awm te hian amah huat a hneh in min lainat tir zawk, heng a thil tih ang a thang ta zawng zawngte hi a diklo zia fiah tur talin rawn let leh se.." zawi tak in a phun sep sep reng a. Sawi ve tur pakhatmah ka hrelo.





"Zualtei nau pai kha i fa ani tak tak em?" tum deuh bar chungin Emma'n a rawn ti ve a. Ka pa chu rawn nawr hnai in a hung rem a. Ka nu ding kun tlawk tlawk chu pan phei leh in a kuah nghal hle hle bawk.



"Thelma pasal i la ni tih inhre reng rawh." a sawi zawh ruali rualin ka nu chu a inhnit ta hlawp hlawp.




"In mak ka ti. Engtin nge unau ang mai a seilian dun in sex in hman theih reng reng le.. in rapthlak lutuk." Emma zawkin a rawn ti hmak hmak bawk.




"Nu, țhu rawh... chuan, u nangpawh nizan ka nu i țawngkhum dan avang khan ngaihdam dil rawh, ka nu hian vawi khat tê mah a en hrang ngailo che tih hrechiang ber tu i ni. Khang bank ațang sum in la chhuak leh Valpuia nen an tlan duh tih vel kha tu in nge lo hrilh che ka hrelo nangin khang hun lai khan hrilh ta che ila tun hun hi i thleng teuh lo. I talbuai hun lai ber in khangthu kha kan dawng mawlh mawlh a. I dinhmun en a, dawngsawng thei chi ni a ka hriat loh che avangin kan hrilh lo che, ka nu nen in inzawmna au chhuahpui khawp hial nan i hmang a ni a. Tu hnen ațang a i hriat nge tih hriat ve a chakawm hle mai." misual inpuan tir tum a a vehthlem ang chiah in Emma chuan min dinchilh a. Hawi sang vah chungin a mitmeng chuan min melh zam tum ang hrim in ka mit ah tak a en ngar bawk.





"Bank ațang pawisa lak chhuah chung chang leh Valpuia nen an tlan dun tih thu vel kha hretu kan tlem.. a tu ber chuan nge lo hrilh che a?" rawn ti leh salh pah chuan a ner sak bawk.




"Kha lam kha chu duhtawk rawh u.. unau inhnial nan chuan a hau lutuk, i u lo hrilh tu in chhungkaw inhnial buai phah nan kan hmang tih a hriat phei chuan min nuihzat ngawt ang " ka nu chuan khap bik pawh neilo in arawn ti hap.


"Thelma mawlh ani rawn let tur a ka duh ni.." tia rilru na tih hriat taka thawk a lak laiin
"Kha hmeichhe tenawm zet hming kha he inchhung ah hian lam chhuak fo tawh lo teh." ka in control hman lo chuan ka nu chu ka vin leh tuar a. Ka aw ri chu a fiak in a rum ûl.




"Zosangi leh i pa inkar khik chhan hi i hria em?" ka nu'n a rawn ti teh daih a. Couch a a țhu chu en vut in ka melh nghal ngur bawk. Zavak lo hian a rawn nui leh sak a.




"I nu in ipa a ngaih dik loh theihna tur in an inkar ah hmeichhe pakhat in dawt thu a vawrhvir char char vang a an inkar khi țan an ni.. i nu kiang ah ipa dik lohna lai a sawi kawi a. Naute mai i la nih vangin pawn chhuak loin i nu'n in ah a awm pui chawt che a. Hna thawk a in pa kal chhuak kha i nu hnen ah lo hek in hmeichhe dang a kawp țhin ang hial ten i nu rilru ah dawt chi a lo tuh sak țhin. a tawp ah chuan ipa a rinhlehna kha dawt hrilhtu in a vulh leh sak tawh em avangin thu dik ah a ngai ta vek.. vawi khatmah amah phatsan ngailo tu khan a phatsan ang ah a ngaihtawh miau vang in a awm dan ang a a rin in awm ve ta tawp. Kha kha i nu tihsual pawi tak a ni kum khua tawh dawn. Ipa hi lo ring nise chuan.. an... inchhungkaw hmasa hlimawm tak kha inkehchhe ngailo ang. Mahse, ipa, a pasal, a kawppui aiin hmeichhe dang thusawi a ring zawk miau a... " zawite te a a sawi sep sep lai chu lo pawt chatin
"Tichuan ințhenin nang nen in inneih phah ta a lawm." kha zet chuan ka tih khum hrawih.





Chumi rual a aw rawl lian leh khauh fur a "Zohminglian!" rawn ti fiak fiah țhak tu chu tu dang nilo in ka pa ngei ani!Hamhaih zet a kan en chuan keimah chu rum tak a min melh khui khui chungin kut tha khur dawt dawt in min lo ban nawk nawk tawh! Eng emaw sawi leh tum ni awm tak in a kâ chu a ti che leh a. Mahse ri fiah lo nawk nawk bak a siam theih tak loh ah chuan rum nghut in a kut chal in min kawk a. A duh sawi thei lo mah se a thinrim mit meng sen rûm ah chuan vawi khatmah khatiang a ka nu țawng khum tawh lo tur a min warning na ka hmu chiang viau thung!






"Pa.. pa.. tun ah khan i lo țawng.." Emma leh ka nu chu an ri zui lelu a. Kei ngei pawh min țhawng khawp mai! A aw ri kha a fiak țha in a rum ul bawk!
Ka pa thinur in ka hming a rawn lam chhuah chiam ațang darkar chanve pawh a ral hma in pa Zothana leh ka pa doctor an rawn thleng fel der a. Ka nu a chhan zia leh zah lo tak a biak a rem tih loh zia a fiah hluah hluah niber hian ka hria.






"A mak khawp mai.. a lei inpawt char tlat țhin kha thlunna phelh ang maiin a che kual thei tawh.. a țawng chhuah theihna chance 80% lai ani tihna anih chu.. marawh chu thisen lum phulh neilo a awm reng țhin kha vawi leh khat ah a thinur thut leh kum tam tak chhung a tih tawh ngailo aw rawl ring tak a a au chhuak erawh in a BP a tisang a. A thleng thut bawk nen a shock ang tho che u in amah pawh hi a shock ve a. Tihian han muhil rih se, a rawn harh leh hun ah zawi zawi in țawng tir kan tum țan dawn nia." a ti dap dap a.




Hunrei tak hnu ah ka nu leh Emma chu a ri meuh in lawm na vangin a nui chhuak hak hak a.





Muangchangin pindan chu ka chhuah san a. Kal tumna bik pawh nei lem loin awm hmun thuamhnaw nen chuan kawngkapui lam ka pan nul nul, motor chabi chu la kang vutin tualzawl ah ka chhuak hlawl a. Ka nu in hmangain tak a a enkawl țhin pangparte pawn hnathawk tu ten uluk takin enkawl in tui te pe țhin mahse kum 4 liam tak ang khan an par vul tawh ngailo a. Kan chhungkua ang bawkin vul chhuak hlei thei silo in an nung ve țawk țawk lek.





Garage ah ka lut thla a. Bolero a țhut luh dawt pah chuan ka rûm chhuak hulh. Ka ban a sana lawk zet chu ka tukhum a seat nghenchhan nawr ngur pah chuan ka hmai zawn ah ka la kang chho va. Motor chhung chu thim deuh ruih mahse sanna hmaia hmeichhe nui leh hmel leh amah hmangaih hmel tak a a nui lai en vung vungtu mipa chu ka hmu chiang ngang thung.





Ngawi ngur in sana chu ka phelh mual mual a.

Motor hma box chu pawt hawng rawkin a chhung ah ka theh lut hmaih. Box ka kharphui țhui rual erawh in ka rum chhuak hrawih. Box bawk chu ka hawng leh a, box chhung thim mup ah awm mahse sana hmai a hmeichhe nui hmel zun ngah lutuk chuan min tibuai phah tho.





"Ka hua che." ti hrawk pah chuan sana chu ka ban leh vut. "Mahse, ka hmangaih awm chhun i ni thung. Kan thih hunah kan thlanlungah i pasal hming ah ka hming nilo inziak turin i duh em? Huh! Ka thlan lungah a nupui tih inziakna bulah Malsawmdawngzeli tih inziak turin ka duh a sin.. â leh lutuk mai." keimah a phun bûal bûal chungin sana bawk chu ka bun țha leh mual mual.








Khawpui chhung ah chuan kalna tur bik hre hleilovin ka inkhalh kual mawp mawp. Mi chi hran hran ka tlan pel a, an fate school kal tur thlah a chhungkua a car a chuang te nen traffic jam ah kan din tlan chang chuan an lak ațang mit laksawn nachang hrelo lek in ka lo en leh vung vung țhin a. Kan fa kha lo piang chhuak tase kum4 a hnaih ve thuak tawh ngei ang, a school kal tur thlahin a nu nen ka khalh lai mek chhung ah hian kan țhu ho a nga. School a a thil zir thar te sawi ve niap niap in a ri ve lang lang a nga.. home work zir a lehkhabu a bih ve ngar ngar tur te, lehkhazir țha peih loin thil dang tih min han dil ve ngei a nga, nu dang te ang bawk a Bawihi'n zir țha tur a a hrilh laiin pangchang zet a min en kiau chung a thil dang tih min dil anih chuan ngaihtuah nawn tawh hlek loin ka rem ti thuai ngei ang! Chutah Bawihi'n rum zet in kan pafa chu min han melh ram ram bawk a nga.. hnunglam ațang horn a rawn rik tuar tuar tak ah chuan lu ka thing ta nghut! Kan mihring huat ber nen a suangtuahna a khawvel hran din a, suangtuahna ramah cheng tawh tur ka ni lul lo a sin!






Khawlai fang a ka kal kual puina hmun te chu tlawh lehin kawn chei tawh lem loh. Mahse, Malsawmdawngzelin light eng tuar mai hmuh nawm ti hmel taka en a adin chilhna hmun apiang chu a lan theihna chin ah motor hungin ka thlir vung vung a. A pum puar lian ve tawh tak langsar turin a coat fual hak hma a kil duh bik miah lova, wine sen duk raih ang maia a sam sen duk sei hnap mai thlahin lukhum phiar a khum hnan tawp a.
Hmeichhe naupang ang maiin hmun incheimawi lai deuh chu a kawk kual ruai reng bawk.







Ka phone rawn ri thut chuan ka ngaihtuahna atthlak zet ațang bawk chuan min kai hrang hlawk. Ka kekawr ipte chu ka dap thuak a. Screen ah station number a rawn lankulh rual chuan thaw hawk in tukverh ațang pawn lam en vut in ka chhang ta chiah.


Show post links
Top
Abbra Reo Ririni
Post September 4th, 2019, 10:21 pm


"Sir, i rawn thleng dawn tawh em?" Hriata aw chuan a rawn ti vauh vauh.

"Ka rawn kal dawn lo." ka ti nghut.

"Aa.. ok, court a lehkha thehluh tur hi a la awm nual sia.."

"Naktuk lamah a khawih ah dah rih mai ru." ka ti bul leh nghut.


A chunga mi ka nih vang chauh va min hnial let hreh hmel tak chuan a rawn aw ve ta hram. Lehkha pawimawh khawih fel tur a tam hle tih ka hre nangin hna thawh ka chak hrep rih lo.


Motor hmalam ah phone ka theh kai rual deuh thaw in a rawn ri nawn ve leh chiah.

"Ka sawi kha i hre lo em ni?" Ka ti nghal tawng.

"Sir, file pakhat chiah hi in inlam ah ka rawn thawn ang. A hmanhmawh thlak riau a." Hriata vek in a rawn tih rih a. Ka ban a sana chu ka bih vung vung a. Hna kal tur a station ka pan hun lai vel chiah.


"Ka rawn kal ang." nelawm lo zet a ti nghut in phone chu ka off zui hmiah. Ka dinna piah lawk ah 'u turn' awm lam ah chuan in khalh pheiin station lam pan turin ka inher zui pawp a. Ka ngaihtuahna kawm hman lo lek a rui chhum a ka awm lai ka ngai rawih rawih bawk. Ka rilru a harhfim tawh chuan țullo tawp in Malsawmdawngzeli bawk in ka ngaihtuahna a lûh ngût ngût țhîn a. Țûl hlek lovah ka hun hlu tak a ral phah dûak zel.


Awm hmun thuamhnaw nen station chhung ka lut hlawl, ka nau te ho chuan min lo salute sup sup a. Bing zet in ka cabin lam ka pan tlang hmiah. Hriata'n file pakhat kengin min um zui thuai bawk.


"Hei hi vawiin court ah an en let duh miau sia.." ka hmel lan dan nelawm loh zet vang chuan a inthiam lo deuh te pawh ani ang.

"Dawhkan ah khan dah rawh, chuan file dang ho pawh kha rawn dah luh tir rawh." ti sup in ka chair ah ka țhu thla dawt. Min en deuh vung vung a. Dawhkan a file a rawn dah chu ban in ka keuh nghal thuak thuak bawk.


"Coffee i duh em?"

"No."

Aw le! Tihna ni awm takin a thle nghut. Ngawi rengin a kal chhuak a, file chu bih ngur in review-na ang reng phek tin a thuinziak ka neih chhuah vek hnu chuan ka hming sign na tur awm ang ang ah chuan hming ka sign zui mawp mawp.



File dang an rawn dah belh te pawh computer te nen en rem in ka chingfel zui mawlh mawlh a. Cabin pawn lamah phone call rawn lut thawm awm reng mahse ka mood a țha lem lo tih an hrechiang bawk ani mahna tuman an thu dawn vel min rawn hriattir lem lovin kal chhuak turin an inhrilh lawng lawng hlawm a.



File sen kawm khauh zet chu keu thuak in computer screen ka en pa ngur. Ka kut zungpuiin eng emaw a nul fuh takah chuan file in keu sa chu ka bih vut a. File hlai zet kar ah chuan thlalak pakhat tlawng a lo inzep a.





Hrethiam lo zet in nau pianghlim ni awm tak, hmai duk vek tawh lanna thlalak chu ka la kang ruai ruai a. Uluk zawk a en ka hmai zawn ah ka lek kang vûng vûng. A hmai chu thisen duk vek ang mai hian a duk vek a. Puan pawl in an tuam a, a hmel duk khui chiah chu a lan avang in engvang a nausen thlalak file pakhat ah dah a, min rawn thawn ngawt nge an nih tih chu ka hrethiam hauh lo! Chutih rual erawh in ka lungphu chu ka hriat loh karin a rang dawt dawt. A mit khur thuk deuh dak leh hmel tlang mipa bik hrak mai ah chuan keimah ka inhmu ni ber hian ka hria.




Chu ka ngaihtuahna vang teh hrep chuan ding chhuak vut in Hriata ka au zui nghek.


Cabin kawngkhar a rawn nam hawn rual chuan thaw hawlh pahin file sen chu ka lek chhuak a.

"He file hi tu rawn dah nge?" ka ti chang khâwl! Dar kân ûk pah chuan file chu a rawn thlek ngial a.


"Ka va hrelo ve, i file khawih fel tur zing ah a lo awm ve anih chuan a case hming a inziak lo em ni?"



"He file rawh thawn tu hi a theih ang a rang in zawng chhuak ang che u " ti hmuk in file ruak chu dawhkan ah ka theh thla thuk. Nausen piang hlim thlalak erawh nghet tak a chelh in ka inseh ruh ngawt ngawt a. He nause hi ka sen lai thlalak anih loh vek chuan ka fa... nilul lo, ka fa chu a nu ngeiin a ti tla tawh. Mahse, he nause hmel ah hian chiang takin keimah ka inhmu tlat lawi!



"Chhui chhuak thui ang che u." ti chhuak leh hrawk in file ruak keng a Hriata kal chhuak tur chu thu ka pe nawn leh hmuk.

"Yes Sir."



Hriata a kal chhuah hnu chuan ka tha țang lutuk leh thazam ţang nâ rûn chu thlah dulin chair lianpui ah chuan ka țhu thla leh dawt a. Ka thlalak humna kut tha chu a khur ru dawt dawt! Malsawmdawngzeli thil tih ani thei mai a ngem? Ner sawk pah in thlalak chu dawhkan ah ka theh thla a. Thil engkim ah Malsawmdawngzeli hlir ka ngaihtuahna ah a rawn lang hmasa nghal nawlh țhin hi sim a hun viau tawh.



"I nausen lai thlalak anih loh vek chuan i fâ thlalak ngei ani." tih chu chiang tak in chhung lam ațang a rawn ri rum rum. Chu erawh atthlak ka ti viau. Ka fa.. ka fa ve chu Malsawmdawngzeli teh hrep khan a rawn pian chhuah hma in doctor te ruaiin a ti tla daih tawh.




Chair nghenchhan ngheng run chung chuan dawhkan a nausen thlalak chu ka melh ngur ngur a. Nau piang hlim dang ang lo takin a duk vek. Thisen duk nguk rawngin a hmel te chu luah khat vek mahse chiang takin keimah ka inhmu tlat lâwi!



Ka phone a rawn rik thut rual chuan rum hawkin ka kekawr ipte chu ka dap zui thuak. Screen ah chuan Matei hming a rawn lang kalh a. Ka rum chhuak leh nghut bawk. An ni teh hrep pawh hian ka lakah zep ruk an lo ngah turu lutuk! Biak pawh ka chak hrep lo.


*u, uniform ha loin i chhuak tih ka hria, ka pa chanchin hi i ngaihven ve miah lo mi?*



A message pawh chu ka chhang chuang lo. Kum 20 chuang zet liam hnu a kapa aw ri ka hriat lehna hmasa ber ani a. Chu erawh ka nu a chhanna aw rawl fîak fúr ani thung.




Nileng in cabin ah ka tawm tlawk tlawk, tuisik tak ngial pawh zingkar ațang ka la lem lo. File rawn dah tu lah tun thlengin zawn chhuah a la nilo. Dawhkan a nausen thlalak ngawt chu ka en ngur ngur reng a. Khua a thim vek tawh, light ka ti eng hran lo. Mahse, thlalak tle ser ser chu ka hmu chiang tulh tulh thung.






Cabin kawngkhar chu an rawn kik dat dat a. Reilote hnu ah rawn in nam hawng in ka nau pakhat chuan pawnah hmeichhe pakhat in min nghah thu a rawn sawi a. Țawngkâ a chhang loin ka buk khum nghut ringawt.



Emma nise chuan a hming nen a rawn sawi thlap ang. He thlalak rawn thawn thu hi ani thei mai a ngem? Ka ngaihtuahna vang chuan dâwn awm lovin ka tho chhuak zui vut, dawhkan a thlalak leh phone chu ka hmet kawp tawp a. Pindan chhung thim mup ațang station pindan chhung eng ut a ka chhuak thut chu mit a vai ram ram mai.



Chak zet in station ațang chuan ka pen chhuak pawk pawk a. Tualzawl dawr ațang eng rawn chhuak in a chhun phak chin a Zualtei lo ding reng ka hmuh tak ah chuan ka inhumruh țeuh ringawt.



"Biak che ka duh." tipah in station bathlar a ka ding khawng luah chu min rawn pan a. Nimin tlai ațang tawh a hmel lan dan a dik mang tawh lo. A dang lâp a, thidang mai tur a ang ber tiila a lan dan chu a fiah ber ang.



"Sawi rawh." ti nghut in thlalak chu ka hnet kúm deuh va, ka kekawr ipte ah phone nen ka thun lut daih bawk.


"Hetah lo.. ih, engmah ka la ei lo a. Kal chhuak ila."


"Zualte." ti supin ka melh ngur ringawt. Tawite hian a rawn nui lui a. "Ka nau pai hi ka duh vang reng anilo a sin. Ka chhungte'n an hriat chhuah hun ah eng tiangin nge min ngaih ang tih ngaihtuah reng rengin ka eng ei mah a tuilo.. i nu lah chuan.."


"Ka nu.. sawi a nei em?" ka ti bul nghal vut.


"Ih.. Thelma kha angaina lutuk tih chu ka hria. Mahse, Thelma ber in mipa dang a um san tawh che a... ugg, i nu in Thelma nen a infa lo chu an tu ang ah a pawm loh thu leh mite'n ka rai thu an hriat hunah apa min zawh chang pawn i hming lam rilo turin min hrilh.. a sawi dan chuan Thelma a rawn let leh chuan pangngai taka inzawm tir leh che u a tum." Kuthum ruh tlat in ka lo ner sawk sawk.


"Ka nu in chutiang chu i hnenah a sawi maw?" ka ti bul vut.




"Min hmu turin a rawn kal a lawm, engtin nge mipa dang um san tawh tu che kha a rawn let hunah i nupui ang a hruai luh leh nghal a tum theih le?" a tihleh sep sep chuan ka insangmar țeuh mai.



bing zet in hma lam ka melh ngur. Steering ka thunun dan lah a nâ lam hret, Zualtei pawh phur let lem loin in lam pan chuan ka in khalh let mawp mawp. Malsawmdawngzeli khawsak dan hrechiang ber tu hian ngahnge min ti thinur zawng a thil a tih leh tlat țhîn. Thinur țún chungin steering chu ka hum leh ngut ngut țhîn a. Ka nu chet duh dan chuan min ti tlawm rawih rawih ni ber hian ka hria. Malsawmdawngzeli rawn let rualin kei nen hian kan inzawm leh nghal ang maw? Huh! Chu pawh ka hriat miah lovin midang hnen ah a lo sawi zúi. Mi â chhuah in min chhuah ni ber hian ka hria.



Kawtzawl ah motor chu ka ti ding dawt a. Thinsen so bulh bulh chung chuan inchhung lam lam panin ka pen zui pawk pawk a. Țhutkhawmna ah chhungkhat hnai lo țhu țhap in hlim hmel tak a ka pa an lo kil tiau mai ka hmuh rual chuan ri zui hlut lo turin ka inthun țang țang. Min lo biak nak nakna pawh chhang mumal loin inhung lam ah ka chhuak tlang vut bawk.



"Carlos, chaw i la ei lo ang tiraw, ka siam nghal dawn che em?" ka mi biak duh ber chuan min rawn zui chhuak a lawm. Muangchang in ka inher a. Ka pa hmasawnna vang liau liau in a hmel zuai zet țhîn ah chuan eng de va va ka hmu.



"Vawiin lamah Zualtei i lo hmu em ni?" ka ti nghut. Zualtei thlavang ka hauh vang nilo in Malsawmdawngzeli a la țan lui tlat hi ka hua. Ka haw hlur!


"Hmu tiila ipa check up in kan hruai a, a rem chang em a vawiin lam eng nge a an tih ka zawt nghal anih kha.. ifa pai a in ti bawk nen.." ngeiawm lutuk in ka khi nghal suk.


"Chu chiah chu maw a hnen ah i sawi a." ka ti nghut.


"Thil dang deuh pawh kan sawi.."

"Malsawmdawngzeli rawn let leh hun ah hruai luh tih vel leh Malsawmdawngzeli nen a kan fa bak tu ang a i pawm loh thu te i sawi khum bawk ani lawm ni." ti vut in ka nui chhuak zui hawk bawk. Ka nu chu a meng deuh kawk a. Mahse, a hnu ah chuan ro zet hian a rawn nui chhuak a.


"Lo sawi ta ila.. thudik lo pawh anih lem loh chu." ti hmak in dar min kan khun ak ringawt.

"Anih chuan Zualtei thusawi dang pawh kha a dik tihna maw?" ka ti hul huk.


"Zualtei.. hummm" hmui pet sawi zauh chung chuan pawiti lo hmel fê in a meng kual ralh, hetiang tak a mak sak hian ka nu che kual lai ka la hmu ngailo.


"Zualtei chuan eng nge a sawi hre vek lo mahila a thusawi chu i ring hmiah tih a fiah uar sia. Ka sawi vek ni mai rawh se." a thinrim lo va. A nuih a zat hmel loh hle bawk. A țawng dan chu a ni puat tiila a fiah ber ang. Zualtei thusawi ka ring ngawr ngawr anilo. Malsawmdawngzeli hming lam rilo se chuan ani thusawi kha ka ngaithla liam tawp ang. Mahse, Malsawmdawngzeli hming a ri tel miau!



"Malsawmdawngzeli chanchin sawi chhuak tawh suh.. ka duh lo.. midang bulah pawh lam ri tawh suh.. a hming telna anih tawh phawt chuan ka haw em em vek! "




"Carlos." dam raih in ka hming chu a lam. "Thelma hi i haw reng reng lo. I ngai lutuk awm ngaihna hrelo i ni zawk.. i ngaih luat avang in hua ang a lan i tum mai zawk ani. I hmuh chak luat avangin a hming lam ri i hriat rual hlek in amah i zawng nghal țhin, amah hmuh tur a awm țhin miau silo a. I beiseina neih beidawnna zawkin a zâm hneh tawh lutuk avang in i thinur a. I nupui hi i hua emaw i intizo tawh anih hi. I huatzia thu sawiin a hming ka lam chhuah chang apiang in thinurna mitmengin min vau zam tum țhin mahla i mitmeng thuk tak a amah hmuh beiseina inphumru hi ka hmuh hmaih ngai hleinem! I huatzia thu sawi țhin mahla kei chuan vawi khat lek pawh hmuh leh i chakna, i mit chhung ril zawk ami kha ka hmu fo țhin. I hua tih sawi tawh ngai suh, tumah in kan hmangaihte kan haw thei lo... i huat zia thu i sawi chhuah chang apiang hian i mit thuk chin ah erawh i thlakhleh na a lang fiah sauh țhin.. nangmah leh nangmah inbum in i hua emaw intimahla i mitmeng thuk tak chhung a i sawi chhuah ngam loh thil tam tak inphum ru kha i nu hian ka hmuhhmaih ngailo a nia."

Aw rawl lian pui chuan ka nui chhuak hawk hawk a. Amah ka tih el vang a nui chiam ka ni tih hrereng chungin ka nu chuan nui hmel min la hmuh sang tho.


"Tun ah te hian Thelma kha i ngai ani tiraw, a sam karah hmai phum a, thawk lak leh te i chak ani tiraw?" damrai si a rawn ti leh in min nui var var. Ka hnung chhawn vút a. Ka ngai lo.. ka thlahlel bawk hek lo.



"I ngaihtuahna a thawl deuh hun ah inchhung ah rawn lut ve ang che. Ipa pawh in a rilțam thu te a sawi ve thei tawh a nia." Hnunglam ațang ka dar hnuai ah a chal in min nawr vang vang a. A thusawi teh nuaih kha hrethiam lo mahila Malsawmdawngzeli huat zui reng chu ka duh dan a la ni fân.


"Reilo la." zangkhai zet a rawn ti leh in ka hnung ah a rawn beng thak thak.


Min luh san hnu ah pawh chechang loin ka ding rûn a. Ka ngaihtuahna a awm ber pawh hi eng nge anih ka hrethiam hrep tawh lo. Ka huat em em laiin ka thlakhlehna ka mitah a hmu thung a. Huh! Ka â zo tawh anih ngei dawn hi.




Darkar liam dáwn ah chhunglam ah chuan ka lut ve ta chiah. Chhungte dang ho chuan ka pa hmasawnna thu chu an lo rikpui bawrh bawrh a. Ngawi rengin wheel chair a kapa țhu chu ka pan a. Min en vung vung reng nangin a dar ah kut ka nghat ta tho. Ka ban rek rawn hum vung vung pah chuan "ka lawm e." a rawn ti sup bawk.


Hrethiam lo fê in ka en reng a. Chhungkaw dang ho erawh an nui sang hlawm.

"Ka fapa, ka awmna hmun ata min rawn lak chhuah avang khan ka lawm e." a lei leh hrawk a che tam lo tih hriat takin a aw ri chu thinur țún laia kan țawng chhuak nawk nawk ang hian a chang in a ri hrawk.




"Ka in lum ah ngei min hruai let leh avang in ka lawm e. Ka chhungkaw hnen min hruai thleng thei khawp a fapa huaisen i nih avang pawh in ka lawm bawk." bu nghut in a wheel chiar inhunna sir couch ah chuan ka țhu thla ve ta vut. Kum 7 mi ka nih kha a aw ri ka hriat hnuhnun ber na ani a. Tun a thil thleng mek hian danglamna min thlen lo tih ka sawi anih chuan ka daw chiang viau ang.




"Ka pa in ka rai tih a hria a, kut min thlak a tum, Carlos min lo hrui hram teh." Phone ka chhan rual deuh thaw in Zualtei chu țap pur hian a rawn au nghek a. Chhan let ngaihna ka hre hlawl lo.


"Carlos, ka thusawi chu i hria em? Ka pa in kut min thlak a tum.. ka naute.. kan fâ hi a tihnat ka hlau " insut hlawp hlawp hian a rawn ti leh țîau. Kan fâ!



Zualtei te in pan chuan ka inkhalh chhuak nghal mawp mawp. Inchhung ka luh rualin patling hmaisen nen kan inhmachhawn zui nghal a. Zualtei erawh apa thinrim inhrosa thawm hlauin a pindan chhung ah a inkalh hnan tih a nu in min lo hrilh thuai bawk.




"Sawn pawm tur in ka chawm seilian hauh lo, min ti zak zozai lutuk, țhenawm khawveng in an hriat hun ah mi hmai eng kan hmu ngam dawn hleinen." Inchhung pa ber chuan a ti khur khur reng. Sawi chiam tur ka hre mang bawk silo. Inthiarfihlim san ngawt dawn ila Zualtei in a puh ber ka ni lawi a. Ka dinhmun khirh zet chuan lai takin min siam ani ber.



Duhtawk a a inhrosak hnu chuan aw thian khurh khurh chungin a fanu khawlo zet hmel hmuh a peih loh thu sawi leh hram in in ațang a chhuak ta daih.


"Carlos, i duh chuan Mambawihi room lam ah han chho rawh, nichin khan apa thinthawk thut in a beng hman a. A thlabar ngawt ang." Zualtei nu chuan a ti nghal zung zung.


"Pasal neih hma kan fanute an rai si hian nu leh pa tan a zahthlak duhin thinur insum a harsa a. Ipa Tlana kha chu i ngaithiam hram hram dawn nia." a ti leh duah.


Zualtei ngaihven tur a min tih sek sek tak ah chuan a room lam ah ka chho a. A tleirawl chhuah hlima a room hman kha a la hmang ni tur ah ka ngai. Kawngkhar hnum hlar ka kik rik kauh kauh hnu chuan chhunglam a hmeichhe ţap hawlp hlawp chuan 'nu, nangmah i ni em?' a rawn ti a.

"Zualte keimah." Kawngkhar kalna a ri nghal rawk, a rawn pawh hawn rual chuan ka awm ah rawn bei thlawp in ka kawngah a kuah zui zat a. Chhuk fê in reingial min țah khum a. Ka ding khawng luah, kuah ket tumna pawh ka neilo.



"I lo kal dawn lo emaw ka ti hman a.. ka lo hlau hman lutuk." a țah chhuak zualpui a reh tawh, insut hlap hlap pah chuan ka awm zawn ațang a rawn hawi chhuak ve ta hram. A biang vung mar deuh hlek chu hmuh nuam tak anilo.


"Hahdam rawh, ipa pawh a kal chhuak tawh." ka ti sup. Nawr hrang tura a darah ka man rual chuan nghet leh zual a min kuah chungin a hmaiin ka awm a rawn nawr chawi chawi a. Keimah ah danglamna pakhatmah a thlen lo.




"Nau pai hlima thinrim aw rawl vin hriat nasat lutuk hian naute insiam lai tan a țha lo lutuk a.. ka pa khan kut min thlak bawk sia, kan naute tan hian a pawi viau a ngem le." kan naute! Keimah ah nghawng a neih phak loh zia lah chu! Ka thisen kai ve ngei ngaihpawimawhna ka nei miah lo chu thil mak vak pawh anilo. Ka fa tir tur ka chan dan teh thlawt khan min sawo chau hneh em a. Nunna dang tawh phawt chu hlut vak dan ka thiam tawh lo.




Zualtei chu khum ah a mu a. Anu rawn chho ve pawn kan pahnih chuan min zilh hrep a. Chung zilhna thu te chu ka ngaithla mawl tawp.



"Hlauthawng duh suh, ka nawr lui dawn lo che. I fa ani tih pha lova sawn man min pek tawp i duh anih pawn ka dem miah lo che a nia. Thil thlen laiin kan harhfim lo ve ve a. Indem thei kan awm lo. Mahse, tihtlak emaw vel chu ka duh lo." Saisir a mu in khum bul a ka țhu run chu min en ngar a. A lak a ka rilru put dan a hre tlang hneh hle ani mahna.


Ka pa hmasawnna chu ka zah sak a. A hma ang ngawt lo deuh va insiam rem ve tum in hotel lam ah nilo in lam ah zan pawh ka riak ta zauh zauh. Zualtei pawn a nau pai chu kar3 anih mek thu a sawi a. Amah nei turin min nawr lui ngailo a. Chutiang bawk in ka ngaihsak a phut ngailo bawk. Chu tak chuan a naupai lai chanchin hriat belh chakin min siam a maw leh nghal ni! Text hmang leh call in kan inbe ngawrh ta khawp bawk.



Malsawmdawngzeli rai thu ka hriat rual a lawmna a ka khah ang khan keimah ah engmah a ti che zo lo. Malsawmdawngzeli raino duat ka chak em em țhin ang khan Zualtei duat chakna ka nei bawk lo a. Naute erawh ka ngaihven tulh tulh thung.


Emma leh Zualtei erawh a hma angin an inzui tam ta lo. Malsawmdawngzeli rai thu in kan chhungkua ah hlimna a thleng ang khan Zualtei rai thu leh ka fa ani tih an hriatna chuan an mahni ah danglamna a thlen awm chhun chu mak tihna zawng ani mai. Ka chhungte ber in ka fa leh a pai tu an ngaihsak țhațhum duh miau loh a vang chuan ka fa lakah inthiam lohna ka neih zual phah țhin ni mai hian ka hria.


*pu Hming, hun i nei mial lo maw?* ti a min rawn be thu hming ka save dan chu ka melh vung vung a. Tunge anih tih ka hriat rual erawh in ka beisei loh lam daih ani tih ka hre zawm zat.


*eng chungchang nge ni a?*


*hmai chhana kan inhmuh hun ah zawk le.*


Suzi u number chu ka melh vung vung a. Hun rei tak hnu a min hmuh a duh teh thut chu a chhan tur ang ka hre mai lo nangin hmuh ka rem ti thung.




Thelma's pov

"Zam lutuk teh suh, Thelma." zawi sup a rawn tih pah chuan ka mal chunga ka kut tih chet sek chu a rawn hum kawp chawt. Phawk tawk a ka han en chho haw rual chuan 'hahdam rawh' tih nan niawm tak lu a lo bu nghut bawk.


An chhungkaw kiang ah zanriah ei turin kan nufa a min hruai a tum deuh tlat sia. Hun rei tak hnu ah mizo chhungkaw bul ah ngei chaw ka ei tur chu ka zam lutuk chhan nimai se tawk ni mai tur. Mahse, an hotel hnathawk tu lam in report an lo pek dan dik lo lutuk vangin kei leh Hades-a hi kan inkawp angin an ngai tlat mai a. Chu tak chuan min tizam zual in ka thawk a lo rang leh chiam țhin.


"Ka nu leh pa te chu mihring khirh tak an nilo. Anna chu i hmu tawh, ani pawh a khirh hran lo tih i hria. Kan te ber Enzo phei chuan bike bak atchilh anei lo, i biak pawn a chhang let mang lo vang che.." nui suk pah chuan a rawn ti a. Ka nui ve ngial nangin ka zam em em tho.




"Kan nufa a kan telve kher a ngaihna chhan ka la hre chuang lo." ti hram pah chuan hneh zet a ka kut a hum kawp chu ka melh zeuh va. Hrechhuak thut niawm takin a kut chu a la sawn vut bawk. A mal chung ah a awm ngheng ar ar a Bawihtei țhu chu a kuah zui daih. Bawihtei lah chuan Hades-a phone ah games a khel a. Ama tawk in a tlei ve em em bawk.



"Chhan a awm lo ka tih tawh kha." Chhan let tumin ka ang ziau nangin hmui chip hmuk a hma lam a melh tak ngur ah chuan a mitmeng dur khui ka hmuh leh hma a ngawih chu a fuh ringin ka ngawi leh ta zawk a.



Khawpui laili kan tlan pel zel a. Tukverh ațang chuan kan tlan pelh tak en in ka fanu in games chungchang a zawhna zawi sup a a chhang let thawm chu ka ngaithla ve ta reng ringawt.



Kum 4 hnu ah Mizoram ah kan let leh a, Aizawl khawpui chhung chu kum 4 hma lam nen khan a lan dan a danglam pawn ka hrelo. Khawpui țhang a, building thar leh hmun hma thar han bunna leh tawh chuan na tur hmun remchang a awm loh em vang ah ka ngai pakhat bawk.



In a indin bichilh in țhenkhat lai phei chu a min hek a. Hetiang bak hi chuan Aizawl khawpui hi chu a țhang vak in ka ring tawh lo. A chhung a chengte khawsak phung erawh in changkan lam panin zirna leh sumdawnna lam ah pawh hma kan sawn zel ang. Tihian khawpui chep deuh leh hmunhma rem lo zet ah hian mihring kan inbengbel belh sauh sauh bawk nen a ram leilung innghahna hian dawl zo lova mual khat ang tawp te a a min huk hlauhawm pha khawp in mihring te hian kan chuan hneh mai si a. Kum 10 ral hnu a kan Aizawl khawpui lan dan tur hi hmuh a chakawm ngawt mai.

Police Station pakhat kan tlan pelh rual chuan thaw chhuak hak pahin lu ka thing nak a. Bawihpuia thlalak ngawt file kar ah zep in Zohmingliana ka thawn a. Amah ah engtiang in nge nghawng a neih ka hre zui lem lo. Awm nawm loh phah nan a hmang pha kher angem ka hre bawk lo. Mahse, amah ang tak nause hmai duk vek tawh a hmuh rual erawh in ka chung a an chet dan kha chhete talin hriat let a neih ka ring ve tawp.




"Kan thleng e." Hades-a aw zawi sup vang chuan ka ngaihtuahna ata inthing harh in ka hawi kual thuak a. Khawpui dai lam ah kan tlan a. An in ah min hruai dawn tih a sawi a, khawpui dai min pan pui daih chu a tir ah hrethiam chiah lo mahila kawng chho ah kan tlan chhuah chiah rual erawh in ka hma a in nalh zet ding leh a piah a thing a sak in hlui tawh lam. Mahse, thawnthu tam tak pai tih hriat zet ding dun ka hmuh meuh chuan ka mit pahnih thil hmuh chu ka ringhlel rum rum thei mai.




Thing a sak in zawk chu a hlui tawh viau nangin uluk tak a enkawl tih hriat zet in a lang fai raih a. A bul in nalh tak ding nen chuan an lan dan inupat hleih viau mahse inzawmna nghet tak nei ang maiin an ding dun chuan engtin emaw tak hian mit a la zar.


"Pa, small house saw doll house a mi?" Bawihtei chuan hma lam kawk vâ chung in Hades-a chu a hmai bul chet ah a en kâl bawk. A zawhna vang chuan ka nui chhuak hak hak a.


"Doll house.. huumm, a chhiat lem loh chu." ti sup pahin car kawngkhar a nam hawng vut bawk.


Doris pawm chung chuan inthawzo zet in a pen chhuak vut a. A din mar pah chuan Bawihtei chu a vawrh kang deuh dawrh a. Bawihtei khek túng ri chuan kan chhehvel ramngaw chu a luah khat ni ber hian ka hria.


Ka țhutna lam kawngkhar ka nam hawn rual chuan Hades chu a phun hluk a. A ban pakhat a Bawihtei pawm reng chung chuan a kut lehlam in kawngkhar chu a rawn pawt zau a.


"A zahthlak dawn e." Kal chhuak mai lo chuan in lam chu en in thawk ka la hak. A nu leh pa te nen a zanriah ei ho chu thih hreh in ka hreh hlur, a phirpui Anna chu ka hmu tawh a. Hades sawi tawh angin a khirh hran lo. Enzo ugg ani chu collage zirlai ani tih ka hria. Bike a lawm zia pawh Hades-a leh Anna sawi ațang ka hre tawh.



"Thelma." a rawn ti sup. Car kawngkhar bul ah chuan a ding rún a, Bawihtei kha lei ah a lo nghat tawh a.


"Lo chhuak rawh." a ti leh nghut. A dawhtheihna limit a pel leh tawh anih hmel.


"I zam viau anih chuan min rin chhan rawh." ti sup in ka kawng ah a ban hrawl zet chu a rawn rawlh lut hmiah. Ka kawngfek lai ah chuan nghet tak in a rawn man a. A lam ah min pawt hnai hrawk pah chuan a rawn kun hniam vut bawk.

"Ka chhungte chuan an seh lova ang che." a rawn ti sup. Ka en chho haw a, nui suk chung in hma lam a lo en leh vut tawh.




"Min seh dawn ka ti kher lo." chimawm fê in hmui a pet sawi zauh ringawt.


Bawihtei chu kan hma ah kal in a chheh vel ramngaw en kual hâ hâ pah chuan a țawng lang lang reuh a. Ramngaw a hmu vak ngai silo a. Thingkung sang pui pui ding hlim dûk mai chu a en duh ngang bawk.



Bathlar kan rah rual chih in kawngkapui chu inchhung lam ațang a rawn inhawng a. Nui sang chuang a hmeichhe rawn pen chhuak ka hmuh rual chuan ka nu aaaa Carlos-a nu ka hrechhuak nghal rawih rawih.


"Helai hmeichhe naupang sweet deuh hi Doris ani ang chu maw.." naupang kan biak a aw kan tih danglam ang hian phur awm zet in a rawn ti chúl. Bawihtei chuan a nuih let var var a. Hades-a nu chu kun hniam in Bawihtei biang ah chuan a piai sak a. Naupang chhawm chhaih nuam a tih hmel tak zet. (Chhawn chhaih nge Chhawm chhaih dik zawk ka hrelo, min lo hrilh ula. Ka lo vawng reng dawn nia.🙈)



"I va cute tak... hmelțha si."

"Thank you." Bawihtei'n a ti ve zauh va. A mize puitling ru zet țhin hi keimah ațang a chhawm anilo tih ka hria. Zohmingliana hnen ațang zawk a chhawm ani, ani pawh khan tupawh zam hauh loin a hmachhawn țhin.



Hades-a nu chu nui hak hak chungin a rawn ding mar leh a. A fapa chu rawn en hmasa in titau ang deuh hian hmui a tih sawih khum zauh, chutah kei chu min rawn en leh in ngainatawm zet hian min nuih a. A mitmeng dam raih leh ngilneih hmel zet chuan ka zamna te kha a hnawt bo rawih rawih.




"Thelma, i dam em?" dam raih a rawn tiin min kuah turin ban pahnih a rawn phar chhuak a, Hades-a chuan ka kawng a kuahna a thlah ve ta hram.

"Ka hmu thei che a ka lawm lutuk." min kuah vang vang pah chuan a rawn ti leh a. A taksa lum veng veng chu deh a nuam in hmeichhe nunnem tak ani ngei ang tih ka ring nghet hmak.


"Keipawn kan inhmu thei a ka lawm tak zet." ka ti ve sep a. Ka darah khabe nghat pah chuan a thaw chhuak hliai a. Min kuahna a thlah rual chuan Bawihtei sam ah bawk chul sak in Hades-a chu mit mu chet kual ralh chungin a melh a.


"What?" Hades-a'n a ti thum ruih.

Kan hma a hmeichhe nunnem zet ding leh he Hades țawngkam nei chhum thei zet, mitmeng tur khui leh a hlawkna tur awm lohna a inrawlh duh lo hial khawp a mihring duham hi nufa an ni tih awi harsa ka ti.



"Engvang in nge Mizoram i rawn thlen hnu ah pawh min hmu tur in vawi khat tal in ah i rawn haw lo." nu Zonuni chuan ti fiak țhak in Hades-a banbul ah chuan a beng ta tawih a. Bawihtei chu a lo kimki nghal chawih. Inthiam loh hmel zet in nu Zonuni chu Bawihtei hma ah a kun hniam leh rih a.


"Sorry Doris... kan infiam lawk anih kha.. min lo en rawh aw." ti pah chuan Hades-a ding khawng luah chu rum zet hian a rawn chho melh a.


"In lam pan nachang pawh hrelo. Hna, hna ti reng mai." ti leh in Hades-a ban bulah bawk a beng leh thlawp.


"Nu.."

"Nu.. i nu ka ni em? Tunge i nih a?"

"Hrep chuan." ti hmuk pah in a nu chu a kuah ta hlu hlu a. Nu Zonuni chu a tal deuh aih aih nangin a fapa chuan a kuah bo hneh lutuk.




"Â leh lutuk, ka ngai che tih i hrelo em ni?" ti sep in a fapa chuan nghet deuh in a kuah let ve a. Hades chuan a nu sam ah chuan chul sak in a chhip ah a fawp vang vang a, Anu kiang ah meuh chuan khawngaihna tlachham zet-a pawh a lo nem ve thei hle mai.



An inchhung chu a changkangin a fai em em mai a. Anu chuan kan nufa chu min ngaihsak in min be lumlam reng a. Anna leh apa hna bang an rawn haw rual a. Hades-a pa ka hmuh rual chiah chuan Hades-a chhun zawk ka hrethiam ta uar uar. Apa nen an pian phung a in angin an hmel a rum dun khawp mai.



Anna chuan bawihtei chu a rikpui chul reng a. Ka rin aiin kan chaw ei boruak pawh a zangkhai phian. Enzo erawh bike intlansiakna lam ah a kal vangin kan rual in zanriah a ei ve lo.


"Thelma, Doris hi ka room ah ka hruai dawn nia." Sitting room ațang Anna chuan min rawn au lang lang a. Bawihtei nen a room lam pan chuan an inchhaih rak zui túng bawk.


Hades leh apa chu țhu dun in khunkhan zet in hotel chungchang an sawi dun a. Apa chu a țawng tam lem lo nangin kan nufa tan a nuam lo tur khawp in a in la thupui fun lo, chutih rual in nu Zonuni a enchang apiang in a lakah a luan liam zia hmangaih tawng tawh tu chuan an hmu thiam vek ngei ang.




"I puar meuh em?" Bathlar ah anu nen kan țhu chhuak a. Thingkung ding hlim duk chuan boruak a ti dai ruih bawk.


"Puar lutuk, ei siam i thiam lutuk a țúm dang a ka ei let ka ei hial mawle." a nui var var a. Lawmthu min hrilh pah sap bawk.



Darthlalang tukverh innawr hawng huau ațang chuan an pafa ti ti chu ka en zauh a.

"Apa pawh sawn a ngai ve țhin mawle, Hades-a hian hna ngawt a atchilh mauh mai sia, chhungkaw zing ah a tal tam lo lutuk țhin a, tisawn hna chungchang sawi pahin thil dang ah an pakai kual a nga, an tui leh viau ang."


"An in ang ka ti.. ih.. apa a chhun zawk a nih hi." min pawmpui tih entir nan lu a bu nghat a.

"Enzo hian apa a chhun zual a. A chhun mah mah lutuk a apa tlangval lai ang chiah in Bike a atchilh bur mai sia.. zanin tlai pawh rawn haw hma turin ka chah ngun viau tak nangin zanlai ah a rawn haw chak chak ang " a ti duah. Enzo chanchin a sawi rual chuan a aw zangkhai vak reng kha rilru hahna ni awm takin a pawlh tel bawk.


"Tunlai țhalai dan a lawm, a kum a rawn tam deuh a nga, a zia chho ve mai ang."


"Ka beisei, nu tan chuan ngaihtuah a na duh ve țhin sia." tawite a nui hak pah in a sam thlah hnap chu a hui sawn a.

"Fa enkawl thiam hi a lo harsa khawp mai! Theih tawp chhuah in a țha lam kawng zawh turin han khalh ve țhin mahila mahnia ngaihdan nei rual an rawn nih chiah hian an mahni duhthu tê lo chuan engkawngah mah an nawr luih theih bawk siloh.." a thusawi chu ka pawm zawng tak ani.


Bawihtei lek ka enkawl chung pawh hian harsa tih lek lek chang ka nei ve fo. Nu tan phei chuan a țhalo tih kan hriat chian bal pawh rilarah te'n min han dil ngawih ngawih tawh chuan an mahni khawngaih luat ah rilru tih nem a, an duh tih tir mai te a lo awlsam țhin a. Hades-a nu phei hi chuan mipa pahnih leh hmeichhia pakhat a enkawl ang ani a. Rilru ngaihtuahna in ang lo țhah a țha lam hawi a hruai vek chu thil harsa tak tur ani in ka hria.
Nu Zonui phone a rawn ri a. Chhang turin inchhung ah min luh san a. Bathlar hungna chu vuan in ding chung chuan ral lehlam a Aizawl khawpui lang eng ut chu ka thlir vang vanga



A duh ang ngeiin an in ah zanriah ei turin kan nufa in kan zui tawh bawk a. Ngopa lam a kan haw chho chu harsa lo takin min phal sak theih mai ka ring.


"Min lo zui rawh." ka hnung lam ațang Hades-a aw zawi thum sup rawn chhuak thut chuan min phut tir nghek.

Thaw hliai pah chuan ka inher a. Bathlar a light in vuah hliah zawng a ding anih vang in a hmel lan dan chu a thim ruih. Ka phu nghek chuan a nuih a tiza em mawni leh nghal.


"Min ti phu alawm." ka ti hak. A suit kekawr ipte ah a kut pahnih a lo zen lut hlun a. Ngawi ngul a inchhung lam ah a thlek buk rual chuan ka meng kual ta ralh.



"Eng nge.." choka lam ah lut turin min mit mei a. Hawi let hâ a zawhna ka zawh rual chuan dar kan ûk pahin a rilțam thu a sawi sup.

"Chaw i ei zawh chiah kha."

"A țam leh nghal a lawm." nui suk pah chuan a hawi sawn vut bawk.

Ngawi rengin choka ah ka lut a.
"Fridge kha hawng rawh, ka ei duh zawng a awm." ner nawng chung chuan choka kawngkhar ngheng a min en ngur tu chu ka melh let er. Ka lakah hian a intithu țhin lutuka, ka ngei lek lek zel.


A sawi ang tak tak in cherry pie bar a lo awm reng a. A tui hmel in a lang vawt raih bawk nen phur zet in ka chawi chhuak a.


Dawhkan ah nghah pah chuan hmanraw awmna ka zawt nghal zat.


"Shit. Choka bungrua an dahna ka hrelo. In dap chawp mai rawh."

"Ka hria e. Aw Lalber." ti nghat pah chuan an nula in a la dah fel lo basin chung a chemte leh plate chu ka hru hul thuak thuak a.

"Midang ta tur nen ka siam nghal dawn em?"

"An lawm khawp ang." Ka ner nawng ringawt.


Cherry pie crunble chu chemte chuan bar line zai zai ah chuan ka zai kual a. A rimtuiin an siam fuh bawk nen zai sual palh vel a awm miah lo. Ka zai thlak hmasak ber chu plate pakhat ah ka dah chhuak a.




"Cherry Pie Crumble " ka hnung mai ațang a rawn tih sup. Ka zai lai chu tawp dat in ka thaw chhuak hak bawk.


Ka taksa hnaih tak ah a rawn ding zui hmiah, ka koki ah khabe rawn nghat chiah silo hian Cherry pie crumble ka zai mek chu a rawn bih vut a. Min dinchilh hnaih leh lutuk chu țul ka tilo hle bawk.

"Kal sawn rawh." ka ti sep. Ka thusawi chu hrelo ang hmak a awm in a khi suk a. Ka ban hnuai ațang rawn ban in pie chunglam chu a kutțang in a rawn pir zauh anih chu!


"Naupang nghal lo." Ka ip zui chawi. Ka ban hnuai ațang a kut chu la chhuak mai ta lo chuan a la kang vut a. Min kuah ti tih chung chuan a kutțang a pie kai va chu a liak zauh. A chet dan naupang chhia zet avang chuan thle haw chungin ka melh reng ringawt.

"Ei ve rawh."


"I va han naupangchhia tak." ka sawi zo țawk tih ah a kut chu phe vuaiin ka hnar ah pie chu a rawn tat thut anih chu!


"Hades." ka ti țhat. Rum deuh a melh vak pah chuan ka kut in hruk fai ka tum a. Mahse, ka ban rek ah a rawn man nghal hmiah.

"Lo che suh." ti sup in a rawn kun hniam a. Lo invengna hman a awm lo. Ka hnar hmawr a pie kai chu a hmuiin a rawn nawr anih chu! A lei hmawr in ka vun a rawn sik rual chuan ka hrawk chhung hi a sa hulh a. Ka tal aih rual chuan a aia nghet a ka ban rek man chung in amah hmachhawn turin min hnuk hnai ta hrawk a.



"Lo che suh ka tih che kha." ti leh sup in ka hnar hmawr chu a kutțang in a rawn nul thuak a.

"Ka crumble ei tawh ah chuan tun ami kha a la tui ber." ti sup in a kutțangin ka biang a nul thuak a. Min thlah hnu pawh chuan țang țûng in min thlah dan ngai ngai chuan ka ding reng ringawt.


Choka ațang a chhuah dawn lai chuan harh chhuak thut in lu ka thing ta nawk.


"I... i ei dawn lo mi?" A ding dawt a. A kut lehlam a kekawr ipte ah a lo zen lut leh hlun tawh. Muangchang a rawn inher in nuihzat hmel pu deuh si hian mit a rawn kân ûk a.


"Ugg.. min.. i rilțam i ti sia."

"Ka puar tawh."

"What.. i va fair lo ve?" Ka ti ta chiam ringawt.

A kut lek chhuak vutin a kutchal chu a hmuu bul ah a dah a. "Shiiii, ka nu in a fapa duat lai hi min vin nghek tih a hria anih chuan a melh sala ngawt ang che." ti sup in a inher zui vut a.

Ka en zui dawn tih ihre lawk ang hrim chuan rawn hawi let tawh miah lovin a kut chu a lu zawn ah a vai zauh va.

"I zaithlak sa kha chu i ei thei a." a ti vut bawk.

"Sual thiam leh lutuk." ti hlak in chemte chu plate ah ka theh thla tawp a. Ka pie zaithlak sa chu ka melh a. "Hetiang a lian ka ei te chuan ka thau vek dawn sin." ti leh hram in Hades-a kal liam tawhna chu rum deuh in ka melh nghek ta ngawt.




Haw kawng ah chuan Bawihtei chu a muhil a. Ka awm ah beiin a thaw ve sak sak reuh a. Anna khan a room ah a hruai lut a. Bawihtei sam buang theng chu sin te te in a lo phiar sak far, a țawn nan rawng langsar deuh deuh a hman sak a. Chu chu Bawihtei'n a lawm ngang bawk.



"A mut hun chu duh aiin a lai ani..." ka melh zawk a, kan nufa in pawm chu steering control pah in min lo en ve chiah bawk. Hmalam ka melh leh thuai a. Nui suk chung a a kun hniam deuh chu ka mit sir in ka hmu hram.



"A muhil tlang thei mai ang." Ka ti a. A bu nghut bawk.

Kal lam in driver in motor a khalh a. A haw tir ta daih nge kan let leh lam chuan aman a khalh tawh thung. A khat tawk in bawihtei chu a rawn en pah zauh zauh reng a. A kut rawn lek chhuak a, a biang rawn piai sak zauh chang a nei bawk.



"Ngopa ah chuan naktuk tuk leh a chho ka rilruk a."

"Umm, in chho dawn nia. Mahse, tunhnai ah nilo."

"Hades."


"Thelma, tunhnai ah nilo, thla leh lam ah zawk chho turin i rilru siam fel rawh." ti nghut pah chuan min thlek vut a. Rum fahran a ka lo melh ngawt ngawt lai ani kher bawk nen a phun zui hluk bawk.



"Naktuk tuk leh ah kan chho dawn." Ka ti let hmak. A rum nghut a, en pawh en peih tawh lo in hma lam ka melh lui tlat.



A changin ka nel theih turin a awm a. A duh hun hun ah a thuhnuai a awm mai ka nih zia lan chhuah tirin thu min pe kual leh ang lawi a. A thusawi a piang ka zawm dawn bik tawh lo.


"Kar leh hian kindergarten admission tih a hun tawh. Doris admission ti fel phawt la.
kindergarten chu kar hnih khat te zawm ve rih se, a tlangnel deuh hnu ah Ngopa ah chuan i chho pui dawn nia." reife hnu ah chuan hriat nuam deuh zawk hian a rawn ti a.


"Admission ti hnufual bik ah a țan chuan a tlangnel har dawn, chu chu i duh chiah in ka ring lo."


"Ngopa ațang kan rawn let hnu chuan in kan luah ang." Admission chungchang ah chuan hnial ka tum biklo.


"In luah." ti hmuk in min thlek vut.

"Umm, damchhung in i hotel ah kan cheng reng thei dawn hleinem."

"Kha chu a hun lo thlen dawn a sawi țhat ah dah rih teh ang. " a ti ta nghut.





Vawiin lam ah Bawihtei Admission kan ti fel a. Uniform leh lehkhabu vel kan lei haw nghal a. Duh thal a mizo țawng a hmang thiam lo chu keimah in a pawizia ka hrefiah tulh tulh a. An teacher tur ten Mizoțawng a rei deuh hlek an biak chang in a hawi buai ngha zel reuh a. Naupang dang te'n hmuh sit phah nan an hman loh hram ka beisei.


"Mamma, i chappal ang kha ka bun ve chak e." Ka ke melh veng veng chung a Bawihtei thu rawn sawi chuan min fan nâ rawih rawih mai.


"Bawihte.."

"A pum vek ka bun zel a."

"Nalh i tilo mi? Lalfanu te pawn pheikhawk pum hlir a lawm an bun țhin.." ka ti sep a. Khum ah chuan mu thla tap in a thaw ve hak bawk.


Lainat zet in ka en vang vang a. A kêțang vei lam pakhat a kim lo a. Chu chu midang in an hriat ka duh lo. Pheikhawk pum hlir ka bun tir reng a. A ning ve reuh lutuk chu ka khawngaih tak zet.


"Tho la, Patea a lo thleng țep tawh. Food hall ah chaw ei tur a tih kha."

"Tonight chiah chappal ka bun ve thei em?" ka awmna lam ah a lu rawn thle ngat pah chuan a rawn ti a. Midang in a kêțang kim lo hi an hmu anih chuan mak tiin an en zui hrek hrek a nga. Chutiang thil chu a hmachawn ka duh lo tak zet.


Ka chhan let hma in kawngkhar a rawn in nam hawng a. Hades-a rawn lut vut chu țum dang angin Khek chul chungin bawihtei'n a lo bawh buai lo va. A mitmeng in 'eng nge thleng?' tih min zawt zui zat bawk.


"Chappal bun a ngen a." A bu nghut. Bawihtei chu pan in khum mawng lam ațang chuan a melh vung vung a.

"Pa, tonight chiah.."

"Ok. Mahse, thu awi tur aw." Hades chuan a ti ta hlut. Rang zet in Bawihtei chu khum ațang a let thla a. A thuamhnaw bawm lam ah a tlan phei a. Chappal pakhat a neih ve chhun chu la chhuak in a inthawlh ve nghal sat sat bawk.

"Hahdam rawh, food hall ah bak kan kal dawn hleinem." ti sup pah in ka ngaihtuahna hrethiam zet chuan a rawn nui lui suk a. Chappal a bun fel rual chuan rawn tlan let leh nghal in Hades-a hma ah chuan a rawn țum tharh a. Hlim tih hriat zet in a nui hek hek bawk.



Table kil a eitur kan ei mawlh mawlh lai chuan vawi leh khat a reh thut ang mai in ka thawk a tawp chawt a!

Hotel food hall zau zet chhung a rawn lut ve mek te chu tudang nilo in Zohmingliana leh Zualtei te an ni. Oh! Zualtei.. ni dawn tak, hman ni lawk ah reilote kan inhmu zuai tawh tak bawk.



Zualtei chuan Carlos-a ban bulah a kuah țai a. Mak ka ti lutuk chu khawdang hawi nachang pawh ka hrelo.


Kan table lam chu an rawn hnaih tulh tulh a. Ka thinphu rang chiam chu thunun tum in thawk ka la hawk a. Hades-a bulh ah bawihtei a țhu hlauh a. Bang kil lam ah zawk a țhut vang in Hades-a'n a hliah bo vek.


Kan table sir lawk a table chu an rawn kil ve a. Zohmingliana leh Zualtei nilo in Suzi nen zawk hmuh dun ka inbeisei lutuk vang ani mahna Zualtei nen inngaizawng ang mai a an rawn lut dun chuan min shock ani tawp.


"Ei rawh." rawn ti dut tu aw thum zet avang chuan ka la phu nghek zui. Hades-a a phun hluk laiin Bawihtei zawk a lo nui hak hak a. Bawihtei nui ri ring deuh hlek vang chuan Zohmingliana chu kan table lam a rawn thlek vut! Rang lutuk a hawi sawn in ka sam, ka beng a ka zeh chu ka hmai hliah thei tur in ka siam țha sawk sawk a.


"Mamma chu a phu nasa lutuk." bawihtei bawk chuan ti in a nuih hek hek reng a. Hades-a pawh a țhen ve ta suk.


Ka sam chu tlem te huisawn in Zohmingliana te table lam chu ka han melh zauh va. Kan table lam a lo hawi ve tawh lo. Menu bih chuan tak ngul in a țhu run. A hma a hmeichhe țhu chu a hlim hmel in a nui sang reng a. Thil awm dan hi ka hrethiam ta hauh lo.




Zualtei leh Aryn te an innei tawh ang chu tih lai a Zohmingliana nen inkuah rial chuang a ka hmu dun thut chuan rilru a tibuai pha map mai.


"Awi!" Hlim zet a au hliai an awm rual chuan hall chhung ami te chuan aw rawn chhuahna table lam chu kan en țhup a. Thil thleng mek ka hmuh rual chuan ka awm chhung hi a ri dawp!


Zualtei hma ah chuan zungbun bawm a awm a. Zualtei chuan a kâ hup chung in ahma a mipa țhu chu a melh ngawih ngawih bawk.


"Kan inhualna zungbun anih kha." Zohmingliana aw cool ruih chuan kum 4 hnu ah pawh min la tina thei tho anih chu!


"Carlos.." Zualtei chu a au tûng.


"I duh zawng a ni em?" a țhut dan ngai a țhu rún chuan a hma a hmeichhia chu a melh ngur a. Zualtei'n lu a buk rual in hall chhung a awm ve dang chuan kut an beng tliar tliar a.


Zungbun bawm chu hawng rawk rawk in a la chhuak a. A hmel a hlimna nasa lutuk lang chhuak zut zut chu tu pawh in an hmu thiam ang.


"Ka mumang anilo tiraw?" ti țîau pah chuan Zohmingliana chu duh hmel takin a melh leh rih. Pa ka tih țhin dan deuh khan Zohmingliana chu a nui chhuak hawk a. Ka awm chhung chu a thip zâwk bawk.



A kutphah hrawl zet chu a lek chhuak vut. Zualtei hma ah chuan a phar duai a. A zungbun ken lai chu Zohminga kut ah chuan dah in a kutvei lam zawk a lek chhuak zui zat. Zungbun an inbun tir dawn chuan ka thleng chu ka bih ta daih a. Ka lungphu ri dawt dawt chu kut beng hluah hluah thawm chuan a khuh zo meuh lo.



Ka fa hial tihlum tum tu nimahse hmeichhe dang inhualpui ah a sawm lai leh a zungbun bun tir lai ka hmuh phak reng a thleng zawt zawt mai chu dawnsawn dan hlawl ka hrelo. Chutiang bawk in Suzi nilo a Zualtei zawk zungbun a bun tir chuan min țhawng zual in mak ka ti tak zet bawk.




Food hall ațang kan chhuak tur chu ka mangang ta tak zet! Tun ah hian an ni pahnih inhual zo chiah te nen hian kan inhmachhawn anih chuan ka tlawm zual dawn lutuk.


"Thelma?" Hades-a'n ka hming a rawn lam sup rual chuan bang lam chu ka melh daih a. Ka piah table ami te chuan an hriat phak ka hlau bawk si chu hawi chhuak țha ngam lo in dawhkan chung a a kut chu ka va hum chawt a. Bawihtei lam ah tawlh thla thuai in uluk zet in min melh nghal ngur bawk.


"I țha em?"

"Hetah a awm ve." Ka ti sep. A thaw ri hrawk a. Ka kut chu amah zawk in nghet lutuk hian a rawn hum a. Insehruh țawlh ţawlh chung chuan hall chhung a table kil ve dang chu enkual in a hawi chhuak zui vut bawk.


"Khawi ah hian nge?"

"Hades..?" țawng zawi turin ka duh lutuk. Ka mitmeng ațang ka ngen ngawih ngawihna chu a hmuthiam ani mahna. Thaw hawk pah chuan a kut lehlam in a kekawr ipte chu a dap rawk rawk a. Bawihtei'n min melh ve kiau bawk si nen zalo te hian ka nuih lui a.


"Food hall a awm ve zawng zawng hi chhuah tir vek ru." a ti chang búl.

"A chhan tur lam ka ngaihtuah lo. Tun ațang minute nga chhung in an chhuak fel vek tur ani." ti leh hmuk in phone chu a ti tawp zui hmak.


Reilote hnu ah fire alarm a rawn ri ta ruai ruai a. Hotel hnathawk tu te chu rawn tlan lut in customer ho chu rang tak a insaseng turin an rawn hrilh hlawm a. Pindan chhung a awm ho chuan kangmei chhuak a awm ah ngaiin thuawi tak in hall chhuah san chuan an che sung sung a.



Muangchang a hawi chhuak in Zohmingliana'n Zualtei mipui in an su na ang tih hlauh hmel tak a a kuah chhuak chu an hnung lam ațang ka en zui reng a.

Zualtei nen ber kher an inkawp zui ka lo ring ngai miah lo!!




Vawiin hi Bawihtei kindergarden țan ni hmasa ber ani a. Uniform a inbel lai te chuan a phur in a sam ka phiar kir sak chiat chu sang lehlawh ah ka țawn sak a. Couch ah țhu run chungin Hades-a chuan Bawihtei ka siam kan vir buai vel chu min lo en ngur reng bawk.

"Pa, Mamma nen ka bul ah in awm dawn em?" Pheikhawk ka bun tir lai chuan Hades-a lam hawi ha chungin a țang ve mial mial.

"A theih ka va ring chiah lo ve."


"Ok, after school ah min lo hruai mai rawh aw." a ti thuai reuh a.

"Ka zo e, kal ang ulem.." ka sam hui țha mawlh mawlh pah chuan ka ding chhuak hliai a. Bawihtei bag khum a mi chu ka ban dawn a. Mahse, keimah aia che rang zawk a rawn awm leh tawh.


"Let's go." Bawihtei bag a khai lohna lam chu rawn phar chhuak vut in Bawihtei chuan a vawn sak thuai a. Țum dang ang lo takin tshirt dum leh jeans kekawr a ha tawp. A inthuam dan simple zet chuan a lan dan a ti naupang zual vek bawk.


Hotel lobby ațang kan chhuah rual chuan Bawihtei chuan Hades-a nen kan ban ve ve a chelh a. A phur in a zuang leu leu bawk nen a khawsa zia chu ka nuih hak hak reng a.


"Thelma?" Rawn ti tûng ri ka hriat rual chuan ka ding chawt!





"Awi! Thelma.." hill pen thawm in sir lam ațang min pan hlawk hlawk. Muangchang in ka inher a. Suit nen a induang zuih mipa rual kalsan a Kan lam pan a Emma rawn pen hlawk hlawk chu ring ngam chiah lo hian ka lo en mawl tawp ringawt!






Post September 8th, 2019, 10:17 pm


☆UTOPIA: 1996☆ S2
Chapter 65
Abbra Reo Ririni Khiangte (PitarteiSualfingi😈)
#Update 12: 51 am


Euphoria, a tawp a note khu chhiar ngei ngei ru aw. 🎈
Keia kar a ka thuziak innghakhlel lutuk hian ka țah a ti chhuak. Friday zan a ka ziah hman zawng leh zan ka mutthilh ngam loh chang a ka ziah beuh beuh hi ka lo dah. A ngaihnawm hran lo ang! A tawp ah note thui tawk ka dah khu min chhiar sak ru aw. 💚



Kan bul a rawn thlen rual chuan a kut pahnih a hmui hup chawt pahin "Thelma?" a rawn ti leh tung a, keimah ka ni tih a hre nangin min hmu thut chu a beisei biklo tih hriat lutuk in min en a, a changin a nui chhuak hak a. Kei pawh chuan sawi ber tur pawh ka hrelo. Ka lungphu a ri dawt dawt thung!






"I ni tak tak.. Awi, Thelma.. " eng emaw sawi tur ang hian a ang ziau nangin a țah nuih ta hak. Zualtei nen khan kan inhmu tawh a, Bawihtei pawh a hmu tel ve anih kha. Mahse, Zualtei khan kan nufa min hmuh thu a hrilh lo nge, a hrilh tho a nga kei ang tho in kan inhmachhawn thut a beisei lo lutuk ve tho ni zawk ang.








"Aw Lalpa, Khawi ah nge i awm bo daih a?" țah insum zet chung chuan min kuah nghal chawt. "Kan zawng nasa lutuk che." a țawng rin chuan a țap chhuak dawn tih a inhriate pawh ani mahna, ka beng bulah chuan rawn phun sep in nghet lutuk in min kuah a, Bawihtei'n ka kut a vawn loh lam chuan tîm deuh hlek hian ka lo kuah let ve thuai bawk. Ka hamhaih lutuk a lamah eng nge sawi ve tur pawh ka hre chuang lo.






"Â lutuk, Mizoram ah i awm anih te chuan lo haw ta che.. tinge in lam pan nachang pawh i hriat loh." a ţap chhuak tak tak tawh. Ngawi rengin a hnung ah chuan ka beng det det a. Kan la inhmachhawn ngei dawn tih hrechung a let leh ka ni a. Mahse, tun ang teh thut hian kan inhmachhawn ang tih ka hre lawk biklo.





"Emma?" min kuahna ațang chuan inlahrang thutin a biang huh hliam chu a tuai hul sawk sawk a. Chutah rawn nui chhuak hak pahin chiang zet hian min en a. A hmel ah chuan sawitur a ngah hmel in bulţanna tur hre mai lo ang hian a ang ziau a. Tawp leh rih in min en pah chuan a nui leh ringawt zel!






"Kan zawng nasa lutuk che sin.. i țha em?" ti sep in min ngaih hmel deuh hian min en ta veng veng!


"Ka țha.. uggg, ka.. "




"Awi Thelma." hmui pet fan fan chungin min kuah leh ringawt tawh. "Ka.. ka nu ka hrilh dawn, a lawm dawn lutuk." Insut hraih pah a inlahrang in a ban a bag in bang chu a zen nghal rawk rawk a. Tunah ka nu a hrilh anih chuan Zohmingliana'n he lam ah ka awm tih a hre ve leh nghal a nga. Ka pum chhung a naute tih tlak a tum kha nungdam in ala awm tih a hria anih ngai chuan...!





"Emma." rang lutuk in a ban rek ah ka man ta chawt. Min en dawrh bawk.




"Ughh.. ih, ka nu chu la hrilh rih suh." Lo țawng a tum rual chuan thaw hak pah in a darah ka vuan a.




" la hrilh suh, khawngaih takin.. ih, min.. kan inhmuh thu pawh hi la sawi chhuak suh.."




"Thel.."




"Emma, zanin ah he mi hotel ah hian kan inhmu leh dawn nia. Ih.. ka... zanin ah kan pahnih a kan inhmuh leh hma chu min hmuh thu hi midang hrilh rih suh." hriatthiam loh hmel deuh chuan min en a. Ka bula Hades leh Bawihtei te a hmuh rual chuan a mitmeng chu a buai nghal vek mai hian ka hria.






"Aaa.. Bawihtei hian school ațan dawn a. Emma, zanin ah kan inhmu dawn nia aw, chuan, ih, midang tumah kan inhmu tih hi la hriattir suh aw." ka ti zung zung a. Hades leh Bawihtei chuan ngawi rengin Emma nen a kan khawsa zia chu min en reng tawp.





Hades-a chu mit mei zeuh in Bawihtei chu kai sawn turin ka hrilh a. Bu nghut pah chuan Bawihtei chu a kal sawn pui a. Emma hmel lan dan hamhaih lutuk ațang chuan a rilru a insual kual nasa ani mahna.


"Emm, ka kal rih ang aw."




"Lawk." ti thut pahin ka ban ah a rawn man nghal chawt . "Ani kha i pasal anilo tiraw?" Hlauhthawn hmel deuh hian mit a ti zim a, a hmel lang buai nuaih mai chu nui hak pahin lu ka bu nghat. Mahse, a mitmeng buai lutuk chu a reh țhen chuang lo.





"Anih.. Hmeichhe naupang kha.." ngenngawl zet a min en pah chuan hmui a pet fan fan a. A vahnu ani tih tun ah hian hrilh tur ani em pawh ka hrethiam lo. Carlos-a ber in a hria ang tih ka hlau!





"Thelma, ka vahnu ani tiraw? Khawngaih takin naui ti tla lo tih sawi rawh." a aw ah chuan khawngaih dilna leh rilru natna a inpawlh nuk mai hian ka hria.




"Nau tih tlak maw!"




Min din hnaih paha thaw chhuak ham ham chung chuan a rawn nui lui a. "Hmeichhe naupang hmelțha deuh kha ka vahnu ani tiraw?"




"Emma..."




Maimitchhing sawk pah chuan a thaw ham ham a " Ka rinna che hi tichhe suh Thelma, naupang kha ka û fanu ani tiraw?" ngenna leh hlauhthawnna inpawlh nawk chung chuan a rawn ti chang fak. Muangchang a rawn mengin ka mit ah tak a rawn en a.




"Ka û nen a infa ani tiraw?"





"Aw." ka tih sep rual chuan a hmel landan chu a inthlak nghal vek! Hlim tih hriat zet a rawn nui chhuak hak pah chuan hmui a hup leh rih a. Bawihtei te kal chhuahna lam chu en zuiin ' Lalpa ka lawm e.' tih thu a sawi nawn sep sep bawk.
'Ka rinna che hi tichue suh' tih vel kha eng nge a awmzia nita ang.





"Ka vahnu ani reng anih chu." Vanvadak chung hian a nui chhuak hak hak a, min bia pawh anilo.




"A hmelțha lutuk."





"Doris anih kha.." bu nghat nghat in min kuah leh ta chawt bawk.





Zanin ah hotel ah inhmu tur a intiam chung in ka kal san thei hram a. Nau tih tlak vel chung chang kha engtin nge a hriat theih le? Zohminga'n a hrilh tihna ani ngem? Thaw chhuak hak pah chuan hotel kawtzawl a car lo inhung lam pan chuan ka pen hlawk hlawk a. Sawi tur tam tak aneih thu sawi mawlh mawlh chungin Emma khan ka kut a thlah chiah anih kha.






"Mamma, Aunty kha tinge a teary eyes a?" min en kiaû chungin Bawihtei chuan a lo ti a.
A mitmeng fiah kiaû mai ah chuan Emma ţap kha a lo khawngaih hle anih hmel.





Hades erawh a ngawi ngul. Ka țhut luh rual in engine a ti nung a. Bing zet in hmalam a bih ngur bawk.





"Aunty... Bawihte Aunty kha maw i nî. Aaaa, i Daddy sister anih kha." ka ti sep. Chumi rual chuan Hades-a'n min thlek vut bawk. Bawihtei chuan a hrethiam chiah lo anih hmel. Ka mit ah en kiau rengin ka mal chungah kut a rawn nghat thek a. Ngaihtuah zui ve niawm tak hian a ngawi ve veng veng bawk.





"Daddy sister chu i nî tur a nia, ani Emma."



"Daddy'n keimah ni lo hruai turin a lo tir maw?"

A teuh lo lutuk. I daddy chuan i rawn pian ve pawh a duh lo. Ka rilru chuan a ti mawlh mawlh.

"Mawh, mom ka Daddy in min hruai turin a lo tir a mi?"




"No, kan inhmu thut a.. ih,.." sawi fiah dan tur hrelo zet chuan ka thaw chhuak hak bawk.



"Doris Mamma kha seat belt hreng turin hrilh rawh." Hades-a'n a rawn tih nghut. Ka hamhaih kual vel lutuk chuan car chhung ah ka awm tih pawh ka lo hre leh pek tawh lo.




"Umm, Mamma belt hreng rawh." Ka fanu chuan intifel deuh te hian a rawn ti ve ta lang lang. Seat belt ka hren lai chuan ka hma ah dingin kawngpui lam chu a melh ve ngar reuh a. Chhungkaw inzawm dante hi ka hrilhfiah vak ngai silo a, nî tih pawh kha a tan chuan thil thar hlak an ni.





Emma khan ka nu leh midang a hrilh rih em lovang chu maw? tih ngaihtuah kual neuh neuh pah chuan ka kutțang ka ti che sek a. Carlos-a'n hun ka tih hma a kan nufa chanchin a hriat ka hlauh dan tur chu tumahin min hriatthiam puiin ka ring lo.





Ka hrin hun țep tawh ah ti tla turin min hrilh a, doctor te hial rawn tirin in ațang min hruai chhuah tir a. Ka naupai kha dahbo a duh zia lah clinic ah kan awm hnu pawn rawn call nawn hram in doctor kha a zawh fel tawh leh tawh loh te a rawn zawt hial anih kha. Tunah hian amah nen a kan fa kha thi tawh angin a ngai tih chu Emma țawngkam ațang pawh khan a chiang vek maiin ka hria. Mahse, Emma zawhna min zawh dan ațang kha chuan ka duh thlanna hmang a tih tlak tum ka ang thung.





Kan ramhuaipa khan engtiangin nge ka awm loh hnuah kei leh ka naute chungchang chhungkaw ho hnen ah a sawi zui dan hre lo mahila Emma tal chu thudik ka hrilh vek ang.



Hotel ațang Bawihtei te school tur chu a hla hran lo a. Traffic ah tang deuh reng mahila țan hun hma in kan thleng tho.





Hades-a chu ngawi ngul in car ațang a chhuak vut. Seat hnung a Bawihtei school bag chu khai chhuak nawlh in kawngkhar a rawn nam phui leh dawt bawk.





Car a rawn kal hual lai chu ka mit sir pah zeuh va. A mood hi engtiklai pawh hian a chhiat hmel țhín in a meng dûr khûi zêl a. Bawihtei nen an infiam hi chuan a mitmeng thip rúm hi a zia ve deuh țhín.




Naupang dang leh an nu leh pate pawh school tualzawl ah chuan an awm nak nak a. Naupang țhenkhat lah țap a, gate chhung lut duh miah lote an awm bawk nen karkhat chhung vel chu an chhangchhe ngawt ang.






"Let's go Doris." Kan țhutna lam rawn pawh hawn pah chuan a rawn ti vut. Bawihtei chu ka lam hawi turin ka khuai her a. A biang ah chuan dawm sakin a uniform chu kan pawt mar leh zung zung a.





"Țhian thar, new friends i ngah dawn tiraw?" ti pah chuan ka han nui luia. Kei leh Hades bak mizo be lumlamtu a nei ngailo a. Vawi leh khatah mizo naupang hlir karah a tal ve thut dawn ani a. Ka ngaihtuah lutuk chu keimah zawk hi ka thawk a ipik țûn mai hian ka hria.





"Ngaihtuah lutuk duh suh, naupang phei chuan rin aiin nuam an ti hma a nia." amah nen a inhmeh lo zet chuan Hades chu a rawn phun chhuak ve sup.





Kan țhutna kawngkhar bul ah chuan a râwn țhû hnîam thla rûai rûai a. Uluk zet in Bawihtei chu a rawn en ve vung vung bawk.






"Bawihte, fel deuh a awm tur aw. Teacher ten an biak che in țha deuh in chhang la, an thusawi i hriatthiam loh chu English pawn zawt nawn leh zel mai rawh, an hau dawn lo che a.. an thusawi hriat ve loh ai chuan English pawn zawh nawn zel mai tur." a hriatthiam theih dan tur ber chuan ka han sawifiah ve ngial a.





"I Mamma țah hma khan lo chhuak daih rawh." ti sup chuan Bawihtei ban rekah a rawn chelh vut. Dak chho hâw pah chuan rum tawk hian ka han melh a.





Min en duh miah lo hian a lo khi suk bawk. Bawihtei chu zo zet hian a pawm chhuak nawlh a. Lei ah nghat mai lovin a vawrh kang zui lawp bawk nen Bawihtei chu a khek nghal chúl bawk.





"Pa after school ah min lo hruai leh dawn tiraw?"





"Yeap, Mamma nen kan rawn kal leh ang." Hades chuan a ti vut. Ka chhuak ve a. Kawngkhar ka nam phui rual chuan 'lut ang u.' tih nan school gate lam ah chuan a thle búk a. Suit nen a induang thlup țhín formal deuh va a inthuam deuh thut chu hrethiam chiah lo mahila a lan dan zahawm lutuk leh tawhkhirh hmel lutuk țhîn kha hmuh tur a tlem deuh a. A huhang mî ûap chur zel țhin pawh túkin na na nâ chu a kîang deuh hian ka hria.






A ban lehlam in Bawihtei bag a khai a. Lehlam in Bawihtei a pawm bawk nen Bawihtei chu a langsar in naupang mai nilo nu leh pa tam tak lo awm ve te chuan an en duh ngang bawk. Hades lah chuan chung an mahni en tute chu awm lo ang hmiah ah ngaiin Bawihtei chu school campus a infiamna awm ho chu a kawh hmuh kual a.






"Ehe, Hades-a hian nupui a lo nei reng tawh elaw?" tih te.




" Sailo hotel enkawl tupa kha ani lawm ni? Engtik khan nge nupui a lo neih a?" tih neuh neuh chu kan hnung lam a an sawi zui ani a. Ka hre pha vek bawk nen nuam tilo zet hian ka fanu pawm a mipa hleitling vuah mai pen vut vut chu ka um dat dat a. Midangte thusawi a hrelo der hmiah țhîn hi Zohmingliana nen an inna tak ani țhin. An mahni hi an indahsang tawkin midang in an sawi zuina hi an care chhete ngailo.





Lu thing nghat pah chuan an lo dinna chu ka va thleng ve a. Zohmingliana nen mizia in anna tam tak an neih vang hian ka rilru in ka lo teh dún leh fo zel.




"Bell a ri dawn, an class tur ah luh pui ila, gate pawn lam ah ngaichang pahin kan nghak zui dawn nia." Hades chuan a lo ti sup.





"Hotel ah i let dawn lo mi?" ka ti vat a. Ka hriat tirhte ațang hna a ngaipawimawh ber țhîn. A chawl ve mai mai ngailo bawk.






"Doris, Mamma nen kan lo nghah che i duh em?" Bawihtei hmai bul chet ah chuan a phun sup. Bawihtei chu a bu lap lap a. Hades-a chuan min rawn en vut pah hian 'tikhan kan țha tlang em?' ti ang hrim in a rawn rum nghut bawk.






"Ok, Mamma nen gate pawn ah kan lo nghak reng ang che." ti leh sup in Bawihtei chal ah a fawh sak zauh va.





Bawihtei chungchang ah kher hi chuan a thuthlukna siam tawh hi hnialna tur ka nei ngailo tih tur khawp in a fanu ang maiin Bawihtei hi a buaipui a. Pa in a fa tan roa rel kual ang mai a ngaihtuahna a hmang nghal zûng zûng țhîn miau avang hian 'aw' tih bak chhan let ngaihna a awm ngailo.






Bawihtei chu an section bik ah kan țhut luh tir a. Naupang dang lut duh lo, kawngkhar ban a uai tang tlat te an awm a. Ni hmasa ber chu kan ri chuah chuah hi ani ber.





"Coffee i duh em?" car hma ah thatchhe zet in ka țhu a. Hades-a phone hmang zo ding mar vut chu ka chho en hâ bawk.





" tilai hnai ah an zuar ami?" a bu nghut a. Phone a kekawr ipte ah thun pah chuan min chhuk melh ngur bawk.





"Ka zuk lei dawn nge i zuk lei dawn?" ka ti a. A phun hluk rual chuan ner nang pahin ka ding ngil ve zat.





"Lo awm rawh, ka zuk la ang." ti vutin min kal san ta nul nul. Tlema kawng chhuk deuh ah chuan a pen thla pawk pawk a, a pa lianin a langsar vuah mai sia, an fate ngai changa nutling awm ve dang pawn an hmu duh hle bawk. Amah ber lah chuan engah vak a ngai der bawk silo! A mizia hi kum 4 chhung pawn ka hrethiam hleithei ngailo chu a nia!





"Lei tur a min phut hmel zet a min en vang a zawt ka ni reng sia." ti nai nai pah chuan bag ka zen ve rak rak.





*Hruai duhna che ka nei a nia.* phone ka hmeh en rualin Hades-a message a rawn thleng nghal zat. A kal na lam chu ka zuk thlek a. Dawrtê kawt ah ding rûn in min lo en leh ngûr tawh.




'A kal hma khan sawi ve mai awm'




*ok mr Hades.* tih ka thawn a, a hmel awm dan tur ka hmuh chak vangin car hma a țhu chung chuan ka zuk hawi thla leh hram. Phone screen bih ngur pah chuan a phun sup. Screen ațang mit la sawn in a rawn hawi chho vut a. Ka phone chu ka chal zawnah ka lo vai khum ta kher bawk.





A haw leh pêk ang chu!





Naupang huaibak zingah Bawihtei chu ațang ve dawn lo anih hmel. Darkar khat hnu a naupang chhuah ngen zingah pawh a la rawn tel ve lo a. Naupang nuar hrat leh nundan phung hrelo lutuk ani ngai lo bawk nen a tlei dawn phian anih ka ring.





"First day anih vangin an nileng dawn lo, dar12 vel ah an bang zui mai ang." School lam melh ngur pah chuan a rawn ti chhuak sup, ka bu nghat a. A ban a sana lawk zet chu bih vut in car hma a ațhu rûn chu a ding mar leh ta vut a. Nidang ah chuan business suit a hak lem loh pawn kamisz body fit tal a hak țhin avangin túkin a inthuam dan hian a lan dan a thlak danglam tak zet.






"Kal ang " ti nghut pah chuan driver side lam a pan zui vut bawk nen message ah a lo sawi ang khan khawi ah emaw kal a duh anih ka ring nghal thuai a. Bawihtei te class en a thaw chhuak hak pah chuan ka ding mar ve ta hram.







Car chu ngawi ngul chungin a khalh mawp mawp. Khawnge kan kal dawn tih zawh ka tûm viau nangin Bawihtei awm loh hi chuan biak chiam ka hre tlat țhîn. Ngawi rengin ka țhu ve rân a. Hotel kan tlan pel a. An in lam ah kal kal dawn mawnle ka tih laiin hotel ațang hla lote ah 'û turn' a la a, kawnghnuai ah a tlan let phei leh tak ah chuan an in kan pan dawn lo tih bawk ka rilru chuan ka sawi a. A nelawm lo ngel ngul lutuk chu a ri a hau ngam silo in ka rilru chuan ka hau mawlh mawlh ta ringawt.




Dubai lam ah teh daih engvang in nge partner a neih? tih ka zawh țum hian 'India ram chhung a hotel lian nen a in partner a, hotel sa thar an awm nual tawh a, chung ho chuan advertistmen ah Western level ang vek a an hotel fak in tv leh media platform dangah an in pho lang chuai chuai țhîn a. A hming ringawt a western level tluk in ti ngawt lova belchian tlak tak hotel changtlung neih ka duh vangin India ram chhung ah partner neih ai chuan International level law law ka duh. Ka thlir danah chuan wester lam aiin Arabian lam ah sum siam a awlsam zawk, mi nazawng in an la bawh loh avang in sulsutu ah țan ka duh pakhat bawk.' a ti duah a.





A thluak fin bik zia leh mi nazawng in an bawr huk ang ai chuan mi nazawng in an la ngaihtuah thlen phak loh a rahbi lo rem lawk pawimawh zia a hria chuan mihring pakhat anih zia a pho lang chiang khawp hian ka hria.




Car a tih din dat rual chuan ka hawi kual thuak a.
"In luah hran i duh thu kha i sawi tiraw?" amah chu phawk fahran in ka en nghal dawrh. Steering bawh chungin min lo en leh rún tawh.





"Hotel ațang kê in minute 10 vel kal ania, lirthei chuan 5minute pawh a tling lo. Anna'n a lo zawn hmuh sak che anih hi." a ti sup. Hman ni a ka sawi țum khan chhanna mumal min pe lo a, kan sawi nawn leh miah tawh lo bawk. Tunah erawh in luah tur a lo buaipui fel leh der tawh!




"Chhuak ila, a hmun hma en kual la." hmui ti sawi zauh pah chuan steering bawh khûn chungin kawngchhak lam chu a thlek vut a. "I ngainat zawng anih loh leh ka hmuh zawk en turin kan kal tlang dawn nia." ti sup in kâ hâu va amah ka en reng lai chu ka mitah tak min rawn en leh siah bawk. A mitmeng thîp rúm mai hi a hnuai a hnathawk mai te tan chuan en let ngar ngar ngam ani ngailo.




"Aaa.. nakin ah keimah ka zawng chawp ang chu ka lo tia." dar kan uk pahin seat belt a hmet phelh rûk rúk a.



"Anna kiangah ka sawi a, a phur ta phian sia. En hmasa phawt la, i ngainat zawng anih loh chuan a dang pawh kan en kual thei ka tih tawh kha " ti vut in a kal chhuak zui daih bawk.





A buaipuina hnuai ah awm reng tawh lova mahni kê ngei a din ka duh vang a in hran luah sawi ka ni a. Mahse, hei.. tihian awlsam zet in a lo buaipui fel leh vek tawh thung. Meeting in hna ah a bur char char emaw tih laia hetiang a lo buaipui fel hman vek thei chu mak hi kan ti khawp a. Aaa, a mak hran lutuk lo. Arab lam ah pawh hotel eng emaw zat ah share anei thluah thei a. Mizoram chhung zîm te ah phei chuan tih theih loh vak a nei dawn lo chiang sa lutuk a.




Inchhawng li a sang ani a. Chhawng tin chu chhungkua a luah tawk hawlh khawp a lian vek ani bawk. Chhawng thumna, kawngpui ațang step tlem te chho ngaihna chu Anna'n a lo hauh lawk tawh chu a nia.





Room pahnih leh batroom pahnih nei anih bak ah sitting room leh choka fel fai tak a țhenhran a, pindan vek ani a. Master bedroom chu bathroom attach ani bawk.





"A nuam lutuk, ni eng a hmu țha bawk si." ti hliai in tukverh lam ka pan a, nui suk chungin Hades-a pawn min zui kual ve zel bawk.





"Hei thlakhat luah man eng zat nge?" chho en hâ pah chuan ka bul a rawn ding ve vut tu chu ka melh nghal ran bawk. A chhung a zau si! Singtel a kai hial ang ka ring.





"Kha lam chu ngaihtuah buai a ngailo." ti nghut pah chuan a hawi sawn vut a. Ka thaw chhuak hak bawk.





"Chutiang ani ngawt lo. Veng lun lai leh kawngpui an a ni leh nghal a. A lo ber ah singkhat a kai dawn chiang sa."




"Chuan?" rawn ti vut in min chhuk melh nghal ngur bawk.




"Aaa, Bawihtei nen lek kan ni dawn a, hei aia te leh luah man sang lo zawk ah ..."




"In nufa chiah in nih dawn avang in inhnuai tiat lek, kaw tereuhte ah in awm tur tih na ani hauh lo." ngaihdan nih loh hmel tak a tih nghut pah chuan min kalpel vut a. Rang zet a ka inher ve vat pawn a ke pen a zau tham lutuk a, master bedoom a thleng phei hman der.




Kawngkhar chu nam hawng in a lut zui daih leh nghal.




"Dubai a ka hlawh khawl bak kha pawisa ka neilo tih a hrethiam lo em mawni." ti hlak pah chuan a luh bo daihna lam chu ka pan ve vat a. Tukverh vel chu a ngheh țhat leh țhat loh a lo check kual ve thlup roh a.




"Room pakhat zawk khi Doris infiamna i hman tir thei ang. Hei pawh lian i ti tawh anih chuan ka hmuh zawk ah chuan insuan luh i rem ti dawn lo tih ka chiang. Hei kan confirm tihna ani em?" Tukverh a khawih kualna kut bal beng thuk thuk pah chuan min en leh ngur tawh. A sawi pakhat chu heiai hian a lian leh chhawng tihna maw ni a?




"Thelma?" hniam ruih a ka hming lam pah chuan ka dinna lam panin a rawn pen nghal vut bawk. Pindan chhung zau helh hawlh ah chuan ka bul rawn thlen nan second rei pawh a awh lo.




"A zau tham a, chulo ah luah man pawh.."




"In nufa lek chennan zau i tih viau leh ka rawn insuan lut ang..." ti sup in ka hma ah a rawn ding zui hmiah, a thusawi avang chuan phawk lutuk kâ ang haû hian ka chho en dawrh bawk. A fiamthu anih beisei in a mit meng dum thim khup ah chuan ka melh ngar ngar a. Fiamthu thawh mitmeng chimawm zet ka hmuh bawk silo.





"Deal em?" a rawn ti zawi sup.


"A teuh lo lutuk" Rum deuh a melh vak pah chuan ka túm nghal bar bawk.




"Pathum kan cheng anih chuan a zau lutuk tawh lo ang." ti leh sup chung chuan min melh ngur a. Ûanna chi pawh ani reng reng lo.

"Ka fiamthu lo a nia." ka ti ram hmarh.





"Ka fiamthu bik hauh lo Thelma." A mitmeng tak ngul leh hmel lan dan thim khup mai chu ka melh let lui ngar ngar, a kâ ațang ri chhuak tawh chu tih hlawhtlin loh a nei ngailo. He ta chen ve a sawi anih chuan a sawi ang tak takin a che leh duh dawn tih ka hria. Chutia reife kan inmelh rum hnu chuan thle bûk pah chuan a rawn nui ta suk. A kut pahnih a kekawr ipte ah zen lut hlun pah chuan chimawm zet hian a hmui hnuai a liak pah zauh a. Thaw chhuak suai suai pahin a rawn kunhniam khûn bawk.




"Anih chuan hei kan confirm ta ah ngai ang aw "

"Hades."

A kut phah hrawl zet chu vai vutin a ding mar nghal vut. A jeans kawkawr ipte zen mual mual pah chuan ka mitah tak min melh ngur kher bawk.





"Ih, Chanmari W lamah ka pu te an awm a, kan nufa chenna tawk tur vel inhnuai kaw hnih an nei a." ka thusawi vang chuan a ni ngei ang, a ner suk a, engmah sawi belh pawh tum chuang lovin phone chu kan inkar ah a rawn lek chhuak vut bawk.




"Hades.. ka sawi chu, ka pu te in lam ah pawh kan awm thla thei.."



"Thelma hnial hrat lutuk țhin suh." ti hluk pah chuan phone chu a hmet eng a. Ka duh dan min zahsak lo lutuk leh a thu ang ang a min pawh kual a tum bur zel hi ka ning ve tak zet.





"I puihna dawng reng chung a hun hman hreawm ka tih dan tur hi vawi khat tal i ngaihtuah ve tawh em?" Ka vîn lo. Mahse, mihrang daih lak ațang țanpuina dawn reng mai inthlahrun nat zia erawh ka aw ah khan a hrechiang viau ang. Phone screen ațang chuan mit la sawnin ka mit ah tak min rawn melh let ngur a. A mitmeng thim rûp ah chuan ka thusawi kha a hrethiam em tih tak ngial pawh ka hmu thiam lo.





"Kum4.. kum4 chhung teh meuh min țanpui tawh Mr Hades. Kum4 chhung khan i sum hmangin kei leh ka fanu hi kan nung tawh ka tihna anih chu... engtiang a tam nge bâ kan insiam belh zel dawn, hetiang anih te chuan ka dam chhung pawh in ka rul let zo ngai dawn lo che... khang kum4 chung a min țanpui tawhna pawh engmah ka la rul let lo che a, tunah rulh let leh tur bawk..."





"I ngawi thei tawh em?" Ka thusawi chu ngaihpawimawh loh hmel fe chuan a rawn ti chhuak sup. Thaw chhuak vak pah chuan ka kut pahnih in ka sam chu ka huai chho puat bawk.







"Tunah hian sawifel tawh zawk ang." Ka ti hak a, min awm hnaih lutuk chu care duh bik lovin vavadak haw chungin a mitah tak ka melh lui tlat bawk, ka vin lo a. A lakah bâ ka ngah tawh lutuk tih ka hriatna chuan ka thawk lak a ti ipik luk tawk zawk.






"Eng chu maw kan sawi fel ang." a rawn ti hniam ruih. A phone humna kut chu dah thla ruai ruain a rawn pen hma leh hrut a. Ka dinna ngaiah ding tlat chungin ka thaw chhuak halh mai! Ka thusawi zawh chiah kha a hrethian ber bur lo em mawni!





"Ka.. i lak a ka bâ te hi engtin nge ka rulh ang che. Bâ dang insiam belh ka duh tawh lo."

"He in ah hian cheng rawh u. Chu zawng chu." rawn kun hniam khún pah chuan inchhung chu a thlek kual thuak a. "Hetah hian cheng ula, ka lak a i ba nia i inhriat chu min tlak ani mai." ti leh nghut in ka mit ah tak a rawn melh let siah.







Za lo lutuk hian ka nui chhuak hak a. Ka thawk ipik lutuk vang erawh in ka kham khawp boruak erawh ka hip lut hlei thei lo. Kum4 chhung share a neihna hotel pindan pakhat kan nufa in kan hmang tawp. Nau ka neihna hospital a bill pawh a pe vek! Hotel pindan ah doctor leh nurse in min rawn vil zak zakna man pawh a pe vek! Bawihtei mamawh, naute thuamhnaw ațang diaper thleng in khaihlak awm miah loin min buaipui sak bawk. Ka thuamhnaw man.. ka chaw ei man ațang bawihte preschool kalna senso zawng zawng. Engkim! Engkim tak tak ah a sum hlir a theh chhuak a. Pawisa ang zawng a chhut dawn phei chuan cheng nuai tel teh meuh a lakah hian bâ ka nei! Aih.. Maktaduai a kai hial zawk ang! Hotel satliah ah nilo in 7star hotel cabin lian lutuk ah kum4 chhung kan chen man ringawt pawh kha a rapthlak dawn lutuk! Chung zawng zawng ka rulh let theih dan chu a kut thawhna ah tho kan nufa a kan cheng anih chuan ka bâ ka tlak ang ah ngai turin min ti anih chu!





Mit tizîm sûn chung a min en ngur tupa chu thaw chham lek lek in ka melh ta ngawt ngawt. Min hmusit lutuk nge, aaaa, ngaihtuah dan pawh ka thiam lo. Engtiang tak a hniam in nge min hmuh tih chu tehkhin tur ka hrethiam hlawl lo.





"Min hmusit hle mai!" ti sep pah chuan ka thaw chhuak vak a. Ka sawi zawh rual chuan lawmloh hmel zet hian ner ta suk bawk!





"Eng nge sawi theih ka neih chuan.. nilawm ni Hades?" Ngeiawm zet in ka nui hak a "I duhtawk in min hmusit in mihring hlutna nei ve lo ang mai in min en in, min nawr chep țhin mahla sawi thei ka nei lo.. nilawm ni?"






"Thelma." a rawn ti chang hrawk! A mitmeng dum ruih chu a hma zawng aiin a thin zual a.
Ka chal dawm vang vang pah chuan lu ka thin khum nak nak.






"I laka ka bâ te kha ka rul let thei lo tur ah i ngai ani tiraw? Hmeichhe raipuar a fa tih tlak sak tum tu te lak ațang tlan chhia i țanpui satliah ve mai hian i sum senso number tam lutuk kha chhiar thiam lo ah ngaiin hlutna neilo ang mai a pawh kual vel hi nuam i ti ani tiraw?" A lakah bâ ka ngah tawh lutuk bawk si leh ka thusawi pakhatte mah a pawm ve duh ngai bawk silo ka thinrim tawh lutuk bawk si chu a au hian ka au ta tawn tawn mai hian ka hria.






Phun hluk chungin min din hnaih leh hrut a.


"Kum 4 chhung a ka leibâ zawng zawng kha engzat nge anih min hrilh rawh. " ti leh nghek pahin a awm ah ka nam chawrh. A che sawn zo lo lutuk te chuan ka thinrim a belh chhah hlur tawh.




"Ka.. ka rul vek ang che... bâ neih ka duh tawh lo."


"Bâ neih i duh tawh lo anih chuan he in ah hian cheng ang che u." Kei angin a vin ve hauh lo! Mihring vin khur khur chi anilo bawk. Mahse, țawngkam vín ka hman khum chu a lawm hauh lo tih erawh a hmel dur khup ah chuan a lang chiang viau.




"Hetiang a thu min pek kual te hi ka ning tawh tak zet Hades."

"Thu ka pe ngai hauh lo che Thelma.. ka pe ngai bawk hek lo ang che. In nufa tan a țha tur anih chu ka sawi."




"Oh." rapthlak ti zet a nui hawk chung chuan ka melh er bawk. "Tun a min biak dan te hi thupek ah i ngailo maw? Ka duh dan ka sawi ve te min zah saklo a he lai hmun a awm tur a min hrilh tlat te hi thupek ah i ngai ve lo maw?" ti nghek pah chuan ban ka phar nghek. "Rapthlak leh lutuk mai!"



"Thil a harsa zawngin ngaihtuah chiam țhin lo teh." ti hmuk pah chuan a thaw chhuak ve hawk bawk.





"A harsa zawngin ka kalpui maw.. ka dinhmun ah hian ding ta la eng rilru nge i put ang Mr Hades. Tu emaw lakah bâ tam tak i nei țeuh tih inhrereng chungin bâ dang i insiam belh zel duh dawn em ni? Ha? "




"Ngawi tawh rawh."





"What?" ti nghek pah chuan chal chuar nangin ka melh nghek a. "I nunrawng lutuk, ka duh dan hi min zahsak ve nachang hre rawh" thinrimna vang a ka hmai sa hut hut chu ka hup zui thak a. Duhthlang thei miah lova min nawr chep țhin hi ka ning tawh tak zet! Khang min lo țanpui tawhna ah khan lawm lo ka nilo. Rulhlet leh ngei pawh ka tum. Mahse, bâ dang bawk min siam belh zawng hlir a thil a kalpui chuan engtik khawtik ah mah ka rul let zo ngai lo ang.





"He in ah hian kan cheng theilo.. khang ka bâ pawh kha ka sum khawl sa hian a daih lo lutuk tih i hriat chian vang te pawh ani mahna.. mahse, ka rul let dawn che. Ka sum khawl sa in a daih bak chu ka kâl te hralh in ka rul let em em ang che."






"f**k Thelma." Hades-a aw chang hrawih ka hriat rual deuh thaw chuan ka thlawk lawp ni ber hian ka hria. Ka thinphu sa bulh leh țek zawk chuan min ti a chhuih a! Bang ka nghen dawt rual chuan hlau lutuk in ka hawi chhuak a. Thinrim insum tak a Hades-a inseh ruh tlat hmel sen țawlh ţawlh ka hmuh rual deuh thaw in a kuttum hum ruh tlat chu a rawn phe fûa bawk!






"I â em ni?" a rawn ti chhuak hrawih. Cemen bang ri chawrh vang chuan mit ka chhing nghal sawk bawk. A thaw chhuak hawm hawm a. A taksa hrawlpui chuan a thawk lak rualin min nawr che ve hrawk hrawk bawk.






"Kâl hralh, Hrep chuan." chang zet hian a rawn ti chhuak leh hrawk. Muangchang in mit ka meng a. Hetiang teh thut hian a thinthawk a che chhuak ang tih ka ring chhin ngailo reng reng.







Ka mit ah tak dur khûi a min chhuk melh ngur ngur chung chuan țawngkam chhe zet a phuh chhuak leh hluk bawk.





"I kâ ațang khatiang thu kha a ri chhuak tawh tur anilo." a ti chang bûl.





"Ka kawng hriat awm chhun ani tawh." ka au khum nghek!



"STOP IT Thelma." aw rawl lian lutuk hian a rawn ti let nghal țhawt! Ka țîm sawk thei! "Sawi tawh suh." a rawn ti leh hráwih bawk!





"I laka ka bâ rulh theih dan kawng ka hriat awm chhun ani tawh.. i hria em? Zantin hian kan nufa tan i sum sen ral tam tawh zia ngaihtuah in mut pawh ka mu hleithei ngailo a sin.. engtin nge ka rulh ang che. Ka rul let thei lo che anih chuan engtin nge min tih ang. Ka fanu thleng hian i nawr chep ve a ngem ti..." ka sawi zo hman lo. Ka khabe ah a rawn man chawt a. Insehrun ngut ngut chungin ka mitah tak a rawn melh ngawt ngawt! Bawihtei chungchang ka sawi chhuah dan vang pawh kha ani mai thei. A mit chu a sen rúm a 'natna' thuk tak rawn lang chhuak chuan khatiang kha sawi chhuak tur ka nilo tih min hriat chawpchilh tir nghal der!






"Thelma." thinrim sehchilh nawk a rawn ti hrawk chung chuan a rawn kun hniam ruai ruai a, rang lutuk in ka hmui chu ka kutphah in ka hup nghal chawt!



Hades-a chu a kawchhung ațang rawn rûm chhuak hrawih in a hmui lumin ka hmui ka hupna kutphah hnung lam chu a rawn nawr tâwk. A chet dan chu ka beisei loh em avang chuan ka meng phawk kawk bawk!





"Hrep a." ti chhuak sup chungin ka khabe a vawnna chu a thlah a. A awm hrang hlek bawk!





Ka hmai si lo chauh va hnai a min melh ngur tak ah chuan muangchangin ka kut chu ka la thla riai riai a. Hades-a hmel lan dan chu ka sawifiah thiam lo. Mit tizîm sûn chung a ka hmui zawn a en ngur ngur avang chuan ka.. a rawn che leh thut ang tih hlau zet in bangkil hrul ngheng tlat chuan ka che a.








Kal sawn tum a ka che hrat chu ka kal tumna lamah chuan a ban lian leh tha ngah zet chu a rawn kham nghal rûah a nih chu! Thaw hak in a hmel chang ngul chu ka melh chho ha bawk.




A pa len bik em a vang in a ding kûn ngúl a.




"Kal sawn rawh." Ka ti tuar. Ka lu zawn bang a kut leh lam nem ngur chung chuan a ban leh lam a rawn chet vut a. Ka kawngah rawn vuan chawt pah chuan a lamah min pawt hnai nghal hrawk bawk, ka phu vak leh nghal!

"Hades!" Ka ti nghek.




InShot_20190908_082715857.jpg
InShot_20190908_082715857.jpg (54.65 KiB) Viewed 13495 times

"Ka ta ni rawh." a ti sup, a aw thum leh zawi lutuk chuan ka lungphu a ti tawp chawt ni mai hian ka hria! A hmel tak ngul chu ka en ta ngawt ngawt! A thusawi kha ka hriat sual anih te ka ring deuh hial bawk!


"I â em ni?" a â ta thut anih ringin a hmel chang ngul chu ka melh chho dawrh a. Hades-a chu a rawn nui suk anih chu! A â ta thut ah ka ngai hmiah bawk.





"Â?" hmui pet sawi zauh pah chuan mit tizîm sûn in hnaih chetchawt ah chuan min en ngur ngur. "Ka ât vang ah i ngai dawn anih chuan ka â ani mai ang chu! Malsawmdawngzel, Doris-i nu ka duh che." Thum ruih chuan a rawn ti leh sup. A aw thum hniam ruih chuan min deng dawt dawt a ni ber mai!


"I â tawh tak tak anih hi." uar zet hian ka ti nghek. A nui leh suk a! A thusawi hian min țhawng lutuk a sawi tur ka haihchham vek!







"Thelma ka ta ni rawh." rawn ti nawn leh sup pah chuan kan hmai insilo chauh va rawn kunhniam in ka mit ah tak min en ngur. Vin leh nghek ka tum lai chuan a awm dan maksak zet avang in ka țawng chhuak thei tawh lo! Rawn kun hniam ruai ruai in ka darah a chal a rawn nghat dawt a! A palen bik em a vang in a ding kûn ngul a, a taksa rihna te nen a min rawn rin chhan miau avang in thaw dep dep pah chuan bang chu ka ngheng deuh dat a. Mahse, a ban thangah zet chuan ka kawng chu rawn man nghet sauh vin a taksa lum huam a bet thlawp turin min hnuk hnai leh hrawk bawk!


"Hades?"


"I mit hmuh lai ngei a hmeichhe dang kut a zungbun bun tir tu mihring kiang ah khan i let ka rem ti tawh lo." Ka darah a chal lum huam mai nghat reng chuan a rawn ti chhuak hrawih!


A thil rawn sawi avang chuan ka țîm sawk mai! Zohmingliana leh Zualtei te kha a lo hmu ve vek maw? Kha zan a thil thleng ka ngaihtuah chhuah leh tak ah chuan ka awm chhung hi a rawn na nghal riai riai a. Hades-a pawn ka kawng a kuahna chu a rawn ti nghet leh hrawk bawk.


" Min rinchhan rawh Thelma, i natna tawrh te hi nangmah ngawt a tawrh tir che ka phal lo." thum zawi ruih a rawn phun chhuak leh sup chuan a hmui lum in ka dar a rawn nawr leh táwk. A awm dan chuan min țhawng lutuk a, ka ngaihtuahna te hi a tawi tûp vek!



"Nangmah a engkim tuar tawh lovin keimah ah rawn tlulut rawh.. aw?" a aw thuk rûih ah chuan ngenngawlna ka hre tel bawk.




"Hades?" Ka tal phat a rum chhuak nghutin min thlah a tum lo tih hriat lutuk hian ka koki a hmui a nawr ngawt ngawt chung in nghet lutuk hian min man bet tlat anih chu!




Tal nawk nawk pah chuan ka theih ang angin nam sawn ka tum a. Hades chuan ngawi ngul leh luhlul lutuk in a awm lum vung vung ah min kuah bet tulh tulh bawk. "I eng hi nge diklo a?" beidawng zet chuan ka ti ta halh. A ta ka ni thei ngai dawn lo. Min duh... uggg, min duh tur pawh anilo. Nuthlawi aw, nuthlawi ka ni tawh! Nuthlawi.. kei ang nuthlawi lakah lungliam tur a tan chuan a uihawm lutuk. Nula țha lai nilo nuthlawi hneh ah mipa ngen ngul maiin a duh thu a sawi chhuak pawh hi a diklo! Ka khawngaih bawk.




"Hades i mak e mai." sawi tur ber hre bawk silo hian ka ti leh tûng a. A nui nghing dawt ringawt.

"Hades."

"Ka ta nirawh. Chubak engmah ka dil dawn lo che." a rawn ti chhuak sup. A țawng laia a kâ ațang boruak lum rawn chhuak te chuan min ti ha vek mai hian ka hria.




"Ka ni thei ngai dawn lo..."



"Eng vangin?" ti hrawk in min thlah thawl hlawk a, ka thaw chhuak nghal hak bawk. Bang ah min nawr bet leh hmiah pah chuan ka mit ah tak min melh ngur bawk.

"Nuthlawi ka ni.."




"Ka hria. Ka pawisalo." a rawn ti chhuak hráwk a! A hmel tak ngul leh fiamthu pakhatmah hmuh tur awm bawk silo chu khawngaih zet hian ka melh ta ngawt ngawt.




"Thelma, i hun kal tawh ah ka buai lo, ka duh che. Doris-i nu i nihna ang hian ka duh che." ti sup pah chuan a kut phah lum thup in ka biang a rawn nul a. 'Doris-i nu' tih thumal chuan engtin maw tak hian ka awm chhung hi a fan rawih rawih a, ka țah a chhuak țûn mai bawk!





A taksa lian leh lum huam chuan bang ah min nawr bet leh zualin a rawn kun hniam a, ka chal ah a rawn fawh rual chuan che phatin a awm ah ka nam dawt.




"Heti hian awm suh." Ngawi ngulin ka ban rek pahnih chu a rawn man chawt.




"I â tawh.. hetiang hi a thleng tur anilo. Ka.. min duh tur i nilo." ngenngawl zet a min en chung chuan nghet takin ka ban rek pahnih chu a hmer ngawt ngawt.





"I â tawh." ka ti leh chiam bawk. A nui suk a, kei erawh ka thaw chhuak hawk hawk thung.





" tunah chhanna min pe turin ka nawr dawn lo che." a aw rilruih leh min ngaichang lutuk bawk si chuan min ti nui hawk a. Hades pawh chu ka hmai si lek lek a rawn awm hnai leh in a kiai ve suk bawk.






"Doris-i nu Thlema Malsawmdawngzeli hi ka duh tih leh engtik lai pawn a tan ka awm reng dawn tih hi hria la duh, thil dang ka phut rih lo ang che." thaw lum ham ham pahin a kut phah lum thup pahnih in ka biang a rawn khuap a, a chalin ka chal a rawn nawr tâwk tak ah chuan ka tukhum in bang chu ka tauh dat bawk.




"Hetiang hian awm suh Hades, ka.. kei nilo nula hnahkhat țha leh fel zawk i phu bawk, khawngaih takin ka lakah hetiang rilru hi pu suh.. aw?" ngenngawl zet hian ka ti tâwk.





"Doris-i nu a lawm ka thinlungin a duh, hmeichhe dang niloin" ti nghut pah in a awm ah min kuah bet hmiah a.





A lungphu ri dawt dawt chuan ka awm chhung hi a rawn hnawh tawt vek! Amah ka khawngaih lutuk chu niber hian ka hria, ka mittui a rawn luang thla pap a, ka awm chhunghi a khur dar dar bawk. Tlangval țha laiin ka lakah hetiang rilru a pu ta ngawt hi hlimpui chi ani pawh in ka hrelo, amah huat phah a, vin hrep ai chuan ka khawngaihna a nasa zawk daih. Engvang teh ngawt a khawngaih nge ka nih pawh ka hre chuang lo. Ka hriat zawng chu ka lakah feelings anei tur anilo.. nula pangngai lakah luangliam zawk tur ani.



"I â e mai!" a tshirt tlang hum tawm ngawt ngawt chung chuan ka ti chhuak țîau.



"A pawi lo." min kuahna ti nghet sauh pah chuan a ti nghut. Kei erawh ka țah a chhuak ngawih ngawih. Nuthlawi zunah a uai ani tih an hriat chuan mite'n an nuihzat dawn.




"Hades.."



"Pathian! Thelma ţap lo teh." ti hrawk chungin min kuahna a thlah thawl hlawk, a kut pahnih a ka dar a rawn man chawt rual chuan mittui tling pam chungin ka en chho ngawt ngawt bawk.


"Țap suh, a țha em? Chuan.."





"Tinge min duh ve ringawt a.." dam rûih a min enna chuan amah min khawngaih zual tir sauh bawk. " ka lakah hetiang rilru i put theihna tur hian i zuam theih turin ka lo awm zawk em ni?" ka ti vak a, ner suk pah chuan vanvadak in a thaw chuak hawk. Ka mittui rawn luang thla ve sek chu duhlo zet in ka rum chhuak nghat bawk.




"Kum 4 chhung khan vawi khat te pawh ka zuam theih tur in i awm ngailo... "

"Anih chuan tinge ka lakah hetiang rilru hi i put si?"




"He i hmelțha zet leh zun ngah lutuk hi chhanna i duh anih chuan zawt mai rawh." nui suk pah chuan ka biang a rawn khuap a. Fiamthuna hun pawh anilo. Rum deuh hian ka melh nghek a. Uluk zet a min en ngur chungin a nui suk ringawt a.





"Hmeichhe raipuar lian zet tawh ka driver in a sut hnu ah amah buaipui tura car chhung ka chhuah san rual khan a zûn ah ka uai dawn tih ka hre lawk biklo! A dul lian tawh tak kuah bet chunga hmeichhe lo let hlawm reng bulah ka țhingțhit hniam rual khan zantin amah ngaihtuah zuilo in ka awm thei dawn lo tih ka hre lawk biklo asin Thelma." nui suk mahse a aw zawi leh thûk ruih chuan a nuihzat bik lo zia a ti lang chiang viau.





"Damdawi in pan a duh lo tih phun sep sep a sawi tu hmeichhia thusawi kha engvang teh hrep a zawm nghal ringawt nge ka nih ka hre bik hauh lo bawk. Hotel khum ah ka mut tir rual a a mit ațang mittui rawn lung chhuak hmeichhe lan dan chau hmel zet ka hlau a sin." ka lo nui chhuak hak a. Hades-a pawh kiai sukin a chalin ka chal a rawn tauh dat a.





"I hmelțha lutuk hi khawvel a ka hlauh awm chhun ani hial ang Thelma!" a rawn ti zawi rûih. Ka awm chhung chu a so phul bulh a. "I mutna khum tlang ah țhu chung khan he i hmelțha zet lak ațang mit lasawn thei miah lovin ka thlir reng che. Atthlak khawp in i natuar hmel khan min zêm â a! Hetiang khawp hmeichhe hmelțha hi tunah chiah eng vanga ka hma a rawn lang nge anih tih te thlengin ka ngaihtuah kual hman vek!" ti sup pah chuan a rawn thaw lum nghal hawk bawk.




" Ka ngaihtuahna a ta ka dah chhuak thei tawh ngai dawn lo che tih ka in hriat rual khan ka haw hlur bawk che!" sehchilh nawk hian a rawn ti táwk! Zalo fê chuan ka nui hak a.





"I rawn harh chhuak a. I mitmeng ka hmuh hma hauh pawh a hlauhawm khawp a min tibuai tawh naklaiin i mitmu lian kiau leh fiah zet a min melh rual khan nang hian." ti hrawih chungin ka khabe ah a rawn dawm a, min kuai dak salh bawk. A hmel lan dan mûk zet leh tak ngul chu mittui kar ațang ka en let a. "Nang hian Hades Malsawmhlupuia thluak i chhuah san tawh ngai dawn lo tih ka hre chawp chilh nghal a! Ka haw zual sauh bawk che." ti leh hrâwk in ka nui ro hawk bawk!






"Ka vei tak em che vang khan hlat che ka tum a. Țawngkam pangngai tak a ka biak che chuan i nui hmel zun ngah lutuk ka hmuh țhîn avangin i hriat hauh siloh a i zunna ka uaina a belh chhah tulh tulh a! Khavang khan țawngkam bung zet leh chaldelh tak a biak che ka thlang ta fo. Min hua anih chuan i nui hmel ka hmu ngailo a nga, i zuna ka uaina pawh a reh chhawm ve mai turah ka ngai bawk! But, guess what! Huat hmel tak a min melh khai khai hian maw Hades-a ngaih dan vaw chhe hmasa ber tu leh hlawh chham tir tu hmasa ber i ni leh der! I thinrim mit meng tûr ve khâi khâi si khan ka thluak a fan buai pha tho! I chet dan engkim in min fan rawih rawih zel țhin tih hre lek lova i nuih changte khan huat taktê in ka hua che.. min dawi â vek tawh anih ber hi Doris-i nu!" ti chhuak sup pah chuan ka nghen mek bang chu a ban hrawl zet pahnih in a rawn nam ta ngur a. 'Doris-i nu' tih thumal a kâ ațang zawi fiah ruaih a a rawn chhuah chang apiang hian feeling danglam lutuk in min fan rawih rawih țhin.




"Kum 4 chhung min hrem tawh! Inthup tak chungin kum4 chhung i zunah ka uai tawh! Tun ațang chuan Hades hi nula zun ah nilo Doris-i nu zun ah a uai tih thup ka tum tawh lo." nghet chur hian a rawn ti chhuak sup.





Ka lungphu chu a rang dawt dawt reng a. Tu emaw in min duh thu a sawi lai a lungphu chhe te pawh a rang miah lo chu an vang khawp ang. Ka lu zawn ah chuan a kiu in a in nam khalh a, a kutphah hlai hlup pahnih chuan bek ah rawn dawm leh in uluk zet in min en vung vung a. A thusawi zawng zawng khan min țhawng in sawi ve tur reng ka hrelo.





"Doris-i te ban a hun viau tawh." rum chhuak ngut hian a rawn ti leh sup, a awm dan ngai a awm run si chuan ka bek a dawmna ban rek vei lam a a sana bun lai chu a bih vut a. A hrawk bawk zawn ah melh in ka khap fak fak reng mai!




"Nu leh pa dangin naupang dang an lam zawh vek hnu a thlen ve chiah chu i duh hauhin ka ring lo." pangngai tak chuan a rawn ti leh sup. Ka thaw chhuak hak a. Chutia thawk ka lak rual chuan ațawng chhung zawng khan kut ka lo hum tawm ngawt ngawt tih ka hre chhuak chiah bawk.





Ka kut hum țawm țai chu phelh thawl pahin maimitchhing vang vang chung chuan ka thaw chhuak ham ham a. A taksa lum ham ham mai chuan min la din chilh ngur! Tun lawk a thil thleng kha a tak ngei ani em tih leh ka hriat țhian Hades mipa luhlul lutuk leh ngeng ngul mai in ka zunah a uai tih vel a sawi te kha.. . ughh.. ka ngaihtuahna mai mai a ni tur ani ti rilru mawlh mawlh chungin ka meng nghal kawk a. Mahse, hnaih chetchawt ah uluk tak hian min lo en ngur tih ka hmuh rual chuan na deuh in mit ka chhing leh sawk a




Hades-a chu a rawn nui nghing dawt bawk! A nuih hawk ruala boruak lum rawn chhuak chuan ka hmai a rawn ti lum hawk a.

"Thelma?" a rawn ti ril rûih.




"Ka.. i thusawi kha.. i sawi lo ang ah ka ngai ang." mit ti zim sûn chunga min en ngur avang chuan rang lutuk in ka che sawk sawk a, ka kal sawn tur chu ka lu bul chet ah a ban hrawl zet a nam run a vangin tawp leh dat in lehlam ațang kal sawn ka tum a. Uggh, hetah pawh a ban tho.




Amah chu hmachhawn leh in ka thaw chhuak hak a. Mitko mit lo kan khum ûk anih chu.




"Eng nge i duh Thelma?" rawn ti zawi ruih pah chuan a nui suk a. Hades Malsawmhlupuia hi a vei nuih suk țhin tih tunah hian ka notice ve chiah bawk anih chu!




"Bawihtei te ban a hun tawh i tih kha." ti vak pah chuan rum deuh hian ka melh ta nghek.

"Ok, kal ila." a nui leh suk a. Hmela mai mai chu! A ban pahnih in bang si chet in min khuap ber run a. Kal ila a ti ang vut leh nghal.




"Awm sawn phawt rawh." nuihza insum tih hriat tak a min en ngur ngur a vang chuan tleirawl zakzum deuh ang mai hian ka biangte chu a rawn sa hut hut mai hian ka hria a. Chet sawn tum lo tih hriat fê a a din ngawi ngul avang chuan ka bag hrui man khawm in bang ngheng chung chuan ka țhuhniam riai riai a.




Aw rawl thum lian zet a Hades-a a rawn nuih chhuah tak hawk hawk ah chuan ner nawng chungin chhuat ah ka țhu hniam thla rawk!




"Thelma!" a rawn ti chhuak ruih. Ka hma ah tak a rawn țhu hniam thla ve vut a. A ban pawh chu nichin ang chiah khan ka lu bul ah a rawn nam leh ngur tawh. A hmel a nuihza chambang chuan a lan dan chu engtin emaw tak hian a ti sen deuh țawlh țawlh leh nghal.

"Hetiang khawp a hmeichhe zakzum hi maw i lo nih a?" chet hluk chungin lu a thing nghut bawk.




"What... ka zak zum maw? Teuh lo lutuk, fa phir nei tawh hi engvang ngawt in nge ka zah ang." ti vak pah chuan insehrun pahin a mit ah tak chuan ka melh lui ve ta siah. Ka inhaw reuh bawk si! Tleirawl ang mai a che khawr zo vek chu ka ngei tak zet!





"Hmeichhe zun ngah zet, a thinrim chang apiang a meng alh phat zel hi hmeichhe naupang ang mai in a zakzum tih hriat chu a nuam riau." a ti chhuak nghut. Ngei zet hian ka ner ta nawng a.




"Ding rawh le." ka samah rawn chul pah chuan min nuih leh suk tawh anih chu!




"Khatikhan naupang ang mai in min treat vel suh aw. Nuthlawi fa pawm tawh ka nih hi." a ban rek ah ben sak thlawp pah chuan ka ti hlar.




"Nuthlawi zun ngah deuh." ti chhuak sup in a ding mar nghal vut. Chhuat a țhu tung at pah chuan rum deuh hian ka han melh ngawt ngawt a. In luah tur en kual ațang 'zun ngah deuh' tih vel ah kan pakai chho ta daih mai chu a nia.





Bang hrul ah chuan ka ding mar ve țham țham a, a pa lian bawk si a kut lehlam a kekawr ipte ah zen lut hlun pah chuan mitmeng chimawm deuh hian min lo en let ngur ngur a. Ka din mar rual rual chuan rang lutuk in kawngkhar lam pan in ka che zui nghal phat!





Master bedroom kawngkhar ațang ka kat chhuah nawk rual chuan Hades-a nui chhuak huk thawm ka hre zui hram. Thaw chhuak vak pah chuan a rawn chhuah hun pawh nghak tawh lo in kawngkapui pan chuan ka pen hlawk hlawk a.





"Khawnge tala leh chabi kha.." a rawn tih hluai rual chuan ka ding dat a "Doris-i nu." zawi ruih a rawn ti leh sup in ka hnung lawk ah a rawn ding fel der.
"Nangma hawm anih kha." hawi let tawh lo chuan kawngkharpui chu ka nam hawng pawp a nui chet hluk bawk.




Step chhuk thla ah chuan ka pen thla rawk rawk a. Khang kum chhung zawng khan min lo duh tawh tih a sawi a. Chuthil chu awi tur ani em tih pawh ka hre lo.




Car bul ka thleng thla fel chiah. Lock chu a rawn ri khap a. Ka hawi let nghal dawrh bawk. Step ah chuan inthawzo zet in a rawn chhuk thla hmawk hmawk, kawngpui a rah rual in car chabi vai vir pah chuan min en leh ngur tawh. A hmel tak ngul inthlak ta hlawk leh ngainat awm zet a lang muanawm ta ruih te chuan sawi tur reng min ti hrelo.





Min pan ding leh ngur tawh tih ka hriat rual chuan ka tawlh hnung dat dat a. Car kawngkhar zawn ka thlen rual chuan ban a rawn lek chhuak vut, ka lo tîm chawi chu ka bengbul ah rawn kun hniam in a nui chhuak leh hawk a.


"Kum 4 chhung khan engtin nge he i mize lai hma zet hi i thup bo thei reng zawk a?"





"Engmah ka thup lo." zawi chang fak hian ka ti nghat. Kawng kal leh motor tlan vel in an hmuh theih loh tur chuan a hmui in ka beng a rawn nul thuak a. "I mize lawmawm dang pawh ka hmuh belh zel tur ah ngai ang." rawn ti leh sup in kawngkhar chu a pawt hawng zui vut.




"Lut rawh le, Doris-i nu." ti sup pah chuan ma mit ah tak min melh siah. Doris-i nu tih lai chu engtin maw zûn nei deuh ruih hian a thluk kher a.





School panna kawngah te chuan a nui leh suk țhin a. Thaw hliai pah a rum deuh a ka han melh chang apiang in "Okey" ti fan ruih chungin a steering humna kut a ti phar ûk zel bawk.





Hmeichhia tam takin cool leh MAN an tih tur khawp in a mizia hi a ni ruih. A landan puitling khup leh thutak ngul vang te pawh hian ani mahna tumah in an zuam ngam ngailo. Mi nazawngin an be ngailo va, amah pawh hian a tana țangkaina nei lo chu biak lumlam a tum chhin ngailo. A chapo ka tih tawh kha! A ngengin a hlawkna tur nilo ah țawngkam khat pawh chhakchhuak ngailo khawp a mahni hmasial thiam leh țawng chhuak ve mai mai ngailo ani a. Chutiang mizia maksak lutuk nei tupa chuan ka nihna engkim hmaih awm lova hre vek chungin min duh tih sawiin a ta niturin min sawm a ni a. Ka ngaihtuah chian apiang hian mak ka ti ngawih ngawih! A â ta thut anih ka ring kha ka la ring tlang zel tho.




Hades-a chet hluk thawm chuan min hawi tir dawrh mai!




A țhutna lam ka han en chhoh dawr a, car a lo ti ding tawh a. Mûk rûih hian min lo en let ngur bawk.

"Maw?" ka ti hû. Min bia in ka hria, eng nge a sawi ka hre miah chuang lo.




"Chocolate kawl sa i la nei em?" a ti nghut.




"Ngatan nge i tih?" ka ti leh hû a. Chutah thil awmzia ka hriat rual chuan mahni in ngei zet in ka mal chunga bag chu ka dap ta rak rak a. Hades-a erawh a nui suk. Bawihtei hian preschool a kal lai pawn ban vel ah chocolate maw candy emaw hi min dil ve ziah a. A ei tak tak ngailo nangin naupang na na nâ chuan thil eng emaw tak hi an beisei ve țhin a. Ka bag chu ka en kual ngial a. Engmah a lo awm der lo.

"Ka.. kawlsa ka lo nei tawh lo anih hi."




"Ok, tah hian lo țhu rawh." ka mit ah en ngur chungin a ti nghut, seat belt a hmet phelh a. "Doris-i nu." chimawm ru zet in a kiai suk kher bawk.

"Chhe lutuk." ka ti hlak. Car ațang a chhuak vut tawh chu kawngkhar a rawn nam phui hma chuan a rawn kun lut leh khún a. "Doris-i nu tia ko che hi nuam ka ti thar riau.." a rawn ti sup.



"Hades." ka ti hlar.



"Doris-i nu." mit min siai suk pah chuan a ti leh kher bawk.



"Khatia min ko nuam i tih zia chu i mitmeng chimawm lutuk ah pawh khan a lang reng." khabe kan ha ha chungin ka ti let vak a. A nui chhuak ta hawk bawk. Car kawngkhar chu rawn nam phuiin darthlalang chhan ațang chuan "doris'mom' hmui phun in a rawn ti leh sup bawk.




"Nghal lutuk." Dawr pan a a kal nul nul chu ka melh zui nghek bawk.




Bawihtei te school thlen dawn a bolero dum lo inhung rûn ka hmuh rual chuan chawpchilh lutuk in ka lungphu a rang dawt dawt a. Bawihtei te school gate pawn a police uniform inbel thlup a mipa lo ding rún ka hmu thut leh lek phei chu ka thinphu hi a rawn thlawk chhuak hlawk dawn ni ber hian ka hria!




"Ding rawh." mangang lutuk hian ka ti tuar. Car engine chu a thi dûk a. Gate thir hum ngur a min hnungchhawn zawng a mipa ding chu a hmel lan dan hmu lo mahila ka thinlung hian a hre bel hneh lutuk!




"I țha em?" ti sup chung chuan ka darah kut a rawn nghat a. Ka lo la phu chiam zui. Ka en dawrh rual chuan Hades-a hmel chu a inthlak nghal hlawk bawk!



"Min hrilh rawh! Eng teh hrep in nge ti hlauthawng che." rawn phun chhuak hrawih in min en nghal ngur bawk.

"Car hi turn rawh Hades."

"What.."



"Ka sawi ang chuan ti vat mai rawh." Zohmingliana'n min rawn hmuh hman ka hlau lutuk chu ka vin chhuak nghek a. Hades-a chuan ka mit ah chiang lutuk a rawn en in Zohmingliana a rawn hawi let em tih en a gate lam ka melh leh ruai țhin chu a hrethiam thuai ni hmiang. Gate lam chu a thlek ve vut a. A rum chhuak nghal nghut bawk.




"Turn rawh.. khawngaih takin " buaina tlan chhiat san hi a ngaih dan ani ngailo. A hma a buaina awm tawh phawt chu khir sateh mahse a su tlang bawrh zel. Ka sawi anih vang chiah a tun ah pawh car turn ve chiah ani tih ka hre bawk.





Bawihtei te school gate kan hnung chhawn rual chuan ka hmai hup vang vang pahin thawk ka la a. Ka haw ngawih ngawih reng chung pawn tinge ka hmuh thut chang hian ka talbuai em em zel le! Keimah ah nghawng a nei lian lutuk leh ka lungphu thleng a a la ti rang dawt dawt țhin hi ka duh tawh lo tak zet!


"Tah hian lo awm rawh." ka ban rek ah a rawn man hmiah. Ka hmai hupna chu rawn pawh sawn a tum a. Ka țang ve tlat nen rum chhuak nghut in na deuh in ka ban rek ah chuan a rawn phih hmiah.





"Tun țum chiah hi i biruk ka rem ti ang. Thil tisual tu ang mai a tlan chhe tur i nilo." a ti sup, at hmel zet in lu ka bu nghat nghat a.




" Nangmah ah awmzia a la nei nasa lutuk a, hnek hrep ka chak hle bawk." nui suk mahse a mitmeng dum thim khûp chu a tak ngul mai. Ka áng ziau va. Mahse, ka sam ah rawn chul thuak chungin a seat belt a hmet phelh nghal daih.




Car ațang a chhuah vut rual chuan side-mirror ațang chuan gate pan a a kal chho nul nul chu ka en zui reng a. Hades hi chu ka mangang ber laiin ka kiang ah a awm zel a. Nelawmna pakhatmah tello in min be fo mahse țanpui ka ngaih laiin khang kum4 chhung khan a tlan chhe ngailo!




Bawihtei te chu an rawn chhuak dawn ani mahna. Gate lianpui chu chhung lam ațang an rawn hawng ruai ruai a. Zohmingliana taksa lianpui inher let hmachhawn siah turin Hades-a chu a hnung lawk ah a ding hmiah. Thil țha lo engmah a thlen loh nan ka kut chu nghet deuh in ka lo hum ngawt ngawt.




Zohmingliana inher vut leh Hades-a chu a inhmachhawn ta siah bawk.




A țawng ri hre thei lo mahila a hmui phun ațang chuan 'sorry' ti sup pahin Hades-a dar ah chuan ngaihdam dil nan ni awm tak kut a nghat zawk a. Ral ațang ringawt pawn a hmel lan dan pa leh cool ruih chuan min la fan kûal rawih rawih tho. Hades-a chu a bu nghut a. Zohmingliana chuan kal pel vut pah in a kut lehlam chu a uniform kekawr ipte ah a zen lut pah hlun.





Muangruih in a bolero inhung run lam pan chuan a kal zui a. A sana bun lai hlei hlei te chuan min tichi-ai in a ngaihna hre lo zet in darthlalang ațang chuan ka melh ngawt ngawt a. A birthday a ka pek ngei kha ani! Sana dang nen ka hriat pawlh thei lo hrim hrim! Zualtei nen an inhual tawh hnu ah pawh ka sana pek hi engvang a la bun tlat mai nge maw anih le!




Naupang rawn tlan chhuak nak nak thawm vang chuan Zohmingliana ke pen lai chu a tawp chawt! Gate lam bawk chu a hawi let leh vut.




Zirtirtu pakhat in Bawihtei chu a rawn kai chhuak a. Bawihtei'n Hades-a a hmuh rual chuan khek túng pah in 'pa' a ti chul bawk. Zohmingliana ding khawng luah chuan ka fanu chu a en bik ngur mai hian ka hria





Hades-a'n bawihtei chu pawn kang nawlh in a chal ah a fawh sak zauh va. Bawihtei chuan class chhung boruak a hrilh ve tih hriat zet in Hades-a nghawng ah kuah țai pahin a kut phah tereuhte pakhat chu a ti che niap niap a. Zohmingliana ding ngawi ngul an rawn kal pelh rual chuan ka fanu en zui vung vung chungin Zohmingliana pawh a rawn inher ve hrut bawk. Ka lungphu rang lutuk mai chuan ka thawk lak a ti khaih lak vek!




Hades leh Bawihtei chu an rawn infiam pah bawk nen zo zet in bawihtei chu a vawrh kang lawp a, Bawihtei khek râi ri chu hria in Zohmingliana chu a nui suk a.





'I duh loh leh tihlum i tum i fa nui thawm in a nuih tir mek che Zohminglian. Uluk zet a i en zui hmeichhe naupang hi ti hlum tur a thuthluka i siam ngei kha ani a ni a sin.' Bawihtei te rawn thlir vung vungtu mipa hmel tak ngul a natna niawm tak inphum ru chu en in ka rilru in ka be mawlh mawlh. Natna thuk tak in a bâwm luk ang chiah in a hmel lan dan chu a ni ruih bawk!




"Mamma tinge out side ah min lo nghah ve loh a." Car kawngkhar Hades'n a pawh hawn rual deuh thaw in Bawihtei chu a rawn vúi ve nghal nai nai mai! Tawite hian ka lo nuih ringawt a. Ka malchung ah a rawn hlang lut a. Bawihtei bag chu phelh sak leh in kawngkhar chu a rawn nam phui dawt bawk.





Car a rawn kal hual hma chuan a ding kawmuang hrut a. A hawi na lam chu side mirror ațang bawk ka en ve a. Kan chuanna car lam rawn en vung vung tupa nen chuan an in melh dun rûn bawk.




"Patea hi lo lut turin hrilh rawh." bawihtei beng bul ah ka phun sep. Phur zet in glass a down a.



"Pa.."



"Come in .." darthlalang chhan ațang min rawn en ngur pah chuan a ti sup. Car a rawn kal hual hma chuan Zohmingliana bolero kawngkhar inpawt hawng lai chu darthlalang ațang bawk ka hmu hram.



"School ah i fel em?" Hades-a'n car a khalh a. Bawihtei chu school chanchin ka zawt a.




"Bell rik dawn țep a ka zun a chhuak a, miss nen kan zung." ve reuh chuan a.

"Țhian thar i nei em?"




"No Mamma." rilru hah hmel deuh hian a thaw ve hak a. Cute ti zet in a biang ah ka piai nghal nawk nawk. Ka kut nam sawn tum in min ban ve chat chat a.




"Everyone khan maw, i want to go out, i want to go to Mammy an ti a. An cry nasa lutuk a." pawi tih hmel zet chuan a ti ve nang nang a.





Vawiin lam a kan in en kha kan luah tur in Hades-a chuan a be fel der. Bungrua vel a order kual zung zung a. Chu erawn chu keimah pawisa engkim ka pe ang ka ti a. Rei ngial kan inhnial hnu ah ban phar hlui pahin "ok" a ti ta hmuk.




Ka lakah rilru dang a put vang ngawt in engkim a thlawn in dawn ka duh lo. Zawi zawiin ka rul let zel dawn.




Emma'n min nghak tawh tih chu counter ațang min rawn hrilh a.



Ka kut a phone chu nghet deuh in ka hum a. Hun rei tak chhung ka switch on tawh lo. Tlai lam ah khan ka charge full a. Keichuan thil thleng tam zawk kha sawi chhuah ka thei dawn lo tih ka hria. A thlen hun lai ang chiah khan tunah ngei pawh hian ka nâ in ka thawk lak te thlengin a zîm leh mup mup tawh.
Chuvang tak chuan phone a message te hi Emma'n chhiar vek se. Champhai ah an kal hlan a kan nupa inkar boruak leh engvang a bo ta daih nge ka nih tih chhanna chu a hmu thiam mai ang.





Ka hnung lawk ațang mipa thawk la ham ham thawm a rawn chhuah rual chuan lu thing nghat in ka che thuai a. Mahse, ka tlai hman tho.




Hnunglam aţang min rawn kuah hmiah, ka dul zawn ah nghet zet a ban rawn suih bet in ka luah chuan a khabe chu a rawn nghat a. Ka lo țang leh phat tawh.


"Hahdam rawh."



"Bawihtei." ka ti chhuak sep, ka tal zui leh nghek nangin nui suk pahin ka dar ah a khabe a rawn nghat leh hmiah. Ka kawr chhan ah chuan a rawn fawp a. Ka thaw chhuak ta hak bawk.




"Hades." Ka ti halh! Min kuahna ban tha nghet lutuk ațang chuan tal chhuah ngaihna a awm lo. Tukverh ațang pawn lam thlir a ka ding min rawn kuah hmiah. Remlo zet in Bawihtei lam chu ka han hawi a. Tv melh ngar chungin chip a ei rep rep.




"Second khat lek min rinchhan teh Thelma." a aw thuk ruihah chuan ngenngawlna a lang chiang tawk viau bawk.




"Ka theilo." min kuahna tha chu a rawn ti nghet sauh va. Insehruh vak pahin ka thaw chhuak hak bawk. Min thlah thawl rual chuan insaseng turin ka che thuai a, mahse ka kawng ah rawn man in amah hmachhawn turin min kuai her leh hrawk a. A awmah chuan ka bet ta thlawp!




Ka chal ah a hmui lum in a rawn nawr rual deuh thaw in a ban tha ngah zet chuan ka kawngah a man a, a taksa lam ah min hnuk hnai nghal hrawk bawk!


"Had.."




"Tum rawh." a rawn ti zawi sup. "You need to try. Ok?" zawi thawp sup a rawn ti leh pah chuan ka dar ah a rawn kuah tel leh a. Ka chal ah hmui nawr reng chungin a thaw lum ham ham bawk.





"Hetiang a awm tur hi kan nilo." a awm zawnah ka phun sep a. Rum chhuak nghut in a aia nghet leh chiang zawkin a taksa ah chuan min hnuk hnai zui hrawk ringawt.






A lungphu ri dawt dawt chuan min nghawr che dawt dawt a. Ka chhipah rawn fawp leh tâwk pahin " min duh turin ka nawr lui thei lo che. Ka tum hauh lo bawk Thelma. Mahse, kum 4 chhung nangmah a i tuar tlawk tlawk țhin kha ka chhawk zangkhai sak che rem tirawh." thum zawi ruih hian a rawn ti sup, a awm chhung ațang min nghawr che dar dar bawk.






"Kum4 chhung i mittui i thup bo tawh! Tun ațang chuan keimah min kuah chungin țap țhin rawh. I natna tawrhte hi thup bo turin ka duh lo che. Hmuh i hreawm e mai." țawngkam thiam lo zet a a thil rawn sawi chhuah sup vang chuan ka nui chhuak hak a. Hadesa thung chuan hahdam huai tih hriat zet a thaw suai suai chungin ka sam a rawn chul a.
Nun ruak hung leh khawhar ru ngawih ngawih chung a kum4 chhung ka nun mawl tawp hnuah min kuah tu ka neih leh na hmasa ber anih vang nge.. thil dang vang zawk. Min kuahna nghet tak hian chhunglam thlengin min hneh lo thei lo! Kum4 chhung khan Bawihtei pangtilum bak ka si ngailo. Zan laiah Bawihpuia ngaihtuah a khawharna nen hun ka hman ral chang a tam a. Bawihtei muhil sek sek chiah khan min hnem tur a kuah theih pangtilum ka neih chhun ani mai a! Ka tan min kuah tu ka neih chhun danglam dan tur chu tumah in an hrethiam pha kher in ka ring lo.

"Emma'n min nghak a."





"Ok." ti nghut siin min kuah nghet zual sauh. Ka khabe a a awm nawr a ka dak chhuak haw chu uluk zet in min chhuk en ngur bawk. A mitmeng dum thim khup ah chuan nelawmna leh dawhtheihna bak hmuh tur a awm lo.





Thip rûm te, mahni thu duhna te leh ngainat awm loh mit meng tûr khûi te kha muannawmna in a thlak vek tawh tiila a dik ber ang.






"Ka thusawi chu i hria em Mr Hades." Mr Hades ka tih vang chuan min melh khûi pahin ka kawng a kuahna chu a ti nghet hrawk a. Mit ka ti che kual ralh bawk.






"Chimawm ru viau țhin lo teh Doris-i nu." ti nghut in a kut phah a rawn lek chhuak vut. Ka mitah tak min chhuk en ngur reng lai chuan a kut phah lum thup chuan ka biang a rawn nul thuak a. Ka biang rawn zartu sam chhawl leng chu hui sawn leh in ka beng ah a rawn zep leh a. "Ani kha i la hmangaih em?" thum zawi sup in rawn sawi mahse ka awm chhung chu a deng nghing dawt!






Mit tizim sun chungin min en ngur a. Ka lungphu dawt dawt chu a hre thei hial ang.
"It's ok." ka biang bawk a kut lum chhuan a rawn nul leh a. Zohmingliana hi ka la hmangaih em? tih chhanna chu ka inpe thei hauh lo!






"A lo nghak rei lutuk ang che. Kal ang u." ti nghut pah chuan ka chal ah a rawn fawp leh vang vang a. Min kuahna a thlah thawl hnu pawn chetsawn nachang ka la hre chuang lo.






"Hei hi...!" Phawk lutuk in Emma chuan min en a! A thil hmuh chuan a țhawng hle ani mahna! A hmai te chu chawp chilh lutuk in a rawn dang sawp sawp mai!




"Thelma.. hei hi. Ka û in heng zawng zawng hi a rawn thawn vek che maw?" tawite in ka nui a. Kha zan lungngaih thlak zet ah khan ka kir leh ni ber in ka hria.



"A va mak em em... "




"A fa ngei ti tla tur a min hrilh kha keipawn mak ka ti.. ka ring duh lo a. Mahse, eng nge a tih i hria em? Doctor leh nurse te in ah a rawn tir a sin."



Phone screen chu en in min en leh țhin a. Engtiang takin nge ka awm loh hnu ah lemchanna a kalpui ka hriatpui nek bawk lo.




Show post links
Top
Abbra Reo Ririni
Post September 8th, 2019, 10:20 pm


"Ka u number ngei chu a nisia." sawi belh tur hrelo zet hian a thaw ve hak hak tho.



"Suzi message kha en leh rawh." ka ti sep a. Emma chuan a en nghal ani mahna 'a mak e!' ti halh pahin a chet tlat tlat mai!



Suzi message min thawn ah phei chuan an mu dun lai thlalak engkim a lang vek miau a tin ni.



"Phir ka hring a." ka ti chhuak sep. Phawk lutuk hian Emma chuan min melh nghal kawk bawk. "Emm, phir ka hring a sin, vahnu leh vahpa i nei. Fapa leh fanu ka nei a sin. Mahse, an pa ngeiin ka pum chhungah an awm laia damdawi chak tak ka thisen ah a thun luh tir miau avangin ka fapa zawk chu thisa in ka hring."




"Aw Lalpa!" rang lutukin ka țhutna ah a rawn insawn phei a. Min rawn kuah pah chuan a inhnit nghal hlawp hlawp bawk! Bawihpuia taksa duk vek tawh ka pawm lai ang chiah khan natna tawrhleh awm lutuk in ka tai zawn a rawn vîlh ngut ngut a. Sûntu mumal pawh neilo in a ruang dai vek tawh khan hnam dang hotel kiang ah kan phum ve tawp bawk!



"Phir... ka lainat lutuk."

"Ka fa tihlum tu hi ka ngaidam ngai dawn lo Emm." Zohmingliana hmel mitthla chung chuan kha zet in ka ti chhuak hraih bawk.


Ka phone a Bawihpuia thlalak awm ang ang chu a en kual a. Lainat hmel lutuk a screen a Bawihpuia hmel duk vek tawh lo lang a en ngawih ngawih lai te chuan ka mitthla ah Bawihpuia chiang zet hian a rawn lang a. Hlamzuih a boral naupang dangte chuan vui liam tu chhungkua an nei a. Ka fapa khawngaih thlak tak kha chu hnam dangin a thlan khur tur an lai a. Kei leh Hades chiah kha khawvel ațang a chhuah hnu pawh a thlah liam tu a neih awm chhun kan ni a. A chan baihvai bik lutuk khan rilru damin min awm tir mang ngailo.



"Thelma, mak ka ti.. Heng message hi ka u number ațang i dawn ngei ani a. Mahse, ka u in heng message chung chang hi a hriat ve ka ring miah lo."

Za lo lutuk in ka nui hak ringawt.

"Ka ti tak tak Thelma, kum 1 tal tap kha chu a zawng kual che a sin! A â tawh mai dawn maw kan tin a! Nau neihna room pawn ah a ding tlaivar țhak a, nau piang hlim an rawn pawm chhuah te kha nangmah nen a in fa emaw tiin a lo chuh nghal tawp zel a sin. I awm a rin tawhna khawi hmun ah pawh a kal kual a...." a thusawi chu ka awi lo lutuk tih ka hmel ah a hmu thei ani mahna!

Thaw hliai pahin ka kut a rawn hum nghal chawt bawk.


"In nupa khumah pawh a mu ngam ngailo a sin." Mittui tling pam chungin min melh a. Chu erawh chuan min fan rawih rawih!

"Thel, a talbuai rei a sin. Heng message hi a thawn che anih chuan talbuai tur anilo! A chet dan zawng zawng kha a der anilo!"


"Zualtei nen an inhual tih ka lo hria a!" nui sak pah chuan ka ti sep. Emma mita natna rawn lang zawk chu ka hmu chiang hle bawk.

"Ummm. A fa a pai a lawm, kan hriatpuina tello in an lo inhual anih kha." a aw zawi sep chuan ka thinlung a ti nghing dawt dawt a. Zualtei'n a fa a pai maw? Ka thisen zam a natna vak kual rawih rawih chu atthlak ka ti tak zet!






"Kum khat chuang chu nangmah zawng in a vak kual reng a. Mahse, doctor pakhat lo kalin a clinic ah nau i tih tlak thu a rawn sawi țum khan ka û rilru chu a dang ta vek! Nangmah zawnga talbuai vek țhin kha zu ah a tlan a.. i bank ac ațang cheng nuai 6 i lak chhuah thu leh Valpuia.. ih, Ngopa a i bialpa nen in tlan dun thu a hriat leh a chinah phei kha chuan a nun a chhe vek ani ber! Ka nu zahna a nei bawk silo! Kan natna tur a a rin tawh phawt chu a ti lui vek zel.. Zualtei.. Zualtei nen an inhualna pawh kan hriatpuina tel miah loin a kal tlangpui tho..."




"Nau ka titla lo!"

"Ka ring che a lawm."


"Pawisa pawh ka la chhuak lo.. Valpuia." a thusawi in min țhawng lutuk bawk si chu ban ka phar chhuak nghek bawk. "Valpuia phei chu Ngopa a ka hmuh bak kha ka hmu leh tawh lo!"





"Valpuia khan a nupui hnen ah a naupai ti tla tur a hrilhin cheng nuai 1 a hnutchhiah a, a hmeichhe hmangaih ber nen an kalbo tur thu hnut chhiah in i bo ațang thla tlemte ah khan a chin hriat lohin a bo ve hmiah a lawm."





"Emma, pawisa chu ka la chhuak miah lo!"





"Ka ring che ka tih tawh kha.. ka nu nen chuan i lak chhuah anih kan ring lo. I hming sign na kan hmuh hnu pawn kan ring chuang lo. Mahse, thil awm dan hi mak ka ti. Ka u message te.. uggh, i bo ni khan Suzi hi od in a thi ve tho a sin!" Ka meng phawk kawk chu ka kut ah nghet tak a rawn hum in thawk a la halh halh a.





"Heng message awmna phone hi ka hawn thei em? Ka û ka hmuh duh... hengthil hi a hriat ka ringlo. Thil kal dan hi a dikhlel e mai.."






Emma chuan a vahnu chu nghet takin a kuah ngawih ngawih a. A mittui tla leh țhin chu Bawihtei'n a en duh ngang bawk.





"Thel, hei ai hma hian tinge kan inhmuh loh le! Ka û nen in inkar a siam țhat leh theih ni mai tur!" nghet lutuk a ka nghawng ah min kuah pah chuan a ţap chhuak hawk a! A sawi tum ka hriatchian lutuk vang emaw mawni ka awm chhung hi a rawn tawt mup mup a! Mahse, engmah ngaihtuah zawm ka duhlo. Zualtei ta ani tawh dawn!





Kan room ațang Emma chhuah hnu chuan ngaihtuahna buai nuai chungin couch ah ka țhu tawm kak a. Ka khup ah bek nghat chungin mit ka chhing vang vang bawk.





Bank ațang pawisa tam tham zet la chhuak ang a ka thang te! Ka bialpa hlui nen kan tlan dun ang a thu thangte. Keimah duhthu reng ang a nau ti tla tur a doctor ka pan ang te ka nu te lam in thu an dawng dawt zut chu mak ka ti tak zet! Nau tih tlak te kha chu Carlos-a'n Suzi nen an fa zawk ngaihsak a duh vangin theih tawp a ka ngen hnu ah pawh doctor leh nurse a rawn tirh leh zel vang a rilru â chhûih a zui ve tawp kha ka ni zawk a sin!






"Mate, Doris hi thil lo zuk ei pui rawh." Hades-a aw thum dut ka hriat rual chuan phu nghek in ka hawi chhuak nghal dawrh a. Anna nen kan pindan chhung ah an lo awm reng tawh!





"Aaa, in.. in lo luh lai ka hrelo " ti bah nawk nawk chung chuan ka țhu rem a. Khum bul a ding ngur in Hades chuan min lo en leh ngur tawh. Anna erawh ngainatawm zet a nuiin Bawihtei lam a pan a.





"Doris, dinner lo zuk ei ila, mamma te pawn min rawn join vat mai ang."




"Ani em Mamma?" min en ve hâ pah chuan a rawn ti thuai. Emma nen kan inbiak chhung zawng kha tv a en ve ngar reuh a. A rilțam tawh ang tih lam reng ka lo ngaihtuah miah lo bawk.





"Umm, Bawihte Aunty thu awi la aw." ti sep in ka nui lui var var bawk.





Anna leh Bawihtei kal chhuah hnu ah pawh Hades-a chu a dinna ngaiah ding ngul in min en ngur ngur reng a. Ka țhutna țang chuan muangchang in ka tho chhuak a. Washroom ah lut a hmai ka phih zo ka chhuah lai pawh chuan a dinna ngaiah ding ngawi ngul in ka chezia chu mûk zet in min en reng a.





"May i help you?" Ka hmai huh towel a hru pah chuan ka ti ta tawp. A ngawi run bawk nen pindan chhung zau pui ah kan pahnih lekin awm mahila ka hah run thei.



"Yes, you may. Min kuah rawh." Thupe aw zet! Mahse, ngenna langtel bawk si hian a rawn ti chhuak sup. Ka nui chhuak ta hak a. Hades pawh chu a nui ve ta suk bawk.




"Mr Hades." lu thing nghat pah chuan ka towel ken lai chu ka ti pharh deuh a. A ro lai a ka hmai ka deh leh rual chuan ka lam pan in a rawn pen zui pawk pawk. A hmel chang țha zet leh tak ngul bawk si ah chuan eng nge a tih dawn pawh ka hmu thiam hman lo.





"Mittui thup bo tum a i nui lui hi lawm hmuh ka duh ngai loh, Thelma." a aw zawi sup chu a ri hrawk ani ber! Ka kawngah a ban hrawl zet rawn rawl lut in a lam ah min pawt hnai zui hrawk a a taksa ah ka beh thlawp rual chuan ka darah bawk hmui nghat thei turin a rawn kun hniam zui vut bawk.






"Ani khan i chungchang thu diklo deuh a sawi a nei em? I tawrhna pakhatmah hriatpui hauh silo che in nangmah demna thu sawi chhuah a nei em?" min chhan tih hriat fe hian a rawn ti bung nghut nghut a. Min chhan a pe na lutuk chuan min ti nui lo thei lo.





"Nuih tur a awm em?" ti sup pah chuan min nawr hla hlek, ka khabe ah rawn chelh lehin a awm zawn ațang chuan min kuai dak salh bawk. "Thelma?"






"Bank ațang cheng nuai 6 ka lak chhuah thu bank manager ngeiin a hrilh hnu ah pawh Emma kha chuan min la ring zawk a sin." Hades chu a rûm chhuak nghut. Ka khabe a chelhna chu ti dul hlek in a kutțang hrawl tham zet chuan ka hmai tlang a rawn chul kual leh thuak a. "Anih chuan engvang a mittui thup bo tur nei nge i nih." a mitmeng dum thim khup chuan ka lan dan chu a chhuai chhuak hman vek tih hriat zet in ka mit ah tak min melh leh ngur tawh.






"Ka țha.."


"Dawt min hrilh suh Thelma." ti hrâwk in a chalin ka bek a rawn nawr nghal tâwk bawk.



"Min hrilh rawh." a chala ka bek nawr țâwk chung in a rawn ti nawn leh sup bawk.




"Ka țha Hades... Bawihpuia ka ngaihtuah chhuah vang a lawm.." thaw huai chung in a awm ah min kuah bei ta hlu hlu. "Apa in a duh lo ani mahna! Mahse, ani kha chuan a hmu chakin a lainat lutuk, Bawihpuia thlalak a hmuh rual khan a hmangaih nghal tih ka hre bawk. Ka fapa khan nu hmangaihna chiah nilo ani hmangaihna pawh a dawng ve tho tih hre hman tal se..." ka mittui a hnaih kuar rual chuan sawi zawm thei lovin ka hmui hnuai ka pet fan fan! Tunah chuan hmangaihtu pakhat lek nilo pahnih a nei ve tawh.. chu chu hreve se ka fapa lainatawm zet pawh kha a hlim ve reuh ngawt ang.






Anna te nen zanriah kan kil ho a. Zanin hian kan in luah tur kha tlawh leh an ti deuh va. A chhan pawh sofa leh khum vel chawhnu lam khan an rawn delever nghal vek a vangin hun dan tur en kual a. Naktuk lam ah inchhung bungbel lei te an ti tel bawk.





Anna'n Bawihtei a kai a. Parking lam ah an chhuk thla zui nghal mai a. Hades-a nen kan chhuak ve tur chu hotel hnathawk tu pakhat in a lo biak kawi leh vang in pawn lam ah ka nghah tur thu hrilh zauh in hotel kawngkhar darthlalang zau pui pan chuan ka kal zui zat.





Emma khan ka phone hlui kha a hawn a. Eng chiah nge a tih zui pui dawn hre lo mahila khang message zawng zawng kha lang chhuak tawh mahse pawi ka tilo.



Ngaihtuahna kawm ngut ngut a kal ka nih vangin eng emaw nghet țha zet ka tauh chawrh rual chuan țe țhat pahin ka chal chu ka dawm vang vang a!





"I țha em?" Ka awm chhung chu țek chhawk in a ding zui chawt!




A hmel hmu miah lo chung pawn he a aw thuk ruih leh pa zet hi chu ka hre hrang nghal nalh țhin reng anih kha! Ka lungphu dawt dawt in ka taksa a rawn tih chet leh dulh dulh takah chuan chawl hlen loin a rawn phu leh tih ka hre chiah.





Muangchang in ka hawi chhuak a! A awm ka tauh sak chawrh mipa in ka chal dawmna kut ka lak thlak fel ruala tunge ka nih tih a hre chiah hmel lan dan chu tehkhin tur pakhatmah a awm in ka ring lo!






"Bawihi?" a rawn ti hlut! A aw thum zawi ruih hamhaihna in a pawlh telh nawk bawk si chu a ri chhuak huk mai bawk!


'Bawihi!'




A kâ ațang thumal rawn chhuak awm chhun chuan atthlak lutuk in min fan chhuak leh vek tawh!

Hmel lan dan buai nawk chung chuan engkhaw sawi set set lovin ka biang ah a rawn khup nghal chawt a. Amah en tur a min kuai dakin a mitmeng uk thim ruih chuan ka lan dan chu a en kual ruai a. A che reng reng chu a buai nuaih tih leh a hamhaih lutuk tih bak sawifiah vak dan ka hrelo.





A kutphah hlai hlup a ka biang khuap run chung chuan maimitchhing in thawk a la vang vang a. Muang ruiah a rawn meng chhuak leh in a mit chuan keimah chu min rawn zawng hmasa ber! Chutah a tak ngei ka ni tih ring ngam ta chiah ang mai hian a nui chhuak nghal hawk bawk!




"Bawihte..." God! A aw thûk rûih chuan min hrawm bawrh a, lunglenna in min tuam hlup hlup bawk, Carlos-a chu a rawn kun hniam vut a. Ka chal leh a chal rawn nawr siin a thaw lum nghal ham ham bawk!





"Malsawmdawngzel thlarau mai i nilo tih sawi hram teh!" a rawn ti chhuak hrâwk bawk! A chal leh ka chal nawr sia ka biang ah a kutphah pahnih a min dawm beh tlat miau avang in a hmel lan dan ka hmu thei lo! Mahse, a taksa.. a awm lum nuam zet ațang lumna rawn chhuak te, ka thlakhlel em em a thaw ri te chuan min dawi â ve vek tho!







"Zan hun chiah a ka mitthla a rawn inlar țhin hlimthla mai kha i nilo tih sawi hram rawh!" ngenngawl zet hian a rawn ti leh tâwk bawk!


"Carlos." ti sep ri ka hriat rual chuan ka harh chhuak thut a!







Carlos-a'n ka biang a khuap beh tlatna ban rek ve ve chu chelh in ka pawt deuh sawk bawk! Mahse, rum nghut chungin second pawh tling lo ah a awm ah min kuah bet nghal chawt a. Chumi rual chuan hmeichhe aw bawk in 'carlos' a ti nawn leh sep bawk.






Phengphehlep a thlawk bo ang tih hlau a kan khuap bo tlat ang mai hian a ban hrawl leh tha ngah zet pahnih in min kuah khawm tlat a. Thawk lak a harsa lek lek bawk.







"Min thlah teh." ka tal zui phat. Chumi rual chuan kan bul lawk ah Zualtei ding ve reng chuan rilru nat hmel zet in min lo melh reng a.






"Zohminglian min thlah rawh ka tih chu!" ka tih nghek tak ah chuan min kuahna nghet lutuk chu a thlah thawl ruai ruai a. Rang lutuk in a ban pahnih chu ka pawt phelh nghal nawk bawk! Carlos-a hmel lan dan buai nuaih leh min hmu thut in danglamna a thlen ang hrim a a che kual vel chu ngaihsak duh tawh miah lovin thawk ka la zui hak a.








"Hello Zualte, kan inmu leh ka beisei miah lo a sin." nui var var pah chuan Zualtei zawk ka melh ta ngar.







Rang lutuk in Carlos-a ban bulah a kuah chawta. Ka thusawi vang chuan a hmel lan dan chu a tlan chhe nghal dúi bawk. Emma bulah Zualtei nen kan inhmuh tawh thu ka sawi lai khan mak ti lutuk in min en tawh! A awmzia chu Zualtei hian a best friend hnen ah kan inhmuh thu kha a lo la sawi miah lo tihna!







"Buaina a awm em?" ka hnung lam ațang Hades-a aw nghet churh rawn chhuak chuan min ti nui sak a. Nui seih pahin ka hawi let a.






Ani rawn pen chhuak vut chuan ka kawngah a rawn kuah zui hmiah. Chu mi ruala Zohmingliana in hum ruh nghek leh tual thah chak mitmeng sen nghal rûm chu ka ngaihven lo lui hmiah bawk.





"I zo tawh mi?"





"Yeap, kan kal thei em?" ti sup pah chuan a rawn kun hniam a.




"Aaa, hei ka hmelhriat hlui te nen kan lo inhmu fuh a." ka hma a dingte pahnih lamah chu ngaipawimawh loh hmel fê in ka thle bak a.




"Mamma in rei tawh e mai!" Hotel kawt zawl ațang ka fanu rawn au lang lang chuan kan boruak țang ut ah chuan mei ling a rawn chheh belh emaw tih mai tur hian Zualtei hmai chu a dang var nghal vek! Zohmingliana erawh Mamma ti a min rawn ko tu aw lo chhuahna lam chu a hawi nghal vut thung.






Zualtei'n a ban bul ah a kuh țaina chu thing thla vut in Bawihtei chu a melh ngur ngur a. Kei lah pek chuan Zualtei tal buai lutuk chu chhaih buai belh ka chak tlat anih chu!






"Bawihte, hetah lo kal teh, Hei hman ni tlai a aunty kan hmuh kha ka hmu leh a, i la hria em?" phur hmel zet a tih pah chuan Bawihtei rawn tlan chho terh terh chu ka nuih pah var var bawk.





Ka hma ah a rawn țum tharh a. A nui sen sen bawk si nen Hades-a'n a pawm kang zui nawlh a. Zohmingliana pawh a rawn inher let ruai ruai bawk.





"Hello Aunty, glad to meet you again." Zualtei hmai dang sawp sawp mai en chhuk kiau pah in Bawihtei chuan kut a vai lap lap a. Carlos-a chuan Zualtei chu a bih ngur tawh ni mai hian ka hria.





"Aaa.. min la hria mi?" ro zet in a rawn ti vawt raih. Bawihtei lah chu a bu lap lap a.





"Evening time khan one shop ah kan in hmuh tawh kha."




Zualtei chu eng emaw sawi tur ang hian a ang ziau va. Mahse, sawi tur hlawl a hrelo te pawh ani mahna a nui tawi tak mai!




"Kan kal dawn mi? Tihtur kan ka nei si." Hades-a chho melh ha pah chuan ka ti thuai a. Zualtei hmel lan dan dang var puap mai hian min ti damlo ve mai dawn!





"Ok." A bu nghut. Thawven hmel fahran chuan Zualtei leh Zohmingliana chu ka melh tawn a. Zohmingliana mit thim ruih chu ka fanu ah chiah a fu tawh!





"Kan hmanhmawh deuh sia, kan kal san mai ang che u." Hmelhriat satliah hnen a thlahna thu sawi ang lek in kut vai zauh pah in ka nui hak a. Hades-a chu bawihtei pawm chungin a pen zui vut. Ka zui ve tur chuan Zohmingliana chu ka melh leh hram a. A mitmeng uk thim ruih chu zawhna hlir in a khat ani ber!





"Zualte kan inhmu leh thuai ka beisei." Ka ti nawn leh kher, ka mit erawh chuan Zohmingliana mit ah en ngar thung!






Parking lot ațang car rawn tlan chhuak chu Hades-a kiang ah a ding zui dat. Hades-a chuan min lo nghak a. Zohmingliana te ka hnung chhawn hnu ah pawh ka tukhum leh hnungzang thazam kal chho lai chu a za uaih uaih.






Ka țhutna luhna tur min hawn sak ah chuan ka țhu lut a. Bawihtei chu ka mal chungah a rawn țhut tir mai dawn emaw ka tih laiin ka țhutna lam kawngkhar chu a rawn nam phui hmiah. Passenger side kawngkhar chu a pawt hawng a, Bawihtei pawm chung chuan a rawn țhu lut dawt a.






Hotel tualzawl ațang kan tlan chhuah dawn chuan chetsawn nachang hrelo a min en zui rengtu te pahnih chu ka han en leh hram a. Carlos-a hrilhhai hmel lutuk leh zawhna tam tak lang chhuak zut zut a hmel lan dan buai nuai chuan min nuih tir sak a. Zualtei phei kha chu a thil tisual lai tak phawk tu awm ang maiin dang var vek in a meng dawi dúi bawk!

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 25th, 2019, 5:49 am

September 20th, 2019, 9:54 pm

☆UTOPIA: 1996☆ S2
Chapter 66
Abbra Reo Ririni Khiangte (PitarteiSualfingi)



Carlos Zohmingliana's pov ⚔


Chetsawn nachang hrelo lekin ka hnehah engmah sawi lo va ka nupui min hnung chhawn lai chu mi â ang maiin ka thlir vung vung ringawt. A rim nu bik hliah hliah țhin kha a la pangngai reng a, a biang ka dawmna kut a rawn vawn hnan rual khan a mi tawh dan danglam bik em em țhîn kha a la pangngai reng tih ka hre bawk! Engkim.. engkim kha tun hma ang chiah a la ni! Nilo! A hma aiin keimah ah a thawh dan a chak zawk! A nghawng pawh a nâ fe zawk bawk! Mahse, a hmelhriat satliah ang maiin min kal pel thung a nih si kha, Kum 4 liam ta ah pawh khan inthlahna țawngkam khat pawh sawi lovin min hnutchhiah tawh. Mumang ang maiin kum 4 hnuah ka hmaah rawn in lan lehin hrilhhai tak bawk in min kal san leh mek a nih hi....





Kum 4 liam ta khan inthlahna thumal khat pawh min hnutchhiah lovin a kalbo tawh! Mahse, khami țúm khan keimah hlat a kê pên a chhêp lai ka hmu lo thung!




Tunțum ah erawh ka mithmuh ah a fanu ni ngei tur leh a kiangah mipa dang ding chung in min hnungchhawn mek thung! Kei apasal hi engvang a min kal san nge anih tih țawngkam khat pawh chhanna min pe leh chuang lo! An kê pên tin chuan ka lungphu a delh rit chur a, a lo phu rang dûp dûp bawk!








Hmeichhe naupang pawm mek tu mipa taksa a hnaih zual apiang in ka awm chhung chu a na tawt zual ûp ûp a. A rawn puak darh dawn in ka hre hial bawk!




Kum4 liam ta ah khan a kalbo lai tak ngial pawh ka hmuh hman loh avangin ka hrilhhai hle a! Nâ ka ti rawng rawng hle anih kha! Inhmangaih te chu an inkalsan dawn anih chuan inthlahna thu tawp an sawi tur a ni lawm ni. A hneh ațang thlahna thu hnuhnung țawngkam khat lek ka dawng lo leh ka mit hmuh tawp rat thleng a a liam lai ka hmuh hman loh avang khan ka nâ tâwk hle tawh emaw ka ti a!





Mahse, ka mit hmuh ngei ah kê pen a, min hnungchhawn zawng a akal lai hmuh hi a let sang chuangin a lo nâ fe zawk!




Keimah nilo! Mipa dang.. Mipa dang fa in 'Mamma' tiin ka nupui a ko bawk! Ka awm chhung rawn na thip tûk tireh tum chuan ka kawr chhanah nâ zet in ka awm chu ka țham zui hrawk a! Ka chhung lama natna erawh a zual tulh tulh!





Bawihi nen kan fâte chiah in a sin ka nupui kha 'Mamma' ti a ko thei! Kan pahnih a kân fâte chiah in a lawm Mamma ti thei!



"Ha! He hotel neitupa hmei, a fa pai hial tu an tih kha Thelma lek hi maw lo nia a!" elsen zet a Zualtei lo țawng ri chuan min khei khawp mai.





Ka ban bulah nghet deuh a a rawn kuah hmiah tak ah chuan mumang ram ah nilo a tak ramah ka cheng tih leh! Tun lawk khan ka kut ngeiin Malsawmdawngzeli ka tawk tih chu ka hrefiah chawp chilh zual a.






"A va lo cheap reuh tak! He hotel neitupa leh Arab mipa hman hman in an mutpui țhian an tih nu kha i nupui hlui a lo ni reng anih chu! " tên hmel taka Bawihi chanchin a sawi lai chuan hotel kawt ațang an chuanna car chu a tlan chhuak ve chiah bawk.




Ka lungphu chu a tawp dûk mai hian ka hria! Ka taksa chu chhung lam ațang a rawn sa hut hut a! Kum4 liam ta khan chhan țha pakhatmah min pe loin a kalbo tawh! Kei hian ka la mâ lo! Sum a la rawn chhuah bawk hek lo! A pasal dinhmun chelh tu ka la ni tihna anih chu!




Ka che chhuak phut chu "Carlos!" rawn ti tuarin Zualtei chuan ka ban ah a rawn pawt nghek. Bawihi chuanna car chu hotel piah kawng kawi ah a liam ve chiah bawk. A pasal ka la ni! A pasal lak aţang kum4 tal tap eng vang teh hrep a awm bo nge tih ka zawh chhuah a țul bawk!





"Carlos.." ka rum chhuak hrawk! Zualtei min chelhna chu man nawkin ka phih thlak sak nghal bawrh! Phawk fahran a min en chungin thawk a la hak a. Chuan.. ani hian Bawihi kha a lo hmu tawh anih hmel viau bawk!





Ka kal san tur chu ka jacket tlangah min lo pawt leh rihin "Ka.. ih, dinner kan ei dawn kha" a tihah niah a, tûr zet a ka melh tak run ah chuan Bawihi te nen kan inhmachhawn laia hlauh nei ang maia a awm ang chiah khan a hmel chu phelh leh phung tawh!



Bul deuh tak hian "Sawifiah rawh" Ka ti chhum hmuk. "Eng chu... urrrgg, aa, Thelma kha maw.. aw, ih, ka.." rawn ti chhuak nawk nawk pah chuan a sam a tuai kual sek a. Nui suk pah chuan ban ka vai khum vut ta ngawt.



"Carlos." thlaphan hmel tak a lo tileh in ka ban ah rawn man leh a tum chu lu thin khum nghut pahin ka inher san nghal a, chak takin Hotel garage lam pan chuan ka pen nghal pawk pawk bawk, Zualtei chuan min rawn umzui tih pawh ka hria. Mahse, ka ngaihven zui hran lo!





Bolero zawn ka thlen rualin chabi ka hmet a, bolero chu a ri khup, kawngkhar pawt hawng pawp pah chuan Zualtei rawn tlan ve dawr dawr chu ka lo nghak khawtlai leh rih a.




Ka rilru hneh tum zet hian "Dinner kan ei dawn kha.. ih, ka rilțam tawh" a rawn ti țuau a, thaw hlawp hlawp in bolero lo thleng ve nghalin a pum chu a dawm tel ran bawk.




"Tlan chiam țhin suh ka tih kha, i nau pai tan a himlo ania." ti sup in mit ka siai suk. Eng emaw sawi tur hian a ang ziau va, thawven hmel fê in ka kutţang pahnih chu ka chal zawn ah ti chet khum zauhin bolero chhung ah ka țhu lut nghal a, Khi suk chungin kawngkhar chu ka pawt phui leh dawt a.



Mak tih hmel zet a min en chung chuan Zualtei pawh chu chu a nui lui hram hram mai. Ka lakah a laungawilo anih pawn a sawi chhuak ngam miau lo! Ka neih loh a hlauh luat ah ka awm dan engpawh min pawm pui vek zel! Glass ka down leh tih a rawn hmuh takah chuan rang zet in a rawn tlan thuai bawk.




"Doctor i nih kha, naute tan a himlo tur chu i hre hrang in ka ring" tih zawng ka sawi leh lai chuan sawi duh nei țeuh hmel pu chung hian thawk a la hap a, thil dang engmah sawi belh tawh lovin glass chu ka up hnan leh hmiah bawk.




"Khaw nge i kal dawn, dinner kan ei dawn kha Carlos. Naute nen kan rilțam tawh." driver side darthlalang rawn chum dat dat pah chuan pangngai tak ang a lan tum si hian a rawn nui lui ngial țhîn a. Amah chu ngai pawimawh lo fê in engine ka ti nung a, steering hum run chungin mit ka siai leh suk a. Hmai dang bei chungin a tawlh sawn ve ta hram!



Chak takin garage ațang chuan ka dâwk chhuak nghal zâwk. Hotel gate ah ka tlan chhuah rual chuan Bawihi chuanna car in a panna lam ni a ka hriat kawngpui ah chuan ka inkhalh bing hmiah hmiah a. Ka thinphu in thum rawn dup dup leh sa leh huam huam țhîn chuan ka thawk lak a ti muamal hleithei der bawk lo. A khat tawkin ka kawchhung sa phul bulh bulh tireh tur chuan ka kâ hmangin ka thaw chhuak leh hawk zel bawk.





A sam sei hniang in a hmai khuh tel deuh hlek chunga a rawn hawi chhuah rual khan ka thinlung rûak hung țhin kha eng emawin a rawn luah kual nghal rawih rawih anih kha. A biang pangtilum thar thar mai ka kutin a tawh rual khan min nûng ka nih zia ka inhrefiah leh chiah bawk. Kum4 hnu ah nung dam ka la nih zia ka inhrechhuak ve leh chauh tihna anih chu!




Nui rum hawk pah chuan ka awm zawnah ka kutphah chu nghatin thawk ka la suai suai a, Chhung lam ațang chuan a rawn nghawr nghing dawt dawt! 'I hria a ni tiraw? A pangtilum kha i lo dawngsawng țha hle a ni tiraw... hah, i thlakhleh em em i nupui chal nen a kan insik chet rual khan lumna i rawn nei ve leh chiah a ni tiraw.' tiin ka thinlung chu ka bia a, Nui chhuak leh hawk chung chuan ka han thaw chhuak leh ham ham a. Ka taksa peng tin leh tha zam che kual rawih rawihte, thisen zam kawi tin mai thisen lumin a rawn zawh kual rawih rawih te chu kum 4 hnuah a țûm khat nan tak tak ka feel ve leh ta.






"Khatiang khawp khan em ni lumna nei hlek lova siam tu che kha i lo thlakhleh a?" ti chhuak sup in chhung lam ațanga min rawn nghawr che dup dup tu zawn ah chuan ka kutphah chu ka nam zui vung vung, "Lungngai suh, nangmah chiah nilo.. ka taksa peng khawi lai pawh hian ka Bawihi kha kan thlahlel vek.. chuan... amah pawh khan a awm dan phung a hloh vek tih i hria em? Ka khawihna vang chiahin ani khan a awm dan phung a hloh țhin.. amah i hnaih ruala i chet dawt dawt ang chiah khan a taksa chhunga a lungphu pawh a phu rang ve tih ka taksa pengtîn hian a hria... ka chiang a ni, ani kha keimah vangin a la danglam ve chiang a ni " maimitchhing pah chuan ka han thaw chhuak leh huai a. Chiang zet in a biang ka dawm sak rual a a hmelțha lutuk a lunglenna rawn lang chhuak kha ka hmu zawm zat bawk.


Zûn ngah nu! Kum 4 chhung teh ngawt ka mit hmuh ah i rawn in lan miah lo chung pawn i zûnzam chuan min zêm â lo chauh tih hrethiam map lovin engvang a min hnungchhawn leh nge i nih? Ka khawih rual che khan 'min ngai' tih sawi chhuah a harsa viau em ni?







Bawihi hmel a lunglenna leh min thlakhlelhna ni awm tak rawn lang chhuak ve kha a dik lo palh ang tih hlau țún chungin ka rûm chhuak leh kawk a.



"Ka nupui." ti chhuak sup pah in speed ka ti chak zui nghal sauh bawk.






Kawng chung par par ah chuan tlan tlang zel ka tum nangin chhung lam ațang hriatthiam chiah siloh boruak sa hut hutin min tur ngut ngut avangin 'U Turn' chu ka la ta pawp. Kawng hnuai ah ka tlan phei ta a. Zan dar9 a hnai tawh avangin lirthei vei vak dang a awm mang lo! Thler tin chu a reh thim deuh ruih a.





Ka hmu leh a ngem? Khawi lam nge an pan ang? Zanin hian ka hmu leh ngei tur ani! Kum4 tal tap hnuah ka hma ah a rawn lang leh hlawl ani a! Kan inhmachhawn chhung kha reilo viau mahse ka lungphu leh chet dan phung a buai phah vek thung!









Ka thawk lak mumal lo tak leh awm dan phung buai bulh bulh reng tireh tur chuan ka țhut dan te chu ka han siam rem leh rih a. Steering hum run chungin ka thinlung in min nawr na lam kawng chu ka zawh zel bawk.









Motor vei vak a awm tawh lo bawk a, Bawihi chuana Car kha ka hmu harin ka ring lo! Kawngsir a car inhung en kual dun dun chungin ka tlan zel a. Ka phone lo ri ve sek pawh chu chhan tumna ka neilo! Kawngpui chhak lam a car dum tliang hlar ding ka hmuh rual chuan thaw chhuak huai pahin a hnung mai ah engine ka ti thi ve nghal dûk!







Car chu ka thlek vung vung a, Bawihi chuanna kha ani tih ka chiang!






Engmah ka ngaihtuah chian hman hma hauhvin bolero aţang ka chhuak nghal vût! mihring vei vak pawh an vang pharh! Car pan chuan ka pen zui pawk pawk, car chhung ruak huai chu tukverh darthlalang chhan ațang ka bih ngur. He lai hnai ah a chuanna car hi a inhung anih chuan Bawihi awmna pawh a hla bik hauh lovang!









"Tunțûm chu i kalbo nawn tawh hauh lovang." ti chhuak sup chungin ka ding mar nghal vut. Ka kekawr ipte ah kut zen lut hlun chungin ka hawi kual thuak a. Khua a rawn dur deuh khûi a, zan boruak thim ruih tawh pawh ahma zawng aia thim zualin a vawt deuh vur! Thli thaw vúk vûkin electric hrui inzam a chhem rîk vûk vûk chu thawm hriattur awm chhun ani lek bawk.








Ka kâ aţang thaw chhuak hawkin ka dinna thler vel chu ka en kual pah thuak. Chumi rual deuh thaw a ka ri hriat vang chuan ka chhung lam chu a che leh dawt dawt tawh!







"Pa." Hotel kawt a hmeichhe naupang aw ri bawk chu kawngchhak lam ațang fiah zetin a rawn ri chhuak! Chulam en tur chuan ka hawi nghal vut bawk.





Kawngchhak lawka inchhawng thumna eng bik kûng aţang thawm chu rawn chhuak ani tih ka hre zawm zat! Hmeichhe naupang leh mipa inchhaih thawm a rawn chhuak leh a. Hmeichhe naupang nui ve hek hek karah amah fiam tih hriat taka patling aw thum lam deuh rawn ri tel țhîn ka hriat rual chuan nghet takin kut ka hum tawm nghal țawlh ţawlh.







"Bawihte, aunty kha see off rawh le." Bawihi aw ka hre tel ve leh a. Ka awm chhung rawn na vîlh nghal ngût ngût chuan thawk pawh thaw chhuak hlei thei lo khawp in min hrawm bawrh bawrh. He inah hian an cheng tihna maw? Chupawh a chhungkaw thar te nen.. an in a leng ve a haw hunah khapa te nen lek khan he in ah hian an awm a nga, khum khat ah mu a... f**k! Rum chhuak hrawk chungin bolero lam ah chuan ka let zui nul nul!







Ka thinlung kehsawm vek chhan hmeichhia khan chhungkaw dang a din tawh bik tih hriat tluk a natna nâ leh tur chuang a awm in ka ring lo!







Bolero chhung thim rûp ah ka țhu ngawi ngul. Ka piah lawk step ah chuan inthlah thawm a ri lang lang a. Hmeichhe naupang aw ri leh Bawihi aw ri te. Kha mipa țawngri leh chhungkaw hlim tih hriat taka mipa in Mamma tia Bawihi au tu hmeichhe naupang a chhaih khek țhat țhat thawm te chuan ka awmna chhung boruak chu a rawn ti ûap in thawk a zîng mûp mûp!






Reilote hnuah kawngpuia ah chuan hmeichhe pakhat a rawn lang hlawl a. Amah ai chuan a rawn kal san tak inchhunga awm ho te chuan ka ngaihtuah a an luah hneh zawk. Inchhung ațang bawk thawm a rawn chhuak leh a. An țawng ri zawng zawng hre vek thei lo mahila ka nupui chu a chhungkaw thar te nen chuan an hlim a ni tih a hai thei bau loh!




Amah nen a kan chhungkaw din ve kha țûm khat te tal pawh a ngaihtuah let ve țhîn a ngem!

Damn!



Insehruh țeuh pahin ka tukhum chuan seat nghenchhan chu ka nawr ngawt ngawt! Ka hrawk chhung rawn sa hút hút leh rawn lum pup pup reng avang chuan thawk ka chelh zûi ta ngut ngut bawk.




'Ka hua che' tiin vawi tam ka sawi țhîn. Thah hial che chak khawpin Malsawmdawngzel ka hua che! Ka hma ah i rawn lang leh a, zan tin ka țhanharh chang apiang a ka zawn țhin i taksa lum ngei kha ka khawih leh i rem ti a. Min dawi â leh vek tawh! Second reilote chhungin huatna khâ zet ka lo pai reng tawh te pawh i zûn zawkin a rawm zêm bo a. Huatna khâ zet i dawi hmanga min lêm zawh sak vek hnuah a let tâm tak a nâtna tuar tur zawkin min hnutchhiah leh a. Mipa dang kiangah i nui thei a maw? Huh? Ani nen kha fa hial te nei in chhungkaw thar i din tawh bik der maw! Hrereng rawh! Ka nupui ila ni.. ka nupui, ka ta i la ni tih inhrereng rawh!





Engtiang a rei nge chu hmunah chuan ngaihtuahna buai nuaih leh kal bing ngut ngut chunga ma țhu tawh ka hrelo. Kawngchhak ațang chuan thawm a rawn awm a. Muangchang in keipawh chu ka meng chhuak ruai ruai a. In pawh chu a lo thim țhïap tawh!






Step ah kê pên thawm a rawn awm rual chuan chhuah lawk a! Ka nupui kiang a mihring awm ve kut va thlak nghal bawrh lo turin ka inthunun ţang țang! Kawngthlang a street light eng raihin step rawn zawh thla mek te a chhun phak rual chuan ka bek ruh na ut ut khawp hial in ka insehruh nghal țeuh.





Khapa khan hmeichhe naupang muhil chu a darah a kuah bei thlap a. A kut lehlamin ka nupui kut a chelh bawk! Midang an mamawh lo tih hriatfê in an rawn țawng thla a. Ner suk pahin steering ka hum nghal chawt!






Car chhungah an țhut luh hnu reilote ah turn la in an rawn inkhalh let leh a. Ka awmna an rawn tlan pel rual chuan Bawihi rawn hawi chhuak nen kan in melh nghal siah bawk! Ka awm chhung a chet dawt laiin engahmah min ngai tawh lo tih hriat zet in min nuih sak a! Min pel fûa rual chuan rang lutukin engine ka ti nung nghal zat, piah deuh ah ka va in turn ve pawp a. Ngaipawimawh loh hmel zet a min nuih tu kha ka umzui leh tho!





Hotel ah bawk ka zui thleng hlawl! Parking lot ţang an rawn chhuah leh rualin kei ka tlan lut ve chiah a, engatanmah min ngaih loh hmel fê a Bawihi a khawsa kual vel chu ka haw hlur! Remchang laiah bolero chung hung ve hmiah in hotel kawt zawl lamah ka chhuak chho ve a. Hotel chhung dai raih ka lut ve chiah tih ah lift nghaka an chhungkaw ding khawm têl chu ka va hmu zui zat.




Ngawi ngulin lobby lam pan chuan ka pen nghal pawk pawk a. Ka va thlen hma deuhin lift kawngkhar chu a inhawng a, bawihi lut tur chiah chu eng-khaw sawi set set lovin a ban bulah man chawtin ka hnuk chhuak nghal a. Țê deuh țhatin ka awm ah a rawn intauh chawrh a, Chumi rual deuh thaw chuan "Thlah nghal rawh." Hmeichhe naupang pawm tupa chuan a rawn ti nghal hrawk. Bawihi pawh rawn hawi let hlek loin tal chhuah tumin a che nghal phat bawk!



Rum ul a "Thlah rawh ka ti chu" tihleh ka jacket awm ah a kut khingkhat a rawn țham a rual a, ngaihnep hmel fê in ka lo khik suk ringawt.



Kan inkarah Bawihi leh a hmeichhe naupang pawm te chu an awm. Tal chhuah tum a Bawihi che nawk nawk reng chu a hma aia nghet in ka man bet a, Mipa chuan min cho tih hriat fe in thip zetin min melh khu khu a, Kan intiat tawk viau! Thah hial pawh ka hreh lo! Mahse, hmeichhe naupang a pawm mek avangin kut erawh ka lek khum lo vang!





A tal chhuah mai theih loh avang a thinur țeuh chung hian "Khawi teh, min thlah thuai rawh" Bawihi chuan a rawn ti ve hrak, chumi rual deuh thawin mipa chuan Bawihi darah kuahin ka lak ațang pawh sawn a tum ve thla rawk a! Ka thisen lum nghal bulh chu thunun túmna ka nei tawh bô lo!





"I kut hmawr pawn i tawk leh anih chuan ka that ang che." ti chhuak hrawk chungin Bawihi taksa tawk tu ban rekah chuan ka man hmiah! Bawihi taksa ațang a ban ka phih thlak sak hrawk rual chuan chet lak a tum ve leh a. Mahse, rang lutukin Bawihi zawkin a ti tawp a


"Doris... Doris in a hlau palh ang che." a hma a mipa awm ah a kut nghat pahin a ti dam raih. Lungawi loh hmel zet a mipa ner sawk chu a huat tur tawk lekin mit ka lo siai khum kher bawk nen; Hmeichhe naupang chu pawm lo ningatse chuan min hnek chawrh hial tawh ang. Tih theih pakhatmah a neilo tih a inhriatchian ngei theih nan nuihzat hmel taka en chunga Bawihi bawk ka taksa ah ka hnuh let leh hrawk rual chuan Bawihi zawk chu a rawn ter nghal phat.



"Zohminglian" ti hlar pah a rawn inher in rum zet in min melh nghal ram ram a. Ka lo khi suk thung. Ka lam hawi a a rawn inher hma pawn amah khawih tu chu keimah ka ni tih a hrethei anih chu!



A ban bul ka man sakna chu pawh phelh a tum zui leh nghal a, Ngawi ngul siin ka man nghet tulh tulh thung. Ani lah chuan min huat hmel fahran a min melh rawm rawm rengin ka kutțang chu pawh phelh a tum ve țang țang a. Nichin lawk kha chuan a hmel hmuh leh chakin ka lungphu a mumal lo a, tunah thung chuan a hmel ka hmuh rual hian ka thimrim ipik țún!





Ka chelhna min phelh sak theilo beidawng chuan "A mak e mai..." thinrim aw fiak țhak a rawn ti hlarin ka awm ah a rawn nam ta chawrh a. Hmai zangthal haw a a rawn hawi chhuak hmeltha lutuk mai chu hei aia nâ zawk a siam hial ka chak rum rum!




Ka man behna ațang a tal chhuak thei bawk silo leh thawm siam a hreh bawk si a lamah a hmelțha lutuk chu a sen awp awp a. Ngawi ngul siin thip khûiin ka chhuk melh ve ngur ngur bawk. Ka chhung lam tawt mup mup leh sa bulh bulh chu ka kâ ațang thumal khat lek a chhuah rualin a ziaawm deuh huai ang tih ka hria! Mahse, engmah sawi tur ka hrelo, thinrim ipik țún a a hmelțha lutuk en ngur ngur chauh mailo chu!





"Eng nge i buaina ni a, ka pasal leh ka fa awm lai reng a min pawh buai hian i hlim phah em?" Ka awm zawn ațang vanvadak vah chungin zawi khâ sehchilh takin a rawn ti hrak! 'Pasal leh fanu'! A țawngkam hman chuan ka khaw hmuh chu thisen ang mai a sen khûiin a lo thlak nghal mûp! A ban ka manna tha pawh chu ka thinrim lutuk vang leh thisen chhuah ka chak luatah a khur ta ngawt ngawt bawk! Ani fã hi țha taka a hrin bik laiin rawng takin ka fâ a ti tl thung! Amah ngei pawh hi ka pawt sawm vek chak ut ut!





"Min thlah vat teh" ner sak pahin ka ban rekah a rawn hum a. A pawt deuh nawk a, ka thlah ve ta thut bawk! A beisei loh lutuk a ka thlah thut vang ani ngei ang a mitmeng chu a buai nak a! Mahse, inchis khat pawh a a chet sawn hman hmain a kawngah ka man leh thut! Ka taksa si chet in ka hnuk hnai nghal a, A pasal insumna tlak chham hmel tawh zet leh tha zat hmel zet melh ngur pah chuan ka kun hniam ruai ruai bawk!




Ka hnaih zel chu duhlo fahranin "Tenawm pa, min thlah vat rawh..." a lo ti fiak țhak a, ka awmah mî nam nghek pahin a eu hla țawng țawng bawk. "Khawiah nge ka fâ i dah" vawt ruih a tiin ka hmui chuan a beng ka nawr sak a, chutah a beng bulah bawk chuan zawi leh khauh zetin "Malsawmdawngzel khawiah nge ka fa i dah?" ka tih leh dut chuan a tha khur zawih zawih chu ka hriat sak thei.



"Ka fa kha min pe kir leh rawh." zawi khauh zet a ti leh hrawk pahin a beng hnuai chu ka hmuiin ka nul thuak a, thawk a la hak a. Ka man behna ngheh luat vang a ni tih ka hria! A nat leh nat loh ka bengkhawn lo! "Ka fâ i tih tlak tak kha nungdam a min pe let leh lo anih chuan i fanu nghawng ruh la nô hmel zet hi ka țhûai bûn sak ang che." ka aw zawi lutuk chu a ri dûr dûr! A tal ve sek chu tawp chawtin a ding khawng lah a! Muangchang in a hmai zawn ah awm thei turin ka ding mar leh ruai ruai bawk!




Tihnat ka hreh hauh dawn lo tih leh ka thusawi zawh chiah kha tihhrehna pakhatmah ka nei hauh lo tih a hriat ngei theihna turin thisen chhuah chak hmel fê chuan ka chhuk melh nghal ngûr a! Ani erawh thlahrang a hmu ta mai emaw tih tur khawpin a hmai chu a dang var nghal vek!



PicsArt_09-20-12.58.49(1).jpg
PicsArt_09-20-12.58.49(1).jpg (70.52 KiB) Viewed 34583 times





"Ka fâ i tih hlum laiin mipa dang thisen kai nungdam a i hrin theih anih ngai chuan ka fâ that tû rilarah hi ka tihhlum hreh ring hauh suh ang che" tichhuak charh charh in keimah hlat a awm turin ka nam hrang nghal dawrh bawk! A pasal chuan a hnung lamah a lo man thuai a. Malsawmdawngzeli'n hmeichhe naupang kha a su dawt miau a a rawn che ve țalh țalh a.



"Bawihte, i harh tawh maw?" ti bah nawk nawkin hmeichhe naupang tho phang mit nuai nak nak chu a ban nghal zat, a pasal in an fanu a hlan fel rual chuan min pan ding hmiah hmiah a. Ka mit khap lai pawh a tibuai chhin lo! Ka jacket awm ah rawn țham bawrh in Lawi-chal insual tur ang mai in ka chalah a rawn nawr si nghal hmiah!



"An nufa kiang hnai ah ka hmu nawn leh che anih chuan..." a tih mek laiin "Chuan?" lo tiin a sawi zawh hmaiin ngeiawm lutuk in ka lo nuih suk! A rum nghut a. Ner suk chungin ka jacket awm a rawn țhamna ban rek chu ka man thuah a.



"Hmeichhe naupang hmuh laia i thisen ka chhuah sak che i duh anih loh chuan ka kawng ah lo ding ve tawh ngai suh" tihpahin a kut chu ka phih thlak sak nawk. Ka nui tel kher bawk!





"Hades, a tawk tawh, let tawh ang. Khatiang mihring pawh nilo beih nan i tha kha seng duh suh." Malsawmdawngzeli chuan ka mitah tak min en siah kher in a rawn ti ta a. A fanu chu pawm kang hlekin a fanu kiangah chuan 'pa saw au rawh le' a ti dam leh raih a.


Ka sahalh hulh hulh a ni ber e! Ka hmangaih tluk zet a ka hmeichhe huat in mipa dang nen a an fâ a pawm lai reng a min han deuh kual vel chu thin tawt thlak tak ani tawp!



Mut chhuak aw tial ran in "Pa, bed ah ka sleep duh tawh." hmeichhe naupang chuan a rawn ti țîak. Ka hma a mipa chuan ka mitah tak min en khûi khúi in thawk a la hawk a.




Inthunun tum fe chungin hmeichhe naupang lam a hawi hma chuan a han nui lui a, dam dap hian"Let's go sweet heart." a tizui sup, keichu min lo en lehin mungchang chuan a inher ta a, A mit meng thip rûmah chuan thah hial ka chak tluk zet in min thah ve mai a hreh hauh lo ang tih tur khawp a min chôna ka hmu bawk!




An nufa hmaah chuan va dingin aw dam thlup bawk hian "Kan let lai pawh hrelo in i muhil daih a." tiin an fanu chu a ban a, pawm nghal nawlh chungin malsawmdawngzeli kawng ah a kuah leh a, lift chhung ah a luhpui lai chuan a nghawng ah kuah bet țai chungin an fanu chuan chiang zet in min melh rawn kíau a. Ka thaw chhuak ta hrawk! Ka kuttum hum ruh tlat pawh phelh thawl ruai ruaiin hmeichhe naupang mitmeng lian fiah kiau chu ka en ta reng ringawt.








Ka fâ kha Malsawmdawngzeli teh hrep hian titla lo nise chuan a lian ve tawh khawp ang! Hmeichhe naupang hmel chu a awm sawn riai riai a. Malsawmdawmgzeli leh a pasal nen kan inhmachhawn tawh thung! A pasal in a kawngah a kuahna chu ka hmu lo ang tih hlau niawm takin a kutphah chu a vawn hnan salh kher bawk!



*** KAN WEBSITE A FAKNA LAM THIL MILEM LANG THIN I LO HMET ZEUH HIAN KAN WRITER TE HLAWH KAN TUMSAK ZEL TIH KAN HRE THEUH DAWN NIA, KAN LAWM E***

Website story link ho awlsam zawka in zawn hmuh zung zung theih nan STORY FB group siam a ni a. Whatsapp group pawh siam a ni e. Complete tawh ho zawng zawng leh story kallai kan dah vek avangin avangin in lo join theuh dawn nia..
Group link : https://www.facebook.com/groups/991354610918230/









Lift kawngkhar inkhar ruai ruai chuan ngaihtuahna dang min put tir nghal zawk a! A inkhar phui hma chuan ka kut pahnih in lift kawngkhar chu ka chelh a. Malsawmdawngzeli a tîm laiin apasal zawk erawh in ngeng ngul in min melh let ve siah thung.









An huat tawk tur lek a nui suk pah in lift chhungah chuan ka lut ve hmiah. Malsawmdawngzeli chuan rum fahran in min melh rawm rawm a. A pasal lah chuan ka tawh phal lo ni awm takin la din lohna lam ah a hnuk hrang nghal vat! Ka nui chhuak hawk a! Malsawmdawngzeli mize pakhat harhvang zet ang chiah khan an fanu chu a rawn hawi chhuak nghal zat bawk.





"Hello." ka ti sup. An fanu chuan min melh kîau va. Malsawmdawngzeli nen kan inhmuh hmasak ber țûm ka ngaihtuah let daih thung!



"Tunge i hming?" a nu leh pa te runluih nan hrim hrim ka be lui kher. Naupang chhawmchhaih ka thiam loh zia erawh Malsawmdawngzeli hian a hre chiang ber ang!



"Dorsi." a lo ti fiah fak a, "Doris." ti ve supin ka tina ang tih hlau ang hrim a rap hmel zet a min en ngawt ngawt tu Malsawmdawngzeli zawk ka melh ngur.



"Kum engzat nge i nih?" tia a fanu ka zawh lai chuan thawk pawh thaw chhuak lo in min lo en ngat ngat a. Doris-i chuan rang lutuk a a kutțang pali a rawn tih pir rualin a der ni hauh loin ka nui chhuak leh hawk bawk. Ui note harhvang tak mai a ang tak zet!




"Kum 4 maw?" ti sup in mit ka kán khum úk! Ka melh zawk tak erawh lift bangkil a ding tawm chet Malsawmdawngzeli chiah.



"Umm, i am four years old."



"Kum khat i ni zawk em" tia ka zawh leh kher na vanga mit mu chet kual ralh paha Malsawmdawngzeli hawi sawn daih chu ka nui leh suk bawk.




Doris vek chuan " No, four years ka tih kha." a thusawi ka hriatthiam loh hlau hmel zet in a rawn ti tûng. A hmui senno chek che kual niap niap chu melh zauhin ka buk khum ta nghut. Anu Wine ruiin wine no khat chiah ka in a tih laia kutzungțang pali ngawt a tipir țûm boruak ah ka cheng daih tih erawh kei leh hmeichhe pakhat chiah hian kan hre thung ang!






Chhawng chung berah Lift chu a ding ta a. Hades tia Malsawmdawngzeli'n a au pa chuan Malsawmdawngzeli ban rekah man nghal hmiah in a kai chhuak a, keipawh chu ka kekawr ipte ah kut thun lut hlun pahin ka pen chhuak ve chhak chhak! An nun hi zalen takin ka siam dawn reng reng lo! Hlauthawng reng rengin a fa a tihhlum sak mihring hian ka chhaih kual dawn!







An hnungah zel muang ruih in ka kal ve zel chu hmeichhe naupang chuan min nuih sen sen reng a. Ka fâ hrereng chungin huatna te nen ka nuih let ve suk bawk. An room hman tur kawngka zawn an thlen rual chuan Malsawmdawngzeli chu a rawn hawi let a. Engamah hma in thip tawk hian min melh nghal ngawt a! Kei á pek chuan a huat tur tawk lekin dar ka kan khûm ûk a. Beidawn hmel zetin a thaw chhuak zui hak.






Hades-a'n kawngka kalhna chu a hawng a, Malsawmdawngzeli chu luh tir hmasa in an fanu pawh room chhung lam ah a nghat lut a. Bang ngheng chuan an room kawngka bul lawkah thatchhe zet in ka ding ngul. Hades-a chuan min rawn hmachhawn a tumte pawh a ni mahna Malsawmdawngzeli chuan ngenngawl zet a en in a banah a chelhbeh sak tlat. Rum chhuak nghut pahin min lo thlek vût a. Kal sawn mai ka tum lo tih lan tir nan kei lah ka ding lui tlat bawk nen Hades-a rilru pawh a buai hmel khawp mai. Ka chetdan pawisak neilo zet chu an tan rûn thlak viau mah se nuam ka ti viau! Nuamsa leh rilru hahdam in ka siam ngai dawn lo ka tih tawh kha!









Darkar eng emaw zah chhung an room pawn ah chuan bang nghengin ka ding ngawi ngul! Malsawmdawngzeli nen kan inhmachhawn laia thinurna ka kawchhung a rawn sô phûl bûlh bûlh kha thîkthu chhîatna in a rawn thlang thleng lai reng ka hre hauh lo!










Thaw chhuak hrâwk hrâwk rengin kawngkhar chu ka melh ngûr ngûr a! Eng nge an tih ang! Khum khatah mu dûin Hades-a teh hrep khan Malsawmdawngzeli taksa a chul kual a ngem! Insehruh țeuh in ka nghen mek cement bang chu ka chum zui țâwlh! A taksa duhtawk a ka lo belhchian tawh kha neitu chanchangin tunah tak hian a sawngbawl kual mek mai thei! Ner suk pahin kawngkhar ațang chuan mit ka la sawn a! Ka thlakhleh em em Malsawmdawngzeli pangtilum ve hiam mai kuah a Hades-a teh hrep a mu bik tur chu ka duh hauh lo!










Ka ban chu ka vai vut! Ka vai ngawt chhan lah ka hrelo! Chutiang bawk in khum khatah thlamuang takin ka mut tir dawn reng reng lo. Pen pawk in an room kawngkhar hma ah ka ding nghal hmiah! Malsawmdawngzeli vun man han tawk thei leh a rimnu chek chek mai hre pha a Hades-a teh hrep a mut reng laia pawn lam a lo din ngawt ngawt lah ka duh hauh biklo! A awmzia chu zanin hian an tuitakin an mu dawn bô lo tihna anih chu!









Kawngkhar chu venthawn nei map lovin ka chum ri bur bur! Mikhual thleng ve dangte tan pawh ka thawm siam chu a tawrhhlehawm viau ta ve ang! Mahse, Malsawmdawngzeli te hrep hian an hre duh lo der hial zawk emmawni! Kawchhung tawt țún chungin a hma aia ring leh nâ zawk in ka chum tluk tluk! A tawp a tawp ah chhunglam ațang lock chu an rawn herh che ta zauh va!








Kawngkhar a inpawh hawn rual chuan meipui alh hluah hluahin a hliau puat ang chiahin ka taksa pengtin chu a sa chhuak puk! Jogger pants chiah inbel chungin Hades-a khan kawngkhar a rawn hawng anih chu!



"BUSTER!" ti chhuak hrawkin ka hnek nghal chawrh!





A thle sawk a! Khi suk chunga rawn hawi chhuak lehin a hmui kak ațang thisen rawn chhuak țîam țîam chu a kutphah hnunglam in a hru thuak bawk!







"Ka nupui taksa i khawih ngam a maw?" ti leh hrawkin a hma aia na zawk in ka hnek thle sawk! Țawngkam chhe zet rawn phuh chhuak sup in a kuttum hum ruh tlat chu a rawn vai nghal fua! Ka khabe ruh a rik chawrh rualin ka ner sûk a! A kutthlak a nâ ve reuh hle mai! A inchhir rum rum hial khawp in ka kut thlawn a tuar thung ang!










"Nice punch." Ka ti hmuk. A nui suk chu thal tawp tumin ka vai leh chawrh. Ka ban rekah a lo man chawt a, a kut lehlamin a rawn thawh fel hma in a hrawk ah ka rek hmiah. Mipa satliah ani bik hauh lo! Ka jacket nghawngah rawn țham nawk pahin a chal chuan ka chalah a rawn tauh ri chawrh!









"Duhtawk ru!" pindan chhung ațang Malsawmdawngzeli aw a rawn rik țhak rual chuan ka hma a mipa hnek chawrh tûm a ka kut lek uaih tawh chu ka tawp chawt! Chappal in vaw ri thlap thlap thawm chu a rawn hnai rawk rawk a.



Kan bul a lo thlen rual chuan "Hades!" a rawn tinghal a, phiangsen chuan! Hades.. Hades! tireng ringawt.



"Inthlah ru." rawn ti chang leh fakin Hades-a ban bulah a rawn man nghal țai anih chu! Hades-a mit ah tak en ngur ngur chungin ka insehruh țawlh ţawlh a. Thah ka chak tluk zetin ani pawh hian min dim a chak vek lo tih a mitmeng thim ram ah chuan ka hmu chiang viau.




"Hades, Bawihtei a harh ang." Kei chu min en duh țhaklo. Ner suk chungin hades-a chu a thaw hawk a. Ka jacket nghawng a țhamna a thlah rual chuan Malsawmdawngzeli'n a hrawk ka rehna ban rek a rawn beng nghal thlawp.


"Police officer ve meuh i nih kha... zan ah vak kualin tinge buaina ngawt i zawn a." ti hlar pahin min melh hrep hnuah Hades-a lam chu hawiin dingdihlip deuh âk in a biang a dawm sak nghal zat! Hades-a hmui thi a hmuh rual leh lek phei chuan khawlai uicho ar eiru tu ang mai a huat hmel takin min melh ta er bawk!




"Lo lut rawh, i hliam hi buaipui ang." aw dam diai a tiin Hades- a chu a kai a, enge ka tih mek tih pawh hre hman lek lo hian "Keipawh min hnek ve reng!" Ka ti chhuak hmuk! Hades-a hliam chiah hmuh saka engahmah min ngailo chu ka thinrimpui hlur bawk! Malsawmdawngzeli chuan â min tih hmel zet a min melh nghek pahin thaw a la hak a!


"A hnek che maw?" Hmaizangthal háw a min en pah chuan a rawn ti a




"Aw!" ka tihlet rual erawh chuan else fahranin "I phu tawk anih chu!" min han tihkhum hmak a, Hades-a chu room chhunga kaih luh a rual zui zat bawk. Insehruh țeuh chung a ka pen hma hrut chu "Guards ho in an theh chhuah che i duh anih loh chuan min rawn tibuai tawh suh! I hriat loh takin i awm mekna... oh, kan awm mekna hotel hi Hades-a ta ani e." ngeiawm zeta a aw ti danglamin min nuih pah sak a. Kawngkhar pawh chunglam ațang a rawn nam khar nghal bur mai.





"f**k!" Ri dawt khawpin kawngka chu ka hnek nghal bur! He hotel hi Hades-a ta maw! A pum hian ka hal sak nghal loh!


Kawchhung hadam lo țûnin ka dinna ngaiah bawk ka ding ngawi ngul! Engtiang a rei nge ka din tawh lah ka hre sise lo! A chhung a awm te hian eng nge an tih ang? tih ngawt ka ngaihtuah ngut ngut reng a. Khapa phiangsen hmui sir thi mai mai hmuh hreawm a tih viau laia amah vang teh hrep a ka thinlung kehsawm vek lah engatanmah a ngai duh der silo! Tawt țûn in ka insehruh leh ngur ngur țhin. Kal sawn a, in lam pan tumna rilru ka put rual hlek lahin a chhunga mite pahnih khawsak zui dan tur ka suangtuah tel ve zel leh nghal!






Kawngkhar hi tichhia in a chhungah hian ka lut ve hial dawn mawni!


Tûr khûiin kawngkhar ûk khûrh chu ka melh khûi khûi reng!



Ven loh kar hleka Ar in buh-phô an lo chûk ang tih hlau reng reng a buh-phô an țhutchilh tlat țhin hi ka inchan deuh roh tawh! A chhungah hian eng nge thleng tih hmu thei lo mahila pawn ah ka ding reng tih an hriat chhung chuan an hahdam bik teuh lo!




Pindan chhungah an awm chhung chuan ka kalsawn dawn lo tihna anih chu!


Corridoor reh ruih ah chu carpet senduk a inphah chhuak vek a. Muangchangin ka țhu thla ruai ruai bawk. Ka tukhum a cement bang nawr ngur in inchung lam chu ka en vung vung! Ngaihtuah tur dang ka hriat baûloh avangin Malsawmdawngzeli ah pawh ka ngaihtuahna a tawp a! Kan inhmawchhawn leh ta hi mumang a ang rum rum! Kum 4 chhung a nun buaichuar leh mumal lo zet ka hman laiin ani chuan ka awm ve tih hrelo lekin hun a hmang zui tih lah fâ hial a neih nghal dan ațang a chiang reng! At pui khawp a ka hmangaih laia inleng lut satliah leng lut tawh ngailo ang lek a min ngaia nun bul ațang thar thei bik chu a tlawm thlak tluk zetin che dawt dawt hial khawpin ka awm chhung a nâ rawih rawih thung!





Eng emaw ri rak thawm vang chuan zuai ruih in ka meng chhuak a. Malsawmdawngzeli te room kawngkhar rawn innam hawng riai riai chuan mumal lo khawp a rangin ka lungphu a siam leh tawh.



Mawza bun chunga Doris-i rawn pen chhuak dêk dêk chu awi lo zet in ka lo en vung vung ringawt. Teddy Bear chu a ban ah a hum ve țai a, dingdihlip ak ak chungin carpet senduk chu a rawn rap ve țhem țhem. Dimte bawk in kawngkhar hrawlpui chu a nam khar ve reuh a.




A inkhar fel ta maw tih ah a awmah teddy bear chu kuah bet țai chungin inthlahrun hmel deuhin ka hma ah a ding têu a. A hmel hriat rawn kal tur a rawn nghak anih ringin ka ding leh vei a corridoor reh ruih chu ka en kual nghal vût bawk. Khawfîng chah hun anih tawh miau avangin a la reh rawih rawih. Doris-i bawk chu ka en leh vut a. Naupangin thil eng emaw duh an neih a an nui sêû ang chiah hian a rawn nui nghal sêû bawk!




"I bulah khan ka lo țhu thei em?" a mitmu lian kiau chuan ka bul chhuat chu a rawn melh a. Mutna a hak chi tshirt fual a khup hnuai thleng a ha.


"Thei lo, lut leh rawh." ka ti hmuk. Thaw ve hliai pahin hmui a ti pawrh tarh a. Anu a chhun em vang a ni mahna rei en duh loin ka maimitchhing leh hmiah.


"Tinge pa kha i 'hit' a?" a rawn tih leh rual chuan ning fê in ka thaw chhuak hawlh. Ka meng leh hlawl a. A la naupan tehreng nen facial expression a nei țha reuh zek leh nghal, chal a lo chuar ve nang mai.



"Becouse he is a buster." Ka ti hmuk.

"Bad words.." ti sep in min melh let ngar. Ban lek kang ûk pah chuan ka rum nghut bawk. "Mamma in bad words chu hman lo tur a ti." ti pah chuan tîm deuh daiin min pan hnai leh a. A mitmeng fing zet chuan min ngaichang ran reuh bawk.


"I have something for you." tiin ka hmaah chuan a rawn ding fel at a, A nu ang chiah in a sam chu a buang theng a, teddy bear chu zakzeh ve țai in a kut lehlam hum tawm țai chu ka hmai zawn ah a rawn ti pharh nghal zat. Band aid zawhte sendang lem awmna a lo hum ran chu niin.



Awm ang lo tideuh hian "Ka mamawh lo." ka ti leh hmuk. Ka maimitchhin leh hma chuan hmui a ti pawrh tár lai ka hmu hman hram. Tunah tak hi chu ani hi ka mamawh lo! Mamawh lo tak ka ni!





Tisa nem thep in ka khabe ruh kual a rawn sîk vangin tha thawh a vai kiang nghal nawk lo tur a in controll hram hram chung chuan ka meng leh a. Kha hmeichhe naupang khan hnaih takah min lo din chilh in mit tizîm sat sat pahin band aid chu ka khabeh ruh kual ah bel a lo tum ve ngei a.


"Ka mamawh lo ka ti a nilawm ni." ka tileh țalh chu "Bad words hman lo tur ka tih tawh kha" min lo tilet khauh.


" 'Mamawh lo' tih chu bad words a ni lo." ka ti nghut. Ka thusawi ngaipawimawh lo zet in kut a beng ta terh terh a. Ka khi ve ta suk bawk. Ka khabe ruhkual a band aid a bel chu tawk zauh in amah chu ka en nghal run a.



"Thank you ti ta che." vûi aw deuh in a rawn ti a. A la naupan tehreng nen a tih tam phian leh nghal.


"Lut rawh." tihkhum leh hmakin bang chu ka tukhum bawkin ka nawr a, ka maimitchhing fel awr tih ah min si chet in carper ah chuan a rawn țhu ve hmiah a nih chu. "Naupang hi ka ngaina lo a nia. Lut rawh." tihluk paha ka zuk en chuan "What is the meaning of Ngaina lo?" a la rawn tizui. Min lo chho en kiaû tu mitmeng chuan ka chhungril thlengin a hmu tlang hial a hria in aw ka thian khurh a, a zawhna mim zawh pawh chhang let ta lo chuan "Țawng tawh loin pindan chhung ah lut rawh." ka tileh dut.

Ani lah chuan"Aih, ka sleepy tawh hleinem." tiin a țang kawh ve tlat a.

"I mut a chhuah tawh lo pawn ka bulah rawn țhu suh." ka tileh hram.

Chutah leh Doris-i chuan "Uncle chu i bad boy e." tiin min en ang hêhâw a. "I big guy nen nen little girl kha min scolding zel a..." tileh in rilru hah hmel deuhinLu mî thinkhum mat mat anih chu! Bul zet a biak leh hmuk ka tum nangin sawi tur mai ka hre leh silo a.


" bad tih word kha bad words ah a tel ve." ka ti hram.

"Kids i nei em?" Neilo, i nu hian ka fa rawn piang chhuak ve tur a ti hlum. ti bulh vut ka chak țún.

"Neilo." ka ti hmuk.


"You know." Ka thlek nghal vut. A țhian ah min ngai deuh in ka hria. Thil pawimawh hmel tak sawi tur ang maiin a hmel a thutak reuh phian bawk.


"I have a twin brother." a rawn ti hliai a. Mit ka kân ûk bawk. Mahse, puitling mitmeng hmang a zawhna zawh theih anilo tih ka hre leh hnuhnawh.


"Phir pui i nei maw?"

"No, twin ka tih kha.. twin." Twin chu phir tihna lawm mawle aw!


"Where is he now?" Ka ti nghut.

A dar tereuhte kan ve ak pah chuan "he is in heaven" a ti a. Teddy bear a pawm țha sauh bawk.

"Heaven?" ka ti chhuak ve sup. Doris-i chu a bu lap lap a. A awmzia chu Malsawmdawngzeli'n phir a hring a, pakhat zawk a boral tawh anih ngei dawn chu!

Ka hmel chu a lo lang muk deuh a ni mahna"Sad things ka sawi lo kha..." tiin min han hnem let ngei a, "heaven chu a nuam lutuk a lawm" a han tizui a. a la naupang reuh si, tereuh bawk si, sawi tur a hre phian bawk sia. Pindan chhung ah hian lut leh tawh se ka ti tak zet!

Maimitchhing in bang chu nghengin ka ngawi ta run a, mahse, mak tak maiin Doris-i chuan min en reng tih ka hre thei. Aaaa.. ka khabeh dinglam ruh hnuai hi a za mer mer.



"why don't you go home and get some sleep?" zawite mahse nideuh tûng si hian a rawn ti leh hliai a. Mahni lo maha mood chhiat tawh sa tehreng nen! A kham awm tawh tak zet!




"Ka bulah i awm duh anih chuan ngawi rengin awm rawh." Meng chuang loin ka ti chhuak nghut.


"Ok." a ti zang vah. A che zui sat sat a. Hrep chuan!



He hmeichhe naupang hian an chhungkhat hnai emaw min ti hial em! Zimte in ka meng a, sirlam ațang min rawn ngheng ve hmiah. A teddy bear kuah țai chungin a tukhum chu ka nak chho ah a rawn nghat ve than anih chu!


Rum chhuak nghutin ka kutțang chuan nawr hlat tumin a tukhum ah ka han nam deuh a. God! Ve țang țang chuan leh, nawr sawn ka tum tih hria ang hrim in min ngheng na telh telh anih chu!



"God!" ka ti ta hluk. Chutah a lo nui khek ta raih a. Vavadak ha a min rawn en chho pah chuan intichak (strong) hmel zet in min rawn nuih hak hak bawk.


"i'm stronger than you." mitko ti che zauh zauh pahin a la rawn tizui. Atthlak ti zet hian ka khi ve ta suk bawk!




Nau awih hla ni ngei tur a sa rat rat reng a. Ka uksak hran tawh lem lo. Teddy bear hmul chu a chul tel ani mahna a ban che vel in min nghawk tel zauh zauh. Chutiang a rei ngial kan țhut dun hnu chuan Doris-i zai chu a reh ta daih a.




Mit meng a ka check nâkchuan min ngheng ar ar chungin a lo muhil der tawh! Lungawilo zet chuan ka phun ta hluk! Naupang ka lawm hran lo, abik takin ani leh lek phei hi chu!





Ka phone rawn innghawr che dur dur la chhuak tur in ban ka chet vut a. Chumi pah chuan ka khak tel palh ani mahna, a awn riai riai a. Dimte in a dar ah ka dawm zui chawt!




" Band aid min bel sak vang chiah a tina rih lo che ka nih hi." Ti sup in ka melh khui bawk. Teddy bear chawp chuan ka malchungah ka pawm ta hlu hlu. A rawn chhuah tirh khan ka mut a chhuak tawh lo a ti ve țang țang a. Darkarchanve pawh a ral hma hauhin muthlu leh nget reuh bawk.






Ka phone bawk chu a rawn nghawr leh a. Screen ah chuan Matei hming a lang raih.




"Umm." ka ti nghut. Ka mal chunga hmeichhe naupang muhil chu ka melh pah zauh a. A mitkhur leh hnar ngul inzawmna lai chu kei ang chiah in a thuk deuh dâk.






Lehlam ațang Matei rawn țawngri chu a fiah thei der lo. A tawp chut loh leh a fawn deuh hluau hluau a. Țullo tife in ka ner suk mai!




"Emma"


"Mate.."




Țawng kan inhriat pawh thei miau lo. Ka off a. Misscalled 50 chuang a lo awm reng, Zualtei call vawi 6, a dang chu matei number ațang vek!







Matei chu ka call back a. Ka awmna hmun vang anih ka ring ta ber! Network a țha thei bõ lo!





"Emma.. " u lo khawnge i awm tih a sawi lai vel bak ka hre thei lo. "Hrep chuan." ti chhum hmuk in phone chu ka off leh hmiah.





"Keima nî Emma i talking a mi?" Phone screen ațang mit la sawn meuh in Doris-i chu ka en nghal vut.






"Emma?" ka ti sup a, a bu nghat a. Teddy bear kuah țha pah chuan min en let ve kiau bawk.






"Emma i hria maw?" Ka ti hû! Nî tih thumal leh ka farnu Emma a sawi zawm anih chuan!






Ka lung zawn chu namen loh in a rawn phu nghal dûp dûp a! Ka malchung a hmeichhe naupang ka pawm beh hlu hlu chu ka en ngut ngut bawk! 'Keima nî Emma.'






"One Aunty kha today morning ah ka hmu a maw, a teary eyed nasa lutuk a, ka Mamma nen an in hug a. Mamma pawn i nî Emma, i Daddy sister ati a lawm." eng emaw rit tak van ațang rawn tla thla chawrh in a tlakna kiang vel a nghawr che lawih ang chiah in Doris-i thil sawi chuan min deng nghing dawt!






Reilote chhung chu a thusawi in min țhawn lutuk avangin ka mâng dûk ani ber! Țawng chhuah ka tum a. Ka hrawk chhung ațang chuan ri hrawih bak engmah a rawn chhuak thei lo! Thawk ka lak hawlh rualin ka kawchhung lam chu a khur ru dur dur tih ka hre zawm zat a. Hmeichhe naupang, chupawh duhtawk a mizo ţawng pawh hmang thiam lo thusawi vang ngawt a pachang tawh ka mumal lo nghal bulh mai chu control dan ka hre hauh bawk lo!




"Ka Daddy sister i speaking chuan ka Daddy i hria tih mi?"


"I Mamma chuan engthil maw a sawi.?" ka ti ro hulh.

"Aunty Emma. Ka Daddy sister ati. Nî.. 'Sun' tihna nilo in ka Daddy sister ka auh dan tur.. ani Emma."






Hotel kawt zawl ațang parking lot pan in Doris-i leh a teddy bear pawm chung chuan ka pen nghal pawk pawk. Khua a var chian loh vangin security duty bak hmuh tur an la tam lo. Emma ka call pah bawk.


"God! Û, khatizozai ka call na che tinge chhan nachang i hriat miah lo a?" Call a chhan rualin a rawn ti hap!



"Doris." ka ti sup. "Doris-i hi ka fanu ani em?" ti leh nghutin ka dar a bei hlan rawn che țalh țalh in ka hmai zawn ah tak min en nghal kiau tu chu ka en ngur ngur bawk.



"U?"



"Ani em ka tih chu! Malsawmdawngzeli hmu turin an thlenna hotel ah i kal tawh em?" dawhtheihna tlachham zet hian ka ti chhum hmuk!


"Aw.. chuvang chuan a lawm biak che ka duh.. call i chhang thei silo a." Matei chu ka be zui zel em tih pawh ka hre nek tawh lo. Tuna thil thleng mek hi mumang anih loh chuan ka fanu... ka fanu ngei ka pawm mek!



"Kan rawn haw dawn." Ka ti sup.


"Kan a?" Lehlam ațang matei rawn țawngri vang chuan kan inbiakna a la tawp lo tih ka hre leh hnuhnawh.

"Ka fanu nen."

"What.. Thelma... Thelma'n a hria em?" chutiang ka hre thip thlep lo! Phone chu ti tawp hmiah in Doris-i chu ka ban pahnih in ka kuah nghal hlun. A bek ah chuan ka fawp vang vang a. Ka ngaihtuahna chu tawi tûp mahse ka kawchhung rawn zawh kual rawih rawih tû chu hlimna vang ani tih ka chiang.





Driver side ah ka țhut hnu ah pawh Doris-i chu ka la pawm bet tlat. Ngaihngam hmel zet in ka awm ah a bei ve hle hle a. Ka fanu ti a auh mawlh mawlh ka chak em em laiin ka kâ a chih tlat thung.






A sam ah ka chul sak hauh hauh a. A chang in ka nui chhuak leh hawk țhin bawk!






'Ka fanu... ka fanu i ni tih ka hriat țúm a ka hlim let tamtak hian ila lungngai ang. Heng natna leh manganna thlentu engkim paltlang tur hian khawvel ah ka pian tir che a. I pian hlim lai hrui zai chah lai pawn i kiang ah ka awm lo nghal pang! Kal i zir lai lahin nangmah kai kal tur che in i pa hi i kiangah ka awm lo! Pa kutţang chelh miah lova kal i zir avang khan min ngaidam rawh aw!'








Thelma's POV 🌺



'Security țhenkhat kha hotel leh a chhehvel ah tlan kual nghal rawh u.'


'Tunah.'


Eng emaw ri deuh nuaih nuaih vang in ka harh hlawl! Khum chu a rawn nghing dawt a. Ka biang ah kut lum thup in a rawn dawm takah chuan kham țûng chungin ka meng chhuak ta hram.



"Hades.." a lan dan tak ngul leh buai ru nuaih vang chuan ka kiuin ka inbeng kang nghal thuai a.



"Ka.. Khawi ah nge Bawihtei."


"Thelma."


"Khawi ah nge ka fanu a awm ka tih chu!" ti tuar in pindan chhung chu ka en kual nghal ruai bawk! Nizan khan Zohmingliana'n tih nat a hreh loh thu a sawi tawh.


"A awm lo.." Hades-a chu ka en dawrh a. Hahdam rawh min tihnan ni awm tak ka biang a dawmna chu rawn ti nghet leh zual in a thaw ham ham mai!



A awm lo!


Ka duh thei lo! Zohmingliana.. Zohmingliana thil tih bak anilo ang!



Hades-a min dawm behna chu phelh sawk sawk in khum ațang chuan ka tho chhuak zui zat, ka ban rekah a rawn hum a.







"Zohmingliana thil tih ani tih ka chiang lutuk." engamah hma in ka țah a chhuak nghal ringawt! A chhan chu Bawihpuia ka chan tawh a. Bawihtei leh zel chu ka chan thei tawh lo.







"Mr Hades.. hei CCTV footage chu." Laptop chawi chung a uniform ha rawn tlan lut kut ațang chuan laptop chu ka lo chhuh hmiah!








Hades-a chuan ka kawngah rawn kuah in khum tlang ah min nawr țhu a. Screen a video in pause lai ka play rual chuan ka thinphu chu a rang zawih zawih thei mai!








Kan room pawn an Zohmingliana leh Bawihtei an țhu dûn... Hades-a chuan a cut pah zung zung a. Ka fanu a darah pawm bet chung a Zohmingliana'n hotel a chhuah san lai chu chiang zet in a rawn lang leh nghal zat!







Parking ah a luhpui hnu ah a bolero ngei in a rawn tlan chhuah pui leh a. Hotel tual zawl aţang a tlan chhuah hnu chuan an lang thei tawh lo!








Kha ramhuaipa khan ka fanu a kawl tih ka hriatchian lutuk vang emaw mawni ka tha te chu a khur dawt dawt thei!








Phone rawn ri thut vang chuan ka phu dawrh a. Side table a mi chu Hades-a chuan ban vut in a chhang zui hmiah.






Second thum vel a ngawih hnu chuan tualthah mai hreh lo hmel zet in a hmel pa zet chu a thim nghal mûp bawk!




"Doris-i kha i tina anih ngai chuan ka chhuah hauh lovang che." a ti zui hrawk! Ka thisen vawt nghal rawih rawih vang chuan mumal ka nei hlei thei der lo!







"In awmna sawi nghal rawh." Hades-a chuan vin lutuk in a ti leh hrawk! Țawngkam chhe zet phuh chhuak hluk chungin min en ngur ngur a.






"A be duh che." ti sup in phone chu ka lam ah a rawn lek vut bawk.



"Zohminglian..."


"Sssiiit, Bawihi vin chiam a țullo."




"Khaiah nge ka fanu?" ka ti tuar. Ramhuaipa chuan min nuih hawk anih chu! Bawihtei te unau an rawn pian chhuah ve duh lo tu mihring ngeiin ka fanu a kawl mei ani a. A chung ah engtiang tak a rawngin nge a chet ang!





"Ka fanu ve tho anih hi Bawihi." zawi rûih a a rawn tih rual chuan ka tahzam hi a țek chhawk chhawk thei!





"Aih.. i fanu anilo.. ka.. ka fanu anih kha.. Zohminglian i tina anih chuan ka that ang che.!"






A rawn chet tlat tlat a. Nizan a a hmel lan dan rapawm zet kha ka mitthla let zut zut thung.





"Kum 4 chhung ka lak ațang ka fanu thukru in i biru tawh. Ka thisen kai anih na angin ka hnen ah a awm tawh dawn!"




"Zohminglian." ka ti tuar! Ka ã dawn in ka hria!







"Kan fanu kiang ah i awm ve duh anih chuan kan in ah rawn let rawh.. a chhan chu maw ka fanu hian in a nei! A in ațang hian a awm hrang tawh dawn lo!" Zawi khauh ru zet chuan a rawn ti thum ruih! Rapthlak ti lutuk in kut ka hum ruh nghal ngawt ngawt mai! Ka kawchhung sa hut hut leh thinphu rang zawih zawih vang chuan ka thâ a bo duak a! Nupui hual a nei tawh chung leh Zualteii'n afa a pai chung pawn kei hi an in ah let turin min hrilh anih chu!







September 22nd, 2019, 12:18 am

☆UTOPIA: 1996☆ S2
Chapter 67
Abbra Reo Ririni Khiangte (PitarteiSualfingi)







Thelma pnt of view🌺







"Mihring pawh i nilo." ti tuar pahin thinrim lutuk leh mangang zetin ban ka vai nghek! Ka thinrimna engahmah ngailo tih hriat taka Zohmingliana rawn nui ri suk te chuan ka tha a ti khur dar dar!








"Mihring ka nilo... huh? Engtiang pawhin min ngai mahla ka pawisa vak lo! Mahse, ka fanu erawh apa kiangah a awm dawn..."







"I fanu a nilo ka tih chu!" Khek tuar in ka ti leh nghek! Hetiang tak a thinrim leh chawmlawh a ka awm lohna chen a rei tawh vang lutuk emmaw ni! Ka awm dam phung ka hlauh vek tak tak. Ka thaw sawk sawk bawk!







"I hmu duh anih chuan kan pafa awmna chu i hriat kha..." a rawn ti zawi rûih, engmah sawi belh tawh loin phone chu a off nghal hmak bawk!






Ka phone humna kut chu a khur ngawt ngawt! Ka pumte chu a rawn na ut ut mai hian ka hria!






"Tunah khawiah nge an awm?" Ka darah rawn kuah pahin Hades-a chuan a rawn ti nghut. Ka beng ațang phone chu ka la thla riai riai a. Zohmingliana ka huat na chu a nasa zual sauh! Ka huat lutuk vangin ka taksa chhung lam te chu a na ngut ngut thei! Kei hi engangin nge min ngaih a? Ka nau pai lai ti tla tur a min nawr luih hnu ah nupui hual te neiin a fa hial hmeichhe dangin a pai a. Chumi hnu ah tihhlum a tum tawh ka theih tawp chhuah a ka venhim ve chhun ka fanu chu min chuhpuih leh in a thuhnuai a min dah a tum leh bawk!








Ka ngaihtuah chian apiang chuan a khawsak dan chu ka haw hlur! Haw tak ka ni! Engtin nge Bawihtei hi min la chuh ngam zawk le!








"Hades..." mumal lo zet chuan Hades-a ban chu ka ban nawk nawk! Rawn kun hniam vutin ka biang a rawn khuap a. Ka hmai zawnah a rawn thaw chhuak hawk bawk.






"Sawi rawh."







"Ka.. ka fanu, kha ramhuaipa khan ka fanu a kawl, ih.. eng emaw tak ka tih a ngai, bawihpuia.. aih, bawihtei hi chu ka chan thei tawh lo..." ka rîak nawk nawk hi ani ber. Hotel chhung ah chuan ka hawi kual thuak a, ka thawk zîng lutuk leh ipik hlur bawk si chu ka thawk a chham tawh mai dawn hian ka hria!










"Bawihtei hruai turin ka kal dawn." tih leh ka che ta phut! Mahse, na zet in ka let leh dawrh a, Hades-a awm tihrawl nghet țha zet ah ka intauh chawrh rualin nghet takin min kuah nghal hlu hlu mai!









"Thawk la phawt rawh Thelma." dam ruih in a rawn ti chhuak sup.





"Ani khan lo tinâ palh ta se..."






"Shhhhii, Doris-i pa ani a, a tina ngawt lo ang." Ka chhip ah rawn fawp vang vang pah chuan a rawn ti leh sup. Kei erawh in lu ka thing nghal nawk nawk thung!







"Ka pum chhungah an awm lai pawn tih hlum a tum tawh!" Ka hrawk sa hut hut tih rehna turin chil ka lem dawk a. Hades-a chuan ka chal ah rawn fawp leh vang vangin min kuahna a thlah thawl ruai ruai bawk.







"An awmna a hrilh che em?" min ngaihtuah hmel zet a ka biang ah rawn dawm leh pah chuan a rawn ti a. Kum4 tal tap a fanu ang mai a a lo enkawl tawh anih vangin he thil thleng hi pangngai tak a hmachhawn harsa a tih ve zia chu a mitmeng dum thim ruih a thinurna leh hlauhthawnna inchawlh pawlh kual nawk nawk ațang chuan ka hmu chiang viau.






'Aw' tih nan ka buk tak nghat ah chuan 'engkim a țha vek mai ang ' tihna niawm takin a nui lui suk a. Che vutin a Tshirt couch a inbang lam chu a pan zui vut bawk.








Kei erawh hmai tuai puat rengin ka dinna ngaiah ka ding khawng reng mai! Engtin nge Bawihtei kal chhuah lai kha ka hriat miah loh theih.. ughhh.. A bul ber chu Zohmingliana vang bawk kha! Min tibuaiin room pawn ah a ding reng a. Hades-a a chhuah leh chuan kut an thawh dun mai ka hlauh vangin Hades-a pawh kan room ah riak ve turin ka hrilh ta ngawt anih kha! Couch ah a mu a. Zanlai pelh râwk tawh hnu ah bengchheng rawn siam leh in a engamah hma in Hades-a kut a rawn thlak nghal ngawt bawk! Phawk lek leh rilru mumal lo reng reng a min rawn țhawn thut vangin khawvar hnaih ah chiah ka muhil leh thei a. Khami kar lek chhung a Bawihtei lo kal chhuak hman kha mak ka ti! Dubai ah pawh hotel ah tho kan cheng a. Vawi khat te mah ka hriat loh laiin room chhung ațang a kal chhuak ngailo reng reng!










"Let's go." rawn ti sup in ka ban rek ah a rawn hum hmiah. Kawngka lam ah min kai kal dat dat a. Pheikhawk a inthawlh mawlh mawlh a. A rawn din mar leh vut rual chuan ka chal ah bawk a hmui lumin a rawn nawr a. Bawihtei pian rawn pian hma, humhim tum a kha ramhuaipa rawn tirhte lak ațang ka tlan chhiat țum ațang min la țanpui char char tu in min thlahthlam ngai miah lo leh ka rinchhan tur a ka kiangah a awm tlat țhin chuan ka rilru mumalo lutuk chu min chhawk deuh huai hian in ka hria.









Chaktak in Hades-a chuan car a khalh pur pur! Bawihtei khawsik hlek pawh a khawsik in rei a chenchilh phal miah lo khawp a doctor kiang a tlan pui nghal hmiah hmiah țhin ani a. Tun a thil thleng mek hian a tha a ti za zek zek tih pawh ka hria. Mahse, mipa ri ve hlut chi anih miau loh avangin hma lam en ngur ngur rengin steering chu a hum ngawt ngawt!









Kei erawh ka che sek a, ka awm ngaiin ka awm hle hle thei lo a, ka kê țangte chu ti che in a khat tawkin hmai ka tuai leh puat țhin! Bawihtei kha kei nen a kan fâ ani tih a hriat rualin kan ramhuaipa kha a lawm dawn lo! A lawm dawn lo tak zet! Ka pai lai ațang tih hlum a duh tawh kha ani a. Nungdam a a hmu leh si hian ani mihring zahngaihna nei lo lutuk kha a ti thinur zual sauh ang tih ka hria!









"Hman hmawh teh." Hades-a en pah chuan ka ti chhuak hap! Eng vang ber nge ka hrethiam lo, ka kut phah te chu a hit ngûk a, ka kawchhung lam pawh hîkin a țham ar ar reng a. Hades-a chuan a hma ai a chakin speed a san a.








Zing dar7 rik hma hret in Zohmingliana te veng kan thleng thuai bawk! Ka lo lawi luh ve tawhna in chu kan hnaih tulh tulh a. Ka fanu vang a ka manganna leh ka in lo ni ve tawh țhîn kawng ka zawh leh a, thil hlui chi hrang hrangin min fan kual rawih rawihna vang te chuan ka lungphu chuan mû leh mal a nei thei der lo! Ka sa pup pup a. Ka awm chhung chu a ri dawt dawt a. Suzi'n Zohmingliana a nen an sex hmang lai video min rawn thawn țum khan hetiang chiah a thinphu mumal lo leh rilru mumalo lo hian ka awm tawh! Țhu mai mai chung pawn ka pangte chu a rawl țhum a. Ka kawchhung lam phei chu sawifiah ngaihna awm lo khawp in a in let kual nawk nawk!











Gate lo inhawng huau hma ah car a din chawt rual chuan ka lungphu rang lutuk leh thawk lak dan mumal lo lutuk tih reh tur chuan ka kâ hmangin ka han thaw chhual vak vak phawt a! Mizoram ka let leh chhan ah he inchhung a kê pen luh leh hi a tello! Kha ramhuaipa nen a inzawmna nei tawh phawt te nen a inhnimhnaih thar leh hi a tel chhin miah lo!







Hades-a banbul sek zet che vut chu ka mit sirin ka hmu thuak, rang lutuk in a banpuam ah ka han man chawt a. Min en nghal vût bawk!






"Tah hian lo awm rawh, ka rei lo ang."





"Thelma.."




"Hades.. buaina dang a chhuah belh loh nan keimah in ka kal ang.."





Ka mitah tak min en ngur ngur in a insehruh nghal țeuh! Mahse, Hades-a nen kan lut anih chuan kha ramhuaipa khan midang venthawng hlek lovin kut thawh a lo tum leh ngawt te emaw a nia nga. Kan rik hlut a hlauhawm!






"Hrep chuan!" ti chhuak hrawk in steering a chum ta bur!







"Kal rawh!" a rawn ti leh hrawih bawk! Ka en haw chu kun ngul chungsiin min en a. A khi deuh suk bawk. "Hetiang khawp a chiai a siamtu che mihring hmel kha ka hmuh rualin kut ka thawh duh mai dawn si a. Chu erawh i tan a țha ber lo.." ti chhum hrawkin hma lam a en nghal ngur mai!







Zohmingliana hian engvangin nge Hades-a insuam theihna neih ang hi a neih ve theih miah loh le? Ani chu chhia leh țha thliar hrang hmasa lovin a thin butut lutuk thawh dan ang angin a che chhuak hmiah hmaih zel a!







Hades-a thinur lutuk thawk la hrawk hrawk reng chu inthiamlo ru zet a en kar pahin belt ka phelh mawlh mawlh. Car ațang chuan tha ţang țûk in ka kal chhuak a, gate pawn aţang chuan in chu ka thlek vang vang a! Ka awm chhung chu a rawn nâ thîp nghal ngut ngut mai!









He in ațang hruai chhuah ka nih lai te! Engkim mai chu hmaih awm miah loin ka mitthla ah a rawn lang zut zut a! In lam pan a kê pên chu thih hreh in ka hreh! Mahse, ka neih chhun tak tak ka fanu ka hmuh duh anih chuan mumang ah pawh ka mang duh tawh ngailo in ah hian ka pen luh ngei a ngai thung!







"Thelma, i fanu tan kê pen rawh." tia mahni infuih mawlh mawlh pahin thawk ka la vak a! Engpawh hmachhawn ngai dawn mahse ka fanu tello in he in ațang hian ka pen chhuak dawn lo!







Motor tlan luh theihna tur a siam anih vangin step paruk vel awm sir tawn tawn ah chuan cement a in zut mam thla parh a. Step ka zawh chhoh rual chuan phul hring dup in a bawh zawl dup tual zawl a rawn lang nghal raih! Veranda a ban ding chho ngheng a hmeichhe lo ding reng ka hmuh rual chuan nghet takin kut ka hum ruh a!









Ani pawh chuan min rawn hmu thuai in thawk a la zui kawk ni ber hian ka hria!







Step indawh chho pahnih chu a lo zawh thla a, muangchang a ka lam rawn pan a ka nu rawn phei zel chu ka dinna ngaiah dingin ka lo en ngawt ngawt! Tu hmeichhia nge pasal hlui te in ah kal dawn a tlangnel tak a lut tlang tawp ngam awm ang! Nupa ințhentawh ka hmeichhiatpui te chiah in a zahthlak zia leh a huphurhawm zia chu min hriatthiampui ang!




"Thelma..." ka piah deuh ațang chuan a rawn ti a a aw ri chu a dam raih bawk.


A rawn pen hnai telh telh a. Hmeichhe naupang ang maia amah kuah chung a țah ka chak tak zet!


"Thelma." rawn ti leh pah in ka hma ah rawn dingin min thlek nghal vang vang mai. Ka nu meuh ka hmuh tak ah chuan ka ngaih zia ka hre thar rawng rawng a! Kum6 mi ka nih khan 'nu' tia ka ko ve țhin chuan min boral san tawh. Kum eng emaw zah liam hnua ah nu tia auh tur ka neih leh vangte pawh ani mahna, nu te kiangah chuan zûau a awl duh an lo tih țhîn ang chiah khan ka hrawk chhung chu a rawn na nghal tut tut mai!








Sawi mai tur hrelo zet hian dar ka kán ak a! Ka nu chuan ka kut rawn ban pahin ngainatawm deuh hian a rawn nui var var bawk! A kut nem thep mai min tawhna chuan ka rilru a ti nõ nghal vek tih a hrethiam a ngem le!






"Ih, Bawihtei.. Bawihtei ka rawn lam da...." tîm dai a ka ding reng chu min kuah ta chawt! A thaw chhuak ham ham a. Tîm daiin keipawh chuan ka kuah let ve a. Hahdam rukna in ka taksa chhunglam chu a rawn fân kûal nghal rawih rawih mai!








"Champhai ah khan lo han chho miah lo tur kan ni a sin. In ah awm niila chuan.. Thelma, in ațang i chhuah kha ka remti ngai miah lo ang. Ka theih tawp in ka dang ang che." a ti sep sep a. Zohmingliana rawn tirh doctor te'n in ațang min hruai chhuah lai vel kha mitthla in mit ka chhing nghal sawk! Khami tûk a ka mangan zia leh min țanpuitu tur ka mamawh dan khan min rawn hnawh tawt leh vek tawh!







Ka nu taksa lum veng veng kuah nghet sauh pah a ka meng chhuah rual chuan veranda ațang Zohmingliana'n min lo en ngur tih ka hmu zawm zat! A zuam theih leh a chhunghnai ten keimah awmzia an la nei tih a rawn hmuh thiam ka duh lo!







Ka nu ka kuahna chu ka phelh thawl a, ka chet rual chuan ka nu pawh chuan min thlah ve thuai a. Mahse, ka kut ah a hum tlat thung.







"Bawihtei rawn hruai ka tum a." Ka ti sap, Emma hnen ațang hriat a nei tawh te pawh ani mahna min lainat hmel fê in min en veng veng reng mai!





In lam pan chuan min kai phei a. Zohmingliana chuan nizana a thuamhnaw inbel kha a lo thlak vek tawh! A khabe ruh kualah band aid zawhte sendang lem chuang inbe va ka hmuh rual chuan Doris-i first kit bawm bik a ka dah țhat kha ani tih ka hre zawm zat! Naupang anih vangin band aid pangngai bel te hi a hlauh tlat țhin a vangin a to a to in milem awm, naupang tan a sticker ang thei tur ber ka lei sak a. Engtin nge Zohmingliana khaberuh ah a lo inbel daih theih ni!






Ka nu nen kan inzui phei chu ngawi ngul chungin a mitmeng uk thim rûih chuan min lo en ngur ngur! Hmeichhe tan pasal hlui te in rah leh tluk a thil hreawm a awm lo tih hrethiam reng chunga dinhmun khirh lutuk a min nawr lui tlat chu ka haw hlur ani tawp mai!








"Khawi ah nge ka fanu." rum zet a melh nghal rawm pah chuan ka ti nghal hmiah. A nui suk a. A kutphah hrawl zet pakhat jogger kekawr ipte ah zen lut hlun pahin kawngka lamah a thle búk bawk!






Ngei zet in ka rum chhuak ve nghat!



"Bawihte?" ring zetin pawn ațang chuan ka au ta vakt! Zohmingliana ner suk pawh chu ka hmu reng. Ka ngaipawimawh duh lo ve hmiah bawk.





"Bawihte.. Doris."





"Thelma, ipa nen inhnung lam ah an infiam a, lo lut ve phawt la.." ka nu in a rawn ti a. Amah ka en kawk rual chuan a lo nui var var mai!






"Ipa pawh a dam țha vek tawh a lawm. I lo kal dawn tih Carlos-a'n a sawi a, a phur tawh lutuk a sin..." ka pa a țha chhuak tawh maw? Amah chu hmuh ve chak viau mahila Zohmingliana... ughh, ka lut chak lo ani tawp mai!








"Lo kal rawh, Bawihtei pawn a pu chu a ngaina nghal teh mai nia. Inhnung ah Hunter-a te nen an infiam a, an ri chel chul mai sin." Ka ban ah pawh pah chuan a la rawn ti ang deuh deuh! Ka nu chu hnial duh lo viau mahila Zohmingliana ngel ngul hi hnehtu zawk a țan tir ka duh bik hauh lo!







"Nu.." ka auh dan vang chuan tîm daiin ka thaw hak a. Ka nu thung chuan lawm hmel zetin min en kawk. Ka țawng sual chu min nuihzat nge tih pawh hriat loh Zohmingliana chu hnuailam bik ngur chung hian a lo khi súk anih chu!








Melh rawm pahin ka thaw chhuak hak a! "Bawihtei chu min lo hruai chhuah sak mai la." ka ti sep, a hmel a phurna lang chhuak bo nghal riai riai chu nuamlo tiru zet in ka en a. "Ih, school kal a ngai a, chuan.. gate pawnah sawn car in min nghak a." ka nu vengthawng tak chungchuan ka nui lui hram hram bawk!




"Nu, luh san rawh." Zohmingliana chuan a rawn ti vawt ruih! Ka kut chelh tlat chungin ka nu chuan a en dawrh! "Luh san rawh. Chuan..." kei chu ka mitah tak min rawn en siah pahin a kekawr ipte a a kut zen luh chu a la chhuak ruai ruai. "Ka fanu ani a, he in ah bak hian awmna tur a neilo. I hmu duh anih chuan inchhungah lut la, i hmu thei ang" tithum dut dut a min en run chuan ka thinrim lutuk chu ka puak keh lo chauh.



"Zohminglian." ka ti tuar! Ka nu pawh ka zah seng tawh biklo. "I fanu anilo.." tia ka sawi leh chuan ka aw chu a khur hlak hlak a, thinrim lutukin ka melh ngawt ngawt bawk. Ka țawng laklawh lai chuan a lo thle bûk a. Min pawisak loh hmel lutuk chu a hmai ah tak benchawrh tak tak ania ka duh hial ni!



"Ka fanu ani lo maw? Ka farnu lah 'ni' ti a ko turin i hrilh bawk si a." tia țan hmun țha ah ding intihhmel taka min lo en vel te chuan tihtheih neih loh luat avangin ka țah a chhuak tut tut thei.



"Ramhuaipa!" tikhum hak in thawk ka la hap, hmui pet sawi zauh pahin ka nu chu a mitmeiin inchhungah lut turin a hrilh zawm zat a. Nie, ka nu hi lut bo rih teh se. A awm lai reng a a fapa an khum chiam lah ka tan hmingchhiatna mai mai!



Mahse, ka nu chuan "Tual ah nilo inchhungah inbe rawh u. Thelma, lo lut rawh" tiin Zohmingliana chu en pawh en duh loin imchhung lam ah min kai ta dawr dawr a. Kawngkapui ațang chuan 'Carlos nangpawh rawn lut rawh.' a ti lang lang bawk!




Inchhung ah kê ka pen luh rual chuan thil hlui engmah ngaihtuah zui lo turin ka inhrilh zui mawlh mawlh a Inchhung chu tunlai tak; changkang ut siin an lo chei danglam tawh a. Mahse, ka awm ve lai a bungrua te kha ka hre hrang nalh nalh thei tho.



Bang ah Zohmingliana nen a kan inneih thlalak lo la intar kûlh ka hmuh rual erawh in mak ti lutukin ka en nghal kawk a, Ka nu lah chu thil danglam engmah awm lo ang mai a che zawm zelin sitting room lamah min kai phei a. Mak ka ti lutuk chu ka landan inhmu thei ngat ila chuan ka dang var lap ang ka ring!


Engatinge kan inneih thlalak hi an la ta tar reng le? Zawhna hlirin min luhchilh a, rilru a buai duh map map khawp mai.

Țhu tura min mit-mei chung hian "Thelma, lo țhu rawh. Coffee ka rawn lak ang che." tizangkhai vakin ka nu chuan min kal san nghal a



Couch bul ah chuan mi â ang maiin ka ding ngawi reng ringawt. Zohmingliana nen kan inneih thlalak hi tinge an la tar reng le? Ka hnung mai ațang pangtilum huam ka feel thut rual chuan engmah ngaihtuah zui duh lovin lu ka thing nawk! Ka buaina tur a ni lo tiin ka inhrilh ru mawlh mawlh bawk.





Chetsawn tumna ka nei lo va, chutiang bawkin ka hnung lawk a rawn ding ve pawh chuan chetsawn emaw, țawng emaw a tum bik chuang lo.




Couch ah hian zankhua in a rawn let hun tur ka lo nghak a! Zanlai ah thudeng khawng lutuk min rawn hrilhin kei, raipuar rilru nâ hma em em bawk si kha Suzi'n a fa a pai vangin a kiangah awm a mamawh thu min rawn thawn mawlh mawlh a! Ţap chunga in ah rawn haw phawt tur a ka ngen lawm lawm pawn 'keimah chiah in ngaihtuah lo turin' min hnial fithla țhak bawk anih kha!




Ka ngaihtuahna rawn luhchilh tup tup tu te chuan ka thinphu a lo ti rang leh dawt dawt thawh. Couch nghenchhan chelh rawk pahin ka thaw chhuak hak hak a! Kha zan a Zohmingliana'n min ngaihnep zia ngaihtuah kha chuan an inah hian luh pawh lut tawh ngailo tur ka ni!




Choka chhung ațang thir inkhak ri thawm a rawn chhuah rak rualin ka phu zawk a. Ka meng chhuak nghal kawk bawk! Mit ka men fel rual deuh thaw in ka hmazawn bang a Zohmingliana nen kan inneih thlalak lianpui intar kulh chu ka hmuh chawp chilh leh der a! Ka tih ngaihna hrelo lutuk chu thaw chham lek lek chungin ka inher ta nge nge bawk!








Ngawi ngula ka hnung a lo ding Zohmingliana chuan ka hnung chhawn tak bang chu a lo en ngur ngur a, chutia kan ngawih dun reng lai chuan choka ațang ka nu a rawn ri chhuak ta lang lang a.









"Thelma, coffee hi in rawh, khawnge Emma pawh kha.." tih zawm zat in coffee no a chawi lohna lam in ka kut a rawn hum nghal zat. Awm mai dai tur ka hre bawk silo, ka nu min kaina lam ah bawk chuan ka zui leh a. Center table ah coffee no chu a nghat a. "Lo țhu rawh, Emma ka han au a nge." tih leh couch a țhu tur a min nawr a rual der!






Emma chu a inbual nia a rin thu sawi bath barh chungin sitting room ațang chuan a kal sawn a. Zohmingliana nen chiah kan awm tak ah chuan ka țang leh phat tawh!








A dinna ngai ah ngawi ngul a ding chungin bang a thlalak intar chu a en vung vung a. Tshirt var a ha, a bana sana lawk zet chu a langsar in nizan pawh khan engvang a la bun zel nge anih tih ka ngaihtuah rauh rauh tawh.








A hmel lan dan pawh lo upa ve deuh tawhin kum4 hma lam ai khan a lang thîp tawh zawk! Coffee no ban dâ dâ chung in amah chu ka melh pah zauh a. Ka en reng lai chuan ka awm ve tih hrechhuak thut ang mai hian min thlek ta vut! Ka hmui ah coffee no chu ka chuk tuah a.









"Welcome back." ti chhuak sup in couch ah a rawn țhu thla nghal dawt! Eilo fê in ka ner sak mai! Center table ah no chu ka nghat let chawrh a, ka ding chhuak tur chu rawn che phut in ka kawngah a rawn man hmiah! Couch ah chuan ka țhu thla chawrh dawn emaw ka intih laiin a mal chungah min pawt țhu hmiah a! A rawn che thut bawk nen ka hamhaih lutuk chu phawk tawk a meng in Zohmingliana chu ka en kawk a. A khi suk anih chu!






"Hmela!" Ka ti hlak, a mal chung ațang thawh chhuah ka tum zui zat! Mahse, Zohmingliana pui chuan min man nghet sauh anih chu!






"Teawmpa i kut hmawr pawn min khawih tawh suh." Ka ti tuar.







"Bad words hman loh tur i ti ani lawm ni!" nuihza insuam zawi ruihin a rawn rum nghuta. Ka en leh hâw tawh!








"Ka fanu kiangah țawngkam țha lo hmang lo turin i zirtir a, a zirtirtu zawkin țawngkam chhe pui pui i chhak chhuak leh thung.." eilo zet in mit ka ti che kual ralh a. Zohmingliana erawh tifuh intizet in a nui suk mai!







"Min thlah vat teh." ti hlak in a ban chu ka pawt nghek! "A mak e, Zohminglian." ti hlar a ka melh er rual chuan eng emaw hi a rawn ri dawr a! Thawm lo chhuahna lam chu en nghal dawrh in ka tal leh ta phat bawk!






InShot_20190922_010136628(1).jpg
InShot_20190922_010136628(1).jpg (66.17 KiB) Viewed 12843 times
Bawihtei chuan inhnung lam darthlalang chhan ațang kut min rawn vai lau lau a. Ka pa pawh amah in a kê ngeiim Bawihtei hnung lawk ah a lo ding ve rûn anih chu! Bawihtei chuan ka pa chu vanvadak haw a chho en in eng emaw a hrilh a. Ka pa pawh a nui ve suk mai! Bawihtei'n eng nge a hrilh tih erawh darthlalang a inkharphui miau avangin ka hre ve thei lo!







Kut a rawn vai leh lap lap a! An infiamna vang ani mahna a sam chu a bek ah a bet ve thlep. Bawihtei bawk in min kawh pah a nui hek hekin ka pa a en leh rual chuan ka ner ta nawng mai!








Zohmingliana puiin a malchungah min pawm bet miau a lawm le!







"Min thlah vat rawh." bawihtei te lak ațang mit la sawnin rum theih tawpin ka melh ta nghek! Min lo en ngur tawhsa avangin a nui chet hluk a! Ka kawnga a ban suihbeh chu a phelh ta ruai ruai! Ka inperh tho nghal at hi ani ber!








"Bawihte...." Bawihtei te lam pan a ka kal tur chiah chu Zohmingliana aw hniam zawi ruih vangin ka ding chawt a. Couch nghenchhan a ngheng ri zui dawp bawk!








"I hrethiam em? Ka fanu hi kha hotel ah khan i hruai let tawh dawn lo. Hmun dang a hruai hran i tum anih chuan i hmuh leh pawh ka rem ti tawh lo ang." hniam ruih a ti leh sup in muangchang a ka inher let chu min lo melh nghal ngur mai!







"Oh! Bawihi khatin huat hmel zetin min en lo teh. Țhenhrang che u ka tum lo.." 'țhenhrang' tih thumal chuan min deng dawt dawt. "A hlatah i awm thei dawn lo tih ka hria. Chuvang chuan vawiin ah i bungrua te nen rawn let ang che." mit tizîm sún a min en ngur chungin a rawn ti chhuak leh súp! A hmai ah hian ka beng chawrh anih pawh in pawitihna leh inthiam lohna pakhat te mah ka nei hauh lo vang!


Show post links
Top
Abbra Reo Ririni
Unread post September 22nd, 2019, 12:19 am

"I tenawm hle mai!" hawi sang vah a ațhu lai chhuk melh ngawt ngawt pahin ka ti chang fak. Ner suk pah chuan dar a ti káng úk. Couch nghenchhan a ngheng ur ur lai chu a che leh vut! Hma lam ah țhu kun deuh khún chungin lu a thing nghut bawk.



A khawsak dan pawisak neilo zet chuan min tithinur ngawih ngawih!


"Anih chuan ka fanu hlatah i awm a ngai dawn anih chu!" A rawn ti vawt ruih! Khanglang chuan a!




"Zohminglian." Ka ti tuar. Nui chet hluk pahin center table a ka coffee no chu a ban vut a! Hepa hi ramhuai ai pawh a rapthlak leh thinlung pawh nei ve lo anih hi!




"Ka hrin leh ka enkawl ani a, nang hian ka fanu awm dan tur ah sawi theih pakhatmah i neilo."


"A pa ka ni."

"Aih. I nilo.!"


"Huh?" Chimawm lutuk hian a rawn ti chhuak hulh! Muang ruih in coffee no chu table ah a nghat leh ruai ruai a!


[attachment=0]InShot_20190922_010738104(3).jpg[/attachment](72.96 KiB) Viewed 12831 times

"I fa chu nangmah ngeiin tihlum turin thu i pe tawh.. Doris hi chu ka fa chiah anih hi!" ka ti chang fak! A rawn ding mar ta ruai ruai a! Hlauhna chhan tur pakhatmah ka neilo. Ka fanu hi court thleng rawk pawn min chuh mahse a message min rawn thawn kha court hma ah pho langin tihhlum a duh zia ka pho lang thei! Khawi court mahin nau pai lai titla tur a hrilh thei tu mihring hi naupang enkawl zui turin nihna chanvo an pe ngai dawn lo!






A mitmeng uk thîm rûp chu túr fê in ka melh let ve ngar ngar! Ka thusawi hrethiam lo ang hrim a a mitmeng hmang a zawhna min zawt let chu ngeiawm lutukin ka nuih khun hak a!





"What? Ka thusawi awmzia kha i hrelo tih sawi tûm miah suh Zohminglian, nangmah ngeiin ka pum chhunga naute kha titla turin min hrilh ani lawm ni! Ha? Tunah engmah hrelo ang maiin lem i changkual leh vel ang maw?" Kahbe kang vah a melh thîp ram in ka nui leh kher bawk!







Lemchang thiam a chu leh! Ka thusawi chu hriatthiam loh hmel fê in chal a chur tûp a! A mitmeng buai mup leh hmel lan dan buai nuaih mai ațang chuan a ti tak tak emaw a tih theih țhelh bawk!




"Titla tur a min hrilh hnu ah pa chanvo i invuah leh ngam reng reng pawh hi a țha ve reng reng e." ti salh pahin ka ner sak!



Kailawn ațang Emma leh ka nu thawm a rawn awm tak rak rak ah chuan Zohmingliana chu engatanmah ka ngai tawh biklo tih a inhriat chian theih ngeina tur in ka melh a. Ka nu te'n kailawn an rawn zawh chhuah hma chuan ka che ve ta zat!





Inhnung lam panna darthlalang kawngkhar hlai hlup chu ka pan dawr dawr a. Hunter leh Caseper te nen Bawihtei chu an lo infiam a, ka pa in a lo nuih hawk hawk bawk!





Darthlalang kawngkhar ka nawr hawng tur chiah chu tha chak lutuk in min pawt her lawp a! Ka ban bul ve ve ah rawn man hráwk in hnaih zet ah min en nghal ngúr bawk!





"Eng nge i duh officer Zohminglian." ka ti leh salh!



Mahse, engmah a sawi hman hma in Emma'n min rawn au a. Kan bul a rawn thlen rual chuan Zohmingliana hmel landan buai mup chu ner khum sakin ka ban bulh a rawn manna ban rek ah ka man sak ve hmiah. A kut chu phih thla nawk pahin Emma chu ka nuih lui a.



"Bawihtei hi ka rawn lam dawn a."


"I thusawi awmzia kha sawifiah rawh." Zohmingliana'n a rawn ti chhuak hráwih! Thel bak pahin amah chu ka melh ralh. A nunrawn tluk zetin lemchan pawh a lo hnehsawh anih hi!




"Carlos, Thelma, ipa rawn lut se thil sawi ho ang u hmiang." Ka nu in a rawn ti a. Thaw chhuak hulh pahin Zohmingliana chuan "tun a i sawi zawh chiah kha sawifiahna țha tak ka duh ang." rawn ti chhum hmuk pahin a ban hrawl zet chu a lek chhuak nghal vut!






Ka hnung lawk a darthlalang tukverh chu aman a nawr hawng a, thli rawn lut huk leh Bawihtei au khek chul thawm chu a rawn lut rual ni ber hian ka hria.






Ngawi ngulin Zohmingliana chu a pen chhuak vut a. Bawihtei leh Hunter-a te infiam a, tlankual ve that that chu pan dingin ka fanu chu a va pawm kang nghal nawlh anih chu!






Ka tlan chhuak ve nghal tur chu Emma'n min lo dang vat a. "Thel, inbia ang u.. ih, message chungchang kha ka û ka hmuh tir rih lo a..uggh, hun a awm loh vang zawk a nia. Tukin khan Doris-i a rawn pawm lut hlawl a. Kum 4 hnuah a vawi khat nan tak tak a hlim hmel chhungkua in kan hmuh lehna hmasa ber anih vangin chawp chilh takin ka û hlimna kha ka tihchhiat sak thei silo a... aaa, i rawn haw.. i.. i awm lai hian sawiho ila a fuh ka ring ta zawk a." ti sep sep in ka ban rekah a rawn hum a. Kum 4 hnuah a vawi khat nan hlim hmel a pu maw? Huh! Engtiang chiah a real in nge a lemchanna chu a kalpui tih hriat a chakawm hranpa ve reng reng a lawm!





"Mamma, i lo sleeping lai khan ka Daddy ka lo find out a sin." Zohmingliana nghawng ah kuah țai chungin ka fanu chu a rawn au lang lang a. Hahthlak hian a! He nu tereuh pawh hi engti ti a nizan khan chhuak ru reng reng nge maw anih reuh le!





A bek thlan ve hlim mai chu Zohmingliana chuan en vung vungin a tshirt tlang a pawt tawm chho a. A fanu bek thlan hruknan a hmang zui hmiah. Ka nu chuan an pafa chevel chu hmuhnawm ti zet in a en veng veng a.

Bawihtei lah in Zohmingliana khaberuh kual a band aid inbel chu a khawih sak niap niap a.


"Are you tired?" a ti sup. (I chau tawh em?)

Bawihtei bu lap lap chu nui suk pahin Bawihtei bek ah chuan a hmuiin a nawr nghal táwk bawk!




"Then, let's go inside and eat something." ti leh nghut in Bawihtei nen a infiam la kham lo hmel zet a Hunter-a leh Casper ten a kê an rawn vir vut vut chu duhtawk tawh turin a hrilh zui hluk! Bawihtei pawm chung in a rawn pen let pawk pawk bawk!




"A mitkhur leh hnar inzawmna lai ah ka û a chhun a, a bak zawngah chuan nangmah a chhun fai vek che." Emma chu a rawn ti hliai. Ka nu chuan pawmpui zetin lu a lo bu a.




Inchhung an rawn luh dawn chuan Bawihtei chuan nui var var pahin min en ve kiau a. A mak ka ti ani tawp mai! Vawi khat pawh a la hmuh loh te kiang ah ka tel miah loin tlangnel lutuk in a lo va tal ve phat phat reuh a! Room ațang a chhuah ruak chhan kha ka hre chak et et bawk!




"Mamma, Daddy nen mam mam kan ei dawn."





"Bawnghnute ka chhuan lum sak ang che aw." Ka nu in phur fê in a lo ti nghal zat. Bawihite lah chuan rang zet in lu a buk khum a.







"Engtia ko tur nge ka tih kha?" Zohmingliana chuan a ti nghut. Bawihtei chuan lei tawite chhuah zeuh pahin ka nu chu lai zetin a en a. "Api." a ti ta sep bawk. Ka nu ri hliai chuan Bawihtei chu a ban a, a dêk ti tih vangin Bawihtei pawh a khek ve chul mai!



"Fel reuh lutuk, choka ah kal ang ule, ka tunu hmelțha em em in tur bawnghnute ka chhuan sak dawn." choka pan pahin a ri phei lang lang! Zawhte ngam thei lo ang maiin Emma bulah ka ding ngawi reng ringawt!







"I rilțam em?" Zohmingliana chuan min en ngur hian a rawn ti zawi sup. Lu ka thing nak a. Chutah Emma chu a mitmei a eng emaw hrilh in choka pan in Bawihtei chu a kalpui nghal daih bawk!







"Hahdam tum rawh. He inchhungah hi chuan engtik lai pawn kan lawm reng che a nia."






"Emmaaaa."





"Fa in neih hun ka ngahhleh theih zia kha. Diaper thlak pawh ka hreh lo tih ka sawi lawk vek tawh kha aw." a nui ta hawk hawk a. Keipawh zalote in ka țhen ve ta sak mai!








Ui ho a ka pa rawn let phei chu en in a der nimiah loin ka nui ve ta var var mai! Kum 4 hma lam kha chuan a che thei leh mit a khap thei ngawt pawh kha mittui sur hial khawpin kan lawm a. Tunah phei chuan a kê ngeiin amah in a kal kual leh thei a. Pathian hnathawh ropui zia chu amah ah hian a lang chiang ber mai anih hi maw! A hmai ah hmul a ţo siar siar, a sam pawh a țúak var ve phauh phauh tawh a. A landan upa tawh mahse apa len em avangin a thlamuanpui awm ngawih ngawih tho.








"Tu nu ka nei hmelțha kher mai!" rawn ti sup in min nuih suk bawk! Chhan dan tur ka hre chuang lo.






"Khaw'maw service ho in keimah vang a kut an thlak phah hial hmeichhe huaisen hi kan kuah a nge " zangkhai vûk a rawn ti chhuak hluai in ban a phar duai a. Emma chuan nui hak hak chungin ka pa lam ah chuan min nam ta dawrh bawk!









"Tu nu hmelțha lutuk min pek a vangin ka lawm e." a awm lum nuam zet a min kuah bet hlu hlu pah chuan a rawn ti chhuak sup a. "Mahni a fa enkawl a harsat dawn tehreng nen nang thung chuan naupang fing tak i chher chhuak der mai. I nuapan aiin i rilru a puitling anih hi." a fanu tak tak ang in min ngai hial in ka hria. Ka tukhum sam chu a rawn chul a. Tinge ka nu leh pa ka kuah rual hian țah ka chak tlat mai le! Nu leh pa huhang nge nge.. nau pawm tawh nutling pawh min la tizuau pha reng thei ahih hi!








Ka dar pahnih ah a kutphah lum thup chuan a rawn vuan a. Inhmachhawn a ding in kan in en dun ran bawk!






"Anu i huaisen bawk a, ka tunu pawh a la rawn hauisen ve hle ang." ngainatawm zet a nui suk pah chuan a bu nghut ngut! Ka nui ve sak a.






"Doris... Mizo hming a nei em?" a ti leh sup bawk.







"Aaa..." hethil hi sawifiah dan tur ka hrelo tak zet! Doris tih tawp hi a B.C ah pawh kan ziak. A chhan chu keimah in a hming sak vek kha țha ka tilo a. Ka pu emaw aaaa, fa ka nei tih hi thup reng ka tum lo! Engtikah emaw Zohminga nu leh pa te pawh hian an hriat hun a la awm dawn tih ka hria.. chunghun ngaihtuah chung chuan a mizo hming chu pi leh pu lam in an sa a tan ka duh vang pakhat ani bawk!




"Pa.. Dorsi tih tawp ani rih.. aaaa, Mizo hmiang ka.."







"I pu in a tunu hming tur chu țha deuh a hual lawk tawh ang." Ka meng awk a. Ka pa erawh a nui leh mai.





"Ih.. ka.. i duh chuan nangmah pawn i sa thei a lawm." Ka ti vat a. Ka pa chu a ri meuh in a rawn nui chhuak ta hawk! A aw a lian in a thum rúih bawk sia. Zohminhliana nen an danglamna a tam lo khawp mai!







(Nau hming hi phuah nilo in sa tih tur aniin ka hria. Abbra)






"Thelma, i nu in a ngainat em em chhan che ka hrechiang ta viau in ka hria." ti nghut in ka tukhum sam a rawn chul thla a.








"Inthlahrung duh suh. Ka tu hmuh hmasak ber hming hi sak chak viau mahila i pu chan ah lungdam takin ka hlan thlap ania. Kan hming sak hual pawh a lo in ang reng mai thei a sin." A tih tak ah chuan ka thaw deuh huai mai!









"Note book ah a hming tur a ka duh ka ziak lawk a nga, i pu in a hming a sak hun ah a inang em tih ka inchawi dawn mi niang." Mak ti lutuk in ka pa chu ka en kawk ringawt! Inchawi te chu a naupan chhiat thlak e mai a!








"Deal em?" a rawn ti a. Ka nui ta hak hak mai!







"Ok, deal." a kut chu hum tawm in ka hma ah a rawn lek vut. Rang zet in ka kut chu ka hum tawm ve a. Ka pa chuan na lote in ka kut hum tawm chu a rawn hnek dawt a!






"Sangkhat kan thap dawn mi?" Ta deuh deuh chuan a!




"Pa, Bawihi rawn lut ula." Zohmingliana aw zawi sup ka hriat rual chuan ka nihna ka hre let ve leh chiah!






"Lut ang le." Ka pa'n rawn ti vutin ka darah a rawn kuah a. Ka inher rual chuan Zohmingliana mitmeng múk zet nen kan inmelh nghal siah bawk! Zaktheilo min ti pawh nise keipawn chu lo chu ngaihtuah tur dang ka hrelo. Pasal hlui pa nen pafa ang maiin kan lo infiam bawrh bawrh a. Tupawh in min rawn hmu tase hmeichhe nasa tak! Pasal hlui te in ah pawh zahnachang hrelo a tlang nel nghal phawr phawr hmuh in min hmu vek ang! Kan mizo culture ani miau tlat!








Țhutkhawmna ah kan țhu țhap a. Bawihtei nuam ti lutuk chu awiawm loh hial zawk ti pawn a sawi theih ang. Zohmingliana lah chuan a duhna apiang ah a pawm kual zel a. Ani Emma'n a vir hneh bawk. Api leh pu lahin an hau phal dawn der bawk silo. Lalfanu tereuhte in amah aia upa fe a kawk kual zet zet ang mai hian a tua pawh in a sawi tawh phawt chu an tih tir nghal zel ani thaw thang!








Bawihtei chhaih a an rik laih laih lai chuan doorbell a rawn ri a. Bawihtei lah pek chu Zohmingliana pawmna ațang tal thla thuai in kawngka-pui lam panin a tlan ta that that a. Hunter-a leh Casper-a'n an zui ve nghal zat.









"Bawihte i tlu palh a nge." ti túngin ka nu in a umzui thuai bawk! Zohmingliana pawh nui sukin couch ah a țhu thla ta dawt a.








"Awi, tu nau nge, a hmelțha e." Hnathawk Tluangi kha ani tih ka hria.

"I hmelțha lutuk, tunge i hming?" naupang biakna a kan aw ki kan tidang lam ang hian a awm chu a ti danglam a.



"Hello." Bawihtei.

"Hello." Tluangi pawn a ti let thuai.


"Ui! A hmelțha reuh e. Thelma a ang tawp, tu nau nge a?" ti barh barh pahin ka nu te nen an rawn inzui phei a. Couch ah ka țhu lai min rawn hmu ve thut chu a meng phawk nghal kawk bawk!






"Thelma!" a kut pahnih in a kâ a hup bet tlat bawk! Tawite in ka nuih a. Mahse, a hnung mai a hmeichhe rawn lang ve hlawl ka hmuh rual chuan Tluangi pawh chuan thil awmzia hrethiam nghal thuai in choka ah a lut bo ta daih.







"Zualte." Emma'n a ti thuai a. Airbag lian vak lo ak puar lahin Zualtei chu a rawn nui lut var var mai!






"Kapa hna vangin ka nu leh pa Serchhip ah an zing kal daih a. Nithum lai am cham dawn vangin nau pai hlim nen mahni a awm ka hreh sia. Ka rawn rik phei rih dawn." nui sang chungin a ti a! Emma chuan min vengthawng fê in min en nghal vat bawk.







A țhutna ațang Zohmingliana chu a tho chhuak ruai ruai a! Emma nen a kan țhu dun chu min melh nghal ngur bawk! Kei erawh ka nui sak thung! Zualtei nen an inriah chilh fo tih hriat reng! Chutichung a ka fanu chan a tum mai pawh nilo ka fanu nen kan awm tlan theihna kawng awm chhun chu he in ah ka luh ve hi ani tiin min la hrilh ngam ani a! A rapthlak ani tawp mai!






Unread post September 23rd, 2019, 8:21 pm

☆UTOPIA: 1996☆ S2
Chapter 68
Abbra Reo Ririni Khiangte (PitarteiSualfingi)





Ka ti tawp deuh thut dawn avang in 'naaaa' tih awih loh! 🙊PAGE HMASA HI ZIAH HARSA KA TI
KHAWP MAI! KA NGAIHTUAH ULUK LUTUK A NIZAN KHAN KA NGAIHTUAHNA AH CHENG IN MUMANGAH KA LO LUH PHAH DAIH LEHNGHAL! lol






He inchhunga chengve ang mai a Zualtei rawn ri nghal barh barh chu remchang ah lak a, let daih ka duh hle tawh. Mahse, Emma'n ka kutah a man bet tlat a. Tumahin Zualtei chu an belum lam chuang lo. Mahse, Bawihtei chu a chaih a, a rik pui lang lang reng a. Couch mâl var lianpui ah Zohmingliana chu a țhu ngawi ngul. Ka lak ațang mit la sawn hlek lovin mitmeng uk thim ruih chuan muk zetin min en ngur ngur bawk!







Ka nu leh pa pawn Zualtei chu biak an tum hmel loh khawp mai! Mahse, bawihtei a chhaih rak changin Bawihtei chu ka pa malchungah a lawn that that a. Chumi chang chuan ka pa chu a lo nui ve suk suk zel.








"Kan let tawh mai ang." Zualtei awm lai a inbiak an duh lo tih an hmel ah a lang vek! Chuan, Zohmingliana nupui hual an inah riak lut tura a rawn luh laia lo awm ve reng kha a tlawm thlak lulai lutuk!








"Umm, nakin deuh ah." Ka pa in a rawn ti chhuak sup. Muang ruih in Zualtei lam chu a en a, Zualtei'n bawihtei a chhaih rak túng chu 'a tawk tawh e' tih nan niawm tak Bawihtei chu a man kang ta nawlh bawk! A mal chungah a țhut tir nghal hmiah a, Bawihtei lah chuan kum tam tak a lo hriat hrep tawh ang mai hian ka pa lam hawi chuan a insiam rem a, ka pa hmai a hmul țo chu tawk in ka pa awm zawn ațang a nui nghal hek hek bawk!








Ka pa in Bawihtei a pawm tak nawlh ah chuan Zualtei chu awm mai dan tur hriat loh hmel zet in tîm dakin couch ah chuan a țhu rem zal zal a.







"Tui inrawh aw." Bawihtei chungin ka pa chu a phun sup, a mitmeng dam ruih a bawihtei a duat zia rawn lang chhuak chu hmuhnawm ka ti tak zet! Bawihtei pawh chu thuawi zetin a bu lap lap a.









"Ka lo lak ang che." Zualtei chuan rang zetin a ti a. Mahse, ka pa chuan lu thing nghutin a țhu dan ngaia țhu run chungin choka lam hawiin a thle nghal búk.






"Tluangi, Bawihtei in tur tui lo suak teh aw."





Choka chhung ațang Tluangi pawn a rawn chhang let lang lang a. Zualtei chu a zah hmel tak zet! Keipawn khatiang teh bawi khan ka pa in a hnial a nga, Bawihtei tui lak sak turin midang a tir ang tih rin ngaihna ka hrelo hrim hrim.







Tluangi chu glass kengin a rawn kal a. Ka pa in ban lek chhuak vut in a lo ban nghal thuai. Bawihtei chu amah ngeiin a in tir a. Bawihtei lah pek chuan thuawi em em in a lem ri ve khalh khalh a. A tunu tui in chu uluk zet a en chungin ka pa pawh a nui suk suk.









"Oh, hei hmang rawh." Zualtei chuan rang lutuk in a bag ațang tissue pack te a phawrh chhuak thuai a, ka pa lamah a lek nghal vat. Ngawi rengin ka pa pawn a ban ve ta mai a. Ka fanu ani tih hrereng chung a Bawihtei a chhaih kual ta chiam chu mak ka ti ru hle bawk!







Glass no keng chungin Tluangi chu choka ah a let leh a, Bawihtei lah chu a țhut dan siam rem in ka pa malchungah chuan a inher ve sat sat a, ka pa awm ngheng at in thatchhe zetin a țhu awn ve ta diai reuh bawk! Ka nuin a nuih hak hak a. Bawihtei sam pheng chîap chu hui man sakin duat hmel zetin bawihtei kut țang te reuhte chu a khawih sak niap niap a! Ka lo rin dan chuan Bawihtei hi an tunu ani tih an hriat hnuah pawh ngaihsak vak lem loa an en liam tawp ka ring țhín a. Mahse, an chet dan aţang hi chuan an tunu hi an hmangaih tak zet tih leh bawihtei an hlimpui zia ka hmu chiang viau chuan ka hria.










Ka nu leh pa chuan Bawihtei chu zawite te in an chhaih reng a. Ka pa awm hlai hlup ngheng ar ar chunga bawihtei nui leh chei chei țhin chu a der ni miah lovin ka lo nuih pui ve leh hak zel. Ka pa kutphah hlai hlup chu a beng thek a, ka pa in rang zetin a hum tawm a. A kut hum tawm chu beng leh thekin ka pa chuan rangzet in a ti pharh leh a. Chutê mai chu Bawihtei chuan a hlimpui ve em em reuh bawk!





Chutia ka nu leh pa in Bawihtei ngawt an buaipui takah chuan Zualtei chu a rawn țawng chhuak leh hlawl!




"Tluangi ei ka lo han siam pui ang." a ti a. Ka en dawrh bawk, a kut pahnih chelh kawp pahin midang ho chu a melh kual thuak. Tuman an chhang let silo a, keimah zawk chu ka lo zak deuh tlat anih chu! Kan boruak chu nuam ka ti tawh lo tak zet!





"Tûkțhûan in la ei lo ang tiraw? Hospital ah kal hma ka ngai lutuk chuang lova, Tluangi chu ka lo han pui a nge." tuman an chhan loh avang chuan ro zet a nuih luih pahin a ding chhuak a.






"Zualte.." ka pa arawn țawng chhuak ta sup. Zualtei chuan nui sang pahin ka pa chu a en vat a.







"Intibuai duh suh. Hei chhungkua in thil sawi ho tur kan nei a, pawn lam ah min lo nghak rih dawn em ni ang?" a ti dam ruih! Mahse, a aw chu dam viau mahse chhungkaw inbiak laia tel ve tur a a duh loh zia a langchiang viau thung!







Zualtei chu ka en a, a hmui chu a lo liak zauh a, eng emaw hlauh nei a ang leh viau tawh! Ka pa chu en in ngaihțhat loh hmel zet mahse zawhna engmah zawt let ngam chuang silo in lu a bu ta nghat bawk! Khatiang teh tawp khan ka pa hian min tive ta se, zah luat vangin ka țap thei hial ang ka ring!








"Thelma te nufa nen hian in lo inhmu reng tawh a, tinge engmah min hrilh ve loh a?" Inhnung pana Zualtei pen hrat tawh chu Emma thusawi vangin a tawp nghal chawt! "Kar hmasa lam daih khan in lo inhmu tawh lehnghal." Emma bawk chuan a bawp khawkher țha pah chuan a ti leh deuh puat bawk!








Zualtei chu muang changin a rawn inher a, a awm in sep deuh dawrh dawrh ah chuan a thin a phu nasa hle tih ka hre chawp chilh der! A mitmeng chu a che kual zek zek! A hlauhthawn hmel em em bawk!






"Aaa, nia.. khami tlai khan hospital ah emergency a awm a. Thelma te nufa pawh hmanhmawh deuhin ka tlan san tawp a lawm... chuan, hrilh tur che u ani em ka hrelo a chhan pawh Thelma duh dan anih loh ka rin vang a nia." ro zet in a nui lui ngîal bawk. Emma chu Zualtei pawh en lem ta lo chuan a nui ri hak a. Emma khawsak phung engkim chuan kei ngei pawh min țhawng chiang khawp mai! A duhna ah chuan hmeichhe rilru tluangtlam leh midang nat hlau em em țhin kha a ngeiawm thiam salh salh hle tih ka hriat belh a! Midang lah an ngawi tlat bawk nen kan boruak chu reh duk siin a țang ût!








"Best friend kan ni emaw ka tia." Nui sei pahin Zualtei lamah chuan a thle kher! Zualtei chu a meng bial deuh kawk a.


"Emma."





"A.. a ho lutuk, Thelma'n Mizoram lamah an awm tih kan hriat a duh loh irin vang a zep i ni tih ka hria a lawm? A dik em?" A nui tel sang bawk! Veng deuj huai tih hriat zetin Zualtei chu a bu ve nghat. Cotton kawrlum bantluan a ha a, a tlang chu a pawt sek bawk.



Nui var var pahin Emma chuan 'ka hrethiam e' a tih sep bawk.




Chutia Emma'n a tih takah chuan Zualtei mitmeng tlanchhe deuh dúi pawh a bo nghal vek, kei chu min rawn en ta kher a!






"Chulo ah kha mi tlai khan ka rai tih ka inhrechhuak chiah a! Ka rilru chiai lutuk leh mangang bawk si khan ngaihtuahna mumal min put tir thei thlawt lo a lawm!" A hmel ațang a ngaihtuahna ah eng nge awm tih hriat theih miah loin Emma chuan Zualtei chu a en let kâl. A nui tel var var avangin Zualtei pawh chu tawite in a nui ve leh a.






'In hnung lamah sawn ka lo va awm ang' Zohmingliana țhu ngawi ngul melh zeuh pahin a ti leh a. Tuman kan chhang let tawh lo, chutiang bawkin Zohmingliana chuan Zualtei chu buaipui zui a tum loh tih hriat zetin a țhu ngawi ngûl. Mûk tak a engemaw ngaihtuah ang mai hian a hmel lan dan chu a thim mup bawk!








Ka pa chuan Tluangi bawk a au a. Zualtei chu inhnung lamah amah chiah in a ding, darthlalang hlaipui phen ațang kan kan sawi ho tur hriat chak hmel zetin a rawn hawi seka. Tluangi rawn luh hnu chuan ka pa chuan Bawihtei chu amal chung ațang hlang thla in Bawihtei chu 'au tluangi i bulah awm rih a, Hunter-a te nan pawn ah lova infiam turin a hrilh a.' Bawihtei pawn thuawi zetin Tluangi kut chu a ban nghal thet a. Tluangi pawh a phurin Hunter-a leh Casper chu a au zui lang lang a. Inhnung lam ah an chhuah fel rual in Zualtei bawk in Bawihtei te chu a fin nghal thuai bawk. School ah țhian kawm tur nei miah lo a maltlat, kawm tur leh biak tur duh bawk si, a rem chang chang lo biak tum chawt hi a ang deuh ber mai hian ka hria.








"Chhungkua a sawi ho chi nia ka hriat vangin tûkin pawn i nau hneh ah engmah ti rih lo turin ka khap tawh a. Tunah chuan in pahnih in hmun khat ah in awm ta bawk a. Kum 4 liam tawh a thil thleng leh Thlema'n a chhuah san chhan che kha a bulte ațang kan sawi ho thei tawh in ka ring." ka pa in a rawn ti chhuak sup. A ep chiah couch mal a Zohmingliana țhu rún chu a melh pah ngur bawk.








"Carlos, i thu hriat tur hi eng hawi zawng pawh nise ri hlut lo ang che. Thin butut lutuk leh vawi leh khat a rik hlut hian eng rahțha mah a chhuah ngai lo. Kum 4 taltap chu i nupui in aţang a chhuah chhan hreloin i awm tawh a, tukin hian engkim chhanna Thelma'n a pe dawn che ani a. A sawi duh ang a sawi hma chu lo in control ang che." khunkhan tak in ka pa bawk chuan a ti leh churh! Carlos-a chuan min rawn en a. A hmel thim mup ațang chuan eng nge a ngaihtuahna a awm ka hrethiam lo!







"Ka thusawi chu i hrethiam em?" Ka pa bawk chuan Carlos-a chu a zawt nawn leh a. Zohmingliana chuan ka mitah tak min en rûn chungin lû a bu nghut a. "Hriat a chak awm khawp mai." a ti zawi sup bawk!









"Thelma, i țan thei ang." zawi sup a rawn ti leh in ngawih a chuh zui leh hmiah. An zavai chuan ka țawng chhuah hun ngaichangin min en țhûp a. Zohmingliana ngat phei chuan mûk takin min en ngur ngur! Sawi țan mai dan tur ka hriat loh avangin thawk ka la hak a.






Emma chuan ka rilru chu a rawn hrethei ani mahna, a kekawr ipte aţang ka phone hlui a hawn tak kha a phawrh chhuak a. Min pek pah chuan tawite tak takin min nuih bawk!







"Ka nu leh pa te chu ka hmuh tawh." a ti sep. Chutah a û lam chu hawiin a û chu a en ngawih ngawih a. Emma rilru nat hmel lutuk chu a chhan hrelo mahila rilruna bawk si, khawngaih ngawih ngawih bawk siin a û chu a en char char!



Zohminglian'n ka phone hlui a hmuh ve rual chuan zawhna a khat mitmeng buai ru nuaihin min melh nghal ngûr bawk!







"Hei hi en rawh! Hetah hian engkim chhana chu a awm." phone chu center table ah ka dah a. Zep miah loh chuan khatih hunlaia thil thleng kha ngaihtuah let leh pawh ka duh tawh lo! Zanlaiah thu-thințhawng lutuk hmangin Suzi nen min rawn text rawn a. Ka nâ a! Ka tlawm tak zet bawk! Chumai pawh nilo in ka nau pai lai ti tla tur a thû pêk ka ni zawm zat bawka! Thil thleng zawng zawng khan thawk lak a ti harsa in ka awm chhung hi a tinâ ngut ngut a! Ka hunkal tawh ka chhui kir chang pawhin kha zanthiam chhah rapthlak zet kha chu ka kal kân hram hram țhin!








Zohminga chu couch ah chuan țhu chhuak vûtin center table chung a ka phone dah chu a ban ruai ruai a! A kutphah hrawl zet chuan phone chu a hum rún, a mitmeng uk thim rûih chuan vawi khat min rawn en leh a. Ka awm dan chu ka hrethiam biklo. Ka lungphu a ri dawt dawt a! Ka pum chu a rawn sa but but bawk! Lock a hawn zawh a phone a rik kauh rual chuan thaw chhuak hak chungin couch nghenchhan chu ka ngheng dawt a!







"U, Message kha en rawh." Emma chuan a ti zawi sep! A bô tulh tulh tih hriat fê in Zohmingliana chuan keimah bawk chu min rawn thlek vút a! A hmel lan dan chu mipa naupang kawng bo hamhai zet a ang hle bawk!






Engtin mah ka chhan let loh avangin Emma chu buk khum nghut in screen chu a khawih kual a!







Reingial chu thawm pakhatmah a awm lo! Ka lungphu ri dawt dawt in min nghawr chet na vang chuan ka hah vek a! Ka thawk chhuah leh chhuah loh pawh hrelo hial khawp in ka thinphu chu a mumal thei der lo!








Message chu a chhiar ani mahna! Vawi leh khatah a hmel chang hrawk chu a thim nghal rûp! Thawk chelh ngur chungin screen chu a bih rûn a! A hmel lan dan chu hriatthiam lohna leh mak tihna in a thlak túp tûp a. Ka voice thawn a play thleng chiah chu ka vanvadak nghal daih a! Ka hrawk chhung a rawn na ngut ngut a, țah chhuah hawk mai ka hlauh vang in thawm siam lo turin ka insehruh nghal fan fan bawk!








*lo haw phawt rawh Carlos.* ţap chung a ka ngen ngawih ngawihna thu mal tawi te chu inchhungah chuan a khawk rum rum hial in ka hre mai! Zohmingliana chu ka en a, ka ţap ri chuan a țhawn hmel in min en dawr pahin a thaw chhuak hrawk bawk! A hmel lan dan chu a buai vek ani mai! A buai vek tawp!









Muangchang in screen bawk chu a en leh ruai ruai a. A chal ah thisen zam a val kulh bawk! A taksa hrawl zet che hrawih hrawih khawp a thaw chhuak hrawk hrawk chungin phone screen chu a en ngur ngur! Ţap chung a lo haw tur a ka ngen lawm lawm hnuah min rawn chhan letna pawh kha chiang takin ka la hria!









*Hriatthiam tum ve ta che! Ka fa pai mek tu in min mamawh, nang chu engtik lai pawn țha takin ka enkawl che.. i hma chiah sial loin ka fa pai mek tu hmeichhia hi ngaihtuahna tlem tal nei ve rawh.*









Kha zan ang chiah khan ka awm chhung a rawn na thar ngut ngut a! Ka thinlung nâ lutuk chu a rawn puak darh mai dawn in ka hria! Ka pum rawn invilh ngut ngut chuan ka thawk lak a tibuai a, thawk zîng lutuk in ka rum chhuak hak bawk. Mahse, ka taksa pum chu a na ngut ngut tho!





"Bawihi?" ka hrawk chhung ri hraih khawp in ka thaw nghal kawk! A aw zawi leh hrilhhai hmel zet chu a kawchhung aţang a rawn chhuak țawk ţawk a! Mahse, ka kawchhung erawh a deng nghing dawt tho!









"Suzi'n Thelma a biakna kha en tel leh rawh." Emma chuan a ti lawi rat!

"Suzi" ti nawn ve supin aw rawl lian leh thum ruih in a rum chhuak leh hrawk bawk!








Zohmingliana chu ka en duh tawh rihlo! Ka maimitchhing ngawt ngawt a! Heng message vel hi hriat a nei miah lo a ngaih theih tur khawp in a aw riah khan hrilhhaina leh mak tihna a lang chhuak chiang em a! Kum4 chhung ka lo tawrh tawhna leh Bawihpuia hial ka chan phahna mihring lakah hian rilru nem ka pu palh hlauh mai ang!







Suzi thlalak min rawn thawn te. Chak zawk anih zia min rawn hrilhna te! Uggg, Zohminga kianga mut a nawm zia leh raino anih vang a Zohminga'n a duat zual tak dan a rawn sawi zawng zawng te kha a chhiar ani mahna! Inchung chu ka lungphu rang dawt dawt leh Zohmingliana thaw ri hrawk hrawk tham in a khat vek a!






Zanrei ah Suzi'n a mamawh thu min hrilh a, zankhua a Suzi kiangah a awm hnuah nau ti tla tur in min rawn hrilh leh sak bawk anih kha!








* he thutlukna hi siam ka duh ngailo. Mahse, hetiang kan nih tak ah chuan pakhat zawk ka thlan a ngai tih ka hria. Bawihi, ka hmangaih lutuk che, theih tawp a hmangaih zel che pawh ka duh, marawh chu i thinlunga hliam leh ser ka siam sak khan dam ni a nei tawh ngai dawn lo. Theih tawp in tihdam sak nan che hun hmang mahila i dam hlen tawh dawn lo. Chuvang chuan.. Natna pek belh che a, thinglung ser reh thei lo nei chung a min hmachhawn reng loh nan.. ka fa i pai lai kha ti tla la. A dang chu ka rawn haw hun ah kan sawi fel dawn nia. Pawn ah khan doctor leh nurse in an nghak che, i tan a țha ber tur ngaihtuah chungin naute kha lo ti tla fel ang che, ka rawn let leh hunah kan pahnih awm zel dan tur chu kan sawi dun dawn nia.*





"Heng message hi ka thawn lo che Bawihi!" aw rawl lian lutuk leh mangan zet in a rawn ti thuk ruih!







Mipa thaw ham ham ri chu ka pa zawk nge Zohmingliana zawk ka hrethei lo!







"Ka thawn che anilo!" thaw khur dur dur chungin a ti leh hrawih! Muang changin ka meng chhuak riai riai a. Mittui tling pam a insehruh fan fan chungin ka nu chuan min lo en reng! Ka pa in a kut a hum sak a! Thaw khur dur dur rawn chhuahna lam chu muangchangin ka en phei riai riai bawk!








Zohmingliana mitah tak ka en rûal chuan ka thinglung chu a nâ ráwih ráwih mai! A mit-mu chu a sen rûm a! Thisen ang maia sen rûm chhungah chuan inphum ru a tam lutuk! Natna! Hrilhhaina! Pawitihna! Chutiang bawk in a chhiar tak zawng zawng kha a vawi khat hmuhna... thil dang tam tak țawngkâ a sawifiah zawh loh ka hmu zut zut!








"Doctor leh nurse i rawn tir a!" țah chhuak insum zet in ka ti a.



"No!" thinlung nat hmel tak chuan a rawn ti chhuak táwk!







"Zanlai ațang Suzi nen message min thawn chhawk char char hnuah ka nau pai lai kha ti tla tur a min duh thu sms hmang a min rawn hrilh leh in pawn ah doctor ten min nghah thu i rawn sawi.." eng emaw rawn sawi tur ang mai hian kâ a ang zuau! Mahse, inseh ruh țawlh țawlh chungin lu a thing leh zawk thung!









"Suzi'n i fa a pai tih i rawn sawi hnu pawh khan kei chuan hmaichhan ngei ah kan inbiak hma chu engmah kha rin ka duh lo! Suzi min rawn deu na message ka hmuh hnu ah pawh i rawn let hun nghak in țap chungin he couch ah hian ka țhu tlaivar țhak asin! Khua a rawn var a nga, i rawn haw a nga, zan a message min rawn thawn kha chu i fiamthu ani tih rawn sawiin min kuah a nga tiin ka inhnem lui a! Mahse... Carlos, khawvar hnuah pawh tinge i rawn haw loh? Tinge khang doctor leh nurse te kha ka pum chhunga infiam ve thei tawh kan fate tihlum tur a i rawn tirh a? Vawi tam ka call na che min chhan duh loh laiin tinge kha doctor kha in ațang min hruai chhuak ngei em tih i hriat duh vang a i rawn call kher! Tinge kan fate kha thi tur a i duh em em a.. i pawi sawi an neilo a sin. An tih zawng chu ka pum chhungah infiam a... ka pum rawn tlawh chet kha a la ni mai a..!!" Ka kawchhung rawn nâ vîlh ngut ngut avang chuan ka aw ri pawh a tham ral riai riai a. Ka mittui vang in ka khaw hmuh a phe vek bawk! Nghet taka Emma'n ka kut a rawn hum rual chuan ka ka thinlungna lutuk chu a rawn puak darh nawn leh ta vek! Ka inthum thei tawh lo, ka insut chhuak hlawp hlawp a! A vawi khat nan.. Bawihpuia kal hnuah ka țap chhuak ve leh ta!









"Clinic chhung ah mangang zet a ka awm hnu pawn doctor kha a zo fel tawh em tih i rawn zawt nawn leh tho! Kan fa kha nang chuan tihhlum i duh pawh ani thei! Mahse, kei chuan ka pum chhung a thla ruk chhung ka venhim tawh kha ka hmangaih a. 'Mamma' tia min au ri ka hriat chak em avangin Doctor leh nurse te kha sual letin ka tlan chhia a.. i mi rawihte khan min um zui tho." Mittui nen a nui lui hak pah chuan ka kun nghal tlawk tlawk!








"Pathian khian ka manganna kha a lo hria ani mahna. Doctor leh nurse te kut ah ka let leh tawh loh nan Car in min su a. Nikhaw hrelo a ka awm hnu ah chuan i mi rawihte pawn damdawi a min jection hman tawh miau avangin nau ka chhiat tho an ring ani mahna! Min tibuai zui tawh lo! Ka harh chhuah leh rual a ka thil hlauh ber erawh doctor leh nurse te kha nilo in an mahni ruaitu! Police officer Zohmingliana.... a fa ka pai lai ka ti tla lo tih a hriat chhuah ka hlau ta ber!"



"Bawihi!" a aw rilruih chu natna in a khat ruih!





"A chhan chu maw.. ka mit hmuhah ngei timna tel miah loin thi chhawng a ka țhianpa sawisa tur a thu pe thei tu kha i ni miau a!" Mittui kar ațang ka melhna a mitmeng ukthim ruih a nâtna tam tak lang chhuak chungin min en let ngur ngur!











"Car a min su tu chu kei leh ka fate nen a min humhim turin ka ngen ta tawp bawk! Tichuan Dubai lam ah min hruai thla a, pangngai takin nau ka hring dawn emaw ka in tih laiin thlariat ka pai pum hma in ka tuibawm a keh a. Neih pangngai a ka neih theih loh avangin zai ka hmachhawn leh a. Phir... kan fate kha phir an lo ni a sin! Mahse, an mahni tih tlakna tur damdawi chak tak ka thisen zam ah thun luh anih hman miau avangin Bawihpuia tan kha chuan a chak tham em a, ka pum chhungah an awm lai pawh a an rilțam chang apiang a ka hriat loh hlauva ka dul rawn tlawh uar em em țhintu ka fapa chu thisa in a rawn piang a.. Carlos, an rawn pian chhuah duh lo viau mahla Dolores khan a chhun tak zet che a sin! Thisen ang mai a duk vek tawh a hmelah khan nangmah ka hmu thei a sin. I mitkhur, i hnar ngul leh hmai tlang zawng zawng rawn chhun fai vek tu che khan dam ve a phu tak zet! Mahse, ka hnute tui far khat pawh hne hman loin leh ka panglum tak ngial pawh si ve hman loin a rawn piang chhuak a! A kutțang tiche a, vawi khat tal a țap ri hriat ka chakthu ka hrilh lawm lawm pawn Dolores khan mit a chhing tlat!"







"Dolores!" A fapa hming chu thinlung natna in a bawm khah lúk chungin a rum chhuahpui hrawih!








Ka nu leh Emma insut hraih ri te! Ka thinchhung rawn na leh ngut ngut țhinin ka thawk lak a tihbuai mup mup vanga ka kâ ațang ka thaw chhuak leh hak thawm te! Ka pa leh Zohmingliana rum chhuak leh hawk hawk thawm te chuan inchhung chu a luah khat a! Tikha chuan ka thinlung rit lutuk pawh a zia ve ta deuh! Zohmingliana zawhna ka zawh tak zawng zawngte kha kum 4 ngawt ka lo pai tlat tawh te an ni a! Kum 4 chhung min delh rittu zawhna tam zawk ka mihring zawh duh ber kiangah ka zawt thei ta chu min delh tu thil rit tak chhawk țhen ang húai ka ni!








"U eng emaw tal sawi ve ta che!" Ţap chhuak hawk chungin Emma chuan a ti țîau!








"Thla riatna ah maw Bawihtei te hi an rawn pian?" ka nu chuan a rawn ti zawi sep! A mittui hru malh malh lai chu ka pa in a darah kuahin a awm ngheng turin a kuah bet hlu hlu a. "Thla riat.. i bo ațang thlahnihna.." Carlos-a en veng veng pah chuan a ti leh a.









"Mumbai ah nangmah zawng turin a chhuk thla a. A mu ngai bawk silo, thil a ei țha ngai bawk silo. I pa Zothana mangangin a zuk hruai haw ta ngawt a! Zankhat chu room ațang mangang zetin a rawn tlan chhuak a, a ngaihruatna ah i nau vei lai a pawm che ani ngei ang! Nau i neih a hun tawh ti a rawn au thla buan buanin a bana ngaihruatna hmanga i taksa a pawm beh kha damdawi in ah kalpui a tum a sin!" Mak ti lutuk a ka nu ka en lai reng chuan ka piah couch a mipa lian leh hrawlpui țhu run chu a ding chhuak ruai ruai a!








"Dubai ah nau veia natna i tuar lai khan suangtuahna ramah a chen miau avangin Carlos-a pawn i nau vei rum thawm a lo hre phak a sin!" hrawk chhung nat hmel takin ka lam pana Zohmingliana rawn pen phei chhak chhak chu a en a. Ka nu thusawi chu min țhawng in mak ka ti tak zet!








"Nau i vei laia a kut chelh lo a i awm a hlaih luat vang pawh ani mahna!" tah insum zet a a rawn tih zawh rual chuan ka pa awm chu a hmai in a nawr a. Rum chhuak nghutin ka pa pawn a kuah nghal hlu hlu bawk!







Ka hma Zohmingliana rawn țhu thla ruai ruai chu vin a, thinrim khum tumna ka nei tawh biklo! A hmel chu nunna nei lo ang mai in a rúak huai a! Mahni inrintawkna a khat țhin a hmel ah khan thinlung kehchhia ka hmu bawk! A thawk lak dan chu a ni hrawk hrawk! Sawi tur tam tak nei hmel pu siin a hrawk chu a chîh tlat lawi tih hriat takin a inseh ruh ngawt ngawt bawk!








Ka malchunga ka kut khur dat dat chu hneh lutuk a rawn hum bo vekin a rawn hmer zui ngut ngut a! A rawn hmer nghet bawk si ka kut a thisen kal laichu a hmet tawp vek hial in ka hria, a mu chuah chuah a! A tha khur nasa lutuk chuan ka ban te thlengin a ti che hlawk hlawk bawk! A țawng chhuak dawn țhîn a. A mitmu sen rûm a min en ngur ngur chungin a thaw chhuak leh hawk a! A tawp ah phei chuan rum chhuak hrawk pahin ka kut chu a la kang vut! A chal in a rawn nawr ngut ngut a! Khawsikpui vang a pangsa vur ang chiahin a pangte chu a sa huam huam!








"Min ngaidam rawh aw!" a aw thum zawi rûih natna hlirin a khat chuan min fan rawih rawih bawk! A chal a ka kut nawr ngawt ngawt reng chung chuan vawi leh khatah a thinlung tawt lutuk chu a rawn puak darh ta hawk, a kawchhung ațang rawn rum chhuak hrawk chungin a awp hniam rawk! A hmai sa huam chuan ka malpui a rawn nawr ta ngawt ngawt mai!
Mipa lian leh hrawl tham lutuk a hma zawn a tihtur engpawh tìm chhin miah lova hmachhawn hmiah zel leh kei ka ni intive tawk tak hian a ngen in min ngen a nia! Mihring rilru pu nih ve chuan kan hma ah kan mihringpui tlawm ngawih ngawih a an awm lai chu thil hmuh nuam a ni der lo!







A thaw khur hawk hawk a, a landan zawng zawng avang hian chhan awmlo in ka nà ve ringawt! A sam buk leh nem thep siah hian ka khawih mai lohnan ka inthunun țang țang bawk!







"Suzi'n ka fa apai lo, khang message pawh kha ka thawn che anilo! Suzi țhianpa in nikhaw hrelova min siam hnuah ka walet leh phone an ru a, keichu a túkzing ah spot pakhat ah ka harhchhuak ve leh chiah!"






A thusawi chu rin loh ngail pawh tum mahila dawt pakhatmah a tello tih ka thinglung hian a hrethei a! Chutih rualin ka thin-chhung erawh nasa lutuk in a rawn tawt mûp mûp mai! Keini pahnih hi bum kan ni!







Ka ngaihtuah ang chiah chu Zohmingliana pawn a ngaihtuah ve tih hriat takin a tihrawl khawilai pawh chu a che nghal țawlh țawlh!






A rum chhuak hrawik a! A tihrawl inphiar țawlh ţawlh pawh chu thlah-dul in a ban hrawl zet pahnih chu ka malchungah hmai phung reng in ka taksa ah a rawn suihbet hmiah bawk! A mangan chhung zawng zawng ai kha hahdamna hmuh a tum ta mai emaw tih tur khawp hian a taksa thlah dul in ka mal chu a hmaiin a nawr ngawt ngawt! Sawi tur hlawl ka hretawh biklo! Khang message zawng zawng kha Zohminga rawn thawn anih siloh chuan Suzi thil tih vek tihna em ni! Mahse, Suzi lah chu in aţang ka chhuah túk khan OD in a boral ve nghal tih Emma'n a sawi tawh bawk si!









Ka pa chuan ka nu leh Emma chu zawi sup a thil hrilh in an zavai chuan min kal san ta vêk a! Zohminga chu reitak chhung hahdamna hmu tawh loin hahdamna hmun nuam tak a thleng hlawl a! Lungdam zet a hahdam tura rilru siamfel a, chawlh hahdam ang mai hian ka taksa aţang awm hran tumna a nei tawh lo hrim hrim! Reilote tal chu a manganna rehnan tal ka dang lo tawp! Mangan hreawm zia ka hriat chian vang ani mai thei!



InShot_20190923_132843379.jpg
InShot_20190923_132843379.jpg (91.09 KiB) Viewed 12010 times


"Dolores ka fapa hming chuan min va tihna tehkher ve!" a rawn tichhuak hrawk! Ka insum thei tawh biklo! A sam buk laiah chuan ka kutțang ka nawr lut a, thlakhleh hmel takin a bêk chuan a rawn nul let thuai bawk. Rawn hawi chhuakin hmai sen awp awp chung leh natna a khat mitmeng sen rûm chuan min en ngawt ngawt! Dolores tih thumal hi Spanish word ațang lak chhuah ani a, English thu mal chuan 'sorrowful' leh 'pain' tihna mai nimahse hming ah hman chuan 'natna a hauhsa.' 'Lungngaihna a hausa' 'retheihna a hausa' tih hi a awmzia ani thung! Bawihpuia tereuh khan nu hmangaihna pawh a dawng ve hman silo a, ka pum chhungah thlariat chhung a awm ngar ngar a! Vawi khat tal ka hmel hmu hman lo leh hnute tui far khat pawh a kâ ah lut hman loin a nun a tawp leh ta si a! Chuvang tak a 'lungngaihna a hausa' DOLORES tih sa ka ni bawk!







A kutphah lum thup chu rawn lek chhuak in ka biang huh hliam chu a rawn tuai hûl a! Kân natna ințawm a mitmeng a ka hmuh chuan ka awm chhung hi a tina ngut ngut bawk!






"Bawihte, min ngaidam hram rawh!" a ti nawn leh sup a, ka mittui dir thla zawi chu rawn awm hnaiin a biang ah a hmui lumin a rawn nawr leh a! "I lova tuar nasa tehlul em! I awmna zawng chhuak zo lo khawp a kum heileh chen ka awm avang pawhin min ngaidam lul rawh!" Lu ka thing nghal nawk nawk chu hnehzet a kutphah hlai hlup a ka biang rawn khup lum in ka chalah a rawn fawp ta táwk bawk!






"I thiam loh anilo Carlos.. Búm kan ni!" ţáp chhuak hawk pah chuan thinlung ipik lutukin ka ti chhuak țíau! Carlos-a pawh chu a rawn rum chhuak hawk a.
"Ka chhuah hauh lovang!" ti chhuak hrawih in ka darah chal a rawn nghat dawt bawk!






Kum 4 liam ta a thil thleng te chu ka ngaihtuah let a, rilru ipik lutuk leh beidawng lutuk in ka thaw chhuak kawk kawk! Tu thângah nge kan awh! Doctor te ka hmachhawn lai khan rilrufîm lo pu in kawngkhar te kha lo khar hnah daih ila! Carlos-a sawi dan ațang chuan ațúkzingah a harhchhuak ve chiah! In lam panin a rawn tlan nghal dawn tihna ani a! Doctor te kha lo hnialin ka rilru kha lo fim deuh nise chuan Bawihpuia kan chan lova nga!..... God!.... Zohminga pawn nupui dang a neilo ni mai tur! Chung thil zawng zawng ka ngaihtuah kual ruai te chuan min tihah in min hnawh tawt tup tup! Mahse, siam țhat theih pakhat mah ka nei tawh lo!









Dimtein Zohminga darah chuan kut ka nghat a! Muang rúih in a rawn hawi chhuak ruai ruai bawk! Kan hmai insilo chauh va hnai ah min en nghal run! A lungphu ri dawt dawt pawh chu kan inawmhnaih em vangin ka hriat sak thei a. A biang ah ka thawh rual chuan thaw huai chungin ka kut chu a rawn hum hnan hmiah!





"Ka fapa ruang chu khawiah nge?"





"Dubai ah Hades-a share neihna hotel hnung lamah kan phum." a inehruh țawlh ţawlh! He a natna paltlang mek hi chu ka lo paltlang tawh! A natdan chu na tak ani tawp! Rilarah ngei mai, mahni hnampuite awm ve lohna hmunah khawhar taka lei hnuai ah a mu bik tur chu ngaihtuah zawng ringawt pawhin awm chhung hi a sa huam huam thei!




"Phir an ni ang i ti țhin a." ti supin ro zetin a rawn nui suk mai!





Keipawh chu tawite in ka nui seih a! Thla 4-6 chho vel an nih laia chhung lam aţang an rawn tlawh chet dan kha a rangin pakhat zawk rawn tlawhna kha chu a nâ bík tlat a! An rilțam hun tur awmang vel ah phei chuan a nau hnenah intipa ve deuh pahin a rawn tlawh kher zel khan ka ngai deuh tlat țhin anih kha!









Reingial țawng chhuak loin kan mitah tak kan in en dún a! Țawngkâ a sawi chhuah ngailo in kan natna ințawm chu inhnem tawnin kum 4 chhung a thil thlengah khan 'i thiam loh anilo!' tiin kan inhrilh tawn mawlh mawlh a! Min hmangaih tih hriat taka rila min en tak ngur ah chuan Zualtei ta ani tawh tih ka thinlungin min rawn hrilh thuai bawk! Mahse, țawngkâ a sawi chhuah theih loh, min ngaihna te, min thlakhlelna te nen a min en ngawih ngawihna mitmeng thuk ruìh erawh ka damchhung in ka theihnghilh thei tawh ngailo vang!


Show post links
Top
Abbra Reo Ririni
Unread post September 23rd, 2019, 8:24 pm

"Ka thinlunga hmangaihna awm zawng zawngte nen a kalbonu! Khang kum 4 chhung khan i telvelohna hmun a nunphung buai vek leh lumna nei zo tawh lo mihring hi min ngai ve țhin ani tih sawi rawh!" ngenngawl lutuk a a rawn tih chhuah táwk tâk ah chuan insum hman lo lekin ka báwchhuak hawk a! A țawngkam maltin chuan min vîlin ka thaw chhuak thei lo mai dawn!






"Kum 4 chhung keimah a hmangaihna awm zawng zawng nen i kalbo tawh! Vawhna chiah min hnutchhiah a! Lumna min pe leh turin min kalsan tawh suh!" thaw chhuak ham ham chung chuan ka mitah tak ngenngawl lutuk a min en ngawih ngawih chungin min ngen a! Natna tawrhhlehawm tak ka paltlang leh dawn anih hi!







Chhanna ka pe lova! Mahse, beidawng duhloin kan inthihthiam loh a min thlem nan a tihfo țhin danin chet a rawn la a. A chal leh ka chal chu rawn nawrsi in a hmai in ka hmai tlang a rawn nul kual dûn dún bawk! Ka... Zohminga nen kan thiam lohna awm miah loh hmangin nutlawi dinhmunah ka ding tawh! Ka hmeichhiatpui in tunah a fa a pai mek a! Ka hma chiah sialin a nupui ni mai tawh tur ka luahlan leh a nga! Mite'n mi pasal fa pawm tiin an sawi zui luai luai turin a dinhmun ka hnuhhniam sak ang maw! Kan mizo danah phei chuan sawn pawm te hi a engamah hma in tupawn kan hmusit nghal em em a! Chuta karah mipasal fa pawm leh lek phei chu deu takin kan sawi zui țhin a! Keichuan kum4 chhung ka tuar tawh! Ka mizopui te kiang ah nilo mahse pa tello a naupang enkawl chu thil nuam tak anilo! Khang ka tawrhna te kha nâ tilo ka nilo! Kum 4 chhung ngawt ka lo tuar tawh avang zawkin ka natnate pawh a nep hret hret a! Chu sawn pawm dinhmun ah ka hmeichhiatpui hnukhniam a! Rahbi rap ţan ve tur a siam chu thil dik niin ka hrelo!






"Carlos."


"Kalbo tawh suh." a rawn ti chhuak sup! Ka nui chhuak hak a! A biangah ka kut pahnih a ka dawm sak rual chuan ngenna a khat mitmeng uk thim ruih chuan min melh nghal ngur bawk!




"Nang chuan Zualtei i nei tawh alawm!" Eng emaw rawn sawi a tum rual chuan lu thing nghat pahin ka ti tawp a!






"Inhualna zungbun i bun tir lai kha ka hmu che a sin." țawng chhuah a tum rual chuan a chalah keimah zawkin ka nawr nghal tawk! A thaw chhuak hawk bawk!







" Kan natna paltang zozai te khan min hnuk chau ani tiraw? Rilruna ngawih ngawih chunga tlaivar țhak chang pawn 'ka țha' tih kan inhrilh lui a! Midangte nunna a tan an lungphu a phut țhîn laiin keini erawh natna sawifiah theih loh te nen kan lungphu a phu a! Khang kan paltlang tak ang zawng zawng kha keichuan nâ ka tih em vangin midangin rawn paltlang ve se ka duh lo, Zualtei nen chhungkua indin lek lek tawh a! In pahnih fa tan pa țha tak nia ka lo suangtuah fo țhin pasal inngahna tlak Zualtei tan a niturin ka duh che." Ka thinlungna lang chhuak lo thei tur berin duhsakna ka hlan thei ta! Ka kawngah nghet takin a rawn man a! A tawpna tur tih inhrilh chungin a chal chu ka hmuiin ka nawr vang vang bawk!









Ka kawng avawna kut ka phelhsak dawn chuan ka mitah tak min en vung vung! Muangchangin a kut pahnih chu ka pawt phelh a. Ka ding chhuak tur pawh chu min dang lova. Ka chevel chu min en ngur thung!







Ka thinlung a huatna ka lo pai char char ten min kian san takah chuan ka zang deuh vawk hian ka hria! Inhnung panna darthlalang kawngkhar ațang chuan chhuak in Tluangi leh Bawihtei infiam a nui dun bawk bawk te chu ka pan a. Zualtei erawh Bawihtei te hlat takah min hnungchhawn in a țhu țhung!







"Bawihte, let tawh ang le." Zangkhai hmep zet a nuisang pah in Bawihtei te chu ka en a. Harvang lutuk in a rawn hawi ve dar mai!




"Khawiah?" a rawn ti reuh. A bek a sam bet thlap mai a kut a tui ve thiak pahin min en ha bawk!




"Hotel ah.. school kal i ngai bawk." ka ti let a. Bawihtei hmel chu a inthlak nghal hlawk mai! Lungawi loh hmel zet a hmui tipawrh tar chungin muangchangin a ding chhuak a.




" i thought we were going to stay with Daddy." a rawn ti reuh a. A tum deuh pak bawk nen a awm dan chuan min țhawng ani tawp mai!






Mahse, engmah sawi nawn leh ngai tawh loin Tluangi chu kut a vai a. Muangchangin ka dinna lam pan in a rawn kal hnelh hnelh bawk!




Bawihtei'n ka bul a rawn thlen hma chuan kan thawm hriain Zualtei pawh a ding chhuak a. Min rawn en rual chuan a hlauhthawn hmelin darthlalang phen ațang chuan inchhung chu a enkual nghal ruai bawk!




"Mamma, why we need to go back?"

"School kal i ngai alawm." ka ti ringawt. Ka ban dinglam ah zawk ka pawm kang a. A nur nasa ngiang bawk!


"Daddy home ah ka go back leh thei em?" chhan dan tur ka hriat loh em avangin ka nui ringawt!



"Maw Mamma?" ti nai nai pahin hmui a ti pawrh tarh a.



"School kal phawt la aw." ka inherpui chiah chu kawngkhar a Zohminga lo ding rún nen kan inmelh siah! Ka awm chhung che dawt chu thup tumin Bawihtei sam ka chul daih a.





In aţang kal chhuah ka duh chuan amah hi ka paltlang a ngai. Bawihtei pawm chungin darthlalang kawngkhar lam chu ka pan a. Zohmingliana chuan kan nufa lak ațang min la sawn hlek lovin min en ngur ngur!







A din lohna lam kawngkhar awl lai ah chuan tim dai hian ka pen lut a. Ka nu te pawh an room ațang an rawn chhuak a, Zohmingliana kan pel fel tur chiah chu ka banbul hnung lamah rawn man in min pawt let hrawk! A awmah kan intauh nghal dawt bawk! Mahse, engmah atih leh hma in inhnung lam ațang chuan hmeichhe țe thawm leh Carlos-a a rawn au thawm a rawn chhuak țhawt!





"Aw! Zualte." mangan tih hriat lutuk a Tluangi a au ve leh túng takah chuan ka hawi let dawrh a. Zualtei chu a pum dawm chungin a lo tlu reng anih chu! Tluangi chuan a buaipui sawk sawk a!



"Va kal ta che.. damdawiin ah hruai rawh!" Zohmingliana ding ngawi ngul chho en haw pah chuan ka ti tuar!







"Carlos, ka pum a na lutuk!" Zualtei chuan a rawn ti țîau bawk! Ka mitah chiang zet min chhuk en ngur pah chuan 'khawiah mah in kalbo tawh dawn lo!' rawn ti chhuak sup in min chelhna chu athlah ta hram! Zualtei buaipui tur a apen pawk pawk chu en zui duh tawh loin inchhungah ka lut a. Ka nu leh pa te chu thlahna thu sawi zung zungin kawngkapui ka pan nghal hawk hlawk bawk!





"Tinge Zualte?" Ka nu in a ti thuai.


"Ka pum a rawn na deuh a."


"Damdawiin ah kal vat ang u."



"Nu, a ngailo, ka țha leh mai ang " Zualtei chuan ati zawi sep!





Kawngkharpui ah ka pen chhuah hma chuan Zohmingliana rum ri hrawk ka hre zawm zat bawk!





"Mamma, Daddy nen in fighting a mi?" Bawihtei chuan arawn ti a. Tual ah chuan ka ding chawt bawk.


"No.."


"Anih leh tinge Daddy te nen kan stay together dawn loh a?" ti țîau in a rawn ţap chhuak ta mai! A mittui lah țum dang a ațah țhîn ai daihin a tam a, ka tihngaihna hrelo lutuk chuan a biang a mittui rawn luang chu ka hru nghal zung zung bawk.



"Daddy khan Mamma leh Doris min duh lo ami?"


"No, chutiang anilo."









"Cynthia angin Daddy nen a awm ka duh alawm." chhuak tawkin a țah zawm bai bai a! Tihngaihna hrelo zetin ka thaw chhuak hman țawk tihah ka beisei loh lutuk thil a rawn thleng a! Kan hnung aţang chuan kan nufa chu bantha chak leh hrawl lutuk in min rawn kuah hmiah! A awm lum vung vung ka ngheng dawt theih khawp a hnaiah min dinchilh hmiah, ka kawngah a rawn man nghal hrawk bawk!





Zualtei a buaipui emaw tia! Khek tûng in Bawihtei chu hawi let a. "Daddy" a ti nghal túng bawk!





"Yes, My Love." A fanu a auh na chu a rilruih ani tawp!




"Mamma in school kal tur a ti tlat a!" A pa bulah min hek nghal ringawt anih chu! Keichu ka hawi let lova. Bawihtei thil sawi avang chuan Carlos-a chu a nui suk bawk!



"Ok, school kal phawt la, After school ah ka rawn hruai ang che." a ti sup bawk.

" promise?"






" I promise to you My LOve." Bawihtei chuan ban alek chhuak tharh a. Apa chu awrawl lian thum ruih in a rawn nui chhuak hawk bawk! Ka taksa her kher loin ka hawi let ve a. Bawihtei chuan a kutzungte ti pir va in a pa kun hniam khun hmai bulah a lek va bawk! Ka en tih a hriat rual chuan thim ruih a min melh letin Bawihtei kungzungțang te ber leh a kutzungte chu a inkawih thlep tir a. "See you soon Daddy."










"See you soon my LOVE." a ti ve sup. Bawihtei chet leh dan avang chuan Zohminga bawk chu a nui chhuak leh hawk! Ka pawmna ațang intisang ak pahin a kutchalin apa hnar a nul zeuh a. Zohminga pawn nui suk pahin Bawihtei hnar chu a nul sak ve zauh bawk!





"Engkim ka chingfel thuai ang! Chutih hunah chuan eng chhuan lam pawh nei mahla kan chengho tawh ang!" min chhuk en ngur chungin a rawn ti chhuak sup! Ka kawngah a kuahna chu ti nghet leh sauh in a rawn kun hniam vut! Lo dan nachang pawh ka hrelo! Ka chalah a rawn fawp a. Ka kawng fek chu a țham salh bawk!





Thaw hawk chungin a inla hrang a. Bawihtei chalah bawk fawp lehin "ka hmangaih che." a ti zawi ruih!








Gate pawn a Car lo inhung reng ka hmuh rual chuan inthiam lo zetin ka thaw chhuak hak a! Bawihtei chuan kan kalsan tak in chu a thlir let vang vang a. Paseenger side darthlalang ah chuan ka kun hniam a. A chhung a Hades-a lo țhu rûn chu chiang zawk a en in ka thaw chhuak leh hak bawk! Seat nghet chhan ngheng runin a maimitchhing vunh vung a. A muhil lo tih chu a chala akut nghah, kutțang a tih chet zauh zauh ațang ka hre thei!









Darthlalang chu kik ri kau in Bawihtei zawk ka pawm hnai thuai! Bawihtei phen ațang Hades-a rawn hawi chhuak ruai ruai leh Bawihtei a hmuh rual a a vei nuih nghal suk chu ka hmu thei a. Second tam pawh tling loh ah driver side kawngkhar chu rawn nam hawng pawp in a rawn chhuak nghal vut!



"Pa.."





"Naupang tlanbo ching." ti hluk chungin car kal hual chuan a rawn pen pawk pawk a. Ka hma ah tak a rawn ding hmiah! Bawihtei a hmuh leh vang ani mahna kan kal lama a hmel thim mup chu a eng kuar tawh a. Bawihtei chu rawn ban nawlh in a vawrh kang nghal lawp bawk! Phur zetin ka fanu chu a khek tung a, Hades-a pawh a ri meuhin a nui chhuak ta hawk hawk bawk!





[b]#Ads Click #FB post ah lo comment hram hram zel ula.🙈
#Share with link[/b]
Attachments
InShot_20190922_010738104(3).jpg
InShot_20190922_010738104(3).jpg (72.96 KiB) Viewed 44157 times

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2019, 9:23 am

Post September 25th, 2019, 1:41 am

☆UTOPIA: 1996☆ S2
Chapter 69
Abbra Reo Ririni Khiangte(PitarteiSualfingi😈)


UtopiaGirl Euphoria kha ka ac tho ani e! Pitartei tih telna ac a ka list ah in awm loh chuan khatah khan friend request in lo thawn dawn nia. Mahse, ka ac dang nen kan in friend tawh tho chuan midang kian ta zawk ila tirawh u?🙊🙈



"Doris, outside ah i kal duh anih chuan Mamma hrilh hmasak zel tawh tur. Ok?" ti sup in Doris chu a hmai zawnah a pawm kang a. Bawihtei pawn thuawi takin lu a bu lap lap bawk.



"Haw tawh ang u le, school i tlai palh ang." Hades bawk chuan a ti sup.




A hmel lan dan hahdam ta huai chu en zeuh pahin car kawngkhar ka pawt hawng a, he hmun kan pan tirh kha chuan thinurna nasa lutuk a pai țún a! Mahse, Bawihtei a hmu chiah erawh a chet dan a dam leh thlup tawh! Car chhung ka țhut luh hnu thleng chuan inthiam loh rukna ka la nei tho. Mibuai lutuk ani a, a tan chuan hun hi rangkachak a nizual tak zet bawk. Chutichung ah darkar khat dawn pawn ah motor chhung a min lo nghah chawrh chawrh ațûl kha pawi ka ti tak zet!



Bawihtei sam pheng chiap chu a tuai mam sak thuak a, bawihtei pawn a en let ve kiau bawk, Hades-a chu a thaw chhuak ham ham a, muang ruih a kun hniam in Bawihtei chalah chuan a fawp leh rih a.




"Pa, ka good girl em?" Bawihtei lah pek chuan a ti thuai. Hades-a chu a vei nuih suk a, duat hmel zet a Bawihtei en ngur pah chuan lu a bu ta nghut bawk.




Ka malchungah Bawihtei chu a rawn nghat in amah pawh chu a rawn kun hniam khûn, a rawn kun hniam rual chuan chik zet hian ka lo en ve ran bawk, a la-pangngai lo a hriatna ka nei tlat chu ka ngaih bel mai mai te pawh ani thei tho! Mahse, eng emaw kám tu lian tak nei ang mai hian alak ațang Bawihtei a awm hran rual chuan a hmel lan dan a chang leh bûl tawh!






Kawngkhar a rawn nam phui hma chuan uluk takin Bawihtei chu a en leh vung vung phawt a. Bawihtei erawh naupang a la ni a, thil thleng leh min tih mangan zia vel a hrethiam kil kel lo. Kan țhutna lamah Hades-a rawn kun hniam khun chu a chhaih zauh zauh a, Hades pawh a nui lui ve suk suk bawk!




Piah deuh kâwn zau laiah Uturn a la a, min be lova, biak hmasak dan tur ka hre mai lo bawk, nilo, sawi ţan dan tur ka hrelo mai zawk ani! Steering chu hnehsawh zet a her kualin in lam pan in kan tlan mawp mawp bawk! Bawihtei lah a tih țhin dan ang lo takin zingkar aţang ui te nen infiam in a tlan hah ve hrep a, zing a harh hma bawk nen a țawng peih mang bawk silo! Darkar khat tal tap nghah ngai a kan awmna chhan chu min zawh hun a hrilh ah ka khek ang nge tunah hian ka hrilh ve nghal ang!




Rilru inkhap kual sek chungin Bawihtei ham bai bai chu ka pawm țha a. Zingkar ah khatiang khawp a Bawihtei vang a amangan hrep hnu ah chhanna țha tak engmah ka pe lo anih chuan lawmna chang hrelo mihring ka ni hial zawk ang!





Tunah nilo, remchang hmasa ber ah thil thleng țhenkhat te chu ka hrilh mai ang tiin rilru ka siam fel ta a. A steering humna ban hrawl tham zet pakhat a lek chhuah vut chu ka en thuai, kiai suk in Bawihtei biang ah a rawn piai a.



"A muhil reuh anih hi." a rawn ti chhuak sup bawk.


"Maw?" ka ti hû. Traffic ah chuan car a ti ding dat a.



"Pawm țha rawh, a nghawng a nâ mai ang" ti leh sup in Bawihtei muhil thle ngat chu a rawn thlek vung vung! Keipawh chuan Bawihtei chu ka pawm țha thuai a, ka ngaihbel mai mai nge ka hrethiam rih lo! Min biak a chak loh hmel in kei nen a eye contac neih palh zeuh pawh a tum miah lo ni hian ka hria.



"Vawiin chu school kal lo mai rawh se." steering her kual chungin a rawn ti nghut. Ka en vat a. Trafic a tlang leh tawh avangin a motor khalh lai ah chiah rilru pe ang mai a bing in hma lam a melh ngur bawk!



"I tih dan dan." ka ti ve sep. A bu nghut a. Min la en ta lo cheu bawk!




"Chhun ah an teacher te hmu turin ka kal dawn nia. Kar leh ah Ngopa chhoh in duh dawn sia, chawlh an pek theih hun chhung hriat kan mamawh bawk." ti vut chungin kawnghnuai leh kawngchung lo ințhen hranna ah chuan kawnghnuai ah zawk a tlan lut a. Min bia nilo a, a ngaihdan min hrilh nia ka hriat avang in ka bu ta nghat bawk!



Ka hmui in Bawihtei chhip chu ka nawr a, thaw chhuak ham ham paha ka maimitchhin rual chuan Zohmingliana hrilhhai hmel lutuk kha chiang zetin ka hmu let zui kawk!




Sawi chhuah tur tam tak nei chunga a țawng chhuak lawk thei lova a inseh ruh ngawt ngawt mai te ! Mitmeng sen rûm a min en ngur chung a thinlung ipik hmel lutuk a thawk a la hrawk lai te! Engkim... a fapa a sun a, a mitmeng thuk taka natna leh țawngkâ a sawifiah zawh rual loh tawrhna nasa tak mai rawn lang chhuak zut zut te kha keichuan hmu mai nilo in ka thinlung chenin khang a natna tawrh kha ka tuar țawm a! Mipa chakțha lutuk in fapa a chan tih a inhriat chhuah rual a, tlawm leh zah pawh dawn lo lek a ka malchung a bel ta râwi mai te khan ka awm chhung hi a la tinâ ngut ngut thei!




Pawn lam ka thlir a,Ka ngaihtuahna te chu a buai nuai nuai vek! Bawihpuia kan chan chhan te! Mizoram chhuah san meuh a kum 4 tal tap ka biruk chhan zawng zawng ah khan Zohminga'n thiam lohna pakhatmah a lo neilo! Chuthil chu ka thawl pui hawk rualin tu emaw dawt thu veivirna vang a bawihpuia ka chan te leh Zohminga nen kan inkar ngei ah pawh thil thleng a lo tam tawh lutuk te chuan a hma aia rûn thlak leh tawrhhlehawm zawkin ka thinlung hmun țhenkhat hi a tina ngut ngut! Kum 4 a liam meuh chuan nupui hual te lo nei tawh in ani chuan chhungkaw hran din a lo inpeih der tawh a! Buaina inţan chhan kha chhui chhuakin hremna nasa ber pawh pe mahse kan nupa inlaichinna erawh siam țhat theih ani tawh ngai dawn lo thung!



Kum 4 chhung khan kan pahnih fa a duh loh vangah ngaiin ka fanu hi nu leh pa dik tak karah a seilian ngai dawn lo tih chu ka pawm thiam tawh a! Tunah thung chuan engkim inthlak thleng hlawk in apa in a hmangaih ve zia ka hmu a, kum 4 chhung a ngaihdan ka lo put zawng zawng te pawh a dik loh zia ka hma ah ngei a lang chhuak bawk! Chutiang ani chung pawn ka fanu erawh nu leh pa dik tak karah a seilian thei dawn chuang lo! Aaa, tunah chuan thil thleng engpawh mai hi hahdam tak a pawm thiam ka zir a hun ta hle in ka hria!




Thaw chhuak hak pahin ka hawi chhuak a! Hades-a'n steering hum ngur chungin min lo en reng tih ka hmuh rual chuan tawite tak takin ka nui lui a. Min en uluk em avang chuan keimah ni tawk zawng a car rawn tlan te nen kan insut palh hlau in 'hma lam en rawh.' ka ti zawi sep.



A rum chhuak nghut a! Ngawi ngul in hma lam chu a bih zui ta rûn bawk!




Reilote hnu ah kan inluah kawmthlang ah car chu a ding dat a! Engmah sawi lo in a chhuk thla zui vut bawk! Car chu rawn kal hualin kan nufa ţhutna lam chu a rawn pan ding pawk pawk bawk!



Kawngkhar chu a rawn pawt hawng dawt a, a rawn kun hniam zui zat. Ka awm ngheng a Bawihtei muthlu nget mai chu a kutzungpuiin abiang ah a rawn nul sak thuak a. Engmah sawi lo bawk a a rawn ban in a ding mar pui nghal vut bawk!



"hetah eirawngbawl la, ka ei ve nghal mai ang." zawi sup tak tak in a rawn ti a, kawngkhar inhawng huau tawh ațang min chhuk en ngur avang chuan amah en chungin ka bu ve nghat a! A tawlh sawn hrut a, keipawh motor ațang chuan rang zet in ka chhuk a. Eirawngbawl la a ti ngawt a. Ei siam tur mumal kan la kawl der silo!




Aman kawngkhar chu rawn nam khar leh in chabi ațang a lock ri nghal khup.




Ka fanu muhil a darah pawm chung a inthaw zo zet a step chho zawh chho thauh thuah tu hnung lam chu ka en reng mai! Bawihtei kiangah a awm hi chuan amah hi a nem ve deuh in biak a nuam ve deuh țhin ka tih tawh kha a dik zia ka hre thar rawih rawih! Tun lawkah pawh Bawihtei a hmu chiah a. Amah a nelawm lohna awm zawng zawng bo vek khawp in a hmel ah Bawihtei ngaihsakna a rawn lang chhuak a. Bawihtei ka mal chungah a nghah chiah rual erawh in Mr Hades-a ah khan letin nelawmna tel hauh loin a ngawi ngul!


Step ka zawh chhuah rual chuan ka inthuam dan chu ka hre chhuak leh hnuhnawh chiah. Mutna a ka hak țhin kawrfual hnelh leh chapal pan thlep inbel in Hotel ațang khan ka tlan chhuak ve tawp ani a. Ka hmel lan dan tur phei chu ka ngaihtuah buai peih lo zawk.



Ka hma a kawngkhar hlai hlup tlem a kau tawh sa chu ka pawt hawng a. Master bed room ațang Hades-a rawn chhuak vut nen kan in melh nghal siah bawk.


"A mu nghet reuh lutuk." ti sup in pindan kawngka chu a pawt phui a. "Thil a ei tawh em?"


"Aw.. ih, Bawnghnute te an intir a." Inchhung ah ka lut a, kawngka ka pawt phui nghal bawk. Hades-a chu a bu nghut a.

"Anih chuan mu tlang mai rawh se." ti leh sup in bang-thlang a tukverh inkhar phui țhiap lam chu a pan thla a. Parda inzar khup pawh a nawr hawng zui zat! Tukverh chu a hawng tel leh a, thir 'bar' a invuah vek avangin rukru lak ah chuan kan him in ka ring!


"Kawngkhar kha chabi nilo, digital lock dah zawk ila a fuh ka ring. Chuan second door kan siam a nga, chu chu chhung lam aţang engtiklai pawn kalh thung ula." rawn inher vut pah chuan a ti duah.




"Umm. Mahse, eng nge ka siam ang?" ka li ti a. Uluk zet a min thlek vung vung hnuah a hnuai lam bih in a nui ta suk bawk!



"Khawm thlang dawrah ka zuk in lam khawm a ngai dawn a ang." chimawm ru lutuk a min melh tak kher ah chuan ka ner ta nawng mai!



"Keimah ka zuk kal ang." ka ti hlak.

"Tikhan maw?" mit ko a rawn kan úk a. Ka inthuam dan chu inen chhuak thuak pahin ka thaw chhuak nghal hliai bawk!



"Aih, ka inthlak hmasa phawt dawn." ti hlak pahin room lam ka pan a. A nui chet hluk bawk.


"Lo inthlak rawh, ka zuk kal ang." Room ah ka lut fel chiah. Kawngkhar inkhar phui lo laiah chuan ka dak chhuak leh rih a.




"Ka rang zawk ang." ti sup in car chabi chu a vaivir zuah a, ka meng kual ralh cbu mit mit siai zauh bawk!




Bawihtei chu khum ah a lo mut fel diam a. Fan pawh speed chak lo te in a on sak bawk. Thuamhnaw bawm ah ka inrem luh vek rih loh avang in luggage pakhat chu ka kuai tlu a. Pajama pawl duk, khel ațang a var a rang thla leh tshirt var ka phawrh chhuak a. Bawihtei chu a mu nghet tho a ka rin vangin intleuh thuak turin washroom ah ka lut nghal thuai bawk.



Anna lo leng ve khan khum puan phah vel min phah țhat pui vek a. Bawihtei thuamhnaw țhenkhat thuamhnaw bawm ah ka rem lut fel deuh vek tawh bawk. Lu su lo va ka taksa chiah ka tleuh thuak vangin hun ka hmang rei hran lo. Hâ ka nawrh lai chuan Zohmingliana bawk ka ngaihtuah leh a.



*Ka thinlunga hmangaihna awm zawng zawngte nen a kalbonu! Khang kum 4 chhung khan i telvelohna hmun a nunphung buai vek leh lumna nei zo tawh lo mihring hi min ngai ve țhin ani tih sawi rawh!* ngenngawl lutuka a rawn tih chhuah táwk aw zûai ruih khan ka luchhungah hian an la cham reng! Ka kawchhung a fan kual dan lah a dang lam in engtin maw hian ka la awm rawih rawih hial bawk!





Mahse, Zualtei kutah inhualna zungbun a bun tir lai bawk khan ka mit note chu a rawn tuam thuat a! Ka thinchhung na nghal rawih rawih chu a rawn zual kai tak tak hma in ka tih reh a țul viau bawk!




Kam ka țhuah a! Ka hmai pawh ka hruk ro dan ngai ngai in ka dah leh tawp. Skin care rotine hi ka follow vak lo nangin vanneih thlak lutuk in hmai bawl leh arngen tih vel in ka hmai a bawm ngai miah lo!




Washroom ațang ka chhuah rual in pawn lam thawm ka hre zawm zat! Hades-a chuar hawng ri khauh khauh thawm a awm zui zat avang in Bawihtei mutna khum tlang ah chuan ka țhu thla a.







A muhil hmel chu duhawm viau mahse uluk leh zual a ka thlir veng veng chang hian ka lainat ngawih ngawih zel! Chhungkua a awt ve in nu leh pa karah tal a chak ve em em a! Nichin kan let tur te kha a hreh ve em em reuh a. 'Ka Daddy in Mamma leh Doris min duh lo ami?' a ti ve hial anih kha! Api leh pu karah khan a thlamuang a, a hlim hmel te pawh a eng zual bikin Daddy a tih chang apiang a lo chhawn thuai tu an awm te khan hmeichhe naupang kum 4 mi lek nisi hmel ah khan mahni inrintawkna a lang chhuak nasa zual sauh a. A mitmeng lian kiau de ve sar sar reng kha Apa a hmuh hma a a khawsak phung hre bel hneh tawh tu tan chuan hmuh hmaih a theih hauh lo bawk!









"Ipa ani tih ka hrilh miah lo chung che pawh a i pan ringawt kha mak ka ti viau dawn nangin i taksa tereuh te chhung a i lungphu ri ve det det hi ipa lungphu nen a inzawm tlat miau a lawm tiraw?" a sam phan chiap tuai sak pah chuan zawite in ka phun sep a!






"Mamma leh pate a kiang ah hian thlamuang takin tal ve that that țhin mahla i lungphu phu det det reng erawhin zawn ruk a nei tlat țhin, nizan khan i lungphu in a zawn ruk țhin lungphu ri i hriat vang ani tiraw min hrilh hmasa lova i kal chhuah.." tawite in ka nui lui a. CCTV ah a lan dan ah chuan room kawngkhar ep chiah a Zohmingliana țhu run bulah ațhu ve kak a. Tûkin khan hlauhthawnna nen a en ka nih vangin ka phili vek a. Rilru fim tak hmanga CCTV a ka thil hmuh te han ngaihtuah let meuh chuan hlau miah lova a țum khat hmuhna mipa hrawl tham zet țhu run kiangah a țhu ve kak kha a cute tak zet zawk!








"Ka hmangaih che." ti sep in a chal ah ka fawp a. Chumi rual deuh thaw chuan Zohmingliana bawk ka ngaihtuahna ah a rawn lang leh hlawl tawh. A fanu chalah fawp a, a hmangaih thu a sawi sup țum khan a hmel landan a dam rûih anih kha!






Thawm dim takin room ațang chuan ka kal chhuak a. Choka chhuang ah chuan thawm a awm rak rak reng a. Bang thlang lam a tukverh inhawng huau ațang pawn lam chu ka en zeuh a. Khua a lo dur khúi mai!



Choka ka luh rual a ka thil hmuh vang chuan ka ner nawng mai! Hades-a chu zing kawruah laiin Beer a lo in a nih chu! Marble dum a counter ang reng deuh indawh kual raih chungah chuan a thil rawn lei a dah khat vek bawk!







"I thin a thip lo em ni?" ka ti a. Beer can hum run in a rawn inher nghal vut bawk! A beer hum lai chu ka melh zeuh a. Eng emaw sawi tur ang hian a kâ chu a ang zuau, mahse engmah sawi lo in dar ti kang uk in beer chu a lek kang vut a.





"Omlet ka siam. I duh chuan Coffee insiam rawh." a ti dút. Beer chu a lem leh khawlh khawlh a. Gas thuk sir ah a nghah thlak dawt rual chuan ka luh tir khan can ruak dang saw ka hmu lo reng reng. Can thum ruak ngawt a lo hung tawh anih chu!




"Hades."


"Ummm." 'Can' dang a ban nghal vut a. Lu ka thing nghat bawk.


"Tinge zing ațang i in a?" ka ti a. Ka thusawi ngaihpawimawh loh hmel fê chuan a dar tihrawl hrawl tham zet chu min kán khum leh uk ringawt! Ka melh ta rawm bawk!



Ka mitah tak min en ngur chungin a kheuh hawng leh a. A mitmu dum thim ruih chhungah chuan ka hriatthiam mai siloh eng emaw ka hmu bawk!



A hrawk bawk che khawlh khawlh a a lem leh pawp pawp lai chu pan phei hlawk hlawk in ka phih thlak sak ta hmiah!





"A tawk tawh." gas thuk bulah ka nghat bur! Second tlemte chhung in a chan ve ngawt a lem hman tho.


"Diklo a awm em?" Ka chho melh ngar bawk. Beer can chu a thlek vut a. Hrep chuan a!



"Ka biak che chu." ka ti hlar tawh.
"Sawi țha rawh." min melh chhuk ngur pah chuan a rawn ti sup! A rui tawh hial amawnle!



"Diklo a awm em? Zing ațang beer i in ngailo.."


"Nope." Hmui a pet sawi zauh a. Ban a lek kang uk bawk!

"Dawheh." ti hlak in a beer in ruah tawhna zawng zawng chu ka khawm nghal vek. Thleng silna hnuai chu pawt hawng pawp in bawlhhlawh bawm ah ka vawm lut nghal vek bawk! Ka ding mar a. 'Tap' tui chu herhaw in ka kut chu handwash nen ka nuai nghal sawk sawk, Chutia ka kut ka nuai phawn nawk nawk lai chuan muang ruih in ka hnung lam ațang min rawn kuah ruai ruai a! A taksa lum huam ngheng tur a min pawh let hrawk rual chuan tui pawh ka herh thawp nghal chawt bawk! Ka tal dawn a! Ka dul zawnah a ban tha ngaj zet rawn suih bet hmiah in dawn pawh awm lovin ka kokiah khabe a rawn nghat dawt! Ka beng hnuai ah chuan a rawn thawk lum ham ham bawk!




"Inchhungah khan darkar khat chhung eng nge in tih?" Ka nghawngah hmai rawn nawr pah in a rawn ti zawi rûih!



"Ih.. kan.." na lutuk in a awm ah min kuah bet nghal hmiah! A thawk a rawn rang a, a thawk lak zawng a taksa che vang in ka che ve a, a awm lum vung vung chhung a a thinphu ri dup dup te chuan ka hnung ațang min nghawr nghing lawih lawih bawk!




"Kan inbia a.. "


"Ani nen khan maw?" ti leh tawk in a thaw chhuak nghal hawk bawk!




"Aw, aaa, ka nu leh pa pawh an tel." Ka ti sep, ka sawi zawh rual deuh thaw chuan ka dula a ban suih beh chu tha a rawn pe na vak a! Mahse, hrelo der in thil thleng engkim chu ka sawi chhuak vek!







Ka dula a ban suih beh chu a thlah thawl ruai ruai a. Ka darah rawn vuan in amah hmachhawn turin min kuai her bawk. A hmel ka hmuh chian rual chuan eng emaw hi ka hmu zawk a! Mahse, rawn kun hniam pah a a thawk chhuah deuh hawk rual chuan amah a ka thil hmuh pawh chu a reh leh mai a. Mahse, a lan dan chu a cool in a ngûi bur! Mûk tak a min chhuk en rûn avang chuan tawite in ka nui lui a.






"A insawifiahna chu dawt anilo tih i chiang em?" a ti chhuak sup. A aw thum zawi ruih chu fimkhur tura min duh luatna vang a richhawk hrawk ani tih ka hre bawk! Ka bu nghat a.








"No, Doris-i nu, lu buk ngawt kha ka duh lo." a tawp lamah chuan a rum chhuk nghut, ka khabe ah a rawn dawm a. Min kuai dak salh bawk.







"Tikhan sawi rawh." ka mitah tak min en ngur.


"Dawt a sawi lo!" Ka ti a. Chik zet a min en in a mit chu ti zîm sûn bawk. "Ugg, dawt sawi chi anilo. Ka natna tur pawh nise thudik anih chuan min hrilh táwl țhin.." ka ti thuai a. Ka sawi zawm leh tur erawh lu thing nghut in min ti tawp vut bawk!








Ngawi rengin rei ngial ka khabe ah dawm chung chuan min en ngur ngur a! Eng nge a ngaihtuahna ah awm ka hmu thiam lo! A ngaihtuahna midangin an hriat sak mai mai theih loh khawp a mahni inthunun thei mihring ani bawk! Ka hmuh zawng erawh alcohol hnathawh vang a a mitmeng sen deuh rúm leh a biang vun sen deuh țawlh ţawlh chu ani mai!







"Anih chuan.." a ti sup a. Sawi zo lovin a chawl dat bawk. " message rawn thawn tu che leh doctor thupe kha mihring thuhmun an ni thei mai a ngem." a ti thup sup.





"Ka hrelo.. Ih, Zohminga'n a chinfel tur thu a sawi a." ka tia. Țawngka a engmah sawi tawh loin a bu nghut a.





"Thil ei rawh, a daih lutuk chuan a tui hauh lovang." ti chhuak supin ka khabe a dawmna kut chu a la sawn vut bawk!




"Hades.."






"Doris-i te school ah chuan nakin deuh ah ka kal ang." Min hnung chhawn vut pah chuan a ti chhuak nghut. Choka chhung ațang chuan a kal chhuak nul nul a. Kawngka-pui a pan ding tih ka hriat rual chuan rang zet in choka ațang chuan ka tlan chhuak a. A lo chhuak fel hman der tawh!








"Oh, Thelma, hmeichhe naupang nghal lo." kawngkapui ka nam hawng pawp chu pawn ah lo dingin a lo nui suk bawk.






"Khaw nge i kal dawn?" ka ti a. Uhh.. hetah awm ve reng turin ka duh anilo! Mahse, engmah sawi lo in a chhuak nul nul a!





"Hotel ah."


"Oh.." ka ti ta ringawt. Nui suk chungin mit a la sawn a. A enna nia ka hriat ka en ve rual chuan ka ner ta nang ringawt!






Chapal pawh bun loin pawn pam kerah-chhan ah ka ding a, ka kut leh lamin kawngkhar vawn chan ka vuan țai bawk!





"Lut rawh, Doris-i thawh hunah in awm a nin chuan hotel ah i rawn hruai dawn nia." Hades-a chuan pangngai zetin a rawn ti a. Ka bu ve ta nghat bawk!






Tukverh ațang chuan a tlan let chu ka thlir zui reng a. Tukin a chet dan engkim kha ka hriat țhin Hades-a nen a dang deuh hlawk hian ka hria. Zing ațang beer a in a. Whiskey hi a in țhin tih ka hria! Mahse, a in tam ngailo! Aaa.. a in tam mai thei. A inthunun thei em a a mitmeng sen deuh rum țhin mahse rui angin a awm ngailo. Marawh chu zingkar ațang alcohol kaihnawih a in ka hriat vawi khatna!












Bawihtei sam chu a rawn tlet siau thlengin ka khuih sak a. A chair ah a țhu ve at a, a țawng ri barh barh chu a khat tawkin ka nuihpui reng bawk! A harh hlawl rualin 'khawi ah nge ka Daddy ' a ti a. Khum ah țhu chhuakin a hawi kual ha ha bawk! In ah kan awm tawh tih ka hrilh tak ah chuan ngaihtuahna seng ve ni awm takin a ngawi veng veng a. Eitur ka siam sak a. A ei zawh hnu ah Hades-a nen call-a an inbiak laiin ka thuamhnaw țhenkhat ka rem lut a. Vawiin tlai ah insukna khawl pawh an rawn delever ang.









"Ok, ka zo ta. Khum ah lo awm la, ka inrem lut zo a nga, ruah a sur loh chuan kan kal chhuak dawn nia." ka ti a. Chips packet keng chungin a tlan lawn ve tharh bawk!







Ka pi leh pu thuamhnaw tur leh ka nite chhungkaw thuamhnaw tur lei sak ka duh vangin ruah a sur loh chuan bazar vel ah tei chhuak mai mai ila, Bawihtei pawn a ning lutuk lo deuh ang!





Ka phone rawn nghawr ri dar dar chu Bawihtei zawkin a ban thuai a. A khup a rawn in nem khalh kal zeuh zeuh in khum tlang lehlam a ka țhu chu phone min rawn pe ve vat bawk!



"Thank you.." a biang ah ka piai a. A duh lo ve ngang bawk! Screen ah chuan private number tih a lo lang kulh a! Chawp chilh lutuk in ka lungphu a rang nghal dawt dawt anih chu! Rang tak in Zohmingliama mitmeng uk thim ruih ka ngaihtuah chuak nghal a! Ka mur nghal sung sung thei!



"Hello." ka ti a. Ka zam lutuk a lamah ka awm chhung chu a sa phulh phulh! Lehlam a thaw ri hawk ka hriat rual chuan ka mur sung sung in ka hria. Ka kut ka hum ruh a!


"Bawihi, keimah" A aw thum lam mah, zawi ruih si hian a rawn rilruih! Tuna a hmel landan tur thleng in ka mitthla thei vek bawk! A aw zawi leh rilruih ang chiahin a lan dan pawh a cool ruih ngei ang! Lu ka thing nak a!



"Oh." Ka ti ro halh. A rum nghut mai!



"Bawihtei te school bulah ka awm a. Naupang dang an rawn chhuak vek tawh." a rawn ti leh sup! Ka harh chhuak nghal kawk bawk! Nidawn tak! Tukin khan Bawihtei bulah a school ban a hruai tur thu a sawi vek tawh!



"Aaah, school a kal lo a lawm."


"What? A damlo em ni?" a rawn ti let nghal vut!


"Aih!" phone lehlam ami chu a thaw nghal huai mai! "A chau reuh lutuk a, kan let khan a muhil daih a.. kan, aaa.. kan ti harh duh ta lo law law."


"Ok, ka rawn kal dawn." a rawn ti chhum vut!


"Maw?" ka au deuh tuarin ka hria. A nui ri suk a.


"Ka rawn kal dawn." dam deuh zawk a rawn ti zawi ruih in phone chu a ti tawp nghal daih anih chu!



Phone chu rei ngial ka en ngawt ngawt a! A rawn kal dawn. Ka hmai rawn sa hut hut leh ka thinphu dawt dawt kara arawn sa leh bulh țhin chuan ka zun te a rawn ti chhuak hial mai hian ka hria! Ka zam ringawt amawnle!


Show post links
Top
Abbra Reo Ririni
Post September 25th, 2019, 1:43 am

Ka harh chhuak thut a! Rang lutuk in darthlalang hma ah ka tlan phei a. Khai leh! Ka biang sa hut hut chuan ka hmai a ti sen vek anih chu!


"Thelma, tinge tleirawl ang mai a i awm a... lo kal pawh nise nangmah vang nilo in i fanu vang zawk in a lawm a lo kal dawn." ka hmai beng thek thek pahin chu thu chu ka sawi mawlh mawlh a. Ka hmai sa hut hut siin ka kut phah erawh a hit thler! Bawihtei a hmuh duh vang a lo kal tur ani tih inhrilh mawlh mawlh si e tilo chuan ka awm hle hle thei lo! Hei, helhawlh ang mai hian ka phi cheng ringawt! Ka thinphu lah sana ban a chet rual apiang in a rang sauh emaw tih theih hial khawp in ka tshirt hak chu enchian phei chuan a che dawt dawt thei!



"Mamma, what happen?" Bawihtei aw ri ka hriat rual chuan ka hawi dawrh a. Khum ah țhu sawp niai in min lo en kiau bawk!




"Aa.. Bawihte I Daddy a lo kal dawn a."


"Yes!" a au ta tuar a! Ro deuh in ka nui sak sak bawk!



"I happy lutuk vang ami i face pawh a lo red vek a?" khum aţang rawn țum thla tharh pah chuan a rawn ti ta mai!



"Not at all!" ti nghek in darthlalang a keimah chu ka in en a. Apple sen chek hi ka ang tak zet!


"I happy lo maw? Doris chu a happy lutuk a sin." Ka ke ah rawn kuah țai in a rawn vanvadak haw mai! A sam buang theng tle siau chu a che nghal nghal a. Apa bulah Mamma face a red vek tih a sawi loh hram ka beisei!


"I daddy lo thlen hunah chuan kawngka hawn la. Mamma chu a busy ti ang che." ka ti a.




"But, Mamma you are not busy."


"Doris."

"I busy miah lo." ti ve hmak in khum lamah a let nghal daih bawk. Ka thaw chhuak hak a. Ka plan hma sa ang a kal tlang chu ka tum tho. Bawihtei hmu tur a lo kal tur ani a. Bawihtei nen chuan inhmu se, keichuan room chhung ah hna khawih tur ka ngah lutuk!



"Mamma Ka daddy chu a lo thleng tawh dawn em?" tih zawhna chu minute nga chhungin vawi 100 dawn min zawt tawh a. Kawmthlang ah motor engine tawp duk thawm ka hriat rual chuan ka thinphu bawk chu a sa leh pup pup tawh.



"Bawihte, a lo thleng tawh. Door open dan i thiam tiraw?" Huh! Ka thusawi pawh ngaithla tawh miah loin khum ațang a țum thla a. Mawza a bun avang in pheikhawk pawh a inthawlh leh tawh lo hrim hrim! Pindan kawngkhar a pawh hawn ve pap rual chuan kawmchak a mihring rawn kal phei thawm a awm der a! Ka țhut hmun ah chuan ka lo phili ve em em ringawt! Ka awm dan phung chu nupa ințhen tawh! Fate avang a hun rei tak hnu a inhmu tur a thuthlukna siam a. Fate vang ani tih hrereng chung a puitling zawk lo zam a, lo helhawlh daih na ang tawng tawh tu chiah in ka boruak feel sa pup pup chu min hriatthiam pui ang!


"Daddy!" Phur lutuk a Bawihtei au tung ri chuan min tinui lo thei lo!



"My Love." mipa aw thum zawi ruih chuan a ti let a. Bawihtei chu a pawm kang nawlh ani mahna a rum chhuak nghut bawk! Bawihtei chal ah a fawp thawm in a zawm zat a.

"Did you miss me?"


"A lot!" uar zetin bawihtei'n a ti let nghal zat.

Zohmingliana chu a nui rum hawk bawk!



"I miss you too, my Love." naupang mai be mahse a aw thum ruih chu thinlung ațang a rawn chhuak tih a chiang ngawih ngawih!


"Khaw nge Mamma?" a ti hlut a. Inchhung ah an rawn lut thawm leh kawngkhar an pawt phui leh thawm chu chet pawh che sawn ngam lo in ka ngaithla kar!


"A busy a."


" Really?" a ti fan ruih.


"Yes, she said she was busy."


"what did she do?"



"Aaa.. on the bed ah a țhu."
Bawihtei'n a tih rual chuan Zohmingliana chu chhuak a rawl lian leh thum lutukin a nui chhuak hawk a! Kei erawh ka ner nawng mai.

Mahse, min au zui ta lo a. Ka thaw huai bawk.




An pafa chuan an inbe reng a. Bawihtei'n zawhna a ngah si, ning hauh lo, a kaw dam thlup in Zohminga pawn a chhang let zel a. A chang leh ka hriat tham loh a zawi in eng emaw an sawi a. Bawihtei zawk a nui ri leh hek hek zel bawk! Luggage pakhat ka phawrh ruah thleng pawn an pafa chu pakhatin pangchang lutukin 'Daddy' a ti a. Pakhat zawk lah in 'Yes, My Love." a ti dam nghal ruih zel bawk! Pangchang deuh a apa malchungah lawn a, apa a au vei nghar nghar tu chu mitthla in ka nui leh hak zel a. 'Daddy' tih a au rik dan te pawh a thluk deuh raih a. Daddy a neih hmel bik hliah hliah mai ni!


Ka phone ah chuan message a rawn thleng kauh a. Ka open nghal thuai bawk.



*Thel, ka u in i number min dil a, ka pe a nia. Tlai ah ka lo leng dawn, i phal em?* a rawn tih zawm zat.


*phal teh reng e.* biang tai tek a nui lai lem ka dah tel a



*Bawihtei kha ka hmu chak lutuk! Tukin in let hnu pawh khan tuman chaw ka ei lo.* a rawn ti a.
*kan helhawlh tlang aniang.* a rawn ti leh nghal zat bawk. Emma nen kan inbiak lai reng chuan ka ngaihtuahna ah Zualtei a rawn lang ve zawk a! An inah zanthum a riak lut dawn tak anih kha!


Tunah te hian Zohminga kan in luah ah a rawn kal tih hre ta se!



Message tone bawk a rawn ri a. Hawn nghal ka tum zet nang in private number ațang ani tih ka hmuh rual chuan kut ka hum ruh hmasa țeuh phawt!


*Room ah khan i tawm reng dawn mi?* Zohmingliana. Min hmu theilo tih hre mahila rum deuh in kawngka lam chu ka melh vak a.




*rawn chhuak rawh. Or, keini kan rawn lut zawk dawn*


*hmela, bawihtei hmu tur a lo kal i nih angin Bawihtei kha awm țha hle hle rawh.* ka ti ta duah. A rawn inla thu nghal ringawt chu ka duh der lo
Phone chu khumah theh thla dawt in a vang zawngin khum ah chuan ka zanhthla thla dawt a. Message tone bawk!



*Bawihtei leh anu hmu tur in ka rawn kal.* tih te mai hi!





A diklo tih ka inhrilh ru mawlh mawlh a. A lakah hian eng rilrumah pu tur ka ni tawh lo! Ka lungphu te hi amah vangin an danglam tawh tur anilo!



Minute 20 dawn a liam leh hnu ah room kawngkhar chu ka pawt hawng țhem țhem a. Zohmingliana țhu awm duai Malchungah Bawihtei chu amah hmachhawn zawngin a lo țhu a. Apa awm ah chuan a bei thek bawk! Afanu hnung ah a kutphah hlai hlup a chul sak hauh hauh pah chuan ka mitah tak min melh nghal siah a. A mitmeng uk thim ruih leh lang lum huam in ka thawk lak a ti buai thei țhin zia a hriat chian lutuk vang a min chhaih buai tum ani mai hian ka hria. Rangzet in ka hawi sawn a, Zohmingliana khi suk chu ka mit sirin ka hmu hram bawk.



InShot_20190924_082913763.jpg
InShot_20190924_082913763.jpg (91.12 KiB) Viewed 15290 times



Ka rin dan chuan lunch brake nei pahin uniform te nen a rawn kal zawk tur ah ka ngai a. Mahse, uniform a inbel miah lo. Kamisz var chungah cardigan navy blue a vun ti lang thim zual tur a ha a, sofa ah chuan a țhutawn duai avangin a lan dan chu a hrawl zual in kan inchhung te chu a uap lum hrep tawh a ang zo vek mai hian ka hria.


"Bawihte, i mut a chhuak ami?" ka ti a. An pafa ep sofa ah ka țhu ve bawk.




"No." thu mar pahin min en a. A sawi awh rualin apa awm ah bawk a bei leh nghal thek mai!


Zohmingliana chuan ngawi run siin a fanu hnung chu a beng thuk thuk a. A kutphah hlai in a awm a lum nuam dawn bawk si, Bawihtei tan chuan in awihna nuam tak ani hawt ang!






Dawhkan chungah chuan plastic bag lian zet puar luah mai a lo awm reng a. Ka ngaihtuahna chu hria ni awm takin "a ei chak zawng tur a ka rin ka rawn la khawm anih kha." a ti nghut! Ka nui chhuak hak a! Plastic bag size lian ber puar awlh eitur hi Bawihtei tan vek a rawn lei chu ania!




"What?" a rawn ti hû. Lu ka thing mat mat a. A ei zawh hma in exp date a kai hman vek ang!

Bawihtei eitur a rawn ken sak ho chu choka ah ka khai lut a. A thil rawn lei tam zawk chu Bawihtei'n a ei duh miah lo. Mahse, hrilh erawh ka tum lem lo. Phur tak a a rawn lei sak ve ani a. 'Hetiang hi a ei duh lo.' 'He tiang product tho, mahse flavor hran zawk bak a ei ngailo.' ti ta chiah ila amah ah inthiam lohna bawk ka belh chhah sak mai ang!




Chhuar ah ka rem luh fel vek hnu chuan țhutkhawmna lam ah chuan ka chhuak phei a! Ka ding nghal chawt bawk! An pafa chuan an muhil in ka hria.




Thawm dim thei ang berin ka pan hnai a. Zohmingliana chuan sofa nghenchhan ah lu a nghat a, a maimitchhing vung vung, Bawihtei pawh apa awm ah bawk thlep in tui zetin a lo muhil sek sek a. An lo awm dan chuan engtin maw tak hian ka thinlung a țham che dawt!




Ka kekawr ipte aţang phone chu ka la chhuak zal zal a. An pafa inpawm muhil lai chu thla ka la a. Screen a an pahnih thlalak rawn lang ka zoom kual vel lai chuan ka awm chhung țhek chhawkna tur thil a rawn thleng zui dawt bawk!




A awm dan ti dang lam lek loin Zohmingliana chuan ka ban rekah a rawn man chawt! Meng phawk kawk chung a ka zuk en dawrh chu min lo nuih sukin sofa ah chuan min pawt țhu ve nghal chawrh! Ka kawngah a rawn zen a, a awm ding lam ah ka bei thlawp thleih nan min hnuk hnai hrawk bawk!


A rawn chet thut danin min shock lutuk leh ka thinphu rang lutuk a ziawm deuh rual chuan ka che nghal phat a!


"Kal sawn suh. Mutthil ka mamawh tak zet a nia." a rawn ti zawi rûih.


"Bawihtei hi khum ah ka va sawn ang, i duh leh sofa ah hian i muhil dawn nia." la ti a. A nui nghing dawt mai! Ka kawng a manna ti nghet leh hrawk in ka chhip chu a khabe in a rawn nawr lum vung vung!



"Zohming?"
"Ka hmangaihte kuah chung che u a mutthilh ka duh." thatchhe zet in a rawn ti sup. Ka tal țhin nangin min manna a ngheh mai bakah bawihtei tih harh ka hlau bawk si nen ka ri pawp pawp ngam der lo!


"I duh chuan khum lamah kan insawn vek thei tho ania." a ti a. Ka che sek ka tawp chawih rual chuan a nui che leh dawt bawk!


"Good girl, inthlah dul la, i taksa kuah chunga mutthil thlahlel em em tu hi min kuah let ve rawh le." a awm chhung ațang min nghawr che dar dar, ka chhip zawnah a rawn thaw lum ham ham a. Ka taksa țang țung ka thlah dul riai riai takah chuan rum ri hrawk pahin ka chhip ah chuan a rawn fawp nghal tâwk a!

"Ka hmangaih che u." ti zawi supin a thaw chhuak ham ham bawk! A ban bul a hrawl bawk a, kan nufa chu min khuap lum hneh nangiang mai! Tim daiin a awm chu ka hmai in ka nawr a, a rimpa zet chu ka chuap khah hnawk thleng in ka hip lut niber in ka hria!













Carlos Zohmingliana's POV

Bawihte nufa in luah ațang ka chhuah meuh chuan tlailam dar5 a ri vu tawh.



Kum 4 dawn chu thinthi in ka mut tawh lo a tih theih ang! Vawiin chawhnu erawh ka lungphu in a mamawh ber hmeichhia in ka pang a ngheng chial a. Kan fanu amah ang em em tu ka malchung ah țhuin ka ang chhungah ngaingam takin a muhil sek sek bawk nen! Hun rei tak hnuah ațum khat nan kaithawh ngai hial khawp a tuin ka muhil a. Ka fanu che ţalh ţalh leh 'daddy' a ti zawi ve sep sep thawm in min tih harh hlawl hnu ah ka awm ngheng a Bawihi muhil rei ngial ka fanu nen kan thlir dun leh anih kha!



*U, Bank manager chu thingtlang lam ah an lo sawn daih anih chu.* matei message chu rum nghut in ka en vung vung.

*khawi khu nge tih hriat tum rawh.*

*Ok.*


Motor parkna remchang lai ah khua ka nghak thim a. Dar 7 a rik hma hret in motor ațang kal chhuak in Zualtei thawhna hospital chu ke in ka pan ding ngur ngur a. Suzi u khan Suzi dairy min hlanchhawng a. A chhung ah chuan eng teh chiam a inziak lo. Mahse, dairy karah chuan hmeichhe rual khat party na ni awm tak a an kal țum a an thlalak ni ngei tur a awm tel a. Chu thlalak ah chuan Zualtei leh Suzi hi an lang ve bawk.



Dairy phek țhenkhat ah chuan *kan police officer thar hi hot ka ti ve reng* tih ngawt te.



Tleirawl țhenkhat ang bawk in a dairy ah chuan ka chungchang a lang zauh zauh. Min duh ru tih a sawi kha dawt anilo tih a lanchian rual in khatiang khawp a thui kal phah hial tur a thuk chuan min duh in ka hre lo thung!




*ka hmuh chang apiang in ka zam a, ka hmai te hi a sa vek zel. Mahse, chumi vang ngawt chuan hmeichhe kawp bansan a, mipa kawp ka duh tihna anilo.* tih ang reng.



Nitin dairy ah thu a ziak lo hrim hrim. A ziah ve chhun pawn phek inkar hlat lutuk ah line hnih thum lek in a ziak țhin a. Lehkhabu lai hawl a a thuziah pakhat dang lam bik zet vang a tun ang a chet la ta fo hi ka ni bawk!


*ka tih loh chuan ka bood test result tih leakout sak ah min vau miau sia a! Ka sual viau nangin mite nupa inkar a tlak zeh hi a thawi pawn ka ngaihtuah chhin ngailo! Nupa khawngaih thlak te u.. min ngaidam hram rawh u aw.*



A awmzia nia ka hriat tak chu Suzi khan kan nupa inkar ah inrawlh tumna a nei ngailo! Tu emaw in a thisen test result hmang a an vau beh miau avang a loh theih loh a kan nupa inkar ah rawn inrawlh ta ni ah ka ngai!




Tunge amah tir a, nawr lui tu chu ni ang tih kha ka ngaihtuah rei in tun thleng pawh hian ka la hre chhuak zo lo ani a! Mahse, thlur bing mek erawh ka nei!




Ka duh thusam a view țhana hmun, thim chin ah chuan ka ding biru deuh a. Hospital ațang Doctor pathum rawn i zui chhuak te pawh chuan damdawi i hnung lam an pan a. Khua a dur khui reng avangin thli a tam bak ah veng țhenkhat ah power cut a awm avang in Aizawl khawpui chhung chu zan dang zawk aiin a thim in a reh deuh ruih bawk!



Zan dang a ka message thawn chhuahna phone chu on in message ka type mawlh mawlh a.

*Suzi i vau dan zawng zawng kha police ho ka hrilh dawn.* tih te mai chu chutiang message zan tam tak ka lo thawn tawhna number ngai ah bawk chuan ka thawn a. A țhiante nen an din khawm țai lai chuan a phone chu khawih in a hawi kual nghal ruai bawk!




*office Zohmingliana ngaizawng der tur a i nawr luih dan leh a thisen test result puan zar sak ah i vau dan vel kha i pasal chhungte ka hrilh dawn.*



An awmna chu hla ang reng viau mahse thawk a la kawk kawk tih erawh ka hmu chiang viau!



*Min rawn tibuai tawh suh! I thusawi awmzia hi ka hrelo.* a rawn ti let a.



Khi suk pahin ka type leh nghal zat.

*ka thusawi awmzia i hrelo. Mahse, hreve tu dang an awm ang tih hlauh vangin i vun a vak vek thung*



Reilote hnu ah call a rawn lut a. Inhualna zungbun ka bun tir zan ațang tawh khan Zualtei hi ka bitum ta ngar ngar! Mahse, a tal buai ngailo a. A chang phei chuan amah hi Suzi vau tu chu ani lo mai emaw tih rum rum chang ka nei fo! Mahse, ka text dan kal hmang ka thlak deuh hlek a. Tun ang a chiai tak hian ka siam thei ta chiah!


Phone chu ka chhang a. Mahse, ka țawng lo thung.



"Tunge i nih? Ka lak ațang hian eng nge i duh.?" a rawn ti khur hlawk hlawk.

Phone chu ka off hmiah a. A rawn call nawn leh char char nangin ka chhang lo thung!


*eng nge i duh? Pawisa maw? Khawngaih takin hetiang hian meseage min rawn thawn tawh lo la i duh ang zat pawisa chu ka pe ang che.* hmui ka pet sawi zauh mai!


*Thudik * tih ka thawn a. Amah chu pah thuak bawk. A sam a tuai chho puat a.

*Suzi chung a i thil tih zawng zawng kha police te hnen ah inpuang ang che.* tih ka thawn a. Phone chu ka switch off nghal hmiah.





Engmah thleng lo ang maiin ka dinna ațang chuan ka pen chhuak vut . Zualtei hmai dang bei te! Hlauhthawn hmel zet a a hawi kual leh ruai țhin te chu hmuhnawm ka ti! Tu hnenahmah țanpuina ngen ngam silo a a thlabar hmel hi hmuhawm ka ti tak zet! Ka hnuchhuina hi amah ah vek an tawp anih phei chuan thi chak ngawih ngawih! Thi thei bawk silo in a dam chhungin a awm tawh ang! Tuna ka mamawh ber erawh bawihi hruai chhuak tu doctor kha zawn chhuah a. A hnen ațang tunge keimah ang a be tu tih hriat chhuah leh a khat tawk a Zualtei chhaih chiai a. Hlauh nei reng reng a siam kual a. Amah a inpuang lo thei lo a nawr chep chiah hna ka nei tawh!


🌺🌺

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 28th, 2019, 9:24 am

Post September 27th, 2019, 12:27 am

☆UTOPIA: 1996 ☆ S2
Chapter 70
Abbra Reo Ririni Khiangte (PitarteiSualfingi)






If you want to be ORIGINAL,
be ready to be COPIED😝



Eng țha mang lo ah chuan muang ruih in damdawi in hnung pan in ka pen chhuak a. Zualtei chuan hetah ka awm tih a hrelo! A țhiante pahnih bul ah chuan a ding ve tak nangin message hmanga ka chhaih kualna khan a rilru a luah hneh zawk ani mahna! Chiai hmel takin a ngawi ngal, a țhiante'n an biak changin a nui tawi tak zel bawk.




"Eehhhmmm." A țhiannu pakhat chuan awm ze nei zet a thawm siam in min nuih var var a. Zualtei pawh a rawn hawi let dawrh! Min hmu thut chu a beisei loh lutuk vang te pawh ani ang! A meng phawk nghal kawk bawk! Kei erawh engmah hrelo ang maiin amah chu enin ka nui suk a! Hawi kual ruai pahin min pan hnai nghal hrat bawk!


"Uggh, i lo kal maw?" a ti zawi raih, phone chu rang fahran in a coat var hak ipte ah a thun a. Lu buk khum nghut in a țhiante pahnih chu an țha em tih ka zawt vut bawk!


Damlo an tam thu leh hunthawl an neih theih loh thu chu pangngai takin an sawi a. Zualtei chuan sawi tur hlawl a hrelo te pawh ani ang, a țhiante țawng kar lakah chuan tawite in a nui ve hak a. A khat tawk in damdawi in leh a chheh vel chu a en kual thuak zel bawk!


Ka sawi tawh ang khan tu țanpuina mah a dil ngam ngai dawn lo! Message hmang a ka vau țanna hi kar 1 zet zawt ani tawh! Min hrilh a hneh in ka hriat chhuah a hlau em em a! Kei lah chuan a chiai lai ral ațang ka thlir vung vung țhin.



"Duty i zawh tawh chuan let i la." ka ti sup! A phu dawrh a. A phu dawrh tih chu hrelo der hmiah in ka nuih leh suk bawk!




"Uggh, aw.. nia, ka haw thei chiah a. I lo kal dawn tih min hrilh lawk lo a."


"Surprise che hi a nuam ve a lawm." ti sup in mit ka siai suk. Ngaihngam zan lo tih hriat fahran chuan a rawn nui lui ngial a! Suzi chungchang ah vau-na a tawh zawh hnu lawk ah leh a pasal hual hnen ah engkim hriattir tur ang a insawi na message chhiar zawh hlim hlawl hnu ah kei min hmuh chu a tan chuan thlabar na lian tak a tling! Kei nen a motor pakhat a chuan dun a, in lam pan ngat phei chu a kawchhung lam a damlo phah hial zawk ang chu mawle!



A țhiante pahnih lah chuan innei mai tawh tur ah min ngaih miau avangin kei leh zualtei chu fiam titih in min melh tawn lui chhen bawk!



"Naktuk lamah in inhmu leh dawn nia. Ințhiannu hian nau a pai rih si a, ka ruk sak tawh mai ang che u." ti nghut pahin Zualtei kawngah ban ka rawlh lut nghal vut. Zualtei bawk chu a phu leh aih a! Hrelo ang hmakin ațhiante pahnih lamah chuan lu buk khum leh nghutin damdawi in hnung aţang chuan ka let phei pui a.



Kal pah chuan ka dar hnuai ațang min chho en zak zak țhîn a! Kei erawh thil danglam pakhatmah awmlo ang hmiah in hma lam ka en ngur! Ka kiang a awm chu a hreh hmel in a rilru beh loh hmel em em a! Ka duhthusam a ni mauh thung!


"I bag vel lo va la rawh, helai hnai ah motor hunna a awm remchang silo a, ka park-na a hlat deuh hlek avangin ka zuk la phawt ang." Duty room pawn ah ka dinpui a. Kan chhehvel a hnathawk veivak awm ve reng chu melh kual zak zak phawtin lu a rawn bu ta a.



"Kawtah min lo nghak mai dawn nia." Ka ti leh sup.


Duty room pawn ațang chuan kal sawnin ka nui suk a! Engtiang chhen a rei nge a inthup theih kan thlir zel aniang chu!



"Carlos?" Ka kal sawn vut tawh chu tawp in ka hawi let a. Mitko ka kân khum ûk bawk!



"Aaaa, i hriat ngailoh in thil eng emaw mak deuh sawiin a rawn bia che em?" awlsam tak a sawiliam puat tum mahse a kutţang che sek chu ka hmu hmaih hauh lo!





"Nope." darkân ûk pahin hmui ka pet sawi zauh! Zualtei chu a rawn thaw hliai a.


"Diklo a awm em?"


"Aih, awmlo e, ka zawt mai mai che. Motor chu zuk la la, ka rilțam tawh rap." thawveng huai tih hriat fe in a nui ta hak bawk!



"Harsatna i neih chuan min hrilh hreh hauh suh ang che." amitah tak en ngurin ka phun sup. Ka ngaihtuah tak tak emaw intiin nui sang chungin lu a bu a.

Ka motor hunna ka thlen rual in message pakhat ka thawn leh hram!


*I hna bang a rawn hruai dawn che maw? Huh! Hmuh in nuam khawp mai.* a seen rang lutuk chu vanvadak meuhin ka nuih pui hawk, henute reuh hian kum 4 hmalam khan thil eng emaw tih chu a lo nei ngei dawn anih hi! Ka cardigan hak chu hlip hrawkin motor kawng kawngkhar ka pawh hawng ah chuan ka dah lut a! Zualtei message a rawn thleng zui zat bawk!


*tunge i nih! Min tibuai tawh suh!*

*i chet dan zawng zawng ka hmu vek thei tih hria la, i pasal turte chhungkaw ho hma ah ka tihmualpho kher chhe ngailo in i thil tihsual puang chhuak tawh rawh!*


A seen a.

*tihsual pakhatmah ka neilo, ka pasal tur hi Police officer ani tih hria la, a chhui chhuak har lo viau ang che.* ka ner nghal suk!


*Min chhui chhuak se ka ti khawp mai! A chhui kher ngailo in Damdawi in ațang a kal chhuak kha ka umzui dawn mi niang?*


Call a rawn lut rang lutuk chu ka nui rum chhuak hawk mai! Ka khabe ruhkual tuai hauh hauh pahin ka pickup a. Ka țawng leh chung lo!


"Tunge i nih a? Ka lak ațang hian eng nge i duh?" a rawn ti nghal tuar!


"Carlos-a kha i umzui ang maw? Nang a thu phuahchhawp kual vel mai mai kha a lo awi i ring a?" Thinrim țûn chung in a rawn nui ri hak bawk! Phone chu ti tawp hmiah in *Min fiah dawn em ni?* tih ka thawn a. Silent ah dah in ka kekawr ipte ah ka thun lut nghal zat! Location hi chhui tum sateh pawh nise a chhui chhuak zo ngai dawn lo!



Damdawiin pan chhohna kawngpui ah chuan muangmar in ka inkhalh chho a. Ruah sur tur ang maiin thli a thaw vuk vuk reng a, veivak erawh an la tam viau! Thlang lawk motor kawng pawh a tawt in thawm a țha mur mur hle bawk. Thim chin ah chuan tlan muang deuh in damdawi in bathlar a hmeichhe ding chu ka en vung vung a! Damdawi in bathlar a Zualtei ding chu a hawi kual ruai ani ber! Mihring veivak tute pawh chu a en dawrh dawrh a. A chiai lutuk a lanchianna lai ah chuan ding leh rihin ka thlir ta reng a! Police department in Christmas party kan neih țûm a Suzi rui ka hruai haw khan thumak sak deuh sawi a nei anih kha! Amah mai nilo kan nupa inkarah inrawlh an awm thu sawiin kan theihtawpin kan nupa inlaichinna vawn him tum mahila kan venghim zo ngai dawn chuang lo tih vel! Khata a sawi hmeichhia kha Zualtei hi alo nih tak zet chuan ka thah lohna chhan tur vang viau ang!


Engine tinung a bathlar ka hnaih hnuah pawh a phone chuan tu emaw biak tumin a call sek a! Ka chhaih kualna number kha call a tum te pawh ani mahna!


Horn ka tih rik rual chuan a zuang kat dawrh lo chauh! Ka khi suk a. Nghet tak a Phone humin min hmuh rual chuan thawk a la nghal ham ham bawk!



A rawn țhu lut a. Ngawi rengin ka in turn-a Zualtei erawh mawnga hawlh ang maiin chhung lam ațang chuan pawn lam a mihring kan tlan pelh tak te en chuan a hawi chhuak ruai a. A che sek bawk!



"I țha meuh maw?" ka ti thûm dút! A chîai lutuk a luat ah ka awm ve tih a lo hretawh lo te pawh ani ang! Rang tak a țhu remin min en thuai a!


"Umm, ka hmelhriat hlui ka hmu emaw ka tia.." ti ro halhin a nui tawi tak bawk!


"Eng nge i ei duh ang?" ka ti sup. A ngawi vang vang a. Diktak chuan thil ei thei dinhmunah a dinglo hrim hrim! Mahni chiah a hun hman a, eng emaw ngaihtuah kual a mamawh! Chu erawh ka thlen tir rih dawn lo! Ka thusawi a hnial ngam ngailo tih leh min neih loh a hlauh turu lutuk tih ka chian em avangin min tilungawi lo zawngin a awm ngam teuh lo bawk!


"Ka hremai lo, nangman thlang la." a ti a. Traffic a la tam deuh vangin hospital ațang kan tlan chhuah hnu reilote ah kan tang der mai!


"Pawn lam thil i eichak hran loh chuan in ah haw tlang mai ang." Ka ti sup. Min melh zeuh a. Ka chhunhten an be țha tehchiam lo. Chu chu hrechhuak niawm takin a hmel chu a zui zui raih bawk.



"I tih dan dan." a ti zawi sep. Ka bu nghut a.


"In lam ah kan ei zawk dawn nia." ka ti leh nghut!


A tlan theih rual chuan vei neih loh hmel fahran in glass ka down a, ka music play chu faifuk in ka zawm a. Chumi rual erawhin Bawihi bawk in ka ngaihtuahna a rawn luah leh mup tawh! Ka faifuk chang apiang in naupang faifuk la thiam ve lo ang maiin a thil tih lai țhulh meuh in min en kiau zel a. Ka en vut rual apiang in nui hak hak chung in a awm dan a siam rem chauh țhin.





Chawhnu lam khan ka awm ngheng chial chungin a muhil ve a. Kum 4 chhung teh meuh ka mumang lamah chiah thleng țhin a tak ramah ngei a thleng ta kha min fan dan a ril bik rawih rawih! Zawhna zawh tur tam tak ka la nei a. Kan fanu țawng thei tirin engthu nge a sawi chhuah hmasak ber tih te! Tam tak! Zawh tur tam tak ka nei! Ka tellova kan fa a hrin a vang leh ka duat phak lohna ah nau vei a na a tuar vang te pawn ngaihdam dil ka mamawh bawk!





Traffic ah bawk chuan ding dawt in ka thaw chhuak nghal ham ham mai! 'Bum kan ni!' tih ţap chung a a sawi chhuah rual khan kum 4 liam tawh kha her let leh ka chak tak zet! Kawchhung ipik țún a hmai tuai puat pah chuan seat nghenchhan ka ngheng dawt a! Ka fa titla a, kal bo ang ah ka ngaih lai khan ka na nameuh mai! Mahse, thudik a rawn lan chhuah a, bum in kan awm ve ve tih ka hriat rual khan kan hlim hun chhung tur kum 4 ngawt inhuat tawn nan kan hman kha ka ui em em a! Kan nupa hunțha tur tichhe tu leh min țhenhrang tu mihring chu tupawh lo nise khawvel ah a lo piang chhuak ve leh kan nupa inkarah a rawn inrawlh kha a inchhir chhawk chhawk thleng a bitum ka tum hmiah hmiah bak tum dang ka nei tawh lo!






Zualtei chuan a bag chhung a phone chu ka hmuh loh turin a hmet eng sek a! Ka nui ruk suk suk mai! A biak duh ber chu a kiang a mi hi ka ni tih a hre map bawk silo!






"Doris-i kha a hmelțha tiraw?" a rawn ti sep. En vut pah chuan lu ka bu nghut!



"Ka khawngaih reuh ngawt mai, kan inneih hnuah pawh kan bulah awmtir i duh anih pawn ka hnial miah lo a nia." a ti a. Ka hmelah ka ngaihtuahna a awm langchhuak miah loin ka thlek chho vut. Tawite leh rilru tluangtlam hmel takin a lo nui sang a. Ka fa pai nia a insawi tirhte ațang khan neih tak tak ka tum chhin ngailo! Marawh chu Suzi u in Suzi diary min pek rual khan ka ngaihtuahna a vir ta zawk a! Keimah ah Zualtei a ngampat ngam a ngai tih hria in lem chhanna ka țan ta chiah! Ka rinhlehna kha a lo dik ta lo anih leh anih nih kan ni tawh mai ang chu ti khan inhualna zungbun ka pe ta thawr a! Bawihi ka hmuh hma ani bawk a! Hmalam hun atan suangtuahna pakhatmah ka neih tawh loh hrim hrim vangin thil engpawh thleng se ka tan chuan danglamna pakhatmah a awm miau lo!




"Engvang chuan maw i khawngaih a?" Ka ti nghut.



"Thelma kiang ah a awm anih chuan pa hrawn a hrawn dawn a, hmeichhe naupang tan pahrawn hrawn him tawk tawh loh zia chu i hriat ka ring, fahrawn lo khuaikhem mai hreh lo mipa an tam a nia." ka thil tum ahriat loh luat vang a ațawng ah ngaih sak mai teh ang! Ngawi ngulin lu ka bu a. A sawi chu adikna chen a tam! Mahni nupui fate bik lo khuaikhem a, tharum hmang a vau bet a! Nu ber awm loh chang apiang a fahrawn sex hman pui țhin mihring tenawm hi khawtin deuh thaw ah an awm fer fur tawh! Ka fanu chung ah erawh apa hian ka thlen tir ngai dawn lo!







"Diktak chuan aaaa, Thelma i hmu leh kha ka lo hlauthawng hman deuh a.." ka en chuan zalo te in a lo nui a. "I hmangaih ve sia. Kei leh ka pum chhung a ifa hi min hnutchhiah in i pan mai ang tih ka hlau hman tak zet!" ti leh sepin a dul la thep thlep chu a chul a. Ka en ngur mai!



"Kan fa vang tal hian min kalsan suh aw.


"Kal san." ka ti chhuak ve sup!



"I hmangaih tih ka hria a lawm. Keiin ka hmangaih ang bawk che hian Thelma kha i hmangaih! Mahse, mipa dang a nei tawh tho a. Kei leh kan fa hi min kalsan in i pan lo ang tiraw?"



" Kum 4 chhung in thil tam tak a thleng hman tih i hriat kha! I sawi ang khan mipa dang anei tawh! Nilawm ni?" ka kawchhung sa hut hut lang chhuak lo tur ber chuan ka nui tel suk bawk! Rang zet in lu a bu a. " Sailo Hotel enkawltu pa ber nen sawn hotel room khat ah an cheng dun char char hnathawk te'n an ti a lawm! Engtin nge Doris-i mit hmuh ah ngei mipa hun a hmanpui theih le! Hnathawk ho sawi dan ațang chuan Sailo Hotel neitupa saw Thelma lakah a luangliam hneh lutuk ani awm e! Sum ah pawh a hnianghnar khawp an tih kha." ka insehruh țeuh ringawt! Hades-a khan kum4 chhung a chhawmdawl tawh tih chu Bawihi ngei pawn a sawi!



"In inneih lai khan sum vang a mipa kawp duh chi anih ka ring lo reng reng... Mahse, a chhuah san hnu ah che a nun dan hian a mize diktak a pho lang chiang tawk viau chuan ka hria." Zualtei bawk chuan a ti a.



Ka chhang let lo a! Chutiang bawkin a thusawi chu ka bengkhawn tih a hriat ka duh lo bawk!



"Doris-i hmalam hun tan a pawi ka hlauh vang ania. A nu in a hmuh lai reng a mipa a awmpui chuan hmeichhe naupang ani bawk nen a naupan laia a seilenna boruakin a zir loh chuan a țhanlen hunah a ngaihtuahawm dawn hian ka hria! I duh leh kan enkawl turin la mahla keichuan ka hnial lo ang che, mipa dang nen anu khawsa kual vel hmuh hreawm a lo ti ve viau mai thei a sin."




"Ngawi tawh rawh!" ka ti chhuak hmuk! Hlauh hmel zetin min en dawrh bawk.



"I thintihrim tum a sawi ka nilo ania."


"Ngawi rawh." tih zawng ka sawi! Eng emaw sawi leh tumin a ang ziau ngain ka lan dan aţang insawifiahna emaw eng lam pawh hriat ka mamawh tawh lo tih a hmuchiang te pawh ani mahna! A ngawi ta hmiah. A thusawi khan keimahah hna a thawh nasat dan leh ka chak lohna ani tih a hriat ka duh hauh bawk lo!


"Tun ațang chuan Malsawmdawngzeli leh a kaihnawih englam mah sawi chhuak tawh suh ang che." Ka ti chang bûl!


"Carlos!"


"Kan pahnih hma lam hun chiah ngaihtuah rawh." dam zawk in ka ti leh a. A hlim hmel ta kher mai! Bawihi leh mipa dang chungchang in min tibuai pha tih hmuh tir ka duh lo! Kum 4 hma lam khan kan nupa inkarah a lo inrawlh daih tawh anih phei chuan plan A leh B neiin a awm reng hial zawk ang! Chuvang tak chuan Bawihi leh mipa dang a hmeh bel changin ka chakna a la bo țhen țhin tih a hria anih chuan plan dang neiin chet a la ve thei tlat!


"Engtik nge check up?" Ka ti nghut. Rang zet in phone a phawrh chhuak a. Amah ka ngaihsak tak tak emaw intin a hmel ah chuan phurna tak tak a rawn lang chhuak bawk!






"Thlaleh ni 12 ." min en ha pahin phone screen chu min hmuh a.


"Okey, ultrasond a hmuh a chakawm tawh a lawm." Ka nui tel suk bawk.



"Youtube ah hian pum chhung a nau țhang lai video ka en nasa thei a sin aw." thil dang a sawi zui barh barh, a thusawi ngaithla em em silo in ngaithla awm ang tak chuan lu ka bu nghut a.



"Mipa nge hmeichhia ni ang le?" a ti vang vang. Chhang loin ka ngawi ngul. Amah vek chuan "Doris-i a awm tawh tho a, mipa rawn nise." mit tizîm sûn in ka han en a. "Doris-i pawn a duat reuh ngawt ang." ka nui ta suk! A rilru a awm lo lutuk engtin nge phur hmel tak ang a langin a sawi chhuah theih le? Lu ka thing leh nghut bawk.



Kan inkawng phei ka zawh ding tak ah chuan Zualtei chu a thaw chhuak hal a.

Kan in ah riak lut turin a rawn kal ngawt tawh! Hman aţang hei chu a dan ve reng ani a! Tun țumah erawh a țhiannu ber Matei'n a lawm tawh tehchiam lo! Mahse, Bawihite nufa ka hmu tawh tih hria in min chan a hlauh luatah Matei'n a lawm tawh lohna pawh zahzo loin a rawn lut ve thawr ani a! Pawi ka ti hran vaklo! Kan inah zan a riah chhungin a room ah thil engemaw zawng turin ka che chhuak thei dawn a! Min hnaih dan kawng chu han zawh char char sela! Keipawn kum4 hma lam a a thil lo tih tawhte ka hai chhuak ve char char ang! Tu nge a tawpah che buai zawk tih hriat a chakawm a lawm!



Kawtzawl ah motor ka din tir a. Zualtei pawh chu phur hran lo zetin a kal chhuak a! Inchhung luh chu a hreh tih ka hria! Mahse, min chan a hlauh luat vangin amah lawm miah lo te in ah zan thum ngawt hun hmang turin a kê ngeiin a rawn pen lut a! Ka chhungte'n an biak țhat vak loh pawn a tuar chhuak vek tur ani ringawt!



A chhuah fel hnu ah keipawh garage panin ka inkhalh thla zui zat. Bolero chu hung rem in car dang pawh chu an him em tih ka en kual nghal thuak bawk! Driver kan nei tak nangin kei erawh țul tawp ah anih loh chuan midang motor khalh ah ka chuang duh bô lo! Police dept ang zawng pawn kei aia nihna hniam a hming a officer chin chuan driver an nei deuh fur a! Ka pa aţang ka chhawm tel ani mahna ka mihringpui te chung ah in lak vung a, mahni tih theih reng ah pawh hlawhfa chhawr hi ka ngaih dan ani ngailo! Ka thiam thil leh chhungkaw kaihnawih bik ah ngat phei chuan keimah ngeiin engkim tih vek ka duh zel bawk!



Inchhung ka pen luh rual chuan ka nu leh pa TV enin min lo chaiuau thuai a. Tukin Bawihite nufa chhuah hnu khan Zualtei a awm miau vangin ka fanu chamchin an sawi zui teh chiam lo! Mihring khawngaihna nei ngah lutuk an ni a. Kum tam tak hnuah tunu an nei tih inhrechhuak chiahin an tunu ngei chu he inchhung ah hian tlan kual in an malchung ah a tlan lawn ve that that a, ha hip a sawi zui tur thil tam tak tawng baw hawk hawk mahse ka fa pai mek tu Zualtei hriat ah ah erawh an sawi chhhuak duh hauh lo thung! Chhungkaw dang nise chuan an lawm vaklo an mo tur tihnat theihna remchang an hmuh phawt chuan elsen thei berin Ka fanu chanchin kha an sawi khum piap piap ngei ang! Mahse, ka chungte chuan chutiang in thil an ti hauh lo!



Zualtei lakah mai nilo ka lakah pawh lungawilohna lian tak an nei chung pawn ka fanu hmang khan unau ang a țhanglian te pahnin in sex kan lo hman dun ngawt a vang a min huatna an tilang hauh lo! Sex tih thumal chuan min ner tir sawk mai!


Motor chabi a khaina ah khai pah chuan inchhung lam chu ka en nawn leh ngat; Matei hmel ka hmuh mai loh avang chuan ka hawi kual nghal thuak bawk!


"Nu, khawnge matei?" Kawngkhar bul ah ka pheikhawk bun lai chu tlawh phelhin pheikhawk bawm ah ka thun lut a.



"Thelma te in luah lamah chaw a ei phei anih kha." ti sap in min melh zawk a. Kailawn ah Zualtei a rawn chhuk thlak tak avangin engmah a sawi zawm ta lo!


" inthlak la, chaw ei ve tawh rawh u." Ka pa chuan rawn ti nghut in TV chanel a thlak kual a. Dar5 bawr khan Bawihite in chu ka chhuah san a. Mateii'n chaw a ei tur thu a sawi hauh lo. Zualtei pawn țhutkhawmna lam rawn panin ka nu leh pa chu a be seuh seuh a. Mîa nileng an nilo a, Zualtei biakna chu amawi tawkin an chhang let ve zel a. Keipawh inthlak turin inchhung lamah ka chho a.



Bawihi nen kan nupa room nițhin ah chuan lut in light ka hmet eng nghal kung. Bang a kan inneih thlalak lian hlup bet thlup chu dinchilh nghal rûn in ka nui suk a! Thudik hre hmasa lova amah ka huat lai ber pawh khan amah leh a kaihhnawih ka nun ațang theh chhuah dan ka thiam hauh lo thung! He thlalak in dinchilh in țum eng emaw zat ka chhâl fo a. A hmelțha zet pawh huatna nen diriam takin ka en ngur țhin chung pawn a tel tawhna leh a sulhnu hmu phak lova awm ka thiam hauh thung lo!



"A hmazawng aiin i hmelțha tih hrilh che ka chak a sin." ti chhuak sup in a hmai chu darthlalang chhan ah chuan ka khawih a! "Chuan, a hma zawng aiin ka hmangaih bawk che. Engkim ka chinfel vek hunah... chumi hunah chuan he pindan chhung min țawmpui tur hian i rawn haw leh ang tiraw?" ka ti zawi rûih!



Inhnuai ah ka chhukthlak hnu reilote ah Zualtei chu chaw ei siam turin choka ah a lut bo a. Ka pa chuan min en leh ngur țhin, ka nu erawh in TV chiah a en tlat thung!


"Tihian nu leh pa runluih zawng a thutlukna siam pawi zia i hre tawh bawk maw?" ti nghut pah chuan min en ngur! A sawi tum ka hriatchian em vang in ka thaw chhuak hawk a!


"Doris-i kha hmuh chakin ngai viau țhin pawh niila nupui dang i neih tawh dawn miau vangin i nu leh pa te hian kan tunu kan lak phei sek a mawi tawh dawn lo." a aw zawi ruih siah chuan ka lakah a lungawi loh zia a a lang chiang viau thung!



"Thelma a rawn let tawh bawk a! Sum a rawn chhuah ang nge i mak angin in nupa inkar in titawp dawn tih chu ama thuthlukna ni rawh se!" hachang țhial rap chung a ka paw thusawi zawi chang rûn bawk si chuan ka chip ațang ka kê hmawr thlengin a zawh hîk pup! "An nen in ințhena mizo dan angin a fel hma chuan Zualtei nen pawh in innei thei rih lo."




"A thleng ngailo ang." Ka ti bul vut! Ka nu pawn min en ta nge nge bawk!



"Eng chu maw?" Ka pa chu a lawm loh hmel kher mai!








"I thusawi pahnih te kha." ka țhutna ațang chuan ka tho nghal vut! Ka pa chuan tûr zetin min melh khûi a!


"Min runluih i tumna lamah thuthlukna diklo i siam ta anih hi." Sitting room ațang ka chhuah hma chiah a ka nu aw zawi raih avang chuan amah chu ka en nghal vut a! Tawite tak takin a lo nui lui bawk!



▪ ▪


Towel veng chung a Washroom ațang ka chhuak chiah chu lungawi lo zet in ka rum chhuak nghut!

Bawihi nen kan inneih thlalak bang a intar en a lo ding hmeichhia chu ka thawm hriaiin a rawn inher riai riai a.







"Eng nge i duh?" ka ti sup.

"I kal chhuak dawn mi?"


"Umm, mu tawh rawh, a hma tawh lo a nia." ti nghut in khum a ka thuamhnaw dahchhuah sa chu ka thlek vung vung a. Thuamhnaw ka inbel hma chuan body spary chu ka taksa la hnawm dap ah chuan in-kap kual in body spray bur chu khum ah bawk ka theh thla dawt, ruah a tlak nual avangin sweatshirt ka inthawlh leh hmiah bawk!


"Ka body spray rim hman hian i luak a ti chuak em?" Zualtei thlek vut pah chuan ka ti kher! Rang lutukin lu a thing nawk a.

"Good." ka ti hluk. Ka nui tel leh suk bawk.

"Khawiah nge i kal dawn?" a rawn ti a. Khum tlangah țhu thla dawt pahin dar ka kân ûk mai.


"Sawi țha la, nizan pawh i kal chhuak tawh ania."


"Hna țul khawih tur ka ngah deuh a." Ka ti liam puat. A thaw chhuak hak a. "Chuan, nupui dilchhut deuh neih ka peih loh tih i hriat kha." Ka kekawr pawt chho in ka ding mar vut, a kawng kilh țha mawlh mawlh pahin Zualtei chu ka en ngur bawk.

"Zanin chu i room ah hian ka rawn riak dawn."








"A theih loh." Ka aw chhuak chu a chang khel khawl viau!


"Carlos, hetiang ringawt hian awm lo teh, room khat a riah dun chu eng nge a dikloh na, i fa ka pai tawh tho a, kan inhual tawh bawk.."



"I sawi dik... ka fa i pai."

"Chuvang tak chuan riah dun a sual lo, kan pahnih inpawh zelnna tur a l...."





"Ka fa i pai, i tawrh zawh loh khawp a ka chet palh chuan ka fa nen khan min haw lutuk palh ang." Ka thusawi chu keimah ngei pawn ka awi lo! Ka nuih chhuah pui hawk leh nghal!






Engmah sawi lo in a ding ngawi ta reng a. Kekawr kawngah chuan savun kawnghren thil phei mawlh mawlh in walet leh ka phone chu ka ban kawp hmiah.

"Mu hma ang che, naute nen mut tam in mamawh." ti sup in ka kal chhuah hma chuan mit ka siai suk bawk.

Matei hna bang pawh a rawn haw chiah a, Zualtei rawn riah phei ațang mumalin an la inbe lo hrim hrim.



"Khawnge i kal dawn?" Kawngka pui ka pan tlang vut chu min en há chungin a rawn ti a.



"Ka chhuak lawk dawn." ka ti vut. Mengkual ralh chungin min kal pel a. Motor chabi hum chungin keipawh ka chhuak nghal vut! Ruah bawk a sur leh dawn ni mahna, khua a dur khui a, thla pawh chhum dumin a hliah bo titih der! Garage ațang kan inkhalh chhuah hnu chuan motor a ka dah sa lukhum hma thlawk chu khum nghal in glass ka down a, thli vawt a rawn in min chhem nghal vur vur bawk!




Zualtei te in ka pan ding a. Nizan pawn ka kal tawh nangin ani te chhung innghak pahin zan rei thleng an awm tak reng vangin pawn ațang reife ka thlir hnu ah luh tum ta lo zawk law law in Bawihi te inluah lam ah ka inkhalh phei ta ngawt ani a! Zanin erawh ka che fuh dawn in a lang! Zualtei te in chu a thim țhiap a. An in chu tlan pelin an in ațang kawngkawi hnih na ah motor chu ka ti ding a. Lukhum hmathlawk khum țha in ka ban a sana chu ka bih vung vung a! Zan dar 8 chiah!


Nizan khan dar9 pelh ah in ațang ka chhuak a! Ani te chhungkua kha an damlo tlawh haw an lut deuh chiah tih an țawng lawng lawng ri ațang ka hre thei a. Zanin pawh tumah awm ta lo na na nâ chu thlithlai tur tlain an rawn kal leh ngei ang!


An rawn thlen hma a chet ka lak hman phawt chuan put ruk dan tur kawng ah chuan buaina ka nei hauh lo thung! Zualtei'n an in ka tlawh tih a hriat ka duh miau loh avangin a chhung hnai tumah in min hmuh a thiang lo bur.


InShot_20190922_205712767.jpg
InShot_20190922_205712767.jpg (82.19 KiB) Viewed 12269 times


Lukhum hma thlawk chu pawt kun leh zual in cement bang inhung zui hrul ah chuan ka kal zel a. Kawmchar lam ah chuan an thlang kawngpui nen a inkalpawlhna step chho zet a awm a. Chu step chu zawh thla in street light in a chhun en țha mang lohna thim chin ah chuan ka tawp ta dat!





Ka hawi kual thuak a, veivak van lai tak chuan cement bang ah chuan lawn liam in Zualtei nu pangpar huan ah ka țum lut a! Tawi khawmuang loin inhnung lam ațang ka hma zawn a in ding thim ruih pan chuan ka pen zui pawk pawk a. Ui an vulh lo hlauh chu thawven thlak tak ani tawp!



Inchhawng ințhenhranna Slap in nawr chhuak deuh chhah lai ah chuan ban nawlh in Zualtei room bathlar ah ka lawn chho liam der. Thim chin ah chuan ka ding lut hmasa phawt a! Țhenawm ho in tukverh ațang min lo hmuh reng theih avangin fimkhur a ngai viau.


Tukverh chu ka sawi dawt dawt a! Tumah awm lohna tih takah thawm a ring duh phian leh nghal! A tawp ah chuan tukverh invuak thuah chu ka pawt kau ta hawk! A kau lai ațang chuan kut zen lut in chung hnuai lam inkalhna chu ka pawt hawng a! Chung lam erawh ka pawt chhia anih hmel viau! Kal san dawn ah ka buai phah loh beisei phawt teh ang!


Room light tih enna chi ni nghal lo chuan! Ka phone chu phawrh chhuakin torch ka 'on' a, Zualtei thuamhnaw bawm hai țan hna ka thawk zui mawp mawp! Ka thil zawn ber hrelo mahila eng emaw... ka tan a țangkai tur hmuh chhuah ka mamawh viau tih zawng ka hria!


cabinet leh drawer te chu pawt dâwk zung zungin a chhung a thil awm chu ka thlek kual thuak thuak! Mahse, hmeichhe thil bak hmuh tur a awm hauh lo!




Ka phone engah chuan sana chu ka bih leh vut a. Dar 8: 30 a lo ni vu tawh! Pawn lamah lah car tlan thawm hriat tur a awm ta sek bawk nen ani te chhung an rawn luh leh huk hma a ENG EMAW TAL HMUH CHHUAH KA MAMAWH! Rum chhuak hawk chungin drawer chu ka nem khar dawt! Phone eng a pindan chhung ka chhun kual leh thuk rual chuan beisei nei ru deuh, mahse ring ngam chiah loin thuamhnaw bawm chu ka pan let vut. Thuamhnaw bawm chung a luggage lian pui pui inrem țhap kar ah chuan eng emaw ka hmu a. Ban phar a ka thil hmuhna lai chu dap ruk rukin ka khawih fuh chu ka hum hmiah!




Phone ani tih hre chawp-chilh thuai in tifuh inti zet chuan ka thawk chhuah pui ta hawk!

Samsung phone var alo nia. A zang viau a ka hriat vang chuan ka phone eng ah chuan thlek kual thuak in ka thaw ri nghal hrawk bawk!


"Hrep chuan." ka ti hluk! Battery a awm lo! Mahse, ka kekawr ipte ah chuan ka thun ta tho! Luggage inkar ka chhun kual leh dun dun lai chuan inhnuai a ani țawng thawm ka hre ta tlat!


Show post links
Top
Abbra Reo Ririni
Post September 27th, 2019, 12:30 am

Ka rum nghut a! Phone light bawk chuan hnuhma fel lo ka ka siam em tih ka chhun kual thuak thuak a. Engkim a clear a ka hriatchian hnu chuan bathlar chhuahna tukverh chu ka pan a.


'Ka u in an room ah a dah a ti a. Kan en kual a nge!' kailawn ah Zualtei ni aw chu a rawn chho ve zel.


"Hun lo lutuk." ti chhuak hluk in bathlar ah ka chhuak vut a. Tukverh chu chunglam lock ka pawh thlawn miau avangin hnuai lam lock chu ka nem phui rual a a kaw chhungah a luh tlak theih nan ka siam rem a; thawm dim tak leh na deuh hlek sia ka nam rual chuan thir chu a ri ta rak! Ka thaw huai bawk!







Ka motor chhung ah ka luh rual in ruah a tla der! Weaper chu on in Zualtei room a ka phone hmuh chhuah chu rem țeuh lo in ka kekawr ipte aţang ka phawrh chhuak a! Bolero chhung light ka ti eng zui zat!

Light eng dul ruih hnuai ah chuan ka thlek kual leh thuak a. A battery thlakna tur ka hmu thei anih chuan a chhung a thil awm hi ka ching let thei thuai ang!


"Hriata phone siam hmelhriat i nei em?" Phone a chhan rual chuan ka ti thawr!


"Aw, kan țhenawm lawkah hian thiam deuh a awm." Hlauh chuan!



"Hman hmawh deuh a khawih tur ka nei a."



"Hei.. in a a dawrte pawh a la eng kung a lawm, rawn kal rawh, ka lo va hrilh ang " a ti a.




Hriata te veng a hlat vak tawh loh vangin ka inkhalh chhuak leh nghal a. Ruah lah a tam reuh in țiau chhum a zing deuh luk bawk nen boruak pawh avawt chawpchilh nghal der mai!


Dawr kawngkhar zimte inhawng ah chuan Hriata'n kut min lo vai lauh luah va. Hulhliap ka neih loh vang in dawr kawngkhar bul chet ah ka inhung hmiah! Tun ang zan rei hnaih tawh a kar a khawchhe hnuai ah hian tu mihing mah phone che siamna ah hian an rawn kal teuh lo!


" a battery hi chah chhawp ngai anih hi, i duh chuan ka chahsak che nga, nithum hnuah a rawn thleng mai ang." Phone siam tupa chuan a ti a. Hriata chuan chutia a chunga mi meuh in phone chhia siam tur ka kengkual chu mak a ti ngang pawh ani ang! Min en leh vung vung țhin a. Keilahin dawrah phone chhe siam tur dangte nen dah khawm ka duh lo ve bur. A tawp ah chuan battery a chhah thlen velah Hriat hnen ațang chanchin inhrilh tawn tur a inhrilh in kan chhuah san a.





Hriata chu biak lawk ka duh vangin Bolero ah lut turin ka hrilh sup bawk.



A nihlip chu pawn lam ah dah chhuak in a rawn țhu lut a. Suzi kha keimah aiin a hrechiang a. Thisen test result tih vel diary ah a chuan teh nawlh vang khan Suzi chanchin tlem a zawng hriat chian ka duh riau!




"Eng lam nge nita a Sir."

"Suzi." Ka ti nghut. Min en deuh haw bawk.

"Suzi." ti chhuak sap pah chuan uluk zawkin min en vung vung a.



"Kan zingah chuan nanghian Amah kha i hrechiang ber in ka ring." ka ti chhuak sup. Lu a bu nghut a.



" A hmeichhe kawm țhinte ah hriat zawng i nei em?"



"Nei chiah lo, a bialnu deuh reuh chu nangpawn i hriat kha.. anilo kha chu mipa a kawm tam a.."



"I ngaihdan diktak min hrilh turin ka duh che. I hmuh dan in Suzi kha rilru thlak thut a mipa duh thei mai chi aniin i hria em?" Ruah a sur hnem em vang in motor pawn ah chuan awm awmve mahse kan țawng ri chu an hre kher lo vang.





"Aaa... station ah i rawn thawh ațang kha chuan a zia kha a danglam ve riau a. Hmeichhe nunphung a zawh țan dawn anih hi tih theih tur khawp chuan a danglam hneh kha.." ti chuar in a chawl rih dat bawk.


"Mahse, mipa duh nita se hmeichhia kha a kawp nawn leh dawn mi?" Min en zawk a.

"I lak a a chet dan kha a uchuak em em vek țhin a! Zep miah loh chuan a chet dan uchuak lutuk kha mak ka ti ru fo mai! A duh che anih pawn khatiang leh lutuk a chet alak ka ring chhin ngai miah lo." Ka ngaithla tih entirnan ka bu nghut nghut a. A hun lai kha chuan Bawihi veng thawng chung leh a intihlum tur veng kua a rilru rimtawng reng reng a hun ka hman miau vangin Suzi khawsak dan țhenkhat kha rilrufim takin ka ngaihtuah let ngailo. Ka tum ber chu a intihhlum lohna tur anih phawt chuan Hriata nen kan bulhnai a awm tir kha ani tawp zel. Ngaihtuah chian erawh in eng emaw chu dik hlel deuh a awm ani!






'Ka duh che, nangmah vangin hmeichhe pangngai angin awm ve duh tawh!' tih vang ngawt a intihhlum a tum fo kha... a diary ah a ziah ang deuh khan vau tu a nei a nga! Chu amah vau tu chuan khatiang uchuak tak a chet la tur khan a hrilh tihna ani thei mai angem!



"Ruihhlo a duh ve a! Hmeichhia kawp ngheh a nei bawk. Heng lesbian te hian an hmeichhiatpui thlah in nunphung pangngai an zawh leh mai mai thei tawh lo tih chu i hre ve tho in ka ring, Suzi phei kha chu tunlai Patil chhuak thar tih vel ang hi nilo in a naupan lai ațang intipa țan tawh ani a. Thawk lehkhat ah a duh che tih a lan chhuah tir thut kha chu a hunlai pawh khan mak chu ka ti ngei a.. aaa, mahse, a nun dan kha diklo tiin insiam țhat a tum ve tawh anih hi ti leh in a ngaizawng viau tur ah che ka ngai a. A boral ațang tun hnu thleng pawh a amah ka ngaihtuah chhuah chang erawh in i bul hnai a achet dan kha chu a uchuk hret alawm. Tu emaw in titur a an hrilh ang thlap a rawn chang chhuak a ang țhin e aw tiin ka ngaihtuah let fo a sin." A ti ta duah. Kan ngaihdan in suar khat a hrut rual dawn viau!





"A thisen kha a la thianghlim in i ring em?" Ka ti nghut! Ka zawhna vang chuan Hriata chu a phu nghek bawk!



"Thisen a?" a rawn ti a. Rum chhuak nghut pahin in lu ka bu a.


"Ka va hrelo ve. Lo in fix țhin pawh nise sum ah harsatna a neilo a. Hriau inhmanțawm tur khawp em chuan Suzi kha a che hniam dawn em ni aw..." a ti vang vang! Ka ngawi vung vung a. Hriau ngawt nilo.. aaa, sex ațang pawn a inkaichhawn theih. Kha za... kha zan ah khan sex chu țum hnih thum a lo ber ah a hmang ve tawh tih a hriat em em a. A thisen a bawlhhlawh tawh anih loh chuan engvang in nge a thisen test result a leakout kha a hlau em em ang le?




Thuilo te tlan in ka ding leh dawt! Hriata chu a chhuak a, an in ah lut kawi a thingpui in turin min sawm viau nangin a chhungte mu tawh kan ti harh te maw a nia mga. Nidang ah zawk ni rawh se. Ti chungin ka tlan san leh a. Hmasawnna awm lo ngaihtuahna buai tawk lek bawkin zanin chu ka inchhui hnawk leh ta e!



____________________________________________


THELMA'S POINT OF VIEW 🌺




Tukin ațang ruah a tla khat tawk reng a. Zanin phei chu fur lai tak tak ang maiin a sur hnem a. Boruak a vawt in Bawihtei a muhil tawh bawk si! Inchhung reh huai si a pawn lam a ruah tla buan buan ri chuan mut tihchhuah a hneh in ka harh tulh tulh a! Lungleng veng veng na min rawn zen tu chuan nun hlui ah min hruai lut riai riai a. December thlasik khawvawh vin tuk lai a Carlos-a taksa lian leh hrawlpui, pangtilum nuam zet in a tuam chhuah huam in hneh zet a min kuah hlu hlu lai chu ngaihtuah chhuak in Bawihtei kuah chung chuan ka bek a mittui luangthla ngia ngia chu hruk buai pawh ka tum lem lo!





A chang chang a ka mipa hmangaih ngai a kan pahnih thawnthu ka chhui let țhin pawh chu a sualna keichuan ka hre chuang lo!




"I Daddy chuan maw pangtilum a ngah țhei lutuk a, ka pum chhung ah i u nen inawm lai pawn ka hrilh fo țhin che u kha i la hria em?" ka fanu muhil tawh chu ka be sep sep a. A biang lum veng veng chu ka hmuiin ka nawr kual a. Ani erawh a mutui sak sak reuh hle. Nileng in hotel hnathawk ho in Hades-a hrawn hreawm thu an sawi sap sap hlawm a. Cindy emmawni phei chu hna ațang ban a tum hial an ti a. Chu pawh Hades-a mood chhia vin khur khur bawk si tui pe tur a akal, hlauthawng bawk nen Hades-a mood chhe laklawh bawk siin a lo vin chiam a. Tui awmna glass chu Hades-a ke bul chiah marble chhuat ah a thlauh keh ani awm a! Hotel ka thlen hma a thil thleng anih vangin ka hre kil kel lo nangin Hades-a thinrim aw rawl chang hrekhrawk erawh ka hre hman hram.




Cindy chu Serchhip lam ațang Hotel a hna rawn thawk thar ani a. Hades-a'n ban a tum nghal bur bawk nen ngaihdam a dil ngial chung pawn 'glass no khat lek pawh enkawl dan thiam lo hmeichhe nep ka hotel a thawk tur hian ka mamawh lo.' a ti chhum vut a.






Mahse, ka huaisena zawng zawng sawm khawm in Cindy chu ban anih loh thu leh a lehpek ațang chuan fimkhur tawh tur in ka hrilh a. Hades-a erawh a chiar lian zet ah țhu ngawi ngul in ka chet dan chu mit pawh khap hauh lovin min en ngur a. Engmah a sawi tak loh avang in Cindy chu rang tak a kal chhuak turin ka hrilh ta ngawt a. Nimin piah ang bawk khan hotel ah pawh whiskey a in nasa a.








Dan tum a whiskey ka chhuh luih leh, keimah zawk min man bet hmiah a, dawhkan ah chethei lo lek ah min nawr beh hrawk rualin 'a lak ațang whiskey ka lak hran sak duh anih chuan ka hmui ah a fawh phawt angai ang.' a ti bur! Mahse, Hades-a zahawm na chu min man bet a, che theilo a min siam hnu ah pawh infawh lam hawi zawng kher chuan min force ngailo! Mipa tam tak nise a laka ka ba hi remchang ah la in ka taksa ah hial an țuan tawh ang! Mahse, Hades-a chuan chutiang lek a mize hniam chu anei ve miau lo!






Min duh tih a sawi kha ka ring hlel miah lo bawk! Carlos-a nen kan inhmuh ațang chiah khan a talbuai țan a. Hotel a suit bikah vawiin pawn tawm chawt in whiskey a in deuh ngat ngat a. Tlai ah Bawihtei hruai a rawn hun a. Zu inhnem viau mahse a theinghilh bik hauh lo.




'Ka rui e mai, Doris-i'n min hlau ang, driver nen va lam mai ru.' tih zawng sawiin mitmeng sen rum leh whiskey hnathawh vang a a hmai vun sen ţawlh țawlh chungin driver a call hram bawk!






Lukhama hnuai ka phone dah chu a rawn ri chur chur a, ka ngaihtuahna ațang harh zawk in Bawihtei a harh hman hlauin ka ban a, ka lak kan rual a number lo lang ka hmuh chuan ka thaw nghal hak!



Phone kal tlang ringawt pawh a min ti zam ziah hi ka duh lo! Zanrei hnaih tawh ruah sur bur bur kar ah hian min rawn biak ngawt chhan tur a nei miah lo! Chhang lo in phone chu ka dah let a! Bawihtei puan sin chu ka siam tha sauh sauh bawk.



Mahse Message a rawn luh leh nghal avang in ka en leh hram a!





*Pawn ah ka awm.* Tih zawng hi, makti zet hian ka melh reng ringawt! Zan dar 12, chupawh ruah sur buan buan hnuai ah pawnah a awm maw?




*haw rawh.* ka ti hmak.


*kawngka hi lo hawng la.* a rawn ti let a. Pawn lam ațang kawngkhar chu thli chhem rik mai nilo tih hriat zet in a rawn ri deuh dawt dawt bawk!



*Carlos, haw mai rawh, Bawihtei hi thawh san chi anilo.* ka chuan lam chu thawk hram se ka duh! Inthlahlel lo kan nilo tih leh thudik kan hriat hnuah chuan kan inhmangaihna kha chhete pawh in a la bo lo tih ka hriatchian tawh em avngin amah hi hnaih tam lo ka duh! Nupui nei ţep tawh ani a. Amah ka hmu sek anih chuan ka pasal hial lo nitawh, min thlahlel a min hmangaih tih ka thinlungin a hriat chian em em bawk si zun ah hian uai thar leh in thil țha lo leh pawi zawk kan inkar ah a thleng palh hlauh mai ang!





*ok, a mutthil ngheh hun ah rawn hawng mai rawh.* screen chu ka melh nghek! A tihmawh zia leh a thu duh zia ka lo theinghilh hman ani!





*ruah in ka thuamhnawn a nan huh vek tih hria la, pawn khawvawt ah min dintir rei lutuk suh aw.* tih a rawn thleng leh a. 'Pawn khawvawt ah min dintir rei lutuk suh aw' tih te mai chuan Zohmingliana aw thum zawi ruih a ngenngawlna rawn lang chhuak ve rûih țhin kha min hriat let tir rum rum mai!





*haw mai la..*


*Aih, Bawihtei mutngheh hun ka nghak thei a lawm.*



Ka thaw ta hak a! Zan lai ah tawh leh nghal kan nufa lek chenna ah rawn lut turin in ka duh lo tak zet! Nilo, tunah ngat phei chuan Bawihtei a muhil a, keimah chiah ang ka ni!!!!!







Ngopa ah ka room tukverh zawn ah ding run chung a ruah in a nan huh zawr vek țum kha ka mitthla let a! Ka thaw chhuak ham ham mai!







Thawmdim thei ang ber in room chu ka chhuah san țhem țhem a! Thinrim ru țun hian kawngkhar kalhna chu ka pawt thla a, pawn light ka hmeh en loh vangin pawn chu a thim deuh ruih a! Ruah tla buan buan leh tuihawk luang ri hum hum thawm chu kawngkhar ka hawn zau rual in a ring zual sauh!




"Carlos?" A thim em avangin pawn light tih enna plug ka dap pah ruai a. Luah tirh a la nih vang nge ka hmu fuh mai lo leh nghal!







"Bawihi?" kawngkhar biang vuan in ka hma ah tak a rawn ding nghal run anih chu! Phu dawrhin ka tlawh hnung a, ka au chhuak em lo! Zohmingliana chu a thuamhnaw inbel zawng zawng a huh vek a! A sam ațang tui luang thla ngia ngia in a bek leh hnar ngul vel an zawh thla a. A rawn lang thut hlau a ka phu dawrh chu min nuih nghal suk bawk!



Ka thaw nghal huai mai!

"Misual ang hrim a i rawn chet kher le?" ti hlak pahin ka melh deuh rawm a. Ruah sur do rual pawh ani tawh der silo.



"Ka lo lut thei em?" a ti sup. Lu bu nghat a ka tawlh sawn rual chuan a rawn pen lut a. A thuamhnaw ațang tui a far tluk tluk a.


"Saw saw washroom aw." ka kawhna lam ah chuan a kal nghal vut bawk.


"In lam ah haw ve mai tur a nia." ti nang nangin a chhuat rawn dai huh chu ka hru thuak thuak a. Washroom ah chuan a va ri ruk ruk a. Hrep chuan! A thuamhnaw hak tur pakhat mah ka nei lo!







Kawngka chu kal leh in a towel hman tur laksak turin room ah ka tlan lut a. A thuamhnaw hak tawk ka neilo tak tak!



Room ațang ka chhuah leh rual in washroom kawngkhar chu a lo pawt hawng ve chiah a! Diktak chuan tun ah hian kan in bulah ruah do mai mai lo khan, an in lamah a kal thei reng! Thil atthlak tih ah pawh hian chintawk a awm thin!





"Hei hian inhru hul rawh." ti sep in towel chu a lam ah ka lek a. Shirt a ha tawh lo a. Mit ko ti kang ûk in min nuih suk anih chu! A cotton kekawr dum hlap pawh a khel hnuai a ful hnek hnawi in a ha a, a v line a lang thla ruih!








"La vat rawh, chuan i thuamhnaw hak tawh ka neilo.. i mean, ka pajama lian ber lah saw i malpui pawh i rawlh leng lo ang tih tur khawp in i tan a te.."



"A pawi lo, ka boxer hi a huh lutuk lo." a rawn ti a. Boxer chiah ha in kan inah hian awm zan hun hman a tum em lo ang chu maw?




"Aaa, ka hei la phawt rawh." ti pahin towel chu ka lek kang hliai. A rawn ban ve mai a.


"Inhru ro la haw ang che."





" are you serious?" min melh khui chung chuan a rawn ti hluai a. Rum deuh in ka melh nghal nghek bawk.


"Boxer chiah inbel chungin in aţang min chhuah tir ang maw?"




"Aw, mipa a lawm i nih, a pawi vak em ni?"






"You are so mean!" tûr thim khúi a min melh ngur laiin bawihtei țawngkam hman țhin a rawn hmang lâwi a! Kâ hau in ka melh er bawk!





"Zanin chu hetah ka riak dawn." ti hmuk in towel chu a nghawng ah a bat a. Ka mitah tak min rawn melh siah in a kekawr kawngkilh chu a phelh ta mai!


If you want to be ORIGINAL,
be ready to be COPIED😝

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » September 30th, 2019, 5:24 am

Post September 29th, 2019, 1:01 am





☆UTOPIA: 1996☆ S2
CHAPTER 71
Abbra Reo Ririni Khuangte (PitarteiSualfingi)





Still feels like our best times are together
Feels like the first touch
We're still getting closer baby
Can't get closer enough
Still holding on
You're still number one





"Eng nge i hriat a!" ti tuar chungin rang zet in bathroom kawngkhar chu ka pawt khar bur! Washroom chhung lam aţang chuan a nui ri hawk ka hre hman tho!




Rum zet in kawngkhar chu ka melh nghek! Â leh lutuk mai! Thaw huai huai in ka lungphu zawnah chuan kut ka nghat a, zeploh chuan a body hi a nalh lutuk! Țawngkâ in engmah sawi lo mahse a body chiang zet a ka hmuh tawh hi chuan keimah ah danglamna a thlen thin. Chuthil chu Zohmingliana ren run pawh khan a hrechiang viau ang chu!






Lu ka thing leh nawk a! Ka hmai sa hut hut chu ka kut pahnih a beng thekin room lam pan chuan ka let phei a. Mahse, washroom kawngkhar ațang pen nga pawh ka la pen hman lo tih ah kawngkhar inpawt hawng ri vang chuan ka tawp leh dat bawk!






"Bawihi, toothbrush hman loh i kawl em?" rawn ti thum dût in washroom aţang chuan a rawn pen chhuak a! Kan indinchilh leh ta siah mai! Ka lo hriat bel em em tawh a taksa ruak deuh kung chu melh zeuh in ka bu nghat! Ka towel pek kha a veng a, a hnuai ah chuan engmah a ha lo tih hriat lutuk in a kap hma lam chu a rawn tawn puar bik a! A kawng a chin chung lam zawng chu khuhtu a awm lo, a vun rawng uk kharh chu a la hnawm deuh hlap a! A sam ațang a tui rawn luang thla chu a beng bula thisen luanna lai ah a rawn luang thla ngiai ngian bawk!




Aw ka thian kharh a, Zohmingliana pawn a mitmeng uk thim ruih in min vung vung tih ka hriat rual chuan keimah ah danglamna a thlen tih thup thei ang ber tur chuan ka awm dan chu ka siam rem a.

"Ka rawn lak ang che." ka ti sep!



Ka pen sawn leh tur chiah chu rum nghut chungin a rawn che zui ta phut! Ka kawngah a ban hrawl zet chu rawn rawlh lutin amah si chet ah min pawt hnai hrawk a! A awmah ka beh thlawp rual deuh thaw in ka dul zawn ah a mipatna in min do run a nih chu! Ka thawk a rang nghal vek bawk! Ka hamhaih lutuk a lamah chet sawnna chang pawh ka hrelo! Zohminga chu rawn thaw chhuak huai huai pahin a rawn che leh hrut a, a ban thangah leh hrawl tham zet pahnih chuan min kuah khawm hlu hlu a! Kei ang bawkin a awm lum vung vung chhung a a lungphu chu a ri ve dawt dawt bawk!



InShot_20190929_032734174.jpg
InShot_20190929_032734174.jpg (47.23 KiB) Viewed 16498 times


A awm tihrawl hrawl tham zet a inphiar țal, la huh deuh hlap bawk si chu ka hmai in a si chet a! Pawn ah chuan ruah sur ri buan buan mahse a thawk lak dan nâ ta lutuk leh a lungphu ri dawt dawt chu ka hrechiang nangiang thung! A rawn kunhniam a, ka beng khuh tu sam a hnar in a rawn nul sawn rual chuan ka mur nghal ar ar bawk! Rawn thaw lum ham ham pahin a hmui lum chuan ka beng a rawn nawr tâwk bawk!




" Do you still turn the fire on?" thum zawi ruih hian a rawn ti sup! A aw chu zawi ruih mahse ka taksa pum pui chu a fan chhuak rawih rawih a! Boruak ka hip lut kawk mai! Zawi ruih si hian a rawn nui suk in min kuah nghet sauh! Ka beng hnuai chu a hnar ațang boruak lum rawn chhuakin rawn ti za lum uaih bawk!



"I rim nu chek chek pawh a la ngai reng!" ti chhuak sup pah chuan a hmai chu ka sam a rawn phuma, min thlakhleh hmel lutuk hian thawk a la zui ham ham bawk! Ka thinlung che riai riai chu lan chhuah tir a, a taksa tihrawl inphiar sek fat ah hian kuah let ve mai lo turin ka inthunun țang țang a! Ka pasal lo ni tawh țhîn in min thlakhlelh hmel taka a min kuah chung a thawk a la ham ham mai chu ka tan a lo hnar a harsat dan tur chu tumah in min hriatthiampui kher in ka ring lo! Kan inkarah inhmangaihna reh tawh vang a ințhen hrang kan nihloh zia ka hriatchhuah hnu ațang phei kha chuan kan natna tawrhte inhnem tawn duhna kan pu ve ve a! Kan natna tawrh zozaite kha midang in min hnem zo ngai dawn lo tih kan hrechiang ve ve bawk!


" I thinlung thusawi ri kha ka hrethei a nia!" a rawn ti zawi ruih, a awm lum vung vung chhung ațang a țawng zawng chuan min nghawr che dar dar a, harh chhuak thut a ka phu zawk chu min nuih hawk bawk! Ka hmai chu a sa țawn țawn a! Zohminga chu ka sam ah hmai phum chung in a thaw ham ham lum reng a. Hetiang a kan awm reng anih chuan a chetdan ruih leh min thlakhlehna lungphu ri zawng zawng te hian chhungrila amah ka thlakhlehna hi rawn tikeh sawmin thil pawi zawk a thleng palh mai ang!


"I mamawh chu ka rawn lak ang che." ti sap in ka tal nghal aih, min kuah khawm na nghet lutuk ațang chuan ka tal chhuak zo lo kher mai!



"Zohminglian." min kuahna tha a ngheh em avang chuan thaw ţalh ţalh chung in tal chhuak ka tum țang țang! Ngawi ngul in a che leh phut tawh! Batroom kawngkhar bul bang ah min nawr bet nghal hrawk anih chu!


"Ka mamawh min rawn lak ang maw?" ti sup pah chuan a nui suk, ka hmai zawn ah a rawn kun hniam ruai ruai bawk!

"Ka.. toot.."

"Nang hi ka mamawh che Malsawmdawngzel!" aw zawi leh rilruih chuan ka taksa chhung a fan kual rawih rawih mai! Amah chu ka en a! A lan dan mak lutuk leh mitmeng ngenngawl lutuk bawk si chuan ka mittui a ko hnai nghal kûar bawk!


A kutphah hlai hlup pahnih chuan ka bek tawn tawn ah a rawn zen chho a! Na zet in a chal leh ka chal a nawr si nghal chawt bawk! Ka sam kar a zen chhohna kut chu ka vuan ve vat a, ka thawk lak a rang nghal zawih zawih thei!

"Nupui nei mai tawh tur i ni tih inhre reng rawh!" ka ti sep! Na leh zual a ka chal rawn nawr tâwk pah chuan a maimitchhing a, a thaw chhuak hawk bawk!



"Ka nupui i ni! I pasal ka ni bawk, nupui dang ka mamawh tawh lo! " a rawn ti chhuak hrawk! Muang ruih a rawn meng chhuakin kan chal innawr si reng chung chuan ka mitah min en nghal rún a!



"Ka sawi chu i hria em? Wifey." ti sup pahin a mit bul a vun chuar lang ruih in a khi suk a! A mitmeng uk thim ruih ah erawh nuihzatna pakhatmah a lang lo!



"I fiamthu sawi chuan nuih a tiza khawp mai!" ka tia , ka ner pah sak bawk! Zohmingliana chuan rum nghutin ka tukhum ah hneh zetin a rawn man a, a awm ah ka lu chu kuah bet tawkin ka chhip ah chuan khabe a rawn nghat ve dawt bawk.



"Fiamthu anih loh zia chu i la hre thuai ang, Wifey" ti chhuak sup in ka lu ah a rawn fawp vang vang a!



Choka a ka thil store na cabinet bik ah tootbrush ka zawn lai te Zohmingliana thusawi chu ka lo ngaihtuah leh chiam țhin! Nupui dang ka mamawh tawh lo ti reng chungin Zualtei inhualna a neihpui a, chuta karah a fa Zualteiin a pai bawk! Aaaaa, min ti â zo dawn!
Ruah lah chu a bang duh der lo, choka light chu hmet thim in ka insehruh hmasa țéuh phawt!



Tootbrush keng chung a choka ațang ka chhuah leh chuan thatchhe zet hian washroom kawngkhar bul bang ngheng chuan a lo ding ngawi rún, amah a pa lian in a hrawl tham mai bawk si! La luahlum tawk loh kan inchhung chu a uap hneh bik riau in ka hre bawk! A lam pana ka kal chu thup țhen pakhat mah neilo hian min lo en vung vung! Min hmangaihna, thlakhlelna leh thil tam tak a mitmeng thim ruih ah chuan ka hmu thei a! Chu chuan ka thinlung hi a ti hreawm tak zet! Kum 4 liam ta kha ko let leh thei niila, hun te hi her let leh thei ila, kha mi tlai khan khawimah a kal ka phal lovang! Suzi zawng tur khan a chhuah remti ta lo ila chuan heng thil kan paltlang zozai te hi kan paltlang ngai dawn lo! Khang message dengkhawng tak tak te pawh kha a number ațang ka dawng ngai lova nga, doctor te pawh kha ama rawn tirh angin kan nun an rawn lang ngai lo ang! Reilote chhung a ka ngaihtuahna vakkual thui hman lutuk chuan ka awm chhung a rawn ti tawt leh vek tawh!


Zohminga chu ka hnaih tual tual a! A mit a min thlakhlelna rawn lang chhuak nasa lutuk chuan amah pawh a tina thei hial ang tih theih tur khawp ani! Nupa te hian mihran te hriatthiampui phak loh inzawmna kan nei ka tih tawh kha! Kan thinlungin a duh leh mamawh inpe tawn turin țawngka a kan sawi chhuah kher a ngai ngailo! Kan thinlung a inzawm a, thinlung hmangin kan inbe thei!


"Kha, sofa ah hian i mu dawn nia, puan sin tur ka rawn dah chhuak ang." ti sap in tootbrush chu ka pe a. Ngawi ngul in ka mitah tak min en ngur ngur!


"Carlos." ka ti hap! A hma zawnah tootbrush thar hlak chu ka ti che kual a. Min ngaih hmel lutuk a lungrûn deuh a min en vung vung reng turin ka duh lo! Thinlung mai nilo tisa lam pawh a lo inzawm tawh kan ni a! Kan pahnin tan dai sual a awlsam bik dan tur lah kan mitmeng chhung ril ber a inthlakhlehna chak tak awm ațang hian kan inhmuh tawn sak thiam ve ve ang!

"Bawihtei amah in a mu reng a, a lo hlau hman ang." ka tih leh a. Thaw huai chungin tootbrush chu a rawn ban ruai ruai, min thlakhleh chang pawh a a duh hun hun a min khawih thei tawh lo nâ atih zia leh hreawm a tih zia a hmel pa zet a rawn lang chhuak chu thil hmuh nuam tak ani hauh lo!


In luah lut thar tir kan nih avangin puan thuah lah kan nei mumal der lo leh nghal! Thlasik boruak anih loh vangin mutbu lam lah kan lei âm duh lo lui a, a chhan pawh Bawihtei nen chiah kan ni a, hetiang hian kan in ah riah rawn tum thut an awm dawn tih ka hriatlawk bik loh lutuk vang te pawh ani ang, Bawihtei nen a kan sin lai mek leh puannuan pakhat deuh tlawng kan nei.


"A pa lian tho, heihian a mu lum zo em ang chu." ti sep pah chuan lukham pakhat leh puan nuam suk pawh la suk fai loh chu ka pawm kawp a. Bawihtei muhil sek sek chu tihharh hlau zet in ka kal chhuak leh țhem țhem a.


Zohmingliana pawh washroom aţang a rawn chhuak ve chiah a! A boxer dum rawn ha chhuak in min thlek nghal vut bawk!


"Ih, sam chhemro na in kan chhem ro mai dawn mi?" Sofa ah ka puan pawm chhuah dah pah chuan ka ti a. A nui suk ringawt!



"Ka ti tak tak, thil nawm ha chung a mut chu a hreawm duh awm e." Ka ti leh a. Muangchang in țhutkhawmna pan chuan a rawn pen phei a, nuam tilo zet in ka lo che sek bawk!

"I chhem ro chhungin eng nge ka lo inbel ang?" min chhuk en run pah chuan a rawn ti sup, ka hma ah rawn ding nghal vuah bawk.


"Hmela leh!" ti sep in ka ner nghal nawk! Zohmingliana chu a nui chhuak hawk a.


"A hreawm lutuk lo ang, mu tawh rawh." mit min siai suk pah chuan a nui leh a, a mitbul a vun chuar a kal phei ruih, min kal pel a, sofa ah chuan țhu thla dawt pahin patling zet hian a rum chhuak hawk bawk.
A ha tu berin a hreawm vak lo ang a tih a hnu! Intibuai a, plug ah hair dryer vuah rawk rawk a ngai lo ani mai lawm.

"Bawihi!" a rawn ti zawi ruih! Pindan kawngka ka pawt hawng tawh tur chu chawl datin min au dan tur ani tawh lo tih hrilh a vin nghek inpeih at in amah chu ka en let a. Sofa ah chuan a lo țhu awn duai, a kut pahnih chu a tukhum ah suih zawm in thatchhe deuh in min lo en run a.


"Muttui le!" a rawn ti sup. A thu rawn sawi chuan min tihamhai deuh hlek bawk.


"Aaa, muttui." ka ti a. Rang lutuk in kawngkhar ka nam hawng a. Zohmingliana nui ri deuh hawk chu kawngkhar ka khar hnan hmiah!


Kawngkhar chu ngheng in thawk pawh ka la hman lo! Khum a bawihtei mu lai chu ui note muhil harh hlawl ang chiah a harh vangin a rawn țhu chhuak tharh a!



"Mamma, ka Daddy voice ka hear!" thawh phan pawh nei hlek loin a rawn ti anih chu!



"Bawihte, muhil leh rawh." khum ah chuan let sawk sawk in ka lawn kai a. Bawihtei erawh apa zawng in a hawi kual ruai tawh! Engtin nge pindan ka kharphui hma second khat chhung lek a Zohmingliana nui ri ațang khan apa ani tih a hriat reuh le!


"Ka Daddy a lo kal em?" khum ah kawih mut ka tum rual chuan țang țaî in min en hâ mai!


"Kal e. Mahse, naktuk school kal i ngai a; muhil leh phawt rawh." a sam ah ka chul a. Chawp chilh lutuk a bawihtei hmel a nui hmel rawn lang chu en in ka thaw hak ringawt.


"Ka Daddy a lo kal tak tak, ka dream ah pawh kan play together a lawm." tih leh a puan sin theh hlih (p) a rual der!

"Bawihte..."


Min ngaithla tawh map loin khum ațang a țum thla a, mawza nen chuan kawngkhar lam pan in a tlan nghal that that! Kawngka a pawh hawn rual chuan ring leng lawngin apa chu a au tûng a!


Tikha chuan a muhil nawn leh tawh mai mai lo ang! Naktuk school kal a ngai bawk! Huiha! Doris leh!


Bawihtei chuan Apa chu zawhna a zawt lang lang a, pwkhat lah chuan naktuk school kal i ngai sia a, va mu leh phawt rawh tih a hneh in a lo rikpui hlut mai bawk si!


Room ațang chuan ka kal chhuak leh ta nge nge a!


Naupang riakkhawm tum ang maiin Zohminga puan sin tur a ka dah chhuah chu an zam hnawk a. Bawihtei chu apa malchung ah țhu in a lo nui hek hek bawk!


"Ka mutthilh hma khan maw ka Mamma bulah i miss Daddy ka ti a." a ti niap niap. Apa chuan nui suk chungin afanu chu a en run bawk.

"Then, what did Mamma told you?

"She said Daddy is busy." Zohmingliana chuan min en nghal vut a! Bawihtei pawn apa enna lam chu rawn en ve in min hmuh rual chuan 'Daddy malchungah ka țhu bik bik' ti ang hrim hian intitheih hmel lutuk in min rawn nuih seu a!



"Min hmu duh anih chuan min rawn hrilh thuai tawh ang che." ti sup in Bawihtei bawk a en leh daih.



"Hna ah i buai ka rin vang a lawm." ka ti hmak. An țhutna bul sofa inhung ah chuan ka țhu thla ve dawt bawk.



"Ka fanu in min hmu duh a, min ngai anih chuan engtik lai pawn hun ka nei reng." a ti vut. Ka va en a. Lungawi lo leh min dem zawng a sawi ani lo tih a hmel ah ka hmuh rual chuan ka ngawi ve ta mai bawk!


"Daddy khawi ah nge i shirt a awm a?"


"A huh vek a, washroom ah a awm."


"Why?" a ti a. Ka lo nui hak bawk! A fanu hi amah tluk zet a dil chhut ani tih a hre chho zel mai ang. Thil reng reng hi a chhan dik tak a hriat hma a lungawi ngailo.





"Doris leh Mamma ka hmuh chak tawh avang in ruah sur ka rawn do a. Min nan huh vek a lawm." a fanu chu duat zet in a chhang let zel. Keimah min sawi tel kher chu pawi tihna pakhatmah a neilo tih a hmel ah chuan a lang reng bawk.



" heavy rain laiin outside ah i awm maw?"

"Yeap."

"You feel cold or not?"


"Not really." ti fan ruih in a ngawi deuh vung vung a, Bawihtei lah chuan a sawi leh tur hriatchak hmel fê in a awm zawn aţang chuan a chho en kîau. "But, i feel like to drink coffee." a ti sup! Kei chu nasa zet in ka lo ner nawng a! Zohmingliana pawn ka hmel ka siam chhia chu a mit sir a min rawn melh zawk in min nuih suk mai!



"Then, Mamma make coffee for Daddy." rang zet a rawn tiin Bawihtei chuan min en ha bawk! Apa a ngaihsak ve reuh lutuk chu a lawmawm rualin apa in coffee a in chak tih a sawi vang mai a min tir nghal reuh chu ka ngei ru hle bawk.



"It's ok My Love, Mamma kha a sleepy tawh a niang." Zohmingliana chuan a ti sup. Min en duh miah loin a malchunga a fanu țhu chu a en ngur a. A fanu a 'on' na țawngkam ani tih ka hriat loh a ring reng reng emmawni!




"No, she's not sleepy." Apa hnem nan a darah a kut nghat thek pah chuan a ti a. Chutah keimah chu min rawn en leh in chal a ti chuar nang bawk! Chumi lai chuan Zohmingliana chu tukverh thlanglam hawi vut pahin a nui suk bawk!




"Mamma, Daddy sawi kha i hria em?" a rawn ti țan a! "Heavy rain laiin outside ah a awm a, coffee a in loh chuan high fever a nei dawn sin.." Doris leh!


"What?" coffee in loh vang in apa hian kawsik sang a nei ang maw! VanlalDorsi i va han mak em em ve mawle!


"Nangmah pawn raining lai chuan outside ah awm loh tur, fever i nei ang i tih kha."




"God! He nau tereuh hi." an ințan pafa vel lutuk chuan ka thin a tirim țúng a. Ka din chhuah tharh rual chuan a awmah a fanu kuah bet hlun chungin Zohmingliana chuan nuihza insum mitmeng de sawr sawr in min en rûn a! Over dun reuh lutuk mai!



'A rawn luh tirh te khan sawi ve mai se, coffee a induh anih te chuan ka siam thei reng a. A fanu bulah kher eng vangin nge a sawi a.' Coffee tur tui chhung so pah chuan keimah in ka ang hlak hlak reng! An ni pafa lah chu zanlai ani tih hrelo lek in an inchhaih nui a. Zo zet in Bawihtei chu a vawrh kang a. A chang leh a zakhnuai ah zakzeh in mipa naupang ang maiin a chhaih kual a! Naktuk zing ah Doris-i a thawh duh lo na chuan aw!





"Daddy, More, More, More." Bawihtei'n a ti tûng. Coffee powder chu bel ah dah lut in choka kawngkhar biang ngheng meuh in țhutkhawmna Area a an pafa inchhaih lai chu ka thlir a.


Zohminga chuan Bawihtei chu a koki chhuan a, chutia a koki chhuan lai chu zo zet a man lawp in a inbin kual tir a. Lei ah Bawihtei a țum thlak rual apiang in 'ka duh leh' tih nan 'more' a ti nghal tung zel! Bawihtei a khek ring bawk! Zohmingliana lah a aw rawl a lian in a nui rum leh hawk țhin a! Zanlai mah nise an play ground infiam hmiah hmiah mai a. Inhnuai te'n an thawm an hre thei em lovang chu maw!



▪ Zing dar2


Zing darhniah ah pawh Bawihtei chu apa awm ah bei then in a kal duhna a la kawk kual zeuh zeuh! Apa pawn awi pah fawm min a fanu kawhna lam apiang ah chuan a kal pui nghal zel a. An inpawm zo hnehsawh bawk a. Bawihtei chuan kuah let miah loin apa awm ah bei kak mahse apa in a ban pakhat lek in a mawng ah dawm chungin a thil duh nia a sawi ban vut țhin mahse chetsawn a tum bik der lo



Dar hnih leh a chanve sana ban in a vuak thlen takah chuan Bawihtei pawh a zawiawi țan a. Zohminga chuan kuah hlu hlu chung in 'you are my sunshine' tih kha sa chiah nisilo in a thluk ang deuh hlek ri thum dam deuh ruih a siam a. A awi ve hluau hluau bawk!



"Daddy?" Bawihtei chuan zawi fan raih in a rawn ti a. Sofa ah țhu chungin an pafa inawih mutthilh tum chu ka thlir ve reng.





"Yes My Love." A fanu ngaichang zet chuan a ti zawi ruih bawk.


"Long back ah khan maw i voice kha ka lo hear chak thei lutuk a." a ti a. Bawihtei aw zawi leh fan deuh raih avang chuan ka na deuh zawk mai! Kei ang tho in Zohminga pawh chu Bawihtei thusawi chuan a vîlh ve tih hriat fe in tukverh bul a ding run chungin min rawn en a. A fanu in a awm ah bei chial chuang in 'a aw ri hriat a chak țhin zia' a hrilh ani a. A mitmeng ah chuan min demna nilo in hreawm tih ngawih ngawihna zawk a lang chhuak!


"Tunah chuan Daddy aw ri i hre tawh a, how do you feel?" a fanu chhip ah fawp vang vang in a thaw hrawk mai!



"It's like a lion's roar sound!" a ti a! Zohminga chu a nui rum hawk, Bawihtei pawh chu apa awm ah bei reng anih vang in a che dawt a, za zet in a nui ve hak hak a. Apa aw ri chu Sakeibaknei rumri a ang a ti anih chu!


"Daddy voice chu sakeibaknei rum ri a ang maw?" a kabe hnuai a mi chu a melh chhuk rún. A nuih a za hle tih erawh a mit bul vun chuar lang raih ațang chuan ka hrethiam thung.


"Yes."

"You don't like Daddy voice?"

"No....." Bawihtei chuan a ti tung mai! A awm mar a, Zohminga pawh chuan kuah nghet sauh vin a dawm kang deuh nawlh bawk. Bawihtei chuan apa chu en kiau in a bek sam chu a kut pahnih in a hui kiang thek a, Zohminga pawn pui thuai in a beng ah a zeh fel sak nghal zat.


"I like the sound of your voice, it keeps me warm.. you know, when i hear your voice i feel warm inside." Apa rilru tihnat hlauh hmel zet chuan a ti ve niap niap. Bawihtei țawngkam in apa rilru a hneh zia chu țawngka in sawi chhuak lo mahse a hmel ni deuh ruih leh sawi mai tur hrelova a nuih suk dang ațang chuan ka hmu thiam vek mai!


"Daddy, your voice is my favorite sound." Bawihtei bawk ani! Chutah Zohminga chu a nui suk a, ngawi reng a thaw chhuak huai huai chungin a fanu chu a awm ah a kuah bei nghal hlu hlu bawk!

"My Love. Keipawh Daddy ti a min koh ri hi khawvel a ka ri ngainat ber a ni a lawm." a ti zawi sup bawk. Bawihtei chu ngaihngam tih hriat fahran in apa awm ah chuan a bei hle hle a. Zohminga chuan a hnung ah chul hauh hauh in a awi a.


"I love you Daddy." bawihtei bawk ani.

"Daddy pawn a hmangaih che." a ti zawi ruih. "A lot." a ti nawn leh sup bawk.


"On the bed ah mu ang." Bawihtei chuan a ti a. Ham bai bai chungin pangchang zetin apa chu a en kiau bawk. Apa nen a kan khum a mut a sawina ani em lovang chu maw?


"Ok, Mamma nen va mu lut tawh ru le, naktuk ah school kal i ngai bawk." a ti ve sup, afanu chalah chuan a hmuiin a nawr vang vang a. "Daddy nen." Mutchhuak aw zet hian a ti a. Zohminga chu a awm hla deuh ruai ruai a. Afanu hmel a hmuh chian theihna tawk vel ațang chuan Bawihtei mutchhuak meng hleithei tawh lo chu a en ngur bawk.


"Daddy nen on the bed ah ka mu duh tawh." Apa nen a kan inkar hrethiam ve map lo chuan apa nghawng ah kut a suih bet țai a, a darah bei leh thek in keimah chu min rawn en leh a. Zohminga pawn min rawn pah in min melh ve chiah bawk.



"Mamma, Daddy te nen mu tawh ang."



"Bawihte..." engtin nge maw ka sawifiah dawn le! Anu leh apa te hi khum khat a mu tur kan ni tawh lo! Rilru buai zet a Zohminga ka en rual chuan thaw deuh huai chungin 'hahdam rawh' min tih nan niawm tak lu a bu nghut.


"Ok.. mu ang u le." ti vut in keichu tho turin min mitmei nghal a. Mut chhuak meng hlei thei tawh lo mahse Bawihtei chu apa thusawi vang chuan a nui ta seih bawk.



Țang rû țûngin pindan kawngkhar bulah ka ding reng! Bawihtei lah chu khum lu lamah a vak chho a, apa hnen ah chuan a teddy bear mutpui țhinte chu an hming hrilh in eng eng emaw a sawi ve liam a. Zohminga pawn kei chu min ngaichang hle chuan ka hria! Khum tlang ah tak ngial pawh a țhu kai biklo. A fanu hnaih khum lu lan ah chuan ding run in a fanu thil hrilh chu a ngaithla vung vung a. A duhtawk a apa hnen ah a teddy bear chanchin a sawi zawh hnu chuan puan sin lai a theh hlim tawh chuan inkhuh țha seuh seuh in apa chu a melh ta ha bawk!


"Daddy, lo mu ta che." Apa hui zeuh pah chuan a sir lam chu a beng ve det bawk! Zohminga chuan kawngkhar bul a ka ding ngawi reng chu min rawn en a.


"Mamma nang pawh lo mu ta che.." bawihtei bawk. Ințhen awmzia a hrethiam ve mang reuh bawk silo. A țhiante'n an nu leh pa inkarah an mu țhin tih an sawi chang apiang in sawi tur a nei ve ngai lo va. Apa a hmuh tak ah chuan a țhiante an nu leh pa inkar ah an mu țhin tih kha hrereng in a dan tur ah a ngai hmiah ni ta ber in ka hria.



"Bawihi, rawn mu rawh." ti sup in Bawihtei chu a en zawk a.

"a mutthilh fel hun ah ka chhuak leh mai dawn lawm." A hma aia zawi deuh si chuan a rawn ti sup. Thaw chhuak hak pahin lu ka bu a. Bawihte chu a phur in apa mutna tur leh ka mutna tur chu a beng tawn sek a! Zanin zet chu leh! A te ber thu thu in kan awm reng mai anih tak hi maw!


"Daddy." ka nui chhuak ta hak! Zohminga pawh chu min rawn en in a khi suk mai!

"Yes my Love."

Khum a kan mut ho hnu ah vawi za chuang 'Daddy' tih thumal hi a lam tawh, hetiang khawp hian apa hi a thlahlel ang tih rinngaihna ka hre der lo! Apa chu a au mawlh mawlh tiila a dik ber ang! Saisir zawng in ka mu a, Zohminga chuan khum lu ah lukham dah thuah in mu ve chiah silo in a țhu awn duai, Bawihtei chuan apa chu a kal sawn mai ang tih hlau niawm takin a kuah țai reuh bawk!


"Ka weke-up hunah pawh lo disappear suh aw." a ti a. A ham zui bai bai bawk. Kiai suk chungin a fanu lu ah chuan a chul nghal thuak bawk.


"Umm, muhil tawh rawh le." ti chhuak sup in a fanu chu a kuah hlu hlu a, Bawihtei pawn a muhil tawh dawn tih nan niawm tak thawk a la nghal siai siai a. Bawihtei a țawng tawh tak loh ah chuan ka maimitchhing ve riai riai a. Mahse, ka kiang lawk ami thinglung in min au thawm chu hria in ka meng chhuak leh a. Pindan chhung ah chuan dim light chiah kan ti eng a. Thim deuh ruih hnuai ah pawh Zohminga chuan thuk ruih in min lo en reng tawh tih ka hrethei! Engmah a sawi bik lova, keipawn engmah ka sawi chuang lo! Mahse, kan thinlung erawh a inbe mawlh mawlh niber hian ka hria! Chuthil chu engtin nge anih theih ka hre bik chuang lo! A thleng tawp! A thinlungin min biakna ri chu ka beng nilo in ka thinlung zawk hian a hre thei!


'Kum 4 hma lam khan chhungkaw din tum in ruahmanna kan siam țan ani tih i hria tiraw?'


'Ummm.'


'So, eng nge ka chhungkua chu i ngaihdan nita?' tih ri ka thinlungin a hriat rual chuan ka nui chhuak hak a! Zohmingliana pawh min en vung vung chungin a khi ve suk!


'I feel warm!'

'Like Doris?' mit ko kân ûk in nuihza insum zet in min en rûn bawk. Ka ner sak a.



'Then, i feel cold.' mit mu ka ti che kual ralh bawk! Nui suk pahin a fanu sam ah bawk a chul leh a. A fanu chu uluk tak a en vung vungin a thaw chhuak ham ham bawk! Min rawn en leh rual chuan a lan dan a thutak leh hle tawh!


"A țawng theih tirh in eng thumal nge a lam chhuah hmasak ber?" a rawn ti zawi ruih.

"Mamma." ka ti a. Maimitchhing chungin a nui deuh suk mai.


"You are so lucky." a rawn ti chhuak sup! Ka lo nui ringawt a.


"I thlalak min rawn thawn a nausen mipa kha Dolores chu ani tiraw?"

"Umm." A mitah chuan natna thuk tak ka hmuh sak thei!


"Ka hmu ve chak hle mai!"

"La dam ve se ka ti a sin." ka ti chhuak sep, ka mittui a rawn hnai kuar a. Bawihpuia khan apa hmangaihna hi reilote tal dawng ve hman se ka ti tak zet!
"Ka theih tawp chhuah in venhim ka tum a! Ka theih tawp kha ka chhuah ve chuan ka hria... mahse, ka harh chhuah ruala phir ka hrin thu leh mahse vanduai thlak taka a mipa zawk thisa a rawn pian thu an sawi tho a!" a tawp lam phei chu ka aw a ri chang chang! Ka mittui rawn tla tur chu ka kutin ka hup châwi a!






Khum chu a che deuh dawt a! Mahse, mit erawh ka meng chhuak lo. Bawihtei taksa in min rawn sik tak chet ah chuan muangchang in ka meng chhuak a, Bawihtei sir ah Carlos-a chu a kiu a innem khalh run a lo mu zalin a kutphah hrawl tham zet chu a rawn lek chhuak ruai ruai a.


Ka hmai hupna ban rek ah chuan a rawn hum hmiah, la sawn hlek in ka biang huh chu amah ngeiin a rawn tuai hul a! Țawngkâ in engmah sawi tawh lo mahse a mitmeng dam ruih aţang chuan min hnem na thu tamtak ka hmu thung!



Ka hrawk sa huam leh ro lutuk avang chuan ka harh hlawl a! Chiang lo zet a mit ka men rual deuh thaw in lungphu ri thum dawt dawt ka hre nghal zat! Tu nge tih ka chian em avang in ka nui nghal seih bawk! Hneh tak min kuah bet tu taksa lian leh hrawl zet chu inher rem deuh in kuah bet nghal thak a! Ka hmaiin a awm lum nuam zet chu ka nawr a! He lungphu ri ngainawm zet hi Zohmingliana aţang chiah a rawn chhuak țhín! Dimte a che leh in a hmai zawn ah chuan ka inbeng khalh a, room chu dim light chiah a en avang a thim deuh ruih. Mahse, eng sen thim ruih hnuai ah chuan ka pasal ni țhin Carlos-a hmel pa zet chu a lang cool zual rûih a. A muhil hmel hahdam zet chu ka thlek venh veng mai! Zûn a ngah zia hi a inhre ve țhin a ngem le!



Nizan.. uggg, darkar reilote liam ta khan Bawihpuia chungchang sawiin kan inbun ruak dun a. Ka ţah leh țhin avang in rum chhuak nghutin Bawihtei min kuah tir a, amah chu tho chhuak vutin khum a rawn kal hual pawk pawk a! Ka bul ah rawn mu in ka kawngah a rawn kuah a! Dang tur ka nih laiin 'zan in chiah.' ti a ngenngawl zet a min ngenna chu ka hnar thei bik thlawt lo!


Ka tui in hal viau mahse ka thawh san phal ta lo! Nizan khan Bawihtei'n khum ah mu turin sawm ngang ngang reuh lo se chuan engtikah mah a pangtilum nuam zet kuah chung hian ka mu tawh ngailo mai thei! A sam dum buk lam lek lek tawh chu a thur deuh siang a, ka kut lek chhuak in dimte in ka tuai sak a, mipa naupang ang maiin a mutui roh leh nghal! A mit hmul buk chhap leh tam tham tak chuan a ti lang mipa bik hluah hluah! A mit khur thuk deuh dak leh hnar ngul sang vah chu a Carlos Zohmingliana bik ngawih ngawih bawk! A mitkhur thuk lam mah chhunga mitmeng uk thim ruih hian a zun a uai a ti awlsam em em a. A zun ah vawi khat uai tawh chuan a theihnghilh theih tawh loh bur! A chet dan cool ruih leh chapo ni hauh silova a hawi her sang vuah mai te hian a kiang hnai a mipa awm te chu a dah tê rawih rawih fo a! A hmui sexy zet ka en rual chuan ka kut lek chhuak in ka tawk dâ dâ a! Min fawh chang apiang in a duhthawh in a fawhna hi a ril bik ngawih ngawih țhin.



A hmui lum hiam ka tawh sakna chu feel thei niawm takin ka kawng a kuahna chu a rawn ti nghet sauh! Mahse, a thawk lak dan aţang chuan a harh lo tih ka hria. A rilru a tluangtlam em em a! A rilru a chhiat loh miau avang in midang pawh in rilru chhia an pu ang tih hi a ngaihtuah mai mai ngailo! Chu chu kan inneih chhung khan ka hrechiang hman em em! Mipa felfamkim anilo a. Mihring anih zia ka hriat nawn fo theih nan dai sual chang a nei ve fo! A natna min pek ang zawng zawng kha mipa dang min pek nise chu mipa chu ka hmangaih thei tawh kher in ka ringlo!


Carlos-a erawh ka huat ngawih ngawih hnuah pawh ka hmangaihna a kiam thei chuang lo! Chutak chu mipa dang satliah nilo a, Carlos Zohmingliana anih zia nem nghettu ani bawk! Mipa perfect leh natna min pe ngai miah lo tu lo nita ang se hmangaihna awmzia hi tun thlengin ka hrefiah thei ngai bawk lo ang! Hmangaihna ah chuan hlimna te, natna te, tawrhna te an kal tlang vek a! A nuam chin ah chiah inhmangaih tawn a, hmangaihna kawng tluangtlam purh zawh tu te aiin natna tawrhhlehawm tak paltlang țhintu te hian hmangaihna awm zia an hrefiah zual in hmangaihna hlut zia leh chak zia an hrechiang bik ngawih ngawih!





" Ka ta ni thei tawh ngai dawn lo mahla ka hmangaih che zun ngah-pa" ti sap in a chal ah chuan ka nawr si a! A rim pa hrak leh Carlos Zohmingliana bik hluah hluah chu ka hip lut nghal ham ham bawk!




Amah tihharh hlau zet chuan ka kawng ah hneh zet a min kuahna ban rit nulh chu ka chawi kang țhem țhem a, rum chhuak țuah țuah in a zang thal a, a melh nghal vat! Mahse harh lo in a thaw leh nghal suai suai a, ka thaw deuh huai mai!


Bawihtei muhil sek sek chu puan in ka khuh țha a, khum ațang ka thawh chhuah hma chuan an pafa muhil lai chu thlir leh rih in ka nui seih mai! Pakhat a pangchang thiam si! Pakhat lahin a sawi apiang tih sak vek a tum bawk! Zanin a an in awi hlu hlu lai kha mitthla let in ka nui leh hak a! Apa taksa lian leh hrawl pui ah bet ve ţai chung in a țawng ve niap niap reuh a.



Tun ațanga darkar rei lo te ah khua a rawn var a nga kan kawng zawh pawh a hrang leh tawh dawn tih ka ngaihtuah chhuah chuan ka hnual nghal rawi rawih! Bawihtei chu en in Carlos-a chu ka en leh rih a! Zualtei'n fa a hrin sak hun ah chuan amah ah Bawihtei a pawn lang tawh a nga! Tun ang hian a rawn ngaipawimawh tawh bawk hek lovang!


Show post links
Top
Abbra Reo Ririni
Post September 29th, 2019, 1:02 am

Side table a tui bottle chu ban in ka lem khawlh khawlh a. Washroom chu thawm dimte a pan in light pangngai eng ruih hnuai a darthlalang ah chuan in en in tawite in ka nui lui a! Kum 4 chhung a vawi khat nan tak tak ka mitah chuan famkim ni a inngaihna ka hmu! A chan pawh eng dang vang nilo in nghet tak a min kuah tu patilum nuam zet neitupa Carlos Zohmingliana vang ani tih ka hria!


"Khaw var rualin hmeichhe thinlung ruak hiai i ni leh dawn tih i inhria em?" ti sep in ka nui lui a. Naktuk ațang chuan Doris-i nu Malsawmdawngzeli chiah ka ni leh tawh dawn!







Eng emaw ri leh rak rak țhin chu ka mang hriat riai riai! Thir inkhak ri a ang ber in ka hria. Bawihtei kuah mai ka tum chuan ka tawk fuh thei hlek lova. Chutah min ti harh tu thawm ngai bawk ka hriat leh rual deuh thaw chuan ka meng nghal kawk mai!



Ni a lo chhuak ut tawh a! Rang lutuk a țhu chhuak in Bawihtei zawngin ka hawi kual thuak bawk! Khum zau zet ah chuan keimah chiahin ka lo mu tawh!


"Daddy, one more." Bawihtei țawng lang lang ri pawn lam ațang ka hriat tak ah chuan thaw huaiin khum bul a phone chu ka ban a.


Zing dar7: 30 a lo ri vu tawh!



Room kawngkhar ka hawng chiah chu choka ațang eitur rim rawn chhuak ram ram chuan ka hnar a verh nghal zar! Muangchang in choka chu ka pan a; a chhung ka luh hma hauh ațang Bawihtei au chul thawm leh apa aw thum zawi ruih ka hre chawp chilh der bawk!



An țan leh dawn ani maw? ti rilru a nui chhuak hak chungin lu ka thing nghak! Pakhat a pangchang leh em em ang, pakhat zawk in 'my love' ti rilruih in a duh apiang a tih sak leh vek mai ang!



An pafa chuan eitur an lo siam dun niin! Bawihtei chu counter chungah țhu in apa eisiam che vel chu ring fan iak iak in a lo thlek ve a. A ke tereuh te pahnih chu a then leu leu bawk! Carlos-a pawn nizan a akekawr hak kha lo hah leh tawh in kawr erawh a la ha lo! Gas thuk a hman vangin min hnung chhawn zawngin a ding a. Hnung lam ațang a taksa tihrawl hrawlpui che kual vel chu en in chil ka lem dawk mai! A ban bul sek țha zet chu 'pan' vawng vun a hum a sawi chet rual apiang in a inphiar ţawlh ţawlh zel a. A dar tihrawl che kual vel ringawt pawh a hmuhnawm tham; A pa lian in a hrawl tham bawk si kan choka chhung chu a ti lang chep vek bawk!




"My Love how many egg do you want?" a fanu a duat zia chu a aw pa zet rihniam ruih ah chuan a lang chiang em em!


"2 " rang zetin bawihtei'n a chhang nghal thuai bawk.


"Ok, pass me one egg." a ti hlut, Bawihtei a hlan-kaina counter chung ah chuan artui plate khat ţalh a awm tih ka hmu chiah. Bawihtei pawh chuan rang zet in artui pakhat chu a thlang chhuak a. A fanu kut ațang artui lak tum a Zohminga taksa hrawlpui inher vut chuan choka kawngkhar bul a ka ding reng chu min rawn hmu in pa zet hian a nui nghal suk! A sam buk lai chu khum ațang a thawh chhuah pui dan ngai ngaiin a pawr deuh siang, nizan ah a mu tam bik lo tih hriat zetin a hmel lan dan chu zûai deuh rûih mahse a fanu nen a hun hman dun nuam a tih zia erawh a mitmeng uk thim ruih lang lum huam ațang chuan ka hmu thei; A thinlung ah famkimna a awm chang bakin Carlos Zohmingliana mitmeng ah hian lumna ka hmu ngailo!


"Good morning." a rawn ti hniam ruih, ka bu zeuh a, gas chu a ti hniam vut bawk, Apa min wish ri chu hria in Bawihtei pawh a rawn hawi chhuak ve darh reuh.


"Mamma Good Morning."



"Good Moring Bawihte." ka ti let a. Nizan a mut tlai tehreng nen tûk dang nise kai thawh a harsa leh ngit nget viau ang, a rum ve țîah țîah a nga, in let thakin a muhil leh zel bawk ang! Tukin erawh kaihthawh ngai hlek loin a lo tho ve reuh chu ania.



"Ka Daddy hi a cooking thiam a sin Mamma." Apa chu a ngaisang tih hriat zetin a rawn ti ve pang pang, a hmui senno chek che kual vel chu enin ka nui ve sak bawk!




"Mamma hurry up." Pawn ațang Bawihtei chuan ring leng lawng in a rawn ti a!




Ka bag chu ak țha in ka phone chu ka hmet eng a. Hades-a a la reh vung vung. Vawiin ah hotel ah ka kal dawn tho ti rilru pah chuan phone chu en in ka thaw hak a.


In ațang ka chhuah chuan Bawihtei te pafa chu an lo awm tawh lo a. Hmanhmawh zet in kawngka chu ka kalh a. Step chhuk thla ah ka chhuk thla hlak hlak chu an pafa chuan step tawp kawngpui ațang min rawn thlek a. Bawihtei chu apa in a pawm a. Bawihtei school bag a kut lehlam a khai run pahin step ka zawh thla chu mûk ruih in min lo en leh ngur tawh!



Cotton kawrfual hnelh hnawlh theite taitek rawng, nem zet mai ka ha tawp, ban hrui sin te a nei a. Cardigan fual ka hak thuah a, ka sam chu sir lam ah phiar khawn tawp in chappal kaih gold rawng ka bun tawp! Chutiang tawp a inchhei chu mimahila Zohmingliana chuan min ei zawh vek a tum ta mai emaw tih tur khawp a mûk in min en ngur ngur!



Step ka zawh chhuah hnu chuan Bawihtei chuan kut a heng thek thek a! Apa pawh chu khi suk in a hawisawn ve ta hram.



"Let's go." ti hlui pah in Bawihtei a pawm kang deuh nawlh a. A bolero inhunna lam ah chu a thle búk bawk!



Bawihtei school ah thlah a duh miau avang in ka hnial ta bik lo!



Bolero pan in a fanu zo zet a pawn chung chuan a pen pawk pawk, ka hawi kual satliah erawh rang lutuk in ka hawi let leh dawrh mai!



Kawng kawi a car back liam chiah kha Hades-a car ani tih ka chiang lutuk!


Nimin tlai ațang tawh min rawn be miah lo mahse Bawihtei school kal hun a nih meuh chuan insum thei lo in a rawn inkhalh chhuak tihna ani thei mai angem! A car hma lam kha hai mai mai theih anilo! A chhan pawh a car ang kha mizoram bik ah hian a la awm mang lo tlat a lawm!


Carlos-a a hmuh tel ve vangin ka hmuh duh lo in a let leh ani ngei ang!


Rilru nuam chiah lo in bolero chu ka pan phei a. Carlos-a chuan chik lutuk in min en run. Bawihtei chu bolero chung ah a hlan kan avang in intithei deuh in a lo hawi kual lauh lauh bawk.




"Diklo a awm em?" min chhuk en ngur pah chuan a rawn ti sup. Lu ka thing nghat a. Passenger side a lo pawh hawn tawh ah chuan ka țhu lut a, Bawihtei chu hlang thla nawlh in ka malchung ah a rawn nghat zui zat. Kawngkhar a rawn nam phui hma chuan mûk fê in min en leh vung vung phawt a. A phone ri vang in rum ngut chungin kawngkhar a rawn nam phui ta hram.


"Mamma ka Daddy khan high deuh ah min țhuttir a sin." rawn ti hliai pah in mit a ti kang ak ak bawk.


"Daddy girl."


"Yes i'm Daddy girl." ti pahin lai hmel zet in a nui tîm chei chei a. Bolero rawn kal hual pawk pawk pah a a phone call dawn ti tawp hmak tu chu ka mitmei ru zeuh bawk.


A rawn țhut luh dawt rual chuan bolero body chu a hnian suih a. Bawihtei bawk chuan 'Daddy' a lo ti leh tûng tawh.



"Bawihtei hi tlai lamah kan in ah ka hruai haw ang chu?" seat belt hreng pah chuan a rawn ti sup. Ka nu leh pa te'n an hmuh chak dan tur ka hre miau! Lu ka bu nghat a. Bawihtei hnen ah chuan tlaiah api leh pu a hmuh tur thu a hrilh sup bawk!



Carlos-a chuan Bolero chu hotel gate pawn ah a ti ding dawt a. Seat belt ka phelh lai te chuan min en reng a.



"Ka lawm e aw." ka ti sep, chal chuar tûp a min en ngurin lu a thing nghut thung!


"Bawihtei chu i rawn drop leh ang nge keiman ka rawn lam ang?" bawihtei school ah kan drop hnu ah ngawi rengin hotel lam ah kan let tawp! Kan boruak chu țang ut siin sawi tur kan hrelo duh hle!



"I rem chan dan dan." Ka mitah tak min en ngurin a ti chhuak sup. Zangkhai tak a lan tum chuan dar ka kân ak a. "Ka rawn lam dawn nia." ka nui pah var var bawk.



Ka kal chhuak tur erawh motor body nghing lawih khawp in a rawn che leh thut tawh



Ka ban bulah rawn man hmiah in min hnuk let hrawk a! Ka hawi let rual deuh thaw in a chal leh ka chal a rawn nawr si nghal táwk bawk!



"He hotel ah hian engti turin nge i kal?" a rawn ti chhuak hrawih! Ka ban bul a hmerna chu a na mah mah bawk!


"Hna thawk turin." ka ti a. Inseh țeuh chungin a rum chhuak hrawih mai! Hna ka thawk miau dawn lawm! Dubai lam ah pawh hotel ah tho thawk in kum3 chhung kha chu hun ka hmang. Bawihtei pian ațang kum khat dawn erawh Hades-a'n hnathawh a rem tih miau loh avang in Bawihtei ka enkawl chawt thung!


"Kha mihring nen khan eng inzawna pawh lo nei mahula ti tawp vat ang che." ti chang bûl pahin min man behna chu a thlah a. Ka awm hrang nghal dawr tur chu hrelawk ang hrim in ka khabe ah a rawn dawm hmiah!


Hnaih chet chawt ah min en ngur in thawk a la hrawk hrawk bawk!



"Ka sawi chu i hria em?"


"Min control thei tu i nilo tih i theinghilh in ka hria." ka ti hmak! A mitmeng danglam zawk chu engvang pawh nise a thunun na hnuai a awm ka nilo!


Thinrim insum tih hriat zet a a hmel lan dan chang bûl leh mitmeng tur khûi chu ngaihpawimawh loh hmel zet in a ban rek ah ka man a. A kut chu ka phih deuh sawk! Ka phihna vang nilo in min thlah vut bawk!


Ngawi rengin ka kal chhuak a. Bolero hma lam ah ka kal lai pawh chuan thinur inbeng daih tum tih hriat fe a thaw hrawk hrawk chungin min en ngur!



Hotel ka luh fel hnu ah chuan ka thaw chhuak vak a! Hlauhna chhan tur ka neilo. Chutiang bawk in ka eizawnna hi sawisel turin right a neilo bawk!



Hnathawk tu țhenkhat chuan min lo wish sap sap a. Kei pawn wish let in lift lam ka pan a. Ngopa ațang kan let leh hnu ah pangngai takin thawk dawn chiah mahila he lam hotel kal phung hriat ve ka mamawh avang in nitin in hotel ah hian ka kal ziah tho.



Hades-a office kawngkhar chu ka kik dat dat a. Nichin a kan inpiah kawi ațang tlan let leh kha ani tih ka chian em avang in kan inhmachhawn dan tur hi ngaihruat dan tur tak ngial pawh ka thiam lo!



Min chhang lo mahse kawngkhar sen duk khurh chu ka nam hawng a. Pindan chhung ah chuan carpet senduk a inphah chhuak vek! A chhung a bungrua pawh a neitupa ang chiah a hrawl leh rawng thim lam pang vek an nia. Tukverh lam hawi a Hades-a ding ngawi ngul chu melh zeuh in kawngka chu ka nam phui leh a ka thawm chu hre mahse a chesawn eih lo!




Kamizs matte black bodyfit a ha a, kuangkuah hlun a ding khawng luah anih vangin a lang sang vuah. Dawhkan ah whiskey no in phai sa ka hmuh tel tak ah chuan ka ner ru sak mai!








"Mr Hades?" a hua tih ka hriat vang a au kher ka ni! A che hrut a, muangchang a rawn inher ruai ruai in a kutkuang kuah hlun chu a phelh vut bawk.




"I tlai, Thelma." ti sup in dawhkan chu a pan a. Rang lutuk a che in ka tlan ti tih anih chu! Dawhkan chung a whisky glass chu a ban hma in ka man chawt a! Lungawi lo tih hriat zet in Hades chu a rum chhuak nghut! Whiskey glass hum chuan ka ding mar nghal zat bawk!


"Give me." ti hluk pahin kut a rawn phar hlui.



"Five." A mood chhe lutuk chu ka hrelo der hmak! A kut phah hrawl zet chu ka beng ri thlawp a. Mitko ti chuar khûi in a rum nghut bawk.






"Ka hriat țhin Mr Hades-a kha chuan zing ațang whiskey a in ngai miah lo." ka ti a. Ner nang pahin ka hmai zawn ah glass chu lek kang in ka chet tlat tlat bawk!







"He thil hi zingkar ațang i in țan anih vaih chuan i thin a chhe hma ngawt ang mawle." ti leh hlak in washroom lam ah ka kalpui nghal daih. Washbasin ah ka leih baw vek a. Glass pawh chu washroom kawngkhar bul pindan chhung cheina dawhkan sang ar chung ah ka dah nghal zat bawk. Hades-a chu a dinna ațang lo kal sawn tawh in inleng kawmna chair inhung bul mai ah chuan that chhe zet in dawhkan ngheng deuh chuan a lo țhu rûn tawh.




"Hnathawk tu hnen ah file min pe tur a tih kha ka rawn keng chho nghal a, hemi hi engtiang a ti turin nge min duh." A mood chhe zet chu ka hriat loh der sak hmiah. A bulah ka va din rual chuan a tum deuh bur tih ka hria. Mahse, file chu ka pharh ta tho.



"Hotel hall țhenkhat chei țhat hi ka kut ah awm se i ti deuh em ni?" Ka ti a. Mit kan ak ak pahin ka en lui tlat! A chhung ah hian inziak vek mahse țawng tir ka duh miau.





"Umm. Lunglei lam ah Anna a buai tawh dawn avang in hall chhung chei danglam kha chu i kut ah a awm." a ti nghut. A fuh țan e! A țawng ve duh țan ta!



"Theam thlan bik i nei em?" ka ti a. Rum nghut pahin file chu a rawn keu nghal vut! An theam set fel vek tawh chu sample nen lam a rawn lang nghal vek! Tawite in ka nuih ta seu ringawt.




"Min zawh duh te i la nei em?" a kawrban pawt chhing in a ban hrawl zet chu a kuangkuah leh hlun tawh!



"Nei." ka ti a. Min en ngur chungin "sawi rawh." a ti sup. File chu ka khup thak a, ka kut pakhat a keng chungin kut ka kuangkuah ve nghal than. Hades chuan min en ngur ngur a. A hma zawn ah chuan ding fel at in lu ka thing nghat bawk.



"Mr Hades hian lungawi lohna anei em? A chhan chu tunah tak hian hotel hnathawk zawng zawng in an hlauh vek a vang leh ngaihngam tak a hna an thawh hleih theih loh avang in sakawlh hliam tuar ang maiin kawlh hlur tawh lo se...." Hades-a chu hawi sawn in a nui deuh suk a.


"Aaah, i nui a nia." chak zawk intife chuan mit ka kan khum ak ak bawk! Ka chak zawk miau tak tak a lawm! "Mr Hades, i nui." min nin hmel zet in a meng dur leh hnuhnawh a. Kei erawh za zet in ka nui ta hawk hawk thung!



"Kal tawh rawh."

"Nope, nuih pangngai in nui leh phawt rawh." a ding mar vut tur chu a hma ah zel ka ding a. Bawihtei chu awmse chuan a ri meuh in a nui leh hawk hawk tawh ang!



"Thelma." rawn ti chhuak hluai in ka kawngah a rawn man chawt! A nui deuh suk bawk.



"Kal tawh rawh."


"I țha tak tak tawh em?" Ka ti a. Ka mitah chiang zet a min en in ka kawng a vawnna chu a thlah ruai ruai bawk!



"Ka țha, kal tawh rawh."


"Ka haw thei tihna maw?"



Chet hluk in a ding mar nghal vut! A chair lian tham zet pan a dawhkan kal hual pah chuan min en vut a.




"Mawh, ka haw nghal thei a mi?"



"I haw thei tih ka sawi lo, saw lai couch ah sawn țhu la file kha va chhiar chhuak rawh." ti vut pahin a kut chu a lek chhuak vut a. Ka hnung a inleng a kawmna couch chu a kawk fuk fuk bawk! Kei erawh ka tum nghal hmak thung. "Kal tawh rawh!" a ti char char a. Ka kal dawn velah a room ah min khung beh a tum leh lawi a!


"Staff room ah kal in ka chhiar thei em?"

"Nope." a ti puat. Chair ah a țhu thla dawt a. Thatho lo zet in couch lam chu ka pan ta hna hna bawk.

File keu pah a ka hawi chhuah apiang in a hma a laptop chu bih vut in a nui suk zel a. Keimah min nuih nge computer ami chu a nuih zawk pawh ka hrethiam lo! Hotel chei țhat hna hi thlathar ațang kalpui tur anih vangin chu hna chu keima kaihhruaina hnuai ah a awm dawn a. Interiordesigner pawh keimah ka rawih kual vel an ngai dawn tihna ani a. Ka ko a rih hmel khawp mai!


*bawihtei chu ka lam a, kan in ah ka hruai tlang nghal dawn.* Carlos-a message chu en in Hades-a chu ka melh pah zeuh a.


*umm.* tiin ka reply tawp.


Tukverh ațang chuan pawn lam chu ka thlir vang vang a. Hotel kawt zawl leh hotel bul vel chu a lang chiang viau.


"Doris-i hruai a ngai dawn em," ka hawi let vat a. Chair nghenchhan ngheng a țhu awn duaiin min lo en ngur tawh.


"Aaa, api leh pu in an hmu chak a, an lam a." a lo bu nghut.


"File kha ka han en leh tawh a nge " ti sep in ka coffee no ruak chu ka la kang a. Mahse, Hades-a chu a chair hmang a rawn tawlh phei thut in ka kawngah a rawn man hmiah, amal chungah min pawt țhu dawt a. Ka tal hman hma hauh in ka darah a man nghal hmiah bawk!



Ka en dawrh a, engmah thleng lo ang maiin a khi suk bawk!

"Hades?"



"Sawi rawh Thelma." a ti hrawk! A che leh thut a, ka kang lawp chu a mal chung atang min nam thlawk dawrh emaw ka ti hman, mahse dawhkan ah min nawr bet nawk tih ka hriatthiam rual deuh thaw in a rawn kunhniam a. Ka kawng a chin hnuai lam chu chhuat lam ah awm mahse a taksa rit nulh a min rawn bawh titih a vang in ka chet theilo! A darah ka lo nam chawrh a! Nimin tlai pawn a ruih laiin hetiang hian a awm tawh!




"Hades!" Ka ti hlar! Ka lu bulah a rawn in nam khal run a. Ka hmai chung chet ah a rawn nui leh suk bawk.


"Sawi rawh Thelma."


"Awm sawn rawh." ti hlak in ka tal leh nghek! Ka awm dan remlo a lei ah ka hah em em ringawt!


"Engtia rei nge ka nghah dawn che." ti sup a chunglam ațang min en run chung ka hmai zartu sam a rawn hui sawn rual chuan ka țang țeuh mai!



"Kum 1.. kum 2" ka beng hnuai rawn nul zauh pah chuan a tawp dat a. "Nge kum 5 zawk?" a kut che kual chu tawp chawt in ka mitah tak a rawn melh nghal run bawk.



"Hades, min nghak duh suh." ka ti sap! Hmaichhan ah hetiang thil hi sawi ka duh ngailo! Hades-a mitmeng dum thim ruih chu ka en lui ngar.



"Englo, mipa.. mipa lakah rilru ka pe thei tawh lo.. i mean, Bawihtei chiah ngaihtuah ka duh."




"Kum 10 chhung hun min pe rawh i tihna ah ka ngai ang." ti nghut in a nui lui suk bawk! Ka chhan let hma chuan kawngka chu a rawn inkik a! Rang lutuk in ka tal nghal phat bawk! Hades-a'n a chhan let hma leh a inlak hran hma in kawngka chu a rawn in nam hawng ta mai!




Nimin lam a a vinhrep tawh Cindy chu inthlahrun hmel zet in a rawn dak a. Keini pahnih min rawn hmuh rual chuan meng phawk kawk chungin rang lutuk in a tawlh chhuak leh a! Hades-a chu phun hluk in a inla hrang ta hram. Min pawt tho a. Kan awm dan kha tu tan pawh ngaihdan ngil tak pu chung a thlir liam chu kan harsa ngawt ang!




"Eng thil tehhrep nge i duh a?" ti hrawk pahin kawngkhar lam chu ka melh ngur. Ka darah a rawn man a. A aw khauh fur ang lo takin min khawihna chu a dam ruih. A chair ah min nawr țhut rual in Cindy bawk chuan kawngka chu a rawn hawng leh a.


"Nangnu leh bawk maw?" a ti hmuk!



"Aaa, Mr Hades, intercom a chian loh vang in kan rawn be thei lo che a. Duabai lam nen a video call metting kha țan a hun tawh a." a ti a. Hades-a chuan țawngka a chhang lo in lu a buk khum nghut.



Cindy kal chhuak leh tur chu en liam ta mai lo chuan a ti ding leh rih a. Cindy rawn inher let chuan a hlauh hmel tak zet bawk! Tleirawl kum 19 chho bawr vel tur ani ang!





"Tun hnu ah chuan room chhung aţang ka lo chhawn che anih loh chuan kawngka rawn hawng ngawt tawh suh ang che." Cindy pawh en lem lo in a sana bun lai chu a siam țha mual mual.


"Aw le, Sir, tun a thil thleng a vang khan ka tihpalh bawk." a ti sep a.


"I kal thei." a ti chhum hmuk.


Cindy chhuah hnu chuan chair hnung a a coat ban chu rawn ban vut pah in a chair lianpui a ka țhu kak chu min en vung vung a.


"Saturday hian papuia fanu te an innei dawn a. Ngopa in la chho hman dawn lo. Ka rual in Doris nen kal ru aw." a ti sup. Coat chu a inthawlh a.







"Tinge Cindy kha i vin vak vak zel a." Mit ko a kan uk ringawt!


"Hades." Laptop a ban tur chu ka dang vat a. Thaw hawk pahin a ban a sana chu a bih vut bawk.



"Hotel a thawk zing ah chuan a naupang ber hial ang. Chhan țha tak vang nilo in i vin chiam zel a...."



"Sermon chu nakin a tan khek zawk la... Doris-i nu" ti sup in a rawn kun hniam thut a, ner nawng chung a ka melh nghek chu a nuihpui hawk mai.



"Hetia chhan țha sawi tur awm lo a kan vin nghek te zun ah hian kan uai let duh chawk ania." Ka tih khum vak! Kawngka lam pan a apen pawk pawk chu a tawp chut bawk! Rawn inher vut in a hawi buai deuh nak a!


"Cindy kha vin vak tawh suh, a zun ah i la uai viau mai thei ani ka ti anih chu!"



"Are you kidding?" Atthlak tih hmel zet in ban a phar hluai. Keipawh chuan ban ka phar nghek a.



"Free advice anih chu Mr Hades!"



"Tu zun ah nge ka uai tih chu i hriat chian kha, Doris-i nu." ti sup in mit min siai suk a. A inher let hma chuan a nui suk bawk!







"Hepa hi engtia tih tur nge pawh ka hre tawh lo."


Carlos Zohmingliana's pov⚔







Ka mi zawh apiang te thusawi chu mak ka ti ru khawp mai!









Bawihi'n nau a ti tla ti a rawn sawi tu doctor kha a clinic awmna lai Bawihi ka zawt a. Min hrilh ang in chu clinic ah chuan lut in kha doctor awm ang tur kha ka zawng a. Mahse, tumah in an lo hre hauh lo.





He clinic luah tu doctor lah chuan kum 10 dawn he clinic hi a luah thawh thu leh ka mi zawn doctor awm ang chu a la hmuh ngai loh thu a sawi mauh a. Chutia a clinic luah lai luah ve tu dang doctor ka zawng ngawt pawh chu mak a tih hmel viau.





Clinic kiang dawr hnai leh kum eng emaw zat sumdawnna kalpui a he lai veng hnai a awm tawh te kan han zawh kual ngial pawn doctor leh nurse ka zawn te chu tuman an lo hre hauh lo!





"Kum 10 chhung chu i luah tawh a maw?" Ka hma a hmeichhe doctor kum 50 ral kai tawh pa hmaitlang fai vang chu ka en ngur bawk.


"Luah tawh e. Pathian zarah a hmun hi a rem a, building lian deuh zawk luah tur pawh hmu țhin mahila ka chhuah san phal hleinem."






"Kum 10 chhung chuan chawl miah lo in i run char char em?"



Aw tih nan a bu nghat a. Clinic ah doctor țhu ve țhin an awm em tih ka zawh chuan amah ngar ngar anih thu bawk in min chhang. A kiang hnai dawr neitu te pawn doctor Thiamkima chiah hi a țhut țhin thu an sawi vek bawk!


"Kum 4 liam ta khan rokhawlhna vangin clinic hi khar rih a, chawlh lailawk te i nei em?" ka ti leh nghut. Ngaihtuah let nei tih hriat zet in a ngawi vang vang a. Chutah a hma a lehkhabu chhah zet chu ban in a keu let dan dan a.




"Ni dawn tak e! Kum 4 liam ta Christmas leh kumthar inkarah khan ka fapa phai a awm kal thlak ngai a nat tak a vang in clinic khar meuh in thlakhat zet zawt chu Chenai lam ah kan zuk awm tak a sin. Mahse. Ka awm loh chhung hian tumah țhut tir ka nei hauh lo! Clinic pawh hi kan kalh țha vek nghe nghe."


Ngaihtuahna buai ru zet in clinic aţang chuan ka kal chhuak a! Bolero ah ka luh fel hnu ah pawh tlan chhuak mai lo in ka țhu ngawi run. Dr Thiamkima zinbo chhung chuan tu emaw doctor lem ah țangin Bawihi chu an hruai chhuak a nga! Clinic a neitupa zin san chu ama clinic ang a sawiin Bawihi kha an hruai lut a ni thei mai a ngem!


Chutiang chu lo nita pawh nise.. Engtin nge mihran daih leh nghal in ka nupui naupai chu hruai chhuak a!
Show post links
Top
Abbra Reo Ririni
Post September 29th, 2019, 1:04 am

Tih tlak sak an tum ngawt mai le? Bawihi message dawn te nen khan a inzawm fai vek bawk a! Khami tlai khan Suzi kha a rui chhe tawh in khang message zawng zawng kha a type thei hauh lo ang tih ka hria. Keilah an damdawi min chiu na vangin nikhaw hrelo in ka awm reng bawk!



Suzi Diary a thuziak te. Bawihi message thawn tu leh ka tirh ang a doctor che chhuak chin hriat tur awm ta hauh lo te! An zavai phen ah hian mihring pakhat a biru a nga! Ani chuan remruatna fel tak hmang in an chanvo tur țheuh a duang sa vek tihna ani mai angem!



Suzi diary ațang a lan dan chuan tu emaw in a vau vang a kan nupa inkar a rawn inrawlh ani! A vau tu ber lah tunge anih tih a ziah lan miau loh a vang in Suzi telna thlalak ah ka hmelhriat awm chhun Zualtei a lan miau avang in Zualtei ka thlur bing ta chawt a! Mahse, ngaihtuah chian chuan khatih hun lai khan Zualtei leh Aryan an la nghet țha viau. Inneih hial an tum hun lai ani a. Thlalak a lang zing ah ka hmelhriat anih vang a thlur bing a ka chhaih chiai kual vang ngawt in message leh doctor chungchang bik ah hian ka kailut nghal ngawt dawn em!





Thaw chhuak huaiin steering chu ka hum ren rawn a! Suzi zawng tur a ka chhuak kha Bawihi chiah in a hria! Khatih hun lai khan Matei champhai ah a awm daih vangin Zualtei a rawn lang ngai hauh lo bawk!



Aaa.. engpawh chu nise plan ngai in ka kal zel tho ang!



Ka pa țhianpa Rinzuala fanu te inneihna ah kan chhungkua a lan ve tur ka pa'n a tih mauh avangin hna kal lohni te ani bawk a tiin phur hran lo zet in muangmar chuan ka han insiam ve mual mual a! Matei pawn Bank maneget kha a awmna khua a hriat tawh thu sawiin a contac theihna number a neih chhun ațang a biak tlang theih miau loh a vangin thawhțan ni hian a țhutna khaw lam ah kal chilh a duh thu nizan khan a sawi tawh bawk.




*min rawn lam phei la.* Zualtei message chu rum nghut in ka chhiar.


*ka nu leh pa te nen kan ni dawn. A hmun ah kan inhmu dawn nia.*



Coat chu inthawlh vut in ka sam chu uluk zet in ka khuih pial a. Ka bek nawr kawlh lai chu tharlam deuh in ka hmel lan dan tirum viau mahse ka pawisa lo viau.



Kan chhungkua in inneihna tur Biakin chu kan pan a. Zing aţang tawh Bawihi'n ka call na leh text na engmah a chhang deuh tawh der lo. Kei lah doctor pa buaipui in ka vir buai ta sek nen an in ka tlawh hman hauh bawk silo! An chungah thil țha lo thleng a awm em lo vang chu maw!



Biakin ațang hla ang reng tak ah motor ka hung a. Ka pa chu kal chhuak vut in ka nu chhuahna turin kawngkhar a pawt hawng thuai. Ka nui ru suk a. An kum a tam tial tial a, an inhmangaihna a pung tulh tulh emaw tih tur khawp in tleirawl inngaizawng tir ang maiin an in duat tawn em em reng a! Hmuh an nuam in an hun hmalam ah harsatna an hmachhawn nasa bawk a, Pathian pawhin an chungah zahngaihna lantir in an damchhung chawhnu lam chu hlimna chauh an tawngbuak a tan a ruahman sak te pawh ani mahna!





"Nu, pa." Zualtei chu mipui kar ațang a rawn lang hlawl! Ka nu leh pa chu a rawn nuih var var a. Matei erawh a hmel hriat te'n an pawh pen avang in a kal hrang deuh chiah.


"I va thleng hma awm ve." ka nu'n a ti thuai. Zualtei chuan nui pahin a thlen deuh chiah thu a sawi a. Dan khatna a innei tur an nih avang leh a pasal tur hi pro pastor nilai mek anih vangin an inneih hriatpui tur a kal pawh kan țhahnem viau mai!




Biakin chho step tir ațang Zualtei'n ka ban bulah a rawn man nghal chat! Dah thlak sak duh viau mahila a cousin te nen kan kal ho a vangin thil mawi a ni chiah lo! Biak in chhung ah lut an awm nual tawh a. Lut lo lah Biakin tual ah kan la phu mur mur hial leh nghal!



"Kan lut ve nghal dawn mi niang?" Min en ha pahin Zualtei chuan a ti sep. A cousin te chuan an luh hamsak tur thu sawiin min kal san a. Ka nu leh pa pawh an kal hrang daih tawh.


"A pawi vak lo ang." ka ti nghut. Biakin lam pan a kan kal mek lai chuan ka fanu pawm chungin Biakin chhung ațang Hades-a kha a rawn chhuak ta mai! Inthunun hman lo lek in Zualtei'n ka ban bul a vawn chu ka phih thla nawk, ka fanu in a nghawng ah a kuah a. Pafa ang mai a an lang chu ka ngaihdan anilo bur!



Mipui zi nuai nuai chu nawr kiang mawp mawp in ka fanu leh apawm tupa chu ka hnaih chilh buan buan a. Chuta kar ah Bawihi chuan an hnung ah rawn zuiin Biakin batthlar a Hades-a phiangsen ding chu a hnung lam aţang eng emaw a rawn hrilh ru sap a! Mai mai chuan le!




Mipui zi nuai nuai kar aţang chhuak hlawl in an ni pathum hma ah chuan ka va ding nghal hmiah!





"Daddy!" Bawihtei'n min au nghal tûng, min ban nghal tharh a, Anu chu a hawi buai nak a! Hades-a nen erawh kan inmelh sala viau! Ka fanu in min ban ruai tawh a hnu, tih theih dang nei hek lo. A lak ațang ka fanu chu la hrang vut in ka chawi kang deuh nawlh bawk!



"Lalfanu tereuhte.." ti sup in phur sen a a nui hak hak reng chu a chal ah ka fawp a, kawrsendang puk laih ha in a bek sam tawn tawn chu pakhat in an phiar ve ve. A hmel țha kher bawk nen tupawh in an en vang vang hlawm mai!







"Hello Aunty." a ti sap. Chumi rual chuan Zualtei'n ka ban bulah a rawn zen lut a. Ka fanu chu a rawn chhaih ve nghal tung bawk.







Ka hma a mi pahnih te chu an ding ngawi reng! Hades-a hnung a ding Bawihi chuan dimte in Hades-a darah kut a nghat țhem țhem a. Ka insehruh nghal țeuh bawk!










"Thelma, oh, Hades nang pawh maw?" Zualtei chuan a ti hliai a. Hades-a chu tawlh hnung hrut in Bawihi kawngfek rat ah chuan a man zui hmiah! Kahbe kan vuh chungin ka melh nghal khûi bawk.






"In theme aţang chuan ka family lam min rawn telpui tur in nih ka ring." Hades-a chuan a ti sup. Nui deuh suk chung a biakin chhung lam thlek buk pah chuan min rawn en a.






"Țhutna thlang lam hi mo nu chhungte lam chan deuh a nia." f**k! He mihring vuang leh va te inneihna tur ah ka tel dawn tih hre lawk ila chuan ka kal hauh lovang!



"Anih chuan kan lut mai ang, in buai hmel sia." Zualtei zawk in a ti a. Malsawndawngzeli chuan ngawi ngal in Zualtei min kuahna kutding lam a zungbun chu a en zeuh tih ka hmu ru khiau.







"Bawihte, lo kal tawh rawh le." a rawn ti a. Ka fanu erawh in lu a thing nasa bat bat hle!





"Ka daddy bulah ka awm dawn." Ka nghawng ah kuah țai chung in a kut lehlam in ka biang a rawn tawk zeuh a. "I phal em Daddy."





"Thehreng e my Love." ka ti nghut. A nui ta sen sen a. A kutțang te ve tak a ka hnar rawn khaih zeuh in a nui khek leh țhat bawk!






"Lut ang ule." ka ti vut. An bulah chuan ka kiang ah ka fanu a awm dawn tih sawifiah dap ka tum lem lo! An hmu a, kan țawng ri an hre bawk.






Kan kal pelh dawn a Hades-a zawk in Bawihi kawng a hmer nat salh chu ner khum sawk in ka thaw deuh hrawk a! Biakin tual zawl ah em kut ka lek tur anilo! Nilawm ni?







Nge ni a? Pa hma ah buaina a fel hma zawk ti in ka hnek thal nghal tawp zawk dawn?






Zualtei țhutna kil lam ah a țhu a. Bawihtei erawh ka malchung ah țhu in ka biang hmul khawi niap niap pah in a khat tawk in thil min zawt sep sep a. Zualtei chuan a rilru lakpen sak tum viau mahse Doris-i erawh in a nui sen sen bak hnaih zui chiam tumna a nei lo!






"Ngatinge khapa kha i in pawm tir a?" Kuah bet in a beng bulah ka phun sup. Ka kuahna ka thlah thawl rual chuan hmai zang thlal ha in min en ang he haw a!





"Daddy, what is the meaning of khapa?" hriatthiam loh hmel zet in a meng nur nang bawk.






"Khapa.. that.." BUSTER ka ti dawn zet a! Bad words a ti leh reuh dawn si a.


"Uncle." ka ti sup.






"Pa maw?" Ka ner ru suk mai! A dik miau! Kha mihring kha pa tiin a ko, matei'n pre school bul ah kal tur a min hrilh tlat țum khan Ka fanu hi gate thir phen ațang ka hmu tawh! Tichuan Hades-a hian a school bang kha rawn lam in ka fanu hian Pa tiin a au bawk!





"I pa anilo." ka ti deuh hmuk.

"Pa a lawm."

"Anilo."


"Aaah Daddy chu."





"Ani kha ipa anilo.. ok?" ti nghut in a biang ah ka khup vut. A pa angin a ngai tak tak nge chutia ka sawi lai te chuan 'ani reng' ti ang hrim in min en lui tlat bawk.





"I pa chu keimah.. ani kha chu... aaa, ani kha chu somebody tawp anih kha."





"Pa a lawm.." zawite hian a rawn ti sep. Ka thaw chhuak hawlh bawk!





"Daddy?" Nuam lo tih hmel zet in min en let kiau reuh a. A pa anilo ka tih hnu ah pawh eng vang a pa la ti ţal nge maw anih le! Hei chu Bawihi nen a chifel chi aniin ka hre ta mah!



"Tell me." ti sup in ka nui lui suk bawk.


"Are you angry?"

"No." ka ti sup. A mitmu lian kiau chu a ti che kual a. Zawn nei ni awm tak a ngawi reng a a hawi kual tak riai ah chuan ka ti lutuk deuh tih ka hrethiam ta kuar!


"My love.. look at Daddy " a biang chu khuap in a chal ah ka fawp vang vang a.


"Ka angry lo... i hrethiam em?" A chal ah bawk fawp leh in a mitah tak ka en vung vung! A hlauh tur leh a awmnawm lohna tur zawng a awm ka duh hauh lo!


"Ka Mamma hi khawnge le.." ti vang vang pah chuan a hawi kual ruai a. "Daddy Mamma i hmu em?"



"Nope, nakin ah an lo lut ve mai ang." Ka ti sup. Ka mit ah bawk chiang zet amin en nawn leh in ka thinrim leh rim lo hriat tum niawm tak chuan a khap fak fak a. Ka ngaihtuahna a hrethei te pawh ani mahna a tawp ah chuan a kutțang a ka hnar rawn khawih leh zeuh in a nui leh chei chei thei ta!




Ka pa in huntawp lam ah pawh awm tur a tih tlat avang in kan chhungkua pawn mo hruaina lam thleng in ka telpui ve zel a. Ka fanu pawh ka kiang ah awm in a changin ka nu leh pa kiang ah a tlan ve that that a. Bawihi erawh Biakin ațang kan chhuah hnu ah reilote ka hmu! Ka nu leh pa nen erawh rei ngial indinchilh in an ding ho reng a. Min hre ngailo ang hmak in mizing ah chuan zu han awm thei a mawle!



Pa Rinzuala'n ka nu leh pa a chelh mauh a. Matei drop pah in Zualtei pawh ka phur tel bawk! Kei erawh ka nu leh pa te lam turin ka tlan let leh dawn! Vawiin chu driver ah ka țang zak zak mai anih hi maw! Dam man a awm reng reng e!




"Zualte, Bank manager Vicky kha i nute unuau zing a te ber fapa a lo ni reng elaw?" kan ngawih țhap lai a Matei thil rawn sawi a vang chuan ka haw deuh dawrh mai! Paseenger side a țhu reng chung chuan hnung lam a Zualtei țhu chu a han en ha bawk!



"Aaa, tu Vicky maw?"


"I nute Ziki fapa u ber Vicky kha mawle?" Ti leh in anui hak bawk

"Oh, Vicky maw? Ni e, ngati teh thut nge?" ZUALTEI chuan a ti a. Bolero chhung a thim deuh mup a vangin a hmel erawh ka hmu chiang thei lo.



"Ka zawt mai mai che. Thelma'n cheng nuai ruk bank ațang a la chhuak ang a kan in ah ngei rawn sawi tupa kha ania. Khatih hun lai khan i coausin ani tih i sawi miah silo a." Matei chuan nui tel deuh hak chungin a ti a! Zualtei chuan eng emaw rawn sawi a tum aniang.



"A thim e mai, u light hi ti eng teh." Tih leh chung lam ban a rual zat! Motor chhung a eng deuh ruih rual chuan glass aţang Zualtei hmai var deuh puap ka hmu chawp chilh der bawk!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)