●UTOPIA:1996● S2 By Abbra Reo Ririni Khiangte(PitarteiSualfingi)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

●UTOPIA:1996● S2 By Abbra Reo Ririni Khiangte(PitarteiSualfingi)

Unread post by Ngaia » July 10th, 2019, 10:49 pm

If you want to be ORIGINAL,
be ready to be COPIED😝


UTOPIA: 1996🔥 Season 2
Abbra Reo Ririni Khiangte (Pitartei=Sualfingi) 😈 Lalrinmawii Pitartei


A CHUNG A BOX 1️⃣2️⃣3️⃣4️⃣5️⃣↔️ KHA PAGE NEXT NA AUH 🦄🌸



HELLO! 🌟 UTOPIA:1996 S2KA LO LAWM A CHE U. KA STORY ZIAH I CHHIAR VAWIKHATNA TUR A NIH CHUAN.. Pitarteii ka ni e. 🐰
CHHIAR ȚHANG I NIH PHEI CHUAN KA LO LAWM LEH ZUAL A CHE!🐍


#TUALTHAHNA 🗡️ 🤯🧤 #LOVE_STORY🥰

#SECRET_SERVICE💉🛠️⛏️💣🗡️ #POLICE_OFFICER

#S3X ❌🔞 #UIRENA🤵💔👰 .....te a chhungthu ah hian anih deuh nawk dawn vangin HETIANG LAM ngaina lo tu tan chuan chhiar loh tawp pawh a fin thlak zawk.



He thawnthu hi ka kutchhuak, suangtuahna leh tha leh zung seng a ka ziah chhuah anih ang ngeiin link tello chuan copy chhawn ka rem tilo!



MATUR3 CONT3NT 🔞 a awm dawn vangin chutiang lam ngaina lo tu tan pawh chhiar a fuh chiah lo ang! I chhiar lui ta țal anih leh sawisel bawk lo la! A chhan chu warning ka pe lawk tawh tlat che.



Ok, Ka story ziah tawh te min ngaihhlut sak a, min chhiar sak țhintu te leh, ka story chhiar ve tho. Mahse, chhiar ang a lang hreh em em te 🤫😂 Inzavaiin UTOPIA:1996. S2 ah hian ka lo lawm che u a. Inchhiar chhung zawng a suangtuahna ram nuam tak ah cheng turin duhsakna ka hlan a che u. 🌟🌸



WARNING ❌🔞











Hmunawl zau lai ah chuan Bolero chu ka din tir dawt a. Motor hmalam a ka phone theh kai tawp pawh a rawn ri ve chiah bawk. Engine ka tihhlum rual deuh thawin phone chu ka ban nghal a, screen-a ka nau Emma hming ka hmuh rual chuan ka rum nghal nghut a. Phone ka chhan rual chuan, "Ka thleng chiah, chuan engvangin maw helai ah hian min kô a." ka ti thawr, seat nghenchhan ngheng dawt pah chuan ka chhehvel chu ka han en kual thuak a, kindergarten bul tih tak ah naupang chiar nak nak thawm a ring nangiang mai.



"A mak thei, dawhtheihna tlachham viau zel suh, ka lo call leh hma che chu tah khan lo awm reng ang che." a rawn ti a, țullo ti zet in ka ner suk bawk.



"Mate ka buai..."



"Minute 10 chhung khalai a i țhut vang khan Zoram hi a buai dawn miah lo" a rawn ti leh khauh mai a, chhan let ngaihna hrelo zet in steering chu ka kut pakhatin ka hum ta chawt a

"Deal" ka ti let ve nghal zat bawk.



"Good, ka lo call leh vat ang che." a ti a, Phone a tihtawp hma chuan a nui ri ka hre hman hram a, a ti hlum zui nghal zat bawk.



"Eng tak chu hria ni maw" ti bul bul chungin phone chu motor hmalam ah ka theh kai leh a. Chuta ka hawi chhuah leh ruala ka thil va hmuh vang chuan ka thawk lak a tawi nghal mup thei mai.



Ka kâ ațang boruak lum a rawn chhuak hawm hawm a, motor kawngkhar hawnna pawh chu engtik laiin nge ka dap fuh hman ka hre hlek lo, ka hriat leh hmasak ber erawh motor ka khar phui dawp thawm leh Kindergarden lam pan a ka pe zui pawk pawk chu a ni mai.



Thir gate sang ang reng tak chu ka hum chawt a. Chhunglam ațang a lo inkalh ve tûm hrang leh ta nghal a. Gate thir chu ka chhir zui pawp a! Ka thawk lak dan rawn nâ ta lutuk leh ka thisen rawn lum bulh bulh mai chuan ka lungphu a ti che dawt dawt bawk.




"A nilo ang" ka ti sehchilh ran a. Thawk zîng fe in hmai ka tuai zui puat bawk.



Bing zet in gate chhung lam chu ka en ngur reng a, minute hnih pawh tling lo ah hmeichhe naupang sam kir bîat mai chu ka hmu leh thei ta! A bul a hmeichhe kal kut chu a chelh a, chu hmeichhia chu bia in a vanvadak ve ha reuh bawk, a hmui che ve niap niap ka hmuh chian rual chuan nghet zet in gate thir chu ka hum zui ta ngawt ngawt a. A nui ri ve hak hak thawm ka hre phah a, a kê chum ve biang mai step ah a per ve terh terh mai te chuan ka thisen luan dan a pump rang zawih zawih thei mai. Ka bîng mup mup a ni ta ber e!




"Khai aw! Pu Zohming enge i duh ve tak mial a?" Min be tu aw ri vang chuan ka ner ru suk a. Ka lo hum ngawt ngawt gate chhung lamah chuan nu valai tak mai a lo ding reng chu niin!



"Pi Rosey nang maw?" ka ti a. Ka hun tawn mek in a zir lo kher bawk nen ka aw ri chu a chang hret. Pi Rosey-i chuan min lo nuih sang a, rang fe in ka thil hum lai chu ka thlah hlawk bawk.



Vengvat chhuah a "I lo lut duh em ni?" tia min zawh chuan ka chhang let rang khawp mai, "Pawi i tih loh chuan" ti supin ka kiai sak a, "Ta vel che chuan aw... Ngahnge maw pawi ka'n han tih ngawt ang le" tia nui kar kar chungin gate chu a lo hawng a, ka pen lut nghal tur erawh ka tim deuh thut a. Mahse, insangmar in gate chhung lamah chuan ka lut ta.


"Ka pasal in min hrilh lose chuan engmah ka hre miah lo vang." Pi Rosey-i chuan a ti lang lang a, ka nui lui suk bawk.



"Hmalam pan thei tu nih hi a țha ngai a nia" a tih leh chuan chiang takin ka melh a, nel awm taka min nuih ver ver danah rilru kawi pu a sawi a nih ka ring lo.


A tawp ah chuan, "Nie" ka ti let ve sup a.


Ka nupuiin min chhuah san ațang kum 4 dawn a liam ve ta. Kha hmeichhia khan engvang tehhrep a min chhuah san nge anih tih lah ka hre hauh lo! Fa beisei a kan hlim dun lai berin min kalbo san a, kalbo satliah pawh nilo in ka fa ngei chu tihtlak a tum tih ang reng vel te'n thu alo hnutchhiah hial anih kha.



Hmeichhe tenawm zet leh mahni ril a rah ngei pawh titla duh hial khawp a nunrawng vang khan kum eng emaw ti chhung ka nunphung a mumal lo va. Haw ngawih ngawih tur ka nih laiin ' khawi ah emaw ka zawng hmu mai lo'ng maw!' tiin min chhuahsan tu hmeichhia kha ka zawng ru fo zel.



Lemchan a hnehsawh em a, ka thluak a su hneh in ka atchilh em em reng a, mahse tun ah chuan kha 'brainwash' dinhmun ațang khan ka hrang hlawk tawh. Thla leh mai ah hian nupui ka nei leh dawn bawk.




Officer Hmingsangzuala fapa Carlos Zohmingliana story ve tawh thung aw. 🤷‍♀️





Sawichiam tur ka hre rih lo! Euphoria tellova awm hreawm zia erawh ka hrechiang tulh tulh thung! Zantin hian in chhiartur type ka ngai tlat hian ka hre tlat țhin a maw! 🌺 Ka awm thatchhiat tak tak hma in hmathar ka rawn inchhawp hnawk ve ta rup mai!







Chapter 1

[b]Mature content a awm zauh zauh dawn avangin rilrufim takin ngaihtuahla, i kumin a la tlin lo anih chuan chhiar lo law law rawh.



💫 🌸. Euphoria ka thluak chhung a mite tak té tê ka khung khawm te nen a kan inkawm ho na ziak a ka rawn dah min lo chhiar sak avang in ka lawm e.🌸💫[/b]










Lengpui Airport Arrival hall ațang chuan mihring rawn innawr chhuak an awm nak nak reng a. Mihring țhahnem tham fê an rawn chhuah hnu ah pawh ka nau hmel chu hmuh tur a awm ve ta hauh lo a. Ngaihțha zan lovin ka sana leh Arrival hall lo luhna chu ka melh tawn sek ta mai.


'A chungah eng emaw thil thleng a awm a ni mai law'ng maw?' ka ngaihtuahna vang chuan thaw hawk pahin ka bana sana chu ka bih leh phawt a, a chungah engthil mah a thleng tur anilo. Arrival hall lam pan tum chuan ka che chhuak nghal az chumi rual deuh thâw chuan ka hnung lam ațang min rawn kuah ta thut a. Vanvadak meuh in ka nui rum ta hawk bawk.


Nghal ve reuh lutuk!


"Hummmm, lo phu der ve tal ta che" lungawi lo zet a Emma phun niah niah chu ka zak hnuai ah kuah lut in a sam ah ka tuai sak zauh a, lungawilo zet in a kut pahnih in a sam chu a tuai mam ve leh sawk sawk a



A chung ah engemaw thleng ngatse chu ka thawm a zawi lo viau ang.



"Min thlah vat teh." A thusawi ngaipawimawh lo zet chuan ka kun hniam a, ka hmuiin a chhip ah ka nawr sak vang vang a, midang hmuh ah chuan nula puitling ni tawh mahse ka tan chuan 'ka naute, ka duat em em' kha a la ni reng.



"I rawn chhuah lai ka hmu lo tak tak." ka ti sup, a thaw halh a, a chhip ah bawk chuan ka fawp nawn leh a, a intipuitling ve tawh lutuk a, public hmun a naute chei zawng a duh tawh bik âwzawng lo mai! Ka zakzehna ata tal chhuak in ka hma ah tak a rawn ding a, a sam dum hlap leh sei hniang mai chu min en lovin a tuai mam zung zung a, a hmui ti pawrh tar tar reng erawh ka hmu ru khiau. Ka nu leh pa țhatna lai ve ve a la bawk a, ka nau mah nise a chanchin sawi nuam ka ti viau zel, a sam sei hnap mai hian hmeichhia a nihna a nem nghet zual a, ka nu ang chiah in a mit meng a lian kiau a, a hnar ngul erawh ka pa leh kei nen a danglam hlek lo. Ka chhan hlum lo chauh tih ka sawi tel hram ang, 'tu mihring mahin a mittui an tih tlak sak tur anilo' tih hi ka thupui a ni tawp bawk.


Ka nau tina tu apiang chu pawh darh vek ka hreh teuh lo. Kei aiin kum 6 in a nau zawk a, ka lakah pawh pangchang tak a ni tawp mai, mahse chu chu ka duhdan anih miau avangin a pangchan a, naute ang maiâ a thil duh zawng ka kiang ah a sawi te hian nuam ka tiin a thil duh eng pawh pek ka duh mai zel. Venhim ka duh luât ah ka lo khuahkhirh leh lutuk țhin a, chu erawh insiam rem harsa ka la ti fân bawk. A rawn tleirawl chhuak ve a, ngaihzawng neih te a rawn hre ve țan a, kehthei dawm a ka dawm anih vangin a mipa kawm tur pawh duhpui uluk tak ka ni.




A bul hnai ah mipa an awm anih chuan chu mipa chanchin mai nilo an chhungkaw chanchin thleng in ka chhui chhuak fai khêl țhin, chumi hnu ah ka nau hnaih a awm tur khawp a mihring rintlak ani em? tih chu kil tin ațangin ka teh kual leh dap a Ka mihring rin zawng nilo chu ka nau hriat lohin ka khalhfal a, vau an țul pawn ka vau mai. 'Mipa nikhua lo tak leh leilo zet in ka nau hi an vir buai mai mai a thiang lo' tih hi ka ngaihdan lian tak a ni bawk.




"Ka sam i ti chhe vek." thip fahran hian min chho melh ram ram a, a landan duhawm lutuk a vang chuan ka nui hawk hawk thung.



"Min nuih bawk suh."ti hmak pah hian kut a kuangkuah fel than a, a hawi sawn daih bawk.



" tun țum i rawn haw chu i intinula mah mah dawn in ka hria." tiin a bul a trolly chu ka pan vut a, Matei erawh a ner ru nang nang mai.



"titau tawh suh le." trolly ka nawr lohna lam zawk chuan a hnunglam ațang ka kuah thuk a, kun hniam in a lu ah bawk ka fawp leh a, a rûn tawk a tling leh em em mai ni.



A luggage te chu motor ah ka hlang lut a, Matei erawh ka nu bia in a țawng lang lang reng thung, tunah hian mipa kawp lai a nei em ka hre mai lo, kan awm tlan chhung hian a țhian kawm ho ka hre bel hle tur a ni tawp.



Nisa vul leh khaw lum uap chur hnuai ah bolero chu pawnlam ah ka hung rei deuh bawk a, a chhung luh ka chak fahran lo, Matei erawh a tih țhin dan bawk in a pheikhawk a phelh a, motor hmalam ah ke hlang at in ka nu biaiin a țawng siam siam reng a. Hmeichhe ngaihtuahawm tak ani ngailo, a inringtawk em em reng a, midang lainatna a ngah lutuk erawh țullo ah amah a nat phah chang a awm fo a. Aaaaa, ka nau mah nise rilru țha leh thianghlim a kher hi chuan tluk tu an vang viau ta ve ang.


Ka en reng tih a inhriat rual chuan a mit hmul a rawn ti kang zeuh va, ka țhut luh ve hma chuan Lengpui boruak lum uap chur chu ka hnungchhawn vat dawn tih hrilh tum ang hrim in ka han thaw chhuak leh hawk phawt a!







Phai khawlum ah tal tam é tilo chuan Mizoram khawlum hi ka tuar hleithei der lo! Mithiam te chhut dan ah chuan Aizawl leh a chhelvel ah hian humidity level a sang fur ani awm e! Hei vang tak pawh hi ani ang, phai lam ai daih a degree a hniam chang pawn thawk a zin deuh mup țhin ni!






Kenny Rogers-a hla play reng chung chuan Bolero ka khalh a, a zirna lam sawi a Matei țawng siam siam reng chu ka melh leh zawk zela, kut zaizir nen lam ațawng tawh hi chuan a nuih loh theih țhin loh, vai ho zakkha rim nat zia a sawi leh tak ah chuan kan nui dun ta hawk hawk a. Kan mizia a inpersan em em a, hmeichhe harhvang tak leh nuih duh zet anih laiin kei thung chu min be hmasa tu an awm loh chuan ngawih tawp duh, țul ka tih vak loh phei chuan midang min biakna nazawng ka chhang kher ngailo bawk, ka thinchhe hran lo, ka thinthawk erawh thunun harsa ka ti viau!







"Mizoram a insawn chu an phal ta em?" a ti a, steering control pah reng chung chuan ka melh zawk bawk, a mit meng lian kiau chuan uluk zet in min lo en reng tawh a.





"Mission pakhat min pe a, chu mission chu ka hlen chhuak thei anih chuan.."








"Humm, an va fair lo ve a, tinge insawn i duhte chuan 'mission eke bale' tih ngai lova an sawn ve mai loh che." Ka nui chhuak hûk a, Matei erawh motor hma lama a kê hlan chho dah thla in a țhu rem sauh sauh thung.






"Ka ti tak tak! Insawn i duhte chuan tinge an sawn mia loh che a?"






"Mate, hotu nei ka ni tih i hriat kha." ka ti sup, a ner nang a, chhungkua a awm ho an thlakhleh ang bawk hian keipawn an kiang ah ngei awm ve tawh ka chak tih piah lam ani, Ka pa hnung zuiin kum naupangte ka nih ațang Police line ah luh tumin ka zirna pawh ka her rem ngar ngar a, tun ah chuan ka pa hna lo chelh țhin INDIA POLICE OFFICER ka ni ve tawh! Ka pa bulțanna Mumbai khawpui ah ngei rahbi hmasa ber ka rap ve a, khawvel a ka Super Hero awm chhun ka pa hi ka tluk pha ngai dawn lo tih ka hriatchian tluk zet in a chhuan tlak tur khawp in ka thawk rim hle thung.








"Ka pa thihcham a ral a nga, i let thla leh daih awm sia." Matei aw zawi sep leh tham țîak ri vang chuan nghet lutuk in steering chu ka hum nghal ngawt ngawt a! Ka thawk lak dan rawn rit nghal mup vang chuan ha chang ka țhial rawp rawp bawk.


"U ?"


"Mate khalam chu sawi rih lo ang." ka aw ri chhuak hrawk vang chuan tukverh lam hawiin ka țhen zui sûk, Matei pawh a ngawi ve ta mai bawk!




Ka tha țang țawlh țawlh reng chu tih ziaawm tumin ka kâ ațang ka thaw chhuak ham ham a, hma lam bih ngur chung chuan tuipui fawn hlup hlup ang mai a ka thluak rawn luhchilh hlûp hlûp tu 'hriatrengna țihbaiawm zet leh mangang thlak zet' mai hnawhkian tum chuan thawk ka chelh vang vang a! Mahse vanthengreng zau taka Arsi kehthem tla in bitum sa ang hrîma khawvel a rawn pan ding ngar ngar ang chiah a ka thluak rawn luhchilh tûm an ni bawk a! Khawchhung ipik chur reng chung chuan khawvel a ka awm chhung a hun mangan thlak ber ah bawk khan ka kir leh ta nge nge a!







Nghet tak a ka nau kuah bet chung in ka pa chu a lo mu zangthal reng a! Tun hnu a ka ngaihtuah let chang apiang in nghet tak ka nau a pawmbeh chhan khan a venhim tum vang ani tih ka hrethiam telh telh a, ka nau tluk natpui lo tur ber in ka pa khawngaihthlak zet kha a lo insiam rem ve fê tih ka len hnu hian ka hrethiam ve chiah! Ka nau țap ri tûng karah ka pa tukhum ațang thisen lo chhuak kha ka hmu ve a, ka nu in ka pa kut ah a chelh sak bawk!





An pahnih UTOPIA ațang pen san biklo tur in a ngen ngawih ngawih bawk! Ka pa mit a thlaphanna rawn lang chhuak kha khatih hun lai khan ka hrethiam hauh lo, gym kal chhuahna darthlang kawngkhar kha nghet takin ka hum ve ngawt ngawt tih erawh ka hrechiang viau! Ka pa mitin kei leh ka nau a rawn zawng leh țawk țawk țhin a, a tukhum ațang thisen rawn chhuak kha a rawn tam tial tial a, a tawp ah phei chuan gym 'mat' phah kha a luan huh ta zûi a!







Pa Zothana leh ka hriat ngailo mihring an rawn tlan lut țûk țûk a, ka pa an zawn chhuah lai pawh chuan ka nu leh Emma an ţap reng a, kei erawh ka pa kha khawnge an hruai dawn tih hriat tumin Pa Zothana te chu ka umzui ve a, Ambulance ah an dah lut daih a, khami ni ațang khan ka pa chuan mit a chhing ta tlat a, vawi khatmah a mit meng lai ka hmu leh tawh ngailo! Vawi tam ka nu in ațha leh dawn tih a sawifo va, mipa naupang kum 6 mi kha chuan ka nu in ațha leh dawn tih a sawi tak ah chuan a țha leh tur ah ka ngai tak tak! Damdawiin khum ah che miah lovin mu reng țhin mahse ka nu in ațha leh dawn tih a sawi miau a vang in ka lawm ve em em țhin anih kha!







Zanlai ah tu tê emaw kan inah an rawn kal a, ka room ah awm tawh mahila ka nu leh chumi te inbe ri chu ka hre ve thei vek, an ni chuan ka pa tan doctor thiam tak an hmuh thu leh ka pa chu service kut ah hlan a, service lam engkim an buaipui tir chuan service te nen a inthlun zawm ram dang ațang doctor thiam zawk te tan pawh rawn buaipui a awlsam zawk thu an sawi a! Zanlai ah ka nu leh chung mi te chu an inhnial hrep bawk. Mahse zing ah ka pute leh ka ni te nen ka nu chu an inbia a, khami tuk khan tumah an nui miah lo, an vai mai khan an hlim lo em em vek, an inbiakna ka hria ang tih hlau in zawite te in an țawng bawk! A tawp ah Pa Puia'n 'ka pa chu a enkawl dam thei tu doctor panpui turin an hruai tur thu min hrilh a, hmelhriat loh hlirin ka pa kha an kalbo pui ta daih a! A khat tawkin ka pa an enkawl lai video tawi an rawn thawn reng țhin, a țhat vat tur thu an rawn sawi țhin bawk!








Zankhat chu ţap ri vang in ka mutui lai ka harh leh hlawl a, ka pindan chhung thim ruih ațang ka pen chhuah rual chuan ka nu leh ka ni țap lai ka hmu hmasa ber, aih! Ka chhungte zawng zawng kha an ţap vek! Pa Puia pawh tukverh bulh ah ding in a hmai a hup tlawk tlawk, pa Zothana, ka pu te pawh an vaiin an mit ațang mittui a chhuak vek! A hnu lawk ah ka pa chu a thi tih min hrilh a! Thihna awmzia ka hriatthiam dan ber chu lei an lai khuar a nga! Tahchuan ka pa an phum dawn! Chu chu thihna ka hriatthiam ve dan kha a la ni mai!







Hnunglam ațang motor horn rawn ri țhawt chuan hunkal tawh thawk ipik thlak zet ațang chuan min pawt harh zâwk a! Rum chhuak hawk pah chuan ka side zui ve mai bawk!






Ka kum a upa tial tial a, ka pa rawn hruai tute kha secret service an ni tih ka hre ta bawk! Ka pa kha hmanraw țha zawk nen sawrkar hnuai ah enkawl dam leh an intiam vang la hrang an ni a, secret service lam khan țha takin thlahnih pum hlum chu an enkawl ngei a! Mahse țhat loh lawk pawh awm lo in a thi tih an rawn sawi ta thut a, ka pa ruang la â Pa Puia leh Pa Zothana te zuk kal khan buaina lian tak an zuk tawk zui leh zat, ka pa ruang chu a ram ah ngei pawh an rawn la lut theilo anih chu! Secret service lam chuan an enkawlna hmun ațang ka pa ruang chu lak chhuak an lo remti ngei a, mahse ruang letpuina tur thlawhna leh a thawktu te lam ah harsatna a awm ta tlat! Ka pa ruang chu eng thlawhna mahin an phur duh ta miah lo! Pa Puia leh Pa Zothana thanat zia kha tun hnu ah hian ka hrefiah chiah bawk.










Ka pa ruang chu secret service lam bawk in an buaipui a, duh nise secret service lam khan min puiin ka pa ruang kha kan ram ah ngei vui liam ani thei reng! Mahse 'tih theih kan neilo!' tih kha an lak aţang chhanna kan dawn ani tâwl, engkim an buaipui chuk chuk a, ka nu te nen kan zuk thlen thlak ve hma in ka pa ruang pawh an lo phum fel vek tawh!






Pa Zothana leh Pa Puia ( Ţpa) te nen pawh kut hial thawh in an lo innawr hrep rêng a, mahse râlthuam kawltu zawk an ni a, ka pa u leh ka pa țhian țha ngawih ngawih chu khung hrangin ka pa ruang chu an duh dan takin an lo chingfel der! Ka nu zawhna erawh 'Captain tukhum ațang khan thisen a hnam deuh reng a, mitthi dangte aiin a rim a nat hma a vang in ram pasal țha te kan vuai liam ang in ka lo vui liam ta mai ani, ram tan a pasal țha leh mihuaisen khan a taksa chhe hneh tawh lutuk kha inhmuh ve a duh kher lo ang.' tiin tawi fel tak siin an chhang a, pa Zothana leh pa Puia an khung hranna ațang an rawn chhuah zalen a, mahse India sawrkar huatna nen kha tanin ațang khan an rawn chhuak ta thung!








A chhungkua hmangaih em em tu ka pa chu a ruang takngial pawh kan hmuh ve hma in secret service-a inchhal uicho hovin an lo vuai liam der anih chu! An chetdan a vang khan ka hmangaihtu te zawng zawng rilru a dam lova, pa Puia leh Pa Zothana te kâ ațang vawi khatmah khami hunlai a thil thlen danvel kha a ri chhuak ngailo bawk! Ka nu a lainatawm in beiseina mît mai tawh tur tinung thar leh in an ni kha a ring a, mahse a hmangaih em em ruangdai tawh pawh a chul theih loh phah ta si!









Police lam a ka kal hi ka chhungte tumah in an rem ti ta lo reng bawk, mahse ka kal lui ta tho, ka super hero leh ka lei Pathian nibawk ka pa rahbi rah ang rap phak ve tu nih ka duh miau, ka nu in rem a tilo nasa nangiang bawk! Mahse ka hai der a, Police ka ni pawh a lawm tawh loh nak laiin secret service ka zawm tih hrengat se zawng!.. ngaihtuah tam lo zawk teh ang! A hre thiang lo bur! Mahse, secret service hi zawm chhan ka nei miau! Ka tichhe vek lo anih pawh in kan chhungkaw lak ah tal ngaihdam diltu in kei hian ka siam dawn!









Ka pa ruang kha an phum ngei em? Tih zawng zawng pawh hriat fai khêl ka duh! Pa Zothana leh Pa Puia an zuk thlenthlak rual khan reilote tak tak ka pâ ruang chu an hmuh tir a, Mizoram ah ruang rawn phurh let ngei an duh vang in an ni pahnih chu ruang letpui dan ngaihtuah in an vir buai leh ta char char a, mahse khawi airline mai pawh khan inthural ang hrim in ruang an phurh theih loh thu in an lo chhang ta vek a! Theihtawp in airlines hotu lam an nawr ngial pawn 'A theih loh!' tih kha an chhanna dawn ani bur! Ka pa ruang awmna ah an let leh a, thil awmdan ka pa an enkawlna hmun ah an thlen rual khan doctor nge, Ralthuam hmang a chechhuak țhin tih pawh hriat loh ho khan 'a ranglam a phum' a țhat thu an sawi ta thawr ani awm a! An inhnial buai a, ka pa ruang pawh chu pa Puia leh Pa Zothana hmuh leh remti tawh loin an ni pahnih chu an khunghrang ta nghal kha ani a!






Ka nu chu ka pa nupui anihna ang in 'chhanna' chu an pe ngei e! Mahse an chhana pek kha ka kum a tam belh ang zel in ka duhkhawp chhanna anilo tih ka hriat belh zel a! Ka pa kha a thi ngei em? tih ka hriatchian chak lutuk vang in ka thlarau lam thleng in ka sahal huam huam țhin! Ka pa an lakhran ațang a boral tih min rawn rawn hrilh inkar chhung a thil thleng zawng zawng kha hriat kim dâp ka duh a, chungte vang a service hi zawm ve ka ni bawk!






Dan a felfai em em a! Ka chet sual zeuh pawh a thing lo bur! Service ka zawm ve tak mai vangin 'tu doctor ber in nge Captain Hmingsangzuala kha enkawl?' tih tu âmah ka zawt thawr thiang lo! Ka hre duh anih chuan a ruk in chet ka lak char char a ngai! Ka pa an lak hran rual a an dah luhna cabin awm tur erawh hmuh hniah rinhleh mek ka nei a, ka pa an enkawlna hmun diktak ka hrechhuak anih chuan a enkawl tu doctor pawh hriatchhuah a harsa tawh dawn lo va! Chuvang tak a Mizoram lam a insawn dilna pawh nawr lui duh lo ka ni reng bawk.



"Carlos!" min auh dan a vang chuan Matei ka melh khûi a, mên deuh hman chung in motor hmalam a ka phone nghawr dur dur chu a melh zeuh va! Ka ban nghal vut bawk.





Screen ah chuan Muanpuii hming a lo lang va! Ka pickup hma chuan Matei bawk ka melh leh a, a phone a lo bih ve daih tawh.




" Emma chu a rawn thleng tluang em?" a rawn ti nghal lang lang mai.






"Umm, hei inlam panin kan let chiah." ka ti nghut, kan hnung lawk ah car a rawn tlan vang in side ka pe a, ka speed pawh ka hniam zui zat bawk.





" chanchin i rawn sawi leh ta mang silo va."





Muanpuii vek chuan a rawn ti a, a tidik tak e! Lengpui pan a ka tlan chhung zawng khan kan inbia a, chanchin hrilh leh tur in min tih tak kha maw.





"Sorry." Ka ti nghut a, ka thil lo ngaihtuah zawh chiahin a zirlo bawk a, thupha chawi chiam chak lo tawk lek in ka dang a sa huam bawk.





"In in thleng dawn tawh em?" a rawn ti leh a, ka ngaihtuahna kawm ngut ngut chung a tlan ka ni bawk a, Edenthar ah kan lo tlan der tawh.





"Umm, kan thleng har tawh lo ang."





"Ticket ka en a nga, ka rawn chho ve daih dawn maw ka ti deuh va." Muanpui vek chuan a rawn ti a, ka bialnu ani a, Mumbai a ka falt ah a rawn insuan lut ti tih bawk, kum 2 dawn kan inzui ve tawh, ka chhungte pawn kan inkar ah awm a awm tih an hre vek tawh a, ka inlam ah a khawsa tam zawk tih erawh an hre hauh lo! Muanpui leh kei, Muanpui nu te zawng in nupa ang chiah in kan khawsa tih chu kan hria.






" intibuai duh lo zawk rawh." Ka ti leh tawp, a rawn thaw halh a.





"Ka intibuai pawh anilo, inchungkaw tan a pawimawh tih ka hria a lawm, inchhungkaw tan ani pawimawh tak ah chuan i bul a awm ve ka chak a.." hma lam ka melh ngur a. " aaaa... i mood a fuh loh hmel e mai, in inthlen hun ah inbe leh zawk ang." a rawn ti ta hleuh va, hnar a hlit phawi ang huai ani!






"Engtik nge in inneih dawn a?" Matei chu ka en zawk a, ka nui ro hawk bawk.



"Nui ringawt suh, nupui i neih vat loh chuan i senior zo vek dawn nia."





"Emmanuel!" Ka ti hmuk a, nui rah rah pah chuan a kun hniam a, pheikhawk a inthawlh țha ta malh malh a, Muanpui nen hian Mizo Party buatsaihna hmun a intawng kan ni a, a mizia a cool in a chezia reng reng a nu hnap em em vek! Cher tia sawitur ni hauh silovin a ria deuh tho bawk si, a kawngfek dan lah a mawngbawr ti vang tawk tur tak maiin a langchiang em em reng a, an chhungkua pawh vantlang chunglam tak țhiau an ni! A pa pawh kohhran upa hial ani a, a fanu nen kan khawsak dan erawh a hre ve hauh lo thung! A nu thung chuan kan inkar a hriat tluk zet in Girls PG aiin ka inlam ah a fanu a riak tam zawk tih pawh hrechiang ber tu ani a, Mizoram ka thlen chhoh hnu ah pawh kan in ah țum eng emaw zah a rawn lang der tawh!







A bengvar tluk zet in a fanu tan hma a lakna zel ani tih lah mi â let der tan lo chuan hriat loh ngaihna a awm lo! Hmeichhia ka ngaihsak ngai lo tiila a dik ber ang! Ka kawm ve ber party buatsaih ah kal ve a, Muanpuii nen kan inhriat tak ah chuan amah chawt ka kawp ta a! Nupui nei tur ang in vawi khatmah rilru ka la siam chhin ngai hauh lo.







Kawtzawl kan tlan luh rual chuan ka nu leh a ui note inhlei zet mai chu an rawn inpawm chhuak ve a, ri chul chung in Matei pawh a chhuak fel der bawk. Ka nu nen an inkuah chuk chuk a, a bungrua vel motor ațang ka la chhuak a, ka ni leh ka pi leh pu pawh kawtzawl ah chuan an rawn chhuak ve diah diah a, ka pa thihcham a thleng dawn tawh a, ka pa thihcham a piang a kan tih țhin dan bawk in chhungkua a awm khawm turin kan in ah hian ka pi leh pu, ka ni te ho an rawn kal khawm țhin.







Matei bungrua chu ka luhpui a, ka t-shirt hak lai ka pawt hlip nghal tawp bawk, couch nghenchhan ah ka thehkai tawp a, dâng a ro viau nangin inhnung lam ah ka kal chhuak ta vut zawk a!








Phaitual hnim hring dap in a tuam chhuak a, in ațang hla ang reng tak thleng chu kal in phaitual hnim ah chuan ka țhu a, van dum kuk chu ka melh vung vung bawk! Ka naupanlai chuan school ka kal dawn apiang in ka nu in hemi hmun ah hian min kai chhuak a, ka pa in van ațang min lo en tih min hrilh in school ka kal dawn tih ka pa hrilh turin min ti fo va, school ban ah Emma pawm chhuak in inhnung ah bawk hian min infiampui țhin!









Kan unau thisen ah he lai hmun pawimawh zia hi a tuh nghet tawh bawk a, khawi lo kan kal chhuah dawn apiang in inhnung ah hian kan chhuak a, kan haw vel ah tah bawk hian chhuak in midangte in an lawiluh rual a, an pa te nen an titi hun tur tawk a rei vel tal he tah hian ka țhu ngei ngei! Ka pâ ruang kan hlawm loh a vang khan ka rilru zawng zawng in a boral tih ka pawm ve thei ngailo! Mahse he hmun a chhuah a, ka rilru a amah biak mawlh mawlh erawh ka bansan thei der lo!







"Pa, ka lo haw tawh a nia." Ka hnunglam ațang Mate aw ri a rawn chhuah ve tak ah chuan ka maimaitchhing a! Ka awmdan erawh ka siam danglam eih lo! Ka bul ah a rawn țhu ve a, ka kut a rawn tawh dê dê tak ah chuan muang ruih in mit ka meng ruai ruai a.








" ka sam hi ka tan tawi chak si." a bekin ka banbul a rawn nawr sat sat a, ka nui suk mai.






"Tan tawi daih ta che."






"Naaa, ka pa in nalh lo a tih ka hlau a lawm." a rawn ti a, lu ka thing nghut ringawt.






"Tak tak! Thlalak tin ah ka nu sam a sei vek, a awmzia chu ka pa in hmeichhe sam tawi a ngaina lo." Thil intihre thei deuh ang mai hian a țhu ngil a, min melh hâ hâ bawk.










" ka nu nilo in ka pa fanu duatlai a lawm i nih le." Intithei deuh a a nuih tak ver ver ah chuan ka nui chhuak ve ta hawk hawk bawk, ka pa fanu duat ti a koh hian nuam a ti ve em em zel a, thlathum a pum hnu lawk ah ka pa kha nikhaw hrelo in a awm zui a, Matei phei hi chuan ka pa nen an sulhnu kha mitthla let dan takngial pawh a thiam lo vang! Ka pa fanu ani miau a, awmang tak takin ka pain a hmai a, a kê ah a nawr sak hun lai vel kha a sawi ve thei tlat țhin.





● ● ● ● ● ●





"Carlos?" Room pan ding ka tum chu ka ding dawt a, ka nghawng a ka towel ban chu ka pawt thla nghal zat bawk.






Ka hmai leh nghawng thlan huh hluam mai hru mawlh mawlh chung chuan choka lam ah ka lut a, ka nu in min lo nuih var var tawh mai!






"Good morning." Ka ti a, counter ah green tea a rawn chhawp a, pan hnaiin a chal ah ka fawp zui vang vang bawk.






"Nizan i mu thei em?" a dar ah ka tuai deuh hauh hauh va, keimah ngeiin duat tak enkawl ve tawh ka chak tluk zet in service lam in ka pa an buaipui dan ka chhui chhuah chakna a lian hle bawka.







"Ka mu tui phian a." a ti a. Inla hrang hlek in min chho en vang vang bawk.







" Muanpui pawh a bengvar țhin khawp mai, min rawn bia a." a ti leh a, sawi belh chiam tur ka hriat miau loh a vang in green tea chu ka ban vut a, ka nu pawh ka kiang mai ah a la ding ve ran. Kum 17 lek chauh vin ka nu nen hian kan kum a inthlau va, a rualpui dangte ang lo tak in a lang upa hret thung! Ka pa a sun lutuk leh a mu tam loh țhin vang a lang upa ani bawk.






"Inneih lam te hi in la tum lo em ni?




"Nu." Ka ti nghut, green tea chu ka dawt khawlh a. Ka pa thihcham boruak a zo tawh a, keipawh naktip mai hian hna zawm tur in Mumbai pan leh a țul tawh.





" mo ka awt ve tawh a nia." Playful zet in mit a rawn kan ak a, counter ah no nghat thla meuh in ka nui chhuak hawk bawk.






"Nang leh zel chu chimawm lo teh, Emma lah in kha thu hlir kha min sawipui a tum tawh bawk." ka ti hluk, ka thinrim vang erawh anilo. Muanpui nen kan inkawp hi an sawisel chhin ngailo, an lawm huam ngailo bawk, hmeichhia nen a kan inkar chu keimah ngeiin ka chinfel theih an ring ve te pawh ani ang.







" nupui te nei la, Mizoram lam a insawn pawh hotu lu lam in an phal mai thei a sin."






"Sawi tawh lo teh ang." ka ti nghut, Emma a rawn tho ve tih hriat zet in uite nen an inchhaih rak thawm hriat theih ta bawk.



"Ka intleuh zawk loh chuan."





"Umm, thil ei vat ila i Pa Zothana khan i chhuk leh hma i tlawh a phut em kha, kan phei dawn nia." A tih zawm lang lang a, choka a Emma rawn lut ve mek chuan engkhaw sawi set set loin ka hma ah tak a ding dat a, a rawn vanvadak deuh hâ bawk.







"Nizan ah i chats ka check vek a nia." Kun hniam in a chal ah ka fawp zauh va, ameng bial nghal kawk thung.



"I va sual ve."




"What? Ka nau in tunge a biak țhin tih lo hriat ve hi sual vang anilo ve." Ka ding mar vut a.






"I phone ka khawih sak ngai miah loh che kha." a ti leh hram a, a dar ah ben sak pah in choka aţang ka chhuak ta vut a, nizan ah a mut hnu ah a phone ka en kual thuak a, ngaihzawng a nei lo, mahse rawn be tu erawh an awm! A biak let dan pawh a tawk viau, mipa be huam huam chi anilo tih ka hriatchian tluk zet in mipa zuam theih turin a awm ngai dawn lo tih hre tho mahila u ka nihna ang in ka ngaihtuah ru em em reng tho!






____________________________________________________




Security check in ka nei zo a, kan thlawhna thlawh chhuah hun tur nghak in hall ah chuan ka țhu ve run bawk. Hmun dangah Emma a awm hran a țul tawh lo bawk a, tlem chuan ka nu ka ngaihtuah lutuk tur pawh a zia ta deuh, mahse hmeichhe pahnih mai in ah an awm dawn ani a! God! Service ka luhchilh chhan ber chhanna hi min pe hma hram teh!







Ka piah chiah a hmeichhe rual hui leh hak țhin te thawm vang chuan rilru kalbing lutuk tur pawh a peng leh hlek țhin. An thawm rivâ ațang alandan chuan rampawn a hnathawk tur a kal chhuak tur an nih hmel a, thlawhna chuan an huphurh thu an sawi nak nak reng a, ramdang a hna thawk tur in kan mizo tleirawl lam an chhuak nasa em em a, rawlthar lam erawh games atchilh in biak țawng zawh loh khawp a chut an pung tual tual thung a! Rawlthar lam in țan kan lak a țul ta viau in ka hria.







Kolkat ațang Hyderabad ka pan a,Mumbai ah tlang lovin hna khawih nghal tur a awm miau tlat, Hyderabad ka thleng chiah tih ah Police dangte nen zan in la lâ in Rel hmang in Mumbai kan pan leh dawn a, Rel kher kan thlan chhan pawh tun lai hian 'gang' ang reng deuh va ding hoin naupang kum tling lo rukbo in ramtui lei lo ah an siam a, chumi hnu chuan Rel hmang in Mumbai khawpui an rawn pan pui leh ta țhin.








Kawtthler tin ah naupang rantuileilo a an siam tak te chu vahdarh tirin kut an dawh tir țhin a, an kutdawhna sum tling khawm chu an laksak leh ta țhin a, uicho ang maiin naupang an rukbo tak te chu pindan pakhat ah an khungkhawm a, chaw kawpuar an pe ngai bawk silo, an kut dawhna a an sum hmuh ve lah an chhuh leh vek țhin si!







Slam Area a nuapang nun a him lo in tunhnai hian India ram khawpui dang ațang Mumbai ah kutdawh naupang an rawn lut nasa tih thu dawn ani a, chung bawh zui tur a che chhuak tur chu kan ni bawk.









Tlailam dar 7 ah rel station lam panin Taxi kan la a, mipangngai ang thei ber turin kan inthuam bawk, țhenkhat landan phei chu kut dawh an nive emaw tih theih hial tur khawp in an inchei danglam nasa mah mah a, keimahni chu in en in kan innuih leh ang bawk bawk a, Police ka zawm ațang 'Carlos' tih ai mahnin 'Zohming' emaw 'Hmingpui' ti a koh ka duh ta zawk mah a! Mizo ka nih ang bawk in Mizo pa tak in min hrereng se tih hi ka duhdan ani pakhat bawk.









Station kan luh rual chuan mit in a hmuh theih tawp rat thleng chuan mihring phu mur mur in a lo khat mup a. Vawi duai lo Rel ah chuang ve tah mahila Platform an țhenhran dan hi ka hrefuh hlei thei der lo!







"Saubhagy." Ka seat number ka hmuh ve ta hlawl, ka thawhpui pa chuan min nuih vur vur a, pindan hran țheuh va insem darh a țul miau a vang in ka piah chiah pindan ah chuan a lut ve nghal zat a, ka bag lianlo te chu seat hnuai ah chuan ka nawr lut zauh va, Ka hmalam pindan ah Police pahnih civil mi a inthuam an țhu ve ran bawk.







Vai chuhhel tak tak leh ticket nei hauh silo, rel chhuat chep lo lai tal a inhnawh len tum an rawn in zep lut suau suau a, a rak nawk nawk țhin hi chu thuhran! An rim na em em mai leh coconut hair oli rim an nam rum rum khet țhin hi ka hrethiam thei der lo leh nghal!









Rel a tlan chet hma hauh ațang ka țhutna bul ah fûkung ang mai a an rawn inthiat ve tak fûr ah chuan an rim tak țha zet vang chuan ka thaw hlei thei lo lek lek a, ka țhutna ațang ka ding tak vut ah chuan rang fahran in ka seat ah chuan an țhu thla a, an inchuh khang lang lah ta nghal a, ka țhut duh hun ah chuan tu pawh lo țhu se kawh thawh nalh ani mai!








Kawngkhar lam ka pan a, Mumbai khawpui thlenhma chu hengho te nen hian kan inhrawn dawn ani mai siah! Huh! An rim tak țha zet mai hi hei ai hian a tak belh loh beisei phawt teh ang!








Rel pindan tam tham zet hnuk khawm tu lu lam chu a che ta ruai ruai a, a kiu zui chuah chuah bawk. Ka kekawr ipte chu ka dap rûk rûk a, cigarette chu phawrh chhuak in pakhat chu ka țan zui zat a, rel che ruai ruai pawh a tawp leh dawt mai! Duhtawh zet a ka sî luh vang vang rual chuan Rel chu a che leh ruau ruau va, speed pangngaiâ a tlan hun ah pindan luh theih ang ang ah lut kual țan bawk ila kan tifuh in ka ring.



* Taiyaar ho jao*






Message ka type zawh rual chuan phone chu ka kekawr ipte ah ka thun leh a, ka cigarette zuk bung tawi zet tawh chu ka hip leh kawk phawt a, rel bang ah chuan nawr hlum in ka paih chhuak a, ka mit la zet tu vang chuan thir vawn chhan vuan meuh in pawn lam chu ka en țha leh ta ngat a! Kan chuanna rel chu rawn nan hman a tum ni ngei phawt ang!



InShot_20190513_214216626.jpg
InShot_20190513_214216626.jpg (80.31 KiB) Viewed 39449 times






Mipui zi nuai nuai kar ah chuan hmeichhe pakhat a rawn tlan ve zel a, rel erawh speed tak tak hmang a tlan a la nilo bawk a, a tawlh ve ruai ruai rih lek! A rawn tlan hnai zel a, Mizo anih loh pawh in North east lam ni ani ngei ang! A hnung lam ah um tu anei tih ka hriat rual chuan ka thaw hawk a! Hmeichhe rawn tlan hnai zel hmel ah chuan hlauhna leh thlabarna alang zut zut mai bawk! A biang duk deuh ruih ka hmuh rual deuh thaw in kawngkhar ațang chuan ka zuang thla leh thauh va! Hmeichhia rawn umzui tu te pawh chuan an rawn hnaih chilh tawh hle!







"Min țanpui rawh!" a rawn ti tuar a, keimah min biakna ani em ka hrelo! Mahse Mizo țawng ngei a țanpuina ngen tu hmeichhia thlabar hmel zet chu ka pan nghal buan buan tho, Kan inkar a mipui chu ka nawr kiang phei nawk nawk a.






A hma ah ka va ding chawt a, ani hlauthla bar bawk si chuan min hmu lo ni ngei ang, ka awm ah a rawn intauh chawrh a, au deuh țhawt chung in a kat hnung leh hlawk a! A rawn hawi chhuak a, ani hi! Lengpui ah ka piah lawk a hmeichhe rual zing a mi kha anih hi!







"Can you please help me!." a rawn ti bah nawk nawk, ni tak! Hmuihmul lem ka vuah! Vai ka ang viau tak ang chu. Ka bu nghut a hmuh rual chuan thaw hlawp hlawp in a hawi kual ruai, a biang duk deuh chur chu a na reuh khawp ang, a banrek ah ka hmer chawt a, a phu chiam nangin a țang buai hauh lo, rel tlan chak țan kawngkhar ah chuan ka hlang kai nawlh a, ka luh fel ve rual chuan a ban rek ah bawk ka chelh sak a, a tha khur nasa lutuk chu ka hriat sak hmasa ber!






Pindan hrang hrang kal pel a ka kaih zel hnu chuan ka seat awmna pindan kha kan thleng ta hlawl a, vai ho lo țhu huang mai chu tho tur in thu ka pe nghal thawr, zang zet in an tho sap sap a, hmeichhia chu seat ah chuan ka țhut tir a, chappal takngial pawh a bun lo tih ka hmu zawm zat bawk.






"I țha em?" ka ti sup, a ban rek ah ka hmer sak chawt țúm aia nasa fê khan a phu dawrh mai!





"Sorry." Ka ti nghut.





"Ih."






"Mizo ka ni, hlauthawng duh suh." ka ti sup a, phawk zet a min en chung chuan chil a lem zui dawk bawk! Thlan vangin a sam a phan chialh a, hlauhna leh chiaiana pawh a hmel ah an la chambang reng bawk.







"I chungah eng nge thleng a." ka ti leh nghut a, chutah thil hriatchhuah thut nei ang mai chuan a biang chu a tawk zeuh va, a kun nghal daih bawk.








"Lengpui ah khan ka hmu tawh che." ka ti sup, a rawn hawi chhuah leh rual chuan rel chhung eng țha vak lo hnuai pawh nise a mit a mittui tling deuh pam mai chu a langchiang nangiang thung.








"Kan flight a in ang a lawm." keimah bawk chuan ka ti nghut.






"Ka.. hna min hmuhsak an intiam a, mahse... ih.." a kut pahnih in hmai a hup thak a.





"Mipa pakhat massage turin min ti a, chupa chuan ... ugggg.. a **** vel ka khawih sak chuan pawisa min pek tur thu a sawi a.. ka duh silo a, kan inhnial buai maw le." A aw ri a khurh deuh hlak hlak laiin tawi te hian a rawn nui tel sak a.



EUPHORIA! ☺🌺🌺
Attachments
large-Recovered.jpg
large-Recovered.jpg (30.02 KiB) Viewed 392026 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2019, 10:51 pm

CHAPTER 2


If you want to be ORIGINAL,
be ready to be COPIED 😝






Hreptak chuan leh!



Sex leh a kaihhnawih zawng a hna thawk tur in an nawrlui ani khawp ang!




A hmai hupna kut chu la sawn in a rawn thaw chhuak hak a! Uluk zet in ka en ngur bawk. A sam sei hniang mai chu a kawi lek lek, a hnar ngul a sang vah a, hmui chhah ti a sawi tur ni hauh silovin a hmui chu a pan chhe miah lo bawk.




" In inhnial buai vang ngawt chuan kut an thlak che a." ka ti nghut, rang zet in a biang duk raih lai chu a tâwk leh zeuh a. Hnamdang in ka mizo pui kut an thlak tih hriat chu tha anâ duh kher mai! Mahse ama zir loh vang pawh ani thei tih ka ngaihtuahna a rawn lut nghal zat vang chauh va che buan buan lo mai ka ni.






"Ih.. min khawihna hman lo." Ka ner suk a rawn hmuh rual chuan a awm bawr che awk khawp in a thaw chhuak leh hawk bawk.







" keimah pawn pangpar khawina in ka chhu ve hman tho va." zawite hian a rawn ti sep a, ka besei loh lam daih a rawn sawi vang chuan ka kang deuh ûk hial mai!






"Mahse ka purse leh phone vel ka tlan san daih." Za lo tih hriat zet hian a rawn nui leh hak a, ngaihdan siam mai dan tur ka la thiam hauh lo bawk.





"I thlenna a la rei miah lo, mahse i tlan chhuak nghal zat a nia." ka țawngkam bul vut chu mitam zawk nise an lawm lo teh ang, ani erawh a rawn nui chhuak hak thung.






"Umm, Airport ah min rawn lam a, chuan aaa.. ka hna tur chu spa ang reng deuh va thawh anih thu te an sawi a, engmah ka thiam miau loh a vang in zanin la la a ațhen a zar zir turin min tia.. chuan.. hetiang hi a thleng zawm ani nghal mai." Dar ti chhing in a thaw leh hap bawk.








"I țhian dangte kha i hnutchhiah tihna em ni?" ka ti sup, mak tih hmel zet a min en dawrh rual chuan a mit mu dum fiah zet ah chuan 'thudik a sawi ngei em' tih hriat tum ang hrim in ka en lui ve ta ngur bawk.







"Țhian ka neilo." Ka zawhna vang chuan a hamhaih tih mi â ber pawn an hrethiam ang.





"Oh!" ngeiawm zet in ka nui chhuak hawk a. Lengpui ah khan hmeichhe rual paruk vel nen an awm ho!




"Ka ti tak tak, keimah chiah a lawm ka nih."






"I țhiante.."




"Aw, Lengpuia mi te kha maw i sawi, ka țhiante an ni hleinem, Singapore lam a kal tur an nih kha, kan vawi khat thlawhna chuanna tur vek a nisia kan inchhar chawp anih kha." a ti a, a vawi khatnan ngainatawm zet in a nui ve ta seih bawk.






"Hyderabad panlo in Singapore lam chu panve zawk la i tifuh dawn nih chu." ka ti nghut, nghenchhan ka ngheng ve ruai ruai a, min chhang tur ang deuh in a rawn ang zíau va, mahse a ngawi leh ta daih lâwi!







"Tun anglai ah hnathawk turin hriatchian loh hmun an pan ngawt ngailo." ka ti leh duah, a ngawi zui ta ngal reuh va, a hmel a manganna leh thlabarna te kha an bo zo tawh a, bing takin eng emaw ngaihtuah ang maiin rel tukverh ațang chuan pawn lam a en ta veng veng a.






Phai a hnathawk tur a rawn chhuk thla țhenkhat hian phai lam hi an rawn pawng tawng bâsâ ngam ngawt țhin a, a țhenlah company fake lutuk tih hriat reng hnuai ah hnathawk turin an rawn chhuk thla a, spa ah thawk tur te'n an lo chhawr a, vai mipa nupui kham lo te'n an lo beisei let ta țhin a, sum duh luat ah hnathawk țhenkhat chuan hnamdang ho duhdan chu an puitlin sak mai laiin țhenkhat chu an thawhna te'n an force ve țhin bawk, a tawp a nawhchi zuar ah chhuah phah ta hial lah an awm nawk!







Mizo țhalai mai nilo, Hmarchhak tlangdung ațang hna thawk tur a rawn chhuk thla, nawrhchi zawrhna hmun a tawp ta an thiat fur a tih theih hial ang! Mizo Association ang te'n hma la ve bawk țhin mahila, sum mamawh na a san em a vang in tumah kan inveng seng lova, țhenkhat Black kawp a, an hnen ațang pawisa dawng duh hrim hrim an lo awmve tumhrang țhin bawk nen!






Aaaa.. khawvel a changkang tual tual a, tu tan pawh sum mamawhna a sang ve zel a, heng kan mizo țhalai țhenkhat in an nawmsakna leh sum an duh luat a vang a hnamdang an kawp ta mai țhin hi engtik khawtik ah mah a rem thei tawh ngai dawn lo! Siam țhat tum a thawk tâwk lo awm ve bawk țhin mahse mihring rilru fim pangngaiin ama duhthlanna ngei a a kawng zawh duh a thlang fel tawh anih chuan eng NGO pawh din belh mahila, kan ti mît thei tawh ngai dawn lo! Kan duhthlanna ngei hi a pawimawh tlat!







Kan pindan hma chiah a ka thawhpui pa chu ka pindan bik ah chuan a rawn pen lut ta hlawl a, ka țhutna ațang ka tho chhuak zui nghal vut bawk.







" Sir." a rawn ti sap, rel kawngkhar lam ka pan vut rual chuan min rawn zui ve ta mai bawk.







"Hnung lam ațang sawn hma la ila, ka awmna pindan hi rel pindan lai tá ber ani a, hnung lam kan dap zawh vek hnu ah ka pindan ațang hmalam zawng kan dap leh nghal thei ang." kawngkhar ațang pawnlam ka en ngur, kan inbia tih tuman an hre kher lo vang.





"Yes Sir."




" pindan dawt chiah ah hian lut la, kan țhianpa kha i hnung deuh va rawn kal ve turin signal nghal mai ang che, Sanju saw chu tahsawn lo duty rih se." a rawn kalsan tak pindan lam ah chuan ka thle buk a, Sanju pawh chuan kan mitmei a man thiam nghal tih hriat tak in lu min buk khum ta nghut bawk.





Rohan-a chu ka hrilh ang chiah in ka awmna pindan dawt chiah ah a lut phei a, rel a zinvei vak satliah ang ber turin Sherwani rawng dâ zet tawh leh pajama kan ha vel mai mai a, tuman police kan ni tih an hre mai mai hauh lovang le!





Rohan-a'n toilet hmang duh satliah ang a kan țhianpa awmna pindan a paltlang lai chu ka en zui reng a, pindan ațang a chhuah fel hnu lawk ah kan țhianpa pawh seat ațang a tho va, Rohan hnung ah zel chu a kal ve a, Sanju chu phone check zauh zauh tur a ka signal hnu ah kawngkhar vawn chhan thir ka hum chu ka thlah ve a, zankhua in rel pindan eng emaw zat ah kan vak kual ngei ang le!







Vai ding deuh huang kar ațang chuan hmeichhia khan min lo en reng tih ka zuk hmu hlawh a! Ka hmu sual mai mai ani em ka hre hauh lo, ka kalsawn tur chu chiai ru zet in min rawn thlek țawk țawk a, ka tan tumah anilo a, ka seat ah ka țhut tir tawh bawk, a hnen ah insawifiah chiam ka mamawh lo! ti rilru mawlh mawlh chung chuan ka seat lam ah pawh let tawh lo chuan ding ho kar ah chuan ka inzep lut a. Pindan hran ka luh thlen ve rual erawh in ka rilru a nuam ngai dawn lo tih chiang tak in ka hre zawm zat!





Huiha!





Hmeichhia tu tih hriat hleihloh hlauthawng mit meng vang mai a rilru insual buai chiam tur ka ni lul lo! Vawn tur a thir mum kal chho chu ding meuh in ka han hum vang vang a, 'he hmun ah hian a him dawn tih hrilh hmasak phawt a, kalsan leh mai kha thil harsa a ni miah lo bawk.'





Nâ zet in ka thaw chhuak hawk a, rel pindan eng țha lo zet chhung a țhu khat hmur ho mit chu keimah ah a fû țhup bawk.






Ngaihtuahna dang ka put leh hma hauhvin ka inher let leh ta vut a! Mizo hmeichhia ani a, tun lawk pawh khan vai ho in an rawn um anih kha! Thlabar tak a ka mizo pui a awm ka duh loh vang chiah a țawng thlamuan tur a let mai ka ni.







Ka seat awmna pindan ka luh rual a ka thil hmuh vang chuan ka rum nghut mai! Hmeichhia kha seat kîl chet ah a lo țhu tawm kak a, ngaihngam lo tih hriat takin na zet in mit a chhing chawt chawt bawk, a țhutna ah vek chuan vai mipa ho leng mang loin an lo inhnawh ve huang bawk. Hna pawimawh tak khawih ka țul laia hriat ngai hleih loh ka mizo pui buaipui a lo țul ve chu khawvel a thil țullo ber ani hial ta va ang.







Hmeichhe hma ah tak chuan ka va ding nghal hmiah a, hneh zet in light eng țha lo zet ka hliah thiam tak miau a vang in hmeichhia pawh chu mit a rawn meng riai riai a, a hma ah ka lo ding reng tih a rawn hmuh rual chuan a rawn nui chhuak ta hawk a! Mahse chu anui hmel chu țah chhuah hlau tak a insum hmel in a rawn thlak chawp chilh der mai! Ka țhu hniam thla a, ka pajama kekawr hak ipte chhung chu zen lut in ticket chu ka phawrh chhuak a, ngawi ngul a ka che kual vel chu min melh ngawt ngawt bawk.







"Nakin ah ticket an rawn check dawn a, hei hi i lo pe dawn nia." Ticket chu a hmai zawn ah ka lek chhuak a, ban ta mai lo chuan a tukhum in seat nghenchhan a nawr a, tlem in a vanvadak deuh hlek bawk.






" he rel hian khawi hmun nge a pan pawh ka hrelo." a aw ri chu a zawi lutuk! A kâ ațang a rawn thaw chhuak nghal ham ham bawk.






"Mumbai thleng chuan theihna ticket anih hi."



"Ka la thei lo ang." ticket chu a melh zawk a, tukverh lam a melh zui nghal daih bawk.





"Enteh, ticket an rawn check hun ah ticket i nei ve lo tih an hriat rualin stop lo awm hmasa ber ah an thehchhuak nghal ang che, chuvang chuan ticket hi la mai rawh." Hnamdang ho in a lakah ka lungawilo tih an hriat ka duh bik lo, mahse hetia inthlem kual nan hian hun ka ngah lo.





"Ka thusawi chu i hria em?" Ka awm hnaih sauh va, muang raih in ka mit ah tak a rawn melh ta siah bawk.




"I ticket a lawm, ka la ngawt thei lo." rang zet in a hawi sawn leh a, mahse a mit ațang mittui rawn luang thla pap erawh ka hmu hman tho. A kut in a tuai zui sawk sawk a, keia pawh chu engvang a nunrawng viau nge maw ka nih le! Matei nen an kum a inrual tawk viau ang, min thlamuanpui ngawih ngawih tu kal san tum ang mai a chet pawh hi thil dik ber ani tawp lo vang.






"Ka rawn let leh hma chu ka ticket hi min lo kawl sak ta che." ka ti sup, rang zet in min en nghal dawrh a, ka nui ve ta suk bawk. Ka nui tih a rawn hmuh rual chuan ka hriatthiam chiah silo in a mit meng pawh a fiah ta sauh a.






"Ih.. i chhuk dawn lo maw?" a rawn ti a, thawveng huai ang mai hian a landan pawh a eng nghal hawk tak tak.





"Dawn lo ve, pindan chhung hi kan fakual lawk a ngai a, ka rei viau thung ang."

"Oh.."





"I lo kawl ang tiraw?" ticket bawk ka lek chhuah leh tak ah chuan zawite hian a rawn thaw chhuak a, a mal chunga a kut hum tawm țai mai a phelh thawl rual chuan a ban rek pakhat ah ka man leh chawt a, ticket chu ka hum beh tir a.




"I lo let leh tak tak ang tiraw?" ka ding mar vut tawh, nghet tak a ticket hum bet chung chuan min chhoh en ve ran bawk.





"Umm, mahse khawvar hnu ah pawh ani thei." Engmah sawi lo in a bu ta nghat a, a landan khawngaihtha la zet vang te pawh ani ang, hrilh hai tak hnutchhiah tawp kha harsa ka tih ruk em mai ni.



"He hmun ah hian i hmi a nia, pindan pakhat ah sawn ka țhianpa a awm bawk a, engmah hlauh tur a awm lo." Chhuk melh ngur chung chuan ka phun leh sup bawk.





Ka kalsawn hma chuan a bula vai mipa țhu ho chu tho chhuak țhen turin ka hrilh ta hram a, tuman hmeichhia hi an sî tur anilo, ticket neitu ani a, lo khawih tum an awm anih chuan rel tlanlai ațang ka theh chhuak nghal ang tih ka sawi tel hram bawk, in melh kual zak zak pah chuan an zing a pakhat chu a tho chhuak ta hram a, vai ram ah kher hi chuan tlawmngaihna zo nunze mawi kha lanchhuah tir a chi ber lo!



An zaklo hlawm si a, Mizo leh Mizo tlawmngaihna nen kan in dawr tawn ang khan dawr ve ta ngat ila an tan chuan 'min zuam rawh.' tihna ang tluk vel ani a, chuvang tak chuan khauh deuh tak a lan luih ve a țul țhin.






Pindan ațang ka chhuak leh tur chu eng emaw hian min mawlh tlat a, hmeichhe țhutna bang chhak kîl lam bawk chu ka thlek leh vut bawk. Tawite in a rawn nui seih a, a mit meng thim raih ah erawh 'let leh ngei ngei tur a min ngenna' ka hmu thei thung. Lu ka buk khum nghut a, bing tak in Rohana-a te kalna lam pan chuan ka pen zui pawk pawk a.






Ka pindan kalpel a piang chu țhutna hnuai, bungraw dahna a an hman zawng zawng pawh ka mitin a chhui chhuak dap zel, naupang eitur țha ei lo, taksa pan em em bawk țhutthleng hnuai a bawh tir hreh miah lo khawp a khawngaihna neilo sumdawng țhin kan veh miau a vang in kúa tawh phawt chu bel chiang khélh ila, kan tifuh ani mai!






Rohan-a te ka va pawh ve meuh chuan pindan eng emaw zat an lo luh chhuah tawh a, kan chuanna rel ah hian coaches 24 a awm a, ka seat awmna coaches (pindan) kha a laihawl ber ani bawk!




Rel mei/hnung (tail) lam pindan tin chu kan luh chhuah hnehsawh khawp mai! Mahse tumah rinhleh tur chi kan hmu lo, a lu lam ah vak kual leh ila, tun țum hian naupang hmang a sumdawng țhinte nen intawng fuh kher lo mahila, engtik ah emaw chuan kan la intawng em em ang!





"Sir kan hlawhchham dawn ani ang a?" zawi tak si hian Rohana chuan a rawn ti sap a, ka țhen suk thung.




"He train ah hian kan intawng lo pawh ani thei, mahse Rohan kan hlawhchham tihna anilo a nia." a dar ah bensak thuk pah chuan ka nui lui hawk bawk, a mut chhuah thu a rawn sawi rual chuan rel lu lam pindan pan chuan kan nui dun hawk hawk a, keipawh ka mit a kham țhum tho, thlawhna in Hyderabad ka thleng fel țawk tih ah Rel bawk in kan tlan chhuak leh nghal ani a, boruak lum uap chur nen! Rim chi hran hran hip luh a lo țul bawk si! Ka flat ah ngei fai sersawr a inbual a, khum a leh tawp ka chak hlur thei mai.






Hmeichhe awmna pindan kan luh tak ah chuan ka tawi hrut a, Rohana leh ka nau pakhat chu an kal tlang a, a hma ang bawk khan kîl chet ah a lo țhu tawm kak a, a mutthlu ve anih ka ring, mit a chhing a, mahni inlum chhuah san in hnamdang kar ah hna țha tak thawh ve theih inbeiseiin Hyderabad kha a pan ve ngai tur chu ani a! A chunga thil thleng ta erawh kha chu manglam ah takngial pawh a la mang chhin ngai hauh lo vang.





Rel lú lam pan chuan ka pen phei hmawk hmawk a, zingkhawvar lam hnaih ah pawh kan thil duh ang kan hmu chhuak ta chuang lo! Ka naute chu duty a zawh tawh thu ka hrilh a, rel pindan zawng zawng kan luh chhuah vek tawh a, kan stop chawlhna hmun ah reilote chhung kutdawh a rawn lut zawk bak naupang hmuh tur an awm mang hlek lo! Hahchawlh ve phawt ila, țum dang ah tha thar in thawk chhuak leh zawk ila lan tifuh zawk ang.







Ka seat ka thlen fel meuh chuan zinglam dar4 a hnai hle tawh a, station țhenkhat ah chuangve dang an chhuk thawl tawh a vang in kan pindan bik phei chu a lo ruak lek lek tawh a, hmeichhia kha bang rinchhan in a lo muthlu lawp lawp a, rel tlan lai ah tuitaka a muhil thei chu thil mak tak ani!




Amah tih harh hlau zet chuan a bul ah chuan ka țhu thla a, a kê hmawr lam a berh nîai a, a hahrimtawng ve bawk ani nge a thaw ri sak sak pawh ka hriat sak thei a lawm.






Pajama kekawr a phone chu ka la chhuak a, ka nu missed call alo awm vâ a, zing dar 4 a ri ţep tawh a, call let lehna chi ani tawh lo, whatsapp ah ka lut a, Matei message lo awm chu ka chhiar nghal zat bawk.



* ka nu in a ngai lutuk che a, call i chhang thei bawk silo, message hi i hmuh chuan zing ah lo call rawh aw.* tih mai hi! A last seen en sak ka tum hawt a! Ve reuh chuan leh! A lo hide ve hmak reuh anih chu!






Ka nui deuh hawk a! A phone ka check sak vang kha ani hial in ka ring!





A message pawh chu ka chhang let ta lem lo, zingkar ah call tawp ila, duty vang in ka meng rim țhin tih an hriat ka duh ber lo bawk.





Gallery ah ka lut a, ka video ngainat em em mai ka dahkhawmna bik ah chuan lut in ka khawhar chang a piang a ka en nawn tluk tluk țhin video chu ka play a!






Chiang takin screen ah chuan ka pa hnunglam a lang a, he video clip a thil thleng zawng zawng hi second khat pawh hmaih nei lo in ka hre fai khelh tawh! Mahse zantin ka la en tluk tluk fo tho.






'Daddy ka JCB kha i ti chhe dawn nia.' ka aw ri țûng mai vang chuan ka țhen suk bawk. Ka dar ah chuan eng emaw hian min rawn delh dat a, reilote chhung chu thawk ka chelh hial bawk. Mahse a harh zui tak loh a vang chuan tih harh hlau tak siin ka ban dinglam chu ka phar chhuak a, hmeichhe dar ah chuan kuah bet in ka taksa rinchhan tur in ka hnuk hnai deuh hlek a, a thawk la ri ve sek sek chuan min tihahdam ru hle bawk.






'Mamma Daddy hian ka JCB ațhiat vek a nia.' Țhutkhawmna lam ah ka nu a rawn luh ve rual chuan ka toys ngainat ber mai ngawi ngul chung a ka pa in a țhiat darh vek chu ka țah pui lek lek tawh.
'Hmingsang.' Ka nu chu ka pa hma ah a ding a, ka pa pawh a hawi chhuak ve ta vut bawk.





'Carlos-a JCB kha tinge i țhiah sak vek a?' Ka nu chuan a ti a, ka nu kut ah kaiin ka pa hmachhawn zawng chuan ka ding ve teu va.


'Kryptionite.'



'Mamma a ti chhe vek.' ka lo ti a, ka pa chu a ding ta hluai a, a kut ah chuan ka JCB control theih a țhiah darh chu a keng va bawk.


'Carlos-a toys i tih chhiat sak tih i hria em?'



'Kryptionite ka tih chhiat anilo, ka siam țha tum a lawm.' Ka nu chu a nui ta hawk hawk a, couch lam pan chuan min kai a, a dul puar len tawh em a vang in coucu nghenchhan vuan hmasa chung in muangchang in a țhu thla a, a bul ah chuan ka țhu kai ve nghal tharh bawk.



'I tih chhiat anilo maw?'



'Ka siam țha tum ka tih tawh kha Kryptionite.' Ring deuh in ka pa chu a au deuh hluai a, ka nu erawh a nuih a za telh telh thung.




'Ok, ka hria e, khawi min pe la.' a ti a, ka pa lam ah chuan kut a lek chhuak zui zat bawk. Ka pa chuan ka dil mawlh mawlh pawh a min pek duh miah loh ka JCB a țhiah darh vek chu ka nu chu ape nghal mai a.




'Carlos-a bulah hian a dang i lei leh dawn tih hrilh la.' A mit kan ak in ka pa chu a en a. A nui var var bawk.
'Ka tihchhiat anilo.' Ka pa'n a ti leh hmuk.





'Ka hria, i tihchhiat anilo, mahse Carlos-a hian i toys leisak ho chiah a khalh duh a, a dang i lei sak dawn tih hrilh rawh le.' a ti dam thlap.





Ka pa chuan a tukhum a hiat sawt sawt a. Chutah zawi sup hian 'Carlos JCB control theih a thar ka lei leh dawn che nia.' a rawn ti a, a sawi zawh rual chuan mipa naupang titau ang chiah in ka nu nen chuan min kal san ta nul nul a. Ka nu chuan ka pa chu a enzui reng a, he video hi rei tawh viau mahse hemi țum a ka nu in ka pa a en rual a, a mit ațang hmangaihna leh lainate lang chhuak ve hi chiang tak in ka hmuh sak thei țhin! Phone screen chu a rawn thim zui hmiah a! Ka thaw chhuak nghal ham ham bawk!






Khang hunlai khan ka pâ thluak a buai țhin a! Mahse ka hrethiam ngailo! A damlo tih zawng ka hria a! A thluak a buai țhin tih ka hre ngailo tak tak! Ka car toys a lo țhiat darh vek țhin a, a rem khawm leh thiam tawh ngai silo a, ka nu kiang ah ka zualko phah leh nge nge țhin! Ka nu raipuat țeuh tawh khan kei mipa naupang leh ka pa, a thluak buai vang a mahni pawh inenkawl fel theilo inkar buai kha min rem fel sak fo țhin a, vawi khat lek pawh ka pa kha thluak buai ani tih a sawi chhuak ngailo! Ka hmuh dikloh a hlauh ang bawk in vawi khatmah ka pa buai lai ber pawn rilru pangngai pu ve lo ang in a be chhin ngai lo bawk!






Kei leh a pum chhung a naute te'n ka pa hriatrengna tur tam tak kan neih theih nan ka pa kalna a piang ah camera nen a umzui a, ka pa tello a kan awm hnu ah pawh kan nun ațang kan dah hlat ngai loh nan nitin a kan en turin ka pa chetla vel kha video in a lo record thlap a, Emma pawn ka pa pangtilum dek rei hauh silo va ka pa a hmangaih em em theih chhan chu ka nu thil lo tih vang bawk hi ani!









Kei leh Emma min țulpui ta țhak a, a kum a la naupang a, mipa țha tak tak kawm chal tu tam tak aneih deuh deuh lai pawn kan unau a kan pa tan chiah a nung țhin! Tum khat chu Emma nen titi satliah ang in a khua a har a, a duh phawt chuan pasal aneih leh pawh kan remtih thu kan hrilh a, ka nu erawh chhuan ' pasal dang ka nei leh anih chuan rorelna ni a lo thlen hun ah i pa kut vuan lo in ka pasal kut zawk chu ka vawn a țul dawn a sin, vanram kan thlen hun ah chhungkua kan intawk khawm leh dawn an ti a, pasal dang ka nei leh anih chuan i pa nen vanram ah kan awm dun thei nang, vanram ah pawh kan chhungkua a awm ho ka duh, i pa te nen kan pali a awm ho ka duh, chuvang chuan min humhim tur emaw, ka lunglen hnem tur in emaw mipa dang ka mamawh ve tawh lo, nangni pawn ngaihtuah tawh suh u, i pa a hrilh hai lutuk ang.' a ti a! Vawi khat tê mah chu lam chu kan sawipui ngai tawh lo!






Minhringtu nu anilo nangin ka nu dik tak ani thung! A thisen ka kai ve kher ngailo in ka pa a hmangaihna ațang a fa ka ni a, min nekawl dan ah sawiselna lai tur zeuh ka hre chhin ngailo bawk! Police uniform ka inbelh hmasak ber țum in ka pa hming lam meuh in min țah khum hawm hawm a! Ka pa hming a lam nasa lutuk leh a țap nasat lutuk na lam ah a khawng hial bawk! A tan khan hmuh ka hreawm ngawt hial ta ve ang! Ka pa uniform ha lai nen kan landan a danglam tlem bawk lah tak a!





Phone vibrate chur chur ri vang in mit ka meng zawk a! Ka maimitchhing leh chiah tih ah phone bawk chu a rawn vibrate leh chur chur a, rel tlan ti țuk țuk thawm ka hriat fiah tak ah chuan ka țhutdan remlo zet chu ka han siam rem a, ka dar dinglam kham țhum mai siam rem ka tum rual chuan kuah beh ka nei tih ka hre chawpchilh der bawk! Ka kut awl lam chuan hmai ka tuai puat a, PUNE Junction kan lo hnaih tawh viau bawk.




Phone bawk a rawn rik leh tak ah chuan ka taksa rinchhan a hmeichhe thawk la sek sek chu a rawn che ve ta țalh țalh a, dimte in ka kuah khawmna ka phelh a, phone ka chhan hma chuan amah chu ka thlek zawk a, mit a rawn meng ve siar siar tawh bawk. A harhchian rual chuan rang zet in a țhu rem nghal sawk sawk a, Muanpuii call rawn lut reng chu ka chhang ve ta chiah bawk.




"Dar engzat ah nge i lo thlen ang?" a rawn ti lang lang a.



"Dar 1 vel ah a niang." Ka ti nghut, ka țhutna țang chuan tho in kawngkhar lam ka pan a, rel pawh a tlan muang ruai ruai a, thingpui zur an rawn au zui chuah chuah bawk.



"Lunch tur ka lo siam ang aw." a rawn ti a, ka ham zui hawk hawk bawk.



"Umm, i tih dan dan." Nupui te'n inchhungkhur an enkawl dantur ang thlap in ka inchhung a enkawl fel fai a, hna vang in ka tlai emaw pawh nise zanriah ei turin min lo nghal țang țang țhin.




"Nizan khan i nu te'n an be tlang thei lo che a, kan lo inbe reng mawle." Muanpui vek chuan a rawn ti a, ka nui suk bawk. Ka nu pawn a ngaina lo hran lo bawk a, nupui a tan hial nei turin min hrilh tawh tak kha maw.



"Phone ka lo silent lai a nia, nakin ah ka call ang." Ka ti a, Ka hmeichhe hmelhriat thar-i khan eng nge atih ve hriat tumin muang zet in ka inher ruai ruai a, Rel chu a ding tawh a, pawnlam ațang eitur zuar in chhunglam ami te an rawn au lawng lawng a, chung ho indawr vel chu hmuhnawm tih hmel zet in a lo en veng veng a. Phone a Muanpui rawn au deuh lang lang a vang chuan chu hmeichhe lak ațang mit la sawn chuan pawn lam bawk ka thlek leh vut a.




"Ka thusawi kha i ngaithla miah lo."




"Sawi țha leh a." Ka ti nghut, ka lo ngaithla lo tak tak!
"Ka ngai tawh che.." pangchang zet hian a rawn ti ngher ngher a, ka thaw huai huai bawk.



"Min ngai ve em?" amah vek chuan a rawn ti a. Hmuh ka chak tawh tih zawng ka hria! Chu chu 'ngaih vang' pawh ani thei tho.





"Umm, ka ngai che." Ka ti sup, ngaihthlak nuam zet in a rawn nui a, inbual fai ver vawr hnu ah khum a hun hmanpui ka chak hle tawh tih ka hriat belh zat bawk.



"Ka rawn thlen hun ah ka rawn be leh ang che.."


"Naaa.. a fair lo.." a rawn ti a.


"Muanpui ka nu call ka ngaih kha."


"Ni dawn tak, okey, lo thleng vat vat rawh a, fai deuh in ka lo inbual ang." a rawn ti a, a nui ri awmze neizet chu phone a off hnan nghal hmiah bawk.



Lu thing nghut in screen chu ka bih ngur a! Phat tur a awm lo, kan kutțang ah inneihna zungbun kan la bun lo tih mai loh chu nupa kan nih lohna a tlem viau tawh!

_____________________________________________________





Chhun dar1 a pelh meuh chuan Mumbai khawpui ah kan lut fel der a, ka bul a țhu ve hmeichhia hi engtia tih tur nge tih lah ka hre der lo! Station ah rel a din fel rual chuan ka bag lian lo zet chu ka la chhuak a, Ka naute pawh an pindan ațang an rawn chhuak sap sap a, kan inthlah fel rual chuan ka hmeichhe hmelhriat thar-i țhu ngawi reng mai chu ka pan chho leh a. Rel ațang mipui chhuak mup mup reng chu hmu ang pawh in a awm lo.




"Engtin nge i awm dawn?" Ka aw ri vang chuan muangchang in a rawn hawi chhuak a.



"Helai hi Mumbai chu em ni?" chhunglam ah ka rum hrawih thei mai! Kawng engkim ah a bo deuh hu dawn tih ka hrethiam zui zat bawk.





"Umm, Welcome to Bombay!" Ban lek kang uk in ka nuih hawk bawk. Zalo te hian a rawn nui ve a, a hming tak ngial pawh ka la hrelo. A bul lawk a ka ding khawng reng chu min rawn chhoh en leh a, a hmel landan ațang engnge a ngaihtuah tur awmang ka hrethiam lo, a mit mu erawh a fiah kekkawk hle.





"Helai thleng him tak min hruai a vang in ka lawm e." a rawn ti sep a, seat ațang chuan muangchang in a rawn ding chhuak ve ta bawk, he rel pindan chhung â ka hruai luh ațanga a din chhuah vawi khatna ani hial ang! A kê lam ka bih vut rual chuan a kê chu a tawm deuh chawih a.





"Eng tin nge i awm dawn ka tih chu?" Dawhtheihna tlachham zet chuan ka zawt nawn leh ta nghut, rel chu tlan chhuak leh mai tur anih vang nge rawn lut an awm țan nak nak a. Keini pahnih pawh chu min rawn su tâk ang nawk nawk a.

"Ka hrelo.. ih.. aa.."



"Țhiante i nei em?" Ka ti leh a, dar a kân ak duh lek chauh.




"Ka ngaihtuah awm loh, him tak a helai hmun min hruai thleng hi ka lawm tak tak a nia." a ti a, a rawn pen hma det a.



"Kal tawh rawh." a rawn ti zawi sep bawk.




Station mipui sangtel zik mur murna ah chuan ka pen pawk pawk a, ani kha khawi lamah nge a kal tak pawh ka hre hauh lo, ding meuh in ka han hawi kual thuak a, mipui insulpel mur mur kar ah chuan kan ințhenhrân na hmun ngai ah khan a la ding reng tih ka va hmu thei a! Țhiante emaw neilo nise chuan min hrilh mai ka ring a, mahse engmah a sawi der bawk silo.




Aaa.. engpawh nise station chhung rimchhe zet ațang hian kal chhuak vat phawt teh ang!


Station ațang chhuah hlawl a kawt zawl zau lai ah chuan ka car ka va hmu nghal chat a, driver in min rawn hmuh ve rual chuan kut a rawn vai lauh lauh va, reilo te hnu ah ka dinna bul lawk ah car chu a rawn hung fel der bawk.




"Sir i țha em?" rawn ti sawk sawk pah chuan a rawn chhuak nghal tharh a, ka bag khai lian lo zet chu min laksak in car hnunglam a hawng a, a dah lut nghal zat bawk.




Muanpuii'n rawn haw tlang nghal tur a min duh thu a rawn chah chu min hrilh zui mawlh mawlh a, car chhung ac vawt raih ah ka țhutluh tak ah chuan hah a dam sawng sawng hial thei mai!




Ramesh a chu a rawn țhu lut ve a, ka mit la nghal chat tu ka hmuh zawm zat bawk.




" Stop the car." engine a start vek tawh, car hmalam darthlalang ațang chuan min en haw a, lu buk khum nghut in seat hnung kawngkhar darthlalang chhan ațang chuan station chhung ațang hmeichhia pheikhawk pawh bun lo, muang zet a rawn pen chhuak ve chet chet chu ka en ta ngur mai, Bathlar hlim chin ah chuan a ding veng veng a, vawi khat pawh a hawi chhuak chhin miah lo!




Chhuah a, va buaipui leh mai ka tum thut thut viau nangin ka țanpuina mamawh nise chuan min hrilh tur ah ka ngai! Min hrilh loh a vang in a țha ang tiin ngaihțha tak in ka kalsan thei der bawk silo.




Ka phone a rawn ri a, Muanpuii hming screen ah a rawn lang vâ a, pick lo in ka silent zui daih a, Ramesh phone a ri zawm ve zat bawk.



Ramesha'n phone a chhan rual deuh thaw chuan ka țhutna lam kawngkhar chu ka nem hawng leh pawp a, sawtiang ngawt sawn he hmun ah hian ka hnutchhiah anih chuan meng reng si engmah hmu bawk silo in motor kawngpui a zawh a nga! A nunna hial in a tuar phah theihna tur thil a thleng hlauh palh a nge! Station kawt zawl lam pan chuan ka pen let leh pawk pawk a, ani tereuh chuan hmuh pawh min la hmu ve lo che u!





"Kalna tur i hriat loh chuan tinge a tir khan min hrilh mai loh?" a hma ah tak ka ding khawng luah, ka aw chang hrek hrawk vang chuan a meng phar awk a, min hmuh leh a inbeisei tawh lo hulhual tih hriat tak maiin a mit mu fiah zet chu a lang buai nak mai!



"I lo let leh.." mak tihna leh awilohna aw in pawlh nawk chung hian a rawn au deuh tûng a, ka rum nghut mai!


" I țhiante i be tawh em?" Ka ti hmuk, rang zet in lu a thing nawk nawk a.




"Pan tur i hria em?" ka tih leh rual chuan thaw hawk chung in a maimitchhing a, lu a thing leh nghat bawk!



God! Chungte chu a tir ah khan sawi daih tawh tur a lawm!



"Min zui rawh." ka ti hmuk. Ka inher vut a, ka pên vut tawh, ding chawt in ka inhet leh nghut bawk.







"Ngaihtuahna kawm ngut ngut chung a motor kawngpui i hnaih anih chuan i ngaihtuahna mai nilo i nunna nen lam khan helai hmun ah hian i tawp hlen mai ang, chuvang chuan inthing harh la, min zui rawh." ka aw ri a nem teh chiam lo, lu a bu nghat nghat a, Ramesh a chuan mak tih hmel fê in min lo en a, ka hnung lawk a pheikhawk pawh bun lo hmeichhe rawn kal ve hlawk hlawk chu a țhut luhna tur in kawngkhar chu ka pawh hawn sak a, tîm tih hriat zet in a ding dat bawk.




"Hun ka nei tam lo a nia." ka ti nghut, min chhoh en zawk a.




" ka bialnu'n min nghak a." kiai deuh suk chung chuan car chhung lam ah chu ka thle buk a, tawi khaw muang tawh lo in a lut ve ta vat bawk. Hmelhriat loh, chutakat ah hmeichhia leh nghal ka haw pui dawn ni a, Muanpuii a lo sa rem rem viau ta ve ang!




THELMA's POV🌺

" ka bialnu'n min nghak a." kiai deuh suk chung chuan car chhung lam ah chuan a thle deuh buk a, tawi khaw muang tawh lo in rang zet in ka lut ve ta vat bawk. A rawn țhut luh ve rual deuh thaw chuan kawngkhar lehlam ah ka tawlh sawk sawk a, a bialnu hmachhawn ve ka hreh zia lah pui tak ani mai! Mahse amah hi ka zui lo anih chuan he khawpui lianpui mai ah hian ka bo emaw ni dawn si a!




A phone ri chu rei ring hman lo in a chhang zui nghal vut a. A bialnu call ni ngei ang, a aw ri pawh a cool ruih mai.



"Ok." Tih leh phone a kekawr ipte a thun a rual a, tukverh darthlalang ațang pawn lam thlir mahila min en tih ka bek zawk sa uai uai ațang chuan ka hre thei a, a sawi tur ngaihtuah in ka thluak chu ka han vahkual tir ve chiam tak nangin a thu rawn sawi tur awm ang chu riruatdan tak ngial pawh ka thiam lo.





"Engtin nge ka ko dawn che." a rawn ti dût, ka țhu țha nghal vat bawk, ka melh zeuh va, ani chuan min en ve tawh lo in seat nghenchhan ah chuan lu a nghat a, a maimitchhing vang vang bawk.





"Thelma." Ka ti sep, a awmdan thatchhe zet mai siam rem hauh silo chuan mit a rawn meng leh ruai ruai a, a mit khur thuk dak leh a hmel thuneih hmel lutuk hi nizan ka mangan lai a min țanpuitu hmel leh mit meng nilo se chuan ka hlau ru hial ta ve ang!





"Thelma." Zawi ruih in ka hming chu a rawn lam nawn ve sup a, a aw thum deuh len len bik vang ani mahna, ka hming a lam rik rual chuan a ni deuh ruih thei hial in ka hria, ka bu nghat nghat mai! Ka buk vang nge tih pawh hriat lo, a nui ri deuh hak a.




"Thelma Aizawl khua i ni em?" seat nghenchhan ah lu a la nghat reng, a rawn thle deuh bûk a, lu ka thing a.



"Ngopa... Ngopa khua."


"Ngopa?"




"Champhai dist ami ania." Ka ti a, chal chur deuh tup in a ngawi vung vung a, kan khua chu ahrelo anih hmel!





"Champhai chu kan khua ania, Ngopa tak chu ka la hre ngai miah lo." a ti a, a țawngkam hman naupang chhia ru zet chu amah nen a inhmeh lo reuh kher mai. Car chu gate lianpui chhung ah a tlan lut a, ka țhu mar awt bawk! Building chhawng sang lutuk hnaih chuan kan tlan leh par par a, tual zawl zau helh hawlh ah chuan coconut kung a ding thluah a, bathlar zau zet si loh deuh hlek in motor chu a ding ta dat a! Hetiang building ropui lutuk chhung ah hian kê lawng in ka luh a țul chu ni siah!







"Lo chhuak la, Muanpuii thinrim thlem ka peih dawn hauh lo a nia." a ti nghut, kawngkhar a nem hawn zui pawp a vang chuan a thinrim em tih pawh ka hrethiam lo, ka țhutna lam chu ka nem hawng ve zat a, ani pui rauh chuan car chu a lo kal hual fel der tawh. Building chhung kan lut chiah tih ah chuan counter duty an lo awm a! Hotel ani hial zawk amawn le. Ka bul a mipa thuneih hmel zet chu zah tak in an lo be mawlh mawlh a, second sawm pawh tling lo ah a che hrut a, lobby ni ngei tur lam ah chuan ban a lek vut a.








Lift chhung kan luh hnu ah pawh a tu amah kan țawng tawh lo, reife hnu ah lift chu a ding nghing deuh dat a! Kawngkhar a rawn inhawng a, ka thin phu a rang nghal zawih zawih ringawt a. A bialnu a duat tawk tih chu rel chhung a an inbe thawm ka hriat ațang khan rindan tur tawk ka hre tawh a, a bialnu chu mizo tho ani tih ka hria, mahse min lo lawm a ngem? Ka tihawmzia chu aaaaa.. hmeichhe nelawm loh zet a lo ni a ngem! Huiham! Ka ngaihtuahna chihrang hrangte vang chuan ka hah hluah hluah tawp.





Thuneih hmel zet-a chu kawngkhar uk khap hma ah chuan a ding chut a, kawngkhar herhhawnna zawn a box tê chu a khawih zeuh zeuh va, ri khap ka hriat rual chuan ka thisen zam a țek lum bulh hial thei! Chhung lam ațang kawngkhar a rawn inhawn rual deuh thaw chuan hmeiche pakhat ka hmu vuat a, mahse ka hmuh chian hma in Thuneih hmel zet-a chu a kuah a, an infawp zui ngawng ngawng anih chu! Ka lo sa pup pup a, hetiang khawp a hnaiin mipa leh hmeichhe awm dun lai ka hmu ngailo, an ni lah chu ka awm ve tih hrelo ang mai chuan an rum deuh ham ham a! Mipa zawk chuan inchhung lam ah a nawr lut a, a bialnu Muanpuii chu a nui ri hak hak a, amah pawh chu anui ve hawk hawk tho!





Midang awm lai leh zel a an inthlakhlehna lan chhuah tir a țul ber emaw mawni chu le, aaa.. an tan chuan midang nilo in kalna tur hrelo hmeichhe pakhat ang lek ka ni dawn a, min zah țul an ti vak lo te pawh ni ang!





"Lo lut la." kawngkhar inkhar phui lek lek tawh chu chhung lam ațang Thuneih hmel zet-a chuan a rawn pawt hawng pawp a, ka ngaihtuahna hnuhnung zawk kha a dik! A hmui ah hmeichhe lipstic a kai nang a, zah tlak ah min ngaih loh vang a niang, a care hmel teh chiam loh.




Ka pen lut a, an inchhung chu ka rin phal bak in a zau va, a pui daih bawk. Marble chhuat tle hlarh ah chuan inchung lam a light bawr nalh zet in khai chu a lang kulh a, inchhung a thil awm reng reng chu a lang hnum hlarh vek.





"Hetah hian washroom a awm a, i duh leh insil fai hmasa la, thil i rawn ei ve dawn nia." Muanpuii chu washroom kawngkhar zawn ni ngei tur ah chuan a lo ding ran a, a hmel țha tiin sawi ila a landan chu kan sawifiah thei ber ang.





"Chappal bun tur leh inthlakna tur pe la." Ka hnung lam ațang mipa aw zawi sup vang chuan ka țang ru țeuh a. An pahnih kiang ah hian hahdam tak in ka awm thei ngai dawn lo tih ka chiang ta hle bawk.






"Hei ha la, hei towel, inchhung ah chappal kan bun ngailo a, ke lawng in awm tlang mai rawh." Muanpui vek chuan a bul cabinet chung ațang towel, tshirt leh kekawr ni ngei tur chu a ban a, ka lam ah a rawn lek rual chuan rang zet in ka ban nghal zat bawk.





"Ka lawm e." Ka ti a, nui chung in lu a bu nghat ringawt.



Washroom chhung ah chuan ka pen lut a, kawngkhar ka khar phui hma hauh va hmeichhe phun sep ri chuan ka awm zawn a ti sa zawk thei!





" khatiang te i rawn hruai haw ringawt a, thil ruk ching te a lo nia nge." Ka thawk lak a sak nghal țalh thei mai.





Mipa rum nghut ri leh an infawp thawm ka hre zawm zat a, kawngkhar herhna chu herh in thawm siam lo thei ber turin washroom kawngkhar chu ka khar phui țhem țhem! Ka thinphu a su dawt dawt! Min lawm hauh lo tih hriat ngawih ngawih in ah ka la awm mek zui ani a!


If you want to be ORIGINAL,
be ready to be COPIED 😝

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2019, 10:52 pm

☆UTOPIA:1996☆
S 2
Chapter 3
By
Abbra Reo Ririni Khiangte (Pitartei=Sualfingi)😈





Shower chu ka herh haw a, tui rawn inphuh chhuak sur sur ka hmuh rual chuan Aizawl a nimin piah tûk a ka inbual kha ka inbual hnuhnunna ber ani tih ka hre zawm zat a, rel ah ka chuan leh hrep vangte pawh ani ang; ka kuttin hmawrte chu ka hmu bal tak zet, washroom chhung ah chuan inbualna a tan a mamawh tur ang zawng zawng chu a lo awm kim vek a, soap pangngai nilo Shower gel-a lo awm hlauh chu ka lawm ru hle bawk, a chhan chu he washroom bik hi mikhual te an hman tir țhîn anih hmel a, hriat ngai miah loh soap hman hnu hmang tur ang a rilru sen ringawt pawn ka tì a za uaih uaih thei!





Tui hit raih hnuai â ka din vang vang tak ah chuan ka harh deuh sawng sawng a, ka pi leh pu in min ngaihtuah tawh dan tur ngaihtuah neuh neuh pah chuan ka taksa a gel phuan kai chu ka tleu fai sawk sawk a, engtin nge ka awm zui zel ang! Tun ah hian haw let leh duh pawh niila pawisa ka nei tawh miah lo, an ni... mipa thuneih hmel zet-a leh a bialnu min lawm teh chiam lo tute hmel ka mitthla ah an rawn lan rual chuan ka thaw chhuak hak a! Min țanpui hi lawmlo ka ni miah lo, mahse eng emaw tak hian min mawlh tlat a, mipa leh hmeichhia inthlahlel tih hriat ngawih ngawih an ni a, min mamawh miah lo tih ka chian lutuk vang pawh ani ang, ka hahdam thei der lo! Kawng dang ka dap theih hma chu hnawksak min lo ti deuh pawh nise an bul lo kalna tur ka nei miah bawk silo! Aaaa.. chu lam chu ngaihtuah tawh rih lo vang! Ka thawk a ipik zual mai mai.




Darthlalang a ka hlimthla rawn lang chu ka en vang vang a, vai pa in min benna hnu chu a duk deuh char a, kut ka tuar hnu ah ka landan ka hmuh leh hmasak berna ani a, ka hmai vung chuan ka mit thleng in a ti lang bûi a, ka lang thau vek bawk.



"A vung hi a reh thuai beisei phawt teh ang." Muanpui'n thuamhnaw hak tur a min pek chu ka inthawlh sawk sawk a.




Ka sam huh towel a tuam chung chuan ka kal chhuak a, Muanpuii thuamhnaw min hak tir chu ka ha tawk ve thlap, washroom kawngkhar chu pawt phuiin inchhung ril lam pan chuan tawite ka pen lut hlek a, an ni pahnih thawm hriat tur a awm miah lo, awm mai dan tur hrethiam lo zet in hall zimte, țhutkhawmna luh tlang nan a an hman țhin area ah chuan ka ding zum ta reng a!





Khawi emaw lai ațang hmeichhe au deuh țhat thawm a rawn chhuak a, ka phu dawrh leh nghal! A hnu ah chuan mipa aw lian zet leh thum deuh dut nui ri hawk ka hre zawm zat a, mi â ber tan pawh an ni pahnih hian chimbuaitu midang an mamawh miah lo tih a chiang reng!



"Lawk lawk lawk.." Muanpui chu nui hawk hawk chung in a țawng lawng lawng a.



"Chhuak ang, kan țhiani kha a ril a lo țam lutuk tawh ang." Mipa aw thum leh hniam ruih thusawi vang chuan ka tawlh hnung leh dat a, an rawn chhuah hun ah engtin nge ka lo hmachhawn ang!




"Ka ril pawh a țam lo."




"Țam lo mahse chhuak phawt ila." a ti leh sup, a aw kâ chhuak reng reng a dam ruih a, Muanpui tan pawh panchan loh ngaihna a awm lo.



Reilote hnu ah eng emaw a ri khap a, țhutkhawmna hmun zautham zet hnung lam a kawngkhar dum hlap chu chhunglam ațang a inpawt hawng a, thuneih hmel zet-a kha inbualzo hlim tih hriat zet in a rawn pen chhuak ta hlawl bawk.



Kan inkar chu hla angreng viau mahse a sam dum hlap leh buk lammah chu a la hnawm tih ka hre thei , chuan ka hmuh tirh a, a biang a hmul țo khat deuh luk ho kha a mêt/zîat fai tawh bawk




Ka lo ding zum reng min rawn hmuh rual chuan a rawn nui lui suk a, tawnzau dum a ha tawp, kekawrbul a ha leh mai bawk. A hnung ah chuan phone hmet mawlh mawlh chung in Muanpuii chu a rawn chhuak ve a, ka awm ve tih chu hria ang a lan țul a tilo pawh ani ngei ang, min en lo va, phone ngawt bih ngar chung chuan kan inkara țhutkhawmna zau tham zet chu a kal tlang a, choka lam ni ngei tur ah a lut bo zui ta hmiah a.




"Thil ei phawt ila, i mu hahdam dawn nia." Muanpui ngawt ka lo en a vang chuan hawi dawrh chung in couch hnung a mipa lo ding ngawi ngul chu ka en nghal vat a.




"I sam tuamna kha phelh la." a rawn ti leh sup bawk.
"Oh.." ka lu tuamna towel chu ka tawk zeuh va. Ka sam a la huh lutuk, ka la thla ngawt anih chuan tui a rawn dir tluk tluk hial ta ve ang.



A che deuh hrut a, a inchhung a kawngkhar pathum chu en kual in min rawn en leh vut bawk.
"Hemi room hi i hmang dawn nia." A thle buk a, an rawn chhuahna kawngkhar dawt chiah room chu min hman tir a tum anih hmel.




Pen hnung hrut in kawngkhar hawnna chu a herh a, kawngkhar chu chhung lam ah a nem lut a, pindan chhung lang dai raih chu ka thlek ve vat mai. Chupa bawk chu a rawn inher a, a mit hmul min kân khúm uk tak ah chuan rang zet in a lam pan chuan ka kal zui zat a. Zawhte lakthar țî dak ang mai a ka chekual vel chu a tan hmuhnawm a tling nihming! A lo nui suk leh nghal.




"Hei i hmang dawn nia, AC in fit lai hi a la hman tlak em ka hre miah lo." a ti sup a, pindan chhung ah a pen luh rual chuan kawngkhar a invuak phui hma in rang zet in ka lut ve vat bawk, pindan chhung chu a thlek kual vut a, tank top dum( tawnzau) leh kekawr bul tlâwng a inbel chung pawn a landan a zahawm rûn tho mai, mangang baklêng a ka tlan laia ka hma ah tak a rawn din rual khan a landan thuneih hmel lutuk leh thlamuanpui awm zet vang khan ka thaw huai huai tawh anih kha!



Mahse mipa nelawm tak anilo tih ka hming ka hriatchian tluk zet in ka hrechiang, a huhang a na in engmah a sawi loh pawn a hmel landan a rum deuh ul reng a, a aw ri lian zet leh thum deuh ruih te chu mipa nazawng neih ve lo ani bawk a, hepa landan engkim hi mipa vantlang chunglam ti pawn a sawi vek theih ang.




"Hmuhnawm min ti thar ta riau em ni?" Ka melh nghal kawk a, kan mit a intawn chat rual chuan ka thin zawn hi a sa lum huam a, nui suk chung chuan a kutchal in a hnar a nul zauh bawk.






"Ka biakna chhe hre hauh lo va min thlek reng vang in ka zawt mai mai che." nuihzat hmel zeta a rawn ti leh nghut rual chuan ka hmai leh hrawk vel a sa nghal pup pup mai. Ka sam tuamna towel chu ka pawt phelh ta ringawt a, amah pawh chu thil zawn nei ang maiin a hawi sawn vut bawk. Ani pui roh hian ka thil lo ngaihtuah zawng zawng kha a hrethei ang'em le?



Aaaa.. dawithiam anih ngawt loh chuan ka ngaihtuahna a rawn hrethei teuh lo, mahse a nuihza insum hmel ațang kha chuan ka lo en reng tak tak tih lah a chiang reng. Boruak hip lut in ka chelh vang vang phawt a, min nuihzatna tur engmah ka thlen tir tawh tur anilo.




Pindan chhung a thil awm ho chu ka thlek kual ve thuak a, khum pakhat fit4 fit 6 bawr a zau tur a inhung a, cabinet bang rinchhan in a ding chho ruih bawk a, inchung lam ah 'fan' a inkhai a, side table chung â ac controler lo awm ngat a hmuh tak ah chuan a pan zui vut a. Controler var lian vak lo chu lakang vut in a hmet zui mual mual a, reilote hnu ah chuan a rawn rum chhuak nghut a.





"A hman thei e." a ti nghut, side table ah vek chuan a dahthla leh a, ka lam hawi turin a rawn inher ruai ruai bawk.



" in ei puar la, i duhtawk in i mu dawn nia." Ka bu nghat a hmuh rual chuan a uluk zet a min en ngur chung chuan a kekawrbul ipte ah a kut pakhat chu a zen lut a.



"Inthlahrunna tur a awm lo a nia, mamawh i neih chuan sawi hreh lo la." a ti leh sup bawk.



"Han mu hahdam phawt la, i taksa a hahdam țhat hnu ah kan inbe dawn nia." Naupang thuawi tak ang maiin lu ka bu leh nghat a, ka hriat chian em em erawh chu ka zahtheih lohna zawng zawng sawnkhawm in midangta pûk chawp hial pawh niila he inchhung ah hian inthlahrung dêk in ka awm ve chhung chu hun ka hmang dawn tih ka hrechiang viau, a chhan ka hre biklo, Muanpui phei chuan min la bê ve mang lo, mahse chhunglam hian 'hnawksak' min tihna boruak a leng vel ka hrethei tlat.



Towel khaihna tur min kawhhmuh ah chuan ka towel huh chu ka khai nghal zat, pindan ațang chhuah mai inpeih zet in kawngkhar lam ka pan lai chu min lo en rûn tawh, kekmah ngawt min en ngur a vang chuan nuam ka ti chiah lo va, pindan chhung chu ka thlek kual ta thuak ringawt a.



" i biang kha a la na em?" a rawn ti sup, ka biang ka tawh zeuh rual chuan chal chuar deuh tûp in min chhuk en rûn a.



"Aih, a lan ang ai hian a nâ lo." ka ti a, a bu nghut a.



"Nakin ah damdawi ka pe dawn che nia " amah vek chuan a ti leh dût bawk, nuam lo ka tih a hlau ve tak tak te pawh a ni mahna!





Kawngkhar a pawt hawng a, a hnung ah ka zui chhuak ve nghal zat, țhutkhawmna area zau tham zet chhuat lai tak ah Muanpui chu a lo ding fel at a, Thuneih hmel zet-a phen ațang chuan ka ding hla nghal vat bawk. Pindan pakhat ațang kan chhuak rual chu mak a ti viau ani hrim ang, a meng deuh kawk a. Ka bula mipa ding chuan a bialnu makti hmel chu a hmu lo nge a ngaipawimawh lo zawk pawh ka hrethiam lo




"Ei tawh ila." ti nghut in an choka lam pan chuan a pen zui vut a, chiang kekkawk in Muanpui chuan min melh ngar phawt a, a zawnah a bialpa a va thlen phei tak ah chuan a banbul ah a kuah nghal zat, pangngai zet in a chawhmeh lo siam ho a sawi zui barh barh a, kei erawh ka thawk chelh reng chu ka thlah riai riai a zawite hian ka thaw chhuak ham ham bawk!

Engtiklai pawn electric kal sual in awlsam takim kang mei a siam thei ang mai hian he inchhung a boruak hi a kal sual zeuh anih chuan awlsam tak in kangmei a chhuak hluai ngeiin ka ring.





"Thelma?" Mipa aw lian thum dût in min koh tak ah chuan ka thaw chhuak leh hawlh phawt a. Puar khawp ka ei ngam em ang chu maw.




Choka ah ka va luh ve rual chuan mak tih vang bawk in ka meng leh kawk mai! Engkim mai chu a felfai thlup a, hnawk nuai silo in engkim a awmkim vek hial mai. Ka țhutna tur a an tih ni ngei tur ah chuan ka țhu thla ve tawp a, ka ep chiah ah Muanpuii a țhua, a bialpa chuan ei țeuh turin min hrilh a.. ugghh, a hming ka la hrelo cheu!




Tawite in ka țawngțai a, chawhmeh zawng zawng hi Muanpui siam vek anih ngat chuan a hmelțhat ang bawk in eirawngbawl pawh a thiam tak zet, kelsa thak țha zet in a kang a, arsa a siam tel bawk, chaw ei chhung chuan a bialpa chu a care em em reng a, chawhmeh thleng in a suah sak thlap zel, a che reng reng a zei thlap vek a, over lutuk silo in a bialpa a biak chuan a aw rik dan pawh a no lam hret, hmeichhe fing tak zawng ani phawt ang, mipa a zah thiam e mai, nimin tlai ațang engmah ei tawh lo ka ni bawk a, ka ei tam hle bawk, chaw ei boruak chu ka beisei ai daihin a dam raih a, Muanpui pawn chaw hmeh te chu ka ngainat zawng ani em tih min zawt seu seu va, ka mit ah chuan inngaizawng ai mahnin nupa tuak thar an ang hial zawk.





"Hmingpui i phone a riin ka hria." Mipa chu a thleng nen a tho vut a. 'Tap' lam a pan rual chuan phone rikna lam ngaichang in Muanpui chu a hawi kual thuak a, a hmai tlang a siin a vun a var deuh vak a, a chekual vel chu a hmuhnawm ru phian zel.





"Ka nu anih ka ring." kitchen towel pawt thla in a kut hun chu a hru thuak a, choka ațang a kal chhuah hma chuan min chhuk en vut bawk.



"Thlema ei țeuh rawh aw." a rawn ti sup, a pa hrawl bawk si, engmah sawi belh tawh lo in a kut huh hrukna kitchen towel chu bawlhhlawhbawm ah a vawm lut a, choka ațang chuan a kal chhuak zui nul nul a.



"Thelma maw?" Ka êp a țhu Muanpui chu ka en nghal vat a. Kei aiin kum 4/ 5 talin a upa zawk in ka ring.


"Umm."


"Engtin nge Hmingpuia hi i rawn zui haw ve ngawt theih le?" a ti a, a mit meng zim lam lek lek ah chuan ka melh let ve ngar bawk. Buaina ka tawh vang a min pui tih a hmu thiam lo nge a hmu thiam lo duh zawk pawh ka hre hrep lo.



"Buaina ka tawk a."



"Umm, ka zawt mai mai che, a mizo puiin buaina a tawk a, belh tur dang a nei bawk silo a, a rawn hruai haw che.." a sawidik vek, ka bu nghat a.



" Midang țanpui hi nuam a ti ve a, nakin ah helam a Mizo Association hnen ah i chung chang thu vel hi thlen i la, i haw dan tur pawh kan ngaihtuah zui dawn nia." a ti leh zat, a thleng chawiin a tho zui nghal mai bawk si nen kut sila a chekual vel chu rilru buai zet in ka en ta reng ringawt.





"Thleng hi sil a ngailo aw, nakin ah vai nu a rawn kal dawn a, a rawn tifel vek mai ang, i duh chuan i mu hahdam dawn nia." A kut hruhul mawlh mawlh pah chuan table lam pan chuan a rawn let leh a.

Țawngka a chhang lovin lu ka bu ta nghat a.




Ka thleng chu ka thawh pui ve a, choka ațang chhuah a, an ni pahnih hmachhawn ka chak loh dan chu pui tak ani tawp! Ramdang ah mahni mizo pui ngei mai hmuh thlamuan thlak bik zia an sawi ka hrefo tawh țhin a, kei ve chu thlamuan a hneh in kan inhmachhawn chhung chuan ka țang țung reng a, keimah lam hi ka diklo nge, Muanpui hmel zahawm lutuk hi ka ngainatchi anih loh vang in aman min ngaina lo tur ah ka ngai ve tawp pawh ka hrethiam teh hrep tawh lo.




Thawm dimte in Choka ațang chuan ka kal chhuak a, room lamah an awm anih hmel, a lo reh țhiap a, țhutkhawmna Area ah chuan couch var zau pui a inhung kual ruih a, darthlalang leh rawng var in inchhung chu an cheibawl nasa a, a langpui mup bawk.




Ngopa a ka pi leh pu biak pawh ka chak viau nang in Hmingpuia emaw Muanpuii zawk pawh nise phone hman sak dil ka huphur țung mai bawk si! Aaaa... muhil phawt ila, ka harh leh hun chuan ka zahtheih lohna zawng zawng sawm khawm in an phone hman ka dil tawh mai ang.




Ka mit la deuh tu bang hlaihlup khat dul a frame intarna lam chu ka pan zui nghal zat a, nichin khan ka lo hmu miah lo, chawimawina certificate chi hrang hrang leh India ram prime minister lanna thlalak te a lo in tar thluah a, kummin Republic day day pawh khan eng emaw chawimawina medal an hlan bawk anih hi! Certificate-a ahmingpum inziak chu uluk zet in ka chhiar a. *Carlos Zohmingliana Sailo*




"Carlos." ka ti sep, Carlos tih thumal ngawt pawh chuan thil a tihtheih hmel in hmanlai lalfapa palian pui leh chak hmel zet, ram dang lal ram an rûn chang a hmelma lu la hnem ber khawp hial a lalfapa huaisen leh rothap, hrauhram na zet nen ka khaikhin zui rauh rauh a!



Tinge Carlos tilo a Hmingpui tiin Muanpui khan a ko daih le? Aaa.. Thelma, thil ngaihtuah vak vak zel suh, specialy in this house, you need to be quite like a fish!




Khum ah chuan ka bawk nghal thlawp, khum chung a 'fan' inkhai chu avir muai muai bawk, lukham ah hmai phum chung chuan duhthawh zet in thawk ka han la hawlh phawt a! Khang ka thil tawn ho kha chu ngaihtuah nawn loh hram ka duh!



Keihi Thelma Malsawmdawngzeli ka ni a, ka nu leh pa te hi naupangte ka nih laiin Bus Accident vangin an boral tawh a, Mizoram hmarchhak lam a thingtlang khaw lian ve tawh tak Ngopa ah ka pi leh pu te kiang ah ka cheng ve a, ka pu hi sipai penson tawh ani a, kum 80 ral an kai ve tawh a, ka nite chhungkua pawh ka pu te nen kan chenna inbul lawk ah chuan in rawn sa in an rawn luah lut a, pate a, tlangval senior ho in keini erawh inpui ah ka pu te nen kan awm thung.




Kum 2 liamta khan BA ka zo ve tawh a, zirna chawlhsan rih in kan khua a private school ah ka inhlawh ve țhin, ka pu penson hlawh te nen chuan harsa lutuk loin kan awm ve thei mai zel a, vawi khatmah ramdang ah hnathawk turin ka kal chhuak dawn tih ka suangtuah lawk ngailo.




Hmeichhe harhvang tak leh vei neilo ve tak ka ni a, ka pi leh pu min hrilh țhin ang in ka thinrim anih pawn nitlak hma ngeiin hlim leh hman ka tum țhin, Bible pawn 'in thinrimna chu niin tlakpui suh se.' a ti anih kha!





Nu leh pa nei tawh lo mahila min hmangaih em em tu pi leh pu ka la nei a, vûi ka tum chhin ngailo, simple tak a nun hi ka nuam tih zawng anih vang in thil fancy tak ka ngaina ngailo bawk. Țhian ka kawm tam lova, ka bialpa leh ka best friend te nen kan pathum in kan in kawp chawt ka bialpa Valpuia pawn a zirna zo in kan khua a BDO office ah hna țha tak a hmu zawm zat a, kum 4 dawn inzui tawh kan ni bawk a, inneih lam kan sawi ve ta zauh zauh fo va, pa zaidam zet leh țawng tam lo tak mai ania, ka pi leh pu te pawn an ngaina tawh hle nghe nghe, kum 1 chhung a hna hmuh thar chu a thawk phawt a nga, sum a khawl hran hnu ah kan innei nghal ang tiin min hrilh țhin, kum 19 ka nih lai ațang kan in ah a rawn leng ve țhin a, kum 20 ka nih in inngaizawng pangngai te ang in kan inzui ve țan a, kum 4 zet zawt kan inzui ve tawh anih chu, collage kal in Aizawl ah ka awm ren rawn a, ani pawh zirna sang zawk zawm in couching class te a rawn kal ve lawp lawp a, kan inzui nasa bawk a, tupawn kan inneih min beisei pui vek, marawh chu khang kum 4 kan inzui chhung khan sex kan hmang miah lo tih ka sawi tel hram ang, hmeichhe lak a kut hlei thawt thawt chi anilo bawk a, a bulah ka awm chang pawn inveng ran leh hlauthawng a awm ka nei ngailo.





Collage ka zawh hnu lawk ah kan khaw (u) lam ah let chho in private school ah hna ka thawk nghal a, Valpuia pawh a rawn haw awl lova, kum khat hnu ah hna țha tak chelh in kan khua ah ngei a thawk zui ve leh nghal a, kan inneihna tur chiah hmachhawp nei tawh in sum te pawh ka inkhawl ru ve țan a, ka mipa duh em em Valpuia nupui nih ka nghahhlen țhin dan kha tuman min hriatthiam pui ngai lo vang!




Class ka neihpui lai pawn text a inbiak kan ching a, a chetdan holam tak pawh ka hlimpui em em vek!
Nikhat erawh a nawm vak loh vang in hna a kal dawn loh thu a rawn sawi a, kei erawh school ah ka awm vang tawh thung.




*a zialo e, ka lo kân ang che aw.* text in kan inbe zui reng a, hemi ni hian lunch brake chhung tal in ka kán ang ka ti rilru a, mahse principle in emergency in teacher's meeting a koh ta thut a, Valpuia kiang ah pawh ka sawi thlap, tlai ka school ban pahin ka tlawh kawi ang tih ka hrilh a, chawhnu dar 1 rik dawn a rûaiah meeting chu kan zo va


Saturday tuktin student te test neih pui tur tih thu thlukna siam ani a, subject siam rem tur in class nei lo ho chu kan buai zui mawlh mawlh a, Valpuia pawn a chanchin a rawm update ta rih lova, a nuam deuh a nga, a muhil thei ah ka ngai a, ka lo veng ve huai bawk.




Chawhnu lam second period chu ka subject ani a, chu mi class ka zawh chuan ka awl thei tawh! Ka rilru vir zawk a vang chuan phur zet in principle office ah lut in haw hma ka dil ta a, class ka neih zawh vel ah haw min lo phal sak thlap bawk.





Valpuia pawh hrilh lawk ta chung lo chuan class ka zawh rual in school chu ka chhuah san sawk sawk a, a ei chak zawng tur thingpui dawr ah lut in ka pack sak thlap bawk. Kan in leh an in a inhlat lo va, kan in aiin an in a awm hmasak a vang in kan in ah pawh va peng kawi hmasa lo in motor kawngpui chhak lam pan chhohna step chu ka zawh chho ta zawt zawt.



An kawngkhar a lo inkhar phui țhiap a, ka kik karh a, pawhhawn mai ka tum nangin chhung lam ațang a lo inkalh niin, ani nuam lo hian midang lut chhuak thawm a ngaihtheih loh vang in a inkalh hnan ah ka ngai ta ber!




An in chu ka kal hual a, Valpuia room hi inhnung huan hnaih ah a awm vang in tukverh ațang a luh theih mai a, vawi tam a room a kan awm laiin thei lo turin tukverh ațang kan chhuak fo a, ti harh kher lo in tukverh aţang chuan luh mai ka tum a, a pindan zawn ka thlen rual chuan chhung lam ah awm an awm tih hriat zet hian tile bang chu a rawn ri deuh dawt a. Țhâwn thut ka duh vang in thawm ka dim zui nghal zat thung.



Tukverh zawn chu ka pan phei țhem țhem a, mahse hmeichhe rum thawm ka hre zawm zat a! Ka hawi zui dawrh bawk! Thawm rawn chhuak chu a rawn nâ tial tial a, hmeichhia mai nilo mipa thawk la nghut nghut thawm ka hre chawp chilh zat a, thil thleng mek kha ka mit in ka hmu miah lo!



Mahse ka taksa a sa pup pup a, ka beng a kiu zui chuah chuah bawk. Tukverh chu ka din hnaih sauh va! Thawm an dim lo telh telh vang nge khum ke chik tuar tuar thawm te pawh ka hre thei vek, ka kehsawm phahna tur tih hrereng chung khan darthlalang ațang chuan pindan chhung lam chu ka bih a.



A chhung a ka mihring hmuh a vang chuan mak ti lutukna vangin in ka au chiam lo chauh! Valpuia nen a in ** mek hmeichhia chu khawvel a ka mihring rin em em, ka best friend ni bawk a lo nireng anih chu! Valpuia khum chung ah chuan kak zet in a mu a, chunglam ațang Valpuia'n a *** lauh lauh bawk!




Țap tur ka awm lo! Ka thin chhung erawh chem hmawr zum a vih a, kher ngawt ngawt ang chiah in a na ngut ngut a, ka thinphu hlawp hlawp chu ka mittui tla tur ai vang pawh ani ngei ang! Ka bialpa leh ka best friend in min phatsan thei anih chu!




In lam pan in ka tlan haw dawr dawr a, tun kha an sex hman dun vawi khatna ani lo tih ka chiang lutuk! Ka mi rin em em pahnih in min phatsana chuan min tîna pawn ka hrelo! Ka â mup a, ka ngaihtuahna pawh a ruak hung vek!




Thimhlim ah Valpuia chuan min rawn text a, a nawm deuh thu leh a nachhawkna ei a ruih deuh vang a, a mut chawhnu țhak thu min rawn hrilh a! Ka rilru chawmawlh vek tawh chu nuihzatna in a rawn thlak a! Vawi duailo min lo bum tawh a vang leh dawt min hrilh țhin a vang a haw hle tur ka nih laiin ka nuih zat ta tlat pek anih chu! Dawt sawi ching mihringte hi ka haw em em a, hnaih pawh ka duh ngailo, an dawt sawi pakhat lek vang in midang an tina a! Tu emaw zahawmna thleng in a chhiat phah vek țhin.



Chung ka mihring huat em em te mizia ang chu kum 4 chhung ka lo zui ve tawh mipa in a lo kawl ru reng a, vawiin chawhnu a thil thleng pawh kha Pathian in dawt sawi țhin mihring lak ata min lak hran a tumna hman rua alo nilo ang tih tunge hria!




Chumi tlai vek chuan ka naupan tet ațang ka țhian kawm tawh Muansangi chu kan in ah a rawn leng a, Valpuia damlo kan tur khan kal ta lo ila chuan ka best friend hian ka bialpa sex a hmanpui thei tih ka hrechhuak ngai lo vang! Țum dang ang bawk in a rawn ri bawrh bawrh a, a nuih zawng a piang in dawrh zet a Valpuia khum ah a mu kak suah kha ka mitthla ah ka hmu a! Chawhnu lam ah ka bialpa khum a țawm a, tlailam ah erawh zak hauh loin kan in ngei ah rawn kalin Valpuia damlo kân ve țha a tih thu a rawn sawi siam siam thei a nia! Haha! Takzet hian, an ni pahnih hian engtiang a tam nge dawt min lo hrilh tawh ang le?




Thinrim a, an ni pahnih huat lam alang lo, ka zak ngawih ngawih ani tawp mai, an khawsak dan tenawm zet ka hria tih hremiah lo in zan lam ah Valpuia pawh a rawn leng thla a, Muansangi nen sex an hmang tih sawi pawh niila tumah in an awi ka ringlo, chutiang tur khawp chuan kan inzui nasa a, kan in ah a rawn chuankai loh chuan in ah a awm tlangpui țhîn.




Pangngai takin ka lo kawm a, ka pi leh pu in min mut luh san hnu chuan min kuah a tum a, mahse rang lutuk a inla hrang in a hnenah thil sawitur ka neih thu ka hrilh a, ka thutak ták em a vang chuan ani pawh chuan mak min tih hmel hle bawk. Kan kum a inthlau lam hret, kum19 ka nih ațang kum24 ka nih thleng a ka mipa hnaih awm chhun leh harsatna engpawh ka tawh chang a ka hriattir hmasak ber a ni țhin a, ka tan a pawimawh zia chu tumah in an hrethiam ve kher lovang!




'I awmdan a diklo, i damlo em ni?' Ka kut a rawn hum a, kei erawh ka malchung a phone chu melh ngarin ka ngawi veng veng a, hetiang tak a serious hian ka awm ngai miau lo, Valpuia chuan thil țha lo thleng a awm em tih min zawt mawlh mawlh reng a, chawhnu lama ka thil hmuh ka sawi rual chuan țhutthleng ațang a ding hlawl a, ka mittui a la tla lo cheu! Țhutthlenga țhu reng chung chuan Valpuia chu ka chho melh a, a hmel landan chu a buai mup mup tih zawng sawifiah dan ka hria.



'Ka sawifiah thei?' Reifê hnu ah a rawn ti hnawk țûak a, ka nui ringawt bawk.



'Sweety ka sawifiah thei.' țhutthleng ah rawn țhu thla ve leh in ka kut a rawn hum chawt a.


' a thleng nawn tawh lo vang..' engmah ka la sawi chuang lo, Valpuia chuan engkim thlen țan dan leh a thlen chhan dan vel a sawi a, a sawi dan ațang chuan Valpuia hnathar hmu lawmna kan neih zan khan Valpuia te'n ah chaw kan ei khawm a, zan dar 9 bawr thleng keipawh an inah khan ka awm ve a, dar9 pelh ah min thlah a, chuta a let leh chu Muansangi nen a kawlsa whiskey an indun leh a, hna a nei tawh bawk a, kei nen a inneih a tum ruh zia thu Ms-i pawh a hrilh tih te a sawi a. Mahse an rui deuh hnu chuan inthunun theilo in sex hial an hman tak thu a sawi a, tawi tê tak tak in ka nui ringawt.



An thil tih chu a diklo tih hria in a thlen tirh lai phei chuan ka lakah an inthiam lo lutuk tih te, Muansangi pawh a rilru hah lutuk vang a chaw a ei theih loh thu te a sawi a, Valpuia pawh chuan a tuk zing ah zan a thil thleng ka hriatfiah rual deuh thaw khan mahni inthah chakna hial ka nei a sin! tih a sawi bawk.. a dik ngei ang, Valpuia tan a bialnu ka ni a, Msi tan lah a best friend ka ni bawk, a hlimchhawn na na nâ chuan ka lakah an inthiam lo ngei ang! Mahse thil sual an tî tih lam an ngaihtuah lo anih hmel.




Chumi hnu ațang chuan an inkar ah thil thleng a awm lo vang vang a, mahse maktak maiin remchang an hmu thei ta em em a, chu remchanna chuan kei pakhat tan bialnu, pakhat tana țhian ni bawk min bum turin hun țha a siamsak ta reng a, renchang a awm phawt chuan an bawhpelh ngailo tih te thleng in ka hre ta vek bawk.



' thukdik tak min hrilh a vang in ka lawm e.' Valpuia chu a mitah tak ka en a, ka aw ri chu a hul hak bawk.



'Thelma kan chet dan kha a diklo hulhual, a thleng nawn tawh lo bawk ang.' Ka kut a hum bo vek a, a tha khur ru dur dur chu ka hre chiang hle bawk.


'Kan inkarah engmah a awm tawh lo.' ka ti leh sep a, Valpuia chuan min en ngawt ngawt mai.



' Sweety min ngaidam hram rawh, nang lo chu hmangaih ka neilo..' lu ka lo thing a. Insawifiahna thu ngaihthlak tur a tam turu lutuk, tun hnai ah mai nilo kum khat liamta ațang khan hunawl an hmuh remchan apiang in phatsan ka lo nițhin tih thuvel chu thinrim pui ngawih ngawih tur ka nih laiin calm takin engkim chu ka hmachhawn a, duhtawk a Valpuia insawifiahna pawh ka ngaihthlak sak vek, a hmel thim rup leh mit meng sen deuh ram ah chuan min chhan a duh biklo tih ka hmu thiam a, mahse min chan ngailo in keimah zawk in ka kaltir thung ang!




'In inkar ah ka rawn inrawlh ngai dawn lo, vawitam i lo khawih tawh hmeichhia khan keimah aiin i ngaihtuah a mamawh zawk bawk, hlim takin in awm dawn nia.' ka ti a, a țhu ngawi ngul a, chhuat a bih ngur bawk! Sana ban chek thawm chu thawm hriattur awm chhun ani a, rilru buai tih hriat tak a Valpuia țhu ngawingul chu biak leh tumna ka nei tawh lo bawk.



Zanlai pelh ráwk thleng inbe chuang miah silo in kan țhutkhawmna zaulote ah chuan kan țhu chawrh chawrh a, zing dar 1 rik dawn ah ngawi reng in a tho a, kawngkhar lam a pan a, kal chhuak ta mai lo chuan thawk la hawk hawk in reife a ding kawmuang leh vung vung, mahse tleirawl â ve tak ka nih lai ațang ka mize hrechiangtu leh min hrawn tam ber tu ani bawk a, ka luhlul dan leh ka thuthlukna engpawh ka sawhsawn ve mai mai ngailoh zia lah hre hnehsawh ber tu ani miau.





'I rilru ka hliamsak che vang in ka tihpalh, theih tawp chhuah a i thinglung neihlet leh nan ka beih ngai dawn pawh nise engkim ka huam vek, hahdam rihla, țúm dang ah kan sawi țha leh dawn nia." a ti sap a, ka melh nghal kawk bawk.




'Thelma, chan che ka duhlo, ka tan engang a pawimawh nge i nih tih chu i inhria a lawm.' A din ngaia ding reng chung chuan a rawn ti leh sap a, ka țhiannu ngawih ngawih nen sex an hmang a, engkim ka hriat vek hnu ah min chan a duh lo tib a sawi leh ang lawi a! Hnaih leh tumna ka nei tawh lo tih sawi khum chiam ka peih hran lo.




Ngawi reng in kawngkhar ah chuan a kal chhuak a, a rawn nem phui leh a, keipawh ka thaw ve ta halh halh bawk. Vawi duailo inneihna chungchang ka lo sawipui ve tawh țhin mipa tel lo va vawi leh khata nun ka tan a harsat dan tur ka hmu lawk rúih a, sabon tel lova tuisik lawng tawp a inbual ang mai hian ka kimlo nghal húi bawk.





Valpuia chuan a sawi lawk ang tak takin chet a la a, min text a, ka reply loh pawh in min text a țhulh hlek ngailo, min call tluk tluk reng a, a msg takngial pawh ka en sak ngailoh kar a, a phone call lo chhan sak te chu hnai lo tak ani tawp, zan lamah kan in a rawn chuangkai awl lova, ka biak aiin a min biakna ka hriat loh der sak țum a tam zawk.





Chutia Valpuia'n min zarbuai reng tak ah chuan boruak thar hlak hip mamawh intiin Aizawl lam ah chhuk thlak ka tum a, mahse Hyderabad a hnathawk tur hmeichhia English vel a buai lo mamawh anih thu vel ka hriat tak ah chuan ka beng a verh ta zar a, Valpuia leh a ngaihdam dil hluam hluamna boruak ka tlanbo san theihna hun rem chang ah ngaiin ka hnathawh tur pawh detail tak a hrechiang hmasa lo in ka thawk chhuak ve ta tawp kha ani a!






Hyderabad ka thlen rual in Naga nula pakhat leh vai pakhat in min rawn lam a, Naga nu chuan north east lam mi pawh thawk ve an tam thu te min hrilh bawrh bawrh a, an chenna Area min tlan luhpui rual khan ngaihțhat loh rukna ka nei țan a, a chhan chu khawpui chhung nisi kha building a hluiin kawngkam a mipa țhu bawr luih hmuh tur an tam em em a!



Mipa zurui țawn hmel takin hmeichhia kut a thlak thuak thuak lai te kan tlan pel a, thil chhe ber hmachhawn ka huam tiila ka sawi sual hauh lovang!




"Thelma?" Dam rûiha ka hming rawn lam tu aw ri vang chuan ka lum nghal huam maiin ka hria.



"Thelma?" a aw nghet cherh chawrh leh rilruih chu hriat tawhna ka nei!


"Thel.." eng emaw lum vung vung in ka dar hnung a rawn tawh rual deuh thaw chuan ka che phut a, mipa aw lian zet rum nghut thawm ka hre zawm zat! Ka țhu chhuak hlawl a, ka awmna chu a lo thim ruih a, ka awm leh nghawng vel a thlan huh hluam bawk.




"Relax, keimah." a rawn ti hrawih! Khum ah ka țhingțhi tih leh khum lu bang bul ah taksa hrawlpui a awn ve tih zawng ka hria.



Reilote ah pindan chhung chu a rawn eng ta kûng a, Nuihza insum tih hriat zet a min lo en rengtu ka hmuh chian tak ah chuan thaw huai chung in khum ah chuan ka țhu thla hnak mai!



" ka ti hlau che em ni?" A nuihzat lutuk vang in a aw ri chu a ni hawk bawk.


"Aaaa.."


"I biang a hnawih tur damdawi ka rawn lei haw a." a tih tak sup ah chuan a kut phah hrawl zet a thil awm chu ka en nghal vat bawk.



"Hei hnawih la, a vung pawh kha a ziawm vat mai ang." Carlos vek chuan a rawn ti leh sup, side table ah chuan a dah a, a dar hnung lam chu dawm in nuihza insum zet hian min chhuk en leh kher bawk.




"A na vak a mi?" ka ti sep, mahse zahna vang in ka hmai a sa țawn țawn thung. Lu a thing nghut a, min fiam mai mai tih ka hriat takah chuan ka hahdam deuh huai mai!




"Insual thiam i ni tih ka hre hauh lo." a ti hluk mai! Zalote hian ka nui a, leather jacket a ha a, a jacket hma chu zip phui loin a taksa rem zuiha a t-shirt hak hmalam chu a lang thla hiang bawk.




Min fiam dan kher kher chu țhullo ka ti viau bawk. Nichin khan bawkkhup in ka lo muhil a, ani min ko harh zo silo ka dar a rawn sawi tum chu che phut in a ban ah ka man a, hma lam ah ka bin, ka awmdan in a zirloh pakhat bakah a taksa a hrawl tham em a vang in chhuat ah a tla thum țawk lo mai mai leh nghal! A ban danglam chu hnung lam ah nawr chho deuh hlek in a rawn thaw chhuak leh deuh hawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2019, 10:52 pm

Ka khawihna hman chai silo.



"A na tak tak em ni?" tih leh khum ațang thawh chhuah chu ka rual a, Carlos-a chu a lo țhen suk anih chu! chumi rual chuan a mit bul ah vun chuar a kal phei raih a, ve ngei chuan leh! A pa hrawl tehreng nen fiamthu thawh dante a lo thiam ve tho anih hi.



"A ruh kha.."



"A nalo, damdawi kha hnawih la, dinner kan ei dawn nia." a ti sup a, ka meng zau kawk chu rawn hmu in a rawn kun hniam deuh vut bawk.



"Zan dar 8 a pel tawh." A rawn ti sup.


"Ka va mu tui ve." Ka ti chiam ringawt, dingmar vut pah chuan a kiai leh suk a.



"Pizza ka order a, dinner ah i hmang thei ang chu tiraw?"


Rang zet in lu ka bu a, a chhan chu a in ah ka awm a, engmah sawinawi ngam tur ka nilo.



Ka room hman ațang Carlos-a a kal chhuah hnu chuan thawk ka la halh a, dawhkan tê a a damdawi dah chu ka ban zui vat bawk. Ka hmai tlem a la vung mar deuh hlek ah chuan damdawi chu hmet chhuak in ka hnawih zung zung a, dawmdawi ka hnawih hnu reilote ah a rawn hit raih raih a, ka hmai vung bur leh ka hmel landan tichhe vek tu a reh vat phah ka beisei.




Pindan kawngkhar ka pawhphui rual chuan pawnlam chu a lo reh huai a, Muanpui emaw Carlos-a emaw hmuh tur an awm miah lo, couch inhunna lam chu ka pan a, ka thlengfel țawk tih ah ka room hman dawt chiah kawngkhar chu chhunglam ațang a rawn inpawt hawng a, a thuamhnaw inbel ngai inbel in Carlos-a chu a rawn chhuak ve hlawl a, jacket erawh a ha tawh lo. Kawngkhar a pawt phui a, ka biang chu a rawn thlek deuh vut tih ka hriat rual chuan ka thle sawn hlek a, a kawchhung ațang a thaw chhuak zui ham ham mai!




"Deliver boy a rawn thleng țep ang." a ti nghut, lu ka bu zeuh va, door bell a rawn ri chawpchilh nghal der bawk.




Carlos-a chuan min kalpel vut a, a rimtui hman rimpa zet leh engemaw riau chu ka hip lut hak a, perfume siamtu company lam hian rimtui satliah tawp turin an siam ngailo va, mihring rim hriatna in a hip luh rual a, feel engemaw an neih ngei ngeina tur in rim tin hian feeling hran a kengtel vek țhin. Rim țhenkhat kan hip luh rual chiah hian kan cell tinte rawn mur ar ar thei khawp a control-na chak te an siam thiam a, Carlos-a perfume rim kha chuan min ur lum ham ham thei niber in ka hria.




Kawngkhar innem phui deuh dawt thawm ka hriat rual chuan ka hawi chhuak vat a, pizza box pahnih leh coke bur pawn chung in a rawn let a, kê lawngin a awm tih ka hrechiah bawk.





"A lum lai hian ei nghal ila." Center table ah a thil rawn pawm let chu a dah a, couch mal lian zet ah chuan a țhu thla nghal vut bawk. Ngawi reng in ka pan hnai a, a ep chiah a țhut ka hreh deuh vang in couch kual na lai tak ah chuan ka țhu thla a, Muanpuii a rawn chhuah ve mai ring in a room kawngkhar lam chu ka melh leh zeuh țhin a.



"Coke kha i ta tur anih kha." Amah chu ka en nghal dawrh, pizza box chu a lo hawng darh vek tawh, lak hran mai theih in a lo siam rem diam tawh bawk, Muanpuii chu a muhil anih te ka ring ve ta tawp.




" Ngopa ah maw in awm a?" a rawn ti a, coke chu in in ka thil țhial lai chu ka lem leh te té a, tlem a ka chhunglam țang rû țêuh reng chuan min ti hah rû hle bawk.


"Umm.

"I chhungte.." a sawi zawh hma chuan ka pi te ka la be miah lo tih ka hre chhuak zawk a.


"Awi! I phone ka lo hmang " ka ti nghal țhawt, couch ațang rawn țhu chhuak in a kun deuh khûn kha ani a, muang ruih in couch nghenchhan a ngheng zui ruai ruai mai.



"Ih.. ka.. Hyderabad ka thlen hnu khan ka la be miah lo.."


"I nu te chu maw?"



"Aa.. ka pi leh pu, min ngaihtuah tawh dawn lutuk.." ka ti zui sawk sawk a, a kekawr ipte a dap rûk rûk lai pawh chuan chik zet in min melh rûn a, phone dum vek a rawn phawrh chhuah rual chuan thaw huai in ka ban ve tawp.


A rawn lek chhuak ve vut a, ka kut ah a rawn dah hma si chuan phun hlukin screen lock a hawng hmasa leh phawt a, ka kut ah phone screen eng pap a rawn dah leh rual chuan ka meng deuh kawk a, mahse țhu țha in ka insiam rem nghal vat bawk. Ka lo rindan chuan Muanpuii nen an thlalak dun emaw, Muanpuii thlalak tawp pawh wallpaper atan a hman ka beisei a, mahse hmeichhe pahnih hneh zet a a kuah khawm lai ka hmu daih thung.




"Engnge i sawi ang?" a aw zawi sup chuan kawh tum tam tak anei tih ka hre nghal kúar bawk. Screen ah number ka hmet vek tawh, muangchang in Carlos-a chu ka melh a, hahdam hmel zet in Couch nghenchhan a ngheng duai a, a mit khur thuk dâk lai chuan min ti lum leh pup tawh.


"Englo.."


"Buaina i tawh dan vel kha i hrilh anih chuan an mangang khawp ang." a ti nghut, couch ban ah chuan a ban a nghat a, a kutțang in a tuk zui kauh kauh bawk. A sawi dik chiah, ka pi leh pu kum upa tawh tak te'n vai ram hla lutuk ah buaina ka tawk tih an hre ngat anih chuan an mangang lutuk vang in an â thei mai ang.



" eng nge ka sawi chuan ang?" ka ti a, phone chu ka mal chung ah ka hum bet nghal tlat bawk. Hmui pet sawiin a thle nghut a.


" i awmdan tur hrechiang hmasa phawt ila."

"Maw?"


"Hna thawh tur i duh hrim hrim chuan ka pui thei ang che." âng háu vin ka en a. A kut phah pahnih hrawl zet chelhkawp pah chuan a rawn țhu kun ta khûn bawk.



" hna i thawh duh chuan ka pui thei ang che, chuan i chhungte i biak hun ah pawh an rilru tih chiai sak lo tur in biak dan thiam la."


"Ka lehkha pawimawh ho ka rawn tlansan vek a lawm."



"Ka hria a lawm, Thelma." a rawn ti sup, Thelma tih a lam hian feeling dang daih ka nei ve hman ziah leh nghal.


"Chuan.." ka ti a, min en uluk lutuk vang chuan zahzel ah pizza slice khat chu ka ban ta tawp, kun deuh in a kiai suk tih ka hmu hram bawk.



" Hyderabad a an hruaina che address kha i hrethei a ngem?" a rawn ti a, ka ngawih deuh vang vang lai te chuan keimah ațang mit a la sawn duh hauh bawk silo.


"Umm."



"Cool, sawi rawh le " a che vut a, center table hnui a laptop chu la chhuak in couch ah chuan ațhu thla leh dawt bawk. A kuai hawng a, min rawn en in a mit hmul a kan uk bawk. Airport ațang min hruaina kha a hla lova, a veng hming nia ka hriat chu ka sawi a, chal a chuar nghal túp mai!



Laptop ah chuan ka veng sawi hming chu a type zui mual mual a. A chevel reng reng chu a dik thlup vek a, rawn hawi chhuak miah lo hian a kutphah hrawl thamzet leh lumna ngah hmel tak chu ka lamah a rawn lek chhuak vut bawk.





Rangzet in a phone ka ken lai chu ka pe vat a, a hmai zawn ah la hnaiin a hmet zui mual mual a, ka hmuh hmasak ber țum khan muslim palianpui emaw ka ti a, mizo țawng á arawn țawng khan mak tih lutuk vang in ka thlawk dawrh lo chauh bawk! Anihna tur ang ka ngaihtuah ngial pawn tinzawn tur ka hre thiam hauh lo, vai mipa lian pui pui leh pian thiam zet te nen an inzui kual a, train ațang a chhuk dawn emaw ka tih rual khan mal ngawih ngawih ang in ka inngai der bawk. Mahse ka beisei loh dan zet in a rawn let leh a, ka thlaphang lutuk tih a hrethiam ani châwk ang!



A ticket te hial min pek tak kha! A in ka luh hnu ah pawh a hnathawh tur awm ka la hrethiam chuang hauh lo! Mizo pâ ngei pawh ramdang ah company te bun in sum chevel hrawl tham lutuk thunun kual an tam tawh tih ka hre ve nangin a hmel tak ngul leh pumrua hrawl tham bawk si en kha chuan sumdawng mi anih ka ring vak lo kha ani a, a lo dik reng bawk! Poilice officer Arsi pawh bel tuar khawp a nihna dinhmun sang chelh a lo ni reng a, india ram prime minister pawn chawimawina a hlan hial tawh bawk.




"Yes, inspector Amir." a tih ri ah chuan amah chu ka en nghal vat a, laptop screen a melhna ațang mit la sawn in ka mit ah tak a rawn en nghal siah bawk. Ka hriatthiam hauh siloh in ka lum leh bulh tawh a, Hindi țawng in bahlah hau lovin thu a sawi zawm mawlh mawlh a, ka mit ah a en reng vang nge, a huhang na lutuk vang pawh ka hrethiam lo, ka lungphu chu amah in a rawn rang zui dawt dawt a, hmuh hreawm khawp in ka sen țawlh țawlh hial in ka ring, Carlos-a lah chuan ahma aia chiang in min rawn en leh kher a, atthlak lutuk in ka țhutna ațang ka tho ta daih bawk.



Bombay24a(1).jpg
Bombay24a(1).jpg (80.75 KiB) Viewed 14476 times



Kal sawnna mai tur hrelo zet chuan a inchhung zau helhhawlh leh pui mup chu ka en kual ta ruai ringawt a, darthlalang kawngkhar hlaipui mai ka hmu fuh nghal chat, ka pan zui vat a; pawn lam pang thim deuh ruih mai chu ka pan hnai zel a, pen 10 vel tur ang a ka hlat lai vel chuan khawpui eng pe ûn mai a rawn lang ta mai! Phur lutuk in ka tlan ti tih a, darthlalang chhah țha zet ah chuan kut nghat meuhvin Mumbai khawpui pe tuar leh motor kawng zau tham zet a motor tawlh zul zul chu ka en ta reng a!


Bollywood movie vel ah pawh an tilang fo tawh nangin khawthlirna rem zet ațang mahni mit ngei a hmuh nen chuan dan dang tak ani tawp!



"Ka duhthusam ang tak a suangtuahna ram kan din ang mai a lawm anih." nui sen sen reng chung chuan rangkachak a luan chhuah ang mai a eng tle sur lam chu ka thlir reng a. "Suangtuahna ram ah pawh hei aia mawi chu kan suangtuah bik in ka ring der lo."



"Utopia!" mipa aw thum zet ka hriat rual deuh thaw chuan ka vir nawk hial mai! ka inher let rang lutuk chu ka inpal thlu nawk lo chauh! Ka hnung lawk ah Carlos-a chu a lo ding rûn tawh a, min chhuk en nghal ngur bawk.



"Engtin maw i tih?" ka awmdan siam rem pah chuan ka ti sep, a rawn chet hrut rual chuan sir lam deuh vah ka tawlh sawn thuai a, ka eng hian nge maw anuih tiza leh tawh ni? Nui suk chung in darthlalang kawngkhar sir a lock chu a hawng ri khep a.




"Utopia.. Suangtuahna ram nuam tak tia i sawi kha ania ka tih." ti nghut pahin darthlalang kawngkhar chu hnehsawh zet in a nawr hawng zui zat, bathlar zau helhhawlh a lo awm leh pek a! A pen chhuak vut hnung mai ah chuan ka pen chhuak ve a, bar inkham phei chu ka hum nghal vang vang bawk.



"Utopia." ka ti ve sep a. Țawngka â min chhang lovin a bu nghut thung, a ban hrawl zet pahnih chu kuangkuah hlun in pawn lam eng ún chu a en ve vung vung bawk.



"View hi a fuh tawp." ka ti a, inchhawng eng emaw zahna ah awm kan ni bawk a, thli a rawn thaw lut heuh heuh va, khawpui lang pê ún ațang thawm rawn chhuak hulh hulh pawh a hriatchian ve theih ta bawk.



"Hyderabad a police rual in i hmun sawi chu zanin là lâ hian an luh chhuah ang." reife ngawi reng a kan dindun hnu chuan a rawn ti sup a, ke melh zeuh va, a khabe ruhkual hrawl tham zet leh invuah ngheh hmel fê ngawt pawh chu hmuh nawm tham a tling der mai.




"I lo awm hlauh a, a tihzia tak tak." ka ti a, rawn thle nghut pah chuan ka mit ah tak a rawn en kher a. Ner rû nangin khawpui eng ut lam bawk ka en leh ta daih a. Valpuia nen pawh khum khat ah mu dunin kan inkuah fo va, mahse Carlos-a huhang na lutuk leh uap na zet ka feel ang hi feel ka nei ngai lo, tunah pawh kan taksa insi hauh lovin kan ding dun a, mahse hnehtak a uap khawm ka ni tih hai theih loh tur khawp in boruak dang hlup in min zin tûau tûau ni ber hian ka hria.



"Hetiang sumdawnna țawp zet buaipuitu te hi an huat awm pakhat bawk em a tin ni." a rawn ti hawlh. A sawi dik ka ti! Kei kha chu ka thiam lo anihna chen a awm nangin sum mamawh vang a hna thawk tura chhuk te an lo enkawl zui dan tur chu ka man thiam ve kuar in ka hria!




Phone ring ri chu ka ngaithla vang vang a, a room lam ah Carlos-a a lut tawh a, kei erawh ka pi biak tum in khawpui eng út lan theihna tukverh bul ah khan ka la ding reng! A 'ring' tawp hma lek lek chuan phone ațang chuan lehlam thawm ka hre thei a.




"Hello." ka pi aw ka hriat rual deuh thaw chuan lunglenna in min rawn tûam nghal hulh ani ber e.



"Pi" ka țah a rawn chhuak ringawt a, mahni inthunun tum zet hian ka kâ ațang ka thaw chhuak ham ham phawt a.



"Mate, ehe, i țha em? Chanchin i rawn sawi bawk silo a, i pu phei chuan 'kal kan lo rem ti thawt thawt a, a chungah thil țhalo a thleng anih ngai chuan..' tiin kan thla a hau a hau mai sin." a rawn ti ta duah a, tawite in ka nui ri hak bawk.






"Mate, i țha reng reng em." dam raiha a rawn tih leh tak ah chuan 'ka țap tur anilo!' ti a infuih mawlh mawlh chung chuan ka thaw chhuak hawk a.
"Pi ka țha lutuk, sim card ka buaipui a talang in ka rawn call lawk thei lo che u a."





'Ka tih kha maw, sim card a buaipui vang a lawm a reh reng ni!' a bula ka pu awm ve hrilhfiah pah chuan ka pi chu a țawng zui lang lang a, khum ah emaw an mu tawh ngei a nga, an nupa mut pindan leh a chhung a thil awm hote chu ka mitthla in ka hmu zut zut a. Ka rilru ti nõ zual tu atan a tawk em em mai bawk si.




"Pi, in lo dam em?"



"I chanchin kan hre tawh a, kan dam huai mai." nui hak hak chung hian a rawn ti a.



"Nizan lam kan ngaihtuah lutuk vang che in i pu nen kan tlaivar zak mawle, mate inenkawl țha la, khua a lum dawn bawk sia. Damlo te a awlsam dawn a nia, tui te kha ințha rawh aw." vai inchhung thim deuh ruih a min hruai luh laiia ka thinphut nasat zia te kha ka ngaihtuahna ah a rawn lét a, ka pi tar tawh tak mai chuan kha ka huntawn kha rawn hre phei se chuan tun ai fê hian min ngaihtuah leh ngei ang.


"Umm, nia khua a lum reuh tawp..."




"Aaa.. mate i pu hi han be ve phawt te, a lo țawng ve dût dút a, i biak hma chu kan inbe hleithei chuang lovang." a der ni miah loin ka nui hak hak mai. Ka pu aw thian khurh khurh thawm ka hre zawm zat a, mite tan chuan tar chak tawh lo ni mahse kei thung chuan an thawm ri ngawt pawh ka thlamuanpui suai suai mai si a.



"Mate, ngaih i va tițha lo vung vung ve mawle." a rawn ti churh churh a, mahni inthiamlo fê hian lei ka chhuah zauh bawk.



"Kan ngai khawp mai che, i awmlo chiah chu inchhung a hnim ruih a, kan țawng chaklo chu anih rih ber hi!"




"Apu țhin hi." ka ti nai nai a, ka pi lo nui ve ker ker ri pawh ka hre thei a.



"Inenkawl țha la, khawlum vang khan damloh te a hlauhawm a nia, i taksa mamawh tur tui kha in țeuh țeuh rawh aw."



Eng eng emaw a rawn sawi zel a, a tha in a phatsan țhen tawh tih hriat tak a, ațawng laklawh lai a han hui leh deuh hap ri te chuan ka țah a ti chhuak ngawih ngawih, kan khua ah current a awm țhat loh thu te, ruah sur ngailoh lutuk vang a tui a harsat thu te an rawn sawi a, ka nuih a za viau bawk, ka awm lohna a la reilo a, tûi harsat zia vel ka hre chiang nangiang bawk, mahse ka pu rilru ah a awm tawh miau chuan ngaihthlak sak kha ka tih tur zawng chu ani ani mai!




"... mate zan a rei tawh mai dawn, nangpawh mu hahdam tawh rawh, naktuk lamah te kan inbe leh thei a ngem?" ka pi zawk in a rawn ti a. Ka phone hman lai neitupa hi ka dil ngam leh phawt chuan ka be leh ngei ang.



"Be thei dawn e, ka lo call leh ang che u."



"I reh vang vang chuan ngaihtuahna țha lo pui pui kan lo pu mai țhin sia, chanchin rawn sawi zel rawh aw.. " a rawn ti nawn leh hram a."i pu pawn țhenawm pá hnen ah ram dang a hnathawk thei tunu ka nei tawh tih vel sawi nuam a ti leh hle dawn nih hi.." ka pu lo nui ri ve hawk hawk ka hre pha a, pi leh pu tan tû te kan hlut zia hrechiang ber tu ka ni ngei ang! Private ah hlawhhnian te in zirtirtu hna ka thawh ve lai pawh khan ka pi leh pu chuan ka hlawh zat min chhut sak ve loin hna ka nei ve kha an ngai ropui em em a, MLA fa nei nu leh pa in an fate an chhuahna aiin ka pi leh pu min chhuanna kha a nep bik teuh lo mai!





Kan in mangțha hnu chuan ka ruak huai a, ka lungleng ngawih ngawih bawk! Ka maimitchhing a, ka pi leh pu hmel a rawn lang a, kum 6 mi ka nih lai ațang an inkarah ka mu țhin a, thawnthu min inhrilh chhawk a, naupang dangte an nu te'n school ah an rawn thlah țhin laiin kei chu ka pi in min kai a, school ka kal ve dat dat țhin, khang vai chhe ho khan min lo khawihna in emaw nikhaw hrelo te'n min lo siam ni ngat se chuan mitthi ang maiin min paih bo der a nga, ka pi leh pu hmu tawh ngailo tur in ka thlarau in ka taksa a chhuahsan hial mai thei!


Ka ngaihtuahna maksak pui pui vang chuan ka mittui a rawn hnam țîam țîam a, pawisa tam tak ka thawh chhuah thuai thuai a, an chhuan tlak khawp a let thuai thuai ka chakna a nasa zual sauh va, aaaa.. tun ah tak phei hi chuan an khum ah mut ve a, an thawk la ri ngaihthlak theih ka chak hluah hluah!





"God!" Ti hawlh ri ka hriat rual deuh thaw chuan ka biang huh hliam chu ka tuai hul nghal sawk sawk a, pangtilum ka feel rual deuh thaw in ka inher thut a, Carlos-a awm ah ka in tauh zui chawrh bawk.




"Ka tihpalh.." ka kûn tlat a, ka țap tih a hriat ka duh lo.


"It's ok! Tinge i țah a." zawi supa a rawn ti ri chuan ka lung a tichhe zual sauh maiin ka hria.



"Ka pi nen kan inbia a.." ka țap chhuak mai dawn a ka hriat vang chuan ka inhnit hraih a.


"Chuan?" rawn kun hniam in a kut lum vung vung chuan ka darah a rawn hner a.



"Ka ngai a.. ih.. an țawngri ka hriat rual khan an bul ah awm leh daih ka chak a.." ka hmai a sa hiam a, ka inhnit zui hlawp hlawp bawk.


"Thelma." a aw rik dan ni ruih mai ah chuan thil tam tak a telve hial in ka hria, ka taksa che hial khawp a ka inhnit zel tak ah chuan nui hawk chung in a awm ah min kuah bet ta chawt a!


"Naupang chhia reuh lutuk." a ti nghut, ka tukhum sam ah a rawn chul leh a.


"Nizan ah pawh min ngaihtuah vangin an muhil thei lo a.. an tar tawh bawk si, an rilru ka ti hah ngawt ang.." ka mittui a rawn luang thla reng bawk, ngawi rengin Carlos-a chuan min kuah bet hlu hlu a.



"Naktuk ah i phone hi ka hmang leh thei em?"


"Timaw?" a nuih zat hmel zel mai hian ka hria.
"Ka biak leh an beisei a.. mahse i phal loh chuan.."



"God, Thelma ka phallo tih ka sawi loh kha." min kuah nghet sauh pah chuan a rum hawk bawk. Ka ngawi ta kar a, ka țah chhuak lutuk bo tak huai chhan lah ka hrechiang nangang bawk! Ka beina zawn chhung lam a mi chu a ri ve dawt dawt a, chuan a taksa hrawl zet hi lumna in a tuam chhual vek emaw tih tur khawp in a lum vung vung bawk.


Lawk!



Keihi!


Ka tal nghal phat a! Carlos-a pawh chuan min kuahna a thlah dul ve nghal zat bawk.


"Ka lawm lutuk aw." a awm zawn melh tlat pah chuan phone chu ka lek chhuak zeuh va, a kut pakhat in a rawn la a, a kut lehlam zawk erawh ka kawng ah a awm thung.


"I pi te chu an lo dam țha em?" A kekawr hak ipte ah a thun rual chuan kekawr bul leh tawnzau rawng hring lam chiah a inbel tawh tih ka hre chiah a, a awm ruak deuh kang pawh a kawr hak nghawng zau zet ațang ka hmu vek thei! Ka tîm nghal chawih bawk.


"Aw, englo.. chanchin ka sawi mai silo a, min ngaihtuah lutuk a."


"Umm, an ngaihtuah ngawt ang che, natuk ah i phone hman tur kan lei dawn nia." a rawn ti sup a, ka dak chhuak nghal háw bawk.



"Hmeichhe naupangtê ang maiin i lo ţap hliam hliam bawk sia, i lunglen chang apiang a i pi te i be zel lo anih chuan i nuar nasa dawn in ka hre tlat." Ka âng haû maiin ka hria! Amah pawh chu vanvadak meuh in a rawn nui chhuak hawk a, ka kawng a mana kutphah hrawl zet a lak sawn rual chuan rawn kun hniam in ka biang huh hliam chu a rawn tuai thuak bawk.


"Ka sawi dik in ka hria, hmeichhe naupang nuar nget nget hrat deuh."



"A teuh lo." ka ti nghek ringawt, a kut chu la sawn vut in a nui leh suk a. Hmeichhe naupang nawrh hrat deuh hmel ka pu reng reng em mawni? Ka naupan lai pawn ka nuar ngai maih lo.



"Inchhung ah lut tawh rawh, thli thaw vang hian hritlang i kai palh ang." a ti leh daih a, khawpui eng út lam chu thlek thuak in min chhuk en leh hram bawk.



Ngawi reng in inchhung lamah kan inzui lit a, darthlalang kawngkhar chu a pawt phui a, a lock vek hnu ah parda chhah zet chu a pawt phui leh thlap bawk. A che reng reng a dam ruih ani ber, mahse mipa zaidam thinthawk erawh a na hle tih ka hria!



"Heng vel hi engtin nge ka tih dawn?" ka ti a, center table chung a kan thil eina hnawk vel chu ka kawk zeuh bawk.



"Ummm, pitzza kha box pakhat ah sawn lut vek la, natuk ah hnathawk arawn kal dawn a, a fate tan hawn sak rawh se." a ti ve mai bawk. Ka chung ah chauh pawh nilo hnam dang chungah leh zel pawh rilru țha tak a pu tih ka hriat tak ah chuan ka ngaisang ru veng veng mai!




A sawi ang chuan box pakhat ah ka dah lut vek a, slice hnih ka ei a, anin slice thum, box hnih lai a order sia, a hnawthawk in a hawn tur a tan a ruahman hrim hrim anih ka ring ru ta bawk.




Choka ah ka dah lut a, a rawn lut ve ka hmuh rual chuan dahna tur ka lo zawt vat a, oven chu rawn hawng in a chhung ah dah hian fanghmir vel an lut lo deuh vang a ti sup bawk.



Fridge hlaipui kawngkhar pawh hawn pah chuan tui bottle pakhat chu ka room ah keng lut tur in min hrilh a, ka țah ngawt vang khenge mawni! Min hmeichhe naupang treat ta riau hian ka hre bawk!




Beer can a la chhuak a, kei erawh choka ațang ka chhuak nghal daih thung. Tui bottle hit thlar chuan ka hmai chu ka dek hlek a, a nuam phian bawk.



"Thelma." Min koh dan ri hi a danglam hneh lutuk a, ka hre hrang reng tawh in ka ring. Room kawngkhar hma ah chuan ka ding leh dat a.




"Ka nau in a thuamhnaw țhenkhat hnutchhiah a nei a, inthlakna i mamawh tak in." a ti sup, a rawn pen phei ve a, kekawrbul mai hâ ani bawk a, a bawp hrawl zet mai chu a lang sar nangang bawk.



Ka ding ngawi reng chu min kalpel a, kawngkhar pakhat a nem hawng a.


"Lo lut lawk la." Ka tan a hlauhawm zawng in a che ngai dawn lo tih a mize ngheh hmel tak ațang ka ring ngam der tawh, pindan pakhat ah chuan ka lut ve a, khum chung ah plastic bag lian pui 'LIFESTYLE' tih chuan kuauna a lo awm a.



"Kha tah khan i mamawh tur chu a kim vek ang, i bungrua an rawn thawn let hmain khang kha ha rih mai rawh aw." a ti a, plastic bag chu ka la kang a, a rit nawlh leh nghal.




Ka room tur a min pek ah ka inpawm lut a, thuamhnaw chu khum ah ka bun chhuak a, mak ti lutuk in ka meng lian nghal kawk kawk bawk. Price tag a lo la awm vek! A nau thuanhnaw hak hlui ati bawk sia! Hrethiam lo zet in thuamhnaw ho chu ka thing pharh a, t-shirt ațang short thleng a lo awm vek! Kal chhuah a țul chang pawh a hak zahpui awm miah loh kekawr puan țha tak tak te nen a lo kim phiar a, a man te lah chu!



Aaaaa mi hausa ho chuan thuamhnaw an lei tawp a, ha țha leh duh silo in an dahkhawm leh mai mai țhin a, chuvang tak a thuamhnaw hlui ti pawh ani thei tho bawk! Ka incheina a pangngai ve hle emaw ka tih viau nangin Carlos-a nau thuanhnaw hak duh loh en chuan ka tê rawih rawih maiin ka hria.





Ka zi mar țalh țalh a, nimin lamah zan dar8 thleng ka mu tlang bawk, nizan a ka mu lah ka mu hlum lo chauh bawk a! Khum bul dawhkan té a sana inhung chu ka ban zawk a, zinglam dar 6 a la rilo. Ka tho tharh a, towel inkhai chu la in room ațang ka chhuak a, nizan a darthlang a a parda zar a lo in nawr hawn tawn vang chuan Carlos-a chu a tho tawh anih ka ring, amah lah chu hmuh tur a awm der bawk silo. Washroom ka lo hman tawh lam chu pan in ka inphih fai a, beisei loh zet in tootbrush thar hlak washbasin chung ah a lo awm ngat a, ka hmang ve ta tawp bawk.




"Good morning." aw thum hniam zet ka hre thut chu ka phu dawrh a, a phun zui hluk mai.



"Ih.. i awm lo emaw ka tia." Ka hmai huh hru thuak thuak pah chuan choka ațang mipa rawn pen chhuak chu ka en a, thlan vang in a huh dup a, zing lam a a ințhin ningei tur protein drinks ang tak a hum run bawk.



"I mutui em?" a ti sup, nizan ah ka inkuah tir ngawt vang nge a hma aia nasa daih in kan inhmachhawn tak ah chuan ka țang țuk bawk, ka bu nghat a. Gym ah a kal emaw anih ka ring. A thlan nasa bawk e mai!


"Vawiin chu in ah hian lo awm mai rawh aw." a ti leh a. Khawnge a kal dawn tih zawh ka tum zet nangin Police arsi bel țeuh ani tih ka hre leh hnuhnawh.


"Umm "

"Rawn kal an awm lo ang, hnathawk tu a rawn kal a nga, lunch a siam zawh ah in dang ah a kal tlang a nga, tlai lam ah a rawn kal leh ang " a ti duah. Ka bu leh nghat a, door bell a rawn ri thut a, ka hawi nghal dawrh chu min nuih suk in kawngkhar lam chu a pan zui vut bawk.



Nizan ațang Muanpui hmel ka la hmu miah lo, kawngkhar a hawng rik rak rual chuan Muanpui ngei chu a rawn pen lut a, Carlos-a nghawng ah a ban sei nalh zet chuan ban in a fawp zui nghal chawt bawk! Ka awmve na chi anilo tih hria in rang lutuk in room lam ka pan a. Kawngkhar ka khar fel hnu chuan ka thin a phu chiam tih ka hre chiah!




Carlos Zohmingliana's Pov

Chiai hmel zet a Thelma kal sawn rawk rawk chu ka mit sir in ka hmu reng, Muanpui kawng ah chuan man in ka nawr sawn hlek bawk.


"Duhtawk teh." Ka ti nghut.


"Nizan vang khan sorry." ka nghawng ah chuan min uai ti tih! A hmui sen siah pawh fawh cho hmel zet in a rawn ti pawrh tarh a.


"I tihpalh tak zet?" ka ti nghut, a ban pakhat a min kuah leh pah chuan ka hmui ah a rawn fawp zeuh va.


"Ka tihpalh tak tak." a nuih tak var var ah chuan kun hniam in duhthawh zet in ka fawp zui nghal buan buan bawk.



Nimin tlai khan Thelma mutthilh hlan in mall a kal turin kan chhuak dun a, Thelma mamawh tur leisak ka tum kha a lungawi lo ta tlat a, mahse hmeichhe thuamhnaw area bik ah ka kal tlang ta tho, helai hmun ah belh tur dang neilo in a rawn vanlai tlak ve tawp a, naktuk rawn thleng se thuamhnaw hak tur a nei dawn hauh lo, Muanpui mize dang ka hriat belh phah bawk. Tlem a high class deuh nia a hriat ho tu chung ah pawh a țhat em em reng laiin hmeichhe baihvai zet a ngaithei lo em em mai chu țha ka ti hlek lo! Thelma mammawh tur ang a ka hriat ho chu la khawm in bill ka pe a, ka bill pekna bulah a rawn ding tum deuh bar reng a, thlem ka tum miah lo, ka naupan tet ațang mi tupawh an dinhmun ațang kan chhungkua in kan thliar hrang ngailo va, midang thliar hrang a, tehkual turin tu mihring mah hian dikna ka nei lo bawk.



"Ka rawn let dawn lo." Parking kan thlen rual in a ti ram hmar.


"I thu a lawm." ka ti nghut, tlai lam ah pawh vawi duai lo ka hrilhfiah tawh, a kawmngeih thei lo anih pawn mîllloh khêr țul ka ti lo.


"Khanu vang mai mai khan min ngaihsak lo tâ chu a nia " car hnung lam ah kan thil lei ho ka dah lut a, ka chhang buai peih lo bawk. Driver side ka pawt hawng a, ka țhut luh hma chuan a khawsak dan zahpui awm zet vang a vin nghek lo tur a inthunun hram hram chung in motor chhung a lut turin ka hrilh a, PG lam ah a let tur thu a sawi leh sak kher bawk.



Hmeichhia amah chiah ka la buaipui miau, thlem a, han tih kual chiam dan ka thiam hauh lo bawk. Ka rual a let duh lo na na nâ chu ka țhut luh san a, chak zet in ka tlan san ta kha a nia! Zingkar anih meuh chuan ka in a rawn thleng leh der tawh.



"Ka nu a rawn thlen dawn kha aw." a ti a, khum ah bag a theh kai a, inbual turin washroom lam ka pan zui vut bawk.


"Driver nen kal mai ula."


"A mak thei e, ramhla tak ațang a rawn kal ve a, min va pickup pui lawk pawh chu a har viau a mawnle.."


"Chawl la in ka rawn let chiah a, hna ka ngah deuh a lawm."


"Okey, Ramesh-a ka hruai mai ang." tih pah chuan lungawilo inthup tum zet in a thaw hliai bawk. Washroom ah ka luh rual deuh thaw in min rawn luhchilh a, ka nui suk ringawt.



"Naktuk zan ah ka nu dinner ei chhuah pui ila."
"A țha a lawm."


"Heta Mizo awmve țhenkhat țawng theih hlawm zia hi." a ti leh nghek a, shower a on a, a kawr hak a hlip zui zat bawk.


"Midang nun ah an buai peih ropui si, ka pa hnen ah lo han zualko an awm anih hmel." a ti leh bawrh bawrh a, sawi ve chiam tur ka hre lo, ka in lam ah min awm chilh tih hi Mizo tam zawk in an hre vek, sawizui pawh kan kai hle, kan awmdan a dik miau lova, kan chhungte lo hrilh tawk pawh an awm ang.


"Ka thusawi i hre miah lo."


"Ka ngaithla che."


"Humm... i tlai hma in hmanhmawh rawh." Min pan hnai a, shower lam ah min pawt lut in min rawn fawp zui ngawng ngawng bawk! Tuk dang ah ti ngailo pawh kan nilo, ka thuamhnaw inbel lai chu ka pawt hlip buan buan a, a bra hak lai a lo hlip ve bawk a, ka awm vel rawn chul kual leh pah chuan *** hmel zet in lei a rawn chhuah kual a!

Damm!


He nu hi chuan min tih phur dan a hre mah mah! Saruak in ka awm tawh, a kekawr kawng kilh ka phelh buan buan a, a mal inkar ka zen luh sak rual chuan a rawn rum nghal ham ham bawk. Min mammawh hmel zet in a taksa hnuai lam a rawn chet kual a, ka hnung zang a ham zui țiam țiam bawk.



"Nizan khan ka ngai si che." a phun sep sep a, titau nghawng nghawng lose chuan tun ang hi nizan khan a thleng daih tawh ang.

A hmeichhiatna ah ka kutțang ka nawr luh rual chuan a rawn rum chhuak dar dar a, nging fê in a kekawr ka pawt hlip thla tawk! A nui hak a, ka mipatna ruh țul tawh chu rawn hum ve leh in a rawn **** zui mawlh mawlh a, ka rum chhuak ve hawk hawk tho!



A vawrtawp ka thlen hma deuh si chuan ka pawm kang ta nawlh a, ka nghawng ah ban rawn suih in ka kawng ah a rawn kheth bet nghal chial bawk! Bang ah ka nawr bet râwk! Tisa chakna in min tuam hneh tawh bawk a, dim hranpa ka tum hauh lo! Ka **** chu hum in a mal inkar chu ka nawr kual sak nawk nawk a, nuam ti zet in a țe țhat țhat! A taksa chhung ah ka nawr luh dawn chuan awm hrang hlek in min lo pui vat a.



" vanram tlafual ani tih i hria em?" ka **** ka nawr luh vek rual deuh thaw chuan a rawn phun sep sep a, ka nui suk thung!





Ka dimlo bawk a, tui rawn inphuh chhuak ve reng nen kan taksa chu a in nawk ri thlawp thlawp, Muanpui pawh a țe ring nangnag mai! Ka tlak dawn hnaih tawh a vang in a hma aia nasa mah in ka *** rang a, min kherh behna malpui a rawn khurh tak dar dar ah chuan kan taksa inkar ah ka zen kut a, a point ah tak ka nuai sak nghal nawk nawk, a ang chawt chawt a, a tai bawr rawn khur leh țhin vang chuan in control theilo in a che leh uak uak țhin!




"Babe!" a au țhawt! Ka phawi chhuak a, bang ah nawr bet reng chung chuan ka thaw zui hle hle bawk!




Khawvel mite ngaih ah chuan ka pâ chu a thi tawh ani mahna! Mahse kei a fapa hi chuan khawi lai ah emaw ka zawn chhuah hun nghak in min lo zawn ruk fo ka ring țhin a, chuvang tak chuan Police hna ah leh service ah ka bur ngut ngut, kum 27 chhung ka nu leh Matei bak hmeichhia ngaihsak lo in ka khawsa a, Ka pa zawn chhuah tum a ka beih ngawrh lutuk vang in hmeichhe lam buaipuina hun ka nei lo hrim hrim! Mahse Muanpuii nen kan inhmel hriat țan ta a, ka pa zawn chhuah tum a ka beihngawrh lutuk vang in min ngaihsak tu an awm em? Tih ngaihtuah hman lo țhin kha hmeichhe nu tak in min ngaihsak a, ka biak hmasak ngai lo va min biak a, ka dam țhat leh țhat loh min zawh tak reng ah chuan inngainatna a rawn piang chho a, tun ah chuan ka nuna hmeichhe pawimawh pathum zing a pakhat hial ani ve tawh!





Tisa lam a ka chakna zawng zawng min phuhruk sak tu ani a. Min phatsan ngawt te anih loh chuan thlahthlam ka tum ngai bawk hek lo.



Hmangaihna hi a awm tih ka hria. Hria mai pawh nilo in ka mit ngeiin chu hmangaihna chu ka hmu bawk. Ka nu leh pa inhmangaihna nasat zia hmu tu ka ni a, ka nu in ka pa a lo hmangaih zia hrechiang em em tu ka ni bawk! Ka pa a hmangaihna vang in a tan a invawng tlat a, mipa dang melh lovin kan unau min enkawl seilian a, hmangaih takin kei afa tak nilo min enkawl dan ngawt pawh hi Hmangaihna a awm ngei ti chiang zual tu ani bawk!




Maunpui nen kan inkar ah hian ka nu leh pa inkara Hmangaihna awm ang kha a awm ve em? tih erawh ka hre der lo! Inhip dawnna, inmamawh tawnna leh init tawnna chu phat rual lohin a nasa em em a, thikthu chhe tak ka nih leh nih loh pawh ka hrethiam rih der lo! Keimah a thikthu chhiatna kaitho thei tur thil thleng a awm ngailoh vang te pawh ani ang!




"Nileng in i kan lo awm dun dawn a nia." a ner nang a, uniform ka inbel ut tawh.



"Muanpui." ka ti nghut, a sam huh hru mawlh mawlh pah chuan min melh zawk a.



"Ka hria... mak ka ti che! Hriat ngai hleih loh i inchhung ah i chen tir ve thei a nia."


"Khalam kha chu sawi tawh lo teh ang, hna a hmuh a, amah a a awm hran theih hma chu ka backup char char dawn, chuthil chu i haw zel dawn anih chuan.." ka chawl dat a. Hlauhthawn hmel fê in min en kawk kawk bawk.



"Kan sawi nawn leh tawh loh a fuh ber ang." ka ti ta nghut! Lukhum ka ban a, rilru nat hmel tak a Muanpui țhu ngawi reng chu engmah sawi belh tawh lo in ka kal pel vut bawk.



Nimin ațang tawh a thusawi ngai a sawi sek sek a, ka tihpalh! A ti tawh a, tun ah abul ațang bawk țan țhat leh a tum a, aizawl mi hlun deuh mikhul ngat ila chuan a kâ ah pawh zen sak se a seh lovang tih tur khawp in mall vel ah hruai chhuah a tum leh chuk chuk ngei ang!



A pawisawi miah lo leh inthlahrung dék a hmeichhe pakhat lo awm ve khei rân mai chu ka chek in a mil thei bo lo!



Room ațang ka chhuak vut a, hnathawk tu lo thleng ve chiah chu Thelma chuan a lo buaipui ve ngei chu niin! Ka hnathawk tu lah chuan Hindi bak a thim silo, kut zaizir nen lam pizza chu a tâ tur anih thu a lo hrilh ve reuh a.



"Shanti." ka aw ri hria in an rawn hawi rual țhawt! Thelma chuan pizza box a kuah ran a, Sahnti lah hmel buai zet in a ding ve ran bawk.



A fate ta tur anih thu ka hrilh tak ah chuan a nui ve thei ta a, vai nu dang ang lo takin a chuhhel lova. A inthlahrung in thil tihsual palh neih a hlau țhin bawk em a! Thelma'n a pe tur pawh ka sawi anih loh vang in a lo hlauthawng ve ani ang.



"Bawlhhawlh paih a kal chhuah a tum sia.." Thelma chuan a lo ti sep a.


"A pawilo, groundfloor ah khuan an awm a, a fate a pe thla nghal mai dawn lawm." ka ti nghut. Ani pawh veng huai ang maiin a thaw vel halh mai.



"Hna ka kal dawn a." Ka ti a, ka unifrom vel chu uluk fe hian a rawn thlek ve ngial bawk.



"Muanpui kha in ah a awm ve dawn tiraw?"


"Umm, ani chu a chhuak leh hma ang, a nu a rawn kal dawn a."


"Oh.."


"Tv te saw lo en la, home phone sawn i pi te pawh i be thei bawk ang " ka tih tak ah chuan home phone awmna tur ang melh in a hawi kual ve ruai a, ka nui suk bawk.


"Center table hnuai ah sawn a awm."


"Yess!" A ti ta chiam! A ri meuh in ka nui chhuak ta hawk hawk a, nizan khan hmeichhe naupang ang maiin a lo țap hliam hliam reuh va, ngaihsak zel ka chakna a zual phah sauh bawk anih kha!




A nu leh pa be lo a, a pi leh pu a be daih mai leh angai em em mai pawh hriatchian chak awm tak ani! Mahse engkim a hrilh ngam tur khawp in kan la inhnaih lo va, a chungchang erawh hriatchian ka chak viau! Pi leh pu kiang ah ka naupan lai hun hmang țhang ka ni bawk a, kei ang bawk khan pi leh pu kiang ah awm chan țha tak aneih ve ka ring nghet tlat!





Bolero zawk ka khalh chhuak a, Muanpui pawh IT company lian tak hnui ah hna nghet a nei a, anu a rawn kal dawn vang in chawlh a la tih a sawi bawk. Nupui tur angin vawi khatmah ka la suangtuah chhin ngailo, nupui neih ka tum em tih lah tun thleng in ka hre hauh lo! Station pan na kawng ah chuan Hyderabad lam ka call a, nizan la la khan spa dawr hming pu si, mahse sex lam kaihnawih a an hnathawk te chhawr lui țhin dawr pathum ngawt an khar a, Thelma thuamhnaw vel pawh an rawn thawn a, tlai lam ah a rawn thleng hman ang, a phone leh purse chhung a pawisa erawh a bo fai khel, a id card vel erawh a la awm thung!





Mission hlawhchham a let kan nih miau a vang in hna khawih tur a tam zual em em a, station ka thlen rual in meeting pawimawh tak kan nei zui nghal zat! Kan chet chhuah leh dan tur kan rel ho va, India ram khawpui ber anih ang bawk in police hna pawh a hautak ngek ngek khawp bawk! Station chhung lah rel station ang maiin a ri mur mur reng a, kan thluak a chawlh hman loh tluk zet in kan awl hman lo ani ber!



Phone call ka dawng a, number ka en rual chuan ka țhutna ațang ka ding nghal vut bawk.




"Sawi rawh." Ka ti thawr. Kutdawh ani a, mahse hmun pakhat enthla tur in ka chhawr mek! Chulai leh a chhehvel ah chuan kutdawh in a țhu țhin a, a chhehvel a thil thleng a hrechiang tawk viau zel.


"Sir, van dum a lo kal a."


Ka rum nghut a.



"Thlakhat chhung kawngkhar an hawn tawh lo kha an hawng a, mahse engthil nge an tih ka hmu thei lo, chiang tak in Van dum ah chuan thil hlan luh an nei."




"Ka rawn kal ang " tih leh phone tih tawp ka rual a, chak zet in station chhung ațang ka pen chhuak hmawk hmawk a, service lam in ka pa an enkawlna ni a ka rin cabin pakhat zawk enthla tur a ka rawih lai mek ani! Thlakhat chhung zawng thil danglam engmah a thleng lo! PCO ațang min rawn be mai țhin a, chu van dum a an hlan luh chu engthil nge ni ta ang?





Siren vuah meuh in khawpui tawt zet ah chuan ka inkhalh chhuak a! Mi tam zawk tan chuan ka thil buaipui mek hi â let der a inpuh hial na tham ani! Mahse... Ka nu mipa hmangaih em em! Ka pa ni bawk a thi ani tih ka pawm ve thei miau lo! Ka zawng a nga! Ka zawng zel ang! Amah enkawl tu doctor ngei hmachhan ah ka hmuh ngei hma chu ka zawng zel tho vang!





" Pa.. i la dam ngei anih chuan beidawnna tih vel in min hneh phal suh aw! Ka zawn hmuh che a, ka nu kiang ah ka hruai thlen ngei theih nan che i fapa hi beiseina thar min han pe zel teh!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2019, 10:54 pm

☆UTOPIA:1996☆
Season 2
Chapter 4
By
Abbra Reo Ririni Khiangte (Pitartei=Sualfingi) 😈





If you want to be ORIGINAL,
be ready to be COPIED 😝



Ka ngaihtuahna bing mup mup reng a vang chuan ka sa leh phulh țhin! Galss ka 'up' vek a, ac on in nâ zet in ka thaw chhuak hawlh hawlh bawk, rim tak a ka lo buaipui tawh thil ah hian hmasawnna tur pakhat tâl hmuh ka nei a ngem? Rûm nghut pah chuan speed ka san leh sauh va, siren a rî rûai rûai reng vang in kawng pawh a clear nghal pawp pawp!




Ka bial chhung ațang hla tak North Mumbai a veng pakhat Geeta nagar huam chhung ka tlan luh takah chuan Siren chu ka ti tawp a, lane te tak leh chep zet ah reife ka tlan zel a, Slam Area bik chu tlan pel in kawngpui zau helhhawl ka pawh leh hlawl, theihai kung ding buk luih ka hmuh rual deuh thaw chuan engine ka ti thi dûk a, bolero ațang chuan ka chhuak zui vut bawk.





"Baba!" Vai pathian an biak ang maiin kut a suih zawm a, min lo nuih var var mai!




"Abdul i thil hmuh zawng zawng hmaih awmlo in ka hre vek duh." ka ti nghut, ka walet la chuak in note eng emaw zah chu a kutdawh thleng ah chuan ka dah sak a, theihai buk piah lawk a thingpui dawr atan khawr chawp inte ațang thawm a awm mur mur reng bawk.



"Min zui rawh." a ti a, a pawisa thleng chu la kangin tiang upa tawh tak rinchhan chuan a rawn ding chhuak ve țawk țawk, midang hmuh laiin ka tan buaipui chiam a fuh ber lo, kalpah a kutdawh pakhat be khawtlai ang lek a ka lan fo ațul bawk.




"Baba helam ah." Pawisa awmna thleng chu a lek chhuak zuau va, kê bai salh salh chung chuan hma a hruai ta zel a, thingpui dawr kan kal pelh rual chuan a chhung a awm ho chu an ngawi țhuap vek!


Abdula chu ka zui ve zel a, motor pawh rawn tlan tlang mai mai lohna hmun reh tlawk tlawk kan thlen tak ah chuan keimah zawk in hma ka hruai a, Abdula pawn min zui ve zel! Kawngpui ațang kan peng thla a, he hmun hi eng tih nan nge an hman tih tuman an sawi thei



lo! Țhenkhat chuan tui lakna ni ten an sawi a, a țhenlah in tuichhe paih chhuah nan an hman țhin, mahse khawpui an sawirem tak hnu a an hluihlawn ang te pawn an sawi teh nùaih a! A chhung hi a kawrawng ngei em tih lah pawn lam ațang chuan hrilhawlk tu beidawn rum rum phana khawp a kalphung hriatthiam har a ni tlat! Lung a inrem phui mup a, ral ațang chuan lawng lian tham zet ang maiin a ding toh vuah, a hmun a thlen thlak erawh chuan awmze nei tak a lung inrem ani lawi a, a kawngkhar tur lai a hmuh mai thei hlek loh bawk.




"Baba tah tak khan 'van' dum chu a ding a, chuan khami zawn ațang khan mipa pali in thil an rawn zawn chhuak bawk." ti a lung inrem phui mup a kawk va mai chu ka en ngur ngur a, luh tlangna tur kawngkhar a awm chu ani phawt mai a!


"An thil zawn chu i hmu em?"


"Thingkung phen ah ka biru a, Van body in engmah hmu chiang theilo in min hliah bawk."


"Chuan?"



"Mi pali te chu van ah chuan an lut ve a, an tlan chhuak nghal, chuan an rawn chhuahna inhawng chu van tlan chhuah hma in a inkhar phui leh daih."
"Abdul, chu aia chiang a hriatchian ka mamawh tih i hrelo em ni?" ka ti nghut! Țawngtum ang zet in a ang ziau va, mahse inthiam loh hmel takin min en ta tawp!



" he lungbang chhan zet hi a inhawng ngei tih i chiang em?"


"Tehreng mai! Ka mit ngei hian ka hmu! Khang mipali te kha achhung ațang ngei hian an rawn chhuak." Ka thaw chhuak hawlh a! Ka information neih lah chuan beiseina min siam nép hle bawk! He lung in rem phui mup leh kau hlek lai pawh awm lo hi a inhawng tih a sawi mauh mai bawk si!



Ni a sa vul a, lung chang inrem tauh luah chu hnaih deuh vin lung inrem tin chu ka nam nghek nghek a, ni sa zet in a êm sa vur tih loh thil danglam tehchiam a awm lo.


"Hmarua an keng em?"


"Keng lo Baba, thuamhnaw dum vek an inbel.. oh, pakhat, an zing a pakhat chu a inthuam dan a hrang hlawk, doctor coat ang kawrfual var a ha a." Lung inrem nem run chung chuan Abdula lam chu ka hawi ruai ruai a!


"Doctor anih ngei ka ring."



"Min zui rawh." Dawhtheihna tlachham fe hian ka ti hmuk, ka motor hunna hmun kan thlen rual chuan a țhut luhna tur in seat hnung lam ka pawh hawn sak a, kut dawh ani bawk a, a bal chhah hle bawk, inthlahrun hmel zet hian a țhu lut a, lem ziakthiam hnen ah hruai tawp ila, doctor ang zet a sawi hmel awmang chu anin sawi se, Artist chuan a riruang tur ang tal a ziak chhuak thiam ngei ang!




"Thil i ei tawh em?" Bolero chhung ah ka țhut luh ve rual chuan ka ti nghut a, lu a thing nghauh mai.





"Lo nghak lawk rawh, hruai duhna che ka nei." ti sup in ka chhuak leh vut a, thingpui dawr lam pan chuan ka pen zui pawk pawk bawk, biryany ka pack tir a, theitui bottle khat ka lak tel sak bawk, a ei thei ang tih hrilh in ka tlan chhuak nghal zat a, a rilțam tawh ngang a nia nge, a ei zui bawrh bawrh a, kum upa ve tawh tak anih vang in a kut tha a khur hluk hluk reng a, motor chhung pawh a ti hnawk viau ang! Tlai lamah Ramesh-a'n a sil leh thei tho a lawm.





Khawpui lâilî deuh ah kan inkhalh lut leh a, ka thil buaipui mek hi kum 20 zet zawt liam tawh a thil thleng anih vang in thlaler ram ro zet a tui put ru hmuh chhuah tum ang vel a thil zawn chhuah harsa ani ngei dawn tih ka chiang! Fimkhur tak in kum 3 dawn keingei pawn ka lo kalpui tawh! Mahse hnuhma pakhat lek pawh rinhleh tur chi engmah ka hmu lo!




Sawrkar uisathiam rual țhiau he service ah hian kan inphum ru a, tumah in thil felhlel nei nuaih in engmah an kal san dawn lo! Mission nei reng reng in dak zarh in engkim kan zofel țhin, tupawn rawn chhuizui pawh nise enghnu hma mah an hmuh chhuah lohna turin kan sulhnu reng reng uluk tak a rawn thianfai leh tu an la awm cheu!




Beidawng zawng a ngaihtuahna kaltir duh tan chuan he ka thil tih mek ah hian beisei eng dé zeuh pawh hmuh tur a awm ngailo! Mahse ka pa thisen dai ngawt anih ka rin loh lutukna zawk in min ti chak a! Kawi ah emaw a lo la awm ve reng anih chuan a fapa hi vawi tam min hrechhuak ve țhin a nga, ka țhang lian tawh ang tih hria in amah zawng chhuak turin min lo nghak reng tih ngaihtuah luiin thlaler tui awm lohna a vakvai ang maiin ka kual ka kual a! A lu ah hliam na tak a tuar vangin a thluak hial a vung tih chu ka nu hnen ațang ka hre tawh a, doctor te ngei pawn chawp chilh tak a boral nghal mai lo kha mak an ti hle tih te nen lam ka hre hnen tawh lutuk, mahse, beisei tur awm lo tawp lo nita ang se envang teh hrep in nge khang service ho khan enkawl an inhuam si ni! Ka pa thluak natna kha doctor tam zawk tan chuan a chhe hneh hle ani thei! India ram sawrkawr in a ruka agent a kalpui lam a doctor thiam tak tak te tan chuan beisei bo a awm tawp thei lo! Chuvang tak a ka pa nikhawhrelo, let hlawm reng taksa kha an enkawlna hnuai ah awm tur a duh an ni reng bawk! Service member tin hian ram hnuk khawih thei thil thuruk tawp kan vawng țheuh va!




Pakhat thuvawn a lo put ru palh hlek anih chuan ramdang te nen indona hial a chhuah phah rum rum thei a, chutiang bawk in ram inrelbawlna dang hlawk theihna thil a thleng thei bawk. Ka pâ kha service a zawm lai pawh captain meuh ni pha ani a! A thuruk vawn ho hrawl tur zia chu kei takngial pawh hian ka ngaihtuah thleng phak bawk hek lo!




Service ho zanlai ah kan in ah an rawn kal a, ka pa chu an kut a hlan turâ an rawn dil khan chhan țha tak anei ngei dawn a! Chu lah chu englam hawi nge ni thei ang tih takngial pawh ka chhut chhuak thei rih der lo! Mahse hei erawh ka hre ve; mihring hi thi silo mahni a che sawn thei bawk silo, hriatna neilo, ri pawh hrethei lo, kan khawihna pawh feel thei lo khawp a cell muhil tawh, mit pawh khap miah ngailo pawh an lungphu a la che thei tlat!



An taksa dang zawng zawng function tawh miah lo mahse an lung erawh a la phu det det thei! Chutiang dinhmun ang chauh tawh pawh chu ka pa lo nise ka nu kiang ah ka hruai haw tho vang! A taksa dang zawng nunna nei tawh lo ang maiin mithi a an puan țhinte nen thuhmun tawh mahse a lungphu tal a la awm anih ngai chuan keini a chhungkua tan chuan a hlu em em tho!


A.... a bik takin ka nu tan! Ka pa lungphu ri ngaihnawm ti em em tu tan chuan khawvel ah a aia hlu leh tur chuang a awm dawn lo, Kan inchhung uap lum tu pa ber dinhmun chelhtur a tan kan mamawh em em bawk!






Hmalam melh ngur chung chuan steering chu ka tuai kual mawp mawp a, motor ka khalh chang apiang in ka pa khalh ah ka chuan ve țhin lai kha ka ngaihtuah let ziah bawk.

Ka nu hmuh ka chak lutuk vang in Champhai ațang ka pi nen kan chhuk thla chûk chûk a, mahse ka nu khan tihtur pawimawh a neih vang in min tlan chhuah san daih a, ka pa in a umzui a, mahse amah chiah in arawn let let a, khawvar vel ah ka nu kiang ah min hruai tur thu min hrilh in ka sam ah min tuai sak thuak bawk.




Zingkhua a lo var a, ka nu hmu tur in ka pa nen a bolero in kan inkhalh chhuak a, kawng tluan in ka nu chanchin ka zawt zel a, ka pa pawn phur takin ka zawhna engkim min chhang vek! Tunhnu a ka hriatchian tak erawh chu min hringtu ka nu in ka pa a uire san a, khavang tak khan ka pa pawn min ngaihsak zui ta lo, ka pi leh pu kiang ah ka awm a, pa emaw, nu emaw koh tur ka nei ve ngailo kha hreawm ka ti ve țhin hle, mahse ka pa in phone ațang ka nu min hmuhtir țum ațang khan ka pa pawn a hma zawng aiin min ngaihsak a, ka nu hi kan pafa inkar rawn ti nghet leh tu anih tak ber chu! Suangtuahna thar ka pa a pê a, chhungkua tak tak ka neih theih phah ta bawk!




Marawh chu chhungkaw khaiding tu pà ber tello va hnutchhiah kan ni leh a! Ka nu hun harsa paltlang zozai ngaihtuah let phei chuan tun ah hian a kiang ah awm a, duat taka enkawl let ve tawh tur ka ni! A damloh chang in a kiang hnaiah awm a, a kut vawn sak chak ve viau țhin mahila, chhunglam a min mawlh tû hian ka kawng zawh lai mek hi zawh lo theilo in min nawr ve tut tur reng bawk si!



Aaaaa... ka nu tan engkim ka hriat chian bal vek a pawimawh ber! Kan chhungkaw hriat ve loh a ka pa chung a thil thleng zawng zawng ka hrechhuak hma anih chuan hahdam takin ka nu kiang ah ka awm ve thei tawh ang! Tun dinhmun ah hi chuan 'tihtur pawimawh tak hlen lo' ang maiin ka ka inngai reng dawn tho!






Bulding lianpui inhnuai chep zet a lemziak thiam dawr chhung ah Abdula nen chuan kan inzui lut hlawl a, a chhung a awm te chuan mak tih hmel zet in min en dawr bawk. Police thuam inbel thlup in kutdawh nen kan lut hlawl ani a! A țhawng hlawk ngawt ta ve ang!




"Min pui theih mial ka ring." ka ti thawr! A hôtu ber niawm tak chu a rawn ding chhuak a, bang chu lemziak in a khat tuar.





"Tih theih ka neih phawt chuan..." kut a rawn phar chhuak a, zah hmel fé a min enin a nui var var bawk. A kut chu nghet zet in ka hum sak a, Police officer meuh a dawr ah ka lut hlawl chu sawi nuam a ti khawp ang le!





Pindan pakhat ah Abdula tiam in kan inkhung hrang a, Abdula chuan doctor thuam inbel tu hmel ruangam a hmuh dan chu a sawi bauh bauh va, Artist pawn lehkhaphek hlai ang reng tak ah pencil nen a ziak nghal mawlh mawlh bawk.





An inbuaipui chhung chuan bang a lemziak ho chu ka lo en kual thuak thuak a, bollywood star lem an ziah ho pawh thlalak print out nen danglam a nei mang lo.



"Sir." ka inhet vut a, an zo tawh anih hmel! A lemziahna lehkha phek chu pawt thla in ka lamah a rawn lek chhuak a, ka ban zui vut bawk.





Lehkhaphek ah chuan mipa kum 60-70 inkar hmel a lo lang kulh a, pa hmai sin ret rawt, chhip lam kawlh mal mai leh mit meng fin hmel zet chu duhtawk in ka thlek kual a! He mihring hi tunge anih tih ka hre chhuak thei anih chuan ka tan kawng a awlsam sawt ngei ang!





"Abdul khalai vel kha uluk zawk a min thlithlai sak tur in ka duh che." ka ti nghut. Lu a bu nghat nghat a. Ani chiah hi khalai hmun vel a chetla tur atan ka rin ber leh midang in an hmuh vel pawh a rinhleh awm lo ber tur ani thung a, ka tan a pawimawh zia lah sawifiah chiam ka tum lo, pawisa in ka rulet mai țhin.





Station ka inkhalh thlen leh meuh chuan motor horn ri ruai ruai ri vang leh khawlum hulh vang in ka lu a nâ ti tih der a, tui ka ințha tawk lo tih lah ka hre ru kur! Mahni tan ațha tih kan hriat ngei pawh zawm thlap thlap a harsa ru phian mai bawk si!





"Sir, tlawhtu i nei." Ka cabin kawngkhar bula constable lo țhu chuan a rawn ti nghal zat! Ka bu nghut a, a inkheng khawng at hnu ah dawhkan a file tam tham zet chu a khawih zawm leh miah miah a, kei erawh tun ang hun ah tu nge ka hnathawhna hmun rawn tlawh tih ngaihtuah in ka thaw chhuak hawlh mai!



Cabin kawngkhar ka nem hawn rual chuan ka mihring beisei loh lutuk in ka chair lo țhu run chung chuan min lo nuih suk a!




"Ethan?" Ka ti hluai! Ka pan phei pawk pawk tak ah chuan nui hawk hawk chung a rawn ding chhuak ve in ka kut phar chhuah chu a rawn hum thuk a, reilote ka dar ah rawn kuah in ka ban bul a hmer zui vang vang bawk.




"I rawn kal dawn tih te chu rawn sawilawk ve ta che." Ka ti leh hlut. A ner suk a.



"Rawn tihbuai che ka hlau mawle." a dar ah ka hnek sak nghal țawlh! Mikhual ka kawm țhimna sofa lam ah kan inzui phei a, ka pianpui unua ang chiah a ka en ani a, kei aiin kum 1 lek in a û zawk, mahse û zawk dinhmun erawh a hlen chhuak hneh viau.




"Engti turin maw i rawn kal a?" ka ti leh hluai, sofa nghenchhan ngheng dawt pah chuan a nui leh phawt a! Ani pui hi.. hmeichhia vang in helai thleng thleng a rawn kal tih sawi miah suh se!




"School naupang outing kan rawn neih pui anih hi."




"God! Chuzawng chu ni hram teh se." Ka ti hluk, rûn hmel zet in min melh khui khui a, Pa Zothana fanu Amanda nen an inbe nasa tih ka hria, Amanda pawh helam ah doctor zirin a awm a, amah vang a rawn kal ani tel ka ring ru tho!




"I sual thiam țhin e mai, tak a Muanpuii kha a va vui nasa si ve?" ka ner suk ringawt. Thlema vang in ka û lakah a lo zualko a nih ngat chuan!



"Sawi țha vat teh, thingtlang nula i hruai haw tih a sawi a nia."



"Engkim a rawn sawi vek tawh a hnu!" dar ka kâ khum ûk a.



"What! I inah hmeichhe dang i hruai lut a maw?"



"Ethan au vak a țullo, puih a mamawh a, ka pui mai ani."



"Chutiang ngawt chuan Muanpui khan a ngai ve lo nih hmel.." a rawn ti sup, a hmel landan pawh a thutak ta hle bawk.


"Ngaihdan dang put vakna tur a awm hauh lo." ka ti ve nghut. Center table chu ka melh ngur a, ka mitthla ah erawh Thelma inthlahrung dâk hmel a rawn lang daih lawi!



"Muanpuii'n a thik tih tal i hria em?" a rawn tih leh nghut a, ka nui chhuak nghal huk bawk. Leh ta ngawt dawn chuan leh!



"c'mon, khalam kha chu sawi tawh lo teh ang." Ka ti nghut a, Ethan lah chuan serious fe in min en ngur ngur reng bawk nen Muanpui pawh chuan engthil teh ngawt nge a lo hrilh lek tak pek ang.



"Tunge i hruai haw reng reng a."



"Ethan, duhtawk ang, Thelma chu keiman ka buaipui ang, Muanpui emaw, nang emaw pawh rawn inrawlh tur in ka duh lo che u."



"What the hell!" a ti nghek, ka tho kang vut a, tihsual pakhatmah neilo Thelma chungchang khel reng ka duh hauh lo! A țulna pakhatmah a awmlo bawk.



"Muanpui tan thik loh ngaihna a awm lo anih hi." a ti nghut, ka dawhkan lam pan in ka kal daih.



" engtin nge i awm dawn?" Thil dang sawipui daih ka duh.


"School naupang te nen kan thlenna lam ah ka riak ve ang."


"Cool, Amanda pawh a free lo mi?"


"Ngawi mai teh aw!" a rawn ti hluk a, ka nui suk bawk. File khawih zawm mai ka tum nangin Thelma bawk ka ngaihtuah na ah a rawn lut leh daih tawh! A inthlahrun sa tawh tehreng nen Muanpuii'n a lak ah hetiang rilru a pu tih hre ngat pheise chuan!



"I rual in ka let dawn nia." Ethana chu ka en vut a, min hnung chhawn in a țhu, phone a khawih daih bawk.


"School naupang bul ah hun i hmang dawn maw tiâ."

"Hmang ang, mahse i Thelma chu hmuh ve ka duh tlat."


"Ethan!" ka ti vin țhawt! A nui tih a taksa che dawt ațang chuan ka hrethei, mahse a rawn hawi let hlek lo.



"I bialnu leh kei meuh inrawlh phal lo khawp a i chhan hlum loh chauh hmeichhia chu ka belchiang ve chak a lawm." Rum zet in a tukhum chu ka melh khui khui mai! Buangrua an zawrh lai ang mai a a hman hman in an belhchian tur pawh anilo, sawi chhuah khur khur erawh a țul ber lo! Muanpuii erawh biak leh a țul viau dawn niin a lang.



Keiin bolero ka khalh a, Ethana pawh passenger side ah a țhu ngawi ngul, ka pa chungchang ka buaipui hi ka chhungte tumah in min hriatpui ve lo! Beiseina thlawn pek ka hlauh vang in keimah chawt a buaipui ka ni reng a, marawh chu a chang chuan ka beiseina neih chaurau ve țhîn lutuk erawh insawi thawlna tur mamawh viau țûm ka nei ve țhîn.



"Eng nge i ngaihtuah vung vung a." Ethan-a aw thum lam mah vang chuan ka en zawk a. Ka phone vibrate chur chur ka hre zawm zat.



Motor hmalam ami chu ka ban zui vut, Muanpui hming screen ah chuan a lo lang va a. Anu a rawn thleng tawh ani mahna!

"Umm."


"Ka in pick up fel chiah a." a rawn ti a, a nu phone hmang thawm ka hre tel thei bawk.



"Ok, PG lam ah nge in let dawn i flat thar tur ah?"
"Ka nu hian flat a luh nghal kha a ti deuh a.. chu lam chu kan pan ka ring."



"A pawi loh chu! Ethan-a pawh helam ah a lo awm reng a." Ethana a lo phun hluk a, Muanpui erawh mak tih hmel zet in a rawn phul hluai thung! Vawiin lam ah Ethana nen an inbia emaw tia!



"Anih chuan out ila." a rawn ti zat, Ethana chu ka han thlek vut a, a kut chu a hrawk zawn ah lo lek in a lo ner nung. Ka nui suk bawk.


"I nu te nen naktuk zan ah kan chhuak zawk dawn nia."


"Hummm, inthar a ka insawn luh zan pawn rawn tel i tum miah lo va." a mizia lo hrețhang tawh tan chuan a awrik dan ațang a sawi tum ka hmutlang kuar!



"Hun a la tam dawm lawm."



"Ka awmve reng lai chuan inbe CK vak lo teh u." Ka beng bulah Ethan-a a rawn au nghek a, ka nui zui hawk hawk bawk!


"Muanpui i nu chu min lo biak la, ka drive laklawh bawk nen nakin ah ka rawn call ang che."



"I rawn kal lo tak tak ang maw?" a rawn ti leh hram!
"Natuk zan ah.." ka sawi zo hman lo.



"I pha thei lo, ka inthar ah i rawn riak ang." Tifuh inti zet hian a rawn au țhat a, ka nui ta ringawt! Khum ka sawn zawk a nga ni mai lawm!




Kan veng ka inkhalh luh rual chuan hriat chhuah ka nei thut a! Engkaw sawi set set lovin ka ' U turn' zui pawp, phawk fê in Ethan'n min thlek haw bawk!

Thelma phone tur ka lei sak reng reng lo! Ka sawi ûk tawh a, kut ruak a ka haw anih chuan a lunghnur ve reuh ngawt ang!



Nizan a ațap lai chu ngaihtuah let in ka nui leh suk bawk! Hmeichhe naupang khawhar deuh nu leh pa ngaih vang a țap rual lek ang a langsin ramdang daih ah a kal hrang ve leh ta nghal a! Ka hmuh phak loh ah awm ta chiah se ngaihtuahna a luah hneh zek in ka ring!

.

Khai leh! Engthil teh hrep nge maw ka ngaihtuah le?



Ka ngaizawng ta lam nilo in.. uugffff, Matei rualpui lek anihna ang a ngaihtuah nâ mai mai chauh ka ni!
Steering hum nghet ngawt ngawt pah chuan ka thaw chhuak hawlh a!




Ka sawi khi a dik ngei bawk tur ani!



"Hetah eng nge kan tih dawn?" Zoop Mobile Store kawt ah ka ding dawt! A ngaihtuahna tibuai tur tawk in mit ka siai zauh va, ka chhuak tur chu ban a phar uk tih ka hmu hram.



"Mamawh i nei em ni?"


"Yeap! Thelma phone tur lei sak ka tiam tawh a." awlsam fê in ka ti liam puat a, ka û a rilru chu a buai hmel mep mep khawp bawk. Dawr chhung ah kan inzui lut a, iphone area bik ka pan pui leh ta kher! A rilru ngil lutuk țhin hi kan chhaih buai hlek a nge.




"Hei ka lo la ang." Customer service hnen ah chuan ka iphone hman lai ang chu ka kawh hmuh a, Ethana ding ngawi ngul chu ka en duh tawh țhak lo.
Servicing and warranty min tihfel sak zung zung a, sim card pawh post paid turin ka ti fel nghal vek bawk.



"Zohminglian." A awrik dan ah chuan a lawm loh zia a thup hlek lo bawk.



"Sawi la." Driver side ka pawt hawng a, min melh ngur ngur a engmah sawi zui lo in motor chu a kal hual ta vut lâwi! Kei erawh ka nuih a za viau mai!



"Dawt ka duh miah lo! Thelma chu i tan eng nge anih?" A rawn ti nghut, chhang ta mai lo chuan engine ka start a!



"I buaipui dan em em hi a dik miah lo a nia."



"Ka buaipui vak em ni?"



"Hrelo der suh! Muanpuii rawn țap pawh kha a awm viau dawn anih hi." a ti zui nek!


"Muanpui chu eng maw?"


"Hna kal tur a i chhuah rual khan min rawn call, i hmeichhe hawn thar nu vang khan i vin hrep tih a rawn sawi."



"God!" ka hluk! Tukin khan ka vin hauh lo, mahse Thelma a ngaithei lo leh lutuk kha ka khak ngei, chu erawh ka pha chhin hauh lo bawk.



"Tak tak Carlos, hmeichhia i buaipui loh zia hretu tan chuan i inhmeh lo teh a nia, Muanpui pawh hetiang hian i ngaihsak ngai tawp lo, i lak ațang ngaihsakna a dawn ngailoh hmeichhe dang in an dawng tih ahriat rual khan a tan pawh a na ve bawk ang tih ngaihtuah thiam ve ta che.." a ti ta duah! Thil kal vel dan a serious țan ta viau bawk.



" Hyderabad ah buaina a tawk a."



"Chuan?" a ti nghek! Pa Puia ang chiah a rilru tluang purh mai ani a, ka hmeichhe kawp reng phatsan ang ah min ngai ti tih der in ka hre bawk.


"Ka pui, a hnathawhna tur te'n sex lam kaihhnawih in hna thawh luih tir an tum a, ani duh lo chu zan ah rawn tlan chhuak in station ah ka hmu fuh a, ka hnen ah ka hruai haw ve,.. chu zawng chu!"



"Tinge Mizoram lam ah i thawn haw mai loh." A aw rik dan a nem ta deuh! Thelma hun tawn a hriatthiampui ve tak vang te pawh ani ang.



"Hna thawk duh in a rawn chhuk a lawm, a hliam tuar te han hil deuh se, hna a hmu a nga, ka in ațang pawn a chhuak vat dawn!"



"Ngaihven dan chintawk thiam ang che." a ti leh hram! Ka diklo nge an diklo zawk pawh ka hrethiam teh hrep tawh lo ve! Ka ngaihven ta hluai pawn ka inhre hran lo! Aaaa.. ka ngaihven .. ngaihven lo niila a sawi ang deuh khan ticket book sakin vawiin lam pawh khan ka haw tir nghal thei! Mahse ka ti miah lo! Huh! Ngaihtuah zawn tawh lo teh ang!



Kawngkhar pui ka hawng thawm hria in Thelma chuan bang phen deuh ațang min rawn thlek dek dek a, midang a beisei emawni min hmuh rual chuan thaw huaiin a inphenna bang ațang a rawn chhuak ta hlawl! Ethana rawn lut ve vut a hmuh rual chuan a hawi buai nak a.

"I phone tur."


"Maw.. a.. ih... i lo.. i sawi mai mai emaw ka tia." a ti bah nawk nawk a, nizan a mall ami ka lei sak t-shirt senno chek leh kekawrbul a lo inbel a, mizo hmeichhia ah chuan vantlang pawl tak ani ang, Muanpui ang in a cher sang ve lo, tlem in a khal deuh zawk.



"Charge hmasa la, a full vel ah a hman theih nghal ang." Phone ka khaina plastic bag chu a lam ah ka lek vut a, nuam lo tihna leh inthlahrunna leh bawk a hmel ah chuan ka hmu leh tawh! Ka bul a Ethana ding ve tlat chu a melh zeuh va.


"Thelma!" ka ti nghut!


"Ka lawm e aw.. ih.. i lo lei tak tak ka ring miah lo." tîm dâi in a rawn ban ve ta hram. A sam sei hniang kha a lo phiar fel than a, a hnar ngul sang vah pawh a lang chiang ta vek vawk viau.



"Ethana anih hi.. ka û." tawite in Ethana chu anuih ve ngial a.



"Kan chhuak leh nghal dawn a." Ka pheikhawk bun ka tlawh phelh rual chuan nghet tak a phone awmna sarang hum chung chuan a tawlh sawn hlek a. A chezia ka chik lutuk vang nge ni a biang rawn sen țan țan chu ka hmu chiang leh viau tawh.




"Thil i ei tawh em?" Ka ti leh nghut, ka mit ah tak rawn en in a ang ziau va.


"Kan rual in rawn chhuak ve mai se." Ethana chu rum fahran in ka melh zui nghek! Thelma chuan lu a rawn thing nawk a, Ethana nui deuh hlek chu midang ningatse chuan ka hnek zui chawrh hial ang.



"A pawilo, ka order a nga, an rawn delivet mau dawn lawm." Ka ti nghut. A bu ta zeuh va, Ethana chu chhaih buai tawh lo tur a hriattir nan tûr zet in ka melh leh khui phawt a, room lam ah inthlak turin ka lut a, uniform ka hlip zui mawlh mawlh, shower ka nei zuai a nga, drinks a ti deuh tlat sia a, ka chhuah pui poh aniang chu!




Tshirt hring duk leh jeans kekawr pawl tak zet ka inbelh tawp, room ațang ka chhuah rual chuan Thelma lo ei ve tur order siam turin phone call ka siam zui zat a, Ethana nen couch an an lo țhu dun a, a phone tur ka hawn sak pawh a lo la hawng der lo.




"Thelma?" Ka ti bûng vut, min en nghal kiau mai!
"Room ah lut la, phone kha va charge rawh, i hmang nghal thei ka tih kha." Ethana lo nui ruh ruh chu ka hrelo der tlat bawk.


"Umm." A tho a, Ethana țhutna chu kal pel in sawi duh nei ni awm tak hian ka dinna zawn ah chuan a tawi deuh hrat a. Mahse room kawngkhar hawnna a ban ta daih.



"I dinner tur an rawn dah dawn nia, lo la tawp la, security lam in pawisa chu an lo pe mai ang "

"Aw le." ti sep in a lut bo nghal daih.




________________💫E U P H R I A 💫________________

Thelma's pov


Biryany an rawn dah chu ka ei zui mawlh mawlh a, keimah chiah in a inchhung zau zet leh pui mup ah ka awm leh ran tawh!





A phone rawn hawn lah chu! A man tur ngaihtuah lo zawk teh ang! Nakin ah ka la rulh leh vek a ngai a nga! A lak ațang engmah dawn ka duh miah lo, hetia min lo buaipui duh pawh hi ka tan chuan a tawk em em! Dawhkan a iphone rose gold chu ka melh leh zauh va. A lo lei ka ring lo tak tak! Mahse a rawn lei tak tak bawk si! A hmel landan a rorum teh reng nen ka chung ah a la fel phian zui a, aaa.. ka chung ah chauh nilo Shanti chung ah pawh a fel tho!




Door bell rawn ri thut vang chuan ka hawi nghal dawrh thei! A rawn ri nawn leh zat a, ka țhutna ațang chuan tho in kawngkhar lam chu ka pan sawk sawk a, an lo let leh der tawh amawnle?





Door viewer ațang chuan pawn lam a awm hmuh tum chuan ka bih dak dak a! Muanpui leh nutling pakhat an lo ding reng! Anu a lo kal dawn a tih tawh tak kha!




Rang zet in kawngkhar kalhna chu ka hawng a, Muanpui chu a rawn lut tlang tawp! A nu chuan terrorist a hmu ta mai emaw tih theih tur khawp a chik in min en nghal hmiah bawk.




"Khawnge Hmingpuia?" Chhung lam ațang Thelma'n a rawn tih tak ah chuan anu chu a rawn pen lut ve ta chiah a, a fanu mit a min lawm lohna lang chhuak in min tih zam țhin tehreng nen nutling meuh in kan vawi khat inhmuhna a min han en nghal ngar ngar mai chu zamawm duh tak ani tawp.




"A û nen an kal chhuak a." Ka ti a, kawngkhat ka pawt phui a, sitting room lam ka pan ve rual chuan nuam lo tih lutuk vang in ka sa bulh bulh! Tv en pah in Biryany kha ka lo ei a, dawhkan ah Carlos-a phone rawn lei thar te nen a awm tlang vek!




"Ethana nen maw?" Couch a țhut thlak pah chuan Muanpuii chuan a rawn ti a, Lalpa phone saw hmu lo hram rawh se!



"Aw, ih.. " ner zeuh in a sam nung sar mai chu a chhip lam ah atuai chho zauh va.



"Nakin ah ka call mai ang, dinner i lo ei mek em ni?" ka biryany chu en zeuh vin min melh leh kher bawk.


"Umm." A hmui hnuai a seh zeuh va, dawhkan a phone chu a hmu lo anih ka ring.


" lo ei chhun zawm rawh, ka nu hian mizo chawhmeh vel a rawn keng thla a, naktuk ah ka rawn keng phei a nga kan siam dawn nia." a ti ta daih a! A mizia hi a va mak țhin tak! Ka ti rilru daih! Min eiloh hmel zet in a in lak deuh nghat nghat hnu lawk ah țha deuh hian min be leh ang lawi a! A chang a Bp sang a, hniam thla leh dawrh țhin nen ka tehkhin lek lek tawh.




An pahnih awm lai a ei em chu ka hreh tawh vang in container chu ka chhin phui a, anu chu a la ngawi reng, ka tv lo en lai chu a melh tlat bawk.




"Ahh.. Hmingpuia'n phone a theinghilh em ni?" container paih tur a ka kalsawn tawh chu ka ding chawt! Ka hlauhthawn ang ngei in a thleng ta!



"A phone ani miah lo.." ka inher nghal zawk, phone chu ala kang a, a hmet eng nghal pap, mahse ka thlalak vel engmah a hmu dawn lo nasa.



"Lo kal an awm a mi a?"

"Ethana." Ka ti vat a.

"Hah! Ngei chuan leh hmeichhe phone awn tak ani." ti hlak in dawhkan ah bawk chuan a dahthla leh mai a! Ka thiphu ri dawt dawt chu ring ka ti kher bawk.



Ngawi reng in choka ah ka lut tlang a, ka hlauhthawn ang a engmah a thlen loh vang chuan ka thaw huai huai bawk. Bawlhhawlh bawm ah container chu ka vawm lut tawp a, an bul a va let leh chu hreh viau mahila choka ah ka tawm bo reng thei bawk silo.



"Thelma tiraw?" a nu chu a vawi khat nan a rawn țawng chhuak ve ta hram.



"Aw."

"Mambawihi hian i chanchin te min lo hrilh a, Buaina i tawk ani awm a." a ti sap, Muanpui ang bawk in a fing hle ang tih ka hria, nichin lawk kha chuan helpawl zing a pakhat ka ni ta emaw tih theih rum rum tur in min melh thip ram a, tun ah erawh a pangngai leh vek tawh.



"Nia, ka hnathawhna tur a lo fuh lo deuh a."


"Mihring hi kan sual tawh em a lawm, nangmah an khawihna hman lo hlauh che a, i vanduaina kar ah i vannei hle mai." chhan dan tur hrelo zet in ka nuih ta ringawt.



"Nithum vel ka cham dawn a, i duh chuan ka rual in i haw ve dawn nia." a rawn ti a! Phawk lutuk in ka en nghal kawk bawk.



"Ticket pawh ka book sak ang che, ramdang a buaina tawh zawng a hreawm dan a nâ dawn e mai...." a tih leh duah a! Mahse! Ka.. tinge ka ticket tur a buaipui ringawt ang?



"Nu a kan tlai hma in let tawh ila." Muanpui chu ka en ve zawk. Anu nen kan inbiakna chu hria ang pawn a awm lo.



"Umm, let ila, Thelma ka sawi chu aw, ticket pawh ka lo book kep ang che, i chhungkhat hnai ang ah min ngai la, inthlahrung lo in ka rual chuan let rawh aw, i chhungte i ngai tawh awm bawk si." Mak ka tih lutuk vang ni ta ber in ka hria, chhan let dan tur pawh ka hrelo! Carlos-a'n hna zawng tur a min puih a intiam tawh a, tunah a bialnu nu in ka haw dan tur vel a sawi leh daih a. Nichin khan Carlos-a'n min hrilh theinghilh palh te pawh ani mahna! Carlos-a hriatpuina lo chuan min buaipui an tum miah lo ang!






Kawngkhar engkim ka kalh fel vek a, khum ah chuan ka mu meng kar bawk! Zan dar 10 a pel tawh a, Carlos-a leh a û an la rawn let lo bawk a, ka ngaihtuahna zîm deuh mup mup reng chu a ven deuh beiseiin ka han thaw chhuak leh deuh hawk țhin a, mahse a ven phah der lo! Hetah ka awm reng anih pawn midang ka tibuai mai mai tho a, chulo ah Carlos-a hi kan chhungte emaw kan hmelhriat pawh anilo, a in ah ka awm ve ngawt pawh hi thil mak ani hial! Chuan.. Muanpui nu chu zui haw ve ta ngawt ila, iphone man te, ticket man te chu khawi a pawisa in nge ka rulh let ang! Uuugghh! Tinge Hyderabad kha ka lo pan reng reng le! Tihian hriat ngai loh midang nun ah ka inbarh luh phah a, engkim a kal hnawk buai kual vel vek tawh!





Kawngkhar inkhar phui deuh dawt thawm ka hriat rual chuan rang lutuk in ka in lu khuh a! Carlos-a a lo haw tawh nih ka ring!




Thawm chu a reh deuh vang vang a, lawks! Tinge ka in lukhuh ve ngawt a! Thelma! Â viau suh, a lum em hi!




Ka inlu khuhna chu ka hawng leh zal zal a, a room lam ah a lut tlang nghal tih hriat zet in ka kawngkhar piah chiah chu a in pawt phui leh dawt a! Mutthilh tum in mit ka chhing vang vang a, Carlos-a in ah ka awm ve hi thil dik anilo, haw ta mai ila ka tan pawh a țha zawk in ka ring ta viau.




Ka room kawngkhar a rawn in kik rik dat rual chuan kut hum tawm nghek in ka țang nghal țeuh va! Thawh chhuah lawk a harsat loh tehreng nen! A harsa zawk lam ka zawh mek chu a nih lâwi hi! Kawngkhar chu a rawn innem hawng riai riai tih ka hre thei a, eng nge a rawn tih dawn? Chu ka ngaihtuahna vang chuan ka thin a phu zui dawt dawt a! Ke rawn pen lut thawm ka hre leh ngat phei chu ka su dulh dulh tawh in ka hria.




Thelma! A rawn kik rual khan tinge i chhan mai lo? I â tak zet! I â lutuk!


Ka lu bul mai ah taksa hrawlpui chu a rawn ding tih ka feel thei! Ka sa pup pup a, mit ka meng thut mai zawk dawn em ni?



" mu thei reuh lutuk." a ti sup, ka thaw chhuak tawh pawn ka hrelo.




A kal chhuak leh mai dawn emaw ka ti a, mahse ka lu bul ah chuan a taksa ațang lumna rawn chhuak chu a la awm char char! Kut phah lum vung vung in ka biang a rawn tawh rual chuan ka rilru in ka au vak a! A tak ah erawh ka au chhuak lo! Engtin nge min tih dawn? Ngaihtuahna mak tak tak in min rawn luhchilh tûp tûp a, Ka hlauthawng ta lutuk chu țah chhuah vak mai ka duh ta rum rum bawk!




"Damdawi." a ti sup ri ka hriat rual deuh thaw in a kut chu a hrang ta a, ka rilru hmang vek in ka thaw hawk a, a tak ah erawh zawite in ka thaw chhuak thung!


.

Side table a rik deuh rak rual chuan thil hit thler in ka hmai a rawn tawk der! Ka biang duk ah khan damdawi ka hnawih lo tih ka hre chiah! Chuan Carlos-a hian min hnawih sak mek bawk anih chu!




Ka thisen in pump rang lutuk vang in ka ruh tuam tu vun te chu amah in a che zawk zawk a, dam ruih sii
a che zawm zel bawk! Ka biang a a kutțang che kual vel chuan so bawrh bawrh khawp in ka thin chhung a ti sa tih phat ka tum buai peih lo hetiang teh hep a taksa leh ngaihtuahna mumalo lo hian ka awm ngai miah lo bawk, awmdan tur hriat loh lutuk vang hian a lo thih theih der dawn anih hi!




Screen-Shot-2015-06-16-at-124317-AM.jpg
Screen-Shot-2015-06-16-at-124317-AM.jpg (10.69 KiB) Viewed 13945 times


"Thelma." a aw thum leh ril ngúk mai chuan ka thluak hnathawh a ti bing churh churh, ka chal zawn a rawn lum ham ham bawk, whiskey rim a rawn nam tel ve a, ka hip lut ve hial in ka hria!





"Meng tawh rawh." thawp zawi sup a a rawn phun leh rual chuan ka thisen zam a țek chhawk mai! Ka thunphu ri dawt dawt chuan ka beng a luah khat vek a, ka muhil der tih a hria a maw?





Carlos-a chu dam ruih ang a lang, mahse ka kawchung ti lum huam thei bawksî hian a rawn nui rûm leh hawk a! A rawn kun hniam tih ka hriat zet in a pang ațang lumna rawn chhuak in min ur pha hial tawh! Tuna ka awmdan diktak chu tuiso a chhum bawrh bawrh ang vel ka ni!





"I muhil der tlang dawn mi?" Nuihza insum tih hriat zet a a rawn tih leh hak tak ah chuan thih leh thih tiin ka meng ta hlawl a! Hnaih zet a min lo bih ngur chung chuan a mit bul a vun chuar insiam raih khawp in a rawn kiai suk a! Țek in a den dawt ang chiah in ka taksa chu a sa țek chhawk !

If you want to be ORIGINAL,
be ready to be COPIED 😝

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » July 10th, 2019, 10:54 pm

EUPHORIA..... Close the door now, when i'm with you i'm in UTOPIA!💫

Nangma remtihna tel lo chuan tumahin an teitê thei lo che tih hria ang che. Teitêt theiha awm chu an tê sa a , midang hnuhhniam theih chu an hniam sa tihna a ni țhin.
Mafaa Hauhnar


Chapter 5



"Mutthilh der thiam lo nu." a ha uingho hriam hmel zet langin a rawn țhen lek suk, chuan a thawk lak nâ bik lutuk vang chuan ka thaw chhuak ve ngam pawn ka hrelo.



"Ka hmuhil der lo ve." ka sawi zo chiah! Atthlak tih hmel lutuk in a rawn nui rum leh hawk a, a chailin ka lu nghah mekna lukham chu a rawn nawr ve a, ka bek leh a bek a in si zui chet a, whiskey rim nam chek chek karah a rimtui hman rim pa zet ka hretel thei bawk, a hma ang bawk in ka thisen a lum leh bulh tawh.



"Tak zet!" rum ri hawk pah chuan a che leh vut, hnaih chet chawt ah chunglam aţang min chhuk en nghal ngur mai! A ban hrawl zet pakhat in khum lu bang a nem a, pakhat zawk erawh ka sam khawih nan hman tumni awm takin lai zet in a dah thung.


A thil in vang in a mit meng hlauhawm khawp a pa hrak reng țhin kha a phi deuh chiai a, chuan infawp tur nisilo ah chuan ka hmai a in hnaih mah mah bawk.

"Eng.. engnge i duh a." Ka puan sin lai ka hmer nghek bawk.


"Ka ril ațam." a rawn ti rual chuan chal chûar nang in ka melh haû thei. A rilțam vang ngawt in ka room ah a rawn lut a, ka muhil der tih pawh min fiamnan a hman phah bawk.


"Thil ei turin in kal chhuak ani lawm ni." ka nghawng zawn ah puan hum nghet sauh pah chuan ka ti ta sep, a hmui hnuai a rawn ti pawrh zauh a, ka thawk lak a lo buai leh hmanhmawh tawh.


"Zu in karlak ah BBQ kan ei zauh zauh, sa hrang ngawt a puar rual pawh ka ni tawh lo." a inhnem tawk tih hriat fê in a aw thum lam mah pawh a ri bual bual mai.



"Anih chuan choka ah eitur va zawng ta che." Rang lutukin ka ti a. Ka rilru chuan 'ka room ah niloin!' Ka ti hram pek.



"Nangman min siam la." Tlem tê in a rawn kun hniam a, a chhip hmawr sam buk laiin ka biang a rawn tawk thei, a lu chu nghet lo zet in a kân leh nghut a! Ka room chhung ah a chahthlak hma ngeiin kal chhuak se a finthlak khawp ang.


"Ok, awm sawn phawt la."


a ding mar tur chu patling zet hian a rum leh nghut a, a ding mar vut rual chuan khatiang khawp khan ka che rang thei tih pawh ka hrelo, a ban rek ah ka man nghal chawt bawk!



"Carlos!" ka au ti tih! Eng ang fako va tam nge a in le? A ding nghet zo reng reng hleinem! Khum ațang kê ka hlan thlak rual chuan a tawlh sawn ve hrut a, a hrawl bawk si, rui ve ropui bawk si! A rawn luh rual a ka room hman chhungah ngei a chatthlak nghalh loh a vang in 'Haleluia!' hial mai ka duh rum rum.




"I va intam awm ve a?" ka ding mar ve a, hnung lam ah a awm leh deuh lûk rual chuan a ban chu ka kut pahnih in ka man bet nghal tlat! A rui che nawi lutuk chu a lawm zawk emaw tih mai tur hian a rawn nui suk suk a, ka thlah daih chuan a pai nawk loh vek pawn chhuat ah a let hlawm tawp ang!





Room ațang ka kai chhuak a, muang zet in ka hnung ah min zui ve hnu hnu bawk, an 'bar' kalna ațang amah in arawn inkhalh let nge ni ang, driver a nei zawk.. aaaa, Thelma a landan hi en ta che, mahni a rawn in khalh thleng tur chi ziazang a nilo, ka ngaihtuah chian chuan ka nuih a za deuh tlat leh nghal! Mipa mahni invawng uluk ve tak, tawn tlang hreawm khawp a hmel lang rorum bawk si hi a rui nawi em em lai ka buaipui ta chu a nia!




"Tah khan țhu rawh." Dining area ah chuan ka ding dat a, kun ngul chung in a kut ka kaihna chu a lo melh ngur ngur mai.



"Carlos, țhu la." a bu ve ta nghut, chair pakhat chu ka pawt chhuak a, table chu a nem a, a țhu thla tur chu a taksa nghet lo zet vang in chair chu a nawr ri rum rum a, mahse a tla em lo!




"God! Hetiang khawp hian ka ruih ngai pawh ka hrelo." a ti thum bûl, uksak vak chi ani pawn ka hrelo, choka chhung ah luh tumin ka inher chiah a, ka ban rek ah rawn manin min pawt let nghal dawrh mai! Ka va bawh deuh rawk rawk rual chuan a lo nui hawk hawk a, a dar ah innem in ka awm hrang nghal vat bawk.




"Eitur ka siam che i duh chuan khati khan min ti tawh miah suh."


"Engtin nge ka tih che a?" a rawn ti anih chu!
Hnial let lo tura inthunun țang țang pah chuan ka ding mar a, ka ban rek erawh a la hum reng.


"I rilțam kha, eitur ka va siam ang."


"Umm, mahse eng nge i siam dawn?" A fridge hrawl zet chhung ah sawn eng nge awm ka hre miah lo. Chutiang bawk in a choka hmaraw changkang tak tak awmna ah sawn ka che thiam angem tih lah ka hre der lo leh nghal.


"Ka hrelo."


"Kan order leh mai dawn mi?" chait ațhu reng chung chuan a rawn dak chhuak vut a! A rui lutuk tak zet!
"A ngailo, Artui ka va kang ang." a bu ve ta nghut nghut, ka kut lah thlah ta nge a ti mang bawk silo!



"Carlos?" tîm dâi hian ka au va, a rawn dah chhuah leh nghauh rual chuan ka ban rek a hum tlat chu ka kawk zeuh bawk.



"Oh!" a ti hluai mai! A thlah tak vut ah chuan rangfe in ka hnung lam ah ka la phei a, dak chho meuh va min en anih vang chuan a khawbeh ruhkual in vuah ngheh hmel zet chu a lang hrawl zual vek.




"Chiar ațang khan lo let thla miah suh aw." ka ti a.




"Thelma!" Ka hming lam meuhin a rawn nui chhuak nghal huk bawk! Keipawh ka nui ve tho, diktak chuan chatthla mai tur hmel apu sia, eitur ka siam sak sauh sauh a nga, ka siam chhung in a lo chatthla daih si a nga! Heta țang a room a sawn phei a huphurh awm hluah hluah tih zawng zawng ka ngaihtuah kual hman vek miau a tin ni!




Choka ah ka lut a, gas thuk hnuai a cupboard chu ka pawt hawng ve tawp, vanneih thlak lutuk in frying pan a lo awm hlauh va, thaw huaiin ka la chuak nghal zat! Frifge chhung ah Artui a awm tih ka hria, pahnih ka la chhuak zet a, mahse Carlos-a pumrua en chuan artui pum hnih lek a puar mai chi ni theiin ka hre leh chiah silo va, pum hnih dang ka lak chhuah belh a, inchhung ah a bialnu nen an pahnih deuh tlâwng in an awm a, che țawp chi an ni bawk silo.


Shanti'n uluk tak a thil a kalsan tawh lô khawih che leh tur tak ngial pawh an awm miau loh a vang in inchhung a thil reng chu a hmun tur dik tak ah a awm vek! Oil dahna glass tung thianghlim zet chu ka ban leh a, artui pali chu vaw keh in chi tlem ka phul a, ka chawk zui bawrh bawrh bawk.




A taksa a enkawl uluk tih chu a taksa fit zet leh tihrawl vel hrawl zet ațang ka hmu thiam ve vek, chuvang tak chuan 'pan' ah chuan oil tlemte ka leih lut a, olive oil kher hman te pawh a lo duh hial ta ve ang, mahse chung sisê zawh chi anih miau loh vang in cooking oli pangngai ka hmang ve tawp a, dawhkan a ka va chhawp sak hun ah rum ul a min melh khui chung in a nawr sawn bawrh loh beisei phawt bawk teh ang.




Chair in nawr sawn ri ka hriat rual chuan gas chu herh hniam in choka ațang ka tlan chhuak nghal vat a, mahse choka lam pan a a rawn kal phei ka hmuh tak ah chuan ka dina ngaiah ding reng chung chuan ka lo en mawl tawp! Phai khawlum leh nisa hnuai a tal țhang tih hriat zet in a vun pawh a ngo vung lo, tunlai body built lam a mipa tlan ho vun rawng awh zawng tak tur leh taksa inkhaithli thlup a nei a, tun ah tak phei chuan a taksa leh thisen a alcohol hnathawh vang in a vun a lang sen deuh țawlh țawlh reng leh nghal.




A rawn pên hnai zel a, mipa dang zurui nise ka hlau emaw tê anih loh vek pawn ka hnaih duh miah lovang, mahse Carlos-a ani miau va, zu rim hriat hlek rual a thisen tlanchhe nghal vat țhin mihring nimah ila, hlauh en ah ka en lo ve tawp, chawp chilh lutuk in ka hma ah tak rawn ding a, a rawn nui suk kher bawk.



"Mamawh i nei em ni?" ka lo ti hâw, lu thing nghut pah chuan choka lam chu a thlek vut a. Khai leh!





"A ut hman vek ang." Ka ti túng, rang lutuk in choka ah chuan ka tlan lut a, ka thil chhuan lai chu a lo khu deuh rum rum tawh, gas off na lai chu ka hmet zui nghla rawk rawk bawk! Fian chuan ka chawk let chhin a, thaw huai chung in hmai ka tuai zui puat mai! A ut lutuk lo, mahse a lo uk hman vek.




"A ei theih tawh em?" a aw zawi sup ka hriat rual deuh thaw in ka hnung lawk ah a rawn ding a, a awm lum vung vung in ka hnung lam a rawn nawr zui zat bawk.



"Umm. Mahse a ut deuh." ka ti sep, a nui tih hriat zet in ka beng hnuai a rawn lum hawk a, inherna chi ani tawh bawk silo, țullo zet in frying pan vawn vung chu ka vuan a, mahse a lo la sa lutuk chu rang lutuk in kut ka pawt let nghal sawk bawk.




"Shit! I inti kang em ni?" a rawn ti nghal hluk! A rawn chet leh dan vang chuan ka sa pup a, ka lo ip ru nghal chawi bawk! Hnung lam ațang ka zak hnuai ah a ban pahnih a rawn zen lut a, ka ban rek dinglam ah a rawn man a, hmuh chian tumà a rawn kun hniam leh rual chuan ka dar ah a khabe a rawn nghat tel bawk!




"Hetah lo kal rawh." ti sup in a ban rawn zen luh dan ngai reng chuan 'tap' lam ah min kal chhoh pui a, 'tap' a herhhaw zawm nghal zat, ka kut țang kang lai chu tui chuan a khawh tir a, a kutțang hrawl tham fê chuan a rawn tuai zui zel bawk a, ka kut kang vang a sa hut hut ai chuan rawn kun hniam a, ka dara khabe a nghahna leh a biang a hmul in ka nghawng a tawh na te! A thawk lak zawng apiang a ka nghawng zawn rawn lum hawm hawm zel chuan ka kawchhung a fân zawk daih.




"Thelma.."




"Khawi keiman ka ti thei." ka kut a man beh chu ka phih nghal sawk, ka ban pahnih chu dah chip deuh in awm sawn turin ka kiu in ka nawr hlek a, mahse a che sawn duh miah lo! Ka ban ka tih chip reng chuan a ban hrawl zet pahnih leh ka taksa a insi hnai ting bawk si, a lak sawn mai beisei zet in ka awmdan ka siam rem leh a. Mahse ka chet dan chu hrethiam lo ang hmiah in min din hnaih leh sauh va! 'Tap' bang ka si tâ chét bawk!




"Damdawi hnawih ang." Aman 'tap' a herh tawp a, chu chu rem chang ah lain ka inher nghal zat, kan inawm hnaih lutuk chu ka hrelo der ve hmiah bawk.





"Ka thil siam sak che kha lo ei rawh, keimah in ka inbuaipui thei " ka ti sep a, a mit ah en lo in a awm zawn ka melh lui tlat, ka tawlh sawn tur chu rûm nghut pahin ka ban bul ah a rawn man nghal chawt a, ka chhoh en dawrh rual chuan rûm ûl a min melh khùi chung in min kal sawn pui nghal dawr dawr a! Kal pahin bang a kitchen towel lo awm chu a pawt thla a, ka kut huh chu ngawi ngul chung in a hru hul mual mual a, bawlhlawh bawm ah vawm lut leh in a che zui leh vut a!




He mihring pui roh hi nichin lawk khan chatthla mai tur khawp in a rui chhia kha a nia, tun ah lem! Choka ațang min kai chhuak dawr dawr a, rui chhe thei lo khan awm leh daih se ka tih zia chu!




A room kawngkhar a nem hawn pawp rual chuan ka țang deuh țúk a, mahse a ni mipa vantlang chunglam daih khawp a hrawl chuan ka tha ve chu tham lo tak ani tawp, min nawr lut rawk rawk a, khum zau zet ah min nam țhu zui dawt!





"Lo che suh, kang phei chu enkawl vat loh chuan a reh harh a nia." ti bul vut in pindan chhung sir lam ah a kal ta vut a, a room chhung zau helhhawlh leh lang pui út mai chu ka thlek kual nghal thuak bawk. King size khum zau helh hawlh inhung chuan pindan chu a lai tak ah ațhen hrang a, bang pakhat ah kawngkhar a invuah a, washroom anih ka ring.



Bang pakhat zawng deuh thaw chu chhuat ațang inchung thleng in cabinet ngheh hmet zet a bet chho thlup, common room lam ang deuh in bang pakhat zawng chu darthlalang kawngkhar zaupui a awm a, parda chhah chi inzar phui mup chuan pindan chhung a tihzahawm zual a, parda saw hawng dâr vek ta ila Mumbai khawpui pe tuar a lang chiang leh viau ang! Pindan cheina an dah vel erawh pa hrek hrawk tak vek anih vang in ka mit la tu em em a awm lo, couch uk inhung pawh a hrawl tham viau.



"Khawi maw i kut kha." a rawn tih leh vut rual chuan ka haw chhuak vat a, a ni rawn țhu hniam ve chiah nen kan in melh nghal siah bawk.



"Damdawi hi hnawih ila, a sa zual pawh a reh vat mai ang." thuawi hmel fê in ka bu nghat a, ka bul ah chuan bandaid leh damdawi hmeh chhuah chu a rawn dah a, dimte te in ka kut chal leh kut zungpui kang sen tar mai ah chuan damdawi chu a hnawih a, ka kut kang mai mai a buaipui chiam mai chu ka hrethiam der lo bawk.



"I bungrua an rawn thawn a."




"Maw?.. oh, ih.. Hyderabad ațang maw?" bandaid a bel zo chiah, rawn hawi chhuak in a bu nghut a.


"Motor ah a la awm, zing ah security in an rawn dah chho ang."



"Ka lawm e aw." ka tih rual chuan hmui chip hmuk in a rawn thaw chhuak ham ham a. Muanpui nuin ka ticket tur min book kép dawn tih kha sawi ka tûm ûk a, mahse a hriat sa tawh tho ka rin vang in thil sawi kawi hrat zet ang a sawi chhuah thawt thawt kha fuh ber in ka hre leh ta lo.




Ka țhutna țang chuan ka tawlh sawn hlek a, ka hma chhuat ah a tak a țhu ngur vang in din mai a rem lo miau, ka khak buai theih lohna chin ațang chuan ka ding ta tharh a. Muang ruih in a rawn hawi chhuak ve ruai ruai a, ka mit ah tak a rawn en leh rual chuan a la harhfim tak tak lo tih ka hre thei.




"Artui kha va ei tawh la, nakin ah hmanrua vel chu ka lo sil ang."


"Zing ah Shanti in a rawn ti vek dawn lawm." a ti hmuk, bandaid kawr vel chu hmet khawm in a rawn ding ve vut a, rang zet in kawngkhar lam ka pan zui daih! Kan inhmawchhawn a piang a feeling mak pui pui ka neih țhin hi ka ti tawp vat loh anih chuan.. eng.. eng ber nghe thleng dawn ka hrelo nangin.. aaaa... ka tawp fel tir vat ațha ber.



"Khawi a tlan chhiat nge i tum a?" A room kawngkhar ka kharfel chiah, thawk ka la hman țawk tih ah a aw ri lian pui ka hre thut chu ka khek chhuak țhawt teuh kher mai! Ka inher a, a ni rawn chhuak ve vut chu mit khap kar pawh tling loah ka hma ah tak a rawn ding fel der! Ka kawng ah hneh zet a a rawn man rual chuan ka meng kawk a! A rawn kun hniam leh tak ah chuan kan hmai a insilo chauh bawk!



"Thelma!" a aw ri aril ngûih, chuan tinge hetiang hian a rawn awm a?



"Engnge i duh a?" ka ti ta ruai ringawt! Ngeiawm lek lek, mahse huat theih bawk silo hian a rawn țhen suk a.



"Nangmah hi!" ka awm chhung a che dawt! Ka thin chu a phu zui dawt dawt a, ka kawng a manna rawn ti nghet leh sauh pah chuan min awm hnaih leh sauh va, maimitchhing chung in ka chal leh a chal a rawn nawr si a, a rawn thaw chhuak nghal ham ham mai, kan inawm hnaih lutuk vangin a hmel landan ka hmu thei tawh biklo, amah ațang lumna rawn chhuak pawh a nasa zual sauh a, thawk lak ngaihna pawh ka hre ve tawh lo!




"Thelma.." a phun sup rual chuan a hmui che in ka hmui a rawn tawk a, ka thawk lak dan a na miah lo, mahse a rang zawih zawih thung. "Nangmah hi." thum zawi supa a sawi zawh rual deuh thaw chuan min fawp anih chu!




Ka kaihza tha a chê dat a, min man bet nghet sauh in kohham lutuk in min fawp zui leh ngawng ngawng a, ka chhang let pawn ka hrelo, rilțam hmel zet a ka hmui a rawn peh ngawng ngawng rual te chuan ka awm chhung a za uaih uaih thei! A kut phah pakhat in ka biang rawn dawm pah a ka khabeh ruh kual a rawn tûai tel tak ah chuan dam deuh zawk in mahse duhthawh zual em em siin min fawh dan a thlak a, keiman ka hmui ka tihchet ve hlek tah ah chuan a rawn rûm chhuak nghal hawk mai, ka kâ chhung ah à kâ ațang boruak rawn chhuak lum hulh mai a rawn luh rual deuh thaw in a lei hrawl zet a rawn nawr lut nghal zat a!


A awm chhung a sa pup pup, ka kâ chhung ah zei lutuk a a rawn tih chet rual chuan ka taksa pum pui a sa chhuak nghal vek, eng emaw ka sik dawt rual deuh thaw chuan a awm tihrawl nghet țha zet in min nawr bet zui châwih a! Thawk pawh ka thaw muamal tawh lo, ka kâ chhung ah ringawt pawh sapui kohham lutuk ang maiin a che thiam ani sia! Hei ai thui kan kal anih ngat chuan....!



Lalpa!

Vur tui hit nguk a theh țhawt ang maiin ka harh chhuak nghal kawk a! Na lutuk in Carlos-a awm ah ka nam zui chawrh bawk! Min fawhna a thlah tih loh chu chhe tê pawn a awm sawn lo! Kan infawp nasa bawk a, thawk ka la zui ham ham a, a room kawngkhar leh ka room hman kawngkhar inkar ah min lo nawr bet tawh a! Gosh! Harh chhuak lo phei ila chuan naktuk zing ah a bialnu rawn kalin ka hmai ah tak a ben chawrh duhna tur khawp hial thil a thleng hial ang!



"Thelma."



"Engthil mah a thleng lo." ka ti thawr, a thawk lak dan nâ zet vang chuan a taksa hrawl zet pawh a chaw hrawk hrawk!



"Ka sawi chu engthil mah a thleng lo." Nâ deuh in a awm ah ka nam leh țawlh a. Ani pawh chu harh chhuak thut ang maiin a awm hrang ve ta hlawl! Zahna, â intihna leh thinrim rûk țunna in min rawn tuam mup mup a, Carlos-a mit ah pawn ka en ngam tawh lo, ka room hman țhîn kawngkhar lam chu ka pan zui rawk rawk a, a rawn che ve vut tih ka hria, kawngkhar ka nem hawng pawp a, kawngkhar ah a rawn lan ve thut rual chuan amah ka khar chilh palh ang tih pawh ngaihtuah hman lo in ri bur khawp in ka nem khar leh pawp! A rawn hnek zui emaw, a rawn chum zui emaw anih ka ring, tha chak zet a kut rawn thlak zui tu an awm tih hriat tak in ahma aia ring mah chuan a rawn ri dawp a. Lock nghal zat in kawngkhar chu ka ngheng a!




"Thelma.. rawn hawng teh." hmai ka húp zui chawi mai! Kan infawh zawh chiahna vang a ka hmui sa huam huam reng pawh chu a la huh hliam! Mahse zing khawvar hun ah engtin nge ka hmachhawn ngam tawh ang? Min țanpui a, vai khawpui pakhat ațang khawpui hran ah him tak in min thlenpui a, khawlai ah vak rawlai a ka kal kual mai mai loh nan a in ah min awm tir ve a, chuan a bialnu awm loh kar... chu pawh a zuruih lai leh nghal in min fawp a! Hmeichhe awlsam lutuk ang maiin ka lo dang miah lo leh nghal!




"Thelma Bawihte rawn hawng rawh." a rawn hnek leh pawp hial in ka hria! Mahse chechang tur ka awm lo, ka chetdan nikhua lo lutuk khan chhunglam ațang zahna te nen min rawn țham er er!



"Thelma..!" Mit ka chhing ngawt ngawt tawp! Engti tih a khatiang a awm ta ngawt kha nge ka nih ka inhrelo! Ka hriat zawng chu Muanpui bialpa ani! Bialpa satliah pawh nilo in nupa ang chiah in an khawsa! Tukin ngei pawn.. ugghh! Thelma hmeichhe hur ang maiin ngati nge khatiang khan i awm a?! Keima lakah chuan ka thinrim ngawih ngawih!




Thil thleng zo chiah kha siam țhat leh theih ka chak hlur a! Carlos-a kalsawn thawm leh a room kawngkhar inkhar thawm ka hre miau lo!



A awmzia chu kawngkhar pawn ah hian keimah ang bawk a rilru insual buaiin a ding ve reng tihna! Haa! Ngange min fawh kher tih vel ngaihtuah in a rilru a buai ngawt tá ve ang! A bialnu in a hrechhuak anih ngai chuan! Ka țîm nghal sawk a!



Muangchang in khum lam chu ka pan zui hnelh hnelh a! Kum19 ka nih lai ațang Valpuia'n min duh tawh, mahse kum 1 zet zawt chu ka taksa sîk tir pawh ka rem ti ngailo! In fawh te chu sawi loh kan taksa sî thei tak ngial pawn kan țhu tlang ngailo! Mahse tun ah lem!.. zanthum awr ka hriat mipa nen kan infawp a nia! Carlos chu a rui a, a ruih vang a thil thleng ani pawh tise a diklohna pakhatmah a awm lo! Mahse kei harhfim kak maiin lo dan ka tum miah lo kha keimah leh keima lak ah chuan ka thinur țeuh va, thil thlen dan kha ngaihtuah let tur mumal pawh ka hrelo!
Aih, ka hrechiang lutuk, a hmui lum leh nem thep a duhtawk a ka hmui a peh kual lai te khan ka hriatna a bo tial tial a, a rim pa hrak te, a kut lum thup in ka kawng a man behna te khan min ti â vek! Eng ngaihtuahna fim mah pu thei lo in ka chhang let nge, ka kâ chhung ah rawn lut turin ka sawm pawh tih hriat loh in ka lo dawngsawng ve ringawt a! Harh chhuak thut lo phei ila chuan kha a lei thil ti thei zet leh ka thluak chawk buai vek thei vang khan khâ aia țha lo a thlenh ngei ngei ang.




Khum ah ka tal kual sek a, mutthilh te chu a hnai lo lutuk, ka awm chhung rawn so leh bulh bulh țhin chuan min ti țim sawk sawk reng a, mit ka chhin hlek lahin Carlos-a hmel ka hmu a, a chang phei chuan min fawh ruala a rum ri te khan ka hre let hial thei!



Engpawh nise ram dangah leh nghal! Hmeichhe nasa zet than a ka than hma ngeiin Muanpui nu rual in ka haw ngei tur ani! Muanpuii'n Carlos-a a atchilh zia chu ni reilote chhung an awm dun ka hmuh chhung khan ka hre hnehsawh lutuk! Carlos-a pawn a atchilh hlum lo chauh! Tukin ngei pawn hmangaihna chen dunin an thawm siam hial ka hre pha anih kha!


Chutiang khawp a thui kal tawh an ni a, Muanpui hmeichhe fing tih hriat zet leh mahni lu zo veh vawh in a mipa duhlai la lo tawk ve zeuh tih a hre chhuak ngat anih chuan mualpho thei ang berin min siam hreh dawn lo nasa lutuk!




Ka ngaihtuahna hahdam thlak loh lutuk vang chuan ka rum chhuak hak a! Khum ațang ka țhu chhuak leh ta nge nge bawk! Ka mut zangthal chuan ka awm chhung ah hian boruak rit hlawm lutuk a in mung khawm a chuthil chu rawn insawn in ka hrawk ah tak min rawn hnawh bet tlat a, hetiang reng reng a mahni inthiam lo leh inhua hian ka la awm ngailo! Ka best Friend leh ka bialpa in min bum ang chiah kha... kei leh Carlos-a'n Muanpui kan bum ve ah ka ngai tlat a! Ka inhuatna leh ka lak ka thinurna a zual sauh bawk.






Ka harh leh meuh chuan parda inzar phuilo lai ațang ni zung a rawn lut ruih tawh a, zing khawvar hma a ka awm dan ngai ang chiahin chhuat ah ka lo la țhu reng a, khum tlang ka bawh bawk. Ka ban bul leh nghawng kham deuh ngut ngut vang chuan ka țhen sak a, chawp chilh zet in nizan lam a thil thleng kha ka hre chhuak leh nghal zat! Thaw chhuak nghek in ka hmai chuan khum chu ka han nawr vang vang a! Ka mumang te lo ni daih zawk se aw!



Side table a phone chu ka la kang a, zinglam dar 8:30 a chanve a lo pel tawh bawk, chu erawh ka ven pui huai mai! A chhan chu nimin túk pawn Carlos-a tun ang hun ah hian hna kal tur in a kal chhuak tawh! Amah nen kan inhmawchhawn a ngai dawn lo tihna anih chu!




Towel ka ban a, ka sam phiar khawm pawh a lo hnawk ve niai tawh mai! Pindan kawngkhar ka hawn hma chuan thawk ka han la leh hawlh phawt a, inchhung zau pui reh huai mai ah chuan Carlos-a ka hmu thut ang tih hlau reng reng in chak fahran in washroom lam ka pan zui hlawk hlawk a, washroom chhung ka luh hnu ah chuan ka thin a phu dawt dawt tih ka hre chiah!




'Thelma, tukin ang hian zan lam ah i him dawn miah lo,room ah tawm char char ang che.' Keimah leh keimah chu ka inbe mawlh mawlh, hâ ka nawt sawk sawk a, hmai ka phih dawn chuan ka kut țang a bandaid lo inbel va chu hmu in rang zet in hnung lam ah ka thukru a, ka kut veilam in hmai ka phih ta mai, he kungțang te reuh te te hi kanglo nise chuan khatiang kha a thleng miah lo ang.





Ka hmai huh hru mawlh mawlh chung chuan sitting room chu ka kal pel a, ka room hman kawngkhar ka nem hawng chiah chuan ka phu ta nghek! Ka mihring beisei loh lutuk mai khum chung ah alo țhu run a, dar kún khûn in kawngkhar hawnna vuan a ka ding zum reng chu ka mit tak min en zui ngur bawk.



A kut phah hrawl zet pahnih chu a chelh kawp a, police lukhum chu ka khum chung ah a lo dah bawk a. Eng nge hetah a rawn tih leh dawn? Khawngaih takin nizan a thil thleng kha sawi chhuak lo hram rawh se! Rei ngial ngawi reng a kan inen tak reng ah chuan a kut pahnih chu a a beng ri deuh thuk a, kawngkhar hawnna pawh ka hum nghet ve sauh bawk.



"Thelma?" nizan khan 'Thelma Bawihte!' a tiin a rawn au! A aw ri ngenngawl zet ka ngaihtuah let rual te chuan engtin maw tak hian ka awm leh uaih tawh.



"Nizan kha.."


"I rui lutuk a, i chatthla hial em?" Ka ti ve tawp, hmui a chip hmuk a, i chatthla ti tlat ila, buaina ka tawk tam lo zawk in ka ring. Ka idea thar a vang chuan ka nui lui ta hak a, kawngkhar hawnna chu thlah in pindan chhung ah chuan ka pen lut nghal zat bawk.




"I thawh theih pawh ka ring lo a sin." Nizan ah engmah thleng lo ang a angaih theih nan ka aw ri te chu zangkhai thei ber turin ka siam lui vel a.





"Thelma!" a rawn ti fuk, towel chu a khaina ah ka khai a! Khum ațang a thawh chhuak vut rual deuh thaw in khum pawh chu a nghing dawt a, 'nizan a thil thleng kha min zawt suh!' tih chu ka rilru in ka sawi mawlh mawlh a, a uniform kekawr țhui dak zet kekawr ipte ah chuan kut a zen lut a, pistol a pai mai bak ah a savun kawnghren senduk ruih leh a arsi belh te nen zawng zawng chuan min uap phui leh mup tawh. Ka dinna bang kil lam pan a a rawn pen tak pawk pawk ah chuan tlan chhiat daihna tur ka melh ru nghal ruai a! Mahse tlanchhiatna tur pakhatmah a awm lo!




"Carlos!" A tawp chut mai! Sawitur hrelo fê hian ka thaw hak a!



"I kut kha a la na em?" kan inkar ah pen 10 vel a awm ang! A ding khawng luah a, ka kut teh hrep pawh chu!

"Aih."

"Damdawi hi hnawh zawm la." side table lam ah a thle nghut bawk, ka hmai a hnawih tur leh nizan a ka kut kang a min hmawih sak kha an lo awm tlang a. Ka bu nghat ringawt!



A savun pheikhawk rahnat hmel zet chu ka lam pan in a rawn pen che leh a, ka țap vak tawh mai dawn em ni?




"Khawngaih tak in!" ka aw zawi lutuk leh ka be hreh lutuk tih lang chiang em em bawk si vang chuan a kê pen a tawp leh a, a thaw chhuak nghal ham ham bawk.




"Nizan ah khan engmah a thleng lo, a țha em?" Ka sawi zawh rual deuh thaw in vanvadak meuh in a nui rum nghal hawk a! In 'teleport' daih thei ila, Ngopa ah awm daih ka chak up up tawh.



"Thil thleng a awm ngei chu anih hmel si ve." a ti nghut! Min pan leh vut rual chuan rang lutuk in ka tawlh hnung dawt dawt a, bap a hrawl bawk si, a rawn pen leh pawk rual chuan min nangchin ani der tawh.



"Engmah a thleng lo, i chhatthla." Ka dar ah a rawn man nghal chawt a. A kut phah chu a lum huam bawk.


"Sawi țha leh teh."



"I chatthla."


"Aih ka fawp che.."


"Anilo, i chatthla, i rawn haw i i chatthla nghal.." ka ti a. Rawn kun hniam a ka hmai zawn ah tak min en ngur tak ah chuan na deuh in ka insehruh a. "I chatthla, chutiang chuan nang pawn ngai rawh.." a lo kiai suk chu rum deuh in ka melh vak bawk.



"Thil thlen dan tur diktak pawh ani bawk.. i chatthla a.." rang lutuk in min rawn fawp zauh va! Ka țawng tawp chiang hle bawk.





"Anih chuan tinge i hmui taste hi nizan a ka hmeichhe fawh hmui thlum dek dek nen kha a in an a?" A rawn kun hniam leh a, ka lo thlesawn nghal sawk, kawchhung ațang rawn rum chhuak hawk pah chuan ka dar ah a chalin a rawn nawr a! Thawk ka chelh nghal ngat ngat bawk!




"I hmui taste kha ka theinghil ring hauh suh." A hmaiin ka nghawng a rawn nul deuh thuak a, ka taksa za uaih mai a rehfel hma hauhin a hmuiin a rawn nawr a! Sawitur engmah ka hrelo! Ka hriat zawng chu he mihring bialnu nghet nei lai vang hian ka pian tir ata vawi khatmah ka feel ngailo thil tam tak ka feel tawh! Chuthil chu thil țha ani lo tih ka hrechiang hle bawk.




"I ngaihdan ah chuan i inah min awm tir a vang hian i play kual mai mai thei tur ah min ruat tawh!"




"What!" a ti nghek! A ding mar vut a! Ka hmel landan a țûr nghal khúi bawk.


"Ka sawi diklo em ni?" Ka sawi zo chiah! Door bell rawn ri thut a vang chuan ka hawi nghal dawrh a! Muanpuii'n zing ah a rawn kal tur thu a sawi tak kha maw! Rang lutuk in room kawngkhar lam pan tum chuan ka che a, ka ban bul ah a rawn man nghal leh nghal chawt tawh!



"Min thlah rawh." A lam ah min hnuk hnai leh hrawk a, Door bell a rawn ri zawm leh zat bawk si nen, tal chhuah tum in ka ban bul a hmerna kutțang chu ka pawh sak țang țang a, droor bell lah chawl miah lo in a rawn ri zui nghek nghek bawk si!



Shanti nise chuan vawi khat a hmeh a, hawngtu an awm loh rual khan a kal sawn nghal ang! A awmzia chu Muanpui he inchhung a thunei ve tawh tak kha a lo kal tihna! Ka pindan chhung ah hetiang hian min rawn hmu ngat se chuan.. ka chung a thil thleng tur chu ka ngaihtuah thlen theih bak a rapthlak ani ang tih ka chiang.




"Carlos." Na deuh va min hnuh leh hrawk rual chuan ka kawng ah a rawn man tel a. A â ta thut anih loh vek pawn kei ang bawk in a chiai lutuk na lam ah awm dan tur a hre tawh lo a niang.


"Eng nge ila tih.. Muanpuii anih chu Muanpuii.. i bialnu.."

Inchhir lo vang che(1).jpg
Inchhir lo vang che(1).jpg (30.56 KiB) Viewed 13263 times


" Nizan khan ka fawp che." Ha sehchilh rûn chung in a rawn phun sup! Chuthil chu tun ah sawi hun pawh ani tawh lo! A tihtur diktak chu a inchung ah hian CCTV a dah anih chuan nizan a thil thlen lanna te kha tihbo tum in buai hle zawk tawh se.


"Aih.. min fawp lo.."

"Thelma?"


"Engnge.. min fawp lo, a țha em? Ka fawp bawk lo che.." a ner suk chu dak vah in a mit ah tak ka en lui ngar bawk.

"Ka fawp lo che..."


"Aw.. kan inkar ah engmah a thleng lo.." țawngrin hlau bawk si, duhthawh ru zet hian ka ti leh nghek a. Inseh ruh țawlh țawlg chung chuan ka mit ah tak a en ngur ngur a!


"Vawi khat chian ka zawt leh ang che." Ka lo tal leh phat a vang chuan nghet leh zual in a taksa si chet in min hnuk hnai hrawk a, ka rilru ah door bell ri zawm mawp mawp reng chiah a awm tawh.


"Nizan khan..."


"Min fawp lo.. i lawm tawh em?" Engmah sawi lo in min thlah thut a, ka pai nawk chuan bang ka su rawk rawk bawk!


"I sawi ang chu ani mai aniang chu." A ring lo, thinrimna leh lungawi lohna pawh a lang chhuak chuang lo! Mahse nelawmna pakhatmah a ritel ve hlek lo! A che vut a, khum a a lukhum chu la kang vut in kawngkhar lam ah chuan a pen zui pawk pawk a, ka ban bul a hnerna chu a var deuh pap thei! Ka awm ve tih hrelo ang chiah in a pen chhuak a, kawngkhar pawh lungawilo tih hriat zet in a pawt phui dawt!



Thaw huai huai pah chuan bang hit thler chu ka ngheng a, kawngkhar a hawn sak ta ani mahna! Door bell ri a tawp a! Tun ah tak phei chuan Muanpui nen an infawp leh hial tawh ang!




'Thelma Muanpui nu rual chuan haw mai rawh aw!' Ka hriat tham lek in ka phun sep sep a, marble chhuat ah hmeichhe hill pen kual vel thawm ka hriat rual te chuan ka inthiam lo hluah hluah ani tawp!



"Khawnge Thlema pawh chu a awm a, Mizo chawhmeh a ei chak ka ring a ka rawn keng țeuh." Muanpui țawng lang lang thawm chu ka hre vek thei, mahse a hmel hmuh chu thih hreh in ka hreh.


Ka room hman kawngkhar pan a hill thawm a rawn awm tak ah chuan ka awmdan chu ka siam rem sawk sawk a, chhuah mai tum ang a ka lan theih nan kawngkhar lam chu tlan ti tih in ka pan a, pawn lam ațang a rawn in nem hawng ve chiah a, ka ding chat chu Muanpuii chuan min lo nuih var var a. Nuih let ngial ka tum nangin harsa ka ti!



"Lo chhuak la, maian ka lo keng bai ila breakfast ah thil dang siam lo in rice nen kan ei dawn nia." Ka bu nghat ringawt! A kal chhuak leh nghal a, tubialpa mah ka fawp ngawt ang tih vawi khattê mah ka la ngaihtuah chhin ngailo.




Room kawngkhar ka pawt hawng chiah, Carlos room ațang rawn chhuak ve chiah nen kan in melh siah a, rang lutuk in ka hawi sawn a, a hmui bul leh biang a Muanpuii lipstic rawng kai raih erawh ka hmu chiang hman viau! Ngawi reng in choka ah ka lut a, counter lam ka pan fel chiah tih ah Carlos-a pawh a rawn lut ve zat bawk.



"Ka kal dawn sin." breakfast table ah mizo thlairah vel a lo let ram, Muanpuii'n fridge chhung ah a rem lut mek a, Carlos-a thu rawn sawi vang chuan ainher vat a. A pan hnai a, an thil tih tur ka hriatchian lutuk vang chuan 'tap' lam ka pan ta ngawt.



"Zanin kha aw." Muanpui chuan a ti a.


"Ok, ka lo book ang."


"Tlai lo la." Sawi sep in Muanpui vek chuan a ti leh a, an in fawp thawm ka hre zawm zat bawk!



Ka beng ngawng daih se ka duh rum rum! Carlos-a'n Muanpuia kawng fek rat ah a man leh a nga, Muanpuii'n Carlos-a nghawng ah uai ti tih in taksa insi chet in an ding dun leh ngei bawk ang!




"Ok, la kham lo viau mahila ka tlai dawn tlat." Carlos-a nui ri deuh hawk chuan min keimah min nuihsawh niber hian ka hria.



Kawngkharpui lam ah an inzui phei a! Ka awm chhung lo tawt up up reng chu nizan ka mutțhat loh vang ni lul tehse!



"Nizan i mu thu em?" Inher vat in Muanpuii lipstic reh deuh rîam mai chu ka melh zeuh a, ka hawi sawn rang khawp bawk.


"Umm, mu tui lutuk."


"Mai an hi bai nghal ila, helam ah hian samțawk a awm ve silo a, Hmingpuia hian chhum tawp in a ei ve duh țhin sia, ka nu pawh ka chah tam deuh mawle." a rawn ti zui sawk sawk! An inpawh tawh lutuk leh thil ngainat zawng thleng a an inhriat tawn sak zia te, an family lam te thleng a an inkar an open tawh zia te chuan min ti zak thar tiila a dik ber ang.



Kan chhungkaw chanchim min zawt mial mial a, mak tak maiin min khei rukna kha a nei tawh miah lo, min zawh chin ang zel in ka chhang a, an chhungkaw lam a sawi ve tak ah chuan a nu te lam an hausa zawk tih leh an chen mekna in pawh a nu in a pi leh pu te hnen ațang a rochun anih thu te, cafe an hawn thar thu leh an chhungkaw hnai ho hnathawh te ka hriat belh ta țeuh a!


A khaikhawm nan an vannei tak zet ani mai! Mihlun, reitheihna vawi khat pawh la tém ve chhin lo ani a, kei thingtlang nula ve mai nen chuan chhungkaw chanchin pawh sawi tur inngah hleih tak kan ni mai!




Mi hausa te hi ka la awt chhin ngailo, ka duhthusam zawng chu ka pi leh pu chawmna tur khawp thawh chhuah ve a, dawt sawi ngailo, midang thil neih awt ngai bik silo va hna thawh a, sum lak luh ve zawng ani mai! Retheih ka duh lo ang bawk in hausak ka duh lo! Midang pûr buai ngailo tawk a awm hi kan tan chuan ațhat ber zawk ka ring fo țhin.






Carlos-a nen an intawn dan vel a sawi lai chuan a nui har har reng a, Carlos-a hmeichhe ngaihsak loh zia thu leh an inbiak tirh lam a a beidawn lek lek țhin thu asawi lai te chuan za vak lo hian ka lo nuihpui ve bawk tak nangin ka chhung lam ah hian engemaw tak hian min hnawh tlat a. An family lam ve ve an in close dan vel a sawi kai zel a, Carlos-a'n pa a nei tawh lo tih a sawi lai chuan mak tak maiin nâ ka lo tihpui ve ringawt! Ka nu leh pa ka chan tawh vang te pawh ani mahna!






"Dinner turin ka nu ho in kan chhuak dawn a."

"Oh.."


"I lo kal ve duh em?" leh ta zel chuan leh? Tinge kachung ah a fel tak em em mai le.


"Aih, inah ka lo awm ang, chu lo ah.. ih.. ka biang.."
"A lang vak tawh lo, en chian loh phei chuan engmah a hriat tawh loh." Ka nui ta ringawt a.



"E, Zanah nangmah in i riak ngam a ngem?" a rawn ti teh daih a.



"Aaa... Flat thar ah ka insawn a, Hmingpuia a rawn riak dawn a." a ti a.


"Ngam loh tur a awm dawn mi?"


"Nia, Mizoram ang in zan ah midang in ah tumah an leng lut ve ngailo a. Lehlam kawng tak chuan a him zawk daih, inhrilh lawk loin midang in ah tumah an leng ve ngawt ngai bawk silo.." a ti leh mai a! A dikna chen a awm ang, engtik lai pawnkawngkharpui kan khar phui a, chhung lam ah kan lock thlap bawk. Next door ami te pawh chuti bawk! Țhenawm in ah kan leng zawk a nge! tih vel chu a khat viau ta ve ang!




*I luggage Security in a rawn dah chho dawn, kawngkhar lo hawn sak lawk mai la.* private number tih ațang message ka dawng a! Carlos-a number anih ka ring.



*aw le.* tih zawng in ka reply. Reilote hnu ah door bell arawn ri a, Maunpuii a haw tawh a, chawhnu lam tal hna kal a ngaih thu a sawi a, a haw hma deuh a kan ti tî țum khan sawi tlang dawt lo mahse a nu zui haw ve turin min duh viau tih ka hria! Keipawn nizan thil thleng te vang khan he hmun hi ka awmna tur ani pawh in ka hre tawh lo.





Ka luggage lian vak lo chu ka hnuk lut a, room ah hnuk lut tlang in khum bul ah ka hung fel ran a! Ka phone message tone bawk a rawn ri leh a, rang zet in khum chung a mi chu ka la kang zui vat bawk.




*lunch i ei tawh em?* tih zawng! Carlos-a number ațang bawk.



*aih, breakfast kha ka ring tlang.*




*ok, zan ah chhuak turin lo inring ang che.* a teuh lo ve e! A bialnu te nufa nen chaw an ei ho dawn a, ka lo telve ngawtna tur a awm lo!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)