Post February 14th, 2020, 6:47 pm
Ka țhiante chu an bengchheng in LalKimkima ngat phei chu a nui thler duai duai reng a, naktuk hian Thenzawl ah kan kal dawn vangin ka u te in ah kan riak khawm ta vek.
"Mu tawh ang u, zingkar ah chhuah hma a, a hmun thlen phei thuai an ti tlang anih kha" Nuni'n a ti ta hluai. Kimkima leh Remremi pawn Nuni thusawi chu awi in phone te chu an han ti zawi a. Kan rualpui ve tho nimahse kan zing ah rau rau Nuni hi a puitling bik a, keini pathum pawn a thu hi kan awi viau zel.
Dar 12 a pelh meuh chuan ka țhiante chu an mutui tawh hle. Tui lutuk a ka țhiante thawk la sak sak chu inbeng kangin ka en kual a. LalKimkima mangchhe fal bik lutuk chu ka nuih lo thei lo.
A bawp pakhat in Remremi a kherh țung a, a hnar kuk kuk leh nghal.
"Thla ka laksak lo che a, vannei inti hle rawh" ti hlak in ka mu țha leh then, ka mut chhuak miah lo erawh a chhan ka chiang viau thung.
Thaw chhuak hakin ka lungphu rang dat dat zawn ah chuan kut ka nghat a.
'Tun ah hian Dr Rinchhani te in ah tho khan em ni a awm ang?' Ka kâ ațang thaw chhuak vakin lu ka thing sawk.
Prof Msa khan Dr Rinchhani pu damlo kan turin an in ah a kal thu chu min hrilh ngei a, Dr Rinchhani te in ah a awm lai pawn a khat tawkin min rawn be deuh reng a, ka ngaihțhat loh a hlau te pawh ani mahna, pangngai deuhin dar 11 vel ah khan min mangțha thlap tawh bawk. An inkarah engmah a awm tawh loh tih hre tho mahila 'Dr Rinchhani te in ațang a haw tawh a ngem?' tih vel chuan ka rilru a luah ngut ngut reng a, hetiang thil hi ka tawn vawi khatna anih vangin a chang leh ka rilru chu a chiai hma mai mai nite'n ka in nuih ru leh sak zel. Mahse, a haw tawh a ngem? Damlo kan turin Prof Msa kha a kal nangin Dr Rinchhani nen an awm dun a ngem? tih vel ngaihruatna hahthlak țeuh chu ka thluak tereuhte ațang hian ka dah bo thei hlawl lo!
"Ka call hial zawk dawn mawni" tiin ka thaw chhuak hak.
Khum bul dawhkan chung a ka phone dah chu ka ban a. Phone ka hmeh en rual chuan zinglam dar 1 a lo pel fel viau tawh.
"Nuni leh Remremi te pawh hian ngaihzawng an nei ve țhin tho sia. Ka awm ang hian an awm ve ngai pawn ka hrelo. Tinge kei hian thil ho te pawh ka hahpui em em le" ti rilru nui nui hian ka țhiante pahnih muhil lai chu ka thlir a. Ngaizawng phei chu chhiar sen loh neiin an thlak zung zung a. Kei ve tun ah vawi khatna a tan mipa ka hnaih ve deuh hlek a. A ex pu damlo a kan vang mai in ka muttheih loh phah hial chu nia!
Prof Msa nen kan inhnaih hma a ka thawven țhin zia ngaihtuah phei chuan ka awm dan hi a nuihzatthlak letling tak zet!
'a haw tawh em?' tih chiah ka zawt ang ti rilru in phone lock chu ka hawng a.
Mahse, Dr Rinchhani number ațang msg 3 ngawt lo awm reng ka hmuh rual chuan ka lungphu chu a phu rang kher mai.
Hawng lova mut san leh daih ka tum zet nangin, hetiang a hah hluah hluah chung hian ka muhil zui dawn chuang lo! Chuvang chuan engthil pawh hmu dawn mahila awm nuam lo reng reng a ka awm chhan hi ka chingfel tur ani!
Ka lungphu rang dawt dawt leh awm chhung rawn hnawh tup tup tu chuan message chu hawng miah lo turin min hrilh mawlh mawlh! Mahse, lock hawng nawn leh turin ka finger print ka nawr si tho!
Dr Rinchhani message ka hawn rual chuan ka lo beisei lawk tho mahnise na deuh in phone chu ka hum a. Ka chhungril ațang thikna nasa lutuk in min rawn țham nghal kual tup tup a! Ka thisen a rawn lum nghal pup pup bawk!
Bathlar ah emaw Dr Rinchhani leh Prof Msa chu an ding dun a, Dr Rinchhani chuan Prof Msa dar a ngheng chial. Ngheng tih a, a chalin a nawr ani mah zawk! Chutia an awm dun lai ringawt pawh chuan min hnawh tawt in ka thin chhung a tih nat rawih rawih teh lul nen!
Thlalak pakhat zawk ah chuan Dr Rinchhani chuan prof Msa awm ah hmai a phum lo chauh! Chutiang khawp a hnaih tu chu prof Msa pawn a darah kuah in hmel tak ngul hian a ding run a. Dr Rinchhani darah prof Msa kutphah hrawl hrup ka hmuh rual chuan ka na ngawih ngawih ani tawp mai!
*naupangte i mutui bawk em?* tih te mai hi message a lo hnutchhiah tel bawk.
Ner nakin phone chu ka hmet thim nghal hmiah. Mahse, ka thin zawn ah hian thil sak lutuk in min hnawh nghal tup tup a! Kut hmawr hik (t) ngúk siin ka kawchhung erawh a sa bulh bulh thung.
Min mangțha hnu khan haw miah lovin zing dar1 thleng an awm dun maw? Thawk la kawk chungin phone chu ka hmet eng leh a, ka lungphu su dup dup chuan ka chet dan chu atthlak a ti tak zet! Mahse, fiah lo enliam tawp ka thei lo.
Dr Rinchhani last seen ka check a. Zinglam dar 2: 07 Rang lutuk in prof Msa last seen ka check leh nghal a. Zing lam dar 2:06!
Ka țhiante chu an thawh chhuah rual in an ri nghal lung lung a, kei erawh ka chau nghul, ka awm a nuam thei lo a, ka luak a chhuak hlui reng bawk. Phur zetin an insiam sang sang a, keipawh mawi ah tak tak an țawng chu zawmin ka insiam țan ve a.
Zing dar 5 bawrah u Mimi'n 'thingpui rawn in rawh u' a rawn ti lang lang a.
"Jordan lo thlen hma in lo inpeihfel hman tum ang u" ka room hman kawngkhar pan zaw zaw pah hian Kimkima'n a ti a.
"Nang kha i rei leh ber dawn, thingpui kha thlau dai phawt ang che" Nuni'n a ti let hlak, an nui zui hawk hawk bawk.
"Lola.."
"Ha?" ka ti hu, Remremi chuan uluk zet a min enin kawngka lam ah a thle bak bawk. Ka hawi kual thuak a, Nuni pawh a lo kal chhuak daih tawh. Mawl hmel lutuk in samkhuih hum in ka dar zawn ah ka lo lek kang reng lehnghal!
"Aw" at hmel lutuk a tiin khum tlang ațang chuan ka tho chhuak nghal zat. Prof Msa leh a bialnu hlui te kha chu ngaihtuah zui ka duh lo tak zet! Mahse, rilru kal bing mup mup lo thei loin min siam chu anih tho si hi!
"Diklo a awm em?"
"Aih" ka chhang rang mah mah.
"Ok. Mahse, damlo i ang, nizan i mu țha lo mi?" a ti a, min en chikin kawng engkim ah kei aia tawn hriat nei zawk tawh anih vang chuan ka awm dan chu a hriatthiam hlau zetin ka nui lui a.
"Ka helhhawlh deuh in ka hria" ti hlak paha ka ner nak tak ah chuan a hahdam hmel ta deuh.
"Ani thei lutuk ang, Thenzawl lam i la kal ve bawk silo a, kan thlen phei hma chuan Dil pui ah te kan kal hman a nga, lawng in Dil pui ka fan pui ang che" a ti a.
"Sakawr te kha a awm in ka hria"
"Awm chiang, thla kan la țeuh dawn nia" phur hmel zet a tiin ka room hman ațang chuan min kai chhuak a.
"Ehe! Matt, i va tho hma em em ve" an pafa room ațang mit nuai chat chat a Bawihpuia rawn chhuak hlawl chu a pan nghal thuai bawk.
"Anitei te chu inbengchheng em a lawm" a ti țîal ran. Remremi chuan a pawm kang deuh nawlh a.
"Thingpui in ang aw, au Kimkima luruh ring lutuk in a ti harh che ani dawn chu" a ti a, Choka lamah Bawihpuia chu a pawm lut a. Ka jacket ipte a ka phone ah lai ri kauh vang chuan ding datin ka zen chhuak nghal a.
*Good Morning Kitten* Prof Msa message ka hmuh rual chuan ka awm chhung a tawt leh mup tawh. Phone hmet thim hmak pah chuan jacket ipte ah ka thun leh daih a, thingpui leh cake pawh chu ka lem hlei thei lo, ka luak a chhuak in ka kawchhung lam tawt up up reng chuan min ti chau tak zet!
"Lalmatei hi chu a te navang vangin duhtawk a a inchei tawh hi chuan a it awm tik tek a nia" Kimkima thusawi vang chuan ka țhian te chu an nui dar dar. Kawtzawl ah Jordan nghak in kan bungrua te nen kan ding khawm tal a.
Ruah tui tam lutuk hian boruak a ti vawt a, zingkar ah motor a tlan thaw tur kan nih leh nghal avang in turtleneck dum chungah jacket fual zangkhai zet ka hak hnan a, Remremi'n sakawr chung ah kan chuang dawn a, booth bun ang a tih tlat vangin ka jeans kekawr tight zet chu booth malte chen in a khuh bo țhen hnawk bawk.
"Party dawn ah duhtawk in ka chei dawn che" ka sam kawi nghal rawn siam rem pah chuan a ti nem duai.
"Lalkimkim keipawh min chei ang che" Nuni'n a lo ti ve a.
"A teuh lo, a hmelțha sa Lalmatei bak hi ka chei peih lo" ti hmawn chung a Nuni a melh ralh chuan pakhat run tawk a lo tlingin an han inbeng ri zui dawp dawp mai a.
"Saw, Jordan a lo thleng" Remremi'n a tih tak ah chuan 'i hmelchhia' inti hlak hlak chungin an tawp thei ta hram.
20200214_211302.jpg
20200214_211302.jpg (43.27 KiB) Viewed 11742 times
"Good Morning girls" glass down thla in a rawn vei nuih nghal suk.
"Khawnge i bialnu no deuh kha" Kimkima'n a lo ti nghal thawr. Jordan chu a kiai suk ringawt. Driver side kawngkhar chu a rawn nam hawng a, Gucci long sleeve dum a hak chu a inhmeh leh pek kher mai.
"Mi hausa fapa duat sual" Kimkima'n a Gucci kawr a hmuh rual chuan a lo ti ta reng. Jordan chuan chimawm zetin Kimkima chu mit a siai suk ringawt.
"Sammy a lo thleng dawn, Remremi nen Sammy car ah chuang ula, Lola, kei leh Nuni'n Kimbawihi kan pick up nghal bawk a nga" ti sup in keini pali chu min melh kual nghal thuak.
"Naaa..." Nuni'n a ti zet nangin a ban bul ah ka nghawk deuh sawk a. Kimbawihi an mil lo sak lutuk hi Jordan ka khawngaih phah vek. Kimkima lah chu Kimbawihi chuanna car ah a chuan dawn loh vang ngawt chuan phur zetin a ri hlut kher bawk nen.. Jordan chuan hreawm a ti ang tih hlau ru zetin ka melh zeuh a. Min lo melh run tawh sa vang chuan tawite hian ka nuih ta sei ringawt.
Kan ken tur vel chu car hnung ah min dah luh sak a. A sawi ang tak tak in Sammy car a rawn lang zui hlawl, a hnung ah Madina leh a bialnu bike in an rawn inphur bawk.
Kan chuanna tur țheuh ah chuan kan lut sap sap a. Kimbawihi chhungte chu ka u te veng țhenawm lawk ah an lo awm reng tih ka hre ve leh chiah bawk. Sammy te chu an tlan tlang a, Jordan ho in Kimbawihi patea te in ah kan lut kawi thung.
Khatla ah pawh mi hlun chhungkua an lo ni leh zel bawk nen inchhung chu a pui mup ka tilo thei lo. Hotel ropui zet, duhtawk a cheibawl ang maiin zing kar ah pawh a eng ut a. Kailawn ațang Kimbawihi rawn chhuk thla chu nalh lo ti an awm anih chuan hmeichhe pian nalh leh inchei thiam an hrelo ah ka ngai ngei ang!
A sam chu a thlah ngil siau, Bellie Eilish knit hat neon rawng a khum chu eng tin maw tak hian a inhmeh reuh zek bawk nen, Jordan ang bawk in Gucci tee dum a ha a, mahse, denim jacket a hak hnan thung.
"Good Morning" a rawn ti a. Remremi nen chuan kan lo nuih let a. "Thawh ka hai a, sorry" pangchang zet a tiin Jordan chu a pan a, kan awm lai reng chuan a biang ah fawp sak zeuh in Jordan hmai bulah chuan a nui sei bawk.
"Min lo nghak rei em? Boss" no hnap a ti pah chuan Jordan chu a nuih tlawn deuh bawk. Eiloh hmel zet a Nuni lo ner sak chu mitmei in ka kaisawn deuh bawk.
"A inla no over lutuk hi ka mil thei țhai lo" kun hniam ang a langin ka beng bulah a rawn ti hram. Ka nui mai ringawt.
"Nope, kan lo thleng chiah, i bungrua.." Jordan chuan a ti nghut.
"Oh, lawks" a ti a. Kailawn lamah chuan a let pheia, inchung a mi tu emaw chu a au zui zat bawk. A tin vuah chawp sei sang mai a a sam hui kiang chunga a che kual vel chu ka hmeichhiatpui mah nise a hmuhnawm ka ti! A mawngbawr chhing lah leh pauh tar chu a chhung tawk hle tih hriat fahran hian a khuh phalo tawkin jacket a ha a, tight uk a hak leh a malpui sei thlarh chuan a pian a ti langsar tak zet bawk. Amah ah hian hmeichhe nu hnep chu a kim vek mai hian ka hria.
Hnathawk tu ni ngei turin suprem hand bag te chhe lo tak puar lah a rawn khai thla nghal a, a patea te in lamah awm ni mahse duat rawn a ni tho ang tih vel chu ka lo ngaihtuah ve rauh rauh ringawt. Car ah kan in dah lut fel a, kei leh Nuni chu seat hnung ah kan țhu a, Kimbawihi chu a țawng siam siam reng a. Mahse, Nuni nen kan sawi pui theih loh chi Delhi an chhuk hun a an buaipui tur lam daih a sawi vangin Nuni nen chuan kan phone ve ve khawih in kan țhu ngawi reng ringawt.
Aizawl khawpui kan chhuah san hma in ei chawp dawrah kawnglak a kan eitur lei in kan ding leh rih a.
"I lo chhuak ve dawn em?"
"Aih, min lo lei kep rawh"
"Ok" Nuni a kal chhuak a, keimah chiah a ka awm tak ah chuan Dr Rinchhani thlalak lo thawn kha ka en nawn leh a.
Prof Msa leather jacket uk khup inbel ațang chuan zan dang a an lak ani lo tih ka hrechiang zual em em a. A chhan pawh Dr Rinchhani te in pan a a inkhalh chhuah lai khan video call in kan inbia.
"A pu damlo kan turin ka kal dawn i tih vang in ka ring hle che a sin" ti sep in screen a prof Msa hmel pa zet chu ka en ngawt ngawt mai. Phatrual loh in Dr Rinchhani nen chuan an inhmeh tak zet bawk.
"I damlo kan dan hi a mak tak zet" ti leh sep in dr Rinchhani dar a hmerna kutphah hlai hlup chu ka ner khum sak bawk.
Tukverh glass rawn inki ri kauh vang chuan ka phu dawrh a, ka phone hum lai pawh ka vawrh dawrh, ka malchung ah a tlak thlak tap rualin pawn lam chu ka hawi zui dawrh bawk.
Pawn lam ațang tak ngulin Jordan chuan min lo melh run tawh a. Ka thaw nghal huai mai.
"What do you want?" ti pah in glass ka down a.
"Coffee i duh em?" a ti sup. A mitmeng dum thim ruih erawh ka lak ațang a la sawn hauh lo.
"Aih, i lo thlen hma khan thingpui ka in a" ka ti a, ka nui lui var var bawk.
"Ok, i duh chuan ka rawn lak kep ang che ka tia" ti in a thaw chhuak hulh.
"Kimbawihi'n inhnawh puar a duh deuh a, nghak lawk mai ang u" a tih zawm a, car bang chu ngheng dawt in thatchhe zet hian a ding nghal hmiah bawk.
Nuni pawn ni rawn chhuak tur chu thla lo lak fuh a tum ani mahna, dawr sir awl lai ah chuan dingin a click nghat nghat a.
"I lut leh dawn lo mi?"
"Khawi ah?" ti hu chungin a rawn thle buk.
"Uggh Kimbawihi bulah" ka lo ti hlak. Hmui a pet sawi zauh a.
"Hrai chawp a ngai pawh nihlei lo, a in eipuar ve mai ang" ti nghut in a inkuangkuah nghal hlun. A bialnu thil ei a care lo reuh lutuk chu ka chet kum tlat tlat a.
"What, car chhung ah tawm tlat lo khan lo chhuak ve rawh, ni chhuak țan tir i hmuh khat em kha.." a ti ta duah. Ka han melh ram a, chimawm zet a khi suk in kawngkhar chu a rawn pawt hawng a. Ka lo ner nang nang chu min kiai khum suk ringawt.
"Ka u leh Rinchhani mi?" a ti a.
"Eng chu maw?" ka theihtawp a pangngai a ti let in ka en deuh ha. Jordan chuan min thlek nghut a, a hmel landan tak ngul ah chuan thlalak kha a rawn hmu ve hman vek tih a lang reng bawk.
"I phone a thlalak kha" a ti sup. Ka tawm deuh chawi a! Nuamlo tihna leh zahna in min fan sa hut hut bawk.
"Ka au che a, i hre thei silo a, chhung lam ka rawn bih khan mi â ang maiin i phone a thlalak kha i lo bih char char a"
"Ugg, i hmuh vek tawh chuan..." ti hak in ka nui lui a. Mahse, an ni pahnih inthlakhleh hmel zet a inkuah lai kha ka mitthla ah rawn lan rual chuan ka thawk lak a harsa leh vek tawh.
"Apu damlo kan turin akal mai mai anih kha.. zan dangah chuan in inah a rawn kal ziah anilawm ni?" Ka rilru tihnawm nan tak tak a sawi tih hriat zetin a nui ro hawk, a thusawi tir lam vang chuan tawite in ka nui chhuak ve hak tho. Keipawn a pu damlo kan tur chiah in a kal emaw ka ti ve tho. Zan rei hnu ah an pahnih a awm dun tur nilo in!
"Damlo kan tur chuan a chhuak ngei a lawm" ti sap in ka hma lam chu engmah hmu lo in ka melh reng a.
"Ngai thutak duh lutuk suh, inkawp tawh lo mahse an ni pahnih chu pawh hran hleihtheih an nilo! Kan pian ve hma ațang inkawm tawh an ni a, ka u nun ah u Rinchhani'n hmun a chan thuk tluk zetin u Rinchhani pawn a mangan lai berin ka u bak pan tur a nei chuang lo! An inkar a inzawmna chat vek tawh in ngaihzawnna lam hawi in inzawm tawh lo mahse țhian țha an nihna kha tuma tihchhiat sak theih an nilo" ka awm chhung a natna let kual tup tup chu ka hrawk thlengin a so bulh a. Inngaizawng angin lang tawh lo mahse an inhlat fithla țhak thei chuang lo tih a sawina ah ka ngai!
"Lola"
"Ka țha" ti sap in car kawngkhar ka pawt hawng nghal zat. Mahse, Jordan chuan ka ban rek ah rawn man chawt hian min kuai her leh lawp! Ka inring bawk silo nen a taksa ah ka bei thlawp lo chauh. A awm zawn ațang chuan ka melh chho dawrh a.
"Sorry. Mahse, i țha em?" a ti sup.
"Țhat lohna tur a awm a mi?" ti hlak in a awm ah ka kut pahnih hum tawm țai chuan ka nawr a. Awm sawn mai lo chuan min chhuk melh run chungin ka darah a hmer tlat.
"Jordan?" dawr chhung ațang Kimbawihi lo chhuak mek chu hmu in ka tal leh aih a. Harh chhuak tut ang mai hian Jordan pawn min thlah nghal hlawk. Kimbawihi ding chawl dat leh mitmeng rang rak ațang chuan min rawn hmu hman vek tih hria in nuam lo ti ru deuh hian ka thaw chhuak hak a.
"I bialnu awm lai reng chuan țhian ho chiah a kan awm țhin ang khan awm tawh suh, a tan anuam lo thei a nia" a awm zawn ah ka phun sep. Engmah a sawi leh hma in ka țhu lut nghal daih a.
"I phone a rik reng kha" Nuni'n a ti deuh hlar, ka en dawrh a, mutchhuah hmel zetin Nuni chu a ner sung. Rang zetin ka phone chu ka en a, screen ah prof Msa hming a rawn lan rual chuan ka thinphu a rang leh dawt dawt tawh. Off hmak ka tum zet nangin phone chu ka silent daih a.
"I chhang dawn lo mi?" a mutthlu tur ka phone riin a tih harh vangin a vin hler hlawr viau.
"Company lam a niang" ka ti a. Ner nawng in seat nghenchhan a ngheng țha a, nui lui hak a ka hawi chhuah chuan hma lam darthlalang ațang Jordan chuan min lo melh ngur. Dawt ka sawi tih a hriat hma in rang lutuk hian ka hawi sawn a.
Diktak chuan tuna ka boruak hmachhawn hi a nuam lo tak zet! A u leh Rinchhani inkar hrechiang em em tu nen motor khat ah kan chuang dun a, a u leh Rimchhani te pawh țhen tak tak theih an nih loh zia a hriatchian tluk zetin kei leh a u inkar a thil thleng a hre ve vek bawk! Jordan hmuh ah chuan ka chan chu a tlawm thlak a, amah ngei pawh hian â min ti viau ang!
Thenzawl kan thlen thlengin Kimbawihi mood a țha lo hle bawk. Prof Msa call pawh a khat tawkin a rawn lut reng a. Hriat loh der hmak chu hreawm ka ti ve tho.
Hmeichhe rawl vin țhak vangin ka harh hlawl! Car chu a lo ding tawh a. Nuni'n min nghawk nghal sawk bawk. Nizan ka mut miah loh vangin ka harh chiang har zek leh nghal; Jordan leh Kimbawihi te aw ki sang zet vang chuan chiang nial lo zetin ka meng ta hram bawk.
"Ka țhiante an lo tel ve dawn tih i hre sa vek a" Kimbawihi'n a ti hlar. Nuni chu ka melh kawk a. Car a lo ding tawh a, chuan kan țhian dangte pawh kawngpui kam ah chuan an awm bawk.
"Chhuak rih ang" nuni chuan a ti a.
"Ah.. oh, oh" thawh phan awm lo lek in seat belt ka hmet phelh nghal rawk rawk. Nuni pawn bag a la a, kawngkhar a nam hawng nghal pawp. Jordan leh Kimbawihi te inhnial chhan chu hrechiang lo mahila inngaizawngte inhnial buai karah lo awm ve hi nuam ka tilo tak zet!
"Hre tho mahila an thlenna tur chu an inbuaipui ve tur ah ka ngai a lawm" Jordan'n a ti chhum hmuk. An pahnih chu melh thuak in ka kal chhuak ve nghal daih a. Car dinna bul lawkah chuan kan țhian dangte'n min lo nghak reng tawh bawk.
"I ti mak e, hemi resort ah te chuan tam deuh a awm huk an phal dawn miah lo.."
"Phal loh vang tak chuan lawm kan țhian ho hetah kan awm dawn, i țhiante pawn lodge an book fel vek tawh, buaina dang ila nei em?" Jordan chuan dawhtheihna a tlakchham hmel kher mai.
"Tinge a?" Kimkima'n a lo ti a.
"Kimbawihi'n Jordan nen a thlen ho a duh a, Jordan lahin kan țhian ho hman tur ang chiah in resort hi a lo book tawh anih hmel" Nuni'n a ti a. Kawngpui thlang lawk ah chuan phul zau tham zet hi tlang pawng sang lo te te bawhin a lo hring dup. Gate lianpui ah chuan no entrie tih a in tar kulh bawk.
Jordan leh Kimbawihi chu rei ngial an inhnial a. Keini motor chuang chau bawk si chuan ngawi reng a in en hrek hrek in kan lo nghak ngawt ngawt! A tawp ah Jordan chu car ațang rawn chhuak hlawl in a thaw chhuak nghal hawk.
"Dude, engkim a țha em?" Sammy'n a lo ti thuai a.
"Buaina tur a zawng tlat a, inthlenna a rei tawh em?"
"La rei bik lo" tiin a chhang let a, car chhung a Kimbawihi țhu ngawi ngal chu a thlek pah zauh bawk.
"Eng nge a lungawi loh chhan ber chu ni a"
"Lodge ah thlen ho vek a rawt anih khi.. an țhian ho an tam tham ve tho sia, lodge in min thleng zo dawn lo. Keini helam ah kan riak a nga, party chu Dil pui bul ah a tih theih ka ti reng a, a hrethiam duh lo tlat anih khi" ti duah in a thaw ve ham ham tho.
Kimbawihi ber a tihtauh miau vangin kan mood chu a off tlang vek a tih theih ang, gate lianpui chu chhung lam ațang a rawn inhawng a. Patling kum 50 rual tur vel hi a rawn chhuak a, keini țhian ho chu min rawn en kual thuak in a phone ken lai chu a jacket ipte ah a țhu lut nghal a.
"Pu nau te in ni em?" a rawn tih zawm zat bawk.
"Aw, a lo be tawh che u tiraw?" Jordan chuan a ti let a. Chupa chu va dinchilh nghal in an inbe zui ta reng a. Reilote hnu ah chuan Jordan chu rawn inher vut in hnathawktu chu zui a, inthiar lut turin min hrilh a.
Kimbawihi nen an buaina chu amah a chinfel a tum ani mahna, car lam ah a let chho leh a.
"Lola, midang kha zui ve rawh, ka rawn let har lovang" car kawngkhar pawh hawn pah in a rawn ti a. Ka bu nghat ringawt.
"Kal ang, an mahniin chingfel rawh se" ti hlak in Kimkima'n ka ban ah a rawn kuah nghal chat. Car ah a țhu lut chu ka en zui reng a, Kimbawihi chuan thil sawi a nei, amah pawh en lem hlei loin Jordan chu a ner nghal suk. Motor kawngpui ah chuan an tlan tlang a, Kan țhian ho bik pawh thuawi zetin kan bungrua te nen resort gate pui chhung ah chuan kan lut ta diak.
"Kimbawihi kha lawm, engkim a thunun thei emaw a inti tlat zel a, an chhungkaw hausakna hre ru ran a midang chung a lallen tum ang type hmuh in ka hmu, i harh hma khan an inhnial nasa hman a sin aw" ka harh hma a thil thleng vel chu Nuni'n a sawi zui barh barh a.
"Khavang tak khan lawm a bul ah ka chuan ve peih lo. 'Yes' tih a 'let it go' tih theih reng ah hian sawisel tur a hmu bik ziah" Kimkima'n a ti tel hram. Ka harh hlimhlawl bawk nen kei erawh ka la bing deuh chuah chuah a, ngawi rengin ka țhiante thusawi chu ka ngaithla mawl tawp.
"Tikhan Delhi ah inzuithlak an tum leh nghal a! An in millo nasa mai sia..."
Thui kan kal hma in thing a in sak a lo ding dal a, a hmuh hma chu a rem mai bakah insak dan zawng zawng nen chuan khawtlang lam a mi hausa ho chawlh hmanna hmun a ang tak zet!
"A nalh tawp" ti hliai in phul ah chuan ka tlan kual a, Kimkima pawn thla a la kual nasa ngang mai!
A tir aţang min rawn buaipui tu khan kan hman tur in chu min kawhhmuh zung zung a. Hmeichhe ho chuan room khat kan inhman țawm dawn a. Thing a sak in te fel khap ah chuan kan lut a, a chhung chu a fai in a thianghlim ani tawp mai! Inchhung chu zau tak anilo. Mahse, an chei dan a simple a, a nuam lutuk tih bak sawi vak dan ka hrelo.
"Intifai ula, kan inhnawh puar dawn nia" pawn lam ațang Sammy a rawn au lang lang a. Remremi'n Dil pui ah kal nghal ang u a ti hram pek a. Sammy chuan nui hawk in 'in insiam peih hma dan a zirin' a rawn ti let hluk.
Nileng deuh thaw in Thenzawl leh a chhehvel chu kan fangkual a, farm vengah pawh sakawr chung chuang turin min hruai thlap. Jordan leh Kimbawihi te pawh an inbe fel thei ani mahna, Farm veng ah kan awm lai chuan min rawn pawh a. An țhiante erawh hmuh tur an la awm rih lo.
"God! Zeilo nu" Jordan chuan a rawn ti hluk, sakawr chung ah chuang chungin ka melh rum nghal rawm a. Sakawr ka kal kual tir ang ang chuan ka bul ah zel a rawn kal a, a chang leh a phone in thla min lak sak thul.
"I ninawm, kalsawn teh"
"Naktuk tuk leh lawk ah ka awmbo san tawh dawn che a. Min ngailo viau suh" a ti hmuk. Sakawr lu ah chuan a rawn beng deuh thuk thuk bawk.
"Ka ngailo che pawh ka tih der loh kha aw" ka ti a. Mit ko a ti hnim khui nangin min fiam tih ka hria.
"A hmun hma hi a nuam tiraw?" ka ti a, sakawr chung ah țhu at chungin ka hawi kual vel a. Vanneih thlak takin ruah a sur zui ta miah lo, boruak dai raih leh Thenzawl khaw hmun hma rem zet mai hi a inchawih vel vek.
"Dil pui kha an tlawh pui che em?"
"Umm, lawngah pawh kan chuang" inthithei zet in ka melh a. Ka nui var var chu min nuih let suk bawk.
"Saw lam ah sawn kal ang, sakawr peh tur hnim a tam lutuk" ka ti a, ka kawhna lam chu thlek in hmui a ti sawi nghal zauh bawk.
"Tah sawn i kal duh maw?" a rawn ti a, ka chhuk melh zeuh chu chimawm ru lutuk hian min lo khik khum nghal suk.
"Awi! Jordan chak deuh in kai suh, ka tla palh ang" ka au nghal chul! Jordan chuan nui suk suk chungin sakawr chu a kai chak zel. Ka vawi khat chuanna ani bawk nen sakawr kal chak rual chuan ka che lawk lawk a, ka per thla daih ang tih hlau in sakawr ah chuan ka bawk ti tih bawk.
"Zohmangaih chak deuh in kai suh ka tih mawlh mawlh chu" ka ti leh tuar, nui chhuah hawk pah chuan inthawzo zetin sakawr chungah chuan a rawn lawn kai nghal nawlh. Sakawr taksa che deuh dawt vang chuan tawm chawi in sakawr nghawng ah chuan ka kuah vak a. Jordan nuih chu a za kher mai!
"Hmela"
"Khekring em em nu awm țha tawh rawh" a ti sup, Ka kawngah ban a rawn rawlh lut a, min pawt tho deuh nawlh bawk.
"Khai chak lo turin ka hrilh reng che kha.. min ti hlau lutuk" ka lo ti nghal hlar, a nui che dawt a. Sakawr thununna hrui chu a hum a. Ka melh rumna chu a haw duh der bawk silo, hma lam ka en tau ta hmak.
"Min ngai dawn em?" a ti zawi sup. Chutia a thutak tak ah chuan ka thaw chhuak hak a. Ka ngai dawn lutuk! Kum 12 ka nih ațang kan inkawm chho char char a, kum khat college zawm a phai ah a zuk awm bo zawk bak kha kan awm hrang ngai bawk silo.
"Mawh? Lola, min ngai dawn em?" a hma aia zawi zawk hian a ti a, ka beng bulah a rawn thaw lum nghal hawk bawk.
"Ngai ngawt ang che" ka ti a.
"Keipawn" ti sup in thatchhe deuh hian ka darah khabe a rawn nghat dawt, ka kawng a vawnna pawh a ti nghet sauh bawk.
"Ka ngai dawn lutuk che Lola"
"I kal dawn tih te kha min hrilh ve duh lo vel a.. ka la ngei reng che.. ka ngai leh miah dawn lo che" thinrim thar leh thut hian ka ti nghal nui nui a. Nui rum hawk hian a hmai in ka nghawng a rawn nawr tawk anih chu!
"Jordan?" Ip chawi chungin ka țang nghal at.
"Reilote" a ti sup, ka kawng a kuahna ban chu ka chelh tel țai a, Kimbawihi a awm hnai tih ka hriat vang chuan a pawisawi zawng a awm ka hlau tak zet.
"Ih.. midang in min rawn hmu ang"
"A pawi lo" a ti a, thawk a la zui ham ham a. Mahse, Kimbawihi.
"I bialnu a awm ve reng a nia"
"Theinghilh rawh" ti nghut in ka kawng chu a hmer salh. Ka thlek let haw a, ka darah khabe a nghah vangin kan hmai a insi lek lek bawk.
"I eng hi nge maw diklo le" ti deuh hluai chunga ka melh tak rawm ah chuan rum nghut in a țhu mar ta hram. Ka thaw huai a.
"A rawn be tawh che em?"
"Maw?"
"Ka u in mawle" a ti hluk. Ka awm chhung chu a che deuh dawt a! Ka mood zang deuh tawh pawh a rit leh nghal vek tawh.
Phone ka dah silent daih a, ka bag ah a awm daih bawk.
"Ka hrelo" ka ti sep a. Kan țhiante'n eng nge an tih ngaihven a ka hawi kual thuak chu ka tim nghal chawi mai!
Kimbawihi chuan sakawr in bul ah dingin kei leh Jordan chu min lo en reng a. Ka hawi chhuak min hmuh rual chuan thip lutuk hian min lo melh nghal ngawt ngawt.
"Ka.. ka chhuk duh tawh" tih leh Jordan min kuahna chu phelh sak ka rual a. Min hnial lo in awlsam zetin sakawr chung ațang chuan a chhuk thla vut a. Ka chhuk ve tur chu ka kut ah chelh mai loin min pawm thla nghal nawlh bawk.
"Kimbawihi sawn ngaihsak a mamawh anih saw" zawite in ka tia. Jordan chu a hawi chhuak vut a. Engmah a sawi leh hma in rang lutuk in Kimkima te awmna ah ka tlan phei a. Jordan erawh a thaw ri hawlh.
Resort ah kan let leh a, hnathawk tu te'n lunch min lo buatsaih peih fel diam tawh bawk. Kan in te hman ah chuan ka lut tlang a, bag ațang phone chu ka la chhuak a, Prof Msa missed call a lo awm dul. Mahse, call let duh bik lo in ka u chu msg ka thawn a, kan kal kualna thlalak pawh send tel leh in tlai ah chanchin ka hrilh leh dawn thu ka hnutchhiah tel thlap bawk.
*zanin ah pawh ka pu damlo kan a a lo kal i rem ti leh ang chu tiraw?* Dr Rinchhani msg screen a lang chu ka pull down a. A hmel nui deuh sawng tur leh hmusit ru zet a min melh ralh ralh tur ka mitthla tel hial thei!
Show post links
Top
Abbra Reo Ririni
Post February 14th, 2020, 6:48 pm
Meipui alh puat puat in a chhun tlet siar siar dil cham put chu ka thlir veng veng a. Prof Msa ka ngaihtuahna ah a rawn luh rual chuan ka lungphu a rang nghal dup dup.
'Zanin ah pawh Dr Rinchhani pu damlo kan tum ang a thawk chhuakin Dr Rinchhani nen an inhmu leh a ngem?' tih vel ka ngaihtuah rual chuan ka awm chhung chu a rawn sa leh hut hut a, duhthawh lutuk in thawk ka la nghal kawk bawk.
20200214_211026(1).jpg
20200214_211026(1).jpg (40.51 KiB) Viewed 11738 times
"I kawr hak teh hrep chu" ka en thuai a, Jordan chuan ner sukin ka thuamhnaw inbel chu a lo melh kual thuak bawk.
"Eng nge? Diklo a awm em?" ka ti a. Kawrfual dum ka ha, a puan a nem in a fual hnelh a, ka kê rek thleng a khuh pha hnalh, mahse, a ban erawh a bul thung. Hmeichhe dang thuamhnaw inbel ngaihtuah chuan ka inthuam dan chuan taksa a khuh tam ber.
"Jacket tal hak tur che lawm" tih pahin dil lam chu a en nghal vut. Tawite in ka nui ringawt a. Kimbawihi'n meipui chhehna lam ațang a rawn koh a, Jordan chuan a kalsawn hma in ka chhip ațang ka kê hmawr thlengin min en chhuak leh vek phawt a. Insehruh țeuh in Kimbawihi awmna lam ah chuan a kal ta vut.
Hmeichhe dang hian ka hak aia sexy leh tawngchham an inbel vek tih a hreve awm reng sia ka rilru chu Jordan chu ka hau hram.
Dilpui bul ah meipui kan chhep hluah a, Lunglei a Kimbawihi țhian te nen pawh kan awm ho thei phian. Tumah bet zawk zawk an awm lo tih chu an thawmhnaw inbel ațang leh iPhone chhuak thar ber an hum fur dan ațang chuan a chiang reng! Kan țhian ho awmkhawmna tawh phawt a kan hnianghnar țhin em em beer leh intur dang pawh a tam leh pek viau bawk. Meipui an chhep hluah a, ar-pum an hem tel reng bawk. Chips leh eitur dang pawh car hnung khat țun in kan inchhawp thlap. Music a rik dup dup vangin kan țawng thawm pawh a ring țha hlawm kher mai.
Lalkimkima'n nuam a ti fal leh ber a! A ri tlawk reng a, Lunglei lam uar deuh țawngkam mak pui pui hmeichhe țhenkhat ho in a hrilh te chu hmanna natur a zawng nghal ruai a. Hmeichhe ho in an nuihpui ham ham reng a.
Ka phone hum lai rawn eng leh pap pap chu ka lek kang a. Prof Msa tho! A ring zo a. Msg a rawn thleng zui zat bawk.
*khawi ah teh hrep nge in awm?*
Chhan ka tum lem lo, engchen chiah nge min ngaihven zui peih tih hriat pawh a chakawm reng reng.
"Kan zing a awm nuam i ti vak nange" ka hnung lam ațang mipa aw lo chhuak thut vang chuan ka hawi let thuai a. Kimbawihi țhian zing a pakhat.. ugg, a hming ka hre tawh lo. Min nuih sakin ka bulah a rawn ding a. Kan inrual loh vek pawn kei aiin a upa tam bik lutuk lo ang.
"Kan țhianho rawn tel ve vang a in la hrang i nih loh hram ka beisei"
"Chutiang a nilo" ka ti a. A lo nui sak ka hmuh tak ah chuan min fiam tih ka hre ta chiah.
"Faka" a ti a. A thil in lai chu min lek kan khum zauh bawk.
"Lola, ugg, Hlimi pawh min ti thei tho" ka ti a. Ngainatawm tawk lek hian a kiai sak a. Lens hring a vuah a, a hnar ngul sang vuh nen chuan engtizawng emaw tak hian a inhmeh hrep bawk.
" 'Lola' i țhiante koh dan che in ka koh ve ang che"
"I tih dan dan" ka ti a. Ka beer hum lai chu ka lem hlek a, ka lo hum rei tawh deuh nge a kha lek lek.
"Lungleng mi i ni ang maw?"
"What? No.. ka.. a hmun vel hi a nalh dangdai reuh lutuk a, enkual ka chak rih vang a lawm" ka ti a. Faka chu a nui leh sak a. Supream hoodie dum a ha a, cotton kekawr dum a ha leh tawp, a sam chu a zuah buk lek lek nangin uluk tak a enkawl tih hriat fe hian meipui thlar ah pawh a lang dum hlap tho.
"Diktak chuan Thenzawl hi ka vawi khat kalna a nia"
"Oh, i va thei zawk ve" a ti a. A nui pah hawk bawk. Sawi belh tur hrelo zetin lei ka chhuah ta zeuh ringawt.
"Thenzawl khua hi an vannei a sin. Mizoram chhung ah na na na chuan he khaw hmunhma tluk a rem leh hmunhma nei țha hi an vang viau ang" a ti a. Dispo cup a a thil hum chu a lem zui zat bawk. A sawi chu dik ti zetin ka bu nghat a. Mizoram khawpui Aizawl hmunhma a tan ka awt tak zet! Building sang pui pui sak rem zetin a zawl deuh dap a. Tlang pawng te chu awmve tho mahse khaw dang ang a tlangpang rem lo lutuk a inding hmuh tur a vang viau.
"I kal ngun hmel tawh" ka ti a. Faka chuan mitko ti kang uk in nghal ru zet hian min en a.
"Kal ngun ve tawh tho; mahse, mipa ler deuh ang ah min ngai kher lo la" a ti a. Ka tum loh lutuk in ka nui chhuak ta hak hak. Faka pawh a kekawr ipte ah a kut pakhat zen lut hlun in a nui ve hawk tho.
"I sawi chhuah dan ah enjoy turin i Thenzawl ngun viau anih ka ring" nui hak hak hian ka ti a.
"Hmeichhia ka hruai tel reng biklo a nia" a tih leh chuan a hma aiin ka nuih a za zual sauh.
"Lola" Jordan aw ring zet vang chuan mangang lek lek in ka hawi let nghal dawrh. Dil kam chu a thim deuh ruih a, meipui chheh in a en phaklo hla lam phei chu a thim kuk, meipui alh hluah hluah bul lawk ah Jordan chu hmel tur zetin a lo ding run, a hmel chang zet chu ngaihna hrelo fe hian ka en reng ringawt.
"Rawn phei rawh" a rawn ti leh țhawt! Midang pawh chuan chutia Jordan ri deuh hlut chu an en țhup a. Lunglei lam ho in keichu mak tih hmel lutuk a min rawn en leh in Jordan chu an thlek leh a, kei erawh ka sa ve tak zet! Mi zingah a duh tawk a min vin nghek chu hmeichhe tan a nawm loh zia hre map lovin a meng dur khup leh nghal.
"Min mamawhna i nei a mi?" ka ti a.
"Khalai ah awm fal bik kha a țul miah lo" a ban vai thuak pahin a ti leh nek! A chet dan atthlak zet vang chuan ka ner deuh nak a. Mahse, boruak țha lo zawk a chhuah belh ka hlauh vangin ka chhang let hrep lo! Kimkima chuan a mitmei in min signal nghal zauh a, boruak chu a reh țhup bawk.
"Ka rawn phei ang" ti hak in thawk ka la a, a țhiante kar ațang Kimbawihi'n ngaihna hriat loh hmel fe in Jordan a melh reng chu hmu in ka nuamlo tih a zual sauh.
"Chhan che a pek nat hmel hle mai" min kal pel thuak in Faka chuan a ti sup. Ka thaw hak a, min ngaihtuahtu țhian neih hi nuam ka ti! Zanin a chet dan erawh in min ti zak ru tak zet, vawi khatmah kan la hmuh ngailo țhian rual khat dang karah min vin nghek mai chu a nia!
A dinna pan a Faka let phei chu Jordan chuan a lo melh thip rum rum a. Atthlak lutuk in a chet zui bawrh dawn a ka hriat vang chuan ka kawrfual tlang chawi chungin rang deuh hian ka pan phei nghal hlawk hlawk. Faka lak ațang mit la sawn in keichu min melh nghal khui bawk.
"Diklo a awm em?" a bul ka thlen phei rual in ka ti a, midang ho pawn pangngai takin an thil tih lai an tih zawm leh nghal a. Mahse, Lunglei lam ho chuan min mit sir ru reng.
"Kal hrang tawh suh" a ti bul vut.
"Ka kal hran loh kha, hlap sawm pawh tlimg loh ah ka ding ringawt a lawm" ka lungawi lohna thup duh biklo in ka melh rum ve kher mai.
"Hlam sawm.. khap khat pawh nise awm fal tawh suh" chang rawp a tiin ner deuh sak a ka chhang let tum chu na lutuk hian min melh hrawk a.
"I..." ka ti dek dek a, tawlh hnung hrut hian a inher nghal vut anih chu!
"Va han thinchhe ber bur tak" ti hlak in ka beer can chu bawlhhlawhbawm ah ka vawm lut sawk, beer an dah dulna lam chu ka pan hlak hlak a, mizing a min vin hrep kher kha ka haw deuh hlur bawk nen beer can dang chu ka kheuh hawng a, ka lem nghal khawlh khawlh bawk. A bialnu țhian te hma ah min vin nghek ringawt chu a thinrim thlak ka ti telh telh.
"Lalmate i țha em?" ka beng bulah Kimkima a rawn phun sar sar, beer can khat tlak fai vek in ka hmui huh chu ka pet a.
"Țha, engtik lai khan nge a mood a lo chhiat hman pek ni" ti hlak in can dang chu ka kheuh hawng leh a.
"Hmelhriat ngailoh karah kan awm a, a ngaihtuah zual deuh ah che ngaihsak hram rawh" nui chungin a ti a. Thaw chhuak ham ham a ka hawi chhuak chu Kimbawihi darah kuah run chungin Jordan chuan min lo melh ngur a! Meipui alh sen puat puat chhan mah nise a mitmeng sen deuh rum aţang chuan in lam chi chiah nilo damdawi emaw, weed emaw tal a blow ka ring nghet hmak.
A hnu deuh ah chuan kan meipui chheh chu kan kil bial deuh laih a, Kimbawihi chu Jordan malchung ah a țhu kai lo chauh, Jordan awm ngheng dar dar chungin an pahnih hriat tham lek chuan a phun leh sap țhin a, keini ho pawh chuan tihbuai a biak buai kan tum lo hrim hrim. Faka te țhian ho nen chuan kan titi tlang a, weed blow tur an siam bawk.
"Naktuk lamah em ni inphei leh nghal dawn?" Lunglei lam a nula pakhat chuan a ti a.
"Umm, kan tum dan chu a nia. Nangni?"
"A țhen hi kan cham rih mai thei, Thenzawl hi a nuam reuh em a, kal zen zen a khat bawk sia"
"Oi, keipawh cham rih ka chak tawp, view a nuam sia, thlalak in a nalh duh ropui bawk sia" Kimkima'n a ti a. Kan nui ham ham lai chuan weed chu blow mai theih in an lo peih fel der. Kan duh ang duh ve leh tih theih vek an nih hlawm tho vangin tu mitmei mah ven tur a awm lo bawk a, beer ngawt in ka rui zo lo ka tih tawh kha, beer can 4 ka fai țhak hnu ah weed ka blow zawm leh zat erawh a thawh dan a dang ta raih. Ka kai chiai chiai a, meng phi deuh chiai mahila ka zangkhai in ka leng nghal halh!
" Relationship ah hian *Hmangaihna* nge *Rinawmna* pawihmawh zawk?" chu aw rawn chhuahna lam chu kan hawi nghal țhup, Jordan chuan whiskey awmna dispo a hum run a, a awm ngheng a Kimbawihi țhu dar dar pawn a melh chho haw mai!
"I mean, i kawppui nen in inkar ah khan eng nge pawimawh zawk a in hria. Hmangaihna nge Rinawmna?" zamna tel hauh loin midang ho chu min melh let run a, Hmangaihna leh Rinawmna tih vel a rawn sawi chhuah chhan tur awm reng ka hrelo.
"Hmangaihna a pawimawh zawk daih ang" Faka'n a ti hmasa ber.
"Dik chiah.. Hmangaihna tello chuan eng inzawmna mahin a daih rei thei tak tak lo, hmangaih ka la neive lo nangin.." Kimbawihi țhiannu pakhat chuan a ti a. Kan nui leh dar dar a.
"Inhmangaih te chiah nupui pasal ah an innei țhin. An inhmangaih loh hnu ah erawh an ințhen.. a dik em?" Sammy'n a ti ve bawk.
"Keichu relationship ah chuan Rinawmna a pawimawh ka ti zawk" ka ti a. An zavai chuan min en nghal țhup. Jordan chu a meng deuh kawk a. Mahse, insiam țha leh thuai in whiskey chu a lem nghal khawlh. Ka ngaihdan chu hriatchian chak hmel zetin *hmangaihna nilo in rinawmna maw?* an ti deuh tliar tliar a.
"In hmangaih em em te inkarah pawh rinawmna in hmun a chan loh chuan inhmangaih reng chungin.. aaa... inhrethiam em? Nupui pasal neih lai reng a ngaihzawng nei țhin te chhuan lam ber chu 'ka nupui/ pasal hi ka hmangaih loh vang a nilo, ka dai sual palh ani' tih a ni tlangpui. An kawppui te hmangaih inti em em chung siin an hmangaih te tan chuan an rinawm thei bawk silo... ugg, Rinawmna tello chuan eng inlaichinna mahin a daih rei theih ka ring lo!" ka ti a. Mi dang ho pawh chuan ngaihtuah zui niawm takin ngawi rengin lu an bu nghat nghat a. Ka pa pawn ka nu kha 'hmangaih' a inti a, mahse, ka nu tan chiah a rinawm thei chuang lo! Ka ngaihtuahna a thil rawn lut chuan tun hma hun ah khan min hnuk let in ka chhung lam chu a hnim nghal rawih rawih ka ti mai! Thawk la kawk chung a weed ka ban nghal thawr chu ka ep chiah a mipa țhu run chuan muk lutuk in min lo melh run a. Ka thusawi vang khan a thinrim ta mai emaw tih theih tur khawp in meipui alh chhan ah chuan bek ruh pawng țawlh țawlh in a insehruh tih ka hmu bawk!
Kimkima chuan kan boruak chu tih zangkhai a rawn tum a, kn kai tlang bawk nen, kan ri zui teng tung bawk, thil ho te te kan nuih pui bawk bawk a, a țhen in car music an play leh a, lam pawl leh meipui in a chhun en loh chin a kal fal ta te pawh kan awm țan nawk.
Nakin deuh ah chuan MALTA hla Hrangkekuali tih kha a rawn in play thut a.
"Chu hla chu leh" tih pahin Lalkimkima'n min pawt tho nghal lawp, an lamna lam ah chuan min pawt phei nawk nawk a, kei lah ka lo kai țha tawh bawk si, *hrangkekuali* tih thumal ngawt te *awi aaaa i chhe reuh* ti bawrah te chuan ka nuihza lutuk insum thei lo in ka nui leh bawk bawk țhin a. Faka'n ka beng bulah eng emaw lo sawi a, min biakna pawh chu hre chiang mumal loin amah chu ka lo kai a, ka lo pawt kual chiam chiam a, Faka pawn tih ngaihna min hrelo zetin min nuih ta hawk hawk.
"Ka hmuh tir che kha chuan i *cool* hmel teh reng nen rin aiin i *fun* daih" ka beng bulah a rawn ti a. Cool tih thumal chuan tu emaw min hriatchhuah tir nghal zawk.
Nie, amah kha, a lan dan leh chet phung engkim cool ruih leh pa em em bawk si kha!
"Cool lah love" ti vak in thawk ka la hawk, Prof Msa hmel landan cool ruih ka mitthla ah a rawn lang a, a hmelpa hrekhrawk leh cool ruih in ka thluak a rawn zim rualin ka thlalak dawn bawk kha ka ka hre chhuak zawm zat, chu chuan ka awm chhung a hnawh leh tlat tawh.
"Ka blow belh leh dawn" ka ti a, Faka min chhanna pawh ngaithla zui lo chuan meipui chhena lam ah chuan ka let phei a. Hun lo lutuk ah ka hlimna bo nghal duak chuan min ti thinrin hlur.
"Blow belh tawh lo teh" vawi thum ka blow hman, weed ti khu chhuak ham ham a hawi chhuak in min lo ner khum sak tupa chu ka nuih sak a, vanvadak chung a ka blow khum rual chuan a rum nghut.
"Tih belh tawh suh ka tih chu, i duh chuan hei in rawh" ti hluk in ka hnung lam ațang a rawn kun hniam khun, dawhkan te chungah chuan whiskey ni ngei tur dispo chanve hi a rawn dah dat bawk.
"Hei hi a thawk chak zawk" ti hlak a ka blow leh chuan na deuh hian a rawn phih thla nawk a. Ang ziau a ka banna chu hrelo ang hmak in dil lam ah a vawm phei nghal daih bawk.
"I va boring tak" ka ti hlar, thaw chhuak hawk in țhutna siam chawp pakhat ah chuan a rawn țhu thla a. Hetia keimah min tibuai chhen lo hian a bialnu kiang ah khan awm hle hle se ka ti tak zet!
"Hei in rawh, khatiang i blow reng chuan i thluak a ro vat mai ang" ti hluk in dawhkan te chung a dispo cup chu a kawk zauh. Blow ve ngailo ang ziazang a a chet chu le!
"Khawnge Kimbawihi?" Ka ti hlak. Dar kan uk in hmui a ti sawi a. Eilo fahran hian ka ner nang.
"Dar engzat ah nge kan let dawn?" ka ti a.
"In duh hun hunah a ni mai" a ti ve mai, Kimbawihi a ngaihsak lo ru lutuk chu mak ka ti deuh tho nangin Jordan hian hmeichhia te hi a care huk ngailo, hmeichhia zawk in an care a, Jordan'n ngeiawm zet a a palzam hmiah hmiah changpawn kawp loh an hlauh em vangin tuman a mize ngen ngul leh sual thiam zet chu sawisel en ah an enlo. Mahse, Kimbawihi nen hi chuan an serious ve tawh tur ah ka ngai a, Kimbawihi feelings tur duh aia a care lo lutuk chu awmlo ka ti ru ve hle ringawt.
"I ning deuh tawh em ni? I duh chuan ka hruai let hmasa thei tho che" a ti nghut a.
"Aih, chutia kal hran hmasak bik ka duh teuh lo" ti tungin table chung a dispo chu ka ban tharh, Jordan chu a lo kiai suk ringawt.
"Ok, chatthla lo ula ani mai" a ti hluk. Ner sakin dispo chu ka lek kang a. Mahse, ka beisei loh lutuk thil ka hmuh vang chuan ka meng zau nghal kawk mai! Mei pui chhehna ațang hla lo tak a theihai kung buk zet hnuai ah chuan mipa hlimthla hrawlpui a ding thim run! A kê chheh a ti che hrut a, a hlimthla leh a pumrua ațang ringawt chuan prof Msa ani tih ka thinlungin min rawn hrilh nghal a! Ka lungphu chu a huhang uap na zet in min hnaih vangin a phu rang nghal dawt dawt bawk!
Thim ata chu rawn pen chhuak vutin meipui in a chhun en phak chin ah chuan hmel dur thim khup hian a rawn ding nghal run bawk. A thuamhnaw inbel smart thlup chu mak tife hian ka melh a. Ramhnuai ah smart pants leh bodyfit kamisz marron thim khup nen a rawn lang ve hlawl chu mak ka ti!
Ka rui mitvai mai mai ah ngaiin lu ka thing nak a, mahse, Prof Msa chu a lo la awm tho! A hmel chang bul ah chuan thinurna a zim kual tup tup bawk.
Phawk zet a ka enna lam chu Jordan chuan a en ve thuai a. Prof Msa chu a hmu ve tho tih hriat tak hian hnuai lam bihin a phun hluk!
"Hrep a!" a ti chang rawp.
Prof Msa chu rawn pen phei khup khup a, a mitmeng thim khup leh dur khui chu ka lak ațang la sawn hlek lovin min rawn hnaihchilh nghal der bawk! He lai hmun ah hmuh ka beisei loh lutuk vang nge hmel rum ul a ka thil hum lai min phih thlak sak vut pawh chuan ka lo melh kiau ringawt. Meipui hnung chhawn zawng in ka hma ah chuan a rawn kun hniam khun a, a rimpa zet chuan ka kawchhung thlengin a fan kual a, a hmelpa zet chu lang thim khup mahse 'ka professor cool ruihpa' kha a la ni tho.
Ka mitah tak min melh run in dispo cup chu a hnar bulah dah hnaiin a hnim nghal vut, hnar a tun dut a, a hmelpa zet pawh rum zual sauh, ner sawk chung hian Jordan chu a melh nghal khui bawk! Jordan pawn zam hlek lovin khabe ti kang in a u chu a lo melh let a, a vei nuih tel suk chu hrethiam lo zetin ka lo en vel mai mai.
"Zohmangaih" pawhsawm vek chak hmel lutuk hian a ti chhuak hrawk, Jordan erawh a khi suk, prof Msa chuan dispo cup chu meipui ah a vawm lut zui hmiah, a alh pup a! Jordan pawn ngeng ngul in a khabe ruh kual tuai chungin a u chu a nuih a. Prof Msa hmel rum ul chu tualthah mai hreh lohna in a rawn thlak hlawk ka ti mai! Jordan en ngur ngur pah chuan a inseh ruh țawlh țawlh a, a chal ah chuan thisen zam a val ngha kulh.
"I tenawm hle mai" thinrimna leh ngaihnepna inpawlh aw thip zet chuan a ti chhuak leh hrawih! Thinrim inbengdaih tum tih hriat fahran hian a thaw chhuak hrawih hrawih a.
"I țha em?" ti sup in a kutphah hlai leh lum thup chuan ka biang a rawn khup zui hlun. Mahse, lu thing nghut in leather kutkawr chu a pawt phelh nghal hrawk, ka biang ah bawk a rawn dawm leh lai chuan Jordan chu a țhutna ațang a ding chhuak nghal zat!
"Chhaw lutuk!" ti chhuak hrawk in thim lam pan a Jordan kal nghal daih chu a ner khum suk bawk.
"Kha thil teh hrep kha i in em?" a aw thum leh nghet churh chu thirhlawm angin a khauh leh fur tawh.
"Ringawt a che" ti vak in a kut chu nam sawn ka tum a. Mahse, ka khabe ah rawn vuan chawt in min kuai dak salh, a mitmeng uk thim khup ah chuan rei en duh lovin a bek ruh rawn pawng chhuak țawlh țawlh chu ka melh a, prof chu rawn rum chhuak hrawk hian ka hmui ah a rawn fawp nghal chawt bawk! Ka tal nghal phat, hmui chip tlat in a darah ka nam nghal vak vak bawk, duhthawh zet leh dimna tel hauh lova min fawp zawm ngawr ngawr in vawi leh khat ah a inla hrang nghal vut. Ka thaw nghal kawk a!
"I in em?" ka khabe ah dawm reng chungin ka hmui bul lawk ah a thaw lum nghal ham ham bawk. A hma angin a aw ri a khauh tawh lo! Mahse, rapawm khawp in thuneihna a lang chhuak thung.
"Aih" ka ti sep, ka hmui ah bawk a rawn fawp leh ngawr ngawr a, min eizawh vek a tum ta mai emaw tih theih khawp in a khabe ruhkual hrawl tham lutuk te chu an che hrawk hrawk, a lei hrawl leh sa huam in duhtawk a ka kâ chhung a hawl kual ngawng ngawng chu tawp thutin a inla hrang leh vut, ka lungphu chu a sa hut hut a, ka mur chuai chuai bawk.
"Tetakte si, mangang lutuk in min tal buai tir hrep zui" ti chhuak hluk in a kutzungpui in ka hmui hnuai chu a nul thuak thuak a. Meipui eng leh a vun uk sen khurh chu a inrem in ka hmu pa zual ngawih ngawih.
"Kha thil kha i inlo.. a dik em?"
" 'Aih' ka tih tawh kha"
"Good girl" a ti chhuak sup bawk.
A mitmeng thim khup chuan muk ruih in min melh vung vung a, muang ruih in a chal lum huam in ka chal a rawn nawr si a. A hmui bul a hmul thap hruih chuan ka hmui a rawn nul thuak bawk.
"Ka phone call i chhan duh miah loh chhan kha sawifiah i duh em?" a ti thum sup.
Phone call?(!) Ni dawn tak! Nizan ah damlo kan tur ang a insawi siin a ex nen thimtham ah an induat viau anih kha maw!
"Awm sawn rawh" a darhrawl zet ah chuan ka nam nghal chawrh, a rum chhuak nghut a, mei eng chhan ah ka hmai tlang chu uluk zetin a mitmeng thim khup chuan a melh kual dun dun bawk.
"Khati pawh kha min en bawk suh dawhehpa" ka ti hlar, lawmloh hmelh lutuk a chal chuar tup in mit ko a ti hnim nghal khui bawk.
"Zaklo lutuk, i duh leh i bialnu hlui bul ah khan kal leh rawh" ti hram in ka thle sawn nghal hmak, mahse, chutiang chuan sawi chhuak mahila keimah a zatve chuan a kal tak tak a hlau hluah hluah tho. Ka awm dan hrethiam lo zet a thawk ka la halh chu ka bek sam ah a kutphah lum thup rawn zen lutin a lamah min pawt hnai hrawk a.
"Malsawmtluang" ka ti tuar! Ka vin hrepna chu thum lutuk a nui rum hawk in min chhawn thung. Ka hmai bul chet ah thuk ruih a min melh vung vung hnu chuan ka mitmeng phi chiai chu hrethuai in a ner zui suk!
"A meng phi leh ta chiai e" ti hluk in a thaw chhuak nghal ham ham. Ngeizet hian ka melh ram ram a, thinur hmel a pu tawh lova. Ka ruih vang a hreawm ti hmel pu chungin a mitmeng thim ruih chuan min melh run tawh zawk.
Min pawm kang nawlh pawh chu lo danna chang pawh ka hrelo! Dawhkan chung a phone leh hmeichhe bag awm khawm ram chu a bih vut a, ka thil ho chu hrehrang nghal chat in a hum kawp leh nghal hmiah bawk.
Min pen sawn pui nghal vut, tlak hlau in a nghawng ah ka kuah nghal țai chu min melh chhuk run in a mit bul vun chuar lang ruih hian a khi suk, kan chhehvel mei alh vang a eng sen phut leh a vun uk sen khurh inrem lutuk chu mak ka ti!
"Mipa dang bulah i awm laiin rui tawh ngai suh" ka mit ah tak min chhuk melh run chung chuan a ti thum sup. Ka țhiante chu an kai tawh lutuk vangin chutia prof Msa'n min pawm hrang daih pawh chu tuman min rawn ngaihven zui lo. Zan thim chhah mup hnuai ah min pawm chungin min pen pui pawk pawk a, khawi ah nge min hruai dawn tih lam reng ka ngaihtuah thleng pha tawh lo. A ban thachak zet ding lam ah chuan ka nghawng nghat in van chu ka en a, thlawk delh delh ang mai hian ka kang delh delh!
"Engvang teh hrep chuan maw ka call i chhan duh loh?" ti thum hluk ri ka hriat rual deuh thaw in khawiah emaw min nghat dawt a, ka mal pahnih chu rawn pawt kau leh hrawkin a inkar ah chuan a rawn ding lut hmiah bawk.
Weed vang a high chiai in ka hawi kual thuak a, motor kawngkam reh ruih ah kan lo awm reng! Chuan.. a bolero lianpui hma ah min lo țhut tir reng bawk. Zan boruak chu a reh in thli thaw heuh heuh bak thil danglam a awm lo!
"Chhanna ka duh" phun supin ka awm chu a hmai lum vung vung chuan a rawn nawr tawk. Ka inrin hma in a sam buk lai ah ka țham a. Muang ruih hian prof Msa chu a rawn hawi chhuak ruai ruai bawk.
"I hrereng, Malsawmtluang i hrereng chiang lutuk, nizan khan min bum kher lovin i bialnu hlui hmu turin i kal dawn tih sawi țha hle hle ta che" Prof Msa hmel dam thlup chu thip zetin ka melh ram a, hmui pet sawi zauh in a ding mar nghal vut.
"Bum?" ka mitah min melh run in a ti chhuah sup chuan ngeiawm tak hian ka lo nui hak.
"Hrelo der vel suh, Rinchhani pu damlo i kan dawn tih chiah min hrilh.. ka ring che a. Mahse, ka rinna che chu engmah lo mai ah chantir in min bum ani lawm ni" ka ti chhuak vak, ka mitthla ah nizan a an inkuah lai a rawn lang nghal zat! Nizan ang chiah khan thikna nasa zetin min rawn tuam mup. Ka awm chhung ah hian min hnawh leh tlat tawh.
"Sorry" ti sup a min melh ngur chuan ka lu te hi a vir nghal mup mup in ka hria! Ka... Rinchhani nen an awm dun tih pha miah lova *sorry* a ti tawp thei chuan min ti hamhaih lutuk tluk zet min tina ngut ngut.
February 17th, 2020, 10:18 pm
"Hrelo der vel suh, Rinchhani pu damlo i kan dawn tih chiah min hrilh.. ka ring che a. Mahse, ka rinna che chu engmah lo mai ah chantir in min bum ani lawm ni" ka ti chhuak vak, ka mitthla ah nizan a an inkuah lai a rawn lang nghal zat! Nizan ang chiah khan thikna nasa lutuk in min rawn tuam a. Ka awm chhung ah hian min hnawh leh tlat tawh.
"Sorry" ti sup a min melh ngur chuan ka lu te hi a vir nghal mup mup in ka hria! Ka... Rinchhani nen an awm dun tih pha chhin miah lova *sorry* a ti tawp thei chuan min ti hamhaih lutuk tluk zet in ka na ngawih ngawih!
Cont:
"Sorry.. Sorry tih zawng chiah chu maw" hul hak hian ka ti tuar!Ka nat zia lan chhuah tir loh tum hram hram chungin ka nui tawi halh bawk!
A hmel tak ngul chu țah chhuah hlau zetin ka en a, insawifiahna țha zawk beisei zetin a hmelpa zet chhanna dang beisei a ka en lai reng chuan ngawi ngul hian lu a bu leh nghut! Ka awm chhung tawt tup tup chu a tawt zual nghal mup!
Vawtin min rawn țham er er a, prof Msa chet phung cool ruih leh min tham lo lutuk chuan min tihnat tluk zetin nizan a an thlalak ka hmuh țum ang chiah khan min hnawh tawt tut tut! Ka luak te hial a rawn chhuak leh ut ut tawh!
"I va tenawm ve! Anih chuan tunah te hian ka kiangah eng thil nge ila rawn tih a?" thinrim khawhmu lo lek a au chhuak khum chiam ka duh lutuk! Mahse, ka lung zawn na ngut ngut leh pum chhung sa bulh bulh vang in ka aw chu a chhuak che che ringawt! Prof Msa chuan min melh chhuk ngur a, min bum tih pawm thlap a ka hma ah a rawn inlan leh thei hi rapthlak ka ti!
"Mawh? Tinge ka hma ah i rawn in lan leh sia?" ka ti chhuak nghek! A rum chhuak ta hawk bawk!
"A chung a thil thleng thei ngaihtuah thiam lo lek a khawsa țhin ka bialnu ka rawn umzui tih chu i hmuh thiam ve tho ka ring" bung vut a tiin ka bag leh phone chu bolero hma ah chuan a dah ri dawt!
Bialnu tih thumal vang chuan ka ner nak a! Nizan lawkah Rinchhani a kuah hnuah a bialnu ka nih thu a la sawi ngam cheu anih chu!
Kha zet hian "i bialnu ka nilo" ka ti chang fak. Min chhuk melh ngur a mitko ti hnim khui a lu a thing nghut chu rilru na bawk si, ngei lutuk bawk si hian ka melh rawm rawm a.
Mahse, hepa nen kan inzawmna hi ka lo theinghilh tawh zawk ani! Ani hi ka bialpa anilo a, a bialnu ka nilo bawk! Kan inkar ve te kha chu tisa thil mai chauh! Chuti chung a a lak a thikthu ka pe na lutuk leh ka na em em lawi bawk si chu ka duhlo a. Tih tawp dan ka thiam tawh bawk silo!
20200218_003158.jpg
20200218_003158.jpg (64.17 KiB) Viewed 15187 times
"Ka thil sawi kha i dawngsawng fuh loh deuh ani lo maw?" min chhuk melh run in a ti bung nghut!
"Oh, i duhthusam ngei a țha in i thil sawi tum kha ka man fiah vek" ka tih khum tuar chu chal chuar tup in min chhuk melh khui "Min tham loh zia pawh ka hriat belh bawk"
"What the f**k" a ti chhuak țhawt, ka phu nasa viau nangin hlau ang a lan ka tum buai duh lo!
"I rui mah mah reuh anih dawn hi, let vat teh ang" a ti hluk, a ve lutuk a!
Bolero hma ațang min pawm thlak a tum rual chuan huaibak lutuk hian ka lo tal vak a, prof Msa insum hman lo nui thum chhuak huk chu rum theih patawp in ka melh rawm rawm bawk. Ka chet dan chu atthlak tih hmel lutuk a min melh ngur chuang hian a tawlh hnung zui hrut,
a bawp hrawl leh sei thlup pahnih chu ti kak deuh hian bolero hma ah chuan a ding nghal khup a. A thuamhnaw inbel dum khup leh smar thlup bawk si leh a hmelpa zet, chang deuh bul hi chu a inrem thlawt! Ka zep lo! Amah ah hian ka bet nghet tawh lutuk! Mipa nelawm lo zet, a ri meuh a aw rawl lian thum leh cool lutuk a nuih chhuah tawh phei chuan keimah ah danglamna a thlen nghal zel a! Mahse, a hriat ka duh lo! Tunah lehlek phei chuan..
"Helai hmeichhe naupang huaibak deuh hian eng show nge neih a duh a" a nuihza insum aw thum ril ruih in a ti thum sup.
Khi suk in a awm hrawl zet ah chuan a ban bul lian tham lutuk pahnih chu a kuangkuah zui hlun bawk.
"Show neih nan chuan khua hian a zir hranpa lem lo khawp mai" bung nghut a tih zawm zat pah hian zan thim mup hnuai a lamlian reh ruih chu a thlek kual pah thuak bawk. Chutia ka thinrimna leh natna te min tham lo zet a chet min lak kual khum tupa chu țah chhuak ut ut chungin ka lo melh ve vak vak a. A engahmah ka thawk hlawl lo tih ka hmuh chian zawh poh leh ka nat a zual ting.
"Resort thlen hunah show chu țan zawk la a fuh ka va ring e aw" a ti leh hluk, a ban a sana lawk zet chu bih vutin ka mitah tak min rawn en nghal siah bawk. Ka melh rumna chu ngaipawimawh lo zet hian sexy ka tih țhin dan deuh khan a kiai suk kher bawk!
"Khatin naupang ang maiin min treat ziah suh" ka ti hlar. A kutphah pahnih chu a dar zawn ah a lek kang vuta. Ka va han ngei ngawih ngawih tak!
"Kha thil kha show țan hma a i sawi tum ani hauh lo, Kitten"
Ughh, hepa hi ka haw ngawih ngawih, a a chet dan min tham lo lutuk leh țawng kam engkim hian ka țah a ti chhuak hlur tawh! Ka thinrim bawk si prof Msa lah chuan nui ruh ruh chungin thikna vang a ka tal buai vek chu min melh ngur ngur a. Bolero ațang hian țum thla in ka va ham nghek zawk dawn mawni tih te chu second chhung lek in ka ngaihtuah kual zut zut! Chutia, ka chet dan tur ngaihtuah ruai pah a ka melh rum rawm rawmna chu nuihza insum zet hian min ko min lo tih san khum uk leh nghal!
"Bawihi, i sawi duh chu sawi vat rawh, anih loh chuan ka pawm lut che nga, kan let tawh ang" ti chhuak sup in khaw rawn dur kual tup tup chu a thlek kual leh vut. A aw rum hmuk ah chuan dawhtheihna a tlachham tawh hle tih a hriat bawk!
"A sur tam viau ang" bul hluk a ti hmuk a bolero lam ah ke a rawn pen leh chiah rual chuan min rawn hnaih chilh ka hlau lutuk bawk nen boruak chu ka lo pet vak a, ding chutin mitko a ti kang leh uk tawh!
"Ughhhh!!! Malsawmtluang, Hmeichhe dang i khawihna kut tenawm zet khan vawi khatmah min khawih tawh suh!" Ka ti tuar, hriatthiam loh hmel lutuk in a dar hrawl zet chu a chhin uk. A la nui tel cheu leh nghal! Ka va ham hrep tak tak zawk dawn mawnle!
" Chuan, kha i thlahfel theih loh hmeichhe bulah khan kal leh nghal rawh.. min kalbo san rawh" thinrim țun chungin bolero ațang chuan ka țum thla a, ka țah chhuak ut ut leh hrawk chhung na ngut ngut chuan ka hmai a ti sen leh vek dawn tih ka hriatchian em vangin bolero chu theih patawp a rang a kal hual ka tum a. Mahse, thum lutuk a rum hawk thawm ka hriat rual deuh thaw in ka dul ah chuan ban hrawl lutuk hian a rawn man zui hrawk.
"Tenawmpa" a ban ah chum sak vak pahin ka au nghek, a awm tihrawl khauh leh lum huam a min pawh beh hrawk pah a ka beng bulah a rawn rum chhuah hawk lai chuan nasa lutuk in ka tal chiam bawk.
"Malsawmtluanga hian hmeichhe thlah fel theih loh a nei anih chuan chu hmeichhia chu nang tereuh hi i ni ngei ang" fiah khel khawl hian a ti bung nghut! Ka tal lai chu tawpin ka nui chhuak hak a.
"Dawhheh lutuk" ka ti nghek. Prof Msa chu lungawi loh hmel zet hian a lo rum nghut. Dawt chiang lutuk eng vang a sawi ngam nge maw anih le.
"Nizan ah te kha chuan nuam chenin min hre hlek lo ani lawm ni?"
"Hrep a" ti chhuak hlukin min kuai her dawrh. " i lungawi lohna chu chiang takin sawi rawh" lungawi lohna a khat chang hrek hrawk hian a ti ta nghut. A hmel dur thim khui ah chuan a lungawi tawh lo tak zet tih a hriat theih a, keipawh hi a lakah hian ka lawm bik reng reng lo.
"I hre vek tawh emaw tia..." ngeiawm lutuk hian ka ti a.
"Hre hauh lo! Ka hriatchhun chu nizan damlo kan a ka kal kha i lungawipui teh chiam lo tih zawng" ram hmak hian a ti hrawk. Huh! Damlo kan a a kal chhuak kha ka lawm lo reng reng lo! Mahse, damlo kan tur ang a insawisi kha a ex nen inthlakhlelh hmel lutuk in an lo inkuah vel tih te kha a hre duh miah lo chu ka haw tak zet!
"Nang hian hmanrua ah min hmang, i hria em? MALSAWMTLUANG hmanrua ah min hmang, ka la tawn ngailo thil danglam tak tak te min tihpui a, i tisachakna inhrikthlaknan min hman hnu ah hmeichhe dang i pan leh... keichu tisachakna phuhruknan chiah min hmang.." ka thusawi vang chuan a rum chhuak nghal hrawih! Ka high deuh tawh vangin khatiang thil kha sawi chhuah ka hreh miah lo.
"Aih.. phat tum suh.. chu chu a tir aţang inzawmna min neihpuih i tum dan ani tih ka hria" ka thil sawi ngei chuan min tina ngut ngut. Keipawn he mipa hi a tir ah kha chuan hnar ngaihna ka hriat loh vangin tisachakna phuhruknan min hman chuan ka hmang let ve mai ang tih ngaihdan ka nei țhin a! Mahse... engtik ațang teh hrep khan nge a lakah feeling ka lo neih a, thikna nasa lutuk keimah ah a lo pian ka hrelo, ka hrelo tak zet!
"A tirah khan Rinchhani i thlahfel thei lo tih sawi la chuan.." min melh chhuk ngurtu mitah tak melh chho vah a ka țawng lai chuan ka biang a rawn lum thla nghal pap mai!
"A tir khan.. a tir ah khan i thlah fel theilo tih sawi la chuan ka hnaih lo che nga.. in inkuah a, inawm dun vang ngawt in ka na lo bawk ang..." țah insum lutuk a ka țawng bah nawk nawk chu a a awm ah min kuah bet nghal hrawk a. Hetiang chiah hian Rinchhani pawh a kuah tih ka hriat rualin ka tal nghal vak.
"Aih.. Malsawmtluang, min kuah suh.. ka duh lo, nizan lawkah hmeichhe dang i kuah a.. min kuah bawk suh" ka ti nawk nawk, a awm a nghet lutuk a min kuahna te chuan Rinchhani a awm ah chal nawr a, a kuah letna kha min hriat chhuah tir zel a, ka insut hlawp hlawp tawh. Hetikhawp hian ka bialpa pawh nilo khawsak dan vangin ka na ang tih ka lo ring thiam ngailo! Ka hrawk chhungna ngut ngut chuan ka nunah Prof Msa ka lo seng luh nasat hman zia min hriatnawn tir a! Lalhlimpui mittui hi a tan a mi hlu tak te tan lo chuan a chhuak ngailo sin!
"Ka tihpalh, ok? Engthil chiah in nge tina che ka hre hauh lo. Mahse, ka telna anih chuan ka tihpalh, i ngaih ang engthil laktlak loh mah ka tilo tih erawh i rin a ngai thung"
"Min bum tum tawh suh, in thlalak ka hmu vek" a awm hrawl zet zawn ațang ka au khum vak rualin Prof Msa chu a rum chhuak hawk a.
"Tinge min chhaihkual mai mai a! I bialnu i nin chang apiang a i fiamkual tur tawk lek ah min hmu em ni?" ka vin vak thei tawh lo, ka aw tham țíak a reh rual chuan a lungphu dup dup ka hre zawm zat a, a hma a ka hmuh hreh ngawih ngawih leh min dan chep hma chu hlat tum a ka kian san țang țang țhin mipa vang a ka țap hial mai chu eng dang vang niloin keihian Malsawmtluanga hi ka lo duh hman tawh tak zet vang ani!
"Min ngaithla duh tawh ang chu tiraw?" rei ngial kan ngawih dun hnu ah chuan a rawn ti dam thlup! He amizia tak hi lawm ka talbuai leh phah fona! Ka thinrim a, ka nihna ang ang a ka lan chhuah phawng phawng pawn lo thinrim a hneh in dawhthei takin min dawm zel a! A kum upatna te nen, a mize cool dam ruih bawk si te nen hian thlamuantu leh uap lum tu nei ngailo keive mai tan hi chuan hnar a harsa tak zet zel!
"Ka awm chhung hi nangmah vangin a na lutuk" ka ti țîau,
"God!" a tu rum hawk. "I na tih ka hriat vang teh hrep khan lawm ngaihdam ka dil che" a ti thum chhak, a awm chhung ațang min nghawr dur dur bawk.
Ka tukhum samah a kutphah lum thupa a rawn chul chuan ka mittui bawk a rawn tla leh ringawt! Chu erawh natna vang ai mahin pangchanna mittui a ni mah zawk!
"I thlalak sawi chu ka hre ve hauh lo, nizan kan in mangțha hnu lawk khan ka pu pawh a rawn zual a, kan buai chiam hnu ah dar 12 rik hma deuh khan a pangngai leh ta deuh, a tu leh fa te phei chu a țap laih hman a. Mahse, vanneih thlak takin kan chan em lo. Boruak uap ah awm thei anih loh vangin bathlar lam ah a tute ho nen kan țhu chhuak ngei a lawm, tah chuan Rinchhani thlaphang hman lutuk insum thei lo țap hnem tur chuan ka kuah ngei a bawk, thil dang eng emaw vang niloin" nghet churh in a ti thum sup.
"In thlalak kha ka dawng leh vek" ka tih chuan a kâ ațang a thaw chhuak zui hawk.
"Ka tihpalh, țullo zet ah i nat phah hrep bawk. Mahse, i hriat tur chu..." ti chhuak hrawkin a thaw leh hawk phawt. "Ka chungchang anih tawh chuan fiah hmasa țhin rawh, keipawn i chanchin ka hriat apiang ring ngawt lova nangmah ka belhchianna ațang ka hmuh chhuah chiah ka rin ang hian min belchiang ve rawh!" ngenna leh thupek inpawlh nawk in a ti leh sup.
"In last seen pawh a inrual vek a lawm" ka tih țeuh hlar chuan nui nghawr dawtin ka tukhum sam ah a rawn țham salh, min kuai dak a, a hmel thim mup a a mitmeng thim khup chu ka chhungril zawkin a hmuchiang leh hle tawh!
"Last seen" ti sup in min fawp thawi thuak.
"Hrelo der hmasa ziah zel suh, Rinchhani message ka dawn hnu fe ah fiah ngei ka duh vangin in last seen ka en ve ve..." thikna te nen chuan ka ti leh pang pang a. A țhen suk chu ka melh nghal ar bawk.
"Ka last seen i check anih chuan min rawn text tal tur che lawm" țhen suk a min melh chhuk ngur tupa chu ka tihtauh khum leh țep ani!
"Engtin nge ka lo biak ngawt ang che.. pakhat lah khan...." ka țawng lai reng chu a hmui lum thur thurin ka hmui a rawn khar nghal hmiah anih chu! Ka kawng a kuahna ti nghet zual hrawk in kohham lutuk in min fawp nghal ngawng ngawng a.
"A na" ka hmui hnuai a seh thip hlar vang chuan ka khek țhat, thaw hawk in ka hmai bul chet ațang min melh chhuk nghal run bawk. "Min seh ringawt zel suh" ti hlak in a awm ah ka nam dawt, min man beh ngheh em vangin kan awm erawh a insi chet thung.
"Hremna anih kha" ti sup in a lei thap hrak chuan ka hmui a rawn liak zauh. A khabe ruh kual ah ka kut pahnih a dawm in na deuh hian ka nam hnung vak a.
"Ka call leh text khatizo zai chhang hauh lova i awm vang anih kha, Bawihi. Atthlak zetin che tawh suh ang che. Hremna dang hmachhawn i inhuam te anih ngawt loh chuan" ti sup in mit a rawn siai suk. Ka melh chho haw bawk.
"Hremna"
"Yeap! Kut lawng a i mawngbawr nalh zet ben te" ka beisei loh lutuk rawn sawi chhuak in a mitmeng chu a thim zual khup!
A kutphah lum thup pahnih chuan ka kawng ațang a dap thla dun dun a, ka mawngbawr ah chuan nghatin a hrawm zui tawk bawk!
"Ahh"
"Ka chak viau a nia" thum sup a tiin ka mawng bawr chu a hrawm deuh tawn tawn a, ka mal inkar lo lum nghal pup chu a hriat hlau zetin ka ip chawi chawi, ka kawrfual kak lai chu a kutin a dap fuh thuai a. Kut lawng a ka malpui hnung lam zut chhoh pah chuan ka mitah tak thuk ruih in min melh chhuk run bawk. A kut chuan a thleng chho tulh tulh a, ka thisen lum nghal pap pap leh min khawihna vang a ka taksa mur za uai uai chu ka thup hman lo, ka thaw chhuak hap chu pa lutuk a min kiai khum suk in a rawn kun hniam ruai ruai bawk.
Thaw chhuak hawk chung chuan a kutphah lum thup chu ka kawrfual chhung ah a chet kual tir a "Ahh, *thong* maw? Min chawhphur dan i hre hle mai, Bawihi" a ti chhuak sup. A aw pa leh thum ruih vang chuan ka phur ve tho tih a hrethiam leh vek bawk ang!
A kut chu a ti che kual a, ka kap bawr a rawn hup nghal tawk, thawk ka hip let nghal kawk mai, ka pantie chhung ah awlsam lutuk hian a zen lut a. a kutțang hmawr chu thuk lo te in a rawn nawr lut a, ka taksa chu a za chhuak nghal uaih, chutiang chuan thuk lo te in *in and out* in a ti lut zel a, a kamisz awm ah țham in ka chal chuan a awm chu ka nawr nghal chawi!
Prof Msa pawn ka kawng ah nghet lutuk a rawn man in a kut chu a la chhuak a. Ka lungphu chu a inthum rawn nghal dup dup bawk.
A awm ah min kuah betin ka chhip ah a rawn fawp vang vang a. "Kan riahna tur hmun thleng phei vat teh ang" a ti chhuak hluk bawk! *kan* zanin hian kan riak dun dawn maw?
La meng dava riai a ka en chhoh chuan rawn kun hniam in mit min siai suk ringawt!
>
<
Ka phone a Rinchhani nen an thlalak chu a bih ngur ngur, nakin ah chuan rawn phun chhuak hlukin phone chu a hmet thim nghal hmuk.
"I u becky-i kha a awm ve a, ani lak kha anih dawn hi" ti hluk in phone chu ka lamah a rawn lek vut.
"I u pawh ti suh" ka ti hlur, prof Msa chu a kiai suk a, phone chu ka ban tau hmak. Ka chhiatna tur duh em em tu, dawt hmang a min puh chhiatna tur zawng zar zar țhin hmeichhia kha 'ka u' tia a sawi ka duh íkhaw lo! A ham țhatna tur anih phawt chuan ka chanchin chhe lam sawi chhuah an hreh nufa ngai bawk silo. Mite hma ah lemchang pawh a an lakah țhat chhuah der ka peih ve hlawl lo!
"Eng.. eng nge i tih dawn?" Motor body a nghing chet luk rualin prof Msa chu phawk tawk hian ka han en a, a kamisz dum hak hma kilh a lo hmet phelh vek tawh!
A kamisz chu a hlim vut a,
"Inkhuh țhen rawh, anih loh zawngin he lai rampalaileng ah hian ka pawngsual mai ang che" ti hluk in a kiai suk, a mitmeng thim khup ah erawh tisa chakna sang lutuk ka hmu thung.
"Khawi" ka phih thla nghal sawk, nui suk in steering a hum nghal run, a kawr inbel a ka che kual vel chu min ei zawh vek chak hmel lutuk in min lo melh ngur ngur bawk.
Engine a ti nung chiah tih ah prof Msa phone chu a rawn ri a! Motor hmalam ah chuan zan dar 9: 46 a lo ni a. Thimhlim ațang Dil pui ah kan awm nghal vangin zan rei a hnai tawh ang chu ka tia. Rin aiin a lo la hma!
"Huuumm" rum nghut pahin a smart pants kekawr ipte chu a dap nghal ruk ruk. A phone chu phawrh chhuak in a rum leh nghut bawk.
Motor hma ah vek chuan call rawn lut chu *Rinchhani* tih screen lian lo te ah a lang nghal kalh. Prof Msa chu ka en chho nghal haw a. Ka taksa chu a țang leh nghal vek bawk. Tunah lehzel pawh a rawn call ngam maw??!!
Prof Msa chuan a chhang dawn nge dawn lo tih ngaihtuah in second tlemte chhung ringawt pawn ka lungphu a lo rang leh dawt dawt tawh!
"Sawi rawh" cool ruih hian a ti thum sup, mit ka chhing nghal sawk mai!
Ka nu leh pa te nupa nun kha khawi ațang a khi țan nge tih ka nu khan a boral dawn thlengin a hrechhuak zo lova, a inhriat dan kha chu 'theih tawp a țha in ka pa leh a fate kha min enkawl a, nupui a nihna ang a a hlen chhuah tur chu hlenchhuak țha viau in a inhre bawk'. phatsanna run thlak zet khan inralrinna hun pe hman lo lekin a rawn run thut thei lo tih ka hria! Ka pa in 'pasal leh a fate pa' anihna theihnghilh a, kawppui nei lai ani tih a dahpawnlawi ațang a rawn inmung chho anih ka ring fo țhin!
"Babe..." Rinchhani aw fiah zetin a rawn ti ri ah chuan ka lo tawm chawi! Ka malpuiah kutphah lum thum rawn innghat vang chuan ka meng chhuak riai riai a. 'Tinge ka awm lai leh zel a i biak a?' tih melh a ka melh chhoh chu motor chhung eng dul ruih hnuai a chuan 'min ring rawh' tih ang hrim a mitmeng thlamuanpuiawm ruih hian min lo melh run. A kut chu ka hum hnan ta ringawt!
"Babe?" a rawn ti leh lauh lauh.
"Sawi rawh Rinchhan" ti chhuak sup in ka kutphah tetakte chu a rawn hum bo nghal vek.
"Oh,i ngaithla lo emaw ka ti hman a lawm, ka pu in a lam reng che a, i rawn kal dawn em?" Pawisawi loh hmel fahran hian a rawn ti lang lang.
"Kal lo ang, Thenzawl ah ka awm rih" a ti nghut. Ka lungphu chu a lo su dawt dawt thung.
"Maw? Eng.. eng nge Thenzawl ah i tih a?" a rawn ti deuh tuar a. Mahse.. "E, Jordan Delhi chhuk tur kha Thenzawl lamah a tla phei leh tak e, i va ngaihven em ni?"
"Ni deuh tho" prof Msa'n a ti sup "ka bialnu tereuhte ka umzui ani mah zawk" ti leh supin ka kut chu a hmer zui salh.
"Bialnu..haha, i fiamthu ani tiraw? Professor meuh in kha tleirawl te, inchhungkhur bungrua ru chhuak a, a hralna sum ruihhlo lei nan a hmang țhin tu kha i umzui ang maw?" Min hmusit tih hriat lutuk a ka chanchin sawi vel chu a cousin Becklubuki ang chiah in nuam a tih hmel kher mai!
"Babe, min runluih i chak ve hrim hrim anih chuan khatiang hmeichhia lo deuh kha kawp la.. inelpui a chakawm a lawm" ti hlak in a nui chhuak hak bawk.
Prof Msa'n a chhan let dan tur chu awm chhung tawt țun chungin ka nghak tawp! Mahse, a ngawih vung vung vang chuan tim deuh dai hian ka thlek chho va. Kawngpui thim ruih headlight in a chhun en lam chu a melh bing ngur! Ka rilru pakhat chuan Rinchhani min deusawhna ri a hriat chak vang ah rawn ngai thuai in ka kut a hum chu ka phi nghal nawk! Nghet leh zual a hum hmiah in hmalam melh ngur pah chuan lu a thing nghut a! Ka tih ngaihna hrelo ipik lutuk bawi si chu ka sa pup pup tawh.
"I zahawmna a tih chhiat vek te i hlau lo em ni? Kutkem nei i kawp chuan a thil rukna te hnen ah ngaihdam dilin a ruk chhuah man hu hlutna sum i pek a ngai reng mai ang" prof Msa chu a nui deuh suk, Rinchhani pawn a hrethei anih ka ring, sawi fuh intih hmel zet hian a rawn nui ve a.
"A taksa i it vang hrim hrim anih chhuan i hne thuai ang..." ka kut hmer nghet salh tupa ngawi ngul chu ka melh tlawk tlawk ringawt.
"Engtik nge Thenzawl ațang chuan i rawn let ang?"
"Naktuk ah" a ti sup.
"Wow! Zanin chu tleirawl tituai no zawk lak ah i che chau hnap thei dawn anih chu" rawn ti salh in a nui lui hak bawk!
"Ummm, i nau Becky thla i lak ruk tir pawh kha ka lo hmu a" thatchhiat hmel zet hian prof Msa chuan a ti ta hram.
"Thlalaka? Eng thlalak ringawt maw?" A rawn ti buai ta nak. Prof Msa ner suk chuan ka kut chu la kang vutin a hmui lum in a nawr zui thuak bawk.
"Puitling i ni tawh a, warning pek ngai khawp a atthlak in chet i lak ka ring chhin hauh lo. Mahse, message hmang a Bawihi i lo dawr țhin erawh ka lungawi pui hauh lo Rinchhan, hei ka warning tawp berna che ni nghal bawk rawh se. Bawihi hi lova tibuai tawh suh! I pu damlo kan a ka rawn thawk chhuak pawh remchang ah i hmang zel dawn anih chuan hreh tak chungin ka pu rawn hmu tawh lo turin thuthlukna ka siam a țul bawk ang!" Bung nghut hian a ti ta hmiah.
Rinchhani chuan rang lutuk a rawn hnial let a tum a, mahse, a sawi tur ber a ber a hrelo nge, riak nawi nak hian a rawn nui ro ta halh ringawt.
"Engtin chiah nge kan kutkem neinu chu i bulah a zualko a?" Kha lutuk in a rawn ti leh kher!
"Kutkem.... humm, hei pawh ka hrilh chiang nghal ang che, i nutei te nufa nen chhe tawp a inpuh hmeichhia hian a ta nilo thil pakhatte mah a la chhin ngailo! Hethil hi in nufa ho hian insawi chhuak ta fo bawk a, ka remhriatna angin hma ka lakzawm a ngai hmel" a ti hmuk.
"Eng.. engmaw i sawi, ka nutei te nufa..."
"Yeap.. an bank ac hi ka phur viau chuan ka chhui zui ang! A chhan chu ka nupui ni mai tur an puh mualpho reng hi ka lawm lo! Tunge an inchhung khur ațang rukru a, sum leh pai chhep rel țhin tih chu ka țhianpa police officer puihna hmangin ka chhui chhuak harsa hauh lovang! Chuthil chu an cho et et te anih loh chuan ka nupui hual dawt a puh bansan turin lo hrilh ang che! " a ti chhum hmuk.
"Ka duh zawng nei thei tur leh tihlawhtling tur a midang ka ngaihpawimawh loh zia hrechiang ber tu i nih ka ring bawk!" Rinchhani dang awk riak nawk nawk thil sawi ngaithlak sak map lo chuan a ti leh hrawih a. Phone chu a off zui hmiah bawk!
Ka zak deuh zawk!
Ahma in buaina a siam loh zan ka rawn chuh țawng țawng anih hi! Ka phone te min paih sak vel a maw
Buaithlak țhin a nia.
(Thelma-i hming min phuah hi ka inhmeh riau)
Ka ui lutuk hi a hla ka ngaithla tluk tluk a. Kenny Rogers hi lo awmlo ta se ka story ziah tawh zawng zawng deuh thaw kha ka ziak miah lo vang tih theih khawp in a aw rilruih leh lungkuai em em mai hian suangtuahna ramah min chen tirin ka rilru a hruai kual țhin a... Ka tan chuan Kenny Rogers leh a hla te hi an hlu ani tawp mai! 
