TETAKTEI ( an unfinished Story) By Ririni Khiangte (Abbra PitarteiSualfingi)

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

Re: TETAKTEI Chapter 1-21 By Abbra Reo Ririni Khiangte (PitarteiSualfingi)

Unread post by Abbra Reo Ririni » June 20th, 2020, 8:30 am

March 23rd, 2020, 11:52 pm

TETAKTEI
CHAPTER 29

Abbra Reo Ririni Khiangte(PitarteiSualfingi)😈



If you want to be ORIGINAL,
be ready to be COPIED😝



Faith chu Prof Msa ban bul ah chelh bet țai chuang chuan zei zetin ding mar leh a, nui hmel a pu sang nangin Prof Msa taksa si tu ah țan a, elsen rilru zet a min țawng khum nuam a tih zia erawh mi â ber pawn an hmu thiam vek ang.





"Ka dil thlap tawh, harsatna i la nei em?" ti sap in Prof Msa hmai zawn ah chuan sualna neih loh hmel zet in a thlek chho ha a, chutiang chung pawh a Prof Msa ngawi hmuk te chuan min hnawh ut ut.





Mahse, engmah lan chhuah tir lo hram tumin zawi raih chuan prof Msa mit ah tak chuan ka melh let ve tlat a. A hmai bul a Faith thle kual he he chu melh pawh melh lovin hmui chip hmuk hian keimah chu min lo melh chhuk ngur.




"Ka dil vek tawh kha.. kal ang, Lola, i hrethiam tiraw? Ka in-law i ni thuai lo ang tih lah hriat loh, i phalna lak thlap loh chuan nakin lawk ah ka tal buai viau ang" a ti zang vak a, a nui zui har har bawk. An lan dan ah mai chuan cousin/ unuau inngeih tak pawh an ang. Marawh chu Faith aw ri a min tih elna leh deusawh rukna chu ka hriat hmaih hauh lo thung. Thil eng emaw.. eng emaw riau hi a awm tlat!! (?)

Chu thil Malsawmtluanga'n min hriatthiampui miah lo te chuan min hnawh tawt zual tup tup.






Rilru nuam in ka zangkhai ve dawn țan chiah a, chu thil chu an pahnih hian min rawn tihchhiat sak leh vek tawh. Marawh chu an rin ang mai mai chuan ka awm tawh lo chiang ngawt ang! An mit hmuh lai rilru nat luat vang a tal buai chiam Lola kha ka nih tawh loh zia ka hmuh tir hmak hmak tawh dawn.





"Professor nen kal rual kan ni hleinem, buaina neih chang chuan unaute hi an hlu nge nge zel a nia" a aw kî ang chiah a nem chuan ka ti a, Malsawmtluanga elsen ru zet chuan ka meng kual pah ralh bawk.
"in kal duhna ah chuan kal r'u, keipawh ka țhiante nen tih tur kan nei a" dar ti kang ak in ka hawi kual thuak, Faith chu a meng deuh ak a, kei erawhin chuan Prof Msa ka melh lui tlat, he hmeichhia hmang a min tihnat zia a inhre vek tawh. Chutichung chuan ka mithmuh ah bawk ka natpui ngawih ngawih hmeichhia in a chelh velna lak thlak sak a tum chuang lo. Chutiang bawk in meinei ru zet a min țawng khumna vel chu pawi a tihpui hauh lo tih hriat fe a ngawi ngul a! Min palzam a, ka nat leh nat loh pawh hmuthiam lo tu lakah hian ka na tih lan chhuah tir kher ka tum tawh hauh lo bawk.



"Oh, i țhian te nen in kal chhuak maw? A tihzia hlauh anih chu.. anih chuan ka inthlahrung lo law law mai ang aw" Faith bawk chu a bag ah lai siam țha pahin a rawn ti leh zat zat. Inthlahrunna aneih tak tak loh zia ka hriatchian em vang chuan ka khik khum sak ringawt.


"Nangmah chiah i lo nih palh chuan kan drop kual thei tho che mawle.." a ti leh a, chu thu chuan min tina thlawt bawk. Ka chan chu a tlawm rawih rawih tih ka hriat thar phah a. Mahse, ka rilru ang lo takin pawn lam ah erawh ka nui chhuak hak thung.

"Boss, a țhiante nen an nih tho chuan a ngaihtuahawm lem loh, ni em? A hman hmawh thlak deuh sia.. kan kal mai dawn mi?" Ka awm ve tih hrelo ang hmakin a bula mipa ding ngawi run chu a biak zawm daih. An pahnih kiang ah hian tih tur ka nei ve tawh reng reng lo.




"Excuse" ka ti a, chutia min tih el velna hrelo der hmak ka awm chu an pahnih chuan min en ran bawk, kei lah pek chuan chimawm zetin kut ka lek chhuak hlia a, ka kawng min dal tih an inhriat theih nan dar ka chhin khum leh ak bawk; Ka kal chhuahna tur ah ding tak miau hek î!



"Oh, Sorry, Lola kan inhmu leh thuai dawn nia aw, tun lai chu ka hna vangin aizawl ah ka cham rih dawn a. Boss hi ka belh tur neih chhun a ni bawk sia, kan pathum in dinner te kan la ei chhuak ho ang chu tiraw?" tiin pawisawi loh hmel lutuk a min nuih sang chuan a tawlh sawn hlek, prof Msa taksa a ngheng a ni mah zawk.


A chet dan leh țawng vel dan vang chuan ka pumpui a ni nghul a, ka luak a chhuak hlei hlui bawk.

"Nia.." ka ti zang vak ringawt. Chhan let chiam dan tur ka hre miau tlat lo! Washroom chhung ațangin ka pen chhuak a, sualna neilo ang mai a min nuih sangtu Faith mitmeng ah erawh nuam tihna ka hmu chiang hle. Engtin nge cousin in ti chung si a an ni pahnih hian zahna an hriat miah lo zawk le?



Ka kal pel lai chuan Prof Msa ban bul sek țha zet a Faith kutțang sei sal chu ka melh leh hram a, engtin maw hian ka awm chhung chu a che rawih rawih.

"Kan inhmu leh dawn nia" ti zeuh in ka nuih sak, thawven hmel fe chuan khabe kang vah in ka kal pel a, washroom awmna area ka chhuah san fel rual deuh thaw erawh chuan ka taksa țang lutuk leh awm chhung hah hluah hluah vangin ka thaw chhuak nghal hak hak.





Kan table pan a ka let phei lai te chuan ka hnunglam a za uai uai, ka hnung lawk ah Malsawmtluanga te pahnih kha an lo kal tih ka hriatna chuan ka thling thlengin min ti țang hah vek. Ka kê pen ti zangkhai lui vak in ka kal vah vah a, helam ah an lo inchenchilh dawn vang anih hrep kha nimin tuk pawn Faith kha a lo tlangnel nghal em em mai ni.




Sammy leh Madina te an lo thleng ve tawh a, kan țhian ho dan pangngai te bawk in an thawm a lo na leh hle tawh; ka pawh hma tak tak chuan thawk la ru halh halh in ka nui lui a, table bul ka va thlen chuan Lalkimkima'n ka țhat leh țhat loh min lo zawt nghal túng bawk.

"Lalmate ka țha lutuk, i eitur ka tih buak sak vek che sia, sorry aw" ka ti a,

"A ho lutuk, hei Sammy te an lo thleng tawh a lawm, a aia tui min treat dawn" a tih tak zuah zuah ah chuan ka nui ve ta hak hak.


"Prof Msa cousin kha washroom ah a lo lut ve nghal sia, lo chhuak leh vat lose chuan ka rawn lut ve ang ka ti deuh a nia.. engtin nge a tih che, ngeiawm deuhin a awm khum che em" Kimkima chuan a lo ti sar sar.

"What?" Ka ti a.

"Hrelo der vel suh, a chet vel dan kha a ngeiawm si, huatthlala deuh in a țawng khum che em?" a tih leh sar sar chuan " teuh lo" ti hlak in tawite in ka nuih ta ringawt.



"An chhuah lai ka hre miah lo.. khawnge an awm a?" ti a prof Msa a te table lam a va thlek leh uak uak chuan ka țhian dangte pawn mak ti hmel pu chung in ka hnunglam chu an en ta țhup, Malsawmtluanga leh Faith kha an hmu tih ka hrethiam mai a, kei ngei pawh ka țang leh țung tawh. Remremi leh Nuni chuan min vengthawng tih hriatfe in min en zauh zauh a, an pahih vang a ka boruak chimchin dang ta dawrh chu ka haw tak zet bawk.



"sh*t, Prof Msa a awm ve reng anih hi" zawi tak siin sammy chuan a ti hluk; kei erawh Malsawmtluanga te pahnih lam hawi duh miah lovin ka țhutna ngaiah khan ka țhu lut tharh a, Kimkima mitmeng rang kual nasa lutuk ah chuan Faith khan Prof Msa ban bul ah a la kuah reng tih ka ring thiam nghal mai bawk.




Malsawmtluanga ke pen thawm chu a rawn hnai khup khup a, a huhang țang ut leh mî uap na zet chuan kan chheh vel chu a hual leh mup tawh, min hnaih chilh tih chu ka lungphu rang nghal dawt dawt vangin ka hria a. Mahni inthunun tum lutuk chuan ka kut lehlam chu dawhkan hnuai ah ka hum tawm a. Hotel chhung zau zet a boruak chu a uap chur a, a ipik hluah hluah bawk.


"I la zo lo em ni?" thum sup a rawn ti nghut in kan table bulah chuan a rawn ding nghal khup, hawi chhuak kher lo pawn amah si chet in Faith chu a ding tih an pheikhawk ațangin ka hmu a. Chhan kher ka tum lo, washroom bul ah khan tihtur ka neih thu ka sawi vek tawh miau.


menu chu ngawi ngal in ka keu kual dan dan a. Chutia min biakna pawisa lo zet a ka che kual chuan Malsawmtluanga chu a ti lungawi lo hle tih a thawk chhuah ham ham dan ațang chuan ka hre thei a, min rawn zawh nawn leh kher pawh a țul tawh miau tlat lo.


"Dawn lo, Sammy te hian min rawn zawm leh a, in kal tawh dawn mi?" Nuni'n nui deuh hal chungin a chhang let ta hram. Menu ka keuhna kutphah hnunglam sat hut hut dan ah Malsawmtluanga mit chu keimah ah a fu leh ngur tawh tih ka hria.

"Dar engzat vel ah nge in haw dawn?" a rawn ti nawn leh sup.

Nuni chuan "Ka van hrethiam lo.." a ti nang nang a. Midang ho erawh kei ang tho in an ngawi țhup.

"Ok, Bawihi, in haw hun tur sawi la" ti vut a min din hnaih sauh tak ah chuan ka sa deuh phat! Hmela mai mai chu! Menu khup thak a ka hawi chhuak vah chu ka țhiante chuan min en nghal țhup a. An mi beisei rilru ang ngeiin he mite pahnih hi ka vin nghek dawn emaw ni zawk!



Malsawmtluanga hmel thim khup chu tih el zetin ka nuih sak kher bawk nen kan boruak chu a țang ut a ni ber tawh. Hotel hnathawk țhenkhat pawn keini ho chu min en duh tawh hle! Inngaizawng ang hrim a ban invawn sak tlat te pahnih in keini tleirawl rual table bul ah min din chilh tlat chu thil kal dan phung pawh ni nghal lo chuan.


"Ngatan nge i tih a?" ti hak in ka nui sak mai. Prof Msa hmel dur nghal khup leh lungawi loh hmel zet a a thaw chhuak hulh chu mit la sawn duh bik miah loin ka melh chho ran a. A ban a sana lawk zet chu bih thuak in kei chu min melh chhuk leh nghal run bawk.



"5pm ah ka rawn hruai ang che" a rawn ti chhuak sup anih chu! Rum lutuk a ka chho melh nghek chu mahni thu duh hmel zet a khabe kang vuh hian min melh chhuk ve run. A duh dan dan a min chinkual a tum chu ka duh bik țhai lo!


I hruai ka duh teuh lo tiin ka khek khum nghek lo chauh. Faith lo meng tal tap chu ka melh ralh a, ka en tih a inhriat rual rual chuan prof Msa ban chu a chelh nghet ve salh bawk nen.. nuihzat lam ah a kal hial tawh zawk.




"Scooty ka keng a lawm, in tibuai duh suh, ka țhiante nen hian hun kan hmang ho khat lutuk a, dinner pawh kan awm tlang nghal dawn" ka ti zang vak, mit ti zim sun a min melhna chu ngaihpawimawh loh hmel takin ka kiu chu dawhkan ah ka han nghat a, ka khabe ka dawm zui zat bawk.



Malsawmtluanga mitmeng thim khup chu a dur khui tawh. Mahse, engmah sawi zui tawh lovin a inher nghal hmuk, nui chungin Faith chuan kan țhian ho chu "enjoy" tur a min hrilh kher in ban a rawn vai hram bawk.





Hotel hnathawk hotu lu niawm tak chuan a lo ti ding a, Prof Msa nen chuan an inhriat țhat hmel in an inbiak lai pawh chuan Prof Msa chu a nui ve hawk hawk. Faith leh hotel hnathawktu lu chu a inhmelhriat tir thlap bawk.





Chupa chuan Prof Msa dar ah khawih sak zauh 'a let leh vat tur thu a hrilh a' counter lam ah a pen hlawk hlawk lai chuan Malsawmtluanga chu ka table lam hawi turin a rawn inher leh ruai ruai a. Kan mit a intawng nghal siah bawk. Eng emaw sawi a Faith ti ti siam siam pawh ngaihven lo chuan muk ruih in rei ngial min en vung vung a, eng nge a ngaihtuah tih hriat sak fai khel lo mahila a lungawi teh chiam lo tih erawh ka hre thei.




Hotel hnathawktu in coupon niawm tak a pek rual chuan Faith chu a phur hmel kher mai. Malsawmtluanga pawn ka lak a ta mit la sawn vutin hnathawk chu lawmthu a hrilh sup.




Faith bengbul ah eng emaw a sawi sup rual a naupang ang mai a Faith che kual vel chu ka lo ei lo tak zet bawk.



Ngawi ngul in ban a lek chhuak ta vut, phur sarin Faith chu a inher a, restaurant ațangin an chhuah fel hma zawng chu ka țhiante ho pawh an ngawi țhup. An lan theih loh rual chuan dawhkan hnuai a ka kut lehlam hum tawm tlat chu ka phelh thawl riai riai a. Ka țhiante pawn sawi chhuah kher ngailo in kan inkar a thil thleng chu an hriatthiam vek tawh ka ring.




Ka bula țhu Nuni chuan ka darah a rawn khawih zeuh a.
"I țha em?" A ti sap.
"Umm, țha lutuk" ka ti a, ka nui lui var var bawk. Chiang deuh a min en tur chu duh lo in menu ka keu san daih; ka țhiante bum nan ka țhat thu sawi mahila ka chhunglam erawh kha mihring vang khan a buai leh nuaih tawh. A tirte ațangin a huhang na lutuk leh uap na churh bawk si khan min thunun fo tawh reng a, chapo ni hauh silo. A mize induh tawk lutuk leh ngeng ngul vangin a bul hnai ah ka awm chuan ka lungphu thlengin a danglam vek țhin.





Eng tih tur pawimawh nge an neih ang, tikhan khawi ah nge an inzui kual leh dawn tih vel chu ka ngaihtuah zui ngut ngut! Hna țhulh a thil dang ah pen kawi a duh lo hle emaw tih lai a, Faith hruai kual tur chuan khawvar hma ațangin Lunglei a pan vang vang a, an lo let hnu ah pawh an la inzui kual zel dân te hi harhchhuah nan hmang a, a lak a ka luanliamna zawng zawng tih tawp vek nan hman theih ka duh tak zet!





"Ka rilțam, he hotel ah hian mutton bhunna an siam tui lutuk a sin, chah ila, butter naan te nen ei țeuh ang u" boruak reh duk leh rit luk bawk si lai chuan Sammy a rawn ri ta hlut. Kei pawh nichin kha chuan ka rilțam ve ngei a. Mahse, Malsawmtluanga leh a cousin te vang hrep khan ka rilţamna zawng zawng chu bo vek in ka ni deuh nghul. Min ngaihpawimawhna nei miah lo tu vang a ka kawchhung chau chhe vek chu duh lo sateh mahila control dan ka thiam der bawk silo.





"Keipawh an kél-sa siam kha ei leh ka chak, hmeichhe ho khan Kêl-sa chu inlungawi pui vek em?" Madina a ti ve leh a. Hmeichhe ho khan rawn ti na na nâ rang fahranin Kimkima'n 'kan OK vek' a ti a. Sammy leh Madina nui deuh hak chu an chum leh țawlh phawt a.



"Khanu kha a cousin ti mahla keichu ka ngei deuh tlat" Kimkima'n a lo tih chhuah phawng chuan midang pawn sawi belh duh ka neih ringin min en ta țhap.



"Naaa, ho lutuk, ngaihtuah zui duh su. Sammy order chu siam la, Naan kha pahnih den den in kan kham a nge'm" ka ti a. Chutia thawven hmel deuh a keimah ber ka rik tak túng ah chuan midang pawn boruak ti cool zawng a chet an duh ta biklo.





Eitur chu kan order nghal zung zung a. Malsawmtluanga nen tihtak zet a kan inzui hnu ah tun hi kan țhian ho a zanriah kan kilhho na hmasa ber tur a ni hial ang. A hma te chuan lunch ei turin min hruai chhuak a, kan țhian li a min treat chang a awm zauh zauh nangin ka țhiante lah mi a nileng an ni bik lova, kan pahnih kiang a lo kal ve duh loh chang an nei țhin. Class ban ah lah ka haw tlang aiin a kiang ah hun ka hman hnufual chang a tam zawk daih bawk.





Midang chuan zanin a an kal chhuahna tur an sawi ho nak nak a, folkland a kal an rel thlu ta thuai bawk. Keipawh chuan sawi chiam lo mahila kal ka tum ruh bur. Nizan khan ka mu mumal lo a, mu thei lo a khum ah leh kual chhen ai chuan țhian ho in kal chhuak ila, ka rilru pawh a zangkhai leh zawk daih ang.





Nuni chuan ka dar ah min nghawk deuh sawk. Ka hawi chhuah rual a ka mihring va hmuh vang erawh in makti lutuk hian ka meng phawk nghal kawk a.




Prof Msa chu a chhehvel a thil thleng in a khawih buai pha lo tih hriat lutuk in hotel chhung ah chuan a rawn pen lut pawk pawk anih chu! A cousin min elsen deuh-i nen khan hlate khua an thleng tawh ang chu tih naklai a, hmel thim khup chung a kan table a rawn pan ding nghal ngur chu ka hrethiam der lo.





"Lo be miah lo ang che u" ka ti hrak, ka țhiante chu ka melh kual thuak a. Ka sawi dan chu a naupangchhia tih ka hretho nangin lo biak țhat vel kha țul ka tilo tak tak.


Kamisz body fit var leh cotton kekawr dum hlup a ha tawp, kamisz chu duhdah zet in a awm kilh a hmet phelh țhen a, a hmel a lang thim khup bawk nen a inthuam dan duh dah ru zet chuan a lan dan a ti nelawm loh zual in min melh ngur a. Ngeiawm deuh a min rawn țawng khum anih chuan a rin ka ang hauh lovang ti a țang țeuh hian a lo thlen hun chu ka nghak chawrh chawrh.




Dawhkan bul ah khawng luah a rawn din khup pah chuan kan țhian ho chu min rawn thlek kual thuak a. Chutah kei chu min melh chhuk vut in a khi deuh suk bawk. A khik suk tawh chuan thil țha tak a thlen tir ngai hauh lo!! (?)



"Ka lo zawm ve ang cheu chu" a ti thum dut, zahna tlachham ti zet a ka melh ram ram chu min nuih suk in ka bulah a rawn țhu nghal hmiah bawk.

20200321_045137(7).jpg
20200321_045137(7).jpg (25.83 KiB) Viewed 18653 times
Zaklo ka ti lutuk bawk si leh thinrim hlur bawk si chu tawt țun in a taksa sik hlau zet in ka tawlh sawn a. Ka țhiante en kual leh vut in a kutphah pahnih chu dawhkan ah a nghat nghal run bawk.

"Kel sa ei kan lo tum a, i ngaina ve ang chu tiraw?" Polite takin Sammy a chhang a, ka mitmengin khap nghal ram mahila an professor a ni miau sia, an ni tan lah hawihhawm lo zet a lo dawnsawn kha thil nuam a ni der silo.


"Kel sa chu a tui a lawm, thil dang duh belh in nei em? Zanin tlai chu ka treat ni rawh se" ti sup a a kutphah hrawl hrup a chelhkawp run chu na zetin ka melh nghal hrak, ka en tih a inhriat rual chuan ka țhiante melh run si chuan a mit bul vun chuar langin a nui suk bawk.


"Tih tur in nei a nilawm ni?" ka ti chhuak ta nge nge!

Ka sawifo tawh kha, kan țhianho hi nun dân phung tlachham leh kan awm na chin hriatviau mahse he mihring ngeng ngul kiang ah hi chuan kan zawi rawih rawih zel. Sammy te pawn prof Msa hi an nawr lui ngam țhai lo tih chu hma ah khan ka hre daih tawh bawk.



Muang ruih a min en in couch nghenchhan a ngheng ruai ruai a. A ni pahrawl leh puitling khup tawh hi kan zing ah awm tur in ka duh lo.. tunah lehlek phei chuan ka duh lo leh zual.

"tih tur?" ti ve sup a a mithmul buk dum hlap min kan khum uk chuan ngeiawm lutuk a chet khum loh turin ka insum țang țang.



"Aw, tihtur in neih kha, kal leh zawk rawh, ka țhiante hian mahni prof nan a zan riah kilho an chak lo tih chu i hmuh thiam ve vek ka ring" ti hmak in thinur ru țûnin bag chu ka pawm țha sawk sawk a. Midang ho chuan ngawi țhap in keini pahnih chu min en țhup bawk.




"Ka rual a zanriah kil chu in hreh em ni?" Ti thum sup in kei min en lo chuan ka țhiante chu a melh kual nghal thuak anih chu! Ka ngei lutuk bawk si chuan a bek ah ham nghek ka chak hlur a.

"I zawh nawn leh kher kha a ngailo.." ti hrak a ka melh nghek na chu a rilo a min nuih suk in ka kut a rawn hum hmiah bawk
"Bawihi, a mak țhin, i țhiante pawn ka rual a zanriah kil an hreh thu an sawi miah loh hi.. nilawm ni?" ka kut hmer nghet salh pah chuan a ti sup. Chhang let leh chiam tum a ka âng ziau chu Sammy lo țawng vangin ka tawp ta chawt a.

"Kan hreh hleinem, kan awm loh laia Jeff i lo chinfel vang pawn Lola țhiante kan nihna angin lawmthu sawi kan ba hrim hrim" a ti a. Ngei lutuk hian Sam chu ka melh nghal rawm. Marawh chu kan eitur chah an rawn chhawp tak vangin engtin han tih vak na hman a awm tawh mang silo.


Malsawmtluanga hmek hmuk chuan hotel hnathawk nula hnen ah chuan kel-sa chu lo dah belh turin a chah sup a. Ka kut a hum run chu pawt chat chat mahila a thlah duh der bawk silo.




Kan thil ei boruak chu a zangkhai ta phian. I mean, keimah tiam lo in an zavai chuan Malsawmtluanga chet phung nung sur leh titi thiam lutuk vang chuan nuam ti zet in an țawng ho barh barh a. Kei erawh ka kut hum run tupa in Naan a pawh thler sa ka thleng ah a lo dah zel chu thinrim țukin kel-sa tui kawi nen chuan ka ei ve niap niap ringawt.


A duh phawt chuan Malsawmtluanga chu a nelawm thiam nang mai, Sport lam a sawipui a, Sammy leh Madina lah an lo phur bawk, sport lam ațang an zurlai kaihnawih ni deuh si politics lam thlengin a hrut kual pui a. A fing roh in thil a hre phian bawk sia. A chang leh ka țhiante chuan zawi sup a a ti ti thum dut dut chu ngaihsan hmel fe in an en leh dauh dauh țhin. Dawhkan hnuai a ka kut a hmer salh chang apiang in rum takin ka melh a. A thil sawi bahlah hauh lovin cool lutuk in a nui suk suk zel bawk.


🅰️👇🕊


Lalkimkima'n hmarcha a ei sual a, mittui tla țhawt a a khuh bawrh bawrh chu Sammy te chuan an fiam a, an nui zui ham ham. Chutia ka țhiante thum huk lai a ka bula mipa hrawl pui rawn chet chhuah dan chuan thawklehkhatah ka lungphu a ti chawl dûk a! Ka thawklak pawh a tawp nghal chawt!



A awm lum thur thur a min rawn sik chet chuan a awmah chuan ka tawm bo vek ani ber! A hmui lum thup in kan beng a rawn nawr tawk, "Min induh khum viau mahla, ka ngai che" a rawn ti thum sup anih chu!


A țawngkam hman naupangchhiat thlak zet, marawh chu a aw rilruih vang a lang ngenngawl ruih bawk si vang chuan ka awm chhung chu țek den dawt ang maiin a nghing lawih! Chet pawh che ngam lo leh thawk pawh thaw chhuak țha ngam lova ka táwm deuh chawi chu cool lutuk in min nuih leh suk a.

"I hria maw? ka duatte" a rawn ti thum ril leh ruih, a aw chu a zawi, ka hriat tur chiah a sawi chhuak anih vang in a aw zawi thum thuk ruih chuan min fan kual rawih rawih bawk. Chhang let thei lova ka lungphu chen a buai vek chu a rilo a min nuih leh sukin ka beng hnuai a lo thawk khum lum ham ham a.

"Min thlakhlelna neilo ang khan awm kual tawh suh, nangmah leh nangmah i intihreawm mai mai, duat ka chak tluk zet che in i taksa peng tin hian ka khawih velna a thlahlel ngawih ngawih, chuthil chu kan hre ve ve" a kawchhung ațangin zawi lutuk hian a rawn ti chhuak leh sup, a thusawi dik lutuk vang chuan ka kê țang thlengin ka țang at a. Prof Msa lah chu awm sawn ta mai lo chuan ka dar ah khabe a rawn nghat hmiah, a hmai lum vung vung chuan ka bek a rawn nawr deuh tawk a. Hahdam hmel lutuk in a thawk a la nghal suai suai bawk.


"He i rim nu zet pawh hi ka ngai tawh, i nghawng vun nem thep pawh hi" zawi lutuk a lo ti chhuak leh sup in a biang hmul chuan ka dar langlai chu a nul kual dun dun.

"Min thlahlel ve tho ani tih min han hmuh tir teh, Bawihi" a ti sup, ka tha chu a khur dar dar a, rem lo zet a hmel hmuh chian tum a ka thlek chuan Prof Msa chuan min thlakhlehna thum țhen miah lo in chiang em em in ka mit ah min lo melh let run a. Ka lungphu dat dat chu a sa pup pup, chutiang bawk in Prof Msa lungphu pawn min nghawr che dawt dawt.



"That's my Baby girl" a tih sup chuan hrethiam lo zetin ka en deuh heu a. Prof Msa erawh duh hmu tih hriat lutuk a kiai suk chuan a hmai in ka bek a rawn nawr leh a, a hmai lum vung vung in mur uai uai khawp a min nawrna vang te chuan engthil dang mah ka ngaihtuahna ah a lut thei tawh lo. Malsawmtluanga chet phung cool ruih tih chiah lo chu!




ka bek nawr chung chuan keimah leh ka rim chu min thlakhleh hmel lutuk in boruak a hip lut ham ham a, dawhkan hnuai a ka kut a hum lum thur thur pawh a hmer nghet salh bawk.




"Ice ka duh tel" Kimkima tih duai ri chuan prof Msa chet phung cool ruih in min aikaih tlatna lak ata chu min pawt harh zawk.

Rapthlak zawk hian a! Tun lawk khan ka țhiante an awm ve tih hrelo lek in a chetphung cool ruih leh lungrun ngûk bawk si vang khan khawvel dang daih ah ka lo awm hman anih chu!


"Awm.. awm țha rawh" ti sap in dar chu ka chet sawk, prof Msa chuan a taksa rihna te nen min ngheng titih in thatchhiat hmel lutuk hian a nui nghing dawt a.

"Awm țha rawh ka tih chu" ka țhiante'n ka țawngri an hriat ka hlau bawk si nen zawi chang zetin ka ti chhuak leh hlak. A rum ta nghut a. A awm țhat vut hma chuan ka beng hnuai chu a hmui in a lo nul thawi thuak tho. A hmui bul vun thap deuh hruih in ka vunnem lai a hrut thipna te chuan ka thisen a ti lum pap pap a.


Malsawmtluanga kiang ah chuan ka boruak tawn a sosang hma țhin reng a ni!

Kan awm dan chu ka țhian ten an ngaihven em tih ka en thuai a. Mahse, an buai buai a buaiin an lo ri bawrh bawrh a. Prof nen kan awm dan kha hmu pawh nise an tan chuan a mak lo ang. I mean, kan țhian ho hmuh laiin an bialnu/ bialpa te nen uchuak takin an khawsa fo a. In kiss, inkuah leh awm ho lai reng a han in khawih thuak thuak vel kha an tan chuan thil danglam anih loh tluk zetin an care vak lo hrim hrim



"In puar tlang maw?" Prof Msa chuan a ti zang vut, a țhu rem a, ka kut a hum lum vung vung chu la chhuak in ka țhiante veng thawng lo lek chuan hum run siin dawhkan ah a nghat zui hmiah bawk.


"Puar lutuk, tih ho leh ziah chi niin ka hria" Sammy chuan a lo ti thuai.


"Awi! Keipawh ka puar topss, kel sa hi hetiang tak hian a tui tih ka lo hrelo a, en mah ru, ka thleng ah hian bang pakhat mah a awm lo" ti deuh duai chung hian Kimkima pek chuan a thleng fai hliau chu a lek kual va va a. Prof Msa meuh pawh a nui chhuak hawk hawk.

"Humm, in over, tui ka ti ve a ni mai a" ti nghal nghal pah chuan thleng chu a dah tau sawk a.
"Lalremremi thleng pawh a fai hliau tho hi aw"

"Keipawh ka rin aiin ka ei hnem daih" Nuni meuh pawh a ti ve thlawt.



Darkhar reilote chhung a an nel chhin ngailo mihring kiang ah an hahdam hman lutuk chu mak ka ti hran lo! Malsawmtluanga mi hneh theihna ngah zia erawh ka chiang phah viau. Kan zing a khawsa turin mize naupangchhia a put luih kher a ngailo, a mize tak ruih leh khun khan rún dan ngai ang chiah tho a awmin midang te chu a mizia nen a insiamrem turin a thunun tlat zawk țhin.




"Thla thar lam ah kan ti leh dawn nia. Girls, dessert lam te?" ti chhuak sup in a hma a glass no chu a ban vut. A hrawkbawk lang sar zet che ralh ralh a tui a lem khawlh kawlh chu ka en dauh dauh a.


Lalkimkima'n a duh zawng a sawi nghal chul a.

Puar a intih tawh tehlul nen, dessert erawh a la lam hrawl viau. Midang pawh chuan an duh zawng an sawi sap sap a. Dawhkan ah glass chu nghat in tissue chuan a hmui a hru thuak. A hman hnu chu thleng sir ah dah in tissue thar chu a ban vut.
"Baby girl" a ti a, ka dan hman hma hauh in a tissue ken lai chuan ka hmui min hruk sak nghal vut.

"Ka ti ve thei reng" ka tih chuan nuih suk a lu thing nghutin tissue chu dawhkan ah a vawm thla nghal daih.



"Duatte, nang?" ti sup a, glass ah chuan tui thlit chhuak leh in ka hma ah a lo dah vut, keipawn ka lo ban ve mai a. "Thil dang ei chak ila nei em?" Aw kî ring hauh silova a țawngkâ chhuak tin chuan kan țhian ho chu engtin emaw tak min thunun vek ka tilo theilo. A mitmeng uk thim khup ah chuan en in lu ka bu nghat a.




"ka țhiante ei ang ani mai" ka tih sap chuan lu min buk nghut.

Hotel hnathawk tu a signal vut a, rang takin kan table lam ah a rawn kal thuai a, midang chuan an phone te khawih in eng eng emaw an sawi mar mar a. Prof Msa chuan kan ei duh ho chu a hrilh sup a. A lo luh tirh a ka țan mar teh lul nen, engtik lai khan nge inthlakhleh hmel lutuk a kan taksa a lo insik rial a, ka lo hahdam hman lah ka hre der lo!



"Professor, nichin a i nula lo hruai kha tunge a?" Lalkimkima chu țul tilo lutuk in ka melh nghek. Min en duh țhak lo zui.

"Ka cousin a nih kha, Lunglei ah clinic a hawng thar dawn a. Helam ah chakkhai a rawn lam khawm dawn a nih kha"


"I cousin tak tak maw?" a ti leh hram.

"Umm" prof chuan a ti nghut a. Mahse, a taksa ţang mar deuh țalh chu ka lo hre hman tho. Ngaihtuahna țha lo zet ka put leh dawn a ka inhriat vang chuan Nuni chu ka be daih a. Prof Msa pawh mipa ho nen chuan titiin football lam an sawi kai chho a. An tui tlang lutuk chu tuman haw rawt tum pawh an awm lo. A titi lah ning hmel pu hauh loin an ngaithla a, a tawp ah phei chuan fiamthu titak deuh in Lalkimkima'n 'prof Msa chu zirtirtu ni awm tak i ni, i fing si, i hriatna a zau bawk si, i zirlai naupang te rilru suk thlek i man chak ngawt ang, i class ah ning hmel pu an awm ngai pawh ka ring lo" a ti ta thlawt a. Atthlak tih hmel lutuk in prof Msa thung chu a nui suk suk ringawt.




Bill chu Sammy leh Madina'n pek pui ve an tum a. Kan Val Senior-a pui chuan a rem ti lo bur! Ka bag a khai run a, a kekawr ipte ațangin walet phawr chhuak a a che vel chu uluk deuh in ka lo en leh veng veng țhin. A lakah hian ka la lungawi lo em tih pawh ka hrethiam tawh lo!





Bill lah chu a sang ngang bawk. Kêl-sa hi khawi ram restaurant ah man a man a tlawm ngai hauh lo bawk. West Bengal( Kolkata) lam phei chuan Kêl-sa hi an han ngaisang mai mai khawp a. Chhungpui nu ber in kêl-sa a cook hluai tawh chuan a pasal leh fate kiang ah a duh leh mamawh zawng a sawi apiang an tihhlawhtlin sak vek zel a tih theih ang! Chutiang khawp chuan Bengali ho phei chuan Kêl-sa hi zu han ngaisang uchuak tlat a mawle.



Hotel dai ruih ațang chuan kan inzui chhuak dam dam a. Khua a lo thim ruih tawh a, traffic lah a tawt in pawn lam boruak chu a lo ni deuh hulh a.

Sammy leh Madina chu zial zu turin hotel tualzawl sir lam deuh ah an kal hrang a. Kimkima erawh a puar zia thu sawiin a țawng zat zat.


"Duatte, khawnge i scooty chahbi?"

"Ngatan nge i tih?" ka ti hu a.

"A awmna sawi la" ti sup in min nuih suk.
"Ka bag chhung ah khan" ka ti ve mai. A bu nghut a, ding khawng luah in ka bag chhung chu a dap ruk ruk a, ka scooty chahbi chu eng ngatan nge a hman dawn tih ngawt ka lo ngaihtuah ve chiam chiam ringawt.


"Kimkima a hian khalh haw rawh se aw, nang chu hruai duhna che ka nei" scooty chahbi hum run a ti sup tupa chu ka melh kawk, a mitmeng chu a thim khup a, tun ang khaw thim tawh ah leh nghal khawi a min hruai nge a tum ang?



"Yesss, Remremi'n min thlah a ngai dawn lo tihna ni mai lawm, Lalmate, petrol a full em?" Pakhat lah a lo phur sur bawk sia. Malsawmtluanga chu ka en leh a. Mit min siai suk in chahbi chu Kimkima lam ah a vawm phei zui daih.



Kan pahnih chiah a kan awm tak ah chuan ka țang leh ran tawh. Traffic thawl lutuk lo kar ah chuan
Kenny Rogers leh Dolly Parton te sak *You can't make old friends* tih hla chu a play a. Ka țhiante kha kan let hmasak san ta ngawt bawk.



"Give me your phone" traffic vang a motor a tih din dawt lai chuan a rawn ti chhuak sup.

Ka en deuh heu a, bolero hma lam chu a ban vut a, box chu a hawng a, a chhung ațangin phone cover ni awm tak a phawrh chhuak zui zat bawk.

"Bawihi" ti sup a ka lam ah kut phah a lo lek leh vut rual chuan ngaihna hrelo zetin ka phone chu ka pe a. A cover ah ka hman lai chu phawrh chhuak in a cover lak chuah zawk chu a vuah mual mual. Eng lam nge tih ka hre chak bawk si chuan light ka ti eng ta nge nge a. Mahse, phone cover ka hmuh chian rual chuan taksa pumpui chu a sa chuak pup a, ka lai deuh hui anih chu!


If you want to be ORIGINAL,
be ready to be COPIED😝



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » June 25th, 2020, 5:51 am

TETAKTEI
CHAPTER 30
WARNING: MATU** CONTE**❌




Ka awi thei lo zawk! Hetiang thil hi Professor Malsawmtluanga hian a ti ang tih rin ngaihna pawh ka hrelo.



Tleirawl inngaizawng te chuan hetiang couple thil hi an ti fo a. An ni ho chiah tih tur ah ka ngaih laiin mipa ah pawh kum naupangchhia tawh lo tak leh puitling khup tawh bawk siin heng thil a lo siam tir hi mak ka ti tak zet!




Ngaizawng ka neih ngailoh vang in inngaizawng dangte thil tih țhin ang hi ka ngaihven ngailo. Couple thil leh a kaihhnawih phei chu Lola hian a nei ve chhin ang tih tak ngial pawh ka ngaihtuah chhin ngailo.





Phone cover ah chuan kan pahnih thlak a chuang kulh; He thla kan lak lai vel pawh chiang lutukin ka hmu let uar uar bawk.



A room chhung ani a, darthlalang hlaipui hma ah ka ding lai kha ka hnung lam ațangin min rawn kuah hmiah in ka dul thlur vel a chul kual dun dun a. Kei erawh ig a thil post vel en in ka insawr bing hle.



Chutia, Ig a ka thil hmuh ho ka hrilh zat zat lai chuan ngawi ngul chungin a biang hmul thap deuh hruih in ka nghawng a lo nul kual dun dun a, a tawp ah phei chuan za ti lutuk in tal chhuah ka tum nghek bawk. Ani erawh a nui huk huk a, min man beh tlat a, tî za deuh a naupang taksa kan nawr zat sak nawk nawk ang a ka taksa nawr kual nghek a chin vangin ka hau hlak hlak bawk.




"En vat rawh" tal leh nak pah a ka tih tak ah chuan ka koki ah khabe nghat run in darthlalang chu a melh zui khúi a. Ka ner nghal nek bawk.


"What?" ti chhuak sup in ka beng a rawn seh zauh a.




"Malsawmtluang, i mak thei lutuk, i duh leh i hâ a ziau chuan 'gum' țhial rawh, keimah hi min seh vak vak zel suh" ti tûng a ka tal vak chu nghet lutuk a min kuah bet hlun hian a nui thum hawk hawk a. Min hrawm chiam loh leh ka taksa hi a hmai tlang hrawl lutuk a nawr kual in min ti za vek zel.

"Nui bawk suh, awm țha rawh" ka ti a. Nuihza insum zet chuan darthlalang bawk chu a melh leh nghal run. An family thlalak ka hmuh țum ang chiah khan a mitmeng chu a zim deuh sún a, a thim khup bawk.

Ka taksa lah a lungphu dup dup in a nghawr che dut dut bawk nen ka awm chhung a lum nghal vek.



"Khatin meng dûr khûi suh, thla ka la dawn" ka awm dan a hriat hlau lutukin a ban ah ben sak pawp pahin ka ti hlur. Atthlak tih hmel zetin darthlalang ațang a min melh run chuan a nui suk suk a. Chumi lai tak chu ka click ta chat bawk.

Ka click zo tih a hriat rual deuh thaw chuan a mitmeng lang lum huam chu chawp chilh lutuk in a danglam vek a, khap nachang hrelo lek a darthlalang aţang a ka en reng lai chuan pa lutuk a khi suk in min pawm kang nghal lawp anih kha!



Khum lam min pawm phei nawlh a, min bawh bet hmiah in chintawk hrelo khawp in a che zawm nghal buan buan bawk.....


Ka ngaihtuahna teh hrep vang chuan thawk hip let kawk in ka lungphu su dawt dawt chu tih reh ka tum a. Mahse, ka kiang lawk a Malsawmtluanga rim pa hrekhrawk hip luh tur awm reng vang erawh in ka thisen a lum tulh tulh thung...





"You like it?" Malsawmtluanga rawn phun sup ka hriat rual chuan ka en dawrh. Motor chhung eng sen ruih hnuai ah a mitmeng pa zet chuan min lo melh run tawh a.



Ka hmai zawn ah phone chu a lo lek kang vut bawk, a nui deuh suk ka hmuh chuan tawite in ka nui ringawt. Ka lai tih a hria nge mawni leh nghal, mit ti zîm sun chuan min melh run run a. Tlangval senior leh hetiang tih hi a inhmeh lo tak zet! Marawh chu eng emaw kawng tak chuan a cool ka ti tho bawk sia.


"I ta tur pawh i siam tir maw?" a kekawr ipte rem lo zet a a zen ruk ruk chuan a phone a lo phawrh chhuak vut a. Ka cover nen a inang chiah a lo hmang ve tho! Kan pahnih phone chu a hum kawp run, Ka mak ti leh lai tel deuh bawk si chu min nui suk duh lek leh nghal. A mize tak run țhin leh tun a a chet dan hi a in millo tak zet!


"I va mak tak" ti hal a ka phone zawk ka ban chuan min pe ve mai.

"Hetiang thil naupangchhiat thlak lutuk hi ka ti ang tih ka ngaihtuah ngai hauh lo" a ti hluk, ner deuh nawk in a phone chu motor hma ah a theh kai dawt a. Ka en chuan atthlak tih hmel deuh in a lo țhen suk a. A ti dik chiah. Engtin nge hetiang thil hi a tih ve phawng le?

"Ka lawm e aw" lai ru zet a ka tih chuan mit min siai suk in engine a ti nung vut, hmeichhe romantic tak ka nilo, Prof Msa ngei pawh engthil pek mah ka la pe ngailo. Amah zawkin a nachang a hria chu mak ka tih rual in a mah nen inhmeh lo ka ti tho tho.


Ka phone rawn ri thut chu ka en a. Ka rinloh deuh hian Jordan lo ni rengi; Prof Msa pawn screen chu a rawn thlek vut a. Hmui chip hmukin hma lam a melh nghal ngur.


"Jordan?"

"Vawiin i buai em?" a rawn ti a, ka buai loh thu leh kan țhian ho hun hman dan tlangpui ka hrilh lang lang, Prof Msa hmel tak ngul erawh in ka awm a ti nuam lo.

"Kimbawihi chu a zia deuh tawh em?" ka tih chuan a țhat thu in awlsam zetin min chhang a. Rei pawh kan inbelo.

"Kimbawihi chu a nuam lo em ni?" Bag ah phone ka thun rual a lo ti nghut.

Ka en deuh dawrh a, a motor khalah chiah rilru pe ang hrim in kawng a melh run.

"Umm, nizan ah a pum a na a, damdawi in ah an lut a" ka tih chuan min en hauh lo hian mitko a ti hnim khúi.

"Chanchin an va rawn sawi silo ve" bung zet hian a ti leh nghut.


Chhan tumin ka ang ziau a. Marawh chu thil eng emaw bing zet a ngaihtuah a an tak em vang chuan ka ngawi ta daih.


Pa Saia țhianpa fanu ani a, an chhungkua inpawh zia lah ka hre ve. Nu Hmingi rengin Kimbawihi a duat mai.

Restaurant țhenkhat kan tlan pelh chhung a chhungkua a zanriah ei chhuak te ka hmuh chuan ka thlir let dauh dauh a.


Ka ngaihtuahna in ka kum15 piancham ni a chhui let chuan rapthlak khawp in ka awm chhung a rawn na nghal ngut ngut a, kut ka hum ruh ngang mai!


Muani leh ka pa lo mu dun kan man chhuah ațang thla a liam tam lo. Ka nu hnen ah ngaihdam a dil miau vangin ka nu pawn ka pa kha a ngaidam leh a, țha te te in kan awm ho emaw tiin ka pincham chu ka u tello in hotel pakhat ah kan chhungkua lek a lawmna neih kan tum a.

Ka pa chuan hna vangin a lo tlai deuh tur thu a sawi lawk tawh vangin hotel ah chuan ka nu nen kan kal hmasa a. Chutia kan nufa a hlim tak a ka pa kan nghah lai chuan ka pa leh Muani te nufa chu hotel chhung ah an rawn inzuilut ve ta mai a! Ka nu nen mak ti lutuk a kan meng phar kawk kawk kha ka pa ban bulah kuah chungin Muneki chuan nuihsawh fahran hian kan nufa chu min melh ralh ralh a. Ka pa erawh a meng dawih dui. Chu aia rapthlak zawk in Muani chu a che zawm a; Ka piancham lawmna tur a kan table book lawk sa bul lawk kha a lo book ve vek chu niin!


Ka pa lah chu kan nufa kiang a rawn kal chu sawi loh! Ka piancham ni ah ngei mai Muaneki fanu pass a lawm sak ham ham a, kan nufa mit hmuh ah ngei thil thleng chu a rapthlakin a tha nat thlak em avang chuan kei leh ka nu chuan kal chhuah nachang pawh kan hrelo!



Kan nufa kan awm ve tih leh, ka piancham ani tih hrechiang em em tu Muani chuan ka pa a chelh beh miau vangin nuam a ti phar phar viau. A khat tawkin "Beckte, apa hnen ah i pass lawmnan eng thil nge i dil dawn?" tih thu kha kan nufa țhutna dawhkan lam rawn melh kher chungin a sawi chamchi a. Ka pa ka huat zual ngawih ngawihna belhchhah turin ka pa lah chuan a sir lawk ah ka awm ve tih hrelo lekin 'lehkhathiam thei tan chuan engmah ka ui hleinem, eng nge i duh sawi rawh, kan lei ang' tiin Becki sam ah a chul sak hliau hliau a. An bul lawkah ka pincham lawm turin kan nghak tih hrereng chung a a fa pawh nilo... nupui a nei tih hrereng chung a kawp duhtu fanu hnenah thilpek pek a inhuam em em ni ațang khan birthday gift te hi ka dawng duh tawh ngailo. Khami ni a thil thleng vang khan ka birthday pawh ka hlut tawh lo a, lawm phei chu ka tum chhin tawh ngailo... ka piancham ni kha kan nufa tan ni anchhe dawng! Ka nu thinlung ințhui khawm der der thler leh na ni a ni miau tlat a!


Prof Msa phun ri hluk vang in ka phu deuh zawk! Inthing harh a ka han en hû chuan traffic tawt lutuk vangin dawhtheihna tlachham zet hian a lo phun hluk hi ani a.


Thawchhuak ham ham a ka inthlah dul meuh chuan ka kut hum ruhna vangin ka kuttin in ka kutphah a lo chhun na hlur hman tho!


Hun kal tawhin ka thluak a rawn luh dawn apiang in duhlo lutuk in ka inseh ruh a. Ka taksa chu a kham na vek hial in ka hria. Vawi khat lek pawh ka ngaihtuahna ah an rawn let hlek hian tih reh dan ka thiam tawh ngai silo... a ipik thlak tak zet.


Aizawl khawpui chhung chu kan tlan pel a, hnehsawh zet a steering thunun tupa chu ka mit sir leh zeuh țhin, 'thunun tu a țan hi ka nuam tih zawng a lawm' a tih sup kha ngaihtuah let in ka nui chhuak ta hak.

"What?" ti chhuak sup pah chuan ka malpui ah a kutphah lum thup chu a rawn nghat thuk. Ka lo tawm deuh chawi mai.


"Khawi ah nge kan kal dawn?" ka ti a. Ka malpui a lo hmer deuh salh vang chuan ka che zuau bawk.


"Folkland ah ka in sak a zo tawh a, hmu hmasa ber turin ka duh che"


"Maw?" Ka.. ngatan nge in dang a sak leh tawh a?" Mak tih vang a ka ri deuh hlut chu min nuih suk in ka malpui bawk chu a hmer leh salh a.


"Caffe tur a nia, kar kalta khan an zo fel chiah" a ti sup. Sawi mai tur hrelo zet in ka thaw chhuak halh, mak ka ti! Professor hlawh hi a tlem chhe lo tih chu ka hria a. Mahse, a duh duhna ah hian in a sa deuh thawr zel mai hi mak ka ti tak tak!


Caffe chu a 'run' tur a ni em? tih vel chu ka ngaihtuah thleng pha ve nangin zawhna zawh chiam tur pawh ka hrelo. A chhungte hriat miah lo in in lian țha zet a nei tawh a, tunah a nitin khawsakphung a khaih lak lai pawh ka hriatpui miah loh karin caffe tur a lo sa zo leh der. Khawi a sum em em nge a neih ang? tih te chu ka thluak tereuhte chuan ngaihtuah ngial mahila chhanna ka nei chuang hlei lo a.



Ral leh lam ah Aizawl khawpui a lang de tuar a, caffe tur building thim ruih chu a tê chhe lo tawp tih en mai pawn ka hrethiam ve mai.


Prof Msa chu a chhuak vut a, folkland a caffe dang pawh an la lun luih luih viau. Ka țhutna lam min lo hawn sak ah chuan ka chhuak a.

Kawngkhar chu nam phui dawt in ka kawngah a lo kuah zui hmiah. Motor bul ațangin building chu kan thlir deuh vang vang a. A hmun hma a rem in in sak dan lah a sap kut chhuak riau bawk nen customer a hip phian ang.

"Lut ila?" a tih sup chuan ka en chho hà, ka kawngah hmer salh in building thim mup lam chu a lo thlek vung vung.




Light a tih en kim meuh chuan mak tih vangin ka thaw chhuak hliai a.

"Caffe ngawr ngawr tur a nia, eng nge i ngaih dan?" ti sup in switch awmna lam ațangin a rawn pen let pawk pawk a. A pian phung hrawl pui leh hlauh neilo tih hriat tak a hmel tak ngul chu en in dar ka ti chhing ak ringawt! Sumdawnna han buaipui vel tur a tan chuan Malsawmtluanga thluk hi an awm leh tawh chuang lo ang. A induhtawk in huatthlala ni hauh silova midang thunun a hnehsawh em em a. Business man ah in let daih pawh nise a in hmeh leh thlup tho ang.

"I enkawl dawn nge, midang i chhawr dawn?" ka ti a, ka bul ah rawn ding khup in caffe chhung chu a thlek kual pah thuak a.


"Enkawl turin min duh em?" ti sup in min en chhuk ruai ruai a. A mitmeng thim khup ah chuan fimthu a lang hauh lo bawk.

"Ka... ka hre nang, i hna hi chawlh san i duh em ni?" ka ti bah nak, a nun a thuthlukna lian tham lutuk tur ah min rawn thut țhin hi dawnsawn dan ka la thiam lo cheu bawk.

Prof Msa chu ka chhanna vang chuan kiai deuh suk, min din hnaih zual hrut in a ban tha ngah zet pahnih chuan ka kawngah a rawn man nghal run. Mit zím sún a min melh run pah chuan a rawn kun hniam khún bawk.


20200331_012648(1).jpg
20200331_012648(1).jpg (33.88 KiB) Viewed 20021 times
"Pasal a tan eng zawk nge i duh? Professor nge Business man?" ti sup in ka hmai bul hnaih set sawt ațangin pa lutuk hian min nuih suk a. Ka lungphu chu a rik hian a ri dawt dawt.

'Pasal a tan eng zawk nge ka duh maw?'

"Business 'run' tur a min duh chuan professor hna chawlh san in ngawrh zawkin chulam kawng ah chuan ka insawr bing ang. Mahse..." ti thum sup hian a kut lehlam chu muang ruin a rawn lek kang ruai ruai. Ka lungphu a lo rang zual sauh a, a hma lam hun tur chu ka thuthlukna ah a dah tawp vang chuan ka awm dan phung a buai vek bawk.


"Ka nupui tur hian professor nupui nih a duh chuan he lam chu midang ruaiin ka zauh zel thei tho" a aw chu a thuk ril ruih mai a, ka biang a rawn nul dun dun bawk, hmel pa ruih chu ka en țhin a, min rawn der hmel nilo in tih tak zetna ka hmu bawk, hetiang thil pawimawh lutuk chinah leh nghal hian a kum aia nau zawk fê min dah pawimawh a, min rawn thlap hi rin mai harsa ka la ti.



A hmui lum thur thurin ka chal a lo nawr chuan mitchhingin a hrawk zawn ah ka thaw chhuak halh a, a kutphah lum thup pahnih in ka biang a khup run bawk.


Ka meng chhuak leh riai riai a, ka hmai bul hnaih set sawt a min lo melh chhuk vung vung tu chuan ka țah a ti chhuak țun ringawt. "Hahdam rawh Bawihi, ka țhawng deuh thut bawk si che a, rilrufim i la hmang thei kher lo ang. Khalam chu țum dang ah sawi ah dah rih ila, he caffe hming put tur erawh zanin ah ngei ka mamawh" ti sup in a kutzungpui chuan ka hmui hnuai a lo nul thuak.

"A hming tur maw?" ka ti ha, mitmeng danglam ruih a min chhun en run chuan a bu nghut.


Ka ngawi deuh vang vang a, ka rilru chuan ka naupan lai a ka nu thawnthu bu min chhiar sak pakhat a chhui kual rawih rawih bawk. prof Msa erawh in a kutzungpui chuan ka hmui a lo nul kual dun dun a.

"OMELAS" ka ti chhuak sep.

"OMELAS" ti ve sup in ka khabe ah a rawn dawm vut, min kuai dak a, a kiai suk vangin a mitzîm sut bul ah chuan vun chuar a kal phei ruih. Tawite hian ka nui ve a.

"OMELAS awmzia chu i hria em?" ti sup in ka hmai bulah a rawn kun hniam khun bawk.

"Ummm, OMELSA chu Ursula Le Guin thawnthu ziah, the one's who walk away from OMELAS tih a mi, Omelas kha" ka tih chuan Prof Msa mitmeng chu phurna vangin a rawn de sawr sawr ka ti mai, 'sawi zel rawh' tih nan mit a khap muang ruih bawk. Ka naupan lai chuan ka nu in min chhiar sak țhin a, ngaihnawm ka tih tluk zet in ka ngaihtuah zui nasa țhin lutuk.



"OMELAS chu khaw hming ang in a hmang a, chu khua ah cheng mihringte chu an inlungrualin an inngeih tlang em em a, tualchhung buaina emaw, inthliarhranna pawh chu OMELAS khua ah chuan a awm ngailo, mirethei leh hausa ang khat a an len ho na; Utopia kan tih mai, duhthusam ram, sawiselbo ang maiin a ziak chhuak a. Chuan, ughh, i hrethiam mai em? He caffe pawh hi i 'run' chho zel dawn anih chuan mi zawng zawng angkhat vek in i en a nga, mirethei leh hausa thliar hrang miah loin he caffe ah hian lo dawngsawng la..." ka thiam ang tawk a uar lutuk a ka sawi deuh nawk nawk chu ka kawngah ban rawn suih bet hmiah in min nuih suk suk.

"Ka van sawifiah thiam lo tak..." ka ti hlak. Ka nui ve hak hak tho.


"Ka hrethiam e" ti sup chuan ka chal ah a rawn fawp a. "OMELAS... Official takin zanin hian OMELAS a ni nghal e" ti leh sup in a hmui lum bawk chuan ka chal chu a lo nawr leh tawk.

"Nangman phuah duh dang i nei lo mi?" ka ti a, ka en chho ha bawk.

"Nope, i chanpual a ka dah sa hrim hrim kha a nia" a tih sup chuan mak ti zet hian ka en kawk a.

"Chanpual a? He building hi engtik khan nge i sak tir reng reng a?"

"Thlathum lai an khawih"

"Thlathum lai ah? Lai anih lo chu.. nanghi tu chiah nge i nih, engtin nge i duhna hmun hmun ah hian in i sak thawr zel a" ka rilru a lo lang hi ka thup thei thlawt lo.

Ka thil sawi vang chuan Prof Msa hmel pa zet chu a rawn danglam ruai ruai a.

"Khawi a pawisa nge i neih țhin a? Sumdawnna țha lo ah i rawlh em?" Hlauthawng rilru tak a ka en tim dai chu rawl lian leh thum lutuk in min nuih ta huk huk. Ka ner nang a. Ka nuih pawh a za ve bawk lo.


Insak nan a sum sen chu thuran, a sakna hmun hma pawh hi cheng nuai chuang fe ani dawn.. hepa pui roh hian sumdawnna diklo deuh a khawih tel te anih ka ring tut tut tawh.


"Malsawmtluang, nui ringawt lo khan min chhang rawh... he caffe sak nan hian sum i seng tlem miah lo tih ka hrethiam ve tho aw" ti pang pang a building chhung ka en kual thuak lai chuan min pawm kang lawp a. Inring hman lo lutuk in ka khek tuar mai.


"Min pawm lawp zel suh" ti vak in a darah ka beng țawlh

Nui chhuak hawk hawk in min pen sawn pui pawk pawk a. Caffe chhung ah chuan mamawh engkim a awm vek tawh, bang kil lam a kailawn awm ah chuan min pen chhoh pui nawlh nawlh a.

" khawnge kan kal leh dawn?" ka ti tung.


"Ka hna chawlh san tur a min duh tak hlauh chuan tiin ka office tur a hran in ka siam" a ti nghut. A nghawng ah ka kuah țai a, inchung kan chhuah chhoh chuan cabin hrang hrang a lo in pingdang thluah a, karoke cabin bik tur te anih ka ring.



Room pakhat fal deuh nalh zawn kan thlen chuan a darin kawngkhar a nawr hawng a, min pen luh pui vut chuan switch a hmet eng zui zat.

"Wow" ti halh a pindan chhung ka en kual chu khum zau zet in hung lam ah chuan min pawm phei nghal zat a.
Khum ah chuan min nghat dawt in min bawh bet a, ka mal pahnih chu pawt zau deuh hrawk in a inkarah a taksa rit nulh a min bawh bet leh zual pah chuan ka hmui ah a rawn fawp nghal ngawng ngawng. A lei hrawl leh thap hrak chuan duhtawk in ka kâ chhung a hawl kual ngawng ngawng a, hetiang lam chu a hnehsawh zawng tak anih vangin nui hak in ka chhang let ve nghal zat, a rum ham ham a, chu a rum ri thum ruih leh lei sa huam mai duhtawk a ka kâ chhung ah a chet kual tirna chuan ka dang a ti za uai uai; chu chu ka hrawk kal thlain ka thin chhung thlengin a fan mur chhawk chhawk. Phurna nasa lutuk in min tuam hlup hlup bawk.


Warning🔥🔥___🔥🔥___


Thaw lum hawm hawm a min fawhna ațangin inla hrang ruai ruai hian a kut lian leh hrawl zet chuan ka lu zawnah a in nem khalh nghal run, ka chal ah chal rawn nghatin a taksa hnuai lam rit nulh chuan ka ka* zawn chu a rawn d** nghal salh salh bawk. Ka kâ aţangin ka thaw lum hak a, ka mal inkar za nghal uaih vang chuan tîm chawi chung hian Prof Msa ban chu ka hum chawt, a rawn nui lum nghal hawk bawk.

Ka melh deuh rawm a, pa zet a kiai suk in ka mal pahnih chuan a kawngah min kherh beh tir a, chutiang chung chuan min bawh bet leh a, a thil lian leh ruh țul tawh chuan ka malinkar chu a do run. Ka lung a phu rang dawt dawt a, thim khup leh awm ze nei lutuk a min melh ngur chungin a taksa hnuai lam chu a rawn ti che kual a. Ka taksa za chhuak vek vang chuan thaw hak in ka kherh bet nghet vak.


"He khum zau zet ka dah luh tir lai khan nang tereuh chiah hi ka ngaihtuahna ah i awm" ti thum hrawk in dimlo lutuk in kan thuamhnaw inbel chhan ah chuan a rawn d** deuh zawt zawt a, amah a rit nulh bawk si ka kap kar chu current man ang maiin a za țek chhawk chhawk!

Ka awm dan chu hrethiam in nuihza insum zet hian min melh chhuk run, chutia a mitmeng thim khup a min melh run chung chuan ka mal nawr zau deuh hrawk in a rawn d** leh salh salh, ka mal inkar leh tai bawr za chuai chuai chu ka tiril a zawh chhuak vek a, rum chhuak lo turin hmui ka pet nghal fan fan.


"Hrep a! Min induh khum ang maw? Bawihi" nui suk in chimawm lutuk a min melh in a rawn che uar zual sauh anih chu! A awm lum thur thurin min delh beh chet na te, kiai suk suk a min melh run paha a rawn nawr salh salh rual a ka mal inkar sa pup pup te chuan min hnawh tup tup a, tawm chawi a a nghawngah kuah bet vang a ka nghik chhuah feih chuan thum lutuk in min nuih rum hawk anih chu!

A tawp a, thaw chhuak kawk chungin ka kuahna chu ka phelh thawl a, ka taksa erawh a sa bulh bulh.



"Ka... ka zawhna che kha min chhang phawt rawh, khawi a sum nge i neih em em?" Ka sawi zawh rual chuan chil lem dawk in ka thaw leh halh

"Fu**! Malsawmtluang" rapthlak ti lutuk in ka au chhuak nghek; ka mal inkarah țhingțhi run in ka kekawr kawng a pawt thla hrawk a, chutia au tuar chung a ka indang tur chu rum hawk in ka kekawr chu ka pawt hlip thla nghal vek anih chu!



Ka mal chu tawm in a nawr zau leh hrawk a, a inkarah rawn bawk nghal hmiah pah chuan "Min zawh duh chu min zawt thei ang; mahse hun khawhral lo zawngin aw niang Kitten" a ti thum sup. Ka malinkar ațangin a mitmeng thim khup chuan min melh chho nghal run bawk, thaw hak hian ka kiu in ka inbeng kang ve vat a. Marawh chu a biang hmul thap hruih a ka mal chhung a nul kualna vang chuan tawm chawi in ka inpet ruh nghek.


"Bawihi, zawhna pathum chiah ka chhang ang, i hun a in țan?" rawn ti chhuak hrawk in ka thong lace pantie hma lam chu a thawk khum lum hawk. Ka ngei lutuk bawk nen a sam ah keh nghek ka chak rum rum.

"Khawi a sum nge i neih em em a?"

"Ka thawh chhuah bak ah ka pu min ro chun țhenkhat tlem a zawng bak ka nei lo" ti thum sup in a hmui lum thur thur chuan ka malpui invuahna lai vel a nul kual dun dun.


"Ih.. chupawh nise.. ka.. enteh, khatia min lo tih zel chuan engmah ka ngaihtuah thei lo" ka tukhum chuan lukham ka nawr nghek, a kut hlai leh hrawl hrup chuan ka pantie hma lam rawn hup nghal chawt in a nuai nghal nawk nawk anih chu! Zauthauna in min rawn tuam a, ka eu nghal ngawng ngawng, amah ka ngei bawk si leh a thil tih vang a ka taksa a nawmna nasa lutuk in mung khawm tup tup chu ka taksa chuan a dawl zo dawn lo emaw tih hial khawp in ka khur ngawt ngawt.

"Zawhna dang ila nei em?" ti hrawk in a khi suk, a kut che nawk nawk a tawp rual deuh thaw chuan thawk la kawk in ka awm a in sep dawrh dawrh, ka malinkar erawh a za nuam em em lawi.

"Ka ngei lutuk che.." mal chip chawi chawi chung hian ka ti țhat! Malsawmtluanga hmek hmuk chuan sexy zet a nui sukin mit min siai suk ringawt. Ka ngei tak tak, a zei bik lutuk leh chet lak dan a hriat hnawhsawh em avangin a duh dan dan hian min ti kual ziah!

"He lai ram leh hmun hma hi ka hming a awm sa a ni a, building sak nan chiah hian sum ka hmang, dawrpui kan building luah te sawn luah man an pek țhat vak loh vangin inthiar chhuah nan thlakhat hun ka pe, an chhuah fel hun ah caffe bawk run nan ka hmang leh a...chuan, Lunglei ah hemi building rual a sakzawh fel chiah a awm bawk. Chung pathum bak chu thil dang engmah a awm lo" ka ka lu bulah lo inbengkang vut in a phun sup.
"thil dang hriat duh ila nei em?" ti leh sup in ka hmui ah a rawn fawp ngawng ngawng a; ka taksa la pangngai bawk silo nen a hmui lum leh lei a min sawngbawl velna chuan ka thisen zam thlengin a fan za chhuak vek.



A chawl a; muangchang a awm kang ruai ruai in ka mal a nawr zau leh hrawk bawk.

"Ih.. hmun dang ah.. ka tihawmzia chu ka.. in sak lai te i nei leh em? Sumdawnna țha lo ah i inhnamhnawih miah lo tak tak maw?" ka ti a, a sum neih zat ka hriat chak vang pawh a nilo, rin loh pui pui hian thil a ti ziah zel a. Ka ngaih a țha zan lo tak zet.


"Ka zawhna che kha chhang țha rawh" a darah nam vak hian ka ti a, min melh chhuk run in a kamisz kilh a hmet phelh hmawk hmawk, a che reng reng ni buan buan chu ka melh leh rawm rawm țhin a.

"Eng sumdawnna țhalo ah mah ka inhnamhnawih lo.. ka thil țha lo tih chhun erawh he khum zau zet a hmeichhe tetakte laka insumna ka tlachham țhin hi ani mai" ti hrawk in ka kawngah a rawn man nawlh, min chawi kang lawp in ka malinkar chu a rawn nawr tawk, ka nui chhuak hak a, Prof Msa pawh nui chhuak ve hawk in min bawh bet leh nghal hmiah.

"Ka ring thei che a ngem?" a hmai vun uk sen khurh chu ka kutin ka dawm a, a sa vung vung
"Min ring rawh; i lakah bak hian thil țha lo tih ka chak hrep lo ve" bung zet hian a rawn ti hrawk. Ner nangin lu ka thing nghat a, a awm bawr tihrawl sek phiar nalh zet leh lum thur thur bawk si chu melh kual dan dan in ka nui ta ringawt.


"Chintawk awm hlek lo a talpui che ka chak viau a nia. Ka hmangaihnu" ti chhuak sup in ka mitah min melh ngur chuan ka lu bulah a rawn in nam khalh run a. Ka tshirt leh bra chu ka nghawng ah a nawr tawm chho in a pawt hlip nghal vek. Ka hnute bu kawh lah, khuh tu awm lova an awm tak ah chuan thawk la ri hrawk hian a mitmeng thim khup chu ka hnute ah a fu zui ngur a. A mitmeng thlenna apiang chu mei alah a hliau ang mai hian a sa hut hut a. Sexy lutuk a a hmui hnuai seh pah chuan mit a ti zîm nghal sún.



"Ka ta anih hi" a ti nghut, khawih ta mai lo chuan it hmel zet in a melh ngur ngur; ka taksa mur uai uai vang chuan ka hnute hmur țang țalh țalh a, zak ru deuh hian ka inhup ta chawi bawk. Prof Msa chu a rum nghut.


"Bawihi, lo inhup suh" ti sup in ka kut chu a la sawn vut, run zet hian ka rum chhuak hak. Prof Msa chu a mit bul vun chuar langin a lo kiai suk mai.

A dar hrawlpui chu a rawn hniam ruai ruai a, thil lo thleng tur ka hriatchian em vangin tawm chawi chawi chung hian khum khuhna ka țham chawt!

"Ka ta... Bawihi, i taksa pum hi ka ta vek, chu chu i hria em?" thum ruih a rawn ti chhuak dur durin a kâ chhung sa huam chuan a rawn hmuang nghal hmiah!

Chintawk awm lo khawp hian a rawn fawp dawk dawk a, ka taksa chhung a za kual uaih uaih, ka thaw hlei thei lova, keimah a chakna awm zawng zawng kaihthawh tum ang hrim hian koham lutuk in chet a la buan buan, ka mal chu pawt kau hrawkin ka pantie chhung ah a zen lut tel hmiah, ka ***n chu chak mangkhen hian a nuai nghal nawk nawk bawk! Chumi pah chuan koham lutuk in ka hnute a fawp dawk dawk tho! Nawmna nasa lutuk vangin ka nghik feih feih a, ka khur leh dawt dawt țhin. Chutia ka taksa in a lo dawnsawn dan a hriat rual leh lek phei chuan ka dawl zo em em lo ang tih tur khawp hian a rawn che zawm a! Prof Msa chet dan chu sakawlh, a chanpual tuma chhuhsak duh lo tu, mahni a pumbilh vek a, na thei ang ber a chet lak duh tu chiah chiah ani mai!


"Tun ah hian duhtawk a ** tur che in min duh em?" Ka beng bulah khur ru dur dur a a rawn ti chhuah hrawih chuan ka malpui inkar chu a za uaih. Ka nui hak bawk.


Rum hrawih in ka hnute hmur a seh a. Tisa chakna vang a a chal sa vur chu ka chal ah a rawn nghat dawt bawk. Ka hmai bul chet ah rawn thaw chhuak hawm hawm pah chuan a kutțang hrawl zet pakhat chu a nawr lut riai riai a.. a luhna chin apiang chu a za chum chum a, a kâ ațang thaw chhuak ham ham hian a kutțang a thun thuk rual chuan a rum dur dur.

"Min chhang rawh Bawihi, i *** chhung sa nuam zet mai hi duhtawk a *scencor turin min duh em?" ti chhuak hrawih pah chuan a k*** lut nghal zawt zawt; ka beng bulah chuan chak hmel lutuk in a rawn rum dur dur, a kutțang a hrawl in ka mal nawr tawm a, a kar a rawn țhingțhi run ani bawk nen a nawr lut zawt zawt ani ber hian ka hria, ka awm chhung so bulh bulh leh ka kap kar za chuai chuai vang chuan awm ngaihna pawh ka hre tawh lo!! (?)

"Ka.. ka duh.." tal nawk nawk chungin ka ti chhuak phawng, rum chhuak hrawk in a kutțang chu a phawi chhuak a, ka ip zui chawi chawi mai! Khum zau lutuk mai nghing che dawt dawt leh prof Msa rum nghut nghut te chuan ka tluak a ti chawmawlh vek!

Ka ké aţang ka pantie a pawh chhuah lai te chu ka hmu phe ruai, vawi leh khatah ka ke chu man kawp in ka awm ah a rawn nawr tawm chho tawk a! Ngialngan lutuk in ka malinkar chu a lei thap hrakin a rawn l** kual nghal nawk nawk anih chu!

"Aaahh.. professor" ka nui nge ka țap chhuak zawk pawh ka hrelo! Ka hriat zawng chu a lei leh hmui hmang a min sawngbawlna hi ka taksa in a dawl zo dawn lo!

"Min mamawhna rim leh tui hnang a rawn chhuah hian nuam ka ti țhin tih i hriat kha" ti hrawih in ka mal chu a kuai zau hrawk, a hmui bul vel huh hluam chung a rawn insiam rem vutin ka malinkar ah chuan a țhingțhi nghal run. Ka khawhmuh chu thim sulh sulh mahse Prof Msa hmelpa zet leh min mamawhna nasa lutuk chu ka hmu thei vek thung.


A savun kawnghren a phelh nghal rawk rawk a, a kekawr chhung ațang a mipatna lian țha zet chu phawrh chhuak in ka malkar melh run pah chuan a h*** nghal zawt zawt anih chu. A rum dur dur thawm te, a mitmeng thim khup a ka kap kar a melh ngurna te chuan min ti zauthau tulh tulh a.

A ban tha ngah zet a thisen zam lang val kulh leh a tihrawl in phiar kual țawlh țawlh chu thlan in a rawn bual huh dup.



Prof Malsawmtluanga's pov


Țhingțhi run a ka in ***** zawt zawtna hnuai a saruak ngal ngat a hmeichhe mu malinkar en ngur pah chuan ka ti rang tulh tulh! A bul tir te ațangin a tawp rat thleng chuan ka ***** l** pulh pulh a, ka lungphu su che dulh dulh leh thisen lum pup pup chuan min țham za chhawk chhawk bawk. Chutia mahni inkhawih pah reng chuan Bawihi malinkar huh hliam leh sa hat hat chu ka zuk nawr ta nawk nawk! Sexy lutuk hian a lo rum hak a!

f**k!

Za a tih luat vang a a mal chip tur chu ka kut lehlam a kuai kau sak leh hrawk in duhtawk in a k** kar chu ka nawr nawk nawk, a thawk lak dan sexy ru lutuk chuan ka thluak thlengin a nghawr nghing a. A **** bik ah bur a kan nawr kual leh sak tak tak chu... ka hming lam in a tal nawk nawk; a malinkar chu a sa zual sauh a, ka precum te nen chu nal țha tawh tak ani tawp!


"f**k... Bawihte, i kâ ang rawh" ti hrawkin a sosang lai chu ka pawt tho lawp. A kâ chhung sa nuam zet hi ka lei leh hmui chiah lo pawn belhchian a chak ve tho.

"I kâ ang rawh" ka ti khur dur dur, a mitmeng vam hiam, marawhchu dava riai lawi si vang chuan zanin hian a kham khawp hnap pe duh in ka khat bawk.


Ka thil lian țha zet leh khawng ruh țul tawh chu a kâ ah ka hnawh lut a. Ten hauh lova ka ngenna a tihlawh tling reuh chu ka khik pui suk, a kâ chhung sa ham ham ah a chanve ka nawr luh meuh chuan ka hrawk hruih thlengin a phu zawih zawih, a tukhum sam ah ka țham a..... scencor


Ka tla tak ngial dawn a ka hriat vang chuan rum chhuak hawk hawk in ka phawi chhuak, bawihi erawh boruak kham lo in a thaw hak hak reng a.

"Good girl, tun ațang chuan ka ***** chiah hi hak turin ka duh che" ka ti sup, a hmui ah fawp leh ngawng ngawngin khum ah ka bawh bet a, rilruih ka fawh lai reng chuan ka thil hmawr sa hut hut leh ruh țul in a ***n zawn ka rawn nawr kual nawk nawk.

"Professor" Khi suk hian a aia a uar in ka rawn nawr bet nghek.
"Uggh... ka.. ka" a sosang lutuk awm ngaihna hrelo hmel leh mitmeng vam hiam chu hremhmun ka tlak phahna tur pawh nise hmuh reng tur a hetiang a nawmna thlen hi ka duh zel tho ang!

"I thil duh chu ngen chhuak rawh, Bawihi" a bengbul ah ka phun sup. Run zetin min melh ling hlar nangin *scencor* ka chak tawh tluk zetin ka **** a mamawh tawh lutuk!




"Khawngaih in" a rawn ti hak, a aw khur dat dat chu lawmawm ti zetin ka nui rum hawk. Bawihi erawh meng ling tawh tik tek viau.


Show post links
Top
Abbra Reo Ririni
Post March 30th, 2020, 11:05 pm

20200331_012835.jpg
20200331_012835.jpg (14.39 KiB) Viewed 20003 times
"Eng chu maw?" ka ti nghut, thun tur ang deuh in a hmeichhiatna ah chuan a hmawr ka nawr lut a, a lo thaw ham ham. Ka ngaihtuahna țhenkhat chuan fiam leh hlek a chak miau vang chuan ka phawi chhuak leh daih a. Hrilhhai hmel tak a Bawihi rawn meng deuh kawk chu a hmui bul ah nuih suk in a bul vel chu ka nawr kual leh nawk nawk. Amah ațangin tui hnang a rawn chhuak țha tawh bawk nen duhtawk a ka nawr kual nawk nawk laia ri chawk chawk thawm insiam chuan ka awm chhung a nghawr so phulh bulh, Bawihi rak chhuak țhat țhat lah chuan min ti sosang zual a, ka khaw hmuh a zim sulh sulh.

"Professor khawngaihin.." a ti rum hak.

"Eng chu maw? Tunah hian scencor hrep tur che in min duh em ni?"
ti chhuak leh hrawk in ka thil chu vawi leh khatah ka nawr lut nghal thawih! A kawchhung sa nuam zet ah tawt lutuk a ka luh vek rual chuan ka rum ve hrawk tho! Nuam ti lutuk in Bawihi chu a rum hak hak a. A tan a len tham em vang erawh chuan a khur deuh chawt chawt a!

"Min la chhang hauh lo" bung vut a ti nghutin ka phawi chhuak thut, a tla hman ţep, inthunun hman lo tih hriat lutuk in a lam ah min pawt hnaih nawk nawk, ka lo khi suk thung.

A lu bulah chuan zuk in nam khalh run in a hmui chu ka liak thuak "ka mitah hian min en rawh Bawihte, ka scencor dawn che.. chuthil chu i duh ani tih min han hrilh teh" a hnute țham nawk nawk pah chuan ka rum nghut.

"Ummm"

"Ummm chiah maw" ka ti sup. Ka awm thlan huh hluam chuan a hnute chu ka delh bet chawt bawk.

"Misualpa" rawn ti hak in ka thil chu a rawn hum hmiah. Ka beisei loh em vang chuan lungawi zeti a khabe ah ka dawm vut. Chiang lutuk in a mitmeng vam ham ah chuan ka melh ngur.

Ka dang lova, muk ruih a melh run in a duh chu ka tih tir tawp. Ka thil a hum phu zawih zawih leh sa huam bawk si chu a mal inkarah a chuk tuah a.

f**k! f**k! Ka duhthusam ang chiah ani!

Hmangaihna chen kawngah chuan kawlhin huseisen hle se; kan mamawh kan inpe tawn nasa ting!


A hmui hnuai seh sak a min melh ralh chuan ka phur zia pawh a hmu thei ang! A insiam rem fel chuan ka thil khawng ruh vek tawh chu ka d** lut ruai ruai, a sat nawm em vang leh tight em vangin vanvadak in ka rum chhuak hawk hawk.

Tlem a chet a nawm deuh nan a malpui pakhat chu a awm lamah ka nawr tawm chho hrawk a. "I *** tight zet hi engtik lai pawh a scencor reng ka chak tih i hria em?" ti chhuak hrawk pahin a lut kimlo ho zawng chu ka nawr t** vek! Bawihi chu a lo rum ri hak hak a, a ip zui chawi chawi vangin a tawt zual kher leh nghal! Dimlem lo takin chet ka la zui zat a, Ka d** luh dawt dawt rual a a hnute bu nalh zet fawn che lah lah chu zuk hrawm sak leh tawn tawn in chak mangkhen in ka *** zawt zawt a. Ka hming lam chhuak a, khur zawi zawih in reilote hnu ah a taksa chu a zawi hnawk.

Kei a la zo silo chuan ka phawi chhuak a, rum nghut in a taksa sai che dawt dawt chu bawkkhup zawngin ka kuai let hmiah.

"f**k" ka ti chhuak hrawih. Țhingțhit tir a a lu lam khum ah ka nawr beh sak meuh chuan a hmeichhiatna sen hiam leh huh dap chu chiang lutuk in ka hmu thei a. Insum hman lo lek a rum hawk in ka hmai in ka nawr sak tawk. Ka pet kual a, lei hmang tel nawk nawk in ip chawi a Bawihi mal chip chawi chawi chu pawt kau sak hrawk in ka lei thap hrak chuan ka liah kual sak tak tak a. A rum khur dar dar. Fawp chawk chawk a ka nuai sak leh nawk nawk chuan tawrh har ti zetin a taksa a lo chet nawk nawk, a chet kual nasa pauh leh ka dimlo zual ting bawk nen a tawp ah phei chuan amah ngei pawn a sawi chhuak ang tih a rin ngai biklo sawi chhuak in ka thil chu thun tawh mai turin min au tung a.

Ka nui rum hawk bawk.


Duhawm reuh lutuk!

Hnunglam ațangin ka nawr luh leh vek meuh chuan khum khuhna a țham tawk!



Ka bawh bet run a, a hnute pahnih hrawm nawk nawk pah chuan min ngenna ang ngei chuan ka che zawm zat bawk.


🔥______🔥___🔥______🔥______🔥


A taksa khal nalh tal mai thlan in a bual huh hliam chu fawh kual sak dun dun in ka thaw chhuak ve hawk hawk tho.


A awm bawr ațangin a hrawk ah.. a hmui ah fawp leh zeuh in ka bawh bet run a, a taksa sen ţalh ţalh leh mitmeng vam ham mai chu hmuhnawm ti zetin ka melh nghal run bawk.

Lai tih hriat fe in mawi lutuk tak maiin min nuih sei a. Ka hmangaih zual hluah hluah.


"Ka dawithiam tereuhte" ka ti chhuak sup, a nui hak a, a taksa erawh chintawk hrelek lova ka chetpui na vangin a zawi hle thung. Kei ngei pawh ka boruak tawn sosang zet vangin ka lungphu a ri dup dup! Chutih rual vek chuan hahdamna leh famkim intihna borual dam tuih in min fan kual rawih rawih.

"I chau ngang a ni maw? Min rinchhan in hahdam phawt rawh" ti thum sup in khum ah chuan ka let thla dawt, Ka awm huh dup ah Bawihi chu pawt kai nawlh in ka kuah bet nghal hlu hlu. Ka lungphu ri dawt dawt chu ngaithla niawmtakin a kutphah tetakte leh no chek chu a rawn nghat tel bawk.

"Ka hmangaih che" ka ti sup, thlan vang a a chal huh hliam ah chuan ka hmuiin ka nawr zui tawk bawk. A chau ngang a nia nge? A thaw hle hle a.

"Minute 10 vel awm hahdam la, kan inbual dawn nia" ka ti sup.

"Tui a hman theih tawh maw?"
"Yeap... Bawihi, hahdam phawt teh" ti chhuak hluk in a aia nghet in ka kuah hrawk, a aw thlengin a zuai raih a. Dim tum viau țhin mahila he a taksa lian lo tak hian min chhawk phurin min ti sosang hma em em zel a. Ka lo chetpui leh chiam țhin.

"I chau ve thei ngailo in ka hria" ti sep a a nuih chet dat chuan ka kuhna ban pakhat ka phelh thawl vut.

"Sawi țha leh teh" ti sup in a khabe ah ka dawm a, ka kuai dak zui salh. Light eng sen ruih hnuai a hmel lan dan mawlh chu... a lungawi thlak hluah hluah ani tawp mai!


Ka awm ah tawm kak chungin ka khabe hnuai aţangin mitmeng vam ham in min melh let sawr sawr a, a hmai tlang chu melh kual dun dun in a tawp ah chuan a mitmeng pawisawi loh zet ah chuan ka melh nghal ngur.

"I chau ve theilo in ka hria" ti hlak in a ner nak. Kiai suk in ka en ngur ngur. Ka sawi dik lo em ni ti ang ziazang chuan mitko a ti che zeuh zeuh a. Ka kawchhung ațangin a ri meuhin ka nui rum ta hawk.

Lord! Tunah chuan min chhaih let nachang a hreve reuh tawh a lawm.

"Kei leh zel ka chauh in tunge chet la ang?" ka ti sup, mit ti zim sun a ka melh ngur chuan a biang a rawn sen țalh țalh a.
"Tell me" ka ti leh sup.
" Malsawmtluang.. i ninawm, i h**" laih lutuk vang a a au nghek chu ka nuih chhuah pui huk huk.

A duh duh a sawi phawng phawng țhin hi lawm hmeichhe dangte nen an danglam na!
"Hu*?"

"Ughh, khawi teh min thlah rawh, i taksa hrawlpui thlan huh dup ah min kuah beh reng hian hlawkna pakhatmah a awm lo" a tih leh tan tan chuan kuai dak salh in kohham lutuk in ka fawp nghal ngawr ngawr. Ka hmangaih a! A duhawm ka ti hluah hluah bawk...

"Che tawh suh; a nih loh zawngin round khat ka zawhpui leh ang che" ti hluk a ka kuah beh leh tak hlun ah chuan a hriat tham lek in a phun hlak hlak reng a.


Nizan a ka pa nen kan inbiakna ngaihtuah let in ka ngawi vung vung bawk. Thla liam ta zawng zawng ah khan Rinchhani nei turin min nawr tut tut a, in ah ka awm hlek chuan inneihna lam min sawipui a tum țal țhin avang in ka in lamah ka khawsak tam phah viau bawk.




Nizan khan Rinchhani te in lamah palai tir turin thutlukna a lo siam thawr ringawt a.

Rinchhani nei tur a min nawr luih chang pawn aw kâ vin in ka chhang let ngai hauh lo, nizan erawh thutawp sawiin ka aw a nem fahran lo viau.


Ka pa pawn "Ka dam a, ka thawk țek țek chhung chuan kha hmeichhia kha ka inchhung ah i rawn hruai luh ka rem ti hauh lovang" a ti bur.

Ka pa ber in ka hmeichhe hmangaih a pawm theih miau loh chuan ka indang pui hmiah mai ang tih ka ngaihdan ani bawk.

"Â â lo teh, inkum a inthlau lutuk, kum 20 han vei leh ta chiah se, he hmeichhia ka duhpui loh chhan che chu i hrechiang viau ang. Hmeichhe valai tak a nih laiin nang thung chuan kawng engkim ah a hma i pha tawh dawn lo. Uire chiah a hmabak" min tih khum bawng bawng a.


Chuthil chu nupa tam tak inkar a thleng a ni tih ka pha hauh lo. Kei ngei pawh kan kum inthlauh vangin a vawi khat nan tak tak mahni insitna ka neih phah hial a... mahse, chung vang mai mai a ka hmeichhe hmangaih thlauh thla a, ka hmangaih theih ngai loh tur nen a chhungkaw din chu ka thlang teuh lo.


"A na... " Bawihi thaw deuh țalh țalh vang chuan ka harh chhuak zawk. Ka kuahna chu ti thawl hlawk in mahni inthiam lo zet chuan ka melh nghal vut.

"Eng nge i hriat a.. min kuah hlum i tum a mi?" ti hlar in min melh er. Ngawi vung vung chuan a hmelțha lutuk chu ka thlir ta reng. Keichuan ka hmangaih vangin engkim huam a neih ka hnial hauh lo. He hmeichhe hmelțha zet hian engkim huam in ka ang chhungah tluk luh a ngam ve a ngem? tih chu ka inzawt a... huaisen takin eng chhanna mah ka inpe thei hauh lo bawk.

"Ka intifai duh.. ka u in min lo ngaihtuah tawh ang" a inbengkang tur chu ka pawt let leh dawrh.
"Eng.. eng nge ni leh tawh"

"Ka bulah hian i hlim em?" A hmai bul chet ah en in ka phun sup.

"I hmu thiam mai lo mi?" a ti a, a darah ka hmer salhna vangin a ang nghal ziau bawk.

"Sawi rawh"

"I va mak tak, hlim lo ila i bul ah ka awm peih dawn mi?" ti sap a ka mitah tak min melh let ran chhan thaw huai in a chhip ah ka fawp tawk.

"Min kalsan emaw i tum anih chuan.. Lola... kei lo mipa dang i pan a nih chuan chu mipa nen chuan ka that ang che u" ka ti bung nghut. Hriatthiam loh hmel deuh in min en ha a. Ka nui lui suk.


Tunhun a tan chauh ka sawi lo... kan hmalam hun ah mipa dang a mamawh vang a min kalsan a tum anih chuan CHU mipa dang nen an hlim dun dawn ai chuan ka zavai in ka thi vek mai ang.

"Khatikhan min melh dur khui khui suh aw Malsawmtluang... Nangmah zawk anih kha hmeichhe dang pan hmasa" ti pah in ka awm ah a rawn beng thlawrh.

"What?"
"I cousin Faith nen in infawh nasat em kha" ti hlar in ka chung ațangin a let thla nghal zat. Huh?

A dul ah ban rawlh lut in ka man let lawp a. A tal ve nghek bawk.

"Ka fawp lo.. ok?"
"Dawheh.. a lipstick pawh i hmui ah a kai"
"Yeap.. tihnat let ve che ka chak em vangin ka siam chawp anih kha" rum deuh in min melh ram ram a. Ka malpui ah Faith pawt kaiin ka hmai bul chet ah ka hnuk hnai tih kha ka pha hauh lo. Ka hmui bul vel a hnawihsen kai erawh ka kut hmang a ka siam chawp a nithung.


Lola's pov


"A tawk tawh.. Malsawmtluang i kut hi a hlei mah mah zel" kan inbual dun a, towel a ka taksa a tuam țhat vek hnu ah min man bet leh hrawk a, a kut a awm mai mai lo bawk, a ban bulah ka ham vak a. Prof Msa erawh a nui huk huk thung.

"Round khat leh chiah" ti sup a min melh chhuk run chuan rang lutuk hian towel chu ka awm zawn ah ka hum nghet sauh. Rawl lian lutuk hian a nui nghal hawk hawk bawk.


"Min chhaih kual reng lo hian ka intihhulna tur ngaihtuah vat rawh" ka ti hlur. Nuihza insum lutuk a lu thing nghutin wahsroom ațang chuan min pawm chhuak ta hram.

Khum ah min nghat a. Towel var lianpui a veng hlun

"Bawihi, kan thuamhnaw ngai kan inbel leh angaih hmel" ti sup in washroom chhung a towel pakhat a va la chhuak leh a. Khum bulah lo ding leh run in ka sam hmawr huh chu a rawn hrui zui zat.


Chhuat a kan thuamhnaw let darh phung chu rei en duh loin ka hawi sawn nghal daih.

Prof Msa phone chu a rawn ri nghawr dur dur a. Phun hluk hian chhuat laia a kekawr inchhap hnawk nuaih chu a ban kang vut. A kut a towel a hum run chu pawh thlak sakin ka sam hmawr huh chu ka hru mial mial.


A kekawr ipte chu a zen ruk ruk a, chutia a che kual vel taksa nalh lutuk lak ata chu mit ka la sawn thei der lo! A awm hlai leh tihrawl inphiar hrawl nalh lutuk, huh deuh hlum bawk si chuan a ti lang pa hluah hluah. Phone chu a phawrh chhuak a, a ban bul lian leh sek zet te, a kutphah hrawl hrup mai lakah te chuan phone chu a lang te rawih rawih.


"Sawi rawh" ti sup in min en chhuk nghal run. Ka melh chho ve kiau a.

"What?" a ti nek. Ka lo phu deuh nghek chu min veng thawng leh deuh nge a kâ ațangin a thaw chhuak hawk bawk.

"Ka hria.." a ti leh nghut. Chhuat laia kan thuamhnaw let darh phung chu a chhar khawm hmawk hmawk bawk.

"Hrep a! Hlau suh, ka rawn kal ang" ti leh hrawk in phone chu khum ah a theh ting nghal dawt.

A hmel rum ul leh tawrhhlehawm zet vang chuan ngawi rengin a che kual vel chu ka melh tîm dai a. kamisz a inthawlh nghal mawlh bawk.

"Bawihi"

"Haa?"

"Tah hian min lo nghak rawh aw, ka reilo ang. Building enkawltu hi pawn lam ah a duty reng vangin hlauh tur a awm lo bawk" a ti nghut. Tun lawk a hmangaihna min chenpui a, min thlahlel ngawih ngawihtu kha amah ah chuan hmuh tur a awm tawh miah lo.


"Khawi ah nge i kal dawn?" Hetah min hnutchhiah a, a pan rum rum ngai khawp thil hmanhmawh thlak chu hriatve ka phu in ka hria.

"Khawchhung ah ka han let lawk ang" ti sup in hmui a chip zui hmuk. Khum ah a rawn țhu thla dawt a. Khum lian leh zau zet pawh chu a nghing lawih thei. Biak zui leh huphurhawm khawp in a hmel chu a rum ul a. A kekawr chu inthawlh nghal sawk sawk in dingmar vutin a kawng a siam țha nghal nghut bawk.

"Khawchhung ah maw? Eng nge i tih dawn?"

Min en vut chuan ka tawm deuh chawi a! Mahse, kawchhungah a let dawn rau rau chuan min hruai haw ve nghal thei reng. Ka hma ah chuan rawn ding khup in a rawn kun hniam a.




A hmel rum ul nen a inremlo zetin a țhen suk bawk.

"Ka lo kal ve ang.."

"No, hetah hian min lo nghak zawk rawh; ka reilo ang" ti sup in ka țawng leh tur chu ka hmui a rawn khar hmiah. Rilruih a rei ngial min fawh hnu chuan a inlahrang ruai ruai a.

"Min lo nghak rawh aw, chinfel lawk tur ka nei a" ka biang khuap hlun in ka chal ah a rawn fawp leh zeuh.



A ding mar vut a. Khum chung a a phone theh thlak kha ban leh vutin a kekawr ipte ah a thun a. Motor chahbi a ak em tih a indap thuak lai chuan ngawi rengin a che vel hmanhmawh ru zet chu ka en reng mai.


"Professor.." kawngkhar pan in a kal vut tawh. A ding leh chawt a.

"Eng.. eng nge i tih dawn tal min hrilh la.." a mitmeng danglam zawk chu ka hmu hman a. Mahse, a reilo lulai lutuk. Ka lungphu ti rang dawt dawt a, ka ngaihțhat lohna thlen tur a tan erawh a tawk viau lawi.


"Faith'n buaina a tawk a" ka mitah min melh ngur a a tih sup chuan ka nghing lawih!


"Bawihi, i hriatthiam a ngai a nia. Tunah hian Faith'n min mamawh, damdawi rui mipa rual in pawisa laksak tum in an lo suam a, kut a tuar deuh nual a ni awm a. Damdawi in ah a awm mek" hrethiam se min tih hmel lutuk a damthlup a thil awm dan a sawifiahna chuan min tina rawih rawih tho.



Chhang let lo a ka ngawih tak reng ah chuan vanvadak a thaw chhuak hulh in a lo let phei leh a. Melh pawh ka lo melh duh tawh lo. Ka sam hmawr huh hru lui tlat in chhut ka melh ngar a, ka hmah tak a rawn ding leh khup a. Rawn kun hniam in ka hmai bul chet ah min en nghal ngur, a mitmeng chu hriatthiam har zet hian a tizim sun bawk a.


"Faith hi ka nu(amanu) boral ta lam ațang a kan chhungte a nih vangin a tan ka nu leh pa belh a nuam tawh lo. Ka nu te lam hi chhim lam chhuak vek an nih vangin Aizawl ah hian kei chiah amah pui tu tur min nei... ka reilo ang, tah hian min lo nghak la, ka rawn let leh vat ang"



Kawtzawl ațangin a tlan chhuak thawm chu ka ngaithla ran a, a farnu buaipui tur angin tlan chhuak mahse, Faith en dan erawh a dang daih thung...



Pindan chhung chu ka en kual thuak a, khum a puan chuar tawm nuaih te chuan min ti tlawm rawih rawih ani ber!



*ka thleng chiah* tih zawng msg a lo thawn. Awi lo zet in phone chu ka melh a. Hepa hian ka phone a hack chiang lutuk. Ka unblock lo hrim hrim.

*ok* tih zawng ka thawn let a. A seen tawh lo.


Thuamhnaw ka inbel vek tawh a. Tukverh bul ah dingin pawn lam chu ka thlir a. Ral chhak lam ah Aizawl lang pe ut chu a nalh tak zet. Caffe pawh a lun vang lai tak ani a, țhawm a țha dur dur hle.

Zan dar 10...


Dar 11 a rik leh meuh chuan caffe ațangin an rawn chhuak phauh phauh a. Kawngpui lang kual ruih ah chuan khat pharh in an tlan liam thliah thliah a. Zanlai dar12 a rik meuh chuan caffe building bul caffe pawh a reh zo ta.


Hnathawk in hmunhma thianfai thawm leh a khat tawk a thir eng emaw in khak ri leh bawl thawm bak ri dang a awm tawh lo.


"Rawn let har si" phone chu ka hmet eng sek a, cover a kan pahnih thlalak chu en leh in ka nui leh sei a. "I lo let har tawh si, u Mama'n min hauh phah vaih chuan aawww" cover a a thlalak chu ka hau hlak hlak


Chutia ka a thlalak ka hauh hlak hlak lai chuan call a rawn lut thut a, rang zet a screen chu en in ka thaw ta hak.

"Rei lutuk mai" ti pah chuan ka chhang a.

"I va rei em em ve...."

"Lola?" Hmeichhe aw hian a rawn ti a. Țawng tawp chawt in phone screen chu ka melh hu ringawt

"Lola.."

"Sawi rawh" ka ti chang fak. Faith a ni tih ka chiang lutuk bawk.


"Msa'n duh aia a rei deuh dawn avang in nghak lo a, haw san mai tur che in a duh che anih chu!" a rawn tih chuan phone chu ka thlauh tawp lo chauh.


"Maw?" Ka ti hu a. Chutih lai chuan Faith kiang lawk ah Prof Msa țawng ri thum dut ka hre tel bawk.

"Hei, awmpui tu tur dang ka nei silo a. I awmna ațang khan amah nghak lo a, haw mai turin a duh che... amah hi i be duh kher em?" a rawn ti nawn leh a.


Ka awm chhung chu a rawn tawt tup tup. He lai hmun ațang hian zan rei tawh ah leh nghal keimah a haw turin min duh tak zet a maw?


❌Chhun zawmna👇❌❌❌

Ka inziak tui dawn chauh a, ka mimal harsatna vangin ka chawl leh a. Tiang vel a ka kual chhen vang chuan story mood ah ka cheng lawk thei țhin lo. In comment na te hian suangtuahna thar min pe zel țhin tih inhriat kha.
#ADS CLICK MAWLH KHA AW❌

"Faith" ka thinlung nghawr nghing dawt thei aw thum zawi sup vang chuan thawk pawh ka lo thaw chhuak tawh lo.

"I biak zawh tawh chuan mu hahdam la, doctor sawi dan chuan mut tam i mamawh" prof Msa'n dam dup a Faith a biak lai chuan ka lungphu hi a suk in a lo su dawt dawt. Faith mamawhna tihpuitlin sak a duh vangin ka lakah a thutiam a bawhchhiatna chuan min tina pawn ka hrelo! Ka â mup a, ka puak darh dawn in ka hria.

"Ka sawi tur ka sawi zo tawh i be ve kher duh em?" Faith chuan a ti a. Ka thin chhung a na zawk! Ka chan chu a tlawm thlak rawih rawih ani tawp! Marawh chu Malsawmtluanga chu biak ka duh, hetiang teh hrep a tlawm a min siam a, min ngaihtuah zui lo tur si chuan zan tir lamah te khan tinge min hruai haw ve mai lo tih tal zawh a. An khum hrep ka chak hluah hluah.

Faith i phone a laksak hun chu nghak in ka lungphu ri dup dup chu ka ngaithla kar a.

Mahse, eng nge thleng hi!! (?)

"Nope, be lo ang..." a tih sup chuan ka lungphu su dawt dawt chu a chawl dúk! An chawl tak tak! Faith chu a nui ri hak a, min tih elna chiang lutuk in ka hre thei.

"Humm, be ve mai la.." Faith bawk chuan a ti leh kher, tha zet hian nghet lutuk in phone ka hum a. Ka tawm deuh chawi bawk.

"A țul chuan nakin ah ka bia ang" Malsawmtluanga vek chuan a ti thum sup anih chu! Rapthlak ti zet hian kut ka hum ruh ngawt ngawt!


Duhtawk a min khawsakpui hnu ah keimah chiah a min hnutchhiah in a lo let leh vat tur thu min hrilh a!!!! Lo let chu sawi loh, a hmeichhe buaipui nu chu amah nghak lo tur min hrilh turin a ti kher chu rapthlak ka ti tak zet!


"A nih, i biak duh loh chuan ka dah mai ang...." min nuihzat hmel zet a rawn ti leh in Faith chuan phone a off zui hmak.



Ka awm dan ber ka hrethiam lo, ka â mup tiin ka awm dan chu a sawifiah ber ang! Muamang ang ruaiin ka kut a phone chu ka hmu phe ruai, ngaihtuah ber tur hrelo in maimitchhing chuan thawk ka la vang vang, chiang zet in Prof Msa hmel pa ruih a lo lang nghal zat! Ka chalah fawp a, a lo let leh tur thu min hrilh sup riin ka thluak a rawn fan rual chuan ka meng chhuak phawng!



Ka kawchhung lam rawn in let but but vang chuan luak chhuak lutuk in washroom chhung ah ka tlan lut rawk rawk; washbasin chelh in ka uak nghek. Tui ka herhhaw a, ka na lutuk nge ka thinrim lutuk zawk ka thliar hrang thiam lo! Engmah ka feel thei lo! Ka mitthla ah Malsawmtluanga leh Faith an lo lang a... maimaitchhing sawk hian ka rum chhuak hak! A țul a tih chuan nakin ah min rawn bia ang maw? Rapthlak lutuk mai!


Khawpui chhung thlen nan pawh darkar fe tlan ngaihna ațang hian zanlai ah leh nghal keimah a haw turin min duh tak zet a maw? Tinge hetiang hi ka chung ah a thlen tir bik zel mai le.. Tawp chin nei lo khawp a min ngaihsak hnu lawk ah hrilhhai lutuk in min siam ziah a. Ka thinlung leh ngaihtuahna te hi a mangang ve thei tih a hrethiam miah lo.. min hriatthiampui duh miah lo!


Ka hrawk chhung tawt up up chu rawn puakdarh in ka kâ ațangin boruak lum zet a rawn chhuak hawk! Rang lutuk in ka kâ chu ka hup bet a, Ka dul chu eng emaw hian a pawt khur ngawt ngawt bawk. Tinge Malsawmtluanga hi ka chungah a sual bik em em mai le? Engkim hi a fair hlawl lo!




Faith a buaipui duh anih te chuan a kal dawn khan min hruai let ve mai se... Mahse, chutiang a ti lo chuan tlawm tak leh na ngawih ngawih in min siam leh kher a! Min ngaihtuahna chhe te pawh a neive lo nge, na theilo ah min ngai zawk pawh ka hrethiam hrep tawh lo.



Ka thawk lak zawng te chuan a khur hian ka khur hlawk hlawk. Tha țang khawng vek chuan muangchangin ka ding mar riai riai a. Darthlalang a keimah lo lang chu thlarau a ang ber!


Ka hmai vun a dang var vek a! Ka mit chu natna leh thinrimna te vangin a sen vek, mittui tling pam mai chuan ka mitmeng chu a ti lang rapawm leh zual.

"Malsawmtluang" aw khur sehchilh nawk in ka phun chhuak nawk nawk.

"A țha..." ti chhuak leh sap in keimah leh keimah chu ka in nuih sak mai. Ka biang rawn lum thla pap chu tuai tawk in ka bu nghat nghat a. A țha! A țha! A țha vek! Ka duh em avang leh min tihnat ngawih ngawih tawh hnuah pawh a tello a ke pen ka hlauh tlat vangin ka induhkhum thei lo! Aih.. ka ngam lo a ni zawk. Mahse, chung thil chu remchang ah laiin min chinphar mai mai a tum tawh a nih hi! Zanin hian hmeichhia ka nihna ang a tlawm theih ber in min chhuah... yeah.. ka tlawm tak zet! Ka taksa ah duhtawk a nawm a chen hnu ah mihur, inhrikthlak nan a hman ang maiin min kal san a.. hetiang khawp a tlawm a min siam tu hi ka rinchhan reng a țulna ka hre tawh biklo.



Washroom chhung ațangin ka pen chhuak a, nichin lawk a kan tal velna khum zaupui ka hmuh rual chuan ka awm chhung a na leh ngut ngut tawh. Pindan chhuat lai ah chuan ding dat in ka vanvadak a. Ka thinlung chu he pindan chhung ah ngei hian Malsawmtluanga thlah turin ka hrilh nghal mawlh mawlh. He pindan chhung hi kan pahnih tawpna ni rawh se.



Ka bag ah phone ka khung sawk sawk a, khum puan phah liam thla hnup leh chhuat lai a lukham tla hnawk rum te, Malsawmtluanga kal chhuak tur che rum rum in a kawnghren a hren theihnghilh te chu dahfel tumna ka neilo.


Chak takin kawngka pan in ka pen hlawk hlawk a. Keimah chuan natna aiin thinrimna in bu a khuar nghet tawh zawk! Ka lawm hle bawk. Natna in thinrimna hi a rawn hneh rual rual in ka talbuai a nga, ka rilru buai leh in awmngaihna reng hreloin ka â leh vek dawn tih ka hria.



Min pawm chhohna kailawn ka zawh thlak lai chuan Malsawmtluanga huhang na zet in min uap tlat hian ka hria a! Chuthil chu duh lo lutuk in ka insehruh nghek bawk.


"Nula... mami" building chhung ațangin chak lutuk a ka pen chhuak hlawk hlawk chu ka hnung lam a țangin tu in emaw min rawn au a.

"Mami" ka ding chawt! Caffe awmna bul vel chu a reh thim duk tawh. Ral chhak lam a khawpui eng ut pawh kha a thim țhuap tawh a! Tun ang zan rei tawh ah leh nghal engtin nge keimah chiah in khi lai hmun khi ka thlen theih ang tih ngaihtuah ka thin a rim hluah hluah.

"Khawi ah nge i kal dawn? Pu khan a lo let leh hma chu lo thlithlai tur che in min chah a?" A aw ri ah chuan Malsawmtluanga a zah zia leh a thupek zawm loh a hlauh zia chu a hriat theih.

'I pu ve kha zanin hian a rawn let tawh lo vang' tih khum nghek chak ut ut chungin ka inher let a. Mahse, Malsawmtluanga lak a ka thinurna midang hnen ah hrikthlak a țha ber lo.


" a lo let anih chu ka kal tawh thu i lo hrilh dawn nia" ka thusawi tawp lamah erawh ka inveng hman lo, ngeiawm zetin ka nui tel hak. Min hmuh dan tur phei chu ka ngaihtuah tel ngam lo.

"Mahse.." dam thluam a a tih chuan ner khum nak in ka thaw hak.

"Lungngai suh, a hau lo ang che" ti hmak in ka inher leh nghal daih. Ka pen leh hlawk hlawk a.

"Pu in a lo let leh dawn tih a sawi a sin. Nghak chhuak hram la chu ka va duh e aw, zanlai ani tawh a, motor vei vak a awm tawh lo ang. A awm anih pawn... i hrethiam mai em? Hmeichhe tan leh nghal chuan a him dawn miah lo a nia" ka kal hmawk hmawk chu min au zui țawk țawk.



Chu patling upa tawh lam thusawi chuan ka mittui bawk a ti hnam sawk! Ka hmelhriat ngai loh mihran daih pawn zan rei ah ka tan mahni chiah a khawpui chhung pan chu a him loh zia min ngaihtuah thlen phak pui vek laiin Min Hmangaih intipa ve kha chuan... ka ţap takngial dawn a ka hriat vang chuan hapui seh ngawt ngawt in thawk ka chelh tlat a.


Caffe awmna mual ațangin motor kawngpui ka tlen rual chuan ka ding chawl dat a. Folkland ah hian Kimkima te an awm tih ka hria. Mahse, zanlai tawh ah leh nghal ka han tibuai anih chuan... aaa, Malsawmtluanga nen kan inzui chhuak kha a hre ve vek sia. Ka țhian mah nise a hma ah hetiang teh thlawt a tlawm a in lan chu ka ngam lo.


U Mama call tum in phone ka la chhuak a, phone ka hmeh en rual erawh in țah chhuah chiam ka chak kher mai. Eng nge a bulah ka sawi ang tih ka ngaihtuah a, ka kut leh lam a ka kâ hup bet in ka kun tlawk tlawk.


Malsawmtluanga nen kan khawsak dan zawng zawng kha ka mitthla let uar uar a! Duhtawk a ka taksa a nawm a chen hnu ah Malsawmtluanga'n min haw san a, min rawn hruai rawh tiin zanlai ah hian ka call anih chuan keimah mai nilo.. ka u leh zel pawh ka hnuk hniam vek dawn!


"Ka haw lutuk che.. Malsawmtluang ka haw lutuk che" au chhuak tuar in kê ka per nghek! Ka haw tak zet! Ka huat lutuk a lamah ka taksa khawi lai pawh a na vek thei!



Ka biang huh niai chu hru tawk in kawngpui reh thim ruih chu ka thlek vang vang a! Zanin hian Malsawmtluanga nen kan inzawmna zawng zawng a tawp vek tur a ni!



Thui fe ka kal tawh, ka phone ri chur chur pawh chu chhan tumna ka neilo. Tu lo call nge tih tak ngial pawh en ka tum lo. Pawisak pakhatmah neilo Lola kha nih leh a, keimah a Malsawmtluanga sulhnu leh a zun in min phuarna zawng zawng tih reh vek tumin kawngpui ah chuan ka pen hlawk hlawk. Hlauh ka hrelo a! Huatna leh khak na chiah in min luah!



Chutia ka ngaihtuahna ațang Malsawmtluanga dah chhuah tum a kawng chiah en a ka pen mawp mawp chu chak zetin bike hian min rawn leh pel fua. Mipa rawn hui deuh raih chuan ka ngaihtuahna ațangin min pawt harh zawk bawk.



Mahse, kawngkawi ah an tlan liam nghal puat avang chuan thaw huai in ka ding deuh dat a. Mahse, ka hahdam chhung chu a reilo khawp mai!


Ka kalsan tak kawngpui thim reh ruih ah chuan chak lutuk in car a rawn tlan chho puat puat! Kan la inhlat viau nangin an music play ring lutuk chuan ka thluak rit chuah chuah chu a nghawr dawt dawt a!

"Kan rawn hmu e" ti lung lung ri leh car hnung tukverh a mipa phone hmang lo dak chhuak ual ual mai chuan hlauhna min siam chawp chil nghal der bawk.



Ka hma lam kawngpui chu ka en leh a! Thil țha lo tak ka chungah a thleng dawn ni a hriatna in min tuam nghal hlup hlup, ka lungphu a rang nghal dawt dawt mai!

Ka bul ah ri ruai khawp a car a rawn din thih duk rual deuh thaw in bike min rawn tlan pel tu te kha an rawn tlan let leh tih ka hmu zawm zat bawk!


Car chhung ah chuan mipa rual an țhu! Rawn faifuk rawih in pakhat chuan car hnunglam kawngka a rawn nam hawng pawp a. Hma lam kawng a ka tlanna dip tur takin Bike pawh a rawn ding chawp chilh zui der bawk.


"I lo chuang ve duh em?" Car chhung ațang a lo chhuak mipa chuan a rawn ti chhur chhur! Ka chheh vel chu zu rim in a khat nghal huk bawk. Car chhung a mipa pali vel la țhu te chu an lo nui huk huk hlawm a, ka duh reng vang nilo in ka rilru chu a chiai in ka hawi kual nghal ruai ringawt. Bike a țhu te pahnih lah chu car hma eng in a chhun chiang bawk nen an ruih hmel in pawisak an neih loh hmel tak zet!
"Hetiang hmun reh lutuk ah mahni ngawt a hmeichhia tlat fal loh tur" min nuihzat tih hriat fe in a rawn ti leh a. A mitmeng hur hmel zet ah erawh ram palaileng a an ni mipa rual in min hmuh fuh hi vannei a intihzia a lang chiang hle thung.
"I hlau lo em ni? Kan lo thlah haw ang che" ti nghut min pan hnai ta mai! Chiai lutuk hian ka tawlh hnung dawt dawt a, ka chiai lutuk chuan a ti hlim emaw leh nghal ni? Hur hmel zet a ka taksa en kual dun dun pah chuan an nui rulh rulh!

"Ka lo chuang lo mai ang, ka țhianpa ka nghak" ka aw khur chhuak tur veng zet chuan ka ti chang fak.


Car ațang a lo chhuak pa chu a nui hak a.
"Tun ang zan rei tawh ah leh nghal i țhianpa chu a va rawn lang har si ve..."

"I lo buaina tur a awm lo" ka ti hmak.

Chutia mahni inrintawk hmel zet a ka intih huaisen lai chuan car a chuang ve dang chu a rawn chhuak ta phuk phuk mai. Harhfim pakhatmah an awm lo tih ka hriatna chuan min ti mamgang zual a. Ka thawk lak a rang hlawp hlawp.

"Lo lut rawh, seat hnung lam ah hian i len na tur khawp chu awl a la awm" an rawn ti ta lung lung. Min rawn khawih palh mai hlau in ka inveng ru ran a, ka ngaihtuahna ang hi a thleng anih chuan kei hian mipa rual pasarih ngawt hi ka sual let hneh dawn lo!
"Min kalsan zawk ru...." hlau lo ang a ka țawng chhuak chu an zing a pakhat in ka ban ah a rawn hum chawt vangin ka tawp chawt a.
"Min khawih suh" ka ti zui tuar bawk.
"A țang rei peih mang'e... tun ang zan rei tawh ah leh nghal mahni chiah a vak chhuak ngam chu eng ang hmeichhi nge in nih kan hre ve reng; lut vat mai teh, sum ah buai suh" thinrim lutuk hian chupa chu ka melh nghek, min tawk leh ang tih hlau chuan ka kut chu hnung lam ah ka dah a.

"In ngaih ang hmeichhia kha ka nilo, kal tlang zawk ula in tih fuh ka ring" ka ti hmak.

Jacket dum ha pa chuan car ațang lo chhuak hmasa ber kha a buk khum nghut a, ka rilru chuan tlanchhe turin min au khum tuar! Mahse, pen hnih pawh ka pen hman lo, hnunglam ațangin min rawn man thut a! Hlau lutuk a ka au chhuak nghek chu a kut phah lian zetin ka kâ a rawn hup bet nghal hmiah!

Car lam ah min let pui tih ka hriat rual chuan theih patawp a nasa in ka tal nghek nghek, a țhian dangte chuan car kawngkhar an pawt hawng a, a nawr in min nawr lut rawk rawk bawk! Kawngkhar chhak lam rawn inpawt hawng pawp ah chuan an rawn in hnawh lut zui nghal zat bawk! Ka kâ an hup beh miau avang in ka au thawm chu a ri chhuak thei tawh lo! Car chhung eng sen khui hnuai ațangin bike a chuangte tlan chhuak chu ka hmu phe ruai. Bike chu her kual pawp in an rawn tlan chho tawhna lam ah an tlan let a.

"Kan huan ah khan tlan let leh rawh" ka kâ hup bet tupa in a tih sup chuan hlauhthawnna nasa lutuk vangin ka thidang lo chauh!!


❌WHATSAPP GROUP JOIN DUH TAN👇



Group1
https://chat.whatsapp.com/EosvGqUwD6L3TBAjbV9APc
😈
Group 2
https://chat.whatsapp.com/FQIZ59OVt2M3UBYz6ugHnm
😈
Group 3
https://chat.whatsapp.com/Jgmc75IB9kKAF0KdQ24F9O

😈

Group 4
https://chat.whatsapp.com/FbE9KGnLx22BWPWDI6zXZu
😈
Group5
https://chat.whatsapp.com/HNf2I7IZMVLFj59bLwOA3J
😈
Group 6
https://chat.whatsapp.com/FF64XqF59KP5UeOr8f2QOf
😈
Group 7
https://chat.whatsapp.com/JZ3nvj9Fw1UBNpiNuLhox9

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » June 25th, 2020, 5:55 am

TETAKTEI
CHAPTER 32
Abbra Reo Ririni Khiangte (PitarteiSualfingi) 😈

🕊LOVE ME WHO I AM
NOT WHO YOU WANT ME TO BE. 🕊




Hruai let ve nghal mai tur a min ngenna chu chiang takin ka hnial sak hmiah; a chhan chu zanin hian thil pawimawh tak tih ka tum miau.






Bawihi ngawi ran chuan min mawlh țún a; kan khawsak zawh chiah dan ngaihtuah phei chuan a bulah mu a, duat tak a kuah hlu hlu tur ka ni tih ka hria. Marawh chu lehlamah mangang thlabarin ka farnu in min rawn be ve bawk nen thlem khawmuang turin hun ka nei tam vaiu lo. Ka theih tawp a dam a Faith in min mamawhna ka hrilh ngial pawn a țawng chhuak duh reuh der lo! A mita thikna nasa zet lang chhuak erawh hmuh nuam ka ti riau, rilru min pe te tak zet tawh tih ka hriat phah a, Ka let hun ah engkim ka hrilhfiah bak ah nupui tur a ka sawmna zungbun ka bun tir ang.





Ngawi ngur a steering ka herkual mawp mawp chu rum chhuak nghutin ka kut lehlam chuan motor hma chu ka ban vut. Zungbun bawm sen duk raih chu ka la chhuak vut a, tuai kual thuak pah a melh run in ka țhen suk bawk.





Ka kutțangin a chhin chu ka nawr hawng hlek, a chhung a lunghlu zungbun mit fim-kak chu Bawihi ngei in a kutțang ah bun se, a lang nalh leh zual ang, nuih leh sukin thaw chhuak hawk pah hian motor hma ah chuan ka dah let leh a. He zungbun hi kar eng emaw zah ka kawl țha tawh, zanin hi ka nupui nitur a ka sawm tum zan ani a, plan engkim ka duan lawk sa erawh Faith buaina tawh vangin a flop ta vek rih. Simple zet a dawhkan sawngbawl chung a Candle in chhi eng teng teng hnuai ah țhutpui a, sawmna neih ka tum ve tak kha a nia.





Mipa romantic tak ka nilo; Bawihi tan erawh a țha ber a chet chhuah ka duh miau vangin hun kan hman dunna room piah lawk ah khan engkim ka buatsaihsa vek. Ka let hun ah chu pindan chhung ah chuan hruai lutin ka nupui nitur in ka sawm ang.





College a kal chhung chu he zungbun hi bun se, college a zawh vel ah ka nupui a ni bawk ang, ka nupui a nih hnu ah pawh zirna a chhun zawm ka rem ti dawn lutuk, tuktin kan pahnih in university kan pan dun a nga; ka nupui ngei mai zirtirna pek a, professor leh a zirlai naupang ang a kan khawsa tur vel mitthla ah hmu uar uar pah chuan ka kiai suk suk. Lola lak a ka rilru put hmang hi engtiang pawn thlak tumna ka neih loh ang chiah hian ka pa remtihna tello pawn ka nei lui tho ang tih hi ka thuthlukna nghet tak ani tawh.



A harh ve hma in a muhil lai duhtawk a thlir vung vung a; class țan dawn hnaih tawh tak ah han kaitho ila, ani Chhimthlipui ang mai a thinchhe kawlh ve hlik hlek lah khan ka kaithawh hma loh avang in min an khum ve ngial țhin bawk se, washroom chhung ah ha nawt a a che kual vel a hnung lam a țang kuah hlu hlu pah a a rim nu zet hip lut vang vang a tuktin hun hman hlimawm dan tur thleng in ka suangtuah kual rawih rawih.




He hmeichhia zet zawng; A mak a ni! Suangtuahna mak pui pui leh hlimawm zet min neih tirin engtik lai pawn ka rilru a luah ngut ngut zel mai a. Ka nupui a nih hlan mawlh a ni ka ngahhleh tawh chu...



"Dawhthei takin min lo nghak hram ang che" ti chhuak sup in speed ka san nghal sauh.


Kan kal chhuah hma in Hriatpuia bulah ka in report thlap tawh a, kan rei deuh tur thu ka hrilh lawk tawh vangin reilote Faith thlamuan tur in akiang ah ka awm khawmuang rih a nga, darkar khat pawh tling lo ah ka let san leh ang.


"Mess..." cabin chhung ka luh rual rual in Faith chuan min lo țah khum hlawp hlawp. A hliam tuar ka hmuh meuh chuan thinur țun in ka inhum ruh nghek bawk. A chal an lo tuam bur a, a kut vei lam pawh a awrh, a hmui bul khem nang mai leh benna tih hriat taka a hmai duk chur chu hmuh a hreawm kher mai!



"Hrep a" ka ti chhuak nghut, a ban dinglam in ka kawngah a kuah a, reife min țah khum hnu chuan lungchhe zet in a rawn hawi chhuak a!

Hrep chuan!

"Tu te nge?" ti chhuak nghut pah chuan a khabe ah ka dawm hmiah, ka kuai dak a; a hmai hliam duk leh pilh phang chu ka melh nghal ngur bawk.

"Paruk.. an vaiin paruk an nia... tinge tlai ah khan min kalpui mai lo, ka bulah awm la chuan khang mite khan kut min thlak miah lo ang" chhuak takin a țap leh nghal hlawp hlawp. Ka inseh ruh țeuh ringawt.




"Ka pa pawn nangman min buaipui thei ah a ngaih vangin Lunglei ațangin min zui duh lo a..." ţap țiau a a tih leh chuan a sawi dik em avangin sawi ve tur reng ka hrelo. A bulah awm niila chuan hetiang teh hrep hi a chungah a thleng hauh lovang.




"Mess.. kut min thlak a, inven nan keipawn ka sual let ve nasa lutuk.. an thisen ka chhuah ve tho.." insut hlawp hlawp chung hian a rawn ti leh a. A mittui hruk hul sak pah chuan ka bu nghut.


"Min beng tupa kha ka ham a, ka.. ka ham mai a nilo, ka seh a... mahse, paruk lai an nia, chuan..." insut hlawp hlawp in a ti a, sawi zawm thei loin lungchhe lutuk in a țap leh hawk hawk. A pa in ngaihngam takin ka kut ah a dah lai a ka venghim thei lo chuan ka tha a tina kher mai!


Faith mit ațang a mittui rawn lung thla zung zung chu tuai hul sak thuak in mahni inthiam lo fe chuan ka melh ngur ngur.






"A pawi ta ber chu..." rawn ti sap tu chu Faith khabe ah dawm run pah chuan ka en nghal vut. Doctor chuan hmel thim deuh máp hian min lo en ran a.





Faith melh leh zauh pah chuan "Sawisatu te zingah khan HIV+ a awm ve a, i farnu hian mahni inven nan kut a thlak let bak ah thisen an inchhuah ve ve a...." lehzel chuan!






"I chiang em?" ti chhuak hrawk in Faith chu ka melh chhuk run, a mitmeng thlabar zet ah chuan hlauthawnna nasa lutuk a rawn lang bawk.



"Mess, ka hlau lutuk, ka taksa pilh leh pem ah hian a thisen kha lo kai palh ta ila..."

"No" ti chhuak hulh in ka kuah bet tawk ringawt. Faith chu chhuak lutuk in a țap khur hlawk hlawk, ka ngaihtuahna chu a kal thui kher mai. HIV kai thisen chhuak kha kan bawisawm laia kan taksa ah pilh leh pem a lo awm palh anih chuan awlsam takin kan kai thei tih ka hre ve vek.





"Naktuk ah test te kan han nei a nga, zan thil a nih tawh vangin thil țhenkhat a kaltlangpui nghal zung zung thei siloh a, min hrethiam hram dawn nia" doctor vek chuan a ti sap. Țawngkâ a chhang lovin ka bu nghut nghut. Chutiah rual erawh chuan thlabar tak a min kuah chung a Faith țap hlawp hlawp ri chuan mahni inthiam lohna nasa tak min neih tir bawk.




"Tikhan, i farnu kiang ah kan lo awm rih phawt la, a thil tawnin a țhawn em avang in a hlauthawng tel bawk, awm hahdam pui phawt la, kan inbe dawn nia" tiin doctor chuan min chhuah san nghal a.






Faith erawh rilru ipik leh hlauthawng tih hriat takin a țap reng, a chung a thil thleng ah hian mawrhphur tu lian tak a inngaihna ka neih miau vangin hnemna thu sawi tur a lawi ka hre bik hauh lo.





Nizan ah a pa nen meuh min rawn biak avang in zingkar ah ka va hruai a, a pa pawh Faith zui a, Aizawl rawn phei tum a ni nghe nghe, marawh chu a khup ruhna in chet vel a ti harsa si a, kei lah nileng a chawl tur tho ka nih vangin in lam ah lo awm turin ka ti ta ngawt kha ani a, ka thu zawm in a fanu chu ngaihngam takin ka rualin a kal tir a. Keilah chu min mamawh hun lai berin a kiang ah ka awm hauh bawk silo.






Faith lungchhe lutuk leh rilru hluathawng bawk si chu a muhil mai thei lo a, a ţap a bang a, reilote hnu ah 'hiv kha lo kai ve ta ila..' tiin rilruna zet in rawn ţap chhuak leh hlawp hlawp zel!



A sawi dan chuan health department a dawr zawh rual in lehkha pawimawh a siam fel zung zung a, xerox copy te siam nghal in a thlenna hotel pan a a let tur chu bazar bul hmun reh lai ah lo tibuaitu te nen an innangchin a, pawisa laksak tumin ani hmeichhia ngawt chu an lo pawt buai nghal ani awm a. Faith lah hmeichhe pakhat tling ve tak a lo ni kher bawk nen, a lehkha pawimawh leh pawisa chu a theih tawp a hum tumin a lo sual let ve ani awm a! Mipa rual, damdawi chak tawh lutuk vang a phili ruai ho chuan dimna nei hauh lovin an sawisa zui ta nghek bawk. An thawm hria a veng chhung mi țhenkhat tlan chhuak te'n an nangchin hlauh a, tlem a tlem ah Faith nunna in a tuar lo chauh bawk.






Faith-i'n thisen a chhuah sak pa kha HIV+ a ni ngei tih lah Doctor khan a chian tawk hmel hle a, Faith taksa pilh leh khem ah hian kha mihring thisen kha a per lut palh hlek a nih chuan...




20200403_012802.jpg
20200403_012802.jpg (68.5 KiB) Viewed 22885 times

Rum chhuak nghut in chair nghenchhan ka ngheng dawt! Ngahnge tlai ah khan office thleng zui ve a; kan zawhfel hnu ah chiah ka kal san mai loh?


Chu ka ngaihtuahna awmzia pakhatmah awm tawh bawk silo chuan chhung lam ațangin min hnawh tup tup a! Ka tawt mup.



"Faith, mutthilh tum rawh" ti chhuak sup in a ban ruh tliak lo lam kut ah chuan ka hum sak hmiah. Nghet takin ka kut chu a lo hum let a.



"Ms, HIV lo kai palh ta ila, ka... ka future engkim a tawp vek dawn, miten doctor positive tiin min nuihzat a nga, kum tam tak chhung sum seng a ka zirna zawng zawng hian awmzia a nei dawn lo... hreawm ka ti e mai" Faith chuan țah insum zet in a ti țiau.





"Chutiangin thil ngaihtuah suh, i him em em ang" ti sup in a kut chu ka hum nghet sauh.


Ngawi rengin a khum bulah ka țhutpui a, a changin a chung a thil thleng vang a min demna a ti lang leh zeuh țhin pawh chu thinrimpui ngaihna ka hrelo! A pa in lo buaipui vek tur a min chah vek hnuah Bawihi kiang ah hun hman ka duh vangin amah a inbuaipui mai tur in ka chah a, hotel chhung ah ka let san leh ta ngawt kha a nia.




Bawihi!


Hrep chuan!




Min nghak reng tih ka hriatchhuah rual chuan rum hawk in ka kekawr ipte ka dap nghal thuak. Phone chu ka hmet eng a, dar 12 a lo ri der tawh. Damdawi in ka thlen tir a ka biak bak kha ka be leh tawh miah lo.






Zanin thil khal dan fuh lo lutuk chuan min ti ner sawk!





Faith chu ka melh vut a, inchung en in mit a lo khap fak fak, a hliam tawhte chu a nat hmel in ka lainat tak zet bawk. Mangang tak a a awm lai in a kiang ah ka awm loh vang pawh a pawh a ka inthiam loh tawh teh lul nen, a mutthilh hma a kal san ngawt chu a dik hauh bawk silo.






Engpawh nise, Bawihi ka zuk hruai leh phawt a nga, ka drop fel hnu ah damdawi in ah hian ka let leh mai ang.


"Mess" ti sep a min en chuan ka en ve nghal vut.





"I phone ka lo hmang" a ti a. Mit ka kan deuh uk chuan thaw hak in amah tibuaitu te nen an inchai velna lamah a phone a thlauh chhiat thu a sawi a. Min lo call na pawh a number a nilo tih ka hre zawm ve leh zat bawk.






"Ok" ti sup in phone chu ka pe vut, a biak duh han bia se, a rilru pawh a thawl deuh mahna, cover a hmuh chuan chimawm fahran a min melh in a nui hak a. Bawihi nen kan thlalak chu mit tizim sún a melh in ka nui che ve dawt tho.






Rawlthar ngaihzawng nei tihtur ah chiah ka dah țhin kha ka dawithiam tereuhte vangin ka ti va ta duk duk miau si a.





"Chanchin hi ka nu leh pa te pawh ka hrilh lo, an hriat chuan min ngaihtuah dawn lutuk a, ka chingfel lawk thei lo tiin ka hliam dam fel hma chu helam ah ka awm mai ang" a ti sep sep a. Ka pawmpui tih nan lu ka lo buk khum nghut nghut.







"Ban ruh tliak chung a hotel ah mahni ngawt a awm chu a hreawm dawn e.. Mess, karkhat chhung vel chu i in ah khan ka lo insuan lut mai ang chu.." ti sep a inthlahrun hmel deuh a min en chuan khawngaih tha a la kher mai.







"Min dil kher a ngai em ni? Damdawi in ațang i chhuah theih rual in i insuan lut dawn nia" ka ti sup, hahdam ta huai hmel pu chungin min en a.






He lam ah chhungkhat an nei vak lo. Ka nu dam lai kha chuan Lunglei aiin Aizawl ah Faith te unau pawh an tal tam zawk a. Hostel ațangin a lo chhuah reng rengin kan in ah vek an rawn khawsa țhin. Tunah chuan khatiang a kan in pui a rawn tlangnel kha an tan a nuam ber tawh lo. Ka pa'n nupui dang a neih tak hnu ah phei chuan Aizawl an lo kal chang pawn Hotel ah an khawsa mai zel.









Eng emaw ngaihtuah ni awm tak a Faith a ngawih ran lai chuan Bawihi biak thuai ka duhna chuan min kam țún; Phone chu a hman hma a hman hmasak ka tum deuh uk a. Mahse, doctor a rawn luh ve leh chiah vang chuan ka țhutna ațangin ka ding chhuak ta vut.







"Ehe, Prof Ms, nang maw lo ni a?" ti hluai in Doctor Jayden-a chu a rawn ri hluai.





"Teh hlawl chuan leh" ka ti ve hlut tho "ka nau a nia, hetah i țhu tih ka hre hauh hleinem" ka ti let luam, school kal chhung zawngin kan junior an ni țhin.






Faith chuan tu emaw ka phone ațangin a bia a. Jayden-a chuan nichin a doctor sawi ang bawk kha sawi ve leh in Faith tan Hiv kai palhna chance a san thu a sawi churh churh. Damdawi in hnathawktu lam a țha thei ang berin Faith hliam vel kha buaipui tawh mahse thil thlen chung minute 10 chhung lek pawh HIV hrik, taksa pem ah lut a, thisen lum ah dam zui theihna chance a san thu vel a sawi mawlh mawlh lai chuan kut ka lo hum ruh ngawt ngawt.






Naktuk ah a thisen an la a nga, damdawi in dang ah thawn phei in result pawh neih vat theih an inrin thu a sawi luam. Nakin ah a rawn round leh tur thu sawiin a chhuak a.





"Faith" ka ti sup. Bawihi biak ka mamawh tawh tak zet.



"I biak zawh tawh chuan mu hahdam la, doctor sawi dan chuan mut tam i mamawh" ti sup in a khum pan in ka pen let pawk pawk. Hmui phun in a țhiannu a biak thu a lo sawi sap, lu ka thing nghat a.

"Ka sawi tur ka sawi zo tawh, I be kher duh em?" Ti sap in min melh ralh ralh; ka melh dur nghal khûi. A țhiannu pakhat hian min beisei hiam hiam țhin a, mi chhaih nan tak a hmang ziah.



"Nope, be lo ang" ka ti bung nghut.


"Humm, be ve mai la" nui sawng chungin phone chu ka lam ah a rawn lek hnai deuh zuau a.



"A țul chuan nakin ah ka bia ang" ti bung nghut pah chuan chair ah ka țhu thla vut. A nui har har a, a țhiannu ber a biak tak ah chuan a rilru a zangkhai ve ta deuh ah ngaiin ka thaw ve huai tho.



"I biak duh loh chuan ka dah..." a ti a, nui hak hak a min en pah chuan "minute khat leh chiah aw..." insehruh țeuh in kâ ka chip hmuk.



"Lunglei a ka cousin tal ka hrilh loh chuan a diklo a lawm..." inthlahrun hmel deuh a a tih tak ah chuan ka bu ta nghut.

"Ka be rei miah lo ang" a tia. Phone chu a hmet leh nghal mual mual a. Cabin bang a sana intar chu ka melh ngur. Ka kal chhuah dawn khan hetiang teh hrep a serious ani dawn tih hre ngat ila chuan Bawihi kha ka hruai let nghal tur a nia. Tunah te hian a thluak tereuhte hmangin thil mak pui pui a lo ngaihtuah kual leh chiam chiam emaw te a nia nga. Ngaihtuahna atthlak zet neiin a lo tal buai leh chiam a nge'm... Hrep a!

"Give" ti sup a Faith phone hman mek hmai zawn ah ka kut phah lian tham zet ka va dawh vut chuan min en nghal dawrh.

"Faith, phone kha ka mamawh" ka ti leh nghut. Thikthu chhiat luat vangin ka hmangaih-i tereuh kha a lo talbuai chiam hlauhna chuan dawhtheihna min tlakchham tir ta kher bawk.



"Ugggg, nakin ah ka lo be leh ang che" tiin phone chu a ti tawp a. A kut ata phih thla vut a ka ding chhuak nghal hluai chu phawk fe in min en reng ringawt.




Rang fahran in Bawihi number ka hmet chhuak nghal a, min block ve ngar ngar nangin nichin khan a phone hack sakin ka in unblock tawh. Ka call a, rei ngial a *ring* hnu ah pawh a chhang ta hauh lo.


A chau deuh a nga, a muhil emaw reuh le? Ka ngaihtuahna vang chuan khi suk in tukverh lam ka pan nghal vut. Ka chet pui dan kha tu hmeichhe tan mah tawrh mai mai chi a ni hauh lo.



"Tunge i biak dawn?" Faith chuan a rawn ti deuh hliai.


"Bawihi" ti sup in ka en thuak, a ngawi nghal hmak. Tukverh darthlalang ațangin pawn lam chu melh ngur im phone ring chu ka ngaithla vung vung. Tun țum pawh a chhang chuang lo.


Khum zau zet ah khan chau zetin a muhil siai siai ang nge, ka let leh lawk siloh vangin ngaihtuahna mak pui pui neiin a lo thinrim leh hlur tawh ang... huh, a eng a ve ve pawh lo nise a chinchang hriat ka mamawh! Chu zawng chu.




"I țha tih tal hriat ka mamawh" ka ti chhuak sup. Caffe thlithlai tur a ka rawih lai, pu Reuben-a chu ka call a. Vanneih thlak lutuk in Bawihi chu building ațangin a chhuah loh thu a rawn sawi ta hlauh. Ka thaw huai a! A taksa chau rim tawng vangin a muhil ah ka ngai ta deuh.




"Ok, ka lo let leh hma chu lo thlithla tlat ang che... ka rawn let hman țep" ti sup in phone chu ka ti tawp hmuk.



Rang lutuk in Faith chuan "Min riahpui dawn em?" a lo ti nghal zat.

Muangchangin ka inher let ruai ruai a. Phone chu ka kekawr ipte ah thun lut in ka kekawr ipte chu ka zen nghal hlun.

"Riahpui thei lo ang che..." hlauhthawn hmel lutuk a min en in țah a tum nghal ringawt.



"C'mon, Faith, i cabin a riahpui tur che in nurse ka be dawn lawm" ti chhuak hluk pah chuan ka pan chho nghut. Rilru ipik lutuk a a awm laia kal san chu a dik ber lo tih ka hria. Mahse, Bawihi'n min nghak reng tawh.


"Faith, hriatthiam tum hram rawh, nurse in a vil ang che"

"Helam ah chhungte ka neilo tih i hre ve reng a.." ti țíau a hnuai lam a bih tlat tak ah chuan thaw chhuak huai in a khum tlangah ka țhu thla dawt.


"Ka hria a lawm, i chung a thil thleng pawh ka venhim țhat tawk loh vang che a ni tih ka pawm thlap. Mahse, tunah hian Bawihi'n min nghak mek, ka let vat lo anih chuan....."



"... mi â ang maiin amah leh amah a lo intihnat leh i hlau maw?" Faith chuan nui hul hakin a rawn ti halh. Chutiang zawng kher a Bawihi chungchang a sawi chuan min ti lawm lo ngang bawk.


Ka mitmeng dur nghal khûi chu pha deuh dui a min melh in a thaw halh a.

"Ngai kawilo la, a dinhmun chu ka hriat ve vek kha, zanin tlai pawn min lawm loh zia chu ka hmu thiam a lawm.." a ti a, a nui lui halh bawk. "A nghak che a ni lawm ni? Kal tawh rawh" ti leh nghat in puan chuan a in khuh nghal hmiah.

"Faith?" lungawi lo tak chuan ka ti bung nghut.

"I thisen zawmpui pawh ka ni ve tak tak hleinem, min rawn ngaihven ringawt pawh hi lawm hle tur ka ni, ka lo phut sang lutuk che a ka tihpalh"



Ka rum chhuak nghut. Thlem emaw, thupha chawi kual erawh ka tum lo. Hmeichhe lungawi lo ka thlem ngailo bawk. Bawihi tih chiah lo chu!


Khum ațangin ka ding chhuak vut a. Faith pawh luhlul chhuah in a inlukhun ngar. "Nurse a rawn duty dawn nia" melh chhuk run in ka ti sup.


Ka inher vut a, ka kal chhuah hma a min rawn au deuh tuar na chu ngaihven tawh lovin cabin kawngka chu ka pawt phui hmiah. Duty room ka pan ding mawp mawp, Doctor Jayden-a bulah chuan nurse room duty tur ka mamawh tur thu ka hrilh a, awlsam tak a min buaipui zung zung hnu chuan thaw khat veng huai chungin motor hunna ka pan nul nul.



Ka kekawr ipte a motor chahbi chu zuk zen in la chhuak lem lo chuan ka hmet khep, motor chu eng nghal pup pup in lock a in hawng ri khup a. Zan a rei tawh bawk nen khawpui chhung pawh a reh tlawk tlawk.



Engine ka start hman țawng tih ah ka mi rawih Rubena hnen ațangin call ka dawng nawlh. Bawihi chungchang a nih ringin ka chhang nghal thuai a.



"Sawi rawh" ti sup in steering ka her kual nghal pawp.

"Pu, i țhiannu kha amah in a kal chhuak a nia"

"A rei tawh em?" ka ti deuh țhawt! Lola leh! Zan rei tawh ah leh nghal eng vang teh hrep a mahni a kal chhuak nge i nih?


"Tun mai kha.. i lo let vat tur thu ka hrilh ngial pawn lungawi lohna nei ang maiin a kal chhuak lui tho a" a rawn tih leh zet chuan ka thinur vang nge Bawihi ka ngaihtuah luat vang ka thliar hrang thiam teh hrep lo! Ka sa hulh hulh a, ka awm chhung a tawt ipik mup.




Chak zet in motor huhnna ațangin ka tlan chhuak nghal puat. Bawihi number ah call pah mawlh mawlh in chak thei ang ber in ka tlan fua fua; phone a chhang duh hauh lo chuan min ti thinur hluah hluah tawh.


"Phiang sen chuan" ti chuak hrawk in steering ka chum bur.

Lalhlimpui, i thluak tereuhte khan eng thil hrep nge i lo ngaihtuah leh reuh tawh le?



Zanlai ah mahni chiah a kal chhuah him tawk loh zia hrethiam tur a ni a sin! Khawpui chhung hmun reh deuh lai tak ngial pawh a him tawh loh lai karin... caffe hmunhma reh leh fal nalh phei chu thil sual ti duh tu te tan hmun remchang lai ber a ni hial ang chu!



Motor ka tih din tuar rual chuan rang takin pa upa tawh lam chu motor pan in a rawn tlan dawr dawr a.

"Pu, kawngah i rawn tawk em?" a rawn tih tak ah chuan ka insangmar țeuh.

Lu thing nghutin ka rum hrawih a. Kawngtluang khan tawh palh mai inring rengin ka insehruh țung a nih kha.


"A.. khai aw, nichin khan bike leh car chu khawpui lam panin an tlan ngei a. Mahse, chung mite vek chu an rawn tlan leh let a sin" pu Reubena'n pawi tih hmel zet a a tih chuan steering ka hum nghet kher mai.

"Engtik khan nge?" ti chhum hmuk in engin ka ti nung vut vut.

Darkar chanve lo liam a la nilo ang a tih rual chuan motor chu turn pawp in kawngpui thim ruih ah chuan ka tlan chhuak nghal fua. Thui pawh ka tlan hma in farm hmun zau zet ka zuk pawh a. Ka speed san em vang chuan gate pui chu ka tlan pel fu. Marawh chu brake rap ri tuar in ka tawlh let leh a. Farm house eng kung leh a kawt a mipa rual nui thum ham ham te, car var pakhat leh bike pakhat tual a inhung ka hmuh rua chuan ka hlawhfa chhawrpa mi hmu te nge kha an ni tih ka hre zawm zat.





Motor ațang a chhuah vut pah chuan ka kâ hmangin ka thaw chhuak ham ham a. Mipa pakhat in gate a ka lut vut chu min rawn hmu in a țhiante a au deuh țhawt!




(Lai thleng vel hi ka type in ka hria, nizan khan..)🙍‍♀️

An ding nghal phuk phuk chu thim tham ah chuan ka pan phei mawp mawp, an harhfim lovin pawisak an neilo tih hriat fahran in pawn light eng pum hnuai aţang chuan min lo au el lung lung a.

"Hetah eng nge i rawn tih?" pakhat in rawn pen hnai chhur pah a a rawn tih chuan a kawrawm ah ka țham nghal hrawk!

"Tu phiangsen nge i nih a?" ti țhawt in mipa pahnih an rawn che chhuak thut a! Marawh chu ka mitmeng dur khui an hmuh rual chuan an ding ta chut.




"khawi ah nge hmeichhia kha" zawi chang zet a ti hrawih in a kawrawm ka țham sakpa hmai bul chet ah chuan ka bih ngur, a țhian dangte erawh an ťî dui. Mit meng hmang a vau zam theih lek te hian in la pa takin hmeichhe chaklo zawk te an pawt lui fo tih lah ka chiang ve hle bawk.


"I sawi dawn nge, ka rek hlum dawn che" ti sup in țhen suk pah chuan ka kutphah hrawl zetin a hrawk ka rek nghal hmiah.



"Ih.. Victora.. Victora'n huan mawng a thlam ah a hnuk thla..." inthunun hman lo lek in chupa bek ah chuan ka hnek bur! A thal nghal tawp bawk. A kut hnawr a Bawihi khawih ngam tu chan phei chu kha ai khan a rapthlak ang!







Mipa rual rui zawr zet ho chu kut ka thlak ve nih hlau in a tlan che pai khut khut a, huan mawng lam chu pakhat in min kawhhmuh pahin an țhianpa tlu hlawm reng chu a pawr nawk nawk.






Tual ka thah pawh ngai mahse ka pawisa map lo.






"Țang țang lo mai teh" mipa nui huah huah ri chuan ka kawchhung a hrawm so bulh bulh. In te fel ren rawn lo ding fal nalh kawngkhar chu ka phih pawp.






"Tunge, Bro, ka la zo lo deuh, ka zawh ah nangni chu?" a rawn tih lung lung chuan ka nui chhuak hawk. Ka nuih zat vang ai mah chuan ka thinur awm ngaihna hrelo nui chhuak ka ni ber.






Chhung lam a kawngkhar inkalh tlat chu a sir lam ve ve ah hum rem sauh sauh in ka phih thlawn hlawk.





"Ka la zo lo ka tih kha..." in la hruaitu fahran a rawn vin tuar in min rawn pan a.





"Tunge i nih?" min hmachhawn rua chuan a au deuh nghek. Thim khup a melh ngurin muang zetin ka pen hma chhut chhut.


"Muansang, Zokim, Telawm?" a țhiante au chiam chiam chungin a tawlh hnung hrut hrut.




Bang in pindanna ah a tawlh lut chu ka luhchilh nghal vut. Chhuat kil khat a Bawihi lo țhu tawm kak ka hmuh meuh chuan a lak a ka lungawi lohna leh thinurna vang chuan ka sa hal hulh hulh ani ber e. Min melh chho ngar a, min hmu thut chu lawm hmel pawh zu pu map lova.

"He lai hmun hi kan huan a nih hi.. let thuai rawh.." dawi aw dûi a lo țawng pa bek ah chuan ka kuttum hum ruh tlat a chu ri nghal chawrh. Thumal khat pawh sawi leh tawh lovin a zal nghal der.

Nep lutuk mai! Vawi khat khawih pawh diar zo hauh silo in hmeichhe tha neilo zawk lo khawih luih te a tum khanglan... a hnungzang ah chhir chawrh pah chuan engmah thleng lo ang mai a Lola țhu ngawi tlat chu ka melh ngur. Mipa chu rum hawk in a vial ngawl ngawl a. Lola erawh in chhet pawn mit a khap lo.



Caffe ah min nghak mai lova a lo kal chhuah daih vang a a lak a ka lungawi lohna thup țhen hram hram chungin ka pan phei pawk pawk. Zanin hian a chungah eng emaw thleng palh ta se dam chhungin ka inngaidam thei tawh ngailo vang.


"Bawihi, i țha em?" ti chhuak sup a a hma a ka țhu hniam vut chu min ner khum sawk a.

Thaw chhuak hulh in a biang ka khuap tur chu na fe in ka kut a lo nam per nawlh anih chu! Ka nui lui suk a. Chhimthlipui ang maiin a țeu leh hlar dawn a nih hmel.

"I țha em?" ti leh sup a a dar khawih ka tumna pawh a lo nam per leh nawlh tawh.

"Hrep a.. engthil nge i hriat a?" ti chhuak hrawk in ka ding mar nghal vut. Lungawi lo fahran chuan chhuat a Bawihi țhu tawm kak chu ka melh chhuk run bawk.

"Ding rawh" ti chhuak leh hrawih in ka rum zui hawk. Kha mipa zawr chhe zet khan a khawih lo tih ka chiang. Pawi a khawih hman lo kha nung dam a a awm theih phahna ani bawk.


"Lola?" Ka vin leh tak țhawk ah chuan ner sakin a rawn ding mar ve ta hram. Kut a tuar em tih ka ngaihtuah a! Insangmar țeuh in a biang ah ka khup nghal hmiah, a lo tal nghek chu a kawngah man bet hrawk in ka lam ah ka hnuk hnai hmiah.

"Lo che hlek suh" ka ti sup, rum em em a min melh chuan a insehruh ve fan fan. A hmai tlang chu ka melh kual dun dun a. "An khawih che em?" ti sup a a taksa ka thlek kual vut chu a aw kha zet vang chuan tawp hmuk in muangchangin a taksa chu zawh chhovin a mitah ka melh chhuk nghal run.


"Sawi nawn leh teh" ti chhuak hmuk in a kawng ka kuahna chu ka ti nghet hrawk bawk.

"Ha.. vel che chuan, min buaipui lo hian damdawi in ah let leh rawh ka ti che a nih chu" ti hlak in a hawi san hmak. Ka rum chhuak hawk a.
Eng tak chu hre reuh ni maw?

"He lai hmun ațang hian chhuak vat teh ang" ti hrawk in ka pawm kang nghal nawlh.

"Malsawmtluang, i â deuh em ni? Min dah thla rawh, khawih pawh min khawih tawh suh" ti chhuak nghek in a tal nawk nawk a, caffe ațangin a mah ngawt in a kal chhuak tih ka hriat tirh tê ațang a keimah a thinurna in mung khawm chu a puak darh ve ta hawk.

"Ngawi hmak rawh" thinrim rawl lian zet a ka au khum fiak fur chu min hlauh a hneh in min ngaihnep hmel lutuk in min nuih hak anih chu!


Tur zetin ka melh chhuk ngur a, Bawihi erawh za lutuk in a nui ta hak hak. Chutia a awm dan phung maksak zet ka en run run lai chuan tawp thut in a tal leh aih a.


"Insawifiahna tur i ngah khawp mai" ti chhum hmuk in ka pen nghal pawk pawk. A tal tawh lova, tal in awmzia a nei dawn chuang lo tih a hriatchian vang te pawh ani ang, inhum ruh ve țai in a ngawi ta rauh rauh.



Motor bul ka thlen pui rual erawh in nasa lut a tal nghek in ka pawmna ațang chuan a pit thla phut anih chu!


"I kut hmawr pawn min khawih tawh suh" ti vin hlar in a tawlh hnung zui dawrh bawk.


"C'mon, engthil teh hrep nge i hriat a? I khawsak dan hian min ti lungawi hauh bik hleinem Bawihi" ti hrawk a ka pan hnai vut chu a bag in min lo hlap zui pawp!


"Ka lak a lungawi lo ngam turin tu nge ni a i inhriat a?" ti vin hlar a min ngaihnep hmel zet a min melh chho ve khai chu a kawngah man lawk in ka taksa ah ka hnuk bet nghal hrawk.

"Tu nge ka nih maw... i bialpa... i mipa ka nih hi" ti hmuk in ka kun hniam vut, a lo thle sawn tur chu a khabe ah hmer salh in dimlobaksak in ka fawp ngawng ngawng a, hmui chip tum chuan a țang nasa ve hle nangin a kawng ka kuahna ti nghet hrawk hrawk pah a ka taksa ah na zet a kuah ngheh chiam chuan na tih vangin a thaw hak a, rang takin a kâ chhung ah lei ka chet kual tir nghal ngawng ngawng. A tan tunge ka nih tih min la zawt cheu a maw? A hre duh tak zet a nih chuan ka hmeichhia a ni tih ka hriat nawn tir fo hreh hauh lo.


"Kawlh reuh lutuk" ti hluk in ka rum hawk. Ka lei hmawr a sehna thip zak chu ka khik pui suk bawk.

"Vawi khatmah min fawp tawh suh. Nang neb hian inzawmna kan nei tawh lo" ti tuar a ka fawhna a nuai nawk nawk chuan min run kher mai.


"What? Ti te khan min melh reng reng suh
Malsawmtluang, i tenawmzia leh nang hian ka taksa bak i it lo tih chu zanin khan i fiah tawh..." ti nghek in rum zetin min melh ve hrak anih chu!


Show post links
Top
Abbra Reo Ririni
Post April 2nd, 2020, 11:03 pm

Lola's POV


Ka thusawi vang a Malsawmtluanga lungawi lo hmel dur thim khup chu rapthlak tak ani tawp!


Mahse, ka hlauhna chete mah ka neilo. Min pawhsawm vek chak hmel lutuk a min melh ngur tupa chu ngainep zet in ka nui leh sak a.


"Sawi dik loh ka nei em? I lemchanna kha duhtawk tawh rawh, ka taksa ah duhtawk in nuam i chen a, ks te mipa in hun an hmazawh pui hnu ah an tih ang chiah in min kal san nghal bawk.. chuta kar ah kha hmun ațang khan keimah a haw turin zan rei tawh hnu ah min hrilh leh bawk a.. haha, i ropui lutuk Malsawmtluang, i ropui tak zet" elsen zet a ti nghek in rum ul a min melh chhuk rum tupa chu ka melh chho hrep. Za lo tih hriat lutuk in a ťjen sawk a! A lan dan pawisak neih loh hmel zet chu rapawm tak ani tawp mai!



"I duh duh sawi ngawt lo te" ti chhum hmuk in hmai a tuai pawk.

"Lut rawh, ka hruai haw ang che" aw thunun tum zet chuan a ti leh hrawk, ka nui lui hak hak a.


"Nilo, I farnu thu i rawn chah ang ngei khan keimah in ka haw zawk ang" ngaihnep hmel lutuk chuan ka ti khum hlak. A hmel dur thim khup chu rei en duh loin ka pen nghal hmak a. Mahse, thui pawh ka pen hman lo, ka dul ah a ban hrawl zet rawn rawl lut thawih in min hnuk hnung dawrh a.

"Nangte reuh hian eng chungchang nge i sawi reuh a?" sehchilh zetin a rawn ti chhuak hrawih. Ka tal aih chu min thlah thawl deuh a ka hawi let rual chuan nep tih hmel fahran hian ka melh nghal nghek.


"Oh, kan professor ropui-a hian a farnu hnen a a thuchah ngei pawh a lo theinghilh hman a va ni awm ve?"


"Bawihi?" a ti deuh țhawt! A hmel lan dan chu a rapawm hluah hluah. Tham lo tak leh hmusit ru zet melh kual velna kha mipa tam tak ni ngatse ka nasa lo viau ang tih ka hria.

"Eng chuangchang nge i sawi ka hre nek lo.. khatiang in Faith chungchang sawi ngawt bawk suh" a tih chhum hmuk chuan thinrim lutuk vangin ka puak darh lo chauh.


Malsawmtluanga hmek hmuk chuan motor lam ah min hnuk phei dawr dawr a, kawngkhar pawt hawng pawp in min hlang lut nghal nawlh. Faith chhung chhang ka sawi theih loh laiin ani hi chuan thu a rawn chah thlap thei! Hah! Rapthlak hian a.



Motor chu ngawi ngul in a khalh mawp mawp, caffe kan tlan pelh rual te chuan ka na thar rawih rawih a, keimah a thinrimna nasa lutuk chuan ka tha thlengin a ti khur thei.


"Caffe ah khan min nghak tur in ka hrilh che" a tih chhum hmuk chuan zaktheilo tih zetin ka melh hrep.


"KS, i duh ang ang a i tihkual theih ka nilo"

Motor hma lam a chum ri bur. Ka phu nghek chu min rum khum nghut a.

"Ks i ni ka tih lai ka hre hauh lo... "

"Aw, i sawi chhuah kher ngailo in min khawsak khum dan khan a tichiang vek" ka ti let er.

"Bawihi" beidawn hmel fe a a tih chhuah hulh chuan ten zetin ka ner khum sak a.


"I lungawi lo ang tih chu ka hria a lawm. Mahse, Faith khan mi kut a tuar a, ka han buaipui zawk chhung a min lo nghak kha chu i tih ve tur ah ka ngai" ti chang bul in min melh thuak bawk.


"Ha... nghak... yeah.. nghak tur che a min tih vangin taxi awm lai pawn ka haw lo a. Zan rei thleng i hmei khawi lai ang mai a ka nghah tawh hnu ah che i farnu kha min rawn biak tir ani lawm ni?" Thinrim lutuk a au khum tawn tawn in ban ka phar nghek.

"What?"

"Hrelo der vel suh" ti khum tuar in thinrim thaw khur dar dar chungin hma lam ka melh ngar a.

"Sawi chiang rawh.. Faith chuan a rawn be lu lo ang che" ti hmuk a min rin loh hmel zet a ner nawk chu vuak thluk tawp ka chak ta ber. Au khum leh nghek ka tum tut tut nangin ka thusawi rinna chhete nei lova Faith a la țan hlur chuan min pawt chau ka ti dawn nge... ka dul zawn ah hian ka hik vek.







Khawpui chhhung kan tlan luh hnu thlengin kan inbe tawh lo. Kei phei chuan duhtawk a sex min hmanpuina pindan chhung ah ngei khan he mihring hi be tawh ngailo turin thutlukna ka siam vek tawh.


Ka u te gate bulah motor a ti thi duk a. Kawngkhar ka hawng ka chhuak tur chiah chu ka ban rekah a rawn man leh hmiah


"Bawihi?"

"Ka hmu duh tawh lo che.."

"Lalhlimpui" a ti tawk.

"I bulah ka hlim leh hlim loh kha min zawt tiraw?" a mitah tak en in Faith a țan hlur chu nep ti zet in ka nuih pah sak bawk. Motor chhung eng sen khui hnuai ah chuan a mitmeng danglam ruih chu ka melh lui tlat a.

"Thudik ka hrilh ang che.. I bulah hian ka hlim lo" ka ti chang fak.


Malsawmtluanga khi deuh suk chu thinrim insehruh țeuh in ka melh a.

"Dawt hmang a min tihnat chu tum duh suh, zanin han mu țha la, naktuk ah kan sawi țha dawn nia" a ti dam ta thlup.

"Aih, engmah sawi țhat leh kan mamawh tawh lo, zep loh chuan ka ning tawh che.... tunge mahni aia upa fe ngaizawng reng duh ang...." na ngei se ti zet in a mit ah ka melh ran a, a mitmeng uk thim khup a ka thil hmuh erawh chu ka hlimpui lo. Ka awm chhung a hmet hit rawih rawih daih. Mahse, ka ti tawh ta sa sa...

"Ka kum rualpui mipa in min hip ve țan tawh ah ngai mai rawh, ka sawi awmzia hi i hriatthiam ka ring" ti hmak in ka kut a hum chu ka thing sawk. A thlah lo.


Nghet zetin hum ngut ngut a, a hmer nat em vangin ka kut chu a mur chum chum. Ka țawng chhung zawng khan khap pawh a khap lo.

"Min thlah vat teh Malsawmtluang" ti hlar a ka phih leh nghek chu a aw rit luk leh natna thuk zet lang chhuak tel vang chuan ka tawp chawt.

"I thusawi kha sawi nawn leh teh"


"Kei aia upa fe hi ka zui peih tawh lo che, i bulah hian ka hlim tak tak lo! Ka kum rualpui te nen a tlai tak tak hma a nun bul țan a, rawlthar ngei ngaizawn ka duh ve tawh ka ti a nih chu!" Ka tih chang fak chuan ka kut a hum beh run chu a thlah ruai ruai a.

Keipawh chu rang zet in ka chhuak a.

"I thuthlukna ah khan inchhiar ngai hauh lovang che" kawngkhar ka nam phui hma a a aw zawi sup vang chuan ka tim deuh zuau a.


Mahse, ngeiawm zet a nuih sak in mit ka siai zeuh. A hmel cool ruih lang thim khup a natna leh a mitmeng zuai ruih chuan min vîlh na ve ngut ngut tho.




"Min thlah a vangin ka lawm e.. Damdawi in lam ah tlan let leh tawh rawh, i farnu duat lai khan i riahpui dawn tih a sawi a, helai ah lo chelh khawmuan reng che hi a dik ber lo" ti ram hmak in kawngka chu ka nam phui dawt!



Gate ka luh fel hma hauh in chak lutuk in adawk chhuak zawk a. Keimah a pawimawh lai ber lak bo ang maiin ka ruak nghal huai! Ka khur ti tih a. Mahse, nghet lutuk a kut hum in thawk ka la hawk hawk!


Kan tawp!! (?) Malsawmtluanga leh Lola inkar chu a tawp tawh tak tak!






Zankhua in ka mu lo. A kum upat tawh vang leh a kiang ah ka hlim loh thu ka sawi khum lai a prof Msa hmel ah natna te leh eng emaw... eng emaw tak ka hriatthiampui phak loh lo lang chhuak zut zut te kha ka mitthla ah an cham reng a, hah hluah hluah chungin ka țhu chhuak leh nge nge zel.




Mahse, min rinna a neilo lutuk te. Ka thusawi awi hauh lova a engamah hma a Faith a țan rum rut khan min tin na ve em a! Na tak ka ni mai! Kha hmeichhia khan prof Msa chah ang a rawn sawiin zanlai tawh ah leh nghal amah nghak lo tur leh let san mai tur a min rawn hrilh vang nilose: caffe ațang khan chhuah ngawt nachhan tur ka neilo tih tal pawh a ngaihtuah thleng duh țhak lova. Kei lah hmeichhe inthunun thei tak ka lo nilo kher bawk nen... min rinna chhet mah neilo, chuta karah pawngsual ka tawh phah țep nachhan hmeichhia chhan túk tu kiangah kha aia țawngkam thlum leh nem chhak chhuah tur ka hre hauh lo bawk.







A tuk ah chuan ka u in nizam ka kalna min zawt miah lo chu mak ka ti ru hle a. Class kal ka tum lo thu ka hrilh chuan min en nghal vut bawk


"Msa farnu chu ngaihtuahawm ani em?" a ti sup. Ka meng phawk deuh kawk a. Mahse, Malsawmtluanga khan kan kal chhuah hma pawn a be tawh a. Aaa, Faith chungchang pawh a lo hrilh ve a ni mai thei


"Ngaihtuahawm vak lo ang" ka ti ringawt. Bu nghut nghut in chaw a bar zawm mawlh mawlh a.



Ka u hna kal rualin Bawihpuia leh u Mimi an chhuak ve nghal a, daycare ah Matt a kal ve tawh vangin U Mimi'n a hruai a, a lo haw lam hi mamawh vel leiin a rawn bazar haw țhin.



Ka țhian te'n class ka kal lo ngawt chu min hau nak nak reng a, a khat tawkin Prof Msa last seen leh status uplod hmuh inbeisei chuan whatsapp ka lut sek a. Ani erawh a reh vung vung.




nileng in Malsawmtluanga'n nen kan inbe lo nghal pang. Faith-i a zawt chhuak a nga emaw, a call log tal check in Faith-i'n min lo call ngei a ni tih a hmu chhuak a nga! Eng vang a thinrim nge ka nih tih a ngaihruat thiam nghal mai tur ah ngai rilru in inbiak a duhthu a lo sawi hun ka nghak ani ber ang chu!



Mahse, ni a liam a.. zan, ni thar bawk kan chuangkai leh a, Malsawmtluanga chu tehhmeh ang hmiah in a reh ta tlawk tlawk.



Thudik a zawng chhuak duh lo anih te chuan a farnu chhan hlum loh chauh, a hnung lam a thil tih ruk thiam bawk si kha ngaihsak em em rawh se.




"Lola, i cher sawt e.." Nuni chuan min ngaihtuah hmel zet hian a rawn ti a.

"Humm, ka thau ngai reng reng a mi?" ka ti hlak. Zalo zetin an nui a.


"Tah hian thil ei ila, Lalmatei pawh a khal leh tal mai ang" ti lawng lawng in Hotel chhung ah chuan Kimkima'n min kuah lut a. Class ban vel a in lam haw hi chu kan hnaih lo tlang hlawm a nia.




Jordan kan video call a, kan ri teng tung, chutia kan țhiam ho hlim zet a kan lo riklelu lai chuan hmeichhe pahnih min rawn kal pel tu te chuan ka mit an la nghal zak. Kan hlat ang reng tak, marawh chu kan table ațang a lang thei si ah țhutna an rem fel rual chuam Faith leh a țhiannu an ni tih ka hre zawk zat. Ka tawt ru nghal țun a, Faith bam vei lam chu a intuam chhah deuh luk nangin chetpui harsa a tih vak tawh hmel loh.


Engtik khan nge Damdawi in ațangin a chhuah? tih leh Prof Msa vek in em niang buaipui tih vel chu ka ngaihtuah ngut ngut a. Chutia Malsawmtluanga ngaihsakna a dawng vek tur ang a ka suangtuah rual ringawt te chuan ka hah nghal hluah hluah.



'"Order lo thlen hma in washroom ka hmang lawk dawn" ka ti a. Midang chu washroom kal mamawh hmel an put loh vangin washroom pan chuan ka pen nghal hlak hlak. Hetah Faith te an rawn chawl ve sia. Malsawmtluanga hmuh tel thut inring run ran in ka tha te chu a țang hah nghal vek a. Hotel tam tak karah he lai hotel ah kher kan inhmufuh thei lutuk pawh hi tih tawp dan ngaihtuah vat a ngai dawn a nih hi.




Toilet ațang in ka chhuak chiah. Ka piah chiah toilet kawngkhar inhawng ațangin ka hmeichhe hmachhawn chak loh ber mai a rawn chhuak ve hlawl.


"Hey .. Lola?" Nui sangin a ti zang vak. Tawite in ka nuih let sawng ringawt.








"Msa in ah ka insuan lut a sin" midang hriat tham loh tur a Faith thusawi vang chuan ka kut sil lai chu ka tawp ziau.

"A hrilh lo che mi? Tunlai i chanchin a ngaihven lo ka ti deuh reng a, nimin khan damdawi in a țangin ka chhuak a" a țawng chhung zawng chuan darthlalang a a hlimthla chu ka melh ngawt ngawt.




"Ka damloh chhung chu a in ah khan ka cheng ve rih ang, kei lah hotel-ah mahni ngawt a khawsa thei ka ni silo a" kan hma darthlalang ațang a min melh ralh pah chuan a ti leh sap. Ka lo na ngut ngut thung. Kha zan aţang khan ninga a liam tawh! Malsawmtluanga nen vawi khat mah kan inhmu leh tawh lo! Khatiang tak a ka thinrim chhan kha zawn chhuah tumin Faith a zawt chian ka ring rilru kha ani a! Mahse, ka thusawi kha chhe te mah in a ringlo tih nem nghehna chiah ka hmu ta thung!



"A țhat hlauh chu" ka ti sap, sawi belh chiam tur ka hrelo! Ka lo rin ang in Malsawmtluanga'n thudik zawn chhuah a tum lo lutuk erawh in min la tina pha tho.


"Nia, amah lo ngaihsaktu dang ka nei chuang lo a, ka fin lut ve hi pawi i tilo ang tiraw?" Min tih elna rawngkai zet a nuih pahin min melh leh kher a nih chu! Ka thinrimna so bulh bulh chu natna tam takin a rawn pawlh tel ve a. Malsawmtluanga nen an chen dun thu sawiin ka chanchin a ngaihven loh tak zia min sawi khum hnu lawk ah ka nat zual phahna tur a zawhna min han zawt vel kher chuan keh hrep min ti chak ut ut.


"Pawi hleinem" ka rilru so bulh bulh nen a inremlo zetin ka ti dam thlap. Ka nui tel sak bawk.


"Nia, pawi lo ti pawh nila Mess-a berin a in ah min hruai luh miau chuan tih theih i nei dawn chuang lo" Faith chuan a rawn ti leh salh! Ka inhum ruh nasa! Hetiang mize phakar lutuk hi Malsawmtluanga lah khan keimah aiin a la ring zawk zui.



Ngawi rengin ka inher a, kawngkhar pan in ka kal hlawk hlawk. Mahse, washroom kawngkhar ka thlen hma a Faith thu rawn sawi vang chuan ka nghing che lawih! Ka ding khawng nghal lah bawk.




"Msa nen hian cousin dik tak kan ni ve lo tih i hria em?" Inher leh in Faith chu maktizetin ka melh deuh kawk a! Tui inherh haw sur sur titawp pah chuan nuam tihna a khat in min melh ta siah bawk.





"A hrilh che ka ring lo reng a! Msa nutei pasal hi ka pa a nia. Msa nutei hi ka nuhrawn tihna a nih chu... cousin dangte ang a thisen ah inzawmna nei kan nilo" nuihsawh tih hriat zet a min nuih in a thle nghal!


Kei erawh ka thu hriatin min țhawn lutuk vang chuan ka khur thei hial! Hill sang zet bun chung a Faith rawn pen phei chu kut hum ruh tlat in ka lo melh ngawt ngawt bawk. Khang hun chhung zawng khan Malsawmtluanga'n min lo bum char char tih ka hriatchhuahna chuan min tina thar ngawih ngawih. Cousin ang a lemchang in an lo inngaihsak kual tawn vel țhin a! Engkim kha lemchanna vek a lo nih chu!




"Chuan, hman zan ațang khan Msa hian a ngaihven tawh lem lo che tih chu i hriatthiam ka ring, a inah cheng tur a min hruai luh rum rum te hian chhan țha tak a neih i ring ve em?" khi sak chungin hnaih zet ah min rawn din chilh a, ka lungphu ri dup dup chuan ka thawk lak a ti rang zawih zawih!

"E, tak a, Amah pawh a lo kal dawn a sin, min rawn ngaihven tur in" Faith chuan min nuihsawh tih hriat fahran a khi sak chungin min melh chhuk ran bawk. Ka mitthla ah Malsawmtluanga hmel cool ruih a rawn lang uar uar a. Țap chhuak lo turin ka insehruh fan fan. He mihring hian ka hnung lam ah min tina thei thil a lo va ti nasa em em ve mawle!




"Ka kal hmasa mai a nge" Faith chuan a ti leh a, chetsawn nachang hre hlek lova ka ding khawng reng chu min kal pel pahin min nuih tel halh bawk!




"Hman zan a phone ațang min lo call khan dawt i rawn sawi... a dik em?" ka ti a, marble chhuat a hill pen thawm a reh dat dan ah a ding tih hria in chapo hmel zstin ka inher let nghal zat bawk.


"Khami zan khan Prof Msa'n nanghi min be turin a hrilh hauh lo che..." ti chang fak in a mitah tak ka melh chho ran. Faith chu mak tih hmel zetin a rawn meng phar kual vel a.


"Chutiang te'n thil a lo thleng a ni maw? Ka va hreve silo ve. Msa lahin engmah a sawi bawk silo a.. ughg, a phone ațangin ka bia che angin a bulah i sawi .. chuan, i thusawi chu Mess-a'n a ring lo che a ni em?" rawn ti sak in chiang lutuk a min melh let chuan ka tlawm thar leh rawih rawih. A sawi dik. Khami zan khan Malsawmtluanga ka thusawi ring lovin Faith chung chhang sawi ngawt lo turin min vin let hluk zawk.






"Lola, hriatthiam tum ta che, engkim kha Msa min hriatpui vek, nangpawn a aw ri te kha i hria a ni lawm ni? Ihmaw, diktak chuan nangang rilru buai țhin hi tu mipa mahin an duh tak tak lo ang che tih hrethiam rawh... chung mipa zingah chuan Msa ngei pawh a tel" a rawn ti a. A thusawi maltin chu ka nihna vek ni mahse na ka ti tak zet! Chuan, Malsawmtluanga ka huatna a zual tulh tulh bawk. Ka awm dan phung engkim Faith hnen ah a hrilh vangin tun hunah hian henu hnuaichhiahna leh hmuhsitna hi tawng ka ni!



Lu thing nar nar in Faith chuan min en a.
"Khawngaihthlak reuh lutuk, Mess-a berin a ngaihsak tawh bawk silo che, i bulah hian hun khawhral ka mamawh lo ve" mit min siai zeuh pah chuan a kut tuam chhah luk lo lam in kawngkhar chu a pawt hawng pawp a. A kal chhuak chu inhum ruh ngawt ngawt chung in ka melh reng ringawt.






Washroom kawngkhar inkhar ri dawt chuan ka thazam a hmet phu nghek! Tunah chuan engkim a lang fiah ta kuar mai a lawm! An ni pahnih hian thisen ah inzawmna an neilo! Malsawmtluanga khan a cousin tiin thup mawi a tum viau nangin tun ah chuan an inzawmna dik tak ka hmu thiam vek tawh! Faith-i min biak dan ka sawi chhuah a ring duh miah lo te kha Faith a chhan vang mai mai emaw ka lo ti a... Mahse; tha na zetin ka inhum ruh ngawt ngawt. Ka hmai ah thlan a rawn bawl chhuak țîam țîam a. Thaw chhuak hak pah chuan ka kutphah hnunglam in ka hru tawk.





Washroom ațang ka chhuah rual a ka mihring va hmuh vang chuan pawh din chawt ang maiin ka ding deuh chawt. Hall zau zet ah chuan hawi sang vuh hian a rawn pen lut pawk pawk a. A taksa lianpui, pian nalh zet leh a mitmeng thim khup te chuan a hma ang bawk in ka lungphu a la ti rang dawt dawt tho.




Faith leh a țhiante table lam pan in prof Msa chu a pen pawk pawk. Dawhkan kil a nula nalh zet pahnih țhu te chuan an lo au chul bawk. Faith en chung a ngaihsak hmel tak a Prof Msa nui deuh suk chuan min vilh ngut ngut.


Ka awm chhung tawt up up chu tireh turin ka dawm a, ka kâ ațang a thaw chhuak ham ham pah chuan pen sawn ka tum a, ka thei lo. Tlawm tak a min siamtu te pahnih khawsak dan engkim chuan min tina ngawih ngawih, mahse, an lak ațangin mit ka la sawn thei lo.



"Ka buai i ti hmasa vel a.." nel tih hriat lutuk in Faith chuan a lo ti hlak.

"Hummm, i Boss hi damlo ngaihthah duh khawp a mihring nunrawng a ni bik lo a ni aw" a țhiannu zawk in a lo chhang a. An nui har har bul ah chuan Malsawmtluanga chu a va ding khup. Faith-i bul a chair pawh chhuah pah chuan a hawi kual deuh thuak a. A mitmeng melhna zet leh uk thim khup chuan min rawn melh nghal siah bawk. Mahse, Malsawmtluanga chuan min hre ngailo angin mit min laksawn san vut! Tawrh harsa ka va ti tak em!


Faith bul ah țhut rem hmuk pah a a thil tih leh lek phei chu min tihnat a tum lutuk vang ani tih ka hria! A hlawhtling chiang hle bawk.

Dawhkan chung a Faith-i kut na lo lam chu hum sakin a beng bul ah Prof Msa chu a phun sup. A kiai deuh suk rual a Faith nui chhuak hak hak te chuan min hnawh tawt tup tup a! Fiamthu thawh nan min hmangin min nuihsawh a ni ngei ang!

Prof Msa bawk chu Faith bengbul ah a phun leh sup a, dawhkan melh ngar pah a Faith nui sei mai chu en duh tawh lovin ka hawi sawh rang kher mai.



Inhum ruh țeuh chungin kan table pan chuan ka pen nghal hlawk hlawk.


Ka țhiante hmel ka hmuh chuan tlem hian ka hahdam deuh a. Min ngaihtuah hmel lutukin Kimkima chuan a bul ah min pawt țhu nghal sawk sawk.




"Lalmate, nangni pahnih hi in tawp tak tak em ni?" a ti sur sur. An zavai hmel ah chuan min ngaihtuahna leh Prof Msa nen kan inkar a thil thleng dik tak hriatchian chakna a lang chhuak vek hlawm a, engmah ka sawi ngai miau lo. Min hmu tur leh kal chhuahpui tur a Malsawmtluanga a rawn lang ta miah loh kha mak an ti ngang mai. Min zawt țhin a, kei lahin sawi mai dan tur ka thim der bawk silo. Ninga ngawt min ngaihven miah lova Malsawmtluanga a reh tak vung vung ah chuan zawhna min zawt tawh ngailo.

"Mawh? Lalmate, Prof Msa nen hian in ințhen a mi?"

"Umm"

"Maw?" Kimkima chuan a ti deuh tuar a.
"In ințhen tak tak maw? Engvangin.. sawnu vang saw a ni em?" ti deuh nghek pah chuan Faith-i te table lam chu a va kawk ta chiam mai.

"Hey, inbeng dai hmasa rawh" ti pah chuan Nuni'n Kimkima kut chu a vai sawn sak lawp bawk.


"Lalmate, sawi chiang rawh..."
"Sawi vak tur a awm lo, kan tawp tawh"

"Aih, a chhan a awm ngei tur a ni ringawt, saw a cousin intinu vang saw a nih vaih chuan ka kek hrep ang" ti chhuak chiam pah chuan prof Msa te table lam bawk chu a va melh a. Malsawmtluanga țhu ngawi ngul pawn kan table chu a rawn melh run.





Nuni leh Remremi pawn kan tawp chhan chu min zawh tak sek sek ah chuan hman zan a thil thleng vel chu kut hum ruh țeuh chungin ka hrilh a. Prof Msa nen sex kan hmang tawh tih an hriat vek a vangin thil thleng chu hmaih awm lovin ka hrilh fai ta vek! Kan inhnial chho dan te leh Malsawmtluanga ka țawmgkhum dan zawng zawng pawh ka hrilh fai khelh! Inhum ruh țeuh a ka sawi zawh meuh chuan ka țhiante hmel chu a inthlak hlawk a! Kimkima thinur mitmeng chu a thip hlur mai.


"Sawnu sawn Prof Msa a ngaizawng chiang lutuk" tilpawraw thum pherh duai a tiin Faith te țhutna table lam chu a va melh nghek a.



"Ih.... i thinrim chhan, ka tihawmzia chu sex in hman zawh hnu lawk ah a kal chhuah san che a.. zan rei thleng khawpui dai ah i lo nghak char char bawk. Zan lai pelh tawh hnu ah haw san tur mai tur a a tih thu che Faith-i lo sawi vel kha Prof Msa hnen ah i sawi lo em ni?" Nuni chuan a rawn ti a.


"Sawi a lawm... Mahse, chutiang in Faith'n a tilo ang min tih khum hmiah..." ka tih sep chuan min thinrimpui tih hriat lutuk in Nuni chu a chet tlat tlat a.


"Prof Msa reng reng pawh a tiawmang lo a nih chu, zan rei tawh ah leh nghal nangmah a i kal chhuak ngawt khan chhan țha tak anei ang tih rin thiam a, i thusawi te ngaihthlak ve tal tur a lawm... an pahnih a an awm lai ngei sawn va bia ang u" thinrim tak a Nuni meuh in a tih chuan Remremi leh Kimkima chu an im ready nghal at a. Mahse, rang lutuk in ka dang nghal rawk rawk thung.


"Engtinmah tih a ngailo..."


"Mahse, saw nu dawt sawi kual vang a ințhen in ni tih tal prof Msa sawn hre ve rawh se"


"Uhhh.. A, a hre vek a lawm" ti sap in dawhkan chu ka melh nghal ngar a.

"Maw?"


"Faith'n min lo biak lai pawn a bul lawk ah a awm ve a lawm... chulo ah, ugg, cousin tak tak pawh an nilo... chuan, tunah hian Prof Msa in ah Faith a insuan lut ve bawk"


"Eng nga?"

"Prof Msa Nutei Fahrawn a nih saw" ka tih sep chuan ka țhiante chu a thinrim belh sauh mai hian ka hria. Malsawmtluanga te table lam chu an va melh ngawt ngawt a. An ni pathum pawh chu chhuah tum in an lo che vel mek a.


Faith-i chu mak ti zetin ka melh reng ringawt. Washroom chhung ah kha chuan na nei hmel a pu hauh silo. Ka nat loh hlau lutuk in min țawngkhum sak sak a, nuam ti zetin min nuihsawh bawk! Mahse, tunah saw chuan a ban tuam luk te saw na tih hmel zetin amah in a ding thei lo vel a. Malsawmtluanga'n rang zet a Faith kawngah a kuah vut chuan ka lo na zawk tho.




An țhiannu chu a rawn kal hmasa a. Faith kawng ah kuah run in Malsawmtluanga te pawh a hnung ah an rawn kal ve a, kan dawhkan hi rawn kal pelh ngei ngei an ngaih avang chuan ka lo insangmar țeuh ringawt.



Kan țhian ho chu Malsawmtluanga vet vut chuan min hmu lo der hmiah. Kei erawh in ka mitsir in ka melh reng thung.


"Professor, i dam maw?" Nuni chuan kan dawhkan bul an lo thlen rual in a lo ti a. A nui tel hak bawk.


Prof Msa chuan thim khup a min rawn melh vutin lu a bu nghut a. Keini ho chu min biak a chak lo tih hriat lutuk in hmui a chip hmuk.



"I cousin chu a intipalh ani maw?" Nuni vek. Faith ban intuam chhak luk chu melh ralh ralh in a nui tel kher bawk



"A nih hi" bung nghutin Malsawmtluanga chuan a rawn ti hmuk.

"Oh, a va pawi, lo dam vat vat rawh se" Nuni vek chuan a ti leh kher a. Malsawmtluanga chuan rum ul in min melh chhuk ngur. Rapthlak zawk hian a! Faith-i min țawngkhum dan ka sawi lah min ring duh hauh silovin tun ah lem, ka țhiante hi keimah tih tir ang hrim ah ngaiin min melh tur khui ringawt a.


"Ms, kal vat teh ang u, ka damdawi ei a hun dawn. In ah ka dah daih bawk sia" na nei ang hrim a zuai raih a Faith'n a tih tak ah chuan Malsawmtluanga hmel rum ul chu a inthlak thut a.


"Sorry.. kal ang u" ti chhuak sup in Faith chu duat hmel zet hian a nuih suk.


Hotel ațang a an chhuah fel rual chuan ka thaw chhuak ham ham a. Ka lo insangmar nasat lutuk a lam ah ka hah vek!



"Zawngchhebani chu leh! Lemchan a va thiam em em ve mawle..." ring lutuk hian Lalkimkima chuan a ti lawng lawng. Dawhkan kil a midang țhu ho pawn kan lam an rawn hawi nghal țhup.



"Ramhuai ai pawn a rapthlak zawk. Lemchan a thiam hlerh hlawrh si, washroom chhung a a khawsak khum dan che leh prof Msa bul hnai a a khawsak dan inanglo lutuk te kha a va han tenawm zikzek tak" a ti leh hlawih hlawih a. Midang chuan mak tiin kan table chu rawn en hu hu mahse kei erawh ka nui thung. Țhian satliah nilo, țhian țha tak ka nei miau a.



An sawi fo țhin. Fake friend leh real friend i hriat hran duh chuan an bulah i problem țhenkhat sawi chhuak chhin rawh. Entirnan; i bialpa nen in inhauh buaina chungchang han hrilh la. I țhian satliah chuan 'in inhau reng mai, keini chu kan inhau khat a sin...' tiin i harsatna neih te inbun thawl tur a hrilh ai che chuan a kawppui nen an inkar a țhat reng țhin thu sawiin an mahni ang a awm ve turin a hrilh nghek ang che.


I țhian țha erawh chuan harsatna i sawi rual rual in a thinrimpui che a nga, i dikna ani emaw, nilo pawh nise i kawppui kha i tan a hau hrep mai ang. I rilru a thawl a, i inbun ruah țhenhnu ah erawh i thiam lohna lai point out sak che in an zilh thung ang che.






Harhfim lo zet in ka inkhalh haw a. Scooty ka hun țhat hnu ah kawngkhar lo inkharphui țhiap pawt hawng a, inchhung ka pen lut chiah chu mak tih lutuk in ka meng phawk kawk kawk ringawt.



Țhutkhawmna a single sofa ah Prof Msa chu a lo țhu ngawi ngul a, phawk zet a ka en reng lai chuan muangchang a ka lam rawn hawi ruai ruai in a mit thim khup chu keimah ah a vu nghal ngur.


Ka lungphu zawn chu ka dawm deuh vang vang a, ka rui lutuk hian thil ka hmu sual te anih ka ring rum rum.


"Mate, tunlai chu i rawn haw tlai țhin khawp mai" bung deuh nghut a ka u'n a tih sup tak ah chuan thaw chhuak hak in lu ka thing nak mai.




Ka pen lut a, Malsawmtluanga hmekhmuk chu ka rui hmuh sual nilo in a tak ngei a ni tih ka chiang tawh bawk. Ka hrahfim lo tih a hriatthiam rual a a mitmeng rum zual sauh pawh chu ngatanmah tilo in kawngkhar chu ka pawt phui a. Biak pawh be lovin room ka pan nghal daih.




"Zahna tlachham leh lutuk" ti chhuak hlak in ka bag chu khum ah ka theh thla dawt. "Kan in ah te a la rawn kal ngam a nia" bang lam melh hrep pah chuan ka ti leh sap a. Malsawmtluanga hmu thei kher lo mahila a țhutna zawn bang erawh ka melh rum ngang mai.




Inthlak tur pawn ka che kual vel peih lo. Khum ah chuan ka bawk thlawp a. Malsawmtluanga leh ka u phun thum bul bul chuan eng nge an sawi hrechak viau mahila ka lu hai muai muai leh mitmeng phi chiai chu kar lovah ka thunun zo lova.. lukham ah hmai phum in ka thaw ta siai siai a.



PROF MALSAWMTLUANG'S POV

Flash back



Bolero chu tual zawl ah chuan ri tuar khawp in ka ti ding dawt! Garage ah pawh hung lut lovin kawngkhar chu ka nam hawng pawp a. Na lua awm lovin ka nam phui leh dawt bawk.




Ka sahal a, ka thinchhung chu a so in a so bulh bulh.



*Kei aia upa fe hi ka zui peih tawh lo che, i bulah hian ka hlim tak tak lo! Ka kum rualpui te nen a tlai tak tak hma a nun bul țan a, rawlthar ngei ngaizawn ka duh ve tawh ka ti a nih chu!" Min elsen lutuk a Bawihi min țawngkhumna aw ri chu ka lu chhung ah hian a ri nawn tluk tluk bawk nen thawk zing lutuk vangin bolero bang chu ka hnek țawlh.



A ke chhir leh pawp in ka rum chhuak hrawk hrawk bawk. *Kei aia upa fe hi ka zui peih tawh lo che* kha thumalh kha a tan chuan sawi chhuah a awlsam viau ngei ang! Ka tan erawh tlawm rawih rawihna tham khawp a ni thung.



"Khathil kha i sawi tak zet ngei a maw?" ti chhuak hrawk in ro zetin ka nui hawk. Bawihi țawngkam maltin vang a mahni insitna leh thinurna te chu ka taksa chhungah ngei hian an insual kual bulh bulh a! Thawk zing lutuk a ka thawk chhuah leh hawk rual chuan ka kawchhung lam chu a ipik tulh tulh! Rum chhuak hrawk in motor hmalam thir khauh zet chu ka hnek ri bur! *Kei aia upa fe hi ka zui peih tawh lo che* Bawihi aw ri kha zet lah chu ka bul vel ah khawk rum rum khawp in a ri chuah chuah a! *rawlthar ngei ngaizawn ka duh ve tawh ka ti a nih chu!*

"Bawihi" ti chhuak tawk in motor hma chu ka kutphah pahnih a nam ngur in ka kun chhul. A sawi chhuak hauh lo chung pawn amah aia ka upa lutuk hi a rukin ka insit ve a sin! A sawi chhuah teh hrep loh pawn ka kum upat vang in min zahpui ang tih ka hlau ru ngawih ngawih zel. Mahse. f**k IT! Amah aia ka upat fê vangin min zui peih tawh lo.. Ka duhthlanna pawh nilo; ka hmeichhe hmangaih aia ka kum a upat zawk fe a vangin mipa dawizep tak ang maiin țawngkam khat te mah sawi tur hrelo leh min kalsan lo tur a ngen ngam lovin a rualpui te nen a nun bul țan țhat duh hmeichhia.. ka hmangaih kha ka kal tir tawp! Ka thinlung chu tawrhhlehawm takin a țawngkam maltin khan a kher ngut ngut a ni ber!




Thana zet a inhumruh ngut ngut chungin ka ding ta hlawl, ka thinlung chu a rum kuk kuk ani ber!



Ka inding thim ruih chu pan pawk pawk. Kawngkharpui chu a chhiat pawh pawisa lek lovin ka phih hawng bur. Sofa ah ka țhu thla hnawk a, ka hah hluah hluahin ka hria! Motor chhung eng thim raih hnuai a Bawihi hmel lan dan leh a thu sawi maltin kha ka thluak ațangin a reh tawh mai mai lo bawk ang.



Ka ngaihtuahna kil khat chuan ka pa min zilhna a chhui thleng rawih rawih a. Â â suh, inkum a inthlau lutuk.. ti meuh in Lola thlah turin min hrilh fo. Mahse, khawvel ka awm chhung a ka hmangaih hmasa ber hmeichhia khan kan kum inthlauhna kha a pawisa lo emaw ka ti țhin a.. huh... Ngaihtuah zawm duh tawh lovin sofa ațang in ka tho chhuak vut. Whiskey dahna lam ka pan a. A bur chuan ka khiat nghal pawp pawp. Ka hrawk chu a sa thla ham hma a. Ner sawk in lu ka thing nghut.


Ka phone rawn ri chuan ka thil tih mek chu min tawp tir in thaw chhuak ham ham hian ka kekawr ipte chu ka dap thuak. Nichin a Faith min rawn call na number kha. Chhan loh ka tum zet nangin thil serious tak pawh a thleng palh thei.


Ka pickup rual in Faith chuan amah riahpui turin min rawn ngen nghal a. Mahni lomah a thawk zin nen "Faith" ka ti chhuak rum hawk.


"Naktuk ah ka rawn hmu ang che" ti hmuk in phone chu ka off hmiah.

End of flash back




Ka chapo na leh inrintawkna rawn fuan khawm tup tup vang chuan Bawihi biak pawh emaw tumna ka nei tawh biklo. Khatiang teh chai a min kalsan duh a, min hmusit tu kha ka chelhzui hram bikna tur ka hrelo. Ka bialnu zawkin min hmuh a duh tawh lohna chu ka tihhlawhtlin sak ngei tur a ni!



Damdawi in ațangin Faith a chhuah thei tawh a, ka in lam ah ka hruai lut a, chet a harsat chhung chu keipawh ka riak ve ang. In chhung enkawl faitu pawh nitin a lo kal ta a. Bawihi nen kan inkar engmah ka hrilh lem lo nangin Faith chuan ka chetzia ațangin a hrethiam ani mahna, theihtawp in min tihhlim a tum ve țhin. University lam ah pawh buai ngaiin kan buai mawp mawp. Paper check tur a tam chang hian ka lawm ru hle țhin. Bawihi ngaihtuah zui miah lova hun ka khawh ral ve theihna ani miau a.



"In ințhen tak tak maw?"

"Faith, engmah sawi lo teh" ka ti nghut.

"Hei vang hi lawm.. han en ve mahte, Lola kha ani em?" a ti a, a kut dinglam a phone chu ka lam ah a rawn lek hnai zauh. Screen a ka thil hmuh vang chuan ka inhum ruh kher mai.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 25th, 2020, 1:07 pm

TETAKTEI
CHAPTER 32

🐾Abbra Reo Ririni Khiangte(PitarteiSualfingi) 😈


TUNAH PAWH ZING DAR 3: 30 ani vu tawh. 🙍‍♀️








Faith-i phone chu tha khur ngawt ngawt khawp a hum nghetin ka insehruh țawlh țawlh!


"In inkarah engmah a awm tawh lo em ni?" Faith bawk.

"Ngawi rawh" phone screen chu bih ngurin ka ti chhuak hrawk!


"Ka.. ka sawi ve mai mai a lawm, khatiang khan mipa dang nen an awm dun bawk sia..."

"Faith, Shut the f**k up!" rum hawk a ti chhuak hrawkin sofa ațangin ka ding chhuak vut! Ka thinrim rawl lian lutuk leh che chhuak phut vang chuan Faith chu min hlau lutukin a khek chiam bawk.



Insehruh tlat hian ka chhuk melh ngur a, thlabar hmel zet a min melh phawk kawk na te chuan ka thinurna a belh chhah tulh tulh bawk.


"Vawi khat mah Lola chanchin emaw; a hming pawh lam ri tawh suh ang che" bung nghut a ti chhum vutin tha khur dur dur khawp a a phone ka hum lai chu a țhutna couch ah ka theh thla ting awlh.


Chak zet in ka kal sawn nghal fua; ka kawchhung sahal hulh hluh leh tha khur ru dur dur chuan inhrikthlakna tur a mamawh tak zet bawk! Bolcony chhuahna darthlalang hlaipui chu nawr hawng hrawkin ka pen chhuak nghal vut! Ri bur khawpin darthlalang kawngkhar chu ka nawr khar leh dawp bawk; thli thaw a thaw vuk vuk a, railing hum ngawt ngawt chung chuan ka insehruh țeuh bawk.





Thinurna, thikna te leh natna te chu ka taksa chhhungah ngei an in do kual mup mup, thawk zing ipik lutuak a ka thawk chhuah leh kuk kuk tak ah chuan chiang fahran in phone screen a mipahnih te kha ka mitthla ah an rawn lang zui zat bawk!



"Phiangsen chuan!" railing thir chu hnek ri bur in ka kâ hmang chuan ka thaw chhuak leh hulh.



Lalhlimpuii teh hrep khan pawnfen chhing zet a feng, make up nasa fahran in a hmang chu thuhran, ruih a nei tih hai theih hauh lovin a mitmeng a vam ham a. Chuta karah kha mipa malchungah khan a țhu bawk! A kumrualpui tur mipa lah chuan inti neitu fahran in Lola kawngah a kuah mai bakah Lalhlimpuii mal mum nalh zet pakhat a chelh tel ran bawk! Khapa phiangsen kha maw.. min hnawl a, a pan tak mipa chu!


f**k!

Kha mihring teh hrep bulah khan a hlim zawk ang maw? Mai mai chuan!


*Kei aia upa fe hi ka zui peih tawh lo che* min hnarna aw ri fiah zet chu ka beng ah bawk a rawn ri nawn tluk tluk, chiang lutuk a min hnar a, mahni insit rawih rawih a min siamtu hmeichhia teh hrep khan ka thikthu hi a phu lul lo!


Ka kut pahnih chuan nghet zetin railing ka hum fûn fûn a, khatiang khawp a min hnarfithlațhak tu kha ka ngaihven zui tawh tur a nilo! Rum chhuak hrawih in ka vanvadak vuh! Ka hmangaihna te pawh chu huatna ah changin ka chhunglam chu khatna in a khat ani ber! Keimah aiin a nun hlui a thlang a nih chuan a thu a lawm! Kal rawh se; duhtawkin a kum rualpui mipa te nen chuan nuam chenin hlim rawh se!




Ka thluak chimlim bulh bulh karah chuan zawite a min rawn be tu a awm a! Chu erawh ngaihthlak ka mamawh lo!

'Ka ngaihven zui tawh tur a nilo' tih chu thli thaw vuk vuk karah chuan keimah leh keimah ka inhrilh nawn mawlh mawlh. Ka chhip sam buk lai thliin a rawn chhem chet hlap hlap chu nul cho hrawk in ka taksa hrawlpui che awk khawp chuan ka han thaw chhuak leh hawk a!

'Mipa dangin i hmangaih taksa kha an khalh chúl mai mai i rem ti ang maw?'



Phiangsen chu!



Chhunglam ațang a min rawn be tu thawm zawi zet chu ngaipawimawh duh lovin ka inher let leh vut. Bolcony chhuahna darthlalang kawngkhar nawr hawng a ka pen luh vut chuan ka phun nghal hluk bawk.



Faith chu tawite a lo nui halh in a lo ner deuh nang bawk.
"Ngahnge nangmah ngawt a i lo phelh a" ka aw chu a la chhum bung viau. Faith hmel tîm deuh dai chu țhen khum suk in a bulah chuan ka zuk țhu thla hmuk.

"Come here" ti sup a kut ka lek chhuah vut chuan thuawi zetin a ban cherkhawngna chu min pe a, hmui chip hmuk in a ban cher khawngna hman lai mek chu ka phelh mawp mawp, Faith chuan ka chetphung dawhtheihna tlachham zet chu min en reng tih pawh ka hria, zan dang ang a han biak luam a, țawng chiam ka chak miau lo. A ban tuamna ka phelh fel hnu chuan a tharin ka tuam sak leh mawp mawp a.


"Keichuan i țhen theih chuan țhen daih mahla pawi ka tilo zawk daih" ti sep tu chu nelawm loh tâwpin ka melh nghal khúi. A ban ka tuam zawh fel chiah chu thlek in tawite hian a rawn nui halh a.


"I dinhmun chelh leh khatiang tleirawl awm țha duh lo kawp kha a inhmeh reng reng hleinem, chhungkaw zahawm tak ațangin i seilian a, rui ve thei reng leh zan a khawlai a tam em em hmeichhia nen in inkawp chhung chuan mite'n inchhungkua an hmu khawlo zo vek dawn che lawm" rum ul a ka melh khûina vang in a aw ri chu a khur lek lek.

"Sawi nawn tawh suh ang che" ti sup in ka țhutna ațang in ka tho chhuak vut.

"Mess.."

"Mu hma ang che, keipawn hna khawih tur ka nei" amah pawh en tawh chuang lo chuan ka ti nghut. A thaw chhuak halh chu kal sawn vutin choka ka pan nghal nul nul. Fridge a tui bottle chu la chhuak vutin ngawi ngul in kailawn ka pan ding nghal run bawk.


"Naktuk zan kha aw..." kawilawn chanve ka thleng chho tawh. "Ka birthday a nih kha, min treat thei" hmui chip hmuk a ka hawi let vut chu min lo nuih var var a. "A hma pawn i sawi vek tawh kha, kei leh Vl-i bak kan ni dawn lo, kan pathum in aw.. please..." hmeichhe naupang thil ngen ang maia ké a per deuh tlat tlat chuan Bawihi bawk min hriat chhuah tir zawk!

"Ok"

"Yess.. i van fel tak, Vli ka hrilh nghal dawn" phur zetin phone a ban zui zat, lu thing nghutin kailawn ah chuan ka chhoh san a. Study room ka pan lai chuan Faith phone hmang au lang lang chu ka khik pui suk bawk. A upat ve tawh teh lul nen, Bawihi'n ka rem tilo chung thil min dil lui ve ngar ngar țhin ang maiin a khawsa reuh a.. ka ngaihtuahna teh nek chu duh lovin lu ka thing nghut.




Lekha chhiar a rilru kal bing tir ka tum ngial pawn atthlak zetin mipa malchung a Lola țhu leh intitatu tak a mipa in a malpui a hmer sak lai bawk chu ka hmu thut thut țhin a, a tawp ah phei chuan beidawng ru zetin chair nghenchhanah tukhum ka nghat dawt! Mit ka chhing zui vung vung a! Zanin te hian engtin nge hun a hman ang! Khapa nen teh hrep khan sex an hmang tawh a ngem?


Kha rawlthar ruihhlo duh hmel zetpa in duhtawk a Lola taksa a chul kual a, a khawihna nuam ti a Lola'n a lo dawngsawng vel tur ang a ka suangtuah leh lek phei chuan thawk ipik lutuk vangin ka rum chhuak hawk.



Mit chu chhing chawt chawt in chair ban chu ka hum ngur! Thlalak ațang ngawt pawn a harhfim loh zia a lang chiang em em! Chutakarah mipa malchungah a țhu leh nghal! An khawsak zui dan tur a chian lutuk vang nge kawchhung so bulh bulh chung hian ka ding chhuak vut!



Chair pawh a tawlh hnung dawrh bawk. Dawn awm lovin dawhkan chung a ka walet leh motor chahbi chu ka ban kawp nghal bawrh, kekawr ipte ah thun lut hmuk in phone ka dap a. Ka ak tih ka chian hnu chuan study room ațang ka pen chhuak nghal thuak bawk.


"Mess, khawi ah nge i kal dawn?" Chak zet a kailawn a ka pen thla pawk pawk chu Faith'n min lo au tung.


"In ah hian lo awm rawh" ti sup in ka melh thuak, mak tih hmel zetin min en kawk bawk.


"Khawi ah nge i kal dawn a.. ka, keimah pawn ka chet hleihtheih loh hi..." kawngkharpui ah ka pen chhuak vut tho, nam phui dawtin motor hunna lam ah pen pawk pawk pah chuan key in lock ka hawng ri khup a! Kei ang kum upa kiang ah hlimna hmuzo lo nia insawi hmeichhia vang teh hrep a ka che chhuak rum rum chu tlawm thlak ti hle mahila ka tawp san thei hauh bawk silo.




Chak zetin ka tlan chhuak a, Lola awmna ka hria pawh a nilo! Ka chhung lam hian a nawr in min nawr tut tut, kal tum bikna pawh nei lovin khawpui chhung reh ruih tawh ah chuan ka inkhalh kual mawp mawp! Hotel leh karoke neihna hmun țhenkhat ka luh chhuah thuak thuak bawk. A chang leh nep intizet in ka ner sawk a! Steering chum nghek nghek in ka rum chhuak leh hrawih țhin! Ngaihtuahna kal bing tup tup chungin ka zawng zui lo thei silo! A duh ang ngei a nuam chen a, a tal kual lai a mi â tak ang mai a ka lo zawng kual chiam chiam hi hria ni ngatse zawng! Min va hmusit dawn turu em!




Ka phone rawn ri chur chur chuan ka ngaihtuahna thawven thlak loh zet ațangin min pawt harh ta zawk.
Screen ah chuan Hriatpuia hming a lo lang pap pap a.

"Hello" ti chhuak sup in ka kâ hmangin ka thaw huai. Motor chu lamlian sir ah din tirin pawn lam ka thlir vung vung bawk.


"Ms, kan inbe lawk thei a nge'm?" Beidawn hmel zet a a rawn tih chuan muangchangin mit ka chhing ruai ruai! Ka lungphu su dup dup chuan Lola chanchin tuitang lo zet ka dawng dawn a hriatna a nei tlat bawk.


Matt-a a mut tawh vang leh Lola kal chhuak a la let loh vangin Hriatpuia chu ka pan chilh ta zawk a. Min hmuh rual chuan mawlhtu lian tak a nei tih hriat fe in a hmel chu a dur mup, kei pawh eng ka ang bik hauh lovang!



"Ka nau nen hian in tawp tawh em ni?" ti sup a min en ngur chuan single sofa ah țhut rem pahin lu ka bu nghut.


"Ka rin ang chiah..." Hriatpuia chuan a ti zawi sup. Beidawnna a ri tel chiang viau bawk.


"Aaa, ka nau nun phung chu i hriat hnu vek tho a nia, tunkar chho ațang khan zan chhuah a, rawn ruih haw a ching leh tlat a, vin a, tharum hmang a khung beh chi a nilo tih chu i hriat ve tho kha... nang khan engtin nge i thunun bik ka hre hauh lo, ka sawi duh chu tun ang reng a ka farnu hian nun a hmang chho a nih chuan..." sawi zo thei lovin a thaw chhuak hawk a, a kut pahnih pawh nghet zetin a chelh kawp run bawk.


20200403_012802.jpg


Keipawn thil hlui tam tak ka ngaihtuah let ve rauh rauh tho; a tir kha chuan a zan chhuak te, ruihhlo nen a nun inchawhpawlh tlat mai kha engtin nge ka enkawl chhoh zel ang tiin rilru ka seng nasa viau zel! Marawh chu mak tak maiin a nun ah ka luh rem ti a, a inkharkhipna a hawn zau tak ațang khan a nungchang a danglam tial tial a. Țum khat phei chu ka zahna a thlen ngailo ang ti a sawi chhuak hial reuh anih kha! Mahse....






Kei nen a nunphung pangngai tak zawh dun kha a hlimpui emaw ka tih laiin min lo ning em em tawh zawk a! Min hnarna țawngkam zawng zawng te vang phei kha chuan ngaihven zui tawh lo tur ka ni!







Kawngkhar rawn inpawt hawng riai riai a hmeichhe rawn pen lut ka hmuh rual chuan ka lo insangmar nghal țeuh!






Thlalak a a thuamhnaw inbel chiah a inbel tih ka hmuh thiam rual leh lek phei chuan tho chhuak vut a, keimah a thikna awm thunun hman lo lek a 'tu mipa nen teh hrep nge hun an hman?' tia au khum nghek lo turin ka insehruh țawlh țawlh.







Harhfim lo tih hriat lutuk a min rawn melh na te chuan ka thin chhung a vilh na ngut ngut! Hmelhriat satliah ang ngawt a min nelh a, room min pan san nghal nal nal chu thana fe in ka melh zui ngut ngut.






"Mutna damdawi a ei hi a sang bawk si a, tunah damdawi a khawih tel leh zel bawk nen.. aaaaa, a lung lam in a zawh loh ka hlau em a tin ni! A pawn chhuak tur khap bet a, room ah kalh hnan tawp lah ka ngam ngang bawk silo! A rilru ka tih chiai sak a nga, mutna damdawi a ei tam phah tulh tulh bawk ang.. Engtia engkawl tur nge ka hrethiam tawh lo tak zet!" Hriatpuia'n beidawng zet a a tih chuan ngawi ngulin chhuat ka melh run ringawt!







🐾

Faith birthday dinner chu Regency ah kan ei chhuak a, a țhiannu Vli nen an titi karah chuan vei nei run chungin ka lo țhu ngawi run, a tawp ah phei chuan an mahni pawh ngaihchang lem lovin kal ka rawt vut a. Mak tih hmel zet a min en dun ha na pawh ngaipawimawh lovin ka ding nghal vut bawk.







"Bill ka lo va pe ang, washroom in hman duh chuan kal lawk ula" ti sup in counter panin ka kal nghal vut.







Bill ka pek zawh fel rualin Faith te țhian dun pawh an rawn inzui phei a, chhung lam ah hian eng emaw min mawlh tut tut tu a awm reng, he hmun ațang a chhuah thuai a, Faith te țhian dun drop a, Lola chanchin ngaihven tur tal a kal chhuah leh ka mamawh







"I puar em?" Faith chuan a ti a. Bu nghutin ka nui lui suk.




"Humm, engmah pawh i ei ve mang lo, diklo a awm em?"




"Nope, ka hruai haw ang che u.." ti sup in pawn lamah ban ka phar nghal vut, an țhian dun chuan an in melh ralh nangin ka care tawh lem lo. Ka pen chhuak vut a. Mahse, hotel tual ka thil hmuh vang chuan pawh din chawt ang maiin ka ding chawt.






Mipa rual khat zingah Lalhlimpui teh hrep chu ka va hmu anih chu! An kai hmel char char khawp bawk! A thuamhnaw inbel tawngchham zet vang chuan kum hum tawm nghal țawlh țawlh in ka che vut a. Mahse, ka ban bulah rawn kuah chawt tu vang leh a rak deuh țhat vang chuan ka tawp leh chawt!







"Faith?" ti sup in na tih hmel zet a a ban dawm a kun nghal tlat chu ka melh chhuk vut bawk.




"A na lutuk" ti țiau in a rawn hawi chhuak a, a mittui a hnam sak bawk.

"I țha em?"

"Umm.. mahse, a ruh hi a na lutuk" a ti a, thaw chhuak hawk in a dar ah ka vuan a, din marpui a ka hawi chhuak leh Lola mit chu kam intawng nghal siah bawk! Khi sak in min hmuhsit hmel fahran in min rawn melh a nih chu!




"Ms..." Faith min auhna pawh chu ka ngaihven thei tawh lo, a dar a ka vawnna chu thlah vutin hotel tualzawl kial lam pan chuan ka pen phei bawk bawk a. Thlalak a ka hmuh dunpa ngei mai kha Lalhlimpui chuan a lo ngheng ar ar, chupa lah chuan Lalhlimpui taksa ah ban suih bet in a darah khabe a nghat hrep bawk. Chutia an mahni ka pan ding ngur chu min ngaihnep hmel lutuk min lo melh ralh ralh bawk.





"Ka be duh che" chhum hmuk a tiin mipa rual khat zingah chuan ka va ding khup.

"Tu chu maw?" ti ham ham in hnung lam ațang a amah kuah mek tu chu a ngheng ar ar.

"Nangmah kha"

"Keihi.. ha, ka be peih lo che, Kevin kal tawh ang u, helai chu a boring țan tlat" awm lo ang hmak a min ngaiin amah kuahtupa chu a nghawk zeuh a.
"Khawih a kal nge i duh leh tawh a?"
"Ka hrelo.. he lai nilo, hmun dang tawh phawt ah ani mai" ti pah a min melh tel kher chuan ka insum theihna zawng zawng a ti bo vek.

"Ka be duh che tih ka sawi em?" ti hrawk pah chuan a ban rekah ka man chawt, amah kuah tupa lak ațang chuan pawt hrang dawrh in ka taksa ah ka hnuk bet hrawk a.
"Ka bialnu kha thlah nghal rawh" Kevin a tih pa in a rawn tih vin tuar lai chuan Lola erawh a nui hak! Kei erawh ka insehruh viau.
"I kâ ațang kha thu kha han sawi leh teh, i lei bawlhhlawh zet kha ka pawh dawh sak ang che" ti hrawk in Lola taksa zawi zet chu a kawngah ka kuah bet zual sauh. An țhian ho chu an in melh kual ram ram hlawm a. An ni ang rual a huho a che chhuak țhin ho hian chemte leh hmanraw pai ruk an ching hrep bawk.


A kawngah kuah chung a ka pen sawn pui tur chu a lo țang ve țai vang chuan rum chhuak hawk in ka chhuk melh khui a. A rawn dak ang hehaw a, chutah kan piah a Faith te țhian dun ding chu va melh zeuh in a ner ta sak.





"I sawi duh chu hetah hian sawi rawh" Faith te bawk va melh leh pah chuan a ner sak bawk.



"Lalhlimpui" ti chang hrawk a ka kuahna ka tih ngheh salh chuan a nui hak a.




"Ngawi rengin min zui ang che" ti leh sup in ka pen pui nghal pawk pawk. A țang buai hlek lo chu mak tiru viau mahila țang buai pawh nise ka pu nawlh tho ang. Faith te lo dinna kan thlen rual chuan "min lo zui ru" ka ti bung nghut. Lola erawh ka zak hnuai ațangin za lo zet hian a lo nui halh a.







"Malsawmtluang, i farnu... oh, heti hian min hruai ve ringawt a, i nutei fahrawn saw buaipui ngaiin a awm leh si a nge?" A nui hak nangin a aw tham sep ah erawh ka chhunglam fan kual rawih rawih phak ri ve dang a awm! Khawi a țangin nge Faith hi ka nutei fahrawn ani tih a hriat tih chu nakin ah ka la zawt chhuak ang!








"Ka sawi chu i hria em... i nutei fahrawn sawn a ko peng leh nghal tho ang che, chuvang chuan hetah hian i sawi duh chu sawi rawh"






"Ngawi hmak rawh" ka tih bung nghut chuan a nui hak hak a.






Motor hunna ah ka chhuk thlak pui dawn chiah tih ah eng emaw ri thlawp leh hmeichhe na tuar in ka hming a lam ri ka hre zawm nghal zat. Ka ding chawt a!






"Ms?" Faith aw ani? Ka hawi let vut a, Hrep a!




Lola chu thlah hlawk in Hotel tual char a Faith tlu chu pan in ka pen let pawk pawk, min nuihsawh hmel zet a Lola nui ri hak vang chuan ka ding leh chawt!

"Ka rin ang chiah" tih chu a hriattham lek in a sawi sep.

"Tinge in rawn nam thluk luih kher a, in rui anih pawn kal țha hle hle ta che u" Vli chuan an bula dingte chu a au khum tawn tawn a. Faith erawh a kut na lam a bawh beh miau vangin a che hlei theilo.
"I țha em?" ti sup in Faith bulah chuan ka thu hniam nghal vut. Vli'n a lo vin nghek te ka hmuh rual erawh in ka ner sawk mai.

"Kan nam thluk ani bawk love" Kimkima'n a ti bak hlur.

"In rawn nam thlu chiang lutuk, ka hmu reng che u, min kal pel a, ka hma a Faith kal hi in nam thlu nghal ringawt anih kha.. in rui ang chhar leh nghal, zahpuiawm lutuk" Vli chuan a hau duhthawh kher mai. Na tih luat vang a thawk chelh tlat a Faith bawk zawi reng chu dimte in a dar ah ka man a


"A na lutuk, ka bawh khawlo leh vek a niang,.. ka hnung lam ațangin min rawn nam thut a" a ti khur hlak hlak.

"In dawhheh dun e mai, engvang in nge kan nam thluk ngawt ang"

"Chu tak chu ka zawt duh che u, Faith hian inpawi sawi a nei em ni? Mi kal țha lai hle hle khatia rawn nam thluk ngawt kha a sual thlak lutuk"


Faith chu ka din chhuahpui a, thil thleng teh hrep chu a hun lo tak zet!


"Faith, i țha em? Ms, heng ho hian in hnung a Faith lo kal kha an rawn nam thlu ringawt a... 'Lola'n Faith zawk a hi a ti a lawm' ti pahin he lai tuai hian ka hmuh lai ngeiin a nam thlua" Vli'n Faith-i rawn kuah ding ve pah a a tih hlak hlak chuan ka hma a Lola țhian te chu ka melh chhuk ngur.


"Dawhehnu... he i țhiannu dawhheh zet hi ka kut hmawr pawh in ka khawih lo ve, Lola hming te chu i la lam leh nghal a, amah a tlu der anih kha professor, an bul kan thlen phei hma a tlu der anih tawh zawk " Kimkima chuan a rawn ti nghal bawrh bawrh. Hotel chawl dangte pawh an rawn chhuak phak phak a. Faith na tuar bawk si nen hetiang boruak teh hrep chu!


"Engvangin nge ani ban na intuam chah luk chu a tluk der ngawt ang, in nam thlu lai chiang lutuk in ka hmu, ngaihdam dil ula, a fel ani mai.."

"Hmeli leh, ngaihdam dil ai chuan in sam țil vek khawp a hnuh kual che u ka thlang zawk fe" Kimkima'n a tih chuan Vli chuan thinrim zetin phone a phawrh chhuak a.

"Police ka call dawn, rui leh nghal zahnachang hrelo lutuk, ka țhiannu hi doctor anih hi, in case a kal thui viau ang" a ti let piap piap a.

"Duhtawk teh.." ti hluk in Vli chu ka melh hrawk ringawt.

"Lalmate, eng nge thleng a?" ti sep a min rawn kal pel tu chu rang zetin Kimkima chuan a lo ban a, an țhian ho leh keini pathum chu kan inhmachhawn ta siah mai.


"Henu hi a tlu der a, a țhiannu hian kan nam thluk ah min puh tlat anih hi" Kimkima'n a tih hlak hlak lai chuan Lola mit erawh Faith dar a ka kuahna ah a fu ran a. Tawite a nui halh in Kimkima chu a thlek zeuh bawk.

"I nam thlu em?"

"A teuh lo, hetiang hmeichhia hi ka kut hmawr pawn ka khawih duh teuh lo"

"A nih chuan, in hriat sual anih dawn chu.." ti sap in keini pathum chu min melh ta ran bawk. "I tlu sual palh pawh a ni thei a. Ka țhiante lah in an nam thlu lo che an ti ve tlat sia..."

"Nangmah hi maw Lola chu?" Vli bawk

"Umm.. "

"I thu pek ang a ka țhiannu hliam tuar tawh sa hi rawn nam thlu an ni a. Ngaihdam dil rawh! Anih loh chuan police ka call ang" ti siah in Vli leh lola chu an in melh ta ran mai.

"Teh ngawt a che..."
"Rui chungin khawlai ah zalen takin in leng chhuak a, awm dan chin tawk inhre tawh lo anih hi.. Police kut ah awm ula a fuh ber.." ti pah a phone a lek kang nghal zat chu ka phih thlak sak nghal hmiah.

"Ms, an nam thlu lai leh Lola'n Faith zawk an tih ri pawh ka hre vek a lawm" ti pah in Vli chuan min en chho dawrh. Lola chu a lo nui a, hman zan a motor chhung ang bawk khan nep min tihna leh hmuhsitna a hmel ah chuan ka hmu tlat bawk! Chutak chuan ka thinurna rawn chawk chhuak in an țhian ho chu ka melh rum nghal ûl.


"Faith hi ngaihdam in dil dawn nge, lock up ah kan dah dawn che u" ka tih chang bûl chuan Lola tiam lohin a țhian hmel ah chuan mak tihna leh thinurna a lang chhuak a. Lola erawh in ka mitah tak min melh let siah in hman zan ang chiah khan hmuhsitna te nen min nuih sak sak! Chu chuan ka pawi a sawi zia a hre hauh lovang.


"In duh thlang rawh u, i tirh vang a i țhiante hian hliam tur nam thlu an nih hmel a. Faith hi ngaihdam dil rawh" ti chang bul in min hmusit hmel tak a min melh ran tu chu ka melh let ngur.

"Ka thil sual tih ah lo ngaihdam ka dil ngailo" a ti hmak. Lalhlimpui leh! Min nawr lui anih chuan ka thinrimna hian ka tan tunge a lo nih tawh tih lam a care dawn hauh lo.


"I dil lo ang maw?"

"Aw.." hawi sang vah chuang a kei leh Faith min melh tawn pah chuan min hmuhsit hmel zetin a nui a. Ka thinlung so bulh bulh chuan eng nge ka tih tih a ngaihtuah thleng pha tawh lo.


Khakna te nen a min melh ngawt ngawt tu chu melh chhuk run chungin phone ring ri chu ka ngaithla run


"Hello"

"Police station ani em?" ka tih sup chuan Lola hnung a a țhiante chu an meng phawk kawk kawk a. Lola erawh insehruh tlat chungin anui sak.

".... rui chung a buaina siam an awm a. Ka farnu kut an thlak bawk.. in rawn kal theih chuan a lawmawm khawp ang" ti sup in phone chu ka lek thla vut.

"Tikhan cho emaw, nawr luih chi ka nilo tih i hrechiang tawh em? Ka nun ațang a kal chhuak tawh ten ka kiang hnai a mi te an tihnat ka rem ti ngai hauh lo tih hria ang che" ti chhum vut in chapo ar a min melh ngar chu chu min nawr luih vang a thinurna te nen ka melh chhuk ngur. A khap lova, chetsawn tumna pawh a neilo. A hmel ah erawh thanatna leh huatna chiang zetin a lang thung.




Lola's POV


"Tikhan cho emaw, nawr luih chi ka nilo tih i hrechiang tawh em? Ka nun ațang a kal chhuak tawh ten ka kiang hnai a mi te an tihnat ka rem ti ngai hauh lo tih hria ang che" Prof Msa'n a tih chhum hmuk lai te chuan a awm ngheng a Faith ding chuan min lo nuih tak ang sawng a! Chuthil hriatpui hauh lova Malsawmtluanga mitmeng rum ul te chuan ka tha a tinat luat vang ni ber in ka hria. Ka taksa khawi lai pawh chu a țang khawng vek.


"Faith, tah hian țhu rawh, an ni ho hi chu Police in rawn chingfel rawh se" Malsawmtluanga'n a tih sup chuan na miah lo ang a lan tumin ka ner sak a. Kun vut a Faith a thlek hma a nuam tih zet a Faith min nuihsawhna chu zuan thut a, hotel tual charah a tukhum sawh tir nghek mai ka chak lutuk! Mahse, Malsawmtluanga bet bur khawsak dan in min tihnat lutukna vang in ka che sawn thei țhak lo thung.


Dimdawi zetin an inkuah sawn a. Faithi țhiannu in kan țhian ho mit min siai sak a, min inher khumna chu Kimkima lungawi lo pek chuan a pheikhawk in a va vawm zui hram kha!

"A na... khanglang cheu chuan" a rawn ti a. Faith țhut fel tir a Prof Msa rawn hawi chhuak vut chuan keini chu min thah mai chak tih hriat fahran hian min rawn melh hrawk.


"Heng mi pahnih dawt sawi hi i awi dawn a maw Professor?" Nuni'n chuan min rawn kuah pah hian a ti a.

"Țawng tam lo ula, in case a rit lo ani mai" chhum bung zet hian Malsawmtluanga chuan a rawn ti rum ul mai.

"Huh! Dawt a puh case in kan tang dawn anih chu.. chuan, khalai doctor dawheh zet kha, engtin nge khatiang rilru hrisel lo pu chung khan Doctor i zir chhuah theih reng reng" ti pah a a nuih hak hak chuan Faith chu arawn meng rum țha kher mai.


Police motor rawn ri ruai ruai ah chuan Malsawmtluanga mitmeng rum ul chu a danglam zawk tih ka hmu a!




"An dawt sawi leh Lola an tal awh tir duh vang a an lemchanna vangin Police hial i koh a nia, inchhiar miah lo ang che" hotel tual zawl a Police gypsy lo tlan lut mek melh ralh pahin nuni bawk chuan a ti leh a. Malsawmtluanga chu a kut pahnih kekawr ipte ah zeh in a ding khawng luah. A mit thim khup chu keimah ah a fu ngur a! Nuni zawhna vang niber in ka hria. Min ngaihtuahna a mitah chuan ka hmu zawk a. Mahse, a reilo..





Police chu Vli'n thil thleng dan a hrilh zawt zawt a. Ka țhian te pawn dawt a sawi chian em vang a niang an nuih tawp tawh. Ka nam thluk tir ah a sawi thiam hlawrh hlawrh em vang leh police koh tu hi Malsawmtluanga anih hrim hrim vangin police ten zawhna min zawh pawn insawithiam ka tum lo. A duh ang ngei chuan ka tang ang. Ka tan hun chhung a zawh hun ah erawh a inchhir ngawih ngawih theih nan he hotel CCTV record nen hian ka la nuihsawh ang!


"Aaaa.. in mak, an ni kha an tello, khing pathum khian an puh ber chu keimah a lawm, ka țhiante kha lak tel an țullo" ka tih chuan police pakhat chuan Prof Msa a han en thuai a.


Hawi sang vah chungin Prof Msa chu ka han thlek ve vah bawk. A hmel lan dan chu ka sawifiah thiam lo. Thinrimna leh min tihnat chakna kha a pu tawh lova! Pawi tihna ni awm tak ka hmu lian tawh zawk.


"Ka pu?" Police chuan a han ti leh kher. Engtin nge Malsawmtluanga chuan a chhan dawn tih nghak in ka lungphu chu a phu ve dawt dawt tho. Chiang lutuk a min rawn melh in a kekawr ipte chhung a a kut chu a hum ruh țawlh țawlh a.

"Nula, an duh ang a ngaihdam i dil chuan lock up ah riah kher i mamawh lo a nia'" police.

Huh! Ka tihsual pawh nilo ah ngaihdam ka dil ngai lo ang!


Ka ngawih ngal vang chuan Prof Msa te lam bawk a han en leh a. Malsawmtluanga chuan ka mitah thim khup in chiang lutuk a min melh ngut ngut hnu ah a bu ta nghut a. Kei erawh ka nui tawi halh. Police te chuan an motor ah min nam lut a.



Hmun dang en vut a Malsawmtluanga ding khawng luah chu chawh ti zetin ka melh hrep ringawt! A țan hlum loh chauh te khian an bum mai mai tih fiah tur a kir leh thuai thuai ka chak zek zek bawk





Police te chuan bail in ka chhuak thei tih an sawi a. Ka u biak ka duh loh vangin ka u number pawh ka pe lo, tunge ka nih tih lah min zawt chhuak zo lo. Lock up ah zan ka riak a. Ka u chuan ka țhiante in ah ka riak kual mai mai ah a ngaih dawn avangin ka tang tih hrilh kher tumna ka neilo.







Cell chhung a nizung rawn zam lut ruih chu melh in ka khap fak fak a. Prof Msa taksa ngheng chung a Faith nui hmel te, na a nei tak tak lo tih hriat tak a prof Msa hmuh loh kar nuam tihna nen min en lai vel chu ka mitthla ah hmu reng chungin a khat tawkin ka nui leh sak zel. Henu teh hrep hian ka lak ațangin eng nge a duh ka hre hauh lo. Mahse, a hriat loh chu.. min tina tu te reng reng rulh let loh in ka en liam ngailo.. lem changin prof Msa khawngaihna a chang rih a. Min tina thei ah a inngaih phah bawk. Hengthil hi en liam mai mai ka tum hlek lo. Ka nuhrawn kut min thlakna pawh thlak let ve bawrh duh khawp a min tina tu te ngaihdamna tlachham hmeichhia hian engtiang chiah in nge ka rulh let dawn tih lo nghak tawp mai rawh se!



Corridoor a ke rawn pen ri khup khup leh mipa aw thum zet rawn inbe phei sup sup thawm vang chuan mitchhingin cell bang hit thler chu ka tukhum in ka nawr a.




Ka cell kawngkhar a rawn tih rik rak chuan ning zetin ka meng chhuak a. Cell pawn ah Prof Msa leh Officer Carlos-a ka hmuh thut rual chuan ka meng phawk deuh kawk! Prof Msa chuan ka lan dan chu uluk zet a min melh in a mitmeng thim khup, nelawmna pakhatmah lang chhuak bawk siloh chu keimah ah a fu nghal ngur. A hmel dur khup leh tak run bawk si ah chuan thinrimna hlawm pai run hi a ang tak zet.

"I chhuak thei.." Officer Zohmingliana chuan a rawn ti nghut.

"Tunge min bail a?" ti pah chuan Malsawmtluanga lak ațangin mit ka la sawn a. Malsawmtluanga lam ah Officer Carlos athlek buk chuan ner sakin ka hawi sawn nghal daih.

"A ni bail kha ka ngai lo ve" ka ti hmak.

Tu zawk nge rum hawk ka hrelo! An hrawl dun in an hmel a dur dun khep khup si.


"Bail i ni tawh, lo chhuak rawh" a rawn tih leh hmuk chuan ngeiawm zetin ka melh chho haw a. Malsawmtluanga hmel rum ul mitmeng dur khup ah tak melh siah pah chuan "Jail a min khungtu ngei in a bail leh vel nih kha ka duh chhe te lo, A farnu a hlauh hlauh nen, haw leh vat zawk rawh se"

"Lalhlimpui" a tih hrawk chuan nui che datin dar ka tawm ak a.

"Ka sawi diklo em ni? Chhuak pawh niila, i bul ah a țap leh feih feih a nga, a rang a rangin min khung leh nghal tho ang" ka tih chuan rum zet a min melh hrawk in a vanvadak vut a. A hrawkbawk langsar zet che khawlh khawp in chil alem khawlh bawk.


Min bail tu anih vang hrim hrim hial jail chaw ring a la tan rih ka duh fe zawk. A duh ang ang a a tihkual tur ka nilo tak zet .



Ka chhuak duh dawn chuang lo tih a hriatchian lutuk vang ani mahna prof Msa chuan a țhianpa hnen ah chuan eng emaw a sawi sup a. A țhianpa pawn tihmawh min tih hmel zet a min melh khuiin min kal san ta vut. Malsawmtluanga hmek hmuk erawh cell pawn ah a ding kawng luah a, min melh ngur tih chu amah en tawh kher lo pawn ka hre thei. Chutiang chuan rei ngial a ding vung vung a. Min biak emaw, ngaihdam min dil tum pawh nise tun ah tak hi chuan keimah ah awmzia a neilo ang!



A kâ ațangin a thaw ham ham reng a, kei cell chhung kil ah țhu nimahila a huhang țang ut leh uapna na zet chuan min tuam mup a, ka hahdam thei bik chuang lo!


" Bail i ni tawh, i duh hun hun ah i rawn chhuak dawn nia" ti chhum vutin a che ta hrut, ka mit sit chuan ka hmu reng a, kal sawn mai lovin amah pawh chuan min en leh vung vung phawt a. Na zet a a thawk chhuak hawk hnu chuan hreh hmel zetin a kal sawn ta hram.



A mi uapna boruak țang ut leh sa hut hut chu a reh tulh tulh a, ka chhung lam ruak riai riai chu ka pawm emaw; pawm lo emaw... a ruak tak zet!



Malsawmtluanga chu a haw ta ani mahna, nileng in ka hmu leh tawh lo! A khat tawkin police officer Zohmingliana kha a rawn lang leh nawlh țhin.

"I haw thei tawh" a lo tih chang apiang in rum em em hian ka lo melh ta țhin a, phun hluk in min kal san ve leh mai zel.



"pumpkin head" tih ri chu ka mang hriat ruai ruai. He hming hi chuan Jordan chiah in min au țhin.

Reilote hnu ah nui chet hluk ri ka hre leh a, ke pen thawm nen...

"Lock up chhung ah hmeichhe muhilh hnar bawrh bawrh thei an awm anih chuan nang tereuh chiah hi i ni ngei ang" nuihza insum zet a ka aw ri hriat țhan zet in a rawn ti chhuah hak chuan thawh phan awm lo lekin ka meng chhuak phawng! Ka khup ah chal nghat a mutthlu ka ni bawk nen ka hma a pumraw inkhaithli sang thlup chu ka hmu phe ruai a.
InShot_20200407_031226303.jpg
InShot_20200407_031226303.jpg (47.17 KiB) Viewed 22821 times
" pumpkin head " ti sup a ka hmai zawn ah a rawn nuih suk rual chuan ka khek nghal tuar mai!

"Jordan?" Ka ti nghek a.

"Yeap.. Lola Jordan" ti sup a mit min siai suk chuan nui chhuak hawk in ka hmai bul a a lo kun hniam khun nghawng ah chuan ka kuah bet nghal chawt!



Ka hamhaih lutuk a reh tak ah chuan nui chungin a bek chu ka melh zeuh a, tunah hian Jordan nen kan inkuah mek a nih chu!

"Zohmangaih, nangmah i ni tak tak em?" ka ti chúl! A rimtui hman rim ka hriat țhan zet chu hip lut in ka thaw hak a. Jordan ngei a ni! Zawite in ka chhunglam ațang chuan 'ani hi chuan engtik lai pawn i lam a țang tlat țhin' tih min rawn hrilh a.

"Keimah ngei ka ni e, pumpkin head" ti chhuak sup in nghet zetin min kuah bet hlu hlu, chutia ka beisei loh lutuk a Jordan ka han hmu thut leh min kuah hlu hluna vang chuan ka nui hmel a chuai riai riai a, he hmun a ka awm chhan ka hriat chhuah takah chuan ka mittui a hnai nghal kuar ringawt.

"Jail tang mut duhnu" a rawn ti chhuak hluk, ka nui che dat nangin ka țah chhuak lutuk chu ka buak chhuah hawk ka hlau. "I lo la hnar barh barh zui a" ti leh hluk chuan ka darah khabe nghat in a rawn thaw chhuak ham ham. Sawi leh mai tur pawh ka hrelo! Ka hriat zawng erawh ka bulah awm tur a ka mamawh ngawih ngawih laiin Ka țhianpa hi a rawn lang hlawl a! Nizan a ta tawh thinrimna leh tha natna in a hmeh hik vek ka taksa hian hahdamna a hmu leh chiah tih zawng ka hria.




"Lola, min lo ngai em?" thutak zawk leh hniam ruih a a lo tih leh chuan ka kuahna ti nghet sauhin ka inpet ruh fan fan.

"Min han hrilh teh" ti leh supin ka hnung a chul hauh hauh a.
"Ummm" tih bak in ka chhang let thei lo, ka țah rawn chhuak ut ut chu a hriat hlau zetin a nghawngah ka kut pahnih ka suih zawm tlat; Jordan chu a nui nghing dawt bawk.

"Min ngai hle a ni maw?" Min fiam tih hriat zet hian a rawn ti fan ruih, tunah kher hi chuan ka ngai mai pawh niloin ka mamawh hun lai takin a lo kir a, ka bul a ding tur ka nei ve tawh! Min rinna nei miah lo tih hrat fahran a Malsawmtluanga min melhna dur khui kha ka mitthla let a! Ka lung zawn a na nghal ngut ngut! Ani kha chuan keimah aiin a farnu dawheh zet kha a ring zawk! Jordan hi chuan ka chan chhiat lai ber pawn min rinhleh chu sawi loh, ka hma ah a ding tlat țhin.



Chung ka ngaihtuahna teh hrep te vang chuan ka hrawk chhung chu a na zual ngut ngut mai! Ka pum chhung ațangin eng emaw hian min rawn hnawh up up in ka awm chhung chu a phui chuk chuk, chu ka awm chhung a thil hlawm tup tup chuan Malsawmtluanga hming an lam tho! Ka hrethiam lo, Jail chhung a min dah lut tupa kha ka chhung ril a natnat chuan eng vang a a hming la lam mawlh mawlh nge an nih tih chu ka hrethiam lo tak zet! Ka huat luat vang leh ka ngei lutuk vang anih ka ring ta ber!






Ka taksa chhung rawn khur chu Jordan-a hriat hlau lutuk in tih tawp ka tum a! Tu emaw chet dan vang a nat lutuk a, țah chhuah pui theih bawk silo in taksa a sawisak theih dan hi a va lo nasa em em ve mawle! Hmui pet fan fan chungin Jordan jacket tlang chu ka hum chawt chawt. Hetiang hian.. Jordan-a min kuah ang hian Malsawmtluanga kha chuan ka mamawh lai ber pawn min kuah a tum ve ngailo! Police in amah rawn pah a a han en lai a, min hruai tur a thu pe a, lu a buk khum nghut lai leh a sir lawk ațang in nuam ti zet a Faith lo nui sawng te kha rinchhan tur ka neih tak ah chuan mitthla a hmuh let ringawt pawn a rapthlak tak zet!





Nizan kha chuan min ring tur a ka duh berin min rin loh em avangin ka chawmawlh a, tha natna leh thinrimna in ka khat a! Ka chung a thil thleng kha ngaihtuah thiam pha lo lekin thinrimna te nen zan ka hmang ral vel mai mai a... marawh chu, rinchhan tur ka hmuh tak chiah ah chuan Malsawmtluanga'n min la bo tur a police lu a buk khum ngut thei khan ka thinlung hi a tina thar ngawih ngawih.

Inthiam lohna pakhat te mah neilo in a farnu te dawt sawi vangin jail ah min dah lut thei tih chu khawvel a thil awiawm loh tawp ang a ngaih ka duh laiin a thlen tir miau bawk si!



"He.. Jordan, heta ka awm chhan hi i hria em?" Mahni inthunun zet chuan ka ti chhuak halh. Ka țah chhuak lutuk leh hrawk chhungna ngut ngut vang erawh in thawk pawh ka thaw chhuak ngam lo! Jordan chu rum chhuak nghutin min kuahna phelh a tum nghal vut. Mahse, keimah zawk chuan nghet zet a kuah in 'aih, ka la kuah duh che' ka ti tûng a, thaw huai hian min kuah leh nghal hlun. Men țîau chungin Jordan nghawng ah chuan hmai ka thukru tlat a! Malsawmtluanga khan inthiam lohna chhete tal a nei a ngem le?


"Mawh? Ka tan chhan i hria em?" ti leh hak in thawk ka chelh leh nghal tlat. Jordan taksa chu a țang nghal țawlh țawlh tih ka hre thei.



"Nizan ah Kimkima'n chanchin min rawn hrilh a... " ti sup in a ngawi ta hmuk. Ani pawh hian a u ang thovin Faith-i a ring zawk mai angem tih ka ngaihtuah a! Ka ipik zual sauh mai.



"Kimkima thusawi chu i ring em?" tim deuh dai in ka ti sep, Ka mitthla ah erawh Faith-i nghaihdam dil tur a prof Msa'n min hrilh lai kha a lo lang uai uai a! Faith nuam ti hmel te nen!! Tha na zet a ka maimitchhin sawk rual chuan ka mittui a tla tih ka hria. Hru tur pawn Jordan ka kuahna ban hi ka phelh thawl ngam tawh lo.



"Ring e, *Ka tih a nilo* i tih tawh chuan i tih a nilo a ni mai" ti nghut a ka tukhum sam a lo chul chuan ka nui halh a. Ka thinlung erawh a nâ hit zawk! Chu erawh Jordan vang niloin min rinna chhete mah neilo tu Malsawmtluanga vang zawk ani. Jordan-a'n min rin ang hian tlem te tal pawn min ring ve nise chuan... !
A thlen ngai dawn loh lutuk vang erawh in ka na zual tîng!

"Hrep a! Lola, i țap maw?" chhum hmuk a ti pah in Jordan chuan a nghawng a ka ban suih beh tlat chu a pawt phelh hlawk . Ka inhmachhawn siah rual chuan at hmel zetin mittui nen ka nui chhuak halh a. Jordan thung chuan mit ko ti hnim khuiin chiang lutuk hian min melh nghal run.


"Ka ngaih tawh lutuk vang che niang" ka nui lui hak a, rang zetin ka mittui chu ka tuai hul nghal thuak bawk. Ka hma cement chhuat ah chuan a țhu run, a inbual zawhna a la reilo tih hriat fe in a sam buk lai chu a la hnawm chhap! Of Course, amah ti Jordan zual turin black and white tawp thuamhnaw a inbel thlup, tshit var chung ah leather Jacket dum a ha a, mit khap miah lo hian ka che vel chu min melh ngur bawk.




"I lo haw dawn tih ka hre ve miah lo" Ka tisep a, chil lem khalh in ka nui leh rih a.
Jordan chuan lu min thin khum nghut.


"Kimbawihi a lo haw ve em?" ka tih leh pawh chuan ngawi ngul hian min en ngur ngur. He hmun a min dah lut tu hi a au ani tih a hreve vek dawn sia. Malsawmtluanga nen kan inkar engkim a hriat ve vek vangin tunah chuan Jordan hmai eng hi ka zah ta ngawih ngawih. Ka tlawm a, bialpa hlui in jail chhung ah a khung han nih tawp chu a zahthlak tlawk tlawk ani tawp mai.


" Ka jail tang lai te min rawn hmu a... a nuam zawk zawk mia...... " ka sawi zo hman lo. Țawngkam chhe zet phuh chhuak hluk hian a ding mar nghal vut! Ka khek nghal chul bawk.

"Min ti hlau a lawm" ti chiam in a darah ka beng țawlh, a thawh chhuah vut pah khan min pawm tho nghal lawp anih chu! Nui suk pah chuan akawngah min kherh beh tir a.

"Haw ang" a ti vut. Thil hriat chhuah ka nei nghal zawk bawk.

"Jordan, pawisa i nei em?" Ka ti a. Mitko min tih kan khum uk hian min melh nghal run. Malsawmtluanga khan min rawn bail leh vel tih ka hria. Ani sum hmang a chhuah kha ka tum chhe te lo.


"Ughg, ka chhuah theih nan pek a ngai a..."


"Lungngai suh" ti sup in lock up chhung chep zet ațang in min pawm chung chuan a chhuak vut a. Cell pawn ah Police pakhat a lo ding reng tih ka hre ve chiah bawk.


Corridoor ah min pen pui nawlh nawlh lai chuan 'ka chhuk duh' a hriat tham lek chuan ka ti sa sa. Nui suk chungin lu min thin khum nghut ringawt.

Duty room ah kan luhphei rual chuan police leh FIR theh lut a lo phu sup sup ho chuan min en țhup ni mai hian ka hria. Jordan lah chuan care hmel pawh a pu lo. Dawhkan pakhat min pan ding pui ngur a. Chupa dawhkan tlang ah chuan min nghat thla dat in police chu a be nghal sup.




"Prof Malsawmtluanga'n a bail daih tawh a lawm, engkim a fel tawh"


"Hriatsual palh anih dawn chu, keiman ka bail dawn. Chuan, a pawisa kha in pe let leh pek let loh ah ka buai lo. He sum hmang zawk hian Lola hi chhuah zalen ru" ti nghut in a walet ațangin cheng sangthum bawr tur hi a phawrh chhuak a. Police pa meng dur deuh ram mitah tak chuan a melh ngur bawk.

"A va buaithla e aw, kha.. tah hian sign rawh" lawmloh hmel tak a tiin lehkha phek pakhat a keimah bail chhuah ka ni tih chuanna tawp lam ah bail tu hming sign na tur chu a kawk fuk fuk a. Jordan chuan sign nghal thuai in a sign zawh rual chuan ka hmai bul hnaih zet ah a rawn kun hniam a.


"Tunah chuan ka mi tang i ni tawh" ti sup in a chal in ka chal a rawn tauh dat. A kiai deuh suk tih ka hmuh rual chuan ngei lutukin ka ner nghal nang bawk.

"Sual lo mai teh" a awm ah ka chum țawlh, nui hawk in police dawhkan ațang vek chuan min pawm kang leh nawlh a. Hnial buai pawh ka tum tawh lo! Hman ațang a kan tihfo dan ani miau a. Station lun zet ațang chuan min chhuahpuiin nghal lutukin a saltang ka nih tawh thu a sawi a. Kei lah in ka lo haw ve tum hrang bawk nen a dar ah ka chum țawlh țawlh reng mai.


"In kan thlen rual in ka rul leh nghal dawn che.."




"Humm, a chhiat lem loh chu.. darkar chanve chhung pawh nise ka saltlang i nihna a bo phah lo"

"Chimawm lo mai teh aw, Kimbawihi a lo haw ve em?" Ti pah a a nghawng ah ka in uai tan rem sauh chuan Jordan mitmeng chu ka hriatthiam phak lohin a danglam hlawk niber in ka hria.


"Haw ve rih lo"

"Maw? Ngatinge.. i chhuk leh nghal dawn em?" Ka ti ha a. Zalo zet a țhen suk in step ah min pen tlak pui thauh thauh.

"Chhuk leh vat a ngai ang" a tih sup chuan ka meng deuh kawk a.

"Nang hi.. Kimkima'n ka chanchin a lo hrilh vang che in i rawn thlawk haw rum rum tih sawi miah suh" ka ti chiam a. Jordan erawh keimah nen a eye contact nei duh lovin nui suk chung hian a hawi sawn nghal vut.


"Jordan..."

"Umm, Lola..''

"I mak, ka zawhna che kha chhang rawh" ti vak in kê ka then nghek.





"I tla dawn nia" a ti a, a nui hawk bawk.




"Ka zawhna che kha min la chhang lo" ka tum nghal hmak. Kimkima'n chanchin a hrilh rual in a rawn thlawk haw rum rum tih chu ka ring thiam mai a! Mahse, a chhungte'n engtiangin nge an ngaih ang, a training a laklawh in a zo chhuak țep tawh sia.



"Thla eng emaw zah chhung kan inhmu tawh lova, ka lan dan a danglam tawh em?" ka zawhna min chhang let lo a thil dang a sawi daih vang chuan ka melh rum nanging mai. Jordan erawh a lo nui tak ang suk suk a.


"Danglam tawh ber bur lutuk" ka tih hlak chuan na zetin min pawm bet vak a.

"Chiang deuhin min en rawh" ti sup in a hmai zawn ah ka awm theih nan min pawm hniam hlek pah chuan "tihian, ka danglam tawh em tih chu sawi rawh" ka mitah chiang fe a min melh nghal run in a ti chhuak leh sup.





Kan hmai chu a insilo chauh a, chuta karah Jordan mitmeng danglam ruih mai nen a in melh tak reng chuan ka thawk lak a tisak vek. A hma aiin a lang upa tawh a, rilru sengin a inzir nasa tih hai theih miah lovin a vun erawn a hma angin a nung sar lo!


"Ummm.. i danglam tawh, i hmel pawh a hma aiin a puitling tawh a, chuan... ugg, i mitmeng erawh a la thip reng" ka tih tak ah chuan Jordan chu a nui ta hawk hawk.




"Ka mitmeng a thip maw?" atthlak tih hmel lutuk in lu a thing nghat bawk.




"Yeaahh, a thip a, a rum bawk" ka tih leh chuan kiai suk chungin min awm hnaih thut a, a mitmeng chimawm ru zet a min melh run pah chuan "nang chu hmeichhe puitling dik tak i ang ve tawh" a sup, hrethiam lo zetin ka melh let hu ringawt.



"Nupui tlak, fa enkawl thei tawh" a khi suk a. Nupui tlak a! Suala chu le!


"Pasal nei rual i ve tawh ka tihna anih chu" ti sup pah chuan chimawm lutuk hian a khi tel suk.




"Suala, i va in la upa bik ve" ka ti nui nui, ka ter nghal at tur chu hrelawk ang hrim in a awn hnung deuh dawrh a, melh rawm rawm chung a ka hawi tauh hmak chuan min lo nuih ruh ruh tupa chu darah chuan ka chum țawlh tho.




"What, i lawm lo em ni?" ti hlukin station sir a motor hunna lamah chuan min pawm phei zel a.
"Keimah aiin i upa tam lo e mai aw" ka tih chuan a nuihzat hmel kher mai. Nghal zet a min fiam apiang in duhlo lutuk in ke ka then vak bawk nen Jail ațang a chhuak tih pawh hriat loh khawp in kan nui dun hawk hawk reng a.


Motor hunna kan thlen phei rual a motor hunna pan a bolero rawn tlan mek ka hmu chiah chu thinrimna leh natna in ka khat nghal vek.


Bolero chu kan bulah tak a rawn ti ding nghing dawt. Motor darthlalang thim deuh ruih chhung a Malsawmtluanga țhu run chu insehruh țeuh chung hian ka melh ngawt ngawt! Ani pawh chuan rawn chhuk mai lovin kei leh Jordan chu rum tak mai hian min rawn melh tur nghal khui ringawt. A mitmeng thip khui leh thim khup chuan ka ban chu a chhui zui ngur ngur, Jordan nghawng ah ka kuah beh mai bakah Jordan lah chuan amah hmachhawn zawngin min pawm hlun a, chuthil a rawn hmuh chian hnu ah phei chuan a hmel lan dan chu a hlauhawmin rum zual sauh. Zaklo ti fe hian ka ner khum ta nang a.



"Kal vat teh ang, hotel ah tih tur pawimawh ka nei" tihnat let ve chakna a khat a Malsawmtluanga melh tlat chuan ka ti chang fak.

"Hotel" Jordan chuan a ti sup.
"Umm, ka dik tih fiahna tur va hai chhuah ka duh" ka tih sap chuan Malsawmtluanga chu a che ta hrut.




Bolero kawngkhar chu a rawn nam hawng pawp a, smar thlup a induang zui a a rawn pen chhuak vut chu eng khaw sawi set set lova lo vuak thluk tawp ka chak ber.





"rawn lut ru" a la rawn ti ngam a nih chu mawle! Zahna tlachham ka ti lutuk bawk si chu insum hman lo lekin ka lo nui hak a.



"Bike ka keng a lawm" Jordan'n a ti let nghut chuan ka lawm ru kher mai.



Malsawmtluanga chuan hmui a chip ta hmuk. A kut lehlam a smart pants kekawr ipte ah zen lut thun chung in kei leh Jordan chu min melh rum ul bawk. Jordan chuan muangchang in lei ah min nghat thla a, a hmel ka hmuh rual khan thinrimna in min rawn luh chilh tup tup miau vangin ka taksa chu a țang mar leh vek tawh. Bike ah Jordan a lawn vut lai pawn Malsawmtluanga mit chu keimah ah a fu ngur, huatna te nen a ka melh let ram ram chu inthiam lohna chhemah nei hauh lovin min melh chhuk vuah ka tilo theilo. He a chapona hi reilote chhungin ka tihchhiat sak vek a. Dawt țan tu zawk ani tih ka fiah hun ah chuan a hmel chopa zet hi a uang lo teh ang chu!






Jordan Bike ti nung hlut hlut ri vang chuan Malsawmtluanga ka melh rumna ațang chuan min ka la sawn ta hram.



"Lola, hotel ah kal kawi ka duh i ti nilawm ni? Lo chuang rawh" ti sup in helmet a khum a, Hotel tih Jordan'n a sawi rual a Malsawmtluanga mitmeng danglam zawk chu nuih sakin Jordan-a hnung ah chuan ka lawn ve nghal zat.





A farnu dawheh zet, a țan țuinu thusawi kha dawt vek ani tih a hma ah ngei ka lan tir hun a a hmel awm dan tur ka hmu chak tak zet.



Malsawmtluanga ding khawng luah chu kan tlan pel thuak a, min thlir zui reng tih side glass ațang ka hmuh theih avang chuan insum hman lo lekin ka kutzunglai van lam ah tih pir khum in ka va hawi let kher! Jordan a nuih nghing dawt laiin Malsawmtluanga erawh chuan chal a ti chuar tup.

"I va nghal e aw..." Jordan chuan a rawn ti a, a kawngah ban suih betin ka nui ve hak tho. Kha mihring tihnat let ve chakna khan ka khat tih hria se chuan kha aia nghal a chet dan min zirtir duh hial zawk ang.



Police man tir ka nihna hmun ah ka din leh tak ran ah chuan nizan a thil thleng te kha ka ngaihtuah let zut zut a. Faith khan engtin emaw tak ka lak ațangin Prof Msa kha lak hran a tum leh dawn tih ka chian lutuk vang khan prof Msa pawh ka țawng khum hlak kha. Mahse, amah zui lo thei lovin min pawt lui a, ka rin lawk ang chiah in Faith pawn a lemchanna a kalpui nghal zat reng a nih kha! Malsawmtluanga'n Faith buaipui tur a min kuahna a thlah hlawk rual khan amah ah awmzia ka nei tawh lo lutuk tih chu pawm duh lo engang mahila thudik ani tih ka hrechiang tawh bawk.



Jordan-a bike hung țha fel rawn chhuak chho hlawl chuan ka ban rek ah a rawn hum a.




"Lut ang le" ti sup in hotel chhungah chuan min kai lut dat dat, foot court lam ațang a eitur rim rawn chuak ram ram chuan ka ril a tițam kher bawk. Ka ngaihtuahna chu hrethei niawm tak hian Jordan chu a rawn kun hniam vut a.




"Thil i ei hmasa duh em?"


"Aih, hnathawkte be hmasa phawt ang" ti sep a ka melh chhoh zeuh chu min buk khum nghut.





"Hey, Jordan" keimahni tawk zawng a hmeichhe pahnih lo phei mek te chu hmuin Jordan chuan min dinpui dat a, Faith leh a țhiannu pawh chuan kan bul an rawn thleng chawp chilh nghal der bawk.





Faith nui sawng ka hmuh chuan thinrim zetin ka inhum ruh nghek a, Jordan chuan ka kut a rawn hum hnan thuai mai.



"I lo haw ani maw?" Faith chuan ti dam thliak in Jordan chu a rawn nuih var var.



''A nih hi" bung ngutin Jordan chuan a chhang.



"Khawnge in kal dawn a.. oh, Lola Jail ațangin i chhuak tawh maw?" ti kher pah chuan min thlek ha in a nui tel sak bawk.



Chhan tum a ka ang ziau hman a. Mahse, Jordan țawng ri bung nghut vang in ka tawp leh rih a. "Chhuak lo se helai ah i hmu dawn mi?" ti hmuk in Faith chu a melh nghal khûi. Ka lo lawm ve em em ringawt.

"Aa, ok.. ka zawt mai mai a nih kha" tipah chuan min melh zeuh a. "Kan kal tawh a nge, kan inhmu leh thuai dawn nia" Jordan melh ralh pah chuan nui halhin a țhinnu chu a mitmei a. Min kal pel paha kei leh Jordan min melh leh zeuh chuan a mitmeng ah chuan eng emaw tak hi ka hmu a. Mahse, chutiang engmah ngaihtuah zui hman lovin Jordan chuan hotel counter lam ah min kai phei nghal dawr dawr a. Reception a lo duty hnen ah chuan manager hmuh kan duh thu a hrilh nghal sup bawk.



Duty nula pakhat chuan telecom chu ban in tu emaw a be nghal thuai a. Ka bula mipa ding ngawi ng chu ka melh chho leh zeuh țhin a, prof Msa leh Faith an inpawh ang bawk in Jordan leh Faih kha an inpawh ve a ngem? tih ngaihtuah neuh neuh a ka en chho leh zeuh zel chu min rawn melh thutin a nui suk a. Tawite hian ka lo nui ve ta ringawt.

Reilote hnu ah Hotel manager pa lian thelh thawlh, fin hmel zet chu kan lam panin a rawn kal a. Jordan chuan tunge anih tih leh kan thil duh chu a lo hrilh nghal sup, thla reilote chhung a Jordan mize lo puitling hman bik lutuk te, midang biang biak kawngah hma a lo sawn tawh bik lutuk chu mak ti deuh hian ka en ran a.

Manager chu bu nghutin amah zui tur chuan keini chu min hrilh nghal sup. Jordan'n mit min siai suk a Manager zui tur a min lo mit mei zeuh chuan ka nui ta hak.
"What?" ti hluk in ka kut a hum lai chu a hmer salh.
"I va puitling tawh bik tak" ka tih chuan ner sawkin a hawi sawn vut a. Mahse, a puitling ka ti tawh tak tak. A hma te kha chu nise chuan manager kha chhum bung zet in a be hmuk a nga, an indawrna a kal fuh loh rual in a pa nihna changchawi deuh hlek in amah aia hotu zawk a call khum hmiah bawk ang..


Operator room ah kan luh rual chuan hnathawk pathum ngawt an lo duty a. Manager chuan kan thil duh chu hrilh in hnathawk te chu a melh kual nghal thuak bawk.
"Nizan thil thlen lai video kha mipathum ngawtin en nawn min rawn dil tawh" hnathawk pakhat thu sawi chuan ka beng a ver zar mai.

"Keini lo midangin en nawn an rawn tum tawh maw?" ka ti lo ti hu a.
"Umm, tunlawk pawn nula pahnih an lo kal, en min rawn dil a, an sawi dan chuan nizan a kut tur ani awm e" ti pah in computer chu a hmet mual mual a. Kei erawh ka țang nghal vek. Faith leh a țhiannu chuan engvang ngawtin nge CCTV footage chu en ve kher an duh ang le.
"Hei, an ni pawh khan tih vak ngaihna an hrelo, thil thlen chhung kha darkar chanve pawh a tling lo. Mahse, vanduai thlak takin khatih hun lai khan camera lam a chiang lo ani mai thei, a thim vek a" a rawn ti a. Bang a competer screen awm thluah zing a pakhat chu a kawk kauh kauh a. Mak ti zetin computer chu ka pan hnai rawk rawk a.
"Faith-i tluk lai vel kha a in record lo maw?"
"Umm, camera chian loh vang a niang..." ti pah chuan eng emaw hi a hmet kauh a. "Hotel kawt zawl ațang a police motor tlan chhuah lai ațang in a in record leh chiah" a sawi ang chiah in Malsawmtluanga'n Kelvin-a te țhian ho kiang ațang a min hruai hran hnu reilote ah screen chu a thim tlat a. Hnathawk in forward-na chu a hmet zauh zauh a. A kar lak ah pawh engmah kan che tla lai vel a lang lo. Screen chu a rawn che zuk zuk a, video a in record leh chin ah erawh hotel kawt ațang police motor tlan chhuak lai kha a lo lang leh daih tawh.


Ka thinrim lutuk nge pawi ka ti lutuk pawh ka thliar hrang thiam tawh lo. Inseh ruh țeuh in screen chu ka melh tlawk tlawk a. Dawt a puh leh rukru a puh chu ka tuar hnem tawh lutuk! Mahse, thukdik lo ani tih ka fiah theih zel vangin ngatan mah ka ngailo țhin. Muaneki te nufa in rukru a min puh țhinna pawh ka duh phawt chuan ka hai lang nghal zel thei. Mahse, ka pa runluih ka chak vang hrim hrim in ka rukru awm vel mai mai țhin! Tun a thil thleng chu a dan a dang! Ka dikna fiah a, Malsawmtluanga hma ah thudik pho chhuah ka mamawh tak zet!


Faith leh a țhiannu khan video ti danglam turin hnathawk te hi an tham a ni thei mai a nge'm tih thleng in ka ngaihtuah kual hman vek a. Mahse, lu ka thing ta nak. Faith leh a țhiannu nilo mi pakhat in video ennawn a dil tawh an tih tak kha mawle.

"Tunge video en nawn rawn dil ve pakhat dang chu?" ti sap in head operator ber chu ka melh ran a. Ngaihtuah let niawm tak a a ngawih deuh vung vung lai chuan ka thinlung chuan Malsawmtluanga tih min rawn hrilh a. Mahse, Malsawmtluanga lo nitase engvang ngawtin nge video hi a tih danglam tir ang!





"Hotel neitupa țhianpa hi.. aaa, Prof Msa kha ni ta in ka hria" a tih sap chuan ka lo rin lawk sa a ni nangin min deng dawt tho!



"Prof Malsawmtluanga maw?" ka ti chang fak.




"Umm, nizan duty kan inthlak hma khan a rawn lut a, duty hmasa nen an indawr anih kha" a ti leh a. Thinrim lutuk vangin ka puak darh lo chauh. Thil thleng dan dik tak a hmuh hnu ah pawh a nutei fahrawn thiam lohna hmuh sak ai chuan video tih chhiat tir a thlang zawk anih chu! Tenawm hian a!





"Kan lawm lutuk e" Jordan chuan ti sup in room chhung ațang chuan min kai chhuak a. Kei erawh ka inhum ruh ngawt ngawt. Malsawmtluanga'n min lo chet khalh mai bak ah ka dikna fiah theihna video thleng a a lo tih chhiat tir duh chuan amah min huat zual tir ngawih ngawih a. Ka țah a chhuak țún bawk.





"Lola" ti sup in ngawi ngur a ka pen mawp mawp chu min pawt ding chawt.




"Thil ei rawh, station ah khan engmah i eilo tih min hrilh. Hei, tunah tlai lam dar nga a ri tawh, eng emaw tal ei phawt rawh" min ngaihtuah hmel zetin Jordan chuan a rawn ti sup.




"Kha video ah khan kei leh ka țhian te'n tih sual kan nei loh zia a lang dawn a sin.. kan finfiahna neih chhun chu a chhe vek tawh" nui lui hak in Jordan hrawk bawk chu ka melh ngar ringawt.





"Engmah fiah kher i mamawh hleinem, i chhuak tawh a, engkim kha thei ngilh vek rawh" a tih sup chuan nui lui halh in lu ka thing nak.




"Lola..." ti chuai ruih in beidawn hmel fe hian a thaw hawk a.




"I dikna chu tu lakah nge fiah țal i la duh a?" ka dar ah vuan in amah en turin min nawr hnung hlek bawk.




"Mawh? I țhiante chuan kan ring vek che... tu lakah nge i dikna chu fiah i la mamawh?" chang ang reng tak hian a rawn ti hrawih. Chhete mah a min rinna neilo tu i u lakah khan tih khum nghek mai ka duh a! Mahse, Jordan sawi hi a dik chiah bawk. Ka dikna hretu leh min ring tlat tu te'n fiahna an mamawh lo lai in ngatinge Malsawmtluanga hma ah khan ka dikna hailan ka duh tlat mai le!



Ka thil ei chakna zawng zawng a bo vek! Mahse, min ngaihsak em em a, ka hlim loh hlau a min thlithlai rengtu Jordan vang chiah in ka ei lui a, keimah chu ka chau in ka luak a chhuak nghul tiila ka awm dan a fiah ber ang.






zan thilh thuah leh nghal engthil vangin nge Prof Msa khan Video en a duh rum rum ang tih vel chu ka ngaihtuah ngut ngut reng a. Thudik a hriat hnu ah pawh Faith a hau zui miah lo tih chu tun lawk a Faith hmel a min nuihsawhna la lang chhuak cheu ah khan a chiang hle bawk. Ngeni a, cctv record ka en let dawn tih ring thiam in Faith ka tih mualpho theihna tur ang ang chu thup bo sak a duh vang zawk!



Thaw chhuak hak a ka fork hum lai ka dah thlak rak chuan Jordan ka chet phung engkim chu uluk zetin min lo melh run tih ka hre chiah.




"Ugg, ka puar tawh lutuk" ti hlak in ka nui lui a. Uluk fahran in Jordan chuan min melh run in a ngawi ngul. Mahse, ka beisei loh zetin a rawn vei nuih ta suk a.





"I puar tawh chuan ka thlah haw ang che" a ti sup, hnialna nei miah lovin ka bu nghat nghat a. Inbual harh a, khum a mut ka chak hluah hluah.




"Keimah vangin i lo let ngawt sia, i chhungte'n an hau che ngem" parking lot ah kan inzui thla dat dat.






"Engvang ngawt chuan nge min hauh ang" ti hluk in ka darah a rawn kuah vut. Rang fe in a kawngah ka kuah let a.






"Humm, i pa in a hauh hun ah che i ngawi duk dawn tih ka hrechiang e" ka ti vak a, Jordan chu a nui che dawt. Kei erawh pa Saia hmel ka mitthla ah ka hmuh rual in ka țim zui sawk. Prof Msa nen kan inkawp a duh lo zia ka hre tawh! Jordan nen a țhian ang a kan inkawm zui zel pawh hi a lo lawmlo viau mai thei.




"Zanah kan leng chhuak dawn em?" Ka ti a. Jordan chuan min melh chhuk nghal vut.




"Uggg, party lam te" ti leh in ka hawi sawn nghal daih. Mahse, Jordan-a bike hunna bul a bolero dum lo ding thim run bang ngheng a prof Msa lo ding khup ka hmuh rual chuan ka ding chawt a! Jordan chuan a u chu hmu lo ang hmakin min kuah kal leh dawt dawt a.




"Inbe lawk teh ang" bike bul kan thlen rual in a lo ti nghal sup, a kut kuangkuah hlun chu phelh thawl vutin Jordan a min kuahna chu a melh nghal ngur bawk.




"Kei maw? Nge Jordan zawk hi" ngeiawm lutuk in ka ti hmak. Prof Msa chu a rum nghut a. Ka dar a Jordan ban awm a melh ngurna țang in a mit chu la sawn in min melh chhuk nghal run bawk.



"Nangmah"




"Sawi dun tur kan neilo" ka ti leh hmak. Parking chhung thim deuh mup vang nge a lan dan chu a nguaiin a ni ruih a, sawi duh tam tak nei hmel pu chungin a lang zuai ruih.





Jordan chu ngawi rengin bike ah a lawn a, a hnung a ka lawn ve tur chiah erawh ka ban bul ah rawn man hmiah a, min hnuk hnung nghal dawrh tupa vang chuan amah ka huatna zawng zawng chu a rawn puak darh ta vek!





"Tenawmpa" ti tuar in ka inher nawk, ka sam sei zet chu ka chhip ah hui chho tawkin "bawihi, biak che ka duh,a reilo ang" rawn ti thuk ruih tu chu rum zetin ka melh chho erh a.







"Min biak i duh maw? Ha, Malsawmtluanga hian min biak a duh anih chu.. mahse, min biak i duh thu i sawi chang reng rengin hrilh hai tak a min siam in min kal san leh ziah. Chuti chung chuan nangnen a inbiakna neih hi ka duh ila ring cheu a maw!??" ka thinrim bawk a, a au in ka au khum tawn tawn. "I ã tak zet! Biak che ka duh tawh ngailo ang" ti leh kher in ka ban bul a vawnna chu ka pawt nghek. Of course, a thlah leh duh tawp nang!





"A reilo ang" ti sup in a mitmeng thuk ruih chuan ngenngawl zetin min melh ngur. Ka engahmah a thawk pha tawh lo!





"A rei emaw, reilo emaw ka be peih lo che" khi sak chungin ka melh kher. A hmel thim khup a natna leh pawi tihna rawn lang chhuak te chuan ka rilru a ti nem pha tawh lo. Min ching phar ngun tawh lutuk!






Ka ban bul a hum ngut ngut na chu pawh phelh tumin ka pawt chat chat a. Min din hnaih hrut pah chuan ngenngawl zetin a rawn phun leh sup a. "Khawngaiin, a reilo ang" a aw thuk zet a tlawmna lang chhuak ve vang chuan ka tawp deuh chawt. Ka melh chho dawrh chu beisei nei zet hian thuk ruih in min lo en a.





"A reilo ang" a ti nawn leh sup bawk.




"Kan inbe dawn anih chuan hei min chhang phawt rawh... CCTV footage kha i tih chhiat tir a ni em?" A mitah tak en in ka ti chang fak. A ngawi deuh ngul chu insehruh țeuh hian ka en a.

"Min chhang rawh.. i tih chhiat tir a ni em?"




"Aw..." a ti sup. Ka kawchhung na kual tup tup chu ka thunun theih loh hlau zetin ka nui lui hak a.







"Engvangin? Mawh? Engvangin nge ka dikna ka hai lan theihna awm chhun video kha lo tih chhiat tir nge i nih? Jail ah min khung vang a ka thinrim in i unaunu ka tih mualpho i hlauh vang bawk ani em?" ka tih chhuak leh tawn tawn a. Ka na lutuk chu lan chhuah tir a, a hma ah hian ka țah chhuah mai ka hlau tawh tak zet! Ka dikna aiin Faith mualpho theihna tur a la thup bo pui țang ţang na hian min tina tlawk tlawk!






"Sawi tur i neilo tiraw? Ka dikna aia dawt a min puhtu a mualpho loh nan a fiahna thaibo sak duhtu mihring nen hian engthil mah sawi dun tur kan nei tawh lo!" ti sep in a kut chu ka phih leh nghek, rum chhuak hawk a min man beh chawt chuan hawi chhuak vah in huatna te nen ka melh chho ngawt ngawt a. Ka mitmeng ah chuan amah huatna bak a hmu lo te pawh ani mahna, min man behna chu a thlah thawl ruai ruai a.




"Muani te nufa ka hmuh dan leh nang ka hmuh dan che hi a inang reng tawh" ti hram in Jordan-a bike pan in ka kal nghal hlawk hlawk. Jordan chuan a helmet mit zawn chiah kua ațangin a u chu a melh ve ngur a. A hnung ah ka lawn kai a, a kawngah ka kuh nghal thak chuan prof Msa chuan kut a hum tawm țawlh țawlh. Chu chu Jordan chuan a nuih suk tih hriat zetin a taksa chu a che dawt a. Pawi tihna pakhatmah ka neilo. Dawt a min puh tu a la hum țang țang duh a nia!






🐾
In ka thlen chuan ka u hna kal a lo la haw lo va, Bawihpuia'n min lo lawm tûng thung.




U Mimi'n ka chanchin min zawt sawk sawk a. Ka țhian te in ah ka riah thu ka sawi chuan "i u tal rawn call tur che a lawm, mut pawh a mu thei hleinem, vawiin ah project lian tham lutuk khawih tur a nei bawk nen.. zan khua in a tlaivar țhak a sin" tiin min zilh mawlh mawlh.






Ka khum ah Bawihpuia nen kan mu dun a, ka kham ar ar a, ka phone ah games a khel pah bawk. A sam nem thep chu khawih sakin a ri ve leh hlut țhin chu ka nuih ka nuih a.




"Anite.." min ti chamchi reng reuh a. Ngainat loh pawh a theih hlawl țhin loh.





Ka hringnun chu ka chhui let rauh rauh a. Pathian pawh hian thlei bik a nei ni ten ka ngai rum rum tawh. Ka chungah thil țha a thlen tir anih pawn rei a daih ngai lova, hetiang teh hrep a min en hrang tur bik si chuan ngahnge min pian chhuah tir ve reng reng le?





"Anite, tample run hi a tang tlat a nia" Bawihpuia'n ti nui nui a min bawh that that chuan meng chhuak in ka nui lui a. Tap a open țeuh chu closed sakin ka pe leh a.


"A țha tawh maw?"


"Yeap, khel leh rawh le" ka ti a. Hlim zetin min kham leh thek a, ka rilru chu ano kual vel vek hian ka hre ta ber.




Bawihpuia games khel chu ka melh veng veng a. A nui leh hak hak țhinte ah chuan keimah ka inhmu nimai hian ka hria.





"Bawihpui, nanghi chu anitei ang hian rawn vanduai ve miah suh aw. Pathian in a thlei bik zing ah i tel ve loh hram ka beisei, thlei bik a țan chu maw.... hlim chhungte hi an rei lo țhin a nia.." ka rilru chuan ka vahpa chu ka be mial mial a.

"Anite.."


"Umm" rang lutuk in ka biang chu ka tuai nghal thuak mai.



"I ţap a mi?" ti leh in min melh kiau a.

"No.." lu ka thing a, ka nui lui hak bawk.





"Aih, i țap a lawm. Mahse, Anite ţap duh tawh miah suh, zan ah pawh Apa nen kan țawngțai sak țhin che a lawm" a rawn tih zet chuan inthunun hman lo lekin ka ţap chhuak hawk. Mahse, rang lutuk a inseh ruhin Bawihpuia chu ka awm ah ka kuah bet a. Țah chhuak in min rawn hnawh up up mai.





"Min țawngțai sak țhin maw?" ti țiau in a chhip chu ka hmui in ka nawr ngawt ngawt.





"Aw, apa pawn anitei tan kan ţawngțai zel chuan anitei kha zan ah a kal chhuak tawh lo a nga te a tia.. anite, apa nen zan ah i chhuah tawh loh nan kan țawngțai ziah zel a, i chhuak tawh lo ang tiraw?" Bawihpuia thil sawi mal tin chuan min deng dawt dawt!





"Bawihpui" mahni inthunun lutuk chuan ka ti chuak hraih. Ka taksa chu a khur dawt dawt bawk.






"Keichu zan ah chhuak tawh lo la ka ti e.. ka play pui duh che pawn min len san zel a..." a tih zuai raih chuan ka țah nuih hak. Engmah sawi thei lovin ka kuah bet ngawt ngawt bawk.



🐾_____🐾______🐾_____🐾_____🐾



"Keichu Lalmate, Prof Msa hi ka khawngaih deuh tlat tawh" Kimkima chuan a rawn ti phawng. Midang ho chu kan ngawi ta țhap a.





"Ngaihtuah la, karkhat dawn chu i pehhel chung pawn a um kual ngat ngat che a. Nizan pawn zing dar 3 pelh ah ka han en khan gate pawn ah a motor a lo la inhung reng... ih, ngaidam nghal rawh ka ti miah lo. Mahse, a sawi duh te ngaihthlak sak ve la"


"Sawi tawh lo ang, ninawm" ka ti hmak.

A ngawi ve ta mai a. Assignment ka tih lai ah chiah chuan rilru pe lui in note book ah chuan ka ziak mawlh mawlh.






Men chhung chu kan inah a rawn leng țhin a, room ah ka tawm tlat zel, ka u nen an inkawm a, dar9 bawr vel ah a chhuak a. Pawn ah motor hungin zing dar3 thleng țhak țhak a ding țhin. College gate pawn ah min lo nghah reng pawn hmu lo der hmak in Jordan zawk ka zui lui zel a. A beidawng a nga, a tawp san ve mai ka rin teh lul nen, a luhlul tulh tulh zawk in ka hria.





"Keipawn a tir kha chuan ka ka ngei si... college bang gate ah a lo chang che pawn ka țawnkhum deuh nghek kha! Khami ni pawh khan pawitihna leh inchhirna a hmel ah ka hmu chiang viau. Ngaidam kher lo pawh nila, biak tal chu be ve rawh" Nuni meuh in a rawn tih leh chuan Lalkimkima'n a lo pawmpui nangang mai.






Amah nen a inbiakna neih chu ka duh em tih pawh ka la hre chuang lo.





Dar9 pelh ah ka țhiante chu an haw a. Gate pawn ah bolero dum in hung chu hmu reng mahila biak tumna ka nei lo. Ka chheh vel ah a awm tih ka hriatna erawh chuan lungphu a ti rang dup dup thung.



*La lut lo teh* kawngkharpui ah ka pen lut tawh, Jordan msg vang chuan ka ding leh dat a.

*khaw nge i awm?* tih ka thawn let a, tual lam en chuan ka hawi kual nghal ruai bawk.

* khatin hawi vual vual suh*

*i awmna sawi ve mai la🙄*


Call a rawn lut nghal zat a. Ka pick up rual chuan "gate ah lo chhuak rawh" ti sup in a dah leh nghal daih.






Rum zetin phone chu ka melh vak a. Kan inbul lawk a a u motor hi a hmu ve awm reng sia, chutia chhuak tur a min hrilh chu ngei ru zetin ka kal chhuak ta tho.




Ka che vel chu min thlir rengtu an awm tih hriat lutuk in ka lungphu a rang leh dawt dawt tawh. Gate ka hnaih tulh tulh a. Prof Msa zawkin amah hmu tur a chhuak emaw min lo tih ka hlau tak zet bawk.




A motor dinna lam melh duh miah lovin *khawnge i awm?* tih Jordan ka thawn nghal zat.



*ka u dinna piah a* hmela mai mai chu le!




Hreh deuh in Prof Msa motor chu ka kal pel a. Side glass ațang chuan motor chhung a țhu run pa chuan min melh vung vung tih ka hmu a, a motor hnung lawk ah bike ngheng a Jordan lo ding chu rum zetin ka melh nghal nghek.


"Khawnge i kal a?"



"Nula ka rim" ti sup in a nui suk.
"Lutuk a che, Kimbawihi ka hrilh mai nge aw" ka tih chiam chuan a kut chu lek chhuak vutin "i lo hrilh hlek a nge, a thikthu a chhe teh mai nia" a ti a. A nui tel leh hawk bawk.

Prof Msa motor chu melh zeuh in Jordan chu ka en leh a. " tinge hetah kher"


"Aw, i hmuh chak tawh ka ring mawle" nghal zet a lo tih chuan rum theihtawp in ka melh er ringawt.

"Lut leh tawh rawh"


"I va han over tak awww, zan dang ah chuan inchhung ah i lo lut anih loh chuan ka lo chhuak tawh miah lo ang" ti hlak a ka kal sawn tur chu ka ban rekah rawn man thut in min pawt let leh dawrh a nih chu!




"Jordan" ka ti țhat, a hmai silo chauh a min hnuh hnai hrawk pah chuan mitmeng hriatthiam har lutuk a min en in a hmui hnai ah min pawt leh hrawk.






Ka kawngah a man bet tel leh a. A chalin ka chal a rawn nawr leh chiah tih ah chuan kan bul lawk a bolero ding kawngkhar chu chhung lam ațang a rawn in nam hawng pawp in mipa rum nghut ri ka hre zawm zat.






Rang lutukin Jordan lak ațang chuan ka tal hrang nghal hlawk, ka hawi chhuah chuan prof Msa hmel rum ul ka hmachhawn nghal a.






"Lut tawh rawh le" Jordan chuan a rawn ti sup, ka lungphu dup dup chu Jordan nen kan infawh teuh lutuk vang nge Prof Msa hmuh laia khatiang a awm ka hlauh luat vang ka thliar hrang thiam lo.


"Lola, lut rawh, ka rawn be leh ang che" Jordan vekin a tih leh chuan ka bu nghat.




Nui suk chung hian prof Msa hmel dur thim khup chu a melh kher bawk.








JORDAN POV


Gate chhung ah Lola a lut fel chiah tihah ka u chuan min thah mai chak zet a rum in min melh nghal khui a.



"Zohmangaih, i khawsak phung tenawm zet hi i tawp san rang rawh"




"Chuan?" lo ti sap in amah chu nuihzat hmel pu chungin ka melh let ran. Tunah chuan Lola berin huat tak te in a haw miau tawh, Lola hi ka hrechiang, midang a haw mai mai ngailo! A huat tawhte erawh chhete mahin a ngaihven zui tawh ngailo! Thil chhia a țha an chung ah thleng mahse kan Lola ngil ngel thengthaw ah a thawk pha tawh ngailo.





"Tunah chuan thurawn ka pek hun che a nih ve tawh hmel.. Lola hi zar buai sek mahla, a thinlung i hneh mai mai tawh lovang, chuvang chuan inthiarfihlim tawh zawk rawh" ti sup in helmet ka khum țha vut.



Chak zetin ka tlan chhuak nghal fu a! Dawhthei tak a ka nghah fan fan na rah chu ka seng thei țep tawh! Lola'n ka u a huat hneh poh leh ka tan kawng a awlsam tîng.



🐾________🐾_______🐾_______🐾


Zing thawh chhuah rualin Kimbawihi ka be nghal, ka nun ațangin theh chhuah duh viau mahila hman țangkaina tur a la awm miau.





Kan inbiak zawh chuan inbual turin washroom chhung ah ka lut nghal zat, Lola jail ah a tan thu kha Kimkima'n min rawn hrilh hma in ka hre daih tawh! Khi suk in towel var lian zet chu ka veng a.




Washroom ațang kal chhuak in thuamhnaw ka inbel nghal mawlh mawlh.




Khum a ka phone chu a rawn eng pap pap a. Lola min wish back na chu chhiarin ka kiai leh suk.






Vawiin ah keimah a class kal ka hruai tur thu ka hrilh a. A dp chu ka click a, phone screen ah chiang zawk a Lola hmel lo lang chu ka thlir ta vung vung.




"Kan awm dun theihna tur a ka chet lak dan hi min dem hauh suh ang che... " ti sup in ka zoom a. Hun rei tak hnu ah ka kuah leh thei kha ka hlim a sin.




"Ka u in natna a pek ang che hi keichuan ka pe ve hauh lovang che" ti sup in phone chu ka hmet thim hmu. Helmet ka ban a, side table a walet chu kekawr ipte ah thun in room ațangin ka chhuak vut.


"Bawiha, i kal chhuak dawn mi?"



"Yeap..Mom, Lola class kal tur ka drop dawn" ka tih chuan Lola in kan in a tlawh khat zia sawiin hruai haw turin min chah mawlh mawlh bawk.




"Khawnge ka pa?"

"I u Rinchhani te nen an inbia anih kha"




Nui suk in ka pa study room pan chuan ka kal nghal zat. Room chu kal hel in ka nu leh pa mut pindan ah ka lut tlang a. Bolcony ah ka chhuak nghal vut, bolcony aţang chuan study room a thawm chu a hriat theih...



"Zarkawt lun lai tak a building ding lai nei tur khawp chuan i la thawk țha lo" ka pa in a ti nghut.





"Papui, theih tawp ka chhuah a lawm, theih tawp ka chhuah vang liau liau in Lola pawn huat tak te in Msa a haw tawh bawk.." Rinchhani aw ani hauh lo.






"Huat ringawt kha a la tawk lo! Malsawma'n a thlah vang vang theihna tur khawp thil dang thlen tir leh rawh... chutih hunah chuan zarkawt a building ding lai saw clinic turin ka pe tawh ang che" ka pa vek chuan a ti chang bul.


"Ka hrethiam e" a ti sep a.

"Kal tawh rawh, Malsawma'n engmah a hrechhuak tur a nilo! A hria anih vaih chuan engkim chan ah inngai ang che"






Study room aţang kal chhuak thawm ka hriat rual chuan ka nu leh pa te mut pindan ațang chuan rang takin ka kal chhuak ve nghal a. Study room leh common room inkar a hmeichhe kal phei mek chu nuih suk in ka helmet chu ka lek kang vut.







Faith teh hrep kha ka pa hmanrua bak anih ka ringlo sa reng ani! Ka u erawh in rin ngaihna a hre hauh lovang. A nu boral tawh nen inzawmna an la neih miau vangin farnu ang chiah in a enkawl dawn tih lah ka chiang!

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 25th, 2020, 1:18 pm

index.jpg
index.jpg (49.25 KiB) Viewed 20386 times


TETAKTEI
CHAPTER 33
BY
Abbra Reo Ririni Khiangte (PitarteiSualfini) 😈


"Jordan" common room ah chuan ka ka ding dat, muang zet a in her letin study room ațang a ka pa leh Rinchhani lo inzui chhuak chu ka nuih nghal suk.


"Khawnge i kal chhuah dawn a?" Ka pa chuan ti nghut pahin ka helmet kuah lai chu a melh run.


"Ka kal chhuak lawk mai mai dawn"


"Naktuk hian Delhi ah chhuk thla leh ang che" a ti nghut. Ka ner sawk a. Mahse, ka chhang let lem lo.

Rinchhani chuan min mit mei zeuh a, inchhungah tawi khawmuang tawh lovin a kal chhuak nghal a.
"I nu te khan chaw ei an peih tawh em?" Ka pa bawk.

"Peih tawh ang, min ei san ru, tihtur pawimawh ka nei" ti sup a ka pen sawn tur chu a thusawi vangin ka tawp leh hrut.


"Nang pawh hian kha Lola kha ngainat dan chintawk thiam ang che"

Muangchang in ka inher let leh a, ka pa hmel rum lam mah nen chuan kan inmelh ta run.


"I rawn haw ngawt chhan pawh amah vang ani tih ka hria, he hmeichhia nen hian țhian aia thui kal tum hlek suh, țha takin Kimbawihi nen inkawp ula, inneihna tur lam kan buaipui nghal ang..." kut hum ruh țeuh in ka pa chu ka melh let run. Muangchang a lo kal phei in ka bul ah chuan a rawn ding leh dat a.


"Kimbawihi nen in innei ang, i u ang a luhlul hian awm ve hauh suh ang che, in kawppui tur a ka duhpui bak che u ka inchhungah hian mo angin an rawn lut dawn lo" a tih leh sup chuan ka insehruh țawlh țawlh a.


"Delhi i chhukna tur vawiin lam ah buaipui fel a ni ang"

Ka pa kal sawn hnu pawh chuan ka dinna ngai ah ngawi ngul in ka ding run! Naktuk a Delhi chhuk leh nghal maw? Ka chhuk nge chhuk lo chu kan en chhin ang chu!



Kimbawihi nen min inneihtir a tum ngawt chu ner pui sawk in ro fahran hian ka nu lui hawk!





Huh! A duhthusam hmeichhia chu ka u tan neih sak rawh se. Kei leh zel chuan a duhthusam ka tihpuitlin sak teuh lo!







Bike hunna bul ah chuan kut kuangkuah hlan in Rinchhani a lo ding ran tawh a, min hmuh rual chuan a lo nui sak bawk.


"Kan nghah rei a ngai tawh lo ang! I pa remruatna hi a kal fuh cho riau"





"Ka pa bulah engtin teh hrep nge Lola chanchin i sawi țhin a" ti hrawk in ka dinchilh nghal hmiah. Chiai hmel deuh hian min melh chho a. Ka u leh Lola te hi pawh țhen kan duh ve ve tih chu ka pha hauh lo! Mahse, ka u chanloh a hlauh luat vangin nilo lo in Lola chanchin chhe lam a phuah kual țeuh anih chuan a nuamsa rei teuh lo.






"I sawi awmzia ka hrelo" ka lo nui lui suk chu thawk min lak khum hap in a tawlh hnung nghal hrat.





"Țang rual kan nih kha, khatiang in plan tibuai thei zawng in rilru no zet pu hlek suh. Msa nen an inkar a hran theihna tur a nih phawt chuan engtiang pawn chet lo la mahila sawi theih i neilo. Tun ang tak hian i pa hian Lola hi a mo a tan iai lo nise i hmeichhe duh em em hi i u nen an hlim dun lai a sin i hmuh dawn... Msa nen an inkar hi tawp fel vek phawt se, i tan i pa rilru hneh leh a harsa dawn lo" ka mitah chiang zet a min en lai chuan ten lutuk in ka ner khum sawk.






"Msa nen an tawp fel a nih chuan kei nen kan innei a nga, i pa rilru zatve pawh a dam huai ang! Rilru hmin lo leh sehhel țun ai chuan kei leh i u inneihna avang a i pa rilru hahdam ta chu hneh a awlsam zawk daih ang" a ti leh hmarh hmarh.






"Ka pa hian engvang teh chai a mo a tan duh bur che nge anih ka hrethiam nek lo ve" melh nek pah chuan ka ti hluk. Ka țawng kam vang a zahna chhete pawh neilo in Rinchhani chuan min nuih let sak....



Lola aia hetiang hmeichhe fing verther lutuk a ngaina tlat pawh hi thil mak tak chu a ni!


"He lam ah i awm chhung reilote chu a țangkai zawngin hun hmang ang che, hun kan khawhral hnem tawk tawh, a tam thei ang berin Lola bulah hun hmang la, chuan... a na lai hmel hmuh hreawm i tih dawn loh chuan Msa nen kan inzui leh tawh tih nangmah ngei in hrilh bawk la ka duh... kar leh lam ah palai tirh tum ang te pawn i sawi thei ang..."



"Tih tur min hrilh ka mamawh lo ve" ner sawk in helmet ka khum vut.


"I muang sual ka hlau mawle" mit min siai sak chungin a car inhung lam min pan san a.

"Ka thusawi chu zawm mai rawh Jordan, Lola hian a țhian țha tak angin a ngai che, chu chu hman țangkai tum rawh, a hma ngai tak angin Msa hi a tan beisei awm a nih tawh loh thu hrilh uar la, a na tuar lai chu hnem in inrinchhan tir rawh, e, chuan, naktuk hian chhuanlam eng emaw siam in Mess-a nen chaw chhun kan ei chhuak thei dawn. A hmun tur ka lo hrilh ang che, Lola i lo hruai theih phei chuan a țha hlei hlei" a ti a, a car ah lut nghal zat in a tlan chhuak nghal.




Pawi tawp hleinem!



Ka u nupui tur a a duh ber hi ka u tan neihsak se la. A sawi ang deuh khan a rilru hminna zan ka u in nupui ah a neih hnu ah chuan ka pa rilru pawh a sak run tawh lovang. Sak deuh pawh nise nawr luih a harsa tawh dawn lo.


🐾__🐾__🐾____🐾



Bike chung ah chuan țhu run in u Hriatpuia te in kawngkhar rawn in nam hawng mek lam chu ka en nghal vut.



Inchhung a țang a Lola a rawn pen chhuak a, a hmelțha zet leh min dawi â vek thei khawp a zun ngah chu mit la sawn hlek lovin ka thlir nghal vung vung.



Min hmuh rual chuan a rawn nui seih a. Ani ang em em a hmeichhe duhawm leh mi hipan ngah hi ka la hmu ngailo. Kum 2 chhung zet hmeichhe dang lakah rilru pe thei map lova ka atchilh bur pawh kha a phu tak zet.




A sam sei zet, uk buang hnap mai chu hraw pui pui in a ti kawi a, a hmui phir nalh zet pawh fawh cho hmel zetin a hnawih sen tera A mitmu lian leh nalh zet a min melh kiau pah chuan a hmui fawh chakawm zet hnuai lam chu a seh sak a. Kei erawh ka ngaihtuahna ang a che chhuak lo turin ka inthunun țang țang. Kuah bet a, duhthawh tak a fawh bawrh bawrh chakawm khawp a mi hipna nghah leh zun nei a ni miau. Saw a hmui nalh zet, chhah tap si hnuai zawk lai taka zia inrin thla raih saw duh tawkin ka u in a fawh sak fo awm sia tih ka ngaihtuah rual chuan ka u huatna leh thikna in ka khat nghal vek! A kawng fek nalh zet leh mawngbawr chhing vawng lah te saw duh tawk a nawm chennan a hmang bik tur ang a ka mitthla zawng ringawt pawn ka u chu Lola taksa nalh lutuk hmu ve thei tawh hauh lova siam chakna in min luh ngut ngut bawk.


Ka awm loh hlan khan duhtawk in Lola taksa hi a lo chen a nge'm? Hrep a! Lola taksa a tawhna lai tawh phawt chu a taksa peng ațang tan chhum a, hal ral sak vek a nia ka duhni! He hmeichhe nalh lutuk hi ka chanpual chiah tur a nih hi! Lo it ve emaw, min țawmpui tum an lo awm anih chuan chumi chuan ka thikthu chhia a tawng baw har tawp lo ang!




"Ka hmai ah hian thil a kai em ni?"

Ka ngaihtuahna ațang chuan inthing harhin ka thaw chhuak hrawih.. Tun ah rih chuan a țhian țha tak ang a awm rih ka mamawh.


"Chuang rawh" ti nghut in bike chu ka stand țha vut. Lu thing mat mat chungin min rawn pan a. He hmeichhia hi ka ta anih loh chuan tumah in a pumbilh dawn hauh lo.



Ka hnung ah chuan a rawn țhu kai ve mai a, ka kawngah a ban pahnih chu rawn suih in ka darah khabe a lo nghat dat.

"Chawhnu ah class ka nei dawn lo a sin" a ti a. Glass ațang in ka en dawn tih hria ang hrim chuan mit ko a ti kang ak ak bawk.

"Chuan?" Ka ti nghut. Ner nang chung a a meng dûr ve khai chu glass ațang vek melh ngurin ka khi suk.


"I sual e mai a, duh leh Kimkima ka sawm a nga, folkland lam ah kan leng daih ang" a ti deuh hmak.

"I free hun sawi la, ka rawn hruai ang che"

"Ngai bawk lo.." a ti hlak, nui chet hluk in bike chu ka ti nung a. Ka tlan chhuak chiah tih ah ka'n ti ding leh thut mai chu ka hnungah rawn bei thlawp pahin "Zohmangaih" a ti vin nghal hlar. Kei erawh ka nui hawk hawk thung.



A chhip ah a sam chu hui chho ve pak in min melh rum ve khai khai a, thinrim a, a meng rum ve khai khai hian a lang sexy ka ti viau zel.




LOLA's POV



Traffic ah kan tan avang chuan ning zetin ka phun nui nui reng a. Jordan erawh a nuihzat hmel viau zel.

"Ka u nen in inhmu thiam lo hle ani tiraw?" Jordan chuan side glass aţang a min en pah hian a rawn ti a. Chhang lo in a kawr tlang chu ka hum nghet vak.


"Ani tiraw?"

"Jordan sawi tawh lovang" ka ti sap, a awm loh chhung in a u nen kan inkar ah thil tam tak a thleng a, ka thianghlimna ka hloh tawh bawk! A u nen kan inkawp ngheh hma khan nasa takin tawp san turin min hrilh a, a thusawk awi duh lova ka thinlung duh dan ka zawm hnu ah ngaipawimawh ka hlawh zui leh tawh silo.. engmah sawi chhuah ka chak lo tak zet!




"I theih chuan thlah hmak rawh" ti sup in a kawng ka kuahna kut chu a rawn hum hmiah. Meng kawk chungin side glass ațang in ka melh a.


Jordan chu a insehruh țeuh tih pawh ka hria.

"Lola, thlah la i tan a țha zawk.. a chhan chu ka pa hian u Rinchhani lo chu ka u nupui a tan a pawm ngai dawn lo, tukin pawn palai kal tur a ko khawm leh a, ka pa hian hman ațang tawh mo a tan hauh lawk a nei tawh a...engtin pawn ka u in dodal mahse chu a mi duh ngeilo chu kan inchhungah ka u nupui angin an luh a remti ngai dawn lo"


Na tawh miah lo tur ka ni! Mahse, ka awm chhung chu a na rawih rawih tho.

"I nat tak tak hma in engkim kha theinghilh vek rawh... ka pa in a nawrna a nasat em avang in ka u pawn ka pa thu hnial a tum tawh bik lo a nih kha" a tih leh chuan 'a lo thleng ta!' tih ka chhungril chuan min rawn hrilh a, ka mit sulh sulh!!!




Thinlung na ngut ngut chungin Jordan chu ka melh tlawk tlawk; Min lainat hmel zet a min en in ka kut chu a hum nghet nghal sauh bawk.


Prof Msa'n Rinchhani hnen a palai tirh a pawmpui tawh maw?


Ka thinphu chu a rang dawt dawt a! Tun ah hetiang boruak kan nei teh nuaih chung paw'n ka thinlungin a lo la thlah fel loh zia chu palai tirh a pawmpui tih thu ka hriat rual khan ka hrethiam chiah.


Khawvel a ka mipa duh hmasak ber leh engkim ka hlan-a chu ka ta a ni thei tawh ngai dawn lo!

Glass a Jordan mitmeng thutak zet chu kawchhung tawt up up chung hian ka melh reng ringawt! Ka best friend hian dawt min hrilh dawn lo tih ka chiang hle bawk. Pa Saia thu sawi kha ka beng ah a rawn ri nawn tluk tluk a... a hringtu pa zawk nge nge chuan a tawpah hnehna a chang ta e!


College gate bulah bike chu a ti ding a, ka chhung lam ni nghul chuan ka pum a tina ut ut hial in ka hre mai! Ka chhuk thla a, gate chhung ah luh nghal mai ka tum chu rang takin Jordan chuan ka ban rekah a rawn man leh thut!

"Lola.."

"Ka țha.. chawhnu ah chuan min len chhuahpui duh a nge'm?" Ka ti a. Ka nui lui bawk. Jordan chuan a helmet chu phelh in bike hma ah a dah a. Min ngaihtuah hmel tak chuan min han en vang vang phawt a.


"Lola, i nat ka duh vang a sawi ka nilo a nia, ka u tan pawn ka pa; kum upa tawh tak duhthusam tihpuitlin sak theih loh chu a hreawm hle dawn tih hriatthiampui bawk la" a ti sup, nui lui chungin lu ka bu nghat nghat.


Chutia Jordan nen kan lo indinchilhna bul ah chuan prof Msa motor a rawn ding thi nghal duk, darthlalang chhan ațang a hmel thim khup chu ka hmu hman thuak, ka taksa chu hnehsawh zet a che dawrh in Jordan chuan ka chal ah a rawn fawp thut a! Ka meng phawk deuh kawk bawk.



"Ka ţanpui che a nih hi... Ka u hian rawn hmuh che a tum lui anih pawn pehhel zel ang che, anih loh chuan Rinchhani nen inneihna tur kalpui reng chungin inzawmna a neipui tho ang che" zawi lutuk hian a ti sup. Ka tal aih chu min man nghet leh hrawkin "Lola, i tan vek anih hi" a ti leh hrawih!


Motor kawngkhar in nam khar bur ri vang chuan phu nghek in ka ding sawn dawrh a!

Kan lam pan a prof Msa rawn pen pawk pawk chu rapthlak ti lutuk a melh in ka tawlh hnung nghal dat dat! A hmel rum ul ah chuan thisen chhuah chakna nasa lutuk ka hmu thei! A mitmeng chu thisen ang maiin a sen khúi a. Na zet a min melh hrawk in a kut chu nghet takin a hum khur dawt dawt! Chutah, Jordan zawk chu melh vutin a pan ta hmiah mai!



"Zohmangaih, tawp san turin ka hrilh tawh che ani lawm ni" ti hrawk pah chuan Jordan shirt awm ah a țham nghal bawrh! Hnuk kang hrawkin a hmai silo chauh chuan a melh ta ngur a!

Jordan lah chuan hlaulo tih hriat lutuk in a u chu a melh let ve ran bawka. College bul a vei vak ho pawh an ding țhup.


"Ka mit tikham zawng a i awm leh anih chuan ka dahbo hreh hauh lo che tih hre rawh" ti hrawk pah chuan Jordan kawr a țhamna chu a thla vut. A mitmeng sen rûm a min melh nghal khui chungin min pan leh pawk pawk a. Ka dinna ngaiah ka lo tawm chawi chawi mai! Min thah mai hreh lo hmel pu miau hek î !!! A khabe ruh chu a insehruhna vangin a che țawlh țawlh.


"Min zui rawh" chhum hmuk a ti pah chuan ka ban rek ah a rawn hum nghal chawt!

"Thlah nghal rawh" ka kut a hum rual rual chuan Jordan'n a rawn ti vin nghal țhak bawk. Malsawmtluanga chuan a nau chu khi suk chungin a melh nghal khui a. BIKE ațang in Jordan lah a rawn chhuk ve phat bawk nen mipui chuan min rawn hnaih tuau tuau a, motor a tlan nek te pawh a ding țhup! Boruak chu a țang ta kher mai!


"Mihring vervekpa, lo inrawlh hlek suh" ti hniam ruih in hmusit hmel fe chuan Jordan chu a ner khum sawk.
"Min zui rawh" ti bung leh nghut in min phih nghal dawrh a, mai mai chuan! Ka zui dawn lo hi a ni tawp mai!


"Min thlah rawh" ka ti tuar! Min kaihsawn tum a Malsawmtluanga che hrut tawh chu a rawn inher let vut, ka bulah Jordan pawh a rawn ding chawp chilh nghal hmiah bawk.


"Malsawmtluang min thlah vat rawh" ti leh tuarin ka kut chu ka thing nghek, mi dang awm leh awm loh ka care buai peih tawh lo. Chuan, Jordan sawi kha a dik.. he mihring hi ka pehhel hram hram loh chuan nupui tur a biak lai nei reng chungin kei hi min chingphar a tawp san miah lovang.




"Min thlah rawh ka tih chu" beidawng lutuk hian ka ti a, min chuk melh run in ka kut chu a hum ngut ngut.

"Hetia min rawn tihbuai hian midang tan hmuhnawm ah min chhuah tih i hria em?... oh, chulam chu min care pui leh tawp nang tiraw?" ngeiawm lutuk in ka nuih tel hak bawk.


"Min thlah thuai rawh! Mi pasal ni mai tawh tur mipa vang hian mite ti ti a țan leh ka duh tawh miah lo a nia " kan pathum hriat tham lek chuan ka phun sap. Ka chhunglam erawh a na ngawih ngawih. A hma pawn amah vang hian mi pasal hual chhuh sak tu angin ka lar chiam tawh a! Mi te titi ber ah țangin kawh rawn ka hlawh phah tawh! Ka tuar chhan ber lah chuan a tan a ka tawrhna zozai kha ngatanmah min ngaihsak lovin nupui neiturin thutlukna a siam hmak a.


A tan ka lo tawrh ve tawhna te'n awmzia pakhatmah an nei lo lutuk khan min tina zual ngawih ngawih!




"Mi pasal" ti ve sup a hriatthiam loh hmel zet a min melh run tupa chu ka chan tlawm thlak zia haider luiin chapo hmel zet hian ka melh chho a.

"Aw.. chuan, ka lawmpui bawk a che.." ka ti a. "Nupui i nei dawn tawh ah pawh ka taksa bawk nawm chen nan hman tum a, min la vir buai sek erawh ka ten phah hle che" ka tih leh sak chuan prof Msa hmel chu a thim nghal mup.



Rang zetin Jordan a rawn che a, a u in ka kut a chelh chu a rawn phih bawrh. Malsawmtluanga hmel a hrilhaina rawn lang chuak leh 'ka ten hle che' tih thumal vang a mak min ti hmel chu ka hmu lo der hmak.



"Ka țhiannu hi rawn ti buai tawh suh. Nangmah vang in mi zawng zawng in a hnunglam ah an kawh rawn tawh a, chungthil reh fel dawn lek lek hnu ah mite kawhrawn ah bawk i țan nawn tir leh hi ka rem ti tawh ngai lovang" chang fakin min chhan zet hian Jordan chuan a ti sup. College gate ah chuan min kai lut dawr dawr a. Midang min en țhup tu te chu Kal darh vek ru a ti khum tuar bawk.



Class ah pawh chuan rilru ka pe hleithei lo, Prof Msa leh Rinchhani te chu engtikah nge an inneih ang tih ngawt ka ngaihtuah ngut ngut a, prof Msa ka tawn hma leh tawn hnu a ka nun dan te chu khaikhin in a changin tawite in ka nui leh ringawt zel. Prof Msa ka tawn hma kha chuan sualin ka nun kha tladah viau mahila; hmeichhe hlutna nei ka la ni ve! Mahse, ka nun ah a rawn lut a, ka rilru leh ngaihtuahna zawng zawng min neih sak vekin ka ta ni reng tur ah ka ngaih theih kawp in min sawngbawl a, ka engkim ka hlan ta vek bawk. Mahse, a tan a engkim ka hlan hnu ațang chiah khan keimah ai a ngaipawimawh a nei chho tial tial a. A tan a enhkim ka hlanna khan kan inkar a lo ti zau zawk daih tih chu tun hnu hian ka hrethiam ta chiah bawk!





Nileng chuan ka awm a nuam thei lova, prof Msa hian nupui nei tak tak se engtin nge ka awm ang? tih te chu ka ngaihtuah chiam chiam a; chawhnu ah Jordan nen kan chhuah dun pawn rilru mumal ka pu thei lo, theih tawp in Jordan chuan min tih hlim a tum a, a u lak ațang inthiarfihlim chu ka tan a țha ber a nih thu te, ka duh phawt chuan a hlimchhawn chhung chu Kimbawihi nen an kiang ah cheng ve tur te'n min sawm a! Eng thutlukna mah ka siam mai thei rih lo! Ka thinlung; Malsawmtluanga thlah fel harsa ti lutuk chu hua in keimah leh keimah chu ka inhaw thar ngawih ngawih.




Ka lakah a nunrawn zia te, duhtawk a hun min hmanpui hnuah min hnutchhiah țum te leh a farnu dawheh zet vang a jail-ah hian min khung thei khawp a ka lakah zahngaihna lan tir duh lo tu anihna te chu huat phahna chhan țha tak ani nameuh mai! Mahse, ka thinlung zawk hian haw em em siin a thlah fel thei mawlh silo!



"Matt hi a pang a sa that that reng a...." u Mimi țawng ri chuan ka ngaihtuahna ațangin min kai harh zawk a. Ka en nghal dawrh bawk.



"U Hriatpuia bul ah sawi tur ani em pawh ka hrelo" ti leh sep in bawnghnute in mek Bawihpuia chu a melh zeuh. Hna vangin tukțhuan ei kham khan ka u a zin daih a, zanin a cham a țul bawk. An project ah hian chief engineer anih vangin a a pawimawh em em bawk si.


"Zan tir hi han ngaichang chhin ila, a zia theih loh chuan ka u hrilh kher lo pawn hospital pan dan kan ngaihtuah dawn nia" ka ti a.


"Anite, ka in zo tawh" ti pah chuan a hmui bul a bawnghnute kai var lak chung hian min rawn pan a. Lo nuih hak hak in a no chu ka lo lak sang nghal thuai.

"I puar em?"

"Umm, Anite i bulah ka riakkhawm ang aw"
"Lutuk, i mut chhuah hunah sawi la, kan mu lut dawn nia" ka tih chuan phur zetin lu a bu a, ka țhutna sofa ah chuan a rawn lawn kai nghal thak bawk.


Lalmate, Prof Msa'n Jordan kut a thlak tih i hria em? Kimkima msg chu phawk zetin ka melh tlawk tlawk. Engvang ngawt in nge a nau chu kut a thlak a?


Ka mit tikham zawng a i awm leh anih chuan ka dahbo hreh hauh lo che tih hre rawh" ti hrawk a Jordan kawrawm a țham sak lai kha mitthla let in ka țîm sawk.

engtik khan nge?


tlai ah khan.. ughg, i haw hnu khan.. a tih chuan ka chet tlat tlat a. Prof Msa meuh in kut a thawh anih chuan a thinrim tawp khawk ah ka ngai! Mahse..

eng vang nge tih i hria em?

Aih... keichu Prof Msa hi nangmah vangin a â tawh tak tak in ka hria ka chhiar lai reng chuan typing tih a lang zat zat a....



țha deuh a biak tum rawh, a ipik hmel in i biak duh ring a a chan tlat țhin che vangin mut a kham loh hmel thei si, tlaia a thinrim hmel kha hmu ve mahla i hlau ve tho a, a mit kha a sen rum a, Sammy leh Madina khan țhelh lo hlauh pheise chuan Jordan kha a na ngawt ang...




Ka rilru chu a buai leh nuaih tawh!




Mipa puitling tawh leh nghal in an chhungkaw mualpho theihna tur pawh inveng zo lova a unaupa ngei mai a țhiante zing ah kut a thlak ngawf anih chuan chhan țha tak a awm ngei ka ring a! Mahse, eng nge a chhan tur lah chu ka ngaihtuah thiam der mai silo!





Jordan chu zawh ka tum deuh thut thut nangin nuam lo a tih ka hlau ve tho bawk si! Rilru buai zet chuan phone ka hmet eng sek ringawt!


__keichu Prof Msa hi nangmah vangin a â tawh tak tak in ka hria_ Kimkima msg chu ka chhiar nawn sek a, engtin nge keimah vang chuan a at ngawt ang! Ka chak lohna lai hre em em tu, rilru chiai leh tal buai zeuh pawh nei lo khawp a mahni hmasial thiam mipa puitling thlup kha meimah vang chuan a â lullo ang!





Zan dar 11 vel ah Bawihpui pang chu a rawn sa zual a, a damlo khat in damdawi ei hi hlauh takte a a hlauh tlat avang in damdawi ei tir lah a harsa ropui si! Whatsapp ah ka luh chuan Malsawmtluanga hmek hmuk chuan ka phone hack in ka block na a lo unblock leh tawh tih ka hmu zui zat! A msg chu chhiar pawh chhiar duh lovin ka u number ah ka lut a, tihbuai hreh viau mahila ka text ta tho.

Mam, i buai em?

Hei, paper kan khawih fel chiah, Bawihpuia mu tawh em?
ih.. a pang hi a sa deuh a, amah chu a muhi tho nangin zantir ai khan a rawn sa riau a...

Call a rawn lut nghal zat! A fapa a ngaihtuah zia ka hriatchian em vangin ka u chu ka khawngaih kher mai.

"Hello.."

" a temperature i check em?" a rawn ti nghal thawr.

38° anih thu ka hrilh chuan a rum deuh hrawih.



"U, chutiangin a ngaihtuah awm miah lo, tunah tak phei chuan amah hi a mu hil a.." ka ti zung zung a. Damdawi in ah ka hruai mai dawn mi? tih ka zawh chuan lo nghak lawk turin leh kawngkhar thawm lo ngaithla tur a min hrilh sup in phone chu a ti tawp nghal daih.



Reilote hnu ah kawngkharpui rawn inkik ri deuh dat chu ka hria a. Thawm dimte in Bawihpuia chu ka thawh san țhem țhem a. Ka room kawngkhar ka pawt hawng chiah; ka chhuah hma a ka room kawngkhar rawn nam hawn tum a ban lo lek chhuak vut tupa ka hmuh rual chuan tawlh hnung dawrh hian pawk zetin ka melh a!



"Ka lo lut ang chu..." ti thum sup in hriatthiam harzetin min melh ngur.

"Ughh, aw" ti bah nak a ka tawlh sawn chuan kiai deuh suk pah hian a rawn pen lut vut, khum a Bawihpuia muhil lam chu a pan vut a. Tshirt dum mawlmang zet leh jeans kekawr a ha tawp, Mahse, a lan dan sar vuah chuan min dîp nghal run tho! U Mimi chu mitmeng rang tawk hian ka melh a.





"Aaa.. kawngkhar a lo kik a, ka hawn sak khan damdawi khai chungin a rawn lut tawp a lawm. I u in a call thu a sawi a" ka u mai mai pawh chu!



Khum chung a ka phone chu a eng nghal pap pap. Hepa lo hi hmelhriat țha dang a nei miah lo mawnle ti rilru nauh nauh in ka let phei ve a. Prof Msa erawh chuan dimtakin Bawihpuia muhil lai chu a lo khawih kual a. A pang chu dek in Bawihpuia chu a melh vung vung bawk.

"Msa kha a lo thleng tawh em?" Ka u chuan a rawn ti thawr.

Hmelchhepa tinge hepa kher hi zanlai ah leh nghal i rawn tirh a tih khum nghek ka chak dan lah chu! Bawihpuia lak ațang mit la sawn vutin Malsawmtluanga chuan khum bul a ka ding chu min melh vut a.
"Aw" ka ti bul hmak. Ka u thaw huai chu ka haw ru kher bawk.

"Tikhan a inhuam bawk a, zanin chu a riahpui ang che u" a rawn ti ta deuh deuh. Ka mitmeng buai nghal vek chu pakhat lah chuan mit ko min ti kan khum uk a. Rum fahran a melh chungin tukverh lam ka pan san daih. Cool ruih a a nui ri suk chu a aia rum a melh țhat leh te hial a nia ka duh ni!


"Tinge a mah kher?" chang zawi zet in ka u chu ka zawt a.

"Biak mai tur ka hre silo a. Ani kha gate pawn ah a ding leh reng ang tih ka ngaihtuah chhuah rual in ka be nghal a, a lo awm lawk hlauh a, khatia puitlingin a awmpui che u kha chuan ngaih a ngam deuh a lawm..." thinrim ru țun in Prof Msa vang a ka u hahdam ru huai thusawi chu ka ngaithla ta vel mai mai.




Ka inbiak zawh chu Prof Msa zawk a rawn be leh a, dam dup leh hriat nuam tak a ka u a biak lai te chuan Bawihpuia bulah țhu kak in ka lo inhum ruh chiam chiam a, ka room chhung boruak chu uap mup in a țang leh ut tawh!


"A rawn harh hun ah damdawi kha ei leh se, a zia vat mai ang" ti sup in min melh ngur pah hian a phone chu khum bul dawhkan ah adah a, a phone cover chu rei en duh lovin ka hawi sawn nghal daih.


Room chhung a sofa inhung chu thawm nei hlek lovin khum bul ah a rawn hnuk hnai a, a palian in a awm ve hian min dip run, chutih rual chuan a chiai ve ngailo tih ka hriatna erawh in min hahdam tir a, Bawihpuia pangsa deuh vang a ka hlauthawng pawh kha engtik lai khan nge a lo reh hman ka hre miah lo..


"I duh chuan muhil la, Matt pawh ngaihtuahawm anih loh hi" ti sup in mitmeng tizîm sût chuan min melh ngur a. I thupek kha ka ngailo ve chiang e tih let er chak zek zek chung siin Bawihpuia ka venthawn vang liau liau chuan ka bu ta nghat ringawt.





Dim light chiah kan chhi a, u Mimi pawh Prof Msa lo lut khan mu daih turin a hrilh tawh a, ka u ang thovin u Mimi pawn he palian-a hi a thlamuanpui ve tho tih ka hria, ngawi reng in ka mu a, ka lungphu erawh a rang dawt dawt! Nupui nei mai tawh tur siin ngatinge kan pahnih lanna phone cover kha a la hman reng le? tih te chu ka ngaihtuah rauh ruah a, Malsawmtluanga țhu ngawi run lam ka han melh chang apiang in tawm chawi in ka hawi sawh leh nghal thuai zel.



Pindan chhung chu a thim sen ruih a. Mahse, a mit erawh keimah ah a fu ngur tih hai theih loh khawp in a mitkhur thuk deuh duk chhung a mitmeng thim ruih chu ka feel thei tlat a, a tawp ah phei chuan ka maimitchhing ta daih. Zawi lutuk a anui ri suk chu ka hre hram bawk!


Chianglo zet in ka harh a.
"Uncle, a kha ka ti miah lo.." Bawihpuia ani.
"I big boy tawh anih kha, tikhan mutthih tum leh rawh aw" ti thum dut ri ka hre leh a, thawh chhuah tum a meng mang lova ka inbeng kang chu kutphah lum thup in ka darah a rawn man hmiah. Min nawr mu leh in ka hmai bul chet ah a rawn thaw lum ham ham mai.

"Mu leh rawh, Matt pawn damdawi a ei a, a pangsa pawh a zia tawh" ti zawi sup in puan lum in min kuah țha a, ka meng thei miau lo, ka chalah hmui lum in a rawn nawr lai chu ka mang hriat ruai ruai!




__WARNING😝🔥___


(In mak! Phur huk kher su! 😆Tin, tlem a sexy telna lai chhiar ve duk duk duh reng si! Ziaktu dang post comment a mei nei deuh deuh a tlem a ziak sexy deuh te kap leh zut zut ching ang kha chuan scroll pawp ula, rilru ngilna damdawi mum uk ei bawk ang che u! 😝😝)


Show post links
Top
Ngaia
Site Admin
Post April 10th, 2020, 7:42 pm

Pindan chhung zau zet chu a eng sen dul ruih! A lum nuam in mut kawr bah pan te chiah inbel in chiar lianpui ah ka țhu tawm kak bawk, dawhkan hrawl leh hnum tle hlurh chung a glass inhung ah chuan whiskey a chanve in a awm ran bawk. Chu pindan chhung boruak ni ruih leh eng sen dul ruih chuan eng emaw ti tak hian keimah ah hnathawh a nei tel tlat; ka ngaihtuahna chu dava ruai siin ka thisen erawh a lum pap pap reng a. Chhan ka hriat siloh vangin keimah chu ka zauthau in ka sosang a ni ber! (?)




Ka thil in chuan hna thawk ţanin ka lu chu a hai riai riai bawk, pindan chhung a thil awm chu ka melh kual a, a chhung ah chuan lehkhbu chhuar hrawl zet zet ding dul in lehkhabu a inrem khat țhup! Chhuat chu carpet dup sen a inphah chhuak dap a, bang kial ah chuan leather couch dum lian pui a inhung run bawk. Tukverh a inkhar phui loh vangin thli chuan parda inzar chu inchhung ah a rawn chhem lut hlawp hlawp reng a, chu chuan chhungril khawharna nasa tak min rawn pe in mal intihna hian min rawn luh tup tup. Thaw chhuak hak in whiskey chu ka ban a, ka tlak nghal vek. Whisky chu thli chhuak leh in tu emaw chu ka suangtuah a!




Ka chhungril khawharna hnawh khat thei tu chu kha mipa hrawl leh hmel rum zet, mitmeng thip khui leh ka chhungril zawng zawng hmu tlang vek thei khawp a melhna zetpa kha a ni tih ka hriat chian tluk zetin a taksa lian leh nalh zet ka suangtuah rual deuh thaw chuan ka thisen a lum sauh ! Ka thawk a'n ran hlawp hlawp rual chuan ka awm chhunghi a sa hat hat bawk.

Lu thing nak hian chair nghenchhan chu ka tukhum in ka nawr a, celling pawh chu ligh eng sen ruih chuan a chhun sen khui a, a chhung a furniture hrawl tak tak leh hnum dum hlup te chuan ngaihtuahna tui hnai lo zet min put tir nghal zat bawk!




Ka ner sak a. ' Se* room' ti chhuak sep in dawhkan chung a whiskey no chu ka ban leh nghal zat! Ka ngaihtuahna zauthau ruai chu mak ka ti tak zet! Ka hmuiah whiskey no ka chuktuah rual chiah in eng emaw hi a rawn ri rak, chu lam chu ka melh nghal thuai a.... Prof Msa chu jeans kekawr chiah inbel in kawngkhar lianpui ah chuan a lo ding khup. Pindan chhung eng sen dul ruih vang chuan a vun chu a lang thim zual bawk.



Muangchang in pindan chhung ah chuan a rawn pen lut khup khup a, kêlawnga carpet dup a rawn rahna hnu chu a khuar duk duk a, a awm sek phiar fat leh a dul a six pack lang thla ruih te, jean kekawr ful hnelh hnawlh a a hak vanga a V shape lang deuh ruih mai te chu ka lo melh kual dan dan a. A hrawkbawk langsar zet ațang melh chho lehin hmul in a bawh deuh luk kar a a hmui hman thiam em em ah chuan ka mit chu tawp in muangchangin whisky no chu dawhkan ah ka nghat riai riai.



A rawn hnai zel a, lungphu rang dawt dawt chungin ka mit chu ka sawn chho a, kan mit a intawng siah rual chuan ka chhungril ngaihtuahna zawng zawng hmu tlang vek thei ang mai a thuk leh muk in min melh nghal run.



Dawhkan bul a lo thlen rual chuan hmahmawh lo zetin dawhkan chu a rawn kal hual a, kei erawh a taksa nalh lutuk leh mitmeng cool ruih te vang chuan aikaih ang maiin chet nachang pawh ka hre tawh lo.



A kutțang in dawhkan tlang chu a tuk ri kauh kauh a, ka thinphu rang zual sauh chu hrethei ang hrim hian pa zetin a nui nghal suk. Chair ban a ka bân nghah chu a kutphah lum thup sir
a nul chho dun dun pah chuan ka hnung ah a ding rem a.


A ban vei lam chuan dawhkan a whisky no chu rawn ban in a thawk khat nghal pawp. Dawhkan chung ah vek chuan a rawn nghat leh a.



"Sexy" ti sup in a kutphah lian zet chuan ka dar a hmer salh! Ka lo mur uai uai thung. Ka kawrbah hrui sin te mai ka darah a hui liam lai te chuan thaw dep dep chungin a kut lum thup chu ka lo nul let chei chei a. Cool ruih in prof Msa chu a nui suk, rawn kun hniam a ka nghawng leh beng hnuai rawn fawh dun dun pah chuan "ka duatte, eng nge i duh?" a rawn ti thum sup bawk.


"Ka hrelo" ka ti chhuak sep. Nui nghawr dawtin hnunglam ațang in muang ruih hian ka hnute chu a rawn zen a, a kutphah lian zet pahnih chuan a rawn țham nghal bawrh bawrh. Ka beng hnuai fawp kual ruai pah a a biang hmul a ka nghawng a nawr zat na te nen chuan thaw hakin a hming ka phun chhuah pui sep.

index.jpg
index.jpg (17.37 KiB) Viewed 20384 times
Min khawih dan ang ang chu nuam ti zetin ka lo dawh tawp a, hetiang hi a thleng dawn tlat a hriatna ka neih lawk vang ani lawm ni nichin lawk pawn ka zauthau em em!


Ka hnute duhtawk a a țham kual hnu chuan ka dul a rawn dap thla dun dun a, ka mal pahnih chu nawr kau nghal hrawkin ka kap chu a rawn hup nghal hmiah! Ka thawk chhuah kawk laiin prof Msa erawh a nui thum ruih.


"Ka rawn luh hma khan min lo ngaihtuah maw?" Ka beng bulah lo tih sup pah in ka pantie chhan ah chuan a nuai nghal nawk nawk a, ka tai bawr za nghal chuai chuai chuan ka awm chhung a ti sa nghal pup pup.

Chak deuh a nuai nawk nawk pah chuan ka beng chu a hmu in a rawn nawr leh tawk. A rum chhuak dur dur bawk. "Min suangtuah vang ringawt in i c*** hi a lo hnawm dap anih hi" a ti rum hawk. Amah vek chu lungawi hmel zet a nui leh suk in ka pantie chhungah chuan a zen lut a, duhtawk a a nuai nal tawh a kutlum thuap a a rawn khawih leh meuh chuan chak hmel lutuk in a rum chhuak hrawih! A rawn khawih kual a, kei erawh ka tawm leh chawi țhin, vawi leh khatah a kutțang hrawl zet pahnih chu a rawn kawm lut nghal pawk! Eu dawrhin ka rum chhuak hak!!



Duhtawk a a kutțang hmang a min khawih kual hnu chuan rum chhuak nghut in min pawt tho lawp! Dawhkan tlang ah chuan min nghat dawt in ka pantie chu a hlip thla nghal hrawk a.

"I suangtuahna kha a tak ram ah chan tir ang le ka Duatte" ti chhuk sup in ka pantie chu ka ke rek ațang a la chhuak in chair ah chuan a țhu hmuk, dawhkan tlang a ka țhu chu ka kap chu nawr kau leh hrawk in dawhkan tlang ve ve chu min rah tir a!


f**k!


A hma ah chuan ka engkim a lang vek! Mit tizim sun a ka kap kar huh hlap tawh a melh ngur ngur lai te chuan ka hmeichhiatna chu a za chuai chuai a, a taksa hrawl puiin ka kap kar a hnaih hrut chuan zauthau lutuk in ka lo thaw halh halh.

"Ka ta! I taksa pumpui hi ka tan an nih hi... he i ** sencor nuam zet pawh hi ka ** chiah in a l* tur anih hi" ti rum nghut in a hmai tlang hrawl zet chuan ka malinkar chu a rawn nawr tawk!

"Professor" a hming au chhuah pui țhatin a sam ah ka țham a, ka kawngah rawn chelh bet tlat in ka hmeichhiatna chu a rawn hap nghal buan buan a nih chu!



Ka thaw kawk kawk a, nawmna nasa lutuk vangin ka taksa khawi lai pawh chu a za țek chhawk chhawk! A lei thap leh khawng țhat zet a rawn hman leh lek phei chuan ka taksa chuan a dawlzo dawn lo emaw tih tur hial khawp in nawmna chuan min hnawh tup tup ...

Vanvadak a thaw chhuak kawk kawk chung chuan a lu chu ka lamah ka man bet hnai țawk țawk! Dimlo lutuk a a lo nawr kual leh nawk nawk in ka taksa danglamna a nasat lai tak chuanin vawi lehkhat ah a tawp thut a nih chu!


"No.... khawngaih takin tawp suh" ti ruai chungin a kutphah rit nulh chu ka man bet chawt!


"Bawihi?"

"Khawngih in..." zah ah pawh ka la thei tawh lo, ka la khamlo lutuk chuan min ti thinrim lek lek bawk.

"Professor khawngih in" ti pah chuan a kutphah hrawl tham zet chu ka mal inkar ah ka dah thlak sak a, a taksa lumna in min deh rual ringawt pawh chuan ka za kual uai uai.


"Bawihi, harh rawh" ka beng bulah aw thum ruih rawn phun ri te chuan ka kawchhung hmet za uai uai in ka khur dar dar mai.

"Lola, harh rawh... i inchhiarna tur thil pawi a thlen i duh loh chuan harh chhuak rawh" ti hrawih ri ka hriat rual deuh thaw chuan ka taksa chu a che dawrh a, phu chhuak nghek in ka meng nghal phawng bawk!



Lungphu ri dawt dawt chung leh rilru la mumal lo lutuk chuan min lo bawhbet run tupa chu ka melh a, a mitmeng thim khup ah chuan maktihna ka hmu chiang lutuk!


"I țha em," ka biang a rawn khuap rual chuan a nghawng ah kuah bet in ka han fawp nghal tawn tawn a. Keimah chu ka la dik lo, chuan, ka harh chhuah hma a thil thleng kha tih zawm chakna in ka taksa danglam nasa zet chuan min nawr ut ut bawk.
"Ka... ka mamawh che" ti khur dar dar a ka fawh uar sauh chuan insum tih hriat fe in Prof Msa chu a rum chhuak nghal hrawih

A nghawng a ka ban suih beh pawh phelh hrawk pah chhuan khum ah min nawr bet hrawk a, thip zet a min melh khui chuan keimah zawkin a tshirt kau ah zen lut in a dul a tihrawl inphiar sek țalh chu ka zut kual nghal ruai ringawt.

"Hrep a.. Lalhlimpui, i mumang a nih tawh lo hi" ti bung nghut in ka kut chu a phih chhuak nghal dawrh, ka nui hak a, amah mamawh hmel deuh a ka melh kual velna chuan a rilru a tibuai tih ka hria. Thawk la hulh hulh chung hian a ngawi rih vung vung a.




"Mangpui i mang a ni maw?" khi deuh suk a ti sup in hriatthiam har zetin min melh chhuk run. A hmelpa hrak leh ka melhna h** hmel zet vang a a mitmeng thim khup a chakna rawn lang chhuak chu ka hmuh ve vek a vangin a nghawngah bawk ban suih bet leh a.


Ka rilru țhenkhat chu a harhfim deuh tawh, mahse, a zat ve erawh in ka mumang a mi bak kha tih zel a la chak miau. Prof Msa chu han fawp leh ngawng ngawng in ka bawp pahnih chuan a kawngah ka kherh bet nghal hmiah. Min lo bawhbet tawh sa anih vang chuan a kekawr kap puar luah tawh chuan min do nghal run a.

A kâ chhung ah thiam ang tawk a lei ka chet kual tir chuan rum hawk hian amah pawh chuan min chhang let nghal zat. Kan duhthawh dun in kan che reng reng chu ani buan buan vek.

"Hrep a.. he khum ah chuan ni lul lo.. Matt kan ti harh mai ang" ti nghut in min pawm tho lawp.

Matt?

Ka harh deuh kawk a! Mahse, zei lutuk a min fawp ngawng ngawng a khum bul carpet dup chung ah min bawh beh leh chuan engmah ka ngaihtuah zui thei lo. A taksa lum vung vung leh rit nulh chu ka lo kherh bet chial a, a mipatna in ka kap kar a nawr salh salh lai te chuan a tan ka lo ipeih tawk tak zet! Ka kap kau tawh sa chu a rawn khawih nghal chat! Thaw hak a min fawhna ațang ka inlak hran laiin Prof Msa erawh chak hmel lutuk in a rum dur dur.




"Inchhir hlek suh ang che" ti nghutin ka pantie chu a pawt thla hrawk a, dimlo lutukin ka mutkawr pawh a hlip tel a.

"I mumang ah khan i * hi ka siam nuam a ni tiraw?" ka mal nawr kau in chung lam ah a rawn nawr tawm nghal tawk, chhan ket ngaihna pawh kha hrelo! Chuan... khatiang mumang maksak lutuk ang kha vawi khatmah ka la mang ngailo!




"Tunah hian i duh ang tawk a nuam chuan ka siam ang che" a ti leh hrawih, hmanhmawh lutuk in a kekawr zipper chu a nawr thla hrawk, a z*** lian zet chu a kekawr kawng phelh miah lovin zipper ațang chuan a phawrh chhuak hlawl bawk.



A rawn insiam rem nghal zat a, a z** khawng vek tawh a ka *** bul vel rawn nawr kual nawk nawk pah chuan ka beksam ah a rawn zen lut a. Na deuh tak a ka sam țham pah chuan min fawp teuh deuh in ka hmui bul ah a rawn thaw ham ham! Ka sam a țhamna dim lo zet chuan min chawk phur zual sauh bawk!


"I ** chhung sa nuam zet **k chak hian zan tam ka mu thei lo tih i hria em! Nang lah chuan min run luih nan mipa dang i zui kual vel a tiraw?" ti chhuak hrawk in a nui rum hawk bawk.
"Ka dim dawn hauh lo che nia bawihi, i ** hian ka ** chiah a mamawh tih ka hmuh tir ang che" ti leh sup in a z** lian zet chu dimna tel hauh lovin a rawn thun lut nghal vek! Ka țe chhuak țhawt, thuk lutuk in a taksa rihna te nen rawn nawr luh vek pah chuan ka kâ a rawn hup nghal hmiah! A luh thuk em vang chuan ip chawi chawi in carpet dup chu ka țham nghek a!

"Yeah.. khatia i tawm chawi chawi chang khan i kawchhung a sa zual sauh a! Ka z** pawh i che nuam lutuk" ka beng bualh rawn rum chhuah hrawih hrawih pah chuan min d** nghal zawt zawt......

Ka lubul ah rawn inbeng khalh in hneh lutuk hian a taksa hrawlpui chuan min khuap hlun a! Ka u pindan pakhat chhuat laiah sex kan hmang mek tih chu ka u pawn rin ngaihna a hre bik hauh lovang!




Ka ban ah phih dawrh a, min pawm kan leh lawp chuan ka rak țhat a, bang ah min nawr bet hrawk a min * leh zawt zawt pah chuan ka hnute a a fawp ngawr ngawr! A duhthawh in sakeibaknei sa seh lai ang mai hian a rum dur dur a! A tlak ve meuh chuan a nghawng ah ka bei thlawp!


Ka taksa chhung ah chuan a b** tam lutuk a rawn lut puat puat a, lungawi tih hriat lutuk a rum hulh hulh in ka dar leh a rem lai lai chu a fawp kual dun dun a, a pet a, a seh bawk! Che leh tur ka awm tawh lo!


"Bawihi, intiharh rawh, a bul kan țan chauh a lawm" ti sup in ka beng a rawn fawp thawi thuak, zo lutuk a min chet sawn pui vutin sofa chu khum ațang hla thei ang ber ah a hnuk tawlh hrawk a. Rum chhuak nghut nghut in sofa ah chuan min nghat thla dawt! Ka taksa zawi zet mai chu a duh ang tawk l** rem tur chu a siam rem sauh sauh a. Sofa ah chuan ka lu nam betin ka dulah a ban hrawl zet lo rawlh lutin ka mawng chu a chawi kang dawrh.

"f**k!" a ti chhuak hluk! A kut lum thup chuan ka malkar chu a rawn nuai leh nawk nawk a. Sofa ban chu chelh in ka hmai chuan sofa chu ka nawr ngawt ngawt!



"I ** l** nuam zet leh i taksa pumpui hi ka ta ani tih i hria em? I ch** sa hiam chhung ah hian ka **g chiah a lut thei" țawngkam bawlhhlawh leh phawkphawhraw zet zet a min ţawngkhum pah chuan ka hnute rawn hrawm tel nawk nawk a, ka mal chu pawt zau hrawkin dimlo lutuk hian a mipatna lian leh hrawl zet chu a rawn thun nghal pawp! Ka kawchhung za tlang uai vang chuan ka er nghal zawk! Na zet zet hian min rawn d* chun zawm nghal zawt zawt a! Ka hnute fawn hlawp hlawp chu rawn hrawm telh bawrh bawrhin a awm bawrh tihrawl sek phiar fat chuan ka hnung a rawn si chet!


A duhtawk meuh chuan ka taksa chu a khur zawih zawih a, zawi lutuk a ka bawk phek chu min rawn bawh bet in ka beng bulah a rawn phun sup sup a. Ka lungphu ri dawt dawt vangin a sawi zawng zawng hrevek thei lo mahila, min hmangaihthu leh a thisen sosang lutuk, țawngkam phawkphawhraw zetin ka ** in a siam nawm thu a sawi chu ka hre vuat vuat!



Ka taksa chu na lo lai reng a awm lo! Kan inlen hleih in min dimlo bawk a, ka kap kar chu a thip hlur a, a sa hut hut bawk!




"I duhkhawp i hmu em?" Ka hmai bul chet ah lo awm in mit ti zim sun in min melh ngur. Chil ka lem dawk a! Chimawm lutuk hian Malsawmtluanga chuan a thil lian zet chu a rawn nawr lut leh vek anih chu!



Ka khek țhat chu rum hawk a min nuih a phawi chhuak a! Ka thaw nghal hawk! Zo lutuk a min pawt lawp in a taksa ah min kuah bet hlu hlu a, A tshirt hak lai chu a huh dup. A lungphu dup dup chuan min nghawr che dut dut a, a kâ a thaw chhuak hulh hulh pah chuan khum lam ah min let phei pui a.




Ka mumang mak lutuk vang a ka ngaihtuahna kal sual lutuk kha a reh riai riai a, zahna in min tuam hlup hlup bawk.


"Good" a ti sup. Ka che hlek chu min kuahna a thlah thawl vut a, ka taksa ruak ngal ngat ka hup bet nghal chawi chu lungawi loh hmel zetin min melh nghal khui bawk.



"Ka... min kal san rawh"

"Lalhlimpui, kha thu kha min sawi khum tawh suh" a ti chang bul. Ner nak a ka melh nghal hrep chuan ka hnung chu a melh nghal thuak. Keipawn Matt a muhil tih hrechhuak thuai in ka thaw ta hak.





Bawihpuia silo thei ber in khum sir ah chuan ka mu khawng reng, saruak ngal ngat a ka mu chu Malsawmtluang ren run chuan min pan vut a. Ka mal a rawn nawr kau leh chuan lo chip tlat in rum deuh hian ka melh hrep a. Ani erawh a khi suk.


"Huaibak a hun lo. Ka ti fai ang che" ti sup in wet wipes chu alek kang nghal vut.

"Keiman ka ti ve thei reng"

"A mak e aw.. Bawihi, min hnial reng suh, Mimi emaw, Matt emaw hi harse i duh em?" bung nghut a tiin min melh khui a, ka ngei lutuk leh keimah ka inhaw lutuk bawk si nen inhum ruh țeuh in ka melh rawm rawm.


Dimdawi zetin ka mal a nawr kau a, min hrufai vek! A thil hman hnu paih tur a akalsawn hma chuan puan lum in ka taksa chu a rawn khuh a, dimte in ka chal ah a fawp tel bawk.




Hetia Prof Msa lakah ka tlawm mai avang hian ka thinrim tak zet! Kha ka mumang maksak zet vang khan ka inthunzo lova, tihian, ka mipa huat em em lakah ka tlawm phah bawk.


"Lola, hmeichhe buan chak lo tak i ni tawh! Nangmah tina a, rinna nei miah lo tu che lakah i tlawm leh tawh" ti sap in puan chu ka hum ngawt ngawt. Awlsam tak a Prof Msa hnen ah ka thinghlimna ka hlan chhan kha chu ka ta chiah anih tur thu a sawi vang leh ka dam chhung a ka bulah awm reng tur a ka ngaih vang ani a! Mahse, kha ka ngaihtuahna kha a lo atthlak tak zet!





Hmanrua a paih zo lo let leh chuan min pan ding nghal vut. Tunah chuan min hmusit ngawih ngawih mahse sawi theih ka nei tawh lo! Jordan'n Rinchhani nen an inzui leh tawh tih min hrilh hnu lawk ah min mutpui leh thei a... chu pawh ka u inchhung ah leh nghal.





👇🔥👇👇👇👇🔥🔥🔥🍒🍒🍒👇👇



Khum bul a rawn thlen rual chuan eng emaw ri nghawr dur dur vangin a ding chut. Chutah che vutin Matt lu bul a ka phone eng pap pap chu a la kang ta vut mai le!




Phone engin a hmel a chhun eng ruih vangin prof Msa hmel rum nghal sauh leh mitmeng thim nghal khup chu ka hmu zawm zat bawk! A hmai bul chet ah phone dah ngur si chuan țihbaiawm zet a min rawn melh ngurin a khi suk anih chu!
Tu lo call nge ka hre hauh lo! Mahse, thinurna vanga Malsawmtluang a hmel dur kual tup tup vang chuan thawk ka lo ip ngar ngar!



Kelvin a ni thei mai ngem?

Aw Lalpa...



Engti kawng mahin thil țha a thleng dawn lo! Tun ah.. Tun lawk khan ani nen s** kan hman zawh chiah hnu ah Kelvin call hi a chhang anih chuan Malsawmtluanga hi a sual thiam dawn turu lutuk! Kha mihring nen khan kan inzui ngei tih ka pha lo! Ka taksa a it hle bawk! Mahse, vawi khatmah ka taksa a khawih thei ngailo! Tun ang hun ah hian a lo call anih chuan a rui tihna! Țawngkam tuitang lo zet zet a min biak a hrat bawk! Chung țawngkam hu*herh zet chu Malsawmtluanga hian a hre ve leh lek a nih phei chuan!! (?)


Prof Msa chuan ka ngaihtuahna leh ka hlauthawng lutuk chu hrethei ang hrim hian thip rum a min melh ngur chung hian ka phone chu a chhang ta sak bawk!



Ka thawk chu a tawp chawt maiin ka hria!


"Ka hmeichhia hi rawn be tawh suh" a ti nghal hrawk. Thawk ip ngar ngar hian ka lo tawm chawi a!!! Reilote chhung phone ngaithla a a ngawih ngul lai te chuan Kelvin chuan eng nge a rawn sawi ang tih ngaihtuahin ka rilru chu a nuai nuaih!
Prof Msa'n ner sawk a min melh leh hrawk chuan puan chu ka hum nghet vak.



"Tunge ka nih maw?" a ti sup, a hmelah chapona leh theih intihna ka hmu chiah chu ka khawng mai dawn in ka hria! Ka... kan khawsak zawh chiah dan kha sawi chhuah chak hmel a pu tlat hian ka hmu a! Chuthil chu a hmel pawisak neilohna a khat lan dan ațang chuan a ti hreh hauh lovang tih ka chiang tak zet bawk!





Chapo zet a hawi sang vuh a min chhuk melh ngur chung chuan "I rawn biak tum hmeichhe chhung a thunei tu ber hi ka ni e!" a ti ta siah reng! Rapthlak ti zet hian ka melh kawk a! Ramhuaipa chuan min khik khum suk duh lek leh nghal!
Phone ami hnen ah chu rum ul in kei chu vawi khatmah min be tawh lo turin a ti leh hrawk.




A mitmeng sen rum a min melh ngur ngur chungin ka phone chu a ngaiah bawk a dah thla leh a! A mitmeng rapawm zet vang chuan ka lungphu hi hlauthawnna vangin a phu dup dup! A taksa hrawl zet che vut ka hmuh rual deuh thaw chuan ka taksa chu a sa pup pup, khum ațang thawh chhuah a, tlan chhiat daih mai tum in ka che nghal phat!


Malsawmtluanga hmel chu thinrim ațangin chopo zet a nui hmel in a thlak ani ber! Min hnaihchilh buan buan in ka dar tawn tawn ah a rawn man hrawk anih chu! Min phih kang dawrh bawk!

"Lalhlimpui, ani teh hrep khan a ** tawh che em?" ti chhuak hrawk in ka hmai bul chet ah min melh ngur! A thusawi vang chuan rapthlak ti zet hian ka melh kawk a! Chu chuan a tih thinrim zual hmel kher mai!


"Min han hrilh teh, rui chung a i zui kual pa teh hrep khan i taksa hi a khawih ve tawh em?" ti leh hrawkin pawisak pakhat mah neilo tih hriat zet hian ka puan sin chu a pawt hlip nghal hrawk! A nghawng leh chal ah thisen zam a pawng chhuak ţawlh ţawlh a, dimlo zet a ka hnute a rawn țham chuan na ka ti lutuk chu ka maimitchhing sawk!


"Sawi rawh, eng vang teh chaiin nge zanlai tawh ah a rawn biak che.. tun ang ah a lo biak che khan kal chhuak in i in *** tir țhin em ni?" thinrim lutuk a min rum khum dur dur chungin ka hnute chu a theih patawpa na hian a rawn hrawm nawk nawk! Rapawm ti zet a ka melhna chu min khik khum suk in ka malpui ah a rawn man lawp a, kuai kau leh hrawkin a karah chuan a rawn insiam rem nghal zat!!

"Tenawmpa, kal bo rawh" ka hnute na lutuk chuan ka aw a ti tham vek.

"Huh? Ka kal bo ang maw? He taksa hi tu nen mah a ințawm ka tum hauh lo tih hrerawh! Min lo țawm tum ve an awm anih chuan..."


"Aw! Nang nen hian eng inzawmna mah kan nei tawh lo" vawi leh khatah ka malh pahnih chu ka awm ah a rawn nawr tawm hrawk vangin ka thawk a tawp chawt! Ka thusawi vang chuan a thinur zual tih hriat lutuk in ka malh chu a rawn bawh tel run a, ka hmai bul chet ah rapawm lutuk hian a rawn khi suk.


"Sawi nawn leh teh" a ti khur dur dur.

"Nang nen hian inzawmna kan nei tawh lo! Tunge ka mupui a, tu nge ka kawp tih ah chuan lo buai ve tawh lo mai teh" saruak ngal ngat a ka awm: ka bawp pahnih ka awm lamah nawr tawm a, min bawk beh run vang a thawk pawh thaw hlei thei lo chung a ka au khum țalh ţalh chu min ben chawrh tum in a kut phah hrawl zet chu min lek khum vut a nih chu!

Ka hlau lutuk chu ka kut pahnih in hmai ka hup a, ka tawm chawi bawk! Min ben loh reng ka ring tawh lo! A hmel dur thim khup ah khan a thinrim turu zia ka hmu chiang bawk em a tin ni!


Mahse, engmah a thlenglo! Lungphu ri dawt dawt a, ka hmai hupna kut pahnih kau va ka hawi chhuak dek dek chu ka țîm sawk! Ka hmai silo chauh in Malsawmtluanga chuan min lo bih ngur! Ka thusawi vanga a thaza lutuk leh kut min thlak mailo tur a a insum hmel chu a rapawm tak ani ringawt!



Engmah a sawi zawm thei biklo! Mahse, a mitmeng dur khup leh thisen ang mai a sen rûm ah chuan a sawi chhuah ngai hauh lovin min khawsak khum a chak dan zawng zawng chu ka hmu vek! Keipawh a hmel țíhbaiawm zet vang chuan ka kâ a chíh ve tlat tho! A bek zawn a pawng ţawlh țawlh a, a thaw ri hrawih hrawih chu sakeibaknei hliampui tuar inhrosa nen danglamna pakhatmah a awm in ka ring lo!


"I taksa hi lo khawih ve tu dang an awm anih chuan ka that ang! Hrerawh! Nang teh hrep pawh hian kei lo mipa dang khawsakpui tum hauh suh, ka hmangaih taksa ah hian mipa dang sulhnu a awm ve tih hriat a: tha na zet a dam reng ai chuan ka phum bo daih hreh lo che!" a hmel thinrimna a khat leh a aw khâ zet, khur ru dur dur bawk si vang chuan ka khawng vek!




Khum ațang chuan min phih tho lawp a, dimlo zetin sofa ah min paih kai nawlh! A duhtawk a rem in ka bawp a nawr zau leh hrawk bawk! A kekawr kawng a nawr tawm thlak lai a ka lo insaseng tur chu thinrimpui zual sauh in dimlo baksak in ka nghawng hnung lamah a rawn hmer nghek!



Rapthlak ti zet ka en chuan khi suk in khum sir lam chu thlek buk a! Thaw dep dep a ka en phei ve chuan tui lutuk a Bawihpuia muhil chu thawm siam thei lo tur a min vau beh nan hman a tum tih ka hre zawm zat! Zanin a chet duh dan zet chu mihring ani pawh in ka hrelo; Ramhuai palian pui ai pawhin a rapthlak ka ti zawk!


Ka khabe ah rawn dawm in na zet in min fawp nghal bawrh bawrh, ka tal aih aih nangin a palian lutuk, ka tal nasat leh ka thaw thei lo ani mai. Ka hmui nawr kau in a lei chuan duhtawk in ka kâ chhung chu a rawn hawl kual ngawng ngawng a! Ka u in a rin em vangin zanin hian min thlamuan turin a koh a, mahse, ani thung chuan min sual luihna hun remchang ah a hmang thung!


Nghet zet a ka ke pahnih man kawp in ka awm ah a rawn nawr tawm a, sofa ah chuan bawk nghal rawp in ka mal inkar chu a hmui leh a lei hrawl leh khawng zet chuan a rawn nawr nghal nawk nawk, kut hum ruh chung a ka tal apiang in Malsawmtluanga chuan min dimlo zual sauh!

"Khapa teh hrep khan hetiang hian a sawngbawl ve țhin che em?" ti hrawk in a kutţang hrawl zet pahnih a rawn thun nghal pawk! Tawm chawi a kê ka leng chuan rapthlak lutukin min nuih rum hawk!


"Warning ka pe tawh che, i taksa hi mipa dangin an khawih ve tih ka hriatchhuah ni la la chu nang leh i tlangval ni hnuhnung ber a ni ang" ti thum dur dur chungin a thil lian zet chu a rawn thun vek! Eu awrh a kut ka hum tawm chawt chawt chu min hrem nan ti niawm tak hian a rawn nawr thuk zual suah nia mawle!


Ka kawchhung ah chuan a khat vek a! Thawk pawh ka thaw chhuak hlei thei lo! Ka nghawng hnung ah lo vuan telin dimlo lutuk in min d** zawt zawt a, rap zet a ka melh ngawt ngawtna te chuan nuam a tih zual tir sauh ni ber hian ka hria! Duhtawk a ngah leh meuh chuan ka zawi vek! Ka thi dang lo chu mak ka ti zawk hial! Mahse, ka mittui a tla zung zung tih erawh ka hria. Ka kê a man khawm tlat chu thlah in rum hawk hawk hian min rawn bawh bet run a, mitthi nen kan danglamna pawh ka taksa kham leh na ut ut ka feel theihna chu ani mai!


Thawk la hulh hulh in a inbengkang a, ka mittui tla leh rilruna zet a ka melhna a rawn hmuh rual chuan min ner khum nghal sawk.


"Ţap hlek suh" thum zawi leh rum zet hian a ti hrawih.

Ka insut leh faih a, a thinur zual sauh nge pawh ka hre hrep lo. A z*** chu phawi chhuak in a rum hawk. Kei erawh a ri a țah chhuah hlau zetin ka kâ ka hup bet a, ka kawchhung ațang in ka ţap khur dar dar.

"Hrep a! Eng vang teh hrep a țap nge i nih" ka tukhum sam ah rawn țhamin min kuai dak awrh anih chu! Na tih vang a ka țhen sak chu min la nuih thei nia mawle!! (?)

"Ţap hlek suh Bawihi" ti sup a min fawh a tum chuan ka lo thle sawk a, prof Msa erawh a rum hawk.
"Min pawngsual!"

"No... tilo thei lovin min nawr lui zawk anih kha" chhum hmuk a tih leh ka tukhum sam a manna chu a thlah hlawk! Rang zetin ka kut pahnih in ka hmai ka hup a! Malsawmtluanga hi pawngsual ching anih hi! Mihring rapthlak leh sual tawp-khawk chu a lo nih chiah hi!


Ka hmai hupna kut rawn laksawn a tum chuan ka lo țang ve tlat a! Misual tawpkhawk-a thin in a lo tuar leh tawh bawk silo, ka ban rek ah dimlo zet a lo man pah chuan min han phiah dawrh mai a! Ka hmai bul chet ah rawn awm hnai vut in a thaw chhuak hawk.

"Ţap tawh teh suh" engmah thleng lo ang mai chuan a rawn ti dam ruih. Rapthlak ti lutuk hian ka melh a. Thinrimna leh thisen a tuihal ang hrim a a mitmeng sen dûr khûi ngei mai khan dam zetin min lo melh leh tawh anih chu!


"Min ti na thei leh insit tak a min siam thei țawngkam min hmankhum tawh suh, chuan, ka ta, ka ta liau liau chiah i ni tih hrereng bawk la, min tih thinur nan emaw, runluih nan pawn mipa dang hnaih tawh suh. Ka thil neih leh ngaihhlut reng reng humhim tur in theihtawp ka chhuah țhin tluk zetin ka duh leh awh ngawih ngawih, ka neih theih ngailoh tur lakah chuan ka nunrawng țhin viau a nia" hniam ruih a ti thum sup in a nui tel suk.



A thusawi zawng zawng kha eng a sawi tumna nge tih ngaihtuah tur pawn rilru ka seng thei tawh lo! Ka chau a! Ka taksa mai nilo rilru thlengin ka chau hluah hluah!


A kut phah lum thup a ka biang huh a rawn tuai hul lai te chuan meng pawh ka meng hlei thei tawh lo! Yeaaahh! A hma lawk ah ka... ka duhthlanna ngeiin chintawk hrelo khawp in kan khawsa tawh a! Khami vang a ka lungphu pawh a pangngai hma hauh vin dimna neilo lekin min pawngsual leh a! Ani mipa ah pawh vantlang chunglam daih a pa lian in thinrim chung a min khawihna kha nu te ve tak tan hian dawl zawh chi pawh a nilo.



Zo zet a ka taksa kang nawlh vang chuan ka phu deuh dawrh, phun chhuak hluk in a awm ah min kuah bet hlun a... engkim chu a tawp leh nghal vek!




Ka taksa kham leh na ut ut vangin ka harh hlawl. Mit ka meng rual chuan ka taksa khawi lai pawh chu na lo lai a awm lo tih hre zawm zatin dimte te hian thawk ka la a! Pindan chhung lo thim ruih chuan zawi zawi in ka chung a thil thlengte min hriat nawn tir uai uai bawk. Malsawmtluanga hmel hlauhawm zet ka mitthla ah a lo lan chuan ka țim nghal sawk! Chuta kar ah hnung lam aţang ban rit nulh in min lo man betin ka hnute chu a lo hum run anih chu mawle!



Ka lungphu a rang nghal dawt dawt a! Thaw hlawp hlawp a ka hawi kual in ka bul lawkah tui zet a Bawihpuia lo muhil ka hmuh chuan chil lem dak in ka thaw hak, min kuah hlun tu chu Malsawmtluanga anih loh reng ka ring lo!



Ka taksa chu ka dap a, thuamhnaw ka lo inbel tawh! Malsawmtluanga chu tih harh ka hlau bawk si, ka kawr chhung a a kut lah chuan min ti ţim sung sung, lak chhuah sak tum a a ban rekah ka chelh de de chuan thaw chhuak huai pah hian a rawn hup bet zual sauh. Beidawng zetin lukham chu ka nawr nghek.
"Bawihi, i harh em?" hnung lam aţang thum zet a a rawn tih sup chuan tawm chawi in mit ka chhing nghal chawt chawt.


Malsawmtluanga chu a inbengkang deuh vut tih pawh ka hria. Thawk ka ip ngar ngar a, ka harh tih a hriat rual chuan damdawi hnathawh vang a Matt-a mu nghet lutuk hi remchang ah la in min sual luih leh ka hlau tak zet.

Ka beng hnuai ah a hmui lum thupin a rawn nul a, ka lungphu chu a rik hian a ri dawt dawt, ka nghawng ah nul thla dun dun in ka nghawngah hmai phum chuan a thaw lum hawk.

"I u lo haw hunah palai ka rawn tir dawn" ka nghawng ah hmai phum reng chung chuan a rawn ti thum sup. Ka tha zam chu a phu nghek a.
"Tihluihna pawh hman ngai dawn mahse kan innei tho ang!" ti chhuak leh sup in ka hnung ah chuan a let thla leh dawt, a lamah min hnuk hnai hrawk a, ka harh tih a hria em pawh ka hrelo! Ka che ngam lova, thawm phei chu ka siam ngam lo hrim hrim, ka hnute chu țham salh in a bawp hrawl zet chuan min kherh bet zui hmiah.
"Hmangaihna hian min nunrawng ber thinlung a inlamlet tir theih laiin, tu emaw thinlungah chuan nunrawnna a pian chhuah phah thei tih i hria em?" zawi thum zet hian a ti thuk ruih. Ka tukhum chu a hmuiin a rawn nawr tawk bawk.


Reife hnuah pawh țawng lova, a thawk la ri bak hriat tur a awm tak siloh ah chuan ka tha țang țung chu ka thlah dul riai riai a. A lungphu dup dup chuan hnunglam ațangin min nghawr che in a taksa lian leh nghet țha zet chuan duhlo teh mahila ka taksa na leh kham ut ut te kha a la kiang hawk hawk thung si!



Engmah thui ngaihtuah turin rilru ka seng thei chuang lo! Puan sin chu ka nawr tawm a, tshirt min lo hak tir tih ka hre chiah! Ka tshirt chhung a a kut lian leh hrawl zet awm run lang thei turin ka tshirt chu ka pawt tawm chhova.


Malsawmtluanga kutchang hnung pilh phung leh sen chur ka hmuh rual chuan rang lutuk in ka khuh leh a, he ramhuaipa hian Jordan kha a sawisa tak zet anih ngei dawn hi!


Mahni nau te pawh kut thlak duh khawp a mihring nunrawng leh nupui tur a biak dang nei tawh tu hian palai rawn tirh te chu a sawi ngam a nia! Rapthlak zawk hian a!


Che hlek lo chuan mit ka khap fak fak a. Ka duh lo chung sual luih ka ni! Thil thlen lai bak a ka țap miah lo kha mak ka inti let ling zawk! He ramsa kawlh leh lianpui lak ațang hian eng tiang in nge ka inthiarfihlim tak ang, tih vel chu ka ngaihtuah chiam chiam a. Mahse, a chet dun dan, mipa min rawn be tu lakah țawngkam a hman duh dan zawng zawng ngaihtuah let chuan he misuaksual lutuk mai hian min tih mualpho a hreh miah in ka ring lo!

A ta chiah ka nih theih dawn phawt chuan kan lo khawsak tawh dan te kha ka mipa hnaih apiang te kiang ah insawi theih nan a hmang hmak hmak duh dawn tih lah ka chiang! Thawk ipik zet in ka thaw hak a!


*ka neih theih ngailoh tur lakah chuan ka nunrawng țhin viau a nia* a țawngkam chhuak rapawm zet kha ka beng ah hian a la cham reng! Midang ta ka nih ai chuan min thah mai pawh a hreh loh thu a sawi bawk tak kha mawle!!!







Dang ro zet in ka muhil chu ka harh hlawl! Pindan chhung a nizung lo zam lut țang ut chuan ka thinphu a ti rang dawt dawt bawk. Mahse, ka room ani tih ka hriat rual chuan thaw huai in khum bul a tui bottle chu ka ban a, ka lem nghal khawl khawlh, khum bul alarm clock ah chuan zing dar 8 a lo ri va tawh leh nghal!



Tui bottle ka dah let rual chuan ka ngaihtuahna ah Matt a rawn lang zawk a, puan sin ka theh hlih rual chuan ka taksa na lutuk vangin thawk ka ip nghal zawk. Zawi zetin khum ah chuan ka țhu let leh a. Ka taksa chu nalo lai reng a awmlo. A kham țhem țhum a, ka kap bawr chu a na zual hle bawk.


"Anite.." kawngkhar chu lo innam hawngin Matt a lo tlan lut a, ka thaw huai mai! "Bawihpui, i pang a la sa em?" ka ti a, khum ah a lo tlan lawn chu a pang ka lo dek a, a la lum thar thar.
"Uncle khan clinic ah min hruai a" phur zet a a tih laia ka room kawngkhar biang ngheng a mipa ding ngawi ngul ka hmuh rual chuan ka chhung lam hi a chau nghul.

"Clinic ah in kal maw?" nui lui chungin Bawihpuia chu ka en a. A bu lap lap mai.

"Ok, thawh ka hai sia, class pawh ka kal thei dawn lo a nih hi, vawin chu ka awm ang che aw" ka tih chuan phur fahran hian a kek rai a. A der ni miah lovin ka nui ve hak hak bawk.

"Anite i phone a ri" Bawihpuia chuan tiin ka phone chu a ban that that a, ka taksa na kual țhum vang chuan chet pawh ka che hleithei lo. Bawihpuia phone min pek chu lo lak sak a.
"Good Morning Jordan" ka tih sep chuan rum lutuk in kawngkhar a ding ngawi ngulpa chuan min melh hrawk! A ban lian zet a thisen zam lo pawng chhuak țawlh țawlh ka hmuh chuan nizan kha ka ngaihtuah let a! Rapthlak ti zet in ka melh let ve ta nghek bawk.

"Thawh i hai em ni?" a rawn ti a.
"Umm, vawin chu class ka kal dawn lo" Malsawmtluanga hmel rum ul leh pindan chhung a a lo pen lut khup khup chu ka hmu lo der hmiah.
"I damlo em ni? Zingkar a ka msg pawh min chhang miah lova" min ngaihtuah hmel zet a Jordan'n a lo tih chuan amah hmuh ka chak ngawih ngawih. Ramsa pawisak nei lo zet ang mai a min sual lui tupa lah chu khum tlangah zahna nei hauh lovin a rawn țhu ve nghal hmiah bawk si.

"Ka țha, Bawihpuia zawk hi a khua a sik a" ka ti a. Bawihpuia lah chuan Prof Msa chu nel zetin a lo bawh a.
"Matt a nuamlo maw, lo kal turin min duh em?" Nilo... a u hlat a awm tur in min duh laiin nizan pawn min riahpui tih a hrechhuak a nih chuan..



"Jordan..."

"A damdawi ei a hun tawh" Prof Msa chuan a rawn ti hmuk. Ka melh dawrh a, muk zetin min lo en let ve ngur bawk. A mitmeng thim khup ah chuan Jordan nen kan inbia chu a lawm loh zia a thup miah lo bawk.
"Jordan, Bawihpuia hi damdawi pek ka ngai a.."
"Ka lo kal ang" a tih chuan chhan tumin ka ang ziau hman! Malsawmtluanga kut hrawl zet rawn phe vut chuan phone chu min phih thlak sak nawk anih chu!

Engmah ka sawi leh hma chuan a beng bulah phone chu a lek kang vut a.
"Helam chu i rawn ngaihtuah a ngai hauh lo" bung nghut a ti chhum hmuk in phone chu a ti tawp hmuk.


Zaklo ti lutuk hian ka melh a, khi suk chungin phone chu khumah a theh thla dawp! Bawihpuia lah chuan Malsawmtluanga rilru bawlhhlawh zia hrelo lek in a malchungah a bawh that that a. Ramsa kawlh zet pa lah chuan min melh ngur in Bawihpuia hnungzang ah a ben sak dup dup.

"Nizan a ka thusawi kha i hrechiang tawk viau chuan ka hria" vin hauh silo hian a ti bung leh nghut bawk.

"Tlangval, damdawi kha au Mimi bulah a awm a, va la rawh le" ti leh sup in zo zet hian Bawihpuia chu lei ah a nghat thla a, a thusawi awi lutuk a Bawhpuia chappal bun țha sat sat mawngah chuan a ben sak leh thlup bawk.
"Uncle; nangman min ei tir leh rawh"
"Sure.."
"Au Mimi, ka damdawi kha ka lo la dawn.." ti lang lang chungin Bawihpuia chu a tlan chhuak a, pindan chhung boruak chu a țang nghal ut ani ber.

"Thlawk bo rawh" min melh vut rual chuan ka lo ti hlur. Malsawmtluanga nui suk chu a hmai ah tak ben chawrh ka chak ut ut.
"Zakthei lo lutuk.." ti leh ngat in puan chu ka phih tau sawk, lu thing nghut in a kutphah hrawl zet pahnih chu a chelh kawp thuk a.
"Mu leh rawh" ti sup in min melh ngur.
"Zahna hi i panpui ve miah lo em ni Malsawmtluang" ka ti ta thlawt! Zaklo ka ti hluah hluah ani tawp mai! Ngei zet a ka melh tlawk tlawkna chu khi suk suk in min en ngur a. Mihring nunzia hrethiam lo lek a ramhnuai a khawsa, ramsa lianpui, tla kual vel hi ka tehkhin ber tawh tak tak!

"Uncle, anitei tui kha ka in tel thei tiraw?" lo ti lang lang in Bawihpuia bawk a lo tlan lut leh a. Plastic bag var a lo khai ve ran bawk.
"Yeap, lo kal rawh le" a ban lek vutin a malpui hrawl zet pahnih inkarah Bawihpuia chu a hnuk lut a. Damdawi an inpe lai vel chu ngaihtuahna mumal pawh pu hleithei silo hian ka lo en mawl tawp.

Damdawi tui pakhat a ei rual chuan a kha deuh nge Bawihpuia chu a țap deuh par a. Malsawmtluanga hmek hmuk in "Tlangval i nih tawh kha, mipa takin le" ti sup a a en run chuan Bawihpuia pawn lem pawp in ţah a tum zui tawh biklo.


Ka harh ve hma khan ka u nen engtiangin nge an lo inbiak pawh ka hre hrep lo! Malsawmtluanga chuan kan inah chaw a ei ve a, Bawihpuia phei chuan a ngai lutuk a, uncle ti rengin a bawh that that zel a. Pakhat lah chu ka lakah a nunrawn teh lul nen Bawihpuia thung erawh zei lo deuh siin a duat ve em em roh a. Apa nen a inngheng deuh chawt anih vangin Bawihpuia pawn ka panglum aiin apa ang bawk a palian leh tha ngahzawng panglum chu a thlamuanpui tih lah phat ngaihna a awm lo.


"Karhma chhung zawng khan ka nau te țhian ho in prof Msa thinchhiat zia an sawi chamchi reng a..." u Mimi thil sawi vang chuan ka ner sawk.

"A hma zawngin hrawn a hreawm ngai der silo. Tunlai chu a hlauhawm thei tawp a.. a rawn ti reng a. Naktuk ațang chuan a mood te pawh a dang deuh tawh ang chu" a ti leh a.

"U Mim" ti hlur in dawhkan hrukna puan chuan ka tin uaih bawk. Za zetin a nui hawk hawk a.
"A diklo em ni? Zankhua in kawt ah motor a hung ruau reng a, mood țhat ngaihna awm hek lo î"

"I ninawm, sawi tawh lo teh" ti hmak in fridge ka pan san a. Ka taksa na lut erawh chetpui a harsa ngawih ngawih.
"Lawm hle zawk ta che, hetiang khawp a atchilhtu che leh i chhungkaw tan a inpumpek mipa i nei a, a la puitling em em leh nghal" Malsawmtluanga mize dik tak a hriat chian loh vang ah ngai in ka chhang let duh ta em lo.


Kei nen chuan kan inbe mumal lo. Mahse, misuaksuala chuan ka phone ah Bawihpuia games a khelh tir hmak a. Ka khum ah kan pathum chuan kan nileng a ni ringawt. Kei erawh ka taksa chau rimtawng vangin ka lo muhil leh sek țhin. Ka harh chhuah rual a Malsawmtluanga'n a malpui ah ka lu lo nghat a, min thlamuan nan ang hrim a ka dar a lo hum lum vung vungna chuan min ti thinur hlur zel!


Eirawngbawl hun hma deuh in ka u te an rawn thleng a, office ah tlang tawh lovin in a rawn pan ding a. Malsawmtluanga lo awm run a hahdampui lutuk chuan ka țah a ti chhuak tak zet! Bawihpuia'n ngai zetin a bawh chak chak a. Veranda a Malsawmtluanga ding run chuan an pafa in lawm kual vel chu hmuhnawm tih hmel zetin a a thlir vung vung bawk. Ka ngaihtuahna a thil rawn lut zawk avang chuan ka thawk chu a chham mai dawn in ka hria!



Nizan khan eng damdawi mah ka eilo! Ka lungphu rawn rang dawt dawt vang chuan ka awm dawm meuh in ka thaw hawk a, Prof Msa rawn hawi let vut chu en pawh en duh lovin inchhung ah ka tlan lut a. Damdawi ka la kawl than in ka hria!


Hmanhmawh zetin bag ka hai a, a awm lo! Nilo! Kha mihring fa kha ka pai duh reng reng lo! Ka thuamhnaw bawm chu ka hai leh sawk sawk a, ka thawk lak a rangin damdawi ka lo kawl tawh der bawk silo.

Rilru hah zet a ding in ka sam chu ka țham vang vang a! Eng tin emaw tak damdawi lei tur a kal chhuah dan dap ka mamawh!


Washroom ah tlan lut in ka thuamhnaw chu ka hlip bawrh bawrh, ka taksa duk thluah leh Malsawmtluanga sulhnu chu tih reh tum hian nawhfe phuan chuan ka innawt vak vak a! Mahse, ka taksa a fawh dukna te, ka hnute a țhamna duk awm thleh thluah te chu an reh thei chuang lo!

*lalmate, kan dineout dawn sin* Kimkima msg ka hmuh rual chuan ka ngaihtuahna a vir ta zawk.
"U, i lo thleng tawh tho si, ka țhiante hmu turin ka kal chhuak dawn nia" ka ti a. Single sofa a Malsawmtluanga țhu ngul in min melh ngurna chu ka hmu lo der hmak.
"Ummm, i rei dawn em?" ti sup in ka u chuan min melh ve run
"Zanriah ei chhuah an rawt a, ka insiam dawn nia" tih leh room pan ka rual a, a lo haw hnu lawk a kal chhuah nghal kha thil mawi anilo tih chu ka hria. Mahse, kha ramhuaipa bul hnai a awm kha ka chak hlawl lo. Ka che reng reng min thunun tum ang hrim in min melh ngur ngur a. Ka awm a ti nuam thei lo.



Ka lan dan chauh hmel lutuk hliah nan make up ka hmang uar hle! Kimkima bulah chuan damdawi min lo lei sak turin ka hrilh lawk a. Darkar 24 a la ralh loh vangin ei ila, awmzia a neih ka la ring tlat bawk!



Pindan a țang ka chhuah lai chuan Bawihpuia chanchin an lo sawi a. Ka u in thim hma in haw tur a min hrilh chuan ka bu nghat a. Inngaihtuah muk hmel zetin Malsawmtluanga thung chuan min melh ngur.


🐾


"Ei nghal rawh, tinge damdawi i tih leh tawh a...?" Hotel kawt ah Kimkima'n min lo nghak a. Damdawi chu rang zet a la in ka hmawm a, tui min pek nen chuan ka lem nghal pawp.

"Tinge aaa??"

"Lalmate, ka sawi peih rih lo, midang te hi.."
"A chhungah an awm" a ti a. "Prof Msa nen in..."

"Sawi rih lo teh" ti hlar in ka melh rum hrep. Kimkima chu a hawi tau hmawn hmawn a. Inthiamlo zetin a ban ah ka kuah a.
"Lut ang, ka rilțam tawh lutuk.."
"Lola, damdawi i ei zel tih prof Msa'n a hriatchhuah chuan a lungawilo ngawt ang" zawi deuh tak hian a ti a. Ka en chuan a lo thutak hmel ta kher mai.
"Neih a huam em em che a, keichu damdawi hi ei tawh lo la ka ti.. ih, nakinah i tan naupai leh a harsat phah vek dawn a..." a ti a. Chhang tawh lem lovin hotel chhung ah ka kai lut a. Ka rilru erawh a nuam bik lo tak zet!


Malsawmtluanga'n fa a awh zia leh nau tih tlak kawngah a ngaihdan khauh zia chu ka hrechiang tawh! Vawi khatte mah mipa dangin an bialnu te an mutpui zawh a, damdawi an hmawm tir nghal angin damdawi min pe ve ngailo a... chuan, Kimkima sawi ang khan hetia rai hlauh vang a damdawi ei nasat luat hian ka chhul lam a khawih pawi thei viau. Vanduai phei chuan nau ka pai thei tawh lo hial ang!


Mahse....


A chet dan nunrawng zet kha ngaihtuah letin khatiang mihring fa kha pai thei ka nilo tiin ka inhnem chawp mawlh mawlh a. Mahse, eng emaw... eng emaw hian min kâm run a! Zanin tlai la la hian nau pai lo tur a ka damdawi ei țhin hi mi zawng zawng te'n an hre pung dawn a hriatna hian min mawlh ta tlat!!


"Huh? I lo kal maw?" Min hmuh rualin Jordan chuan a lo ti thuai a. Nui lui var var in Kimkima nen chuan ka țhu ve a.


"Ka u a lo haw tawh a" Jordan hmel chu a chang nghal hrawk in ka hria.

"Drinks chah ve ru, eitur chah nan chuan a la hma" Sammy chuan ti lung lungin menu chu kan lam ah a lo nawr hnai a. Kimkima'n a thlang nghal zat a. Jordana kamsir leh mit ko chu a duk deuh chur a, a taksa dang ah hliam dang a nei em tih erawh ka hriatpuilo.

Eng eng emaw sawiin kan ri ta chul a. Kimkima a awm ve tawh chuan nuihna tur a tam in kan thawm a ring em em zel.

"Ka u chu i hnar thei thlawt lo a ni maw?" Jordan-a aw ri chu a kha kher mai! Ka bulah a rawn insawn a, ka en chuan ner lui sak in nep tih hmel zet hian min lo melh.

"Bawihpuia damloh vangin ka u in a ko a lawm"

Tlem chuan a hmel chu hmuh a hahdam thlak ta deuh.

"Nupui nei reng chung a, a kawp kual vel mai mai thei che ka hlauhpui che mawle" ka inhum ruh nghek ringawt!

"Naktuk zan hian palai thawh khanna pawh an kal dawn a" a ti a. Kan țhian dangte nui thler duar duar kar ah chuan Jordan chu ka melh ngawt ngawt ringawt!

"A tlangval tawpna vuiliam nan hman che a rawn tum mai mai tih hria la, lo inphal dan chintawk hria ang che" a tih leh zet chuan ka awm chhung hi silai mu a kah nghawr dawt ang chiah in a nghing dawt!

"Lola, ka thusawi kha ngaikawi suh.. U Rinchhani zawk in nizan ah ka u a riakbo tih a hria a... in inbak a rawn thlen a ring lo hrim hrim... rawn kal chilh che a tum laiin theih tawp chhuah in ka dang thei hram a sin. Mahse, a hnu leh a awm anih chuan palai meuh a tirhna hmeichhia, thikna vang a thinrim kha ka bengdai thei tawh biklo ang" a ti leh a. Sawi ve tur reng ka hrelo! Ka bing mup a, ka țhiante nui ri leh inchhaih thawm nen... a u nen kan inkarah thil thleng a awm tih hrevek tu Jordan-a mitmeng thim ruih mai chuan min ti zak thar hluah hluah ani ber!


Ka țhiante hlima, nuiri karah chuan rilru mumal pawh pu hlei thei lovin ka țhu mawl ve tawp! Eitur lo thlen hnu ah pawh ka ei hleithei lo! An zavai chuan an ri bawrh bawrh a, ka nun uluk lo luat vang a ka hreawm tihna chu tumah rengin min rawn hriatthiampui phak der silo!



"Lalmate, a tlai tawh si, i scooty hi ka lo khalh haw mai ang chu" Kimkima'n a tih chuan ngaihtuah nawn tawh lovin ka scooty chahbi chu ka pe tawp.


Dinner kan ei zo fel a, a țhen an kal chhuak hmasa a, Jordan'n min drop dawn vang in ngaihtuahna kal bing mup mup chungin ka țhu ngawi reng.


"Oopss, phone ka theinghilh" Jordan chuan ati a.

"Tah hian min lo nghak la, ka lo let leh vat ang"
"Ni mai zel e" ti hlak in ka nui lui halh, food court lam ah chuan a kal phei leh pawk pawk a.

"Eng nge min hmuh duh chhan chu ni a?" receptionis ep chiah a a sofa inhungah ka țhu fel chiah tih ah Faith-i a rawn lang hlawl.
"Maw?" ti hu hian ka melh chho dawrh, ner nakin kut a kuangkuah a.
"Min hmu duh ani lawm ni? Eng nge i sawi duh a?" Teh ngawt a! A thusawi awmzia hrethiam lo zet a ka en reng chu min nuih leh sak a. A ban tuamna chhah zet kha a lo inphelh thawl țhen tawh a! Chuan! Henu hi min hmu turin ka ko hauh lo!

"Sawi duh i neih chuan sawi vat rawh, ka hmahnawh a nia" ti leh puat in a sam chu a hui chho a!

"Ka ko lo che"

"Nichin lawk khan msg min lo thawn reng kha.." a ti a, rawn kun hniam thut in ka ban ah a rawn man chawt, min pawt deuh lawp a.
"Min lo zui rawh" a tih rual chuan min pawt tho ve nghal zat. Ngaihna hrelo zet hian hotel chung sang lam a min kai chho dawr dawrtu chu ka zui mawl ve tawp.

Hotel chungsang ber kawngkhar chu a nam hawng a, pawn ah min kaih chhuah hnu chuan ka ban a vawn chu a thlah ta chiah.

"Eng nge i sawi duh chu ni a? Msg min lo thawn vangin buai chung chungin ka rawn kal a nih hi"

"I thusawi awmzia hi ka hrelo tak zet" ti sap in amah chu chiang zet hian ka en a. A number pawh ka nei reng reng lo.

"Ok, anih chuan..." a ti a. Mahse, a phone ri vangin a tawp leh chawt, nui sakin bag a zen a. Phone phawrh chhuak in kei chu na ngei se min ti tih hriat zetin a chhang nghal zat.
"Aw, Boss.."

"I lo kal maw? ugg, Lola'n min hmuh duh tih a sawi a, hetah Hotel chungsang ah kan awm mek" ti zat zat in a hawi kual vel a. Tinge hmuh duhna ka nei ang a a insawi tlat mai le?

"I duh chuan lo chho tlang ve la.. "

Phone a dah rual chuan huatawm zet a min melh in a khi tel sak. Heta Prof Msa a ko tel ve dan ah he hmeichhia hian eng thil emaw tak ah min tal awh tir a tum tih ka ring thiam nghal mai!

"Msa pawh a lo kal mek.."

"Nih chu, biakna chhan tur ka nei silo a, ka lo zuk chhuk a nge" ti hmak a ka inher tur chiah chu Faith bawk chuan ka ban ah min pawt leh lawp anih chu!


"Kal rih suh" a ti a. A nui var var bawk. Kei erawh nizan ațang tawh mood chhe lutuk leh ipik hluah hluah reng ka nih vang chuan ka thinrim hlur tawh.

"Eng nge i hriat a?" ti hlar in ka kut chu ka phih dawrh.
"Msa hi kal san rawh" a ti a. A nui bawk.



"Kal san suh pawh tila; ani kha ngatan mah ka tilo" ti ve hmak in ka nui hak bawk.


Inher a, kawngkhar lam ka pan leh tur chu min kuai her leh lawp a. Ka dawhtheihna in a lo tlin leh tawh bawk silo!

"Faith" ti tuar in ban ka vai nghek.
"Kut min thlak ngam maw?" a rawn ti a, ka hmai ah tak a rawn beng chawrh anih chu! Reilote chhung chu ka ngaihtuahna a tawp duk a. Min benna hnu ka kutphah hnung lam a ka han tawh chuan thisen a lo chhuak a! Hrepa! He nu phiangsen hian ka thisen a chhuah anih chu!

"Ka that khawp ang che" zawi seh chilh zet a ti pah chuan pheikhawk sang nen a inkamsang ur nu sam ah chuan ka han ban a, rak tuar chungin a pai nawk, kei a lungdam zo bawk silo chuan nghet zet in a sam ah chuan ka țham a, uai kun in ka pawt ta nghek! Faith chu a keh tuar tuar, thisen min chhuah hmasa vei anih kha!


"I la duh belh em?" tih leh phar uan uan a ka kek kun chu a chhip ah ka nam nghek, hotel chung charah a thal tawp rual deuh thaw chuan tu emaw hian min kuai her lawp a! Ka hmai a ri nghal chawrh!



Chhuatah ka sawp thla hnawk a! Ka lu hai chhawlh leh tiril thleng a na ut ut vang chuan ka mittui a hnam sawk bawk! Min bengtu Kutthlak na zet leh kutphah lian lutuk ah khan hmeichhia anilo tih chu chiang tak in ka hria! Ka biang na ut ut dawm a ka hawi chhuak chiah chu ka hma ah tak thinrim tih hriat zetin Malsawmtluanga a lo ding ngur!



Ka meng deuh kawk a! Tun lawk a kut min thlak tu kha Malsawmtluanga hi maw?


"Ms" țap tiau in Faith chuan a ti a. Mak ka tih em vangin ka biang na ut ut pawh chu ka ngaihven thei tawh lo. Malsawmtluanga hian kut min thlak anih chu!

"Ms.." Faith bawk ani! Che sawn hlek lovin Malsawmtluanga chuan min chuk melh ngur!


"Lola hian msg min lo thawn a, hmu tur a ka kal kha... uggg, in inkar pawt țhentu ka nih thu min sawi khum chiam in khatianh khan a che nghal ringawt anih kha" Faith chuan a ti a. Muangchangin ka tluk sawpna aţang chuan ka ding chhuak riai riai a.


Khua a thim țan tawh vangin a hmel rum leh hlauhawm zet chu ka hmu chiang thei lo. Mahse, kut a hum khur dur dur tih erawh chiang takin ka hmu.

Prof Msa phenah ding in Faith chuan min nuih sak.

"Khanu kha beng ve rawh" a hnung a Faith ding chu kawk vah in Malsawmtluanga chu ka melh ran a. Kan thu leh hla rawn hrechiang hauh lova keimah chiah kut min thlak hi ka pawm dam bik dawn lo reng reng!


"Beng ve rawh ka tih chu" ti leh tuar pah chuan Malsawmtluanga awm ah chuan ka nam chawrh.



Ngawi ngul a lu min thin khum nghutna chuan ka hmai ah a ben chawrh ai khan min tina zawk daih!



Faith lo nui deuh var var ka hmuh tel leh lek phei chuan thinrim lutuk in ka sahal vek. Ka awm chhung chu tawt mup mup in ka bing chuk chuk! Hetiang a thana tawp khawk a awm hi ka duh lo! Ka birtday ni ah ka pa in kan bul lawk ah a hmei fanu pass a lawm sak lai ka thlir tlawk tlawk țum ang chiah khan thanatna in min tuam chhuak vek! Malsawmtluanga hian kut thlak ve turin ka duh tak zet!



"I beng lo ang maw... kut min thlak hmasa tu a nih kha.. beng ve rawh Malsawmtluang" a hnung a Faith nui hmel chu en pawh en lovin lu min thin khum leh nghut a, ka puak darh vek hi ani ber!


"I beng ve dawn lo anih chuan keimah ngei hian ka that khawp ang" ti tuar a ban ka phar chhuak chu Malsawmtluanga'n min lo dang in ka ban rek ah a rawn hum hmiah. Awm hnaih rawk in a awm zawn ațang chuan ngenngawl lutuk in ka melh chho a.


"Kut thlak ve rawh... min beng hmasa tu anih hi.. kutthlak ve rawh! I thlak duh lo anih pawn keimah tal in ka thlak theih nan min man bet suh" min man bet tlatna vang a tih theih nei bawk silo. Faith min nuihsawh hmel in min tina lutuk bawk si chu ka tai chhung a na ngut ngut hial thei.



"A rilru a buai tawh tak tak a nih hi. Msg in min hmuh duh thu a lo sawi vangin ka pan a. Tihian kei a kutna che theilo kut min lo thlak chiam ringawt!"


"Dawhhehnu! Thih i duh loh chuan ngawi rawh" au tuar chungin ka tal nghek.

"Lalhlimpui duhtawk rawh" Malsawmtluanga aw thum fiak fur vang chuan ka maimitchhing sawk! Kei kut min thlak theih laiin ani chu kutthlak tumna chhet pawh a neilo. Chu thil chuan engtiang takin nge min tihnat pawh a hrethiam tawp nang!

"Hei.. a msg min lo thawn pawh" thinrim hmel takin Faith chuan a ti a. Mit ka meng tawh lo hrim hrim. Malsawmtluanga hmel ka hmuh leh chuan ka pa in kan nufa min hliamchhiah lai kha hmu zel in thanat lutuk vangin keimah leh keimah ka intina duh mai ang!



Malsawmtluanga chu a rum hrawih a! A farnu chuan engthil nge a hmuh tir tih lam ka care siselo.
"Tikhan i hrethiam tawh em? Min ko a, min biak a duh emaw tiin ka pan a.."

"A tawk Faith" Malsawmtluanga chuan a ti sup.
"A rilru kha a buai zual tawh tak zet anih kha. Rilru buai te pan țhin doctor panpui rawh"

"A tawk ka tih chu Faith" Malsawmtluanga bawk in a tih hrawk chuan ka meng phawng! Hlau zet a Faith kat hnung dawrh chu a meng phawk hra bawk!

"Mahse, Msa.."

"A tawk, i kal thei" a ti chhum leh hmuk.

"Aaa.. eerrr, hall ah ka lo zuk nghak ang che" a ti a. Prof Msa thinrim aw vin hlau viau si e tilo chuan kei chu chawh min tih hmel zet a min nuih kher in a kal sawn a.
"Ka la that khawp ang.. ka la that dawn khawp che" Prof Msa manna ațang ka tal chhuak tum chu Malsawmtluanga chuan ka darah man hrawk in min thing nawk nawk a!

"Thah ngai an awm anih chuan nang hi ka that hmasa ber ang che" thinrim tih hriat zet a rawn ti hrawih hian ka hmai bul chet ah rum zet in min melh nghal ngur.

"Faith khan a sawi dik chiah! Nang hi rilru buai chu i lo ni tak zet anih dawn hi" ti nek a a ner sawk chuan khap pawh khap lovin ka melh ngawt ngawt.

"Engtin nge i tih theih zawk? Mawh?" a ti vin leh țhawt!

"I sawi awmzia ka hrelo" ka tih sep chuan a thinrim a belhchhah sauh ani mai!
"I hrelo maw? I hrelo tak zet maw? Sex kan hman zawh apiang a i damdawi ei chungchang kha ka sawi anih chu!" rawl thum lian lutuk a min rum khum hum hum ri a reh fel meuh chuan ka thisen zam kawi tin chu țek chhawk chhawk in ka lungphu a sa pup a!


A hre chhuak ta!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » July 25th, 2020, 1:45 pm

34 🍒🍁

Lu-hai tlu hlawm tawp tur ang mai hian ka khawhmuh a thim sulh sulh! Malsawmtluanga thawk la ri hrawk hrawk chuan ka lungphu sa pup pup chu nawr che dawt dawt in ka chakna engkim chu a hip kang duak nimai hian ka hria.



"Engtin nge i tih theih zawk?" mitmeng thip sen rum hian prof Msa chuan min melh chhuk rún a. Natna thuk zet vang a a hmel lang thim mup chu ka hmu thim sulh sulh. Ka sawi thiam dan ber chuan thim ipik zet in min hual phui vek ni mai hian ka hria.



"Ka nula i nih hi, nghange mihur te'n duhtawk a nuam an chen zawh hnu a an tih țhin ang a dawmdawi i lo ei ve reng reng! Hrep a! Kan hun hman dun te kha nawmchenna ang lek in i ngai zawk em ni? Sawi rawh?" a rawn tih vin tuar chuan ka hlau lutuk chu țah chiam mai ka duh tawh!


Min sawi leh nawk nawk pah chuan rilru nat hmel zet in min melh tûr khûi a. "Mawhphurna la ngam lo hmeichhia ka lo khawsak pui țhin hrep a nih chu!" ti hrawk in ka dar a vawnna chu min thlah lawp, tha reng ka nei tawh lovangin chhuat ah chuan ka tlu sawp leh hnawk a, ka hlau lutuk leh hetiang teh thut a man chhuah ka nih hian min țhawn luat avang in țawng pawh ka țawng chhuak thei tawh lo! A kut pahnih hrawl zet a a kawng dawm run in Malsawmtluanga chuan min chhuk melh tlawk tlawk a! Nasa zet zet a a insehruh țawlh țawlh hmel ah chuan thinurna, mak tihna leh natna a inlar chhawk tup tup bawk! A hriat loh a damdawi ka lo ei țhin in a tih nat zia chu sawi chhuak kher lo mahse a hmel ngui ruih si ah chuan ka hrechiang tak zet!

"Ka fa lakah mawhphurna la ngam lo tur ah min ngai em ni?" thuk zet a ti chhuak tawk in ner sawk hian a hawi sawn vut.



"Lola... nawmchhenna ang lek ah min lo hman vang a ni em?" natna a khat aw ri thuk ruih a rawn ti leh tawk tu chu melh pawh ka melh ngamlo...

Beidawng thawk ipik hmel zet hian a thaw chhuak hulh hulh a. Vanvadak in reilote chhung chu a ngawi vung vung bawk.


Thil thlen zawt zawt dan hi mak ka ti! Ka.. Kimkima damdawi min pek ka ei hnu lawk khan rai lo nan damdawi ka ei țhin tih hi phawrh chhuah ani rinna in ka khat a! Chumi hnu lawk ah ka hriat miah lovin ka phone ațang Faith-i'n ka ko na message a dawng bawk. Chuan.. ti hian... khawi ațang a ahriat nge tih pawh hriat ngaihna awm lo khawp in prof Msa'n kan inkawp chhung zawng khan pills ka ei tih a hre chhuak leh a! Thil thleng engkim hi ka tan chuan a mak tawp khawk vek! Chutih rual erawh chuan engkim hi ruahman fel sa ang vekin a thleng indawt zut tho si!!!



Rilru kalbing hmel zet a Prof Msa ding ngur chu ka han melh zauh a, pills ka ei tih a sawi chhuah rual a ka chakna in hip kang duak khan ka tha a lo ti khur nasa lutuk tih ka hre chiah bawk, ka awm che dawt dawt zawn ah chuan kut nghat in dimte in boruak ka hip lut a... ka ngaihtuahna chu a buai nuaih! Ka tha țang ulh lutuk vang chuan ka tluk sawp dan ngai ngai bak chuan ka awm dan pawh ka siam rem thei lo.

20200403_012802.jpg
20200403_012802.jpg (68.5 KiB) Viewed 23343 times
Rum chhuak hawk in prof Msa chu chhuat ah chuan a rawn țhu hniam ruai ruai a, a kutphah hrawl zet a lek chhuak ka hmuh leh phei chuan kut min thlak leh hlau lutuk in ka lo țhu tawm chawi!



Rum leh nghut in ka khabe ah a rawn dawm a, amah e thei turin min kuai dak salh bawk!


He thil ah kher chuan dik ka in ti bik hlawl lo! Damdawi ka hmawm rual apiang in ka chhungril lam hian a diklo tih min hrilh țhin a! Mahse... ka hrethiam tawh biklo! Eng thil in nge min mawlh a, min aikaih tlat a, damdawi kha ka ei tak zel chhan ka hrethiam biklo tak zet! Prof Msa'n fa a awh zia leh nau tih tlak a duh loh zia engkim hrevek si khan ka ei zel tho a! Hetiang hun lo thleng tur ka aî hrim hrim vang te pawh a ni hial zawk mahna!



" I tan hian eng nge ka nih?" ka hmai bul chet ah chuan a rawn ti sup. Ro zetin a nui lui suk bawk.

"Min han hrilh teh Lola, i tan hian tu chiah nge ka nih? Sex hmang a inzawmna i neihpui ang lek ah min lo ngai țhin em ni? Nge..." ti hluai chuan thanat hmel zet a min en in a ner sawk sawk a. " mahni thil tih ah pawh mawhphurna la ngam loh ah min lo ngai zawk?"
A aw vawt ruih vang chuan ka țah a chhuak ut ut, ka mittui rawn tla tur chu dang kir in heh ka pet fan fan a. Prof Msa pawh a kâ ațangin a rawn thaw chhuak ve ham ham tho.

"Ka fa i pai anih chuan ti tla tur a ka hrilh che i hlauh vang ani em?" ti supin ama thil sawi ngei chu atthlat tih hmel zetin a nui pui hawk "mahni fa ngei mai dahbo duh tur khawp a nunrawng ka ni biklo a sin... "


"Ka tihpalh"

Rum lutuk in min melh ngur, a bek ruh pawng țawlh țawlh leh a hrawk a thisen zam lo pawng chhuak țawlh țawlh ka hmuh chuan ka tha a khur leh ringawt tawh.




"Lola?" hnung lam ațang Jordan aw ri a lo chhuah rual deuh thaw chuan prof Msa hmel chu a rum zual sauh a. Kei erawh ka lawm ani tawp mai!





Jordan ke pen chu a rawn hnai tulh tulh a, prof Msa lah chu lullul hmel zetin ka hma ah chuan a țhu ngawi ngul a.



"Engthil nge a chungah hian i tih a?" ti vin tuarin Jordan chuan ka darah a rawn man chawt.



"Zohmangaih! Lo inrawlh ve hlek suh" a aw thum lutuk chu a ri dur dur.




"Lola chungah hian engthil phiangsen nge i tih a?" Jordan chu a thinrim hmel ve tak zet. Prof Msa chu a țhutna țang rang zet a tho chhuak vutin ka hnung a ding Jordan kawrawm ah chuan a ţham nghal bawrh anih chu.





"He thil ah hian inrawlhna i nei leh pek em?" A hmai bul chet ah Jordan chu a rum ţhaih chhur chhur, ka țhutsawp niai na ţang tho chhuak in boruak ka hip lut kawk kawk a. Nui suk a Jordan'n a u a en lai chuan awm ngaihna ka hrelo! Ka thawk an ti zim mup mup.






"Jordan.. kal ang" ka ti tham țîak a. A u nen kan buaina fak hre hauh silo a min chhan nan Malsawmtluanga zawhna kha *aw* tia a chhan vaih zawngin keini pahnih hian nasa zet a prof Msa thinurna puak darh tur kan dawlzo in ka ring lo.





Tha nei lo zetin inpawhsawm vek tum ang hrim a indinchilh te chu ka hnaih chhat a! Mahse!! Jordan thu rawn sawi vang chuan Jordan chu ka en nghal kawk!




"Lola chungchang anih tawh phawt chuan engkim ka hriatpui vek" a u melh ngur in a khik tel suk chuan ka lo ip chawi a! Ka rin ang ngei in Malsawmtluanga kuttum lian țha zet chu a thlawk phe nghal fua bawk! Lei ah chuan țhu tawm chawi in beng ka hup bet a! Ka taksa mai nilo, thisen zam thlengin a sa chhuak zawr zawr! Thlabar zetin mitui kar aţang chuan Prof Msa'n Jordan a hnek leh chawrh lai chu ka hmu phe ruai! Ka chawmawlh vek ani ber! Nizan a ta tawh rilru chiai leh thisen tlanchhia a awm tawh ka nih vang nge ka tha a rawn khur dawt dawt a! Thisen per sawk sawk ang ten ka khawhmuh chu a sen puat puat!


"Duhtawk ru" ka kut pahnih a beng hup bet chung in ka au tuar! "Duhtawk ru ka tih chu!" ti leh tuarin ka ţap chhuak hlawp hlawp! Hetiang thil thleng mak pui pui hian min ti â thei mai dawn! Malsawmtluanga chhuan Jordan a hnek leh tur chu a tawp chawt a! Min rawn en vut chu remchangah laiin Jordan chuan a au chu a hnek ve nghal chawrh anih chu! Ka ké leng nghek in ka khek tuar a! Rum hawk a Prof Msa pai nawk chu chak zet hian pan leh a tum a, engtik laiin nge ka chet chhuah hman pawh ka hrelo.
"Khawngaih takin duhtawk rawh u" țap tûng in Jordan kê ah chuan ka kuah bet rawk rawk. A tawp chut chuan thisen zam sa zawr zawr vang a thawk buai vek hian ka han en chho a.

"A tawk tawh.. a tawk tawh!" tih chu zawite te in ka sawi mawlh mawlh! A rawn țhu hniam vut a. Thil thleng engpawh hian ka thawk an ti buai a, ka awm chhung chu a tawt up up.
"Jordan..."

"Sorry" ti sup in ka biang a rawn khuap nghal hmiah. "Sorry, Lola țap tawh suh" ti sup in min pawt tho a, keimah a che sawn turin tha pawh ka nei tawh lo! Ka darah min kuah in Jordan chuan thawk a la hawk! Prof Msa thung chuan Jordan hnekna vang a a kam sir pilh sek chu a kut phah hnung a hru thuak in min melh ngur.


"Ka sawi kha hre reng rawh, Lola chungchang anih tawh phawt chuan ka inrawlh vek.. ka inrawlh zel bawk ang" Jordan chuan ti chhuam hrawkin min inher pui a. Prof Msa thinrim hmel țihbaiawm zet chu rawn che leh phutin kei leh Jordan chu min rawn thah mai ka hau tak zet!


Sai hlak hlak in ka pen a, ka tukhum chu a za mur mur, mahse, kawngkhar ah kan luh hnu thleng pawh a prof Msa chesawh thawm ka hriat tak siloh ah chuan kut tha khur dar dar in hmai ka hup a. Ka thaw chhuak hawk hawk.


"Lola..."

"Khatiang thu kha sawi kher i mamawh lo a sin" ka ti tham chhal a! Jordan chu luhlul tih hriat lutukin a ngawi ngul!


Hotel chung sang ațang step chhuk thla ah min kuah thlak lai te chuan chhuak lutuk in ka la insut hlawp hlawp! Thil thleng buaichuar lutuk leh prof Msa min inhrosak khumna te khan ka tiril thlengin a țham khur a, vuak hrep ang mai a nâ ţhumin ka chau hluah hluah.

Receptionist duty ten mak ti zet a min lo en na pawh chu ka pawisa zo tawh lo. Counter ep sofa chung ah chuan ka bag a lo awm a. A lo inhawng huau tih ka hmuh chuan chau zetin mit ka chhing sawk.

Ka bag hi Malsawmtluanga khan rawn hmu in a hai a nga, Kimkima damdawi lei ka ei bang kha hmu chhuak in khatiang khan a rawn che nghal buan buan tih a chiang ta uar bawk.

"I biang thi hi ka u kutthlakna che ani em?" Hotel kawt ah min dinpui in chik zet hian min en ngur. Lu ka thing a. Awi loh hmel zetin Jordan chu a ner sawk.
"Phone la tur a i let hlan khan Faith a lo kal a, ka ko angin a insawi a, ka number ațang msg a dawng! Mahse, chu chu ka hrie miah lo, hotel chung sang ah khan min chhoh pui a... chuan.."

"Kut a thlak che maw?" a ti a. Harsa ti zet a chil lem pah chuan ka bu nghat. Thinrimna vang a Jordan hmel dur nghal vek chu nuih lui hakin ka biang huh ka tuai hul pah thuak bawk.
"Keipawn ka kek ve tho a lawm.. min beng hmasa a"

"Hmeli chu" ti hrawk in ka ban rekah a kai a, hotel hnuai parking panin min kai thla dat dat a. Parking eng thim deuh ruih chhung a ka hmeichhe hmuh vang chuan ka alh leh phat tawh a ni ber.

Prof Msa bolero bang ngheng a dingin min nuihsawh zet hian Faith chuan keini chu min lo khik khum sak sak a. Jordan'n ka kut a hum a thlah rual chuan dan hman loh khawp a chakin Faith dinna chu a pah phei nghal buan buan mai.

"Unaupa, sawtiang rilru buai țhian a tan neih chu a hreawm viau lo maw?" a lo ti ham ham lai chu Jordan chuan din chilh hmiah in a hrawk ah a rek bawrh anih chu!


Tal awr in Faith chuan Jordan kut chu a beng nawk nawk a; Jordan hmel erawh ka hmu thei lo, thaw chham a Faith tal buai hmel erawh khawngaihna pakhat te mah ka neilo! Malsawmtluanga kutthlak ve duh loh kut a thlak vangin ka chhungril chu a lawm hial zawk!
"I kut hmawr pawn Lola hi lo khawih tawh suh ang che" ti hrawk in Faith chu a nam leng lawp! Khuh bawrh bawrh a Faith lo hawi chhuak chu ka lo nuih sak a! Rum fahran a min melh in ka hriat tham loin Jordan melh pah chuan a phun sep.


Jordan chu thazat hmel zet a lo let phei in a bike inhuna lam ah min kai nghal dat dat a. Jordan rehna a hrawk dawm chungin Faith pawn min lo la melh ve khai khai bawk.


"Ka nu thlan ah kal ang"
"Umm, lawn rawh le" hriat nuam zet a ti sup in a nui lui suk. Parking ațang chuan tlan chhuak in chak zetin thlanmual lam panin a khalh nghal a. Ka nun buai chuar ta lutuk te, ka chungah thil țha pakhatte mah a thlen ve ngailoh avang te in ka hringnun hman lai chu a fair lo ka ti a! Ka nu kiang ah kal in a bul ah min hruai ve tawh mai tur a ngen ka duh! Ka nun dan hi hremhmun a hun hman nen danglamna a awm in ka ring lo!



Thla eng kûng mai rinchhan chuan thlan lung tam tak chu kan kal pel zel a. Ka mitthla ah chuan ka nu ruang thlak ni leh rilru na zet, ţap chhuak thei bawk silo a kuang zawntu te ka zui zel lai kha a lo lang uai uai bawk!


Ka nu thlan lung ka hmuh rual chuan ka thinlung na leh ipik zet chu a rawn puak darh a! Rawl chhuah meuh a țap chhuak in Jordan pawh zah zo lo hian thlan lung hma ah chuan ka țhingțhi hnawk a!
"Nu, he hmun ah hian ka awm duh tawh lo, min lo hruai tawh mai rawh" thlan lung ka chal a nawrin ka țap hlawp hlawp!

"ka nun a thil thleng tam tak te hi engtiang a chinfel tur nge pawh ka hrelo! Nu, tinge hetiang teh thlawt a nun buai chuar hi ka neih bik... Nikhat lek tal ka bulah awm in ka harsatna te hi min ngaihthlak sak thei lo mi? i bulah engkim sawi thawl a, chinfel dan tur min hrilh turin ka duh che... chumi chu i ti thei lo anih chuan i bul ah min hruai tawh mai rawh, i fanu hian a mamawh tak zet che sin.."

"Lola" tisup a Jordan'n ka darah ah a lo kuah chuan hrawk chhung na ngut ngut chungin mittui kar ațangin ka en a.

"Jordan.. zanin chauh tal chu ka nu hi ka kiang ah awm turin min ngen pui rawh... chu chu a ti theilo anih chuan a bulah min hruai ve tawh mai rawh se..." thinlung ipik zet chungin ka țah khum a, ka thawl thei bawk silo, a kawrawm ah pawt in ka nu thlan chungah chuan thaw ipik lutuk hian ké ka leng nghek nghek!

Vawi khat lek tal 'Mambawih' a ti ri kha hriat leh ka chak a, khawi lai ațang khan nge ka nun kawng zawh mek hi a dik loh țan tih min hrilh a! Mi nu te'n an fate nun dan mawi an zirtir ang a min zirtir ve tur in ka mamawh! Ka mamawh ngawih ngawih!


🐾

Jordan hnung ah chuan ka bei a, ral lehlam a tlang ding hlim duk chu en in ka thaw hle hle a. Ka rilru ah chuan thil tam tak a lo lut zut zut a.

Engtin nge ka thawn ni miah silo in Faith khan ka number ațangin message a dawn theih le? Chuan, Malsawmtluanga khan engti tih a sofa chung a ka bag kal san kha hai ngawt nge a nih?



Ka rilru ipik lutuk chu duhthawh zetin ka han thaw chhuak hawk a! Thil thleng engkim kha plan lawk fel thlap a ang ka tih rualin prof Msa'n ka biang ah min benna kha.... tawm chawi in ka țang leh nghal vek! Nie, Malsawmtluanga khan kut min thlak, khathil kha plan lawksa ani ve tho a ngem?


"Lola" ti sup ri ah chuan ka phu dawrh! Jordan phun hluk ka hriat leh chuan rang lutuk in ka hawi kual thuak a, ka u in kawmchhak ah kan lo ding reng tawh.


"Ka lawm lutuk aw" ti sep in bike ațang chuan ka chhuk a. A helmet la thla in Jordan pawh chuan min ngaihtuah hmel zetin min melh a.

"I țha tawh tak zet em?" a ti sup. Ka bu nghat a. Khatiang khan ngatinge prof Msa kha a chhan let kher tih zawh ka duh a; Mahse, ka best friend ani a, chhan ngai țula min hmuh vang a insum hnan lek lova a u kha chhang let sak ani ang tiin ka inhrilh chawp a.


"Luhpui i ngai em?"
"Aih.." ka nui lui halh bawk.
"Ok, lut tawh rawh le, min mamawhna i neih chuan min call hreh lo la" ti sup in duat zet hian ka sam a rawn chul a. Ngawi rengin gate chhung ah chuan ka lut a, kawngkharpui hma ah ka din hnu ah chiah Jordan chuan bike a ti nung a. Min ngaihtuah tih hriat tak a min melh vung vung tupa chu ban ka han vai leh zauh.

Vei nuih suk in amah pawh chuan a kutțang pahnih a chal zawn ah a vai thuak.


Inchhung ka luh chiah a ka mi hmuh te vang chuan ka meng phawk deuh kawk a! Mahse, insiam țha thuai in u Biakpui leh a cousin KŢP leader min lo nuih tu te chu ka nuih let ve a.

"Anite, i lo haw tawh maw, au Biakpui leh apa Zomuana'n ka damlo min lo kan a" intifel zet in Bawihpuia chuan a lo ti tûng.


Ka țap nasa in Malsawmtluanga min benna ka biang ding lam la na ut ut vang chuan ka hmel chu hmuh a nuam lo hle ang tih ka hria.

"In va fel ve, thingpui in in tawh em?" Ka tia. U Zomuana zawk chuan an in tawh thu leh haw an lo tum vel mek tih min hrilh a.

"Lo awm ru, ka va inthlak lawk a nge" ka ti ve luam. Room ah ka luh rual chuan kawngkhar ngheng in ka thaw ham ham a. Awmhmun thuamhnaw ka inbel a; kan in a ka room angin bathroom attatch anih silo a, towel nen kal chhuak in washroom ka pan leh a, Bawihpuia chuan u Biakpuite unau lo leng chu nuam a ti ngang mai.


Ka hmai huh hliam hru pah chuan darthlalang ah ka biang chu ka en a. Faith khan kuttin vuah chawp a hman vang anih ka ring, ka biang vei lam chu tawite in a inrin raih a, thisen erawh a chhuak tawh lo. Malsawmtluanga min ben na erawh a na chhah mup mup. Kut min thlak chawrh zawh rual a hmel rapawm zet ka hmuh let uai chuan ka ip chawi a!



Ka dinna ngaiah chuan rilru tawt zetin ka ding reng a; thil chi hrang hrang ka ngaihtuah bawk, ka biang ah chuan hriat loh karin mittui a rawn luang thla ngiai ngiai a. Thinlungin duh leh thlakhleh a neih hi a hreawm tak zet! Tunah chuan Prof Msa hi ka buaipui lo a nga, ka theinghilh hmak tawh tur a ni. Ka mittui chu hru hul sawk sawk in darthlalang ah chuan ka innuih lui sak a.



JORDAN's Pov


Couch lian zet ah chuan țhu in hotel tukverh ațangin pawn lam chu ka thlir vung vung a. Rinchhani'n beer min rawn pek chu la in ka kheuh hawng nghal zat. Beer vawt raih chu ka lem khawlh khawlh a. Ka kawchhung a thlen thlak chuan ka taksa chu hahdam tir tum chuan ka maimitchhing nghal hmuk bawk.




Chutia mit ka chhin lai chuan kawngkhar a lo ri rak a! Rinchhani kalsan thawm chu hre tho mahila ka awm dan ngai chuan ka awm zawm zel tho.



"A lo thleng tawh em?"

"Aw, saw, a start der tawh" nui halh in Rinchhani chuan a chhang a.

"Ka sawisa hrep dawn, nichin khan min that teuh lutuk" Faith chuan ti hlak hlak chung in ka țhutna lam chu a rawn pan a.

"Nau-a, khati vak a min reh kha a țul em?" tih leh ka dar ah rawn ben a rual nghal zat. Meng hlei lo chuan ka ner sawk.
"A â tak tak a sin, plan ah khan mih reh (k) chiam a tel hauh silo, hotel parking chhung ah min rawn rek nghek anih chu!" a tih zawm bawrh bawrh a. Rinchhani chuan fiamthu ah lo lakpuiin vawiin a thil thleng te chu couch ah țhu in an sawi dun a.




Ka u leh Rinchhani an innei țep tawh tih ka sawi vang a Lola rilru tawt khan a phone ka khawih sak tih a hre hauh lo ang! Faith number ah message thawn in a ko angin engkim lan tir tu kha keimah ka ni!




Phone pawh kha Food court ah ka theinghilh tak tak lo! Ka u in Lola chanchin ngaihven in kha hotel kha a lo pan dawn tih ka chian tluk zetin ka pa remruatna ka pui mai chauh.. ka u in Lola hua se, a duhthlanna ngei in kalsan se a duh miau a. Vanneih thlak zetin Lola damdawi tur Kimkima'n a lei sak lai kha ka hmu a, Kimkima chuan engkim min hrilh ta vek! Lola in a ei țhin thu te, hetiang hi a ei fo anih chuan a chhul a pan anga, nakin zel ah nau pai a harsat phah a hlauh thu te min hrilh a. Ka u in engmah a hriatpui loh thu a sawi tel chiah khan kan tan chet lak a ti awlsam ta vek.



"Mawh?" ti hlak a ka darah an lo ben leh chuan peih lo zetin ka meng chhuak ruai ruai.

"Delhi ah chhuk thla vat rawh, anih loh chuan i u in emaw, Lola emaw zawk zawk in an ringhlel ang che.. Lola i duh luat ah i inthunzo lo teuh thei si" Faith chuan a ti hlak hlak a. Beer tlang leh khawlh pahin ka țhu rem ta vut.


"Lola kha kut i thlak dawn tih in sawi lawk hauh lo" ti hmuk in an pahnih chuan ka melh ngur.

"A mak, theinghilh tum teh, khatiang bak khan chet lak ngaihna a awm lo a lawm. Khatiang khan tilo ila chuan i kiang ah a awm tawp nang"

"Kha kha a tawpna ni rawh se" ka ti nghut. Lola biang a inrin raih awm khan min tithirim hluah hluah. Yes.. nakin ah ka ta anih theih nan tun ah hian ka tina mek tih chu ka pha hauh lo! Mahse, he hmeichhia hi tu mahin kut an thlak tur anilo. Tumahin tham lo takin an be tur ani bawk lo.



Rinchhani leh Faith te chuan ka thutak hle tih an hria te pawh ani ang, an ngawi ta ran a. An kut hi Lola'n a tuar leh tih ka hre vaih anih chuan țang ho kan nihna hian ka insum theihna a thunun zo map lovang.


"Keipawh Msa in ațang insawn chhuah ka duh... ka sawi thiam lo, hriat ruk a nei hian ka hre deuh tlat a, ka hahdam thei lo"

"Eng nge? I va fimkhur awm lo ve?" Rinchhani chuan hlauthawng zetin a ti nghal tuar.

"Relex.... kan chet dan hi a hria ka tilo... A hma angin ka hahdam thei tawh lo, kan thil tih vang a a nun nguai ta lutuk te hi hmuh nuam ka tilo.."



"Oh... clinic tur i duh ani lawm ni? Msa'n a duhthlanna hmang ngei a Lola a hlat hma chuan Pa Puia'n eng chanpual mah a pe dawn lo che" Rinchhani chuan a ti ram hmarh hmarh.



Tunang hian ka u leh ka hmeichhe hmangaihte hi phiar ru in an chungchang kan rel ho ang tih reng ka ngaihtuah chhin ngai hauh lo!


Mahse, hmangaihna ah chuan thianglo a awm lo ani lawm ni?







🐾

LOLA'S pov



Naktuk ah Delhi ah ka chhuk leh tawh dawn" Bike ațang ka chhuk rual chuan a ti a. Phawk deuh in Jordan chu ka melh nghal kawk bawk.

"Ka chawl rei tawh lutuk a" ti sup chuan helmet a phelh a. Nie, a zirlai a chawlhsan rei tawh lutuk! Mahse, ani ber a awm loh leh zel chuan ka khawhar zual leh ngawt ang.

"Zanin ah party a awm dawn kha.."

"Ok.." ti halh in ka nui lui a. Ka mimal harsatna ah min buaipui tur a ka duh vang ngawt in ka chelh reng thei lo. Thil thlen tlai ațang in ni 3 a liam tawh a. Vawi khatmah malsawmtluanga ka hmu leh tawh lo


Class ah ka nileng a, zanriah ei lai chuan ka u hnen ah Jordan thlahna party kan neih tur thu ka hrilh a. Zan chu ka țhiante in ah ka riah tur thu ka hrilh bawk. A rem tih hmel chiah loh nangin Jordan nen kan in kawm ngeih zia a hria a. Hreh deuh chuan lu a bu ve ta nghut.


Ka insiam a, closet chu ka hai mawlh mawlh a, khawi hmun ah nge party chu a buatsaih tih min hrilh lawk miah lo!


Kawrfual dum khup khuh lo chiah chiah chu ka inthawlh a, ka mawngbawr chhing lah chu a langchiang nang mai. Pheikhawk sang dum bawk ka inthawlh a, darthlalang hma ah rei ngial ka țhu leh a, make up chu uchuak lam hret in ka inhnawih bawk. Ka hmui chu hnawih sen leh hlar in bag ah mamawh ka khung khawm sawk sawk a.

*pawn ah ka awm tawh* Jordan msg chu nui sak in ka chhiar a. Pindan chhung ațang ka chhuah hma in darthlalang ah chuan ka han inthlek leh hram a. Ka hmui hnawih chuan ka hmui phir a ti lang sar in ka lan dan ah chuan ka lungawi tawk hle.


Ka pindan ațang a ka chhuak chiah erawh nam let dawrh ang maiin pindan chhung ah chuan ka tawlh lut leh rawk rawk a. Ka lungphu a su nghal dawt dawt bawk. Malsawmtluanga kan in ah a lo kal maw??



Ka u nen an țawng thawm chu ka ngaithla renrawn a, University thil vangin Mumbai ah a zin thu a sawi sup chuan thawk la hak in ka inhum ruh a.



Ka pindan leh țhutkhawmna inkar ah ka kal phei lai chuan Prof Msa mit chu keimah ah a fu leh ngur tawh tih hai theih loh khawp in ka awm chhung chu a sa pup pup.

"mam, ka kal dawn nia" ka ti a. Single sofa a Prof Msa țhu ngul chuan ngun zet in min rawn melh run bawk.

"Umm, fimkhur la"

Engmah sawi tawh lovin ka kal chhuak nal nal.


Show post links
Top
Abbra Reo Ririni
Post April 15th, 2020, 11:57 pm

IMG-20191229-WA0010(4).jpg
IMG-20191229-WA0010(4).jpg (8.32 KiB) Viewed 23334 times




Gate pawn thim chinah Car ngheng a duhdah zet a Jordan lo dingin min lo hmuh chuan a ding mar thuai a.
"Ven țhat i ngai dawn hle mai'' ti sup in a kut a hmui hliah hian a khuh lui kharh kharh a. Ner nang nang in ka bag chuan a dar ah ka vaw țawlh.



Party-na hnun kan thlen chuan a ngaite bawkin boruak a lo ni leh hulh hulh tawh! Chuta kar ah Folkland a Prof Msa caffe run na bul lawk ah a la ni zui. Jordan ban ah kuah in a chhung ah chuan kan inzui lut a. Min hmuh rual in Kimkima chuan khek tuar chungin min pan nghal chuk chuk bawk.
"Lalmate; i va han chhelo em em ve mawle" kutțang ti er tarh in ka sam chu a rawn siam țha vel a. Ka lo nui hak hak mai.

"I ţhiannu hi lo veng țha hle ang che.." Jordan chuan kimkima melh pah hian a ti a. "Kimbawihi kan be lawk a nge" a tih chuan mit ka lo siai zeuh. Pawn lam ah a chhuak leh a, Remremi te lo lamna lam ah Kimkima chuan min pawt phei a, kal pah in beer can a ban thuak a. Min pek chuan rang zet a lo lak sakin ka in nghal khawlh khawlh.

Zanin na nâ nâ chu engkim theinghilh țhak a hun hman ve ka duh.

Darkar khat zet ka lam tawh in ka hria. Ka kê kham ut ut vang chuan couch inhunna lam ah ka phei a. Jordan hian mi hausa fa hmelhriat a ngah em vangin zanin pawn kan țhahnem hle, meng si sap tawh a, tenawm zet zet a min lo melh tawk lah bang lo. Couch tuma țhut lohna ah chuan țhu thla hnawk in ka pheikhawk sang zet chu ka phelh a. Ka kê țang chu chhung lam ațangin a rawn tur ut ut.

"I chau der em ni?"
"I va be rei em em?" ka lo ti vak. Nui suk in ka bulah a lo țhu a, music a ring in pindan chhung chu a thim deuh mup bawk si, in tur an lo chawi chu rang deuh hian ka lo ban a. Soda mai ni mahse a hit țhat em vang chuan ka hahdam sawng sawng.
"A lo phur tawh awm?"
"Humm.. nghal lo mai teh" ti hluk in lo lut thar mek te lo lawm nan ban a phar vut a.

"In inbul vel ah khan ka u bolero ka hmu leh in ka hria.."
"Sawi lo teh" ti hmak in pheikhawk chu ka inthawlh mawlh mawlh.
"Reilote pawn ah hian ka chuak lawk dawn nia" ka ti a. Ka tho ngha zat bawk. Jordan chuan min umzui bik em lo. Pindan chhung thim leh uap deuh chur ațang in ka chhuak chiah chu thli thaw vuk vuk in min lo chhem harh sawng sawng a.



Hla lo te a Prof Msa caffe hawn thar chu en veng veng in ka thaw ham ham a.

*OMELAS* tih intar kulh chu a eng kung a. A lun hmel in an ni thawm lam pawh a țha thawkhat hle.


Ngaihtuah ber tur pawh hre silo chuan ka ding deuh ren rawn a. Building kil thim lam ațang mipa nui huk huk thawm a lo chhuah vangin rang zetin party neihna ah chuan ka lut leh a. Hmeichhe pakhat intur chawi a lo phei mek chuan min nuih sang chungin min pan a.
"I duh ve em?"
"Uggg.."
"Pineapple hi saw lai mi sawn min chah a, guava hi hi in mai rawh aw" tih leh nui sang chungin guava mojito glass vawt raih chu min pe a.
"Ka lawm e" ti sep in ka in nghal khalh. Ka țhutna ngai ah bawk ka va țhu leh a, Jordan chu khawiah nge a kal tih pawh hriat loh in hmuh tur a awm der lo. Kimbawihi bawk a bia a niang ti rilru in phone ka phawrh a, an intur siam chu a tui reuh phian bawk nen ka inzo rang kher mai.

Thim chin a hmeichhe rual khat leh Kimkima su lawp lawp chu tifuh inti zet in ka phone chuan video in ka la a. A uar uchuak țhin bik sia. Naktuk zing ah kan țhian ho group ah ka dah a nga, a duhlo leh teh ang chu aw..


Minute 10 vel a liam leh meuh chuan ka taksa chu tiril ațangin a rawn za chuai chuai a! Ka thlan deuh dap bawk. Ka kut in ka nghawng a thlan lo luang ka hruk zawng ringawt te chuan ka za uai uai a, ka rilru chu a fim vek in ka hria! Marawh chu ka taksa chu a danglam nasa lutuk!

"I va kal hrang rei ve" ti sup a ka bul ah Jordan a lo țhut dawt chuan ka lo nuih halh ringawt.

"I țha em Lola" ka beng bul deuh ah a rawn au deuh lawng lawng a, a kutphah sir lam a ka biang a lo nul tel zeuh chuan ka lo danglam nghal vek anih chu!

"Ka țha..."

"I thlan nasa lutuk, i va inhnem awm ve" ka nghawng a thlan chu lo nul thuak in ka hmai bul chet ah a rawn vei nuih suk, a kut lum a min tawhna vang leh ka hmui bul chet ah a lo thawk lum ham ham na chuan ka thawk thleng in a tibuai a, hmui a liah hnawm zauh te chu en dauh dauh in chil ka lem khalh khalh a.

"Lola, i țha tak zet em?"
"Ka.. ka hrelo.. ka awm dan hi a mak lutuk" inthing harh nawk pah chuan ka tia.




"Ri hulh hulh hi i zolo ani mai thei, duh leh car chhung ah awm hahdam rih la" hnial nachang pawh ka hrelo; min pawt tho a, ké ka pen chiah tih ah chuan rapthlak inti lutuk in thawk ka ip chawi! Ké pen a, ka malpui a inawk velna ringawt te chuan min ti zauthau anih chu mawle!





Jordan lah chuan engmah hre hauh lovin pindan chhung thim mup ațang chuan min kai chhuak dat dat a. Thli thaw in ka taksa a chhem te chuan mur uai uai in ka za chhuak vek a, car bul ah chuan min din pui dat in car hnung kawngkhar a pawt hawng a."lut rawh, ac ka lo on ang" ti sup in ka kawngah a rawn man a. Churingawt pawh chuan ka tiril a ti khur dar dar!






Driver side a hawng chiah tih ah thil thaw fua ang mai a chak leh rang hian tuemaw hian ka ban rek ah a rawn hmer chawt! Ka khek țhat a. Ka ban rawn man tupa taksa hrawlpui mai car kawngkhar ah a rawn kun luh khun chuan mak ti zet in ka lo melh reng ringawt.




"Lo chhuak rawh" ti hmuk in prof Msa chuan dimlo baksak in min phih lawp a.



"Thlah nghal rawh" Jordan chuan a lo ti tuar.



"Oh, ka thlah emaw, ka inthiarfihlim emaw anih chuan ka hmeichhia hi mupui i lo tum leh a nga tiraw?" ngeiawm zet hian a nui tel hawk. Car chhung ațang min pawh chhuah rual chuan zo zetin mih pawm leh lawp a. A awm tihrawl nghet țha zet leh lum thur thur ah ka beh thlawp lai te chuan danglam in ka za leh mem mem tawh.



"Ka dam chhung chuan i thil tum tenawm zet kha a hlawhtling ngailo ang" Jordan melh ngur in a ti leh sup. Min pen sawn pui pawk pawk a.

Țan nachang pawh ka hrelo!


Bolero chhung ah min nghat lut dawt a, belt min hren sak pah a kan taksa a inhnaih lai te chuan mipa mamawh ngawih ngawihna nen ka lo thaw ham ham.




"Mahni tan a hlauhawm pawh thliarhrang thiam lo" ti sup in kawngkhar chu a lo nam khar dawp.


Ka taksa danglam chak lutuk chu tih reh tum in ka inbeng deuh nawk nawk a. Prof Msa chu rawn țhu lut ve vut in chak zet hian a khalh chhuak nghal a.


"Hetiang thawmhnaw tawngchham inbel chung hian kal chhuak tawh suh ka ti vawi tam" vawi leh khat ah prof Msa chu a rawn vin țhawt anih chu! Thle nghal a ka han en chuan ner sawk in ka malpui lang lai chu a lo melh run a.

"Thuawi nachang pawh hrelo" a ti leh nek, hma lam en nghal ngurin speed chu a ti sang sauh. Kei erawh a huhang upa na lutuk leh țang ut te chuan min ti zauthau a. A khat tawk a Prof Msa rum chhuak nghut aw thum hniam chhak te chuan ka tiril nghawr za in min awm hle hle tir thei thlawt lo.


Steering a hum ngurna kut pakhat chu ka han ban da da a. Rang fe hian min en nghal vut bawk.

"I thinrim a mi?" melh sawr sawr pah hian ka han ti ham ham.

"Ngawi chip cham rawh" ti chhuak hrawkin ka kut chu a lo vai per lawp.


Kei lah zah hre tawh bawk silo chuan nui hak chungin akut bawk chu ka han ban leh ngat.

Steering chu a hum ngut ngut a. Ka pawt deuh chat chat chu bung zet hian "stop it" a rawn ti bul nghut.


"Min khawih duh lo tak tak maw?" ka ti chiah chu rum em em hian chal chuar tup in min melh khui a, seat nghenchhan ngheng hian si sap in ka melh let sawr sawr bawk nen ka kut bawk chu lo vai kiang vut in a hawi sawn hmak.



Za zet in ka nui hak hak a, mipa naupang tum bur a titau hi a ang hmek hmuk lutuk, bing zet a hmalam a melh ngur lai chuan seat belt ka hmet phelh a.


"Lola; che lo in awm hle hle rawh" a aw ri chu a rum kher mai, pawisak a hneh in a thusawi nawk luih chakna in ka khat tawh miau, a malpui hrawl zet ah chuan kut ka vah kual tir a, rum hrawih in ka kut chu a lo man chawt. Nghet zet a hum in min ngaihsak lo ang mai chuan hmalam a melh lui ngur a. Nui rah rah in ka kut lehlam chuan a jeans kekawr chhan ah a kap zawn chu ka han țham leh salh.




"Lola" ti chhum bung nghut in brake a rap hrawk! Ka bu lawp chu ka dar ah man hman in seat nghenchhan ah mih nawr bet hrawk a! Ka lo nui hak hak chu min melh tur țha kher mai.


" kap na vek a nileng a hun hman i duh leh ngawt te anih loh chuan he i kut tereuhte hi thunun hneh hle rawh" ti hrawk pah chuan seat belt in min phuar țha mawlh mawlh a, a nghawng vun lang uk sen khur te chu lo thawk khum ham ham in a taksa lian zet leh lum thur thur chu ka lo chul kual ruai a. Ani pawh inthup tum hle mahse a danglam tih chiang takin a thawk lak dan a țang ka hre thei!



"Ka insum theihna hi fiah hlek suh, anih loh zawngin hraih ruih i ni tih theinghilh țhak khawp in helai ah hmun ah ngei hian ka fu** rak hrep mai ang che" ka khabe ah rawn dawm a ti chhuak sup in dimlo lutuk hian min fawp bawrh bawrh a, phur fahran hian a nghawng ah kuah bet in ka lo fawp let ve nghal tawn tawn.


Ka hmui hnuai chu pet dawk dawk in a lei hrawl leh thap hrak chu a rawn nawr lut a, ka țhiam ang tawk a uar hian a lei chu ka lo hawl kual ve ngawng ngawng, ka kap kar za uai uai te, zei zet a a lei che kual vang a ka awm chhung țek chhawk chhawk te chuan min siam nuam tak zet!


Ka dar ah hneh zet a man in rum hrawih hian a inla hrang a.

"Professor" ka ti tung.

"No" chhum hmuk a tiin a thaw chhuak hawk, hmai a tuai pawk a, a țhu țha vut nghal daih bawk.
"Malsawmtluang..."

Thaw chhuak hawk in a kutphah lian leh hrawl zet chuan hmai a tuai leh puat a. Ka mamawhna chu hrelo ang hmak in Engine chu ti nung leh in chak lutuk hian a tlan chhuak leh nghal...


_^_^____^&^^_____^^^____

A inkawt zawl ah motor chu a ding dawt a. A chhuk vut chu ka hmu thawi fua, pawn light engin bolero a lo kal hual pawk pawk lai a chhun thim ruih a. A lang pa in a insum hmel lan dan chang hrawk te chuan a ti lang sexy zual tak zet!



"Rawn chhuak rawh" khauh zet hian a rawn ti fur. Kawngkhar chu a rawn pawt hawng pawp bawk.

"Aih.. min pawm rawh"

"Lola.." a ti hulh mai.


"Min pawm loh chuan hetah hian ka țhu tlat ang" kut kuangkuah nghal at in hmalam ka melh ngar. Reilote chhung chu inngaihtuah muk tih hriat zetin a ding ngawi ngul a. Kei lah in chet sawn ka tum bik der silo. A tawp a tawp ah chuan nui deuh suk in ka seat belt a rawn phelh ta vut.


"Ms?" Mak tih hmel zetin kawngkhar hma ah Faith chu a lo ding a. Ka ta anih hi ti ang hrim in Faith ka hmuh rual chuan Prof Msa nghawng ah ban ka suih bet hmiah.



"Eng... eng nge a awmzia?" ti bah bawk nawk in a tawlh sawn a.


"I mu nghal thei ang..." ti hmuk in prof Msa chuan kailawn min pan pui nghal vut.

'" mahse... "

"Faith, keini chu kan țha. Ngaihtuah kan ngailo" a hawi let tawh lo hrim hrim. Faith hmel a thinrim lo lang chhuak chu ka nuih kher anih chu!


Khum dup nuam tak leh zau zet ah min nghah rual chuan nghet deuh in a nghawng ah ban ka suih bet tlat a.


"Muhil rawh, study room ah ka awm dawn. Mamawh i neih chuan min hrilh dawn nia"


"Aih, ka bulah mu rawh" ti sep in a hmui fawh nuam zet ah chuan ka fawp nghal ngawng nghawng a, a tir ah chuan min chhang let lo. Ka taksa a hnathawk tu awm vang chuan kei lahin zah reng ka hre tawh bawk silo, nghet zet a a nghawng ah uai in khum ah chuan ka inbawh beh tir a, a kawngah kherh bet a hnuai lam ațang uar zet a ka fawh tawn tawn meuh chuan min chhang let țha ta kher mai.



Chutia kan infawh ngawng ngawng lai chuan ka kut chet in a savun kawnghren chu ka man chat a.

"f**k..." ti hrawih in ka kut a rawn vawn hnan leh hmiah.


"Naaa... nang chu..." uar zet a ka tih chuan nuihza insum hmel sexy zet a min melh chhuk ngur in lu a thing nghut.


"Mu tawh zawk rawh duatte" a ti sup, dimte in ka sam chu ka beng ah a rawn zep a, kut ka chet leh ngat.

"No.." ti sup in min melh chhuk ngur.

"I sual e mai aw" ka ti nghek, nui thum huk in ka lu bul ah a kiu in a lo inbengkhalh nghal ngur, hnaih zet ah chuan min en in a kiai suk suk reng a. A pa lian in a hrawl ropui si, min bawh bet run a, kut ka chet theih loh nan a taksa hnuai lam chuan min nawr bet tlat bawk.



"I tan mutthilh a țha zawk, anih loh zawngin naktuk zing ah i k** bawr a na leh vek mai ang" ti sup in a nui nghawr dawt, rum zet in ka melh rawm rawm a. Prof Msa thung chuan mit tizim sun in ka muk zetin min melh vung vung.



Ka han fawp leh thut a, rum nghut in khum ah min nawr bet nghal hrawk.


"Malsawmtluang, i sual lutuk" ka ter at tawh a ni ber, thawk rang vek chungin hnuai lam ațang chuan ka melh ling hlar bawk.



"Damdawi vang a i taksa danglam nawm ka chen tir loh vang che a ka sual anih chuan pawi ka ti hauh hleinem" a lo ti ve fur.


Ka ngei bawk si, ka chhungril in a mamawh tho bawk si nen rum tak hian ka melh hrep hrep a. Nui huk huk in ka chung ațang chuan a let thla dawt. Rang zetin a chung ah ka lawn kai nghal tho!


"Lola" ti hrawk a min hlan thlak a tum leh chuan amah ai ai a rangin a tshirt hak lai ka nawr tawm a, kun hniam in a six pack sek phiar țalh lai chu ka fawp nghal dan dan. Chutia hmeichhia zawk in chet ka lak tak zel ah chuan ani mipa thisen lum awlsam lutuk chu a inthunun thei reng ta bik lo!



"Ka z*** kha la chhuak la, hmuam rawh" ti sup in ka sam ah a rawn țham a, chak hmel zet a min melh run chungin min nawr hniam a, rapthlak leh zual chu hnial tumna pakhat te mah ka neilo chu ani!


A kawnghren ka phelh sak lai te chuan a taksa hrawl zet che hrawk hrawk a thawk la in a lo inbeng kang a.............



"f**k" ti chhuak hrawih pah chuan ka tukhum ah a rawn dawm hmiah; a z*** lian leh khawng vek tawh chu dimlo lutuk in ka kâ chhung ah chuan a rawn d** lut zawt zawt a. A nuam ti inthunun thei lo ani bawk nen ka dang thleng rawk in a rawn nawr lut zawt zawt!


Ka kut a h**** tel sak a ka theih ang a zei a chet ka lak meuh chuan sakeibaknei ang mai hian a rum thawm chu a pa tak zet!

"Duhtawk rawh.." rum hawk in a phawi chhuak a, ka thaw nghal kawk kawk chu dimlo lutuk a min pawt kang in min fawp leh ngawr ngawr. Kan chet dan chu a hma zawng aiin a rapthlak in kan duhthawh ani tawp mai! Rum nghut nghut in dog** position in min siam rem leh a, ka mal chu kuai kau hrawk in hnung lam ațang a kutphah lian zet in ka c** rawn hup in a nuai nghal nawk nawk! Tawm chawi in bawp ka chip chawi chawi! A rawn dimlo sauh vang chuan engthawm mah ka kâ ațang a chhuak thei tawh lo!
A kut chu la chhuak in ka mal chu a ti chip vak a, hnung lam ațang a z*** lian zet chu a rawn nawr lut nghal vek! Ka kawchhung za tlang chuai chuai vang chuan khur dawt dawt in lukham ka țham a. Min dimloh zawh pauh leh keimah a hnathawh awm ve chuan nuam min tih zual tir sauh ani ber!

....

.....

.....

Ka harh chuan keimah chiah in khum zau zet ah chuan ka lo mu a, pindan chhung chu enkual in ka rilru a fim rual chuan ka thaw ta halh! Malsawmtluanga kiang ah bawk zan ka hmang leh ta!



Khum puan phah var hlai zet chu kan chetna hnu tih hriat lutuk in a lo tawm ten tun a, ka țhu chhuak a, ka lu na ut ut vang chuan ka ner sak sak bawk.


Chhuat a ka pheikhawk leh pantie vel let darh rum chu en in ka tîm deuh chawi a. Mahse, intihuaisen chawp in thil tisual ang ah leh inthiam lo ang a lan chu ka tum hauh lo.



Khum ka thawh san chuan Prof Msa kamisz var thianghlim zet ka lo inbel reng a; chhuat a ka pantie chu chhar in ka ha leh tawp a. Ka thuamhnaw hak pawh thlak hmasa lovin kawngkhar lam ka pan a. Ka hrah ve hma khan ka hmui ah rawn fawp in tihtur pawimawh a neih thu min hrilh sup lai kha ka hre let thei reiruai.


Kawngkhar chu ka hawng a, chhuak in kailawn ah ka chhuk thla nghal thawr! Ka tui in a hal tawh tak zet! Room chhung ah khan tui chhawp sa a ruk vek miau sia. Choka ah lut tlang in tui chu ka thli chhuak a. No khat mai nilo in no hnih ka in fai țhak.


"Mi hur, mipa in duh hun hun a a riahbo pui theih" hnung lam ațang rawn ti sap tu vang chuan no chu ka hum nghet ang ren rawn a.

"Nizan ah duh tawk in a sawp kual che a.. mahse, zingkar a lo nih chuan a palai tirh te chanchin ngaichang turin a kal chhuah san daih che..." ti leh kher in a rawn pen lut a. Muangchang a inher in Faith mitmeng thip ram nen chuan kan inmelh ta siah.

"Thil sawi i nei em?" Ka tih chuan awi loh hmel zet hian a nui hak a.
"Mipa in zan ah an riahpui hnu ah che hmeichhe dang nen an inkar a thil thleng buaipui tur a a kal san nih hi i zak miah lo em ni?"

"Hummmm... Ka zak lem lo a niang" ka ti a, țhensawng chung a kal chhuak tur chu na zet in min pawt her leh lawp.
"Msa lo haw hma in chhuak rawh. A chhan chu maw, a lo let rual in amah ngeiin a theh chhuak dawn tho tho che" min tih khum sak sak in ka ban a vawn chu a theh per lawp a.


"Chu lam chu ka duhthlanna ni teh se" ka ti hmak.
"Chhuak rawh ka tih chu... mihur nu" ti nghek in ka awm ah a rawn nam chawrh, kei aia nu sang uau anih vang leh ka lo inrin lawk bawk siloh vang chuan ka kat hnung deuh dawrh a.

"A lo let hun ah chuan maw.. Rinchhani hnen ah a palai tirh te chanchin lawmawm lo hawn hre chhungin a lo let dawn, chutiah hun ah chuan bawhhlawh ang maiin a paih chhuak nal nal ang che"

"Kan hria ang chu" ka ti a, thinrim zet a min nam leh chawrh a tum chu keimah zawk in na lua awm lovin ri awk khawp in a awm ah ka lo nam chawrh. Kitchen island ah a intauh chawrh a.

"E e e e, hmeli" tih leh a rawn che nghal phut, a kut thlawn tawrh ka tum tawh reng reng lo. Ka tui bottle ken lai chu a hma zawn ah tak ka lo hmet chik puat a! Thaw kawk chungin hmai a tuai nghal puat!

"I inbual khat hmel ropui sia, ka bual lawk che nih kha" ti pah chuan tui bottle a la bang zawng chu a lam ah vai țhawt in ka theh huh leh țhawt! Mitmeng thip zet hian min melh a.

"I duh leh em?" Ka lo ti hmak.

"Lola, duhtawk rawh, Msa in lo hi khawsakna tur hmun dang ka nei rih lo ka tih tawh kha, ka u naupa kiang ah ka lo cheng ve hi tinge i ngaihmawh viau a..." vawi leh khatah a hmel rapawm zet kha men ţîau in a inhnit nghal hlawp hlawp a.

"Eng thil nge maw i hriat le?"

"A țha e, heta ka awm ve in a tilawmlo viau che anih chuan Msa kal chhuak lo let phawt se, a bul ah i duh ang ngei chuan ka chhuah tur thu ka hrilh dawn nia" a ti leh a. Hrethiam lo zet a ka melh chiam chiam lai chuan ka hnung lam ah kê pen thawm a lo chhuak a! Rang lutuk a ka hawi let chuan Prof Msa hmel hriatthiam harsa zet nen kan inhmachhawn ta siah mai!

"Ih... ka... henu hi ka hau lo" ngawi ngul a choka ah a lo pen lut chu Faith lam chu kawk in ka lo ti phawng a.

"Eng nge thil awmzia?" Faith nen kan inkar ah ding khawng luah in min melh dun khui khui a.
"Engmah a nilo, i bialnu hian heta ka cheng ve hi hnawk min ti deuh a niang, inthiar chhuak turin min lo hrilh a" a mittui hru mawlh mawlh pah a Faith'n a tih zet chuan awi lo lutuk in ka thaw hak hak ringawt!


Pathian leh! Chawp chilh zet a a hmel danglam chhan te leh a ţap țiau te khan chhan a lo nei vek anih dawn hi! A thusawi te lah kha... ngaihtuah pawh ka lo ngaihtuah chhin ngai hauh lo te kha ka sawi ang in min puh vek anih chu mawle!


Malsawmtluanga chal chuar deuh tup a min melh chhuk ngur chuan a hma ang bawk in a rinna ka hlawh chhuak zo ve leh dawn lo ah ngaiin thinrim zet hian tui bottle ruak chuan amah chu ka vawm pawp!


Ban a phar hluai a, mit ko a ti kang uk bawk.

"Ka insawifiah ve dawn lo... min ring ve leh dawn chuang lo" ti nghek in rum zet hian ka melh hrak a, Malsawmtluanga chuan min nuih suk nia mawle!
.ka ti tak tak! Faith in thiam tak a lem a chhan tawh chuan a unaupa hian a ring nghal vek! Insawifiah tumna chhete mah ka neilo.

"Faith, i thuamhnaw huh kha han inthlak la, hetah lo let leh ang che" a tih sup chuan inlakhawngaihthlak zet in Faith chuan lu a bu a, kun ngal in kitchen ațang chuan a kal chhuak a.

"So...'" ti sup in a kê bul a ka vawmna bottle let ngat chu a kê chuan a chhir zauh.

"Tui bottle khat hian theh huh vek siin engmah tilo awm in i awm ang maw?" a ti chhuak sup a, a hmai tlang hrawl tham zet ah erawh nuihzatna a lang chhuak ruih thung.

"Ka theh ngei a lawm.. Mahse, a țahna tur khawp in ka hau lo. Amah pawn min nam ve reng, kut min thlak hmasa a, ka thlak let ve ani mai, kei pawh ka țah bik der lo hi.. ţah belh hlirh hlerh lutuk" ti hlak hlak in choka ațang chuan chhuah daih ka tum a.

"Dingrawh" ka tawp chawt!

"I kal thei tih ka sawi lai ka hre hauh lo'"

"Khai leh... Malsawmtluang.." ngei zet hian ka ti nghek.



Mahse, choka ah Faith bawk a lo luh leh vang chuan inhumruh chiam in an pahnih chu huatna te nen ka melh tawn hrak hrak a.

"Min zui rawh u" ti sup in Malsawmtluanga chuan ka ban rek ah a rawn man nghut anih chu!


"Khawiahmah ka zui dawn lo che" uar lutuk in ka ti a.


"Faith, nang pawh khan min zui rawh" ti hmuk in zo zetin min pawm kang lawp anih chu!

"Malsawmtluang"


"Ngawi rih teh" zawi sup a a rawn tih hluk chuan ka ngei em a vangin a dar ah ka beng hram. A kamisz ka hak chu a tawm chho deuh vek a. Pawn min chhuahpui rual in intifaitu kha a lo thleng ve chiah a. Motor inhunna min pan pui pawk pawk in hnathawk tu hnen ah chuan kan let leh vat tur thu a hrilh sup.



Khawnge kan pathuam hian kan kal dawn pawh ka hrelo. Motor ah min nghat lut a, Faith pawh rang zet in seat hnung ah a lut a. Kan tlan chhuah chuan a tuamah kan inbe lo. Faith erawh hlauh neih hmel zet in a hawi zak zak reng a. An inpui kan pan tih ka hriat rual chuan ka rilru chu a buai nghal nuaih a.




Gate ah kan tlan lut a, hrilh hai zet a Prof Msa ka en lai chuan Faith erawh a meng phar awn awn.



"Chhuk rawh. Atthlak zet a kal sawn tum suh ang che, tihtur kan nei" ti sup in engine a ti thi duk.


A hmel tak ngul vang chuan ngawi rengin ka chhuk a. Faith lo chhuak mek ban rek ah a hum nghal chawt anih chu.
"Ms?" A ti phawk hra a. Ngawi ngul in in lian zet pan chuan Faith chu a kai ta dawr dawr a, an hnung ah chuan zui ve zel in nu Hmingi mak tia lo ri tung pawh chu prof Msa chuan a kal pel thuak. Pa Saia te nen kan inbiakna room a pan ding ngur tih ka hriat chuan nu hmingi mak ti hmel bul ah chuan ka ding dat a. Sawi pindan chhung ah sawn luh nawn leh ka duh tawh lo.

"Lola; khatah ding reng lo khan rawn kal rawh" a rawn ti tuar.
"Mapui.." nu Hmingi'n a tih chuai raih na chu hrelo der hmak in kei chu min melh bing ngur a. Muangchang in ka pen phei chet chet a. An bul ka thlen rual in kawngkhar chu dimlo baksak in a nam hawng bur, a chhung a Pa Saia leh Rinchhani lo awm te chu an lo hawi phawk kawk a.

Chu aia thin țhawng leh zual tur in prof Msa chuan chiar a lo țhu te pahnih hma ah tak tlu nawk tur in Faith chu pindan chhung ah a nam kat lut nawk a. Kei chu min kai lut ve nghal in chiaia zet a Nu Hmingi lo awm chu a thlek buk.

"Nu, nakin ah ka hrilhfiah ang che" ti sup in kawngkhar chu a nam phu dawt a . Ka bul ah lo ding a, ka kut a rawn hum nghal hmiah chuan ngaihna hrelo zet in ka en chho dawrh. Hahdam rawh min tih nan ang hrim hian lu a bu nghut a. Muangchang in chhuat a tlu sawp niai Faith chu a melh a, Faith chuan a hlauh hmel tak zet! Engmah ka hrethiam ve der silo. Faith lak ațangin mit la sawn in a pa leh Rinchhani te chu rum lutuk hian a melh ta ngur a.


KHA KHA NI MAI! ☺

A ZAWMNA ⬇️⬇️
Show post links
Top
Abbra Reo Ririni
Post April 17th, 2020, 11:02 pm

Thinrim zet a ka kê bul chiah ah thingpui no a rawn in vawm keh darh chuai chuan tha chak lutuk in min pawt lawp a, hneh zet hian prof Msa taksa ah ka bet thlawp! Ka lungphu chu a rik hian a ri nghal dawt dawt! Marble chhuat a no keh them tleng darh ri bak chu pindan chhung lan dan țihbaiawm zet ah chuan thawm dang hriat tur a awm lo!




Thil thlengin min țhawn em vang chuan hamhaih zetin engthil nge thleng tih hriat tumin ka hawi chhuak a! Ka țîm sawk thei!




Prof Msa kawrawm ah ka țham vak a, a ban thachak zet chuan prof Msa pawn nghet zetin ka kawngah a kuah hrawk.





Chhuat a Faith tlu sawp niai chu nep tih hmel tak leh huat hmel zetin Pa Saia chuan a lo melh tûr khui khui a; hlauh luat avang in Faith chu hawi pawh a hawi chhuak ngam tawh lo!




Pa Saia thinrim hmel țihbaiawm lutuk chuan ka tiril ah țham in ka khur dar dar a. Thingpui no rawn vawm keh darh chuai tu pawh kha amah ngei ani tih ka hre zawm zat a! Heng ho inkarah hian engthil chiah nge thleng tih chu ngaihtuah ngaihna pawh ka hrelo! Prof Msa khan Faith hi engvang a a pa hma ah theh tlu tawp nge a nih a.. Pa Saia pawn Faith chu engthil vang a haw em em nge a nih tak ang! Thaw hlawp hlawp a ka ding tawm chawi chawi chu Pa Saia chuan thinrim lutuk in min rawn melh ve leh a, tawm chawi hian Prof Msa awm ah hmai ka phum a. Ka ngaihtuahna hi a chawmawlh vek!!





"Malsawm, ka inchhung ah hian kha hmeichhia kha eng vang a lo hruai lut nge nih? Chhuah bo pui rang rawh" lawmlo zet in pa Saia chuan a ti ta tun tun a, thawk pawh thaw țha ngam lovin thawk ka ip char char.






"Nangnu pawh..." a tih leh chuan Faith chu a inhnit faih a, pa saia vek chuan vin zet hian "Chhuak nghal rawh" a ti tuar.





"Pa Pui..." țah chhuak hmel zet in Faith chuan a ti a. Pa Saia a hlauh em avang chuan a hmel chu a var vek theiin ka hria.





"I hnen ațang hian eng thu mah ka ngaithla peih lo" ti vin leh tuar in a ding chhuak a, chhuat laia Faith let hlawm reng sam ah chuan țham hrep hreh lo hmel a pu bawk! Chhuat lai ah chuan vei tawn vut vutin huatna a khat rum zet hian kei leh Faith chu min melh khui khui reng a! Hetiang khawp a patling thinrim engphiara inhrosa lai ka la hmachhawn ngailo! Pindan chhung boruak chu a ipik mup mup a, Prof Msa hian engthil tih tumin nge hetiang a chet a lak tih takngial pawh ka hriatthiam ve bawk siloh avangin ngaihtuahna buai nuaih chungin mit ka chhing ta tawp.




"Ka thusawi chu i hrelo em ni? Chhuak rawh, Malsawm, nangni pawn min chhuah san rang teh u" a tih leh khur khur. Chutah zet chuan keipawn he hmunah hian tih ve tur ka nei lo tih inhria in ka che hrat a. Mahse, nghet zetin Prof Msa chuan a taksa ah min kuah bet leh nghal hrawk!





Phawk zet a ka en chhoh hawh chuan hriatthiam harsa zetin min lo melh chhuk ve ngur a.
"Thudik i hre duh lo em ni?" a ti sup, a mitmeng thutak zet ah chuan ka melh chho kar a, nuam lo tihna niawm tak ka hmu tel bawk.




Ka chhan let hma chuan ka kawng chu a rawn hmer nghet zual salh a. Ka lak ațang mit la sawn in chhuat laia a pa vei tawn sek chu a melh leh run bawk.




A thil sawi awmzia kha pakhat te mah ka hrethiam lo! A pa leh heng hmeichhe pahnihte te nen a inzawmna nei, thudik eng chu nge ka hriat ve ngai ta chu!! (?)





"Faith, ding chhuak rawh" thupe aw zet hian prof Msa chuan a ti nghut. Kun ngal a Faith insut hlawp hlawp lo chawi chhuak hmel chu a lainatawm reuh kher mai.




"Tho rawh" Prof Msa vek chuan a ti chhum hmuk. PaSaia vei vut vut tawp ta chut Faith chuan a en zak zak a.




Tûr khui a Pa Saia'n a rawn melh na chu pawisa lo zet hian Prof Msa chuan țhutna lam min pan pui a, Rinchhani ka en chuan Faith chu puih tum hmel pawh a pu lo, a hmel phakar zetah chuan prof Msa lak aţang a sahimna tur chiah ngaituah hmel a pu.




Chair lian zet ah prof Msa chu a țhu thla a, a pa hmel a min huatna leh min thah mai chakna lo lang chhuak tup tup chuan a tibuai pha hauh lo tih hriat lutuk in a malchung ah min pawt țhu hmiah.



"Malsawmtluang" kut hum ruh țûng in Pa Saia chuan a ti thawt. Mit chhing sawk in ka ip chawi mai!



"I pa hi min va han zahlo ve mawle, kha hmeichhia kha ka inchhung ațang kal chhuahpui nghal rawh"





"Inbeng dai phawt teh ka pa, i hma a mi hi *hmeichhe satliah* niloin i fapa hmeichhe hmangaih leh a nupui tur anih hi" thum sup a Prof Msa'n a tih zawih ruih chuan ka meng chhuak phawng a! PaSaia hmel dur thim khup chu a alh lo chauh! Mahse, chutiang lam chu ka care buai sise tawh lo, prof Msa chu rang zetin ka en a, mit tizim sun a min lo melh ve run in lu min lo buk khum nghut.





"Msa...." Rinchhani chu ka en thuai a, Prof Msa chu rilru nat hmel zet hian a lo melh tlawk tlawk, pa Saia chu rum nghut in a țhutna ah chuan a țhu thla dawt a!





Kei leh prof Msa laka a thinurna chu Faith lakah chuan a hrithla tih hriat fe hian Faith chu a vin leh tuar.




"Nangnu khan hetah eng nge i la tih reng, hman tlak lo leh mahni hna pawh țha tak a thawk thei bawk silo! Chhuak rang rawh"





"Chhuak mai bik lo e, in pathum thusawi ngei ka ngaithla ang chu" vin hauh silo hian Prof Msa chuan a ti bung nghut.





Putar ah pawh pa lian leh hmel tur khui mai lungawilo zet a rum chhur chhur ri in a zawm a. Ka darah prof Ms chuan lo kuah in a awm lian leh lum vung vung ah min kuah bet hlu hlu a. At thlak lutuk in ka hahdam nghal huai huai nia mawle!






"Rinchhani ka neih loh i hlauh luat ah țang tlang a, inthil tih kha ka hriatchhuah loh in ring reng reng em ni?" Prof Msa chu a ti nghut.





"Engthil teh chai nge i sawi ka hre lo ve.."



"Pa, duhtawk em em tawh teh, inruahmanna engkim kha ka hrechhuak vek tawh, hmanruaah Faith hi hmang a, kei leh Bawihi inkar ah khi a awm theih nan chet in lak dan zawng zawng te, a thil tih engkim in hnen ah Faith'n report a rawn pe leh vek ţhin tih te hi hrelo ka nilo! In duh angin engthil mah ka thlen tir ngai dawn lo tih leh atthlak tak a che chhuak tawh lo tur a hrilh tur che u in ka rawn kal a nih hi"





"Khatiang hmeichhe drug addict leh rukrûk ching vang khan i pa hi min chhal ngam a maw?" lawmlo zet a Pa Saia'n a tih nek chuan ka lo ip chawi mai! Prof Msa pawh chu a insangmar țeuh a.





"I tan leh kan chhungkaw tan a țha tur ang zel in thutlukna ka siam ang! Nang hian chu ka thutlukna chu i hnialkalh tur anilo bawk. I pa ka ni! I tan a hmeichhe țha leh țha lo chu ka hrethiam khawp bawk! Kha hmeichhia khan han en teh...." ti a tén hmel zet a min rawn melh hrep chuan ka tê rawih rawih mai hian ka hria!





Keilah chu Prof Msa khum ka thawh san dan ngai ngai in prof Msa kamisz var lian zet chiah ka inbel a, min huatna lo nei tawhsa tan chuan min deuhsawh zualna tur chhan țha tak a tling ang!





"Hmeichhe satliah nilo in ka hmeichhe hmangaih ka tih tawh kha! Khatiang khan a chungchang sawi tawh suh.. drug addict a nilo a, i ngaih ang a rukruk ching a nilo bawk, Bawihi lo chu nupui a tan neih ka tum lo! Ka tan a duhthu i lo sam țhin hmeichhia chu i thlak mai a ngaih hmel! " prof Msa aw rum ul chu pa Saia chuan nuihsawh zet hian a nuih khum hawk hawk a. Ka thisen a lo lum zawr zawr! Ka chungchang vang a pafa an han in vin khur khur te, hmuhsitna rawngkai zet zet a an han inchhal piap piap mai chu hriat nuam ka tilo tak zet!





"Engtikawng mahin kha hmeichhia kha i neih ka remti ngailo ang... kan thlah lo kal leh zel tur hring tur a tan ka duh nek love" Pa Saia'n a tih zet chuan ka thinlung a vit na sawk sawk!




"A tawk!" thinrim tih hriat lutuk in prof Msa chuan a ti tuar! A rawl lian leh fiak fur chu a awm a bei reng ka ni bawk nen ka phut phah nasa kher mai!




Thinrim thaw khur dur dur a min pawm ngheh sauh pah chuan apa chu rum lutuk hian a melh ngur a. Thil țha lo leh rapthlak zawk a thlen mai hlauhna in ka khat vek!





"Mo a tan ka duh lo! Chu chu ka thu tawp nirawh se" pa Saia pawn a ti bung nghut. Hetiang teh chai a min duh lo a, min hmusittu mo nih hi ka chak chhete bik reng reng lo! An pa fa chu duhtawk tur a hrilh a, chapo zet a keipawn 'hetiang putar rapthlak tawpkhawk mo nih ka chak bik loh zia' thu a au khum phiar phiar mai chu ka chak ut ut.





Chu keimah a chapona rawn inhnawt tup tup chu prof Msa chuan hrethiam ang hrim ka bekah a rawn fawp a!




"Khawngaih in Bawihi..." a tih sup chuan ka inhum ruh ta ngawt ngawt.



Diktak chuan ka chan hi a tlawm thlak ve a sin! Pa Saia ngeiin ka hmaichhan ah keimah ațang a thlah te lo pian chhuah a duh loh thu min sawi khum phiar phiar mai a nia!





Hmeichhe rilru țha tawpkhawk leh fel lutuk ka lo nibik bawk silo nen, duhtawk a chhan let ve ka chak lutuk chu ka thawk lak a sak vek! Prof Msa min ngenna ngenngawl zet pawh chu ka haw hlur tawh.





"Hlimpui, Malsawma pa ka nihna ang a ka thutlukna engkim chu i hre vek tawh! Chuvang chuan ka inchhung hi chhuah san la, ka fapa hi lo hnaih tawh suh ang che" aw kâ vin ni hauh lo. Mahse, min tham loh zia langchiang em em bawk si a pa Saia'n a lo tih leh chuan rum lutuk in ka melh ta ngawt ngawt!




"Khanglang che chuan... i aia upa fê hi khatiang mitmeng khan min melh ngam a maw?" a ti leh a.




"A tawk ta viau e" thutawp sawi tih hriat zet a Prof Msa aw ri chhuak hrawih ka hriat rual chuan min din chhuah pui nawlh.





Rihna neilo ang mai a min pawm reng pah chuan a pa mitah tak ching lutuk in a melh chhuk run a.
"Ka hnen ațang tu hmel hmuh i duh a nih chuan ka fa te nu tur chu Bawihi chiah hi a ni, chuthil chu min pawmpui thei lo anih chuan keimah ațang thlah kal zel ka nei hrang tawh mai aniang chu!" awilo zetin prof Msa chu ka melh chho kawk a!




Luhlul tih hriat lutuk a a pa chu melh ngur in a insehruh țawlh țawlh.




"Ka fate, tû ang a i pawm thei dawn anih chuan karleh hi ka nu thihcham ani, chhungkua leh țhianțha te tan chawhlui ka buatsaih dawn a, Lola hi ka nu hnen ah ka nupui hual ang a hmelhrit tir ka tum bawk! I fapa in hmangaih a nei ve ta hi min lawmpuina thinlung i pu thei dawn anih chuan min rawn telpui ve ang che! I rawn tel thei lo anih chuan i thutlukna kha i kaltlang pui ah ngaiin, i thutlukna engpawh ka zah sak ang che" nawk luih ngam loh khawp a nghet leh fiah a a tih leh chuan pa Saia hmel chu a dur khup khup a. Prof Msa lakah a thinrimna aia nasa daih chuan min dahbo chakna a pu nasa zawk tih hriat zetin min melh khûi khúi! Min thah daih chu pawi a tih loh hmel lutuk a ni tawp mai!


"Ka nu thihcham chu i hriat kha!" ti chhum hmuk in zo zet in min pen sawn pui a. Ka lungphu ri dawt dawt leh ka ngaihtuahna la buai nuaih chu tih reh tumin thawk ka la hak a!


A pa hnen a prof Msa thusawi mal tin khan min țhawng dawt dawt ani tawp mai! Min hmangaih vangin a chhungkua nen an inzawmna tih chah hial a hreh lo tih ka hriatna chuan min hahdam tir pawn ka hrelo!




Apa in sual rawng a bawlna pindan chhung ațang chuan min pen chhuah pui pawk pawk a.

"Malsawmtluang, khatiang hmeichhia vang khan i pa hi min hnial ang maw?" Pa Saia thinrim engphiar hian a rawn ti tun tun. Prof Msa erawh a ngawi ngur.



"Kha hmeichhia kha engtik ah mah ka mo angin ka pawm ngailo ang! I pa thu i hnial phah a tiraw? I malsawm hauh lovang...." patling aw rawl lian leh thinrim tih hriat zet chu corridoor bul vel ah chuan a ri hum hum.






Sawi tur pawh ka hrelo. A khabe hnuai ațang ka en chho kiau reng a, a thutlukna siam kha a hraw tham in pafa inhnial thinrim tawpkhawk an ni bawk a! Prof Msa hmel pawh chu biak ngam loh khawp in a rum ul.




Corridoor ațang kan chhuah hlawl chuan nu Hmingi chu rilru chiai hmel zetin țhutkhawmna ah a lo țhu a. Kan thawm vang chuan lo hawi chhuak in a ding nghal vat bawk.





"Mapui..." a rawn ti a, a rilru nawm loh hmel lutuk chu a lainawtawm kher mai. Nu rilru țha leh tluangtlam zet mai ani a, prof Msa chet rum rum dan khan tichiai hle pawh nise a awm ka tihpui tak zet.
"Nu, tlailam ah ka rawn hmu ang che" ti sup in anu chu a kal pel thuak a.

Chumi rual deuh thaw chuan kan chhuah san tak pindan chhung ațang thawm ring zet a rawn chhuak a! Chhuat a glass in vawm keh darh chuai a ang ber! Mahse, chhung lam thawm chhuak chuan prof Msa mit khap lai pawh a tibuai chhin eih lo!


Kawngkharpui lian zet lo inhawng huau lam ah chuan a pen nghal pawk pawk a. Nu Hmingi chuan min lo zui ve zel a. Malsawmtluanga hmek hmuk pawh hian a rilru nawmna tur tawk tal a han biak khawmuan ve mai tur a nia!



Bolero chhung ah min nghat lut dawt a, seat belt min hren tir laiin nu Hmingi pawh a lo chhuak ve a. Inchhung ah a pasal inhrosa thawm a hre bawk nen prof Msa chu hlauthawng zet hian a rawn pan rawk rawk



"Mapui, eng nge ni thil awmzia"

"Ka pa nen kan thu a inhmu lo deuh a nih kha, ngaihțhat lohna tur a awm lo"

"Mahse...."

"Nu" ti sup in a ding mar vut, a hma a nu nunnem zet dar tawn tawn ah chuan chelh thuk in a nui lui suk a..

"Engkim a țha, ka pa nen kan thu a inhmulo satliah a nih kha, hahdam deuh in awm rawh" a ti sup.


Nu Hmingi chuan ring ngam chiah lo hian a melh chho ha a, nu sual anih loh zia chu prof Msa'n theihtawp a áwkâ dam a a biak dan hian a hrilhfiah zo ber in ka ring.


"Ms..." ţap hrep tih hriat zet a Faith lo chhuak chu thlek vutin prof Msa chu a rum nghut. Saw nu telve chhan saw ka la hrethiam lo reng reng!



Faith chu hmel pha daih hian a rawn kal hnai a.

"Lut rawh" prof Msa chuan a lo ti hmuk, nu Hmingi a awm ve vang a vin phar hrep lo ani tih lah a aw chhum hmuk ațang chuan a chiang reng!



Faith motor a lo țhu lut chu en in prof Msa hmel rum ul mai chu nu Hmingi chuan a han thlek leh țhin a, hetiang tak a an pafa inkar boruak țhalo hi a hmachhawn ngailo tih haitheih loh khawp in a hmel ah chuan hlauhthawnna nasa lutuk a inlar zut zut.


"Nu, inchhung ah lut la, hahdam deuh in va awm rawh, ka pa thinrim kha chu engmahmah ngailo in i en liam tawp dawn nia" dam thlup a tiin a nu darah chuan a hmer deuh salh.


🐾

⬇️


Motor chhung boruak chu a ipik kher mai! Chak zetin prof Msa chuan a khalh mawp mawp a, Faith insut hrai ri te chuan a thinurna a belhchhah zual suah emaw tih mai turin prof Msa ban ah chuan thisen zam a val chhuak kul.



Ngawi rengin seat nghenchhan ngheng chuan thawk ka la hle hle a! Pa Saia study room chhung a thil thleng zet kha chu ni bul țannan chuan a rapthlak lam hret ani!



*kan thlah lo kal leh zel tur hring tur a tan ka duh nek lo ve* pa Saia thusawi chu ka bengah a ri nawn tluk tluk a, khatiang leh lutuk a inhmuhsitna tawpkhawk kha ka tawng ngai miau lo! Ka thisen a lum pup pup a! Pa Saia huatna in ka khat bawk!


Ka rilru te te chuan 'nang leh i thlah te nen a inzawmna neih hi ka chak bik chhe te lo' ka ti a, ka chhungril lam ah chuan ka inhrosa ve tan tan a.


Mahse.....



Rit zet a prof Msa thaw hawk chu muangchang a en chho in kut ka hum ruh nghal ngawt ngawt! He pa hian min hmangaih vangin a pa nen an inzawmna neih zawng zawng tih chah vek a pawi tilo!! (?)


A pa țawngkam kha zet te khan ka thinlung hi nasa tak in a hliam a, hmeichhe nasa zet leh pawisak neilo Lola chhungril chu pa Saia huatna vangin sa zawk zawk a. Chu huatna chiah chu dah lian in keimah vang a engkim chan huam mipa hi ka kalsan tho dawn em?








.
.













A inkawt ah motor a tih din rual chuan ka rilru insual kual tup tup ațang chuan ka inthing harh a! PaSaia mitmeng thuk zet a min huatna nasa lutuk lang chhuak te! A chhungkua aia prof Msa kei min thlan zawk vang a min dahbo mai pawi ti miah lo hmel pu chung a min melh khui khui lai te chu ka mitthla ațangin nawreh tum engmah ila ka theih ka ring lo!!!




Rum nghut in prof Msa seat belt a phelh a.

"Ka in ațang in chhuak nghal ang che" prof Msa aw hriam hrawk avang chuan ka lo tawm chawi mai!



"Msa.. ka.. ka tihpalh tak zet!"


"Farnu ang a ka en theih che ka ring tawh lo!" bung lutuk hian a ti bâwng a! Mak ti zet a ka en chhoh dawrh chuan hmalam melh ngur hian steering chu nghet takin a lo hum ngawt ngawt!




"Ms, khawngaih takin ka insawifiahna min ngaithlak sak rawh..."


"Eng insawifiahna nge i neih ang?" thinrim zet hian a ti tuar! A aw a thum in a lian bawk si, hmel dur khui chungin motor hnunglam chu a melh chho ngur a!


"I nuța hi sum vang in min phiar ru! Faith, chuthil chu engtin teh hrep nge sawifiah i la duh cheu a? Ka pianpui farnu te nen danglamna awm lo khawp in ka hmangaih che a sin. Mahse, nang chuan inhmun zim te vang lek in min phatsan thei! Huh.. Chuthil chu i sawifiah ang maw?" ti nek in a ner sawk a! Mahse, Farnu ang chiah a a lo hmangaih leh enkawl in a phatsan na chuan a tihnat ve zia erawh a thinrim rum ri dur dur phen ah chuan a inphum rit luk!

Sum leh pai duh lutukna hian mihringte mit a ti del fo țhin a, Faith pawh hian theihtawp chhuah a hmangaihtu in a chung ah țhat a chhuanna chu remchang ah la in sum siam nan a hmang a, a tawp ah chuan nuța, harsatna a tawh lai pawh a thlahtlam ngailo tu a chan phah ta thung!





Faith mittui tla zung zung chu rei a en anih chuan a rilru a nem leh mai te pawh a hlau ani mahna! Hma lam en leh ngur in a thaw chhuak hawk.



"Inhmun lo ram i duh anih chuan ngahnge țha takin min dil mai loh! Ka hnen ah duh zawng i sawi tih hlawhtlin sak loh che ka nei tawh em?" a ti hmuk a. Mahse, a sawi tam chuan a thinur zual tulh tulh dawn a a inhriat vang a ni ngei ang, insehruh nghek in kawngkhar a nam hawng nghal pawp.



"I thuamhnaw khung khawm la, i chhuak nghal dawn nia... sum hmang a zahawmna hralh thei hi ka laina hnai i ni tawh hrep lo ve"



Motor ațang a chhuak chiah chu a thinrim thawm a na bawk a, motor body chu a che nghing lawih! Na zet a kawngkhar chu nam phui leh bur in motor chu a rawn kal hual a.


A pa inchhung ata thinur tawh ani bawk nen ka țhutna lam chu a rawn thleng rang kher mai! Dimlo baksak a kawngkhar a lo pawh hawn chuan ka lo phu nghek a, a ban hrawl zet chu lek chhuak vutin ka belt hrenlai chu a rawn hmet phelh a, a engamah hma a min pawm leh ngawt a lo tum chuan rang zetin ka lo inveng a.




Hriatthiam harsa zet a min melh chhuk ngur chungin chal a ti chuar tup.



"Keimah in ka chhuk ve thei reng"



Thaw hawk in engmah sawi lo chuan a tawlh sawn ta hrut. Lei ka rah rual rual in ka ban rekah a rawn man hmiah! Kawngkhar chu nam phui leh burin inchhung panin min kai nghal dawr dawr.


Faith kha chu ngaihsak tumna chhete mah a nei tawh lo tih hriat zetin melh pawh a melh tawh lo hrim hrim.





Hnathawktu in tukțhuan a siam peih thu a lo sawina pawh chhang let lovin kailawn ah chuan min kaichho dawr dawr a! A pa te lakah a lungawi lohna kha ka lak ah hrithla in ka chung ah a țuan dawn niang tih ngaihtuahna ka neih rual chuan chiai zet in ka țang ta nghek, rum nghut a a lo inher vut chuan ka tawlh hnung hrat a, a hmel dur thim khup chu min ben chawrh țum nen khan a danglam chhet miah lo bawk!


"Bawihi?" a rawn tih nghut chuan ka insangmar țeuh a.


A pindan chhung ah chuan min kai lut a, Faith chu buaipui zui a tum tawh hauh lo tih a chet zia ah chuan a tilang chiang hle bawk.



Nizan a kan sulhnu vang a khum lian zet khuhna chuar tun tlang ah chuan min nawr țhu a.

"Engtin nge Faith kha..." tim dai a ka ti sep chuan min nuih suk a.


"Ka pa Bâk anih kha!" a tih sup chuan hriatthiam loh hmel zet hian ka en a.


Thil awm dan chu min hrilh a! "ka pa thusawi dawnsawn nuam lo tak tak hriat i ngai kha pawi ka ti tak zet! Ka pa nen kan chet dan mawilo zet i hmuh kha a tir chuan ka duh bik hauh lo! Kan chhungkua i hmuh zahawm loh phah vek dawn a..." a ti sup a. A thusawi chuan dikna chin tam tak a nei ka tihpui bawk.




Thil engkim chu ka hriat sa vek tawh kha a lo nia! Prof Msa nupui turin a pa hian Rinchhani bak duh a neilo! Hmaichhan ah min hrilh tawh! Mahse, midang hmanrua ah hmang a, chet a lak erawh ka lo ringchhin ngailo!



Faith kha a tir chuan Prof Msa pawn a pa hmanrua ani tih rin ngaihna a hre biklo! A chhan pawh a nu boral hnu ah an intlawhpawh tawh ngailo vang in, Mahse, Faith khan Aizawl ah clinic hawn a lo chak em em a, eng tin tin emaw pa Saia nen inbe pawp țha leh in kei leh Prof Msa nen kan inkar ah khi a awm theih nan theih tawp a lo chhuah țhin a ni a, tichuan, Prof Msa nen min pawh țhen theih phawt chuan Zarkawt veng lunlai tak a pa Saia inding zing a pakhat saw a hming in a awm dawn.


In hmun a duhluat vangin chet a lak theih dan chikim in kei leh Prof Msa inkar ah a rawn inrawlh chho țan ta a! A tum ruh bawk a, a hlawh tur lah sum a chantir dawn chuan cheng nuai 10 dawn a tling hial ang!


".... hetiang thil hi an ti ang tih ka ring phak biklo! Ka hriatchhuah țum chuan dawt nise ka ti a sin" khawngaih zetin ka melh a, amah hringtupa leh farnu ang a a en te'n a hnung lam ah an lo phiar ru nasa lutuk chu a thinrim pui tluk zet in na a ti hmel tak zet!



"I pa leh Faith an inthurual tih chu engtik khan nge i hriatchhuah?" ka ti sep. Ro zet a nui lui suk hian min melh vung vung a.


"Jail ah ka dah luh zan che kha" ka lo ip chawi mai! A tukzing ah a rawn lang hlawl a, hriatthiam harsa zet a min en ngut ngut in ka chhuah theih thu a lo sawi a. Kei a thinur tawh lak lawh chuan ka lo deusawh kual vel a! Khami ni ațang khan min biak tum in min um kual ngat ngat a! Ka huat luat avang in melh tak ngial pawh ka melh peih lo țhin anih kha! Ka țhiante zawng zawng pawn *inthiam lo hmel a pu a, biak tal chu be rawh* an ti lawm lawm chung pawn ka ngaihthah lui zel anih kha!



Eng emaw sawi tur a ka a ang zuau chu tawp leh hmuk in closet pan in a kal vut.



Kei erawh bet lo zet in khum tlang ah chuan ka țhu ngawi kar a, prof Msa chu reilote hnu ah thil eng emaw keng hian a lo let leh a.


A mitmeng uk khup leh thim ruih chuan hriatthiam harsa zet hian min melh a. A kut a a thil ken ka hmuh chuan nasa lutuk in ka thinphu chu a rang nghal dawt dawt! Thawk pawh thaw chhuak tawh lo hian ka lo en kar a!


Hetiang thil hi a thleng tur a ni lullo! A thleng thei lo tak zet!



Pa Saia min țawng khumna te zawng zawng vang khan kei hian an ni chhungkua hi hlat vang vang tur ka ni!


Ka hma ah tak Prof Msa a rawn din khup chuan ka thawk ipik lutuk chu ka awm chhung a tawt mup mup!


Mit tizîm deuh sún a min melh chung chuan a taksa hrawlpui chu a rawn awm hniam ruai ruai a!



"Min nei duh a ngem?" rawn ti sup in ka hma chhuat ah chuan a khup pakhat nghat in a rawn țhingțhi nghal rûn anih chu!



Phawk zet a ka melh kawk chu min nuih suk a. Ka malchung a ka kut hum tawm țai mai chu rawn hum in a ngawi deuh vung vung a! Kei erawh chechang lovin ka awm ngai chuan ka awm reng!



Thaw chhuak deuh hawk hian ka kut chu a lo hmer salh a.

"Bawihi?"

"Ka... ka thei lo ang" ka ti phawng! Na zet a ka kut a lo hmer vak chuan a mitah pawh en ngam lovin hnuai lam ka bih nghal tlat a!


Ngawi ngul in ka kut chu a hmer ngut ngut tawh mai si! A hmerna a nat em vang chuan ka kut chu a mur chum chum a.



"Ka haw tawh a țha ber.." ti sep a ka ding chhuak chiah chu na lutuk hian min pawt let lawp a! "Engvang in nge?" a ti vawt ruih.



"i pa vang te leh thil tam tak vang te in..."


"Thil tam tak chu engmaw?" Rum tak hian a rawn ti nghek, chutia min vin hmasa tu zawk ah a țang chuan min tisa phat a.


"Nang hian min rinna i nei ngailo! Chuan, kha i unaunu teh hrep vang a Jail ah min khungna te kha ka theinghilh thei reng reng lo... kut min thlak te pawh kha!" ti tuar in khi suk a min lo melh run tupa chu ka au khum nghek.


"Faith vang in Jail ah ka khung lo che" a tih hmuk chuan rapthlak ti lutuk hian ka melh a! Min nuih leh suk nia mawle!


"Dawhehpa, i farnu dawhheh lutuk kha ngaihdam dil tur a min tih hnu ah ka dil duh loh vangin Police i call...."

"No.... ka kum upat vang a ka bul ah i awm peih tawh loh thu i sawi țum ang chiah a hmusitna te nen min en vang teh hrep zawk a sin" kei aia vin chuan a rawn ti ve ta nghek!


What?


"Oh.. C'mon, khatiang țawngkam kha engvang a chhak chhuak nge ka nih tih lam i ngaihtuah thleng pha tawp nang.. min ring lo hmasa.. a țha em? Faith'n min lo call a, zan lai ah falkland ațang keimah a haw turin min rawn hrilh! Chu chu awi duh lovin keimah zawk diklo ah min ngai anih kha..." ka sawi tam bawk a, ka thaw zui hawk.


"Hman zan lawk ah pawh thuchiang hre hmasa lovin i farnu chan nan kut min thlak tawh bawk..."



"Kut ka thlak chhan che kha Faith vang ani hauh lo!" ti hrawk a rum lutuk a min melh rual chuan ka chhungril hi a țim sawk! A sawi dik! Kut min thlak chhan kha chu pills ka ei țhin vang.


Ka kut a hum chu thlah hmuk in a ding mar vut a, chumi rual a a thil sawi vang chuan ka melh chho nghal kawk bawk!


"Jordan pawh hlat ang che.. i tan a mi țha a nilo"


"Hello... " ngeiawm lutuk a ti pah in ka ding va phat. "Khatiang in Jordan chungchang sawi hlek suh aw... nang hian khawvel a awm chak lo khawp a min siam lai pawn ani chuan min hnem țhin a sin" ka ti a. Huatthlala zet a malsawmtluanga khi suk chu vuak thluk tawp ka chak kher mai!


"A hnem thiam mah mah che anih dawn chu, i intur ah pawh damdawi a lo pawlh" a ti nek.

"Eng nge i sawi awmzia?" ka ti hu ringawt.

"Min zawt zawk a maw? Nizan i intur ah khan damdawi a tel tih i hre miah na nge?"

Ughh.. nizan ka awm dan kha a dik lo tih chu ka hria. Mahse, Jordan'n inrawlhna a nei loh zia erawh ka chiang.


"Intur kha Jordan-a min pek a nilo... Chuan, ka in laiin ka kiang ah a awm lo bawk" ka ti a. Nui hul hak in Malsawmtluanga chu ka lam panin a rawn phei buan buan a.


"Hnaih tawh suh ka tih chuan ka thu zawm mai rawh" ti hrawk in ka kawngah nghet zet hian a rawn man hmiah. "I tan a țha leh țha lo chu ka hria" ti leh nghut in dimlo baksak hian min kuai dak a, ka hmui ah a rawn fawp nghal bawrh bawrh. Ka ngei lutuk bawk si nen ka lo tal nawk nawk a, chutia ka tal hrep chu chak zet a a kut che nghal buan buan vang chuan ka khawng awt!


A kamisz ka haklai hma chu a rawn pawt țhawt ţhawt a, chhuat ah kawrkilh a tlak ţîl chum chum pawh chuan min fawhna chu a tawp map lo.



Dimlo lutuk a kamisz a hlih hrawk chuan harh chhuak kawk in ka tal a. Mahse, ka kang nghal lawp!


"Malsawmtluang ka that dawn che" ka ti tuar, a nui thum huk huk chu a hnung ah leh taksa remchang lai lai ah ka chum pawp pawp a. A darah min pu nawlh in zo zet a min pen sawnpui lai te chuan min sual luih leh hlauhna te nen theih patawp in ka tal a!



Chhuat ah min nghat fel chiah tih ah tui vawt zet in ka taksa chu a rawn phuh sur sur! Hamhaih zet a ka meng phawk kawk chu washroom bang ah min nawr ber in uar lutuk hian min fawp nghal tawn tawn a. Chung lam ațangin shower tui vawt zet chuan min phuh sung sung bawk! Thawk leh khatah min fawh dan chu thlak in dam lutuk hian a rawn che a, ka kâ chhung ah chhan let phut zet a lei a tih chet kualna chuan ka chhungril thlengin a fan kual rawih rawih!


Mahse, ka chhang let dawn lo ani tawp mai!


"Luhlul nu" ti sup in min pawm kang nawlh, run zet a ka vin nghek chu a hma aia duhthawh leh ngenngawl zawk in min fawp leh nghek a. A lei lum țha zet zei lutuk a che kual vel chu chhan let loh harsat tak ani mai! Mahse, rilru tifim lui tlatin ka inhum ruh vak vak a.


Rum nghut a inla hrangin bang ah chuan min nawr bet run.


"Thinrim lai chuan tui vawt in inbual ila a țha ber" a ti sup, ka lu bul bang chu a ban hrawl zet pahnih chuan a lo nam nghal run a. Pantie chiah ka inbel tih hrechhuak thut a ka inhup chawi chawi chu hmuhnawm tih hmel lutuk hian min melh chhuk run a!


"Hu*a khatipawh khan min en suh" ka tih leh nghek chuan nuihza insum hmel sexy zet hian min melh chhuk ngur. A tukhum ah tui chhuan a khawh sung sung a, chu chu a nghawng leh dar pharh hlai țha zet ah lo luang thla in a sam huh hlap ațang tui lo far chuan min far fap fap a.

"Inbual zo ila, kan inhnawh puar dawn nia" ti sup in a kutphah hrawl zet chuan hmai a tuai pawk! Sexy hi chu a sexy thlawt mawle!



🐾

⬇️


Vawiin hi Prof Msa nu thihcham ani a. A lakah ka hel miau vang in nizan a min lo biak bak kha min lo be tawh biklo.



A message min hnutchhiah erawh kan pahnih inkar tawp hlenna tur chu ka kut ah a awm tih chiang takin a rawn ziak tel.


Zanin tlai hian min nghak dawn tih a sawi a, ka kal lo anih erawh chuan amah kalsan turin ka duhtak zet tih ka nem nghehna ah ngaiin ka duhthlanna min zah sak tur a sawi!


Zungbun kha ka bun sak duh lo a! Chutichung pawn ka lakah beidawng duh lovin min dawh țang țang a, pa Saia țawngkam vangte, jail ah min dah luh vang te leh kut min thlak avang te khan keichuan awlsam tak a engkim theinghilh harsa ka ti ve tak zet!




Mahse... hetiang teh nuaih kan pahnih inkarah thil a thleng chung pawn kumkhua a inzawmna nei tawh lo tur ang a ka ngaihtuah ringawt pawh ka thinglung hi a che dawt dawt a! Ka rilru zatve chuan min hmangaih vang a a chhungte lak ațang talhran pawh hreh lo mipa, a thiam ang tawk a ngaihdam min dil a, min um kual ngat ngat țhintu hi ngaihdam duhna a nei a!



Ka rilru zatve erawh chuan apa in khatiang khawp khan min hmusit ani a! Tunah hian lo inkawp rem leh pawh nita ang ila, apa bawk hian harsatna min siam sak leh tho ang tih vel a ngaihtuah tel zel vang in thutlukna siam harsa ka ti.






Ka phone ri in ka ngaihtuahna a ta chu min ti harh zawk. Rang zetin khum chung a mi chu ka ban a.

"U.." phur zetin ka ti nghal chul. A hna vangin Shillong ah kal a țulla, a thangbo hlan in Bawihpuia a damloh leh a hlauh tawh em vangin u Mimi nen a hruai ve ta daih. Kei erawh kan in lamah ka awm phei tawh thung.




"Vawiin lam te.. i buai em?"

"Aih, Bawihpuia a fel em?" ka ti vat a. Meeting neihna ațang hotel panin a let mek thu a lo sawi chuan a hna chungchang ka zawt luam a. Reife kan inbiak hnu chuan ka room kawngkhar lo inkik ri deuh dawt dawt vang chuan phone ka dah a.


Kawngkhar lam ka pan nghal zat bawk.



Kawngkhar ka hawn chuan ka pa nen kan inhmachhawn nghal ran mai.


"I pu (Muani pa) a țha vak loa, Lunglei ah kan phei nghal a ngai, i lo kal ve dawn..."

"Dawn lo" rang zet in ka ti hmak. Uluk zetin min melh run a. Mahse, chiai tih hriat zet a an mut pindan chhung ațang Muani'n a lo auh chuan thaw hawkin lu a bu ta nghut.




An pathum chuan an insiam mawp mawp a.
"Hlimi, i nuThiangtei a lo kal lo tih chu i hria tiraw, soup ka siam tawp a, dawhkan ah ka khuh țha aw" Muani'n a lo tih chuan ka bu nghat ringawt. An chhuak tur chu ka room kawngkhar ațang ka thlir liam tawp.

An tlan chhuah hnu fe ah inhnuai lam ah ka chhukthla a, tlai lam dar6 a ri țep tawh!

Ka lungphu ri deuh dawt dawt chu tihziawm tum in ka thaw halh a.

*dar 7 ah.. Bawihi, min ngaidam thei anih chuan dar7 ah ka lo beisei ang che* prof Msa message chu ka mitthla ah a lo lang uai uai.



Muani soup siam chu muangchang in ka hawp a, Prof Msa in ah chuan ka kal ve ang nge kal ve lo ang!


Ka nu khan min hrilh țhin a *tupawh in a thil tihsual ang ngaihdam a dil che a, hunțha vawi khat lek a dil che anih chuan hun țha chu pe leh rawh* a ti țhin a. Chung thil vel chu ngaihtuah in awm dan tur ber hrelo zet in ka thaw leh halh țhin.



Lola, i thinlung duh dan chu zawm tawp mai rawh!

Chhunglam ațang min rawn hrilh tu a awm rual chuan ka rilru pakhat zawk a rawn ter nghal at hma in chak zet in kailawn ah ka tlan chho rawk rawk a!




Prof Msa hi chance vawi khat tal ka pe leh tur ani! Min hmangaih vang a ka tan engkim tawrh huam mipa hian chance vawi khat lek chiah pe leh turin min dil a! Zanin tlai hian luhlul chhuah in inlan ta lo ila, ka lakah beidawng in min tawp san tawh ang! Chuthil chu thleng turin ka duh lo a! Ka ngam lo bawk.




Ka thuamhnaw bawm ațang thuamhnaw la chhuak pahin sanna ka melh a. Dar6:30 a ri va tawh. Ka che reng reng chu a phelh phung a. Make up pawh ka duh ang tawk in ka hmang hman lo!



Kan in chhung zau zet ațang chuan kal chhuak hlawk hlawk in kawngkhar chu tala lianpui in ka kalh a, motor hunna pan a ka tlan dawr dawr chu vawi leh khat ah ka bîng mup!


Ding chawt in ka awm chhung tawt up up ka hrawk a rawn inhnawh chho tup tup chu hrethiam lo lutuk in ka awm chu ka chum nghal dawt dawt!


Ka awm dan chu a mak lutuk! Thaw cham tur ang mai hian boruak ka kham khawp ka hip lut thei lo der! Tal buai nan rei ka mamawh miah lo!


Reilote hnu ah ka hrawk inhawh phui tlat vang chuan boruak ka tlachham a! Thawk la kawk kawk a, ka hrawk chhung a eng emaw tang tlat ang mai a inhnawh tlat luak chhuah tum a ka uak nghek nghek chuan ka chil rawn rial in ka khawhmuh chu a thim tual tual a! Thawk chhuah ka tum a! Ka thei tawh lo!


Ka chungah hian engthil nge thleng ta hi!



.



Prof Msa's Pov



Ka farnu te'n kan chhungkaw țhian țha lo kal thar apiang chu an lo dawng sawng a! Kei erawh engthil dangmah ka ngaihtuah thei tawh lo. Tual zawl ah vei kual sek in ka ban a sanna chu ka bih chhen a. Dar7 rik nan minute 10 chiah a awm tawh! Bawihi hmel reng reng a rawn lang thei bawk silo.





Call hmasak chu duh viau mahila a duh thlanna ngeiin he hmun hi rawn pan se ka duh! Ka nawr luihna tello in min ngaidam thei anih chuan rawn inlan se... ka thil tih leh chet dan engkim kha min ngaidam thei ta lo anih leh min duh ang ngeiin ka tawp san tawh ang!





Tawp san!



Hrep a! Rum nghut in ka ban a sana chu ka bih leh thuak a! Minute nga a liam leh tawh! Chak zetin gate pawn ah ka chhuak vut a. Motor kawngpui chu Bawihi a lo lan mai beisei zetin ka thlek vung vung bawk.





Car pakhar ka in pan a rawn tlan a awm rual chuan hahdam huai in ka nui suk mai!

Mahse, car chu a lo hnai tulh tulh a! Ka pa car tih ka hriat rual chuan nghet zetin kut ka hum tawm nghal țawlh țawlh!


"I rawn inlan lo ang maw?" ti chhuak sup in muangchang hian gate ah chuan ka lut leh a. Min ngaidam thei ta ngang lo anih dawn hi!



Kawt zawl a ka pa rawn kal phei chu veranda țhutthleng ah țhu chungin ka lo melh ngur. Ka farnu te'n an rawn zui diah diah a. Ka bul an rawn thlen rual chuan lungawi loh hmel zet a min rum khum nghut in inchhung ah chuan a lut a!



Kawchhung tawt zet in ka rum nghal hrawih! Ka sawi tawh ang ngeiin ka pa pawh tlai khawhnu ah a rawn inlan ve a! A awmzia chu Bawihi nen kan inzawmna min pawmpui tawh! Mahse..
Bawihi ber lah rawn inlan tih reng a awm thei hauh silo.




Ka nawr lui hauh lovang ka ti nangin a number ka hmet chhuak der tawh! Ka call a. Switch off a in ti hmak. Ka lungphu chu a che ve ta dawt dawt! Thawk sa phalh phalh chung a ka call nawn leh pawn switch off a in ti hmiah a!



Nimin ațang inngaihtuahna hun ka pe tawh a! Rawn in lan loh a thlang ta zawk anih dawn hi!


"I ngaihdamna ka hlawh chhuak zo ta ngang lo a ni maw?" ti sup in phone chu ka melh ngut ngut! Ka lungphu che dup dup chuan *I kal hlen tir a ngai tawh anih hi* a rawn ti a. Ro zet a nui suk in ka rum chhuak hrawih.








Post April 19th, 2020, 7:45 pm

Chapter 35








"I rawn in lan lo chuan beidawng duh lovin ka lo call dawn che tih i hre lawk ani tiraw?" ti thuk ruih in ka nui lui suk. Phone min switch off khum hmak erawh ka insehruh pui ngawt ngawt.




Ani khan ka mizia a hrechiang lutuk! Min be lo a rei tak a awm theih laiin a tello leh rei belo in ka awm thei lo tih a hrechiang tawh lutuk tlat! Engtik lai pawn be hmasatu ah ka țang ziah tih zawng zawng nen hre vek in min chet khalh ta hmiah! Thinrim a min block hmak pawn mi â ang maiin chet ka la a, a phone hack sakin ka be leh nge nge țhin.



Zanin tlai hian a lo inlan lo anih pawn lungdam takin ka pawm tawp dawn lo tih a hrechiang lutuk! Chuvang tak chuan ka chhui zui theih loh nan phone a switch off tel hmiah.

Muangchang in ka țhutna ațang chuan ka tho chhuak ruai ruai a. Inchhung a ka chhungte leh țhenrual ţha te thawm awm nak nak pawh chuan ngaihtuahna mumal min put tir thei chuang lo; ka smart pants kekawr ipte ah kut pakhat thun lut hlun in ka ding ngawi ngul a, ka kekawr ipte chhung a zungbun ka tawh fuh takah chuan nghet zetin ka hum nghal hmiah. A țum hnihnan he zungbun leh kei hi hnawl kan ni leh dawn tih na em ni?



Rit zetin ka thaw chhuak hulh a!


Ka hmeichhe hmangaih awm chhun nen kan inkar chu a tawp hlen tak tak tawh dawn nia ka hriatna chuan min delh rit chur! Eng nawrluihna mah hmang lova ka a hnen rawn pan turin ka duh miau! Thinlung tak a min ngaihdamna nen min rawn pan a nih ngai chuan vawi khatte mah a rinna ka tihchhiat sak tawh ngailo ang... huh.. chu erawh chu a thleng dawn ta lo anih hmel! (?)




Beidawnna a khat ka thinlung ipik lutuk chuan a tawp nan tal ti niawm tak hian ka kê pen chu Gate lam ah a hruai leh tho!



Beidawng ngawih ngawih. Mahse, beisei lo phal bawk silo, beisei dawn a beisei chhuah tur awm a hre hlawl bawk silo boruak ipik lutuk in ka chheh vel chu a rawn zîm tup tup a.



Gate ka hnaih tulh tulh a. 'rawn kal ta lo cheu se..' tih chuan chhung lam ațangin min rawn nghawr a, ka chhungril che dawt dawt chuan tawrhhlehawm fahranin min vîlh ngut ngut bawk! Ka damchhung a a vawi khatna a tan ka thinlungin a tuar chhuah zawh loh natna tawpkhawk ka hmachhawn dawn nia inhriatna ka nei ta thlawt bawk! Ding chawl dat in ka han thaw chhuak hawlh hawlh a! Hmangaihte chan mai hlauhthawnna nasa zet in thinlung a nghaisak dan ah hian mipa leh hmeichhia a lo thliar hrang hauh lo tih ka hriat thar phah rawih rawih!


Ngaihțhatpui ngaihna awm lo khawp a nasa hian Bawihi rawn in lan loh hlauhna chuan ka lungphu a pump rang zawih zawih a, chumai pawh nilo in ka chhung rilah hian na a inlum let kual but but bawk. Ka lungphu dup dup zawnah chuan ka kutphah hlaihlup chu nghatin mit ka chhing vung vung a. Chiang lutuk in Bawihi hmelțha zet mai ka hmu zawm zat! A țawng zawng a a hmui phir nalh zet che kual vel te, a lungawi loh chang a a mitmeng lian leh nalh lutuk tal kual ve tap tap țhinte kha keichuan damchhung a ka tan ni turin ka duh... Mahse, a rawn inlan lo a nih chuan chatuan pawh in ka ta ani tawh ngailo ang! Nawrluihna te nen nasa taka ka hliam sak hmeichhe thinlung kha neih sak tum turin dikna chanvo ka nei ve tawh miau lo!



"Mipa tak in le!" ti chhuak sup in ka meng chhuak ruai ruai a! Ka hma zawn a kawngpui reh tlawk tlawk chuan engkim a nem nghet chiang ta viau! Chu erawh ka lungphu dup dup chuan dawnsawn harsa a ti viau bawk.

'Hei hi i thutlukna ani tak zet maw?' tih chu beidawng lutuk hian ka thinlung chuan a rum chhuah pui hrawih!


Ka kut a lunghlu zungbun chu melh ngur ngur in a khat tawkin Bawihi rawn zawh tur kawngpui lam bawk chu ka melh leh țhin a! Eng chen nge rilru mumal pu hlek lovin gate bulah chuan ka din tawh tih lam ka ngaihtuah lo!



Hei erawh a chiang ta! Min nei tur a ka sawm țum ang chiah khan kei hi hnawl ka ni!


"Dude" hnung lam ațang Rsa chuan a ka darah kut a rawn nghat dawt. Ka insehruh țeuh a. A thuthlukna engkim zahsak turin ka intiam tawh! Harsa mahse mipa ka ni a lawm, ka thutiam ah nghet tak a dingin a nun ah ka inrawlh tawh tur a nilo.


"Khawnge Lola pawh chu..." ti sup a ka bulah a lo din chuan zungbun chu ka hum bo a. Muangchang in ka kekawr ipte ah ka kut chu ka zen lut leh ruai ruai.


"I hmu lo ang" ti chhuak sup in ka inher nghal vut.

"Eng nga?" ti hluk in Rsa chuan min rawn zui a. Chak zet in tualzawl ah chuan ka pen pawk pawk.
"Ka va hrethiam lo ve..."

"Hriatthiam loh tur vak a awm em ni? I hmuh ang hian a rawn kal dawn lo.." chang zet a ti chhuak nghut in ka kekawr ipte a zungbun chu ka hum ngut ngut.


"Huh... I țhian țha leh chhungkaw hma ah i pho chhuak tawh ang chu tih lai a..." nui deuh hawk hian a ti a, ka thinlung ipik zet chu min rawn hriatthiampui nise a nui hauh lovang.


Kan ţhian dun inzui lut chu midang hmuh telve inbeisei tih hriat zetin an țhut hnun ațang in ka farnu te chuan min lo thlek ha ha reng a.



Kan rual in tu hmeichhia mah an hmu ta silo hrilhhai hmel zet chu! Zawhna a khat mitmeng a min enna chu hmu lo der hmiah in țhutna lam ka pan vut. Min chhangtu chiah chuan rang fahran hian min pan a. Ka pa ep chiah couch ah chuan țhu nghut in ka ngawi zui ngul.

"Mama, khawnge i țhiannu pawh chu...?" zawi sap in ka bul ah lo țhut ve pah chuan a ti a. Thaw hawk in ka nau chu ka en ngur.

"A lo kal thei dawn lo em ni?" a ti leh a, a mitmeng fing zet chuan ka hmel hnim ruih chu min zirchiang uluk hle bawk.

"Kal dawn lo"

"Oh.."

"Theinghilh rawh, engkim hi i kaihhrui vek tur a nih kha" ti sup in ka țhenlui suk. Inngaihtuah muk hmel zet a rei ngial min thlek vang vang hnu chuan ka ban bulah a rawn chelh a.


"Buaina in nei em ni?"
"Nope..." ti sup in hmui ka pet sawi zauh. Mami chu a ner deuh nang a, Mami chhang chiah Tetei pawh kan bulah chuan rawn insawn pheiin chanchin min zawt a. Mahse, a u in ka mood ipik zet vang chuan engmah min zawt tawh rih lo turin a lo khap thuai a.



Kohhran upa in hunseh a hman zawh hnu ah zanriah kan kil ho a, ka țhian te pawn Lola chu an beisei vek tih hriat zetin min melh leh țhin a. Kei lah zawhna zawh chakawm loh khawp in ka ngawi ngul bawk nen min zawt dawt an hreh vang chuan Rsa an bekbawr leh tawp zel.




Midang lak ațang chuan inthiarfihlim in ka nu thlalak intar khah vekna pindan chhuang ah ka lut bo a. Ka nu thlalak lian pui intar chu ka din chilh run.


"Vawiin hian ka hmeichhe hmangaih hmasak ber nen inhmelhriattir che u ka tum a sin" ti chhuak sup in frame tlang chu ka chelh run.


"Mahse, vawi khatte pawh hmangaih la nei ngailo i fapa hian hmangaih dan ka thiam miau lo, na tawpkhawk in ka siam a, a thinlung ka hliam sak bawk! Ka natna pek te vang chuan min ngaidam thei ta lo pawh ani mahna.... i hma ah ka rawn hruai theih loh avang in ka tihpalh" thlalak a hmeichhe hmelțha zet en ngur chung chuan ka phun chhuak leh sup.

Engtikahmah a fapa hian hmeichhia a hmelhriat tir ngai dawn lo anih hi!



Rei fe ka inkhung hran hnu chuan lunghlu zungbun chu ka nu thlalak inhunna dawhkan sang chuang ah chuan ka dah a, bun tur a ka duh ber kutțangah engtikahmah a awm ngai dawn lo! Amah nen hmalam hun sungtuah chung a ka chher chawp tir a ni a, chu ka suangtuahna leh hmathlir lo neih lawk tak zawng zawng te kha hetah hian tawp ve bawk rawh se!





Thinlung ipik zetin pindan chhung ațang chuan ka kal chhuak a, kawngkhar ka pawh phui laia min rawn pan tu ka hmuh rual chuan insangmar nghal țeuh.



"A tir ațang khan ka thu zawm mai la țha tur" ti nghut in ka pa chuan min din chilh run.



"Min hnial mualpho hrep in a mit hmuh lai ngeiin kan pafa inzawmna tih chah hreh miah lo te'n in țawng chhuak a, khatiang hmeichhe heheu țhang lutuk chuan rei thununna hnuai ah khawsak an peih lo! Chung thil ka hmuh lawk vek vang chuan tawp san turin ka hrilh che a! Ka thu zawm a hneh in kan chhungkaw mualphona thlen zawngin i khawsa a, tihian tu nge dik zawk chu i hrethiam tawh em?" hnehtu inti zetin min melh ngur. Nghet lutuk in kut ka hum tawm a, ka pa chuan a la duh tawk lo nasa.


"Tleirawl nun thlahdah laklawh chuan an bansan mai mai thei tawh lo, han in en ta che, ka hma ah thih ngam a a thlavang in hauh sak hmeichhia khan inzawmna nghet leh pangngai tak i siampui dawn meuh chuan a phatsan ta si che a nih hi, nu leh pa te hian fate tan a țha tur kan hrechiang ber tih hria la, i thutlukna angin i kal tawh, chu i thuthlukna chuan khawi hmun nge a hruai thlen che tih i hrechiang tawh hle bawk. Tun ațang chuan ka thu chiah zawm tawh ang che, i naupantet ațang enkawl seiliantu che hian i tan a țha lo ka duhpui ngailo ang che tih ring thiam rawh ka fapa" ti sup in ka darah a rawn hmer vang vang a.





Min an dang țin darh vek tawh a. Zan boruak inpik zet chuan ka huntawn min țawmpui ve ang hrim hian van chu a rawn rum dur dur! Thli na zet tleh vuk vuk kar ah chuan kawl a rawn pe eng zawr zawr a! Țek tla ri țhuai țhuai in zui leh in ruah chu a rawn baw hawk hawk.
20200321_045137(7).jpg
20200321_045137(7).jpg (25.83 KiB) Viewed 21061 times

Curent a rawn thim hmuk a! Kei erawh chechang hauh lovin couch nghenchhan ah ka lu nghat chuan ka maimitchhing vung vung!



Tunah te hian engthil nge a tih ve ang? Min ngaihtuahna chhete tal a nei ve a ngem? tih vel in ka thluak a rawn luh chilh tup tup chuan thaw ipik zet in ka rum chhuak hulh! Dawhkan a whiskey chu no ah thlit belh in ka tlak nghal vek. Ka kawchhung sa thla hut hut chuan ka awm a rawn ti nuam deuh a. Hmangaih ber hnen ațang a hnawl nih hreawm zia leh tlawmthlak zia chu a tawng ve tawh tu thinlung chiah in a hrethiam ang!




Ruah sur ri bur bur hnuai ah ka in pawn lam ah chuan car horn a rawn ri țhat! Atthlak lutuk in ka lungphu chu a che nghing dawt!

"Bawihi?" ti chhuak sup in ka dinna aţang chuan ka tho chhuak vut a, chak lutuk in inchhung thim mup hnuai ah chuan kawngkharpui pan in ka pen pawk pawk. Kawngkhar ka nam hawn rual in mit tizím sun chungin ka kutphah chuan hmai ka hliah vut. Motor front light eng ţha zet in min chhun khalh rum vangin motor chhung a chuangte chu tu te nge an nih ka hre thei lo.





Chhung lam ațang kawngkhar rawn innawm hawng aţang a hmeichhe bawp sei zet rawn in hlang thla chu ka lo melh ngur a, car ațang nihliap kapparh hmeichhe rawn chhuak ka hmu chiah chu ka mi beisei a nih loh lutuk vang chuan ka insehruh nghek ringawt! Pheikawk sang zet bunin Rinchhani a rawn pen chhuak hlawl! A kawrfual hak chuan a ngal rek thleng a khuh a, a mal te thleng a kak bawk tih zei fahran a ka lam pan a a rawn pen chuan ka hmu bawk.

"I mi beisei loh zawk min hmu si a ni maw?" veranda a rawn rah rual in nihliap chu a pawt zip a. Ka lungawi lo hmel chu haider in a nui var var.



"Tetei'n min rawn bia a, kawmhlim tu tur i mamawh a tih vangin hospital dinner neihna ațang ka rawn tlang nghal anih hi" zamna nei map lova ka hma ah a rawn din chuan țullo tih lutuk in ka ner nghal sawk.


Ka farnu mai mai pawh chu!

"Mahnia awm ka duh zawk" ti hmuk.


"Oh, titeh, țek leh ruah sur pawh pawisa lova nangmah hnem tur a rawn pan vang vangtu che i lo dawnsawn dan chu leh" a ti a, thinrim duh hauh lovin a nui hak hak a.




"I let leh thei ang" bung nghut a tiin ka inher vut. Rinchhani lo nui ri hak pawh chu ngaihven tawh lem lo chuan țhutkhawmna lam ah ka let phei a.



Ka thinlung chuan engvang teh hrep in nge ani zawk kha a la beisei cheu ni? A reh hmak dan ațang hian engkim hrethiam a, beiseina atthlak zet insiam tawh lo tur ka ni! Couch ah chuan ka țhu thla dawt a, kawlphe zawr zawr chuan ka inchhung thim zet chu rawn chhung eng puat puat in ruah pawn tukverh a rawb theh țhawt țhawt. Whiskey bawk ka thli chhuak leh a, thimzing a ka lam pan a zei zet a hmeichhe rawn pen zan zan chu lo melh run in whiskey chu ka thawk khat leh pap.




"Tetei chuan a rawn inlan lo a ti a.... i țhiante leh chungkaw ho hma ah hrilhhai takin a siam che a ti a sin.." rawn pen hma zel in ka țhutna leh dawhkan inkar ah a rawn ding hmiah.


"Babe, ka hnen a lo let nan a la tlailo a nia, a tir ah pawh khatiang hmeichhia kha chuan inzawmna nghet a neipui duh lo ang che ka tih tawh kha.... in phen nan leh a khat tawk a nawmchenpui a tan bak a duh lo che... engtik ah emaw chuan a kum rualpui zawk thlangin a kalsan tho ang che ka tih lai khan min ngaithla la ni tur!" zawi zet a tiin muangchang hian a kawr bah pakhat chu a dar ah a hui liam a, kawl rawn pe zawr zawr in a taksa lan dan chiang tak a a rawn pho lan pawh pawisa hauh lovin a dar lehlam pawh a hui liam hmak.




"Hnem tur che in engtik lai pawn ka awm reng tih i hriar kha... zanin hi kan inzawmna nem ngheh thar leh nan hmang ang aw..." ti tham chhel in eng zet a kawl a rawn phet rual chuan a kawrfual chu a kê lam ah tla thla vek in lace thong nen chiah ka hma ah chuan a ding ta ran a!






________________________


Lola's pov

Hlauthawnna leh tawr harsa khawp a natna nasa zetin ka chhungril a rawn luh ngut ngut chu ka thil hriat hmasak leh ber ani!

Ka taksa chhung natna in a rawn fan kual rawih rawih chuan ka lungphu a ti rang dawt dawt! Ka chhungril na vilh ngut ngut chu tawrh hreawm ti zetin ka thaw khur hlawk hlawk!



A chhan ka hriat siloh hian nasa lutuk in ka khur a, hlauhthawnna nasa tawpkhawk in min chim mup mup vang chuan awm ngaihna hlawl ka hrelo! Chung natna te leh hlauhthawnna te chu khawi a țang a lo kal nge a nih lah ka hre bawk silo! Ka na em em ringawt! Ka thlarau thlengin!!



"Professor" a ri meuh in ka ţap chhuak ta hawk! Chu hming ngei chu a ni ka chhungril thleng a natna rawn thlen a, ring tak a au chhuahpui ka mamawh chu!



Mahse, a hming ka lam chhuah rual chuan ka chhungril na lutuk chuan min hnawh tawt tup tup a! Chuti chung chung pawh chuan na ngut ngut siin prof Msa hming chu ka lam mawlh mawlh tih ka hria


"Doctor va ko rawh.." tih ri ka hriat rual chuan nasa zetin ka thazam a phu nghek.

"A rawn harh chhuak tawh dawn niang.."

"Umm, a harh tawh dawn a nih hi, oxygen kha check teh.."

"Engkim a țha.. hei, a mittui a rawn luang chhuak nasa lutuk" tih ri te chu ka hre reiruai a, ka chhungril rum tlawk tlawk mai chu tawrh a va harsa tak em! Muangchang in mit ka meng chhuak riai riai a, ka hmai bul chet ah hlimthla lo lang chu chiang lo zet in ka hmu thei a.

"Nula, i harh em? Ka țawng ri hi i hrethei em?" Hmeichhe aw hriat nuam zet hian a rawn ti mawlh mawlh.

"A la țawng peih lo a niang" ti sep in ka ban a rawn khawih a, ka mit te chu rawn keu in light eng zet hian a rawn chhun a, an chetphung engkim chu ka hmu thei vek! Mahse.. Aw Lalpa, ka chungah hian engthil nge thleng ta hi!



Kut tih chet ka tum a! Ka theilo! Ka kutțang chiah tih chet ka han tum leh a, chupawh chu ka thei chuang lo anih chu mawle! Thlaphang zet a ka awm dan sawi chhuak tur a ka ţawng tur chu reh beh tlat ang mai hian ka thawk a chham a! Ka hrawk chhung chu phui tlat in eng emaw hian min hnawh bet tlat!Eng thawm mah ka siam thei lo anih chu! Ka chungah hian engthil nge thleng a?????




"Tihian muhil leh se, a zia chho mai ang" ti sup a ka ban ah hriau an rawn vih luh lai te chuan hmu thei vek siin engmah ka sawi chhuak theilo! Rilru fim vek chungin ka taksa chu zeng ang mai hian a ni chuah chuah a! Maimizial in a zial beh tlat ang mai hian ka thazam te chu che zawr zawr in ka lum pup pup a! Ka chung a thil thleng chu ka hrethiam lo tak zet!




Ka thisen ah damdawi an lo thun chuan kar lovah min rawn fan a, mutthilh chhuak in nasa zet a min rawn zêm lai te chuan ka harh daih tawh tih hriattir ka tum a! Ka thei lo...



"Professor.... Professor" tih chu ka lam sep sep. Ka ngaidam vek tawh tih leh a hnen pan tumin ka thawk chhuak tih hre miah lovin mangang zet in a lo awm ngei ngei ang! Ka ngaidam tawh tih leh min hmangaih ang tho in ka hmangaih ve tih hrilh ka duh a sin! Ngatinge chung ka thil duh pawh ti thei miah lova helai hmun ah hian laktlak loh zet a ka awm tlat mai le!





Eng emaw kiu țat țat leh ri ham ham reng vang chuan ka harhchhuak leh a. Mit ka men rual chuan khawi hmun ah chiah nge ka awm tih hriat hmasak ber tum chuan ka mutna bul vel chu ka melh kual nghal ruai a.





Damdawi in khum ah ka lo mu reng a nih chu! Ka bul ah chuan khawl masak pui pui a inhung a, inchung a light eng kung chu melh in ka han khap fak fak a. Ka taksa chu ka han ti che dawn a! Ka thei ve ta! Hahdam hawk hian ka thaw huai huai a!



Helai hmun ah hian engtiang a awm ngawt nge ka nih tih chu ka ngaihtuah let a, Prof Msa min lo nghahna hmun pan tur a ka kal chhuak tur kha vawi leh khat ah ka thawk rawn buai vek in ka chil a rial a! Kar lovah ka thawk a chham nghal ringawt a nih kha! Thlapang zet in min țanpui tu tur ka melh kual ruai a, a tawp ah phei chuan ka taksa chau lutuk kha tuar zo lovin ka dinna hmun ah ka tlu hlawm tawp! Mahse, ka rilru tifim lui țang țang in kan tual zawl ațang khan ka bawk vak a, chupawh chu tha ka neih loh em avang in ka ti hleithei lo! Ka rilru tifim lui zel in helai hmun ah ka leh hlawm tawp ringawt chuan tumah in min rawn hmu dawn lo ti in gate pawn ah tal vah chhuah ka tum a, ka chil rial bawrh bawrh te, hrawk phui mup vang a thaw hleithei bawk silo chung khan gate chu ka vak chhuak ngei a! Mahse, kan in awmna fal zet vang chuan min pui thei tur hmel reng hmu lovin beidawng zetin ka tha neih chhun khan ban ka vai a, ka au bawk! A hnu ah chuan engkim a thim mup a! A tawp vek anih kha!




Mitchhing sawk a thawk ka lak vang vang chuan rang zetin thil ka hrechhuak nghal zawk!



Prof Msa!


Aw Lalpa! Ka meng chhuak leh phawng a! Min nghak! Ani khan min nghak, ka in lan lo anih chuan ka hnawl a ni tih pawm tawh in ka nun ah a inrawl tawh lovang tih a sawi! Kan inkar pawh a tawp hlen tawh ang a ti anih kha!



Ka mutna khum ațang ka tho chhuak tur chu nasa zet in khawl mak sak zet chu a ri chiam a! Ka phu chiam nangin harh chhuak thut hian ka hmai ka khawih a! Oxygen pek ngai khawp in ka awm maw?





Pindan kawngkhar rawn inhawng pawp ah chuan hlauthawn hmel zetin nurse pahnih an rawn tlan lut a! Ka harh tih an rawn hmuh chuan an meng phawk kher mai!

"Ugg, i lo harh tawh ani maw? Mu leh rawh, oxygen hmang a thawk lak i la mamawh em tih kan rawn endik ang" ti in an rawn che nghal sawk sawk. Chutiang a khawmuang hman ka nih loh vang chuan ka hnar leh kâ hup a thil in vuah chu ka pawt vak a; ka hrawk lam ah hnawl thal in mak tih hmel zet a nurse min lo en tu chu ka melh a.

"Dar engzat nge?" ka ti thawr. A ban a sana a bih chhungte chuan ka rilru hmanhmawh lutuk leh prof Msa'n ka ngaidam thei lo emaw intia hreawm a lo ti rei lutuk tur te chu ngaihtuah in ka lungphu a li rang dawt dawt.

"Zinglam dar thum!"

"Maw?" ka ti tuar mai! Min lo khuhna puan chu ka thehsawn dawrh a. Khum ațang ka chhuk thla tur erawh ka tha zawng zawng a bo nghal vek! Khek deuh tuar in nurse chuan min rawn pui a.


"Ka kal a ngai..."

"Nilo, khawi mah kalsawn thei i nilo, i taksa mai nilo i thisen ah hian damdawi hnathawh kha a la chambang nasa lutuk" ti tûng in nurse pakhat nen chuan min mut țhat tir a.


"Dar 7:30 bawr vel khan he hmun ah hian taxi driver in a rawn hruai che a, i la hre thei em?"

"Aih" ka ti bul hmak. "Khawi ah nge ka phone?'' Ka tih chuan phone emaw purse emaw pawh damdawi in a min dahtu khan ka ta tiin engmah a hnutchhiah loh thu an sawi a.


"Khawngaih in i phone min lo hman tir mai ta che" ka awm dan phung chu mak ti zetin min melh dun reng a, kei lah ka rilru a hmanhmawh in ka chiai em em tawh bawk si.
"Khawngaih takin tu emaw biak ngei ngei ka mamawh" ka tih tâwk chuan pakhat zawk chu harhchhuak zawk in a phone chu min pe a, lock a hawn lai te chuan la lungphu hi a chet in a che dawt dawt, kut tha khur dar dar chung hian prof Msa number ka type a. Nurse pahnih te chuan oxygen bur an vel te chu lo siam țha in ka chet thut vang a khawl ka tih buai te chu an adjust zung zung.



Phone in 'ring' chhung ringawt pawh chu rei ka ti hman kher mai!



Chhangtu awm lova a *ring* zawh țhak chuan ka tawt up up tawh!

'Lola, hahdam rawh le; a mutthilh vang a niang, call nawn leh la, i call tih a hriat chuan a hlim ngawt ang' tih chu ka inhrilh nghal mawlh mawlh. Chutah prof Msa bawk chu ka call nawn leh a. Rei ngial a ring hnu ah a rawn chhan meuh chuan hlim luat vangin ka țap lo chauh!


"Professor, keimah Lola.. Ih.. min nghahna hmun ah khan lo kal ka tum a sin..." a lo țawng hun pawh nghak lova thaw hlawp hlawp chung a ka țawng lai chu ka tawp chiang kher mai!



"Lola, keimah Rinchhani" nutthilh la chhuak hmel zetin hmeichhe aw hian a rawn ti a nih chu! Ka thisen chu a rawn lum pup pup a! Ka taksa pumpui chu a sa chhuak pup!


"Ti.. tinge prof Msa phone i lo chhan a?" ka ti bah nawk nawk, zing dar 3 ani tawh, ngatinge henu hian prof Msa phone a lo chhan sak ve rikngawt le?


"Oh, Lola tun ang hun ah Msa phone ka lo chhang anih chuan kan awm dun ani mai lawm, a nghah lai che in i rawn inlan thei silo a... " nui hak a Rinchhani thu rawn sawi chu a hla vuat vuat a. Ka khawhmuh rawn thim sulh sulh in ka chhungril ațang hian min pawt chau nghal vek.


"Ka riak dun tih chiang tak a hrilh kher i ngai em? I biak duh țal chuan ka kaitho thei reng a nia. Mahse, kan chau khawp a, a harh hleithei lo mai thei!" Ka na lutuk leh ka beisei ang ni miah lova thuthințhawng lutuk ka dawn chuan min ti chawmawlh vek! Zankhat lek tal pawh min nghak thei lo tihna maw? A hnen kha theih tawp chhuah in pan ka tum ve a sin! Mahse, zan khat lek pawh min nghak zo lovin hmeichhe dang a lo khawsakpui hman maw?





"Ka hlauh ang ngei ngei in maw!! Doctor kha va ko leh nghal rawh" ti tuar ri chu engkim tawp vek hma a ka hriat hnuhnun ber! Harh chhuah leh ka duh tawh lo!




'Chhuak la, rawn let leh tawh suh ang che'


'Nang hi chu tumah in an hmangaih thei ngai lo ang che! Han enteh, i pa pawn a hmangaih theih miah loh che hi, he inchhung ah hian hmangaihtu leh ngainatu che an awm lo tih hria la, chhuak bo rawh' Becki nen kan insual a, min hneh loh zawk vang in a hnar ka chum thi sak, chumi țum chuan Muani thirin in nasa lutuk in țawngkamchhe tinreng in min an khum a! Tumah in min hmangaih theih ngailoh tur thu leh ka pa ngei pawn min hmangaih loh thu min au chhuah khum phiar phiar a! Muani huatna in ka thinlung hi khat mahse kha ramhuainu khan sawi dik loh a neilo! A hringtu pa ngei pawn a hmangaih theih loh kei hi tumah in min hmangaih ve thei ngailo ang.....





"Nizan ruah sur zet kha chu a rapawm tak zet! Durtlang lam ah phei chuan rial hial a tla nia mawle"



"Tlan thei loin motor țhenkhat pawh thli in a nawr tawlh chiam ani awm e"




Chau zetin ka meng chhuak riai riai a! Ka lungphu dawt dawt thawm ka hrethei chu țul ka tilo tak zet! Harh chhuah leh ka duh tawh lo a sin!



"Eee, i lo harh ta maw?" ka hmai bul ah chuan ngainatawm zet in nurse a rawn nui a, nizan a ka harh chhuah ai daih khan ka chau!


Meng peih lovin mit ka chhing leh riai riai a "hahdam deuh in awm rawh, i țha leh vat dawn a lawm, i thisen a damdawi kha a chak em a, nihnih hnu ah chuan pangngai takin harna awm miah lovin i chhuak thei tawh ang" a lo ti leh siam siam a. A sawi ang ka thisen a damdawi hnathawh vang nge, ka thinlung kehsawm vek in ka taksa a hmeh nat luat vang zawk pawh ka hrelo! Ka chau a ni! Ka chau thlawt!






Nurse te'n min chhuah san hnu chuan țah insum zetin ka taksa chu a rawn khur chawr chawr a! Ka thinlung na ngut ngut chu tawrh a hreawm tak zet! Na tawpkhawk in min siam lai pawh a ka thinlungin a thlah fel thei siloh, hmangaih reng chung sia ka hmangaih ani tih ka hriatthiam ngailo pa kha... a hnen pan a ka kal tur harsatna ka thawh vangin ka chan hlen dawn ta anih chu! Tun ah te hian Rinchhani nen khum khat inkuah chial in an la mu awm bik si a! Thaw chhuak kawk in rang zet hian puan sin lai chuan ka kâ ka hup bet a! Ka țap chhuak ta hawm hawm!




Ninzan khan a hnen pan tum lo niila chuan hetiang tak hian ka na lovang! Mahse.... a hneh thlen tum khan ka chakna thahrui zawng zawng te nen ka bei ve a sin! Lalpa.. Ngahnge tun ah chiah ani ka hmangaihna kha min hriatthiam tir a? Mawh? Ka hmangaih a ni tih ka hriatthiam rual a hetiang tawng leh tur si chuan ngatinge hmangaihna hrethiam miah lo tur a min siam leh mai loh? Ngatinge... Ngatinge ka tih chu?? Hmangaih ka nei ve tih ka inhriat rual a min lakbo sak leh hian i hlim em ni?





Engkim chu mumang ang ruai in ka hria a, ward pangngai ah min sawn lai te, tute nge ka chhungte ti a min zawh mawlh mawlh pawn mi â ang maiin ka ngawi tlat a, ka khawvel tawp vek chu mahni chiah a vuiliam ka duh! Damlo dangte an chhungte'n chaw pe a an ei mawlh mawlh lai te chuan melh ngai melh in ka ka thaw hle hle!




Prof Msa leh Rinchhani te pawh an pahnih tukțhuan tur siam pahin hlim zetin an in chhaih vel ngei ang! Beidawng tak in ka siam ngun tawh lutuk a, tun țum chu a beidawng ve tak tak tawh anih ka ring!




Doctor rawn round in damlo dangte a biak vel thawm chu ka hre rai ruai a, ka chauh lutuk chu thuhran, keimah leh keimah chu harhchhuah leh duh tawh lova intiharhvang duh lo lui ka ni miau a! Maimizial ang mai a awm in ka mu zawi reng ringawt.



"Ehe, Lola" ka khum bul ah doctor ward fang an rawn thlen chuan Faith aw ka hre rei ruai.

"I hmelhriat em ni? Nizan ah thichhawng in taxi driver in a rawn dah tawp a! A chhungte chanchin kan zawh lah chuan min chhang miah bawk silo" doctor in a ti sup.



"Ka.. ka.. ka hmelhriat a nih hi"

"A tihzia hlauh anih chu!"

"I duh chuan midang saw lo va buaipui la, Lola hi ka lo awmpui ang" a ti a. Chau zet a meng in ka khum bul a Faith lo ding chu ka hmu phe riai.


"I țha em?" ka chhang lo! "Lola, ka țawng hi i hrethei em?" a rawn ti dam thlap a. Mak zet in min khawngaihna aw ri ka hre tel ve tlat bawk!


"Mess-a'n i chanchin a hre tawh em?" ti sep in ka chhal a rawn khawih! Insum thei lo lek in prof Msa hming ngawt chuan ka mittui a ko chhuak zung zung! Ka ngai lutuk hi ka â thei mai dawn in ka hria!

"Lola" ti chuai raih chung hian ka mittui chu a rawn tuai hul a, Rinchhani hnen ah min let san tawh tih hrereng chung pawn ka chhungril hian a ngaiin a la mamawh ngawih ngawih tho.


"I chung ah hian eng thil nge maw thleng le.." thaw ham ham in ka țahna vang a taksa khur ngawt ngawt kutah chuan a rawn hum a, thawk ip ngar ngar chung in ka khur dawt dawt!


"Ms-a ka call sak ang che aw..." a tih leh meuh chuan ka puak darh vek! Ţap chhuak hawk a tho chhuak in Faith chu ka kuah ta vak ringawt! Ward a damlo awm ve dangte mak ti a thum hak pawh chu ka zahzo tawh lo. Ka hmelma ni țhin chu țah khum hlawp hlawp in ka thinglung chuan Prof Msa a au lawm lawm a. Ka huat rei theih miah loh chhan te kha ka hmangaih lutuk vang tih lo hrethiam hma ila chuan ka ta ala ni reng mai tur!!


Ka taksa chau lutuk leh țah nasat lutuk vang chuan doctor te mangang in mutthilhna in min jaction leh ta tawp! Ka thinlung hi na tawpkhawk chung in a mangang em a sin!



"... engkim vang khan ka tihpalh Lola, Msa nen in inkar a ka thil tihsual vang khan hremna ka dawng ve mek a sin! Inchhirna in ka khat a, rilru nuam leh hahdam in ka awm thei tawh lo! Msa bulah khan ngaihdam min lo dil sak mawlh mawlh rawh aw... Ka hma chiah ka sial vang leh doctor lar zawk nih ka duh luat vang in ka mit a del zo a. Khawvel a nuța țha ber leh ka tan a awm reng țhin ka chan phah ta bawk, a lo thlen hun ah ngaihdam min lo dil sak mawlh mawlh dawn nia" ka sam ah chul hliau hliau a Faith thu sawi chu a reh tial tial a!


/

Ka hriatțhan zet kutphah lian leh lum thur thur in ka biang a rawn khuap chuan ka chhungril na lutuk leh rum tlawk tlawk chu a reh nghal sawng sawng!



"Ka duatte, harh rawh le" ti thum sup in ka hmui ah a rawn fawp vang vang! Ka mumang a nih chuan țhan harh san ka phal tawh lo!



Ka hmai bul chet a a thaw lum ham ham reng leh a hnar a ka biang vel a nul kual dun dun na te chu a tak ram ah thleng ngai tawh lo tur ani tih ka hria.

"Bawihi, harh rawh, ka lo thleng tawh a sin" beidawn hmel zet a prof Msa'n a lo tih thuk ruih chuan ka awm chhung a che nghal rawih rawih!


"harh hram teh" ti leh sup in ka kut chu a hum a, a hmui lumin a nawr nghal tawk bawk! Lungphu ri dawt dawt chung in ka meng chhuak riai riai a. Ka mutna khum sir a chiar a mipa lo țhu khun nguih chu ringhlehna a khat hian ka melh ta tlawk tlawk! Ani erawh ka kut hum ngut ngut chungin a kun chhul a. Ka en reng tih hrethei ang hrim chuan muang ruih in a rawn hawi chhuak ruai ruai a. A mitmeng pa zet nen kan in melh siah chuan ka hneh hnuai pet fan fan mahila ka mittui a lung nghal zung zung mai!


"Lord" ti chhuak hulh in a țhutna chair ațang chuan a rawn tho chhuak vut! Rum hawk in ka biang a rawn kuap a. A hmai bul hnaih set sawt ațang ka țhat leh țhat loh min zawt in a phun sup sup.



"Bawihte, min hrethei ani tih han lan tir hram teh" ti sup in ka hmui ah a rawn fawp chawt a! Inlahrang a ka chung ațang min melh chhuk run chuan mittui kar ațang melh in "nizan khan lo kal ka tum a sin" ka ti chhuak țiau! Prof Msa chu a rum ri hrawih a!


"Lo kal ka tum a.. ka ngaidam tawh che, chuan.. ka.. Mahse.." țap țiau chuang a ka ti bah nawk nawk chu lu thing nghut in ka chal ah a rawn nawr tawk!



"Ka hria, sawi tawh suh"


"Mahse, min nghak thei lo..."

"Ni lullo, ruah sur hnuai ah zankhua in ka zawng che a sin" ti sup a min melh vung vung chuan hrethiam lo zet in ka melh kawk a.


"Zan khua in ka zawng che a lawm.. natna tuar in helai hmun ah hian i awm reng tih ka hrehar lutuk erawh pawi ka ti tak zet" ti hrawih a a kutphah lian țha zet a hmai a tuai puat chuan awlsam lutuk in ka ring nghal der a nih chu!


"Ngaithla rawh, ka hnen ațang hian i awm hrang tawh ngai dawn lo! Min hmuh duh lovin min haw ngawih ngawih pawh nila hun thawl ka pe tawh ngai dawn lo che!" ti hrawk a kw biang a rawn khuap leh chuan ka lo nui chhuak hak a, Prof Msa hmel erawh a thutak viau.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)