TETAKTEI ( an unfinished Story) By Ririni Khiangte (Abbra PitarteiSualfingi)

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

TETAKTEI ( an unfinished Story) By Ririni Khiangte (Abbra PitarteiSualfingi)

Unread post by Abbra Reo Ririni » January 2nd, 2020, 6:39 pm

TÊTAKTÊ-I (An Unfinished story)

Abbra Reo Ririni Khiangte (PitarteiSualfingi)



♡Love me for who I am and NOT who YOU want me to be. That's how you will get the BEST of Me.♡



Mi tu pawh hian dâwt a inpuh hi kan duhin ka ring lo! Dâwt muhlum a min puhtu an awm chuan kal chilh a, kan dik tih fiahnate nên chhuahchhal sak sak kan duh țheuh vek ang!



Rûkrua inpuh leh lek phei chu, a thinrim thlâk bâkah kan nat pui ngawih ngawih țheuh ang! Mahse, kei erawh chuan heng thil pahnih DÂWT a inpuh leh THIL RU a inpuhna hi, ka nuhrawn leh a fa bîk Beck-lu-buki vângin nitin zântin deuh thaw ka tuar ziah thung!




"I uirena nu fa bîk dâwt sawi chu ring hmakin kut min thlâk ang maw?" Pawisak pakhat mah nei lo zet leh thinrim lutuk bawk si chuan, ka âu khêk nghâl tuar a !



"Lalhlimpui, ngawi hmak rawh," ka hmâa mipa ding chuan țêng zet hian a rawn ti fiak ve nghâl fur bawk! Kei erawh thinrim lutuk vàng leh huatnate nên kha lutukin ka nui sak sak a! Kut min thlâk châk lutukin, ka hmâa patling țhankin tawh ding mêk chu a khûr ru dur dur thei nia! Zêp thu a chêng lo, kei phei chuan THI SE ka ti!



Aw a dik... Ka hmâa mipa ding hi thi se ka duh! Ka duh tak zet! Ka nu thattu a nih hi!



"Sawi dik loh ka nei em?" khi saka nuih rah rah pahin, ngaih nêp hmêl zet chuan dar ka chhîn ãk a.


Chu ka chêt phung pawisak nei lo zet vâng chuan, ka hmâa ding mitmeng chu a sen dûr nghâl khûi bawk. Kut min thlâk lo tùra a insûm nasat lutuk na lamah, a hmai leh nghâwng vêl pawh a sen awp awp tawh, a mitmeng sen dur khuiah chuan, thi daih mah se pawi ka tih loh zia thup map lova verther leh thîp zetin ka melh lêt ve ngar bawk a!



"I nu rangkachak țhî i rûk chu tûnah hian min pe lêt nghâl rawh," tih hluk pah chuan hmai a tuai pawk a!


Ka âwm chhûng chu a na hit zawk! Mahse, a rei lo!

Hetiang thilte chu kum liamta chhûng zawng pawh khân ka lo tuar fo tawh țhìn ! Ka nuhrawn leh a fa bîk kei aia û hret Beck-buki ka tih mai nên. An pahnih hian an duh hun hunah tlereuh leh pawisa ru-ah min puh sak sak zêl! Ka hmâa ding mêk, khawvêl mihring zînga ka huat ber leh ka ten ber mai lah hian, an nufa dâwt sawi engkim chu ring nghâl vekin, ka nuhrawn leh a fa bîkte hmâah ti hian tlereuh bo ni a an sawi leh, pawisa bo ni a an sawi chu min dîl lêt khur khur țhìn!


"Pa, dîl dîl mahla i dîl chhuak tawh teuh lo. Ngawihsan daih rawh," Beck-lu-buki chuan fel hmêl zet hian a rawn ti dam thliam a, Ka ei lo lutuk chu ka lo ner sak mai!


"Kan ngawihsan a, kan en liam a, tûn hi kan thleng ta a nih hi, kan en liam zêl a, rûk rûk hi ngaiah neiin inchhûnga thil hlu awm apiang rûk chhuah a tum ta mai, Lalhlimpui, khawnge i nu rangkachak țhî chu i dah?" tih hmuk hmuk pah chuan a kekawr ipte a dap nghâl ruk ruk bawk.



"I nu i pe kir lo a nih chuan lock-up-ah ka dah ang che," ti chhum hmukin phone chu a phawrh chhuak zui zat, tùr zetin min melh nghâl khui khui bawk. Ka pa hnunga nufa dingte nui ru sak chu ka hmu thei vek bawk! Ka hmu tih an inhriat rual chuan Beck-lu-buki chuan mit min rawn siai sak kher nia!


"Pe kir a, kir lo tùr paw'n i nupui rangkachak țhî chu vawi khat tê pawh ka la hmuh ve miah lo tlat!!"


"Lalhlimpui, zawt zawt che chuan," tih hrâwih paha min pan hnaih rual deuh thaw chuan, a nupuiin a hnunglam ațang a lo chelh vat a.



"Zahpuiawm lutuk, nungchang mâwi hre bawk si lo, rûk rûk chîng bawk, dâwt sawi chîng bawk, central jail lamah kum hnih khat awm rih la a țha ang," a ti khur khur a, ka ten ngawih ngawih, thu dik zawn chhuah a tum ngai miah lo pawh hi ka huatna belh chhahtîrtu a ni bawk!



"Pa-a, police êm êm inrawlh nân chuan a ho tham lutuk, chhûngkua kan mualpho phah mai mai ang," ti a, ka pa bân bulah kuah nghâl zatin, ka pa âwmah a kut pakhat chu a han nghat leh vêl a! Police ko chiah se, a rangkachak țhî bo loh zia bâk a lang chhuak dâwn lo tih Muaneki hian hre miau hek!


"Hlimi i țhî lâk kha tlereuh ka neih zînga ka roh ber a ni a, dîl lêt leh che ka tum lo; mahse, i hralhna sum erawh ruih nân hmang lo hrâm ang che," ka nuhrawnin dam reih rawih leh rilru țhat hmêl fahrana, thu lai la a, a rawn tih tâkah chuan, ka pa pawh rum nghut nghut chungin sofa-ah a țhu thla ta chawrh!

"Beckte i pa tui in tùr hi lo laksak ta che," ka pa bula țhut pah chuan ka nuhrawn chuan a ti nêm hlei a, "Hlimi, nang pawh kal chhuak suh, tûnlai boruak a chhe bawk nên ngaihtuah i na duh țhin"



Uakthui!


Ner sak paha ka inher hmak chu, ka pa aw zawi sup vâng chuan ka taksa pum pui chu a țek chhuak zawrh a! Man din chawt ang maiin ka tâwp chawt bawk!


"Lo piang hlek lo la ni tur," a ti rum ul nia!

"A khaih.. pa-a," remna duh hmêl zeta ka nuhrawnin ka pa a khap rî chu ka hre thei tawh lo, muangchângin ka inher lêt a.

Ka lungphu inthum rawn dup dup kârah chuan *lo piang hlek lo la ni tùr* tih chu ka lu chhungah hian a ri nawn tluk tluk a. Kum 15 ka nih ațang khân ka pa nên hian kan inkâr a țha tawh lo; mahse, kan inkâr a chhiat ber lai paw'n hetiang teh thlâwt a anchhia hi min la lawh ngai lo!



Ka thin chhûng rawn na ngut ngut chu ka duh lo! Kut ka hûm ruh a, huatna leh thinrimna nasa lutukin ka thin chhûng nâ chu a rawn thlâk thleng thuai bawk, ka taksa pum pui hi a za kual zawk zawk ani ber!


"Khati te khân i pa hi mi melh rêng rêng suh Lalhlimpui," țhu rùn chung chuan thîp lutukin min melh dur khui a.




Ngainêp lutukin ka nui ta hak thung, za zeta nui hawk hawk chungin sofa lamah chuan ka pên hnai hret bawk.




"Pa fing tak i nih kha, i uirena nu leh a fanuin hetia kan pafa inhnial thinrim reng mai min hmuh fô chuan min zah lo telh telh mai ang, tih te i ngaihtuah ve ngai lo em ni? Uire-pa," ka ti salh, patling rûm nghut rî ka hriat rual deuh thawin ka thle sawk a, ka biang a na chhah nghal mup bawk.


Ka nuhrawn leh a fanu țe tuar chu engah mah ngai lo zetin ka sam hnawk niai kâr ațang chuan ka hawi chhuak leh vah a, ka pa chu a țhutna ațang a lo ding chhuak tawh a, kut min thlâk leh mai a hreh hauh lo tih hriat takin min inhrosak khum hrawih hrawih bawk.






"Hlimi chhuak lui suh," ka nuhrawn in min rawn âu zui chûl a, a thinlung chhûng erawh a nui uar uar ang tih ka chiang! ka chiang tak zet!



"Kal rawh se... rawn lêt tawh bawk suh se, khatiang rûk rûk chîng lehnghâl ka châwm reng peih lo," ka pain a tih tun tun rî chu a hla tulh tulh a. Kan inchhûng zau zet ațang ka chhuah hmâ chuan kawngkhàr bul dawhsana ka helmet chu ka ban nghâl zat.



Kawngkapui lian zet ațang ka chhuah rual chuan, thlî vâwt zet lo thaw vûk vûkin, ka hmai sa hut hut chu a rawn chhêm dai sawng sawng a.





Gate bula ka scooty dah chu pan ding hmiah hmiahin helmet ka khum pah a, tawm hulna tùr ka zawng vatte anih loh chuan fur ruahtui tam zet rawn tla mai tùr hian min nân zawr vek mai ang.



Scooty chu ka ti nung a, gate ațang ka tlàn chhuah hmâ chuan in lianpui lam chu ka hawi lêt hrâm; kawngkapui lo inkhàr fel hman vek ka hmuh chuan vànvadak meuhin ka nui chhuak nghâl hak!





Nuih hak hak pah chuan vân chu ka thlîr doh doh a, Muanekite nufa hlim lutuk tùr ka ngaihtuah thlen rual chuan inchhûnga zuk luh leh ngat ka duh deuh tut tut! Mahse, ka ti ta êm lo!



"Nu, i bulah khân ka lo kal thei tawh em?" Ka ti chhuak hap!


Ruah thimpui sûr tùr ințham kual mup mup vângin vân pawh chu a duk thim mup a, arsi leh thla pawh chhûm dum inzial tup tup chuan a hliah bo rang kher mai.




"Nu, kha mihring tenawm zet khân maw, Muaneki leh Becklubukite thu sawi zawng zawng ring fai leh vekin, i fanu hi rûkruah min puh leh tawh asin," tiin lu ka thing nghat .


"A tih loh dàn pawh a ni hleinem," tih pah chuan ka jeans kekawr tight zet ipte ka dap rak rak a. Phone ka hmeh èn rual chuan ka ner nghâl sak bawk, ka ken reng lai chuan phone chu a rawn êng leh pap pap a.


"Police station," ti hlakin helmet bek zawnah phone chu ka nawr lût hmiah.


"Chhe pawng, nangmah chiah kan nghâk tawh che"


"Chhekeh, ka rawn thleng har lo ang; mahse, zànin chu broke tak ka ni"


"Lungngai suh, rawn thleng vat phawt rawh," a rawn ti a, phûr zetin gate ațang chuan ka tlãn chhuak nghâl zat bawk.





Kei hi Lalhlimpuii ka ni a, Hlimi/Hlimpui tia puitling lamin min koh mai laiin, ka țhiante erawh chuan Lola tiin min ko thung. Ka naupanlai chuan ka hlim theiin naupang thu âwih ve thei tak ka ni țhìn, Lehkha ka thiam theiin ka nu leh pa kianga awm chhun ka ni bawk nên ka pangchang thei ngang mai.



Ka nu dam lai a ka nungchang leh tûn hnua ka nungchang chu LEI LEH VÂN tiin sawi ila, a dik ber bawk ang.
Tûnah hi chuan zân lam ka ngaina a, ruih chi lah ka ti thei deuh vek. Inchhûng aiin khawlai nuam ka ti a, ina ka awm ve tawh chuan ka nuhrawnte nufain rûkrua min puh loh leh dâwt sawi a, an mahni buma pawisa chhuh sak tumah min puh thul!



Kum 6, kum 7 liam taah kha chuan, he in lian zet chhûngah hian hlim takin ka nute nên kan chêngho a. Ka pa hi sawrkar department pakhata director niin kan unau hi pathum kan ni, kan upa ber hi mipa a ni a, nupui fanau nei tawhin kan vêng țhenawm, a nupuite vêng lamah in leh lo neiin an inbengbel tawh. An kiangah awm tùrin u Melo-i'n min sâwm fô a; mahse, ka û awm loha min en dàn leh ka û awm laia min en dàn a hrang lutuk a, an bulah ka awm duh lo.


U Hriatpuia nên kan inkârah hian hmeichhia a awm a, vànduai thlâk takin ka pian ve hmàin khawsikpui vângin a boral tawh thung.


U Hriatpuia chhang chiah a boral avàng chuan ka nu leh pa pawh fa neih belh lovin an awm deuh reng a. U Hriatpuia nên hian kum 10 dâwnin kan inthlau ta bawk.


Kum 16 ka nihin ka nu a boral a, doctor-te chuan lungphu châwl a thi ani an ti; mahse, chu chu dâwt a ni thung! Ka pa khawsak dàn phiangsen vângin ka nu rilru a tliak a, kan nufaa ka pa leh tuna a nupui Muanite lo mu dûn kan hmuh ațang a thih ni thlengin ka nu khân nui hmêl a pu leh tawh ngai lo.







Kum 15 ka la pum lo deuh a, kan school exam zo chawlh kan neih rei dâwn avàngin, ka pa chuan kan nufaa Delhi lamah u Hriatpuia zuk tlawh tùrin min hrilh a, phûr zet maiin ka nu hnênah Delhi kalna tùr ticket buaipui tùrin ka nawr nghâl chûk chûk bawk.



Ka pa chuan hna ngaha intih vângin tûn țum kan zin chhuak chu min telpui theih loh tùr thu a sawi a, ka phûr lutuk a leiah 'hna khawih tùra ngah tak tak nge thil dang vàng zâwk' tih takngial pawh ngaihtuahtîr hlei thei lovin ka nu kha ka nawr chûk chûk a.


Exam kan zawh tûk lawkah Kan nufa chuan Delhi pan tùrin in ațang kan chhuak a, Lengpui Airport kan zuk thlenthlâk hnuah khua a dur nasat êm vangin flight an cancel leh ta vek si a. Lunghnùr zetin u Hriatpuia ka call a, ka nu'n ka pa biak a tum ve thung.



Ka û nên kan inbiak zawh hnu chuan khualzin tùr mi dangte ang bawkin ,departure pindan ațang chuan kan bungruate nên kan innawr chhuak a. Ka nuin ka pa leh driver a call tlang theih loh thu a sawi vângin taxi kan la ta ngawt kha a nia.




Khami chawhnua ka nu chêt phung mawlh kha, ka mitthla ațang hian ka nawt reh thei tawh lo.



Taxi seat hnungah kan țhu dûn a, a khat tawka a âwm zawn dawmin thâwk a la halh halh a, thil eng emaw tak lo thleng tùr a hre lâwk emaw tih theih tùr hian a hawi kual leh ruai ruai țhìn bawk!





Kan kawmchhakah taxi a ding a, kawta ka pa car lo inhung reng chu hmu vatin, pangchang zetin ka phun zui nang nang a. Inah a awm rengte chuan 'Eng vàngin nge kan call a chhàn duh loh' tih kha ka vui pui tawk ve êm êm ringawt a.





Chuan mante an inpêk fel hnuin gate chhûng kan han luh tâkah chuan, ka nuin nghet takin ka kut a rawn hûm chawt a.




"Bawihte, i nîte inah kan pêng phawt dâwn em ni ang, i û te thil tùr min kentîr thlai hnah țhenkhat hi hetia bag chhûngah kan khung reng chuan a chhe hman palh ang," a ti a. Khatih lai khân ka lo chîk tawk lo va, ka ngaihtuah lêt châng erawhin, ka nu kha a khûr nasain țanpuitu a mamawh hmêl ngawih ngawih. Ka nî te'n an fate chawhmeh tùr min thawnho chu thlaihnah hring an ni hlawm a, ka nuin a chhiat hman a hlau pawh chu a awm viau; mahse, a hmêl lan dàn kha khatih hun lai khân hre thiam fai vek lo mah ila, damlo ang mai hian a dang pap a, a kut chu a hitin a lungphu phu rang lutuk leh a thâwk lâk rang lutuk avàngin, a jacket hmâ a zipp phui loh chu a nghawr che dat dat hial !





Khami ni khân a thu sawi kha lo zawmin ka nîte inah ka nu kha lo kal tlangpui ta ila chuan, tûn ang hrim hian ka pa hi ka haw lo ang a, ka nu pawh a la thi bawk lo ang.





A lan dàn dam loh hmêl tak avàng chuan inchhûngah lût phawt ang ka ti țui a, za lo têa min nuihin ka kut chu nghet takin min hmer sak a. Țawngka a min chhâng lovin lu a bu nghat a nih kha!








Inchhûng reh dukah kan nufaa kan inzui luh chuan ka nu thinphu rang lutuk leh ring lutuk rî kha ka hriatsak thei hial! Tùn thleng hian hlauhthàwnna leh natnate vànga ka nu lungphu inthum rawn dawt dawt rî kha ka bengah hian a ri nawn fô!



"Âpa chu hna ngah inti hlê si, chawhnuah pawh inah a car a la inhung reng a, phakar lutuk," ti hlak hlak chungin ka luggage chu ka hnûk hnak hnak a. Kailawnah khai chhoh tumin luggage vawn fung ka nawr tlum chiah rual chuan, inchung lam ațang hmeichhe âu thâwm ka hre thut mai!




Phâwk lutuk a ka hawi dâwrh rualin ka nu chuan zàwi têin thil a sawi a, a thu sawi kha ka hre pha lo! Rei lo têah hmeichhe âw bawk chu a rawn chhuak leh ta mai! Kan hnathawk inchhûng ti faitu hi a chesual palh a nih ringin, ka theih ang a rangin kailawnah chuan ka tlãn chho nghâl țak țak a.






"Bawihte, kal suh," ti chungin ka hnungah ka nu'n min rawn ûm bawk; mahse, hmeichhe âu thâwm a lo chhuah zêl vàng chuan âw lo chhuahna ka nu leh pate mut pindan chu ka pan ding mawp mawp a.


"Bawihte..." ka nuin min man hman hmâ chuan, an nupa mut pindan kawngkhàr hmâah ka ding der tawh!



"Nu Thiangte i tlu sual em ni? " tih pahin pindan kawngkhàr chu nam hawn ka rual zui zat!


Mahse! Eng thil nge ka hmuh tak hi!


"Karei maw!" Ţap hawk chunga ka nu âu râwih rî chuan hlauthâwng lutukin min siam a, khum chunga ka pa leh hmeichhe pakhat mu lai inperh tho zawt chunga, puan an ban nghâl rawk rawkte chu thin phu ri dawt dawt leh rilru nghilh dup chungin ka en mãwl tawp! Kum 15 ka pum hmàin an nupa khum chungah ngei, ka pa leh hmeichhe dang lo mu dûn lai ka phâwk tih chu, tuma hrilh ngai lovin ka hre thiam nghâl uar uar a! Ka nat lutuk vàng ngê, ka kawchhûng thlengin a tawt up up! Min țhâwng bawk si leh hamhaih bawk si nên, chêt sawn nachâng hre miah lovin, ka pa leh chu hmeichhia chu ka melh tlawk tlawk a!





Ka nu rilruna țah chhuah hlau lutuka a insut hraih hraih rî chuan, ka kawchhûng fan hit rawih rawihin ka mittui a ko chhuak țîam țîam a! I pa leh hmeichhe dang, inchhûngkaw khumpui-ah ngei saruak veka an lo mu dûn lai phâwk ve ta la, engtin nge i awm i rin!?? Kum naupangtê la ni mah ila, khami ni khân chiang takin ka thinlung a keh chhe vek tawh!





Zahna nei hauh lova khum ațanga saruak a rawn tho chhuak ngam hmeichhia chu, a mitah tak ka melh ngar ngar a, ka taksa khûr dat dat chu ka hmâa hmeichhe saruaka ding leh ka pa sawisak ka châk lutuk vàng a nih ka ring!



Hmeichhia chuan kei leh ka nu chu min nuih sak a, kha mi ni kha ka nuhrawn Muani, ka tân chuan Muaneki nên kan inhmuh hmasak ber na ani!



Zak miah lovin kan nufa chu Delhi-ah kan zin dâwn emaw a tih thute, ka nu mit hmuhah ngei hetiang thil hi thlentîr a duh bîk loh thu la sawi zuah zuah chungin a inha țha a ngam a nih chu!





ka pa erawh ngawi rengin a țhu kûn lup thung.



Khuma a lo mutpui nu chu a chhuak a, kan chhûngkuaah chuan thihnain thla a zâr ta emaw tih tùr khawpin kan nguai a, kan reh tlawk tlawk mai, ka nu chu a thin zawn țhâm tâwk tâwk chungin, rei fê hnuah a rîin a rawn țap ta tlawk tlawk bawk! Kei erawh chu ka dinna ngaiah khûr zawih zawihin ka ding khawng reng ringawt!




ka pa paw'n ka nu chu ngaihdam a dîl a, a thleng nawn tawh lo ang, tih te a sawi! Ngaihdam a dîl nasat êm vàng leh ka nu a duat thar tâk êm vângin, ka nu pawh a chuak ta lo a. Hun eng emaw ti chhûng chu ka pa mizia pawh a pângngai a. Ka nu nên pawh an nui dun leh thei tawh, u Hriatpuia hnênah eng mah sawi lo tùrin ka nu in min hrilh țhìn a, a zirnain a tuar phah a hlauh vàng a ni pakhat.



Thla li nga hnuah Muaneki bawk chu a rawn inlâr leh țan ta a, ka pa paw'n a lo hnar zawh tawh loh miau avângin rei a hnar thei ta bîk lo! Muani nên chuan an inkawp ngawrhin, a office kal hi kâr khat taltap te inah a rawn hâw ngai lo. Muani nên hotel-ah an riak țhìn tihte, ka pa chuan zu a in nasat bâkah, a châng phei chuan Muanite in lamah an inriah chilh țhìn tihte chu, ka pa thawhpuite hnên ațang kan hre chho zêl a. Ka nu rilru nâ leh hah țhìn lutuk khân chaw a ei ngai lo va, a muhîl ngai paw'n ka hre lo.


Inah ka pa a lo hâw ve châng paw'n a rui chhur a, a duh chuan ka nu chu a chhuak thei tihte a sawi khum chhur chhur zêl! Mahse, kei min hruai tel a phal miau loh avângin, ka nu khân min kalsan a hreh ve si a. Rui reng leh hmeichhe kawp lai nei bawk kutah khân min dah tawpin, a nun nawmna tùra chhuah bo daih kha tum mah se ka dem hauh lovang; mahse, min hmangaih êm avàng leh nu tel lo a ka khawsa tùr kha, min lainat êm vângin ka pa chêt khawsak phung ngap lutuk chu a hmu lo der a.



Muaneki'n ka pa office bâng a rawn zui hâw chângte hian ka lo thinrim țhìn lutuk a, lo vuak hrepte kha ka châk țhìn. A zak lovin ka nu kha hnathawktu ang chiah a rawn tirh kualte a chîng a, ka pa lah chu nêp zêl zul si! Muani thu sawi eng mah a hnial ngai lo!




Kan in lamah pawh Muani chu a rawn riak ta zeuh zeuh a, a lo riah zân chuan ka nu leh pate mut pindanah ka pa nên an awm dûn a, ka nu chu ka bula a mutna a rei tawh. Pindan kawngka an khàr duh ngai lova, kan nufa min run luih nâna Muani thil tih vek ani țhìnin ka hria.Thâwm an siam nasat theih zia te kha aw...



Ka nu thung chu, che miah lovin bang lam hawiin a mu saisîr reng țhìn, a țap ka hmu tawh ngai lo a; mahse, nausen chakna nei lo ang chiahin a zawi êm êm a, a derthâwngin lu haia tlûk châng a nei ta fô bawk. U Hriatpuia engkim hriattîr ka tum lahin min khap zêl bawk a. 'Rawn zir chhuak law law se' A ti tlat zêl thìn. Ka pa leh a bialnuin duhtâwka kan nufa min tâl khum ațang thla sawmnaah, zâna ka nu nên kan mu chu ka lu chûngah kut nghatin a țawngțai a, a țawngțai zawhah kan nufain U Hriatpuia kan bia a, kan pathum chuan kan hlimin kan nui nasa êm êm bawk, ka u paw'n exam a pek zawh chiah thu leh lehkha pawimawh tih fel ngai a ti fel zo ang a, kâr tharah Mizoramah a rawn hâw thei ang tihte a rawn sawi a, chutia ka û lo hâw hun tùr nghâkhlel taka thlîr chunga kan mu chu, a tûk zîngah ka nu chu ka kai tho zo ta lo!




A bân khawng vek tawhin ka kâwngah nghet takin min lo kuah a, phelhsak ka tum ruala koh ei tùr nû ka neih tawh loh khân, Lalhlimpui hlimna zawng zawng chu a tâwp ve nghâl vek!




Scroll thla deuh ula, Enter your comment tih a lo awm mai ang. ☺ Fb-ah i comment tawh paw'n tah chuan lo comment ve chhin hrim hrim r'u aw. 🙋‍♀️🙋‍♀️ inzirna zêl, kei pawh blog bîkah hian ka la bo ve lutuk a. 😅







TETAKTÊ-I

Comments

Mawitey Khuptawng19 December 2019 at 09:43
Ngaihnawm lutuk

REPLY

Zotei19 December 2019 at 10:05
ngaihnawm e

REPLY

Unknown19 December 2019 at 11:02
A tir aṭangin a ngaihnawm nghal

REPLY

Arsitei19 December 2019 at 12:02
Ngaihnawm ltk

REPLY

Sangteyy97@19 December 2019 at 16:12
VA ngaihnawm Leh dawn emmmm

REPLY

Unknown19 December 2019 at 17:34
Ngaihnawm leh dawn e...Lolai ka ṭan

REPLY

Unknown19 December 2019 at 18:54
a ngaihnawm lutuk chapter hmasa ber atangin min hneh nghal

REPLY

Unknown19 December 2019 at 20:04
Ngaihnawm leh pek eee


REPLY

Unknown19 December 2019 at 20:16
Awi le pitartei va man hla thin em

REPLY

Unknown19 December 2019 at 20:51
Tahpui nghal rengawt nun ang khaa😪

REPLY

Unknown19 December 2019 at 21:41
Ka chhiar zawm chaktawh ka mittui a tla lawm😂😂

REPLY

Unknown19 December 2019 at 21:50
Ngaihnawm dawn eee...Lola ka ṭan bon...

REPLY

Unknown19 December 2019 at 22:22
Van gaihnom thin tak emm

REPLY

Unknown19 December 2019 at 22:44
Ngaihnawm lutuk e

REPLY

Unknown19 December 2019 at 23:10
Ngaihnawm lutuk,,,chu an APA hi katen over,,,ain chhirhun tur kanghakhlel

REPLY

Unknown20 December 2019 at 00:04
Ngaihnawm dawn e, ,Mahse regular thei deuh se k ti ve mai2😊

REPLY

Unknown20 December 2019 at 02:52
khawngaih in changtunu hi ti rethei/ khawngaih thlak lutuk suh aw.. a nih loh pawn mipa thap tawk tawn tir rawh aw hmingsangzuala ang te...
ngaihnawm leh pek dawn e..

REPLY

Unknown20 December 2019 at 05:59
a ngaihnawm leh dawn e
😀

REPLY

Unknown20 December 2019 at 06:31
Ngaihnawm dawn hle mai...

REPLY

Unknown20 December 2019 at 07:23
Awi ka chhiar zawm chak tawh lutuk


REPLY

Unknown20 December 2019 at 07:49
I va han tha suah suah tak😂😂

REPLY

Unknown20 December 2019 at 08:20
Nuam leh daqn e

REPLY

Unknown20 December 2019 at 08:51
ngaihnawm dawn e

REPLY

Unknown20 December 2019 at 08:58
Angaihnawm lehpek dawn mange

REPLY

Unknown20 December 2019 at 09:15
Chhunzawmna nghahhlelhawm tawh mange

REPLY

Unknown20 December 2019 at 09:16
Nghakhlel tawh turu taraa

REPLY

Unknown20 December 2019 at 09:58
Ka duh chi...ngaihnawm lutuk

REPLY

Unknown20 December 2019 at 10:02
ngaihnawm leh dwn lutuk pitarte ithiam ber mai

REPLY

Unknown20 December 2019 at 10:03
Ngaih awm ve

REPLY

Unknown20 December 2019 at 10:11
Christmas ah pawh khawhar ltk lo in ka awm ve thei dawn ta.. Lo ziak char2 rawh aw💖💖💖

REPLY

Unknown20 December 2019 at 11:30
Ngaihnawm dawn ltkk...

REPLY

Unknown20 December 2019 at 21:21
Ngaih nawm turuburu,ka chhiar nawn ngun leh tawh viau.

REPLY

Unknown21 December 2019 at 00:28
Ngaihnawm lutuk ka chhiar zo ve chiah

REPLY

Mami jogund21 December 2019 at 04:03
Hmu ve chiah

REPLY

Unknown21 December 2019 at 04:47
Chhiar ve chiah, next nghahhleh awm

REPLY

Unknown21 December 2019 at 08:14
Ngaihnawm leh nghal ngawih ngawih. I va thiam tak emmm

REPLY

Unknown21 December 2019 at 09:21
Lola ka tan nghal,a tir phat tangin fuh dawn e,next nghakhlel nghal

REPLY

Unknown21 December 2019 at 09:36
Ngaihnawm khawp mai

REPLY

Unknown21 December 2019 at 09:46
gaihnawm lehpek don hle

REPLY

Unknown21 December 2019 at 11:31
Ngaihnawm lutuk top

REPLY

Unknown21 December 2019 at 11:52
Mittui luang char2 kan chhiar nghal chu le😭

REPLY

Unknown21 December 2019 at 11:53
ngaihnawm leh dawn ltk

REPLY

Unknown21 December 2019 at 21:55
A ngaihnawm leh dawn ltk...

REPLY

Unknown21 December 2019 at 22:40
Awii, ngaihnawm khat tlat, ka mittui atlak leh zawih zawih chu.... 😥😥❤️❤️❤️

REPLY

Unknown22 December 2019 at 07:56
❤️❤️❤️❤️❤️

REPLY

Unknown22 December 2019 at 20:21
Thinrim lutuk in ka chhiar ka chunga thleng nise ka en liam mai mai hauh lo ang

REPLY

Unknown24 December 2019 at 09:54
Ngaihnawm dawn lehpek. Nuam eeeee....

REPLY

Unknown24 December 2019 at 18:58
Yess.. Ngaih nawm leh dawn e

REPLY

Unknown25 December 2019 at 08:30
Ngaihnawm leh pek dawn e

REPLY
Attachments
PicsArt_01-02-09.12.49.jpg
PicsArt_01-02-09.12.49.jpg (73.86 KiB) Viewed 340853 times



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 2nd, 2020, 6:46 pm

TETAKTEI Chapter 2
- December 21, 2019
Abbra Reo Ririni Khiangte (PitarteiSualfingi)



♡Love me for who I am and NOT who YOU want me to be. That's how you will get the BEST of Me.♡














Țap hlawp hlawp chungin ka nu chu ka âu tuar tuar a! A thâwk tâwp dâwn thlenga min lo kuahbeh tlat avângin, a taksa chu saisîr zâwngin a khawng vek bawk! A hmai dâng bel leh tisă mumal pawh nei lo hmai kî zum rât maite chu ka mittuiin a far kauh kauh a, vawi khat lek pawh 'nû' tia ka auhna min chhâng lova awm ngai lo khân, khami zîngkâr kha chuan min ngawihsan vung vung si!








Chutia ka mangang țap thâwmah chuan khawvêla ka mipa huat ber leh ka nu hringnun hremhmuna chantîrtu chu, zu țhing rim nam rum rumin ka pindan chhûngah chuan a rawn lût ve hlawl a nih chu!








Pindan chhûng a rawn luh rualin thil thleng engkim chu a hre thiam nghâl vek a ni mahna! Phelh phungin khum lam a rawn pan khut khut a, thil awmzia buh nuaiha min zawh lai chuan, ka ti ang tih pawh ka rin ngai loh dàn lutukin ka che chhuak ta phut a!















Khum bul dawhkàn tê chunga alarm clock chu chuhin ka nu hringnun, rethei lutuka siamsaktu-pa lu-ah chuan ka lo chhu bur! A pai chhawlh a, a rawn dinmar leh rual chuan 'ka nu chu amah vànga thi a ni' tia âu khum tawn tawn ka tum a! Mahse, ka hrawk chhûng na lutuk vàng leh ka pumpui na kual bulh bulh vângin ka țawng chhuak thei lo! Ring deuha âu chhuah vak ka tum ngial paw'n, țawng thei lo ang maiin ka hrawk chhûng ațang eng thu mal mah a rawn chhuak thei lo! Ka thinrim lutuk leh rilru na lutuk bawk si khân sana nên mitenawmpa bawk chu ka bei nawn leh a! Hmeichhe tleirãwl tê la nimah ila khatih lai hun kher kher kha chuan hlauh ka nei lo! Zân tam tak ka nu țahtîrtu, thla eng emaw zah chhûng ka nu thinlung leh rilru rûm tlawk tlawka siamtu mihring kha thah tumin ka sual nghek nghek bawk!









A tâwpah chuan ka insût hlawp hlawp reng avàngin ka thâ a bo zo a, ka mittui vànga ka kawr hâk âwm huh hluam chungin ka țhu khûr zui ta hlawk hlawk a, ka pa paw'n eng mah a sawi lo, a che châng lova, ka beihna vângin kawngkhàr bul thleng a tawlh hnung hman tawh.






Hmai tuai pâwk pâwk chungin thâwk a la ri hulh hulh a, ka thâ khûr nasa bawk si leh rilru na lutuk vànga taksa chau tawh bawk si nên, a rilru buai mangang tal kual chu ka melh ngawt ngawt tawp!




Ka nu ruang a rawn pan hnai leh a, ka țawng chhuak thei miah lo nâin mihring tenawm lutukin, ka nu taksa kha a khawih ve ka phal loh miau avângin, ka hrawk chhûng ațang rì mak deuh deuh chhuak hial khawpin mihring tenawma kha ka sual fan fan a! Khatih hunlai khân lo puitling tawh ta ila, khatih hun lai ai khân thâ lo ngah zâwk ta ang ila, kha mihring tenawm lutuk kha ka that ve nghâl hial ang!




Ka û a rawn thlâwk hâw nghâl a, kei erawh thil thlengin min țhâwn lutuk vàng leh rilru nat luat vâng pawh ani mahna, ka țawng thei lo a, ngawi rengin ka nu ruang ka kîl a, ka taksa khawi lai pawh a khûr zawih zawih reng a, ka pain ka nu ruang a kîl vete kha huat tak têin ka haw ngawih ngawih, 'ka nu ruang kîl tùr hian chanvo a nei ve tawh lo,' ti a mi zawng zawng hmâah mualpho taka siam ka châk hluah hluah bawk.



Ka nu chunga a chêt dàn hi a nunràwn thlâk a sin! Ka nu hi M.A zirzo nula to ve tak țhìn kha a nia, ka pa nên an inneih hmâ hian Sawrkâr hna țha tak thawkin Aizawl nula to ber berte zîngah a hming hi a ri ve fo, a chhiat loh bâkah apian a nalh lehzêl bawk nên hêltu a ngah ve țhìn hlè.



Ka pa nên hian hna ațang inchharin an inkawp chho țan a, an inneih hnu thlengin ka nu paw'n a hna chu a bansan lo; mahse, kan upa ber Hriatpuia pian hnuah chuan ka pain ka nu chu hna thâwk ve tawh lo tùrin leh ama'n chhûngkua a châwm vek tùr thu a hrilh a, ka nu tih tùr zawng chu inchhûnga fa lo en kawl a, hahdam taka lo awm tawp a nih thu hrilhin hna aţang ka nu chu a chawlhtîr ta a.





Chhûngkua vànga hna țha tak a chelh pawh bansan hreh lo tu ka nu chu, kum a lo rei hnuah bum kualin a hnathawhna lama office dàwr ve țhìn Muaneki a nêp zo lote, amah leh a fate en kawl a, tûktin tlaitin ei tùr tui tak tak hlui a, hlim taka a hnathawk bâng lo hmuak țhìntu hmeichhe hmangaihna ngah lutuk chu, phatsanin hmeichhia a rawn hruai hâw thûl! Muaneki nên ka nu an zah lo lutuk te; ka nu rilru nat dàntùr hre thiam duh lo lêka office bâng an rawn inzui hâw kher țhìnte kha ka dam a, ka thâwk țêk țêk chhûng chuan ka theihnghilh theih tawh ka ring lo!





Ka nu kha mî ang lo leh ngaihtuahna nei lo pawh a ni lo, chuti chunga khatiang khawp maia an zah lo dûn lutuk mai kha chu râpthlâk ka ti ngawih ngawih!



Doctor-te'n a muthilh laia Lungphu châwl an tih miau avângin tu paw'n ka nu chu Lungphu châwla boral angin an ngai a; u Hriatpuia'n kei pawh min en kawl tawp a tih theih ang, țawng chhuah a, ka rilru dam nân tal ka pa chhâl ka tum ngial paw'n ka țawng chhuak thei miah bawk si lo, ka mittui a tla reng a, chaw ka ei ngai loh bâkah zân ka mu mumal ngai lo. U Hriatpuia'n naute ang maiin min vil ta chawt a, chutiang chuan ka nu boral kum, kum tluan chuan ka nung mãwl ve tawp a ni. Zirna ka chawlhsan rih a, ka pa paw'n khawtlâng hmuhah mâwi a zawngte pawh a ni ang; Muaneki a rawn hruai hâw tawh ngai lo a, u Mama chuan eng mah a hriat ve miau loh avângin ka pa chu ka nu sûn a, lunglêng ve tùrah a ngaih miau avângin, duat lah a duat țhìn teh e!



Hun a kal zêl a, kei paw'n ngai ka awh chho ve lehzêl a, kum16 ka pum hmâ hauhin rilru natna nasa lutuk vângin ka țawng chhuak thei tawh lo tihna a nih chu! Kha hun hrehawm lutuk kha paltlang zo ta lo pawh ni ila tuma'n min dem ka ring lo!




Mahse; thil pakhat chiah tum ka neih vângin natnate kha inbawhbehtîr ka duh lova, chu ka thil tum chu tûnah hian ka puitlin mêk zêl bawk.



Ka pa leh Muanekite hian nun nuam tak leh hlim tak an neih ka phal rêng rêng lo! Zirna chhunzawm tùrin vawi tam phaiah min dah an tum țhìn a, ka hnial fi thla țhak zêl! In khatah chênho a, a tam thei ang ber UIRE chîng a ni tih hriat nawntîr a, chawh thinur leh ngeiàwm tak taka runluih ngar ngar ka tum! Ka ti zêl reng bawk!



Ka nu nun rethei taka siamtute pahnih hi ka awm bosan veng veng zawngin an rilru a hahdam mah mah ang a, an hlim lutuk palh hlauh ang! Uire, chu an uirena sual vàng chuan pawisawi lo hmeichhe pakhatin nunna a chân tih hi ni khat tê pawh an theihnghilh ka rem ti lo bur!










Tuiin ka hnâr a rawn far keuh vàng chuan hun kal tawh ipik thlâk zet ațang chuan harh chhuak zawk ang mai hian ka phu zawk a. Keimah leh keimah chu ka innuih sak bawk; mahse, ka nui rei lo kher asin!

"Het! " ti țhat pah chuan ka hawi kual thuak a. A hun lo tak zet!




Ruah mal lian pui pui a rawn tla ta fuap fuap mai! Ka țhiante'n min nghahna hmu lah ka la hlat nasa bawk si, thinrim țûnin helmet chu ka siam țha a. Zân dâr 8 a pêl țâwk ang; mahse, fur lai a nia, mihring vei vak leh motor tlàn a vàng pharh tawh.



Chak zetin mualpui zero point chu ka tlàn tlang fua a, falkland pêng ka tlàn luh rual chuan ruah chu a rawn baw hawk hawk tawh!




'Eng mah hi a kal fu thei rêng rêng lo mai' ka ti nang nang a, ruah sûr chu hun lo ti zetin ka rûm hak bawk.




Ruah lah chu a tamin a mal chu a lian pher phuar bawk si, thlî a tel vuk vuk bawk nên mitmen thlengin a harsa vek tawh, kawng lakah châwlh mai na tùr remchâng a awm dèr bawk si lo.



"Engati nge ka vânduaina hi a kal tluan êm êm țhìn a," tih hlar pah chuan speed ka ti sâng sauh a.


Thlî thaw vûk vûk vàng chuan thâwk pawh ka thaw țha hlei thei lo, thlîin ruah chu ka hmai theh zâwngin a rawn beng tel cheu bawk nên thaw chham tùr ang maiin ka thâwk a buai phah vek lehnghâl!


"Engati nge, heng lai laiah te min nghah a, hei aia hmun nuam leh hnai a tam teh rêng nên," ka ti leh nang nang a, thâwk lâk a harsat êm vàng chuan ka țah a chhuak deuh hlur tawh.







Restaurant awmna kawng pêng lo lang êng raih ka hmuh tâkah chuan ka hmai huh chu tuai pâwkin ka thaw huai thei mai.

Ka u scooty min leisak, ka hawl chhuah ve sek mai chu kawngpui pângngai ațang her kawiin kawngpeng lian ang reng takah chuan ka tlàn chho ta dat dat a. Ka phone rawn ri ve chiah pawh chhàn enah ka en tawh lo!






"Saw a lo thleng alàwm," Restaurant kawt zâwl hulhliap a ka țhiante lo ding bâwr țuai chuan min lo au nghâl làng làng bawk.

Min lo nghahna hla ka tih avànga an bul ka thlen hmâa, ka lungawi loh rûkna zawng zawng kha chu, tui hawkin tui hawk luan kawra hnawm hnawk awm, a len bo duak ang maiin a bo nghâl duak a, nui var var chungin intê kawtah chuan ka ding chîk tuarh a!



"Kan Lola zet chu," mipa âw rî hluk tâwp hmuk leh scooty ka tih tâwp a rual chiah!









Scooty ațang ka chhuk thlâk hmâ chuan kan țhianho zînga ka ngainat ber leh ka thurûk tawp khâwk pawh ka thlen ngamna, hmeichhe tam takin an âtchilh rawn, a chhiat lohna leh hmeichhe lakah a tlâk nat zia inhre chiang êm êm, Jordan-a chu mi dang kâr ațang chuan a rawn pên chhuak nghâl nalh bawk.



Huh phung chung chuan ka kut chu lek chhuakin 'Hi' ka ti hrâm pek a! Kan țhian dangte an nuih hawk hawk laiin Jordan-a hmêl erawh a dur thim nghâl khap mai!






Lalpa leh! 'Inla upa tâwkin min zilh leh khur khur dâwn ta' ti rilru mawlh mawlh pah chuan, helmet hnuai ațangin ka lo melh lêt kiau a. Ruah sûr leh thlî thaw vûk vûk nêna inchawih zetin leather jacket dum a ha hlùn bawk nên, 'min hauh khur khur paw'n ka ngawi tlat ang' tihte thlengin, mit khap kâr rei lo tê chhung chuan ka'n ngaihtuah kual hman nia mawle!








"Hruai i ngaihte chuan tu emaw ber min rawn be ta che," an ti tliar tliar hlawm a. Jordan-a erawh ngawi ngulin, in-tê ațang chuan a rawn pên chhuak nghâl a, a
timberland dum rah nat hmêl zetin, ruah tui a rah per chhawk rual deuh thaw chuan a leather jacket chu a hlîp nghâl hmawk hmawk a.





"Engati nge min rawn biak mai loh?" min dinchilh nghâl hmiah chung chuan a rawn ti hmuk mai. Lei ka chhuah zeuh a, ruahin ka lei a rawn far chu tep chapa ka lem rual chuan, Joradan-a chu lungawi loh hmêl zetin a lo rûm zui nghut a.





"Ruah kha lem belh tawh suh," a ti sup a, a Jacket lian zet chuan min khuh nghâl thuk bawk.




"Inla thû si," hnuai lam bih chung chuan zàwi têin ka ti a; mahse, ka sawi zawh rual rual chuan ka hahchhiau nghâl țhat a nih chu!





Thaw chhuak ham ham chungin a jacket min khuhna chu a rawn siam țha mual muala. Kan mizia a inpersan êm vàng hian min hrâwk peihin ka chêt fel lohna lai a hmu fuh thei êm êm a, chûng ka chêt fel lohna chu kei chuan thilho tê angin ka hmu.. entîr nân tûn ang te, ruah sur hnuaia scooty khalh te; mahse, Jordan-a tân erawh hetiang thil tê tham ringawt pawh a thu takin naupang chhe cheibâwl in min cheibâwl a, inla upa zetin min hau khur khur zêl.






Ngawi ngul a Jacket a min khuh țhat lai chuan ka kut phahin ruah chu ka lo dawh a, Joradan-a hmêl tak ngul leh thim mup chu nuih tet tetin a hmaiah ka theh ta thut a!






A ãwn hnung hrut a, kei erawh ti fuh inti zetin ka nui nghâl hawk hawk thung.


"Â leh lutuk," a âw chhum zet ka hriat rual deuh thaw chuan, a jacket ka hâk lai nghâwng chu a rawn pawt chîp hrâwk a, ka hmai bul chetah a rawn kûn hniam vut bawk.




"Arte tui tla ang maiin i pial thên lehnghâl," a khi suk a. Arte tui tla a! Suala chu leh!


"Zo ar note tui hawka tla lût ang maiin i pial thên," tih sup pah chuan chimawm lutuk hian a khi tel suk nia!






"Hmela," ka ti nghek, ka ter nghâl at tùr chu hre lâwk ang hrimin a jacket nghâwng chu a rawn pawt chîp leh vak a! Ka khuh ta țhawt țhawt mai! Jordan-a lo kiai suk suk chu rum tawkin ka melh ta vak vak ringawt.




"Rawn lut r'u, a chhûngah sawn kan lût thei lo, Jordan-a u professor Ms-a leh a bialnu an awm ve a," Nuni'n a rawn ti!




Jordan-a chu ka melh chho nghâl zeuh bawk, kei ai daihin a sâng zâwk a, a rawn kûn hniam deuh rùn bawk nên ruah lak ațang min khuap bo ti tih dèr, dàwr kawt zâwla an êng chhit hliah zâwng taka, a rawn din thim rup avàng chuan a hmêl ka hmu chiang thei lo! Mahse, ruahin a nân avàng chuan a chhîp sam buk laih țhìn chu a chalah a bet thlap a, a hnâr ngul sâng vuhah chuan ruah tui a dîr thla kauh kauh tih erawh ka hmu thei.



"I û a awm ve a nih chu," ka ti sep a.

"Chuan?"

"Aaa..."

"Engati nge i la țhut reng a," ti hlukin ka bânrêkah a rawn man thut a. A va'n phakar tak!





"Hritlàng i kai hmàin lût ang,'' Jordan vêk chuan a ti leh supa, a sawi dik, keia pawh chu eng vànga ruah sûr hnuaiah scooty a la țhu reng nge maw ka nih le? Ka scooty châbi chu a pawt phawiin, jeans kekawr ipte-ah thun ruk ruk pah chuan mi dangte lo din hulna in tê-ah chuan min kai lût a, ka țhat leh țhat loh min lo zâwt tliar tliar hlawm mai, mite min hmuh dànah chuan nungchang mâwi lo tak fuan khâwm ni mah ila, an kiangah hian ka hahdam a, mize thup țhen ngai miah lovin ka nihna dik takin ka lang chhuak ngam bawk țhìn! Ruih tùr duhin zân thim làwm viau mah ila manganna ka tawh chânga thlamuanna min petu ka neih chhunte anni thung!








"Ruah a tam bâkah thlî a na bawk si, Lola engtin nge i rawn inkhalh thlen theih reu le," Madina chuan a lo ti lung lung, ka nui ringawt. Thaw chham lek lekin an bul hi ka inkhalh thleng tih a hre thiam hauh lovang!



Jordan-a chuan țhutthlèngah min nawr țhu a. Ka helmet chu phelh ka tum a; mahse, rang zetin Jordan-a chuan ka bânrêkah a rawn man leh chawt tawh!


"Eng nge?"

"Tikhân khum hle hle rawh, i inhmeh it êt reuh a," ti a, a nui suk chu rum deuhin ka melh ta râwm râwm ringawt.



Min be zui tawh lêm lovin a chick hruai țhutna pan chuan a hmeichhe hîpna kawng hmang ngei chuan cool ruihin a phei a. In tê chung ațanga êng țha lutuk lo, lo chhuak chuan Jordan-a hnunglam huh ve dap tho chu a kap êng deuh raih a. 'Vâwt a ti em?' tih ka zâwt zauh a.




"Nope," min en map lovin bân a phar ûk bawk, ka lo ner leh nâng tawh, ani rawn inher lêt thutin ka lo ner nâwng chu min rawn hmuh rual chuan, chek hlukin mit min siai suk! Luak tùr ang deuhin ka lo uak der thuai a, tûr deuha min melh tak khuiah chuan ka meng ți nghâl daih!


"Anih i jacket min hâktîr avàngin ka lâwm e"


"Làwm hlè rawh, i ât a zârah naktûk lamah chuan i hnap a tawlh pur ang," a ti ta duah a. Mi dang chu an nui dur dur a, rum deuhin Jordan-a chu ka melh ta hrep ringawt.


Ka melh rum na chu hlau lo zetin a chick bula țhut pah chuan, min nui tak ang suk suk zui a!




"Zànin chu khawnge kan kal dâwn?" High school ațang ka kawm tawh Nuni chuan a ti a, "Ruah lah a sûr tam si," tih hlar pahin ka bulah a rawn țhu thla nghâl zat a, bag a zen nghâl rak rak bawk.


"Kan inah kal ang u, ka nu leh pa an awm lo, sawtah lah sawn kan professor-a te nupa an awm ruyn bawk si," ti nghatin Sammy chu restaurant êng ut lamah chuan a thle buk a. Mi dang chu an ri zui ta hlut a.




Pawisak leh zahpah nei lèm lo tak ka țhiante meuhin, a bul hnaia awm an châk hauh loh khawpa pehhel hrâm hrâm an duh leh an zaum ngam miah loh, Jordan-a û Ms-a chu a takah ka la hmu ve lo! College chhuahsan a, MZU zawm tawh mipa țhenkhat hian an hrawn mêk tih chu an sawi chhuah zauh zauh dàn ațang ka hre thei a, college ka zawh hunah kei paw'n an nel theih miah loh professor Ms-a chu ka la hrawn ve ngei ang!



Ms-a chu Jordan-ate unau zînga upa ber a ni, Joradan-a nên nu hran an ni bawk. An pa (Jordan-a pa) hi Ex MLA ani, a nupui hmasa nên fa pathum neiin Ms-a hi an fa upa ber chu a ni. Chuan, hmeichhe pahnih an awm bawk, hmeichhe pahnihte chu pasal neiin fa pawh an nei tawh; a nupui hmasa boral hnuah Jordan-ate nu nên an innei leh a, Jordan-a u Julie leh Jordan-a hi nei ve lehin tûnah hian an panga chuan inpuiah an chêngho vek.



Ms-a chu tlangvâl senior ani tawh, a bialnu Doctor erawh ka hre ve, Beck-lu-buki cousin Doctor Rinchhani. Ka hriat dain pawh Becki leh Rinchhani hian an sawi nasa țhìn lutuk, kum 5 ngawt an inzui tawh bawk.


Jordan-a leh Ms-a chu inpawh tak ti a sawi tur an ni lêm lo, Jordan-a paw'n a û chanchin hi a sawi mai mai ngai lo; mahse, apa thu chhuak aiin a û Ms-a thu chhuak a zâwm țha zâwk tih erawh kan țhianho hian kan hre vek.



A unaupa hi thunun tumin khak chamchi țhìn lo mah se, țawngkam khat leka Jordan-a a khap tawh chuan party kan neih zân pawh ni se Jordan-a hi in ațang a chhuak ngam ngai lo. A na zawngin a û thu neih hmêl zet-a chuan a zilh ngai lèm lo mai pawh a!





"I chhûngte an awm lo tihte chu a hmâ khân sawi ta che," mi dang chuan an lo ti nghâl bul bul a, Sammy lah chuan mahni in chu a boring êm alàwm lo a ti mai a.



"Kha, i hmai leh sam hmawr huh vêl kha inhru hul rawh, i scooty chu parking-ah sawn hûng ila, nakinah Joradan-a emaw a remchâng chângin ruah ban hunah zuk la mai rawh se," Nuni chuan ti zung zungin tissue pack min pe a, mi dang paw'n an pawm tlàng ani mahna Sammy te inah let a, in tùr lam ngai zat an rêl thlu leh dèr tawh!



Ka pa nên kan inkâra thil thleng vâng khân ka mood a zãngkhai êm êm lo! An rawtna siam apiang chu ka pawm thlap vek mai! Zànin hian an kiangah lo, awmna tùr ka nei chuang bawk lo tih ka chiang êm ani!


"Car pathumah inhnawh len vek tum mai ang u"


"Jordan-a car-ah Lola, Nuni leh Remremi kha chuang tel r'u, mi dang pawh Madina car-ah leh ka Car-ah inhnawh leng vek ila," Zira chuan a ti zung zung a. Tlêma ruah han deuh lai chu chuhin motor hunna lamah chuan kan tlàn phei ta duah duah, Jordan-a thung chu a dàn ngai têin ngawi ngul chungin ka scooty chu parking-ah a nawr phei a, a țawng tam hran lo, Sailo hnam ngêng ve ngel ngul tak kha ani miau a; mahse, ngawi rengin min ngaihsakna a lan chhuahtîr mai țhìn.




Parking kan thlen phei chuan bathlàra țhuho chu kan thâwm siam vângin an rawn hawi huang huang mai; kan mipate thâwm hi a ring țhinin ruih nei miah lo chung paw'n boruak hi an ngam êm êm zêl! Kan țhianho awmna tawh phawt chu kan Lal ram, kan rorêlna hmunah kan siam hmiah hmiah țhìn.


"Hlim, a vâwt em? I thuamhnaw a huh vek bawk sia. Jordan kan inah pêng lawk ila, Lola hi inthlâk se?" Remremi chuan tissue-a ka sam huh min hrûksak pahin a ti mawlh mawlh a. Jordan-a chu a bu nghut, kan hnunga rawn tlànte chu signal pein Remremite vêngah keini chu kan tlàn tlang nghâl a. A hmeichhe lo hruai chu tu vakin biak kan tum lêm lo, a rei berah kâr khat bâk an inzui leh dâwn chuang lo va, a hmeichhe hruai apiang kan lo biak țhat zêl chuan kâr tinin hmeichhe hming thar kan hriat belh zêl dâwn tihna a nia, ngaiah kan nei tawh ti ila a dik ber ang chu!




"I huh ve tho sia.. i inthlâk.."


"Sammy thuamhnaw ka haksak thei alàwm," ka sawi zawh hmâ hmâ chuan rawn ti hlukin front dârthlalang ațang chuan min melh rùn a. Ngawi hmakin lu ka bu ta nghat ringawt.






Beer can lî ngawt ka inzo tawh! Ka rui lèm chuang hlei law! Hetia ruihhlo hmanga thluak ka chawlh hahdamtîr hian ka hriat rengna ațang ka nu nêna kan hun paltlang hrehawm zette kha an bo duak ka ring țhìn! Kha hriat rengna khân min delh ritin ka hahpui ngawih ngawih zêl. Ka pa leh Muani mu dûn lai ka phâwk hlawl țum te, ka nu na hmêl, a rilru nat êm vànga a taksa tla dâwk dâwk mai te! Țhenrual ngaina tak ni țhìn khawlai chhuak ngam lo khawpa inah a tap ta chawt maite..!! Engkim, engkim khân kum 7 chhûng chu min delh rit hluah hluah! Chûng min delh bet tlattu hriat rengna thâwk ipik thlâk lutuk te chu an reh theih ringin ka ban phaka ruih theih awm apiang chu ka ti ta zêl a! Mahse, ka thluak chawlhtîr tum a ruihhlo ka tih hnem poh leh engkim kha a fiah tulh tulh țhin!





Sofa-ah ke ka hlâng chho va, ka khûpah ka bân chu nghatin beer can chu ka ti che kual ralh ralh mai. Sitting room-a ka țhiante thâwm țha zet chu ka hre chiang lo tual tual a.




Maimitchhing diar diar chungin thâwk ka la a, ka mitthlaah chuan ka nu hmêl chiang zetin a rawn lang zui zat bawk.


Dawm hlumtu nei lova a hringnun zinkawng chauh thlâk zet a zawh tâwp kha na ka ti! A thâwk lak tâwp dâwn thleng pawha min humhim tuma min lo kuahbet țâwk țâwk maite khân min delh rit zualin achâng phei chuan ka thâwk a chham lek lek fô! Kha zânah khân lo harh ila; zung tùrin ka nu kha kaitho lehin min zun pui tùrin sâwm tlat ila chuan.... God!


Thâwk ipik lutuk vànga ka kã ațang thaw chhuak kâwk chungin, ka meng chhuak nghâl hlawl!


Ka țhiante thâwm ring zet chu ka hre zawm zat a. Lu ka thing nak ruala ka biang rawn lum thla pap chu, duh lovin ka tuai hul nghâl tâwk bawk.





Mi dang chu ka va zawm ve a, a țhenin video games an lo khêl a, controller inchuhin an lo inbuan let tual tual lehnghâl!



Jordan-a leh a hmeichhe lo hruai erawh hmuh tùr an awm tawh lo, Sammy room-ah emaw, room ruak dangah emaw zawng ila chuan hmuh tùr an awm ang!



"Awi! Madina ringawt saw, tu nge a rawn hruai leh tak ngawt," nuihzat hmèl zeta Remremi enna lam chu en ve zawkin ka kiai ve seih tho.


Madina leh nula, kum lamah pawh naupangchhia tawh lo tih hriat zet mai, rawn inzui lût chu mi dang ho paw'n an lo phûlpui hlut a, beer can hûm ve vein Sammy te inchung lamah an chho hrang ta nalh rêng bawk!


Madina leh Jordan-a zet zawng! Higher zirlai ațang nula senior lam thlengin duh duh an thlang thei a; mahse, kâr khat aia rei hmeichhe ngai an kawp ngai lo! Hmeichhiate paw'n chu an mizia leh hmeichhe ngai an kawp rei peih loh zia hre reng chungin an hnar phal chuang dèr bawk si lo!

Jordan-a leh Madina tih loh chu ngaihzâwng neih ngaihsak êm êm lo, a huhoa awm a, rîk hulh hulh nuam ti tawk êm êm vek kan ni.



Ngaihzâwng ka nei ngai lova, mipa leh hmeichhe inzawmna ang hi tem ve chhin lah ka duh bawk hek lo!

"Dàwra Prof Ms-a te lo awm reng kha a pawi tawh lo tawp mai," ti lung lung chung chuan Zira chu Remremi nên kan awmna lamah a rawn lêt phei a.


"Ngawt a che, Hlimi Scooty lam tùrin tu emaw ber inlêt a ngai, " Remremi'n a ti hlak a.

"Ni dâwn tak! Madina bike pawh kan hnutchhiah daih," a tukkhum tuai vut vut chungin a ti a. Remremi nên kan lo nuih hawk hawk mai.


"Jordan-a hi ni dâwn ta ila ka peih miah lo ang," Remremi chuan a ti hlak a, ka en hâ chu beer mi'n tlâk khum pap phawt a.

"A û hmêl kha a hlauhawm êm alàwm, khatiang Palian leh rorum hmêl lutuk nên khân in khatah chênghoin tûktin leh tlaitin dawhkàn khat kîlho a ngai ziah tùr kha ka peih lo.. Sahuana Sakeibaknei leh ramsa dang khungho kan ang awm êm mai," a ti duah a, za lutuka ka nui hak hak chu lu min thin khum nak nak pahin Jordan-a û, Prof Ms-a hmêl nèlawm loh zia leh a țawngkam khauh zia a sawi zawm ta chiam bawk!




Thlalâkah bâk ka la hmu ve lo! A bialnu Doctor Rinchhani'n a hauhna tîktêk viau bawk, IG lamah an pahnih thlalâk hmuh tùr a tam khawp mai!



Ka tâna țangkai lèm lo bawk nên ka țhiante meuh paw'n an palzam ngam loh Ms-a chu engang hmêlpu ngê anih tih takngial pawh ka chhinchhiah dèr lo! A hleitling thawkhat hlè tih erawh ka hre ve.






"Ka duh aiin ka inhnem a, ka lu a na bur mai," ka țhutna sofa-a rawn mut tap pahin, Nuni chuan ka mal chungah lu a rawn nghat nghâl zat bawk.





"Inbelh tawh suh, in inah lo riah ka duh bawk si, nang ber i ruih viau chuan i chhûngte ka hlau nasa dâwn êm mai," ka tih chuan za zet hian a nui ta nghek a.




"Lalhlimpui hian *hlau* tih țawngkam a hmang ve a nih chu," tih chiam pah chuan a nui kiah kiah a. A chalah ka kuk ta fawk ringawt.





"Eng nge, a mak êm alàwm, kum hei leh chen kan inkâwm tawh a, a vawi khatna atân i kâ ațang hlau tih thumal a rawn chhuak ve teh mial a nia,"


"I rui tawh a nih kha, mu hle hle rawh"



"Khawnge kan Jordan kawp lawra-te pawh an awm a, min thlah vat loh chuan ka chatthla ani tawh mai," a tih zawm nawk nawk a.


Ka phone hmet ênga dâr zat ka hmuh meuh chuan, kei pawh ka thaw ve ta hap mai! Zîng lam dâr 1 a pêl fel dèr tawh!


Mi dang pawh sofa leh a remchâng lai laiah chuan bawk thlawpin an hnâr zui bawrh bawrh a, Jordan-a chu a hun hman tihbuai hreh viau mah ila ka call ta tho.


Rei a ring hmàin min rawn chhânga, car a khalh em maw lehnghâl ni?

"Khawnge i awm a?" Ka ti deuh hlar.


"Ka duattei ka drop alàwm," ner sakin ka meng kual nghâl ralh.


"Rawn lêt vat rawh, Nuni chahthlâk fel hmâ hian an inah min dah a ngai"

"Ok ok ok pumkin head," a rawn ti, a aw ri deuh hakah chuan a nui tel tih hriain thinrim țún a ruim hakin phone chu ka off nghâl hmak!




"A hmêl en aiin a va rit ve mawle," a ti hluk, car hnung seat-ah Nuni chu a mut hnawk a, kawngka a nam phui nghâl dawp bawk.



"I rawn thleng har lutuk a, a chatthla hman tih i hria em? An inah riah ka tum bawk si...." thinrim ru țûna ka àn khum tân tân chu, ngawi ngulin Jordan-a chuan min pan ta hmawk hmawk mai!



"Ani a chatthla daih sia engtin nge a chhûngte bulah ka sawi ang a?" ti leh ţalhin ka tawlh hnung hret hret a, car bang ka nghen dawt rual chuan ka hmâah tak rawn ding khupin bân a rawn lek chhuak nghâl vut, ka kimki zui châwih a, car chung chu a rawn chum ri dawt bawk.



"Jordan?"


"Tuin nge kut thlâk leh tawh che, i pa nge i nu hrawn?" a ti hrâwih a. Nghet deuhin ka kut pahnih chu ka hûm vak a.




"Sawi rawh," a hmâ aia dam deuh zâwkin a ti ta sup. A âwm zawn melh ngar hian chil ka lem dawk a.




"I hmaia kut thlâkna hnu hmâ hi ka hmuh hmaih ring hauh suh Lalhlimpui, tu in nge kut thlâk che," vîn ang a lang hauh silo hian a ti rûm nghut a.





"I sawi duh loh chuan a țha alàwm, Nuni nên hian kan in lamah ka hruai hâw mai ang che u," a ti hluk, dak háw a ka en chho hâ chu thle buk chungin a rawn kûn hniam ta khun a.



"I duh em?"
"Aih" ka ti vat. Ka hmai bul chetah rawn kûn hniam khun pah chuan a nui suk a.

"I duh loh chuan.." a ti zàwi sup, a kut pakhat chuan ka khabea rawn dawm a, min kuai dak belh salhin ka hmai chu a thlêk kual nghâl dun dun "tu in nge i hmelțha zetah hian bêng che," a țawngkam hman vàng chuan ka nui hak a, Jordan-a pawh za lo zetin a țhen ve suk tho.


"Lola, tu nge?" tih zàwi ruih pahin a kutphah hnunglam in ka pa min benna lai a rawn nùl tâk thuakah chuan ka hnuk a ulh ta tlat a.


"Min hrilh lo ang maw?" Jordan-a chuan a ti zàwi leh ruih, a âw zàwi leh thûk ngukah chuan min ngaihsakna leh min duatna ka hre chiang tak zet, a kut che chu tâwp miah lovin ka biang sa hat hat chu a nùl hauh hauh a.


"Zêp rûk neih chingte hi ka hua, Lalhlimpui, ka lakah thil tê tham zet anga lang pawh i zêp anih chuan ka lungawi ngai hauh lo tih i hriat chian kha," a țawngkam hman chu chang khelhkhawlh viau țhin mah se, a âw erawh rum ul siin a dam ruih thung! Chu tak chuan min ti zuau zual a, mi dang tân chuan tlangvâl lerh tak leh mipat hmeichhiatnaa tlãn nasa tak, pawisak nei lo, mi hausa fapa duat sual ni mah se, Lalhlimpui tân chuan 'duattu leh ngaihsaktu a neih awm chhun, Lalhlimpuii thinlung sak zet ti nêm a, a mittui koh chhuahsak hial thei khawpa mipa zàwldawh tak' ani thung.



"Beck-lu-buki'n a nu rangkachak țhî ru-ah min puh a!" Ka ti zàwi țiak a!


Jordan-a chu a rum nghut a; mahse, ka biang a nûlna erawh a dam viau thung.


" A nu țhî dahna ațang ka ru chhuak lai a mit ngei a min hmuh thuin Kha mihring tenawm zet-a hnênah khân min hêk a.. chuan..." a bek ruh pawng țawlh ţawlh khawpa, a insehruh chu melh zeuhin a hrawk bâwk zawn ka melh lehnghâl daih bawk.



"Țhî chu min dîl lêt a, ka la bawk silo leh thu dik zawn chhuah tum hmasa miah lova rûk ru a min ngai nghâl ngawt khân ka thin a ti rim ve lutuk a.. Uire-pa tiin ka ko," ka ti nuaih a, za lo têin ka nui tel hak bawk. "Chuan min bêng a..."




"I pa ani tih ka hre tho a..." a ti hrâwih, na deuha thâwk chhuah hawk pah chuan a inpet ruh ngawt ngawt a, "Ka hnek châk tak zet," tha zat hmêl zeta a rawn tih chhuah hrâwk tâkah chuan ka lo nui ta hak hak. Jordan-a erawh a nuih a za ve hauh lo!


"Engati nge thil thlen dàn hriat chian tum hmasa hauh lova kut a thlâk ngawt zêl che, i pa nilo ngat se zawng damdawi ina lum luh ngai hial tùrin ka khawih tawh ang," a ti chhum hmuk a.



A ti duh tak tak dâwn tih ka hria! Mahse, khawvel dànah ka pa a ni miau si a, min venthawn vànga kut la thlâk lo mai mai an i tih hre chiang bertu ka ni bawk.




"Thiangte, kha lo en uluk viau rawh, thil bo a awm leh palh a nge," inchhûng ka luh ruala Beck-lu-buki lo țawng rî chu hre lo der hmakin chokaah ka lût tlang a. A cousin Rinchhani leh an sawi ve sek Ms-a an lo lêngin ka hria. Min hnung chhawn zâwngin mipa zâwk a țhut miau vângin a hmêl ka hmu lo. Doctor Rinchhani erawh a cousin in deusawh zeta min lo lawm lai khân a lo nui rah rah thung.




"I țha em? Ni thum ngawt i lo haw tawh lo," chokaah min zui lûtin nu Thiangtei chuan zawhna min zâwt leh chûk chûk tawh.



"I u Hriatpuiate nupa pawh an mangang hman alàwm, phone i chhâng duh bawk si lo,"


"Ka ril a ţam tawh lutuk," ka ti nui nui a, ka bân bulah min ben thlawp pah chuan ka hmâah tak a rawn ding nghâl hmiah.


"Khang ni thum chhûng khân khawiah nge i awm? I pa thinrim hi i hlau miah lo em ni?"


"Naaaa, chu lam chu sawi tawh rih lo ang, ka ril a țam lutuk," ka ti ve tlat a. Tih ngaihna min hriat loh hmêl fê chuan min melh ta ram mai.



A bân bulah ka kuah that that a, nuih tlawn ti tih chuan, 'eng chawhmeh nge a siam?' tih ka zâwt ta daih.


"Doctor Rinchhani leh a bialpa sawn chaw an rawn ei dâwn a, hei lo ei rih rawh, i nu leh pa lo hâw se chaw ei ka siam nghâl dâwn a nia," alu kan plate-ah min suah chhuahsak pah chuan a ti zung zung a.


'Eng nge Doctor Rinchhani te pawh chuan kan ina chaw ei an tum leh tak ngawt le?!'



"Min lo pêk belh, an rualin chaw ka ei ve peih lo," thaw halh hian min han melh tlawk tlawk phawt a,
"Enge nge.... ? ka hria tthiam ve phak lo ei zawnna chungchâng sawiin muk deuhin an țawng leh sup sup ang a, ka peih ve hleinem,"


Nu Thiangtei chu a chek ta tlat tlat! Alu kàn plate khat hnûr chawi chung chuan choka ațang ka chhuak a.


"Ka room-ah lût miah suh ang che," țhutkhâwmna hmun ka kal pelh laiin Becki chuan a lo ti leh kher! Rinchhani nên chuan mei nei zeta inmelh kherin an han ner dûn tak ang nâwng a, Min hnungchhawna mipa hrawl pui țhu rùn thung chuan a phone chu a bih ngur, Beck-i'n min deusawhna rî vêl chu hria ang paw'n a lang ve lo.






"Nutei chuan a rangkachak țhî bo kha a ui thu a sawi tak asin," Rinchhani'n a tih zawm zat. Kailawnah ka pên chho hmawk hmawk a, kawngkapui a Muaneki te nupa rawn lût thâwm pawh ka hre tel vuai.



Ka room chhûng ka luh rual chuan kawngkhàr ka nam phui a, chung lamah lock leh thlap in alu kan hâwp hawng hawng pah chuan khum lam ka pan a. Plate khat vek alu kan ka ei zawh meuh chuan ka puar awlh thei.





"Anitê, Anitê," washroom ațang ka pên chhuak fel țâwk. Ka room kawngkhàr chu pâwn lam ațanga rawn inchum ri dat dat a.





"Anitê," ka vahpa âw rî vâng chuan ka khek nghâl tuar mai!





" Matthew," âu teng tung chungin kawngka lamah ka tlãn phei a, ka u fapa matthew-a chu kawngkhàr pâwnah a lo ding reng a nih chu!




"Bawihpui i lo lêng a maw? Awi! Ka ngai tawh lutuk che," a der ni hauh lovin ka nui chhuak hawk hawk mai.


A bân pahnih rawn phar kâk țaiin matthew-a chuan min ban nghâl zat bawk. Ka pawm kang nalh a, Puma jogger pants a ha ve țap reuh bawk sia, cute ti lutukin a biangah ka piai nghâl nawk nawk mai.


"Matt, in lo lêng dâwn tih ka hre miah lo, Bawihpui ânite-i kha min ngai em?"

"Aw, Apa bulah pawh anitei ka ngai ka ti zêl alàwm, anite-i phone-ah games ka khêl thei em?" a tih zawm zat a. Duhawm ti zetin ka hmaiin a âwm ka nawr sak chûk chûk a, Matt-a za ti lah a nui khêk ve rai rai bawk nên ka hlim ve tak zet!




"Ni thum chhûng ngawt kha khawnge i awm bo a?" Bawihpuia nên chuan kan nui tâwp nghâl hmak. Kailawn chhuah chhohnaah ka u a lo ding rùn tawh a. Muangchângin Bawihpuia chu chhuatah ka nghat thla a, thawveng zetin ka room-ah a tlàn lût nghâl daih bawk.


"Khawnge i awm?"

"Ka țhiannute inah"

"Tu i țhian nu?" Bul zet a ti hlukin ka room pan chuan a rawn che chhuak nghâl zat bawk.

"Nuni"

"Tak zet ?!"

"Û.. a mak thei! Dâwt ka hrilh tawh che em?" ka ti hap, ka nun a he heu a, inah hâw loh châng ka neih paw'n chhuanlam siam kual lovin thu dik ka sawi mai zêl. Min hauh hlauh vànga dâwt sawite, tute emaw mit hmuha lan fel duh luat vànga, nihna lo puia mi puitling leh rilru țha anga lan ka tum ngai lo. Ka tih chu ka tih! Ka tih loh chu tih loh ani tawp mai!




"Thu dik chiah zêl min hrilh niin ka ngai țhìn, thu dik lo deuh min lo hrilh fô thei tho," nui lui suk hian a ti a, ka kawchhûng chu natnain a fan kual rawih rawih thei!


"Țhî i ru chhuak em ni?" ti zàwi supin kut a kuangkuah nghâl hlùn. Na tawh lo tur ka nih vei nên; mahse, ka thisen zawmpuite zâwk paw'n rûk ru a min puhtu an awm rualin min ringhlel nghâl zêl tawh țhìn hi, nâ ti miah lova tawrh tawp chu harsa ka ti ve țhìn.



"Police ko ula, a țhî bo ta chu a lan dàn kim chang takin hrilh se..? ni dâwn tak, Police kohte chu a ngam teuh nâng, a chhan chu a eng țhî mah a bo miah hleinem!" ti hlakin room-ah ka lût nghâl daih. Ka pain police call a tum paw'n țhî bo sawi tùra nei lo tih a inhriat chian êm vângin a khap ta chùl kha a nia!



Khumah a váng zâwnga bawk diai chungin Matt-a chuan ka phone charge laiah games a lo khêl a, rûm țîah țîah pahin a bulah chuan ka bawk ve nghâl thlawp.



"Bawihpui," ka ti a, rang zeta min en heu pah chuan a nui nghâl sen sen bawk.


"I ha hmai a bal elo?"

"Umm, a nghing thei a maw, âpain khawllain a țâwn a, a pawt chhuak a," a kutțanga phone screen thai niap niap pah chuan a ti vêl thlap reuh a.

"Nâ i ti em?"

"No, thisen tam deuh a lo chhuah paw'n ka ţap lo rêng rêng,"

"I va huai tawh reuh tak, i ril ţam tawh em?"

"Aih, ânite games hi ka khêl char char ang aw?" ti pah chuan a mitmeng pawisawi lo zet chuan min en kiau a, a sam kir bap chu chùlsak zeuhin lu ka bu a nghat a.


Bawihpuia games khêl chu a tui reuhna ngiang mai, tih dàn vêl chu a thiam ang tâwka uarin min hrilh ve tûng a, Bawihpuia a lo lèn hi chuan hahdam deuhin ka awm ve țhìn.


"Bawihpui, zànin chu àni bulah riak daih la, naktûk sunday ani tho a, i pu inkhâwm i zui ang a?"

"Aih, Ânuin âni bulah chuan riah loh tùr a ti," min en lêm hlei lo chuan a ti puat a, sam chhêm rona ka on tùr chiah chu tâwp chawtin khum chunga Matt-a games khêl chu ka melh tlawk tlawk mai!


"Ânuin a sawi maw?" Ka hrawk a ro halh.


"Aw, ânite-i khân HIV a kai maithei a, chuvàng chuan ânite-i bulah awm nasat loh tùr...." hair dryer chu ka thlauh tawp! Ka thu hriat chuan min țhâwng lutuk mah mah!



"Hiv," ka ti nawn ve sap, u Melo-i'n chutiang thu maksak lutuk hmanga Bawihpuia a fuih chu mak ka ti!


Ka hmai chu tuai pawkin thâwk ka la nghek a, ka lungphu chu a rang kher mai!


Chaw an ei dâwnah u Melo-i chu ka room-ah a rawn lût a, Bawihpuia thu sawi kha ka ngaihbelh lutuk vàng nge, Bawihpuia nên inhlat deuh taka kan lo awm a rawn hmuh chuan a thaw huai hian ka hria!


"Bawihpuia chu ânite-i bulah i lo awm daih a, âpi leh âpuin an hmu châk tawh che asin," ka laka a rilru puthmang diktak lan chhuahtîr hauh lovin a rawn ri nghâl lawng lawng a.


"Chaw ei a hun tawh a, inhnuaiah chhuk tawh ang ule," ti pahin rang deuh tak hian khum ațang chuan Bawihpuia chu a pawm thla a, "Hlim, chaw zuk ei ila," tih pahin min nuih var var bawk.


"Lo zuk ei ru, nichin khân alu kan ka lo ei țeuh tawh a," ka ti lêt a, nuih luih ngial ka tum teh nâin ka hlawhchham chiang hlè!


Min sâwm nawn tawh lova, min sâwm nawn pawh ni se anni mi fel rual zîngah khân chaw hlui kîl ka peih teuh lo! Rang takin Bawihpuia chu a kai chhuak sawk sawk a.

"I kut min pe rawh," ka room kawngkhàr a rawn nam phui rual deuh thaw a, a thu sawi chuan min vilh ngut ngut thei.

"Kan kal chhuah hmàin ka hrilh chian che kha, engati nge thu i âwih miah loh," tih ri leh hand sanitizer inhmet chhin khap rî ka hre tel leh hrâm a.



Kailawna an chhuk thla țak țak thâwm a zawih telh telh rual chuan ka hmai hup thakin ka thaw nghâl ham ham thei!


"ânite-i khân HIV a kai mai thei a, chuvàng chuan ânite-i bulah awm nasat loh tùr"


Nuih hak hak pahin ka tho chhuak a, chu ka nuihza chu rei lo tê hnuah ruak intihna leh khawharnain a rawn thlâk thleng a, khumah chuan mu zangthal thla hnawkin ka nu boral tûka ka mut dàn ang chuan ka mu a, ka kiangah ka nu mu ve anga ka suangtuah rual chuan tlêmin ka nun ruak lutuk chu a reh ve deuh! Tlêm tê tak tak chauhin!







Ni a liam a, kan chhûngkua pawh mite chuan 'an fanu naupang zawk sawn eng ruihtheih thil pawh a khawih vek thei a, rûk rûk a ching têl zêl bawk nên a nu hrawn tlereuh leh pawisa kawl țhat ang ang a ru chhuak zêl țhìn an ti; a nu hrawn lahin a fa hrin ang chiaha duatin tisawn a dawm țang țang zêl a, nu hrawn hrawn rau rau-ah a hrawn nuamsa bîk lutuk a, awm ngaihna a hre lo ni ber lin a lang' tiin kutchal an kawh rawn ka ni a, min kâwktu an tam zawh poh leh ka nu hrawn dawhtheih zia sawi langtu an pung thur thur zêl!



"Hlimi, safe-a ka pawisa dah hi i lo khawih em ni?" âu vîn tuar chungin becki chu a room ațang a rawn chhuak hlawk hlawk a. Helmet kuah țat chunga kailawn ka zawh thla tùr chiah chu ka ding dat a!


"Maw? Kan țhianho chaw ei khâwmna tùra kan sum thawh khâwm cheng singhnih leh sangnga safe-ah ka dah, i lo khawih leh tawh em ni?" A ti leh tuar.


Kan mi nep-a te nupa pawh an nupa room ațang an rawn chhuak ve hlawl.

"Eng nge ni a?" Muaneki chuan a ti a.

"Kan țhianho pawisa thawh khâwm ka kawl a, tlaiah kha chuan safe-ah a la awm vek, zànin hian ken chhuah ka tum a, a lo awm tawh lo anih hi," beidàwn hmêl zet a tih halh pah chuan ka pa a melh kher bawk.



"I dahna i hai a ni lo maw? Va inhai nawn leh teh," ugggg, eng lemchanna tak chhuah leh dâwn chu maw?

"Ka dahna ka theinghilh lo, ka room chhûng pawh ka ching let vek tawh,"

"Hlimi, i u pawisa sawi chu i lo hmu mial em?" Muaneki'n a rawn tih nem hléi tâkah chuan thâwk la hak pahin Becki chu ka melh ngar a.


"Chaw ei hmâa i kal chhuah khân bag puar deuh i ah chhuah kha, i bank ac-ah i thun tawh zâwk te a ni lo maw?" Ka ti hmak, Becki meng phar kâwk leh Anu Muaneki'n dawih daia, ka pa a melh zeuhna chu hre lo der hmakin ngawi rengin kailawnah chuan ka chhuk thla nghâl daih.




An nufa mizia dik tak hi hre lo ka ni bîk lo! Pawisa bo an tih ziah leh rua min puh ziah hi ka la ngai map lo, ka pa hlawh hi bank-ah a dah lût veng ngai lo a. Hman chawp tùr cheng sing hnih khat vêl hi a sum faiin an nupa room ah an kawl.



A châng chuan Chêng singkhat a bo te an ti leh tawp zêl a. Ka pa in âwih nghâl vekin keimah min tal awhtîr fô mah se sum an tih chêt kual dàn dik tak hi ka sawi lang ngai lo! Muaneki leh Becklubukite hian bank ac hran an nei; chêng sing khat ruah min puh chuan a tu emaw zâwk zâwk ac ah cheng singkhat chu a lût țhìn.



Kan mihring tenawma hi ei kâwt vek mah se pawi ka tih miau loh avângin, a uirena hmeichhe fing phakar zet hian bum kual se, a sum ru țhenin chhep rel țun țun se, a ei dawn vek hnuah mipa dang umsan daih mah se pawi tihna ka neih miau loh vângin, eng mah sawi chhuah enah pawh ka en peih lo!



"Jeffry hian a rawn bia che a," ti thûm bûltu chu ka țhen khum sak ringawt. A ngaih dàn ni lo hmêl rum ul chu nuihza ru deuhin ka melh ngar a.


"Be tawh suh, hetiang mipa lerh lutuk lak ațang hian i him rei dâwn hauh lo," ti hmukin ka phone chu a hmet thim a.


"Jeff-a lakah ka him loh chuan.. i lakah phei chuan ka him lo zual ngawt ang," amah en duh miah lovin dawhkàna ka phone chu ka ban da da a. Ri bur khawpa dawhkàn a ben tak bur vâng chuan ka tek nawlh hialin ka hre mai!


"Jordan?" dàwra chawl danghoin kan tabel lam an rawn en nghâl țhup chu, melh kual thuakin Jordan-a chu ka melh leh a. Tûm bûr hian dârthlalang tukverh ațang pâwn lam a lo en daih.


"Thinchhe leh lutuk," ti hlakin ka phone chu ka la lêt a. Jeffry hian higher ka kal lai ațang min be ve tawh țhìn, tûnah hian MZU-ah Jordan-a te nên an lût tlang a. Ngaihzâwng lam ka ngaihven ngai loh miau avângin, beidawn rum rum châng nei fô mah se thlahnih khat hnuah min rawn be leh hlawl țhìn.



Hausa lutuk tia sawi tùr an ni lo; mahse, an harsa hran lo, sports lam a tui êm êm a, pà ve hrêk hrâwk tak niin a mitmeng thîp khai hian hmeichhia a hîp a, hmeichhia zâwkin bul țan a, chêt la hmasa zâwk lah an tam.


"Be tawh suh, kha pa kha i biak reng ka duh lo,"

"Ka hria e, aw lalber!" ka ti kher, rum deuha min leh khui tâkah chuan beng pahnih pawt zeuhin ka nui lui ta sâwng ringawt.


"A massage-na zawng ka chhàn lêt ngai dèr loh hi," ti țha lehin ka phone screen chu a lamah ka dah hnai leh a. Melh pawh a lo melh peih tawh lo!



Kan ei tùr chah kan ei zawh hnuah bill a pe a. Vawiin hian presentation tih tùr ka nei nâin Joradan-a'n class a kal dâwn lo tih țhian ho group-ah a lo sawi a, class chhûnga awm aia a bula awm a nawm zâwk miau vângin ka kal lo ve hmak.





"Hey.. khawnge min hruai dâwn?" Mc-ah kan kal dâwn emaw ka ti a; mahse, min tlàn tlangpui daih!

"Kan inah"

"Maw..?!! Aih, in inah ka kal duh rêng rêng lo," ti chûlin a hnungzângah ka chùm nghâl țawlh.


Nâ tih hmêl deuhin a thaw ri hak a, a helmet tukkhum chu rum deuhin ka melh ta erh bawk.


"Tlâk i duh loh chuan min lo kuah thuai rawh," dârthlalang ațang min nuih suk pah chuan bike chu a herkawi thut a, ka kuah mai pawh ni lovin a hnungzâng lum vung vungah chuan a beiin ka bei thlawp. A nuih hawk rualin ka bek chu a rawn nghawr dat bawk.

"Chimawn ngawt mai"

"Kha.. a aia nghet in min kuah rawh," ti pah chuan a herkawi leh zawk a, traffic police-in ring deuha a rawn ham rîkna chu bengkhawn hauh lovin min tlàn tlangpui nghâl fua bawk.


"Mama... class i kal lo ngawt em ni?" Kawtzâwl zau zetah Bike-a hun fel laiin anu chu a rawn tlàn chhuak a.

"ka kal lo maw?" Jordana chuan chimawm takin a ti lêt khut a.

"I sual mai mai mang e, i u-in i kal lo tih a hriat chuan a pawi dâwn a nia... Ehe!! Hlimi i rawn lêng dâwn a ni maw?" Jordan-a hmeichhe hruai hâw keimah ka ni tih a hriat rual chuan min be nghâl chùl mai.


Anu hi hmeichhe zaidam leh rilru țha zet mai ani a, mi rethei leh harsa zâwk tân a luang chhuak nasa hlè bawk.


"Nu, Lola hian tlai chaw kan inah a ei dâwn a nia," a helmet lawk zet ka luah min khumtîr thawih pah chuan a ti zui a, ka dara a rawn kuah leh thuk lai chuan a âwm zawn ațanga helmet chelh bet țai chungin ka han melh chho vak ringawt.


"A țhat hlauh chu, hei, eirawng bâwl a hun ţep tawh a. Hlimi ei châk zâwng i nei em?" A tih zawm nghâl a. An in a chaw ei te chu a zahthlâk dâwn lutuk.


"Ka ei lo.."

"Alu kan, bal leh sihneh bekang rêp nêna thak tâwka bai a awm chuan a dik vek ani mai.. ka sawi dik em?" Thawveng zeta tih pah hian a rawn kûn hniam a, "Balbai heh-nu"

"Hmêla!" ti hrâkin min kuahna chu ka thing thla nghâl nak.

Anu chuan kan pahnih chuan inchhûngah lût tùrin min hrilh a, ka bânrêkah nghet deuh a lo chelhin an inchhûngpui mupah chuan min kai lût nghâl dawr dawr a. A room-ah min chhoh tlangpui nghâl daih bawk.


Anute paw'n hei chu ngaiah an nei tawhin ka hria. An in hi ka vawi nga kalna vel chiah a la ni nâin ka kal tirh ber țum khân anu hian ka hming min zâwt a, ka kal nawn leh țumin ka hmingin min ko nghâl chat thei.


"Lo țhu rawh, ka intleuh thuak dâwn," tih leh a tshirh hak hlih a rual zui a. Khumah a kawr chu a theh hlawm tawp, "Tukverh kha hawng rawh, a uap lutuk,"

"I va inti thû tak"

"Mi hnial suh, ka pawm lût ve mai ang che"

"Ve lutuk a che," ti hlak pah chuan tukverh lianpui lam chu ka pan a, jordan-a inphelh sawt sawt chu a chin fô dàn anih vângin ngaiah ka nei thawkhat tawh.



Tukverh chu ka nam hawng a, bathlar zau țha helh hawlhah chuan chhuak nghâlin,
"I duh leh tv kha lo en la," washroom kawngkhàr a khàr phui hmain min la rawn au hrâm bawk a, "Okhey," ka ti tak nâin ka en peih lo!


Bathlar ațang hian Jordan-a room dawt chiah room a kal pawh theih, Jordan-a room chin chu pêl pheiin room pakhat tukverh dârthlalang fai zet chu ka melh hrek hrek a.



Parda a inzar phui loh vângin pindan chhûng chu a lang chiang thaw khat viau. Mipa mut pindan tih hriat zetin a chhûnga bungraw awmho chu, rawng thim lam leh hrawl tak tak vek ani mai hian ka hria!


Pindan zau pui chu KING size bed-in a lai takah a tan tlang a, chu khum zaupui chu pencil rawng thim dak hlapin a inkhuh fel thlup bawk.




Kawngka ațang luh chiah bang rinchhan chuan drawer uk tle hlap, chhawng lî a sâng a awm a, a chungah chuan frame pahnih a inhung bawk.


Khum ațang tv a en țhìn ani maithei, bangah chuan Tv hlai zet a bet thlup bawk, Sofa lian pahnih inhung lehin center table fai hlerh hlawrh a inhung bawk.




A thuamhnaw bâwm lian lutuk tak, chhuat ațanga celling tawng ràwt thlenga sâng thuamhnaw bawm awm dànah chuan Prof Ms-a room a nih ka ring nghâl ringawt.



Lehkhabu chhah pui pui inrem țhup chu chhiar peih àwm loh ti zetin ka ner pui nâng nâng a. Chutia room chhûng tukverh dârthlalang ațanga uluk taka ka bih dak dak lai chuan kawngkhàr pakhat chu rawn inpawt hawng thutin, a chhûng ațang chuan mipa lian thelh thawlh tak mai a rawn chhuak a! Min țhâwng lutuk bawk si chu, chil ka hak țhawt hial a nih chu!






Towel vâr hlaipui a veng a, a kâwnga chin chunglam chu a huh dap; a ban bul hrawl zeta ti hrâwl che kual vêl chu en kual dan danin, pindan chhuata carpet dup inphahah chuan ke lawnga kalin, a lu huh chu towel pakhatin a hru mêk tih ka hre zawm zat bawk.







Kal sawn nachâng pawh ka hre lo! A lu hrukna towel vâr chu Sofa-ah a theh kai hnawk a, a sîr zâwnga awm a nih vângin a hmêl chu chiang takin hmu thei lo mah ila, a khabe ruhkual hrawl zet chu a invuah ngheh hmêl tak zet! Hmulin a khabe ruh kual ațang, a bek thlengin a bawh dap a, hrawk bawk langsar zet a nei tih thlengin ka hmu kim hman vek! A sam hnawm chhap chu a kuta tuai thuak thuakin tui a per chhak chhak a! A thuamhnaw bawm panin carpet dûpah chuan a pên leh thauh thauh, a pumraw hrawl tak leh tihrâwl inphiar sek țalh vek mai chu mak ka ti! 'Hetiang khawp hian Mizo mipa taksa a lo nalh ve tawh ani maw' ka ri rilru hial mai!



A thuamhnaw bawm hawng tùra bân a lek chhuah vut rual chuan vawi leh khatah tukverh lam chu a rawn thlêk ta thut mai! Ka vir nawk chu khawiah emaw ka intauh chawrh a! Ka chal a nâ nghâl ut ut mai!


Joradan-a rûm hawk rî vâng chuan hawi chhuak thuaiin ka chal ka dawm nghâl vang vang mai! A awm dawmin Jordan-a chu a lo kûn hniam khûn a.



"Ka tihpalh.. ka.. a nâ em?" Ka bah nuaihin ti tûng, Lu a thing nghut nâin pindan chhûnga mipa pian nalh lutukin min hmuh hman hlau a inher thut ka ni a; force a na dâwn lutuk tlat!


"Buaina a awm em?" Rawn ti sup rî ka hriat rual deuh thaw chuan, ka la hriat ngai hauh loh awm dàn mak lutuk avàngin ka lungphu chu a ri nghâl dawt dawt a nih chu! A âw chu a thûm in a thuk ruih mai!



"Ka țha, ka țhianu hian bathlar ațang khawpui a lo en kual lawk a nih hi," tiin Jordan-a chuan a âwmah min kuah bet nghâl hmiah; tal chhuah tumna pawh ka nei lo. Min rawn betu hnungchhawn zâwnga ding ka nih miau vângin ka hmêl a hmu thei lo ang; mahse, a âw thûm ril leh thûk ruih khân ka kawchhûng a țhâm pha tlat!


"Class i kal lo a?" Ka hnung a mi chuan a ti leh nghut, a âw rî mawlh chu.. cool ka ti! Thûm satliah tawp lovin a thûm thûk ruih a,a mipa âw bîk hliah hliah!


"Last ka off alàwm," ro zet a nuih hak pahin Jordan-a chuan a ti lêt a, ka hnunga mi chu che sawn lovin a dinna ngaiah a ding reng tih ka hre thei chu mak ka ti!


"Kan lût tawh dâwn.. Hlim lût ang le," a ti leh sup. Ka darah kuahin a room tukverh inhawng huau lamah chuan min kuah phei a.

Chhan awm lo a ka lungphu rawn rang vak chu a hre thei ang em le?


"Eng nge ka û room lamah i lo va kal daih a," ka beng bulah rawn kun hniamin a rawn ti sur sur a. Chutih lai pawh chuan ka hnung lam hi a za uai uai a, kha pa hrawl deuh khân min la en zui reng anih ka ring. Chutih rual chuan a ni en-zuina vànga danglamna ka nei ngawt chu mak ka ti viau!



"I û room a ni tih ka hre hleinem?" melh chho zeuhin ka ti a. A khi suk.

"Ka û inbual zo thuamhnaw inbel lo lai en thla tura thawk chhuak i ang deuh tlat,"

"Hmêla!!" tih hlak paha ka tin uaih lai chuan kan hnung lamah chuan tukverh a inkhàr phui dawt a. Jordan-a nên chuan kan hawi lêt nghâl dâwrh a.


"Tak tak, i bihthla nasa mai sia, a lungawi miah lo ang," a ti leh a. Ka tum reng vànga bihthla ka ni dèr si lo.



"Nu, kei chu Rinchhani nên zanriah kan ei chhuak dâwn, zân pawh ka rawn haw tlai deuh ang, event pakhatah kal dûn kan ngai a," Jordan-a room pâwna mipa âw thûm ruih vàng chuan kawngkhàr hawn tuma a vawn chhan ka vawn tawh chu ka thlah nghâl zal zal! Amah ka hmu miah lo chung paw'n a huhâng danglam bîk lutuk chuan min ti danglam teih tho! A mak!


"Aw le, Rinchhani pawh rawn lêng leh se, tûnlai hi a buai deuh em ni, min tlawh khatin ka hria," Jordan-a nuin a ti a.

"Umm, a buai ve țhìn lutuk a, ka lo hrilh dâwn nia," a bialnu chu a duat hmèlin a chhuang tâwk hlê tih a hriat ngawih ngawih!



Ke pên thâwm ka hriat hnu rei lo têah kawngkhàr chu ka nam hawng țham țham a, Jordan-a chuan games a khêl, kawngkhàr pâwn lamah chuan kha pa rim ni ngei tùr, thil rimtui deuh mipa rim pà hrak bîk ni àwm tùr chu a lo la cham bang a. Kailawn lam chu panin kawngkhàr inhawng huau a, mipa hleitling zet leh inchei smart thlupa pên chhuak chiah chu, hmu vuaiin ka âwm zawnah kut ka nghatin ka thaw zui halh!



A aw zâwi thûm ruih ka hriat tirh ang tho khân, a lo phu rang leh tho a nih chu!




Scroll thla ula Enter your comment tihah khân comment a siam theih auh☺😘

A la ngaihnawm viau lo; mahse, i chhiar zawh rualin story kalphung i hmuh dàn comment-ah lo sawi lang zêl tho la umm🙊 Comment chhiar tùr a awm hian phûr a awl ve a.


Chuan, Utopia:1996 S2 khaikhawmna min neihsaktu zînga topup ka thunsak tùr ka tih hming list kha naktûk zànah zâwk ka lo tar lang tel ang. 🤦‍♀️ Fb-a in indah dàn kha ziah chhuah thlap a, list siam thlap a ngai sia. Tûnah keini lamah zîng darkhat a pêl vûk tawh nên.. 😅😅 Min lo nghâk rih hram r'u aw. 💜💜💜💜




Comments

Unknown21 December 2019 at 09:53
Mi bawn.. next a nghahhlelhawm nghal em em zel mai chu ni sia aw..

REPLY

Unknown21 December 2019 at 10:15
a ngaihnawm em2 e

REPLY

Unknown21 December 2019 at 10:17
Mi ropui tak hi chu iva han ni tak em...ka tawn ah hian

REPLY

Unknown21 December 2019 at 10:20
Nexttrttttt

REPLY

Unknown21 December 2019 at 10:31
Ngaihnawm hle mai

REPLY

Unknown21 December 2019 at 10:42
Anuam leh ta veng veng mai lola ti hreawm rei lutuk lo la aw

REPLY

mawimawii21 December 2019 at 10:44
ka kham lo țhin

REPLY

Unknown21 December 2019 at 11:08
Ngaihnawm lutuk.. . .next nghahlel awm.. .. Vei leh bur dawn nih hi


REPLY

tlantlani21 December 2019 at 11:16
Ngaihnawm lutuk❤❤..jordana te unau lak ah hian ka luangliam nghal der tawh..Msa hi a lanna scene la tlem mahse a veiawm nghal der tawh a nia..next a nghahhlelh awm ee...

REPLY

Unknown21 December 2019 at 11:40
Ka vei nghal Jordana hi

REPLY

Unknown21 December 2019 at 12:47
Ngaihnawm 👍👍👍

REPLY

Unknown21 December 2019 at 15:13
ngaihnawm lutuk..

REPLY

Arsitei21 December 2019 at 16:58
Ngaihnawm chiang e

REPLY

Unknown21 December 2019 at 17:33
Ngaihnawm leh dawn mang e..a kalphung tur pawh a dangdai hmel khawp mai

REPLY

Unknown21 December 2019 at 17:57
Ngaihnawm turu ve

REPLY

Unknown21 December 2019 at 21:15
Ka vei leh ngur2 dawn nih hi
Kei chu Jordana Ka duh ee😍😍

REPLY

Unknown21 December 2019 at 21:56
Khamawm loh thin

REPLY

Unknown21 December 2019 at 21:57
Achangtunu hi ka khawngaih leh dawn tlat mai,a mood ah hian a lo va chen theih emmm...

REPLY

Unknown21 December 2019 at 22:06
Ngaihnawm nghal em em ee..keichukei luangliam leh nghal em em tawh mai

REPLY

Unknown21 December 2019 at 22:34
Next tur suangtuah leh nghal char char🤭

REPLY

Unknown21 December 2019 at 22:54
I story dang ang tho in mittui nen ka lo in ring lawk diam e...

REPLY

Unknown21 December 2019 at 22:54
Ngaihnawm full ṭhaks

REPLY

Unknown22 December 2019 at 00:31
Ngaihnawm lehpek dawn e vei leh tlur tlur mai ang awww

REPLY

Unknown22 December 2019 at 01:10

Jordan hi a thi dawn anih hmel sia, rilru hah lawk

REPLY

Unknown22 December 2019 at 03:48
Lola hi ka khawngaih ngawih2, a nun hi a hreawm tur zia hi ka hriatthiampui, ngaihnawm tan dawn e, rawn tang zel teh

REPLY

Unknown22 December 2019 at 06:13
Ngaihnawm leh pek

REPLY

Unknown22 December 2019 at 07:17
Ka duh em em eee...mak thei lutuk ..

REPLY

Unknown22 December 2019 at 07:50
Ka kham lo e, ngaihnawm leh lutuk emaii ah😘😘💕💕💕

REPLY

mapuii22 December 2019 at 08:20
Huizzz

REPLY

Unknown22 December 2019 at 08:59
Ngaihnawm turu buru,ka la khamlo zel....

REPLY

Unknown22 December 2019 at 11:10
ka duhnu😘😘😘

REPLY

Unknown22 December 2019 at 16:28
Chhiar nawn leh tawhh,adang nghahhlelhawm ṭhin mange

REPLY

Unknown23 December 2019 at 00:35
Chhiar a manhla thin lutuk e

REPLY

Unknown23 December 2019 at 01:26
Next ka chhiar chak tawh eeee

REPLY

Unknown23 December 2019 at 07:02
Msa hi ka duh bur e😘😘😘

REPLY

Unknown23 December 2019 at 10:54
Jordan hi ka duhh mahse changtupa nih hmel si lohh aa ka uiii😥😥

REPLY

Unknown25 December 2019 at 06:22
mittui tla meuha kan chhiar chu le🤭😢

REPLY

Unknown30 December 2019 at 08:21
Khamlo

REPLY
Attachments
20200101_203006(1).jpg
20200101_203006(1).jpg (18.71 KiB) Viewed 332098 times

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 2nd, 2020, 6:48 pm

TETAKTÊ-I CHAPTER 3
- December 24, 2019






TETAKTÊ-I
Chapter 3
Abbra Reo Ririni Khiangte (PitarteiSualfingi)



♡Love me for who I am and NOT who YOU want me to be. That's how you will get the BEST of Me.♡




🎄⛄Euphoria, Christmas chibai vek u aw. ⛄🎄🎅🎅🎅🎅


"Khawnge i kal dâwn?" hnunglam ațanga âw rawn chhuak thut vàng chuan nasa lutuka phu nghek chungin ka vir lêt nghâl zawk! Khawngkhàr biang nghènga Jordan-a lo ding chuan min lo nuih a, kei erawh min tih phut nasat lutuk vàng chuan ka meng râng nasa kher mai! Ka thin zâwna kut nghat pah chuan ka'n thaw chhuak hak a. Kha pa kal chhuak ka hmuh thawi thuak vànga, ka lungphu lo danglam lai taka, ani'n min rawn au thut bawk si nên ka thlarau a thlâwk chhuak daih hial lo chauh a ni!





"Thil ti sual lai man chhuah ang mai"


"I hmelchhe lutuk, min ti phu alàwm," ka ti nghek a, hnuai lam bih hian a kiai leh suk a. Thinrim hlur hian ka hawi sawn nghâl hmak thung.



"Khawiah chuan maw i kal dâwn?"


"Ka duh duhnaah" khabe kãng vaha melh erh chungin ka ti leh hlar a, a chek hluk chu rum deuha melh leh râwm pah chuan, țhianho kârah ni lovin an inah kan awm tih hmang chuan inbeng daih ka tum a.





" hetah chaw ka ei dâwn chuan.. aaa, i nu ka pui ang chu ka ti," ka tih chuan, awm lo tih hmêl taka min nuih ruh ruh chu ka theih anga rumin ka melh lêt khai khai a. A tâwp a tâwpah chuan 'ka tlâwm e' ti ni àwm ziazâng chuan a kut pahnihin beng a pawt ta zauh a.




"Ka nu chu a phûr khawp ang, hruai i ngai em?" dingmarin a i siam țha a, ner nângin lu ka thing nghat a.


"What??" a ti hû.


"I games khelh lai kha va khelh zawm hle hle rawh," ti hlakin ka inher nghâl hmak, a nui ri hawk pawh chu ngaihven zui duh lovin
muangchângin kailawnah chuan ka chhuk thla a, Jordan-a-te inchhûng chu a pui mup tih bak sawi vak ngaihna ka hre lo, kailawn ringawt pawh an en kawl uluk tih hriat fê hian thing phel chu a uk hnum hlurh a, inchhûng cheina pangpârte lah chu a ropuiin inchhûng lan dàn chu a ti zahawm zual êm êm bawk, engkim chu pui mupin mi a hîp êm êm ani tawp mai.





An pi leh pute thlalâk hlui tawh tak tak chu hlai taka frame-in bangah a intâr thluah a, sofa set ringawt pawh Mizoram mi hausa in nazawngah hmuh tùr a awm lo, a pui khup vek ani tawp.




Kailawn chhuah thlâk chiah bang hrûlah chuan inchhûng cheina thingphel, hnum hlurh a siam tho a inhûng a, chutah chuan thlalâk frame tê deuh an hûng bawk, chûng thlalâk chu pan hnaiin ka en chiang a, chhûngkaw thlalâk neuh neuh leh an tûte nên a thlâ an lâkte, khawi lai dil kamah emaw țhu a, Joradan-a pain nghakuai a chiah laite hmuh tùra awm thluah, London leh khawthlang ram khawi khawiah emaw an kalna thlalâk hmuh tùra awm nual bawk, thlalâk zînga lian ber chu ka pan hnai leh a, ka thil hmuh vàng chhuan ka âwm chhûng a ri leh dawt dawt tawh; thâwk hîp lêt kâwkin ka chelh zui ta tlat!






Thlalâk a lang zînga langsar bîk lurh ngei mai hi ani, tûn lawka ka hmuh pa kha!





Chhûngkaw thlalâk a ni nâin Jordan nên an nu leh pa hnungah an ding dûn a, Jordan-a hi sâng țha tak leh taksa inphut mâwi ve taka nih tehlul nên, a u Ms-a lakah chuan a lang tê viau, business suit gray rawng thim khup mai a ha a, a vun chuan ngo lam aiin sen uk kharh rawng a pâwl zâwk, a mit khur chu a thûk deuh dâk a, a mitmeng zìm sûn chu chiang taka en chuan a uk thim khup! Thlalâk mai mai mah ni se,a melh chu a nâ in a tak ngul mai! Nichina sîr zâwnga a awm lai ka hmuh ang tho khân, a khabe ruh kual ngheh hmêl zet chu hmulin a bawh dap a. A lan dàn engkim mai chu a khunkhanin a muk ruih, chuan, keimahah dik lo eng emaw tak a awm anih ka ring rum rum tawh! Ka âwm chhûnga lungphu chu amahin a rang leh dawt dawt tawh.





Camera a rawn melhna mitmeng tak ngâk mai leh a thlâ ding mai mai paw'n, hetiang khawpa ka lungphu a ti rang thei mai hi mak ka ti!




"Hei vàng chiah hi a nih dâwn hi, ka țhiante paw'n an nèl theih miah loh" ka ti rilru a, prof dangte anga zuam ngawt ngam chi ziazâng a ni miah hleinem.


"Hlimi mamawh i nei em?" Hmeichhe âw hian a rawn ti a. Ka din dàn chu siam remin ka hawi lêt nghâl vat, mitmeng nung sar hian Jordan-a nu chuan min lo nuih var var a, a nui hmêl hi a ngainatawm bîk hliah hliah.

"Inchhûng chei dàn hi a pui lutuk a," ka ti deuh ringawta, a hmêl nung sarah chuan nui hmêl a rawn lang a.

"I va'n ti làwmawm ve, inchhûng chei bàwl hi nuam ka ti ve lutuk a.."

"I Pangpâr khàwiho hi Mizorama mi a ni lo ang tiraw? ka tih awmzia chu a pui hlawm lutuk, sofa pawh saw," bah deuh nuaih a ka ti chu, min pan hnaih pahin min nuih zui hak hak a.



"Ummm, Pangpârho hi Thailand lam a mi a nih hi, Mapuia leh Rinchhanite chawlh hmang a an zin țûmin min lo hawn a, hmeichhia nên a bazar kual anni bawk a, an rawn hawn nalh tiraw?" ka bu nghat a, Doctor Rinchhani nên an inpawh zia lah hrilh nawn ka ngai tawh dèr lo.


"I rilțam tawh em?"

"Aih, ih..," sawi țan dàntùr ka hriat loh lutuk vângin ka ngawi leh dat a, hmeichhe fel tak ka nih loh zia chu a hre chiang ve hlê ang, eirawng ka lo bâwlpui ve ang che tita tawp ila min nuih zat viau mai lo'ng maw?






Ka sawi tùr a ngaichâng tih hriat zetin nui var var hian min en a, kawr dum puan deh nawm hmêl zet hain pawnfen fual man tam hmêl tak a feng bawk, a lan dàn zahawm zet kara a mitmeng ngilneihna hian mi tam tak ngainat a hlawhtîr rêng a ni.




"Ih.. eirawng.. eirawng bâwlpui in ngai ang em?" zâm ru tak chuan ka ti a, nu Hmingi hmêl nung sar chu a rawn en belh kuarin ka hria.



Nui var var hian min pan hnai a. A taksaah thau chhia pakhatmah a neih loh dàn ațang chuan ei leh in thlengin a in control nasa a nih ka ring, a la nalh êm mai.

"I va fel ve," a ti hliai, awm ang lo ti lutukin ka lo nui ro halh thung.


"I peih phawt chuan lo kal rawh heti lamah," ti sârhin ka bânah a rawn kai a, a kut lum thep leh nem dapa min khawih rual chuan ka mur ar ar a, ka nu min tawh vêlna nên a kut dam dàn a thu hmunin ka hre hial.



"I țhianpa pui khân games-a khelhsan che em ni?" tih pahin min en a, "A pawi tawp hleinem tiraw, kan pahnihin kan inkâwm thei dâwn tihna a ni mai," ti leh sârh sârhin a nui zui hawk hawk bawk. Kei pawh lâi ru zetin ka nui ve a, pindan zau helh hawlhah chuan min luhpui a, chawhmeh rim lo nam ram ram chu a rim tuiin ka pum a fan zui rawih rawih mai. Bawngsa chhuma anthûr hnah an thlâk rim rawn nam tel chèk chèk chuan ka ril a ti ţam tak zet.



"Vuli, in lo buai em?" zang vahin a ti lût nghâl a, a awkâ chhuak zangkhai vak leh ngaihthlâk nuam êm êm mai chu mi hausa nu nazawngin an nei ve lo tih lah ka chiang.

Nula pahnih eirawng bâwla lo che mawlh mawlhte chuan, keini pahnih inzui lût chu min lo en thuaiin Joradan-a nu hnênah chuan an chawhmeh siam mêk chu an lo hrilh zung zung a. An pi chu zah tak siin an nèl hlè tih lah a bula an țawng zângkhai vák dàn ațang chuan ka lo chîk kual ve rauh rauh mai!


"A tui ngawt ang, bâl bai pawh kha off a hun tawh a nih kha," nuHmingi chuan a ti a.

Choka chu a zau nuamin eirawng bawla chêt vêl pawh a nuam hlèin ka ring. Kawngkhàr pakhat inhawng huau ațang chuan an kawmchâr zâwl dap leh Pangpâr chi hrang hrang inkhawi vul chûkna chu a lang raih a, theihai kung leh kawl-sunhlu kung a ding phauh phauh bawk.




"Hei... Bawiha țhiannu Hlimi a nih hi, zànin tlai chu kan pahnih hian kan lo pui ve ang che u," Joradan-a nu chuan a ti leh a.





"Hlimi a zualpui chu i ûte pahnih hian an siam zo duak tawh nâin, chawțani kan siam dâwn em ni?"




"Teh rêng mai," ka ti lo ve vat a. Nèl àwm zeta min nuih hnu chuan fridge kawngkhàr pakhat chu a pawt hawng a, Tomato pum lian deuh pathum leh dahnia tih vêl chu la chhuakin dawhkàn chûngah a rawn dah a, Purunsen leh cutting board ban leh nghâl thuaiin tomato rawh ràwt a ngainat thû chu min hrilh siam siam a, mak tak maiin nu Hmingi bula ka awm hian ka hah rùn lova, hetia a titi siam siam hian ka nu nêna hun kan hman dûn țum ang chiah khân, hahdam takin a thu sawi ka ngaithla thei tlat a ni!





Eirawng bàwl tùr zualpui an zawh tawh vângin an nula pahnih chu inbual an duh chuan inbual tùrin a hrilh a, eirawng bàwl vêlhi ka ti ngai hran lo nâin Jordan-a khân an inah chaw ka ei tùr thû a sawi thâwr ringawt a, eng mah tihpui lova pindan a tawm ngawt ngawt ai chuan, chêtna tùr lo zawnpui ve kha a inthlahrunawm loh zâwk daih.





"Hlimi, nang ei siam hi nuam i ti em?" Jordan-a nu chuan a ti a. Gas thukah tomato a rawh khu vut vut bawk.





"A.. ka hre lo, ka ti vak ngai lo a," dik takin ka chhâng, kan inah phei chuan eng mah ka ti ngai lo, nu Hmingi chu a nui hak hak mai, purunsen chu ka theih ang a ulukin ka chan ve ngei bawk.





"Chemtê i chelek dàn kha fîmkhur rawh aw, i inzai palh a nge," a ti a, tomato pakhat chu rawh lehin a thai lêt kual pah reng bawk a.




"Dhania hi ka chan sîn nghâl dâwn em?"

"Aw, bahkhawr pawh kha chan nghâl daih rawh," tih pah chuan a tomato rawh zawh tawh chu a kheh nghâl a.


"Mahse, fîmkhur rawh aw, i inzai palh a nge," a tih nawn leh chuan amah chu va enin ka nui hak ringawt.


"Ei siam hi nuam ka ti țhìn lutuk a, baking pawh ka zir ve țhìn, Jordan-a te naupan deuh lai zawng zawng paw'n ka cake bake kher an ei duh țhìn; mahse, kum 5 kalta aţang khân ka hnungzâng ruh hi a fel thei tlat lo mai a, din rei deuh emaw, chêt zawng a engtin emaw ban han phar chhuah fuh loh deuh hian ka dingmar thei ta hauh lo mai a, ei siam pawh mi dang kutah ka dah a țûl phah ta a nih hi"


"Awi! Anih chuan tomato kha ka lo rawh ang, ih...i hnungzâng i ti na palh ang," ka purun chan chu tawpin ka ding chhuak hlawl a, tûl thîr a tomato vih pah chuan min lo nuih hawk hawk a.


"Ding chunga hetiang tihte chu ka thei lutuk alàwm, chu lovah eirawng bâwla chêt vêl hi nuam ka ti hrim hrim a, purun kha i chan zo tawh em? Hei rawt-thlêngah hian dah la hmarcha tê sen nên ràwt pawlh ta che"



"Aw le," ka ti a, ràwt thlêng awmna min kawh hmuh zeuhna lam chu panin rawtthlêng chu ka ban vat a, tomato kâwr kheh pah chuan ei siam tui dànte, a secret recipe te min hrilhin min titi pui char char a, ka nu ei siampui a, ka chawhmeh tui tih zawng hrilh paha alu ka velpui țhìn lai ka mitthla lêt uar uar bawk.


"Nang hmarcha thak i ngaina em?"


"Umm, a thak poh leh a hâng tui mai hian ka hria," ka ti a, min pawmpui tih hriat nâna buk nghat pah chuan kut a hmet ri khep a, hmuh a nuamin a nèlawm bîk tak zet.



"Mapuia zànriah eiin a kal chhuak daih sia, chuvàng chuan thak deuh tâkin kan rãwt dâwn nia," a ti a. Prof Msa a sawina ani tih ka hriat rual chuan ka thil ràwt chu ka tawp nghâl chawt mai!



"Ih.. kha pa, aaa, Jordan-a û khân hmarcha thak a ei ngam lo tihna elo?" ràwt fawng la hûm reng paha ka en háw chu kut beng thak pah hian min nuih leh hawk hawk tawh. A palian si, hmarcha thak ei ngam lo tùr atân chuan a hmêl a rorum êm asin!



"Ei ngam ê!" Nu Hmingi chuan a tia, ka nui ta hak. " Mahse, taksa a en kawl uluk êm a, taksain a mamawh loh ei tùr chu tawh pawh a tawk duh ngai lo. A insawizawi nasa si a, hmarcha ei nasat chuan thin thîp leh taksa sahâl neih a awlsam hi, ani taksa sawizawi âtchilh tân chuan taksa sahâl leh thin thîp neihte chu buaipui awm deuh tùr asin"


"A va'n thei tak, ràwt thak tâwk te, bai thak têk tâwkte a tui vei nên"


"A tum a ruh pakhat bawk êm a ni," a ti a. Ni e, a tumruh vâng a nih bâkah a âtthlâk ka ti, khawvêla kan awm chhûng rei lo têa ei leh in a i sum deuh țûng chu a âtthlâk em mai a.


"Kei hian hmarcha ka ei nasa si a, hmarchatè umte hi hmet kehin chawah ka chawm tel țhìn a, Mapuia hian min hau hluk hluk zêl, a hrisel loh thu min sermon khum dût dût tawh chuan hmarcha ei tawh miah lo tùrin rilru ka siam hman rum rum zêl alàwm," a fahrawn nên an inpawh hmêl lutuk chu mak ka ti a, ka awt ru vawng vawng bawk.


"I duat hmêl ka ti"

"Engtin maw?" a ti a, ka en nghâl dâwrh a; mahse, ka ngaihtuahna kha ka sawi chhuak tih ka hre chiah!

"Aaaa, ih, Jordan-a û kha nia ka tih," ti nawi nak in, tap ka herh haw a, zah zêlah kut ka sil ta ringawt.


"Ee, Mapuia maw? Tu paw'n ani ang fapa țha lutuk nei se an duat vek ang chu, a puitlin bâkah a tum ruh êm êm a, a rilru pawh a tluangtlam purh mai, a pa nên kan inneih dâwn khân a farnute pahnih chu a nutei te lamin an lo fuih khaw lo deuh nge, min hal êm êm mai a, ka rilru kha a buai ve țhìn a sin; mahse, Ms-a hian a nuteite chêt lak dàn leh a nau-te pahnih an lo fuih țhìn dàn chu hriain a naute chu a hrâwk ta hrep a, hrâwk tih ah.. aaa, a nuteite khân ka chungchâng dik lo takin Ms-a naute hnênah an lo sawi țhìn a, chu an ngaih dàn chu Ms-a hian thlâksak vekin ti hian chhûngkua pângngai takin kan awm theih phah mai mai alàwm. Mapuia rilru puitlin zâr kan zo tlâng a nih hi. Dâwt hi a duh lo bur a, mahni thu duh ve tâwk tak leh ngêng ngul ni mah se, a thinlung a țha a, nu anga min pawm hmasak vang liau liaua tûn dinhmun thleng thei hi kan ni alawm," nui hmêl pu tel sâng hian an chhûngkaw boruak țhenkhat chu min hrilh ve malh malh a. Prof Ms-a hi a hrin ni lo mah se nu Hmingi pawh hian a thinlung taka ngainain, a hmangaih tak zet tih a mitmengah chuan ka hmu tel zêl tlat, ka awt ru tak zet!


Hetiang khawpa nu rilru țha leh fel hi ka nuhrawn ni ve ngat se chuan.... !! Ka mitthlaah Zomuanchhebawk-i a rawn lan rual chuan ner nawkin lu ka thing zui nak!




Kan khum puiah ngei ka pa mutpui ngam ngat khawpa hmeichhe nasa, ka nu rilru nâ kûn tlawk tlawk mai deu zeta țawng khum zar zar thei khawpa thinlung nunrâwng, chutiang mihring ka nuhrawn a ni bîk kher chu ka vânduaina ti zual tu a ni ka ti lo thei lo!






" Hlimi, pawi i tih loh chuan zawhna ka lo zâwt che ang a, Bawiha nên hian engtik ațang nge in inkawm țan?" Dinning chair pawt chhuakin ka bulah a rawn țhu ve a.


"St Paul's-ah kan lût ho a, chuta ţang chuan kan inkâwm chhota zêl," ka ti a, high school kan kal lai ațang Jordan nên kan inhre tawh, kan senior an ni țhìn. College erawh a first year kha phaiah an dah a. Khuti lamah ruihhlo a hluar zâwk fê vàng leh zu pawh Bar-ah awlsam tak a lei theih a an zâwrh nasat vângin Jordan-a'n a in nasa zual a, an hruai hâw ta rum rum kha a nia, kha mi kum tih loh chu kan inzui chawt.



"Bawiha țhiante hi tumah ka la hmu chiang mumal lo che u, nang erawh kan inchhûngah i hming a ri ngun viau thung," a ti a, mak ti a ka meng phar deuh kâwk chu ngainatawm taka min nuih pah hian, "i țhianpa hi 'Lola' tih nikhatah vawi sawm vêl tal sawi lovin a awm thei rêng rêng hleinem," uang ang reng taka a hmêl siam danglam pah chuan a aw kî a ti sâng pah a, ka nui ta hak bawk.



"A țhian dangte pawh a rawn luhpui zawk a, biak hman hmàin an chhuak bo leh nghâl daih zêl a; mahse, nang chu Bawiha țhian tam tak aiin i danglam bîk tih i inhria em?" a ti a.


Jordan nun dàn engkim leh a khawlai nun zawng zawng a hre chiang êm êm a, a fapa khawlai mî ve tak nên kei a kâra hmeichhia leh nghâl, kan inzui tlat hi mak a ti lutukah ka ngai.


"Aaa..."


"Ni lo ve," ti thuaiin dawhkàn chunga ka kut dah chu a rawn hûm nghâl chat a, ka melh nghâl kâwk bawk, ngainatawm taka min nuihin ka kut chu a lamah a pawt hnai a. Ka tîm dai ruallin min khawihna dam raih zêl hi dawn nuam ka erawh ti êm êm thung!


"I lakah hian eng ngaihtuahna țha lo mah ka pu lo a nia, Bawiha leh a țhian țhenkhatte aiin i danglam bîk ka tih awmzia dik tak zâwk chu maw, Bawiha ngei pawh i hre chiang ang, tûna a awm dàn engkim hi nuam a tih vàng leh a duhthlanna ngei a, hetiang kawng hi zawh a ni a; mahse, nang thung chu....," tâwp datin a kutphah nêm thep chuan ka kutphah chung chu a rawn chùl a.


"I kawng zawh mek hi i ngaina lo! A dik em? Eng emaw... eng emaw tlãn chhiatsan i tum vângin he kawng hi zawh mai chauh i ni tiraw?" a ti dam raih a, ngilneihna a khat a mitmeng dam raih chuan min thlêk veng veng a, thurûk ka pai bo zozai chu a rawn hmu tlang vek ni maiin ka hria! Chhâng lêt lovin chil ka lem khalh a.


" Eng harsatna nge i tawh a, i lo hmachhawn tawh tih hre vek lo mah ila i duh phawt chuan ka kiangah i inbun ruak thei a nia, eng chu nge tlãn chhiatsan i duh tih lah ka hriatpui lo che! Mahse, tûna i awm dàn hian i chhûngril khawharna a hnawh khahsak zo lo che tih erawh ka hmu chiang êm êm thung, i duh loh chung nawr luih che a, i chunga thil thlengte sawi chhuahtîr che ka tum hauh lo. Ka fapa ngei pawh nun kawng dik a hruai lût thei lo nû ka ni! Mahse, i chhûngril khawharnate, natna tam tak i pai bo tlatte hi paih chhuah thawl i duh phawt chuan i tàn ka awm reng tih i hre dâwn nia, nang hian khawlaiah hlimna zawngin i țhiante tih ang apiang ti ve țhìn mahla, hlimna i hmu zo lo tih i mitmeng thûk zâwkah hmuin ka inhre tlat a... aaa.. a lo dik lo thei tho bawk, eng pawh nise Hlimi, I ȚHIANPA NU hi i tàn ka awm tih hre reng rawh aw," dam raihin a ti nghet charh!



Ka rilru rawn no nghâl chu ka duh lo viau nâin ka mitah erawh mittui a tling khat vek tawh thung. Hmangaihna awkâ ka dawn lohna a rei tawh vàngte pawh ani mahna, ka tân nu Hmingi'n 'a awm reng' ang tih thu a sawi chuan min fan rawih rawih mai.


Ka nu boral hlim chhâwn khân tûn anga hmangaihtu dik tak leh ka hmâ ngaitu mi țha tak hi lo tawng ni ila chuan... lu ka thing nak a, ka mittui rawn luang chhuak mai tùr chu dan kîr tumin ka vànvadak a. Nu Hmingi paw'n min hre thiam zetin ka darah a rawn bêng dat dat mai.




Khawlai ah hlimna ka zawng a, ka thluak chawmawlh vek khawp a ruih tumin ka ban phâk a ruihhlo awma piang ka ti zêl; mahse, ka taksaah ruihhlo tûr ka thunluh hnem zawh poh leh ka fîm tual tual a, ka tleirãwl chhuaha thil thleng tam takte khân min rawn zîmin thâwk ipik leh tâwt ngawih ngawihin min delh rit ţhìn.





Ka nu boral hnuah khân ka pa khawsak dàn tenawm lutuk leh inchhûngah ngei hmeichhia rawn hâwpuia, ka nu nên an nupa mut pindanah ngei a khawsak pui thute, kei leh ka nuin kum khat dâwn pindan khat kan ințawm laia an nupa mut pindan ni țhìn erawh uirena pûkah a chantîr tihte kha u Hriatpuia kiangah sawi ka châk a, mualpho tâwpa ka pa kha siam lêt ka châk ngawih ngawih țhin!



Mahse, ka thil hmuh leh hriatin min tihnat mai bâkah ka nu thihnain min țhawn êm vàng khân țawng chhuak thei lovin thla eng emaw zah ka awm ta lawi a nih kha!



'Khua reiin fam ngaih lunglèn a hnèm ngai e' an tih ang deuhin ka û paw'n hnate a'n hmu a, hnaah a buai zui ta char char a, ka nu ka sunnain min kalsan țhen meuh chuan an tân chuan engkim a lo pângngai hman a. Lehkha zira a awmbo hlàna ka pa khawsak dàn dik takte pawh sawi chhuah a rem hlawl tawh lo!



Thil thleng engkim chu keimahin ka paibo ta vek a, nun pângngai a ka lêt ruala ka thil tum hmasak ber chu ka pa mualpho theihna tùr zâwng hlîra khawsak tum ani nghet bur! Rilru hahdam lo leh thinrim rêng rênga siam tumnain ka khat zo ta bawk! Tùn ang nun kawng hi zawh ka ni ta reng bawk....


"Dik lo a awm em?" ti sup rî vâng chuan nu Hmingi nên chuan kan hawi nghâl dâwrh a! Choka khawngkaa Jordan-a lo ding reng chuan , mitko ti hniam khûiin min melh nghâl ran bawk.


"I lo chhuk ve maw, kal bo tawh suh aw, i pa lo hâw se, chaw kan ei dâwn nia," a nu chuan a ti a, a nu țawng lai reng chuan Jordan-a chu choka-ah a rawn pên lût nghâl zat, min melh ngar chungin a rawn pên phei pâwk pâwk a. Ka hmâ dawhkàn chûngah chuan a ban pahnihin a rawn nem nghâl ran bawk.


"Nu, a tân a hriat nuam lo tùr thil sawi i nei em?" rum deuh tak hian a ti hmuk a, a nu a biak lai reng pawh chuan ka lak ațang mit a la sawn lo.


"Teh ngawt a che a," ti hlakin a âwmah ka nam dawt a, "Hmarcha ka khawihna kutin ka mit ka khawih palh a nih hi," ka ti a. Chumi rual a Jordan-a thaw huai chu a nuin a lo nuih hak hak.


"Fîmkhur țhìn rawh ka tih kha, khawi maw, ding teh," ti hlukin chair aţang chuan min pawt tho zui nawlh a, țanna hman awm hauh lovin 'tap' awmnaah min nawr phei dat dat a.


"A ngai lo, a reh tawh alàwm," thlêng silna tlângah chuan ka in nam khalh țang țang a, nu Hmingi chuan keini pahnih chu min nuih hawk hawkin Joradan pa a call dâwn thu leh kan inchin fel zawhah Avocado pum thum vêl lo zai tùrin min hrilh zui zat a.


"Kûn țha hle hle rawh, mit a hmarcha lût chu a na rei asin," ti hluk in ka bânrêkah a rawn man chawt a. Ka tukkhumah min nem kun lâwp tâkah chuan a rawn kûn hniam ve chu rum fahranin ka melh ta râwm a.



Min melh khûi chungin tui a herh hâw a, ka kuta tui dawh ka tum rual chuan a chek leh hluk tawh.

"I kut hmarcha kai na sain hmai i phih chuan, i hmai pum kha hmarcha hrîin a sa dâwn asin"


"Inti thu si," ka ti hmak, a kutphah hlai hlup chuan tui a dawh a, ka hmai chu a rawn tuai nghâl pâwk bawk. Ka tukkhumah a vuan tel tlat bawk nên naupang hmai phih duh lo, a pain tih luihna hmanga a phihsak hi ka inchan deuh ta tlat a.



"Khawi teh, keimahin ka ti dâwn"

"Che lo khân kûn țha hle hle rawh," ti bul hlukin a hmâ aia kûnin min nam lâwp a nih chu!


"Hmelchhe pa"

"Pumkin head"


"Khati khân min ko ziah suh Jor-tûmbur"


"Hlimlubuk," a rawn ti leh rual chuan che thutin ka dingmar a, nuihza insûm zeta min melh rulh rulh rual chuan, tui chu ka kutah dawhin a hmaiah ka theh ta thut!



"Het!!! Khati khân maw min tih dâwn a" tih pah chuan a kut pahnih zawm kawpin tui chu a dawh ta mai!



"Ka tlâwm! Min theh suh, ka huh vek chuan thuamhnaw hâk tùr ka nei dâwn lo!" ti chùlin ka tlàn chhia a, Joradan-a bêr bûr chuan min rawn ûm a nih chu!



"Min theh huh hmâ khân ka rulh lêt dàn tùr che ngaihtuah hmasa ta che," nui huk pah chuan dawhkan ka tlãn hual chu ka tlànna lamah min hêl khalh thut a, ka hmaiah tak a kutphaha a tui dawh chu a rawn theh ta țhawt a nih chu!



"Hmêla! Ka that dâwn che," khek tuar pahin hmai ka tui nghâl pak!




"Engthil nge in tih a?" Ka hnung lawk ațang âw thûm ril ruih hian a rawn ti dût a! Ka kut pahnih chu nghet deuha hûm tawmin ka ding khawng zui at!






Ka hmâa ding Jordan-a chuan muangchângin min pan hnai a, ka tukkhum za lum uaih uaih aţang chuan ka țhiante ngainat loh rawn prof Ms-a kha a dinna ngaiah a la ding reng tih ka hre thei a. Kan inhmachhawn miah lo chung pawha, a huhâng uapna zetin min ti buai vek thei hi mak ka ti nawn awn awn dâwn a nih ber hi!




"Kan lo infiam a nih hi," Jordan-a chuan a tih pahin, table chunga tissue box a mi tissue chu a pawt chhuak deuh țeuh a, min pêk pah chuan nuih zat hmêl zetin min cen ran a. Ka che sawn ngam miah lo chu mak ka inti ngawih ngawih!



"Choka chhûngah infiam loh tùr, ei tùr buatsaihna anih hi," ka hnunga ding chuan a ti chhum hmuk a. Ka maimitchhing sak a! A âw bul thûm ruih vang chuan ka thisen zam a țêk lum hial a nih chu! Thû a neih hmèl hluah hluah tih bâk amah sawi nân hian ka hre lo.




"Ehe, Mapui, i chhuak sia, engati nge ni?" Nu Hmingi țawng rî ka hriat rual chuan thaw huaiin Jordan-a tissue min pêk chu ka ban a.. lawks! Ka thâwk ka lo îp leh tlat tawh tih pawh tunah khân ka hre chiah!



"Umm, lehkha ka rawn lam leh lawk dâwn, ka office dàwr duh kha an lo la inhawng sia, ka rawn lêt leh a nih hi," a ti thum ruih.



"A nih chu, min lo phone la, i naute țhian dûn hi ka rawn pektîr mai tùr che a nia"


"A pawi lo, room-ah ka dah a, ka'n la ang e, ka chhuak leh nghâl ang"


A kalsawn thâwm a hla tual tual a, ka âwm chhûng ri dawt dawt chu a sa tel bulh bulh a, thâwk leh khata ka âwm dàn phung leh lungphut dàn zawng zawng ti danglam vek thei khawpa, mipa huhâng na lutuk kha ka ngaina thei ngaiin ka ring lo! Kan la inhmachhawn hauh lo chung paw'n a uap a na rèn rùn si!



"I pa pawh a rawn hâw mêk a, i u Vulite ka va au ang e," tiin nu Hmingi chu a kalsawn leh nghâl a.



Kha pa âw kha a chhum bungin a rum deuh ul a, khati chung khân a thûm zawih ruih vângin a rilin a cool êm êm thung a, khatiang aw thûm cool ruih rî kha ka la hre ngai lo rêng rêng.



"Nang hi," ka phu zawk chu Jordan-a chuan min din hnaih nghâl sauh.

"Eng nge?" ti bah nak pahin ka melh chho nghâl háw.


"Nichina ka û room bathlara i lo awm daih khân engthil chiah nge i va tih?" min melh ran chungin a rawn pên hmâ zêl a. Ka mitthlaa thil rawn lang uai uai vàng chuan Jordan-a min enna aţang mit la sawnin, thil tisual lai man chhuah ang mai hian ka tawlh hnung hret hret a.



"Eng mah ka ti lo"


"Dâwt," a lo ti hmuk.

"Eng mah ka ti lo tak tak, nang paw'n min hmuh reng kha," uar zeta tih tan tan pah chuan ka dinna ngaiah ka ding ta tlat a, eng mah ka ti sual lo tak tak! Pindan chhûng ka en laiin bualin aţang a lo chhuak thut a, ka en tirh khân amah kha hmu ila chuan ka en reng teuh lo! Ka ngaihtuahna vàng chuan huaisenna nei thar sauhin dâk vahin Jordan-a mitah tak chuan ka melh lêt ta ngar a.



"Ka hmu che maw?" ngeiawm zet hian a thle nghut a, "Ka rawn hmu lai che chuan ka û room chhûng uluk takin i bih.."





"Ka bih lo chiang lutuk," vànvadak haw a tih hlar pah chuan rum deuhin ka melh vak a, "room chhûng kha a lo lang thei a ka en kual ringawt alàwm," a hrawk bawk zawn melh lehin ka ti muang raih a.



"Room chhûng chiah maw i en kual a," a va'n sual thiam tak aw!

"Aw.. i lawm tawh em?"

"Ka rawn hmuh ve dàn nên a va inpersan ve, ka u khân towel chiah a ven mai bâkah a inbual zawhna a la rei lo.. nang hian" rawn che thutin ka darah nghet takin a rawn man ta mai!

"Hey, eng nge i hria a?"

"Ka û inbual lai i bihthla em ni?" What!!! Ka nui chhuak hak a, ka âwih thei lo zâwk! Eng vàng teh chaiin nge a û inbual lai chu ka bihthlâk ve rikngawt ang?!!


"I â em ni?" ti hlarin a bânrêkah ka vuan a, pawh thlâksak ka tum nghâl țang țang.


"I bihthla lo maw?"

"Eng vang teh ngawtin nge i û inbual lai chu ka bihthlâk ngawt ang a?" ti nghekin nin hmêl fê chuan ka thaw hak a.


"A hmêl hmuh i duh loh dàn aţang khân... uggh"


"... ka bihthlaah i ngai tih na maw? Jesus! Jor-tuibur leh!!" thaw halhin a kut chu ka phih thlâksak nawk a, "Tukverh pawh a inhawn reng reng lo kha," ka ti leh hrâm.




Ka hmâah ngawi ngul a dingin min melh rùn rùn a, kha prof inbual lai kha bihthla miah lo mah ila ka țhianpa min melh dàn vàng hian ka awm a nuam thei lo.



"I chhuak lehnghâl ang maw?" choka pâwna nu Hmingi țawng thâwm chu hriain rang lutukin Jordan-a lamah ka kal phei a. A hnungah inphen nghâl daihin ka ding ngawi ta kar.


"Umm, Rinchhani'n min nghak reng a," a ti sup.




"A nih chu, keini pawh i pa a lo hâw ang a, zànriah kan ei zui nghâl mai ang, nuam deuhin hun inhmang dâwn nia," nu Hmingi țawng rî chu kawngkapui lamah a ri phei zêl a. Thâwm dang awmta lo na nâ nâ chu, kawtzâwla motor engine start rûm vung vung rî chu ngaithla zui rengin 'Engati nge hmachhawn ka hreh êm êm le?' tih chu ka inzâwt rilru nghal nauh nauh a. Thil tihsual ka nei miah si lo; mahse, thil sual tituin police tlânchhiatsan a tum ang maiin a thâwm rî va ka hriat rual hlekin ka che buai nghâl vek zêl a. Mi hlauhawm tak a nih ka ring nghet hmak tawh!





Jordan-a pa lo hâw hnu chuan zànriah kan kil nghâl a, an nupa chu an felin min biak tlàngnêl an tum êm êm a. Vawiin an hman dàn an nupaa an sawi dûn lai chuan ka lo inngaihtuah a, Jordan-a hi a vânneih tehlul nên eng vànga hetiang a awm tlat a, ho taka nung tlat ngê maw a nih le? Nu leh pa țha tak leh fel tak a neih mai bâkah hmangaihna an ngahin hriat thiamna an ngah si, ka hmuh chin chiahah pawh hian a nu leh pate hi fate ngaihsak tak anni tih ka hre thei bawk, an mahni ang hi ka nu leh pate ni ve ngat se chuan...




Thâwk la hakin bawngsa tui hâng ka hawp nghâl khawlh!


Zànriahte kan ei zawh fel hnû chuan party-na a kal Jordan-a'n a rawt a. Party han ti ila kan țhiante emaw, țhian țha ni chiah lote pawh house party an buatsaih hian kan tel ve ngei ngei țhin.




"Bawiha, i chhuak leh dâwn em ni?" kailawna kan inzui thla chu Jordan-a nu chuan Jordan chu a lo be thuai a.

"Aw, Lola thlah pahin ka țhiante inah ka kal kawi ang," a tih chuan, a nu chuan apa chu inthlahrun hmèl deuh hian a melh zeuh a. A pa erawh thingpui hâng no dawmin a ngawi vung vung.


"Rei lo la aw," a ti ban chalh.


"Nu Hming, zànriah tui tak min eitîr avàngin ka lâwm e aw," an chhûngkaw inkâr boruak chu thlâksak tumin ka lo ti vat. Nui var varin min pan hnai a, ka kut pakhat chu la kãngin a hûm deuh vang vang phawt a.





"Kan inah hian engtik lai paw'n kan làwm che tih hria la, rawn kal fô rawh aw, zànriah kher lo chhun lamah pawh inah ka awm reng țhìn a, ei châk zâwng i neih chuan min hrilh la, ka lo siamsak țhìn ang che," a ti a. A aw fiah fel thlapa min ngainatna tak tak ka hriat tel vâng chuan, nui chungin lu ka bu rang kher mai.




"Kal i la," Jordan-a chuan a rawn ti a, a duhtâwka pàa a chei danglam a helmet lawk zet chu a zak zeh ran bawk.



Nu Hmingi chuan kawtzâwl thleng min thlah a, an in hmun hmâ hi a remin a zâwl dap a, gate bulah thingkung upat hmêl zet buk deuh deuh pathum ngawt a ding bawk.






Kan kawtah bike a ti thi duk a! Kan in êng pup chu bike hnungah la țhu reng chungin ka thlêk vang vang a. Jordan-a te inchhûnga ka hahdam ang khân kan inchhûngah ngei hian ka hahdam ve ngai lo.





"I laizawnnu fel leh rilru țha ber-i dak zat zat rî chu i'n ngaithla leh dâwn an hmiang," a tih kher a, a thu sawi dàn vàng chuan ka nui ve hak a, a helmet lawk zet chu la thlain bike hmâa dah pah chuan thâwk a la nghal suai suai mai.


"I huphurh deuh em ni?"




"Nope, a hêk dàn tùr che ka ngaihtuah a, a pui leh piap piap viau ang," chek hlakin a darah ka bêng ta thlawp, a nui ve mai.







Jordan-a mai ni lo ka țhian mipa dangte hian Muanbal-i fa bîk mizia chu an hre chiang lutuk. Keini ang hian a mize dik tak a pho chhuak ve ngai lem lo nâin a room chhûngah a sen chi a stock ru dul, nu Thiangtei in ti faiin a room bawlhhlawh bawmah condom hman hnû țum thum ngawt a hmu tawh bawk! A mipa kawpte pawh mite hmuhah chuan puitling leh fel tak vek an ni! Mahse, Jordan-a te vek hian an lo hre chiang țhìn bawk nên an zu laknaah an lo hmu ve fô tawhte hi a lo kawp ve thei ziah; mahse, keini angin an mize dik tak an pho lang ngam ve lo ka tih tawh kha! Zu in duh viau siin lemchangin puan zar an inzar hliah a, an chep viau ta ve ang! Lemchang rêng rênga nun hman ngawt mai chu!



A nu ang maiin țawngkam a thiamin vêng chhûngah langsar taka invawrh dàn a thiam a. Higher kan kal lai chuan tûn ang tak hian kan la inhal lo! Anu leh ka pa an inneih miau avângin goverment school ațang st paul's-ah a rawn insawn nghâl a, a tîr chuan țhian kawm tùra nei mumal ngai lo! Mahse, ka țhian țhenkhatte nên ka inhmelhriattîr a, țha takin kan inkâwmho tùra ka ngaih laiin Beck-i chuan ka țhian țhenkhatte chu school-ah mai ni lo, phone ațang a lo be kual ta thluah a, a lo rei hnû chuan ka țhian țhenkhatte chuan min mil thei ta rêng rêng lo, Becki'n engtin chiah nge ka inhmelhriattîr hnuah khân ka hriat lohin a biak zui tih lah ka hriatpui si se lo nên, a kherh hran theih awm tâwk tê tê chu kherh hrangin kan țhianho lak ațang an tâl hrang ta daih a. Mi dang lah chuan pawi an lo ti dèr bawk si lo! Nangmah vànga țhian nei thei mai maiin a rilru milpui tâwk fuih kual theih a nei kha, lawmpui zâwk rawh min ti ta hleuh.


Kawngkapui lian zet inkhàr chu ka pawt hawng a, Jordan-a nên kan inzui lût thâwm vângin nui dar dar rî chu a reh zui nghâl hmiah.



Țhutkhâwmnaah kan inzui lût a, an lo awm kim țhap a, Becki bialpa a lo lêng bawk.



"Khawnge nilêngin i awm bo a?" kan țhut ve hmâ hauhin Tenawm-a chuan a lo ti nghauh.


"Aw, pa-a class a kal ve bawk ang chu, class bân hnua lèn kawite chu mi fate chin loh dàn pawh a ni bîk hleinem," Muaneki'n a lo ti nghâl zat chu ei lo fêin ka men kual khum ralh.


"Class a kal bawk lova, an prof nên kan inhmu a, min hrilh vek," Becki chuan a lo ti hlak, muanbali'n ka hmâ ngai ang zet a țawng a lo neih nghâl thuai chhan kha ka hre ta chiah. Ka ngawi leh reng dâwn tih an hriat vângin ka lam țang ang zet a lo țawngin Muanbali khân min tal awhtîr a lo tum leh reng tawh a nih kha!



"Engtik lai khân nge class ka kal thu ka sawi a," tih hmak pah chuan thawven hmêl fahranin Jordan-a chu ka melh a. Kan lemchan thiami te nufa in melh ralh chu a lo hmu ve chiah ani ka ring.


"Lo țhu rawh, intleuh thuak ka duh si a, ka rei deuh mai thei aw," ka ti a. Bu nghatin single sofa-ah chuan a țhu nghâl khar a.


"Khawia kal chhuah leh nge in tum a?"


"Kan țhiante in ah.. e, chuan, vawiin khân class ka kal lo tih chu i hre dik," ti liam puatin Becki chu ka melh kher, "Jordan-a te inah ka kal, zànriah ka ei nghâl bawk," ka ti a. An ngawi ta dâk hlawm.



Kailawn tawn tirh ka rah chiah lai taka, ka BEST FRIEND thu sawi vâng chuan hawi lêt miah lovin ka nui ver ver mai.

"Zira, i stock hnèm fû lo maw, zànin a mi tùr lâk kan tum a, a neitu nuin ințhianhoin in lâk zawh vek thu a lo sawi a," Jordan-a chuan a ti hmiah!


"Eng maw i sawi?" Becki'n a ti deuh tuar.

"Zira hi nia ka biak," tiin Jordan chu a ngawi zui daih.

"I hai a niang, Zira'n zu a in ngai lo ve," deusawh rawngkai fêin Beck-i chuan a ti lêt hlak a, "Zira a tih vàng ngawtin amah hi a ni kher lo," ti leh erhin a nui hak bawk. Ka rilru chuan 'mi dangte hian an hre chiang dûn mai si che u a, ngawi hle hle la i ti fuh zâwk ang' ka ti rauh rauh a.



"Ka hai a nih dâwn chu, kan zu lakna nu khân Zira, Soil and department pu Thanhlira fapate țhianhoin an la vek tawh a ti a, pa hming pawh a lo inang palh mai mai a nih dâwn chu," nuihza insûm zet chuan a ti leh kher bawk. Becki chu a ngawi ta hmiah a, Zira paw'n nuam lo tih hmêl zetin hrawk a thian khurh khurh!



Kei erawh pên chho that thatin ka nui var var mai. Ka tân engkim tih huam țhianpa ka nei miau a, Zira chuan a hnâr a hmu lian lawrh lawrh viau ang, a bialnuin ka pa bulah a report țhat theih vei nên, zu lakna te'n an țhianhoin an lâk zawh vek thû Jordan-a khân a sawi ta hmiah sia!



Ka room-ah chuan ka lût a, ka thuamhnaw chu hlîp nghâl sat satin sûk tùr bâwmah ka vawm lût nghâl vek, bathrobe leh towel lianpui pakhat nên bualinah ka lût tlang a, tui lum pepin ka taksa a rawn phuh huh sar sar lai chuan, țul lo tawpin towel vâr chiah veng rún a Prof Ms-a taksa hrâwl leh uk khurh mai lang hnawm dap kha ka mitthla lêt a, ka hmai leh hrawk chhûnga rawn sa hat hat a. Chu ka mitthla chu duh lo zetin lu ka thing zui nak bawk.





Ka sam leh makeup vêl chu hmanhmawh takin ka ti sawk sawk, kawrfual dum chhîng teih tawih chu ka la chhuak a; mahse, ka scooty LalKimkima'n vawiin khân min khalhsak a, zànin party-naah a lo ken chuan ka khalh hâw a ngai dâwn.


Thâwk la hakin jeans leh tshirt vâr ka la chhuak ta zâwk a. Bathrobe chu phelhin bra leh panty chiah inbel chuan dârthlalang hmâah chuan ka ding a. Nu lian tak ka ni lo, ka chêr hran lova, ka thau lêm lo bawk; mahse, ka taksa erawh ka chhuang ru ve viau zêl, ka âwmbâwr kawh lah leh ka mawngbâwr vâwng lahte, ka kawngfêk lang chiang êm êm si leh ka dul thep zaih mai hi inchei nuam ka tih chhan a ni fô zêl.


Inhnuai lama ka chhuk thlâk ve meuh chuan Becki bialpa kha hmuh tùr a awm tawh dèr lo. Ka mitmeng a Jordan-a ka zawh rûk chuan vei nuih sukin mit min siai zauh a!


Becki meng rum rang raw raw chu hmu lo der hmiahin, kan țhian dûn chuan kan inzui chhuak nghâl daih bawk.



"A bialpa i hnawh hâw sak daih sia.." ka ti fiam a.


"Ka hnawt hâw a nih loh kha, thu dik ka sawi a, mi dikte chuan thu dik an hâw ngai hleinem," a bân chu a vai thuak a, "A chhuah dâwn khân min melh rum teh asin, min lo châng hial maithei," ngeiawm tak a nuih sâwng pah chuan a ti leh kher bawk, ka ner nâng chu a kutchalin ka hnâr a rawn nùl thuak bawk.


"I âwih lo em ni? An vêng kha mi sualrawn hrât vêng annih kha"


"Min lo châng a nih leh an sualrawn hrep che ang a," Min melh hrâwk chungin a rûm ta nghut a.



Party-na kan thlen rual chuan hman zâna kan zînga a lo hruai tawh hmeichhe pakhat kha alo awm ve a. Jordan-a nên kan lût chu beisei nei zetin a lo meng no nghâl sawr sawr mai.


"Saw le.. zànin chu bus-ah i chuang leh dâwn a nih hmèl," a dar zâwnah ka han phun sar sar, a rawn kun hniam vut leh a mitmeng dur thim nghâl khup chu hlau duh miah lo hian ka nuih rah rah a.



"Bye, Kimkima'n ka scooty a lo keng dâwn a, thlah ka ngai lo a nia," thawveng fahrana nuih sâwng pahin ka kut phah ka vai zauh. Hmeichhiain min rawn hnaihchilh tawh êm vànga, ka țhianpa hi chimawm khum ngam mai mai ka ni bawk!


Nuni leh Remremi lo țhutna lamah chuan kut vai zauhin dawhkàn chunga beer can chu ka la kãng nghâl zat a. An lam pana ka tlàn phei tùr chiah chu ka thlâwkin ka hria!




Tha chak lutukin hneh zeta min pawh lêt hrâwk rual chuan ka rak țhat, boruaka ka kat lêt dâwrh rualin a taksa khuah takah chuan ka su dawt a. Remremi leh Nuni chu an lo nui hak hak a. Ka beng hnuaia rawn nui rî huk leh a nuih ruala, a kâ ațang boruak lum rawn chhuak hak avàng chuan ka tâl zui phat mai.


"Jor-tuibur min thlah rawh," ka ti hlar, music chu ring viau mah se ka beng hnuai a thâwk khum ruala, a thaw ri ham ham chu ka hre thei.


"Jeffry-a a awm ve, hnaih lo ang che," tih hmuk pah chuan ka hnunglama ka bân a herh chu a thlah thâwl a. Ka che tal nghâl phat chu min hnûk lêt leh dâwrh mai.

"A mak!!!"

"Ka thu sawi kha min chhâng lêt hauh lo," ka beng bulah lo kûn hniamin a phun leh sup. Thinrim țûnin ka rûm hak a.


"Lo awm pawh ni se a pawi em ni?" Ka kut min hnung khirhsak miau avângin ka hawi lêt thei dèr lo.


"A awm mai mai chu thil pawi tak ni love Lola; mahse, i hnaih a nih chuan," a ti chhuak hrâwih.. chawl datin ka bân chu a hmer nghet salh a, "Hnaih hauh suh ang che, saw mipa saw i tàn a țha lo," ti hmukin ka bân chu a thlah a, hmalamah min nam kal dâwrh a, rum tawk a melh chunga ka hawi lêt chu hmeichhe pakhat khal nalh zet chu, "hey, Baby," tih hluaiin a kuah nghâl hmiah.



Chu hmeichhe hleitling leh khal zet mawngah chuan chùl kualin mit min siai sak a! Luak chhuah hmêl zetin ka uak der vel ta ringawt!




"Engati êm êm nge, i lo kal dâwn lo emaw kan lo ti hman alàwm"


"Ka lo thlen tawh hi," ti hliaiin an bulah chuan ka țhu a, Jordan-a te lam chu ka va melh zeuh a, lo melh lo law law ila ka ti tak zet!


Kha hmeichhia kha bang inpindanna nghèngin a ding a, chu nu lu bul chu nam rùnin chu nu dar phen ațang chuan, ka țhianpa lerh-zet-a chuan min lo melh kur a. Ka va en tih a inhriat tâkah chuan hmeichhia chu hnaih ruai ruaiin a biangah a fâwp thawi thuak a.


"Tenawm ber," ti hlakin ka hawi sawn hmak.


"Tu maw?"

"Jor-Tuibura saw mawle, khawnge Sammy leh Madinate"

"Drinks an lak belh dâwn a nih kha," Nuni chuan a lo ti a. Beer chu ka hawng a, an dah vawh vâng nge ka lem rualin ka kawchhûng a hit thla nghâl raih raih a. Can khat chu kar lovah ka tlâk fel der.


"Vawiin class i kal lo ngawt a, Prof a meng dur teh asin," Remremi chuan a ti a. Ka ner nâng thung.


"Saw, Madinate an lo thleng," tih leh Nuni chu a tho chhuak nghâl zat, mi dang zi hut hut kârah chuan a inzep lût bo daih a. Ka hawi kual ngial paw'n Madinate hmêl ka hmu ve hauh lo.


"Vodka a chah a," Remremi'n a ti a, mit ka siai zeuh rual chuan phûr zetin Nunin kalna lamah chuan kan inzui phei a. Jeffry an ka bânrêkah a lo vuan chawt mai.

"Lola"

"Jeff," ti pahin ka nui ringawt. Remremi chuan min nghâk tangnge a ti dèr bawk si lo.

"In tùr i duh em?" a ti a, beer can a hum ve tho.

"Can khat ka fai dèr tawh," tih pah chuan ka bânrêk chu ka melh zeuh.

"Oh" a ti hluai, min thlah a; mahse, ka kalsan hmâ chuan "ka msg i chhâng ngai lo a," a tih chuan ka nui tãwi tak mai.


"Kan.. kan inbe lawk thei ang em?" inthlahrun hmèl tak chuan a ti zui a. Nunite ka zawng ru deuh a; mahse, mi chi hran hran an zik huai huai avàng leh inchhûng zaupui chu a thim deuh ruih avàngin ka hmu mai thei lo.


"A pawi hleinem," ka ti ve mai a. Jeff-a hmêl chu a veng deuh huai mai. Beer can pakhat chu a la a, min pêk chuan ka lo ban ve mai a; ka bânrêkah a lo kaih leh chuan ka phu deuh zawk. Phelhsakna hun awm lovin kailawnah min kai chho nghâl a. Kailawnah chuan țhenkhat an lo infâwp ngawng ngawng a. Kawilawn chhuah chho hlawlah chuan hmun awl zau deuh hlek a awm a. Sofa inhûngah chuan mipa pakhat hi hmeichhe chungah a lo bawk rùn a, an rui tawh hlê a niang, tumah an zah pah tawh lo, mipa chuan hmeichhe kawrfual chu a nawr tawm chhoh sak nawk nawk a. Nuam tih hmêl zeta hmeichhe rûm thâwmin a zawm nghâl zat.


Chu mite inbawhbehna hnungah chuan tukverh lianpui a awm a, chu lam pan a Jeff-a'n min kaih chuan ka țang deuh țang a.

"Hmu lo der tawp rawh," a ti sup, inchhûng a êng țha lo hrim hrim a, saruakin an awm lèm lo bawk nên kal pêlin tukverhah chuan min kai chhuak a.


Khaw thlîrna hmun thengthaw nuam zet a lo awm reng chu niin!


"Wow" ka ti hliai, Jeff chuan ka can chu min laksak a, a kheuh hawn hnuah min pe leh mai bawk.

"Ka message chu eng vângin maw min chhàn loh a," a tiin a nui tel sâng bawk.


"Uggh.."


"Ka zâwt lo mai ang che," ti leh lawiin a thaw chhuak hawk chuan, a sam chu a tuai chho thuak a.

"Lola bul țan dàn tùr ka hre chiah bîk lo.. mahse, ka duh che," vànvadak deuh hlekin a maimitchhing a, "Ka duh che," ti nawn leh chung hian muangchângin a rawn meng ruai ruai bawk.


"Khawngaihin chance min pe rawh," zâwi taka tih pah chuan ka mitah tak min melh nghâl siah a.


"Ngaihzâwng tih vêl hi ka buaipui ve lo tih i hriat kha," ka ti a. Rilru nat hmêl zeta min en vung vung chu nuam ti chiah lovin beer chu ka lem khalh a.

"Ih.. induhna tih vêl hi ka ring ve lo; a awm tak tak ka ring miah lo.. min hre thiam dâwn nia," ka tih zawm zat a.

"Lola" zàwi têin ka hming chu a lam, a hmêl lan dàn chu ka sawifiah thiam chiah lo, a beidawn bâkah natna ka hmu tel bawk.


"Remremite khân min lo zawng tawh ang, ka chhuk thla hmasa ang aw," ka ti a, tih hlim nâna ka nuih luih ngialna kha ka ât hmêl ngawt hian ka inring! Ka hnung tawlh hret a, a dinna ngaiah dingin Jeff-a chuan min lo melh tlawk tlawk a.


Ka kut vai zeuhin ka inher a. Tukverha ka pên luh hmâ si chuan, hnunglam ațang ka kâwngah min rawn kuah thut a, a âwmah min hnûk bet nghâl thlawp bawk.


"Jeffrey!"


"Khawngaihin Lola, chance.. vawi khat chiah chance min pe rawh," a ti a, ka tâl nawk nawk a, a in ve tawh tho avàngin a kai deuh tawhah ka ngai, min manna chu a lo ti nghet ve tulh tulh a.


"Min thlah phawt teh," ka ti hlar tawh. A chhan chu Jordan-a bâkin min kuah ngai lo.. mi dangin min kuah hi ka duh miah lo bawk.


"Jeffrey ka sawi chu i hre lo em ni?" ti vîn hlarin ke leng meuhin ka tâl nawk nawk a!


"Thlah nghâl rawh," chu âw hriam hreih hrâwih lo chhuahna lam chu ka zawng nghâl ruai a, tukverh piah ber ațang chuan tu emaw a rawn chhuak hlawl a! Jeffrey paw'n min man beh tlatna chu a thlah thâwl a.


"Tu phiangsen nge i nih a?" ti lêt khur khur chung chuan ka bânrêkah a man hmiah. Thim zîng atanga kan lam pan a rawn pên phei chhak chhak chu a âw ațang khân Jordan-a ani tih chiang takin ka hre thei.



"Hmeichhe duh lo chung pawh luih kha mipa tih tùr a niin i hria em?" ti hrâwihin Jeffrey-a hmachhawn tûr tak chuan a rawn ding nghâl hmiah.



Ka bânrêk a man beh tlat vângin, tâl eng ang mah ila min man nghet tulh tulh thung a.


"Huh? Nang maw? Khawnge tûn lawka sex i hman zawhpui chiah hmeichhia kha a awm a... ani chu kalsanin kan buainaah hian rawn intahluh i tum a maw?" Jeffrey-a pawh chu a zam loh hmêl kher mai.



"Thlah rawh," a ti chang leh hrâwih.

"Duh ta lo ila," âwm ti pohin Jeff-a chu a ding hmâ leh siah a, second a ral hman paw'n ka hre lo, Jordan-a chuan a bân a vai fua, Jeffrey-a chu a pai nghâl chhawlh bawk. In chhûnga awmhoin kan thâwm an hriat rual chuan tukverhah an rawn dâk ta sup sup a.

"Lût rawh," Jordan-a aw bul zet avâng chuan ka en nghâl kâwk a. 'Ninchin khân hnaih lo tùrin ka hrilh che ani lo'm ni?' ti ang hrim a rum leh dur khuia, min lo melh khui vâng chuan îhê lovin tukverh lamah chuan ka tlàn phei a. In chhûng ka luh hmàin Jeffrey-a âu deuh țhawt leh inhnek ri siah rî ka hre zawm leh zat.


"Awi, hetah i lo awm daih a, Jordan-a'n a zawng kual vak vak che alàwm," mipui kâr ațang min pawt dâwrhin Remremi chuan a ti hlawih hlawih.


"Min zawng maw?"

"Aw, kan bulah i awm si lo a, keiniho kha kut min thlâk dâwn em maw ka ti hman tawh.. awi! Tute nge insual saw?" A ti zui chul a, in chhûng eng țha mang lo ațanga eng zâm rawn chhuak bula, Jeff-a rawn hlawm țawk chu Remremi chuan a kâwk a.

"Jeffrey.. a sawisa tu saw Jordan-a a ni em.. Lalpa leh, khawnge Sammy-a leh Madina kha, an țhelh loh chuan Jordan-a sawn a that duh mai ang," tih ruai pah chuan a tlàn nghâl daih a.


Insual leh intihbuai vêl hi Jordan-a tân leh kan țhiante tân chuan thil thar a ni dèr si lo, chutia Remremi phîlî chiam chu hre thiam lo takin Sammy-a leh Madina kai dawr dawra a rawn tlàn lêt chu ka lo en mãwl tawp a.

"Va țhelh r'u, a that duh mai ang," tih leh mipui kârah Sammy-a-te chu a nam lût nawk nawk a. Ka bulah chuan rawn lêt lehin ka bân bulah ka bêng ta chawrh..

"Eng nge?"


"Mãwli, Jeffrey-a hi Jordan-a'n a thîk tih i hre miah lo nge i hre lo der zâwk?" a ti a. Sammy-a leh Madina'n Jordan-a chu man betin bangah an nawr bet rawk rawk, Remremi chu phâwk deuh hian ka melh a.

"Jordan-a hian a duh che tih hi i hmu thiam miah lo em ni Lalhlimpui?" a ti leh tuar!


"Nang hi..." ti a ka nui hak chu â min ti tih hriat lutukin, na zetin min melh nghek mai.


"Engthil nge maw i sawi le..?" ka ti bah nak a. Jordan-a'n kei hi min duh ang maw? Âtthlâk lutuk mai a!


"Â leh lutuk mai," ti vakin min bêng tak ang nawk nawk a, "Nangmah vângin min hnek ve ţêp asin, Jeffrey-a nên in chûngah in inzui chho tih ka sawi ruala, a thinrim hmêl ang kha vawi khat mah ka la hmu lo, mipain a mipat pui hmu tawh lo tùr leh be lo tùrin a hrilh chhên che a nih chuan a thîk tihna ani țhìn tihte hi hre thiam ve tawh êm êm rawh Lalhlimpui," a sawi tam bawk a, min bêng tel zawt zawt bawk nên a sawi zawh meuh chuan a thaw nghâl kâwk kâwka!







Madina te'n Jordan-a chu an rawn luhpui a, a kutah chuan thisen a kai hnuang, Jeffrey-a țhiante pawh an tlàn chhuak sap sap a. Remremi nên kan dinna rawn pan tute zînga a laia kal mitah chuan thinurna meipui a alh hluah hluaha ni ber! A jacket hmâ zipper inhawng huau ațang chuan, a kawr âwmah thisen a val kulh tih a hmuh theih a, thâwk a lâk zâwngin a taksa chu a la che hrâwk hrâwk bawk!






Kan dinna an rawn thlen rual chuan Jordan-a chuan, rum ûla min melh khûi hian a ner zui sawk, Remremi chuan a eng a mah hmàin min pawt hnung nghâl thuai a. A thisen lum inthunun thei lovin min vai tluk tâwp a lo hlaute pawh a nia nge!






Thâwk a la ri hrâwk hrâwk a, eng mah sawi si lo hian ka hmâah ding rùnin min chhuk melh ngur ngur a, Madina chuan a dara ben sak dawt pahin, "Hâw mai ang u," a lo ti vat bawk.



"Bawiha?" Jordan-a darah chuan hmer salhin a ti hrâwl chu a hmeh sak nawk nawk a. Ka lak ațang mit la sawn hauh lovin Jordan-a chu a rawn ding hmâ leh hrut a.

"Jordan?" Remremi'n a lo ti țung.




"Ka thu sawi kha zawm harsa a ni em? Lalhlimpui?" a tîr lam chu a âw a zâwiin a khûr ru hluk, ka hming a lam meuh chuan a âw chu a fiak țhak a. A kut thisen kai hnuang chu a vai thuak bawk.






"Zànin khân thil pakhat chiah ti tùrin ka hrilh che! Huh? Kha thil kha zawm a har viau em ni?" A hmâ aia aw râwl vîn leh fiak zâwk chuan a rawn ti leh hrâwk a. A thisen a la lum bawk nên a hrawk hrui chu inphiar țawlh țawlhin a hmai chu a sen vek a, "Sawi rawh?" ti țhawt a min melh ngur rual chuan a insehruh nghâl țawlh țawlh bawk!





Thinrim zeta chhan lêt ka tum chu Madina'n min lo khap thuai a, 'eng nge Jeffrey-a ka zui vângin a lo thinrim ve êm êm' tih zawh ka duh a... amah paw'n hmeichhia kan duhpui hleih lohte pawh a kawp kual a; a chûngah tuma'n kan lungawi lohna kan ti lang ngai hleinem!!!



Jordan-a thinrim la lungawi thei lo lah chuan a bân vai thuakin sofa chu a chhir nghâl bur bur! Rûm hrâwk hrâwkin a inhrosa kûk kûk bawk nên hmeichhe dang chu hlau lutukin an țe tuar tuar a!




Enter your comment tihah hian a comment theih aw. Chuan, Fb post comment naah pawh lo comment zêl tho ula.😍🙊
Storyfb-ah engati nge i post loh? He zawhna hi next chapter-ah ka chhâng ang che u auh.

1. Dingi Chhawnchhek

2. Mapani Kawlni

3. Remi Hauhhnar


4. Dingpuii Laldingpuii

5.Chhami Tochhawng


Utopia: 1996 s2 khaikhâwmna min neihsak tute zîngah panga thlang chhuakin topup ka thunsak ang ka ti a. Hei, storyfb leh ka mimal group comment lama inhming ziak chhuakin pawhfuh angin ka siam a. 😍 Hming panga ka lo tarlan tâkte hi ka pawtfuh keuh che u.


Comment ah emaw +65 82784252 ah hian whatsapp-ah min lo bia ula. In sim card hman hming min lo hrilh bawk ula aw. 😍 Ngopa a Sim card hman ang hmang chu invânnei dâwn 😆 a rawn lût nghâl thei ang a. Ngopa a awm lo chu ngopa a Xmas hmang a hâw te Aizawlah an lêt vêleh an lo thun thlap tho ang. 😘😘







Comments

Unknown24 December 2019 at 11:21
Avan ngaihnawm tak ...
Becklubuki ang mizia hi tunlai mize tam tak nei ani

REPLY

Unknown24 December 2019 at 11:45
Xmas gift tha tak ani..a ngaihnawm em em e..Xmas chibai le pitarte

REPLY

Unknown24 December 2019 at 11:54
A ngaihnawm thei lutuk,Jordan hi ka duh lutuk a ka tap tawp dawn in ka hria

REPLY

mawimawii24 December 2019 at 12:06
ka kham lo țhin😂

REPLY

Unknown24 December 2019 at 12:42
A van tawp hma ve,tawi deuh i tih hian i inhmeh ve lo

REPLY

Unknown24 December 2019 at 14:33


Ngaihnawm lutuk, Next nghahhlelhawm tawp,
Duh aiin atawi ṭhin ..

REPLY

Unknown24 December 2019 at 19:53
Jordan-a ngawr ngawr ka vei leh bur dawn😍

REPLY

Unknown25 December 2019 at 02:23
Ngaihnawm ve,ka kham lo hle

REPLY

Unknown25 December 2019 at 05:27
Awiii, ngaihnawm khat tlat..........Christmas chibai 🤝🏻🤝🏻

REPLY

Unknown25 December 2019 at 08:38
Ka van kham lo si thin em!😊

REPLY

Unknown25 December 2019 at 10:13
Ka duh em em țhin lutuk emai a😘😘

REPLY

Unknown25 December 2019 at 10:13
Ngaihnawm turu buru

REPLY

Unknown26 December 2019 at 22:46
Ngaihnawm lutuk

REPLY

Post a Comment
Attachments
PicsArt_12-25-10.26.35(5).jpg
PicsArt_12-25-10.26.35(5).jpg (37.64 KiB) Viewed 332096 times

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 2nd, 2020, 6:50 pm

TÊTAKTÊ-I
Chapter 4
Abbra Reo Ririni Khiangte (PitarteiSualfingi)



♡Love me for who I am and NOT who YOU want me to be. That's how you will get the BEST of Me.♡



#Euphoria Naktûkah ruai min lo țheh kêp ve r'u aw. 🙊🙊





Inhrosa chunga Jordan vei kual thuak thuak chuan hmeichheho chu a ti țîin mipate paw'n an en țhup ringawt tawh, mi dang an rawn pungkhâwm tual tual bawk a, in chunglam chu zui rui insual en châkin kan khat ta hung a ni ber!




Jordan inhrosa thâwm ri buan buan chu khap ngam an awm paw'n ka hre lo! Tha nat hmêl zet hian sofa chu vawi khat a tlawh leh chawrh, a inhunna aţanga che dâwrhin bang a deng thla dawp a nih chu! Râpthlâk ti zetin ka en tlawk tlawk!





"Bawiha?" Sammy chuan a ti țhawt; Jordan jacket hnungah chuan țhâmin a pawt lêt a, Jordan-a lo inring bîk si lo nên chuan an pahnih chuan chhuatah an tlu lo chauh! Jordan-a chuan Sammy țhâmna chu phih thlâksak hrâwkin sofa chu vawi khat dang a chhir leh pawp a! Sammy-a chuan a bân bulah manin a pawt her leh nawk a.



"A tâwk tawh ka tih kha," a ti leh țhak, khatia thâwm a siam tak chiamah chuan light pawh tu emaw ber hian a lo on tawh , in chhûng thim deuh ruih êng țha takin a thlâk tak uarhah chuan Jordan-a kamsîr chu a pem tih leh a kut thi hnuang mai kha, a kutchâng ațang thisen rawn chhuak vàng tih ka hre thiam nghâl zat bawk. A thâwk lâk zâwngin a taksa chu a che hrâwk hrâwk a, a mitmeng sen râm mai vâng chuan ka va pan hnai ngam lo!



Sammy-a chu engkhaw sawi set set lovin a vai thlu ve nghâl tawp duh mai anga, tih tùr khawpin a kawihher sawk rual chuan cho zet hian a dinchilh zui hmiah bawk si! A mitmeng chu a thil in vâng leh a thinrim lutuk vângin a sen khui mai bawk nên ka dinna ngaiah ding rengin Remremi nên chuan kut kan lo inhmer ngawt ngawt a. Hetiang khawp a Jeff-a ka zui vànga a thinrim ta mai hian min ti hamhaih tak zet!



Insual a zawh tawh miau vângin in chunga rawn chho tuau tuaute pawh chu kal darhin in hnuai lamah an chhuak thla ta sung sung a. Sammy chuan tukverh pâwna Jeff-a-te țhianho inbuiapui chu a bih thuak a, Jordan-a chuan Jeff-a a țhiante'n an lo kai tho tawh tih a hmuh rual chuan pan a tum leh ta mai!


"Bawiha inbengdai hmasa phawt rawh ka tih kha," Madina chuan vuan bet chawtin a ti nghâl vat.



"Inbengdai la, chhuak teh ang u," Sammy chuan a lo ti vat a.


"Vawi khat pawh Lola hi lo hnaih tawh suh ang che, a kiang hnaiah ka hmu leh che a nih chuan tun ang mai mai hian ka chhuah tawh hauh lovang che," tha za aw khûr dur dur a ti hrâwkin a ka chhûnga thisen chu a rawn chhâk chhuak țhawt a! Madina leh Sammy-a'n chelh bet tlat lo phei se chuan a chhuak leh daih tawh zâwk ang.


"Min thlah r'u," ti hlukin a țhiante pahnih chelhna chu a thing thla pawp a. Thâwk a la hawk a, a mitmeng sen khûi chuan ka dinna lam chu a rawn melh leh ngur tawh!


"A duh che ka tih tawh kha," Jordan-a melh kar chungin zàwi tê tak takin Remremi chuan a ti sap a. 'Chutiang thu lo sawina hun pawh a ni lo', ti rilruin rum deuhin ka melh nghâl nghek!




"Hmu lo tùra ka hrilh chung che paw'n a rûkin kha mihring kha i lo hmu ru țalh a ni lo'm ni? eng nge hetah hian i la tih ve reng a; kal la kha mihring phiangsena hnênah khân va awm rawh," Jordan-a chu râwl lian lutukin a rawn âu țhawt a, keimah min bia tih ka hre nghâl vat, ka chhâng lêt ang tih hlau zet hian Remremi chuan min hmer ngawt ngawt mai!


"Va pan ta che," A kut thi phung chu vai chhuak thuakin min âu khum leh țhawt! A hrawk hrui inphiar țawlh țawlh leh a thu sawi ka zawm loh vànga thinur lutuk bawk si chu a ner zui sawk a! Remremi sawi kha a dik! Hetiang tak a Jordan-a thinrim leh lungawi lo hmêl hi ka la hmu ngai lo, awm dàn tùr ka hre lova, Jeff-a ka hmuh vànga hetiang taka thinurna nasa lutuk a nei thei hi mak ka ti ngawih ngawih bawk.



"Ngawi tawh rawh ,chhuak phawt teh ang u," Sammy chuan dam dap hian a lo ti a, Madina chu mitmei zauhin an pahnih chuan Jordan-a chu kuah mai a'n tum a, Jordan-a thisen lum leh tha za laklawh tawh bawk si chuan, a țhiante pahnih kuah tumna chu lo vai sawn sawkin rum êm êma min melh pah chuan chak lutukin a kal sawn ta vut a!





Madina'n a ûmzui thuai bawk, Remremi chuan tha khûr dar dar chungin ka kut a hûm beh ngawt ngawt chu a thlah thawl riai riai a. Sammy-a chu kan bulah muangchângin a rawn lêt phei a.


"Eng nge thil thlen dàn ni rêng rêng a?" ti sapin kei leh Remremi chu min din chilh nghâl hmiah. Remremi chuan thâwk la hak pahin min melh zeuh a.


"Jeff.. Jordan-a khân Jeffrey-a kha a thîk a.. ughh, in hnuaiah kan awm laiin Lola hi a rawn zawng a, Jeff-a nên in chung lamah an chhoh thu ka sawi rual khân, keimah ngei pawh kut min thlâk châk hmêl a pu nghâl vek asin! Chuan, a han chho a.. in rawn hmuh ang kha ani tawh mai," tih pah chuan a sam chu tuai puatin a thaw zui ham ham a.


Sammy chuan eng emaw tak ka hnên aţanga hriat belh duh a nei tih hriat tak hian, min melh rân a. Kei paw'n khatiang tak khân a rawn thinrim ang a, kut a rawn thawh nghâl bawrh bawrh ang tih ka hre lawk bîk rêng rêng lo!



Hre lâwk ni ila chuan Jeff-a'n min biak a duh thû a sawi pawh khân, ka zui miah lovang! Mahse, țum dangah pawh hmeichhe dang a kawp țhìn miau vângin party-na kan thlen rualin an kal hrang nghâl daih a, Nuni leh Remremi nên kan inzui chawt loh paw'n, Jeff-a a lo awm ve chuan kan bulah a lo awm a, chutianga kan awm dûn pawh a hmeichhe hruai nên an tih tùr an zawh hnuah an lo let hian min rawn hmu fô, a hmâ zawnga thinur nâna hmang ngai si lo khân, tûna taka a rawn rîkpui ta chiam mai kha min țhâwng ve tak zet!






Jeff-a chu a țhiante'n bathlar aţang an rawn kuah lût a, a thisen chu a chhuak nasain a mitko chu a duk ruih mai.


Sammy-a chuan 'kal sawn ang u' tih nân Remremi nên kan darah a rawn bêng dat a.



Tûnah tak hian khawiah emaw a thinurna hrîkthlâk dàn tùr ngaihtuahin, insualpui tùr kan Jordan-a khân zawng hial maithei!



Chu ka ngaihtuahna vàng chuan ka harh kâwk kâwk a!

Ka țhiante pawh ngaihven tawh lo chuan chak tawkin kailawnah chuan ka tlàn thla nghâl zawt zawt a, ka țhiante pahnih pawh ka hnungah an rawn tlàn hlawk hlawk a.




Insualpuiah mi dang a cho kual ang a, zànin hian lock up-ah hun hman ngai hial khawpin na takin a che zawm ang tih mawlh chu ka hlau tak zet. Inhnuai chu lo kal belh an awm zêl bawk nên a chêpin mi dangho chu ka su phei nawk nawk a, kawngkapuiah chuan tlàn chhuak hlawlin kawtzâwla bike leh car lo inhung deuh țhup chu ka en kual nghâl thuak thuak a, Jordan-a bike ka hmu bawk si lo, beidawng zeta in chhungah luh leh mai ka tum zet tawh chu in piah hla deuh taka sintex lianpui nghènga thatchhe zeta Jordan-a lo ding reng ka va hmuh rual chuan ka vànvadak a, hahdam huaiin ka thaw nghâl hak bawk!



Vawi thum vêl chil lem khalh khalh a thâwk ka lâk hak hak hnû chuan, in chhûng thim ruiha thil thleng vânga ka thisen lumte pawh a zia suai suai a.


Madina ka hmu ve lo, sintex nghènga leiah a țhut thlâk laite chuan, a lam ka pana ka phei mek tih chu a hre miah lo! A kamsîr chu a kutphah hnunglam chuan a nùl thuak a, ventilation aţang êng rawn zâm chhuak vàng chuan a kutphah hnunglam thi phung pawh ka hmu thei!




Remremi'n 'Jordan-a'n min duh' a tih kha chu a hriat sualah ka puh! A chhan chu țhian kan ni a, ani phei chuan min hriat chian bâkah hmeichhia angin min chhawn chhaih ngai lo hrim hrim; mahse, tûnah chuan keimah vângin a thinrim zia ka hria, țha deuha biak a, inbeng dai tùra hrilh ka mamawh!


In chhung lam ri hulh hulh thâwm vàng chuan ka pên rî pawh a hriat theih loh! Mahse, mak tak maiin ka awm hnai tih hre thei em maw tih mai tùr hian, Jordan-a chu a rawn hawi chhuak vat a! A kamsîr thi sar sar vâng chuan ka țîm uaih ringawt.



"I țha em?" ka ti lawi rât. Min rawn melh chhova, a mitmeng sen rûma min melhna chu hmuh nuam lo khawpin a thim sen khup mai!



"Ka țhat leh țhat loh hriat chu i tân țangkaina a awm em? Hmuh loh hlaua a rûka i lo hmuh pa kha va ngaihven zâwk rawh," a lo ti hmuk a! Meng kual ralhin, a bulah chuan ka țhu thla ve a. Min nin hmêl fê hian a sam chu a tuai chho nghâl pawk bawk.



"Ih.. i kamsîr leh i kut kha a thi a nia," ka ti dêk dêk a, thaw chhuak hawkin Jordan chu a ding chhuak nghâl daih a nih chu!


Ka dawhtheihnain a lo tlin tawh bîk lo nên ka ding ve nghâl phat a.


"Eng nge i hriat a Jordan?" thinrim zet chuan ka ti deuh hmarh a. Min chhâng lovin min kal pêl thuak a, ka ngei lutuk bawk si nên àn khum hrep tumin a hnungah chuan ka um hlak hlak a. In chhûng ațang Sammy-a leh Remremi pawh an rawn chhuak hlawl a, Jordan-a bike khalhin Madina a rawn tlàn lêt chiah bawk.


"Ka zawhna che kha min chhâng rawh Jordan, engati nge zànina taka, ka laka thinrimna tùr i zawn reng a?" Ka ti tâwn tâwn a, ngawi ngulin a kal hmawk hmawk bawk nên thinrim țûnin ka tlàn phei a.


A jacket hnungah ka va pawt ta nghek. Rûm nghut chung hian a ding ve ta hrâm a, kan țhian dangte paw'n min rawn hnaih ve zêl a.


"Ka zawhna che kha min chhâng lovin tlãn chhiat tum ringawt suh, nang pawh i duh tâwkin hmeichhe hran hran i zui kual a, tuma'n kan sawisel ngai lo che! I duh tâwka hmeichhia nêna nuam inchen hnuah min rawn pawh a, chutah buaina i rawn chawk chhuak ringawt bawk"


"Huh?" ti hluk hian a rawn inher lêt nghâl vut. A țha e, a țawng ve ta hrâm alàwm.


"Kei hian buaina ka rawn chawk chhuak maw?" a thinrimna kha a lo la reh hauh lo mai! A âu ring lutuk bawk si chu ka îp ru châwih thei!



"Kha mihring tenawm zet khân i duh lo chung a pawt lui che...Chu thil ka rawn dang chu ka thiam loh zâwk maw ni a? LOLA!" a ti hul hak, natna ni àwm tak a âw-ah chuan ka hre bawk.




"Ka.. ka sawi ..."


"A țha! Buaina rawn chawk chhuaktu chu ka ni mai a niang chu... țanpui i ngai nia ka lo hmu kha ka lo ti sual chhiava a nih hi!"



"Jordan"


"Va kal rawh, mipain an pawt kual che a nih paw'n eng mah ti lovin, kil khat aţang ka lo thlîr tawp ang che!!!! Khatianga mipa nêna inpawh buai kual kha nuam i ti hlê tih ka lo hriat loh avângin min ngaidam dâwn nia!!" ngeiawm lutuk a min nuih kher chungin bân a phar kãng vut a, na zeta min melhna mitmengah erawh natna thûk tak ka hmu thung.
Min țawngkhum dàn ngeiawm lutuk vàng chuan ka tâwt up up a, ben chawrh ka châk tak zet!


"A țha... ka kal ang, kei paw'n chhan awm lova min thinrim khum rengtu bula awm hi ka duh bîk reng reng lo, Jeff-a.. nilo, mipa tu paw'n min pawt buai leh a nih paw'n rawn inrawlh ve tawh suh ang che," dâk vaha melh ngar pah chuan ka âu khum tuar tuar a! A mitmeng chu a danglam nghâl dâwrh a! Remremi rawn tlàn phei tùr chu Sammy-a'n a bânah a man chawt a! Madina paw'n bike chungah țhu chungin Jordan-a leh kei a inhnial thinrim chu min en tawp!



"Eng nge? Nangmah ngeiin kal tùrin min hrilh ani lo'm ni?" khabe kãng vaha en pah chuan ka ti leh tawn tawn a.




Thil eng emaw sawi tum ni àwm tak hian a âng zuau a! Mahse, thaw chhuak hawkin a sam chu a tuai thuak a.


Ngawi ngalin Jordan-a chu ka kal pêl nghâl hmak a, Remremi'n a thinrim laia ka hnial zêl chu min ngei hmêl takin min lo melh rum ve êm êm bawk nên, Jordan-a zuia zànin a he party a ka kal hi ka inchhir tak zet! Mipa nêna inpawh buai nuam ti chhuahin min chhuah vei lehnghâl bawk nên a fuh lo vêl vek a ni ber mai.








"Hrep che hian Lola," ha chang țhial rawp rawpin a rawn ti chhuak leh hrâwih a, kei chu boruakah ka kat leh dâwrh tawh, Jordan-a taksaah ka va intauh dat rual chuan thaw chhuak hrâwihin ka biangah a rawn khuap a, ka che ve hman lo! Dîm lo lutuka min kawih dâk salh rualin, a rawn kûn hniam ve chiah a, ka meng kâwk chu a chalin ka chal a rawn nawr si a! Ka hmuia rawn fawh tum ni àwm tak hian a hmui lum huam chuan a rawn nùl thuak bawk!




Mahse, chutiang êm a thleng ta lo!


Rûm hawk chungin na lutukin a chal chuan ka chal a rawn nawr ta ngawt ngawt a, a pang chu a sa ham hama, chu bâkah a chala thisen zâm phu zawih zawih chenin ka hre vek thei!


"Khawngaihin Lola, khapa kha hnaih tawh suh," ti zàwi supin, a hmai chuan min awm hnaih leh deuh a, kan hmui a insi lo chauh tawh!


"Please," a âwm chhûng ațang zàwi lutuka a rawn tih nawn leh chuan mak ti lutukin ka meng deuh kâwk a!


"Eng.. eng vângin?" Ka lo ti bah nak. Kan țhian zînga ka ngainat ber leh taksa pawh ka sik tam ber ni mah se, hetiang taka hnai hian kan la in awm hnaih ngai lova, a thaw lum ham hama whiskey rim rawn nam chèk chèk bawk si chuan, ka thluak chhûng a zêm chûk chûkin ka hria.



"A chhan min zâwt suh!"


"Aih, Jordan a chhan hriat ka ma.... "


"A chhan min zâwt lovin, ka thu sawi kha zâwm ve mai rawh," vawi leh khata inla hrang thut pah chuan a âu leh țhawt tawh! Mahse, ka biang chu a kutphah pahnihin a la khuap reng a.


"Kan ințhian țhatna hi chhia se i duh em?" a tih chuan, Ka melh lêt ngar a, eng emaw sawi duh nei mah se, sawi chhuak thei bawk si lo chu, na ti hmêl pu chungin chal a ti chuar nung bawk.


"Duh lo"


"A nih chuan Jeff-a saw hnaih tawh suh, a chhan min zâwt tawh bawk suh," ti chhum hmukin min awm hnaih leh sauh chuan, lu ka bu nghat a, hnai takah Jordan-a chuan min melh a, kan in țhian țhatna hi engthil vâng mahin a chhiat ka duh hauh lo! Ka chhûngte ai pawha min ngaihsaktu, ka lungngaih châng apianga ka kianga awm a, min chhan nâna mi dang huat nih pawh pawisa lotu hi engthil vâng maha chân ka duh lo hul hual bawk!




Jordan-a chu a rawn kun hniam leh ruai ruai a, a mit ațang a hnâr ngul sang vah ka melh thla a, a rawn hniam tual tual a, a kamsîr thi sung bula a hmui chhah deuh tap chu tlêmin a kau deuh a, ka rin loh dàn lutuk hian ka hnârah a rawn fâwp a! Ka biang a khuapna kutphah hnunglam ka han dawm beh chawt rual chuan zàwi têa nuiin ka chalah a rawn fâwp leh a. Mak ka ti bawk si chu ka ni deuh muai muai hian ka inhria! A hmui lum thapa ka chal chu rawn nawr vang vangin thâwk a la ham ham a. Ka khabe zâwna a lungphu chu a ri dawt dawt mai, a thâwk lak dan pawh a ritin a sa ham ham bawk.


"Eng nge i tih a?" Ka tih chuan, a rawn nui suk a.

"Ka thil tih hi i hre lo maw?"


"Yeahh... ka..."


"I hnâr ngul tetaktê sâng vahah leh i chalah ka fâwp," ka chalah a hmui lum nghat reng chung chuan a ti a. Ka nui hak chu zàwi lutuk a min nuih letin ka biang a khuapna kutzungpui chuan, ka beng hnuai a rawn chùl tel leh a. Vâwt tih vâng ni hauh lovin ka mur sung sung mai!



"Jordan," ka ti hak.


Harh chhuak thut ang mai hian ka biang a khuapna chu a thlah vat a. A sam tuai chho thuak chungin min hnungchhawn leh nghâl vut bawk.



"Dude, lêt tawh ang u," Madina chuan rawn tiin Sammy-a leh Remremi paw'n min rawn pan ta chiah a. Jordan-a erawh thâwk la hawk hawkin a ngawi tlat!


"A kiss che em ni?" Ka dara rawn kuah pahin ka beng bulah Remremi chu a rawn phun sar sar a. Ngei zeta ka melh tak râwmah chuan lei chhuah tetin, "in kiss inang êm alàwm," zâwi têin ala ti leh hrâm!




A tûk zîng ka harh chuan nî a lo chhuak ut tawh a, nizàn khân Lalkimkima a lo thlen tlai êm avàngin party neihna inah khân lût lehin kan lo nghâk char char a! Jordan-a lah dawhtheihna tlachham ve tak a lo ni kher bawk nên, zân dâr 11 pelha Kimkima a rawn thlen meuh chuan tùr deuha melh khui khui chungin a lo vîn khur khur a. Kimkima chu tuai deuh zezaw tih takah, chutia, Jordan-a'n a lo vîn khur khur chu mawng sawi țal țala kal hualin a vîn lêt zek mai a! Jordan-a lah ta pek chuan 'tuai a nia' ti ta nge ti bîk si lovin a hnial lêt zêl a, a tâwp a tâwpah Kimkima'n a biang a kiss sakah a vau meuh chuan a ngawi ta hmuk a.




Ka scooty ka khalh lêt a, Jordan-a chu ka hnungah zêl a lo tlàn a, kan garage-ah ka inhun fel hnû vekah min lêtsan leh chiah bawk.





Nizânah ka inhnem deuh bawk nên lu rit burin ka tho chhuak a, Bathroom-ah lût tlangin ka inbual a, sam ka sûk vâng chuan ka sam leh make-up buaipuiin rei ngial dârthlalang hmâah ka țhu leh a.




College kal a, lehkha va zir hi nuam ti viau lo mah ila, in ațanga ka awm bo theihna hun remchâng a nih vângin college kal chu phûr thei tak ka ni.


Ka sam uk kharh chu ka thlah hniang a, robe ha chung chuan vawiina ka thuamhnaw haik tur ka thlang kual dan dan bawk.





Corset dum leh jeans dum ka la chhuak a, hmeichhe dang angin ka pumrua lian viau lo mah se, inchei thiam ti a sawi ka hlawh ve fô zêl, ka inchei dàn chu college a hmeichhe țhenkhatin an copy nasa ve thei hlê. Ka insiam peih vek hnû chuan dârthlalang hmâah ka sam chu rei ngial ka'n siam țha leh a, volume a tam deuh hian ka inhmeh ka ti țhìn.



Ka room ațang chuan kal chhuakin ka bag pack ah țhat pah chuan kailawnah ka tlàn thla nghâl zat zat a.


"A tlai leh ta," nu Thiangi'n a lo ti hlak a, nuih tlawn pahin choka-ah ka lût tlang a. Glass-ah Bawnghnute ka inthlit chhuah lai chuan kailawnah ka pa hna kal tùr thâwm a rawn awm a, a nupuiin zanriah ei chhuahna tùr an neih thû a rawn hrilh thla sawr sawr bawk.


"Hlimi, Chaw pângngai hi ei țhìn rawh," min ngaihtuah hmêl tak hian nu Thiangi chuan a lo ti vat a. Bawnghnute chu ka in khawlh khawlh a, no ruak dawhkana nghah dat pahin, ka hmui a kai chu ka liak fai nghâl hlap bawk.


"Thawh veleh a chaw ei nghâl chu a tui duh lo êm alàwm," ka ti a, ka glass hman ka sil lai chuan ka pa nupui chu choka-ah a rawn lût ve a.


"Hlimi, class i kal tawh dâwn maw?" A fel hmel țhìn a nia.


"Anih hi," ka ti nghat, glass ka hruk hul chu a dahna ngaiah ka dah lêt leh a, ka pa pawh choka kawngkaah chuan a lo ding ve reng.



"I pa thawhpui te'n kan chhûngkuain zànriah ei tùrin min sâwm a, zànin tlai chu lo hâw hmâ deuh rawh aw," a ti dam leh thliam, a aw dam zet phêna chhûngrila min ngaihtheih lohna inphumru tlat erawh, țum dang ang bawkin ka hre chiang viau mai.


"A va'n pawi!" ka ti hliai, pawi tih hmêl zetin ka hmêl ka siam danglam ngei bawk, nui var var chungin Muaneki chuan min en a, ka pa erawh a la ngawi ngul.


"Tih tùr i nei em ni?"

"Aw, naktûk hi ka nu thihcham ani a, tlaiah ka ute inah ka phei ang a, unau talin chawhlui kan kîlho ve a niang chu, naktûk nilêngin thlân tih fai leh chei țhat ka tum bawk," ka ti zung zung a. Ka pa ding ngawi reng chu melh kherin ka nui deuh sak bawk.


"A nih chu, thlân cheina tùr chuan sum i mamawh em?" Muaneki chuan a ti a, a la nui var var tho, ka pa awm laia, a lung ka tih awi loh châng hian inthup takin a nui var var zêl!



Ngeiawm zetin ka thaw hliai a, "Sawi lo la chuan ka theinghilh chiang ngawt ang," tih pahin, dawhkàna thei bâwm ațang chuan green apple chu ban thatin, ka pa ngawi ngula a lo dinna lamah chuan ka phei a.



"Ka nu thlân cheina tur, a leina tùr pawisa chu min pe la," apple keih ri hmarhin, a mitah tak ka melh nghâl ngar bawk.



A hmêl chu a dawi deuh dui ka ti mai! Ka nu kha amah vànga boral ani tih a hriatnawn leh vàngte pawh a ni ta ve ang!

"Engzat nge i mamawh?" Min vîn ta bîk lo chuan a ti sup a.



"Pa-a hman chawp tùr ka kawl zînga mi khi ka pe thei alàwm," Muanbali lo țawng chu, amah pawh melh lêm lovin lu ka thinkhum nak a.


"Amah hian min pe thei reng alàwm.. a ni lo'm ni?" ti puatin apple bawk ka keih ri leh hmarh a.


Ka mamawh zat min zawt tawh lova, a wallet ațang chuan sum țha hnem fê a phawrh chhuak a.



"Keng chhuak lo la, i tibo palh ang," a ti vei sup. Pawisa min pe tùra a rawn lek chhuah rual chuan, nu Thiangtei lam ka hawi daih a.



"Ni a, nu Thiangte college-ah ka ken chuan ka ti bo palh ang, min lo kawlsak la, tlaiah ka rawn lam kawi leh dâwn nia," ka ti a. Muaneki kutah ka nu thlân cheina tùra kaihhnawih hrim hrim dah ka tum hauh lo.


"Aa... aw.. aw le, ka lo kawl țha dâwn nia," nuam ti chiah lo hian nu Thiangtei chuan a lo ti bah nak a.


Lâwmthu hrilh pahin ka nuih seih a, a kut ațanga pawisa chu la lem hlei lovin choka chu ka chhuahsan nghâl nal nal bawk.



*good morning pumkin head* scooty hunna ka pan laiin massage ka check a, Jordan-a message lo awm va chu ner nângin ka reply a.


*Jor-tuibur* helmet ka khuma, scooty-ah chuan lâwnin ka hûng rem a. Message a lo lût ve leh chiah bawk.


"Hruai i ngai em?" voice message a lo ni thung.



"Nope, min lo hruai chuan tlânbo i rawt leh phêt awm sia," ka ti kher a, a ngaihthlâk paha lungawi lo zeta a ner sawk tùr chu mitthlain, ka nui sâwng a. A message chu lo thleng lehnghâl mah se ka en tawh lem lo.




Traffic-ah rei ngial ka tân hnû chuan College gate ka inkhalh thleng thei hrâm a, scooty ka hung țha thuai a, "Awi, Lalmâaatee i chhe lo lutuk!" Lalkimkima'n a rawn ti nem nghâl duai!


"Lalmate i chhe lo fê zâwk," tih lêt pahin, ka helmet chu ka phelh a, dârthlalangah chuan inenin ka sam chu ka siam țha leh rih a, Kimkima chuan no zetin a kutțang chuan min zut sak ve ngial bawk.


"Awi, Lalmate kei aiin i thleng hmasa ve khanglang maw? ka'rawh coffee la ang," a țawng dàn ang deuh chiah a, âw ti danglam deuhin ka bân chu min kuah theih nân ka siam rem thuai a, ka bânah chuan bân a rawn rawlh lût a, a kawngkal rêng rêng hi kei ai daih paw'n a kal no țhìn.


"Nizân lalJordan-a ka ngei zia kha, a ruih vângin min vîn chiam chiam a, ka țap hman țêp a ni"



"A tâwpah kha chuan a hlauh khawp che kha," ka ti hlak, Kan han 'uuiii' thler leh duai phawt a!?



Coffee cup kan chawi khu vat vat a. Zirlai țhenkhat chu an zi leh hut hut tawh! Mipahoin LalKimkima an lo chhaih chiah hian, pawr hlarin ka chhang lêt erh zêl. Kan sual thiam ve țhìn sia, vawi khat ka tih lêt erh tawh chuan an ngawi mai zêl! Ka țawngkam hi a nâ-in kan țhianho ngat phei chuan, zahpah kan nei vak bawk silo nên kan ngei nih chu a hmei aţanga a pa lam thlengin an hlau vek!



"Wow! Kan Lola chu a nalh lehpek mang e!" Nuni chuan a ti hliai a, a âw-ah chuan a ti tak tak tih pawh ka hria. Lalkimkima chuan hawi sâng vahin coffee ka ken lohna kut chu min lek kan sak pahin a kal zaw zaw a.



"First period ka nei silo a, mut rei ka tum teh rêng nên Remremi hian min rawn nghâk tlat a," Nuni bawk chuan a ti zui bai bai a.


"Nizân khân khawnge i awm daih a, kan hâw dâwn pawh khân ka hmu ve tawh miah lo che," ka ti a. Remremi nên chuan an in melh a, an nuih rah rah dàn ațang chuan nizàn a awm dàn tùr chu ka ring thiam mai.


"Tu nên nge?" ka ti vat, Kimkima paw'n hriat châk hmêl zetin Nuni chu a țhut hnaih leh hlê tawh.


"Awi, inhre dâwn chiang lutuk, a zei khat tlat ani mai," nuih vak pah chuan a ti kual vêl a.



"Hmelchhenu sawi thuai thuai teh, min ti vir," Kimkima'n a ti hlar tawh.


"Tu hnênah mah sawi s'u aw," a ti leh ngial hnuin, College pakhata prof la naupang tak nên nizàn party-ah an inchhar dàn leh a hnu lama thil thlen zêl dàn chu min hrilh ta mial mial a.



"A hot sia..'' a tih chiam lai chuan, chiang tak maiin Prof Ms-a ka mitthlaah a rawn lang kuar a nih chu! "Chutiangin kan kal thui lo hran lo; mahse, a caring ropui bawk sia, chhuah ka tum miah lo.."


"Student i ni tih a hre lo em ni?" Kimkima'n a ti duai.


"Student ni mah ila a ho ê, a zei râpthlâk dàn lah kha ka *eat* chi..!!" a ti ham ham a. An in kiss a sawi thlen phei chuan, Kimkima chu a kut thing nawk nawk in a lo *wow* duai duai a. Mi dang hian ka feeling hi sawi chhuak ta ila an âwih kher ka ring lo.


Mipa leh hmeichhia induh tawnna hi ka hre thiam lo! Inngaizâwngte hian eng nge an inngaihzâwn chhan lah ka hre thiam bawk hek lo! Tu emaw an hmuh ruala an vei ngawih ngawihte, hmuh nawn leh châka an phî sek țhìn te hi ka la tawn ve loh vàng nge, ho hi ka lo ti țhìn mai mai khawp a!




"Mawh? Sawi ve vat teh?" Kimkima'n min nghawk sawkna vâng chuan ka harh chhuak zawk mai!

"Maw?" Ka ti hû a.

"Nizânah Jordan-a nên engtin nge in awm? 'Remi hian an in-kiss-in ka hria' a ti che u," Nuni'n chuan a ti lehnghâl zat a.


"Naaaaa," tih vak pahin Remremi chu ka'n melh rum vak ringawt a.



"In in kiss hrim hrim ang, Jordan-a zâwkin a duh si che, rei deuh in kiss position-in indin dun char char kha aw"


"Lalmate Jordan-a nên in in kiss maw?" Kimkima chuan ring tak hian a rawn ti ta mai! Mi dangho chu an lo hawi țhup bawk.



"I țawng ring thei lutuk!" A darah ka bêng țawlh, "Kan in kiss bawk lo"


"Nun, i lo chîk ve ngai em? Jordan-a hian Lola hi duh hmêl deuhin a en ngawih ngawih zêl tihte, mipa dang a hnaih leh hnaih loh min zawh chîk dàn êm êmte leh, mipa dangin Lola an bia tih a hriat ruala a mood chhe nghâl vek țhìnte hi i lo chîk ve em?" Remremi chuan kei min en lovin Nuni chu a en ta daih a.



"I sawi tâkah chuan....! " nuni chuan min rawn en thut pah chuan, "Remi sawi kha a dik chiah. Lola, Jordan hian a duh chiang lutuk che," a rawn ti ve ta țûng a!


Engati nge maw ni, nizàn ațang khân Jordan-a hian kei hi, min duh anga an ngaihtuah tak tlat mai le!


"In â êm mai," ka ti ta tawp, ka tho zui nghâl tharh chu min zui inpeih at-in an ding ve nghâl vat hlawm a.



"Sawi tùr eng mah ka nei tawh lo," chimawm zetin ka nuih nghâl sâwng bawk.





"Ânitê chips ei ang," Matt-a chuan ka malpuiah a rawn bêng tarh tarh a, zànriah kan ei na arei tawh deuh vàngin a ril a țam leh a nih ka ring.


"Bawihpui, Bawnghnute in la mu tawh zâwk la?"


"Ka duh lo, green chips ei ang," ti ve tlatin ka bânah min pawt ve țang țang a.



An in ka thlen hnuah ka tân a nuam lo thei zawngin u Melo-i a awm lo va. Bawihpuia nên kan infiam paha kan inbuan thuak thuak paw'n, hmanni kan ina an lo kal țum ang khân min thinhrik hmêl a pu lo.. uggg, ka hmuh loh lam ațangin Bawipuia nên kan infiam lai khân a lo tîm ru viau thei tho bawk.


U hriatpuia chuan sitting room piah deuha, a hna khawihna țhin ah computer in hna a thawk mawlh mawlh a, Bawihpuia chu ka pawm a, choka-ah ka luhpui a. Keimahni min hnung chhawna u Melo-i lo ding chu kan thâwm hriain a rawn hawi lêt nghâl dâwrh mai!


A hawi buai deuh nak a; mahse, insiam țha leh thuaiin phone ami hnênah chuan naktûk lamah a call tùr thû hrilhin a ti tâwp nghâl a.


"Ama, ânite-i nên chips kan ei dâwn a"



"Ok.. mahse, i mut hmàin ha nawh tùr aw," a ti zãng vah a.



"Hlim, ei tùr dahna chu i hria tiraw?" a ti leh a, min nuih sângin Bawihpui biangah a rawn piai zauh bawk.


"Ânî nên chips lo ei ula, Daddy bulah ka va kal ang aw"



Anu chhuah hnû chuan, Bawihpuia paw'n chips awmna chhuar lam chu a kâwk ve vû vû a.


A țhuthlèng sâng bîkah ka țhuttîr a, Chips chu a seh ri ve rep rep reuh bawk nên, a khat tâwkin video ka laksak deuh reng mai.


A châng chuan tihian ka ngaihtuah neuh neuh țhin; Chhûngkua huikhâwm tùr hian pate aiin nute an lo pawimawh zâwk tih hi! Ka nu damlai kha chuan hmun dang daihah ka û hi awm mah se ka nuin nitin deuh thaw a bia a, kei nên pawh kan inbiak tam phahin kan inngai êm êm a, duat lah min duat. Kan in chhûng lah a nuamin, school ațanga in a hâw thuai thuai kha ka châk êm êm zêl a nih kha!




Mahse, ka nu a boral ta chiah a, ka û pawh hmun hranah awm tawh lovin in khatah ngei kan chengho a; Amaherawh chu, kan unau min lo suihzawm ber țhìntu ka nu ber a awm tâk lovah chuan, ka û nên kan inkâr a hla tulh tulh a, kan in chhûng thlengin a ruak hung mai a. Chhûngkaw pa berin min dampui reng mah se ka nu dam laia unau kan inpawh angte, chhûngkua kan inpawh angte khân kan inpawh thei tawh ngai lo.



Zân dâr 9 pelhah Bawihpuia a muhîl a, ka tih mut a duh tlat vângin ka ute nupa mut pindanah ka ti mu a, khumah ka mut fel hnu chuan kal chhuak lehin, ka u hna khawih tûr ngah lutuk chu U Melo-i'n a men pui tûr thû a lo sawi a.




An in ka riah châng apiang a, ka hman bîk room-ah ka lût bo nghâl daih.


Jordan-a nên call in kan inbia a, zànin chu amah ang lo takin a lêng chhuak lo ve teh mial bawk nên, ka va nuih vak vak a. A ngawih tâk hmuk dànah a tûm leh bûr tawh tih hriain ka nuih a za telh telh mai a. A hnuah chuan, "eng nge i nuih chiam chiam a," ti bul bulin a rawn nui ve ta tho.


"Jeffrey-a nên in inbe leh tawh em?" a rawn ti leh deuh hmuk a.



"Aih, biak i phâl tawh loh kha," ka ti a, khumah bawk khupin chung lamah ke ka ti che zauh zauh bawk.



"Good girl, next week-ah ka rualin kal rawh aw," a ti a.



"Khawi ah maw?" Ka ti hû?



"Kan chhûngkuain kan huanah kan kal dâwn a, ka nuin a phût che," a ti a, ka awi chiah lo nâin ka tum tùr thû ka hrilh ta tho.




"Nichin paw'n a awm reng kha, tu in nge lo la hman ang a?"


Ka muthilh hmâ bathroom hmang zawk tùra ka tho leh chu, ka ûte nupa room ațang țawng thâwm lo chhuak vàng chuan ka ding deuh dat a.


"Zawng nawn leh teh, pelhe thei a ni miah lo a nia," u Hriatpuia'n a ti bul nghut.



"Ka zawng nawn vek tawh ka tih chu mawle, la an awm ani mai!" U Melo chuan a ti hlak hlak a.


"Tu chuan nge maw kan nupa room-a kan thil dah chu rawn la ngawt ang, inlêng kan nei lo hrim hrim," ka uin a ti ve bur. Ka zun a chhuah tawh êm vàng chuan chak deuhin choka bathroom ka pan chawn chawn a.




Dâr 11 a hnai kuar tawh tih ka chhuah hmâa phone ka en khân ka hria a, tûn ang zân tlai tawhah eng tak chu zawng ang maw?



"Hlimi?" Ka phu nasa lutuk chu Bathroom chhûngah ka tawlh lût leh rawk mai. Ka hawi chhuak leh a, ka u hmêl lan dàn rum deuh ul ka hmuh rual chuan, eng emaw hian min țham a, buaina nasa tak ka tâwk dâwn tih ka chhûng lam ațang chuan, min hrilh tu awm ang mai hian ka thin phu a rang nghâl zawih zawih!




U Hriatpuia chu Bathhroom khawngkhàr hmâah kutkuang kuahin a lo ding ran a, a hmêl chu a thim khup bawk. U Melo-i pawh dinning chair pawt chhuakin a lo țhu fel ran a.


"Eng nge?"


"Nichina bawihpuia i tih muthilh lai khân, pindan chhûnga thil lâk chhuah i nei em?" ka û chuan vîn hauh si lo mah se, rum tak si chuan a rawn ti a.


"Aih" eng mah ka la lo tak tak.


"I la miah lo maw?" min ti nawn leh kher a, eng nge bo pawh chu ka hre ve bawk si lo nên chutia ka lâk ang hrima min zâwt vel chu ka la na kher mai!



"Room ațang ka lo chhuah paw'n in nupain min hmuh reng kha," ka ti lêt a, thil ru a inpuh hi tuar ngun tawh viau mah ila ngaiah ka nei hlei thei lo!



"Thil lian tham a ni lova, thuamhnaw kârah a thuhrûk daih theih alàwm," ka û chuan a ti leh țalh! U melo thung chu a ngawi ngar a. Phone a khawih daih bawk.


"In thil eng chu nge bo a?" rilru na zet chuan ka ti a.


"Vawiin lama ka pawisa hawn cheng singthum leh tih a bo daih a nih hi," ti paha hmai a tuai pâwk chu mittui tling pamin ka melh reng mai.


"Ka lâk a nih in ring tihna maw?" Ka ti țîau, ka û lakah ka pangchan țhin êm vângin tûnah pawh ka zuau awlsam viau mai.


Ka û chu a thaw ham ham a, min chhâng lêt lawk lo chuan hmai a tui thuak bawk.


"Ka nu thlân cheina leina tùr chêng singkhat tling lo deuh chu ka rawn keng lût, chu chiah chu pawisa kawl ka nei..."


"Ka hria e, va mu tawh rawh," dam deuh zâwka tih pahin ka darah a rawn bêng dat a. Min kalsanin choka ațang chuan rûm chhuak hawk hian a kal chhuak nghâl daih a. U Melo pawh ngawi rengin a tho a, biak pawh min be lovin ka û hnungah chuan a kal hmawk hmawk a.





"Ka la lo a tih vâng ngawt khân a la lo tihna a ni lo, in in lamah pawh pawisa leh tlereuh a rûk chhuah ziah vângin, i pain police kutah hial dah a tum tih i hriat ve reng kha," hrilh ru deuh siin u Melo-i chuan ka u bulah chuan min hek ni berin ka hria!





Ka hamhaih lutuk bawk si leh rilru na lutuk bawk si chu, ka dinna ngaiah ka ding reng a, chêt sawn nachâng pawh ka hre lo.


"Ngawi tawh teh, Bawihpuia kha lo va mutpui rawh," ka û chuan a ti hluk a, u Melo-i pindan kawngka khàr tau deuh sawk rî chuan min ti phu dâwrh zui ringawt a.



Muangchângin ka lêt phei a, engati nge an ina ka riah zân ber kherah an pawisa pawh chu a lo bo ve kher le; u Melo-i'n min thinhrik rûk tawh tehlul nên tûnah phei chuan, an pawisa bo sawi kha ka lak ni miah lo mah se, ka lâkah a ring nghet bur tawh dâwn tih lah a chiang êm êm tawh a nih kha!



Ka u hna khawihna ka kal pelh dâwn chuan a chair-ah țhu chungin min lo melh rùn a. Rei lo tê ka en ve zeuh a, room-ah lût tlang nghâl daihin khawngka chu ka khàr phui a. Kawngkhar nghènga thâwk ka lâk hak rual chuan, ka mittui a rawn luang thla ringawt bawk.




Ka nu kha ka ngai tak zet! Ani kha chu la dam se chuan kan unau inkâr pawhhi hei ai hian a țha zâwk ang a, a thil ka lo khawih nia a hriat paw'n, țha tak leh zaidam takin ka naupan lai ang khân ka u hian min zâwt ngei ngei ang.



Ka mittui chu ka tuai hul tâwk a, khum chunga ka phone chu la kãngin ka hmet êng a, zànlai a hnai tawh, chuan a low lek lek bawk. Ka pajama hâk tawh chu hlîp lehin jeans kekawr ka inthawlh sawt sawt a, Kimkima ka call bawk.



"Khawnge i kal dâwn?" Ka helmet nên room ațang ka chhuak a. Chhâng lêt lovin kawngkapui ka pan nal nal


"Mate?" Ka bân bula a rawn man chawt pah chuan, min chelh ding dawt!


"Mate..." ti nawnin ka nui lui a, "U, hetianga min ko-tu ka neih awm chhun i ni, Mate tia min koh hian ka nu dam lai ang mai khân kan la inpawhin ka hre bawk țhìn! Mate min tih hian maw, pangchanna tùr û ka la nei ve tih ka hre thar a; mahse, Mate tih hian min ko khât tawh tiraw?" ti tawn tawnin, Ka nui ro hak bawk




"Chuan.. i nau hian vawi khat mah dâwt ka la hrilh lo che, ka nun dàn vàng hian intân chuan thil eng emaw hlekah rinhlelh ka awlsam ang tih pawh ka hriat thiam pui tho che u... Mahse, ka û.. ka nu dam laia ka hriat țhìn, ka û kha chuan maw.. Eng vàngin nge tûn ang hian ka nun tâk tih hriat tumin min kâwm nèl ang a, ka nun chhiat vek chhan hriat tumin theih tâwp a chhuah bawk ang, mi dang thu sawi vângin vawi khat mah min ringhlel ve ngawt lovang a, amahin a fiah a; engkim a hriat chian hmâ chuan a nau hi rûk ru angin a ngai ve ngai lovang! Mahse, hmâna ka û kha i ni tawh tlat lo a tiraw?!" ti zawm leh tawn tawnin a, ka nui lui hak bawk.



Chak deuhin Folkland pan chuan ka tlàn par para, Kimkimate vêng anih tho vângin sâwm chhuah a, khawi lai emaw hmuh reh deuha au vak vak ka duh ber rih. Jordan-a zâwk ka be thei reng nâin a lèn chhuah loh vàngin a nu leh pa an hlim ve dâwn êm êm a, chu an hlimna chu zân rei tawh lamah lehnghâla va tih chhiatsak chu ka duh bîk lo.




Kimkima chuan an kawtah min lo nghâk reng tawh a, hmun reh deuh a sawina lam kan pan hmâ chuan drinks la tùrin an zawrhna lamah kan inkhalh lêt chho leh rih a.





Professor Malsawmtluanga's Pov



Kawngkawi ka tlàn chhuak fel chiah tihah ka țhiante chu light pawh off lêm lovin an lo ding țhup a! Tlàn chho ve leh deuhin, kawngsîr rem laiah ka bike chu hung remin, ka țhiante lo din țhupna chhan chu ka hmu chawp chilh nghâl dèr bawk.



Hmeichhe pakhat leh mipa pakhat chu an scooty nên an tlu ani mahna, mipa chuan hmeichhia chu a nat leh nat loh a zâwt mawlh mawlh a, scooty tlu erawh țhianpa Jacob-a'n tun dinsakin, țhianpa Rs-a paw'n thu phâ chawi pah chuan hmeichhe berh phang chu a din chilh ve ran bawk.





Kei erawh thil thleng zel tùr ngaichâng pah chuan, Royal Enfield hmâ thatchhe zet a bawh rùnin scooty neitute chu ka en ran, hmeichhe têtaktê phun hlak hlak reng chuan, țhianpa Rs-a thu pha chawina chu a ngaihven hmêl loh hlè bawk.



"Bullet bike neiho lah hi kum puan light invuah êng pup zêl a!" a țawngkam vâng chuan ka ner nghâl zauh. Ka țhiante erawh an nui thung, țhenkhat chu an bike ațanga chhuk vein, hmeichhe tleirawltê tawngkam vànga nuih ruh ruh pah chuan, a scooty chu an en kualsak dun dun a hlawm a.





"Kawnga in mi tawh tùrte ngaihsakna pakhat mah innei ngai lo! Mizoram kawngpui hi inta chei a, keimahni tâwk zâwngin lirthei khalh an awm ve dâwn tih ngaihtuah lo lêk hian, eng vângin nge, in bike-ah hian YMA kum puan light in vuah kher zêl a? In mi tawh turte a en khalh tihte inhre thiam ve lo em ni?" vîn tak maia ti tan tanin, kan țhianpa Rs-a âwm chen lek ațang chuan țhianpa Rs-a chu a lim ar ar nia mawle!



"Mami, kan tih palh a ni, i inhliam nâ em?" nuihza insûm zet chungin Rs-a chuan a ti vat a, scooty sen lar hlar mai chu a thlêk kual pah thuak bawk, a hmâa hmeichhe tê tak tê thinrim hmêl zet bawk si chuan, mi dangho chu rum fahranin min rawn melh kual ang ram ram a, amah aia lian leh upa țhah, mipa rual lehnghâl chu min hlauh a hnêkin, kan tiatpui ni ngat se kut min thlâk duh hial ang tih tùr khawpin, a mitmeng chu a thîp hlar reuh a!

"Nâ!" a ti bak hlar!

Rûm nghutin bike ațang chuan, ka chhuk ve ta vut a!Pawisa pe ila,kan inchingfel a ni mai! Thu phâ chawi vêl hi ka ti duah ngai lo! Tûnah pawh ani tê reuh lakah hian, eng ang pawhin thu pha chawi mah ila, awmzia a nei dâwn lo tih a mitmeng alh phatah chuan ka chiang viau bawk.


"I khawi lai nge nâ? I scooty-ah hian hmelhem lai a awm em? Chêng engzat nge i mamawh?" tih deuh pah chuan țhianpa Rs-a bulah chuan ka ding ve vut a. Kan âwm chen pha ve țâwk tleirãwltê chu ka melh nghâl rùn a, min ner khumsak pahin a rawn dak chhuak ang hè háw a! Ka hmêl a hmu chiang chiah chu, a meng zau deuh kâwk a! Mahse, kan țhianho lakah hian a thinrim a ni tih chu, mahni leh mahni inhrilh nawn ang hrim hian, a kut pahnih chu a hûm ruh lehnghâl țang a!





"Bullet bike khalhho hi chu inchapo nghâl êm êm ringawt mai!" a rawn ti zui tuar! A țawng pah chuan a taksa nên zawng zawng a țang vek ani ber, Rsa leh mi dang an nuih huk laiin, kei erawh ka meng dur viau tawh! A țhianpa chuan tleirãwl țawngkam hlâwk zet-i chu a bânah a rawn pawt dat a; mahse, ar-la insual peih at ang chiahin a țhianpa kut chu a thing thla lehnghâl hmak!





"Nangmah ni vângin kan tlu a, hliam kan tuar bawk, țha taka thu phâ chawi a, ngaihdam min dil aiin pawisa engzat nge ka mamawh tih min zâwt a maw? Pheikhawk siai hmanga leather jacket in khuih tlet hlurh ang chiahin, inchhaw chhah hlê a nih hi!" rum êm êma min melh chung chuan a rawn ti leh erh!



Rs-a chu a nui dir chur chur tawh, kei erawh chuan hmeichhia a ni theihnghilh a, a chhîpah hian chum bur ka châk viau!



"Eng maw i sawi kha?" kut kuangkuah vut pahin, kut ka thlâk châk zia thup hrâm hrâm tum chuan ka nui lui suk bawk. Ka leather jacket hi pheikhawk siai hmanga khuih tlêt ani lul lo mai!



"Ka thu sawi kha i hre reng! Nangni leh in bike hi mipui tân inhnawksak hlê tih hre thiam map lovin, zân rei tak tak hnuah in tlàn ri dut dut zêl a. In bike ri thûm dêt dût hi in intih theihpui leh ta nghâl em mawni! Mahse, hre r'u, Mizoram mipui hian in bike ri thûm dêt dût lutuk hi kan ning ngawih ngawih! A rî hi inngaina a, inngaihlu viau a nih leh a rî rawn chhuahnaah hian earphone vuah ula, nangmahni chiahin ngaithla rawh u!" ka mitah tak thîp zeta min en chungin min âu khum tâwn tâwn a! A sawi tam bawk nên, a sawi zawh meuh chuan a hmai a sen vek!



Țawngthei ka ti lutuk chu, ka hmâa hmeichhe hmai sen vek chu kûn hniam meuhin ka en mãwl tawp! Mi dang chu an nui huk huk a! Kei erawhin second tlêm tê chhûnga, a kâ ațang thumal a chhuah hnem hman zia ngaihtuahin, a taksa tê tak tê chu ka thlêk kual vut a! A țawngthei lulai lutuk!


"A sound hi earphone nên a ngaihthlâk chi a ni lo...."



"Oh!" Vànvadak a nui hak chungin a thaw ve hliai a! Chutah ner sak pah hian, ka mitah tak min rawn en leh siah! Che hretin min din hnaih ve khai khai reuh a!



"Mahni chiah a ngaihthlâk atân; chu, a rî hi țhing inti leh deuh si em ni? In bullet bike thâwm rî ninawmzia hi Mizoram mipui tîti a tling tihte inhria em? Mahni chiaha ngaithla leh duh dèr si lo, engati nge hetiang khawpa ri bengchheng leh thâwm lian hi inkhalh dut dut zêl a! Mi tam zâwk hian sawisel che u, châk viau mah se in pa len êm avàng leh in chak hmêl êm vângin an sawisel lo mai mai che u...," a tih leh zet chu, Rsa meuh pawh a insûm thei tawh bau lo! Inher vutin a nui chhuak ta huk huk! Keini leh kan bullet chu, min sawisa hnehsawh viau mai!




Midang paw'n a țawngkam huat thlalaawm tak chu huata hnêkin nuihzatah an la zo vek tawh. Keimah ber hian ka haw țún!


"I sawi dik, kan zavai hian a mimal ang zawng paw'n i lêt a lian leh hrawl deuh thaw vek kan ni! Chuti chung chuan arla kawlh zet ang maiin i kâk zawt zawt ngam a maw?"


"Hlauh tùr in awm lo ve e!" min tih khum chiam pah chuan ner sakin a inkuangkuah tharh a!

Hrep chuan!


A chala ka vawi khat pen pawh nâ ti viau tur si hian, min hlauh loh thu a sawi ngam reuh a nih chu!

"Mipa rual pasarih hian tû hriat hauh lovin he i taksa tê tak hi kan dah bo hneh viau ang tih i hre thiam em?" ti nghutin, a taksa tê tak tê chu ka melh kual dun dun. Becky-G nên an pumrua chu a intiat viau ang! Têkim thlap, thau chuang nei hauh si lova, mahni tâwk a khal ve tat si! 5 feet boruak hîp pha ve țâwk tihna a nih chu!



"Lola.." ka țawng chhuah dàn chu a țhianpa chuan a lo hlau tepawh a ni chêk ang! Ka awm chen lek ațang min lim hrep inpeih at hmeichhia chu, a kai hnung dat dat a. Ani erawh a tê a têin, a la țêu hmêl viau, thîp zeta min melh khai khaiin, a țhianpa bulah chuan a ding tûm ta bar a! Keipawh ka kawchhûng tawt hulh ti thâwl tùrin ka thaw chhuak hawk!




"Mama, i eng lai nge hliam?" Rs-a'n a rawn ti thuai. Hmeichhe kawlzet-i erawh a la meng kual râm râm mai,
"Kei chu ka hliam lo, Lola kerêk hi a na deuh a niang, " nêm hlei a rawn tiin, a țhiannu chu a melh zeuh a. Tûnlai tuai chhuak thar ani tih ka hre thiam chiah bawk,
"Mami, i kerêk chu a na viau em? Scooty hi i khalh theih i ring em?" Rs-a vêk chuan ti thuaiin an scooty bawk chu a thlêk kual sak a. Zàwldawh zâwkah a țang peih lutuk chu țul lo ka lo ti viau!



"Nâ, na, na.. na pawh ni se eng nge tih theih inneih chuan.. nangnite chuan kum puan light ti êng kulh chunga, zân rei tak hnua bullet khalh rîk dut dut bak thiam innei hleinem.. I bike ri det dut vànga lungphu țha lo te'n an tawrh nasat zia pawh inhre tawp nâng!" Hrâm chuan leh! A țhianpa chuan țawng tawh lo tùra hrilh tum ni àwm takin, a nghawk sawk a, ani lah chu a la hawi nget nget zui!






He nu têreuh hian keiniho vànga tlu a, thiam loh min chantîr a tum ni berah ka ngai nghet hmiah bawk.



"Ms," Rs-a chuan min signal zauh a, eng emaw sawi tùrin min duh tih hriat takin hmeichhe têtaktê-i bawk chu a en leh a. Ka din ngawih ngul vàng chuan rawn tawlh hnung leh hrut pahin, ka beng bulah a rawn phun sup a.



"Ngaihdam dîl vat ila, chinfel dàn ngaihtuah ang u, a kawlh reuh si, social media lamah kan darh leh chiam mai ang," mi dang hriat loh tûr tâwk vêla ring chuan a rawn ti sup sup a. Ka darah hmer salhin hmeichhe tê tak tê lam bawk chu a hawi leh a.

"Mami, scooty i khalh thei rih lo a nih chuan kan phur hâw che u ang a, in scooty pawh kan chhawm chho dâwn nia," Zàwldawh takin Rs-a chuan a ti dam thlup a.







"A tu kha nge ka scooty khalh dâwn che u a? in lian hlawm si, a ke ințhut puak ang!" a rawn tih leh meuh chuan Sailo mipa dawhtheihnain a tlin tawh hauh lo!




Rûm nghut chunga ka jeans kekawr ipte ka dap ruk ruk chu, Rs-a chuan min khap tum viau mah se hriat ngai hleih loh tleirãwl kawlh zet nên a, inhnial buai nân hun ka nei tawh lo! A ni hnial rual pawh kan ni lo, aia upa zahna nei bawk si lo dak zet zet hi, ka pawmzam theih zâwng a ni teh nek love!


"Hei hian i scooty hmelhem lai chu siam țhattîr ang che. A bang zawng chu i ke rêk hliam enkawl nân hmang i hmang thei ang," Dawhtheihna nei vak lo takin ka ti nghut a, wallet a pawisa awmho chu ka phawrh chhuak hmiah! Amah pawh pe lovin scooty seat-ah chuan dah hmiahin, tùr khûiin ka chhuk melh leh rih a! Kan tê ber pawh a rual phâk kher lovang! Țawng theihah erawh ka pu pu leh te paw'n an tluk map lovang tih tùr vêl a ni!



"Buaipui zui tawh s'u," Ka țhianteho chu en kual vut pahin ka ti leh nghut a! Buaipui a phû hlawl lo!


Ka bike hunna pana ka lêt vut chu, ke pên tlat tlat thâwm ka hre nâin, ka ngaihven tawh lêm lo! Zàwldawh takin Rs-a'n thu phâ a chawi tawh, buaina a cho hrim hrim ni hmiang, Rsa thu phâ chawina a piang a khêng thla hmak hmak,a tâwk thawkhat viau tawh e. An duh dan danin helai rampalaileng ah hian inbuaipui tawh teh se!


"Heng i pawisa hi ka mamawh chai lo!" ti hlar rî ka hriat rual deuh thaw chuan, ka bânrêk vei lamah min phih sawk, che thuta kut ka pawh lêt nawk rualin ani invêng leh hman si lo chuan min bawh rawk rawk a! Tlêm a tlêmah kawngpuia hmai nawrin, a tlu chawrh lo chauh!


A kawr hnungah țham dâwrhin ka pawt ding zawk a! A hlau viau ang chu tih nâklaiin, min hmachhawn rual chuan pawisa chu, a hmai zawnah lek vahin na zetin, ka bike seat-ah a ben chilh zui thlawp!



"Kum puan light ti êng kung tawh lova bullet bike khalh dàn zir tawh ang che u," ti ram hmarhin a inher leh ngawt a, a kawr hnunga ka țhâmna thlah ka tum bîk aw zâwng lo! A pên chiah chu che thutin ka bike nghèng dawtin ka hnuk lêt hrâwk! Bân pahnih phar meuhin a khek tuar a, ka pawt phar hnêh lutuk chu kei pawh ka nuih a za ve tho!


Țhen suk pah chuan a kâwngah ka man tel a, a tâl at nâin a chimawm zawt zawt bawk a, ka man bet tlat rih dâwn.



"Ka phur hâw ang che," a mitah tak melh chhuk rânin ka ti chhuak sup.


A mitmeng fiah kêk kâwk chu a dang lam zâwk a; mahse a rei lo viau.


"Ka duh bawk lo"

"I ke-ah hliam i tuar a, i inkhalh thei tawh lo"


"Chu pawh ni se, min ti na tute kher kher chu ka zui dâwn lo che u," ti tuar chungin, tha tâwp chuan din mar tumin a bei zui țalh țalh a. Ka țhiante chuan nui chur churin keini taksa intiat lo lutuk pahnih inchai phar dun chu min lo en țhup.




"Lola , i scooty chu kan inah dah mai la, chuan, ih,.. an mahni hi zui hâw mai rawh, i ke a na bawk sia," a țhianpa tuai chuan a ti nem hlawi a. Têtaktê-i tâl chhên pawh a tâwp ta chawt a.

"Lalkimkim,'" a ti zui leh tuar.


"I tân khalh a buai thlâk dâwn asin, ti khân in inthleng inthlahtîr rawh, i scooty chu kan inah ka nawr thla mai ang," a ti leh a.


"I sawi dik, țhianpa scooty chu nawr hâwsak mai rawh, i țhiannu chu kan tih palhte ani si a, damdawi in lah hruai hrim hrim kha kan tih tùr ani" Rs-a'n a ti ve bawk.



"Ka phurh nge i duh.. mi dang?" ka ti sup, rum êm êma min melh erhin, a scooty nawr mektu a țhianpa chu a va melh leh hrep bawk. A țhianpa lah chuan a lo en duh tawh hauh silo nên Têtaktê-i chuan rûm hakin kawngpui chârah ke a per zui ta nghek a.





Ka hnunga hmeichhe tê tak tê țhu ngawi ngal chu, side mirror ațang ka melh leh zauh țhìn, ka taksa sîk hreh hmêl zetin hnung lam vuanin, a țhu mar at reuh a.



Ka țhiante chuan min tlàn pêl thluah thluah a, ka signal pêk chhuah kha an hre thiam vek miau a.



"Kan inah kawi ila, ka nu'n i hliam kha en vêl chhin se, a țul dàn a zirin Damdawi in chu kan pan dâwn nia," tiin ka thle lêt deuh nghut a.


Dârthlalang chu ka melh leh a, a meng bial kâwk.


"In inah ka kal duh ringawt hleinem" a tih a chuan, kan kawtzâwlah ka tlàn lût fel dèr tawh.


"Duh lo viau mahla lo chhuk ve tho mai rawh," ka ti hulh, a meng rang kual ralh chu khîk khum sukin, bike ațang a chhuk thla tùr chu ka pui a, ka kutphah lêk chhuah chu a lo chelh ve mai bawk a.



"Ih..."


"Damdawi in kal kher i duh a nih paw'n harsatna a awm lo," ka lo ti sup, "Ka nu kan hruai tel ang a, kei nên chauha kal ai chuan nuam i ti zâwk ang," kal bai salh salh pah chuan min melh zeuh a.



Kawngkapui inkhàr ka pawt hawng a, in chhûnga pên luh hmâ chuan thâwka la hmasa phawt a.



"Nu?" Zanrei lam ni tawh mah se in kan hâw kim hmâ chu a mu ngai lo.



"Mapui, i lo hâw tawh maw, Thingpui hâng ka lo in a," choka ațanga rawn chhuakin a rawn ti a.



"Hlimi, i țha em?" vawi leh khatah a ri ta chùl mai! Têtaktê-i chu ka melh nghâl vut, ka nu chu tãwi tê hian a nuih a! Ve ngei chuan! Nichin lawkah a'n dak theih per per vei nên chuan!


"Mapui engtin nge Hlimi nên in rawn hâw teh hlawl a, Hlimi hliam i nei em ni?" kan dinna hmun a rawn thleng ve der. An inhriat țhat hmêlin, ka nu chuan a rawn kuah ta vat bawk a.


Choka-ah ka lût a, kut ka sil hnuah tui ka in leh khawlh khawlh a.

Ka chhuah leh meuh chuan Jordan paw'n, Têtaktê-i chu a lo țhut hnaih kher mai.


"Damdawi in kal chu ngai i ti em?" Ka ti nghut, an vai chuan min en vek a.

"Aa.. a ngai lo ang"

"I hmêlhriat em ni?" Jordan chu ka melh ngur.

"Chu aia thûk zâwk chu," a ti a, hmui ka pet sawi zauh.

"In inbuaipui theih tho chuan ka chhohsan dâwn che u," tih pahin, ka room panin ka chho tlang nghâl mai bawk.



Ka Leather Jacket ka hlih rual chuan, kha nu țawngkam maksak zet kha ngaihtuah chhuakin lu ka thing zui nawk a! Pheikhawk siai hmanga khuih tlêt tih țawngkam kha, khawi ațanga a hriatte nge ni rêng rêng dâwn ni...Vei tak reuh chuan!!!


Ka thuamhnaw chu ka hlip mual mual a, boxer chiah inbelin khumah ka bawk kai nghâl a. Nilênga tlàn kual kan ni bawk nên ka mit a kham ve țhûm thei.


*Rs-a bike thâwm ka hria, eng mah i lo sawi si lo a* Rinchhani message chu ka chhiar a. Kum a upat tawh vàng nge message type mual mual hi ka peih dèr lo. Ka call a, a chhâng rang viau bawk.


"In ka lût fel chiah, ka chau deuh a, ka mu nghâl ang," ka ti thawr a.

"Aw, mu tawh rawh, Rs-a bike thâwm ka hre si a, eng mah i lo sawi lo nên ka ngaihtuah deuh che a," a ti țha ve mai a. Rs-a te nên țhenawm hlun an ni a. A hâw thâwm kha a lo hria anih dâwn chu.


"Mangțha aw, ka hmangaih che"

"Mut tui le," ti lêtin phone chu ka hmet hlum a. A chhûngte lamin innei tawh tùrin min nawr nasa êm êm a, kan lo inzui rei ve tawh bawk nên an dem awm hran loh! Kum thar lamah chuan kan ti huk ve thei tawh mahna!






Lalhlimpuii



Jordan-a'n a room min kian a, Kimkima hâw thla khân kan buaina tawh thû phone-in a lo hrilh tawh a nih hmèl. Nu Hmingi'n ka kerêk chu min tuamsak a.



Nichin khân Prof Ms-a a tel ve tih ka hre lo rêng rêng. Vawi leh khatah a rawn lang thut a, a hmâ ang bawk khân ka hmuh rual rualin ka lungphu a rang dawt dawt a, tlàn chhiat daih ka duh ut ut nâin, a hmâ lawka ka hun tawn vâng leh a țhianpa bike light vuah êng lutuk vàngin kan tlu tep tihte, ka scooty râng deuh nuaih tùrte ngaihtuah luiin, thin phu rang lo ang tâwkin ka àn khum tâwn tâwn kha a nia.




Rûm hakin lu ka thing nawk nawk a!


Ka thuamhnaw a berh phung sia. Jordan-a tshirt ka hâksak a, ka tân a len êm avàngin kawrfual ang maiin ka ha duai mai, kekawr hâk țûl ka tih tawh lêm loh vângin t-shirt lianpui ha duai duaiin, Jordan-a room-ah chuan ka kal bai saih saih a.



Tukverh chu ka nam hawng a, bathlârah chuan kal chhuakin hnang tah chair lianpuiah chuan ka țhu thla a. Ka ke chu thei leh thei lovin chair-ah chuan ka hlângkai a, ka khupah khabe nghat lehin zân boruak dai raih chu ka hîp lût ham ham a.


Zànin a thil thleng kha chu hriat reng pawh ka duh tawh lo!




Ka muhîl a ni mai thei, ka mumangah chuan tu tih hriat loh hian, ka awm dàn engkim chu min en zui reng a, amah chu ka hmu thei lo; mahse, ka feel thei tlat si...Chutiang mang teh nuaih chu ka harh chhuahsan leh hlawl bawk!







Ka mit chu chianglo takin ka meng a, mit ka men ruala ka thil hmuh vâng chuan ka âwm chhûnga sa nghâl pup a; mahse, a mitmeng thim khupa min lo melh vung vung vâng chuan ka nui seih, kei hi mumang ramah ka la chêng reng a nih ka ring. Kha Prof aw cool thûm ruih-pa khân, a pindan tukverh biang nghèng meuha, kut kuangkuah hlùn chungin min lo thlîr vung vung a! Ka nui seih chu rawn hmuin, cool ruihin a nui ve suk bawk!




Mit ka khap fak fak a, a lo la awm tho! Kawr a ha lova; a taksa uk sen kharh chu a lum hmèlin, tawh vêl a chakawm hluah hluah. A dar tihrâwl, hrawlpui melh reng chungin thawk ka la siai siai a, a din dàn ngaiin a ding rùn a, a khât tawkin ka nuih seih a, amah paw'n âtthlâk tih hmèl zeta min lo nuih lêt suk zelin lu a thing leh nghut țhìn. Chutiang a rei ang reng fê ka awm hnu chuan ka țhu mar nghâl awt!




Engthil nge ka chunga thleng zo chiah kha! Ka mumang a ni rêng rêng lo!




Ka hawi kual ruai ruai a! Ka țhut dàn ngain ka lo la țhu reng! Khua chu a thim mup a, khawfing chat tùr thim zual lai tak a nih ka ring rum rum bawk, chutia khawpui thim țhuap ngawt ena ka hawi veng veng lai chuan, thil hriat chhuah ka nei thut a!




Ringhlel ru deuh taka ka hawi da da chu ka thil hmuh vâng chuan ka lungphu a che nghâl dawt! Prof Ms-a chuan min lo la en vung vung a nih chu!!!



A kut phah hrawl zetin a khabe ruh kual invuah ngheh hmêl zet chu a tuai hauh hauh bawk.



A awmzia chu.. nichina ka nuih khân ani sawn min lo nuih lêt ve suk suk zêl tihna! Chuan... engtia rei nge sawtianga ding chung sawn min lo thlîr tawh ang le?





Ka ngaihtuahna vâng chuan rang lutukin ka malpui chu ka dap rawk rawk a. Jordan t-shirt ka hâk kha a lo tawm chho vek tawh chu niin!




Prof Ms-a chu rum lutuk a va melh nghâl rawm pahin, ka kawr hâk tawm vek chu ka siam țha zui nghâl sawk sawk! Ani erawh hmui hnuai pet chungin a lo khi suk thung!




"Tenawm-pa" ka tita tuar a! Aw râwl lian lutuk hian a nui thûm huk a nih chu!








Comments

Unknown25 December 2019 at 10:30
ngaihnawm em em e😍

REPLY

Unknown25 December 2019 at 10:37
Ngaihnawm khat
tlat

REPLY

Unknown25 December 2019 at 10:37
Ngaihnawm khat
tlat

REPLY

Unknown25 December 2019 at 10:41
jordan hi ka khawngaih țan tlat kei chu😢mahse ngaihnawm lutuk

REPLY

Unknown25 December 2019 at 10:53
A kham awm loh thin eee ngaihnawm lutuk, next ka nghakhlel nghal e

REPLY

Unknown25 December 2019 at 10:57
A van ngaihnawm tak em mahse a tawi lutuk

REPLY

Unknown25 December 2019 at 11:03
Mut ava tui dawn em... 😘😘

REPLY

Unknown25 December 2019 at 19:51
Ngainawm ve,MSA hi ka duh tawp

REPLY

Unknown25 December 2019 at 20:31
Ka tahpui nasa

REPLY

Unknown25 December 2019 at 20:46
ka khamlo 🤣🤣🤣

REPLY

Unknown25 December 2019 at 21:24
Ngaihnawm lutuk. Khamawm loh thin lutuk

REPLY

Unknown25 December 2019 at 22:05
Va ngaihnawm chiang tak em...

REPLY

Unknown25 December 2019 at 23:50
Van ngaihnawm tak em

REPLY

Unknown26 December 2019 at 01:24
ka tap ka khawngaih Jordan khi la dah bo hrih suh ka vei bur tawh nia. I thiam ber 👍

REPLY

Sangsang~lrs26 December 2019 at 01:32
😍😍😍😍

REPLY

Unknown26 December 2019 at 04:48
Ngaihnom ltk

REPLY

Unknown26 December 2019 at 07:26
mittui kan seng hnem leh malh malh dawn e...

REPLY

Unknown26 December 2019 at 07:28
Jordan khian a thiannu khi ngaizawng lo hram teh se,a u nei turin a ti a,aman aruk a lo ngaihzawn leh vel ang kha chu a tuiawm loh ka ti.

REPLY

Unknown26 December 2019 at 08:33
Ngaihnawm singkhawww

REPLY

Unknown26 December 2019 at 19:04
Chhiar hman ve chiah a, ngaihnawm zia mai chu, ka kham lo nasa ❤️❤️😊😊

REPLY

mapuii27 December 2019 at 09:22
Ka pack a zo dawnnnnnn...

REPLY

Unknown27 December 2019 at 11:42
ngaihnawm ve

REPLY
Attachments
20191225_022923(2).jpg
20191225_022923(2).jpg (15.76 KiB) Viewed 332090 times

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 2nd, 2020, 6:54 pm

December 27, 2019
TÊTAKTÊ-I

Chapter 5
Zingdar 3: 30

Moving too fast
Moon is lighting up her skin
She's falling, doesn't even know it yet
Having no regrets is all that she really wants







A râwl lian leh thûm dût bawk si chu, a taksa hrawlpui nên chuan a inrem hluah hluah, a âwm hrawl zet chhûng ațang chuan a rawn ri thûm huah huah ni maiin ka hria! A khabe ruh kual tuai thuak hian a hmui chu a liak hnawm zauh a. A eng khân nge maw a nuih ti za êm êm le? Âtthlâk tih hmèl lutuk hian, khi sukin lu a thing leh zauh țhìn a.







A pindan chhûng ațang êng rawn zâm chhuak chuan, a nuihza insûm hmèl chu a chhun ruih a, uluk leh smart taka a khuih pial chhoh țhìn, a chhîp sam buk lai chu khum ațanga thawhpui hlawt tih hriat takin a thur siang bawk chu, thlî thâwin a chhêm phe dar dar reng a!







"Tenawm" ti chhuak supin min melh reng chungin a țhen suk a. Khatia ka koh vàng khân maw a nuih a lo zat êm êm a!







Ei loh hmêl deuha melh râm râmin chair-ah chuan ka țhu tung at a, T-shirt-ah chuan ka khûp pawh ka khuh lût vek! Mahse, Prof Ms-a veh vuah chuan mit la sawn hlek lovin, a mitmeng mûk thim ruih chuan min la melh ngur tho!






Ka insûm thei thlâwt lo!



"Hey!! Eng nge i en reng a?" tih vak pah chuan ka melh rum nghâl râwm râwm a, ka țhutna ațang chuan ka tho chhuak nghâl tharh; mahse, chhuat ka rah rualin ka kerêk chu a rawn na hit nghâl zawk, țhensak hian Jordan t-shirt chu ka khûp thlenga mar pung khawpin ka pawt thla nghâl țâng țâng a. Lalkimkima damdawi mum thum vêl ka eisak vàng khân, ka lu lah chu a hai deuh chhelh lehnghâl!







Lu thing nakin Prof Ms-a lam chu ka va melh leh hrâm a, a awm mai mai lan dàn ringawt pawh saw, a nèlawm loh hmek hmuk si!







"Zân a nih tawh hi, mu ta che, hetahte eng nge i tih reng reng a?" ka ti leh hrâm pek a! Nichin khân ka kawr hâk ve chhun hi a lo tawm chho vek bawk nên ka taksa a hmu tam lutuk chu ka ngei bawk si, ka thinrim deuh hlur bawk nên ka mit sîrin rum tak hian ka melh râwm râwm reng a.






Thatchhe zeta tukverh biang nghèngin, min nuih suk duh lek chauh a nih chu! Engtin nge hetiang khawpa palian hian a room ațang lo chhuak a, thâwm nei miah lo a min lo thlîr reng theih le?







"I kerêk chu eng nge a an?" a bân hrawl zet kuangkuah hlùn chuan a ti zàwi sup a. Rang deuhin hnuai lam chu ka bih a, Jordan-a nu khân min tuamsak a, ka thil hriat chhuah thut avâng chuan ka thaw deuh hak a! Ka kê nat chhàn pawh hi an țhianho bike head light vuah êng zetin, ka mitah a chhun khalh vàng tihte chu ka ngaihtuah lêt kuar kuar a!






"A la nâ," ka ti chhum hmak a. A kut kuangkuah phelh pahin a lo chek hluk a.






"Damdawi in pan i duh em?" a ti leh chuan. Ka kerêk intuam chhah lâk chu ka thlêk vang vang a. Damdawi inah kal mah ila a dam phah nghâl dâwn pawh ni hlei lo. Chin tâwk hre lo khawpa light vuah én pup; bike an khalh vâng vek a ni. Chhâng lêt tùra ka hawi chhuah leh chuan ka kerêk intuam vâr lâk chu mit ti zìm sunin a lo melh reng a, a enga mah hmâ chuan ka ke chheh ka ti hnung nghâl vat! He mihring uapna na lutuk leh huhângna lutuk kiangah hian ka chêt phung a buai vek zêl!






Chimawm lutuka khi suk chungin, ka kerêk ațang a mit chu sawn chho ruai ruaiin, ka kawr hâkin a khuh tawpna chinah chuan a mitmeng melhna zet chu ti zìm sunin, a tâwp nghâl hmiah a nih chu!






Min runluih tih hriat deuha a kiai suk suk reng chuan ka thin a ti rim hlur a, ka alh pup hialin ka hria!






"Hura!" vîn takin ka ti ta chiam a nih chu! Ka mitah tak chuan min melh dur nghâl khûi a! Ve lutuk a! A haw leh vêl a nih saw, khei khui mai!







Ka bulah hian lungtum awm se chuan, chharin ka vawm chawrh duh hial ang!






"Hur leh lutuk," a lam hawi meuhin khabe ti kãng vah chuan, vîn si zàwi ang reng zetin ka ti leh hlak a, a hmêl dur thim nghâl khup chu engah mah ka ngai lo tih a hriat thiam theih nân, nuihsawh hmêl tak chuan ka khîk khumsak kher bawk!







Amah ang mipate hi ka hua! Hmeichhiain thumhnaw bul deuh hlek an hâk vànga, tisa châkna sual nên a thlîr nghâl vung vung chîng; mipa hur lutukte hi ka haw ngawih ngawih!









Melh râwm râwm pah chuan Jordan-a room tukverh lock ka hawnsa lam pan chuan ka bai lêt saih saih a, min la melh ngur reng tih chu ka taksa, kawrin a khuh loh chin sa hut hut ațang chuan ka hre thei bawk!




Tukverh nam tawlhna ka vawn lai tak chuan Prof Ms-a taksa hrawlpui che chhuak vut chu ka va hmu ta mai!



"Eng.. eng nge i tih dâwn?" ka lam pana a lo pên phei pâwk pâwk chuan ka lo ti chûl! Ka zawhna engah mah ngai lo zet chuan, a hmêl dur thim khup nên chuan min hnaih chilh dèr tawh!



"Eng nge i duh?" A âwm zâwn ațang hawi chhuak háwin ka ti sap a. Ruah sûr tùr chhûm thim khup zîng kual tup tup ang chiahin, a hmêl chang hrêk hrâwk chu a dur khûi bawk nên, ka tawlh hnung hret a. A rawn pên hmâ ve leh hrut avàng chuan, tukverh dârthlalang chu ka nghèng dat a. A ke chheh a ti che leh hrut a, a taksa hrawl zet chuan dârthlalangah min nawr bet nghâl hmiah a nih chu!



A rawn chêt dàn teh thutin min țhàwn lutuk avâng chuan, chêt ngaihna pawh ka hre lo! A âwm zâwn chu melh ngarin ka ding at ringawt mai!


"Tûnah khân engtin maw min koh a?" a rawn tih chuan, khuhtu awm lo a âwm tihrawl hrâwl zet chhûng lam ațang chuan, min nghawr det det a! Pangtilum a ngah bîk bawk si, ka lungphu pawh a rang ve nghâl vek bawk.



"Ka.. i.. i hre reng!" ka ti sap, min awm hnaih lutuk vângin thâwk a lâk pah chuan dârthlalang chu ka si-na zual sauh zêl, ka taksa lang lai a melh ngur vang a *hura* tia ko ka ni tih a inhre ve awm reng si! Hetianga thinrim leh tùr site chuan min melh lo ve mai tùr a nia!



"Ka hur leh hur loh chu kan fiah dâwn em ni?" ti chhuak hrâwihin, a bân pakhat chu a chêt vut, a thu sawi vànga ka meng nghâl kâwk chu, hnehsawh lutuk hian ka khabeah a rawn vuan a nih chu!



"Fiah ka châk khawp mai," zàwi tak si hian a ti leh hrâwih a! A làwm lo âw rum zet chu, a chhum hrâwk a ni tawp mai!




Ka lungphu che nghing dawt dawt chu, amah ka hlauh lutuk vànga niin ka hre tawh! Min kuai dâk salh a, a thu sawiin min țhâwng lutuk bawk si leh, kulh bang ang maia min khuap bo vek chunga, min dîp rùnna vàng chuan meng bial kyawk chungin ka thaw chhuak vak!



"Min thlah rawh"

Êng hnungchhawn zâwng taka a din avàngin, a hmêl chu ka hmu chiang thei tawh lo! Mahse, ka mangang hawi buai nak chu min khîk khum suk tih, a mit bul vun chêt dàn ațang chuan ka hre thei!


"Ka sawi chu i hria em? Min thlah rawh ka tih chu!" ka khabe a dawmna bânrêkah chuan vuanin ka phih nghâl sawk a. A thlah lo chiang lutuk chu a âwmah ka nam ta ngawt a! Rûm chhuak nghutin a kut pakhat zâwkin, ka bânrêk a rawn man leh chawt bawk.



"Ka zawhna che kha engtin nge min chhàn dâwn?" ti chhuak supin min melh chhuk nghâl ngur mai!


Jordan-a chu ring deuha auh vak vak ka duh rum rum tawh!


"I zawhna kha chhàn ka mamawh lo ve... i awm sawn nghâl loh chuan Jordan-a ka au dâwn.. " a lo rûm nghut vàng chuan ka țawng tâwp leh chawt! A rawn kûn hniam khún a! Chutia kan hmai insi lo chauha kan awm tâkah chuan, a mitmeng zîm sunah chuan min nuihzatna ka hmu!

"Jordan-a" ti supin a thle deuh nghut a. Jordan-a a hlau lo lutuk tih leh a khakna țawngkam khat lek vângin, Jordan-a zâwka zal nghal rawih rawih zêl tih chu min hriattîr a tum ni berah ka ngai bawk!



"Aw.. " a lo khi leh suk a, "Ih.. mi dang ... mi dang pawh"

"In hnuai lamah ka nu leh pate mut pindan chu a awm, i țhianpa lah chuan a room kian chein in huai lama room ruak a hmang daih bawk"



"Maw?" Ka ti nghâl tuar!

"Yeap" ti supin a awm hrang ta thut a! Ka hmalam chu a vâwt nghâl vek bawk; mahse, rang lutuk a che nghâl rawk rawkin, tukverh nawr tawlh theih chu a hawnna ka dap nghâl nawk nawk a, a thim bawk nên Prof Ms-a lah chuan ka che buai nuaih chu, hmuhnawm a ti zâwk mah emaw tih tùr khawp hian min lo thlîr vung vung a nih chu!


"He tukverh teh hrep hawnna hi khawiah nge a awm hman a?" a rawn che leh thut ang tih ka hlau bawk nên, ka sam hui chho sawk pah chuan ka dap leh ngial a.


"I thil ruih vàng khân helai thil têreuh tê pawh hi i hmu fuh hlei thei lo a nih hmèl" ngeiawm tak chuan a rawn ti chang rat! Ka hawi nghâl dâwrh bawk!



Ruih ka nei tih a hre thei maw?

A bân chu lek chhuak vutin, tukverh lock inbah tânna chu awlsam takin a hmet hawng tih hriat zet hian a ri nghâl khap a. A nawr tawlh nghâl zat bawk.


"Ka țhiante leh ka nu ngei paw'n rim dang eng mah i nam miau loh vàngin, ruih i nei tih an hre kher lovang; mahse, kei erawh chu min bum thei ngai lo ang," a ti rum leh ûl a, ka lo chhîng sawk!



"Ka..." a bân hrawl zet chu vai thuakin min ti tâwp hmiah!


"Kha accident kha kan țhianho vànga tawkin ni lo, nang hian ruih i lo neih tawh sa vànga accident in ni zâwk... ka țhiante chu i bum thei a ni mahna, kei erawh kha thil thleng vànga eng emaw tih i tum zui a nih chuan ka tawhkhirh viau ang," chang hrek hrâwkin a ti chhum hmuk a. A mit a tih zîm sun erawh chuan, ka hmui chiah a melh ngar mai!

Damdawi mum thum ka ei tih chu ka pha lo, chutiang bawkin ka damdawi ei vànga accident kan ni lo tih lah ka hre chiang lutuk tlat! A țhiante khân êng uchuak lutukin an bullet light an ti danglam kual a, kawng kawiah tak kan intâwk thut a, chuta kârah, ka mitah tak an head light-in min chhun khalh miau vângin, ka tân hmalam pana an mahni va sut bur ai chuan, herh kawi nawk bâk kha thlan tùr a awm lo!


"Min vau tih na em ni?" ka ti lêt a, a melh ngurna zawn ka hmui bul vêl a tî chu a za uai uaiin ka hria.


"Ka vau hauh lo che," a ti nghut làwi si.


Ngeiawm deuhin ka nui a. He mihring hi ka hre thiam ngai lovang!


Ngawi ngul a min en vung vung lai chu remchangah lain, pindan chhûngah chuan luh daih ka tum a.


"Khawia tlàn chhiat nge i tum a?" Ka ke pakhat ka pên lût chiah! Thâwk pawh ka la hman êm lo tihah, a âw zàwi thûm ruih rawn ri leh dut vàng chuan, ka țe chhuak teuh kher mai!




A bân hrawl zet rawn lêk chhuah vutin, ka kâwngah nghet takin a rawn man hmiah, ka meng kawk a, a bân thâ chak tak chuan a lamah min hnûk chhuak leh hrâwk a nih chu! Khuhtu awm lo a âwm chu ka va nawr rawk rawk mai.



"Fiah tùr ka nei! Ni lo'm ni?" a âw chu hniamin a zàwi ruih a!


"Eng mah.. eng mah fiah tùr kan nei lo," ka ti nghâl ruai ringawt! Ngeiawm lek lek; mahse, tawrhhlehawm lutuk in a nui thûm ruih!


"Țum hnih ngawt min kohna kha, kan fiah dûn ang chu," tih pahin, ka kâwnga a manna chu, rawn ti nghet leh zualin min pawt hnai salh a! Thaw lum ham ham chungin a rawn kûn hniam ruai ruai bawk! Kawr a ha bawk silo, ka kâwngah a bân thâ chak lutuk a min man beh tlat avângin, a taksa eng emaw lai chuan, ka dulah min do ran bawk.



"Hman niah pawh nang têreuh hian, room chhûnga ka che tla kha min lo thlîr reng tawh!" awki hniam ruiha tih pah chuan, a chalin ka chal a rawn nawr a, "Zànin pawh hian, chutiang thil hmuh leh inbeisei chuan a ni lo'm ni, bathlârah hian i rawn kal chhuah?" a âwm hrawl zet chhûng ațanga lo a phun chhuah sup supna avànga, a hmui che chuan ka hmui a rawn tawk thuak thuak a! Ka taksa pum chu a sa țek nghâl puat!



"Min bum thei ngai lovang ka tih kha," a tih sup rual deuh thaw chuan, min fâwp a nih chu!


Ka khawng awt a, ka kut chu ka hûm tawm châwih! Min man nghet zual sauhin duhthaw lutukin min fâwp leh ngawng ngawng a! Min fawhna dîm lo zet leh a huhângna tak vàng chuan ka bîng chûk chûk a ni ber mai! Ril țam hmêl taka min fâwp ngawr ngawr pah chuan, a kut pakhatin ka biang a rawn nùl tel hauh hauh bawk! Ka ham haih a! Mahse, min fawhna chuan min zêm chawmawlh vek si! Fawh lêtte chu sawi loh kei hian tu mipa mah ka la fâwp ngai rêng rêng lo!



"Ka lo rin dàn ang chiah a ni," a ti sup, ka kâ chhûngah a kâ ațang boruak lum rawn chhuak chu, a rawn luh lum hak rual deuh thawin, a lei hrawl zet leh lum ham ham a rawn nawr lût nghâl a! Ka taksa a la thleng ngai lo, eng emaw mak lutuk vângin ka âwm chhûng a rawn sa pup pup bawk.



A lei hrawl leh lum ham ham chu, ka kâ chhûngah zei lutuka chêt kualtîr ngawng ngawngin, a taksa lamah min pawt hnai nghâl hrawk a, chutia min fâwp reng chung chuan Prof Ms-a chu a rûm chhuak nghut a, chu a rûm rî thûm lian zet chuan ka thisen zâm a zawh țek chhawk thei hial nia!



Eng emaw ka sîk dawt rual deuh thaw chuan, a taksa lum leh rit nulh chuan min bawh bet nghâl hmiah a, min fawhna thlah chuang hauh lova rûm chhuak dur durin, ka malpui pawt kaua; ka mal inkârah a rawn tlâk zeh rual chuan, thâwk pawh ka thaw chhuak hlei thei tawh lo! Sapui koham lutuk ang chiahin a lei hrawl leh lum huam chuan ka kâ chhûngah zei tak maiin chêt a la ngawng ngawng reng a, ka taksa pum chu ka thinphu vànga che dup dupin a sa pup pup bawk!


"Tâwp tùrin min duh em?" a ti hrawih! Thâwk ka la nghâl kâwk a! Ka chung aţang hnaih lutuk a min chhuk melh ngurtu chu, a hmêl ka hmu chiang thei lo, ka malpui rawn za uaih vàng chuan ka tîm châwih a! Ka chunga mi chu a rawn nui lum hawk bawk!



"Nang hi tu chiah nge i nih?" ka kerêkah manin a nawr tawm chho deuh a, ka malpui hnung lam rawn chùl chhoh dun dun pahin, a âwm tihrâwl hlai hlup chuan, min nawr bet châwih bawk!


"Hei aia thui kal i duh loh chuan, tâwp tùrin min hrilh rawh," a ti hniam ruih a, ka kawr hâk tawm vek tawhin a khuh thawh loh ka malpui tawn tirh vêl chu a chùl kual thuak thuak reng a! Ka thluakte thlengin a chawmawlh a, ka tiril a zat nasat zawh poh leh ka thluak a harhfîm lo tulh tulh si!


"Min muthilhsan ang maw?" nuihzatna a khat âw rî sexy zetin, a tih sup chu ka hre vuat!



"Âtthlâk lutuk!" rî hrawkin a ti leh hmuk a! Min bawh bettu taksa rit zet chu vawi leh khatah bo thut! Chiang lo zeta ka men chuan, khum sîra pumraw hrawl zet chu ka hmu phe ruai, a sam tuai thuak thuakin a thaw chhuak hawk hawk a!


"Thil thleng zo chiah kha engthil teh hrep nge ni ngai," ti hrâwkin a phe vuat! Eng emaw inkhàr ri dawp reh fel rual chuan, engkim a thim zui mup a. Ka lungphu rang dawt dawt zâwi tial tial chu, ka hriat hnuhnun ber ani ta bawk!






"Lola" Jordan-a chuan ka beng bulah rawn ti, "Mut duh reuh lutuk, nizànah i mu țha lo em ni?" tih lehin ka biang a rawn beng leh thek thek a.


Peih lo zetin ka meng chhuak a, ka hmâah Jordan-a chu lo awmin, chiang lo zeta ka meng chu min lo nuih nghâl vur vur mai.


"Good Morning"

"Morning Jordan" ti thâm chhalin ka maimitchhing leh a, a nui nghâl hawk.



"I muhîl leh ang maw?" ka harh hmâ khân ka bulah a lo mu ve ani maithei, ka men leh chuan kan lo inhmatawn a, nuihza hmêl mitmeng de sawr sawrin min lo melh reng a.

"Rei lo tê chiah," ka meng thei thlawt lo.

"Ok, mu leh ta poh che," a ti hluk, a nuih a za tel viau tih erawh a âw ri deuh hak ațang chuan ka hre thei, puan lumin min khuh țha sauh sauh a,
"I bulah hian ka mu ve dâwna nia,"

"Ok" ka tiin ka hria,
"Làwmawm reuh lutuk, tui deuhin muhîl la, i nu thlân chei tùrin chawhnu lamah kan chhuak dâwn a nia," ti chungin ka biang ka delh loh lam chu a kutphah hnung lamin a rawn nùl hauh hauh mai.


Ka kiai sak a.

"Ka țhianu tê reuh tê hian a ke-ah hliam a tuar a, ka duat viau lo anih chuan a vui leh nasa dâwn tih ka hria alàwm," he pa hi chuan min hre chiang lutuk a, a lakah hian tih tauhna hun pawh min siam hman ngai meuh lo chu a nih hi!




Mit ka men hleih theih miau loh avângin thâwk ka la leh siai siai a, Jordan-a min khawihna chu a khât tâwkin ka hre leh ruai ruai zêl!



"Bawiha?" Nu Hmingi âw ka hre tel vuai.


"Shiiitt, a chau deuh a niang, mut a la mamawh," Jordan-a chuan a ti sup.

"Khawsik a nei lo maw?"

"Umm, khawsik chu a nei lo, nu ei tùr kha chu chawi lêt leh rawh, tihian muhîl rih rawh se"


"Umm, a harh hunah in hnuaiah lo chhuk thlâkpui mai rawh aw," a ti dam thlap a.



Nu Hmingi kal chhuakin kawngka a khàr phui rî rak thâwm vàng chuan, ka thâ zâm a phu zawk a, ka meng leh hlawl.

"Lola?"

Ham hakin ka mu zangthal a, tho chhuak tùra zîk mar ka tum ngial paw'n ka mut a chhuak êm êm mai a!


"Ka harh thei thlâwt lo..."

"Ka tih reng kha, muhîl leh rawh," nui huk pah chuan a lo ti thuai a. Naupang tih mut tum ang maiin ka chalah chuan a rawn bêng thek thek a, meng hlei lo a ka nuih chhuah hak chuan, rum nghutin "muhîl hle hle rawh," a lo ti hlur!





Ka harh leh meuh chuan, ni zung țang ut tawh chu pindan chhûngah a rawn lût ut tawh a! Ka hawi kual nghâl thuak, Jordan-a hmuh tùr a awm lo a, khum bul dawhkàna alarm clock inhûng chek ri karh karh thâwm bâk eng mah thâwm dang a awm lo!





Ham hak pahin tukverh lam hawi chuan ka saisîr thak a, chhuata ni zung țang ut chu melhin ka khap fak fak bawk.



Ka taksa chu a khamin a rawl țhêm țhûm lehnghâl a, nizâna khum ka thlen dàn ngaihtuah neuh neuhin, ka puan sin chu ka kuttinin ka hiat hraih hraih a.



Bathlâra ka muthilh lai chiah kha ka hre chiang, ka harh a, prof Ms-a'n ka muhîl lai kha min lo thlîr vung vung bawk!




Prof Ms-a'n muk zet a min lo en vung vung lai ka ngaihtuah chhuah rual chuan, thaw kâwk pahin ka țhu chhuak nghâl hlawl!



Nizân kha... nizan khân damdawi ka rui tihte a hre vek a! Chuan, Hura ka tih vàng khân.. Aw Lalpa! Ka kut pahnih a hmui hup chawtin tukverh lam chu ka melh ngawt ngawt a!




Prof Ms-a khân min fâwp a, dan nachâng pawh hre lo leh, min tih ang anga ka awm tawp hnuah khumah min bawh bet a, ka taksa a chùl kual rual a, ka kawchhûng za uai uai maite kha ngaihtuah let zut zutin, tih ngaihna hre lo fê chuan ka sam chu ka kêk ta nghek a!




Engtin nge nizàn khân min tih zui zêl le?



Ka puan sin chu ka theh hlim sawk a, ka t-shirt lianpui hâk lo tawm chho vek chuan, Prof Ms-a bawk kha min mitthla lettîr kuar kuara! Ka hmai leh hrawk vêl a rawn sa nghâl hut hut bawk!




Mahse, ka.. thil thleng kha eng vànga thlentîr nge a nih? Ka rui tih hre reng chunga min fâwpte, ka taksa a khawih kualte kha ka en liam mai mai tùrah a ngai a nih chuan a ti sual chiang ngawt ang!




Khum ațang thawh chhuah mai ka tum chu ka kerêk na hit zawk vângin ka țhu lêt zui dawt!


"I va na hun lo ve mawle," ti hlarin rum deuh hian ka kerêk intuam chhah bûr chu ka melh erh a, ka ding țha leh ngat tho.


Sana chu ka melh zeuh a, zîng dâr 8: 30 a la ri lo. Jordan-a room ațang chuan thinrim țûnin ka kal chhuak a, inchung lam chu a lo reh tlawk tlawk! Tu hmêl mah hmuh tùr awm lo mah se Prof Ms-a room pan chuan ka bai phei salh salh tho!





A khawngkhàr zâwnah chuan thawk la hakin ka ding dat! A inkhàr phui loh vàng chuan, a kal chhuak lo tih hriain kik pawh kik lo chuan ka nam hawng nghâl pawp!



"Biak che ka duh," ti leh pindan a pên luh ka rual nghâl zat! Hmeichhe nasa ve tak ka ni! A bîk takin hmeichhiate zuam chîng mipate hi ka haw êm êm a! No, tlêm a pianphung danglam bîk, tuai leh patil chhaih nawmnah chîngte pawh huat tak têin ka hua! College vêlah pawh nawmnah taka hmeichhe chaih ching ang awm hian, zak ram ram a ka siam hmâ chu ka țawngkhum hrep zêl!




Prof Ms-a chu dârthlalang lianpui hmâah a lo ding rún a, a pindana ka lût pawp chu min lo melh ngur bawk. A pindan chhûng chu, pâwn lam ațanga a lan ang ngawt aiin a zahawm zual a, a nei tupa ang chiahin a pindan chhûng hian huhâng hran hlawk, uap na zet leh rit mup a keng tel!



Hna kal tùrin a insiam mêk a nih mahna, a kamisz matte blue hayk hmâ kilhna chu a la inphelh vek, a six pack lang ruih chu a chhuang hlê a nih ka ring han khuh bo pawh a tum lo! A lai hnuai a hmul dum kal thla raih ka hmuh tel rual chuan mit ka la sawn a, a sam dum hlap chu uluk zet a kutthlâk tih hriat takin sîr lamah a inkhuih pial thlup, a bek zawn erawh a innawr kawlh a! Chutak chu a hmêl ti lang chang zual tu leh ti lang hriam zualtu ani bawk!




"Eng thilah?" tiin a kamisz chu a kilh mual mual. Ka ner sak a.


"Sawi rawh, hun ka ngah lo a nia," ti leh hmukin a rawn inher nghâl vut a! A kamisk kilh chu a la kilh zo lova, smart pants dum dak thlup a hâk kâwnga savun kâwnghren dum hlap inthil phei pawh a la kilh pum lo.


"Nizân khân ka chungah engthil nge i tih?" ka ti a, amah chu uluk takin ka melh nghâl kar bawk!


"Nizân," ti sup paha min melh vut chuan, insehruh țeuh in ka thaw chhuak hak. Ani erawh hahdam hmêl zeta che dam thlupin, en pawh en lovin a kamisz kilh chu a kilh pum pah mawlh mawlh bawk a.




"Ka hre lo ti a min chhàn tum miah suh, nizànah.. bathlàr.. bathlârah khân engtin nge min tih?" Ka tih zawh rual chuan hriat thiam loh hmêl zeta thle bukin bathlàr lam chu a melh nghâl kher a nih chu!



"Khatin hre lo anga awm tum miah suh aw," tih chiam pah chuan nghet deuhin ka kut ka hûm ruh a, muang chânga rawn hawi lêt ruai ruai pah chuan, a mit hmul buk dum hlap chu a ti sán uk!


"Hmêla," ti sapin ka bu nghat nghat a! Hetianga a hriat loh der vàng mai mai hian..


"Nizân chuan engthil nge ka tih a? Bathlârah leh nghâl," ti supin a kamisz bân chu a thlep tawm chho a, a bân puam hrawl zet hmulin a bawh dap ka melh rual chuan, ka kâwngah man hrâwka a lama min hnuh chhuah dâwrh lai kha ka mitthlaah a lo lang uai uai bawk.



"Hun ka ngah lo ka tih tawh kha, i sawi duh chu sawi thuai rawh," ti supin a bân vei lama sana dum lawk zet chu a bih thuak, inher lehin darthlalang lam a hawi leh rùn tawh, a kawr bân lehlam chu a thlep tawm leh mual mual a!



Kei a rui zawk paw'n ka hre ruai ruai thei a, eng mah thleng miah lo anga harhfîm zâwk a awm lui ngul tlat chu, a huatawm hluah hluah a ni tâwp mai.


"Minute nga ka pindan chhûnga awm theih nân hun i la nei," tih pahin a rawn inher leh vut, a kamisz hak chu a kekawr kâwnga bilh luh pahin min melh rân bawk! Savun kâwnghren dum hlap che thuak thuak chu melh pahin chil ka lem dawk a!





"Nizâna thil thleng kha hre lo anga lemchan kual tum reng reng suh, bathlârah ka lo mutthlûk lai khân i rawn chhuak ve a, ka taksa lang lai ilo en reng avàngin ka harh hnuah khân.. aaaa, khatiang tih chîngte țawng kam dawn tùr dik tak ka hman khum che; chuan i lungawi lova Jordan-a room-a ka lût tùr kha min man betin...." mit ti zìm suna min melh reng chungin, a kiai suka chuan, ka țawng tâwp chawt a.




"Eng nge i nuih a?" Ka ti nghâl nghek. A kutphah pahnih chu hmer kawp thukin, muangchângin ka dinna lam pan chuan a rawn pên phei khup khup a. Tawlh sawn emaw pawh ka tum rêng rêng lo.



Nuihza hmêl pu deuh chunga tlangvâl senior zet tawh, min en ngur paha min hnaih zeltu mitah chuan, ka lo melh lêt khai khai a, nupui neiin fa pahnih thum nei tawh mah se a awm lo hauh lo tih theih khawpin, a kum a naupangchhia tawh lova, kan pumrua chu inhrawl hleih viau mah se ka lo inla hlauhawm lui țang țang!




"I thil sawi chu ka hriatpui ve hauh lo che," nui suk chunga tiin, ka hmâah tak a rawn ding nghâl khup! A pa len em avàngin a mitah en kher ka duh anih chuan, ka dah chhoh háw a ngai a! A hrawk bâwk langsar zet mai ti lang chiang zual tùr tak hian, kamisz kilh a kilh phui bawk si lo. A âwm zawn aţang dâk vahin ka melh chho ngar a.





"I kerêk hliam enkawlna tùr min dîl i duh a nih chuan," ti supin a kut chuan a khabe ruhkual hmul bawh dup chu a tuai hauh hauh va. Chutiang thil chu ka mamawh rêng rêng lo! Mamawh ni ila chuan nizâna min pekho pawh kha ka pe lêt miah lovang!





"I sum kha ka mamawh chhete beleuh lo! Nizân kha chuan sum ka dîl che hlau ang hrimin min vau khur khur zâwk a nih kha... anyway forget about money," ngeiawm zeta nui sângin a tih ang chuan, ka bân cher ve tak chu ka vai vat a. Ngeiawm zeta min khawsak khumtute rulh lêt dàn chu ka hre ve chiang e!





"Pawisa ka dîl dâwn lo che; mahse, ka chunga thil thleng hre reng si a min khawih thei zâwk kha, i lak a ka thinrim chhan leh...." ngeiawm lutuk hian Prof Ms-a chu a lo khi suk a! Rum zeta ka melh rual chuan, a hmêl tak ngul chu rawn inthlâk tual tualin, rawl lian thum lutuk in a rawn nui chhuak huah huah a nih chu!



Ka thinrim lutuk bawk si chuan rum deuh a melh hrakin ka nui ve sak sak tho. Hetiang taka mahni thil sual tih pawh, pawm duh hauh lotu mihring ngeng ngulte hi chuan, mi dang an tham lo êm êm zêl! A pindan chhûng zau zet chu, a nui ri lian thum ruihin a luah khat vek bawk.




"Accident i tawh khân i kerêkah chiah hliam i tuar lo tawp a nih dâwn hi! I lu kha khawiah emaw i sawh tel em?" thum dût a ti lehin, a mit ti zìm suna min melh ngurtu thu sawi vâng chuan ka meng nghâl kâwk!



Thluak buai chhuaha min chhuahin tûnah hian min nuihzat maw? Hmêla mai mai chu leh?!!!


"Nang pa hi," ka kut lek chhuak meuhin ka ti hrâk. Min tham loh hmêl tak hian bân a vai thuak a, min kal pêl vutin single sofa lian tham zet chu a pan a, a bawp sei thlup leh a chêt phung inla vei lutuk chu a inrem hluah hluah! A pa len êm váng hian mi chûnga lêng bîkah a inngai hialin ka hria!



"Kan țhianho vângin ințhian dûn khân accident chu i tâwk ngei alàwm, ka hruai hâw che a; ka nu leh ka nau nên in lo inhre leh zêl bawk.. No, Jordan-a tân phei chuan ȚHIAN AIA THUK in a thinlungah hmun i châng bawk, zînga inbiakna nei leh tùrin ka pindan lam ka pansan ta che u a nih kha," ti thûm dût dût hian single sofa uk khupah chuan a țhu thla thuka. Min melh reng pah chuan hahdam hmêl takin nghènchhan a nghèng nghâl ur ur a. Khanglai vêlte chu a sawi nawn ngai lo in ka hre ve reng!


"Kha mi hnu lama thil thleng..."



"Ka hriatah chuan eng thil mah a thleng zui tawh lo," dawhtheihna tlâkchham hmèl takin a lo ti mar pat a!

"Daw heh!!"


"Anih i sawi ang chu thil thlen dàn lo ni pawh ni se ka khawih che i ti a, sex kan hmang i tihna a ni em?" ti churhin mitmeng uk thim khup chuan min melh rân a! A țawngkam phawhraw zet chuan min țhâm uaih!



Sex a? A hmêl tak ngul chu rum taka melh lêt râwm râwmin thâwk ka la hak a! Khatiang teh phawnga thil a sawi chhuak hmuk chu mak ka ti a! Biak zui tlâk a ni paw'n ka hre hmek hmuk lo!





Inher hmakin khawngkhàr lam ka pan nal nal chu, a min nuih huk a nih chu!




He pa tluk a mi suaksual leh uggh, sawi dàn tùr pawh ka hre hrep lo!


"I mumang lamah min hmu zuiin mangpui i mang zui zâwk ani lo maw?" Kha fak chuan a rawn ti zui hrawih! What! A va inngai ropui deuh ve mawle??




Ka pên bai salh salh chu ka ding nghâl chawt ! Sofa ațanga tho chhuak thâwm leh patling zeta a rûm hawk chu, nerpui nakin ka inher lêt leh a.


Amah a indah chungnung lutuk leh zahna a tlachham lutuk bawk si chu, a hmaiah tak ben harh chawrh a châkawm ut ut!




A bâna sana chu bih zauhin, a hun ka khawhral sak hnem tawh zia ka hriat ngei theih nân dawhtheih loh hmêl takin a ner lui sawk a.



"I thil tihah ngei mawhphurhna i la ngam leh si lo anih chuan, nizàn khân remchâng zawngin min khawih.." ka ngawi leh dat a, a chhan chu, "khawih lui," tihhi pawngsual sawina a kawh vângin, min pawngsual bâwk si lo; mahse, min fâwp a.. a thil dang.. pawh..


"Remchâng zawnga i chêt dàn engkim kha, a thleng lo ni mai rawh se aw, Prof Ms," ti sakin mit ka siai zeuh.



Min melh ngur a, mahni thil tiha mawhphurna la ngam lo anga ka chuah chu a huat hmèlin, a lungawi lo hmêl chu dur țha khup khup tak ani!






Deu zet a nuih sakin ka inhersan hmak, a pindan chhûng uap rùn ațang chhuah thuai thuai nghâkhlel tak chuan ka bai saih saih a; mahse, chhuata ke pên khup khup rî ka hriat rual chuan, ka hnungzâng ruh a țek chhawk a, nizàn anga min man leh hrâwk ka hlau lutuk chu tlàn puat puat châk lutuk hian ka che phelh nawk nawk! Ka hmanhmawh lutukna lamah ka kerêk na lam chu rap sual nawkin ka pai lâwp zui!






"Hrep chuan!" ti hrâwkin hnehsawh lutukin ka kâwngah a bân hrawl zet chuan a rawn man hmiah a nih chu! A taksa lum thupah min hnuh let lai chuan, ka tlu thlawrh tawh dawm emaw intih vângin ka lungphu a ri dawt dawt a! A âwmah hnehsawh taka min kuah bet hlu hluin, Prof Ms-a chu na zetin a thaw chhuak ve ham ham tho. A âwm lum vung vung chhûnga mi chu a che dup dup a, ka chhîp zawn lum hawk hawk khawpa thâwk la a, min kuah hlu hluna chuan mak tak maiin min thlamuan huai huai mai! Chil ka lem dawk a, a rim pà hrêk hrâwk hîp luh pah chuan thâwk ka'n la a; mahse.......





Prof Ms-a chu vawi leh khatah a rûm chhuak nghut!



"Kha ai khân i fîmkhur thiam deuh lo em ni?" ti hawkin ka darah a rawn hmer tâwk, min nawr hla dâwrh bawk; mahse, ka hlauthâwng hmêl a hmuh tâkah chuan, a hmêl chang bul leh dur thim khup chu kiam nghal duakin, ka dar a hmerna thâ pawh a thlah dul thuai a!





"I țha em? Fîmkhur tùr che alàwm, i tlûk sual phah țêp kha," dam deuh zâwk chuan a ti nghet churh a. Tlu bawk khup thlawpin chhuatah hmai ka sawh chawrh tawh dâwn em maw ka ti rum rum.




"Ka... ka fîmkhur tawh dâwn alàwm" ka ti bah nak. Ka dar a vawnna chu muangchângin ka pawh phelhsak a; mahse, amah zâwkin dam thlupin ka bân bulah a rawn man leh hmiah! Ka en chho háw chu inthiamlo hmêl pu chungin min lo melh chhuk rân a.




"Nangmah chuan i kal hlei thei lo a nih kha, kan chhuak rual dâwn nia," a ti sup. Ka hnial tùr chu bân a vai thuakin, "Lo awm rawh," ti supin a inher leh vut a!



Second tam liam hmâ kha chuan indeusawh zetin kan ințawng khum a, tûnah lem!!!! A rawn inher leh chuan laptop bag dum a khai tel a, pindan chhûng chu a en kual thuak hnuah, ka bân bulah bawk a rawn man leh hmiah; mahse, min tawhna chu a dam thlup tawh! Chutah, ngawi renga ka lo nghâk ve ngar tho kha, mak ka inti hnuhnawh tak zet bawk!



Pindan kawngka ațang kan chhuah hmâ chuan phone a rî a. Phun hluka ding tùra min hrilh supin a kekawr ipte a dap nghâl ruk ruk a. A kutphah hrawl tham tak chuan, tawt tih hmêl takin phone chu a la chhuak hrawih a!




Phone screen eng pup ah chuan *Honey* tih ka hmu phe vuat.




"Umm" a ti rum nghut! Teh hmuka ka lo ti rilru a.
Dr Rinchhani hmêl ka mitthlaa, ka ner zui sak, Becklubuki'n pawisa a relh rûk apiangin henu zek zawk nêna inthurual hian ngeiawm deuh deuhin ka rûk ang maiin min țawngkhum ţhìn! Mahse, thu dik an hre ve ve a! Dâwta min puh ţalh chung hian an inla Sual kai lo dûn ve êm êm zêl!


"Yeap, ka rawn chhuak dâwn chiah," a ti rum leh nghut.



"Rsa'n maw?" min melh chhuk ngur chungin a ti a, a mitmeng uk thim ruih melh na zet zûnah hian, engtin nge Doctor Rinchhani kha a uai theih zâwk tih ka ngaihtuah rauh rauh a. A nèlawm loh hmek hmuk si!


"Buaina tùr a awm lo, ka nau țhiannu a lo ni a," a ti lêt sup. Ka chungchâng an sawi a nih hmèl!




"Ka hria, kan inhmuh hunah " a ti leh vut a, "Ka rawn thleng har lovang," a sawi zawh rualin phone chu a ti tâwp vut a. Ka bân bul a rawn chelh leh hmâ chuan, a hrawk bâwk langsar tak che ralhin chil a lem ve khawlh.




A room ațang chuan min kai chhuaka, nizàn khân ka ruih vângin ka mumang kha a tak angin ka ngai a nihte ka ring ta rum rum! Hetiang khawpa mipa invawng thlup leh smart thlup bawk si hian, damdawi ka rui tih min sawi khum hnuah, khatiang khân a che zawm lul lovang! Bialnu doctor a nei leh nghâl!









"Lola?" ti hulh rî vâng chuan ka hawi chhuak dâwrh a, kailawnah Jordan-a a rawn chhuak chho hlawl bawk! Prof Ms-a chuan min thlah thuai a.




"I țhiannu hian damdawi in pan a duh chuan hruai la, senso chu ka nu hnêna mi lo hmang phawt mai ula," Jordan-a en ngur pah chuan a ti a, Jordan-a erawh chuan min en reng, a u nên a room ațang kan chhuak hlawl kha min rawn hmu miau sia!




Chhiar zo lo lo setana pâwl 😈😆



Fakna ngawr ngawr ka beisei lo. Fakna hi a țhat rualin Hmangaih zilh haunain mihring siam țhat țum a ngah zâwk tih inhriat kha,🍒 Lo sawisel bawrh bawrh ula; mahse, sawiselna dawnsawn nuam tùr zâwngin aw. 💜💜💜💜💜💜💜💜😈











Comments

Unknown27 December 2019 at 12:02
Sawisel na tur lai che ka hre reng reng lo,engkim hi dik thlap vek

REPLY

Sangsang~lrs27 December 2019 at 12:10
ngaihnawm em em 😍😍😍

REPLY

Unknown27 December 2019 at 12:37
soisel tur avag ani it et nu..jordan pov k chhiar chktoh

REPLY

mawimawii27 December 2019 at 12:46
sawi sel na tur che a awm lo ,i tha vel vek

REPLY

Unknown27 December 2019 at 13:37
I story dangte nen a in anglo i story dangte aiin atawithei bik e kalo ti mai2 nge mahse zanin mi hi atawibik nge 😁

REPLY

Unknown27 December 2019 at 17:07
huiham ka duh aiin a tawi

REPLY

Unknown27 December 2019 at 17:24
i story hi a tawi ngai hran lo mahse a ngaihnawm em vangin kan kham lo thei lutuk a

REPLY

Unknown27 December 2019 at 17:24
A ngaihnawm lutuk

REPLY

Unknown27 December 2019 at 17:39
Ngaihnawm viau... Lola hi ka khawngaih lawk😁

REPLY

Unknown27 December 2019 at 17:43
Sawiselna tur che hi ka hrelo reng reng.i thawnthu ziah tihloh hi chu ka chhiar ngailo.... Ngaihnawm uchuak hi ni tawp ma ni... 😃 😃 😃

REPLY

Unknown27 December 2019 at 17:54
Ngaihnawm turu

REPLY

Unknown27 December 2019 at 18:15
Thui tawk2 lo ti zel teh aw...

REPLY

Olivia Ralte27 December 2019 at 18:58
Khamawmloh thin...a thui thin viau na chu

REPLY

Unknown27 December 2019 at 19:59
Ngaihnawm tawp, ka khamlo

REPLY

Unknown27 December 2019 at 20:09
Ngaihnawm lutuk ...zing thawh ti phurawm thin khawp Mai ...ka vei leh run tawh

REPLY

Unknown27 December 2019 at 20:12
Jordan hi khaengaithlak lo deuh in omse ka ti, ka khawngaih lawk sa😭

REPLY

Unknown27 December 2019 at 21:09
i story hi chu atak ang mai hian a feel theih a... akal leh zel dan tur hi rin thiam ahar bawk sia... tum loh deuh na lama min hruai kawi daih zel te hi chhiar ti nuam tu😍💜💜

REPLY

Unknown27 December 2019 at 22:29
I story hi a van ngaihnawm thei tak i awmlo ang tih hi ka hlau eee chuan atak a ang thei tawp bawk

REPLY

Unknown27 December 2019 at 22:45
Ngaihnawm leh pek ve

REPLY

Unknown27 December 2019 at 22:58
Ngaihnawm lutuk

REPLY

Unknown28 December 2019 at 00:51
I special ve thlawt ngaihnawm lutuk😙😙

REPLY

Unknown28 December 2019 at 01:53
Ngaihnawm turuuuu buruu leh taaaa....next nghahhlelhawm thin

REPLY

Unknown28 December 2019 at 07:07
Ngaihnawm lutuk ...zing thawh ti phurawm thin khawp Mai ...ka vei leh run tawh

REPLY

Unknown28 December 2019 at 07:23
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin

REPLY

Unknown28 December 2019 at 07:23
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin

REPLY

Unknown28 December 2019 at 07:24
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin

REPLY

Unknown28 December 2019 at 07:24
Ngaihtuah zui vawng vawng tur hian i ziak thiam a,,chhiar leh hi achakawm zel ṭhin

REPLY

Unknown28 December 2019 at 07:24
Kham omloh thin ve... ngaihom ltk

REPLY

Sangsang~lrs28 December 2019 at 07:39
Chapter 6 awm hma ka chhiar nawn leh ka kham hlawl lo a ngaihnawm em em lutuk a 😍😍😍😍😍😍😍😍😍😍😍😍😍😍😍😍😍😍😍😍😍😍😍

REPLY

Unknown28 December 2019 at 07:52
Ngaihnawm thei e...
Jordana hi ka duh

REPLY

Unknown28 December 2019 at 08:15
Ngaihnawm thin eee

REPLY

Unknown28 December 2019 at 08:38
Ka kham lo ka naute

REPLY

Unknown28 December 2019 at 10:10
ngaihnawm thlawt

REPLY

Unknown28 December 2019 at 14:36
Ngaihnawm thei tawp ka hngah hlel thei lutuk

REPLY

Unknown28 December 2019 at 22:57
Pitartei story nen chuan nun hi lo nuam ber nih hi

REPLY

Unknown30 December 2019 at 11:42
ngaihnawm thin eeee mai

REPLY

Unknown1 January 2020 at 08:48
Ngaihnawm thei tawp..

REPLY

Post a Comment








December 28, 2019

TETAKTEI
Chapter 6
Abbra Reo Ririni Khiangte (PitarteiSualfingi)



♡Love me for who I am and NOT who YOU want me to be. That's how you will get the BEST of Me.♡








*Jordan-a thlalâk hi ka nei tawh lo a, he pa duhho khân maw, a thlalâkin neih zînga a lan pàna deuh ni a inhriat kha comment-ah lo drop ta che u..🤭 Inphal em? *










Jordan-a chuan a u biakna chu chhàn pawh chhâng lêt lo chuan min pan a, Prof Ms-a chu a ding ngawi rùn, an pahnih inkârah chuan inhmuh thiam lohna, a thleng emaw tih tùr khawpin an mitmeng chu a nêm fahran lo bawk nên, an mahni en tawn zak zak pah chuan ka ding mãwl tawp! Prof Ms-a pawh chuan a mitmeng melhna zet leh thim khup chuan a nau leh kei chu min melh deuh vung vung a, eng mah sawi lova ka bân bulah Jordan-a'n a rawn vawn rual chuan a hawi sawn nghâl vut bawk.




"Ka nuin ei tùr a siamsak che a, chhuk ila, i ei dâwn nia," a âw chu a no lo hle, rang lutukin ka bu nghat a, ka sîrah chuan rawn dingin, a bân pakhata ka darah rawn kuah hlùnin a kut pakhat chu, ka vawn theih tùrin ka hmalamah a lek chhuak bawk.



Eng nge ka hriat teh kher pawh ka hre lo!


Jordan-a kuta ka kut ka nghah hmâ chuan, tak ngula Prof Ms-a ding khawng luah chu ka melh zeuh a, mit ti zìm sunin kan kut a lo melh ngur ngur tih ka hmuh chuan, ka âwm chhûnga mi chu a ri leh dawt dawt tawh! A huhâng tawrh hlelhawm zeta, min uapna vàng tih chu ka puh lui a, Jordan-a kutah ka kut chu ka nghat nghâl zat a, nghet deuh hian a lo hûm nghâl hmiah bawk.






Eng mah sawi tawh lovin Prof Ms-a chuan min kal pêl thuak, matte blue kamisz a hâk chuan a ti lang mipa zualin laptop bag dum a khai tel khup bawk nên, a mal sei thlup leh hrawl tham tak chuan kailawn chu a zawh thla khup khup a, a thâwm reh tual tual leh inhnuai a thlen thlâk ruala Nu Hmingi'n a lo be thâwmte chu ka duh vàng ni hauh lovin ka ngaiven ru viau lawi!





"Ka u room ațang maw?" Jordan aw zawi sup vâng chuan amah chu ka melh chho nghâl hâw.





Chik taka min lo melh chhuk ve reng vàng chuan ro takin tãwi tê hian ka nui a. Chhàn lêt tuma ka âng ziau tawh chu sawi tùr pakhatmah ka nei lo tih inhre chhuak thutin ka thaw ta hliai! Eng nge ka sawi ang, nizàn khân mumang nge a tak pawh tih hriat loh thil maksak deuh.. ka first kiss lost tih vêl ka hmu mai pawh ni lovin ka feel a, chu ka first kiss ka hlohna-pa chu i û kha ani a ka hriat vângin thawh phan awm hlek lovin a room-ah hau tùrin ka va kal! tih vêl chu sawi chhuah chi pawh va ni suh!





"Damdawi in a kal chu i duh em?" ti sup pah chuan kailawn lamah a thle nghâl zauh a.


"Aih, ih.. chumi chungchâng chu a ni a kan sawi," ka ti ruai! Min en vat chu nuih lui var var pah hian, "ih, damdawi in kal ka ngaih leh ngaih loh min zâwt a, chuan ka kê hi a la nâ em tihte.." ka ti bah deuh nak, a û nên min hmuh dûn chungchânga, ka chhânna a ni tih a hriat thiam beisei ru tak chuan ka melh a.


"Ka hre thiam e, kal chu i duh em?"


"Aih" rang deuha ka chhàn lai chuan a lo vei nuih suk, "Ka tih awmzia chu Damdawi in kal chu ka duh lo, tihian ka dam leh mai dâwn alàwm," ka ti țha leh vat a. A buk tak nghatah chuan ka hamdam nghâl huai thei, Prof Msa chanchin kha a sawi chhuah tawh loh hrâm beisei tak chuan ka thaw ru huai huai a.




"Kha hmunah khân engti tùra inkhalh chhuak nge in nih rêng rêng a?" pângngai tak chuan a tih zâwm ve mai a.


"Kimkima nên beer kan la a"

"Kha kha ni lo, zân rei tawhah lehnghâl Kimkimate vêng i zuk thlen chhan zâwk kha," tih pahin kailawn chhuk thlâkna tawn tirhah chuan min din pui dat bawk.


"Ih.. "

"I u te inah i riak dâwn tih i sawi vângin ngaihțha takin ka awm a," a ti sup. A hmêl ni deuh khui chu 'a lungawi loh vàng a ni em' tih ka hre thei lo!



Min kuahna chu a thlah thut a, step-ah a pên thla a, a țhut hniam nghâl thurh tâkah chuan ka nui chhuak ve ta hak bawk.


"Ka lo paw thla ang che"


"Ka rit ngawt ang," ka tih chuan, âwih loh hmêl lutuka ner nawk chungin min melh chho kher a.

"Nanghi i rit ang maw?" ti pahin tê min tih hmêl fê hian chimawm lutukin ka taksa chu a melh kual dun dun a.



"Ok ok" lei chhuah zeuh pah chuan a hnungah ka lâwn nghâl tharh, min din chhuah pui meuh chuan, kei aia a sàn bîk zia ka hre fiah nghâl kuar kuar bawk.




"Sawi rawh le," a ti lehin, min dawm kãng deuh nawlh a, a tukkhumin ka chal a rawn nawr a, "Zan rei tawhah lehnghâl kimkimate vêng i kal chhan leh.. eng mah ka hriat ve loh chhan kha sawi rawh," a ti nawn sup.


A nghâwngah ka bân pahnih chu ka suih bet vat a. A hnungzâng lum ham ham chhûng ațang ka âwm a rawn nghawr che dat dat a. Zànah kal chhuahna tùr ka neih chuan Jordan-a hi ka hrilh hmasa ber țhìn rêng a tin ni!




"Ka ute inah riah chu ka tum alàwm, kan inbiak zawh hnu khân maw, bathroom hmang tùrin ka chhuak leh a, ka hmang zo kha an nupain khawngkhàr bulah an lo ding reng a, ka u-in hna lam ațanga pawisa a hawn, cheng singthum țha mah chu, ka lâk leh lâk loh min zâwt a," ka ti dul raih a , eng mah sawi lovin Jordan chu a rûm nghut!


"Ka la miah lo, ih.. an nupa room-ah Bawihpuia ka ti muhîl ngei tih chu ka pha lo; mahse, pindan chhûnga engthil mah ka khawih bawk si lo a. Ti khân ka lâk ringin min zâwt ta si a," ka tih zawm leh nawk nawk a, ngawi ngul chungin kailawnah chuan min chhuk thlâkpui pâwk pâwk a.


A thâwk chu a rang dawt dawt tih erawh ka hre thei!


"I û chuan hre chiang tùr che a ni asin," ti chang fakin kailawn chhuah thlâknaah chuan a ding deuh dat bawk.




"Kan inkâr a hla tawh êm alawm," ka ti zâwi ta raih a! Ka hriat țhìn ka û kha chuan thil hre chiang hmasa lovin eng zawhna mah min zâwt ngai lo, a chhan chu mi dang sawi vâng leh kan ngaih dàn eng emaw vànga tu emaw zawhna kan zawh phawng hian, a lo dawngtu tân engtiang chiaha thu thin țhâwng leh dawnsawn nuam lo nge a nih ang tihte hi a ngaihtuah tel hmasa vek zêl! Ka nuin kan unau min zirtîr dàn fô ani bawk.



Mahse, ka nu awm loh ațang kum a vei hnem tawh êm a, kan khawsa dûn lo bawk nên kei aia pawimawh zâwk a nupui leh an fapa an lo awm ve lehzêl tawh a, ka miziate pawh a theinghilh zo tawhah ka ngai nghet hmak tawh!


"In inkâr a hlat vàng ngawtin rûk ru tùr khawpin a ring chhe tùr che a ni lo!" a ti deuh hmuk, tãwi têin ka nui a, ani anga min chhan tlattu leh min hre chiang êm êmtu țhian țha ka nei hi ka lâwm tak zet.


Nizân thil thlen dàn ațang kha chuan u Melo-i khân min ringhlel nghet bur tih a langchiang êm êm a! A zân la la khân ka chhûngte lam a hrilh nghâl maithei! In ka hâw hunah ka pain eng mah hre chiang hauh lovin min lo dâwp kual leh khur khur ang a! Nêm hlik hliakin Muaneki'n min lo chhan der leh bawk ang a! Becklubuki'n a țhiante zawng zawng engkim hrilh darh vekin kan inah a țhiante an rawn lèn châng apiangin tûna thil thleng hi a sawi chhuak sek bawk ang! Chûng ka ngaihtuahnate vâng chuan ka thaw chhuak halh a!



"Ka chanchin an hriat dàn a fuh lo ve bawk a.. kan in chhûngah thil thleng a awm apiangin Muanekite nufain u Melo-i emaw, ka u emaw an hriattîr nghâl zêl a..." ka darah khabe nghatin ka phun niah niah, a beka ka biang rawn nawr tâwk chungin Jordan-a chu a thaw chhuak hrâwih bawk!






"He mite nufa hi engtin emaw tak tih an la ngai dâwn a nih hi," a tita hluk! A nghawngah chuan inpawt khalhin hmalamah ka awm chhuak háw a, rawn thle nghut pah chuan ngeiawm zet hian a khi sak bawk.


"Muaneki te nufa maw?"

"Yeap, dâwtin an puh reng che a, an khamawm zo zai lutuk"


"Mahse..."


"Thil ei rawh, i ril țam tawh ang," a ti daih a, thawven hmêl zet a ri hlutin a nu chu a âu lung lung, choka panin min la paw zêl a, nu Hmingi pawh kawmchâr aţangin a rawn lût ve hlawl bawk!


"Hlimi i kê chu a la nâ em?" a rawn ti lût zung zung a, Jordan-a hnungah ka lo bet ţai tih chu rawn hmu thuaiin kan pahnih chuan min han nuih leh rih a.


Ka tâl nghâl aih a, Jordan-a paw'n dîm takin chhuatah min nghat thla ve mai bawk, dinning chair pawh ama'n min pawh chhuahsak thlap a, nu Hmingi chuan Jordan-a nên kan chezia chu hmuhnawm tih hmêl deuhin min lo thlîr reng a, ka țhut fel rual chuan ka sam min tuai thur sak thuak pahin min kal pêl thuakin ka piah chair chu a pawt chhuak ve nghâl a.



"Thil ei rawh u aw, in ei khamah Hlimi hliam tuamna kha kan thlâk dâwn nia," nu Hmingi chuan a ti a, amah ngeiin Jordan-a nên kan ei tùr chu phûr hmêl zet hian a buaipui nghâl zung zung a.



Ei tùr min chhawp laite chuan, Jordan-a chuan a nu chu a lo chhaih buai phet leh nghâl, nu Hmingi'n ka hmâa ei tùr a rawn hun apiang chu thinrim hmêl deuhin a lamah a hnûk phei hmuk hmuk zêl a, nu Hmingi chuan 'i va'n â mai mai țhìn e aw' ti pahin a pawh sawnsak nghâl thuai a, "Hlimi, hei hi ka siam a nia, ei țeuh rawh," tih pahin ka hmâah bawk a rawn chhawp a, kan pahniha min ei loh hmêl zetin Jordan-a chu a lo ner ru nawk zêl.





Ka rin aiin ka ei tui phian a, a chhûngte ruala tûkțhuan ei lovin Jordan-a chuan min lo nghâk tlat bawk nên ka tûkțhuan ei tawhah chuan a special ber pâwl ala ni hial ang. Ka che hlei thei si lo a, an nulate'n thlêng vel an seng fel lai chuan nu Hmingi chuan apple zai sa leh grapes a rawn chhawp leh a.


Apple zai lep ka ban tharh laiin Jordan-a erawh chuan, ei a tum lo tih hriat takin melh pawh a lo melh duh lo!

"Bawiha, ei ve rawh, thlai hring leh thei lam i ei țha duh lo lutuk a, i û i chhûn lo em mai"


"A tui lo bawk êm a tin ni," ti hlukin dinning table chu a thawhsan daih a. Nu hmingi chuan min melh ralhin hahthlâk tih hmêl zet chuan a thaw ta hak.



Jordan-a chu kawmchâr lamah a chhuak nghâl thurhin, rei lo tê hnuah kawngkaah chuan a rawn dâk lût leh vat bawk.

"Lola, pipu a awm asin, i rawn chhuak duh em?"


"Thil a la ei rih hi, ei zawhtîr phawt rawh," nu Hmingi'n min lo chhàn khalh a.

"Ok Fine," ti hmukin a kalsawn nghâl hmak.


"A â mai mai țhìn asin, Hlimi i ei zawh theih chuan ei zo vek rawh aw"

"I ei ve dâwn lo maw?"

"Kei chuan ka ei tawh alàwm, i awm a, Bawiha khân a ei ve phah ang chu ka ti deuh kha nia, thlai leh thei a ngaina lo lutuk hi chu a eitîr luih theih thlâwt lo," ti barh barh pah chuan ka bulah a rawn țhu thla a.


A hmelțhat ang bawkin a vun a thianghlim êm êm bawk a, a sam nung sar chu tlêmin a senduk khak a, a dar thlenga zuahin hraw deuh deuhin a herh kir bawk.


"A û a chhûn lo țhìn a nia, a u Mapuia thung chuan taksa tân a hrisel chu eng pawh a ei thei vek, apple leh dhai-te hi a ei pawlh a, a taksa pawh nalh lah a nalh, Jordan-a erawh sa lam chiah a ei duh thung a," ka bulah a titi nasa thei lutuk hi nuam ka ti tak zet zêl!


"A luhlul ve êm alàwm" ka ti lêt a.

"Dik chiah, a luhlul dàn hi a țha lam ni phei se chuan," a nui tel hak hak bawk.

"E, Bawiha khân a sawi thuak a, i nu thlân chei intum em ni?" a ti leh a.

"Aw.. vawiin hi a thihcham a nia," mak tih hmêl zetin min en nghâl dâwrh mai! Mahse, a insiam țha leh thuai a.


"Aw, a nih chu puih in ngai dâwn em?" A ti a, ka nu thihchamah pawh mahni in lamah awm lova, an ina ka awm daih chu a chhan tùr àwm a ngaihtuah rauh rauh ngei ang!


"Ngai lo ang, tihfai a.. tlêma chei mawi deuh kha ani mai dâwn a," ka ti niah niah a, apple lêp khat chu a rawn ban ve a.


"Ka pain nupui dang a nei tawh a, ka nu thihcham chu chhûngkaw dang angin țhutkhâwm emaw, aaa, chhûngkaw chaw eiho emaw kan nei ngai lo," nui lui chungin ka tih zawm a.



Min khawngaih hmêl deuh hian min melh veng veng a. Hmeichhe fel leh chhuan tlâk tak ni lêm lo mah ila, ka nu thihcham erawh keimahah a pawimawhin ka nunah hian a bet tel tlat tawh a! A tân kum tin ka tihsak theih awm chhun chu a birthday-ah leh a thihchama a thlân chei mawisak zawng ani tawh, ka dam a nih phawt chuan tihsak zêl ka tum bawk!


"Kimkima a lo kal," kawmchâr chhuahna kawngkaah Jordan-a chu a rawn dâk lût a, a bengah phone a la ngaithla bawk.

"Ka țhianpa a nia, ka scooty a lo dah dâwn a niang," Nu Hmingi hawi buai deuh nak chu nuih pahin ka ti a.


"Aw, rawn tlàn lût tawp rawh," Jordan-a chuan ti pahin phone chu a ti tâwp zui nghâl mai bawk.


Chokaah chuan a rawn lût a, "Kawtah a awm tawh," min melh reng pah chuan phone chu a jogger pants ipte-ah a thun lût pah bawk, ka ding tùr chu min pui tùrin a rawn che chhuak thuai a.


"Traffic in a man lo chu a vânnei hlê mai," ka ti nang nang. Zân lamah ka scooty hi khalh chhuah zeuh zeuh țum a nei a, licence a neih ve miau loh vângin khaw en lai chuan ka khalhtîr ngai lo.



"Mapuiate țhianho vângin hliam i tuar bawk, i scooty chu a hmêl hem viau em?" nu Hmingi'n lo ti ve thuaiin an in chhûng pui mup aţang chuan kan inzui chhuak a.


"Ka hre lo" ka ti sep.


"Hmêl hem a awm chuan workshop-ah kan luhpui dâwn nia, Mapuia khân lo buaipui zui tùr che u in min hrilh hrim hrim alàwm," a ti a. Ka ngaihbel mai mai nge pawh ka hre lo, a nuin Prof Msa'n min buaipui zui tùra a lo chah thu a sawi lai chuan, Jordan-a hmêl chu a rum nghâl sauh.




Nizân khân khem leh khuar a awm em tih vêl enna hun pawh awm lovin, Prof-te țhianho kha ka àn khum hrep ringawt a! Ka àn khum hrep hnuah, Kimkima'n Prof Ms-a a tel ve tih a hriat rual khân a hlau nghâl ringawt a, a chhan pawh kan graduate vete a nih chuan, nakkum lawka kan professor hrawn tùr ani tih a hre kur a, mahni professor tùrte nên a inhmêlhriat dàn țha lo lutuk neih kha a duh dàn anih loh vângin, ka scooty nawr hâw rawtin Prof Ms-a te ţhianho kutah min kalsan daih kha a nia!



"Awi, lalmate i ke bêr bûr chu a va nat hmêl êm êm ve," kawtzâwl ațang Kimkima chuan a lo ti nghâl chùl a. Nu Hmingi pawh chuan, Kimkima nungchang tùr awm ang chu a man thiam nghâl tih hriat tak hian a nui var var a.


"Na vak lo, buaina tâwk miah lovin i rawn inkhalh thleng maw?"


"Dâwn làwm ni, traffic pakhatin min hàm din a lo tum a, ka hre lo der hmak asin leh!" nuih duai pah chuan a ti a, Jordan-a zâwk a lo phun leh hluk tawh.


Helmet chu phelhin no tak maiin seat-ah a'n dah țha phawt a, a kutțang che kual vêl hi kei ai daihin a no țhìn.


"A rawn ûmzui êm lo che maw?" Nu Hmingi chuan a lo ti a.

"Ka rawn ving phei chak lutuk a, ka mawng phe pawh a hmu hman tawp nâng," kan lam panin a rawn kal phei zaw zaw a, nu Hmingi nên chuan kan lo nuihpui hak hak a.


"Awi, Lalmate, i kê chu a nat hmêl râpthlâk lutuk, damdawi inah chuan in kal ta em?"

"Aih, hei, Nu Hmingi hian min tuamsak a," ka ti a, ka kerêk chu kûn hniamin a thlêk thawt thawt a, nâ tih hmêl deuhin a ner nâng nâng reng bawk.


"I țhiannu scooty chu a hmêl hem nasa em?" Nu Hmingi'n a ti a.

"Nasa lo, kan tlûkna lai kha a hnim pik hlauh a.. Lalmate i vânnei lutuk, i scooty-ah sawn rang pawh a awm lo rêng rêng"

"A tihzia hlauh a nih chu.." ka ti a.

"Class i kal dâwn lo em ni?" Ka bula lo ding ngawi reng pâ chuan a rawn ti ta hmuk. Kimkima chuan ei loh hmêl fahran hian a'n melh deuh zek phawt a.


"Class kal tùr ni ila tûnah te hian in inkawtah min hmu dâwn em ni?" a ti hmak. Na zet hian Jordan-a chuan a melh ta khûi ringawt.


"Vawiin te chu Lola nu thihcham a nia, nilêngin a bulah ka awm dâwn alàwm tiraw Bawihte?" kei chu min enin a kutphah pahnih chuan ka biang a rawn khuap a.


"I nu thlânah kan kal dâwn nia, Jordan i lo kal ve duh em? Remremi leh Nunite kha chu ka hrilh duh ta lo mai a nih kha," a ti nghâl pur pur a.


"Kan bulah i lo kal ve duh anih chuan i kâ kha chîp reng ang che," Jordan-a chuan ti hmukin in chhûng lam panin a inher nghâl hmuk.



"Inti thu thei ropui si," Kimkima zâwkin a au zui hrâm a. Nu Hmingi pawh chuan kan awm khâwma kan nunphung tùr chu a hre thiamte pawh ani mahna, nui hawk hawk chungin in chhûngah lût tùrin min hrilh a.



Jordan-a te in hi a vawi khat kalna ni; mahse, Kimkima chu a tlàngnêl nghâl êm êm mai a! In chhûng kan luh rual chuan a țe chèl chùl mai! Nu Hmingi làwmah a tla a, inhre hrep tawh ang maiin in chhûng chei dàn an sawi dunta bawrh bawrh a. Kimkima chuan kal kual zaw zaw pahin, ram dang ațanga an lâk luh in chhûng cheina pui tham pui pui ho chu, a thiam anga uarin a'n fak tak tak pek anih kha!


Nu Hmingi'n Jordan-a u Julie thuamhnaw min hâktîr a, mamawh leina tùr ka pa min pêk pawisa kha ka ute inah ka kalsan daih avàngin chumi lam tùr chuan ka ute in lam kan pan leh phawt a.


Jordan-a'n car a khalh a, passenger seat-ah ka țhu a, Kimkima chu seat hnungah, fiamthu thawh paha kan rîk chùl reng avàngin, Jordan-a chu nin hmêl takin a thaw leh hawk zêl! Kimkima lah chuan runluih nuam a ti sauh bawk nên, hmalam dârthlalang ațang rum tak takin Kimkima chu a han melh khui khui țhìn a.




"Next week kha ka birthday a nih kha, țhianhoin min dine out pui loh chuan ka vui viau ang, e, lalJordan Partei nên khân in la inkawp a mi, tûkin paw'n i chanchin min la rawn zâwt," a thâwk a chham êm êm lo em maw ni! A sawi tam hman lutuk chu seat nghènchhan nghêngin ka lo nuih hak a.

"Tu Partei maw?" Jordan-a chuan a ti chang fak a.

"Humm, ka eat thlâwt lo che, hre lo der vêl suh.. Chaltlâng a mi kha,"

"Chutiang ka hre lo," ti hmukin ka ute pêngah a tlàn lût a. Ka țang ru nghâl phat mai.


Nizàn an boruak tawn teh nuaih vâng khân, ka țhiante nêna an in luh chu ka hreh ru tak zet! Kawmchhakah Jordan-a chuan car engine chu a ti thi duk a. Kimkima hnênah ka u ina thil thleng kha ka sawi miau loh vângin, thawveng tâwka khaw lum uap zia sawi duai duai chungin a chhuak nghâl a.


"khatiang hmêl kha pu suh, eng mah tih sual i nei lo," Jordan-a chuan a ti nghut.



"Anitê," Kimkima'n min kuah a, Jordan-a erawh kan hnungah a ding thung.

Bawihpuia'n min hmuh rual chuan a rawn tlàn tarh tarh a,
"Matt-a chu i lo va lian tawh ve," a ze ngai bawk chhuahin Kimkima chuan a lo ti leh duai tawh!

Ka ke intuam vâr lâk chu hmuin, bawihpuia chu a ding deuh chawt reuh a. Ka ute nupa ka hmu mai lo!


"Anitê, Nâ nâ maw?"

"Umm, ka scooty khân min delh a, khawnge Mamma leh Daddy?"

"Mamma chu room-ah, daddy chu office-ah kal a," a ti fel ve thlap a, chumi rual deuh thaw chuan ka ute nupa pindan khawngkhàr chu chhûng lam ațangin a rawn inhawng a, u Melo-i rawn chhuak chuan nêm fahran lo hian, kan țhian thum chu min rawn melh nghâl khai bawk.


"Mamma ânite-i ke kha scooty-in a delh a," inti fel deuhin Bawihpuia chuan anu chu, ka ke na lai a kawhhmuh va va mai.


"Chaw i ei tawh em?" U Melo-i'n a ti a. Ka țhiante awm vàng chiah a min be țâwk hi a ang ber.


"Umm, ka thil kan rawn lam kawi lawk dâwn a," ka ti ve mai, Kimkima paw'n boruak chu a hre thiam ve ta a ni mahna, ngawi rengin ka room hman țhìn lam pan chuan min kuah kal a. Bawihpuia'n min zui ve dat dat bawk.




Khuma ka purse lo la awm ngat chu a la kãng a, "Matt-a nu kha a meng rum tawp," bawihpuia a awm ve tih mitmei zeuh pahin, "A nawm loh vang a niang," ti sapin, ka kûn hniam nghâl a.



"Bawihpui, api thlân kha kan zuk ti fai dâwn a maw, inah thu âwih deuhin lo awm rawh aw"


"Nite, ka lo kal ve thei em?" a ti a, ka nui chhuak nghâl hak bawk. Ka chhûngte dangin min ngainat loh teh rêng nên Bawihpuia tê reuh hi chuan min ngai ve êm êm mai a ni.


"Ruah a sûr thut thei a, inah lo awm mai rawh, Daddy lo hâw hunah daddy te nên inkal zâwk dâwn a nia," ka ti a. Hmui ti pawrh tarhin mitko a ti hnim ve nui nui mai.




Ka ute in aţanga kan chhuah dâwn chuan ţap meuhin, Bawihpuia'n min ngen tung, thlêm lungawi pawh tum lovin u Melo-i'n, room-ah Bawihpuia ţap rawng rawng kha a pawm lût nghâl hmak bawk.



Jordan-a leh Kimkima chuan ka rilru nawm loh hlauin ruahmanna an siam zung zung a. A rei deuh hnuah phei chuan Kimkima fiamthu thawh vàngin ka nui leh bawk bawk tawh.



Kan pathum chuan ka nu thlân chu ka thiam ang tâwkin kan chei a, Kimkima pek chuan a duh dàn a sawi par par a, a sawi loh ang deuha kan chei hlek chuan min vîn ta zek zêl mai a. Jordan-a ning lutuk phei chu phun chungin a tho thurh a, ka nu thlân chhak a thlân lung nghèng chuan, a han țhu tum ta bûr ringawt a.





Fb comment-ah ka sawi lâwk tho a.🙊 Nizân khân dâr 3 pelhah ka mu a, ka mut a chhuak bawk si, ka type laite hian minute 5 bawr vêlte ka lo muhîl a, ka harh leh a, ka type chut chut a, ka hriat loh kârin ka lo muhîl lehzêl a.🤣🤣 A ngaihnawm loh ngawt ang, naktûk zân aţang chuan ngaihnawm deuh a ziah kan tum dâwn a nia. A chhûng thû hi kei paw'n ka hre chiang bîk lo, ka mumangte a tel maithei. 😆

Comments

Unknown28 December 2019 at 08:41
Ngaihbawm thin..ka kham lo...a lehpek ka hre chak takzet

REPLY

Unknown28 December 2019 at 08:41
i story dang aiin atawi

REPLY

Unknown28 December 2019 at 08:46
Haha, i story chhiar tur awm hrim2 hi a nuam.. a sei emaw a tawi emaw jan kham ngau chuang lo..Msa POV ka chhiar chak tawh ee

REPLY

Unknown28 December 2019 at 09:09
Pitartei thluak tha bik ltk hi aww😘😘

REPLY

Unknown28 December 2019 at 09:12
Ka duh ai hian alo tawi leh thin

REPLY

Unknown28 December 2019 at 09:24
ngaihnawm eee

REPLY

Unknown28 December 2019 at 09:34
Jordan mawlh hi a zun ah keichu ka uai,khawngaihthlak deuhin siam lo hram rawh

REPLY

Mimz28 December 2019 at 09:34
Msa pov ka hre chak zek zek tawh....

REPLY

Unknown28 December 2019 at 10:02
Kei chu Lola hian prof. Msa laka a feelings hi nei lo se, engah mah ngai lo se ka ti... Chuan Msa hian vei bur se, anau vang hian ti lang duhlo se... Jordan hi a thih hmel bawk sia, ka khawngaih lawk emai 🤦🏻‍♀

REPLY

Unknown28 December 2019 at 10:32
Chhiar tur atama a lungawithlak ka ti tho mai zanin chu😘😘

REPLY

mawimawii28 December 2019 at 11:20
ka kham lo burrrr

REPLY

Unknown28 December 2019 at 12:00
gaihnawm thin e..herro ft hmuh tel phei chu anuam

REPLY

Unknown28 December 2019 at 16:52
A ngaihnawm lutuk tlat

REPLY

Unknown28 December 2019 at 17:04
Kham awm loh theih ve aw....

REPLY

Unknown28 December 2019 at 17:47
Ngaihnawm lutuk

REPLY

Unknown28 December 2019 at 18:29
🤣 🤣 Akhaih khaih, ka duh ber bur e, Jordan khi.. 😝😝Ka kham thlawtlo

REPLY

Unknown28 December 2019 at 20:25
Ngaihnawm thei eee

REPLY

Sangsang~lrs28 December 2019 at 21:58
Jordan pov ka hre chak zek zek tawh Msa khi chu ka la khek thei hram ang Msa hian Lola khi atchilh bur mai se o😍😍😍😍😍😍😍😍😍😍😍😍

REPLY

Unknown28 December 2019 at 21:59
Jordan hi thih tir lola, ka duh emai ah

REPLY

Sangsang~lrs28 December 2019 at 22:05
Chhiar liam mai lovin story chhung ah min hruai lut delh delh zel kan feel veng veng theih tur hian engtin i tih bik pawh ka hre lo mahse i story chauh ka chhiar hi ka va in chhir lo tak em i thiam ber mai e😚😚😚

REPLY

Pc Lalzuatpuii28 December 2019 at 23:21
Ka duh deuh tlawrh che animai..angaihnawm lutuk vang nge ka chhiar tawi vekkk..ka nghakhlel leh ber tawg e

REPLY

Unknown28 December 2019 at 23:30
ngaihnawm lutuk ebs

REPLY

Unknown29 December 2019 at 06:46
Ngaihnwm tawp mahse duh aiin a tawi thin a zawm chhiar a chak awm tawh lutuk

REPLY

Unknown29 December 2019 at 09:24
Mumang pawh kan duh vek😀😀

REPLY

Unknown29 December 2019 at 22:31
Ka vawi2 leh tawh

REPLY

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 2nd, 2020, 6:56 pm

December 30, 2019
TÊTAKTÊ-I
Chapter 7
Abbra Reo Ririni Khiangte (PitarteiSualfingi)



♡Love me for who I am and NOT who YOU want me to be. That's how you will get the BEST of Me.♡








"Ka ril a țam tawh râpthlâk lutuk Lalmate, thil ei tùrin kal ang u," Kimkima chuan a ti ruai tawh! Thlân lung nghènga Jordan-a țhu ngawi ngul chu a lo ner nghâl suk bawk.




"Ka pum pawh a ri rawih rawih tawh," tih sek pahin thlân cheina kan hman bângho chu plastic bag lianpuiah a khung fel nghâl zung zung bawk. A ril țam zia thu ngawt a sawi duai duai lai chuan, ka nghawk deuh sawk, min en háw chungin ka sama thlân cheina tle kai vel chu min then faisak leh rih a.



Jordan-a țhu tum hmuk ka melh zeuh tâkah chuan, a thaw ve hak.



"A mood uih zia hi" ti hlakin Jordan-a lam chu a han hawi chho a, pakhat lah chu thlân lung nghènga țhu ngawi ngulin, keini chu min lo en duh țhak lo!


"Jordan, kan ril a țam tawh a nia," Kimkima chuan a ti a. Chawhnu dâr 2 a pêl daih tawh, Jordan-a rawn hawi thla chu kan lo nuih tlawn a. A meng dur țha ropui bawk si.


"Ka pumpui a ni hleinem," a lo ti hmuk, hmalam en lehnghâl ngurin a țhu ngawi leh ngul bawk.


Kimkima chuan ngeiawm zetin a chhâng lêt leh ang tih ka hlauh vàngin, a țawng tùr chu a bân bulah ka kuah bet nghâl chawt a, Min en pah chuan a thaw deuh hak a.



"Titau peih bêr bûr si, vawiin hian eng mah pawh i ti ve lo, Lola nêna kan chei vek a nih hi," ti hrâmin kan hman sen loh ho chu a khung zung zung a. Kimkima darah innam khalh chungin harsa ti deuhin ka ding chhuak a.

Dur deuh khuia hmalam en ngurtu chuan, a mit sîrin ka che vêl chu min melh tih ka hre ru khiau!



Tûkin ațang tawh, a mood a fu hlei thei dèr tawh lo, hetianga tûm bûr reng chung chuan Kimkima nên hian an inhnial reng mai ang.



Ka nu thlân lungah innam khalhin Jordan-a țhutna thlânah chuan khawngkhawbai chunga zuan chhoh ka tum a, ka rilru a number chhiar ru ran ran a ka zuan dâwn chiah chuan, phun hluk chungin kan Jordan-a chu a ding chhuak ta vut a. Ka phu nghek lehnghâl.


"Khawi a kal nge i duh a?" ti hmukin a thaw chhuak hawk.

"I bulah khân," ka nui pah var var a, chutia ka nuite chuan a thinur a belhchhah ta mai emaw tih tùr hian, min han chhuk melh ngur ngur phawt a. Tûkțhuan ei kham ata tawh a ruala, kawmchârah ka chhuah ve loh vàng mai khân a mood a chhe êm êm mai a! Kimkima'n thlân cheinaah min zui ve dâwn tih a sawi leh ngat phei kha chuan, insualpui tùr lo awm fuh se chuan a insualpui nghâl ang tih theih tùr khawpin, a thinchhe zual êm êm a. Hetianga mood chhe deuha a awm reng chuan, zân lamah rui chungin insualpui tùr a zawng zui nghâl zat dâwn tih ka chian êm vângin, tih lungawi thuai thuai ka duh!


Mit kàn khum ãk pahin a lamah ka bân ka phar chhuak a, kan chhak thlâna ding vung chunga min melh ngur ngurtu chu, hnuai lam bihin a thaw chhuak ta hawk.




"Kimkim, khângho kha rawn khai chho vek ang che," tih hmuk pah chuan ka nu thlân bulah a rawn țum thla zui țawk!


"A tam tham si, inken sem ang....." Kimkima țawng chu chhete paw'n a ngaihsak tawh lo, min din hnaih hrut a, kei a lo tawlh hnung ve hret chu min nuih suk a.. lawk, tûkin ata tawh a vawi khat nân tûnah khân a nui anih chu!



"Che sawn leh vaih teh, ka pen lawlh ang che," tih pah chuan min hnaih leh hrut a, "tihian kan thleng chho awlsam zâwk ang," a sawi zo chiah, ka kãng nghâl nawlh anih chu! Mahse, rang lutukin a kâwngah ka kherh bet a, a nghâwngah bân pahnih ka suih beh nghâl thak chuan, nui chungin mit min siai zeuh a.


"Min puak i duh zâwk lo'm ni?" ka ti há, a hmâ zâwnga min pawm pah chuan lu thing nghutin min kal sawnpui nghâl nul nul a.



"Hey,, in va'n phakar ve, min nghâk rawh u.. Jordan.. Lola," Kimkima chuan a rawn ti chèl chùl mai! Jordan-a lah chuan hre lo ang hmakin step chho ruah chu min pan pui nul nul a. Kimkima inkhung zo bawk si lo chu a rawn țe tuar taur a.




"Kimkim, lo tlàn rawh, thlanmual hi a hrâng țhìn a nia aw," Jordan-a darah awm liamin ka va au a! Kimkima chu a hmâ aia nasain a'n râk ta tak tak mai a! Jordan-a erawh ka beng bulah a lo nui huk.


"Nghal leh lutuk," a ti nghut. Ka awm dàn chu ka siam rem a, ka nu thlân awmna mual ațanga inkhai bâwr țûn chunga, chak lutuka Kimkima rawn tlàn phei puat puat chu, za lutukin ka nuih hak hak a! A jacket hmâ a inphelh duai bawk si! Sarang vâr lianpui a khai chu a rawn vai phei buan buan bawk nên, pumna phungin ka nui hak hak a!




Jordan-a pawh chuan a thlêk ve vat, sarang lian tâwk khai chungin, a bân pahnih a phar kâk a, ka hming leh Jordan-a hming lama, rawn au țe chùl chung chuan a rawn tlàn phei buan buan a, Jordan-a pawh chu Kimkima rawn tlàn pur purna lam chu hawi meuhin a nui chhuak nghâl hawk hawk a. A nghâwngah ka bân pakhata kuahin Kimkima chu kut ka vai lauh lauh bawk.



"Hmelchhe dûn lutuk, vawi khat mah ka zui tawh ngai dâwn lo che u," a âw a thûm deuh bawk si; mahse, a pherh deuh daui tho bawk nên chuan, ka nuih a za telh telh lehnghâl!




Thlân lung țhenkhat chu a rawn zuan khum deuh zak zak a, lei a rap chiaha pal khut khutin a rawn ri phei buan buan a, ruah sûr tùr ang maiin khua a duk khui bawk nên a hlau tak tak a nihte ka ring rum rum!



"Hey.. kan nghâk dâwn lo em ni?" ti háwin Jordan-a chu a hmai bul chêtah chuan ka en nghâl vat a. Step chhoah chuan min pên chhohpui zui nghâl, mangang ru zetin Kimkima lam chu ka va en leh a. Ka khawngaih rualin a nuihzatthlâk tel tho bawk si!


"Jordan"

"What," ti supin min melh vat, a ke pên erawh a tâwp hauh lo!min pên pui zêl bawk si.

"Kan nghâk dâwn lo tak tak maw"

"Yeap, a bengchheng thei em mai," a ti hmuk anih chu! Ka mitah tak min en ngur pah chuan step-ah chuan min chhohpui nawlh nawlh a.


"Mahse... a hlau bawk sia"

"I tih țhaih hmasak alàwm," a khabe hnuai ațang hlauthâwng ru zet a ka en chho chu, chimawm zetin min melh a.


"I va'n sual tak, heta lo nghah lawk kha a harsa lo"




"In pahnih a in awm dûn chhûng khân, chhetê paw'n min ngaihsak ve lo," hma lam en ngur chungin a ti ta hmak. Phâwk zet hian ka en chho a, a hmêl chu a lo chang leh ngul tawh! Thîp râmin kawng chu a melh lui tlat bawk.



"Ka..."

"Lola, Jordan hmelchhe pa min lo nghâk ve ta che u mawle," Kimkima rawn âu rî vâng chuan rang tâwkin ka inbeng kãng a, Step a rawn chhuak thleng ve tawh a, a thaw hluam hluam bawk.


"Ti khuan a rawn thleng chho ve êm êm ang," pakhat lah chuan a ti nghut mai bawk si.



Kimkima chu thaw hluam hluam chungin kan lam a rawn hawi chho a, dang ro hmêl deuhin a âng hlawi hlawi bawk!



"Tah hian lo châwl ila," ka ke thên lui vakin ka ti nghek.

"Nope"


"I va'n sual tak.." ka ti hlak, "Kimkim lo kal zêl rawh, he pa bêr bûr hian min din pui duh lo tlat a," ka tih chuan, Kimkima chu a men pur tawh.




Thâwk lâk vak pahin a khabe hnuai ațang chuan ka melh chho kar a, a hnâr ngul sâng tak hi apa ațanga an chhawm ani tih ka hre tawh, Prof Ms-a pawh kha a hnâr ngul a sang ve tho. Chutia ka en lai reng chuan rawn kûn hniamin a chalin ka chal a rawn tauh fawk a, ka nâ ti chuan ner nâng nângin ka chal chu ka tuai nghâl that that bawk.


"Khatia min en reng lo khân kawng en țha rawh," ka ti hlak, a khi suk chu awm kãng thutin a chalah ka tauh nghâl bawp a, a phun nasa mai.



"Lu chang ve bîr bêr nu,"

"Min tauh leh vaih chuan kha aia nâ khân ka tauh leh che a ni mai," ka ti lêt hmak a, nuihzat hmêl takin a hmui hnuai a pet a.


"Jordan"

"Yeap Lola," ka hming a lam tel kher vàng chuan ka nui hak bawk.

"Ka ril a țam tak tak a nia aw," ka ti chuan, Jordan-a chuan min chhuk melh nghal vat. Ka hmêl a rawn hmuh rual chuan nuihzat hmêl deuh hian a nui leh suk a. Ka eng hian nge maw a nuih ti za êm êm mai ni!



"Eng nge i ei châk," ti supin nuihza insûm tih hriat zet hian min melh reng a. Ka ril ţam hmêl hi a nuihzat thlâk pawh ka ti ve lo.



"KFC ah kal ang, chicken bucket kan order a nga, french fries leh nuggets pawh, chicken burger ka ei châk bawk. E, chuan ice cream leh drinks pawh ka duh tel, tûkin khân nangmah ai daih paw'n chaw kha ka ei tam sia, ka ril a țam ngawih ngawih tho," ril ţam lutuk vànga uar tâwk a ka ei châk zawng ka sawi mawlh mawlh chu min melh vung vung mai.



"Chung thil zawng zawng chu i pumpuiah hian an leng vek dâwn a maw?" nui chungin a ti tawp, "i te ve ropui sia," ti pah chuan mitmeng chimawm lutuk in kan inkâr chu a melh zauh a. Ka ner nghâl nâwng bawk.


"KFC-ah kal ila, ka rilţam tawh zia chu ka hmuhtîr ang che," uar zet hian ka ti vak, "ka sawi zawng zawng kha ka ei zo vek thei," ti leh hrâmin ka melh vak ringawt. Jordan-a chu a lo nui hawk hawk a. Tûna ka rilțam zia ngaihtuah phei chuan keimah chiahin âr pum khat pawh ka ei zo thei hial ang chu mawle!




Step chho ulh zet min chhuah chhohpui hlawl tâkah chuan rang zetin ka inbeng kãng leh a, Kimkima lam ka zuk en rual chuan tîm châwihin Jordan-a phênah ka awm thla nghâl zal zal a.

"What?" Jordan chuan a lo ti sup. A âwm zâwna nuam lo tih hmêl taka ka ngawi kâr chu, min nuih sukin a inher zui vut.


Kimkima hmêl chu a dur țhain step chu rah chim tum ang hrim hian na tawk tawkin a rawn rap chho chawrh chawrh a, a thil khai lai pawh na deuh deuhin a vai sawk sawk bawk.


"A rawn thlen chhoh ve țep tawh khu," Jordan-a chuan a ti awlsam then a, car hunna min pan phei pui nghâl daih bawk.

"A rawn vîn rem rem ang chu aw," ka ti sap a. Enghelh loh hmêl zet chuan a thaw hawk.




"I hah lo em ni?"

"Eng vàng chuan?" a ti a, min melh thuak bawk. Khua a dur khui khui reng avàngin, boruak chu a uap deuh churh a, Jordan-a nghâwng vêl chu a thlan huh dap bawk.


"Min pawm chungin, step zahnih chuang i zawh chho vek a"


"Chuan?" Vei loh hmel zeta tih pahin a vànvadak a, thawven hmêl fêin thli thaw vûk vûkin, a sam a chhêm chêt dar dar chu, a kut pakhatin a hui chho nghâl thuak bawk. Tlâk hlau lutukin a âwmah chuan ka bet nghâl țai a, min nuih leh hawk tawh.


"A rûk chuan rit min ti ve tho ang," ka ti hlak, ka sam rawn chùl thuakin ka mawngah a rawn dâwm kâng nghâl nawlh a, amah aia sânga ka awm rual chuan ka khek zui túng bawk.


"Nang tereuh hi rit ka ti ang che maw?" tih pah chuan a hmâ aia sangin min dâwm a, chak intih hmêl tak hian a hawi kual vêl ngêi!!?



"Zep lo mai teh! Kha i thlân vek alàwm," chimawm zetin mitko ka ti kãng ak ak a, ka melh chhuk ngar ngar bawk. Mak tih hmêl tâwkin a âwm chu a bih vêl a, keiin ka lo ei leh tawh si lo, a chhîp sam buk bîk laiah chuan ka țhâm sak ta nghek a!




A nui hawk hawk a, ka khawih ve na hi nâ ti àwmin a lang duh ngai lo rêng rêng.


Car hmâah min nghah thlâk dâwn chuan inla patling zetin a rûm chhuak hawk a, car hmalamah ka țhu fel der. Ka țhutna bul a rawn innam khalh nghâl pah chuan hnai deuhah min melh nghâl siah bawk!





"Eng nge?" Ka ti a, ka hmui zawn melh reng chungin a hmui chu a liak huh zauh.



"Kal lam anga in pahnih chiaha in inbiak leh char char chuan kawng lakah ka chhuktîr nghâl ang," a ti hmuk a nih chu!!. Ka hmui hnuai ti pawrh a ka melhna chu 'ka ti tak tak hreh hauh lova nia' ti ang hrimin min melh lêt rùn rùn a. A tâwpah chuan ka tlâwm tih nân bân ka phar ta vak! Mahse...



"Kan biak ve reng che kha," ka sawi tùr hre lo lutuk bawk si chuan, ka ti ta vak ringawt a.



Min melh khui chungin, eng emaw sawi a tum lai tak chuan, Kimkima rawn chhuak chho hlawl chuan, Jordan-a chu a rawn au țuar a!




"Hmelchhe pâ, over zek zuk lutuk, eng vângin nge min kal san daih kher a," rawn ti phei hlawih hlawih chungin, Jordan-a dingmar vut chu, a thil khaiin a rawn hlap nghâl pawp pawp a!





Nui deuh vur vur chungin Jordan-a chu a lo indang ringawt. Kei erawh tûn lawka a awm dàn vâng khân ka la hamhaih deuh hû! Kimkima leh zêl pawh a.. ka tih awmzia chu, Kimkima nên amah ngaihsak lo deuha kan inbiak mai mai paw'n a thinrim țûn zêl tawh dâwn tihna em ni?!!!




Tûnlai a mizia hi ka hre thiam lo tak zet!




Ka hmâa Jordan-a chu ka en ngawt ngawt a, Kimkima'n a hlapna chu lo indan pahin a nui vur vur reng a, thinchhiain luhlul viau țhìn mah se ka lakah a sual chhin ngai miah lo, Remremi thu sawi kha a dik tihna ani mai ang em....??!!



"Hmun hnawk zawng zawng ka rût fai vek a, chu pawh min nghah nachâng hre lovin min hâwsan intum vêl a maw?" kimkima tilpawr âw pherh deuh duai rî vâng chuan ka inthing harh deuh nawk a!


"Kimkim, lo nghâk ang ka ti char char alawm; mahse, amah khân min kalpui lui zêl a nih kha, pêt hrep rawh," ka ti a, Jordan chuan min melh deuh hrâwk pahin, "hetah hian i țhianpa hi ka hnutchhiah mai ang e aw," a rawn ti nghut. Kimkima huat tâwk a lo tling leh tawh bawk si, no deuh deuh a ke khai kãngin Jordan-a ngalahte chuan a pêt țawlh țawlh a.





"Lût tawh rawh, KFC ka treat ang che," nui ruh ruh pahin kimkima thinrim lutuk darah chuan, a vawnsak nghâl thuk.



"Ei pawh ka ei peih lo, hei pawh hi nangma'n keng rawh," nêm deuh, vîn hlur si a ti tuarin a thil khai chu Jordan âwmah a nem bet chawrh. Pakhat pawh chuan âtthlâk tih hmèl zet a nui sukin a lo la ve mai bawk.



"Humm" ti hmânin Jordan-a chu a inher tauhsan nghawng nghawng a. Ka lo nui țîah țíah pawh chu, min kal pêl nghawng ngawngin car hnung lam kawngkhàr chu a pawt hawng nghâl pawp!




"In pahnih hian ka zui tawh ngai dâwn lo che u," a ti hlawih hlawih a, a țhut luh zâwngte chuan car chu a nghing lawih lawih mai!




"A kutthlâk a na reuh zêk lehnghâl," Kimkima sarang pêk suih phui pah chuan a nui vur vur.



Min kal pêlin car hnung lamah kan hmanraw hman bang chu a va dah lût leh phawt, a lo lêt leh lam chuan kan piah mual dur khui khui chu a thlêk deuh vung vung a.


"A sûr dâwn chuan sûr thuai thuai mai tur a nia, khaw lum a ti zual vek," ti hlukin kei chu min chawi kãng nghâl nawlh, dîm têin leiah min nghat thla a.

"Damdawi in kal chu i duh lo tak tak maw?"


"Duh lo, tihian a dam vat dâwn alàwm"


"Tûnah hian kan kual nghâl thei tho a nia," tiin car khawngkhàr chu a kut pakhatin a pawt hawng zui pawp.

"Ka duh chuang lo"

"I thuber e, têreuhtê," ka melh râwm chu chimawm zetin mit min lo siai zauh a. Kimkima ang maiin ka țhu lût tau nghawng nghawng.



Kawng tluanin Kimkima chu a titau bûr bûr a, a hawi tau nghawng nghawng zêl bawk nên, Jordan-a lah chuan chimawm a chhuah tlat pek a! Kal lama kei nêna ri teng tung kha hâw lam chuan Jordan-a a vîn hâw kawng tluan ta țhak!


Madina te'n Jordan-a chu an lo call a, kan pathuma kan awm tlàn thu a hrilh hnû chuan, kan țhian dangte ngaih pawh a țha ta chiah ani mahna, an mahni zâwkin phone chu an ti tâwp hmasa a.


"Hmuifâng kal an rawt nî kha vawiin hi a lo ni reng a," car hmâah a phone theh kai pah chuan a ti sup.

"Ni dâwn tak, an kal dâwn tho em?"

"Kal ang.. " a ti a, a phone rawn ri leh chiah chu phun hlukin a ban nghâl vat a. Screen-ah chuan number hlang tawp ka hmu a, a hmeichhe kawp zînga tu emaw ber a nih ka ring! An number a save ngai lo!


Ngawi rengin a hmet tâwp hmak a, dah lêt tum a bân a lek vu tawh chu, la lêt leh rihin phone chu a switch off zui hmiah a nih chu!



KFC lamah kan tlàn tlang a, dàwr kan hnaih tâkah chuan Kimkima paw'n uar fahranin, a ril țam thu a sawi leh bawrh bawrh thei tawh!




"A lum êm mai! Ka jacket hi ka phelh daih dâwn," Kimkima chuan a ti a. Car pâwnah dingin no fahran hian a jacket chu a hlîp a. Ka lo nui ru sak thung.



"I theinghilh ang e aw"

"Hmelchhe pâ, ka theinghilh anih paw'n, Lola hian naktûkah min lo kensak mai dâwn alàwm," a ti hmak.



Jordan-a dang chiang lutuk chu a rî a nuih chhuah hlauin ka hmui ka pet nasa! Rûm nghut chungin driver side a nam hawng ve ta pawp a.



Car chu rawn kal hualin ka țhutna kawngkhàr hawn tuma, Kimkima bân lek chhuak chiah chu naupang chhia zetin, Jordan-a chuan a nam sawn hmak a nih chu! Lalkimkima run tâwk a lo tling êm êm bawk nên, hmui ti sawi hmâwn hmâwnin a melh erh a.


"Ka pawm leh dâwn che em niang?" rawn awm hniam khun chungin a ti a.

"Aih.." ka ti chûl! A chi loh lutuk, mi zawng zawngin mak tiin min en huang huang mai dâwn asin!


Dàwr chhuungah kan inzui lût a, Jordan-a chuan Kimkima nên țhutna lama tlang nghâl tùrin min hrilh a, Kimkima'n min kuah kalin ei tur rim chuan, a ril țam a ti zual vek tihte chu a sawi tak ang lawng lawng a, dàwra awmho chu an lo nui tet tet hlawm mai. Kimkima zâwk a zah hmêl vak loh avàng chuan ka țawng khum ta erh hlawm lo!


"Lalmate Remremi sawi kha a dik tak tak ang," ka beng bulah a rawn phun sar sar.

"Eng chu?" ka ti hû. Chek tlat tlatin ka bân bulah min bêng taih a.

"Jordan-a hian a duh che," a ti a, na deuhin ka melh nghâl râwm ringawt!

Ka bân bula rawn kuah pah chuan, order siama Jordan-a dinna lam chu a melh zeuh a, "En ve mah rawh, rei lo tê kâr paw'n nangmah en zui lovin a awm thei thlâwt lo, a ngaihsak dàn êm êm che lah hi..!!" ti pah chuan min han nek tâlh tâlh a. Order siamna lam ka ve melh ve rual chuan, Jordan chuan min lo nuih suk a. Tãwi têin ka nuih lêt ve ringawt bawk.


"I hre thiam em? A hmeichhe kawpte pawh nangmah ang hian tumah a ngaihsak ngai lo.. nang hi chu.. aaaa, i sawi ang ang hian a awm tawp a, a hauh na bawk si che.."


"A țhian ka ni miau alàwm," ka lo ti vat. Â min tih hmêl fahran chuan min ner khum nâwng!

"I hahthlâk êm mai! A rêng rêng thuah college student i nih ve tawh hi, ngaihzâwng lam hi ngaihven tawh rawh," min ti leh ta hrep a. Tawlh sawn hmakin phone a khawih ta daih.



Ngaihzâwng neih mai pawh ni lo, pasal neih ka tum lo tihte hi sawi chhuah chiam ka tum lêm lo! Hmêl duh zâwng neih pawh ka duh bawk hek lo! Ka nu anga phatsan nih ve kha ka hlau!


Rei lo tê hnuah tray lianpui chawiin Jordan-a chu a lo lêt a, KFC dàwr chhûnga tleirãwl châwl ve ho chuan an en duh tak zet, chicken bucket a lo la tel tak tak bawk, hna thawk pakhat chuan drinks châwiin a rawn zui bawk.


"In làwm tawh em?" Kimkima melh kher pah chuan a rawn ti hlut! Nichin lawka a hmêl dur khai khaite kha chu hmuh tùr pakhat mah a awm tawh lo. Jordan-a fel a tihzia thû sawi chùlin ei tùr chu kan dawhkànah a siam rem nghâl zung zung a.


"I kham loh chuan min hrilh la, ka lam belh lehnghâl ang" ka bêng bulah rawn awm hnaiin a rawn phun sup, ka melh lêt hrak a, chimawm zetin a nui tak ang sûng lehnghâl.


Burger chu ka keih hawng hawng a, kan ei zawh hian hâw a duh nghâl thû Kimkima'n a sawi lai chuan, Jordan-a chu thawveng huai ang maiin a nui vur vur a nih chu! Ka va nghawk sawk a, a burger kheh mual mual chungin a la khi sâng tho.




"Lalmate i hâw daihin, kan inah lo lêng kawi la?"


"Awi, ka peih tawh teuh lo, lalJordan-a hian min nin hmêl tawh em mai," ti duaiin Burger chu a keih hawng hawng a. Thinrim a sawi a nih loh vângin ka nui ta ringawt.


Kan pathum chuan ei mawlh mawlhin kan țawng bawrh bawrh a, Kimkima nên kan țawng ani mah zâwk! A bulah hi chuan tu pawh awm se a țawngpui bawrh bawrh thei ang, tih theih khawpin sawi tùr a hria a, nuihna tùr a hre theiin a bulah hi chuan tum loh pui puiin ka nui leh chiam țhìn!



Thâwk leh khata dàwr chhûnga mite reh deuh nghâl duk vâng chuan ka thil ei lai châwl meuhin ka hawi kual a, kawngkhàr lam hawiin tleirãwl țhenkhat an inhrilh rûk sar sar avàng chuan khawngkhàr lam chu ka hawi ve thuai bawk.




"An inhmeh e, an innei har tawh ka ti," kan piah lawka tleirãwl țhu thu sawi ka hriat rual chiah chuan prof Ms-a hmêl tak ran leh a bulah, a bân bul kuah chiala Doctor Rinchhani nui var var chu ka va hmu thut a!




Engtin emaw hian ka taksa pumpui chu a rawn sa chhuak bulhin ka hria! Ka thin a phu ri nghâl dawt dawt a!




Țhutna tùr hmun ruak en kual ni àwm takin, Prof Msa chu ngawi rengin a hawi kual thuak a, Doctor Rinchhani erawh chuan 'ka ta a nih hi' ti ang hrimin a âwm nghèng chial chungin a bân bulah a man tlat a! Ka lungphu ri dawt dawt chu tih reh tumin vûr telna coke chu ka in khalh a; mahse, ka thin phu chu a rang tulh tulh!



Kimkima pawh prof Ms-a a hmuh chuan a meng zau deuh kâwk a. Hlauhthàwn hmêl deuhin ka lam a rawn hawi nghâl hau bawk.



"Nizân khân i vîn nasa si," a ti zui, Jordan-a chuan kei leh Kimkima chu min en dûn thuakin, kan enna lam chu a en ve nghâl vat a, a ute chu a hmu anih ka ring, engah mah ngaih loh hmêl zetin ei tùr chu a ei zawm leh mai!



Ka hawi sawn hmâa ka va melh leh hrâm chu kan țhutna lam a lo hawi lai tak ani bawk nên, professor Ms-a nên kan mit chu a intawng nghâl siah! A mitmeng rûm lam leh thim ruih bawk si váng chuan ka lo tîm leh châwih tawh!



A mitmeng muk ruih chuan, khaw dang hawi lêk lova min en ran chungin, a kekawr ipte-ah a kutphah hrawl zet pakhat chu a zen lût ruai ruai a.


A huhângna leh uap churh ka feel ruala ka awm țhìn dàn chiahin ka thâwkte chu a rawn rang vek, min hmuh chian tum ang hrima mitko ti hnim khui a min melh rùn lai chuan rang lutukin ka hawi sawn a, ka thil ei tùr chiah ngaihtuah angin ei tùr chu ka ei zawm mawlh mawlh; mahse, ka biangte chu amahin a rawn sa hat hat a, ka hrawk a thisen zâmte hi a phu zawih zawih ni maiin ka hria!




"Nizân khân i ute țhianho nên sawn kan intawk thut a, Lola ke hi a nat phah alàwm," Kimkima chuan Jordan-a beng bulah a ti sa sa a.


Chicken bucket melh lui tlatin burger chu ka keih tawn tawn a, kan țhutna lam an rawn pan tih chu, dawhkàn zawn pheia, a pheikhawk dum tle hlup rawn pên phei khup khup aţang chuan ka hre thei! Ka rilru chu a phîlî buai nghâl vek tawh; thawh thut a, dàwr chhûng ațanga kal chhuah nal nal ka châk tut tut a, chutih rual chuan ka tâna eng mah ni lo mihring vànga, chutia tlãn chhiat hialte ka ngaihtuah ruai mai chu mak ka inti tak zet bawk!


"Nangni maw?" a aw thûm ril ruih vàng chuan ka thil ei lai ka hâk țhawt teuh kher mai! Kimkima chu a ngawi kâr a, harsa ti zetin burger chu ka lem a, Jordan-a chu muang chânga hawi chhuakin a hnunga, a ute pahnih lo ding chu a khîk khum sak mai.


"Wow! Hello sister in law," a ti hluai, Professor Ms-a hmêl a thim khup laiin, Doctor Rinchhani erawh nuam tih hmêl deuhin a nui sâng!


"Jordan kan inhmu khat hlè mai"

"Rawn lêng duh hek lo che"

"Ka buai ve thei lutuk a, i nu pawh ka ngai tawh lutuk," a ti a, Kimkima nên chuan thinphu dup dup chungin kan ngawi kar, kan thin phut chhan erawh a hrang viau ang! Ka bul lawka mipa ding khawng luah chuan min chhuk melh rùn tih pawh ka hria a; mahse, ka melh nawn ngam tawh lo! Eng vànga, a hmêl hmuh nawn chu ngam tawh lo ve ringawt nge ka nih lah ka hre dèr bawk si lo!

Hui ha! A taksa hrawl zet ațanga lumna rawn chhuak ham ham te khân, eng emaw alhin ang chiah hian min hliau ani ber!


"Dawmdawi inah chuan in kal em?" a ti thûm dût a. Ka thil in lai chu ka hâk ta zawk, Jordan-a chuan rang lutukin tissue min pe a, ka hnung rawn bêng dat dat pah chuan, a u zawhna chu a chhâng bung hmuk a.


"Kal lo"

"Ih.. nang hi" rawn kûn hniam deuhin doctor Rinchhani chuan min rawn en chiang a, keimah ka ni tih a hriat chuan ngeiawm lutuk a nui hak hian a dingmar leh a.


"Tûnah khân he nu hi i bia a maw?" âtthlâk tih hmèl zetin Professor Ms-a chu a melh chho dâwrh a. Jordan-a'n dawhkànah tissue a paih nghâl pawp! Min deu sawhna aw rî kha a hriat hmaih bîk lo a ni mahna!




Nichin lawka Doctor Rinchhani, a ngainatna hmêl kha chu hmuh tùr a awm tawh lo rêng rêng!


"Ka u in Lola a bia chu eng nge a pawi na?" chang faka tiin a ding chhuak ta mai! A kutphah sîr lamah chuan ka tawk de de a, nghet zetin ka kut chu a lo hûm nghâl hmiah bawk!



"Jordan... ih, thil hriat thiam loh i nei ani lo maw?" Doctor Rinchhani chuan a ti phâwk hra! Professor Ms-a erawh a ngawi rùn.


"Khatiangin ka țhiannu chungchâng sawi tawh suh ang che," ha chang sehchilh rapin a ti leh fak.


Hamhaih zeta Dr Rinchhani hawi buai nak chuan, Prof Ms-a chu a melh zak zak a.


"Jordan, mi dang hian min en țhup a nia, kal teh ang u," Kimkima chu rilru fîm berah țangin, inthiarfihlîm a rawt nghâl zung zung a. Ka kut a hûm beh tlat chu kei paw'n ka pawt zeuh a, thaw chhuak hawkin Jordan pawh a rawn țhu thla nghâl dawt.



Professor Ms-a âwma bei titih pahin, Doctor Rinchhani chuan kei leh Jordan-a chu min melh tawn zak zak a, a lo hmuhsit țhìn ve tak vànga, a bialpa nauin a khak lêt ta mai kha, a ngaithiam hlawl lo tih a hmêlțha takah chuan a lang reng!


Jordan-a chuan min pawm tho nawlh a, vawi khat pawh a ute chu melh tawh map lovin min pelhpui a, Professor Ms-a chu ka mit sîrin ka melh hrâm, a bialnu kâwngah nghet takin a kuah a, a mitmeng thim khup zìm deuh sun chuan min lo en zui ve reng bawk! Rang deuhin Jordan âwmah ka bei nghâl daih a. He pa ka hmuh chânga ka tâlbuai nghâl vek zêl hi, tih reh dàn ka hriat thuai a fuh ber ang!






"I hriat zâwng em ni?" a ti chhum hmuk, Kimkima kan drop tawh a, kan tlàn lêt leh chu hmun reh thengthaw nuam zetah car a ti ding a.





"Tu chu?" Ner sawkin na zetin min melh nghâl nghek.

"Ih.. Beck-i cousin alàwm," ka ti a. Thil tenawm zet ngaithla ang maiin a ner nghâl sawk bawk.


"Engati nge khati khân i rîk thut a, in inngainat hmêl nên.." steering hûm ranin min en vat, "I u bialnu ani lehnghâl," ka ti tel hrâm.



"I nuhrawn nên inzawmna an nei tih ka hre ve hleinem," a ti hmuk chuan, nui chhuak hakin,
"I va'n â mai mai tak, ka nuhrawn nên inzawmna an neih vàng ngawtin i hua ang maw?"

"I chungchâng a sawi dàn kha ka duh lo, hmusit tak a țawngkhum tùr chein eng ani bîk lo tih, a hre lo a nih chuan ka hriat nawntîr hreh hauh lo," ti bul hmukin driver side khawngkhàr a nam hawng pawp a. A kal chhuak chu ka seat belt hren phelh rak rakin ka en zui reng a; mahse, ka țhutna khawngkhàr min hawnsak tum miah lovin, car hmâah thatchhe zetin a va țhu daih a nih chu!

"Hmêla mai mai chu," ka ti nui nui, a sam tuai chho thuakin a thaw chhuak ham ham a. Min chhan tih chu ka hria; mahse, min chhan vâng ngawtin a û bialnu nên lehzêl an inkâr a chhiat ka duh hauh lo.
Thlî thaw vuk vuk chuan, a t-shirt leh a sam hnim lai a chhêm che hlap hlap a, a hmêl tlàng hriam hraih chu a takin, kan piah mual dur khui chu a melh vung vung a; steering chu han ban da dain thâwk leh khatah horn ka hmet thut a! Jordan-a chu a phut vak ka rin teh rêng nên, nui huk chungin a rawn hawi lêt vut,
"Ka lo chhuak ve duh," ka ti ta vak a. Horn ka hmet thut tùr kha a lo hre thei a ni ngei ngei ang,
"I lo chhuak ve duh maw?" car hmâah dingin a bân pahnih chu a phar kãng hluai a, ka lo ner nâng nâng a.

"Ruah a sûr dâwn asin"

"Nang pawh pâwnah i awm ve reng kha.."

"Okkk" ti hluaiin ka țhutna lam chu a rawn pan a, kawngkhàrah chuan rawn kûn hniamin min pawm chuak a, car hmâah min hlâng kãng nawlh a.

"Saw lai paw chûk saw i hmu em?" a kawhna lam chu ka en vang vang a, thlî thaw nasa lutuk chuan ka sam a chhêm lêng dar dar reng.


"Eng nge a?"

"Ruah a nih saw," a ti ta mai!

"Maw...?! ti sawn a rawn hnai tulh tulh ang a, kan awmnaah pawh hian a lo sûr ve dawn em ni?" Ka ti bah nawk nawk mai, râl lehlam ațang chuan thil vâr paw luk luk chu a rawn thlâwk phei ka ti mai! A rawn hnai tulh tulh a, rei lo tê hnuah ruah mal lian pui pui a rawn tla zui fuap fuap a.


"Lût ang"



"Aih, ruah sûr hi do ang," ka lo ti tlat, Âtthlâk tih hmêl lutukin Jordan-a chu a nui chhuak nghâl hawk bawk!




Jordan pov



"Aih, ruah sûr hi do ang," luhlul zet a ti ve ngaltu chu, âtthlâk ti lutukin ka nuih hawk a, a thil duh tawh lah hi a taksa tê tak tê nêna țang kawp vekin a sawi ve pang pang zêl bawk si.




"I dam lo dâwn asin," ti pahin ka hlàn kànna car hmâah chuan ka bân pahnihin ka nem khalh ve nghâl a.



"Ruah sûr vawi khat do vàng ringawtin a dam loh theih loh," a ti ve ngang ngang a.





Ruah chu a rawn tla tam tulh tulh a, Lola sam buang thêng leh sei hnâp chu, kar loah a nan huh vek, ka chhîp sam buk lai pawh ruah nanna vângin, ka chal lamah an rawn tlu a, ka sam ațanga tui rawn far thla fap fap chu, Lola chuan a kutphah tê tak têin a lo dawh nghâl tharh!





"Ruah tui hi lem miah suh, a nih loh chuan i pum a na dâwn a nia," ka sam ațanga ruah far dawh pah chuan thil inti hret zetin a ti lang lang a, naupan laia puitlingte'n min sawi țhaih dàn ber kher a rawn sawi chhuak chu ka nuihpui leh huk tawh!





A ruah dawh khâwl chuan ka hmai a rawn theh zeuh a, ka melh deuh khûi chu min nuih hak hak bawk nên, thawk la suai suai chungin, a nui hmêl duhawm lutuk chu mit la lêk lovin ka melh ta vung vung a.





He hmeichhe tê reuh tê hian, a zûnah ka uai tih a hre thiam pha hauh lo! Engtik ațanga ințan nge tih lah ka hre bîk dèr lo! Hmeichhe mi tak leh kawp lâwr tak ka ni, chu chu ka pha hauh lo bawk; mahse, engtik aţang khân nge, he ka țhiannu lakah hian ka lo luanliam a, a zûnah ka lo uai tak tih hriat theih hauh si lovin, party-naah emaw țhianho intih hlimna kan neih paw'n, hmeichhe dangin min hîp nghet thei dèr tawh lo!





Hmeichhe chhe lo leh pian nalh tak takte'n min tih làwm tum a, ka hmâah ngei thuamhnaw inbel miah lova min lèm kual vel paw'n, an mahniah Lola ka zawng zêl a, a tir chuan âtthlâk ka tih tluk zetin keimah leh keimah ka inhaw êm êm bawk!




A best friend hiala min ngaitu, hmeichhe lakah nulat tlangvalna rilru ka pu ta tlat khân min ti buai êm êm reng a, chuvàng tak chuan hmeichhe chi hran hran kawp kual luiin, Lola laka ka rilru put dàn zawng zawng tih bo vek ka tum a!






Amah ngei pawh hian, kawp lawr hrat leh hmeichhe chhe lo deuh hlah ngai lo khawp hial in min ngai ang! A hriat ve hauh loh erawh, nikum ațang khân ka hmeichhe kawpte hi a hmuh laia ka kuah a, ka fawh bak fianrialah ka khawih zui tawh ngai lo!




"Jordan, Mizoramah hian vûr sûr ve țhìn se tiraw?" a kutphah tê tak tê pahnihin ruah a dawh pahin min melh kiau a!




A ngaihtuahna naupang chhia zet vàng chuan ka nui a, a hun tawn hrehawm zet theinghilha, a râk vel tung châng hian a rukin ka lo zãng ve huai huai țhìn.





"Vûr tla se vâwt i ti viau ang," ka tih chuan, hmui ti pawrh vakin min melh râm a, tê tak tê si hian min hi a melh ve khai khai ziah! Ruah nan huh a sam chu ka hui kian sak deuh a.



"Rial tal tla se," a ti leh a.




"I luah a tlâk fawk che ang a.." ka ti a, a nui ta hak hak, a tê nâin ama tâwkah a khal ve țalh reuh a, tê viau siin a kim ve biai ti ila a lan dàn chu ka sawi fiah ber ang. Hmeichhe chhe lo leh hleitling tak takte aia ka rilru luah khat tlattu, Jordan Zohmangaiha thinlung neih sak tu anih ît êt reuh hi!





Ka ngaihtuahna vàng chuan lu thing nghut nghutin ka nui suk. Ka thinlung hahdamna ber lah hian eng mah a hre thiam dèr si lo!




"Lola, ruah sûr do hi a âtthlâk tak zet," tiin a kerêk intuam vâr lâk chu ka hûm a, ani tê lah chuan a vei hmêl loh êm êm lehnghâl.





"Kan huh vek tawh tho hi," bân pahnih phar kâkin a vànvadak a, ruahin a hmai a far vángin thâwk lak harsa a ti deuh hlek nge, a khat tâwkin a hmai chu a tuai ve leh țhin a. Car hmâah innem khalh chung chuan, a chezia engkim chu chîk takin ka en reng a, chil lem khalh chungin muangchângin a rawn meng a, ka lo melh reng tih a hmuh chuan, ka hmai zawnah kutțang a rawn hmet ri khep a.

"Hello" mitko ti kãng ãk ãkin min thlêk hà há a, a chêt dân hi a naupang chhiain a duhawm viau zêl!


"Ok, kan huj vek tawh," ka ti ve nghut, "Hâw chu i la duh lo maw?" tiin a hmai bul chetah ka melh a. Helaia ruah sûr dopui reng hi hlâwkna a awm miau lo!




"Yeap.. hâw pawh ni ila.." sawi zawm lovin, an in chhûng boruak ngaihtuah let ni àwm tak chuan, a thaw chhuak ta hak a.




Ka che chhuak nghâl vat. Rei lo tê chhûng pawh an in chhûng hrehawm zet vànga, a hlimna a chhiat ka rem ti hauh lo!





"Jordan" a ti tung, ka nui chhuak nghâl hawk hawk, ka t-shirt pawt kauin Lola chu ka khuh daih, tal nak nak chungin t-shirt nghâwngah rawnin hai lawr a, ka hrawk zawnah a rawn dak chhuak heu bawk.



"I va'n sual tak!"




"Ngawi hle hle rawh, tihian ka t-shirt chhûngah ka thukru daih che tihna nih hi," tiin ka pawm kãng zui nawlh, ka zak hnuaiah a bân pahnih chuan min kuah bet țanga, ka kâwngah a kherh beh theih nân a ke ka siam rem sak a. A tê ka tih tawh kha! Ka t-shirt chhûngah hian kan pahnih in kan leng tih erawh, tûn hi ka vawi khat hriat na!





"Eng nge kan tih leh dâwn, ka la hâw duh lo tak tak a nia Jordan, hâw i tih leh chuan Kimkimate inah keimahin kein ka kal mai ang," hâw a hreh țhìn lutuk hi alàwm, min ti hrehawm ber țhìn tu chu.

"Kan hâw dâwn lo," ka ti sup.





Ka t-shirt nghâwng chu na deuh hlekin ka pawt a, a var ta deuh, Lola rawn hawi chhuak lehnghâl zat chuan fiah zetin min melh nghâl ngar a. Mahni in ngeia hâw hreh ngawih ngawih mihring hi an tam hauh lovang, Lola erawh hmeichhe chak lo zawk ni chung siin, in a hâw a huphurh ngawih ngawih țhìn.





"Ka hruai hâw dâwn rih lo che; mahse, car chhûngah țhu lût ang," ka tih chuan, a bu ve ta nghat a.






Ka âwma bei kak chungin, a khât tâwkin fiamthu a thawh a, ka kawr chhûng ațanga chhuah a tum lahin ka phal bîk dèr si lo, a kut lawnga ka taksa a khawihna chuan min ti danglam nameuh mai! Mahse, ka taksa ațanga tal hran erawh ka rem ti lo.




Music ring vak lova ka play hnû chuan, Lola tîti mial mial pawh a zàwi tial tial a, a chhîpah ka hmuia ka nawrsak lai chuan, ka âwm zâwnah a lo nui lum hak a, a hmuia fawh a, ka mamawh zia lantîr châk viau țhìn mah ila, ka thinlung neitu hi hmeichhe dang ang ani ve hauh si lo!





A tân chuan, mipa leh hmeichhe induhnate hi movie leh lehkhabua thleng tur bâk anni ve lo, a nu leh pa inkâra thil thleng vângin, tu mipa mah hnaih ngai lo tùrin thu tlûkna a siam bur a! A pa ang a bumtu tawn a hlau ber! Anu anga hmangaihna avânga nat a, a nunin a chhiatpui vek a hlauh miau avângin, hmeichhia a nihna angin tu mipa mah a hnaih ngai lo!


Ka thinlung nei tlat tu ka hnaih theih dàn kawng awm chhun chu, a țhian nihna dinhmun chelh ani mai! Chu dinhmun chu ka theih tâwpin humhim ka tum a, ka bei bawk!



"Jordan?"

"Sawi rawh Lola," ti sup pahin ka kuah nghet zual sauh.

"I awm lo ang tih ka hlau... ka țhian ni reng rawh aw Jordan! nangmah chiah hi tunah chuan ka nei tawh che, engtikah emaw.. , i thil hlu deuh a bo palh paw'n nang chuan ka rûkah i ngai ve ngawt ngai lo ang tiraw? Nang paw'n rûk rûk chîngah min ngaih ve zêl chuan, tuma'n min kawm duh tawh miah lo ang, inah ka hâw duh loh châng paw'n, nang chuan hun min hmanpui zêl a, ka tan i hlu lutuk, fiahna i neih a, ka dik lo ngei ani tih, i mit a min hmuh ve hmâ chuan min ringhlel ve ngai suh aw," a kutphah nêm thep ka âwma nghah pah chuan a ti sep sep a. A aw zâwi tak leh dul raih a natna inphûm ru chuan, amah ti na tute rulh lêt châknain min tur tut tut!



"Nizân kha maw.." a ti leh chuan, a thu sawi ka ngaithla tih entîr nân a chhîpah bawk ka hmuin ka nawr leh tâwk. Thaw ipik hmêl takin a thaw lum hak a!


"Intih hlum ka tum asin"

"Lola" ka ti chhuak hrâwk! Ka t-shirt pawh kau ka tum rual chuan "aih" ti tungin a lo pawt bet ve ţang ţang a, ka âwmah thil lum pap a rawn far leh phei chuan seat nghènchhan nghèng chawrhin ka rûm chhuak nghâl hawk.





"Ka ţap a.. mahse, min hmuh ka duh lo," nui lui hak chungin a rawn ti leh a. A taksa chu ka kuah bet ta ngawt ngawt ringawt! Kan inhriat tirh tê ațangin, a nu boral țuma a țap bâk kha a ţap lai ka la hmu lo! Pâwn lam ațang pâwn hmeichhe nêm tak leh tih nat awlsam tak a nih zia a hai theih lo! Chuti chung chuan, natna hre lo ang maiin a nung mãwl tâwp a, hmeichhe inla no chawpte ai mahin, a awm mawl tawp pawh hi a no-in dimdawih a châkawm zâwk! An in chhûngkhur boruak hrehawm tak min hrilh châng paw'n, a țah mai ka ring fô țhìn a; mahse, a mittui far khat pawh far hlek lovin, a hun tawn hrehawm takte chu min hrilh țhìn!




"Kimkima kha kham sâng deuh awmnaah ka inhruaitîr ang a, ka hrai ruih hunah, khamah ka zuang thla daih ang ka ti a! Ka ngaihtuahna chu a âtthlâk tiraw?"




"Lalhlimpui, vawi khatte mah i nuna lâk tumin rilru hmang tawh lovang che," seh chilh nawkin ka ti hrawih! Za lo tê hian a lo nui hak a.




"A nu ka ngai lutuk a, a bulah kal ve daih ka châk tawh; a awm loh chuan a hrehawm êm mai.." ti țîakin, a rî a țah chhuah hlau tih hriat takin kut a hûm tawm țang țang a.

"Ngaihtuah tawh ngai suh, i tel lo chuan engtin nge ka awm ang?" tiin ka thaw chhuak ham ham a.

"Dik chiah.. ka awm loh chuan vîn deuh deuha 'Lola' tih hluk hluk tùr i nei tawh dâwn si lo a," nui lui âw tih hriat takin a rawn ti ve a.



Rei lo tê hnuah Lola chu a muhil zui ta mai! Pawisawi ve miah lovin, uirena sual tuartu zînga a tel ve hi a fair lo tak zet!



Muangchângin ka t-shirt chu ka pawt hawng a, thlamuang tih hriat zetin ka âwma bei kâkin a thaw siai siai a, a țahna vànga a mit hnuai sen têk leh hnâr sen têk chu, ka kutphah hnungin ka nûl sak thuak bawk.





"Kan dinhmun hi thlâk thleng thei ila tiraw Lola," ka ti chhuak sup.





A hnâr sen têk chu, ka hnârin ka nûl thuak a, a hmui lum that that chu ka kutzungpuiin ka chùlsak leh a, kan dinhmun hi inthlâk thleng thei ngat ila chuan, î hê lovin ka dinhmun hi ka pe nghâl ang! Nu hmangaihna dâwn châk ngawih ngawih a, Lola a awm laia nu leh pa kâra ka awm bîkte hi, a châng chuan ka thinur phah leh ngawt țhìn. Ka nu leh pa ka hmangaih lo tihna ni lovin khing bai taka a awm laia, a mamawh ang engkim keiin ka lo nei bîk hi fair ka ti lo!



"Hmeichhe baihvai takah an siam hnuah che pawh dâwtin an puh kual char char țhìn che a tiraw? Khawngaihna nei miah lo nufate hian, i chung a an thil tih man chu an la tel khawp ang," Lola hmêl, khawngaih thlâ la zet melh vung vung pah chuan ka phun sup sup a.


Ka kawr bawk chuan ka khuh leh a, kha mite nufa khân a nu an lâksak tawh a; chu pawh duh tâwk lovin, a pa in chhûngah ngei pawh dawt a puh kual rengin, Lola an phiar ru fô! Nuam ti taka an awm reng ka rem ti dâwn bîk hauh lo!






Lola pov


Motor horn ri tuar tuar thâwm vàng chuan ka harh ria ria a.

"Zawhte note muhîl chu a lo harh tawh maw?" Jordan-a'n a tih rî vâng chuan ka meng siar siar a, a hrawk bâwk langsar tak ka hmuh rual deuh thaw chuan ka che nghâl thut!


"Ughh, Lola," ti hluk leh a khuh deuh țhawt thâwm ka hre zawm zat bawk.


Ka.. Pathian leh!




"I kawr chhûngah min khung bet reng chung hian motor i khalh a maw?" Ka ti nghâl háw, a pangtilum chuan min ur ham ham a. Jordan-a nui chek hluk chu, tih ngaihna hre lo zetin ka melh vak bawk.


A t-shirt chhûng hmalamin min khuh hlùn a, a mal chungah min pawm chungin car a khalh!



"Min vîn hrep hmàin kan thleng ta e," a tih tâkah chuan, a kawr nghâwngah chuan tlêm têin ka dâk chhuak ve a, kan in kawtah a lo tlàn lût fel chiah, khua a thim vek tawh bawk nên, kan in êng ut chu a chhûnga chêngte mizia hre chiang lote tân chuan, nalh ti a thlîr tham a tling ve reng.




Jordan-a chuan car a ti ding dawt a, a car hunna bula car pahnih dang lo inhung ve chu thlêk thuakin, ka hriat tham lovin a phun zui a!


"Inlêng in nei anih hi," tiin a t-shirt chu a rawn pawt hawng a. Seering nghèn dawt pah chuan ka thaw ta huai.


"Inthlâk la, i duh chuan thil ei tùrin kan chhuak leh dâwn nia," a ti sup, kan in ka ngainat loh zia a hre chiang bawk nên, ka hnial buai peih vel lo.



Ka thuamhnaw huh hnup chu, a hnawm deuh ringawt tawh a, car ațanga paw'n ka chhuah rual erawhin a vâwt ve reng.


"Lo lût ve rawh," Jordan-a lo chhuak chu ka pan nghâl tharh a, kan inah chuan chaw ei an awm a nih ka ring.



"Ka thuamhnaw zînga lian ber i ha ve dâwn nia," ka darah, ka bân a inkuah khâwr chungin Jordan chu ka melh a, a lo khi suk ringawt


Kawngkapui inhawng huau-ah chuan kan inzui lût a, doctor Rinchhani leh Becki bialpate chu wine glass dawmin, choka ațang chuan an rawn chhuak ve chiah bawk. Muanekite nupa erawh țhutkhâwmnaah an țhu a, ngawi rengin Jordan nên chuan min lo melh rân bawk.


" i lo hâw tawh maw?" Doctor Rinchhanite hnunga Beck-i rawn chhuak ve chuan a rawn ti a, min nuih tel sâwng bawk!




Min biakna chu hre lo der hmakin Jordan-a chu ka kai a.

"Ka ute ina i riah țum khân an pawisa i rûksak ani maw?" Sitting room kan kal pêl tùr chiah chu Becki thu sawi vângin ka ding chawt! Jordan-a kut hûm ruh nghâl tlat chu melh zeuhin, Beck-i te lam chu ka va hawi phei a! Mahse, ka mihring va hmuh ve vàng chuan nghet lutukin Jordan-a kut chu ka hmer nghâl chawt!



Kan choka ațang Prof Ms-a chu a rawn chhuak ve hlawl a nih chu!


"Cheng singthum chuang lai i rûksak a nih hmèl a, an nupa pawh an inhnial phah hrep a nih kha," Beck-i bawk chuan a ti zat zat a! A hnung lawka mipa hmêl tak ngulin min en rùnna te nên chuan, ka lungphu chu a ri dawt dawt bawk!


"Duhtawk rawh," Jordan-a chuan a ti chang fak! Beck-i chuan ner nâwng pahin țhutkhâwmna lam a pan a. Prof Ms-a awm ve reng laia, rûkru ang hrim a ka chungchâng a sawi chu nuam lo ka ti hluah hluah.

"Hei chu kan chhûngkaw thil a nih hi, nizàna pawisa i rûk chhuah hnû lawkah, an in ațanga kal chhuakin i riak bo nghâl bawk tih u Meloi'n a rawn sawi.." min deusawh nuam ti zet chuan a ti leh zat zat a. Rang lutukin thim ruih a min melh rengtu lak ațang chuan, mit ka la sawn nghâl hmak.


" ka pain thlân cheina tùr chu a pêk reng che kha, engatibnge ka ute nupa pawisa chu i lo va rûk leh a," min tih kher pah chuan, ngawi reng a min entu ka pa chu a melh pah ralh a!



"Lolai'n chêng khatmah a ru lo," Jordan-a chuan min chhan zet hian a lo ti chang bal a.


"Rûk ru si lo engati nge nizàn zânkhua leh vawiin nilêngin a bo char char a?" Beck-i bawk chuan min deu fê hian a ti leh a!


"Ngawi hmak rawh," a kut ka hmer beh thing thla pawpin Jordan-a chuan a ti leh hrâwk a! Beck-i saw hmeichhia mah ni se, kut a thlâk hreh hauh dâwn lo tih a mitmeng sen rum leh, thâ khûr ru dur dur ațang chuan ka hre thei. Sîr khat ațangin Doctor Rinchhani'n min lo nuih tet tet pawh chu ka hmu vai ruai!



"I țhiannu chu i chhan ve hlê mai maw? Mahse, thil hre chiang lovin chhan lutuk duh suh, kan in chhûnga pawisa mai ni lo, ka nu rangkachak țhî leh tlereuh dang ru chhuakin ruih nân a hmang ral mai mai zêl, tûn țum erawh a limit a pel hret, ka ute nupain an inhauh phah hrep a..." ka pain kut min thlâk ngei se ti zeta, min hek zat zat tu bekah tak chuan, a vai thlu nghâl tawp, a chêt chhuah lai ka hre hman lo chuan min țhâwng a ni tâwp mai!




Beck-i chu țe tuar chungin marble chhuatah a vir sawp nawk! Muaneki leh Rinchhani pawh mangan hmêl lutukin an țe teng tung a! Beck-i vai thlu tawptu chu tu dang ni lovin, Jordan-a!




"Lola hi in nufain dâwta inpuh kual reng tùr ani lo!" A ti chhum hmuk.




"Hmeichhia kut i thlâk maw?" ti tuar in Beck-i Bialpa chuan Jordan-a chu rawn hnek ve nghâl chawrh, Jordan-a thle sawk rawn hawi chhuak leh chuan pawisak a neih tawh loh hmêl kher mai! Tha rum thawh châk hmêl lutuk hian a khi suk; Beck-i bialpa hnekna lai chu a kutphah hnunga nûl thuakin ngaih nêp hmêl zetin a nuih suk bawk!





"Bialnu dawheh zet chhan chu i pe na ve hle mai maw?" tih leh Beck-i bialpa bekah tak a vai ri nghâl chawrh! Muaneki chu vawk chhûl lâk tùr ang maiin a râk rei ruai a!



Police a call tih pawh ka hria, Doctor Rinchhani leh ka pain Beck-i tlu zawi reng chu an buaipui a, a țawng thei zawt zawt bawk a, dâwt a sawi tam man a têlah ka ngai nghet hmak


Kan in chhûng chu a ri rum rum ani ber! Jordan-a lah chuan a thâ za hrîk thlâkna tùr a hmuh chu, dimna pakhat mah tel hauh lovin a hnek chawrh chawrh mai si! Beck-i bialpa chu a thi sûng tawh!





"Duhtawk rawh" prof Ms-a chuan a nau darah pawt hrawkin a âu fiak țhawt!





"Jordan" hnek leh chawrh tum a Jordan-a bân lek kãng uaih tawh chu a phih dâwrh a, sofa-ah Jordan-a a tlûk rawk rawk rual chuan, amah chu ka pan nghâl rawk rawk. Muanekin țap pur chungin "Beckte i țha em? Harh teh," a ti chèl chùl a !


Center table a keh rum a, tu emaw ber wine inlai bua chu, becki bialpa thisen nên a inchiah piah nuaih bawk!





Jordan-a âwmah chuan ka va kuah chawt a, a thâ za lutuk chu a tihrâwl a phu zawih zawih! Hmeichhia êm kut thlâk duh hial khawpin vawi khat te mah, a thinrimin a la awm ngai lo!




Prof Ms-a chuan thisenin a bual huh hnuang Beck-i bialpa chu a bâwihsâwm a, ka pa phên ațang Muanbali chuan, kei leh Jordan-a chu min thah châk hmêl lutukin min rawn melh ngawt ngawt!




"Saw nu pawh saw..." ti phut a Jordan-a che leh thut chu kuah rawk rawkin, a taksaah chuan a uai in ka uai ani ber!

"A tawk tawh," Ka ti țiak! Rum chhuak nghutin sofa-ah chuan a țhu thla leh châwrh. A che leh thut mai ang tih hlauin a kutphah chu ka hûm bet tlat, a kutchang chu a thi phung a, Beck-i pawh rawn harh chhuakin a bek ațanga thisen a chhuah bâkah a ţap hlawp hlawp!


Kawtah police motor a rawn ding ri ruai ruai a, mangang zet a Jordan-a ka melh kâwk laiin chimawm lutukin min lo nuih lêt suk a nih chu! A hlauh loh hmêlin ka mangang hawi phâwk hra mai chu, min la nuihzat let zawk em maw ni lehnghâl!




In chhûngah chuan Police uniform ha pathum an rawn lût hlawl, Muaneki chuan nêm hli hleiin, "kan fanu leh a țhianpa hi an harhfîm lo a, in chhûngah mi dang rîkrâp zâwnga chêt an thawh vàngin, zànin chiah lock up-ah awm rih se kan ti a," a lo ti zung zung!



Râpthlâk ti lutuk a ka melh chu mi dang hmuh thiam si loh tùr hian min nuih lêt sak a. Lock up-ah kei leh Jordan-a hi min dah luh a tum a nih chu!


Jordan-a chu a ding chhuak vut a.

"Khu nu daw heh lutuk khân dâwt bâk sawi tùr a hre lo," ti chang fakin ngeiawm fêin Muaneki lam hawi chuan a țhen suk.



"Kan rui lo a, an nufain ka țhiannu dâwta an puh reng ka ngaih theih loh avàngin, a fanu kut ka thlâk; chuan, a bialpain a lo chhan ve khanglan avàngin ka sawisa bawk, min man rawh u, Lola erawh khawih tum hlek suh ang che u," ti chang fakin a kut pahnih chu a dah kawp a, Police-te hmâah chuan a lek chhuak hmiah!

Police pathumte chu inrawn pah hian an in en kual thuak a. Muaneki leh Becklubukite chuan an lo țawng leh zawt zawt chuan, ka țhianpa hian an nihna zawng zawng a phawrh chhuah sak hreh dâwn lo tih an hre thiam a ni hial ta ve ang! Eng mah sawi buai ngam tawh lovin an ngawi dâwk!


Jordan-a chu police te chuan an hruai chhuak a. Prof Msa'n a zui chhuak ve nghâl vut bawk.



Rang lutukin ka room lamah ka tlàn cho rawk rawk a, ka kerêkna chu ka ngaihtuah sise hman lo, min tur ngut ngut nâin, khawmuan phah nâna hman ka tum chhe tê lo! Min chhan a tum vànga khatianga Jordan-a kha che chhuak kha ani. Keimah vângin jail-ah a tân ka rem ti lo rêng rêng.




Ka pindan chhûngah chuan tlàn lût rawk rawkin ka nu tlereuh min pêk ka dah thuhrûkna chu ka hai nghâl rawk rawk a, rangkachak țhî pahnih chu la chhuakin, Muanekite nufa ka room-ah an luh châng pawha, an hmuh mai mai lohna tùrah tlereuh bâwm chu ka dah lût lehnghâl sawk sawk a.



Țhî hum chung chuan chak zetin ka tlàn chhuak a, Muanekite nufa lo phun sar sar chu tlàn pêl thuakin kawtzâwlah ka tlàn chhuak vat a. Kan kawt ațanga police motor lo tlàn chhuak chiah chu ka va hmu hman a!


Ka pa leh Doctor Rinchhanite pawh pâwnah chuan ka hmu, Bolero dum inhung rùn lam pana prof Ms-a pên pâwk pâwk chu ka ûm nghâl hlawk hlawk ringawt!


"Station-ah i kal dâwn em?" Ka ti a. A rawn inher vut rual chuan ka îp ru châwih! A mitmeng rum leh thim khup chuan ka mitah tak min melh chhuk ngur a! Min pawtsawm vek dâwn ta se hun a hmang rei lo ngawt ang!




"Ih.. ka zui ve dâwn che," ka ti tîm leh dai! Min vai thlûk tawp châk hmêlpu rùntu hi tu pa fain nge, nèl taka be ngam reng reng ang ni!


Rûm nghut chunga, Bolero khawngkhàr a pawh hawn vut tâkah chuan, station a pan dâwnah ka ngai hmak! Eng khaw sawi set set lovin passenger side lamah ka tlàn phei a, kawngkhàr ka va pawt hawng ve tharh chu, min lo melh leh khúi tawh!


Mahse, 'Jordan-a tân vek a ti ka ni' tih inhrilh ru mawlh mawlh chung chuan, ka țhu lût zal zal a! Kawngkhàr ka pawh phui hmâ hauhin engine a ti nung vut vut a.


Doctor Rinchhani rawn pên phei hlawk hlawk chuan, Prof Ms-a țhutna dârthlalang chu a rawn kik a. Glass a down leh chhûngte chuan rei ti zetin ka lo che sek tawh.


"Ka lo kal ve ang," Doctor Rinchhani chuan a rawn ti a.

"A țul lo," tih zawngin prof Ms-a chuan a chhâng hmuk! Glass chu a up leh hmiah a, Doctor Rinchhani hawihai hmêl chu, melh pawh melh chhin map lovin kawtzâwl ațang chuan a dawk chhuak nghâl zawk a!


Ngawi ngulin a kutphah hrawl zet chuan steering a her kual mawp mawp a! "Ih.." ka ti dek dek chu, a mitmeng dur leh thim khup chuan min melh nghâl vut!

"Ka.. Keima'n ka bail ang, ka tih awmzia chu hei hi.. hemi hi la la, a pahnih hian chêng singnga chuangin i hralh thei ang..." bah nawk nawka ka tih lai chuan, a mit chu ka kut a rangkachak țhî pahnihah chuan a fu nghâl chat a!


"I rûk khâwl sa hmangin ka nau i tlan chhuak ang maw?" Mit la sawn vuta ner sawk chuan a ti nghut a nih chu!


Silai a kah tlang zawk ang maiin ka thin hnûn chu, a rawn na hit nghâl zawk! Mahse, nghet deuhin rangkachak țhî pahnih chu ka hûm bet a! Becklubuki leh Muanekite dâwt a min puhna pawh nâ ti lovin ka pal zam mai mai țhìn kha; Chuta kâra, he pa.. hmanni lawk ațanga ka hriat ve mai maiin, rûkru ang hrim a min țawng khumna hi nâ ka ti tùr ani reng reng lo!




"Ruih in nei reng reng em?" Police station pan chhohnaah steering her kual pawp pah chuan a rawn ti leh hmuk a.



Chhâng duh bîk lovin ka ngawi ngal a! Min melh thuakin a rûm nghut tih pawh ka hria!


"Ka zawhna che kha chhâng rawh, anih loh chuan i țhianpa kha lock up-ah a tâng reng dâwn a nia," nèlawmna pakhat mah tel lo hian a rawn ti chang leh rât a.



"In chhûngah khân ka rui lo a ti vek tawh a ni lo'm ni? A ruih loh thu a sawi lai khân eng nge i lo ngaihthlâk bîk a. I beng a ngawng te anih loh chuan i nau thu sawi kha i hre ve reng ang chu," tih lêt chiam pahin ka thaw chhuak nghâl halh a! Chal chuar tupin min melh thip nghâl khúi a nih chu!


Chutah, ngeiawm lutuk a lo nuih lêt hakin motor hmalamah chuan kut ka lek tharh, "Kawng en țha rawh, accident i duh loh chu," ka ti ve hmak.


Lungawi loh hmêl zet hian hma lam a melh ta rân a, station kawtah motor chu a ti ding dawt a; amah pawh nghak lovin khawngkhàr ka nam hawng rawk rawk a, ka chhuk thla tùr chu ka bânrêkah rawn man chawtin, min hnuk lêt sawk anih chu!




"Eng nge ni leh tawh?" ti vîn hlarin, a âwmah ka nek dawt rual deuh thaw chuan, ka hawi chhuak nghâl vah!

"A thil tih vâng khân zanin chu lockup-ah a riak dâwn"

"Eng a?"

"Âu ring lutuk duh suh, ka thu sawi kha i hre thei tih ka hria," ti supin hnaih sêt sawtah min melhin, ngeiawm lutuk hian a țhen suk bawk!



"A riak dâwn lo! Eng nge ka tih theih ka entîr ang che," ka ngei lutuk bawk si chuan, insûm zo lovin ka âu khum nghek a; ka bânrêk a hûmna chu a rawn hmer nghet sauh thung, ka theih tâwp a nâ in ka kut chu ka phih lêt nghâl sawk a, a thlah lo lutuk bawk si chuan, rum mangkhengin ka melh ta râwm râwm ringawt a! Min thlah pah chuan nui sukin mit min siai zauh! Râpthlâk ti lutukin ka melh ngawt ngawt ringawt! A nau jail chhûngah a awm laiin, helaiah chimawm a lo la chhuah khawtlai thei chu, a tukkhumah tak vuak thlûk chawrh ka châk ani tawp mai!



"He thilah hian lo inrawlh hauh suh," station chhûng ka luh hmâ chuan min man ding leh chawt tawh! Min man tawh lah hian ka tâl chhuak mai mai thei tawh bawk si lo.



"Chuan, min nawr lui a nih chuan i duh aia rei, i țhianpa hi jail-ah a tâng ang," ka hnung ațangin ka beng bula rawn kûn hniamin a phun sup. Thle há a, ka han en chuan a lo țhen suk a. Min thlahin min kal pêl nghâl thuak bawk.



Tûkina a inthuam dàn ngai chiah khân a la inthuam tih ka hre theite chu, țul ti lo deuha, ner sakin hnungah chuan ka ûm dat dat a. Police dawhkàn hmâah chuan rei lo tê a ding a, a bul ka thlen phei rual deuh thawin, a che leh vut a. Ka zui ve lehnghâl mai bawk.




Cabin pakhat kawngkhàr chu a kik ri dawt a, a chhûng ațang chuan, mipa âw thûm dûtin lût tùra a lo tih hnû chuan, Prof Ms-a chuan kawngkhàr chu a nam hawng a.






Ka pên lût ve tharh chu, a mitmeng dur țha zeta min melh khúi chuan, warning min pe ni ber hian ka hria. Police officer hnênah zàninah Jordan-a jail-ah riahtîr a duh thû a sawi vaih chuan, ka lo inrawlh nghâl tho ang; ti rilru nauh nauhin Police officer rorum hmêl zet lo țhu rùn hmâa chair pakhatah chuan ka țhu thla ve țhem țhem a. Dawhkàn lianpui hnûm tle hlurh chungah chuan file a intiang țên țûn a, glass nalh zetah chuan *Carlos Zohmingliana* tih a inchhu kai kulh bawk!






Phone khawih nasa vângin ka mit a na lutuk a🤣 Naktûk zân pawh ka lo dah thei ang em, ka chiang ngam lo aw. In comment țhat loh phei chuan ziah hi a phûrawm loh ve lutuk a. Tarmit vuah lo a phone khawih ka chîng thar a. A result chu mitmuah a thawk tlat mai a. 🤣🤣🤣




Comments

Unknown30 December 2019 at 09:50
Awiii...a va ngaihnawm leh pek tak achang leh ka mittui atla a achang leh ka nui ver2a achang leh trang em2in ka awma ka chhiar zo chiah chu ka chau hnawk thei🤣🤣🤣
.pi tarte ka duh che dam reng rawh

REPLY

Unknown30 December 2019 at 09:55
Ka kham lo😭😭😭

REPLY

Unknown30 December 2019 at 09:56
i va ziak thiam tak em. ngaihnawm lutuk ringawt

REPLY

Unknown30 December 2019 at 09:58
aw a ngaihnawm over tawp hi ni mai ka khamlo lutuk Carlosa alo lang dawn e chuan Jordana hi ka duh lutuk msa hi ka ngei chuan min ti trap leh tawh

REPLY

Spz -9530 December 2019 at 10:08
Lo chhunzawm hram rawh,pilzin.......he story hian min ti aaa vek, i thluak hi a tha ka ti thlot...advertisement a awm emo ti in click tur ka lo zawng chiam a😃 awm ngat phei se nitin chapter ngaiah pawh k click peih ang..i story hi ka hmaih ngai miah lo.

REPLY

Unknown30 December 2019 at 10:19
Ngaihnawm lutuk,ithiam thlawt

REPLY

Unknown30 December 2019 at 10:22
Chapter tin hi a ngaihnawm tulh²... Jordan-a ka khawngaih lâwk a, mahse Ms-a hian story a ti pui khup bawk si. Zankhat chân pawh a hreawm leh vawng² viau dawn. Lengkhawm ban nghahhlelh chhan awm lova New Year Eve hman chu a va huphurhawm dawn ve😢Eve present hlu ber ah ka ngai asin le. Naktuk zan chu lo dah thei hram la aw??? Prof. Ms-a leh Tetakte-i tello chuan New Year tuk thawh a nuam lo dawn em mai😣

REPLY

Unknown30 December 2019 at 10:24
😥😥😥 zanlai lai ah ka ṭah chu ah ngaihnawm êm êm lutuk. ❤️❤️❤️

REPLY

Sangsang~lrs30 December 2019 at 10:25
Lo zawm hram rawh o kumhlui thlah zan hi Lola ❤Jordan
Carlos Boihpuia te nen min hman tir hram la. Ka trap vak ania ka rilru an ti na lutuk Lola leh Jordan dinhmun that hun ah kan misuali te nufa chu an chak lovang mawle o thiam lutuk lo dam la naktuk zan ah in hmu leh ang😍😍

REPLY

Unknown30 December 2019 at 10:27
Ka naute a ngaihnawm lutuk mittui kan seng leh teuh tawn e😘😘

REPLY

Unknown30 December 2019 at 10:33
Lo dah chhunzawm hram la, ngaihnawn lutuk, zun aneiathin, i story hi chuan.... Kan uai veng veng zelz..

REPLY

Sangsang~lrs30 December 2019 at 10:34
Chapter 1 atanga zanin ami nen i ngaihtuahna thar leh i idea that zia te leh i suangtuahna ram ah min pil pui vek zel chutah chuan an ni ho nen hian kan nui a kan trap bawk. 2019 hi thlah liam in 2020 kan hmuak ho ang tiro. Buai viau mahla lo lang hram rawh it et nu

REPLY

Julez Hnamte30 December 2019 at 10:35
Ngaihnawm thei eeeee💖💖💖

REPLY

Unknown30 December 2019 at 10:41
Ropui rapthlak hi niringawt ka kham mawlhlo i thiam bermai... Pitarteee 😘😘

REPLY

Unknown30 December 2019 at 10:48
carlosa zogmingliana hyn ka lung mn len

REPLY

Unknown30 December 2019 at 10:54
Ka tap nasa lutuk😭😭jordan hi ka duh emai keichu a hrehawm zawk,Lawmzuala ka duh ber a dawttu chu jordan hi niang,ka chhiar laklawh lai hian ka tap nasa lutuk,Lola a duh na hi a thianghlim lutuk a,ka khawngaih eeeee hrehawm😭💔...carlos zohmingliana tih ka hmuh chiah phei chuan mittui a luang zawih2 thei mai

REPLY

Unknown30 December 2019 at 10:54
Kan nghakhlel em em reng a ni tih kha lo hrereng la, chuan kan kham.lo ngawih2 zel bawk aw

REPLY

Unknown30 December 2019 at 10:58
Naktuk zan chu lo lang hram rawh aw Jordan tel lo chuan kumthar ni hman ka zuam lo😣😣💜💜

REPLY

Unknown30 December 2019 at 11:00
A van kham awm loh ṭhin ve le, a ngaihnawm lutuk tlat

REPLY

Unknown30 December 2019 at 11:23
Carlos pawh alo lang leh e. Awi msa hi ka vei zawk dswn tlat

REPLY

Unknown30 December 2019 at 11:59
Jordan Chet Dan zawng* hi ka duh vel vek.. Lawmzuala ka hre chhuak ziah lehnghal Lola nen hian an inhmeh ka ti msa chu sual emai a bialnu neih chhun ah khan lungawi hle* roh se

REPLY

mawimawii30 December 2019 at 12:11
carlos a lo lang,ka lung a ty leng lutuk hi ka lo țap tawp

REPLY

Unknown30 December 2019 at 12:20
ni chiah


Unknown30 December 2019 at 12:19
a va han ngaihnawm chiang tak em ka tang lutuka ka chau hnap😂PITARTE lo chhutzawm hram rawh nihloh chuan kan mu thei dawnlo naktuk chu tleivar zan ani bawka sei deuhin😹

REPLY

Unknown30 December 2019 at 12:45
Ngaihnawm lutuk

REPLY

Unknown30 December 2019 at 13:01
Story kalphung hi ka duh lutuk..ka chhiar chak ka sawithiam loh min lo chhawpchhuah sak hi ka van lawm Tak..

REPLY

Unknown30 December 2019 at 14:26
Rapthlak khawp in a ngaihnawm,pitarte midang lam bik hi chu i va ni chiang takin

REPLY

Unknown30 December 2019 at 16:55
Ngaihnawm khep khep hle mai

REPLY

Unknown30 December 2019 at 17:52
A va han ngaihthlk nawm riap riap tak em....kham awm loh bok si..

REPLY

Unknown30 December 2019 at 18:57
A tawpna tak khi... Ka phu zawk ... Chang leh mittui tla thul... Ngaihnawm thraksss

REPLY

Cyndy❤️lawmzuala30 December 2019 at 19:03
Lung hlui. ava leng deuh ve��

REPLY

Unknown30 December 2019 at 19:11
Ngaihnawm lutuk

REPLY

Unknown30 December 2019 at 20:00
Ngaihnawm khep khep hle mai

REPLY

Unknown30 December 2019 at 22:40
Carlos Zohmingliana lo lang e!! Nuam ṭan lutukkkk

REPLY

Sangsang~lrs30 December 2019 at 23:22
Zohminglian tinge i rawn lan ve ringawt a ka lo beisei lo lutuk ka lawm em em bawk si hi Chapter 7 hi ka chhiar nawn tluk tluk i idea hi chu o a tha thawt alawm tinge i thluak tereuh te kha adanglam a athat bik em em mai le zanin hian Chapter 8 New year present sial em em dawn ka in ring nget bur ania 😍😍😍😍

REPLY

Unknown31 December 2019 at 06:37
A van ngaihnawm thin em.

REPLY

Hmingfaki notey pachuau31 December 2019 at 08:14
Ka luangliam leh nghal char² ....chapter tin hi a ngaihnawm lutukkk...khawngaih takin chapter dang lo dah leh hram2 rawh....

REPLY

Unknown31 December 2019 at 09:16
Carlos zohmingliana tih alo lan ciahhian ka thinphu a rang ...
ka chhiar zawm cak twh lutuk

REPLY

Unknown31 December 2019 at 11:23
awm dawn l ame

REPLY

Unknown1 January 2020 at 05:31
Ngaihnawm bawn tawp

REPLY

Unknown1 January 2020 at 21:49
ngaihnawm lutuk

REPLY
Attachments
20191231_011131(3).jpg
20191231_011131(3).jpg (29.42 KiB) Viewed 332089 times

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)