TETAKTEI ( an unfinished Story) By Ririni Khiangte (Abbra PitarteiSualfingi)

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

Re: TETAKTEI 1-43 By Abbra Reo Ririni Khiangte (PitarteiSualfingi)

Unread post by Abbra Reo Ririni » November 4th, 2020, 6:01 am

CHAPTER 44



Prof Msa leh May te khawsak phung chuan ka țhiante mit an tih khamna a lo rei tawh tih an țawng dan aţang chuan ka hre mai!

"Zan ah lo haw loh a ching hial tawh maw?" Remremi chuan mak tih hmel zet hian a rawn ti a.

Țah insum zetin lu ka bu nghat.

"An va kal thui tawh awm em em!" a ti a, mahse, sawi sual intizet in kâ a hup chawi. Ka thinlung erawh a na thip ngut ngut.

"Sorry, ka.. ka sawi tum a nilo.. "

"I sawi diklo chuang hleinem" ka ti sep. An zavai chuan Nuni khum chung a ka țhu zawi reng chu min melh tlawk tlawk a.

"An inphur chhuak ka hmuh hmasak ber țum khan thil eng emaw chu a thlen ka ring lawk daih tawh" Kimkima'n a ti phawng! Nuni chuan khap a tum a.


"Aih, tunhi engkim kan sawi tlanna hun țha tak zawk a nih hi" a tih tak ah chuan an zavai chuan an thaw hak hlawm mai.


"Diktak chuan zan ah an inphur lai hi ka hmu fo zel a. Mahse, nangman engmah i sawi ngai silo a..." Nuni chuan ka kut hik vek ah lo hum pah chuan a ti sep, ka mitthla chuan zan a prof Msa leh May te inphur kual vel tur chu riruat kual a... hna kal turin a chhuak a, chanchin rawn sawi miah lovin zanah a lo haw lo tawp țhin. Khawpui chhung ah nula dang nen zan tlai tawh tak a inphurh kual tur in in pasal te kha han mitthla ve chhin mah teh u! A rapthlak in a na a sin!


Ka țhiante chuan ka rilru nawm loh an hlauh vangin engmah an lo sawi țha duh lo zawk tih te ka hre thar zel a. Ka chhungril chu khur ru der der in a chau hluah hluah.



"Awi... Lola, i danglam tawh e" min khawngaih hmel zet a min en in Nuni chuan a ti tlawk tlawk. Tawi te hian ka nui lui a.


"Ka ti tak tak, engtik ațang khan nge hetiang tak hian i zawiawi tak mai le.. Lola hmasa kha chuan chapo zet in engkim a paltlang leh ngei ngei ang" thaw hak hian a ti leh sep. Melh ngai melh veng veng in ka nui leh sak ringawt.



Ka inrintawkna ka hloh țanna chu ka pa in a fa ka nilo tih a sawi a țang daih tawh khan! A thusawi khan nasa takin langlo lamah ka chhungril a sawisa, mal intihna, chuang intihna leh chhungkua nei ve tawh lo michuangtlai mai ni a inngaihna lian tak ka neih phah! Prof Msa chiah kha ka chhungkaw neih chhun, ka pasal, chhungkaw thar ka dinpui tur leh nakin zel ah KA CHHUNGKUA TIA ka sawi ve tur min pe thei tu ah ka ngai nghet ta bur. Chan ka hlau ta em em a, chu chan hlauhna chuan nasa lutuk in keimah ah dawihzepna a tuh phah ta bawk!



"Nau tal pai tawh la chuan prof Msa hian rilru a thlak thei mai lo maw?" Remremi'n a lo tih chuan vih sawk ang maiin ka lung chu a na zawk!

"Nau ka pai thei lo..." An hmel ka en kual chuan keimah ang thovin an beiseina neih chhun a mit nghal vek tih ka hrethiam. Prof Msa'n fa a awh zia ka hriat vangin nau tal pai ila chuan hetiang leh lutuk hian a nung lo a nga! Hmeichhe dang a zui miah lovang tiin ka ngaihtuah ve fo țhin.


Mahse, ka vanduaina belhchhah turin nau lah ka pai mai thei bawk silo!


"Awi, Lola, a hreawm dawn e mai, keichu ka khawngaih lutuk che" Kimkima ber chu insum zo lovin a rawn țap a, min kuah bet in min khawngaih thu a sawi mawlh mawlh a. Ka mittui far tur pawh a awm tawh lo! Ka chhungril ah erawh natna sawifiah thiam lo leh vanduai intihna a inlumlet kual tup tup.



"Doctor i hmu tawh reng reng em?" Nuni chuan a ti a, lu ka thing nghat ringawt.

"Doctor hmu phawt ila, in check-up la, a result ațang ruahmanna chu kan siam dawn nia. Tunah hian awmbo san ringawt mahla engmah kan siam țhat theih ka ring lo. A reng reng thu ah May te ang hmeichhe easy lutuk, mahni pa te țhianpa pawh affair neihpui hreh loh khawp a hmeichhe easy hi engtin nge Prof Msa pawn a kawp theih a.. henu mizia hi chu ka hrechiang ve tawk, hmeichhe raipuar lai pasal pawh zankhat lek lo kawp in sex a lo hmanpui ham ham ngam a nia! A nupui in a hre leh sia, phone in a va biak pawn a lo zak miah lo, a chhiat loh vang leh mipa te it rawn taksa nei ang ah inngaiin a lo la in tithei zawk zamah mawle! Mahse, lungngai suh, a tihnat man che hi chu ka pe dawn khawp mai!" Thinrim tih hriat zetin Nuni chuan a ti hlak hlak a.


"A pa țhianpa nen affair an nei maw?" Remremi chuan ati hlia.

"Ummm.. ka pa te leh a pa te hi an inhria a lawm, a sex life thleng hian ka hre hnehsawh lutuk, hetia nang ber kher a tina che a, prof Msa a kawp lui zel a nih chuan a phu tawk ang zel a tih let dan ka thiam ve a lawm" mit siai zeuh in Nuni chuan a ti leh hlak.


"Lola, nangpawh intichak la, i hriselna lam hi ngaipawimawh phawt ila, tunah hian a la tlai chhelo tho, doctor hmu ang u, chuan, May chu ka kut ah dah rawh... Chhimlam chhuak ka nih hi, chhimthlipui chu a thawh tawh vek vek chuan a na a nia" a ti zung zung a.

Tawite hian ka nui chhuak ta hak. Henu tak hi chu Lunglei khaw chhuak ani bawk a, a thinrim ve tawh tak tak hi chuan Chhimthlipui nat zia a sawi tel chiam zel.


Nuni room ațang kan chhuah hma chuan kan țhian pali chu nghet zetin kan inkuah khawm a! Khawvel ah hian thisen zawmpui chhungkua tia sawi tur neive lo mahila an ni ka neih chhung hi chuan kuahtu leh ka bul a ding tur ka nei zel dawn tih ka hriat thar phah a, prof Msa vang a thinlung na ngawih ngawih siin ka rilru peng pakhat erawh a hahdam huai.



"Lalmate, i chak ta lo lutuk hi ka dem miah lo che a nia. I seilen dan a fuh lo a, i hlauthawnna te, i natna te hi hmeichhe dang aiin a te tham dawn, i nu leh i pa inkar boruak vang khan prof Msa nen in inkarah hmeichhe dang an tel ve hlek chuan i hlauthawng ngawih ngawih zel dawn tih ka hria a lawm.. uire san nih hlauhna vangin i dawizep zual a nga, ho te ang a langah pawh i nu leh pa inkar a thil thleng nen i hmehbel nghal zel ang. Mahse, lungngai suh aw, i țhiangte hi i tan kan awm reng a nia" Kimkima chuan ka darah min kuah hlu hlu chung hian a ti a, a sawi dik lutuk vang nge ka kawchhung chu a khur chawr chawr thei mai!


"I tan kan awm tlat dawn, prof Msa pawh keimah ni ngei in kan la be lo ang tih a sawi theih lo.." Nuni chuan vin deuh hian alo ti ve leh a.
Nuni te in ațang chuan clinci kal turin kan chhuak ho leh rih a. Scooty keng tawh lovin an driver in car a khalh a, ka țhian te chuan min tih phur tumin fiamthu te an thawh bawk bawk a, a khat tawkin ka phone chu ka hmet eng a! Darkar tin deuh thaw a a message ka dawn țhin hun lai te kha karli liam ta mai ni mahse kum tam tak liam tawh ang maiin ka khua a har vawng vawng. A hma te kha chuan darkar tin in ka message tur a lo hnutchhiah a. Ka rual in lunch a ei duh vangin MZU ațangin a rawn inkhalh let vang vang țhin bawk. Ngaihsakna ka dawn țhin thawk leh khat a ka dawng ta lo thut pawh hmeichhe chaklo zawk tan chuan tawrh a harsat tawh teh lul nen hmeichhe dang nen an chungchang hriattur a awm ta fo a! Mi chak ber tan pawn lu zo veh vawh a hmachhawn chu thil theih loh tawp a nih ka ring.



Clinic kawt ah car a ding a, Paseenger side ațangin Kimkima chu a chhuak tharh a, seat hnung ațangin Remremi a chhuak a, ka chhuak ve tur chiah kawngkhar inhawng sa ațang a ka mihring va hmuh te vang chuan ka taksa pumpui chu a sa chhuak nghal zawr zawr!



Ka thilung hit nghal zawr vang chuan inveng hman lo lekin Nuni kut chu ka vuan chawt a. Clinic chhung ațang in Prof Msa leh May te an rawn inzui chhuak anih chu!




Ka mak tilutuk leh ka chhungril ațang hlauhthawnna nasa lutuk rawn in lum let kual tup tup vang chuan ka thaw chhuak theilo mai dawn hian ka hria! Nuni pawh chuan car kawngkhar inhawng ațang chuan a va hmuve ani mahna.

"Awi!" ti sep in nghet zet hian ka kut a rawn hum a, Prof Msa te chuan min rawn hmu ngei ngei dawn tih ka hriatchian em vang chuan ka tal buai nghal vek, engtia lo hmachhawn tur nge ka hrethiam mai rih lo!

"Engtin nge ka tih dawn?" mangang zetin Nuni chu ka melh a; min khawngaih hmel lutuk in ka biang a lo dawm ringawt.

"Clinic ah... eng .. an pahnih hian hetah engthil nge an tih ve le..." ka rilru thlapang zet vang chuan ka lu a hai muai muai thei mai!

"Hahdam rawh.. lalmate, min en teh.. hadam phawt rawh" zawi te hian a rawn ti a. Thawk la kawk a ka hawi chhuah leh chuan natna tur bak ka va hmu chuang lo!


Ka rin ang ngei in hmel tak ngul a Prof Msa rawn kal phei chuan car pawn a Kimkima leh Remremi te lo ding chu a rawn hmu ta ngei mai le! A hmel cool ruih buai nghal nawk ka hmuh chuan vih sawk sawk ang maiin ka thinlung chu a na! Clinic.. chupawh hmeichhe doctor țhutna ah hian an ni pahnih hian eng nge an tih ang!!! (?)



Prof Msa ding chawt sir ah May chu a ding ve nghal zat a! Prof Msa lo dinchhan chu hriatthiam loh hmel zetin nui chungin a thlek vel mawle! Kimkima leh Remremi te pawh chuan chutiang teh thut a hmachhawn an inring biklo a niang, mak tih hmel zetin an en reng ringawt.

"Lalmate..." Kimkima'n ka țhutna lam rawn melh pah in a tih chuan Prof Msa pawh chuan muang ruih in car hnung lam chu a rawn melh ruai ruai a. Nghet zet a Nuni kut hum chung chuan ka thinlung a natna so bulh bulh thup in khabe ti kang vah in ka lo melh let siah.


Min hmuh rual chuan Prof Msa chu a thaw deuh hawk a!


Ka puak darh lo chauh thung! He mihring, invawng uluk lutuk leh chiai mai mai ngailo hi a chiai tawh a nih chuan... ngaihtuah zui ngam lovin car kawngkhar chu ka nam hawn belh a, prof Msa chuan hriatthiam harsa zetin min lo melh run, muang chang in lu zo vah hian ka kal chhuak a, May-i'n min rawn hmuh ve chuan nui deuh sawng chungin prof Msa a din hnaih nghal sauh



Ka hnung ah rang zetin Nuni a rawn chhuak ve a, ka chhungril nat zia leh an pahnih hma ah ka natna lan chhuah tir lo tur a ka beih nasat zia hrechiang tu ani bawk a. Ka ban ah a rawn kuah nghal tharh a.

"Ehe, Professor, heta eng nge in tih a?" ti kher pahin an rawn chhuahna clinic chu a melh ralh. Ngawi ngul hian Malsawmtluanga chuan min melh ngur ngur a. Kan boruak uap lutuk leh țang ut bawk si vang chuan khawsik tur ang maiin ka kawchung chu a hit leh ur ur tawh!


He hmeichhia hian a fa a pai anih chuan in ațang a thehchhuah chiah ka hmabak.

"Ka in check up a.. sir hian min kalpui anih hi" May chuan rang zet in a rawn ti a. Min melh in a mit sir chuan nui ralh pahin prof Msa amelh tel leh kher bawk. Zirlai naupang in check up tur zirtirtu in a kalpui thlap awm chhun an ni hial ang. Working hours pelh tawh ah leh nghal!



"Oh, studen damlo professor meuh in clinic ah a hruai vel thlap a maw?" Nuni bawk. Kimkima leh Remremi te pawh kan dinna ah lo kal phei in ka ban ah Kimkima'n a rawn kuah ve leh a.

"In hmuh ang hi ani mai.. sir kan kal dawn mi, ka lu a hai deuh tlat" May chuan min melh kher pahin a ti a. Malsawmtluanga ngawi ngul mit chu keimah ah chiah a fu ngur.


"Kal ila" ka ti zang vah, ka țhiante chu ka melh kual ralh a, an mitmeng inring ran ah chuan ka tan an ni pahnih hi kut thlak pawp pawh an hreh loh zia ka hmu thiam vek bawk.

"Umm, ka'ru, hmanhmawh kan ngaih kha, Jordan te nen dinner ei chhuah kan tum bawk si" Nuni vek chuan a ti a, Jordan te nen dinner ei chhuah kan tum miah lo! Mahse, Prof Msa tih el nan a sawi anih ka ring.

"Eng nge in tih dawn?" Malsawmtluanga chu a rawn țawng chhuak ve ta hram. Ka tiril za zawr zawr leh insangmar nasa lutuk bawk si vang chuan ka tha a khur dawt dawt a.

"Oh, mi hmuh lawk tur kan nei a... kha, i studen kha a lu te a hai bawk sia, hruai haw vat rawh..." ngeiawm zetin Nuni chuan a ti liam puat, thawven hmel fahran hian min kalpui a.


Malsawmtluanga te dinna kan thlen dawn chuan ka lungphu chu nasa zetin a rang dawt dawt a! Zan a riah chhuah result chu a lang tawh dawn a nih hmel! A ni fa awt reng reng a hun hmang tan chuan a lawmawm viau ta ve ang.



An pahnih kan kal pel chiah chu ka thaw chhuak hawk. Mahse, ka tukhum sa mum mum vang chuan Prof Msa'n min enzui tih hria in ka insangmar leh a, ka țhiante pawn sawi leh chuan tur hlawl an hrelo, clinic chhung kan lut chiah chu rang zet in darthlalang kawngkhar ațang a lang thei lo chin ka pan rawk rawk a.



Lo awm ve te chu ka zahzo tawh lo, bang kil ah dingin ka thaw chhuak nghal kawk kawk.


Ka țhiante pawh chu ka bulah an rawn ding a, ka thinlung na ngut ngut thawl nan tal ka mittui far khat lek pawh lo far thei se ka taksa na ut ut hi areh țhen deuh ang mawle!




Rilru chawmawlh mup in doctor chu ka hmachhawn a, ka chhungril chuan 'nau pai tum a theih tawp chhuah in awmzia a nei tawh lo' tih min rawn hrilh a. He pindan chhung ah ngei hian ka pasal khan a bialnu hruai in kan doctor hmachhawn mek hi a hmachhawnpui a nga! Doctor in May-i hriselna chungchang a sawi te chu uluk zetin a ngaihthlak sak awm bik sia.. tih vel te chu ka ngaihtuah kual ngut ngut a.


"Ih, doctor, hman deuh ah pills a ei bak chu a ei zawm lo" Nuni

Kan pahnih chiah in kan lut.

"I pills eina ațang chuan thla a liam tawh em?"

"Umm.."

"Ok, khum ah hian mu la, ka lo en ang che.." a ti a, Nuni chuan ka darah lo hmer salh in min nuih lui a.

Khum ah ka mu a, doctor chuan puanzar a pawt tawlh a.

"E, lawks.. Doctor, Nichin deuh lawk a mipa leh hmeichhia te kha.. ugg, eng nge an lo in entir ve a?" Nuni chuan a ti a. Parda a zarphui tur chu tawp chawt in Doctor chuan Nuni chu a en ha a.

"Aaa.. kha, MZU a professor te kha?"

Ka lungphu chu nasa zetin a rawn rang nghal dawt dawt! Thawk ip ngar ngar chungin doctor țawng chhuah hun chu ka lo nghak a, ka chheh vel chu rawn insawr zim tup tup in keichu min rawn delh bet tur ang maiin ka thawk chhu a chham mup.


"E.. an ni kha maw... a lo hruai kha a nupui ruk thar an tih kha ani mial em?" a tih lai te chuan ka thawk a lo chham ti tih.

" an nu kha a rai anih kha.."

Dimlo lutuk a kham sang zet ațang a nam thlak vawn vawn ang maiin ka taksa leh tha zam chu a țek sawk sawk a! Ka lungphu ri dawt dawt ding chawt chu tawp hlen se ka va duh tehlul em!


__________________________

"Min rawn zui rawh" nelawm loh zet a ti chhum hmuk in prof Msa chu kan hma ah a rawn ding nghal hmiah. Kan țhian ho chu kan inring lo bawk nen kan phu nasa kher mai.


Clinic chhung a mi te pawh chuan mak tih hmel zetin min thlek ha hlawm mai.

"Teh ngawt a, Dinner ei turin kan chhuak dawn" ka ti hmak. Ka in entirna lehkhan bag ah ka khungfel hman vek chu ka lawm hle bawk.


Malsawmtluanga chu lawmloh hmel zet in a rum nghut a. A hmel lan dan thim khup leh tak ngul vang chuan hnial luih a chiloh tih hrethiam in ka thaw ta hak. A nih loh zawngin min zawng zawng hma ah min pawt leh dawr dawr mai ang.


"Lo va kal hmasa mai ru, nakin ah ka rawn fin ang che u.. Prof Msa hian in ah dinner a ei leh dawn chuang lo..." ti kher in rum ul a min melhtupa chu ka melh chho zeuh a.

"Ok, table kan lo va book ang, Jordan te pawh an lo kal țep tawh, reilo la" Nuni chuan thawven hmel fahran hian a ti puat.

"Professor, May kha i thlah fel hman der elaw?" Kimkima pek chuan a ti hram. Prof Msa erawh dur khui a mengin a rum nghut ringawt.



Ka țhiante chu Nuni te car ah an lut sang sang a, Malsawmtluanga chuan ka ban rek ah rawn hmer chawt in bolero a hunna lam ah chuan min kai nghal dawr dawr. Kawngkhar a pawt hawng pawp a, ka țhut luh fel rual deuh thaw in dimlo baksakin kawngkhar chu a rawn nam khar bur.



Motor a kal hual lai te chuan a bek ruh a pawng țawlh țawlh a, May-i a rai tawh bawk a, min hnawhchhuah ngei ngeina tur an hla chhe zet min phuh chhuah khum dawn niber in ka ngai. Chumi vang chuan ka na a.. ka tha chu a țang ngut ngut bawk.



A rawn țhu lut dawt a, kan boruak țang ut mai vang chuan inhnial hrep inpeih atin ka insangmar a! A tlan chhuak chiah chu speed a sang lutuk mah mah! Mahse, chiai ang in lan ka tum lo hrim hrim.

Traffic vangin dimlo zetin motor chu a ti ding tuar!

"Clinic ah khan eng nge in tih?" Nelawmna tello khauh fur hian a ti nghal hrawk. Ka melh zeuh a, motor hmalam a melh ngur.


"Clinic ah kan kal anih chuan kan in entir ani mai lawm" na zetin thinrim lutuk hian a kutphah lianpui chuan motor hma chu a beng ri bur!! Ka inring lo bawk nen tawm chawiin ka khek tuar mai.



"Ka zawhna chiah che min chhang rawh, Clinic ah khan eng nge i tih?" a hma aia aw ki hniam zawk hian a ti sup, muang zetin seat kil a ka tawm chawi chu min melh nghal ngur bawk.



"Kan in entir.."

"Kha clinic kha mi nazawng in entirna tur a nilo" a ti leh hmuk a.

"I sawi dik, hmeichhe doctor a nih kha..."

"Ka hria" a ti hmuk.

"I hriat chuan tinge min zawh kher! Hmeichhia nen leh nghal kha clinic ațang in rawn chhuah chhan kha ka zawt bik miah lo che" ka ti salh, vawi leh khat a a ri bur vang a ka chiai lutuk kha a reh deuh tawh bawk nen khabe sang vah in hmalam ka en ta ngar.



"Min zawt la, ka chhang chak khawp mai che" vawt zet hian a ti hniam ruih, a tawp lamah chuan a nui tel hawk bawk.


Rapthlak ti lutuk hian thisen sa pup pup in ka melh ngawt ngawt, Prof Msa chuan chapo hmel zet a min thlek nghut hian min lo la nuih cheu a nih chu!



"Ințhen ang.. aih, man pawh kan la inhlan lo.. zanin tlai hian ka chhuak dawn.. ka chhuah san dawn che" ka na lutuk bawk si nen khur chungin ka ti chhuak ta nawk nawk! Chutia tlawm lutuk leh rilru na lutuk bawk si a ka thil sawi chu Prof Msa chuan min thamloh hmel zet a min en in a nui a!


"Ka sawi chu i hria em? I bulah ka cheng peih tawh lo .." thawk ipik na vang a hrawk chung tawk vek hian ka leh ti tuar!


"Ka hnen ah lo chenna tur i nei in i inhria em ni?" min elsen na rawng kai chung hian a rawn ti hmuk anih chu!


Chhan let ka tum a! Mahse, ka hrawk a rawn inhnawh up up a, khur chawr chawr khawp a insehruh in ka ngawi ta hmak. Min hmusit ve ngai dawn lo emaw ka ti kha ka lo ring sual chhiava anih hi!



A hnen ah lo chenna tur ka neih leh neih loh chu țawngka a ka chhan kher ngailoin ka hmuh tir ang!



Inthlen hma chu kan inbe tawh lo. May chungchang a min chhan dan te, chhungkaw belh tur mumal ka neiloh zia hmang a min deusawhna te chuan min vilh ngut ngut.


Motor a din rual deuh thaw in chak zet hian ka chhuk a. Malsawmtluanga pawh chu rawn chhuk ve nghal zat in kawngkhar a nam phui dawt!



Ka chahbi pai laiin kawngkharpui ka hawng a, ka natna te leh thinrimna te chuan thaw hlei thei lo khawp in min hnawh up up bawk nen kailawn ah ka tlan chhoh lai te chuan ka khup a sai hlawk hlawk thei.



Room kawngkhar ka nam hawng pawp a, thuamhnaw bawm ka pan nghal hlawk hlawk chu dimlo lutuk in tha chak zet hian min pawt let nghal dawrh a!

"Ugggg" ka ban ding lam chu na zetin ka vai a, eng emaw ka beng ri nghal chawrh!

"Phiangsen chuan! Kut min thlak ngam maw?" thinrim lutuk a prof Msa rum ri chhur chhur leh ka darah min thin nawk nawkna vang chuan ka khaw hmuh thim mup kha a pangngai leh thei chiah.


Ka en chho a, a hmai ka benna lai chu a lo sen țúl.

"I phu tawk a nih kha" khi sak in ka ti hmiah. A mitmeng chu rapthlak tak ani tawp mai!

"A hma daih tawh khan beng tawh tur che ka ni! Eng nge a an? I hmuhsit ruk em em in kut a thlak ta mai che chu a nia.. " khi sawng hian ka ti let salh! Malsawmtluanga insehruh țawlh țawlh chu lu thin khum nghat in ka dar a țhamna chu ka phih thlak sak nawk.


Ngawi rengin thuamhnaw bawm ka pan phei hmawk hmawk, air bag lian lo te ah ka inkhung khawm zung zung a, Kawngkhar inkhar ri bur thawm ka hriat chuan ka awm chhung chu a na thip vawt vawt. Min dan tumna pawh a nei tawh lo!... nui lui hak in ka insehruh a. May-i lakluh hlan a lo nghakhlel lutuk a a sawi ngailova ka chhuahsan tur thu ka sawi te kha a hlimphah ngawt ang chu!



Bag ah ka thumhnaw mamawh ka khung fel hnu chuan bathroom ah ka tlan lut a, tootbrush ka la a, face wash nen.. ka u in emaw ka pa in emaw pan ka duh rih lo! Hetiang leh lutuk a chanchhe chung a ka let a nih chuan mak an lo ti lutuk ang! Tlem a ka țhat deuh hun ah ka pa in ah nilo, ka u in ah zawk ka haw ang.




Aig bag chu ka dar ah ka bat nawlh a, chak zetin kawngkhar ka pan hlawk hlawk a, kawngkhar herhhawnna herh a ka pawt hawng tur chiah chu thinrimna nasa zet vangin ka sa pup pup.


"Ka awi theilo... min kalh hnan maw?" Ka tha tawp in kawngkhar kalhna chu ka sawi dawt dawt a. A inhawng thei lo.

"Malsawmtluang, ramhuaipa.. " ti tuar tuar in thing kawngkhar chhah țha zet chu ka chhir bur bur. A che dawt dawt leh thawm a siam bak chu engmah danglam a awm bawk silo! Ka thinrim tawh lutuk chu ka thlan bawrh bawrh nia mawle.


"Mi tenawnpa.. kawngkhar hi hawng rawh" ti tuar tuar in paper delhna marble rit zetin ka chhu a. A reh tlawk tlawk.


"Malsawmtluanga in ah lo kal ru, room ah min kalh hnan" ka ti a. Nuni chuan "maw?" A rawn ti tuar


"Rawn kal ru.." ka thinrim em vangin ka țap lek lek.


"I țhiante emaw, i chhungte pawh.. oh, police lam pawh call duh suh. Awmzia a awm loh tih i hmuh kher duh chuan call tho la" kawngkhar pawn ațang rawn ti thum dut tupa chu hmaichhan ah hmachhawn ngat ila chuan a thin hnun ah tak chem ka vit bur duh ang mawle!


Malsawmtluanga sawi ang ngeiin ka țhiante chuan 'lo luh tir a phallo' tih an rawn sawi! Ka thinrim tawh lutuk bawk nen police call ka tum ut ut a. Mahse, Police officer hmelhriat țha lutuk a nei a. Gate chhung an lo luh hma in engkim asawi fel leh thluam ang tih ka chian em vang chuan beidawng zetin chhuat ah chuan ka țhu ta tlawk tlawk.




Darkar a liam a, door bell ri ka hriat chuan beng ka chhi kar a. Reilote hnu ah kailawn ah rawn inzui chho thawm ka hre zawm zat a. Ka țhiante beidawng in ka u an call a nih ringin hahdam huai hian chhuat ațang chuan ka tho nghal zat.


Mahse.. Eng thil nge thleng hi!



"Study room ah lut rawh" prof Msa aw thum dup chu ka hre thei.


"Ka u khan in i nei nuam ati reng a, a sawi ang chiah.. a nuam tak zet...." May-i aw ri ngei mai chuan zangkhai fe hian a ti a. Hík chhuak pup in kawngkhar chu ka melh ta tlawk tlawk!



He ramhuaipa hian engtiang takin nge min tih hreawm a la tum cheu le. Min kalh hnan laiin May-i inchhungah a rawn hruai lut thei chu a nia! (?)



Thaw hawk hawk in mit ka chhing vang vang a. Harh chhuak thut in room chahbi dang ka zawng nghal sawk sawk. Pawhdawh leh hawn theih tawh phawt chu ka pawt hawng hmiah hmiah a. Pen man to zet zet a dahna bawm ah chuan chahbi mal ka hmu ta hlawl.


Kawngkhar a chahbi vuahna ah chuan ka vuah chhin a. A lo in mil chiah. Thaw huai in thawm dim thei ang berin ka herh hawng a, study room kawngkhar chu a lo inkharphui țhiap a. A chhung ah prof Msa leh May an awm tih ka chian em vangin rei pawh ka en duh lo.



Kailawn ah chuan pheikhawk phelh in ke lawng hian ka chhuk thla a.


Bruno chuan min lo bauh ang tih hlau zetin nuih tlawn pahin ka melh tím dai bawk. Ka vanneihna a kal tluang anih ka ring, thawm siam miah lovin min lo vir thut thut a! Kawngkharpui ah chuan thawm dimte in ka kal chhuak a.

"Bruno... ka ngai ngawt ang che.. nang chu lut leh tawh rawh le" ti sep in a lu chu ka bekin ka nawr sak vang vang a. Engmah a lungchhe zawng a ngaihtuah ka duh rih lo.


Bruno chu inchhung ah ka nawr lut leh a, thawm dim zet in kawngkhar chu ka pawt phui leh a ka pheikhawk chu bun in chak zetin Malsawmtluanga leh a in ropui zet in ka kalsan ta dawr dawr!


In ka hlat tial tial a, ka thinlung che rawih rawih vang chuan ka kal muang zo dawn a inhria in na zetin ka țham a.

"Lola.. i natna hi dah pawimawh rih suh.. umm, i mipa hmangaih Malsawmtluanga kha ani tawh lo.. he inchhung ami hi chu maw.. I mipa hmangaih leh hmangaih let em em tu che hmel anpui, a rimpa zet ang nam ve a, duat zet a i mipa hmangaih in a biak na che aw ri ang nei ve tu mihrang daih a nih hi.." ti sep sep in ka tlan dawr dawr a. Gate ațang ka chhuah hnu ah pawh chawl lovin ka tlan zel tho.


Malsawmtluanga hi chu ka tleirawl chhuah hmangaih a ni a! Engtik ah emaw chuan ka theinghilh ve mai ang!



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » November 4th, 2020, 6:09 am

Post May 19th, 2020, 11:11 pm

IMG-20200520-WA0001.jpg
IMG-20200520-WA0001.jpg (24.88 KiB) Viewed 17261 times

Chapter 45

Hmangaih vek in ni😘😘🤗



Ka pa in ațang tlan chhuak in ka rilru natna te leh mal intihna zawng zawng a reh vek theih ring khan he in ah hian ka tlan kha ania. Ngaihsak leh hmangaih ka nih na hmun emaw tia ka tlan luhna in ațang chuan thinlung kehsawm vek in a ruk thei ang ber in ka tlan chhuak leh si!




Ka theih ang a chak a ka tlan chung pawn Malsawmtluanga in eng pup chu a lang chiang ngang mai! Thui ka thlen hma in ka awm lo tih a hriat vaih chuan ramhuaipa khan min rawn umzui ngei dawn!


Rilru hmanhmawhna nasa lutuk chu hlauthawnna nasa zetin a rawn thlak a, chaw ka ei mumal loh vangin ka thin chhung lah chu a na thip hlur bawk, kawngkawi awmna lai chu a la hla in kawngpui hi a ngil purh a, lehkha chhiarna pindan tukverh ațangin min rawn hmu a nih chuan ka dam chhung a hetiang thil ti nawn leh ngam tawh lo tur khawp a nasa in kut min thlak hreh dawn lo rapthlak!! (?)





Mualpho a duh lo!


Nie, ramhuai palianpa hian amah ti mualpho zawng a vawi khatmah awm tawh lo turin min rum țhaih tawh bawk a nih kha!



Zanin hian min rawn hmu hman a nih chuan ka chan chu hremhmun nun ai pawhin a rapthlak zawk ang tih ka chiang.




Kawngkawi ka thlen rual chuan thlan vangin ka huh vek tawh!



Thaw chhuak kawk kawk pahin ko-pang chu ka ngheng nghal rawk rawk, ka tha khur nasa lutuk leh rawn thlawk chhuak tur ang mai a ka lungphu inthum rawn dawt dawt a ziaawm deuh hnu chuan chil ka lem khawlh khawlh a!

Rang zein Nuni ka call nghal a, rei nghah ngailo in min ngaihtuah hmel zetin a lo chhang nghal zat.

"Lalmate, i țha em?"


"Ih.. Prof Msa in aţangin ka tlan chhuak.." ka ti, ka la thaw hlawp hlawp

"I tlan chhuak maw? Awi! khawiah nge i awm sawi rawh"

"In piahah... ka.. lo kal ru, Mahse, in pathum chiah khan lo kal ula, in car pawn lo kal su aw. Taxi lo hmang ula" ka ti sawk sawk, dangro luat vang in ka hrawk chu a thip hlur bawk.




Nuni te an lo kal dawn tih hretho mahila helai hmuah hian ka lo nghak tawp thei lo!



Malsawmtluanga'n min rawn nanchin ka duh loh chuan kê pawn a thui thei ang ber ka kal mai tur ani.



Kawngpeng ațang kawngpui lian zawk ka pawh hlawl a, ka thaw deuh huai nangin ka hahdam thei chuang lo. Rawra an lo dah vum thur phen ah chuan ka țhu hnawk a, taxi leh lirthei dang in min rawn tlan pel zut zut a.




Ka dangro lutuk leh mumal neilo khawp a ka thin phu zawi zawi reng vang chuan ka â mup a, ka lu a hai muai muai bawk.

Ka phone rawn ri chu rang zet hian ka chhang a.

"Lalmate, Prof Msa inpeng kan lo thleng țep, khawi ah khan nge i awm?" chiaina vang a aw khur chungin Nuni chuan a rawn ti zung zung.

Ka awmna ka hrilh chuan an lo thlen vat tur thu a sawi a! Thaw huai in rawra ngheng chuan ka tlu hnawk.

"I zalenta, Lola.... ramhuaipa lak ațang in ka zalenta" thaw halh halh in van thim mup chu ka en a, hmangaih ka nih hun chhung reilo țhin bik lutuk vang a ka lung rawn chhe thut tur chu duh lovin mit ka chhing nghal chawt chawt!

Ka mittui erawh ka dang zo ta ngang lo! Ka biang ah a rawn luang thla a, heh pet in ka insehruh khur nghal chawr chawr!

Ka tlanna vang a ka thinphu mumallo zet kha natna in a rawn thlak rawih rawih a, khawvel ah hian mi vanduai tawpkhawk an awm anih ngai chuan chu chu keimah hi ka ni ngei ang!


Na zetin ka awm chhung na ngut ngut zawn chu ka țham tawk a, natna in a hmet kual rawih rawih chung pawn "professor, ngatinge hetiang thil hi ka chungah i tih?" tiin Malsawmtluanga hming a la lam fan tho.

"I hlim tawh ang chu tiraw? I nun ațang hla tak ah ka kalbo tawh dawn a, i hlim tawh ngawt ang chu tiraw?" Ka mitthla ah chiang zetin min mamawh tawh lo tih hriat zet a hna kal tur a min chhuah san țhin hmel te, nula dang a kawp tih thup buai tum miah lova hmaichhan ah min sawi khum siah siah lai te chu a rawn lang zut zut a! Ka thinlung chu kut thachak zet hmang a hrawm hrawih ang maiin a na thip ngut ngut!


"Bawihi.. Duatte... tia min ko na ri ka hre tawh ngai dawn lo.." ti chhuak ţíau in rilruna zetin ka insehruh a, thuk ruih a Bawihi a ti ri te chu ka bengah a rawn ri a, amah ngeiin duatte tia min ko tawh ngailo tur a ka ngaihtuah ringawt pawn ka thawk hi a chham thei mai dawn in ka hria!



"... khatiang a min ko tu ka neih awm chhun i ni a sin. Ka awm lo a nga, nang chuan hmeichhe dang ko nan i hmang zui leh nghal a nga... Khawngaih takin hmeichhe dang ko nan chuan hmang ve suh aw... min hmangaih ve tawh lo mahla keimah min hriatreng nan tal pawn midang chu ko ve suh... khawngaih in.." ka hrawk chhung chu rawn na ut ut in a ri chhuak hrawih hrawih, ka chhungril ipik leh na lutuk bawk si chu thunun theih loh lekin a rawn puak darh ta hawk!



Ka kut pahnih a kâ hup betin ka țap chhuak hlawp hlawp a, khawi hmun ah nge ka awm tih ka ngaihtuah hman tawh lo!


Ka thinlung na ngut ngut chuan eng ber nge a duh pawh ka hrethiam tawh lo!


Aih.. a duh chu ka hmangaih Malsawmtluanga lak aţang a hmangaihna leh duatna dawn leh kha a ni! Khawvel ah ka awm chhung a ka dawn ngai reng reng loh ngaihsakna te, a en zui nih te kha ka la kham lova. Ka kal chhuah chang pawh a ka chanchin ngaihven a min rawn biak sek te kha ka la kham lo! Mahse, tunah chuan ka mipa hmangaih kha a hmel an pui! Mi nunrawng lutuk leh min tihnat chak hluah hluah mihringin a rawn thlak a! Nula dang riah chilh phei chu ka nat hlau ngawih ngawih țhin ka pasal kha chuan a ti ngai miah lovang....


"... a nupui ruk thar kha ani em? A rai a nih kha..." doctor thusawi chiang zet a ka bengah a rawn rik leh chuan thawk ipik lutuk vang a awm tawt vek in kê ka leng ta nghek!


"A rai... May a rai... tunah te hian in naute chungchang sawi dun in duh vangin em ni i lo hruai luh?" Study room chhung ah an pahnih a naute chungchang sawi dun a, hlim zet a an nui dun tur a ka mitthla ringawt pawn ka nâ chhuak vek thei!





"Min hmangaih tawh lo pawh nila hmeichhe dang lo hruai luh kher i mamawh lo a sin.. Min chhuah tir la, hruai lut mai ta che" ti chhuak sap in ka thaw kawk a! Țah chhuah leh hlawp hlawp hlau zetin thawk ka chelh nghal tlat bawk.


Khawvel ah hian tumah rengin Lalhlimpuii hi rei tak hmangaih turin hun an lo nei lo anih hi!



"Thinlung kehsawm vek a thlakhat dawn i nupui lo ni tawh a awm laiin i fa paitu nen inhmalam hun tur suangtuah kual in pindan ah in inkhar hnan a... khawvel a mi nunrawng ber pawn hetiang hian an ti miah lovang, ka nat loh i hlau tiraw... i chak, i chak ta e, keimah a na thei zawng zawng i ti na vek tawh! Min mamawh tawh loh zia i lan chhuah tir ngun ta bawk a, keipawn khawvel a ka mipa hmangaih hmasa (k) ber tello a hringnun hmachhawn dan ka zir ve tawh mai a niang chu!"

Thaw chhuak ham ham in ka maimitchhing a, chiang zetin prof Msa ka hmuh ni hmasa ber ațang a kan awm dan zawng zawng te chu a rawn lang zut zut a!


Tu mipa mah inzawmna ka neihpui duh loh thu nen a ka hnar ngial chung pawn ka hma ah a rawn inlan leh hlawl țhin a, țawngkam chhe tawpkhawk leh na zet zet a ka țawngkhumna te pawisa lovin ka dawn ngai reng reng loh min ngaihsakna in ka thinglung a tituiral a.


Tunah... khawvelah amah chiah ka nei ah inngai a, chan hlau reng reng a ka awm hnu ah awlsam zetin min thlauhthla leh lawi a!


Jordan hmu tur a zan a ka chhuah vang lek a hetiang tak a thui a kal ta mai hi rapthlak ka ti tak zet!



"Lalmate.. "

"Lola"

Motor horn ri tuar tuar karah ka țhiante min au tuar tuar thawm chuan ka thazam a ti che zawk! Phu nghek in ka tho chhuak nghal hlawl, ka thinlung ipik zet ang maiin khua chu a thim mup tawh a, kawngpui sir a taxi lo ding ațang min ngaihtuah hmel zet a ka țhiante lo tlan chhuak mek chu hnukulh țeuh hian ka lo en a.



"Awi! Lalmate, i lan dan hian min tina lutuk" tih leh țap pur chungin Lalkimkima chuan min țhutchilh in min kuah nghal thlawp. Nuni leh Remremi te pawh rei min en ngam lovin men ţîau chungin an hawi sawn daih.


"I lainatawm reuh e"

"Hmela, khati khan awm suh, min ti țap dawn nia" ka lo ti nghal hlur.

"Eng nge, mi vakvai deuh i ang em a lawm" ti hlurin min kuahna a phelh a.

"I sual, khati pawh khan min ti suh" hetia ka thinrim hrep loh chuan ka țap leh chiam mai ang.


"Lo kal rawh; taxi ah lut phawt ang" ka sam hnawk zet min chul mam sak pah chuan a ti a, kan awmna chu thim viau mahse motor engin a rawn chhun chang chuan Kimkima hmel thim bul leh khawngaih hmel zet a min melhna te chu ka hmuh hmaih thei lo!



"Lalmate, kal ang le..." zaidam zet hian a ti a. Ka țah chhuak lutuk insum nasa bawk si chu ka hmai te hi a sa vek.


"Prof Msa chu a la inchhir ngawt ang.." min hnem tum tak a a lo tih chuan ka mittui a luang thla zawi! A inchhir ngai dawn lo lutuk tih ka hriat vangin ka na lutuk.



"Kal ang.." ka airbag lian vak lo chu a ak a. Nuni leh Remremi te chuan țah ka insum nasat zia hria in engmah an sawi duh tawh rih lo.

"Kan huan ah kal phawt ang u aw" Nuni chuan a ti a. An aw zawi lutuk te, ka nat belh hlauh hmel zet a min veng thawng em em mai te chuan kalsan ka nih zia a ti chiang tulh tulh.


"Khawpui aţangin a hla a, tah chuan tuman an rawn zawng lo ang che" rawra ah ka lo mutna vang a ka kawr bal lo beng fai pah chuan a ti a, Ka bu ta nghat.

"In phone kha switch off vek rih ru" min en țhap hlawm.

An hriatthiam loh hmel kher mai.

"Ugg, kan location ațangin min hmuh ka hlau, naktuk ah min lo tlawh hun ah ka simcard thar tur in lo keng bawk dawn nia" ka tih tak ah chuan an zavai chuan an phone chu an phawrh chhuak sap sap a.

"I u i hrilh dawn em?" Remremi'n a lo tih chuan ka thaw chhuak ham ham mai.
"Aih, hrilh rih lo ang" ti sap in taxi ah chuan ka lut a.

Min ngaihtuah hle ang tih ka hria. Mahse, Malsawmtluanga țawngkam thiam lutuk leh mi hnehtheihna riau a neih hian lungdam thlup in a lo siam a nga! A hnen ah min hruai let leh phah mai ang.



A hnen ah min hruai let leh ka hlau tlat hi keipawn ka hrethiam lo! Min umzui ka ring tlat te hi min hmangaih vang leh duhna vang ani tawh lo tih ka chiang!


Mualpho a hlau em a, hetia amah tlan chhuah san ang zawng a ka chet hian a zahawmna a chhiat phah vek thei! Min hmangaih vang nilo in min hruai let leh a nga! Amah ngeiin a mualphona tur hliahbo țhak khawp a dinhmun chhia in min hnawchhuah ka hlauh lutuk vang ani pakhat ang!!

Taxi seat hnungah Remremi leh Kimima te nen kan țhu a, min lai tat a, Kimkima ber chu a insut hraih hraih reng a, a khat tawk in a darah min kuah bei in ka sam ah a chul leh ringawt țhin.

"Nuni, in huan chu a him dawn mi?" Remremi'n a zawt a.

"Him ang, ka pa in a lei mah nise midang hming in a dah a lawm" a ti liam puat.


Nuni hian a zep ngailo bawk a, a pa hian sumdawnna țha lo zet a khawih tel miau a, sum lah an ngah, in hmun lo ram tam tak an nei a. Mahse, miten an dawr leh an sum lakluhna inrem loh lutuk vangin a rinhleh a hlauh in an driver te leh dawr hnathawk te hmingin hmunhma an dah țeuh.

"Lalmate, hnathawk chhungkua an awm a, mamawh engkim a awm vek, nangmah in thlam pakhat i hmang a nga.."

"Umm, nangni chu let leh nghal ru aw. Chuan, Jordan emaw Sammy pawh ka awmna hrilh miah su, ka u mangangin a rawn zawt che u a nih pawn clinic kha kan inhmuh hnuhnunna ber lo ti vek ang che u" ka tia.




Kimkima dar ah bei chung chhuan khawpui eng pe tuar kan tlan pelh tak vawng vawng chu ka thlir a! Ka thinlung in a mipa ang a a hmangaih hmasak ber chu kan inchhung ah ngei hmeichhe dang nen an awm laiin ka chhuah san tih chu ka mumang ni se ka va ti tehlul em!


Tunah te hian ka awm lo tih ngaihven nachang hrelo lekin May nen nuam an chen ang nge, ka awm lo tih a hre tawh a nga, min ngaihven zui țul ti tawh lovin May a kawl nghal ang?


Thaw chhuak hawk in ka țhu ngil nghal awt! Ka awm chhung a rawn ipik nghal mup mup a, thikna hian a rawn hmet na ngut ngut bawk!

May-i nen clinic a an thil tih ka zawt a nih chuan min chhan chak khawp thu min sawi khum lai a ka na hmel hmu vek siin inchungah a hruai lut ngat thei a nia! Min tihnat a chak hluah hluah anih pawn mihring ka nihna ang tal in min zahna chhete tal neih ve awm!


Tih theih neilo zetin seat nghenchhan ka ngheng leh dawt a, Kimkima chuan min hrethiam zetin ka darah a rawn chul hauh hauh.

"Lalmate, a la inchhir dawn chiang a lawm, nakin ah chuan maw.. a tihnat em che vang hian ngaihdam a la dil ang che" a ti mawlh mawlh a.


Prof Msa mizia ka hrechiang em a! Fa nei mai tawh tur an ni bawk a, min hrechang tawh dawn lo lutuk!


🐾


Khum zimte ah chuan ka mu meng kar a, perhpawng leh rannung dang hram chiah chiah ri te, sangngha dil a sangngha in perh ri bur bur leh dil a tui inkhawh thla kerh kerh ri te chu ka vawi khat hriatna mah nise lung a tileng veng veng.


Ka țhiangte an tlan let tawh a, zanlai a hnai thuak tawh! Huan enkawltu te chhung lah an nel awmin an fel nupa si, fanu kum 6 mi an nei a, zing ah apa zawkin khawpui ah school kal turin a han drop a, ban ah chuan a patea te in ah apa han hruai leh hun a nghak mai zel tih te an fanu Awmawmi chuan min hrilh ve ngial bawk anih kha.



Mutthilh ka tum ngial pawn ka rilru chu a hahfim tulh tulh a.


Tunah te hian pindan chhung ah ka lo awm ta silo a, May nen venthawn neilo lekin an khawsa zui mai a ngem?




Ka awm chhung rawn tawt leh nghal mup vang chuan ka țhu chhuak hlawl! Ka kê țang nen lam ka lo țang leh ngut ngut tawh.

Ka mutthilh theih hlawl loh vangin ka tho chhuak a; ka thlam hman chu a zim fel kherh a, mamawh engkim a awm bakah huan enkawl tu te riahna nen a inhlat lo.



Tukverh ka hawng a, thlifim thaw heuh heuh kara ram rim lo nam tel chek chek chu hip lut in ka thaw hak a.


Boruak tlem a a daih deuh hun ah duh leh rampawn ah ka kal daih a nga, ka dam khawchhuak em em ang.


Naktuk la la hian rampawn kalna tur ticket ka buaipui anih chuan keimah leh keimah Malsawmtluanga kut tuar turin ka inpe lut a niringawt dawn! Hmelhriat a nei țha ropui si. Zanin pawn Nuni te driver a lo telve ka duhloh chhan chu Malsawmtluanga bawk in a lo dawp chhuak a nga, awlsam zetin ka awmna hmun a hriatchhuah ka hlau.



Tawite hian ka nui hak a!

Ka rilru vakvai lutuk leh hmeichhe dang min kawpsan ka la rinpumhlum phal loh luat vangin min zawn zui te chu ka hlauthawng kual vel mai mai niin ka hria!







Unknow pov



Becki accident dan chhui a police lo kal zing a pakhat in mak tih hmel zet a Lola a melh ngawt ngawt lai kha ka hmuh hmaih hauh lo!



Damdawi in aţang police an chhuah rual chuan Becki car chhung ah weed leh whiskey an hmuh thu vel vang a midang ho mak ti, țawng nghal nuaih nuaih chu remchang ah la in ka put ru nghal zat a.



"Lo ding lawk teh" ngun zet a Lola en rengtu ngei mai chu a lo ding a.

"Nang maw?"

"Yeap, Min hmu ve lo em ni?" ti pah chuan ka nuih sak.

"Aaa..."

"I mit khan thil pakhat chiah a en ngur tih ka hria alawm.. a hma ang tho in" ka ti a, ka nui hawk bawk. Ka man chhuah chian em vang chuan a lu thak lo pui chu hiat in a riat nawi ta nak nak.


"Tihian in zo em ni?"

"La zo lo deuh, station ah kan let a nga, report kan siam ang. Coffee?" tih zawm zatin a țhiante min rawn finin coffee no an lo pek chu a ban a. Lu ka thing nak.

"I hnaban ah min lo bia la, biakna tur pawimawh che ka nei"

"Boss berin i tih te chuan"


Number kan in pek hnu chuan ngawi rengin damdawi in chhung ah ka lut leh nghal a, midang pawh chuan weed leh whiskey Backi car a an hmuh chhuah chung chang chu an lo la sawi zui laih laih.


Kil khat ah ngawi rengin ka va ding leh a, Becki hi ka hrechiang, ruihhlo khawih theih loh a neilo. A mizia erawh a thup thiam viau lawi. A nu pawn engkim a hriatpui miau a, case ziah luh kher an tum in ka ring lo.




Midang awm ve vengthawng lo lek a Lola te pahnih inkuah hlu hlu chu ka lo melh leh reng țhin a. An ni pahnih hi ka nun tichhe vek chungin an hlim ka remti dawn hauh lo!




Ka phone screen a hming lo lang ka hmuh rual chuan rang zetin ka chhang a. Lehlam a miin a free tih a rawn sawi chuan ka nui ta ver ver.

/


"I rawh, kan inhmuh lohna a rei tawh bawk a, zanin chu college hun lai ang chiah khan aw niang" a hma glass table ah whiskey bottle chawp sak pah chuan ka nuih sak.

"Wow.. nupui te an va thinrim leh dawn ve.. ngawi teh nanghi.."

"I nupui i hlauh dan ațang hian kawppui neih ka mamawh ve rih lo" rang zet a ka lo tih chuan a nui hawk hawk. Whiskey țha a hmu pha lo te pawh ani ang, vannei intih hmel zet a meng pawng zawr zawr chungin a inthlit a. Tui pawlh loh a no 4 zet a in hnu chuan a țawng duh ta par par viau bawk.


"MZU professor hmeichhe kuah lai lak ațang khan mit i la sawn thei hauh lo tih ka hria a nia. Innu nen an inang lutuk ti dawn in i nupui lah nu lian leh hleitling zet ani bawk sia" a no ah whiskey thlit belh in ice ka thlak sak leh a.


A ngawi deuh vung vung nangin ka thil duh erawh a hnen ațang hian hriat fai vek ka tum.

"Nge, nang hi..."

"Khatin ngaihdan lo siam ngawt teh suh" a meng sen phut tawh, no a whiskey awm zawng a tlak leh pap hnu chuan a kutphah hnung lamin a hmui chu a hru tawk a!



Irhfiak uk a min melh pah chuan a si hlurh hlurh.

"Ka nupui nen kan inneih hma.. " lu thing nghut in kut a vai leh thuak.

"Nilo... țhian țha i nia, ka zep dawn lo, thawk khat lai khan ka nupui nen kan inkar a țha tehchiam lova, kan inkar a inhiptawnna in awmzia a neih loh lai anih ber chu.. kan in hau reng a, intih tlan rum rum chang lah kan ngah, chutih chhung chuan tleirawl tuai tir te Delhi ațang a a chhungte tlawh a lo zin kha kan țhenawm ah hian a rawn khawsa ve a, chu hmeichhia... Professor-a hmeichhe kuah lai nen khan danglamna an neilo!"


A thusawi tawp lam chuan ka beng a berh ta zar! Phur ru zetin whiskey chu ka thlit belh leh a, lighter talh țek chhak chhak in a zial țan chu duhthawh zetin a fawp leh te te a...


"Chu hmeichhia nen chuan Hlimpuii kha an inang lutuk maw?"

"Tehreng mai... A ni emaw ka ti hial a lawm. Mahse, min hre hmel a pu bawk silo... Ruthi nise chuan min hrelo angin lemchang chiam mahse a mitmeng ațang talin min hria tih a thup thei lo ang.. a virgin hawng tu ka ni miau a" thei intih hmel zet a hawi cham vuh in a nui ta suk suk.


Kei erawh ka phur luat vangin ka za zek zek tawh.


"Wow.. i nu tlan lai chu remchang chuh in tleirawl te i lo kawp hman a?"

"Amah te kha ka zun ah a uai hneh reuh em alawm. Chawlh hmang a lo zin ani a, thla hnih ngawt a rawn cham bawk nen ka hna kal tur hi min lo thlir ro fo a, kan nu tlan vang a khawhar lai tak in ka farnu nen an lo inkawm nel tawh sa bawk nen kan inah a rawn lenglut ngun ve zel a... a la naupang, a rilru a thinghlim bawk... mahse,. Mipa chu i hriat ve tho kha... min star tih hriat zet lai chei chei țhin hmeichhe lakah rilru thinghlim put reng chu thil theih loh hlawm tawp ani" nui huk huk in ka thlit belh chu a tlak leh pawp



A țawng a kal tawh bawk a, Ruthi nen an khawsak dan zawng zawng chu nuam ti zetin a sawi ta vek. Ka rilru erawh a buai deuh. Lola hian pianpui unau dang a nei hauh lo.. Hriatpuia leh an unaunu boral tawh chiah kha an ni.. tunah, kan zu duh a hian amah nen lan dan danglam miah lo a mutpui thu a sawi suam suam bawk si!



"A thlalak i nei em?"

"Tu chu maw?" A ti buh nuaih


"Aw, Delhi lam tleirawl chu.." ka nuih sak a. Whiskey ka thlit belh leh zat " nge, i nupuiin a hriat ve hlau in a thlalak pawh i kawl ngam lo" ka tih leh zet chuan a ngeng a chhun fuh kher mai.


"Mai mai! LalZon-i hi ka hlau lo ve.. ka hmuh ang che.. Lalzon-i hian mawww, ka phone hi khawih tum eng eng pawh nise a hawng thei lo" a ti bul bul.


Ka chhungril phurna vang a za zek zek a hrethiam pha hauh lo chu a lawmawm khawp bawk.


A phone screen a hmeichhe lo lang ka hmuh ve meuh chuan mak ti fe in ka en tlawk tlawk!


Lola a nilo tih sawi mahse ka awi miah lovang.

"En rawh.. a chhelo tiktek a sin, vawi thum lai ka theih hnu anih kha" ti phur phur pah chuan a phone chu min pe a.


Thlalak leh video a lo tam ngang mai. He mihring phiangsen hian an sex hmang lai a cover cheu bawk.


Hotel pindan tih hriat zet ah saruak ngalngat in khum ah an che dun a, an duhthawh ngang mai! Lola hmel ang tak Ruthi hmel chu chiang zetin camera ah a lang, khum a mipa mu zangthal duai z**** chu chunglam ațang țhut tlum thawih thawih in mipa kut in a hnute leh taksa dang a hrawm kual tawn tawn bawk. Ruthi'n khum a mipa mu hmel a hliah vek vangin kutphah leh a thil bak a lang thei lo! Video dang leh saruak a an lanna dang te chu ka en kual zel a.


Phone neitupa ka melh vut chuan a lo chatthla fel der tawh. Khi sak in rang zetin ka che nghal zung zung.



Lola hmel ang tak pu hian vanneihna min thlen ngei dawn e! He video hi a hmu lo turin a hmu anih ngat chuan bomb puak darh ai pawh a thinurna a nasa zawk ang!


Khi sak sak in ka laptop ah thlalak bawlhhlawh zet zet ho chu ka dah lut hmiah hmiah!


"Ka lawm e" ti sap in a bulah phone chu ka theh thla a. Phur zetin wahsroom ah inbual turin ka luh san nghal a..



Prof Msa's pov



Khum ațang Bawihi tho chhuak țhem țhem chu ka hre vek, washroom hmang turin a kal dawn a nih hi tiin thawm siam lem lo chuan ka maimitchhing reng a.


Rilru buai hmel zet leh hlauh nei tih hriat fe in damdawi in kawt a ka hmuh tirh lai a ta tawh zanin thleng khan chiai em em a. A mitah chiang zet a ka en apiang in hlauhthawnna a hmel ah a lang chhuak chiang tîng. Engthil teh hrep in nge ti hlauthawng tih chu ngaihngam tak a min hrilh hun ka nghak mek zel bawk.



Washroom ah lut lo in pindan kawngkhar a pan ta daih a. A rilțam in eitur a zawng dawn ah ka ngai. Khi suk in ka tho chhuak ve ta vut. Zawhte note rilțam pe na zet ka kawl tih ka hrelo fo hi ka thiam loh liau liau ani.


Naktuk ah room a dah tur fridege lei nghal tur ti rilru rauh rauh in room ațang chuan ka chhuak ve a. He in ah hian ka chen tam loh vangin room ah fridege dah ngai ah ka lo ruat ngailo.


Mahse, zawhte note ka ruk tak ah chuan a lian ber dah kan mamawh. Eitur khat vek in awm reng bawk se, zanlai ah min thawh san tawh hauh lovang.



Ka rin loh zet a thil thleng vang chuan ka ding chawt!

Zanlai tawh ah leh nghal! Pawn ah engti turin nge a chhuah!


Inhnuai ah chhuk a, chhuah ve nghal ka tum ut ut chu țhulh leh in room ah ka lut a, tukverh lian zet a parda inzar chu ka nawr kau hlek.


Gate pawn a ka thil hmuh vang chuan ka inhum ruh ta kher mai. Zan lai ah Jordan hmuh ngai hial khawp in engthil pawimawh nge awm ang?



Ngawi rengin aalo lut thawm chu ka ngaithla a, ka harh loh ah ngaiin a thaw hak, khum ah a rawn inthawlh leh sat sat a, a tha khur ru der der chu ka lo hre thuai, ka taksa ah ka kuah bet nghal hlun a, thaw ham ham in ka awm ah hmai a phum lai te chuan engvang a chhuak nge a nih tih zawh ka chak viau.


Mahse, a tha khur ru zaih zaih reng vang chuan a inpeih hun ka nghak tur a ni tiin ka inhrilh sup a, ka hmeichhe hmangaih hian min phatsan ngai dawn lo. Min phatsan loh phawt chuan a lakah thinrimna tur ka nei lo bawk. Ngaihngam tak a engkim min hrilh theih hun a thleng thuai bawk ang.



Nupa nun kan hman zawh a kan intihfai lai te, remchang ka hmuh apiang in ka hnenah sawi tur a nei em tih ka zawt ta zauh zauh a. A hmelchiai zet leh thlaphanna te pawn an kiam san ti tih tawh bawk.


Neih loh thu a min chhan tak fo ah chuan ka hriat sak țul a tih lem loh thil a nih ka ring ta mah.


Kan nupa inkar pawh a pangngai chho leh țan viau a, Bawihi pawn collage a zawm ve leh tawh.

Chhun ah lunch ei chhuah pui tur a ka inkhalh chhuak tur chu number tawp ațangin message ka dawng a. Ka en chiah chu thinrimna in ka khat nghal vek!



Ka kawchhung a sa hal a, thinrim zetin phone chu ka hum khur ngawt ngawt.


Bawihi chu saruak deuh thaw in mipa awm nghengin a țhu aw a, mipa chuan a hnute a hup sak, zak hmel a pu lova, pawi tihna a mitmeng harhfim kak ah chuan a lang hlek lo bawk. Mipa hmel erawh a lang lo!




"Lalhlimpui" ti chhuak hrawih in phone chu motor hma ah ka vawm bur! Hei vang teh hrep hi em ni thup lian tak nei hmel pu chung a a tîm dai țhin.



Ka thluak bing mup mup vang chuan ka â deuh mup! Harh chhuak a, thlalak min lo thawnna number call nachang ka hriat meuh chuan a lo in switch off tlat a. Rum hawk in steering ka chum ta bur.



Chumi ni ațang chuan saruak deuh thaw a Bawihi lanna thlalak ka dawng ta fo a, țhenkhat phei chu tshirt leh pawnfen chhing zet feng a khum chung ah a bung bu tarh lai mipa kut in a mawng a hrawm sakna te...



A kawr chhung ah mipa in lu a thun a, nuam tih hmel zet a nui lai te.. a tam lutuk ringawt!

Tuk khat phei chu an sex video ka dawng ta hlawl! Ka kawchhung a thinurna zimkual tup tup vang chuan Lalhlimpui chu thah daih hial mai ka chak rum rum. Hetiang teh hrep hian ani maw uire na hian mihring a lo den nat a! Thinlung a lo kehsawm vek țhin.


Hna ațang in ka inkhalh haw nghal a.

Number chu chhui zui turin Carlos-a ka pe thawr, amah chiah thlalak leh video chu hmuh in edit chawp a nih leh nih loh zawng chhuak turin ka ngen bawk.


Reilote hnu ah thlalak zawng zawng leh video chu original ngei ani tih min hrilh zet kha zawng! Thinrim luat vangin ka puak darh lo chauh! Number erawh a in switch off tlat vangin an chhui chhuak thei lo.




A ni tel in Lalhlimpuii chu ka ten ngawih ngawih a, haw hlur siin ka hnawt chhuak thei chuang silo! Amah lah chuan ka ngaihsak tak loh vang a hreawm tih hmel zetin lem a chang kual a!



A engkim chu ka hua ani tawp mai!


Engtin nge min phatsan theih! Sex ah lah nise a kham khawp pe lovin ka awm ka hre ngailo! Ka in ah mangang thlabar a a lo tlan luh zan ațang khan theih tawp in ka duat a, tihnat hlau reng reng in keimah a hmangaihna awm zawng zawng te nen ka tuam hlawm bawk!

Tichung chuan min duh khawp lovin a uire a. Sex video hial an siam bawk!



Engtin nge ka reh hlum daih tawh loh zawk?


Ka hmangaih... Hrep a! Phiangsen chuan. Min uire san a, sex video hial siam ngam hmeichhia hi ka hmangaih miau a! Chuvang a that lova, ka inchhung ah ngei la chen tir ve ka ni!





Min phatsan na erawh ka rul let a, nitin in a nun hi hremhmun ah ka chan tir a nga! Țhen maw? Huh? Hnai lo! Uire engang mahse ka țhen lo ang! Zalen takin mipa dang nen an khawsa kual dawn lo bur!




Ka hmu tui tang tawh miau lo! May.. yeah, he hmeichhia, mipa mamawh zet hian hman ațang min beisei tawh! A u nen kan thawk dun miau a, chaw eikhawm nikhua ah kan zingah a tel ve fo, kan university ah a lo kal chin ațang phei chuan a mitmei hur zet ka hmu fo a! Ka ngaihsak chhin ngai lem lo bawk nen a beidawng ta hial.


Tunah erawh ka hman țangkai theihna apiang ah ka hmang țangkai tawh ang! Tu nen nge an inkawp ka pawisa nek lo!


/

/

May leh Ruatsaka te tualzawl ațang an tlan chhuah fel meuh chuan thaw huai in inchhung ah ka lut a. Kawngkhar ka kalh fel vek hnu ah kailawn ah lawn chho chungin ka kekawr ipte ka dap ruk ruk. Khi suk in chahbi ka la chhuak a.


Kawngkhar hma ah chuan ding in thawm ka ngaichang deuh renrawn a. Ner sawk in dimlo zetin kawngkhar chu ka phih hawng nghal pawp!


"Hrep chuan... I tlan chhuak ngam maw?" ti hrawk in bang chu ka hnek bur.


Thaw ri hrawih hrawih in ka kutphah lian zet chuan hmai ka tuai puat a!

A tlan chhuak ru.. huh! Hetiang khawp hian ani maw hurbo chu a lo chak a!




A chhiar zo lo lo setana pawl 😹

A va ho/ ngaihnawm loh tisu😝😝


Nizan ah Ahma kaih leh țhin buaipui in ka tlaivar a. Chhun ah maimizial neih ka hlauh vangin ka mu bawk silo! Ka thil ziah hi keipawn engmah ka ngaihtuah let thei lo. Ka thluak leh rilru te ho a ro vek.

Thla hmasa tawp lam ațang khan nikhat a ka mut hun chhung hi darkar 2 te darkar 4 te bak ani ngailo. A chang chuan tlaivar țhak in a tukzan ka ban tlang țhin.

Ka thluak leh ngaihtuahna tawp dan tur leh ât mup dan tur chu inngaihtuah thiam mai em?


Hetia ka lo sawi chhan chu HE THAWTHU BIK AH HI CHUAN Pitartei kha hmuh inbeisei lo tawp ru aw. 😢 Ka story dang ka phak loh zia hi keimah ka inhrechiang si a. Damlo thichhawng a awm buaipuiin ka tlaivar a, a tukzan ah thluak chawmawlh vek in tihbeidawn che u ka hlauh vangin ka rawn ziak leh a😂😂 Ka rilru leh thluak hian a tlin lo.. Keimah leh keimah ka inhrechiang lutuk hi maw.. Fak luih vel kha ka ngailo a nia. 🤣🤣 heti chung chung a in lo chhiar duh te, a mood ah cheng deuh a inla chhiar thei hi ka fak che u. Keichuan a kal dan hi ngaihtuah let tur pawh ka hrelo. Tiang khawp chuan ka ziah lai hian ka chawmawlh țhin.



Tihian prologue a ni chho țan a nga! A tawp chu ani tawh mai!

Nikum december thla ah pawh ka sawi tawh kha🤣 He story hi inbeisei angin a kal chho lo thei a, țhenkhat beisei angin a kal chho thei tho. A tawp dan tur hi story ziah țan hma a ka riruat kual vek tawh a nia. Mahse, Happy ending chu ani dawn..🤣

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » November 4th, 2020, 6:12 am

Chapter 46🤬



Tihan prologue a ințan dawn a, chapter 10 pawh a awm tling tawh lo ang.. 🤭






Thinurna!


Huatna!


Thikna te chu ka kawchhung a rawn luhchilh tup tup a, nghet zet a kut hum ruh chungin ka cement bang hnek chawrh chu ka melh ngur! Min phatsan mai duh tawk lova a uire na pa vang a min chhuah san chuan kei Malsawmtluanga hi min ti tlawm ngawih ngawih. Mahse, ka hmeichhia a niloh chuan tu hmeichhia mah ani ngailo ang!


Rum chhuak hrawihin thinrim zetin kawngkhar bul a vase chu ka vai thla nghal pawp, chhuat ah a keh darh chuai rual chuan khi suk in lu ka thing nghut nghut a! Vawi khat mah in ațang a tlan chhuak ngam leh tawh ngailo tur in ka siam ngei ang.



Ka hmangaihna leh ka thinlung infiam nan a hmang tu, phatsantu ten awm khan zalen takin hun a hmang ang maw.. huh? Ka thinlung a hliam ser reh thei lo a siam aia let tam tak a tuar ve hma chu Malsawmtluanga lak aţang hian a zalen hauh lovang.



Chak zetin in ațang in ka inkhalh chhuak a.. In a chhuah san ațang darkar khat zet a liam tawh! CCTV kha engvang teh hrep a check thuai lo nge ka nih. Rum chhuak hrawih in steering ka chum bur.



"Tlanbo tum in chet ila ngam maw? Hmangaih viau lo che ila chuan ka that daih tawh ang che, kan intawn leh hun chuan that tur che in min ngen hial ang..." hmalam melh bing ngur pah chuan ka ti chhuak hrawih, ka thisen lum bulh bulh leh thinurna nasa zet vang a ka chhungril sahal hut hut vang chuan thlan in min bual huh dup, ka mitthla ah lalhlimpui hmel a rawn lan rualin sex video a a nuam ti hmel leh thawm siam zawng zawng in a rawn zui tup tup a, ka thlarau thlengin thinurna leh natna te chuan min vilh ngut ngut.




Tu pasal phiangsen mahin nupui te uire lai video an hmuh hnu ah inkhatah khawsakpui an thei teuh lo! Mualpho tawpkhawk a siam in an hnawtchhuak vang vang ang! Ti mualpho miah lo a ka en liam thei chung pawn a inluling khanglang a, Malsawmtluanga hi engtiang chiah a nunrawngin nge a chhuah tak tih chu a hmu mawlh ang.




Taxi ațang lo chhuak mek te chu step thim chin ațangin ka lo en ngur, chuan man an inpek zawh hnu chuan *riahkhawm mai* a fuh thu sawiin a rawn ri thla nak nak a. Anni ho teh hrep pawh hian an ţhiannu khawsak phung tenawm zet kha an hriatpui ngei ang.

InShot_20200521_193753524(2).jpg
InShot_20200521_193753524(2).jpg (64.79 KiB) Viewed 19595 times


"Khawiah nge Lalhlimpuii?" ti thum sup in an hma ah tak ka pen chhuak vut! Min beisei loh lutuk vang in țê țhawt in an tawlh hnung dawrh, step pakhat ah pen chho leh in an pathum chuan chiang zetin ka melh nghal ngur bawk.

"Min ti hlau a lawm" Nuni chuan thaw hak pahin a rawn ti a. Ka lo ner suk.
"Kal ang u, â leh lutuk.." a tih zawm hmak.


"Hrep chuan! Khawih ah phiangsen nge in țhiannu a awm ka zawt che u anih chu?" dawhtheihna tla chham zetin Nuni banbul ah chuan ka hmer sawk, an tehhrep hian hriat an nei ang tih ka chiang, dimlo baksakin ka nawr hnung dawrh a, rum fahran a min rawn melh chho in min nuih hak bawk.

"Hmela leh, hetiang hian Lola kha tharum hmangin i nawr lui țhin em ni?"

"Ka zawhna chin chiah min chhang rawh" ka ti hmuk. Ngeiawm zet hian a nui haka, ka chhungril a thinurna rawn inmung kual tup tup vang chuan tina mai lo turin ka insum nasa viau.

"I pindan chhung ah i kalh hnan ani lawm ni? Ngahnge hetah te i rawn zawn" nui sawng chuang a rawn tih leh zet chuan ner sawkin a ban chu na zetin ka hmer hrawih, phih deuh dawrh pahin ka pawt kang hrawk bawk. A hmai bul chet ah ka melh chhuk ngur chuan elsen zetin min la nuih cheu bawk.

"Ka sawi dik lo em ni? I pindan chhung ah chhuak thei lovin i kalh hnan a nih kha.. nichin lawk pawn i inchhung ah kan luh pawh i phal țhak loh kha! Nge.. nang hian thinrim insum zo lovin i that a nga, a ruang i dah țhat hnu ah thiam i chan thein nan i rawn zawng kual leh hnuhnawh vel em ni?" mai mai chuan leh!


"ka sawi dik em? Mite hmuh a Professor zawhawm zet hian a nupui ruk thar kham khawp lovin nula a kawp kual a, mualpho hlau leh siin i nupui pawisawi lo chu dah bo hmasak țul i ti ta a... Lola kha i that em ni? Mawh?" Chunu mai mai chu! Thinrim hmel zet a min melhin a nui tak ang sawng leh nghal.


"Nichin lawk pawn i pindan chhungah i kalh hnan a nih kha... i in ah a awm loh chuan nang hian i that a ni mai" nui che dat pah hian a rawn ti leh hlar, a ban ka vawnna chu ka thlah nawk a, a pai nawk tur chu a țhiante pahnin in an lo dawm a.



"I khung behna ațangin a tlan chhuak a nih hmel.. ka sawi dik em? Mahse, tinge tihian i zawn kual vel chiam chiam a, thiam i chan theih nan maw? Nge nia, miten, i bialnu a rai vangin i nupuiin in a chhuah san tih an hriat chuan i mualpho lutuk i hlau zawk?"


"Kâm tam reuh lutuk" ti sup in ka melh khui ringawt. Nuni bawk chu a nui hak a.


"Kan țhiannu chung a i chet dan nunrawng thlak zet ngaihtuah chuan ka la ngawi thei zawk a lawm! Kham khawp lovin nula dang i kawp san tawh, i hur rahchhuah pawh i bialnu in a pai mek kha.. i bialnu chiah ngaihtuah tawh rawh, Lola pawn nangaia mipa țha, hmeichhe pakhat a lungawi thei a tawng ve thuai mai ang" min elsen hmel zet a nui sak hian a țhiante pahnih chu a melh zeuh a.

"Kal teh ang u, hetiang mihring, amah chiah rinchhan tur nei a, a ang chhung a tlulut hmeichhe khawngaihthlak zet phatsan thei khawp a hur leh nunrawng hi kan hnaih reng a nih chuan kan khawlo zo ve vek ang" a thinrim lutuk vang nge, a aw chu a sehchilh nawk nawk. An țhiannu khawloh zia hre duh lo lek a an khawsa kual vel chuan ka thinrimna a belh chhah zual sauh bawk.



"E, leh lawks... i khung behna aţangin Lola a tlan chhuak a nih hmel a.. a lawmawm tak zet! I lak ațang a hla thei ang ber ah tlanbo vang vang se ka ti tak zet bawk! Nang aia mipa ţha leh inngahna tlak a tawn theih nan țawngțaipui nghal hial ila a fuh viau ang! Nanghi chu maw.. a theinghilh thuai ang che, a la naupang a, a nun ah mipa țha tak tak a tawng chho zel dawn! Tunah chuan Lola ber a tlanbo tawh bawk a, i lemchan hi duhtawk la, nupui nei lai reng pawh a i kawihbungbut theih hmeichhia nen khan nuam chen rawh u!" hmusit zet a min nuih leh sakin a ti chang rap.


"In țhiannu nun țawp zet hrelo ang lek a i rak zawt zawt le..."

"Eng nga?" ngeiawm tawpkhawk in aw ki a san hliai, "Lola chu engtin maw i sawi a. Zak teh a, nula dang riah chilh a in ah haw nachang i hriat loh changte khan i mualpho hlau in kan hnenah pawh a thup mawi țang țang zel che a sin! Chu chu *NUN ȚAWP* i ti ngam maw?" ti chiam chungin a thaw chhuak hak a.



"Nang biak hian awmzia pakhatmah a neilo; naktuk thleng a Lola chanchin hriat tur a la awm lo a nih chuan i inchhung dap turin police ka rawn hruai ang!" rum zet a ka melhna chu min nuih leh hak pah chuan "ka ti ngei ang tih hre rawh, nang hian i mualpho thup nan engthil pawh a lakah tih hreh i nei dawn lo tih ka chiang, pindan ah i khungbeh chhung khan i sawisa lovang tih a hriat siloh a, tunah hian tlanbo ang a a lan theih nan lem rawn chang kual viau mahla i inchhung khawi emaw lai ah khian a ruang i thuhruk ka ring tlat" a ti a, ka khi suk a rawn hmuh chuan rum em em in min melh rawm rawm.


"Engang pawn in țhiannu awmna chu zep tum mahula ka zawng chhuak vat tho ang. Bum hmang, phatsantu tenawm zet nen khan kan inhmachhawn leh a nih ngat chuan ka kut hmang a a nunna laksak tur in min ngen hial bawk ang! Ka hmuh vat loh nan in lo țawngțai țha dawn nia, a chhan chu khawvel tawp ah pawh biru mahse beidawng lovin ka zawng zel dawn! Ka kut hmang a that tur a min ngen laia a hmel awm dan tur hmuh ka chak tawh hle tih lo hrilh tel bawk ula..." khi suk in an pathum chuan ka melh kual dun dun a. Ka thusawi in a țhawn lutuk vang chuan țawng chhuah nachang pawh an hrelo.

"In țhiannu birukna tur chu thlanpui uluk ula" ti sup in ka țhen leh suk...


"Hmela; i bialnu chiah ngaihsak la anih mai chu" step ah ka pen chho hmawk hmawk chu min rawn au zui tuar.


"Ngaihsak dawn e, zanin pawn ka va riahchilh leh a nge" ti nghut a ka hawi let chuan rapthlak min tih hmel zetin an inhum ruh ngawt ngawt.

"Mipa tenawm leh hur lutuk"

"Lalhlimpui ber a awm tawh lem lo bawk a, venthawn ngai vak an awm tawh lo, nuam chennan hun ka ngah zual sauh tihna ani tawh mai, a nih phawt u, ka nula hot zet kha ka va pan leh phawt mai nge" huat hmel zet a min melhtu te chu țhen khum suk in ka inher leh vut



"Rapthlak lutuk, mihring pawh a nilo, ramhuai anih khi" an tih hlawih hlawih ri chu kawngpui ah chhuak cho tawh maila ka hre vuat. Khi suk in bolero ah ka țhu lut vut.



LOLA'S POV

Sava chiar nak nak ri vang chuan ka harh a; kar lo ah dil a tui inkhawh thla kerh kerh ri ka hre zawm zat a. Zi mar țalh țalh pah a ka men chhuah chuan ni a lo tlangsang hle tawh tih hriat zetin ka mutna inchhung chu a lo eng ut tawh.


"Ka rin aiin ka mu tui daih mai" ham hak pah chuan puan lum in ka inkhuh țha sauh sauh. Mahse, ka hriatna te a rawn fim rual chuan nasa lutuk in ka thinphu a rang nghal dawt dawt a.

May-i a rai.

Prof Msa in ațangin nizan khan ka tlan chhuak tih vel chuan min rawn luhchilh nghal ngut ngut, ka thawk rawn zîm nghal mup vang chuan rang zetin ka țhu chhuak nghal hlawk.


Ka lungphu dawt dawt zawn ah chuan kut ka nghat, sa hut hut siin a na leh ngut ngut tawh!

Mit chhing a thawk ka lak ham ham chuan țul miah lo in Prof Msa hmel chiang tak in ka hmu nghal zat! A hmel lan dan ringawt pawh chuan ka thinlung chu a vilh na nghal rawih rawih mai...

May pum puar liah duat zet a chul sak a, hmalam hun tur suangtuahna te nen phurna a khat a mitmeng pa ruih a a en vung vung tur ang te a ka suangtuah thlen phei chuan tawt ipik mup in ka na chhuak vek.




"Ka tello a a hlim theih chuan ka thei ve em em ang.!" Zawite te in ka phun sep sep, tunge bum ka tum pawh ka hre hrep lo.


Toilet ang reng lian lo te awm ah chuan inphihfai turun ka lut a; in te bul lawk a thingkung ding hlim khep khupah chuan sava lian an fu tih hriat zetin a hram rai rai reng bawk, ka theih tawp in Prof Msa leh May te pahnih chu ngaihtuah zui loh tumin ka awm mekna hmun hma ah chuan rilru ka pe lui hram hram a.


Bathlar ang reng deuh ah chuan dingin huan zau zet leh a chhehvel chu ka en kual a, Theihai kung upat hmel tawh zet ah lian pui pui a rah uai tuar mai te , kur hnup khawp a Theite rah tai hlar mai te chuan mit an la tak zet, inkawt lawk ah chuktuah huan a awm a, an țam leh Behlawi no zetin an duah a, chutuah huan piah hla ang reng tak a pool lah enkawl uluk tih hriat zetin a pawl kuk mai bawk, mitin a hmuh theih chin zawng chu thingkung lian tak tak leh tlang hring dup ani mai.

Am zet a boruak hip lum ham ham in ka hawi kual vel a, Spot vel ah kan kal fo. Mahse, hetiang reng a ramngaw dur țhatna hmun ah hian ka la kal ngai lo.
Ka huntawn rapthlak zet ațang a tal chhuah nan a pen hmasa ber atan chuan he hmun tluk a thlan tur dang hi a awm chuan ka ring lo.


"I tho tawh maw? Awmawmi'n school kal a ngai sia, kan lo ei san mai che sin" huan enkawltu nupui in min hmuh rual chuan a lo ti a.

"I rilțam chuan i ei ve nghal thei a nia, dil sangha hi kan kang a, bai thak a awm bawk" an riahna thlam kawt a hnawmhnawk rut khawm mawlh mawlh pah chuan a ti leh a.


An riahna in ah chuan ka kal phei a, ka riahna inte aiin a lian zawk a, luahlum țhan tih a hriat zawk bawk. Hun enkawltu in ka chaw eitur min siam peih sak meuh chuan ka rilţam tawh zia ka hrechhuak chiah.



Bai thak zet chu chaw rum tui hmel zet ah chuan chawm in ka bar a, khawvel a ka chaw ei tawh zawng zawng ah a tui ber hial ang.
"Bai chhuan i va thiam em em, a tui lutuk ringawt" ka ti a, ka nuih var var bawk.

"Eee, i tui tih zawng anih chuan ei țeuh rawh, tlai ah pawh behlawi kan bai leh dawn nia" a lo ti a, îhê lovin ka bu nghal lap lap.

Min nuih hawk hawk mai.

"Tikhan lo ei rawh a, kan pa lo let hma in kawt a hnawk ho hi khawih zawh fel ka duh sia, engmah kha ei ban a ngailo a nia, chhun lama eitur ka pasal in a rawn lei haw dawn.." a ti a, puan in a lu chu a tuam țha mawlh mawlh a, tuthlawh kawm nen a chhuak leh nghal a.


Chaw chu ka ei hnem ngang mai. Sangha chu an lo pum kan a, hmarcha rawt thak zet te nen chuan ka ei fai leû!



Nileng chuan tihtur hrelo zetin inte ah ka inkhung deuh chawrh chawrh a, eng emaw tihpui ve ka tum pawn an duh der mai silo. Phone lah ka on ngam der bawk silo nen a chang leh Theite ka lô a, chi-thak siam in ka ei leh ringawt zel. Ka ngaihtuahna ah prof Msa a lo luh dawn apiang in dil ko tlang ah ka zuk țhu daih zel a. Mahse, rei tak chhung ka ngaihtuahna ațangin ka dah chhuak thei chuang lo.


"Ni a sa tawh vak silo a, ka kal kual dawn sin"

"Aw, mahse, ruah a sur thut thei a nia, kal hla lutuk lo la.." hmeichhia na na na chu Pi Mary nen pawn kan innel thuai mai.



Kawng lian lo te a insial chu ka zawh zel a, zawl lai deuh ah chuan lakhuithei an lo ching țeuh a, a rah hun lai a lo ni bawk nen hmuh nawm tizet in ka en kual ruai mai, kawng ding lam a hmun zawl ah lah vaimim kung a țô iar a, Fanghma kung niawm tak pawh la zam chiah lovin an țawi buk ve laih tawh.


"Khawpui ah sumdawng a intlansiak ai chuan hetiang a huan enkawl hi a nuam daih zawk dawn nih hi" ti halh in kawng chu ka zawh zel a.

"Vangvat i hlau lo em ni?" rawn ti sup tu an awm rual chuan phu dawrh in ka ding chawt!

Ka chhak lam thing ding hlim khup chu thaw dep dep hian ka melh a, a rawn ri deuh sun sun a, ka thinphu a rang nghal zawih zawih. Huan enkawltu-pa chu Awmawmi hruai turin khawpui chhung ah a kal daih. Ramngaw pilril kar ah mipa an awm a nih chuan mi hlauhawm tak ani ngei ang!



'Rammî, tualthah hreh hauh lo pawh a lo ni thei' tih ka ngaihtuahna ah a lo luh rual deuh thaw chuan hlauthawnna nasa zetin min rawn țham uaih uaih.


Rang zet a inher in chak lutukin ka tlan let thut a. Kopang ațangin a rawn țum thla tih hriat zetin ka hnung ah chuan thawm a dawt a!

Chumai pawh nilo in min rawn umzui a nih chu! Ka țîn uaih a, ka hawi let ngam tawh lo hrim hrim.



Tha chak zetin ka ban rekah hnunglam ațang in min pawt ding lawpa, chem hriam zet a ka hrawk a rawn zai hrawih mai te chu ka hlau hluah hluah. Kawng zim lai ka thleng chiah tihaa hneh zetin ka ban rekah chuan a rawn man ta mai! Ka taksa pumpui chu a hîk chhuak vek! Min kuai her lawp a, ka pum ah hian chem a rawn invit tlum thawih loh reng ka ring tawh lo!

"Hahdam teh, mi hlauhawm ka nilo" ti sup a vei nuih suk tupa hmel ka hmuh rual chuan a hma aia mak tih vangin ka meng phawk leh kawk a.

"Sorry, ka ti hlau che a nih hmel" ti leh sup, muk zetin min en ta run.


Ka thaw hawk a! Ka thinphu lo mumalloh hman zia chu a rapthlak zawk! Vawi khat dang ka thaw leh hawk a. Ka pangngai ta deuh.


"Zodik" ti halh a ka inthlah dul tak ah chuan hahdam huai hmelpui chung hian a lo bu nghut.

"Kan inhmu leh ta maw Lola" a ti sup a, uluk zetin min melh vung vung.

"Hetah eng nge i tih ve a..." ka ti a. Mahse, min tih hlauhthawn hman zia ka hriat let rual chuan rum deuh hian ka melh a, a nuih a zat hmel viau thung.


" Hmela leh, min va ti hlauthawng em em ve, tinge i rawn țawng thut a... engtin nge hatah i awm ve theih, min zuiru em ni?" thinrim zet in ka vin ta tawn tawn!

Zodika erawh chuan nuihza mitmeng pu in min lo melh thung, hnathawh thuamhnaw tih hriat zet a inbel a, iptepui a ak bawk.


"Nuih pawh nui suh" ti hrak in ka hawi tau ta nghat.

A nui suk chu ka mitsirin rum zet hian ka melh a, ka ban a vawnna chu thlah in uluk zet hian ka kê lam chu a bih chhuk ngur.

"Hetah te eng nge i tih ve a?"

"Huan chhak lawk khi ka patea te huan a lawm, tuikhuah kan sah a" ti sup in ka ké bulah chuan a țhu hniam vut.
Rang zet hian ka kat hnung dawrh a, chet hluk a Zodika lo hawi chhuak vut chu rilru buai zet hian ka en a.

"Eng nge i tih dawn?"

"I ké rek a vangvat ţîal sei zet pahnih bet hi ka la dawn... nge ni a, i kê ah hian i vulh dawn" ti sup in thutak zet hian min en run.

Vangvat a?

Ka kê rek ka zuk bih ve nak chuan rap lutuk in ka tawm nghal chawi! Zodika sawi ang tak tak chuan vangvat țíal sei zet pahnih in min lo zúk anih chu mawle!

"La rawh.. la vat rawh" ka hlau lutuk leh rap lutuk chu ka tiril a țîm ur ur, Zodika lama ah chuan ka kê chu ka then nawk nawk a, nui suk pahin ka ké rek ah chuan a lo man a. Lalpa leh!

A lak thlak dawn te chuan ka vun ah bet tlat in a pawt fan dawr dawr anih chu! Ka rap em avang chuan thawk ip ngar ngarin mit ka chhing ta chawt chawt.

"Ruah tui tam hunlai a nia, vangvat an tam lutuk a sin, ngahnge kawrfual leh chappal chiah bun in ramhnuaiah i vah kual reng reng a..."

"La vat mai rawh" ka ti hlur.


Eng emaw chen hnu ah chhungril țîm uai uai hian ka meng a, Zodika chuan eng emaw hi ka kê rekah chuan a lo hnawih a.

"I hlau em?" a rawn hawi chhuak vut, ka lo en uluk em vang chuan kan mit chu a intawng siah, rang zet a hawi sawn vat in ka bu nghat a.

"An zuk rei hman lo hlauh che a, thisen pawh a chhuak tamlo" ti pah chuan a rawn ding chhuak a.

"Hei inhnawih rawh, thosi hlo ani nangin vangvat pawn an haw khawp mai" a rawn ti chhuak leh sup.


A kut a hmehchhuah chu ka la a, ngawi rengin ka inchulh ve mai a. Ka kê rek a vangvat min zukna chu ka thlek a, arngeng neihna hnu tiat vel hian a lo duk raih, engtin nge ka kai tih ka hriat loh theih zawk le! Thaw chhuak hak a ka hawi chhuah chuan Zodika chuan min lo en run a.

"Ka lawm e" ti sep in dandawi ka pek let leh chuan a iptepui ah a thun a.

"Min zui ru em ni?"

"Aw" phawk zet a ka melh kawk chuan a lo nui suk a.

"Lengkir ah kal ka tum a, saw lai deuh i lo thlen ațang khan i chhak lawk ah ka kal ve a lawm" ka hnung lam a thlai hmun chu a kawk a. Helai ram palaileng ah lehnghal hmuh ka inbeisei loh lutuk vang chuan sawi ve tur pawh ka hrelo.

"I lo kal ve duh em?"

"Maw.. khawi ah?"

"Lengkirah"

"A hla em?" ka ti vat a.

"Hla lem lo"

Thlamah let leh pawh niila tihtur a awm dawn silo a, prof Msa leh May chungchang bawk ngaihtuah in ka rilru a kal bing leh ngut ngut dawn tho.


Zodika chu a kal hmasa a, a hnung ah ka zui ve hnak hnak a, mak tak maiin hepa hian huhang danglam bik zet a nei tlat a, a bula awm a hahdam thlakin a mitmeng dum fiah zet leh melhna em em ah hian ngilneihna ka hmu thei tlat lawi.

"Huanah hian i kal fo zel a mi?" ka ti a.

"A chang changin" min chhang bul viau

"Anih huan ah inriak dawn em?"
"Umm, nimin ațang in kan riak lut tawh"
"Engtik nge in haw leh dawn?"
"Naktuk ah" a ti a, ner nakin a tukhum chu ka melh hrep ringawt.
Hetiang a biak harsa leh tur si chu min sawm loh mai tur a nia.

Thui ang reng tak kan inzui hnu chuan mak tih lutuk in kâ ka hup bet a, kan kawng zawh mek tawpna ah chuan lui a lo luang a, chu lui chu tlangsan hmel zet ah chuan a luang thla a, ruah sur țhin vang nge tui chu a tamin a ri hum hum bawk!


Zodika chu lo hawi let kut a rawn phar chhuak a, engmah ka ngaihtuah hman lo, rang lutuk hian kut ka pe a, nghet zetin a hum a, min nuih suk bawk.

"Ka awi thei lo..." ka ti halh.

"I hmel ah khan a lang reng" a nuih leh chuan ka melh hrak nangin thinrim nan hun ka nei tawh lo hrim hrim.

"Huan ah ka kal ve chang chuan he hmun hi tlaitin ka zuk tlawh ziah" ti sup in tui luang hum hum lam ah chuan min kai phei zel a.


A mawi dangdai tak zet! Thlalak velah bak lengkir hi ka hmu ngailo, a hmuh ah ngei thingkung ding khup te, a luang hum hum ri hrechung ngei a han hmuh zet chuan chhungril ah phurna min thlen hial thei a lawm.


"Hnuai lam khu en rawh le" tui luang ri hum hum sir ah min din pui a, ka kut a hum ngheh sauh rual chuan hnuai lam chu ka zuk bih ve a.

"Awi" ti tuar in ka tawlh hnung nghal dawrh, Zodika erawh a khi suk.

Tunah tak hian Lengkir sang zet hmawr ah kan ding a nih chu!



Kan dinna hmawr zet ațang in hnuai lam zuk bik chuan mawng a za uaih uaih thei, Lengkir mawng ah chuan Lî lian zet a lo awm pung a, kan tla thla vaih anih chuan kan thi chiang viau ang.


"Helai hmun hi engtin nge i hriat daih theih a" ka ti a, lungpui lian zet chung ah kan țhu a.

"Ka ram vahna ah ka hmuh chhuah tita ila"

"Uang lo mai teh a" ka ti hlak. Nui hawk in lu a thing nghut mai.

Thli thawt rual a lui rim rawn nam ram ram te chuan min ti hahdam sawng sawng thei, kan hma lam chu Lengkir ințanna a nih vang in a ruak hung a, Mahse, kham khawkrawk chengchhe zet kual ruih erawh a hmuh theih, Lengkir in li a siam kuang lian zet chu kan awmna ațangin zuk hla viau mahse thingkungin a hual dup a, he lengkir lian zet piah kham chhenchhe zet zet kar aţang chuan Lengkir te tham deuh zawk a inkhawh thla ve bawk.



Mite chuan Lengkir leh kham khawkrawk leh chhengchhe zet hi țîh in rapawm ti viau mahse ka belhchian hnu ah chuan mak tak maiin min hip riau thung.



Ka hringnun nen ka tehkhin a, ka hringnun pawh midang te angin a tluang ve purh lo! He Lengkir a kham khawkrawk zet ang mai hian ka hringnun hian paltlang rapawm khawp a kawng chhengchhia ah min hruai kual a, ka hlimna in a thlen san hun lai ber in he Lengkir sang zet ațang a nam thlak vawn vawn ang maiin lungngaihna leh natna chirh dup ah hnim pil ka ni leh țhin.


Kham chheng chhe zet a lawn te ang maiin ka hringnun hian vawn chhan tur leh rinchhan tur nei miah lo ten min siam a, vawn tur ka neih chhun lah kham kar a lung kawkrawk zet, vawn ngheh loh rual rual a sang tak ațang a tlak theihna hlir ani țhin. Chan ka hlauh em em te pawh ka chelh nghet zo ve silo a, a tawp ah chuan kham sang tak ațang a nam thlak ang maiin thlauthlak ka ni leh țhin...


"Kan let tawh dawn mi?" ti sup ri vang chuan ka harh zawk.

Zodika chu ka en a, min lo en reng tawh vang nge ka mitah chiang zet hian a lo melh nghal chat.

"Umm.. a pawilo"

"Inpa a tel ve em?"

Ka chhungril zawng zawng hmuh tlang vek tum ang hrim a chiangin min melh zet mai chu! Ka kawchhung a țîm uaih thei.

"Aih... let tawh ang, min lo ngaihtuah tawh ang" ka ti a, rang zet a ka ding chhuak chu ka ban rekah rawn man in min pawt țhu leh dawt.

"Eng nge?" ka ti nghal hlar. Mahse, zawldawlh zet a min en rual chuan ka zal rawih in ka hria.

"Tinge i pasal a tel ve loh?" a aw chu a zawi. A chang lam hret bawk.

"Pasal ka nei tawh lo" ka ban rek a hmer chiam vang chuan ka áng zawk.

"Sawi chiang rawh" a ti nghut. ka ngaihbel mai mai nge pawh ka hrelo, a aw chu a chang tak zet.

"Sawi chiam tur a awm lo. Pasal ka nei tawh lo anih chuan kan ințhen tihna ani mai lawm" ka ti a.

Min en uluk em vang chuan hnuai lam ka bih nghal daih.

Zodika chu ding nulh a, rang fe hian ka ding ve a, thli thaw in ka sam thlah hniang a chhem leng dar dar chu a rawn khawih mai dawn emaw tih tur hian a kut chu a rawn lek zuau a, ka lo thaw dep dep.


Mahse, thaw hawk in a kamisz hak chu a hlip nghut,
"Hei ha rawh, thli a tam, i damlo mai ang" a kamisz chu min pe in lungpui chung ațang chuan a țum thla nghal daih.


"A chet dan hi a mak thei ngawt mai" ti niah niah in ka ha ve mai.

Zeilo zet in tawlhthlak hlau fe hian ka chhuk thla a.

"Zodik.."

"Umm" hma a hruai leha, tawnzau dum chiah a hak vangin a ban bul a ser lian pui te, a dar hnung a ser awm nek nuk te chu ka hmu thei a.

"I taksa a ser te hi ngati nge a" a ding nghal chawt. Ngawi ngul in a ban bul a ser chu a thlek a, a thinrim ringawt leh nghal em mawni, a bek ruh a pawng nghal țawlh țawlh.

"Chem in min tai na anih hi" a ti nghut.

"Ehe, i insual ve țhin ani maw?" boruak tih zangkhai nan ka nui tel hak bawk.

"Umm" a ti leh nghut a. Ka ngawi chiang teh a sin! A insualna vang anih ka ring tak tak der silo.

Ka awm ve tih hrelo lek a chakin a kal vut vut a.

Tlan ti tih hian ka um dat dat.

"Aizawl ah hian i awm reng dawn em?"
"Karleh hian kan khua ah ka haw chho ang"
"Maw? Aizawl khua i nilo maw?"
"Ngopa" a khaw hming chu ka hre tawh.
"Bialnu i nei ve em?" Zodika chu a ding leh chawt a, inngei zetin ka inhum ruh nghek, ka hmui hi ka veng hman thlawt țhin lo.
"Vanah a awm tawh" ka rin loh lutuk hian a rawn ti a.

A bialnu in a thih san tawh maw?

" a pawi ka ti"

" i thiam loh a awm lo, vanramah a hahdam tawh a lawm" harsa tih hmel zet hian a ti hrawk.
A kal leh vut chu ngawi rengin ka zui a, Zodika chu ka khawngaih tak zet; abialnu thihna chu a la tuar hle tih lah mi â ber tan pawh hai theih a nilo.


"i lo kal leh dawn em?" Boruak thlak tum pah chuan ka ti a.

"Umm, thla leh hian Synod in ka bial tur ah min nem nghehna an nei dawn a" a ti a, a țawngkam a bulh leh tak em vang chuan engmah ka zawt zui tawh lo.



Thlam thleng min thlah a. An huan pawh a hlat vak loh thu min hrilh a, nizan a gate pakhat kan tlan pelh kha ani tih ka hre ta chiah.

"Chaw eitui" thlam ah ka luh dawn chuan a ti sup, ka en haw chhuan nui suk in a kal nghal daih bawk.

"Chaw ei tui le" ka hriat tham lek chuan ka phun sap a. In te ah ka luh hnu chuan ka thawk a ipik leh vek tawh.

Inbual tur a tolet ka pan chuan ka ding chawt a.
"Ehe, Zodik..." a kamisz ka hak sak daih a lawm, ka tlan chhuak leh nghal a. Mahse, hmuh tur a lo awm tawh lo.

"Naktuk ah kan inhmu leh em ang chu maw.." ti sep in a kamisz chu ka thlek thuak a.



Zanriah ei lai chuan Nuni te huan enkawl tupa chuan ka awm loh laiin Nuni a lo call thu leh zan dar 7 vel ah a lo call leh dawn tih a sawi a.


Ka awm nuam lo nghal ringawt vang chuan ka zawi rawih rawih, Nuni lo call hun chu thin phu rang dawt dawt in ka nghak a.


Hlauthawnna nasa zet in min chim leh ringawt tawh chuan ka awm a ti nuam thei lo! Ka natpui ngawih ngawih tur thil ka hre dawn a hriatna ka nei tlat a, huphurh țung siin ka phi sek mai ni.

"Lalmate, i țha em?"

"Umm, ka ngaihtuah awm loh" ka ti let sep.

Kimkima te nen an riak khawm dawn tih te an rawn sawi a, phone chu dah ringin an zavai chuan min rawn be lang lang a. Mahse, a aw ki a min ven thawnna ri tîm dai chu ka hriat hmaih thei lo...


"Min hrilh tur in neih chuan sawi ula" ka ti ta nge nge! Hlauthawng reng reng a awm ai chuan ka natpui ngawih ngawih tur pawh nise hriat nghal vek ka duh.


"Ih, prof Msa lam a nia..." ka rin lawk tho a ni nangin nasa lutuk in ka thin phu a che a, thawk ka chelh nghal tlat! May-i a kawl nghal tih an rawn sawi mai ang tih hlauthawnna vang chuan ka lungphu chu a sa nghal bulh bulh bawk.

"LalMate, hmu ve la chuan i thinrim ngawt ang, a nupui i lo ni țhin tih hrelo ang hmak in May nen an inzui nghal..." Kimkima'n a rawn tih zet chuan ka khur ti tih!


"Lo ngawi rawh" Nuni chuan a khap thuai a.


"Nizan kan let leh kha kan inbul ah min lo chang a, kan inhnial hrep, i awmna te min zawt vel a; chuan.. min tenawm leh phatsantu a ti vel che mawle..." Nuni thusawi chuan min țhawng kher mai!

"Sawi chiang deuh teh u.."

"Aaa.. dik tak chuan a awm dan hi puh let a tum che ni maiin ka hria , ka zawng chhuak a nga, ka kut ngei a that turin min ngen bawk ang te a tia! Hepa hi ka rin a lo ang lo! Ka sawi thiam tawh biklo. Vawiin te khan lunch kan ei țhinna hotel ah May a rawn kal pui ngam nia mawle! Kan awm dawn tih hresa in keni ho min run luih nan a rawn hruai anih te ka ring... a ho a kan ei chhuahna țhin kha ani sia..."


Na zetin ka mal ka țham tawk. Ka chhuah san in a tibuai phalo lutuk leh kan thil ei chhuahna hmun ah kher May a hrui vel ngat chuan a vilh hian min vilh ngut ngut.


"Hmu tur che in kan lo kal duh rih lo anih kha.. Malsawmtluanga hian en thlatu a dah ka ring tlat a. Zawn chhuah che a, a ngaihzawng nei hi thup bo a, nangmah zawk mualpho tak a siam che a tum ni maiin ka hria..." Nuni chuan min thanatpui tih hriat zet hian a rawn ti leh tawn tawn.


Ka mitthla ah chuan kan țhianho min hruaina țhin ah kher May nen an inzui lut lai tur te, ka țhutna țhin table kal pel a ngaihsak zet a May thil ei duh zawng a zawt sup tur vel chu a lo lang zut zut a.

Țah chhuah hlau zet in héh ka pet nghal fan fan.


Inchan ah indah ve chhin mah teh u! I pasal lo ni tawh in darkar 24 chhung em pawh i chhuah san hma in sulhnu tam tak insiamna hmun ah a bialnu kal pui ve ngat mai se na tih lutuk vangin in tawt ve up up tho ang!


Khum ah chuan ka let tawp a; ka kâ hup bet in ka țap chhuak hlawp hlawp tur chu tih tawp ka tum a! Ka hmai leh hrawk chhung a rawn sa chhuak vek a.


"Nu, tunah chuan engtiang tak a na nge a nih ka hrethiam ve ta!" rang lutuk in khum a puan chuan ka kâ ka hnawh bet nghal tlat.

"A na lutuk, nu.. a na tak zet! Ka pa a uire țum khan fanu ka nihna ang in ka ná a, ka pa nupui nichung a i natna tawrh kha a lo va nasa teh lul em!"


Ka mitthla ah May-i naupai vang a prof Msa hlim hmel tur a rawn lang a, ka kawchhung chu hrawm nawk nawk ang maiin a na ngut ngut! Ka nunna hi ka titawp daih mai dawn em ni? Ka nun ah hian beisei tur pakhatmah a awm ve tawh lo! Dam chhan tur lah ka nei tawh bawk silo! Natna hlir tuar reng ai chuan thi daih mai ila, ka hahdam zawk in ka ring!


Show post links
Top
Abbra Reo Ririni
Post May 21st, 2020, 11:46 pm

Jordan pov


"Lola ka be tlang thei lo" Nuni te chu ka melh run.
"Keni pawn kan be tlang thei biklo" an ti hmak a, awi lo zet a ka melh chuan "kan kal dawn, class kan tlai palh ang" ti sep in an kal daih leh nghal.


Hrep a.

Bike chuan chak zetin ka u in lam ka pan a, gate ah tlan lut in Bike chu ka ti ding chawt, helmet chu hlip leh hrawk in Bike chung ah ka kal san tawp. Nimin tlai ațangin Lola ka be tlang thei tawh lo, Nuni te lah chuan engmah sawi an tum hauh bawk silo. Keimah ngeiin ka zawng chhuak tur a ni.



Kawngkharpui chu ka chum bur bur, hna kal turin a la chhuak lo tih ka hria, na zet a vawi eng emaw zah ka chum hnu chuan chhunglam ațangin a rawn inhawng a, ka u hmel nelawm loh zet nen kan inhmachhawn nghal siah.


"Khawiah nge Lola" ka ti sup, ka pen lut tur chiah erawh sitting room a May-i țhu ka va hmuh vang chuan ka tawp chawt!

"Sawnu sawn hetah engthil nge a tih?" Zawizet a ti hrawk in ka u chu ka din hnaih sauh. Zingkar ah leh nghal saw hmeichhia sawn he inchhungah hian tih ve tur pakhatmah a neilo.

"I lo buai ve na tur a awm lo" a ti hmuk.

"Ka buailo ang maw? Sawnu nen tehhrep sawn in inzui tam tih ka hriat loh i ring em ni?"

"Chuan..." min melh run chung chuan a rawn ti nghut. Thinrim zetin ka ner sawk a.

"Hmeichhe dang i kawp tih chu phat i tum miah lo a maw.... khawih ah teh hrep nge Lola a awm?"


Lola hming ka lam vang nge tih pawh hriat loh, ngeiawm zet a khi suk in a kekawr ipte ah kut pahnih a zen lut hlun a.

"Min chhuah san tawh" ti liam puat a Lola ngaihtuah zuina nei lo tih hriat zet a min en run chuan thinrimna vangin ka puak darh lo chauh!


"I hnawtchhuak zawk a nilo maw? Mi tenawmpa, Lola phatsan a, a thinlung i tihnat sak man chu ka la pe khawp ang che.."

"Tum chhin la" min nuih suk paha a hawi sang vuh chu hnek chawrh lo turin ka inthunun țang țang! Ka hmangaih tih hrereng chungin Lola a hnaih lui a, ka lak ațang a lak hran hnu ah ti hian hmeichhe dang kawp san lehin a thlauhthla leh hnuhnawh a! Eng tiang tak a mihring rilru chhia leh tenawm nge anih pawh ka hrehrep love!




"Ka ti khawp ang! A hun tawn zawng zawng i hre ve vek ani lawm ni? Hmeichhe dang lakah phatsan zawng kher nilo hian i kal tir thei reng! Hmeichhe dang i kawpsan rual chiah khan a thinlungah ser nung reh thei lo i siam tih i inhria em? Nun phung pangngai zawh thei miah lova kum heileh chen a awm chhan..
Uirena hmang kher in engvangin nge a thinlung i hliam sak a..." thinrim ha chang țhial rawp rawp in ka ti hrawih. Uirena kher chu Lola tan a na dawn lutuk!


A tleirawl nun hlimawm ve lai tur zawng zawng pawh a pa in a nu a uire san na vangin natna te nen a hmanral phah a! Tunah... ani teh hrep hian khawvel a tawn ve a hlauh ber ngei mai hmang chuan a hliam nawn leh sak a! A tuar chhuak zo kher lovang!



"I mihur khawi nen chuan hlim mawlh ang che, Lola erawh lo beisei ve tawh ngai suh" a kê bul ah chil chhak țhawt pah chuan ka khi suk.

"Zohmangaih, nupui nei mai tawh tur i nih kha" inher vut a chak zet a ka kal chu ka ding leh chawt. Inher let in hmel rum ul a min lo melh tu chu ka ner khum sawk.

"Kan la innei em hleinem" ti sup in ngeiawm fe hian ka nuih let a.

"Lola chu ka zawng dawn.. ka zawng chhuak ngei bawk ang! Hmeichhe dang i kawp san tawh hnu ani bawk a, ka lo enkawl ve tawh a nge" a khabe ruh kual che țawlh țawlh khawp a a insehruh chu chiang zetin ka melh a.


"Sawi dikloh ka nei em? Inzawmna in nei tawh lo!" ti leh siah in ka inher san hmak.


Lola'n in a chhuah san hnu lawk ah in ah hmeichhe dang a hruai luh vang a ka hnek let tawp lo kha a vannei tak zet!


Bike ah chuan lawn in helmet ka khum nghal mawlh mawlh, ka u leh May khawsak dan vang thinlung kehsawm vek a Lola na tuar tur ka mitthla ringawt pawn ka sahal hulh hulh.


Chak zet in ka tlan chhuak leh a, tinge ka u in a chhuah san anih chuan min hrilh ve loh? Phiangsen chuan.. chuthil chu tun ah a țangkai ber lo!



🐾

Lola's Point of view


Lengkir sang țha zet chu ka melh chhuk a. Ka zuang thla a nih chuan li thuk hmel zet ah khun pil in he khawvel a ka natna tawrhhlelhawm lutuk te hi ka pilbo pui thei ngei ang...




"Ka Kamisz kha min pek let i tum in ka hria" aw rawn chhuak thut vang chuan ka phu nghek.


Thil thleng tur hre lawk ang hrim in ka ban rekah a rawn man a, ka dinna hmun hnawr zet ațang chuan min hnuk sawn dawrh bawk.


"I ding hmawr lutuk, tlak palh i hlau lo em ni?" Zodika chuan ti sup in en pawh min en lem lo chuan min kai nghal dawr dawr a.

Nimin a kan țhutna lungpui lian zet ah khan min lawn chhoh pui a.
"Țhu rawh" a ti sup

"I haw dawn emaw tia"

"Ka haw hma in he lai hmun a kal tur a min pawt tu a awm tlat a" chiang zet a ka mitah lo melh pah chuan a ti a.

Zankhua in ka țap tih a hriat hlau zetin ka hawi sawn nghal daih. Lungpui chung ah chuan țhut hmun kan rem a. Zodika chuan a kê kawr ipte ațangin earphone a zial hnan phone hi a phawrh chhuak a.

"Ka hawsan tur che i huphurh hmel siah, darkar khat vel chu ka awmpui ang che" chimawm zet a min melh pahin ka bengah ear phone chu a rawn vuah a.

"Ngeiawm lo mai teh a" ka lo ti hlak.

"I mu țha lo ani maw?"

"Aih, nileng in ka mu leh a, ka mit a bui phah vek anih hi" ka ti sep a. A awi loh hmel kher mai. Mahse, ngawi rengin hla chu a play a.

A khup chung ah a ban dah tlawn zuar chungin hmalam a melh nghal ngur. A hla play chu sunday tuk ah Muani'n a play ring thei rapthlak.

"I piangthar tawh em?" a rawn ti thut a. Thumal chu tlem viau mahse min deng nghing lawih.

"Aih.." ka ti sep a. Zodika chuan muangchang a min rawn thlek in a mitmeng fiah zet chuan ka mitah chiang zetin min rawn en a.


"Pathian in a hmangaih che" ti sup in a nui a. Hma lam bawk en in a hawi sawn leh nghal daih bawk. Mahse, a mi nghawngna chu thu tam tak sawi aiin a na daih zawk



Ka thinphu chu hman zan car chhung a kan chuan lai ang bawk khan a rang a, ka chhungril chu thil eng emaw hian a rawn fan a.


Pathian lam ka hawi lohna a rei tawh lutuk!

Ka nu boral ațang phei kha chuan biakin chhung ka rap lo tawp tih theih a ni a, Bawihpui erawh naupang inkhawmna ah ka inkhawmpui ve zauh țhin.


"Ka piangthar lo chung leh biakin ah ka inkhawm ngailo chung pawn Pathian chuan min hmangaih ang maw?" ka aw chu a ri chang chang.


"Hmangaih tehreng mai! Kan sual ber lai te, hlimhlawp bawlhna hmun ah Amah hrelo lek a kan tal kual lai te pawn Pathian chuan min hmangaih reng a lawm, a hmangaihna kan hriatthiam a, pan nachang kan hriat hun nghakin min thlir reng țhin a sin..." min en chuang lovin hma lam a en run a.



Sawi ve tur ka hrelo! Mahse, ka chhungril chuan hriatbelh chak tam tak a nei thung.


"Nun tuihalna i nei.. chu chu a dik em? Tunah khan i nun kha Pathian chakin a tuihal mek! I chhungril kha a ruak lutuk, Lola. Chuthil chu nangpawn i hria ani tiraw? Hmangaihna i dawn lai te, ngaihsakna i dawn lai te pawn nangmah khan ruak a awm, nangmah a hmun ruak awm kha Pathian in a luah khat phal la, thlamuanna a pek che remti rawh.. tun ah hian Pathian i zawn ngai miah lovin Amah zawkin a rawn zawng che a sin" ti sup in min rawn thlek a, ngilneih zeta a nui hmel karah chuan amah nilo, hmel dang ka hmu ni mai hian ka hria.

"Khawi ațang a țan tur nge ka hrelo a lawm" ti țîau in ka mittui rawn hnam mai tur chu ka khap let sak sak.


Thawk khat lai ațang khan eng emaw mamawh lutuk nei hian ka inhre tlat tawh! Dangro zetin tui an chak huam huam ang chiah hian ka chhungril a awm țhin.

"Bul chu i țan tawh reng a lawm, Pathian i mamawh tih inpawm la, i thinlung kha a luh theihna turin hawng rawh, i chhungril ațang a nangmah be tu che kha uluk deuh in ngaithla la, i hnenah cheng tur in sawm rawh.. thinlung leh tih tak zet a i sawm anih chuan maw, a chenpui ang che, i nun a harsatna lo thleng țhin te pawh a hmachhawnpui dawn che a lawm.. tun ah khan nangma chakna hmangin i harsatna i bei let a, i hneh theih siloh vangin ani lawm ni helai hmun ah hian i biruk"

Chiang zet a min en in a rawn ti a.


"Nangmah ah Pathian cheng tur a i sawm chuan harsatna engpawh tawk la, biruk san mai lovin hmachhawn thei turin chakna in a thuam ang che.." ka kut ah nghet zet a lo hum pah chuan a ti sup a.



Lengkir ațang thlam pan a kan let leh chuan ka veng deuh huai mai.

Ka piangthar ta e ka tihna nilo in rei tak chhung ka nun ruakin a lo zawn fo chhanna chu Pathian ani tih ka hriat phah a.. ka duh leh mamawh hre miah lova awm tawp ai chuan a țha hrim hrim.


"I chhungte'n hetah i awm tih an hria em?" a ti thut a, lung ka thing nghat.

Chu lam chu sawi ka duh rih lo.

"A nih i bialnu boralna chu a rei tawh em?" ka ti a. A hmel lan dan a chang leh vek dawn maw ka tih lai chuan a rawn nui ta suk.

"Rei ve tawh e"

"Ngaihzawng i nei leh tawh miah lo tihna maw?"

"Aw" a bialnu chu a hmangaih awm hle mai.

"Nih, Pro pastor i nih hun chuan Nupui i neih te a la țul dawn a, chutih hun ah chuan engtin nge i tih ang?" min en thuak a.

"Ka tihawmzia chu i bialnu nilo duh dang i nei thei tawh loh ami?"

"Duh chu ka nei a lawm"

"Ani maw?" Phur zet hian ka ti a.

"Lo phur lutuk teh suh, ka tlai tawh a lawm" ti sup in a nui lui suk.


"Naaa, pasal a nei tawh ami? Nge ni a, bialpa dang zawk... "

"Theite chu a va rah hnem reuh e" thil dang a sawi nghal daih.

"Huan enkawltu te khian lawh an phal a ngem?"

"I va phakar tak.. lo kal rawh ka dilpui ang che" ka tih hlak chuan nuihzat hmel zet in min en a. Ka kal pel lai chuan lu a lo thing nghut.


Theite chu a khai ta țeuh a, gate pui thleng ka zui a, tun aţang chuan kan inhmu leh mai mai tawh lo ang.

"Inenkawl țha rawh aw, Lengkir lam ah khan va kal vak tawh lo bawk la" ti sup in min ti zim sún a min en pah hian ka lu a lo tuai thuak a.


Gate ah chuan a chhuak a, an huan gate ah a luh dawn chuan lo hawi letin kut min rawn vai zauh a, nui chungin ka lo vai let a. Gate ah a luh bo hnu chuan ka khawhar lawk ngawih ngawih.

🐾

Ka inbual laiin ruah a rawn sur buan buan a. Nileng in boruak a uap chur a, a sur ta chu a lawmawm tak zet.


Darthlalang lian lo te ah chuan ka in en a, mut dawn ah ka taksa ban chuap vangin ka inbual nawn leh ringawt; Ka sam erawh ka su lo, tshirt leh pajama ka inthawlh a, towel a ka hmai hnawm hip ro pah a toilet ațang ka chhuak chiah ka taksa pumpui chu a hîk chhuak nghal vek!



Nilo! Engthil nge thleng hi!


Khum chungah chuan prof Msa a lo țhu run a nih chu! Muang ruih a lo hawi chhuak in a mitmeng rum ul chuan min melh nghal ngur.

Ka tawlh hnung dat a.

"Hello Kitten" ti sup in a țhen suk. A hmel a thinrimna inphum ru rapawm zet chuan ka tiril thlengin a hmet khur nghal vek.

Mangang zetin tlan chhuahna tur ka dap nghal ruai, kawngkharpui lam chu ka melh a, chhunglam ah a lo inkalh vek.



Ka ngaihtuahna chu hrethei ang hrim a thinrim mitmeng sen rum a min rawn melh chuan ka tawm nghal chawi.


"Ka rawn hruai dawn che" ti sup in a ding vut, rapthlak ti zet a melh chuan ka dinna pan chuan muang zetin a rawn pen khup khup a.

"Ka.. ka duh lo"

"Oh yeah, ka rual in i lo haw khawp ang, nge ni a, Jail ah Jordan ka tan tir dawn"


"Jordan..."


"Becki car brake kha a tih chhiat anih thu police hnen ah hrilh ta ila" ngeiawm zet a khi suk chungin phone a lek chhuak a.


Voice record a play nghal zat.

Nilo! Engtin nge a neih theih zawk? Ka taksa chu a sa chhuak pup pup mai hian ka hria!

Record ah chuan Jordan-a nen kan inbiakna chiang zet in a hriat theih. Car brake fail chungchang te.. keiin ka zep pui tur thu ka sawi lai leh i u in a hreve tur a nilo ka tih te chu chiang zet hian a rawn ri a.


"I pasal hi mi â tak ka ni hlei nem" rapawm zet a min khik khum suk in phone chu a kekawr ipte ah a thun leh vut; batroom kawngkhar chu ka hum khur ngawt ngawt.

"Huaibak chhuah lo a min zui a nih chuan Jordan pawh a tang lovang" ti sup chuan chhuat lai ah tak a ding ngur.


Rilruna zetin ka melh ngawt ngawt a, Nuni te sawi kha a lo dik ngei e! A mualpho thup nan kei hi min hruai let a duh.

Ka che thut a; kawngkharpui pan in ka tlan a. Mahse, hnehsawh lutuk in ka dul ah a rawn man hrawk, au pawh ka au chhuak hman lo! Ka kang dawrh a, ka hriat leh hmasak ber chu dimlo baksak in khum chung ah min theh kai dawrh!


"Mitenawm nu" tirim zet a ti tuar in min rawn lawn chilh a. A hmel lan dan chu rapthlak tak ani tawp mai!


Mihring ani tawh pawh in ka hrelo! Mi â, tualthah herh miah lo mirawva zet hi a ang hluah hluah.

"Tlan chhiat i tum nawn leh ngam maw?" ti tuar in ka tukhum chhip sam ah a rawn țham bawrh.


Ka hlau lutuk leh khum ah dimlo zet a min paih kaina ka taksa na lutuk vang a ka kut a lo inveng chuan a ti thinur zual sauh tih hriat zet in ka hrawk ah a rawn rek thut a! Rapthlak ti lutuk a ka meng bial kawk chu nuam tih hmel zetin min nuih nia mawle!

"Professor..." thei leh thei lovin a ban rek ah ka vuan a.


"Eng nge ka sawi kha... i taksa hi midang in an khawih ve tih ka hriat rual in ka phumbo hreh lo che.. ngaihdam min dil aiin tlan chiat i tum nawn leh maw? Reh hlum i phu hluah hluah a sin" thinrim zet a ti sehchilh nawn in rapawm zet in ka hmai silo chauh chuan a lo nui suk.


A mitmeng sen thip rum ah chuan tualthah pawisak loh na ka hmu chiang lutuk, min reh hlum mai hlau zetin ka taksa chu a khur dawt dawt mai.


"Hetiang a nunrawng zet a ka che lai hi i hmuh chak vang a nilawm ni i uire.. uire mai duh tawk lovin sex video tenawm zet in siam bawk...." Ka meng phawk kawk a! A thusawi awmzia hrelo lutuk a ka țawng tur chu a kutphah lian zet in ka kâ a rawn hup hmiah.


"Zan hnih ngawt i hu*bo tawh bawk" min thah chak hmel zet a min melh run tupa mitmeng rapawm zet leh a thusawi mak pui pui te vang chuan ka thidang lo chauh.

Kei hi ka uire maw?

Eng sex video nge a sawi a?

"Min bum in i uire ani thei.. Mahse, engvang teh hrep in nge sex video kher i siam.." ti khur dur dur in ka hrawk chu na zetin a rawn rek bet thut, ka thawk a buai a, ka kâ a hup bet tlat avangin thawm ka siam thei lo.



Thawchham mangang zet a ka melh țawk țawkna leh a ban rek ka hamna chu vawt zet in min nuih let a. Ka hrawk chhung chu a ri ta hrawih hrawih, ka lungphu rang zawih zawih leh vawilehkhat ah a tawp duk rual chuan engkim a thim nghal mup.


Ka thaw kawk a, hnehsawh zet a min reh behna kut pawh a hrang nawlh, khuh țhawt țhawt chungin thawk ka la kawk kawk a. Ka hma a mipa țhingţhi run chuan pawitihna nei miah loin min lo melh run mai.


"Ka chhungte pawh tuithlar huam in ka chelh che... ka dam chhung a a vawi khatna atan ka pa kalh zawngin ka kal phah a sin! Ka chhungte thlauhthlak vek pawh huam a ka hmangaihna ah che hian engvangin nge i lungawi mai loh" natna aw rit zet hian a rawn ti a.



Ka hrawk dawm beh a ka en țawk țawk chuan a hmel lan dan rapawm zet kha natna in a lo thlak leh daih tawh!


"I sawi awmzia ka hrelo.. Ka uire lo!" Ka tih chuan thawk leh khatah a hmel lan dan chu a dang nghal hlawk!
PicsArt_05-21-11.40.46.jpg
PicsArt_05-21-11.40.46.jpg (61.48 KiB) Viewed 19583 times
Ka hrawkah bawk rawn rek leh thut in min phih tho lawp a, ka rilru chuan țanpuitu auh a duh a. Mahse, ruah sur bur bur karah ka au ri hi hnathawktu te chhungkua in lo hre thuai lo tase Malsawmtluanga thinrim tawh laklawh hian ka ringruh a herh tliak nghal rawp ang tih ka chiang lutuk bawk nen hlau thlabar zetin thawm siam ka ngam ngang silo.

"Dawt min la hrilh ngam maw" ti nghut in ka hrawk a thisen zam chu a hmet tawp leh chawt a! Mahse, thaw ri hrawih hrawih chungin a kekawr ipte a zen a. Phone bawk chu ka hmai bul chet ah rawn lek in video a play a.


Video a hmeichhe lo lang ka hmu chiah chu ka khawng vek thei!


Keimah.. engtin nge a nih theih.. ka hmel leh pumrua, sam rawng leh vun rawng nen lam a danglamna neilo hmeichhia leh mipa pakhat duhthawh zet a sex hmang lai chu khap nachang hrelo in ka melh ngawt ngawt!
Show post links
Top
Abbra Reo Ririni
Post May 21st, 2020, 11:49 pm

"I la pha dawn cheu em?" chhuat ah a phone vawm chawrh in khum ah chuan min nam let tawp.

"Khapa z**** nuam ti zet a i țhut t*** ang chiah khan ngahnge tun ah hian i ti ve lo ang" khi suk in ka thuamhnaw inbel lai chu a pawt thler nghal buan buan.


Lo dang a, lo sual let in awmzia a nei dawn lo tih ka hriat tluk zetin ka thil hmuh khan min shock lutuk a, ka â mup thei.


A thil lian zet chu dimlo zet a rawn thun lutin ka hrawk ah a rawn rek bet a. A kawchhung a thinurna te nen chuan dimlo lutuk in chet la nghal zawt zawt! Ka hrawk a rehna chu a ti nghet tulh tulh a, thaw chham a ka tal awr awr chu nuam tih hmel zet a min d** uar sauh in min nuih suk suk.


Ka chuap a boruak a zawh vek hnu ah min rehna chu thlah thut in ka biang a rawn khuap a. "Ngaihdam min dil rawh" a ti țûak.

"Ka duatte, ngaihdam min dil rawh... min phatsan tawh ngailoh tur thu sawi la, ka ngaidam ang che" ti sup sup in a chal sa huam in ka chal a rawn nawr a. A aw chu natna in a delh rit luk zawk kha ani leh tawh.



"Ngaihdam chu min dil rawh Lalhlimpui" thinrim thut in ka hrawk ah bawk a rawn rek leh chawt!


A mitmeng sen rum leh hmel rapawm zet chu ka melh a. Malsawmtluanga nilo in rilru fimlo talbuai zet ka hmachhawn tih ka hre tawh.


"Min ngaidam rawh.." insehruh țeuh hian ka ti țíak. A hmel chu rapthlak khawp in a danglam. A nem deuh ta sawt a. Mahse, ner sawk in lu a thing nghut.


"Ka uire a vangin min ngaidam rawh... chutiang chu i sawi dan tur a ni lo maw?"


Uire miah lo a *ka uire* tih sawi ngai chu a thanat thlak tak zet. Video a hmeichhia kha keimah nen danglamna an awm bawk silo. Engtin nge khatiang video kha prof Msa hian a neih daih theih le...


"Ka thusawi chu i hria em?" vin zet a lo tih tuar rual deuh thaw in ka biang a ri nghal chawrh.

Ka inhumruh fan fan a, dawt in midang ka puh ngailo tluk zet in dawt a inpuh hi na ka ti! Dawt sawi ai chuan thudik vang a mualpho hrep pawh pawi ti ngailo khawp a luhlul ngal ka ni țhin. A tawp ah dikna chu a lo lang chhuak leh hlawl țhin bawk.


Mahse, tun a ka mihring hmachhawn mek hian rilru fim a pu lo tih ka chian tluk zetin a thinrim insumzo lo hian min that hreh dawn lo tih ka chiang bawk.

"Ka phatsan ngailo che.." ka ti a. Na zet a ka hrawk a lo reh leh rual chuan ka mittui a luang thla zawi.

"Mahse, i lungdamna tur anih phawt chuan... ka.. ka uire a vangin min ngaidam rawh.." thaw chham avang a ang chawt chawt chungin ka ti chhuak a, ka rilru nat zia erawh sawifiah ngaihna a awm lo.



"Bawihi" ti sup a ka hmui a rawn fawp tu chu ka mipa hmangaih Malsawmtluanga dik tak zawk kha ani leh tawh.


Ngenngawl lutuk in min fawp ngawng ngawng a, dim zet in ka biang a chul a, ka hmui ațang insawn in ka hrawk min rehna vang a na ut ut chu a rawn fawp kual leh dun dun, a awm dan hian min tihlauthawng tak zet. Second kar lek in a mizia a danglam hlawk hlawk bawk si.



"video ka hmuh rual a thinlung nat zia kha i hrai em?" ti sup in ka nghawng ah hmai phum in a rum hawk mai. Keimah ka niloh zia sawi ka duh a. Mahse, thinrim leh thut in thil pawizawk a tih ka hlauthawng bawk nen inseh ruh fan fan in ka ngawi ngawt ngawt.

Thudik erawh ka zawng chhuak chiang ngawt ang!




Tui zet a prof Msa muhil chu ka en a. Ka taksa ah hian nalo lai a awm lo! Duat zet a min fawh hnu khan a rilru a buai leh thut a, thinrim lutuk a min rek bet in țum hnih ngawt min sual leh! A changin min ben a vang leh duk vek khawp a ka nghawng a rehna vang in ngaihdam min dil thul.


A bulah hian ka awm reng anih chuan a lo harh leh hun ah kut bawk min thlak pahin min sual lui leh mai ang.


Ka kawng a kuahna ban lian zet chu ka dah sawn țhem țhem a, khum ațang ka thawh chhuah pawn a la harh lo. Saruak vek in ka thuamhnaw dahna ka pan a, ka hmuh hmasak sak ka inbel tawp.


A phone leh ka phone chu ka la a, a phone chu ka switch off nghal hmak. Kawngkhar inkalh chu ka pawt thla da da a. Thawm engmah a siam loh vang chuan ka thaw huai.


"Ka uire lo tih fiahna nen kan la inhmachhawn leh dawn nia" ti sap in khum chung a prof Msa muhil chu ka thlir a. Kawngkhar pawh ka nam phui ngam tawh lo.


Gate pui lam ah tlan chhuah ka tum zet a. Mahse, ka awm lo tih a hriat rual in min rawn umzui chuan awlsam zetin min man ang.


Lengkir lam ah kal a, khawvar hma chu biru ila, min zawng a a kal chhuah hlan in engtin tin emaw khawchhung pan dan ka dap chawp tawh mai ang.


Veranda ang reng ațang ka chhukthla chiah chu țeng zet a prof Msa min au tuar ri ka hre ta mai!


Chak lutuk in ka tlan a, ruah a la tla cher cher bawk nen kawng chu a nal in tlan chak a harsa tak zet.

"Mitenawm nu, min tlanbo san theih i inring em ni?" thinrim zet hian ka hnung lawk ah a rawn ti tuar, ka hawi let a! Ka thin chhung chu a sa zawr zawr. Ka hnung lawk ah chak zetin prof Msa chuan min rawn um.



Ka theih ang a chak in zan thim mup hnuai ah chuan ka tlan zel a. Lengkir awmna ka thlen hlawl rual chuan prof Msa pawh a lo thleng ve hlawl!


Leilung chu a thim mup nangin a pumraw lian zet chuan min hnaih hruau hruau a. Tui luang ri hum hum leh Malsawmtluanga thinrim rum dur dur bak thawm dang a awm lo.



"Khawvel tawp rat thleng pawn tlanchhe rawh.. ka umzui zel dawn che" min rawn hnaihchilh buan buan chuan kham hmawr lam ah ka tlan phei rawk rawk!


"Ding rawh! " ka ti tuar.

"Malsawmtluang i lo pen hma leh anih chuan kham ah hian ka zuangthla ang" ti leh tuar in ka thaw hawk hawk.

"Hrep a" ti hrawk in sam a tuai puat a. Kham chu ka zuk bih a. Tui inkhawh thla chak hmel zet var vau bak a hmuh hleitheih loh...


"Ka uire lo.. hrerawh.. ka uire lo... chuan, nang mihring vang teh hrep hian dam thlakhlelhna ka nei tawh lo bawk!"

"Nilo.. chutiang thu chu sawi hlek suh.." min hnaih hrut rual chuan ka tawlh hnung leh hrat a. Pen khat lek a ka hnung tawlh leh anih chuan ka tla tawh ang! Mahse, ka hlau miah lo.


Saw mihring kiang a nung dam a awm reng ai chuan thi daih ila, ka nun a hahdam zawk ang...
InShot_20200521_193409135(1).jpg
InShot_20200521_193409135(1).jpg (74.49 KiB) Viewed 19563 times

"Bawihi, ti hlek suh, i kut kha min pe rawh le.. kut ka thlak che vang khan i thinrim em ni? Ka tihpalh.. aw? Ka tihpalh tak zet! Ka thlen nawn tir tawh lo ang.." ngenngawl zet a a lo tih chuan ka nui hak a.


Nichin lawk pawn ngaihdam min dil tawh. Mahse, a kawchhung a ramhuai awm saw a thunun hneh tawh lo...


"Duatte, i kut kha min pe rawh"

"Hetah hian engkim tawp rawh se" ti halh in ka maimitchhing a. A aw dam thlup vang a ka nem rual deuh thaw in kham sang ațang hian min hruai sawn a nga, kut min thlak leh tho ang!

"No... tisuh, Lalhlimpui" manganna a khat aw rawl lian zet a min au tuar in ka awn riai riai kut ah rawn man a tum a. Khawvel a ka awm chhung reilote a hlimna aia natna hmachhawn tam zawk ka nunna erawh kham sang zet ah ka tlakthlak pui vawn vawn! Tui vawt zet ah ka pil luh bawr a, reilo te hnu ah ka chal a ri chawrh a... ka hringnun zinkawng chauh thlak zet chu a tawp dawn ta!



MSA'S POINT OF VIEW


" Karei!" ti tuar tuar a rawn au chelchul te an awm in ka hria.

"I nam thla maw.. i that, nang hian Lola chu i that.." ka hnung ah rawn chum dawt dawt in tu emaw hian min sawi nawk nawk.


"Kham hel dan hi a awm em?"

"Helna tur a vang khawp mai"

"Lola taksa khu kan la chhuak vat lo anih chuan a thi hman ang.."


"Hepa hian nizan pawn a kut ngei a thah chungchang te a sawi.. a tihlawhtling ta a nih hi" țap hlawp hlawp in min chum nghek nghek.


Ka lungphu chawl duk a rawn chet leh dup dup chuan ka hawi kual a, ka dinna kham hmawr hnung lam ah chuan police leh Bawihi țhiante chu chiai hmel zetin an lo vir buai a. Țap hlawp hlawp a ka kê vuan a min sawi nawk nawk tu chu tudang nilo in Nuni.

"I nam thla... Nunrawng pa... "

"I nupui kham ah i nam thlak vangin man i ni e" police pakhat in kutkawlh a ka ban rawn hling pah a a tih chuan ka thaw hawk!


Bawihi!


Hrep a!

"Che suh.. i nupui kham ațang i nam thlak vangin man i ni tawh" fiak fur a police in a rawn tih leh chuan ka nam leng nawlh. Police pa li zet in min rawn hual bet nghal zat.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » November 4th, 2020, 6:21 am

Chapter 47




Ka mit hmuh lai ngei a kham ațangin Bawihi zuang thla in min țhawn lutuk a vang a ka lungphu leh ngaihtuahna chawl duk a rawn harh chhuah leh meuh chuan inchhirna chhumpui in min zîm mup mup.


Lengkir ri hum hum te... thimchhah mup karah hmeichhe mangang ţap ri te! A pil rei tawh lutuk! tia au tuar tuar thawm te chuan ka lungphu a rawn pump rang dawt dawt a! Min hnawh tawt vek! Awm ngaihna hlawl ka hrelo!

"I nam thla... Lola kha i nam thla"


A sawi dik ang! Keimah teh hrep hian Lalhlimpuii kha zuang thla lo thei lovin ka dang chep a tin ni!

Ka nam thlak a ni!

Pawi khawih tu chu keimah ngei hi ka ni!

"Che suh.. i nupui kham ațang i nam thlak vangin man i ni tawh" tih ri te chuan ka mit hmu a thil thleng zo chiah kha mumang mai a nih loh zia a rawn nem nghet zual sauh! Inchhir luat vang a thinlung ipik zetin ka chhip sam hrawm tawk pah hian ka rum chhuak nghal hrawih.

Ka thluak chu a buai mup a, awm dan tur hlawl ka hrelo, thlan in min rawn bual bawrh bawrh ani ber, Bawihi kham ah a zuangthla! Chutiang thil rapthlak zet chu tilo thei lova nawr lui tu chu keimah ngei hi ka ni! Hun reilote chhung khan pawi ka lova khawh nasa hman teh kher em!


Nazet a ka sam țham leh tawk in ka che leh thut, ka hma ah police pa li ngawt rawn ding nghal khup te chu en in thaza zet hian ka insehruh nghek.

"Min lo dang hlek suh" rilru hmanhmawh vang a thinrim hlur chungin ka ti țhawt. Ka che chhuak leh thut a. Mahse, an pali chuan min rawn chelh bet leh tho a nih chu!

Hmelho phiangsen chu!

"thih in duh em?" Thawk zing phui chur vang a au tuar in an zinga pakhat chu ka hnek let nghal tawp.

"Mai mai che chuan, i nupui kham aţang i nam thlak hnuah tlanchhiat te i tum ngam khanglang elaw?" min rawn hual a. Kan ngaihtuahna in persan lutuk leh rilru beidawng lutuk bawk si chu ka nui chhuak hawk hawk!

Mahse chutia rilru mulehmal pu lo lek a ka nuih lai reng pawh chuan ka ipikna leh hreawn tihna chu rawn zul tulh tulh in ka thluak a buai zual sauh.
Bawihi zuang thla kha rei tak tui chhungah a pil anih ngat chuan thawchham vangin a thi dawn! Tunah te hian tui chhung thuk zet ah a pilbo mek a sin!

"Kutkawl kha bun tir ula, sawlai thingkung ah sawn lova thlung bet rawh u" ti khur khur a police pakhat in a nau te ho a hrilh chuan dawhtheihna tlak chham lutuk vang a thaza zetin min hnaih ber tu police pakhat chu ka hnek let leh nghal tawp. A puakruk pai chu rang zet a chhuhsak in police ho chu ka tin thut a.

"Ka second khat lek pawh min tih khawtlai sak leh anih chuan i thluak bur kha ka thlawh darh ang" ka ti tuar.


Lengkir luang ri hum hum karah chun mipa aw hian "kan la hmu lo... li mawng kan en nawn leh dawn" a tih leh meuh chuan ka chhungril chu hlauthawnna nasa zetin a rawn luh chilh tup tup. Bawihi țhiante lah mangan hmel lutuk in a ţap chhuak hlawp hlawp a.



Thim ipik chu a zual sauh niber hian ka hria.

"An la hmu lo maw? Keichu a thi hman ang tih ka hlau e.. Lalmate, tui chhung ka a vawt awm si, kan lo tlai deuh a ni, min ngaidam rawh aw.." ti a an țhîannu hming lam a an țap ri chuan ka thluak a nghawr nghing leh lawih tawh, ka bing deuh mup a! Minute 5 chhung lek a pil pawn a chuap ah tui a khat a nga!! Nungdam in ka hmu leh tawh lovang!

*ka uire lo..* natna te nen a chau zet a min au khum tu hmeichhia kha li thuk tak ah a la pil bo mek anih chu..

A hmel ah thihna a hlauh loh zia lang chhuak chung a a awn hnung riai riai lai kha chiang lutuk in ka hmu let kuar a! Pawitihna leh inchhiarna rit zetin min delh rih leh chur na vang chuan silai chu paih vutin ka ngaihtuahna buai nuaih ang chiah chuan ka che chhuak thut!



Engthil nge thleng zel tih pawh ka hre mumal lo..

Tui thuk zet leh vawt lutuk ah ka pil vawn vawn tih te, ka beng a tui inchhawk ri hlup hlup leh li thuk lutuk vang a thim mup hnuai ah chuan Bawihi taksa ka zawng mek tih te chu mumang ang ruai in ka hria....

Li thuk zet chhung a lungpui kar a ka thil dap fuh chu ka dap nawn leh ngat!

Bân...

Ka taksa chhung chu a nghing lawih.

Bawihi taksa zawi vek tawh ka hleuh chhuahpui hlawl rual chuan ka thaw kawk kawk! Tui ațang chhuahpui hlawl mahila a chal ațangin thisen a rawn hnam chhuak nghal a! Li kâm a mipui țha hnem zet lo pungkhawm te chuan rang lutuk in min rawn buaipui a, thil thlen hun chhung kha mit khap kar lek ani emaw tih laiin mipui za tel dawn an rawn fuankhawm hman tawh.


"Lalmate!" ti tuar tuar chung a a țhian te'n Bawihi taksa nunna nei tawh lo tih hriat zet a zawi hit vek tawh a rawn bawh rawk rawk lai te chuan thil thleng mek hi hrethiam lo lek a at daih ka chak hluah hluah. Mumang vek nise tihna in ka khat a.


Mahse, tui luang ri hum hum leh mipui phun mur mur te, emergency light eng pup in li thuk zet a chhun dum nguk mai te hian engkim chu a tak ngei a thleng anih zia a ti chiang hle bawk si!
Țîau kam ah ka mut rual te chuan tih mai tur hrelo zetin Bawihi taksa chu ka melh ngut ngut ringawt.

Hetiang hi Lalhlimpui chungah thleng turin ka la dah chhin ngailo! Thih maw? Huh... a thi ang maw?




"A la thaw em? "

"A la thaw em ka tih chu.." ti tuar a na zet a min rawn nam tu chu ka en a. Hlauthawnna nasat zet a hmel ah lang chhuak chungin Nuni chuan min sawi leh nawk nawk.


Chhan ka tum! Ka ngaihtuahna chu a ruak hung

"Ka ngaidam ngailo ang che" ka hmai ah ri zui chawrh, a tha neih zawng zawng sawm khawmin min nam nawk nawk a, Bawihi taksa chu dek ve tlak ka nilo tih te a sawiin ka hria...


" awi, a pil rei tawh lutuk, thawk chhuah tir ru.." mangna a khat hmeichhe au tuar tuar riin Lengkir leh ruam vel chu a khat vek.


"Ramhuaipa! I pawikhawih rapthlak zia hi i hria em?" thinrimna leh natna te nen min au khum tawn tawn in min rawn chum a. Min nam nawk nawk bawk.

"Kalbo rawh... kan țhiannu chung a i thil tih man hi i la hmu ang.. en teh, hmeichhe khawngaihthlak zet chung a i thil tih rapthlak zia hi" Bawihi taksa zawi vek chu kawk in khur dawt dawt hian Nuni chu a rawn au leh tuar tuar.


"Reh hlum i tum a.. a thi thei silo kha kham ah hian i paithla leh zel a maw? I va nunrawng em em ve.. a hrawk leh hmai a i kutthlakna hnuhma te hi engtin nge i sawifiah dawn.."

Sawi tur hlawl ka hrelo! Ka thluak te chu a â mup. Bawihi hrawk duk chur te chu hmuh a hreawm hluah hluah, sawtiang thil saw ka tih ngei chu ani bawk si!


Tu pawh chuan tualthat tu leh thi ve nghal tlak melh in min melh vek! Bawihi chu va hnaih ka tum lahin huatna mitmeng kha zet a min en in a țhiante chuan ka khawih ve pawh an phal tawh lo!!!

Ka sam huh hnuang chu tuai chho puat in ka rum chhuak kawk;

"Ka.. ka nupui kha a thi thei lo" ti chhuak sup in pan hnaih ka tum vut, a thi theilo tak zet!

"I nupui a ni tawh lo!"

"Chutiang thil sawi hlek suh" ka ti țhawt! Mahse, Nuni chu a nui hak a.

A nui hmel a min huatna nasa lo langve chuan thil tam tak min hriat chhuah tir zut zut!

"I nupui a ni tawh lo . Hre reng rawh.. tun dinhmun a a awm chhan pawh hi nangmah vang teh hrep hi ani tih hria la, i kut hmawr pawh in rawn tawk ve tawh suh" a țap zui hlawp hlawp.

Keimah vang ani tih ka chian em vang chuan insehruh țeuh in ka inhum khur ngawt ngawt





"I kut ngei a thah chungchang i sawi lai khan i tih tak tak ka ring lo a sin.. mahse...." insut hlawp hlawp chungin min en a.

"He hmeichhe khawngaih thlak zetin a lo hmangaih che hi chu khawvel a thil pawi ber a ni... a hringnun ah i lo lang ve kher te, amah hmangaihtu leh ngaihsaktu i ni emaw tia i lakah rinna pumhlum nghat a i angchhungah a lo tlu lut ta mai te kha khawvel a thil pawi tawpkhawk ber ani! Nang chuan a nun tihchhiatsak vek bak engmah tih i nei silo.... a nghawng a rehna hnuhma te... A hmai benna vang a duk vek te hi Lola hian a phu in i hria em?" a ti a, min uire sanna vang a ka thinrim lutuk leh thinlung na lutukin thawk pawh thaw thei lova ka reh nghek lai a Bawihi mitmeng thlaphang zet mai kha ka hmu let leh kuar.



Thlam chhung ah khan a changin ngaihdam na thinlung ka pu a, thawk leh khatah tualthah chakna in ka tuihal leh lawi si! Kei ngei pawh hian ka chet dan kha hriat a lawi ka neilo! Ka tih ngei ani ang tih erawh ka chiang! Min uire sanna leh sex video teh hrep khan min țhawngna teh thlawt em a! Video ka dawn ni ațang phei kha chuan ka ngaihtuahna leh nitin hun hman dan kha ka hrelo tawp tawp zel!

"Zahngai la, i thah tum taksa tal saw chu i kut hmawr pawn khawih ve tawh suh!" Min huatna nen a min melh in a rawn ti sehchilh nawk.

Țap hlawp hlawp chung a Bawihi an bawisawmna lam a pan phei lai te chuan â mup in ka ding ngawi reng.



"... maw.. a marphu.. a marphu a awm tawh lo maw?" ti a mangan zet a au ri vang chuan lei ah ka țhu hnawk.

"Lalmate.. a theih loh, a theih lo.. khawngaih in eng emaw tal ti r'u..."





Hun te chu a ding țhup mai hian ka hria. Thawk chhuah tir tum a Bawihi awmah an nam mawlh mawlh lai chuan inchhirna a khat ka thinlung chu a rum kawk kawk.

"A pasal kha a lo tlanbo a nge, kutkawl bun tir ula, thahna ah hruai rawh u"


Police in ka kut an rawn hnung khirh mawlh mawlh a, bawihsawm tu te kar ațang nunna nei tawh lo ang mai Bawihi taksa zawi ngiai chu ka hmu thei a, a vun chu tui vawt zet ah a awm rei lutuk vangin a dang var béi a, a hmui dukte, kut ka thlakna vang in a biang leh hrawk a duk ruih a, mahni nunna la duh tur khawp a beidawng leh na in ka siam ani tih ka hriatchhuah meuh chuan engkim a tlai zo vek tawh!




Min phih tho lawp a, Bawihi chu ka melh țawk țawk, a hrawk duk kual ruih leh a biang duk chur te chuan thihpui tham khawp a na min vilh ngut ngut! Min uire san vang a ka thinrim khawhmu lo khan hetiang tak a nasa hian ka lo sawisa chu a nia!



Tualthah tum ah min ngaih miau vangin police leh mipui rawn pungkhawm țhahnem zet in kut min thlak a, nâ ka hrelo! Bawihi marphu an hmu tawh lo tih ngawt chu min khawih rawn lai pawn ka thluak ah a ri tluk tluk. Ka hmeichhe hmangaih ber nunna chu ka tihtawp sak!

"Hetiang mihring nunrawng lutuk hi him pial a chhuah loh tur" ti bul bul chungin ka taksa chu a ri chawrh chawrh, ka rilru chawmawlh lutuk leh inchhirna vang a ka thinlung rum tlawk tlawk bak engmah hriat ka neilo! Tihluihna in Bawihi chanchin kimchang ka hriat ve hma in min hruai hrang ta daih.

InShot_20200523_182838646.jpg
InShot_20200523_182838646.jpg (71.12 KiB) Viewed 30774 times

Ngaihtuahna buai zet in ka thaw chhuak hawlh hawlh reng a! Ka thinlung chu a ipik a, inchhiarna chhumpui chhah zetin ka chhehvel chu thawk lak harsa khawp in a rawn zîm tuau tuau a! Bawihi kha a thi nge a dam tih ka hre zui hauh silo! Lung zîm mup chung in Jail chhung ah chuan ka vei tawn chhen, a chang leh beidawng lutuk in ka rum chhuak a. Thim in min tuam ani ber!

"Thi suh, thi miah suh.. hremna min pe tur talin tuar chhuak rawh" ti chhuak sup sup in ka vanvadak a.


*Hetah hian engkim tawp rawh se* khawvel ah beisei tur a nei tawh hlawl lo tih hriat zet a mit a chhing lai kha ching fahran in a rawn lang uar... ka kut kha chelh ka tum a! Ka tlai a nih kha!


Hrep a!


Cement bang chu chum bur in ka tauh chawrh chawrh! A kut kha ka chelh hman lo... mahni hmangaihte kut pawh chelh nghet zo lo chu eng ang mi nge ni ngai!

*a marphu a awm tawh lo maw?* Lengkir tui inkhawh thla hum hum kar kha ka thlarau chu hnutchhiah a awm in, Bawihi chung a ka chet dan nunrawng zet te khan an nghaisa luai luai niber in ka hria.


Na ngut ngut siin ka lungphu chu an ri dawt dawt a, pawitihna leh inchhir lutuk vang a tisenzam pawng chhuak țawlh țawlhin ka taksa chu a sa chhuak vek... ka thinlung chu a rum a, Bawihi hmel chiang zet a ka hmuh leh chuan a lakah inchhir lutuk vangin ka mittui a rawn luang chhuak hial bawk! Țah chhuah vak a, au nghek ka chak hluah hluah, chu tal pawh chu ka pawikhawih lian tham lutuk vang a hremna ka dawn vangin ka ti thei chuang lo!




/


*Ka uire a vangin min ngaiam rawh... chutiang chu i sawi dan tur a ni lo maw?* thinlung kehsawm vek a min huatna te nen a min melh tu thusawi chuan min tina ngawih ngawih.



"Ka uire lo, keihi ka uire lo.. kan chhungkaw keh darh vek phahna leh ka nu nunna in a tawrh phahna khawp a thil sual rapthlak hi kei hian ka thlen tir ve lul lo.." min puhna chu na ka tih em vang a thinlung na zetin ka ti a. Ka mittui a luang zawih zawih bawk.




"hmeichhe chhel tak i nih kha, lo harh chhuak vat rawh" ti sup a ka bek a mittui luang thla lo fawp tu hmui lum chu ka la hriat ngailoh ani.

"Lola, harh chhuak tawh rawh" ti nawn leh sup in ka bekah bawk a rawn nawr tawk, ka hriat ngailoh lumna nimahse ka hahdampui ngawih ngawih.





Ka meng chhuak riai riai a, phe ruai in eng lo lut chu ka hmu a, mit chhing leh in ka thluak leh taksa ngawng chuah chuah chu tih harh ka tuma; mit ka men nawn leh chuan ka khawhmuh pawh a fiah ta deuh.




Khawl kîu ri leh thawm ri vung vung ka hre hmasa ber. Ka mitmu chu chet kual in ka awmna hmun chu ka en kual a, ka hriat ngailoh pindan chhung tih zawng ka hmu thiam.

"Awi! Lalmate i lo harh tawh maw?" awilohna leh hlimna inpawlh tel nawk aw ri ka hriat rual chuan Nuni hmel a rawn lang hlawl a. Kimkima leh Remremi te pawh an rawn lang nghal zat.



"Mit a rawn meng tawh, a va lawmawm em? Lalmate, min hrethei em?" mittui tling khat vek chungin ka biang an rawn khawih a, țah insum tih hriat zet a min en ngawih ngawih chu hrethiam lo zet in ka en let hu ringawt.

"Kimkim doctor va ko rawh" Nuni chuan a ti a, ka biang ah lo chul leh thuak in Kimkima chu a tlan chhuak nghal a.


Reilote hnu ah Doctor leh nurse te nen an rawn let a, in min rawn check a, ngaihțhat hmel zet a lu bu nghut nghut in khawl țhenkhat chu a laksawn theih thu nurse te a hrilh a, an che nghal zung zung, ka țhiante pathum erawh in mitthi tho leh ang mai hian min en in ka hria! Hlim bawk si, awi loh hmel pu chung siin an inkuah khawm a, an awm dan hrethiam lo zet a ka en na chu an nuihpui a, an țap tel tho bawk!


"Hei hi eng zat nge?" A kutzungțang pathum ti pir pahin Doctor chuan a ti sup. Engzawhna nge maw ni ngai le.

"Pathum"
A bu nghut a.
"Anih hei hi.."

"Pakhat" nui sakin ka dar ah kut a rawn nghat a.
"Awm hahdam la, nakin deuh ah test kan nei dawn nia.. i rawn harh chhuak leh chu a lawmawm hle mai, i țhiante hian nikhat lek pawh an thlahthlam miah lo che a nia" ti leh sup in ka țhiante pathum chu va melh thuak in min nuih a.




Doctor chhuah hnu chuan ka țhiante pathum chu khum tlang ah leh chair ah te lo țhu hnaiin min han thlek vang vang a.

"U Hriatpuia pawh i harh tih kan hrilh a, a lo thleng țep ang. Darkar khat kal ta khan chawl hahdam turin kan hrilh a, a haw deuh chiah mawle.."


Ka bu nghat ringawt.

"Awi! Lalmate ka lawm e, kar hnih chhung khan vawi khatmah i lo harh bawk silo a, kan mangang hman a lawm" Kimkima chuan min kuah chung chung chak hmel zet hian a ti a.

"Kar hnih chhung ka harh chhuak lo a maw!"

"Aw, kan hlauthawn hman zia chu!!! Social media lamah lah Prof Msa nen inchungchang hlir an khel a, țhenkhat in i thi an lo ti thul.."

"Prof Msa..." ka tih ve sep rual chuan ka chhungril hi hlauhna nasa zetin a rawn tuam a, khawl ang a chakin Lengkir bul a thil thleng te leh kha zan kut min thlak lai te, min sual luih lai te kha a rawn lang nghal zut zut!

Ka taksa pum chu a vawt hit nghal vek ni mai hian ka hria.

"Police kutah a la awm, tuman an be țawng zo lo" Nuni chu ka melh zeuh a.

"Kan tihpalh lutuk aw, kan rawn tlai hret a... Ruah sur lai khan huan hnathawk tu in i hlauh leh hlauh loh lo zawh che tum in i riahna thlam kawngkhar kha a rawn sawi a.." a tih lai chuan ka ip nghal chawi.


Prof Msa'n ka kâ a hup bet a! Thawm ka siam anih chuan keimah mai nilo huan enkawltu te chhungkua pawh a thah vek hreh loh thu a sawi miau vangin engmah ti ngam lovin ka tuar tlawk tlawk a nih kha!!


"..... i chhang thei silo a, a tir chuan i mut ngheh vang ah ngaiin a let san leh che a. Mahse, ruah hán (ban) deuh hnu ah gate pui a inkalh țha ngei em tih a va ennawn leh khan gate pawn ah bolero inhung reng a va hmu ta a... ngaihțhat lohna pawh a la nei chuang lo. Mahse, keimah i chanchin ngaichangin ka rawn call a, tah chuan bolero a hmuh thu chu a sawi tel satliah a. Mahse, prof Msa bak anih ka ring ta lo a, a țawngkam hman duh dan te ka ngaihtuah let leh in hnathawk tu inkawngkhar a lo sawi a, i chhang miah lo te khan thil maksak pui pui min ngaihtuah kual tir a, police pun in kan rawn kal ta tawp... kha ai khan lo thleng hma hret ila chuan kham ah khan a nam thla miah lo ang che, Lengkir pan a um lai che kha kan rawn hmu hman a lawm. Mahse, kan rawn thlen ve meuh chuan..." sawi zo thei lovin a thaw kawk a!


Kei ngei pawh engkim kha chiang zet in ka la feel let vek theih vangin ka thawk a chham ti tih der!


"I hlau ngawt ang, a nam thlakna che kha a sang si! I thih lo kha a mak a sin! Tui chhung ah khan i pil rei lutuk! Tui a lian in a vawt bawk si... kha ramhuaipa kha i lo harh chhuak tawh bawk a, damchhung a tan tir dan kan ngaihtuah dawn nia" thinrim zet hian a ti sehchilh nawk nawk.


"Kham ah khan min nam thla hleinem!" ka tih chuan ramhuai an hmu ta mai emaw tih tur khawp a phawk in min melh kawk mai!


"Lalmate..."

"Min nam thla lo, ka zuang thla alawm" ti sep in mit ka chhing a. An pathum chuan an reh tlawk tlawk.

"Mahse, prof Msa pawn a pha hleinem, ka tih awmzia chu kut a thlak che a.. kan hmuh tirh che phei chuan i nghawng kha a duk kual vek, i hmai te nen... i taksa dang pawh..'' țah chhuak zetin ka insehruh nghek ringawt.

"I hrawk a rehna hnuhma te kha amah tih vek tih kan hria, kham ah khan nam thla lo che mahse tuar tir ve rawh! A nunrawng e mai, court ah a chungthu ngaihtuah tur a nia , i harh chhuah rih loh vangin Jail ah an la khung rih.."


"Court.." ti sep a ka men chuan an lo thaw hak a.




Kha zan a thil thlengin mipui a țhawn nasat zia te leh vawiin ni thleng a social media a an chaw tui ber kan la nih thu te, prof Msa phei chu a hna ațang a bang tur a tihna te leh na tak tak a a chungchang khel rawn a nih thu te an sawi a! Tupawn Lengkir sang zet ațang a kut a thlak hrep hnu a nupui ruk thar a nam thla thei kha rapthlak an ti vek!




An lo rin ang a mipa zahawm leh puitling a nih loh chu mak an tih tluk zetin diriamna a tawk nasa tih te an sawi a, post țhenkhat min en tir an tum chuan ka en ngam tlat lo!





Diktak chuan min rehhlum a tum vang te, min benna te leh sual luihna te vang khan ka hua a, dam ka thlakhlehna te an bo vek anih kha! Chu chu remchang ah la in prof Msa ngei pawn a pha bawk silo nen kham ațang min nam thla tiin rei tak chhung jail ah ka tan tir thei reng... mahse, zuan thlak kha ka duhthlanna ani a. Ka nun beidawng lutuk leh beisei tur awm tawh lo vang a thih thlang ka ni! Vanduai thlak ka ti dawn nge... thi lovin ka harh chhuak leh tho a! Ka nunna lak ka tum vang a midangin hremna an tawrh daih kha ka duhlo! Aman ka nun a tih hremawm lutuk vang a intihhlum tum nimahila a nam thlak ka ni miau lo!






"Ka pa a lo kal ve țhin em?" Prof Msa chungchang ngawt hriat duh lovin thil dang ka sawi ta daih.





"Ughg, aw, kal țhin e, a ngaihtuah lutuk che a lawm... " Remremi chuan a lo ti thuai a. Mahse, a thusawi chu amah ngei pawn a awi bik chai lovang.




"Jordan phei chuan kar hmasa chhung zawng khan a awm chilh chawt che a. Mahse, a mawhphurhna a lian tham tawh sia, tunkar ațang kha chu hna a khawih ve leh tawh a, i harh tih kan hrilh tawh a, a lo lang ve țep ang"



"Ka hmu chak tawh reuh" ka ti sep a.




"A lawm ngawt ang, a ngaihtuah lutuk che kha hmuh a hreawm zawk.. e, Kimbawihi nen khan an innei leh dawn lo te an tiin ka hria"




"Maw?"



"Ka chiang biklo.. ka hrethiam teh nuaih lo e, Kimbawihi erawh in thlah a tum loh hmel khawp mai. Jordan hian ngaihsakna chetemah a nei tawh pawn ka hrelo!" A ti leh a.



Ka harh chhuah loh chhungin thil thleng a lo va tam hman em ka ti rilru a, Jordan chu ka la bia ang! Chutiang ngawt a inhual na a neihpui tawh nen an inzawmna tihchah ngawt chu thil dik pawh a nilo



"A u Jail ah a tang bawk sia, an chhungkua chu an mualpho ve khawp mai" thawk ip tlat in ka inhum ruh leh nghek tawh!.





Sex video a keimah ang zet hmeichhe chungchang kha chu ka pa lo kal hun a zawhfiah ah tiin ka sawi chhuak ta lo.





"E! Lalmate, kha, Zodika nen khan in lo inhre reng elaw, awi, a chhelo rapthlak si" Kimkima'n a lo tih tak duaih ah chuan mak ti zet hian ka en a.



"Zodika maw?"



"Awi! Enteh, a ngaihtuah zia che kha hmu ve mahla" a ti a, kut thing nawk nawk in an thaw leh hak phawt a, Nuni te pahnih chuan an lo nuih tet tet.



"A cool si, pro Pastor tur a ni leh nghal, a rawn tlawh awl lo che a, a lo kal apiang in rose par a lo keng ziah leh nghal, hei pawh hi tukin a a lo ken sak che a nih hi" ti pah in khum bul dawhkan sang a rose parsen nalh zet inkhawi chu a ban a.



Mak ti fe hian ka lo en reng ringawt. Ani kha chu Ngopa ah a haw daih tawh lo em ni?




"Engtin nge in lo inhriat hman a, a number pawh min pe; i chanchin a lo ngaihven ve reng a, tukin khan a chhungte'n an lo chah nasa ve tawh si a, Ngopa ah a haw chho ta anih kha, a kal hma in a rawn tlawh hram che mawle.." ler zet a meng kual chungin a ti lawng lawng a.




Rose par chu nui var var in ka hmai in ka nawr a, pangpar hi ka la dawng ngai miah lo.



"Ngopa ah a haw daih tawh emaw ka tia.."



"Haw lo, thil thlen zan khan khawpui hi in luah khat nghal vek, Zodika pawn a lo hria a, hospital kan luh hnu ah a lo kal nghal a lawm.." phur zet hian a ti a. Nuni te pawh Kimkima phur lutuk vang chuan an nui an nui mai.




/





"Ka naute" ti sup a u Mama'n a awm lum nuam zet ah min kuah khawm hlu hlu meuh chuan ka țah a rawn chhuak ut ut.




"I lo harh tawh dawn lo emaw kan ti hman a lawm" ti leh sup in ka bekah a fawp a, chumi rual chuan ka mumang emaw ni a ka bek a mittui luang lo fawp tu kha ka hre chuak nghal zawk.





Ka u rual in ka pa pawh a lo kal ve a, Becki pawh damdawi in ațangin a lo chhuak tawh a. Amah in a chetsawn theih vang loh vangin Muani'n a awmpui a, a lo kal ve thei rih lo tih a sawi sup a.






Ka u chuan duat zetin ka sam a chul hluau hluau reng a, min chan tawh mai dawn emaw a tih vang a an lo hlauthawn zia thu a sawi lai te chuan ka pa chu ka mit sirin ka en țhin a. Ka harh chhuah lawk loh vangin a talbuai ve pawn ka hrelo.





"Pa, phirpui ka nei em?" ka tih chhuah phawng chuan ka pa chuan min en deuh dawrh a.




"Neih awm ka hrelo... ngatinge nia?"




Ka u leh ka țhiante pawh chuan mak tih hmel zetin min en a, phir pui ka neih siloh chuan video a hmeichhia kha tunge nita ang le? Kan inang tak zet!





"Mate.." ti sup a ka u in ka darah a lo vawn chuan tawite a nuih in ka thaw chhuak hak a.






Ka thil hriat ang ang chu ka hrilh ta vek; Prof Msa'n video leh thlalak a dawn thu te, kei ngei pawn video a hmeichhia chu ka hmu ve a, kan danglamna ka hmu lo tih ka sawi chuan mak an tih hmel kher mai!






Prof Msa sawi kha a dik anih chuan video a dawn ațang a inthlak danglam vek! Ka uire san emaw a ti a.. a thinlung ka tih nat zia a sawi lai a a rum ri kha ka bengah hian a la cham reng bawk.





"I pian zan kha vanduaina a thleng nasa lutuk a, damdawi in hnathawk te pawh kha an talbuai ani ber, i nu in thisa a nau a hrin hnu lawk ah.. aa, tikhan i nu a rawn lum lut a, raicheh in a boral ve leh nghal a, tute pawh kha an talbuai tlang ani ber ang chu... doctor kha chu nangmah chiah hi kan enkawl tur khan min sawi hmuh a, i nu khan phir nge a hrin nangmah chiah tih a sawi tel hauh lo" a ti churh churh a.





Ka hriat duh tak ka hriat tak loh vang nge ka thaw ham ham ringawt.






Test te kan han nei leh a, ka harh chhuah lawk loh chhan kha doctor te pawn sawi fak tur an hrelo! Ka lu ah hliam chu ka tuar ngei a, li thuk zet ah force na lutuk a ka tlak luh rual khan lung ah ka intauh. Mahse, kha khan luruh khî leh hliampui dang min siam em lo.







"I ti thei ang maw?" Min ngaihtuah hmel zet in ka u chuan min en a. Nuih lui in lu ka bu nghat.





Damdawi in kawr chungah chuan ka kawrlum min hak thuah tir a. Jail a prof Msa tang hmu turin kan kal dawn.




Ka hrahchhuah ațang ni 2 a liam leh tawh a. Damdawi in ațangin ka chhuak theih rih lo nangin, thudik lo hmang a prof Msa'n Jail a tan reng hi a dik ka tilo, min mawlh run a, police hnen ah thudik ka sawi a nga, chhuah an rem tih chuan a chhuah theih mai ka beisei.





"... uire na in a mi den a nat zia chu ka tawng ve tawh a, a rapthlak tih bak sawi chiam dan ka hre lo! Kei ngei pawn Melo-i kha thah daih hial ka chak rum rum. A chhungte khan la hrang vat lo pheise chuan ka sat hlum duh hial ang. Msa pawn video a dawng si a, uirena kaihnawih anih tawh chuan puitling tak a engkim ngaihtuah fim a harsa tih hrechiang ber tu ka ni... video a hmeichhia kha nangmah nilo mahla nang pawn indanglamna hmuh tur i hrelo anih chuan i pasal tan phei chuan rin tawp loh chu tih theih a vang viau ang... kut a thlak che a, a sawisa che kha a dik ka tilo! Ka farnu kut a thlak vang pawn a lakah ka lungawi lo tak zet! Mahse, a dinhmun ah inchan a, a rilru kehsawm dan tur ngaihtuahpui chuan hriatthiamna thui tak ka nei lawi! Ngaidam a, in inneih zui leh zui loh chu i thuthlukna ni rawh se.." tiin ka u in nizan khan min hrilh a.





Nikhawhrelo a ka awm chhung khan prof Msa hmu turin Jail ah a lo han tlawh fo a. Mahse, a be țawng zo lo. Tui sik tak ngial pawh in lovin leh amah leh amah intina zawng hlirin a khawsa a, Jail chhung ah an dah luh ațang tumah in a be țawng tawh lo tih te chu kalkawng ah min hrilh mual mual a.




Police station kan hnaih tulh tulh a. Khami zan a prof Msa chetphung rapthlak lutuk leh a mize inthlakthleng thut thut vang a rilru buai ang a a khawsa kual vel ka mitthla let phei chuan min hmuh hun ah kut min lo thlak hrep mai hluahna hian ka khat a!




Ka chhungril chu a khur dar dar, let leh daih mai duhna hian ka khat bawk.



Rilru mumal pawh pu hleithei lo chuan hma lam ka melh ngawt ngawt.


Ka u pawh chuan biak vak chi ka nilo tih hria in ngawi reng hian motor chu a khalh a.




Engtin nge prof Msa khan ka hmel ang tak te sex video kha a dawn ngawt theih?



Tu pek nge ni ang?


A pe tu chuan engvang a pe nge a nih?

Prof Msa'n video kha a hmu a nih chuan keimah emaw tiin uire ngaihin min ngai nghal dawn tih a hriatsa vek ka ring! Chuthil chu a duh leh tum ber pawh a lo ni thei.



Prof Msa nen kan ințhen rual a hlawkna lo tel thei an awm em?

Pa Saia.

A ni khan a fapa nupui a tan min duh ngai hauh lo! Thinrim engphiar in Malsawma ngeiin in ațangin min hnawhchhuah tur thu a sawi hial tawh bawk.

Heng thil zawng zawng phen a mi hi Pa Saia vek ani thei mai a ngem? tih vel chu lungphu sa bulh bulh chung hian ka ngaihtuah ngut ngut a.




Prof Msa video thawntu khan chiang takin video a hmeichhia kha a hre ngei bawk ang! Chumi hnen ațang vek chuan rapthlak khawp a ka hmel an pui nen khan inzawmna kan nei em tih pawh ka hriat theih ka ring.


Ka tih hmasa ber tur chu prof Msa hnen a sex video thawntu kha a rang thei ang ber a zawn chhuah a, video a hmeichhia kha tu chiah nge a nih tih chhui zui; khawvel ah hian sawifiah hleih theih loh khawp a hmai tlang in ang tak tak an tam tawh. Mizo te ah pawh thisen inzawmna nei miah lo. Mahse, in ang em em si sawi tur an awm nual. Chutiang a ka an pui mai mai chung nge nia ang, ka phirpui tih hriat chuah ka duh tak zet!

Mit ka chhing a, chiang zetin kha zan a video min en tir laia prof Msa hmel a natna lo lang chhuak kha ka la hmu let thei!



Thinlung kehsawm ve tih hriat zetin min rum khum a, na a tih zia a sawi thlawt bawk a nih kha!



"Mate"


Phu nghek in chik fê a min lo melh tu chu ka en dawrh.
"I țha em?" ka darah a kutphah lian zet a lo hmer pah chuan a ti leh sup.


Ka thaw hak a, lu ka bu nghat.


station kawtah car a lo ding tawh a, ni sa țang ut in station kawt a motor inhung darthlalang a chhun tlet sur te chuan rilru nawm loh na nasa zet min thlen in ka lungphu chu a rang nghal dawt dawt.



Ka hriatthiam loh engthil enaw hian min mawlh tlat a, ka thlan deuh hluam bawk.

"I duh chuan keimah in police te chu ka dawr thei tho a nia. Ka hruai let leh mai ang che aw" ka sam tla lo hui sawn pah chuan a ti a.

"I hmel lan dan hi a țha miah lo, thi dang mai tur hmel i pu.." ti sup a mit zîm sun a min en chuan tawite hian ka nuih lui a.


"Nangmah a police i hmachhawn chuan thu min zawt fiah turin an lo kal leh dawn tho a sia... ka țha" thaw hak in Police station nelawm loh zet chu ka melh a.


"Ka ti thei ang" ti leh halh in ka kut cher zet chuan seat belt ka hmet phelh a. Ka u chu a chhuak nghal vut.


Ka insangmar țeuh a.



kham sang zet hlauhawm zia ngaihtuah thiam lo lek a min ching rethei a; nung dam a awm aia thihna țíhbaiawm zet thlan awm zawk hial khawp a min ngaihtirtu mihring ka hmawchhawn leh tur chuan ka chhung lam hi khawsik tur ang maiin a rawn țham ur ur thei mai lawm.


Motor hunna ațang in station chu kê in kan pan leh a, sex video kha darh ta se mi zawng zawng in keimah emaw tiin ka mualpho viau ang tih thleng in ka ngaihtuahna chu a kal bing leh ngut ngut tawh.


"Lola..."

Kan ding dat a, ka darah ka u in min rawn kuah a, aw lo chhuahna lam ka en phei chuan ka thaw chhuak hak mai.

Rsa leh Jacob te chu kan unau lo dinna lam pan chuan an rawn kal phei a. Prof Msa țhiante ngei ka beisei loh lutuk a ka hmu thut chu ka hamhaih vek hian ka hria.



"I țha zel maw?" ti sup in kan bul ah an rawn ding nghal khup.

"Ummm"

"Thil thleng vel hi a zialo khawp mai, nanglah nikhawhrelo in i awm zui ta reng sia... mang in ti ang dun khawp mai" Rsa vek chuan ti churh in ipik hmel zet hian a thaw hawk


An pahnih hmel chu ka en a, mut mu hmu țha lo tih hriat zetin an hmel te chu a thîm khup a, a sawi ang tak takin mangang a talbuai hrep hmel hi an pu.


"Msa-a chu eng nge a an a?" Ka u in a ti ta hlauh.

"a la ngai, kan be țawng zo bawk silo, tukin pawn anu eitur siam kan ken sak a, melh pawh a lo melh duh lo! A awm dan hi a mangan thlak em a ni!" ti hulh ipik hmel zetin a kutphah lian zet chuan hmai a tuai nghal puat.



"Lola, nangtal chuan thudik sawi chhuak hram teh aw.... Mipuiin an diriamna zozai pawh hi a rapthlak lutuk, i lakah tih dikloh tam tak chu a nei ang tih ka hria! Chungchu ngaidam rawh ka ti hauh lo! Mahse, kan țhianpa hian kham ațangin a nam thlalo che tih tal chu sawi chhuak ang hram teh! A nam thla lo che tih ka chian lutuk zetin ngangpawn i chiang tih ka hria. Marawh chu Malsawma rilru buai sawn a nam thlak i ni ah a ngai tlat a, i hmel a hmuh hun chuan țawng chhuah nachang te pawh a hre ve tawh mahna, kha zan a in nupa inkara thil thleng kha engmah kan hriatpui ve lo che u, i hriat a tan ka duh erawh i chung a a thil tih vang khan saw mihring saw a inchhir hlum lo chauh tih leh a rilru lam thlengin a nghawng tih tal hria la, thudik zep țhen lovin engkim sawi chhuak ang che... i duh leh i chung a a tihsual dangte vang chuan case ziak lut rawh, kan dang lo ang che... thudiklo vang a mipui in an dem rawn luai luai erawh hriat a hreawm e mai" a țhianpa tan a thanat hmel zet hian a ti hawk a!


A ipik zia leh dawt hmang a an țhianpa an sawichhe luai luai mai ná a tihpui zia chu patling țhankin tawh nimahse thup ngaihna a hre bik hlawl lo ani mahna!


Ngenngawl zet a min en tlawk tlawk in a thaw hulh hulh mai.


Kan kalsan dawn thleng pawh chuan 'thudik sawi hram teh aw' ti ang hrim hian min en zui a.

"Jail ah Msa an dah luh zan ațang khan station ah hian an tal deuh tawp tawh, nang lah thudik sawi turin i harh chhuak thei bawk silo a. Kan tan tak pawh a nuam lo, tihhlum tum che a kham ațang a nam thlak i lo nilo leh zel bawk nen tunah chuan boruak rit lutuk pawh a ziaawm tawh tur ah ngai ang" ka u chuan a ti nghut.






/

Ka hma Police officer hmel nelawm loh zet chu melh in ka kut thlah huh dap chu ka hum tawmin ka ti pharh sek a. Ka thusawi chu uluk fê a ngaithla in min melh run, police pakhat in ka thusawi apiang chu lehkha phek ah a ziak lut zung zung bawk.



Kham ațang khan prof Msa nam thlak ka nilo tih ka sawi lai chuan report ziak tu police chuan awi loh hmel zetin min rawn en phawk kawk a.


"Mami, vau tu i nei em?" venthawn hmel zet a Officer Carlos-a melh zawk pah chuan a rawn ti hlawl.

Lu ka thing nghat a. Officer Carlos-a hmel ah erawh mak tihna a lang chhuak ve lo! Prof Msa tih a ringlo sa hrim hrim te pawh ani mahna.


"Mipui thinrim lungawi lo hian i thusawi hi an ring miah lo ang. Vau tu i nei anih chuan Police lamin hma kan la nghal thei a nia" report ziaktu bawk chuan a ti leh nghut.

"Thudik a lawm ka sawi..." ka ti a, min ringngam chiah lo hmel pu chungin a thaw ta huai ringawt.


"... umm, Kham ațang Malsawma'n a nam thla lo che. Mahse, i hrawk a rehna hnuhma leh i hmai a kut thlakna duk te kha a tih ngei a nih chuan case dang pawh i file leh thei tho" officer Carlos-a chuan a rawn ti ta nghut.


Police pa kut aţang chuan report ziahna lehkha chu a la vut a. Dawhkan ah dah thlawp in min en nghal run.

"Aih, report siam vel kha ka mamawh lo!" Ka u in nghet zetin ka kut a rawn hum nghal zat.


Police officer room ah kan awm lai chuan police pakhat a lo lut a.



"Sir, mi tang chu i sawi ang khan rawn hruai chhuah kan tum a, awmzia a awm lo" a rawn ti.


Officer Carlos-a chuan min melh zawk a. Mahse, rei min en lovin kawngkhar a police chu a buk khum nghut ringawt.


"Nangmah ngeiin i pasal chu va hmu la a fin thlak zawkin ka ring" ti sup a kan unau a min en thuak chuan ka taksa pum pui chu a sa chhuak leh vek tawh!


Hman zan a rilru buai ang mai a chet dan kha ka hmu let zut zut a! Pawisak nei lo zet a min rek ngawt ngawt chung a vawt zet a min nuih lai hmel te!


"Duatte" ti chung a ngaihdam min dil hnu lawkah lungdam lo tih hriat zet a min beng leh chawrh mai te kha ka thisen hian a la theinghilh reng reng lo!


"Ka hruai ang che u" ti nghut in police officer chu a ding vut.

Chiaia zetin ka u chu ka en a, lu a lo buk nghut chuan ka hreh lutuk vangin ka thidang lo chauh ani ber.


"Ka... ka hmu duh lo" ka ti chhuak țîau.

"Mate..."



Lu thing nawk nawk in ka u chu ka en a, ka țah a chhuak ut ut, diktak chuan ka hlau ani! Inhmachhawn leh ngat phei chu a țîh hian ka ţîh hluah hluah.




Thinrim thut a a chet duh dan kha a rapthlak lulai lutuk a, a hmuh theih leh khawih theih ah ka awm anih chuan min that mai ang tih ka hlau!

"Hmu lawk ila, ka hruai haw ang che" ti sup in ka u chuan ka kut chu a hmer nghet zual sauh.


Police station chhung ah meuh pawh min that tur ang a ka ngai chu țhenkhat tan chuan a atthlak hle ang tih ka hria.


Mahse, kha zan a a chet dan rapthlak lutuk leh țîhbaiawm zet khan ka tiril a la ti khur a! Ka hmel hmu leh chiah se, inthunun hman lo lek in kut min thlak leh chawrh mai ang tih hlauhna hian ka khat leh vek tawh!!






Cell dang dang chu kan kal pel zel, tha khur dar dar hian ka u kut chu nghet zetin ka hum bet tlat.


Kan hma a Police officer kal khup khup chu ka thihna tur a min hruai tu ni mai te hian ka hria!




Bang kila Cell tawp ber kawngkhar zawn ah chuan ding nghutin cell inkalh chu a hawng a, thir inkhak ruai ruai ri te chuan ka tiril a țham za zawr zawr.


Officer chuan kawngkhar chu a nam hawng a, a chhung ațang chuan rawn che thutin min rawn khawih nghal mai ang tih hlau ru zet a tîm chawi chung hian ka u phen deuh ah chuan ka biru dai!

Ka ku chuan min kal hnaih pui leh deuh a!

Mahse....



Cell kawngkhar inhawng huau chhung a ngawingul a mipa lo țhu kun run ka hmu chiah chu a lan dan in min țhawn em avang chuan ka thawk a tawp chawt!!!


Awilo zet hian ka u chu ka en chho dawrh a!

A chhung a mi saw prof Msa ani ang maw?


Ka u chu ka ngaihtuahna hrethei ang hrim in a lo bu nghut a, kei erawh eng nge ngaihtuah ber tur hrelo in ka thaw chhuak hawk.



Thirkawngkhar chu ri bur khawp in Officer Carlos-a chuan bang ah a nam vaw bur. Ka phu nghek a.


Mahse, cell chhung a mipa bawrchhawr zet chu chhete pawh in a che lo.



"A chhuak thei tih hrilh la, i duh chuan i kal san thei ang" ti nghut in cell chhung lam ah chuan a thle nghut.



Thaw dep dep in ka u chu ka en a. Hmelhmuh hahdam thlak zet a min nuih suk in ka kut chu a thlah a.

"Va lut rawh, a tina lo ang che" a ti sup bawk.

Ka hmel a hmuh rual dimlo zet a kut min thlak leh chawrh mai loh nan a rilru țawngțaina nei mawlh mawlh chungin ka pen lut a.



Khum chung a pa lian zet chhuat bih a țhu kun ngul chuan kan thawm chu a hria pawh in a lang lo!




Rilru buai, țawng nachang pawh hrelo, a chhehvel a thil awm ngaihsak lo lek a rilru kawm ngut ngut țhin hi a ang ber.



A hma chiah ah chuan ka va ding a, thir kawngkhar inhlap bur ri vang a chhete pawh a che hlek lo mipa kun ngul chuan muang ruih in a kutphah hrawl zet suih zawm chu a phelh a.



"Ih.. professor, i chhuak thei tawh...." khur dar dar hian ka ti a, a lo hawi chhuak ruai ruai


"Kham ațang khan i nam thlak ka nilo tih ka sawi tawh a, i chhuak thei tawh" ka sawi zawh rual a mipa lo hawi chhuak hmel ka hmu chiang chiah chu ka chhung lam hi a na nghing lawih!

A chal chu a duk thluah a, thisen duk zet in a lo hnam chhuak tel bawk, a hmai leh bek thlengin hmul a țo khat vek a, chu mai pawh nilo in a mitmeng chu a â ruai.


Ka hmel a hmu chiang chiah chu engkaw sawi set set lovin ka kut ah lo man lawp in min phih thut a! Na lúa awm lova kut min thlak leh chawrh hlau zetin ka khek nghal tuar!


Mahse, chutiang thil chu engmah a thleng ta lo!

Ka bawh rawk a, a malpuiah ka țhu thla a, nghet zet hian min kuah bet nghal hrawk.

"Duatte" ti hrawih in a rum hawk bawk.


A awm dan vang chuan hlauthawnna nasa lutuk in min tuam chhuak nghal vek, a mizia second kar lek a danglam thut thut țhin ang khan rawva zetin a che leh dawn a ka hriatna chuan ka tiril a ti khur ti tih der.



"Duatte.. min kuah teh" a ti leh sup, thil dang sawi leh a tum a. Mahse, hrawk chhung ri hrawih in a aia nghet chuan min kuah bet a, tîm zet in a lungphu ri dawt dawt chu ka ngaithla a. Prof Msa erawh hahdam huai ang mai hian a thaw suai suai.

"ka thlarau thleng a rethei zet a min siam i tum em ni?" ti hrawih a, a taksa ah min kuah beh tulh tulh chuan ka lo îp chawi.


"Min kuah teh.. mawh?" rawl lian zetin a ngen hian min ngen ani ber.

ka kutin a awm ah ka nam a, min kuahna ban tha chakzet ațang tal chhuah ka tum rual chuan amah zawkin min kuah behna chu a thlah hlawk, a thinrim leh thut emaw ti a hlau zet a ka tawm nghal chawi chu rang zet hian ka biang ah rawn dawm nghal zat.

Țîm sawk in nghet zet hian kut ka hum ruh chawt chawt.


Mumalo zet a thawk la hrawk hrawk chungin a mitmeng â ruai chuan min en kual nghal ruai a, ka biang a chul a, ka hrawk a rehna hnu te kha en ngurin a dim zetin a rawn chul leh a. Ka tiril chu a țîm uai uai, chet pawh che ngam lovin rapthlak ti zet hian ka dawh tawp.

"Ka rehna kha..." mit ka chhing nghal sawk mai.

"Duatte... ka tina che.." ti leh sup in a kut tha khur dur dur chu ka beksam ah a rawn zen lut leh tawk.

"Min ngaidam hram rawh.." ipik hmel zet a a lo tih tawk chuan ka meng chhuak a, prof Msa hmel chu a thim mup hi a niber!

Sawi tur tam tak nei hmel pu siin a hrawk chu a chilh tlat lawi tih hriat zet hian insehruh ngawt ngawt in min melh ngawt ngawt.



"Pathian hmingin ka ngen a che, khatiang thil atthlak zet kha ti tawh ngai suh, min en teh, kei hi engtin nge awm se min tih?" rum hrawih in a mitmeng thim ruih chuan min melh ngur ngur.


A mitmeng â ruai kha mahni inthiam lohna a khat in a lo thim mup tawh a, hreawm tihna, inchhirna leh pawitihna ka hmu dawt zut!



Eng emaw rawn sawi tur ang maiin hian kâ a ang leh zuau. Mahse.. Duatte tih rit zet a lam chhuak in mitchhing chung hian ka bek ah a rawn fawp tawk.


"Min ngaidam rawh" a tih leh sup chuan a thinrim thin thawk thut a lo chhuah leh hma ngei a inthiarfihlim tum chuan ka che phut a.



A lo inrin lawk bikloh avang in a malchung ațang chuan rang zetin ka tho a, min rawn ban nghal thuak.

"Aih..." ka ti deuh tuar. Prof Msa chuan rilru nat hmel zet in min en ngut ngut.


Kawngkhar lam ah ka tawlh hnung hrat a, chutia amah hlat a ka tawlh hnung te chu tawrharhsa tih hmel fe in insehruh in a kâ ațangin a thaw chhuak hawk.


"I chhuak thei tawh... ka.. ka kal tawh dawn" ka inher fel hman chiah engtik laiin nge a thlen hman tih hriat theih loh khawp a rang hian ka ban bul ah a rawn man lawp a nih chu!



Hlau zet in ka khek chhuak tuar a. Ka hnung ațang chuan nghet zetin min rawn kuah bet a, officer Carlos-a rawn lut nghal vut chu chhantu mamawh lutuk hian ka lo melh nghal ruai bawk.




"Ms" rawn ti sup in keichu hahdam tur in min mitmei a.



"Duatte, in ah haw ang " ti sup in ka beng ah a rawn fawp tawk, Officer Carlos-a chu awm ve lo ang in a ngai hmiah.



"Haw ang le, kan in ah.. kan nupa in ah khan" ti sup sup in nghet zet a min kuahna chu a phelh thawl a, rangfê a ka che tur chu a phih hian min phih leh dawrh.




Mahse, officer Carlos-a chu a rawn che ve ta phut.



"Kan in ah haw ang ka ti ani lawm ni?" ring zet hian a ti tuar! Ka hawi let a, kan inkarah officer Carlos-a a lo ding tawh. Prof Msa hmel lan dan buai vek leh mitmeng â ruai chu en in lu ka thing nawk ringawt.





"No.. khatikhan awm suh.." thinrim hmel zet a ti leh țhawt in a ban lian pui chuan min rawn ban fua bawk.




"Malsawm, inthunun rawh" ti fiak țhawt in officer Carlos-a chuan a darah a man bet tlat. Min rawn thlek in lu a buk nghut chuan ka inthiarfihlim a hun tih ka hria.





Kawngkhar ah rang lutuk a ka tlan chhuak tur chu beidawnna a khat mipa rum ri hawk vang chuan ka ding leh dat a.




"Kal tawh suh.. Min kal san tawh suh" ti tawk a prof Msa rum ri chuan ka chhungril hi a hmet na ut ut. Min mamawh hmel in a aw thuk zet chu min chan hlauhna hlir hian a khat a! Mahse, engnge ka tih theih chuan... hmeichhe dangin a fa an pai tawh..



Ka hawi let a, thapui nen officer Carlos-a chuan a lo man bet.


A mitmeng a natna thuk zet inphumru chung a prof Msa'n ngenna te nen min lo melh tlawk tlawk ka hmuh chuan ka thin chhung a na ve ngut ngut tho.




"I hria em? Jordan chungchang nilo thil dang i lakah zep ka la nei" ti sep in ka insehruh nghal fan fan.


"A pawilo... Bawihi, a pawi lo, kal bo tawh lo la ani mai"


Țah insum zet hian ka nui lui a. Officer Carlos-a chuan man bet tlat lose chuan rawn tal chhuak phutin ka biang ah khuap chungin kal bo tawh lo turin min ngen hial ang tih theih kawpin a hmel ah chuan ngenngawlna ka hmu thei.





"Nau ka pai thei lo... vawi tam tak hrilh tur che ani em tih ka ngaihtuah țhin a...."




"A pawi lo.. Lalhlimpui, engtin pawn awm rawh, nau i pai theih loh pawn a pawi lo, mipa dang min kawp san mahla engkim ka theinghilh ang.. haw ang, kan in ah haw ang" thawk zin hmel zet hian a rawn ti tuar, lu ka thing a hmuh chuan "khawngaih in" a ti sup a, ka rilru min thlak tir theih beisei hmel zetin min nuih bawk.



"Nang chuan May i nei tawh a lawm"




Insehruh țeuh a a rum chhuah hawk rual chuan rang zetin cell chhung ațang chuan ka tlan chhuak nghal hawk hlawk.




Ka u in min lo kuah bet chawt a, a awm ah hmai phum a, țah ka chak viau nangin chutiang tih khawmuan nan hun pawh kan neilo..


"U, kal ang, kal ang.." a ban ah kaiin ka kal chhuah pui nghal dawr dawr.


"Bawihi..." mipa aw lian zet in jail chhung kawk rum rum khawp a min au zui țawk țawk ri chu ngaihthlak hreawm ka ti tak zet!


"Duatte... I tello chuan engtin nge kan nupa in ah khan ka haw a nga..." a tih leh meuh chuan ka thinlung chu a puak darh hawk,
Țap chhuak hawk in a hma aia chak in ka u chu ka kalpui dawr dawr a.




Hospital khum ah chau zet a ka mut hlawm tawp hnu thleng pawn prof Msa beidawng aw kha ka beng ah a cham reng.



/


"Awi... a lo call" phi cheng chung hian Kimkima chuan a phone chu ka hma ah a rawn lek a.

Zodika..


Lei ka chhuah zeuh ringawt.


Phur zet in a chhang a. A lai vel leh nghal in ka hria.


"Hello.. kan pu-a chuan engnge ni a duh a?" ti pah chuan a kut chu a kâ bul ah hum ruh in mit a chhing vak. Nuni te ne chuan kan lo nuih nghek bawk.


"Dah ring rawh" an lo ti a.

"... Kimkim, i țhiannu kha a țha zel em tih ka hre duh a.." Zodika chuan a ti dam thlup. Ler zet in Kimkima chuan min rawn melh a.

"A țhalo tita ila, i rawn chhuk thla nghal dawn mi?" a ti a. Zodika chu a rawn nui hawk.

Ngei zetin Kimkima chu ka melh rawm rawm a.


"Tak tak in a țha tawh lutuk, naktuk hian damdawi in ațang in a chhuak tawh dawn a, phone thar te pawh a nei ve tawh bawk a nga, a phone aţang in inbe thei tawh ang chu..." a ti duai duai a.


Zodika chuan sawi tur a hre tawh lo te pawh a ni ang, a ngawi vung vung.

"Amah i be duh em?" Kimkima bawk in a tih leh chuan rum tawk a melh in lu ka thin khum a. Kimkima hi ka chanchin a lo zawt ziah zel a. Keimah nen tak erawh kan inbe leh tawh lo.


"Umm, a bulah i awm remchan chuan ka lo bia ang chu?" Zodika chuan a ti ta mai! Sawi tur ka hre dawn lo nasa mai sia!


"Kan pe a nge.. Lalmateee, phone ah an be duh che" ka bul chiah ah awm siin ring zet in min au kher anih chu! Nuni leh Remremi te chu an lo nui dir char char.



Phone chu la tau nghat in ka ti zawi hmiah a.


Han biak țan dan tur ka hrelo bawk si nen thaw chhuak hak in ka beng bul ah ka dah hnai a. Rang fe in Kimkima chuan phone bulah a beng a rawn dawh hnai ve vat.


"Hello" ka ti sep.


"I țhianpa khan naktuk ah i chhuak tawh dawn a ti a.." a rawn ti sup. Phone ațang mipa dang ka vawi khat biakna anih vang nge mawni ka lai deuh tlat leh nghal.

"Nia, naktuk hian ka chhuak thei tawh a... i van fel"

Zodika chu a rawn nui suk mai.

"Engvang chuan?" a rawn ti sup. Sawifuh lo inti lutuk in Kimkima malpui chu ka sawk tawk a.
"Uggg... i lo call a" ka chanchin i lo ngaihven a tih vel chu sawi ka duh bik bõ lo.

"Ka lo call a..." ti nghut a a nuih tel suk vang chuan lei ka chhuah vak ringawt.


"Ka sawi tum i hriat reng kha aw.. i chhungte chu an lo dam țha em?" ka ti ta daih a. Ka țhiante chuan nui rah rah hian min en zauh zauh leh nghal a.


"Pathian zarah an lo dam țha, hei, zan dar 11 a pel tawh si a, damlo te chu mut a hun tawh viau a sin"


"Kan mu tawh dawn lawm.." ka ti vat a.

"Good girl, i mut tlai chuan naktuk zing ah i BP a hniam leh si a nga, i chhuah an phal leh lo mai ang" nuihzat hmel zet a a lo tih chuan huan a ka kal pel tur nuihza insum zet a min en run a, lu min thin khum nghut lai kha ka mitthla ah ka hmu a. Mak tak maiin ka nui chhuak nghal ver ver.





"Hei Lalmate i ta tur a a upload ani chiang lutuk" phur hmel lutuk hian Kimkima chuan a phone chu min pe a, zanin chu amah chiah in min riahpui a.


"Eng nge a?"

"Zodika status.."

Phone chu ka en a.


*a hmel țha zet leh mitmeng zun ngah danglam bik lutuk ka hmuh rual khan 'Zo, nupui i nei a nga, fa tam tawk neiin ka nu leh pa te lungleng hman lo lekin i fa te chu i lo va tihbuai tir țhin ang' tia ka naute in thu min chah kha chiang zetin ka bengah a rawn ri a! Ka nuate in min pawmpui thlap hmeichhia ani tih ka ring nghet nghal hmiah. Mahse... ani erawh mi ta a ni tawh*



"A upload chhan chiang lutuk che"

"Naa, ringawt a che aw, a bialnu a boral tawh a, Zodika hian a hmangaih lutuk bawk" ka ti ve vat.


"Hummm.. chupawh nise, hei, a bialnu thu chah angin tu emaw duh chu a nei. Mahse, midangta ani tawh a ti a.. nangmah hi i ni chiang lutuk"

"Mu mai mai teh, khawimaw i phone kha ka ig ah ka lut dawn" ti hlak in a phone chu ka lak sak a.


Thuawi deuh chuan a inkhuh țha ve ta mai a.


Prof Msa ka hmuh ațang in ni 5 a liam leh tawh a, Jail ațang a țhiante khan an hruai haw tih ka u in min hrilh a, engtin nge a awm zui zel ka hrelo.


Police pa sawi ang tak tak in thu kal zel ah pawh keiin kham ațang prof Msa'n min nam thla lo tih ka sawi kha țhenkhat in thu an zeldin kual a.


Kan chhungkua in Ex MLA family ațang thamna dawng ang hial ten min chhuah let a. Țhenkhat lah in an vau bet a niang tih zawng ten thu an la thul


Mizo mipuiin mahni ngaihdan a dik ber ah ngai a thu zeldin chiam chiam kan hrat zia ka hriatchian phah a! Kan thu zeldin kual chu thudik ang maiin Social media ah kan in post siak sup sup a. Thudik chhui chhuah tum chu mi tlemte chiah kan ni.



Ig ah ka lut a, țullo zet in prof Msa ka check a. Mahse, post thar engmah a siam lo. A post siam hnuhnun ber a kei leh Bruno couch a kan țhu lai chu ka zoom kual ka zoom kual a.

*Ka nupui, min thunun hnehsawh em em-i leh kan fapa Bruno* tih te mai hi caption ah a hmang bawk.



Kan inkar chhiar țan hma lawk kha anih vangin kei pawn ka comment a, lei chhuah vak lai ka dah țeuh a. *ka zawhte note* tiin min rawn reply a. Kan țhiante ho an rawn che over zui ta chiam bawk.



Thaw hak in a thlalak dang chu ka en kual a. Ka ngai in thlakhlehna tam tak ka la nei tih ka pha chhin lo.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » November 4th, 2020, 6:25 am

CHAPTER 48



Muang zet leh thawm dim thei ang ber a nam hawn tih hriat fê a ka awmna cabin kawngkhar lo in nam hawng riai riai chu ka mang hriat reiruai.




Mit ka meng chhuak a; ka awmna pindan chhung chu a lo thim vek! Mahse, chiang zetin ka cabin kawngkhar chu nam hawng tu an awm tih ka hre thei, ka bula Kimkima mu chu ka en a, a lo awm tawh miah lo.




Mut la chhuak zet chung a kawngkhar lam ka va en chuan hlau zetin rang lutuk in ka tho chhuak nghal nawlh, kawngkhar bulah pumraw lian zet lo ding thim khup vang chuan ka țim uai uai bawk




"Duatte, ka hruai haw tawh dawn che" ti thum dut in thim zing aţang chuan taksa lian zet chu rawn pen chhuak vut. Rapthlak zet hian min nuih nghal suk.



A nui hmel rapthlak lutuk leh pawisak neih loh hmel zet vang chuan ka thisen chu a kang nghal duak in ka hria!




Khum pan chuan muang ruih in a rawn pen phei khup khup a, Tshirt dum leh kekawr dum a ha a, a hmai a hmul ţo khat luk leh hmel lan dan rorum lutuk ka hmuh chian meuh chuan hit rawih rawih in ka tiril hi a khur dawt dawt.




"Ka hruai haw tawh dawn che" ti nawn leh sup in hriatthiam harsa zet hian a mitmeng vawt zet chuan min rawn melh ngur a, hlau lutuk hian ka tawm nghal chawi chawi!





Engtin nge cabin ah hian a lo luh theih? Kimkima kha khawiah nge a awm?




"Kal ang le, țullo a hun khawhral chiam hi ka duh dan ani hauh lo tih i hriat kha" nelawmloh zet a ti sup pah chuan a kutphah lian zet chu a rawn phar chhuak a.




Khum chungah chuan khup tawm in ka țhu tawm chawi chawi, a kutphah lian zet lo phar chhuah chu ka chelh sak duh lo vang ani ngei ang, prof Msa hmel chu thinrimna nasa lutukin a rawn thlak nghal vek a.





"Min zui lo ang maw?" vin zet hian a rawn ti tuar. Hlau lutuk in ka kimki nghal chawi bawk.




"Huh?" ti leh hrawk in a bân lian zet chu avai thuak, ka chhip sam ah a rawn țham nawk dawn em tiin ka ip nghawl chawi,





Chutia ka hlauthlabar hmel chuan nuam a tih zual tir sauh in ka hria, rapthlak leh țíhbaiawm lutuk in a rawn nui chhuak ta huah huah a. A aw rawl lian leh thum zet chu cabin chhung ah chuan a khat vek! Kei erawh ka khur zawih zawih.





"Ka kut i chelh duh lo.." ti nghut nghut in khum chu a rawn kal hual khup khup, a pa lian in a bawrchhawr bawk si nen a chet dan engkim chu a țíhbaiawm hluah hluah ani tawp mai!




"Engvang a min zui duh lo nge i nih?" vawi leh khat ah rawn ti vin leh tuar in a kut pahnih chuan khum mawng lam chu a chum ri bur a! Hlau zet a ka khek chhuak tuar mai chu nuam tih hmel zetin min nui leh huah huah.





Kut min thlak thut hlauhna te leh min that mai dawn a hriatna te chuan ka thisen a ti tlanchhia a, mangan lutuk na vangin ka lu a hai mup mup.




"A țha e! Hrereng rawh! Zanin a min zui duh loh avang hian i damchhung in i inchhir tawh ang" thinrim zet hian a ti chhuak hrawk, chak zetin kawngkhar lam pan vut chu ngam leh ngam lovin ka en zui țawk țawk a.



A thusawi awmzia kha ka hrethiam lo tak zet!



Dimlo lutuk hian kawngkhar chu a pawt hawng pawp a, chuta a rawn inher leh hmel lan dan țîhbaiawm lutuk chuan ka chhungril thlengin a hmet hik chhuak vek!


"Hmeichhe tenawm... khawvel hmaah engtiang chiah a tenawm nge i nih tih ka pho chhuah lai i lo thlir dawn nia" aw nelawm loh zet a ti chhuak hrawih in pawisak neih loh hmel zetin min nuih leh suk.


Kawngkhar inkhar ri bur vang chuan ka phu dawrh a. Mahse, kha sakawlh pawisak neilo zetin min chhuah san tawh vang erawh in ka thazam ţang nasa lutuk chu a zawi nghal rawih rawih.

/

'Karthum zet damdawi in ah i awm hnu in tunah chuan i chhuak thei ta e" Hlim zet a ka ţhiante kut beng dar dar chu nui chungin ka en kual a.


Ka u te pafa pawh zo zet a in pawm in hlim hmel pu sang hian min lo en a. Ka pa leh Muani te pawh an awm ve.



Ka țhiante leh ka chhungte nen hlim em em a cabin aţang kan chhuak chiah erawh boruak chu a danglam nghal vek, min lo hmutu te apiang chuan an phone bih nawn leh ngatin min lo en nawn zel a.


Nuihsawh hmel pu chung a min lo en tute ka hmuh phei chuan ngaihna hrelo zetin ka en let ang hehaw a!

Mitin te mit ah chuan min hmusitna, diriamna te nuihzatna ka hmu niber hian ka hria.

*amah hi ani chiang lutuk..*


*aw, sex video a hmeichhia ngei kha anih hi* min diriam zet in hmeichhe pakhat hian a rawn ti ta mai!


Sex video!


Prof Msa hmel țîhbaiawm lutuk ka mitthla ah a lo lan rual chuan ka hik chhuak pupa, ka thlarau chuan min thlawhbo san ni mai hian ka hria.



Sex video.. ka hmel ang tak lanna sex video kha thehdarh in a sawi ang tak tak khan min ti mualpho ta tihna maw?



Ka ţhiante chuan min kuah kal a, damdawi in kawtah chuan rapthlak khawp a tam mipui an lo pungkhawm nuai nuai! Chung mite chuan min hmuh loh hlau niawm takin min lo zim tuau tuau a,

*Sex video a hmeichhia kha anih hi!* tia diriam zet a min nuih duar duar in min kawk a, a țhenin ka thla la in *mi hur nu* te min lo ti tuar tuar hlawm anih chu!


Ka chhungte leh ţhiante chu keimah vang a zakin an kun tlawk tlawk a, hawina lam apiang ah uire den hlum tur melh a min melh tute hlir mitmeng rapawm lutuk vang chuan ka khur zawih zawih!


"sex video siam ngam ngat khawp a hmeichhe nasa hi dam ve tlak pawh a nilo" an phone camera-a min tin țhup chungin min deusawh luai luai ani ber!


Zahna leh mangangna vang a ka tawm chawi chawi lai mipui kar ațang hmuhnawm tih hmel zet a min lo thlir vung vungtu ka va hmuh rual chuan na ka tih em vangin ka kâ mup! Mit la sawn lo lek in ka melh ta tlawk tlawk.



Ka hmu tih a inhriat rual chuan khi suk in a bul a May-i ding kawngah chuan a kuah hmiah a. Mipui tam takin min diriam lai te chuan May-i bekah zuk fawp chungin vawt zetin min nuih thei anih chu!



A chet dan rapthlak ka ti lutuk vang leh mipui min diraimna nui ri duar duar te vang chuan ka mit sulh sulh a, mipui kar aţang vawt ruih a min melh tu leh abul a hmeiche dingin hmuhsit hmel zet a min nuih lai chu a thim tial tial a!



Eng emaw nghawr dur dur chuan ka thinhnun hmet sa pup in ka phu chuak dawrh a, khum ah ka țhut chhuah hlawh chuan nasa lutuk in ka lo khur dawt dawt, thlan in min bual huh vek a, chu mai pawh nilo ka mittui a lo tla nasa lutuk!



Ka dang ro zet tih reh nan chil la lem dawk dawk a, ka bul ah tui zet a Kimkima lo muhil ka hmuh rual chuan ka ţap chhuak hawk!

Mahse, rang zet a ka kâ hup bet in ka thaw kawk kawk a, ka tha erawh a la khur nasa ngang mai!

Harh chhuak thut in Kimkima phone chu ka la sawk sawk, whatsapp ah ka lut nghal a, news group leh țhianho group hrang hrang ah chuan sex video chungchang sawi an awm em tih lungphu rang zawih zawih in ka en kual zung zung.


A tawp ah chuan thaw kawk in phone chu ka hum ta chawt chawt!



*Engkim kha mangchhe rapthlak lutuk vek a ni!*


Țah chhuak zet a ti sep sep in ka hmai ka hup tlawk tlawk.

Prof Msa hmel ţíhbaiawm lutuk leh mualpho tawp a ka awm lai diriam zet a min en lai te kha mangchhe rapthlak lutuk mai ani!


Țah chhuah hlawp hlawp ka chak viau nangin ka insehruh fan fan a, mangchhia thlengin kha sex video khan min umzui chu a nia... kha sex video prof Msa thawntu khan theh darh ta chiah se ka mumang aia rapthlak diriamna ka dawng ngei ang!



Kimkima phone bawk chu a rawn nghawr leh dur dur a. Rang zet a ka en chuan *A mu thei em?* tih ngawt hi Zodika'n a lo thawn a.


Zan rei tawh ah hian *a muhil thei em?/ a mu nghet thei em?* tih tal hi min zawt ziah zel. A ngaihsak dan em em che hi a mak i tive lo mi? Kimkima khan a ti hial tawh a.


Zanin ah keimah ngeiin ka tawn tak ah chuan mak chu ka tive ta deuh.


Message chu chhang loin mut leh mai ka tum a. Mahse, ka mumang rapthlak lutuk vang khan ka ngaih a ngam thei lo. Rilru thlamuang lo zet in IG ah ka lut leh a. Ka hmel ang tak lanna video kha theh darh a nih chuan ka mumang aia rapthlak khan ka mulpho dawn tih ka hrechiang lutuk.



Ka hriat lovin mitu in emaw an lo theh darh tawh reng a ngem? tih vel ngaihtuah kual ngut ngut chung in IG a troll page te chu ka check thuak thuak a... mahse, a thawi pawn sex video chungchang tuman an sawi rilo.


Ka ngaih erawh a ngam thei tak tak tawh chuang lo.



Rilru mumal lo zet in prof Msa nen kan thlalak ka upload ho zawng zawng chu ka deleted fai vek! Amah pawh chu ka block nghal a. A chet duh dan pawisak nei ta lo lutuk te ka ngaihtuah let phei chuan video kha amah ngei hian min vau beh nan a la hmang dawn tlat a hriatna te ka nei hial mai!




*i la mu nange?* Zodika chu ka thawn let a, ka mumang vang khan ka thla a muang thei tawh miau lo. Tu emaw biak tur ka mamawh tak zet.



*Lola?*


*ummm*

*i mut tawh ka ring a*

*ka harh leh tawh, tinge i la mut loh a?*

Thlalak a rawn thawn a. Dawhkan ah Bible leh note a in chhap hnawk rum a.

*Sermon tur ka ziak a*


Ințhianțha tak tia sawitur kan la nilo nangin ka chhuang ru tak zet.


*I va fel bik tak*

*humm.. text chu aninawm, ka lo call dawn* a rawn ti leh ta mai!


Ka chhan let hma in a call a rawn lut nghal zat a. Call pangngai pawh nilo Video call leh nghal!

Kimkima mutui lutuk chu tih harh hlau zetin khum aţang chuan ka tho țhem ţhem a, tukverh ka nam hawng a, thli a rawn thaw nghal vuk vuk.

Screen ka scrool chhoh rual chuan chiang lutuk in Zodika hmel hriam hrek hrawk tak chu a rawn lang a, ka ip deuh chawi, ani erawh a vei nuih nghal suk.


Sawitur ka hre bawk silo nen lei ka chhuah zeuh a, Zodika nui suk leh hnui lam bih a țhu țha vut chu ka sam huai kiang pahin ka en reng a.

"Lola..." a rawn ti sup.

"Eng nge Zodik" a nui leh suk chu ner nang hian ka en a.

"Min nuih min nuih suh aw"

"Ok.." hmui hnuai pet hian a thle sawn buk. "I mumang a țha vak lo em ni?" a rawn ti sup. Dawhkan ah phone chu a tung anih ka ring, tshirt dum thawl hnelhnawk a ha a, a awmma pindan chhung chu a eng sen deuh ruih.

"Ummm.."

"Englam nge?" a rawn tih chuan chhan tum in ka ang ziau a. Mahse, lu ka thing ta nak, sex video chungchang sawi pui tur khawp chuan kan la in hnaih lo.


"Mangchhia mai mai mawle.." ti niah niah a thli na zetin ka sam a chhem len sek ka hui sawn lai chu uluk zet hian min en ngur a.


"Ka tihpalh" a rawn ti sup. Hrethiam lo zetin ka en nghal dawrh.

"Lengkir awmna hmun kha hrilh miah lo tur che ka ni a sin" hreawm tih hmel zet in a thaw chhuak nghal hawk.

"Zodik.."

"Nilo.. Lola, kha lai leh a chhehvel ah khan Lengkir a awm tih hrilh lo che ila chuan..." ngawi hmuk in a kâ ațangin a rawn thaw chhuak ham ham a.



"Ka thiam loh vek ani... i nunna chan phah phei la chuan... i thlarau mawh thlengin ka phur hial ang" chutiang chuan maw a lo inngaih a...


"I thiam loh a awm hleinem, Lengkir awmna kha min hrilh lo mahla ka zawng chhuak tho ang, kha lai hmunhma belhchian tum a kal chhuak kha ka ni a lawm" ka tih chuan tak ngul in screen chu a rawn melh run ringawt.


"Zodik, ka ti tak tak, nangte chuan min puih zawk kha.. i la hria em? Vangvat ţíal lian tawk min laksak kha" tipah a lian tih hmel zet a ka men bial tak kawk ah chuan a rawn nui ve leh ta suk. Ka thaw deuh huai mai.



Kimkima bulah chuan ka mu leh than a, phone kan tihtawp dawn a Zodika thu sawi kha ngaihtuah let in ka nui sak a.


*Phone screen kha chiang deuh in en rawh* a ti a, a sawi ang tak tak in phone screen chu chiang zetin ka en a. A nuih tak ruh ruh ah chuan eng nge a tih tih ka zawt a. Screen a keimah kha a screen shot tih a sawi...

A hnuah chiang fahran a min en in *ka mumangah ka hmu dawn che aw Lola* a ti sup a. A fiamthu anih ring a ka nuih hak hak laiin thutak fe in ka nui lai kha hmuhnawm tih hmel lutukin min lo en vung vung anih kha..


*i uang miah lo maw?* ka ti let leh ang hehaw a.


*fiamthu thawh hmel ka pu em?*

*ka.. ka hre nang..*

*Mu tawh rawh, inenkawl țha la* ti sup in mit tizim sun in screen a lo melh run a. Kha a mitmeng thuk leh tak ruih kha ka la hmu ngailo!




"Prof Msa chiah mipa i hnaih a, ngaihzawng neih hlimawm zia pawh i hre ve hman lo" ka phu nghek mai!





"Awi, Min tihlau a lawm" a muhil emaw tia ka kuah beh vak pa chu ka beng thlawp. A puan in lukhuhna chu a nawr hawng a.



"Ka ti tak tak, i nun ah prof Msa chiah mipa ila tawng a, inngaihzawn na em em neilo in in innei leh tawp a... inngaizawng te inkar a phur rukna awm leh inbiak laia feeling romantic veng veng ang chi kha i la tawng tlem lutuk a, i khawngaihthlak letling zawk"


"Humm, engmah i hrelo" ka ti hlak a. "Muhil ang" ti leh nghal zatin mit ka chhing nghal daih a.


"Ok.. Ka Lola tereuhte.. i mumangah kan pro pasator tur tlangval chhelo zet kha hmu ang che" rawn ti nem hlawi hlawi in ka sam a rawn chul a. Meng chhuak in ngei zet hian ka melh ta rawm ringawt!


/

"Lalmate, tinge thlalak i upload chiam a" ka hrah rual a Kimkima'n mak tih hmel zet a min lo en chuan hrethiam lo lutuk in ka en a.



"En rawh, prof Msa nen inthlalak ho i ac ah a in upload nghek hi"


Rang lutuk in a phone chu ka ban a, nizan a ka tlalak deleted ho zawng zawng kha a lo in upload nawn leh vek anih chu!


"Ka.. nizan khan ka deleted tawh" tisap in Kimkima chu ka melh zawk.

Min chhan let hma a ka ngaihtuahna a thil lo lut nghal zawk vang chuan rang zetin ka password ka thlak nghal a. Prof Msa ka password a hre vek! Thlalak lo upload tu hi amah ani ngei e ka tilo! Mahse. Ka password chu ka thlak ta tho.


Prof Msa lan ve na zawng zawng chu ka delete leh vek a. Khum ah phone ka dah thlah dawt chuan thawk ka lo ip ngar ngar tih ka hre chiah.



Cabin toilet ah chuan țhu in ngaihtuahna ka kawm ngut ngut, ka mumang rapthlak zet kha țullo tawp in ka ngaihtuah let a, prof Msa hian sex video kha min vau beh nan a hmang duh tak tak mai a ngem?



Bucket a tui far ri kau kauh te chuan ka awm a ti nuamlo. Rang zetin tui dir chu ka herh tawp a,



Ka u lo kal hun ah a rangthei ang ber a ka biak nghal a ngai.


Damdawi in thuamhnaw chu ka hlip a, ka thuamhnaw pangngai ka inthawlh sawk sawk a, chawhnu ah ka chhuak tawh dawn.


Kimkima pawh chawhma class nei turin a let tawh, ka u pawh damlo bawisawm ngai ka nih loh vangin ka chhuah dawn tak tak ah chiah lo kal turin nizan khan ka hrilh lawk vek tawh.




Washroom aţang ka chhuak a, khum ah damdawi in thuamhnaw chu thlep fel than in ka dah a, cabin kawngkhar lo ri rak chu doctor anih ringin nui sang hian ka inher a.




Mahse, cabin kawngkhar nam phui a, a ban lian zet kuangkuah vut a kawngkhar ngheng nghal hmiah tu hmel ka hmu chiah chu ka thidang lo chauh!

"Professor"



Nizan ka mumang kha ka ngaihtuahna ah a rawn lut nghal zawk!



Damdawi in ațang min hruai tumin a rawn che a! Ka zui duh loh vangin ka hmel ang tak lanna sex video kha a thehdarh!



Ka kaihza tha inthlep nghal hnawk vang chuan ka tawlh hnung nghal dawt dawt! Ka mumang rapthlak lutuk kha a thleng dik dawn tihna em ni?


"Damdawi in ațangin i chhuak thei tawh, a dik em?" ti chhuak sup a min pan hnai tu chu hlau zetin ka lo melh ngawt ngawt.



"Ka rualin i lo haw duh tawh ang tiraw? Kan inah khan... i pasal leh kan fapa.." nui suk in min pan hnai zel a.



"Kan fapa Bruno nen kan nupa inah khan i lo let hun kan nghak reng zel a sin" ti sup in hlau zet a ka ding khur dar dar hma ah tak a rawn ding nghal khup.



Min melh chhuk ngur pah chuan "Keimah ngeiin ka enkawl tawh ang che" ti chhuak sup in a kutphah lian zet pahnih in ka biang a rawn khuap nghal hmiah.



Hlauhthawnna nasa lutuk in min rawn tuam mup a, ka hmul thi a ding sung sung a ka taksa a rawn sa chhuak pup bawk!

"Hetiang hian awm suh" kut min thlak chawrh hlau zet hian ka ti sep.

"Haw ang le.."
Ka chalah fawp tur a alo kun hniam lai te chuan ka lo ip chawi chawi.


A hmui lumin ka chal a deh rual deuh thaw chuan thaw chhuak hrawih in nghet zetin ka kawngah a rawn man ta mai!


"Professor..."


"Ka ngai tawh lutuk che" a ti chhuak hrawih.


Ka khabe ah rawn dawm in uar zet hian min fawp nghal ngawng ngawng a! Ka kâ chhungah a leu hrawl zet a lo hawl luh rual chuan ka țîm ur ur.


Min thlakhleh hmel zet a min fawh ngawih ngawih hmuah min thahmai pawisa lo zetin kut min thlak leh anih kha!



"Min.. min rawn tibuai tawh suh" ti tuar in ka tha neih zawng zawngin a awm ah ka nam chawrh, min fawhna a thlah hlawk rual a rum chhuak hrawih ri chuan ka thisen a nghawr ţek uai!



"Khawngaih takin... ka.. ka hmuh theih ah lo lang tawh suh"

"Kha thu kha sawi tawh hlek suh" vin zet a tituar in min hnaihchilh leh nghal buan buan a, rang lutuk in khum ah ka tlan lawn a, prof Msa mitmeng chu a buai leh vek tawh!


"Kha thu kha sawi tawh suh, i hria em? Kan in ah khan ka hruai haw tawh dawn bawk che" a ti chhur chhur, khum ah rawn lawn kai ve lovin a bân pahnih chuan a rawn in nam khalh run a, a mitmeng buai nuaih leh thazat hmel lutuk vang chuan kut min thlak leh chawrh hlau zetin chet pawh ka che ngam tawh lo.



"Khatiang mitmeng pu chung khan min en hlek suh! Nupui in pasal a en dan tur in min en rawh" lungawi loh hmel zet a ti deuh tuar in a kutphah lian zet chuan min ban a.

Mahse, ka biang a rawn tawh fuh hma in ka lo nam per nghal nawlh.



Rapthlak lutuk a a rum ri hrawih ah chuan min rek leh bawrh dawn maw ka ti hman tawh! Mahse, inlahrang vutin thinrim tih hriat fê hian khum bula dawhkan tê chu a phih thlu nghal bur! Ka khek chhuak nghal tuar a!


"Hrepa! Khatiang khan min en suh, i pasal ka nih hi, i pasal" ti vin tuar in ka khum țhutna tlang chu a rawn tlawh bur.



Hlau lutuk in ka kut pahnih chuan beng ka hup bet a, min pan hnai chhur chhur bawk nen kut min thlak loh reng ka ring tawh lo!



Cabin kawngkhar chu pawn lam aţangin a rawn in pawt hawng pawp.


Rs-a leh Jacob-a te rawn lut hlawl ka hmuh chuan ka ţap chhuak ti tih!

Thazat hmel zet a khum ah in nam khalh run a prof Msa inhrosa chhur chhur chu rawn kuah betin an hnung hnung nghal dawr dawr a.




Thil thleng chu a buai nuaih ani ber!



Jacob-a'n thapui thawh in prof Msa chu a hnuk chhuak, kei erawh chesawn ngam tawh lovin ka țhu khur dar dar.

Dawhkan tlu chu Rsa chuan a tung tho a, chhuat laia damdawi tla darh nuaih te chu dawhkan tê chungah chuan a dah fel vek hnu ah hlau lutuk a ka țhu khur dar dar chu min pan leh a.



"Lola... a va mangang thlak ve mawle tiraw?" nui lui suk a ka darah a rawn hmer vang vang chuan ka inhnit chhuak hlawp hlawp.


"Kut a thlak che em?"

"Aih.. ka.. ih, min thlak leh dawn maw ka ti hman a"

Thaw ham ham in a kutphah lian zet chuan ka hnungzang ah a rawn chul hauh hauh.

"Engtik khan nge kut a thlak che?"

"Thlamah.. ih, Lengkir ah ka zuanthlak zan khan.. min rek hlum dawn maw ka ti hial țhin, a changin min beng a.." Rsa chu pawitih hmel zet hian a chet tlawk tlawk!

"Kut thlak chhan che neiin i hria em? I sawi hreh loh chuan.. Mess-a lah engmah a zawh tlak tawh bawk siloh"


"Ka uire san angin a ngai" țap chhuak hawk hian ka ti a, Rsa pawh chuan mak tih hmel lutuk in min en dawrh


"Sex video a dawng a.."

"What? Sawi chiang teh.."

"Keimah nen video a hmeichhia chuan danglam kan neilo! Mahse, prof Msa hi ka phatsan lo a sin... video a mi kha ka ni bawk lo... keimah emaw a ti a, a tir chuan ka hre biklo. A mizia a danglam a, zan a riak chhuak fo a, May nen khan an inzui ngawrh hman lutuk. Chuan, in ațang ka tlan chhuah tlai khan... khami tlai khan May-i a rai tih doctor in a sawi bawk. Prof Msa khan in ah a rawn hruai haw leh zel bawk nen ka tlanbo anih kha. Mahse, min rawn zawng hmu a, video kha min hmuh tir a, a rilru nat lutuk vang in khatiang khan a che tih hre tho mahila ka hnaih ngam tawh lo! A hmel ka hmuh ringawt pawn kut min thlak leh mai ang tih hlauhna in ka talbuai nghal vek zel..."


"Video a hmeichhia chu tunge anih?"

"Ka hrelo... " beidawng zet a thaw hak in Rsa chu ka en a. " min reh hlum hreh lo zet a thaw chham a min siam hnu lawkah ka uire na kha min ngaidam a tia a. Mahse, vawi leh khatah thinrim leh thut in kut bawk min thlak leh a, kha video a hmeichhia kha ka nilo tih fiahna a awm hma chu prof Msa hi ka hnaih ngam tawh lo... a lungdam loh lutuk hian min that duh mai ang"


Ka mittui chu ka tuai hul tawk, hêh pet fan fan in Rsa chu ka melh a, ka rilru dik tak ka sawi.

Rilru buai hmel zetin min en a, Prof Msa ka hlau ta lutuk leh ka țíh ta lutuk chu min hriatthiam pui uar uar tih a hmel ah chuan ka hmu thei bawk.



Video a hmeichhia kha keimah ka nih loh zia fiahna a awm hma chu ka hnaih ngam tawh lo! Min mamawh in min ngai viau mahse sex video kha a hriatchhuah rual in inthunun hman lo lekin kut min thlak leh a nga!



Țum khatna kha chu ka him hlauh a!


Țum hnihna ah chuan ka him ka ring tawh lo. A kutah ngei ka thi tawh dawn a hriatna ka nei tlat!



"Kan bulah engmah a sawi hauh hleinem" ti sup in hmai a tuai puat. Ka ring, prof Msa hi mahni chanchin sawi chhuak chiam chi anilo.


"Video a hmeichhia chu tunge anih kan zawn chhuah a ngai dawn a nih chu!" ti sup in a thaw hawk a.




"Mess-a rengin a talbuai phah mai, i uire san nia a inhriatna leh kham ațang a mit hmuh lai ngei a i zuangthla khan a rilru ah nghawng a nei nasa lutuk a, a hmangaih che vangin chan che hlau tel tho bawk si nen i phatsan nia a inhriatna vang a nangmah huatna leh a hmangaihna che an indo nasat luat vangin a rilru thlengin a nghawng pawizo a nih hi..." ti duah pah chuan tukverh lam a pan a, pawn lam chu chu a va thlir vung vung.





"Kan veng reng a, zial zu a bathlar ah kan chhuah san chhung lekin a lo tlan chhuak anih hi, damdawi in ațang i chhuak dawn tih a hriatve a ta tawh a talbuai nghal vek a, kan lo veng țha tawh dawn nia. I hlau thlabar pawh hi ka dem lo che.. a hnaih ah i awm loh a him ber rih ang" ti sup in min rawn en a.



"A rilru a indonaah hian nangmah a huatna zawk hi a hneh zawh loh chuan i tan a mi hlauhawm ber ani lo ang tih a sawi theih lo"


Rsa thusawi chu ka pawm thlap!




^

Chawhnu ah damdawi in ațang in ka chhuak ta a, ka țhiante leh Bawihpuia te pafa in min buaipui a. Ka u in motor a lak chhuah lai chuan hlim zetin damdawi in kawtah kan lo infiam a.

"Pi Mali'n damdawi in hnathawk te a kawmna kha in en ve tawh em? Mipa pangngai leh nupui fanau nei duah tawh mipa te hian mahni mipatpui te anal sex hmanpui an hreh tawh lo an tih kha, mipa pangngai, tuai pawh nilo, hna thawh pangngai tak nei a taksa sawizawi ngaipawh em em si te hi HIV+ an kai na chhui zui zel chuan mahni mipatpui sex an hman pui vang a lo nizel tih te kha inhria em?" Remremi chuan a rawn ti teh daih a.


Nuni leh kimkima'n sawi zui tur an lo hrephian.




"Lalkimkim i mipatpui ngaizawngin i mawng hi i lo dawh ve ringawt a nge aw" Nuni'n a tih chuan Kimkima chuan a duhlo ngang mai.


"Hmeli, mawng a int** tir ang kha ka ten lutuk tih hre rawh, mawngk** a var vek a nga, vawih pawn thawl huauin a ri thlur thlur dawn si" a tih meuh chuan kan insum thei tawh thlawt lo.


Za lutuk a nuiin lei ah ka țhu thla hnawk, a sawi awmang thei ropui sia.


"Mawngk** a var vek tak tak dawn lawm.. ngaihtuah ve mahula, mawng dawh hrat deuh ho hi an vawih rual hian a thaw hlurh hlurh a nga, a ri thlurh thlurh bik ang" a la ti tak ang deuh deuh.



"Duhtawk rawh, ka pum a na vek tawh" nui dir char char chungin Remremi chuan a ti tung.





"Ka țawng a nem in ka chet phung anu deuh ani mai thei. Mahse, mahni mipatpui ngaihzawn a, mawngkawhur nih chu ka tum lo bur, ka duhvang reng nilo in hetiang hian ka piang chhuak tawh.. *ka piangphung a tuai bik e mai* tih vang ngawt a mawngkawhur zawng a kawsak erawh ka tum lo bur, mahni hi a in thunun theih tih ka hreve chiang e mai" a ti zawm mial mial a.





Ho zetin ri duai zel mahse a sawi dik leh viau zel.




Parking ațangin ka u a rawn tlan chhuak a, Bawihpuia chuan darthlalang chhan ațangin kut min vai lauh lauh, ka u car ah Kimkima nen kan chuang a min ngai zetin Bawihpuia chuan min bawh nghal chuk chuk.




"Matt, anitei kha bawh buai lutuk teh suh" ka u in a ti hluk.




"A pawilo, na ka nei hleinem" ti sep in ngai zet a ka malchunga Bawihpuia țhu sam ah chuan ka chul a.




"Anite, kan in ah i awm leh char char tawh dawn tiraw?"




"Umm, bawihpuia bulah ka awm leh char char tawh dawn"





"Uncle big tawk in ah i awm kha chuan kan inah i lo kal duh lo lutuk a" a tih vang vang chuan țullo zetin Prof Msa nen kan inruk tirh a, hlimna chiah tawng tawh tur emaw ka intih lai kha ka ngaihtuah let zut zut a.






Tawite in Bawihpuia chu ka nuih ta ringawt.



Nuni leh Remremi chu scooty in an inphur a, an tlan chhuak hmasa a, Damdawi in kawt aţang tlan chhuak a, motor kawngpui ah kan inzeh luh dawn lai tak chuan kawngpui chhak a motor inhung chu ka melh nawn leh ngat.







Bolero chhung a mipa țhu run chuan glass down meuh in uluk zet hian min lo thlir reng tih ka hmuh chuan ka lungphu chu a rang nghal dawt dawt.





A mitmeng thuk ruih ah chuan min thlakhlehna nasa lutuk ka hmuh sak thei a, chu chuan ka kawchhung thleng hian a fan kual rawih rawih. Ka hmu ve tih a inhriat rual chuan tawrh harsa zet a lungrun hian min thlek vung vung a. Hmui phun in "Duatte" a ti sup bawk. Nasa lutuk in ka lungphu chu a rang dawt dawt a, ka țah rawn chhuak thut vang chuan rang zetin ka insehruh fan fan bawk.






Traffic vangin kan tlan tlang mai thei biklo bawk nen, a bulah awm tur a mitmeng ril ruih a min ngen ngawih ngawihtu lak ațang chuan mit ka la sawn thei biklo.

20200512_220911.jpg
20200512_220911.jpg (24.81 KiB) Viewed 24051 times


A landan chu bawrchhawr in rorum ngur angin lang mahse min mamawh hmel lutuk leh ngaih hmel lutuk vang chuan a lan dan chu a khawngaihthlakawm ngawih ngawih.







Motor dang hnung ah kan in zep lut ta a, hnung lam hawi let meuh a ka en leh pawn min thlakhleh hmel zet hian prof Msa chuan min lo en zui vung vung. Rsa leh Jacob pawh an awm ve.



Kawngkawi ah kan liam dawn thleng chuan ka hawi let a. Steering bawh a thawk lak harsa tih hmel lutuk a a kâ ațang a thaw chhuak hawk chu building lian zet in a hliah ta a.



Seat nghenchhan ngheng in ka thaw chhuak nghal ham ham bawk. Mit ka chhing a, thawk lak harsa tih hmel lutuk a steering bawh a a kâ aţang a thaw chuak hawk lai kha chiang zetin ka hmu nghal zat. Ngenngawl zet a min melh chungin "Duatte" a tih chhuah sup lai khan insum hman lo lek in car ațangin ka chhuak hman teuh tak zet!






Mahse, chhuak pawh niila kan tawpna tur chu a ngai bawk! Thlahlel zet a min kuah a, min fawh hnu lawk ah ka uire san emaw tiin a thin a thawk leh thut dawn a! Chu lovah; Sex video a hmeichhia kha ka nilo tih fiah mahila kan pahnih inkar chu a țhat theih ka ring tawh lo!



May-i a nei tawh tlat a.



/



Hun chu a kal chak tak zet!



Theihtawp in ka u in phir pui ka nei em tih zawn chhuah a tum a, ka pianna damdawi in a record hlui pawh țum eng emaw zah a hai nawn tawh. Ka pian zan a doctor duty lah kum 5 liam ta khan lungphuchawl in a boral ve daih tawh a! Ka phirpui zawn chhuah kawng chu a ping tulh tulh.





Ka u chu Rsa nen phone in an inbe reng a, a tawp ah phei chuan ka nei em tih pawh hriat loh phirpui zawng a damdawi in record hlui hai leh reng ai chuan ka hmel an pui chu zawn tawp an rel thlu ta, prof Msa khan hna a zawm tawh lo, university lam in an ban tawp loh a vangin amah aia kal an awm tih chu u Mimi nau MZU a kal ve hnen aţang in ka hria a. Prof Msa nen erawh kan inhmu tawh ngailo!






A chang chuan atthlak khawp a nasa in ka ngai țhin a, zan ah mu thei lova ka țah chang lah a tam. Damdawi in ațang a ka chhuah ni a min en dan mawlh te kha zan mut hmun ah ka ngaihtuah let fo zel a. Min ngaih lutuk vang leh ka kalsan in a tihnat lutuk vang a thawk lak harsa ti zet a a thaw chhuak lai hmel zuai ruih khan min vîlh na ngut ngut țhin.







Ka muhil tur duat zet a ka hmui ah fawp a, min mangțhana aw zawi sup ri te kha hriat leh ka chak tak zet zel.





Ka ngaih luat vang ka muhil ka harh chhuah hlawl chang phei chuan ka lungphu ri thlengin prof Msa hming an lam a, hmu tur a pan hmasak mai ka tum ut ut fo zel.






Mahse, May-i nen clinic chhung ațang an lo inzui chhuak lai kha chiang zet a hmu letin ka pan mai tur pawh ka tawp leh zel țhin.





Damdawi in ka chhuah san aţang a kar hnihna ah Final exam ka hmachhawn nghal a, ka nun buaichuar zet vang in lehkha zirna hun ka nei mumallo bawk a, exam chu a hmingin ka pe ve mai mai.






Jordan pawn min thlahthlam ngailo! A lo kal chang hian prof Msa chanchin zawh ka chak thei em em a. Aman a sawi chhuah hmasa loh chuan han zawh hmasak vel kha nuam ka ti chiah silo a, zawt lo bawk in ka awm a, ka ngaihtuahna ațangin erawh second reilote chhung pawh ka dah chhuak thei ngailo.




Nuni erawh in theinghilh vang vang turin min hrilh!




May-i lahin nikhaw hrelo a ka awm lai khan social media vel ah min lo beichiam zel ani awm a! Prof Msa nupui ka nih loh thu te, man pawh kan la inhlan loh vangin prof Msa chhiahhlawh nula pakhat ve mai ka nih thu sawiin post te a lo siam chiam chiam zel a niang!





Whatsapp Status thlengin prof Msa thlavang hauh a lang siin prof Msa chhiahhlawh ka nih thu in min lo bei ve nasa bawk nen ka țhiante huat tawk a tling em em a, prof Msa thlengin an huat zual phah vek.






Vawi khatmah prof Msa chungchang min sawipui duh lo tawp. Collage-ah min zawt an awm pawn chhanna țha pe lovin min kai sawn dawr dawr a. "I rilru leh ngaihtuahna ațang khan paih chhuak vang vang ang che" an ti nghal bur zel.





😈


Domino's ah ka lut tur chiah chu ka kut ah tu emaw hian min rawn pawt a, rang zetin ka bul a hmeichhe naupang cute zet lo ding chu ka en a.



"Ih maw, hei hi va pe rawh a ti" nui sen sen chungin rose sen nalh zet pakhat hi min pe anih chu!




Dawr chhung a ka țhiante lut tawh pawh an rawn chhuak leh tawp.



"Wow.. a va nalh ve, tunge lo tir che a" ti pahin rose par chu ka la a, laih hmel zet a nui chungin step chu a kawk ta va a.





Chu hmeichhe naupangin a kawhna lam kan en phei chiah chu ka nui chhuak ta hak.




Step tawp ah bang ngheng a mipa ding chuan uluk zetin kei leh hmeichhe naupang chetla vel chu min lo en run a.




"Zodik" ka ti hlak.


Zodika chu nui suk in a ding mar vut a, step ah chuan a rawn pen chho a, tee var thianghlim zet leh cottton kekawr dum a ha tawp, ka țhiante'n over zet a hrawk an lo thiân kual vel chu ka melh nghal rawm bawk.

"Ngopa ah i la awm emaw ka tia" ka lo ti vat a. Kan bula hmeichhe naupang kum 4 bawr tur vel chu a pawm kang nghal nawlh bawk.

"Nimin khan kan lo chhuk a" ti sup in ka țhiante chu a en kual thuak a.

"In lo dam maw?" a ti zui sup.

"Dam chiang lutuk, Lola-i'n phone a nei chiah chu i reh nghal hmak mai" Kimkima'n a ti chiam a, țullo ti lutuk in ka nghawk sawk.



Zodika erawh hawi sawn in a nui suk suk.



"Dawr ah hian in kal ve dawn mi?" ka ti a.




"Nope, Sylvia hi an in ah ka dah dawn a" a ti a. Mit kan deuh ak a a hmeichhe naupang pawm lai ka en chuan a cousin fanu anih thu a sawi sup.




"Ok.. Sylvia, ka lawm lutuk aw" rose par lek kang ziau a ka tih chuan nuihzat hmel zetin Zodika chuan min lo en run a.




"I free dawn em?" a rawn ti thut.



Ka meng deuh kawk a.



"Free dawn e" rang zetin Nuni'n min lo chhan khalh a. Nuni chu ka va melh deuh rawm phawt a, lo nui sawng in midang ho chu dawr chhung ah a luhpui ta daih.



"Tinge?"



"I free chuan reilote ka hruai
chhuak duh che"


"Ughg.. ka țhiante.."


"Lo inhnawhpuar phawt rawh, keipawn naute hi drop te ka la ngai.. dawr bulah hian ka lo nghak ang che" a ti sup a.



Chhanlet ngaihna hrelo zet a ka en chuan Sylvia bengbul ah a phun sup a. Sylvia chuan rang zetin kut min vai lap lap a, a hmai a bial deuh ker sia, a biang a tai tek reuh bawk nen cute ti zet in a biang ah ka piai sak ta hram.



"Lo ei phawt ru, washroom ah ka kal dawn" tih leh Nuni chu thawh a rual nghal a. Kimkima fiamthu thawh nuihpui pahin kan ei nghal mawlh mawlh.




"Oh.. enteh u, henu hi prof Msa nupui ang a intihlar tum, man pawh a hlan duh loh, a chhiahhlawh nula pakhat ang a kawl ve țhin nu kha anih hi.." ti chiam ri ka hriat rual chuan ka hawi chhuak a.




May-i leh a țhiante ni ngei tur hmeichhe rual ho nen chuan kan inmelh ta siah mai.




"Prof Msa nupui ang te'n an lo sawi chiam chiam a, Sir Msa'n man a la hlan der silo... a in ah chhiahhlawh nula pakhat angin a kawl ve mai mai che tih i inhria em?" ka hmai bulah lo kun hniam pah in ring lenglawng hian a rawn ti leh kher. Dawr chhung a awm ho chuan min en nghal țhup bawk.




"Chhiahhlawh i nih chuan chhiahhlawh angin awm mai rawh, nangmah vang in sir Msa a mualpho hrep hi i hria em?" thip zet a min melh pah chuan a rawn ti leh chiam bawk.





" țhiante raipuar nau nei lek lek tawh pasal hma ah bungbû a, lo in lu* tir thei tunu khan eng thu maw i sawi a?" ring zet a rawn tih tuar na lam chu phawk zetin May-i chuan a en dawrh.




May-i nuihsawh hmel zet a Nuni lo kal phei mek chu ka lo nuih sak. Lunglei chhimthlipu-i a che tak tak dawn e.



"Lola kha chhiahhlawh tiin i hmusit vel maw? Nangang.. țhiannu raipuar, nau hring lek lek tawh pindan lehlam ah an awm lai reng a *in tih ka chak* tih vang ngawt a ţhiannu te pasal bathroom ah kai lut a, in luk tir thei mihring ai fê chuan chhiahhlawh i tih nu nun kha a la awhawm zawk" dawr chhung a awm ho te hriat theih vek tur chuan a rawn ti ta phiar phiar mai.




May-i chu a dang var nghal vek! Nuni erawh in nuam a tih hmel viau.



"Social media hmang a Lola i beih zawr zawr lai pawn duhtawk turin ka hrilh tawh che, heng i țhiante deldul hi netpack thun sakin i fuihpawrh kual a, duhtawk chin neilo in midang hmusit zawng ngawt in inkhawsa kual a.. mite hian maw, i rilru chhe zet ang hi pu ve vek ta se nang tluk a hmuhsit awm hi an awm hleinem, school pakhat ah thawk tur a an rawih zawk chhung che pawn zirlai naupang pakhat kha sex i lo hmanpui hmanhmawh ani lawm ni... kha rawlthar nun chhoh zel dan tur te kha a rapthlak a sin.. " ti leh siah in May-i bengbulah chuan a awm hnaih a.





"Pi Zawhte" ti leh kher in dang var vek a May ding reng chu a nuih leh sak bawk.




"Kâ i nei ta nange, tinge i ngawih reng.. ohhh, midang hmusit thei emaw intia indah san vah laia kan chanchin hrechiang zet an lo awm si hian sawitur a vang duh leh si! Chil te hi a rial duh a nia, i chil te kha a far nge.. tihian ti ang, ka hmel hi chiang deuh in en rawh, tunge ka nih i hrethei em?" Nuni vek chuan a ti a.






May-i chuan eng emaw sawi a tum a. Mahse, a khurh nasa lutuk vang in a rîak nawk nawk ringawt





"Kha hmeichhe raipuar, nau hrin hun lek lek tawh, chaw in ei khawmna ah i hur a chhuah thut vang a a pasal i lo in lu* tir.. khanu nau kha ka ni e, ka u kha nau a hrin dawn țep ah rilru na lutuk in a awm phah a, phone a kan lo biak che pawn zaklo lekin *in t*h ka chak tlat a lawm* i lo ti ham ham. Khatah pawh ti mualpho duh lo che in ka ngawihsan tawh che. Mahse, i nun țawp zet hre duh lo lekin helai ah chhiahhlawh tiin ka țhiannu i lo hmusit ngam vel a.. oppsss, midang hmusit hmasa tu zawk i ni a, hetia ka hmusit let ve che hi tuar dan i thiam em ang chu maw Pi Zawhte.." ti leh kher in May-i leh a țhiante ngaihsak loh hmel zet chuan table a rawn kil hmiah.




"Mihring nun hi maw, chhui chhui chuan thur chhuah a, inhmuhsitna lai tur kan nei vek! Mahse, mi pangngai chuan mite'n midang an phak ve lohna leh an hmingchhiat theihna tur chu kan ngawihbo pui mai zel. Nang erawh in mithianghlim ber ang maiin kar hnih liam ta ațang khan lar khel in Lola leh Prof Msa te chungchang zoram mipui in an khel luai luai karah lo intihlar nan *CHHIAHHLAWH* tiin i lo rak ve sek. Duhtawk tur a ka hrilh fo hnu che pawn status in i lo beizui leh hram. Midang hmusit thei dinhmun ah i din bik loh zia ka hmuh tir ta che anih hi! I ngam chuan Lola emaw midang hrim hrim pawh intihlar tum nan hmusit zawng in țawng chhuak leh rawh Lunglei-nu hi an tan ka ding zel ang, eng eng emaw kan la phawrh chhuak țeuh ang chu tiraw Pi Zawhte" ti ram hmarh pah in pizza chu a keih nghal bawrh bawrh.





"Nangnu reraw pawh kha" Nuni vek chuan May-i bula hmeichhe chalsam rual hmerh ding chu a melh a.




"Midang hmusit a, henu fuihpawrh a status upload zawk zawk ngam tur i ni chai em? Țhenawm nei lo in veng hmawr tawk ah in awm a, chuta karah mahni nuța te nupui pawh mil thei der bawk silo! Inchanchin te hi hrelo kan nilo, midang hmusit zawng ngawt a thil in tih intih chuan hmusit letna tur cheu a tam tih hria ula, vawi khatte mah Lola hi lo bei ve chiam chiam tawh su" a ti leh hlawih hlawih.







"Kha ngei kha Chhimthlipui chu anih kha" ring zet a tiin Kimkima chuan kut a lo beng thlup thlup a, dawr chhung a awm ho pawh chu an nui huk, a țhenin Nuni thusawi chu an lo thlawp a.






"Mihring tumah reng hi i hmusit thei kan awm lo, tupawh inchhui chian chuan inphawrh mualpho na lai tur kan nei vek, mahni nihna hrelo lek a midang hmuhsit chingte chu an harh chhuah nan tal tih ve fawk tur" Patling pakhat chuan a lo ti ve churh.






An ni infuihpawrh kual țhem țhem țhin ho chu an kal chhuak ta zal zal a.



"I va han *bon* tak" Nuni chu en in ka nui tawp.




"Nikum ațang ka dawh țang țang tawh a lawm, nau neih dawn țep ah rilru na lutuk in ka u a siam a, nau a hrin lai phei chuan a thi lo chauh a lawm.. tikhan midang hmusit zet a a țawngkhum dawn chuan a nun enlet hmasak phawt nachang a hreve tawh mai ang" ti sep in a ner nak.




Pizza kan ei zawh chuan țhu khawmuang tawh lovin kan chhuak nghal a.



"Zodika chuan a nghak tawh che em?"



"Ka hrelo, a awm tawh mai thei" step ah țum thla tharh pah a ka ti chu ka țawng tawp nghal chawt!





Prof Msa leh Sir Ruatsaka chu kan hma ah tak an lo ding run a.

"Bawihi"



"Lola kal ang... e, Prof Msa i bialnu May-i te pawh tun lawk khan an kal chiah, lo zilh țha la, i thlavang a hauh duh anih pawh Lola hmusit zawng hian lo țawng chhuak ve tawh suh se, a nih loh zawngin nang chang nilo ka pa țhianpa nen an inkawp vel dan te thleng in kan la bei let ve ang!" Nuni chuan a ti hlawk hlawk a.





Prof Msa'n min biak hman loh nan min kai sawn nghal dawr dawr bawk.



Rsa nen kan intawk leh hlawl a. Min hmuh chuan a ding deuh dawt a. Mahse, Nuni chak zet a min kaih hlawk hlawk avang chuan dawr panna step ah chuan a chho ta zawk a.




"Ding tawh teh" hah zetin ka thaw hawlh hawlh.




Min din pui a, thatchhe zet a Bike ngheng a Zodika lo ding reng a hmuh rual chuan nui sak in Remremi leh Kimkima chu a kal hranpui ta daih a.





"I lo awm rei tawh em?" ka ti a. Pro Pastor ani tawh dawn a. Mahse, a helmet chei rang zet leh Bike pa lutuk en chuan Jordan-a te ang a bike racing nuam ti zet a ang daih lawi.




"Ka thleng deuh chiah, lo chuang la" a ti sup a.



"Khawiah nge min hruai dawn"



"Lengkir ah chuan anilo phawt a" a helmet pa zet khum pah chuan a khi suk.



"I va nghal tak, naktuk tuk leh ah exam ka la nei a sin.."



"A la hla lutuk" a ti hluk a. Bike ah chuan a țhu run.



"Min thlah haw vat ang che" ti hram in a hnung ah chuan ka lawn a.



"Ka nu leh pa in an hmu ve chak che a" bike side glass ațang min melh zauh pahin a ti sup.


"Maw?"


"Ka sawi kha i hrereng" ti leh tlan chhuah a rual nghal der.



Tinge a nu leh pa te chuan min hmuh duh rikngawt leh tih vel chu ka ngaihtuah chiam chiam a, building chhawng sang zet gate ah kan tlan lut a, veranda zau zet a nutling leh patling lo țhu te chu an lo ding chhuak nghal a.



Kei erawh zamna in ka khat nghal vek.


"Min lo nghak rei em?" A helmet chu phelh in bike chungah a dah. "Ka nu leh pa te chu an nih hi" ti sup in ka ban rek ah a lo hum hmiah.

"Rin aiin in lo thleng hma.. heihi maw Lola chu.." nu hmelțha zet chuan a lo ti thuai a.



"Ka hmu thei che chu ka lawm hle mai" ti sep in ka kut a lo hum a. A kutphah nem zet a ka kutphah hnunglam a lo chul lai chuan Zodika chu a en tel zeuh bawk.




"Kan inhmu thut a, min lo hruai nghal daih bawk sia, engmah pawh ka lo keng lo.." ka ti niah niah a.




"Mai mai, engmah ken a ngai reng reng lo, I țhianpa hi kar leh lamah i rawn inkhawmpui ve hman ang chu tiraw?" a ti leh a.



"Ka lo tum ang" ka ti sep.




Zodika leh apa chu an ding dun a, a nu leh kei chu hriatthiam harsa zet in apa chuan min en a. A pa lian in a hmel a sar vuah a, a mitmeng thip deuh rum mai chu Zodika'n a chhun hle tih ka hre thei bawk.




"Ka patea te in anih hi, helam ah lo kal rawh" a ti sup a.




Inchhung zau nuam zet ah min luhpui a. Mipa naupang pahnih te lo infiamna lam ah chuan min kai phei a.



"Juice, coffee?"



"Aih.. ka la puar lutuk" ka ti a. Nui suk in ka ep sofa ah chuan a țhu a, chhuat a mipa naupang pahnih car lem khalh te chu a en zui daih bawk.





Mipa naupang pakhat zawk chuan dawhkan chung a juice glass chu nawk tla a, marble chhuat ah a tla keh ta chuai a.




"Awi... Mama lo tawlh sawn rawh" ka ti nghal chul. Kelawngin an awm bawk si nen glass keh chu an rah hlau zet in ka țhutna lam ah ka pawt hnung nghal a.




"Anu in a hau dawn che" a nau zawk ni ngei tur chuan a ti a.



"Hau dawn lo.."




"Hau dawn che.. i ti keh leh tawh" tih leh ring zet in anu a au a. Khap ka tum a. Mahse, Zodika chuan lu min lo thin khum nghut.




"Ehe, glass in ti keh leh tawh elaw?" Nu la valai zet lo lut chuan a rawn ti nghal a.



"Au hian a ti keh.."



"Umm.. au, apa in choka ah thingpui a in a, glass no i tikeh tih va hrilh rawh le" nutling chuan zaidam zet hian a ti a.



"Naaa... anu nangman min hrilh sak la.."



"Nilo e.. mahni thil tih chhiat chu mahni ngeiin sawi zel tur. Apa bulah ka hrilh rawh le, țha deuh a i hrilh chuan apa pawn a hau miah lo ang che.. i hrilh duh loh a, anu in a hrilh chuan choka ah a ko lut tho ang che" zaidam zet hian ati a.





Mipa naupang pahnih chu hmanhmawh zetin choka pan chuan an tlan nghal a.




Naupangte nu chuan min be siam siam pahin glass keh chu a tifai a. A kal sawn hnu chuan uluk zetin zodika chuan min lo en run mai.




"Eng nge i zir chhuah" a tih sup chuan hrethiam lo zet in ka en a.



"Lola, ngaihtuah let rawh le.. naupangte nu khan engvangin nge naupangte kha an pa hrilh tur a a tirh kher?"




"Ugh, an chhungkaw kal phung hi a niang" ka ti a.



Zodika chu a nui suk.




"Nupa leh chhungkaw inkar ah zep ruk a awm tur a nilo.." a ti sup.




"U Mami khan naupangte kha a pasal in a hauh ang tih hlau in glass an tihkeh kha zep pui ta se... nakin lawk ah u Mama glass hmang duh in glass no a kim lo tih a hrechhuak a nga, zawhna a siam leh ngei dawn..." a ti leh sup a.



Chiang zetin Zodika chu ka melh a.




"In nupa chanchin a țhen a zar Kimkima khan min hrilh a" a tih tak sup ah chuan ka ngaihtuahna a vak thui ta kher mai.




"Lola, a hma pawn ka hrilh tawh che kha.. i pasal hnen ah engmah i zep tur a nilo.. thil reng reng a hlimchhawn ah hrilh țhin la, eng ang a harsatna lian leh sawi chhuah harsa pawh nise a hlimchhawn ah engkim sawi dun țhin ru... chhungkua leh nupa inkar ah bik phei chuan rilru natna a te tham a, a hlimchhawn a sawifel theih reng, a hnufe ah pakhat in a hriatchhuah chiah hian thil nilo zawng hlir in a kal phah țhin a nia, inrunluihna a piang chhuak a, inrunluihna chu kalthuipui tak ah phei chuan nupa inkar a khi chat lian tak siam thei tu ani bawk"






Ngawi rengin Zodika chu ka melh ngawt ngawt nangin ka lungpu erawh a rang dawt dawt.



A sawi dik.




Prof Msa nen kan inkar chhiat chhan na bulpui ber pawh keimah hi ka ni.




Jordan-a chet dan engkim kha Prof Msa hrilh ve nghal vek ila chuan min runluih zawngin a khawsa lo a nga. Sex video a dawn rual pawn ngawihbo pui a, zan riah chhuah phah nan a hmang lovin engkim min sawifel pui ang..




Ka u gate pawn ah Bike a ti ding dawt a. Rang zet a chhuk in lawmthu ka hrilh nghal zat.



"Thingpui i lo in duh em?" ka ti a. A helmet hma lam galss chu a nawr chho a.


"Naktuk tuk leh exam tur i la neih kha"

"I va nghal tak" ti hlak in a ban bulah ka beng thlawp.


"Lut tawh rawh, nidang ah i chhungte chu ka la rawn hmu ve ang" ti sup in hetmet chu a siam țha vut.


"Anih chaw ei tui aw.."

"Lola, Chaw ei tui le"

A tlan liam chu ka thlir zui reng a.

*Kan inbiak tawpna ber ah hian ka hming a lam tel ve ziah zel* ti neuh neuh a gate ah ka lut tur chiah chu ka tawp nghal chawt!


Ka taksa chu a rawn sa chhuak pup pup a, ring ngam chiah silova sir lam ka va en phei chuan gate thir chu nghet zetin ka hmer a.



Țhenawm te car hnung ah prof Msa Bolero a lo inhung run a nih chu!


Ka hmu tih a inhriat rual chuan insehruh țawlh țawlh chungin bolero chu a ti nung a! Chak zet in a rawn dawk chhuak nghal zawk.


Ri tuar khawp hian ka bul chet ah a rawn ding thi duk a! Glass in down ri ka hriat rual chuan ka tukhum a hit mum mum


"Amah kha mi?" Thil tenawm zet sawi ang mai hian a rawn ti nek!

Hrethiam lo zet hian ka en a,.

"In sex video- a mipa kha ani em ka ti mai a nia" ngeiawm zet a khi suk pah hian a rawn ti leh kher. A mitmeng sen rum ah chuan min diriam chak hluah hluanna ka hmu tel bawk.

"I ngaih ang kha a nilo..."

"Huh.. chu lam ka care lo, In inhmeh khawp kha.." ti leh hrawih in glass chu a up a, chak zetin a tlan chhuak leh nghal zat bawk.


/


Exam kan zo fel a. Ka fail chu ka ring lo nangin ka ti țha hran lovang.


Ka nun phung chu a pangngai in a kal chho mawp mawp a, ka mumang a fuh loh chang erawh in sex video kha tehdarh tu an lo awm a. Mipui pungkawm tam zetin min lo diriam țhin a. Hlau leh thlaphang zetin ka harh chhuah hlawl zel.




Khami tlai a kha zet a min țawng khum fuk fuk țum bak kha prof Msa nen pawh kan inhmu leh tawh lo.


U Mimi'n a nau te hnen ațang a hriat dan chuan in-ah May-i'n a kal chilh țhin.



Chuan, thu lawmawm lam.

Ka u leh u Biakpuii te thlaleh hian an innei dawn! Ka u in pawh a rukin kan singsa țan a, ruai tur vel pawh order kan siam fel vek tawh.


Bawihpuia lah a lo phur ve em em mai a, u Biakpui nu leh pa pawh 'api, apu' a ti lauh lauh zel a. An inngaina tlang tawh lutuk.

Ka u te pafa u Biakpui te in an leng a. U Mimi nen chiah Tv kan en a, Sammy te in ah party an siam nangin ka chhuak peih thlawt lo.


Door bell a rawn ri a. U Mimi'n a hawn sak a.

"Lola-i a awm em aw..." mipa aw ri ka hriat rual chuan ka hawi chhuak nghal dawrh.


"Aw, lo lut rawh"

U Mimi hnung a mipa lo lut chu ka beisei lo tak zet. Sir Ruatsaka chuan zalo zet hian min nuih sak a.

"Ehe, Sir Ruatsaka chu lo kal rawh " ka ti hliai ringawt.

"Eng nge i duh teh mial a" ka ti ve ngial a. An nupa inneih champha a ka telve bak kha a hranpa in kan inhmu ngai silo a, biak vel dan tur ka hrelo tak zet


"Biak che a țul tlat" nui lui hawk in sofa ah a țhu thla vut a. U Mimi chu a room lamah a inthiarfihlim nghal daih bawk.


"Englam nge ni ang le.." ka nui a. "Thingpui i in phawt duh em?"
Lu a thing nghut. A kut pahnih chu chelh kawp in a ngawi deuh vung vung a.

"Malsawma leh May-i chunhchang a nia" thutak zet a min en pah chuan a ti a.


Kei erawh ka lungphu a rang nghal dawt dawt!


An inru tih chu sawi lul suhse!


Kawsik tur ang mai a awm nuam lo hian ka chhungril chu a țham ur ur.


"Malsawma leh May-i an inkawp angin i ngai tiraw?"


Sir Ruatsaka chu thinphu rang zawih zawih hian ka en a. Țawngkâ a chhang lovin lu ka bu ta nghat.



"Thudik i hriat ngei a ngai a nih chu" hmai tuai puat in a țhu rem a.


"May-i fapai chungchang kha i hria tiraw?" thutak zet a a lo tih leh chuan ka lungphu chu a rik hian a ri dawt dawt tawh.
"Aw"

"Ka fa anih kha"


Mak ti zetin prof Ruatsaka chu ka melh nghal kawk!


"Engtin nge a nih theih?" Ka ti sep a. Ka awina leh awilohna chu a inzat reng.

"Kum tir ațang khan May-i nen kan i kawp tawh, ka nupui hi cancer ani a, zanah mutna damdawi eiin hma tak ah a mu ziah a, mipa ka ni a, tisa thil ah mamawh ka nei bawk... May-i hi ka zirlai naupang mah nise sum hrawm na ve tak ani a, pawmlai nei kawp kual a hreh lo tih ka hriat ațang khan kan inkawp ta chat a... ka nupui țhenphah nan hman erawh ka tum lo! Kan chhuangkua a kehchhiat lah ka duh bawk hek lo. Mahse, mipa ka nih angin tisa thil ah mamawh ka nei ka tih tawh kha.. May-i nen pawh hun kan hmang tam telh telh a, ka nupui in min ringhlel deuh nia ka hriat vangin Malsawma puihna ka ngen ta ngawt a"
A ti a.


A thusawi chu rilru buai zetin ka ngai thla mawl tawp.


"A tir chuan Msa hian a duh báu lo! Tawp san tur leh hetiang thil ţawp zet a inhnam hnawih lo turin min zilh fo a. Kei lah ka kal thuk telh telh tawh bawk si! Kan inneihchampha a thlen hma kar khan ka Zawri bawk hian min ringhlel deuh a ka hriat vangin Msa bawk ka pur leh ta ngawt a. Mak tak maiin țum dang a min zilh nek țhin khan min puih a lo inhuam ta hlauh a.. i hriat ang khan party-na ah pawh May-i a lo tel ve kha... " a ti a.


"Pawisa min dil tam tial tial a, chhungkaw pa ber leh eizawngtu ber ka ni a, a duh ang a tam ka pek theih loh chin ah chuan min vau let titih a, kha zan pawh khan min vau-na ang reng a lo telve anih kha.. Msa khan min puiin a awm hranpui hlauh a. Ka nupui leh fate lakah chuan ka him thei ta hram.. mahse, in nupa inkar in a tawrh phah ta erawh i țhiannu sawi ațang khan ka hre ve chiah" ti leh hulh in a sawi duh loh tawp a sawi chhuak tih hriat zet hian a thaw hawk a.




"Msa leh May-i i hmuh dun chhan te kha ka nupui lakah ka him theih nan Msa min puihna vek zawk a sin! Ban san turin min zilh fo bawk. May-i lah a rai ve leh ta zel sia. Pawisa min dil tam tulh tulh a, a duh ang zah ka pek loh lahin engkim ka nupui hrilh ah min vau ta zel a. Kei lah ka nupui phatsan a nula dang ka kawp miau avang in man chhuah hlau reng reng in ka khawsa a! Tun ah erawh Msa min zilhna te vang liau liau in ka tawp san thei tawh!" A ti leh duah.




" Clinic ah Msa'n a hruai bawk, May-i chu a lo rai ngei a, a tlai ah in inah kei leh May-i kan inhmu bawk. Pawisa min dil chhuah nan mai mai naute kha hman a, a lan chhuah tak tak hma a paih a tum tih pawh Msa min puihna vang in ka hrechhuak a, kan pahnih inzawmna țawp zet pawh ka chhu chat fel tawh"

Sir Ruatsaka chu ka melh ngawt ngawt! Ka rilru chu a buai tak zet.

Dawt sawi hmel a pu silo a. Mahse, prof Msa kha zan tin deuh thaw a riak chhuak a, May-i hot zia leh nalh zia sawiin min diriam fo bawk si.


Aaa... eng ber hi nge awi tur pawh ka hre seng tawh lo. A țhianpa in inthup nan a hman laiin prof Msa pawn May-i lakah remchang a lo zawng ve thei tho tih vel ka ngaihtuah a.


Professor Ruatsaka haw hnu pawh chuan ngaihtuahna buai zetin tv room ah ka țhu reng a


Ka phone rawn ri thut chu rang zet in ka la kang a. Screen ah chuan number ringawt hi a lo lang a.


Chhan loh ka tum zet nangin ka phone hmasa kha tuiah a bil bo daih sia. Ka hmelhriat tu emaw anih ringin ka chhang a.


"Hello.."

"Hlimpui.. i ni em? Keimah, i nu Hmingi"

"Nu Hming.."

"Hlimi, khawngaih takin Mapuia in ah hian lo kal hram ta che" țah insum zet hian a rawn ti a. Ka bing nghal mup mai.


"Prof Msa chu a țha em? A chungah eng nge thleng a?" ti zung zung in ka tho chhuak a, ka scooty chahbi leh helmet chu ka ban kawp nghal hmiah.

"I hming a lam reng a, biak in min chhang duh bawk silo, karkhat zet chu thil a ei tawh lo.. ka beidawng tawh em ani"


"Ka lo kal ang" ka ti a. U Mimi chu au in prof Msa in ah ka kal tur thu ka hrilh nghal zung zung.



Kawngtluan chuan ka rilru a inhnial buai a, ka thil tih hi a dik em tih pawh ka hrethiam tawh lo. Ka hming lam chhuak reng mahse min hmuh rual in rapthlak lutuk in ache leh thut a ngem?


Lu thing nawk in gate ah ka inkhalh lut a, kawngkhar ah nu Hmingi chuan min lo nghak a.

"Tun ah chuan a muhil a.. " a lo ti vat. Ka thaw huai mai.


"In inkar a thil thleng hi a pawi tak zawng anih hi... i tello a a nun buaichuar zia hi amah hrechiang tutan chuan hmuh a hreawm a sin. I hming lamin a phun bual bual a; biak lahin awmzia a nei bawk silo... kartir khan "Bawihi chu a lo let tawh dawn lo" tih zawng a sawi a. Room ah a inkhung ta chawrh chawrh anih hi"



Lainat hmel zet a khum a prof Msa muhil melh veng veng pah a a tih chuan ka inhum ruh nghek.


Kartir... Tlaiah Zodika'n min thlah lai a hmuh khan thawhțan ani a. Sex video a mipa kha emaw tiin kha zetin min zawt anih kha..



"A lo harh hunah a hmu che anih chuan thil ei nachang te pawh ahre mahna" nu hmingi chu en nghal haw.


"Thil a ei lohna a rei tawh lutuk.. " thaw hak a ti pah in chauh hmel zet hian mit a chhing a.

"Nu Hming, i duh leh let san la, prof Msa chu ka lo buaipui mai ang"

"I hlau lo maw.. Rsa khan.."

"Ka.. ka ti thei mai ang" nui lui in ka en a. A thaw huai mai.

"Nie, zan hnih ngawt ka tlaivarpui tawh, ka lu hi a na ut ut. A zirlai naupang pakhat .. May-i a intita in ka hria. A lo kal țhin a, mi țha tak emaw tiin ka lo lawm em em a. Mahse, batroom ah ka kal kha ka haw san emaw a ti a niang, inphelh ruak in Mapuia bulah inthawlh a lo tum anih chu!"

Lawmloh hmel zet hian lu a thing nak nak bawk.



Nu Hmingi a let a, kan nupa mut pindan ni țhin ah chuan ngaihngam lo zet hian ka ding reng a.

Prof Msa muhil in ka hming a lam chhuah sup țhin bak thawm dang a awm lo.


*khawnge i awm?* Jordan message


*prof Msa in ah* ka ti a. A seen a, a rawn reply tawh lo.


Darkar khat dawn hnu ah inhnuai ah a eitur tih lum sak tur in ka chhuk thla a, Nu Hmingi khan Bruno chu inpui ah an lak thlak thu a sawi tawh.



Gas thuk ah bawngsa leh alu kan pawlh ka chhuan lum rak rak lai chuan min thlir rengtu an awm hian ka hria a. Ka hnung zang thla leh tukhum chu a sa pup pup.




Gas tihhniam in ka hawi let a, pajama chiah inbel a prof Msa choka kawngkhar a lo ding run ka hmuh chuan tawite in ka nuih sak.


Prof Msa erawh a lungphu a rang dawt dawt tih hriat zetin a thawk lak a rang a, a kâ ațangin a thaw chhuak hawk bawk.


"Lo țhu rawh, nu Hmingi khan engmah i ei mumal lo a ti a, hei, chawhmeh ka chhuang lum mek.."


"Lalhlimpui, thlarau mai i nih chuan tunah hian ka in ațangin chhuak nghal rawh" vin zet a ti tuar in a kutphah lian zet chuan hmai a tuai pawk a.



Min rawn en leh a, ka lo la awm tho tih a hmuh rual chuan tawrhhar zet a min en in a kâ ațang bawk a thaw leh hawk.


"Dinning table ah khan nge i ei dawn.. breakfast table ah zawk?"


"Bawihi" a tak ngei ka nih chu a awi hlawl lo tih hriat zet in a aw chu a ri hawk.


" lo țhu la.." gas thuk chu ka off a, bawngsa chu bowl ah suah chhuah tum in bowl dahna ka ban a, chutia dingdihlip a ka phar chhuak lai chu ka hnung lam ațang nghet zet in min rawn kuah nghal hmiah. A lungphu dawt dawt chuan min nghawr che a, ka ngheng ve nghal rawk tho.



"Engvang teh hrep a lo haw har em em nge i nih?" ti tawk chungin ka darah khabe a rawn nghat dawt.


"Sawi rawh, ka ngai che tih i inhrelo em ni?" Zuai ruih a a tih leh chuan ka țah a chhuak nghal em em ringawt.


"Chaw ei tawh rawh aw" ka ti sep a, ka dul a a ban hrawl zet suih beh hmiah chu ka zuk chelh a.


"Professor..."


"Min kalbo san tawh dawn lo tih sawi phawt rawh" a ti hmuk a, ka nui chhuak hak nangin ka mittui a tla zawih thung. Hetiang lehlutuak hian animaw min lo thlakhlelh em em ni.

"Ok, chaw i ei dawn chuan ka kalbo tawh lo ang"

Ka che a; min kuahna chu tlem te in a thlah thawl a, a lam hawi a ka inher chuan heh ka pet nghal fan fan mai.



Ka kalsan leh hlauhna a khat mitmeng hlauthawng zet a min en in ka biang a rawn khuap nghal chawt a. A thawk lak phei chu a rang lutuk mah mah bawk.

"Min tiam phawt rawh, ka hriat loh laiin i tlan chhuak tawh dawn lo... chuthu chu min tiam hma chuan ka man bet reng mai ang che" ka nui chhuak hak a, prof Msa hmel erawh a la buai nuaih.


"Ka tiam a che.. Ka kalbo tawh lo ang" ti sep in a mitah tak ka melh a. Rei fe min en vung vung a, a tawp ah chuan thaw chhuak hawk in a awm ah min kuah bet a. Ka chhip ah a fawp zui tawk bawk.




//

Jordan's pov


"Henu phiangsen hi ka haw lutuk" ti tuar in phone chu khum ah a vawm pawp.


"A video kha ka thehdarh dawn..."

"Ka that che ani mai" ti hrawk in tukverh bul a hmeichhe ding chu ka pan buan buan a.

"Huh.. ka hlau che in i ring em ni? Ka mipa hmangaih ber nen an awm dun leh tawh kha.. thihna nen ka tam a danglam i ring em ni" ti tuar in cho zet hian min nelh vah.



"I ngam chuan video kha tehdarh rawh.. Lola nilo mahse Lola natphah theihna tur leh a mualphona thlen thei thil engpawh i tilui anih chuan ka that hreh hauh lovang che" ti hrawk in a tumkhum sam ah ka țham a; kuai dak awrh in hnaih zet ah ka bih chhuk ngur.


"Min fiah tum buai duh suh... he i ringruh nalh zet hi zanin la la hian herh tliak in bathroom a tlu sual angin ka lan tir thei reng che a nia" khi suk in a sam ka țham chu ka thalh dawrh.


Rum zet a min melh chungin a thaw hawk hawk a.


"Nasa zet a i thluak vawrhvirna lah a flop vek bawk sia... tikhan ngawi hle hle in min lo thlir tawh ang che.. Lola nat theihna tur zawng a i che leh anih chuan i dinna tukverh sang zet ațang khan ringruh tliak vek khawp in ka paih chhuak ang che"



Chak zetin Rinchhani room ațang ka chhuak a, a chhungte min lo biakna pawh chhang let mumal lovin ka kal pel a. Car ah ka țhut luh rual erawh in na zetin steering ka chum nghal bur.




Lola hmel ang zet video kha Rinchhani'n ka u a thawn a, kan duhthusam ang ngeiin nghawng a nei na hle bawk.





Mahse, ka lo beisei angin Lola-i'n inbun ruah nan min pan tawh lova, ka hriat hauh lovin Nuni te thlam ah a biru bawk anih kha!



A hmel anpui hmeichhia hi keipawn a phirpui ani em tih ka hre hauh lo. Zawn chhuah tum in theih tawp an chhuah a. A chenna hmun engkim ka hre vek tawh. Lola hnen ah hrilh duh viau țhin mahila a nat chang leh țanpui ngaia a awm chang pawn min pan tawh ngai miau lo! Chu chuan engtiang tak in nge min tihhreawm a hrethiam hlek lovang.





Naktuk zan hi engmah ka tiam thei lo che u aw. Lo surprise theih che u erawh ka chak tak zet! Ințawngțaina ah ka tar enkawl lai tan hian min lo dilpui ve țhin ula 😍 Stroke, Lungțha lo/ Bp sang/ zunthlum.. A kaih fo zel hi tunlai kan buaina ber a nia. A dam țhat loh chuan ka tan story lo ziah san a theih ngai siloh a. In țawngțaina ah min lo hreve fo dawn nia u aw. 😍

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » November 4th, 2020, 6:27 am

49

🍒

A kutphah lian zet a ka hnungah dimdawi lutuk a chul hauh hauh tu lungphu ri dup dup chu ngaihnawm ti fê hian ka ngaithla a.



Hetiang ang a hnaiah a lungphu ri ka hriat lohna rei tawh zia ka ngaihtuah let rual chuan ka hnuk a ulh țéúh ringawt.


Zodika khan " Nupa chu in hauh bawrh bawrh te, in tau khumte hi a țha phian a nia; in in tih tau khum chhung khan in lo inngai hman a, in ti lungawi chiah ula'ng chuan in inthlakhlehna a pung sawt bakah in inhmangaihna a chak sawt ang, chuvangin nupa ah chuan thuruk awm lo se, thiltê tham ang lang pawh sawi tlan zel tur" tiin min hrilh a, he lungphu ri thlamuanpui awm hluah hluah mai ngaithla theilo a ka awm chhan pawh a tir aţang ka pasal lakah zep ruk ka neih vang tih ka pawm tawh.


Tun ațang chuan Zodika thu min hrilh angin zep ruk nei miah lovin engthil pawh Prof Msa hi ka hrilh zel tawh ang.

"Min ngai ve em?" a aw thuk ruih chuan min fan kual rawih rawih.

"Sawi teh Bawihi, min ngai ve em?" ti leh sup in a thaw chhuak hawk.


"Umm, ka ngai che a lawm" țah insum zet hian ka ti a, a awm lum thur thur leh ruak kung chu ka hmai a nawrin a kawngah nghet zetin ban ka suih bet a.

"Ka ngai che.." ka ti nawn leh sep.



Prof Msa chu a kâ aţangin a thaw hawk a, engmah a sawi chhuak tawh lo nangin a lungphu rang dawt dawt kha a muang tial tial tih erawh ka hria.


Khuhtu awm lo a awm tihrawl khauh leh lum nuam zet rim chu a mipa bik hluah hluah, kan lungphu ri inngaihthlak sak tawn in kan ngawi dun reng a, engang a in hmangaih leh inthlahlel tawn pawn kan inkarah zep ruk a tam lutuk chuan kan inhmangaihna aia nasa in inhriatthiam lohna a piang chhuak thei tih thlengin kan boruak tawn hian min hriatfiah tir uai uai bawk.

"Ka Duatte, keima duatte.. ka duatte hi.." ti sup sup a ka sam a chulna chuan min țah nuih tir hawk mai.



"Kalbo tawh suh aw.." thuk ruih hian a ti leh sup " i tello chuan thawk lak ngaihna hlawl ka hrelo! Thawk ka lak rual apiangin natna hlawm in min hnawh bet a..." sawichhuah harsa tih hmel zet hian a rawn ti chhuak hrawih.


Chiang zetin ka mitthlaah Damdawi in ka chhuah san nia motor chhung aţang thawk lak harsa tih hmel lutuk a min en vung vung lai kha a rawn lang a, khami ni khan min chan a hlauhna te, ka kalsan vang a mangang lutuk te kha hnem ka chak em vangin kei ngei pawh thawk chhuah harsa khawp in ka awm chhung a na ngut ngut anih kha.

"Professor.."



"Ummm" thatchhe zet hian a rawn ti thum ruih.


"Bawngsa a dai hman ang.. ei tawh rawh aw" ti sep in ka tal hrang a.


Thaw huai a min thlah thawl takah chuan gas thuk lam hawin ka inher nghal zat.




"kha tia min inlakhran san ngawt kha i tum em ni?" ti sup ri vang chuan ka thinphu a rang nghal zawih zawih!



Ka ban rekah nghet fê hian a rawn man a, ka hlauhthawn dan chu rapthlak tak ani tawp mai! Uire ah min puh in kut min thlak leh dawn em ni?



Dimlo lutuk in min kuai her lawp a!

A hmel lan dan ka hmu chiang hman lo!


Rang lutuk hian a kutphah lian zet chuan ka tukhum sam ah a rawn țham nghal hmiah, ka thisen a lum chhuak nghal pup, min kuai dak ti tih bawk, ka hmai bul ah rawn thaw lum ham ham pah chuan a kut phah hrawl zet pakhat chuan ka khabe ah a rawn dawm in a rum chhuak nghal hrawih.



A kut ah ngei thi dawn a ka inngaihna kha a dik tihna em ni?


Hlauthawnna nasa lutuk hian chawpchilh zet in min tuam hlup hlup, zanin hian kan pahnih chiah in kan awm dun lehnghal!




Kut min thlak anih chuan ka chan tur rapthlak zia kei tluk a hrechiang an awm miah lovang!


Thinphu rang zawih zawih a thaw dep dep hian amit ah chuan ka en a.


"ka.. i ei tur ka siam dawn lawm"


Ka beisei loh zet hian prof Msa chu rawn nui nghawr dawt.


A taksa si chet a min pawh hnai leh hrawk pah chuan mit ti zim sun in ka hmui a melh ngur ngur a. A mitmeng uk thim ruih a min thlakhlelna nasa zet lo lang chhuak ka hmuh tak ah chuan ka hahdam hawk.




"Eitur aia mamawh hmasak ka nei ti ta ila" ti sup in pa zet hian a kiai suk a.


"Ih.."


"No, min dang hlek suh, he i hmui thlum tui zet hi duhtawk a ei hmasak ka mamawh" ti leh sup in a kutzungpui chuan ka hmui hnuai a rawn nul thuak, rawn kun hniam in a hmui lum thup chuan ka hmui a rawn nawr si vang vang a!




Hun rei tak hnu ah ka mipa hmangaih ber hmui lumin min si leh chiah mai chu hlauhna vang nilo in ka lungphu a rang nghal dawt dawt. Boruak chu țang ut si hian a muanawm ruih lawi a...




A hmui hmang a ka thisen a tih lum chhuah vek hnu chuan zei lutuk hian a lei hrawl zet hmang chuan ka hmui a rawn nawr kau va, uar zet a ka kâ chhung a hawl kual ngawng ngawng chuan a chhungril a min thlakhlelna meipui alh hluah hluah chu ka feel thei hial in ka hria.




"Min fawp let rawh, Kitten" ti chhuak sup in a kutphah lian zet pahnih chuan ka bekah a rawn dawm nghal zat.



A ban rek ah chelh ve in ka theih ang a uar chuan ka fawp let a, chu chuan prof Msa chu a chawk phur tih hriat fê hian kohham zet a min fawp zawm ngawng nawng chungin ka cardigan hak chu a pawt kau nghal hrawk, kawrbah chhanah ka hnute chu a hrawm nghal nawk nawk bawk.




"Tikhan tui zet in chaw pawh ka ei thei tawh ang" ti sup in ka hmui hnuai seh hram in min fawhna chu a thlah a, a kut lian leh lum thur thur erawh ka awmah a la nghat run. Boruak tlacham lutuk hian ka thaw chhuak hak a, Prof Msa pawn ka kawngah man run chung a min chhuk melh ngurin thawk a la ve hulh hulh tho.




"Eitur chu min han chhawp sak ta che ka nupui" pa zet a kiai suk in a mitmeng lang lum huam chuan min melh run a, ka biang sa hat hat vang chuan lai zetin lei ka chhuah ta zeuh ringawt.





Gas thuk lam ah ka let a, stool-ah țhu run in ka lak ațang mit la sawn miah lovin ka che vel chu min en vung vung.



Zanin hian sex video kha ngaihtuah chhuak in țíhbaiawm zet in min chet khum leh a ngem? tih te chu ka ngaihtuah reuh reuh a.



Chutiang thil chu a thleng lo ang tih a sawi theih miah loh! (?)


Heta ka awm thu hi Rs-a tal hrilh hriat a țhat te ka ring rum rum.



A chhan chu Rs-a ngei pawn amah ah hian min huatna leh min hmangaihna an indo nasa lutuk a, min huatna in a thunun hneh zawk chuan amah hi ka tan a min hlauhawm ber ani theih tih min hrilh chiang viau tawh!





Min hmangaih ngawih ngawihtu Malsawmtluanga chuan kut min thlak a duh ngailo! Kut min thlak zan pawn a mitmeng a inthlak danglam rual in pawi tihna a khat a min en in ngaihdam min dil mawlh mawlh anih kha!





Mahse, uire ang a min ngaihna rilru a thunawn zawh loh rual chiah khan a kut hmang ngei a min thah chakna in a mitmeng thlengin a danglam vek țhin! Kha mihring zawk kha hetia țha tê tê a kan awm lai reng pawn vawi leh khat a lo chhuak thut thei ani!





Ka ngaihtuahna hahdam thlak loh zet zet te vang chuan ka thawk thleng in a mumal lo zo a. Ka hah leh țûn tawh.





Rice cooker a chaw chu ka khawrh chhuak a, Bawngsa leh Alu kan dawhkan chungah ka va dah inher leh tur chiah chu ka ban rekah lo hum chawtin min pawt let leh lawp. Inringlo zetin ka rak țhat a, Stool chung a a țhu chu ka bawh rawk rawk.




Prof Msa erawh a nui nghawr dawt. A khabe hnuai ațang ka melh chho haw a. Kan inhmachhawn tirh a a hmel lan dan thîm khup leh ipik hmel lutuk kha an bo vek tawh! Ka hriat țhin mipa phur thei zet mitmeng lang lum huam bawk si ka hmachhawn tak ah chuan ka ner ta nang a.




"Eitur i duh tawh emaw tia.." ka ti hlak, khi suk in a thaw huai a.




"Min kuah leh phawt rawh" ti sup in a awm tihrawl lian zet ah chuan min kuah bet leh nghal, tawite hian ka nui ta hak ringawt.




"Ka zawhte note..." ti fan ruih in patlingin a fanu duat lai kuah chung a, a awi hlu hlu ang mai hian min awi hlu hlu a, a khat tawk a ka beng ah lo fawp a, ka hnung a chul hauh hauhna te chuan zankhua a daih theih nan rilru țawngțaina ka nei hial bawk.





/



Couch ah mu zangthal duai in a taksa chungah prof Msa chuan min bawh tir a, a awm pharh hlai hlup, pangtilum vang a lum thur thur ah chuan khabe ka nghat a, pawn lam ah chuan nasa fê hian ruah a sur buan buan, boruak chu a vawt deuh vur bawk.




Prof Msa chuan mitchhing vung vung in nghet zetin min kuah bet tlat a, a muhil anih ring chuan ka phone ka ban a, ka u missed call a lo awm țeuh.




Thaw chhuak hak in prof Msa chu ka melh zeuh a, a khabe ruhkual hrawl zet chu hmul in a bawhkhat luk a, a thawk lak na bik lutuk vangin ka che ve zel. Tih hrah hlau zetin phone chu ka hmet eng leh a.


Ka u rilru ka ti buai ngawt ang.


*u* tih zawng ka thawn phawt.


Sawi mai tur ka hre silo a.

In koh (ko) țhat pawh awm hlei lo in a awm loh laiin prof Msa ka pan ringawt a, ka lakah a lungawi lo ngawt ang.


Thaw chhuak leh hak in lu ka thing nak.

*U, Prof Msa in ah ka phei a sin*

Ka message chu a seen a. Rang zetin a call a rawn lut nghal zat. Ka rilru nuam biklo lutuk chu ka tawt up up. A farnu dik tak ka nilo! Chutichung chuan a theihtawp a țha in min en kawl a, sex video a hmeichhia kha zawng in a buai em em reng bawk.



Ka buaina thlen zozai te hi a namai ngailo! Min chinfel sak dan kawng a ngaihtuah laia a phalna la hmasa hauh lova prof Msa ka pan leh hian thinrim tawpkhawk a siam in min thlauhthlak phah mai a ngem?







"Hello" tîm fê hian ka ti sep.

Ka u chu a rawn thaw chhuak ham ham a, ka hlauthawng lutuk chu thawk pawh ka thaw țha ngam tawh lo.

"Mimi'n i phei a tia"

"Aw, u, ih, nu Hmingi'n min lo bia a, engmah ngaihtuah nawn hman lovin ka kal chhuak tawp a... u, i thinrim em?" ka ti a.



Min chhang let lovin ka u chu reh vung vung! Ka thinphu dup dup vang chuan ka thawk thleng in a buai mup. Prof Msa muhil chu tih harh ka hlau bawk si nen zawite hian "u?" ka ti leh sep a.


Ka dinhmun laklawh lutuk vang chuan ka țah a chhuak ut ut.


"Tunah Msa'n eng nge a tih?" a rawn ti nghut.

"A muhil a" rang lutuk hian ka chhang a.


"Kut a thlak leh lo ang che maw? Video kan chinfel hma chuan hnaih tawh lo la ka duh a sin" ka u aw nghet churh vang chuan ipik up up siin sawi tur hlawl ka hrelo.




A lakah ka inthiam lohna a lian sauh a, chutiang bawk in prof Msa'n kut min thlak leh thlak loh tur ka chiang bik bawk silo! Ka rilru chu kil tin ațang ipikna hlirin a rawn zim tup tup ani ber.


Prof Msa hi a mutthilh lai hian ka haw san leh tawp zawk dawn em niang?


"Aaaaa, in inru tawh a, țha i tihdan khan han awm leh phawt mai teh"


Thaw hawk in phone min dah san hmak a nih chu!


Reilote chhung chu hamhaih zet in melh ngai ka melh ngut ngut.

* țha i tih dan khan han awm leh phawt teh*



Ka u țawngkam vang a rilru mangang lutuk leh ipik lutuk chu țah chhuah vak ka chak hluah hluah.



Ka lakah a lungawi hlawl lo tih chu kei tluk a hrechiang an awm kher lovang!


Engtin nge ka tih tak ang? Ka lam țang reng țhin ka u ber ka lakah a lungawi lo chuan zanin hian ka chungah thil engpawh thleng se, tlan haw leh ta ila, min lo lawm tawh kher lovang!



Ngatinge le dinhmun khirh khan lutuk ah ka din bik țhin le?



Beidawng zet hian ka thaw chhuak hak a, a ban hrawl zet a min kuah bet tlat tu taksa chu a che deuh țúal țúal a, rang zetin ka hmel lan dan chu ka siam țha nghal a.



Mahse, a muhil nghet leh nghal tih hriat fê hian "Bawihi" ti chhuak sup in a thaw suai suai. Nu Hmingi khan karkhat zet a tal buai thu a sawi kha ka ring nghet hmak bawk.





'I ngaihtuahna hi hriat sak vek thei che ila ka ti' ti sap in prof Msa khabe ruh kual chu ka chul a.


'Ka lakah sual tawh suh aw, zanin hian i hnen ah ka lo kal vangin ka lakah ka u a lungawi tawh lo, khawngaih takin kut min thlak tawh miah suh'





Ka rilru ipik lutuk chu tih thawl tum in prof Msa awm ah chuan ka bei a, a mu țha ngailo tih nu Hmingi khan min hrilh tawh, zan hnih ngawt a tlaivar phah hial bawk anih kha, nghet zet a muhil a, thawk la suai suai pa lungphu ri chu ngaithla in ka maimitchhing a, ka u lungawi lo pawh kha ka dem chuang lo.



Prof Msa hi engkim sawifelh pui theih tawh se ka ti tak zet. Video kha ka sawi chhuak anih chuan a thinrimna nasa zet hmachhawn ka inhuam a ngai ngei dawn. Kut hial pawh min thlak leh phah mai thei.


Ip ru chawi in thawk ka chelh nghal tlat a. Rs-a hnen ah khan Prof Msa in ah ka phei tih leh kan pahnih chiah in kan awm tiin message ka thawn a, a buai ve anih ka ring, ka message kha a hmu thei miah lo.



🐾



Ring zet a țék rawn tla ri țhúai vang chuan ka harh chhuak hlawl! Ka thaw chuak dawn a! Ka thei lo!


Mangang zet hian eng emaw rit lutuk min delh bet tlat tu chu ka dap nghal rawk rawk.



Mahse! Engthil nge ka chungah thleng hi!



Pindan chhung thim mup ah kawl eng zet rawn phe lut zawr in prof Msa hmel a chhun eng pup chu hlau lutuk hian ka melh nghal kawk kawk.




Kawl bawk a rawn eng leh zawr a! Prof Msa chuan min lo țhut bet in ka hrawk ah a lo rek anih chu! Hlauthawnna nasa lutuk in min tuam chhuak nghal vek!


"Professor..." thawk harsa ti lutuk a tal pah chuan a ban ah ka nam a. A tha chak bik lutuk leh taksa rihna te nen min delh beh tlat avang chuan ka thawk chu a buai nghal vek.



"Mi tenawm nu" khur ru dur dur hian a rawn ti chuak hrawih.


Ka hrawk a rehbeh ngawt ngawt thawklehkhatah a thlah thut rual chuan ka khuh țhawt țhawt a, ka hrawk leh hmai a sa vek!


"Tu phiangsen nge i uire na pa kha.. sawi nghal rawh" ti fiak fur in ka chhip sam ah a rawn țham zui nawk! Min phih kang dawrh a! Chumi rual a kawl rawn phe eng zawr a prof Msa hmel lan dan chu rapthlak tak ani tawp mai!




Ka taksa pum chuan a hit sung sung a!

Zanin hian ka thihna tur ka pan tih chu ka ring nghet nghal hmiah!


"Sawi rawh! I uirena pa kha tu phuangsen nge? Vawi engzat nge i in t** tir" thinrim zet a ti vin leh tuar in na lutuk hian ka khabe ruh kual ah a rawn hmer sawk!

"Khawngaih in.. in inbeng dai rawh.."

"Kha kha ka zawhna chhana a nilo" a aw rawl lian leh hlauhawm lutuk vang chuan ka thisen a kang duak in ka hria!



"In pahnih in ka that dawn che u... in ruang tuitang lo zet pawh hmun khat ah ka phum bo ang" ti khur dur dur in ka khabe ruh chu hmeh keh a tum ta mai mai emaw tih tur khawp a na hian a rawn hmet ngawt ngawt a.



A nat em avang chuan ka taksa pumpui chu a hík (t) mup mup.



"Nuam tak a ka thih tir che ring hauh suh" ti chhuak hrawih in ka chhip sam a țhamna chu a thlah thut, hmeh sawm vek tum ang hrim a ka khabe a hmerna pawh chu thlah in na lutuk hian khum ah chuan min nawr bet a.





Țek tla ri țhuai țhuai chu a hla tial tial a, a tawp ah phei chuan ka hrawk leh khabe ruh na ngut ngut bak engmah hriat ka nei lo.







Eng emaw tla keh darh chuai vang in thazam chu a za țek chhawk!


A ri leh bur a!


Phu chhuak dawrh in ka țhu chhhuak nghal awt! Mahse, chumi rual deuh thaw a ka khabe ruhna vang chuan ka thin hnun thlengin a na nghal ngut ngut. Insehruh chawt chawt chungin ka khabe chu ka khawih a! A lo sa hut hut a, min tur ut ut bawk. Ka biang a mittui lo lungthla pawh chu hru turin ka kut chu ka tiche hleithei lo.




Hetiang em em a natna hi nungdam a ka awm chhungin ka la tuar ngailo.


Kut tha khur dat dat a khabe ruh na lutuk ka dawm lai chuan pindan chhung thim zet chu a rawn eng pup a.



Ka mit a vai nghal chum chum.


Ngam leh ngam lovin pindan chhung chu ka melh kual hrek hrek a, kil khat a darthlalang lo kehdarh nuaih bul ah kut thi hnuang a prof Msa lo țhu kun chhur ka va hmu chiah chu ka tawmîm nghal chawi!





Ani erawh rapawm lutuk hian a rawn nui suk!




Pindan chhung a darthlalang lian pui kha a hnek keh. A țhutna bul vel ah chuan a darthlalang keh a let phung a! A ding chhuak thut chu kut min rawn thlak leh ka hlauh luat vangin ka lo tawm chawi!



"Uire nu bul ah ka mu peih lo, room dang ka hmang dawn" chhum hmuk a ti pah in kawngkhar pan in a kal vut.



Marble chhuat var zet ah chuan a thisen a far tluk tluk a, engthil nge ka tih ngaihtuah hman lo lek in khum ațang chuan ka chhuk thla a.



Prof Msa hnung lam ațang chuan ka va kuah nghal chawt! Thinrim lutuk hian a rum chhuak hrawih a!


"Inbia ang..." ka aw chu a khur nasa lutuk! A kawng a ka ban suih beh chu a kut thisen kai hnuang chuan lo phelh a tum a, nghet fê in ka kuah bet sauh sauh, thisen vang in a kut chu a nal vek a.

A duh ang ngawt ka kut a phih sawn theih loh avang chuan a rum ri leh hrawih!




"Ka uire lo...."

"Dawhehnu"

"Aih.. Ka uire lo! Tunah hian min ngaithla lo anih chuan Malsawmtluang vawi khatmah i hma ah hian ka rawn inlan leh tawh lo ang" ka theih ang a ring chuan ka ti ve tuar!

Ka khebe ruh erawh a na ut ut. Min pawt khur hlawk hlawk bawk.


"Ka uire lo.. i hria em? Video a hmeichhia kha... ka.. ka phirpui ani mai thei, ka u in zawn chhuah tum in tunah hian theihtawp a chhuah mek a sin" a taksa chu a țang țawlh țawlh a.

Min vai thluk tawp hlau hle mahila ka kuahna chu phelh ka tum chuang lo!



/




Ral lehlam a tlangdung țîau chhum in a bawh var luk chu hmuhnawm ti zet in ka thlir veng veng a, boruak chu a vawh tawh tehreng nen thli a thaw vuk vuk a, ka shawl bah chuan ka taksa chu khuh țha sauh sauh in ka thaw chhuak ham ham a.



Tuk dang chu nise ni a tlangsang tawh viau ang!




"Bawihi?" Prof Msa rawl lian leh thum zet ri vang chuan ka phu zawk.




Dimlo lutuk a nawm hawn tih hriat zet in kawngkharpui chu bang ah a inhlap ri bur.

"Duatte?" Mangan tih hriat zet hian min au leh tuar. Thawk la in ka nui lui a. Inher in ka dinna ațang chuan ka pen chhuak a.


Tualzawl ah hrilhhai hmel zet a mipa ding in hmai tuai puat puat a, min au leh tuar chu beidawng rilru zet hian ka en tlawk tlawk, min hmuh loh avang in a tal buai leh vek tawh a. A mangang che kual vel chu hmuh a hreawm tak zet bawk.


Nizan a thil thleng rapthlak zet te kha mumang mai a nilo tih chu ka khabe na ut ut leh a kut intuam var luk te chuan min hriatnawn tir a.


Muang changin ka pan zel, prof Msa chuan beidawn hmel lutuk a rum chhuak hawk in sam a tuai chho puat!


Gate lam chu thlir vung vung in thawk a la hrawk hrawk.

"Heta hi ka awm" ti sep in a hnung lam ațang ka kuah a, a thaw chhuak nghal hawk.



"Khawnge i kal? Tinge ka mutthilh hlan in pawn ah i chhuah, mit ka men rual in ka hmuh hmasa ber duh che ka ti ani lawmni?"



Rawn inher let vutin ka biang ah a rawn dawm a, a mitmeng buai nuaih leh chan sen loh khawp a zawhna min zawhte vang chuan ka nuih lui a.


"Khawiahmah ka kal loh hi, inchhungah lut ang, ka rilțam tawh lutuk"


"Sorry" ti chhuak sup in dimdawi lutuk hian ka khabe ruh kual chu a rawn nul a. A vun lak vang in a sa hut hut.


A mitmeng a inthiamlohna nasa lutuk lo lang chhuak vang chuan ka na te chu haider lui hram hram in a kutphah hnunglam ah ka lo chelh a.


"Nizan a ka thusawi kha i hrethiam tiraw?" ka ti sep.

"Ummm" ti nghut in ka tukhum ah a rawn man a, dimte in a awm ah min kuah bet a. Nizan khan intihuaisen luiin engkim ka hrilh lui a, min rin harsa a tih zia erawh a hmel rum ul ah khan a hriat theih.



Mahse, zing a lo nih a, a rilru nubulh maiin a kiam san tak ah chuan min ringngam ve ta chuan ka hria.



Video a hmeichhia leh prof Msa video thawnthu erawh zawh chhuah ka duhna a la tawp chuang lo.





Fiahna a hmuh loh chuan ka u sawi ang deuh khan 'uire na in a mî den hi a na em a, rilru fim in engmah a ngaihtuah theih loh' a ti kha! Prof Msa pawn fiahna a hmuh loh chuan video a ka hmel anpui leh mipa sex hmang lai a mitthla let apiang in inthunun lo lek in a thinurna ka laksah a hrikthlakna a tawp thei ngai dawn lo.





Kawt ah scooty thi dat leh rang zet a ke pen ri zawt zawt ka hriat rual chuan kawngkapui ka nam hawng.




Nuni leh Kimkima te chu ka nuih lui ngial nangin kan chhimthlipui-i erawh thinrim tih hriat zetin a hmai a sen vek.





"He in ah hian i kir leh amaw? Chupawh i țhiante hriattir hmasa hauh lovin" thinrim hmai sen vek a ti chhuak tuar in min din chilh a.




"I chung a a thil tih te kha i hre tawh lo em ni? Pathian leh! Kut a thlak che mi?" a au in a au ani ber!




Ka khabe ruh kual chu rawn khawih mai a tum a, rang zetin ka lo in dang a. Nuni erawh chuan rum zetin inchhung lam a melh nghal rawm rawm mai.



"Kut a thlak che maw?"



"Aaa, chutiang a nilo, lo lut ru"



"A teuh lo lutuk, mihring nunrawng lutuk in ah hian ka pen lut tawh dawn lo. Kan rawn hruai dawn che" a ti nghal hlar mai.




Tawite hian ka nui hak a.



"Nui hlek suh, zan khat in inkawl leh dek dek a, i hmel hmuh tlak loh lekin a sawisak leh tawh che hi. Mi â em ni i nih a?"




"Duhtawk rawh, lo lut phawt ru"


"Aih.." a ti hmak.



Ka nuih hak a.


"Prof Msa a kal chhuak, lo lut hle hle ru" ka ti a.





Ka phone a message a lo thleng chiah.


"Amah a awm loh phei chuan let nghal ang u.. i â tak tak tawh in ka hria, engtin nge he in ah hian i kal leh theih reng reng a.." a ti hmawk hmawk.



Ka kekawr ipte ațang phone ka lak chhuah chu muangchang hian ka en a. Kimkima erawh vawi khat pawh a la țawng ve lo.





Number hlang tawp ațang ka video dawn chu phawk zet in ka melh a.



Ka tha a khur nghal thei!

*Malsawma nun ațang hla tak ah i kalbo nghal lo a nih chuan he video hi theh darh ani ang*




Video tawite ka play chiah mai chu ka hîk chhuak pup! Rang lutuk in ka ti tawp a, hlauhthawng zet in nasa lutuk hian ka khur nghal zawih zawih bawk.




Kha sex video ngei kha ani!



Ka hmel ang tak lanna kha!



*tun ah khan Malsawma in ațangin chhuak nghal rawh! I țhiante pahnih kha zui la, he video hi a darh lo ang! Inchhung ah khan pen khat pawh i pen lut leh anih chuan he video hi phone nei tawh phawt hnen a thleng nghal ang*




Phone chu ka thlauh lo chauh!


Ka lungphu chu sa pup pup in a rang nghal dawt dawt a! He video rawn thawn tu hian ka chetlalai engkim min hmu thei vek tihna maw?




Ka khurh chhuak nasa em vang chuan ka țhiante chuan min din hnaih a.


"Eng nge?"


Ka țawng chhuak thei tawh lo, kut tha khur dawt dawt hian phone chu Nuni kut ah ka hmeh bel chawt.




Ka tha a bo duak a, ka bîng mup mup, luakchhuak lutuk hian min rawn hnawh up up a, chhuat ah țhu thla hnawk in luak bawrh bawrh chak lutuk in ka uak tuar tuar.



"Awi!"


"Eng.. engtin nge kan tih dawn?" Mangang lutuk hian Nuni chuan a rawn ti chul, ka pumpui inlumlet kual but but vang chuan ka chhungril chu a na chhuak vek.



"Midang a thawn darh anih chuan...." Kimkima chuan a rawn tia.



*in țhiannu kha kalbo pui nghal rawh u, Malsawma bul hnaiah ka hmu leh anih chuan sex video hi a full in ka thehdarh nghal ang* Nuni chuan message rawn lut leh chu a chhiar a.




"Min hmu thei vek tihna mi?" Kimkima chuan a ti ruai mai.




"A nih hmel, Lalmate, kal ang u, i mualpho hrep ai chuan prof Msa hi kal san rih rawh" khur zawih zawih a chhuat a ka țhu tawm reng chu Nuni chuan min rawn kai tho a.




Mangchhe raptlak tawpkhawk ah vawi tam lo hmufo tawh mahila atak ngei a vau na ka hmachhawn meuh chuan mumang ai daih in a lo rapthlak zawk!




Video a hmeichhia kha ka nilo tih keimah inhrechiang viau mahila, kan hmel a inan em avang in tupawn keimah ang ah an ngai vek ang! Darh ta chiah se ka mualpho tluk zetin prof Msa pawh a mualpho tel ve dawn!






/


Malsawmtluanga's Pov



Rs-a nen doctor hmu tur in kan kal chhuak a, rilru lam doctor nei rei ngial kan inkawm hnu ah bing ngut ngut a ka thil ngaihtuah țhenkhat te chu a kiam deuh hawk.





In lam panin ka inkhalh let leh a, Rs-a erawh an in ah ka drop tawh thung.




Passenger seat chu thlek vutin ka nui suk, Pangpar dawr ațang a ka pangpar lei bawr laih chu lu thin khum nghut in Kenny Rogers zai chu faifuk in ka zawmpui a.




Hmeichhia pangpar ka pek hmasakna ber tur a ni hial ang chu!



Chet hluk in ka rum nghut.



Hmeichhe satliah nilo in ka nupui a lawm le ka pek dawn.




Tualzawl ah motor ka ti ding dawt a! Thatho zetin bolero ațang chuan ka chhuak nghal vut. Ka pangpar bawr ken chu ka hmai bulah la kang in a rim chu la hip lut vang vang a. Kiai leh suk in kawngkhar pan chuan ka pen nghal pawk pawk.




"Bawihi?"


Motor chabi chu a dahna ah dah in pheikhawk chu ka tlawhphelh nghut, chappal ka in thawlh leh a.


"Duatte"


Inchhung reh ruih ah chuan Bawihi min chhan let hun nghakin ka ngawi vung vung.



"Bawihi?" ka awm chhung so nghal bulh vang chuan pangpar chu chhuat ah ka paih pawp; chak zetin kailawnah ka tlan chho zawt zawt, pindan chhung lo ruak huai ka hmu leh zet chuan ka bing â mup!



"Nilo... a tilo ang" nui lui suk in kan nupa mut pindan ațang chuan ka chhuak vut a, lehkha chhiarna room ah ka lut a, a awm chuang lo. Room dang dang ka en kual hnu ah pawh Bawihi hmel hmuh tur a awm hauh lo.




I chan hlen dawn, i chan hlen dawn tia ka lungphu in thum rawn dawt dawt vang chuan ka thawk a sa bulh bulh a. Ka khur!


Nie! Bawihi chan hlen ka hlauh luat vangin ka taksa chu a khur dur dur! Tawrh hlehawm khawp a nasa in ka lungphu a ri dawt dawt bawk!


_

Whiskey no ah chuan ka thli chhuak leh a, ice pawlh loh tak țha zet chu ka thawk khat nghal pawp.


Ka kawchhung kang sa hut hut chuan ka lungphu a phut rual apiang a sa hut hut chu a tiziaawm deuh a.


Ka țhutna ațang rum nghut a tho chhuak hluai in chhuat dung ah chuan ka vei kual thuak thuak a.



Ni hnih chhung ngawt Bawihi a bibo tawh. A u in a pan hlek lo bawk!


A khattawk in whiskey chu ka thawk khap pawp pawp reng a!


Inchhung a hmeichhe lo pen lut chu whiskey vang a mitmeng si sup in ngun zetin ka lo thlek vung vung.

20200403_012802.jpg
20200403_012802.jpg (68.5 KiB) Viewed 20207 times



"Rs-a'n tunlai i talbuai deuh tih min hrilh a" ti sap in Rinchhani chu ka malchung ah a rawn țhu a, lo hnar tumna ka neilo.





"I hriselna a țha lo a ni maw, i taksa hi a tla lutuk.. Mess" min ngaihtuah hmel zet in ka taksa chu a thlek kual a.





"Inekawl țha rawh, i landan hrisel loh hmel lutuk hian min tina ve a nia" a kutphah nem zet a ka biang a rawn chul chuan thawhuai in couch nghenchhan ka ngheng dawt.




Rinchhani pawn min ngheng ve nghal zat, a ban lehlam in ka nghawngah a rawn kuah a, a kut lehlam chuan dim zetin ka biang a nul kual dan dan.





"Ka bulah sawi duh i nei em" ka beng bulah a rawn thaw lum ham ham, ka khabe ațang ka nghawng ah a kut chu sawn thla in zei zet in ka hrawkbawk bul vel chu a thai kual riai riai a.




"I lan dan chauh hmel zet te, mamawh nei ang hrim a i hmel ngui zet te hi hmuh hreawm ka ti.." ka hrawk bawk ațang ka khabe ruhkual ah lo chul chho leh in ka tukhum ah a man a, ka samkar ah zei fe hian a akutțang a tiche kual nghal zat.




"Mess, tinge, uire santu che vang mai mai a hetiang a i awm tlat a... mipa chak tak i nih kha.." a hmui in ka beng a rawn nawr a, ka tukhum a a kutchu chet kual riak riak in ka cell a ti mur sung sung.



"Uire" ka ti chhuak ve sup.




"Nangmah phatsantu che vangin indawm kun lutuk teh suh, ral ațang a lo hmu che a nga, a uire na pa nen an nuihsawh lutuk palh ang che" a ti a, ka khi suk chuan angampat zual tir sauh in chet a la huai ta hle.




Thaw ham ham in a hmui lum ther ther chu ka beng ațang ka hmui bul chet ah a rawn insawn a, a tukhum sam ah ka țham sak chuan phur hmel zetin a thaw hak.



Ka hmui bul chetah ka pawt hnai hrawk a, a kutphah nem thep chuan ka kawr hak chhan ah ka awm a chul kual ruai tawh. A hmui chu ka hmui a nul thuak in ka thawk khum ham ham a.





"Ka duhthusam ang chiah in thil i thlentir tih i hria em?" ti sup in ka khi suk. A hmui tawk pha lo chiah chiah a awm hnaih in a kawngah nghet zetin ka man hmiah bawk.




"I duhthusam ang ngei chuan che rawh Mess.."




"Bawihi a uire tih tu hnehah mah ka la sawi chhuak hauh lo" ti chhuak hrawih in dakawrh khawp in a tukhum samah ka țham meuh chuan hlauhthawn hmel zet in a meng phar awn awn!




Nuam ti zetin ka khi suk thung.




"Messs.... Rsa'n engkim min hrilh vek a lawm.."


Lu ka thing nghut!



"Rs-a pawn a hrilh hauh lo che.. nang hi video min thawnthu kha i ni miau a lawm"




"Eng video nge i sawi ka hrelo..." hlauhmel zet hian ati bah nawk nawk.


Khanglang chuan!


A ri bur a! Rinchhani chu chhuat ah a let nghal tawp! A chal ațang thisen rawn chhuak zal zal chu melh vung vung in glass center table ka tauh tirhna khi deuh țhawt chu ka thlek leh vut.




"Dawtsawi chingte hi ka ngaina lo" ti chhuak sup in whiskey chu glass ah ka thli chhuak a, Rinchhani nikhawhrelo a chhuat a let hlawm reng melh run pah chuan whiskey no chu lek kang vut in ka khi suk.




A lo harh chhuah leh meuh chuan Bawihi nen kan inkar tih chhiat a duh luat vang a amah leh amah a inpuan dan a hre fiah kuar kuar tawh ang chu.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)