TINA( Suppand jittaleela) BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: TINA( Suppand jittaleela)

Unread post by Ngaia » November 13th, 2016, 12:42 pm

Pangpar chu ka la a"Aunty ka lawm e" ka tisap a. Ka mittui chu ka hru zauh a .

Ka bulah chuan a rawn thu ve a,Ka hnungah min ben sak thak thak a.

"Mama" chu aw lo chhuahna chu kan en dun vat a.Tina chu kan lampan in a rawn tlan vat a.

"Tina nu a lo nih vang a niang a nui hmel kha ka hriat hnu a ang ka lo tih ni!"

"Mama..khawnge papa?"

"Aw .I bulah a awm maw ka ti sin!"

"Zo..hei Mama a nih hi"

"Ka hmu thei che chu ka lawm lutuk..Aunty'

"Aw..nilo..Aunty tilo in Mama min ti ve rawh .,Tina min koh ang hian"

"Mawh?"

Tina chuan min lo nuih var var a.

"Le...Mama min ti chhin teh le?"

"Umm...Mama" Ka lai ve ringawt mawle...

"A tha lutuk..Tina in i chanchin a sawi thin a ,ka fanu i lo kawm duh avangin ka lawm e" Ka kut ah min vawn sak a .

"Aw ...ka telloin Party in lo nei bik a mi?"

"Papa..ka zawng nasa che sin" Tina chuan a pa kuah pah chuan a tia .

"Washroom ka zawng a lawm!" an nui dun hak hak a.

"Zo..hei ka pa a nih hi"

"Papa tiin min ko thei ang" A pa chuan a lo ti ve vat a.An nupa hian an ngainatawm dun tak zet.

Thailand hmel hriat loh ramah pawh Mama leh Papa ka nei thei a..Lungngai deuh in vawiin ka hmang dawn emaw ka tia, mahse Tina te chhungkua vangin ka nui leh thei a ni .

"Zo...Dinner ei chhuak ang u aw" Papa chuan a lo ti vat a,Nui ver ver in lu ka lo bu nghat a.

Tina chuan min kaitho a a kut leh lamin a nu a kuah a ,a pa chuan Tina pangpar leh ka pangpar chu a kenga kan inzui chhuak dam dam a.

Dinner ei zawh chuan Mama leh Papa chu Bus stop thleng kan thlah a an kal dawn chuan min kuah ve ve bawk a .Reilo te chhungin ka ngaina hman takzet a ni.

Bus alo thleng a an tlan liam nghal.

"Tina"

"Um..Zo"

"Ka lawm e aw!"

"Engmah a nih loh kha"

Ka hma ah a kal a,a ke hniak chu zuiin a penna hnu zelah ka pen a, A ke hniak ka chhui tih a hriat in a chimawm a chhuah a,a kal kawi vak vak a,a tawp ah phei chuan kan in um a ni ringawt.

Karhnih chhung chauh chawlh kan neih avang chuan Mizorama haw pawh ka tum lo,Mahse midang chu hostel tanga chhuak in an in lamah an haw deuh vek dawn.Mi ram awm man a hriat theih a nia.

Mi kal chhuak tur chu ka thlir reng hlawm a,Chawlh zawha in hmu leh turin an in thlah a,Hostel bathlar ah chuan dingin ka en reng a.

"Zo..."

Tina chu ka melh zawk a,ka hma lam chu ka en leh nghal a.

"Zo..kan khua ah ka haw dawn a!" ka hre reng tawh sia,Min ti lungleng zual turin min rawn hriat nawn tir leh mai a ni.

"Chuan?"

"Zo..ka bulah lokal ve la?".Ka en nghal vat a.

"Mahse i duhloh chuan a pawilo".

"Tina" Ka kuah nghal chawt a.

"Zo i tap a mi?"

"Min kalsan daih dawn maw ka ti lawm..keimah chiah in hostel ah ka awm dawn maw ka ti sin"

"Zo..ka tihpalh..i lo kal duh ka rin loh vang a nia."

Mama in ka hnunga a ben ang chiah khan ka hnung a beng thak thak a.

"Va insiam ang,Bus kan nang hman lo palh ang!'...
a ti sap a.

Tina lak atanga in la hrangin ka room lam kan pan a.

Tina hi engtik lai pawh in ka tan a awm reng thin a,Amah vang hian mal tak in ka la awm ngai lo!

Bus stop ah chuan bus kan nghak a,Tina chuan kan mamawh tur vel Bus station bul a mi chu a lei a,a tawng vel chu ka lo thlir reng a,Mi a biak reng rengin a ngaihsak zia entirnan anmahni a en tlat a,hlim hmel a pu reng bawk zel.

A inchei dan ho lam te te chu a lan nalh pui zel bawk,Tunah te hian Kamis Sen a dum a tial a ha a,a ban a thlep let a,kekawr rawng hmuhnuam zet ha in pheikhawk puan a tang a siam a sen a bun leh tawp..incheina to tak tak a inbel ngailo a,mahse a hak piang a in hmeh.

Thil a lei zawh chuan ka lam pan in a rawn tlan vat a.

"Zo..kal ang..Bus a lo thleng"

Ka bag chu ak in Tina chu ka zui a,Bus ah chuan lutin a hnung lamah kan thu dun a,Tina te khua thingtlang lamah kan kal dawn a ni.

Ka bengah earphone min vuah sak a,a lehlam chu aman a ngaithla a.

"Zinkawng a thui dawn nia!muthilh tum rawh"A dar chu a beng thak thak a,Amah rinchhan a muhil turin min duh ani.

A darah chuan ka bei vat a,A hla play cool zet chu kan ngaithla a.Reilo te ah ka muhil zui nghal a.

Ka harh chuan Tina dar a beiin ka lo la muhil,Ka in la hrang vat a,Bus chu dingin Tina pawh a rawn meng ve a,A mit chu a nuai deuh nauh nauh a,Zawhte note duhawm deuh a ang.

"Welcome to Ratchaburi Village" Tiin a ban a phar hluai a,kan thleng tawh tih ka hre nghal mai.

Bus atanga kan chhuah chuan ka hawikual nghal ruai a,Mizorama thingtlang khaw thenkhat pawh a ang zawk,A then a zawl em em laiin a then chu tlang chheng chhe ve tak tak an ni.

Tina te in lam chu kan pan dun hnak hnak a,kawng kam vel chu antam par leh nihawi parin a khat deuh vek..Duhthusam a nalh a ni.Tina te in chu a fal deuh hlek a,A lian lutuk lo,Thingtlang in dik tak a ni ve.

Mama leh Papa chuan min lo lawm thiam hle a,Kan inbual fel hnu chuan dinner kan ei a,An chhungkaw bula hun hman hi a hahdamthlak tak zet a ni.Kan ei kham chuan Tina nen kan eina kan tifel vel a,Mama leh papa chuan kan che vel an lo thlir reng a,An ni pawh hi nupa in hmangaih tak chu an ni ang.

Zan lamah Tina in min hruai chhuak a,engkim hi a la thingtlang ve ngawih ngawih,Ka phone hman ka tum chuan signal a lo awm awzawng lo.

"Tina?"

"Ummm"

"Signal a awm lo"

"Ni dawn tak..Payphone awmna ah ka hruai ang che!"

Kan inzui leh hnak hnak a.

Phone hmang tur chuan a chhungah ka lut vat a,Ka nu ka bia a,Ka chanchin ka hrilh zung zunga,Tina chu ka bulah lo dingin ri silo hian a lo zai a,a lo in hlei char char bawk.Ka nu nen kan inbiak zawh chuan kal mai ka tum a,Mahse Andy ka chanchin hrilh loh ringawt chu tiin ka call ve leh a.

"Tu nge i biak leh dawn?"

"Shhiittt"

"Hello Andy..keimah Zopuii".

Tina chu a kal chhuak nghal daih a.Min lo haw san chuan aw...a chak lo ngawt ang .

"Thingtlang lam ah ka kal a"
"ka ngaihtuahawm loh"

"Andy tunang zan ah tu hmeichhia nge i bulah awm?" hmeichhe tawng thawm ka hriat vang a ni.

"Andy" ka thinrim nghal hlur thei,chutah hmeichhia chuan min lo chhang a.
"Andy hi ka bialpa a nia,lo be tawh suh!' Tiin phone a off nghal hmak.

Che lo in ka ding renga,phatsan ka ni tih chu chiang tak in ka in hria.

"Zo..I tha em?"

Tina chuan min ngaihtuah hmel tak in min lo melh reng a.ka kuah a..ka tap nghal hawm hawm a,Tunah tak hian ka rilru nat vang ani nge ka hrelo..mahse phatsan ka ni tih ka in hriatin mahni in khawngaihna min siam a,Andy an hmeichhe dang nen min lo kawp avangin ka zak...umm..ka zah vang a ni mai thei a ni!

Tina chuan in thleng min paw haw a,In kan thlen chuan Mama leh Papa chu an lo mu tawh a,Ka room tura an tih ah ngawi rengin ka lut a,khumah chuan ka mu nghal hnawka ! Zanin chiah ka tap ang tiin ka in hrilh nawn mawlh mawlh a,Hmeichhe tana tlawm thlak ber chu kan ngaihzawng ten a min kawp hi a ni.

Zing ka harh chuan thilrim tui deuh ka hria a,room chhuahsan in choka lam chu ka pan nghal thuai a.

Tina chuan Pancake a lo siam mek a,A che vel chu ka lo thlir renga .
A pancake a ur zawh apiangin a nui nghal ver ver zel a.

"Kha tia min en reng lo khan hei lo ei rawh"

Ka che lai teh e..

Chair ah chuan ka thu a,Pancake siam zawh hlim leh khawizu min chhawp a,A thleng tur la in ka hma ah a rawn thu ve nghal a

"I siam maw?".
"Min thlir renga,min zawt leh sia"

Lei ka lo chhuah khum ringawt a.

"Khawnge Mama leh Papa"

"Buh hmunah an kal'

"Lo in nei a maw?"

"Umm..I kal ve duh em?"

"Lutuk"

"Ei zo la kan kal dawn nia"

An buh hmun kan thlen chuan Mama leh Papa chuan kut min lo vai lauh lauh a,Lukhum par tawk hnang atang a siam an lo khum a,An lam panin kan kal a,kawng awih deuh laiah chuan kan tawlh thlu mai a,Buh ka delh tlu nual bawk,buh hnahin min at pilh bawk a.Hun lo thei a nia!

"Zo I tha em?" keimah ai aiin Tina chuan na a lo tih hmel zawk,min khawngaih hmel lutuk a,a nuih zat thlak zawk.

"Aih...na lo..mahse buh a tluk phah" ka lo ti vat a

"Nangmah i nat loh chuan a lawmawm lutuk" Mama chuan a lo ti vat a,Mi hnathawk ka tih buai phah.

Tlai lamah chuan tractor in kan haw ho a..Papa in a khalh a ,Tiang anga ka vawikhat chuan ve na .

Tina te khua ah chuan karhnih dawn kan awm tawh,Naktuk hian khawpui lamah kan let leh tawh dawn.

Tina nen chuan tuipui kamah kan kal a,Phone in thla kan la a,Kan insiam chhe nasa hle,kan thlalak chu kan en let leh a,Andy nen kan lakdun ho a lo lang ve thut a,a thi min pek min awrh tir lai chu ka melh ngawt ngawt a,ka kut chuan ka mal chu ka hmer tlat bawk,Tina chuan ka thi awrh lai chu a rawn pawt chat a,Tuipuiah chuan a vawm lut nghal daiah a.

"Tina..eng thil nge i tih?" Tuipui lam pana tlan ka tuma,Min lo man bet tlat a.

"A bum che a nilom mi?'

"Mahse kha thil kha I paih bo thei lo" Ka mittui a rawn luang ngiai ngiai a.

Zo...I hmangaih em?"

"Maw?"..
"Tuna i tahna pa hi i hmangaih em?"

"I buaina tur a nilo."

"Zo..ka buai si anih hi!"

"Engvang in?mahni buai loh na turah i inrawlh ngai silo!'

"Zo..ka hmangaih che!"

"Maw?"

"Zo..ka hmangaih che!"

"A hma in I sawi ngai silo a"

"Engtinnge ka sawi ang. .ka hlau a ni!"

"Mahse tunah i sawi leh sia!"..

"Ka hmuh tirh ber che khan tap chungin i bula ding kha i lo vuan a..tah khan duhawm ka ti che a,kan in kawm tam tial tial a,ka hriatloh karin ka lo duh che. Duhna chu a thup bo theih tiin ka lanchhuah tir ngai lo,Lo lanchhuah tir ta pawh ni ila engtinnge min ngaih ang?..I bialpa i lam pana alo kal khan duhna kha Hmangaihna ah a inthlak tih ka hre leh a,Ani khan na takin a siam che tih ka hriat khan ka na asin...achhan chu ka lo hmangaih hman tawh lutuk che... I na hmel ka hmuh in ka na ve a ni!"

"Tina...??"

"Zo..khawngaih in ka nihna ang ang in min pawm rawh!?"

Ka biangah a kut pahnih in a dawm a,ka chalah a fawp nghal a.

"Zo.. ka ta ni rawh?"

A kawngah nghet taka kuahin a awmah ka bei hle hle a.

Andy kha vawikhatmah ka hmangaih thu ka hrilh ngailo. amah pawh in min hrilh ngailo bawk. Ngai ah neiin kan lo inzui ve mai mai a ni.

Inkai rial in inlam kan pana,Tina chu a nui ver ver reng a,a nui hmel hmuh hi a nuam tak zet a ni.

"Tina"

"Umm"
"Engtik atangin nge Tom i nih?"

"Ka tawn atang che khan?"
"Tinge a hma khan mipa anga i inthuam tlat si a?"

"Thuamhnaw chu kan comfortable na ber hak tur,hmeichhe thuamhnaw ka hak chuan ka che thiamlo,chuvang chuan ka pangngai theih na ka ha thin.!"

"Aa..ka hrethiam e."

University kan zawm tawh a ka thuamhnaw design ka pho chhuah dawn apiangin mipa thuamhnaw chu Tina model ah ka hmang thin a, Hmeichhia ah chuan Nana ka hmang thin..Rin aiin ka thil design in
mi rilru a khawih . Mr Castle pawhin min fak thin hle..

Tina amah in hmangaih aia nasa a min hmangaihtu ka nei bawk a,ka hlim tak zet a ni .

Andy pawhin min biak a rawn tum leh renga,mahse ka ngaihsak tawh lo,Thailand ah te hial a lo kalin min tibuai thin.

A hma zawng pawha min lo kawp chhan chu ka sum a duh vang chiah a ni.Ka nu in model ah a hmang tawh ngailo a,a talbuai hle bawk.Kan in ngaihzawn lai khan ka nu in keimah vangin a lo pui mai mai thin a lo ni.A mizia engmah ka lo hrelo a,Buaina siamin ka nu khan a hming chhiat loh nan a lo hum hram hram thin.

Tina ten class an la neih dawn avangin amah tibuailo a,Ka thil design na a ka mamawh ho lam khawm turin ka kal chhuak a,Bazar hi a lian in a zau tham em em a,thil a tlawm bawk,ka duh ang tawk ka in lakkhawm hnu chuan ka let ve leh mai a,mahse ka kalna ngaiah ka kual ka kual ringawt,ka kal lam kha chuan a la dik thlap si a,mi ka zawh lah in a then in helam ah an tia,midang lah in helam ah an ti zel,ka kawi char char,Tina call ka tum lah in ka phone battery a lo low a,a lo in switch off hmak si, ka hlauthawng tak zet ani.

Hmun sang lai ah dingin ka hawi kual ngial a,a kawtthler a in ang hlawm si ka hre hrang thei miah lo.

Ka bula thutna ah chuan ka thu hnawka ,ka bo tak zet a ni,ka mittui a rawn far fap fap a,Thai tawng lah ka thiam eih silo,ka kal duhna ka zawh lahin an sawi lam a in ang ngai silo a,khua lahin min thim hnan hmak tawk!Mahni inkhawngaihna in min tuam leh nghala.

Reife tiang chuan ka thu ang.

"Zo!"

Tina aw ka hria chu ka thaw hawk thei,hlauhthawn hmel deuh in min pan a,ka kutin ka lo ban a ka lo tahkhum nghal hawm hawma.Min kuah hle hle a.

"Ka bo maw ka ti hman asin!"

"Zo...engkim a that tawh hi!"

"Min lo zawn pawh ka ring lo a'

"Tina hian khawi hmun ah pawh awmla ka zawng hmu zel ang che..bang tawh rawh le!"...

"Tina" ..A aw nem leh min ngaihtuah na aw hriat hian ka tah a chhuak leh zual.

Ka kuah bet tlat a,reife ka tah hnu chuan Taxi kan la a,kan hostel lamah kan let leh a.

"Tina..engtinnge ka awmna i lo hriat theih a?"..

"I room ah ka lo en a,I awmsi lo a,he ta lo kal hi a lang nghal tlat a,min mamawh na i nei angin ka in ngai tlat a!"..

"Ka lawm e...I lo kal vangin!" A awmah beiin ka muhil nghal siai siai a.

Tina hi ka in nghahna a van ni chiang tak em?

Ka mu lai chu ka harh hlawla,ka mumang vang a ni ngei ang..ka phone ka en chuan Andy message leh call a lo awm nual a.message chu ka en zuai zuai a

"I nu kha model a min hmang tur in lo hrilh leh rawh"

"I awmdan zawng zawng ka hria ,i nu ka hrilh hma in i nu lo bia ang che"

Mipa tenawm leh lutuk.

Zinglam dar 6 a ni tawh,ka tho a.Tina chu ka wish a,Bathroom ah in tifai turin ka lut nghala,ka chhuah leh pawn Tina message a lo awm miah lo.

A room lamah ka phei a,kawngkhar chu a lo inkalh loh a vangin ka lut tlang a,Mahse room chhung chu a lo ruak hiai a.

Ngaihtha lo deuh in kan room ah ka let leh a,Nana pawh a lo tho ve chiah,A thawh veleh a tih hmasak ber danin news a chhiar leh nghal a.A rawn rak that a.

"Zopui!"

"Umm" a lam ka pan vat a.

"Zopui..Tina nu leh pa!"

"Engtinnge Mama leh Papa chu?"

"Accident in an boral,Nizan khan!"
(Note:- Tina nu leh pa hi 26sept 2016 khan an nupa in an kanghlum a rualin an boral nghal. Rip)

"Maw?"

Tih hmasak ber tur ka hrelo,ka a vek thei..Tina in engtin nge a tuar ang,Mama leh Papa chu ka tana mi tha tak te an ni si...Tina...??

"Nana..Tina hi an khawlam ah a kal ngei ang..ka kal ve a ngai.!"
"Zopui ..hahdam phawt teh..i rualin ka lo kal ve ang aw"

"Aih..exam tur i nih kha" Ka in thlak mawlh mawlh a.
"Nana..lo awm la Tina chu ka va awmpui a nge!".ka tlan chhuak nghala,Tina te khaw pan tur bus chu ka nghak a,reilo te ah bus chu alo thleng zui a, Tina te khaw lam pan chuan kan tlan nghal a.

Mama ka hmuh hmasak ber ni te,ka chhungte tumah awmloh laia ka tan pangpar min lo ken sak lai te,ka tap min hnem lai te...a rang lutuk mah mah..Tina in engtin nge a tuar ang..a rual in amah hringtu ten an kal san sia.

"Ka Tina khawngaihthlak te!"

Bus a din chuan ka tlanchhuak nghal a,ka theih anga rangin Tina te in ka pan a,an in ruak hiau ah chuan Tina chu a lo thu a,a taksa a dang vek bawk.

"Tina!"

Zawi muang in min en a,a mitte chu a tahna vangin a sen vek bawk.

"Zo"

Ka tlan a,a bulah ka thu a,ka kuah nghal a.

"Zo...Mama leh Papa an awm tawh lo!" min kuah a,a taksa khur dar dar ah chuan tah a insum tih ka hre thei.

"Tina..tap rawh..Mama leh Papa tan kan tihtheih hnu hnung ber a nih hi,insum suh" a hnungah ka beng thak thak a,keipawh awrawl chhuah meuh in ka tap.

Reife tiang a kan awm hnu chuan Tina chu mu hahdam turin ka tia,Khumah ka muttira,ka kalsan hlau takin ka kut a chelh tlat a.

"Zo..khawiah mah kal suh aw!"A tah mai loh nan a aw chu a thunun nasa hle a.

'Umm..ka lo veng ang che!'
A kut chu ka vuan tlata,a maimitchhing a,A hmel dang bel chu ka thlir reng a.

"Lalpa ka Tina tuar atan chuan a tam mah mah a sin..Tinge Mama leh Papa a rual a i laksak kher ni?"

Tina chu a rawn meng leh siar siar a.

"Zo...Mama leh Papa in engtinnge keimah chauh awm tura min kalsan theih?".

Chhan a va harsa tak em?

"Tina..Mama leh Papa chuan Tina hi a puitling tawh tih an hria a,mahni in enkawl thei tawh in ngaihtuah awm a ni tawh lo tih ang hriat vang a niang" ka lo ti vat a.

Hei ai a hnem theih hi ka van duh tak em!

A maimitchhing a a mi ttui chu a rawn luang ngiai ngiai a,A bulah chuan mu in ka kuah hle hle a.

"Zo...nangmah chiah ka nei tawh che!"

A aia nghet in ka kuah a,ka samah a hmai phum in min kuah let ve chial a.

Zingah chuan zai ri in min ti harh a,ka thu chhuak a,Tukverh bula Tina thu chunga tuipui lam hawi a a zai chu ka ngaithla a.

"Would you know my name
if i saw you in heaven
will it be the same
if i saw you in heaven
i must be strong and carry on
Cause i know i don't belong here in heaven
would you know my name
if i saw you in heaven
would you help me stand
if i saw you in heaven

Eric Clapton

A lampan in ka kal a,a hnunglam atang ka kuah a,ka kutah chuan a mittui a far fapa,a lu ah chuan ka fawp vang vang a,a taksa khur dar dar ah chuan a tap a ni tih ka hre thei,a aia nghet in ka kuah zuia.

"Lalpa a natna thenkhat tal hi chhawk theih ka va duh tak em!"

Tina chuan nun pangngai nei leh turin a bei nasa em em a,a chau in a chak loh bawk..ni e. Tu chungah pawh thleng se huaisen tak a hmachhawn chu a har ngawt ang! A rual in mahni hringtu nu leh pa a chana...Mahse Ka Tina a ni miau a,engmah in hneh tir duh lo mi a ni.

A nu leh na awmloh hnu chuan a neihchhun tak zet ka ni tawh,min ngai in min thlahlel em em reng a,tiang thil zawng zawng a tuar chung khan min hnem tu zawk ah a la tang thei thin.

Ka phone rawn ri dar dar chu ka en a,Andy message a lo thleng a.

"I nu chu be rawh..anih loh chuan Tomboy i ngaizawng tih ka hrilh dawn"

Hrep tak chuan !

A message ka seen tih a hria a,min lo call lehnghal a.
'Enge i duh"

"Zopui luhlul lo teh..i nu in model a min hman leh theih nan min pui mai rawh?"..

"Zahna chang hre teh..Model turin tuman an hmang duh tawh lo che a,ka nu chu engtinnge mi zawng zawng hnawl hnu hi hmang tura ka ngen ngam ang."

A thaw ri kawk chu ka hre thei.

"I tomboy kawp a hria em?"

"I buaina tur a awmlo!".

"I pa kha lungphu tha lo tiraw?i chanchin a hriat huna a awmdan tur ka ngaihtuah in ka khawngaih lawk!".
"Andy"

" Aw Zopui bengchheng siam lo khan I nu chu lo bia ang che nithum hun i nei!".



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:42 pm

Phone chu a off nghal.

"Mipa tenawm tak a ni..ka nu ka tuar nawn tir tawh lo ang"

Ka cousin Lilly chu ka call nghala,Andy min tihdan chu ka hrilh a,Lilly pawh chuan min thinrim pui ve hle a.

"Nutei chu ruai tur in ti tawh suh..a hma pawh khan nangmah vang a ruai mai mai a nia,Andy chu a che thing thei si..I nu khan a hmingchhiat loh nan sumin a hum zela ,tunah chuan a che chhe laklawh a,Sum pawn a venghim zo lo,Nutei chu biak sak suh"A rawn ti ve bura,ka ngaih dan chiah a ni.

He buaina hi Tina chu ka hrilh ngamlo,Mama leh Papa vanga a rilru na pawh a la reh fel lo a,keima lam buaina a lo tih buai chu ka duh rih lo.

Andy chuan a ni li na ah min lo call leh a.

"Zopui..I cho chhuah a ni..I chhungten engkim an hre tawh!I tuar a hun ve chiah e" Tiin mi a ang maiin min rawn nuih vak vak a,Phone kal tlang mahnise ka rap deuh. Phone chu ka dah a.

"Ka nu leh pa chu engtinnge ka hmachhawn ang?"

Ka phone chu a rawn ri dar dar a.ka nu a lo ni, thawk ka la hmasa te te a.

"Umm..nu"..

"Zopui, Andy sawi kha a dik em?"

"Nu...ka tihpalh"

"Aw..zopui..ka fanu..I pa in hria se engtinnge a awm ang?"

A landan chuan ka pa in a la hrelo a nih hmel!

"Ka pa in maw?"

"Aw..Andy in rawn hmuh a tum a a muthilh lai a ni hlauh a,keiman ka lo hmachhawn a! A sawi kha a dik vek a mi?"

"Nu...!"

"Haw turin lo in ring ang che ka rawn kal ang"

"Mahse ka course ka la zo silo"

"Hmun dangah i chhunzawm mai ang.Naktuk ah ka lo kal nghal dawn!" Ka tawng leh hma in phone chu a dah a.

Tihmai tur pawh ka hrelo,Tina room ah ka tlan phei a,Tina in min lo hmuh chuan min lo nuih var vara,He a nui hmel hi lungngaihna in ka thlaksak dawn a ni si a.

"Tina"
."Zo..lo kal teh..." a bulah min thut tir a"Naktuk zingah kan Dept. in thingtlang ah training kan pe lawk dawn a,tlaiah kan lo haw lehnghal ang" a lo ti zung zung a.

"Tina ka kalsan che a ngai " tiin ka hrilh ngawt theilo.

Ka room lamah ka let san leh a,ka nu chu ka call ngial pawn a chhang duh miah lo!

Zingah chuan Tina te chu Bus station thleng ka thlah a,kal suh tia pawh bet tlat mai te ka duh,Mahse atan a pawimawh zia ka hre ve si.

Bus ah chuan a lut a,an tlan zui nghal a,ka thlir reng a.

"Tina lo let leh vat rawh aw!"

Ka room ah lutin ka khumah ka mu ngat a,ka nu in lo insiam rawh a tih pawh kha ka ngaipawimawh peih lo.

Engtinnge Andy ang mipa kha inzawmna ka lo siampui theih le?

Ka nu chu tlai lam dar hnih a lo thleng tur a ni, dar thum a ni va tawh,ka room a rawn thleng tep tawh zawk ang.

Ka kawngka ri karh karh chu ka melh kar a,muang changin ka pan phei a,Kawngka ka hawn chuan ka nu leh U Mary an lo ding a,ka nu hmel chu a lungawilo hle tih a hriat.

"Lo insiam rawh ka tih che kha,Hotel ah kan kal nghal dawn!".ka nu chuan a ti ram hmak a.

"Nu.."
."Khatia ding reng lo khan in pack rawh.. Mary pui vat rawh" ka u chuan ka thuamhnaw chu min lakkhawm sak zung zunga ,an chevel chu ka lo thlir tawp.

I zawh tawh chuan kal nghal ang u.

A pen chhuak a,ka u in a zuia,ka room chu ka en kual a,kir leh tawh lo turin ka chhuahsan a ngai ta.

Kawt kan thlen chuan Tina te pawh an lo thleng ve chiah,ka luggage hnuk chu min hmuh chuan a pen lai chu a ding chat a .Hriatthiam loh hmel deuh in min melh a,a hrilhhai hmel hian ka rilru a van ti na tak!

"Nu reilo te min nghak lawk ru"..

Ka nu chuan min chhang lo. Ka u chuan ka darah a beng thak a.

"Reilo la,Taxi in min nghak tawh a nia" a tisap a.
.

Tina lamah chuan ka tlan a,ka nu leh midang chu ka zah zo lo..ka kuah nghal thlawp a,ka sam ah a lo chul a.

"Zo..khawnge i kal dawn?"..
a aw chu a hrilhhai takzet tih a hriat theih.

"Tina ka kalbo a ngai a ni!'..
a tawp lam phei chu ka in hnit hlawp hlawp.

"A theih loh!"

"A tul sia ni!"

Nghet leh zual in min kuah a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:42 pm

"Zo... Tina neih hlu ber i ni a sin!"
aw rawl chhuah in ka tap chhuak hawm hawm a.Ka khur dar dar bawk,Tina pawh keima ang chiahin a na ve a ni.

"Zo...i kal kher a ngai a mi?'.

"Um.."...

"Zo...Tina in khawvel a a neihchhun chu Zo hi a ni tih hria la,Tina in a hmangaih ber chu Zo a ni tih hria la,Tina in a zan mut dawn a a ngaihtuah hnuhnung ber chu Zo a ni tih hria la,Tina in a zingthawh a a ngaihtuah hmasak ber pawh Zo a nitih hrereng rawh aw."

"Ummm" ka in hnit hlawp hlawp a.

"Tina..Mama leh Papa bulah ngaihdam min lo dilsak rawh aw..Zo in Tina bula a thutiam a hlen si lo a."

"Zo...min kalsan tak tak dawn mi?"

Aw..Tina ka va lainat tak che em!

Ka in la hrang a,ka hnungchhawn nghala. Ka nu te lam chu muangchangin ka pan a.

"Zo??"

Hawilet turin min duh tak zet tih a aw ah chuan a hriat theih ,Chakna ka va mamawh tak em!Tina..Zo hi hrethiam hram rawh aw?

"Zo!!"

"Zo...Zo...lar korn(Good bye)
"A aw nem tak leh ngenngawl taka rilru na tih hriat zeta min thlahna thu a sawi chuan ka thinlung hi na vangin a rum vawng vawng thei a ni.

Ka tap chhuak hawm hawm a,ka nu te lamah tlanin Taxi ah ka lut nghal a,ka u chuan min hrethiam takin min kuah hle hle ,Taxi chu a tlan nghal a,A tawpnan tiin ka hawi let a.

Tina chu leiah thu in a kan lam chu a rawn hawi char char,a rilru na hmel mawlh hi..ka va lainat tak,ka chhungril hi a na vawng vawng thei.
Ka kut chuan motor seat chu ka hmer ngawt ngawt a.

"Mama..Papa Tina hian hnemtu a mamawh tak zet...ka tih hrehawm avangin min ngaiam ru aw..Mama, Papa Tina hi lo hnem hram ru!"

Ka nu hmel chang ngul pawh a nem tawh,a fanu rilru na hmel a khawngaih ve a ni mahna.

Hotel kan thlen chuan damdawi eiin ka mu nghal hmak a,Tina na tuar hmel kha ka ngaihtuah letin ka in haw lutuk...damdawi a ruala mum hnih ka ei chuan karlo ah ka muhil vata.

Ka u in min rawn kaihthawh meuh chuan zinglam dar nga a lo ni tawh.

"Naute...insiam rawh..kan chhuak tawh dawn"...

Ka tho a,ka inthlak fel a,Taxi an lo koh lawk tawh avangin ka tlan chhuak zui nghal a .

He khawpui huphurh tak a ka pan kha,hreh takin ka chhuahsan dawn ta si a...Tina...ka hmangaih che...

Airport ah chuan mi an zi nuai nuai a,keini pawh security checkin turin kan in line a,Tina ka ngaihtuah reng bawka.
Ka nu leh ka u chu an titi mawlh mawlh bawk a,ka thaw a pik tak zet a ni.

"Zo...he khawvel a ka neihchhun i ni".

"Zo..kal suh"

Min mamawh ngawih ngawih tu kalsan in ka hlim bik dawn a mi?Zopui rilru fim pu rawh,I inchhir lehna turin eng thil mah ti suh!

Nilo...kei hian Tina ka kalsan ngawt tur a nilo.

Ka ticket chu ka la chhuak a,ka bag ka ak a,Ka nu kutah ka ticket chu ka hmeh bel a.

"Nu ..ka tihpalh"..

"Zopui ti suh"
Hlauthawng takin min melh a.

"Nu Tina in min mamawh"

Ka tlan zui nghal a.

Nimina kan tlanliam tur leia thu chunga min thlir vawng vawng lai te,hawilet tura min auh lawm lawm laite kha ka ngaihtuah let a,Tina nat tluk zet khan ka na ani.

Ka Tina chuan kei chauh min nei tawh,Nu leh pa ka la neih laiin,ani chuan kei chauh min nei!Tinge nimin khan ka lo kalsan ni?Mama leh Papa bulah pawh ka intiam tawh reng si!

Taxi rawn lang hmasa berah ka lut nghala,Tina ka call leh a tlang thei bawk silo.

Zingkar Traffic tlem lai a nia,driver pawh chuan a khalh chak hle a.
Ka duhthusam a chakin a tlan a.

Ka phone a lo ri dar dar a,ka nu a lo ni.

"Hello"

"Luhlulnu!'..
Beidawn hmel zet in a rawn ti sap a.

"Nu ka tihpalh takzet!"

"I inchhir miah lo ang maw?"

"Nu vawikhat chauh ka piang dawn a,chu ka vawikhat pian chhun a ka hmangaih chu ka inchhir leh na tur pawh nise ka vuan tlat duh,hmangaih te vanga inchhir chu a pawi lo ang chu tiraw nu?"

"I pa hi engtinnge ni dawn?"

"Ka pa chu mi chhel tak anih kha.Chutianga tluchhe mai mai tur a nilo, A fanu hmangaih na kawng daltu nih a duh bik lo ang"

"Aw le...inekawl tha ang che"

"Nu ka lawm e..ka hmangaih che!'

Phone chu ka dah a,Hostel pengah kan lo awm reng tawh,hmanhmawh takin hostel lam ka pan a,Tina room ah ka tlan lut a,tumah an lo awmlo.

'"Tina khawnge I awm?'

Class hlui lamah ka tlan leta,kawngkhar zawn ka thlen chuan ka thaw huai thei.

Tina chu kan thutna thinah a lo thu a,muhil ang maiin a mit a chhing tlat a.

"Suppanad Jittaleela"

"A rawn hawi chhuak vat a,min hmuh chuan a meng kawk a,ka lo nuih var var a.
Zawi muang in a ding chhuak a,a taksa chu a chauh hmel tak zet.

"Zo...??"

"Tina"

."Min kalsan a maw ka ti a sin!"
rinhlelh hmel deuh in min melh a,ka van lainat tak em...Nimin te khan eng tiang chiah in nge a hlauhthawn ang,he khawvel a a neihchhun khan ka kalsan a nia.Ka tuam dam leh ngei tur a ni.

"Zo hi Tina neihchhun anih chuan Tina bulah a awm tur a ni,Zo hi Tina in a hmangaih chuan Tina bulah a awm tur a ni!".

Min pan hnai in ka hmuiah a fawp nghal a,ka lo chhang let ve vat a ...
Ka tap a,ka biangah mittui a luang ngiai ngiai a,Tina pawh a bang bik lo,mahse lungngaihna mittui nilo in lawmna vang zawk a ni.

Tina chuan ka mittui chu min hruk sak a,Thlamuang tih hriat zetin min en vawng vawng a.

"Zo... pom rak kun maak gwaa rak dutu eeng" (I love you more than I love myself)

"Tina keipawh in ka hmangaih lutuk che"

A TAWP TA.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)