TINA( Suppand jittaleela) BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

TINA( Suppand jittaleela) BY Abbra Reo Ririni Khiangte

Unread post by Ngaia » November 13th, 2016, 12:37 pm

[attachment=0]46aeacb4fde83746911ee47105fcb9bf.jpg[/attachment]

TINA ( Suppand jittaleela)
Fanfiction


PART -1

Reo Ririni Khiangte

"Nu ka kal kher a ngai a mi?in tello leh ka thian te pakhat mah awmlohna a awmchu a hreawm dawn e mai!" Țap pur in ka nu chu Thailand ka kal loh theihna ka dil ngawt ngawt!A hmelah chuan ka thusawi chuan awmzia a nei vak lo tih ka hmu thei! Tah hawm hawm mai ka chak tak zet!

"Aw..Zopui Designer nih kha i duh ber a ni lawm ni,ka theihtawp chhuah in sum tam tak sengin Thailand ram a Designer i zirtheih nan ka bei asin"ka hnungah ka nu chuan a beng thak thak a.A aw nem viau mahse,Nawrlui lo tur in min duh tih a hriat theih a.

Diktak chuan zir chaklo ka nilo,mahse Thai ramah ka Mizo pui awmloh na ah mahni a Hostel a awma bul han tan tur chuan ka huphurh em a ni,ka nu malchungah chuan bawk in ka tap hlawp hlawp a.

"Zopui..i U Mary leh i U Melody pawhin hei hrehawm tam tak tuarin an zir chhuak thei a,tunah phei chuan London ah te hial a nih hi an rawn sawm tak,nang pawh i bei tang tang a nga,an ni ang hian i hlawhtling em em ang" tiin min hnem pahin min fuih a.

"Mahse nu..Thai ho chu an thin a chhe si,an tawng pawh ka thiam eih silo a" chhuanlam tur ka la zawng fan a.

"Thailand ram chu an changkang a English an hmang nasa alawm,ram hrang hrang atangin sumdawng miin an pan reng a,English hi an inbiakna tlanglawn ber a ni tawh alawm"

Eng chhuanlam nge ka siam leh tak ang?

"Mahse tinge khi ta University a ka kal hmain high school a ka luh leh kher a ngaih,kum khat ka paih ringawt dawn asin" hei hi min kaltir loh phahnan chuan a tha phian ang.

"Hriat thiam tum teh,Chiang Mei University a lut tur chuan an ram chhunga kum khat tal lehkha lo zir tawh chiah an luhtir thei,an ram dan a ni,tin,Chiang Mei University tluk a Fashion Designing lama zirna tha a awmlo,Naktuk atang in pack tan la,I U Mary'in a kal pui ang che,hei keipawh ka tlai dawn ka'n kal a nge,I rilru lo inti thawveng rawh" tiin min thawh san a,a kal chhuak tur chu ka thlir tlawk tlawk ringawt!

"Thailand ramah kher loh pawh a theih awm reng si a" ka mu leh ngat a,Ka lungleng dawn lutuk hi engtinnge ka awm ang le??
__________________Abbra Reo______________________
2days Later

"Zopui..ka hman tawh a nia"

"Aw ka lo chhuk" Vawiin chiah hi Mizoramah ka awm tawh dawn,Naktuk ah chuan hriat ngailoh ramah ka awm tawh dawn,ka thiante lah chuan i van vannei min ti char char a,keiin a ka huphurh tehreng nen a aw!

"U Mary thai ho chu an sual viau em?" Ka zawt lo theilo,he lam tv a kan hmuh thin te hi an thinchhia in an ang thei ve ropui si a.

"Sual bik lo e,mahse fimkhur a ngai ve a,Thailand te,Hongkong te chu vanramtla fual an tih thin hi,zan a awmlo a,engkim khi chhun lai ang vek a ni,party,nula tlangval..zu...engkim a awm" a ti ta duah a.

"Nih Chiang Mei University hi a hrehawm em?"

."Awmlo...a nuam lutuk,mahse Thailand chu maw..Gay leh Tomboy an chhelo thei lutuk hriat hran an har bawk sia."

"Eeuuwwhh" ka lo uak hman tep!Tomboy leh Gay tih vel hi ka ngaina lo.

"Ngaihtuah hah vak duh suh,i awm a nga i insiam rem thei mai ang" a ti liam puat a,min va hnem silo em!
Ka mamawh tur zual chauh kan in lei a,thuamhnaw chu Thailand ah a tlawm zawk,heng Mizo in kan hak pawh hi Thai ram a mi vek tho a lawm U Mary'in a tih chuan ka lo pawm pui viau a.

Amah pawh hi Thailand ram atang a in zir chhuak niin tunah pawh hian London a Fashion industry pakhat in an hnuai a thawk turin an sawm mek.

Kan mamawh ang kan lei zawh hnu chuan ka thian ten min thlahna Party an buatsaih dawn avangin chulam a kal tur chuan ka insiam leh tan a,ka thian te hi ka ngai dawn lutuk.Ka bialpa Andy pawh.

Zan dar sarih vel ah chuan Andy an kan In ah min rawn lama,Andy te pawh hi chhungkaw hausa tak a tang a seilian ve tho a ni,kan chhung te ve ve pawhin kan inkawp hi an hria a,kan in pawh phah em em bawk.

Car ah chuan lutin kan infawp leh hmasa phawta,kan duhthawh dun khawp mai,ka huphurh tluk zetin Andy pawh hian ka awmlo tur chu a huphurh ve ,kan tet te a tang a inkawm a,inngaizawng chho tan kan ni a,kan in ngaihzawn tirh phei chuan kan la naupang lutuk,haha... kum8 zet chu kan inngaizawng ve tawh,Andy hian vawi khatmah min ti lui ngailo a,tawngkam bawlhhlawh leh sex lam hawi zawng pawh min sawipui ngailo ,hei vang tak hian a bulah pawh ka thlamuang em em a ni.

"Zopui. ..kal lo thei la ka ti e" ka kut chu a hmer vang vang a.A vun ngo veng leh sam dum hlep nen a inchawih zet in shirt dum a ha a, kan infawh zawh chiahna hmui hnuai chu a pet leh zauh a.

"Andy...keideuh hian sin ti,ka ngai dawn che e!"Ka ti nang nang a.

Ka mittui chu alo luang ngiai ngiai a,Andy chuan a kutin min hruksak vat a.

"Zopui. ...tap mahta che kum2 chu a ral ve vat mai ang!"Min hnem a tum tih ka hria, mahse kum 2 chu a ral mai dawn lo!

"Andy ka tan i lo rinawm reng ang ti raw..?" amah chu ka melh kar a.A rawn nui deuh suk a, a chhelo thlawt a ni.

"Lutuk,ka Zopuii hi ka nupui tur a nih hi" ka beng ah a seh zauh a,heihi kan thu intiam thin dan a ni,a biangah dawm in ka lo nuih ver ver a."I lo let leh vat dawn, kan awm dun theihna turin" a rawn ti leh sup a, dimte in ka hnarah a rawn fawp! Ka nui hak hak, A in lahrang a, a rimtui in kah rim chuan min zem chiai chiai thei.
.
Andy chuan Car chu ati nung a, kan thiante'n min lo nghahna lam pan chuan a tlanchhuak zui nghal a.

Keihi Zopuii ka ni a,Fashion lam hi ka tuina zawng a nih bakah kan thlah te lam hi hemi lam ah hian kan in hnamhnawih nasa ,ka nu pawh hi Mizorama Fashion lam ah chuan sulsutu pawimawh tak a ni,ka pa hi Minister zing a mi a nia ,ka unaupa neihchhun hi Engineer officer a ni bawk,Kan khawsak phung chu a harsa vak lo,Tun a ka inzirna tur atan pawh hian cheng tam fe chu ka nu leh pa hian an seng tih ka hria. Ka chhung te leh thiante tello in Thailand mipui karah hun ka hmang tur chu ka inkhawngaih tak zet a ni.

Party na hmun tur kan thlen chuan an lo phusa hlawm tawh hle a,an vai mai chuan Thailand rama ka kal theih dawn vanga ka vanneih zia an sawi sap sap hlawm a,keilah hian vanneihna a ni in ka hre mang silo,Kan thianho ho hi chu mi hausa fa deuh vek kan ni,a then chu an pa te chu Police officer an nia,a then Doctor fa duat lai te an ni hlawm,kan sum hrawm pawh a na hle,kei ka ni in ti chin vek kan ni a,mahni duh anga thian kaihhruai tum tham leh hotu nih duh vek kan ni,mahse kei leh ka bialpa hi chu tumahin cho en ah min ngai ngailo,kan sawi tawh chu engang pawh nise kan ti vek zel,sum sen ngaihna pawh nise kan inhuam ber thina,kan thuhnuai a awm deuh vek an ni.

"Hi..Andy "

Chu aw lo chhuahna chu ka hawi phei vat a,ka nui lai a tawp chiang hle.Tunge he nu hi lo sawm ve.

Andy bulah chuan thu in Andy darah chuan a kut chu a nghat a,ka lo sa nghal pap,ka beer chu ka tlak pap a,Chu nu pan chuan ka phei a,hmun awl zau tak awm laiin a mah chu ka va su lui kher a,a rak that,Thip zet a melh in"Ka kawng i lo dal a nih kha" ka ti nghat a,Lungawiloh hmel deuh in min melh a,a kalsawn nghal a.

"Khang hmeichhe ho khan ka awmloh hun chu an zui kual nasa awm che" Andy chu ka melh ralh a,min lo nuih suk ringawt.

Andy hi Mizo mipa ah chuan a sang pawl a ni a,cher lutuk silo,taksa in khaithli mawi tawk tak a nia,sports lam a thiam em em a,music lam pawh a tui bawk,a vun hi a ngo lam deuh a ni,mahse ngo tiha ngo hluak ang kha a ni chuang lo,in chei a thiam in ka nu nen hian an duh zawng a in mila,ka nu hian a show neih ah hian model a tan a hmang fo reng bawk,Chuan a nuih zawnga a biangsum lang hian a ti duhawm leh zual bawk.

"Min nuih ringawt maw?" tihtauh ka tan leh dawn tawh e.

"Naupangchhia viau suh,an ni ang kha duh ila i bulah ka awm i ring a mi?" a lamah min pawt hnai a, ka hmai zawnah chuan a rawn thaw lum ham ham aA mitmeng de ralh ralh ah chuan chak a nei tih ka hria,Ka tukhumah a rawn zen chho a,Ka lo nui suk,Nui ve hawk hawk in min hnaih leh deuh a,kan in fawp leh chu a ni nghal mai.

"Hemmmm"

Kan in thlah rang rap,kan bulah chuan ka cousin leh best friend ni bawk Lily chu min nuih vur vur in a lo ding a,Andy chuan ka sam min siam that sak pah a,kan nui tawi dun rap.

"In pahnih chauh a in awm bik chuan a diklo,Zopuii hi kan ngai ve dawn tho a nia" a rawn ti lang langa,thian dangte awmna lamah chuan kan in zui phei ve hlawm a,tuna kan party neihna hi Hotel chung zawlah a ni,kan thian nu te hi Mizorama hotel lian leh changkang ber neitu te an nia,a hmun a zau nuamin party na tura tan a siam bik a ni bawk.

A then an lam a,a then in Games thenkhat an khel a,karoake hmun te pawh a awm vek,he hmun hi ka ngaina tih an hriat avangin zan in a tan hian an lo hauh lawk thlap a ni.Music Cool tak an rawn play a,Andy nen chuan inkuah rial in kan lam duna,a nghawng ah nghet takin ka kuah a,anin ka kawng ah,chutia kan lam reng lai te chuan ka lung a leng lawk em em a,ka mittui a tlingpam a,Andy chuan ka awmdan chu hrethiam in haw ka duh leh duh loh min zawt a,sana ka en chuan 12:00 a lo pel va tawh,naktuk lama kalchhuak tur te ka nih a vangin haw mai chu pawi ka ti lo a,Thian dangte chu hrilh in an ni pawh chuan min hrethiam tlang hle a,inkuah vawng vawng chungin kan in mangtha hlawm a,Ka ngai hlawm dawn tak zet.

Car chhungah chuan thatchhe zetin ka thu a,Andy motor khalh chu ka thlir renga.

"Tiang khan min en reng dawn nge ka biang ah tal hian fawh ka hlawh dawn" min melh ralh a,Nui ver ver in a biang ah chuan ka fawp nghal a.

"kha ti daih tawh tur kha a nia!" a ti zui sap a.

Kan inkawt ah chuan Car a ti dinga ,chhuk mai lo chuan kan la thu dun leh a,Thla a eng bawk si,Pantei hla Mualzapui ka liam a tul si tih kha kan play bawk a,kan awmdan zawng zawng hian lung a ti chhia,Andy hi ka ngai dawn lutuk leh buaina ka tawh chang a min veng him tu tur awm miah loh na a ka awm tur hi ka inkhawngaih..

"Zopui....chhel tak in han awmla,nakin a kan hma lam hun a tan vek a ni tih hria la,keipawh in Hotel management lam ka lo zir a nga,I lo haw hunah kan thawk dun thei bawk a nga,Ram hran ah awmin kan pahnih ke ngeiin kan la ding chhuak ve thei dawn nia.." tiin min hnem ve bawk a.A darah chuan ka bei hle hle a.

"Andy ,lo kal ve mai la?' a tello in ka awm hrang hreh em a tinni.

A nui hak hak a.

"Thailand ram awm tura beih a ngaih nasat zia chu i hriat kha,I vannei a kum2 chhung hun tha i neih chhung hian rilru nei tak in han awm ang che,ka theih chuan chawlh hmangin lo kal ka tum dawn nia" a ti a.

"Ngei ngei aw"ka ti a.

"Lutuk!keipawn i tello a awm chu harsa ka ti ngawt ang" Ka chalah a fawp vang vang a!

"Va lut tawh rawh,Naktuk a kalchhuak tur i nih kha,rawn thlah che ka tum dawn nia." in la hrangin Car a tang a chhuk a,Car rawn kal hual in ka lam chu min hawnsak ve nghal a,muang changin ka chhuk a,in hma tawn in kan ding ran a,Ka hma a ding mek hi a chhe lo thlawt a ni,Rawn kun hniam in ka hmui amah chauh ina ala fawh na ah chuan a rawn fawp leh nghal a,a kawngah kuah in ka lo chhang let ve vat a.Kalsan chu a va harsa tak em!

Mualzapui ka liam a tul si.
Aw duhlai zan in chauh hunin min nghak.
Am ten duhlai chin lem awmlo lek in.
Tangah pawmin min chelh reng rawh.
Khua pawh min var pui mai la Duhlai
Then na kawl eng ka thlir ngam lo.
Zan khua ral mai lo la,ding rih la.
Ka D leh kei a suih lunglen tur min dawn pui ve la ka thla hlel vawng vawng si.
(Panteii)

Lengpui pan chuan kan inkhalh chhuak a,Andy leh keichu a hnung ber ah kan thu a,kan hmaah ka nu leh U Mary,, ka pa leh driver chu a hma ah an thu ran a,Kan driver hi ka tetlai a tanga kan chhawr tawh a nia,pa feltak leh a hun tak a che thlap thlap thin a ni,ka pa pawh hian a ngaihsak in a hlawh pawh a pe tha hle a,a tawng tam lo a,ka pa thusawi hi uluk takin a ngaithla a,a karah a ngaihdan a lo sawi ve zauh thin tih loh chu a tawng em em ngai lo.Ka nu leh U Mary chu an ti ti char char a,Kei leh Andy pawh an titi ngaithla in kan lo thu ngawi ve kar a,Andy chuan ka kut chu a chelh tlat a,A khat tawk in min en a,min nuih leh ringawt thin,tiang anga a awm hi chuan a huphurh ve hle tihna a ni thin.

Karlo ah Lengpui chu kan thleng a,kan chuanna tur Thlawhna pawh a rawn tum ve chiah!ka huphurh lutuk hi ka thin te hi a phu rang vek thei,kan bungrua tlem te chu Trolley ah dahin kan in nawr lut a,ka nute nen chuan kan inkuah a,ka nu pawh ka kal dawn tak tak chuan a mittui a tla ve hial,ka ngai dawn e.. hrehawm,Security check in tih a ngaih tawh a vangin kan kalsan an ngai tawh a,Andy ka va melh chuan min ui hmel deuh in min lo melh reng a,ka tah mai lohnan,ka ticket ken lai chu ka hmer fan fan a,mahse a tawp nan tiin ka nu leh pa pawh zah zo lo in ka tlan let a ka va kuah thlawp a,Andy pawh chuan ka kawngah nghet takin min lo kuah a.

"Zopui in enkawl tha la,damlo miah suh ang che aw?"

"Umm...nang pawh aw Andy!"
Attachments
46aeacb4fde83746911ee47105fcb9bf.jpg
46aeacb4fde83746911ee47105fcb9bf.jpg (39.4 KiB) Viewed 33073 times



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:37 pm

"Awle ..va kal rawh le .I tlai palh ang"
Ka in la hrang a,hawilet tawh lo in ka tlan lut nghal a,ka hawi let leh anih chuan ka kalsan thei lo ngei ang.
Security Check kan tih zawh chuan a chhunglam ah kan luta,kan kim hnu chuan Gate an rawn hawnga,ka boarding pass an check a,thlawhna lam pan chuan kan kal dam dam a,ka hawi let a,ka nu leh pa leh Andy chuan a chhawngsang atang min lo thlir renga,kut min lo vai lauh lauh bawk a,Kut vai in thlawhna ah chuan ka luhsan ta a.

U Mary chu ka bulah a rawn thu a,ka tap tih a hria a ni ngei ang,tissue min pe a,za vaklo a nuiin ka lo la vat a,Duhai chuan ka zuau mah mah a ni,in hmu tawh ngailo tur pawh kan nilo a,Kum hnih,kum hnih chhung atan chauh a ni...Zopui..hmeichhe chhel tak nih tum rawh tiin mahni ka infuih mawlh mawlh a,Kar loah kan tum ram panin kan thlawk chhuak nghal a.

Kolkata ah tumin,Malaysia kal tur pan turin kan thawk leh nghal a,Malaysia atangin Thailand kan pan leh a,Thailand ram kan thlen hian vartian deuh a nia,Vansang atangin a ram lan dan chu ka thlir a,a nalh tak zet,Rangkachak tuipuia a luang ang mai hian a ram chhung chu rangkachak rawngin a eng vek a,Vanram tlafual an lo ti thin chu a pu zo dawn khawp e.

Airport a kan tum luh hnu chuan kan bungrua te la in ka hostel awmna tur lam chu Taxi in kan pan nghal a,Airport atangin a lo hla phian zui,a hmun kan thlen meuh chuan zinglam dar sarih a lo pel va tawh,An high school ah kum khat ka lut anga,chumi chhung chuan ka theih ang angin Fashion line ka khawih pah dawn a,A kum leh ah University ah lutin tah hian high school ka kal lai a ka zir bak Course ho kha ka chhunzawm a nga,Chuan Company hnuai ah ka thiam thil te ka pholang pah thei nghal anga,Chung company te chuan ka skill kha an duh chuan ka graduate hunah an hnuai ah ka thawk chhun zawm thei dawn a ni.
Ka room turah chuan mipakhat in min hruai lut a,ka huphurh ru tak zet a ni,ka thinte hi a phu dup dup a ,a sa veng veng bawk.Room khatah mi pahnih zel awm tur,Ka roommate tur chu typical Thai deuh a nih loh hram ka beisei.

Min hruaitu chuan kawngka chu a kik karh karh a,Chutah hmeichhia pakhat thophang hmel zet hian kawngkhar chu a rawn hawng a,Min hruaitu nen chuan Thai tawngin an in bia a,U Mary nen chuan kan lo ngawi kar thung,a chang leh min kawk leh zauh thin.Eng tak chu sawi dun ni maw?

A tawp ah chuan kawngka chu a hawng zau ta hram a,Ka bungrua ho chu kan khai lut a,Chu nu lah chu a nelawm loh hmel si,min en ran a,ka khum tur leh ka thuamhnaw dahna tur chu kawk in min hrilh a,nichina min hruaitu khan Thai ka nilo tih a hrilh ngei a niang.
Bathroom ah a lut zui nghal a,U Mary nen chuan kan in rem lut zung zung a,Ka in dah fel meuh chuan kan thaw dun halh halh a,School tan hma a,U Mary thlenna tur hotel a lo va in dah luh ve phawt tha kan ti a,kan chhuak leh nghal a,kan hostel atang a thlennna tur chu a hla vaklo ke in kan kal a,Lo book lawk tawh a nih vangin chahbi min pe in kan luh nghal a.U Mary bulah hian awm ve daih mai ka duh,Heng mi te hi ka nel lo tak zet a ni.
Ka school tur lam ah kan let a,ka inbual thuak thuak a,Office lam kan pan nghala.

Ka lehkha pawimawh ho chu office ah Principal bulah ka dah lut a.Kan Principal tur pawh hi a hmel hi ka nel hlawl lo,tarmit tereuhte a buna,hmuihmul a la nei zui,Ka class tur awmna thleng chu U Mary leh security pakhatin min zui a,class zawn ah chuan ka ding dat a.

"U..ka huphurh e mai!" ka tap tep.

"Zopui,I ti thei tih ka hria alawm,Va lut rawh le."

"Naaa...vawin chu class kal lo in i bulah ka awm rih mai ang?"

"Naupangchhia lutuk suh,va lut rawh,keipawh kan kal rih ange ,tlaiah kan inhmu dawn nia." a in her a,a banah ka pawt ding chawt a.

Kan bula Thai pa ding chuan min en renga,enge kan sawi a hre bawk silo,keilah tap deuh pur in ka awm bawk si,mak tih hmel deuh in min thlir reng a.

"Oh...Zopui...atthlak deuh in che lo teh,va lut la ka lo en ang che,hlauh tur a awmlo."

Chutih lai chuan kan piah atang hmeichhe pakhat pawnfen fual zet feng,mahse a sam chu mipa ang chiah a tawi ni si a lo phei a ,kan lo dinna kawngkhar zawn ah chuan a rawn ding ve a,kei lah tap deuh pur in ka u ka lo vuan tui a,a nui suk a,min luhsan nghal a,a luh chiah chuan class ah chuan thawm a awm zui nghal hak a."Hmeichhe hmeltha tak a ni,a pawnfen a fual deuh tihloh ah chuan " ka tisap a.

"Nih chuan va lut tawh rawh" U Mary chuan a lo ti vat a,Muangchang in ka in her a,kawngkhar lam chu ka pan chhet chhet a.

"Zopui..indonaa kal tur pawh i nih loh kha,khatiang hmel kha chu an lo hlau ang che nui sang rawh"U Mary chuan a lo tisa sa a,Tahchhuak hmel deuh in ka nui lui sung a,U Mary chu ka va en a,mak tih hmel tawk in min lo melh a.

"Nui leh lo mai rawh,a hma ang khan i tha zawk!" a lo ti leh a,Ka melh rum teh e.

Class a ka pen luh chiah chuan thawm ri mur mur kha a reh nghal duak a,keimahah an mit a fu thup,zah tawh sa nen a va chiloh ber,ka hawikual dek dek a,thutna awl ka hmu mai lo.Nichina hmeichhe pawnfen fual feng khan kut min lo vai va va a,chu nu lam chu an hawi chho leh thup a,A bula kal turin min lo hui zauh,naupang ho chuan min en leh thup.Engemaw an hriat le?
Keimah min kawk in min hui tunu lam ka en a,nui ver ver in a lu a lo bu a,ka pan chho chhet chhet a,ka ke pen thawm chiah chu ri hriat tur a awm,min en thup bawk,khanu lah khan min lo nuih ver ver a,tlema kang deuh a lo awm,keilah in ka hre si lo,ka in chhuih khut zui,Min nuih ham ham hlawm a,First day ni a thleng tur chuan ka duhlo tak zet.

A zawn ka thlen chuan a kil lamah a tawlh luta thu turin a kut bawkin min hrilh leha ,thuawih deuh chuan ka thu ve mai a.

"Khun Cheu a-ry?" min en pah chuan a lo ti vat a,enge a sawi chu ka hre miah lo,ka melh kawk a.

Nui chungin"Khun cheu a-ry?" a rawn tileh a,ka bo telh telh.

"Sorry Thai ka nilo a ?" English a ka tih chuan ka lamah lo hnaiin chiang zet in min en a.

"Nih vietnamese maw?" English aw phawi nalh takin a rawn ti a.

"Aih...Mizo..Mizoram ,Northeast India" ka lo ti let vat a,chumi pah chuan a pawnfen fual zet chu ka melh pah a.

"O ..India ni si tinge i vun a dum loh?"min la melh kar thung,a aw hi a ngainat awm lutuk,a nem in a tawng thluk hian engtinemaw tak zun a nei.

"State hran kan nia,Culture hran kan nei bawk"

"Mahse Thai i ang"

"Vanneihthlak tak in ka nilo,chuan nichin mai a i sawi kha enge a awmzia?" ka bag ah lai dawhkana dah pah chuan ka ti a.

"Enge i hming ka ti a nih kha"

"O..."

"Chuan?"

"Zopuii"

"Zauupuii"

"Nilo..Zopuii"

"I hmingpum?".

"Zopuii"

"Engtin nge an koh che?"

Va dil chhut reuh tak!

"Zopui tiin"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:38 pm

A nui vak a,a nui ri lah chu a la nalh em em lehnghal,a nun a nem ngawt ang.

"I hmingpum chu i nickname a ni nghal a" pum dawm meuh in a nui leh hak hak a,A hmel chu chiang deuh in ka lo en reng thung,hmeichhe hmeltha tak ni siin tinge a sam hi mipa ang mai a hleh ni?

"Min nuih tawh suh!" ka in kuangkuah a,ka thu ngil at bawk,midang lah chuan min en thup a,engemaw an hriat ni,anmahni ang tho ka ni ve sia,ka danglam na chu uniform ka la ha ve lo..chuzawng chu a ni mai.

"Pan cheu Suppanad Jittaleela" nuihza in sum deuh in min en ran a.

"Chu chu enge a awmzia?" ka lo ti let ha a.

"Ka hming chu Suppanad Jittaleela ka ti a nih chu."
A then deuh sak a.

"A vai chuan i hming maw?" ka lo nuih ve vak vak a!a sei bik e ,a hming chu kumkhat chhungin ka hriat hman ka ring.

"Ok...Tina tiin min ko thei ang!" a kut a rawn phar a.

Ka kut ka lo pe ve vat a.

"Mahse i hming pum koh duatna a hman nghal aiin a tha zawk " a ti leh kher a,tawng tuma ka an zuau lai chuan min lo tawng khalh a.

"Zo tiin ka koh ang che"

"I duh dan dan le?"

Hmalam ka hawi chiah chu student ho chu kan lam an lo hawi leh thup tawh,Eng ennawm mah kan siam silo!

Teacher a rawn luh chuan inhmelhriat tirna hun min hman tir a,India ka ni tih ka sawi chuan an in hrilhru sap sap hlawm,thil mak ka sawi pawh a ni der silo,min ti zam chhe vek!

A tawp lamah chuan teacher chuan naktuk atang a uniform ha ve tura min hrilh pahin ka thutna lama kal tur in min hrilh zui nghal a.

Ka bula thu nu hming sei deuh khan a bul ka thlen chuan thumbs up min lo hmuh va va a,a la nui sen sen zui,he nu hi a nui reng thei bik a mawn le.?

Nikhat chu ka tling tla ve hrama ,class ban chuan ka room lam ka pan nghal a,ka hnunglam ah chuan Tina chuan "Zauupuii" a rawn ti lang langa rum zet in ka hawi let a.
A lamdik theih loh chuan min koh loh mai tur a nia.

"Lar korn" tiin kut a rawn vai lap lap.A la nui var var zui.

"Good bye tihna nih kha" amah vek chuan a rawn ti leh a,Chhang buai lo in ka nuih ringawt a Ka kal leh nghal a.

Kan room ah chun thawm dim tawk in ka lut a,Ka room mate nu chu a khumah bawkin hla a lo ngaithla a,ka bag chu ka khumah dah in inthlakna tur la chhuakin inbual turin bathroom ah ka lut nghal a.
Ka chhuah leh pawh chuan a awm ngaiin alo la awm reng,Ti hian in be miahlo in room kan intawm dawn a nih hmel sia.

Ka sam chu ka chhem ro zuai zuai a,Sana ka en chuan tlai dar li a lo ni va tawh,U Mary lo kal a hun tawh vangin chhuah mai in peih in ka lo in ring a,kan kawngkhar kik ri ka hriat chuan rang takin ka tho a,ka hawng nghal vat a,U Mary chu nalh deuh a incheiin pawnah chuan a lo ding ran a.

"Vawiin class chu a nuam em?"

"A pangngai" Room ah let leh in ka bag ka la a,ka thiani chu a kalphungin ka kalchhuah tur thu ka hrilh a,a lu a bu ve nghut a,ka chhuak zui nghal a.
U Mary chu Thailand ramah kum nga dawn a lo awm tawh avangin a ram chanchin a hre hneh hle a,Nuam ka tih na a rin a piangah min hruai kual a,Thuamhnaw a tlawmin kan in lei nghek bawk a,an street food lah a tui thei si,Ka kal dawn a ka huphurh ang em em kha chuan ka awm tawh lo.

Kan duhtawk a kan vah kual hnu chuan kan hostel lam panin kan kal a,dar 10 a lo hnai kuar tawh,khawpui chu a nalh in engkim mai hi nihna tur ang thlap in a awm emaw a tih theih.

Dimtawk in kawngka chu ka hawng da da a,inchhung ka luh chuan ka phu zawk,Thiani kha la mulo in a lo tap hlawp hlawp a,ka thil lei ho dah fel pah chuan ka melh zauh zauh a,"Ka bia ang nge be lo ang?"

"Hello...I tha em?"
min chhang mai lo a.

"I tha em?"

Min chhan loh avang chuan tihbuai a duhloh anih ka ring a,inthlak turin bathroom ah ka luhsan a,Ka chhuah leh pawhin a lo la tap tho!
Ka khum ah ka thu a,amah chu ka melh leh zak zak thin.

"A tello chuan ka damzo lo ang!" A rawn ti chhuak a,min bia pawh a ang lo.

"Engtinnge a theih zawk...." Thai tawngin a dang chu a sawi a vangin ka hrethiam lo!

"Puih theihna che ka nei em?" ka pan hnai a,rawn dak chhuak in a kuta a ken lai thlalak chu min pe a.

"Ka hmangaih a sin,mahse min nghak theilo" thlalak chu la in ka en a,ka thiani leh mipa pakhat induh hmel tak a an inkuah lai ani.

"Aw...a va pawi ve!" sawi tur dang ka hrelo,hnem ve ngei ka duh bawk si a
"Mipa tenawm tak ani" A aia ringin a tap a,a bulah chuan thu in ka kuah a,ka darah a lu nghatin a tap hawm hawm a,engmah sawi mai tur ka hrelo,a tap chu ka ngaithla tawp rih,darkar chanve dawn tiang chuan a tap,a tawp ah phei chuan a muhil daih,A khumah chuan muttir in puan ka sin tira,AC chu tihniam in ka khum lamah ka pheia,ka phone ka en chuan Andy call leh message a lo tam lutuk,ka lo mangnghilh daih,ka call nghal a,ka thiannu tihharh hlauin pawn lamah ka chhuak a,hostel bathlarah chuan dingin Andy chu ka bia a.

Ka call loh vang leh a call ka lak theih loh vangin thiamlo zet in a rawn vui ve a,a ni hi chuan vui te,tihtauh te hi a thiam ve thlawt lo,ngaihdam te ka dil a,pangngai deuh in kan inbiakna chu kan ti tawp a.
Lut mailo in Van sanga arsi pe tuar chu ka thlir a,chutihlai chuan guitar ri ka hria a,ka hriatna lam chu ka pan them them a,Hostel kawt a inte ah chuan Tina kha thuin guitar chu a perh a,Thai hla a ni ngei ang,chu chu a sa rat rat bawk a,a aw chu a nalh in mi a hip veng veng thei,ka en tih hre miah lo in a zai char char bawk a.Henu hi engemaw tak chu a ni ngei ang.

Class a ka lut chiah chu Tina khan min lo nuih ver ver a.

"A run Sawat Zo" a lo ti vat a.

"Enge ni leh tawh" ka bag chu dawhkan ah ka dah a,a mah chu ka melh chhuk ran a

"Good morning Zo".

"Oh..Morning Tina" A bulah chuan ka thu ve nghal a.

"Uniform chu i inhmeh hle mai"

"Ka lawm e"

Teacher a rawn lut zui a,class a la mawlh mawlh a,Studen t lah chuan rilru an pe lo em em a,a then in an hmai an chei a,a then an muthlu a,a then lehkha in an in vawm ,Chuti chung chuan urhsun em em in class a kalpui renga,amah hi chu ni ila,Zirlai ngaihsak lo ho hi ka hrem khawp ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:38 pm

Tina chuan paper them hi min lo pe a ka en vat .

"Buy me lunch" amah chu ka en a,pum dawm chungin riltam hmel deuh in a lo thu ngiai a,a lang lawmawm tawp.

"Yes " tih ziak in ka pe let a.

"Thank you Zo" hmui phun in a rawn tisap a,ka lo nuih ringawt a.

Lunch ei tur chuan kan inzui ve ngei a,A pawnfen fen a fual sia,a sang reuh bawk si,a kal duai duai nimai in ka hria,a tawng duh in fiamthu a duh reuh hle bawk,a nui reng thei a,Ka ngaina lo ti ila chuan dawt ka sawi ngei ang,a ngainatawm lutuk tlat.

Tlaia room ka luh chuan ka thiani khan min lo nuih ver ver a.

"Nizan vang khan ka lawm e aw...miss...."

"Zopui" ka lo ti vat a.

"Zopui maw?"

."Aw..I lamdan kha,a dik chiah"

Kan nui dun hak hak a,amah chiah hi ni ka hming la lam dik thei tu,teacher ho pawhin an lam dik thei lo a nia.

"Ka hming chu Nana a nia,kan class a in anglo a a pawi hle mai"

A English aw phawi chu a Thai thluk lam lek lek.

"Nia ..eng subject nge i lak? ka lo ti vat a .

"Science" tiin a mit min siai zauh,ka lo ang phuau thung,min nuih hak hak a.

"Ti nge?" a lukham in min vawm zauh a.

"Science la hmel i pu lo"

"Science la hmel chu engtinnge a awm?"

"Oh...I hmel ang lo kha an nimai" ka lo tivat a,kan nui dun bawk bawk ,ka phone a lo ri ve chiah a, U Mary a lo ni, ka chhang nghal vat a.

"Zopui...I u Ronald a accident a,ka haw mai dawn,lo ngaihtuah lo la,chanchin ka lo hrilh leh ang che...inenkawl tha rawh aw."

"Aw le..."

Phone chu a ti tawp nghal,U Ronald chu a na viau a mawnile... U Mary pasal hual a nia,U Mary pawhin min hawsan chuan ka mal zual sauh dawn nih hi.

Tina leh Nana hian min hrethiam em em reng a,anmahni pahnih hi ka thian an nilo ang tih ka hlau takzet!

Nikhat chu Tina, kei leh Nana chu kan leng chhuak a,Bike khalh zirna ah kan kala,A zirtirtu pa lah chuan tattoo a la ngah em em lehnghal a.

Tina chuan khalh a tum ve ngei a,A hma ah a thu a,a zirtir tu pa chu a hnungah thu in Tina chu a hrilhfiah a,Video in kan lo lak sak a.

"Helai hi i rest a nga,chuan hei hi hmalam pan na, heihi a din na."A tia

"OK" Tina chuan a lo ti nghut nghut a.

"Le..han khalh chhin teh le!"

Tina in khalh a tum chiah chu a hma lamah an tawlh hruta,a hnung zawngin an tlan leh daih a,Tina chu hrilh hai hmel tawk in a hawi kuala, A hnunga mi chuan a tiding vat a.Nana nen chuan kan lo nuih vak vak a.

A hnuah video chu kan en nawn leh a,Tina hrilh hai hmel mawlh kha a hmuhnawm.

"Tina how's the ride?"tiin ka zawt mai chu!

"Zo.."lungawi loh hmel deuh in kan thutna phulah chuan a mu thla tap a,Nana nen chuan kan lo nuih char char a.

Thlakhat lai chu ka awm ve tawh,Andy nen pawh zantin kan in be ziah a,Nana leh Tina helamah thian ka nei bawk a,tlem chuan ka lungleng tawh lo,Class pawh nuam ka tiin hmanrua an nei tha a,Ka duh ang tawk in thil pawh ka ti thei,ka hlim takzet a ni.
Chuan bazar a kalchhuah ngai se, Tina hian hnial miahlo in min kalpui a,Puanin than leh Embroidery tam tak tak lei a ngaih chang pawn min buaipui sak vek thin.

"Zo..."

"Ummm"

"Weekend ah hmun pakhatah ka hruai ang che aw?"
Tina chu ka melh nghal vat.

"Tinge i duhlo a mi?" inthlahrun hmel deuh in a hawisawn daih a.

"Ka duh lutuk!"

"Aw...chuti min chhuah pui rawh"

"Aw!"

"Lutuk"

Class ah kan tlan lut nghal a,A chang hi chuan naupang chhia anga maia chet chang a nei thin,a nuih a zat lah hian an za thei em em mai khawp a,Mahse a nuih a a aw chhuak hi a nalh lutuk thin!

Tina mak ve deuhna chu,a nui reng thei leh midang tihnat a hlau em em reng te,min ngaihsak em em reng te hi a mak a ni,amah ah hian thil engemaw hriat chian chak ka nei bawk!Chu chu enge a nih ka hre chiah bik silo!

Kartawp chu kan thleng ta ngei a,Ka duh ang tak a ka inchei hnu chuan Tina nghak pahin Andy ka call a,a chhang rang rap lehnghal.Minute 5 vel kan inbia ang tih ah chuan kawngkhar chu a rawn ri dat dat a,Phone la hmang chung reng chuan kawngkhar lam chu ka pana,kawngkhar ka hawng chiah chu ka tawp chat thei,ang phuai in Tina chu ka melh a,min lo la nuih vur vur thung.

T-shirt dum body fit a ha a,kekawr dum a taksa phuar lam deuh ha in pheikhawk var vek a bun thung,a sam chu khuih thur chho in,bengbeh bet dum lian lam a beh bawk...mipa ang mai a ni, a vun nalh lutuk leh a inchei dan chuan a tilang duhawm zual bawk.

"Hello... Zopui ..hello"

Aw...ka phone ka lo theihnghilh.

"Andy nakin ah ka lo be leh ang che" tiin phone chu ka dah nghal a,Tina chuan min lo en reng thung.

"Khawnge kan Tina kha?" nui chungin ka ti a.

A chal ati chuar zauh a,chimawm zetin a meng bawk! A chhelo tho...nilo,Zopui I mawl a mi?

"Zo....I inpeih chuan kal ang?" A aw nu deuh si,a tawp lama ngenngawl na lang tel thin bawk si hi lawm nalh ka tih theih em em.

"A..o..lo nghak lawk aw?"

Ka bag la in ka kal chhuak nghal a,nidang anglo takin ka zam a,ka khawr tut bawk! Nidangah pawh hmeichhia angin a in thuam ngai lutuk lo,Mahse tun tum hi chu a danglam ani,Nge keimah hi ka diklo zawk?Ka thinphu a rang dawt dawt a,a sa ham ham bawk,Pawnfen fual hnek hnuk feng thin Tina ni tawh lo in mipa ang maia hmeltha Tina zawk a ni tuna ka bula awm mek hi.

He thil vang hi em ni dawn amah hi hriatchian belh ka lo chak tlat kha.
Ka bulah a kal a,a nui ver ver renga,kei hi diklo ka awm chiang mai! Zopui, Tina hi hmeichhia a nih hi!
. To be continue

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:41 pm

Part-2

(A tawpna ani nghal aw ;) )

Taxi la in a hmun min hruai duhna lam chu kan pan a,Khawpui eng tuar leh mipui zik hut hut na ah tlan lut in ka la kal ngai lohna hmun pakhat kan thleng hlawl a.

Taxi atang chhuk in kan hmazawn a Building lian zet chu ka en ran a.

'The Pink Night Club'

Tih a lo in tar kalh a,Tina chu mit ko san ak in ka melh a.

"Lut phawt ang" Tiin ka banah min kaia ,min kalpui nghal a,Kawngkhar chu mipa lian zet pathum in an lo veng a,Tina an hmuh chuan an ban dinglam in pe in an inkuah thuak thuak a,Kawngkhar lian zet chu min hawn sak a,Kawngkhar a inhawng chiah chu music a ri nghal dup dup bawk.

"Ka ban hi nghet deuh in chelh ang che.' Tina chuan a rawn ti lang lang a,a aia nghetin ka lo vuan vat a,Mipui lam hut hut karah chuan min kaltlang pui a,hmeichhe thenkhat chuan Tina an hmuh chuan an lo nuih sang a,a then in a biangah an lo fawp a,Chhan awmlo in ka lo thinrim ve em em ringawt a.

DJ dinna lamah min kai chho a,DJ music lo play mek tuin Tina a hmuh chuan pawnlam a palian pui te nen a an tih ang bawk khan an in kuah thak a,Chu pa chuan a music play lai chu ti tawp in,Microphone ah chuan aw a thian kharh kharh a.

"OK...DJ Tina Suppanad lo lawm ru le?"Music a ti ri nghal zuai zuai bawk,Mipui chu an au ring ngei mai!

"Tina hi DJ maw?"

Tina chuan ka lam a rawn hawia,light engin amah chu a chhun paw va bawk!Hmeichhe hmeltha tak zawng a ni.

"Zanin hian ka thiantha ber in min lo tel pui thei a,Music hi atan ka hlan bawk e...Zo enjoy tonight" tiin a kuttang pahnih chu a chal zawn ah a vai zauh a,Music chu play nghal in room chhung mi zawng zawng chu an su nghal suau suau a,Tina che vel chu hmuhnawm titak in ka lo thlir reng a,Amah a hlim hmelin a nui sang reng a,a khat tawkin ka lam a rawn hawi a,Ka lo nuih let vat zel a.

A che vel chu a hmuhnawm tak zet..Henu hi eng chiah nge a nih le?

Darkar chanve aia rei mah a play hnu chuan a hmaa mi pakhat in a rawn thlak a,Tina chu ka lam panin a rawn tlan nghla vat a.

"Wow ..That's fantastic!" ka lo ti hluai pek a.

"Khob khum" A nui ver ver bawk .

Tlema mi awmloh na lamah kan kal a,Heng mihring zozai hi khawi atanga lo pungkhawm nge maw ni an nih ni.

"Zo..nuam i ti em?"

"Lutuk..Mahse DJ ini tih min hrilh ngai lo" Ka hmui ka tihsawih khum zauh a.

"Tihpalh aw...midang hriattir vak ka duh lo a" A ti sap a,A hmelah chuan a thusawi chu a dik hle in ka hria.

"I haw duh tawh em?"

"Ka hrelo...Music kha i play a la ngai dawn lo mi?"

"Naktuk zan ah keiman ka buaipui vek ang,Tunang chiah khan midangin darkar chanve chhung min thlak zawk ang"

"Oh...Saturday zanah pawh he hmunah hian i kal dawn maw?"

"Umm..Zo..I lo kal ve duh em?"

"Kan ngaihtuah dawn nia!"

Hmeichhe pahin chhelo deuh te hian kan lam an rawn pan a.

"Bialnu ka nei ngailo i ti sia,I bialnu I lo hruai tho si" Tiin pakhat zawk chuan men deuh pur in Tina chu a rawn din hnaih a.

Tina chu a meng kawk,Keimah min lo en leh a,A nui tawp ringawt.

"Aw..Tao ka bialnu a nilo,ka thian tha Ber a nih hi" A lo ti vat a.

Pakhat zawk chuan min din hnaih a,ka lu atang min melh thla in ka ke thleng in min melh chhuk a,A sam keh sak vak mai ka duh,Kei ka ni lo inti ve thin nih nak lai a,Rum deuh in ka lo melh nghek a.

"Tina...min lampui rawh?" a ban ah an pawt a,an ke an per tat tat a,ka lo haw zawk zawk a ni ber mai.

Tina chuan min melh zauh a,Ngaipawimawh lo ang in ka lo hawisawn vat a.

"A...Tao...min min hrethiam ru,ka thiannu nen haw kan lo tum chiah a" ka ban ah min vuan nghal a.

"Zo ..kal ang le?"

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:42 pm

Min kai a,kei lah nichina min melh tu kha thungrulh ngei ka duh ve sia,kal pahin a ke ah ka rah sak lui kher a,A na ti a thu nghal hnawk a,Thai tawngin engemaw a sawi a ,ka lo nuih suk ringawt,Tina pawn tih vak dan a hrelo niang,min kaichhuak nghal daih a.

Pawn kan thlen chuan thawk ka la deuh kawka,Ka chet dan kha a tul ber em???

"Zo.."

"Ummm"

"Rin aiin i thinchhia"

"Huh...ka zaidam lo ve hrim hrim!".
Tina chuan a lu a thing tawp.

Taxi rawn tlan chu kan lo phara, kan kal duhna hrilh in kan lut nghal a.Tina chuan thil hmingthang deuh leh engemaw deuh kan tlan pelh chu min hrilhfiah zel a,ka aw ve zel a chu ka theihnghilh lehnghal vek!A hming a mak thei hlawm lutuk a!

Kan hostel peng ah chuan kan chhuk a,ke in kan kal hnak hnak a,Tina chuan Thai hla a sa rat rat a,a aw leh a hla sak chu a inmil phian leh nghal.A zai remin ka lo phar pah zel a,Min lo en a, a nui leh suk zel.

Rinloh deuh in ruah a rawn sur thut a,A tam angreng sia,kan room kan pan hman tawh silo,Hostel kawt in te ah kan tlan lut a,Kan huh hman deuh tho,Ruah lah chu a tam em em si,Hun lo lutuk mai!

"Zo i huh a nia"A ipte atang rawmawl a la chhuak a,ka sam vel chu min hruk sak a,Keichuan che lo in amah chu ka lo en reng a,A mitmu dum fiah deuh ,tlem a khuar deuh si te hi,amah nen hian a inhmeh tak zet,Ka lo en reng vang chuan a thil tih chu a chawl dat a,ka mit ah tak min en ve ran a.

"Zo..Khun su aymak(You are beautiful)" a tisap a.

Enge a sawi ka hriat loh avang chuan ka mit ka san khum ak a,A nui suk a,kawlphe in tek a rawn tla zui nghal ,Rang lutuk in min kuah nghal chung a,Naupangte ang maiin a au chul bawk,Ka lo nuih vak vak a,Min kuah nghet ropui si.

"Tina..ka thaw theilo,min thlah rawh"
"Aih...Zo...Tek ka hlau".
"Engtin mah a ti dawn lo che!"

"Ka duh lo"
Awi...naupang ai pawn a dawih zawk!

Reife min kuah bet hnu chuan kawlphe leh tek tla chu a zia awm deuh a,Ruah chu a la sur reng thung,pawnlam ah ka kut phar chhuak in ruah chu ka lo dawh a,Tina ve thung chuan ka kawrah a pawt tui a,Ka va melh a piang in hlauhthawn hmel deuh in min lo en kur zel.Amah a nulian reuh bawk sia,a lawmawm tawp.

Ni a ral a,Thla a liam a,kum chanve dawn chu ka awm ve tawh,nuam ka ti tawh in ka design lamah pawh hma ka sawnin kan designer senior ho pawh in min fak ve thei hle a,A chang phei chuan ka design ve ho hi anmahni rualin mipui lei theih turin an pho chhuak ve thin.Chu chu an min tiphurin chona nasa tak min pe a ni.

Ka theihtawp in Tina laka ka rilru put tih danglam ka tum thin,Zep loh chuan Tina hian zun a ngah em em,A nui reng thei a,mi a tanpui peih bawk a,Tom dang te anga inlak pa leh in lak ngeng vel a nei bawk silo,a mizia nu deuh te hian a pa ru ti ila ka sawi thiam dan ,A nui ri hi a nalh tawp bawk,A nuih hak hak tawh hi chuan ka lo en leh vung vung thin,Thian anga en ka tum char char chuan ka theih ngei ka ring bawk,Chumi avang chuan Andy pawh a hma aiin ka be ngun bawk.

Tina, kei leh Nana chu tuipui kamah kan leng kual a,Tina hian Kamis var thianghlim zet a ha kekawr khup chen vel nipui nena in hmeh deuh a par hi a ha bawk,a lang fresh in a in hmeh hliah hliah...Tuipui kama tiau vutah kan taksa kan phum a,chang leh in zawn in tuiah kan in theh lut a,Ni a sa tha bawk a,kan ro leh zung zung zel.

Chawhnu lam ah chuan vaukam a chawlhbuk ah kan lut a Coconut tui kan in a,khaw lum lutuk pawh a ti zia awm sawng sawng thei!

Tina leh Nana chuan Beach chanchin vel min hrilh pah reng a,A landan chuan rampawn atang in tlawh tu an tam zawk,Thai mi aiin English mi hmuh tur an tam zawk bawk.

"Oh my God..Dj Tina" tiin tleiawl rual ho hi kan lam panin an lo tlan sap sap a,Ka lo meng rum leh hle tawh.Tina chu thla lakpui ah an rawn sawm a,an tawng tam tak chu ka hrelo,Thai an hmang miau a!

Nana chu Camera an pe a,Tuipui lang thei zawng chuan an ding rema,Ka phone a lo ri ve chiah bawk.

"Andy"

Ka phone chu pawnlam ah ka chhuah puia ,Tina min auh zuina pawh chu ka ngaipawimawh lo.

Andy nen rei fe kan inbiak hnu chuan,Chhung lamah lut mai lo in,Tuipui sen hlup hlup chu ka thlir reng a,Ka sam thli thaw in a chhem len siau siau chu ka hui zauh zauh a,a rawn tla leh nghla zel,Ka sam chu Tina chuan rawn hui kiang in a handkerchief chuan min tawn sak nghal a,A mah chu ka lo en reng,Nisa in a mit a en a vang a meng zim deuh san in ka sam chu a tawn a,A zawh chuan ka mit ah tak min en a.

"Engmah sawilo in kal bo ringawt tawh suh!" A tisap,Tuipui lam chu a thlir leh nghal a,Chhang lo chuan a bulah ka ding ngawi reng ringawt a.

Nana chu a rawn au lang lang a,Haw a duh thu a rawn sawi a,Tina chuan ka kut vuanin Nana lamah chuan min tlan pui nghal a.

Ka ngaihtuah na a Tina awm tlat hi ka in hua!Ka in hua a ni,Ka tum nasa ve lutuk,engtinnge ka chungah a thlen theih ni?

Zan khat chu ruah a sur nasat em a vangin lehkha pawh zirlo in ka mu hlan a,Fur a nih tawh vang nge maw ni?Nitin ruah a sur,hmun thenkhat ah phei chuan tui lian insiam in in te a tichhe hial a ni.

Tek a tla ri thuai thuai a,kawl a phe zawr zawr bawk,Sana ka en chuan zan11 a lo ni va tawh,Mutthilh tumin ka puanin ka in lukhuh hlan a,Tina ka ngaihtuah chhuak zawk...

"Tina..I tha ngem?"

Khum atang thoin pawn lam ka pan a,Tina room lam pan pheiin a kawngkhar ka kik dat dat a,amahin a in hawng nghal ringawt.

Inchhungah chuan thawm dim tawkin ka lut them them a,Tina chu a khumah a lo in khuh hlun a,Ka nuih leh te te a,ka hnaih phei zel a,a puan in lukhup na chu ka hlim sak thut a,A tre ring teh e!

"Zo" A lukham a kuah tui bawk.

Ka nuih vak vak a,Amah lah chu hlauh hmel tawk in a thu kak zui .

A bulah ka thu ve a,A lukham kuah lai chu laksak ka tuma a phal thak lo.

"Tina"

"ummm"

"Ti nge tek i hlauh em em a?"

"Mai ro(I don't know)"
"Chhan awmlo in i hlau maw?".
"Umm...Rang deuh in ka inrin hma in a rawn thleng thut thina,Hei vang hi a niang!"

"Ooo..ka hrethiam e,Mu tawh rawh,ka va let leh tawh a nge!" Ka ding a,ka kut chu rang tak in a lo vuan nghal a.

"Zo..ka hlau a nia!"

"Tina"..
"Khawngaih in la awm rih rawh"

A bulah ka thu thla leh a.
"Mu rawh,I mutthilh hunah ka kal ang,ka lo veng ang che..Tek chuan min hlau lutuk!' Ka ti vat a.

Nui vur vur chungin a mu ve mai bawk a,Minute 10 vel chu maimitchhing in a mu tawh.

"Zo...lo mu ve rawh"a rawn ti leh thut a,a muhil tawh maw tihnak lai a!

"Aih...ti hian ka tha."

A kil lamah a tawlh a.

"Chu pawh nise lo mu ve rawh!' khum chu a beng thak thak a,Ka chauh ve tho vangin hnial lo in ka mu ve mai a,A kut min lukham tir a,A maimitchhing lehnghal a.

"Zo Raa dtrii sa wat" mut chhuak aw zet in a rawn tisap a.

"Chu chu enge?'

"Zo...muttui le'

"Ooo....Tina muttui le"

Tina ban lukham chuan ka muhil zui ve nghal a .

Kei,Nana leh Tina hi kan inkawm deuh chawt,Nana hian Science ala a,Tina nen hian tunah rih chuan kan subject a in ang a,mahse University ah chuan Software engineer line kal a tum thung.

Kan hostel panin kan kal hnak hnak a,Nana fiamthu thawh ah kan nui bawk bawk a,Kan room kawta mi lo awmte vang chuan ka nui tawp chiang hle.

"Andy"

Ka lam alo hawi vat a

"Zopui" min nuih ver ver in kut min vai a.

Engmah min hrilh lo in an lo kal thut a ni ngei ang,Andy chu ka lam panin a lo kal a,ka lo en reng ringawt.

"Zopui ka ngai lutuk che"A ban a phar a,ka lo kuah zui nghal vat a.

Tina chu ngawi rengin a kal tlanga ,a room ah a lut tlang nghal daih.

"Andy enge in lo tih dawn?"

"Ruatruati kan lo bazar pui a"

"Aw..nih chu..e..chuan hei ka thian nu Nana"Ka in hmel hriat tir nghal a.Tina kha ka rilru a ti nuam lo tak zet,engmah sawilo in min kalsan ngai silo.

"Zopui..kal chhuak ila?".

"Aw..kan inthlak a nge!."
Nana nen chuan room ah kan in zui lut a,Andy te chu luh tir pawh ka tum chuang lo,ka room bik a nilo a,midang nen kan intawm a nih vangin ka thian te pawh nimahse sawm luh ka tum em em lo.

"I bialpa a mi?" Nana chuan mit ko san ak ak in min melh a.

"Umm." tih ngawt in ka chhang.

"Nana..kan chhuak dawn..I lo kal ve duh em?"

"Aih...assignment ka ngah lutuk..ka lo ti nge...hlim deuh in in va chhuak dawn nia" Ka sam min lo khuih sak pah chuan a ti a...Ka thaw deuh huai thei.Achhan chu Andy nau Ruatruati hi mi chapo ve deuh hi a nia,kei nen pawh kan in millo...kan in khak reng,Thian te zingah pawh tlawm zawk nih tumlo ve ve kan nih avangin Nana a lo tel ve chuan kan in hnial leh ngei awm si a,a thawventhlak huai e.

Ka inthlak zawh chuan ka chhuak nghal a,Andy chuan ka kut a lo chelh vat a,Tina room lam chu ka en leh hram a.Ka rilru a tinuam lo lutuk.

Singswng Market lam panin kan kal a,Andy chuan ka kut a chelh tlat reng a,kan hma ah chuan Ruatruati leh a sumdawn pui Pca an kal bawk..Pca hi Designer niin a pa lutuk lo!

"Ting in lo kal tur min hrilh loh a?"

"Surprise che ka duh lom!".
"Ehh ..fel leh si"

"Enge ka hlawh dawn?" A mit min siai zauh a.

"KFC ka treat dawn cheu nia..." A nui hawk hawk a.

"Engtik thleng nge in awm dawn?"

"Zopui englo a nia..Bangkok ah kal leh nghal kan ngaih avangin naktuk zingah kan chhuak leh nghal dawn!"
."Min rawn ti lungleng ringawt dawn ni maw?"

"Tihpalh aw"

"Pawilo"

Hmun hran hran ah kan kal kual a,Rin aiin hun a kal chak,Tlai lam dar sarih velah chuan Dinner eitur in Chinese Restaurant ah kan lut a,ei tur kan chah kan nghah lai chuan Tina chu ka call a,Vawi ruk chuang ka call hnu pawhin a chhang duh lo,Mak tak maiin ka mood a ti off vek bawk.

Dinner ei zawh chuan kan hostel lam ah min thlah a,a lo tlai ruih tawh bawk,Pengah ka chhuk a,Andy chu rawn chhuk ve in min kuah hlu hlu a,A nau ten an nghah ve reng avangin min kuahna chu phelh in inenkawl tha tura in thlah in min let san leh ta a,Ke in Hostel lam chu ka pan hnak hnak a,Hostel kawta in te ah chuan Tina chu guitar perhin Thai hla alo sa rat rat a,kalsawn mai lo in a mah chu ka thlir reng a,A hnuah amah chuan min rawn hmu a,min melh zawk a,a hawisawn leh nghal a...Ka phone a lak loh vang a thinrim tawh nen,Tunah min ngaihsak lo ang deuh in a awm leh vel a.

Thinrim deuh in a bul chu ka pan a,A lo thu ngawi ran a.

"Tinge ka call i lak loh?"

"Zo..a tlai tawh lut ang!'

"Ka zawh che chu"
"Ka phone ka lo silent a...ka lo hmulo a...i lawm tawh em?"

A aw ki a sang ve hle...mahse amah nilo in kei a ni thinrim tur chu.

"I sawi chu ka awih i ring a mi?"

"Zo..in hnial lo ang,ka lut dawn lo lut rawh,a tlai tawh!".Ka chhan leh hmain a kalsawn nghal daih a,Keichu ka dinna ngaiah ka ding reng thung.

A hnuah rawn let leh in ka banah a rawn kai a,Min kalpui nghal dawr dawr a.

"Min thlah rawh!"

"Zo..room ah lut phawt rawh .i damlo ang!' A aw chu a nem leh vek tawh,a aw tawp lam a ngenngawlna tel thin hian a thusawi hnial theilo in min siam phah ziah bawk.

Ka room kawngkhar zawn ah chuan a ding a.

"Lut rawh" Ka kut chu a thlah a,A kal leh nghal a,Thui vaklo a thlen hnu chuan rawn hawilet leh in.

"Zo muttui " a rawn tileh a,chhang lo in ka room ah ka luh san nghal daih a.Khumah chuan ka thu hnawk a,ka sam ka tuai thur nawk nawk a.

"Zopui...harh chhuak hram tehhh????!!!"

Zinga class ka lut chu Tina chuan min lo nuih var var a a bulah chuan ngawi ngalin ka thu a.

"Zo..thinrim tawh lo la?"

Dawhkan ah a kut pahnih dahin a khabe a dawm a,ka melh zawk a ka hawisawn lehnghal a.

Teacher a rawn lut zui nghal bawk a,Tina chuan min melh reng a,keipawh thinrim tawh loh ka duh lutuk,chuan Andy in ka call a lak loh chang pawh in tiang hian ka thinrim vak vak ngailo.mahse tun hi chu a dan a dang?Andy a nilo a .Tina anih vang pawh a nimahna!

Tina chuan lehkha them min rawn pe a.

"Zo...I call ka la char char tawh ang!"

"Chuan" tiin ka ziak a ka pe let a.

"Chuan thinrim tawh lo la..nuamlo ka ti :( '

"Ice cream min lei la!"..
A chhiar zawh chuan a nui nghal ver ver a . Ka lungawina chu a ho ve thei a nia.

Kum a tawp dawn tawh a,kan design pawh vawihnih pho chhuah leh nan hun kan nei,Vawiin ni hian Fashion industry a mi langsar tak tak ten min rawn tel pui dawn a... exhibition nei tur in keipawh ka inbuatsaih nasa in ka huphurh tluk zet in ka phur tawh a ni.Ka thil Design ho chu ka theihtawp in ka sawifiah a,en tu leh ngaihven tu pawh a ngah hle.

Room chhung vel chu ka enkual a,Mi lar tak tak hlir ka hmu,ka design chu an en uluk hle bawk.

"Hello"

Ka bula English pa ding chu ka en ran a.

"Hi"

"Arnault Castel ka nia".
Ka hmui ka hup a ka meng kawk bawk.

"Oh..lalpa...ka designer ngaihsan ber te zinga mi i ni sin" Ka ri deuh chul..amah chuan min lo nuih ver ver thung.

"Kapok Brand hoin i design hi kan duh tak zet!kan thawh ho theih ngei ka beisei"

"Oh... ka lo beisei lo!'

"Chuti kan pawm tihna a mi?'

"Lutuk"

A kut a rawn phar chhuak a ka kut ka lo ban ve vat a.

"Ka lawm e..ka lawm lutuk Mr Arnault Castel"

" Nang ang designer naupang leh tha ka thawhpui thei tur che hi ka lawm lutuk zawk..Miss Zopui"

Aw Lalpa..he khawvelah hian ka hlim ber hial awm e!.

Contract kan sign a...Anni hian ka University kal lehna senso zawng zawng pawh an tum dawn a,Ka zawh fel hunah an bulah ka thawk ve ang.Asia ram ah chuan Hongkong ah chauh an Brand hi an hawnga,a dang chu khawthlang ram lam pang vek a ni..Vanneihna ka dawn hi ka awih thei lo zawk.

"Tina" Ka au nghal chul.

"Zo?"

"Tina...Zo hian ka ti thei!"

"Aw..ka lawmpui che" Min pawm kanga min vir kual pui a,lu hai chhawk khawp in kan vir a lawm le!

Tina hi ka ngaina lo tih ka sawi chuan dawt ka sawi a ni ngei ang!

"Zopui..ka sawi chu i hrethiam ti raw?"

"Umm...Nu mahse hrehawm dawn e..A u te tal lo kal thei se!" ka mittui tling pam chu ka khap a..ka biangah a luangthla ngiai ngiai a.

"Zopui.. i u pawh a buai rih em a ni,i pa lah heti hi ani sia,Hei tunah pawh doctor in a check mek a!"

"Umm..ka hria e..ka pa chu a lo harh hunah ka ngai lutuk tih min lo hrilh sak aw"

"Aw le"

Phone chu dahin ka tap fap fap a,Kar leh hi Graduation day a ni tawha,ka pa a lunglam tha lo a chhuah avangin ka nu in lokal a tum pawh a cancel leh vek a..Midang zawng chu an chhungten an rawn tel pui vek anga,Hnam dang kar a awm tawh in tih tawh nak laia ..ka chhungte hmel ka hmu miahlo tur chu ka huphurh tak zet a ni.

Kawrfual dum lian hnek hnuk kan ha a,lukhum mak deuh kan khum bawk,Midang chu an chhungte nen dingin pangpar an hum far hlawm a,Mi awmloh na lam chu panin keimah in ka thu a,ka tap fap fap a.

"Helai nula hmeltha hi tinge a tah a?" ka hawi chhuak vat a.Nu upa lam tawh tarmit bun sam boyscut a cut hi pangpar kengin a lo nui var var a.A lan dan chuan ka hmuh fo tawh hnu a ang,Mahse tunge ka hre mai lo.

"Hei I ta tur" Pangpar chu min pe a,Ka tah a chhuak zual,ka nu ka beisei laiin mi dang hmelhriat loh atang lawmpuina ka dawng a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)