SHE'S MY BOYFRIEND BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: SHE'S MY BOYFRIEND BY Abbra Reo Ririni Khiangte

Unread post by Ngaia » November 13th, 2016, 1:01 pm

Ka thianpa Fela hi mipa a zawngah chuan a fel ber awm e,Fapa duatsual theih loh kan tih hial thian kha a ni,Ngaihzawng vawi khat pawh a la nei ve ngai lo,hmeichhia a mah duh tu te pawhhi a lo thiansiam daih zel.Ngaihzawng nei tura thianho tangrualin a kan nawr lawh hian"Ka ngaihzawn duh nu chu a mawl lutuk a,la nghah a la ngai" a ti hmiah zel ,Tihvak ngaina hi a awm thin lo.

Fel chaw ei ve nghal rawh aw?"

"Eirawng bawla min duh vang a nih chu" a ti nghut a,a hre dik thei sia,ka pite nula chuan rawngbawl a tan a keini pawh chuan chawhmeh te kan lo chanpui ve bawk a.

"Nakum chu in college ah ka rawn insan ang' alu vel pah chuan a ti a.

"Tinge?"

"Aw..ka bialnu tur a awm ve a lawm!"

ka thil tih kai dah meuh in ka en a.
"Eng department nge a nih?,Enge a hming?"
Min melh zauh a,a thiltihlai a tih zawm leh nghal a"English subject a la,a hming chu ka la hrilh ang che!"

English chu ka subject ve thau a nia,kan classah tu ber nge Fela duhtur chi ni ang?ka zawh luih ngial pawhin ka lo kalhunah a ti tlat sia,ka zawt chhuak zo thlawt lo.

Chutih lai chuan ka pi te in phone chu a rawn ri ral ral a,ka pi chuan phone chu a chhang nghal vat a.

"Hallo"

"Eng maw?"

"khawi hospital ah nge?"

"Awle..ka lo kal ang."

Phone chu a dah a,kan lo en thap a,ka pi chu ka pan vat a.

"Pi. tinge? kan chhungte damlo an awm a mi?"

"Mambawih Boom tih i hrengai em?" ka pi chu ka hnaih zual sauh a,

"Boom chu eng tin?"

"Aizawl lam mi,Accident a tawk a!"

ka awmdan ka thunun hman lo,ka thu hnawk a,ka pi leh Fela chuan min buaipui nghal vat a.

"Pi...Boom...Boom chu khawi hospital ah nge a awm?" ka chiai nghal vek.

Kapi chuan Hospital hming min hrilha,Fela a lo awm remchang hlauha
avanneih thlak,A bike in min tlanpui nghal a,kawng tluan chuan ka tap char char,ka indem ngawih ngawih,a chungah enga maw a thleng a nih chuan ka in ngaidam ngai lo ang,a luhlul zia leh min mamawhzia hrereng chungin kalbosan ka tum a,Boom ka tihpalh,ka thiam loh vangin na i tuar leh tawh,ka van laktlak loh tak em!

Hospital kan thlen chuan rangtakin emergency Room ka pan nghal vat a,Fela pawh chuan ka hnungah min zui ve zel a,Nurse lo duty hnenah chanchin ka zawh chuan Boom awmna lamah min hruai a,ka Boom chu khumah lo muin a lu leh ban chu an lo tuam bur a,a hmai vel chu a duk deuh thluah bawk a,Thisen a hlauhawm hnem a ningei ang,Thisen an lo pe mek bawk!

Muang changing ka pan hnaia,ka khur dar dar bawk,ka tluk mailoh nan Fela chuan ka darah min dawm bawk a,Boom khum bula thutna ah chuan min thut tira,A mahchu tuitaka muhil ang maiin a mit a chhing tlat a,a kut lehlam chu la in ka fawp vawng vawng a,Muangchangin in arawn meng chhuak a.

"Ka Stacy ka ngai lutuk che sin" harsa zetin a rawn ti chhuak a. ka insum hman lo,aw chhuah meuh in a tap chhuak hawk a.

"Boom keipawn ka ngai che lawm,ka tihpalh aw!" in hnit hlawp hlawp in ka ti a.

"Tap suh ka tha a nia!" a maimit chhung leh nghal deih,Doctor lo kalin mutthil na damdawiin a jection a,darkar hnih hnuah a harh theih tur thu a sawi a,Fela chu min hawsan rihtura ka tih pawhin a duh bik thak lo a,Boom harh chhuah hun chu kan pahnih chuan kan nghak a,ka ham haih em a vangin ka chhungte pawh kan chanchin Fela chuan a lo va hrilh vek a,Boom nen kan in karpawh chu a hrethiam a ni ngei aniang,min zawt miahlo in,puih ka ngaihna a piangah min pui char char a,Thian tha nih a van tlin tak em!

Boom harh hnu pawh in a awm ve tlat a,lehlam kawng tak chuan ka thla a muan phah bawk,Boom chu ka thlir reng a,heng a hliamte hi keimah vang a a neih vek a ni.

Hospital ah chuan ni 3 kan awm tawh,Boom pawhin hma a sawn chak em em a,a chhungril lama in sawhna lutuk lo hlauha,a vanneih thlak.

"Boom...I na hi i chhungten an hre tawh em?"

"Ai".
"Maw?"
"Ka awmna pawh an hrelo!".

Makti deuh in ka melh reng ringawt.

"Stacy,ka nu in a hmu che tih pawh a hre tawh sin" ka kutah a vuan a"Stacy tunah chuan engkim ka hrilh tawh ang che aw",

"Boom...I inpeih chuan"

A khuma mu ve turin min signal zauha,ka lawn kai ve nghal vat a.

"Unau pahinh kan nia,ka u hi keiaiin kum 6 in a upa,ka nuin min pai lai hian ka pa hian mipa a awt em em a,mipa ka nih kha an beisei lutuk vek bawk,engkim mipa thil vek an lei a,ka pian khan hmeichhia ka nita si a,ka pa hian a pawm tak ngialpawh min pawm duh lo a ni awm e,Ka nu chuan ka pa tihlungawi nan kei hi mipa nopang angin min enkawl chho tan a,keipawh in mipa nopang a maw ka in ti hial a sin,ka u kha vau beh a ni a,tubulah mah hmeichhia ka nitih sawilo turin,ka nu hian a thunun tlat reng a,keima vangkhan ka u khan a tuar nasa tak zet a ni,Kum16 ka nih kum hian ka nu leh ka u inhnial ka ngai thla fuh a,Chuta ka u thusawi chu 'Nu..ti nge ka nau hi hmeichhe nopang duhawm tak ni thei reng a,tiang hian a nun i tih chhiatsak ni?" tiin ka nu a zawt a,Chuta ka nu chhan na chu i hreduh em."I damchhungin i nau hi hmeichhia a ni tih sawi chhuak tawh suh,he ina i awmreng chuan buaina a tam,pasal nei angche " tiin ka u kum21 lek kha,sap pasal ah an neih luih tira,chupawh keimah vang in,ka u kha ka tan chuan nu leh pa ang mai a nia a,tap chunga an inneihni a ka nu leh pa te kha pasal neihtir lo turin a ngen mawlh mawlh a ,Kan sumdawnna a tan i tihtheih ve chhun a nihhi tiin ka nu in a chhang,ka u ka khawngaih nen ka thinrim bawk si nen khan,an inneih ni in hmeichhia ka ni tih ka puangzar ve nghal,ka duh Ber chu ka nu leh pa kha mualpho se ka duh a ni,Hmeichhia ka nih thu ka sawi chhuak a chu keima ah hian hmeichhe nih chakna a awmlo,kum16 chhung teh meuh mipa anga ka awm tawh vang pawh kha a ni ngei ang."

"I tuar nasa hle mai!" hnem ka duh,mahse,ka thiamlo a ni.

"Stacy...ka nih na ang ang hian min pawm ti raw?"

"Umm...Boom.. keihian hmeichhia i ni chung pawh in ka pawm che"
Nghet takin min kuah a,ka chalah a fawp a.

Ka phone a lo rive chiah,Ka tho a,ka phone chu ka en vat a,Angelin vedio in a lo call ka chhang nghal vat a,Hmingtea nen an rawn luang hlawl a.

"Stacy in telloin Lengteng tlangah kan lawn dawn!"

"ka kal ve duh"

"I tlanbo vei a .in lo kal ve theih loh phah"

"Ngopa khua ka hmu ve chak a sinn"

"Tullo , I lum leh palh ang" Hmingtea chuan a rawn ti zuk a,leika lo chhuah khum rang rap,Boom hliam vel te ka in entira,Kan beng chheng nghal hle Hmingtea leh Angeli pawh an hlimdun hle tih a hriat theih,in nei ngei tur pawh in ka duh a ni.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:02 pm

Kar hnih dawn Hospitala kan awm hnu chuan Boom a that tawh em a vangin min chhuah tira,ka pi te in lamah kan let a,ka pite pawhin Boom chu an lo ngaina thiam hle a,a chang pheichuan keimah aiin an duat zawk hial in ka hrethin,ka nopanlai chanchin te an lo in hrilh thin a,ka hriat loh in album ka en phal loh,ka dah thuhruk te an lo en thin,Boom pawhin ka pi leh pu chu a ngaina ve hle tih a chezia ah a lang thei.

Ka tlanbosan berin a min rawn hmuah leh tak siah chuan,Aizawl lamah kan phei dun leh a,Angeli lah in kan paliin in date ang a lo ti nghal chawt a An Lengteng lawnna thlalak min en tira a intithei rap,Tuani lung ah te an kal bik thawt thawt mawle.

"Tlanbo lo la chuan i lo kal ve thei tur a nia " a ti nghut a,a sawi dik ve reng bawk sia.

College pawh pangai takin ka zawm leh a,Boom pawh a tha chak hle,a nu leh pa nena an inkar chu a la tha tak tak thei chuang lo.A lo tuar nasa bik ngawt mai,Chhan hrelo a lo hmusit ngawt tu te hian a tawn ang hi tawng ve chiah se chuan eng anga harsa nge tih an hriat thiam ve ka ring.

Zing ka thawh tlai em a vangin tlan hlirin college chu ka pan a,class ka lut chiaha dar a ri nghal,thaw huam huamin ka thu a, boom in tiin tur min lo pe vat a,Keiaia tlaiah Hmingtea a rawn lut ve hlawl a,kan lo nuih vak vak a a duhlo ngei mai.

Angeli remruat ang chuan kan pali chuan kan chhuak ho ve ngei a,duhthusam in a nuam,Mc kawtah kan thu a,Boom leh Hmingtea an bo deih a, kan call lahin an chhang thei si lo,beidawng deuh in kan thu a.

Kan paih deuh ah chuan music a rawn ri tang tanga,Mi dang lo awmve ho chuan an pan sang sang a,Angeli nen thung chuan Boom leh Hmingtea zawngin ka hawi kual zak zak a,engtin nge an in tihbo theih ni!

Zai rawn chhuahna lamah chuan an awm ve takin tiin kan va pan a,ka thil hmuhchuan min ti ding chawt thei.

"Hmingtea leh Boom chu mitdel pakhat bulah an lo zai dun a,mipuiin an lo en thup nin,pawisa pawh an hmu hnem rap,min hmuh chuan min lo siai zauh a,mipui chuan kut an lo beng dur dur zui! An thiltih te hi an lawmawm dun lutuk.

Tlai lamah chuan Dinner kan ei ho a,vawina an thil tih vel te kan sawi a,kan hlim dar dar hlawm hle a,heng kan hlimna hian eng chen nge adaih dawn kan hresilo.

I won't hesitate no more,no more
it at cannot wait ,I'm yours :- Jason Mraz

Tlai khat ka class bang chu ka nu leh pa an lo haw tawh a,an awmna lam ka pan vat a,ka nuin min hmuh chuan min pan nghal vat a,engmah sawilo in ka biangah min beng nghal thuai a,a chhan ka hriat loh a vang chuan ka dinna ngaina dingin ka nu chu ka en reng a.Dawhkana thlalak ho chu la kangin min vawm nan a hmang a.
"Engang fanu nge i nih?" a thinrim hle a niang a aw a khur dar dar a,Thlalak chhuata tla ho chu ka chhra ka en chuan ka phu zawk thei!Boom leh keima thlalak hlir,Fountain bula ka chala a fawh lai te,Library a boom ka kuah lai te,a tam lutuk,kan awmdun lai zawng zawng an la maw tih theih tur khawp a ni!Thlalak ho chu zawi muangin ka chhiar kanga.

ka nu chuan min pan hnaiin ka darah a kut pahnih a vuanin min thing nawk nawk a.

"Lalnunmawi tiang ang mihring nitur hian ka enkawl lo che!'

Ni e,ka nu a nimiau a,a fanu in a anpui a kawp tih a hre chhuak a ,a rilru a na ngawt ang,sawitur hrelo in ka ding khawng reng a,ka nu rilru na lutuk chu a tap chhuak hawm hawn,ka pa ka melh chuan a ni pawh rilruna tih hriat takin a melh ngai a melh reng a.

ka nu chuan a mittui hru in ka mittakah min melh a.
"Ban san nghal ang che"engmah sawi zawm tawhlo in an room min pansan a,ka pa ka en leha, a nipawh chu ka nu zuiin room ah a lut ve nghal a .

"Nu...Pa.." Chhuatah ka thingthi hnawka,ka mittui chua luang nghal zung zung, engtia rei nge tiang chuan ka awmpawh ka hrelo.Uzami chu lo kalin min kaitho a,ka mittui chu a kutin min hruk sak a,ka sam hnawk niai chu a hui kiang a,ka room lamah min chho pui a,ngawi rengin ka khum ah min muttira min chhuahsan leh nghala.

Boom ka ngaihtuah a ka tah a chhuak zual,kan hlim ve dawn chauh a,harsatna kan tawk leh thin,ka in hnit hlawp hlawp a,Boom in a bakilh min pek ,ka sama mi chu ka lathla a,nghet tak a humin thil tam tak ka ngaihtuah a."Boom tunah hian ka mamawh tak zet che!"

ka lo tap muhil a ni ngei ang!Ka harh chuan zan dar10 a lo ni va tawh,ka sam hnawk niai te chu ka siam tha a,chhutih lai chuan Balcony lamah thawm ka hria a,rang takin ka pana, kawngkhar ka hawn chuan Boom a lo ding reng,min hmu chiah chu nghet takin min kuah nghal a.ka sam ah a chul heuh heuh a,ka rilru hahna tamtak chu a bo then nghal duak thei!a mahhi ni ka chakloh lai ber a ka mamawh thin chu.

Ka biangah a kut pahnih in a dawm a,ka tah na vanga ka mit bui lak chu a mit mengin min zawt a,ka lu ka lo thing ringawt a,rawn kun hniamin ka hmui ah a fawp a,duhthawh zetin ka lo chhang let nghal a.

A chal leh ka chal insik tirin a thaw lum ham ham bawk a"Ka coll i la theilo a "a hnarin min nawk pah zauh a.

"Ka batry a low a" ka lo ti vat a,tlaia thil thleng kha chu ka hriat tir ngam rin lo a ni.
Min fawp zawm leh nghal a,He nu hi chu ka kham thei ngai dawn lo a ni!

Ka khumah thatchhe zetin a thu a,a mal chungah ka lu ka nghata,ka biang a chul heuh heuh a,Boom bula ka awm laia thlamuanna ka neih thin ang hi Tu midang bulah mah ka neih leh theih pawh ka ring lo.

"Stacy,Ka kal rih ang aw,a tlai tawh sia,muhil tawh rawh" Ka darah a beng thek thek a.

"Ai" ka kut pahnih in akawngah ka kuah bet tlat a.

"Nopangchhia lutuk"ka biangah a piai zauh a.

"Tak tak in haw suh,tah riak ve rawh!"pangchang deuh in ka melh a,ka hmuiah a fawp zauh a.

"Nih chuan mu tawh ang"
A mu rem a,a awm chungah ka lu nghatin min bei tir hle hle a,Nu in a fa a awihbmutthil ang maiin nau awih hla min sak sak rat rat a,Zawimuang in Boom awma bei hle hle chungin mang lamah ka lut riai riai a.

"Lalpa khawngaih in tunah,ka boom nen kan awm dun lai hian khawvelhi rawn tawp tir ta che!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:02 pm

SHE'S MY BOYFRIEND

Reo Ririni Khiangte

Chapter 12(Last Chapter)

Zingkar ah chuan meng manglo in Boom a la awm ringin ka khum chu ka dap rak rak a,mahse ka khawih fuh mai loh a vang chuan ka in let thak a,a mutna chu a lo ruak huai a,Ka mit chu chhingin thil tamtak ka ngaihtuah chhuak a,Mawmrang tlang kan lawn tuma,ka lum a,Boom min chhantura a lo kal lai te,kami tum te khan ramhnuai ah inkuah rial in kan mu a,Ramhnuai hlau em em khan ka bula nghettak a min kuah chunga mu vangin ka hlauhna zawng zawng a bo vek a nih kha!

"Boom kan tan hian thil a harsa a ni tiraw?"

Khum a tanga tho chhuak in College kal turin ka insiama,Nizan lama ka tahna vanga mit bui lak thupnan Make up tlem ka hmang ve a,ka insiam zawh chuan inhnuai lamah ka chhuk thla a.

Sitting room ah ka nu chu a lo thu ran a,a hnaa a kal a hun tawh reng si,Ka nu chu kal pelin Choka lam ah ka lut a,Tui ka ina,kal chhuah nghal mai ka tuma.

"Lalnunmawi khawiah mah i kal dawn lo!" ka nu chu ka melh vat a.

"Class ka kal a ngai a lawm"ka kal lui a,ka hma ah tak a rawn ding a,a mit mengah chuan min haw takzet tih a hriat.

"Ka sawi chu i room ah chho nghal rawh!" a aw atang chuan a mah hnial lo tur in minduh tih a hriat ngawih ngawih.

"Nu!" Beidawn tak deuh in ka ti halh a,hansawi mai tur pawh ka hrelo a ni,mahse a thu anga awmchu ka tum chuang miah lo thung!

"Nu,,,I nu ka ni a maw?ka fanu nih leh i duh a nih chuan a ni kha ban san ang che!"

Ka nu chu ka melh ngawt ngawt a.

"I room ah chho leh nghal rawh,tunah!" a tawng kam maltin chu ka hriatloh hlau takin a lam fiah fak hlawm.

Keihi Nopang a duh ang ang a tih kawi theih ka nilo.

"Chutia ka nu i nih tawh taksiloh ah chuan i thusawi ka zawmna chhan tur a awmlo" ka ti hrawk a,ka kal nghal nal nal a.

"Lalnunmawi rawn let nghal rawh" ka nu chuan min au zui tuar tuar a,hawi let lo in Gate lamah ka tlan chhuak nghal a,Ka thil tihkha a diklo tih ka hria,kha kha ka nu ka biak dan tur a nilo tih pawh ka hria!

Mahse....Mahse,ka nu leh pa te hian ka bulah hun hmang tam se,an hna chauh ngaihtuah lo in ka tan hunawl lo insiam ve thinse chuan,He khawpui kan luhtirh te khan min lo ngaihsak deuh se chuan kei pawh hi tiang hian ka awm kher lo ang,Boom ka duhtirh te khan ka tan inhawng takin thil sawipui theih se chuan tiang hi kan thleng lo ang,an tan kha chuan an hna kha a pawimawh em em reng a,a tlai tawh hnuah min hnuhlet leh an tum a,chuti mai a kur leh tur chuan ka lut thuk tawhin Boom hi ka hmangaih hman tawh lutuk tlat!

Taxi lo tlan chu pharin Boom ka call nghala,Class kal lo a in hmuh puiah ka sawm a,Fountain bulah ka lo nghah tur thu hrilh in phone chu ka titawp a.Maimitchhing chungin thawk ka la vang vang a.

"Stacy I lo huai tawh hle mai!I nu pawh i hnial ngam tawh a!"

Fountain a tanga Tui lo in phuh chhuak chu ka thlir reng a,tianga Tui in phun chhuak ang hian mihring hi kan harsatna neih te,min ti lungngai tu te hi in phuhchhuak in thil thar in min rawn luah khat thin se tha tur!

Ka hnung lam a tangin taksa lum vang vang in min rawn kuah a,a rimtui in hnawih rimpa tak chu ka lo hip lut vang vang a,min kuahna kut chu ka lo vuan vat a,ka lungngaihna then khat chu lakbo ang mai an ni leh tawh,Nie,ka Boom bulah hi chuan ka hlim reng thin reng a ni.

"Ka Stacy te hian class tlanbo puiah min sawm ve ngei a nia!" a nui ri hak a,ka darah chuan a Khabe a rawn nghat zui a.

"Ka ngai che a" ka mittui a tlak mailoh nan chunglam ka melh tlat thung.

"Keipawn ka ngai che,Stacy tiang hian awm dun reng thei i la ti raw?" a aia nghetin min kuah a.

Ka hmui ka lo pet fan fan a,ka thlak hleh tluk zetin min thlahlel ve tih ka hria,chu chuan min tina tak zet a ni,ka tap mai ang tih hlauin,tawngka a chhang lo in ka lu ka bu nghat nghat a.

Chuta inkuah chung chuan Fountain a Tui in phuh chhuak chu kan thlir reng a,Vawin ni hi tiang a kan awmdun theih hnuhnung ber pawh a ni mai thei si a.

Chumi ni chuan Boom nen kan lengkual ,kan thil la tihdun ngailo tam tak kan ti dun a,ka kut a chelh tlat bawk a,Zingkar lam ka thil tawn theinghil thak khawp in a bulah hi chuan ka hlim a ni.

Tlai ah chuan kan in kawt thleng min thlah a,Gate a ka lut tur chu min pawt letin min kuah vawng vawng a.

"Stacy ..thilthalo lo thleng tur ang a hriatna ka nei" a ti sap a.

ka thinphu a lo rang nghal dawt dawt a!

"Engpawh lo thleng se i tan a tha tur ang zel in ka ti ang,harsa deuh dawn mahse!" ka nghawng zawn ah chuan a thaw lum ham ham a.

Gate chu rawn in hawng in ka nu a rawn chhuak a,Boom nen chuan rum takin min melh dun a.

"Lalnunmawi bansan tur che in ka hrilh tawh che kha!" ka banah vuanin Gate lam ah min hnuk phei dawr dawr a.

"Boom"

Boom chu ka au tuar a,rangtakin ka nu hma ah a rawn ding a,Ka nu chuan Boom hmai ah chuan a beng nghal chawrh a,ka lo te nghal tuar a.

"Ka fanu hi lo hmuh tum tawh suh ang che,vawin hi in inhmeh tawp na tur a ni,rawn in lan leh tawh suh" Boom chu a kawk va a,Ka boom chuan engtin mah a chhang lo.

"Chuan i thiannu hi hlimtak pasal nei turin duhsakna hlan rawh" a tih zawm leh zat a.

"Ka pi Stacy hi ka hmangaih a ni" Boom chuan a tisap a.

Ka nu chuan a vawi hnih nan Boom hmaiah chuan a beng leh a.

ka nu chu au in kalo vin tuar a,Boom pan hnai ka tum chuan ka banah nazet a pawtin Gate ah min luh pui a,Gate chu a kalhzui nghal a.Tap zawih zawih in ka nu min hnuh na lam ah chuan ka kal ve zel a,inchung min pan chho pui dawr dawr a,Ka room ah min nam lutin ka room kawngkhar chu pawn lam a tangin a kalh nghal a,hawn tumin ka sawi vak vak a,ka chum dawt dawt bawk a.

"Hawng rawh...ka bansan dawn chuang lo" tiin ka au tuar tuar a.

Bolcony lam ka pan phei a,chu pawh a Gril te nen lam a lo in kalh vek.

"Hreptak hian!"

Beidawng zetin chhuatah chuan ka thu hnak a.Boom kha engtin nge a awm ang.

Zingkara ka harh chuan ka khumah ka lo mu daih a,ka bulah Boom a lo mu ve bawk,min lo nuih sen sen a,ka mumang a nih ringin ka maimitchhing tha leh a,ka mit ka men leh pawh chuan ka bulah a lo la awm reng.

"Stacy Good morning" ka chalah a fawp zauh a.

ka thu chhuak nghal vat a,Boom pawh chu min nuih hak hak chungin a rawn thu ve nghal a.

"Boom engtin nge i lo luh theih?'

ka sam min tuaithur sak zauh a.
"Chutiang ngaihtuah buai suh,vawin chu ka hruai chhuak ang che,insiam rawh"ka melh vak a,chhan chu nizan kha chuan ka room ah kalh hnan ka ni a,ka nuih ka chhuah a phal lo ngei bawk ang.

"Ka nu te!" ka hnual nghal rawih.

khum a tang min pawt tho a.

"Hospital ah an kal tawh,an lo haw hmain kan haw leh hman ang" a ti sap a.

Bathroom ah min nawr lut a,a tih ang ang chuan ka awm tawp,ka insiam zawh chuan ka room kawngkhar a hawn lai te chuan ka lo thaw dep dep,ka nu ten min hmu ang tih mawlh ka hlau!In hnuai lam ah kan in zui thla a,Uzamin min lo la nuih vur vur zui.Ka nu leh pa in min hmu lo chu ka thaw hawk thei,Boom ka en chuan a lo nuih vur vur a,a hlau thawng ve miah lo a ni ngei ang.

Kan leng kual char char a,Bazarah te kalin T-shirt in ang te,pheikhawk in angte kan lei a,kan kut kan in thlah miah loh tih theih a ni,a hnu ah phei chuan Teddy Bear lian tawk hi min lei a,ka pawm nawlh a,a man kan thil lei dang ho a khai vek a,kan bawr dun rap.

Carah kan thil lei ho kan dah a,Fountain a kala wish siam leh ka duh a vangin chu lam chu kutin kai rial in kan pan a,Fountain ah chuan Coin then lutin wish ka siam nghal a,Boom pawh chu ti bawk,ka boom maimitchhing lai chu ka en reng a,nimin a ka nuin a ben laite khan engtin mah tilo in a lo dawh tawp a!Keimah vang in a tuar leh tawh.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:03 pm

Tlai ah chuan kan in kawt thleng min thlah a.

"Boom"
"ummm..'
"Nimin thil thlengkha ka tihpalh aw!'

"Stacy i thiam loh a awm hlei nen!ka tuar tur vek a lawm hreawm Ber chu nangmahin i tuar tel ve hi a ni!"Van lam hawiin thawk a la vang vang a.

"Lo kal teh"min pawt hnai a,min kuah hle hle a.

"Stacy inenkawl tha la,damlo miah suh aw?" Ka sam a chul pah heuh heuh a.

"Ummm...nangpawh aw..Naktuk hian in hmu leh theiila ka ti!"

Min kuahna chu phelhin ka darah a vuanin,ka mit ah tak min en a"In inhi bomd darh in ka tlanbo pui mai dawn che mi?" ka hmui ka lo tihsawih khum vak a.

"Naktuk hian i thiltur ka lo thawn ang,i hmuh tirh chuan a hlutna hre rih lo mahila,nakin a tan a la tangkai dawn tih Hria la lo dahtha ang che aw?"

Ka lo bu nghat nghat a.

"Va lut tawh rawh lemm!" Teddy Bear lian zet chu car a tang a la chhuak a,min pawm tir a,thildang nen ka in keng bawr tun a.
"I chhungte an lo haw hman palh ang' a ti leh sapa.

Gate min hawn saka,ka lut hnak hnak a,thui pawh ka kal hmaiin Boom chuan ka darah min vuan ding leh chawta.

"Stacy" ka hma ah a rawn kal phei a.ka lo en reng ringawt,a hmelhi a dik chiah lo bawk!

Rawn kun hniamin min fawp nghal a,a mi fawhna te chu a duhthawh in a hnu leh awmtawh lo tur ang maiin a UAR a,reitawk min fawh hnu chuan,a in la hrang leh vat a,ka hnungah a ding a,ka darah a vuan a.

"Stacy rawn hawi let miahlo in kal ang che,a nihloh chuan ka kaltir thei lo palh ang che!" a tisapa,hawi let a amah en ka tum pawhin ka darah chuan min nam tlat a.A duhang chuan muangchangin ka kal a,kawngkhar ka luh thleng pawhin ka hawi let lo.

Zan lamah pawh phone in kan inbia a,a aw chu a dikchiah lo,a damlo mi tia ka zawh lahin vawin vanga achauh deuh vang mai mai a nih thu in min chhang a,ngaihtha tak in kan in mangtha a,A teddy bear min leisak chu ka mutpui a.ka manglamah pawh Boom chu ka la hmu zui zel a.

Zingkar ka harh chuan ka khum bulah Rose par senduk tamzet leh a kara lehkha inzep a lo awm a.

Nimin khan Boom in thil min lo thawn tur thu min hrilh tak!

Phur takin ka tho chhuak a,Rose chu la kang in ka hnim vang vang a,ka lo hum nghet deuh nge,a hling chuan ka kut ah min chhun a,a la thi zui! Lapua ka zawng leh te te a.A kara lehkha chu lai in a in thlep ka hawn chuan Zungbun pahnih a rawn tla nawlh a,Nui ver ver a la in pakhat chu ka Kutzungpui ah ka bun a,pakhatchu kutzung te u ah,Lehkha chu ka chhiar nghal a.

"Hey...Morning ka Stacy duhawm te!"

Ka nui nghal ver ver a"Morning Boom" ka ti let vat a.

"Stacy vawin hi kan in date a tanga ani 201 na chiah a ni tih i hria em?"

Henu thin hi a ni nen lam a lo chhinchhiah bik a.

"Stacy he lehkha i chhiar hun ah chuan kei chu hlatak ah vansang a thlawk in ka awm mek tawh ang!ka note min hrethiam rawh aw,keimah vang a i hma lam hunah miina an nuihzat che ka phallo a ni!ka Stacy harsa ka va ti tak em!Stacy ka kalbo a vangin min ngaidam rawh aw?I nu leh pa ka hma a thingthit nawn tir leh tur khawp chuan ka huaisen tawk lo a ni.Ka note Nimina fountain a ka wish siam kha i hre duh em?I wish siamkha a thlen dikloh nan wish kha ka siam a sin"

Ka ngaihtuah let a,Boom nen hlimtaka awm reng kha ka wish a ni"Misual nu" ka mittui a luang nghal zung zung a,tah chhuah hawm hawm ka duh,mahse ka awmah hnawh Tu a awmtlat si,ka awm chu ka chuma,ka chhungril hi a na ngawih ngawih!

"Stacy a nunrawng thlak i ti em?mahse he thil hi ka tihloh chuan i damchhung in miin i hnung a tang an kawk zui che a nga,an pui kawp ching tia an sawi tur che hi ka phal lo a ni!zungbun hi i pasal neih ni ah a kutah i la buntir dawn ni.He thil hi kan chunga a thlen a ngai si a,Tui taka i mu lai thlir reng che hi ka duh a sin,ka ngai dawn lutuk che hi engtin nge ka awm ang?ka che buai ngawt ang le!Reilo te hmulo leh be lo chea awmthei lo kha,I telloa ka nun hman a ngai dawn ta sia.

Stacy a nih aw,mangtha ka la ti phallo che,I pasal neih niah ka la mangtha ang che.Tinge mipa nia,I pasal ka nih theih loh tih hi Pathian hnenah ka zawhna ni reng tur a ni!ka hmangaih hlim reng ang che aw.

Boom "

ka tap a,ka awm ka chum a,"Boom i tello in ka awm thei lo ang" ka hmai lukhama phum in ka tap hawm hawm a.

Tu maw hian ka sam a rawn chul a,ka hawi chhuak vat a,ka nu leh pa chuan min lo en reng,thu chhuak in "Nu..Pa ,ka Boom..Ka Boom in minkalsan a sin "tiin ka tah khum hawm hawma,ka chhungril hi a rum vawng vawng,ka nu chuan min kuah vat a,ka lo nam san a.

"Nu...Boom khan tiang ang nihhi a duh biklo a sin,ti nge engmah in hriat thiam loh a?" ka au tawn tawn a ni ber,ka Boom in a tuar dan engmah an hre ve silo.

"Boom rilruna tihdam dan te,intheinghil dan te hi school ah lo in zirtir ila a nitur tiraw? A va harsa dawn tak em!"

Boom in min kalbo sana tangin class ka kalngai tawh lo a,tumah ka be ngailo bawk,ka room hi ka khawvel a ni mai,Boom lehkha thawn chu ka keng renga!kan thlalak dun ho te entin ka tap a,Bangah mahni in tihnat tumin ka in tauh vak vak thina,ka rooma thil ho paih darh in mi a ang maiin ka khawsa thin.Ka mu thlem em em a,thliin Balcony kawngkhar a rawn chhem rik te hian Boom a nih ringin ka vawng vat thin,mahse engmah a lo awm ngailo! ka mutthil ve chhun in manglamah Boom hmuin ka tap chhuak leh hawm hawm zel!

Ka nu in hna bansan in inlamah min awmpui chawt ,Ka boom tello chuan dam hi ka thla hlel thlawt lo a ni!

"Bawihi Boom lo let leh a,amah hmuh leh i duh chuan pangai takin awmla,pasal te nei ta che..Chu chu Boom duhdan pawh a nih kha" ka sam hnawk niai min khuih sak pah chuan a tia,Chhan en ah pawh ka enlo,ka Boom hmun riak hi tuma luah ka phal rin lo ani,mite chu an hmangaih te nen duh hun hunah an in hmu thei a,keive chu ka hmangaih Ber hmuturin pasal ka neih a ngai si!khawvel teh hrep hi chu!

Chutiang chuan pangailo takin thla tam ka awm tawh,ka ngaihtuah let a piang in ka la inthiamlo,kan in hmuh tawp Ber a awmdan te,min fawh na te,hawilet miah lo a kaltura min tih lai te khan hawi letin tinge tlanbo puiah ka lo sawmloh.

"Boom min ngaive lo mi?ka telloin i hlim bik a mi?khawngaih tak in ka room balcony ah hian rawn lawn la,reilote min hmuh loh a vang a i at mai tur thu min rawn hrilh leh rawh... ka ngai lutuk che hi thih mai ka duh thin!"

Mittui nen ka mu a,Mittui nen bawk ka tho leh thin.

After 10 Months

Manglam ah ka Boom ka hmuh a vangin a mah ngai ngawih ngawih in ka tho chhuak a,mit chhing in thawk ka la vang vang a.
"Boom Good morning "tiin ka phun sap a,intifai turin ka tho chhuak nghal a.

College ka thlen chuan student ho chu an lo zi nuai nuai a,Basketball kheltur in an inbuaihsaih mek hlawm a,ka tan chuan Boom min hriatchhuah tira min tina tu mai a ni.

Zawi muangin college chu ka chhuahsan a,kalna tur bik pawh hrelo in ka vak kual a,Boom nen kan sulhnu ka chhuia,mi hmuhloh in ka mittui chu ka hru fap fap a!wish kan siam thinna fountain ah chuan ka ding leh ran tawh! engkim hian ka Boom min ngaihzual tir tak zet a ni!

Coin thehlut in ka maimit chhing nghal a"Ka Boom hi khawi hmunah pawh awmsela,hriselna tha pe ang che" Ka mit ka meng a ka piahah chuan Fela a lo ding renga,min lo nuih ver ver a,Coin chu fountain ah chuan a theh lut ve a,ka kut rawn vuanin "ka duhthusam chu Stacy pasal nih a ni!" Ka mittui a luang nghal zung zunga,Fela chuan a kutin min hruk sak a.

"Stacy nangmah hi a lawm hman a tanga ka hmangaih tawh,he college a ka lo insan chhan pawh hi nangmah i ni sin,khawngaih takin mi a angmai a,zui kual reng tu che hi min nei rawh?"ka kut chu nghet takin a hmer vawng vawng a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:03 pm

After 3 years

Mo kawrfual var hain Darthlalang hma ah chuan ka ding a,ka nu leh Angeli chuan min lo nuih ver ver a.

Room kawngkhar a rawn in kik dat dat a"in inpeih chuan kal a hun tawh e" thawk ka la vang vang a.

"Ka fanu i hmeltha lutuk" ka nu chuan a lo tisapa,a kut vawn sakin ka nuih ver ver a.

Biakin chhungah chuan mipui an lo khat vek tawh,ka pa chuan ka kutah kaiin ka pasal tur Fela lam chu kan pan a.

Maktak maiin ka thinphu a rang dawt dawt a,Boom ka bula a awm lai a ka awmang chiah khan ka awm,Ka Boom a awm ve tih ka hre thei...nilo.ka chiang a ni,Boom zawngin ka hawi kual ruai a,mipui chuan maktiin min en thup a,ka Boom chu ka hmu mai silo,"Boom khaw nge i awm?" ka phun chhuak sap a,ka thin zawnah ka kut dahin ka maimit chhing vang vang a.

"Mambawih kal tawh ang le?' ka pa chuan nin hriatthiam hmel takin nin en a,a tawpnan tiin ka hawi kual leh a,nahse ka hmu mai silo.

Ka pain fela kutah ka kut a hlana,Fela chuan min lo nuih ver ver a .Ani hi chu ka phulo a ni,mahse ka nihna ang anga min pawm thei tu a nisi a.

Inneih hunserh kan tan a,Felan zungbun min bun tira,Keipawhin Boom min pek zungbun kha ka bun tir ve dawn a,mahse zungbun chu ka thlauh a,a lir teng tenga,sir lam tlat hma a hmeichhe pakhat ke bula a tawp chat a,zungbun chu chharin ka lam a rawn pan a,Chunu ka hmuh chuan ka thinphu a danglam leh nghal vek tawh,mitkhap miahlo in ka en renga.Min hnaih zela. "Boom"tiin ka lo phun sap a.

"Stacy I hmeltha lutuk,he zungbun hi i pasal tur kutah bun tir rawh le" zungbun chu ka kutah min pe a,a thutna lamah min let san leh a,ka va en chuan min lo nuih var var a,ka Boom ngei kha a ni!

Fela kutah zungbun chu bun tirin tunah chuan Fela nupui ka ni ta.

BOOM PROVE
______++++!+!+x _____________

Stacy chu a pa in biakin ah a rawn kai luta,ka hmun chuan ka awdan a danglam leh nghal vek!amah pawh a pangailo,a hawi kual ruai a,a bula tlan nal nal a,a kuta vawn a tlanbo pui mai duhna rilru in ka khat a,mahse...ka bula a awm chuan mi hmunsitna ciah a dawng dawn!Lalpa chakna min pe lul teh...ka nihna hi ka pawm tiam a hun tawh tak zet,keimah vangin Stacy nun pawh a chhe hman tep si a,kha zan kalsan tura thuthlukna ka siam kha,ka damchhung a ka thil tawn a harsa ka la tih ber a ni.

Kha mi zan Stacy a nuin a hruai luhzan Khan tihtheih neilo in ka thlir reng a!ka hmai Stacy nu min benna chu a sa ham hama,ka tuar tur a ni tih ka hria,mahse keimah banga ka Stacy in a tuar ve hi hreawm ka ti takzet a ni.An in kawtah chuan ka ding renga,khua pawh a thim tawh,mahse Stacy te in chu ka kalsan theilk,Gate chu rawn in hawngin Uzami a lo chhuak a,inchhung lamah Stacy nu leh pa te in min hmuh duh thu a arawn sawi a,ka zui lut ve nghal a.Inchhung ka luh chuan Stacy nu leh pa chuan min lo en ran a,"ka duhdan chuan min annkhumin,kutpawh min thlak hial mahse Pawi ka tilo, mahse ka Stacy chungah engmah a thleng tur a nilo tih hi ka ngaihdan a ni".

Mahse enge thleng ta hi,An pahnih chuan ka hma ah an thing thia,Stacy nen kan pahnih in kar titawp turin min ngen a,an chetdan a vang chuan awmdun tur ka hrelo,ka ding reng tawp!

Stacy pa chuan "ka fanu hi i hmangaih chuan tawp san rawh!miin hmusit tak a,ahnung lam a tanga Kawka an nuihzat tur hi titawp rawh"tiin ka hmah thingthi chungin min ngen a!

Sawive tur ka hrelo,ka hriat chhun chu keimah vangin Stacy in engmah a tuar tur a nilo tih zawng ka hria.

Muang changin an in chu ka chhuahsan a,Car chu chak taka,khalh chhuakin khawi lamnge ka pan dawn pawh ka hrelo,"Stacy nui hmel te,Boom haw suh hetah riak ve rawh a tih rite kha ka ngaihtuahna ah a rawn lang zut zuta, Car chu ti dingin Stearing chu ka chum vak vak a,theih tawp a ringin ka au a!Awmzia a va awmsilo em!

Reife thu a ka in ngaihtuah hnu chuan,ka la ngaihtuah ngailoh thuthlukna siam in Stacy te in pan chuan ka inkhalh let leh a!

""Lalpa chakna min pe hram ang che"

""ka Stacy khawngaih thlak te,be thu thlukna ka siam a vang hian min ngai dam rawh aw?Ka Stacy harsa ka va ti dawn tak em!A nih nih kan ni mai a niang chu!
Ka kalbo ta ngei a,ka Stacy telloin a awmchu harsa ka ti takzet!reilo te ka hmuh loh leh ka coll a lak lawk loh chang pawh a,talbuai vek thin kha amah hlatah ka awm a ngai tasia,Lalpa tinge hmeichhia leh hmeichhia ah in hmangaihna i pian tira,mahse Anpui kawp i phal leh bawk silo!" tiang hian Pathian ka zawt fo thin a ni.

Tunah chuan ka Stacy chu midang ta a ni tawh a,kei pawhin ka nihna diktak ka pawm ve a ngai tawh a ni,Vawin hian ka Stacy tia ka lo sawi ve thin kha ka mangtha a ngai tawh ang!"Chakna ka va mamawh dawn tak em! Stacy ka hmangaih che!

_________xoxoxoxo________
Inneih hunser a zawh chuan thlate lain kan buai hle a,Thlalak zawh chuan in lamah letin Angeli nen mo hruai lo kal hmain kan inthlak vel a ,chhutih lai chuan Room kawng khar chu a rawn in kik dat dat a,Angeli chuan ahawn sak vat a.

"Boom.. nang maw? lo kal rawh"
Boom chu a lo luta,Angeli chuan min chhuahsan nghal a,ka lo en renga,muang changin min pan hnai a,ka tumloh deuh in ka mittui a luang zung zung a,a kutin ka mittui chu min hruksak a"I make up a chhe vek dawnnia" a ti sap a,min nuih nghal bawk,keipawh in ka lo nuih ve a.

"Stacy" Thawk a la leh vang vang a.

"Stacy ka lawmpui a che" mittui nen ka lo nuih a.

"I hlim dawn ti raw?"

Aw tihnan ka lo bu nghat a.

ka chalah a fawp a"ka stacy Mangtha tih ka sawi thei ta...mangtha le"

Chuthu ka hriat chuan ka lung a chhe thar em em a,ka hun kaltawh ka ngaih tuah a,ka ngaih zia te,ka thlakhleh zia te kha!ka tap chhuak hawm hawm a,ka khur hlawk hlawk bawk.Boom chuan nghet takin min kuah a,ka hnungah a beng thek thek a.

"Ih.... ka Boom. ka Boom bulah khan sawi tur tam tak ka nei a sin" a awmah hmai ka phuma ka tap hawm hawm a.

"sawi rawh" A aw a tang a pangai biklo tih ka hre thei.

"Boom...tinge? tinge i kalbo daih?ka ngai che sin!I hria em? mi a angmaiin hun rei tak ka awm a,tinge min ngai ve miah lo a mi?tinge vawi khat tal pawh min lo biak loh?Stacy muttui tih message tak ngial pawh I lo thawn ngailo?engtin nge min belo in i awm theih bik?" ka lungchhe lutuk chu ka inkhawngaih zawk.

Boom chuan khumah min thut tir a.ka bulah thu in ka kut a vuanin a,rilru nat hmel takin min melh vawng vawng a.

"Boom ka ngai tak zet che a sin!"

A maimit chhing vang vang a" Stacy keipawh in ka ngai che a lawm!ka a mai dawn in ka in hrethin,vawi engzat nge rawn haw a tlanbo pui mai che ka duh thin,ka hming lama i tap tur te ka ngaihtuah in hreawm ka ti tihna sin!Mahse keinen chuan mi hmuhsitna chiah i dawng dawn!" Ka mittui chu min hruk sak a,ka biangah a kut pahnih in a vuanin "Stacy kal ang le!I pasal turin pawnah a nghak tawh che nia"min kai tho a,kawngka min pan pui a.

"Boom"

A rawn hawi let vat a.

"Ummmm"

"Boom.. nangpawh hlim deuh Kn awmla,ka tawng che hi vawikhat pawh ka la inchhir ngailo,ka nunah hmangaihna awmzia min hriat thiam tir tura i lo luh a vangin ka lawm e"

Min nuih ver ver a"Keipawh le Stacy, Hmalam pan zel ang aw"

Kan chhuak a,Boom chuan ka kut leh Fela kut chu a hmeh bel a,"Hlim reng ang che u"a nuih suk a,He nu hi chu a hmeltha chiang a lawm!in her in min kalsan ta a.

kan bula ding Fela thianpa chuan Boom chu a thlir zui vawng vawng a.
"Stacy kha nu kha tunge a?"

Fela chu nui chungin ka melh zauh a.

"She's my boyfriend" ka tisapa, Fela thianpa chuan min en ha a,Boom chu a umzui nghal a,a va ti dinga,an inbia a,an nui dun a,ral a tang chuan kan thlir renga

Fela chu rawn kun hniam in "A ni kha i bialpa a nih chuan keihi i eng ka nih?"

A biangah ka fawp zauh a"You are my handsome husband" ka hmui ah a rawn fawp nghal a.

THE END

Min chhiar sak thin a vangin ka lawm e :) .Story thar nen kan in hmu leh vat dawn nia...Ka hmangaih vek cheu...

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Thanpuii Sailo
Posts: 3
Joined: April 3rd, 2017, 4:32 pm
Location: Aizawl

Unread post by Thanpuii Sailo » April 11th, 2017, 8:18 pm

He mi chhung a i ziah hi I phuh chawp vek chu a nisia..Mahse tiang chiah tawng tu hi an awm a sin..A kal hmang zawng zawng te nen hian a in ang vek..An ni chanchin kha i rawn ziak chhuak a ni ringawt a lawm..An ni pawh kha a hran ve ve in an nung tawh a sin.. A chhung a mi hi a tak vek a ni.. Haha.. A tak ah a thleng miau a tinni..!!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)