SHE'S MY BOYFRIEND BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: SHE'S MY BOYFRIEND BY Abbra Reo Ririni Khiangte

Unread post by Ngaia » November 13th, 2016, 12:59 pm

"Boom...I tha em?"

"Tha e" a nui suk a,mahse a nuilui tih ka hre thei!

"Boom...thil min hrilh duh i nei em?" ding dihlip in a chalah ka fawh sak a ,Thawka la kawk a,a lamah min pawthniin min kuah hle a,a awmdan hi min ti awmnuam lo,ka tah a ti chhuak,a hmel ngui bur te hi hmuh hreawm ka ti!

"Ka Stacy engkim ka inpeih hunah ka la hrilh ang che" a AIA nghetin min kuah a"Ti hian reilote min awmtir lawk rawh,chakna ka mamawh" a tih zawm lehnghal a,A hnungah chuan ka kut pahnih in ka ben sak thek thek a,Eng thil tak niang maw..ka Boom ti hreawm tu chu!Lalpa a lungngaihna hi tihreh sak rawh.

"Min rawn be Tu kha ka unau nu a nia...kei aiin kum6 in a upa." min kuahna chu phelh in ka hmelchu chiang takin a rawn em a.'Nangmah ang mai a hmeltha leh eisiam thiamlo a nia" a nui hak hak a,ka hmui ka lo tihsawih khau a,Thutna awmah chuan thuin a mahhnaih chetah min thuttir a,ka kut chu a vuan tlat bawka."Kan tet lai chuan ka nu leh pa hi sumdawnna vangin thla khat chuang te an kalbo thin,ka u nen hian ei kansiam thin a,kei ka siam a,a man a lo endikthin,nangmah ang maiin a lei hriatna a tha a,awmpuite ei rawngbawl tir lo in kan pahnih in kan ti vek thin,ka u khan min duat em em a,ka tan kha chuan ka nu leh pa aipawh in a hlu zawk"

Chungthil a sawi chhung zawng chuan a u chu a ngai hle tih a hmel a tangchuan a hriat theih."Mahse ka u chuan England mi pasal ah a nei a,tunah chuan ngai hle mahila,tihtheih ka nei tawh lo" Beidawn hmel deuh in a tisap a,Van lam a en a,a mittui a tlak mai loh nan a mitchu a khap fak fak a,a darah kuah in ,a darah chuan ka beng thek thek a,ka lam lo hawiin min nuih.
"Nidangah ka hrilh chhun zawm dawn che nia" a tisapa a.

Aw tihnan ka lu ka lo bu vat a.

"Min zinsan dawn sia,hetah enge ka lo tih ang"

'I chalah ticket belila ka hruai ve mai ang che" ka lo ti vat a,Za lutuk in a rawn nui nghal hawk hawk a,a nuih hian ka Boom hi chu a tha leh zual.

Boom in min hawsan hnu chuan ka thuamhnaw kentur te ka insiam fel a,in a thlen velah a rawn in report thlapa,ka ngaihtuah let hian vawin khan a lungleng ve tak zet a niang,Ka hriat thin Boom hmelah khan thil ka hmuh ngailoh ka hmu thei a ni,keihian a tan enga mawtak ka tih a ngai,Hlimna pe tu ka nih ngei a tul a ni.

Lunglei ka thlen chuan ka pi leh pu chu an lo lawmthiam hlea,ka thian ka ngaih em em te pawh an rawn kal khawm tak tak a,kan bengchheng leh hle tawh,kan thian ho hi tette a y
tanga in kawm vek tawh kan nia a,kan nu leh pa te thleng pawh in kan in nel em em vek,mahse tuahtak hian Vanlal-Boom ka ngai lutuk.

Boom nen chuan nitin kan inbia a,changleh vediocall te kan nei a,kan inbiak a piangin engtik nge ilo haw dawn,i rei tawh si pangchang deuh hian a ti ngei ngei zel.

Boom tello chuan nikhat lek pawh awmharsa ka ti,ka pi te tih lungawiloh ka hlau ve si,an tu ah chuan minduatin kan chengho thin a,midang ho aiin min ngaina ve em em a,han hawsan leh daih chi an ni bawksilo,Ka mumang ah Boom hi ka hmuthin a,zingah hian a mah ngai deuh in ka tho a,ka phone ka en hi chuan a message hi a lo awm ngei nhei zel,vawikhat mah ka la thawh khalh lo,min wish hmasa tuah a la tang ziah.

Chrismass leh kumthar kan hman zawh chuan ka haw theih thu Boom ka hrilh a,amah ngei lo kal amin hruai a tum thu a lo sawi nghal vat a,hnial tum mahila a tilui dawn tho tih ka hriat a vangin ka lo remti ve a,Zanlamah a helh hawlh leh zui,Nopangchhia reuh lutuk,Vawi engzat nge min lo phone a zing a nghah hlelh thu a rawn sawi ni,Kei aiin puitlinna tamtak nei mahse,a changhi chuan Nopangchhiat xawk chang a nei ve thin,Mahse ka tan chuan a duhawm vek,Ka Boom a ni miau a lawm!

Boom chuan min lo hruai ngei a,mahse dar engzat nge a lo thlen hi???

Zingdar 6 ah khawilai ah nge in in a awm?a rawn ti heu mai a,Nizan lama mutura ka tih khan mulo in a rawn inkhalh chhuak a ni ngei ang.

Car khalh chung chuan ka kut a vuan tlat reng a,ka ngaih tehlul nen,a lan danah hi chuan amahhian min ngai zawk a ang.

College pawh kan tan leh tawha,mahse,Boom te ho chu shilong ah North east Basketball intisiak a kan college ai pawhin an mal a ngai dawn,ka ngai lawk lutuk,a tello chuan nikhat pawh hi rei ka ti si!

"Stacy,ka lo kal dawn aw?" Phone ah chuan boom chuan kan in a Len min dila,Naktuk hian an kal tawh dawn.

"Ka nu te an lo haw tawh si"

"Mahse ka hmu chak che lom,Bolcony ah khan ka lo lawn leh mai ang" ka chhana hman hman phone a dah deih zui,Chimawm lutuk mai.

Boom chu ka ngai chang deuh reng a,Henu bon thei leh lutuk hi chu,tiang Bolcony a lawn te chu mipa tamtak pawhin tih enah an en ngai der silo...huizzz..Boom a nimiau a lawm le,a tlaksual veih chuan a pawi khawp ang.

Hmangaihna hi chuan thil thleng theilo tuara kan ngaih tamtak pawh hi a thlen tir thei tlat a ni.

Bolcony kawngkhar chu a rawn ri dat dat a,ka nu leh pa hriat hlau tawkin ka hawn sak them them a,inthla hrun hmel tawk in a lo ding reng a,kawngka ka hawn chuan a lo lut vat a,Vawt a ti ngawt ang,December thla aiin January thla hi a vawt zawk tlat a.

"Nula rimdan hi i hremak sak thei sia?" ka melh chuan a hmui min lo tihsawih khum a.

ka dressing table bulah chuan a ding run a,thutura ka hrilh pawn a thu duh thak lo.Ka va kal hnaih chuan min lo kuah nghal thlawp a,a chetdan vang chuan ka hamhaih hman tep,ka samah a chul heuh heuh a.

"Ka ngai dawn che,kalloh mai ka duh" A AIA nghetin min kuah a.

"Keipawh in ka ngai dawn lutuk che,I kalloh chuan a chiloh,in team tan i pawimawh lutuk!"

"ka rualin lo kal ve mai la!"

ka in la hranga,ka nuih hak a,min kuah leh nghal vat a.

"Ka Stacy ka chakna i vanni chiang tak em! tunah ringawt pawhhian i hnena tang hian chakna tamtak ka la hman a ni" ka chalah a fawp zauh a,Nghet takin ka lo kuah let a.

"He khawvel ah hian,Niang leh Ka Unaunu chiah hi ka tanna thil hlu ka neih in ni"

"Boom..ka tan pawh i hlu lutuk,I u a hlut tluk zetin i nu leh pa pawh" ka lo ti vat a,a in la hrang nghal vat a,Tinge maw a nu leh pa sawi hian a hmelhi a danglam nghal vek thin ni.

"Ka nu leh pa tan chuan an hmanrua pakhat ve mai ka ni!' khumah chuan a thu a,a bulah chuan ka thu ve nghal ,Ka Boom hian thil sawi duh a nei,mahse,tinge a sawi chhuah ngam thin loh ni!

"I duhchuan min hrilh thei ang"

"Lo kal hnai teh" a lamah min pawt hnai a,min kuah hle hle a.

"Mangchhia ang mai a ni...Stacy...tunah nilo..."

A hnungah ka ben sak thek thek a,Mangchhia angmai a rapthlak chu lakkian sak theih ka van chak tak em!

Zan dar 10 velah a haw a,Naktuk zingkar chhuak tur an nisi,Kangkapui a tang thawm dimtawk in ka kalchhuah tir a,Gate pawn a chhuah dawn chuan kut a rawn vai let a,a kal liam ta a,Keipawh ka room ah chho in mutthilh ka ruma,mahse ka harh tulh tulh zawk,Reilote hnuah Boom message ka zawng nghal a,kan in TeX reng a,kan in text laklawh laiin ka lo muhil lehpek a niang..ka mumangah Boom ka lo hmu vak zui,Zingkar ah ka harh hlawl a,ka phone ka en nghal vat.

Boom message hlir,ka van inthiam lo tak...ka coll nghal vat a.

Ni Li lai Boom telloin ka awm tawh,ka ngai tak zet,Angeli pawhin sawilang lo mahse Hmingtea a ngai ve tho tih ka hre thei,an in text reng bawk a,enga maw chu an inkarah hian a la awm vat ang.
Ruati pawh class a lo kalngailo,a thian pathum kha chu ka hmu ziah,an che ngeiawm thei hle a,mahse an ni khing buai turin ka hun ka ui tlat thin!

Boom te pawh an tluang chuan Naktuk ah Closing Function an hmang a nga,tukleh ah an lo haw thei tawh ang.

Mahse tinge Zanin hi ka coll tlang thei lo reng reng,Switch off a in ti tlat a,ka rilruah ngaihtuahna thalo deuh deuh a lo xut zut bawk.."Boom i tha em?"

Bolcony ah thu chhuakin Boom vhu coll ka tum a,a theih bawk siloh...ngawi rengin ka thu a,vanlam ka thlir reng a.... ka lo muhil leh pek a niang chu,ka chalah hmui lum their thet in a rawn deh chuan ka meng diar diar a,Boom chuan nui ver ver in min lo melh en reng,ka meng fiah nghal kawk.

"Engtin...Boom shilong a awmtur i nisin"

"kan inkhel zo tawh tho a,ka lo haw daih"

"Maw?I a tawh a mi?"

"Au vak suh...I chhung te an harh ang"

"Ti nge i lo haw?"

"ka ngaiche ka tih chu"

Ka chlah a fawp leh a,ka lo en tawp rin ngawt....A thluak ah hian enge awm le....???Min la nuih vur vur zui!

College gate ka lut chiah chu Angelin rangtawkin in min lo pawt a,hmun reh lam min panpui nghal chawn chawn a,a chhan ka zawh pawhin Nakinah a ti hlur sia,ka zui ta hnuk hnuk a!Washroom ah min hruai luta,midang an awm ve leh ve loh a enkual leh te te a,keilahin a chetdan mak em a vang chuan ka lo en reng ringawt.

"Stacy..ka thil hrilh tur che hi a Pawi mawh lutuk" a hawi kual Zak Zak bawk a.

"Eng lam pang nge a?"

"Ih....au vak suh aw?'

"ummm...sawi mai mai teh!"

"Ih...Hmingtean in date puiah min sawma!"

"Oi...!!!"

"Au suh ka tih kha"

"E...oo..chuan engtin?"

Angeli chu a hlimtih a hmel a tang a hriat hliah hliah,Anipawh kei ang chiah in Hmingtea hi a atchilh ve a,Boom nen kan nih tan lai te pawh min ti hre chhuak.
Ka thian nu hian hlim hi a phu reng a ni.

"Phone pawn ka hrilh thei che a,mahse,hmaichhan a hrilh che ka duh a,Sta..ka hlim e" min kuah a,ka lo kuah let ve vat a.

"Engtin nge in in date dawn ta?'

"Tun Saturday hian,mahse,ka zeilo si,engtin nge ka tih ang!?"

"Haha...ngaihtuah buai suh,ka awm hi"

"Oh...Stacy ka lom e..ka hmangaih che"

"Keipawn ka hmangaih vawng vawng che"

Boom bulah chuan Hmingtea te in date an tumthu ka hrilh chuan.

"Hmingtean min hrilh a,min pui rawh a la ti zui!" a lo ti vat a.

Lalhmingan Boom a hrilh maw?

"Hmingtean a hrilh che maw?"
"Ummm" a muffler awrh laichu phelh in ka nghawngah a rawn bat nghal a.
"Kan puihna an mamawh sia,engtin nge ni ang?"

Muffler hmawrah chuan vuanin, ka chhana ngai changing min melh a.

"Kan pui ngei ang" ka nui var var a,Chhanchu hminga leh Boom hi lo insual hial tawh an ni,tuna an in ngaih thei hi ka hlim tak zet.

"I thu vek a lawm..boss" ka chalah a fawp zauh a.

Angeli nen a thuamhnaw haktur kan buaipui a,Boom pawh Hmingtea bul lam ah a awm,a in cheipui ve ngei awmsia,engtak ti dun ang maw?

"Wow...Stacy ka awilo zawk,min chhuah dang tawp!"
"Haha...i lungawi em?"

"Ummm...i awmlo ang tih ka hlau lutuk,nang pawh i chhelo lutuk..Selena Note"

"Het..Ael

"Het!Selena aiin ka lian " ka lo ti vat a,a nui nghal vak vak zui.

Angeli hi kei ai deih in a vun a nalh a,ka theih tawp chhuah a ka chei meuh chuan,keipawh in ka hai tep zawk,ka phone a lo ri dar dar a,Boom a lo ni,ka chhang nghal vat a.

"Ummm"

"pawn ah kan awm tawh,in hman tawh em?"

"A...aw..kan lo kal...minute5 leh chiah"
"Awle...muah muah"
"Muah"

Angeli ka en chuan a lo zam hmel em em leh nghal,a kutah ka vuan a,ka kal chhuah pui a,pawnah chuan kan Romeo te pahnih chu an lo ding a,an chhelo dun thlawt e,Angeli chu hmingtea car ah kan chuan tir a,Boom leh keichu Boom bike ah kan chuang thung,Hmuifang tlang lam ah kan kal nghala,Car ah chuan kan thian te pahnih chuan engtak sawi dun ang maw?

Ka hmaa thu chu nghet takin ka kuah a,a bulah hi chuan ka thlaamuang thin a ni,Hmeichhia a nih vanghian mipa dangaiin a nep bik lo a,mi hriatthiamna a ngah in mi a ngaihasak em em reng a,ka thusawi te tha tak in a ngaithla a,Sawitu nilo a,ngaithlatu nih a tulchang a awm tihhi a zawm chiang a ni,kan in hriat tan tirh te,ka chungah that a chhuah miah loh lai pawh a,ka atchil em em te kha a lo phu thlawt ani.

Tlang kan thlen chuan Hmingtea leh Angeli te tan a,Boom nen kan lo buatsaih lawktawh thingkung cheimawi hnuai a,dawhkan leh chair a bulvel chu pangpar leh thildang in kan chei mawi bawk,hemi hmun hi kan thian te tan liau liau kan siam a ni,Boom a phur lutuk a,Nimin ah College kallo in kan buipui vak phah.

Kan thiante pahnih chu hunnuam tak hmang turin kan kn inthiar fihlim san a,tlang hring dupah chuan ka hmangaih ber kut kaiin kan tlankuala,ka boom nen hi chuan engkim hi a nuam ani.Kan thu a,ka hnungah rawn thuin ka kawngah nghet tak in a rawn kuah a.
ka nghawng zawn ah chuan a thaw lum ham a,amah hi a ni,ka chakloh lai ber pawha,ka ngaihtuah chhuah thin,amah hi a ni ka hlim lai Ber pawha,ka ngaihtuah chhuah thin.

"Ih...thil kan la tih loh ka hria?"

"Eng chu?"
"Han ngaihtuah chhin teh?'
"Ummm....engmah hmaih kan neilo!"

"Aw...ka hriat nawn tir che a ngai nimaw?"

A jacket chuan ka lu leh a lu a rawn khuh zui nghal a.

Remember those walls i built
Baby they are tumbeling down
and they even put up to fight
They didn't even make a sound
I found a way to let you in
but i never really had a doubt
Standing in the light of your halo
I got my angel now
Boyonce



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:59 pm

SHE'S MY BOYFRIEND
Reo Ririni Khiangte

Chapter 10

BOOM PROV
________xooxoxo_________

Basket Ball practice in kan hma lawka a,Intihsiakna awmtur a tan chuan kan in buatsaih nasa hlea,Practice lamawh ka duhthawh tan tawh hle.

Nikhat chu ka la hmuhngai miah loh hmeichhia hian kan practice laichu a rawn en ve a,ngaihsak loh ka tum pawhin ka thei lo,a mahah khan min hip tlat Tu a awm,Min thlir reng bawk si,ka lo zam ve ringawt a!

ka ball score tur chu nazet in ball chu ka vawm a,mahse score lo in a bang chu a fuh a,hmeichhia ka la hriat ngailoh hmaiah tak a la per zui,a let nghal tawp bawk!Hit lo sin,kan buaipuia,Tui te a kan theh hnuah a rawn menga,mahse min en renga,amit meng chu a nalh tak zet,keipawhin ka mit ka la san thei bik lo,a hnuah a hnar a thi tih a hria a,hlau thawng takin a maimit chhing tha leh a,a awmdan te chu ka lawm reuh tlat pek a,Pawm kangin nurse room ah ka hruai a,kawngtluan in a meng ngam eih lo,Thisen chu a hlau tak zet a niang,Nurse in a tihfai chhung chu pawnah ka lo nghak a,ka ngaihtuahna ah a awmnghal char char ringawt,A mit meng mawlh kha,a mit khur khuar deuh dak leh dum fiah zet kha.

"Nilo...Boom ngaihtuah tawh suh!"
Nurse in a zo tih min hrilh chuan ka lut vat a,Tukverh ah dak chhuak in pawn lam a lo thlir reng thung,Aw ka thiana,a rawn hawi let vat a,min hmuh chuan mit khap miah lo in min en char char,keipawh ka bang bik lo,ka thinphu te chu a rang vek thei..he mi ni hi ni ka Stacy ka hmuh hma sak ber ni chu.

Ruati nen duhthawh zet a kan infawp lai chuan ka mit men chakna in ka khat thut,ka mit ka men chuan kan piah a Stacy leh Hmingtea ding dun ka hmu a,a bialpa a ni ngei a,Stacy chu rawn hawi letin kan mittak a in tawng,Rangtaka hawi san in a bialpa chu a umzui nghal a.

Engtik laipawh in ka ngaihtuah na ah a awm reng,theinghil ka tum pawh in a theih lo,a class bang ka zui haw ziah a,mahse ka zui thin tih a hre ngailo thung,Class ah lah a bialpa bul lamah a thu tlat bawk,an pahnih a ka hmuh dun a vangin ka thinrim tung zel,pawhtak a biakve ka tumpawh in ka lakah a in veng tlat thin niin ka hria,a chhana chu ka hnaih a piangin a pangailo,chuvang chuan a hlat a ka awm a tha.Hmingtea bulah ka duhthu ka sawi a,a nichuan tina lo tur leh fiamkual mai mai lo turin min hrilha,"I bialnu chu ka tihnat i hlau viau mi? " ka tihkhum leh ngat a,a chhan chu Hmingtea hian a duh in ka hria,Chhana min pelo in min hnek sawk.
Hu! Boom in kut thlawn a tuar ngai lo.

Kan insual zui chu a ni mai.

Stacy chu rawn kalin Hmingtea chu a rawn buaipui nghal a,"An inkarah hian thil awm chu a awm a ni" ka kalsan nghal a,Hemi tang phei hi chuan ka rilruah Stacy a awmnasa zual,mahse thil chu fair takin a kal tur a ni,keiin kawp lai ka nei a,amah pawh in a nei,ka ngaihtuah chhun zawm thawh loh a tha ber!A mah pehhel dan ngawt ka zawng thin a,Mahse a harsa a ni,Library ah a muthlu thin,chung thleng chuan ka hre vek,a mutthluk chhung zawng a bulah ka thu a,mitamtak chuan maktiin min en thin,a chhan chu kei hi library ah ka kal ngailo tlat a,Stacy lo awm a tang hian a mah ka hmuh theihnan ka kal ve chauh a ni,Tui tak a amuhil lai chu ka thlir reng thin a,a harh hma deuh in ka kalsan leh thin.

Chutia Stacy ngawt ka ngaihtuahna ah a awm si ah chuan,Ka bialnu ve...tiila ka rilru ka pek em em loh,ka mei ang maia min umkual thin Ruati bulah chuan in hnaih tawh lo tur leh min kalsan midang kawp tawh turin ka hrilh a,a lawmlo nasa,min tah khum vak vak zui! chumi ngawt a vang chuan keiin a mahah rilru ka pek phah thei silo!

Tlangah kan lawn a,Stacy ngai changin muangchangin a hma lamah chuan ka kal a,Mahse a hawn lan ve tak lawk loh ah chuan kal letin ka zawng nghal a,ka hmu mai silo,khawnge a bo deih le?kawng thlang ka en chuan,bag pakhat ka hmu a.

"Nilo,a chungah engmah thilthalo a thlen loh hram ka bei sei"

Kawngthlangah chuan ka theih anga rangin ka kal thla a,Hu!tha sen ngailo chi,hnah thel nalah chuan ka tawlh thla pur pur,thing lo dingah ka in vuan tang thei hrama,ka piah ah chuan Stacy pawh chu ka hmu nghal,mahse a tap a ni ngei ang,a luchu a kun tlat a,dim deuh in ka pan phei a,a darah ka khawih a.

"Khawngaih takin min ei suh" tappur in a rawn tia, Keihian mihring ka ei ngai der silo.

Amah chhaih kual a,tihthinrim kual vel hi a nuam ka tih chang a tam,a chhana pawh a hmui fawh chak awm zet hi a tisawi vak thin,Nopangchhia deuh a a chet hian a duhawm zual.

Muangchangin ka menga,ka ban lukham a tuitak a muhil chu ka thlir reng a,a van duh awm tak em!a chalah ka fawp a,a rawn che tiam thiam a.

"Ka Stacy tho tawh rawh ..kan thian te pawn haw an duh tawh ang"

Rangtawkin a rawn thu chhuak a,a hawi kual deuh vak vaka,Inthiamloh hmel tawk a min en pahin,
"Engtia rei nge ka lo mutthilh"
"Darkar 2"
"Oi....leh....khawnge Angeli leh Hmingtea"

"Car ah an awm a niang"

"Nih chuan kal ang,lalangelin report tur a ngah ngawt ang" a ti nghal zung zung a...Nie !heihi ka Stacy a nih hi,a tihluih ni miah silo a a nopangchhia em em thin te hi,amah min ti duhzual Tu a ni!

________xoxoxoxo__________

College gate a ka luttur chu mipa pakhat hi Map kengin a lo ding reng a,lo lut thar tur a ni ngei ang,Amah chu en in ka nui suk a,achhan chu he college a ka luh hmasak ber ni kha ka hre chhuak,ka first day a tang ka che che em em a nih kha,Puih theihna ka neih takin tiin a mahchu ka pan vat a,Ka rin ang chiah,mithar a lo ni,tanpui a ngaih leh ngaihloh thu ka zawh chuan college hi enkual a duh thu leh ka puih theih chuan a that tur thu min hrilh a,Amah a ka in chanin a awm dan tur chu ka hrethiam thei,College vel chu ka fankual pui a,kan kalna ho chu ka hriat ang angin ka hrilh fiah zel bawk a,kan zawh thawkhat hnu chuan an class awmna tur thleng ka dah a,a mah a tawng duh in a bula awm a nuam reuh hle,hmingte in hrilh in kan class lam ka pansan ta a.

Boom chuan min lo thlir reng,ka lo hmu miah lo a,a lamchu ka pan nghal vat a,mahse engmah sawilo in min kalsan daih a,enge a hriat le?Ka um zui nghal a,Library ah a luta,lehkhabu min chhiarsan deih zui,ka au thin,a hre duh tlat lo,Library ah tawng rin an phal bawk silo,ka thin a rim hman lek lek.

Ka au leh a,chupawh a bengbulah,melh pawh min melh lo,a lehkha bu chhiar lai chu ka laksak a,min melh miahlo in a tho a,Lehkha bu dang a la leh a,a chhiar zawm leh nghal.
A luhlul a chhuah leh dawn a ni ngei ang.

"Boom...enge i hriat a?"

min ngaihsak miah lo,a lua nam lawp ka chak,bengngawng pawh a ni tawp silo,a lehkha bu chhiar lai chu ka lak sak leh nghal a,Min en ve ta hram e.

Mahse tinge,a hmel hi a hlim lo lutuk,a mitah mittui a tling pam bawk,abiangah ka kut pahnih in ka dawm nghal vat a.

"Boom i tha em?"
Hnuai lam a la melh tlat a vangin,min en turin ka kuai dak deuh a.

"I tha em ka tih chu'' ka awm a ti nuamlo tak zet.

"Mipa dang bula ka hmuh che in ka thik tak zet,in nui dun ka hmuh ngat phei chuan ka thinrim,ka na em em bawk" a tisapa ,hnuai lam melh in a hmui a pet fan fan a,Midang tamtak awm mahse ka zahzo thlawt lo,Boom chu kuah in a hnungah ka ben sak thek thek a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:00 pm

Tianga rilruna hmel hian hmuh ka duh lo a ni.

"Boom..ka tihpalh...ka tihpalh aw..a thleng nawn tawh lo ang!"

Nghet takin min kuah let a.

"Stacy ka hmangaih che"

"Boom keipawn ka hmangaih che".

Boom nen hian thil hriat rengtur tamtak kan ti dun thin,Nilo...nitin a kan hun hman dan hi hriat reng tlak khawpin min hman pui thin a ni,ka duh xawng a ngaipawimawh hmasa ber thin a,a sawi fo thin "Stacy i hlim chuan ka hlim a ni mai " tih asawi hi a hlen chhuak zo em em a, zanah hian min biak tlang theih loh chuan a rawn kal ngei ngei thin,chang chuan kan Gate pawnah a ding renga,chutih chhung zawng chuan phone in kan in be reng thin tho,kan inbiak zawha inchhung ka luh hnuah a haw ve chauh thin.
Min hmulo in a awmthei ngailo, keipawh chuti bawk,Kan in thlahlel em em reng a,in hnial chang leh thu in milh loh chang kan neih te hian Boom hi a tlawm hmasa zawkah a tang ngei ngei thin,a dikna rengah pawh ka lo hnial buai hi chuan thiamlo zawk awmin a awm tawp thin.

Saturday a nia,Ka nu leh pa duty kal tur kawt thleng ka thlah a,a changhi chuan hna ah te kallo in min awmpui ve thinse ka duh thin,mahse an tan hi chuan an hna hi a pawi mawh em a ni!!! an kal liam hnu chuan ka room ah chhoin ka phone chu ka check nghal vat a,ka battery a low vangin a lo in Switchoff deuh a,ka charge a,Music ring deuh a play pahin ka exercise nghal a,ka duh aiin ka dulah thau a tam,Sit Up ka tih nasat a ngai.

87,88,89,90...

Boom a rawn lang thut,ka taksa chungah min thut bet a,ka ban pahnih chu chhuatah a nam bet bawk,na zetin min fawp nghal tawn tawn a,a lo lan thut vang a,mak tih tawh reng nen,a chet chhun zawm dan teh thut chu!chhang let lo in ka lo dawh tawp a,A chal leh ka chal insik tirin a thaw lum ham ham a.

"Engvangin nge ka coll tlang theih loh che?"

"Oh...ka ...ka battery a low deih a"

Min fawp leh nghal a,mahse a hma ang nilo in dim deuh in minfawp a,keipawn ka lo chhang let vat a.

"Ka biak theih loh in awmthin suh...ka a thei mai ang "a ti sap a,ka bul chhuat ah chuan a rawn let thla a,A mah hnaih chet in min pawt hnai nghal a.
"Ka sawi chu i hria em?"

"Ummm...ka tihpalh o"

A thaw kawk a.

"Nangnu hi min tibuai tak zet a ni!" a ti leh a,a biangah ka lo piai sak vak a,min melh rum rap mawle.

ka thu chhuak a,a Mahchu thatchhe zetin a la mu ngata.

"Khawi a tang nge i lo luh?"

Nui vur vurin bolcony lam a melh a"Keima kawng bik a tangin"

"Ta tanghian lo lawn ziah zel suh,tlana ta la entin nge niang"

"hummm...kawngkhar a tanglo lutila i room ah i uzamin min kal tlang tir a phal dawn mi?"

"Chupawh nise!"

Ka room kawngkhar chu a rawn in kik dat dat a,ka hawng vata .Uzami chu a lo ding renga,ka room chhunga Boom chhuata mu chu a hmu thut a,Boom lah lo ham haih bawk.

"Hi...Uzami"a ti bah niai a,Uzami lahin melh kur chungin "Hi Boom" a ti ve ngawt a.

"Ih...inchung i tihfai laiin a lo lut a" ka ti ringawt,engmah min zawt chuang der silo,engmah sawilo in min kalsan leh ringawt a,Boom nen chuan kan nuih dun vak vak a,bolcony a tang a lo lawn tih kha chu sawi chi a ni thak lo.

Chumi ni chuan Boom chu nilenhin kan inah a awmve a,Milem te kan ziak dun a,a lemziah ka en sak chuan hmeichhe pakhat ina mipakhat basket ball khellai a thlir lai lem a lo ziak a..

"Boom.."

"Ummmm"

"I thil ziah hi,keimah ni kan ni em?"

"Ni chiang e"

Ka lam a rawn hawi a,ka biangah a piai zauh a.

"Kan in hmuh hmasak ber ni khan,kawrlum sendang lian ve lampang i ha a,kikawr dum i pian tilang chiang zet a mar leh boot dum i buna,I sam i thlah hniang bawk a" a nui suk a,"kan inkhellai min lo thlir renga,ka ball score turin a rawn per che a,nikhaw hrelo in i tlu ta nih kha,I hnar a thi tih i hriat a I hlau dan em em te kha!" ka lo ner khum vak a.

"Ti nge tah khan ball kha min lo fuh tir kher a?"

"Ka tih luih a nilo aw"

"I tihluih palh i tihna mi?"

"Stacy chimawm ber mai!"

"ka chimawm maw?"

"Ummmm"
"Nih i nghei ang!'

A nui chhuak hawk hawk a,keilahin lunghawilo tawkin ka lo melh thung!

"Eng chu maw ka nghei ang" Ka lamah a rawn hnai sauh a.

"Ih....engkim...I nghei vek ang!"...

"Nih heihi i tihna mi?" ka hmuiah ka inrin hmain min fawp zauh a,rangtawkin ka hawisan nghal a.

"Ti nawn tawh suh!"

"keichu kha kha nuam ka ti"

"Ka sawichu i nghei dawn,chimawm min ti vei a!"

"Nih ka Stacy duhawmte..lo hawi teh le"
"Ai"

"I lo hawi duh loh chuan thil enga maw tak ka ti ang!"

ka hawi duh chuang lo a,ka inrin hmaiin min pawm kanga,tlak hlau zetin a nghawngah ka lo kuah vat a,Ka mitah tak en in a rawn kun hniam a.

"Nih tih hian ka la nghei dawn tho tihna mi?"

Ka thinphu a lo rang leh dawt dawt tawh.

"Min dah thla vat mai teh"

"Ai..."

Rawn kun hniamin min fawp dawn chiah a,ka room kawngkhar a rawn ri a,kan che lai dun rap,rangtawkin mim dah thla thut a,kawngkhar lam ka pan nghal vat a,Uzamin ei tur a peih fel tawh thu a rawn sawi a,Boom nen chuan Uzami chu kan zui thla ve nghal a.
Uzami pawh hian Boom hi a ngaina tak zet a ni,an in be bawr bawrh a,uzamin nel tak a kan in a lo kal thinte a biak awm chhun chu ka Boom chiah hi a ni.

Vawin hi kan college leh college dang hoin basketball an khel dawn a,Class kalloin chu lamah a tan chuan studen ho chu kan inbuatsaih a,hunawl a la tam em a vang chuan Library room ah lutin lehkhabu ka chhiar a,a chang hi chuan mi tamtak bula awmlo a ,mahni chauh a awm duh chang ka nei fo a ni,chumi hun ah chuan he hmun hi ka pan vat thin.

Message ka dawn a vangin thil chhiar pahchuan ka message te chu ka reply mawlh mawlha,ka thian te ho chu Group ah an rawn nawi leh hle tawh,an ni pawh vawin class an nei dawnlo a ni ngei ang.Insatgram ah ka luh chuan ka thla lak hmuh chuan min ti nghing dawt thei.

Boom leh Ruati bawk,a lan dan chuan Boom te Shilong a inkheltura an kal lai vel kha a ni,Khatih laikhan Ruati pawh Class a lo kal lo reng bawk,Chuan an pahnih hian an kal dun tihna.Engtin nge a nih theih!Ka thinrim lutuk chuan ka phone chu ka melh reng ringawt,Boom ka bula alo kal lai pawh ka hrelo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:00 pm

"Ka bialnu te hian enge a ngaihtuah"

ka hawi vat a,dawhkanah a kut dahin a khabe a lo dawm a,min lo nuih ver ver a,Engtin mah chhanglo in rumzet in ka melh a.

"Thildiklo a awm a mi?"ka kutah a rawn vuana,rangtakin ka lo thin thlaksak nghal a.

"Hethil hi enge a awmzia?"ka phone chu a awmah nazet in ka hmeh bel a,phone chu laiin a en a,a meng deuh khawk,min en leh vat a.

"Enge awmzia ka tih chu?"
ka au tuar a.

"Stacy ..thil hi a landan ang a ni vek lo a nia!"

"Haha" za lo zetin ka nui lui a"Nih chuan shilong ah leh zel rawn umzui tur khawp che in i lakah enge a nih?" Ka au vak vak ,ka lu dawmin ka thaw kawk kawk a.

"Oh...Titeh Stacy, hahdam phawt teh?"

"A chhana ka duh mai a ni?"

Hmingtea chu a rawn lut ve chiah a,kan pahnih chu min en a,kan bulah a rawn thu ve a.

"Boom...Stacy tinge ni leh ta a?"

Boom chuan ngawi rengin ka phone chu a pe a,Hmingtea chuan phone chu a en a.

"Eheee" A ti deuh hlut a.

"A buaithlak thin a nia!" Boom chuan a lo ti vat a.

"Khawnge kei mah..Lalruati hian min crop daih a nih hi!" a ti nung nung a,ka lo en reng ringawt.

"Maw....I telve a maw?'"

"Umm...mahse keimah min crop deih!"

"Tikhan i chhana na duh chu i hmu tawh em?" Boom chuan ding pahin a ti a,a mahpawh ka en ngam tawh lo,a hma pawn min hrilh tawh,amah ring turin,mahse,ka duhlutuk vang nge,a thusawi kha ka lo theinghil leh hman thin!

ka chhan mai loh a vang chuan min kal chhuah san a,ka en zui reng ringawt,Hmingtea chuan min hriat thiam hmel deuh in ka darah min ben sak thak thak a.

Pawn lamah ding chhuak in Students zi nuai nuai chu ka thlir renga,Boom kha a thinrim viau a mi le?ka la hmu leh miah lo! Stacy tinge i mawl em em reng le?Vanlam hawiin thawk ka la vang vang a,thinrim hmasa lo in eng tikah nge thil hi felfai taka ka nghaihtuah ve dawn?Ka inthunun hman lo ziah hi ka tihreh thuai a ngai bawk,Boom ka ti thinrim a,keiman ka tuar leh bawk a! HREPTAK thin hian!

Ka hnunglama tang ka
kawngah rawn kuah in ka nghawngah chuan a rawn thaw lum ham ham a,a rim a tangchuan ka Boom a nitih ka hrethei nghal!A kutchu ka lo vuan vat a.
"Boom ka tihpalh"

"A pawilo,engkim a that vek tawh hi!"

"I thinrim lo mi?"
"Nachin kha chuan a rima,mahse nangmah ah ka in chan a,nang mah nita ila i ngaihdan ang chiah kha ka ngaihdan dan tur a ni"Ka tukhum sam ah chuan a fawp zauh a.

Hnunglam ah chuan thawm a ri hak a,Boom chuan min kuahna chu thlahin thawm awmna lam chu kan pan vat a,Hmingtea hian mipakhat lo thut betin a lo hnek chawrh chawrh a,Midang lo awmve chuan thelh lo in an lo en thup ringawt!Boom chuan a pan hnaia,Hmingtea chu a pawt san a,A hnekpa chu tlanchhiat a tuma,Boom chuan a kawr hnung ah a man hmana.

"Hmingte enge thil awmzia?"

"Stacy nen in ding dun laikha thla a lo la a!"

Chupa hmelchu hlauh na vangin a danglam nghal vek thei?

"Engvang a an thla kha laksak nge i nih?" Hmingtea chuan a awmah a tham zawm leh nghal a.

"Ih...a..an inhmeh ka ti lutuk a,ka tihpalh..min ngaidam ru,ka ti tawh ngailo ang' a ti nghal zung zung a.

Inkhelh an tan dawn tawh a vang chuan a camera memory card an lak sak a,ti nawn tawh lo tuara hrilh chungin an kal tir a,a tlan chak ngei mai.

Mahse tinge kan pahnih thla kher a lo lak?

Boom chu ka bulah lo kal hnaiin ka kut a rawn hum vang vang a.

"I tha em?

"Ummmm"

Mahse ka awm a nuam chiah lo,Chhan neiin khapa khan a ti ngei ang!

Inkhelh an tan tawh dawn vangin hall lamah chuan kan kal sang sang a,Angeli nen kan thu duna,a phur rap,Hmingtea hi a support thiam thei bik a nia,inkhel chu an tan a,thawmpawh a tha tawh hle,a hmasa berin hmingtean a score nghal a,Angeli chu a lo au ring ngei mai,Hall chhunh chu a ri hulh hulh a,lu a na rum rum thei!

Kan bulah mipa pakhat a rawn thu ve a,Hmannia mipa lo lutthar kha a lo nia,Angeli nen chuan ka in hmel hriat tir ve a,A tawng duh reuh phian a.

"tinge Tunkar ka hmuh loh che a" Thawm a bengchhen em a vang chuan tawngrin a ngai hle.

"Lungleiah ka pite tlawhin ka kal a?'
"Lunglei maw?kan khua a ni sin"
"Oh...chuti hei thla lak hi en chhin teh" a phone chu min pein Lunglei a a thlalak ho min en tir a.

Angeli chuan min nghawk sawk a,"Stacy Thi angah in ngai rawh!"
"Maw?" A lam chu ka en a,mipui an reh thup bawk,Angeli enna lam chu ka en ve chu ka phu zawk thei,Boom chu mipui zingah a rawn tlanchho a,inkhel ho pawh chuan chawl meuh in an rawn thlir chho thup,ka zawnah a tawp chat a,ka bula thu pa chu a melh run a,ka chil ka lo lem khawlh a.

"Stacy lo kal rawh" ka banah min kaia,inkhelh na lamah min kai thla a,ka zaklutuk hi khuk ral deih ka chak,Coach bulah min thut tir a.

"Khawih mah kalsan lo in tah hian lo thu ang che!"

"Mahse!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:00 pm

"Mahse a awmlo" ka chalah a fawp a,inkhelhna lamah ah a tlan lut nghal a..Ka Zak bawk si...ka khur dar dar a,Inkhel an tan leh nghal mai a,Coach lah chuan Boom au phur ve turin min tichhen bawk si,auh chu sawiloh,ka thaw dep dep a nisia,Boom vang vek!

Kan College chu an chak ngei a,Boom leh Hmingtea an che tha hle,an team puiten an chawikang lauh lauha,An pahnih pawh an hlim hle tih a hriat,An pahnih hi chu kan college hian an hmingthat pui ve chiang a nia.

Ka class kaltur chu ka insiam uluk hle a,a chhan chu tlai lamah Boom nen dinner kan ei chhuah dawn nghal vang a ni,ka insiam zawh chuan college ka pan nghal a,Boom leh hmingtea chuan nimin an inkhelh vangkhan lawmpuia lo chibai neuh neuh Tu an lo awm a,Min hmuh chuan min lo nuih var var a,An pahnih hi chuan ka tanhian an hlu a nia,pakhat ka hmangaih em em a nia,pakhat ka thian tha em em,min veng him reng Tu a ni bawk!

Tlai lamah chuan Boom chu Team thilah reilo te awmkhaw muan a ngai a,College bula caffe ah a mah hngak rihturin min hrilh a,Caffe thleng min dah a,College ah min let san leh rih a,Boom nghah pah chuan Facebook ah lutin story ka chhiar kual a,ka chhiar tui dawn chiah tihah number ka la neih loh a atang call ka dawng a,Phurlo zetin ka chhanga.

"Hello"
"Stacy i ni em?" hmeichhia upa lam tawh aw a ni.

"Aw..keimah hi Stacy chu ka nia"
"Kan in hmuh a ngai!'
Teh tawp e,ka hman leh hmanloh pawh min zawt hmasa miah lo.

"Tu nge aw?"
"Boom nu ka nia,kan inhmuh tur thu boom in a hretur a nilo"
"A....aw.."

"Tunah khawnge i awm?"

ka hlau thawng nghal vek,ka awmna chu bah deuh niai in ka hrilh a,reilote hnuah a lo thlen tur thu sawiin phone a dah zui nghal a.Ka awm a nuam thei lo..Boom..
Boom kha a zawh hma a ka biak vat a ngai.

"Thil hman hmawh thlak a awma,ka haw rih aw..." tiin Boom chu message ka thawn ta ringawt a.

Reilo te hnuah Caffe kawngkhar chu in hawngin Nupakhat a incheina a tang pawh a mihosa tih hriat zet hi a rawn pen lut ,ka bul a lo thlen chuan ka lo ding vat a,ngawi rengin ka chhip a tang ka ke thlengin min melh thla a,a hnuah a thu chauh!Min va ti zam tak em!
ka tim sung sung thei hial a ni!

"Thu ve ta che"

Ka la ding reng tih ka in hre chiah,Muang changin ka thu a,ka khur ru dar dar,ka kut khur chu a hmu ang tih hlau takin ka malchungah ka dah vat a.

"Stacy...Doctor Biaka fanu kha i ni tiraw?"

Engtin nge ka pa hming a hriat theih,.
Min lo chhui fe tawh a ni ngei ang!

"Aw..."

"Ka lo kal chhan chu Boom hi lo bansan la ka duh a ni!"
ka mitah tak min en "Chuchu ti ngei bawk ang che!"

"Maw?"

"Ka sawi chu i hre chiang viau in ka ring,Boom hi lo thlah la,England rama aute nupa bula kal turin lo hrilh ang che!"

"Maw?"sawitur dang ka hre thlawt lo a ni.
Nilo...ka hrelutuk zawk,mahse sawi chhuak turin huaisenna ka nei lo a ni.

"Sumdawnna lam zirtura a kal a ngai,nanghian lo zar buailo la chuan a kal deih tawh tur!" a dinga,keichuan ngawi rengin ka lo en tawp.
A tawngkam hman chu a dawngtu tan a nat turzia a ngaihtuah hmasa lo a ni.

"Lo tawp san ang che..nangni ang hmeichhia vang mai mai a,a hmalam huna chhiat ka phal lo,I tihtur chu i hriat mai ka ring"
Min kalsan nghal a,Ka biangah chuan mittui a luang ngiai ngiai a,Tiangthil hi chu ka la paltlang tur a ni tih ka hria,Mahse ka in rin AIA hmaiin a lo thleng si.Ka mittui chu ka dang zo thlawt lo,ka tah chhuah mai lohnan ka hmui ka pet fan fan a,ka kut chuan ka mal chu ka hmer ngawt ngawt bawk.
Ka rilru chu a tawt in a tawt,enge tih ber turpawh hrelo in ka thu tlawk tlawk a,hun hi tawp deih mai se ti tein ka ngaihtuah,Boom nu ngaihah kha chuan hmeichhe hniam tak ka ni!

Ka phone chu a rawn ri ral ral a,Boom a lo ni,ka phone chu ka melh reng a,Ka phone screen a Boom thlalak lo lang chu ka mittui vangin ka hmu phe riai riai a.

Phone chu chhanglo in silent ah ka dah a,ka thil ei man pein muang changin kan inlam chu ka pan hnak hnak a,kalkawnah te chuan ka tap char char,tumah ka zah zo tawh lo,Thil thleng tur vek chu a ni,mahse ka rinaiin a rang a,chupawh Boom nu hnena tang a boom bansan tura tihnat,Hmeichhe dang pawn min hriatthiam tho chu ka ring,Keihian Boom kalsan chu ka in peih chiah em?Ka huaisen tawk a ngem?

Kan inkawt ah chaun Boom chu a Car ngheng in a lo ding renga,min hmuh hlau takin ka mittui chu ka hru a,ka samin ka hmai chu ka hliah bawk a,lungngaih hmel deuh a dingkun ngaih chu ka thlir reng a,"A nihi ka kalsan a ngai si a maw?"
ka lam a rawn hawi a,min hmuh chuan a rawn tlan vat a,hlauh thawn hmeltak in min en a,angaih thatnan ka lo nuih lui a,mahse ka chhung ril chu a va rum si em!

"Stacy..ka lo hlau thawng lutuk a,ka coll I la thei bawk silo" ka biangah a dawm a,ka mit ah tak min en a "I tap a law?"
a bulah hi chuan engtiang pawhin in thup tummahila ka thei ngai lo ang,keimah ka in hriat chiang ai pawh a min hre chiang Tu a ni,Hlau thawngtakin ka kuah a vuana,min kaiin a car ah min thut luh tir a.

"Stacy i chungah enge thleng?"
min ngaihtuah a ni tih ka hriat ringawt pawh chu ka hnuk ti ulh tu a ni.
"Boom..." ka kuah a chhuak zetin ka tap nghal hawm hawma,nghet takin min lo kuah let nghal vat a!ka hnungah a beng thak thak bawk,reife ka tahhnu chuan ka lungchhe lutuk pawh a reh deuh,Boom chuan dawhthei takin ka pangai hma chu min nghak a,A hmel ka en a,keimah vang a alungngai hmelte hi...min kuah a vang a thlamuan na ka neih thin zawng zawng te hi,ka la thla hlel tak zet a sin,mahse a mah kalsan tuara tih ka nisi.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 1:01 pm

SHE'S MY BOYFRIEND
Reo Ririni Khiangte

Chapter 11

Boom chu ka awmdan a vang chuan a buai tak zet tih ka hria,A chhan min zawt reng a,mahse Anu khan a mah hrilh lo turin min ti bawk si.

"Stacy min hrilh tawh rawh le"

"Engmah a nilo !"

"Engmah lo ah ka Stacy hi a tap ngailo tih ka hria lawm!"

Mi lah hi a hrechiang ve bawk sia.

"Boom..ih...hmun. ..hmun dangah kal i tum em?"

"Ai...ti nge?"

"ka zawt ve mai mai che...Boom haw tawh rawh."

"I tah chhan ka hriat phawt a ngai!"

A luhlul zia hrechiang tu ka ni,a duhang chhana ka pek hma chu a haw dawnlo tih a hmelah a lang reng.

"Boom..I hma lam hun hi keimah vanga a chhiat ka duh lo,chuan...ih.." Sawi leh mai dan ka hriat loh a vang chuan ka ngawi leh vang vang a.

"Chuan engtin?"

"Boom,England ah kal rawh!"

"Chu thil chu tunge hrilh che,ka nu in a hmu che mi? " Car seat hnung chu ngheng in a thaw kawk a,a hmelh chu a danglam vek bawk!

"Stacy ka nu nen in inhmu ami?"a aw chu a zawi a chu a fiah felfai thlap thung.

"Boom'

"Min chhang mai rawh Stacy"

"Ai...hmu lo"

A hmel tang ul chu a bo deuh.

'Nih engtin nge England chung chang i hriat"

"Ih...Hmingtea an a sawi thawi deuh a"

"Chuan'

"Chuan...I ...i kalchuan ka ngai dawn lutuk che"

A lamah min pawt hnai a"Oo...Stacy ka kalsan lo ang che ..I hrethiam em?"

"ummm"

"Chuan i tah chhan chu?"

"kha mi vang khan!"

"Nopangchhia lutuk"a nui ri hawk a,ka lo danglam leh hman tawh.

"Va luttawh rawh,Zanin chu ka lo kal lo mai thei...tihtur ka nei a" a tisapa.

"Awle,,.." Car a tang chuan ka chhuaka,Gate ka luhdawn chuan ka hawi let a,Boom chuan min lo nuih ver ver in a kut min lo vai a,ka vai let ve vat a.

"Boom...ka tihpalh aw,I hlimna tur in tianghi ka tih a ngai a!' Tiin ka phun sap a,hawi let tawhlo in kan in chu ka pan ding nghal a .

Ka hmangaih hmalam hun ti chhe tu ka nitur a nilo a,a hlimna tur a nih chuan tuar ngai dawn mahse ka tuar mai ang.

BOOM PROVE
__________xxxxxx______

Stacy chuan ka tha a ti a chu a hmel ka en khan a diklo tih ka hrethei a ni,in chhung a lut chu ka thlir liama a,hman hmawh takin kan in lamah ka in khalh haw a.In ka luh chuan ka nu leh pa pawh an lo thleng ve chiah bawk a.

"Engvanga stacy hmu nge i nih ?"ka nu leh pa hma ah chuan ka ding a,awka vin hmanglo turin ka in thunun hram hram a.

"Engkim a hrilh che maw?" ka nu chuan min en chuang lo chuan a rawn ti liam puat a.

"Engvanga hmu nge i nih tih ka zawt mai che ni?"

"I hre khawp ang chu..kan company hian enkawltu tur a mamawh,i u pasal bulah in zir rawh tih kan hrilh tawh che kha"

"Chu leh stacy in inzawmna an neilo !"

"Khanu khan zarbuai lo che se chuan kan thu i awi ngei ang"

"in hresual a nih chu. ka u duhlo chunga pasal inneih luihtir a,chupawh kan sumdawnna zauh in duh vang mai in,ka u in hralhna pa hnen a tang chuan engthil mah ka zir chhuak lo a nge!" Ngeiawm zet in ka nui lui a.

"I nu leh pa kan nia kan thu chu i zawm ngei tur ani" ka pa chuan a lo ti chang bal a.

"Oh.. engtik lai khan nge ka nu leh pa in loh nih tak.ka hun liam tawh ah khan ka nu leh pa anga inawm tawhna pathum tal sawi chhuah tur in hriat chuan,hnial buailo in ka kal nghal ang."ka in hera ka kal chhuah pah chuan ka nu pangpar khawina mantam zet chu ka vai thlu lui a,a keh nghal chuai a,ka nu chu a te ring teh e.

Car la chhuakin panlam tur hrelo in ka inkhalh chhuak a!engmah ngaihtuahlo in ka tlan char char a,ka ding thut a,ka hawi chhuah chuan ka stacy te inbulah ka lo awm reng tawh! Amak a ni,ka ngaihtuahna buai lai ber pawhin amah hian min hip bettlat reng a ni.

A room thiam thiap chu ka thlir reng a,coll ka tum zeta,vawin lam a chauh ka rina vangin ka tibuai leh duh lo a,Darkar tamfe ka thut hnu chuan kan inlam ka pan leh ta a.

Tuitaka ka muhil chu ka thu chhuak hlawl a,Stacy ringawt ka ngaihtuahna ah a awm nghal,sana ka en chuan zinglam dar nga a lo ni tawh,Tho chhuakin ka Exercises room ah chuan ka luta,chau hnepa ka taksa ka sawizawi hnu chuan inbualfaiin ka Stacy te in lam ka pan leh ta ngawt a,Ka sana chu bih zauh in ka nui suk a! Zing dar sarih rikfel hma em a Stacy hmutur a kal chhuah chu ka innuih tawp a.

An in kawtah chuan Bike ti dingin ka phone nghal a,mahse a tlang thei miah lo.Pawnah chuan ka ding renga darkar khat hnu dawnah chuan Uzami bawlhhlawh paih tur a rawn chhuak hlauha a,pawnah min hmu chu a phu deuh zawk nghe nghe!

"Uzam..Stacy a awm em?" A hmel chu a buainak thei.

"Stacy a awm em?" ka ti nawn leh a.

"A hrilh lo che mi?khawvar tirh khan lunglei panin a kal tawh!"

"Maw?"

"A hrilh che ka ring a sin,engamaw diklo chu a awm a ni,nizan pawhin a tap tlaivar in ka hria"

Bike chu ti nungin ka tlanchhuak nghal a,ka rilru a buai tak zet...Stacy in engmah sawi lo in min kalbosan a tum tihna a ni thei em? ka rilru a hman hmawh em a vang chuan ka speed pawh chu a sang hle a.

"Ka Stacy min kalbosan ngawt thei lo ang!"

_______xoxoxox__________

Lunglei ka thlen chuan ka pi leh pu chu an lo ri chula,ka nite leh ka unau te pawh an lo awm,reitak in hmutawh lo angmain ka rih chul a,ka pi lah chuan ka kut chu min chelhsak tlat a,ka chhungte ho nen chuan hlimin nui bawk bawk mahilaka chhungril hi a nui ve silo,Boom ka ngaihtuah renga tunah te hian enge a tih ve ang?ka mittui rawn luang mai tur chu dankir tumin ka mit ka khap fak faka .

ka nite leh midang ho pawh chuan eirawng bawlte an duh a vangin min haw san a,ka cousin te ho chu an la awm far thung.

Chtia kan riknak nak lai chaun ka tete a tang a ka kawm thin ka thianpa Fela a rawn lut ve hlawl a.

"Vanlal-Stacy i lo kal tur i sawi lawk miah lo?"lungawiloh hmel deuh in a rawn ti lang lang a,ka lo nuih tlawn nghal vat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)