SHE'S MY BOYFRIEND BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: SHE'S MY BOYFRIEND BY Abbra Reo Ririni Khiangte

Unread post by Ngaia » November 13th, 2016, 12:56 pm

min chhang miah lo in a hmalam a bih ngur a.

"Khaw nge min hruai dawn?" a AIA ringin ka ti leh tuar a.A melh pawh min la melh lo,lo ngawi tak rawh!

A car horn chu ka va hmet thut a,rangzet in a rawn hawi let a.

"Stacy hahdam teh!bengchheng siam reng suh" a ti sup a,beng chheng siam ah te min la puh zui,kan kalna tur min hrilh tha se chuan tiang hian ka awmlo ang mawle...

"Khawk nge min kal pui dawn,college party na ah ka kal a ngai,Car ti ding rawh!" ka ti leh nghek a.

"Ka tlanbo pui dawn che!,party chu theinghil rawh," a ti nghut a.

"Tu thu in maw?"

"ka thu in"

"Hu! chimawm"

"Nang a dawt Tu"

ka hnial peih tawh lo,Tukverh Glass chu ti thla in ka dak chhuak hmak,music play a tum a ni ngei ang,a hmet kual zauh zauh a,a tawp a a music play chuan min ti meng kawk,a lam ka en vat a.

"I ngaina tih ka hria lawm!Stacy hahdam rawh"Zaidam takin a ti sap a,Ka thutna Seat chu nghengin ka maimit chhing nghal vang vang a,John Legend hla All of me chu ka ngai thla a.

My head's Underwater
but I'm breathing fine
you're crazy and I'm out of my mind
cause all of me loves all of you
Love your curve and all you edge
All your perfect and imperfections
Give your all to me I'll give my all to you
you're my end and my beginning
Even when I lost I'm winning
Cause I give you all of me
And you give me all of you

Car chu a ti ding a,ka meng nghal vat,kan awmna laihi ka hremai lo zui,Boom chu mitmeiin ka zawt nghal vat a.

"Kan tree house a nih hi"Car a tang a chhuka,ka thutna lamchu min hawn sak ve nghal a,a hmun vel chu enkual thuak pawh in duhthusam a nalh a ni!

"Ti nge he tah kan kal?"

Car kawngkhar chu kharin a lock ri khap a,ka kutah min kai a,ka lo khur RU dar dar nghal a,mahse ka zawhna min la chhang miah lo.

"mawh?tinge hetah kan kal"min kaina chu ka thing a,a thlah lo chiang a sin.

"Pawn khaw vawtah ka sawi peih lo" a ti nghut a,ka nuih chhuak tep leh nghal.

Inchhungchu lo thim thiap in light a hmet eng nghal a,Oi..inchhung pawh duhthusam a nalh a ni!Min vawnna kut chu thlan,ka ban chu ka la san vat,a hmerna em em leh nghal,ka Tui vat vat a,inchhung chu ka enkual a,engkim chu awmze nei tak a chei bawl an ni,lemziak te lah chu inchhunga thil awmnen a inhmeh em em vek,Kil khata Christmas Tree an hun chu ka pan vat a.

"Wow..a nalh lutuk" ka ti chhuak chiam a.

Boom chuan Coffee no hnih la khu vat vat hi a rawn kenga,pakhat chu nin pe a,ka lo la nghal vat a,engtik laiin nge a siam hman ka hre miah lo!

"Tahhian tuman an Cheng ngailo mi" Coffee lem khalh pah chuan ka tia.

Min din hnaih a,ka bengbulah a rawn kun a"Tunah hi chuan kan pahnih chauh in kan awm"a rawn tisap a.

Rangtawkin ka tawlh san nghal a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:56 pm

SHE'S MY BOYFRIEND
Reo Ririni Khiangte

Chapter 7

Min nuih hawk a "Nopangchhia lutuk" a ti nghut a.

Ka nopanchhiat vang a niziah thin lo,duh hun hun ah nopangchhia min ti hi ka haw thin.Coffee chu ka dawt khawlh khawlh a,Ka in zo der,Boom ka va en chuan maktih hmel tawkin min lo melh kur a.

"Ih...I siam tui lutuk a" nui sawng chung in ka tia,A coffee chu a melh zauh a,a chanve takngial pawh a la in ve silo,Min rawn en leh hu a!

"I ril tam a mi?" a tisup a.

"Ai' ka lo ti vat a,Awiloh hmel deuh in min melha,min pan hnai thut a,ka kutah a vuan a,Choka lamah min hruai luta,Choka ringawt pawh chu a zau tham lutuk tlat,a fel thlup a,engkim chu a changkang vel vek!

Chair ah min nem thu a.

"Lo nghak rawh,Zawhte riltam ka lo kawl reng a nih hi" chimawm zet a min melh pah chuan a ti a,a in her Eitur bawm vel a hawng nghal a,A hnung lam a tang chuan ka lo chhiatkhhum vak a,A lo hawi let thut si,ka chelai rem rem a sin,Hnuai lam ka bih nghal vat a,Enga maw sawiin a phun hluk a,A tihtur chu a zawm leh nghal a.

A thilsiam rim chu a tui tak zet !

"Carrot i ngaina lo ti raw?" a thil chhuan chawh mawlh mawlh pahin,min en chuang lo in a rawn ti a.

"Ummmm" ka lo ti vat,Engtin nge ka ngaina lo tih a hriat theih le!

A chevel chu hmuh nawtitak in ka thlir reng a,Tinge tiang em em a hmeltha a apian bik le? Asir zawnga,a hnar ngul sangvah lang thei te hi,Oi...ka lo tuiral leh hman thin,Ka hma ah chuan Soup a rawn dah a,hawp a chak awm lutuk,a khu rawn chhuak a tang chuan a rim a rawn nam chem chem a,Nui ver ver in Soup chu ka melh a.

"Hawp rawh,Carrot ka tello a nia!"

Soup khu vat vat chu suak in ka chhem dai a,Ka hawp chiah chu min en hnai pahin a tui leh tui loh hriat chak hmel deuh in min melha,Keilah chuan ka fiam chak tlat a,Ka lem chiah chu ka ner lui vak a,Hlauhthawn hmeltawk in tui min thlitchhuah sak a.



"A al viau ami?"

"Hawp ve chhin mai rawh"

min melh zawk a,ka ka chu tui tihloh hmel deuh in ka tep vel a,Fian dang la in a rawn suak ve a,a hawp nghal a,min melh nghal hrawk!



"Bhuba nih kha"tiin chimawm zetin ka melh a.

"I hawp lo ang" ti pahin Soup chu a chawi san hmak a,Ka um rang rap,Choka ah chuan dawh kan kan tlan hual zak zak,a sual thiam ve sia,ka man phakloh na ah ding in a hawp zela,ka hnaih vel ah a tlan chhe leh a,a tawp ah chuan ka titau a,Chairah ngawi reng in ka thu tlat a,a inthiam lo leh sia,Ka hma a rawn dahpah in " Hummmm" a rawn ti tawp a,Soup ka en chu a chanve lai a lo hawp hman,Rum tawk ka melh a,"Ka ta turin i siam ve bawk a" ka ti hlak a.ka bulah ngawi reng in a thu a,ka hawp nghal bawrh bawrh a,Zeploh chuan a tui thlawt,Hmelthat nen,Sport thiam nen,Eisiam leh zel a thiam bawk,Mi pakhat chu a ni ve reng e.

Thil ka ei zawh chuan Tv en ang a tia,a hnungah ka zui dat dat a,A rawn hawil let thut a!

"Cartoon kan en dawn miah lo a nia!"a rawn ti thut a.

ka lo ner khum sawk a,Tv a on a,Sofa ah thatchhe zetin a thu a,abulah chuan ka ding reng a.

"Saum hetah kan nei lo" a ti nghut a,ka en chuan min lo nuih vur vur zui,ka chum pawp chak a nia.

"Thu ve rawh" a rawn ti leh a,a sawi ngaipawi mawh lo in ka la ding reng,Ka ban ah min pawt dawra,a mah si chetah min thuttira,Movie entur a zawng nghal malh malh a,keilah chu kan inthut hnaih em a vang chuan ka pangai thei lo,ka thaw dep dep mai ni!

Tawlhsan tuma ka che deuh chu nghet zetin ka banah a vuana.

"Cheche lo a awm dan tehi zir rawh" a ti sap a.

Thinphu dawt dawt in ka thu tha leh zal zal a,Movie pawh a in tan nghal bawk,a ke dawh kan a hlang in,Sofa nghenchhan chu thatchhe zetin a ngheng a,ka ban a la vuan tung zui,Movie a rawn in tan chuan a mah chu ka en hu a

"Warm Body (Zombie)maw?"

"Ummm...I oggy aiin a hmuhnawm zawk" a ti kher a,ka chhiat khum hrama.

Movie pawh a hmuh nawm,a changchuan kan nui leh thin,Changleh ka rak leh that thin bawk,Chutih lai chuan ka phone a rawn ri a.Angeli a ni ngei ang,Ka ti rilru a,ka bag a tang la chhuak in ka en chuan Hmingtea a lo ni,Boom chu ka melh zauh a,min lo melh ve chiah bawk.

"Tu nge ?" a ti hmuk a.

"Hmingtea"tih pahin phone chu ka chhang nghal a.

"Hello"
"khawk nge i awm?"

"Ih...Englo a nia!"

"I awmna sawi rawh ka rawn hruai ang che"

Boom chu ka mit sir ralh a,min lo thut hnaih tawh hle,ka khur ru dar dar nghal.

"Boom...Boom te tree hou......... "

Boom chuan ka phone chu min laksak a,a off nghal hmak,phone laksak tumin ka bana,ka Tukhumah vuan in min fawp nghal tawn tawn a,Namsan tumin a awmah ka nam vak a,ka kutchu man begin ka hnung lamah min vawn beh sak tlat a,Duhthawh zetin min fawh chhun zawm nghal a,Inhremna ang mai a na a ni,ka chhan ve mai loh a vang chuan,Dim zawk leh thuk bawkin min fawp tan a,Chumi zet chu ka insum thei tawh lo ..hemi hi nilawmni ka lo thlak hleh ve em em kha.

ka lei ka chet ve chiah chu,phurzet in min fawp nghal a,A nawm dan chu ,ka sawithiam lo,hun hi a ding vek a ang,ka kawngah min kuah in a mah hnaih chet ah min pawt a,ka thinphu te chu a rang lutuk.A chal leh ka chal insik tir in kan thaw lum ham ham a,ka biangah a chul heuh heuh reng bawk,muangchangin ka meng a,Boom chuan lungawi tih hriat zetin min lo melh renga,min lo nuih ver ver,a duhawm dan hi ka sawifiah thiam lo,keilah ka lai tha leh riha,ka maimitchhing leh a,nuih hawk hawk pahin ka biangah a dawm a"Nopangchhia lutuk" ka hmui ah a fawp leh zeuh a,ka biang hi a sa nghal vat vat mai ni.Rangtawkin ka kut in ka hmai ka hup a,Boom chuan ka kut chu min laksan sak a tuma,kan in pawt char char a,a chala,ka chal rawn sik tir pahchuan ka kutchu a fawp zauh a"Stacy ka duh che" a rawn ti sap a.

ka kut chu la thlain a hmelchu ka en vat a,Mahni inrin tawk loh hmel deuh in min lo melh reng a.

"Engmaw i sawi kha!"

A thaw hak a "Stacy Lalnunmawi ka duh che"

Boom in min duh!

A hmui ah ka fawp zauh a,min lo enreng thung.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:56 pm

"Stacy a chhanna ka hre duh" a awchu a khur deuh tih a hriat theih,ka va hlim tak em! reitak chhung ka lo duhtawh khan tunah min duh thu min hrilh ve!

"Boom..... Oh...ni lo..."

A laka tang ka inla hrang vat a,ka kut pahnih in ka lu ka dawm vang vang bawk. ....hrep tak hian!

"Stacy tinge?" ka darah a rawn vuan a.

"Boom...Ruati.. mi inkarah in rawlh ka duh lo"ka tap tep...ka duhngawih ngawih in minduh ve tih ka hria,mahse Ruati ta a la ni rih si!

Thawk a la hak a"Stacy min ring e maw,ring lo e maw,Ruati nen kan inkarah engmah a awm tawh lo,min zui kual reng tih chu ka hria,mase keichuan rilru ka pekloh na a rei tawh"

A aw ah chuan a mah ring turin min duh tak zet tih ka hria.Keipawh in rin ka duh lutuk,Mahse!!!!!

Pawn lamah thawm a rawn awm a vangchuan Boom chu kalsan in pawn lam chu a va ngaihven a,keichu kungaih in ka lu dawmin ka la thu reng thung.

Hmeichhe pheikhawk sang bun pen thawm ka hria a,rangtak in ka hawi chhuak vat a.Ruati chuan rumzet in min lo melh reng.

Muangchangin ka ding chhuak a,Thiltisual an man chhuah ang maiin ka hlau thawng bawk.

"Ruati" ka phun sap a.

"Tenawm nu" min Ben tumin a kut a rawn vai a,chesawn lo in ka lo dawh tawp.

"Duhtawk rawh" Boom chuan Ruati kut chu man in a thing thla nghal a,rangtakin min pan nghal a,ka biangah dawm in ka that leh thatloh min zawt nghal a,ka tha tihnan ka lu ka bu nghat a.

"Boom hi min laksak theilo ang,engmah tih hreh ka nei dawn lo a nia"Ruati chuan a rawn ti tawn tawn a.

Boom chu en leh in"Boom, nang pawh,min tawp san duh mah la keiman ka duh ve lo!" a au in a au tawn tawn,Sofa a pillow ho chu chhuat ah a paih tla a.Chutih chhung zawng chuan Boom chuan nghet tak in min kuah tlat a,Ruati che vel chu rapthlak tak a ni!

Hmingtea a rawn lang hlawl...kan pathum chuan min en kual a,chhuata thil tla hnawk nuai chu rawn pen kan in,ka bag leh phone la a.

"Stacy min rawn zui rawh"_ a kut min pe a,Boom laka tangin muang chang in ka in la hrang a,Hmingtea chuan pawnah min kai chhuak nghal a.

A car dahna kan thlen tep chuan Boom in ka banah min pawt her lawp a."Stacy kal suh"a rawn tisapa a.

"Boom Stacy kha kaltir rawh" Hminga chuan a rawn ti that a,Boom chuan Hmingtea tawng chu engmah ngailo in min kai a,a car min panpui nghal a,ka luhna turin kawngkhar a hawnga,ngawi rengin a tih ang chuan ka awm tawp,ka bulah rawn thu in car chu a khalh chhuak nghal a,Hmingtea lakah pawh ka inthla hrung tak zet!

Car chhungah chuan thil thlen dan ngaihtuah in ka thaw leh halh thin,Boom chuan ka kut chu nghet takin a rawn hum a"Engkim ka kutah dah rawh a tha leh vek mai ang" a tia,Maktak maiin ka thawveng nghal huai thei.

Kan inkawtah Car chu a ti ding a,engmah sawilo in ka kal chhuak nghal a.

Engtik laiin nge min lo zui ni,ka hma ah chuan kikawr ipte zen chungin a rawn ding thut a,ka lo en reng ringawt,Rawn kun hniam in "Min thlahna thu i sawi dawn lo mi?"pangchang aw deuh in a rawn tia,a lang nopang leh zual,A zun min tah a tum chiang!

"Mangtha"

"Ai..mangtha nilo in muttui zawk!"

ka nui hak a"A in ang reng lo mi?"
"Anglo..muttui min ti thin dawn nia" ka kutchu la kangin a fawp a.

"OK...Boom muttui le"

"Ka Stacy muttui le"ka chalah a fawp zauh a,lut turin min hrilh nghal a,muangchangin in ka kal a,kawngka ka thlen chuan ka hawi let a,a dinna ngaina ding in min lo la thlir reng a,ka kut vaiin kal tur in ka hrilh a,ding chungin a kal chu ka thlir let a.

"Boom...Muttui le"_ ka phun sap a,inchhungah ka lut nghal a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:57 pm

SHE'S MY BOYFRIEND
Reo Ririni Khiangte

Chapter 8

Ka room a ka luh chuan hman hmawh tak in kawngkhar ka khar nghal a,ka blanket a ka hmui hupin ka au vak vak a,khumah ka tal kual vak vak bawk...Nge ni vei...Boom in min duh ve miau a lawm!Na tawkin khum bula dawhkan ah ka lu ka la tauh zui.

Ka chungah engpawh thleng dawn mahse!Midangin engtin pawhin min lo sawi dawn mahse la,Engmah ka hlau tur a nilo,Nghet takin nakina inchhirna ka neih miah loh na turin ka hmangaih chu ka chelh tlat tur a ni.

Ka zingtho pawh ka mood a fuh nghal em em ringawt,Nui ver ver in ka intihfai a,Ni chhuak leh Boruak awmdan te chuan min hriat thiam pui ve maw ni,Ni dangaiin Ni chhuak pawh a nalh zawk!Ka thil eipah te in ka lo zai leh rat rat thin,Uzamin makti deuh a min enpawh ka hai der lui hmiah.

Class a ka lut chiah chu,Ruati leh a thian pathum hi ka hma ah an rawn dinga, kal tlang ka tum pawhin min dang lui zel a.

"Enge in duh?" ka en liam thei tawh bik lo.

Ruati chuan thinrim nui lui tih hriat tak in min melh a,Ka sawi tawh kha,duhaiin a mit hi a hnawih nasa mah mah thin,a rap awm lam ah a kal.

"He college hi chhuah san rawh."

"Hu! Eng vang mahin ka chhuahsan lo ang"

An zinga hmeichhie pakhat chuan min din hnaih pahin,"Boom leh Ruati inkarah lo inrawlh hi i zak thlawt lo a mi" Min nam sawk a,ka lo inrin hman loh a vang chuan hnung lamah ka kat nawka,Mahse Tu maw hian min lo vuan vat a.

"Boom"

ka biangah dawm in ka that leh that loh min zawt nghal a,ka that tih entirnan ka lu ka bu nghat a,ka ban ah kaiin Ruati te lam ah chuan min kai phei a.

"Stacy in lo tibuai leh a nih chuan,ka mizia chu in hriat kha"an ni ho chu a melh kual a,Pawn lam ah min kai chhuak zui a,Ruati chuan Boom chu a rawn au zui lawm lawm a,a thin rim a ni ngei ang,Class room a bawlhhlawh bawm chu a ri zui nghal bur bawk.

Boom chuan thutna awmlaiah min thut tira,chu hmun rawn kal pel tu te chuan min en duh hlawm hle a,ka awmchu a nuam chiah lo.

Boom chuan ka kut chu a rawn hum vang vang a.

"Thawk la rawh"

A sawi ang chuan thawk ka la kawk a,tlem chuan ka zia awm deuh,Tiang thil kha kan la hmachhawn fo a la ngaih hmel! Boom hmel ka en chuan a hmel chu a dik chiah lo.

"Boom"

"Stacy"

Min chhan ran em a vang chuan ka nui hawk a,amah pawh chu a rawn nui ve suk a,He nu hi chu a chhelo chiang a ni!

"Stacy..An mahni vang khan min hlat phah miah suh aw...kan inkarah engmah a awm tawh lo tak zet a nia" Hnuai lam melh in ka kut chu a AIA nghet in a hum a.

"Ka kalsan lo ang che"

Rangtak in min en a,a mita lawmna lo lang chu hai theih rual a nilo..

"Boom...keihian ka kalsan ngai lo ang che"

Boom nen chuan kan hlim in kan inpawh dun em em a,Min duatin min ngaipawi mawh em em renga, Mipa pawh ngai zawng mahila,Boom laka tanga ka dawn ang hi chu tulakah mah ka dawn ka in ring lo.In thlahlel takin vawin kan hmang zo a,Nghak hlel takin kan inhmuh leh hun tur ka thlir thin,A bulah ka thlaamuang em em a,ka hlimloh a hlau ber thin bawk.

Zingkar a ka harh chuan ka phone chu ka ban nghal vat a.Boom message a lo awm va va,Nui ver ver in ka hawng nghal a.

"Morning,ka Stacy,Dar10:30ah ka lo lam ang che,Happy 12 day Anniversary" . A van duhawm thei chiang tak.

Phur zetin ka tho nghal a,ka intifai a,inhnuai lam ah ka chhuk thla ve nghal a,Chaw ei kham tang ka insiam a,ka va inthlak ngun leh pek si em! Chutia ka tih nek nek chhung chuan 10:30 lo hnai kuar tawh,Kawfual senduk a ruka par,ka khup Chen a fual ka ha a,a chungah kawrlum dum phiar fual ka ha leh a,Boot lum thep ka bun a,ka sam chu thlahin makeup tlem ka hmang bawk.

"Stacy.. I nalh lutuk" ka phun sep a.

Gate pawnah chuan Boom chu a Car ngheng in a lo ding leh reng tawh,a ni hi chu a sawi ang hun thlap thlap ah a che thin reng a ni,min hmuh chuan a lo nui ver ver a,A kikawr ipte a tang Bakilh a rawn phawrh a. "Happy 12 day anniversary"Ka chalah a fawp zauh a,Bakilh chu ka samah a kil nghal a, "Ka Stacy i hmeleltha lutuk"

"ka lawm e"

Ka hawi kual a,Midang vei vak an awmloh a vang chuan a biangah ka fawh sak zauha,a nui zui hak hak a.

"Kha chu inhremna"

Ka kawngah min kuah in a mahnaih chet ah min din tira,ka hmui ah chuan uar zet in a rawn fawp nghal a,ka lo hnial lo chiang kher mai.

Mc ah te kalin kan lengkual nasa hlea,Engtik lai pawhin ka kut a vuan tlat a,ka thil duh deuh nia a ngaih chu min leisak zel a tuma,keilahin ka lo duh bik thinsilo,kan inpawt leh dawt dawt zel,a mah ka kauh a piangin min chhang vat a,a lam ka hawi hlek pawhin min lo nuih ver ver thin,A hma khan tiang hian a nelawmhi ka ring ngai lo reng reng,ka hre chiang a,a hma a amah ka lo ngaih thin dan at thlak deuh te ka ngaihtuah let in ka nuih a za hnu hnawh thin!

Fountain pakhat bulah min hruai a,a hmun a nuam in ka bula ding hian a zir hrim hrim bawk a,a bul vel a lo awmte pawh chuan min en duh hlawm hle.

"He hmun ah hian Coins vawm luta,Duhthu i sam chuan,chu i duhthusam chu a thleng dik thei an ti sin"tiin a ipte a tang Coin pahnih a rawn la chhuak a,Pakhat chu min pe a,Tui lo phuhchhuah na lai ah chuan a coin kenlai chu a theh lut a,Wish siamin a maimit chhing nghal a,a che vel reng reng chu a hmuh nawm vel vek,mittla lo lek in ka lo thlir leh hman tawh.

"Ka Stacy'

"Ummm...a...aw'

"I hun a thleng ve tawh ania."min nuih ver ver a,ka samah chuan a chul pah zauh a.

ka Coin chu ka theh ve a,mahse a lut ve miah lo,ka tap tep theiin ka hria,Wish ka siam ve thei dawnlo.Boom chu Lungawilo hmel deuh in ka melh a.

"Nopangchhia lutuk" la biangah min piai sak a, "Lo nghak lawk rawh"Tiin Fountain chhungah chuan a pen lut nghal a,ka lo en reng ringawt,a kal zel a,Coin dang tam tak zingah chuan ka coin chu a va chhar a,kut lek kang va va in min rawn nuih a,a lo chhuah chuan a pheikhawk leh akhup a chin hnuai lam chu a huh vek,Tui a dir nghal zung zung.

"Boom i tha em?" ka lo ti vat a.

A Coin ken lai chu ka kutah a rawn dah a,"Tianga lungawilo hmelkha pu tawh suh,tianghmel i put kha chuan tuipuiah pawh zuan thlak ngai se ka zuang thla mai ang" a ti sap.

Coin chu kan pahnih in ka theh a,Tui lo chhuahna ah chuan a lut chat a" Wow...ka ti thei" ka zuang nghal vak vak a.

"Nopangte...Wish chu siam rawh!"

Oileh...ka hlim lutuk a ka lo theihnghil leh daih.

Ka mit ka chhing vat a"Boom nen hian a theih ang a rei awm dun ka duh,a hlimna siam sak tu ka nih duh"
Ka mit ka men chuan Boom in min lo en reng a.
"I hmeleltha lutuk Stacy"

Ka kut chu vuanin min kalpui a,a pheikhawk leh kikawr huh chu engmah ngailo ang mai a awmthei...Tlawmngai leh lutuk mai!

"Boom" ka ding dat a,ka lam a rawn hawi nghal vat a.

"Ih...I hritlang palh ang,in ah haw tawh mai ang."

Ka kut hmer vang vang pah chuan "Ka tha lawm" a sawi zawh rual rual chuan a hahchhiau nghal,a pang ka dehsak chuan a lo sa deuh var a,Lungawi lo deuh in ka melh nghal ram a.

"Boom tinge ka tha i tih tlat a,i khua asik reng hi!"a mah ka ngaihtuah em a vang chuan ka aw ki pawh a sang hle,min kalpel tu te chuan min melh hrek hrek hloma,in hau buai maw min ti a ni ngei ang.

"Ka khua sik mahse i bulah ka awma,Nuam ka tia lom"a la ti tal a.Keipawh a bula awm thlahlel viau mahila,a ni a khua a sik lai chuan rilru nuam tak in ka awmthei bik lo a ni,Haw ka rawt lui tlat a,A tawpah chuan ka tur luih nasat em a vangin min hawpui a,kan in ah min dah hmasa phawta,An in lam panin a tlan liam ve nghal a.Boom bula ka awmlo chiah chu ka kimlo,nilo,ka ruak nghal huai mai ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:58 pm

Class velah hian Ruati mawlh hi buaina pakhat a tling ve!Mahse khinglet en ah ka en duh lo a,ka en liam tawp zel,an ni nena buaina neih hian hlawkna pakhatmah ka neih phah dawnlo tih ka Hria.

Lunch break lai chuan Boom nghakin Coffee dawrah ka thu a,a sawi hun ah a la rawn thleng silo,Nidangah chuan a hun sawi diktak ah a lo thleng thin reng sia,A san min leisak chu ka bih chhen a,Darkar khat dawn ka nghak tawh,ka coll tlangthei bawk silo,Chawhnu lamah class ka la neih a vang chuan ngaihtha vak loin Class lam ka pansan leh a.

Class ka lut chiah chu Ruati thiante pathum khan min tihbuai in peih zetin min lo melh leh hlawm tawh,Mahse Ruati chu a telvelo thung,Anni nena buaina neih ka peihloh chuvang chuan ka thutnaah thu in ka lehkha bu ka phawrh a,k bih lui tlat a,kan thiani te pathum chuan min rawn hnaih in,inkuang kuah chungin ka hmaah chuan an rawn ding a.An zinga pakhat chuan a phone a thlalak min hmuh a.

"Hei enge?"

"En chiang la i hre mai ang"Min nuih zui a.

"Nilo"
Ka awitheilo,Boom leh Ruati thla lak,Keiin darkar khat chuang ka nghah chhung khan hmeichhe dang a lo awmpui a,Chupawh a bialnu hlui leh nghal .

An zinga pakhat chuan phone chu min laksak a.

"Kan sawi tawh kha,an inkarah tuman an in rawlh thei lo"Min hmusit hmeldeuh in min melh a,min kalsan nghal a.

Ka awmdan chu a hreawm tak zet!ka rilru na lutuk chu ka tap mai dawnin ka hria,ka lehkha bu ho chu ka bag ah khung in hman hmawh tak in ka tlan chhuak nghala,ka tawt up up,Mi ka kalpel te chuan min en zui zel hlawma.

Gate ka thlen chuan Boom nen kan intawk a,Biak pawh belo in hman hmawh takin ka tlan a,Taxi lo tlan hmasa ber chu lo pharin ka lut nghal a,Chhuak zetin ka tap nghal hlawp hlawl,Driver pawh chuan min hrethiam takin engmah min zawt rihlo in a tlan chhuak nghal a,Side glass a tang chuan Boom in min umzui tih ka hmu thei.

"Engtin nge ka lo rin mai theih!Ti nge ka mawl em em!"

In ka thlen chuan Uzami bulah chuan tupawh lo kalse inah ka awmloh thu a lo chhang turin ka hrilh a,Ka room ah ka lut tlang nghal a,Khumah bawkin chhuak takin ka tap nghal hawm hawm a."Keihian bum in ka awm a ni!"

Ka lo tap muhil a ni ngei ang,ka harh chuan zanlai a lo ni tawh,ka room chu a thim mup a,Tukverh chu lo la inkhar lo in chuta tang chuan pawnlam eng chu a rawn lut raih a,Vawina thil thlen dan ngaihtuah chhuak in ka meng kara,ka mit chu ka khap fak fak bawk,Ka inkhawngaih tak zet.

Ka phone chu ka en a Boom misscall leh message hlir a lo awm,en lo in ka phone chu ka dah thla leh nghal a,Tukverh a tanga thli lo lut chu a bawh em a vangin khar turin ka kal a,Pawn lama ka thil hmuh a vang chuan ka ding dat a.

Boom chu a bike ngheng in a lo ding reng,khua a vawh teh reng nen,enge maw a tih ni!Kan in lam chu a rawn en a,min hmu thei a ni ngei ang,a ding ngil a,chemiah lo in min thlir renga,Rangtakin tukverh chu ka khar nghal a.

"Stacy i ti thei...tum hram hram rawh"tiin ka in hrilh nawn mawlh mawlh a.

Zingah chuan phur lo zetin college panin ka kal a,Gate a ka luh chuan Boom in min pan nghal vat a,Hrelo derin ka kalpel lui a,Ka ban ah a rawn man chawt a,Rum zetin ka lo melh let bawk.

"Stacy..Thildik lo a awm a mi?" Engmah thleng lo ang mai a awm thei chu ka thin a tirim hlur thei!

"Ka kut hi thlah nghal rawh!" ka aw chu a ringlo,Mahse thinrim na vangin a khur dar dar.

"Tiang a i awmchhan hi ka hriat a ngai"

"Boom...nanghian min bum a ni!"ka mittui a tlak lohnan ka mitchu ka khap fak fak a,hriat thiam loh hmel deuh in min en reng.Thil enga maw sawi tuma a an zuau lai chuan Ruati chu kan lam panin a rawn kal a,Boom chu a rawn au lang lang rangtak a ka kut thing thla in class lam panin ka tlan nghal hlawk hlawk a,An ni pahnih kha ka hmu duh lo...nilo,ka hmu ngam lo zawk,min tina takzet!

Class ah pawh Boom chu ka be ngailo,Ka theih ang ang in ka hel kual thinZantin kan inkawtah zan rei thleng thleng a ding a,min call pawh ka chhang ngailo,Mahse ka ngai tak zet thin,Pawn a a ding chu min hmuh hlau takin ka en ru thin...ka hua...min tina tu a ni..mahse,ka ngai em em si.

Nikhat ka college kal chu ka awm a nuam chiah lo,zan lamah ka mutha ngai lo a,thil ka ei thei lo bawk,Class ah chuan chau zetin ka luta,Angeli chuan min lo buaipui nghal vat a,min kuahin ka hnungah a beng thak thak a,Ka kut a khawih chuan hlauh thawn hmel takin min en a.

"
Stacy i kut a vawt vek!I pang a sa hle bawk!"

Hminga pawh rawn lutin min buaipui nghal vat a.

"I kal thei ngem?Damdawiinah kal ang u"

Min kuah chhuak a,kawngkhar ah chuan Boom nen kan in tawk,hlauh thawm hmel deuh a kalam pana a lo tlan lai chu ka hre ruai ruai,a dang chu a thim nghal vek!

Muangchangin ka mit ka menga,ka awmna chu ka hre mai lo,ka hawi kual a,ka banah chuan hriau lo in vit in drip min khai mek tih ka hre thei..ka pang a kham em a vang chuan in let ka ruma,ka taksa ka che chiah chu rangtawkin Boom in ka kut a rawn vuan nghal a,Ka lo en reng,min nuih ver ver a,ka kutchu a hum nghet hle bawk,Maimit chhingin thlil thlen dan ka ngaihtuah let a,Thawk ka la kawk a,Thinrim na leh natna in min tuam zui leh nghal.

"He tah enge i tih" ka aw chu a khur dar dar,ka thinrim lutuk vang a ni.

"Stacy ....I bula awm ka duh a"

"I kal thei tawh ang..."

"A chhan ka hriat phawt a ngai"

Chutihlai chuan Kawngkhar rawn riin Angeli a rawn lut a,Boom pawhin ka kut a vawnna chu a thlah a.

'Boom pawnah lo va awm harh ve rawh" Angeli chu ka bula rawn thut pah chuan a ti a.

"Ai...ti hian ka tha"a lo ti nghut a.Kan luhluli hi

"Ataksa hi puan huha hruk sak ka duh a"Angelin a tih chuan min chhuah san ve mai a,Angeli chuan ka samah chulin zawhna a khat mitmengin min en a.

"Stay....Boom nen hian in inkawp tiraw?"

Chhanglo in ka mai mitchhing vang vang a.

"I sawi ngailo in ka hrethiam in ka Hria,Boom hi hmeichhia tho nimiahse a hmangaihtak zet che in ka hria"

"Nilo..angel engkim a tawp tawh!'

"Maw?"

Maktih hmel deuh in min en hu a,Thil thlen dan leh thlalak ka hmuh dan vel ka hrilh a,ka sawi zawng chuan ka mittui a luang leh ngiai ngiai tawh..hreptak hian..tap rengtur ka nilo sin,Ka sawi zawh chuan Angeli chuan ka mitah tak min en ran a.

"Stacy.. khang vang mai mai khan Boom i ring hlel a maw?,thudik i hre duh em?"

"Thudik chu ka hre vek tawh lawm...a tawp vek tawh" ka in hnit faih faih a.

Ka darah min kuah in ka samah min chul sak a.

"Stacy..khami ni khan Boom leh keimah lawm awm dun"

phawk tawkin ka melh nghal a,min lo la nuih ver ver zui.

"Boom khan 16 day anniversary mi tur thi leisak ka duh a tia,Surprise che a tuma,ka kalpui a lawm,A phone a in switch off a vang leh traffic zamah kan tan rei vangin a a inthiam lo,a chhan chu khami ni khan lunch ei dun in tum a,kan lo let leh chuan caffe ah khan i lo awmtawh lo a,College a rawn pan nghal vat a,hei vanghi mi boom i biak duh loh,chuan nang mah pawhin i tuar phah bawk a" a thaw halh a.

"Mahse Ruati"

"A ni duhte chu in inkar tihchhiat bak a nilo...Boom i hrema,nang in i tuar bawk" a tho a,min kal chhuah san nghal a.

Ka chetdan atthlak lutuk kha ka in hua,Boom kha insawi fiahna hun tal lo pe tur a sin ka nih...

Kawngkhar chu in hawngin Boom chu zawi muangin a rawn lut a,Ka ban phar chhuak in ka lo ban vat a,rangtakin a rawn kal hnai a,ka kut chu a vuanin afawp vawng vawng a.

'Boom...ka tihpalh"

"Ka Stacy engkim a that tawh hi"

"Mahse,keimah vangin pawn khaw vawt hnuaiah i din phah a,ka tihpalh tak zet" ka mittui chu a kutin min hruk sak a.

"Stacy.. keihian tihnat che ka duhlo a,i tanna thlentu nih ka suh lo bawk,ka tina ngailo ang che,insawi fiahna hun min siam sak thin tawh ang che"

ka lu ka lo bu nghat nghat a,ka biangah a chul heuh heuh a,A kutzungpuiin ka hmui hnuai lam a chul a.

"Ka fawp chak lutuk che"
A nui ver ver a,keilah laih vangin ka biang a lo sa leh hat hat tawh,Rawn kun hnaiin duhthawh zet in min fawp nghal a,keipawhin rangtakin ka lo chhang let vat a.Ka chal leh a chal insik tir in,a thaw lum ham ham a.

"Ka Stacy,ka biak theih loh in awm tawh suh..ka a mai ang..ka ngai che...ka ngaitakzet che"

Ka chalah fawpin nghet takin min kuah zui nghal a.

Heart beats fast colors and promises
How to be brave
How can I love when I'm afraid to fall
but watching you stand alone
All off my doubt suddenly goes away somehow.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » November 13th, 2016, 12:58 pm

SHE'S MY BOYFRIEND
Reo Ririni Khiangte

Chapter 9

Hmangaihna ah chuan inhriatthiam tawn na te,in zah tawnna te,a awm a ngai a,pakhat zawk ngaih dan chiah in a kaltheih lo a,hetah tak hian in hriatthiamna hi a pawimawh!

Damdawiina tang chuan tlai lamah ka chhuak leh nghal a ,ka nu leh pa thawhna a nilo chu ka vannei,Keima thu ka duhvang leh thil hre chiang hmasa lo a,thil ka lo kalpui vangin kei leh Boom in kan tuar phah a,ka mizia then khat hi ka sim vat a ngai dawnni.

Angeli leh Hmingtea chu an haw rualal a,Kei leh Boom pawh kan in lam kan pan meka,Boom chuan Car khalh pahin ka kut lehlam chu a hum ran reng a,keichuan a mah chu hmun dang en miah lo in ka thlir leh veng veng tawh!


"Ti khan min en reng te chuan ka lai ve thei tho nia" Min nuih ver ver a,a hmaaia nghetin ka kut a hum bawk.

"Boom"

"Ummm...Stacy"

"Boom"

"Stacy"

"Boom"

"Nopangte chimawm chhuah suh aw,karkhat chhung i awmdan a vang khan hremna i la hma chhawn dawn bawk"

A hmel ka en chuan a mit min lo siai zauh a,ka hmui ka tih sawih khum vak a,An nui ri hawk hawk a,Tianga a nuih rik a piang hian lomka chhunglamah ka pangailoh thin.

"Awlsam deuhin min hrem tal thei"

"Thu i awi dan a zir a nimai"

A la tital a aw...Ka khuh lui vak vak a,Car chu kawngsirah a din tir vat a,Hlauhthawn hmeldeuh in ka darah vuanin min en a,keilah a AIA nasa in ka khuh lui a.

"Stacy...ih ..I tha em?Tui..o..Tui..lo thu rawh,Tui..kan lei ang"

A tawng bah nawk nawk a,Ka insum hman thalawt lo ka nui chhuak vak vak a,Ka fiamthu tih a hria a ni ngei ang,a thaw hawk a,ka biangah nazet in a piai a.

"Chimawm rehna damdawi ka ngaihtuah a ngai dawn nih hi" a ti sap a,Car chu a khalh chhun zawm leh nghal a.

Kan inkawtah chuan Car a tidinga,chhuk mai ka tum chuan min pawt let vat a,a ipte a tang THI a phawrh chhuak a.

"Ka Stacy he thi hi i awrh duh a ngem?'

Lu bu nghat pahin ka lo nuih ver ver a.Amah chuan min awrh tir nghal a,ka chalah a fawp zauh a.

"Tunah hian in hremna pakhat chu i pumpelh hauh lo ang"

ka melh kawk a,a lamah min pawt hnai vat a,duhthawh zetin min fawp zui nghal a.

Hu!hethilhi in hremna ah a ngai a nih chuan min hrem reng dawn mahse Pawi ka ti miah lo.

Inchhung ka luh chuan ,Zinglam a ka kal chhuak tur hmel nen a in ang tawh lo lutuk a,Uzami chuan min nuih vur vur reng tawp,Ka zai rat rat reng a,a khattawkin ka thi chu ka khawih leh zauh thin.

"Hummm...reilo te pawh nose,ka boom ka ngai nghal der mai,hahthlak hian!!"

Christmas ka pi bulah Lunglei lam a ka hman tur thu ka lo hrilh tawh sia,ka phei chak lo lutuk,he lam a pawttu an na rih si,pheilo i la ka pi leh pu an vui dawn bawk si,Boom bula ka sawi chuan "Min ngailo,min kalsan i tum vang "a ti tlat a,Chawhma chhung kan in thlem,Naktukah ka phei tawh awnsi in Lungawilo deuh a kalsan ka duh bawk silo,Ka thiam dan in ka thlem ve char char a.

"Nih ka lo kal dawn !" a ti hrama,ka hnial lui ta bik lo,lo kalse hmai chhana sawiila,kan sawifel hma zawk ang.

Ka nu leh pa chu Hospital lamah an la duty a,Uzami nen chiah kan awm bawka,Pawnlam ah Boom chu ka lo nghak a,A rawn thlen chuan ka lo en leh rengtawp....A chhelo thei bik lutuk hi a mak! Nilo,holam deuh a hak pawn a mawi pui tho,Sweater pangai senduk a ha a,Adidas kikawr formal deuh a ha a,Crocks a bun leh tawp,a sam chu a hnawk deuh niaia,mahse a mah tilang duhawm tu a ni tho,Bike a tangin min nuih suk a,Phone ah kha chuan a thinrim ve hmelsia,tinge a rawn nuih tak ringawt le?

"Ka bialnu te hian pawnkhaw vawt ah dingin min lo nghak tih hria i la chuan a AIA chakin ka rawn kal tur" Chimawm zetin a mitko a san ak a.Lei ka lo chhuah khum hman pek a,Inchhung lam a kan inzui luh chuan ,Uzami chuan Boom chu a lo be bawrh bawrh a,Uzami hian a ngaina ve hlein ka hria,a vawi khat lo lenna a tang khan chaw ei ah a sawm tlat tawh,Uzami chuan thingpui min pek pah chuan inchung lamhna a khawih duh thu sawiin min chhohsan nghal a.Boom chuan aw a thian kharh a,A Manchu ka en vat.

"Cartoon en a min mutthluk san tawh loh hram ka beisei" a rawn tia,ka lo nuih vak vak a,A vawikhat lo lenna ah Cartoon en puiin ka mutsan deih a,a lungawiloh thlak ve ngawt ang.Thingpui in zawh chuan Bolcony lamah kan chhuak a,a phone a rawn ri a,reife an inbia a,a landan chuan an innel hmelin Boom pawh an inbiak chhung zawngin a hmelhmuh a nuam tak zet,a bulah chuan ngawi rengin ka lo dinga,a mahchuan ka kut a rawn vuan a,"Ka u" hmuiphun in a rawn ti a,Ka lo nuih ver ver ringawt.

Reife an inbiak hnu chuan an duhtawk thei hram,ka hnungah dingin,ka kawnhah min kuah a taksa lum ther ther chu ka ngheng a,ka darah a kha be a nghata,a thawlum ham ham chuan ka awmdan a thlak dang lam leh hman tawh.

"I kal kher a ngai a?" Pangchang aw deuh in a rawn ti sap a,a landan chuan kei angthoin a huphurh ve a nih hmel!

"Umm...ka pi ka lo hrilh tawh sia," A AIA nghetin min kuah leh a.

"Ka lo kal ve mai dawn"
ka nui hak a,a changhi chuan a nopang chhia ve leh thin tlat.

"Christmas te chu chhungkuaa a hman ho tur,Christmas hlut dan Ber a lom" ka lo ti vat a.

"Chhungte?.... !"

Sawi zawmlo chuan a ngawi deuha,a lamah thle hnain a hmel ka en chuan a pangai chiah lo,ka in her vat a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)