THE VAMPS BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: THE VAMPS BY Reo Ririni Khiangte

Unread post by Ngaia » December 11th, 2016, 2:22 pm

"Melania bulah..he thil hi ama tih a ni..!''Ka kut chu thling thla in ka tlanchhuak nghal a.Ka pa car a driver chhuah tir in chahbi ka laksak a,ka tlanchhuak nghal a,Melania ngei a ni tih ka chiang!Ka Amber tianga a siam avang hian ka ngaidam hauh lo ang!


Melania kawngkhar chu ka chum dawt dawt a,Kawngka a hawn rual chuan inchhungah pen lut in a kawrawmah ka ṭham a,Bangah ka nawr bet nghal bawk!Hmeichhe kut thlak hi ka duh ngailo..mahse hei chu a chochhuah liau liau a ni..

"Engvanga tinge i nih?''ka thinrim vangin ka áwm a khur dar dar bawk.

"Ka hrilh tawh che kha ...in hlim dun ka phal lo.''


He nu zet chu...ka phih dawrh a,chhuatah a tlu nghal hnawk...tuna a laka ka chetdan leh Amber laka a chet dan ngaihtuah chuan ka chetdan chu la NEP tak a ni!



"A ni raipuar che ṭha theilo kha engvanga la thah duh nge i nih?''chu thu ka sawi rual chuan Amber khum aṭanga harsa titaka a tho tur hmel ka mitthla zuai zuai a,dim tak leh kehthei dawma ka dawm kha..he nu hian mangang takin a siam chu a nia..ka au tuar a,ka bul hnai a chair chu la kangin hlap pawp mai ka tum tawh..Mahse Amber vang bawk in ka thei lo...Chair chu chhuatah ka theh thla ṭhuai a"Mipa chu nila tunah hian damin i awm lo ang."


Tristan chu kawngkhar ah a rawn tlan lut a,min kuah bet in inbengdai turin min hrilh mawlh mawlh a.
Ka rilrua awm ang chuan che chhuak ngat ila chuan he nu zet hi dam in a chhuak lo ang..


"Brad..police ka hrilh tawh..police kutah dah rawh..ti rawh..I let ang..!"
Car ah chuan Tristan an min nam lut a.Car chu ka khalh phal lo in aman a khalh zui bawk.


"Tristan...tinge..vawiin khan kha aia hma khan in ka thlen loh?" Car nghenchhan chu ngheng in ka maimitchhing vang vang a,Amber hmel hlir chu ka hmu bawk!
"Tristan...Amber chuan i thusawi engkim a awih ṭhin kha..tunah pawh hian a fa leh a pasal hian kan mamawh..kan tello a khawiahmah kallo turin hrilh rawh!"
"Brad..a ṭha leh vat dawn lawm."


Pawnlam hawi chhuak in thawk a la vang vang a...Tuna kan awmdan tehhrep hi ka hrethiam lo..Mumang nise..ṭhanharhsan ka chak tawh tak zet a ni!

Amber nen kan fa..Naute awmna lam chu ka pan a,an pahnih chuan an lo mut dun a,an kut an lo chet lauh lauh a,engmah hrethiam lo in an mitmeng fiahtak chu an khap fak fak a.An kuttṭang te takté chu vuan in ka nuih a,Ka kut chu an lo hmer let ve a!Amber nen nghakhlel taka kan lo nghah kan naute te ngei chu ka kutin ka khawih thei ta...mahse ka lawm a va kim silo em!


Naute te chu inthurual ang hrim in an rawn ṭap leh ngâk ngâk a,ka sawi thiamlo..ka fate an ni! An ṭap ri chu an lawmawm reuh lutuk!A vawikhatnan ka nui veleh ta.


Nurse pakhat hi bawnghnute bur kengin a rawn lut a.


"Hnute an duh anih hi!"tiin ka fate ṭap ngâk ngâk kâ ah chuan bur chu a tintuah a,an kutphar nauh nauh in duhthawh zet in chu bawnghnute chu an hne a.Ka chhungril hi a na vawng vawng thei!


"Amber... Kan fate hian bawnghnute nilo in nu hnute tui asin an mamawh!'' kilkhatah ṭhu in ka indawm kun tlawk tlawk a.


"Sir..lungngai suh..I nupui hian thilmak a thlen tir ngei ang..tuna ala damte hi thil thleng ngailo a ni asin..I tan leh in fate tan hian a nun a sual mek a ni! Beidawng suh!"Nurse chuan ka darah rawn beng thak thak pah chuan a rawn ti a! Min chhuahsan zui nghal a .

"Ni e..ka Amber hi hmeichhie chak tak a ni..ka rin a ngai..keileh a fate bula a lo kir leh duhnan ka fuih mawlh mawlh a ngai.!"


Hmangaihte tel ve lohna chu khawihmun pawh ninawm a chang ṭhin.(Abbra)


Amber chu karhnih hnuah pawh a la harh lo, achang in a marphu hmuh miah loh chang te an nei ṭhin..chung hunah chuan a kut vuan in min kalsan lo turin leh he khawvel ah keimah chauh a min hnutchhiah lo tura ka ngen chang apiang in a mar a rawn let a! A biangah mittui a rawn luang ngiai ngiai ṭhin!Min kalsan lo tura ka ngenna chu a hre thei a ni!


Melania pawh kha an man a,Doctor sawi dan chuan a rilru lam a chiang lo a ti a ni.Khawngaihna chen chu ka nei,mahse kei chuan hmeichhia angin ka en thei ngang silo!


Amber chu ICU a awm tawhlo in Ward pangngaiah kan insawn a,mahse engkim chu special taka duan vek a ni.ICU ang tho in a chhung vawn thianghlim a nih bakah,Khawl hmanga la thaw tho a ni.Mahse a hminga ICU kan chhuahsan thei chu a lawmawm tho tho.


Vawikhatmah Amber hlat in ka awm ngailo..Damdawiin kan luhtirh aṭang khan in pawh vawikhat pawh ka la haw lo,ka nu leh pa in inthlakna leh ka mamawh min rawn ken vek a,hospital ah ka inthlak leh ṭhin,Naute te pawh hun ka hmanpui a,an diaper thlak dan leh anmahni awih muthilh dan thleng in Nurse ho in min zirtir vek tawh.Amber lo harh hunah pawh engkimah ka awl thei dawn a ni!

Zankhat chu Amber khum tlang bawh in ka muhil a,ka tih ṭhin dan ang bawkin a kut chu ka hum ran a.

Amber chuan a kut chu a rawn tiche zauh a! Rang takin ka ṭhu ngil nghal zawk bawk.

"Amber..min hre thei em?"a hmaizawn ah ka lu ka dah a,a mitmeng se ka duh takzet a ni!..

"Amber..min hriattheih chuan i kutṭang hi lo ti che leh rawh!"beisei nei takin a kutṭang chu ka melh ran a,reife hnuah a rawn ti che leh...ka lawm lutuk chu au chhuah chiam mai ka duh!Ward a Doctor kohna bell chu ka hmet a,Rang takin an rawn tlan lut nghala.

"Amber in a kutṭang a rawn chet!"ka lo ti nghal tawng a.Min rinhlelh hmel zet in min kalpel a,Amber chu a check kual a.Nurse pakhat chuan khawl chu a melh a.

"Doctor...kan damlo hi tunah hian khawl hmang lo in a thaw tawh.!"

Engtiklaiin nge an bul ka thlen hman ka hrelo!Doctor nen chuan nurse chu kan melh ran a.

"A ni..hemi khawl hi a che tawh lo...!"


Doctor chuan Amber chu a melh tlawk tlawk a."Thil mak a ni!''tiin a phun sap a.
Tunah chuan ka nui thei ta...ka nui mai a nilo..ka hlim a ni..Ka bianga mittui luang chu hruk pawh ka tum tawh lo,Hlimna mittui a ni miau a ni.


"Mr Brad..a lan dan chuan hma kan sawn hle a ni! I nupui chu a rawn harhchhuak vat ang!"


Ka tum reng vang nilo in Doctor chu ka kuah thut a''Ka lawm e..ka lawm lutuk!"ka ti nghal mawlh mawlh a,Nui huah huah chungin ka darah a beng a."I nupui hi ni lawmthu hrilh tur chu thilmak la thleng ngailo a thlentir a ni!"


Zing lamah chuan dan ngaite in ka nu leh pa,Alex leh ka band pui te chu hna ṭan hmain an rawn kal leh vek a,chanchin lawmawm an hriat avang chuan an hlim hle bawk.


Room a kan ṭhut khawm laih lai chuan Amber kut ka vawnna chu a rawn che hrat a,rang takin ka hawi chhuak nghal vat a.
"Brad...!"
Ka Amber in ka hming a rawn lam! Midang ho chu an rawn ding nghal suau a.
"Amber...!"


"Brad..ka ngai lutuk che!''a bianga mittui luang ngiai ngiai chung in a rawn ti a!
Tunge kan bulah awm a,khawi hmunah nge kan awm tih ka ngaihtuah lo..ka nupui hmui hil balah chuan ka fawp vang vang a,Tunah chuan thawk pangngaiin ka thaw veleh thei ta!


Connor chu Doctor ko in a tlanchhuak nghala ,kan vai mai chuan kan hlim a ni.
"Brad...!"


"Amber...heta hi ka awm!"

"Brad..i tello in khawiahmah ka awm duhlo!"
"Ngaih pawh ngaihtuah suh!"


Mittui kar aṭang min nuih var var a.


"Brad...'Amber..ka hmangaih che..kumkhua in ka hmangaih ang che..nilo..kumkhua piahlam ..chatuan thlengin ka hmangaih ang che'..he thu hi ka bulah i sawi em?''a rawn phun sap sap a.

"Oh...kha chu Thailand a Whispering Wall hmaah khan ka sawia,mahse engtinnge i hriat theih?''


"Kha thu ka beng bula i rawn sawi vang khan lawm ...ka nu leh pa te la thlahlel tak chunga ka rawn kalsan!Brad..i tello in khawiahmah ka kal duhlo!" Ka kut chu a hmer salh a,tho kang in a chalah ka fawp vang vang a"Amber keipawh i tello chuan thawk lak harsa ka ti a ni!" ka mittui chu Amber biangah a far fap a.



Room chhunga awm ho chu an insut hraih hraih hlawm a,midang awm vangin Amber ka hmangaih thu hi ka sawi ṭhulh thei lo...Ka hmangaih thu ka hrilh theih lohna hmunah min kalsan lai khan hrehawm ka tihzia kha...tunah chuan a rilru leh ngaihtuahna zawng zawng pawh...a mumang thlengin ka chelhbet vek ang..ka tello in khawiahmah an kal tawhlo ang...khawiahmah! Nitin in ka hmangaih thu ka hrilh ziah anga,ka mang lamah pawh Amber ka hmangaih zia hi mang siamtu nin khawp in ka sawi chhuak ṭhin ang!


''Mummy hian a fate a hmu chak tawh em?''ka nu chuan kan fa duhawm tak pahnih chu a rawn pawm lut a.
"Brad...phir an ni!" Ka hmangaihi hlimzia chu, mi mawl ber pawh in an hrethiam ang!


"Mummy hi an ngai tawh lutuk a!"ka nu chuan Amber khawih theih turin a rawn pawm hnai a.

"An duhawm lutuk..Brad..kan fate..Aw Lalpa ka lawm e!" Amber chu damlo ala nih avangin naute chu a la khawih ve theilo,hmangaih takin ka nu kuta naute phar lap lap te chu a thlir vawng vawng a!

A hlim tih ka hriat hian ka hlim ngawih ngawih a ni!



Tristan's Pov...




Brad leh Amber zet hi chu,min tibuai hneh a ni!Zawhna chhan harsa tak tak min zawt in ka bulah an ṭap a!Tihtheih ka nei ṭhin silo...he mimawl pahnih te vang hian ka mittui a tla hial a ni!
Fa ka la nei ve anga,an ni chuan Hmangaihna awmzia min zawh hun chuan Amber leh Brad chanchin hi ka la hrilh ngei ang! Hmangaihna chuan mipa pawh pâ takin a awmtir theilo!Brad kehchhe lai hmuh tluka hrehawm kha a awmlo.(a mittui a hru zauh a),Kan mimawl pahnih hi awmdun reng tur in ka duh a ni!



Mikey's Pov





Awi! Kan Brad chimawma hian min vel a nia(a hmai hnawih reh hlau takin a mittui a hru a!) Amber in a lo kir leh chhan a sawi lai phei kha chuan lo ṭahchhuah hawm hawm kha ka chak a ni! Anni pahnih thawnthu hi midang ka la hrilh chhawng ve ngei ang! Chuan...Pathian hnenah pawh an awm hran loh nan ka dil reng bawk ang!



Amber pawh chu a ṭha chak hle a,tunah chuan kan fate pawh a khawih thei tawh! Naute te chuan nu kut chu an hre bik hle bawk,an ṭah changa Amber in a pawm hlek tawh chuan an bang hmak zel.


Kan Naute te muhil sak sak te chu mittla lo lek in a thlir vawng vawng a,a hnunglam aṭanga kuah in a nghawng ah hmai ka phum a!.

"Amber...I lo let leh avangin ka lawm tak zet a ni."ka kuah nghet sauh a.


"I hria em?vawi tam he khawvel nilo ah ka awm ṭhin asin,mahse ka kutah hian min pawt bet tlat tu awm ang maiin ka kal hla thei ngailo...!" Ka lam rawn hawiin ka biang tawn tawn ah a vuan a. "Brad..I tello leh ka fate telloin khawiahmah ka kallo ang!"ka chalah a fawp vang vang a,ka bianga mittui chu a rawn fawp zauh a"Ka tih lungngaih vang che in ka tihpalh aw!"


"Chutiang sawi suh...thil thleng vang khan ka tihpalh zawk,kha ai khan in rawn pan hma tur kha ka ni!''thil thlen dan ngaihtuah let in ka thinrim thar hle bawk,Amber....mangang hmel leh ṭanpuitu mamawh taka a hawi kual ruai tur ka mitthla laia ka nat zia kha!



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:22 pm

"Khang hun kha chu anliam tawh a lawm''ka biangah dawm in min nuih var var a.
"Ummm...Naute hming hi tu in nge phuah dawn?"


"Kha chuuuu......."


The Vamps band leh Mikey ,ka nu leh pa leh Alex leh a bialnu,bakah Rose(Amber nutei) kei leh Amber kan ṭhu kual ṭhap a,kan vai hian Naute hmingphuah tum tu vek kan ni!


Kan lai takah Doctor Stacy a ding a,lehkha them pahnih ṭheuh min pe a,pakhatah hmeichhia zawk hming ziahna tur ,chuan kan hming a hnuaiah ziah bawk tur,chuan pakhat zawk pawh chutiang bawk,Mipa hming kan ziak a nga,chuan keimahni hming.


Kan ziak sang sang a,Kan ziah zawh chuan mipa hming zawk tur awmna ah leh hmeichhia hming awmna tur ah kan ziah ṭheuh chu kan dah a.Chung lehkha chu Amber in a pawt a nga,a pawhfuh kha kan naute hming tur an ni.


Amber chuan lehkha pahnih chu a la a.
"Hmeichhe hming tur chu....wow...Anna... Tristan phuah.." Tristan chuan inti thei takin midang chu min enkual a.


"Mipa hming tur chu Junior Brad(Jb) Ka nu phuah!"kut kan beng dar dar a,ka nu hming phuah ber kher chu....!!!!


Karhnih a veileh meuh chuan Amber pawh insawiselna nei miahlo in Hospital kan chhuahpui thei ta..kan fate pahnih Jb leh Anna pawh an fing in aw rawl chhuah an zir ṭan ve tawh bawk! Kan fate leh Amber hi he khawvel a ka Rohlu ber te an ni!
________________________

Amber's Pov...



Kan fate pahnih pawh kum3 an tling veleh reng tawh!Mahse khang kum liamta te kha ka khamlo in ka ngai em em a ni!Kan fate ina hlimna min pek ang hi engthil mahin an khûm zolo ang!
Jb hi a pa ang chiaha samkir leh mitmu buang a nia,chuan music lam a tui em em bawk,karoake te hi a pual bikin kan lei a, ukulele nen,a ti ri ve reng zel,Brad an hun a neih apiangin piano a zirtir bawk ṭhin..


Kan Anna ve thung chu apute Alex chiah chiah a ni mai! A mitmu a pawl ram a,lehkhabu a ngaina em em a,A lehkhabu bawm chu Story book in a khat vek!Zan an muthilh dawn apiang in a Story book chu a pa emaw..keiemaw min chhiar tir ngei ngei ṭhin.


Kindergarten ah an kal ve tawh a,keipawh Make up leh a kaihhnawih dawr ka siam ve a,mahse keimah tak chu chawhma naupang daycare a an awm chhung chiah ka kal ṭhin!Chawhnu lamah chuan kan fate nen hun hmang ho in Brad lo haw hun kan nghak leh ṭhin!


The Vamps ho pawh Weekend apiang in min rawn tlawha ,kan fate pawh hian an ngaina hlawm tak zet a ni!Mahse Uncle Connor hian an ice-cream ei lai lo eisak a ching ṭhina,an inti ṭap bai bai reng zel.
Jb idol chu Tristan a nia,Anna idol ve thung chu apa hi a ni!Brad nu leh pa pawhin Sunday apiang in min rawn tlawh ṭhin a, keini chhungkua pawhin thla tawp ah an in lamah kan riak phei vek ṭhin!
He ka chhungkua hi ka tan chuan ka engkim an ni.


"Naupang an mu tawh"ka pasal chuan mu tura ka insiam mek chu min rawn kuah nghal a.


"I chiang chiah maw?" Hmanzanah pawh naupang an mu tawh tiin an room a rawn chhuahsan a,kan mu fel chiah tihin JB'an microphone on in a rawn zai mai chu!!!!!

"Tunah chuan ka nupui duhtak hi hun ka hmanpui thei tawh angem?"


Zo zetin khum lamah min pawm phei a,min tihnat hlau takin min nghat thla a,a hmuiin ka hmui a rawn bawhthuah nghal vat bawk,a kut ninhlei zet chu chet kual in min fawp tawn tawn a!!!
"Mummy...Daddy!!"


Brad chu ka namsawn vat a,kan in en a, kan nui tawp!..Brad chuan light ti engin kawngkhar a hawnsak a,Anna leh JB chu an lo ding ran a..
"Ka sweetheart te u enge ni ta?"

"Daddy Frozen story" a story book chu apa chu a pe a,khum lamah chuan an rawn tlan lawn nghal vat a,Jb an min kuah a,Anna chuan a pa kuah chial in Apa story chhiar chu a ngaithla a.


"Hmangaihna dik tak chuan Anna taksa chhungah vur chuan a ti tuiral ta a!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:23 pm

THE END
www.storyfb.com




(Author Note:-Chhiar tu duhtak te nangmahni vang liau liau in THE VAMPS (Fan fiction) chu ka lo zo leh thei ta! Mi thar niin story ka ziah ṭan na pawh tun October thla tawp aṭang mai khan a nia,nang niin ka story min lo chhiarsak ṭhin avang leh comment aṭang tea inngaihdan min hrilh ṭhin avang te hian ka lawm lutuk! Chuan ka story hmasa ber(ka ngaihhlut ve em em ) SHE'S MY BOYFRIEND leh TINA(fan fiction) te pahnih hi a hlawm in a chhiar theih tawh a,khawngaih takin website ah lut in min lo chhiar sak ve dawn nia!THE VAMPS chu a tawp ta a,story thar nen lo letleh vat ka tum dawn nia,Chutih hunah chuan ka chhiar tute zawng zawng ten min lo chhiar sak leh vek dawn nia u.)

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 15th, 2017, 7:13 pm

The End..

Link:
BBcode:
HTML:
Hide post links
Show post links

Thanpuii Sailo
Posts: 3
Joined: April 3rd, 2017, 4:32 pm
Location: Aizawl

Unread post by Thanpuii Sailo » April 10th, 2017, 8:16 pm

:P Anzinga telve ang maiin a lawm ka awm..a ngaihnawm dangdai hle mai.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)