THE VAMPS BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: THE VAMPS BY Reo Ririni Khiangte

Unread post by Ngaia » December 11th, 2016, 2:13 pm

Min chhang lo chuan hmalam a melh run a.

"Mi mawl tak i ni!"Ka ti leh sap a.

"Ka mawl vang a ni lawm ni min bumkual theih!"


"Nangni mi hausa ho hian in duh duh dana midang puhkual vel hi inthiam hle mai maw?"Tihel zet chuan ka ti let a.

"Fiahna a awm si ni!"


"Mit a kan hmuh ang hi a dik vek lo!"
Car chu a tiding chawta ,Ka lam rawn hawiin chiang zet in min en a.


"Ka mita ka hmuh kha a diklo i ti a maw?"A nui hak a,Hlim vanga nui chu a ni hauh lo.'A ni khan i inah enge a rawn tih?Ka damloh lai te khan min ngaihsak miah lo in nuam in chén dun a!Kei khan ât chhuah in ka lo zui kual reng che..min lo ning ngawt ang tiraw?Chuan...Ka hnawk in ti ta réng a,min dahbo dan in ngaihtuah bawk...!"A au tawn tawn a ni ber,A car steering chu a chum pawp pawp a,Ngawi rengin amah chu ka en tlawk tlawk,Accident thleng te hi ka tih angah a ngai.


"Amber...enge ani in a neih ang neihloh enge ka neih?Min tihnat zia hi i hria em?"A biangah mittui a luang ngiai ngiai a,Brad hi a ṭap maw?

"Brad..!"..


"Shhiittt...ka ṭha...tianga na taka ka awm hi nilawm ni i hmuh duh!"


Ka mittui rawn luang chu ka hru nghal vat a,tiang hian Brad hi ka hmu theilo,ka na ...ka na tak zet..Ka seat belt chu ka phelh a,Car kawngkhar chu hawngin ka tlan chhuak nghal a.


"Amber...rawn let rawh!"Ka hawilet a,a mittui kar aṭang min en vawng vawng bawk,Tianga na a ka siam avang hian ka inhua a ni.


"Brad... hei hi a tawpna ni rawh se...kan pahnih in kar a tawp!" a tawp lam phei chu ka aw a chhuak theilo..ka hmui ka pet fan fan a,ka ṭah chhuah mai loh nan ka kut chu ka humruh hle bawk..


"Amber...ti suh.."Beidawn hmel zet in min en a.


"Brad ...mangṭha le!"Car kawngkhar chu ka khar a,Ruahsur hnuaiah bawk chuan hawilet leh tawh lo turin ka tlan nghal vang vang a.

"Engtiang chiah in nge Brad kha a awm ang??Brad..ka tihpalh...kan pahnih chuan a rem ngang lo ani.!"






Zingkar boruak thiang tak chu ka hip lut vang vang a,Nimin lama ruahsur in boruak a tithianghlim kak..nizungin a chhun en sar sar chu ka thlir kual vek a.
"Ni thar a awm ang bawk in nunthar ka nei ngei ang!"Ka phun sap a ,Hnaa kal turin ka insiam nghal a.



Alex chuan ka ei tur chu dawhkanah a lo khuh ṭha thlap bawk,Bruno chuan ka thil ei lai chu ka ke lamah min lo vir that that a,Thil ka ei bawrh bawrh lai chuan ka luak a chhuak leh tlat pek a,Washroom ah tlan lutin ka uak vak vak a,chhuak tur chu a awm chuang miah silo.


Minute 5 hnu velah chuan ka pangngai leh mai bawka,In phihfai leh in hna kal turin in chu ka chhuahsan a,kawt vel chu a lo la huh niai bawka,tluk mai hlauin muangchangin ka kal dem dem a,Him takin Gate chu ka thleng thei hram a.

Gate ka hawn chuan ka rak nghal ṭhawt,Ka ke rawn delh thlawptu chu ka en a.

"Brad..."

Ka ṭhu hniam a,ka sâwi dawt dawt a,Min chhang miah lo,A taksa chu a sa em em a,A kut a vawt ngiai thung..A thuamhnaw a huh vek bawk.

"Brad...harh teeehhh!"

"Amber..." a aw chu a ri chang chang chauh..a khur hlawk hlawk bawk..

"Mimawl pa...enge i hriat a?" ka ṭap nghal pur bawk!Awlsam taka ka mittui rawn tla mai ṭhin hi ka hua a ni.

"Ka thei lo...ka hlat thei lo che!"

"Mawl leh lutuk!"


A kut vawt ngiai chuan ka kut a rawn vuan a,a taksa khurh vang chuan ka kut a vawn pawh chu a che hlawk hlawk bawk.



"Brad...I ding thei ngem?Inchhungah lut ang!"..Ka kaitho a,Thei leh theilo in a rawn ding a,min nuih lui hram bawk.A hmui ro bam leh dang lep te,mu ṭha lo tih hriat zeta a mithnuai dum raih te chu ka hmuh hmaih lo,Ka mittui chu ka hru hul vata.


"Ṭap suh, ka ṭha leh dawn lawm?"ka darah a lu a rawn nghat a,a thaw lum ham ham bawk,In chhung lamah ka luhpui a,Inchung panna kailawnah te chuan tha a neih loh em avang in kan tlu dun rak rak bawk.Harsa zetin ka roomah ka luhpui thei hram,Khumah ka muttir a,Alex room ah tlan lutin a thuamhnaw lum ho ka la khawm a.


Hmanhmawh takin ka room lam ka pan nghal hlawk hlawk a,Brad pheikhawk bun lai phelh in a thuamhnaw haklai chu ka phelh nghal vat a,A taksa te chu a lo cher dak bawk..ka in sut fap fap reng a.Towel la in a sam te chu ka hru hula,Tha neilo tih hriat zet in a zawi hniang a,Thuamhnaw lum ka haktir hnu chuan damdawi leh tui la in khum bulah chuan tui chu ka hung a.

"Brad....ṭhu kang lawk rawh le..damdawi ei la..i mu leh dawn nia!"


Thei leh thei lo in a rawn inbengkang a,Tui leh damdawi chu ka pe a,a ei zawh chuan a mu lehnghal a,a mit pawh a meng peih lo,ka kalsan tur chu ka kutah a rawn vuan vat a.

"Amber..khawiah mah kal suh!"


Khumah chuan ka ṭhu let leha,a kut chu ka vuan let vat a.


"Muhil rawh le...khawiah mah ka kal lo ang!'.


Chau tih hriat zet in a rawn nui a,Ka kut chu hum nghet sauh in a muhil nghal a.
A muhil hmel chu ka thlir reng a,A taksa chhe chak lutuk leh dawldang lutuk hian min tina takzet a ni.


____________""""""""""""""""""____/_/_/_///



Flash Back

Brad's Pov...






Amber chuan kan inkar a tawp tih sawiin Car chu a chhuahsan a!Ruahsur hnuaia a tlan chu ka thlir vawng vawng a,"Ka Amber chu a liam ta!"Car seat ngheng chuan ka maimitchhing vang vang a,ka mittui ka bianga rawn luang ngiai ngiai chu hruk pawh ka tumlo..Brad mit aṭang hmeichhia vangin mittui a luan ve vawikhatna a ni.


Amber chuan tunah chuan hmelhriat loh ang maiin min kalpel a,Midang bulah chuan a ṭawnga, a nui a,amah ka hnaih apiang in a kalsawn a,min hel a,ka awmlohna apiang ah a awm ṭhin..Chu chuan min ti na tak zet ani.



In lama a haw in him takin a thleng em tih ka enfiah ziah..ka zui haw ziah ṭhin,Zanah pawh hawsan mailo in a room light a thim hnuah chiah ka haw san ṭhin,A thil ei duh tur tinreng ka lei a,keiin ka pek chuan a la duh dawn lo tih ka hria,chuvang chuan Connor emaw..James emaw ka pek tir ṭhin,ral aṭang a thil ei chu ka thlir reng zel,A mutthluk apiang in a bulah awmin ka kuah hle hle a,Amah ka kuah a a muhil thaw ri ka ngaihthlak te hian achang chuan ka pik lutuk te a reh ṭhin!He hmeichhia hi ka ngai..ka ngai tak zet a ni!Amah vangin hmangaihna awmzia ka hria a,Mahse..chu ka hmangaih chuan min lo bum renga,Amah hi haw hle tur ka ni!Mahse ka theilo..Huat ka tum nasat leh keimah ka na!


Fans Meet kan neih dawn avangin Amber chuan min chei mawlh mawlh a,A chevel chu ka en reng,Min ngaihsak hmel pawh a pu lo chuan ka thin a tirim em em bawk.


Ka mitah thil a ti lut palh a,ka lo thinrim ruk ṭeuh tawh avang chuan ka vin chiam a,laktlak loh a nih thu leh hna aṭang bang tur in ka hrilh bawk!Chutiang a ka awm chu a beisei lawk anih loh vang a niang..A ding ngawi reng a,Min en tlawk tlawk bawk.



"Ka sawi chu i hria em?hmeichhe laktlak lo tak i ni!"Thumal tin chu a hriatloh hlauh takin ka sawi fak fak bawk.


Amber chu a mittui a luang ngiai ngiai a,hmanhmawh takin a tlan chhuak nghal bawk.Umzui pawh ka tumlo a,chuan khatia ka vin hrep khan nuam titurah ka in ngaia..mahse ..a nilo..ka na...ka na ngawih ngawih...thlabar tak leh hrilhhai deuh a Amberi'n min en khan ka na takzet a ni.


"Mimawl pa"


Tristan chuan min hnek nghal siah a,ka pai nghal nawk bawk,Ka hmui chu a thip vat a,ka khawih chuan ka kutah thisen a kai nghal a.

"Engthil nge i tih?"ka nui lui hak a.


"I phu tawk a ni!"min hnek zui leh a,ka tlu hnawk bawk.Connor leh James chuan dan an lo tum a,an ni chu a nem kiang a,min ṭhut bet in ka kawr awmah a ṭham nghal a..duh chuan khawih let thei ka ni!Mahse Tristan hi kan zinga upa ber leh zaidam ber a ni!Tianga a awm hian chhan a neih ngei ka ring bawk!Ka khawih let ve lo..ka lo dawh tawp réng a ni.


"Nang tluk a mi mawl hi an awm lo ang!''..Thinrim aw khur dar dar in a rawn ti a.


"Ni e..ka mawl..ka mawl a nih hi!"ka lu chu chhuatah a nem bet a.

"Amber tianga a awm hi a duhdan a nih i ring a mi?'


"A duhdan a nia a awm mek a lawm!'
"I â takzet a ni!Hospital ah khan i bula awm a duh ngawih ngawih..i nu in a hnawtchhuak asin..nang hmu tawh lo tura hrilh chungin kut a thlak asin!" rilru nat hmel tak in min melh a.


Ka thu hriat vang chuan ka meng kawk a..sawi mai tur pawh ka hrelo..Tristan chu ka melh tlawk tlawk a.


"I hria em?Amber in a hmuh theih loh nan che i room kawngkhar kha ven tlat a ni tih pawh i hrelo ang tiraw?Tunah hian Amber i dem a maw?i dem tur chu i nu...i nu..Amber hmusit tak a ṭawngkhum tu kha ni zawk a sin!...Amber khan i room thlir chungin pawnah a ding reng zel tih pawh i hria em?Vawi eng zat nge nangmah a ngaih vanga a ṭah pawh i hrelo!"


Ka awmah chuan ṭham kang in min paih dawrh a,ka hnung nat vangin ka eu nghal zawk bawk!


"Nang mimawl lutuk hian Amber hi i tina mah mah tawh..Tunah te hian a hlim bik ah i ngai tiraw?A teuh lo...saw toys room ah sawn a ṭap ziah a sin!" A ding a..James chuan min kaitho a.


"Va fiah rawh...tunah sawn rilru na takin a ṭap mek ang,Naupang mawl leh lutuk!"Tiin min chhuahsan nghal a.



Muangchangin room lam chu ka pana,kawngkhar bulah chuan ka ding ran a,kawngkhar hawng tur pawh in ka inring ngamlo chu a nia!"Mahse ka nu khan chhan ṭha tak neiin a ti ngei ang!' Tiin ka in ngaihtuah a,Amber chu pawh lo in ka kal chhuak ta zawka,Car la chhuak in pan lam tur pawh hre chuang lo chuan ka inkhalh kual a ,Thil tam tak ka ngaihtuah renga..engmah lah chu mumalin ka ngaihtuah thei chuanglo..ka phone ri dar dar chu ka en a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:14 pm

"Hello"


"Khawnge i awm..Fans meet kha ṭan a hun tawh a nia!" Mikey chuan lungawi loh hmel takin a rawn tia.Thawk ka la hawlh bawk,Tunah hi chuan keimah chiaha awm ka mamawh a ni!


"Ka lo kal thei dawn lo!" Phone chu ka off nghal a,A rawn ri zui lehnghal zat.Mahse Mikey nilo in Melania a lo ni!



Phone chu ka switch off nghal hmak bawk,Club lamah ka inkhalh zel a..Tunah tak hi chuan ka ngaihtuahna buai nuai nuai tireh thei ka zawn a ngai a ni.



Club chhungah chuan ṭhu in ka hma a whiskey glass a la awm chu ka in lehnghal pap a,ka kawchhung a sa thla nghal ham ham bawk!



Rui hnawk khawpa ka in chung pawh in ka ngaihtuahna ata Amber chu ka paih chhuak theilo,Ka vin hrep lai a min hlauh hmel taka min en ṭawk ṭawk lai te kha ka hmaah chiang tak in an rawn lang zut zut ni maiin ka hria.



Muangchangin ka dinga,keimah pawh ka inthunun hlei thei tawh lo.Kawngka lamah chuan engemaw ti tiin ka kalphei a,Ka tlu tur chu mipakhat in min lo man chat a,Hawi chhuak in chu pa hmel ka en chuan ka kut ka humruh a ka hnek nghal ṭhuai a.Ka ruihna zawng zawng chu a reh vek in ka hria,Pawn lamah hnuk chhuak in mi awmlohna laiah chuan ka hnek zawm leh a,Bangah ka nawr bet tlat bawk.


"Amber hi lo hnaih tawh suh!'


"I hresual a nih chu!"a nui suk a,ka hnek lehnghal siah bawk,Ka kawrawm a rawn ṭham let in min leh thal a.


"I bialnu harsatna tawh pawh i hriatpui lo chu a nia!Eng ang bialpa nge I nih?"


"Maw?..nang hian enge hriat i neih zawk?'


"Dammm!..Amber hi ka pui mai chauh a ni,Min thik a nih chuan i tisual hle a ni ang,Ṭhian ang bakin min en tawh lo!"ka kawrawm a ṭhamna chu a thlah a.


"Engvanga amah ṭanpui nge ka nih tih chu zawngchhuak rawh" a lu a tui puat a.

"Hei hi mak i ti ve em?Amber hi tinge Accident a tawh ṭep ṭhin?vawikhat mai nilo..vawi engemaw zah car in a umzui a..chu chu thil thleng palh ni theiin I ngai em?"


James chu ka en ran a"I sawi awmzia ka hrelo!"


"Hriat loh i ngah khawp mai..kal la, zawngchhuak rawh..Amber hi i ngaih ang a nilo...chu chu nangmah ngeiin finfiah rawh!"A hmui ka hnekna vanga thi ser ser chu a tuai zauh a."I thahrui chak tak kha hmanna tur dang zawng tawh bawk la!"Za lo zetin a ṭhen sak a,Min kalsan nghal a.



Leiah chuan ka ṭhu ran a.."Mimawl pa!" Ka hriat tawk lek chuan ka phun sap sap a,bang chu ka tauh dawt dawt bawk.
Tinge thu ngaihtuah chiang hmasa lo in Amber kha ka lo ṭawng khum!Engmah sawilo in ka ânkhumna te kha a lo tuar tlawk tlawka,Vawiin te khan eng tiang chiah in nge a rilru a nat ang.




Ka car lam chu panin ka nu office lam ka pan a,A office ka thlen chuan kawngkhar chu ka tlawh hawng ṭhuai a.Huuhh! Melania nen an lo awm,Min hmuh an in ringlo hle tih an hmelah chuan a hriat.Ka pan pheia,dawhkan ah chuan ka kut pahnih in ka in nem a,Engmah sawilo in ka nu chu ka melh ngawt ngawt a!Ka tan chuan nu a ni,A thusawi engkim chu ka awih a ka ring bawk!Ka nu hian dawt min hrilh pawh ka ring ngailo.


"Hetah enge i rawn tih...hei Melania nen inhualna chungchang kan lo sawi meka,.!' A ti bah niai a.

"Amber kha engtinnge i tih?"


"I sawi awmzia ka hrelo..ka hriat chu in inkarah engmah a awm tawhlo tih hrilh tur che a min tih leh amah um buailo tur a hrilh tur che in min chah."


"Mom...Amber kha min kalsan turin i hrilh ani lawm ni!" Chunglam melh in ka maimitchhing sawk a."I fapa hi a telloin a awm theilo tih i hriat hmaih a nih ka ring!"


"Brad...!" Melania chuan a lo ti ṭhat a.A lamah kut pharin ngawi turin ka ti nghal a.


"Amber telloin ka awm thei lo..ka telloin inhualna chu in kalpui dawn nia!'
"I rui a nih kha...inbengdai hmasa phawt teh!"

.
"Ka harh fim mah mah!' Ka in hera,office chu ka chhuahsan nghal a.Pawn boruak chu ka hip kawk kawka ,Tunah chuan Amber lakah ngaihdam ka dil a ngai!Amber te in lampan chuan ka inkhalh chhuak a,Ruah a sur buan buan renga,An Gate pawnah chuan ka ding reng a,mahse ka thillo tih tawh te vang khan Amber hi hmuh ka hreh tak zet a ni.Zankhua in Car ah ka ṭhu a,Zingkar Alex office kal tur chuan min rawn hmu a,A rawn nui var var a,kut ka lo vai let a,a hna lamah a tlan liam ve lehnghal a.Car aṭang chhuak in Gate pawnah chuan ka ding reng a,Ruah rawn sur leh in Car lama luh pawh ka tum tawh lo..ka chau a ni..ka chau tak zet!Keihi Amber tello chuan engmah lo mai ka lo ni.


Ka mit ka men chuan ka lu na bur chu ka dawm vang vang a,Ka kut chu vuantu an awm tih ka hriat rualin ka hawi chhuak vat a.Ka Amber ngei chuan ka kut vuan chungin khum bawhin a lo muhil a,Tih harh hlau takin amah chu ka hnaih a,a lu ah chuan ka fawp vang vang a.

"Amber ka hmangaih che!"tiin ka phun sap a.


Amber chu a rawn che ṭiah ṭiah a,chianglo zet in min rawn en a.

"Brad !"

"Amber..ka hmangaih che!"

Ka kut a vawnna chu lasawn in min en ran a.


"Ka hriat zawng chu ka hmangaih che tih hi a ni!"

Che lo in min en reng a,A âng phiau bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:14 pm

THE VAMPS
(Fan fiction)

Reo Ririni Khiangte


Chapter 19





"Amber ka hmangaih che"


Brad chu ngawi reng in ka en a,A hmai duk deuh niai leh a kamsir pilh phang te chu ka hmuh hmaih hauh lo.Ka kut a rawn vuan leh in ka mitah tak min melh kar a,Ka zam chhe tak zet a ni!Engemaw chu ka tih ngei a ngai.


"I lo harh tawh maw?Eitur ka zuk siam a nge"Ka ti bah niai a,ka kut a vawnna chu ka phelh a,Room chu ka chhuahsan nghal bawk,Room pawnah chuan dingin thawk ka la vang vang a,Ka thinphu rang lutuk chu tih reh tumin ka thinzawn ah kut ka nghat a.Boruak duhthawh zeta ka hip luh leh hnu chuan ka pangngai ta deuh.


Inhnuai lam ah chhuk thla in Kitchen ah ka lut a,Lunch ei hun a ni tawh,Brad pawh a rilṭam hle ang.


Sweet Corn chu la chhuak in arsa ṭhenkhat ka phawrh bawka ,Soup siam ila Brad tan pawh a ṭha ang.


Soup chu ka theih anga rang a siam tum in ka phe vawt vawt bawk!Kan mimawlpa hi enge pawn ruahsur hnuaiah khan a lo tih reng reng ni!??



Thlai ka chan mawlh mawlh lai chuan ka hnunglam aṭang taksa lum thar thar in min rawn kuah a,Ka thil tih lai chu ka chawl dat a,A aia nghetin min kuah leh in ka darah a khabe a rawn nghat a,Ka lo insangmar nghal ṭeuh bawk,Ka taksa danglam mek chu duhlo in thlai chu ka chanzawm lehnghal a,Min kuah nghet sauh in ka dara beiin a thaw sak sak a .Ka mittui a rawn tling pam a,Brad hi ka ngai tak zet a ni!Tianga nghet taka min kuah te hi ka thlahlel ngawih ngawih bawk.


"Min thlahlel lo ang a awm kha tum buai duh suh."


Ka thaw haka,Min kuahna kut chu phelh sak ka tum a,nui ri hawk pahin in min kuah nghet sauh bawk.

"Min thlah teh!"


"Ka...ka nu i chunga a chet dan hrelo a ka awm a vangin leh thil hrechiang hmasa lo a ka thinrim vang in ka tihpalh!"a aw aṭang chuan a ti takzet tih a hriat theih.
"An liam vek tawh a lawm!"

"Amber..ka tihpalh!"


"Engvang chuan?" ka nui lui hak a,a kuahna aṭang a talchhuah ka tum nghal bawk.Min thlah mai loh avang chuan ka thinrim hlur tawh!Tunlai hi ka thin a chhe thar riau bawk.


"Min thlah rawh..ka haw lutuk che!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:14 pm

Min kuahna chu thlah in amah hmachhawn turin min kuai her a,Ka mittui tla a hmuh chuan hrilhhai zet in min en a.


"Amber..ka tina che mi?"

Ka mittui chu ka hru vat a,A mitah tak ka en a.

"I awmdan hi ka ning,min umzui lo turin leh min tibuailo turin vawi engzat nge ka hrilh tawh che".

"Ka thei lo..ka thei lo..sawi tawh suh"A ti nghut a.

"Khawngaihin hriatthiam tum la..nang leh kei chu a theih lo...a theih ngailoh ang!"

"Amber ..kan tum dawn lawm,khawngaihin min ring rawh,kan ti thei ang."Beiseina nen ka chhanna nghak in min en ran a.


"Ka thei ve lo!"

"Sawi suh!"a tisap a,A lu dawmin chunglam a en tlawk tlawk bawk.Amah chu ngaihsak tawhlo in ka thil chan lai chu ka chan mawlh mawlh a,Ka hnung za chiai chiai ah chuan Brad chuan min en reng tih ka hre thei,Ka khur dar dar a,ka chet buai mai loh nan ka inthunun ṭang ṭang bawk.

Reilote hnuah Soup pawh chu a hmin a. Suak chhuakin dawhkanah ka dah a..Brad chu ka melh zauha,min lo en reng avang chuan ka mit ka lasawn lehnghal vat bawk.

"Hei ei la i haw dawn nia,atthlak deuh in rawn awm tawh suh ang che."

A din ngaiin a ding reng a,ka thusawi pawh ngaithla angin a lang lo,chutak chuan min ti thinrim bawk.

"Mr Simpson ka biak che chu..hei ei la..haw ang che."

Che miah lo in a la ding reng!Rilru nat hmel takin min en vawng vawng a.




"Lo ei ang che!Intifai tur in ka kal dawn,ka lo let leh hmain in hi lo chhuahsan bawk ang che!" kitchen ṭang ka kalchhuak nghala.Brad hmuh loh chuan ka mittui ka hru nghal vat a.


"Amber..i tih ngei a ngai si a ni!" Ka infuih mawlh mawlh a,inchung panna ka lawnchho tur chiah chu tha chak zet in min pawt let sawka ,Ka au ṭhat bawk.


"Ka thei lo...Amber..i tello in ka awm ve thei lo.I thei pawh a ni mai thei..mahse ka thei ve lo!'Nghet tak in min kuah bet tlat bawk.


"Duhtawk teh!"


"Engkim ka ti ang..I rilru ka thlak theihnan engkim ka ti ang,Khawngaih takin min kalsan suh!"


A taksa khur dar darah chuan a ṭap tih ka hre thei!Brad a ṭap leh ta!!!
"Brad?"


Min chhang lo in a ngawi reng,mahse a taksa chu a che dar dar thung.


"Min en teh?"Zaidam tak chuan ka ti a,thuawih deuh in a rawn dak chhuak a.A mit chu a sen ram bawk,A kutah ka vawnsak a,Kailawn chhohna ah chuan ka ṭhut tir a,min en reng chungin thuawih takin ka thu chu a zawm zel a,ka kut chu a hmer vang vang a.


"Brad...i hriatthiam a ngai,keini chu inkawp tur kan nilo..In hre tur pawh kan nilo zawk hial a sin..tinge kan lo in hriat ?"ka ṭawng tawp lam chu a ri chang chang chauh."Nun bul ṭan ṭha leh zawk rawh!"


A lamah min pawt hnai a,ka dulah chuan a bei thlawp bawk,Ka kalsan mai hlauin min kuah bet tlat a.
"Ka theilo a ni e...!"a ti sap a.


Ka ṭap chhuak hawk a,Brad chuan min kuah nghet sauh,Tiang khawp hian Brad hi a tlawm thei a lo ni maw? Hnehna chang reng ṭhin tu kha tunah chuan a tlawm takzet,Tianga a awm hian ka na ve zel bawk.

"Ṭap suh!" keimah min en chuang lo chuan a ti sap a.Ka kuah let vata,ka ṭap chhuak hawm hawm bawk!"Tinge kan lo intawn le?"


Tiangin kan nat phah dawn tih hrelawk ila chuan Brad hi ka hmangaih miah lo ang ,Hnaih pawh ka hnaih hek lo ang.
Brad sam chu ka khawih neuh neuh a,Ka taksa a la bei hle hle reng chung chuan a thaw sak sak a,Tunah chuan a thla a muan hmel tawh takzet bawk.



Ka Brad hi chance ka pe leh tur a ni!A nu chuan engtin pawh min ti dawn se..ka tuar mai ang,ka Brad na taka siam chungin ka hlim hauh lo ang! A lungngai hmel ka hmuhin ka na a,a hlimloh changin ka chau em em a,Lemchang in ka bum thei ngei a lawm!Mahse chuvang chuan ka hlim phah dawn lo.



Brad biangah chuan ka kut pahnih in ka dawma,Beisei nei tak in min en ran a,ka mittui kar aṭang chuan ka nuih a,a kutin ka mittui min hruk saka,Eng dang mah sawilo in kan in melh vawng vawng ,Thua sawi theih loh chu kan rilru leh mitmengin kan in hrilh mawlh mawlh thung!


Ka Brad hmel pawh a hahdam tawh takzet!Brad in Amber kalsan harsa a tih tluk zet in Amber pawh hian harsa a ti a ni.



_____________/____////_______________

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:15 pm

THE VAMPS



Tristan,Connor leh James chu Club ah ṭhu in Beer an in a,an piaha hmeichhe lam ho chu an thlir dauh dauh bawk!Music ri dup dup karah chuan ring tak in an ṭawng lang lang a,Chutih mek lai chuan an lampanin hmeichhe pakhat a lo kal a,Tristan chuan chu hmeichhia a hmuh chuan birukna tur a zawng nghal ruai a,a ṭhiante chuan an lo nuih char char bawk,Mahse a tlai hret!


"Tristan misual pa!"Natania chuan Tristan chu rum taka melh in thinrim vangin a thaw sak sak bawk.


"Oh..Tristan chu a thi ngei ang!'James chuan a lo ti zauh a,Connor pawhin a nghawng zawnah a kutzungpui tipir chungin a lo thle bak a.Tristan chuan Natania chu in thiamloh hmel takin a en kar a.


"Min rawn zui nghal rawh!"Natania chuan a ti tuara,pawnlam a pan lehnghal.

Tristan chuan a thlir zui dauh dauh a.

"Kal ta che!'James chuan a mit kan khum ak pah chuan a ti a.

"Ka kal kher a ngai a mi?" a hmuihnuai pet zauh pah chuan a ti a.


"Natania i hlauh loh chuan zui suh!" Connor chuan a lo ti vat a.


Tristan chu a tho ṭaih ṭaih a,Natania zui chuan a kal chhuaka,Connor leh James chuan an en zui vang vang a!


"Ngaihzawng neihloh hi a lo thawventhlak zawk a nih hi!"A bula Beer lem khalh pah chuan Connor chuan a ti sap a.


"Tuna kan awmdan hi a nuam ber.... Enteh...
saw..kawrsen ha sawn a rawn melh ngun riau che!"an piaha Beer in paha music rema lam hmeichhia a khat tawka anmahni rawn melh tu chu James chuan a en pah a.

"Ka haw duh zawk!"

"Ti teh??"James chuan a ti let bai bai a.


"Mikey thusawi kha i hre tawhlo mi?Hmeichhe khal lawm viau loh tur!"Connor chuan a lo ti vat a,James chuan ner sak in hmeichhe lam chu a pan lui ta tho a.


_____________________________________

Brad's Pov....




Min kuah chial a tui taka muhil chu ka thlir reng a,rawn che ṭalh ṭalh in min dap kual dan dan a,fiah zeta rawn meng in a ṭhu chhuak nghal vat a. Ka chal rawn dekin ka nghawngah a dek leh a.


"Brad...I khawsik a rawn awm leh tawh!'
Ka kut chuan a biang ka lo dawm vat a,Tianga a chiai hmel hian min ti hrilhhai ṭhin! A biang ka vawnna kut chu la in a hum vang vang a.


"Vawt i ti em?Damdawi awmna i hre tho sia..lo ei ve mai tur che nia!''a ti niah niah a.


Amah chu ka pawt mu thut a,ka taksa kán in ka innem khalh ran a,hlauhthawn hmel tak in min en kara ,Duhthawh zetin ka fawp nghala,He a hmui lum thar thar hi ka thlahlel tawh lutuk,ka insum hman tawh lo,Min chhanlet mai loh avang chuan thuk zawk in ka fawp leh a,tahzet chuan min kuah let in min fawp let ve nghal a,Hrilh leh hranpa ngailo in ka taksa danglam mek chu kei tluk zet in Amber pawh in a hrethiam,Fawp pah rengin a nghawngah ka chul heuh heuha,duhthawh zet in min chhang let ve a. Chu chuan min tiphur zual.Mahse Amber chuan ka kut chu a man chat a.


"Brad"

A hmel ka en chuan insum harsa tih hmel tak in min lo en ran a.

"Damlo chung khan engmah i ti thei tak tak lo!" Za vaklo in a nui hak a,ka thiltih lai chu chawlhsan in a awmah chuan ka bei thlawp a,a thinphu dup dup chu ka ngaithla reng a,ka beng chu a khawih nauh nauh bawk.

"Damdawi ei rawh aw?"


"Aih...tihian awm rih ka duh!"

"Naupangchhia lo teh..i pang a sa lutuk a nia" A kut chuan a kawr ka phelh sak chu a ban rak rak a,ka lo maimitchhing vang vang thung!ka darah a rawn beng thak a.

"Tho teh..i diklo riau..Damdawi ka la dawn!" peihlo zet in ka letthla thak a,Amber banah chuan ka chelh vat a.

"Min kalsan tawh dawn lo tiraw?"

Ka hmuiah min fawp zauh a,"Hahdam rawh! Ka lo let leh vat ang!" Room chu a chhuahsan nghal a,Ka thlir zui reng a,James (Amber bialpa hlui) thusawi kha ka ngaihtuah chhuak bawk!Mahni bialnu harsatna tawh pawh hriatpuilo min ti anih kha!Amber chungchang..engkim ka hriat ngei a ngai...Engkim!


Khum aṭang ka tho chhuak a,inhnuai lam ka pan thla ve a,Amber chu glass a tui kengin a rawn chho ve mek bawk,Min hmuh chuan a ding dat a.


"Lo mu rawh ka tih kha...i khawsik a zual a nge!"Lungawiloh hmel zet in a ti niah niah a.


A lamah chuan ka pen thla vata,a banah chuan kaiin sitting room ah ka hruai lut a,ka chetdan chu hriatthiam loh hmel deuh in min en ran a.

Couch ah chuan ka ṭhuttir a,a tui ken chu la in table ah ka dah a,A bulah chuan ṭhuin amah chu ka en ran bawk.

"Thil diklo a awm a mi?'A mitmeng a buai nak bawk.

"Aih...thil min hrilh tur i nei em?" ka zawh dan teh tawp chu!Tihvak dan ka hrelo..mahse ..Amber chungchang engkim hi ka hre duh,Ka chhunglam aṭang hian min nawr ngut ngut tu a awm.

"Ka neih ka hrelo!" Ka chal a rawn dek leh a"I ṭha takzet maw Brad?"


A kut chu ka lo vuan vat a,"Ka ṭha..mahse i chungchang engkim ka hre duh!"ka thaw hak bawk.

"uuhhh..eng ti zawng in?"

"Engkim!"


Min en vang vang a,A in ngaihtuah buai hle tih pawh a hmelah a lang,mahse..engkim ka hre duh!


"Damdawi hi ei phawt la"a kut a a damdawi ken lai chu min pe a,Ka hma dawhkan a tui chu la in ka in nghal a.


"A eng aṭang nge i hriat duh?'Min en chuang lo chuan a malchunga a kut chu a melh ran a,a kut chu a tiche nauh nauh bawk.

"A vaiin!" ka ti sap a.


"A...A thui lutuk..A hmasa ber atan chuan...Ka nu leh pa te hi thah an ni!' harsa tizet in a rawn ti chhuak a,Ka phu zawk thei!Amber nu leh pa an thi tawh tih chu ka hria,mahse..Thah an ni tih chu ka hre hauh lo,A kut chu ka vawnsak vata !A tan sawi hrehawm viau mahse hriat ngei ka duh.


"Ka hmuh lai ngei a thah an ni!He inchhung...he room ah ngei hian!"Room chu a enkual ruai a,a hun tawn tawh a ngaihtuah chhuak a ni ngei ang,a hmel a dâng nghal lawp lawp bawk.


Ka kuah nghal vata ,Ṭah insumin a in pet fan fan a,a hnungah chuan ka chulsak hauh hauh a.


"Ka tihpalh..kum4 lai liam tawh mahse,ka tan chuan nimin maia thil thleng ang an la ni!Ka sawi chhuak ngailo,"In la hrang in a mittui chu a hru vat a"Tinge maw ka hrilh ngawt che le!"Nui lui in a phun niah niah a.

"Amber..I chungchang engkim ka hre duh..engkim..a hmazawnga ka hriat loh vang khan ka zak a sin!'

"Brad..."



"Tunah lo..nakinah min hrilh dawn nia!"
Amber chu nghet tak in ka kuah a,Heng vang te kha a lo ni ngei ang!A muhil lai a rawn ṭahchhuah hawm hawm ṭhin,a muhil nghet ngailo a,mangchhia aṭanga harhchhuah tumin a mumang nen an in bei a,Ka Amber hian a lo tuar nasa hle mai!Engmah ka lo hriatpui ve ngai bawk silo.Mi laktlak loh tak chu ka lo ni!Ka bula a awm khan ka lo hlim tawk em em a,keimah chauh ka lo inngaihtuah a ni.


Kan hnunglamah chuan aw rawn thian kharh an awm a,Kan hawi let nghal vat a,Alex chuan min lo en renga ,Amber insut fap fap chu a rawn melh zauh a.


"Ka unaunu hi nangmah vanga ṭap chu anihloh hram ka beisei!"kan lam a rawn pan a,kan hmaa sofa ah chuan a rawn ṭhu a.

"Alex...ngawi mai mai teh!" Amber chuan a lo ti vat a.


"Ummm...Brad lamah i ṭang nghal ṭung mai lawm!" a mitko a san zauh a.Amber huat tawk a tling em em bawk.


"Oh....Alex..Barbeque i lo hawn a mi?' Amber chuan a hnar a len nghal ruai,rilṭam hmel deuh in Alex chu a melh ran a..

"Ka sawi duh dawn mawni le!" Alex chuan chunglam melh pah chuan a ti nghut a,An unau in biak vel danah hian an inpawh hle tih a hriat.


"Sawi vat teh!"

"Kitchen ah sawn a lo nghak tawh che!"..

Amber chu naupangchhia ang maiin choka lam panin a tlan nghala ,a chetdan lawmawm lutuk avang chuan Alex nen chuan kan nuih bawk bawk a.

"Tunhnai thil ei a chak reng hi a mak ka ti zawk,Darkar tin in eitur a mamawh!"Alex chuan a ti niah niah a.



Alex lam chu hawiin ka nui suk a!Chu chu ka tan chuan a mikhual miah lo,Engtiklai pawn thil a ei chak reng a,Ice-Cream a ei ngat phei chuan min hre tawh lo maw tih mai tur in a awm ṭhin!Alex nen chuan Amber lam chu kan pan a,A kutin min lo hui lauh lauh a,Dawhkan hnuaiah chuan a ke chu a then lauh lauh bawk!Eitur a ei reng reng in tui a tih viau chuan a ke hi a then ngei ngei ṭhin.





A bul chair ah chuan kan ṭhu a,Alex chuan ei tur chu a ban a,a ei ve nghala,Amber chuan ei tur chu a enkual dan dan a,A tawpah arsa hrang lianzet chu rawn la chhuakin ka hmaah chuan a rawn lek va va a,ka lo nui tawp."Ei rawh!'a ti nghut a.Ka lo ban ve vat bawk!An unau inngeih lutuk leh in hmangaih hmel taka an in en te,an chet dan reng reng hian anmahni hnaih zual duhna min pe!An bula awm hi a hahdam takzet a ni.



Zanah chuan ka in panin ka inkhalh haw a,Car khalh chung chuan Alex thu min hrilh ho chu ka ngaihtuah vang vang a,Tunah hnuchhuina an kalpui mek a,Finfiahna ṭhenkhat nei tawh mahse,Alex hi Law la zirlai mek chauh ani,Hetiang case lian hi chu an khawih tir mai thei silo,Midang hlanchhawn a ngam loh mai bakah tumah a ring zolo bawk!An unau in an tuar dan tur engkim ka hrethiam thei!An nu leh pa an chan mai bakah an neih engkim chhuhsak an ni leh zel a.Engemaw tak chu ka tih a ngai dawn a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:15 pm

Ka phone chu ban in number ka hmetchhuak nghal a.

"Mr Carlos.. Ka pa hriatloh khan i puihna ka mamawh a ni!'

"Ka hrethiam e..zaninah chiang zawk in mail ka lo thawn ang,!"

"Ka pa in a hriat loh phawt chuan engkim a ṭha a ni mai."

"Ka lo be leh ang che.'


Phone chu ka dah a,Car steering chu ka hnek dawt a,Engkim hi a kaltluan a ngai..Mr Carlos khan min puih theih chuan Alex in finfiahna a lo neih tawh sa nen hnehna an chang thei ngei ang.


Gate ah chuan tlan lutin Parking ah car chu ka dah luta,Ka kawngkhar ka hawn chuan ka thaw nghal hawlh a,Inchhung lamah chuan ka pen lut nghal a.


"Nizan zankhua leh vawiin nilengin khawnge i awm?"Ka nu chuan couch a ṭhu ngil at chung chuan min lo en reng a.

"Mom...ka chau a nia!'


"Brad...Min hnial reng ṭhin lo teh!I tana ṭha tur chiah a ni ka ngaihtuah,Kha nu nen kha chuan dinhmun ṭha ah in awm ngailo ang."Mahni inringtawk tak chuan a rawn ti a,min melh ran bawk.
.
Ban phar hluai in ka nui hawk a,ka nu chuan hratthiam loh hmel takin min en ran a.


"Mom..Dinhmun ṭha i sawi te,Hmingṭhatna i sawi te hi ka mamawh ve lo!Ka mamawh zawng chu Amber nena hlim taka awm chauh a ni!"A hma a couch ah chuan ka ṭhu thla a,Ka nu ina ka tana ṭha tura a tih ho hi Amber ai chuan ka thlang lo vek!



"Eng dâwi hmang in nge a dáwi át che le?"Thinrim hmel pawh a pu loa,a hmelah chuan engmah ka hmu thiamlo,Mahse a thinrimloh ngawt avang hian ngaihṭha deuh in ka awm tur a ni chuang lo!Ka nu hi hmeichhia azawnga fing leh tawhkhirh ber ani!Amber pawh hi chhanṭha tak vangin a la haw mai mai a,a hriatchian hun chuan a la ngaina ve vat ang!Melania hian a thluak a sûksak hneh rih em a ni!


"Mom...ngaihtuah buai lo in Amber hi pawm ve mai teh!'


"Ka mumangah pawh ka la mangchhin ngailo,ka enkawl dan che ka ngaihtuah let hian tiang hmeichhia kawpa i tawp mai hian min tina tak zet a ni!"


"Min enkawlna vang khan ni lawm ni..Mipa naupang nelawmloh leh tumahin an ngainatloh ka nih tak!Mom..ka nunhlui leh tuna ka nun hi, a danglam a sin,tunah chuan hmangaihna awmzia ka hria a,Thinrim leh mahni duhdan chauha kalin awmzia a neilo tih ka hriat phah a,Mahni in dah pawimawh hmasa lo a,Midang ngaihpawimawh hmasak hlut zia ka hriat phah bawk asin."


"Chung chu sum hmangin i ti thei vek!" A la ti fan a..ka chhang buai peih tawh lo,ka nu thupui ber chu sum leh hmingṭhatna tih vel mai mai ani!

Kitchen lamah lutin eitur ka zawng rak rak a,ka nu chuan min zui lut ve nghal bawk "Insiam rawh..Melania te nen dinner kilho ang u!'

"Nope."

"Brad...min tibeiawng reng lo teh'.

"Mom...min tihluih hi bansan rawh."


"Kan Company tan hian Melania hi a pawimawh zia i hria a nilawm ni! I Band pui laktlak loh zet te anga awm mai mai lo in,Company lamah rilru rawn pe tawh rawh,I pa leh..kan company in kan mamawh che!"ka banah chuan a rawn hmer vang vang a.


Chhan mai dan tur pawh ka hrelo! Kan ngaihdan in anglo ṭhin lutuk te hi thil mak chu a ni e!


"Naktukah Melania nen Ranch ah in kal anga,Chawhnu lamah kan Company hming in fahrah in intlawh bawk ang!Tihtur dang lo insiam lo la,Tunṭum chu i nu hi ngaithla ve teh,Nakina i hmakhua ka ngaih vang a nih hi!"Beisei neih hmel takin min en a,ka ngawi ran thung.


"Ka kal a nge...Naktuk chu rawn tlai lo la"Ka chhan let hmain kawngkhar lam a pan nghal bawk.Min dan chep hi chu nuam a ti a nia.
.

Ka rilṭam pawh a reh rawih thei!Ka pa leh kan Company chuan min mamawh takzet mai!Nakina ka la enkawl tur pawh a ni tih ka hria!Mahse Company thil vel leh ka mimal nun hi inzawm tir ka duh lo!Melania hi ka hmangaih lo,ka hmangaih thei ngailo ang,Kan pahnihin inzawmna lo siam pawh ni ila..beidawnna ah bak kan lut lo ang!


Light leh Ac off in room lam ka pan hnak hnak a,Khumah chuan thatchhe zetin ka mu hnawka,"Naktuk!Naktuk!"ka phun niah niah a."Oh..nilo..Amber ka la be lo!'ṭhu chhuak in Amber chu ka call nghala,A lo chhang nghal vat bawk,mahse a insut faih faih a,Min ti mangang nghal der bawk!

"Hey..Shortty i ṭha em?'

"Umm" a insut ri chu ka la hre thei.

"Na i nei em ni?" Tlanchhuah mai in ringin ka Car chahbi ka ban nghal vat a.

"Neilo..Titanic Movie ka en a!"

.
Ka ding chat a,ka lu tuai puat in ka thaw hawk bawk."Chuan i movie en avangin i ṭap a?'ka nuihza chu ka insum ṭang ṭang,ka nuih chuan a lungtihawiloh ka hlau bawk si.


"Umm..Jack hi tinge a thih kher le..tinge anmahni chhanchhuaktu te hi an rawn tlai viau le?"A la inhnit faih faih bawk.
Ka phone ken chu dah hla in ka nui nghal char char bawk!A mizia nen hian a la in awmtawk viau a ni!

"Hello...Brad..ila awm em?..Brad?"a rawm ti lang lang a.

"ummm..ka hre thei che."

"I la mu dawn lo a mi?"

Khum lamah ka let phei a"Dawn chiah e,nang pawh mu ve tawh rawh."

"Aw le Brad... Good night."



"Good night Amber."


Computer hmaah ṭhu in Mr Carlos tan Email ka ziak malh malh a,Ka zawh meuh chuan zanlai a lo pel der tawh!Ka thiltih lai chu dah in khumah chuan ka let nghal tap a,Kar loah ka muhil nghal vat bawk.


Zing ka harh chuan a lo tlai ruih tawh,Khum aṭanga tho chhuak in ka zingkar routine chu ka ti nghal a,ka zawh fel chuan kitchen lamah lutin eitur ka siam malh malh a .Ka nu khan vawiinah Melania nen hun hmang turin min duh kha a nia!


Eitur leh thildang ho la khawmin Box lian vak lo ah ka in pack thlap a,Tunah chuan thil pakhat chiah ka hmabak ta.Ka thil pack chu en in ka nui var var a.


Ka Doorbell a rawn rik avangin ka pan phei hnak hnak a,zingkar aṭanga tlawhtu neih hi ka duhdan a ni chiah lo.Kawngkhar ka hawn chuan ka phu zawk thei!


"Ka lo lut thei a ngem?"Amber chuan nui ver ver in min lo en a,amah chu chiang zetin ka en reng,a landan duhawm lutuk hian thildang ngaihtuah theilo in min siam reng mai dawn chu a nih hi!


"Mr..??'


"Oh..lo lut rawh,Min surprise chiang hle mai!"Kawngkhar ah chuan rawn lut in ka zui let ve nghal a.


Darkar khat hnuah chuan tuipui kamah kan awm der tawh!Midang chimbuai miahlo in Amber nen chuan tuipui boruak thiang tak chu kan hip vang ang a,a lam ka en apiang in min lo nuih ver ver reng a,ka lungawi tak zet a ni. Amber nen chuan infiamin kan in umkual a,a chang leh tuifawnah kan tlan lut a,Ka nui reng hi a ni mai!Amber ka bula a awmchhung chuan ka hlima,ka duhthusam a kim vek thei hian ka hria.



Chhunah chuan kan eitur ken chu kan ei a,Amber bawk hi a hmuhnawm,Insum miahlo a thil a ei hi chuan ei ve aiin a thilei lo thlir hi nuam ka ti zawk ṭhin.

"Ei ve ta che." Burger chu ka hmaah a rawn lek và a. Lo la in ka ei ve nghal a .


"Tinge picnic i tih thut a?" Thil la ṭhial pawng pawng chuan min en ran a.

"Kan pahnih chauh a hun hman dun ka duh a lawm!"


"OK..ka hrethiam e..ei vat vat rawh..Coconut tui in ka duh a nia."a ti zawm zat bawk.


Ka phone rawn ri dar dar ka en rual chuan ka off nghal hmak a,reilote hnuah a rawn ri lehnghal a ,switch off in ka ak nghal daih a.Amber ka en chuan min lo en ve reng tih ka hria,engmah sawilo chuan thil chu ka ei zawm nghala ,Amber pawh chuan ka mood in thlak thut chu hrethiam in min be lo in eitur chu a ei zawm nghala,A ei zawh chuan ngawi rengin a tho ,a kal nghal nal nal a,a hnungah chuan ka umzui a ,a kal chak sawt bawk!


"Amber..ding teh!"


Ka auh lawm lawm pawhin a kalmuan phah lo,a kal chak sauh zawk! Tlanin a banah ka pawt ding chawt a.


"Enge?"Min en chuang lo chuan tuipui fawn dulh dulh chu a thlir daih thung.Ka lamah pawt hnaiin ka fawp nghal a,Min chhan lawk loh avang chuan amah chu pawt hnai leh in ka fawp uar sauh bawk.Ka fawhna chu thlah in min en tur in a khabe chu ka dawm a.Chutichung pawh in min en duhlo lui ngat,Luhlul ve tak chu a ni!


"Amber ..ka tih palh!"

"Engvang chuan?"


"Engkim vang in!" a nui lui haka."Ka tihpalh takzet..ka mood danglam thut avang leh thinrim a ka siam che avang in!"kuah ka tuma min lo dang vat a

"Brad... Zep i nei em?"


Thawk ka la halh a,Amber hi hrilh tur nge hrilh loh tur tih ka hrethiam lo! I Brad hi nupui hual dang nei tur a tih a ni!Tih hi ka hrilh dawn mi?Nilo..Amber hi ka hrilh thei lo..ka chinfel vat a ngai.


"Min kuah phawt teh!"ka lamah ka pawt hnai a,min hnial lo in min kuah let ve nghala.Boruak ka hip lut vang vang a."Tunah chuan ka pangngai tawh e,engkim a ṭha tawh'Tiin ka phun sap a,nghet tak a min kuahin ka hnungah a beng thak thak a."Amber ka hmangaih lutuk che!"


Khawthim ṭantirh in tuipui kam chu kan tlanchhuah sana,Car chhunga ka bula muhil mek chu ka car khalh pah chuan ka en leh zauh ṭhin,A kut a malchunga a dah chu la in ka hum vang vang a.


Car chu ti ding in Amber chu ka ena,tuitak in a la muhil sak sak bawk,A muhil lai chu a hmuiah ka fawp a,a rawn che ṭiah ṭiah ,Ui note hi ka tehkhin ber ṭhin.

"Kan thleng tawh a mi?"a mit a nuai nauh nauh a,a hawikual a,a ṭhu ngil nghal zawt.

"Tinge i inah kan kal..min thlah hmasa dawn maw ka ti a sin!" ati niah niah a.


"Ka nu hmuh lawk ka ngaia ,ka inthlak lawk anga chuan ka drop nghal ang che,I muhil daih sia..ka zawt buai duh lo che a."

"Ka hrethiam e!"


Car aṭanga chhuk in a ṭhutna ka hawn sak a,Car hnung chu hawngin kan tiffin box chu ka la chhuak a,Amber chuan min puih a lo tum vata .


"Superman ka awm hi..!"ka lo ti zauh a,Nui hawk hawk chungin ka hnungah min zui a,Lift ah lut in ka thil ken lai hmang chuan kan infiam zauh zauh renga,Ka kawngkhar chu hawngin la nui hawk hawk chungin kan inzui lut a,Inchhunga kan mi hmuh avang chuan kan tawp chat a,Amber chuan zawhna hlira khat mitmengin min en nghala,Keipawh in engtinnge Melania hi ka inah a lo awm ngawt ka hre bik lo.

Melania chu kan lampan in a rawn kala,kan hmazawnah ding in Amber chu a rawn melh ran a.


"Mi pasal hual lai nen a date neih chu enge a an?"tiin Amber chu a melh ngawt ngawt a.


"Maw?"Amber chuan kei leh Melania chu min en tawn a,a hmelah chuan a hrilhhai hle tih a hriat.


"Ka pasal hual nena date neih chu enge a an ka ti a nih chu!' Amber hmai chu a ri zui nghal sawk bawk.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)