THE VAMPS BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: THE VAMPS BY Reo Ririni Khiangte

Unread post by Ngaia » December 11th, 2016, 2:16 pm

Chapter 20




Ka biang thip vang vang chu ka ngaihven lo,He nu hian Brad hi a pasal hual a nih thu a sawi!Ka hriat sual a mi?,Ka bing nghal mup mup a,ka tha neih ve chhun kha an bo diak nimaiin ka hria,ka zawi nghal hnawk a,keimah chu infuih ru mawlh mawlh chungin pangngai taka lan ka tum a,Mahse a harsa kher mai !


"Enge thil awmzia?"ka vin nghal tuar a.


"Brad hi ka pasal hual a ni!'Ka hma a hmeichhia chuan a lo ti vat a.



A thusawi vang chuan ka luak a chhuak nghal up up a,uak tuar tuar in washroom lamah ka tlan lut a,ka uak tuar tuar a,kha nu aw ri leh a hmui aṭanga Brad a pasal hual a nih thu a sawi khan ka ten tak zet..reife tianga ka awm hnu chuan ka zawi nghal hnak,Chhuatah chuan ṭhu in ka thaw hlawp hlawp a,ka chauh thut dan chu ka hrethiam biklo.


Brad chuan washroom kawngkhar chu a rawn sáwi dat dat a.


"Amber i ṭha em?"


A aw te chuan min ti thinrim hlur thei!Engtinnge a theih zawk,Nupui hual nei reng chung siin engtinnge inzawmna min siampui theih?Ka na vawng vawng ,nilo..ka kehsawm vek!Engtinnge he mipa tenawm tak ka lo rin theih!Bang chu ka tauh chawrh chawrh a,ka rak chiam chiam bawk,Washroom zim te ah chuan ka au ri chu a khawk a,ka ke ka leng vak vak bawk.Brad chuan kawngkhar chu a rawn chum dawt dawt a,ka ṭhat leh ṭhatloh min zawt reng bawk.
Kawngkhar chu ka melh tlawk tlawk a,A ṭawngkam min ngaihtuah hmel zet te chuan min tina in ka luak an ti chhuak hlui bawk.




Kawngkhar chum dawt dawt chung chuan kawngka chu hawng tur in min hrilh a,Ka ṭhutna ngaiah chuan ngawi reng in ka ṭhu ran a,ka melh ngai ka melh tlawk tlawk bawk.


"Amber..thil atthlak engmah ti suh,Kawngka hi lo hawng la inbia ang!Engkim ka hrilhfiah ang che!"


Enge la sawi leh chuan a duh le!Bang chu nghengin ka maimitchhing vang vang a,Tunah tak hi chuan engmah ngaihtuah ka peih lo,ka na lutuk.



Thil ri der der chuan min ti harh zawk a,kawngkhar in hawng ri bur in a zawm nghal zat,Brad chu thaw hlawp hlawp in a rawn lut a,mit khaplo in ka lo en reng,min pan hnai in a rawn ṭhingṭhi a,a hmel ka hmuh hian ka na zual a ni,ka ṭah chhuah mailoh nan ka hmui ka pet fan fan a,Ka biangah a kut pahnih in min dawma,"Amber..in bia ang!'zaidam takin a rawn ti sap a.



A awmah ka tha neih zawng zawng in ka nam a,a thal ṭhuai bawk,ding kangin amah chu ka chhuk melh ran a.Ka ngaihtuahna a awm ang hian ka che chhuak a nih ngat chuan ka rapthlak hle ang!Huatna leh thinrimna in ka khat vek!


"Hremhmunah kal rawh!" Washroom chu chhuahsan in kawngkhar lam ka pan a,Brad chuan min rawn man bet vat bawk,A lam hawiin a awmah ka chum a,"Ka hua che...ka haw lutuk che..Hremhmunah kal rawh!"ka au khum tawn tawn a,ka chum a,ka sawi nawk nawk bawk!Tunang hian vawikhat mah ka la thinrim ngailo.



Brad chuan min kuah bet nghal thlawp a,ka theihtawp in namsawn ka tum,ka tha neih ve chhun chuan ani taksa chu hneh lo tak a ni,Ka hnehloh lutuk vang chuan ka thinrim hlur bawk,A ban bulah ka seh sak vak a,a rak ṭhat a,min kuahna chu a thlahdul bawk,ka tal chhuak nghala.A hmaiah ka beng zui nghal sawk bawk.
"Amber..ka insawifiahna ngaithla rawh!"
"Bugg off!"


Kawngkhar lampan in ka pen hlawk hlawk a,he in leh Brad hi ka kalsan vat angai!Bumtu mi tenawm lutuk.Ka pen chhuah rual chuan kawngkhar chu na zet in ka khar zui bur a,Ka thinrim zia hi hria se ka duh a ni!



Lift ah lutin bang kilah dingin thawk ka la kawk kawk a,Ka lu te hi a hai muai muai,ngaihtuahna mumal ka pu thei lo,Brad chu Lift ah chuan a rawn lut ve lehnghal a,Min rawn kal hnaih chuan ka lo tawlhsawn nghal vat.Rum takin ka melh tlawk tlawk a,A mitmeng aṭang chuan enge a ngaihtuahna ah awm ka hre mai thei lo,min en ve reng chung chuan min pan hnai a,Min rawn hnaihchilh hma tak tak in lift chu a rawn in hawng a,ka pen chhuak nghal vat bawk.


Kawngpui lam pan in ka kal hlawk hlawk a,ka mittui la tla ve chhen chu ka hru tawk tawk bawk,Gate ka pelh chuan kalna lam mai tur hrelo in ka hawi kual a,Ka bulah Brad a lo awm veleh reng tawh.Ka veilam kawng chu zawh in chak takin ka kal hlawk hlawk a,Brad pawh chuan min rawn zui ve zel bawk,Léi lian vaklo a ka kal lai hawi let leh in Brad chu ka en a.


"Haw rawh..ka hnaihah rawn awm tawh suh!"


"Amber..in be phawt ang!'min kal hnaih a.


"Ding rawh.."ka au ṭhat a"Pen khat pawn i rawn hnaih leh chuan he luiah hian ka zuangthla ang!"Aw khur dar dar in ka ti a.

"Amber...khawngaihin!"min pan hnai leh a,Lei(Bridge) vawnchhanah chuan ka lawn kang vat,Brad chu a ke pen a tawp chiang hle,hlauthawng tih hriat takin min en a,Tuna ka duh ber chu engmah hrelo a awm a ni!

"Amber..thil atthlak ti suh!

"Pen khat pawh a min rawn hnaih chuan ka zuang thla ang!"ka taksa chu her in Lui lam chu ka en a,Brad chuan beidawnn hmel tak in min au zui lawm lawm bawk.


"Brad..tinge kei kher?Tinge kei hi nupui hual nei reng chunga min lo kawp?Tinge?"



"Amber..min ngaihthlak a ngai ,inbia ang!"


"Nupui hual nei lai nen inbiakna neih ka chak lo e...min kalsan dawn nge ,ka zuangthla lai i hmu duh!"Za lo zet in ka nuih khum a,A mitmeng buai nak leh hlauthawng hmel chu ka hmuh hmaih hauh lo."Min tina zual tu mai atan ka lo hmangaih che a ni!Brad.. Mi tenawm tak i ni?'


"Amber...I duh duh dan in i ngaithei ang,Mahse khawngaihin lo chhuk phawt rawh!"

"Tenawm pa!"


Lui a tui luang chu ka melh ran a,Brad chuan hneh takin min pawm thla lawp a,amah chu ka bawh thlu rawp bawk.Min kuah bet tlat a,ka sual let ve ngat ngat bawk.


"Amber...I hriatthiam a ngai!'
Engtin mah ka chhang lo,a bantha chak zet chuan aawmah min kuah bet tlat a,Che leh tur chuang ka awmlo..Ka chau takzet.



"Brad...Hremhmunah kal rawh..ka hua che..ka haw lutuk che!!!".


_____________________________


Melania's Pov...




Brad nghak in ka sana ka bih chhena,Mrs Simpson min hrilh dan kha chuan Brad leh keiin Orphan's Home kan tlawh dun tur thu leh Brad pawh a lo kal ngei tur thu min hrilh bawk.Ka phurin nalh tak in ka inchei a,Brad hma ah chuan a ṭha ber in ka lang tur a ni.




Brad chu a lo thlen hun turah pawh a lo la thleng lo,a lo kal ngei ka beisei tlat a,reife ka nghah hnu pawh in a lo thleng thei lo,Ka mangang chuan Mrs Simpson bawk ka be leh a,amah pawh chuan a lo kal ngei tura a ngaih thu in min chhang!Ka incheina ka en a.Brad tan tiin manto ber leh chhuak thar ber ka ha a,ani lah chuan chanchin takngial pawh min hrilh lo,Brad chu ka call a,A chhang thei bawk silo,ka call nawn leh ngat a,A switch off nghal hmak bawk!Ka thinrim hlur a,Phurlo zetin Fahrah inah chuan keimahin ka kal a,A hmunah te chuan ka theih tawkin nui luih ka tum!Mahse ka thei lo,He hmun hi ka ngaina miahlo,hetiang mi rethei leh ṭawp tak tak te hi chu ka mamawh lo,mahse Brad a tel ve tura ka ngaihna avanga kal ve chauh ka ni!Chu hmunah chuan rei awmlo in Brad in ka pan nghal a,In ah pawh a awm chuang lo,He pa hian tianga a awm avang hian amah hi bansan turah min ngai a ni ngei ang,Ka bansan a inring anih chuan a ring sual hle a ni ang!A bul ṭanna chauh a ni!



Tlai dar sarih ah pawh an lo la thleng lo,A balcony ah chuan ding chhuakin Brad nen kan inneih hun tur te ka suangtuah a,tunah min la ngaina lo mahse nakin lawkah chuan min ngainat ve ngei pawh ka beisei!Ka ngaihtuahna kawmin ka nui var var reng a,Kawngkhar rawn ri rakah chuan phur takin kawngka lam chu ka pan a,Brad chu hlim sanga lo hmachhawn ka duh a ni!


Mahse..An Make up artist nu kha a rawn lut ve anih chu!Hetiang hmeichhe zaklo lutuk leh mahni phu tawk hrelo hi chu ka haw takzet.Brad bulah a awm tih ka hriat ringawt te hian ka tawt nghal up up thei!


A hmaiah beng in Brad hi ka pasal hual a nih thu ka hrilh bawk,Chu nu chu a tlan sawn a,Brad nen chuan kan inhmachhawn ran a,thinrim tih hriat takin min melh ngawt ngawt a.


"Chhuak rawh!'a ti ram hmak bawk.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:16 pm

"Ka pasal hual in ania.Ka duh duhin ka awm thei!"Ngaihpawimawh loh hmel zet in ka inkuangkuah a.


"Hmeichhia i nih vang chauh in kut ka thlak lo che tih i inhria em?ṭha taka ka sawi lai hian chhuak rawh!'a ṭawngkam chu a vin lo a chu a hlauhawm hle thung.



"Brad"A banah ka vuan a.Ka vawnna chu a thingthla sawka,ka banah kaiin min nam chhuak dawr dawr a .Kawngka a khar nghal bawk,Kawngka chu ka chhuih bur bur a,Brad chuan kawngka a rawn hawng leh thut a,Ka bag a rawn thehchhuak a,melh pawh min melh lo in a khar lehnghal hmak.


Ka bag chu chharin thinrim tak in Brad in chu ka chhuahsan a,Ka driver pawh chu ka vin tawn tawn reng bawk.Kha nu AIA ka ṭhatlohna ka hre lo reng reng...Mahse..



Mahse kha nu kha..tinge a luak a chhuah...A rai tihna mi?Nilo..a rai ngat chuan Brad ka neih theihna tur a dang nasa ting dawn!

"Simpson Industry lamah kal rawh!"


Mrs Simpson ka hmuh vat a ngai..Office kan thlen chuan hmanhmawh takin Mrs Simpson room chu ka pan a,Kawngkhar hawngin ka kalh nghal hmak bawk.


"Melania.. Enge awmzia?',ka chetdan hriatthiam loh hmel takin min lo en reng a.


"Kha nu kha a rai in ka hria!"

"Tu chu maw?


"Kha nu..Brad bialnu kha!"ka sam chu ka kutin ka tuai puat a,engemaw tak ka tih a ngai dawn ni!

"I chiang em?'.

"A landan kha chuan a ni!"


"Lo lungngai suh..kawng kan dap dawn nia."


"Idea ka nei a nia!'nui var var in Mrs Simpson chu ka pan hnai a,hriat chak hmel takin a mit a lo kan ak bawk a.


________________________

Brad's Pov...




Melania chu ka nam chhuak vat a,Mipa chu nise chuan kut ka thlak duh hial ang! Engemaw a hriat teivet ni! Ka in hi a duh hun huna a luhchhuahna tur pawh a nilo.Amber awmna lam chu ka pan vat a,tunah hian min haw hle ang tih ka hre bawk!



Kawngka hawng tura ka tih pawhin a hawng duh silo,darkar khat dawn a awm tawh,thil atthak tak a tih ka hlau a ni,a lung a lianin a luhlul ve si!Thawm neiloa a awm reng avang chuan ka mangang zual sauh.


Thil verhna lain washroom lock na chu ka tichhia a,Kawngka chu ka chhuih hawng nghal ṭhuai bawk!



Amber chu chhuatah a lo ṭhu niai a,Min haw hle tih a mitmengah a hriat theih!Ka pan hnai a,min melh tlawk tlawk bawk!A hma khan lo hriattir tawh tur ka ni asin! Nilo...amah hi chan ka hlauh em vang zawk a ni! Ka nu leh pa in inhualpui tur hmeichhia min hmuhsak a,tiin ka hrilh ngawt theilo a ni!



"Ka hua che..hremhmunah kal rawh "tiin min ankhum tawn tawn a,a lakah hian thinrim ngam tur ka nilo,A lungawi hma chu kut min thlak pawh nise ka dawh ang!A rilru awmdan tur chu ka hrethiam lutuk!A hma kar lawkah ka nu vangin buaina kan neia.Kan in chingfel zo chiah a,tunah buaina dang leh!Amber ka tihpalh...tih mawlh mawlh loh chu sawi tur ka nei ve lo.




Ka in chhuahsan in a kal a,ka umzui zel bawk!A kalna lam hi a hre miah lo bawk,a rilru a buai hle a niang,Ka umzui chu duhlo in Lei (bridge) aṭanga zuan thlak a tuma!A ti duh ngei dawn in ka hre bawk!Amber chu a vawikhat thiltih tawh tih hlawhtlin tum tlat mi a ni!Ka theih anga rang in ka che a,a din na aṭang chuan ka pawm thla a,leiah kan tlu thlawp bawk!Tha reng a nei tawh lo,a zawi a,a khur dar dar bawk.Ka va lainat tehreng em?Amber hian keimah vangin thil tamtak a hmachhawn bik reng a, atan chuan phurrit tak ka ni ngei ang!Mahse..ka kiansan thei bawk silo.





"Hremhmunah kal rawh..ka hua che!"ti mawlh mawlh chungin a maimitchhing a,ṭawng leh tur a awm lo,min ti hamhaih in ka chiai nghal vek!A taksa zawi hniang chu ka pawm kang nawlh a,Ka inlam pan puiin car ah ka ṭhut luh tir a,An in lam ka pan pui nghal vat bawk.Kawng tluan in a ṭawngvai a,Min huat thu a sawi char char bawk!


"Amber ka in huat zia hi i hrelo a ni!"



Tinge mi hausa fa a ka lo pian!? Tinge nun pangngai tak ka neih ve theih loh! Mi hausa nundan hi a rapthlak in a hahdam hlawl lo..sum hmangin in zawmna an siam a,an hmingṭhatna hmang in an inthlunzawm a,An thupui ber chu SUM... Hetiang nuna lut tur chuan ka inphallo...Melania pawh hi ka nei ngailo ang...engtikah mah! Mumangah takngial pawh in.




Amber chu Car aṭang ka pawm chhuak a,An in pan chuan ka pen pawk pawk a,Doorbell ka hmeh rual chuan Alex'an kawngka a lo hawng vat a,Amber chu a buaipui nghal vat bawk!Inchungah ka pawm chho a,khumah muttir in a pangsa lutuk chu puan huhin kan dek bawk.
Alex chu zan a rei chuan hahdam turin ka hrilh a,Amber ngaihtuah viau mahse tihtheih kan neih tlem em avangin ka tirh luih ngial hnuah hahdam turin a let a.Amber bulah chuan ṭhu in a hmel chu ka en vawng vawng a,tunah te hian a mumang thlengin min thinrim khum reng a ni ngei ang!


"Brad..engtinnge i theih zawk?" tiin a phun niah niah a.


"Ka hmangaih lutuk vang che a ni!" tiin ka phun sap a.





Ka nun thlak danglam vek thei tu chu Amber hi a nia,Hun reilote chhung lek a ka hmangaih em em hi ka hrethiam biklo,Tiang hian tu lakah mah ka la awm ngailo a,A bulah chuan ka thikthu a chhia in keimahah chiah rilru pe se ka duh!Chutiang bawkin keipawh in a lakah rilru ka pu,Mahse..tiang hi kan thleng ta si a,Tunah hi chuan Amber hian min haw ngawih ngawih ngei ang,insawifiah tum engang mahila,a ngaithla dawn lo,A mizia chu kei tluka hrechiang tu an awmlo,He buaina hi ka chinfel vat a ngai!Amber tan ka theihtawp ka chhuah ang.




::: vvv ::::::::::;;::::::::::::::::____/___________






Chiang lo takin ka mit chu ka menga,Ka awmna chu ka enkual a,ka thaw hawk bawk,engtinnge ka room ah ka awm theih!?Ka hriat dan kha chuan Lei ah khan Brad kha ka sual let a...chuan....






A...ka luak a chhuak lutuk,Ka ṭhu chhuak vat a,rang takin Brad chuan min lo pana,a darah ka nam dawr a,Washroom lamah ka tlan lut nghal a,ka luak nghal bawrh bawrh bawk,ka chau hnep thei.Tianga luak chhuah ka nei ziah hi ka kham takzet tawh!!.Thei leh thei lo in washbasin lam ka pan a,ka hmai phih in ka kam ka ṭhuah a,Zawi takin Washroom ka chhuahsan a,Brad chuan min lo kuah nghal vat bawk,A khawih chu duhlo viau mahila tha ka nei thlawt silo a ni.Khumah min muttir leh a,melh pawh ka melh peih lo,ka luak a tichhuak tlat bawk.


"Haw rawh!"puan chu sin in ka hnungchhawn nghal a.


"Amber...ka insawifiahna tal ngaithla la,chuan ka kal ang!'



"I ṭawngri pawh khan ka luak a ti chhuak..ka hmuh phak loh ah kal vat mai teh!".

Chu chu tuna ka awmdan dik tak a ni,A hmel ka hmuh hian ka na zual mai mai.


"Amber...!"


Beidawn hmel zet in a ti hul hak a!
Chhang tawh lo in ka inlukhup a ka maimitchhing tlat bawk.




"I muhil lo tih ka hria..mahse..a ni kha ka nupui hual a nilo..ka nu in min duhpui a,kan company leh an company an thawk ho bawk..mahse ka rilru vawikhat pawh ka pe chhin ngailo..I duh leh min be lo la,min hua la..min ankhum rawh,mahse ka kalsan dawn lo che!" Nghet charh in a ti a.



A thusawi te chu rin ka duh ngei a lawm..mahse..engtinnge Brad awm loh laiin Brad inah a lo awm theih..mipa inah hmeichhia an kal ngam tawh chuan inzawmna nghet tak an nei ngei ang!



"I sawi zawh tawh chuan chhuak rawh!'
"Amber."..



"Chhuak rawh ka tih chu!'ka ṭhu chhuaka ,,ka lukham chuan ka vawm nghal zawt bawk,Mak tih hmel deuh in min en dauh dauh a,A chesawn miah lo bawk.


"Ka hua che..hremhmunah kal rawh!"


Ka thinrim tehreng nen min hlau miah lo leh ka vîn na pawh a pawisa miah lo hian ka thin a tirim lutuk!Lukham pakhat chu la lehin ka vawm nawn leh ngat a,ka lukham vawmna chu a lo dawng chat a,min la nuih suk zui!



"Uggg..I hmel kha ka hua..!'ka au tawn tawn bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:17 pm

Ka ke ka lenga ..ka sam ka tuai vak bawk.



"I thinrim hian i lang sexy zawk .''min nuih vur vur pah chuan a tia,Thinrim nen ṭah chhuak bawk si nen!Ka tawp up up hi ani ber,Tunhnai ka thinchhe lutuk hi ka hrethiam tawh bik lo.Eng tiang pawh in ti mahila a haw dawnlo tih chu ka hre chiang!Khumah chuan ka mu leh ngat a,ka mu te chu ka thinrim ṭun a ka puansin lai te chu ka pawt sawk sawka,Brad lah chuan min lo la nuih hawk hawk zui!


Lukham chu ka lamah a rawn theh phei a, ka kham ṭha leh rih a.


"Vawikhat pawh ri i siam a nih chuan ka pet chhuak nghal ang che!"ka puansin hlip pah chuan ka melh ran a.

"Ok...Boss..ka ngawi reng ang!"

Nuihza insum deuh chuan a tia ,a hmai te chu a sen ṭan bawk.




Rumzet in ka melh a,ka inkhuh nghal hmak bawk,puan hnuaiah chuan ka thaw sawk sawk a,ka thinrim hi ka inbendaih hram a ngai!Thil dang ngaihtuah in ka rilru kalbing lutuk chu ka la peng lui a,Reilote chu ka pangngai ve mai mahse namenlo in ka ril a ṭam..ka ngaihtuahna ah eitur chiah a awm!Ka chil a put em em a,enge ka ei chak tak ka hre silo,Khum aṭang ka ṭhu chhuak a, Brad chuan min lo en kur bawk,amah chu ngaihsak lo in room chu ka chhuahsan a,ka hnunga ke pen thawm ah chuan min lo zui ve tih ka hre nghal bawk.Kitchen ah tlan lutin Fridge ka hawng vata ,"Eitur... Eitur!' Ka duh chi ka hmu mai silo..ka hawng kual ruai a,Ice -cream chu a awm ngei mahse tunah hi chuan ice-cream ka ei chak silo.Ka lu chu ka hiat nauh nauh a.

"Shortty enge i zawn?"


"Bengchheng siamlo tur in ka tih che kha!"


A hmui chu a chip lehnghal hmak a,ka thusawi a awih leh lutuk chu ka nuih a za zawk,Fridge chu ka khar ṭhuai a,"*HIT!!!". .Inchunglamah ka chho nal nal bawk.




Khumah chuan ka mu ran a,Brad chu a lo la chho ve miah lo,a haw a ni ngei ang,Ka puan chuan ka inkhuh ṭha sauh sauh a,Mahse ruak huai angin ka in ngai tlat,Brad kha ka hua in ka vin tawn tawn a,mahse min kalsan tur anga ka ngaihtuah chuan ka ngaingam leh silo,ka ngai nghal hle bawk,Mahse ..nupui hual a lo nei tawh reng si,Tinge le?A hma a kalsan ka tum lai te khan ka lo kalsan loh,Tunah lah ka kalsan leh tho a ngai si!Ka hringnun ve hi chu a fair lo takzet a ni!





Ka nunah mipa pahnih an lo luta,pakhat in min bum hnuah Brad ka tawnga,harsatna kan paltlang zo chiaha ,a dang a lo thleng lehnghal zel si!Tunah hi chuan ka tan kawng a awm ve tawh ngang lo ani!Ka chanhlen dawn takzet ta!Midang ta tur anga ka ngaihtuah ringawt pawh in ka thik a!Ka rilru a na ngawih ngawih bawk.Ka bulah pawh inneihpui min tiam ngei a lawm!Mahse..keilo midang a lo tiam hmasa tawh si!Ka ta tur anga ka lo ngaih kha,ka chán vang vang tawh dawn! Ka mittui chu ka hru tawk a,Mu chunga ṭap ka ni bawk a ka hnar a ping vek bawk,ka insut ri faih faih a.Brad..Amber hi a chang tal chuan lo hrechhuak ve ṭhin ang che aw,Ka hriat tawk in ka phun sap a,ṭahchhuah mai hlauin ka kâ chu puanin ka hup bet tlat bawk,ka chhungril hi a na ngawih ngawih,Min kalsan dawn anih te chuan min thlahna thu pawh sawi tur a nia!Engmah sawilo in a bo nghal daih a,Tlemte tal pawn min lainatna a nei miah lo mi?Ka insut hlawp hlawp lai chuan ka khum chu a rawn hniam sata,taksa lum thar tharin min kuah zui nghala a,ka lo thaw nghal hawk thei!Ka ṭap tih a hriatloh nan ka inhumruh ran a,ka taksa chu a la khur dar dar thung!Ka hrawk te hi a na ngut ngut bawk.




"Amber...na i nei mi?"min kuah hlun chung chuan zaidam zet in a rawn ti a.
"Min tina takzet a ni!Ka thinlung hi a kehsawm vek,.a na ngawih ngawih bawk,Tinge nupui hual nei reng chungin min lo chelhbeh tlat?'tia au khum chiam ka duh.Mahse ka hrawkah hnawhtu a awm tlat,ka ṭap khur dar dar a,thawm ka chhuah loh nan ka puansin chu ka ká hupnan ka hmang bawk.




"I hria em?Vawi tam hrilh che ka tum ṭhin a..Mahse ka ngam ngailo a ni!' A ti chuai raih a,ka thinzawn ka lo dawm vang vang bawk!Ka nupui hual a nilo..i hriatsual a ni tia in pha turin ka la beisei fan a ni!Mahse engkim min hrilh ngam loh vang a nih thu a sawi si.Min kuahna chu talchhuah ka tuma,mahse a aia nghetin min kuah a,ka sual let char char bawk!Tianga duat taka min kuah hi chuan ka kalsan theih loh ka hlau ani.Kan hun lo hman dun tawh te chu chiang takin an rawn lang chhuak zut zut a.Ring taka ṭah chhuah ka chak takzet.


"Amber..inhualna pangngai kan la nei lo..ka nu in min nawr reng a,mahse a lakah rilru ka pe ngailo,Amber..engtinnge min rin theih ang!'Beidawn hmel deuh in a ti halh a.


A ṭawng chu ka ngaithla reng,Mahse ka chhang thei lo,Mahni inkhawngaihna in ka khat,vanduai ka intia,ka nun hman ve mek hi Fair lo ka ti!


"I ril a ṭam kha,tho la min lo zui rawh,eitur ka lei tawh a nia."ka dar chu puan chhanah chuan a beng thak thak a.

"Ka ril a ṭam lo!"


Min nuih hawk a,ka lo ner sawk bawk."Eitur khati khawp khan i zawnga,tunah ka ril a ṭamlo i tileh sia!" A taksa chu a che salh a,a hmel awmdan tur ka hre thei nghal,tunah khan a hmuihnuai a pet anga,a khabe a tuai zauh bawk ang.Ka puansin chu a rawn hlim thut a,Ka ṭahna vanga ka hmel builâk chu a rawn hmu nghal vat bawk.
'Na i nei a mi?"


Min ngaihtuah hmel zet in a rawn kun hnai vat a.


"Neilo!'


"Mahse..I ṭap a lawm..I enge na?'ka pang a rawn deka .A kut chu ka lo bengthla vat a.


"I duh hun hun a i khawih tur ka nilo!'ka ti hmak bawk.



Brad chu a rum hawk a,Dim miahlo in min fawp nghal tawn tawn bawk,A awmah ka lo nam a,ka kut chu hmer khawm in ka lu chungah a hmet bet tlat a,Ka hmui chu a aia uarin a fawp bawk,ka lo dawh mawl tawp a,Ramsa koham tak ang mai ani! Ka taksa a tidanglam nghal vek a,mahse ka taksa danglam mek chu a hriatloh nan ka inthunun ṭang ṭang bawk!Min fawhna chu thlah in ka mitah min melh ran a,"Tuna ka fawhna che avang khan i danglam miahlo tih sawi rawh!'min cho zet in min melh a.


A thaw huam huam bawk.


"Ka danglam lo..ramsa hlauhawm tak ang mai .....!?'



Min fawp lehnghal tawn tawn a,In hremna ang mai ani,min ei zawh duh vek hmel a pu bawk!Muangchangin min fawh dan a thlak a,thuk zawk leh dim takin min fawp a,chhan let loh ka tum lutuk,ka ṭang ṭung bawk,A kut lehlam chetin ka awm chhung a zen lut chiah chu ka rum hawk a,uar zet in ka chhang let nghal bawk,Brad chuan a chet dan thlak in ka chungah a rawn ṭhu a,ka kut pahnih chu ka lu chungah a phar chhoh tir a,ka ban nem lai chu a fawp kual dan dan a,a hmui lum ther ther in ka taksa a deh zawng chuan ka lo za chuai chuai thei,ka thawk a rang in ka dang a ro vek bawk.Rang zet in a kawr hak a hlim thla a,min bawh lehnghal in min fawp pahreng in ka kawr chhung a zen lut a,ka kawrhnuai hak chu awlsam zet in a phelh a,ka kawr chu a hlim tawm tawk a,duhthawh zetin ka *nute a fawp kual nghal tawn tawn a,a ka chhung sa ham ham in ka taksa a deh rual chuan current man ang maiin ka taksa hi a *a chhuak vek! Nuam tih lutuk vangin ka lo er nghal ak ak bawk,Ka taksa chu phurna nasa tak vangin a khur dar dar a,Brad taksa lum ham ham in ka awmbawr a deh lai te chuan duhthawh zet in ka lo kuah let a,ka awmbawr fawp pah reng in a kut a chet kual renga,A ka chhung sa ham ham in ka *nute hmur a tawh rual chuan a sam ah ka lo ṭham let ve a,ka khawhmuh a fiah lo tial tial...tianga kan awm reng chuan kan tawpna tur chu ka hrechiang lutuk.Ka dan a ngai...mahse ka thei silo...Brad in ka kekawr hneh zeta a pawhthlak rual chuan ka harh kawk,Kan tawp angai.


"Brad...!'


"Shortty!"ka nghawng ah rawn fawp in ka lo chhing diar diar a,"Brad..kan tawp angai!'


"I duhdan a ni takzet a maw?"min fawp zawm zat bawk.



Ka dang thei dawn lo..enge ka tih ang??a kut chu ka taksa chhunglam ah a chet kual tir nghal bawk,ka rak chhuak ṭhat a,ka sa chhuak nghal veka,ka khur nghal dar dar bawk."Tikhan tawp turin min la ti dawn em?"ka mitah a en ran a,a kut chu a chet UAR sauh thung,A banah ka ham tawn tawn a,ka eu tawn tawn bawk!



Hnehtu chanchang inti zet in min en ran bawk.."Amber..ka tawp dawn nge dawn lo?"ka hmuihnuai a rawn pet a,Ka â lo chauh tawh!Engmah ka ngaihtuah chiang thei tawh lo,ka hriat zawng chu Brad hi ka mamawh...!!!Ka chhan mailoh avang chuan a rawn kun hniam a,"I mitmeng khan tawp san turin min duh lo,!A ni em?'"a kutṭangin ka nghawng a chul thla dan dan bawk..a kut in a khawih chu a hmui lum thar thar chuan a zui nghal zel bawk!"Brad."



"Amber min mamawh tiraw?"a ti tham ṭiak a,ka lu ka lo bu nghat a,Rang takin a tawlh hniama.A kekawr haklai chu phelh in min fawp leh tawn tawn a,Zawi muangin ka taksa chhungah a rawn lut zui nghal a.


Uar zet in a che zuia,a kutin ka *nute a ṭham tawn tawn a,keipawh ka bang biklo,ka khawhmuh a fiah lo a,mahse chiang tak in ka Brad chu ka hmu si! Ka mipa hmangaih ngawih ngawih..engtikah mah ka ta ni tawh ngailo tur Brad chu ka en ning thei thlawtlo.




Brad hi ka ta tur nilo mahse..ka kianga a awm chhung chu âm taka hun hmanpui ka duh!Naktuk aṭang chuan ka Brad a ni tawh dawn silo!A ni nen kan hun hnuhnungah hian hriatreng tlak hun siam ka duh a ni!Ka hmangaih hi ka ta a ni ngai dawn lo..mahse tun hun ka ta a la nih lai hian ka hmangaihna ka lan tir duh...



Tinge Brad kher ka lo tawn le?Tinge...?Nupui hual nei reng chungin in zawmna min lo neihpui,?Tunah te hian haw ngawih ngawih tur ka ni!Mahse ka thei silo!Ka hmangaih lo tur ka lo hmangaih ani.Kei duat taka min enkawl ang chiah hian,kha nu kha a la enkawl ve dawn si!Chu chuan min tina zual.
Brad...tinge ka ta i nih ve theih loh?Tinge?



Brad chu ka bulah a rawn mu thla hnawk a,kan thaw dun hlawp hlawp bawk,ka taksa chu thlan in a bual huh vek a,Ka thawk hi a tawp takngial dawn in ka hria,Brad chuan nghettak in min kuah a,a bawp in min kherh bet chial bawk.




"Engtin pawh awmila ka tawpsan ngai lo ang che!Eng thil pawh thleng se ka vuan tlat ang che" nghet charh in ati sap a.Ka mit ka chhing nghal sawk a,ka mittui rawn tla mai tur chu dan kir tum in "Amber..zanin chiah i Brad a la nih lai hian hlim rawh,nui la..hriatreng tlak in awm rawh!Khua a var hun chuan Brad Simpson hi midang ta ani tawh dawn!" keimah leh keimah chu ka in hrilh nawn mawlh mawlh a,Brad lam hawiin ka inlet a,min lo nuih ver ver a,a hmai thlan huh dap chu ka kut in ka chul ,a lo maimitchhing diar diara,a hmui chu ka kutzungpuiin ka chul a,a mitmeng uk fiah ran te,a sambuang thang amah nen inhmeh zet a kir deuh chiat te,a engkim hi ka en ning thei lo,ka bula a awm reng chung pawh hian ka ngai em em chu a ni!A tello in engtinnge ka awm theih ang le?




"Amber...tuna i ngaihtuah mek kha tawpsan teh!"ka biangah a rawn dawm a,ka ngaihtuahna te thleng hian min hmu tlang thei bik a."Ka kutah dah rawh..ka chingfel vek ang!"Thutak zet in a ti sap a,ka beng leh hmai vel chu a kut sa ham ham in a chul kual reng bawk.Engtin mah chhang lo in nghet takin ka kuah a,a awmah chuan bei hle hle in "Brad...mangṭha"tiin ka phun sap a.Brad chuan thawkla kawk pahin min kuah nghal vat bawk.


To be continue.....



(AN:- Ka mit a na lutuk a,Tarmit ka vuah peih bawk silo,Phone a type a ni bawk nen!Ka mit in a zo meuh lo chu a ni!Mahse word 5000 lai chu a ni tho in ka hria,Sei deuh deuh lo dah hi ka chak thei lutuk! Mahse..min hrethiam a niang chu.
Ka story ziah ve té2 te min lo chhiarsak ṭhin avangin ka lawm takzet. ;) :)

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:17 pm

THE VAMPS
( Fan fiction)


Reo Ririni Khiangte


Chapter 21




Amber dar ruak kang chu ka chul heuh heuh a. Ka awmah beiin a thawri sak sak bawk,Amah chu nghet takin ka kuah a,Nichin maia kan hun hmandan ngaihtuahin ka ṭhen sak a,Amber chal a fawp vawng vawng pah chuan ka muhil ve nghal a.



Ka harh leh meuh chuan khua a lo var vek tawh,Amber chuan nui ver ver in min lo thlir renga,A landan in amah pawh chu a harhna a la reiloh hmel hle.Rawn kun hnaiin ka hmuiah a fawp zauh a! A tho tur chu pawt let in ka lehthal lehnghal a,Thuamhnaw engmah a la inbel loh avang chuan a taksa leh ka taksa indeh rual chuan ka danglam lehnghal vek tawh!Amber hmuiah fawp in ka kut chu ka chet kual tir reng a,Amber thaw pawh a rawn rang leh ṭan tawh! Ka che uar sauh a,fawp mawlh mawlh chungin ka kut chuan a taksa ka chulkual ruai a.Ka samah lo ṭhamin a lo rum ham ham bawk.A mal inkara ka tlakzeh rual chuan Amber chu harh chhuak thut nimai hian a tawp thut a,min nam kiang in a ṭhu chhuak nghal bawk,A awmdan teh thut avang chuan a thinrim zawk ṭep bawk.

"Brad...kal tawh rawh!"

"I ṭha em?"

"Ka ṭha mah mah a ni!"


Min hnaih in min fawp tawn tawn a,uarzet in ka lo chhang let ve nghal,mahse thildang ka tih hlau in a inveng leh vat a,khum sirah chuan ṭhu in hnuailam a bih ngat ngat a,a taksa chu puanin a khuh nghal vat bawk,Amah chu pan hnaiin a hnungah chuan ka bei hle hle a,A chil lem ri khalh te chu ka hre thei vek!
"Brad,kal tawh rawh!"a ti leh sap a.


"Khawiah chuan maw?"


"I inah...I nu leh pa duhthusam tipuitling turin!"


"I bulah lo chuan ka awm lo ang!"a nghawngah ka fawp zauh a.



"Kal rawh i kal a ngai!'a ti vin tuar a,Ka hriat hlau tak in a mittui a hru bawk.Ka kal hlau siin tinge kal tura min tih?Ka telloin a hlim biklo tih chu a ni tluka hrechiang an awm lo!



Ka lam hawi turin ka kuai a,a ṭan ve tlat avang chuan tharum thawhin khumah chuan ka kuailet tawp a,A chungah ka lawnzui nghal bawk.Ka mitah tak a en theihnan ka kun hniam a.


"Ka mit a en chung hian kal tur a min duh thu sawi rawh!"


Min namsawn tumin min sual let a,ka inthlahdul duh biklo,a ban pahnih chu khumah chuan ka nem bet tlat bawk."Le!!...tikhan..kalbosan tur che a min duh thu sawi rawh!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:17 pm

A maimitchhing tlat a,a awmdan chuan min tithinrim lek lek,Na zet in a hmuiah ka fawp nawk nawk a,Min melh kham bawk!A thinrim hian a sexy zawk tih a inhrelo,tuna a landan ngat phei hi chuan engtiklai pawhin a tawp thlenpui ka inpeih reng.
"Amber....Ka mit a enchung a i sawi theih loh chuan nang kalsan tur che hian min hrilh tawh suh!" a chal leh ka chal ka sik tir a.
"Nupui hual nei tawh hi ka kawp zui theilo!"a ti sap a,A hmuiah bawk chuan na zet in ka fawp zui nghal a.A lo ṭang ve hle bawk,a chunglama ka ṭan avang leh tha lama min hneh loh em avang chuan ṭawngkam bawlhhlawh tak takin min ankhuma,Chu thil chuan phurna min pe tih a hrelo!
Tha a min hnehloh em avang chuan a hmui ka fawh lai chuan ka hmuihnuai ah a lo seh a,ka kachhung a al nghal puat bawk.
"Eng thil nge i tih?''ka hmui chu ka liak zeuh a,a thi chu ka hre nghal,Amber chuan min lo en kara,ka nuih let a,Hriatthiam loh hmel deuh a min en chung chuan a phun hlak a!Sir zawngin a thlesawn hmak bawk,Lungawi taka a awm hma chu ka kalsan lo ang.Vawiin hian Melania nen kan inkar pawh ka tifel ang,Ka nu nilo in ka pa ka hmuh a ngai bawk!Ka nu nen chuan engmah kan sawifel dawn chhuang lo.Amber lo chu midang ka duhloh zia ka pa ka hrilh a nga,a ni chuan min hrethiam ngei ang.
Amber bengah chuan ka fawp a,a nghawngah fawp thla in a hmuiah ka fawp zawm nghal a,A tir chuan min chhang let miah lo,He nu luhlul leh inthunun thei bik lutuk hi a mak ṭhin,A kut ka vawnna chu thlah in ka fawp uar sauh a,min kuah let in min lo chhang let ve ta bawk.Ka hria a ni.Amber hian amah ka hnar theih loh ang bawkin ani pawh hian min hnar thei lo,Puana a inkhuhna chu hnawlsawn in a taksa chu ka thlir vang vang a,Amber biang chu a lo sen nghal ṭan ṭan bawk,A beng bulah kun hniamin"I nalh lutuk!"tiin ka phun sap a,a lo thaw lum ham ham bawk,Ka kut chu a awm mai mai theilo,Amber chuan a awm a rawn kan ak ak a,Uar zetin min fawp let bawk,Mahse ka kut chu a rawn man bet chat a,mitmeng phelh phang a min en chung chuan a lu a thing a,Ka nuih suk a,Ka inthunun a ngai tih hria in,ka inla hrang nghal a,Amber chu rang takin puanin a inkhuh lehnghal,Chunglam en in thawk a la vang vang a,A mittui a rawn luang nghal bawk,A lam hnaih in a mittui chu ka hru vat a,Rilru na tih hriat zetin min melh tlawk tlawk ringawt a!Tuna a ngaihtuahna a awm tur chu ka hriatpui thei! Mahse..Melania hi kut hmawr pawhin ka la tawk lo..fawh takngial pawh ka la fawp lo tih hi hrilh ka duh!Mahse tunah hi chuan awmzia a awm dawn lo tih a awmdan aṭang a lang reng,A biangah chuan ka chul heuh heuh a,Amber chu a maimitchhing nghal vat thung,Ka lamah pawt hnaiin nghet takin ka kuah a,a ṭap chhuak nghal hawm hawm bawk! A hnungah ka beng thak thak a,ka awmah chuan a mittui a huh kual niai bawk.
"Brad..ka hua che!"tiin a phun mawlh mawlh a,mahse nghet takin min kuah bet tlat thung!
"Amber...min ring rawh..ka kalsan lo ang che!Engkim ka chingfel vek ang!" ka kuah nghet sauh a,a lu ah chuan ka fawp vang vang bawk!Amber taksa chu a che dar dar a,A insut hraih hraih bawk!Amber na taka ka siam avangin ka in haw tak zet ani.He thil hi ka chinfel vat a ngai!




Amber chu Washroom aṭang a rawn chhuak a,Bathrobe sendang ha in a sam la huh hniang chu towel in a hru malh malh a,Darthlalang hmaah ṭhu in a sam chu chhemro a tum a ni ngei ang,A dawhkan a pawhdawh chu a hawng rak rak a,Hairdryer la in plug ah a vuah nghal a,Muangchangin a lam chu ka pan a ,A hairdryer ken lai chu ka laksak a,Min lo en ha a."Ka lo ti ang!'Darthlalang lam chu ka melh a.


"I thiam a mi?'a mit a kan ak a.



"Ngaihtuah let la!'A sam chu ka chhem tir a,a nui ri hawk chu ka hre thei!Kan awmdun hmasak ber ṭumin muhil chungin a sam ka chhemro sak tawh."I ngaihtuah chhuak thei maw?" A sam chu huikiang in a nghawngah ka fawp zauh a."Awm ve mai mai ṭhin teh!'a ti hlak a,a sam chu a kutin a chul thuak thuak a,"A ro tawh..ka inthlak dawn inhnuaiah lo zuk awm rawh,"a ding a,min melh nghal ran bawk.


"Ka lo awm ve ang!"




"A teuh lo!"A bathrobe hak chu a pawtkhawm nghal tawk a,a chezia lawmawm lutuk avang chuan ka nui hawk bawk."Lo kal teh!"ka lamah ka pawt hnai a."I sam hi i ṭawn a nih chuan keimah ngeiin i inthlak lai ka pui ang che!" Ka ke ah a rawn rap sawk a,ka rak nghal ṭhawt bawk.
"Hmeichhia ve si..I kutthlak a na thei lutuk,min tih duhdah dan em em hi!'ka ke khai kang va va pah chuan ka ti nang nang a.



Ka darah min nam rawk rawk a,kawngkhar ah min nam chhuakin kawngka a khar zui hmak bawk.Kawngka chu ka chum dat dat a,A rawn hawng leh thut.



"Haw la va in thlak ve rawh!"ka chhan let hmain kawngka a khar leh daih bawk.Kawngka chu ka chum leh dawt dawt a,ka inrin hmain a rawn hawng leh thut a,a chalah ka lo chum pawp bawk,A rak ṭhat a,rum tawk in min melh zui a,"Tuna i haw nghal loh chuan ka that ang che!"a chal a tuai nauh nauh a,Kawngka a khar zui nghal bawk.





"Amber..ka tihluih a ni lo a nia!I awm tih ka hriat loh vang a nih kha!"ka ti zui lawm lawm a,Min chhang lo in a reh tlawk tlawk bawk."A nih ka kal a nia,Office ah kan in hmu dawn nia!"kawngkhar bulah chuan ka ding vang vang a,min chhan mai loh avang chuan lungawi lo zet in ka inhera ,inhnuailam ka pan thla a,"Ka pa hmuh nghal a ngai!"ka phun sap a,kawngkhar ka thlen dawn ṭep chuan "Mr..'. ka hawi let vat a,Amber chuan inchung aṭang chuan min lo nuih var var a."Fimkhur deuh in car i khalh dawn nia!"a kut a rawn vai zauh a,Nui var var in ka kut ka vai let a,in chu ka chhuahsan nghal a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:18 pm

Car chhungah lutin ka inkhalh chhuak nghal a,Ka in pan hmasa lo in ka pa company lam chu ka pan a,"Ka pa bulah engkim ka sawi chuan min hrethiam ngeiin ka ring a ni!''. Office ka thlen chuan parking lamah ka tlan lut a,Car ka park fel chuan peng buailo in ka pa room bik chu ka pan ding nghal a,Kawngka bula secretary chuan min hmuh chuan a ding nghal vat a.


"Ka pa a awm em?'


"A...darkar khat liam ta khan Paris ah meeting turin a kal chiah.Vawiin chawhnu ah a lo let lehnghal ang."





Hreptak chuan leh! "Ka hrethiam e!'' office chu ka chhuahsan a,Vawiin tlaiah ka hmuh ngei ngei a ngai.Ka nu nen kan intawk thut a.Min hmuh a in ringlo hle a niang,a phu zawk bawk.


"Hetah enge i lo tih?min biak duhna i nei em?"



"Ka pa rawn hmuh ka tum a!"ka dar ka kan ak a.


"Eng thilah..ka office ah min lo zui teh!In be lawk ang."ka kutah a rawn vuan a.


"Hna dang ka nei a,ka kal zawk a nge!''min vawnna kut chu phelh sakin ka kal nghal a.


"Zaninah dinner in lamah rawn ei ang che!'




Chhang buai lo in ka kaltlang nghal a,Hnathawk dang chuan min en duh hle tih pawh ka hria!Ka buaina min hriatpui ve chuang lo,Anmahni chu kal pelin car ka la chhuak a,ka apartment panin ka inkhalh chhuak nghal a.



In ka thlen chuan ka inbual nghal a,ka inbual zawh chuan ka phone a rik vangin thuamhnaw pawh la in bel loin phone chu ka chhang nghal a.


"Hello..Mr Carlos''

"Thu lawmawm tak a ni!Alex chu Mail rawn thawn tur che in ka han hrilh nghal a nge."



"Min puih man chu lawmman ṭha tak i hmu ngei ang."




Nui huah huah chungin kan inbiakna chu kan ti tawp a,ka closet chu pawt hawngin Shirt ka la chhuak a,inthawlh pahin Alex chu ka be nghal a,Chanchin ka hrilh chuan a phur hle a,lawmthu min hrilh mawlh mawlh chung in phone chu ka dah a.Ka kekawr ngainat ber la chhuak in ka inthawlh nghal a,ka sam chu chul thuak thuak in Office panin ka kal chhuak nghal,sana ka en chuan ka hma tawh lo hle bawk.






Office kawta mipui lo zi nuai nuai chu tlanpel in Parking ah ka tlan lut a,Counter ka kalpel chuan kan duty pahnih chu ka hriat hlau tak in an phun ru sar sar a,anmahni ka en chuan an tawp chat a,min nuih nghal sang bawk,Lift rawn in hawngah chuan ka lut nghal a,Amber hmel hmuh mawlh ka nghakhlel,Ka pa ka la biak theihloh avang pawh in ka inthiam lo bawk,Mahse vawiin tlai lamah ka hmu ngei ang.Lift a rawn in hawn chuan pen chhuak in ka ṭhiante awmna lam nia ka rin chu ka pan nghal vat a,Anmahni ka va pawh chuan an lo ṭhu ngawi ṭhap a,Amber ka zawng a ka hmu mai lo bawk,Bang phen deuh a,Melania leh mipa pakhat lo ṭhu ka hmuh chuan ka thaw hak a.



"Thil thleng a awm em?"




Tristan chu rawn dingin min pan vata,ka kawrawm ah a rawn ṭham a"Laktlakloh pa..chingfel vat ang che!'thinrim zet in a ti sap a,min ṭhamna chu thlah in min kalsan nghal bawk.James leh Connor pawh in Tristan chu an zui nghal a,Mikey pawh rawn tho chhuakin ka darah a rawn beng thak a!"In inhualna ka lawmpui a che!"Za vaklo in a nui sak a,ka lo meng kawk thung,Mikey pawh chu a chhuak ve nghal a.Tunah chuan mi pathum chiah kan awm ta!



Mipa lo awm ve chuan aw a rawn thian kharh a,A lampan chuan ka kal a,anmahni ep chiahah chuan ka ṭhu ve nghal a.




"Hello...Elvis ka nia..O2z Reporter!"A name card chu min pe a,min nuih sang bawk,hepa hi hmuh tawhna ka nei in ka hria,mahse ...a....aw..a ni buaipui lo hian Melania hian enge a rawn tih ka hriat vat a ngai.



"Enge hetah i rawn tih?'Melania chu ka melh zauh a,Chu pa chuan min melh tawn zak zak bawk.



"A...ka lo kal chhan chu Ms Melania nen in inhualna thu chiang zawka rawn hriat ka duh a!"chu pa bawk chuan a ti leh a.Za lo zet in ka nui hak a,Melania ka melh chuan inthiamlohna nei miah lo in min lo en ve reng!"Keini hi kan inhual a maw?"Melania chu ka melh reng.



"Zanin hian inhualna dinner kan chhungkaw hnih in kan kil ho dawna,midang kan sawm rih lo bawk,in neihna chu Suntec Plaza ah mi sawm bik te nen kan nei ang!"a ti zawm zat a,Elvis in tipa chuan a note book ah a lo ziak lut zung zung bawk.He nu huaisar lutuk hi engtinnge maw ka tih dawn le!?


"Chuan...in pahnih hian engtik aṭangin nge in indate ṭan?'


"Kum 18 kan nih aṭangin!'Melania bawk chuan a ti leh a,Ka nui tawp!He nu mizia zet chu!



"In nu leh pa sumdawng hausa ve ve an nia,Company pahnih pawhin nangmahni vangin in thlunzawmna nghet an neih phah turah kan lo ngai bawk!'a khabe tuai nauh nauh pah chuan Elvis bawk chuan a ti leh a.


"Ni e..kan inneih ngat chuan khawvela sumdawnna lian ber kan din thei ang!"Melania chuan chapo tak chuan a ti let a.


An pahnih chuan ka en reng ringawt a,Thudiklo sawi chu Melania hian a lo hneh ber a nih hi!


"Mr Brad...he inhualna hi engvanga neih tum thut nge in nih..I fans tam tak chu an ṭap ngei ang,Tunah pawh khuan tualzawlah an pungkhawm tuau tuau tawh!"Min en kar a.


"Ummm...inhualna ka nei dawn tih ka hre ve chiah a,in pahnih hian awmlo phei ula chuan inhual mai tur ka ni tih hi ka inhre hauh lo ang!'


"Oh"Elvis chuan Melania nen chuan min melh tawn zak zak a.


"Brad!" Melania chuan a ti ṭhat ,a lamah chuan ka thle bak a,chimawm zet in ka ang phiau bawk,Melania thinrim chu a thaw sak saka,Ka ngaipawimawh peih lo,A duhdan in thil a kalpuia ..keipawhin ka duhdan in thil ka kalpui ve mai ang!


"Mr Brad, engtiknge inhualna chu in neih ang?"Elvis bawk chuan a ti leha ,kan awmdan vang chuan nuam a tih hmel chiah loh,a ṭhu ṭha sek a,a che a che bawk.



"Thla leh hian kan nei dawn!A ni tur chu kan nu leh pa te lam thuthlukna ah kan la dah rih!"Melania bawk chuan a ti leh a.Ka hmui ka lo tihsawih khum zauh a,A huat tawk a tling hle bawk.




"A nih chu..thu lawmawm hriat kan lo in beisei vat ang!"Reporter chuan kan pahnih chuan min en a,Melania chuan hawihawm takin a lo nuih sang a,Ka ngawi ngul thung.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)