THE VAMPS BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: THE VAMPS BY Reo Ririni Khiangte

Unread post by Ngaia » December 11th, 2016, 2:18 pm

Elvis chuan min chhuahsan a,Melania nen chuan kan in hmachhawn ran a,Interview a ka awmdan chuan a lung ati awilo hle a niang,Rum takin min melh tlawk tlawk bawk,Ani thinrim mai mai,ka tan a pawimawh lo,Amber ka hmuh vat a ngai!Dingin ka kal chhuak nghala,Amber chu ka zawng kual a ka hmu mai silo,tuna thil thleng te hi a hre ve a nih chuan a thinrim hle ang,ka insawifiah fê chu a ngai dawn ni.

"In bia ang!'ka hnung aṭang chuan Melania chuan a rawn tisap a.

"Sawi tur ka neilo."

"Keiman ka nei a lawm."

"Hun ka nei rih lo'

"Tunah chuan mi zawng zawngin ka pasal hual i ni tawh tih an hria,chuvang chuan kha nu kha hmu tawh suh ang che!"

"Huuu!...Miss Melania i nuihzatthlak lutuk!"

"Brad ka fiamthu lo a nia!"

"Tunah kan inhual angin ngai mahse,nakin lawkah thudiklo a ni tih an hre leh vek tho ang!Nangmah i intimualpho mai mai a ni!"



"A tak ngei a ni tih ka la hmuh tir ang che.''Mahni inringtawk tak in a ti sap a.
Ka chhang peih tawh vel lo,Lift lam ka pan san hmak a,Min rawn zui ve leh in melh pawh ka melh peih lo.In hnuai kan thlen a Lift a in hawn rual chuan ka pen chhuak nghala,Midang ho chuan min lo en zauh zauh hlawm a,Ka hnunga kal ve vang hi a ni ngei ang.Amber chu Counter hmaah chuan mipakhat nen an lo in be mawlh mawlh a,kan lam a rawn hawi zauh a,Melania chuan ka ban a rawn vuan ve chiah bawk,Amber chu a hawisawn leh a,a hma a ding pa chu a biak chhunzawm lehnghal a,Melania min vawnna chu ka phelhsak vat a,a ṭhen sak bawk,ngaihven zuilo in Amber te chu ka pan phei a,A bula mipa ding chu tudang nilo in Elvis kha a ni! An nui dun hawk hawk a,enge an sawi chu ka hre chiah lo,ka thik hle thung.

"Amber?"

Min en zawk a,hawisawn leh in Elvis chu a be zawm a.



"Naktuk zan chu aw,ka lo hruai dawn che nia!"Elvis chuan Amber darah a beng thak a,Amber chuan nuih let var var in a lu a bu nghat a."A nih chuan ka kal tawh a nge!See you soon."tiin Elvis chuan a kalsan a,Kha pa kha O2z Show kan neih laia Station chhunga Amber nen a in be pa kha a ni!



"Amber." Ka pan hnai vata,min hria ang pawn a awmlo,Counter a Box lian vak lo chu la in min kalpel nghal a,Ka hrilhhai zawk hle bawk,Melania zawnah chuan a ding dat a,Ka lam rawn hawi leh in za vak lo in a nui sak a"Mr Brad ka lawmpui a che u!"Inher in a kal zui nghal a,Ka umzui tur chu Melania in ka banah a lo chelh vat bawk.


"Hreptak hian! Tunah hian ka hmuh theih lohah kal vat teh!''


"Kal tir rawh,Ka nu leh pa te nen Lunch ei turin ruahmanna an siam tawh."


"I kawlhrawng mah mah."Min vawnna kut chu thingthla in Amber kalna lamah chuan ka tlan nghal a ,Lift chu a lo inkhar chiah avang in kawngkhar chu ka chum ṭhuai a.Rilru hmanhmawh nen inmil lo tak chu a ni!




Lift lo thlen hun chu nghak in kawngkhar bulah chuan ka ding ran a,Ka awmna floor a lo thlen chuan,Ka lut zui nghal vat a,Amber kha engtinnge ka hrilhfiah ang tih ka ngaihtuah nghal char char bawk.
Kawngkhar a in hawnrual chuan ka pen chhuak a,Amber awmna nia ka rinah chuan ka lut nghal a,Ngawi reng in min lo en reng a,Ka pan hnai a,engemaw sawiin a phun hlak a,Thildang a tih zawm nghal a,Ka awm ve tih hrelo ang maiin thil a ti kual reng a,a thiltih lah chu a ṭul miah lo hlawm! Chhuarsang a ban lai chuan a hnunglam aṭangin ka kuah a,min lo sual let ve vat bawk,Mahse ka thlah mai duh biklo,A bula insawifiahna ka neih a ngai a nih chuan a duh emaw,a duh lo emaw..ka chelh luih a ngai ṭhin.A nihloh chuan min ngaithla ngai lo.

"Ka sawitur ngaithla rawh!"


"I thu zawmna chhan tur ka nei lo!"

"Shhittt... I ngaihang thil thleng awmlo,Melania khan ka hriatloh in reporter a lo pun mai chauh a ni!Amber..min ring rawh.!"


Amber chu a ngawi ngal a,a chang hi chuan min tibeidawng ṭhin! Vawi engzat nge min ring tura ka hrilhnawn leh ngai dawn le? Insawifiah ngai ziah hi ka hne ve tawh takzet!


"Elvis an indate puiah min sawm a,kan indate dawn!"


"Maw?" Ka kuahna chu phelh in ka lam hawi turin ka kuai let a.Ka thinrim lutuk chu ka insum hram hram a ni.


"Tuna i sawi kha sawi nawn leh teh!"ka aw tawp lam chu ka veng senglo,thinrim vangin a khur tel.


"I beng a ngawng a mi?Elvis nen kan indate dawn!'Ban pharin min aukhum chiam a!


"A thleng lo ang..Mipa dang i hmuh ka phal ngailo"



"I thupekna hnuaia awm ka nilo,Chuan ka lawmpui a che u!'Ti el zet in min nuih a,a kalsawn nghal bawk,A hnunglamah umzui in kawngkhar a chhuah hmain ka pawt let sawk a,Bangah ka nawr bet nghal bawk.


"I kallo ang tih sawi rawh!"ka sehchilh nawk nawk,ka thinrimzia hi hria se chuan.....!!!


"Ka kal ang...ka kal ngei ang!" A lu zawn bang chu ka hnek ri nghal ṭhuai,Amber chu a rak ṭhat a,a kutin a hmai a hup nghal bawk.


"I thei lo..ka thlentir ngailo ang!"ka thinrim vangin ka aukhum chiam bawk.Amber chu a din ngaiin a ding reng a,a hmai a hup tlat bawk.



"Min ring rawh...ka chingfel vek ang ka ti lawm lawm ani lawm ni!Min rin pawh chu harsa i va ti awm ve!" Ka ban chu ka phar hluai a,kan bula bawlhhlawh bawm inhung chu ka chhuih darh chuai bawk,Ka thinrim lutuk hi ka puakkeh dawn in ka hria,Engtikah mah ka Amber hi mipa dang hmu tur in ka kal tir ngai lo ang.
"Min en teh'' Amah si chet in ka ding a,a din ngaia a la din reng avangin a kut chu a phih thla pawp a,Hrilhhai zet in Amber chu ka melh nghal kawk bawk.


"Brad..i ti mah mah a ni!Nupui hual i neih laiin mipa ka date theilo bik ang maw?Mahni hmasial pa,!''a mittui a biang a rawn luang ngiai ngiai chu hruk a tum a,a kut chu ka lo vuan vat a,keimah ngeiin a bianga mittui chu ka hruksak nghal a. Amber chu a lo maimitchhing tlat thung! Kun hniam in a hmuiah ka fawp zauh a.


"Shortty ..ka tihpalh!ka ti hlauthawng che a...ka thinrim em vang a ni!"


"Brad...ka sawi tawh kha..nang leh keia kawng chu a hrang!Tihian tawp tawh zawk ang,A nih loh chuan kan nat belh mai mai!"Damdiai in a rawn ti a.Mahse chu a thusawi chuan min ṭhawnzia leh min tih manganzia a hre hauh lo.



"Sawi tawh suh!'



"I khawvel leh ka khawvel hi a dang a ni!Khawvel inang lo chu an chenna pawh a inang theilo.Brad..ka chau tawh a ni!Ka chau tawh takzet..!"


"Amber..kawng a la awm!"
.
"Chu i kawng sawi chu nangmah ngei pawn a awm tih i hrechiang bik lo!"A chal a dawm vang vang a"Brad...tihian kan inkar chu a tawp!Nupui hual i nei tawh a,chhungkua nakin lawkah ila din dawn! Keipawh nunthar in bul ka ṭan leh zawk ang! Mangṭha le!"Ka hmuiah a rawn fawp zauh a,a kal chhuak nghal a.




Enge tih mai tur ka hrelo,Kan inkar a tawp tih chiang tak in min hrilh ,ka mittui kar aṭang Amber chu ka thlir vawng vawng a,rawn hawilet miah lo in Lift ah a lut nghal a.Ka engkim ..ka rilru leh ngaihtuahna zawng zawng a liampui ve vek nimaiin ka hria!.Chhuatah ka ṭhu hnawk a,Ka thinzawn na lutuk chu ka dawm vang vang a,Mipa taka awm harsa ka va ti em!!!Hmangaihna hian tinge Natna a lo ken tel????

________________/_//______/___/___________


Room chhung ka chhuahsana,Brad hrilhhai leh na hmel kha ka hmu theilo,Hawilet lo in Lift chu ka pan ding nghal a,"He thil hi ka tih ngei a ngai a ni!'tiin ka infuih mawlh mawlh,Lift chhung ka luh chuan ka ṭap chhuak hawk a,Mahse,insum in ka mal chu ka ṭham ngawt ngawt a,ka hrawk te hi a na ṭung thei!Ka mittui chu hru hulin Lift kawngkhar in hawngah chuan ka pen chhuak a,Min tawk zawng in Melania kha a rawn phei a,Ka hmaah chuan rawn ding in min ben tumin a kut a rawn vai a,a banrekah chuan ka lo mana,ka thinrim lutuk chuan ka phihthlu nghal pawp bawk,a rak ṭhat a,Chhuatah chuan a ṭhu hnawk a,Midang ho chuan min melh hrek hrek a,Tristan chu kan lampanin a rawn tlan a,Min kai hrang nghal bawk,Melania chuan chhuata la ṭhu chung chuan min ankhum tawn tawn a.Vawikhat pawh ka hawi let lo!A ni ṭawngkam vang mai mai a na tur ka nilo a,A duh hun hun a kut a thlak tur pawh ka nilo.Tristan chuan balcony lamah min hruai pheia,Boruak hip lutin thawk ka la vang vang a,Tunah chuan ka pangngai deuh ta! Kan piah kawnga mipui zi nuai nuai chu ka thlir a,Ngaihtuahna inanglo tak tak an insulpel suau suau a,Tupawh mai chuan hun hlutzia hria in an kal hlawk hlawk a,Tianga rilru hah a ka awm chang hi chuan mipui tamtak kara kal hi ka chak ṭhin.


"Amber i ṭha em?"Tristan chuan min ngaihtuah hle tih a hmelah a lang thei.
"Ka ṭha ....ka ṭha lutuk!'Boruak ka thawchhuak ham ham a,ka mittui rawn hnai lutuk chu dankir ka tum nghal bawk.
"A landan chuan Brad khan a hre lawk biklo a ang!"min bia ang pawh in a lang lo.


"A inang reng!Tunah chuan Brad nen kan inkarah engmah a awm tawh lo"Chu thu ka sawi zawng chuan ka thin hi a sa pup pup thei!Ni e..ka ta anga ka lo ngaih kha tunah chuan ka kalsan a ngai!Ka mittui chu a rawn luang nghal zawih a,Lehlam hawiin ka hru nghal vat bawk.


"Amber..ka hrethiam che a lawm!Ka bulah lehzel chuan insum suh!'Tristan chuan dam thlap in a rawn tia,A hmel en in ka inhera a,min lo nuih var vara,Ka darah a rawn beng thak thak bawk.



"Tristan..ka nun inlet hneh lutuk hi ka hrethiam pha lo,Chakna ka nei tawh lo."a tawplam phei chu a ri chang chang chauh a ni.



"Hmeichhe chak tak kan Brad sam pawh pawtngil ngam i nih kha!"Ka samah a rawn tuai zauh a.Ka nui chhuak hawk hawk bawk,Tristan bulah hi chuan a nuih loh theih ṭhin loh,Brad nen kan in huat em em ṭhin laia,phuba lak let nana sam ka pawhngil sak ṭum kha...khami ni zet kha chu!!!!


"Kha i nui a nia!"


"Chimawm suh!"



Kan hnunglam aṭang chuan "Aw"rawn thian kharh an awm a,ka hawi let nghal vat,Brad chuan min lo en reng niin!A mit chu a sen ram a,rilruna tih hriat takin min thlir vawng vawng bawk.


"Hey..Brad."Tristan chuan a ti zauh a.



"Tristan...Amber hi hrilh rawh..a tello in Brad hi a awm thei lo"zawi sap in a rawn phun a,a mittui a luang ngiai ngiai bawk.Tristan chuan kawng dawmin thawk a la halh a,Brad nen chuan min en dun tlawk tlawk bawk.


"Tristan..hrilh rawh..nang chuan Amber hlimloh lai ber pawn i nuih tir thei a,Amber hian i thusawi a awih ngei ang.Brad hi kalsan suh se..Brad hi a tello chuan engmah a nilo tih hrilh rawh!"


Chhuatah a ṭhu thla hnawk a,A au chiam bawk,Tuna a awmdan hian min tina ngawih ngawih,A lampana kal a ka kuah mailoh nan ka inthunun a,Balcony a an bar vuah chu ka hum ngawt ngawt a,Brad chuan mittui kar aṭang min melh tlawk tlawk bawk,Ka hmui ka pet fan fan a,Ka mittui chu dan tum pawh ni ila a theih loh!


"Hreptak che u hian!"Tristan chuan a ti hluk a,A lu dawmin chunglamah a dak tlawk tlawk bawk,Brad mizia engkim hrechiangtu tan chuan tuna Brad tlawmzia leh rilru nat dan hi a hriat theih vek!Brad mahni indahsang tak kha a ni tawh lo.


"Amber...?"A aia runthlak zawk in min melh a,ka rilru thlak turin min duh takzet tih a aw aṭang chuan a hriat theih!


"Eng thil nge tise min duh!?"Tristan chuan beidawng tih hriat zet in a rawn ti a.




Ka mittui chu hruin thawk ka la vang vang a,Tristan chu en in"Tristan..Brad chu ilo hrilh dawn nia,Tun aṭang chuan a nupui hual chauh ngaihsak tawh rawh se.!'inher in inchhung lamah ka lut nghal a,Brad au thawm chu ka hre zui nghal bawk.




Pawna Fans pungkhawm karah chuan ka inzep lut a,Anni pawh hi keiang tho in Brad te inhualna chuan a tina ve a ni!A ṭhen an ṭap a,a ṭhenin inhual lo se tiin an au rual ṭhup ṭhup a,An zingah chuan ngawireng in ka ding ve tlawk tlawk!




Reifê ka din hnu chuan pan lam tur pawh hre chuanglo in chu hmun aṭang chuan ka kalsawn ,ka ke pen tin te hi a rit ngawih ngawih,A changin ka dinga,Boruak khamlo ang maiin boruak chu ka hip lut leh vawng vawng ṭhin!Ka piaha pangpar zawrh na chu ka thlir vang vang a.Kum li chung hlauhna avanga ka lo tlawh ngam tawhloh hmun pan turin pangpar chu ka lei a.Bus ah chuangin ka nun inlet hneh zet chu ka chhuikir nauh nauh a."In hre ngai miahlo tur kan lo inhria a ni!'






Bus a din hnu chuan thuilo te ke in ka kala,Thlanmual Gate lian zet ah chuan ka pen lut a.He hmunah hian rilruna tak chungin ka nu leh pa an vui lai kha ka thlir reng a,ka hlauhthawn lutuk avangin thla hnih ngawt ka ṭawng theih loh phah bawk.Ka nu leh pa thlan insi rial chu ka pan a,Thlan lunga an hming inziak chu ka chul a,Tuna ka rilru na lutuk te hi ka nu awma beichunga in bunruah vek ka chak a ni!Ka pangpar ken chu thlanlung hmaah chuan ka dah a."Mom..Daddy..Amber ka lo kal hi..Inbulah hian sawi tur ka ngah lutuk asin!Mom..Amber hian ka mamawh takzet che a ni!"Ṭhingṭhi in thlanlung chu ka kuah ngawih ngawih a "Mom..ka hmangaih,engkim ka hlan khan ..Nupui dang a nei dawn sin!Amah vanga ka hlim ve na zawng zawng te kha hriatrengna chauh a ni tawh dawn!Mom..khawngaih takin min kuah in engkim a ṭhat leh tur thu min hrilh hram rawh!"Ka awmzawn na lutuk chu ka chum chawrh chawrh a,Ka hringnun hman ve hi chu a fair hlawl lo!




Thlanlung ngheng chuan ka ṭhu ngawi ran a,thil tam tak ngaihtuah in boruak ka hip lut leh kawk kawk bawka,Ruah chu sur mai tur anga a lan avangin ka nu leh pa thlan chu muangchangin ka kalsan a.
Ka nutei dawr kawngkhar ka hawn rual chuan nutei chu a rawn ri nghal chul a,min kuah nghal chung bawk,Keipawh in theihtawpin hlim hmel put luih ka tuma,ka nutei kuah chung chuan thawk ka la vang vang a.



"Amber I ṭha meuh maw?'ka hnunga beng thak thak pah chuan a ti sap a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:18 pm

Chapter 22

"Amber i ṭha tak meuh maw?" Ka nutei chuan a ti sap a.Ka kuah nghet sauh a,ka ṭap chhuak takngial dawn! Ka taksa ṭang ṭeuh in ka insum hram hram a.

"Nute..ka nu ka ngai takzet a ni!" Nutei chuan min kuah nghet sauh a,"Amber..thil min sawipui tur i nei tiraw? lo kal teh room chhunglamah i lut ang!" zaidam takin a tia,kan awmna rêng ka lo ngaihtuah lo,Customer ho chuan min lo enduh hle bawk,Za vaklo in anmahni nuih chungin thupha ka chawi a,ka nutei chuan Rest room lamah min kai luta,kawngka a kalh nghal bawk.Couch ah chuan min nem ṭhu in,ka kut vuanin ka bulah a rawn ṭhu ve a.

"Nute.. Engtinnge ka tih dawn?"


Ka insut nghal hlawp hlawp a,hnuailam bih in ka taksa a khur dar dar bawk,Ka nutei chuan ka darah a lo chul hauh hauh a.


"Min hrilh teh,engthil in nge titaka ti lungchhia che?"


"Brad chu midang nen inhualna annei dawn!"Ka ti tham ṭiak a,ka sawichhuah zawng te chuan ka thinzawn hi a na vawng vawng thei!



"Maw?"Ka nutei pawh chu a ṭhawng hle a niang,a rak ṭhat a,Mahse a inthunun lehnghal vat a,A darah min kuah bei nghal bawk.


"Aw...Amber khawngaihthlak tê!' A ti vang vang a.



"Nute..ka ngai dawn lutuk!' Ka aw chu a ri chang chang chauh."Nute..Amber hi hlim ve tura siam a ni lo a niang tiraw?Reilote chiah hlim tura siam a niang! Hlimna hian an hnungchhawn nghal zel ka hrethiamlo!"tiin ka phun sap sap a,ka melh ngai ka melh tlawk tlawk bawk.


FLASH BACK




Brad kan in aṭang a chhuah hnu chuan muangchangin roomah ka luta,Khumah chuan ka ṭhu hnawk a,"Brad chuan ka bula awm duh engang mahse ka hmeichhiatpui rilru naa siam chungin ka hlim ngai lo ang,Amber i tih ngei a ngai'' tiin ka in fuih mawlh mawlha ,Darthlalang hmaah ding in ka mittui chu ka hrua,Ka nui lui a"Tiang hian nui reng ang che!"tiin ka in hrilh a,office pan in ka kal chhuak nghal a.
Midang ho nen chuan kan buai nak nak a,a landan chuan hla thar an nei leh tawh dawn a ang!Mikey pawh phone hmangin a buai hle bawk.



Chutih lai chuan Melania leh mipa pakhat hi an rawn lut a,Kan zavai mai chuan kan lo en ṭhap a,Melania hmel ka hmuh chuan ka luak a chhuak nghal hlûi bawk.A bula mipa lo kal ve chuan Mikey chu a name card a entir vata.


"Reporter maw?eng thil nge i duh?'hawihhawm takin a lo ti nghal vat a.


"Brad leh Melania inhualna neih tur chungchang kan lo hria a,keini reporter chuan kan thuhriatte kan rawn bawhzui ang chu ka ti deuh,Miss Melania a lo remchang leh hlauh bawk si nen..!"Band ho chu a melh kual pah a,Brad a zawng tih a mitmengah a hriat bawk.



"In hualna maw?"Tristan chuan a ti hluaia,min en nghal vat ,ka lo nuih let sanga,mahse ka thinlung chu a rum vawng vawng thung.


Midang pawh chuan sawi mai tur an hrelo,Min vengthawng hle tih an awmdan aṭang chuan a hriat,A tumah lah chuan Melania te chu ṭhu tur pawh in an hrilh lo,nuam an tih hmel chiah lo chu ka khawngaih zawk.



"Lo ṭhu ru..Brad pawh a lo thleng ṭep ang!' Midang chuan min en ṭhup a,keipawn pangngai taka ka lo dawngsawng thei chu mak ka inti hial zawk.Kan piah Couch ah chuan an ṭhu a,Melania chuan min melh ram ram a,Ka ngaipawimawh peih lo,Midang lah chuan anmahni lam reng an ngaihsak lo,An ngawi ngal hlawm a.


"Khawngaih in Coffee min lak thei angem?"Melania chuan ka lam chu lo hawiin min nuih sang a,mahse min tihelna a ni tih a mitmengah chuan ka hrechiang hle.



"Helai hmunah hian Coffee kan in duh chuan mahni in kan in lak mai ṭhin!''Connor chuan a lo ti fak a.


"Oh..ka lo kal ngai silo a awmna ka hrelo a,Miss Amber hian min laksak theih tak in ka ti deuh a!"Zam miah lo in min en kara.


"Pawnah sawn chhuak la,Dinglam sirah sawn Coffee khawl a lo awm ang!"Tristan chuan a ti ram hmak a ,Ka chhan ve ngailo a min lo chhan khalh zel avang chuan ka lawm letling zawk.


"Uggg...pawn daihah a nih chuan ka kal lo mai ang.!"a ti leh sap a.




James chuan thil engemaw sawi tumin a kâ a ang zuau a,ka mitmei in ngawi turin ka melh a,Thawk la hawk in chunglam a melh nghal hmaka,An awmdan naupangchhia lutuk hian ka nuih an ti za,ka lam an ṭang tih ka hriat vang pawhin ka lawm hle bawk.



Melania leh a bula mipa chu an ṭhu ngawi ran a,Midang chuan Melania chu an lawmlo hle tih lantirnan an melh kham kham hlawm bawk,an awmdan vang chuan ka nui chhuak hawk a."Ka tihtur ka lo va ti tawh a nge!"tiin nuihza insum tak in ka kal chhuak nghal a,Khang atthlak tak tak a che ṭhin ho kha ka ṭhiante an ni!Anni vang hian malin ka awm ngailo bawk.



Rilru in thildang ka ngaihtuah lui char char a,kan product lo thleng thar tur chu ka be kual nghal bawk,Reilote hnuah an rawn deliver tur thu min hrilh chuan lawmthu hrilh mawlh mawlh pahin phone chu ka dah a.

.
"He hna bansan hian hnadang ka zawn vat a ngai ang!"tiin ka phun sapa ,Heta ka thawh reng chuan Brad ka hmuh apiang in ka rilru a na thar dawn bawk.Enchhinna neiin milem hmai ho chu ka hnawih kual vel a,Tuna kan hmaihnawih hman thar hi hnawih fuh loh chuan rawng nalh viau e tilo chuan thlalak ah a lang nalh thei lo,Chuvang tak chuan ka uluk zual a ngai a ni.


Darkar chanve dawn ka buaipui hnu chuan ka thil rawn dah tu tur ten inhnuai lama min nghah thu min rawn hrilh a,ka thiltih lai dah in ka chhukthla nghal a,Counter a hming ka sign zawh chuan kal mai ka tuma,ka piah aṭang chuan ka hminga min au tu an awm avangin ka ding chawt a,Reporter pa kha a lo ni.


"Amber."


"Engtinnge ka hming i hriat?" Zawh awmloh a ni tih chu ka hria mahse hmelhriat loh ina ka hminga min ko mai chu mak ka ti a ni!



"O2z Show ah Brad in ring zet in i hming a lam chhuak a,Chuan tunah khan Miss Melania in a ko leh bawk che!''min nuih sang pah chuan min pan hnai a.A nui hmel leh a mitmu pawl ram hi hmuh tawhna ka nei a ni.


"A..Elvis ka nia..kan inhmuh tawh kha!"ka chhan mai loh avang chuan aw thian kharh pahin mi a rawn ti leh a.Tunah chuan ka hrechhuak ta e,TV station a ka mi hmuh pa ngei kha a ni!Chuan Elvis a nih chuan zan darriat show host tu kha a ni chiah bawk.



"Awiii..Elvis ..ka hre lutuk che!''nui var var pahin ka ti nghal chul a,a hmel hrilhhai deuh pawh a bo nghal hmak bawk.
"Kei chuan in office a kan lo luh tirh khan ka hria che a sin!"thutak zet in a tisap a,anni milar zawk pawhin min hre chat thei a nia,engtinnge ka lo hriat loh theih le..ka zak chuan ka hmuihnuai ka pet ta ringawt a..

"A...ka tihpalh."ka ti niah niah a.


"Chuan ...ka hriat leh bawk chu..nang hi Somebody to you model kha i ni tih ka hria!"a mitko a kan ak a,ka lo âng phiau thung.


"Ka sawi dik tih ka in hre mai!"A nui var var bawk.


"Uggg...midang in an hriat ve loh hram ka beisei!'


"Kha model kha mi buaipui ber a ni tih i hria em?ka kâ hupnan dinner kan ei dun ngei angai ang!"A tih zawm zat a,A landan chuan misual tak a nih hmel loh bakah a bula awm a hahdam ru riau bawk.


"Dinner maw?

"In date ang pawhin kan kal thei ang!'thutak zet in a ti a,Ka nui chuak hawk hawk thung,Chutia ka nuih takah chuan a rawn nui veleh a,A nuih hian biangsum a nei bawk,a chhelo hle bawk...Elvis 8'O'clock Show host tu kha a ni miau a lawm.



Brad kan lampan a lo kal ka hmuh chuan ka nui tawp chat a,a bula hmeichhia in a kuta a vawn leh ngat phei chuan ka kut ka lo humruh nghal a,Mahse engmah thleng lo anga ka lan luih hram hrama ngai,Elvis nen chuan min rawn pan a,ka ngaihsak lo lui hmiah bawk!Harsa tak chu a ni,Elvis nen Dinner ei dun tura kan inchah leh hnu chuan chhawng chunglam pan in ka kalnghal vat a.Brad leh Melania hmuh a pangngai taka ka awm theih avang chuan ka lawm hle bawk.
Ka nutei bulah ka inṭah thawl hnu chuan in lam panin Bus ka la a,Ka phone rawn ri dar dar chu la kang in caller id chiah anih vangin ka pick up duh lo a,mahse vawihnih ngawt a rawn call nawn leh chuan phur lo zet in ka chhang a.


"Hello!"


"Tukverhah hian lo dak teh!"a rawn ti tawl a,Tutak ni ang maw,Bus tukverh aṭang chuan pawnlam chu ka melh a,Elvis khan ban a lo vai lauh lauh a,hmuh ka in ring lo lutuk chu ka phu zawk bawk,"Enge I tih?'phone aṭang chuan amah en reng chungin ka ti lang lang a,"Ka Cup cake ei naah nula pakhat a rawn ṭap a,chu nu chu ka umzui!"min melh zauh a,ka hmui ka lo tihsawih khum vat bawk.
"Bus hian a su mai ang che,I car khalh ah chiah i rilru pe rawh!"


"Superman ka ni lawm!"nui hawk hawk chung in a rawn tia,Brad thusawi ṭhin dan chiaha a rawn sawi avang chuan ka zawi nghal hnawp thei,Ka ngaihtuahna ah Brad bawk a rawn lang chhunzawm char char,.


"Hello...Hello..Miss Amber"Elvis chuan a rawn ti lauh lauh a,ka ngaihtuahna ah ka lo cheng leh daih tawh niin.!
"Superman pawn engkim an ti thei bik lo!'ka ti chhuak sap a.


"Kei chu Superman dang ang lo takin engkim ka ti thei!'


A lam ka en chuan min lo en ve reng a,"I Car khalh kha car dangin an sut sawm vek i duhloh chuan ka lam rawn hawi tawh suh."


A rum hawk a,"Naktuk zan dar rukah ka lo lam ang che,ka awl zan a nia,Cinema kan en a nga,Chuan dinner kan ei dun bawk ang!'a tih zawm zat a,ka chhanlet hmain phone a dah a,A kut chuan min vai zauh a,a speed tisang in a tlan liam nghal a.A awmdan mak lutuk vang chuan ka nui chhuak hawk bawk!


Bus stop aṭang kan in panin muangchangin ka kal a,kan inkawt lan theihna ka thlen chuan ka ke pen chu ka tawp chat a,Kan in kawta Car ding chu ka en vawng vawng a,Car chhhunga ṭhu chu a taksa tlem te a lang chung pawn tunge a ni tih ka hrechiang em em ani,Muangchang in ka kal phei a,Car bul ka thlen chuan Brad chu Car aṭang a rawn chhuak nghal vat bawk!Hmu lo luiin gate ka pansan a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:19 pm

"Amber!'' Inthlahrun hmel zet in a rawn ti a,ka ke pen chu ka tawp chat a,a lam hawi chuan ka inhera ,Brad mitmeng ka hmuh chuan ka thaw nghal hawk bawk.

"Tiang khan min en tawh suh!''ka ti ram hmak a.


Engmah sawilo in min pan hnaia min kuah nghal thlawp bawk.

Ka lo sual let nghal a,awmzia a awmlo hle!
"Brad...min thlah teh!'

"Amber.. I lungawi theihnan eng thil nge titurin min duh...?"


Ka maimitchhing vang vang a"Min kalsan hi ka duh ber!"ka ti chhuak sap a.Min kuahna chu phelh in min melh tlawk tlawk a,A hmela natna lang chhuak chu ka hmuh hmaih bik hauh lo.


"Duhtawk teh Amber!''a kutin a lu a dawm vang vang a.

"Brad..min kalsan la,hlim takin ka nun hi min hmantir ve rawh!"

"Ka kalsan thei lo che!''A car chu a tlawh nghal ṭhuai ṭhuai a,a au chiam bawk,Ka beng hupin ka lo ding ngawt ngawt a,Ka lam rawn panin chiangzet in min en a"Ka kalsan ngailo ang che!''a thinrim lutuk vang in a thaw ri sawk sawk a,a thusawi chu a nghet charh bawk.


"Mahse keiman ka kalsan ang che!"min vawnna kut chu ka thingthla nawk a,Gate ah lutin gate chu ka khar nghal hmak bawk!Min au zui lawm lawm a,Gate kawngkhar ngheng chuan ka ṭap hlawp hlawp bawk!




Tianga min umzui reng te chuan engtinnge ka bansan theih ang!Lo inkawp zel pawh ni ila,miin mi pasal hual a kawp tiin min sawi ngei ang,Brad chanchin ngat phei chu an ngaihven zual bik em em si!"Â leh lutuk mai!'' inchhung lamah lutin ka rilru lakpenna tur ka zawng ngat ngat a,Chang leh TV ka en a,Changleh lehkhabu ka chhiar a,ka rilru lakpen ka tum nasat leh Brad an rilru nat hmel taka min melh vawng vawng kha ka mitthla nghal zel si! Inchhuahsan in inhnunglamah ka kal phei a,Hnahthel lo tla hnawk niai chu ka phiatfai a,tlem chuan ka rilru kal ding pawh a zia deuh!Hnahthel lah chu ka tihfai lohna a rei tawh bawk a,Garbage bag lian khat lawih ka rut chhuaka,Leiṭha siamna lamah hnuk pheiin ka bunruak vek a,ka thlan a far ve zawih zawih thei!Ka bula thinglian zet chu vuanin ka thaw halh halh a"Hahthlak reuh hle mai!"ka kawr ban chuan ka thlan ka hru tawk a.



Thingkunga Brad thil ziah chu ka hmuh hmaih thei hauh lo!Ka pan hnai a,"Shortty loves Brad'tia a ker chu ka kutṭang chuan ka chul thuak a,Kan hun hman kha ngaihtuah let in ka mittui a rawn luang ngiai ngiai a!Mahse thinrimna in min tuam lehnghal vat!"Hetih lai zawng te hian min bum a ni!" Leia ka hmanrua dah ho chu la in inchhungah ka lut nghal nal nal a!Washroom ah lutin ka inbual a,tunah rih hi chuan Brad min hriatchhuah tir thei thil reng reng chu ka hlat a ngai a ni.


Inhnuai thawm ri ah chuan Alex a lo haw tih ka hre nghal thuai a,Inhnuai lam pan chuan ka chhukthla nghal thuai a.
"Amber..Brad khuan pawnah eng a tih reng a!"a pheikhawk bun phelh malh malh pah chuan a ti sap a.

"Ka hre bik nang!"a haw daih tawh ka ring a sin!

"Inchhunga lo lut tur in ka sawm a,a duh bawk silo,in intithiam lo leh tawh a mi?Nangpawh hi hal reng ṭhin lo teh!" Brad tan deuh chuan a ti nung nung a.

"Engmah i hre lo!'Kitchen lamah ka luhsan hmak a.

"Ka hriat loh chu min hrilh réng ta che! " kitchen ah chuan a rawn lut a,ka melh zawk a,eitur ka zawn san nghal a.

"Brad tluka hmangaihtu che leh hrethiamtu che hi an awm tawhlo ang!"Fridge a bawnghnute chu la chhuak in a in nghal a.

"I ngaihdan hi sawi chhuak ngawt ṭhin lo teh!"



"Nang pawh in i hriatchian khawp kha."A mit min siai zauh a,a darah ka chum nghal pawp bawk,Rak ṭhat in a dar chu a tuai nauh nauh a ''Brad kha a mittui a tla in ka hria!Mipa kan mittui meuh a tlak hi chuan kan na viau a nih loh vek leh kan beidawng viau tihna a ni ṭhin!Ti hrehawm rei lutuk suh!''thutak fé in a tisap a.


"Brad chu nupui hual nei mai tur a ni!''Chair ah ka ṭhu hnawka.Alex chuan ka darah a rawn vuan vat bawk.''Keipawh hian Brad hi ka hmangaih takzet a sin!A bula awm reng ka duh,ka hlimna ber a ni a sin!Mahse inhualna nei mai tawh tur chu ka hnaih a thianglo a ni!"


"Amber... â viau lo teh!Brad hian he inhualna hi pawm nise chuan he hmunah hian a awm reng lo ang,Inhualna a pawmlo a,a rawn pan che a nih hi!Brad an a duh miau loh chuan eng inhualna mah a thleng lo ang."


Ka nau chu ka melh ran a,a thusawi te chu dik se ka duh,eng inhualna mah thleng lo se ka duh takzet!

"Nilo..an nei ngei ang."ka lu ka thing mat mat a.


Alex chu ka bula chair ah a rawn ṭhu ve a,ka kut dawhkan a mi chu a rawn hum vang vang a"Nang aiin ka naupang zawk tih chu ka hria,mahse mipa ka nihna angin ka hrilh ang che,Brad hian a hmangaih takzet che a,Chuan he inhualna hi a thleng ngai lo ang,I inchhir leh na tur in engmah ti suh!"Ka chalah a fawp zauh a,''Ka han in tifai anga,Dinner kan siam dun dawn nia!"a tho a, inchung lam a pan nghal a.


Alex thusawi chu a tak nise ka duh takzet,mahse ka beisei ngamlo,kan thil beisei a taka a thlen loh in keimahni bawk ani na ṭhin!


Ka ṭhutna aṭanga tho chhuak in ṭhutkhawmna lamah ka kalphei a,he hmun pawh hi Brad nen inkuah chiala kan ṭhutna hmun tho!Tukverh lam chu panin parda chu ka keu dak dak a,Brad car chu a awmna ngaiah a lo la awm reng!He pa luhlul lutuk hi chu a buaithlak ṭhin!Tukverh aṭang chuan ka thlir reng a,kan in lam a rawn hawi a,min hmu dawna ka hriat apiangin ka biru nghal zel bawk a.Hmu hreh viau siin ka hmu chak ngawih ngawih si!


"Khatia hmu chak viau te chu va chhuak la!"Alex chuan ka hnunglam aṭang a rawn ti thut a,ka phu zawk thei.


"Ka hmu chak lo!"ka kalsan hmak bawk,Alex chuan min nuih hak hak pahin ka hnungah min zui a.Kitchen ah chun Dinner tur siamin ka lut nghal a,kan thilsiam chhung zawng chuan ka ngaihtuahna ka kawm char char.Alex min biakna pawh ka lo hrelo hial ṭhin.

"Amber..nangmah inbum reng lo teh!

"Ngawi hmak la,i ei tur kha ei rawh!"

Alex chuan a hmui a chip nghal hmak a,eitur ka hma a mi chu ka melh tlawk tlawk a,Alex chuan hmui chip hmak chungin kut zaizir in ei tur in min hrilh a,amah melh rawm rawm chung chuan ka ei ve nghala,Mahse ka pum lam aṭang a rawn in nem chhuak nimaiin ka hria ka uak nghal tuar tuar a.


"Ginger i telh ami?"Alex chu ka vin nghal tuar a,Washroom lamah ka tlan lut nghal bawk,Washroom ah chuan rei tawk ka uak tuar tuar a,Luakchhuah tur a awm bawk silo,Ka hrawk leh dang vel a na vek bawk.In phih faiin ka kal chhuak a.


"Amber..ka tihpalh..Ginger kha soup ah ka lo thlak a"Alex chuan ka kuta min lo vawn vat pah chuan a lo ti niah niah a ,Ka vin hrep avang khan inthiamlo zawk tur chu ka ni!

"Hey..ka thiamloh zawk a lawm!Ka chau rih e mai,ka mu mai ang!''A lu ah ka tuai zauh a.

"Ka hruaichho ang che aw!''

'Ngailo..va ei zawm rawh!''inchung pan chuan kailawnah ka chho hnak hnak a,ka room ka thlen chuan khumah ka mu hnawka,Ka muhil zui nghal vat bawk.


Zanlaiah chuan mumang ṭha lo tak vangin ka ṭhangharh hlawl a,Ka room lo thim mup chuan min ti hlauthawng leh zual,Ka theih anga rang in light ka on eng a,Ka hlauh lutuk pawh chu a zia deuh!Tunah tak hian Brad ka ngai takzet a ni,a bana nghet tak a min kuah laite,a awma bei chunga mangchhia nei miah lo a ka muthilh lai te kha ka ngaihtuah chhuak vawng vawng a,Mahse chung chu engtikah mah a thleng tawh ngai dawn silo,Tukverh lam chu pan in,Parda chu ka keu a,Brad Car chu a awmna ngaiah bawk a lo la awm!"HEPA hi thil pawh a la ei miah lo ang!Engemaw a tih chen chen le?"


Ka phone rawn ri chuan min tiphu zawka,Thin dawm vang vang in boruak ka hiplut hmasa leh a"Tunge le..zanrei tawh ah?"Phun niah niah in ka phone chu ka la kanga,Ka nutei a ni tih ka hriat chuan ka chhang nghal vat a.

'Nute thil thleng a awm a mi?"

"Awm hran lo e..I mu tawh em?"

"Ka ṭhangharh leh tawh zawk!"ka mumang ngaihtuah chhuak in ka ṭim sung sung bawk.


"A..Englo a nia..vawiin dawr aṭanga i chhuah hnu khan ka Customer pakhat in i number min dil a,a insawi dan chuan i ṭhianṭha tak a ni a intia, Chuan...a..Elvis 8'O'clock Show Host tu kha a ni leh zel bawk!''a rawn ti niah niah a.Tunah chuan Elvis an min lo call ngawt theih nachhan kha ka hre ta!Vawiin a chetdan atthlak tak mawlh kha.

"Nute ...amah chu ka hria a lawm!"ka ti let vata.

"Oh..a lawmawm hlauh a nih chu,I number kha min dil ngawrh lutuk a,i hriat kha a ṭawngkam thiam zia chu.."a rawn nui hak hak a,Elvis chu tupawh a zûnah an uai ang,A bikin nu valai deuh ho hi!Host a hnehin a ṭawngkam chhuak a zangkhai vah bawk."Dinner kan ei dun dawn a ti che a!"a ti zawm zat bawk.



"A..kan tum dan chu a nia lawm." Brad ka ngaihtuah zawk bawk! Elvis date ka neihpui dawn tih ka hrilh laia a hmel awmdan kha! Mahse khatianga ka tih khan min hlat theih ka ring a ni! Pawmlai nei nimai tur ka hnaih reng zawng thil dik a nilo.Ka nu leh pa thlarau pawh an zahawm,fanu chhuanawm tak ni thei lo mahila,Anmahni ti mualphotu nih chu ka duh bik lo.


"Awi...ka naute ka va awt tak che em!" Ka nute chuan nui hawr hawr in a rawn ti a.
"Patea'n a hria nge aw...! "Kan nui dun bawk bawk a tukverh lam chu pan hnaiin parda chu ka keu leh da da a,Brad chu a lo la awm reng.



"In lo inhre sa chu a lawmawm,I number I phalna lo in ka lo pe ngawt sia,ka inthiamlo leh maw le...mu tawh rawh,I nau pawh hei an exam dawn a lehkha a la zir lauh lauh mai..inhmuh leh vat kan tum dawn nia!" A rawn ti zung zunga,kan in mangṭha hnu chuan phone chu dah in Brad awmna lam chu ka thlir reng a,ka mut lah a chhuak tawhlo nasa mai si!
Ka phone message rawn thleng chu ka en nghal vat a.

"Ka ngai che!" Ka rum hawk a,ka thinzawn a rawn sa vawng vawng bawk.
"Shortty min ngai ve tho tiraw?"

Ka phone chu ka melh tlawk tlawk..Brad ka ngaihzia chu tuman an hrethiam lo ang.

"Shortty ka telloin i awm thei tak tak ang maw?"


"Ka tum mek a ni!' Tiin ka phun sap a.

"Kei chu ka thei lo..I tello a thawk lak harsatzia hi!"

Ka mittui chu ka dang thei thlawt lo,ka kâ hupin ka inhnit hlawp hlawp a.

"Ka message hi i chhiar tiraw?

"Amber..Brad hi i tello chuan engmah a nilo."

"I va han mawl tak em!" Ka phone chu ka hum vang vang a.

"Ka hmangaih che..muhil tawh rawh..Ka Shortty Good night."


Khumah ka ṭhu hnawk a,lukhamah hmaiphum in ka ṭap nghal hawm hawm bawk.


"Tiang te chuan engtinnge ka kalsan theih ang!Kan inti na tawn mai mai a ni!''Tristan an min hrilh kha ka hrechhuak rum rum bawk,"Brad hi chu a luhlul in a thin a chhe em em,mahse a pawnlam landan ai hian a chhunglam hi a na awlsam,pawnlama a landan chuan tih mawh leh ngeng tak ang in lang mahse,a chhungril hi chu tihnat awl tak ani!"Tiin min hrilh tawh ngei a ,Chu ang chiah chuan Brad hi tunah hian a awm a ni!A nat rual hian ka na ve zel bawk si!Tinge tawpna hlimawm nei thei ngailo tur hi kan lo intawn a?Bul kan lo ṭan ni!!!????
Ka Alarm ri bengchheng zet chuan min tiharh hlawl a,nizan ka awmdan ang ang khan ka lo muthlu tih ka taksa na ṭhum aṭang chuan ka hre thei,Ka bawhna lamah ka dar a na vek bawk,Khum aṭanga chhuk in ka zi mar vel a,Ham bai baiin tukverh lam ka pan nghal a,Parda hlim eng in pawnlam chu ka en vat a!Brad car a lo awm tawh loh avang chuan ka thaw huai thei!Tihian zawi zawi in a beidawng ve mai ang.


Inhnuai lamah Breakfast siam tur in ka chhuk thla nghal a,Kitchen aṭanga thawm lo chhuak ka hriat chuan ka nui suk a,Kitchen ah chuan ka lut zui nghala .
"Morning..I mu ṭha thei maw?'Alex chuan harhvang zet in a lo ti a.


"Morning..ka mu tui viau e."Tui glass a inthlit in ka in nghal khawlh khawlh a,Dawhkana Alex laptop in on va chu ka pan a,A screen a ka thil hmuh chuan min tichau hnawk thei!Chair ah chuan ṭhu in ka melh ngai ka melh tawk tlawk a,Brad leh Melania an inhual dawn tih chu ka hrereng!Mahse an thlalak News a han hmuh dun meuh chuan ka inbuatsaih lawk ve na kha engmah lo maiah an chang zo!Pangngai tak a hmachhawn theih ka inring asin le?


"I duhthusam a nilawm ni?"Alex chuan min en ran chung chuan a ti a,Alex pawh hian Brad lam a ṭang hmak tawh.


"Duhthusam piahlam a ni!''ka nui lui a,mahse ka luak a chhuak up up thung.
"Brad hi tuna i kal tir anih chuan lo let leh na kawng a vang telh telh ang!''min hnungchhawn nghal hmak pah chuan a ti a.Ka ngaihtuahna insual nasatzia pawh min hriatthiampui tawp silo.




Laptop chu ka khup thawk a,Inchungah ka chho nghal nal nal,Alex an min koh zuina pawh chu bengkhawn lo in washroom ah ka lut a,ka uak nghal tuar tuar bawk!Chau hnep in washroom ka chhuahsan a,Ka lehkhabu chhiarna dawhkan a calendar chu ka la kang a,ka keu let thak a,Ka thlatin hunbi neih hun a pel tawh tih hria in calendar chu ka dah thla a,Thla hmasa khan thlatir nithum thleng hunbi ka nei!Chuan tunah thlakhat dang a liam leh tawh...!!!
Ka luak chhuak avang bawkin washroom ah ka tlan lut a,luak chhuah tur awm hauh silo in ka uak nghek nghek ringawt..!Tun kartawp chu in check up a ngai,Ka thlatin hunbi hi chu thlakhat awl chang te ka nei ṭhin tho!Mahse ka luak lo chhuak ve sek hi ka hrethiam lo,Doctor hmuh mai a ṭha ang.


Hna a kaltur in ka insiam mawlh mawlh a,Tunhnai eitur ka insum loh lutuk avangin ka kekawr kawng chu ka tawt deuh bawk,Thawk a tih har ṭung avang in ka jumpsuit chu ka ha ta ringawta .Ka sam chu sangzet ah ka ṭawn a,Ka hmui chu rawnglar lam ka hnawih a,ka kal chhuak nghal a,Gate ka hawn rual chuan ka phu nghal zawk!Ho te te a ka phu zawk ṭhin pawh hi ka inentir hun chuan Doctor zawhfiah a ngai.


Brad chuan Car chhung aṭang min lo en dauh dauh a,Ka chhip aṭang ka ke hmawr thleng in a melh chhuak vek!Ka taksa a lo sa pap pap bawk.Ka awmdan duh lo chuan ka insangmar nghal vat a,Brad leh a Car chu kalpelin Bus stop lam chu ka pan a,Ka hnung zelah Brad chuan a car chu a rawn tlan tir ve zel bawk..

Ka phone a rawn rik avangin ka ding a,ka bag a phone chu ka la chhuak nghal a."Elvis!"

"Hello."ka ti mawl tawp a.

"Dinner min ei chhuahpui tur kha I lo theihnghilh ka hlau a,ka rawn remind che..chuan Movie pawh kha!''a rawn tih zawm zat a,ka nuih hak ringawt.


"Nui lo teh!ka phur tawh lutuk hi ka sana herh hma te ka duh rum rum".a rawn ti leh hram a..

"Kan in hmuh dawn tho chu.!''Brad lam ka melh chuan chik zet a min lo en reng avangin ka mit ka lasawn vat a.

"In office ah ka rawn hruai ang che..Darruk ah ka lo thleng ang."


"Aw le."


Phone chu ka bag ah khung leh in ka kal lehnghal nal nal a,Brad pawh ka hnungah muangchang in a rawn tlan ve bawk.Bus Stop ka thlen hnu chuan ka piah si ah chuan a ding tlat a.A awmdan hian ka awm a ti nuam lo,Min melhna mit a lasawn duh miah lo lehnghal.




Bus a rawn thlen chuan Horn a rawn hmet ṭhat ṭhat a,Passenger a pick up na turah Brad chuan a Car a park tlat avangin a chhunga chuang te pawh chuan Brad car chu an en ṭhup a,Brad lah chuan Bus thawm vel chu hria ang pawh in a lang lo,keimah chiah min en!Hahthlak hian..midang buaina a thlen tih pawh a in hre tawp nang.

A lamah chuan ka pen phei a,A car Glass chu ka kik kar karh a,Rang takin a ti thla nghal a.

"I car hi dahsawn rawh!Bus i block a nia."a mita en loh hram tum in ka hawisawn nghal vat.


"Lo lut phawt la..!" Min nuih var var in a rawn ti a.


"Bus ka la zawk a nge..kal tawh rawh."
"I lo luh loh chuan nileng pawh in ka ding ang."


Bus Driver bawk chuan Horn a rawn ti ri leh a,Duhthlan tur a awm ngang silo.Brad car ah chuan ka lut ve ta nge nge a,Naupang thil duh hmu ang maiin a nui vur vur a. A tlan chhuak zui nghal a.


"Amber..?"


"Ṭawnglo in khalh rawh!"

"Ka hrethiam e!"



Ngawi rengin Car chu a khalh a,amah chu ka mitsir pah zauh zauh a,a hmel chauh hmel lutuk leh mut kham lo tih hriat zet a mithnuai val kalh te hian min ti na! ..Nilo..min umzui lo tur in ka hrilh lawm lawm a..a duhdan a lawm...a beidawng vat mai ang.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:19 pm

THE VAMPS
(Fan fiction)




Reo Ririni Khiangte

Chapter 23




Office kan thlen chuan Car aṭang chuan ka chhuak nghal vat a,Brad an min auh din leh hmain ka kal nghal dawr dawr bawk.



Lift ka chuan lai chuan pangngai taka ka lan theihnan ka nui lui hram hram a,Lift a rawn in hawn chuan midang awmna lamah ka lut phei a!Connor leh James chauh an lo la awm!Mikey leh Tristan chu ka hmuh mai loh avang chuan ka hawi kual thuak thuak a,Kawngkhar a Brad rawn lut ve chiah chu ka hmuh rual in Couch ah chuan ka ṭhuthla nghal vat a.Brad chuan kan lam a rawn pan a,James chuan a lo wish zauh a ,An in bawh râk leh hmasa phawt a,An awmkhawm hi chuan atu amah hi an awm hle hle ngailo,an in khingtawk vek bawk.Brad chuan James sa huatah a khawih a,James chuan Connor chu amah pui tur in a au chul a,an sir aṭang chuan ka phone phawrhin video in ka lo la nghal vat bawk!Tianga an inbuan chiam hian video in ka lo laksak ṭhin,an en let apiang in kut tuarlo ber kha an buan rawn leh ṭhin!



"Amber I lo record tiraw!''James chu ka bulah thaw hlawp hlawp in a rawn ṭhu a,nui var varin ka phone chu ka lo hmuh a,A en chuan a chek tlak tlak a,"Brad hi a inveng nasa bik lutuk!''a ti hlut a,Connor chuan a tihtur a hre khawp bawk,Brad naknemah chuan an khawih sak a,an rak tuar tuar bawk,Sahuan a thil en ai pawn an chevel hi a hmuhnawm ṭhin!

Mikey chu rawn lut in a rawn nui put put a,Ka camera ken chu a rawn bihzawm ve zat bawk''Kan naupang ho tak hi aw...engtiknge an puitlin ve theih ang!''a ti nang nanga.Tristan chu Drumsticks keng chungin a rawn lut a,Brad chuan amah pui tur in a lo au chul bawk!


"Duhtawk tawh ru..thuthar ka nei ania!"Mikey chuan kut beng thak thak pahin a ti a,anni ho pawh chu in thlah in Mikey chu an melh ṭhap a,Mikey thusawi an zawm thei lutuk hi an lawmawm"Arpui leh ar naute " hi an ang ṭhin.



"Africa rama ṭâmtuar te ṭanpui nan documentary film siamna kan nei dawn!"
"Wow..!" Tristan chuan áng phiau in a ti a.


"Africa ramah kan kal a ngai dawn..mahse thla thar project tur a la ni..chumi hma chuan music video buaipui tur kan nei!"


"Sounds like a plan"Connor chuan nui var var in a lo ti a.


"Band room ah kal ula,a lyric chu in hmu ang,vawiin aṭang kan ṭan ang!

Phur takin Band room an pan sang sang a,keipawh makeup room lamah ka lut a,kawngkhar rawn in hawng thut ah chuan ka hawi let vat a,mahse ka tlai hret,Brad chuan ka kawngah vuanin min fawp nghal chawt a,a hmui in min seh rual chuan current man ang maiin ka ṭek chhuak vek!,Mahse chhang let lo turin ka inthunun hram hrama,min fawhna chu thlak in ka darah a rawn bei thlawp a,ka lo maimitchhing sawk thung,ka namsawn lo a...ka kuah let lo bawk.

"Brad?"


"Reilote...Reilote ka chakna min laktir lawk rawh!" A aia nghetin min kuah a.Ka kuah let ve mai loh nan ka kut ka humruh vat a,Brad chu a thaw sak sak a,muhil tur a ang zawk mah,minute hnih chuang a kan inkuah tawh,a la chesawn miah lo.


"Brad..an nghak tawh che nia.."


"Aw le..ka hria e..Amber ka lawm e ." ka chhan hmain a kal chhuak a,ka dar vawt ngiai chu ka khawih a,ka ner nghal sawk bawk"Brad...I mittui a tla leh tawh...I va mawl tak!"Leiah ka ṭhu hnawk a,tuna ka rilru duhdan hi ka zawm ngat a nih chuan tlanin Brad kha ka pawt ding a nga. Ka kuah vawng vawng ang! Mahse chumi titur chuan ka huaisen silo..Mimawl pa" Brad kal chhuahna kawngkhar chu ka melh tlawk tlawk a.
Hmangaihna hi chuan hlimna chauh keng tel awm tak hi a nia!Mahse..chumai chu a ni silo... Natna..kehsawm vek na!Tuar zawh loh tur khawpa beidawnna,..Hengte hi a keng tel ve tlat si a!Heng te hi kan hmangaihte vanga kan chunga thil thleng a ni,Chu thil chu hmangaihna vek in a tuam dam leh vek thei.



Engemaw ti ti in chawhma chu kan hmang liam ve hram,Lunch ei tur in kan inzui dam dam a,Connor leh Mikey an ṭawng char chara,Tristan in kalpah in a thil hmuh apiang Drumstick in a khawng pah zel bawk!James in a tablet a game kal pah in a khel chut chut bawk ,Ngawi ran in ka zui ve tawp,Brad lam ka hawi chuan min lo en reng a,a nui suk bawk,a landan aṭang pawh hian a chauh hmel tak zet a ni.



Kan ei duhzawng kan lak hnu chuan ṭhutna kan pan sang sang a,a hma chuan Brad nen kan ṭhu dun ṭhin,Ka ṭhutna ngaiah ka ṭhu a,Brad pawh a rawn ṭhu ve lehnghal bawk,ka lo hah nghal ṭung a,Vawikhat pawh hawichhuak lo in ka eitur chu ka ei mawlh mawlh bawk,Ka eitur chu en chianglo in ka ei a ni ngei ang,Carrot ka ei tel a,ka tawp nghal chawt,ka khuh nghal bawrh bawrh a,Ka awm ka chum dawt dawt a,Brad chuan tui in tur min lo pe vat a,ka hnunglam aṭang min lo chum ve bawk.


"Carrot i ei tel a nih kha!ngaihtuah lo in engmah ei ngawt tawh suh!''ka thlenga thlai ho chu a la vek a,Arsa a thlenga mi chu min pe nghal a."Hei ei rawh,thil i ei hma in en ngun tawh ang che!"Tissue in ka hmui a rawn hru nghal bawk ,Mit lasawn miahlo in amah chu ka melh reng a,Tuna ka awmdan hi ka duhlo tak zet.

"Lemchan hmuhnawm tak a ni!''



Chu aw rawn chhuahna lam chu kan hawi nghal ṭhap a,Melania chu kan piah deuhah thawmhnaw chhing zet leh pheikhawk sang zet bun in a lo ding ran a,Brad nen kan inṭhut hnaih lutuk chu a lawm loh hmel hle bawk,Brad chuan melh pawh melh lo in a eitur chu a ei zawm zat,midang pawh chuan ngaihsak tánge an ti bawk lo,a dingtlawn zar a,Ka biakna chhan tur ka hre biklo bawk,ka eitur chu ka ei san hmak,Ka thlengah chuan Connor an Bean chhum a lak chu min pe ṭhen a,ka thleng a Toffu chu a la tel zauh bawk.


"Hei..Toffu kha vitamin tamna a nih kha,Amber pe lehnghal rawh!'' Brad chuan a lo ti nghut a,Connor chuan ngaipawimawh lo zetin a hmawm nghal tawn tawn bawk.Brad chuan rum zetin Connor chu a melh a,midang chuan an lo nuih ham ham a,James chu a tho ṭaih ṭaih a,Plate ruak la in Toffu hlang bik chu a va la ṭeuh a,"Ei vek rawh,Brad hmel a hlauhawm e mai!"a rawn ti nang nang a,Connor chuan a lo ban ve nghal zat bawk.


"Kha laiah khan Modelling i ti dawn mi?"Tristan chuan Melania lam chu a melh a,a nuih suk bawk.Melania chuan thinrim zet in kan lam a rawn pan nghawng nghawng a,ka lo ngaihven peih lo,eitur chu ka ei lui char char,ka ei chak vang erawh a ni hauh lo.


"Brad..lunch ei chhuahpui che ka lo tum asin!"


"Ka ei mek !'Brad chuan a ti nghut a.
Sawi leh mai tur hrelo in Melania chu a ding ran a,ka plate chu la in kalsawn ka tuma,Brad chuan a fork dahthla in rang takin ka kutah a vuan a."I la ei zo lo ṭhu leh rawh!''min melh kar mahse a thusawi ngaipawimawh lo in ka kal tlang lui a,Melania ka pelh dawn chuan "Mahni awmna tur tawk te hi hriat tur a nia!''tiin a lo phun sap a,Ka thin a tisa zak,ka soup in bang chu la kangin a lu aṭang ka leihsak mai chu a rak nghal tuar tuar a,min melh rum hle bawk,Mipa ho chuan ka chetdan chu an beisei lo hle aniang an âng phiau a,ka plate chawi lai chu Melania awmah ka hmehbel a,a lo vuan vat bawk."Saw laiah sawn min lo va dahsak la,I intifai pah nghal thei ang''ka nuih suk a,hall chhung chu ka chhuahsan nghal hmak bawk,Mipa ho nui hawk thawm leh Melania au tuar tuar thawm chu ka hre zui zat bawk.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:19 pm

"Mahni awmna tur hrelo chu amah zawk kha a ni!"tiin ka phun sap a,Tristan secret room ah ka lut bo zui a.


Tunah tak hi chuan engmah ngaihtuah loa muthilh ka chak lutuk,Teddy bear zingah chuan ka mu kak a,Ka duh duh chu ka kuah a,Mut chhuak in min zem chiai chiai a,ka muhil nghal nimai in ka hria.


Kan lungngaihna te hi mumang ang mai hian darkar reilote atan chauh ni ṭhin se a ṭha tur a nia!Mumang chu engang pawha hlauhawm leh ṭhalo pawh nimahse a rei berah darkar hnih khat chhung atan chauh a ni ṭhin!Tuna ka awmdan te hi mumang ni thei zawk se!!!!



Chianglo riai ruai in ka menga,ka bulah chuan tuemaw hi a lo mu ve reng bawk, Ka mit ka nuai nauh nauh a,ka bula mu chu ka en chiang leh a,ka phun nghal hlak bawk.Amah tihharh hlau tak chuan ka tho chhuak ṭham ṭham a,Kawngkhar hawnna chu ka vuan tawh."Ka lo thlah ang che!''thawhphan nei miahlo in a rawn ti zat a.Ka phu zawk bawk.Hreh zet in a lam chu ka hawi a,min melh run avang chuan ka nuih lui a.

"Ka thlah ang che!"

"Ngailo mai...kal kawina tur ka nei a!"

Oh..nilo..Darruk ani tawh,Elvis khan min nghak tawh ngei ang,Kawngkhar chu hawngin ka tlanchhuak nghal a,Lift ka luh rual chuan Brad pawh a lo lut ve nghal zat.

"Ka thlah ang che ka ti a lawm!''

'A...kal chhuah ka ngai.."

"Amber!'


A vin thut avang chuan amah chu ka en ran a,inthiamlo tihhriat zet in min melh let lehnghal a.


"Luhlul chhuah reng suh!"dam thlap in a rawn ti leh a.Lift a in hawn avangin ka pen chhuak nghal a,Office pawnlam chu ka pan nghal dawr dawr a,Pawnah chuan Elvis chu car nghengin a lo ding ran a,Tuemaw call tumin phone chu a ngaithla a,ka phone a rawn ri nghal zat bawk.


Ka phone ri hria in a rawn hawi a.min hmuh chuan kut vaiin min nuih nghal sang a , a lama kal turin min hui zui bawk.

"Min nghak rei tawh em?"

"Aih...ka lo thleng deuh chiah,Kal nghal ila?"



Ka lu ka lo bu nghat a,Car kawngkhar chu min hawn sak a,Min nuih sang bawk,Car chu kal helin a rawn ṭhu lut ve leh a,kan tlan chhuak nghal bawk,Han sawipui em em tur ka hriat loh bakah,a ka hupnana dinner treat mai tur ka nih avangin han biak luam pawh ka tum chuang lo,mahse inveng ṭung anga lan chu ka duh bik miahlo,Brad leh Melania kha kut invuanin hmu lo phei ila chun hnial dan ka zawng ngei ang.


"Eng movie lam nge i ngainat?"

"Ummm...engpawh a nimai,Movie hall a nih tawh phawt chuan engpawh ka en thei."


Ka chhanna vang chuan a nui ri hak a,ka lo ner sak thung.


'Miss Amber hi hriatchian a chakawm telh telh mai!''la nui sang chung chuan a ti a.

"Tum buai duh suh."ka lo ti vat,a nui leh hawk hawk a,nuihzat tur ka sawi reng ka hre bawk silo.


"I naupangchhia reuh hle mai!''a ti chhuak hlawl a.


"Uggg..kha Word kha ka haw lutuk!''ka nui ve sak thung,Brad pawn vawi tam Napangchhia min ti ṭhin a nih kha..."Uggg..hun lo lutuk,engvanga Brad ngaihtuah chhuak nge maw ka nih le!"

"Kan thleng e.."


Elvis chu Car aṭang a chhuk a,ka lam chu a rawn hawng vat a,Car chu khar in a lock ri khap a,Parking aṭang chuan theatre pan in kan inzui lut hnak hnak a.


"Engpawh i en theih chuan Doctor Strange hi kan en mai dawn mi?Tun kara Movie an tlangzarh thar kha a nia.?"

"Wow...ka duh lutuk!''



"Anih chuan tahhian min lo nghak rawh.Pop Corn leh Coke ka'n lam lawk a nge!'ka darah a beng thak a,kan piaha midang lo in tlarna ah chuan a in zep ve nghal a,Midang chuan an en duh hlawm hle a,a ṭhen in thla an lakpui nak nak bawk,Brad nen Lalaplace a kan Dineout ṭum kha ka ngaihtuahna ah a rawn lang leh zawk bawk,khami ṭum pawh khan Cotton Candy min lei sak turin Brad kha mipui karah a intlar ve ran a nih kha.Ka lu ka thing nawk nawk a,Tunah hi chuan nunhlui nilo in bulṭan thar dan ngaihtuah zawk rawh!Tiin ka inhrilh zui mawlh mawlh bawk.


Elvis chu popcorn leh coke kengin ka lam a rawn pan a,Ka lo nuih hawk hawk bawk.


"Ka jacket ipte ah hian ticket a awm,"sir zawngin a rawn ding a,ticket rawn lawr vá chu pakhat ka phawi a,Pop corn bawm lian tawk pakhat leh Coke chu min pe a,lawmthu ka lo hrilh vat a,"Kan lut dawn mi niang!"ka dar ka lo kan ak a,ka tumloh deuhin Brad ka hmu thut zui,a hmai chu a tuam vek a,kan piah deuh lawk aṭang chuan min lo thlir reng!Ka mood a ti off vek bawk.

"Amber!" Elvis chuan min lo la nghak reng.

"I ṭha maw?"


"Aw..ka ṭha e,lut ang!''ka kal a,min zui ve nghal bawk.Hall kan luh hma chuan ka hawi let leh hrama ,Brad chuan min lo la thlir reng tih chu ka hmu thei,ka mit ka chhing sawk a,Boruak tam thei ang ber hip lutin hall ah chuan ka lut a,Kan ṭhutna tur lamah chuan Elvis nen chuan kan inzui hnak hnak a,Room chhung lah chu a eng lo em em si,ka luh hma in Brad hmu lo ila chuan nuam titakin Movie pawh ka en thei ang,Mahse...tunah chuan Brad ringawt ka ngaihtuah leh tawh,Ani khan min lo zui char char tihna mi?Tinge luhlul a chhuah reng le?"


"Pop corn chu I flavour duh zawng a nilo mi?ka ta hi Butter a nia..I duh zawk em?"Elvis chuan a rawn ti sar sar a,ka kut ka en chuan popcorn malkhat chu ka lo hrual kual vel mai mai a lo ni!



"Aih...Vanilla hi ka duh lutuk,khi movie a in ṭan en tawh ang!"tiin hmalam chu ka melh vat a,Mahse screen ah chuan Brad hmel bak ka hmulo,Ka awmdan zet hi ka ning lutuk!Ka mit chu ka chhing vang vang a,Tuna ka chak ber chu mahni chauh a awm a ni!Mahse ka lo insawi na ve tawh si,ti tur a ka lo insawi tawh chu chhan ṭhatak vang lo chuan ka pumpelh ngai lo,Elvis lam chu ka en dak dak a,Hmuhnawm tih hmel zet in Movie chu a lo en dauh dauh a,a hmel a hahdam hmel hle bawk!Hmalam chu ka melh ve ran a,enge screen ah chuan lang pawh ka hre mumal lo,Sana ka bih sek bawk.





Darkar hnih dawn kan ṭhut hnu chuan Movie chu a tawp ta hram!Kawngka lam pan in ka kal nal nal a,Elvis chuan min lo zui ve vat bawk,Pawnlamah chuan ka pop corn leh coke chu bawlhhlawh bawmah ka vawm lut vat a,Brad awm leh awmloh ka enkual nghal ruai bawk.Ka darah thachak zet in min vuan ding chat a,min su thawi fua in mipa rawlthar pakhat hian Cycle a rawn tlanpui a,ka thin a phu nghal zawih zawih bawk.

"I ṭha em?'Elvis chuan dam thlap in ka dara min vuan reng chung chuan a rawn ti a,Ka lo bu nghat ringawt,"Cycle nen he hmun hi tlawh phal a nilo sin le!"a ti nuah nuah a,za vaklo in ka lo nuih a.

"Tunah chuan Dinner kan ei dawn mi niang?''min ngaichang tak in min en ran a.

"I tih dan dan le!"ka theihtawp in lan pangngai ka tum!Mahse a har a ni.

"Hey...I ṭha meuh maw?Zanin atan chuan kan duhtawk rih dawn mi niang?Dinner chu zan dangah kan ei thei tho a."

"Ka ṭha lawm..kal ang,"ka nuih suk a,nui vur vur in min zui ve a,Diktak chuan zan dangah pawh hmuh ka duh tawh lo,Zanin hian zawhfel vek ka duh!

"Khawnge kan ei ang!"

"I duhthlang rawh..bill ka pek tur a nilawm ni.?"

"Ka duh thlan chu i pawm dawn tihna mi?"

"Ka pawm mai a ngai a lawm."

"I inchhirlo ang maw?"


"Manto lohna ni phawt se!"ka tisap a,Changkang tak a thlan chuan ka hlawh zat ve ka sen a ngai ngei ang.



"Nih chuan min lo zui rawh!''a inher vut a,a hnungah chuan ka kal ve dat dat a,Theater piah a,Hotel lian zet chu a pan ding nghal bawk.


"He pa zet hi!Amah angin hlawh ka nei tamlo tih a hre âwm reng si!Duh ka lo thlantir kher kher a ni!"




Hotel kawngkhar lian zet amaha vir theiah chuan a lut a,a kutin min hui zauh a,hawsan daih mai ka duh rum rum.Phur lo zet in ka pen lut a,a chhung lah chu a ropui lutuk,Chhuat chu carpet hmul sen vek an phah a,inchung lamah light bawr lian pui pui rangkachak rawng an khai fur a,engkim mai chu changkang tak a ni.A chhunglama lo awm te pawh coat suit in an inthuam vek a,hmeichhe ho lah chu ka sawi peih lo zawk,Ka inchei ve dan mawlh hi!Jumpsuit leh Sneaker tawp ka inbel,ka tê chem chem mai ni.


Elvis chuan ka banah a rawn vuan a,ka lo phu zawk zui,Hnathawk ho chuan chibai an lo buk sap sap a,a kal ngun tawh hle a niang, an lo nuih sang bawk.



A zau bawk si,a lian bawk si,ka hawi hu hu lo chauh! Kil khatah chuan live music play tu an lo awma,chung chuan cool raih in music an lo tum a,an bul maiah chuan a ṭhen an lam bawk,Dawhkan pakhat kan thlen chuan Elvis chuan chair min pawh chhuahsak a,dawhkan awm zawng zawng pawh chu puanvar vekin a inkhuh a,chair cushion chu a senduk a ni thung!Ka ṭhut fel meuh chuan thawk ka la nghal vang vang a,ka purse a pawisa awmzat ka ngaihtuah rauh rauh bawk

"I ṭha maw?"hahdam hmel zet in Elvis chuan a lo tia.



"Ka ṭha lo lutuk,I hmun thlan hian ka hlawh zahve a ei zawh a ngai!''tih mai ka duh rum rum,mahse ka lu ka bu ta nghat zawk a.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:19 pm

"Hey..khatiang hmel kha pu lo teh..ka fiam che a nih kha.Bill chu ka pe dawn lawm!"

Ka chhang buai peih lo,ka hmui ka tihsawih khum zauh a,a nui nghal vur vur bawk,Amah a palian sia,a bula ka awm ve chu ka inhmu té lehzual.


"I duhzawng enkual rawh?''menu chu a bih nghal a.


Ka dawhkana Menu chu la kangin ka hawng chiah chu ka rak ṭhat a,engkim chu $100 chunglam vek a ni!Ice-cream cone khat lek pawh $100 chuang,ka meng bial kawk thei.


''Hey...he hmunah hian engmah ka ei dawn lo."Elvis chu ka be sar sar a,midang in an hriat ka hlau ve tho bawk si.


Min nuih vur vur duh chauh."Enteh..$20 lek pawn heiaia tui kan ei thei reng a nia!''beidawng zet chuan ka ti sap a,$100 chu a tam mah mah a ni!



"Ka sawi chu..zanin chu keiman ka pe ang, zan dangah nangman..I duhna hmunah min hruai ve dawn nia!''Damthlup chuan a ti a,ka ṭah a tichhuak hial zawk!




Chhang buailo chuan Menu chu ka bih kual a,kan lampan a ke pen thawm awm ka hriat chuan ka taksa a khur ru dar dar a,min kalpel a a rim ka hip aṭang ringawt in tunge tih ka hre thei.Rapthlak hian!
Kan ep chiah dawhkanah a ṭhu a,min melh nghal run bawk,hnathawktu in a ei duh tur a zawh chhung pawh in min en na lasawn miah lo in hnathawktu chu a chhawna,ka hmaa tui chu ka in pawp ringawt a!

"Enge i ei ve ang?''Elvis lam chu ka hawi vat a,ka nuih lui sang bawk.

"I ei ang ang kha a ni mai!'

A mit a kan ak a,ka lu ka lo bu leh zauh bawk,ka ep chiaha ṭhu chu en loh hram tumin dawhkan chu ka melh ran a,Elvis chuan eng engemaw hi sawiin a ṭawng suam suam a,a bula awm a hahdamthlak phian bawk...



"Miss Amber min lampui thei angem?''
Ka lamah a kut a rawn phara a,amah chu ka lo en hó ringawt.Rimawi tumtu te lam chu a kawk zauh a,midang pawh an lam bawk.

"Saw lamah sawn lam ang !''


Ka va duhlo tak,ka incheidan en hian dinchhuah leh ka huphurh ngawih ngawih.
Ka kut chu muangchangin ka pe a,Brad chuan min lo en ve reng avangin ka tîm ve deuh,mahse ani pawh nupui hual nei tho a nia,ka pasal hual leh ka bialpa a ni ve chuanglo tiin ka inthiam chawp a,Elvis chu zuiin midang lamna lam chu kan pan a.


Ka ban a min vuantu avang chuan ka ding chawt a,ka taksa chu a sa chhuak nghal vek bawk.


"Brad.."Elvis chuan Brad chu a en ran a,Brad pawh chuan min vuan nghet sauh in Elvis chu a melh ran a.


"Brad..helaiah hmuh che ka inbeisei lo asin."Elvis chuan ka kut a vawnna thlah chuanglo chuan a ti sap a.


Brad chuan a chhang miah lo thung,engtia awm tur nge ka hrelo,ka bula mipa pahnih ding chu an in melh ran mai si.

"Amber.. Min lo zui rawh!''thupe aw zetin Brad chuan a ti sap a.

"Brad..!''

"Min zui rawh ka tih chu"a lamah min pawt dawrh a,Elvis pawn ka kut a vawnna chu a thlah a.


"Amber..in be hmasa ru..ka lo nghak ang che.''min nuih suk a.


''Lo nghak duh suh,ka hawpui nghal ang!''Brad chuan a ti sap a,min kalpui nghal dawt dawt bawk,Midang hmuh a ennawm nih ka duhloh vang chauh in ṭang buailo in ka zui ve a,Pawn kan thlen chuan tumah venthawn tur an awm tawhlo bawka,ka kut a vawnna chu ka thing vat a,mahse a thlah lo chiang hle.
Parking lamah min pawtthla leh nawk nawk a,A awmdan vang hian ka thinrim takzet.


"Min thlah rawh!''ka vin tawn tawna,engmah a ngaithla zui lo .


Car chu hawngin min nam lut a,talchhuah tumin ka beilet vat a,Car seat chu a tihniam thut a,rang takin min bawh bet nghal bawk,A awmah ka nam a,ka chum zawt zawt bawk,engahmah ngailo in ka kut chu a man bet a,min fawp nghal tawn tawn bawk,Ka sual let char char a,amah pawh a in thlahdul duh biklo,Min fawhna chu a aia uarin a fawpa,mahse a dam thlup tawh!Keipawh karloah ka in thlahdul a,Min fawhna chu ka chhanlet mai lohnan ka inthunun ṭang ṭang thung,min fawhna chu thlah in ka nghawngah a fawp thla a,ka lo rum hak bawk,ka hmuiah bawk rawn fawp leh in chhanglet tura min phut zet in ka kawngah a kutin min dawm a,insum hman tawhlo in ka lo fawp let ve nghal vat a,Kan thaw dun hlawp hlawp,min khawihna apiang mai chu current man ang maiin a ṭek chiai chiai thei hial...


"Amber..harh chhuak rawh!"


Brad chu ka nam thut a,hrilhhai hmel takin min en a,"Hremhmun ah kal rawh!'ka jumpsuit ka dara uaithla hniang chu ka pawt chho a,Car aṭang ka pen chhuak nghal a .

"Amber ding rawh!''


''Ka hmuh phak lohah awm rawh."

"Tiang hian awm lo teh!Ka chau tawh takzet a nia!'


"Kei hi sin chau chu..min umkual rengna lamah hian ka chau tawh!"

"Nilo..Amber.."

"Brad..ka hmangaih tawh lo che..chu chu i hria em?bumtu i ni..ka hua che!''ka aukhum tawn tawn a.

Min pan hnaiin ka darah a rawn vuan a,a hmel chu hlauhawm tak a ni!

"Tuna i sawi kha sût lehnghal rawh!"sehchilh nak in a rawn tia.


"Nilo..ka hmangaih tawhloh vang che a sawi ka ni!"


Min vawnna chu a thlah a,Car chu a tlawh pawp pawp a,a darthlalang ṭhenkhat chu a khi hial thei.Ka beng hup in ka lo ip chawih chawih bawk.


Ka darah na zet in min manbet a,a hmel chu thinrim vangin a sen vek.


''Amber,Tun chauh hi ka zawt ang che!Kan inkar hi tawp takzet se i duh em!'' A hmel en aiin a ṭawngkam chu a dam leh thlup sia.


"Brad..tawp se ka duh..engkim hi tawp se..ka hriatrengna takngialah pawh hian awm lo la ka duh!'' ka ti chhuak hrawih a,ka ngaihdan diktak ani,ka neih theih loh tur a nia,ka hriatrengna hi min tina tu mai an ni dawn si a.



Za lo zet in a nui hak a,a sam a tuai puat a,a hmuihnuai chu a pet fan fan a,a ṭawng chhuak tawh dawn lo emaw ka tih hnu chuan harsa ti zet in he thu hi a rawn sawi a,"I zalen ta e..Ka umzui leh tawh ngailo ang che!Kal rawh,I nunah ka lo lang leh tawh ngai lo ang''ka darah a rawn vuan a,ka taksa chu a her a,min nem dawt dawt a."Rawn hawilet lo in kal ang che..tihian i duh ang ngei in kan inkar chu a tawp ni rawh se!''a thaw kawka,ka dar aṭang muangchangin a kut a la thla a.A ke pen thawm in a zui zat a,Car kawngkhar in khar ri ṭhuai chuan min ti phu zawk bawk.



Lawm tur ka ni! Ka hêl reng leh ka huat em em in min umzui tawh loh tur thu min hrilh ...mahse maw?ka hlim miah lo,a hma aiin ka na.Ka na takzet..tunah chuan Ka Brad a ni thei tawh ngai dawn tlatlo a ni!.

Car chu ti nungin a tlan a,keichu che theilo in ka ding reng,ka ṭap khur hlawp hlawp a."Brad..hlim reng ang che!"
Thawklehkhatah engkim a rawn thim mup a,Engmah ka hre zui tawh lo..A tawp vek!


___/___________________



Brad's Pov...



Amber duhdan chu zahsak in ka umzui tawhlo ang,ngaiin hmangaih viau mahila a niin min huat tlat chuan awmzia a awmlo,Car chu ti nungin ka tlan chhuak a,a tawpnan tiin glass aṭang Amber chu ka en a."Amber ka hmangaih reng ang che!"tiin ka phun sap a,Amber chu a tlu nghal tawp a.Car chu tidingin Amber lamah chuan ka tlan let leh vat,A bulah chuan ṭhu hniam in ka au mawlh mawlh a,mahse a mit a meng thei lo,a taksa a zawi vek a,min tihlauthawng tak zet.
Ka phone chu la chhuak in kan chhungkaw doctor chu ka call nghal a.

"Doctor Stacy...puih ka ngai!''


"Brad..I ṭha em?i enge na? "Min ngaihtuah zet in a rawn tia,a ni hian kum6 ka nih aṭang min enkawl tawh.Kan chhungkua in kan rin ber a ni,kan hospital ah a thawk mek bawk.

"Ka bialnu nikhawhrelo in a tlu"

"Melania maw? Khawnge in awm!''

Melania a rawn sawi chuan min ti thinrim zual..

"Santec Plaza ah!"

"Tunah hospital ah rawn tlan nghal ru,Plaza ṭang khan minute tlan a niang."
"Aw le"


"Brad..chiai lo la..ngaihtuahna fim put tum ang che!''..


"Ka hrethiam e."



Phone chu dahin Amber taksa zawi hniang chu ka pawm a,Car ah chuan dim takin ka nghat a,seat belt hren tirin a chalah ka fawp a,Car chhungah chuan lut ve in kan Hospital lam chu ka pan nghal a, Pawnah chuan Doctor Stacy leh midang in min lo nghak ran a,Amber chu khumah mutin an nawr lut nghal a,Ka bing mup mup thei!Enge tih hmasak ber tur pawh ka hrelo.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)