THE VAMPS BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: THE VAMPS BY Reo Ririni Khiangte

Unread post by Ngaia » December 11th, 2016, 2:20 pm

Doctor ho chuan an check vat vata,an piahah chuan ka lo nghak a,a hnu deuhah chuan Dr Stacy chuan nui vur vur in min rawn pan a,rilru buai nen alo nui chuan min ti thinrim ṭung bawk.

"Ka roomah min lo zui teh!"

"Mahse Amber..!"

"Ani chu ngaihtuah suh,thil thlengin a ṭhawn lutuk avangin a taksa in a zo lo anih kha!''


A room panin a kal a,phur fahran lo in ka zui a,a chair ah chuan a ṭhu a,min melh kar bawk,thil sawi tur a neih chuan sawi tlang vat se ka duh.Tunah tak hi chuan Amber bula awm ka duh a ni.

"Ka lawmpui a che!''nui vur vur in a rawn ti a,thinrim ṭungin ka lo en thung!


"I bialnu sawn nau a pai !"

"Maw?"ka au ṭhawt thei!Za lo zet in ka nui leh a,a thusawi chu ka hrechianglo emaw ka ti zawk hial..


"Min ring rawh..thla hnih mi a ni tawh!''a ti zawm zat bawk..


Ka au chiam a,Dr Stacy chu pawt tho in ka kuah nghal chung chung bawk.Pa ka ni dawn..Amber in ka fa a pai..
"Ka thaw theilo..min that mai dawn!"
Rang takin ka thlah a,ka nui sang reng mai.Ka hlim dan em em hi tumahin an hrethiam lo ang!He khawvel hnehtu emaw ka inti hial!!!

"I la hrelo takzet ami?'.


"Aw''ka ti nghal vat..ka lu ka dawm a,ka nui a,zuan vak vak te ka chak..tlan kuala,ring taka pa ka nih tur thu hi au chhuahpui ka duh...ka za et et ni berin ka hria.


"OK..Calm down... Thil pakhat hriat ngai a la awm!''a chair ah a ṭhu a,keipawh chu ka khup phut hluau hluau chungin ka ṭhu ve a,tuna ka chak ber tawh chu Amber hmuh mawlh a ni!


"Naute nu hi a taksa a chakloh bakah,hlauthawng deuh in a awm ṭhin ani ngei ang,a lungphu saw a dik chiah lo a."
"Maw.."Ka ding hluai a,ka kut pahnih in dawhkan chu ka nem ran bawk.


"Tunah pawh sawn a thinṭhawngtu leh a rilru tina tu awm vanga tianga awm saw ani!" Ka ṭhu hnawk a,nichin maia Amber mithmuh a ka khawsak dan kha a rawn lang nghal zut zut bawk.


"Nu in naute a pai ṭantirh aṭanga hlauthawng taka a awm hian naute ah nghawng thui tak a nei thei ani!"


Sawi mai tur ka hrelo..ka chetdan atthlak lutuk mawlh kha!


"Naute insiam ṭantirh lai a nia,naute nuin rilru hahdam leh taksa hahdam a mamawh lai a ni bawk,chuan exercise hunbi a neih a ṭha bawk.!"


"A ngaihtuahawm viau em?"ka ti chuai raih a,Ka thinrim te kha lo insum tur ka ni sin!Amber ka tihpalh takzet!

"A chauh vang leh a lungphuin a zawh loh thil a tawn vang anih saw!..a..chuan...amah pawh sawn a rai tih ala inhre biklo ani ngei ang maw!?"a mitmeng fing tak chuan min melh kar a.

"A hre bik hauh lo ang!"ka ti sap a.

"Hey..Come on..hlim tur i ni asin!Tunang hi a thlen nawn tawh loh chuan engkim a ṭha vek ang!''

"Chuti maw?"


"Tehreng mai!A lo harh ṭep tawh ang,va awmpui rawh,i hriat tur chu,hlauthawng in siam lo la,amah ṭhawng thut thei thil a thlen loh nan fimkhur ang che!Thil dang chu a ṭha lutuk a nia.!"

"Dr..ka lawm e!''


"Wow...tunah khan kan Brad hian lawmthu min hrilh a nia!"

"Come on!''


"Uggg...Melania nen khan chanchin in nei sia?",a mit a kan ak a,ka lo ṭhen sak thung.


"Ka nu leh Melania remruatna mai ani!"
"Amber tan hian an hlauhawm thei angem?"


Amah chu ka en vat a,sawisual in tih hmel takin a hmui a hup a,Za vaklo in ka nui hak thung!Ka nu leh Melania mizia chu kei aiin midang hian an lo hrechiang a nih hi!

"Ka venghim tlat ang!''


Ka kutah a rawn vuan a,"Brad..I danglam tawh lutuk a nia!"ka mit ka kan ak a,''A ṭha zawng in alawm ka tih!Tunah chuan mipa dik tak i ni ve ta,he mawhphurhna pawh hi i hlenchhuak ngei thei in ka ring!"ka kut chu a hmer salh a,A thusawi chuan hmasawn zel duhna min pe bawk a ni.



"Ultrasound in ka rawn check ang,Amah saw harh phawt se..va kal rawh,a harhchhuah chuan a hmu duh ngei ang che,"Min nuih var var a,keipawh chuan a room chu ka chhuahsan a,Pawnah chuan ding in ka'n zuang vak phawt a,Tunah tak hi chuan pa ka ni tur hi au chhuahpui ka duh a ni.


Ka phone phawrh in ka ṭhiante ka call nghal a,an pick up har phian lehnghal.
'Hey..tinge phone in lak lawk loh?"ka ti nghal tawng a.

"Enge..Club ah kan awm a lawm!"

"Simpson General Hospital ah rawn kal nghal ru!"


"Tinge I accident ami?"


"Chu aia thinṭhawng zawk chu a ni! Lo kal vat ang che u!''phone chu ka off nghal a.
Ka kepen te hi a zanvah bakah, ka kâ ah hian min zen pawh nise tumah ka seh lo ang,ka kuah nawk nawk zawk ang.Amber mutna ka thlen chuan ka thlir vawng vawng a,Tunah hian a pum chhungah naute a awm mek!
Kan lam pana doctor lo kal chu ka lo vuan ding chawt a,Min hlauh hmel khawp lehnghal.


"Sir..enge ni ta?"


"Khawngaih in Amber hi Cabin ah ah sawn lut ru..VIP Room ah khan!"min en kur a,khawngaih in tih ka hman vang kha a ni ngei ang.


"Sir..kan ti nghal ang!"a dar ah ka beng thak a.


Doctor dang bia in a phe nghal chung bawk,ka Amber hi hetah ngawt chuan a muhil tur nilo,Lift lamah an nawr lut a,Chhawng chunglam VIP room chu kan pan pui a,Amber pawh chu a harh dawn tawh aniang,A rawn che ṭalh ṭalh a,mit lasawn miah lo in a awmdan chu ka thlir vawng vawng a,Doctor leh Nurse chuan thil vuah fel tur chu an vuah zung zunga,khawsik a neih leh neih loh an check leh a,a ṭha tih an chian hnuah min chhuahsan a.



A lo harh hunah Naute a pumah a awm tih inhre ta se..a hmel awmdan tur te thleng in ka suangtuah kual hman vek bawk,kaihthawha hrilh mai te ka duh.Ka helhhawlh a ni ber mai.


Amber chu a rawn ṭawngvai nawk nawk a,enge a sawi chu ka hre thei mai lo.Pan hnaiin ka pheikhawk ka phelh a ,a bulah chuan mu in nghet tak in ka kuah a,ka kut chu a rawn vuan a,ka kut leh lam chuan a dul chu ka chulsak vat a.
Ka kut chu a rawn man bet chat a,a harh chiang tawh a ni ngei ang.


"Brad.,eng thil nge i tih?"a rawn phun niah niah a.


"Amber..ka awmdan vang khan ka tihpalh aw"a lu ah ka fawp a,thawk a lo la vang vang thung!


"Khawnge ka awm? Min kalsan emaw ka ti sin!


"Brad hi Amber telloin a awm thei lo ka tih tawh kha." He thu hi sawi mai mai ka nilo,Amber tello a ka awm theih loh zia ka inhriatchian vanga sawi chauh ka ni.A dul chu ka chul reng a,a mutdan chu a siam ṭha sat sat a,zangthal in a lu chuan ka lam a rawn hawi a .


"Tinge tah hian ka awm?"ka mitah tak min en kar a.



"A chhan chu.."a dul la chul chung chuan a hmuiah ka fawp vang vang a! Ka fawhna chu thlah in ka kut leh lamin ka in beng kang a,Amber chuan a la hrethiam chiahlo,min en kar a,a dul chu ka fawhsak a!A lo thaw hawk a,ka biangah a rawn vuan nghal a,a mitmeng chu zawhna hlir in a khat?Ṭawng chhuak mai lo in ka biang chu a vuan vawng vawng a,A hmelah chuan thiltam tak a rawn lang zut zut,a changin a hlim hmel a,a chang in a lungngaih hmel thung,Rilru buai taka a awm hi ka duhlo ani,a awmah ka bei thlawp a.Ka beng a lo khawih nauh nauh bawk."Amber...kan naute tan vawikhat chauh Brad hi ring leh hram rawh aw!"a bulah hian a rinna a ngen a ngen mawlh mawlh ka ba a ni!Tun aṭang chuan Ka Amber leh ka naute lo piang mai tur tan khawvela pa ṭha ber ka nih a ngai tawh.



"Brad..ka ring che lawm!'In nem kangin a hmuiah ka fawp leh vang vang a,Tunah tak hian ka hlimna hi tumah in min hriatthiampui lo ang.Amber pawh chu a nui var var a,a kut chuan a dul chu a rawn khawih ve a,a mittui a rawn luang hial bawk.Lungngaihna vang nilo a,lawmna vanga mittui tla a ni tih chu he khawvela mi â ber pawn an hmu thiam ang.


"Brad..."Mittui kar aṭang in min nuih var var a.


"Sawi rawh..!"

"Ka hmangaih che..ka hmangaih lutuk che..chu chu i hria tiraw?"



"Nangman i hriat aia nasa khan ka hria a ni!keipawn ka nunna aiin ka hmangaih che!"a dula a kut chu ka vawn hnan a,"Daddy hian kan naute pawh hi ka hmangaih!"ka ti zauh a,Amber chu a lo ṭah nuih hawk hawk a,Tiang bak hian mihring hlimna hian vawrtawp a thleng dawn bik a mi?Ka hmangaih em em ka bulah a awm a,kan inkarah kan in hmangaihna rahchhuah fa lo la piang mai tur a awm bawk!Vawi tam pawh piang nawn leh dawn mahila, Tun anga ka hlimna hi chu ka tawng zen zen lo ang.




Kawngkhar lama thawm a lo awm vang chuan ka ṭhu ṭha vat a,Tristan,Connor leh James an rawn lut hlawl a,an mangan hmel khawp lehnghal, Amber khuma mu chu an rawn pan a.

"Kan Brad mi mawlpa hian engtinnge a lo tih leh tawh che?"

"I ṭha em?"

"I khawilai nge na?"

An sir aṭang chuan ka lo nuih vur vur a.
"Mommy Amber leh Papa Brad kan ni tawh dawn!''ring zet in ka au chhuak a!Tianga au chhuah hi ka chak tawh lutuk.


An pathum chuan min melh ṭhap a,an ka hau bawk!"Eng maw i sawi zawh chiah kha?'Tristan chuan min pan hnai vata."Pa ka ni tawh dawn!''ring zet in ka ti leh a,min bawhthlu nghal tawp bawk.James leh Connor pawn min rawn bawh bet nghal.Kan rik chul bakah,kan inbuan let tawp tawp a,Amber chuan khum aṭang min lo nuih ṭiah ṭiah a,Phone la in kan awmdan chu a lo record bawk.


"Wow..Patea ka ni dawn!"



"Keimah ka thu ber ang!''tu ṭawng mah chu kan in ngaihsak lo,kan rak ṭung mai ni!Ka ṭhiante anga mifel ka nei hi lawm hliah hliah tur ka ni! Ka lawmna ah chuan min lawmpui em em a,ka lungngaih chang pawh in ka tan an awm reng ṭhin ani.


Kan pali chuan Room chhuatah chuan kan mu hnawk hlawm a,kan nui hawk hawk bawk!Ka hlim a ni...ka hlim lutuk hi khawvel hriata au chhuahpui ka duh.


Dr Stacy chu a rawn lut a,chhuata mu chunga kan pali a min hmuh chuan a phu zawk a,kan lo nuih hawk bawk,min hau mawlh mawlh chungin Amber chu a pan a,check ngai vel chu a check leh zuai zuai a,keini pali chuan a sir aṭang kan lo thlir ṭhap a.


"Khatia hmuhnawm thlira thlir a ngailo,in ṭhiani tho kha a la nih hi!"Stacy chuan nui tut tut chungin a tia ,Kalsawn pawh kan tum chuanglo,kan tan chuan Amber chu hmuhnawm tak a ni ringawt.


"Ultrasound in kan check dawn mi niang?" Zawh bik pawh neilo in kan vai chuan min melh kual a.


"I ti tak tak ami?"Connor chuan Dr chu a hnaih sauh a."Ka fiamthu zen zen lo nia!"Dr chuan a lo ti vat a.


"En ang u..ka hmu chak lutuk!''Tristan chuan a lo ti vat a!Ka ṭhiante pawh hi kei ang tho in an hlim ve tih ka hriat hian ka lawm zual hle bawk.


"Lo nghak tawh u"Tiin phone in mi a be kuala,reilote hnuah Amber chu a khum chawpin an nawr chhuak a,kan zui nghal dam dam a,A tua amah chu kan awm hle hle theilo ani ber e,kan phi cheng hlawm mai ni.


Room pakhatah Amber chu an nawr lut a,hrilh nawn ngai miahlo in kan zui lut dial a,Amber chu khawl engemaw in a dulzawn chu a hrutkual a,Computer screen chu hnai chet chawtah kan lo bih hlawm a..

"Kha ta..hlâwm awm khawm a dum bik kha naute chu a nih kha!"Dr chuan a rawn tih rual chuan Computer screen chu kan hnaih tawh sa tehreng nen kan hnaih leh suau a,Tristan nen kan la intauh chawrh phah .


"Tunah kha chuan thisen hlâwm mai a la ni rih a,a taksa a insiam ṭan vat ang."Dr bawk chuan a ti leh a,Amber chu panin a chalah ka fawp vawng vawng a.


"Brad...kan naute..kan fa..."Tiin Computer screen a naute taksa in siamtir chu a thlir dauh dauh a,Ka tan chuan Amber tluka hlimna min pe tu an awm leh thei tawh lo ang.

"Amber ka hmangaih che!''


"Brad..."hlim tih hriat tak in ka kut a hmer vang vang a.Connor leh James chuan video in an lo record bawk,kan va in daihzai si em!!


To be CNT

(AN:- He story hi phuahchawm mai a ni aw.... inbox zawhna ka lo chhang nghal e,ngaihnawm in tihdan tura ka rin in ka phuan ve nauh nauh a ni e..,)



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:20 pm

THE VAMPS
(Fan fiction)
Reo Ririni Khiangte

Chapter 24




Zanrei lamah chuan Tristan te pawh chuan min haw san a,Amber chu naktuk lamah a haw theih dawn chauh avangin Room lamah chuan kan let leha,VIP room hi chu a zau nuam helh hawlh hle bawk a ,mamawh engkim a awm nghal vek bawk.Amber chu hospital thuamhnaw in a in thlak a,keichu damlo ka ni ve silo a,ka inthlak ve ngawt thei silo,ka thuamhnaw ngai ngai chuan ka la awm reng thung.Amber chu khumah a lawn ṭaih ṭaih a,a chevel chu a hmuhnawm thar vek in ka hria,a kutin a bula mu ve turin min hui zauh zauh a,Phur takin ka pan nghal ruak ruak a,Ka Amber bulah chuan amah kuah chungin ka mu a,kan awmdan aṭang chuan kan mut a la chhuaklo ve ve tih a hriat bawk.A kawr chu zen lutin a dul chu ka kut lawng in ka chul a,Ka ringhlel leh deuh rum rum ṭhin! Hetah hian naute a awm ve chu a nia!
"Kan naute hian tunge a chhun zawk ang le?"Amber chuan ka beng khawih nauh nauh pah chuan a ti a.

"A nu a chhun chuan a hmelṭha ngawt ang!''ka beng chu a sik zauh a,ka lo rak ṭhat bawk.

"Mipa nge hmeichhia i duh?"

"Phir ka duh,Mipa leh hmeichhia ni turin!"


"Hey..ka pumah naute pahnih chu an leng dawn mi?"min en hâ pah chuan a rawn ti lang lang a,ka nui ri hawk bawk!Hriat belh tur kan la ngah dun hle mai.
"Leng rawh se!''ka ti sap a.



"Han pai ve mai la aw...!"Amber bawk chuan a ti vang vang a,a ngaihtuahna naupangchhia lutuk vang chuan a biangah ka piai zauh a,a hmui min tihsawih khum rual chuan ka fawp nghal vawng vawng a,Tunah chuan ka fawhna pawh ka duhthawh ngam tawh lo,a puma naute hi ka tihnat ka hlau tlat tawh!Ka tim deuh dui bawk.Amber dul zawn chu ka bengin ka ngaithla a, "Naute lo chhuak vat rawh aw!"tiin Amber dul chu ka fawp a.Nghet tak in Amber chu ka awmah a kuah beia ,''Ka nuna i lo luh avangin ka lawm e." Tiin ka phun sap a,muangchangin Amber nen hlim taka hun hman chhunzawm tur in mumang lamah ka lut riai riai a.


Tunah chuan mawhphurhna lian tak ka ko ah a in nghat tawh a,engpawh thleng dawn se..keihian ka Amber leh kan naute hi ka venghim ang,an bulah ka awm reng a nga,ka thlahthlam ngailo ang,hlim takin ka siam reng a nga,Nitin in ka hmangaihzia ka lan chhuah tir ṭhin ang.




Tui taka min kuah chial chunga muhil mek chu ka en vawng vawng a,ka bula ..ka taksa dek reng chunga a muhil chung pawn ka ngai a,ka en ning thei lo.Thlamuang tih hriat tak leh hahdam taka a muhil hi engtiklai pawh in thlir reng ka duh!Ka nun pum hi a bulah ka hmang ang,he khawvel piahlam thleng pawn..ka Amber hi ka zui zel ang,Taksa in a thlen theihlohna pialral ah pawh ka zawng fan ang!


Ka phone chu la in Amber harh hlau tak chuan ka pa ka call a,Ani hi chu zing hma takah a tho a,Golf khel ṭhin a nih avangin ka phone call pawh chu a lo chhang vat a..

"Zing kar karah enge ni ta!?"zang vah in a rawn ti a,Tunah hian Golf khelhna lam aṭang in pan a tum mek bawk ang.
"Dad..kan inbiak a ngai!"Amber rawn che ṭalh ṭalh chu ka kuah nghet sauh a.


"Office ah min rawn hmu dawn mi niang?"ka lo ṭhen sak thung,a hun neih loh zia chu hre mahila,office a hmuh chu ka duh bik lo...

"In ah ka lo kal dawn,dar riatah kan rawn thleng ang.Mom pawh kha lo awm rawh se.!"
"A...'kan' I tih awmzia chu..!??"

"Dad...kan in hmuh hunah i hrethiam mai ang!"

"Aw le...mahse ka hun tawt zia chu i hriat kha tiraw?"


"Ka hria e..kan in hmu vat dawn nia."
Kan inbiakna chu titawp in Amber chalah ka fawp vang vang a,Ka pa ngei ka biak chuan engkim a fel vek dawna hriatna ka neih avang chuan ka thawveng hawk bawk..


Ka pa hi mahni hna ngaipawimawh leh inpe zo tak a ni!Mahse a chang hi chuan a ti lutuk emaw tih chang ka nei ṭhin!Mahse ka nu ang lo takin ka duhthlanna min zah sak bakah,ka nun a thuthlukna chu ka siam turah a dah niin ka hria,Chuvang chuan a lakah pawh beiseina ka nei a ni.

"Good morning,Daddy!".



Nui ver ver chung a min en tu chu ka en nghal vat a,awihawmloh khawp in ka hamhaih..Nilo..ka awmdan ka sawi thiamlo.."Daddy"hei hi nakin lawkah, kan naute in min koh dan tur a ni!

"Tikhan min en reng suh!'ka biangah na zet a rawn piai in a la nui var var tho .

"Morning...Mommy!" Kan nui ngahl hawk hawk, sawi mai tur pawh kan hrelo,mahse kan hlim tih chu kan mitmeng aṭang a hriat chiang hle.


"Brad..ka awih thei lo a ni..ka puma naute a insiam mek tih hi!"a dul chu a chul zauh a,min en ha bawk.




"Tikhan min en lo teh..ka hrethiam bik chiah lo ani."ka lo ti vata,zep loh chuan engmah hi ka hrethiam bik chiah lo,zir belh tur hlirin min hmuak ni maiin ka hria.Amber biangah ka fawp zauh a"Theih tawp piahlam kan chhuah angai dawn ni."

"Umm..A hlimawm rualin hlauhthawnna ka nei tel!"khap fak fak chung chuan Amber chuan a ti sap a.

"Ka pa hmu turin kan kal dawn mi niang?"

"Brad..!"

"Min ring rawh..engkim a ṭha dawn lawm."

"Ka ring che lawm."



Amber chu a in thlak mek a,Dr Stacy leh nurse pakhat an rawn lut ve chiah a.
"A ngaihtuahawm tawh lo tiraw?"Stacy chu ka lo zawt nghal vat a.



"A ṭha tawh lutuk,ka sawi tawh ang khan rilru hahdam a mamawh a,eitur ei ṭha bawk se..karleha in checkup turin in lo kal leh bawk ang..nilo..karhnih danah kan in hmu ziah tawh ang!"a ti nghal zung zung a,Amber pawh inthlakna aṭang chuan a rawn chhuak a.


"Doctor ka lawm lutuk a nia."a rawn nui nghal var var bawk.A banah vuanin ka bulah ka dintir ve nghal a.




"Vawiin hian ka pa kan hmu dawn a."Dr Stacy chuan min en nghal vata,min huphurhpui tih a hmel aṭang ka hrethei,mahse engmah a sawi chhuak biklo,Amber kutah chuan a rawn vuan a"In enkawl ṭha la,kan Brad pawh hi enkawl ṭha rawh aw..I hriselna kha dah pawimawh ber ang che,I hlim chuan i puma naute pawh kha a hlim ang,I lungngaih chuan I naute kha a lungngai ve bawk ang,tunah chuan I naute tan hian I pawimawh ber tih inhria la,Engkim I naute tan ti zel ang che,Brad..nang pawn Amber hi ṭha taka enkawl i ba tih in hria ang che!"min zilh pah deuh chuan kan pahnih chuan min hrilh a.


"Ka theihtawp ka chhuah ang."kalo tisap a. Hospital chu chhuahsan in kan in lam kan pan nghal a.





Car khalh pah chuan Amber chu ka melh pah reng a,Thiltam tak a ngaihtuah a ni ngei ang,a hmel a thutak ran a,Ka nu leh pa hmachhawn a hreh deuh a ni ngei ang,A changin thawk a la leh deuh halh ṭhin! A kutah ka vawnsak a,ka lam hawiin a rawn nui var var a,mahse..a awmdan chu ka hrethiam..hlauthawng anga lan a duhlo vanga min nuih lui mai ani.


"Amber..engkim a ṭha dawn lawm."


Min chhang lo in a kut ka vawnna chu a kut lehlam in a vawn hnan a,Car seat nghengchhan chu ngheng in a maimitchhing vang vang a.


_________________________




Alex's Pov...


Nileng in class ah ka buai a,project buaipui tur chu ka ti mek bawk,file tam tham zet pawm chung chuan practice room ah ka luta,he hmunah hian ukil lemchan kan zir ṭhin,Court hall ang taka cheibawl a ni a,tah hian a chang chuan intihsiakna te kan nei ṭhin!Kawngka lian zet chu su hawngin lehkhabu pawm ṭun chungin ka lut a,ka ṭhut ṭhinna lam chu pan ding nghal in ka thil ken ho chu ka nghat nghal a.Law lehkhabu hi bu pan tak chu a váng khawp mai!


Ṭhutthlengah chuan ṭhuin ka inchhiar ṭan mawlh mawlh a,Ka hnunglama kepen thawm pawh chu ngaihsak lo in ngawrh lehzualin ka lehkhabu chu ka bih a.Ke pen chu ka zawnah a tawp chat a.


"Mr Alexander Stewart" aw fiah zet hian ka hminga a rawn lam chuan ka hawi chhuak vat a.



"Wow.." Sawi mai tur pawh ka hrelo..ka hmaah chuan Mr Carlos chu a lo ding ran a,a landan zahawm lutuk leh mahni inrintawknaa khat mihring a ni.Ka ṭhutna aṭang ka ding hluai a,Chibai ka buk nghal a.

"Ka hmu thei che chu ka lawm e!"


'Keimah a rinna i nghah ngam avangin lawm tur zawk ka ni."Min nuih var var a "Kha eng bu nge I lo chhiar a."ka lehkhabu chu a melh zauh a,keimah bawk chu min en lehnghal a.


"The Winner vol.4 Prof.Marco ziah.''ka lo ti ban chalh a.


"Keipawh in beisei tur ka neih loh apiangin kha thil kha ka chhiar ṭhin a nia.Ka lo kal chhan chu Court order kan tih chhuah hun turah rawn biak che ka duh a."



''Ṭha i tih hun hunah a ni mai.'' Ka pa company nei let tura ka beihna chu Mr Carlos zarah bul ka ṭan thei dawn a,ka phur takzet a ni..Court Order a chhuah hun chuan ka patea chu hlauhthawn vangin a buai khawp ang le!


"Anih chuan kar thar lampang kan ti dawn mi niang?"min melh ran a.

"Aw le."



"Thil pakhat leh chu finfiahna i neih ho kha kan chak pui ngei ngei ang,chuan ka duh chu he thil hi lo enfiah la ka duh''a coat chhunglam ipte aṭang chuan lehkha ip a rawn phawrh a,ka kutah hlan in ka darah a beng thak a,Min kal chhuahsan nghal a.


Chu lehkha ip chu hawngin a chhunga awm chu ka la chhuak a,"Hrep tak chuan leh...!"



Tlai ka haw chuan ka nu te roomah lut in leiverh ah ka lutthla a,Ka pa thil pawimawh dah chu hai nawn leh vek in,vawiina Mr Carlos min pek ang kha zawn hmuh ngei tum in ka in chinglet a,Engkim mai chu ka lachhuak in a chungsang a thil awm pawh ka la thla vek,Mahse khatiang kha hmuh tur a awm tawh lo..ka pa khan nei ngei tur a ni,Nge nia a in thahna a thlen lai khan ka pa kut aṭang an laksak zawk.??

Dawhkan chu ka chum ṭhuai a,Ka ngaihtuahna hi a buai takzet!Ka patea te in a ka kal ngei angai ang.



Leiverh chu chhuahsan in ka roomah ka luta,Amber a lo la haw ve mai loh avang chuan kal chhuah leh phawt ṭha a hria in ka in thlak kual a.Car la chhuak leh in patea te in lampan chuan ka inkhalh chhuak nghal a.




Ka duh ber chu kha chhinchhiahna neih kha a ni! Kha thil Mr Carlos ka thawn tirh khan khingpui a nei tih ka hre miah lo,Kha thil kha ka pa khan khawi hmunah pawh a keng ṭhin,a khingpui kawltu chu ka pa thattu te zingah khan a tel ngei ang,Chutiang bawk in kha thil hlutna kha a hrechiang hle bawk ang.



In lian tak hmaah chuan dingin door bell ka hmet a,Hmeichhe pakhat upa lam tawh hian kawng min lo hawn vat a,ka hmel a hmuh chuan a phu zawk a,tunge a nih chu ka hre mai lo na in,a landan chuan ka hmuh fo tawh hnu a ang.

"Alexandar...ila dam maw.''a mitmeng fiah tak chuan min melh ran a,he mitmeng hring ram hi ka hmu tawh ṭhin a ni,ka naupan laiin!!

"Ka ṭha e..Patea a awm em?"


"Ani chu zanriah ei hunah a lo let ang,I dam ṭha tih ka hria chu ka va lawm tak em?Amber kha enge a an.?"


"Tunge i nih?"ka u hming thlenga a hria chuan min ṭhawng lehzual.



"Aw...ka lo insawi nange..rawn lut phawt teh!''tiin kawngka chu ka luh theihnan a hawng zau a,inchhung ah chuan lutin kawngkhar bulah chuan ka pheikhawk ka phelh a,Inchhung lama bun tur bika an siam chappal chu ka inthawlh nghal bawk,chutih chhung zawng chuan ka bula hmeichhia chuan min en ran a.


"I chezia chu a la ngai reng a nih dawn hi.Coffee nge regular tea ?"a ti vat a, inchung lamah a lut a,ka zui ve bawk.



"Tui sik ka lo duh a nge?Chuan ...ka zawhna kha!"

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:21 pm

Ka lam a rawn hawi vat a,nui ver ver pahin"Ka awmtlei ngei pawn min hre tawh lo chu a nih hi!Ka lang upa tawh hle a niang!"
"Betty...ka awih theilo,Min kuah dawn lo a mi?"ka ban chu ka phar hluai a,ka lampanin a rawn kal vat a,min rawn kuah a,a taksa hi ka la feel thei a ni!Ka naupan hun chhung zawng a min enkawltu leh zana a bula riah ka dil ziah ṭhin Betty ngei kha a ni!
"Aw..Alex ka hmuh leh che ka ringlo a sin!"
"Kan inhmu leh ta a lawm!"ka hnungah a beng sawk a"I la chimawm reng a ni maw?"
Kan nui dun hak hak a,min kuahna chu phelh in min thlek vang vang a,ka lo nuih var var thung."I pa hmel chiah chiah ka hmu a ni!"min nuih var var a.
"Eng maw i lo kal chhan chu?"ka kut a vuan in choka lamah min luhpui a.
"Patea rawn hmuh ka duh a,Chuan he hmuna i awm chhan hi ka hre duh bawk."
Ka thusawi vanga lungawi lo zet in min melh a,mahse thinrim a nilo tih chu a mitmeng hring ram aṭang hian ka hre thei!He hmeichhe zaidam tak leh hmangaihnaa khat hi engtinnge ka Patea inah ka hmuh hlawl theih?
"Thawnthu sei tak a ni!Kan inhmuh leh hunah ka hrilh ang che!"tui in tur min pek pah chuan a tisap a.
Tui chu ka in a,ka Patea rawn haw hmaa a private room chu enkual ka duh avangin Betty bula awm chu thlahlel viau mahila,ka tan chuan Patea awmloh laia chet lak a fuh vangin Patea room bik pan chu ka dil,Min hruai nghal vat bawka.
"Alex..I Patea chu darkhar khat hnuah a lo let leh ang,chumi hma chuan he room hi rawn chhuahsan ang che!".ka darah a hmer salh a,ka lu ka lo bu nghat a,min kalsan leh in room ah chuan ka lut zui a.
"Betty ka lawm e.."
"Lawmthu sawi a ngailo,.."
"Ka chhuak mai ang,ka mamawh chu ka hmu e."Kal chhuah vat a,Mr Carlos hmuh ka duh.



"Hmanhmawh rawh,I Patea nen in intawk palh a nge!''min ngaihtuah zet in a ti a,kawngkhar aṭanga min chhuah tir lo in inhnunglam aṭang min chhuah tir a,ka naupanlai ang tho khan min la ngaihsak tih ka hriat hian ka lawm,chuan ka lung a tileng thar hle bawk,Ka kalsan hma chuan nghet tak in ka kuah a,''Betty ka hmuh leh che ka inbeisei dawn nia!"a biangah ka fawp zauh a.Ka kut pahnih ah vuan in min en kara,"Alex Pathian in awmpui che rawh se..kan in hmu leh vat dawn nia"in hma lama thawm awm avang chuan ka kut chu thlah in min nem dawt dawt a.In hungna bangah chuan lawnchhuak in ka car park na lam chu ka pan nghal a,Car a ka luh fel chuan ka thil lak chu ka ipte aṭang la chhuak in ka en vang vang a"Tawpna a hnai ta e!"tiin ka Patea te in lam chu ka thlir let a,Car chuan ka tlan chhuak nghal a.



Mr Carlos ka hmuh zawh chuan in lam panin la inkhalh haw a,pawn aṭang kan in thim ṭhap ka hmuh chuan ka ngaih a ṭha chiah lo,Car chu a park na ah dahin inchhung ka lut a,Amber chu au lang lang in kitchen lamah ka lut a,Zan dang nise chuan TV a en leh ngei awm sia, Tui ka inzawh chuan room lamah ka chho a,ka room lut hmasa lo in Amber room ka pan a,Kawngka chu kik in ka ngaichang reng a, mahse min rawn chhang tu an awmloh avang chuan kawngka chu ka hawng a.Amber khum chu la mutlohna tih hriat tak in a la mar ṭha vek!Ka phone la in ka call nghal a,Reife a ring hnuah mipa in a lo chhang a.
"Khawnge Amber?"
"A...a ṭhianpa in a rawn hruai a,a bag leh phone hi a kalsan a."
"Tu nge i nih?"
"A ṭhian hnai tak pakhat,tunah chuan Brad nen an awm ang."
Thildang a sawi leh hmain phone chu ka titawp a.Brad chu ka call nghal vat a.Phone a rawn chhan rual chuan"Khawnge Amber?
"Alex..ka bulah a awm,ngaihtuah suh,a chau deuh a."
Ka thaw huai thei.
"Aw le..I bula a awm chuan ka ngaih a ṭha."
"Zingah ka lo drop ang,tunah chuan chawlh hahdam a mamawh rih a."
"Aw le."
Kan inbiakna chu dahin thawk ka la vang vang a,Amber hi Brad nen an awmdun chuan ka ngaihtuah ngailo. A chhan chu Brad hian a hmangaih takzet tih ka hriat vang a ni.


Ka room ah lutin khumah chuan ka let tawp a,ka muhil zui nghal bawk.
Zing ka harh chuah Brad message lo awm va va chu ka en a"Zanin party " tih zawng te hi,nui suk in phone chu ka dah thla a,Intifai turin Washroom ah ka lut nghal a.
_______________________



Gate lian zet chu inhawngin Brad chuan Car chu a khalh lut nghal a,keichu zamna avangin ka tha a lo khur dar dar thung!In liantak hmaah chuan Brad chuan a car a tiding a,min en in a rawn nui var var a,A hmelah chuan a hlim hle tih a hriat theih,Brad hi ka rin ngam a ngai ani,Car aṭanga chhuak in ka awmna lam kawngkhar chu a rawn hawng a,Ka kutah vuanin min kaichhuak nghala,An in chu lalin ang mai ani!Ka sawi tam lo zawk mai ang.


Kawngkhar lian zet lamah min kai a,chu kawngkhar chu a in hawngsa bawk,inchhung ka pen luh rual chuan let leh daih mai te ka duh rum rum,A chhung chu a ropui lutuk,a zau in inchung chu a sang hle a,kan lang tê chem chem mai a ni!Banga lemziak intar te lah chu keini mi mai mai pawhin kan hriatlar lemziak hmingthang tak tak ziah a ni hlawm,kal phei zelin ṭhutkhawmna hmun zau leh thawveng zet ah min kai lut a,Brad chuan ka zam tih a hria a niang,ka kut chu a vuan nghet sauh a.



Ṭhutkhawmna pindan aṭang chuan inchung pan na kailawn zau leh sei deuh hi a in dawhzawm a,inchung lamah pawh Light bawr lian leh ropui lutuk mai a inkhai bawk,a ropui dan em em hian ka awm a tinuam lo, Sofa ah chuan Brad an min pawt ṭhu a,ka bulah chuan rawn ṭhu in ka kut chu a chelh a,"Amber..hlauthawng suh,ka pa a lo kal ṭep tawh a nia."Ka kut chu a hmer salh a,ka zamloh phah der lo!
Brad chu ding in a hawi kual a.
"Dad..Mom"tiin a au lauh lauh a,ka lo ip chawih chawih bawk,ka hrethiamlo ka huphurh lutuk hi haw nal nal mai ka duh tak zet,Brad nu chu ka hmu tawh ngei a,mahse min haw hle thung.A pa phei chu ka ngaihtuah ngam lo,Ka thlanfim a rawn bawl chhuak ṭiam ṭiam a,ka thawk a rang em em mai ni.



"Kan lo kal e!''inchung lam aṭang chuan an rawn chhawn lauh lauh a,Brad chu thaw huai hmel a pu,ka kut a rawn vuan a,kailawn lam chu min pan pui a."Ka pa chu hlauthawng suh!''min nuih leh suk a.
Kailawn ah chuan patling kum 50 bawr vel tur,Coat suit a induang zaih,Sam buang thang leh vunrawng nalh zet hi a rawn pen thla khup khup a,Brad nen an danglam na chu Brad angin a sam a kir ve lo a,a lang upa zawk tihloh chu danglamna an nei mang lo.Min hmuh chuan a hmel a buai deuh nak a,mahse ka bul a rawn thlen hma in a insiamrem lehnghal.
"Ding lo khan ṭhu rawh u!''dam thlup in a rawn ti a,Sofa lam chu pan in a ṭhu a,amah ep chiah ah chuan Brad chuan min ṭhutpui ve nghal a.


"Dad..khawnge Mom?'Brad chu a hawikual thuak a,keierawh ka hawichhuak leh ngam tawh lo hrim hrim.
"A lo chhuk thla ṭep,Girls night out tur vel a buaipui a.'' A ti leh maia.


"Dad...hei Amber..ka bialnu a nia''ka kut chu a rawn vuan nghet zual bawk.
"Amber maw?Hming nalh tak a nih chu."
Ka hawichhuak vat a,chutiang thil a lak aṭanga hriat ka inbeisei loh lutuk vang chuan ka ang phiau a,ka lo rindan chuan Brad an a bialnu ka ni tih a sawi rual khan thinrim in min ankhum ka ring a!
"Ka lawm e." Ka tisap a,ka nui lui bawk,mahse ka thin chu phu rang tak a ni!
"Amber hei ka pa ani."Brad bawk chuan hawihhawm takin min in hmelhriattir leh a.
"Inthlahdul teh..i hah lutuk ang.''Brad pa in a rawn tih chuan ka landan tur ngaihtuah in ka chhing sawka,ka zam lutuk hi ka ṭang tûk a,ka hmelah a lo lang chhuak a ni ngei ang.Za lo zet in ka nui leh sang a.

"Dad...Amber hian ka fa a pai a ni."Brad chuan a pa en ran chung chuan atia,keichu ka hmai a lo sa ham ham thung!Puitling hma a ka raithu han sawi meuh chuan khuk ral daih ka duh hial.


''Wow...Tu ka nei dawn der a law?''Brad pa chuan a rawn ti hluai a,Brad chuan a lu a bu nghat nghat a.keichuan maktih vangin Brad pa chu ka melh hau thung.

"A va phurawm tawh ve..ka lo beisei lo a sin..''A kut a phar hluai a''Simpson chhungkua ah kan lo lawm a che Amber''
Amah melh reng chung chuan ka nui hawk a,Ka hlim a ni!Ka lo huphurh ruk em em chu a fel ta,a fel mai nilo in Brad pa ngeiin an chhungkua ah min lawm luh thu a sawi!

Brad chuan min rawn kuah nghala.Keipawh in rang takin ka lo kuah let bawk,Lawm avangin ka biangah mittui a luang hial a ni.


Brad pa chuan a bula kal turin min hui a,Brad ka en chuan nui var var in kal tur in min mitmei a,Mr Simpson bul ka thlen chuan a bula sofa chu a beng thak thak a,ṭhu tur in min duh tih chu mimawl ber pawh in an hrethiam ang,Khawr ṭut in ka ṭhu a,ka kut chu ka malah dah in ka kuttin chu ka sik nauh nauh bawk.Mr Simpson chuan ka kut chu a rawn vuan a,ka phu uih bawk,min nuih hawk hawk pah chuan ka kut chu a la kang a,a nui hmel leh Brad nui hmel chu inang tak an ni.

"Ka fapa in i chunga thil a lo tihsual tawh zawng zawng ah ngaihdam a hming in ka dil e"Amah chu ka en kara,tianga mi ropuiin hetiang thu ka bula a sawi hi ka awih theilo a ni.



"Mr Simpson''ka ti chuai raih a.Brad chu a lamah a hui ve zauh a,Brad chu kan bulah chuan a rawn ṭhu a,Brad kut pawh chu vuanin ka kut nen a hmeh zawm a"Ka fapa luhlul leh laktlakloh zet i hmangaih avang in ka lawm ani,"Brad chu a lo nui hak a, "Brad hian ṭha taka a enkawl ngei che ka beisei.''Brad chuan a melh zauh a."Dad..i'll try my best"a lo ti let vat a,Brad pa chuan min nuih var var a,Tiang hian min pawm theih mai ka ring lo sin!

"Kan Naute chu thla engzat nge a nih tawh a?''Brad pa in a rawn tih chuan ka hmai a sa leh ham ham tawh.


"Thla hnih"Brad chuan a lo ti vat a.Mr Simpson thung chuan a kutṭang thliak nghauh nghauh pahin thil a chhut a,A landan chuan a phur takzet tawh tih a hriat a ni.


"Eng chungchang nge in sawi?..Naute...ka hriatsual ani em?'Mrs Simpson chu kan lam panin a rawn kal a,kan vai mai chuan min melh kual a,A landan mai chuan a ngaihtuahna a awm ka hrethiam lo a ni.

"Dear ..lo kal teh,Amber pumah hian kan tu tur a awm tawh a ni!" Hlim zet in Mr Simpson chuan a nupui chu a ban chung chung a,Mrs Simpson chu a hlim nge a thinrim pawh ka hrethiam chiah lo,ka lo en hau ringawt a.
''I pa sawi hi a dik em?" Brad chu a melh ran a.
"Aw... Amber hian ka fa a pai mek a ni."Brad chuan nghet charh in a ti a.
"Aw Lalpa...Lo kal teh" tiin ka banah a rawn vuan a min kuah nghal vawng vawng bawk,Ka beisei loh lutuk vangin ka hamhaih vek! Tunah hian Brad nu in min kuah?
Min kuahna chu phelhin ka biangah a dawm a"Naute a ṭha em? "
Ka lu ka lo bu nghat a,ka hamhaih lutuk leh hlim bawk si hi tumah in min hriattiampui lo ang!
Brad nen kan inhmangaihna hmanga kan hneh theihloh chu kan naute lo piang tur hmangin awlsam tê in kan hneh thei ta a ni!
Brad te in chhuahsan chuan kan in lam pan in kan inkhalh chhuak a,Sawi tur mai kan hrelo,kan nui var var reng bawk.
"Amber ka lawm e aw" Brad lam chu ka hawi vat a,A mitmeng aṭanga hmangaihna lo lang chhuak mawlh hi ka tan chuan a va hlu tak em! He khawvel ah Brad ka neih phawt chuan engkim ka huam tia ka sawi ṭhin kha,tunah chuan Brad leh ka naute..ka neih chhung chuan huaisen takin he khawvel hi ka hmachhawn ngam ang.
"Brad min hmangaih avangin ka lawm e aw.!"



Kan in kan thlen chuan a lo reh ṭhap a,Brad chuan Alex a biak tawh thu chu min hrilh tho a chu,nizan ah ka hmuh lo vangin ka ngai reuh riau bawk.Inchung panna kailawna ka chho chu Brad an min rawn zui ve vat a.
"Hna i kal dawn lo mi?va insiam rawh."
"Vawiin chu chawlh ka in pe."
"Ngawt ṭhin a che..hla thar in neih dawn kha,''ka room ah chuan a rawn lut ve nghal a.


"Nang zet hi...haw la va insiam vat teh..midangin i tello in engmah an ti thei lo nia!"ka inthlakna tur la in Washroom lam ka pan a,rang zet in min pawt ding nghal a.
"Kan pahnih in kallo ang"naupangchhia zet in a rawn ti a.
"A ṭul lo."


"Midang pawn vawiin chauh chu min hrethiam ang!"ka kut chu a thing nar nar a,Naupang thil ngen chiah chiah a ni.

"Min thlah teh...intihfai ka duh."ka kut chu thingthla in ka inher a,ka hnung aṭang chuan min rawn kuah thut a,ka lo rak nghal ṭhat bawk.


"Ka ti hlau che mi?I ṭha em?'a ti nghal chung a."Ka ṭha"ka tih chuan a thaw nghal huai bawk.
Remlo zetin min rawn fawp a.


Ka kalsan mai hlauin ka kawngah a man bet nghal bawk,min fawp pah reng in ka thil ken ho chu min laksak in dawhkanah a dah a,amah hnaih chet in min kuah bet tlat bawk.Min fawhna chu thlah in min en vang vang a,"Kan pahnih in kal lo ang!''a ti leh sap a,a awmdan nuihzatthlak zia hi a in hre hauh lo."I fel dan a zir a ni mai.''a lamah min pawt hnai sauh a.



"Ka fel khawp ang!''ka hmuiah bawk uar zet in a fawp a,kan bul chair ah ṭhu in a malchungah min pawt ṭhu ve nghal a,ka jumpsuit hnunga zipper chu a pawt phelh riai riai a,hnawksak ti zet in ka nghawng aṭang chuan a pawtthla nghal tawk bawk,a thaw nge ka thaw zawk pawh ka hrelo,kan thaw dun huam huam ,reitak hun hmangdun tawh lo ang maiin kan indimlo bawk,A kawrhak lai chu pawt hlipin nghet taka min kuah in ka nghawng ah a fawp a,a taksa sa ham ham in min deh rual chuan ka lo thaw hak bawk,Keimah a danglam mek chu Brad chuan hria in a hma aiin min dimlo sawt a,Ka kawr hnuai haklai chu a kilh na phelh in min fawp leh tawn tawn a,ka â lo chauh tawh,ka thawk zawng a ka awmzawn kang ak ak chu rawn fawp leh in Brad chu a rum hawk a.


"Brad..kan awmdan hi naute tan a ṭha dawn mi?"ka tihrual chuan a tawp chat a,Chiangzet in min en nghal a.

"Ka hrelo..oh..Amber ka hrelo tak zet!''inthiamloh hmel deuh in min en a,ka lo kuah let vat bawk,ka awmah chuan a bei hle hle a.

"Ka insum hman loh vangin ka tihpalh aw."

"Hey...I thiam loh a nilo."a sam chu ka khawih neuh neuh a.

"Inbual ang...chuan Google ah kan check dawn nia!'

"Eng chu maw?"ka kuah na chu phelh in amah chu ka en ha a.

"Eng chu nge ni vak ang"ka beng bulah a rawn phun sar sar a.A darah ka chum nghal ṭhuai bawk.

"I mawl a mi?"thinrim zet in ka ding hluai a,Rang takin min pawt ṭhu leh a.

"Hriat kan la neilo dun sia,kan in chhiar deuh chu a ngai a lawm!"a ti sap a,ka hmuiah a fawp nghal bawk.

"Chupawh nise!"


Ka hnungzang chu a chul dan dan a,a mit chuan ka awmbawr khuhtu awm miahlo chu a melh ran bawk,hetia chiang deuha min en hian ka lai ve ziah lehnghal.Rang takin ka inkhuh nghal a,min nuih hawk pah in ka inkhuhna chu phelh a tum a,ka lo ṭang ve laklawh bawk sia,kan insual a ni ringawt a.

"Hey...naute in a tuar phah chuan i thi ni mai!"

Rang takin a inla hrang ,min dintir a,ka hmaah rawn dingin ka thuamhnaw chu min hak ṭhat sawk sawk a.

"Insum ka zir a ngai dawn nih hi!"a ti sap a."Va inbual rawh,I zawhah ka inbual ve ang!''a ti leh nghala.
"Inthlakna i keng a mi?'

"Car ah ka dahlawk vek tawh!"a lo ti sam et a.

Ka hriat loh in a thuamhnaw a lo in pack a ni ngei ang,An in a anu leh pa nen kan inbiak lai khan,an hnathawk pakhat kha a be fal reng a ni.Ka nuih suk a,Ka inthlakna tur chu la in Washroom ah ka luhsan nghal a.


Ka thuamhnaw chu hlip vek in darthlalang hma ah chuan ka ding a,ka dul chu ka chul a,a hma khan ka lo ngaihven loh lutuk vang leh rai lampang ka rilrua a awmloh lutuk vang in ka lo hrelo mai ani.


"Naute..min hre thei tiraw?Mummy vanneihna thlen tu rawn ni rawh aw."


Ka dul chu ka ena,Tunah chuan nu ka ni ve tawh dawn!Chuan ...ka nu ka ngai takzet bawk,ka nu khan engtianga nasa in nge min lo hmangaih ang tih chu tunah hian ka pumchhunga ka thisen hmang a nung ve mek ka naute hian min hriatchian tir em em a ni!Ka nu thisen hmanga mihringa lo chang ve mai ka ni,ka tan engkim a ti a,a ei lui a,a nui lui ṭhin ang bawk in keipawh ka naute tan engkim ka ti ang,ka hlim reng a ngai.




"Mom...Amber pumah hian Naute a insiam mek a sin!Mom..chu chu ka hriat hma pawh khan ilo hre tawh ang tiraw!Kan naute lo piang tur hi hmu ve thei ula..in lak aṭang in hmangaihna dawng ve thei se...Nu..nu leh pa hmangaihna dawng mumal lo hian engtinnge ka naute hi ka enkawl ang le!Nilo..reilote ka bula i awmchhunga min enkawl ang chiah khan ka enkawl ve ngei ang!Mahse maw...ka ngai lutuk che...Mom..ka ngai takzet che!"


In hnit hlawp hlawp in ka nu thlarau chu ka be mawlh mawlh a,Tunah tak hian ka nu ka mamawh zia chu keima dinhmuna ding mek lo chuan min hriatthiampui lo ang.


Ka inbual zawh chuan room chhungah Brad a lo awm mai loh avang chuan ka mangang nghal ringawt,A thuamhnaw ṭhenkhat chu ka khum chungah a awm tho sia,A kal chhuah dawn te chuan min hrilh ve tur a nia.

In hnuai lama kawngkhar inkhar ri ka hriat rual chuan room chhuahsan in inhnuai lampan in ka tlan thla vat a,Brad ka hmuh rual chuan ben pawp mai ka duh rum rum,engmah sawilo in min kalsan turah ka ngai hman a!


"Hey...tinge i va hmanhmawh ve?'a bul ka thlen rual chuan ka banah chelh in min ngaihtuah hmel tak in min en ran a.

"Khawnge i lo kal hman a?"ka vin chhuak hrawih bawk.

"Hei...hei hi an rawn dah a!"ka bag chu a rawn lek kang zauh a.

''Aw..Elvis a lo kal ami?"ka bag chu ka ban a,mahse a ban pharin a khaisang nghal hmak.

"Min pe vat teh!''ka ban at at a,a lo thên sang zel bawk si.

"Elvis kha i hmu tawh tur a nilo ,a call pawh i chhang tur a nilo,ka fa i pai thu ka hrilh tawh!''Ka mita en kar chungin a ti fak a,a ṭawngkam hman tin chu ka hriat loh hlau ni awm takin a sawi nghat nghat bawk.

"Ehhhh...I thik a mi?"amah kawk pah chuan ka mit ka san khum ak ak a.


"A teuh lo..ka thiklo emai!"ka bag thing nawk nawk pah chuan a ti tawn tawn a,naupang ang maia a awm thut chuan min ti nui nghal hawk hawk bawk.



''Min nuih suh aw..!''kawng nem tau in a ding a,ka bag chu rang takin ka pawtthla nghal a.Sitting room lam chu pan in sofa a ka ṭhut rual chuan ka bag chu ka hai rak rak a."Tinge lo leng lut tura i sawm loh,a rawn kal hah ve ropui si!"Amah pawh en chuanglo chuan ka ti lang lang a.

"Ugggg...I bag a kut aṭanga ka lak ruala ka hnek lo kha a vannei!"ka bula sofa ah chuan thatchhe zet in a rawn ṭhu a,min melh run bawk.

"Naupangchhia viau lo teh..ṭhian bak kan ni chuang lo..."

"Ṭhian nih pawh angailo...A en dan che kha ka duhlo.!''A kut pahniha a lu dawmin chunglam a melh hmak bawk.

Naupang titau ang mai a ni,Amah chu pan hnaiin a bulah ka ṭhu a.Min en zawk a,chunglam a en lehnghal,Ka thlem ngei chu a ngaih hmel.


"Min lo en teh?"A maimitchhing hmak a.
"Daddy.."ka kut pahnih in ka biang ka dawm a,ka lam a rawn hawi rual in ka mit ka khap zauh zauh a.Brad chu za zetin a rawn nui hawk hawka.A lamah min pawt hnai nghal bawk,a darah ka lu ka nghat a.
"I thinrim tawh lo em?"

"Ka thinrim lo ka thik vang zawk a lawm!"ka chalah a fawp zauh a,ka kut a rawn hum nghal bawk.

"Thik buai duh suh..Daddy awm reng laiin midang ka mamawh hleinem!"
Ka kut chu la kangin a fawp zauh a.

"Ka ril a ṭam"ka ti zawm zat bawk.

"Pawnlama ei chhuah nge i duh...heta eitur siam"

"Umm..pawnah ei ila..chuan ka nu leh pa thlan kan tlawh anga,Chuan ka nutei kan tlawh kawi bawk ang.''


"OK..ka inbual ve phawt ang..ka reilo ang!"a ding hluai a,ka kutah kaiin inchunglam min pan pui a,a inbual vel chhung chuan thuamhnaw hak tur ka lo in enkual a,tunah chuan ka thuamhnaw tam zawk hi ka ha thei tawh dawn lo phawt a..."A eng hi nge ka hak dawn aw?"ka lu chu ka tuai nauh nauh reng,Engkim hi ka taksa phuar deuh vek an ni.


Ka kawrfual par chu la chhuak in ka en vang vang a"A chhiat hran loh hi!"Brad Washroom awm chhunga lo inthlak fel vat chu tumin ka thuamhnaw hak chu ka hlip sawk sawk a,khuma ṭhu chungin ka kawrfual chu ka inthawlh sat sat a,Rang zet in kut la hnawm chhapin ka kawr in a khuh hman loh ka dul chu a rawn kuah nghal a.

"Che thut ṭhin lo teh!''


Ka hnung lam aṭang nghet tak in min kuah a,"Ka hlimdan hi i ngaihtuah thiamlo ang!Ka inbual lai pawn ka nui vur vur reng!''ka hnungah chuan a bei hle hle bawk.


"Keipawh ka hlim lutuk..Ka nu leh pa in hmu ve thei se ni tur!' Ka mittui rawn hnam ṭiam ṭiam chu ka kutin ka hru nghal vat a,hlim tur ka ni...ṭap tur nilo in..Mahse..ka nu leh pa ka ngaih a zual em a ni!


Brad chuan nghet leh zualin min kuah a"Van aṭang an rawn hmu dawn lawm."Ka lu ah a fawp zauh a.Ṭah chhuah hawm hawm ka chak zawk,ka naute hi chu keimah anga fahrah a a awmloh nan rei deuh ka dampui ang!

Thil ei tur in kan inkhalh chhuak a,kal mai duhna em em kan neihloh avang chuan kan veng hnaia Italian restaurant ah kan lut a,dan ngai bawk in Brad chu mi mitla tu ber ani leh tawh,an phone hmangin thla an rawn la sek a,kei tak hian ka lo ning.


Hnathawk ho chuan private room lamah min hruai a.,a chhung kan luh rual chuan kawngkhar chu a lock hmak bawk.
''I ṭha em?"

"Ka ṭha lutuk!"

"Tiang khan min chimbuai ka ring pha lo a."

"I lar em a lawm?"ka nuih suk a,a lo ner sawk thung!


Ṭhutna ah chuan ṭhu in kan eitur duh kan chah a,kan ei chhung chuan Brad an min en dauh dauh reng,thil pawh a ei mumal ve lo..a chhan ka zawt a"I hmuhnawm thar riau !" Tih chiah a sawi.

Thil kan ei zawh chuan pangpar dawr a kalin ka nu leh pa ta tur kan leia,thlanmual lam panin kan kal lehnghal a.


Ka nu leh pa thlan hmaah chuan dingin Brad chuan ka kut a rawn vuan ran a.



"Mr Stewart , Mrs Stewart.. Amber hi ṭha deuh in ka lo enkawl ang tih ka thiam a che u..chuan kan fa lo piang mai tur pawh hi..ṭha tak in kan enkawl ang,.."min melh zauh a"Amber ang fanu in neih avang leh..in fanu ka hmangaih in phal avang pawh in ka lawm e,Ṭha tak in ka enkawl ang."nghet charh in a ti a,ka kut chu la kangin a fawp vawng vawng bawk.


Mittui tla zung zung in Brad thusawi chu ka ngaithla a,ka nu leh pa te khan Brad ilan hmangaih taka min enkawl lai hi hmu ve se...!


Ka nutei dawr kan luh chuan ka rual a Brad a lo kal ve vangin makti takin min en dun ran a,A hma ni lawk khan nupui hual a neih tur thu ka lo hrilh tawh vang pawh a ni mahna.

"Brad ..hmuh che ka inring miah lo."a mitmeng aṭang dawt a sawilo tih a hriat hle bawk.

"Rose..biak duhna che kan nei a!"Nuisang in Brad an a tih chuan min en zauh a,nui var var in ka lu ka lo bu ve a.

"Min lo zui rawh u!''tiin Rest room lam a pan nghal a,Brad chuan ka kut vuanin nutei lam chu min pan pui a,Room chhungah chuan kan ṭhu ho ran a,Nutei chuan min melh dun zak zak reng a.Brad chuan aw a rawn thian hmasa kharh a.

"Umm...Rose..Amber hian naute a pai a..ka fa..!"

"Eng thu nge....?..Aw Lalpa..Amber..I rai maw?"a kut in a hmui a hup a,a meng bial nghal kawk bawk.

Ka lu ka lo bu nghat a,zeploh chuan nutei hian min hauh ka hlau tak zet a ni.


"Engtia rei nge ni tawh?"

''Thla hnih a pum tawh!'' Brad chuan a lo ti vat a,keichuan ka nutei hmel chu ka en mai ngam rih lo,Pasal neiloa fa ka pai ngawt hi han lawm chiam tur a nilo reng a ni!

Ka nutei chuan ka kut a rawn vuan a,ka dak chhuak dek dek a ,hlim sang a min lo nuih ka hmuh chuan ka thaw huai thei!


"I ṭha em?"zaidam takin a ti chhuak sap a,a mitmu pawlrama mittui tlingpam chu ka hmuh hmiah hauh lo,a ngaihtuah chu tu dang nilo in ka nu a ngaihtuah chhuak tih a hmela lunglenna lo lang aṭang chuan ka hre thei a ni.

"Nute ka ṭha a lawm!"


Ka kut chu a hmer nghet zual salh a,Min en vawng vawng bawk,Ka nu pawh kha la dam se chuan nutei'in hmangaih taka min en ang tho hian min en ve vawng vawng a ang!"Hrep tak chuan!"ka mittui chu ka hru vata,Brad an ka hnungah a lo chul hauh hauh thung.


Brad phone ri chuan kan boruak rit lutuk chu a rawn ti tawp chat a.A ipte aṭanga phone la chhuak in Caller id chu en in min melh zauh a.


"Dad'' tiin a phun sap a.


Ding in phone chu a chhang nghala ,kan piah deuh ah chuan phone chu a kalpui nghal bawk,Nutei chuan zawhna a neih ho te min zawt a,a chang leh ka pum chu a rawn en a,a chang leh ka biang a dawm bawk..A ngaihtuahna chu naute ka pai tih ka inhriat tirh ang tho khan a vak thui ve hle ang.

Brad phone be zo chu a hmel a dik chiah lo,mahse min nui var var a,ka bulah rawn ṭhu leh in ka kut a rawn vuan a.

"Amner..ka pa office ah ka kal lawk a ngai dawn a,ka lo let leh hma chu tah hian min lo nghak reng rawh aw."

"Aw le!"


"Rose..Ka awmloh chhungin Amber hi lo enkawl ṭha hram ang che!''a nui suk a,ka nutei pawh chu a lo nui ve hawk hawk bawk,mahse a nui phenah hian thil inthup a awm,pawnlamah chuan hlim angin lang mahse a rilru a buai hle tih ka hre thei.


Ka biangah fawp in min chhuahsan nghala,Brad an kawngkhar a pen chhuah rual chuan ka ruak nghal vawng vawng thei...Nilo..ka ngai nghal takzet!

"Amber...I ṭha em?".ka nutei lam ka hawi chuan mak tih hmel takin min lo en reng a.


''Ka ṭha a lawm..midang va pui ve ang.''tiin ka ding hluai a.Brad ngaihtuah loh hram ka duh vang a ni.


Pawnlamah kan inzui chhuak a,Counter ah chuan kan awm ran a,mahse ka ngaihtuahna ah Brad chiah a awm,tinge a lungngaih hmel em em?Thil diklo a awm a mi? Chu zawhna chu vawitam keimah leh keimah ka inzawt a,a chhanna ka nei hauh lo thung.Lunch ei hunah pawh a lo la let lo a,pangngai takin ka nutei te bulah lunch ka ei ve a,mahse ka ei tam lo hle,Ka ngaihtuahna kal bing lutuk chu duhlo in intihharh hram hram ka tum a,Mahse ka hlawhchham chiang hle.


Ka phone lachhuak in Brad chu ka call a ,mahse min chhang miah lo,vawi tam ka call hnuah pawh a chhang lo,a hnuah phei chuan a in switch off hmak bawk..
Ka ngaihtuahna ah thil ṭhalo tak tak a lo lut zut zut a,Ka tih duh miah loh thlengin ka ngaihtuah kual bawk,Ka hnuk te hi a ulh ṭung thei.


"Brad.. Awmdan min ti hrelo a nia!"


Tlai lamah pawh a la rawn let lo fan a, ka thin a rim ṭung tawh,nutei chuan ngaihtuah lutuk lo tur in min hrilh reng a!Sawi mai hi chu a awlsam a,han tih dawn tak hian a har ṭhin si..buai deuh pawh nise phone tal pawh in min lo hrilh tur a nia.Ka call nawn sek a,Switch off tih hrereng chungin minute nga danah Brad number ah bawk ka call leh ṭhin...


Zan lam Dawr khar hun thleng pawh in a la rawn let silo,Nutei'in min thlah mai tur thu a sawi te chuan ka ṭah a chhuak,min rawn lam leh dawnlo a nih te chuan amah nghak tura min hrilh miah loh tur hi a nia.
Ka bag chu la in ka in ak uaih a,a telloin ka haw thleng em em ang tih chu ka ngaihdan a ni.


"Amber..ka thlah ang che."


"Ngailo mai..ka kal zawk a nge,"thildang a sawi leh hmain ka kal chhuak nal nal a,pawn ka thlen chuan van lam dak in ka mittui ka khap let sawk a,ka hrawk te hi a na ṭung thei!Taxi ka changa,a la vang khawp lehnghal,MRT la dawn pawh ni ila,nutei dawr aṭang hi chuan thui fe ke a kal a la ngai.



Vanneihthlak takin Taxi ruak ka hmu fuh a,ka bulah a ding dat a,Thompson street a kal theih leh theih loh ka zawh chuan a inngaihtuah nauh nauh a,a chhan chu Traffic tamlai chuan vengkar in hlat lutuk chu an tan let leh a buaithlak ṭhin avangin zan lam hi chuan mahni area bak an pel vak ngailo,min tlawmngaihsak tur in ka ngen mawlh mawlh a,Chutia a khawngaihna ka dillai te chuan mahni in lainatna in ka khat,Brad phiangsen khan amah nghak turin min hrilh lo se chuan khawthim hma in inah ka hahdam daih tawh ang..


"Lo lut rawh."a rawn tih rual chuan ka nui var vara,ka hnung lam aṭang ka aw hriatchian em em in min kohna vang chuan ka hawi let zawka .Inthiamloh hmel taka Brad lo ding ka hmuh chuan rum tak in ka melh a,Taxi kawngkhar ka hawn rual chuan Brad an min pan hnai a,rang takin ka lut vat a."Ka pu..chak deuh in tlan rawh!"



Driver chuan a khalh chhuak nghala ,Side Glass aṭanga Brad an min thlir reng ka hmuh chuan ka kut pawnlamah lek chhuak in ka kutzunglai chu van lam hawi tir in ka hmuh va a!A lu a tuai puat chu ka hmu hman.


"Ka call pawh chhang duh hlei lo."

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:21 pm

THE VAMPS
(Fan fiction)


Reo Ririni Khiangte

Chapter 25





THE VAMPS...


Band room ah chuan an ṭhu ṭhap a,Mikey pawh a rawn lut ve vat bawk..
"Khawnge Brad hi?''an vai chuan a melh kual a.

"Tunah tak hi chuan lawm avangin tihtur ber a hrelo ngei ang.''Connor chuan guitar zut nauh nauh pah chuan a ti a.


"Enge in sawi awmzia?hla thar buaipui tur a tam a sin!''kut kuangkuah in a ding at a.
"Mikey lo ṭhu teh,"Tristan chuan Mikey chu a drum seat ah chuan a pawt ṭhu a,Mikey chuan a sam a siamṭha nghal mawlh mawlh bawk."James khawnge video kha?''


James chuan a phone chu Tristan kutah a hlan chhawng vat a.Tristan chuan a hmet kual nauh nauh a"Oh..hei en rawh!''Video chu play in Mikey hmaizawnah phone chu a lek kang a.

"Enge a?''Mikey chuan a lo ti hlak a.
''En phawt mai teh!''


Mikey chuan Video chu a bih ngur ngur a,A en zawh rual chuan a naute ho chu phawk tawk in a en ho a"Hei tu nge?"

"Ngaihtuah chhin rawh!''Connor chuan a lo ti bauh a.

"Nangmahni lak ngei a nih chuan.....Amber..Amber tihna."a rak nghal chiam a,a zuang chawng chawng bawk.

"Engtinnge ka lakah in zep theih?" a ti leh tih a.

"Tunah kan in hmuh chauh hi."

"Party kan buatsaih ngei ang,Kan naupang luhlula chu call ula ,Zaninah Party a awm dawn tih hrilh nghal ru."Video chu a ennawn leh rih a.

"Mahse Mikey khawnge Party chu kan neih ang!''
"Lo lungngai su...ka buaipui fel vek ang."


______________________

Brad's Pov..


Amber chetdan zet chu kan inhmuh hmasak ber ṭum ang mai kha a ni!Ka Car ah lutin ka umzui ve nghala,Ngaihdam dil dan tur ka ngaihtuah ruai bawk.
An kawtah Taxi a din rual chuan hmanhmawh takin a chhuk a,gate a pan nghal dawr dawr a.



Car aṭanga chhuak in ka umzui nghala,A banah man in ka pawt let vata,ka hmuh hlau takin a mittui chu a hru nghal bawk.Ka lamah ka pawt hnai a,min lo suallet nghal vat bawk.Vawiin khan ka nu in naupai laia awmdan chu min hrilh hnem khawp mai,Eitur an duh in mut an duh em em a,mahse kha stage kha chu Amber hian a kalpel tawh in ka hria,Chuan an thinchhia in an lung a chhe hma em em a,a hma zawng aia duat leh ngaihsak an mamawh bakah,anmahni pawh in an phut bawk.


Amber chu nghet tak in ka kuah a,ka darah a la chum zawt zawt tho!A kutthlak hi a na ṭhin sia,mahse ka thlah phah a inring anih chuan a teuh lo a ni mai!Amber mizia chu a thinrim lai leh a lungawiloh apiang in ngaihdam dil duh chuan amah hi nghet taka kuah a ngai!Ka hrethiam bik lo,mahse a thinrim apiangin thlahlo in ka kuah lui ṭhin.

"Amber..min ngaithla rawh le..!"
"Kal bo rawh."



"Hey...inbengdai teh..ka insawifiah ang."

"Ka mamawh hrep lo e,tinge rawn let leh lo tur chuan min in nghah tir,..ka call pawh i pick up lo..ka...ka ngaihzia che pawh i hrelo.!"a in hnit zui hlawp hlawp bawk.

"Ka tihpalh aw..keipawn ka ngai che lawm..mahse.."


'Theihnghilh rawh..haw nghal rawh ,Inchhung i rawn luh chuan ka sawisa hrep ang che.''Min nem dawrh,kuah leh ka tum chiah chu na zetin ka ke ah a rawn rap sawk a,ka ṭe nghal tuar bawk!Ka ke a min rahsak zen hi ka hrethiamlo,A na thei si!
Kawngka lam chu a pan hlawk hlawk a,a hnungah bai lauh lauh in ka zui a,kawngkhar a hawn rual chuan inchhung thim mup vang chuan a ding dat a,Min hmuh rualin inchhungah chuan a lut a,Light chu tih en tumin a hmet rak rak a,a eng thei mai silo..

"Brad.."Min ko vin hlak a,ka lo
nui tawp,thim zingah chuan ka pan hnai a,a hnunglam aṭang ka kuah nghal bawk.

"Khatia min kuah lo khan Light hi siam ṭha rawh.''.
A thusawi chu ngaihsak lo in a bengah ka fawp zawuh a"Amber ka hmangaih che!"

Light chu a rawn eng nghal uar bawk,Balloon leh spray in Mikey leh midang chuan kan bul vel chu an rawn spray a,Alex an kan lampanin Cake a rawn chawi bawk!Amber chu maktih vangin a ang phiau a,a kawngah chuan nghet tak in ka la kuah reng bawk.
"Brad...??"

"I duhdan a ni em?"A biangah ka fawp zauh a,A kut lehlamin ka biang a rawn vuan a.

"Ka beisei lo asin!"

Midang chu an au dar dar a,Alex chuan Cake chu Amber hmaah chuan a rawn din pui a,Ring zetin Connor an 'Happy Birthday to you' a rawn ti mai chu ,kan melh nghal ṭhap a.

"Oh...Birthday a maw ka lo ti hman a.Amber leh Brad kan lawmpui a che u"A tih zawm zat a,Tristan chuan balloon a lo ham ri bawk,Birthday lawm ai chuan kan thawm a zawi bik miah lo.!


Sofa ah kan ṭhu ṭhap a,Mikey mawlh hi a phurfal bik!Amber chu a bulah a ṭhut tira,zawhna a zawt nghal char char bawk,Tristan ,Connor, James leh Alex pawh chuan Amber chu an hnaih ṭuau ṭuau a,Mikhual hmuh ngailo ang maiin an enduh bawk.

Mikey chuan inti hre tak in Amber chu inenkawl dan tur a hrilh vel a,ei leh ei loh tur te!Ka rin aiin a hrephian bawk,Amber chuan a ngaithla ran a,a lu a bu nghat nghat bawk.


"Brad naktuk aṭang Yoga class ah in register ula,chuan eitur pawh chart siam thlap ang che u."Professor ang maiin a ṭawng zung zung a,lu lo buk nghat nghat loh chu tihtur ka nei lo.

Midang haw hnu chuan Alex leh Amber nen chuan kan ṭhu ho ran a.


"Alex...ummm...Amber hi ka nupui a ni thei angem?" Amber chuan min nghawk sawk a''I sawi dan teh tawp kha!''a tawn ti sar sar a.Ṭawngkam dang ka ngaihtuah lehnghal a.


''Alex...keihian Amber hi neih ka duh a,khawngaihin I unaunu hi min neihtir rawh.''. Ka thaw te hi a chham dawn in ka hria,Alex hi kei aia naupang mahnise,an Unau hi an in hmangaih em em a,Amber pawh hian a zah hle bawk,Keipawh in zah taka a phalna ka lak thlap a ngai a ni.


"Ka phallo mai ang!'' Alex chu ka en nghal vat ,Amber pawh chuan sawi mai tur a hrelo,Alex chu a ngawi ran a,Sawi leh mai tur pawh ka hrelo, zanin a tan duh tawkin naktuk lamah ka be ṭha leh dawn mi niang?Amber chuan a darah a rawn khawih a,Min rawn nuih lui saka,amah pawh chu a hamhaih ve hle a niang .Tumah ṭawng lo in kan ngawi reng a.


"Ṭha taka i enkawl dawn chuan i kutah ka hlan ang!" Alex chuan min nuih var var in a rawn ti leh a,ka au hluai a,Amber nen chuan kan inkuah nghal chuk bawk.Tuna ka hmabak chu Amber nen chhungkaw hlim tak din a ni ta.

Amber chu khumah a mu hlan a,a hmelah chuan a hlim hle tih a hriat bawk,Mahse thil hrechhuak thut awm hian a rawn ṭhu hluai a.

'Vawiin khan tinge ka call i lak loh?"


"Umm..ka phone a low a,kan company ah ka kala ,ka pa nen kan inbiak hnuah,ka nu nen lunch kan ei dun leh a,ka phone a lo low avangin ka be theilo che a ,Alex bulah kalin keimah ngeiin naute i pai thu ka hrilh bawk a ...chuan ..Mikey ten in ina party neih an rawt a,midangin in an chei laiin ka rawn lam dawn che a,thinrim zetin Taxi ah i lut nghal bawk...chuan tunah hian a landan chuan I bulah ka mu thei tawh dawn lo..ka unaupa tur aṭanga thupek khauh tak ka dawn avangin I muthilh hunah ka haw ang!"



Amber chu a lo nui hawk hawk a. Tunah chuan kan boruak pawh a ṭha leh tawh,A biangah ka fawpa ,khumah muttir leh in puan ka sin tir a,a bulah chuan ṭhu in a dul chhunga naute chu ka be pah reng a,ka nu in min hrilh dan chuan tianga naute insiam ṭantir hi biak reng te hi a ṭha a tih vangin ka practice char char a ngai dawn ni!Amber chu karloah a muhil a,A muthilh hnu chuan a chalah fawp in a room chu ka chhuahsan ,Inhnuai lamah chhuk thla in Alex an inhnawk a dah fel chu ka pui a,Alex nen pawh hian kan inkawm thei viau tawh.


Kan indahfel hnu chuan ka apartment lam pan in ka inkhalh haw a.Vawiin ka pa nen kan inbiakna kha ngaihtuah let in ka rilru chu a buai tak zet a ni!


FLASH BACK



Kan Company ka thlen rual chuan ka pa room bik chu ka pan a,Tianga office meuha min koh chuan thil pawimawh tak a ni ngei ang!
Kawngkhar chu ka kik dat a,ka lut tlang nghal zat bawk.


Ka pa chu amah chauh a alo awmlai ani,min hmuh rual chuan a nui var var a,Amber ṭhat leh ṭhatloh min zawt hmasa ber phawta,A ṭhat thu a ka chhan chuan a thuṭna aṭanga rawn ding chhuak in a inleng kawmna sofa lam chu kan pana,A ṭhutna ep chiah ah chuan ṭhutna remin a thusawi tur chu ka ngaichang ran a.




"Brad...I hriat ang khan kan company hian MORRIES Company aṭang hlawkna tam tak kan hmuh bakah kan product te min hralhchhawn sak tu an nia a,kan Company ah pawh hian share lian thamtak an nei bawk a,Inhualna kha kan kalpui a nih chuan an ni nen kan thawh ho na chu a nghet zual sauh dawn ani,mahse...Tun dinhmun kan thlen tak si ah chuan kan Company pahnih inzawmna hi a tawp mai pawh a rinawm a,Mahse..keichuan I duhdan ka pawmpui thlap che a ni.!" Muang charha ka pa in a tih chuan sawi mai tur pawh ka hrelo,A sawi ang chiah hian Morries Company aṭang hian hlawkna kan hmu nasa hle a,kan company tana pawimawh tak pawh an ni!Mahse..Sum leh pai hmanga inzawmna siam chu ka duhdan a nih loh ang bawkin ka pa pawhin min nawrlui lo bawk,lawm hle tur chu ka ni!Mahse ka pa in tha leh zung tamtak senga a lo kaihhruai tawh chu keimah vangin hniamlam a pan dawn chu a ni!Amber ai chuan heng thil te hi ka thlang hauh lo,?Mahse..ka pa rilru tur hi ka hrethiam a ni!Fapa ṭha tak ka ni ngailo a,Thil sawi pui thlak pawh in ka awm ngailo,Mahse tunah hi chuan ka pa in Company harsatna min hrilh ve ta!A vawikhat min hrilhna ah tihtheih ka neilo nghal tawp chu ka inthiam lo hle bawk.


"Brad..ka sawi kha..I ngaihdan a pawimawh..I rilru lo pui chu thuthlukna siam lo ang che!Kan dam a nga,Company chu kan la kalpui thei em em ang,Marawhchu i nunah rahbi pawimawh tak i rap kai ṭana,he rahbi hi uluk tak in i kawng en chung in hmalam pan zel ang che aw!''ka darah a rawn beng thak thaka.


"Dad..ka lawm e,keimah vanga he harsatna i tawk hi pawi ka ti!'' Ka ti sap a.Tu fapa nge mahni pate Company dinhmun hniam tur hmu lawk vek a hlim thei awm ang?



____________________///_________///_____/


Parkingah in khalh lutin Car chu ka dahfela,Ka apartment pan in lift ah chuan ka chuang ran a,Thil engemaw tak chu ka tih a ngai ngei ang.


Inchhung ka luh chuan tui in tur in thlit in ka in khawlh khawlh a,Ka shower zawh meuh chuan zanlai a lo pel rawih tawh,Khumah chuan mu in thil tam tak ka ngaihtuah kual a.Tuna ka duh ber chu Amber hlim taka siam a ni!Chumi rual chuan ka pa lungngaihna pawh chinfel sak ka duh hle bawk.


Zing ka harh rual chuan Amber voice message ka thawn nghala,Dr Stacy bia in Amber diet Chart tur ka zawt kual nghal a,Email hmanga min lo thawn tur thu min hrilh chuan lawmthu hrilh mawlh mawlh chungin phone chu ka dah a,Tunah chuan Exercise neih dan tur ka buaipui leh phawt a ngai.



Thompson street lama Yoga Class neihna chu Internet aṭang ka zawnga,Amber te block aṭanga hla lo te ah Yoga class neihna a lo awm avang chuan register ka ti nghal bawka.Khum ka thawh chhuah hma hauh in darkar a lo liam leh der tawh.Amber Voice message lo thleng chiah chu nui vur vur in ka ngaithla a,Washroom lamah ka luhsan nghala.
Tunah hi chuan thildanga rilru ti hah hman ka nilo,Kan naute leh Amber in min mamawh lai a ni a,An tan theihtawp ka chhuah a ngai! Kan dama fate kan neih hnu chuan ka pa pawh company ka enkawlpui ngei ang.

In ka chhuahsan rualin Amber ka call a,Amah pickup la tum thu ka hrilh chuan a duh bik ṭhaklo,office a inhmu turin kan inbiakna chu kan ti tawp a!


Nakin lawkah chuan Amber pum chu naute vanga lo ṭhang in a lo puar lian ve ngei a nga...Chung thil ngaihtuah chung chuan ka nui vur vur reng a,Karlo ah Amber nen kan inneihna pawh buaipui vat kan ngai dawn a ni.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:21 pm

Office ka luh rual chuan Amber ka zawng nghal ruai a,midangin a lo la thlen loh thu an sawi chuan ka awm hle hle theilo,in hnuailamah chhuk in ka lo nghak ngawt a,Minute 10 hnu velah a rawn thleng ve hlawl bawk,Min hmuh chuan a rawn nui var vara,a lam panin a kutah ka vuana.Lift ah ka luhpui nghal a,Lift a in khar rual chuan insum hman miahlo in ka fawp nghal chawt bawk.


Ka fawhna chu min lo namsawn vat a,"Lift ah te chuan a chiloh lutuk!''a ti sap a.
Lift chu a rawn in hawng nghal bawk,Rang takin floor chung ber ka hmet a,a in khar rual chuan Amber chu ka lamah pawt hnaiin ka fawp lehnghal tawn tawn a,tun ṭum chu amah pawh in min lo dang tawh lo,A hmui ka fawh in a dang ka duh belh zel a,Ka kut chu a lo man bet nghal vat zel.


Lift kawngkhar a rawn in hawn rual chuan a pen chhuak nghal pawk pawka,A hnungah chuan ka umzui vat bawk,Ka khawih leh hlau ni awm takin a lo in veng nghal ran a,ka nuih a tiza zawk.


Midang an lo awm vek tawh avangin hla practice turin kan lut nghal a,Tuna hla hi Music video kan siam zawh rual in Africa ṭam tuar tan documentary Film kan buaipui anga,Chumi kan zawh fel chuan Asia ramah tour kan nei thei tawh ang.Amber nen a The Great Whispering wall tlawh ka duh bawk,Chumi zawh aṭang chuan Amber pawh naute nei mai thei a nih tawh dawn avangin Band pawh ka tawpsan rih tawh ang.


Tlai office ban ah chuan Dr Stacy hmu tur in Hospital lamah kan kal a.Kan duhthusam tam tak sawi dun in a chang leh kan inhnial a,Mahse thinrim vang nilo in kan hmalam hun kan nghahhlelh lutuk vang a ni!


Doctor in Amber a check chhung chuan an bulah ka lo ding reng a,engmah ṭhalo a awmloh vang in kan hlim hle,Eitur ei dan hunbi te inhrilh in Exercise la ṭha tur in Amber chu a hrilh mawlh mawlh a,Doctor thusawi reng reng chu uluk takin a ngaithla a,a zawm ngei dawn tih a hmelah a langchiang hle bawk.
In lam pana kan let leh meuh chuan khua a thim ṭan tawh,Amber chu thatchhe zetin car seat ngheng in a muhil a,A rai tih kan hriat hmaa a thil ei tur châk na thei lutuk leh mut duh lutuk te kha ngaihtuah let in ka nui vur vur a,Khanglai te khan kan ngaihtuahna ah naute hi a awm pha lo hrim hrim a nih kha.

"Amber.."

Tui tak in a la thaw sak sak a.

"Shortty...in kan thleng tawh a nia."a darah chuan ka sawi dat data,a harh theih mai loh avang chuan ka nghak deuh ran a,A hnua kaihthawh leh ka tum pawn a harh theilo..A mit a nuai nauh nauh a,a muhil lehnghal zel.

'Ka pawm lut ang che aw?'


"Ka naute nen ka rit tawh lutuk!" A rawn ti niah niah a,ka nuih a tiza zawk,ka ṭhutna ṭang tho chhuak in a ṭhutna chu ka hawnga ,ka pawm chhuak nghal a.,Tlak hlau niawm takin ka nghawng ah a lo kuah ve chial bawk a,Door bell ka hmeh rual chuan Alex an kawngka a lo hawng nghala,Room lamah pawm chho in khumah ka muttir lehnghal a,Naupang ang maiin a ṭawngvai niah niah bawk,Nghet taka a muthilh hma loh chu a bulah ka awm tlat a,A ṭawngvai a reh hnu chuan a chalah fawp in room chu ka chhuahsan a,Alex chuan room aṭang ka chhuah rual chuan min biak a duh thu sawiin a kalna lamah chuan ka zui ve nghal a. Room pakhat ka la hmuh ve lohna ah min hruai lut a,kawngkhar chu a lock nghal vat bawk,Banga milem inziak chu lasawnin thil engemaw a hmet zauh a,ka beisei lawk miahloh in bang chu che in step a in dawhthla zui a!Alex chuan ka darah a beng zauh a,"Thuruk a nih hi!Minlo zui rawh" a tih rual chuan step ah chuan a pen thla a,light chu kan ke penna chinah a eng zela,kan hnunglam chu amahin a thim lehnghal.


"He room hi ka hmuhchhuah thar chu a nia!Chuan ka pa secret office a ni bawk."
Min hrilh nilo in sawi ve tawp a ang zawk.
''Chuan?"


"He hmunah hian finfiahnA chu a awmkim vek tawh a ni,a hma khan hriat kim loh ka nei a,I puihna a zarah Mr Carlos mi fingtak hmang in ka zawng chhuak thei a,Evidence ṭha tak a tling ngei ang." A aw aṭanga phurna lo lang chu a hriat theih.
"Alex..thil pakhat min hrilh chiang deuh teh?"
"Eng chu?''Couch ah chuan a ṭhu thla a,A ep chiahah chuan ṭhutna ka rem ve nghala.

"I nu leh pa an boral lai khan Amber kha an bulah a awm ve in ti tiraw?"
Alex chuan a lu a lo bu nghat a.

"Mahse tinge Amber kha engtin mah an tih ve loh?Ka sawi awmzia chu tualthattu chuan a chetdan hmutu chu a that ngei awm si a.?''

"Ka hre mai bik lo... Mahse ka patea tih a nih ngat chuan Amber ang rual fanu a nei ve a ,Chuvang chuan Amber chu a lainat a ni mahna!" A tisap a.

"Thil tam tak hriat belh duh ka la nei ani.''


"Brad..Amber hi ka tan chuan unaunu a nih bak ah,ka vantirhkoh a ni,Ka in zir puitlin theihnan a zirna chawlhsan in hna a thawka,vawikhatmah a hah leh a chauh thu a sawi ngailo,Amber hi ka zah takzet a ni..Chutih rual chuan nang hian hlim takin I siam thei in ka ring bawk!Amber hian lungngaihna nilo,Hlimna hi a tawn ve a hun tawh." A aw chhuak aṭang pawh chuan Amber a ngaihsan zia leh a hmangaih zia a lang thei!

"Ka theihtawp ka chhuah ang."

Ka apartment pan in ka inkhalh let a,Amber bikah Doctor result engkim a ṭhat avang in tunah rih chuan kan hla thar turah rilru ka pe thei deuh tawh ang.
Ka kawngkhar bula lo ding avang chuan ka pen lai a tawp chat a,Ka lam chu rawn hawi vat in min pan hnai a,Ka hmu peih lo lutuk hi tlanchhiat mai te ka duh rum rum!


"Kan inbiak a ngai!" A ti ram hmak a,Ni e..zan in hian sawifel pui vek ang,Ka in a rawn chuangkai ve sek pawh hi a khamawm.
Ka kawngkhar chu hawn ka tum bik hauh lo.
"In chhunga lut tur in min sawm dawn lo mi?"
"Hetah hian kan sawi thei reng,I duh chu sawi hmasa la,kei pawh in sawi tur ka nei!"


"Kan inhualna tur i tihtawp rual in in company kan thawhpuina ka ti tawp ang.'' Ka hmaah inkuangkuah chung chuan min melh ran a.
"I theih a thu le!"


"Brad..ka thei..ka ti thei lutuk,in company nen kan thawh ho na a tawp rual in,Share holder tam tak kan chhuahpui vek thei tih i hria em?" A ṭawngkam aṭang chuan engpawh tih a hrehlo tih a lang chhuak thei!

"Melania... Beidawng ve tawh teh!Keihian ka hmangaih lo che a,ka hmangaih ngailo bawk ang che." Zaidam thei ber in ka ti hram a.

"A pawilo..ka kianga i awm chuan kei chu ka ṭha vek a nimai,I pa in thi leh thau pawlha a lo enkawl tawh hi,I hmeichhe hmangaih vang maiin i chhiattir phal dawn mi?"



"Ka tan chuan hmangaihna tluka hlu a awmlo,chuan..Amber hi ka thlang zawk bawk,I theih chuan engkim chu tichhe ta che,mahse ka siamṭha zel ang.!'' Kawngkhar chu hawngin ka lut nghal hmak a,kawngkhar chu a rawn chum zui dawt dawt a,A awmdan mak lutuk hi.Rilru lam buaina a nei a ni hial zawk ang.
Melania thawm chu ngaipawimawh lo in room ah lutin khumah chuan ka mu nghal thlawp a.

"Eng thil nge ka tih ang? Company lamah rilru ka pe dawn nge?ka band lamah zawk?"

Heng thil hi ka nunah chuan an pawimawh ve ve!


_____________________



Ka room a nizung lo lut chu meng mang lo chuan ka en kara ,Nizan khan parda hi ka kharphui ngei sia!Khumah ka ṭhu kang hlawl a,ka hmazawn ah chuan thuamhnaw bawm pahnih rawng pawl leh rawng sendang nalh zet hi a lo awm,Ka piahah Brad chu kawngkhar ngheng in ipte zen meuh in min lo en a.Zingkarah a lo kal dawn tih min hrilh miah lo.

"Heng thil hi enge ?"


"Kan naute ta tur a nih kha!" Ka lam rawn pan in a kut a rawn phara a,Ka kut chu ka lo pe ve vat a,Muangchangin min pawt tho a.Kei khumah ka ding a,A ni chhuatah,min kuah a,dingdihlip in ka hmuiah a fawp zauh a,Chuan nui var var in ka dul chu en in a fawp zui bawk.



"I kawr hak hi ka hlim dawn."tih leh hlim a rual a,ka dul pawng ve ak tawh chu nui var var in a chul a,Naupang in toys a hmuh a a infiampui ṭhin ang hmel hi a pu!A lan dan naupangchhia lutuk chu a biangah ka piai sak pah a,Phun hlukin ka kut chu a lasawn a,ka kawrhak lai chu siamṭha leh in thuamhnaw bawm lamah min kai phei a.

Bawm pakhat chu a hawng a,Naute thuamhnaw leh pheikhawk tih velin a lo khat vek!Chuan a chhunga mi chu rawng sendang vek!

Pakhat zawk a hawng leh a chupawh chu Naute thuamhnaw hlir,mahse a rawng pawl lam ve thung.

"Heng hi enga tan nge?" Naute thil vel a ni tih chu ka hria,mahse tuna han in lakkhawm nan chuan a hma mah mah a ni.
"Mipa a nih chuan a pawl ho hi a ta vek tur,hmeichhia a nih chuan a sendang ho ve thung!"

"Hey...chupawh nise..mipa nge hmeichhia tih pawh kan la hrelo,lo lei vak te chu,hmeichhia a nih chuan mipa thuam zawng hi a hmantlak loh vek dawn sin!"
"Chuti phir nimai rawh se!"awlsam zet in a ti zat a,ka melh tlawk tlawk tawp.

A tir aṭang khan phir hi a duh nghal ngawt a.Ka puma naute a biak apiang in phir turin a ngaihruat bawk..Hahthak ṭhin hian!.

"Mommy hi ka fawp thei a ngem?" A mit kan ak in min en a.

"Lo kal teh!"Ka lamah pawt hnaiin a hmuiah ka fawp a,Rang takin ka inla hrang lehnghal a .


"Hey...!"min pawt let leh in duhthawh zet in min fawp nghal a,a kuthlei zet hian khawihtur a zawng nghal ruai bawk,a duhthawh telh telh a,Tiang reng a nih chuan kan tawpna tur a hriat sa!

"Brad...duhtawk rih teh!" Ka pangngailo ṭan tawh lutuk chu ka aw pawh a ri chhuak thei lo..


"Ka tina che mi?" Ka nghawng ah rawn fawp in ka hmuiah a rawn bawhthuah nghal zat bawk.Ka mutkawr bahna sin zet chu hnawl thla in ka darah a fawp kual nghal a,A hmuiin ka taksa a deh rual a,ka danglam nghal ṭhin hi ka hua! Thaw hlawp hlawp chung in a nghawng ah nghet tak in ka kuah let a,zo taka min pawm kangin a kawngah ka lo kherh nghal vat bawk,min fawhna thlah miahlo in khumah min nghat thla riai riai a,ka bawpkarah tlazep in min bawh zui nghal vat bawk.


Uar zet in min fawp nghal tawn tawn a.
"Brad..tunah nilo!''a biangah dawm in amah chu ka melh ran a,Maimitchhing in thawk a la vang vang a,ka chal leh a chal rawn insik tir in ka hmuiah bawk a fawp leh a,mahse a dam thlup tawh,Min fawhna chu thlah in min en vang vang a,"Ka hmangaih che!"khumah chuan a rawn let thla hnawk a,a lamah minpawt hnaiin nghet tak in min kuah zui nghal a.


"7×1=7 7×2=14...."a phun niah niah a,Min kuah nghet tulh tulh bawk!Pasarih hmun a sawi tawh hi chuan a insum hle ṭhin reng a ni!

Vawiin hi ka nu leh pa Case a Court ni a ni tawh a,Alex chu court room lamah a awm tawh! An la ṭan loh avang in kei, ka nutei leh Brad chu pawnlamah kan la ṭhu a.




The Vamps ho pawh in hla thar neiin music video an ti chhuak leh tawh bawk,Mr Simpson duhdan ang in kei leh Brad inneihna chu thla tawp ah kan nei dawn.The Vamps Band in Africa ram an tlawh zawh hun nen a in nang vel chiah,Tunah chuan Brad nen pumkhat kan ni tawh dawn,Ka hlim em em a,mahse kei aiin Brad hi a hlim zawk emaw a tih theih,A phur tawh lutuk hi nitin inneih hun tur hi a thleng har tawh tiin a sawi chamchi zel.




Brad hi ka tan chuan mipa diktak ani,Min ngaihsak em em a,Ka mamawh hun apiangin ka bulah a awm ṭhin!Chuan a chang hi chuan fahrah ka nih avang hian fa neih hi ka hlau ṭhin!Kan fa tur hi ka duhlo tihna a nilo,Keimah ang bawka fahrah in a awm ve ka hlau a ni!Nu leh pa hmangaihna dawng theilo a awm chu ka fahrah pui vêk chauh in min hriatthiam pui ang,Mahse chung ngaihtuahna ka neih chang chuan Brad hian hrethiam takin min hnem ṭhin,ho te te a ka lungngaih chang te hian a ban a nghet tak min kuah chungin engkim a ṭhat leh tur thu min hrilh ṭhin!Nitin in min hmangaih zia a lanchhuah tir ṭhin a,A chang chuan naupangchhia tak tak a chet chang nei mahse,min ngaihsakna chu a thlahthlam ngailo.

Mrs Simpson pawh ka chungah a ṭha em em renga,a chang chuan a eitur siam te hi min rawn thawn ṭhin!Ka hriat tirha a mizia kha chu a nei tawh hauh lo,tunah chuan ka nu tak ang maiin ka ngai tawh.



Tan hun a nih tawh avangin court chhung ah chuan kan lut a,Brad chu ka bulah ṭhu in ka kut a chelh tlata.Court chu an ṭan nghal a,Alex an finfiahna a neih ṭhenkhat chu engtin emaw talchhuahna an hre zela,a landan chuan awlsam taka tlawm chu an tum biklo,Zawhna an inzawh chhung hian khami ni a thil thleng rapthlak tak kha chiang tak in ka ngaihtuahna ah an rawn lut nghal zung zung bawk,ka nu mangang hmel leh,tihtheih nei miahlo a ka pa a pan laia,amah pawh dimna tel miahlo a an that ve zui lai te kha..kum tam a liam tawh..mahse ka tan chuan nimin maia thil thleng ang kha a la ni!
Thawhkhatna chu an zo a,Duhang in hma kan sawn mawh hle..mahse Alex chuan ka kutah vuan in hnehna a chan ngei tur thu min hrilh a..

Hall chhung kan luh khawm leh chuan ka patea pawh zamna tel miah lo a rawn lutin kan lam a rawn hawia ,Min rawn nuih var var bawk!A nui hmel te chuan min ti thinrim hlur thei.


"Mr Stewart... He thil hi midang ho in an la hriat loh ngei ka ring..Nang hi Stewart family mi nilo in fahrah an lak che i ni?''Ukil Kimi'n a tih chuan ka lo ang phiau ringawt,ka patea hmel pawh chu a buai nak a,Hlauhthawnna in a rawn khat nghal.

"Ka patea hi ka pa nen unau tak a ni lo tihna maw?"


"I sawi awmzia ka hrelo!''a ti bah niai a.

'Kei hian ka'n sawifiah a nge..khatia I pa a thih hnu khan Company kha i u kutah a hlan ta vek a,Chu thil chu i thik em em a,Company ah harsatna hrang hrang thlen in share holder ṭhenkhat te chu I thlem kual a,Company kha i kuta a awm theihnan ṭan I la ta!..Chu chu. A dik em?" Patea chu a hlauthawng tawh hle bawk.



"Chuan...I u khan Stewart family diktak i nilo tih kha a hrechhuak a,Nang chuan a hma daih pawn ilo hre tawh !I unaupa in Stewart family mi i nilo tih a hriat chhuah khan i hlauthawng a,Company i neih theihna tur kawng a dal ngei dawn tih i hre bawk a,chuvang chuan i thah tir ta a ni!'
"Thu diklo a ni!"
"Finfiahna chu hei hi a ni!"
Voice Record an neih chu mipui hriat theih tur in an play a,Ka patea aw ngei chuan a mi tirhte biru tura a hrilh lai a lo in record..chu mai pawh nilo thiltam tak a awm.Ani sum duh vang mai mai in ka nu leh pa kan chan a,kan unau rethei takin kan awm phah bawk..Hremna na tak hmu pawh nise ka lungawi ngai lo ang!



Court a zawh chuan Alex chu ka lampan in a rawn tlan a min kuah nghal vang vang a,Tunah chuan hnehna chu kan chang tawh..ka pa company leh kan thil lo chan tawh zawng zawng pawh kan nei let leh vek dawn!Mahse..heng rosum tam tak ai hian ka nu leh pa kha ka mamawh zawk a ni!Heng sum hmang hian an nunna kha nei let leh theih nise...!


"Amber..hnehtu kan ni ta!Ka nu leh pa thlarau pawh an chawl hahdam thei tawh ang!" Alex chu ka kuah nghet zual sauh a.

"Alex...Lo kir leh thei se ka van ti em!"

Heng sum tam tak ai hian ka nu leh pa kha ka mamawh a ni!


Hun a liam a,Ni a ral a,Keileh Brad pumkhat kan nih hun pawh a hnai tawh tak zet!Tunah hian Brad te chu Africa ramah an kal mek a,keichu a ram a hrisel lo tiin ka kal ve a phal lo tlat a,mahse Video call in kan be reng a,Kan inbiak apiang in ka dul a hmu ngei ngei duh bawk.


Alex pawh in kan Company a enkawl tawh a,Simpson company nen thawk dun in hma a sawn chak hle bawk,Ka Patea pawh kum40 chhung jail tang tura tih a ni! Kan in hmuh hnuhnun ber ṭum khan ṭhingṭhi in ngaihdam min dil a,a tap zawih zawih bawk.

Door bell rawn ri avang chuan ka thiltih lai dahin kawngka lam chu ka pan a,Kawngka ka hawn rual chuan ka hma a lo ding vang chuan ka nui var var a.

"Ka lo lut thei a ngem?"

Kawngka chu hawn zau sak in a rawn lut nghal a.

"Ka ṭhawng hle che a ni maw?'ka darah vuanin min nuih var var a.


"Tlem te in!"ka lo tisapa,kan nui zui bawk bawk a.

"Dinner ei dun ila ka tia,in a ka cook sa ka rawn keng a nia,I rilṭam tawh em?"a ti nghal zung zung a.


"Ṭam ve tawh tho mai!I buai ka ring a sin!"
"Ka hmu chak che a,chuloah ngaihdam dil che ka duh bawk a ni."

"Mrs Simpson...".

"Mom tiin min ko tawh rawh...lo kal hnai teh!"a lamah min pawt a,min kuah nghal vat a."Amber ..keihian i chungah thil tam tak ka lo tisual tawh a,khangte kha siamṭhat leh theih se ka ti lutuk!" Thawk a la vang vang a"Khawngaih tak in min ngaidam hram ang che! Ngaihdam ka dil hma che chu rilru nuam tak in ka awm thei lo ani."a ti leh sap a.


"Chutiang an sawi ngailo..kei chuan ka ngaidam daih tawh che!Brad nen kan awmdun i phal vang te hian lawmthu hrilh tur che ka ni sin...Mom..ka lawm e aw..Brad ang mipa ṭha tak fapa i neih vang leh chhungkua din pui tur a ka hnena i lo kaltir vang in..ka lawm lutuk!".


Ka hnungah a beng thak thak a,ka nu tak nilo mahse ka tan chuan ka nu a ni tawh!A bulah hian ka thla a muang tak zet tawh a ni.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » December 11th, 2016, 2:22 pm

Mo kawrfual ha in Alex chuan Biakin chhunglam panin min kalpui ,Mipui ṭhahnem tak pungkhawm zinga ka mipa hmangaih em em in min nghakhlel tak a,maicham hma aṭanga min lo thlir dauh dauh tu lam chu min pan pui a!Ka hma a ding mek hi ka pasal..damchhunga ka bula awm tur chu a nisia..a hmel hi ka en ning thei thlawt lo,min hmangaih tih hriat tak a min melh vawng vawng chungin Alex an ka kut a hlan laia min lo nuih var var te..midang hriat miahlo a"Shortty i hmelṭha tak zet!"tia ka benga a rawn phun sar sar te hian kei hi ka lo tuiral lo chauh.



Brad nen hian harsatna tamtak kan paltlang a,Vawi tam in kalsan tum in thutawp kan lo siam tawh ṭhin!Na tak leh beidawng ngawih ngawih in kan in kalsan a,khang buaina kan tawh zawng zawng te kha lo in hneh tir ila chuan engtikah mah pumkhat kan ni ngai lo ang.


Tiam tlat e ti chungin ka ṭhi a ka awrh ṭhin ngei zungbun chu ka kutṭangah min bun tir a.

Keihi he khawvela hmeichhe vannei ber ka ni ngei ang,Kei hian Brad hmangaihna hi ka phu meuh em?
Chutih lai tak chuan ka bulah chuan a rawn let thla hnak a,a taksa thlan in a bual huh vek chu chulsak in a chalah ka fawp zauh a.

"Ka ti na che em?' Min ngaihtuah zet in a rawn ti vat a.

"Na lo..mahse ka chau!'' A awmah min kuah bei nghal thlawp a,"Insum ka tum nasa lutuk,mahse ka theilo,ka nupui duhtak hi engtikah mah ka kham thei ngailo ang!" Ka dul a chul hauh hauh a"Naute hi rawn chhuak vat tawh se a ṭha ang!"
"Engvang in maw?"
"Mummy hi ka venthawn reng a ngai a!''ka hmuiah a rawn fawp lehnghal a.Lo namsawn in rum zet in ka melh a"Sawi âwmleh âwmloh hi hre rawh!"
''Enge?"
"Naute hian a hria nga sin!''
Nui hawk hawk chungin ka dul chu a chul a,''Naute i beng lo hup mai rawh aw!"a tisap bawk.


He pa ṭhin hi chu a naupanchhiat hi a la thlah tak tak thei dawn lo a nih hi.
Kan inneih aṭanga kar hnih hnuah Asia rama tour nei tur in kan kal chhuaka,India a heng hmun - Mumbai,Chennai leh Hyderabad ah Concert an neih hnu in Japan,Korea leh Thailand ah hun an hmang leh bawk,Thailand ramah a tawp kharna kan nei a,tah hian kar khat chuang kan cham bakah,Brad an min lo tiam tawh ang in The Great Whispering wall awmna ah min hruai a,he hmun hi kum400 a upa a ni tawh!Hemi hmuna i hmangaih tan thuchah i neih i sawichhuah chuan I hmangaih bulah I thuchah chu a lo thlensak dawn che a ni!(Thai ho rindan a nih chu)


Maimitchhing chungin Brad ka la hrilh loh thu tam tak chu ka rilru in ka sawichhuak a,Kei ang bawk in Brad pawh chu maimitchhing in ka kut vuan chungin a ding ran a!Ka pasal hmelṭha tak hi ka en ning thei ṭhin lo.A mit a men rual chuan min nuih var vara,Ka kut chu la kang in a fawp a.
"Amber ka hmangaih che!''tiin a phun sap a.
"Ka hria a lawm."
"Chimawm lo teh" a lamah min pawt hnaiin duhthawh zet in min fawp nghal a.
"Amber ka hmangaih che"He thu hi vawi engzat nge darkar khat chhung in min hrilh nawn ni!Kan inneih hmaa a lo tiam tawh ang in min hmangaih thu min hrilh reng a,thu a sawi mai nilo in a lanchhuah tir bawk ṭhin..Engang pawh in sawi ngun mahse ka ngaithla ning chuanglo.


________///____________


Brad's Pov...



Ka nupui hmelṭha tak chu thlir in thil tam tak ka ngaihtuah a,Tuna tui taka muhil mek hi ka ta ani tawh!Ka hunpum a bulah ka hmang tawh bawk ang.Amber muhil thlir in darkar chanve zet ka hman hnu chuan khum aṭanga tho chhuak in ka zingkar routine ka ti nghal a,Ka taksa chau hnepa ka sáwizawi hnu chuan room lamah ka lut a,Amber pawh chu harsa tih hmel zet in khum a lo thawhsan mek a,amah chu puiin washroom lam ka pan pui a,


"Mummy hi a rilṭam tawh em?''a hmui ah ka fawp zauh a.
"La ṭam vaklo..ka pum hi a nuam lo deuh a." a rawn ti niah niah a.
Tun thla hi a nau neih hun a ni tawh,Hospital lama awm lâwk mai ka duh tawh laiin Amber hian a duh bawk silo,Hospital rim a ngaithei lo lutuk hi a buaithlak..
"Damdawiin kal i duh em?"
"Aih...ka ṭha leh mai ang,Khawimaw..min kai lut teh!"tiin Washroom lam chu a melh a,dim tak in ka kailut a,Tooth brush ah toothpaste tahsak in ka pe nghala ,min nuih var varin a lo ban a,a ha a nawt nghala,a chezia engkim hi mit lasawn miah loa thlir hi nuam ka ti ṭhin,A pum puar kawh lah te hian a tilang sexy zual bawk.


A hnunglam aṭang ka kuah a,a pum lian tawh tak chu ka chulsak a"Daddy hian mummy leh naute hi ka hmangaih lutuk che u."Amber nghawngah chuan ka fawp a.A kut lehlamin ka nghawng ah a rawn kuah let vat a.Tiang hi kan zingkar hun hman dan a ni!


Hmanhmawh thil vangin huphurh tak in Amber chu ka kalsan a,Kan Band ina kan ruahmanna lo siam tawh chu kan Contract sign pui ten rawn sawi buai leh in eng engemaw an rawn complain vak a,Chu chu a hmun ngeia kal in ka chinfel a ngai a ni.


Car chuan hmanhmawh takin ka inkhalh chhuak a,Thui pawh ka la tlan hmain ka phone a rawn ri a!Caller Id ka en chuan number ka la neih loh a nih vangin ka chhang duhlo a,beidawng loa a rawn tih tluk tluk hnu chuan ka chhang hram a .
Lehlam aw ka hriat rual chuan ka ṭhen nghal sak a.Phone chu dah leh mai ka tum a.

"Brad...la dah suh..thil sawi duh ka nei!"
Ka phone chu ka ngaithla ṭha leh a.
"Kei min thlang loa midang i thlan avangin phuba ka la ngei ang..kha i nupui nen khan hlim taka in awm ka phal ngai hauh lo ang.!''
Ka thaw kawk a,He thu sawi hian vawi engzat nge Melania hian min lo biak ṭhin!Kan nupa inkar a tihchhiat tur thu sawiin min vau reng a,A chang chuan a â tawh maw tih chang ka ngah ṭhin.
Ṭumdang ang bawk in a thusawi chu ngaithla zo lo in phone chu ka off a,ka speed chu tisang in office chu ka pan nghal a.
Office ka luh rual chuan Tristan chuan min lo pan vat a.
"Contract hi ennawn la,sawi dan tur i hriat mai ka ring,Dawt an rawn telh vak hi sawi vak dan ka hre silo..kut thlak mai ka duh hial a ni!"a rawn ti niah niah a,Tristan meuh in chutianga a sawi phei chuan kei amah aia thinchhia hian engtinnge ka hmachhawn ang le..."uggg..lut phawt ang."
Meeting room ah kan inzui lut nghala.
Reife kan indawr leh hnu chuan inremsiamna thar kan siam a,Contract hmasa mi chu kan tidanglam vek a ni ber.
Tristan thinrim lutuk in Contract sign lo mai ang a ti zet chu an hlau leh sia..offer dang min siam nghal chung bawk.Darkar li lai hun kan hman hnu chuan Amber ka ngaihtuah avangin ka inkhalh haw lehnghal a,ka kalchhuah apianga ka hawn sak ṭhin pangpar chu leisak tumin dawr lamah inkhalh ka tum zet a,mahse engemaw in min mawlh tlat avang in peng buailoin in lam chu ka pan tlang ta zawk a.

Tunah hian enge a tih ang!Tih ngawt ka inzawt char char bawk.



Gate a ka inkhalh luh hma chiah in Melania car chak tak a rawn tlan chhuak ka hmuh rual chuan thinrimna leh hlauhthawnna in ka khat nghal a.Car chu Parking ah luh puiin ka hungṭha sawk sawka ,Kan apartment lam chu ka pan ding nghal a,Kawngkhar hma ah ding in Door bell chu ka hmet a,Amber in min rawn hawn mai loh avang chuan ka hmetnawn leh a,chhunglam aṭang thawm hriat tur a awmloh vang chuan ka ngaih a ṭhalo leh zual..ka chahbi pai chu la chhuak in kawngka chu ka hawng nghal a.Inchhung ka luh rual chuan ka ke pen ka tawp chat...


"Amber..."

Amber chu kitchen luhna lai chhuatah thisen nen a lo let reng! Rang tak in ka pan hnaia,a taksa chu a lo var vek bakah,a..a thinzawn aṭang thisen a rawn chhuak zung zung bawk,tihharh tumin ka au a,a rawn meng diar dair a.
"Brad...!"
"Amber...i ṭha em? Engtin mah i awmlo ang!''
"Nangmah emaw tiin kawngka ka lo hawnga..ka tihpalh aw.." a rawn phun sep a"Naute hi ka venghim theilo a pawi ka ti!'' A thaw kawk kawk a,A kâ aṭang thisen a rawn chhuak bawk..
"Daddy...ka hmangaih che!''a mit a chhing riai riai a,a taksa chu a vawt vek bawk..
"Amber..Amber,harh teh!''
Ka nupui taksa chau tak chu ka kuah vawng vawng a,ka phone la in Ambulance ka call nghl a.

Amber taksa vawt tak chu tihharh tumin ka sawia ,min chhang tur a awmlo,Amber..ka lo tlai hret a ni!
Keimah maw tiin kawngka a hawnsak ngei chu a ni sia...hliam a tuar laia a thlabar dan tur leh ṭanpuitu zawnga a hawi kual ruai tur te ngaihtuah in ka nupui chu ka pawm vawng vawng a!

"Amber..i kal thei lo...!''

Operation room pawnah chuan ka ṭhu ran a,Ka nu leh pa leh ka ṭhiante pawh reilote ah an rawn thleng ve bawk,Darkar hnih ngawt operation room pawnah kan awm tawh...ka rilru a vak kual ruai a!Amber hian min kalsan tur a nilo...!


Doctor rawn chhuah rual chuan naute ṭap thawm ka hre nghal a,Nurse pahnih in naute an rawn pawm chhuak a.
"Mr Brad..ka lawmpui a che..Mipa leh hmeichhia an ni!''


Ka awih thei lo..Phir an ni...Naute chu ka kutah min hlan a,an ṭap ngâk ngâk a,an kutṭang té zet chu an chet ve nauh nauh bawk,ka nui nge ka ṭap pawh ka hrelo.Ka nu leh pa in naute chu ka kut aṭang an la a.
"Dr, Amber chu a ṭha em?"beisei nei tak in ka zawt a.

"A..Thilmak a thlen theihnan ṭawngṭai rawh u..!'' Ka nu chu a ṭap chhuak hawk a,keipawh chu ka mumal lo,ṭahchhuah ka duh..mahse ka awmah min hnawh tlat tu an awm.
"Enge i sawi awmzia?"Doctor kawrawmah chuan ka ṭham tawk a,ka thinrim a ni..Ka Amber chu a dam leh ngei tur a ni!


"Brad.. Theihtawp ka chhuah a lawm..i nupui hi hmeichhe chhel tak a ni!Tuna a case angah hi chuan tumah damchhuak an awmlo,mahse in naute tan a bei ni ber in ka hria,Chemte hmawr khan a thin a khawih pha a,tunah rih chuan khawl hmangin kan la thawk tir rih a ni.Ka hrilh tlang che u nga..Beisei tur a awm tawh lo..in rilru lo insiamfelnan ka hrilh zawk che u ani!" Dam thlap in a rawn tia.

Ka thinzawn na lutuk chu ka dawm vawng vawng a,Chhuatah chuan ka ṭhu thla nghal hnawk bawk.
"Amber...a theih loh!''


Naute ṭap ri ngâk ngâk te chuan ka rilru an tina zual,tunah hian Amber hnute tui mamawh vangin an ṭap a ni!An nu lah chu thihsûal in a na mek bawk si.
Nurse chuan naute chu pawmin an lo up lum tur thu an sawi a,Tristan leh Natania in an umzui nghal a..

Engtinnge Amber tello in ka nun ang,Engtinnge,kan fa ten a nu chanchin min zawh hunah ka chhan ang!In nu chuan nangmahni a hrin hnuah che u..Daddy te nen chauh a awm tur in a kalsan che u ka ti dawn mi?...


Mipa ka ni tia pâ taka hmachhawn harsa ka va ti em?Ka Amber nunna neilet leh tur in enge ka tih ang. Amber nui lai leh a thinrim lai te..tukin zinga kan awmdan zawng zawng te chu ka ngaihtuahna ah an rawn lang zut zut a.Chemte a taksa derdep tak a luh laite khan ka ṭanpui beisei in ka hming a lam chhuak ngei ang!

Tinge kha aia chak khan in lam ka panloh?


Room chhung aṭang chuan Amber chu an rawn nawr chhuak a,a taksa chu a dâng vek,nunna nei hmel pawh a pu tawh lo,A ruala an hnuh tel ve khawl hmanga thawk la mek ka nupui kut chu ka vuan a,Mipa...pasal thinlung hi a kehsawm vek a ni.A hmel dâng bel chu ka thlir tlawk tlawk a.Mipa hi nat vangin a lo khurh hlawk hlawk theih!

ICU an dah lut leh nghal a,Ka ngen nasat em avangin ka thuamhnaw thlak in ICU ah chuan ka lut ve a!

Ka nupui harhvang tak leh hlim thei tak kha tunah chuan khawl hmangin a thaw ṭawk ṭawk tawh..ka pan hnai a,a biang vawt ngiai chu ka khawih a.


"Amber...ka lo kal hi..min lo fawp dawn lo ami?min fawp chungin ka lo thlen har vanga min ngaih thu sawiin min kuah dawn lo ami?Amber..tiang hian awm suh..enteh..Naute i nei tawh a sin..chupawh phir..pakhat chu nangmah ang maia hmelṭha a nia..pakhat chu I duhthusam ang chiaha keimin chhun ani asin..I pangtilum an thlahlel ngawih ngawih a sin..an ṭap a..I kut lum an zawng a sin...kan Naute te i ti hrilhhai lutuk!."
A bulah ṭhu in a harh theih nan thil tam tak ka hrilh a,mahse milim ang maiin a maimitchhing tlat a.


"Engtinnge i theih zawk le?Naute kan neih huna i awmdan tur i sawi pakhatmah i tihlawhtling lo ania." A chalah chuan ka fawp vang vang a.

"Amber min ti beidawng tak zet a ni!Tunah hian min fiam mai mai tiraw?I Brad hi i fiah mai mai a ni tiraw?" Ka ngaihtuahna hi a buai vek! Min fiam mai mai ni te in ka ngaia,a hnara oxygen an vuah hi rawn phawi thla se,"I lo let har lutuk vanga ka phuba laklet na anih hi !"tia a rawn sawi mai te ka beisei hial a ni.!!

ICU room chu hmanhmawh takin ka chhuahsana,Ka banah Tristan an min lo pawt ding vat a.
"Brad..khawnge i kal dawn?"

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)