REMRUATPUIA Full version By Abbra Reo Ririni Khiangte
Posted: December 12th, 2016, 7:12 pm
REMRUATPUIA
By
Reo Ririni Khiangte
A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Reo Ririni Khiangte
All rights reserved
http://www.storyfb.com
📣 Phone ațang type ka nih bakah🤣 He story hi chu mizo țawng ziah uluk nachang ka hriat hma a ka rawn puah chhuah pui phawng phawng ani a, thumal diklo/ mizo țawng diklo a tam anih pawn hriatthiamna nen min chhiar sak dawn nia. Edit turin ka mit hian a tlin tawh bawk silo a.. 🐰
School Gate ka luh rual chuan bell a ri nghal a, naupang dang ho chu an tlan nghal suau suau bawk, lut thar tur ka nih avangin khawnge ka class tur pawh ka la hre ve lo, tumah lah chu hmelhriat ka nei der silo!
Kei hi Zorini niin tunah hian class Xi ka zir dawn mek. Chuan, tun hi Mizoram ah ka school kal vawikhatna tur a ni bawk. Kan chhungkua in Chandigarh ah ka pa hna vangin kan awm vek a, chutah chuan kum hnih ka nih aṭanga awm ṭan in tunah hian Mizoram ah ka lo chhuak chho ve hlawl a ni! Ka nu leh pa leh ka nau phei chu Chandigarh ah an la awm, ka pi leh pu bulah rawn awm in he school ah hian zirna chhunzawm tumin ka intintuah ve mek.
Mizoram a awm ngailo tih takah kan school pawh hi ka zawn fê hnu a hmu chauh ka ni! Ka Pu in min thlah a tum a. Mahse, mahni ram chhung hrelo nih ka zak sia, keimahin ka tei chhuak nalh pek a, zing karah khan chhuak hma hle lo phei ila chuan ka tlai ngawt ang.
School building lian takah chuan ka pen lut a, midang chu an class turah an awm vek tawh, an class ka kalpelh lai te chuan min lo en hrek hrek hlawm a, ka kalna zawn apiang chu a reh nghal duk zel.
'Class XI Section B' Kawngka chunga thil in tar chu ka en phei zel a, ka class tur lah chu ka hmu mai hauh lo!
Kawngka lu zawn melh zel chuan ka kal phei dat dat a, chutia kawngka lu zawn ngawt en a ka buai lai chuan vawi lehkhat ah eng emaw hi ka su ta chawrh mai! Ka nat vang nge ka phut nasat lutuk vang zawk, ka kek nghal ṭhat bawk.
"I va mawl ve!" thlabar deuh a ka tawm chawi chu mipa aw thum deuh hian min rawn ti hmuk zui! A hmel ka en hma hauh aṭang ka thin a tirim nghal pang!
"Ka mawl vang nilo in kawnga i lo awm vang anih kha!" 'hawi chhuak in rum mangkheng in amah chu ka melh chho nghal hrak.
Awi! A sang lutuk, ka dak deuh vah a, a sam chu a la buang vek zui! He school ah hian sam tih buan an phal a tih em ni? Huh? Chulam chu ka lo buai vena tur ani lo!
Chupa chuan a mitkhur thuk deuh dak chuan min lo melh chhuk ve run a, a hnar ngul chu mizo ah chuan sang pawl tak ani ngei ang, a hmui nem hmel tak chu en in chil ka lem khalh a, hnuai lam ka melh thla leh riai riai bawk! A tir a ka thin a tih rim teh lul nen! Tunah chuan ka thinphu a tirang daih lawi!
"Huh.. ka awmna hi kawng nilo in kawngkhar anih hi!" Nui suk chungin ngeiawm fahran hian min chhang let nghut. A nuih rual a a mitbul vun chuar deuh chu ka lo hmu thuai bawk.
Ka hawi kual thuak a, a sawi ang chiah in a dinna hi kawngkhar a ni! Chuan, ka class tur a ni bawk, kawngkhar ah chuan ka dak dek dek a, midang ho chuan min lo melh ṭhup a nih chu! Kawngkhar phenah chuan ka tawlh sawn leh vat bawk a.
Chu pa chuan mit ti zim sun hian min lo melh chhuk run a, a lan dan ngeng ngul bawk si vang leh class chhung a min en țhup tu te vang chuan ka zam ta kher mai!
Tim dai hian ka melh zeuh a, Uniform Kamisz bantluan chu a ban a thlep tawm a, kekawr pawh a zuih ṭha e, a pheikhawk pawh uniform shoe mai mai chu a ni lo tawp, kawnghren lawk deuh a la hreng zui. Boy band member ni awm tak ani!
"Ding reng lo khan lut ta che" min nuihzat hmel tak hian a rawn ti leh kher, a mitmengin lut tur in min mitmei zauh bawk.
Ka hmui tisawi in hnuailam ka bih nghal hmak thung!
"Mawl reuh ber" min ti leh nek anih chu! Rum fahran a ka melh nghek chuan lu min thin khum nghutin class ah chuan a pen lut ta vut, a hnungah rang lutuk tak maiin ka zui nghal a , midang chuan min lo en nghal huang bawk.
"Enge i tih?" rawn leh hawiin ka hmai bulah a rawn kun hniam run. A va dil chhut tak! A hmel hi a rumin a nelawm loh ropui si!
"Ka lut hmasa zak a lawm." Ka ti sep, a phun hluk a.
"Ka hnaihah rawn kal tawh suh." bul tak mai hian a ti leh hmuk, midang in min en huang avang chuan nuam ka tilo, Mahse....
"Khawnge ka kal ang." Ka ti a. Ka chhoh en heu bawk.
"I va mawl e aw! Ṭhutna tur zawng rawh!" ti vin hluk in min kalsan nal nal a, tlarhnung lamah ah a han ṭhu daih bawk. A chet dan in la ngeng leh tawngkam na lutuk avang chuan ka thinrim ṭung thei, hmeichhe care nachang pawh hrelo! Teh tuh mai!
Student dang ho chuan min en ran a, za vaklo in ka nuih sang hlawm a, țhutna tur melh kual chuan ka dingdihlip ak ak bawk.
Nichina pa ṭhutna bula awl chu hmu in rang fahran hian pan chhoh ka tuma. Mahse, mipa pakhat hian a ṭhutna bul ka thlen chuan min nuih var var in a bula ṭhu turin min lo hrilh a, lawm tak in ka ṭhu nghal vat bawk.
Kha pa, ngeng ngel ngul-a khan amah zui lui turah min ngai anih chuan a tisual khawp ang, ka bula ṭhu pa chuan min en kara, min ti lai lek lek!
"Andy ka nia, nang?"
"Zorini" tisap in ka hawi kual a, tlar hmalam chu an rawn hawi ṭhup tih ka hria, anmahni ka en tih an hriat chuan an hawi let leh sap sap hlawm a, min en duh lutuk chu mak ka ti.
"Zorin, Khawi vengah nge in awm?' Nelawm deuh te hian a rawn ti a, a hnar ngul a nalh tak zet.
"Zarkawt ah."
"Kan veng a in ang anih chu, kan kal rual ṭhin dawn nia" Nui ver ver in a rawn tia, a nuih paha a biangsum lang khuar kak chuan a ti lawmawm zual. Kan veng a lo in ang hlauh chu a lawmawm, tunah chuan ka mal lutuk bik dawn lo e.
Ka chhan hmain Teacher a rawn lut a, platform ah min din tir in introduction min neih tir nghal bawk, Platform a ka din kan lai chuan kan Mipa ngenh-a kha ka hmu chiang hle, mit ti zim sun in min lo en reng a. Mak tak maiin ka hmai a sa hat hat, ka thil sawi lai ka bahlah hmain ka insawi zo chu ka lawm hle bawk.
Ka ṭhutna ngaiah let leh in Andy chuan Thumps up min lo hmuh va a, nui var var a ṭhu in lecture chu ka ngaithla zawm a. Zeploh chuan Chandigarh ka ngai veng veng mai, ka ṭhiante chu hnam dang vek ni mahse tet te aṭanga inkawm kan ni hlawm a, ka Mizo-pui hmelhriat thar ho ai chuan ka ngaina zawk daih.
Lunch break ah chuan midang chu an chhuak vek a, kan Ngeng ngul-a kha kekawr ipte zen chungin muang zet in a pen chhuak a, min kalpel zawnga a rimtui inhnawih rim rawn nam chu ka hip lut hak mai.
"Wow..Chocolate" ka ti sap.
"Min lo zui rawh." Andy chu kawngkhar lamah a kal chhuak a, thuawih tak chuan ka zui nghal dat dat a. Hall zau deuh ah hian student dang ho chuan thil an lo ei mek a, kei leh Andy inzui lut min hmuh chuan an thil ei lai chawlhsan meuh in kan pahnih chuan min lo en leh țhup tawj! Eng nge an hriat hlawm le?Hmeichhe ṭhenkhat chu an in hrilhru sar sar leh nghal!
Andy chuan engahmah ngailo tih hriat zet in plate a la a, pakhat chu min pe in eitur lo in tlar put chu a thlengah a dah nghal hmawk hmawk a, ka lam rawn hawiin a lu a chet zauh a, 'la ve rawh!' a tihna ah ngaiin ka plate ah chuan ka in la khawm ve a, țhutna tur zawngin Andy chu a hawi kual nghal thuak. A sang țha bawk a, seat ruak a hmu nghal ani mah a, a kal nghal vut a, a hnungah chuan ka zui ve dat dat bawk, a bul ka thlen chuan lo ṭhu fel vek tawh in min nuih var var a, țhutna tur min pawh chhuah sak turin a rawn ding ṭha leh a! Ka lo nuih hak bawk.
Ka ṭhut fel meuh chuan midang ho in keini chiah min en reng tih ka hre leh chiah. Chutah kan kekawr ha zuih-a inla ngeng zet kha, ka bulah a la rawn ṭhu nghut zui, ka hnaih duhlo viau kha ka bulah a rawn ṭhu run a! Min tih ang khan ka lo ti ve nghek mai dawn mawni?
"Ruatpui, zanin practice tur kha aw" Andy chuan thil ei pawng pawng chuan a ti zauh.
Ka bula mi chuan a lu a bu nghat bawk.
"Ei ve ta che i rilṭam loh chuan ka lo ei ang!" tiin ka thlenga alu kan chu Ruatpuia chuan a rawn suak nghal rinhawt anih chu! Rum zet a melh in ka thleng chu ka ban in ka hup nghal ṭung bawk.
"I va naupangchhia reuh e!" Andy an a lo tih chuan ka ner sawk a. Naupangchhia tih thumal hi ka ngaithei ṭhak lo.
Nikhatna chu engemaw ti tiin ka hmangzo thei hram a.
Gate ka chhuah san rual chuan Andy chuan ring zet in minlo au a, naupang dang min kalpel tu te chuan min en haw haw hlawm!
"Eng nge?"
"Naktuk aṭang kan haw rual dawn nia !" A rawn ti lang lang a, nichinah min hrilh tawh reng sia.
Chhang buai tawh lo in inherin in lam pan in ka kal hnak hnak a, in ka thlen hun chuan ka pi leh pu in zawh tur min lo ngah leh ngawt ang.
Kan in kawtah chuan ka pi chu pangpar tifaiin a lo zai rat rat a, a hnunglam aṭanga va kuah in a hnungah ka bei nghal hle hle a.
"Zorin, school chu a nuam em?" Pangpar la khawih chung chuan a rawn ti a.
"Umm, mahse, pi.. Chandigarh ah ka let leh chak e!" Ka ti nghal nang nang, ka sawi tawh ang khan kum2 mi ka nih lai aṭang ka awm tawh a, ka ṭhiante ho ka ngaiin eng emaw chen ah ka thisen ah hian a ram ngainat zawkna a awm lian lo theilo.
" A zialo e mai, helam hi i la ngaina vat mai ang, vai ram ah ngawt i khawsak chuan Mizo zia i hlauh vek mai ang!" A ti nghal bawrh bawrh; Mizo zia bik pawh ka hre chuanglo! Chhang buailo chuan ka nui hak a, inchhung lam a ka pu thawm hria in ka luhsan zui a. Ka Pu chuan TV lo en in min lo nuih var var bawk. Ka pi ang chiah in school nuam ka tih leh tihloh min zawt a. Kan bula an lo zin chang apiang in kan school ban hian tiang chiah hian min lo zawt ṭhin.
Inchung lamah chho in ka room chu ka enkual thuak a, Chandigarh a ka room ang in poster leh ka band ngaihsan te thlalak ka tarloh vangin tlem chuan a danglam deuh! Ka khuma guitar chu la kangin ka zut nauh nauh a, ka thiam ang tawk in See you Again chu ka mil ve a, mittui tla lo chauh a ka zai hnu chuan intifai tur in washroom lamah ka lut a, ka in thlak fel chuan ka ṭhiante nen Video call neiin kan in aṭanga lang thei ho chu ka enkual tir a,mak an han ti mai mai khawp a.
"Tinge in chung kha a tlet vek a?" te an rawn ti vak vak, rangva inchung tle sur chu an mak tih a tling tawk em em mai ni.
"Wow, building a van in din hnaih!'
An zawhna leh an thusawi pawh ngaihsak lo in anmahni chu ka en char char a, ka hriat loh kara ka mittui lo luang chu rawn hmu in an reh nghal ṭhiap a.
"Zo, ţap suh, i ṭah chuan Sampada hi a ṭap lehnghal a ni mai" Vera chuan a rawn ti niah niah, ka ṭah nuih nghal ṭuau bawk.
Ka ṭhiante hi Mizo ngaihah chuan hnam dang(Vai mai mai) an ni. Mahse, kei chuan Mizo tam tak aiin ka ngaina zawk, țhian hlutna an hriat bakah Mizo angin mi rel an ching ve lo a, kan awm khawm tawh chuan midang chanchin sawinan hun kan nei ngailo, keimahni ho chanchin sawi nan zan khua kan hman chang a tam. Chuan, an smart em em a, feature plan sawiin hna țha tak neih ngei tumin higher level ațang an țang em em zel bawk. Politic ațang India ram economy thlengin an titi pui theih vek a. Midang chanchin sawi ai chuan zirna kawngah intlansiak nuam an ti zawk bawk.
Zanah chuan TV en in ka pi leh Pu nen TV room ah kan ṭhu rana, chanchinthar zawh Ṭhalai Huang hun a TV a ka mi hmuh vang chuan ka ang nghal phiau! Kan mi ngengpa leh Andy kha tv ah an lang anih chu! Chuan, hmeichhe pathum leh mipa pakhat nen!
'Tunah chuan kan lam thiamte kawmna kan lo nei a nga." host in a rawn tih chuan ka phawk leh zual, Andy leh midang chu an nui sang hlawm a, Ruatpuia ve chu tak run in a awm thung, hepa hi chu a ngainatawm loh ve ngawt mai! Vawiin pawn mawl min ti ngawt a. Ka la kuk ṭawk duh ngei ngei ang.
Host chuan zawhna hrang hrang a zawt a, an vai chuan ka rualpui tur vek an ni. An kawmna a zawh chuan room ah ka chho a, ka tih ṭhin dan bawk in ka nu leh pa te nen video call kan nei a, mak deuh chu ka mitthlaah Ruatpuia hlir a awm! Ka nu te nen kan inbiak lai pawh in ka lo ngawi leh vung vung ṭhin. Kan inbiak zawh chuan washroom ah lutin ka in phih faia, mut thuamhnaw in belin khumah chuan ka mu ran a.
Ruatpuia mizia ngén hmel tak leh a sam buang vel vek te hi ka mipa duh chi an ni ngai hauh lo. Mahse, tunah hian tinge ka ngaihtuahna ah a awm tluk tluk le?Khumah chuan ka let kual sek a, vawiin a ka sut chawrh lai te, a nuih paha a mit bul chuar deuh si te, min kalpel zawnga chocolate rim rawn nam vang vang te kha...
"Ruatpuia kha ka duh a mi?'
"Nilo!"
"Aw.. i duh!"..
"Ka duh lo chiang e mai! A sam buan dan te kha ka haw lutuk!"
"A sam kha a inhmeh thlawt, a hnar ngul nalh lutuk mai kha!"
Ka ngaihtuahna insual nasa lutuk tih reh tum in inhnuai lamah ka chhuk thla a, Fridge hawng in eitur ka zawng rak rak a, Coke can chu la in ka in nghal vat a. Thawk la vang vangin ka ngaihtuahna a awm mek chu tihbo tumin ka maimitchhing vang vang a.
"Aw... a ṭha, a reh dawn, a reh tep, reilo te... Oh..nilooo... !"A aia chiang in a hmel ka hmu leh hlawl anih chu!
"Ka à dawn a ni ngei ngei ang"' thinrim ṭungin inchung lam ka pan a, tiang hian mipa ka la ngaihtuah ngut ngut ngai lo, Sampada leh Veru ka hrilh a ngai! Nilo! Mipa nikhat chhung lek ka hmuh ka ngaihtuahna ah a awm zui char char tih ka hrilh ang maw? Min nuih nasa awm e mai.
Ka muthilh lai reng ka hrelo, Mit ka meng siar siar a, nizan a ka mut dan remlo zet in ka lo la mu tlang reng tih ka hria, ka nghawng na ur avang chuan ka ṭhen sawk a. Ka room a nizung lo lut ah chuan a hma tawhlo tih ka hre nghal thuai bawk. Ṭhu chhuakin sana ka en vat a.
"Lalpa leh!" Dar 7:30 alo pel der tawh.
Washroom ah lutin ka lu su lo in ka inbual thuak thuak a, ka uniform ka inbel chhung te chuan ka tlu ṭep ṭep reng, ka mawza lah ka bun fuh lawk thei
bawk silo. Dawhkan a ka bag chu la in ka tlan chhuak nghal rawk rawk a.
"Nilo!!! Hun ka la thlak reng renglo!'" Room ah bawk ka tlan leta, ka time table chu bih in ka baga lehkhabu ṭhenkhat chu ka dah chhuak a, Science leh a kaihhnawih ho chu la khawm in ka khung nghal sawk sawk.
Ka zo! ti halh in chak tawk in ka tlan chhuak ta rawk rawk!
Kailawn ka zawh thla fel chiah chu mak tih hmel tawkin ka pi chuan min lo en ran a, Kawngkhar ka tlan chhuak tur chu min auh avangin ka ding leh chawt!
"I sam kha khuih i tumlo em ni? Chuan chaw pawh ila ei lo a!' Hmuh thianglo hmu ang maiin min melh reng. Mahse, chutiang tih kawina hun ka nei lo, ka tlai anih ngat chuan.... ngaihtuah lo zawk teh ang!
"Pi, ka tlai tawh e mai." Hmanhmawh tak chuan ka ti zung zung, mak tib hmel takin a la hawi ta deuh deuh.
"Dar engzat nge school in ṭan dawn a!?" a rawn ti tawng!
'Dar riat, ka kal..." tih leh kawngkhar pui a tlan chhuah ka rual der!
Gate pawna ka Pu nena lo inbia mipa vang chuan ka ding chawt a, an ni pahnih pawh chuan min hmuh chuan ka lam an rawn hawi nghal hau bawk.
'"Mambawih, I sam kha i khuih lo em ni?' Ka Pu chuan hmuh thianglo hmu ang maiin min melh phawk hle, Ruatpuia lah a lo nui ruh ruh bawk, rum zet in ka melh a, ka sam chu ka'n chul thuak a, ka kut ṭang a la tang zui!
Hit lo ber mai.
"New fashion anih hi!' ka'n ti ngawt pek a.
"Hei, Ruatpuia, i pa Ruatsanga fapa anih hi, kha in uniform a in ang ka ti! In school a in ang a ni maw?" Ka pu chuan Ngeng ngul-a nen min melh dun zauh pah chuan a rawn ti sup.
*in ang ber ang chu..nimin pawn a che ngeiawm teh a sin* Ka tih khum lo chauh. Mahse, he mipa ngeng lutuk mai hi ka pu in a en dan aṭang chuan an in hriat ṭhat hmel tak zet.
"Anih hi, awi..Pu ka kal! ka tlan leh nghal dawr dawr a, an mahni ka kalsan rual a,
Ruatpuia nui deuh suk ka hmuh rual khan ka thinphu a rang vek bawk. Mahse, he pa hi ka duh dawn lo hi a ni tawp.
Tlai a hlau ve lo mawnle? Thlamuang takin ka pu nen kawng laiah an la inbe mai mai bik a. Ti rilru nuah nuah in ka pen pawk pawk a.
ka bag ah chuan tuemaw hian min rawn pawt hrawk, hnehsawh lutukin ka ding nghal chawt bawk. Rang tawkin ka leh hawi a, Ruatpuia'n mak tih hmel deuh in min lo melh run mai.
"Ka tlai dawn, min thlah vat teh!" Ka vin hlak, a chal a chuar nawng a.
"Dar riatah chiah school ṭan a ni." A rawn ti bul hmuk, ka hriat vanga hmanhmawh ka ni reng a lawm!
"Chuvang tak a! Ka tlai dawn nia." Ka'n ti leh hlak a, ka lian em em silo, ka bag hnungah a man bet tlat mai bawk si, kalsawn duh eng ang mahila ka thei lo.
"I van mawl reuh e, dar 7:30 chauh a la nih hi." tiin a bana sana lawk zet chu ka hmai zawnah a rawn lek vut, awih loh hmel zetin amah chu ka melh let nghek! Ka room ah khan 7:30am a rikna a rei tawh!
"Kan sana ah chuan sarih leh a chanve a pelhna a rei tawh mai!'ka ti let vat a.
"A diklo anih chu!' ka sam chu a rawn tuai thut a, ka lo rak ṭhat, a kutṭang chu ka sam hnawkah a tang bawk. Min nuih suk suk in ka bag ah lai a pawt thla a, a man a khai a, a kut lehlamin kal turin min hui nghal thuak in a kal nghal daih bawk, lungawilo zet in a hnung aṭang ka melh ngawt ngawt a, a rawn hawi let leh thut sia! Ka che lai teh e!
"Lo kal vat rawh, tlai i hlauh kha." Tlem a nuihza insum chung hian a rawn ti sup, a mize ngeng ngul chhuah in a in her leh nghal daih bawk. A sawi dik, tlai ka hlau... mahse ka bag!
Thuawih deuh in ka zui hnak hnak a, thui pawh kan la kal lo, in lian zet kawtah chuan a ding a, a bulah chuan ngawi reng in ka lo ding ve bawk. Engvanga ka bag hi la ngawt nge anih le? tih vel chu ka lo ngaihtuah ve chiam chiam a, Ruatpuia chu In lian pui lam hawi chuan a ṭhen zui sak.
A kekawr ipte aṭang phone a la chhuak a, School ah phone ken an phal der silo. Mahse, a ni hian a keng bik sia, teacher te a hlau lo a ni khawp ang!
"Andy, Samkhuih leh I u sam ṭawnna keng in lo kal ang che." tiin phone chu a off zui hmak, min rawn en in a kiai leh sak, a phone ken chu a kekawr ipte ah a thun lut leh a.
"Enga tan nge chung chu i tih?" Mipa in sam khuih leh sam țawnna a mamawh chhan tur awm ang ka hrelo reng reng.
"I sam hnawk zet khuih nan hian mawle!" Ka sam rawn kawk zeuh pah chuan a ti hap a! Ka huat zawng a tling tawk em em ringawt. Mahse, chhang buai lo in ka hmui ka tihsawih khum a, a nuih ka ti za suah maiin ka hria, kan din mekna inchhung lam aṭang chuan thawm a rawn awm a, in lian tak Gate a rawn inhawn rual chuan Andy a rawn chhuak hlawl mai!
"Enga tan nge samkhuih leh sam țawnna chu I duh?" a rawn ti chhuam lang lang a, min hmuh rual chuan a phu deuh zawk bawk!
"Ehhee...Zorin..tinge i sam chu?"min din hnaih pahin a rawn ti chiam a nih chu. A au ring reuh sia, ka ngei reuh lutuk!
"Bawm tawt aṭang ka pawt chhuak zo chiah a." Ruatpuia chuan a lo ti hluk zui, nghal ti fe in ka lo ner sawk thung.
"Lo kal teh!" Andy kut aṭangin sam khuihna chu a la a, ka sam chu a rawn khuih thla rawk a, ka sam a lo hnawk ve bawk si nen, na ka ti lutuk chu mai ka chhing tlawk tlawk a.
"Ti kha chuan mi pangngai i ang ve ta!" ka meng chhuak chu ka hmai bul hnaih set sawt ah min lo en run in a nui suk. A nui hmel pa lutuk chu khap lek loin ka en ngawih ngawih a, ani tel in Remruatpuia hi ka hmu pa tulh tulh mai hian ka hria.
"Kha tia ding reng lo khan kal ang u, minute 10 chiah a awm tawh" Andy'n a rawn tih chuan ka in thingharh nghal vat a. Ruatpuia'n ka bag a ken chu laksak ka tuma, a lo pawh bet tlat avang in ka thlah leh zal zal a, Andy chuan sam khuih chu a school bag ah thun in a kal a, Ruatpuia nen chuan a hnungah kan zui ve hnak hnak a, kan school uniform ang ha naupang kan tawh te chuan min en vawng vawng hlawm! Ka bula kal te hi an chhelo dun em alawm le!...
School Gate chhunglam ah chuan Sir pakhat hian mipa ṭhenkhat hi a lo dintira, mipa dang ho bag pawh a lo check mek bawk.
'Tinge a?" Ruatpuia chu ka melh chho haw.
.
"Zial man tur a zawng a niang!"Ka bag chu min pe a,Sir chuan Ruatpuia leh Andy chu a hui ve zauh a, a lampan chuan kalin an bag chu Sir hnenah an hlan a, a check rak rak a, zial a hmuh loh vangin Ruatpuia chu a bag a pe let a, Andy bag pawh check leh in Sam khuih a rawn phawrh chhuak hlawl a, midang ho chu an lo nui huk bawk, Sir chuan Andy hmai zawnah samkhuih chu a lek va va a, midang nui ham ham pawh chu ngawi turin a hrilh hlawm a.
"Mipa bag a samkhuih hmuh chu!!"Ti niah niah in Andy bag chu a pe let a,Rang takin Andy chu kan lampanin a rawn kal hlawk hlawk a.
"Andy!"
Ding chawtin Sir lam chu a en a.
"I samkhuih i theihnghilh dawn!"tiin Sir chuan samkhuih chu Andy lamah a vawrh phei a,Andy chuan lo dawng chat in nui vur vur in kan lam a rawn pan a.
"Nangmahni vang vek!'a la rawn ti bui bui zui.
Kan pathum chuan kan inkawm deuh chawt tawh,School kan kal rual a,Tlai lamah practice an ngaihloh chuan kan haw rual leh vek ṭhin,Andy te in a hnaih ber avangin Ruatpuia nen chuan kan in panin kan kal dun leh hnak hnak ṭhin!Ruatpuia hian ka bag hi a keng tlat zel,A landan chuan ṭhianṭha tak kan ni tawh!Mahse.....
.
.
Keichuan ṭhian mai nilo..a aia nasa deuh zawk in ka en a ni!Ka duh..Ruatpuia hi ka duh lutuk!Ka bul hnaiha a awm apianga ka thinphu rang ṭhin te,Hmeichhe dang a biak apianga ka thinzawn lo na vawng vawng ṭhin te...Heng hi induhna vang a ni!Mahse ka feeling chu ka lanchhuah tir ngailo,A chhan chu kan inṭhian ṭhatna a chhiat ka hlau a ni! Ka bula a awm tawh phawt chuan thinphu rang viau ṭhin e tilo chuan nuam ka ti veng veng ṭhin.
Nikhat chu hmeichhe ho chu sports day anih vang in Throwing ball in Section dang nen kan in el a,Kan section in kan vawm hnu chuan keini section chu a chhunglam ah kan awma, min vawm ve nak nak a,Ball in a fuh apiang chu an thi(out) zel bawk.
Keini lam chu min vawm hlum (out) zo ṭep tawh. Hmeichhe dang paruk vel nen kan la awm! Chu tih lai chuan ka hmai ah tak na lutuk in ball in min rawn fuh a. Ka thal nghal tawp mai.
Ka section pui te chuan min buaipui laih laih a, ka hmaah chuan hmeichhe pathum hi an rawn ding a, min vawm fuhtu te ngei kha an ni!
"Awm dan mawi ka zirtir chakna che a rei tawh lutuk!"an zinga pakhat chuan a rawn ti a.
"Khatia mi hmaia vawm kha a ṭulna a awmlo!' Min buaipuitu pakhat chuan a ti let vat.
.
.
"A phu tawk a hmu anih kha..Andy leh Ruatpuia hnaihah a awm tam mah mah, kan section in an loh vang in kan intawng har mai a ni!'Hmeichhe pakhat chuan a rawn ti a, ka lo sa ve zak bawk, ding chhuak in an hmaah tak ka ding chilh nghal hmiah.
" An ni nena kan awm ho chu in lo buai viau a ngai lo.!' ka ti ve kher a. Diktak chuan hmeichhe zaidam tak ka nilo, ka thiam lohna ni miah lo a kut tuar te hi ka ngaihdan a ni ve lo, ka naupan deuh lai pawn vai naupang dang hi ka sawisa hmiah zel. Mahse, dawt a mi puhtu leh min tham loh hmel deuh a awm ṭhinte lakah chiah chutiang chuan ka awm ṭhin.
.
"Ruatpuia hi ka bialpa anih vangin a pawi khawp mai!' a laia ding chuan ka darah min rawn nem sawk a. Ruatpuia a bialpa anih thu a sawi chuan min ti thinrim ngawih ngawih..Nilo..ka thik a ni..
A darah chuan na zet in ka nam let a, kat dawrh in mawng sawh zawng in a tlu nghal hnawk,a ṭhiante pahnih chuan ka samah kek in min khawih rawn ta mai! Ka section puite chuan min lo ṭanpui ve vat, vawi leh khatah phek buai nghal chu ani mai!
Whistle ri kan hriat chuan kan inthlah diak a, kan hmaah chuan mipa ho leh kan sport-incharge Sir Makhuma an lo ding ṭhat a, hmeichhe ho chu minlo en țhup a.
"He buaina hi tu bul ṭan nge?" Sir Makhuma chuan a rawn ti lang lang a. Ka dara nem tunu khan" Zorini " a tih rual chuan rum zet in a lam ka melh a.
'Jacinta te țhian ho zawk hi a lawm!'ka bula dingnu chuan a rawn ti ve a.
"Jacinta..leh Zorini khan tunah office ah min lo zui nghal ru.!'a tiang ken chu a vai ri fua a,Office panin a kal nal nal bawk .Muangchang in ka zui a, hnung lam ațang ka bana min vuantu an awm avangin ka ding dat a.
"I ṭha em?' Ruatpuia'n ngaihtuah hmel deuha min lo tih chuan ka thin a rim ṭung thei. Engmah sawilo in min vawnna kut ka thingthla a. Sir Makhuma chu ka zui nghal nal nal. Mahse, ka tukhum hit mem mem ah chuan Ruatpuia chuan min thlir zui reng tih ka hre thei!
Ni e, ka taksa hian a hre nghal thuai zela, ka hnung lam a ngawi renga a din pawn Ruatpuia a ni tih ka hre hrang thei a! Amah hmuh tur awmlo mahse ka bul vela a awm chuan rangtak in ka feel thei! Rapthlak zawk hian!
Office ah chuan ka lut a,Jacinta pawh chu a rawn lut ve bawk.
Sir Makhuma dawhkan hmaah chuan kan ding rana,A tarmit chu dah hniamin min melh run a.A ṭawng tawh dawnlo emaw tih hnuah ' enge in buai chhan?'Muang ban chalh in a rawn ti a.
"Ball in ka vawm fuh palh a,chu chu lakawiin min sual nghal!'Jacinta chuan a ti vata.
.
A thusawi awihawm loh lutuk vang chuan kà ho in amah chu ka ena.Tiang em em a hmun leh hmuna dawtsawi theih chu!!!(h)
"Infiamna ah chuan intihnat palh a awm thei,chu chu mimal anga lak loh tur!"Sir Makhuma chuan min dem hmel tak in a ti chang bàl a.Sawi ve tur hrelo in ka ding ngawi ran bawk.Min vawm thluk satliah vanga thinrim ka nilo,Min ṭawngkhum vang zawka thinrim niin ka chhanglet a,Chuan a man kut min thlak hmasa zawk!Tunah ka tih ang in a sawi leh vek bawk..Hei hi lawm Mizo hmeichhia ṭhian ka neih duh lohna..Dawtsawi an awlsam mah mah zel!
"Zorin, karkhat chhung tlai tin i stay back ang, Jacinta nang pawh i awm dan en-thlak a ni ang! Buaina dang a awm leh chuan transfer in ni ang. Kal tawh ru!" bung nghut a tiin chair ah chuan thaw hak in a ṭhu a. Jacinta chuan ngeiawm lutuk a min nuih pah hian min rawn melh ralh ralh a. *I chawh* hmui phun in min tih khum hram, chawh min tih hmel fahran chuan office ațang a chhuak nghal a. Keipawh zawi muangin ka pen chhuak a, Office bula Ruatpuia leh Jacinta lo inbia ka hmuh chuan ka awm chhung a na leh zawk tawh! Min hmuh hlau lutuk chuan ka inher thut a, chak zetin office hlat thei ber chuan ka kal nghal dawr dawr. Ka mitthla ah erawh Remruatpuia leh Jacinta ding dun kha a cham reng thung!
Thawk ipik țunin coridoor reh lai ah chuan ka ṭhu hnawk, ka tum vang nimiah lo in ka mittui a rawn luang zawi bawk. Ka hrawk chhung a rawn tawt up up a, ka mitthla ah Jacinta leh Remruatpuia an rawn lang chiang tulh tulh a, ka tum loh tawpin ka inhnit nghal hlawp hlawp mai!
By
Reo Ririni Khiangte
A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Reo Ririni Khiangte
All rights reserved
http://www.storyfb.com
📣 Phone ațang type ka nih bakah🤣 He story hi chu mizo țawng ziah uluk nachang ka hriat hma a ka rawn puah chhuah pui phawng phawng ani a, thumal diklo/ mizo țawng diklo a tam anih pawn hriatthiamna nen min chhiar sak dawn nia. Edit turin ka mit hian a tlin tawh bawk silo a.. 🐰
School Gate ka luh rual chuan bell a ri nghal a, naupang dang ho chu an tlan nghal suau suau bawk, lut thar tur ka nih avangin khawnge ka class tur pawh ka la hre ve lo, tumah lah chu hmelhriat ka nei der silo!
Kei hi Zorini niin tunah hian class Xi ka zir dawn mek. Chuan, tun hi Mizoram ah ka school kal vawikhatna tur a ni bawk. Kan chhungkua in Chandigarh ah ka pa hna vangin kan awm vek a, chutah chuan kum hnih ka nih aṭanga awm ṭan in tunah hian Mizoram ah ka lo chhuak chho ve hlawl a ni! Ka nu leh pa leh ka nau phei chu Chandigarh ah an la awm, ka pi leh pu bulah rawn awm in he school ah hian zirna chhunzawm tumin ka intintuah ve mek.
Mizoram a awm ngailo tih takah kan school pawh hi ka zawn fê hnu a hmu chauh ka ni! Ka Pu in min thlah a tum a. Mahse, mahni ram chhung hrelo nih ka zak sia, keimahin ka tei chhuak nalh pek a, zing karah khan chhuak hma hle lo phei ila chuan ka tlai ngawt ang.
School building lian takah chuan ka pen lut a, midang chu an class turah an awm vek tawh, an class ka kalpelh lai te chuan min lo en hrek hrek hlawm a, ka kalna zawn apiang chu a reh nghal duk zel.
'Class XI Section B' Kawngka chunga thil in tar chu ka en phei zel a, ka class tur lah chu ka hmu mai hauh lo!
Kawngka lu zawn melh zel chuan ka kal phei dat dat a, chutia kawngka lu zawn ngawt en a ka buai lai chuan vawi lehkhat ah eng emaw hi ka su ta chawrh mai! Ka nat vang nge ka phut nasat lutuk vang zawk, ka kek nghal ṭhat bawk.
"I va mawl ve!" thlabar deuh a ka tawm chawi chu mipa aw thum deuh hian min rawn ti hmuk zui! A hmel ka en hma hauh aṭang ka thin a tirim nghal pang!
"Ka mawl vang nilo in kawnga i lo awm vang anih kha!" 'hawi chhuak in rum mangkheng in amah chu ka melh chho nghal hrak.
Awi! A sang lutuk, ka dak deuh vah a, a sam chu a la buang vek zui! He school ah hian sam tih buan an phal a tih em ni? Huh? Chulam chu ka lo buai vena tur ani lo!
Chupa chuan a mitkhur thuk deuh dak chuan min lo melh chhuk ve run a, a hnar ngul chu mizo ah chuan sang pawl tak ani ngei ang, a hmui nem hmel tak chu en in chil ka lem khalh a, hnuai lam ka melh thla leh riai riai bawk! A tir a ka thin a tih rim teh lul nen! Tunah chuan ka thinphu a tirang daih lawi!
"Huh.. ka awmna hi kawng nilo in kawngkhar anih hi!" Nui suk chungin ngeiawm fahran hian min chhang let nghut. A nuih rual a a mitbul vun chuar deuh chu ka lo hmu thuai bawk.
Ka hawi kual thuak a, a sawi ang chiah in a dinna hi kawngkhar a ni! Chuan, ka class tur a ni bawk, kawngkhar ah chuan ka dak dek dek a, midang ho chuan min lo melh ṭhup a nih chu! Kawngkhar phenah chuan ka tawlh sawn leh vat bawk a.
Chu pa chuan mit ti zim sun hian min lo melh chhuk run a, a lan dan ngeng ngul bawk si vang leh class chhung a min en țhup tu te vang chuan ka zam ta kher mai!
Tim dai hian ka melh zeuh a, Uniform Kamisz bantluan chu a ban a thlep tawm a, kekawr pawh a zuih ṭha e, a pheikhawk pawh uniform shoe mai mai chu a ni lo tawp, kawnghren lawk deuh a la hreng zui. Boy band member ni awm tak ani!
"Ding reng lo khan lut ta che" min nuihzat hmel tak hian a rawn ti leh kher, a mitmengin lut tur in min mitmei zauh bawk.
Ka hmui tisawi in hnuailam ka bih nghal hmak thung!
"Mawl reuh ber" min ti leh nek anih chu! Rum fahran a ka melh nghek chuan lu min thin khum nghutin class ah chuan a pen lut ta vut, a hnungah rang lutuk tak maiin ka zui nghal a , midang chuan min lo en nghal huang bawk.
"Enge i tih?" rawn leh hawiin ka hmai bulah a rawn kun hniam run. A va dil chhut tak! A hmel hi a rumin a nelawm loh ropui si!
"Ka lut hmasa zak a lawm." Ka ti sep, a phun hluk a.
"Ka hnaihah rawn kal tawh suh." bul tak mai hian a ti leh hmuk, midang in min en huang avang chuan nuam ka tilo, Mahse....
"Khawnge ka kal ang." Ka ti a. Ka chhoh en heu bawk.
"I va mawl e aw! Ṭhutna tur zawng rawh!" ti vin hluk in min kalsan nal nal a, tlarhnung lamah ah a han ṭhu daih bawk. A chet dan in la ngeng leh tawngkam na lutuk avang chuan ka thinrim ṭung thei, hmeichhe care nachang pawh hrelo! Teh tuh mai!
Student dang ho chuan min en ran a, za vaklo in ka nuih sang hlawm a, țhutna tur melh kual chuan ka dingdihlip ak ak bawk.
Nichina pa ṭhutna bula awl chu hmu in rang fahran hian pan chhoh ka tuma. Mahse, mipa pakhat hian a ṭhutna bul ka thlen chuan min nuih var var in a bula ṭhu turin min lo hrilh a, lawm tak in ka ṭhu nghal vat bawk.
Kha pa, ngeng ngel ngul-a khan amah zui lui turah min ngai anih chuan a tisual khawp ang, ka bula ṭhu pa chuan min en kara, min ti lai lek lek!
"Andy ka nia, nang?"
"Zorini" tisap in ka hawi kual a, tlar hmalam chu an rawn hawi ṭhup tih ka hria, anmahni ka en tih an hriat chuan an hawi let leh sap sap hlawm a, min en duh lutuk chu mak ka ti.
"Zorin, Khawi vengah nge in awm?' Nelawm deuh te hian a rawn ti a, a hnar ngul a nalh tak zet.
"Zarkawt ah."
"Kan veng a in ang anih chu, kan kal rual ṭhin dawn nia" Nui ver ver in a rawn tia, a nuih paha a biangsum lang khuar kak chuan a ti lawmawm zual. Kan veng a lo in ang hlauh chu a lawmawm, tunah chuan ka mal lutuk bik dawn lo e.
Ka chhan hmain Teacher a rawn lut a, platform ah min din tir in introduction min neih tir nghal bawk, Platform a ka din kan lai chuan kan Mipa ngenh-a kha ka hmu chiang hle, mit ti zim sun in min lo en reng a. Mak tak maiin ka hmai a sa hat hat, ka thil sawi lai ka bahlah hmain ka insawi zo chu ka lawm hle bawk.
Ka ṭhutna ngaiah let leh in Andy chuan Thumps up min lo hmuh va a, nui var var a ṭhu in lecture chu ka ngaithla zawm a. Zeploh chuan Chandigarh ka ngai veng veng mai, ka ṭhiante chu hnam dang vek ni mahse tet te aṭanga inkawm kan ni hlawm a, ka Mizo-pui hmelhriat thar ho ai chuan ka ngaina zawk daih.
Lunch break ah chuan midang chu an chhuak vek a, kan Ngeng ngul-a kha kekawr ipte zen chungin muang zet in a pen chhuak a, min kalpel zawnga a rimtui inhnawih rim rawn nam chu ka hip lut hak mai.
"Wow..Chocolate" ka ti sap.
"Min lo zui rawh." Andy chu kawngkhar lamah a kal chhuak a, thuawih tak chuan ka zui nghal dat dat a. Hall zau deuh ah hian student dang ho chuan thil an lo ei mek a, kei leh Andy inzui lut min hmuh chuan an thil ei lai chawlhsan meuh in kan pahnih chuan min lo en leh țhup tawj! Eng nge an hriat hlawm le?Hmeichhe ṭhenkhat chu an in hrilhru sar sar leh nghal!
Andy chuan engahmah ngailo tih hriat zet in plate a la a, pakhat chu min pe in eitur lo in tlar put chu a thlengah a dah nghal hmawk hmawk a, ka lam rawn hawiin a lu a chet zauh a, 'la ve rawh!' a tihna ah ngaiin ka plate ah chuan ka in la khawm ve a, țhutna tur zawngin Andy chu a hawi kual nghal thuak. A sang țha bawk a, seat ruak a hmu nghal ani mah a, a kal nghal vut a, a hnungah chuan ka zui ve dat dat bawk, a bul ka thlen chuan lo ṭhu fel vek tawh in min nuih var var a, țhutna tur min pawh chhuah sak turin a rawn ding ṭha leh a! Ka lo nuih hak bawk.
Ka ṭhut fel meuh chuan midang ho in keini chiah min en reng tih ka hre leh chiah. Chutah kan kekawr ha zuih-a inla ngeng zet kha, ka bulah a la rawn ṭhu nghut zui, ka hnaih duhlo viau kha ka bulah a rawn ṭhu run a! Min tih ang khan ka lo ti ve nghek mai dawn mawni?
"Ruatpui, zanin practice tur kha aw" Andy chuan thil ei pawng pawng chuan a ti zauh.
Ka bula mi chuan a lu a bu nghat bawk.
"Ei ve ta che i rilṭam loh chuan ka lo ei ang!" tiin ka thlenga alu kan chu Ruatpuia chuan a rawn suak nghal rinhawt anih chu! Rum zet a melh in ka thleng chu ka ban in ka hup nghal ṭung bawk.
"I va naupangchhia reuh e!" Andy an a lo tih chuan ka ner sawk a. Naupangchhia tih thumal hi ka ngaithei ṭhak lo.
Nikhatna chu engemaw ti tiin ka hmangzo thei hram a.
Gate ka chhuah san rual chuan Andy chuan ring zet in minlo au a, naupang dang min kalpel tu te chuan min en haw haw hlawm!
"Eng nge?"
"Naktuk aṭang kan haw rual dawn nia !" A rawn ti lang lang a, nichinah min hrilh tawh reng sia.
Chhang buai tawh lo in inherin in lam pan in ka kal hnak hnak a, in ka thlen hun chuan ka pi leh pu in zawh tur min lo ngah leh ngawt ang.
Kan in kawtah chuan ka pi chu pangpar tifaiin a lo zai rat rat a, a hnunglam aṭanga va kuah in a hnungah ka bei nghal hle hle a.
"Zorin, school chu a nuam em?" Pangpar la khawih chung chuan a rawn ti a.
"Umm, mahse, pi.. Chandigarh ah ka let leh chak e!" Ka ti nghal nang nang, ka sawi tawh ang khan kum2 mi ka nih lai aṭang ka awm tawh a, ka ṭhiante ho ka ngaiin eng emaw chen ah ka thisen ah hian a ram ngainat zawkna a awm lian lo theilo.
" A zialo e mai, helam hi i la ngaina vat mai ang, vai ram ah ngawt i khawsak chuan Mizo zia i hlauh vek mai ang!" A ti nghal bawrh bawrh; Mizo zia bik pawh ka hre chuanglo! Chhang buailo chuan ka nui hak a, inchhung lam a ka pu thawm hria in ka luhsan zui a. Ka Pu chuan TV lo en in min lo nuih var var bawk. Ka pi ang chiah in school nuam ka tih leh tihloh min zawt a. Kan bula an lo zin chang apiang in kan school ban hian tiang chiah hian min lo zawt ṭhin.
Inchung lamah chho in ka room chu ka enkual thuak a, Chandigarh a ka room ang in poster leh ka band ngaihsan te thlalak ka tarloh vangin tlem chuan a danglam deuh! Ka khuma guitar chu la kangin ka zut nauh nauh a, ka thiam ang tawk in See you Again chu ka mil ve a, mittui tla lo chauh a ka zai hnu chuan intifai tur in washroom lamah ka lut a, ka in thlak fel chuan ka ṭhiante nen Video call neiin kan in aṭanga lang thei ho chu ka enkual tir a,mak an han ti mai mai khawp a.
"Tinge in chung kha a tlet vek a?" te an rawn ti vak vak, rangva inchung tle sur chu an mak tih a tling tawk em em mai ni.
"Wow, building a van in din hnaih!'
An zawhna leh an thusawi pawh ngaihsak lo in anmahni chu ka en char char a, ka hriat loh kara ka mittui lo luang chu rawn hmu in an reh nghal ṭhiap a.
"Zo, ţap suh, i ṭah chuan Sampada hi a ṭap lehnghal a ni mai" Vera chuan a rawn ti niah niah, ka ṭah nuih nghal ṭuau bawk.
Ka ṭhiante hi Mizo ngaihah chuan hnam dang(Vai mai mai) an ni. Mahse, kei chuan Mizo tam tak aiin ka ngaina zawk, țhian hlutna an hriat bakah Mizo angin mi rel an ching ve lo a, kan awm khawm tawh chuan midang chanchin sawinan hun kan nei ngailo, keimahni ho chanchin sawi nan zan khua kan hman chang a tam. Chuan, an smart em em a, feature plan sawiin hna țha tak neih ngei tumin higher level ațang an țang em em zel bawk. Politic ațang India ram economy thlengin an titi pui theih vek a. Midang chanchin sawi ai chuan zirna kawngah intlansiak nuam an ti zawk bawk.
Zanah chuan TV en in ka pi leh Pu nen TV room ah kan ṭhu rana, chanchinthar zawh Ṭhalai Huang hun a TV a ka mi hmuh vang chuan ka ang nghal phiau! Kan mi ngengpa leh Andy kha tv ah an lang anih chu! Chuan, hmeichhe pathum leh mipa pakhat nen!
'Tunah chuan kan lam thiamte kawmna kan lo nei a nga." host in a rawn tih chuan ka phawk leh zual, Andy leh midang chu an nui sang hlawm a, Ruatpuia ve chu tak run in a awm thung, hepa hi chu a ngainatawm loh ve ngawt mai! Vawiin pawn mawl min ti ngawt a. Ka la kuk ṭawk duh ngei ngei ang.
Host chuan zawhna hrang hrang a zawt a, an vai chuan ka rualpui tur vek an ni. An kawmna a zawh chuan room ah ka chho a, ka tih ṭhin dan bawk in ka nu leh pa te nen video call kan nei a, mak deuh chu ka mitthlaah Ruatpuia hlir a awm! Ka nu te nen kan inbiak lai pawh in ka lo ngawi leh vung vung ṭhin. Kan inbiak zawh chuan washroom ah lutin ka in phih faia, mut thuamhnaw in belin khumah chuan ka mu ran a.
Ruatpuia mizia ngén hmel tak leh a sam buang vel vek te hi ka mipa duh chi an ni ngai hauh lo. Mahse, tunah hian tinge ka ngaihtuahna ah a awm tluk tluk le?Khumah chuan ka let kual sek a, vawiin a ka sut chawrh lai te, a nuih paha a mit bul chuar deuh si te, min kalpel zawnga chocolate rim rawn nam vang vang te kha...
"Ruatpuia kha ka duh a mi?'
"Nilo!"
"Aw.. i duh!"..
"Ka duh lo chiang e mai! A sam buan dan te kha ka haw lutuk!"
"A sam kha a inhmeh thlawt, a hnar ngul nalh lutuk mai kha!"
Ka ngaihtuahna insual nasa lutuk tih reh tum in inhnuai lamah ka chhuk thla a, Fridge hawng in eitur ka zawng rak rak a, Coke can chu la in ka in nghal vat a. Thawk la vang vangin ka ngaihtuahna a awm mek chu tihbo tumin ka maimitchhing vang vang a.
"Aw... a ṭha, a reh dawn, a reh tep, reilo te... Oh..nilooo... !"A aia chiang in a hmel ka hmu leh hlawl anih chu!
"Ka à dawn a ni ngei ngei ang"' thinrim ṭungin inchung lam ka pan a, tiang hian mipa ka la ngaihtuah ngut ngut ngai lo, Sampada leh Veru ka hrilh a ngai! Nilo! Mipa nikhat chhung lek ka hmuh ka ngaihtuahna ah a awm zui char char tih ka hrilh ang maw? Min nuih nasa awm e mai.
Ka muthilh lai reng ka hrelo, Mit ka meng siar siar a, nizan a ka mut dan remlo zet in ka lo la mu tlang reng tih ka hria, ka nghawng na ur avang chuan ka ṭhen sawk a. Ka room a nizung lo lut ah chuan a hma tawhlo tih ka hre nghal thuai bawk. Ṭhu chhuakin sana ka en vat a.
"Lalpa leh!" Dar 7:30 alo pel der tawh.
Washroom ah lutin ka lu su lo in ka inbual thuak thuak a, ka uniform ka inbel chhung te chuan ka tlu ṭep ṭep reng, ka mawza lah ka bun fuh lawk thei
bawk silo. Dawhkan a ka bag chu la in ka tlan chhuak nghal rawk rawk a.
"Nilo!!! Hun ka la thlak reng renglo!'" Room ah bawk ka tlan leta, ka time table chu bih in ka baga lehkhabu ṭhenkhat chu ka dah chhuak a, Science leh a kaihhnawih ho chu la khawm in ka khung nghal sawk sawk.
Ka zo! ti halh in chak tawk in ka tlan chhuak ta rawk rawk!
Kailawn ka zawh thla fel chiah chu mak tih hmel tawkin ka pi chuan min lo en ran a, Kawngkhar ka tlan chhuak tur chu min auh avangin ka ding leh chawt!
"I sam kha khuih i tumlo em ni? Chuan chaw pawh ila ei lo a!' Hmuh thianglo hmu ang maiin min melh reng. Mahse, chutiang tih kawina hun ka nei lo, ka tlai anih ngat chuan.... ngaihtuah lo zawk teh ang!
"Pi, ka tlai tawh e mai." Hmanhmawh tak chuan ka ti zung zung, mak tib hmel takin a la hawi ta deuh deuh.
"Dar engzat nge school in ṭan dawn a!?" a rawn ti tawng!
'Dar riat, ka kal..." tih leh kawngkhar pui a tlan chhuah ka rual der!
Gate pawna ka Pu nena lo inbia mipa vang chuan ka ding chawt a, an ni pahnih pawh chuan min hmuh chuan ka lam an rawn hawi nghal hau bawk.
'"Mambawih, I sam kha i khuih lo em ni?' Ka Pu chuan hmuh thianglo hmu ang maiin min melh phawk hle, Ruatpuia lah a lo nui ruh ruh bawk, rum zet in ka melh a, ka sam chu ka'n chul thuak a, ka kut ṭang a la tang zui!
Hit lo ber mai.
"New fashion anih hi!' ka'n ti ngawt pek a.
"Hei, Ruatpuia, i pa Ruatsanga fapa anih hi, kha in uniform a in ang ka ti! In school a in ang a ni maw?" Ka pu chuan Ngeng ngul-a nen min melh dun zauh pah chuan a rawn ti sup.
*in ang ber ang chu..nimin pawn a che ngeiawm teh a sin* Ka tih khum lo chauh. Mahse, he mipa ngeng lutuk mai hi ka pu in a en dan aṭang chuan an in hriat ṭhat hmel tak zet.
"Anih hi, awi..Pu ka kal! ka tlan leh nghal dawr dawr a, an mahni ka kalsan rual a,
Ruatpuia nui deuh suk ka hmuh rual khan ka thinphu a rang vek bawk. Mahse, he pa hi ka duh dawn lo hi a ni tawp.
Tlai a hlau ve lo mawnle? Thlamuang takin ka pu nen kawng laiah an la inbe mai mai bik a. Ti rilru nuah nuah in ka pen pawk pawk a.
ka bag ah chuan tuemaw hian min rawn pawt hrawk, hnehsawh lutukin ka ding nghal chawt bawk. Rang tawkin ka leh hawi a, Ruatpuia'n mak tih hmel deuh in min lo melh run mai.
"Ka tlai dawn, min thlah vat teh!" Ka vin hlak, a chal a chuar nawng a.
"Dar riatah chiah school ṭan a ni." A rawn ti bul hmuk, ka hriat vanga hmanhmawh ka ni reng a lawm!
"Chuvang tak a! Ka tlai dawn nia." Ka'n ti leh hlak a, ka lian em em silo, ka bag hnungah a man bet tlat mai bawk si, kalsawn duh eng ang mahila ka thei lo.
"I van mawl reuh e, dar 7:30 chauh a la nih hi." tiin a bana sana lawk zet chu ka hmai zawnah a rawn lek vut, awih loh hmel zetin amah chu ka melh let nghek! Ka room ah khan 7:30am a rikna a rei tawh!
"Kan sana ah chuan sarih leh a chanve a pelhna a rei tawh mai!'ka ti let vat a.
"A diklo anih chu!' ka sam chu a rawn tuai thut a, ka lo rak ṭhat, a kutṭang chu ka sam hnawkah a tang bawk. Min nuih suk suk in ka bag ah lai a pawt thla a, a man a khai a, a kut lehlamin kal turin min hui nghal thuak in a kal nghal daih bawk, lungawilo zet in a hnung aṭang ka melh ngawt ngawt a, a rawn hawi let leh thut sia! Ka che lai teh e!
"Lo kal vat rawh, tlai i hlauh kha." Tlem a nuihza insum chung hian a rawn ti sup, a mize ngeng ngul chhuah in a in her leh nghal daih bawk. A sawi dik, tlai ka hlau... mahse ka bag!
Thuawih deuh in ka zui hnak hnak a, thui pawh kan la kal lo, in lian zet kawtah chuan a ding a, a bulah chuan ngawi reng in ka lo ding ve bawk. Engvanga ka bag hi la ngawt nge anih le? tih vel chu ka lo ngaihtuah ve chiam chiam a, Ruatpuia chu In lian pui lam hawi chuan a ṭhen zui sak.
A kekawr ipte aṭang phone a la chhuak a, School ah phone ken an phal der silo. Mahse, a ni hian a keng bik sia, teacher te a hlau lo a ni khawp ang!
"Andy, Samkhuih leh I u sam ṭawnna keng in lo kal ang che." tiin phone chu a off zui hmak, min rawn en in a kiai leh sak, a phone ken chu a kekawr ipte ah a thun lut leh a.
"Enga tan nge chung chu i tih?" Mipa in sam khuih leh sam țawnna a mamawh chhan tur awm ang ka hrelo reng reng.
"I sam hnawk zet khuih nan hian mawle!" Ka sam rawn kawk zeuh pah chuan a ti hap a! Ka huat zawng a tling tawk em em ringawt. Mahse, chhang buai lo in ka hmui ka tihsawih khum a, a nuih ka ti za suah maiin ka hria, kan din mekna inchhung lam aṭang chuan thawm a rawn awm a, in lian tak Gate a rawn inhawn rual chuan Andy a rawn chhuak hlawl mai!
"Enga tan nge samkhuih leh sam țawnna chu I duh?" a rawn ti chhuam lang lang a, min hmuh rual chuan a phu deuh zawk bawk!
"Ehhee...Zorin..tinge i sam chu?"min din hnaih pahin a rawn ti chiam a nih chu. A au ring reuh sia, ka ngei reuh lutuk!
"Bawm tawt aṭang ka pawt chhuak zo chiah a." Ruatpuia chuan a lo ti hluk zui, nghal ti fe in ka lo ner sawk thung.
"Lo kal teh!" Andy kut aṭangin sam khuihna chu a la a, ka sam chu a rawn khuih thla rawk a, ka sam a lo hnawk ve bawk si nen, na ka ti lutuk chu mai ka chhing tlawk tlawk a.
"Ti kha chuan mi pangngai i ang ve ta!" ka meng chhuak chu ka hmai bul hnaih set sawt ah min lo en run in a nui suk. A nui hmel pa lutuk chu khap lek loin ka en ngawih ngawih a, ani tel in Remruatpuia hi ka hmu pa tulh tulh mai hian ka hria.
"Kha tia ding reng lo khan kal ang u, minute 10 chiah a awm tawh" Andy'n a rawn tih chuan ka in thingharh nghal vat a. Ruatpuia'n ka bag a ken chu laksak ka tuma, a lo pawh bet tlat avang in ka thlah leh zal zal a, Andy chuan sam khuih chu a school bag ah thun in a kal a, Ruatpuia nen chuan a hnungah kan zui ve hnak hnak a, kan school uniform ang ha naupang kan tawh te chuan min en vawng vawng hlawm! Ka bula kal te hi an chhelo dun em alawm le!...
School Gate chhunglam ah chuan Sir pakhat hian mipa ṭhenkhat hi a lo dintira, mipa dang ho bag pawh a lo check mek bawk.
'Tinge a?" Ruatpuia chu ka melh chho haw.
.
"Zial man tur a zawng a niang!"Ka bag chu min pe a,Sir chuan Ruatpuia leh Andy chu a hui ve zauh a, a lampan chuan kalin an bag chu Sir hnenah an hlan a, a check rak rak a, zial a hmuh loh vangin Ruatpuia chu a bag a pe let a, Andy bag pawh check leh in Sam khuih a rawn phawrh chhuak hlawl a, midang ho chu an lo nui huk bawk, Sir chuan Andy hmai zawnah samkhuih chu a lek va va a, midang nui ham ham pawh chu ngawi turin a hrilh hlawm a.
"Mipa bag a samkhuih hmuh chu!!"Ti niah niah in Andy bag chu a pe let a,Rang takin Andy chu kan lampanin a rawn kal hlawk hlawk a.
"Andy!"
Ding chawtin Sir lam chu a en a.
"I samkhuih i theihnghilh dawn!"tiin Sir chuan samkhuih chu Andy lamah a vawrh phei a,Andy chuan lo dawng chat in nui vur vur in kan lam a rawn pan a.
"Nangmahni vang vek!'a la rawn ti bui bui zui.
Kan pathum chuan kan inkawm deuh chawt tawh,School kan kal rual a,Tlai lamah practice an ngaihloh chuan kan haw rual leh vek ṭhin,Andy te in a hnaih ber avangin Ruatpuia nen chuan kan in panin kan kal dun leh hnak hnak ṭhin!Ruatpuia hian ka bag hi a keng tlat zel,A landan chuan ṭhianṭha tak kan ni tawh!Mahse.....
.
.
Keichuan ṭhian mai nilo..a aia nasa deuh zawk in ka en a ni!Ka duh..Ruatpuia hi ka duh lutuk!Ka bul hnaiha a awm apianga ka thinphu rang ṭhin te,Hmeichhe dang a biak apianga ka thinzawn lo na vawng vawng ṭhin te...Heng hi induhna vang a ni!Mahse ka feeling chu ka lanchhuah tir ngailo,A chhan chu kan inṭhian ṭhatna a chhiat ka hlau a ni! Ka bula a awm tawh phawt chuan thinphu rang viau ṭhin e tilo chuan nuam ka ti veng veng ṭhin.
Nikhat chu hmeichhe ho chu sports day anih vang in Throwing ball in Section dang nen kan in el a,Kan section in kan vawm hnu chuan keini section chu a chhunglam ah kan awma, min vawm ve nak nak a,Ball in a fuh apiang chu an thi(out) zel bawk.
Keini lam chu min vawm hlum (out) zo ṭep tawh. Hmeichhe dang paruk vel nen kan la awm! Chu tih lai chuan ka hmai ah tak na lutuk in ball in min rawn fuh a. Ka thal nghal tawp mai.
Ka section pui te chuan min buaipui laih laih a, ka hmaah chuan hmeichhe pathum hi an rawn ding a, min vawm fuhtu te ngei kha an ni!
"Awm dan mawi ka zirtir chakna che a rei tawh lutuk!"an zinga pakhat chuan a rawn ti a.
"Khatia mi hmaia vawm kha a ṭulna a awmlo!' Min buaipuitu pakhat chuan a ti let vat.
.
.
"A phu tawk a hmu anih kha..Andy leh Ruatpuia hnaihah a awm tam mah mah, kan section in an loh vang in kan intawng har mai a ni!'Hmeichhe pakhat chuan a rawn ti a, ka lo sa ve zak bawk, ding chhuak in an hmaah tak ka ding chilh nghal hmiah.
" An ni nena kan awm ho chu in lo buai viau a ngai lo.!' ka ti ve kher a. Diktak chuan hmeichhe zaidam tak ka nilo, ka thiam lohna ni miah lo a kut tuar te hi ka ngaihdan a ni ve lo, ka naupan deuh lai pawn vai naupang dang hi ka sawisa hmiah zel. Mahse, dawt a mi puhtu leh min tham loh hmel deuh a awm ṭhinte lakah chiah chutiang chuan ka awm ṭhin.
.
"Ruatpuia hi ka bialpa anih vangin a pawi khawp mai!' a laia ding chuan ka darah min rawn nem sawk a. Ruatpuia a bialpa anih thu a sawi chuan min ti thinrim ngawih ngawih..Nilo..ka thik a ni..
A darah chuan na zet in ka nam let a, kat dawrh in mawng sawh zawng in a tlu nghal hnawk,a ṭhiante pahnih chuan ka samah kek in min khawih rawn ta mai! Ka section puite chuan min lo ṭanpui ve vat, vawi leh khatah phek buai nghal chu ani mai!
Whistle ri kan hriat chuan kan inthlah diak a, kan hmaah chuan mipa ho leh kan sport-incharge Sir Makhuma an lo ding ṭhat a, hmeichhe ho chu minlo en țhup a.
"He buaina hi tu bul ṭan nge?" Sir Makhuma chuan a rawn ti lang lang a. Ka dara nem tunu khan" Zorini " a tih rual chuan rum zet in a lam ka melh a.
'Jacinta te țhian ho zawk hi a lawm!'ka bula dingnu chuan a rawn ti ve a.
"Jacinta..leh Zorini khan tunah office ah min lo zui nghal ru.!'a tiang ken chu a vai ri fua a,Office panin a kal nal nal bawk .Muangchang in ka zui a, hnung lam ațang ka bana min vuantu an awm avangin ka ding dat a.
"I ṭha em?' Ruatpuia'n ngaihtuah hmel deuha min lo tih chuan ka thin a rim ṭung thei. Engmah sawilo in min vawnna kut ka thingthla a. Sir Makhuma chu ka zui nghal nal nal. Mahse, ka tukhum hit mem mem ah chuan Ruatpuia chuan min thlir zui reng tih ka hre thei!
Ni e, ka taksa hian a hre nghal thuai zela, ka hnung lam a ngawi renga a din pawn Ruatpuia a ni tih ka hre hrang thei a! Amah hmuh tur awmlo mahse ka bul vela a awm chuan rangtak in ka feel thei! Rapthlak zawk hian!
Office ah chuan ka lut a,Jacinta pawh chu a rawn lut ve bawk.
Sir Makhuma dawhkan hmaah chuan kan ding rana,A tarmit chu dah hniamin min melh run a.A ṭawng tawh dawnlo emaw tih hnuah ' enge in buai chhan?'Muang ban chalh in a rawn ti a.
"Ball in ka vawm fuh palh a,chu chu lakawiin min sual nghal!'Jacinta chuan a ti vata.
.
A thusawi awihawm loh lutuk vang chuan kà ho in amah chu ka ena.Tiang em em a hmun leh hmuna dawtsawi theih chu!!!(h)
"Infiamna ah chuan intihnat palh a awm thei,chu chu mimal anga lak loh tur!"Sir Makhuma chuan min dem hmel tak in a ti chang bàl a.Sawi ve tur hrelo in ka ding ngawi ran bawk.Min vawm thluk satliah vanga thinrim ka nilo,Min ṭawngkhum vang zawka thinrim niin ka chhanglet a,Chuan a man kut min thlak hmasa zawk!Tunah ka tih ang in a sawi leh vek bawk..Hei hi lawm Mizo hmeichhia ṭhian ka neih duh lohna..Dawtsawi an awlsam mah mah zel!
"Zorin, karkhat chhung tlai tin i stay back ang, Jacinta nang pawh i awm dan en-thlak a ni ang! Buaina dang a awm leh chuan transfer in ni ang. Kal tawh ru!" bung nghut a tiin chair ah chuan thaw hak in a ṭhu a. Jacinta chuan ngeiawm lutuk a min nuih pah hian min rawn melh ralh ralh a. *I chawh* hmui phun in min tih khum hram, chawh min tih hmel fahran chuan office ațang a chhuak nghal a. Keipawh zawi muangin ka pen chhuak a, Office bula Ruatpuia leh Jacinta lo inbia ka hmuh chuan ka awm chhung a na leh zawk tawh! Min hmuh hlau lutuk chuan ka inher thut a, chak zetin office hlat thei ber chuan ka kal nghal dawr dawr. Ka mitthla ah erawh Remruatpuia leh Jacinta ding dun kha a cham reng thung!
Thawk ipik țunin coridoor reh lai ah chuan ka ṭhu hnawk, ka tum vang nimiah lo in ka mittui a rawn luang zawi bawk. Ka hrawk chhung a rawn tawt up up a, ka mitthla ah Jacinta leh Remruatpuia an rawn lang chiang tulh tulh a, ka tum loh tawpin ka inhnit nghal hlawp hlawp mai!