REMRUATPUIA Full version By Abbra Reo Ririni Khiangte

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

REMRUATPUIA Full version By Abbra Reo Ririni Khiangte

Unread post by Abbra Reo Ririni » December 12th, 2016, 7:12 pm

REMRUATPUIA
By
Reo Ririni Khiangte


A link nen lo chuan khawiahmah copy/paste phal a ni lo.
A link nen a share dan
http://storyfb.com/viewtopic.php?f=2&t=917
A share dan tur nen lam kan inkawhhmuh chung pawh a, a full a whatsapp lama la copy lui in awm anih chuan Police ah FIR kan thehlut anih pawhin nangmahni chochhuah liau liau a ni ang...
Copyright © Reo Ririni Khiangte
All rights reserved
http://www.storyfb.com



📣 Phone ațang type ka nih bakah🤣 He story hi chu mizo țawng ziah uluk nachang ka hriat hma a ka rawn puah chhuah pui phawng phawng ani a, thumal diklo/ mizo țawng diklo a tam anih pawn hriatthiamna nen min chhiar sak dawn nia. Edit turin ka mit hian a tlin tawh bawk silo a.. 🐰





School Gate ka luh rual chuan bell a ri nghal a, naupang dang ho chu an tlan nghal suau suau bawk, lut thar tur ka nih avangin khawnge ka class tur pawh ka la hre ve lo, tumah lah chu hmelhriat ka nei der silo!


Kei hi Zorini niin tunah hian class Xi ka zir dawn mek. Chuan, tun hi Mizoram ah ka school kal vawikhatna tur a ni bawk. Kan chhungkua in Chandigarh ah ka pa hna vangin kan awm vek a, chutah chuan kum hnih ka nih aṭanga awm ṭan in tunah hian Mizoram ah ka lo chhuak chho ve hlawl a ni! Ka nu leh pa leh ka nau phei chu Chandigarh ah an la awm, ka pi leh pu bulah rawn awm in he school ah hian zirna chhunzawm tumin ka intintuah ve mek.




Mizoram a awm ngailo tih takah kan school pawh hi ka zawn fê hnu a hmu chauh ka ni! Ka Pu in min thlah a tum a. Mahse, mahni ram chhung hrelo nih ka zak sia, keimahin ka tei chhuak nalh pek a, zing karah khan chhuak hma hle lo phei ila chuan ka tlai ngawt ang.





School building lian takah chuan ka pen lut a, midang chu an class turah an awm vek tawh, an class ka kalpelh lai te chuan min lo en hrek hrek hlawm a, ka kalna zawn apiang chu a reh nghal duk zel.



'Class XI Section B' Kawngka chunga thil in tar chu ka en phei zel a, ka class tur lah chu ka hmu mai hauh lo!




Kawngka lu zawn melh zel chuan ka kal phei dat dat a, chutia kawngka lu zawn ngawt en a ka buai lai chuan vawi lehkhat ah eng emaw hi ka su ta chawrh mai! Ka nat vang nge ka phut nasat lutuk vang zawk, ka kek nghal ṭhat bawk.


"I va mawl ve!" thlabar deuh a ka tawm chawi chu mipa aw thum deuh hian min rawn ti hmuk zui! A hmel ka en hma hauh aṭang ka thin a tirim nghal pang!


"Ka mawl vang nilo in kawnga i lo awm vang anih kha!" 'hawi chhuak in rum mangkheng in amah chu ka melh chho nghal hrak.

Awi! A sang lutuk, ka dak deuh vah a, a sam chu a la buang vek zui! He school ah hian sam tih buan an phal a tih em ni? Huh? Chulam chu ka lo buai vena tur ani lo!


Chupa chuan a mitkhur thuk deuh dak chuan min lo melh chhuk ve run a, a hnar ngul chu mizo ah chuan sang pawl tak ani ngei ang, a hmui nem hmel tak chu en in chil ka lem khalh a, hnuai lam ka melh thla leh riai riai bawk! A tir a ka thin a tih rim teh lul nen! Tunah chuan ka thinphu a tirang daih lawi!




"Huh.. ka awmna hi kawng nilo in kawngkhar anih hi!" Nui suk chungin ngeiawm fahran hian min chhang let nghut. A nuih rual a a mitbul vun chuar deuh chu ka lo hmu thuai bawk.



Ka hawi kual thuak a, a sawi ang chiah in a dinna hi kawngkhar a ni! Chuan, ka class tur a ni bawk, kawngkhar ah chuan ka dak dek dek a, midang ho chuan min lo melh ṭhup a nih chu! Kawngkhar phenah chuan ka tawlh sawn leh vat bawk a.




Chu pa chuan mit ti zim sun hian min lo melh chhuk run a, a lan dan ngeng ngul bawk si vang leh class chhung a min en țhup tu te vang chuan ka zam ta kher mai!


Tim dai hian ka melh zeuh a, Uniform Kamisz bantluan chu a ban a thlep tawm a, kekawr pawh a zuih ṭha e, a pheikhawk pawh uniform shoe mai mai chu a ni lo tawp, kawnghren lawk deuh a la hreng zui. Boy band member ni awm tak ani!



"Ding reng lo khan lut ta che" min nuihzat hmel tak hian a rawn ti leh kher, a mitmengin lut tur in min mitmei zauh bawk.

Ka hmui tisawi in hnuailam ka bih nghal hmak thung!


"Mawl reuh ber" min ti leh nek anih chu! Rum fahran a ka melh nghek chuan lu min thin khum nghutin class ah chuan a pen lut ta vut, a hnungah rang lutuk tak maiin ka zui nghal a , midang chuan min lo en nghal huang bawk.




"Enge i tih?" rawn leh hawiin ka hmai bulah a rawn kun hniam run. A va dil chhut tak! A hmel hi a rumin a nelawm loh ropui si!


"Ka lut hmasa zak a lawm." Ka ti sep, a phun hluk a.

"Ka hnaihah rawn kal tawh suh." bul tak mai hian a ti leh hmuk, midang in min en huang avang chuan nuam ka tilo, Mahse....

"Khawnge ka kal ang." Ka ti a. Ka chhoh en heu bawk.


"I va mawl e aw! Ṭhutna tur zawng rawh!" ti vin hluk in min kalsan nal nal a, tlarhnung lamah ah a han ṭhu daih bawk. A chet dan in la ngeng leh tawngkam na lutuk avang chuan ka thinrim ṭung thei, hmeichhe care nachang pawh hrelo! Teh tuh mai!
Student dang ho chuan min en ran a, za vaklo in ka nuih sang hlawm a, țhutna tur melh kual chuan ka dingdihlip ak ak bawk.




Nichina pa ṭhutna bula awl chu hmu in rang fahran hian pan chhoh ka tuma. Mahse, mipa pakhat hian a ṭhutna bul ka thlen chuan min nuih var var in a bula ṭhu turin min lo hrilh a, lawm tak in ka ṭhu nghal vat bawk.



Kha pa, ngeng ngel ngul-a khan amah zui lui turah min ngai anih chuan a tisual khawp ang, ka bula ṭhu pa chuan min en kara, min ti lai lek lek!

"Andy ka nia, nang?"

"Zorini" tisap in ka hawi kual a, tlar hmalam chu an rawn hawi ṭhup tih ka hria, anmahni ka en tih an hriat chuan an hawi let leh sap sap hlawm a, min en duh lutuk chu mak ka ti.


"Zorin, Khawi vengah nge in awm?' Nelawm deuh te hian a rawn ti a, a hnar ngul a nalh tak zet.

"Zarkawt ah."

"Kan veng a in ang anih chu, kan kal rual ṭhin dawn nia" Nui ver ver in a rawn tia, a nuih paha a biangsum lang khuar kak chuan a ti lawmawm zual. Kan veng a lo in ang hlauh chu a lawmawm, tunah chuan ka mal lutuk bik dawn lo e.





Ka chhan hmain Teacher a rawn lut a, platform ah min din tir in introduction min neih tir nghal bawk, Platform a ka din kan lai chuan kan Mipa ngenh-a kha ka hmu chiang hle, mit ti zim sun in min lo en reng a. Mak tak maiin ka hmai a sa hat hat, ka thil sawi lai ka bahlah hmain ka insawi zo chu ka lawm hle bawk.





Ka ṭhutna ngaiah let leh in Andy chuan Thumps up min lo hmuh va a, nui var var a ṭhu in lecture chu ka ngaithla zawm a. Zeploh chuan Chandigarh ka ngai veng veng mai, ka ṭhiante chu hnam dang vek ni mahse tet te aṭanga inkawm kan ni hlawm a, ka Mizo-pui hmelhriat thar ho ai chuan ka ngaina zawk daih.





Lunch break ah chuan midang chu an chhuak vek a, kan Ngeng ngul-a kha kekawr ipte zen chungin muang zet in a pen chhuak a, min kalpel zawnga a rimtui inhnawih rim rawn nam chu ka hip lut hak mai.


"Wow..Chocolate" ka ti sap.


"Min lo zui rawh." Andy chu kawngkhar lamah a kal chhuak a, thuawih tak chuan ka zui nghal dat dat a. Hall zau deuh ah hian student dang ho chuan thil an lo ei mek a, kei leh Andy inzui lut min hmuh chuan an thil ei lai chawlhsan meuh in kan pahnih chuan min lo en leh țhup tawj! Eng nge an hriat hlawm le?Hmeichhe ṭhenkhat chu an in hrilhru sar sar leh nghal!



Andy chuan engahmah ngailo tih hriat zet in plate a la a, pakhat chu min pe in eitur lo in tlar put chu a thlengah a dah nghal hmawk hmawk a, ka lam rawn hawiin a lu a chet zauh a, 'la ve rawh!' a tihna ah ngaiin ka plate ah chuan ka in la khawm ve a, țhutna tur zawngin Andy chu a hawi kual nghal thuak. A sang țha bawk a, seat ruak a hmu nghal ani mah a, a kal nghal vut a, a hnungah chuan ka zui ve dat dat bawk, a bul ka thlen chuan lo ṭhu fel vek tawh in min nuih var var a, țhutna tur min pawh chhuah sak turin a rawn ding ṭha leh a! Ka lo nuih hak bawk.




Ka ṭhut fel meuh chuan midang ho in keini chiah min en reng tih ka hre leh chiah. Chutah kan kekawr ha zuih-a inla ngeng zet kha, ka bulah a la rawn ṭhu nghut zui, ka hnaih duhlo viau kha ka bulah a rawn ṭhu run a! Min tih ang khan ka lo ti ve nghek mai dawn mawni?




"Ruatpui, zanin practice tur kha aw" Andy chuan thil ei pawng pawng chuan a ti zauh.

Ka bula mi chuan a lu a bu nghat bawk.

"Ei ve ta che i rilṭam loh chuan ka lo ei ang!" tiin ka thlenga alu kan chu Ruatpuia chuan a rawn suak nghal rinhawt anih chu! Rum zet a melh in ka thleng chu ka ban in ka hup nghal ṭung bawk.




"I va naupangchhia reuh e!" Andy an a lo tih chuan ka ner sawk a. Naupangchhia tih thumal hi ka ngaithei ṭhak lo.





Nikhatna chu engemaw ti tiin ka hmangzo thei hram a.




Gate ka chhuah san rual chuan Andy chuan ring zet in minlo au a, naupang dang min kalpel tu te chuan min en haw haw hlawm!

"Eng nge?"

"Naktuk aṭang kan haw rual dawn nia !" A rawn ti lang lang a, nichinah min hrilh tawh reng sia.


Chhang buai tawh lo in inherin in lam pan in ka kal hnak hnak a, in ka thlen hun chuan ka pi leh pu in zawh tur min lo ngah leh ngawt ang.




Kan in kawtah chuan ka pi chu pangpar tifaiin a lo zai rat rat a, a hnunglam aṭanga va kuah in a hnungah ka bei nghal hle hle a.


"Zorin, school chu a nuam em?" Pangpar la khawih chung chuan a rawn ti a.

"Umm, mahse, pi.. Chandigarh ah ka let leh chak e!" Ka ti nghal nang nang, ka sawi tawh ang khan kum2 mi ka nih lai aṭang ka awm tawh a, ka ṭhiante ho ka ngaiin eng emaw chen ah ka thisen ah hian a ram ngainat zawkna a awm lian lo theilo.


" A zialo e mai, helam hi i la ngaina vat mai ang, vai ram ah ngawt i khawsak chuan Mizo zia i hlauh vek mai ang!" A ti nghal bawrh bawrh; Mizo zia bik pawh ka hre chuanglo! Chhang buailo chuan ka nui hak a, inchhung lam a ka pu thawm hria in ka luhsan zui a. Ka Pu chuan TV lo en in min lo nuih var var bawk. Ka pi ang chiah in school nuam ka tih leh tihloh min zawt a. Kan bula an lo zin chang apiang in kan school ban hian tiang chiah hian min lo zawt ṭhin.
Inchung lamah chho in ka room chu ka enkual thuak a, Chandigarh a ka room ang in poster leh ka band ngaihsan te thlalak ka tarloh vangin tlem chuan a danglam deuh! Ka khuma guitar chu la kangin ka zut nauh nauh a, ka thiam ang tawk in See you Again chu ka mil ve a, mittui tla lo chauh a ka zai hnu chuan intifai tur in washroom lamah ka lut a, ka in thlak fel chuan ka ṭhiante nen Video call neiin kan in aṭanga lang thei ho chu ka enkual tir a,mak an han ti mai mai khawp a.



"Tinge in chung kha a tlet vek a?" te an rawn ti vak vak, rangva inchung tle sur chu an mak tih a tling tawk em em mai ni.

"Wow, building a van in din hnaih!'


An zawhna leh an thusawi pawh ngaihsak lo in anmahni chu ka en char char a, ka hriat loh kara ka mittui lo luang chu rawn hmu in an reh nghal ṭhiap a.



"Zo, ţap suh, i ṭah chuan Sampada hi a ṭap lehnghal a ni mai" Vera chuan a rawn ti niah niah, ka ṭah nuih nghal ṭuau bawk.


Ka ṭhiante hi Mizo ngaihah chuan hnam dang(Vai mai mai) an ni. Mahse, kei chuan Mizo tam tak aiin ka ngaina zawk, țhian hlutna an hriat bakah Mizo angin mi rel an ching ve lo a, kan awm khawm tawh chuan midang chanchin sawinan hun kan nei ngailo, keimahni ho chanchin sawi nan zan khua kan hman chang a tam. Chuan, an smart em em a, feature plan sawiin hna țha tak neih ngei tumin higher level ațang an țang em em zel bawk. Politic ațang India ram economy thlengin an titi pui theih vek a. Midang chanchin sawi ai chuan zirna kawngah intlansiak nuam an ti zawk bawk.





Zanah chuan TV en in ka pi leh Pu nen TV room ah kan ṭhu rana, chanchinthar zawh Ṭhalai Huang hun a TV a ka mi hmuh vang chuan ka ang nghal phiau! Kan mi ngengpa leh Andy kha tv ah an lang anih chu! Chuan, hmeichhe pathum leh mipa pakhat nen!





'Tunah chuan kan lam thiamte kawmna kan lo nei a nga." host in a rawn tih chuan ka phawk leh zual, Andy leh midang chu an nui sang hlawm a, Ruatpuia ve chu tak run in a awm thung, hepa hi chu a ngainatawm loh ve ngawt mai! Vawiin pawn mawl min ti ngawt a. Ka la kuk ṭawk duh ngei ngei ang.





Host chuan zawhna hrang hrang a zawt a, an vai chuan ka rualpui tur vek an ni. An kawmna a zawh chuan room ah ka chho a, ka tih ṭhin dan bawk in ka nu leh pa te nen video call kan nei a, mak deuh chu ka mitthlaah Ruatpuia hlir a awm! Ka nu te nen kan inbiak lai pawh in ka lo ngawi leh vung vung ṭhin. Kan inbiak zawh chuan washroom ah lutin ka in phih faia, mut thuamhnaw in belin khumah chuan ka mu ran a.





Ruatpuia mizia ngén hmel tak leh a sam buang vel vek te hi ka mipa duh chi an ni ngai hauh lo. Mahse, tunah hian tinge ka ngaihtuahna ah a awm tluk tluk le?Khumah chuan ka let kual sek a, vawiin a ka sut chawrh lai te, a nuih paha a mit bul chuar deuh si te, min kalpel zawnga chocolate rim rawn nam vang vang te kha...

"Ruatpuia kha ka duh a mi?'


"Nilo!"


"Aw.. i duh!"..

"Ka duh lo chiang e mai! A sam buan dan te kha ka haw lutuk!"


"A sam kha a inhmeh thlawt, a hnar ngul nalh lutuk mai kha!"



Ka ngaihtuahna insual nasa lutuk tih reh tum in inhnuai lamah ka chhuk thla a, Fridge hawng in eitur ka zawng rak rak a, Coke can chu la in ka in nghal vat a. Thawk la vang vangin ka ngaihtuahna a awm mek chu tihbo tumin ka maimitchhing vang vang a.

"Aw... a ṭha, a reh dawn, a reh tep, reilo te... Oh..nilooo... !"A aia chiang in a hmel ka hmu leh hlawl anih chu!


"Ka à dawn a ni ngei ngei ang"' thinrim ṭungin inchung lam ka pan a, tiang hian mipa ka la ngaihtuah ngut ngut ngai lo, Sampada leh Veru ka hrilh a ngai! Nilo! Mipa nikhat chhung lek ka hmuh ka ngaihtuahna ah a awm zui char char tih ka hrilh ang maw? Min nuih nasa awm e mai.



Ka muthilh lai reng ka hrelo, Mit ka meng siar siar a, nizan a ka mut dan remlo zet in ka lo la mu tlang reng tih ka hria, ka nghawng na ur avang chuan ka ṭhen sawk a. Ka room a nizung lo lut ah chuan a hma tawhlo tih ka hre nghal thuai bawk. Ṭhu chhuakin sana ka en vat a.



"Lalpa leh!" Dar 7:30 alo pel der tawh.



Washroom ah lutin ka lu su lo in ka inbual thuak thuak a, ka uniform ka inbel chhung te chuan ka tlu ṭep ṭep reng, ka mawza lah ka bun fuh lawk thei
bawk silo. Dawhkan a ka bag chu la in ka tlan chhuak nghal rawk rawk a.

"Nilo!!! Hun ka la thlak reng renglo!'" Room ah bawk ka tlan leta, ka time table chu bih in ka baga lehkhabu ṭhenkhat chu ka dah chhuak a, Science leh a kaihhnawih ho chu la khawm in ka khung nghal sawk sawk.

Ka zo! ti halh in chak tawk in ka tlan chhuak ta rawk rawk!



Kailawn ka zawh thla fel chiah chu mak tih hmel tawkin ka pi chuan min lo en ran a, Kawngkhar ka tlan chhuak tur chu min auh avangin ka ding leh chawt!



"I sam kha khuih i tumlo em ni? Chuan chaw pawh ila ei lo a!' Hmuh thianglo hmu ang maiin min melh reng. Mahse, chutiang tih kawina hun ka nei lo, ka tlai anih ngat chuan.... ngaihtuah lo zawk teh ang!




"Pi, ka tlai tawh e mai." Hmanhmawh tak chuan ka ti zung zung, mak tib hmel takin a la hawi ta deuh deuh.



"Dar engzat nge school in ṭan dawn a!?" a rawn ti tawng!
'Dar riat, ka kal..." tih leh kawngkhar pui a tlan chhuah ka rual der!

Gate pawna ka Pu nena lo inbia mipa vang chuan ka ding chawt a, an ni pahnih pawh chuan min hmuh chuan ka lam an rawn hawi nghal hau bawk.


'"Mambawih, I sam kha i khuih lo em ni?' Ka Pu chuan hmuh thianglo hmu ang maiin min melh phawk hle, Ruatpuia lah a lo nui ruh ruh bawk, rum zet in ka melh a, ka sam chu ka'n chul thuak a, ka kut ṭang a la tang zui!

Hit lo ber mai.



"New fashion anih hi!' ka'n ti ngawt pek a.



"Hei, Ruatpuia, i pa Ruatsanga fapa anih hi, kha in uniform a in ang ka ti! In school a in ang a ni maw?" Ka pu chuan Ngeng ngul-a nen min melh dun zauh pah chuan a rawn ti sup.

*in ang ber ang chu..nimin pawn a che ngeiawm teh a sin* Ka tih khum lo chauh. Mahse, he mipa ngeng lutuk mai hi ka pu in a en dan aṭang chuan an in hriat ṭhat hmel tak zet.




"Anih hi, awi..Pu ka kal! ka tlan leh nghal dawr dawr a, an mahni ka kalsan rual a,
Ruatpuia nui deuh suk ka hmuh rual khan ka thinphu a rang vek bawk. Mahse, he pa hi ka duh dawn lo hi a ni tawp.



Tlai a hlau ve lo mawnle? Thlamuang takin ka pu nen kawng laiah an la inbe mai mai bik a. Ti rilru nuah nuah in ka pen pawk pawk a.


ka bag ah chuan tuemaw hian min rawn pawt hrawk, hnehsawh lutukin ka ding nghal chawt bawk. Rang tawkin ka leh hawi a, Ruatpuia'n mak tih hmel deuh in min lo melh run mai.


"Ka tlai dawn, min thlah vat teh!" Ka vin hlak, a chal a chuar nawng a.


"Dar riatah chiah school ṭan a ni." A rawn ti bul hmuk, ka hriat vanga hmanhmawh ka ni reng a lawm!

"Chuvang tak a! Ka tlai dawn nia." Ka'n ti leh hlak a, ka lian em em silo, ka bag hnungah a man bet tlat mai bawk si, kalsawn duh eng ang mahila ka thei lo.



"I van mawl reuh e, dar 7:30 chauh a la nih hi." tiin a bana sana lawk zet chu ka hmai zawnah a rawn lek vut, awih loh hmel zetin amah chu ka melh let nghek! Ka room ah khan 7:30am a rikna a rei tawh!



"Kan sana ah chuan sarih leh a chanve a pelhna a rei tawh mai!'ka ti let vat a.

"A diklo anih chu!' ka sam chu a rawn tuai thut a, ka lo rak ṭhat, a kutṭang chu ka sam hnawkah a tang bawk. Min nuih suk suk in ka bag ah lai a pawt thla a, a man a khai a, a kut lehlamin kal turin min hui nghal thuak in a kal nghal daih bawk, lungawilo zet in a hnung aṭang ka melh ngawt ngawt a, a rawn hawi let leh thut sia! Ka che lai teh e!



"Lo kal vat rawh, tlai i hlauh kha." Tlem a nuihza insum chung hian a rawn ti sup, a mize ngeng ngul chhuah in a in her leh nghal daih bawk. A sawi dik, tlai ka hlau... mahse ka bag!

Thuawih deuh in ka zui hnak hnak a, thui pawh kan la kal lo, in lian zet kawtah chuan a ding a, a bulah chuan ngawi reng in ka lo ding ve bawk. Engvanga ka bag hi la ngawt nge anih le? tih vel chu ka lo ngaihtuah ve chiam chiam a, Ruatpuia chu In lian pui lam hawi chuan a ṭhen zui sak.

A kekawr ipte aṭang phone a la chhuak a, School ah phone ken an phal der silo. Mahse, a ni hian a keng bik sia, teacher te a hlau lo a ni khawp ang!



"Andy, Samkhuih leh I u sam ṭawnna keng in lo kal ang che." tiin phone chu a off zui hmak, min rawn en in a kiai leh sak, a phone ken chu a kekawr ipte ah a thun lut leh a.

"Enga tan nge chung chu i tih?" Mipa in sam khuih leh sam țawnna a mamawh chhan tur awm ang ka hrelo reng reng.



"I sam hnawk zet khuih nan hian mawle!" Ka sam rawn kawk zeuh pah chuan a ti hap a! Ka huat zawng a tling tawk em em ringawt. Mahse, chhang buai lo in ka hmui ka tihsawih khum a, a nuih ka ti za suah maiin ka hria, kan din mekna inchhung lam aṭang chuan thawm a rawn awm a, in lian tak Gate a rawn inhawn rual chuan Andy a rawn chhuak hlawl mai!


"Enga tan nge samkhuih leh sam țawnna chu I duh?" a rawn ti chhuam lang lang a, min hmuh rual chuan a phu deuh zawk bawk!
"Ehhee...Zorin..tinge i sam chu?"min din hnaih pahin a rawn ti chiam a nih chu. A au ring reuh sia, ka ngei reuh lutuk!

"Bawm tawt aṭang ka pawt chhuak zo chiah a." Ruatpuia chuan a lo ti hluk zui, nghal ti fe in ka lo ner sawk thung.


"Lo kal teh!" Andy kut aṭangin sam khuihna chu a la a, ka sam chu a rawn khuih thla rawk a, ka sam a lo hnawk ve bawk si nen, na ka ti lutuk chu mai ka chhing tlawk tlawk a.

"Ti kha chuan mi pangngai i ang ve ta!" ka meng chhuak chu ka hmai bul hnaih set sawt ah min lo en run in a nui suk. A nui hmel pa lutuk chu khap lek loin ka en ngawih ngawih a, ani tel in Remruatpuia hi ka hmu pa tulh tulh mai hian ka hria.



"Kha tia ding reng lo khan kal ang u, minute 10 chiah a awm tawh" Andy'n a rawn tih chuan ka in thingharh nghal vat a. Ruatpuia'n ka bag a ken chu laksak ka tuma, a lo pawh bet tlat avang in ka thlah leh zal zal a, Andy chuan sam khuih chu a school bag ah thun in a kal a, Ruatpuia nen chuan a hnungah kan zui ve hnak hnak a, kan school uniform ang ha naupang kan tawh te chuan min en vawng vawng hlawm! Ka bula kal te hi an chhelo dun em alawm le!...


School Gate chhunglam ah chuan Sir pakhat hian mipa ṭhenkhat hi a lo dintira, mipa dang ho bag pawh a lo check mek bawk.



'Tinge a?" Ruatpuia chu ka melh chho haw.
.
"Zial man tur a zawng a niang!"Ka bag chu min pe a,Sir chuan Ruatpuia leh Andy chu a hui ve zauh a, a lampan chuan kalin an bag chu Sir hnenah an hlan a, a check rak rak a, zial a hmuh loh vangin Ruatpuia chu a bag a pe let a, Andy bag pawh check leh in Sam khuih a rawn phawrh chhuak hlawl a, midang ho chu an lo nui huk bawk, Sir chuan Andy hmai zawnah samkhuih chu a lek va va a, midang nui ham ham pawh chu ngawi turin a hrilh hlawm a.

"Mipa bag a samkhuih hmuh chu!!"Ti niah niah in Andy bag chu a pe let a,Rang takin Andy chu kan lampanin a rawn kal hlawk hlawk a.

"Andy!"

Ding chawtin Sir lam chu a en a.


"I samkhuih i theihnghilh dawn!"tiin Sir chuan samkhuih chu Andy lamah a vawrh phei a,Andy chuan lo dawng chat in nui vur vur in kan lam a rawn pan a.


"Nangmahni vang vek!'a la rawn ti bui bui zui.


Kan pathum chuan kan inkawm deuh chawt tawh,School kan kal rual a,Tlai lamah practice an ngaihloh chuan kan haw rual leh vek ṭhin,Andy te in a hnaih ber avangin Ruatpuia nen chuan kan in panin kan kal dun leh hnak hnak ṭhin!Ruatpuia hian ka bag hi a keng tlat zel,A landan chuan ṭhianṭha tak kan ni tawh!Mahse.....

.

.
Keichuan ṭhian mai nilo..a aia nasa deuh zawk in ka en a ni!Ka duh..Ruatpuia hi ka duh lutuk!Ka bul hnaiha a awm apianga ka thinphu rang ṭhin te,Hmeichhe dang a biak apianga ka thinzawn lo na vawng vawng ṭhin te...Heng hi induhna vang a ni!Mahse ka feeling chu ka lanchhuah tir ngailo,A chhan chu kan inṭhian ṭhatna a chhiat ka hlau a ni! Ka bula a awm tawh phawt chuan thinphu rang viau ṭhin e tilo chuan nuam ka ti veng veng ṭhin.


Nikhat chu hmeichhe ho chu sports day anih vang in Throwing ball in Section dang nen kan in el a,Kan section in kan vawm hnu chuan keini section chu a chhunglam ah kan awma, min vawm ve nak nak a,Ball in a fuh apiang chu an thi(out) zel bawk.


Keini lam chu min vawm hlum (out) zo ṭep tawh. Hmeichhe dang paruk vel nen kan la awm! Chu tih lai chuan ka hmai ah tak na lutuk in ball in min rawn fuh a. Ka thal nghal tawp mai.
Ka section pui te chuan min buaipui laih laih a, ka hmaah chuan hmeichhe pathum hi an rawn ding a, min vawm fuhtu te ngei kha an ni!

"Awm dan mawi ka zirtir chakna che a rei tawh lutuk!"an zinga pakhat chuan a rawn ti a.


"Khatia mi hmaia vawm kha a ṭulna a awmlo!' Min buaipuitu pakhat chuan a ti let vat.
.
.

"A phu tawk a hmu anih kha..Andy leh Ruatpuia hnaihah a awm tam mah mah, kan section in an loh vang in kan intawng har mai a ni!'Hmeichhe pakhat chuan a rawn ti a, ka lo sa ve zak bawk, ding chhuak in an hmaah tak ka ding chilh nghal hmiah.

" An ni nena kan awm ho chu in lo buai viau a ngai lo.!' ka ti ve kher a. Diktak chuan hmeichhe zaidam tak ka nilo, ka thiam lohna ni miah lo a kut tuar te hi ka ngaihdan a ni ve lo, ka naupan deuh lai pawn vai naupang dang hi ka sawisa hmiah zel. Mahse, dawt a mi puhtu leh min tham loh hmel deuh a awm ṭhinte lakah chiah chutiang chuan ka awm ṭhin.
.

"Ruatpuia hi ka bialpa anih vangin a pawi khawp mai!' a laia ding chuan ka darah min rawn nem sawk a. Ruatpuia a bialpa anih thu a sawi chuan min ti thinrim ngawih ngawih..Nilo..ka thik a ni..

A darah chuan na zet in ka nam let a, kat dawrh in mawng sawh zawng in a tlu nghal hnawk,a ṭhiante pahnih chuan ka samah kek in min khawih rawn ta mai! Ka section puite chuan min lo ṭanpui ve vat, vawi leh khatah phek buai nghal chu ani mai!


Whistle ri kan hriat chuan kan inthlah diak a, kan hmaah chuan mipa ho leh kan sport-incharge Sir Makhuma an lo ding ṭhat a, hmeichhe ho chu minlo en țhup a.


"He buaina hi tu bul ṭan nge?" Sir Makhuma chuan a rawn ti lang lang a. Ka dara nem tunu khan" Zorini " a tih rual chuan rum zet in a lam ka melh a.


'Jacinta te țhian ho zawk hi a lawm!'ka bula dingnu chuan a rawn ti ve a.


"Jacinta..leh Zorini khan tunah office ah min lo zui nghal ru.!'a tiang ken chu a vai ri fua a,Office panin a kal nal nal bawk .Muangchang in ka zui a, hnung lam ațang ka bana min vuantu an awm avangin ka ding dat a.


"I ṭha em?' Ruatpuia'n ngaihtuah hmel deuha min lo tih chuan ka thin a rim ṭung thei. Engmah sawilo in min vawnna kut ka thingthla a. Sir Makhuma chu ka zui nghal nal nal. Mahse, ka tukhum hit mem mem ah chuan Ruatpuia chuan min thlir zui reng tih ka hre thei!


Ni e, ka taksa hian a hre nghal thuai zela, ka hnung lam a ngawi renga a din pawn Ruatpuia a ni tih ka hre hrang thei a! Amah hmuh tur awmlo mahse ka bul vela a awm chuan rangtak in ka feel thei! Rapthlak zawk hian!


Office ah chuan ka lut a,Jacinta pawh chu a rawn lut ve bawk.


Sir Makhuma dawhkan hmaah chuan kan ding rana,A tarmit chu dah hniamin min melh run a.A ṭawng tawh dawnlo emaw tih hnuah ' enge in buai chhan?'Muang ban chalh in a rawn ti a.


"Ball in ka vawm fuh palh a,chu chu lakawiin min sual nghal!'Jacinta chuan a ti vata.
.
A thusawi awihawm loh lutuk vang chuan kà ho in amah chu ka ena.Tiang em em a hmun leh hmuna dawtsawi theih chu!!!(h)



"Infiamna ah chuan intihnat palh a awm thei,chu chu mimal anga lak loh tur!"Sir Makhuma chuan min dem hmel tak in a ti chang bàl a.Sawi ve tur hrelo in ka ding ngawi ran bawk.Min vawm thluk satliah vanga thinrim ka nilo,Min ṭawngkhum vang zawka thinrim niin ka chhanglet a,Chuan a man kut min thlak hmasa zawk!Tunah ka tih ang in a sawi leh vek bawk..Hei hi lawm Mizo hmeichhia ṭhian ka neih duh lohna..Dawtsawi an awlsam mah mah zel!



"Zorin, karkhat chhung tlai tin i stay back ang, Jacinta nang pawh i awm dan en-thlak a ni ang! Buaina dang a awm leh chuan transfer in ni ang. Kal tawh ru!" bung nghut a tiin chair ah chuan thaw hak in a ṭhu a. Jacinta chuan ngeiawm lutuk a min nuih pah hian min rawn melh ralh ralh a. *I chawh* hmui phun in min tih khum hram, chawh min tih hmel fahran chuan office ațang a chhuak nghal a. Keipawh zawi muangin ka pen chhuak a, Office bula Ruatpuia leh Jacinta lo inbia ka hmuh chuan ka awm chhung a na leh zawk tawh! Min hmuh hlau lutuk chuan ka inher thut a, chak zetin office hlat thei ber chuan ka kal nghal dawr dawr. Ka mitthla ah erawh Remruatpuia leh Jacinta ding dun kha a cham reng thung!




Thawk ipik țunin coridoor reh lai ah chuan ka ṭhu hnawk, ka tum vang nimiah lo in ka mittui a rawn luang zawi bawk. Ka hrawk chhung a rawn tawt up up a, ka mitthla ah Jacinta leh Remruatpuia an rawn lang chiang tulh tulh a, ka tum loh tawpin ka inhnit nghal hlawp hlawp mai!
Last edited by Abbra Reo Ririni on May 22nd, 2017, 6:03 am, edited 3 times in total.



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » December 12th, 2016, 7:35 pm

"Ruatpuia chu ngaihzawng nei lai a ni!Ka hlat angai tawh.Mahse ka thei angem?"
Ka dara rawn vuantu an awm avangin ka mittui chu ka hru vat a.

"I ṭha em?" Min ngaihtuah hmel zet a rawn ti sup ri ka hriat rual chuan ka ner nghal nak a, hetah enge a la rawn tih, a bialnu dawheh deuh kha buaipui hle hle se ni tur a nia.
'ka ṭha mah mah" ka aw ri chu a ngeiawm kher a sin!

"Anih chuan midang hmuh hlau in tinge i ṭah?" A rawn ti let khauh, a aw chu a dam ruih a, chu chuan ka ṭah a tichhuak zual vek bawk. Engvanga he pa bulah hian pangchan chak tlat nge ka nih pawh ka hrethiam lo.

"Min kalsan teh!" Ka aw tawp lam phei chu a ri chang chang chauh a ni.Ka kut chu humruh in hmui ka pet fan fan a.
"I ṭah chhung chu ka kal lo ang!"nghet charh in a ti sup.

"Ka ṭap lo..i kal dawn loh chuan ka kal zawk a nge."in her in a awm lohna lamah ka kal nghal vat a,Tunah hi chuan keimah chauh a awma,rilru fim hman ka mamawh.


Ka sport thuamhnaw chu ka hlip sawk sawk a, ka duh aiin ka tlai bawk nen ka theih ang a hmanhmawh chuan class ka pan leh dawr dawr a. Zirlai dang pawn ah hmuh tur an awm tawh lo bawk nen ka rilru chu a hmanhmawh zual kher mai!




Hmanhmawh bakleng a class room chhung ka pen lut in a ka thil hmuh vang chuan pawh din chawt ang maiin ka kê pen lai tawp chawt! Ka thil hmuh chu ringhlel ru deuh hian ka melh ngar ngar a,. Mahse, ka hmu sual lo tih ka chian tak hnu chuan ka chhunglam a na rawih rawih, Ruatpuia bul ah Jacinta a lo țhu anih chu!


Jacinta chuan min rawn hmu a, a hmel a hnehtu chanchang intihna lo lang chhuak ka hmuh leh lek phei chuan ka awm chhung a tawt tup tup. Tih el fê a min melh in Ruatpuia darah a kut a nghat kher a. Ruatpuia lah chuan lo dahsawn sak chu sawi loh! Ngawi ngul in kêi a hamhaih ding khawng reng chu min melh run a, Jacinta ka thik lutuk chu ka țah a chhuak țeuh a, ka sa hut hut.


Ruatpuia beng bulah eng emaw sawi sep in Jacinta chu a nui vel a! Min run luih tih hre tho mahila ka tawt tup tup tho.



Thawk la halh in Andy bula ka ṭhutna chu muangchang hian ka pan a. Zirlai dang te pawh an dan ngaite in an ri leh hulh hulh tawh.



"I ṭha em? i damlo em ni?" a bul ah ka țhut rual chuan Andy'n a lo ti thuai. Ka pang a rawn dek a, ama chal chu a kut lehlamin a dek ve leh a. A ngawih deuh rauh rauh hnu chuan min ngaihtuah hmel zet hian a thaw ta hawk.
"Zorin..i khua a sik!"

"Ka ṭha leh mai ang!" ka ti a. Remruatpuia leh Jacinta vang a ka chau em em ringawt chu ka hrethiam lo tak zet.


"Damdawi i ei duh em?"

"Aih, Andy, ka țha leh mai dawn lawm" a ngaihțhat nan ka nuih tel seih, thil dang a sawi leh hma in dawhkan ah chuan ka bawk thlawp a, ka khawsik ai hian ka taksa chhung a pawimawh lai ber thikna vang a na a, sa hut hut hi tawrh hreawm ka ti zawk! Ruatpuia leh 'Jacinta te'n eng nge an tih ang' 'tunah te sawn ball a min vawm thluk chungchang kha sawiin fiamthu thawh nan min hmang ang ngem?' tih vel chu ka ngaihtuah ngut ngut a. Class room chhung ka luh rual a an pahnih ka hmuh thut tirh a ka awm ang chiah khan ka tawt em em mai ni!




Teacher in class a lak lai pawh chu ka ngaihven hlei thei lo, lungphu rang dawt dawt siin ka bing mup mup a ni ber. Eng tin nge hetiang tak a hmeichhe chaklo hi ka nih theih? Ruatpuia ka duhna hian hmeichhe chaklo tak dinhmun ah ka hriat loh karin min lo dah reng anih hi! Thikna avang a natna tawrh hi ka ngaihtuahna ah a awm chhin ngailo a! Ka tawng ang tih pawh ka ring chhin ngailo.



"Zorin..i taksa hi a khur char char a nia! Nurse room ah kal ang!" Andy chuan ka darah a rawn khawih a, keipawn ka taksa sa ham ham chu ka hria, ka mit te hi a kham ṭung thei.

"Andy, ka ṭha" zawi zet hian ka nui lui a, midang buaipui ngai a awm hi ka duh lo. Mahse, Andy chuan ka thusawi chu a ring hauhlo tih hriat fe hian min melh khúi a.

"Damdawi tal ka dil sak ang che" a tih lai chu chiang lo ruai in ka hre țawk țawk!



"Ruatpui, rawn hman hmawh teh! Zorini hi a awm dan a mak lutuk!" Andy'n Ruatpuia a au țhawt thawm leh zirlai naupang dang te thum hak chu mumang ang maiin ka hre vuat vuat.


Kut lum thup in ka pang rawn dek a, zawite a ka hming lam sup tu leh zo taka min pawm lawp tu chu tudang nilo in Remruatpuia a ni! Hmu thei lo mahila ka taksa taksa leh thinlung hian a hrethei. Chak tak in min pen pui hlawk hlawk a, chiang lo riai a ka meng chuan Ruatpuia khabe ruhkual hriam hrak ka hmu a, ngaihtuah hmel zetin min en chhuk leh vung vung țhin. Tun ang a mitmeng tak ngul a min en chang te hian lawm ka lungphu thleng a ka danglam țhin ni! Mahse, aatan chuan ṭhian chauh ka ni. A Ṭhian mai!




Vawi leh khatah ka taksa na ṭhum leh khawsik chu lak bo ang duak hian a reh duak a! A thim zui nghal mup!



Ka harh leh chuan damdawiin khumah ka lo mu reng! Mit ka'n khap fak fak a, ka mit ni-deuh ṭhum avang chuan ka'n chhing leh sawk a, ka men leh chuan ka zia ta deuh! Ka taksa kham țhum ti ziaawm tur a ka'n in let chiah mai chu... khum bul chiar a țhu chung a Ruatpuia lo muhil ka hmu hlawl! Reilote chhung chu ka hamhaih deuh chhulh a. Mahse, a reilo.



Ruatpuia muhil thaw suai suai chu en in ka nui sak. Ngeng ngul țhin, in-la cool em em pa hi a lo mutthlu ve țhin tho anih hi!


Muangchang in ka kut chu ka lek chhuak da da a, tih harh hlau zetin a sam buang thang chu dimte in ka khawih sak a. A nem in a mize khawng ul ang lo takin a sam chuan thu a awi zek. School mipa naupang dang sam zawng zawng a dum vek laiin tinge a sam chiah hi a uk bik tih te, Teacher te'n an hmu ve reng a, ti dum tur a an hrilh ngai miah lo' tih vel ngaihtuah kual rauh rauh chungin a chhip sam buk lai chu ka khawih sak niap niap a. A men lai lahin sik pawh ka si țha ngam miau tlat lo.



"Jacinta hnaih ah i awm khan ka taksa chhung hi a na vek tih i hria em?" Ka ti sep, ka nui chhuak hak bawk. "A atthlak tiraw? A atthlak tak zet"



Ruatpuia chu a rawn chet ta ṭalh ṭalh a, ka kut chu rang lutukin ka la let dawrh, chiang vak lo hian a rawn meng a, a mitmeng pa zet chuan ka mutna lam a rawn melh nghal zat, ka harh tih a rawn hmu thut chu thawhphan awm lo lekin a ding nghal vut a, a țhutna plastic chair pawh chu a ri rum rum thei mai.




"Zorin, i țha tawh em?" a ti a.

"I țha tih sawi hram rawh" amah bawk chuan a ti chhuak thawr, a awm dan avang chuan khap lek loin ka melh heu ringawt.

"Hrep chuan.. i țha em Zorin" vin deuh țhawt a sam a tuai tawk tak ah chuan chil ka lem dawk a.


'Ka ṭha!" khum bul ațang chuan min melh chhuk run in a thaw chhuak ham ham mai.

"Ka țha tak tak" ka ti leh ringawt. Bu nghut nghut in hmai a tuai zui thuak a.

Chutah, "iharh tawh dawn lo emaw ka ti hman a lawm!" ti chhuak sup in ka chal chu a rawn dek nghal vut. Ka tawm deuh chawi a. Mahse, a lak a ka rilru put ang hi a pu ve lo lutuk tih inhrilh ru mawlh mawlh in chal ti char deuh khui a ka khawsik leh khawsik loh ngaichang mek tu kut dehna dam zet chu feel zual tumin ka maimitchhing ta vang vang.

A kut lum thup leh tawhna dam ruihin min khawihna avang chuan ka harh sawng sawng thei in ka hria.

Ruatpuia chuan zawi sup hian "Good" a ti ta nghut.


"Engtin nge tah hian ka awm daih a?' Mit ka meng riai riai a, uluk fahran a min melh run chungin kut a la let ve ta chiah. A mitmeng melhna lutuk leh kan inawm hnaih bawk bawk si chu lai ru zet in aw ka thian leh te te a. Ruatpuia erawhin a hmui hnuai seh zauh pah in min melh run run.

"School aṭang ka hruai che a lawm, i ṭhat leh ṭhat loh ka zawh lai che khan ṭha deuh a min hrilh tur che a nia!" a thinrim aw lek lek. Min hauh a tum leh nghal ringawt chu ka ngei tawk a tling em em mai.

"Ka ṭhat hi." Ka ti hmak.

'Tunah chuan i ṭha a, Nichin khan i ṭha lo..I sa vek a..I ṭawngvai reng bawk, darkar li ngawt i harh lo."min dem aw deuh in a ti chuai raih. A lan dan ah chuan min ngaihtuah ve hle a ang!


Ni dawn tak, a ṭhian ka ni miau a lawm. Ṭhian pangngai ang in en ve thei ila ka ti ngawt mai. Keimah in ka nat phah reng dawn chu a ni sia.

"Darkar li maw?" (!)

"Aw! Mawli" min ti hmuk anih chu! Hnial hrep tum in ma ang ziau a. Mahse, pa lutuk a a khi suk ka hmuh tak ah chuan rum patawp in ka melh ta hrak ringawt.


"Khawnge Andy?" ka ti a, ka awmna cabin chhung ka melh kual pah thuak.


"Dance class ah thlan ta hluam in a lam mek ang" a ban reka sanna lawk zet bih nghut in a ti bung ta vut. Amah chu ka melh zeuh a. Keimah vangin Dance class a kal loh phah tih a ngaihtuah ve te pawh ani mahna sana chu melh in a ngawi ta ngul. Class țhulh a duh loh zia ka hriatchian em vangin nuam ka ti lo tak zet bawk.


Ngaihdam ka dil mai dawn mawnle tia rilru tawt deuh a ka awm lai chuan kawngkhar chu pawnlam ațang a rawn ri rak a. Ka hawi chhuak nghal dawrh, kawngkhar ah chuan m Doctor coat fual var a rawn lut a. Khum a ka lo mu chu nelawm fe hian min nuih var var bawk.



"I lo harh tawh maw?I ṭhianpa hi a mangang lutuk a a ṭap lo chauh!" nui hmel pu sang hian a lo ti a. Ruatpuia țhu ngawi ngul chu ka melh phawk kher mai. Reilote chhung chu a hmel lan dan a danglam zawk a. Mahse, ner deuh sawk in Doctor nelawm zet chu a melh ta khui.


"Nu, uang viau lo teh!" lo ti hluk in a rum zui nghut. A hma aia mak ti zawkin Doctor chu ka en chiang a Rpa khan 'Nu' tiin a koh. Chuan, doctor a ni bawk! Hei vang anih dawn chiah hi Ruatpuia pawn Doctor nih a lo tum!

"Tak tak a, Zorin, i țha tawh tiraw?" Rpa nu chuan a rawn ti leh a.

"Umm, Ka ṭha tawh lutuk."ka lo ti ve vat.

Eng emaw hi ka bengah a rawn hmeh bel a, a kiu rat hnu ah la sawnin chu thil chu a en deuh veng veng. Ruatpuia nen chuan ka lo melh dawn chhen a, an hnar ngul sang vah leh vun rawng thim lam lek lek. Mahse, zahawm ru zet chu nufa an nihzia nem nghet tu anih ngei ka ring ta bawk.

''Khawsik tlem a la awma, a reh velah i haw thei ang." a ti a. Ruatpuia chu en leh in mit a kan khum ak, Rpa erawh a ipik hmel lutuk in a lo thaw hawk thung. A ipik chhan chu engvang nge ni ang tih ka lo ngaihtuah leh nghal zat! Hahthlak hian a!

"Khawsik hi a reh har tawh lo ang, mu hahdam leh daih rawh"

"Ka lawm e aw. Doctor."

"Nu Thanpui min tirawh, Ruatpuia ṭhiante pawn chutiang chuan min ko vek. Doctor in tih zawng a nuam lo!"nui var var in a ti a, nu fel leh ngainatawm tak chu a ni phawt ang.

"Ugg, nihleh, Nu Thanpui ka lawm e aw" Ka ti sep a. Min nuih var var hian ka luah a rawn tuai zauh a. .
"Bawiha, i țhiannu hi lo enkawl ṭha rawh aw." Ruatpuia darah beng thak in min chhuah san leh nghal a.

Anu chhuah tak ah chuan Ruatpuia chuan min melh run a, hetianga min melh hi ka duh hlawl lo, a mitmeng vang hian ka tuiral mai ang! Rang deuh hian amah hnung chhawn in ka mu rem sat sat a. A nui hawk thawm ka hriat rual deuh thaw in ka mutna khum a rawn hniam ta sat mai!


Ka meng zau kawk a, hnung lam ațang Ruatpuia chuan min rawn kuah ta hlu hlu, ka chhip chu a khabe in a rawn nawr a, a lungphu dup dup in ka hnungzang chho a nghawr che dat dat bawk.

"Ruatpui.."

"Chair ah țhu leh rawh i ti dawn anih chuan ka hnung a kham vek tih ka hrilh lawk a che" ti sup in a nui che dawt. Ka nui ve ringawt a. Ka kawng a kuahna tha a tih ngheh salh rual chuan ka lungphu a inthum rawn nghal dawt dawt! Ka hrawk a țang ka hmai a sa chho hat hat a. Ka tha te thleng in zu han khur ti tih a mawle!


"Ruatpuia" ka ti leh ringawt.

"Zorin, ka țhu peih tawh lo tak tak" a ri sup a, a nui tel tawh lo bawk. Ka ngawi ta kar a, min kuah ringawt chhan tur awmang chu ka ngaihtuah kual ruai nangin ka dam silo a, min khawngaih a nih ka ring ta thuai! Țhian inkhawngaihna vang a min kuah mahnise ka rilru chu a hlim veng veng! Chutih rual erawh in a huhang țang ut vabg erawh in ka taksa pum chu a țang chhuak vek a. Ka pangngai lo! Ka pangngai lo tak zet.. min thlah turin ka hrilh phal chuang der loooo.


"Engvangin maw i ṭah a?'min kuah chung chuan a ti sup. Ka chhang mai theilo. Jacinta pawh kha tiang chiah hian a kuah ve ṭhin ngei ang! Chu ka ngaihtuahna vang chuan thinrim țeuh in Ruatpuia min kuahna kut chu phelh sak ka tum nghal thawr!

"What?" a ti hluk.
"Min thlah teh" ka ti vak a.

"Nope" tih leh a awm si chawt in min hnuk hnai hrawk.

"I damloh vang a ka kuah duh che hi lawm hle rawh" a ti a, a nuih suk dan ah min fiam mai mai tih ka hria. Marawh chu ka thin zawn hi a sa zawk thung.

Ka damloh vang chiah in min kuah

Ka khur ru chu a hriat ka hlau em em a. Ka dinhmuh chu a khirh tak zet! Țhian țha ang a min en tu ka thinlungin a duh tlat mai hi ka thiam loh nge khuanu rel dik loh ni zawk ta ang? A ban chu ka nghawngah rawn zen lutin min lukham tir a, a kut lehlam chuan ka dulzawna ka kut dah chu a rawn vuan bawk.

Ka ṭawng lo a. Kan ṭawng tawh lo, ngawi reng in tiang chuan kan awm dun rauh rauh a! Ruatpuia chuan ṭhian kan nih angin min hnem nan min kuah. Keichu chutiang nilo feeling dang ka nei, ka mipa duh em em in min kuah a, ka lawm . Mahse ,ka hlimlo!Achhan chu midang ta a ni!

Ruatpuia lungphu dat dat chu ngaihnawm tife in ka ngaithla a. Engtikah emaw chuan nupui a nei a nga, a lungphu ri ngaihnawm zet zawn tun ang chiah hian a kuah bet a nga, an chhungkaw din tur chungchang te sawi dun in khum khat ah lungsi takin an mu dun țhin awm si a! Tawi te hian ka nui ta seih, ka hriat loh, a future wife tur ka thik lutuk vang a nui ka ni zawk mah!


"Zorin" zawi lutuk hian a rawn ti a.
"Umm" ka chhip zawn ah a thaw lum hawk, ka lo tawm chawi! A saisir zawng a ka mu kha hnung lam ațang min rawn kuah hlun anih kha, ka nghawng a a ban a zen luh chu a ti che a, ka beng a lo khawih tak ah chuan a hmuh hauh loh in ka lo nui var var.

"Thih i hlau em?"
"Maw? Hey, nangpa hi, ka damlo hi remchang ah lain min sawi țhaih i tum em ni?" ka ti chhuak vak. Ruatpuia chu a ri meuh in a nui ta hawk hawk. A va han sual ber!!
"I sual" ka ti leh nghek, a nui leh hawk hawk a. Sual ka ti tak tak.
"I damlo chung pawn i la au ring phian a"
"Khawsik te mai mai chu a na lo e" ka ti ve vat. A nui che leh dawt a, ka beng erawh a la khawih reng.
"Thih i hlau em? Zorin" thutak zawk a a tih leh sup tak ah chuan tukverh melh ran hian ka thawchhuak ham ham.
"Ka ngaihtuah chhin ngai miah lo"

"A hma chuan thih ka hlau ngailo.. Tun ah erawh" a chawl a. A serious ta lutuk chu ka ngaih a țha lo rum rum. "Ka hmeichhe hmangaih kalsan a, thih ka hlau" zawi lutuk tak mai a a tih sup chuan ka awm chhung a na rawih rawih. Tunah chuan chiang takin hmeichhe hmangaih a nei tih ka hre ta!


Eng emaw hi sawi ka tum a! Mahse, a bo vek! Hmangaih a nei! Remruatpuia'n hmangaih a nei! Chu hmeichhia vang chuan thih hlau ngailo tu khan thih a hlau tawh bawk! Chu hmeichhe vannei lutuk chu tunge nita ang? Jacinta ani mai ang ngem?



Damdawi in ațang chuan tlai thim dawn ah ka chhuak a, Ruatpuia'n kan in ah min drop thlap. Ka pi leh pu an chiai ka hlauh em vangin kan stay back tiin dawt ka sawi ta ngawt a! Naktuk ațang ka stay back kartluan dawn tih ka ngaihtuah zui zat! Ka va han peih loh ber tak awww.





Kan in Gate ka chhuahsan rual chuan Ruatpuia chu ka hmaah a lo ding vat a, ka phu deuh zawk chu min lo la nuih suk zui.

"Good moring"
"Good morning" ka ti a. Ka bag hnung lam a vawn leh tak chawt ah chuan ka ban ațang ka la chhuak a, a kut lehlam lek chhuah vut pah chuan "zanah khawsik i nei leh em?" a ti a.

"Aih"

"Good, kal ang le" lungkham neih loh hmel zet in a kal nghal nul nul, a hnungah chuan ka zui dat dat a, ka bag cute deuh min ken sak daih hi nuihzatthlak viau țhin mahse lehlam kawng tak chuan a inhmeh ru phian lawi!


Andy te in kan pan kawngah chuan ka țawng char char a, Ruatpuia erawh ngawi ngul in ka bulah a kal ve tawp. Kawng chep na lai ah min tawk zawng a lo kal te'n min sut dawn chuan min ngaihsak lo emaw ka tih lai reng pawn bag hum rum chungin ban a rawn lek chhuak hman tho zel.



Kan kal dun hi Jacinta leh a țhian te'n min lo hmu a nga, school ah buaina min siam sak leh mai ang ngem tih ka ngaihtuah chhuak thut a. Nimin te khan kan saction ah a lo țhu ve ringawt a. Zahna a hrelo ve ropui bawk sia. Min lo hmuh leh kan intibuai leh a nga nitawh mai!


Andy te kawt kan thlen chuan sana a lo bih sek tawh.

"In lo kal dawn lo emaw ka ti hman a lawm! Hmanhmawh ve ta che u."a lo ti nuah nuah a, Ruatpuia chuan Andy darah a kuah thuk a, chak fahran in a kal pui nghal dawr dawr, an hnungah kal in ka lo nuih ṭiah ṭiah bawk.Tianga Andy min lo hauh nuah nuah tawh chuan Ruatpuia hian a darah kuah in chak tak maiin a kalpui chiam zel a! A rei deuh chuan kal muan a rawt chul zel.


Class kan luh rual chuan rum zet in Jacinta chuan min lo melh er, Ruatpuia chuan ka bag chu ka dawhkan ah a dah a.
"Class ah ninhleilo ula," chimawm zet a nuiin tlarhnung lam a pan nghal vut, Jacinta chuan a lo ti nghal chuk chuk a, han kal tawrh tawrh a a hmaia ben sawk ka chak lutuk. Mahse ka ti em lo; Ka ṭhu a, zirlaibu ka phawrh chhuak a.

Zirlai naupang dangte pawh an lo lut sap sap a. Jacinta chu hmeichhe țhenkhat te'n ei loh hmel deuh in an melh ram ram hlawm a. An hausa in a pa hi mi zahkai pha khawp a sawrkar hna lian thawk ani a! Chu chu a chapo pui deuh bawk nen zirlai naupang dangte nuihsawh rawng kaia biak a ching țhin. Outing nikhua a incheina class lo a tih deuh ho lah an incheina hmanlai tawh zia sawiin fiamthu thawh nan a hmang chiam zel. Chu a mize chapo ru ran vang chuan hmeichhe ho hian an millo leh zual.

"Nizan bak kha ka zawt leh ta lo che, khawsik ila nei em?" Andy chuan a ti a. Ka chal a lo dek pah zeuh.

"Aih, ka dam țha tawh lutuk"
"Damlo tawh miah suh, Ruatpuia i tichiai hneh lulai lutuk"
"Maw?" Ka ti hú a.
"I awm dan vang khan Ruatpuia a chiai vek ka ti a nih chu! Khatiang khawp khan a damloh pawn a chiai ngailo" a ti a. Marawh chu a sawi loh tur a sawi chhuak tih hriat fe hian a ner ta sawk.

"Ruatpuia chu.."

"Ngaihtuah buai duh suh" ti sup in bag min hai san ta daih. Ruatpuia hi a damlo țhin maw? A țhutna lam ka han hawi chhoh chuan Jacinta nen eng emaw sawiin an lo nui dun a. Min rawn hmuh hma in rang lutuk in ka hawi sawn nghal daih.

Ngaihtuah vak duh suh, Mihring ve tho a nia, a damlo ve bawk ang chu!! ka rilru in ka in hau zui ta hlak bawk.



"Kan zingah hian lawm miahlo a lo kal an awm ve a!" Tlarhma a hmeichhe pakhat chuan a ti a. Jacinta țhutna lam a melh ta ran mai.

"Dawt sawi a, a tihsual zawk a midang puh daih tu kha mi in sawi!" Midang chuan an rawn ti leh a ,an nui ham ham hlawm a ,Keiin Jacinta ka huat ang bawk hian midang pawh hian anlo haw ve tho!Teacher te hmaah chuan mize ṭha ber ang a awm a thiam a,Mahse a mizia diktak chu mi tam zawk in an hria a,tu vak mahin an mil lo.


"He class a a rawn ṭhu ve ngawt te hi a ngam ngawt mai!'midang chuan rawn tiin Jacinta ṭhutna lam chu an melh chho hrek hrek. Ruatpuia te țhutna lam ka han en chhoh chuan kan lem chang thiami chu a lo in hnit faih faih a! Mit ti che kual ralh in ka nui sak. Țap tak tak tur a ang!


Jacinta bul a țhu Ruatpuia chu a tho chhuak vut a, zirlai naupang dang pawh an ngawi ta țhup, bing lutuk in ka țhutna lam pan chuan a rawn kal chhuk nghut nghut a, ka zawnah tak rawn tawp chawt!

""Heng thil i tih tir hian enge hlawkna awm!"a ti chang fal! A aw chu a zawi hle, ka tan chuan ring tak a ni. Tuna thil thleng hi ka tih tirah a ngai anih chu!

"Ruatpui!" Min rin dan chhe lutuk vang chuan rilru na deuh in ka en chho ran mai!

"Zorin hmeichhe dang ang tho i lo nih hi!" zawi tak si a ti leh ngat in min melh let ve run, nidangah hetiang khawp a huatna mitmeng hian min la en ngailo.

"Tawp tur in hrilh rawh" ka mitah chiang lutuk a min en run chuan a phun leh sup, ka inhum ruh nghek, Ruatpuia chu a in her vut a, an ṭhutna lamah let in Jacinta chu a buaipui zui nghal a.A mi ṭawngkhum dan avang chuan hamhaih húi chungin ka na ru veng veng.



Studen dangin Jacinta an ei loh em vangin an țawng khum a, chu chu ka tih tir ah Remruatpuia pui khian a ngai a nih chu!


Sawi tur pawh ka hrelo, ka ṭah a chhuak zawk, Andy chuan ka rilru hrethiam zet in ka kutah a rawn vuan a, Ruatpuia te lam chu ka han hawi leh a, ka thil han hmuh vang chuan thawk chelh tlat in ka maimitchhing nghal sawk! Ruatpuia awm ah Jacinta a bei a, Ruatpuia'n duat hmel lutukin Jacinta hnung a ben sak thak thak. Ka thik lutuk chu ka inthunun zo dawn lo, ka ṭah chhuah loh nan hmui ka pet fan fan a. Eng tinnge tiang khan min ngaih theih zawk? Midang zawng zawng aiin min hrechiang emaw ka tia! Mahse a nilo.. min ring chhe lutuk. Kei min rin chhiat em em laiin Jacinta duat deuh in a la kuah zui a! Ka kawchhung tawt up up leh so bulh bulh avang chuan ka puak darh thei mai dawn in ka hria.




Ka mittui a tla tak ngial dawn a ka hriat avangin ka ding chhuak thut a, Andy hamhai chuan min au deuh țhawt! Mahse, chu lam chu ka ngaihtuah buai sise hman tawh lo! Ruatpuia te lam chu ka han hawi leh ngat a, Jacinta hnung ah a kutphah nghat chungin ka ding chhuak hlawl chu min lo en run, Ruatpuia awm ațang Jacinta min lo nuih sak ka hmuh leh lek phei chuan kut ka han thlak duh mai dawn hian ka hria a! Ka thisen lum pup pup leh thaza lutuk chu thikna vang a ni!

"Zorin lo țhu rawh" Andy'n ka kut ah a lo pawt zeuh. Jacinta hmel pakhar zet khi ka han pan anih chuan a hmai ka ham khem sak vek ang!


Ruatpuia'n Jacinta beng bulah eng emaw a sawi sup chuan rilru na zet hian ka tlan chhuak a, kawngkhar a teacher rawn lut tur nen kan insu sawk bawk"Ka tihpalh " ka ti bah nawk, engmah sawi belh loin ka tlan sawn vang vang a, kawngtluan in ka mittui a tla, ka kalpelh a piangin min enzui a, ka mittui tla hi ka duh vang a ni bik lo.Mahse an tawp ngawt thei bik silo a.


A bialnu chhan zet a Ruatpuia min țawngkhum lai te, Ruatpuia kuahna phen ațang Jacinta min nuihsawh lai te chuan min hnawh tawt up up. Ka thinrim tluk zetin ka na vek bawk.


In ka thlen chuan ka pi leh pu bulah school kan ban hma thu leh ka chauh vanga mut ka duh thu sawiin inchungah ka tlan chho tlang a"Khawnge i bag?" tia ka pi min auh lang lang pawh chhang tawh lo in ka room kawngkhar hawng in ka inkalh hnan nghal hmiah,Washroom ah tlan lutin chhuak takin ka ṭap nghal hlawp hlawp a.

Ka lungphu dawt dawt leh chhung lam na tawt up up chu reh hawk thei se ka ti!
A bialnu midang in an ṭawngkhum a, chuthil chu fiah hmasa lo in mi zawng zawng hma ah ka tih tir ah ngaiin min țawngkhum thawr ringawt a, vei tak te a amah lo vei ru tu tan chuan khatiang bak a zahthlak leh na tur chuang kha a awm lo!



"Sual lutuk mai, Jacinta kha a zak tak tak lo tih pawh a hrethiam tawp nang" ti nui nui in ka biang huh chu ka tuai tawk tawk.

"Kha ramhuainu khan Remruatpui a bum che.. min la hauh phah zui leh nghal a" ka ti a. Ka thinrim leh rilru na lutuk chuan washbasin chu ka chum chiam chiam a. An pahnih khan ka haw lutuk!


Ka room kawngkhar in kik ri dawt dawt ka hriat rual chuan ka hmaia mittui chu ka hru a,ka pi leh pu in ka ṭap tih an hriat ka duh hauh lo.

Kawngkhar lam chu pan in ka ding dat a.

"Pi ka mu rih dawn!"

"Zorin, rawn hawng teh, keimah" chu aw thum sup ka hriat rual chuan mak tihna in ka khat nghal a! Hetah, Remruatpuia a awm maw? Min lo umzui tihna em ni?

"Zorin?" Class room chhung a min tih dan kha ka ngaihtuahna ah a rawn lut nghal zat, thinrim țeuh in ka thaw hawk a.

"Haw rawh!" Ka ti tuar.

"Inbia ang, lo hawng teh.. Khawngaih in!"ngenngawl zet hian a rawn tia. Ka thinlung â lutuk chuan a hmel lan dan tur a chhui thleng a, kawngkhar chu ka hawn sak lek lek bawk.

Mahse, ka rilru erawh in hawn sak a rem tilo!

"ka hmu duh lo che!' Vin theih patawp hian ka ti tuar, a duh hun hunah na tak tak in min ṭawngkhum anga, chumi hnuah inthiamlo in ngaihdam min dil leh ang maw? A teuh lo ..Vawiin ang khan ka la zak ngailo.

Ka thuamhnaw ka thlak sawk sawk a, Khumah chuan ka mu nghal tawp bawk, Ruatpuia pawh a haw tawh a niang thawm a reh leh tawh.
Earphone la in hla ka ngaithla a,
Min hrechiang hle tu a kan ngaihte hian min lo hrechiang lo hle a ni! Chuan kei hian Ruatpuia hi vawikhat pawh ka hnaih tawh lo ang. I thei lo? Ka rilru chuan rang fahran in a rawn ti a. Thinur ru țeuh in ka awm zawn chu ka melh chiam ringawt.




Ka muhil tlang daih a niang, ka harh chuan sawm pahnih a lo pel fel der tawh, khumah ṭhu chhuak in ka zi mar ṭalh ṭalh a,Ka pum ri rak rak avang chuan ka nui hak mai, inhnuai pan tum in kawngkhar ka hawng chiah chu inveng hman lo lekin ka rak chhuak țhawt!


"Enge i tih?'vin zet in kawngkhar ep a lo ṭhu chu ka au khum nghek! Ka mutthilh chhung zawng khan pawn ah hian a lo țhu char char tihna maw?



"Lo hawng tura ka tih che khan lo hawn mai tur che a nia!' Bul hmuk a tiin a rawn ding chhuak vut,A rawn din meuh chuan ka lo zam leh hle tawh.

'Ka hawn loh tur thu ka sawi reng kha." Melh rawm pah chuan ka ti hlak! Ruatpuia chu a thaw chhuak halh a.

'Kha i bag."ka bag chu rang takin ka ban a,"Ka lawm e,kal tawh rawh ." Ka ti hmak, chesawn miah lo in a dinna ngaiah la ding rengin min melh run a, room chhung ka lut bo chiah chu ka awm ah kut nghat meuh in ka thaw ham ham mai!

'Zorin, inthunun rawh, i duh lutuk tih a inhriat chuan a fiam kual reng che nga, a changin a ngaihsak che nga, a changin hmeichhe dang.. chutiang a a infiamna nih i duh ngawt loh chuan inthunun rawh' ka rilru in ka infuih mawlh mawlh a.



Vawitê khat mah hmel duh zawng leh vei zawng ka la neih ngailoh vang hian Ruatpuia zunah uai hi ka la na zual ni ber te hian ka hre țhin!


Room ațang ka chhuah leh chuan Ruatpuia chu bang nghengin thatchhe zet hian a lo ding run a, ka melh duh țhak lo! Ngaihpawimawh loh hmel fe in inhnuailam ka pan san nghal daih


"Engvanga class aṭanga rawn tlan chhuak ve ngawt nge anih le?A bialnu ṭap der kha a thlem emaw tih lai a!"
Kitchen ah lutin chhuara WaiWai chu bawm khat ka la chhuak a. Thermo a tui lum chu bel ah ka la chhuak a, wai wai chu ka chhum nghal barh barh. Ruatpuia pawh chu ka lampan in a rawn kal mek bawk.



"Zorin inbia ang." Thutak zet hian a rawn ti sup, ka lo ṭhen sak thung.

"Sawi pui tur che ka neilo!"a lamah thle hnaiin a awmzawn ațang ka ngeiawm deuh in ka nuih sawng.

"Ka tihpalh."

"Engah chuan?" Ngeiawm deuh hian ka lo ti ve thung.

"Ka ṭawng dan kha" a ti a. Hreawm tih hmel zetin hnuailam a melh ran bawk.

"Anih chu." ka ti hmak.

"Zorin, khawngaih in" min rawn melh a, a mitko thuk dak chhung a mitmu dun ruih ah chuan inthiamlohna nasa lutuk ka hmuh sak nangin ka theih anga rum in ka melh kal thung!

"Min haw hle a ni tiraw?" a ti a, thaw chhuak hawk pahin sam a tuai chho zui thuak.

"I sawi dik" min rawn en a, a insehruh țeuh chu ka khawsak dan hawihawm loh zet vang ani em ka man pha chiah lo.

" hria em? eng ang in nge ka nat i hrelo tiraw? mi zingah ka ṭhian ṭha ber lehnghal in a bialnu chunga thil ṭhalo ti ah min puh a nia !" Thinrim zet hian a au in ka au in ka hria, Ruatpuia awm ah bei chung a Jacinta min nuihsawh hmel ka mitthla tel lehlek phei chuan thinrimna vangin ka hrawk a sa hut hut.



"Ka ngaidam che. Marawh chu ka hmu leh duh tawh lo che." Ka ti sep, a inthiam lo lutuk hmel chu rei en duh loin ka inher san daih a. Ka thinlung zatve chu a nem leh der tih ka hria! Ka sawi tawh kha.. Ruatpuia zun a uai hi ka la na lutuk, hmeichhe â tak ang maiin ka chhuah phah ta bawk!




Ka thil chhuan lai chu a lo so a. Off in chesawn lo in ka ding ngawi ta reng, Ruatpuia pawh a kal sawn bik lo, khatiang a min ring thei khan min tina tak zet a ni.



Ka lam pana ke pen thawm ka hria a, ka hnungzang a za chiai chiai bawk.

"Ka tihpalh ka tih chu. Zorin!" a ti zawi ruih, ka hnung chiahah a ding tih a taksa lumna in min ur ham ham aṭang chuan ka hre thei.


"Ka ngaidam che... kal tawh ra.." ka sawi zo hman lo; ka beisei loh lutuk in ka hnung aṭang min rawn kuah a nih chu! Ka hamhaih lutuk chu ka khawng nghal at, a kut chu ka hmaah a suih bet hmiah a, ka darah khabe a rawn nghat leh a, a thaw lum ham ham in ka nghawng a tih mur uaih uaih chuan harh chhuak in ka tal nghal phat.


Mahse, Ruatpuia a chak lutuk. Ka tal nasat leh a taksa ah min kuah bet tulh tulh a, ngawi rengin kan insual ani ber tawh!


"Remruatpui ka haw lutuk che, min thlah rawh" ka ti țhawt! Ngengngul-a chu a ngawi hmuk anih chu!

"Ka sawi chu i hria em?" ti vakin a ban ah ka ham vak a.

"Thinrim chung chuan ka kalsan thei lo che." a tawp a a tawp ah ka beng bulah chuan a rawn ti sup. Min kuahna chu a ti nghet sauh bawk.

Ka thaw chhuak hawk a.

"Thinrim tawh lo la, ummm?" a aw zawi leh inthlahrung zet vang chuan ka thinlung â lutuk chu a talbuai leh der tawh.


"I thinrim loh hunah ka thlah ang che, chuan, kan inbia ang" tih leh a aia nghet a min kuah a rual hmiah. Ka thinrim tawh pawn ka hrelo! Amah ka duhna vang a tha khur leh kan taksa indeh vanga lungphu rang chu a hriat ka hlau hluah hluah tawh zawk.

"Min thlah rawh, ka thinrim tawh lo" ka ti a. Ka darah khabe nghat chung chuan a nui ri suk.

"Dawt"

"Dawt ani bawk lo" ka ti hlur. A nui leh suk a.
Ka theih ang a tam boruak hip lut in ka'n thaw chhuak ham ham a, Ruatpuia lah chuan min thlah a tum miah bawk silo. Reife hnung lam ațang min kuah hnu chuan a thaw chhuak ham ham a.

Min kuahna chu thlah in amah hmachhawn thei turin min kuai her leh nghal a, a mitmeng ti zim belh in min en chhuk nghal run bawk.

"I lungawi nan enge ka tih ang." Beidawn hmel lutuk in a ti ta thlawt.

"Min kalsan rawh, i mi ngaih dan maksak zet vang khan ka hua che!" Chiang tak in a mit ah ka en let chungin ka ti hlak, ka aw ah chuan ka inring tawk hle tih a lang bawk. Mahse, Remruatpuia hian eng nge a tih tak?



Ka kawng ah a rawn man hmiah a, nin nuih suk pahin a taksa si chet ah min pawt bet nghal hrawk, a rawn kun hniam vut a, ka meng phawk kawk hmuiah chuan inrina hman awm lo lekin a rawn fawp nghal a nih chu! Ka hîk chhuak pup a! Renruatpuia'n min fawp!



Tumah ka la fawp ngailo!


Țang țeuh in kut ka lo humruh vak vak a. Ruatpuia chuan dimte in a hmui a chet a. Hetiang hian.. inngaizawng te an infawh hian hetiang tak hian animaw lungphu a ran a tha a lo khurh țhin! Vawi leh khat ah ka ngaihtuahna ngawng chhuih chu a rawn fim kawk a, Ruatpuia min fawhna ațang chuan tal chhuah tumin ka che nghal phat, a awmah nam in ka sual let a,mahse kan in len hleih mai bakah tha ah ka hneh hlawl lo. Ka kut chu a man kawp a, ka kawngfek ah kuah nghet sauh pah chuan min fawp uar sauh.




A lungphu rang dawt dawt chuan min thunun a, ka mipa thlakhlelh leh duh ngawih ngawih in thiam tak a min fawhna chu rei ka hnar theilo chiang hle mai! Ka thiam ang in ka lo chhang let ve a. Ruatpuia chu a rum hawk, ka kut a vawn beh chu a thlah a, a ban pahnih a ka kawngah vuan chuan a taksa ah min kuah hnai sauh sauh. Rei ngial min fawh hnu chuan muang ruih in a tawp a, ka chal leh a chal a nawr sik pah chuan ka biang a rawn chul tel a.


Ka lungphu chu a ri dawt dawt, ka kawngah Ruatpuia'n min kuah tlat lo pheise chuan ka tlu hial ang! Ka thawk lak mumal lo lutuk leh ngaihtuahna bing chuk chuk chu mak ka ti a. A hlimawm ka ti tel tho.



"Zorin, ka duh che...chuan ka tihpalh.. vawiin vang khan ka tihpalh!" Ruatpuia chuan ka hriat tham lek in a ti sup, a thusawi avang chuan ka zawi nghal hnawk thei.


"Ruatpui!" Min duh tih a sawi chhuak mak ka tih em vang chuan a ban bulah ka țham chawt hial.

Ka hmui ah bawk min fawp leh in min thlah dawn chuan ka hmui hnuai chu a seh zauh a. Ka nur nghal nang, a ni erawh a nui suk a, a va han pa chiang tak! Ka mitah chiang zet a min melh run in a rawn kun hniam a.


"Ka duh che! No, ka duh lutuk zawk che, kan ințhian țhatna a chhiat phah ka hlauh vangin ka inthup țhin. Mahse, thup sen a ni tawh lo!"a aw khur ru ah chuan a zam ve hle tih ka hria a. A thusawi mal tinin min țhawn em vang chuan awm dan tur ber pawh ka hrelo!



Amah ka en theih nan ka khabe ah min vuan a. Min kuai dak salh bawk, hnaih set zawt ah rawn kun hniam in ka mitah tak min melh run a 'Zorin...keimah ah feeling i nei ve ti raw? chu chu a dik em?" a mitmeng pa zet vang chuan ka lai zo vek.



"Min duh ve em?" Ka hawi sawn tur ka khabe hmer nat salh pah chuan a ti leh sup, ka taksa chu a sa hut hut a, phurna lah zamna in min tuam mup mup bawk.



"Ka duh che, min duh em ka tih chu" a ti a.

"Nimin.. nimin khan.. Aih, min fiam kual suh. Nimin khan hmeichhe hmangaih i neih thu i sawi"

"Tunge anih min zawt lo kha ka hua che a sin" a ti a. Ka melh nghek chu pa lutuk hian min lo nuih suk thung.

"Tunge ka hmeichhe hmangaih chu min zawt dawn em?" a ti a. A mitmeng de sawr sawr leh hmelpa zet a phurna lo lang chhuak vang chuan ka thazam thleng in zu han za kual uaih uaih a mawle.

"Zorini.. kha damlo thinchhe deuh, damlo khum ah mu chung pawh a au ring thei deuh nu kha ka hmangaih" a ti sup a.


"Mimawl pa!" ka ti vak ringawt. Mit ti zim deuh sún a rei ngial ka hmai tlang a melh kual dun dun hnu chuan a nui ta suk, ka lai lutuk a lam ah sawi tur ka hre hlawl lo tih a hrethiam anih ka ring!

"Mimawl pa" a ti ve sup a, a kiai suk bawk.

"Ka duh che, chu chu mawl vang a lo nih tak leh I MIMAWLPA chu ka ni mai aniang chu" a kutzungpui a ka hmui lo nul thuak pah in a ti hluai, ka hmuiah bawk chuan a rawn fawp leh nghal zat, a hma aiin duhthawh zawk daih bawk.



Remruatpuia'n min duh! Nimin a a hmeichhe hmangaih a sawi pawh kha keimah tho ka lo ni leh zel bawk! Ka mipa duh hmasak ber in min duh thu a sawi chhuak anih chu! Ka thinlung hlim lutuk chu mihring țawng a sawifiah zawh anilo.


Min fawp mek tu nghawng ah chuan ka ban da da a, kei aiin a sang zawk miau, a nghawng ah chuan ban suih bet in ka thiam ang tawk in ka chhang let ve a, boruak ah ka thlawk del del mai hian ka hria!




"Mimawl pahnih kan ni!' ka hmaizawn a thaw lum ham ham in Ruatpuia chuan a a rawn ti sup. Ka lo nui hak a. "Mimawl induh deuh te" ti pahin a nui ve suk tho.



Nichina ka thinrimna te kha chu boruakah an thamral vek tawh.Nichin mai a min kalsan tura ka hrilh ngei khan ka hnungah nghet tak in min kuah hlu hlu a. Ka wai wai chhum chu a daih vek tawh tur thu sawiin a lo phun ve dut dut. Tun hunhi numang ani ang tih ka hlau a, Ruatpuia ka duh lutuk a lam a ka suangtuahna vak kual vel ani ang tih mawlh ka hlau.

"School ah kan let leh dawn em?" nuihza insum tih hriat zet a Ruatpuia țawng ri ka hriat tak ah chuan ka harh chhuak deuh zawk. Ka hnung lam ațang min kuah hlu hlu in ka koki ah khabe a nghat, ka thlek deuh há a. Chimawm zet hian a lo nui suk.

"I duh chuan let leh rawh" ka ti hmak.

"Nope, ka bialnu bul ah ka awm duh fe zawk" a ti a. Rang lutuk in a kâ hup sak tum chuan ka han ban nghal nawk nawk. Â leh lutuk! Ka pi te'n a țawngri an hriat te pawh a hlau miah lo mawnle!


A hmui hup sak a ka hawi kual nghal ruai chu ka ban rek ah a rawn hum a. Amah chu rum deuh in ka han melh leh vak a. Rpa erawh a nui tih hriat zet in a mit bul ah vun chuar a lang ruih.

"Mawl suh aw" ti sap in kut ka la sawn hmak. A nui ruh ruh reng a. A tawp ah chuan keipawh ka nui ve ta tho.
Eitur chu ka suak chhuak a, chair a ṭhu chungin min lo nuih ruh ruh reng a.

"Khawnge ka pi leh pu an kal a?"a bul chair ah chuan ka ṭhu a. Chhun ah khan ka muhil daih a. Ka thawh pawh khan ka hmu tawh lo.


'Kan inah a niang, zanin tlaiah chaw in lo ei dawn a." Awlsam zet hian a lo ti a.

"Maw?Engvang in?" mak ti zet in ka en heu, a lo nui hak a.

"Kan tih fo dan a lawm. A changin kan in ah, a changin i pu te in ah hian, i Pu in bawngsa a bai mek ang ka ring." A nuih pah chuan a hmuihnuai a seh leh kher, a sexy ka ti tih hi a hre ru hial amaw leh nghal?


"A ni maw!"ka ti sap a, ka Wai Wai chhum chu ka hawp a, ka lem rual chuan ka ner sawk.

'A al hle Mai..engtinnge i i ei theih zawk"Ruatpuia chu ka melh ran a,Tui tilo hmel pawh a pu lo, soup te chu a hawp ang pawk pawk a..

"I siam anih chuan a tui vek!"ka bianga rawn piai zauh in min nuih a.Fiamthu mahnise ka lawm nuam ka ti veng veng!

Chumi tlai chuan Ruatpuia te inah chaw kan ei a. An chhungkua leh ka pi leh pu te hi an lo inhre țha viau ani awm a. A pa pawh kan in ah a lo kal fo țhin, in ah ka awm chuan room ah ka tawm deuh chawt țhin a, chuvang a la inhmu lo mai mai chu kan lo ni a. An chhungkua chu an fel in an hawihawm em em a. Ruatpuia chiah hi fa an nei bawk. Thingtlang a an chhungte nula pahnih in an rawn fin a, an ni erawh college zirlai an ni tawh thung.



Pa Ruatsanga (Rpa pa) chu pa titi thiam tak mai a ni a. Ka pa nen an naupan lai chanchin te a sawi a, kan nui leh ham ham țhin a.



Chaw ei kham ah chuan Ruatpuia'n a room lamah min hruai a, a room kan luh chuan ka khek rai mai!

Mipa room dik tak tih a hriat zet in a chhunga bungraw awm ho chu rawng thim lam vek an ni! Mahse, an parda zar leh sofa a pillow cover chu rawng lar deuh an hmang thung! A zau nuam in in hi tlang chhip a awm anih vangin tukverh ațang chuan Aizawl khawpui a lang chiang ngang bawk!


"I va chei thiam ve!'ka ti a, ka awm dan chik tak a min en chung chuan a rawn nui suk a.


"Ka lawm e, lo kal teh" tih leh ka kut hum a rual zui zat, varanda ah min kal chhuah puia a. Aizawl veng tin chu a lang eng ut. Chhun eng ah aiin zanah a nalh zawk bawk, a de sep sep a. Mual awm dan zawng zawng nen chuan chhun lam a khawpui chep leh tlangpang hlauhawm zet a inbengbel kan ni tih a hriat map loh!



Ruatpuia chuan ka hnung aṭang min kuah leh hlu hlu, ka chhip ah khabe lo nghat chuan ka nui seih mai! Hetiang tak hian kan inhnaih thei ka ring chhin ngailo kha a nia! Mahse, nikhat thil thu ah kan thinlung mai nilo, kan taksa thlengin kan inpawh a, hun rei tak chhung lo inngaizawng tawh ang maiin kan la inmil em em zui.


"A nalh lutuk" ka ti a.

"Engtik nge kan len kual ang.' A hmai a ka biang lo nawr pah chuan a rawn ti a.


"I ti tak tak em?"

"Yeap, i Pu sawi dan khan Mizoramah i awm ngailo a, Chuan, Aizawl pawh hi veng la hriatloh i ngah lutuk a tia.' a nui tel tih a taksa che dat ah chuan ka hre thei.

"Min nuih kher suh!' Ka ti a, ka nghawk deuh sawk bawk.

"Nui lo" Min kuahna chu a ti nghet sauh a.
"I nui reng. E, engtik ah nge kan len ang?"
"I duh hun hun ah ni mai, zanin ah pawh" a ti a.
"Naa.. zan ah chuan rui an awm palh ang"
"Dik ve reng"
"I rui ve țhin em?" ka ti thut, Ruatpuia chu a phun nghal hluk.
"Good boy" ti pah a a bek ah ka han ben thek thek chuan ka biang ah a lo fawp zeuh thung.


Zan boruak thiang nuam zet chu hip lut ham ham in Ruatpuia awm chu ka ngheng a. A thawk la ri leh lungphu ri ringawt pawn ka lunga ti awi em em thei mai chu mak ka inti! Kan pahnih inkar hi teenage love ah ngawt a tawp mai ka phal dawn hlek lo bawk.


Chutih lai chuan ka hnung a dingpa chuan a hmuiin ka beng a rawn nawr a "Zorin ka duh che!" zawite hian a ti sup.

"A sawi leh ta" ka fiam let hlak.

"Ka duh che lawm"


"Vawiin pawn i sawi tawh kha" a lam thlek let duh miah lo a ka tih tak ah chuan Ruatpuia chu a ri meuh in a nui hawk hawk. Min kuahna kut chu ka lo hmer sak vak thung! Vawiin ringawt pawh hian min duh thu hi vawi za chuang a sawi tawh ang. Naupangchhia leh lutuk mai.


Room kawngkhar ri ah chuan kan in thlah vat a, nuih vur vur in Andy a lo lut hlawl!

"Hey, chaw ei ah pawh min sawm ve lo.' vui aw zet in a rawn ti nghal thawr, Balcony ah lo chhuah ve pah chuan Rpa nen chuan min melh dun nghal khui khui bawk.

"A lehpek ah i lo ei dawn nia" Ruatpuia'n a ti a. Andy chu a hawi tau nasa mai!

"Zorin, vawiin kha i ṭha em?"Ruatpuia nen chuan min melh tawn a. "I tlan chhuak daih a" a tih leh chuan in ka thlen hnu a thil thleng ta kha ka mitthla ket uai uai.

"Umm, ka țha" ka tisep. Ruatpuia chu ka melh zeuh a. Kan ngaihtuahna a inang tih hriat fê in a lo kiai suk zui.


"Nangni pahnih hi! ka hriat loh in eng thil nge tih in neih?' Andy chuan min mekh ta run mai! Rang fe in lehlam ka hawi nghal daih! Ruatpuia'n chhang mai rawh se.

"C'mon, in zep vel dawn maw?" a ti ta lung lung.

"Engmah a awmlo" Rpa chuan a lo ti nghut.


"In sawi dawn nge dawn lo?" A ṭawng dan te lah chu! Zirtirtu in zirlai naupang school a tlanbo chhan zawt a, vau ti tih hi a ang.

"Insawi loh na chuan aw.. ka zawng chhuak tho tho ang"

"Nih leh, nih leh, Kan in ngaizawng! A țha em?" Pakhat lah chuan a ti ta hmiah! A thup țhenlo lutuk chu a zialo lam hrat!

"Eng nga?" Mak ti fe in Andy lah chuan a ti chiam a. Ruatpuia chuan ka kutah rawn vuan in an mahni lam hawi tur in min pawt her a. Hreh zet in ka hawi chhuak zal zal a! Ka beisei loh lutukin Andy chuan min lo nuih țhaw anih chu!


"In va che rang deuh ve" mit siai zauh pah hian a rawn ti. Ka sa nghal tawn tawn thei. "Zorin, hepa hi i duh ve reng reng em ni?" ti pah a Ruatpuia darah a kuah chuan sawitur hrelo lutuk in kei ka chhuah khum ringawt. An pahnih chuan min nuih hawk hawk zui!

Ka phone ah lai chu a rawn ri dar dar a, ka bula mi pahnih te chuan min en ran a.


"Oh..Vera in video chat neih a duh a nih hi!" ka bula mite chu ka melh zawk a.
"Chhang rawh,inchhung lamah lut bawk ila."Ruatpuia chuan ka darah a rawn kuah nghal hmiah. Inchhungah lutin Call chu ka chhang nghal a.


"Misssss..... "ti lang lang in Ruatpuia khumah chuan kan ṭhu ṭhap, Ruatpuia leh Andy pawh chu Vera hmuh theih tur chuan an rawn in lan a, an pahnih hian English ah an zahpuiawm lo hle bawk. Kan ri chul hi a ni mai, eng eng emaw an inzawt a, darkar chanve meuh kan inbiak chuan room chu chhuah san in midang awmna lamah kan kal a.


"Ni, chawei ah min sawm ve lo a." Andy chuan a ti nang nang,Ruatpuia nu hi a ni a ni tih ka hre ve chiah.



Tv room pakhat zawk ah lut in movie kan en a, Andy hriat loh laiin chuan Ruatpuia chuan min rawn kuah leh zal zal țhin, Andy kan lam a rawn hawi dawn veleh min kuahna chu a dahsawn leh nghal zel bawk, in en a kan in nuih leh rih a. Movie en laiah pawh rilruah a awm lo.


"A ruka inkuah lo khan thlamuang deuhin inkuah hle hle ru !" nui vur vur chung a Andy'n a rawn ti chiah mai chu, min man chiang leh lutuk a,kan nui ta vak ringawt.


Ruatpuia chuan min kuah nghet nghal vat a, Sofa kil lamah a ṭhu a, amah ngheng turin min kuah bet a, ka darah a khabe nghat in ka kut chu a hum tlat bawk. A thawk zawnga ka nghawng zawna a thaw lum ham ham chuan ka lungphu a ti rang dat dat nangin a thla erawh a muang viau.


"I thinphu a rang lutuk" ka bianga rawn fawp zauh pah chuan a rawn ti sup, ka nui halh a. Inthup ka tum tehreng nen a lo hrepha reng sia, ka zak ve reng!

"I hre thei mi?"

"Ummm.... " Nghet leh zual in min kuah a, ka lo ip chawih thung.
A hmui lum in ka beng a rawn nawr a, ka thisen lo lum pap pap leh lungphu rang sauh chu hre thei niawm takin a nui lum deuh hawk a "Zorin, i duhawm lutuk." ka beng bulah chuan zawi supin a rawn ti a. Ka lungphu chu a chawl duk hian ka hria!

"Duhawm nu" a ti nawn leh sup.

Ka huaisenna zawng zawng sawm khawm in a lam chu ka hawi a, ka hmuiah a lo fawp nghal chawt anih chu! Andy min hmuh hlau nen, ka meng phawk kher mai!

Inla hrang thut in rang tawkin ka hawi let a! Andy lam chu ka en nghal dawrh! Vanneihthlak lutuk mai hian TV a lo bih ngur ngur thung. Thaw huai in Ruatpuia chu ka en leh a.

"Andy awm lai lai in a ṭullo lutuk!" Melh rawm pah hian ka ti sep.

"Nge ?" nui ruh ruh in min kuahna chu a ti nghet thut a, ka rak chhuak lo chauh. Hawi let in rum zet in ka melh a, a hmui hnuai petin min lo en run a, tianga a hmui hnuai a peh hian a lang sexy tak zet zel.


"Min en reng dawn nge ka fawp leh dawn che." a rawn ti mai chu tv lam ka hawi rang teh a sin!


A chang chuan ṭhian ṭha inkarah hian inṭhian ṭhatna piahlam thleng a inzawmna siam duh chang a awm ṭhin. Ruatpuia chu ka ṭhian ṭha tak a nia.
Chuan, ka bialpa a ni bawk, kan inkarah thuruk a awm theilo a, Ṭhian anga kan inkawm hun a awm a, kan inkarah induhna tih lan hun a awm bawk. Ka tan engtiklai pawh in a awm ṭhin a, ka school kal dawn reng reng in Gate ah min lo nghak a. Ka bag min lak sakin school thleng min ken sak ziah ṭhin, school velah pawh kan inngaizawng tih chu a lar nghal thuai a. Ruatpuia lah lam thiamna vang a lo lar tawh sa, hmeichhe ho in an star rawn a lo ni bawk nen min huat phah tawk lah an awm bawk.


Mahse, Ruatpuia berin min ngaihsak a, a fans te ti tawh mai ang, țawngkam ngeiawm deuh deuh a min țawng khum chang te, Ruatpuia ka phu loh zia min hrilh chang pawn thinrim ah la lo va, en liam tawp turin min hrilh fo a. A tir chuan hreawm tih a, a fans te chu chhan let mai chakna ka nei ut ut fo a. Mahse, Ruatpuia tan vek ngawih ka chuh ve leh thei mai zel.


Vawikhat te pawh ka nuamlo tihna tur in a awm ngailo a, Class ah pawh kan pahnih in kan ṭhu dun daih a, Andy leh Jacinta.

A chang chuan Jacinta hian min tihbuai a tum fo, Ruatpuia te nen a Dance group khata awm an ni a, Ruatpuia chuan ṭhian ang bak in a enlo tih chu min hrilh tawh, min hrilh mai nilo in a chet zia in a lan tir ṭhin, ka mit hmuhah hmeichhia a be ngai lo..ka hmuh loh ah pawh ka duhloh zawng a tih ṭhin ka ring lo, amahah hian ka rinna zawng zawng ka nghat.






"Dance class kal i ngaih kha.. haw zawk rawh" ka ti chiam pawn Ruatpuia chuan min hawsan a tum loh hmel kher mai. Sir Makhum a sawi ang in ka stay back a. Class room ka tihfai a ngai.


"Ruatpui, class țhulh i duh ngai loh kha"

"Ho mai mai" tih zawng a min chhang hmuk in a necktie awrh lai chu a pawt thawl nghal hrawk. "I hnufual phah dawn sin" ka ti a. A hma ah ka ding ran, ka thusawi vei loh hmel fe chuan uniform kamisz kawrkilh chu pathum thleng a hmet phelh a. A hrawk bawk langsar zet mai hnuai a a awm lo lang hiai ka hmuh tak ah chuan ka hawi sawn nghal daih. Chimawm lutuk a khi suk chungin uniform ban chu a thlep tawm chho nghauh nghauh a, min melh leh run run tawh tih lah ka en kher loh pawn ka hre hnehsawh tawh lutuk.


"Ka bianu tereuh te hian keimah vangin hremna a tawk a. Ka puih țhat viau loh chuan hmeichhe dang a insualpui leh duh mai ang"

"Eng nga?" ti vak in hmunphiah chuan ka tin uaih!

"C'mon, tifai ang le" ti hlut in ka hmunphiah ken lai chu min lak sak a. Lu thing mat mat in ka chet kum tlat tlat. A kamisz chu beng lut tawh loin a pawt chhuak vek a. A nghawng kilh hawng thawl in tie a pawt thawl huai bawk nen a lan dan chu Bad boy dik tak ani tawp mai!



"Zorin" kut phah lum thup in ka biang a rawn beng thek thek a, chungte chu ka mang hriat ruai ruai ringawt.

"Ui note mut duhnu" a nui tih hriat zet in a taksa ka nghen mek chu a nghing dawt. Ka la meng thei chuang lo. Dimte te in ka biang leh beng hnuai a chul heuh heuh a. Chumi pah chuan Ruatpuia chu a phun sup sup, a thil sawi chu hrechiang thei lo mahila *khawngaih takin* a ti sup ri erawh ka hrechiang viau.



Ka harh leh chuan ka beng zawn ah eng emaw hi a ri dawt dawt a, chiang lo zet a mengin ka hawi kual nghal thuak. Dawhkan a zirlaibu inchhap hnawk rum ka hmuh rual chuan maimitchhing leh in ka nui hak a. Ruatpuia nen lehkha kan zir dun a. Ka mutchhuak lutuk in a taksa nghen ka dil a, note ziak țha mual mual chungin a malchung ah min kuah mu mai roh anih kha.



Ka mut dan siam rem a Ruatpuia lo awm dan ka hmuh chian tak ah chuan lungawi zetin ka nui leh seih mai. Sofa ban nghengin a lo țhu awn duai a, keichu a malkar ah min lo mut tirin a awm min lo nghen tir hlan, nghet lutuk in ka taksa ah ban a suih bet țúng bawk.

Amah tih harh hlau zet in ka che sat sat a. A awm ah khabe nghat in a hmaitlang pa hrak chu ka kutțang chuan ka thai kual riak riak a. A hnar ngul sang vah hnuai a a hmui nem thep ka thai thlen chuan lei chhuah zeuh in ka nui leh ringawt! A zun a uai natzia a inhre ve hauh lo ang. A thawk lak rual a thawk la ve a, a lungphu an phur rual a ka lungphute hi phu ve thei chiah ah ka ngai hial tawh!



"Remruatpui, ka duh lutuk che" a hmai bul set ah chuan ka ti a. Ka beisei loh lutuk in Ruatpuia chu a rawn meng ta hlawl mai! Rang lutuk a thawh ka tum chu nui hawk in a awm ah min kuah bet hrawk a.

"Sawi leh rawh" a ti nghut.

"Min thlah vat rawh" ka ti tung. Ruatpui nuih erawh a za viau thung.

"Sawi rawh ka tih chu" a ti a. A bawp in min kherh bet nghal hmiah.

"A na..." ka tih vak tak ah chuan min thlah thawl a, chu chu remchang ah laiin sofa ațang chuan ka tho ta dawrh.

"Hrep a. Min bum maw?" ti hluk in kawngkhar pan a ka tlan chu min rawn um nghal zat. Min man ka hlau bawk nen chak lutuk in inhnuai lam ah ka tlan thla a, ka pi leh pu tv en pawn min lo nuihpui hawk hawk mai.




Ka pi bulah ka tawm ta tlat a, Ruatpuia erawh single sofa ah țhu run in room ah chho leh a duh tih hriat deuh hian min melh leh khui khui țhin a. Ka hriat lo der sak hmak thung.




Ka pi leh pu te pawn Ruatpuia chu an ngaina em em a. Tunah chuan kan inkawp tih kan chhungte lam ve ve in an hre tawh. Thuțha tinreng min hrilh a, nupui pasal inneih hma a hum-sual dai miah lo turin zanin pawn ka pu'n min hrilh leh nghut nghut tawh. Hetialam kawng ah chuan Ruatpuia hi ka ring tawk em em a. Tunlai chhan ah chuan high school zirlai naupang pawn sex an hmang tawh. Hei hi kan zoram ah thil thar ani tawh miah lo. Kan chhungte min zilhna thu engpawh Ruatpuia chuan a ngaithla uluk țhin em em a.



*ka nupui i nih hma chu i hmui ah ka lungawi thei ang* a ti fiam fo zel.




Achang chuan Andy te nen kan pathum in lehkha kan zir ho vek ṭhin ,ka ṭhiante ka biak apiang in a phur phurah an lo ṭang a,Sampada leh Veru pawh in fel an tih thu an sawi chamchi bawk.

Fashion show an neihna turah Ruatpuia te group chu lam tur in an sawm a,tlai tin practice an nei ṭhin bawk,keipawh in ka hman chang in an practice chu ka nghak kawi ṭhin.


Tiang hunah hian Jacinta hi a ngeiawm thiam thei em em a, min tih chhan deuh deuh in pawn lam mi lam zirna chhungah luh phal a nih loh thu a sawi ri kher zel.



Ṭum khat phei chu Ruatpuia thin in a tuar lo a "Zorini in ngaihtheih loh chuan group aṭang in ka chhuak ang, hetah ngawi renga a lo ṭhut ve pawh in hmuh theih loh chuan ka telloin kalpui ru!" ti chang rap in min kai chhuak nghal daih, kan hnungah Andy min lo zui ve zat a. Andy leh Ruatpuia hi chu a chhia ațha an an inthurual tlat reng a ni.




Chutiang a Ruatpuia thinrim hmel chu ka la hmu ngai lo, ka kut pawh a hmer na hle bawk. Step ah min chhoh pui pawk pawk a, Bazar pheiah pawh ka kut a la vuan char char, a ngawi ngul a, țawng chak hmel pawh a pulo. Kan kal pel te chuan min en zui vawng vawng hlawm a, tleirawl ṭhenkhat lah an inhrilh ru sar sar bawk.


Fb a ka profile name hria chuan Ruatpuia ka phu loh zia vel in min rawn inbox chiam zel. Tlierawl lakah ka bialpa ber a tla na miau a, thu mak pui pui ka dawn chang pah a tam! Zanin tlai a thil thleng vang pawh hian min dem zawng a keimah min rawn attract an awm leh khawp ang.



Andy te inah kan inzui lut vek a, inchhung kan luh chuan ka kut a vawnna chu a thlah ta hram. Fridge a tui la in a in nghal khawlh khawlh bawk.
Last edited by Abbra Reo Ririni on May 22nd, 2017, 11:06 am, edited 1 time in total.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » December 12th, 2016, 7:46 pm

"Ruatpui tinge thinrim ah i lak duh a .A mizia chu ka hre vek tawh a lawm,Ngaiah ka nei tawh, chuan....!"

"Mipa nise chuan ka hnek duh hial ang." Ka sawi zawh hma hauh in Ruatpuia chuan a lo ti rum ul, a hmel ah pawh a thusawi chu a ti châk hle tih a hriat theih bawk.

"Hey...keimah vangin buaina in neih ka duhlo a nia..let leh ula kei chu ka haw tlang ang." Ka nuih a, lu a thing nghut, tun ang renga a thinrim hi ka la hrelo.
"A teuh lo...Khanu khan i bulah ngaihdam a dil lo che a nih chuan ka let tawhlo ang!'a ti bul nghut a.

Andy lam chu ka va en a,tihngaihna hriatloh hmel zet in min lo en ve reng, tiang hian Ruatpuia hi ka la hmu ngailo, ka hlau deuh tlat bawk.

'Chutiang engmah a ngai lo..karleh lawk hi show in neih hun a ni tawh a,Va let leh ru!"pangngai tak chuan ka tisap a.

"A ho lutuk..kan tello in ti chhin teh se..a ṭawng tam ṭhang lutuk a ngaiah neiin kan enliam mai mai a,ka ning ve em em tawh!"dawhkan a kut pahnih a nem chung chuan a ti leh sap a.A awm dan hian min ti hlau tak zet,Min rawn melh chuan rang tak in ka mit ka la sawn nghal a,A kut lehlam chu ka lamah a rawn phar a."Lo kal teh!"a thinrim chu a inthunun hle tih a aw ri ah chuan a hriat theih.

Amah hnaih mai lo chuan ka dinna ngaiah ka ding reng a,Nui ri hak in ka lam a rawn pan a, ka kut chu la kangin a fawp a,chumi pah chuan maimitchhing nghalin boruak a hip lut vang vang bawk,a rawn men leh chuan a thinrim hmel kha a bo vek tawh.

"Min hlau em ni, ka Zorin?' chimawm ru deuh in min melh kher.
Ṭawngkam a chhanglo in ka lu ka bu nghat a, a lamah min pawt hnai thutin a awmah min kuah bet nghal hlun.

'Sorry, ka thinrim lai i hmua, midangin an ṭawngkhum lai che a lo enliam mai mai kha ka thei thlawt lo a ni" a ti hulh, dimdawi deuh in ka sam chu a chul heuh heuh a.

"Mahse...khatia thinrima kalsan kha a ṭha ber lo lawm." Min ṭan tih ka hriat chuan ka hlim lutuk,mahse Jacinta vanga a ṭhian dangten an tuar ve kha pawi ka ti.Ruatpuia leh Andy hi an former dancer an ni bawk si a.


"Ngaihdam a dil hma che chu ka let lo ang."Nghet charh in a ti leh tlat tawh, hetianga thu sawi tawh chuan a hlen ngei ngei zel bawk.

"I luhlul ve thei si, engahmah ka ngailo ka tih mawlh mawlh tawh kha" a awm zawn ațang chuan ka ti nui nui.

"Ka fawp thei che ngem?" rawn ti thut mai, ka en chho haw a, ka hmui ah a mit a fuk ngur tak ah chuan ka in la hrang nghal vat! A nui suk chu ka melh nghal kawk bawk, ka awm dan vang chuan Ruatpuia nuih chu a za tulh tulh a.

"Zorin" ti sup a lu thing nghut pahin kut chu ka kawngah a rawn suih nghala, kan in len hleih ang reng sia, ka langté chem chem in ka hre mai.


"Andy a awm hi!" ka ti tûng, Andy awmna lam chu ka en a,a lo awm tawh miah lo. Ruatpuia chuan mit min lo kan khum uk a.

"Khawnge Andy chu?" A ti kher leh nghal.

"I nghal" ka ti vak a, min melh run run pah a a nuih ruh ruh vang chuan thil thleng tur ka hrethiam vek, ka tawlh hnung dat dat a, min kuah run chungin a rawn pen hnai ve zel bawk si! Bang ka su ta dawt a, tunah chuan kalsawn na tur a awm tawh lo.


"Min tlan chhiat san rei bawk a" thinrim hmel zet hian a ti hluk kher.

"Dan chep i ni tawh" ti chhuak sup in duhthawh zeta ka hmuia fawh a rual nghal a, chhan let loh theih loh a uar in min fawp nghal ngawr ngawr a, a nghawngah kuah in ka lo chhang let ve vat a. Hetiang a infawh hi a nuam tak zet!


In la hrang in ka mitah chiang zet in min en chhuk run a "Ei zawh vek mai che ka duh!'' a ti ta hluk, ka tum lo tawp in ka nuih phah ta nghek bawk.



"Ka uang lo ania" ka bang nghen mek chu a kutin a rawn nam run, a kut lehlam erawh in ka hmai tlang a chul kual dan dan a, a tawpah a kutzungpuiin ka hmui hnuailam chu a nul nghal zat bawk.
"Hei ka ta chauh a ni tih i hria em?"ka hmui hnuai chu a pet zauh a, a kutzungpui bawk in a tuai leh a.
"Zorin ka duh lutuk che...!" ka thinlung a fan rawih rawih, min duh tih a sawi chhuah fo hian hmeichhe special tak ah ka inngaih phah țhin.

Ding dihlip in a nghawngah ka kuah a,a hmuiah ka fawp ve zeuh a.

"Wow...min fawp hmasa ve!" a ti hlut. Ka nuih a, nghal zet in min fawp leh nghal a. Kan in fawh tawh hi chuan inthlah leh mai kan harsat ṭhin.


A tuk class a Ruatpuia nen kan inzui lut chu Jacinta khan min lo pan vat a,Ngaihdam min dil zui bawk.Ruatpuia lam ka en chuan min lo nuih var var a,Jacinta chu ka ngaihdam thu ka hrilh nghala.Ruatpuia leh Andy pawh in tun tlai aṭang practice an zawm tur thu an sawi ve bawk.


Class ah chuan Ruatpuia chuan min en leh vung vung ṭhin a,Tianga min en reng hi chuan ka zam thar leh tlat ṭhin.
"Ka hmaiah thil a kai ami?' Ka ti a.
"Aih..." lu a thing zauh.

"Nih tinge min en reng a?"
"I hmel hi a ṭha lutuk a!"
"Uang lo teh!" Ka ner nawng!

"A ni a lawm..i hmelṭhat ang bawk in i rilru pawh a ṭha."
"Em em a che!"
"Tunah hian classroom ah awmlo ila chuan ka fawp ngei ngei ang che." A rawn ti a.

"Nang zet hi..vawiin nileng in i nghei ang!' Ka ti hlak.
"A teuh lo!" A rawn ti hlut a,midang ho chu kan lam an rawn hawi nghal thup a,Rum zet a melh in ka zirlaibu in a hmai ka hup sak nghal a.

"Nileng em em ka nghei duh teuh lo!"ka hriat tawk lek chuan a rawn ti sa sa a.Amah ka en chuan a lo thutak hmel ropui si..a hmui a lo tisawi bawk..

"I va naupangchhia tak!" A lu a nem lawp pah chuan ka ti vawng vawng a,ngaihdan nih loh hmel zet in ka kut chu a lo vuan bet tlat bawk.


Ruatpuia nen kan inngaihzawn aṭangin thla sarih chu a liam ve ta reng mai!Engtiklai pawh in ka hlimna tur a ngaihtuah a,tihtauh leh ka thinrim khum chang te hian ka lungawi hma chu min thlem ṭhin.A duhthusam chu Doctor nih a nia,Doctor nih a,Cancer veite a thlawna enkawl a chak ber ṭhin,Ka nih tum min zawh apiang in i damlo nih ka duh ka ti ziah a,Ka hmuiah na deuh in min fawp vak zel,Chutianga min fawh tawh chuan nangmah puitu nurse nih ka duh ka ti leh nghal chul zel.


Thawk khat lai deuh aṭang khan a taksa hi a cher reuh riau a,Chuan class ṭhulh zeuh a ching bawk.Class a lo kal loh chang chuan ka ngui vek zel.Class ban velah Andy nen Ruatpuia te inah kan kal ṭhin.Khuma mu chungin min lo nuih var var zel a,A cher chak lutuk chuan ka ngaih a ti ṭha lo!In entir tura ka tih chang apiang in damdawi a ei peih loh thu min hrilh ṭhin.

TV en a kan ṭhut changte hian min en leh vawng vawng ṭhin a,A chhan ka zawh lah hian nghet tak in min kuah a,"Ka bula i awmreng chung pawh hian ka ngai che!"a ti leh ngawt zel.

Kan inkuah changte hian min thlah mai hlau hian min kuah nghet chiam zel a,A chang chuan ka bula awm tawhlo tur ang maiin a ṭawng a, chutianga a sawi chang chuan ka ṭap leh ringawt zel ,Inthiamlo leh in ngaihdam min dil leh nge nge ṭhin.Chutiang chuan hrisel vaklo in thlakhat chu kan hmang liam leh a,A damloh chang pawh in min hmuh chuan nui hmel a pu lui hram hram zel.


Ka zingtho chu luná burin ka ṭhu chhuak a,inhnuai lam aṭanga ka pi in min au lang lang chu hria in inphihfai hmasa lo in room ka chhuahsan a,Inhnuai panna kailawn aṭang chuan ka pi chu ka en ran a.

"I nu in a lo call che a phone i chhang thei silo a.!"a ti lang lang a.
"Ka harh chiah a lawm!"ka ti vat.
"Anih chu..I tho daih tawh turah ka ngai a..I nu chu I hman hunah be rawh aw!"ka pi bawk chuan a lo ti leh a.
"Aw le."
Room lamah lutin ka intifai a,Ka intihfai zawh chuan ka phone chu la in message ho ka en a,Ruatpuia message a lo la awm miah lo,Sana ka en chuan dar7 a lo ni va tawh sia,kei aiin a tho hmasa ziah ṭhin sia.


Morning wish ka thawn ,ka nu ka call san nghal a,darkar chanve dawn kan inbiak hnu chuan kan inbiakna chu ka titawp a,Veru leh Sampada message lo thleng ve chiah pawh chu ka reply a,mahse Ruatpuia chuan ka message pawh a la seen lo reng reng,Ngaihṭha zán lo in inhnuai lamah chhuk in ka pi leh min puitu thar lo awm chu ei rawng ka bawl pui a,Kan buai atalang in chawei kham ah chiah ka roomah ka chho leh a,Ka phone khum a ka kalsan chu la in Message chu ka en leh a,mahse Ruatpuia Message reng a lo la awmlo.

Ka beidawng chuan ka call ta ngawt a,Min chhang thei bawk silo..vawi engzat nge ka call nawn tawh..Chhanna vawikhat mah ka dawnglo.Andy ka call leh a amah pawh chu ka call tlang thei chuang lo.

"Ti nge le?" Ka thuamhnaw chu thlak in ka insiam nghal sawk sawk, Ruatpuia te in lamah ka tlan nghal a,An gate chu a lo in kalh ṭhap a,Kawngka pawh tala lian zet in a inkalh bawk.
An kawtah chuan dingin ka call nawn leh a,Nichin ang bawk in chhangtu an awmlo.


Chumi nileng chuan Ruatpuia call ka chang a,Zan mut hun thleng pawh in min rawn be lo.Message thawn leh ka tum chuan ka message thawn ho kha a seen tih ka hre nghal a,Khati zozai ka call hnuah leh message ka thawn hnuah vawikhat pawh min rawn reply loh vang chuan ka thinrim em em a,Khumah chuan ṭhu chhuak in ka phone chu ka melh tlawk tlawk a.


Chutia ka en reng lai chuan a wall chungah chuan online tih a rawn lang vat vat a,Message ka thawn lehnghal a.
"In bia ang..I ṭha em?Nileng in ka be theilo che a.'tiin ka thawn a message chu a en a.
"Ka ṭha e..muttui,"tih zawng in min rawn reply.

Tunah tak chuan ka thinrim tawh lo..ka ṭah a chhuak tawh zawk,ka thinzawn a na vawng vawng a,ka message tiang zozai a chhiar hnu khan "ka ṭha..Muttui."tih chiah ka bulah sawi tur a nei a nih chu.Ka rilru na lutuk chu ka ṭap chhuak hawk a,ka hmui chu ka puansin in ka hup bet a,Ka ṭap nghal hawk hawk bawk.


Engvanga tianga awm thut nge a nih,Vawiin ah amah biak tuma ka buai zia leh nilenga amah chauh ka ngaihtuah zia chu a hrechiangtu a niang..vawi 100 dawn ka call hman tlat a ni.!!
"Ruatpui..I thinrim ami?" Tiin ka thawn leh a ka message chu a seen a mahse min reply lo.
Ka awmdan in hre duh em...!!? Ka na vawng vawng,ka thin hi a phut zawng in a sa pup pup bawk.


Chumi zankhua chuan ka mu lo a,Ka phone chu ka melh ngawt ngawt a,ka ngaihtuahna hi a buai nuai nuai vek.Tinge tianga a awm ngawt le?
Zingkarah chuan khum aṭang ka ṭhu chhuak hlawl a,vawikhat pawh ka chhing lo..ka mit chu a kham ur a,ka lu a hai deuh chhulh bawk.Mahse ka inthlak a,Ruatpuia ka hmuh ngei a ngai.


Khua a vawh ṭan deuh tawh avangin zingkar lamah chuan thuamhnaw lum inbel a sual tawh lo,Chuvang chuan tlema thuamhnaw lum deuh inbelin Ruatpuia te in lam ka pan a,an kawt ka thlen chuan beidawng takin ka thaw hawlh a.


Gate chu nimin ang chiah khan a lo la inkalh thlap..Ruatpuia chu ka call leh a pick up lo in ka call nawn char char a.Vawi sawm chuang ka call hnu pawh in ka call a chhang lo.Beidawng zet in an Gate ngheng chuan ka ding a.Enge tihtur ka hrethiam lo ani.
Andy chu ka call leh a,a chhang tawh dawnlo emaw ka tih hnuah a rawn chhang hram.
"Andy...khawnge Ruatpuia?"ka lo ti nghal tawng a.
"Zorin..."a rawn ti hap.

'Khawnge Ruatpuia ka ti a lawm?'ka dawhthei lo tawh hle bawk.

"A...Zo..Ruatpuia chu theihnghilh rawh..chu chu a duhdan a ni!'A rawn ti a!

"Maw?" Ka nui hawk a,ka nuihzat vang chu a nilo..ka thu hriatin min ṭhawn em vang zawk a ni!'
"Zorin..Ruatpuia'n amah theihnghilh tur in leh amah nghak lo tur in a duh che." A aw te chu an hla vawng vawng in ka hria.

Ka awih thei lo zawk.

"Andy infiamna hun a nih loh hi!"ka ti sep a. Hmeichhe chaklo tak ang maiin ka khur bawk.

'Zo..ka fiam lo che!'a rawn ti a, a aw ah chuan fiamthu a sawilo tih ka hria, mahse dawt nise ka duh.

Gate chu ngheng in ka maimitchhing vang vang a,ka bianga mittui luang chu hruk pawh ka tum lo.

"Anih..Ruatpuia chu ka be thei a ngem?' Ka thusawi tawp a lungchhe aw chu a hriatloh hram ka beisei,ka tlawm tak zet ani!


"Thei rih lo...Zorin..hrethiam rawh aw...kan inbe leh dawn nia."Tiin phone chu a hmet tawp a.Leiah chuan ka ṭhu hnawk a,Ṭah chhuah hawm hawm ka duh,mahse ka thei lo..ka awmah hian hnawhtu a awm..ka hrawk a na ngut ngut bawk,mahse ka mittui chu a luang zung zung thung,Ka khupah ka lu ka nghat a,ka insut hlawp hlawp bawk.


Ruatpuia te kawtah chuan reife ṭhu in ka ṭap a,ka ngaihtuahna hi a buai nuai nuai bawk,tinge..engvang nge? Engmah ka hrethiamlo.Ka hriat zawng chu tunah hian ka na hle a ni.
In lampan in ka kal chhet chhet a,ka ke pen te chu a sak ṭung thei,zingkar boruak vawt chuan ka hmaia mittui luang chu a rawn chhema,ka hmai a khing ur bawk.


"Engvanga min kalsan duh ngawt nge anih? Enge ka tihsual? " Kan inlan theihnaah chuan dingin Gate chu ka thlir vawng vawng a,in aṭanga ka chhuah veleha nui var var a ka bag min lo laksak vat ṭhinte kha..!

Inchhunga ka luh chuan ka pi leh pu ka hmu mailo ,anmahni zawn kual pawh ka tum chuang lo.Ka roomah chho in khumah ka mu nghal thlawp a,Tunah chuan ka ṭap ri thei ta! Ka lukhamah hmai phumin ka ṭap hawm hawm a,tunah tak hi chuan thih daih mai ka chak a ni.
Ka ngaihtuah let in inhauh leh intihthinrimna kan nei silo,Engkim kha a pangngai lohna ka hrelo,nge keima lamah diklo a awmloh vangin Ruatpuia kha ka lo ngaihtuah tawk lo zawk? Rilru buai nuai nuaiin hun ka hmanga,engmah lah chu chiang tak a ngaihtuah theih ka nei chuang lo.


Rilru mumal lo zet in karkhat dawn ka awm tawh,Ruatpuia number a call ka tum apiang in switch off a in ti zela,amah ngei biak a,kan inkar a tawp tih min hrilh turin ka duh!Mahse chu ka thil duh chu thleng ta se ka tuar zo meuh a ngem?


Tlai dar nga vel hian number ka hriat loh aṭang call ka dawng ṭhin a,tunah pawh chu number aṭang bawk chuan call ka dawng leh tawh!phone chu chhangin ka ngaithla vang vanga,Mahse lehlama mi chuan engmah a rawn sawi lo,a reh vung vung bawk si..ka off ta ngawt a.Chuta ṭang chuan chumi number aṭang chuan call ka dawng ta ziah a,phone leh lama mi chuan engmah a sawi ngailo,Chang leh thinrim deuh in"i mawl a mi?ṭawng nachang hrelo tur chuan min lo call tawh suh" titen ka ṭawng khum a,mahse a ngaite bawk in zing leh tlaiah a rawn call ziah,A balance tih heknan tiin phone chu off lo in ka dah reng zel,Chang leh ka zai khum vaka,Chutia ka zai chuan nui ri deuh hawk ka hre ta,Keipawh Ruatpuia'n min kalsan hnuah a vawikhatnan ka nui ve leh.Phone chu ka off hma in a off a,ka phone chu en in ka nuih suk bawk.
Mahse kha nui ri kha Ruatpuia a ni!Amah a ni!


Number chu hmetchhuak in ka call leh a,mahse switch off a inti tlat .Ka ngaihtuahna a buai leh nuai nuai tawh.Kha phone a ka ṭawng ngaithla reng ṭhin tu kha Ruatpuia a ni.


Zanlaiah ka khawsik in min ti harh a,Thlanin min lo bual huh vek,Karhnih chhung tehmeuh chaw ka ei tawhlo,ka taksa pawh in a tuar,ka mu tlem em em a,ka mut chhun pawn zanlaiah ka harh a ka muhil leh thei tawh ngailo.


Chumi zan pawh chuan damdawi eiin khumah chuan ka let kual sek a,Ka khawsik ai chuan Ruatpuia ka ngaihtuah zawk..Tinge tianga a awm le?
Zingah chuan number ngai aṭang bawk call ka dawng leh a,Ka pick up rual chuan "Ruatpui..nangmah i ni tih ka hria!'ka ti nghal tawng a.Lehlam aṭang chuan thaw ri hawk ka hre thei,Mahse engmah a rawn sawi lo.

"Ruatpui..ka ngai che sin..Ka be thei silo che a..nangmah vangin ka damlo a nia!"ka mittui chu hru in ka nui lui hak a.
"I ti mah mah...chhan awmlo a min kalsan ngawt i tum hi a fair lo.'"ka ti a, ka lung rawn chhe lutuk avang chuan ka in hnit nghal hlawp hlawp bawk,lehlam pawh chu a reh tlawk tlawk a,Engemaw tal sawi se ka va duh tak!

"Ruatpui...ka nghak dawn che..ka nghak dawn tho tho che!" Ring tak hian ka ti nghek a.
Ka phone chu hmethlum in ka hmai chu ka kutin ka hupa ka ṭap nghal hawm hawm bawk. Hetiang reng reng hian ka tlawm ngailo..mahse ka mipa hmangaih hi chhan awmlo in ka hlat ngawt dawn lo.


Ka room kawngkhar rawn ri rak avang chuan ka mittui ka hru hul a,ka room a rawn lut mek chu ka melh tlawk tlawk ringawt.

"Zorin..Ruatpuia i hmu duh tiraw?"Andy chuan ka lam a rawn pan a.


Ka hmuh chak zia chu ṭawngka hian a sawifiahzo lo..Ka lu ka bu nghat nghat a.
"Engkim hmachhawn tur in inpeih la...insiam rawh..kan kal dawn nia!" A ti hap a .
Ka ṭhutna aṭang ka tho a,Andy chu ka pan vat a.
"Andy..Ruatpuia awmna I hria maw?ka lawm e..ka lawm lutuk!'' Ka hlim lutuk chu ka hamhaih vek zawk.

Andy chuan ka kutah a rawn vuan a"Zorin,Min en rawh!" a thutak kher mai! Amah chu chiang zawk in ka en a.

"Ruatpuia hi a hma ang kha a ni tawh lo a nia." A hma aia thutak zawk chuan a ti a. A thaw chhuak nghal hawk, kei chuan a thusawi leh tur nghak in amah chu ka lo en ran thung.

"Zorin, Ruatpuia hian thin cancer a nei!"


Ka thin chhung ah hian silai mu an rawn kap lut sawk maiin ka hria, ka nghing lawih a! Engkim chu a tawp duk!

"Hrilh a tum țhin che. Mahse... .." nghilh dup chungin Andy țawng lai chu ka melh mawlh tawp! A thusawi ri ka hre thei tawh lo a... *Ruatpuia hian Thin cancer a nei* a tih ri chu ka beng chhung ah a ri nawn tluk tluk. Andy ka darah a rawn sawi rual chiah chuan khawvel ah ka let leh ani ber!

"Zorin, chak tak a i awm a țull a nia" ka lungphu a rang nghal dawt dawt! Ruatpuia hi cancer maw?Nge ni a ka hre sual zawk.

"Andy...uan na hun a nih loh hi,Ruatpuia bulah chuan min hruai vat teh." Mangang tak hian ka ti nghal tuar.

"Ka uang lo.. Karhnih chhung kha Chennai a cancer hospital ah a awm a lawm, nimin khan Mizoramah an rawn let a..nilo..kan lo let zawk!" Min en a, Ka â mai dawn in ka hria. Ka Ruatpuia'n cancer natna a vei maw?


Andy chu ka melh tlawk tlawk. :prank: tia a rawn au chhuah thut te ka ring a! Mahse, rei ngial chiai ru lutuk a ka en ngawt ngawt hnu pawn fiamthu thawh hmel a pu chuang hauh lo!



"A bulah min hruai rawh..khawngaih in!"


_______________________Reo__________________________
Ruatpuia te in kawtah chuan kan ding ran a,Boruak a tam thei ang ber hip lutin ka'n thawchhuak ham ham a.


"Kal ang le..!"Andy an a tih chuan huphurh tak leh phur ru tak siin inchhung lam chu kan pan a,Nu Thanpui'in min lo hmuh chuan min lo be vat a,A ni pawh chu a lang cher dak bakah mut a kham lo tih a mit hnuai val kalhah chuan a hriat bawk.

'In chung lamah han chho ru..ei tur ka rawn chawi chho ang!'a tih chuan Andy nen chuan Ruatpuia room lam pan chuan kan inzui chho a.Ka thinphu a rang dawt dawt a,Ka thihna tur pan ang maiin ka hlauthawng a,Ka taksa a khur bawk.

Ruatpuia room zawnah chuan kan ding dat a.

"Va lut rawh..nakinah ka lo lut ve ang.'Andy chuan a ti sap a,Ka lu bu zauh in room danga a lut chu ka thlir zui a,Kawngkhar hawnna chu vuan in thawk ka la leh te te a.
"Zorini ka ni..ka ti thei !'Kawngka chu ka kik dat dat a,Kawngkhar chu ka hawng nghal bawk.

Room chhungah chuan muangchangin ka pen lut a,Khuma lo mu mipa ka hmuh rual chuan ka kehsawm vek! Rang lutukin ka kâ ka hup nghal chawi! Ka mittui luang zung zung kar ațang chuan ka thawm hria a thei leh thei loa Ruatpuia rawn inbeng kang țawk țawk chu ka hmu phe ruai bawk!


Engtin nge hetiang khawp hian a taksa a chhiat theih?



"Ruatpui!"

Ka ṭah chhuah mai loh nan ka hmui chu ka pet fan fan, theileh theilo a a ban cher riak a min ban ṭawk ṭawk tu lam chu panin ka tlan nghal rawk rawk! Aa kut cher riak ka hum sak rual chuan ka baw chhuak hawk a. Mahse, rang lutuk in thawk ka chelh a, a kut cher leh hit thler chu ka hmui a nawrin ka inseh ruh ngawt ngawt mai!


Amah hi ka Ruatpuia, lamthiam leh mipa harhvang tak kha a ni si maw! A mit a khuar dak a, a taksa a var piap bawk, a cher in nunna nei hmel pawh a pu tawh lo..ngati em em nge.? Karthum pawh a pumhlum hma in tiang em em hian a danglam theih?




Chau tih hriat lutuk a min en in harsa ti zet in a rawn nui lui sak. Ka mittui chu dan tum eng ang mahila ka thei lo. Ka hrawk chhung chu lungchhiatna in a hnawh tawt vek!



"Ruatpui ka ngai lutuk che a sin, ngatinge min biak duh miah loh" ka ti țíau, hreawm tih hmel deuh a mit a khap chuan insum hman lo lekin ka in hnit nghal hlawp hlawp,ka lungdam hlawl lo!

Hetiang em em hian ka Ruatpuia a damlo tih ka hre har lutuk hi pawm thiam har ka ti!



"Zorin, kei hian sin ngai che!"Ka kut chu a hmer salh a, tha a neih loh zia chu hrilh nawn ka ngailo, ka Ruatpuia lamthiam leh harhvang tak kha khawnge a awm tak?


A ban zawi tak chu rawn chet in ka bianga mittui chu a rawn hru a,amah chu khawngaihna nen ka melh tlawk tlawm. A kutṭang cher riak chuan ka hmui a rawn nul a, A kutzungpui in ka hmui hnuai chu a chul dan dan,"Hei hi keima ta chauh a nih hi!"tia in la thu zet a ka hmui a khawih ṭhinlai te kha ngaihtuah let in insum leklo in ka ṭap leh hawk hawk. A va fair lo ve! A fair lo tak zet! Ruatpuia hian eng nge a tihsual a, hetiang tak a natna rapthlak hi ngahnge a tawrh bik?



ka biang a vawnna kut chu vawn hnan in thawk ka la vang vang a. Muangchang a kun hniam in a hmui hil bal chu ka hmui in ka zuk nawr sak a, ka mittui chu Ruatpuia biangah a far fap fap bawk.



"Misual pa..engmah hrilh tlakah pawh min ngailo!" Ṭap ṭiau in ka ti a,Ka thinlung tawt lutuk hi ka puak darh dawn in ka hria.

Ruatpuia chuan a kut in a beng a pawt zauh.

"Ka thinrim rei ngawt ang!" Ka ti a.
A kut la kangin a aia rei zawk a beng a pawt leh a, a awmah beiin ka kuah nghal thlawp!Ṭawngkâ pawn min chhang peih tawh lo chu a nia.

Zawite te in ka darah chuan a beng thak thak a.
"Lo mu ve rawh!"

Ka en chuan min lo nuih sak , khum awl lai chu a beng thak bawk, Amah tihnat hlau zet in a bulah chuan ka mu a,a kut cher ṭhiak tawh chuan ka biang a chul heuh heuh a,keipawh in a biang cher dak tawh chu chul kual in ka țah insum zetin ka khur leh hlawk hlawk țhin.

Ka mumang anih te ka ring rum rum.


"Zorin, ka hmangaih che!" A rawn ti a.

Awm hnaih sauh in a hmuiah ka fawp vawng vawng, sawi tur tam tak ka nei,mahse enge sawi hmasak tur ka hre lo.

Room kawngkhar rawn ri rak ah chuan thawh ka tuma,mahse Ruatpuia chuan min kuah bet nghal tlat. Nu Thanpuii lo lut chu in thlahrung deuh in ka lo en a,a ni lah chuan min lo nuih vur vur thung.


"Zorin..i lo kal chu a lawmawm lutuk..damdawi ang maiin kha i rawn ti harh sawng sawng a lawm."A rawn ti zung zunga,Tuna Ruatpuia awmdan hi a harh lai a nih chuan engtiang takin nge a awm ang le.?


"Hei..theitui leh eitur hi in peih hunah lo ei ru aw."Tiin min chhuahsan lehnghal a.

"Ruatpui..tinge engmah min hrilh ve loh a?"ka ti a.

"Tun ang chiah hian i na dawn tih ka hriat vang a lawm!"a aw te chu a ri ṭawk ṭawk.

He pa tak hi chu aw...Amah nilo in kei a ni natna khuma a awmlai pawn a ngaihtuah ni! Nghettak in ka kuah vawng vawng tawp.


"Min kuah chung hian ka muhil dawn nia!" Meng diar diar in a rawn ti a. A biangah chul in a chalah ka fawp a. Ka kuahna ka ti nghet sauh bawk.Reilote hnuah a thaw ri sak sak ka hre zuia,A muhil hmel chu ka thlir ngawt ngawt a,ka ṭah rik mai loh nan ka kut ka hum ruh a!Tuna ka awmdan leh ka rilru natna..Ruatpuia ka lainatna te hi khawvel ṭawng hian a sawifiah thei lo.Ka hriat awm chhun chu ka na..ka taksa chhung hi a na ngut ngut.

Chumi ni chuan nileng takmeuh in Ruatpuia te inah chuan ka awm a .Tlai ka haw tur chu Nu Thanpui'in kawt thleng min thlah a,ka kut ah vuan in min en vawng vawng a.

"Zorin..Mapuia hian a hmangaih lutuk che..Mahse..tunah hian hun a nei tam tawh lo." Aw khur dar dar in a rawn ti.
"Nu Thanpui!"

Ka kuah thlawp a,ka zak buai peih tawh lo,Nu Thanpuii pawh kei ang tho a hnem ngai a ni,Nghet tak in kan inkuah a,A fapa..ka hmangaih ni bawk chu kan bulah rei a awm ve tawh dawn lo.Ka nat ang tho in Nu Thanpuii pawh hi a na ani!.


"Kum khat kalta aṭang khan Thin Cancer a nei tih kan hre tawh a,in enkawlna pawh kan la reng a,Mahse tunkum khan amah hi a ṭha in insawiselna a nei ta meuh lo,a changa a khua rawn sik zauh ṭhin kha a ni deuh mai .Mahse a....langlo lamah khan a lo thawk nasa em a ni! Hmanzan in in aṭanga a lo haw khan a thin hi na a rawn tia,a pa hospital a ala duty lai ania ,ka hruai phei nghal a,Mahse Mizoram ah chuan tihtheih kan lo nei der silo a, A zan a zanin Emergency Flyte kan la a Chennai lamah kan thlawk thla nghal a!' An hun tawn hrehawm zet a sawi chhuah avang chuan a hmel pawh chu a danglam vek bawk.


"Test kan neih khan..Aw ..ka fapa..I ṭhianpa chu last stage a nih tawh thu leh chemo khai pawhin awmzia a neih tawh loh thu min lo hrilh a,a result vel chu kei ngei pawh in ka en...Tihtheih engmah ka nei lo a ni!" Boruak a thawchhuak kawk kawk a,Nu Thanpuii Doctor nuisang ṭhin hmelah khan natna leh beidawnna chiah ka hmu a ni.

In ka thlen chuan ka pi leh pu chuanchawei an lo tum chiah a,an bulah chuan chaw chu kil ve in ka ṭhu ran a.Mahse engmah ka eilo..ka chaw chu ka hawlh kual vel mai mai.

Ka phone rawn ri dar dar chu chawei lai pawh pawisa lo in ka la kang a,Andy a lo ni.
"Hello..!.

"Lo insiam rawh..Ruatpuia hospital ah an phur , ka rawn lam ang che.!" Phone ka lak rual chuan a rawn ti a.

"Maw?" Ka au chhuak vak mai.

"Zorin... Ruatpuia..Ka lo thleng vat ang."a aw a mumal biklo.
Phone chu ka off a..tihber tur ka hrelo..ka rilru a buai nghal nuai nuai ..Ka pi leh pu chu thil awmdan bah nuaih in ka hrilh a,Ka roomah chho in kawrlum ka ha a,ka bag chu ak in ka tlan chhuak nghala,Gate ka thlen rual chuan Andy chu bike in ka bulah a rawn ding chawt a.

"Lo chuang rawh..hun kan nei tawhlo a nia!"Bike hi ka ngaina lo..mahse tunah chuan tihtheih ka neilo..rang takin in ka lawna,Andy chuan a theih anga chak in a khalh chhuak nghala.Ka bianga mittui luang chu thlithaw in a chhem a ,a vawt nghal sung sung bawk.

Hospital kan thlen rual chuan bike chu hungṭha in kan tlan lut nghal a.ICU lam chu kan pan ding nghal bawk.

"Zorin...a nghak reng che!'A ṭahna vanga mit sen vek in Nu Thanpuii chuan min lo en a.

"Hmu lo che a kal a duh lo a...!"a ṭap nghal hawm hawma,Pa Ruatsanga chuan a lo kuah nghal vat bawk.

Ka va hamhaih tak em!


Nurse chuan Apron ang deuh pawl lianzet hi min hak tir a,ka hmai khuhna tur hmai tuamna leh kut kawr min pe a,ICU kawngkhar chu a hawng a,Muangchangin ka pen lut a,Ruatpuia hnar leh awmzawn velah chuan thil an lo vuah fur a,A bula monitor chu a kiu ṭat ṭat bawk.

Khum chu muangchangin ka pan a,Ka hmangaih kal mai tawh tur chalah chuan ka fawp a,Muangchangin a rawn meng a.A mit aṭang mittui a rawn luang ngiai ngiai ka hmuh chuan vih sawk ang maiin ka na!


Doctor niawm takin a kâ leh hnar a thil vuah chu a lak thlak sak lai chuan ka hmai tuamna chu ka hlip a, Ruatpuia chuan thawk a la ri nghal hrawih hrawih mai! Chutiang khawp a ka hmangaihna tuar hmel chu tih theih pakhat mah nei siilo, tawm chawi chawi chung hian mittui nen ka thlir tlawk tlawk mai!



"Ka hmangaih, i lo thleng ta..Tunah chuan ka kal thei tawh a ngem?" Harsa ti hmel zetin a rawn ti chhuak hrawih!
*kal maw?" Mangangna in min rawn tuam mup a! Kal min dil maw?

"A theih lo, khawiahmah min kalsan suh!' Mangang lutuk in ka ti tuar, khawiahmah a kal ka phallo! Thei leh thei lo a nui tih hriat lutuk in Ruatpuia hmai tlang chu a nuih suk chang a a chet dan in a che deuh a! A tello a khawvel hmang turin ngaihtuahna ka seng chhin ngailo a sin!

"Ka hmangaih, ka kal rem ti hram rawh" Ruatpuia min ngenna zet chu! Ka kâ hubbet in lu ka thing nawk nawk, chauh hmel tak hian a thaw țawk țawk a! Chulo.. thil dang... thil dang engpawh min dil se, ka tih sak em em ang! Mahse, a kal hlen chu ka rem ti ve lo!

"Zorin?" chelh tawh lo tur a min duhna mitmeng dul zet a min melh leh meuh chuan ka â lo chauh tawh!
Last edited by Abbra Reo Ririni on May 22nd, 2017, 12:11 pm, edited 1 time in total.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » December 12th, 2016, 7:50 pm

Tunah tak hian min puitu tur ka va mamawh tehlul em!! Ka hmangaih Ruatpuia hi tu emaw talin min tihdam sak thei lo em ni?



'Zorin, ka hmangaih che" harsa zet in a rawn ti ṭawk ṭawk a, a awm a sêp dawr dawr bawk.



"Ruatpui, keipawh in ka hmangaih che! Chuvang chuan khawngaihin min kalsan suh, min kalsan miah suh aw" tiin ka ngen lawm lawm a, ka mangan zia leh hlauhthawn zia hi khawvel ṭawng hian a sawifiah zo lo ang.




Nu Thanpuii chuan ka darah a rawn khawih a. "Zorin, i ṭhianpa hi kaltir tawh mai rawh, a natna hian a ti rethei e mai!' Rilru nat hmel tak hian a rawn ti vawng vawng a. Ka awm chhung chu hlauhna leh manganna in a rawn tuam hlup hlup a! Ka... Kum khua a hmu tawh lo turin ka hmangaih hi ka kal tir ang maw??




Mahse min kalsan ka la phal ve lo.



'Nu Thanpui, ka la phallo, khawngaihin khawiahmah kallo tur in min hrilhsak zawk rawh!' Ka huaisenna zawng zawng sawm khawm in nu Thanpui chu ka ngen tung! Lalpa ka mangan zia hi i hmu ti raw? Min țanpui hram teh. Ruatpuia thaw ri hrawih hrawih chu mittui tling khat vek chungin ka melh a, a mitmeng vai ruai in min zawng ang hrim a thei leh thei lova min rawn melh țawk țawkna te chuan a tan tih theih neih ka chakna a tipung a.. eng emaw.. eng emaw tak tih theih ka duh! Thihna nen an insual lai pawh a min rawn melh țawk țawk tu hi tinge ka hmangaihna vang hian a dam theih lo!
Ka taksa chhung hi chem hriam tak a zai thler duai duai ang mai hian an na vin ngut ngut.


Monitor chu a kiu vawng vawng a. Ruatpuia marphu chu a tlahniam nghal zawt zawt bawk! Doctor leh Nurse rawn tlan lutin Ruatpuia awmah chuan an rawn nam a. Kilkhat aṭanga ka hmangaih taksa a thlarauin a chhuah san mek chu ka thlir vawng vawng, a kal ka la phallo, a la reilo a, a bula awm ka la khan lo bawk, ani nen sawn hmalam hun tur ka suangtuah a sin... a bulah sawn sawi tur tam tak ka la nei, s awi tur ka la ngah lutuk! Ruatpui kal suh! khawiah mah kal suh!



Ka ṭap chhuak hlawp hlawp a, ka awm chhung hi na ngut ngut in a tawt up up.


"Ruatpui, reilo te, reilo te min la nghak teh!" Ruatpuia awmna pan chuan ka tlan let rawk rawk. Reilo te hnuah a mar chu a rawn pangngai deuh a. Chupawh chu hniam tak a ni.



Ruatpuia kut chu ka vuan a, azawi hniang tawh!

"Ruatpui ka hmangaih che, khawngaih tak in i awmna a ka lo kal hunah min lo hmuak ang che aw. Min lo hmuah dawn loh chuan tunah hian ka kaltir lo ang che!" Ka rilru mangan zia hi tuman min hriatthiam pui silo, tu emaw tal hian ka Ruatpuia hi min chhan sak thei hram se!



"Min lo hmuak ngei dawn em?Khawvelah awm dun theilo mahila vanramah tal chuan awm dun ka duh! Min lo hmuak ang ti raw?" Țap țîau in ka hmangaih chu ka en a, a mit aṭang mittui a rawn luang ngiai ngiai a. Amah chu hnaih in a hmui hil bam ah chuan ka fawp a.




"Min lo hmuak ngei ang chen Vanram ka lo thlen hun ah ka rawn zawng hmasa ber che nga, ka kut i lo chelh bawk ang, chu chu i tiam em!?' thin na vawng vawng in chu zawhna chu ka zawt leh a.


A mit aṭang chuan mittui a rawn hnàm chhuak leh ṭiam ṭiam a. A mittui hmang in min chhang chu a ni ta ngawt mai sia aw!!

A tawp nan a hmuiah bawk ka fawp a. "Ka hmangaih che, kal tawh rawh, i thutiam hrereng ang che!"Chu thu ka sawi zawh rual chuan Monitor chu a rawn chik ṭat ṭat a, khawl ah chuan number in ziak tawh lo in a inrin phei nghal zai zai a. Ruatpuia chu a kal ta!






Ka hmangaih taksa zawi vek tawh chu ka kuaha ka ṭap hawm hawm, tumah ka zah buai peih lo, tu mitmei mah ka veng lo bawk. Ka hmangaih ka chan ka rilru a mangang em a ni!!!?




Ka dar rawn vuan tu chu ka en a "Mapuia chuan a lo hmuak ngei ang che, a hmangaih ber hi nghakhlel takin a lo thlir reng ṭhin ang che!"


"Nu Thanpui..." ka kuah a insumna reng telloin kan ṭap dun hlawp hlawp, Pakhatin a fapa a chan a keiin ka hmangaih hmasa ber leh ka ṭhian ṭha ber ka chan bawk! ka thinlung hi a kehsawm vek! Ruatpuia kha a kal phallo in lo vuan reng pawh ni ila a na tuar kha a nasa em si a ni! ka thusawi min chhan letna atan mittui a hmang kha chuan min tina vawng vawng!



"Ruatpui ka hmangaih che!"


__________________REO________________________



Ruatpuia thih aṭang karhnih a liam tawh a,Ka khawvel chu ka room chhung zimte hi a ni mai..ka chhuahsan ngailo..Ruatpuia nen kan nunhlui ngaihtuah let in hun ka hmang a,Mumalin engmah ka ti ngailo..ka pi leh pu pawn min enliam mai mai rih.

Ka phone rawn ri dar dar chu la kang in thawk ka la hlah a,Nu Thanpuii a lo nia, phone chu ka chhang vat a.
"Zorin..vawiin chu rawn leng ta che..Mapuia room ka haia i thil tur a tam mai!" A rawn ti sap a.

"Aw le..ka lo kal ang."

Phone ka dah rual chuan ka mittui chu a rawn luang nghal zung zung a.
"Ruatpui..I sulhnu chhuiin hun kan hman a ngai ta si a!"

Nu Thanpuii chuan Ruatpuia roomah min hruai lut a,room chhung ka pen luh rual chuan nunhlui bawk in min tuam a, room kil tin chu ka melh kual a, ka hmangaih hlimthla tal ka thinlung khawhar zet chuan hmuh a beisei a! Mahse, a zalna hnu khum ruak huai te, a games khelhna computer leh headphone te.. a sulhnu bak hmuh tur ka nei silo!



"Hei..a diary.. Chuan hei a Tablet..I ta tura a tih a niang...lo kawl ṭha rawh." Nu Thanpui chua Ruatpuia thil ho chu min pe a, muangchang in ka lo ban a.


"Aw! Mampui a va lungawithlak loh ve...Zorini hi i hmangaih hle si a..enteh I hmangaih a lo kal hi..I lo lawm dawn lo a em ni?" Nu Thanpuii chu min kuah chungin a rawn ṭap chhuak ta hawm hawm a, ka insum thei bik lo..Nu Thanpuii chu kuah letin ka kawchhung khur hlawk hlawk chung hian ka hmangaih hming chu ka lam ve a

Ruatpui, tia ka auh chang apiang a min chhang let țhin tu kha ngaiin au mahila a sulhnu bak chan kan nei tawh silo! A chang chuan Pathian lak ah ka vui lek lek fo, ngaitinge khawvel mi tam tak zing ah KA RUATPUIA kher a hruaibo bik...




In ka thlen chuan ka roomah Ruatpuia thil ho chu ka luh pui a,Khumah chuan ṭhu in Diary chu ka keu a,Ruatpuia kutziak ngei lo lang chu ka awmah pawm bet in ka ṭah pui leh hlawp hlawp a."Ruatpui... Ka ngai che e mai..I bulah min hruai ve mai rawh!"




Dairy chu ka keu a, phek tin deuh thaw ah ka hming a chuang a, a diary chhung ah chuan kan pahnih chanchin leh awm dan hlir a lo ziak!


"Vawiin chu Zorini a titau a, a tihtauh hian ka mangang tak zet zel! Ka â tak ngial dawn!"


"Vawiin lam kan zir zo chu ka chau hle mai.
Oh..Zorini message a lo thleng..ka chauh a reh nghal sawng sawng."


"TV enin kan ṭhu dun a,ka Zorini tereuh chuan ka awm nghengin min mutthluk san hmak...
Chutia a muthilh lai reng chuan a rawn ṭawngvai a..ka lo nuih suk..a thusawi ka ngaihthlak chuan ka nui tawp chiang hle.."Ruatpui min kalsan suh..ka bulah awm rawh"..tiin a lo phun chhuak niah niah a. Ka thin zawn a na nghal rawih rawih, nghet tak in ka kuah a, a ṭawngvai pawh a reh nghal hmak. Zorin...he khawvel piahlamah ka la kalsan dawn si che a tih chu ka hmangaih muhil hmel thlir chungin ka phun chhuah pui sup! Cancer ka neih thu ka hrilh ngam thlawt silo! Tinge he nu hi ka lo tawn, a ni hi lo tawng lo ila chuan vui miah lo in he khawvel hi ka chhuahsan thei mai tur."





"Lalpa..ka telloin Zorini hi engtinnge a awm ang. Hei aia rei ka hmangaih kiang ah awm min remtih sak hram ta che"




"Zorin...zorin.. Hmangaihna tluantling ka zawhpui thei dawn silo che a min ngaidam rawh aw"


Ruatpuia chuan a thih hma pawh khan min lo ngaihtuah lawk vek tawh...a thuziak chuan min ngai thar em em bawk.Ṭap hlawp hlawp in ka chhiar a,keiin ka lo hmangaih aia nasa in min hmangaih tih pawh ka hriat belh.


Phek tawp lam ka keu chuan ka ṭap ri hawm hawm tawh...keimah vangin Ka Ruatpuia khan thih a lo hreh zia leh min ngaihtuah vangin Pathian hnen ah hial hun pek belh turin a lo dil tak ang țawk țawk a! Phek tinah ka hming a chuang a, a thinlung neitu ka nihzia he diary chhiar tawh phawt in an hai theih lohna tur khawp in ka hming a thai lang hnem hle bawk.


"Zorin...he thil hi i chhiar chuan keichu leihnuaiah ka awm tihna a ni tawh ang..Chuan ka ngailo bikah che lo ngai suh aw..ka ngai lutuk che... I bulah hun tam zawk hman theih ka va chak em!


Zorin... Ka natna chungchang ka hrilh loh che vangin min dem em..mahse ka tum ṭhin asin...vawi engzat nge Cancer ka nih thu hrilh ka tum ṭhin che,Mahse min kalsan ka hlau em a ni!Ni e..ka hma ka sial vangin ka zep a ni.


Tunah te hian he ka taksa a cancer natna hian min ei ral mek a..Thawk ka lak zawnga na ngawih ngawih ṭhin te hi tuar zawh loh chang ka nei ṭhin...mahse chu tih laia i nui hmel ka hmuh apiang in ka chak thar a, na ka tawrh laia ka ngaihtuahna ah nang ka dah tlat chuan ka na te pawn min kiansan ṭhin...Zorin ka hmangaih che...hei aia tam hrilh theih che ka duh...


Ka chau hle mai..Zorin..ka awmna i lo thlen ve hun tur ka lo nghak reng ang.. in Gate pawn a ilo chhuah hun nghakhlel taka ka lo thlir ṭhin ang khan pialralah pawh ka lo thlir reng ang che..He khawvel ah chuan ka ta i ni thei ngai dawn silo...An sawi pialralah tal chuan ka ta ka nih tir ngei ang che..

Lalpa.. Zorini nen hian vanram ah tal chuan min awm dun tir ang che..Vanram ah tal.!!!."



Ka lukham chu mittui in a far huh vek tawh..ka hnar a ping vek bawk.

"Vanram ah chuan i ta ka ni ngei ang...kan inṭhen tawh lo ang..ka vuan tlat tawh ang che..Ruatpui ka hmangaih che."


Tablet chu la in ka enkual a..kan pahnih thlalak mai bakah ka hla nalh tih hmanga video a siam a lo dah ṭeuh a.Video pakhat ka mit la deuh tu chu ka play a.


Screen ah chuan ka thlalak a rawn lang a, Ruatpuia chuan aw a thian kharh a.
"Hei ka hmangaih Zorini a nih hi..Zorin ka hmangaih che... A hmelṭha in ti em? Aw...ti khan a thlalak hi lo en mai mai ru..ka ta a ni tlat!"


Ka nui chhuak hawk a,A video ṭhenkhat chu ka enkual a, a chang in ka ṭap a ,a chang in ka nui bawk.
Hmangaihna thawnthu zawng zawng hi a tawp dan a hlimawm vek ṭhin siloh a.



Kum 9 a vei leh meuh chuan Ruatpuia damlaia a nih tum Doctor tih kha ka hming bulah a awm ve ta va a,Ruatpuia duhthusam a lo tih hlawhtlin theih loh chu tih hlawhtlin sak tur in Thlatin Cancer vei te tan Free clicnic ka hawng ziah a,Khawi hmunah pawh kal ila Ruatpuia thil min hnutchhiah tello in ka kal ngai lo.


Ka nunah mipa dang tumah ka luhtir theilo..a chhan chu ka Ruatpuia'n min lo nghah reng vang a ni..Min nghaktu nei reng in mi thar ka la lut duh teuh lo mai.


THE END



He thawnthu hi kum 6 liamta a min boralsan tu Remruatpuia hriatreng nan ka hlan e.Ruatpui I ṭhiante hian kan ngai che..kan ngai che tih hian a sawifiah zo lo.Vanram a kan in hmuh hun chuan i chhansen loh zawhna ka zawt leh ngei ang che..ka zawhna hmasa ber tur chu i lo inrin lawknan ka hrilh hmasa ang che!


"Remruatpui,Engvanga kha thil kha ti nge i nih?' Heihi min chhang hmasa ber tur in ka duh che.


MIN CHHIAR SAK AVANGIN KA LAWM E.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)