THE STORY OF MY LIFE ( Full version) BY Abbra Reo Ririni Khiangte

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

THE STORY OF MY LIFE ( Full version) BY Abbra Reo Ririni Khiangte

Unread post by Abbra Reo Ririni » January 23rd, 2017, 7:45 pm

A hmasa in phone aṭanga type ka nih avang in thumal diklo a awm nual ang, chhiartu te hriatthiamna ka ngen hmasa e.( Ngopa hi kan khua dik tak a ni bawk e!)


THE STORY OF MY LIFE
(Full version)
By
Abbra Reo Ririni Khiangte(PitarteiSualfingi😈)


Written in these walls are the stories that I can't explain
I leave my heart open but it stays right here empty for days
(One Direction)


"Mate, lo hawng teh?" Ka mipa aw hriat ṭhan zet chuan pawn lam a țangin min rawn au a! Ka room veranda kawngkhar chu a in chum ri leh dat dat ṭhin! Ka meng dawn a, mut chhuak bawk in min zem leh nghal zel bawk si!


"mate" dêt dût mai! Thinur hlur in puan in ka inlukhuh nghal hmiah; zan muttui laia inkaihthawh thinrim thlak zia chu tupawh in kan hriat ṭheuh ka ring.

"Mate, ruah a sur dawn, lo hawng teh"
Kum 20 chuang a aw ka hriat ṭhan em em chuan a rawn ti leh dût. Tho lo pawh ni ila rawn luh dan kawng a dap char char dawn tih ka hriat avang chuan lukham a hmai phum pah chuan thinrim țûnin ke ka leng ta nghek.

"ruah a sur dawn ka tih chu.." pawnlam a dingpa lah chuan a ti bul bul reng a.

"HEPA zet hi zawng; a zia a sim thei ngai dawnlo anih hi!" Ṭah vak mai te ka duh! A vawikhatna mai a ni lo, weekend apiang in tiang hian a rawn awm ziah.

"Khawpui a ri ṭan, lo hawng vat rawh" ngenngawl lutuk hian a rawn ti chuai ruih! Keia thinrim a belhchhah zual sauh bawk nen ke ka leng leh nghek! Diktak chuan kan inbul chiah hi an in a nia, tunah hian ka room veranda a ding a, min au dut dut lo hian an inah pawh a kal thei reng! Mahse, a nu leh pa duh loh zawng bike intlansiak na ah a tel chang apiang in an inah haw ngamlo in ka bulah a riak ziah!

"Oh! Bike intlansiak!"


Tak zet hian! Khum aṭang chuan ka inperh tho at a." A chaklo khawp ang " ti nui nui pah chuan Veranda kawngkhar awmna lam chu ka pan hlak hlak, fur khaw vawh lai a ni kher bawk nen pawn lama mipa chu ka ngei hlur! Veranda kawngkhar lock chu ka hawng a, ka nam hawn hma hauh in a lo pawt hawng nghal pawp.


"I va rei ve? Ruah in min nan huh vek se i duh em ni? " rawn pen lut but pah chuan ka ṭhianpa awm ṭha duh lo zet chuan a ti hluk, ka lo melh vak vak a, ka khum a pan ding nghal thawr leh ta nghal ah! Thil a tam bawk nen rang zetin kawngka chu ka kalh ṭha a, ka inher let chiah min lo nuih suk tu chu engkhaw sawi set set lova pan pheiin a dar leh ban bul vel ah ka beng nghal pawp.

"Eng nge?" nui suk suk inn a lu chu a tuai a.

"Zanlai ah engvanga min ti harh ziah nge i nih?" ka beng leh tur chu a lo indang zûa. A kawr ban pilh phung ka hmuh rual chuan tawp chawt in amah ngaihtuah zet chungin a bul ah ka thu thla nghal dawt.



"Mawla, insualpui i nei leh tawh em ni?" ka ti nghek, hmui ti sawi hmuk a a ban bul a thlek vut chu bulawp khawp ben leh mai ka duh rûm rûm.

"khawi ka lo en ang" tih leh a Jacket hak lai chu ka hlih sak nghal bawrh bawrh.

"A na! Mate, dim deuh rawh!''

A lo ner sawk sawk, keihi chu ka che hi a ni ve dêm dêm lo, mipa ang deuh phulh hi ka ni! Ka tomboy tihna a ni miah lo a nia!
A jacket ban ka pawt chhuak chiah chu ka tim sawk thei!

" Damdawiin ah kal ang!" ka ti tuar! A jacket chu chhuat ah ka theh hlawm tawp a, a na dawn lutuk, a ban ah chuan ka chelh a, a banbul chu a duk chur bakah a kak duai, nilo chem hriam deuh a zaina a ni! Hliam dang a neih ang ngem tih ngaihtuah in ka lungphu a rang zui dawt dawt.

"hmun dang ah hliam i nei em?" ka ti ruai a, a dul thlur leh hnungzang vel chu ka en kual nghal ruai ruai mai.

"A mangang leh ta chung e." a lo ti bung nghut, rum zet a amah chu melh in ka kut ka hum ruh a. "Ka mangang chhete lo" ka ti ta nghek, a kiai suk a, ngei zet in ka melh ta nghek thung! Min kan ngaihtuah ve em em a!

"A thlen dan min hrilh loh chuan Nuteii(A ma nu) ka hrilh dawn!"

"Ka hrilh hma che in hliam tuamna tur hi min lo lak la!" a ti sup, then sak a a banbul a melh tak ah chuan hmanhmawh tak in ka thuamhnaw bawm ka hawng a, ka towel thleh ṭhat sa zing a pakhat chu la chhuak in a ban tuam nan chuan ka hmang a, a nat dawn teh reng nen, nichin te khan ka lo beng vak vak a!Ka van mawl tak.



A hliam kan inbuaipui zawh chuan ainla na nei deuh hian a rum deuh nghut, Ka ngaihsak nan lem a chang tel pah tih ka hretho nangin a hliam kha a na dawn tih ka chian em a, ka nuih pawh a za lo. Pheikhawk a tlawh phelh a, khum a a mi kai tur chu ka pui nghal sawk sawk.

A tih ṭhin dan bawk in khum a teddy bear lian deuh ka mutpui ṭhin chu a theh thla nghal tawp, khum chu ka mutna tur in a beng zui thuk! Ka teddy bear a paihthlak avanga melh rawm rawm pahin a bulah chuan ka mu ve nghal ta tho.

"Sawi tawh rawh le!" ka ti a! Saisir zawngin kan inhmachhawn ran, amah en kiau chung chuan ka khap fak fak a, reilot chhung chu ngawi ngul min melh run run phawt a. A hliam neih chhan hi min hrilh lo a nih chuan Bike intlansiakna ah a tel tih nutei ka hrilh nghal a ni mai!


" sawi vat rawh" ka ti hlak. Min melh run run lai chu a nui ta suk.

"Min hau miah suh aw?'' ti sup in ka Sam chu ka beng ah a rawn zep a, a sawi tan hma tak tak chuan a ban nalo lam chu min lukham tir a. A tih fo dan in ka beng a khawih tel zui zat. kei erawh a thusawi tur chang in ka lo meng kiau thung.


"Bike intlansiak naah ka tel leh a." Inthlahrun hmel deuh in a tisup. Chu chu veranda kawngkhar pawn atang min lo koh rual khan ka ring nghal hmiah tawh.

"Chuan?''

"Ka chak a."

"Chuan?"

"Kan college Queen kha tu in nge date thei ang tih kan inchawia, ka chak sia, kan intlansiak pui zing a pakhat khan a lo la na deuh a, kan intibuai mawle!" awlsam zet in a ti nghut. A ler lutuk rah chhuah a nih chiah chu!


"Chuan, chemte in a vit che a?" ka zawhna vang chu nihmiang a nui ta hawk hawk, a nuihna chhan tur ka hre miah lo.

" sawi vat teh, tuinge bit che"

"Mate" nuihzat insum zet in lu a thing nghut. "nang ṭhin hi chu aw! Min vit lo, a chemte ken in min vai fuh palh a lawm. mahse, tha ah min hnehlo hrim hrim a, an tlanchhe ta vek" a sawi awlsam lutuk chu ka lo chet khum tlak tlak thung.

"Police man tir ang." Ka tih chuan ka chalah a rawn tauh fawk, na ti zet in ka chal chu ka hup zui tâwk.

"Police inrawlh nan chuan a ho lutuk! Ka ching fel vek thei alawm!" a ti nghut, min tauhna vang a ka chalna ka tuai vat vat chu mahni inrintawkna a khat mitmeng chuan min en nghal run bawk.

"A lo nih vel chu!" ti hmak in in leh mai ka tum a.

"Hey ,ti khan awmlo teh, naktukah min tanpui a ngai dawn nia!" a ti a. Min thlem pah in ka biangah a piai tel hram.

"Eng nge ni leh tawh?"

"Aww, Chu Ahmangaihi chu nangman min biakpui ang, in class a in ang a, in inzui ve thin reng kha." a mitmeng ler set chu hmeichhia a sawi rual in a de sawt sawt a ni ber.

"Muhil phawt ang, zingah kan sawi leh dawn nia!" ka maimitchhing nghal hmak a.

"Promise em?" a la ti hram.

"Promise."
"good girl" a tia. A nui suk tih meng leh tawh kher lo mahila a taksa nghing che dat atang chuan ka hrethei a.
"Mittui suk suk MATE" zawi lutuk in a ti sup, ka chal ah a hmui lumin a rawn nawr nghal zat bawk.

"mittui"

"I mumang ah min hmu rawh aw" a tia. A nuih a zat hmel viau bawk. Chhang tawh Len lo chuan a kawngah ka kuah a, ani pawn a tih fo danin ka hnung a beng nghal dat dat a.



Lalruatdiki ka ni a, ka țhiante leh chhungkhat hnai te chuan Adik tiin min ko mai țhin. Mahse, ka u leh ka best friend Zodika chuan Mate tiin min au mai thung. Tunah hian Mizoram hmar chhak lam a khaw pakhat; Ngopa khua ah kan chhungkua in kan khawsa mek, ka pa hi Doctor niin ka nu hi chuan hnathawh a nei lo, ka unaupa neih chhun hian High school ah zirtirtu hna a thawk mek bawk.





Mihring nun ah hian midang hriatpui miahlo a thil thleng a tam em em a, țhenkhat chu nangmah hring tu i nu leh pa te chiah in an hriatpui chi te, thenkhat chu i țhian țha ber in a hriatpui che a tawk mai te pawh a awm! Mahse kei chuan ka nu leh pa leh ka unaupa neih chhun, ka bestfriend pawh tiam in, an dam chhung leh ka dam chhung pawh a an hriat ve chiloh thuruk pakhat ka nei! Ka best friend in a hriat loh kan chhungkaw li (4) chiah in a kan hriat theih thuruk pawh ka la nei fan! Ka best friend lakah thil pahnih(2) ka zep tihna anih chu!





Zingkar ka harh rual chuan keimah chauh in ka mu lo tih bawp lian leh rit zet in min khan bet tlat a țang chuan ka hre nghal zat, Ka taksa mu chuah chuah vang chuan ka ner nghal sawk, min khanna bawp chu dah sawn sak ka tuma!

Ka rei! A rit lulai lutuk! Fanghmir in sai chawi sawn a tum ang mai hi ka niin ka inhria!

Ka dah sawn theih ngang loh avang chuan beidawng zet in a muhil thawk la chu ka thlir ta zawk a.

Ani hi Zodika a nih ber bur hi! Kan hmingah 'Dik' tih a tel ve ve a vang hian kan tetlai chuan kan invelh țah phah țhin! Kan țhenawm chiah hi an in a ni a, Apa hi Contractor lian tak leh lar ve tak a ni, anu thung chuan BDO lamah hna țha tak a chelh ve bawk! Fapa mal a ni a, kei aiin kum khatin a upa a, chu kum khat lek a a upat vang a min nau chei em em țhin lawi hi ka ning hle zel bawk.




Naupan tet atang awm dun a, puitlin kawng zawh chho Kan ni bawk, a tello chuan engmah ka nilo, amah pawh hi ka tello chuan eng teh ual a ni bik lo.



Amah ah hian hmeichhia te duhthusam chu a kim vek! A sang țha in a pa lian em em a, a pian in khaithli nalh zet hi ka awt viau zel. A dar ka chen pha tawk tawk. Vun ngo tih aiin a vun rawng hian uk sen lam a pawl zawk, a mitmeng rum leh melhna zet hi hmeichhe tam zawk a hipna a ni daih bawk! Chutakar ah an la hausa tel cheu a, Sports (A bik tak in basketball leh Racing Bike ) a thiam em em a, college ah pawh boruak a nei lian hulh hulh hle! Hmeichhe lakah a tlak nat zia a hre chuang bawk a, in lak cool hun te hi a hre chat chat lutuk ! A bu ang thlap a ni mai!



"dang a vo duh ve" meng hlek loin a rawn phun chhuak sup. "Mate, tui i inchhawp em?" tih zawm sup in a rawn meng a, ham zui hawk ha a zi mar nghal ur it chu Ka melh rum ngang mai.

"zingkar atang a te a te in min melh leh ta khai khai e"

"Min khan tawh lo teh_!" Ka lo ti hmak, a nui suk a, engmah sawilo in min khanna bawp lian zet chu a la sawn a, ka taksa a na thum hman tho!

"Ka taksa a khan vek" ti hlak in a malpui ah ka beng thuk, min tiatpui khan ve vak a! Ka sil phah vaih chuan a chaklo nasa ang.



"Vawiin chu?" a ti sup,ka en vat a. A muzangthal duai, a kutphah pakhat chu a chal Chung ah nghatin a lo maimitchhing vung vung a. Ka chhan loh vang a nimahna mut khan lo tih hriat zetin a rawn meng chhuak leh a. A saisir nghal zat.


"mate? vawiin chu..."

"Eng nge?" a sawi tumhrelo derh mak in ka melh ha bawk, a hmel awm dan tur ka hriat chak vang a ni! Ka hlawhtling ngei bawk, Zodika chuan chal a chuar tup a
' kei zu in zawk pawh in ka theihnghilh lo a laiin i theihnghilh tih sawi hlek suh' tih melh tak hian min melh ta khui. Ka hawi a lui telh telh chu thawk min lak khum ta hawk.

"I hrelo hman maw ?" Lungawilo hmel deuh in a ti hmuk! Ka nui chhuak ta hak hak a, Ka fiam tih a inhriat tak ah chuan ri fawk khawp in ka chal a rawn pen kawrh.

"bialnu neih loh chu i hlau maw?" ka ti a. A meng dur khui chuan ka nuih a tiza zual tulh tulh.
"Min fiam kual hi nuam ti viau lo teh!" a ti bung nghut.


"ok, thil pakhat min tiam la?" a mit ah tak ka en kal a.

"Eng chu maw?"

"Sunday zan leh zel chuan bike intlansiakna ah tel tawh lo la."

"Min lo cho tu an awm chuan a loh theih loh thin a lawm."

"Anih chuan Ahmangaihi chu ka biaksak malek ang che" ka ti khum nghat, ka tho tur chu min pawt let dawrh a, Ka lukham ah hnehsawh zetin lu ka nghat fel leh der. A malpui in min khan ber zui hmiah bawk.

"sunday zan ah Ka chawl tawh ang, a țha em?" min nui suk a, hmeiche dang in a chhelo an lo ti sup sup pawh hi a lo awm a ni e, ka țhianpa a ni hi ka inchhuang ngawih ngawih.



"eehhh, ahmangaihi chu i lo duh viau a ni maw? i thil ngainat ber pawh chawlhsan i huam ania?" Ka tih chuan lungawi lo zet in a kut țang in ka chalah a rawn nawr vak anih chu.

"Ka chal ah min kawk ziah suh ka tih Ka tih kha"ti pah in luakham ka chuh a, ka hlap nghal pawp, a chang chuan keimah aiin a san zawk vang hian Ka phone te min laksak a. ka ban phak loh ah keng kang in inla sang tawk hian ka chuh tur kha a kuttang lek hmangin ka chal ah min nam tung tung thin.

"min kawk leh dawn em?" ti hlurin a hnung zang ah ka hlap ri awk awk. Zodik a erawh anui hawk hawk.

"Nangni pahnih kha in bengchheng lutuk! I pa a la mu, inhnuai ah rawn chhuk rawh u." room ah ka nu a lo lut a.

"nizan I pa a duty chau si, thawm insum lo e mai" a ti zawm zat.

"thingpui ka lum fel vek tawh, inhnuai ah chhuk thla ru" ka room parda inzar nawr hawn pah chuan a rawn ti lang lang, luakham chu ka paih tau nghat. Zodika chu chhuat ah a thu hniam thla vut a. Rum deuh in ka melh tak nangin mit a rawn siai tak suk ah chuan rang lutuk in a hnung ah chuan ka lawn nghal tharh.




Kailawn ah min paw thla a, mi tupawn Zodikna nen hian unau ni tur ah min ngai deuh vek. Keipawn u ang leh thiam angin Ka en ve mai a. Min nau chei uchuak thin erawh ka ning leh thut zel. Kan in ah a rawn tal tam a, keipawn an in saw ka in ang chiah in ka en bawk! Kan nu leh pa te ve ve pawh hian min en hrang lo, kan pian ve hma pawha lo inkawm țhin an ni a, Zodika nu leh pa bulah hian ka nu leh pa laka ka pangchan tluk zet in ka pangchang ngam ve hle bawk, Zodika'n pianpui unau a lo neilo leh zel nen! Kei hmeichhia ka lo ni leh zel a, Ka duh tawk in an lakah vuina ka thlen ngam.




In hnuai kan thlen thlak chuan ka U gym kal pawh a rawn haw chiah, a ni hi zawng a taima in taksa a enkawl uluk viau, mumang ramah ka la chhen veng veng lai te hian Gym ah thlan tla hluam in a lo va insawi zawi tawh țhin.

ka pa ang mai a palian a, thlamuanpui tham khawp in a zaidam ruih bawk, a țawng tam lo, a aw kâ chhuak hi a aw thum dut vangin a ri chhuak chang viau. marawh chu a theih tawp a aw kâ damin min be thin, min duat tih ka hriatchian em avang hian kum20 ni ve ak tawh mahila ka pangchan khum chiam zel.

"Morning Mam" (U Mama)

"Morning"

"Theitui nge soya milk?" ka ti a. Zodika hnung atang ka chhuk thla tharh bawk.

"Soya milk zawk aw." chaw ei dawhkan ah a tui bottle dah pah chuan a ti a. chanchinbu chu a ban nghal zat bawk

"Zo.. nang?" Ka u thutna bul a chair pawt chhuah pah chuan chimawm deuh in a nui deuh suk.

"Green tea"

"Hmela, Green tea kan nei lo."

"Humm.. mi hausa in ren chhungkua leh lutuk mai."

"Pet chhuah nghal i duh loh chuan hei in rawh" Ka tihmak, U Mama in ang soya milk chu ka pe a, sawisel hreh deuh chuan a in ban ve mai a. Zu leh beer aiin hetiang hi a hrisel zawk fe.


"I ban kha engtik a i hliam nge?" Ka pa zing rawn tho chuan Zodika ban chu a rawn hmu nghal chat. Zodika chu a meng buai nak! Ka chhan nguar ang, amah in insawi fel rawh se! Amah pui tur in min duh tih hriat zet hian gas thuk awmna ngheng at a ka ding chu min rawn en a, ka en țha duh der silo! A hmel chu hmuhnawm tak a ni mai!


"insualna ah i tel ve leh em ni?" a ep ah thu pahin ka pa chuan a ti leh nghut.


"Aih, Ka tai palh anih hi." a ti sup. ka pa en chuan ro Fe in a nui a.

"nakin ah ka en sak ang che. Tun ang khua ah hliam buaipui that loh cuan a pun chiam duh a nia" Zodika thusawi rinhlehna nei miah lova ka pa tawng chuan min nuih tir thut! Ka thil in ka phuh chhuak teuh kher mai. Ka pa chuan phawk zet in min en a, Zodika lah chuan 'Nangmah vanga min hriat chhuah chuan i chaklo ang' tih melh hian min lo melh nghal hrawk bawk.

"Ka hritlang dawn niang!" ti sap in nuihza insum zet hian choka lam toilet ah chuan ka lut bo ta daih a.





College pan in Zodika bike chuan kan inphur chhuak a, Bike khalh ah kher kher chuan a ni tluk a rin ka neilo, step chhuk zet ah pawh min tlanpui se, a khalh a nih phawt chuan ka chuang ngam! Bike khalh a control kual vel chu a hnehsawh zawng tak ani a, chak deuh a min tlanpui chang te hian nuam ka ti viau zel. Mahse midang khalh ah chuan ka chuang duh miah chuang lo!


"Saw, Mate a lo kal!" ka beng bulah a rawn phun sup. Ka bu nghata, Bike ațang kan chhuk rual chuan Kan lam pana Ahmangaihi lo kal chu a melh ru zauh bawk. mahse, ngaihsak lo ang deuh in a awm nghal hmak thung! In lak zei a tum dawn a ni phawt mai!

Ahmangaihi hi kan College Queen a ni a, a sang in a chhelo ngang bawk, a pian leh hmai sin deuh rat hian a tilang nu hnap a, a nungchang a mawiin a zaidam tel cheu, college a rawn lut thar te hi a kawm nel hma em em a, thuamhnaw zahpuiawm khawp a themnem a inbel ngailo, a incheina engkim a in hmeh a, a sam sei hnap leh a inchei dan simple tak si țhin te chuan mipa tawh phawt chu a hip ni mai in a lang! He ka țhianpa bike lawm tak pawh hian bike intlansiak aiin a thlang riap reng a nih kha!


"Adik." Ahmangaihi chuan a rawn ti a, nalh zet anui sang kan awmna pan chuan a lo kal nghal zat. Ka theih tawp a nalh a ka inchei ve pawh hian, a ni ho lam tak a inchei hi ka tluk thei miah lo, hmeichhe vannei tak chu a ni! chu a chhapah a la fel em em lehnghal.

"Ahma, i lo kal fuh lutuk." Ka ti a. Zodika ka melh pah kher.

"ti maw?" hmel nung sar in ka bulah a lo ding fel der.

'Kawngtluan in i chanchin kan rawn sawi a." Zodika chu ka melh zawk a, a nula hipna tactic bawk a lo apply ve mek, bike ngheng in cool zet in a ding ngawi run a, Ahmangaihi nui hmel a hmuh te chuan a la meng de ang sawr sawr a! Nasa lutuk mai.


"Ka chanchin maw?"a ti sep, a meng buai ve nak bawk.

"Ni chiang e, he pa pui hian i chanchin min zawt sek mai!" Ka tih rual a Zodika hmel ner sawk chu ka hmu hman, 'he pa pui' tih kha a duhlo a ni ngei ngei ang.

Ahmangaihi chu a lai ve deuh a niang, za vaklo in a nui a, ka banah a chum taih bawk. Keia sawipui ngailo hian an mit meng a țang ve ve pawh hian an induh tawn tih te chu a lang vek si!

"Kal ang u." Ka tih chuan min zui ve mai a, class kan pan lai chuan Zodika chu an lo en zui leh dauh dauh tawh; Ahmangaihi pawh mipa tam zawk chuan an suangtuah zui leh ngei ang.


Zodika chu an class ah a lut hrang a, Ahmangaihi nen erawh kan subject lak a in an miau vangin kan inzui ta zel.
Chhunah chuan thil ei tur in kan chhuak ho a
"Chance min pek nachang i hriat loh vaih!" Zodika chuan ka beng bulah a rawn ti sup. Ka thle bak a, Min lo melh chhuk run tawh, Ahmangaihi nen a fal a awm a duh a nih chuan ka awm tir em em ang.
"tehreng mai" ka tia a. Mit ka siai nghal zeuh.


Eitur chah hma si chuan thil tihtur pawimawh ka nei anga insawiin ka kal hrang ta nalh. Ahmangaihi chuan a awih loh hmel viau. A hrethiam tho chuan ka ring.

Hmanhmawh tak anga lang in ka tlan chhuak dawr dawr a, mi hmuh theih loh chin ka thlen chuan ding meuh in ka nui ta hak hak.

"Eng tihtur mah ka nei der silo.. Ka riltam a sin leee" ti nui nui in canteen lam chu ka thlek dauh dauh. An pahnih khan an thu kur awm sia.. va luh leh kha a rem țui tawh bawk silo, thaw hak in corridor ațang chuan campus chu ka thlir kual vang vang a. Nikhat lek rilțam te zawng, ka tuar chhuak thei em em ang.



Campus zau leh fai hun ah chuan ka kal kual a, Zodika nen kan inkawm chawt avang hian țhian dang tumah ka neilo! An hming a koh theih pawh ka nei chuang lo! Chutia hmelhriat ka neilo lutuk chu ngaihtuah let in ka inhum ruh ta țeuh. Zodika a awm loh chuan maltlat tawp ka hmabak zel tawh dawn anih hi!


Ka kal kual zela a, Kan College hi building thar a ni a, GOV. NGOPA COLLEGE tih niin zirlai 400-500 vel kan awm, Sawrkar lam in Ngopa leh a bul vel a khaw awmte tan a a rawn din a ni. Engkim a changtlung in Hostel pawh mipa leh hmeichhia awmna a hran ve ve in a awm, Ngopa khawchhung mi nilo zirlaite tan bik a siam sak an ni! A hmun hi a nuam in far thing leh nawalh thing a ding khup a, pangpar leh April kung lian tak tak in compound chu a hual khup bawk. A bik in Ngopa khua hi Mizorama khaw fai ber lawmman lo la tawh khua kan ni a! Khawchhung leh a vel hi a fai in ramngaw pawh kan la nei țha hle. VCP leh YMA a ding tawh tho nangin Valupa kan la nei a, Valupa la damte chu khawtlang hruaitu lam pawn zah tak a rawnin Valupa thu angin tui tla/ mibo zawn leh thil tam tak chu kalpui a la ni zel bawk.




Basketball khelhna lamah ka lut phei a, ka țhiante pahnih chance ka pekna lamah keimah leh keimah ka intihbuai phah vek. Basketball chu mi tlemte hian an lo practice a, a sir velah chuan mi tam vak lo an țhu bawk. Kei pawh chu mi awm lohna lamah țhutna ka rem a, ka earphone la chhuak in ka iPod ah chuan ka vuah lut a! Ka favorite song "Somebody wants you ~ Enrique" hla chu ka play a, cemet bang hit raih chu hahdam zet a nghengin ka maimitchhing ta vang vang.


He hla hi middle school kan kal lai ațang a ka duh bur tawh kha a nia, a tir kha chuan a sa tupa hmelțhat vang in ka duh țhin, tunah chuan mipa pakhat vang in ka duh tak zet tawh, ka ngaihthlak apiang in chu mipa chu ka ngaihtuah a, suangtuahna ram nuam tak ah chengin ka suangtuahna lalpa kut chu ka chelh sak țhin. Chu ka suangtuahna ram ah chuan a tak ramah thleng ngailo tur thil tam tak ka thlen tir a. Ka suangtuahna ram ah chuan..... ngaihtuah zawm ngamlo in ka inseh ruh nghal țeuh!


"Adik, i suangtuahna ram ah chuan i thu ber a lawm, khawvel a thleng ngailo tur thil tam tak i thlen tir thei bawk, khawvel hi i lakah nunrawng viau mahse i suangtuahna ram ah chuan nunrawnna in hmun ang chan loh kha... i duhtawk in i suangtuahna hmangin hmangaihna thawnthu din rawh, i suangtuahna ațang a pút ru dawn hleinem" keimah leh keimah chu ka inhnem a!


Nie, khawvel hi ka lakah a nunrawng tak zet!

Ka lakah a nunrawn em avang in ka ta nitur a ka duh ngei pawh ka hnaih ngam loh phah a! Khawvel nunrawng zet vang hian a lawm ka suangtuahna nen a inkawm nuam ka tih tak em em ni!





Hla tawp hnu chuan muangchang in ka meng chhuak riai riai a. Mahse, ka hmai bul hnaih set sawt a min lo bih run tu vang chuan inthunun hman lo lekin ka au tuar! Ka phu nghek bawk! Thla nei ila chuan ka thlawk sang viau ang! Chupa lah chuan min la nuih tak ang vur vur zui.



Nelawm loh tawp a melh khai khai in earphone chu ka la thla a, a nuih ka tiza tulh tulh emaw leh nghal ni.

"Nuih za ka siam lo a nia." Ka earphone bawk chu ka bengah ka vuah leh hmak, a nui chu a tawp tawh. Mahse, kal mai lo in min en tak run avang chuan ka mit a ti kham tak zet! Tuna a thil tih zawh chiah kha khawvela ka thil huat ber a ni tih a hrelo a ni ngei ang! Ka thiltih laklawh laia min ti buaitu an awm hi en liam mai harsa ka ti țhin!

"Eng ngei duh" chang fak in ka ti hmak, ka earphone chu phawiin ka hla play chu ka off a, ka zial țha nghal malh malh a, bag a ka khung leh thleng pawh chuan ka zawhna a la chhang lo, ka en chho ha a, thawk ka la hawk bawk, a țawngthei lo ah ka ngai ta hmiah.


"Ka kal a nge." nuih lui sawng in ka ding hluai a, a la țawng chuang lo, pawi tawp lo, țawngtheilo țawng tir tum phet chu a harsa awm e!



Court ah chuan kawngkharpui lanin Ka kal hnak hnak a. Court chhung dai raih ațang chuan class lam ka pan leh chhat chhat bawk, Zodika te kha an zo tawh a ngem le! Ka riltam tawh zia lah chu!



Engmah ei lo a, a tana ka inpek na vang tal pawh hian a insawi lut ngei ngei tur a ni!

"Hei i phone a ni em?'' Ka hnung ațang rawn țawng thut tupa vang chuan rang lutuk in ka hawi let dawrh, ka hma ah ding a ka phone keng mek tupa vang chuan ka ang ta phiau. Min melh run chungin rawn pen hnai a, a dar ka chen pha vel țawk.

"I ta a ni lo maw? Ka nei mai dawn sin" ka phone chu lek kangin a thlek thuak a, nuihzat hmel deuh in min melh chhuk leh run bawk.

"I țawng thei elaw?" ka ti ta phawng, insum hman lo lekin a nui hawk a, rang zetin a hlat thei bar ah ka lo ding ve vat thung.

"Ka țawngtheilo tih an sawi em ni?" a la nui chur chur.

"Sawi nang!" Ka chhang rang mah mah.

"A țha e, mahse hei hi." Min melh run chungin ka phone chu a lek kang vut.
"Oh, ka lawm e aw" ti a ka ban chuan ka lak phak loh turin a dahsang daih anih chu!

"Hey.. min pe vat teh" Rilțam tawh nen a inhmehlo khawp mai.

"Ka țawngthei loh kha engvanga ring nge i nih?" Nuihza insum tih hriat zet chuan a ti a, ka ner khum nang a.

"I phone hi ila duh chuan lunch min lei sak thei!" Ka hmai zawn ah ka phone chu a rawn ti che vut vut a, a sawi zawh rual chuan a kal nghal daih leh nghal. Zaklo ti lutuk hian a tukhum chu ka melh vak vak ringawt. Zaklo ka ti tak tak!


Ka zuilo tih hria niawm fahran chuan a ding dat a, a rawn hawi ler ruai ruai bawk.

"Lo kal ta che, nge i phone hi i duh tawh lo zawk em ni?" ka phone bawk tih chet zeuh pah chuan a la nui cheu zui. Ngei viau mahila ka phone chhartu ani miau sia, phur lo deuh in a lamah chuan ka kal phei ta hnak hnak. Țullo lutuk in a bul ka thlen rual chuan ka pum a rawn ri rak rak anih chu!

Mit-hmul ti kang uk a min melh chuan zahvang in ka kun ta ngal, ka țhianpa ler uchuak-a vang vek!

"Zawhte rilțam pumpui thawm chu a ring reuh hle mai" a ti a, a nui hawk ri ka hriat rual chuan ka banah a rek ah a rawn man nghal hmiah.

"Hey.. min khawih suh" ka ti țhat, ka theih ang a rangin a kut min vawnna chu ka paih thla lawp bawk. Rum deuh hian ka melh chho a. Mak ti hmel a pu deuh.

"Ka tina dawn lo che, i ril a țam chuan min lo zui rawh!" ti sup in ka ban lo man tum chuan a rawn che leh zuau. Mahse, rang deuh ka hnung lam ah kut ka thukru nghal daih. Lu thing nghut in ka kawr hak lai darah chuan a rawn pawt a.

"Tihian a țha em? I taksa ka dek lo a nia" ti nghutin canteen awmna lam ah min pawt kal nghal dat dat.

Diktak chuan ka pa, Ka u Mama leh Zodika te pathum tihloh mipa dang bulah ka awm ngailo, ka phone chhartupa nen kan inzui ringawt pawh chuan saltang ang maiin min inngaihtir a, ka chep țún.



Ngaihzawng hi ka la nei ngailo hrim hrim! Ka luck loh bik vang pawh a nilo, ka hmel pawh chhe zawk zawk a nilo, mipa min be ve rengtu te pawh an awm! Mahse, ka dan siam list ah ngaihzawng neih a awm ve lo! Ka dam chhunga ka nuna thil thleng ngailo tur chu, ngaihzawng neih leh pasal neih!


"Țhu rawh le" a ti a, țhutthleng ah chuan min nam țhu dat, thuawi deuh chuan ka țhu ve mai a, hall chhung ka melh kual thuak chuan Zodika te an awm tawh lo tih ka hre nghal zat bawk.


"eng nge i ei duh?'' ka hma a țhutna a rawn țhut pah chuan a rawn ti a, basketball thuamhnaw( jersey) a inbel dan ah a khel ve țhin anih ka ring ngawt; Kan college hi a len tham avang in mihring kan tam ve a, tuma hmel lah ka lo chhinchhiah ngai silo! Amah pawh hi ka vawikhat hmuhna.

"Rice"' a lo ti hmuk, a nui leh ringawt bawk, Ka phone chu min pe mai lo chuan order siam tur in a kal daih anih chu!



Tray in eitur ho chu a rawn chawi phei a, dawhkan ah a rawn dah rual chuan ka rice tur chu ka lo ban vat a, engmah pawh sawilo in ka ei nghal bawrh bawrh, Zodika te vang vek ! Tiang teh hrep hian ka ril a la țam ngai lo.

"Ka ei pui lo ang che, muangchang in ei rawh." a rawn tih chuan tlem chuan ka ei buan buan chu ka chawl dat a, chaw la hmuam țun chung chuan amah chu ka melh a, hmuhnawm ti hmel zet hian min lo en reng a.

"Ka ril a țam lutuk a." Ka ti chuai raih, a nui leh suk a "A țam hle tak a nih kha, ei țeuh rawh.'' ka eitur lam chu a melh zeuh. Ka bu ve leh nghat a. Reilote chhung min en a, a nuih leh suk hnu chuan a eitur chu a ei ve ta mai bawk. Kei pawh chuan ngawi reng in ka ei zawm leh a, Tunah kher kher hi chuan ka rice ei lai tluk a thil tui hi khawvel ah a awm lo.

"Eng subject nge i lak a?"

"Economics" ka chhang bul viau, țhian thar neih hi ka peih lo, chuan hmelhriat loh bula ka chanchin sawi te hi a țulna ka hrelo, ka phone hi min pe vat se, kal san nal nal ka duh.

A țawng leh tawh loh avang chuan ngawi reng in ka ei zawm leh a, ka thlenga mi zawng ka ei zawh chuan ka kut chu a lamah ka lek phei a, hriatthiam loh hmel zetin min lo la melh kur zui.

"Ka phone."

"Kan ei man i pek a ngai." Counter lam ah thlek zeuh pah chuan a nui leh suk tawh. A chimawm em avang hian a hmelțha lutuk pawh ka hmu hmelchhe vek! Amah pawh hi hmeichhia tam tak chuan an buaipui ngei ang, mahse Zodika ang em em a mi hipna ngah chu a nilo! Midang mit ah chuan a tha zawk hial mai thei!

"Khai leh! engvanga an pahnih chu khaikhin chiam nge maw ka nih le?"

"Ka hria e." Ka ti hlak a, ka țhut hmun atang ka tho chhuak a, a nui ri leh chu ngaipawimawh tawh lo in Bill pekna lam chu ka pan a, kan bill zah chu zawt in remlo zetin ka bag a țang ka purse ah lai chu ka la chhuak a. Counter a lo thu nu in hriatthiam loh hmel deuh a min lo en reng chu pawisa pek ka tum leh a.

"In ei man chu Sawmzuala sawn a pe tawh a lawm"

"Maw?" ka ti hú.

"Sawmzuala'n a pe vek tawh a lawm" a ti a. Nui var var a ka țhutna lam a en chuan thil ka hrethiam ta chiah.

"Hmela chu lehhh!!!"

Thinrim zet in a lamah chuan ka let phei hlak hlak a, chair nghenchhan ngheng a țhu awn duai hian min lo nuih chur chur.

"Ka phone kha min pe nghal rawh" ti thawr in a hma ah tak ka ding ngal.

Engmah sawilo chuan min pe ve mai a, a kut a țanga phih thla sawk pah chuan rum deuh ka melh a, min ti kual nasa lutuk kha ka thinrimpui țuk bawk.

"Kan inhmuh leh tawh loh ka beisei" nuih sawng chungin dar ka kan khum ak, theihnghilh ka nei leh em tih hriat nan dawhkan leh chair chu ka melh kual thuak a, ka nei lo tih ka chian hnu chuan chak deuh in food hall chu ka chhuahsan nghal nal nal.

"Bill a pek tawh reng chuan tinge fiamthu thawh nan min hman kher a" kawngkhar ah chuan ding chawt in chupa țhutna lam chu ka va melh leh hram. Min lo la melh run vang chuan rum deuh in ka melh țha leh ngat. Nghal lutuk mai!





_______Abbraeureka______

Class lam pan chuan ka kal hlawk hlawk a, canteen ah khan Zodika te an awm tawh loh avang khan class ah an awm ka ring tawh. Corridor thui deuh a ka kal hlak hlak chu ka kal pel tur chiah room kawngkhar chu a rawn inhawng thut a, a chhung a ban tha chak zet chu min pawt dawrh, thlabar lutukin room ruakah chuan ka pai lut nawk hi a ni ber! Min tihnat tum tu ka hmachhawn ngei dawn anih hi tia tawm chawi chung a ka inher chu thinrimna in min rawn tuam nghal mup!



"I va hlau awm ve?" Kawngkhar ngheng a ding run chung kei a hlau thlabar chu min la nuih hawk zui.

"I va â vek" ka ti thlawt. Kal chhuah leh nghal ka tuma, ka hmaah tak a rawn ding nghal vut mai!

"Sorry"

"Khatiang khan min fiam tawh miah suh" ka ti a, ka thinphu rang dawt dawt chu room chhung a min pawh luh thut vang ani tih ka chiang bawk.

"Ok"

"Ka kal duh" ka ti ta hap. A sir ațang kawngkhar ka pan tur chu min dang leh tlat a.

"A mak e, class ka tlai dawn sin" nichin ațang ka mood a țha fahran tawh lo bawk nen ka vin tîk têk viau.



" Mate, min lawmpui nan min kuah dawn lo em ni?" A ti a, a nui tel suk leh nghal. Ka ben pawp chak zia a inhrelo ani ngei ang.

"Lawmpuina tur che ka neilo!"

"I nei, Ahmangaihi nen kan ni!'' Intithei zet in min nuih leh suk a,ban a phar chhuak hluai bawk. A thil sawi chu ka ngaihtuah chiang a. Aw! Ahmangaihi nen an nih thu a sawi, Zodika chu ka en leh a, ka kuah hun nghakin mithmul a lo ti kang uk.

"Wow" ka ti a, ka nui ta hak hak, a taksa lian zet chu ka kuah vat a, Zodika ahlim chuan ka hlim a ni mai.

"A va rang ve?" Ka ti sap, ni khat em pawh an la inzui lo a, han nih nghal ngawt mai chu! Zodika mi hipna neih ngaihzia a chiang zual sauh ka tilo thei lo, amah pawhin a lo sawi fo tawh angin tu hmeichhia mah in an hnar thei lo.

"A mak ti raw?" nuih suk a min kuah nghet chung chuan a ti leh a.

"Ka lawmpui lutuk che" ka ti a. Ka chhip ah khabe lo nghah pah chuan "ka ring" a ti sup.

A lungphu dat dat zawn ah chuan ka tawm kak a, Ahmangaihi nen an inngaihzawn tawh chuan third wheel ka ni tawh dawn tihna. Huiha, țhian tam deuh ka nei lo ka inchhiar ber țum ani hial ang.


"Class țan a hun tawh dawn lut ang." Ka ti a, min kuahna chu thlah ruai ruai. A awm zawn ațang chuan chiang zet in ka chho melh a, a mitmeng dum thim khup chu hmuh a hahdam thlak tak zet.

"I hlim em?" ka ti thut a, Zodika chuan ka zawhna chu hriatthiam loh hmel deuh in dar a ti kang uk.

"Ugh, ka sawi mai mai anih kha, ngahnge i hlim loh ngawt ang" ka ti a. " Lut ang!" Ka tih zawm zat. A tawlh sawn ta hrut, ka kal pel a, min zui ve mai a, ka kawm țhin ber in ngaihzawng a neih bawk si chuan tunge ka kawm ve tak ang le?


"mate?"

"Ha?" ti haw in ka inher vat, kawngkhar chu a pawr khar a, ka darah a rawn kuah zui thuk bawk.
" nichin khan thil i ei em?''

''Ei chiang e." intithei deuh in ka en chho a.

"Thil ei zawh ah i chhuak ka ring a, ka ngaihtuah che lawm"

"Maw?"

"Engmah i ei silo a, ka rawn zawng che lah khan fanghmir zawn ang maiin hmuh i harsa zek a" a ti duah. Min lo zawng tih ka hre miah lo.

"Min zawng maw?"

"Ka nau â zet kha khawiah emaw rilțam deuh in a lo tlu hlawm tep ang tih hlau in ka rawn zawngkual chiam che" a ti a. *tlu hlawm tep* a ti tel kher chu ka ngei tak zet.


"I in eipuar tho chu a țha" Ka sam min tuai thur sak pah chuan a ti leh sup.

"I tello pawn ka puarna tur ka haikaw thiam ve tawh lutuk, chuan, vawi khatmah ka sam hi khawih tawh reng reng suh!" Ka ti nghal hlur a, sam khawih ka huat zia hrechiang ber tu a ni! Ka sam khawihtu an awm hi chuan insual pui mai te hi ka duh thin.

"Sorry!'' A beng a pawt zauh a. Class ah chuan ka luh san daih a , class chhung ka luh rual chuan Ahmangaihi chuan a lama kal tur in min lo hui vat a, a hmelah a hlim hle tih a hriat theih bawk, nui var var in a lam chu ka pan vat a.



"Adik, good news ka nei a nia." Ti tungin min lo kuah chuk chuk, ka la hrelo emaw a ti ni ngei ang.

"Wow! Ka hriat ve chi a ni em?"

"I hriatloh chuan ka vui zawk viau ang." Hlim zet a nui har har pah chuan a rawn ti a.

"Eng lam nge ni a?" Mit kan ak pah chuan ka melh ralh a, a lai ve deuh nge, a biang a sen tek mai! Mipa mit ah chuan a țha leh zual ngawt ang!.

"Zodika nen kan ni!'" A țhen sak a, a nui tawi tak bawk. A lai ve hle a nih dawn hi!

'Wow.. ka lawmpui a cheu, tunah chuan ka unaunu ni mai tawh tur hian min kuah rawh se." Phur zetin ban ka phar a.

"Min ti lai dawn lawm." A ti hlak, min kuah pah chuan a zam zia thu min hrilh mawlh mawlh a.

Midang hi chu an vannei ngawih ngawih, kei ve hi chu....!!!






"Adik, i pi in phone ah a be duh che, i phone te kha chhang ve ta che le!" Ka nu chu ka room ah rawn lut in a rawn ri nghal bawrh bawrh a, khuma ka lo mu zawi ngiai a rawn hmuh chuan a țawng chu tawp chiang khawp mai! Rang tak in ka lamah a rawn tlan phei a. Ka khum ah chuan rawn lawn kang in ka țhat leh țhat loh a rawn en nghal zung zung.




"Mambawih, A na viau em ?" Ka thlan vanga ka chal huh dap chu a rawn chul a. Ka taksa khawilai pawh na ngut ngut vang leh ka thazam thleng a hîk ngut ngut vang chuan ka thaw chhuak țawlh țawlh.

"Aw! Bawihte" ka chal ah lo chul in ka hnung zang a zut thla a, " na i neih te chuan min hrilh vat tur che a nia, i pa kan bia ang" Phone chu hmet in a ngaithla zui vang vang. A khat tawkin ka chal a țang thlan rawn chhuak chu a rawn chul leh țhin a.


"Mambawihi a nuamlo , kan rawn kal dawn nge i rawn haw dawn?" A aw chu a control zo lo teuh kher mai! Ka pa a bia tih ka hre nghal bawk.

"Aw le, reilo ang che." Thawk a la hawk a, phone chu a hmet hlum a, ka chalah bawk rawn khawih leh in thawk a la zui leh ham ham, chau zet a ka nu en chung chuan ka nui lui sen sen, ka nu thung chu a maimitchhing nghal daih.




Ka pa chu reilo te ah ka room ah a rawn pen lut hlawl.

"Mambawih" a hmel chu hmufiah lo mahila a mangang tih a awm ațang chuan ka hre thei, khum pan a a lo pen pawk pawk chu ka lo nuih var var a, khum ah lo țhut thlak dawt pah chuan ka chalah a rawn fawp zauh.

"Ka fanu, i pa ka lo thleng tawh e, hlau miah suh aw" ti sup in thlamuanpui awm hluah hluah khawp a mitmeng zaidam chuan min melh a. Ka marphu a ngaihchan lai te chuan duat deuh in ka sam ah a rawn chul a.




"Mambawih i nawmloh chuan sawi vat țhin rawh" a mangan em vang in ka nu chu a țap lek lek.


"Ka fanu hi a chhel a lawm, tiraw Mambawih" Ka pa chuan kan boruak rit lutuk tih reh tum chuan a rawn ti hluai, ka taksa na țeuh chung chuan ka nui ri hak bawk, ka nu pawh chuan khum bula inkuangkuah a ding chung in min lo en ran a. Ka pa chuan ka thisen te la in eng eng emaw a ti kual a. Min jection leh a, a zawh fel meuh chuan thlan in min bual huh vek thei! He thil hi ka ning tawh tak zet!


"Muhil rawh le, i lo harh leh hunah chuan na engmah i nei tawh lo ang" ka pa aw dam dup chu hriat a nuam tak zet. Ka khum lu ah lukham a dah thuah a, a malchung ah ka lu chu min nghah sak a. Naupang tih mutthilh tum a an hnung kan ben sak thek thek ang mai in ka hnung chu a rawn beng dat dat a. Khawvel nunrawng zet ah chengmahila min hmangaihtu nu leh pa țha tak ka la nei tho a lawm tih hi ka inhnem vena awm chhun ani.



Hun a liam ve zel a, nitin a ka hun hman dan chu a ngai vek, college ban ah in lam kan pan a, Zodika te in ah ka leng phei anih loh chuan in ah ka tawm chawt zel. Ka u school rawn bang in dil a sangha man a rawt chang pawn ka zui ve peih ngailo.




Zanlai ah chuan ka room veranda kawngkhar chu pawn lam a țang in a rawn ri dat dat a, Ka la nulo nangin ka hrelo lui hmak! Zodika bak a ni leh dawn chuang lo, Bike intlansiakna ah a tel leh tawh a ni phawt anga! 'A inhliam leh tawh tihna em ni?' Chu ka ngaihtuahna țullo zet vang chuan khum ah chuan ka țhu chhuak leh ta nge nge.


He mihring khawsak dan hi ka ning tawh tak zet! Ngaihthah ka tum zawh poh leh hliam nei in lo awm palh ta se tih ka ngaihtuah thleng nghal zel a. Zan rei hnu ah pawh rilru nuam takin ka awm theih loh phah ziah.




"Buaina i siam leh tawh em ni a?'' Kawngka ka hawn rual chuan ka melh nghek, a hmui sir a khem nung a, a mitko lah a duk kual raih bawk. Veranda thim a ding run chuan za lo zet in a țhen suk.

"Tu te nen nge in insual a?" ka ti a, ka melh tlawk tlawk, min chhanglo in a rawn lut nghal vut.

"Zo, sim a hun tawh lo maw?" Kawngka chu ka kalh a, ka khum tlang ah a lo țhu ngawi ngul, a hma zawnah kut inkuangkuah in ka ding chilh nghal ran bawk.

"Zan rei tak tak thleng khawlai ah i tal a, nangmah chiah inngaihtuah lo in i nu leh pa te pawh ngaihtuah ve rawh, in haw nachang i hriat loh hian maw.. thinthi in an awm ngailo" zan a rei tawh em vangin zawi chang zetin ka an khum hlak hlak. A ngawi ngul a, hnuai lam a bih tlat bawk.


"Kei thlengin min ti mangang a.. i mak e mai" ti hap in ka thaw ham ham. Nutei te nupa hian thu țha hrilh lo pawh an nilo, amah hian țhat a tum lo ve hrim hrim ah ka ngai hial tawh.


"Intifai rawh, mu ang" a țhut ngawi ngul vang chuan beidawng zetin lu ka thin khum mat mat.


"Mate, hmangaih deuh nei ta la. Mahse, chu mi chuan i hmangaihna chu hrethiam miah silo se eng tinnge i tih ang?" Muangchang in a rawn hawi chhuak ruai ruai a, ka mit ah tak min en nghal run.



"I hriat kha, ngaihzawng ka la nei ngailo, a chhanna ka hrelo"


"Mate, i tan hian enge ka nih?" a ti sup, ka meng buai nak mit ah tak chiang lutuk a min melh ngur chungin a nui lui suk bawk.

"Ka.. ka țhian țha ber leh ka tana mi pawimawh ber." Ka ti a, dawt ka sawi lo bawk. "Ka tan a mi pawimawh ber i nih hi Zodik" a bulah chuan ka țhu thla a, ka kut a lo hum nghal hmiah.

"Ni e, țhian kan ni!" a ti deuh nek. Ka țawng tur chu ka kutah a hmer salh a. A hmui thi chu a liak zeuh in min rawn en leh a, ka tihtur chu ka hria, tho chhuak in lapua leh tui lum pep ka la a, a hliam vel chu ka hrukfai sak nghal sawk sawk, ka che vel chu a vawikhat min hmuhna niang hrim hian min en vung vung reng mai! Eng tak chu hria ni maw? Ka zawh fel hnu chuan hmanrua vel dah fel tuu a ka kalsawn chu ka banah a rawn man a, min pawt let thut bawk. Ka țhutna ngaiah bawk ka țhut thlak dawt chuan a kê ah ka tlawh nghal țawlh.

"Eng nge, hheng hi ka dah dawn lawm?''

"Ahmangaihi ka nihpui hi i tan a pawina a awmlo em ni?"

"Maw?"
"Bialnu ka nei hi i tan apawina a awm em ma ti anih chu" ti nek in a ner zui sawk.

"Eng nge ka tan a lo pawive ngawtna tur? I hmeichhe atchilh deuh i nihpui a , ka lo lawm tehreng nen!"

"Huh .. a țha a lawm! I hriat tur chu Ahmangaihi hi ka atchilh lo, ka hmeichhe hmangaih in thik se ka duh vang a ngaizawng ka nih hi"


"Zodik!" Ka vin nghal tuar ! Ahmangaihi hi ka țhiannu a nia, a play kual mai mai ka phal hlek lo.

"Sawi rawh" ti nghut in a thaw chhuak hawk.

"a ni kha ka țhiannu a nih kha, i ngam chuan fiam kual tum rawh! Ka be leh tawh ngailo ang che!" Min vawnna kut chu ka thingthla nawk, khum ațang chuan tho in thinrim țun in washroom lam ka pan a.

Vawi leh khatah na zet in ka banah min rawn pawt let a, bangah min nawr bet nghal hrawk.

"Zodik?" a awm dan teh thut chu hrethiam lo zetin ka en hau bawk.

"I tan a pawina pakhatmah a awmlo maw?" A rawn ti hrawk a, a aw rik dan mak zet vang chuan ka tîm chawi! Zalo zet hian a țhen leh suk a.

"Mawh?" a ti leh țhawt, min din hnaih sauh bawk.

"Ka sawi tawh kha, a pawilo ka hlim zawk!"

"I hlim maw?" a rawn ti hawk a, zalo fahran hian a nui hul hak bawk.

"Ummm.. aw.. ka hlim, i lawm tawh em?"

"a țha e, Laldiki ber a hlim chuan a hlimna tur in ka awm zel a nga ni mai lawm" ngeiawm lutuk in a nui lui hawk a, ka mit ah chiang zet in min en leh run phawt a, a eng ber khan nge a thin tirim ka hrelo a, a bek ruh a pawng țalh țalh a, a mit meng chu a sen deuh ram in ka hre bawk, vawi leh khatah min thlah thut a, ka thil ken lai chu min laksak in washroom ah a luhpui vut a, chelo in a awmdan chu ka lo en reng ringawt!

"Khatah ding reng lo khan mu ta che!" ka khum ah a lawn a, ka Teddy bear duat lai chu a theh thla leh nghal tawp tawh! Chu kher kher chu tuar har ka ti!

"Kha teddy bear kha nangmah ai pawhin ka duh zawk! Paih ve ziah suh."

"Ruah ka nan huh tir vek nghal loh" A lather jacket hlih pah chuan a ti hluk a!

"Pawnga"

"Pawngi.. Lo mu rawh!" A la rawn nui suk zui!

_Written in these walls are the stories that I can't explain_


"Mate, rawn hmanhmawh deuh teh!" Pawnlam a țang Zodika chuan min rawn au lang lang a, A bike pawh chu a ti ri dut dut bawk.

Ka insiam zawh vek hnu chuan darthlalang hmaa ding chung chuan ka in en leh thuak a.Nui var var in ka room a țang chuan ka tlan chhuak nghal a. Kawt a Zodika bike a chuang reng chunga min lo nghak tu chu lungawilo tak in ka melh rawm rawm a.


"Enge, kha ti vak khan min melh suh, Class neih hma in ka bawihi bulah awm hman ka duh a lawm." Helmet khum that pah chuan a lo ti a.

''In la bialnu nei lutuk, ka pa bulah Scooty min leisak tur in ka hrilh a ngai tawh a nih hi." Kei aia midang ngaipawimawh ang a alang chuan min khei ve zak mai!

" Han tum chhin teh, i scooty ke zingtin ka hawlh thep vek zel ang."

Bike a lawn pah chuan ka chum zawt a, a mah vang hian tun thleng hian SCOOTY pawh ka la nei ve lo, College kal lam leh haw lam pawh Zodika bike ah ka chuang mai zel.
Attachments
boy-boyfriend-couple-cuddle-Favim.com-2885131.jpg
boy-boyfriend-couple-cuddle-Favim.com-2885131.jpg (61.08 KiB) Viewed 116630 times
Last edited by Abbra Reo Ririni on March 1st, 2017, 10:33 pm, edited 3 times in total.



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 23rd, 2017, 7:51 pm

Zodika leh Ahmangaihi pawh thla hnih (2) an in zui ve tawh, ka țhian-a pawhin rilru a pe ve tak tak tawh chuan ka hria! An in hmeh in thik tu leh er tu pawh an ngah ngang mai! Mipa lama hmeichhe zinga tla na tak leh hmeichhe lama mipa hip ngawih ngawih tu an han inkawp meuh chuan college chhung mai nilo, khawchhung deuh thaw ah an lar, an inzui dun te lah hi tu pawh mai hian an en zui vawng vawng zel.


Class ka neih rih loh a vang chuan library room ah ka lut a, lehkha bu chhiar te, mahni chauha awm a music ngaihthlak te hi nuam ka tia, midang min chim buai theiha awm ai chuan mahni te chauh awm ka duh chang a tam! Țhian hi a hma chuan ka ngaina thei lutuk! Mahse High school kan kal tawp lam a țang khan ka țhian kawm zawng zawng te hi ka thlah vek! Mahse ka unaupa leh ka țhian țha ber Zodika hi chu ka thlah thei lo! A chhan chu ka diary "Abbra Ureka" ah ka ziak!


Ka lu ah chuan lehkha hlawm hian tu emaw in a rawn vawm a, ngaihven duhlo chuan ka lehkha bu chiar lai chu ka bih ngut ngut a, thawkleh khatah ka lehkhabu chhiar lai chu min pawh thlak sak thut a. Ka rak zui nghal țhat bawk.

"no sound pleases" Library vengtu chuan a rawn ti chang fak a! Ka lehkhabu min lak satu pa lam chu rum zet a melh in ka ner khum vak a, thil tisuallo ang maiin a lo la nui suk zui. Ka kut in lehkhabu chu min pe tur in ka hrilh a, thu awi tak chuan min pe ve mai bawk a, mahse kal sawn mai lo in ka bual a rawn pan hnai a, ka bula rawn țhut pah chuan min melh nghal run.

"Kal sawn teh!" Hmui phun in a lam chu ka hawi a, a hmui a lo tisawi ringawt bawk. A awmve chu ngaihsak lo in ka lehkha bu chu ka chhiar zawm ta zawk a, he tianga hmel hriat loh nen in hnaih taka awm hi ka peih ve lo! Library chhunga hmeichhe lo awmve ho lah chuan min melh ang hrek hrek leh nghal a.


"Lunch ei dun i la?' Tih inziak lehkha them hi min rawn pe a.

"A tulna ka hrelo." Phun sap in ka chhang let a, a hmui hnuai pet in a nui suk a, enga maw hi a ziak leh a, kei erawh a mah nin vangin ka lo thaw halh thung!

"Hman ni a min treat ai kha!' Tih inziak min rawn pe leh a, ner nawng in ka en a, min lo la melh ve kur zui.

"Thil hre rei thei lutuk!" Tiin ka phun sap a, mit min lo siai let zauh bawk.

Food hall lamah chuan kan inzui phei a, kan kal pelh a piang te chuan min en zuai vawng vawng hlawm, a ni pui lah hian engahmah a ngai der silo, a reng reng thu ah Zodika leh Ahmangaihi pawh hi khawnge an awm a, an ti mah mah tawh !

"Enge i ei dawn!" Ka ti a.

"i ei ang ang a ni mai!"
.
"Coke chiah ka in dawn sin!" Ka tih chuan a nui leh mai a, engmah sawi tawh lo chuan coke la tur chuan ka kalsan nghal a, ka let leh chuan a phone ah games a lo khel a, min lo nuih leh suk tawh.

"I nui reng thei bik a mi?" Ka tih chuan a lu a bu zauh a, ka coke pek chu a hawng a, a in mai dawn emaw ka tih laiin a a hawn sa chu min pe a, ka ta tura ka tih zawk chu la in a hawng a, a in nghal daih bawk. Mak ti zet in ka en reng ringawt.

"Kha kha enge a awmzia?" Ka mak tihzia ka thup thei lo.

"Hey, bialpa i la nei ngailo a mi?" Nuihza insum hmel deuh tak hian min rawn melh a.

"Maw?" Ka ti hu!

"I nei ngailo tih ka hre mai!" Hmui tisawi zoh pah hian a rawn ti a, sawi dik a in tih hmel tak zet.

"I hre ngawt lo." Ka ti hmuk.

"Ka hre khawp, mipa i la chhuahpui ngailo tih i hmelah khan a lang reng." A rawn ti a, min fiam tih hre reng mah i la, ka huat a tling tho.

"Ngawi la a nih chu!" Vin zet hian ka ti leh a, diktak chuan țhian kawm dan hi ka thiam tawh lo , Zodika nen kan ni chawt a, a bulah chuan duh ang ang in ka awm tawp, ven thawn neilo in ka lungawi lohna pawh ka lan chhuah tir mai țhin.

"ok." A hmui a chip nghal hmak, ka hawi hai lek lek! Hrep tak hian! Coke chu ka in pawp a, duh aiin ka in hnem! Ka ner naawng chu min rawn hmu in a la nui zui!

"A man chu ka pe tawh. I duh chuan lo la thu la, kei chu ka kal dawn!" Amah en reng chung chuan ka ti a, ka ding vat a, Dawhkana ka coke can chu la in ka kal chhuak nghal a.

"Engtin nge mipa ka la chhuah pui lo tih a hriat theih?"


Class lam chu hman hmawh zet in ka pan a, khapa thil ka tihkual puina lamah ka tlai tep! Ka coke bur chu bawlhhlawh bawmah ka theh lut zauh a, Class ka thlen meuh chuan an lo țhu țhup tawh!


Ahmangaihi ka hmuh mai loh a vang chuan ka hawi kual dak dak a, chawhma lam kha chuan a awm reng si! Ka phone a message rawn thleng chu ka open vat a, number ka la hriat ngailoh a țang a lo ni.

"Hawi vual vual suh.' Tih tawp hi.

"Tu ve ngawt nge i nih?' Tiin ka thawn a, ka bag chu dawhkan ah dah in message rawn thleng chu ka en leh nghal a.

"I mipa date hmasak ber"

Zawnga chu leh, min hmu thei ang mai a arawn țawng chu le! Mipa date hmasa ber maw! Hu...Reply tawh lo chuan ka lehkhabu chu ka phawrh a, ka phone bawk chu a rawn ri leh.

"I țhutna a tanga tlar thumna hnunglam rawn en teh!'

Khapa leh bawk kha a ni! Ka hawi chho chuan phone a lu zawna lek kang in min lo nuih suk a, ka nui ve ta ringawt bawk.

"I nui ve thei elaw?" Tih message a rawn thawn leh nghal.

"Ngawi mai mai rawh, a nih loh chuan i hring nun a țang khan ka logout tir ang che."

"Ok ."

phone chu ka bag ah ka thun a, chhan awmlo in ka nui var var ringawt!

Chumi ni leng chuan Zodika leh Ahmangaihi ka hmu miah lo, an ni pahnin (2) hi class an tlan bo dun vel tihna mawn le!?

Class ban ah pawh chuan Zodika ka hmu lo, keimah in in lam panin ka kal hnak hnak a, tunah tak hi chuan ka mal ngawih ngawih, Zodika chiah țhian ka nei hi a vawi khat (1) na a tan ka inchhir ve ta! Tunah chuan a ni chu bialnu thar a nei a, min hreve tawh lo! Tiangte chu a nih dan tur a ni reng a ni! Tu mipa mah in an bialnu te aiin an țhiante zawk an thlang hauh lo ang!


In ka thlen chuan chau zet in khum ah ka bawk thlawp a, ka taksa a nat ngut ngut a vang chuan ka damdawi chu la in ka ei leh a, a tuilo khawp leh nghal! Mahse vawi khat pawh ka in loh hlauh chuan ka tan a pawi viau bawk si! Mipangngai ang a nun a, ka țhatlai hun chen ve hi ka chak țhin! Mahse ka tan chuan mumang ang mai a ni! ka damdawi chak zet a vang chuan meng peih tawh lo in ka muhil nghal a.







"Nute, Zodika hi a awm em?" Zodika te in chhungah chuan hman hmawh tak in ka tlan lut a.Ka tih fo dan a ni.

"Awm e, room lamah an awm, han kal rawh." Nutei chuan a lo ti lang lang a, a sawi zawh meuh chuan inchung panna kailawn tawp ber ka thleng der tawh, ka in ang bawk in he in ah hi chhuan ka tlangnel in ka duhna hmun hmun ah hian ka tlan kawi țhin.
Ka naupan deuh lai phei chuan kan in aiin ka khawsa tam zawk!

Zodika room kawngkhar chu ka tih țhin dan bawk in kik lem lo a hawng pawp a. "Zo, Saw tah min kal pui ka ...." ka țawng tawp chiang lutuk! Phawk lutuk hian ka meng zui nghal kawk a!


Zodika leh Ahmangihi chu duhthawh zet in a lo in fawp mawlh mawlh! Eng vanga Kawngka kha kik hmasa lo nge maw ka nih le! An ni pahnin pawh chu an in thlah vat a! An lai a keipawh ka lai! Ka che chukchu hle.

Aw ka thian kharah a, Ahmangaihi chuan biang sen țan țan in min rawn en a, ka mit meng a ka inthiam loh zia hi an hmu thiam hram ka beisei

"Aaa.. Ka tihpalh, In awm.. dun.. in pahnih in in awm tih ka hrelo." Kawngkhar vawnna chu ka vuan a, ka țawng bah nawk nawk leh kaiza tha khur a vang chuan kan thaw leh halh phawt a, Ka inthiamlo tak zet. Ka thawk te thleng in zu han sa vek a mawle!

"A pawilo, eng maw i lo kal chhan!" Zodika a rawn ti vat a, a bula a T -shirt chu ban in a ha țha nghal a, Ka luhtirh khan kawr a ha lo tih pawh ka hmu lo! Leh zel hian!! Ahmangaihi chu a ngawi ran thung.


"A.. A ngailo mai, ka tihpalh tak zet!" ka ti bah nawk nawk, Hmeichhia a zawnga tawn hriat neilo ber hian hmai chhanah ngei duhthawh zet a infawp lai ka hmu chu a nia! An pahnih ai hian ka zak zawk daih in ka ring, muangchang in ka in her a, Kal san mai a tha zawk!

"Mate.. lawk." Zodika chuan ka kut ah a rawn vuan a, hawi let in harsa zet in ka nuih a. Eng vang nge pawh ka hrelo.. a hmel hi hmuh nuam ka ti lo!

"Sawtah chuan eng maw tih ngai a?'' A mit ko a ti kang zui uk.

"Ih, kha.. Kan pahnih a serthlum kan phun tur kha a lo thleng tawh a, mahse in laklawh e mai, u mama ka in hruai tir zawk mai ang ." Ka ti a, tun ah tak hi chuan he pindan chhung hi chhuah san a boruak hran hlak hip ka chak, ka hriatthiam miah loh a ka kaw chhung rawn ni nghul chuan min ti chau vek bawk.

"A ngailo, kan pahnih in kan kal dawn nia." A rawn ti a, hnial ka tum zet a, hnial lo tur a min duh tih hriat zet in min melh run tak ah chuan kâ ka chip leh hmak. room lam chu a hawi let a "Bawihi, matei nen tih tur kan nei sia, ka va drop mai ang che aw." a ti nghal hmiah. ka nuam lo tih a zual tulh tulh.

"Awle." Ahmangaihi chuan nui sang in a chhang a. Mahse a mit meng chu hrethiam lo rual ka ni tawh lo.
Keipawh niila ka lungawi vak bik lo ang!

"Zo, a ngailo, mama ka hruai mai ang." Mangang ru zet hian ka ti leh, diktak chuan Ahmangaihi hmel ah saw chuan ka lakah a lungawi tawh mai mai lo ang tih ka hmu thiam vek.

"A tullo, reilote hnu ah ka lo let leh ang!" A rawn ti sup, room ah a lut a, min hmu tu an awm loh rual chuan duhthawh lutuk in boruak ka hip lut nghal kawk kawk! Muang chang in inhnuai lamah ka chhuak thla a, Zodika leh Ahmangaihi pawh chu rawn in kai thla in Nutei chuan țha deuh in a lo bia a, mahse Ahmangihi chuan melh pawh min melh ve lo! Ka chet dan vang khan a lungawilo pawh a ni mahna!!.

"Mate, ka va thlah lawk ang, lo kal miah lo ang che." Zodika chuan a rawn ti nawn leh ngat, a bike chahbi chu la in an inzui chhuak nghal a. Ka thaw huai thei!!

"Nute, an awm dun tih min hrilh lo!'' Nutei lehkha bu chhiarna lam chu ka pan a. Min lo la nuih sawng zuai!

"Min zawt bik lo a ni lawm ni?'' mit a kan pah ak. A nui har har bawk. Nutei te nupa hi chu an rilru a zau in tunlai țhalai te mila insiam rem an thiam dun em em a, Zodika ngaihzawng te pawh a chhia a țha in an lawm vek! Mi tumah an be chhe ngailo.

"I van sual tak! e Nute Engtin nge pate a birthday hi kan lawm dawn a?" Lehkha bu inrem ur chu ka en kual dan dan a. Ka lehkha bu duh ber chu la chhuak in nutei bulah chuan ka țhu ve nghal tharh a.

"Engtia lawm nge țha ang ?" A lehkha bu chhiar lai chu dahin a tarmit vuah chu a la thla a, a mit meng leh hnarngul hi Zodika nen dang laman pakhatmah a awm lo.

"Surprise i la?' Ka ti a.

"Oh, idea țha lutuk."

"A hriat loh in eirawng kan bawl sa vek a nga, a office ban hun vel ka pa kan hmang țangkai a nga, thil sawi pui tur nei ang deuh in kal chhuah pui leh phawt se! Thim hnu a an lo haw chuan duhthusam! Ligt off vek in kawngkhar ah Birthday cake nen i lo hmuak ang." Ka sawi zawh meuh chuan ka thaw hawk thei!

"A țha khawp ang" Min en ran a "Khawi lam a țang nge khang ngaihtuahna kha i nei le? " a rawn ti a, kan nuih dun bawk bawk lai chuan zodika chu a rawn lut a, a hmel chu hmuh a nuam em em lo.

"Mate kal ang." A rawn ti nghut.

"Khawi ah maw ?" Nutei chuan a tarmit vuah leh pah chuan a lo ti vat.

"Kan serthlum chi chah a lo thleng a, kung hnih ve ve chiah kan la dawn, kan reilo ang." Zodika chuan a ti a, min melh zauh pah in "Kal ang." a ti leh hmuk. A thinrim a mawn le? Ka țhutna a țang chuan ka ding țham țham, a ban a sana lawk zet chu thlek vutin min rawn en leh kher, nichin vang khan a thinrim țha dawn a ni khawp ang.


Kan inzui chhuak hnak hnak a, a țawng miah bawk sioh a vang chuan ka țawng duh biklo, nichina thil thleng vang khan ka chungah a thinrim viau a ni ngei ang, bike lam panin a kal pawk pawk a, a hnungah chuan muang chang in ka zui ve dat dat a, a rual a kal lo in Mama ka in kal pui tir mai ang, tih rilru in ka ding dat a.

"Lo kal ta che." Rawn hawi let pah chuan a ti leh nghut a. Ka che sawn eih chuang lo.

"Mate_, lo kal rawh." A dawh theih loh hmel tak zet.

"Ai." Chil ka lem khawlh a, nichina thil thleng kha ka thiam loh chu a ni! Mahse tuna min thinrim khum leh a țullo, a rualin ka kal teuh lo.

"Eng i hriat le?'' Ka lam panin a rawn pen let ta mai! A mitmeng rum ul leh dawhtheihna tlachham tih hriat zet a min melhna te chuan a mah hlauhna min siam vek! Ka hma ah tak a rawn ding nghal run, a T-Shirt maroon rawng chuan a vun chu a ti thim leh zual. A sual hmel zo vek tihna anih chu!

"U Mama ka sawm mai ang." Ka tawlh hnung dat a.

"Huh... Ziah a che, keimah nen kan kal ang." a ti leh nghut a, min din hnaih tawh hle bawk.

"I hmel a hlauhawm e mai, i rualin ka kal duh lo." Ka sawi zawh rual chuan a nui hawk a, rum zet in ka melh thung!

"Min hlau i tihna mi?'' A hmui a tisawi zeuh, chimawm deuh hian min melh kher bawk.

"Kha kha ka sawi tum a nilo." Ka ti a.

"A nih chuan eng nge?" a la nui tho!

"Nichina ka chet dan vang khan ka tihpalh, i thirim a nih chuan Ahmangaihi bulah pawh ngaidam ka dil ang, mahse kha tiang thinrim hmel i put chhung kha chuan ka zui duh lo che." Ka ti.. mahse.. a bialnu vang a ka laka a thinrim chuan ka rilru a tina, a nun ah a hmasa ber ka ni ve tawh lo!

"Ka thinrim tih ka sawi lai ka hre hauh lo." A rawn ti hmuk, a hmel lan dan a rum zual sauh bawk.

"I hmelah a lang vek a lawm, natukah Ahmangaihi pawh ngaidam ka dil ang." Ka ti a, ka taksa chhhungah hian tlawm in tihna leh pawimawh ve tawh lo ni a in hriatna ka nei tel tlat tawh!

"Ngaihdam dil a tul hlek lo." A ti vut, ka lu ah helmet lawk zet chu min khum tir thawih a, ka kut ah vuanin bike lam ah min kal pui nghal dawr dawr a.

"Ka zui lo ang che ka tih mawlh mawlh chu." Vin tawk hian ka ti hlar, kan naupan lai a țang tawh, ka hnial ve țum pawn tha a neih ngah zawk a vang hian tharum thawh in min tilui ve ziah.

"Ngawih mai mai teh," A ti leh hmuka, helmet hi phelha a lu a ka chhut pawp loh nana ka inthunun nasa hle bawk.

"Lawn rawh." Bike ah a țhu a, kut kawr a bun malh malh bawk.

"Aih"

A nui suk a "Mate i lawn dawn nge ka pawm kher i phut." A rawn che deuh hrut, a ti leh duh tak tak dawn tih ka hriat a vang chuan ka thaw halh..

"Mi sualpa!" A hnungah chuan lawn in a mah hlat thei ber in ka țhu a. Bike side glass a țang chuan a nui suk tih ka hmu thei.

"Min nuih suh, ka chhuk leh a ni mai.'' Vin hlar pah chuan ka ti vat a.

"OK Boss." A la nui tho! Sual leh lutuk mai.


"Nu khawnge lei laihna kha?" Zodika nen chuan serthlum kung phun tur chu kan keng ran a, kan huan ah kung khat ve ve kan phun a nga, an huan ah kung khat ve ve bawk. Nichina ka thinrim leh titau kha chu bike a kan tlan chhuah leh rual khan a bo vek tawh! Tunah tak hi chuan tu serthlum kung nge țhang chak zawk ang tih chiah kan ngaihtuah leh tawh!


Zodika'n lei laih khuarna tur a kenga, keiin serthlum kung phun tur chu ka keng bawk,huan ah kan lutthla taih taih a, lei țhat na awm deuh chu kan lai a, kan hming ve ve tar in ka thil phun chu kan en dun a.

"Ka ta a rah hmasak chuan i lawh ve ka phallo ang." Ka ti a.

"A khur hi ka laih a nia, a kung chawp in ka phawi vek a ni mai." In ti thei tawk hian a rawn ti hmuk.

"Zam lo ham ham hle.." ka tih khum vak a, in lam panin ka tlan san daih bawk, ka hnungah min rawn uma, min man hlau zet in step chho ah ka pen pawk pawk a, min mah hma a ka nu bul ka thlen chuan ka him a ni mai.


"Nang ni pahnih țhin hi duhtawk teh u! Kha, thingpui kha in u la."
Ka nu chuan dawhkan a thingpui leh a hmeh rawn dah pah chuan a ti vat a, Keini pahnih lah choka zimte ah kan in um kual chhen bawk.


"Nute, Laldiki hi tunlai chu hnehsawh deuh deuh a min țawng khum a ching a nia." Ka nu bulah chuan a vui ve bai bai a.


"Eng nga ti nge i u zo a i lo hnehsawh!" ka nu chuan Zodika chhana pah chuan a rawn ti ve vat a. Kan vai chuan kan nui ta nghek ringawt!


Thingpui kan inzawh chuan kan in na vel kan dah fel a, Zodika danglam ve deuh na chu an in ah engmah a ti duh lo, in la pa deuh in an in a hnathawk tute hi a tih tir vek a, mahse kan in ah ve chuan engkim min tihpui! In a hna thawk kan nei silo a, a chang chuan insuk leh eirawngbawl te hi ka ti ve țhin a, chungte chu min tihpui vek zel! Eirawng bawl pawh keimah aiin a thiam daih leh nghal.


"Mate, high school kan kal lai a i dream boy kha a la ngai reng em?" ka room ah kan awm dun a, kei ka khum ah a vang zawng a mu chung in ka phone ka khawih a, amah pawh ka khuma bawp khawkherh a țhu in ka laptop a khawih bawk! Chuthil chu eng vanga min zawt teh thut nge ni ang le? A mah en tur chuan ka insiam rem a, a laptop khawih lai chu khup in ka bulah chuan a rawn mu ve nghal a, kan ngawi dun rauh rauh a! Inchung a Fan in khai chu ka hmuh awm chhun a ni Mai.

"Mawh? A la ni reng em?" Ka lam ah a rawn thle hnai a. Chhanna a phut zetin min melh run bawk

"A rei tawh e, engmah ka hre tawh lo ." Ner nawng in ka lo ti vat, mahse ka la hre chiang lutuk tlat!

"Kei chu ka la hria a sin, mipa sang leh pa deuh, mahni thu sawi a ding nghet mi leh, nangmah duat deuh tu. I hmangaih aia nasa a nangmah hmangaih thei tu che." A ngawi dat a, ka lo nui ve sak bawk.
"Chuan innghahna ngam leh i bula awm reng thei tur." A sawi zawh rual chuan thil hlui ngaihtuah chhuak tih hriat zet hian a nui ve suk.


"I van hre rei ve?" Ka tisep a, a hriat tawh pawh ka ring lo. Kum 6 lai a liam tawh si a.


"I thusawi engmah ka theinghil ve ngai lo, mi i insualpui a ka chhan ziah che leh nangmah vanga ka tih nilo pui ka tih anga ka sawi thin lai te kha ka la hria." Nui ri hawk pah chuan a ti leh a. " vawi eng zat nge teacher te khan nangmah vang a min hrem țhin?" Ka mit ah a melh, a nui suk bawk.


A sawi dik reng, ka naupan deuh lai chuan ka kawlh thei lutuk! Ka țawng tam lo ang bawk in, inhnial hi ka thiam lo, in hnial buailo a insual chawt mai hi ka duh țhin! Zodika hian min chhan tih ka hre bawk a, ka ngamloh deuh pawh ka insual pui hmiah zel, Zodika hian min lo chhan ngei ngei țhin!


"Ti nge chu chu min zawh a?" Ka ti a.

"Ka hre chak." A ti sup.


"A la ngai reng " ka ti sap. a mah chu en in ka nui lui sak bawk, a mit meng uk thim rauih ah chuan eng nge a ngaihtuah ka hre lo, mahse high school ka kal lai a ka dream boy kha chu a la ngai reng! Tun thleng hian.

"Muhil ang !" ati ta hmuk a, maimit chhing chung in a kut min lukham tir a, Sai sira mu in a mah chu ka en ran a, a thawkr lak zawnga a taksa che te leh a a hnar ngul nalh zet, a hmui theite rah ang maia sen tek chu a mahnen a inrem thlap. A kut min lukham tir zawk chuan ka bengah a rawn pawt zawk a, a muhil emaw ka tih nak laiin, ka rak țhat a, meng chuanglo chuan a rawn nui suk a.

"Muhil ang ka tih kha." Thatchhe zet in a rawn țuak a, a meng lo hlauh a ka vannei zawk.

Tlai lam chu Pate a (Zodika pa) Birthday a nih a vang in chawhma class kal a chawhnu lam class țhulh tum chuan Zodika nen chuan kan inphur chuak leh a, kan college hi khaw dai a awm niin lirthei tello chuan reife kal a ngai ve! Chu vang chuan college bus service a awm reng bawk, khaw hran hran a țanga kal khawm kan ni bawk a_ Kan rilru ngaihtuah na leh thil sawi duh zawng pawh a dang vek! Kei leh Zodika pawh hi in ngaizawng anga min lo sawi tawk leh kan chanchin a chhe lama lo sawi duh tawk chu an awm tho, Zodika ber lah hian 'An sawi an sawi chuan kan inngaizawng tak tak dawn nia' a ti mai țhin !Huat en ah pawh ka en tawh lo.

College kawtah chuan Bike a hung țha a.


"Ban ah ka lo nghak ang che aw." Ka sam a tuai zauh a, ka lo țeu hlar thung, sam khawih hi ka ngaitheilo tak zet.


"Washroom kal hmasak ka duh." washroom lam pan chuan ka tlan nghal dawr dawr, Hmeichhe room bikah chuan lut in toile lo in tlar thap kil ber ah chuan ka luta.In ka chhuah san hma in ka zun loh vang vek!


"Ahma engtin nge i en liam mai mai theih hi ka ti" hmeichhe pakhat chuan tui her haw sar sar pah chuan a ti a. Ahmangaihi leh a țhiannu an nih ka ring ve tawp.

"A eng a chu?" Umm ka ring sual lo Ahmangaihi ngei a ni e.

"Zodika leh Adiki hi." pakhat zawk chuan a ti leh hlara, ka awmve tih an hriat hlau takin ka awmna ah chuan ka lo thaw dep dep ringawt.

"Keia sawi theih a awmlo a lawm, Zodika hian a ngaihsak lutuk, keipawh hian ka hne a nia." Ahmangaihi ngeiin a ni chu thu sawi! a țawng chhuah dan lah chu thil tenawm deuh sawi ang mai hian a tawp lam ah chuan a chet tlat tlat a, kei chu ka ka hup in ka țhu ngawih reng thung.

"Zodika'n bialnu a neih tawh te hi chuan tihbuai vak tawh lo tur a nia." A țhian nu vek chuan a ti leh a.


"Zodika nu leh pa te lah chuan an duat lutuk! Ka huat zia hi ka thup rih a ngai sia nih hi." Ahmangaihi bawk chuan a ti leh hlar a.

An thusawi mal tin chuan min deng dawt dawt a ni ber,
"Min lo haw reng a maw? Ka bula awm țhin leh min ngai ber ang maia min kuah chuk chuk țhin tu hian min lo haw reng a nih chu."


Kawngkhar a ri khap a, an chhuak a ni ngei ang, kei chu ka thu hriat in min țhawng lutuk a, ka chesawn ve thei lo. Nutei leh patea'n min endan thleng in min lo huat phah!


Theihtawp in Zodika nen an inkarah țan ka la ve em em a, zep loh chuan zodika hi a ler, hmeichhe tam tak a mah duhtu a hmu țeuh, an nih tirh lai te khan Ahmangaihi hi a kawp, mahse keiman ka hau nasa a, ahmangihi ah chiah rilru pe tur in ka hril reng thin! Tunah chuan a kawp tawh rihlo, chu pawh keiman hau țhin lo pheiila chuan a la kawp ang, ka țhianpa hi a ler nula a hip bawk, chu mi karah chuan a tan theih tawp in țan ka lo lakpui ve a! A mi chhan let na chu huat na maw? Hreptak hian!


Class a ka luh rual chuan min lo kuah leh huam huam nghal a, a țawng siam siam a ,Zodika nen an inbiakna te min hrilh a, nichin mai a Washroom chhunga min huat thu sawi tu ngei kha a la nisia! Engtin nge mizia pahnih a neih theih zawk le?

Ka ban a vawnna chu ka phelh saka, min en deuh ha a, mak a ti pawh a ni ang! A hma te kha chuan a rilru chhung hrelo in ka lo ngaina em em a, tunah hi chuan ka hre chiang mah mah.


"Ka chau lutuk !" Ka ti hmak a, nin ngaihtuah awm zet in ka chal a rawn dek vel ruai a, ka kek nawk chak tak zet.

Chawhma chung zawng ka bulah awm mahse ka be leh tawh miah lo, hei hi ka mizia chu a ni, mize lem ka nei ve lo, thil chu a nihna ang tak hian lang chhuak se ka duh ber țhin. Chhun chawlh lai chuan Zodika chu min hruai turin kan class lamah a rawn kal a,Kl ka bag la in kawngka a rawn luh hma chuan ka kal chhuak nghal a, Ahmangaihi'n Zodika a rawn auh zuai lang lang pawh chu ka hria, Zodika pawh chuan min rawn zuai nghal a.

"Zan ah kan in hmu dawn nia " tia an in au lang lang pawh ka hria. Ka luak an ti chhuak.

Ngawireng in bike ah kan chuang dun a, Side glass a țang chuan min melh leh zauh țhin! Mahse ka be chak hlawl rih lo.

"Mate, I thin ka ti rim a mi?'' Kan in kawtah bike a dintir a, ka chhuk nghal vat bawk.

"Rimlo, ka inthlak zawh ah ka lo phei ang." Ka ti vat, Gate ah ka lut a, hawi let lo in ka pen nghal hmawk hmawk bawk.

Room kawngkhar ka hawng tur chiah chu ban tha chak zet in min pawt let a, Zodika bawk!
.
"Enge?" ka ti vin hlar a.
.
"I diklo, enge ka lakah thirimna tur i nei a mi?'' A ti khur khur a, au khum vak mai ka chak lutuk!


"Kei min ngaihtuah lo in i bialnu choh ngaihtuah tawh rawh, i rual pawh in class ka kal tawh lo ang! Mama ka in thlah tir zel tawh ang." Uar zet hian ka ti tawn tawn a, a mak ti hmel chu rum deuh in ka melh a, ka kut a vawn chu thing thla in ka room ah ka lut a, ka thirim chu ka room kawngkhar in a tuar ta nge nge! A ri bur a, a ti tu ngei pawh ka phu zawk tho!


Ka thuamhnaw hak lai chu thinrim takin ka hlip hmawk hmawk a, hak nuam deuh chu in thawlh in room ka chhuahsan a, Zodika chu kawngkhar bulah a lo la ding reng! Hmu lo lui in ka kalsan hmak a, n in lam pan in gate ka chhuah san a, a bike chu a rawn nawr phei hnu hnu a, Ka puih beisei deuh hian a min tlawn nuih a! An Gate ah chuan ka luhsan hmak bawk.

Ka nu leh Nutei chuan rawng an lo bawl a, an bai chhuan lah chu a rimtui em em a, an bulah chuan țhu in purun sen chu ka chan ve a! Zodika pawh a rawn lutve a, ka lo melh rawm rawm a. A nui suk a, room ah in thlaktur in a chho zui ve mai bawk.

"Nangni pahnih hi in in hau leh tawh em ni?'' Nutei chuan a lo ti vat, chhang lo in ka ngawi ngal a.

"Nu Laldiki hi tun lai a thinchhe lutuk hi a mangan thlak zawk." Zodika chuan ka bula rawn țhu pah chuan a tita nghek.

"Engtin nge in intih leh tawh?" Ka nu zawk chuan bai chawk mawlh mawlh pah chuan a lo ti ve a.

"In ah a inthlak dawn in min vin hrep a, E, Nute scooty lei a ngen chuan leisak miah su aw, tun lai chu accident a tam thei si!'' A ti leh nghal zat . Ka va haw sau bawrh bawrh tak.

"Ngawi mai mai rawh." Ka lo ti hmuk.

"A ni lawm mawle, țhenkhat chak deuh deuh a khal thin te kha i copy ve khang lang a nga!" A chalah fian in ka khawng pawp a a ngawi ve ta hram. Chawhnu hun zawng chu kan in hnial char char, kan nute ve ve awmlo pheise chuan kan insual hial ang tih tur a ni.


Remruat sa ang in patea hna a tanga alo haw hmaiin ka pa in a office ah a kal chilh a, a len chhuahpui leh phawt a, Keini lam kan inpeihfel hnuah ka pa kan call a, a rawn hruai haw mek! Ahmangaihi pawh a lo tel ve, min biak loh chuan ka be bik lo, ka awm dan chu mak tih hmel deuh deuh in min en leh reng țhin! Mahse pawi ka tilo, min haw reng chunga min be țha thei hi keipawh in mak ka ti tho!



Light kan off vek a, kawngkhar bulah kan lo ding țhap a, Nutei chuan birthday cake keng in patea lo luh vela a hmun theihna tur in kawngkhar zawnah tak a ding bawk. An thawm a rawn hnai zel a, chhung lam mi ho pawh kan lo phi chung bawk. kawngkhar a rawn hawng chiah mai chu keini lo ding khawm leh cake kenga a nupui ding a hmuh rual chuan patea chu a meng phawk hru a, chu chu Zodika chuan a thla a lo laksa bawk! Ka pa erawh in a hresa tawh a, a țhawng em em lo.


Kan ri laih laih a, Chaw kan ei kham meuh chuan zan dar riat a pel fel der tawh! In chhunglam khawih tu an neih tho a vang in kan puih a ngai lem lo a, țhutkhawmna lamah țhu in a then in ice cream kan ei a.

"Tu idea nge ni reng reng ?"pate a chuan a ti lang lang a.

"Aw.. I naute Adiki lo tu nge i beisei a!" tiin Nutei chuan ka hnungah a beng thak thak a, Pate a chuan rem hria min tihzia leh a lawmzia min hrilh mawlh mawlh bawk. Chutih laia Ahmangaihi mit meng zet chu!


Veranda lamah kal chhuak a thlifim dawn ka tum a, Zodika leh Ahmangaihi ka hmu miah lo! Chance an nei ve duh pawh a ni ang.


"Ka hria a lawm! Adiki a awm ve leh zel a." Veranda thim chinah chuan thawm chhuah hlau hmel zet in hmeichhi a phun sar sar a.

"Ka ning tawh lutuk he nu hi." A ti leh sep.

Ahmangaihi a ni tih ka hre nghal bawk! Ti tak a min huatna turin engmah ka ti bawk silo!

"Nakin ah ka lo be leh ang che, he nu hi han haw phawt se.'' a ti a. a nui deuh hak hak. phone chu a bengah a ngaithla deuh vang vang a! A sawi leh tur chu ngaithla peih tawh lo in ka inhera a, in chungah lut in ka haw hmasak tur thu ka hrilh hlawm a! Zodika chu ka la hmulo fan!


Eng vanga Ahmangaihi hian min haw em em nge maw a nih le?

A tukah lawh chuan Zodika rual a kal duh lo in Umama ka in thlah tir a, tuna ka tana țha ber chu Zodika hnaih loh, keimah vanga an inkar a chhiat ka duh lo.

Class ka luh dawn țep chuan ka hnung lam a țanga min rawn au lang lang tu hi an awm a. In her a ka leh hawi leh chiah chu sawmzuala ka bulah a lo ding leh run tawh.

"Ti nge nangmah chauh in i lo kal a?'' a rawn ti nghal tawng

"A Pawi a mi?'' ka lo ti hmak.

"Pawi lo zawk." a nui suk a, HEPA hi chu a nui reng bik a.

Class a ka lut a arawn lut ve vat bawk, Ka hnung chiaha ah a țhut a vangin lehkha hlawm in min vawm reng a. Keiin a thlawnin thil ka tuar dulo ve țhin sia. Lehkha hlawm chuan kan in vawm ta vaka!


"Eng vang in nge i lo kal hmasak a?" Sawmzuala nen kan infiam lai chu ka tawp chat, mipa aw hlauhawm zet vang chuan ka ka inseh ruh hmasak vak bawk , lehhawi in Zodika thinrim tih hriat tak a lo ding chu ka hmachhawn nghal ran mai!

"I lo kal har em a nih kha." Awlsam zet chuan ka lo ti vat a. Ka sawi hma ka ngai hial zawk, a rum hawk a, min din hnaih a, a thirim thawk la ri pawh ka hre vek thei. Ka thinphu a lo rang ve leh ringawt tawh.


"Ka tlai lo, min hel dan i zawng ve hrim hrim a nih kha, nizan te khan eng vanga lo va haw hmasa nge i nih!'' Rum zet hian a rawn ti hmuk hmuk. ka dar tawn tawn ah a rawn vuan a, tun țum chu a thinrim ve tak tak a niang, a mit a sen vek, ka dar chu a hmer na hle bawk.

"A na.. min thlan rawh.'' A na lutuk ringawt. Ka thusawi chu hrelo ang hmakin min ner khum suk.

"a na ka tih mawlh mawlh chu" ka dar a a ban pawh thlak sak ka tum chuan a aia na in min hmer sawk a.

"Zodik, I tina a nih kha." Sawmzuala chuan min pan hnai pah chuan a rawn ti a, chhutih lai chuan Ahmangaihi leh a thiannu chu Kawngka ah an rawn lut ve chiah bawk.

"Kan pahnih inkar a ni, midang rawn in rawlh a tullo!" Zodika chuan a ti hmuk, ka mittui tling pam pawh chu pawisa miah lo in min melh run ul tawh.

"ka zawhna che kha chhang rawh, tinge ka rual lo a i kal?'' a aw zet chu! Natuar ang maiin a ri chhuak hrawih.

"Zo, I tina dawn nia." Ahmangaihi chu a rawn tlan lut a, Zodika banah a rawn vuan bawk, ka dar ruh tih tliah(k) a tum emaw ka ti hial tawh.

"I buaina tur a awm lo." Ahmangaihi'n a vawnna chu a paih thlak sak nawk a. keichu min tihnat a hreh lo tih hriat fe in min melh leh ngur bawk.

"Nizan khan eng vang in maw i haw hmasak a?" ti Nek in a nui deuh suk a! Mahse a hlimvang a nilo. A ti lang hlauhawm telh telh! Engtik lai pawh a college kalrual țhin kan nih mai bakah, Nizan khan ka tih țhin dan ni miah lo in Zodika hriat loh in ka haw a nih kha.

"A na a nia." Ka ti leh a, ani tha chak zet in kei hmeichhe der dep ve tak min han hmer meuh chuan thawk lak thleng in a harsa, midang ho chu tumah rawn țawng ngam an awm tawh lo! Keipawn tuna ka hmaa ding mek Zodika kher kher hi chu ka hlau tak zet!

"Mate." Ka dar a vawnna chu a thlah hlawk, ka ang nghal zawk thei! A na lutuk !
" ka tihpalh, min hel dan ringawt i zawnga ka mangan em vang a nih kha." A aw ri chu a ni ruih tih bak sawi dan ka thiam lo, Min ngaihtuah hmel zetin min en leh tawh! Enge maw a hriat teh hrep ni.
.

"Mahse min tihnat kher a ngailo." Mahni inkhawngaih zet chuan ka chhang let a, ka țhutna ah chuan thu in dawhkan bawh chuan ka mit ka chhing zui nghal daih bawk.

"Zo, inbia i la." Ahmangaihi'n a tih ri chu ka hria, mahse ka hawi chhuak duh lo, midang pawh chu pangngai tak in an țawng leh mar mar hlawm a. Ka darah min rawn khawih tu an awm a vangin ka hawi chhuak a, Sawmzuala chuan min lo nuih sak a.

'"I rilru tih thawven i duh em?'' A rawn tih chuan lu ka bu nghat a. Zodika leh Ahmangaihi kha hmuh tur an lo awm tawh lo.

"Anih chuan class awm leh tur hi skip mai ang aw.'' A tih chuan lu ka lo bu vat a, a țhutna lamah let in a bag a la a, rawn let leh in ka bag chu a khai nghal but bawk! Class atang ka chhuak chu zirlai dang ho chuan mak tih hmel tak hian min en hlawm a. Sawmzuala lah chu ka bag khaiin a kal pawk pawk a, a pen khat hi ka pen hnih vel a ni! A hnungah chuan ka um hlak hlak a, ka um tih a hre reng chung pawhin a kal muang duh miah lo.!




"Hey, khaw nge kan kal dawn a?" A kal chak em avang in a hnungah chuan ka um hnawk hnawk a, ka thlan a chhuak phung leh nghal

"Lo tlan rawh, kan thleng țep!" Sawmzuala chu a rawn leh hawi a, hah hmel pawh a pu ve lo, a la nui sang tho.Thaw halh halh chung chuan ka pan leh hnak hnak a, a bul ka thlen meuh chuan mut hnawk mai ka chak lutuk.

"Basket ball khel ang aw."

"Lalpa leh!"

"In fit lo reuh si, lo kal teh." Ka ban ah a rawn kai a, ka hnial buai peih thlawt lo, basket ball hall ah min luh pui a, a lo dai hit raih mai! Tumah an awmlo avang chuan kan pen ri ringawt pawha ring khup khup hle.


Sawmzuala chuan kan bag chu țhutna a tana an siam ah chuan a dah a; A SUPREM jumper Navy blue chu a phelh a; Ka lam a lo hawi chuan kei pawh in ka jacket hak lai chu ka lo phelh ve mek bawk.
"Lo kal rawh le." Ball chu a ka lamah a rawn vawrh a, ka lo la dawn țhelh zui!

"I van zei lo reuh ve." min ti han ti hluk a nih chu.

"min hauh dawn chuan ka let leh dawn." Ka bag lam ka pan vat a.

"Lo kal mai mai rawh ka hau che pawh a nih loh kha."

Sawi buai lo chuan ka let ve leh mai a. Kan han khel țan a, a sang in a palian sia, ball ka chang ve hman reng reng lo.

Ka um kawi ngat ngat a, a la score chat chat zui. Chhuatah chuan ka mu thla hnawk a, ka thaw chu ka kâ ah a lenglo tep a lawm!
.
"Hey.. Hah laiin an mu ngailo, dingla i lungphu a la ran lai khan tlem tlem tal a i chet a ngai, a nih loh chuan i taksa in a zo lo ang!" Min pawt tho nawk a, chauh nen chuan in hmeh lo tak a ni!

A sawi ang chuan ka che kual leh vel a, amah phei chu inhruizuan ang khan a zuang ta leh nghal ah!


"Ka lawm e aw." Class lam chu kan pan hnak hnak a. Period khat chhung zet chu basketball kan khel dun.

"Eng vang chuan maw?"

"Sual thiam lo mai teh, ka lawmthu sawi kha ka sut leh hma in!"

"Haha.. I thin chhe ve chiang e."

"A la ti." ben tum ang deuh in ka tin zuau a. A lo indang zuau chu ka nuih ta nghek.

Class ah chuan ngawi reng in kan in zui lut a, Ahmangaihi pawh in min ngaihtuah hmel deuh in min lo buai pui nghal chung bawk.

'Khawnge i kal daih a?'' Ka țhu fel chiah chu a lo ti vat a
.
"Sawmzuala nen kan inkhel a." Ka ti țha ve mai! Țawng zui leh ka chak lo tih ka chet zia ah a hria a ni chek ang chu a ngawi zui ve ta mai.


Tlai ban a class ațanga ka chhuah chiah chuan Zodika chuan ka bag min phih thlak sak pawp a, biak hman lovin a kal nghal daih bawk, rum zet in a hnung lam chu ka melh nghek a.

"Va zui ta che." Sawmzuala chuan ka beng bulah a rawn ti sap. a la nui hui zui!

"Zodik." Ka au lang lang a, um phak loh hlau in kan um leh tak tak mai a, ka um phak meuh chuan a bike ah a lo thu fel der tawh.

"Lawn rawh ." A lo ti hmuk. Inkuangkuah in ka ding ve tlat a.

"Mate, in ti buailo in awm tum ang." hahthlak min tih hmel Fe hian a ti leh hmuk.

"Mama ka call thei."

"Ziah a che, i unaupa ka nih ve tho hi." Hnial ngam loh khawp in min melh rum ta ul a, tlawm zawk ah ka țang leh ta nge nge. Phur lo zet in ka lawn a, a hma lama ka bag a pawm chu ka chhuh sak hram!

"I thinchhe thar lutuk hi a buai thlak.'' A ti leh a.

" ka kal dawn nge ka chhuk dawn?"

"Laldik, ziah che hian, ka kal.. min rawn kuah rawh." A tlan chhuak nghal a, kuah duhlo chuan ka țhu ngawih ngal a, Gate tlan chhuah dawn a pipe lo inphum ah chuan tlan luiin kan insawh nawk a, tlak hlau in ka kuah leh ta nge nge a!




Zing ni chuak chuan ka room chu a rawn chhun eng sar sat a, Ka lu na bur leh ka taksa na țhum a vang chuan ka tho chhuak chak hlawl lo.

"Mambawih, Class kal i tumlo em ni?" Ka nu chuan ka room a parda inzar chu a rawn hlim eng a, Nipawh a lo sang tawh hle. "I nuamlo leh tawh en ni?" Ka khum ah chuan a rawn țhu kai vat a.

"Ka taksa a na deuh a." ka ti a. Ka thisen zam leh thling thlengin a na kual rawih rawih.

"damdawi i ei em? i pa ka koh haw duh dawn em?" ka nu mangang chuan a ti zui sawk sawk a.

"Mate, kan tlai dawn" Zodika aw ngei mai chuan min rawn au ta Mai! Inchhung ah a rawn luh ka hlau lutuk chu ka nu chu ka mit mei nghal ruai a. Tukverh lam chu a pan nghal a.

"Zodik, vawiin chu ka inentir min hruai a ngai a, class a țhulh rih dawn." ka lo nui hak a, Ka nu țhin hi chu.. dawt sawi dan mawi hnai deuh zir a mamawh.

"Mambawih a lo kal a nia, tho chhuak vat rawh." Ka nu bawk chuan a rawn ti ta mai !

Hun lo lutuk! Khum a țanga tho chhuak in kal chhuak tur a insiam ang a lan tum in ka che nghal vat a. Ka room kawngkhar chu a rawn in hawng zui nghal zat bawk. Min man chhuak teuh tak zet!

"Nute ka lo kal ve ang.'' Zodika chuan a rawn ti lut a.

"A ngailo!" Ka nu nen kan lo ti rual țhawt bawk.

" a ngailo keiman ka hruai thei!" Ka lu nat dan chu rapthlak tak a ni.

"pakhat ai chuan pahnih a tha zawk." ti nghutin ka khum ah a țhu thla dawt, Sport Jacket sen, a ban nevyblue a ha a, ka nu nen chuan kan in melh dun nghal hra mai.

"Zodik, nidangah nang mah chuan min kalpui dawn nia, vawiin chu hmeichhe lam thil a nia." Ka nu chuan a ti leh vat a, Zodika chuan hrethiam se ka ti tak zet.

Ka nu nen chuan min en dun rauh rauh a, a mit a chhing zui sawk a.

"Awle, a nih chuan hospital thleng ka drop cheu nga, kei chu college ah ka tlang ang." Thawk hawk chung in a ding chhuak a, ka tello a class kal a. hrehzia ka hrechiang miua. Hnial a sawt loh zia pawh ka hming ka hriatchian tluk zet in ka chiang bawk. "Car ka lak chhungin lo inpeih hman ula." Min ena, thlan in min bual huh vek tawh! Harsa zet in ka nuih let a, a pen chhuak nghal bawk. Zodika chhuah hnu chuan khum lam ka pan rawk rawk a, khum ka thlen rual chuan ka let nghal tawp. Ka nu chuan min buaipui nghal zung zung a.

"Nu, a na lutuk!'' A nat dan chu ka sawifiah thiam lo zawk! min vilh tlat a, thawk lak a harsa lutuk. Ka nu chuan damdawi min ei tir a, ka khaw hmuh thleng in a phe vek!

"Mate."

Lalpa! Engthil nge thleng ta ngai!

"Mate i tha em?" Zodika chuan ka kut a rawn vuan a, ka taksa a nat em a vang chuan ka țawng chhuak thei lo hriim hrim, ka thisen zam hi rawn ro vek in ka thisen a kang(zo) mai dawn in ka hria a, Zodika kut chu ka lo hmet ngawt ngawt.

"Nute, ti nge matei hi?'' Hlauthawng tih hriat tak hian ka nu chu a zawt ruai a. ka nu mitmeng buai lutuk chuan engkim a sawi chhuah ka hlau tak zet! Ka beng a kiu ruai a, a thim nghal mup bawk.


Ni e, keihian thuruk ka nei a ni! Ka nu leh pa, ka unaupa leh kei chiah in a kan hriat thuruk zep kan nei, he ka taksa a hian min eiral mek tu natna tihbai awm zet a inphum ru a. Nitin hian langlo lam atang min ei ral riai riai mek...


Mit ka meng chuan a thil var vek ka hmu a, a thim leh tial tial a, muang chang in ka meng leh a,
Ka hmai zawnah chuan hmel ruangam hi a rawn langa tu nge a nih ka hremai lo, ka khaw hmuh a phe vek !

"Mate, kei mah." A aw ka hriat rual chuan ka thaw chuak hak , Zodika a nitih ka hre nghal. Ka mai mit chhing leh vang vang a, tunah chuan ka khaw hmuh a fiah ve ta! Zodika chuan mangan hmel zet hian min lo en ngawt ngawt

"Khaw nge ka awma?" Ka aw pawh a la lawi rat mai.

"Damdawiin ah, na i la nei em?" Ka chalah a rawn dawm vat a.

Ka lu ka lo thing mat mat a, a mah chu thawveng huai hmel a pu!

"Khaw nge ka nu te?'' Ka hrawk chu a ro lutuk.

" i pa nen i pa cabin ah a la awm rih a."

"Tui kha ka in duh." A bul dawhkan a tui chu ka melh zauha, Ka khum mutna chu a ti kanga, ka kawnga chin chung lam zawng chu a khum chawp in a ti kang a, chair ang chiah hian a awm a, a awlsam phian mai!

Tui in tur min pek pah chuan chik zet hian min en run reng a, ka lai leh țep tawh!

"Mate, khatiang a i nat țhinte chuan damdawiin pan vat țhin tur che a nia." A ti leh sup, mipa naupang lungawilo hi a ang ber in ka hria.

"Ka țhat leh tawh hi." Ka lo tilet vat a, ka nat dan dik tak an hrilh lo a ni phawt ang.

"A hnu leh a awm tawh tur a nilo." A lo ti vut, lu chu ka bu zauh a. ''I lo mu ve duh em?'' ka khum chu ka beng thak thak a.

"Docror in min hau ang."

"Ka chhan ang che._" Ka tih chuan a pheikhawk bun lai tlawh thla in a rawn lawn nghal a, a kut min lunkham tirin chiang zet in min en a.

"Mate, Damlo tawh suh aw, ka hlauthawng hman lutuk.'' Zawi sup in a rawn ti a, a hmelah pawh a hlauhthawn zia a la hmuh theih.

"Awle, Mahse reilo te mutthilh ka mamawh." Ka ti sep a, a kawngah ka kuah a, mut chhuak in min rawn zem leh chiai chiai a vang chuan ka muhil leh nghal vat a.


Mi tam tak chuan ka mizia a dang in ka thinchhe sawt an ti vek! Keipawh hian tih reh ka duh țhin. Mahse a harsa si a nih hi!

Ka taksa sawi nawk nawk tu an awm a vang chuan ka meng chhuak kawk a!Mangchhia a ni, tunah chuan ka than harh san ta!.

"Mate i tha em?"Zodika chuan ka thlan vanga ka bianga sam bet thlap hui kiang pah chuan min lo en reng a. "I tap nasa lutuk a.'' A ti leh sup.
.
"Zodik, in hmu theilo in awm ta ila engtin nge i awm ang?" Țap țiau chung in zodika chu ka en a.

Ka biangah a rawn dawm a "Ka ngai ngawt ang che!"

"Anih maw... Lo thi hmasa ta i la engtin nge i awm ang?"

"Chu tiang sawi suh, a thleng ngai lo ang." Ti sup pahin min kuah nghet nghal vat.

"Mawh? Ka zawh che chu?" A darah ka hmui in ka nawr a. Ka mangang tak zet!

Thawk a la hawlh a "Mate, min kalsan hmasa a nih chuan ka taksa peng zinga pawimawh ber ka hloh ang hial in ka ngai ang! Kum 20 chuang inthlah miah lo in kan țhang lian dun a, kan in tithinrim in reilo te ah kan in ti lungawi leh a, ka nun ah hian i bet nghet tawh lutuk! Min kalsan chuan ka zui ve duh mai che ka ring!" a ti nghet charh, ka lu ah a fawp zauh a. Kei chu ka kutin ka ka ka hup a, ka țah chhuah loh nan ka lo in thunun țang țang thung!

"Mahse ka thi țep tawh a sin!"
.
"Lalruatdik chutiang sawi suh! I mangchhia vang mai mai a nih kha." A rawn ti hrawih, a mah ka en theih nan min kuahna chu thlah in ka darah a vuan a "ka tello in khawiah mah i kal dawn lo,i hria maw?" Thumal tin chu zawi fiah fek fawk in a sawi.

"Keipawh hian mangchhia mai nise ka duh a sin!"
.
"Lalruatdik khati zawng khan țawng tawh suh!'' a ti chang fal, a aw ri ah chuan kei ang thauvin manganna leh hlauhthawnna ka hretel ve a, a hrawk bawk che khawlh khawpin chil a lem a, nazet in min kuah leh nghal hmiah bawk.

Kei tluk a dam thlahlel an awm lo ang! Ka țhatlai hun chen ve a, țhian tam tak te neih a hun hman ka duh ve a sin! Mahse ka tan chuan a theih ve loh.


Damdawiin a țanga ka chhuahna pawh karkhat a ni tawh! Ka nu in Zodika bulah chuan ka thla tin hun bi neih vanga ka tai na lutuk vang tiin in a lo sawi.

"Mate zan in Ahmangaihi birthday party na ah kal kan ngaih kha." Ka room a rawn luh rual chuan a rawn ti nghal thawr. Ahmangaihi Ka hmu peih bawk lo.

"Ka kal peihlo " Ka lo ti hmak.
.
"I kal loh chuan ka kal lo mai ang.'' ka khum ah thal nghal tawp pah chuan a ti a. khum a laptop chu a khawih nghal chat bawk.

"I bialnu a nih kha, i kal loh chuan a chiloh."

"Ka bialnu a ni lo e aw." min en zawk a. Ka lo melh rum nasa mai.

"Pawnga, I duh hluam hluam em kha aw."
.
"Engmah i hrelo, ngawi mai mai rawh." Min melh hrawk pah chuan a rawn ti hluk, thinchhia hi min ti min ti a, a mah hi a thinchhe zawk fe si!

"Ve pang pang che hian." Ka ti leh hram!

Ho te vang in kan in hnial leh ringawt tawh! Keilah ka thinrim nghal der a, A ni lah chuan tlawm zawk a tum miah silo !

Kan inhnial lai chuan a phone a rawn ri ral ral a, a pick up hma chuan a ner zui sawk.

"Hello." a ngawi zui vang vang a. "ka lo kal ka ring lo. Matei'n a peih lo a." a leh hmak , Ahmangaihi a nih ngei ngei ang, mahse, ti nge a phone a chhan dawn khan 'Bawihi' a tih miah loh?

"Matei tello chuan tih tur ka nei lo lawm!" a tih rual chuan a bula ka țhu rem sat sat a. "Zan in a tan min rawn sawm leh a" hmui phun hian a lo ti ve mai.

"Kan rawn kal ang ti rawh." Ka lo ti vat a. Chiang zet hian min en a, ka nui lui a, a hmui hnuai a pet zui zauh bawk.
.
"Kan lo kal leh dawn si a nih chu.'' Awlsam zet in a ti sup, phone chu a off zui hmak bawk.

"In in hau tihna mi?'' Khatiang teh tawp khan a bialnute a be ngai lo.

"Hau lo e." a ti leh mai a, thawveng zet in laptop a hla chu a play a.

"Zodik, kum22 i ni ve tawh , puitling ve deuh teh!" ka ti hlar a, a hla play chu ka off sak hmak bawk.

"Enge ni leh tawh!'' nin hmel deuh in rawn ti nui nui.

"I bialnu i biak dan kha ka sawi a nih chu, khang kha hmeichhe biak dan tur a nilo."

"Ka bialnu a ni ziah tawhlo." What! a then leh tawh tihna maw?

"Ler a."

"Kha tin min ti kher suh!' lukham in min vaw pawp a, a tho zui nghal nulh chu rum zet in ka melh a.
.
"haw nal nal la, kan in ah lo leng tawh miah suh" ka ti leh vak.

"Ve a che, ka la haw dawn lo, veranda ah hian zial ka zu dawn chauh a sin!" Ti fuh inti zet hian a rawn ti hluk. Rum deuh a melh in ka room a țang chuan ka chhuak tau nghawng nghawng a.
Attachments
boy-boyfriend-couple-cuddle-Favim.com-2885131.jpg
boy-boyfriend-couple-cuddle-Favim.com-2885131.jpg (61.08 KiB) Viewed 116627 times
Last edited by Abbra Reo Ririni on March 1st, 2017, 10:55 pm, edited 3 times in total.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 23rd, 2017, 7:53 pm

"Mam, ka lo lut dawn aw?'' Mama room kawngka chu ka kik dat dat a, Zodika in la thawveng lutuk kha ka hmu peih rihlo.

"lo lut rawh." Pindan chhung lam a țang chuan a rawn ti a.

Room ka luh rual chuan Mama chuan a computer chu a shutdown hmak, ka lam ah rawn kal in min nuih suk bawk! A thil lo tih chu ka hrenghal mai! Keimah vang hian research chi hrang hrang a nei kual thin.

"Mam." Khum a țhupah chuan a mah chu ka en ran a, min en in a rawn nui suk a, hlim anga lan tum mahse a hlim lo tih hmu thiam lo rual ka ni tawh lo.

"sawi la." ti sup in Khum ah chuan a vang zawng in a mu zangthal duai a, a bul ah mu ve tur in min hui nghal thuak, a ban chu ka lukham tur in a dah nghal vat a, keipawh chu ka let thla nghal tap bawk.

Mama hi chu ka tan a hlu tak zet, kan kum a in thalu viau e tilo chuan kan in kawngeih fu a, a chang phei chuan ka rualpui ang chiah a awm a thiam! A bulah hian ka harsatna leh ka natna chung chang pawh ka thlen nasa ber țhin.

"Mam, tinge tiang hi ka chungah a thlen bik le?" ka ti zuai raih, ka mittui luang pawh chu hruk buai ka tum lo, a chhhan chu Mama bul hi ka inbun ruah ve theihna awm chhun a ni a, ka nu leh pa chu keimah vangin an rilru a hah lutuk tawh; ka lungngai hmel leh zel an hmuh ka duh lo.

Ka dam theih nan ka pa in theih tawp in min buaipui a ,Doctor thiam zawk te a rawn kual a, min panpui a! Mahse awm zia a awmlo, beidawng bawk in kan kir leh țhin!

"Mate." A rawn ti chhuak hawk, a taksa rawn chet in a ban lian zet chuan min kuah hlu hlu a, kei erawh ka țap khur dar dar thung! "Mate, Pathian hian kan țhatna tur chauh in roarel țhin a nia." Zawi sup in a ti a.

"Cancer natna hi ka tana țha tur a nih na ka la hrethiam ve lo!'' Țap tiau chuang chuan ka u chu ka kuah bet nghal tlat. Ni e, keihi Cancer ka ni! Ka taksa chhung lam ah hian min ei chhe mek tu natna a awm.

"Pathian in kan tana țha tur ang zel in roarel" tih hi chu ka tan chuan thu ngaihnawm lo ber a ni! Ka haw tak zet!

"Mate." Harsa ti zet hian Mama chuan aw a thian leh khurh a "Nang chu hmeiche chak tak i nih kha! Thim zawng in engmah ngaihtuah lo la.'' Zaidam zet leh min hmangaih tih hriat ngawih ngawih hian a rawn dam ruih.

"U, Ka rualpui te ang a nun pangngai tak neih ka chak ve a sin! An ni hlim taka an awm laiin kei chu damdawi chak tak hmang a in enkawl ka ngai bik țhin a. Mam, ka nun hi a fair hlawl lo!" Ka in hnit hlawp hlawp tawh. High school ka kal ve lai kha chuan hmeichhie harh vang leh țhian ngaina tak ka ni țhin! Mahse high school ka kal tawp lam a țang khan Cancer natna hian min tlak buak țan a! A tir kha chuan ka zak ngawih ngawih , Ka lo hriat ve țhin dan chuan Cancer te chu kum upa leh zuk leh hmuam ti țhin chiah in an nei thei turah ka lo ngai kha a nia ! Mahse, kei hmeichhe tleirawl chhuak hlim kum 16 mi lek khan ka taksa ah Cancer natna ka lo kawl reng !Tun thleng hian kan chhungkua leh ka Doctor te cho(h) in an kan hria! A hma a nungchang har vang tak țhin kha mahni a awm reuh reuh te kha nuam ka ti zawk tawha, midang hlim tak a an awm theih laia natna ka tuar bik tlawk tlawk țhin te kha ka thin a tirim a! Ka thinchhe tharin eng mah in ka lung a tiawi zo lo! Ka rualpui te hlim taka awmte kha ka thik țhin a ni zawk mah!

Thi vat tura in ngaihna lian tak ka nei a, Zodika hi awmlo phei se chuan tun chen hi ka dam pawh ka ring lo, min ti hlim tu ber leh ka bula hun hmang tam ber tu a ni a, mahse ka natna hi a la hrelo! Hria se chuan min kawm duh kher lo ang!


Kan hringnun hi Pathian in min lo duan lawk sak vek tawh a! Keini hian a eng lai mah kan thlak danglam thei lo! Second khat tak ngial pawh kan pawt ding thei lo! Kan pian tirh a țang khan kan nun dan tur chu ruat lawk sa vek a lo ni tawh! Keipawh cancer nitur a lo piang chhuak ka ni.. Mahse, pawm thiam harsa ka ti tho tho.


Ahmangaihi Birthday party a kal tur chuan ka insiam a, kawr sen lar zet ban tluan ha in ka sam chu ka hma dar dinglam ah ka uai thlak tir vek a! Ka hmui chu sen hlar in ka hnawih a, ka mit chu engmah ka hnawih lo, ka mit hmul er tan erawh ka mascara in ka hnawih dum a, ka hmai ah chuan make up tlem ka hmang bawk. Ka kawr nen a inrem tur high hill ka bun a, darthlalang hma a ka din leh chuan ka lung a awi tawk hle!


Ahmangaihi hian min haw viau mahse Zodika a duh em em a, min be chhe ngamlo, ka hmeichhiat pui a nih ang bawk in Zodika hian a kawp ka phal lo bawk, Zodika haw hnu ringawt pawh in vawi eng emaw zat min rawn sawm nawn leh! Min hua tih ka hria, mahse rilru natak a awm tur chuan ka duh bik lo. Zoa hian a kawp tur a ni bawk lo.

Kal chhuah ka tum a ka inher chu ka phu nggek! Zodika chu ka room kawngkhar ah kut kuang kuah in a lo ding run, a lo luh lai ka hre miah lo.

"Zan in chu ven țhat i ngai dawn hle mai!" A ti sup a, ka lo ner nawng thung! A mit meng uk fiah zet ah chuan eng nge a ngaihtuah ka hre mai lo! Ka hriat zawng chu he ka țhianpa hi a chhelo thlawt tih leh zanin hian a zun ah hmeichhe tam tak an uai belh leh ngei dawn tih zawng


over coat uk tak zet, a khup chen a fual a ha a, Cotton kekawr dum a taksa phuar lam mah ha leh in Vans hmuh hahdam deuh a bun leh tawp! A sam chu awmze nei lo zet in a khuih hnawk a! A inhmeh pui tho.

"Ka coat kha." Ka khum lam chu ka melh zauh, a nui suk a, khuma ka coat leh bag chu a la a, chiang zet a ka lam lo hawi leh in chil a lem khawlh a, a hrawk bawk lang sar zet chu a che ve leh a, thle bak a "Kal ang le." a ti a, ka chhan letna pawh ngaihven tawh lo in a chhuak zui vut bawk.


In hnuai lamah kan inzui thla hnak hnak a, ka nu leh pa chuan LPS chanchinthar an lo en mek! Min hmuh chuan an rawn ri hlut a, min fak luam bawk! Tun ang hian ka inchei khat bawk a, ka lang danglam ngang a ni ang, ka Nu phei chuan zaithiam tu emaw i ang min ti hial! Fiamthu mah nise min ti Confi ve sawt!


Fimkhur tura min chah chung in keini pahnih pawh chu kan chhuak dun a, thlasik ințantir a ni bawk a, khua chu a vawt deuh vuk bawk, thlifim thaw heuh heuh chuan Zodika rimtui in kah rim chu ka lamah a rawn chem a, ka lo hip lut nghal kawk bawk.

"I hmel en ang ai hian i rim hi a tui phian zel."Ka tih rual chuan lungawilo zet hian min melh run a, tih thinrim hi chu ka thiam ve chiang a nia, kawt ah chuan Bike nilo in an Car zawk a lo in hung ran a. Ka inthuam dan en chuan a lawmawm khawp mai.


Car kawngkhar chu ka luhna tur in min hawn sak a, ka țhut luh hnu chuan ka coat leh bag chu min rawn pe in kawngkhar chu dimte in a khar leh a, Car chu kal hual in thawk a la hawk chu ka hmu zoh! A rawn țhut luh ve rual chuan music a rawn play nghal zat a, tun țum a hla play ber kher chu a mahnen an in hmeh hlawl lo. Ka hla duhber a la play zui!

"Hey ! Hetiang hla te hi i lo ngaithla thiam tawh elaw?"Nui var var pah chuan ka ti vat, min chhan na pawh ngaihsak tawh chuang lo chuan ka zaipui nghal rat rat a, kan Gate a tlan chhuah rual chuan a mah pawh chuan a rawn sak zawm ve leh nghal a.

Enrique Iglesias hi chu ka duh rum rut a ni tawp mai.


"Engtik ațang nge hetiang hla te i lo ngaihthlak ve tan a?" Car a tih din rual chuan ka zawt vat a.

"ka first love hla duh ber a nih kha." rang fahran hian a rawn ti sup, a la nui suk zui.

"Hmingsangi i tihna mi?" Ka ti a.

"Nilo lutuk." Duhthawh zet hian a rawn ti nghek.

"Mahse, kha kha i bialnu hmasa ber a nisia."

"Ka hmangaih hlei nem! I hrethiam lo e mai chhuak rawh_." ti hmuk in
Car a țang a chhuak hmak, thinrim zetin ka chhuak ve em em a, min lo la nuih suk zui!

Ahmangaihi te hi Ngopa khua ah chuan chhungkaw awm thei leh chhungkaw hlun an ni. An in pawh a ropui tham tak zet! Ligh a eng ut a, chhung lama music play dup dup ri chu pawn lam a țang pawh in a hriat theih! Anu leh pa hi tunlai ve tak leh, tleirawl te hrethiam thei tak mai anni! Ahmai hi an fa neih chhun a lo nive leh zel bawk nen! An duat rawn lutuk! A duh a piang an tih sak tawp mai ni.


Zodika chuan Car hnunglam chu a hawnga bawmte tuam mawi pahnih hi a rawn keng chhuaka, pakhat chu min pe a, a rit vei nalh bawk.

"eng nge i thun a?" Bawm thing rak rak pah chuan a mah chu ka en a.

"Kan nula thun a nia, ka hrebiklo." A bawm ken lek zauh pah chuan a rawn ti a. A kal nghal daih bawk.


Hepa hian eng nge a hriat teh thut le.. Tun lai hian Ahmangaihi a ngaihsak lo riau mai! A lo kawp leh a nih chuan a chak lo tawh ngawt ang! A kalna lamah chuan ka zui lut ve dat dat a, Ahmangaihi chu lalfanu ang mai a nalh in a lo inchei a, ka sawi tawh țhin ang bawk in a incheina engkim a in hmeh leh pek viau! Zan in ngat phei chu, lalfanu a ang tak zet. Zodika nen min hmuh rual chuan min lo lawm vat a, a rilrua min haw viau si hian engtin nge a țhat der theih tih ka lo ngaihtuah leh daih thung!



Sawmzuala a rawn thlen ve chiaha a vang in Ahmangaihi leh Zodika chu kalsan in Sawmzuala chu ka zui a, Zodika'n min en zui reng na pawh chu ngaihsak lo in Sawmzuala chu ka kal sawn pui nghal daih! Ahmangaihi mitmeng kha a dik leh tawh lo tih a hreve der silova.


"Zodika hi i duh ti raw?" Ahmangaihi te inchungah kan ding dun a, thil dang ka in duh loh a vang in kan pahnih chuan Coke kan dawm ve ve. A thusawi vang chuan ka coke in lai chu ka hak nghal bawrh bawrh bawk.

"I duh ah ka ngai ang!" ka hnungah chuan a rawn beng thak thak a, ka la khuh reng avang chuan ka chhang theilo! Ka thinphu rang dawt dawt chu a hriat loh hram ka beisei!

"Ka țhian țha tak chauh a ni!" Ka khuhna vang chuan ka aw a lawi rat bawk.

"Min bum lo ang?'' Chiang zet in ka mit ah a min en a, kei erawh ka hawisawn nghal vat.

"Ka bum lo che."

"I mit mengah hian ka hre thei a lawm." A la nui suk zui.

"ka thianpa leh ka unaupa ang chiah a ni, i sawi awmzia chu ka hrelo." ti hmak in kalsan daih tum chuan ka inhera.

"Adil... thup lo khan hriattir zawk rawh! a hriat a hun tawh viau a sin." Sawmzuala aw fiah leh zawi tak a vang chuan ka thawk a tawp chawt maiin ka hria.

Ka ding dat a, ka dang ro hulh a vang chuan chil ka lem khawlh bawk, thawk la vang vawng in ka din ngai chuan ka ding reng! Ka lamah ke pen thawm a rawn hai zel a, keimah a thil diklo awm chu a hriat hlauin ka inthunun vat a.

"I huai sen tawk loh vang in i mipa duh chu țhian ang a en i thlang zawk a?" A san zawk a vang chuan ka hmai zawnah a rawn kun hniam a, a mit mu dum fiah zet chuan min melh nghal run bawk!

"I buaina tur a ni lo!" Ka ti sep. Ka aw khur te chu ka duhlo.. ka lan dan hi in hmu thei ngat i la chuan, ka dang sawp sawp in ka ring. Ka thuruk ni reng tur hai chhuah in a awm miau aaaa

"OK.. Ka buaina tur a nilo, lut thla ang le." A ti sup a, ding ngil in a thaw chhuak hap, min rawn en leh a, nui leh suk in inhnuai panna lamah chuan a kal nghal daih bawk! Kei erawh che lo in ka ding ta reng a! Tuna a thusawi kha!

"A ni khan engmah a hrelo!" rei tawk fan ka din hnu chuan inhnuai lamah chuan ka chhuk thla ve a, inchhung ka luh hma chuan boruak a tam thei ang ber ka hip lut kawk kawk, engmah kal sual a awm tur a nilo.. boruak chu duh thawh zet in ka hip lut leh kawk a,. Ka pen luh chuan Inchhung chu a lo thim deuh mup, music cool zet hi a ri riai riai bawk! Couple dance an nei tih ka hre nghal mai.


Lam ho pawh lo chuan ka lut a, bang hrul zel ah kal in Zodika ka zawng pah , chhutih lai chuan light a rawn eng deuh pup a, rang takin mipa khatin ka mit a rawn hup nghal hmiah bawk, ka rak țhat a, a țhen an au dar dar a, kut beng thawm leh kut chang tum ri in a zui bawk! Ka mit huptu kut chu ka thingthla sawk a, ka thil hmuh hmasak ber a vang erawh chuan ka tawlh hnung nghal dat thung, ban tha chak zet in ka kawngah a lo kuah nghal bawk, ka kaihza tha a zawi deuh hnawk a, lam ho lai tak a inkuah riala ding leh light eng bik in a chhun te pahnih chu an lo in kiss uluk hle! Midang pawh chu an in kiss tho. Mahse Zodika leh Ahmangaihi te lak a țang chuan ka mit ka lasawn thei lo. Khawvel vir lai hi a ding thup in ka hria a, ka lungphu a rang dawt dawt a, ka hriatthiam siloh a ka taksa chhung na a vang chuan ka thin zawn chu ka țham tawk tawk a!


"Kal sawn rih ang." Ka kawnga min kuah tu chuan min kaisawn nghal a, naute lem nunna neilo ang mai hian chu tha chak tak ring chuan ka pen chhet chhet, thei leh theilo hian ka hawi let țawk țawk bawk! Kawngka kan chhuah dawn chuan Zodika chu chiang zet a rawn meng in kan mit a intawng chat! Mit ka chhing sawk!

"I țha em?" Min kuahtu pa chuan min be mawlh mawlh a, mahse ka chhang theilo! Min kaihna lamah chuan a ban tha chak tak rinchhan chuan ka pen ve dat dat a, Motor lo in hung thluahna lamah chuan min kalpui a, ka taksa a țang a kut a lak sawn rual chuan car lo ding pakhat chu ka ngheng rawp a! Ka kaihza tha chu a khur hlawk hlawk,
tiang tak a hmeichhia chaklo ka ni tih ka in hrelo! Engvang in nge tun a takah ka danglam!

"Ti nge tunah kher ka pangngai loh?" Ka phun sep sep, ka thin zawn na ve zel chuan ka țah a ti chhuak tak zet bawk. mahse tuna ka awm dan zahpui awmzia ka hre tel bawk si.

"Ka hruai haw ang che aw." Ka hmai zawnah a rawn kun hniam a, ka dar tawn tawn ah a rawn vawn rual chuan Sawmzuala a ni tih ka hre chiah. Chiang lutuk hian min en a.

"A ni kha ka duhlo." ka mittui luang ve ringawt chu ka haw tak zet!
.
"Umm... i duhlo, i haw duh em?" Dam ruih hian a rawn ti a.

"Engtik ah mah a ni kha ka duh ngailo ang! Eng tikah mah." Sawmzuala ban ah chuan na zet in ka vuan a, ka tap chhuak nghal hawk a.
.
"ka hria e!" Zaidam deuh hian a rawn ti leh a, a darah min kuah bei a, ka taksa chhung chu a chau a, hliam tuar hrep ang mai hian a na em em mai bawk si, Sawmzuala ban bul ah chuan ka hmer a, tun a ka awm dan hi ka damchhunga thleng thei lo tur kha a ni!


"Mate i țha em?" Chu thumal tlem te vang chuan ka taksa chhung lam chu an che a, Mangang zet a Zodika min rawn pan ka hmuh rual chuan Sawmzuala lak a țang chuan ka in la hrang a, Sawmzuala chuan ka kut ah a rawn chelh nghal vat bawk. Zodika pawh in min rawn fin nghal a, a hmel chu a hlauthawn hmel kher mai!

Sawmzuala'n ka kut a vawnna chu a rawn melh zawk a, chutah thinrim inbengdaih tum ang hrim hian a a thaw chhuak nghal hawk. a bek zawna thisen zam chu a rawn pawng țawlh țawlh a! Kut a thawh mai a hlauhawm ru kher mai!

"min rawn zui rawh!" Seh chil zet hian a ti hmuk, mahse a thu sawi chu zawm ka tum lo, ka awm ngai chuan ka awm ran a. A kut in a hmai a han tuai puat a.
"Mate.. tunah! min zui nghal rawh!" A rawn ti leh hrawk. Ka lo ip chawi thung.

"Keiman ka thlah dawn a, Party na lamah lo va let leh zawk rawh." Sawmzuala chuan a lo ti vat a, Kei erawh ka la ngawi ngal thung!

"Ka rual in a kal a, ka rual bawk in a haw leh ang!'' Zodika chuan mahni in ringtawk zet in a rawn ti let nek, nelawm deuh zawk in min rawn melh a, ka lamah a kut a rawn phar chhuak zat bawk.

"Mate, lo kal rawh le!" Tunah chuan a aw ri a dam leh thlup tawh, Sawmzuala chuan ka kut chu a lo hmer nghet sauh bawk? Engvang in nge zanin hian ka lo kal ve kher kher le..

"Engkim a țha em?" Kan piah a țang chuan Ahmangaihi chu a rawn au lang lang a, keini pathum lah chuan chhan kan tum der silo, a rawn pen hnai zela, chhunglam music ri dup dup leh Ahmagaihi kan lam pana a ke pen thawm bak hriat tur a awmlo! Kan boruak chu a rit tak zet!


"Eng nge thil diklo a awm a mi?" Zodika banah a rawn vuan nghal a. Ka lo maimit chhing nghal sawk bawk

"Engkim a țha, Adiki hi a nuam lo a,ka thlan haw dawn, va lut leh tawh ru," Sawmzuala chuan pangngai tak in a ti a, a car awmna lamah min kai phei nghal daih a, Zodika ka kalpelh rual a amit meng kha chu hmuhnawm loh tak a ni.


Car a ka țhut luh rual chuan ka rum chhuak hawk a, Sawmzuala pawh rawn lut ve in a tlan chhuak nghal a, tu zawk mah țwwnglo in kan țhu dun ran a. A changin min melh leh zawk țhin pawh chu hrelo der in ka mai mit chhing nghal hmiah a.

Tunah kher kher hi chuan țawng chhuah ka chak lo tak zet! Ka duh ber chu ka room chhung ah keimah chauh a awm a ni!

Car a din rual chuan engmah sawilo in ka chhuak nghal nal nal a, Sawmzuala lakah lawm thusawi ka ba tih chu ka hria, mahse Naktuk lamah ka hrilh tawh mai ang!

Ka nu leh pa TV en lai chu ka mut nghal tur thu ka hrilh a , zawhna min zawh hma in inchung panna kailawn ah chuan ka tlan chho nghal zawt zawt a. Mama room lam ah lut in a khum a mu chu ka va kuah nghal thlawp, a mut dan siam rem in min lo kuah let vat a. Reife ka țap a, Mama chuan engmah sawilo in ka hnungah a lo beng thak thak reng a.


"Party chu a nuam em?" Țawng chhuak hmasa ah a rawn țanga , a puan sin chuan min khuh țha ve sauh sauh bawk, ka țahna vangin ka hnar a ping luk a, a hreawm tak zet!.

"Mate, i țah a chhuah hi chuan insum țhin suh! Rilrua vei reng lo in in țap thawl țhin rawh" a ban lian zet chuan min kuah nghet sauh a.

"Mam, kum 5 chhung teh meuh he natna hi ka nei tawh a, ka hun tawp a hnai tawh ngawt ang ti raw?" Țap tiau chung chuan Mama chu ka hnaih sauh a.

"Chutiang in thil ngaihtuah țhin suh ka tih kha, hmeichhe chak tak i nih kha, i la dam reng dawn, he Cancer hi in hneh tir suh!'' a taksa țang țungah chuan ama thu sawi ngei pawh a awi lo tih ka hria!

Cancer te hi an natna an hriat chhuah a țanga rei tak dam an awm ngailo, kei pawh ka nat a țangin kum 5 Ka dam tawh! Engmah hi a fair lo! Tinge ka hringnun hman dan tur hi hetiang a duan lawk a lo nih bik! Tinge hmangaih nei a hlim taka ka awm ve theih lo! Ti nge ka rualpuite tih țhih ang engmah ka tih ve theih lo! Engmah hi a diklo.. Eng mah hi!


"Mam, tleirawl dang te ang a hun hman ka chak ve a sin! Karkhat tal, nilo, zan khat tal pawh an mahni ang in ka duhzawng leh nuam tihzawng te tih ve ka chak! Mahse he natna hian engmah ti ve theilo in min siam a, i hria em? Midang anga hmangaih neih ve te ka duh! Mahse ka theilo ! Lo nei ve teh reng pawh niila natak a siam in ka kalsan dawn si!" In hnit hlawp hlawp hian ka ti a.

Ka chunga thil thleng mek hi ka hrethiam lo a ni! Ka u chuan engmah sawilo in min kuah nghet sauh a! Ka hria, ka u hian min hmangaihin ka tan a awm reng țhin bawk! A chang chuan keimah vangin a țap ve fo țhin tih pawh ka hria.


"Nute Adiki a tho tawh em?" ka room pawn a Zodika țawng ri ka hriat rual chuan ka puan sin chuan ka inkhuh țha sauh a, a theih chen chen ah hnaih loh hram hram ka duh!

Ka room kawngkhar in hawn rual chuan ke a rawn pen lut nghal a, kei erawh ka puan hnuaiah ka lo thaw țawk țawk ringawt! Ke pen a rawn hnai zel a, ka thin a phu rang nghal dawt dawt bawk! Ka khum a rawn hniam sat a, ma maimit chhing ta ngawt a.

"Mate." Puan chhan a țang ka lu chu a rawn khawih.

"Mate, thil zawh duh che ka nei a nia." Ka khum chu a che dat a, ka bulah a rawn mu ve tih ka hrenghal, puan chhan chuan min rawn kuah nghal bawk! Kei erawh ka taksa a țang țeuh a, ka thaw a chham tak ngial dawn.

"Sawmzuala kha engvang in nge i zui haw?'' A aw chu a zawi! Mahse a ngainat awm loh! Mahse chhanna pek ka tumlo! Nizan ang khan ka awm khat viau a sin! Ka in haw tak zet bawk. Ka chhan mai loh a vang chuan min rawn kuah nghet sauh bawk.

"Ka bia che, i muhillo tih pawh ka hria." A rawn ti leh sup a.

Ka la chhang chuang lo.

"Lalruatdik" Vin lutuk a min au in ka puan in khuhna chu a rawn pawt hlim sawk a, ka ter ve nghal at, rum zet a melh in khumah chuan ka țhu chuak a!
A mah pawh chu a thinrim hmel em em ringawt a! Thiltih sual ka neih ka hre miah lo! Chuan tun hnai hian ka duhaiin min thinrim khumna tur a hre bawk!

"Ka bia che, chhan a har viau em ni?'' A vin ve em em ringawt a!

"I lo buaina tur a ni lo." Rum lutuk in ka melh, ka hawi sawn hmak a, a thaw ri hawk bawk.
.
"Ka buaina tur a ni." Fiah fek fawk in a rawn ti leh a, ngaihsak lo in khum a țang ka tho chhuak a, Washroom lam pana ka kal chu ka banah min phih let pawp a, Ka rak nghal țhat bawk! Ka taksa hi a chak tawk lo viau a sin le!


"Mate, kan pahnih inkarah thil thup a awm țan dawn tihn a mi?'' A aw vin lek lek leh seh chilh nawk nawk chu thuhran, A mit menga rilru natna lang chu hmuh sak loh hram hram ka duh. Chil ka lem khawlh a, ka taksa chhung lam a țanga rawn na ve mek bawk chuan ka awm a tinuam lo! ka thlan a tla nghal hial bawk.

"I tan engmah ka ni ta lo a mi?" Zawi sup in a ti leh a, ka ban a vawnna chu zawi muang in a thlah a, washroom kawngkhar bul bang ngheng in a ding a, ka lak a țangin a mit a la sawn miah lo bawk! Eng teh hrep nge a tih ni !Ka taksa natzia a hrelo! ka khaw hmuh a phe riai bawk. Ka dang a ro halh a, thawk harsa khawp in ka thin zawn a rawn na hit thip tawk a.


"Engmah thup ka neilo, nizan khan ka nuamlo a, In laklawh bawk sia , ka in hruai haw tir mai a nih kha." Harsa zet in ka ti halh, washroom kawngkhar chu ka rin chhan pah bawk.

"Mahse i kuah." a ti deuh hmuk. Ka lo țhen sak thung.

"I thik em ni?" Ka ti a, a mah chu pangngai tak a ka lan theih nam mit ka san khum ak ak, a nui ve ta suk mai! A nuih hi chuan a pa ngawih ngawih.

"I che ve e mai, ka thik lo." A rawn ti a, a hmui hnuai sen sam reng chu a seh zoh bawk! Tunah chuan a hmel a pangngai tawh! Mahse kei hi ka diklo.

"Nia, nang chuan Ahmangaihi i nei a lawm." Ka ti a.

"Sawi ziah suh! Kan inkarah engmah a awm tawh lo." A din dan ngai reng chuan a la ding run, ka lo ner sawk thung.

"Nizan pawh i fawh uluk em kha." Ka ti hlak.
.
"Kha te chu! " a chawl dat a, A man min fawp a lawm". A rawn ti ve thung.

"A in ang reng! Kal tawh rawh, ka in tifai dawn." Ka ti a, a hmuh lai hian ka tlu hlawm tawp mai ang tih ka hlau, ka dang ro halh a vang leh tawrh hlelh awm khawp a ka taksa peng hrang hrang rawn na a vang chuan ka mit a vai riai tawh.

"Ka rawn sawm ang che aw." A rawn ti a, "Khawi mah ka kal dawnlo" tiia au khum nghek ka chak kher mai, mahse ka ti ta em lo.

"Aih.. Class ka kal dawn lo." Ka ti a.

"Eng vang in?''
.
"kal phawt teh!'' Ka aw chu a hniam lo hle, a chhan chu ka taksa hi a na tawh lutuk! Keimah a awm ka duh tawh.

"Basket ball kan khel dawn sin,"

"khawngaih in kal phawt la." Ka chal leh nghawng vel ah thlanfim a rawn chhuak țiam țiam tawh.

"Min lo en angai a lawm."

"Zodik, nangmah chiah in ngaihtuah țhin suh!" Ka ti chang fak a, hrilh hai hmeltak a min en chu ngawi pawimawh lo in, Washroom ah chuan ka lut nghal a! Kha thu kha sawitur ka nilo!? A mah chauh in ngaihsak lo a, min buaipui tu ber a ni tih chu ka hre chiang lutuk! Mahse ka kalsawn vat a ngai si a ni.

bathtub chhungah ka lut a, inhruk puan lo in bang chu pawt thla in ka kâ ka hnawh a, ka taksa na lutuk a vang chuan ka mu kawm nghal ngawih ngawih bawk.

Ka na ani! Ka na takzet!.

Chau hnep in bathtub a țang chuan ka tho chhuak a, ka mittui vang a ka biang huh ngiai chu tui her haw in ka phih fai a. Ka in hnit nghal hlawp hlawp bawk. Ka na a chhuah tak tak lai hi chuan ka țap theilo! A na lutuk hi khawvel țawngin ka sawifiah thiam lo, Ka na zawh tawh hnu hian a nat zia ka hrefiah leh chauh zel! Tleirawl kum 20 mi tuar a tan chuan a na mah mah a ni!


Washroom ka chhuah san rual chuan Zodika ka room a țang a kal chhuak chiah chu ka va hmu hman bawk. A bulah khan kha thu kha sawi tur ka nilo. Ka țawng kam dengkhawng lutuk vang a a hrilhhai hmel mawlh kha!!

Muang chang in khum lam ka pan chhat chhat a, Khumah chuan ka let thla nghal tawp, ka nu hmanhmawh tak in a rawn tlan lut hlawl. ka khum ah rawn țhut pah chuan "Mambawih, Zodika kha enge i hril?' 'A rawn ti ruai a. Ka natna hi kan zep vek, ka sawi chhuah a ring reng reng emaw ni!

"Engmah ka hrilh lo, kan in hnial ve deuh mai a ni." Ka ti a.

"Chutiang ngawt a nilo !A mit kha a sen vek! Eng chiah nge i lo sawi!" A rawn ti leh a.

'Nu, kan inbiak laiin ka taksa a rawn na a, a hriat chhuah ka hlau bawk siin ka sawilo tur thil sawi ka nei!" Ka ti sap a, ka nu chuan min en ran mai.

"I ti mah mah a nih dawn chu! Zodika hmel kha tiang khawp khan a lungngai ngailo, damdawi ei la, va be rawh!'' A ti sap a. Ka nu leh pa te pawh hian Zodika nen min en hrang ngailo, an fapa ang chiah in an ngai!

"Damdawi chu ka lo ei ang, mahse Zoa chu ka hmu duh rihlo."

Ka nu chu a thaw halh a, khum a țanga tho chhuak in ka damdawi chu min rawn lak sak a, khum a țanga thu chhuak in ka khum bul dawhkan a tui chu ka ban a, Damdawi mum hrawl leh lian zet chu ka lem a! Reilo te hnu ah, damdawi chuan hna rawn thawk in ka thlan a rawn lum pap a, ka muhil nghal siai siai bawk.


Kan hringnun hman dan tura ruat lawk tawh ah hian kawikhat pawh kan herh danglam thei silo! Theih nise chuan ka hun hman dan her dang lam tur hian ka theih tawp ka chhuah ang. (abbra)


Ka phone rawn ri dar dar chuan min ti harh zawk a, meng manglo chuan ka ban rak rak a.

"Hello."
.
"Ti nge class i lo kalloh?'' Lehlama mi chuan a rawn ti lang lang a, Sawmzuala tih ka hre chiaha.

"ka peih vak lo a, țha deuh in inkhel ru aw!'' Ka ti sap a, ka la țawng peih chiah lo.

"Kan lo tum ang, mahse i awmlo a, Zodika hi eng a anglo, a nguai ruih a, kan team tan a pawimawh zia chu i hriat kha." A rawn ti duah a.

Zodika inkhelh thiam zia chu kan college mai nilo, college dang pawh in an hria, vawi in pawh hi Aizaw lam a țanga rawn kal te nen an in khel dawn! Kan College hmachhuan ber a ni.

"An nu a awm kha, lo ti phur rawh se."

'Haha, Zodika hian melh pawh a melh lo'"

"A buaina a nih chu ka dah rih a nia" tiin phone chu ka off hmak bawk.

' Ka dream boy kha i la ni reng!' Tiin ka phun sap a, ka diary Abbra UREKA chu la chhuak in ka rilrua thil awm te ka ziak chhuak leh a! Mi dang hnena ka sawi theih loh thuruk chu he diary ah hian ka ziak lut țhin!

Chumi nileng chuan khawlai pawh chhuaklo in in lamah ka awm char char a, ka nu leh kan nula thar chuan eng eng a maw tiin an ri khat khat renga, kei erawh TV en pah in sofa ah thatchhe deuh in ka mu bam thung.

Flash back

Zodika nen kan school bang chu in lam pan in kal kal dun hnak hnak a, ka school bag a kut leh lam in a khai a, keiin eitur keng in kal pahin kan in hnial leh ngat ngat tawh.

"Mate." A rawn ti a.

"Khawlai ah leh zel chuan Mate min ti suh." Ka lo ti hmak a, hetih lai hian Zodika hi kum 16_ ani a, keimah hi 15, tleirawl chhuah ve tawh dawn a 'mate' in tih hi chu a nuam duhlo hi a ni tawp mai!

"Tah hian ding ang ." in lam panna kal kawnga hmun reh lai ah chuan kan ding dun a, thlifim a thaw heuh heuh a, nisa hnuai a kan kalna vanga kan thlan te pawh a chhem dai sawng sawng thei! A piah lam tlangah Lengteng leh Nauzuarzo tlang a lang ruih a, thing kung buk hlim hnuai ah chuan Zodika chu a țhu a, kei erawh chu thlifim dawng chungin thingkung ngheng chuan ka ding thung.

"Thil hrilh tur che ka nei !'' A țhutna bula phul hnah pawt phawi in kan thlanglam chu a vawm zauh zauh a. A ruk in ka taksa a rawn na ngut ngut bawk, thil ho te te ah ka taksa a duk thluah zel a, a duk na in sawn in ka ban leh taksa dang dang a a duk thluah zel, he mi ni pawh hian ka lu a rawn hai ringawt bawk. Zodika lam chu hawiin ka in her a, ka hmu phe nghal vek bawk! A ni e rawh in ka awm dan chu a hrelo a nih hmel.

"Adik, Ka nau ang leh ka țhian angin ka en țhin che a, chuan.." A ngawi dat a. A hmel hmuh chian(g) tum in ka thlek ngial a, mahse a theih loh, ka ke ka pen dawn a, chupawh ka thei lo.

Ka hriat leh hmasak ber chu Zodika'n mangang hmeltak in ka taksa zawi vek chu a kuah! Chuan ka hmingin min au mawlh mawlh bawk, a thim vek a, ka taksa nat dan chu ka sawi fiah thiam lo. Ka ruh chuk tuah leh tling zawng zawng te hi hip chhuah an tum ni maiin ka hria! Ka ruh inzawmna te chu thlawn tur ang maiin a na ngut ngut a! ka thi dawn ah ka in ngai hmak! Ka bianga tui a rawn far fap fap a. Zodika chuan ka chalh a rawn fawp nghal bawk. A dang chu a hla vawng vawng in ka hre mai!


Ka harh leh chuan ka khum nilo, khum dangah ka mu, Ka nu in ka kut a lo vuan vat a, thei leh theilo in ka inbeng kang a, ka awmna ka hre thei lo, khawnge Zodika?

"Mambawih, Ambulance in Aizawl kan pan mek." Ka nu chuan a țahna vanga mit sen vek chuan min en a, ka school uniform kha ha tawhlo in damdawiin a an hak chi ka lo inbel tawh! A ngaihna ka hre lo, engvanga Aizawl Ambulance hmanga pan nge kan nih?

"Mambawih, mu leh rawh, a rei tawh lo ang." Ka nu chuan ka chalah a rawn dawm a, ka lu hi a ni chhuih a, ka luak te a chhuak! Țawng ka tum zet a, mahse ka mu leh ta zawk a.

Aizawl kan thlen chuanTest chi hrang hrang kan ti nghal a, ka pa hi Doctor tho a nih avang in tu pawh in an lo zah a, engkim a țha thei ber min lo buatsaih sak bawk. Ka test result lo chhuah ni tluk a ka mangan leh ka țah nasat kha a awm tawh lo ang! Ka pa in ka dam leh tur thu min hrilh a, ka nu pawh in chu thu tho chu a sawi! Mahse ka rilru nawmnan a an sawi mai a ni!

__________End of flash back____________

TV en chung chuan ka lo muhil daih a ni ngei ang; Ka harh chuan ka piah sofa ah Zodika a lo thu ve run a, ka meng nghal kawk bawk. A nui suk a, mahse țawng a tum lo a nih hmel!

"I inkhel tha em?" ka mutna a țanga tho chuak pah chuan ka ti vat a, chiang deuh in min en run a, min chhang mai lo! A la thinrim a nih ka ring ve tawp.

"A pangngai." A rawn ti hmuk, biak chak awm loh khawp in a ka a chip leh hmiah! Engtak chu hria ni maw?

Ka hawi kul thuak a, ka nu te ka hmu mai silo a, Inchhung lah chu a reh tlawk tlawk mai bawk si, Ka bula awm lah hi tun hnai kher kher chu ka ngaina miah lo.

"Khaw nge ka nu te." Min chhan pawh ring chuanglo chuan ka ti liam puat a.

"Inchung sang ah pangpar an hung țha." Pangngai deuh chuan a rawn ti le lawi.

Sawi tur ka hre tawh loh vang chuan bu nghat in ka ngawi ve hmak, mahse Zoa chuan min en reng thung. Ka che sek a, tiang reng reng hian ka awm dan a lai ngailo.

"Ti nge i kut kha?" Sofa nghenchhan ngheng a țhu run chuan ka kut a melh ngur, ka kut ka en chuan, a duk kha a lo lang thluah anih chu! Rang takin ka kawrban ka pawt țha vat a."Ka tina palh a''. Ka ti a, A awi kher em ka hrelo.

"in chak em?"

"umm"

"Va lawmawm ve! Ka han inbual nge aw." Ka tho a, inchung kailawn pan chuan ka kal nghal vat a! Tun a kan pahnih awm dan kher kher hi chu inhmelhriat ngailoh kan ang zawk.

"Ti nge zep i neih bik tlat a." Ka room kawngkhar ka hawng tur chu ka hawi let leh dawr, Kailawn ah Zodika chu a rawn chhuak chho hlawl a, min lo zui tih ka hrelo.



"Eng chu?" Ka room pan a a lo kal nghut nghut chu ka lo melh kar

"Hrelo der suh." a vin leh ta vak e.
.
'Engmah ka zep lo." A mah hmachhawn zawng chuan ka ding a, kei aiin a sang zawk avang in ka en chho ha bawk.

"Ani kha i duh em?" A rawn ti nek anih chu!
.
"A tu a chu maw?" Ka ti a, kei hian tu mihring nge ka duh ve rikngawt ang?
.
"Sawmzuala a kha"A ti hluk a, a sawi dan te lah chu thil tenawm deuh sawi ang maiin a ner sawk a, ka lo nui hak thung!

"Nuihza ka siam lo." ati hmuk. Min kalpel in ka room kawngkhar chu a hawnga a lut zui nghal daih bawk.

"Ka inbual dawn ka tih kha!" Room ah chuan zui lut ve in ka khum a lo mu chu ka melh nghal nghek.

"Ka zawhna che min chhan hma chu inbual dawn lo" a kut pahnih chu lukham in tawven hmel deuh hian min en a.

"Huh, i thik em ni?"
.
"Lalruatdik ziah a che, ka thik chai love" A rawn ti deuh hrawk, khum ațang chuan a țhu chhuak vut a, a mit meng hlauhawm lutuk a vang chuam fiam zui ngam chi a nilo tih ka hria.



"I mak ka ti! Ngaihzawng nei ila chuan i hre hmasa ber ang chu." Ka ti a, thudik ka sawi ngei a ni tih a hriat nan beng ka pawt tel zauh.


"Nichin khan sawi daih tawh tur che a lawm" khum a țang a rawn tho chhuak vut a. "Va inbual tawh rawh." A rawn ti sup, tunah chuan a nui ve ta e.

"Nang khawnge i kal dawn?" Ka ti a, kan boruak a pangngai leh tawh tih ka hre mai.

"tlai ah inkhel kan la ngai a .. practice nanah ka kal a ngai lawm."

"I van ti anglo tak! Hetah enge i la rawn tih? Kal vat rawh." Ka ti hlak a, inkhel tur in helai ah tihtur a rawn neilo reng reng.

"min hel dan ngawt i zawn vang nih kha!"a ti hmuk a. Ka beng pawp lo chauh. Tunah chuan Zodika dik tak a ni leh tawh, keipawh Adiki diktak ka ni leh tawh bawk.

Heihi kan dan a ni, eng tiang pawh in buaina nei țhin mah i la, karkhat a daih ngailo! Kan chingfel nghal zel țhin.
.
"Ka kal dawn, zan ah racing kan nei dawn sin."a rawn leh hawi leh a, a hmel hi a țha teh chiam lo, mahse. A pa tak zet thung
.
"Chuan?" Mit ka kan ak.
.
"Ka hrilh mai mai che." Nui suk pah chuan a rawn ti a.

"Anih chu!Kal vat rawh."

"Aw le, Adik." A nui suka a, ka țawng leh hman in a kal chhuak nghal vut. kei pawh chu washrom ah ka lut zui nghal a.

"Adik maw? Mate min ti țhin reng sia!"

shower chu herh haw in tui lum chuan ka inphuhtir tir sar sar a.

________________Reo__________________


"Mate hei I damdawi tur." Ka pa chuan plastic bag a rawn khai luh chu min pe a, a chhungah chuan ka damdawi tur hlir rit nawlh tham a lo awm. Room lamah ka keng chho a, ka damdawi dahna bikah chuan ka inrem lut nghal a. Ka room kawngkhar chu a rawn in kik dat dat a! Lo lut tura ka hrilh hnu chuan Mama hna a țanga lo haw chu a rawn lut nghal a, a hnung lamah thil a thuk ru țat țat bawk.

"Enge i hnung a mi kha?" Ka ti nghal thawr

"Ka u duhtak, Lalnunmawi, i hmelțha ber min ti phawt la." Nui suk pah hian a rawn hlut.

"Ka u duhtak Lalnunmawi I hmelțha ber." uar lutuk in ka ti vak. Ka u chu vanvadak meuh in a nui chhuak hawk hawk a. Ka ta tur thil țha deuh a nei tih ka ring nghet hmak.

"I fel ber ti leh rawh"

"U.. i fel ber" kutzungpui ka tih pir khum va bawk.

A hnung a țang chuan bawm a rawn phawrh chhuak a, Phone thar a lo ni! Bawm chu ka ban vat a! Ka au nghal chul bawk! Phone sa tliah a nilo iPhone 7 a lo ni! Mama chu ka kuah chuk chuk a, A ban lian tak chuan min lo kuah let hlu hlu bawk.

"Mam ka lawm e aw!" A biangah ka fawp a, ka kuah leh a, min nuih hawk hawk chung in ka chalah a fawp a, ka nu leh pa awmna lam ah tlan thla in ka phone thar chu ka en tir a, ka hlim tak zet! IPhone 7 phei chu ka beisei ngam ngailo hrim hrim.

"Oh.. Zodika ka hmuh tir dawn!" Tih leh tlan chhuah ka rual a, ka intihtheih khum dawn chiang lutuk! Kan in gate ka pelh a țang Zodika kan au tak tak mai a, an in gate ka tlan luh chuan an kawngkhar a țang hman hmawh tawk in a rawn tlan chhuak hlawl, a lam pan in ka tlan vat a.

"iPhone 7 ka nei thar!" Ka phone bawk chu ka hmuh a. In tithei zet hian a hma ah chuan ka lek kual vel a.

"Mawli, Kha vang ringawt khan maw i rawn au vak a?" A lo ti hluk a nih chu.

"aw!"

"Ka hnek pawp zawk dawn che maw nile! Min ti hlau hman a lawm, i chungah thil țhalo a thleng emaw ka ti a sin!" Min hau leh ta ngawt e.

"Mi kan lawm ve em em a, min lo hau leh ringawt e!'' Ka inher hmak a, aduh hun hunah min hau vak zel.

"Hey, titau ringawt suh, khawi ka lo en ang.'' Ka hma ah chuan a rawn ding a, a nui leh suk tawh bawk.

"Kha." Ka phone chu ka lo pe vata .

"Ka lei hual ve a sin le, keimah aiin i lo nei hmasa a." ti nuah nuah in phone chu a la chhuak a. " Lo kal rawh inchhungah lut ang, thosi an awm." Phone chu a kenga, ka banah a kut leh lamin min vuan bawk, phur zet in kan inzui lut nghal a.





"Adik ka leng dawn sin!" Zodika chu ka room ah rawn lut in darthlalang hmaah chuan a rawn in siam țha mawlh mawlh a. T-Shirt var ha in leather jacket a ha a, cotton kekawr dum a taksa phuar lam mah chu ha in Boot rah nat hmel deuh hi a bun bawk! He pheikhawk a bun hi chuan leng satliah nilo in Bike intlansiak na ah a tel dawn tihna.

"ka lo kal ve?" Ka laptop chu ka khup vat a. Maktih hmel deuh hian min en reng a, a lengtur zui ka la tum ngai loh vang pawh a ni ang.

"Leng tih ah.. Bike intlansiak kan nei dawn a." Ka lamah chuan rawn kal hnaiin khum bulah chuan a ding a, a kut a kuangkuah than bawk.
.
"Min hruai suh, Sawmzuala ka in hruai tir mai ang." Ka phone chu ka lek kang vat a.

"Ziah a che, ka hruai lo ang che ka ti a mi?" Ka phone min phih thlak sak daih a "Insiam rawh, dar riat leh a chanve ah kan țan dawn, dar riat a ni tawh!" Ka phone ak țhat pa chuan a ti nghal a, ka bui var var mai, ka thuamhnaw bawm chu ka hawng nghal a.


Ka T-Shirt hak chu phelh lo in Jacket Olive rawng ka hak hnan a, "Lo va chhuak rawh!" Ka tih rual chuan thu awi deuh in a chhuak ve mai a, Jeans kekawr ka taksa phur deuh hlek chu ha in, ka boot zinga lawk ber chu ka bun chhuak ve tawp a.Km ka in peih chu a ni mai.


"Nu, Zoa hi ka zui ve dawn nia," inhnuai a ka nute TV en chuan min lo nuih var var a."Va fimkhur ula," an lo ti vat bawk. An phalloh ka hlau reuh si, an lo phal ve mai bawk a. Zodika nen chuan an bike intlansiak na nei thinna lam pan chuan kan in khalh chhuak a, November thla lai hawl a ni tawh a, bike a tlan takah chuan a vawt tawh hle! Ka hnar te hi a thip vek thei. Ma kut chu Zodika jacket ipte ah ka zen lut a, ataksa nghawr datah chuan a nui tih ka hre thei! Khawchhung a țanga km4 a hla ah intlansiak an nei țhin! A hmun hi Mizoram pa hausa thingpui huan a ni a,Kl kawngpui a țha in khawchhung lam in thawm a hriat theih loh bawh.

Zodika chuan a khalh chak bawk a, kan thleng rang kher mai! A hmunah kan thlen chuan ka rin loh pui pui an lo awm khup a! Kei pawh min hmuh an inring bik lo a ni ngei ang, min lo en dauh dauh hlawm a. Zodika chuan a helmet khum chu a phelh a, hmeichhia kekawr bul tak tak ha ho chu an lo phun sep sep a, khuaah a vawh tawh teh reng nen! Engtin nge an mawng pawh khuh manglo kekawr an la hak theih le?

Mipa ho leh Zodika chu an inkuah thuak thuak hlawm a, mi dang kar a țang chuan Sawmzuala a rawn chhuak ve hlawl bawk! A rawn nui suk a, kei erawh ka ang hau thung! Ka rin loh tak tak hmu mah ila Sawmzuala ber kher!A lam pan chuan ka tlan vat a.

"Hey, engtin nge he tah i awm theih?" ka mak tihna chu ka thup thei lo. A nui suk a, a kutkawr lian zet chu a bun tha malh malh bawk.

"Nang pawh!" Min en chuanglo chuan a ti sup a. Mak ka ti telh telh, a mizia ka hriat nen a in mil thlawt lo a sin le.

"Adik." Chu aw ka hriat rual chuan ka ner sawk a, Ahmangaihi ka lampanin a rawn kal mek a, ka sawi theih awm chhun chu a chhelo tih leh chhun eng ang lo tak in a thuamhnaw a tawng cham a, a mit a dum hle bawk.

"i lo kal ve ka ringlo a." Nui sang pah chuan ka bulah a rawn ding a, a chhe lo thlawt a ni.

"keipawh in hmuh che ka inbeisei miah lo." Ka hawi kual a, Zodika ka zawng ru nghal zat bawk.

"Adik, ka partner ah țang rawh aw." Sawmzuala chuan min rawn din hnaih a, lu ka lo thing vat a.
.
"Adik, țang hram rawh, couple race kan nei dawn. Kei leh Zodika bak ah midang zawngin kawppui an nei, Sawmzuala hi a chuang a." Ahmangaihi bawk chuan a rawn ti leh. Amah leh Zodika an in kawp dawn? Ka ngaihtuahna a vir nghal zawk a.

"ok.. Sawmzual i bike ah ka chuang ang." Ka nui sang a, mahse a ruk chuan ka hlau thawng thung, Zodika bike khalh ah lo ka la chuang ngailo.

"Adik a țullo."Zodika chuan min rawn fin ve bawk, a hmel chu a nelawm teh chiam loh.

"ka chak ve a lawm!" Ka inkuangkuah at a, Zodika hmel chu en duh lo in kan piah a midang inbuatsaih mek chu ka melh lui tlat a.

"A țullo ka tih chuan zawm mai thin rawh." Ka bulah rawn ding in fiah fek fawk hian a rawn phun a.
.
"Naupangchhia ka ni tawh lo, ja tel ve chak a lawm!" Ka nuih lui kher a, mahse a hmel ka hlauh zia chu ka tilang duhlo.

"Naupangchhia i nih loh vang tak chuan ka thusawi zawm rawh!"

Chutih lai chuan bike dang chu an ti ri rum rum a, a khu nghal luih luih bawk, Zodika chu ka melh leh zawk a, a mit menga tilo tura min duh zia chu ka hmu thei.

"Zo kan țan dawn." Ahmangaihi chuan kawnghren ang deuh hi a rawn zut dalh dalh a,Kan pahnih inhnialna vangin midang kan lo hrechang leh tawh lo.

"Ka sawi chu i hrethiam tiraw? I tel a ngailo." A kut kawr siamtha pah chuan a ti hluk a. Ka nui sak a, ngaipawimawh lo zet in Sawmzuala leh a Bike awmna lam chu ka pan phei a. Sawmzuala chuan kawnghren hi min lo pe ve vat bawk.

"Hei eng nga tan nge?" Ka hrethiam hlawl lo.
.
"I tlak lohnan kan pahnih inphuar khawmna tur a nih kha."

"Oh..."

"Lalruatdik tilo tur in ka hrilh che!"Na zet in Zodika'n Ka darah a rawn phih sawk nghal sawk anih chu! Ka melh chho dawrh a, hnaih set sawt ah min bih chhuk ngurin a mitmeng rum ul chuan min melh khui khui

"Zo, ka tlan chak pui dawn lo, a hmingin kan lo telve mai dawn chauh a lawm!'' Sawmzuala chuan kan inkara rawn dinpah chuan zaidam deuh hian a rawn tia. Zodika beka thisen zam pawng țawlh țawlh chu en in chil ka lem khawlh a. A kut hi a vai thut mai ang tih ka hlau tak zet.


"Anih chuan ka bulah rawn chuang rawh." A ti hmuk. Bike dang ho chu an ding khup tawh! An bike ri lah chu a ring ģțha hlawm si! An bula hmeichhe ho lah chuan an hlauh loh hmel em em leh nghal a!

"Couple Race a nih ang in i bialnu bulah i awm ang!" Min vawnna ka thing thla a, Sawmzual chu bike ah a lawn a, hnungah chuan ka lawn ve nghal zat, Zodika chu en duhlo in kawnghren ang tak hmang chuan Sawmzuala taksa leh ka taksa chu ka phuar nghal a.

"Zo.. kan țan dawn!" Mipa ho chu an khek chul hi a ni mai, Zodika chuan chiang zet in min en a, a helmet chu a khum nghal mawlh mawlh a, thaza tih hriat fe in a bike lam ah a let phei a. A thintirim awm ngat se zawng kut a thawh nghal bawrh ang tih theih khawp in a kê pen leh tihrawl chekual vel chu a rapawm pha lek lek! a bike ah a lawn a, Ahmangaihi pawh chu zei zet hian a lawn kai ve a, ka mai mitchhing nghal daih bawk.


"Hlau suh, ka tlan chak pui lo ang che!'' Sawmzuala chuan amah ka kuahna kut chu a rawn hum a. Midang lo in tlar țhap tawhna lam ah chuan kan tlan phei ve a. Bike Pali(4)chu kan ding tlar țhap a, Keimah chiah hmeichhia ah chuan mi thar ka awm a nih hmel! Bike a rik rum rum rual te chuan ka ip chawi chawi a, a chhak ber a ding Zodika te chu ka han melh zauh a. A ni ve thung chu a hmalam chiah a lo en ngur thung!


Kan hmaah chuan hmeichhia ka la hmuh ngailoh thuamhnaw tawngchham zet ha hi a rawn ding kak tau a, kan piah sirah chuan bike dang leh mi țhahnem tak an lo au duar duara, A țhen te lah chu!!!!!
.

Hmeichhia chuan a puan sen ken chu chung lam ah a lek zauh a, Bike thawm chu a ring leh zual. Chu hmeichhia chuan a puan ken chu a vai thla zauh a! Vawi leh khat ah a thlawh in kan thlawk chhuak ani ber! Tlak hlau zet in Sawmzuala chu ka kuah nghet vak a , ka tlan muangpui ang che kha a ti ve em em a, tunah kher kher hi chuan kan tlan muanglo khawp e! Kan hma ah tumah an awm lo zui! Kawngkawi ah te chuan lei kan zuk hrut dawn in ka hre țhin! Hetiang em em in bike a tlan chak thei tih pawh ka hrelo!

"I hlau em?" Ringzet hian Sawmzuala chu a rawn au lang lang a.Hlau nih chu ka duh bik țhak lo "A tawpna thleng vat rawh!'' Ka lo ti vat a, a nui hawk ka hriat rual chuan a hma aia chakin kan tlan tih ka hre bawk.

Ving zeta min rawn tlanpel tu an awm a, mahse tu te nge tih ka hrethei lo.

Sawmzuala chuan bawi lehkhatah bike chu a ti ding thut a, a hnung lam a kang lawp thei, ka rak nghal tuar bawk! Ka thaw nghal hlawp hlawp ,Sawmzuala dar phen a țang chuan hma lam chu ka va bih dak dak a, Kan hma ah tak chuan Zodika bike a lo ding run mai! A bike chu a ti rum vung vung a, rang zet in a bike ațngin Ahmangaihi a rawn pe tek chhuk nawlh bawk. Sawmzuala chu a nui ri hak a! Chutih lai chuan bike dangin min rawn tlan pel leh fua.

Zodika chu bike a țang a rawn chhuk a, Chil lem khawlh in amah chu ka lo en reng, a rawn hnai zel a, ka hlau telh telh bawk! Kan zawnah chuan a ding chut a.

"Rawn chhuk rawh!" Helmet a khum hlauh chu ka lawm ngei mai, a hmel awm dan tur ka ngaihruat ringawt pawn ka hlau!

" Lalruatdik ka sawi chu i hria em?" A rawn ti vin leh hrawk a, tunah chuan ka hlauh mai bak ah ka khur ta dar dar mai! Kawnghren chu phelh ka tum a, ka kut khur nasa lutuk a vang chuan ka phelh thei lawk lo. Zodik lah thinrim tih hriat ngawih ngawih in ka bul mai ah a lo thaw hrawih hrawih reng bawk si! Bike pakhat ving tawk in a rawn tlan leh fu a, boruak chu a reh zui nghal vang vang mai ni. Dawh thei lo zet in kawnghren ka phelh theih loh chu a rawn pawt sawk a. Aman a pawt phelh a, bike a țang chuan min hnuk thla bawrh bawk!

"Zodik i ti mah mah a nih kha." Dam thlup hian Sawmzuala chuan a rawn ti a, Sawmzuala lam chu a hawi let vut a; mahse eng mah a sawi lo, ka kutah min kai nghal dawt dawt a, ka țang ngamlo, tuna ka bula awm Zodika hi ka hlau tak zet! Ahmangaihi lo ding chu kan kal pel a, a bike bulah chu min din pui ta hram.

"Chuang rawh." A ti leh hrawk a.

"Aih..Ka duhlo, Mama ka inhruai tir mai ang." Mangang zet hian ka tia, ka țap hi a niber tawh.Tun a a lan danah te hi chuan min sawisa nek mai ang tih ka hlau, Mama ka call a nga, min rawn hruai zawk rawh se!

"Ziah a che. Ka thusawi hi zawm har ti viau zel lo teh." A rawn ti hmuk a, min nin hmel zet hian min melh a, keipawh hian thu min pek kual reng a tum hi ka ning ve tho a sin!

"I bulah ka kal tawh dawnl o ." Ka au khum vak a, min rawn hnaih hrut a, ka tawlh hnung ve vat bawk!
ka hmaah chuan dingin thawk a la hak a, rap zet hian ka lo melh thung!

"Ka tihpalh a nih kha, lo kal tawh rawh le." Dam thlup hian a rawn ti ta sup, ka la hnaih ngam chuang lo, nichin lawk khan a thinrim em em a, tunah lah zaidam deuh in a țawng leh thei a! A duh hun huna a vin phar tur pawh ka nilo.

"Ka tihpalh ka tih tawh kha, lo kal tawh rawh le." Ka dar ah a rawn vuan a , Ka maimit chhing sawka ,Ka mittui a rawn luang thla pap a.

"I hlauh awm lutuk!"zawi te hian ka phuna, mit chu ka la meng ngam chuang lo.

"Ka thusawi zawm tawh la, engkim a țha a ni mai, tunah chuan min zui tawh rawh le." ka dar a țang a kut a la sawna, ka kutah a kai nghal hmiah bawk.

"Adik, meng tawh rawh, ka vin tawh lo ang che." Inthiamlo tih hriat deuh hian a rawn ti sup

Muangchangin ka meng a, ka in hnit nghal hlawp hlawp, bike ah a lawn a, min thlek zauh a, a hnungah chuan ka lawn ve nghal a, Sawmzuala chuan horn a rawn hmet ri țhat a, a lam ka va en chuan min lo nuih var var a, ka hahdam sawng sawng thei! Tun ah tak hi chuan Zodika bulah nilo in Sawmzuala bulah zawk sawn ka awm chak! Ahmangaihi ka en ve chuan lo enlo zawk i la tih ka ngaihtuah nghal vawng vawng mai. Zodika chu khawchhung lam pan in a tlan chhuak nghal a, a jacket ipte ah ka kut ka zen lut a, a hnungah chuan beiin ka țap zui har char a.

Tiang khan tuman min la vin ngailo, kan chhungkua in țawngkam vin kan hman ngailoh bakah, amah Zodika pawh hian ting khawp khan min la vin ngailo, an chhungkua leh kan chhungkua bikah chuan naupang ber ka ni a, tu pawn min duat rawn! Vin ka hlawh ngailo. Tunah lem.. midang hmun in min vin tuar tuar a, Ka nat hlau miah lo in bike a țang te min phih thla dawrh a.

Mahni leh mahni chu ka inkhawngaih thar a ni ber e! Ka mittui lah chu thli thaw in a chhem a. Ka hmai a vawt khing vek thei.

Bike a ti ding dat a, amah chu ka la kuah reng! ka la in sut hlawp hlawp bawk. Zodika pawh chu chhelo in a awm ngaiin a awm reng a ,a thinphu dawt dawt ri leh ka tap insut ri chiah thawm a awm. A mi vinna a vang khan ka rilru a na takzet! A jacket iptea ka kut chu rawn vuan a.

"ka tihpalh aw." A țawng chu a ringlo, ka kut chu a hum bo nghal vek a.

"I duh hun hun ah min vin vak vak a!" Țap țiau chuang chuan a hnung a țang chuan ka lo ti vat a.

"Chu vang chuan lawm ka tihpalh ka tih." A aw ah chuan a inthiamlo ve tak zet tih a hriat theih. A che hruta, a jacket ipte a țang chuan ka kut chu la chhuak in ka thu ngil nghal vat bawk.

"Sawi duh ka nei, in be lawk ang." a ti tak ah chuan Bike a țang chuan ka chhuk a, ka țahna vanga ka hmai huh chu ka kutin ka hru tawk a, Zodika jacket pawh chu a huh tho. A helmet khum a phelh a, bike chungah chuan a dah a, a kut kawr bun chu a phelh leh rak rak a, a che vel chu ka lo en reng ringawt.

Ka kut a rawn la kang a,A kut-kawr chu min bun tira, ka tan chuan a lian lutuk mah mah, min buntir zawh hnu chuan ka kutah kaiin kan thlang deuh a thingkung buk lam pang chu min pan pui a, thuawi tak chuan ka zui ve zel a, he hmunah hian High school kan kal ve țhin lai kha chuan haw pah in kan chawl țhin. Thingkung chu a lian tawh in zung nghet tak in a inphun tih hriat zet hian a lo țâwibuk laih a, thli a dawng țha in ka sam țawn kim ve loh chu a chhem leng siau siau a! Zodika chuan ka kut a vawnna chu thlah chuang lo chuan kan hma lam Lengteng tlang chu a thlir dauh dauh a, ralleh lam kawngah chuan a khat tawk in motor tlan in eng a siam hmuh tur a awm zauh zauh bawk. A tawng loh a vang chuan ngawih rengin a bulah chuan ka lo ding ve ran a.

"He mi hmunah kan kal dun hnuhnun ber țum khan thil hrilh che ka tum a." Min en chuang lo chuan a hma lam tlang chu a la en reng.

"Chuan?"

"Kan school bang kha tah hian ka chawlh pui che a, ka thusawi tur ka sawi hma in i damlo thut a." a ti leh daih a, ka la hria, khami ni kha Cancer ka nei tih ka in hriat chhuah ni a ni bawk.

"Chuan?"

A ngawi leh daih a, thawk a la hawk a, zawi muang hian a thaw chhuak leh ham ham a, a mah chik taka lo entu tan chuan a a pa thlawt tih chiah sawitur a awm!

Ka lam hawiin a rawn ding a, ka kut a vawnna chu thlah in ka darah a vuan ta zawk a, eng nge a tih tum chu ka hrelo na in, tuna a mit meng zet hi chu ka la hmu ngailo.

"Kha mi ni khan he thu hi sawi ka tum," A chawl dat a, ka hniam zawk miau a vang in ka dara vuan chung chuan a rawn kun hniam deuh a, chhan awmloh in ka thin a lo phu nghal zawih zawih a!

"Adik, Ka duh che."

Chu aw zawi leh thu tak zet a vang chuan ka thaw chhuak nghal hawk. ka hresual a nih ring in amah chu chiang zet in ka en a.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 23rd, 2017, 8:02 pm

"Ka duh che! He thu hi kha mi ni khan hrilh ka tum tawh che." Ka mitah tak en chung chuan a ti leh sup a.

"I țhian ka ni!" Zawi deuh si hian ka lo ti vat a.

"Ka duh che."

"I țhian ka ni ka tih chu!" ka vin tuar a, ka lu ka thing nghal nawk nawk a, ka dar a vawnna chu ka thing thla nghal zat bawk. Mahse rang takin min vuan leh nghal a.

"Adik, min ngaithla ve ta che." A kut lehlam in ka tukhum ah a rawn vuan a, ka biang a lum thla pap a, min duh tur a nilo Cancer vei thi mai tawh tur ka ni.Thil thleng ngailo tur a thleng mek a ni!


"Adik, ka duh che chu a sual viau a mi?" A ti chuai ruih a. A aw zet chu!! Ka chhang mai thei bawk silo!

"Nge ka tlai tawh zawk?'' A kut lehlam chuan ka dar chu a hmer salh a, lu ka lo thing ringawt, tinge hetiang hi a thlen tak!

"In ah ka haw duh." Amah chu en loh hram hram ka tum a, Zodika chu a rawn haw hawk a, a aia na in ka dar ah hmer leh, mahse a thinrim vang nilo in a thusawi ngaithla tur in min duh tih entirna zawk a ni.

"Ka haw duh ka tih mawlh mawlh chu!"

"Ka la sawi zo lo."

"ka ngaithla duhtawh lo a lawm." Mangang zet hian a jacket hak lai ah chuan ka țham a " i țhian ka ni, ka țhian i ni bawk, a dang engmah a awm lo, tunah ka haw duh!" Ka thusawi hi hrethiam se ka duh tak zet!
ka tan chuan țhian nih hi a tawk! A dang chu ka mamawh lo!


" Țhian ang ngawt in ka en thei tawh lo che, i hre ve reng!" bul zet hian a rawn ti hmuk a!

'ka hrelo, engmah hriat ka duhlo, min hruai haw tawh rawh!" Ka au khum tawn tawn tawh!

" Țhian nih i duh a maw?"A nui lui hak bawk.
"aw," ka lo ti sep a.

"I duhdan chu hnawl a ni!" A lamah min pawt hnai thut a, ka hmui ah tak chuan a rawn fawp a nih chu! Ka țek chuai hi a ni mai! Mipa ka vawi khat fawh na ani! Engtin mah ka chhang let lo, ka dang lo bawk! Ka ding khawng reng a, Zodiak chuan ka biang tawn tawn ah a rawn vuan a, a aia nasa in min fawp leh nghal tawn tawn a.Engtia tih ve tur nge pawh ka hrelo, mahse ka thinphu hi sawifiah thiam loh khawp in a phu rang thung!

Muang changin a in la hrang a, ka mit tak ngial pawh ka khap lo, Ka kut erawh ka hum ruh hle thung.

"Adik, ka duh che." ka chalah a hmui a rawn nawr a, a lungphu ri ve dawt dawt pawh chu ka hrechiang kher mai! "Ka duh che" a ti peh sup a, ka la chesawn chuang lo. A lamah min pawt hnaiin min kuah nghal hlu hlu a.

"Khawngaih in ka tlailo tih min hrilh rawh." Ka darah chuan a khabe a nghat a, Ka mai mitchhinga, thawk ka la vang vang a, oh! Tunah chuan ka harhfim leh ta e!

Nga tinge he thil hi ka chungah a thlen?

"Ka haw duh tawh."

"Reilo te." Zawi supin a rawn phum a, min kuah nghet sauh a, ka țah chhuah mai lohnan ka kut ka hum ruh a, heng zawng zawng hi thleng tur a nilo a sin, ani hian min duh tur a nilo, a țhian angin min en reng zawk tur a sin!

"Zodik, țhian bak kan ni theilo." ka ti leh sep a.

"Eng vang in?'' Min kuahna chu a phelh a, amah hlat in ka lo tawlh sawn vat bawk. Min en reng chung chuan a lu a tuai puat a. "Khapa kha I duh tih min hrilh hlek suh." A rawn ti tawk mai, nghet deuh in kut ka hum vak a, min tihnat hreh loh hmel zet hian min melh run bawk!
Tinnge a ni pawh hian tun a takah min duh thut ni?

"Ka lo duh a nih pawh in a pawina a awmlo, i bialnu chauh ngaihtuah rawh." Ka ti vat a, a rawn nui lui suk a, min pan hnai nghal ruak bawk, muang zer un ka hmai zawnah chuan rawn kun hniam a "Lalruatdik a ni kha ka ngaihzawng a ni tawh lo!" Fiah fel fawk hian a rawn ti a.

"Ka buaina tur a nilo." Ka lo tive hmak.

"Ziah che hian!" A in her a, hmalam en chuan a au chhuak țhawt a, ramsa kawlh deuh hi ka tehkhin ber tlan hawsan daih mai ka duh rum rum tawh!

" țhian anga min en theih dawn loh chuan ka hmu tawh dawn lo che!" Kawng remlo zet ah chuan ka tlan chho khat khat a, Bike a hunna bul ka thlen meuh chuan ka thaw nghal huam huam thei! ka leh hawi a, a dinna ngai ah a lo la ding reng! Ka phone chu la chhuak in Mama call ka tum a, a battrey a lo la low zui, hunlo lutuk mai.


Khaw chunglam pan chuan ka kal hnak hnak a, mahni chauh a kal nan chuan a nuam chiah lo, ka phone battrey a thi bawk si! Darzah tak ngial pawh ka hre lo, tumah midang hmuh tur an awm bawk silo. Rannung hram ri a piang ah ka hawi nghal dawr dawr a. Ka țah a chhuak tak zet.

Ka hnung lam a țang chuan Bike thawm ka hria a, Zodika a ni ka rin a vang in kawngsir lamah chuan kal in kawng ka lo kian a, Ka hawi let chuang lo, thlifim a thawt reng a vangin boruak a vawt tawh hle, ka dar tawn tawn ah chuan ka inkuah hlana, ka theih anga chak chuan ka kal ve hlak hlak bawk. Bike chu a rawn hnai zel a, ka bualah a rawn ding chat a, Zodika a ni tih ka hawi let loh pawh in ka hre thei.

Hrelo ang hmak in ka kal leh a, eng ang pawh in khaw chhung hla mahse a bulah hi chuan ka chuang tawh lo ang.

"Lalruatdik." Ka ding chawt a.

"Ka kut kawr kha." A rawn ti leh hmuk a, ka kut chu rang takin ka en a, Zodika kut kawr kha ka lo la bun reng. Ka phelh sawk sawk a, Amah chu pek tum in ka let leh a.

"Kha."

"Min pe rawh ka ti che mi? Ka kut kawr kha ka ti ringawt a nih kha."

Rum zetin ka melh a, a kut kawr lian zet chuan a mah chu ka vawm sawk bawk.

"lo chuang rawh."
.
"A teuh lo." Uar zet hian ka au khum nghek, a hmel lang tak nghul chu țah chhuak țun si hian ka en a; street ligh khat phauh phauh in a ding a, Zodika hmel landan chu eng fiah vaklo rinchhan chuan ka hmu chiang nangiang mai! Thawk ka la a, ngaihven duh tawh lo in ka kal nghal ta hlawk hlawk a, eng vanga min fiam kual reng nge maw a nih le!
zan in lawk pawn Couple race ah an la tel dun reng si.

Chak zet hian min rawn tlan pel fu a, Ka piah kawngkawi a liam rual chuan a reh hian a reh leh nghal tlawk tlawk mai! Hlauhna in min rawn man nghal a, he tiang ramhnuaiah hmeichhia mahni chauh a awm chu!

Kawngchhak lam ramngaw lah chu a ri sut sut zel a, chak zet hian ka tlan nghal hlawk hlawk bawk. Zodika ka lo zui kher kher a, vawi khatmah ka zui tawh ngailo ang! Mahni in khawngaih na leh hlauhna hian min tuam hlup hlup a ni ber! Ka hriat loh Karin ka mittui a rawn tla a, tlan pah chuan ka hru tawk tawk a, ka țap ringngam bawk silo, ka chhak lam kawng țangin ramsa a lo chhuah thut ka hlau zek zek bawk.

Ka insut hlawp hlawp a, kan țhian dang te thawm engmah hriaitur a awm bawk silo.Hlauhna in ka chhungril ah min man tlat a, theih nise he lai hmunah hian thih dai mai ka duh hial mai! Ramsa chaw a tan țan ai chuan a țha fe zawk ang!


Kawngkawi ka tlan rual chuan Zodika bike nghenga
a lo ding hi ka hmu a, rang takin in ka lam panin a rawn tlan nghal zat bawk, lungchhe zet a pan in ka kuah thlawp a, ringtawk in ka țap nghal ta hlawp hlawp a. Min hawsan daih a maw ka ti tawh!


Zodika chuan nghet tak in min kuah a, kei lah chu ban mai ka tum lo! Keimah ka in khawngaih ngawih ngawih.

Amah hi a ni thinrim taka min siam thei tu leh awlsam taka ka thinrim ti reh leh thei tu chu! A ban a nghet tak a min kuah tawh hi chuan mangchhia ka nei lai pawh in ka thla a muang nghal huai țhin!

"Ka thusawi i awiduh lo țhin a!" Dam thlup hian ka hnung a beng thak thak pah chuan a ti a. A aw zaidam deuh te chuan ka țah a ti chhuak zual a,
tiang ang khan ka la mal ngailo! Ramhnuai ah hnutchhiah ah ka in ngai hmak!

"Min hawisan a maw ka ti a sin!"

"A teuh lo, i thinrim reh ka nghak zawk a lawm."

"I sual si!" Ka ti țiau a. A nui nghawr dawt a!
"Min nuih bawk suh!"
A nui suk a, engmah sawi tawh lo chuan min kuah leh hlu hlu a.

Vawi tam ka thinrim khum a, țawng kam na tak tak in ka țawng khum a mahse ani hi chuan engtik lai pawh in min hrethiam zel țhin a, keimah ka in hriat chian aia nasa hian min hre chiang!

"I lo piantirh pawn ka hmu che, kawr engmah pawh i ha lo, i nu ril leh i ril a inzawm a, chuan an chep chat a i țap vak a ,Ka lo khawngaih si che." Hetiang hian ka te lai chanchin min sawi khum țhin! Kei aiin kum khat lek in a upa a, ka pian hlim te chu a hre dawn lo lutuk! Mahse min hriat chian zia a sawi tum ve na a ni thung.

Chutia kan in kuah hlun lai chuan Bike dang in min rawn tlan pel fu fu a a, kan țhiante an lo let tawh a nih ka ring! Zodika lak a țang chuan in lak hran ka tum a, mahse a lo phallo nasa, min kuah nghet sauh a, ka tal leh laih a, min thlah a tum chuang der lo. Bike dang ho pawh chu an rawn tlan zel a, a țhen min rawn au khum vak vak lah an awm! Thil nuam chu a nilo, kan thusawi duh dan a in ang vek lo a, tuman ka hlau vanga min kuah a ni tih min rawn hriatpui tawh dawn der silo.

"Midang in min hmu a nia."

"Ka hria a lawm." Ka sam ah a hmaiin a rawn nawr a, a taksa lum vung vung ah hian ka hahdam tak zet!

"Min thlah tawh la." Ka ti leh sep a.

"Reilo te." Zawi sup hian a ti a, min kuah nghet leh sauh bawk. Thawm a reh duk a, thla eng ruih leh thli fim thaw heuh heuh te, kan piah lama rannung hram nak nak, nichin lawk a ka hlauh em em te khan tun ah kher kher hi chuan min ti hlim tak zet! Ka hlau tawh lo. Nilo, ka hlau leh a nih pawh in Zodika'n nghet tak in min kuah anga, engkim a țha leh vek mai ang.

Khami zan bak kha chu Zodika'n min duhthu a sawi leh tawh ngai lo a, mahse nidang ang lo tak in ka lai tlat zel.Am amah chuan apangngai thei ber in min bia a, ka bula a awm dan pawh a hma ang khan a la ni reng.


"Hey.. Bike chuan thiaml o nu." Sawmzuala chuan ka hnung a țang min rawn kuah thuk a, khami zan a țang khan Bike chuan thiam lo - nu min ti char char tawh! Ka haw buai peihlo, a chhan chu Zodika bike khalh ah chiah ka la chuang a, khami zan pawh khan ka ťang țûng reng ani.

Sawmzuala nen chuan class ah kan inzui lut a, kan luh vel ah chuan thawm a reh nghal hmak a, min lo en țhap hlawm bawk. A chhan tur awm ka hre mai lo, Sawmzuala chuan midang chu a enkual thuak a, kei erawh ka țhutna lam pan in ka kal tawh thung.

"Best friend inngaizawng ka vawikhat hriat na." Ka ding dat a, chu aw lo chhuahna lam chu ka hawi
nghal vat a ,Ahmangaihi țhiannu khan min nuihsawh zet hian min lo en a, midang pawh chu an lo nui tet tet hlawm! Chu ai mah chuan kei leh Zodika kan inngaizawng ang a a ngai chu ka duhlo!

"Thil hriat chian loh sawi vak a țullo." Ti hlak in ka bag chu ka dawhkana ka dah a. Midang chu a nui nghal huk bawk.

"He Thlalak hi enge a awmzia?" Thlalak pakhat mai pawh nilo, țhahnem zet hi a rawn lek chhuak a, bike intlansiak zan a kawnga Zodika nen ding chunga kan lo inkuah na leh Lalpa le! Zodika'n min fawh lai kha ka hmaah a rawn theh thla. Midang chuan min nuih dar dar bawk.

"Ahmangaihi nen i tihpui a, nangin i lo duh ve reng bawk a. Mahni țhiante bialpa han fawh ngawt mai chu." A ti leh zawt zawt a. A hmai ah tak ka ben loh nan ka in thunun țang țang! Inhnial ka thiam vak lo, kut thawh mai ka duh țhin.

"Zodika i lo duh ruk ve reng te chuan a langin nih pui mai la, Ahmangaihi hmanrua hmang lo leh amah tina kher lo in i nihpui thei reng! I mak reuh hle mai!" a rawn ti leh a. Ka insum angaihna bik ka hre ta lo.

Ka țhutna a tang ka tho chhuak a, a lam chu pan pheiin a hma takah chuan ka ding a, midang lah chuan min lo hnaih tuau tuau bawk.

"I thil hriat chian loh sawi lo tur in ka hrilh tawh che,"

"Zak hle zawk rawh!'' A rawn tih leh rual chuan a hmaiah ka beng pawp a, a rak nghal țhat bawk. Thinrim zet in min khawih let a rawn tum ve khanglang a, a biang lehlam ah ka beng leh nghal sawk, ka zep lo, ka kawlh, chuan thu chiang lo sawi a rak rak te ka chin ve lemloh a vang hian chutiang tih chingte chu ka haw hlur ţhin! A hmai chu a dawm a, eng emaw sawi tum hian a ang zuau a, ben tum ang deuh a lang in ka kut chu ka vai leh fu a, a lo in dang vat bawk.

"Thil hriat chian loh sawi lo tura ka hrilh lai che khan ngawi zawk la ni tur a nia." Ka thlalak ken chu a awmah ka nam bet a "Chuti khawp a min lo chhui ru a nih chuan thil dang tam tak pawh in hre ngei ang!" Ka țhutna lamah ka let leh a, midang chu an phun zui mur mur a. Sawmzuala chu ka lamah a rawn kal vat a.

''I van kawlh reuh tak." a rawn ti nghut a, amah chu chhang lo in ka dawhkan chu ka bawh nghal daih a. Ka chetdan kha a dik ber em? tih ka ngaihtuah daih bawk.


Bike bula Zodika lo ding chu ka pan hnai tawrh tawrh a, a ke ah chuan na zet in ka rah aak a ,a rak țhawt a, a ke chu a khai nghal va va bawk.

"Enge?''a ti tuar a. Ka kut a thlalak pakhat chu amah vawmna ka hmang a, a en rual chuan a hawi ve dawrh mai!

"I bialnu te thil tih a nih kha, chuan nanghi ka zui tawh dawn lo che.'' Rumzet in ka melh a, a țawng ve hmaiin ka kal nghal nal nal bawk. Kha zan khan atthlak takin min fawp lo se chuan tiang kha a thleng lo ang.

Nithum ngawt Zodika ka hel tawh, kan class a in ang miau loh a vang in college ah pawh kan in hmu vak ngailo, kan in hmuh chhun pawn sawmzuala nen kan inzui lai a ni zel a, min be ngailo bawk. Sawmzuala a thik hi pawi ka tilo! Amah ka hlat theihna tur a nih phawt chuan lo thik mai mai rawh se.


Ahmangaihi te vang in class ah erawh ka hnung lam a phun sep sep an ban san thei lo. Zodika nen an la in kawp leh kawp loh pawh ka hre tawh lo. Sawmzuala nen kan inzui chawt a, kan pahnih chuan țhian ang bak in kan in en ngailo. Ka class kal lam min hruai a, ka haw lam pawh min thlah leh thlap zel.

"Zodika nen hian in naupangchhia ngawt mai!" Ka bazar haw kawngah kan intawk a, kan in thleng min thlah a tum nghal ngawt bawk.

"A eng ti zawng in?"

"In awmdan hrim hrim hi, ani lah hian min thik bawk si." A nui leh suk a, kei pawh ka bang bik lo, Sawmzuala a thik lutuk hi , a chang phei chuan naupangchhia deuh a che in Bike a tlan chung hian kan kawng a dal lui phet țhin a.

"Keimah ka telve lo.'' ka lo ti vat a.

"Nangmah ber hi lawm nuihzat thlak, i duh reng changin duhlo ang a lan i tum a." A tih rual chuan ka ding ang ren rawn a, ka ke ka khai kanga , ka thiltih tum hre lawk in a tawlh hnung nghal vat a.

"I lak ah hi chuan Tomboy hi chu nep te." Phun hluk chungin ka hlat thei berah a kal nghal a.

kan inkawt ah chuan kan ding dun ran a, kan college aiawh a Basketball khel tur in Aizawl lamah an kal a ngai dawn a.

"Khi, a tukverh a țang min lo melh leh run tawh, va lut rawh, a nih loh chuan kan inkhelh laiin min su thlu leh vak palh ang.'' Fiamthu ti tak deuh chuan Sawmzuala chuan a rawn ti a. Zodika'n min lo en reng tih ka hriat chuan nuam ka ti chiah lo.

"Awle, Ka lawm e, min thlan a vang in." Gate chhung lamah chuan ka lut nghal a, ka taksa hi a za nghal chiai chiai thei!

Ka phone ah message a rawn thlen a vang chuan ka ding dat a. "I thinlung duh dan kha zawm rawh!" Tih zawng, Zodika țang in ka dawng. A tukverh lam chu ka hawi cho a, min lo en ve reng a vang chuan ka hawi sawn vat a, hawi let leh tawhlo in inchhungah ka lut nghal a.

"Ka duh aiin min hre chiang deuh chu a ni!'

Inchhung ka luh chuan ka nu chuan ka thil lei vel chu min lo laksak thuai a, kan chawhmeh rim ka hriat chuan ka rilațam nghal rawng rawng thei .

"Nu ka rilațam tawh e, ei tawh ang u." A bai chhuan chu fiana suak in ka tem zauh a.

"Lo nghak rih rawh, Zodika te an rawn phei tep tawh," salad tur a chan mawlh mawlh bawk.

"Enge an rawn tih dawn?'' Mangang zet hian ka nu chu ka en nghal haw a.

"Au vak vak suh. Chaw kan ei khawlohna a rei tawh a, an chhungkaw thum in a n rawn ei dawn , nidang tumah an tel dawnlo."

"A hma khan sawi tur a lawm!"

"Enge tuna a taka an chaw lo ei tur chu i buai tak chuak a?'' Salad tur chu chan zo in a ding hluaia, a carrot chan sa chu ka hmawm nghal zat bawk.

"Naaa..Kl ja sawi ve mai mai." Chhutih lai chuan kan kawngka pui lamah thawm a rawn awm nghal zat a, Zodika ka hmuh hreh tak zet ! Tunlai phei chu kan in be mumal silo. Kan chhungte lah hian kan inkarah thil thleng an hre ve der silo.

Pate a chu eng emaw khai hian a rawn lut a, a hnungah Nutei leh Zodika pawh in an rawn zui, Zodika chu ka melh zawk a, ka hawisawn leh nghal daih bawk. A mah chuan min en reng tih ka hria.

"Mambawih hei i thil tur a nih hi.'' Patea chuan a thil rawn khai luh chu min pe a, rang tawk a lo ban in a chhunga awm chu ka la chhuak nghal vat a.

"Lalpa leh!" Kawr fual nalh zet hi a lo awm, ka khek tuar a, kawr fual chu ka la chhuak a, ka in teh chhin vel a, ka pa leh Mama inchung lam a țanga rawn chhuk thla chu in tithei zet hian ka lo virkual khum a, jan nui ho dar dar bawk. Zodika lam ka va en chuan ka che vel chu hmuhnawm tih hmel zet hian min lo en ve reng a, ka en tih a inhriat rual chuan min lo nuih suk a, keipawh chuan kawr fual ka taksa a hmeh bel chung chuan ka nuih let a! A nalh lutuk tih chiah sawi tur ka hria.

"Hei tu min lei zawk nge?" Nutei leh Patea chu ka melh tawn a.

"A pe tupa che kha a ." Nutei chuan nui var var hian a lo ti a, Patea bulah chuan țhu in lawmthu ka hrilh nghal mawlh mawlh bawk.

Chutih lai chuan Zodika phone chu a rawn ri a, a phone chu a chhan hma in a ding a, pawn veranda lam a panpui nghal daih bawk.

"Ahma, keima." A ti sup a, ka taksa chhung lam chu a chau vek thei, balcony kawngkhar chu a khar phui nghal hmak a.


"ka thik lo." Chu thu chu ka in hrilh nawn mawlh mawlh a, ka nu te ho bulah chuan țhu in ka nui lui zel bawk. Mahse ka chhung lamah hian a nuam thei lo, enge an sawi ang? tih ringawt ka ngaihtuah neuh neuh a. Reilo te hnua ah Zodika chu a rawn let leh a, ngahven loh tum hram hram in ka kawr thar chu ka thlep țha a, Zodika chu a țhutna ngaiah rawn țhu in min rawn melh zawka, a hawi sawn leh nghal vat bawk.

"Hei inchungah ka han dah lawk a nge, Pate ka lawm tak tak." Pate a chu ka nuih a, inchung lam ah chuan ka kawr thar chu ka khai chho a, ka țah chhuak ve ringawt chu ka in haw lutuk!


Room kawngkhar ka hawn rual chuan nazet hian min rawn nam lut rawk rawk a, room ah chuan rawn lut ve in kawngkhar chu a kalh nghal hmak bawk. Ka mittui chu a hmuh hlau takin ka hru vat a.

"Enge i duh?" Ka thuamhnaw bawm lam chu ka pan sana, min chhanglo in ka khumah chuan a let thla tap a, ka teddy bear duat lai chua a tlawh thla sawk bawk.

"Kha thil kha nangmah ai pawn ka duh. Dimlo viau zel suh." Ka thuamhnaw khai na chuan a ke lam ah chuan ka vaw fawk. Hria ang pawn a awmlo. Kawr chu khai țha a, in inhnuai lamah kal thlak ka tum a.

"I thinlung duh dan kha zawm rawh ka tih kha." Kawngkhar vawnna chu nghet zet in ka hmer nghal vat, Zodika zawk thaw ham ham ri ka hriat rual chuan pangngai taka lan tumin ka hawi let a, a ni chu khum ah mu tawh lo in khum tlangah a țhu tawh zawk a, chiang zet in min en run bawk.


"Ka zawm mek a nih hi." Ka nui lui sang bawk.

"Oh, ka lo hrelo a nih chu." Ngeina zet hian a ti hluk a, a rawn ding zui hluai bawk , ka lampan in a rawn pen nghal zat a. Rang takin kawngka a kalh chu ka hawng a, mahse ka tlai hret. Ka hma takah rawn ding in a rawn kun hniam a.

"I thinlung duh dan in i kal a, keipawh ka thinlung duh dan in ka kal ang!" Kawngkhar ngheng in min nam bet rawk a, a vawi hnih nan ka hmuiah a fawp leh nghal nawk nawk bawk.

Nemsawn ka tum a, awmzia a awmlo nasa, ka kut pahnih chu ka hma lamah a vuan bet a, a kut leh lamin ka kawngah a kuah a, a lamah min pawt hnai sauh bawk.

Awmze nei deuh in a lei chu ka ka chhungah a chet kual tir a, kei chu a hmasa ang bawk khan tihve dan ka thiam lo, mak deuh in nemsawn ka tum leh tawh lo, ka chhang let lo a, ka dawh mawl ve tawp.

Muangchangin a in la hranga, ka thinphu dup dup chu a hriat loh hram ka beisei. Ka kut a vawnna chu a thlah a, a kut pahnih chuan ka biang tawn tawn a rawn dawm a, kan taksa chu a insi chet bawk.

"I duh dan in kal rawh, keipawh ka duh dan in ka kal ang." Ka hmui ah bawk a rawn fawp leh nghal zauh a, a inlahrang hlek a, ka hmui bul chet ah chuan a rawn thaw chhuak leh ham ham a! Ka taksa chhung chu rapthlak khawpin a sa huam huam mai!

"Ka sawi chu i hria em? I duh dan in kal rawh, keiapawh ka duh dan in ka kal ang." K chal leh a chal insik tir pah chuan thu mal tin chu ka hriat loh hlau awm ang hrim in a sawi fak fak a.

"Zodik."

"I hria em ka tih chu." Banglam ah a aia na in min nawr bet leh a, a thaw lum ham ham reng bawk.

"Ka duh dan chu țhian ang awn zel hi a ni." Mai mit chhing chung chuan ka ti sep a.

"Kan duh dan a hrang a nih chu, kawng pakhat chiaha a awm, keimah ni duhdan ve ve in kan kal ang." Zai dam deuh hian a rawn ti leh sup a. Ka meng ve ta nge nge bawk! Chiang lutuk in ka mit ah tak min en a, a mit meng dum fiah zet ah chuan tumruhna leh a beidawng mai mai dawn lo tih ka hmu thei vek! Mahse țhian bak a thui ka kal ngam ve lo.
.
"Aih, Zodik, keima nen chuan țhian bak nih tum suh." Cancer ka nih te hi hria se chuan ngaihzawn chu sawi loh, min kawm duh tawh miah lo zawk ang.

"Adik, hun tal min pe ve la?'' A aw rilru natna lang chhuak chuan min tina ve tak zet.


"Mate, Chaw ei kan siam vek tawh a nia." Mama chuan pawn lam a țang a rawn ti lang langa, Zodika chu nemsawn ka tum a, a che duh miah lo zui! Ngenngawl zet hian min melha.
.
"Mate, in țha em?" Mama chuan pawn lam a țang bawk a rawn ti leh a.

"Aw kKan lo kal."

Mama chu a kalsawn leh tih a ke pen thawm a țang ka hrethei! Mahse Zodika hian kalsawn a tum ve lo.

"Chaw.. Chaw ei a ngai." Bahniai hian ka ti a.

A nui lui suk a.
"Zodik chaw ei.." ka sawi zo hman lo!

Ka biangah a rawn vuan thut a, nazet hian min fawp leh ta mai! A tawp lamah chuan ka rin loh deuh in ka hmui hnuai a seh zauh a, ka rak țhat a, nui suk in a inla hrang ta hram e.






"Kha kha eng nge?" ka hmui thip hlar nuai pah chuan ka ti hú.






"Naupangchhia e mai a" nui hawk chung in a lamah min pawt hnai a, kawngka chu aman a hawng a, ka hmui min seh sak lah chu a sa hat hat bawk nen ka khawih chhen a, Zodika chuan inhnuai lamah min kai thla dat dat a.

* Khatiang khan a bialnute a seh țhin a mawnle?* tih chu ka ngaihtuah chiam chiam a. Kailawn kan zawh thlak laia ka en deuh ha ha lah chuan nuihza insum tih hriat zetin a lo kia suk suk ringawt a.




Kan chhungte ho chu chaw ei turin an lo awm țhap tawh, kan thlen thlak chuan ka pa in țawngțaina hun a hmang a, chaw chu kan kil ho nghala.




Zodika'n min en apiang in ka lai ve ziah leh nghal, ka hma zawn ah tak țhu in ka che reng reng chu muk ruih hian min en run run a, ka awm dan a ni hû a, ka lungphu a rang dawt dawt zel. Kan mit a intawn fuh hlek bawk biang sa hat hat hian rang lutukin ka hawi sawn vat a, midang hriat loin Zodika pawh a nui ruh ruh tho.


Nghal lutuk mai



Zanriah kan ei kham chuan an thingpui hang in tur ka lum a, țhut khawmna lamah chuan puitling ho chu chanchin thar ngaithla in an țhu ve thung.


Chutia thingpui ka buaipui lai chuan Choka chhung ah Zodika chu a rawn pen lut vut a.


Min en run run chung chuan "Sawmzuala kha i duh em?" a rawn ti hmuk.


A hnenah insawifiah chiam ka duh lo, Sawmzuala nen hian kan inkarah awm a awm angin a ngaih chuan min duh tih vel a sawi kha a tawp san a nga, Țhian kan nih leh theih mai te ka ring bawk.




"lo duh ta ila?" ka ti hmak. Rum zetin min melh hrawk a. Ka nuih lui var var bawk nen a tawp ah chuan thaw chhuak hawk in choka ațang chuan a chhuak ta daih.


Ka rilru zatve chuan Zodika hi a khawngaih lutuk. Ka rilru zatve thung chuan Țhian nih hi tawk a ti a! Ka kal hunah pawh a nat lutuk loh nan...



Thingpui chawi chuan puitling ho bulah chuan ka kal phei a, țhutkhawmna ka thlen phei rual a Zodika thu sawi vang chuan ka nghing lawih! Chetsawn ngaihna hrelo in sofa bulah ka ding khawng nghal chawt.



"Pate, Nute, Adiki hi ka duh, puitling ve ve kan ni tawh a, țhian aia thuk zawk inzawmna neihpui ka duh" thutak zet in ka chhungte kiangah min duh thu a lo sawi anih chu!


A luhlul lutuk leh beidawng duh bawk silo chuan kk thinlung a hneh tak zet! Min duh tak zet zia ka hriat phah bawk. Chutih rual vek chuan ka hlauthawng!! He mipa luhlul lutuk hian cancer ka ni tih a hriat hun ah meuh chuan ka lak ațangin a in la hrang hlawk duh dawn. A ta ka nih theih nan theih tawp a chhuah ang chiah hian ka hlatah a awm theih nan theih tawp a chhuah dawn chiang lutuk!


".... a rukin engkim ka kalpui thei mahila puitling lamin min hriatpui kha ka duh.." nghet churh a a tih leh chuan inthing harh in ka thingpui chawi lai chu dawhkan an ka va dah ri țhawk a!


Zodika melh hrep pah chuan "Min rawn zui rawh, Inbiak kan ngai" ka ti chang fak bawk. Ka thinrim chu a lawm zawk emaw tih tur hian a lo khi suk a, mipa ni ngat ila chuan a kawr awm ah țham in ka phih tho bawrh ang! Midang chuan min hriatthiam loh hmel deuh hian min lo en tawn sek leh nghal.


"Min zui rawh ka tih chu!"

"Sawi tur i neih chuan hetah sawi rawh." a lo ti chhum hmuk.

"Mahni thu duh pa." ti chiam in a kut ah ka zuk man a, pawh thawh ka tum chuan ngawi ngul in lu min thin khum nghut.

"Eng nge i hriat a? Min zui vat mai teh" beidawng lutuk leh thinrim bawk si in Zodika chu ka pawt nghek nghek.

"Mate eng nge a awmzia?'' Mama chuan rawn tiin ka darah a rawn kuah a. Ngen ngul a Zodika țhu ngawi run chu țah insum zetin ka melh ta tlawk tlawk.



A țha a lawm!! Tunah chuan engkim hreve tawh rawh se! Chutih huan ah chuan min duh in min neih theih nan luhlul a la chhuah cheu a ngem tih kan hria ang chu!


Ka u chuan a bul ah min pawt țhu a, ngaihna hrelo fe in kei leh Zodika chu min en tawn sek hlawm bawk



"Adiki hi ka duh, chu thil chu a kiang ah pawh ka sawi tawh" Zodika bawk in a tih leh sup chuan nghet tak in Mama kut chu ka hmer vak a. U Mama chuan min khawngaih hmel zetin min en ta tlawk tlawk bawk.




"Mam, Engkim an hriat a ngai tawh a nih hi" min khawngaih hmel tak a min melh tu chu țah insum fe hian ka en a. ka nu leh ka pa chu ka en leh a, min lainat tih hriat zet hian min lo en ve bawk. Nie, kei chu rei dam tawh lo tur ka ni, ka natna hi thup lo a, an hriat ve a hun tawh.




"Mam engkim hrilh vek rawh." Ka mittui chu ka hru tawk a, Zodika te chhungkua chhuan hrethiam lo in min en hu hlawm a.

"Enge awm zia a?" Patea chuan kei nilo in ka pa a en ran a. Kan Boruak teh hrep chu!

"Cancer ka ni."

"Lalruatdik lo uang lo mai teh ." Zodika chuan a rawn ti tawk a.

"In awiloh chuan ka pa kha zawt ru." Ka ding a, Zodika chu ka melh a, a hmel landan chu ka sawi thiam lo a ni tawp mai, a buai nuai a, awiloh na leh thinrimna in a inchawh pawlh kual nuai a ni ber! A kâ a țang a rawm thaw chhuak ham ham a, rei en ngam lo in inchungalam ka tlan chho nghal daih a.

"Kha lo kha chhuan lam tur dang i hrelo thlawt lo a mi?" Ka hnungah chuan Zodika chuan min rawn um zuia, Mama pawh in min rawn zui ve bawk.

Mittui tling pam in ka hawi let a.

"Mam, engkim hrilh vek rawh, kum 5 liam ta a cancer ka nih dan te kha hrilh vek rawh." Ka in hnit nghl hlawp hlawp mai, Zodika mit meng buai nuai leh Mama mit a min khawngaihna lang chhuak te chuan min ti na a, Cancer natna hi ka haw zual ngawih ngawih bawk, room a ka lut tur chu Zodika chuan min la rawn vuan hram a, a mit meng buai em em chu ka khawngaih kher mai. Mahse Mama chuan a rawn hruai hranga, keipawh ka room ah lut in khumah ka bawk a, ka țap chhuak nghal hlawp hlawp a.

Ka damrei tawh dawnlo tih hrereng chung in a lak a țang khan țhian țhatna nilo ka dawng thei lo a ni.!

Reife hnuah nutei chu room ah chuan a rawn lut a, ka nu ten an hrilh tawh a ni ngei ang, a mit a sen ram a, khuma ka bawk chu ka samah a rawn chual a, țawng miah si lo hian min en vang vang a, keipawn mittui luang zung zung in ka ko en ve reng bawk
.
"Mambawih , tinge engmah i sawi loh a?" Dam zet hian a rawn ti chhuak a, khum a țang tho chhuak in ka kuah thlawp a, duat tak hian min min lo kuah let vat bawk.

"Nute, hethil hi a tak nilo se ka duh a sin, ka țhian dangte anga hrisel deuh a awmve ka chak tak zet!"
.
"Shiitt... Engkim a tha leh vek mai ang." a hnungah chuan a rawn beng thak thak a, kawngkhar a Zodika ding ka va hmuh chuan sawi mai tur pawh ka hrelo.

Muangchangin a rawn pen hnaia. A mit chu a hnawng chap a, a chauh hmel tak zet bawk. Ka khum tlangal ah chuan ngawi reng hian a rawn țhu a, Ka lak a țangin a mit a lasawn miah lo bawk.

"Nu, Matei hi ka be lawk duh ." Na tuar hrep tih hroat zet hian a rawn ti sup, Nutei chuan Zodika darah chuan a beng thak thak a, keichu min en leh in a nui lui a, min kal chhuah san nghal bawk. Nutei chhuah hnu chuan a reh hian a reh tlawk tlawk hi a ni mai, Zodika chuan min en reng a, a khat tawk in a thaw leh halh zel a.

"Mate." Ka kut ah a rawn vuan a "Thudik a nilo ti raw?'' Min en reng chung chuan a ti leh a. A aw tawp ah chuan natna in a pawlh telh a, a hmai a sen țalh țalh mai.

"A dik vek sia lawm."

"I la naupang a, Cancer chu i ni ngawt thei lo." Mangang zet hian a rawn ti hluai a. Sirlam hawiin a kâ a țang a thaw chhuak leh hawk a!

"Keipawn a hma chuan tiang khan ngaihtuah ve țhin tho a lawm." Ka melh ngai melh remg chung chuan ka ti a.

A thaw hawk a, Ka kut chu nghet tak in a hmer tlat bawk. "Mumang a ni tur a ni." Zawi sup hian a phun mawlh mawlh a, ka nattirha ka awm ang chiah khan a rilru hi a awm a ni! A rilru keimah vang in a mang ang a, mumang mai nise a duh bawk.

Ka kut a vawnna chu muangchang in ka phelh a, ka kawrlum hak chu ka phelh leh a, Zodika chuan min en reng a, ka kawrlum chu ka khum sirah chuan ka daha, ka T-Shirt hak lai chu ka phelh leh nghal bawk, ka kawrbah hak nen chauh chuan ka awm a, Zodika chuan hriat thiam loh hmel tak hian min lo en reng a, ka sam in ka dar a khuh chu ka huikiang leh a.

"Zo.. Chiang deuh in ka taksa hi en rawh!" A mah chu ka țhut hnaih a.
Ka taksa duk thluah a hmuh rual chuan a kawchhung lam a țang a rawn rum ri hawk a!

"Mate." Nghet tak hian min kuah nghal chawt bawk
" tikhan i pawm tawh em? Heng ka taksa a duk awm te hi ka thisen a cancer natna vang a nih hi! Heng te hi mi dang hmuh hlau in thuamhnaw ban nei hlir ka inbel a, ka thin a chhia i ti țhin ti raw? Tu pawh hi ka thik a sin, tinge an mahni ang a ka awmve theih loh tiin ka vui țhin a! Ka nun dan engah mah hian ka lungawi ve lo, tupawh hi ka thik a sin."

"Mate, sawi tawh suh." Beidawng lutuk in a rawn ti tawk a, nghet leh zual in min kuah a, aw chhuah meuh in ka țap nghal hawm hawm bawk.

Zodika awm dan tur te hi ka hrethiam lutuk! A damloh chang a ka ngaihtuah țhin ang bawk in tuna hian min ngaihtuah ngawih ngawih dawn a, reife engmah sawi lo in kan ngawi dun char chara, tunah hian min kalsan daih pawh nise ka vui miah lo ang.


"Mu tawh la, a tlai tawh." Ka biang a mittui min hruk sak pah chuan a ti a. Ka T-Shirt chu la in min pe a, ka in hah țha malh malh a, ka kawrlum ka ha tur chu min lo ti tawp chawt a, ka ban chu a tlek vung vung a.

"Hman ni ka hmuh pawh khan dawt min lo hrilh reng a." Za vak lo hian a nui hawk bawk. Chhang lo in ka lu ka bu zauh a, ka kawrlum a vawn chu thlah in ka khumah chuan a let thla zui tawp a. A rum kawchhung ipik zet hian a rawn rum leh hawk bawk.

"Zan in chu hetah ka riak dawn nia." Ka teddy bear chu a lakanga theh thlak a tum ta mai! ka hriat rual chuan ka lo va pawm vat a.

"He thil hi ti duhdah viau zel suh." ti pah in khumah chuan ka dah kang leh a.

"Zanah i kuah tlat zel a nih kha.. Lo mu rawh. Inbiak kan ngai a nia."

"A teuh lo mai, i duhleh in in ah va riak rawh."

"I thu lo e a."

"Ka room a nih hi."

"In ti thu si, tui zuk la pah in ka nute kha hetah ka riah tur thu hrilh ang che!" Thawveng zet hian a bawk khup nghal hmak bawk.

"Zahna hi i tla chham ve sia maw"

"Laldik, ziah a che, tui chu zuk la vat rawh." Min en chuanglo chuan a ti leh hluk a, room chu chhuah san in kawngkhar chu na zet in ka khara ,A phun ri hluk ka hriat rual chuan ka nui suk a, mahse reilo te hnu ah ka nui chu ka tawp leh riai riai a! Ka room kawngkhar chu tlemte in ka hawng leh a, Zodika chuan a light a lo off vek a, a țap tih ka hre bawk, nichin mai kha chuan pangngai tak a lan tum in min hau ve bawk a!

Dimte in kawngkhar chu ka khar leh țhem țhem a. Ké ka pen dawn a, ka thei biklo! Zodika thinlung kheh sawm hmel kha ka mitthla ah a lo lang a! Mipa ah pawh pa ve tak leh hrohram na zet kha he pindan chhungah hian keimah vangin a thinlung a rum mek.



"Zo, ka kal anih pawn ka ngai ngawt ang che, van ațanga i lan theihna hmun ah țhut hmun ka rem a nga, ka rawn thlir nasa thei ngawt ang che!'' Ka rilru a sawi mawlh mawlh in ka room kawngkhar chu ka ngheng a!


Ka thih hunah... Pathian hnen ah ka dil a nga, kan in leh Zodika te in lan theihna lai ah min țhut tir tur in ka dil chuan a phal em em ang?






Tunah chuan Zodika bulah pawh ka inthup a ngai tawh lo. Marawh chu min lainat tih hriat tak a min en leh ngawih ngawih țhin hi hmuh hreawm ka ti țhin! Ka nu leh pa te pawn min fuih char chara , nutei leh Patea pawh an bang bik lo, ka chhel theih nan thu țha tin reng min hrilh a. Pathian thu lah a hma aiin min hrilh nasa, kum5 chhung teh meuh kha Pathian lakah vúi in ka tan a a rem min ruat sak hi ka pawm duh ngai lo va. Ka chhungte leh Patea te chhungkaw zarah tunah ah chuan pawm dan ka thiam viau tawh.



Mi tam tak chu Pathian ah nun thar nei hman lovin mual an liam a, thlarau rethei takin setana ang chhungah an tang hlen tawh țhin. Kei erawh Pathian in hun țha min pe a, sual sim a, a lam ka hawi theih nan midang aiin chance min lo pe sang zawk bawk tih te ka hriat thar phah a! Kawng tam tak ah cancer natna hian thlamuanna min pe tawh zawk.





College lam ah pawh Sawmzuala nen chuan kan la inkawm zel, Ahmangaihi leh a țhianu pawh an la chimawm thiam reng bawk.


Zodika min hrilh dan chuan Patea birthday kan lawm kar khan an in țhen tawh a ti. Mahse , Ahmangaihi hian a thlah thei silo a, Zodika'n an inkar a tih tawp hnu ah pawh ngaihzawng en in a la en tho. An boruak chu ka hrethiam pha tawh teh nuai lo e a!


college ban ah chuan Zodika bike awmna lam chu kan pan hnak hnak a, Bike inhunna ah chuan Mama leh kan professor pakhat hi an lo ding dun a, min rawn hmuh chuan a rawn nui sang a, ka u bulah chuan emaw sawi hian a nui leh var var a, hmeichhia zawk chuan a kalsawn nghal bawk.



"Mam, Hetah enge i rawn tih a?" ti hu in Professor kal hrang ta chu ka en ha ha. A bul kan va thlen chuan ka u chu a lo nui ruh ruh a.


"I bag kha Zodika lo han hawn tir la." a ti a. Zodika nen chuan kan in en hû.

"Chuan, enge kan tih dawn?'

"Kan dilah sangha kan man dawn nia." ti sup in mit min siai suk! Ka khek ta raih a! A thuamhnaw inbel ațang te hian lo hriat daih tawh tur hi a nia! Dil ka kal lohna pawh a rei tawh khawp mai. Phur lutuk in bag chu zodika ka pe vat a. A lo tum bur anih chu!

"U Mam ka lo kal ve dawn."

"Vaw in chu Matei nen chauh a kal ka duh rih a." Ka u chuan a lo ti vat a "Mate kal i la." A bula car kawngkhar chu a pawt hawng nghal zat bawk. Rang zet hian ka lut a.

"Ka lo zui ve duh cheu lawm." Zodika bawk chuan a rawn ti leh sup, Mama chuan a nuih ringawt a. Car ah chuan a rawn țhu lut ve nghal a.


"Zo, ka bag kha chu ka room ah lo han dah mai rawh aw." Car tukverh a dak pah chuan ka ti a. Kan hruai ve loh vanga a titau hmel chu hmuhnawm tak a ni mai!




"Mam, tinge kan hruai ve mai loh a?" Kan sangha dil lam pan chuan Car chu a khalh a, a tih țhin dan bawk in Kenny Roger hla a play pah bawk. Mama hi chuan Pu Roger hi a ngaisang hluam hluam ania.

"Thil hrilh tur che ka nei a lawm."

"Ehh.. nichin a mi kha mi?" Kan thluk kual vel a, motor khalh lai chu ka țhut hnaih sauh bawk a, a lai ve deuh emaw leh nghal, a hmai a sen nghal țawn țawn a nih chu!
Naupang chhia reuh lutuk.



"Mam, In inngaizawng maw?" Phur zet hian ka ti vak a. Tukverh lam hawi in a nui suk.

"Yess, u ka nei hmelțha dawn hle mai" ka ti tung a, u Mama erawh chuan lu min thin khum nghut nghut.


Mama hi kei aiin a upa fe a, hna a nei tawh bawk, a palian in a hmel a chhelo a, a zirlai naupang tam tak pawh in an star thei lutuk! Mahse, a mah pui roh hian hmeichhe lam a ngaihsak lo tlat aaaa, kha professor nen khan engtin nge an lo in hriat ni! Amah pawh khan a huat loh hmel hle bawk.


Keimah te chuan ka nui leh hak hak țhin a, ka u in ngaihzawng a nei ka vawi khat hriatna ani bawk nen ka phur lutuk hi ka nu leh pa hrilh hlan ka nghakhlel tawh bawk si chu dil kal lo a haw leh daih te ka chak ut ut! Ka nu leh pa pawh an lawm teh ang chu! An fapa Val-senior hian hmeichhia a nei ve tawh dawn tlat a.


Car chu a ding dat a, kan huan kan lo thleng reng tawh.

"Len ka den chhung in kan inbiakna i lo chhiar dawn nia !" Mama chuan a phone chu min pe a, Ka phur zawng tak a ni. Ka lo ban vat a; car hnunga Len leh sangha bawm tur vel chu a la chhuak a, kan huan enkawl tu in min rawn pui vat a.


"Dil lian ber ah khuan sangha lian ho kan dah khawm a, an ei tham tawh khawp ang." Mama chu a rawn hrilh a. Dil lian lam pan chuan kan inzui dam dam a, dil ko tlangah chuan țhu in Mama te inbiakna chu ka chhiar a, ka unaupa zei loh zia ka hriat belh a ni ringawt a lawm! A changin za lutuk in ka nui a, a hmeichhia zawk fel lo phei chuan an in be rei miah lo ang! Zodika an zei teh reng nen a aw!!!!




Sangha țhahnem fe kan man hnu chuan kan inkhalh let leh a.

"Mate, Zodika kha engtin nge i tih tak?"

"Engmah kan sawi dun leh tawh lo"

"A tih tak hmel khawp kha."

"Ka hria lawm, mahse nakin ah a nat phah mai mai dawn a." Pawn lam thlir dauh dauh pah chuan ka ti chuai raih, Mama chuan ngawi reng in ka kut chu a rawn hum lum vang vang a.

Tunah hian Zodika min sawmna hi pawm ta ila, bul lo țan ta tehreng pawh niila hun ka nei tlem tawh lutuk, a nun in a chhiat phah vek ka hlau.


In kan thlen chuan chaw ei an lo peih tawh avang in intihfai hmasa lo chuan chaw chu ka ei nghal vat a, ka nu leh pa te chuan kan sangha hawn chu an chum leh rih a, keichu Alu kan leh bal bai a awm chuan ka lungawi hle thung. Sangha țhenkhat chu patea te kan pe ve bawk a, an ni hi chuan Dil vel an neilo a, mahse Serthlum huan an nei zau mai!



Ka chhungte chaw ei an rawn tum ve meuh chuan ka puar fel der tawh, ka thawh hmain sangha tui chu ka hawp ta tho a.



Inbualfai ka duh vangin in chunglam ah ka chhoh san nghal a. Ka room ka luh a light ka on en rual chuan ka rak nghal țhawt bawk! Zodika chu ka khum bul chair-ah a lo thu run, a kut ah chuan ka diary a keng! Aw Lalpa Ka Diary a keng.




"Eng vang in nge i ta lo i khawih a?" inthunun hman lo lek in ka au khum nghek! Thirim zet hian a lam chu ka pan hmawk hmawk a, Zodika pawh chu inhum ruh tlat hian a țhutna a țang chuan a lo ding chhuak vut bawk.



"khawi min rawn pe rawh ?" A hma ah chuan ka ding ran a, ka thusawi chu ngaihsak lo in chiang lutuk hian min en run ringawt.

"Min pe rawh ka tih chu, tinge I lo khawih ve rikngawt." Ka vin leh vak a, Diary chu lak sak tum in ka ban a, ka ban phak loh ah a phar sang vut anih chu!

Hw Diary chhung ah hian ka thuruk tawp khawk a awm! Chuthil chu a hmu anih chuan a lak a ka rilru put dan zawng zawng hria in... Nilo..


"Min pe rawh." Ka țap a ni ber tawh e.

"Thuruk leh bawk maw" Min melh chhuk run chung chuan a rawn ti hrawk. Amah hlat in ka pen hnung nghal vat bawk.


"Ka zawh che chu?" Dawhtheihna tlak chham hmel lutuk hian min pan hnai a, tunah chuan ka thuruk engkim a hre tawh ! Tumah in an hre tur a nilo a sin!



"Diary kha min pe la chhuak rawh."

"I thusawi ka zawmna chhan tur a awm lo." a lo tih nek chuan thinrim lutuk in ka pan hnai a. Diary pawh thlak sak tum chuan ka bei a, amah a len zawk fe a vang in a lek sang zel a, ka thin a tirim hlur tawh. Ka tih ngaihna hrelo chuan a taksa ah chuan ka țuan a, ka chum a, a sam ah ka pawt zui țawk țawk bawk! Engahmah ngailo in a a dinna ngaiah ding run chuan tawrh har zetin min en ngur ngut!



Ka laksak thei lo chu beidawn fe hian ka khum ah chuan ka țhu zui hnawk.

"I ta lo chu khawih tur i nilo a sin!"

"Abbra Ureka, hei hi kan naupan lai a kan hming in phuah kha a nih hi, kei Abbra ka nia, nang UREKA.. chuan keihi i dream boy ka ni bawk!" ti sup in ka hmai zawn ah a rawn kun hniam run! Ka mainitchhing sawk.


"Eng chen maw thup i tum a?" ngeiawm zet in a nui lui suk bawk.

"Sawi ta che" ti țhawt in a chal chuan ka chal a rawn nawr tawk, ka meng chhuak riai riai a. A insehruhna vang a a thisen zam che țawlh țawlh chu ka feel vek thei.

"Min duh... eng vang teh hrep a ngawih bo pui nge i nih?" a ti chang leh hrawih.


"Zodik"

"Dawizepnu.." a ti thuk ruih, nie, ka dawizep em a tin ni!

" thup hlen thei i ring em ni? I laka ka rilru put ang chiah hi ka lakah i pu... chu pawh High school kan kal lai a țang tawh in" a sawi zawh rual chuan in la hrang vut in ka khum tlang ah chuan a rawn in nam khalh nghal rûn.




"Kha chu High school kan kal lai a mi tawh a lawm!" Țap țiau chung hian ka ti a.


"Hei hi High school kan kal lai a mi maw?" za lo lutuk a nui suk in lehkha bu tawp lam chu a rawn keu a, ka hmai bul chet ah hian a rawn lek vut bawk. Sawi ve tur ka hre tawh lo!



A sawi hi engkim a dik vek! High school ka kal lai ațang tawh khan zodika hi ka duh tawh, a lakah kha tiang rilru ka pu kha ka inthiam lo țhin lutuk! Ka sawi chhuak lo ta reng bawk, mahse engkim ka diary ah ka lo ziak a, a hre chhuak ngai dawn lo emaw ka tih kha zan in hian a chhiar a, a hre leh vek si! Cancer natna kha lo neilo i la chuan Higher kan kal hunah ka hrilh ang ka ti țhin!


Mahse , Pathian in țhian țha ni zawk zel turin min duh a ni ngei ang! Ka duh thu ka hrilh hma in amah ka hlat theihna tur natna min rawn pe ta si.


"I natna vang in min hnawl a, min duh ve reng chung pawn i lan chhuah tir ve ngamlo, hmeichhe dang ka biak changa thik viau si khan min lawmpui ang in i lang țhin a!" A awri thinrimna leh natna inpawlh nuk chuan min tina ve tak zet, Na zet hian ka darah a vuan a, min sawi deuh nawk bawk.


"Sawi rawh, min duh ani tih sawi ve rawh" ti hrawih in kan chal a nawr si leh tâwk!

"Mate, eng emaw tal sawi ve rawh." A aw a khur a; a thawk lak dan na zet chuan ka taksa thlengin a ti che awk awk.

"Ngawi tlat suh Adik, min duh ve kha.. sawi hram rawh..."


Ka sawi ang maw?? A chhiar vek tawh a, thi mai tur ka nih zia pawh a hrechiang viau tawh! Chuti chung chuan ka duh thu ka la sawi cheu ang maw? Hmeichhe hmasial tak ka ni ringawt dawn sin.



"Zo, ka duh che tih hi ka phalo, mahse, min hriat kha, eng chen nge ka dam..." ka sawi zo hman lo, a kut pahnih in ka biang a rawn khuap a, dim lo baksak hian min fawp tâwn tâwn mai.


A inlak hran chuan a thaw chhuak hawlh a "Kha tiang zawng khan engmah ngaihtuah suh."

"I ngaihtuah ang kha bansan tur i ni zawk a sin, keini la i thi vat dawn tih inhria la, bul min la țanpui duh tho dawn mi? I hma lam hun ka ngaihtuah sin, țhian nih hi a tawk viau." A awm ah na zet hian ka nam sawn a, min hrethiam se ka duh tak zet. Inseh ruh tlat chung hian tawrhhar khawp hian min en ngawt ngawt



"Ti khan min en tawh suh." ka ti vak, Zodika chuan ban a phar kang hluai mai! Ner sak in ka hawi sawn hmak.



"Lo kal teh." a aw ri a dam thlup, ka ban ah manin a lamah min pawt hnai a. Thaw chhuak ham ham pah chuan a awm ah min kuah bei ta hlu hlu! Keipawn hetia min kuah hi ka thlahlel tak zet. A kawngah ban ka suih bet ve a. Hnial chiam chiam țhin mahila ka hlat thei chuang lo.



"Mate, a hma pawn kan sawi țhin kha, Abbra chu Ureka bulah a awm reng ang, Ureka pawh Abbra bulah, Magic hmangin an in zawng hmu leh zel ang kan tih țhin kha!" Ka dara a khabe nghat pah chuan ka naupan deuh laia kan inkhulalem dan chu a rawn sawi a. Ka in hnit nghal hlawp hlawp mai!



Khang hun lai kha chuan Abbra leh Ureka an awm hran theih loh ang bawk khan Zodika leh Adiki hi an awm hrang thei ngailo; engmah in an inkar kha a țhen hrang thei ngailo! Abbra leh Ureka magic hmanga an inzawm tlat ang khan keini pahnih pawh hi kan inzawm a, mahse..


"Mahse Ureka thih hun ah chuan Abbra in Magic thiam hmeichhia a nei leh dawn i tih țhin kha!" Ka ti țíau

"kha te chu...." a ti hulh, sawi zawm tur hre lo hian a ngawi vung vung a.

"Kan te lai pawn Ureka kha Magic land ah a kal hmasa a lawm." ka tih chuan min kuahna ban tha chu a ti nghet kher mai.


"Magic land ah Ureka a kal hmasa a, Abbra pawn Magic thiam hmeichhe dang a tawng leh a, Ureka awm lo pawh a hre zui tawh lo..."



"Sawi tawh rih suh." ti hul hak in ka in hnit hlawp hlawp chu min kuah nghet zual sauh.

"Khawi ah mah i kal dawn lo, i hria maw? min hmu lo a nikhat lek pawh awm thei lo hmeichhe țah belh lutuk hi ka tello in khawiah mah i kal ngam lo..." a ti chang rap. Țap e tilo chuan ka nui chhuak hak a.


"I kal hrang thei lo a ni tawp! I țah hun ah tu in nge kuah ang che.. țah belh pir per si" a sawi zawh rual chuan a nui che ve dawt tho.


She told me in the morning
She don't feel the same about us in her bones
It seems to me that when I die
These words will be written on my stone
And I'll be gone, gone tonight
The ground beneath my feet is open wide
The way that I been holdin' on too tight
With nothing in between

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 23rd, 2017, 8:04 pm

Ka nghawng ah hmai phum in a thaw chhuak hawk hawk reng a, reife ngawi reng a kan inkuah hnu chuan Zodika hnung chu ka ben sak thak thak a.

" Țhian ni reng zawk ang awww, a nih loh chuan kan na zual mai mai ang." Zodika erawh milim ang maiin a ding ngawi ngul.

"Ih maw Zo, i hlim ka duh ber, midang nen hlim deuh in awm ula, keichu ka hlim a ni mai, hetiang chu nilo i la chuan i mi sawmna zawng zawng te hi ka pawm vek ang, mahse thil engkim chiang tak a ngaihtuah chuan tuna kan awm dan hi a tawk lutuk." zawite hian ka ti leh a.



"Engmah sawi tawh suh, va in ti fai rawh." a ti bung nghut.

"Zo.."

"Va intifai rawh" ti sup a min kuahna a phelh rual chuan min hnung chhawn nghal hmiah bawk. Bang lam a melh ngut ngut a, muangchangin ka pan hnai leh a, a hnung lam a țangin kuah in a taksa lum thur thur ah chuan ka bei a, Zodika pawn nghet zetin a taksa a ka kut suih beh chu a lo hum nghal hmiah, tha khur ru dur dur khawp a thlah leh a tum tawh lo tih hriat fê a ka kut a chelhna vang chuan tawite in ka nui a. A ngaihzawng ni kher lo pawn he mipa lakah hian pawimawhna ka nei tih ka inhriatna chuan ka mal bik loh zia min hriat thar tir bawk.





Nun phung pangngai tak in class pawh ka kal ve leh a, keipawn thil a eng zawnga thlir hram hram ka tum țhin! Zodika leh Sawmzuala te pawh Basketball khela Aizawl ah an kal dawn vanhin practice an nei ngawrh hle, a chang chuan tlai a an practice hnufual hi ka nghak ve țhin.


Ahmangaihi te hian țawng kam ngei awm tak tak hian min țawng khum an ching țhin a, mahse chung chu ngaiah ka nei tawh. Min dem viau pawh a ni thei, Zodika nen an inkar ah kher kher chuan ka inthiam ve thlawt thung, ka theih tawp tak meuh ka chhuah ve a, min hua tih ka hriat hnu ah pawh ka hmeichhiat pui a nih na angin a nat ka la phal chuang lo, Zodika pawh ka hau tam phah hle bawk a nih kha.



An in țhen chhan tak chu ka hrelo *A cho chhuah liau liau a ni!* Zodika chuan a ti hmak thung.

Theihtawp in min țawng khum nate chu ka ngawihsan zel a, a rei tak hnu phei chuan engah mah ka ngailo ta reng bawk.


' Min duh viau chuan a tir a țang khan a mizia a veng țha tur a ni!' Zodika hian a ti țhin a, eng a sawi tumna nge ka hre chiah lo a, ka lo rin țhin dan anga nungchang mawi tak nei a nilo tih erawh ka chiang hle tawh.


Mi țhenkhat pawn ka natna te chu an hre tawh a; College bik ah pawh min khawngaih tak tak tu pawh an awm, Chutih rual chuan hmuhnawm thlir a min thlir tu pawh an awm ve bawk. Mahse engtik lai pawh in Zodika leh Sawmzuala ka bulah an awm reng zel a, hreawm tak in ka awm ngailo.

"Ka bialnu hian a thik thei lutuk che." Collage tual zawlah chuan Sawmzuala nen chuan Zodika class bang kan nghak dun a. A thu lo sawi vang chuan ka en heu bawk.


"Eng vang chuan maw?" Ner deuh suk in min nuih vun vun a.

"A duh aiin i bulah ka awm tam deuh a."

"Ehe.. amah chu ngaihsak hle rawh, ka tan a nuam miah lo a nia." Ka ti a, Keimah vanga an inkar a buai ka duh lo tak zet.

"A buaithlak ber chu Aizawl ah a awm tlat hi lawm, phone kal tlang hian a thikthu a rawn che thei lutuk!" A ti nang nang.

"Keipawh niila a awm ang tho chuan ka awm ka ring."

"Mahse țhiante hi in pawimawh a lawm, țhian țha hi keimah ah chuan an hlu lutuk!"

"i ngaihdan a va mek ve?'

"Umm..Tihian sawi ang! Ngaizawng te vang in i țhiante thlah thlam suh, țhiante chu engtik lai pawh a harsatna i thlen ngam an ni, i ngaihzawng chu i dam chhung kawppui tur a nih loh phei chuan reilo te ah in inkalsan leh dawn, chuvang chuan i țhian kha thlah thlam ngai suh."

"Lalsawmdawng i va ril vel tak!"

"Nangchu tereute in i nghal."

"Pawng"

"I duh duh hming hi min phuah ngawt țhin suh." a ti hluk, lungawi loh deuh a min melh khui khui tak ah chuan za deuh hian ka nuih ta hawk hawk a.

A sawi dik ngei ang; Țhiante hi an hlu lutuk, kan damchhung khawppui tur an ni em tih pawh hriat lo, ngaihzawng te vang a țhiante thlahthlam ngawt hi thil dik ber a ni lo.




Lehkha ka chhiar mawlh mawlh lai chuan ka nu hian min rawn au vak a, ' eng tak ni ang maw' ti rauh rauh in inhnuai lam pan chuan ka chuk thla a, Zodika taksa chu rui tih hriat zet hian Sawmzuala chuan a rawn kuah lut anih chu! A hmai vel chu a duk thluah bak ah thisen a kai phung bawk.



Engtik laiin nge a bul ka thlen hman ka hre sise lo! Hlauthawnna a khat in sofa a zawi zeta a mu chu a kut ka vawn sak vat a; amah lah chu a phun ang bual bual a!

"Mate, Khawi ah mah i kal dawn lo." a ti bul bul.

"Engkim kha a diklo, doctor te tihsual anih kha" a ti buh nuaih, nghet deuh in a kut chu ka hmer ngawt ngawt, chatthla lek lek khawp in a rui nangin a hmel erawh natna vangin a thîm khup lawi.


"Kan pahnih in test nei tha ang.. aw? Mate, kan pahnih in test nei țha ang, doctor te result siam kha a diklo tih kan fiah dawn lawm..." beidawnna a khat a aw zuai ruih chuan ka lung zawn a hmetna rawih rawih! Mipa luhlul tak hian thinlung nem tak a nei miau si a lawm, engtik lai pawn min dah hmasa ber zel a, ka hlim na tur a nih chuan engpawh tih a inhuam țhin. Tunah te hian ka tan eng emaw tak tih theih neih a duh luat vangin a ipik hluah hluah ang tih ka hria.


"Ka naute hian cancer an vei ang maw? Aih, a theih loh bur! a tetlaia a tluk palh a, a khup a pilh hlek pawn nasa zetin a ţap țhin a... eng tin nge.. engtin teh hrep nge a taksa a cancer natna awm hi a tuar zawh ang" ti hluk in a kâ ațang a thaw chhuak hawm hawm. "Ka naute khan a khup pilh lek pawh na a ti țhin a sin..." a ti zuai ruih.


Zodika kut chu ka hum sak ngawt ngawt a, ka natna a ringhlel lutuk leh tuar thiam lo lutuk hi a lainatawm tak zet! Mittui tling pam hian Sawmzuala chu ka melh a.

"Engtin nge hetiang hian a awm theih a?" Ka țah a ti chhuak tak zet, zu chu a in ve țhin. Mahse vawi khat mah a rui che ngai lo.

"Adik, nidang ah ka hrilh zawk ang che." Zawi sup hian a ti a, ka ngaihtuah thiam nghal mai! Keimah vang bawk a ni. Midang in Cancer ka ni tih an sawi ri a hriat hian a thinrim țhin a, a sawi tu chu tupawh nise hremna pek a tum tlat zel! An len chhuahna ah tu te'n emaw huatawm ni miah silo in ka chanchin an lo sawi a nga, mite'n cancer tia min sawina a pawm thiam loh em vang chuan kut a thawh nghal thawr ah ka ring nghet hmak!



"Pa , nutei te kha hrilh mai la, ka bulah riak mai rawh se,hetiang te chuan an mahni tan pawh hmuh a nuam lo ang." Ka pa pawh en chuang lo chuan Zodika kamsir vel thi chu tih nat belh hlau zet hian ka khawih saka. Ka hlim loh chang a lo tuar ve ber țhinpa thinlung hi a ipik mup ang, a rilru dam nan tal chak tak in ka awm zel tur a ni.

"Kan naute in thisen cancer a nei an ti a nih chu" ban vai thuak in maimitchhing reng chung chuan a nui hawk hawk a. A nuih tawp rual erawh in tha nat hmel fê hian a insehruh chawt chawt!

"Mi mawl pa, hetiang ang a i awm te chuan engtin nge kei hi ka chak theih ang le? Min fuih tu tur zawk i ni a sin." Ka ti sep sep.

Ka nu insut ri hraih chu ka en vat a, rilru nat hmel tak hian Zodika leh kei chu min lo melh tlawk tlawk.

"Mam, Ka room ah hruai chho i la.?'' Mama chu ka melh a, Mama pawh a mit a hnawm chap mai.

"Nia, khawi ka lo pui ang che." Sawmzuala chuan a rawn ti vat a, Mama nen chuan room lam pan in kailawn ah chuan an kuaih chho hnak hnaka.

"Mambawih." Ka nu chuan min rawn kuah vat a. Ka lo hnial lo kher mai! Hetang hian Zodika a la awm ngailo. A rilru a ipik ve hle a ni ngei ang.

"Mambawih, engkim hi Pathian ruat a ni tih pawm thiam rawh aw." Insut hraih pah chuan a ti leh a.

"Ni e,Pathian ruat a ni!" Harsa zet hian ka ti chhuak ve a. Ka pawm emaw ,Pawm lo emaw engkim hi Pathian ruat a ni.

Zodika chu ka khum ah an lo mut a, light eng dul raih hnuai ah chuan a thawri sak sak chu ka thlir reng a.

"Ka va phei tawh a nge!" Sawmzuala chuan ka darah a rawn beng thak, "ka lawm lutuk aw, i lo hruai haw a." Ka lo ti vat a. Lu bu nghat in min chhuah san nghal a.

Mama chuan a pheikhawk a phelh sak ve mek bawk.

" eng ang fako a tam nge a in reuh le?" Beidawn hmel tak a Zodika en ngut ngut chuan a ti thlawt! Nau ang a en țhin nun dan phung danglam ta lutuk chuan a ti beidawng hle ah ka ngai.




" Mam ka lo ti fai tawh mai ang." ka tih chuan min thlek nghal vut

" Ka lo ti mai ang" bu nghut in Zodika chu a thlek leh vung vung a. Tihngaihna hriat loh hmel fe in a thaw chhuak ta hulh.
"Mate, chak takin awm rawh aw" ti thum supin min mangțha nan ka lu ah a fawp zauh a, min chhuah san nghal a.

Ka chhungte leh laina hnaite keimah vang a an rilru a mangang țhin hi pawi ka ti, min ngaihtuah zui loh theih loh in kei lah ka hrisel lo em em bawk si a. Țhenhrual țha te kiangah a der in nui țhin mahse an zavai hian mawlh tu neiin hun an hmang vek tawh mai si aaaa.


Ka țhutna a ta tho chhuak in washroom ah ka lut a. Darthlalang a ka hlimtha lo lang chu tawite in ka nuih sak ringawt. Tui tih lumna mi tui lum ka la chhuak a; Puan chu tui lum ah chuan chiah in Zodika hmai vel chu ka hruk sak a.


Lo thi ta pawh niila he pa hian a tuar thiam ngai dawn lo. 'Mate emaw Adik tilo a awm thei lo pa hian ka kal hun ah chuan ka thla tal a au ruai țhin in a nia ka rin'


Ka awm loh hun ah a khawhar hmel tur leh hrilhhai hmel tur ka mitthla a, ka hrawk chhung a rawn na ut ut, amah lah chuan thawk a la suai suai reng a, a hmai tlang vel ka hruk fai hnu chuan a kut vel chu hru fai leh in a jacket hak lai chu thei leh thei loin ka hlih sak a. Ka mittui lo luang ve chhen chu ka'n hru leh tawk țhin nangin a lo luang thla leh zel!


Ka kawih let velna vang chuan Zodika chu a rawn rum țuah țuah reng a. Eng thil nge a sawi hriat chian fak theih loh in ka hming a lam sup sup reng a, tunah tak hi chuan keimah vang in a na ngawih ngawih tih ka hria a ! Tha nat hmel zet a insehruh chawt chawt vawi leh khatah a rawn meng chhuak hlawl! Mittui nen ka lo nuih let vat a.

Min en run run pah in a kut zawi hnuang chuan ka ban a rawn khawih dun dun a, a tak ngei ka ni tih hrefiah niawm tak hian a rum hawk bawk.


"Lemchan thiam nu!" a rawn ti thawr

"Min ngaisang a nih mai chu,"

"Ka ngaisang mai che a ni lo, Ka atchilh bur tawh che." Nui suk pah hian a rawn ti leh sup.


Insum hman lo lekin a biang tawn tawn ah ka vawn sak a, kun hniam in a chalah ka fawp nghal vang vang.

He tianga ka tih chakna hi a rei tawh lutuk.



"I ngam chin a nep thei si." rui țawng thatchhe zet a a lo ti leh sup chuan ka țah nuih hak a. "Ka hmui pawh i fawp ve ngamlo" ti leh hmuk in ka kut chu a rawn hum hmiah.


"Rui tawh suh aw."

"Ka bulah lo mu ve phawt la." a tih zawih ruih chuan hmanrua vel chu khum bul dawhkan ah ka dah sawk sawk, a bulah chuan ka mu ve nghal a, a kut chu ka lukham theih turin a rawn dah rem nghal zat, Saisir in a kawngah ka kuah chial a. A hmui in ka chhip a rawn nawr leh a, fiah lo zet hian phun sup a, eng nge a sawi pawh ka hre thei lo, min mangțha na ah ka ngai ve ta tawp.




Zodika lungphu dup dup leh thawk la suai suai ri ngaithla chuan mit ka chhing riai riai a, he a lumgphu ri hi engtia rei nge ka la ngaihthlak theih dawn ka hrelo. Ka theih chhung chuan ngaihthlak reng ka duh.. an ngaihnawm e mai..




Ka men leh chuan parda in zar phui lo ațangin nizung a rawn lut ruih tawh. Zodika lah chuan min lo kherh bet tlat leh nghal. Harsa zet hian lukhama hnuai a phone chu ka zen rak rak a, zing lam darsarih a lo ri va tawh.



" Pa-hrawlpa, tho teh, min delh hlum dawn." ti halh in a bawp ah ka beng thawk. A rawn che ve țual țual a. "I mu tui em?" Phak zet a a rawn tih chuan a mal chu ka sawk tawk.

"Aiah! Chu taivang seh chu a va na e" a mal tuai vut vut pah chuan min khana chu a la sawn a, ka na țhum hman tho.

Muang ruih in a lo meng chhuak a, thawh chhuah ka tum biklo, saisir a mu chung chuan kan in en reng a, a hmai khem leh hmui bul kak chu a nat hmel ka tih tluk zetin a lan pa pui daih lawi.


Zodika chuan a kut rawn lek chhuak vutin ka hmaitlang chu a rawn nul kual dun dun a. Ka hmui a thlen dawn chuan rang lutukin hmui ka lo chip hmak, nui che dawt in ka hnar ngul chu a kutțangin a nul thla a. A mit thim khup leh hmel pa hrekhrawk tak ah chuan thil tam tak tak ka hmu bawk.


"Zo?" ka ti sep.

"Umm" thatchhiat hmel deuh a tiin ka bek samah a kutțang a nawr lut hmiah bawk.

"Adik, sawi ta che" ti sup in ka mitah min melh rún a. Ka thih phah dawn pawh ni hleilo ti rilru in ka inhum ruh nghek.


Thih leh thih tiin "In date i la?" Ka ti chhuak ta phawng!



Zodika chu phih dawrh ang mai hian a țhu chhuak hluai, min ti hlau lek lek zawk. Hmel lan dan buai nuk chuan ka chal a rawn dek zui vut leh nghal. Min chhuk en run a, keilah hrilh hai bawk siin ka lo tawm chawi ringawt.


" I dam țha maw?"

"In date ang!" Ka ti nawn leh chiah chu a thaw hawk a.

Chutah ringngam chiah lo tih hriat tak hian "i tho a lo tak zet maw?" A rawn ti leh nghut. Ka lo nui ta hak a, mipa tawn hriat ngah tawh lutuk hi in date ka sawi vang maiin a chiai vek anih chu!


"In date chu i duh nge duh lo?" titau ang deuh in ka tum zui pak a. Ka nuih erawh a za hle

"Hrep a! kan in date nghal ang" rang fahran in a rawn ti nghal hmuk. Ka mu lai chu min pawt tho nawk a. Kei a inring lo lutuk bawk si leh taksa na zawk chu ka rak țhawt a.


Inthiam loh hmel deuh a min en chuan ka nuilo thei lo! He mipa rilru lian zet hi keimah vangin a tal buai miau a..

"Sorry" a tih sup chuan ner zeuh in ka nat loh thu ka hrilh a.

"I thusawi kha sut tawh lo ang che.. ka bialnu i ni tawh" ti nghut in khum ațangin min kai tho nghal zat. Hnial buai pawh ka tum tawh lo.



Hman hmawh zet hian inhnuai lamah min kai thla hlawk hlawk a, ka tehkhin tak ber chu school kan kal ve hma a kan inkhuallem țhin lai kha... Misual in min man a, amah hian min rawn chhan chuak a, misual in min man leh hma a chak tawk a misual tawm puk ațang a kan tlan chhuak țhin kha ka mitthla let uar uar.



Ka chhungte chu an lo țhu țhap a, Mama pawh Gym kal zo hlim tih hriat zet hian a dar pharh țha zet ah chuan a gym kal towel a lo la bat a, keini pahnih hman hmawh bakleng a in kai thla chu min lo en țhap. Keipawh chuan Zodika thil tih tum chu ka hre bik chiah lo.




ka kut a vawnna thlah mai lo a, phurna a khat a mitmeng pa zet a min melh chhuk run chuam chil ka lo lem khawlh! Ka pa pawhin a chanchinbu chhiar lai dah meuh hian min thlek dun vung vung a. Zoa lah a ngawi leh daih bawk si.



"In tho țha maw ?" Ka nu chuan a rawn ti vat

" Aw.. Mahse Nute, Pate, U Mam vawin hian Matei oh Adiki hi ka len chhuah pui dawn." Mahni inring tawk tak chuan a ti nghet churh. Ka lo zak teh e!


"Aw, va leng u la, reilo thung ula, Matei khan pawn khaw vawt ah awm a ngaih lo a nia." Ka nu bawk chuan awl sam zet hian a ti leha; Zodika lah chuan a duh tawk mai lo.


'Leng chhuak tih ah... kan in date dawn" A ti sup a, ka kut a hum chu ka lo thing sawk. Tiawm ang lo lutuk!

Ka nu chuan eng emaw sawi tum in a ka ang zuau a, mahse ka pa chuan mit mei in a khap thuai a!

Muangchang a kei leh Zodika min en chuan "A țha a lawm, mahse midang hmuh a mawilo in awm loh tur; inthupui tur chu 'thianghlimna' ni rawh se." rawn ti churh churh.

Kei erawh ka zak lutuk chu ka sen chhuah vek ka ring.


"Thingpui in duh em?" Kan nula chuan a lo ti vat, lu ka thing ringawt. Zodika chu pawn lamah ka pawt chhuak țawng țawng a, ani lah chuan min zui ve hnu hnu tho.


"Ti nge kan in date dawn tih i sawi kher a?" Kawtzawl ah din puiin vanvadak haw hian ka vin khum hlur, Min vawnna kut chu thin thlak ka tum a, a lo vuan nghet phian zui.

"Ka sawi tawh kha puitling ang a en kan ni ve tawh, Chhungte hriatpui hi a țha zawk, keipawn ka nu leh pa hrilh dawn." A ti sup.

"Ka lo sawi hmuh kher kher che a ni." Lu thing mat mat pah hian ka ti a, a hmel chu a hmuhnawm loh teh e.




Chaw ei kham chuan ka inbual a, ka nu in thil sawi duh a neih vang in insiam mai lo chuan an room lam ah ka lut a.



khum tlangah hian inngaihtuah muk tak hian a lo țhu ngawi veng veng, Ka lut pawh chu min rawn hmu lawk lo. A bul ah ka va țhut rual chuan harchhuak thut ang mai hian a lu a thing nak a, ka mal a ka kut chu a rawn vuan in a nui lui a

"Mambawih, i thil tih kha i hre chiang maw?" A aw ah chuan ka luh hmain a lo țap tawh tih ka hre nghal.


"I.. engtin nge.. aw, Bawihte, ka va lainat tak che em?" a sawi tur pawh sawi hlei thei lo in a mittui dan kir tum chuan a vanvadak nghal a, rang deuh a kuah in a darah khabe ka nghat dat. Hun ka neih tam tawh loh zia hria in kei leh Zodika min lainat luat vang ani tih a pha bik in ka ring lo.


"Bawihte, min hrethiam rawh... ka rilru a lo no leh țhin" duat tak a min lo kuah let in ka sam ah a chul hliau hliau

"Nu, rei tawh dawn lo mahse kum 5 chhung a ka lo suangtuah țhin kha tih puitlin ka duh! Mahse rei tak hun ka hmanpui theih dawn loh avang erawh chuan ka inhua.." hnuk ulh țeuh hian ka ti a.


"Nilo, Mambawih, rei deuh in awm dun dawn lawm, rei deuh" insum hman lovin a baw deuh hawk a. Chutah taksa khur dar dar chungin a inseh ruh leh a. "I nu hian tih theih neih ka va chak teh lul emmm"

"Nu... i theih tawp a țha in engkim min tih sak tawh hi" ka tih chuan zalo fe hian a nui a "khawvel a nu țha ber i nih hi.. nu in fa tan a a tih theih ang ang chu engkim min tih sak vek tawh"




Ka room ah let in ka thuamhnaw hak tur vel ka en fel a, hak mai tur ka hre silova, Khum ah ka in hai chhuak phung tawh, Ka phone chu la kang in zodika rawn chu ka tum ta nge nge a.



*Hey, Eng nge ka hak dawn?* message ka va thawn a.

*I tukverh kha lo hawng la.*

Tukver ka hawn rual chuan Nutei te room tukverh ah a rawn dak ve chiah bawk. Kawr a la ha lo zui. A taksa sek nalh zet ka hmuh rual chuan ka tîm deuh zuau a. Ka ngaihtuahna hrethei ang hrim a a vei nuih suk chu ka melh ta er bawk.



*Chuan?* tih ka thawn a. Ka msg a chhiar lai chu ka en nghal ran.

*i thuamhnaw ho kha min rawn hmuh tir la.* a lo thlen rual chuan lo hawi chhuak in a nui leh suk. A va han pa ngawih ngawih tak.

Bu nghat in parda chu ka nem zau nghal pawk.


Ka thuamhnaw chu tukverh bulah din puiin ka in teh chhin vel a.


Zodika chuan tukverh nam a kun hnian run hian min lo en dik bawk. Lu a thing nghut chuan a duh lo tihna!


Hui! Rawn loh tur tur ka lo rawn ta in ka hria!

Ka thuamhnaw bawm a ruak tak ngial dawn, khum ah lah a vum thur a, a ni lah in a lu a lo la thing fo.

Kawrfual eng hi ka va lek kang, nasa zet a ban vai hian X a rawn siam nghek! Ka nuih a tiza zawk, rawng eng hi a ngaithei țhak lo.

Khum ah bawk ka theh thla leh a.

"Ummm, hei chu a phal emaw, A phal lo emaw ka ha dawn tho tho"
ti nauh nauh in hman zana Patea kawr thar min pek kha hmui ti pawrh tar in ka va din lan pui leh a.



Mit ti zim deuh sún hian min thlek vung vung a, a tawp ah chuan lu bu nghut in a kutzungpui a rawn ti pir vuh. Nin hmel zet a mengkual in ka room parda chu ka khar hnan hmak.


Nutei te room a a nui ri hawk chu ka hre thei tho.


Ka phone a message chu a rawn ri kauh a

*i bialpa hi min en dik ve lo ang maw? * tih zawng.

Bilapa... nie.. ka bialpa ani tawh dawn tlat. Ka lungphu leh biang a rawn sa hat hat a. Ka dam chhung a thleng ngailo tur a ka ngaih țhin kha a thleng dawn miau a! Ka taksa peng tin phur rukna leh zamna vang a danglam zawih zawih reng chu thunun ngaihna pawh ka hrelo.



* nangchu ti tawp pawh khan i pa a lawm.* msg a seen rual chuan ka biang a sa nghal ham ham thei.

*In la zei lo la nih chu*

*Bleeeh* tih zawng in ka reply a, Ka insiam zui nghal a.




Tunah chuan ka hma lam hun leh ka natna ngaihtuah miah lo in Zodika bula hun ka hmang tawh ang!

Heihi kum 5 liam ta a țang ka lo suangtuah fo tawh a ni bawk; Ka ban phak ah hlimna a awm lai rengin sir lamah ka hel tawh dawn lo!


Tleirawl dangte anga hun hman ka chak hle țhin kha a ni a, tunah chuan ka chak țhin zawng zawng kha ka Dream boy nen ka ti puitling vek tawh dawn..


Kawrfual ka khup chen a fual, ka vun rawng nena in hmeh zet a pawl duk chu ha in a chungah kawrlum dum ka ha a, sam chu ka thlah mawl tawp, phengphehlep bakilh ka kilh a, chapal kaih dum ka bun leh tawp bawk.



Ihnuai kailawn ka zawh thlak lai chuan Zodika pawh kawngkhar ah a lo lut vut a. Ka sawi tam lo ang! A chhelo in a pa hle tih leh min hip bet tlat tih chiah ka sawi ang.




Kailawn lam lo hawi chho pah chuan pa lutuk hian min lo nuih suk, nizana a hliam vel chuan a ti lang pa zual sauh, a mit ko ah chuan band aid a la bel hram bawk.



"Khawnge kan len ang?" Kawtah chuan a bike nilo in Car bawk a lo awm leh tawh.

"I duhna ber ah kan kal dawn nia" Ka țhutna lam tur kawngkhar chu a pawt hawng a.

Tun hma deuh a kan pahniha kan kalna țhin vel ah kan kal dun a, In date e tilo chuan chang leh kan in hnial hrep a, kan naupan deuh lai chanchin a sawi chhuah chuan ka thinrim hlur zel, Tomboy i ni min ti tlat zela!



Kan kal kual hrep hnu ah kan school hlui panna kawnga thing buk hnuai bawk kan pan leh a, Zodika chu ka hnungah țhu a awm ah min kuah bet hlu hlu a, hahdam fahran in taksa chu ka ngheng ar ar.



kan hma lam a Lengteng tlang lam chu thlir in kan ngawi duh rauh rauh a. Mimbung leh kawlbem kawng a lang kual ruih a, tlang lian pui pui ding to luah chu melh in ka khap fak fak; Zodika thung chuan helhkham nei tih hriat takin thawk a la leh hawm hawm țhin a.


A hmui lum a ka nghawng leh beng hnuai a lo nul thuak chang chuan za ka tih rual in ka famkim hluah hluah in ka hre thung.



"Zo."

"Umm" ti hniam ruih in ka beng hnuai a fawp thuak. Kan boruak cool ruih thlak tum chuan ka nui hak a. Ka zawhna zawh tur hi ka zawh leh meuh chuan ani pawh pa lutuk in a nui ve hawk tho ang.


"I ngaihzawng eng zatna nge ka nih tawh le?" Ka ti thut.

"Maw?" atthlak tih hmel lutuk in nui hak, kei pawh ka nui ve tho, zep loh chuan bialnu ngah tawh lulai lutuk.


"Kan chhiar chhin aw." Ka ti a, ka kut țang thliak meuh in ka chhiar nghat nghat a.
"I va ho e aw" ti nghut in ka kut chu man a tum a, kei lah uar fahran a ban phar in ka chhiar zawm nghat nghat mai si. Nui hawk hawk in ka darah khabe a nghat a.


"Ehe! A sawm pali na ka ni, ka duh reng reng lo" ti chiam in din ka tum ta mai. Zodika chuan nui hawk pah hian min pawt țhu leh zat bawk.


"Laldik, i â mai mai e mai!" Min kuah bet tlat chung chuan a ti hluk.

"I ler ve chiang e!"

"Laldik."

"Eng nge Zodik." ti hlak a ka thlek let chuab rang zet hian ka hmuiah a rawn fawp a nih chu! Ka eu hla vak a, ka hmui chu a rawn fawh leh hlau in ka hup nghal țai bawk.



" i hmeichhe kiss zingah a sawm pali na ka ni... an tam tawh e mai, in date leh lo mai ang" ka tih chuan mitmeng thuk ruih in min melh chhuk run.

"Mi i kiss hnem tawh si"

"Ka hmeichhie kiss hmasak ber chu nangmah."

"Ka va awilo ber, Hmingsangi kha sin." Ka ti chiam ringawt ! A bialnu hmasa ber a ni miau a lawm.


"I ti diklo tlat" Min kuah nghet pah chuan a ti sup a "ka kiss hmasak ber chu nang tereuh hi"

"Eng tin?"

"Class 7 board exam kan zawh ni khan kan in ah Hannah Montana Movie kan en dun a, nangchu ka mal chungah reilo te hnuah i muhil vat." A ngawi dat a, remlo zet hian ka hawi let a. "chuan?" ka ti, min melh vutin a kiai suk.
"Sawi vat rawh"

"Chuan.. ka.. I hriat reng kha." A lai ve deuh in ka hria.

"Ka hrait loh vang a lawm ka zawh che."

"Ka kiss che." A ti hmuk, a lai ve deuh tak ta a niang, a hawi sawn nghal vut. A hmai tlang pa zet chu en in ka nui ta hak, ka ringhle chhin miah lo bawk.


"Rei deuh i bulah awm thei ka chak." Ka ti sep, sawi sual inti lutuk hian Zodika chu ka en chho dawrh bawk. A insehruh ngawt ngawt a, keima bawk in kan hun nuam tak ka ti chhe leh ta.




"Ka tihpalh ka sawi tum a ni lo." Mahni in thiamlo deuh hian ka ti leh sep a, Zodika chuan engmah a sawi lo, mahse a taksa chu a țang hle thung!


"Ka tihpalh ka tih mawlh mawlh chuuuu" a hma aia ring chuan ka ti leh tung, keipawh hian engvang teh hrep a sawi chhuak hmasa nge maw ka nih leee...

"Zo... ka tihpalh ka tih chu"

"Ka hria lawm." ti sup in ka darah a khabe arawn nghat dawt. A thaw chhuak nghal hawm hawm bawk.


"Mahse engtin mah min chhan loh kha." Pangchang zet hian ka lo ti leh a, Zodika kiangah chuan engtik lai pawh in a tirte a țang a tun thleng hian ka la pangchang reng, amah hian min duat reng lah tak a.



"Mate, ka hlauthawng a ni" chuai ruih a tiin min kuah nghet tawk.

"Ka thih san che maw?"

"Ka fiamthu lo, kha thu kha sawi tawh suh." A ti chang fak, Kei pawh hi ka fiamthu bik miah silo.

A lam hawi chuan ka in her a, a biang ah chuan ka vuan a. A mitmeng melhna zet leh thip deuh ram țhin ah khan ka kal san hlauhna ka hmuh sak thei a. A hmelpa hrekhrawk ni țhin ah pawh khan kal san lo turna ngenngawlna ka hmu.



" Zo, Kei chu i tello a awm ka hlau ber" ti sep in ka insehruh fan fan. Ani pawn pachan tum zet a min en hian ka hmui ah dimte in a rawn fawp a, ka mittui ka bianga luang ngiai ngiai chu a kut in a rawn nul hul a.

"Adik, i kalna apiang ah kal ve thei ila ka ti... i awmna apiang ah awm ve ka duh, ka zui ve che i phal em?" a tih sup chuan lu ka thing nawk nawk a, ro lutuk a nui lui sukin a awm ah bawk in min kuah bet a. engmah ka sawi thei tawh lo, ka kâ ka an rual in ka țap chhuak dawn tih ka hriat a vang in nghet zet in Zodika ban chu ka hmer ta ngawt ngawt zawk a..



Zep loh chuan Vanram ah keimah chauh a lo han kal hmasak ai pawhin Zodika bulah natna na deuh tuar chung pawh a la awm hi ka duh zawk daih.




Christmas a hnai tawh in khua pawh a vawt tawh hle, Zodika te pawh Aizawlah basketball khel in an kal a, ni hnih lai an cham tawh, an inkhelhna apiang ah a che tha em em zel, kan college a chakpui ngei ngei ka ring nghet tlat bawk! An thlen na ah WiFi a connect thei hlauh a, vedio call in a hunawl neih apiang in kan in be thin, a telloin ka awm khat em vang a niang ,ka ngai em em a.


Kan tette atang midang zui lo in kan in kawm chawt a, ka damloh chang a Aizawl ah in check up ka ngaih hian a lakah thinrimna tur zawngin Aizawl ka kalsan dawn che tiin ka hrilh. Ka titau kal tluang ah a ngaive mai thin, chu mi bak chu kan inkal san khat bawk a, kan inbiak chang in tah khum mai ka ching bawk. Ka sawi tawh kha a bulah hi chuan chin tawk hrelo khawp in ka pangchang thin!





Naktukah finale Aizawl college nen an khel dawn a, a rawn haw thei tep tawh thu a rawn sawi a,ka lo hlim hle bawk. Vedio call a rei fe kan inbiak hnu chuan mu turin ka inbuatsaih a,Bathroom lam ka pan chu thawk leh khatah ka taksa a lozawi thut a! Lu hai mup a ka pai nawk chu engkim a thim nghal vek!





Ka harh chhuah leh chuan khawvela ka hmun ngainat loh na ber ah ka lo mu leh bam tawh, ka nu leh Umama min lo awmpui a, ka meng an hmuh rual chuan ka that leh that loh min zawt nghal mawlh mawlh, ka taksa na zawk zawk chuan he hmuna ka awm chhan chu a ti chiang khawp mai.




"Tui.."Harsa zet in ka ti ro halh, Ka dang a ro huam huam a, meisa deuh ațang a chhuak hlim hlawl hi ka ang ber in ka hria. Mama chuan ka mutna bul dawhkan a tui chu thli chhuak in min pe a, ka in nghal khawlh khawlh, no khat mai duh tawk lo in ka innawn leh hial bawk.




"I lo harh har lutuk a, kan beidawng hman tep a." Ka nu chuan ka sam a chul pah chuan a rawn ti a.


"Engtia rei nge ka mutthilh tawh a?" Hetianga ka nat chang chuan ka muhil hi ka ti mai thin!

"Nizan zan khua khan i harh lo a, Mahse hei i lo harh ta a lawm."

"Zodika pawh a rawn haw mek!"Mama chuan a rawn tih chuan ka hawi phawk hra a.
.
"Ti nge in hrilh a, inkhelh kha atan a pawimawh a sin, ahma lam hun thui tak tan a ni a sin!" Ka taksa chak loh vang in ka la au ring theilo mah mah!


"Patea zawkin alawm hrilh.'Mama chuan a lo ti leh vata.
.
Zodika tan hian tun inkhelh hi a pawimawh tak zet, Scholarship a dawn theihna chance tha tak a ni sin le! Keite chu Damdawi ka ei a nga ka zia leh mai dawn sin.Pate ngawt pawh chu!Khum ah chuan ka let thla leh tap a,keima vanga a hmalam hun tur a a inbuatsaihna a chhiat ka duh lo a sin leee..


"A tul lo lutuk" ka ti chhuak hlak a, min benkhawn tawh chuang lo chuan ka nu chuan ka taksa chu puan huh in a rawn hru a, thinrim tung hian ka lo dawh ve tawp.


Ka damdawi ei vang in ka taksa a zawi leh deuh a, meng peih lo in ka mit ka chhing a Ka awm dan leh heng damdawi te hi ka ning tawh tak zet.




ZODIKA point of view


Ka pa thu min rawn hrilh avang chuan hmanhmawh tak in kan khaw lama let leh dan ka ngaihtuah nghal zung zung



Nizan lawk pawn kan la inbe reng si, Nutei te reng reng pawn engmah min hrilh loh avang in ka dem hle bawk. Zing dar hnih vel ah Aizawl atangin kan chhuak a,ka cousin Car ka khalh haw sak tawp bawk. A niin muthul chungin min thut pui ve bawk a. Zan rei a ni tho a, speed ka ti hniamlo hle bawk.


Ngopa kan thlen rual in damdawi in ah ka tlan tlang nghal a, ka Cousin chu Dandawi in atang kan in a inkhalh haw mai tur in ka hrilh thawr, min chhanna pawh ngaithla lo in Ward lam pan chuan ka tlan nghal hlawk hlawk, Patea Ward fang nen kan in tawk a, Matei chu ngaihtuah awm a nih tawh loh thu leh dawmdawi hnathawh vang a chau deuh in a mut thu min hrilh a, a room lamah min kalpui nghal vat bawk.





Room kawngkhar chu muangchang in ka hawng a, khum chunga Matei lo mu bam ka hmuh chuan ka lung chu na ngut ngut.

Hmeichhe khawngaih thlak lutuk anih hi.



Muangchang in ka pen lut a, nutei in min hmuh rual chuan mak tih vangin kâ a zuau a. Mahse, ka kutin ka lo khap thuak.

Khuma ka hmeichhe hmangaih mu bam chu ka pan hnia a,Ni li lek ka hmu lo chung pawh in ka ngai hman em em a, min kalsan ngatphei se chuan.....


ka ngaihtuahna chu duhlo in lu ka thing nghut.


Dimtei in sam ah chuan ka khawih a, a ni erawh hahdam hmel takin thaw ri sak sak.

Tianga a muhil hmel hi a hmuhnawm tak zet! A kut a thil an vuah chu ka en a, a hmel ka en leh a, ka lainat ngawih ngawih!


Cancer nunrawng hian ngahnge matei kher a luhchilh mai le?


A hma zawng a ka hre ve miah lo kha pawi ka ti a! Zan ah len chhuah san a, thian dang te nen hlim taka hun kan hman lai khan Adiki thung chuan a tuk ni thar dam taka a hmachhawn ve theih nan damdawi hmangin a lo muhil ve thin a.


Na a tuar laiin a bulah ka awm ngailo, engkim amah in a tuar tlawk tlawk țhin tih ka ngaihtuah let apiangin ka ipik a, ka rit chuah chuah țhin. Hun hi her let thei ngat ila chuan zan khat te mahkha ka len bo san ngailo ang.



"Nute, lo va hahdam la, ka lo awmpui tawh ang.' Ka tih chuan a bana sana chu a melh zawk a, a mit ah chuan mut a khamlo hle tih a hriat bawk.



"Aw le, i Umama a lo thleng harlo ang, In lamah ka va hahdam lawk a nge."A ti ve ta a, kan hriat hma te khan an chhungkua chauh hian an lo buaipui fo țhin awm sia! An lo va hah țhin dawn teh lul em.
.



Nutei chhuah hnu chuan kun hniam in a chalah ka fawp zauh a, a rawn che deuh talh talh ah chuan kaithawh mai ka tum ta zawk a

"Ka bialnu te hian min ngai tawh em?"kun hniam in a hmui ah ka fawp zauh, a rawn meng diar diar a, a hmui ah bawk nawr leh in ka nui suk.


"I lo haw a ngailo sin le" tho phang aw zet hian a rawn ti tham țîak

" Engmah min rawn hrilh loh vangin ka hnek chak teh mai che nia."

"Damlo i hnek duh a hnu..min lo hnek rawh."A ban a hriau an vihluh lohna lam chu a rawn lek chhuak a, Ka nui ta ringawt!


A mut chhuak em em chung pawn ka lakah țlawm zawk a tum ngai țhak lo! Midang nen a inhnial erawh a peih lem lo. A te a te hian kut a thawh ve pawp reuh zel.



"Thil hrilh tur che ka nei a nia" a sam ka tuai sak zeuh chuan min ham tum in kut a rawn lek zuau a. Ka awm hla hman hram.



"Ka nei tak tak." kut chu hum in ka fawp sam zauh. A taksa chet lutuk erawh hmuh a hreawm hle thung


"Eng chu?"

" thil zir i ngai."
.
"eng?"
.
"In Kiss." ka tih chuan a meng phar vak a

"I zak lo" a ti hlur bawk.

"Zir tir i ngai tlat, ka kiss hmasak ber che phei kha chuan i chil pawh ka ka ah a lut" nui hauh lova ka ti leh zet chu! A mitmeng a ling phat a. A lai leh thinrim lutuk bawk si hmel chu duhawm tak ani tawp



"Zodik.. Mama lo kal hun ah ka hrilh chiang ang chu..i sual e mai haw rawh."A rawn ti tan tan a. Dam țha ngatse zawng... min ham hrep in a nia ka rin.


"Haw nal nal rawh" lo ti leh nghek in a kut ka hum chu a phih let sawk a. A in let tau nget nget chu ka nuih suk suk.

"Ka bialnu hi a titau em ni?"

Lehlam a hawi nghal hmak.

A darah kahbe ka nghat a, tukverh a melh ngar reuh a. "Ka ngai che nia" zawi sup a tiin a biang ah ka fawp thuak. Matei erawh a ngawi ngal.


Engtin tin emaw ka thlem kual a, a lungawi har leh thin sia. He Hmeichhia hi ka nunah chuan mi pathum ang a ni.Ka thian ,Ka Naute leh he khawvela ka hmeichhe hmangaih ber.


A laka ka rilru put hmang a danglam a țang khan mahni inthiam lohna in ka khat a, Mahse mipa ka ni a, ka duh tih chu thup lova hriat tir turin rilru ka insiam fel ve a! Mahse, kha mi ni khan Ka hrilh thei ta lo, nikhaw hrelo in a tlu a, kan school kal kawng a tang khan Damdawi in pan in ka pua a! Khami tum tluk a ka hlauhthawn kha ka la hrelo!



Damdawi in a patea duty khan a lo buaipui vat a, a taksa chaklo vang a nih hi tin min hrilh a, aizawl lam an pan pui ta daih, thlakhat dawn Aizawl ah an cham hnu in an rawn haw ve leh a, Khata tang khan Adiki mizia a dang em em a, a thiante zawng zawng a thlah a,kei ngei pawh a chang chuan min biak duh loh chang leh min tlan chhiat san chang a nei thin!Thuamhnaw ban tluang a inbel ta tlat bawk, a lak a ka rilru put pawh sawi chhuak lovin ka thup ta zel a. Kan țhian dangte lak ațang a in lak hran ang a min hlat ve ka hlau pakhat bawk.





Țawngkâ in hrilh lo mahila ka chet zia in ka lan chhuah tir thin!


Mahse, a hrethiam ngai chuang lo. Amah hian min lo duh ve reng thin tih kha lo hria ni ngat ila chuan engkim kha ka hrilh vek ngei ang.


Kawngkhar chu a rawn ri dat dat a,Umama leh kan Prof pakhat hi an rawn inzui lut bawk a.Matei pawh a titau ta bik lo. Ka melh chang erawhin lei tal min lo chhuah khum tho zel.
Last edited by Abbra Reo Ririni on May 26th, 2017, 1:43 pm, edited 1 time in total.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » January 23rd, 2017, 8:05 pm

Matei pawh Damdawi in ațangin a chuak leh tawh a, taksa a chaklo telh telh tih chu sawi chhuak lo mahse a hmuh theih khawp in a lan dan a der dep tawh! Ka hmuh ah chuan hlimhmel put a tum lui hram hram a; Chutak chuan kei min tina thung si.


Christmas vuak vel lai pawn a taksa chak tawk loh vang in in lamah kan awm chawt, a room kan chhuah san khat hle bawk. A chang in inchungsang ah nilum ai turin ka paw chho țhin a, a taksa dang lap leh hmun tina a taksa rawn duk chhuk thluah chu hmu thei loin ka kuah leh ngawt țhin.



A na a rawn chhuah changte hian ka kut emaw, UMama kut emaw nghettak in a hum ngawt ngawt a, thihna nen a insual an nih miau vangin a taksa chu thlan in a bualhuh vek a. Mahse, vawi khat lek pawh anat thu a sawi chhuak ngailo. A na zual pui a reh vel eh a mittui a rawn hnam tiam tiam a, kan hmuh hlau zet hian a hru leh vat thin. Nui hmel pu chung a min en in ka kuah theih nan ban a phar vat thin. Kei a tuarlo tu zawk hian ka lo natpui fo a, a chang chuan ka thil tih hi a dik ber em? Keimah vang in natna a tawrh chang pawn, rum chhuah pui ngam lovin insum leh mahni inthunun reng reng in a inveng a. A kiangah ka awm ve reng hian a pangchang ngam lo phah a ni mai lo maw? tih te'n rilru a vak kual thui țhin hle.



Keiin a hlat ah awm emaw, reilote chhung lek kalsan ka hreh em em a. Ani lah chuan ka hmuh laia na lutuk tuar ang a lan chhuah a duh bik reuh der bawk silo. Kan dinhmun chu a khirh chho tulh tulh.






Țum engzat nge rawlthar luhlul leh mahni tawk a pa in ti ve thin tak hi ka pindan chhungril ah tuma hriat pui lo a ka rum tlawk tlawk țhin. Țum engzat nge Matei'n a tuaraia kei min tuar tir mai tur Rorel tu ka ngen thin lah ka hreseng lo. He mipa luhlul zet thinlung hi a hmangaih tan rum tlawk tlawk thin!







Kumthar chu Pathian zarah kan beisei aiin a tho harh a, kumthar ruai pawh Biakin ah ngei kan țheh pui a. Matei ber a hlim in ruaițheh zawh hnu ah pawh haw duhlo in lenkual a rawt tûng a, patea te pawn ngaihtuah viau mahse a duh anga hun hmantir an rem ti a, car ka khalh a, ka bulah thu in a tawng siam siam reng a,A chang in kan chet chhiatna sawi chhuak in a nuih puih hak hak reng reuh. A biang ah piai sak zauh in ka nuih pui ve suk suk a. Glass down a rawt erawh ka hnial fithla țhak.

"Zodik, lui kan kal țum a leilet ram i tih kan (g) kha i la hria em?" a rawn ti a.


"Damn it, sawi hlek suh" ka ti nghut. Matei nuih erawh a za viau tawh.

"Ram a kang a nia, Bawngtuthlawh rawn la r'u ti khan i au tung a, Ramkang țhelh nan bawngtuthlawh mamawh awm chhun i ni hial ang" a pum dawm meuh in a nui hak hak. A lang chuan ka nuih pui ve tak nangin chhung ril lam chu tun hi a hun tawp a ni mai ang tih hlauhna in a kam țûn si!





Nula leh tlangval ten kum hlui thlah nan a ni an en liamna thin ah chuan ka kal pui a, phulah ah țhut hmun kan rem a, ka kap kar ah Matei taksa zawi zet pawh ka kuah bet hlun, a tukhum in ka awm a nawr a, kum 2016 her liam mai tawh tur in kawl kil a chhun eng phut chu hmuhnawm tih hmel lutuk in a thlir veng veng.

Țhalai rual ațang nu leh pa la valai deuh chen in Field tlang ah chuan an phu suau suau a, țhenkhat nitla tur thla lak puiin an ri lelu bawk.




Adiki chuan bing tak hian hmalam a thlir reng a, thlifim in a sam a chhem len siau siau chu ka man khawm a, a dar leh lamah ka hnawl liam vek hnu chuan ka kun hniam ruai ruai. A nghawng vawt thler ka hmai a ka nawr sak chuan Adiki chu a rawn thle hlek. Dimte ina nghawng chu ka fawp zeuh a. A lo nui ri halh reuh bawk.




'Zo ka sual i ti em?" a kut chet zet chuan min rawn ban a, a nghawng ah hmai phum a ka thaw suai suai sam ah a rawn khawih ve niap niap. "Ka sual i ti em ka tih chu?" a ti leh a.
.
"Ti lo e, i fel ber zawk."
.
"Sual min tih em kha,Saw mi te ang sawn hlim deuh in ka awmpui ve thei lo che a, chu mai pawh nilo in.. Ka.." rum nghut in a hmui ka hup nghal hmiah, ka kut ah chuan a mittui a rawn far lum nghal pap a. Ka kawchhung thlengin matei mittui chuan min hrawm bawr bawrh ani ber!



"Mate, an ni in a hlimna an neih ang zawng zawng saw ka nei vek a lawm, ka bula i awm chhung chuan maw.. tumah ka awt lo, chuvang chuan ka bulah awm reng rawh aw."Harsa zet in ka ti chhuak hrawih.



"Keipawn keimah chauh a vanram a kal hmasak aiin natna tuar reng chung pawh a i bula awm tlat ka duh." Chu a aw zawi tham ţîak chuan min deng dawt! He hmeichhia hian Vanrama kal aiin natna tuar chung pawh a ka kiang ah awm a duh a nih chu!


Nghet lutuk in a taksa cher tawh tak chu ka kuah bet hmiah.

"I tello a vanram ka kal hmasak chuan ka ngai thei ngawt ang che, i lo kal ve har dawn si! Chuvang chuan khawvel ah hian rei deuh awm dun thei ila tiraw?" a ti a, a nui che deuh dat lu ah chuan ka fawp tâwk! Ka kawchhung rawn luh ngut ngut tu leh thin chhung na kual rawih rawih te chuan pa chang takin min awm tir thei lo teuh kher a sin!







Kumthar kan chuang kai a, College kan han țan leh a, matei pawh rin phak bak in a rawn harhvang chho a! Kan lawm hle bawk. A dam ţhat deuh chuan College ah min zuive a tum țal zel erawh in min kâm leh hle tawh. A taksa na rih lo mahse khawlai a kal chhuah tam ka rem ti hauh lo! Zing tin college a kal chak vangib titau ve bar bar a, Kan han inthlem a, A titau lahhi tih lungawi leh a har thin siah, rilru nuam lo zet in Class ka kalpui leh nge nge thin. Kan class a in ang lo pawh ka buaiphah reng bawk a, ka hmuh phak loah a awm in ka ngaihțha ngai silo, Prof te phallo chung subject ka thlak tak nge nge kha.Class ah pawh ka bulah a thu!Mitam tak chuan kan chanchin sawi zuiin thu mak deuh deuh an phuah belh a,Mahse an ni thusawi mai mai ai chuan,Ka hmeichhe hmangaih himna a pawimawh.
.
.
"Zo,Washroom ah ka kal lawk dawn nia."Tiin a kal vut a,A hnungah chuan ka um a."Lo kal suh,Hmeichhe room ah tihtur i neilo "Tiin min dang lui a,Hmeichhe Washroom kawngkhar bulah chuan ka lo nghak ta tho a.Hmeichhe thenkhat lah chuan min melh hrek hrek a.Sawmzuala lah chimawm,Washroom rawn kalpel tur in ringzet in ka hming lamin an au tak tak mai a!Hnek pawp mai ka chak zawk.
.
Minute 5 hnu ah pawh a lo la chhuah loh a vangin ka ngaih a tha chiah lo.Matei mai nilo in midang tumah washroom a tang an rawn chhuak leh tawh lo.Kawngka chu ka din hnaih a,Ka beng kan chhi vang vang a,Ka ngaihthlak chian hnu a ka thu hriat vang chuan kawngkhar chu ka chhuih hawng thuai a,Hmeiche thenkhat chu an lo rak chiam bawk.
.
Ahmangaihi leh athiante pahnih in Matei chu an lo din chilh a,Matei chuan min hmuh vel ah ,a mita mittui a hru a,a rawn nui lui bawk.An lamchu ka pan hnai a,Matei chu ka kai chuaka,Sawmzuala lo phei mek chu matei lo awmpui tura hrilh in hmeichhe Washroom ah bawk chuan ka lut leh a,Ahmangaihi chua hlauhthawn hmel zet hian min lo melh zawk zawk a.
.
"I thu sawi zawh chiah kha i sawi nawn leh thei em?"Ka aw chu a nem lo hle.
.
"Zo..ka tihpalh."
.
"A tha e..Hei hi ka sawi duhlo,Mahse Matei chunga i awmdan in a cho chhuah a ni,Ka then Chhan che kha matei i puh tlat a tiraw!a nilo..A nihloh zia chu heng ho hmaa sawi tur hian min duh em?" Fiah fek fawk in ka ti a.
.
Tap tuau a sawi lo tura min ngen hnu chuan amah chu pan hnaiin "Hmeichhia i nih a vang in lawmthu sawi rawh,Mipa chu nila i kut ruh hi ka elhtliak tawh ang."Tiin ka kalsan nghal a.
.
Sawmzuala te bul ka thlen chuan Matei awmdan adiklo tih ka hrenghal,Hman hmawh takin car ah ka let pui a,In lamah ka hruai haw ta ngawt a,Kawngtluan in a tawnglo,Tukverh ah dak chhuak in pawn lam a thlir dauh dauh reng a,Car khalh chung chuan a kut chu ka va hum a,Reilo te min en zawk a,a hawisan leh nghal vat bawk.
.
Inchung panna kailawn ah chuan kei min rin Chhan teh meuh hian a pen ve tawk tawk a,Tunah tak hian ka lakah a thin a rimtih ka hre bawk. Ka be ngam rihlo, a thinrim hi mipa mah niila ka hlauh chang a awm fo! A kawlh lulai lutuk tlat a! Ka ngaihtuahna vang chuan ka nui suk suk. A kawlh hlir hler țhin em bawk a tin ni!



Room a luh rual in khum a lan ding zat, Khumah chuan a let hlawm tawp a, che sawn tawh hlek lovin a melh ngai melh in a meng kiau. A bulah chuan ka țhu thla ve a, inchung ah chuan hmuhnawm a awm ta mai emaw tih tur hian khap lo lek in a melh ngar ngar, dimte in a sam ah ka chul a, ani thin terek lah ka ban rekah a rawn nam ve sawk.


Ka nui suk a. Rum deuh a min melh hrak hnu ah inchung lam bawk min melh san leh daih.



"Muhil ang aw" ti chhuak sup in bulah chuan ka mu rem ve hmiah. Ka kuah chiah chu a lo tal ve bat bat a. Mahse , tha ah min hnehlo lutuk tlat.



"A ni sawi kha engahmah ngai mah ta che." asam a hmai phum pah chuan ka ti chhuak sup, a taksa chak lo tak ah hian hahdamna ka hmu miau lawi a.
.
"Zo, ani chauh nilo midang zawng zawng ngaih dan a ni vek tawh!" a ti sep, a taksa chu a rilru nat luat vangin a a khu dar dar, Thinrimna in ka khat nghal vek bawk.


Nghet tak a kuah in a lu ah ka fawp a. Eng vang teh chai in nge Ahmangaihi kha ka lo khawi loh? Harh chhuak tawh lo tur khawp a ka sawisa nek lo kha ka inchhir ta rum rum.



*Zodika hian i thih dawn tawh vang chauh a ngaihsak che. A khawngaihna che hi lo la thutak duh lutuk suh, i thih hun ah chuan ka tan a la ni tho tho dawn.* tiin mi tam tak zingah Matei kha a lo tawng khum anih kha! Ka thaw chhuak hawk hawk a. Kut thlak tur ngawt a va zawn leh mai duhna chuan min hnawt tut tut.




Chumi zan la la chuan matei chu Damdawiin ah kan luh pui leh ta!!


Ni dang anglo tak in Matei chu a chau zual a! Manganna leh hlauthawnna in min zîm phui mup mup a! Nutei leh Pate a pawh an beidawng hmel tak zet.

Khaw dang a chhung khat laina te an rawn thleng khawm țak țak a! Chungmi te ka hmuh meuh chuan ka bing chuk chuk a, thawk lak ngaihna hre hlei thei loh khawp in ka tawt mup mup.


A țhen an rawn ţap a, țhen khat lah chuan *in thian turin kan let a nge* te an ti thul, an awm dan teh hrep chuh... kal tawh tur ang mai Matei chu zu han sawngbawl kual a mawle..




Matei khum bulah chuan ka ding ngawi run, a hmai tlang tla dak leh taksa cher tawh tak chu ka melh ngut ngut a, *Mitthi te chung ah chiah an tih țhin angin hetah a mut lai reng hian an in then an tum vel maw? Huh! Â hlawm lutuk mai, an boruak hrisel lo zet uap na hnuai a awm hi Matei pawn a duh teuh lo*


Khum tlang chu ka ban pahnih in ka zuk nam run a, muhil ang mai a Matei maimitchhing tlat bek ah chuan ka chalin ka nawr a, a pang hit thler hi lumna ka pek chhung chuan a thawk a tawp dawn lo! Khum bul a țhu nutei leh ka nu chu an tap reng a. Matei bek ah chuan fawp zauh in Nutei chu ka melh nghal hrawk, Eng vang teh hrep a ţap reng nge maw anih le? A fanu hian a ţap tih hriase a hlim a ring em? Aaa.. an ninawm teh hrep hlawm e mai. An thawmri va hrepha lo tur hian Matei hi hruai bo daih ila, a țha chak zawk ang.





"Mate.." ka ti sup. A darah ka sawi dat dat a. "Laldik, tho rawh" a muhil ka kaih thoh fo dan ang chiah in ka au a.

Mungchang hian a rawn meng a, a mitmeng chau zet in min hmuh thiam rual chuan zun ngah lutuk in a rawn nui ta sen sen. A biang ah lo khuap in ka nuih let ve suk.


"Tho rawh, haw tawh ang" ka ti sup, a chal ah ka chalin ka nawr pah a"haw ang aw" ka tih leh chuan *aw* tihnan lu a ti che ta zauh. Ka thaw huai huai thei mai!


Ka inbeng kang a, khum ațang Matei ka pawm tho tur chu ka pa'n min rawn ti tawp chawt anih chu!


"Eng nge i duh?" ka ti nghut.

"Rilrufim hman tum ta che" ti sup in ka ban bulah a rawn man a. Matei khum bul ațang min pawh sawn a tum rual chuan dimna tel hauh lovin ban ka vai fua, ka pa pai nawk pawh ngaihven map lovin ka jacket chu ka siam țha zui vut.


"Min dan tum hlek su.. Matei pawn haw a duh, lo inrawlh miah suh u" a vawi khatna a tan ka pa hmaah tawngka vin ka hmang ve ta. An awm dan hian min ti hrilhhai lutuk, Adiki hi dah bo daih an tum ni maiin ka hria! Chuthil chu ka rem ti ngai dawn bawk lo.
.


"Bawiha, i hriatthiam a ngai a sin, Matei hi khawi mah kal thei a nih tawh loh hi." Damthlup hian a rawn ti a.Ka nu leh Nutei lah an lo tap ve chhen bawk. Ka pa chu ner khum sawk in Matei bulah chuan ka kun hniam nghal run.


"Mate, i haw duh ti raw?" a mitmeng chau tawh tak ah chuan melh in a bing chu ka khuap lum sak bawk. Lu a rawn bu leh nghat nghat a. Ka hmuiin a chal ah ka nawr nghal tâwk.



"In hria maw?He damdawiin hi Matei'n nuam a tilo. Chuan, tumah țap tawh su! Khatiang hmel pu chung khan Laldiki hi melh tawh suh u" Ward chhunga awm ho chu ka melh kual khui khui a. Ka nu leh nutei chuan puan in an kâ an hup bet a, kei leh Matei chu muttui chim khah vek an mit chuan min thlir tlawk tlawk. Matei pa erawh chuan rang takin min hnungchhawn a, a taksa che nghal dur dur chu eng vang nge anih tih ka hriatpui sise lo bawk!




Kut vawt thler in ka kutphah sir lam a rawn tawh da da chuan ka inher vut, Matei chu a lo phun sep a, rang lutukin a hmui bulah beng dawh hnai nghal zat.


"Thingkung bulah khan kan pahnih chauh in kal ang" ri chang chang hian a rawn ti țîak.

"Kan kal ang, i kal duhna hmun apiang min hrilh rawh, ka hruai zel ang che" ti sup a a biang ka chul sak chuan hlim hmel zetin min en a, a nui hmel pawh a zuai viau nangin a mitmeng thuk raih a phurna erawh ka hmu chiang viau.


"Tunah hrih chuan THINGKUNG bulah khan kal phawt ang" ka bu nghut, a ban a thil vuah vel ka lak thlak hman chuan a chal ah bawk ka fawp leh vang vang a, a kal duhna apiang ah ka hruai zel a. Khawhar tak leh mal takin eng kawng mah a zawh ka remti ngai dawn lo.




A ban a venflon in vuah ka phawi lai chuan pindan chhung a awm ho chu an ţap hlawp hlawp, tuman min dang tawh lova, Adiki leh kei chu mittui nen min thlir tlawk tlawk, dimdawi takin Matei chu ka pawm kang a. A mitmeng chau tak chuan kan awmna pindan chhung chu a melh kual a, a mitmeng chau zetin a nu leh pa a melh rual chuan Nutei bawk a lo țap leh hawk hawk tawh. Adiki chuan anu leh pa chu tawite in a nuih sen sen a. A bek a ka awm a rawn nawr chial tak ah chuan a hmuh duh a hmu zo tawh tih hria in ka pen pui nghal vut.



Pindan chhung kan chhuah san fel hma chuan u Mama chu kan hma ah a rawn ding nghal run. Kut thawh pawh ngai dawn se tun ah kher chuan tumah zah tumna ka neilo.



"Tawlh sawn rawh" ka ti sup. U Mama chu a inseh ruh fûn fûn a. "Kan Pahnih chauh a hun hman a duh, In en dan teh hrep hi keipawn ka hmu duh lo!" ka ti bung nghut, Matei thaw hle hle chu a melh vung vung a, chutah ka banah nghet takin a rawn hmer zui vang vang. A kun hniam a, Matei chal ah chuan rei ngial a hmuiin a nawr a. Ka ban bul a hmerna tha pawh a khur dur dur.


"Ka naute, ka hmangaih che" a ti lawi țûak. A rawn ding mar a, a mit hnawm chap chu hawisawn puiin hrawk a thian nghal khur khur.

"Damdawi in ah nilo... In lamah in lo let dawn ni" harsa zetin a rawn ti hrawih, ka kut a vawnna a thlah rual chuan ward chhuah san in ka pen nghal pawk pawk, kawngkhar kan chhuah fel rual chuan nutei leh ka nu an tap tih ka hre bawk. Khang ho khan matei hi thi mai tawh tur ang in an en a; hmuh an hahthlak ê mai! Matei pawn keimah nen a kal chhuah a duh laiin țullo zet ah an lung a chhia a! Kan duat rawn Adiki hi kan zing ah lo awmna tur a neilo tih hre lek loin kal tawh tur ang maiin an sawngbawl a! An ã.. an â lutuk ani tawp!





Car chhungah chuan dimte in ka thut luh tir a . Ka jacket hak lai chu hlip in Matei chu ka khuh a, Seat bealt ka hren tir nghal bawk. Ding chhuak mai lovin Matei hmai zawn ah chuan ka kun hniam a, ka jacket chu a lo pawt phui ve ţang țang reuh anih chu! Ui note thil hai ve rak rak a ang phian leh nghal.


"Mate kan pahnih chauh a awm nuam i ti zawk ti raw?"A biangah ka dawm a. lu a rawn bu nghat nghat a. Nui sukin a sam ka chul sak zauh

"Kal tawh ang le" ka ti a. Maimitchhing diar diar chungin a rawn nui sen sen.


Muangchangin in High school kawng lam pan chuan kan in khalh chhuak a, zan thim reh ruih ah chuan kei leh Matei rilru chu min rawn țawmpui ve niawm tak hian thlifim a thaw hauh hauh reng a. He Ngokhawpui hi Matei tello chuan khawram mai a ni dawn tih ka chiang! A chhungah mitam tak cheng mahse ka thinlungin a mamawh ber a tel ve loh chuan roh san tawh khaw riang tak ang mai ani zui ngei ang.



Gear ka thlakna kut chu thei leh theilo hian a rawn chelh a. Ka thlek nghal vut bawk.

"zo, kan thleng dawn tawh em?"a aw chu a ri chang chhang
.
"kan thleng chiah e" ka ti a, Car chu ka ti ding a, Matei chuan a țhutna lam tukverh ațang pawn lam chu a thlek a. Ka lam rawn en leh in a nui leh sen sen a.

"Khumi.. khumi Theire kung buk hnuai ah khuan kal ang." tia Theire kung lian zet ding thim ruih lam a kawh va va rual chuan rangtak in Car a tang ka chhuak a. Matei chu pawm thla in thing buk hnuaiah chuan ka thut pui a. Ka awm chu ngheng in ral lehlama tlang inkhawh thim ruih chu a thlir dauh dauh a. Vawt a ti ang tih hlauin ka awm ah ka khuap hlu hlu bawk.



"Zo, i lungphu ri hi a ngaihnawm e." a ti a.

"Ngaihnawm i tih chuan ka lungphu an phut chhung zawng a ngaithla turin ka kiangah awm tlat ang che" ka ti sup, a chhip ah ka fawp zui tawk bawk.


"I rui tawh lo a nga, Bike intlansiakna ah I tel tawlo bawk ang; ka awm loh hunah ka chhungte khawhar hnem turin kan inah i lo va leng phei ziah bawk ang, Nupui neiin fa tam deuh in nei anga, ka nute an lungleng hman loh tur khawp in in fate lo va tihbuai tir thin bawk ang che" zawi te te hian a phun melh melh a. A thusawi maltin chuan ka lungphu a deng rang dawt dawt.

"Fanu i neih hun ah min hriatreng nan Lalrindiki tih i phuah duh a ngem?"




"Engmah sawi tawh suh" ka ti chhuak tâwk! Matei nui halh chu ka rum khum hrawk thung.

.
"Zo, ka sawi zawng zawng kha i hria tiraw? lo zawm vek ang che."Chau tih hriat zet hian a rawn ti leh sep a, chhang lovin lu ah ka fawp ta zawk a.


"Ka chau a nia, ka sawi tawh kha sawi nawn leh turin min duh em?'A rawn ti leh khauh. He hmeichhia zet hi chu!



" isawi kha ka hre vek! Engmah ka tiam thei lo bawk che. Ka tan nun bul țan leh a harsat dan tur ngaihtuah lek loin mahni hmasial zetin tih tur min hrilh tawh suh"


"Ka ngenna tawp ber pawh i ti hlawhtling lo ang maw?"

*Ngenna tawp ber* ka taksa leh thlarau nen lam chu thumal chuan min vîlh tih a hrethiam hauh lovang.
.
"Duh tawk rawh! Min nawr lui tawh suh.. ka chak tawk biklo tih min hriatthiam pui hram teh" ka ti thlawt.


Matei chuan min chhang let tawh lova, engkim chu a reh tlawk tlawk! Thlasik tawp tawh mai tur thli fim vawt tak chuan min rawn chhem hauh hauh a, heng thli thaw te hian Adiki natna hi thlawh bo pui vek theise ka va ti teh lul em!

.
"Ka tihpalh aw, hlimla ka duh lutuk vang zawk a nia" a rawn ti a. Ka lam hawiin a rawn in her rem leh a, ka biang chu a kut vawt thler a rawn dawm in ka hmuiah a rawn fawp a. Tihnat hlau tak in ka lo fawp let ve vat a.

He hmeichhie tello hian engtin nge ka awm theih ang tih ka ngaihtuah a? Hmalam hun ka han thlir lawk chhin a! Engkim chu a tawp vek!


Kum 20 chuang teh meuh kan inzui dun a, kan țhang lian rual a, kan in hau a, kan in ti țap a, reilo te hnu ah kan nui dun leh a, awlsam tak in min ti thinrima, a thusawi mal khat lek vang in ka thinrim a reh leh a! A ni tluk a min thunun thei leh ka nun a hmun pawimawh luahtu hi an awm leh thei tawh lo ang.



"Mate, Ka hmangaih che. Chu chu i hria ti raw?' Ka ti a, ka nunna hi a tan hlan ngai dawn pawh nise awlsam tak in ka hlan ang.
.
"Keipawn ka hmangaih che, Ka nunna aiin ka hmangaihna in a daih rei zawk dawn a. Chu ka hmangaihna ngei pawh chu ka thik!" rawn ti țîau in a insut nghal hlawp hlawp! Keipawh eng ka ang biklo, Ka hrawk chhung a na ngut ngut a, tûr chaktak in a fan kual vek emaw tih tur hial in ka taksa leh thisen zam thlengin a na ngut ngut! Ka ngaihtuahna zîm nup mup lah mumal neilo in a so bulh bulh a, thil atthlak tak tih a! Kan pahnih awm dun theih dan kawng ngaihtuah a, zanin hian ka pahnih nunna tih tawp hial duhna in min luh ngut ngut!



Kham sang tak ațang kut inchelh tlat chungin zuangthla ila, kan thlarau pawh a kal dun zel mahna. Ka tello in Matei a kal hmasa anih chuan khawhar takin mitthi khaw kal kawng a zawh dawn a, a tello a nun hman ka thiam loh tluk zetin he hmeichhia hian ka tello a kal dan a thiam biklo! A thlarau khawhar zet kalpui tur tal in ka nunna hi ka chhat ve mai dawn em ni?




Inlam pan in kan inkhalh haw a, Gate pawn ah leh khawlai dung vel ah chuan Motor a lo inhung dul, inchhungah lah mi an thu hner hnur a, Matei ka pawm lut chu a eng a mah hma in an lo tap ringawt pek! Heng vang teh hrep hianlawm Adiki pawn nuamlo a tih.



Sawmzuala leh U Mama'n min lo buaipui thuai a, Inchunglam ah Matei chu ka chhoh pui a. A khumah chuan dim te in ka mut a. Ka nu leh Nutei.. Midang ho pawh an rawn lut sang sang a.

"Mate, i duh chuan muhil rawh, khawi mah ka kal dawn lo a nia" puan lum a ka khuh tur chu a mitmeng chau zet a min en in "zo, ka bulah lo mu rawh" a rawn ti a. Hnial tumna ka nei lo.


Khum a a mu tawm kak hmachhawn tur chuan ka insiam rem ve nghal zat, na lo te hian thawk a la ve țek țek a, a taksa cher tawh zet che ak ak reng chu ka kuah khawm a. A kut chu rawn lek chhuak in tha khur dar dari ka biang a rawn chul kual dan dan.

"Zodik, min kuah chung hian ka kal tawh ang aw.." a rawn tih meuh chuan insehruh nghek in ka melh ngut ngut.
"Ka hlau miah lo a nia, i bulah ka awm phawt chuan engmah ka hlau ngailo tih i hriat kha, ka kal hmasa anga, ka lo nghak ang che." a hmui hil zet che kual vel chu en run mahila ka hmu fiah hleithei lo, ka mit sulh sulh a, a mitmeng â riai mai ka hmuh lehlek phei chuan mipa ka nihna in min ti paukhauh zauh lova, matei chalah chuan nawrin ka rum chhuak tlawk tlawk.



"Ka hmangaih che" kan chal insik lai reng chuan ka hriat tham lek in a rawn phun leh sep, chu chu khawvel a awm chhung a Matei thusawi hnuhnung ber a ni ta bawk!


Ka biang a vawnna kut chu a zawi riai riai a. Vawi leh khatah Matei chu a rawn thaw ri hrawk, manganna nan nghet tak in a taksa chu ka kuah a, a kal tur taksa che nawk nawk chu at pui tur khawp a thinlung ipik chungin ka kuah bet țawk țawk! A tal chawt chawt a reh fel rual chuan ka nutei ţap thawm leh Midang awm ve tap thawm chu an hla vawng vawng a!


"Laldik, mi â nu min fiam hlek suh" ka kuahna chu ka phelh tawl hlawk, a ring chu ka sawi dan ang angin a che kual a. A hmel chu ka han en țhin a, hetiang khawp hian animaw THIHNA HI A LO TAWP NI !!

Ka kâ ațang thaw chhuak hawk hawk chungin a chal leh ka chal chu ka nawr si ngawt ngawt!


Ka naute, ka hmangaih.. vawt i tih vang a thawk la thei lo mai chiah i ni tiraw? Nghet takin ka kuah che a nga, ka taksa lumna in i taksa hit vek hi a ur lum chhuah meuh chuan i rawn let leh ang tiraw? Nghet takin ka kuah ang che.. i taksa pawh a lum chhuak har lovang, nghet deuh in ka'n kuah ang che aw...




"Tuman Matei taksa kha la sawn suh u" tiin ka au chhuak tuar tuar! Kuang a khung tum tu te chu zahngaihna tel hauh lovin ka hnek sawk sawk! Hmeichhe ho an ţap a, a țhen in kut ka thlak ve hlau in an lo in dang a.


"He bawm chep zet ah hian Laldiki hi a awm duh lo! Inhria em? Labo ru" ka ti chhuak nghek, tha chak rual in min rawn man bet a, Matei taksa chu țhenkhat in kuang chhuang ah bawk khung leh an tum tho anih chu!


Khung lo tur a au a ka tal chiam chiam chung pawn min man bet tu te ho chuan min hnuk hnung dawr dawr a. Matei taksa zawi hniang chu bawm chep lutuk ah an khung lut a! Matei thawk ipik dan tur ngaihtuah in ka tawt hluah hluah. A thawk rawn let leh tase.. saw bawm chhung inkhar phui vek chhung ah sawn mangang lutuk in a awm dawn a sin!




"Mi mawl ho Matei in khatiang hmun chep lutuk kha a ngaina lo! Thaw chham in awm se induh em? Ka bulah a awm duh..Chu chu a sawi, ka hnen ata la sawn lul suh u....."




Mate kan in hmangaihna chu Chhum lei vak ang mai ani tiraw?Chhum lei vak pawh hla tak ațang chuan fiah tak in a hmuh theih a, kal hnaih a, belh chian tum a i pan hnaih chuan an thamral leh zel si ang."

🎶And I've been waiting for this time to come around
But, baby, running after you is like chasing the clouds

"THE Story of my life, I take her home
I drive all night, to keep her warm in time
Is frozen.
The Story of my life,I give her hope
I spend her love, Untill she's broke inside
THE STORY OF MY LIFE. 🎶

A TAWP TA.
.
..
(AN:- He Stoty hi chu One Direction hla 'Story of my life' tih ka ngaihthlak a piang a ka ngaituahna a lo awm thin ka rawn ziah chhuah a ni e..Fakna lo lang kha min lo click sak a vang in ka lawm a.Chuan,Keima group bik kha ABBRA REO RIRINI INFORMATION AND STORY GROUP tiin search ula..lo join ve ru aw..Mahni thu a midang han add vak hi a nuam silo a.Phone a tanga type ka ni a,Thumal tihdikloh pawh a awm leh nual ang,Min hrethiam leh mai ru aw.)
Last edited by Abbra Reo Ririni on May 26th, 2017, 1:19 pm, edited 2 times in total.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)