Re: ABROZO Y BESOS (+18 only) Full version By Abbra Reo Ririni Khiangte

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

Re: ABROZO Y BESOS (+18 only) Full version By Abbra Reo Ririni Khiangte

Unread post by Abbra Reo Ririni » February 16th, 2017, 7:55 pm

Kan fanu Ralph kum thum(3)mi chuan a pa chuan zo tak hian a pawm a, an hnung ah chuan hmanhmawh fahran in ka zui bawk.
.
"dadangati nge Mommy hi a buai vak thin a?'' tih chu kan fanu chuan a pa a zawt a, ka lo ner nasa mai.


"Pathian Biakina ah kan kal dawn a, tlai a hlau a nih hi" ti a chhang let in a fanu biang ah chuan a fawp zauh a. Car a ka thut luh hnu chuan ka malchungah a rawn thu tir a, remlo zet in ka lu ah a rawn fawp leh hram a.
.
Chawlhni tin kan chhungkua in Biakina ah kal in kan inkhawm thin, Ralph hian a tet te atang Biakina hi hnaih se ka duh vang a ni bawk.
.
"Dada ice cream ei ang?"Ka mal chunga thu chung chuan a pa car khalh lai chu eitur leitur in an ti leh rih a. A pa lah hian a sawi a piang tih sak a tum a, tun ah pawh Car chu Natural Ice cream dawr kawtah a tih din leh tak hi. Ka mit menga ka khapna chu hmulo der in a lalfanu ice cream lei sak tur chuan a kal chhuak vut a.

"Princess inkhawm ban ah chiah ice cream ngen tawh tur aw?" tiin ka fanu chu ka hrilh a, pa ang chiaha a mitmeng hring dal ram chuan min en kiau a,"Mammy ngati maw?" a ti ha reuh bawk. Ka thi chu a kuttang te reuh te chuan a khal pah niap niap a.

"A chhan chu Pathian be tura kan tlai chuan a tha lo a. Pathian chua Dada'n in ice cream a leina tur pe tu a ni a. Ice cream i ei theih nan a ha hrisel tak pe tu che pawh Pathian bawk a ni a, kan zahin kan ngai pawimawh em em tur a ni" tiin a hriatthiam theih tur zawngin ka hrilh a. Ka thil sawi chu uluk deuh hian a ngaithla ve ran reuh a, a hre thiam ang em phei chu ka hre chiah lo.

Chutihlai chuan a pa chu a lo thleng ve chiah a, car kawngkhar pawt hawnga ice-cream a lo lek va chuan Ralph chu a meng kual deuh zak zak a. Ice cream chu a ei chak hle tih ka hmu thiam a, ka thil hrilh kha a hrethiam tih ka hre tel bawk.

A pa in "Ice cream chu i duh leh na si nge?" a lo tih chuan tim deuh a min melh pah hian" Mom tun chiah hi ka ei ang aw... nakin ah chuan inkhawm ban ah zel ka ei tawh ang" a ti ta reuh a. "Please Mammy..." inla khawngaihthlak zet hian a ti leh ngai bawk nen ka nui ta hak hak a.

Ka buk khum nghat takah chuan rang fe hian a pa kut atang Ice cream chu a ban a, tui tih hmel deuh in a ei zui a.


Biak in pan a kan tlan chhuah leh hnu ah ka pasal chuan, "Bawihi Lucas te nupa khan dinner rawn ei se, zan in chu Lucas kha sumdawnna lam ah biak ka duh" a ti a.

"Elsie nen pawn kan sawi dun tawh, Thomas leh a nupui hual pawh an rawn tel ang.." ka ti ve thuai a, "Oh,..Princess i kawrah a far a nia" ti zui zat in Tissue la in ka hru vat a, a kawr hma lam chu a val hman tho.

"Sorry mammy" inthiamlo deuh hian min en kiau a. Hei pawh hi a pa ang chiah, a aw ka chhuak a ring ngailo mahse mî hneh theih na riau a nei tlat lawi si.

"A Pawi lo,Saw Biakina kan thleng dawn,In hlei lo la aw."

"Aw le, Dada kum engzat nge i nih?" a ti ta mauh mai a, nui hak chungin a pa motor khalh lai chu ka va melh ralh a, amah pawh chu a lo kiai suk tho. "Princess Dada chu kum 45 ka ni tawh e" hniam ruih a tiin a fanu biang tai Tek ah chuan a rawn piai a.

"Mommy nang"

"Umm.... Dada 45 a nih chuan Mammy chu 44 ni mai se" ka tih chuan ka pasal chu a lo nui huk a, ka va melh a, a mitmeng zei lutuk mawlh mai kha aw...

Kan fanu chuan "Dada 45 ,Mommy 44,Ralp chu 3" a ti lauh lauh a, a kut chum biang chu a beng thak thak bawk.

"OK princess i fing ber a nih hi. tunah chuan Biakin a luh a hun e" tiin a pa chu car atang chhuakin kan nufa thutna lam chu a rawn hawng a,Ralph chu a pawm a, ka kutah vuan in min kai chhuak bawk.

Kan pathum chuan Biakin ah chuan kan inzui lut, kan thut fel rual in kan pa chuan, "Biakina ah khan engtia awm tur nge kha" tiin a fanu chu a zawt a.

"Kut kuangkuah tur, hmun dang enlo a hma lam en tur. Mammy leh Dada in min biak pawn tawng loh tur" in ti fel zet hian a pa chu a hrilh ru let a. A pa chuan a biangah fawp in a bulah chuan a thut tir a, Ralph pawh chuan kut a kuangkuah ve nghal hlan a, lungawi zet hian an pafa chu lo melh veng veng mai. Ka pasal leh kan fanu vanga ka hlimna zo zai te hi khawvel a thil hlu ber pawh hian a hen zo lovang. Keimah ka in hmangaih aia nasa min hmangaihtu pasal ka nei a. fanu hmeltha leh fing tak, nu leh pate thusawi zawm thiam mi ka nei leh zel bawk.
.
"Mammy zawk hi Princess aiin thu a awilo a nih dawn hi!"Ka beng zawn a rawn phun sap an awm rual chuan ka harh chhuak zawk a,Hmangaih hmeltak a min lo entu chu nuih in ka thut dan ka sia rem nghal a.
.
.
"Princess a mu hil tawh a mi?'Mutna ka siam lai chuan ka hnung lam atang min rawn kuah a,Fa kan neih atang Calvin hlir hian a la timu!Keiin ka tihmut ve dawn hi chuan a harh tulh tulh zel,Calvin in a darah bei tirin nau awih hla an sak sak tawh hi chuan karloah a muhil nghal zel.
.
"Ummm,A ni chu a muhil tawh, Dada hian thil dang ka duh ve."A tawng dan a vang chuan ka nui hak a.
.
Nghet leh zual a min kuah pah in "ABBROZO Y BESOS"a ti sup a. A lam chu hawiin "he thu hi i sawi ve ziah, a awmzia ka hre ngai silo, kum5 dawn a ni tawh" ka tih chuan a lo nui suk a.

"mawh.. a awmzia min hrilh ve rawh" ti seuh seuh chungin a khabe chu ka khawih niap niap a. A tawpan kan pa chuan "Hug and kiss" a ti a, mit ka kan khum ak rual in hnai zet ah min melh in ka kawngah rawn kuah a, hmui sexy leh fawh nuam zet chuan ka hmui a rawn bawh thuah nghal a.

A duhtawk hnu chuan a lak atang a in la hrang in kan thlek vang vang a. A mit mu hring ram te, a hnar ngul sang vah leh a hmui chhah tap te, a taksa khautak leh a ban lian tak ka lungngaih chang a piang a lungngaihna a bo thak khawp a min kuah nghet theitu te...A mah ah hian sawi sel tur ka hrelo.


"Bawihi min nghah tir lo teh!'Ka kawngah vuan in min chawi kang a,A kawngah ka lo kherh ve chial bawk,Min fawp a,a nui a,A nui paha a bianga vun chuar chu ka fawp a,Dimte hian khumah min nghat thla in ka malkarah a rawn tlazep nghal a.
.
"Khawvel zawnga hmeichhia hmeltha ber i ni. Chuan kei hian tawp chin neilo in ka hmangaih che." Ka mit ah tak min en chung hian a hrawih, a kawr awm ah tham in ka lamah ka pawt hnai sauh a "Ka hmangaih che tih i hria e" ti let ve in a hmuiah ka fawp a. a dang chu hrilh chawp ngailo in a chhun zawm nghal a.

Chau zet hian a chungah ka bawk thlawp a, a lungphu zawnah chuan beiin a lung phu dawt dawt chu ka ngaithla a, ka dar ruak kang chu lo chul pahin thawk a la hulh hulh a.

"Nang leh ka fanu hi ka tan chuan in hlu ber, nangni pahnih ka neih chung cheu chuan eng dang mah ka mamawh tawhlo" a tih lai chuan a awm chhung atang min nghawr dur dur, inbeng kang in a hmai thlan dap chu ka chul sak thuak a. A mitmeng thim ruih ah chuan a thil sawi kha a tih takzet zia ka hmu thei bawk.



Calvin hi mi lar a nih vang a hmangaih ka nilo a. Night club a kan inhmuh hmasak ber tum khan tunge a nih ka hre hmasa miah lo, zing karah ka exercise neih na a a lo lan ve hlawl pawh khan DJ lar tak a ni ang tih rin ngaihna reng ka la hre lo a nih kha.. Tunge a nih a, eng ang mi nge a nih ka hriat hma khan kei hian ka lo hmangaih daih tawh a ni..


A TAWP TA E



Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)