OMEGA BY Abbra Reo Ririni Khiangte

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: OMEGA CHAPTER 1 BY Abbra Reo Ririni Khiangte

Unread post by Ngaia » March 26th, 2017, 12:05 pm

An inbiak dan a tang vel chuan thiltha a thlen vak hmelloh,A tawngkam a vin mah mah mai bak ah,A thinrim zia a lang chhuak bawk.
.
An hna lam a nih vang a niang,an sawi awmzia ka hriat ve vak loh bak ah eng dan ber nge maw nisawiin an in hnial nghek a!Tun ang hian phone a tang mah a thin rim chuan,hmaichhan ah in hmu ngat se chuan Hruaia hi a che na khawp ang.Phone chu a ti tawp a,A kut pakhat chi a uniform kekawr ipte ah a zen lut a,Midang biak leh tum in phone chu a hmet leh mual mual bawk,Ka awm ve tih a hrei lo hial in ka ring.
..
"Bawiha..Court in order a ti chhuak duh lo,?Mahse tun ah hi chuan an mahni ka nghak tawh dawn lo. ka department zawng hi ka ngaihdan in kan che chhuak tawp tawh mai dawn!" Bul zet hian a ti hluk a_,lehlam a mi thusawi ngaithla in an ngawi leh vang vang a.
.
"A pawi ka tilo,Dik ni a ka hriay ang in ka kal mai ang, An duh dan ang in action chu rawn la zawm mai rawhse,kan nghah chhung in thil pawidang a ti leh hman zel!" a ti leh sup a,Min rawn melh zawk a,ka lo en ve reng a vang in an thawchuak halh bawk.
.
"Ka hre thiam e, Rawn thleng vat rawh,Chawhnu lam hi chuan chet chhuah ka duh tawh dawn." Nghet charh a atih leh in an inbiakna chu a titawp a,Khum lam chu rawn pan in ka hmah tak chuan a rawn ding run,Uniform a hak hian a lang lian zual mai bak ah,a hmel rum zet hi a nelawmloh zual thin.
.
"Bawihi..ka kal a ngai tawh a,Andy chu lo ngaihtuaj suh,Nangmah vang tal pawh hian ka zawng hmu leh em em ang!" a rawn ti sup a,A kutphah hlaipui chuan ka biang a rawn dawm a,"i taksa hi a lang chau lutuk,Vawiin ah doctor nangmah hmu tur in a rawn kal leh dawn a,Hahdam deuh in lo mu ang che."A rawnnkun hniam a,Ka chal ah a hmui lum veng veng in a rawn fawp a,Ka hahdam leh sawng sawng tawh!Ka tan hi chuan damdawi tha tak a va han ni chiang em!
.
Andy chanchin chu zawh leh duh viau pawh niila a hmel landan a tang kha chuan min hrilh a tum tawh lo tih a hriat reng! Khum sir dawhkan chunga a lukhum chu a la kang a,Kawngkhar lam pan chuan apen nghal pawk pawk a,Kawngkhar chu dimtea rawn nem khar leh in kailawn a a ke pen thawm in a zawm nghal a.
.
"Andy chunga thilthalo thleng tur anga ka suangtuah tlat a vang chuan kan thaw chhuak leh halh thin,Tukverh lam pan chuan ka pen phei chhet chhet a,Gate a Hruaia tlan chhuak chiah chu ka zuk hmu hman hram!
.
"Ka ring che,I zawng hmu ngei ngei dawn tih ka hre bawk." ka ti sep a.
.
Ka phone ri ral ral ka chhan rual chuan mahni inthunun tum zet in ka kut ka him ruh a.
.
"Abiak,Keimah Andy u..kan inhmu thei a ngem?" a rawn ti sep a,a aw atang chuan a tap hrep tawh tih a hriat.
Kan inhmuhna hmun tur te kan in hrilh hnu chuan ka insiam sawk sawk a,mahse ka kal chhuah hma in Hruaia bulah ka kalna tur ka hriat tir angai.
.Gate chhuahsan in ka pen chhuak a,Hruaia ka call pah bawk,Min chhang lawk lo,ka try leh a,In atang thuife chu ke in ka kal tawh.
..
"Andy u nen kan inhmu lawk dawn a."Ka ti sep a.A rawn rum nghut..
.
"Min lo nghak la..ka rawn hruai ang che!" a awn ti a,Mahse a hna ah a kalna a la reiloh a vang in amah tihbuai ka duh lo.
.
"Min ngaihtuah suh..Ka tha vek a nia."
.
"Duty te kha i hruai em?" a rawn ti leh a,A aw ah chuan ka kal chhuak chu a lawm vak lo tih a hriat.
.
"Hruailo...ka rei dawn lo a."Pangai deuh hian ka ti ve thung! chutih lai chuan ka hnung lam atang puan in ka hnar an rawn hup a,"Bawihi I tha em?" Hruaia rawn tawng ri chu an hla riai riai! A hnu ah phei chuan a thim mup a,Engmah ka hre zawm tawh lo.
.
.
Chianglo zet in mit ka meng a,Vawt tih lutuk a vang in ka khur nghal hlawk hlawk bawk,Ka taksa chet ka tum a,Ka rak that!Ka khup lo tawm tlat chu ka awmna hmun vawt vek chuan a lo hmet khawng! Zawi zawi in ka harh chiang telh telh a, Ka lu hai bur a vang chuan ka khaw hmuh a la chiang lo!
.
Mit kan khap leh sak sak a,Zawi zawi in a rawn fiah tial tial a,Ka awmna hmun vel a thil awm a vang chuan ka dang lawp lawp in ka ring! Ka awmna hmun chu vur hmun ang mai in a vawt vin tuk a,Vawt lutuk a vang in boruak ah khü a awm! Chu mai a la nilo..Khum pahnih ah chuan mipa ruang a awm ve ve! Ka uak tuar tuar a!Ka mittui an tla hial bawk.
.
Ka hawi kual a,Chhuahna tur hmun pakhat mah a awmlo,Engkim a phui mup bak ah vur khawn a awm ngung vek!Chhuat kik khatah min lo mut kawm tawp a lo ni!Ka inbeng kang a,Pindan chhunga thil awm eng pawh chu vur khàng in a bawh chuk vek! Ka taksa vawt in a hmeh khawngaih vek tawh chu ka theih ang ang a thunun in ka inbeng kang a!
.
He hmun hi mihring ram a thil awm a tan chuan a rap awm lutuk!Nilo..Thih hnu ram a awm atan pawh a rap thlak! Chu pindan chhung vawt lutuk a vang chuan ka thawk te thleng in a buai tawh!Ka inbeng kang a,Harsa zet in ka bula thir dawhkan rin chhan chuan ka ding chhuak ta hram!
.
A chhung vel ah chuan inzaina hmanrua mai bak ah mihring taksa them vur in a hmeh khawngaih vek tawh te chu an let rem rum bawk,Vur in a hmeh khawng vek a vang in rim an chhuah lo mai chauh a ni! Keihi minung nilo in mitthi ka ni tawh zawk a mi?
.
ka gawikual a eng pakhat mah pawn lam a tang a rawn lut lo,Inchung lam atang dim light eng paw chial rawn eng chu chu room a eng awm chhun chu a ni mai.
.
Ka hawi kual ruai a,Hlauhna, mangan na! Heng hian min rawn tuam hlup hlup!
.
Ngam leh ngamlo in ruang awmna lam chu ka pan hnai chhet chhet a,kei pawh hi min rawn chhanchuak tu an awm te a nih ngawt loh chuan he hmunah hian vawt tih lutuk a vang in la thi nge ang. Ka hma mai a mipa ruang ka hmuh rual chuan ka rak that a,ranglutuk innka pan hnai nghal rawk rawk.A biang vurin a tih khawng vek tawh chu ka khawih.
.
"Andy.." thildang ka sawi thei tawhlo,ka tap chuak hawm hawm,Andy..Andy a ni he ruang hi!A mit khuar duk ah chuan a chunga thil thleng ka hre thei! Beidawng zet in a khum bul chhuatah chuan ka thu thla hnawk a! Ka à vek theiin la hria,Nun na reng neitawh lo tih hriat zet in khum ah chuan an mut a,a taksa te chu he hnun ah hian a awmna a reitawh tihhriat ngawih ngawih in an var luk bak ah,An khawng vek..Ka au tuar tuar a,ka ke ka leng bawk!Heng thil zawng zawng ti tu hi tunge? enge a Chhan?
.
Mumallo zet a ka tal vel chiam lai chuan Andy khum a tang ngei chuan thisen a rawn far fap fap a! A thian tan chuan hmuh a vahan hreawm tak em!A taksa chhelo a awm reng a vang leh vur khawn vang in a thisen pawh an chhuak lo,Keiin ka khawih chet rual khan a thisen la Khang ve lo kha an rawn luang chhuak!
.
"Andy...Nangmah i nilo tih sawk rawh!" Ka sam ka tham a,ka awm ka chum chawrh chawrh bawk. "Hruaia'n a zawng che a sin..Tinge i lo nghah loh?..Zawn hmuh ngei che a tum a sin..." Pindan chhung khawk rum rum chuan ka au rawng rawng a,Chhanna la va mamawh si em!.
.
"Andy..." Ka ral ve riai riai in ka hria,Ka mit sulh a,A thim zui hmak bawk.
.
Thir kawngkhar tawlh ri ruai ruai chuan min tham harh nawk a.Ka awmna ka hriat chhuah rual in ka khur hlawk hlawk bawk,He hmun hi thihna hmun a ni ngei ang!Ke pen thawm a rawn awm a,Andy ruang awmna sir chhuat a thu chung chuan ke rawn pen lut mek tu chu ka melh reng ringawt! A rawn hnaih zel a!
.
"Doctor Calvin?" Ka aw pawh a chhuak thei tawh lo, Heng zawng zawng hi he pa tih vek hi maw? A tir a tang khan ka ngaina ngailo,Mahse hetiang khawp a thil rapthlak hi a tihduh ka ring lo! Jacket fual hring duk lianpui a ha a,Boot rahnat hmelzet leh hrawl pui a bun bawk!A kut kawr dum lianpui pun lai chu a hlip a.A zak zeh nghal bawk.
.
"Ka khawvel ah hian ka lo lawm a che!" A ti sup,a aw ri te chuan ka kawchhung thleng in a fan chhuak vek!Hlauhna leh rapna!
.
"Oh..Hei I thianpa Andy chu..In lo in hmu tawh ang chu maw!" A ti leh sup a,Andy ruang khawng vek tawh chu a thlir dauh dauh a,Chutah kei chhuat a thu tawm reng chu min rawn melh chhuk leh run a!A mit meng hring dal ram ah chuan tualthattu ka hmu thei!
.
"A awmna min zawh ni khan hrilh turche ka nia sin le...Tiraw?' A nui suk a, ka lam pan in a rawn pen hnaih chhet chhet a,Ka lo kimki nghal chawi chawi bawk,A kut hrawlpui chu a rawn lek chhuak a.Ka sam vawt vanga khawnbar tawh chu a rawn chul! Rimiah silo hian ka taksa chhung lam atang hian ka tap vawng vawng thei!
.
"He thil hi a chunga thleng lo thei a ni a sin,Mahse a duhthlan na a thlak ni atang khan ka thinatirim tawh!" a aw vawt zet chuan chu pindan chhung chu a tihvawh belh sung sung thei!
.
"Ti nge...enge a chhan?" Tap tiau chung hian ka lo ti! A rawn thingthi hniam a,Chhuatah chuan a khup a rawn nghat bawk. "A chhan chu ka offer a hnial ngam a,Chuta karah min la rawn chhui zui bawk a." A then sak a,Ka Khabe chu a rawn hmer deuh salh bawk.He hmun ah hian ka tawp ve ringawt dawn tih a a mi?
.
"Andy khan i lakah engmah tihsual a neilo..!" ka sawi zo hmanlo,ka Khabe a hmerna zual a,A thinrim tih hairual a nilo,a thawri nghal sawk sawk mai.
.
"A nei... a ni kham min chhui zui,a lungthlakna tur ka hmuh sak kha lawmtak in pawm mai se chuan tiang hian ka che hauh lo ang!" nui huah huah chung hian a rawn ti leh a,a nui ri te chuan min ti chau nghul thei!
.
"I hria em?Ka offer a pawm lo mai nilo in a ruk in min lo chhui a,Min lo zuiru thin a nih chu...I bialpa Zohruaitluanga ang chiah in min umzui reng a,Ka tih thei awm chhun chu hahchawlh tir a ni mai, Hospital ah khan rawn kal in min rawn vo ve khang lang lo se chuan ka la en liam mai mai thei tur!" A ti leh sup, Ka lam a rawn hawi a,ka rap ngawih ngawih!Mihring pawh a nilo.
.
"U engi that tu pawh kha angmah hi i ni,Hremloh in i chhuak huah lo ang!" zawi raih in ka ti leh a.
.
"Ani kha chuan a thih na tur a rawn pan zawk a lawm,Ngaihtuah let la.Kha mi ni khan enge ka sawi kha,Tumah in an hretur a nilo tiin ka sawi,Kha mipa ruang chanchin kha midang a lo hrilh chhawng mai bak ah...!" A thaw hak a. "Mihring taksa ka zaidarh lai min lo hmu a lawm!' a then leh sak a. He pa hi mihring rilru pu pawh a nilo ang.
.
"Tu nge i nih chiah?" hlau ang in ka lang duhta biklo,dakchhuak in a mit ah ka melh ran a. A mit meng hring dalram chu an kan ak bawk."Tunge ka nih tih i hreduh a maw? ka nihna hretu a piang chu an thi zel!" a nui leh suk a. "I hriat duh chuan kan hmuh ang che!" a ti leh nghut,a ding chhuak a,bangkil lam ah chuan ka tawm khwr tlat thung!.
.
Thir dawhkan chunga Scalpel blades(mizaina chem) chu a lek kang va a,Chutah ruang pakhat awmna khum lam chu a pan leh chhat chhat bawk! Ka melh reng ringawt! mahse ka rilru erawh chuan Hruaia a au mawlh mawlh thung! Rawn thleng vat se,_He hmun tihbai awmtak a tang hian min rawn la chhuak se! Chu ringawt chu ka ngaihtuah ngut ngut!
.
Blades chu a hum rem a. Kei min en reng chung in mipa ruang khuhtu puan var chu a hlip bawk.
.
"Tu nge ka nih tih chu ka hmuh ang che,i thiannu Engi pawh khan ka nihna min zawt a sin!" a ti leh sup,a tawng chhuak reng reng chu a ring lo..Mahse thau ah mi man tlat thung!U Engi chunga thil thleng te kha ama lo tih lehzel hi maw lo ni a?!
.
"Tunge ka nih tih i hreduh a ni lawm ni, lo kal la min rawn en ta che!" a Blades ken chu dawhkan ah a dah thla leh rih a. Ka lam ah bawk a rawn let leh! A chet dan zawng zawng hi mihring pangai chetdan tur a ni pawn ka hrelo.
.
Ka ban ah man in min phihtho nawk a,vawt hnuai ah ka lo thut tawm tlat tawh a vang in ka taksa hi a thip thawt thawt thei,min dimna nei hauh lo in mipa ruang bulah chuan min hnuk phei a,vawt tih lutuk a vang in ka ke hi a sai dar dar bawk.
.
Khum bul bang ngheng chuan min dintir a,tawng tawh lo mahse a thu ka zawmlo a nih chuan min tihnat a hreh hauhlo tih a hmel ah a lang reng! Scalpel Blades chu a la kang leh a,Chu mipa ruang vur in a bawm luk tawh taksa chu a zai a!
.
A awm atang,a dul hnuai thleng a zai tlang vek a nih chu! Ka khur hlawk hlawk a,Chu ruang a tang chuan thisen rawn chhuak tur pawh a awm lo,a taksa a zai thler tawh chu a kut lawng in a zen a,ka uak tuar tuar ri a hriat chuan a phur sauh in ka hria, A kut a chet a,Taksa peng sawhthlak a tum tih hriat tak hian a tham kual a. A herh bawk! Ka thidang mai lo chu a mak zawk!
.
"He thil hi ataksa a tang hian ka duh..!" a kut thisen duk kai hnung chu a rawn phawrh chhuak a,chu mipa lung chu a rawn la chhuak a nih chu! Lei ah ka thu thla hnawk a! Engkim hi mumang an nitur a ni..mumang vek!
.
A pen ri khup khup leh ka inhnit ri hlawp hlawp thawm bak chu thawm dang hriat tur a awmlo.
.
"Heng zawng zawng intanna chu i mi hmangaih office zohruaitluanga vang hi a sin!" thir a tang a siam chair chu a thutna tur in a hnuk a,chu pawh chu room chhunga thil dang ang tho! Vur in a bawh luai.
.
A thu thla chawrh a! Hriat thiam har deuh hian min rawn melh run bawk."A ni khan ka pa a that a sin." a ti leh sup.Awi na aiin Awiloh na in ka khat.
..
"Chutiang a ti hauh lo ang!" ka tisep a.
.
"Nilo...a that ngei a lawm! a lung zawn ah silaiin a kap a sin, Chuan ka nu mi à ah a chhuah phah bawk..Kan chhungkua min ti chhe vek a,chuta karah zalen takin a la awm zui! Amah vang hian Tun din hmun hi thleng ka ni..A lakah phuba ka laknan..a mi hmangaih a piangte chungah ka pa chunga a chet ang chiah a ka chet ve thrihnan..Nangma chungah ngei pawh!" A ding hlui a,a jacket fual ipte chhung chu a zen rak rak a,Damdawi bur te hi a rawn phawrh chhuak a.
.
"Ka thuruk i hre tawh si a,Chuvang chuan nang pawh hi i tawp ve mai a tha zawk!" damdawi chu a tuai vut vut a,Keimah a hlauhna awm zawng zawng in min tlanbo san vek tawh! tunah hi chuan mangan na chiah in min awmpui tawh.
Last edited by Abbra Reo Ririni on Sat Mar 25, 2017 9:12 pm, edited 1 time in total.



Link:
BBcode:
HTML:
Hide post links
Show post links

Thanpuii Sailo
Posts: 3
Joined: April 3rd, 2017, 4:32 pm
Location: Aizawl

Unread post by Thanpuii Sailo » April 3rd, 2017, 6:55 pm

A ngaihnawm in a va dangdai ve! Love story , Killer story leh detective story i khung khawm hneh hle mai..Fighting

Link:
BBcode:
HTML:
Hide post links
Show post links

Lalruatpuii
Posts: 7
Joined: November 3rd, 2016, 1:07 am

Unread post by Lalruatpuii » April 3rd, 2017, 11:36 pm

Van ngaihnawm leh pek em
Ruatpuii :roll:

Link:
BBcode:
HTML:
Hide post links
Show post links

Lalruatpuii
Posts: 7
Joined: November 3rd, 2016, 1:07 am

Unread post by Lalruatpuii » April 4th, 2017, 12:55 am

:lol:

Link:
BBcode:
HTML:
Hide post links
Show post links

Lawmsangi
Posts: 1
Joined: April 25th, 2017, 7:41 pm

Unread post by Lawmsangi » April 25th, 2017, 7:48 pm

Ngaihnawn turu lutuk.. Harry Khiangte LPS Close up pa in duhtawk mai a a movie an sawi sa kual vel hi ka tehkhin ber. I thiam lutuk!! :) :P

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)