FERNANDO RESCAL DECENT Just a Kiss(Full Version) BY Abbra Reo Ririni Khiangte

Moderator: Abbra Reo Ririni

Abbra Reo Ririni
Posts: 1237
Joined: November 10th, 2016, 8:57 pm

FERNANDO RESCAL DECENT Just a Kiss(Full Version) BY Abbra Reo Ririni Khiangte

Unread post by Abbra Reo Ririni » April 26th, 2017, 7:42 pm

Hnamdang nen a inngaihzawnna lam


LINK AH HIAN LUT RAWH ☺️👇🔥


https://abbrapitartei.blogspot.com/2019 ... sfull.html













.






.







.





.









.










.










.









.







.










.











.










.










.










.









.








.









.









.










.














.









.












.












.











.











.















.
















.















.



















.












.














.














.












Chhiar hmasak tur:- ka story kal lai 'Make you fell my love'(Keima group bik a ka post) ,Training vanga ka chawlh san rih pawh kha naktuk zan atang ka rawn chhun zawm leh ang.Chuan, He story hi Fiction a ni tih ka sawi tel duh! Phone a tanga type ka nih a vang in thumal tih dikloh tam tak a awm leh dawn,Chhiar pah khan min sismrem sak mai ru. Fakna lo lang kha click in 10sec tal nghak la,He tia fakna in lo click hian kan netpack man turte kan lo hmuh theih phah a nia..
.
Hmeichhe tan bik!Thlalak a mipa hi chang tupa hming a lan a piang khan mitthla zel ru..A pa teh mai nia..haha..Mipa pawn hmeichhe cute leh mit meng lian kiau mai kha changtunu hming in hriat rual in ngaihtuah tel u la,Story mood ah hian in awm leh zual ang!
.
Chhiar rawh le!
Attachments
SquarePhoto_201742216236896.jpg
SquarePhoto_201742216236896.jpg (145.29 KiB) Viewed 83583 times
Last edited by Abbra Reo Ririni on May 4th, 2017, 4:51 pm, edited 1 time in total.



Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » April 26th, 2017, 7:42 pm

Ka thutna Bus chawng sang atang a pen thla in hnuai lam mi thahnem tak lo thut khup na chu chhuah san in Bus stop ah chuan kan tum thla tharh a,He ram khawlum em em na hmun ah hian vawt ti in ka khur ru dar dar reng mai!A.C hi ngaina lo viau mah i la..He ram a ka awm ve duh a nih chuan ngaina ber ang mai a AC vawt raih hnuai a thut kha ka tih tur a ni miau a.
.
Bus stop ah chuan reife nisa kan in hem tir leh ar ar phawt a,Tun a ka kalna tur hi kha Bus chhung ai khan a vawt zawk dawn tih chu ka beng hi ka mit a nilo tih ka hriat chian tluk zet in ka hre chiang tawh!
.
Tunah hian he ram a damdawi in pakhat ah training ka nei mek,Lehkha zir ah ka beidawng thak tawh a vang in 'pen'hmanga ei zawng tur chi ka nilo tih kha kan hrechhuak leh hnu hnawh a,Midang ang a ka ka a lut a,Ka pumpui hnawh puar ve ka duh a nih chuan thil eng a maw tak ka tih a ngai tih ka hriat chhuah hnu khan he ram ah hian ka tan hmun ruak a awm tih ka hrezawm zat,Hun khawhral lo in ka buaipui ta reng bawk a.Tuna ka hna thawh ang hi 'Mi thinchhia leh dawhtheina nei lo tan chuan tih chi a nilo'Tiin ka trainer ngei pawh in nitin kan beng ah a rawn fah lut mawlh mawlh reng!Mahse kei mi thinchhi leh dawhtheih lo ber hian ka thi thei miau si a nih hi!
.
.
"Cabin B2 ruak a awm tawh lo,Cabin C ah hian zan in a tan chiah kan dah lut a nga,B2 a khum ruak a awm vel ah kan transfer leh nghal thei ang."Ka hma a patling kum 50 tur vel hmepu mit pali nei chu ka melh ran,A ngaihdan a nihloh hmel tak zet!
.
"B2 chu...!"
.
"Sir..Khum ruak pakhat mah a awm tawh lo tak tak,Naktuk hian kan damlo pakhat chu a chhuak dawn, chu mi chhuah hun ah chuan i nu hi C atang B2 ah chuan kan transfer nghal thei ang."Ka lo ti ve vat a.A hmel nur nang chu en in ka thaw chuak halh. "Cabin C a indah luh in duh loh chuan zan in zawng hi he lai emergency room ah hian in awm a ngai dawn sin,Chuan mut natur in khum a awm lo tih in hriat ngei ka ring bawk,Tun a Cabin C pawh hi midang nghak tu an awm,in duhloh chuan an ni tan chuan ka confirm sak mai ang!" Ka hma a computer chu melh in mouse chu ka ti che mawlh mawlh.Tun hnai hian damlo an tha hnem in damlo register na ah hian keini training ho hi min duty tir ve thin.
Tinge an duty tir ngawt in lo ti a nge, a chhan chu he damdawiin a tanga in zir chhuak reng reng te khawi hmun ah pawh chhawr thei nghal tur a min duh vang a ni.
.
Chu Chineses pa khirh hmel tak chu kan melh leh zawk a,Zan in zankhu a he lai a thut tlaivar zak chu a hreh ve a niang.Cabin C chu a confirm thu min rawn hrilh sup a.Ka tihthin dan bawk in ka lo nuih let sang.
.
Ka bula phone chu la kang in kan damlo neih thar leh a khum number zah tur vel chu duty dang ka hrilh kual zung zung a.
.
"Sir.Cabin a hruai lut tu tur cheu an lo kal dawn,Chuan lehkha ah hian 'Cabin B2 in nghah thu ka ziak a nia..Doctor kha hmuh la a lo hrethiam mai ang."Tiin damlo lehkha pawimawh chu ka pe let a,A bu nghut ringawt.
.
"Kha..I var leh pup tawh..nang hi chu vitamin tlak chham i nei chiang a lawm.' Ka training pui ve tho chuan a rawn ti lang lang a,Za vak lo hian ka lo nui suk.Ac hnuai ah hian pangai tak in ka awnlm thei ngailo..ka khur ru leh dar dar tawh.
.
"Physiotherapy class kha zan in tlai ah kan nei dawn!"Amah vek chuan a rawn ti leh nuah nuah..Diktak chuan he class hi ka ning mai bak ah ka man lutuk lo nen,Ka huphur lutuk ringawt.
.
"OT Class ni zawk se nitur." Computer a close ngai zawng zawng chu close in kan thaw chuak hak a.
.
"Lunch ei tur in kan kal thei tawh e.' Zi mar ar ar pah chuan ka thiannu chu ka melh a,A ni pawn a thil tih lai dah fel in lunch ei tur in kan inzui chuak ve nghal a.
.
He Hospital hi Hospital satliah mai pawh a nilo .Hospital dang pathum te nen a in thlun zawm leh unau ang chiah a ding tlang an ni,Thawktu hi mi za tel an awm bak ah Keini training mek pawh hi zirlai za dawn hi min kawl reng,Damdawi in kal phung a fel faiin engkim hi a changkang em em vek! A thianghlim tih hi sawi hmaih phal a nilo bawk.
.
"Nimim zinga MRT station a bomd puak kha a ti tu an la man lo a mawn le?" ka rualpui tho, Philippines nu chuan food hall kan luh rual chuan a rawn ti sap.Lu ka lo thinkhum ringawt.
.
"Terrorist hian he mi ram hi an bitum bik an ti a sin." Eitur order tur a kan in tlar hnu chuan a ti leh sap.
.
"Chutiang mai mai ngaihtuah lo chuan thut na awl lo va en rawh,Thutna kan chan loh chuan nisa hnuai ah ka eipui leh ang che."Fiamthu ti tak deuh a ka tih chuan a hmui a ti pawrh tar a. "Khawi I card kha..Ka rawn laksak ang che..Thut a tur lo va hauh rawh." tiin hall mipui thut khah hmur na chu kan melh leh zauh,Thutna kan chan loh chuan fishpond bul a nisa lai ah ka eipui leh duh tak tak ang.
.
A chaw lei na card min pe in a ei duh zawng chu min hrilh a,Kan thutna tur lo va en lawk tur chuan a kal zui ve mai a.
.
He kopitim(Chaw ei na hmun bik,a chhung ah hian ei tur chi hrang hrang hnam hrang hrang chaw an zuar, eng India food Korean Food) hi Hospital pathum a hna thawk leh damlo tlawh tu ten thil einan kan hmang vek..Mi za chuang leng mah I la..mihring kan tam em a vang hian kan khat hung thin.
.
''Thai' chaw zawrhan zawn ah chuan ding in ka eitur duh ho chu ka hrilh zung zung a,Reilote hnu ah ka eitur order chu an rawn siam peih nghal vat!Tray pahnih chawi chung chuan ka thiannu chu kan zawng kual a,Ka la hmu lawk lo leh nghal.
.
"Ka lo pui ang che." Tray pahnih chawi chunga ka dingdihlip ak ak lai chuan ka hnung lam atang aw thum deuh dut rawn chhuak a vang chuan ka hawi let nghal zawk.Min lo nuih suk a.
.
"I tray chawi pakhat kha ka lo chawi chhawk ang che." amah vek chuan a rawn ti leh sup a.
.
'ka lawm e'Tia ka tray chawi laipek mai hi thil harsa a ni miah lo,He ram a mitam tak in an tlawmngaihna an lantir ve theihna chu he tiang hun hi a ni..Midang pawn min pui fo tawh a,Mahse tinge Tun ah tak hian ka lawm e tih sawi chhuah ka harsat tak thut!
.
Ka hma a uniform navy blue ha,Pa lian leh sang zet chu ka melh reng ringawt,A kawngah chuan silai leh thir mum a vawnna robber a tanga siam a paitel bawk,Chuan ka hnam pui a ni mai ang a tih theih turin a vun a uk deuh kharh a,A Khabe ah hmul tlem a nei sang bawk.
.
"Miss?"
.
Ekhai..engthil nge ka hriat..Ani hian min puih a tum..kei lah chuan mit tla lo lek in ka lo melh renga.
.
"Uggh..Ka lawm e..Mi zawn ka nei a..tray pahnih chawi chung chuan a harsa deuh a nih hi."Ka nui tawi hal.Amah pawh chu a rawn then sak a,A Khabe a hmul awm chu tuai zauh in ka tray chawi lai pakhat chu min lak sak a,Ka hawi kual tha leh ngat..Khawnge ka thian-i khan seat a lo va hauh hman ni.
.
"Oh Lalpa..Emily thutna ruak pakhat mah ka hmu lo!"Ka piah sir a tang chuan ka thiannu ngei mai chu a rawn kal phei hlawk hlawl,Ka lo melh rum teh e..Minute5 dawn a vak kual a thutna awm hmulo in a rawn let leh a nia!
.
Ka bul mai a ding mipa a hmuh rual chuan a tawp chawt a.
.
"A tray chawi lai hi la rawh..I ta tur a nih hi."ka mit mei nghal zauh a.Nui vur vur in ka bula ding pa chu a pan.Chupa pawh chuan a lo nuih ve suk.
.
"ka lawm e..keimah vang in i buai phah a."Nuisang in chu pa thil chawi lai chu a lak sak a.
.
"Lawmthu sawi a ngailo..tikhan tui deuh in ei rawh u." Lu a bu zauh a,Food hall chhuah san chuan a pen chhuak zui nghal pawk pawk.
.
"Wow..A hot zia kha."
.
"Ka hria lawm.."Nui var var pah in la lo ti let ve thung..Ka pha lo..A Hot mai bak ah..A aw kha a pa!
.
Buai mangkheng a chu ni ka hman zawh hnu chuan PG lam pan in ka let leh a,Bus chhung ah te chuan kan mu thlu leh lawp lawp a,Tun a ka tih ngei ngei tur chu PG thlen vel ah tuilum sa tha zet hmang a ka taksa chiah veng veng leh chu mi zawh a khum a mut hlawm tawp. Chu zawng chu!
.
Zing khua a lo var a PG chhuahsan in Bus ah bawk chuan kan thu leh ran a,Ka jacket hak lai chuan ka taksa khuh lum sauh sauh in thutna ka siam rem a,Bus ah hian darkar khat ka chuan a la ngai dawn.Ka phone la chhuak in ka beng ah earphone ka vuah a,ka playlist ah bawk ka bur zui leh chat, Thian ka kawm tam loh ang bawk in tawng vak ai chuan tianga hla ngaihthlak te leh mahni siam chawp khawvela chen hi nuam ka ti.Tawng ka chak loh thin lutuk a vang hian midang pawn min ngaina lo in min hrechiang vak lo tu phei chuan biak en ah hian min en tawh lo hrim hrim..Ka duhdan a lo ni ve leh zel a.Kan tawngtam lutuk hi chuan midang tan buaina pakhat tal kan thlen thin tih hi ka ngaih ve dan a ni,A bikin hmeichhia ah ngat phei hi chuan 'Nangmah chiah ka hrilh ang che,Tumah hrilh tawh lo la!'Ti a kan hrilh a te ngei ngei hian a thian dang hnenah tumah hril tawh loh tur a hrilh in a bula kan sawi kha an lo in hrilh chhawng a,kha a thian khan midang,A hnu ah phei chuan mi pakhat chiah ka hrilh a maw ka tih kha karlo ah veng pum deuh thaw in a lo hre hman thin!Chuvang chuan heng buaina zawng zawng pumpel theih dan kawng awm chhun chu.Tawng tam loh leh mahni tana thil tangkailo sawi zui vak lo hi a ni mai!
.
.
Bus stop pakhat ah chuan chhuak in ka Bus chuan ka thlak a,Mizoram ang chu nise chuan tunah hian khaw pakhat kan thleng der tawh tihna..
.
Hospital chuang ka luh chuan dan ngaite bawk in mi tam tak an lo phu leh mur mur tawh.Airport leh Hospital hian in anna pakhat an nei!"A then in an hmangaih te lo hmuah/lawmna hmuna an hman laiin then khat tan chuan an hmangaih te kal tur thlir liam na,La thla hlel ngawih ngawih chunga an in thlah liam na hmun a ni!"
.
"Emily..Samartha kha vawiin kan awmdan tur a siam tha vek!Cabin A ah an sawn che..e..chuan..PT kha tlailam dar nga(5)ah neih leh tur a ti.!" Hospital chhung ka luh rual chuan ka thiannu chuan a lo ti lang lang a,ka tap chiam lo chauh!
.
Engvanga kan senior nurse hian PT hi tlai lam hlir a min neihpui ta tal nge maw a nih le..A ti mah mah tawh,Tlai lam te hi chuan OT min neih pui se...taksa chau lutuk lo in kan haw thleng ve thei reng si a ..Khir leh mahni thu duh ah pawh hian. Chin tawk a awm tih te hi hriat thiam ve tur a nia.
.

Phurlo zet in locker lam ka pan a,Training lai hi kan tam tham a vang in locker ringawt pawh a in tlar thup,Ka locker chu hawng in uniform pawl lian hnek hnuk,Kekawr kawng pawh hrui hmanga suih chawp ngai ngat chu kan in thawlh a,Ka bag leh phone chu ka lock hnan zui nghal hmak.
.
'Cabin A te chu first class room a ni reng si. tinge nurse pangai a dah mai loh a.'Ka lungailohna ka lantir ve ngamna ka thiannu bulah chuan insawh tau nghawng nghawng hian ka phun hlak hlak reng, ka in registere a,Scan ngai ka scan zawh chuan Building chhawng sang lam a First class pindan lam pan chuan lift hmang in kan in khai chho a,Tun ang te hi chu Nurse bak in an ti ngai der silo..Keini Training lai mai mai leh nghal kut a tiang thil a dah hi ka hrethiam lo,Chu pawh kei mah kher.
.
Chhun chaw ei tura ka chawlh hman ve meuh chuan chawhnu dar hnih a ni thuak tawh,Tui lum chiah ka in a vang in ka pum lah chu an ri ang ruk ruk reng a.
.
Building chhawng 11 natang lift ah ka chuang thla a,Ka thiannu Stephanie kha chuan min lo nghah pawh ka ring tawh lo!
.
Lift chu chhawng ruk (6) na ah lo hmet ding tu an awm a vang chuan pindan chhung zau tak ah chuan bang kil chet lam ka pan a,Kawngkhar rawn in hawn rual a ka mi hmuh a vang chuan ka thaw chhuk hawk!
Eng vanga lo zam ve ringawt nge ka nih le?,Van ho tak!!
.
A ni pawh chuan min hmu ve a ni tih entirnan an rawn nui suk a,A pheikhawk dum bun,rahnat hmel zet hmang chuan an rawn pen lut a,He lift pindan mi 20 ding chunga kan len hal hal na ah hian kan chep nghal run thei!
.
Ka hma zawn deuh ah a uniform kekawr ipte zen lut in a ding luah,kei erawh chhan tu mamawh hmel deuh in bang ngheng in ka ding,ka thaw chhuak em tih pawh ka hre tawh miah lo!
.
Life in chhawng khatna a thlen chuan a rawn ri tlang a,Kawngkhar a rawn tawlh hawn rual chuan ka thawchhuak ham ham! Nichin khan ka lo thaw lo tak tak a nih dawn kha!
.
"Ma-kan?" Rawn hawi let in a nui leh suk a.A aw hi mipa dang lak atang a rawn ri chuak nita ang se chuan a rum ka ti ngei ngei ang,Mahse a hmel landan leh pian zawng zawng nen hian a aw tur bik hliah hliah tiin ka sawi lo thei lo!
.
"Umm.." Ka bu zauh,kan hma mai a darthlalang kawngkhar chu amah in a rawn in hawng zal zal a.
.
"Keipawh..Kal i la?" Pawn lam hawi chuan ban vei lam an phar chhuak zauh a,Lu ka bu leh ringawt! ka tawngtam loh tih chu ka hria,Mahse tun ang em em a tawngtur ka haihchham tum hi a la awm lo,Ka kal chhuah hmasak nan a tawlh sawn deuh a,ka hnungah min rawn zui ve nghal.
.
Ka ke pen zawng te chuan ka kaihza tha te hi an khur ru dar dar reng. Ka sawi thiam tawh bik lo..ka tluk tawp mai ka hlau zek zek.
.
Malay(Malaysia) tawng hian min rawn bia in thutna a rem nghal a,Mahse a sawi awmzia ka hriat loh avang chuan a mit ah tak ka melh kal!
.
Ka hriatthiam loh bawk in eng a maw hi a rawn sawi leh.
.
"Malay ka ni lo." Ka lo ti ve thung,Phawk zet hian min en a.
.
"Ka hriat sual a ni em?" dawhkan chunga a kut phah hrawl tak pahnih chu an rawn ti phar zauh,'He a kut phah hmang hian min han beng ngat se chuan'Ka ngaihtuahna chu a!ka bu nghut a hmuh chuan a thaw hawk in ka hria.
.
"Vietnamese maw i nih?'A ti leh hlut,A hmel pa deuh a naupang chhia hmel rawn lang chhuak tel ve chuan a ti lang duhawm zual.
.
"Malay ka nih loh ang bawk in Viatnames ka nilo.!"
.
"Fiamthu a ni thei em?" A hmui hnuai a pet zauh a,A thuna hnung lam ngheng chuan tlema nuihza hmel pu chung hian min melh run! ka lai dawn ringawt leh nghal a!
.
"Umm..India a lawm ka nih!"Ka tih chuan a rawn nui chhuak hawk,A nui hmel ka hmuh chuan za vak lo hian kan then ve leh sak a,A ni patling lianpui hian India ka ni tih ka sawi a vang in naupang chhia ang tak in a nui hawk hawk chu a nisia..A hmel leh aw ri ah hi chuan han nui mai mai hmel hi a pu miah lo mawle!
.
"India nge indo(Indonesia)?" A rawn ti leh,India ka tih kha a awi thlawt lo tih ka hria,Midang tam tak pawn an awilo..
.
"India..Northeast India,Mizoram state..Chuan Myanmar ram i hria em?"Ka tih chuan a bu nghut a,A hmela nuihza la chambang Chuan a ti lang ngainat awm zual.
.
"Myanmar ram ri dep lap ah kan awm..Chuan.!"
.
"India chu an vun rawng a dum/hang zel sia..Vietnamese ni awm tak zawk i ni." Ka sawi zawh hma chuan a rawn ti leh sup a,Eitur chu ei tawh tur a min hrilhnan a kut chu a rawn lek chhuak zauh a.
.
"Ka hmuh tirh che khan malay a maw ka ti che,I lo ni leh silo a, a tha tho e."Min melh zawk a,A ha var rual that lang in a nui leh suk!
A vun rawng hi Keini tleirawl deuh chuan pa kan tih dan tak in a uk kharh a,A hmel pawh hi hmeichhe duh chi..Thutak deuh ngal leh en zui reng chak awm khawp a pa ang hi!
.
Thil kan ei zawh chuan Chaw ei na hmun a tang chuan kan inzui chhuak a,Nisa tha tak hnuai ah chuan a ke pen mil tur chuan ka pen ve vat vat,A pen khat hi ka tan pen hnih a tling! A uniform Navy Blue hak chuan a ti lang lian zual in a taksa lian tha zet chu an phuar deuh tang a,A kawnga a silai a pai hi chu ka la hrethiam,Mahse Thir mum(A vawnna robber hmanga siam) A pai tel ve zel hi ka hrethiam lo.Chutia a hnung lam a ka zui dat dat lai chuan a rawn ding leh thut a,a ban bul ah ka in tauh lo chauh!
.
"I duty reng dawn em?" Min chhuk melh run pah chuan a rawn ti,Chutih lai tak chuan motor cycle min pel zawnga rawn tlan a awm a vang in ka hma ah rawn ding in min din hliah a,Kan taksa in si teuh deuh a aawm vang ringawt te chuan ka khur ru leh ringawt tawh,Ka awmdan hi ka hrethiam chiah lo,Ac hnuai a thu in vawt ka ti pawh a ni tawh der silo a! motorcycle in min pelh hnu chuan a ding sawn leh mai a!
.
"Duty pangai ka la nive lo..training lai mek ka nia."
.
"Oh..Chu tak chu ka ring dik a nih dawn chu."A ti leh mai,hmalam a ban phar leh zawk in kal tur in min hrilh a, A ni hian enge a sawi a..Ka thil tih lai te a lo ngaihtuah ve tihna a mi? Chu erawh ka ring chiah silo,Mahse hei erawh ka hria Khual khua ah hriat ngailoh bulah a vawi khatna tan chaw ka ei ve, Chuan a bula ka awm hian ka hriat thiam chiah loh in ha mhdamna ka nei!
.
Hospital kan lut chiah chuan a ban bula a thil hren chu a rawn hring vat vat a,A ke pen tawp in an thaw chhuak deuh hak a,Kei pawh chuan ding in ka melh chho deuh ha, Min rawn melh a,Lu min buk khum zauh in Hospital hnung lam pan in a pen zui nghal pawk pawk,Hospital hi a zau tham a nia..Mahse a ni kha duh tawk a zau a an pen meuh chuan Hospital hnunglam kawngkhar thlen nan rei a ngai hauh lo.Ka enzui reng,Darthlalang kawngkhar a in tawlh khar leh chiah a, A silai pai a phawrh chhuak.A dang chu ka hmuh theih tawh loh ah a pen sawn tawh a vang in thaw dep dep hian a liamna hnu chu ka en ta reng a!
Tun hnai bik hian vantlang pun kawmna hmunah hian chhiatna thleng a awm zauh zauh reng tih chu news vel ah hmuh tur a awm reng, Mahse he mi Hospital ah tak hi chuan he tiang thawm hi kan la hre ngai lo,Chuvang tak chuan ni a ni che vel khan rilru nuamlo deuh a min siam.
.
"Emily..? I ei ve tawh,em?" Stephanie aw ka hriat rual chuan damdawiin chhuat lai tak a ding reng chung chuan ka hawi let a.
.
"Enteh..Hospital ah hian thil thleng a awm em?" Ka bul a rawn thlen rual chuan ka lo ti vat.A lu a bu zauh a.
Mipui lut chhuak in sulpel suau suau chuan kei ni pahnih thian dun ding chu min rawn kalpel nawk nawk ,Stephanie chu en in a chhanna ka nghak tih en tirnan ka mit ko kan san khum zauh a.
.
"Jail tang pakhat damlo an rawn dah lut a,police pawn an rawn ven reng zel hi..Mahse...Nichin khan ...!" a sawi zo hman lo,Kawngkhar hnung lam atang kha police pa leh Damdawiin thuamhnaw inbel pa la upa vaklo tur hi an rawn inzui lut a.
.
"a tlan chhuak a niang..!" Stephanie chuan a ti chuan leih raih,Police pa khan midang lo awm ve ti ral khel lo ber tur hian a rawn kai lut a,Chu damlo thuamhnaw inbel pa lah chu pawisak neih loh hmel zet hian a hawi kual vual vual a.
.
"Kei chu a damloh tak tak pawh ka ring lo,Amah sawn case a awrh hmem lutuk." Stephanie in a rawn tih leh rual chuan an ni pahnih pawh chuan min rawn kal pel a,A hmel ah khan mi thatak a nih ka ring lo ve tawp.
.
.
"He ram ah hian ramdang atang in kum tlinglo chu hna thawk tura rawn luh an phallo a ni lawm ni?"Ka hnung mai atang aw thum tak in a rawn tih chuan rang lutuk hian ka Kawngka lai chu ka hawi let zawk, Ka hma a lo ding ka hmuh rual chuan ka melh nghal rawm,Mahse a ni erawh a lo nui suk thung! Kan ep chiah a darthlalang hmanga logo an siam chuan a mit ah a enkhal pawh a ni ngei ang,a mit chu men a nawm zawk nan an tizim deuh a,A landan nen a in awmlo deuh in a hmui hnuai a seh tel bawk.
.
"Kum ka tling lo tih i sawi tum na ami?"Nui var var pah a ka tih chuan an rawn nui leh suk a.
.
"Kum 14 rual lek tur hi chak tak tak hian Hospital chhungah i tlankual reng a..Engtin nge kan ram ah hian i luh an phal tih ka ngaihtuah."A sawi tawp lam ah chuan ka lo ner nawng tawh.
Ka huat a rin vang a rawn sawi a ni tih a hmel landan ah chuan ka hrethiam vek!
.
'Hmela."Ka ti sap,Ka sawi awmzia a hriat loh a vang chuan a rawn kun hiam deuh a.
.
"Lunch ei tur in ka lo nghak che." pangai zawk a arawn tih leh chuan nghal ka chhuah hun a ni tih ka hre ve vat.
.
"Hmeichhe nupang kum 14 mi lek hi lunch ei tura chhuah pui i tum a?"Ka tive thung,A tumloh dan deuha ka chhan vang a ni ngei ang a mit meng zim lam deuh chu a rawn ti zau deuh kawk a,malay tawng in thil enga amaw a sawi ve sup.
.
"Kum 14 rual chhuahpui ka tum lai a aia upa ka chhuah pui thei tur chu a lawmawm zawk ah ka ngai."
.
"A nih chuan kal rawh." Ka nuih zat dan leh thinrim dan chu a in zat reng,Kan hma lam kawng hawi chuan kut ka vai zauh,Nui chung hian a pen a,Keipawh ka nui ve leh ringawt,Kar khat dawn kan inhre ve tawh,Hnial na tur ka hriat ang bawk in min hnial let dan a hre zel!
Zeploh chuan ka kum ang aia ka lan naupan a vang hian he hmuna tu pawh hian naupangte amaw hi min ti vek, A then in min naupang chhe treat ringawt thin te hi haw hle mah ila ka hmel landan in zir heklo le!
.
Chuan amah hi Malay hnam niin he ram ah hian an thlahtu te a tang an lo awm tawh,He ram khua leh tui nihna pawh an nei thlap,A hming a sawi hmasak ber tum chuan ka nui tawp,Movie a chang tupa te hminga hi ka tehkhin ber. 'Fernando Rescal Decent he ram a police force hna thawk lai mek a ni..Mipa fit6 chung lam leh vun uk kharh,Mit meng uk fiah zet leh khuar lam deuh,A vun uk Mahse a hrisel a ni tih lang chiang zet a lang fresh sar reng,A hmel lan dan pawh Police hmel hliah hliah.. Rum leh lang chang deuh run ang hi! A kum erawh ka hrelo, Ka rindan chuan kum 35 vel a nih loh chuan a thleng tep tawh ang.
.
Tuna ka training na Hospital hi ka sawi tawh ang khan Hospital satlia a nilo..Hospital dang pathum nen a in thlun zawm a nih a vang in a lian tham em em a,Mi à enkawl a te thleng in a awm vek,Tun ah hian Farnando te station a an mi tang pakhat hi a hriselna chhuan lam in an rawn dah lut a,Handcuff an bu tir reng bak ah hman ni deuha a tlan chhuah a vang khan a khum ah hian thir kawl in a phuar bet ta tlat reng.
.
"I silai pai lai kha a rit em?"Eitur chawi chunga ka thu tur chuan kan ti sep a.A rawn nui leh huk.
.
"I zawhna neih hi a mak thei lutuk!"Ti hluk pah in a rawn thu thla ve nghal.
.
"Sawi kha a har viau a mi?A rit nge rih lo?"
.
"Rit lo..Gram 500 pawh a tling hlei nem."
.
"Nih leh Bomb hi atak ah i hmu tawh em?"
.
"Emily...!"Nuihza insum chung hian a rawn ti leh hlut,Ka zawhna neih hi naupngchhia atih thin mak bak ah min nuih let nan hian a hmang ve ziah.
Tiang hian karkhat chhung chu chhun chaw kan ei dun ta ziah,Kan tawng lo dun in kan tawng chhun pawn kan inhial deuh zel! Mahse ka hriat chu he pa hi chhelo ka ti.. Chhelo neih te chuta thiang vek a nilawm ni?
_______________REO__________________
.
"Emily..I Jacket hak kha hlip rawh!"Chu aw fiak tha zet ka hriat rual chuan ka taksa atang nghal tun thei!
.
"Ka sawi chu... Midang hmuh atan i landan hi a mawilo lutuk!" Ka bul mai a tang chuan a rawn ti leh fak.
.
"Samartha..Emily awmdan chu i hriat reng kha,Ac hnuai ah Jacket ha lo in a awm thei lo..!" Stephanie chuan keimah min chhan nan senior nurse chu a lo hnial ve vat.
.
"Chutiang ka ngai pawimawh lo,I Jacket hak lai kha hlip la, i locker ah va dah rawh." Midang chuan min en thup,He Chinese nu khirh leh midang te chaldelh ran a nung tlat hi ka haw tak zet! Damlo leh an chhungte thahnem zet chuan min en thup a.
.
Engmah pawh sawi lo in ka pen sawn nghal hmawk hmawk!Ka hnung lam atanga chinese tawnga min rawn tawng khumna te chu hrethiam leh ngat phei i l chuan hei ai hian ka la thinrim leh zual in ka ring.
Tuman midang landan an insawisel sak ngailo,Senoir Doctor te hnen atanga fakna ka dawn chang a piang hian tiang hian ka chung ah a tuan thin! A mah rinchhan a ke pen ve mai hi eng vang a min khei ran zel nge a nih tih ho ka hrethiam lo!
.
Building hnung ah ka kal chuak,Chu lai ah chuan pangpar thahnem tak hi an hung dul a,A zau in miza rual thutna tha a tling, Kal zel in hnunglam bathlar nisa in a chhun theih chin ah chuan ka va ding! Thinrim zet hian ka sam chu kan tham chho tawk a.
Tun hi a vawi khatna mai a ni tawh lo!
.
Ka hnunglam atang ke pen thawm ka hriat pawh chuan hawi let lo in ka thinrim tihreh tum in thawk kan la deuh kawk kawk phawt!
.
"Samantha hian eng vanga min haw bik em em reng nge maw a nih le?" Stephanie a nih ring in hawi let chuang lo chuan uar deuh hian ka ti nghek! "Ka zirlai puiten min hua leh min tawngkhum thin hi chu ka hrethiam,A ni senior Nurse leh zel in min hrethiam duh miah lo hi ka haw lutuk!" Ka sawi zawh rual in ka mittui a rawn tla ringawt.
.
Diktak chuan hmeichhe chhel tak leh huaisen tak ka nilo,Mahse midang vanga tah leh rilrunat hi ka tum ngailo hrim hrim,Mahse tun hi chu a em em deuh tawh a ni! Ka malzia leh ka hnampui zinga awm ka nihloh zia min hriatnawn tir reng bik nimai in ka hria.
.
"He Hmun ah lo hian Training natur zawn mai ka duh!" Ka mittui luang hru tawk pah chuan kan ti leh sep a!
.
Hnung lam atang taksa lianpui in min rawn kuah beh rual chuan ka rak that.
.
"Vawt i ti a nih kha..Hahdam rawh." ka chhip zawn a rawn thaw lum ham ham pah a rawn tawng sup tu lak a tang chuan tal chhuah ka tum vat .
.
"Emily.. Ka sawi chu..Hahdam rih rawh!" Fernando aw thum lampang in zawi sup a arawn tih leh chuan ka tah a chhuak zual sauh maiin ka hria! Ka kut chu humruh in ka hmui kan pet fan fan a.
.
"I duh chuan insum lo in tap rawh,I awmdan tur kha ka hrethiam vek a nia .. I ram i ngai ngawih ngawih tih pawh ka hria!" Nghet leh zual in min kuah a,A sawi dik..Ka chhungte chiah ka ngailo, Ka ram leh a chhunga mi cheng zawng zawng tupawh tiam in ka ngai vek.
.
Dim deuh in ka lu ah chuan a Khabe a rawn nghat a,Ka taksa vawt vek tawh chu an rawn lum nghal vek thei!
.
"Midang hma a zak tak a min siam khan hlawkna pakhatmah a neih phah miah lo ang!" Ka ban chu hma lam ah kan phar chhuak zauh a. "Sual thiam leh lutuk!" kan ti leh halh, tah chhuak tun leh tawt zet hian ka kawchhung lam ah hian min tham run thei!
.
"Mi thnen khat hi chu an mahni rinchhana ke rawn pen a hlawhtlinna chang mai tur ngaithei miah lo an awm,Chungmi te tih tlawm dan awlsam ber chu i that zia lan tir rawh!" A ti leh sup a, "Samartha ang ah khan min ngai la .min hau hrep mai dawn mi?!" a nui tih hriat deuh in a taksa lianpui chu an nghing dat a, ka kiu in ka nghawk nghal sawk! Chutah zet chuan a rawn nui chhuak ta huk a.
.
"Ka awndan ah hian nuih zat thlak a awm a mi?' min kuahna tang ka talput a,Dak ha hian ka melh chho, Ka landan maksak dan tur pawh ngaihtuah tawh lo hian Fernando nuihza in sum chu kan melh leh deuh rawm a .
Kan in nel ve tawh a vang in kan inhnial deuh reng zel.
.
"Lo kal teh!" tih leh ka ban vuan a a lam a min hnuh hnaih a rual nghal. A taksa ka va bawh lo chauh. Ka sam bawk tawm tawp chu a rawn pawn phelh a,"I ram a awmlo i nih vang tak hian thil tamtak hma chhawn tur i nei a nia." A kut tang chu ka sam karah rawlh lutu in hnung lam ah a la khawm vek. "Chung i hmachhawn tur chu hei ai pawh hian i la thinrim pui thin ang,Mahse..Tu nge i nih..Enge i duh ah chiang la.. I chaklo hmel hmuh tir suh!" A ke chheh rawn ti hnai in hmalam a ding reng chung si in ka sam chu a rawn tawn tha nghal a. Engmah tihna chang hrelo hian ka ding mawl ve tawp! Mahse sawifiah thiam loh khawp in ka lungphu a ran mai bak ah..thawk ka harsat vek!
.
"Lut ang le." A rawn ti leh sup,Ka ding ngawi reng hmel min hmuh chian tum chuan a rawn kun hnai leh deuh a.
.
"Ngatinge ti hian i rawn awm a?"
.
"Keipawn a chhan ka hre rih lo."A nui leh suk a, A vun hi hei ai hian ngo tase chuan a in hmeh miah lo ang.
.
He mi ni atang hian Fernando nen pawh kan in pawh lehzual in ka hria,Min fuihdan a thiam em em a,A chang phei chuan a hmuh hlan ka nghak hlel thei lutuk! Samartha pawn min hauhna tur a la hrethei em em a,Mahse Fernando sawi ang khan ka ram a awm ka nilo..Ka tawng a hran vang leh mize hran ka neih vang ngawt pawh hian lawmloh ka hlawh daw tih ka hria,Mahse he hmuna ka awm chhan Thiamna tha nei lo chuan he hmun hi ka chhuahsan dawn reng reng lo.
.
Lunglen ka hreva lo hi a chang chuan a that chang a lo awm ve leh zel bawk,Ka thinrim chang hian lungleng in kan ram a let chak ngawih ngawih ta i la chuan engmah thiam mumal neilo in he ram hi ka chhuahsan ngei awm sia a,Mahse mihringte chaklohna leh kan duhang pawh min tih hlawhtlin tir theilo ber tu.. "LUNGLENNA' hi ka neih ngai ve vak lo.
.
"Emily,Damlo hi CT Sacan neitur in lo va nawr ru." English Doctor hmui hmul ngah zet chuan a rawn ti lang lang,He English pachal hi chu a aw ri nel awn teh chiam lo mahse a rilru a sual ve lo,Mipa lo awm ve nen chuan Integrate Building lam pan in chu damlo chu a khum chawp in kan nawr a.
.
Pawn lam chhuah ngai miah lo in Building lian pui pui pathum hi chhawng hnih na leh chhawng thumna ah in kalpawhna a awm vek! Engtin nge heng ram a insatu te hian rilru fing leh remruatna feltak an neih theih bik tih hi ka ngaihtuah fo thin.
.
Kan awmna Building a tang chhawng thumna ah lift hmang in kan chho a, Chumi chhawng a tang chuan Building in kal pawhna ah kan kn nawr chhuak leh mai!A awlsam dan chu hahdam thlak tak a ni ringawt.
.
"Tun a damlo hi a rawn harh that hun chuan training na a practice nan kan hmnag thei dawn..A in volunteer a." ka kal pui pa chuan a rawn ti sap a.
.
"Engmah phut let nei lo in maw?"
.
"Aw..Chuan chhungte mumal a nei lo vang a nih ka ring,He ta a raw luh a tang a chhungte hmel ka la hmu ve miah lo." Damlo muhil mek en zauh pah chuan a ti leh sep a.
.
Chhungte nei mumal lo tur a ka dah chhin ringawt pawn ka khawngaih.. A damloh lai pawh a rawn duattu leh hmangaih tak a rawn kan tu a nei ve lo chu a nia.He tiang a mi vak raw lai deuh hi thahnem tak ka hre ve tanual mai, A then chu rualban lo tih hriat ngawih ngawih an mahni chauha in entir tura lo kal te. Damdawi in an awm ngai thut dawn ta se bill tur a rilru buailawk ngawih ngawih hmel te hi nitin ka hmu thin,Engmah tih theih nei hlei lo hian ka lo lainat ve em em zel a,A changa Nurse then khat in la vei ve tak ten a na lo vin nghek te hian ka kut hi kalo hum ruh nghal tung zel. A hminga Traning vemai ka la nih a vang in an tan tih theih lah ka nei chuang ngai miah silo.
.
Room a ruah hnu chuan kan damlo chu kan ti harh a,CT Scan nei tur chuan kan nawr lut ve leh nghal a. Chhungte min ngaihtuah tu tur leh min hmangaihtu ka la neih a vang in ka tawngtai nghal zui vat bawk.
.
.____________________###________
Ni a liam a,Hun an liam ve zel a,Chutiang bawk in kei pawh in hma ka sawn mai bak ah test pakhat chu tha tak in ka nei zo ve der,Doctor ho pawn min fak ve hlawm hle,Ka hnam pui awm lohna hmun a khawsa ka nih a vang in ka zuau ve ringawt lo,Philippines te Indonesia te chu tuna Healthcare lampang hi an bawr nasat a vang in an ram atang thalai tamtak an rawn kal chhuak a,Chung Kar ah chuan mizo keimah chiah in tuna Hospital bik ah hian training ka nei,Kan tawng hman a hran a vang in mi tam tak chuan min en hran chang an nei lo thei lo,Ka tihthat tuma doctor leh senior nurse te hnen atanga fakna ka dawn chang pawh in min lo huat phah ngawt tawk an lo awm ve leh zel.Mahse ka sawi tawh kha..midang chanchin sawi te hi thil tul leh tha a nilo tih ka hria..a duh duh in min lo sawi mahse ka thil tum ah ka chian em a vang hian tumah hi han tihlet en ah ka en lo hrim hrim!Midang chanchin sawi ngat phei ho chu atthlak ka ti lutuk..Chuvang chuan thil atthlak tih hi ka tum ve map lo.
.
Counter ah ka lo duty a,Chinese nula pian nalh zet hian hlim hmel pu sang in ka thutna lam chu a rawn pan.
.
Keiin he Ac pindan chhung a thumhnaw lum tak ka inbel a ka la khurh beuh beuh laiin a ni hi chuan kekawrbul a mawng khuh pha tawk leh kawrban neilo a rawn ha teu teu mai!Eng vanga a incheidan chu chiang tak a lo en nge ka nih pawh ka in hrethiam lo e a!
.
"Cabin 6 ah ka kal duh a..In registere a ngai em?" Chines aw phawi zet hian English in a rawn ti a,Lu buk khum zauh in ka lo nuih let ve vat.Mahse chu Cabin chu Farnando te ven damlo awmna hmun kha a ni.
.
A IC hmang in registere card ka siam sak a.
.
A mamawh tur ka siam zawh fel hnu chuan a kaldan tur hrilh in chhawng 6na a thlen hunah ke hniak lem hring an vuah chu zui zel tur in ka hrilh a.Ka tihdan thin nimah lo in a hnung lam chu kan en zui vang vang a,Fernando te room ah enge tih tur a neih ang..tih ngawt chu ka ngaihtuah zui ngut ngut.
.
Tlai lam pang ah chuan PT room a kal kan ngaih a vang in midang in counter chu min rawn thlak a,Lift lam pa a kal in ka sam ka tawn tha mawlh mawlh,Lift kawngkhar hma ah chuan ding in ka ban a sana chu ka melh zawk a, minute 5 dawn in ka tlai der.Lift a rawn in hawn chuan pen luh ve mai ka tum a, Mahse ka mi hmuh pahnih te vang chuan ka tawp chiang lutuk. Ka duty lai a hmeichhe lo kal nu khan Farnado ban puam ah a kuah tai a, eng a maw sawiin a tawng siam siam bawk.Farnando chuan chiang zet
hian min en reng! A bula hmeichhe tawng chu a hria pawn ka ring lo.
.
'Ka awmdan teh hrep chu le!'
Keimah leh keimah ka in timualpho hman tep a lawm!
Phur lo zet hian ka pen lut ve a.Ka kal duhna chhawng zah chu kan hmet ve a,Ka kut chu hma lam ah dah in ka hum ruh nghal ngawt ngawt ringawt.
Eng vang a tun atak a tiang a awm hi nge ka nih?Ka ta bik chiah midang in min laksak ta mai a maw tih tur ang hrim in ka chhunglam hi an lo na ve ringawt!
.
An hma mai a ding ka nih a vang in ka awmdan chu an rawn hremai ang tih ka hlau rum rum!
.
Hmeichhia zawk chu a tawng siam siam reng a, Farnando erawh ka luh tirh atang vawi khatmah a la tawng ve lo.
.
kawngkhar a rawn in hawn rual chuan chak lutuk in ka pen chhuak nghal hlawk hlawk..Ka awm dan ber hi ka hrethiam lo,Ka taksa chhung hi an tawt up up a,Chhan ka hriat thiam siloh hian ka hrawk te hi an rawn na ngut ngut thei.
.
PT kan neihna tur room ka thleng tep tawh,Corridor thim reh raih ka kal pel dawn chuan ka hnung lam atang ka dar leh lam leh lam ah kut phah lian zet hian a rawn hmer chawt,Ka ke pen chu hneh lutuk a nupang tlan lai Puitling tha chak tak in an pawt ding chawt ang mai hian ka tawp chawt a.
.
"I tha em?" Farnando aw ka hriat rual chuan ka mit a rawn fiah lo ringawt,Rang lutuk in khap let ka tum a,Mahse khap let sen an nilo..ka biang ah an luang thla nghal pap.
.
"Eng vang in nge ka that loh a nga?" ka aw ki ka tisang lui,Chuan harsa ti deuh in ka nui tel leh kher bawk.
.
Ka hnung lam a la ding reng chung chuan a aia nghet in ka darah chuan a rawn hmer a,A thaw ri sak sak te chuan enga a maw zawng tak hian min ti dang lam thei!
.
"I hma ah rawn kal in ka rawn endik kher che ngai lo in thudik sawi rawh.' zawi sup a rawn ti leh in min din hnaih sauh a.Ka hnung lam chu a taksa lumna in a ur ham ham thei.Eng tik lai Khan nge min rawn umzui reng reng ni!Khawnge a hmeichhia pawh kha a awm?
.
"Emily?" Tlem a vin deuh hian a rawn ti leh hluk!
.
Ka thaw chhuak halh a,Eng chhanna nge pe se min tih..ka rilru pawh hi keingei pawh hian ka in hrethiam lo a nia..
.
"Min thlah la..ka kal a ngai tawh a nia." thil thleng engmah awm lo anga lantir nan ka aw ka thunun nasat zia min hriat sak loh hram ka beisei,ka pheikhawk chhung a ka ke tang chu a ruk in ka kherhbet ngawt ngawt reng!
.
"Emily ..!"
.
"Fernando..ka sawi i hrelo mi..min kal tir rawh.!" Fiak that hian kan ti nghek!Ka hnung lamah chuan an rawn thaw chhuak hawk a,Ka nghawng hnung lam pang te chu an mur sung sung thei.
.
"Emily..A ni kha.." A ngawi leh dat a,Tun kan pahnih awmdan pawh hi ka hrethiam tawh lo e a..
.
"Ngaih dan thalo neilo la ka duh..thian ang bak in ka en lo a nia !"Farnando chuan zawite hian a rawn ti leh sup..Muangchang in ka dar a vawnna chu a thlan riai riai a . 'Tinge i bialnu a ni lo tih chu min hrilh a..ka tan tangkaina a nei lo.'tih khum chiam mai ka duh,Mahse thawk la in ving lutuk in PT training neihna pindan tur lam pan chuan ka pen nghal hlawl hlawl a.
.
Keihi inenfiah ka ngai tak zet! ka hnam ka phatsan ngawt thei lo..Chuan christian nula hian Muslim tlangval a duh tur a nilo bawk..
.
Mit ka chhinga,Fernando hmel hlir ka hmu,Tihngaihna hrelo zet in kan thaw chhuak ham ham ringawt a,An rawn lang chiang telh telh bawk si!
.
Ka hmuh tirh ber a tang khan a chhelo tih chu ka pha miah lo,Mi tupawn chhelo tih leh handuh zawng bik chu kan nei theuh.Neilo an awm a nih chuan chianlohna an nei a ni hial ang,Pathian in mihring a siam dan ah chuan duhzawng, Ngawinat zawng te nei vek tur in min siam mai bak ah kan chhia leh tha hriatna ah hian a dah tel vek!Mahse ..Tuna Fernando ka en ang hian en ka tum ngailo,Bika a nuam in a reilote mah nise a bula ka awm hi chuan ka hriatthiam chiah siloh hian ka hlim veng veng zel,Mahse tuna ka rilru..'Thikna leh duhna hi vawi khat te pawh put ka tum ngailo.
.
Khum ah chuan ka mu meng kar reng,Ka nu pawh in he ram ka luh hma khan banglo in hnamdang mipa hnaih loh tur leh hnam timualpho zawnga awm lo tur in min hrilh mawlh mawlh reng a nih kha..Engtin nge ka hnampui mipa lo ka veizui theih tehlul ang tin ka nu kha ka hrilh thin..Mahse ka lo veizui thei reng a nih hi!
.
Ka lukham a ka phone dah chu kan la kang a,zing lam darhnih a lo ni va tawh,khum ka lawn tirh lai te kha chuan ka taksa hi an chau in an kham ngawih ngawih reng a, Awlsam tak a muttheih ka in ring te kha ka tisual tak zet!Mit ka chin hlek in a hmel ka hmu a,A aw a a mah ring tura min duhna ritelve te khan ka ngaihtuana hi an rawn luh chilh ngut ngut reng!Zan mu lai than harh hlawl a kan mumang ten min lo kiansan duak thin ang hian Fernando ka ngaihtuahna hi mit ka khap zawng te hian rawn bo duak thei se ka duh tak zet!
.
.
Mit ka men leh chua khua a lo var iar tawh,Phone bawk ka en leh a..darkat thum chu ka lo muhil ve hman.Khum a tang tho chhuak in PG a awmve dang te tihharh hlau tak chuan ka tho chuak them them a,Washroom ah lut in ka inbual nghal sawk sawk,PG ka chhuahsan fel meuh chuan a lo hma leh vak tawh lo,Kopitiam pakhat ah lut in coffee leh donuts ka lei a,Bus stop pan pah in ka ei nghal tawn tawn,He ram a mitam zawk hi chuan in lamah eirawng an bawl ngailo,Khawlai chaw in an in hnawh puar mai thin,Keipawn nuam ka ti zawk,In lam a eirawng bawl a hun sen vak ai chuan siam sa tui bawk si lei tawp kha a hlawk ka ti ber.
.
Bus ah lut a,Thutna a ka thuthma in ka phone ah mesaage a rawn thleng ve chiah.
.
"Morning!" Tih zawng hi ka number hrait ngailoh a tang in.A number ka en a,He mi ram chung a mi tih ka hria.Mahse ka hriat zawng te number chu ka neih vek a vang in reply lo in ka earphone ka la chhuak a,Ka playlist ah bawk ka lut leh nghal chat,Darkar khat fe ka tumram thleng tur in he bus ah hian ka chuan a la ngai dawn!Kawng a thui ang bawk in Fernando ka ngaihtuah hun chhung a rei thei dawn ni mai!
.
'ka ngaihtuah na zet chu a!'
.
"Baby tu a maw in I number min dil a." ka hau hlau in a lo in veng lawk tih hriat zet a min lo nuih sawng tu Stephanie chu ka chhuk melh ran, Hospital chhung ka lut ve chiah, Locker bula a thutthleng a thu in a pheikhawk a lo bun tha mek!
.
"I pe tih sawk i tum em lo ang chu ti raw?' Rum deuh a melh chung in a nui dan ang chiah Chuan kan nui let ve a,Ka locker bik chu hawng in ka bag chu ka dahlut rawk. A la ngawih reng a vang chuan ka kut in kan tin leh deuh uaih a.
.
"Aiooo.. A sawi dan khan a mamawh hmel em a lawm..!" A ban in a lo in dang,Ka chum zui em lo,Ka shirt hak lai ka hlip a,Uniform kawrpawl lian hnek hnuk chu ka in thawlh nghal.
.
"Tu chu nge lo dil che."
.
"Fearnando khan..!" Chil ka lem khawlh.
.
"Eng tik khan nge a dil che a.!"Engah mah ngailo ang a lan tum in kekawr ka in thawlh a,Staphanie pawh chu ka melh tawh chuang lo.
.
"Tlai ah khan.. Chuan in veng min zawt a,Mahse ka hriat loh thu ka hrilh." ti tha in ti zet hian a rawn ti leh,Chu kher kher chu keipawh in a ti tha ka ti .
.
Ka number a lo pek a vang a thinrim khum in awmzia a nei tawh pawh a nilo.Locker kal san in kut kan in kai a,Stephanie hi phillipines tleirawl a nih mai bak ah christian (Roman) a ni tel bawk,Indonesia (Muslim) ho te ai chuan a rilru a that mai bak ah thil han vei ren run ang hi a neih loh a vang in keipawn ka ngaina ta ber a,Kan i zui deuh chawt a ni mai,Ka thinchhia leh ka tawng peih loh hun te hi keimah ai ai in ahrechiang zawk in ka hria,Ka thirim tawh chuan kan tawng(Mizo) tawng hian ka tawng nghek zel,A hrethiam lo a chu..ka rilru nawmnan ngawi reng in a lo ngai thla tawp thin.
.
"Saw Fernando pawh a lo kal..A pian han dik bik zia saw."A enna lam ka en a,Fernando leh police uniform ha ve mipa dang pakht hi kawngkhar hnung lam atang an rawn lut mek,Stephanie sawi hi a dik..Fernando pian hi a langsar bik nalh zel,A ban puam a lian a,A vun hi a ngo lo,Hang ni chuang miah loh hian an uk kharh a,A awmbawr in pho deuh al chuan a ti lang lian zual,A san erawh decipline hnuai a awm tih hriat tak in an buk lo,Kawng mul erawh a ni chuang lo.
.
"Morning.." Fernando zawk chuan zang khai vah in a rawn ti a,Lo chhang let lo ngawt i la chuan a bula ding pa hian mimawl hmuh in min hmu ang.
.
"Vawiin a tang ka thianpa hi a rawn duty tawh dawn a." a thianpa chu a kawk zauh a,ka rilru awmdan ber pawh ka hrethiam lo,Fernando in hetah a rawn duty tawh dawnlo tih a sawi zawng khan ka taksa chhung hi a lo ni nghul thei,Chuan ka khua a har nghal vawng vawng bawk.A thianpa nen chuan in hmel hriattitna min nei a,Mahse chutia a tawng lai reng chung paawh chuan ka lak atang a mit a la sawn miah lo,Ka melh a piang in hriatthiam har tak hian min lo en ngawih ngawih zel a,A hnu ah phei chuan training tan a hun tawh tih chuan lam in stephanie ban ah kaiin ka kalsawn pui nghal hlawk hlawk ringawt!
.
'Emily..i chet dan hi amak lutuk." stephanie in a rawn tih chuan chhang buailo in a kut ka vawnna chu ka phelh a,Washroom pan in la tlan nghal daih.
.
"Aw Lalpa..Ka rilru putdan hi ka duhlo..I hria..Khapa kha ka duh,Mahse ...!' Sawi zawm lo in thaw kan la deuh kawk a,Ka mittui a rawn luang leh ringawt tawh..A chhan pawh ka hrelo,Ka hriat thiam loh natna hi ka taksa chhungah hian a awm tlat. "Lalpa engkim i ti thei tih hi vawi khat pawh ka la ringhlel ngailo..chuan tun ah pawh hian engkim ti theitu i nivtih rawn lan tir hram teh.. Fernando hi ka rilru leh ngaihtuahna ata hi rawn la bo vek rawh..ka hre reng duh lo..khawngiah in..!"
.
Ka mittui luang chu kan hru tawk a,washroom pindan zimte ah chuan mi dang in ka thawm an hria ang tih hlau tak in ka in hnit hlawp hlawl reng,Tawp ka tum pawn ka thei lo..Ka hrawk a na ngut ngut a,Hmu tawhlo tur a ka in ngaih ringawt pawn ka ngai nghal ngawih ngawih bawk si.
.
Minute 10 dawn chu washroom pindan zimte ah chuan ka ding khur dar dar reng!Ka chhuak a,Ka kut sil in la hmai chu tui vawt chuan kan tuai thuak a,Ka tap tih chu thup tum eng ang mah i la ka mit sen ram leh ka biang mittui ka hrukna vanga bui deuh lak chuan ka awmdan chu thup theih loh in a pho chuak reng.
.
Hmeichhe washroom a tang ka chhuak chiah chu ka ding lam a tang ka ban rek ah kutphah lum vang vang in a rawn hmer chawt,Thildang ka tih ve hma in min kai nghal dawr dawr a,Kawngkhar pakhat chu nam hawng in min nem lut nghal rawk rawk, Chhung lam atang Kawngkhar ngheng chuan min nam bet a.
.
"Fernando..?" A ban lian zet pakhat chu ka awm zawn ah rawn kham phei in a aia na in min nawr ber leh!A mit meng zim lam mah ah chuan hrilh hai zet hian ka melh chho ve ran a!
.
"Emily..Ngati nge?" Zawi sup hian a rawn ti..A ke chheh chu ti che in min din hnaih leh deuh a. "Ngatinge..min hel i tum zel a?" A aia fiah zawk in a rawn ti leh sup,Malay tawng in enga maw hi a sawi zawm a.
.
"Tih sual ka nei em?" A ti leh nghut,Ka taksa a tang a kut la sawn in a ban pahnih chuan ka lu zawn si a kawngkhar chu a rawn nem tawh thung. Eng vang a tiang a rawn awm thut nge a nih?
.
"Emily...ka bia che.."
.
"Ka kal a ngai." A ban hnuai a kun hniam ka tum chu rang lutuk in ka dar ah a rawn tham a,Kawngkhar ngheng bawk chuan min nam bet leh.Tunah chuan a thina rim tawh tih a thawri sak sak leh a bek zawn a thisen zam rawn pawng tawlh tawlh ah chuan ka hre thei!
.
"Min hel chhan hi ka hre duh." Zawi zet a rawn kun hniam in ka chal ah a chal a rawn nghat! Ka lu chu bang ah a nawk bet a,Ka hmai zawn ah a rawn thaw lum ham ham a,Ka a lo chauh tawh..A thaw lum ham ham hian min ti buai in ngaihtuahna fim pawh min puttir thei dawn hlei nem!Mahni in thu nun tum zet in ka hmui chu kan pen leh fan fan a.A taksa lumna te..A mit meng..Eng Kim hi ...Ngaihtuah zui ngamlo in kan rum chhuak halh a.
.
Ka ban chu ka dah ngil zar,Ka ngaihtuahna a lang ang a ka chet chhuah mai lohnan ka kut chu kan hum ruh ngawt ngawt a,Ka lungphu ri dawt dawt te..Fernando thaw lum ham ham te..Heng zawng zawng hian kan pahnih inkara thil awm chu sawi chhuah ngai lo in a ti chiang vek.A lu chu zawi te a ti che in a hnar in ka hnar chu a rawn nul a,Ka khur nghal zawih zawih thei! A ban lehlam zawk chu zawi muang in a la thla riai riai a,Ka kut hum ruh tlat chu a rawn hum hnan nghal hmak.
.
'Tinge tiang hian i rawn awm?I kal dawn chuan engmah sawilo in kal ta che .. tiang a i rawn awm chuan engtin nge ka kal tir theih ang che..!' Ka rilru chuan a bula ka sawi duh tam tak chu ka sawi chhuak mawlh mawlh reng!Mahse ka ka atang erawh chhuah tir ka tum lo.
.
Ka kut hum ruh ngheh tlat chu engtik laiin ka lo thlah dul hman pawh ka hrelo,A kuttang hrawl pui pui chu ka kuttang kar ah a rawn rawlh lut a.Mit ka chhing nghal daih bawk.
.
ka hnampui ngei mipa lo nizawk se! Tawng in ang hmang leh kristian sakhaw be tu lo ni ve bawk se!
. "Ka..ka kal a ngai tawh.!" Khur ru dar dar hian ka ti chhuak sepa,Ti lui tih hriat deuh hian ka chalah chuan a aia na in a rawn nawk a,Ka thaw chhuak hak.
.
"Fernando..Ka kal a ngai tih ka sawi chu." a ban puam lian zet ah chuan ka vuan ve tai,Ka kut te chu ka hmu te rawih rawih thei! Chetsawn a tumlo tih hriat zet hian a ding ngawi ngul a,A hmel landan hi a rum mah mah chang a awm..tum ah ngat phei hi chuan rum tak a ni..Rum tak!
.
"Zinga rawn be tu che kha keimah ka nih kha..A hnu leh ah chuan ka.message..ka call..enpawh chhang vek ang che." a aw rum lam mah ah chuan thupek a tel ve.Za vak lo hian ka nui hak a,A ban puam ka vawnna ah chuan a awmsawn pawh ring chuang lo in kan nem leh sawk a,A lo tawlh sawn ve mai a.
.
"Ka buai tih i hria..hun ka neih lo theih zia pawh i hmu ve vek.Phone a in be mai mai hman ka nilo."Bang a min nawr behna vanga ka thuamhnaw tawm khawm ho chu ka pawt mar a,Malay tawng in eng a maw a rawn sawi sup.
.
"A pawiloh chu..in PG lam ah nangmah hmu tur in ka rawn kal thei tho a lawm." A rawn ti ve thung,A kut leh lam in a uniform kekawr ipte a zen lut a,Ka hrilh hai hmel chu tifuh in ti deuh in min nuih suk! Stephanie khan ka awmna veng a hrilh lo tih kha min hrilh reng sia..Nge ni a ani khan a lo hrilh vek zawk.
.
"Mak ti vak duh suh..He ram a police ten kan thil duh zawng kan hmu zung zung thin tih chu i hrathiam tho kha.!" Rum lutuk hian ka melh chho nghek..Kei aiin sang zawk miau hek..Fit5 boruak la hip ve ek ek lai in ani hi chuan ft6 boruak a hip bik tlat a lawm.
.
"I duh thlanna a ni e..Ka phone call leh message chhan zel nge..In PG a nangmah hmu tur a ka lo kal thin i duh..!" A rawn ti leh zauh. Tunah chuan hnialna tur ka hriat a piang a min hnial letna tur lo hreve zel Fernando diktak kha a ni leh tawh.A ban a sana lawk ve ang reng tak chu a melh a,Ka chho melh ran chu min rawn melh chhuak leh in ka hmai zawn ah a OMEGA sana bun chu a rawn lek chhuak.
.
"Lalpa leh...Ka tlai." Ka au nghal tuar hi a ni mai.
.
Ka tawlh sawn a,Farnando chuan kawngkhar chu a rawn pawt hawng.Min nawr chhuak rawk rawk hi a ni mai,Corridor ah min nam phei rawk rawk a,Dinglam a ka peng tur chu ka kawr hnungah rawn tham in a phun hluk!
.
"In training neihna tur lam chu vei lam hi a lawm!" Chi ai zet a ka che kual chu min han ti ding leh te te a..Samartha in min melhrum dan tur ka ngaihtuah zawng ringawt te chuan ka tha a khur thei.
.
"Thawk la la..thaw chhuak leh rawh."
.
"Chutiang tihna hun pawh a nih tawh loh chu.." A au hian ka au in ka hria.
.
A nui ri deuh hawk a,Ka nuih pawh a za ve lo..ka thinrim tuk ringawt. Nichin Khan min pawt ding lo se chuan ka tlai hauh lo ang.
Last edited by Abbra Reo Ririni on May 4th, 2017, 5:20 pm, edited 1 time in total.

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » April 26th, 2017, 7:45 pm

Ka biangah a kut lum thupin a rawn dawm a, nuihza hmel pu a sexy fahran a min melh chhuk ngur pah hian a vei kiai leh suk.
.
"Chaw chhun ei tur in ka lo nghak dawn che nia..tha deuh in va che ang che." ti supin kut zung pui chuan ka beng hnuai an tuai pah zauh a. Diktak chuan ka hnaih ngam loh chhan chu ka duh zel ka hlauh vang a ni. Vawiin atang midang in an rawn thlak chuan kan in hmu tawh ngai lo a nga ka theinghil ve mai ang,Tiin ka ngaihtuah zui ta zawk.
.
Hnam dang Kar ah thian mumal pawh neilo in ka khawsa a,Lungleng a chhungte han ngaih ngawih ngawih hi ka ching miah lo,Mahse chhung lam ah hian ruak in tihna riau hi ka nei thin, chutih lai a ani mipa chhelo zet ka bul vel a tal kual ta reng chu lo vei zuiloh theih a nilo. A landan ngainat awmloh leh thinchiat hmel tak chhung lam ah hian felna riau a lo nei ve leh zel si,Ka khawhar lutuk min chhawk zang khai sak tu a nih a vang in ka vei mai mai pawh a ni thei! A awmloh hun chuan training ka buai leh a nga..reilo te hnu ah ka theih nghilh zui vat mai ang!
.
'Chu ka ngaihtuahna chu thleng dik hram teh se.'
.
Midang lo thut thup tawhna pindan ah chuan ka pen lut a,Mr Soon chauh a lo la awm hlauh! Samantha rawn thlen hma in ka lut hman tih a a nih chu! Stephanie bula thutna ruak ah chuan ka thu ve vat a.
.
"Baby.. Keichu mimal in min ruai dawn sin..!" A rawn ti sep,Ka hnual nghal rawih thei.Kei aiin Stephanie hian training a lo nei hmasa tawh course pawh a zo tep tawh,Ani ka kawm thin ber in min kalsan daih te chuan ka lungleng zual vek dawn tihna a nih chu!
.
"First class a damlo pakhat chhungte khan min rawn bia a.. Hospital pangai a thawh ai chuan house nurse ang a awm ka duh zawk bawk,Room pakhat min pek theih dawn thu an sawi a." Ka kut a rawn vuan a,Kei aiin kum hnih in a upa zawk,Ka rilru awmdan tur chu a hrethiam a nih ka ring,Training zawh hma a hna thawnna tur a hmu fel der chu atan chuan lawm a zuang pui tham a tling,Mahse kei a thiannu laktlak loh tak leh thian siam harsat em em nu hi min ngaihtuah ve a vang in a hlimna pawh a rawn ti lang lo mai Mai tih ka Hria.
.
'Stephanie ka lawmpui che." Ka kut a vawn na chu kan fawh sak zauh a.
.
"Hospital a thawh aiin private nurse nih a thlan awm zawk tih hre rawh aw,A chhan chu private chuan damlo pakhat lek kan enkawl dawn a,Hospital ah chuan damlo tamtak kan enkawl a ngai dawn,Kan hlawh a thuhmun reng,Chu vang chuan i trainning course hi i zawh chuan private in awm ve ang che." A ti leh siam siam,Lu ka bu nghat a. Senior nurse Samartha a rawn luh tawh a vang chuan tawng zui ngam tawh lo in kan ngawi zui ta thiap vek.
.
______________XOXO_____________
Training na pindan kan chhuahsan sap sap ,Kawngkhar bul lawk ah chuan Fernando a lo ding a nih chu! Ka chhuak min hmuh chuan a kut dinglam a lo vai chhuak zauh a,A uniform kawr kha ha tawh lo in T-Shirt var thianghlim zet a lo ha tawh zawk,A silai leh a tiang pai kual reng pawh kha hmuh tur a awm tawh lo,Ka lo thaw veng pui huai ringawt.
.
"He ti lai lai enge i rawn tih?" A hma ah ka ding,Kan pahnih landan tur chu ngaihtuah ve mai ru..Patling ft6 tha mah leh hmeichhe tleirawl ft5 boruak hap pha chang chang hi in cho zet hian kan in melh kham reng!
.
"He ta ka lo nghah mai loh che chuan kawng dang ah min pen (g) san ka hlau a.!" Ka hnunga ding ka thianu lam ah chuan a kut a phar chhuak leh zauh a,Stephanie lah chuan in la zei lutuk in min kal san ve ngei bawk a.
.
"He lai lo hi kal chhuah na tur a awm reng reng a mi?"
.
"Nought girl..kal rawh." A rawn ti nghal hluk.A chang hi chuan a upat tawh teh reng nen hian ti nge min zui kual reng peih hi ka ti thin.
.
Kopitiam lam a ka kal tur chu ka ban ah a rawn vuan chut a, Kawngkan na tura siam laihlawn..motor kawng chunga in dawh chho zui ah chuan min kai chho daih.
.
"Hey...Khawnge kan kal dawn?"
.
"Beng chheng lo la i hre mai ang!" Mipui insulpel suau suau Kar ah chuan nghet tak in ka kut ah a kai a.'A tawpna ber a ni mai thei!'Tiin ka kut a vawnna chu ka melh zawk a,Hei erawh ka hria,Ka ngai dawn lutuk,Nitin ka inhnialpui leh ka nuihpui thin,Palian leh rilru naupang chhia ve zet! A rawn hawi let thut a.
.
"He tah hian i la kal ngailo ang tiraw?" Alam ah min hnuk hnai leh in kan hma lam a thil lo awm chu a kawk zauh a,Ka ang phiau ringawt.
.
Rel kawng leh rel kawng inkar ah hian darthlalang hmang vek in caffe an siam..A changkang mai nilo in a romantic lutuk mah mah! engtin nge he tiang te hi an siam theih zawk?
.
"Fernando..he thil hi a tak a ni em?" Ka bul a ding chu ka melh chho haw! Lu a lo bu nghut a,Ka ban bul ah hian hneh lutuk in a rawn hmer,Kei erawh heng nula leh tlangval in kawp te te a lo thu thliah zing ah hian at chhuah a ka au chiam lohnan ka hmui ka hup!Ka ban a vuan chung chuan darthlalang chhuat ah chuan min kal phei pui zel a,Ka tehkhin ber chu Barbie movie a changtu nu emaw..magic thiam tu maw ber in an magic hmang a nalh lutuk a an siam kual vel hi a ang ka ti ber.
.
Chair fim vek chu ka thutna tur in apawt chhuak a.
.
"Tunah tak hi chuan hmeichhe naupang kum 14 mi kha i ni leh tawh."Ka beng bulah chuan a rawn phun sup.Ka ner nawng a,Mahse hnial in beng chheng ka siam zui ta em lo.
.
"An eitur zawrh hi a to bik lutuk!" MENU chu bih in ka chek tlawk tlawk ringawt. menu chu dawhkan ah ka dah thla a.
.
"He tah hian ka ei duh lo." Kut ka kuangkuah hmak,Engkim hi ka ei thin man aiin a let nga dawr in a to/sang vek!Rapthlak lutuk.
.
"Ka treat a nih hi.." Nuisuk pah in a lo ti ve vat. ka ner nawng a, "Emily..Khawnga
ih in?" Midang lo awm ve ten kan in hnial an hriat hlau deuh chuan a rawn ti sar sar,ka melh rawm rawm ringawt.
.
"He ta ei ai chuan pawn a ICE Cream ei ka duh daih zawk."
.
"Ice cream chu heta tang kan chhuah hunah ka lei ang che." A ti leh sup,Pa in a fa a thlem kual vel hi kan ang ber in ka hria,Ka ngaihtuahna a thil lo lut vang chuan ka nui chhuak suk a.
.
"What happen?" A lo ti vat.
.
"I IC ka lo en?" Ka kut a lam a phar chhuak pah chuan ka ti a,Ka awmdan chu a hrethiam chiah lo tih a hmelah a lang reng,Mahse a wallet ah lai chu la chuak in a wallet kar a a IC chu a rawn phawrh a,Darthlalang a tanga siam dawhkan an chuan ka lam hnaih in a rawn nawr phei.
.
"Aw Lalpa..!"
.
"Sual thiam suh aw!"a rawn ti hmuk.Tunah chuan a kum zah diktak ka hretawh,A kum ai in a lang upa,A nih na leh a uniform vang te pawh hi ani mahna!
.
Chu hmun changkang leh thil to zet na atang chuan kal chhuak in kan inzui hnak hnak a,Thenkhat kan kalpel te chuan Fernando zawk hi an enzui zel in ka hria, Kei uniform lian zet leh sam pawh tawn tha ngai hlei lo,Nute ve tak nen a kan inzui chu awmlo an ti te pawh a ni ta ve ang!
.
"Ice cream chu kopitiam ah sawn ka va la ang,Pawn ah hian min lo nghak la."Kawt zawl a thutna awmna lam ah chuan min kai phei a. "ka rei lo ang."Nui leh suk in kopitiam lam chhung ah chuan a pen lut zui nghal,Ka kiang a aawm lo chiah chu ka ruak nghal huai in ka hria, Chawhnu a tang chuan Fernando pawh a hna ah a buai tawh a nga,He hospital rawn kal chhan tur pakhatmah a nei tawh dawn lo ,He ram tan feh chhuak leh in ram mipui the himnan chhun leh zan pawh sawi lo in duty an nei leh a nga,He hospital a kan pahnih in hun hlimawm tak tak kan hman dun te kha chu a rawn hre reng tawh lo tawp ang,Keipawh hian zan in atang hian ngaihtuah zui tawh lo thei ila ka ti tak zet!
.
"Vanilla i duh lo in ka hria..Chocolate flavor ka lo lak che."Ka hma mai a tang aw thum leh rum lampang in a rawn tih chuan ka phu deuh zawk,Meng reng chung in engmah pawh ka lo hmu lo.
.
"Ka lawm e!"za vak lo in ka nuih,Ka hma a ice cream a rawn lek chu lo ban in a mit ah chiang zet in kan en leh kher a,A taksa..a landan leh a engkim hi a tawpna a tan chiang tak a en a,Hriat chian vek ka duh.
.
"Ka ngaihtuah ang hi i ngaihtuah ve in ka hria!" a ke chheh a rawn ti hma a,In hnaih chilh tawh tak kan ni!
.
"I ngaihtuah chu ka hrelo a..Mahse hospital ah ka let a ngai tawh!"Ka thutna tang tlem a tawlh sawn deuh in ka ding chhuak nghal vat a,Fernando erawh rum nghut, Nachin ang khan kan inkar boruak hi a awm leh ka hlau,Ka duh ber chu tha tak in thlah liam thei ila ..Naktuk a tang chuan a hmel ka hmu tawh ngai dawn lo,Ka theinghilh thei em em ang! A hmel landan thutak zet leh thil sawi duh a nei tih hriat tak a min melha chu hai der in ka nuih suk a,Nilo..Tun mai hi a nilo .Nachin kan thil ei lai a tang tawh khan thil sawi a tum tawh,Mahse ka ngaihthlak duh loh a vang in sawina hun ka siam sak lo zawk hrim hrim. "Kal ang!' Ka in her vut a,Hospital lam pan chuan ka pen nghal hlawk hlawk,ka kal hlawk hlawk chu zawi fe hian min rawn zui ve,Mahse ka ke pen hnih hi a ke pen khat a ni miau a,Rawn kal hlawk hlawk a mamawh lo a ti pawh a niang.
.
"Tuna in ve pa hian eng chiah nge tihsual a neih a?"Ka bul a rawn thlen chuan pangai tak hian kan lo be vat a,Min melh deuh ram phawt,Ka nuih a za lek lek,A palian in a kum a tam ve tawh raopui si,ka la ti thinrim ve reng thei tho a.
.
"A tam lutuk..!" A rawn ti hmuk.
.
"A ber a ka hrelo a lawm."
.
"Emily..!"
.
'Enge? I bul a hi ka awm reng hi." ka lo ti ve vat! Tun a ka awmdan hi khawvel ka thil tawn tawh ah chuang hreawm ka la tiber,ka mipa duh em em hian ka bulah thil sawi duh a nei,Mahse ngaithla tur in ka huaisen tawk silo a.
.
Pen thum vel zau tak a arawn pen meuh chuan ka bula a rawn thleng nghal der,A thinrim nge pawh ka hrethiam chiah lo,Rawn kun hniam in ka dar zawn si ah chuan an rawn thaw chhuak hawk a. "Awm reng ang che..I sawi tawh..Ka bul a i awm reng thu i sawi tawh..Awm reng ang che.!" Zawi sup hian ka beng bulah chuan a rawn phun a,Ka thawhlei theilo.Ding ngil leh in ka hma zawn ah a rawn ding.
.
"Ti nge hmeiche naupang kum14 mi lek kha i nih zawk loh?" Zawi zawk hian a ti leh sap, a zawhna min zawh chu ka hrethiam chiah lo, chetsawn nachang pawh hrelo hian ka chho melh ve kar! ka hriat zawng chu tuna kan riru put dan ve ve hi kan pawmlo..kan pawm loh vang ngawt hian engmah a fel thei chuang der silo! "Emily!" ka sam chhawlleng chu a kuttang in a rawn huisawn a!
.
Thil ri deuh thlawrh ka hriat rual chuan ka tawlh sawn nghal vat,Lei lam ka en nak chuan ka ice cream ei lai kha an lo far thla vek a nih chu!
.
"Lalpa leh..!" Ka nui nghal hawk hawk,Fernando pawh chu a lo nui ve suk, Kan pahnih inkar boruak rit lutuk tur pawh a zia aw leh ta deuh.
.
"Lut rawh." Nuih insum a ka ding chu min en hian a rawn ti leh sup a.
.
"I lo lut ve dawn lo a mi?"
.
"Ka kal a hun tawh a lawm!" A sana bih zauh pah chuan a rawn ti leh a. 'Nie..A hun a lo thleng ta,Tun ah hian a kal a nga,Ka ngaihtuahna atang pawn ka paih chhuak nghal ang! ' heng te hi ka ngaihtuahna leh keimah ka in hnem ve na kha an ni ngei a lawm!Mahse a hun a rawn thlen meuh chuan a ka lo in hnem lawk ve na te khan awmzia a nei tawh miah lo.
.
"Fernando.." A hmel ah tak ka enduh a nih chuan ka dah chho deuh ha hi a ngai thin,Hlim hmelpu tak anga thlah ka duh a vang in ka kut chuan ka kawrtlang kan pawt tawm deuh tawk a,Harsa ti deuh chung chuan kan nui lui a.
.
"In enkawl tha rawh aw.. Chuan..Hun hlim awm tak tak min hmanpui thin a vang te leh ka lungleng tur min hnem thin a vang te khan ka lawm lutuk a nia..!" Ka mit ah tak chiang deuh a min en a vang in mumal lo zet hian ka che deuh sek a,School naupang zirtirtu hma a insawi fiah tum te pawh ka in chan ta lek lek mai.
.
"Emily...I sawi kha..ka bulah i awm reng tih kha i sawi ani lawm ni..Lut rawh,Ka kal dawn..Ka lo bia ang che!"A kut phah hrawl tak pa khat chu ka dar ah a rawn nghat a,Mahse a la let leh vat,Engmah sawi tawh lo in a in her a,Kan piah deuh a car in hung reng chu rawn tlan in Fernando zawn ah chuan a rawn ding chat, A hawna tur in a lo koh lawk vek tawh a ni ngei ang! Vawi khat pawh rawn hawi let lo in Car ah chuan a thu lut a,Kawngka a khar phui leh rual chuan ka thaw chhuak nghal kawk ringawt!
.
Muangchang in Car chu a tlan chhuak a,Naupang kawngbo kal maina tur hrelo ang mai hian Damdawi in kawt ah chuan ka ding khawng reng ringawt!
.
"Kal tur in ka duh a nilawm ni! Nia..Kal rawh se, ka hnampui a nihloh bak ah ringlo mi a nih kha..Ka theinghil thei em em ang!"
.
Second a liam a...Minute rei fe ka ding tawh,Tinge mumal neimiah loh a ka awm tak le?
.
Zawi zet in chhung lam ah chuan ka pen lut chhet chhet a,Ka hawi kual a,Hmun tin mai chuan Fernando min hriat chhuah tir zel bawk si,Thawk la in kan nui lui leh ringawt thin,Mahse lemchanna hahthlak mai a ni!Ka awmdan chu NEP ka in ti ngawih ngawih!
.
"Emily?"
.
"Stephanie!"
.
"I damlo mi...lo kal teh kha ta ding reng lo khan." Ka thinnu hrilh hai hmel deuh a min lo en reng tu chu kan nuih suk a.
.
"Khawnge Fernndo kha?" Pangai tak hian a rawn ti leh vat a,Fernando hmuh inring in ka hnung lam chu a thlek pah dak dak a,Ka tah a chhuak tun thei.
.
"A kal tawh." Ka lo ti sep,TUN ah tak hian enge tih ka chak ber tih min zawt tu awm ngat se chuan,Inchhawng sang tak a lawn chhoh a,Tu mitmei mah veng lo a han au vak tiin ka chang ngei ang.
.
Tlai kan ban rual chuan chak tak in MRT station lam ka pan a,Ka nu bia i la..ka rilru awmdan zawng zawng te hi hrilh ta vek i la..aniin min lo hnem dan a hre mahna.
.
Escalators tawlh zul zul ah chuan chuang in ka hma a hmeichhe tleirawl pakhat leh mipa pakhat in kauh rial te chu hmuhnawm ti deuh hian ka en reng a,In thlakhleh hmel deuh in station mipui zik nuai nuai na ah chuan an han in fawp leh vawng vawng a,An in fawh ngawt vang hian mak in lo ti a nge,A chhan chu he ram hi a changkang in an thil buaipui a te tham tawh lo,Van tlang hmun leh Train chhunga in ngaizawng in thlahlel tak in fawp vawng vawng hi hmuh tur an awm nawk tawh,Tuman an chir theh zui tawh ngai lo.Kan ram ang in In lama in kal chilha in rim kha an ching ve lo,Khawlai ah leh caffe ah te kal chhuak in in thlahlel tak in an awm dun mai thin.
.
Ka chuanna tur Train nghak in ka ding vang vang a,ka nun hman ah hian thu ka neih loh zia leh ka awmdan tur ka hriat lawk loh zia chu tunah hian ka hrechiang hle tawh, Ka duhdan leh ka ruahman lawk ang in awm thei ngat i la chuan kei hi kha mipa vang khan ka rilru hi a buai miah lo ang!
.
Mahse Siamtu hian ka nun hi engtiang in nge a herkual dawn tih ka hriatpui miau silo a, A duhna lam lam ah min pawt kawi tur in thuneihna a nei miai si a lawm!
.
Park pakhat ka kaltlang thin ah chuan lut in thutna awm ah chuan kan thu vang vang a,Mi thenkhat tlai lam a tlan thin ho chuan ka thutna rawn tlan pel in an tlan sup sup reng.
.
"Emily kha ka ni tawh lo a mi?Tinge tiang hian ka awm tlat reng le.. Kan in hriatna a la rei chuang miah silo." Ka ngaihtuahna awm dan ber pawh hi ka hrethiam lo e a! Ka ngaihtuah thlen theih chin lah chu a tawi tuk mai bawk si! Tiang khawp hian mihring rilru hi a lo chawmawlh thei ngai a lo ni maw? Thiltam tak leh in anglo tak tak ka ngaihtuahna chhung ah an rawn lut zut zut a,Mahse engmah pangaitak in ka ngaihtuah thei lo! Ka pik lutuk ringawt!
.
Boruak chu hip lut in kan thaw chhuak leh kawk kawk phawt a,Mahse ka ziaawm phah miah lo leh nghal a.
.
Ka phone chu la chhuak in ka nu number ah kan call ta ringawt a,Enge ka sawi dawn pawh ka hrelo,Mahse hei erawh ka hria..Kan harsatna leh buaina te hi kan thiante hnen a thlen lo a,Min hringtu Nu leh Pa ngei bul a thlen hi a him thlak zawk..Mahse chung ai pawh a la him zawk chu Isua bula thlen hi a ni...
.
"Nu..!" phone a lak rual chuan kan au hluai ringawt a tun ah hian kan ram ah chuan tlai lam dar nga vel chauh a la ni ang!
.
"Mate i tha em?Tun ang hun ah te min rawn biaka.?" Ka nu tawng ri ka hriat chuan ka dam deuh sawng sawng theiin ka hria,Tun hi ka call hun pawh a nilo,A bikin tunah hian a mah pawh dawrah a buai ngawt ang .Tlai lam hian a buai zual thin bawk si.
.
"Ka ngai che a." kan ti leh sep a,Lehlam atang chuan a rawn thaw chhuak halh a.
.
"Thil min hrilh tur i nei em?Hun reitak hnu ah min ngaihthu i vawi khat sawina a nih hi..!"
.
"Nu... Bible changa ramdang mi Pathian in inlaichinna siam pui a phalloh zia in ziahna kha min lo hrilh teh..!"
.
"Teh thut e..!" A rawn ti leh lang lang a,za vak lo hian ka nui leh hak_,Bible a ka chang duh lai te chu min rawn hrilh in eng eng a maw kan sawi a,Fernando chung chang chu ka hrilh dawt chiah lo,Mahse a hrethiam in ka ring,Ka nu hmeichhe fing tak leh midang te hrethiam theitak kha a ni miau a, Fernando chung chang a ngial a ngan in hrilh lo mah i la,A thu tha min hrilh a vang chuan ka thaw ipik lutuk thenkhat chu an bo deuh duak tawh.
.
Muang chang in park chhuahsan chuan kan pen chhet chhet a,Thil rittak min delh bet tlat tu awm ang mai hian ka ke pen te hi an sak tung thei!
.
Fernando khan min lo biak tur thu a sawi sia..Mahse..Tunah dar riat a ni thuak tawh,Message emaw...Call tak ngial pawh a lak atang ka dawng lo,Min hre ve reng tawh lo pawh a ni mai thei a sin...Chutia min hre tawh lo tur a ka ngaihtuah zawng te chuan ka na ngut ngut thei! Ka awmdan mumal lo zet leh chau ngawih ngawih hi engtin nge ka tih bo theih ang! Ka nun pangai nei let leh tur in enge ka tih tak ang?
.
.
Ni hnih a liam tawh..Fernando lak atang engmah ka dawng lo..ka tih awmzia chu call emaw..Message emaw pawh!
.
ka tan hlat theihna hun remchang tha tak chu a ni leh zel a lawm,Ka hmuh loh chuan ka theinghilh mai ang ti kha ka sawi bawk kha..Mahse a nilo..ka hmu lo a,Ka ngai tawlh tawlh a,Ka phone a rik hlek in amah a nih ring in phur tak in ka ban vat a,Mahse Fernando hnen atang a ni ngai lo.
.
"Lalpa tun hun hi a mi ka tan a theinghilh na hun rem chang min siam sak chu?Mahse min hria tiraw? Ka vei zual zel bawk si, A hahthlak emai..ka chau tawh!" tap chung in vawi engzat nge Fernando vang hian ka tawngtai thin,Pathian hi engkim ti theitu a ni tih hi ka ringhlel ngai lo,Tun a ka hun tawn mek pawh hi min chinfel sak thei tu chu amah chauh a ni!
.
Ni an liam zel a,Pathian hnen ah ka tawngtai nasa bawk,Mahse a chhana erawh ka la hmulo,Chu vang ngawt chuan ka beidawng chuang lo..Dil ngut ngut thin te chhang thintu Pathian a ni tih ka hre miau a lawm!
.
"Orange Velly Nursing School lam ah vawiin hian training kan nei dawn,Tun atanga minute 10 ah Hospital van in kan kal chhuak ang,Lo inring vek ru!" Mr Soon in a rawn tih lang lang rual chuan kan thiltihlak kal san in kan card kan la sap sap hlawm a,Orange Velly hmuna hi chu khawi Damdawi in a tang pawh training neihnan leh va in tuai thar nan an hmang vek tiila a dik ang.
.
"Jail tang pa kha vawiin a chhuak dawn sin."Pangai tak in Stephanie chuan a tawn ti sep a,Van lam lan a kal pah chuan kan thaw chhuak ham ham phawt a,Diktak chuan Fernando nen kan in tawn theihna chhan pawh tuna Jail tang pa a rawn awmpui vang hi.
.
"I tha em?"
.
"Ughh..ka tha..lut ang,Seat tha kan chang lo palh ang!"Nui var var in Stephanie chu ka melh a,Ka sawi tawh kha a rilru hi a tluang tlam lutuk,Chu mai bak ah ka rilru leh ngaihtuahna hi min hre hneh lutuk,Ka tawng chak leh tawng chak loh hun te hi a hre vek,tun pawh hi thil min sawi zui pui chiam na hun a nilo tih a hriat vang in ka bulah ngawi reng in a rawn thu tawp.
.
______________________________
.
Chawhnu lam ah Orange Velly a tang chuan let leh in thatchhe zet hian kawnglak ah chuan kan ti ti siam siam hlawm a,Stepheni pawh hian a training lai a zo tep tawh,A awmloh hun chuan ka ngai ngawt ang.
.
Kan Hospital kawtah chuan van chu a ding dat. Kan han chhuk sang sang a, Jail tang pa leh Police pathum hi Hospital kawngka pui atang chuan an rawn chhuak,Fernando rawn thlak tu Police pakhan kan lam a rawn pan a,Midang pahnih in Mi tang pa kha kan piah lawk a police Van lo awm ah chuan an dah lut
.
"Miss Emily leh Miss Stepheni ka kalsan tawh mai ang cheu." Nui var var hian arawn ti lang lang a.
.
"Chaw chhun ei hmasa lo in maw in kal dawn!" Ka nuih let mai mai lai chuan ka thiannu zawk chuan a lo ti let vat!Hei tak hi ka mawlna thin,Tunah hian Stepheni hian zawhna chang hrelo se chuan a thusawi vanga ka nuih zawh hnu khan tluang tak a kal tur in ka thlah mawl leh tawp ang!
.
"Chaw chhun chu Station lam a kan ei ang,Chuan Fernando duty ka va thlak ve leh ang!" Min rawn melh in a nui deuh suk a.
.
"Khawpui pawn ah an duty a,signal pawh an hmu tha lo." a tih zawm leh zat,Min hrilh nge a sawi ve satliah tih ka hrethiam chiah lo a chu tlem in ka awm a lo nuam deuh huai ringawt!
.
"A nih chu... Tun lai hi chu Police hian hna in ngah zual ngawt mai!" Ka thiannu bawk chuan a lo ti leh,Mawi tawk fan kan tawng ho hnu chuan kan in vai liam ta hram.
.
"Chaw chhun kan ei hmasawn dawn nge kan lut phawt dawn?"
.
"Chaw chun va ei ang..Vawiin chu Fernando chanchin i hre bawk a,I ei teuh thei ang chu." Stepheni in an rawn ti chiah chu ka hmai a sa nghal tawn tawn thei! Dik tak chuan khang hun liam ta zawng zawng khan Fernando vang hian ka nunphung a pangai hlawl lo,Stepheni hian a lo hria a nih pawh in min zawt lui lo.Tunah chuan min rawn biak duhloh vang a reh hmak nilo in Signal an neih that loh vang tih ka hre tawh a.. ka pik zui ngawih ngawih tawh in ka ring lo.
.
Tlai lam dar 7:30 pm ah Hospital chhuahsan in ka let leh thei chiah,A chang hi chuan tuna ka thil zir hi han nin ngawih ngawih chang ka nei fo,Mizoram ang in engmah hi a hming mai mai in a tih ve theih ngawt silo,Thil reng reng,Eng pawh a thaber zel a tih a ngai, Thalai deuh leh kum la naupang tak tan lo chuan Caregiver hi tih ngawt chi a nilo,Kawng leh hnung zang a kham duh in ban leh ke tha a na duh bawk. Caregiver in a tum ber chu kum upa te mahni a inenkawl thei tawh lo,Ke pawh a kal thei tawh lo te enkawl,Walkingframe hmang a kal zir tir leh te,An ruh chuktuah chet kual tir te,Kan hriat fiah thiam ber dan tur chuan exercise neih pui tiila a dik ang, Mahse chu hna chu ngaihtuah ai daih in a hahthlak leh lawi! Wheelchair to Bad transfer te,Engkim tak meuh meuh a huam vek!
.
ka training lai hian ka kut ruh emaw lo tina ta I la...Karkhat chhung tal tap ka chawlh rih a ngai dawn, mi dang aiin ka hnufual dawn tihna a nih chu..Chu vang chuan kan taksa peng tin hi kan dimdawi a ngai em em! He hna hi hman vang a thawh ngawt chi a nihloh ang bawk in damlo leh upa zawk te kha tha ka ngah e tih vang ngawt in kan chawi nawlh thiang lo,Din dan leh chet dan zawng zawng te hian tihdan bik a nei vek! Hei vang tak hian mi thinchhia leh Dawhtheihna neilo chuan he hna hi a thawh theih loh ti a kan trainer ten a lo sawi fo thin..Mahse he hna a i training chhuak ngat a nih chuan ram changkang a piang ah i tan hna a tam ting thung ang.
.
Kawng chanve Bus chuan kan tlan tawh,Nasa lutuk in ruah a rawn sur buan buan a,Kawl a phet zawr zawr rual in Tek an tla ri thuai thuai a,Bus chhawng sanga thu ka nih a vang in ka thla a muang meuh lo.Kan tlan zel a,Kawnglai ah thing lianpui a lo tlu rauh a nih chu!Chu thingkung lian tak chuan Car pakhat hi a lo la delh bet zuai.Bus a dinrual chuan hmanhmawh tak hian Bus chung sang a tang chua ka tlan thla ,Driver leh Bus chunga mipa awm ve thenkhat chuan ruahsuar hnuai ah chu Car lam pan chuan an tlan chhuak sap sap a,Bus driver seat hnunga kut kawr ka hmuh chu la in ka bun sawk sawk a,Ka tlan chhuak zui ve nghal vat.
.
Bus a tang ka pen chhuak chiah chu ruah in min nan zawr nghal vek!Thingkung lianpui chu mipa 20 rual chuan nemsawn tum in an bei a,Mahse a theih lo.
.
Bus lamah ka tlan let a.
.
"Ambulance call u la..Police emaw..Traffic lam emaw he lai hmun a rawn kal tur hian hrilh nghal ru..!" Bus chunga hmeichhe thu ho chu ka au khum nghal tawn tawn,An phone an lek sup sup a,Car lam pan bawk in ka tlan chhuak leh nghal a.
.
"Thingkung hi engtik ah mah kan nawrsawn zo dawn lo,Hliam tuar te hi lak chhuah i tum zawk ang u." Mipa ho kar ah kei hmeichhe te ve tak ka va au tak vak ah chuan an harh chuak thut a ni ngei ang,Car kawngkhar chu hawn an tum a! A theih lo.
.
"*Uck..Chung lam atang an lock." Mipa pakhat in a rawn tih chuan tih theih kan nei tlem hlawm tak zet! Car darthlalang atang chuan kan bih a,Hliam natak an tuar a ni ngei ang,Tuman an harh lo,Nikhaw hreklo in an awm vek.
.
" Bus ah sawn emergency hman rua a awm em?" Driver chu ka melh,Hrechhuak thut ang mai hian lu a bu a,Mipa pakhat nen Bus lam pan in an tlan let leh nghal a,Chu kawng rawn tlantlang tum a piang chu rawn ding mipui an rawn pun belh zel bawk, Oneway a nih a vang in let leh lam lo chuan he kawng hi an zawh lo,Kal lam leh haw na lam Kawng hi a hran hlak!
.
"Lo kalsan ru..Tuboh hmang hian Car darthlalang hi chhu chhe mai ang u." Driver chuan Tuboh leh hmanraw dang thenkhat rawn keng in a rawn tlan hlawk hlawk a.
.
"Darthlalang hi i vuak keh dawn pawn fimkhur rawh,Hliam tuar te hliam belh zawng in a keh darh palh a nge!" Pa pakhat in a lo tih chuan Driver chuan lu a bu nghut a.
.
Driver site lam chu an chu deuh tlauh tlauh a,Police leh tanpuitu tur pawh rawn kal dawn se,Kan kal san tak veng chhung lam a mi lo kha chu an rawn kal thei lo hrim hrim! Ruah lah chuan he lai ah hian chhiat tawk an awm a nih hi..ban zai kan rel tawh a nge!A rawn ti ve tawh der silo,A sur hian an sur buan buan reng! Tek lah chu kan hnai tak tak ah an tla thuai thuai reng a,Mizoram ang te chu ni se power cut a awm leh daih tawh ang,Mahse hei chu ramchangkang a ni miau a...Chhumlo chatlo in current erawh a awm reng thung! He ram ka thlen ve tirh a tang khan power cut an neih ka la hre miah lo.
.
"Ka ti thei e !" Patling rawn au ri chu hria in kut kan beng dar dar a,Driver thutna lam atang chuan kawngkhar in kalh zawng zawng chu a rawn hawng khap a,Mipa then khat chuan kawngkhar chu pawt hawng in hliamtuar te chu an pawm chuak a,Thisen chhuak an nei miah lo,Mahse an taksa chu sawi harh zawh rual an nilo .Mipa naupang school uniform ha pawh a tel ve!
.
"An taksa che lo thei ber khan tanpuitu lo kal hma chu Bus hul ah sawn zawn phei rih ang u." Training ka lo dawn tawh hmang a ka theih tawp chhuah in ka harh chuah tir theih mai ka ring! Nupa la upa lo tak leh anfapa chu zawn phei in Bus chhuatah chuan kan mut a,Hmeichhe awm ve thenkhat chuan an thuamhnaw hul ten an rawn khuh ve hlawm a! Mizo tlawm ngaihna ang chiah khan he ram ah pawh hian midangte chungah an lan tir ve reng!
.
"An marphu kha ka lo en ang." Ka dak chhuak a,Hmeichhe thau lampang hi Bus hnunglam atang a rawn chhuak phei a,Ka lo kian ve vat bawk.An ngaithla vang vang a.
.
"An marphu chu a la awm..mahse thawk kan lak tir vat anih loh chuan...!" Min rawn melh zawk a,sawi zawn tawh lo mahse thilthleng tur ka hrethiam!
.
"He tiang lam a training dawngtawh pakhat tal kan awm em?" Ka hawi kual a,Kei leh tuna hmeiche hian pakhat ve ve chu kan buaipui thei, Mahse hliamtuar te hi mipathum an ni.
.
"In awm lo mi?" Kan ti leh hluia a, Pawn lamah hliam an neih loh a vang ngawt hian ngaihtha tak in kan awm thei lo,An kawchhung lammah thi a lo put ru reng mai thei!
.
Midang tumah medical lam han ti thei an awm lo a nih hmel!
.
"Lalpa..ka rinchhan leh ka kut chet veng tu ni ang che." Ka phun sep a,Mipa naupang taksa chu kap kar in ka thing thi a..A awmah chuan thawk a lak theihnan ka nem!
.
Midang chuan thil thleng leh tur. ngai chang in min en thup a,Police Car thawm kan hriat rual chuan ka thaw deuh huai thei!Mahse ka mi bawisawm mek hi a la rawn tha chhuak lo.
.
"Emily..!" Chu aw chuan eng tiang a nasa in nge min thlamuan tih hi mihring tawng in ka sawifiah thiam lo! Ka hawi chuak a,Fernando ruah nanhuh hniang nen kan in melh reng! Ka thawk hi a rang lutuk tihpiah lam a ni...
.
'Nilo...Ka thil tihlai chawl thak in eng thil nge ka thlir tak.'
.
"Fernando..eng a maw tak ti rawh.!" kan pahnih khawvel atang harh chhuak in ka au nghal that,A ni pawh kha hun chhung khan a lo danglam ve hman amaw hial ni!A lu ruah nan huh hiang chu a thing sawk a,Hliamtuar te chu a rawn buaipui ve nghal zung zung a.
.
"Khawngaih in kan damlo ten Boruak an dawn theihnan Tlawmngaiin Bus chhung hi i chuahsan vek ang u..Chuan Bus Ac hi ti tawp nghal bawk ru!" Thupe thang leh buaina hmachhawn thang tih hriat tak hian buai miah lo in remruatna a rawn siam zung zung a,kei a hmeichhe finna in a ngaihtuah phak loh chu minute khat chhung lek in a rawn chingfel duak!
.
Damlo in boruak a mamawh tam laiin kan lo thu hung a,A hma khan ka lo ngaihtuah thiam miah lo.
.
"Lalpa..ka lawm e.." Van lam hawiin ka nui chhuak hawk,Ka mipa naupang buiapui lai kha a rawn thaw chhuak kawk kawk,mahse a mit a la meng lo!
.
"Emily...A thuamhnaw huh kha hlip la,thuamhnaw hul dang in tuam rawh." Fernando lam chu hawi in lu ka bu zauh a,Bus chuang ve ten an thuamhnaw hul an hnutchhiah chuan mipa naupang taksa duk deuh chur chu ka tuam a.Ka rin dan kha a dik mai thei!Pawnlam ah hliam a nei lo...Mahse a nakzawn hi chhung lam atang a rawn duk raih! Duhdan ang ang a khawih chet ngam a ni tawh miah lo.
.
Ambulance kiu ruai ruai thawm a rawn awm a,Hmeichhe lo awm ve chu chines tawng in a tawng chhuak mawlh mawlh..An Pathian hnenah lawmthu a sawi ve pawh a nimah na.
.
Minute 10 a ral leh meuh chuan hliamtuar te chu Hospital lamah an phur let a,Khawl lian leh hrawl pui pui rawn thleng in kawnglai tan tlang zawnga thing rawn tlu rauh chu hnuh sawn an tum a,Car a delh a pawh chu hnuk chuak in Truck in an phur sawn!
.
"Lo kal teh!" Ka taksa khur beuh beuh chu hneh lutuk in puanuk lian puiin a rawn khuh hlawp a,A awm ah min pawm bet nghal hlun a! Ka taksa chu vawt in khur hlawk hlawk Mahse,Min kuah mek tu a vang hian ka thinlung hi a rawn lum veng veng thei!
.
"Damlo suh aw." Zawi sup hian a rawn ti a,Ka sam huh hniang ah chuan a rawn fawp bawk. 'Khai o..Min fawp..!'
.
Ka che ngam tawh lo,Ka thawk thleng in a rawn lum vek! ka thinphu a ri dawt dawt a,Vawt tih vanga ka taksa khur te kha,A hmui lum ham ham vang hia an khur tawh zawk!
.
"What the hell!" Fernando phun hluk ka hriat rual chuan ka kang nawlh a,Ka au zui nghal taur!
.
"Min dahthla nghal rawh.." Ka vin nghal taur.A len zawk vang ngawt hian min pawm nawlh tur a nilo hrim hrim! Midang kawng tlang hun nghak tu te chuan min en thup a.
.
"Min hnial suh..I khawsik a sang lutuk!" street light eng ruih chuan a hmel pa zet chu a chhun eng raih a,Min ngaihtuah hmel tak in min melh ve ran! a sam ruah tih hnawm chap te nen chuan lang sexy tak a ni!
.
"Mahse..min pawm ngawt thei lo."ka ti let leh pang pang a,A nui suk ringawt! Police car lam min panpui a,Car bula lo ding pa chu chinese tawng in a be zauh a,Chupa chuan bu zauh in kawngkhar chu min dahluh theihnan a lo hawng!Min nghat lut a,Rawn kun hniam in seat belt min hrentir leh thlap.
.
"Ka bag!" ka lo ti bul hmuk.A bu nghut a,Kawngkhar chu a rawn khar zui nghal,Mipa pakhat lo ding ve pa hnen atang khan chahbi a la a,Car chu a rawn ri zui nghal khap! Za lo tak hian kan nui hak a,Kawngkhar hi min lock hnan vek a nih chu! A pen zet tawh chu rawn hawilet leh in a rawn nui leh suk! ka khawih phak ah awm ni ngat se chuan a ban bul hrawl pui ah sawn ka chum ang!
.
A uniform hak chuan amar tawk lek in ataksa nalh zet chu an phuar deuh tang a,Mipa te hi uniform an hak chuan an lang tha vek an ti thin!Mahse ..He Fernando hi chu lang tha leh zual tak a ni! Navy Blue rawng leh a vun rawng uk deuh khar chu an in chawih zual em em!A kawng a silai lai leh a hmel pa tak leh chang deuh run te hi an kal kawp tlat tawh in ka hre hial!
.
Minute reilote hnu ah ka bag rawh khai in a rawn let leh a,Kawng a la tlang der silo..khawi hmun a min hruai nge a tum le! A taksa ka deh vang khan ka khawsik neih leh neih loh pawh ka lo hrelo chu a nia..!!
.
Chinese Police pa bawk chu ka bag pawm chung chuan an be leh rih a,Tunah chuan ka khawsik leh ka lu na te chu ka hrefiah thei tawh! ka nghawng a tang hian an na ngut ngut thei.
.
Fernando rawn thutluh rual chuan ka thaw chhuak hak a,Ka bag chu car hnunglam ah dah in chiang zet hian min rawn en leh phawt, Engmah na neilo ang hian ka lo melh let ve ran a!
.
"Ka in lam ah let ang aw!" A rawn ti sup, Lu ka lo thing ve vat!
.
"Kawng dang a awm lo..In PG ah let leh dawn pawh nila..hung eng a maw chen i nghah a ngai dawn,Kan tlan let leh a nga..ka in ah kan kal ang." thutawp a sawi tih hriat zet in seatbelt a hreng tha a, Ka taksa a min tham kual mek tu leh ka lu na ngut ngut a vang chuan ka tawng peih lo. Motor a ti nung a,Back let in a in turn pawp,Ka ha seh ngawt ngawt in kut ka hum ruh a, A tirai khan a let in a na tawh.
ka thiante an rawn chhuak tiam tiam thei.
.
.
"Emily...?" Min be mawlh mawlh tu an awm, ka meng zawk a,Pawn lam steet light kan tlan pelh zawk zawk atang eng rawn lut te chuan ka lu nat an belh chhah mai in ka hria.
.
"Ka in ah khan tunah rawn kal nghal rawh..Aw. ..567 block!" Fernando tawng te chu an tawp duk a,A chang in an rawn ri leh..
.
"Kan thleng tep.!" Mangang tih hriat zet a phun sup ri ka hriat rual chuan ka kut chu rawn hum tu an awm.Mit ka chhing a,An thim mup!
.
Mit ka men leh chuan kan thaw chhuak halh a,Ka awmzawn a thil rit tak min delh tlat tu a awm a vang chuan ka au chhuak nghal tuar,Chu mi rual chuan ka ban vei lam a thip nghal zawk bawk! Hlauhna in min rawn man a,Ka khur zui nghal hlawk hlawk !
.
"Keimah..!"
.
"Aw Lalpa...!" Fernando aw zawi sup ka hriat rual chuan kan thaw chhuak halh a,Ka taksa pawh chu zawi zawi in ka thlah dul nghal riai riai a,A lam a min hnuk hnai leh pah chuan tui tak a muhil ang mai hian a rawn thaw zui nghal sak sak a.
.
Ka taksa ka thlah dul vek tawh chu an tang leh run tawh!Engtin nge ka bulah a mut theih?
.
"I khawsik tihreh nan jaction kan pe che a, chuan i taksa chau lutuk tih rehnan Thisen chaw kan khai bawk!" Mut chhuak aw zet hian a rawn ti nuah nuah a.Lu ka bu ringawt.A ban lianpui min kuah beh nan a hman chu a chet a, eng a maw ri khep in dim light a rawn eng zui nghal raih.
.
A inbeng kang a, naupang thusawi awi thei tak ang mai hian ka lo meng kiau..ka che ngam lo ti i la a dik zawk ang! A sam sei vak lo chu an thur siang a, Shirt var lian helh hawlh ha in Boxer chiah a ha!
.
'Khai leh..!'
.
Rawn che in ka ban chu a rawn dawm a, a vawnna chu ka en ve vat, chung lam a melh leh a.
.
"A kal zo tawh a nih hi..!" A rum deuh nghut a,Khum a tang tho chhuak in light a ti eng zui vek!Ka mutna lam sir ah chuan rawn kal in cabinet chunga band aid leh lapua chu a rawn la a.
.
"Hriau hi ka phawi dawn nia..!" A rawn nui suk a,A chevel chu hmuh nawm ti tak hian ka thlir reng ringawt! ka ban a hriau in vitlut chu a phawi a,Lapua chu rawn hmeh hnan in bandaid chuan a rawn bel hnan leh a,Hmanrua vel chu dah fel in ka thutna lam bawk chu a rawn pan leh,Uniform nen chiah ka hmuh thin vang in tuna ai inawm thuam hnaw nen hian ka hmu naupang leh zual. Mahse a kum hi naupang zawk zawk a ni tawh lo. Kum 32 a ni reng tawh!Mahse a landan pa lutuk hian a kum lam ngaihtuah buai ngai hauh lo in a hmutu a piang in an atchilh in ka ring.
.
"Tui in la.. !" Glass no ah tui a rawn thli chhuak a,Min rawn pe,Ka lo ban vat a,Tui kan in chiah mai chu hremhnun a tanga chhuak hlawl ang mai hian ka dang a ro huam huam,No khat chu karlo ah ka in zo vat,Fernando chuan nui suk chung in min rawn thlit belh leh a.Ka in zo leh nghal der..Ka duh leh em tih min zawh chuan lu ka thing vat a.
.
"I riltam em?" Damthlup hian a rawn ti..khum ah chuan a rawn thu thla a, a hniam nghal sut! ka pang a rawn dek nghal vut bawk.
.
"Khawsik i nei tawh lo in ka hria..ei tur chu i duh em?" an rawn ti leh sup in thim khupin min melh ngur.,
.
"Ti nge tiang hian i awm?" ka ti ta nge nge! Diktak chuan a lakah hian ka lutthuk zel ang tih ka hlau!
.
"Thil reng reng a chhan hriat vek zel i tum a mi?" a kut chu la let in khum ah chuan a nghat vut, ka ner nawng a .
.
"Kha thingkung kha eng vang a tlu nge tih i hriat chhuah theih chuan ka thil tih chhan hi ka hrilh ang che!" a rawn tih nghut.

"Thli leh ruah vang in!"
.
"Ka bula awm tura ka duh vang che in!"
a tihleh rual chuan ka kut vei lam in lukham ka vuan a, a dar ah ka vaw sawk! a lo nui ringawt che dawt zui.
.
Khum atang a ding chhuak a,Kei pawh chu min rawn pawt tho ve.
.
"En teh...ka thuamhnaw hi tu in nge phelh?" Min rawn en a,Chimawm lutuk hian a rawn nui!
.
" nangman min phelh sak tih sawi miah suh!" ka au nghal tawn tawn, Thuamhnaw dang hlak ka inbel tawh, Ka thinrim dan chu rapthlak tak a ni,Ka thuamhnaw min hlihsak thihna dan a neilo reng reng!
.
"In beng dai hmasa teh...Police Nurse in a lawm bawisawm che." ngeina deuh hian a then leh suk a"Ka tel ve lo." a ti leh sup! Ka melh rawm rawm ringawt!
.
Kawngkhar lam a pana a kalna ah chuan ka zui ve dat dat a,Kawngkhar atang kan pen chhuah rual chuan Thut khawmna pindan zau tawk tak hi kan kal pel a,Chuan Tv enna room bik atan a hman thin tih hriat deuh pindan pakhat kan kal tlang leh,Engkim chu a dak thlap ka ti mai,Inchhung cheina chuan, Rawng var leh rawng dum hlawp hlawp a in hmang,Choka lam ah min luhpui a,Ka thutna tur in chair a pawt chhuak,Ka thu a,Eng a maw hi a sawi,Mahse enge a sawi ka hrelo,In hi a ropui lutuk! Engkim hi an changkan mai bak ah a nihna tur ang thlap in a awm.
.
.
.
"Kan awmna ah signal a awm lo a."Ka soup in chu ka lem khawlh.. "Rawn biak che duh viau mah i la,Kawng a awm ngang lo a.!" Soup bowl ah a fian a dah a,Min rawn melh nghal run!
.
"Umm..!" ka ti nghut a,Soup bawk ka hawp zawm leh nghal,Tiang a thil sawi dun hi ka duh lo, Ka thinlung duhdan hi awlsam tak in ka zawm mai ang tih ka hlau!
.
"Emily..?"
.
"Soup hi a tu lutuk.. i in a min hahdam tir avang in ka lawm e..!" Ka thutna chair nawr hnung in ka tho chhuak a. " Ka let a ngai tawh." soup bowl chu chawiin ka Fernando melh chuan ka nui lui suka.Ani erawh in chal chuar nang in min en!
.
"Chuan... Hei vang pawh hian ka lawm e."Tiin soup bowl ruak chu ka chawi kang zauh a,Choka lam ah chuan ka luhphei pui nghal a.
.
"Zan lai ah hian khawi a kal nge i tum!"ka hnung mai atang aw ri nelawm loh zet ka hriat rual chuan ka hawi let vat a,Nichin mai a min dim tak a min enkawl tu hmel nilo in Fenanado hmel rum ngal mai nen chuan kan in melh reng.
.
"Ka awmna ah..!" Kitchen towel chu pawt thla in ka kut ka hrua a,Ka hriatthiam loh a phun hluk in bang a hnek dawt!A rawn hawi chhuak leh a. "He in hi zan ah chhuahsan tum suh ang che! I mutna pindan ah khan va lut rawh!" a rawn ti sup, thinrim hle chung in engtin nge pangai tak in a rawn tawng theih zawk ni! mahse, a ni in ah hian ka riak ngawt thei lo.
.
" Ka kal zawk ..!"
.
"Emily..min hial suh..ka chau a nia room ah lut tawh rawh!" bul zet hian a rawn ti hmuk, a ding sawm deuh a, nichina ka mutna pindan lam chu a kut chal in a kawk va!
.
"Ka taksa a chau..in hnial pui chi ka nilo..!" ka kalpelh dawn chuan a rawn tisup! ka ding dat a, karkhat dawn rampawn ah an duty miau a, chauh lohna chi a nilo.
.
"Lut la..mu nghal ang che,pindan piah chiah ah sawn ka mu dawn,Mamawh i neih chuan kawngka ka kalh lo ang."Hriat nuam zawk hian a rawn ti leh sup a.Naupang thuawi tak ang mai hian room ah chuan ka lut zal zal ringawt!Kawngka ka kharphui chiah chu thawk kan la kawk a!
.
keihi ka a tawh a ni ngei ang!Ka a tawh tak zet! A thinrim insum che vel kha..a sexy lutuk!
.
Khum ah chuan ka let thla tap a,Cabinet chunga sana chu en in chung lam en thei in ka in let leh tap..Zing lam dar hnih a ni der tawh!Light eng kulh chu arawn thim sut a,Dim light chiah a rawn eng! Ka hlau dawn zet a chu he in changkang lutuk ah hi chuan pindan tin a tang light hi a thunun theih vek ang chu!
.
Hriat nuam tawk lek in music a rawn ri rial rial a! ka mutdan siam rem sat sat in lukham pakhat chu ka kuah a..Hlathu a rawn rik rual chuan nikhaw hrelo a ka awm,Ka harchhuah rual a nghet tak a Fernando in min lo kuahna kha ka feel let veng veng thei!
.
'**Lying here with you so close to me
it's hard to fight these feelings
When it feels so hard to breath..
Cought up in this moment
Cought up in your smile
.
I've never open up to anyone
So hard to hold back when I'm holding you in my arms
we don't need to rush this..
let's just take it slow....
( Lady Antebellum:- Just a kiss)
.
____________________________________
Ni thum hnu ah
.
Ka nu nen phone ah kan inbe lang lang reng a,Call dang ka dawn ve a vang in phone chu ka hma zawn ah ka lek zauh..Fernando..
.
Ngaihven lo in ka nu chu ka be lui leh a,Thiltam tak min hrilh in tawngtai tam tur in min fuh pah reng!Khua lah chu ruah sur mai tur ang in khawpui an ri leh rum rum tawh,Zan lam hian ruah sur nghek a ching.
.
ka nu nen darkar reife kan inbiak hnu chuan kan ti tawp a,Ka phone a rawn ri ve leh nghal chiah..Tudang nilo in Fernando tho.
.
Khang min rawn biaklo lai khan min biak hun ka chang reng a,Tun ah lem ka be tha leh ngam der silo..Hmanzan atang phei kha chuan a lak ah hian ka inveng run tawh! Kei tleirawl lungmawl ve tak hian thuk zawk in ka duh zek ka hlau!Mahse chung ka inveng ruk ve na te chu a hmel ka hmuh chiah hian chawpleh chiph in an bo nghal duak zel.
.
Vawi thum ka ring zawh tir thak hnu ah ka chhang ta hram. A rawn thaw hawk a.
.
"Naktuk ..Nilai thawhtan hi i off ni a ni tih ka hria..Ka rual in chhuak ang che..Ka rawn lam ngal ang che.!" A duh zawng a sawi a..Phone a off zui daih..Ngaihna hrelo zet in phone chu ka melh reng! Engtin nge Naktuk ka off dawn tih a hriat?Lalpa leh! Stephenie in a hrilh tihna a mi?
.
"Ka zui ngawt dawn lo che...!" Phone a lak rual chuan ka ti nghal tawk,A duh a sawi zung zung a nga..chu chu thuawi tak in ka zawm dawn reng reng lo.
.
A rawn nui hawk a.!A hmel awmdan tur ka mit thla zawm zat! A hmel pa zet lang sexy dan tur thleng in! Hahthlak thinn!
.
"Ka fiamthu lo...Thla tamtak hnu a ka chawlh neih ve hun a ni..ka chuak dawn lo.!" Phone ka dah dawn a a thu rawn sawi a vang chuan ka thaw chuak hak a.
.
"In PG ah rawn kal in ka pu chhuak thei tho che..!"
.
"Hmela.!"
.
"Ka tih theihloh i ring a mi?Rawn fiah la.." A rawn ti leh sup.. "I tukverh atang khan rawn dak teh." a tih rual chuan ka hawi nghal dawr,Ka tha a khur ringawt a nih chu!
.
"Fernando..!" Kan ti hluai a! Amah hlat tuma ka beih na te,Ka tawngtaina te hi hria se chuan tiang hian a rawn awm miah lo ang..
.
"Emily... Ka ti mai mai lo..Kan chhuak dun ang..Ka rawn lam dawn che.." Mahni inring tawk tak a rawn tih leh rual chuan ka thaw chhuak halh a! He mipa hi tinge Ka hnam pui a nih ve mai loh le?
.
"Mu tawh rawh... Zingah kan in hmu dawn nia...Sweet dream!" thawp sat a rawn ti leh in phone a ti tawp, Reilote hnu ah car tlanchuak ri ka hre nghal a! A lo awm reng tak tak a nih dawn kha..
.
"Hlat ka tum lai che hi chuan min hnaih rawn tum ve zel lo la ni tur!"
.
___________________________________________

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » April 26th, 2017, 7:47 pm

Zingkar ka harh rual chuan Fernando nen kan chhuak dun dawn tih ka hre chhuak nghal vat,Khum a tang tho chhuak in washroom ah ka lut a,Ka taksa chu tui lum in kan phuh tir seng seng a,Ka phur tluak zet in ka huphur bawk. A lak atang ka in veng thei a ngem? Nilo..Chu thil chu ngaihtua lo ang, Ka ngai a ni lawm ni,Ni khat lek a bulah ka awm thei dawn,Thil thalo tihtum rilru apu dawn lo bawk.
.
Washroom ka chuah san meuh chuan a lo tlai leh duai tawh,A sam dar chen vel a ka tan rual hmarh chu chhem ro in a hmawr chu tlem in kan ti kawi a,Kawr fual hring dal riai,A ruk a par sep sep hi ka in thawlh leh tawp,Ka hmai erawh nidang ang bawk in chei dan tur ka thiam lo,Hmeichhe dang ang in makeup leh a kaih hnawih hi ka lawm loh mai bak ah a hman dan ka thiam hlawl lo,Make up ka hma loh hian ka confi zawk bawk a vang in sun block chu hmet chhuak in ka taksa chu ka chulh ta zawk a,Ka hmui te hi hnawh sen ka tah ve hlek tawh chuan ka lang mak vek thin in ka hria, Chu vang chuan ka confi theih nan engmah ka hmai ah ka hnawh loh a tha zawk.
.
Ka pheikhawk bawm a chapal gold rawng ,A hnung kaihna awm chu ka la chhuak a,He chapal pawh hi ka bunlohna a lo rei tawh hle mai.He ram ka luh tirh atang khan pangai tak in ka la jnchei leh lo hrim hrim,Uniform lian hnek hnuk leh sneaker nen nitin ka awm tawp zel kha a nia. Darthlalang hma ah ding in kan in thlek leh vang vang a.Makeup ka hmang thiam lo chu inchhirna ka nei ta miah lo.
.
Khum a ka phone chu a rawn ri dar dar a, Ka thinphu an rawn rang nghal dawt dawt ringawt! Naupang chhia deuh hian kan lai nghal ringawt a.
.
"In PG kawtah ka awm tawh."Fernando aw vawt ruih ka hriat rual chuan ka lo inpuah chah lawk ve na te chu engmah an nidawn in ka hreta lo,Ka tha khur tihreh tum chuan kut kan hum ruh nghal vat a.
.
"Lalpa..Ka inven theih chin bak eng mah thlen tir suh ang che.'Tiin ka phun leh sap a,khum a Ka bag chu la in ka kal chhuak ve nghal a.
.
Ke ka pen zawng te chuan mahni in khawngaihna leh vanduai bik in tihna in min rawn tuam hlup hlup ni maiin ka hria, Ka mipa duh leh vei em em hi eng vang in nge hnam dang a nih bik?
.
Gate ka chhuahsan rual chuan Fernando hmel thutak run nen kan in hmachhawn leh ta! Min hmuh rual in a ding ngil vat a,A landan pa lutuk a vang chuan ka zam a belh chhah vek.
.
Indigo kekawr hringdal ha in a tlang chu a thlep chhing a,Pheikhawk nalh zet hi mawza telloin a bun bawk, A shirt var sar hak chuan a vun uk deuh kharh chu a ti lang fai leh zual.
.
Min meng zim san a min melh pah chuan a rawn pen hnai vut,Ka bul a rawn thlen meuh chuan 'Tinge pheikhawk sang ka buloh'Tih chiah ka ngaihtuah tawh..kan in san hlei mai bak ah kan pumrua hi a in Len hleih lutuk!
.
"Then..?" Muang fan ruih hian a rawn ti sup, min melhna mit la sawn miah lo chuan an rawn thaw leh hak phawt a.
.
"Chuan...Khawnge kan kal ang." Ka bag hruai chu tul miah lo in ka pawt tawlh chhen ringawt! Ka tehkhin thiam ber chu ngaihzawng kan vawi khat neihna a,Thianten kan in hmuhna hmun tur an mahni thu a min lo ruat lawk sak a lai ru zet leh phur ru tak si a in hmuh tum te pawh kan ang in ka hria! 'ka ngaihtuahna zet chu a!'
.
Ka hma a mipa lianpui ding ngawi ngul chu kan melh chho leh ha a,A mit meng zim lam mah a min endan a vang hian tui ral ta pawh ni i la tuman min dem thei lo ang!
.
Harh chuak thut ang mai hian thlesawn pah in a phun hluk a.
.
"Min zui rawh le." Ka hma atang tawlhsawn in ka bulah a rawn ding khup. hma lam ah chuan a kut dinglam chu a phar chuak leh zawk,Chu mi pah chuan a ban rek ah ka la hmuh ngailoh thil hren a hren chuan ka mit a la nghal zawk,Mahse engmah zawt lo in ka kal a,Ka bul chet ah a rawn kal ve nghal.
.
Kan hma ah chuan sport car sen nalhzet hi a lo ding ran,TV ah chuan ka hmu tawh,A tak ah hmuh ka in ring ngai lo.
.
Car chu a rawn de zauh zauh a,Phawk zet hian Fernando chu ka melh nghal kawk .Min lo la nuih suk zui.
.
"Oh My God.. i ta a ni tih sawi miah suh." Ka hmui hup in car leh Fernando chu ka melh tawn zak zak,Chutia ka che vel chuan a nuih ka tiza zual in ka hria.
.
Min rawn din hnaih hrut a, a hmui hnuai pet chung hian ka hmai zawn ah a rawn kun hniam khun.

"Ka rual chuan i chhuak duh a ngem?" ti hniam ruihin Car chu a melh zawk a, chutah nuihza insum tih hriat zet hian min rawn melh leh kher! Mahse a chet dan vang hian thinrim en ah pawh ka en lo.
.
"Hun kan khawhral..kal ang.." ka hmui hupna kut chu a rawn la sawn a, atthlak tih hmel deuh hian lu a thing leh nghut bawk.



Ka thutna tur in car kawngkhar chu a pawt hawng a,He tiang Car changkang ah hian ka chuan ve pawh ka lo inring ngai hlei nem le!
.
Fernndo a rawn thutluh ve chuan Car hi a chep vek in ka ring deuh a,Mahse Car a arawn luh ve chuan a dik thlup,Ka sawi thiam tawh biklo,Pawn lam atang khan Car hi hniam te ang in a lang a,A chhung ah kan thu chiah a..A hniam leh miah lo!
.
"Tuipui kam ah kal ang aw." a rawn ti sup, Lu ka bu zauh a,Car a ti nung mai dawn maw ka tih laiin a rawn che htuat a,Ka lo ip nghal chawi,Mahse ka ngaih ang mah a thleng lo,Seatbealt min rawn hren that tir a,Ka awmdan tang run min hmuh chuan Nui sukin ka sam ah a rawn tuai zauh a,kei erawh che Chukchu ka in ti thlawt!
.
"Traffic free lai a nia...ka khalh chak deuh ang." min en in a bu zauh a, A hmel rum deuh run a hlim hmel ka hmuh vang nge pawh ka hrelo, Phur zet hian lu ka lo bu ve vat a.
.
Khawpui chhung a tang chuan in khalh chhuak in music ri riai riai in kan play a,Fernando lam ka hawi a piang a nalh lutuk tak mai a min lo nuih zel te chuan ka lungphu hi a tirang vek!,Tuipui hrula kan tlan tak ah chuan Car chuang a hawng a,Thlifim thaw heuh heuh chuan ka sam thlah mawl tawp chu a rawn chhem leng siau siau a.Kan hla play leh kan awm dan zawng zawng chu duhthusam in a nuam!
.
" Engtik nge kan chhuah dun leh theih ang?" Ka kut pawn lam a ka dah chhuah chu rang tak in ka pawt let zawk, Fernando erawh eng a maw sawi in a lo phun leh sup tawh.
.
"Ka... Ka chhuak hman tawh dawn lo." Thutha in tuipui kan tlanpelh zul zul lam hawi chuan ka dak chhuak nghal daih.
.
Ka rilrunat putdan hi tuman an hrethiam tawp lo ang,Fernando hi ka thlahlel em em tih chu ka in hria,Mahse a bul a ka awm hian keimah ah inthiamlohna a nasa lutuk, Ka hnam leh Sakhua phatsan tu ah ka in ngai tel tlat bawk, Ka duhna chauh hi dah pawimawh thei i la,Amah ka thlakhlelh zia te hi ti lang tur in huai sen na nei thei i la!
..
Ka mal chunga ka kut chu kut lum veng veng in a rawn hum hnan a,A hmel en tur in ka hawi let ngam lo!Nghet leh zual in an rawn hmer deuh salh a, Chil lem khawlh in hmui ka pet!
.
Minute 45 a ral leh meuh chuan tuipui kam ah puan phah in kan thu fel der tawh.
.
"Tuipui hi i ngaina em?" Kan hnung lam in chhawn in kan in ngheng dun ar ar,A tawng zawng te chuan ka taksa hi a rawn nghawr che dar dar thei.
.
"Ngaina e..Mahse kan ram ah a awm ve lo a..Tun hi a hmun ngei ah ka vawi hnih hmuhna chiah."A hnung zang lian pui ah chuan ka lu kan nghat tha sauh a, Engtik lai khan nge a bul ah hian ka thlamuan leh hman viau tawh pawh ka hrethiam lo.
.
"In ram ah tuipui a awm lo maw?" mak a ti tih hriat zet hian a rawn ti hluai, a hmel landan tur pawh ka hmu thiam nghal vek!He police pa lian leh kum lam ah pawh naupang tawh lo tak hian kei aiin thiltam tak ah chuan in thunun theihloh chang a nei..Chung zing ah chuan a thilmak tih zawng a hriat hian a aw leh hmel landan a veng hman thin lo,India ka ni tih a hriat tirha a landan leh lek phei kha chu...ka damchhung hian ka theinghilh thei tawh in ka ring lo.
.
"India ram ah chuan a awm..Mahse ka sawi tawh kha..kan state hi kan hrang..tlangram a awm kan nih a vang in tuipui te phaizawl zau tak tak te kan nei ve lo,!"Ka thiam dan ang tawk in kan ram chanchin ka hrilh a,A then chu mak a tih hle a niang ..A rum leh nghut thin.
.
"Lawnglian te hi ka vawi khat hmuhna a nih hi.."Ka ti leh sep,A nui hawk a,Keipawh ka nui ve leh ringawt,Mi ram a seilian te hi chu an vannei tak zet,Ramdang hla tak tak ah kal ngailo in an chenna ram ah hmun nuam leh changkang tak tak an nei sa thlap a,Keini tlangram nun hi chu an rawn ngaihtuah thiam pha dawn lo hrim hrim.
.
"Kha hei..." Ataksa rawn chet in earphone lehlam hi min rawn pe,Ka bengah ka vuah lut a,A lehlam chu aman a ngaithla,Music a rawn rik rual chuan ka thungil nghal zawk a,Ka taksa hahdam tak leh inthlah dul tak kha thir ang mai in ka khawng leh nghal vek tawh.Kut lum ham ham in ka kuta rawn hum rual chuan ka kut chu kan phin deuh sawk a,Mahse a lo hum nghet hman lutuk.
.
"Ka haw duh."Kan thut dan in hnung chhawn tlat chuan ka hmel landan chu min thup pui ve! Ka kut vuan reng chung chuan a rawn insiam rem a,Tlan chhiat vang vang ka chak tak zet!'Lalpa..ka dil che..Min chhang rawh,Ka inven theihloh tur engmah thlen tir lo tur in ka dil che.'
.
"Tinge..Emily tinge?"ka dar ah a khabe a rawn nghat a,Ka taksa chu kham run khawp in ka insang mar,A ban hrawl pui chu hmalam ah rawn rawlh lut in ka dul zawn ah nghet tak in a rawn suih zawm nghal a."Emily..Tinge i rilru a awm ang hi i zawm mai thin loh a.?" a aw zawi leh tham tuak chuan min ti vawt nghal sung sung thei,Ka beng hnuai lai chu an rawn thawkkhum ham ham a! 'ka rilru a awmdan hi zawm i la la chuan ka hnam leh sakhua phatsan tu ka nidawn sin.' Ti a au khum vak mai ka duh.
.
"Emily..mi in an biak che a chhanna pek loh hi a atthla tih i hria em?" A aw chu a ring lo,Mahse a rum!
.
"He tianga awm tur hi kan nilo ... Ka let duh tawh." ka dul zawna a kut suh beh tlat chu phelhsak tum in ka tha tawp ka hmang,A kuttang pakhat lek pawh ka pawt phel zo lo a nih chu!
.
"Ka duh che!"
.
Ka ngheng nghal rawk. Chuan ka tah a chhuak hle bawk.A taksa lianpui chhunga a lungpui ri dawt dawt te,Min kuahna ban tha chakzet a ruk a khur dar dar te! a hmui nem thep in ka beng a rawn fawhna te hi thlahlel lo ka nilo..Khawvel ah enge i thlakhlel ber tiin min zawt ngat se chuan 'tuna kan awmdan hi hahdam tak a hma chhawn a,Min thlahlel em em tu lak a ka thlakhlelhna lan chhuah let tir ve' tiin ka chhang ngei ngei ang!
.
"Fernando!"
.
"Sawi rawh." A lamah min hnuk hnai sauh a,Tunah chuan he a taksa peng pakhat ang mai hian a taksa ah ka bet tawh,Hun reiitak a in sum tawh tih hriat zet hian ka nghawngah hmai a phun a,An thaw chhuak leh ham ham thin,He tiang hmachhawn tur hian ka chak tawk lo,He tiang zawng zawng hi I mipa duh leh ngainat em em khan i chungah ti ve ta se tu hmeichhia mah hi an insum thei bik in ka ring lo.
.
Aban ding lam hmanga ka dul zawn a la kuah bet tlat chung in a ban vei lam chu a Chet a,A kut lum veng veng in dimte leh dam raih in ka biangah chuan a rawn chul heuh heuh bawk,Thlahlel tak hian a kut lum chu ka lo nul ve zel a.
.
"Ka nawrlui lo ang che..Mahse Hun min pe tur erawh chuan ka phut che." Zawi sup a rawn ti leh in a thil tih a chawl,'I ngaihtuahna fim pu rawh' min ti pawh a nimah na!
.
Ka dara a Khabe la nghat reng chung chuan min kuahna kut chu a phel a,Mahse ka kuttang karah a kut tang a rawn rawlh lut leh ta zawk a, Tunah tak hi chuan eng mah rilru fim in ka ngaihtuah thei lo,He a taksa lum nuam tak ka thlakhleh em em rual hian ka Sakhua ka ngaihtuah a ngai ve zel thung.
.
"Sakhua..!" ka che nghal phat, Fernando pawn min dang lo,Mahse khawi ah mah ka tlansan theidawn lo tih a mit meng thutak zet ah chuan ka hmu thiam ve vek!
.
"Kan pahnih tan a awlsam zawkna hun insiam buai lo zawk ang,Kawng hran ka zawh a nga..nang pawn kawng hran!" Keimah ka inring tawk ngei a ni tihlan tir tum in a mit ah tak ka melh ve ran.A nui suk a..Lu a thing.
.
" I sawi kha engmah ka pawm ve lo,A sawi tu ngei pawh in a pawm loh chu a ngaithlatu tan lo pawm ngawt na chhan tur a awm lo." chimawm zet in a ban chu an phar chhuak a.
.
"Fernando..Ka fiam thu lo."Vin zet hian ka ti nghal tuar,Kan kal tirh khan mi dang an la awm vak lo,Mahse kan thurei ta deuh a niang..Bikin chauh ha a hmeichhe vak vel pawh hmuh tur an lo awm leh nawk tawh,Keini pahnih incho hmel tak a in hmachhwn chu min thlek thap a,Mahse Farnando in nelawm loh lutuk a melh let tak a vang chuan min hlat in an kalsawn ta sap sap.
.
"I fiamthu lo tih ka hria..Keipawh ka fiam thu lo, Mipa leh hmeiche inkar ah chuan induhna a awm thei..A ni lawm ni? Chu vang chuan i pawm emaw..pawm lo emaw bul kan tan ang,I duh chuan min hnial rawh..ka duh ka tih tlangna tur a dal dawn lo..!" Ka mit a en reng chung in thumal tin chu a rawn lam fak fak a,A sawi tawp lam ah phei chuan a mah a inrintawk lutuk a vang in ka lo rak nghek lo chauh.
.
"Engmah hi i hrethiam lo tak tak a mi?" a hmel thutak runa en pahchuan ka tawlh hnung deuh a.Tuipui kam tiauvut ah chuan ka thu ran,Min rawn hnaih chilh ve leh avang in ka kut in ka lo indang vat a,A nui leh ringawt.
.
"Enge ka hriat thiam tur chu?" min melh zawk a,Tuipui fawn hlup hlup lam chu a thlir zawm leh daih,Min ngaih pawimawh loh hmel lutuk chua ka thin a tirim tun thei.
.
"I sakhaw vawn leh ka sakhaw vawn a hran,Chuan hnam hran kan ni bawk.!" Zawi te hian ka ti sep,Min chhang lo in tuipui boruak chu a hip lutu kawk a,Zawi te hian a rawn thaw chhuak leh siai siai phawt a,Keipawh hian engmah sawi belh ka chak thlawt lo.
.
Ngawi reng in mit tlin tawk a tuipui lang champut chu kan thlir reng a,Sumdawng lawng thenkhat rawn thleng in ri a rawn chhuah ruai ruai a,Sangha mantu te pawh in am tak a sangha man tur zawng in tuipui thuk zawk lam pan in an lawng te an kar phei a,Heng lawng lian leh lawngte te hi chuan an hmalam pan tur in an duhna lam lam ah an lawng an kar kual thei tlat a,Keini an duhna lam lam a lawng in karkual mek thlir tu te pahnih hi chuan duhthlan tur pakhat chiah kan nei ve ve!
.
"I sawi chu kan buaina tur a nih loh chu!" A rawn ti hmuk, puan kan phah lohna chin tiauvut ah chuan a mu thla hnawk a,A ban chu lukham in a mit a chhing zui nghal daih a nih chu!A ngaihdan awlsam bik lutuk leh vei zui lo ang mai a an lang kual vel chu ka en liam thei thlawt lo.
.
"I buaina tur a nilo..Ka buaina tur erawh a ni thung."A mu tlawn zur bul ah chuan bawp khawkherh a thu in ka au khum nghek,Tum dang ang lo tak in ka kut ka thawh tel bawk,Ka lam ah a rawn thle a,Rum tak hian ka lo melh vak.
.
"Kha thil i ngaihtuah nasat lutuk vang khan a ni lawm ni a hma zawng pawn min hnaih ngam lo."A rawn ti a,Chan tum in ka ka ang zet tawh,Mahse,Hmui chip in ka thutna atang ka tho chhuak ta zawk a.
.
Tuipui fawn dulh dulh lam pan chuan ke ka pen zel, Fernando min zawh kha a dik,Kan sakhaw vawn ah ka buai lutuk a vang in ka hnaih ngam lo,Chung zawng zawng pawh chu a lo hre vek!
.
"Tuipui ah hian hleuh lut in in ram a min let san i tum em lo ang chu tiraw?" thli thaw vuk vuk kara chu aw ri chuan ka khawvel siam chawp a ta chu min rawn ti harh zawk,Ka hawi let a, Fernando hmel landan hriatthiam har tak nen kan in melh reng,Ka nghing deuh dawt a,Ka rak nghal tuar!Tui in min rawn khuh hlawp,Tui hak in ka khuh nghal bawrh bawrh,Ka lam pan in Fernando chu a rawn tlan nghal rawk rawk a,Tun mai a ka hawi let khan kan awmna kha a in hnaih viau in ka hria..
.
Tuifawn a rawn awm leh rual chuan ka taksa rawn chelh tu an awm hman tawh.
.
"Pathian leh!" Fernando tawng ri ka hriat rual in a ban tha chak zet chuan min pawt let nghal nawk a.A awmah hneh lutuk in ka bei nghal thlawp a ,Tuipui fawn khan min la tep!
.
"Emily...!"A ti vin leh nghal thawt a,Thinrim vang ai mah in a mangang hmel zawk.
.
"Ka hre hlei nem!" A awm ah vuan tai pah chuan ka lo ti ve vat,Engtin nge khatiang a thuk ah khan ka kal theih,Chupawh engmah hrelo leh nghal in!
.
"Oh..Emily.."A thaw chhuak hawk a,Vaukam lam pan in min pawm chhuak nghal nawlh.
.
"Engtin nge a thlen theih?" Tiauvut nisa in a em lum vut vut ah chuan min nghat thla a,Kan taksa leh kawr vel a tang tui a dir nghal tluk tluk.
.
"A thlen dan i hrelo a maw?"Ka hma tak ah a ding,A taksa lianpui chu a huh vek,Kei pawh ka bang lo.
.
"ka hrelo."
.
"A tha..lo chesawn suh ang che." bul deuh hian a rawn ti hmuk,Min melh chhuk run chung chuan a sam huh chu a kut phah hrawl zet chuan an tuai puat a,Ka tawng hriatthiam loh a phun leh hluk in a in her vut! Min kalsan nul nul chu tiau lung hi chhar in ka vawm vak lo chauh.
.
A rawn let leh hma chuan ka thutna atanga tho chhuak in kan puan phahna lamah chuan ka kal phei a,Ka sam huh chu kan thing deuh nawk nawk a,Kha tiang a ka awm chhan chu a hre vek! Min vin kual vek kha a ngai lo chiang e mai a.
.
"I riltam tawh em?" Nisa tha zet chu min rawn din hliah in min rawn chhuk melh leh run a,Ka rilru putdan lo dikloh tawh nen chhang lo in hmalam ka en san leh daih.
.
A thaw chhuak halh a,Ka bulah chuan awn thingthi thla ve in ka sam kar ah a kut a rawn rawlh lut,Amah pawh en lo in ka peng thla sawk a.
.
"Emily..ka hlauthawn vawng a nih kha!"
.
"Ka hria!" Ka lo ti ve hmak,A rum chhuak hawk a,A lam hawitur in min kuai her nghal sawk bawk,A ni mipa lian leh hrawl lutuk hian a tiatpui cheiin min chei mai in ka hria,Nin hmel zet hian ka ner nawng a.
.
"Ka tihpal.." Ka biang tawn tawn ah a rawn vuan,A chal in ka chal a rawn nawk a.
.
"Ka hria tih ka sawi ta....!" Ka sawi zawh hma in insum tih hriat zet a rawn thaw chhuak in ka chalah chuan an rawn fawp vang vanga,kan chhehvel a thil awm zawng zawng leh tuipui fawn hlup hlup te chu an reh nghal duak.
.
A chal chuan min rawn nawk leh a, "Ka tihpalh..A thleng nawn tawh lo ang!" Zawi sup a rawn ti leh in an rawn thaw chhuak ham ham a,A hmui in ka chal a fawh vang ringawt khan he khawvel ah hian ka pahnih chauh a kan awm ang in hriatna ka nei a nih chu!
.
Muang raih a min thlah in a dara Towel var chu a pawt thla a,A lo let leh khan Towel a rawn keng tel tihpawh ka lo hrelo.
.
"Ka lo hru hul ang che." a rawn ti leh sup, hnial lo in ka lo indawh tawp a,Towel var lian pui chuan min rawn tuam deuh hlawp,A tlang chuan ka sam a rawn hru nghal a. Ka sawi thiam lo,Min duatna leh min ngaihsak na a lan chhuah tir ve dan a ni miau a..Ka tan chuan hei bak a romantic dang a awm tawh chuang lo ang.
.
"Ka ngaihdam dilna kha." A kut a chawl,Chiang tak a ka lo en ve ran a vang chuan a hrawk bawk che ralh in chil a lem khawlh a,A hmui hnuai a seh leh zauh rual phei chuan a hmui ah hian ka fawp lo chauh! He pa hi a Hot thu kha ka sawi tawh..Tunah leh ngat phei hi chuan lang Hot tak a ni..A kawrvar hak chu huh vang in ataksa ah an bet thlap a,A awmbawr tihrawl in phiar tha zet chu chiang tak in an lang kal bawk..!
.
Ka thawk rawn rang sauh a hriat hlau chuan towel chu kan pawt chip a. 'Min fawp rawh' Ti a sawi chhuah ngai miah lo hian a hmui hnawm chap chuan a mah fawp tur in minsawm ni maiin ka hria.
.
"Ngihdam min dil reng reng a mi?" Ka tisep,A hmui a pet sawi zauh a.
.
"Emily.. Tun mai a ka awmdan thalo tak a vang khan ngaihdam ka dil a che."
.
Ka nui chuak hawk hawk,A landan hi a inhmeh thlawt lo,Ka taksa a hruk hul dawn khan a rawn thingthi tawh,Tun ah pawh hian a la thingthi reng,A ni palianpui hian ka hma ah duhdah zet a thingthi in ngaihdam min dil a nih chu!
.
Chutia ka nui a hmuh chuan a kut chu a rawn pahrchuak deuh hluai a,Min rawn man tum in a che zui bawk,Kei a lo tlanchhiat tum ve chu nghet lutuk in ka ban rek ah a rawn man hman tho!
.
"Min nuih lo khan sawi tha rawh." Nui ve suk pah chuan a ti leh hluk a,Tunah chuan ka dar tawn tawn ah a rawn vuan tawh.
.
"Ok..min thlahla ka ngaidam ang che!' rang tak hian ka lo ti nghal vat,Min thlek vang vang a,Kei lah chu kan taksa in si lek lek a vang chuan ka zam nghal der,Ka sawi tawh kha..a landan hi ka tuar theih piah lam a ni...
.
"Ka fawh lohna tur che chhan tha tak han sawi teh!"
.
"Fernando?" Ka vin nghal tuar ringawt, Kan ngaihtuahna a awm a in ang lutuk chu ka awilo zawk.
.
.
"Ka insum nasat zia i hria em?" Chil an lem leh khalh a,A mit meng chu tawrh har khawp in a sexy.."Mahse in thunun a ngaiin ka hre ta lo." A aw ri sexy lutuk a vang chuan ka thawk a rang nghal vek,A kut tang pakhat in ka chal atang a thlai thla riak riak a,A tawh na a piang chu an sa nghal vek mai in ka hria!A kut tang chu ka hmui zawn ah a tawp chat,Chu a kuttang chu la sawn in a hmui chuan a rawn thlak nghal zat a, ka tek nghal chuai thei!
.
Dimte in ka hmui a rawn pet a,Ka thinphu dawt dawt ri te chu a hrevek thei in ka ring.A lei in ka hmui a rawn nawr kau leh a, ka taksa hi current chak tak a kal tlang zawr zawr ang mai hian an hit chhuak vek thei! Ti lui tih hriat zet a ka hmui hnuai a peh rual chuan ka rum chhuak halh a, a kawr awm ah tham in ka fawp let ve a nih chu!.
.
Chutia ka fawh leh rual chuan a hma aia uar hian min rawn fawp ngawng ngawng, keipawh ka bang biklo. Hun rei tak inthlalhlel tawn ngawih ngawih tawh in kan insum theihna kan hlauh dun meuh chuan mihring hi eng tianga nasa in nge an lo in mamawh thin tih ka hrethiam ve chiah..


Uar zet leh a ta bik chiah ka nihzia lantirnan a duhthawh tak a min fawp tu chu thatak a lo dawn sawn mai loh chu tihtur ka nei lo!Ka biang tawn tawn a dawm chung a a in lak hran meuh chuan kan thaw dun nghal hlawp hlawp thei!Ka lungphu an rang a,Ka thisen luan dan zawng zawng hian kha minute khat pawh tlinglo kan infawhna kha a lo dawnsawn dan chu rapthlak tak a ni!
.
"Emily...!" ti sup in sexy fahran hian nui chuak hawk,A nuih chhan ka hrelo, mahse ka nui ve tho..
.
"Emily... i ti thei...I hria em..Tunah khan i thinlung duh dan in zawm!" An rawn ti ril ruih, ka lo nuih chhan ve chiah pawh a ni.

A sawidik a lawm..tunah khan ka thinlung in hun rei tawh tak atanga titura min tih kha,Thup buai miah lo in ka zawm!
.
"Emily..!" Rawn hnai in min fawp leh vang vang phawt a! Ka thinlung duhdan ka zawm meuh chuan keimah mai nilo he mipa,ka hma a thingthi mek pawh hi hlimna ka siam sak.
.
Ka kawngah vuan in min chawi kang nawlh a,Ka lo inring silo..ka rak nghal chul mai,Mahse a mal chunga min thut kai tir rual chuan ka nui hak a! Ka hnunglam ah a kut a suih nghal hmak bawk.
.
"He hmeiche naupang hi ka ta chauh a nih hi..!" Rawn hnai in ka nghawngah hmai a rawn phum a,Ka mur nghal sung sung thei.. "Ka ta chauh..!" Zawi sup a ti leh in ka nghawng chu a hmui lum veng veng chuan an nul kual a,A sam ah tham in ka lo thaw chhuak ham ham thung.
.
Kan puan phah chungah chuan a mu duai a,Ka mal chungah lu nghat in chiang zet hian min enreng!A mit ka hup sak a piang in nui hawk hawk chung in ka kut a la sawn a,A ngai te bawk in hmuhnawm thlir in min thlir leh nghal zel.
.
"I hmui kha.." A nui leh suk a,A kut dinglam chu rawn lek chhuak in a kut zungpui in ka hmui hnuai lam chu an rawn chul riak riak a.
.
"Lo mu ve rawh." a kut la sawn in a hmai chu a tuai puat a,A thaw chhuak halh bawk.
.
Tuipui fawn ri hlup hlup chu ngaithla in tiau vutah chuan kan han mu ren rawn a,Fernando mu zangthal duai chuan a ban chu ka kham theih tur in ka nghawngah a rawn rawlh lut a.
.
"Tihian muangchang in hmalam pan dun ang aw?" Ka lam ah a rawn thle hnai
vut


."Nawr vut vut che ka tum lo a nia.. mahse in khar khum reng suh, Ka kianga awm tur che a ka duh ang bawk che in nang pawn ka hnena hun hman i duh..!" A lu kan in min rawn fawp leh zeuh a, A thusawi mal tin mai chuan ka awm dan diklo zia min hriat nawn tir zel mai in ka hria.
.
"Emily..!" Rum lek lek hian a rawn ti hrawk, lu kan thing deuh sawk a,Ka chunga lam atang Fernando in min lo melh run ka hmuh chuan a ban bulah kan vuan chawt ringawt a.
.
"Fenando...ka hrethiam lo..engmah hi ka hrethiam lo." A rawn in nem khalhna ban ah chuaka hmer vang vang!
.
"Engmah hriatthiam i mamawh hleinem.. mahse i thinlung duh dan kha zawm rawh, kan hmanhmawh a ngailo, muangchang in kan pahnih inkar hi kan kalpui thei a lawm.. Mahse.. Ka ta i ni tih hrereng tur chuan ka phut che."
ti thum chhakin chunglamm atang in ka chal chu an rawn nawra.


"Tunah i inpeih rihlo a nih pawn ka nghak thei reng che nia, ka nghak che ka tih vang in i hlatah ka awm dawn ka tihna a ni chuang miah lo bawk!" Zawi te hian a rawn ti leh sup, Fernando sawi hi a dik in ka hria, tinge ka thinlung duhdan hi ka zawm mai loh ang?

Link:
BBcode:
HTML:
Hide post links
Show post links

Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » April 26th, 2017, 7:51 pm

Kan mutna Tiauvut chu thawh san in Tuipui kam a eitur an zawrhna hmun lam pan chuan kut in kai rial in kan kal dun a, movie chauh a thleng thei a ka lo rin thin kut in kai rial chunga Tuipui kam a ngaihzawng te nen a hun hman chu a tak ngei in tunah hian ka chungah a thleng mek! A awm dan in hre duh em! A nuam lutuk mah mah!Tenawm khawp in a romantic bawk!




Fernando chu ka hma ah a kal a,Keiin a hnung lam atang a ke hniak ka zui zel, kan kut kan in thlah miah chuang lo,A ke pen a zau thei si, kei mizo nula ngalsang lo tak ke pen theih chin nen chuan in thlau tak a ni.



"Engtik nge kan chhuah dun leh ang ?" chu zawhna bawk chu! Coconut chu ka lam ah a rawn lek vut a,Ka chhanna a nghak th hriat deuh hian min en run bawk.
.
"Hun ka neih theih tawh pawh ka ring lo!" Coconut tui chu kan fawp chhuak dak dak a,bka taksa nisa in a em sat vek tawh chu an dai nghal sawng sawng thei! Ka bula Fernando lungawi lo hmel dur nghal khup chu ka hmu lo der hmak thung!
.
"In Hospital ah chaw chhun ka rawn ei ziah a ngai dawn nih chu!" a rawn ti hmuk.
.
"A tul ber lo.."
.
"Ka ti ngei ang.." Coconut a leina pawisa pek pah chuan a rawn ti sup, engmah kan sawi leh hma in a kekawr ipte a a phone ah chu a rawn ri dar dar a,Min rawn melh zawk in a ipte chu a zen, Caller id a hmuh rual chuan lungawilo tih hriat deuh hian phone en chung chuan a rum nghut a.
.
"Hello."
.
A ngawi deuh vung vung a, a mitmeng chu a danglam zui nghal hlawk, a coconut ken lai chu ka lamah a rawn lek hnai vut a,lo ban ve vat in a chet zia chu ka thlir reng, nichin pawh a ka hmuh tawh, a ban a a hren kha a hmet zauh a, eng emaw hi an sawi zui leh nghal zung zung! Nichin khan he a ban hren hi a hren satliah Mai maw ka tia, Mahse a landan hi chuan a lo ni tawp lo a nih hi..Power ranger vel a an banbun thil ti thei te pawh kha ka chan ta lek lek mai!
.
"Darkar khat hnu ah ka rawn thleng ang!" English in a sawi leh tak ah chuan an tawng ka hrethiam ve leh chiah..a hma zawng khan chinese leh malay tawng in pawlh in an inbe char char.
.
A ban bun chu a hruai eng a maw lai chu a hmet leh zauh a,A kiu deuh vat a,A hma ang chiah khan hlutna nei lo ang maiin a thim zui leh hmak! Min rawn melh a,An buaina chu ka hrethiam chiah lo,Mahse a che vel kha a hmuhnawm, Super hero enga maw ber in midang chhan chhuah a tum lai a aremruatna an duang kual vel hi a ang tawp a lawm!


'Ka ngaihtuahan atthlak zet chu rawn hre ngat se chuan a lawm hauh lo ang!'
.
"Thil thleng a awm em?"
.
"Kan let a ngaia... pawi i ti em?" Nuamlo tih hmel deuh a rawn ti sup in ka kut a coconut chu a rawn ban hmuk! dangro tih hriat zet hian an fawp nghal kawk kawk a! Thil tam tak a ngaihtuah zui tih hriat ngawih ngawih hian a hmel lan dan chu a ni khup.
.
"Pawilo... Let hma leh ka mu hahdam thei tih na ni mai!" Keimah vang lehzel chuan rilru nuamlo in awmlo se ka duh,Ka nui var var a hmuh chuan a thaw deuh huai theiin ka hria.
.
"Ka tihpal..ka hna ah hian kei aia hotu an awm ve bawk sia." a ti leh sup.
.
"Keipawh hotu leh thu min pe kual tu ka ngah em hi.." Thawveng deuh hian kan ti lang lang a,a rawn nui ve ta suk!
.
.
Tuipui kam atang chuan kan in khalh let a,A phone chu a khattawk in a ri deuh reng,An sawi leh buaipui ber ka hrethiam ve lo,Mahse thil tha leh hna hnadam tak an buaipui lo tih chu ka hrethiam,Fernan
do pawh duh aiin a vin leh deuh hlut thin!
.
Kan PG kawtah chuan car a dintir dat a, Ka chhuakna tura car min hawn sak a tum chu a ban ah vuan in ka lo ti tawp vat.
.
"Kal tlang zawk rawh..Va fimkhur la." A ban rek ka vawnna chu ka hmer deuh salha .
.
"Kan hun hman ka tichhe vek!"A ban ka vawn loh na lam chu a phar deuh zuau,Steering ah chuan a nghat thla leh a.
.
"A chhelo.... A tawk chiah zawk pawh a ni mai thei a sin.."
.
"Humm...tun a i tawngdan ah kha chuan hmeichhe naupang i ni tih a hriat miah lo."
.
Melh rawm pah hian ka kut in ka tin nghal uai ringawt,A nui suk a,Ka kut chu la in a fawp ta zawk.
.
"Hun nuam tak min hmanpui a vang in ka lawm e,Station ka thlen hun ah ka rawn bia ang che." Ka kutphah hnung lam chu a khabe ah an nul leh vang vang a, ka hrait tak chu hepa hi ka duh hun hun ah ka hlat thei ngaidawn lo,Hlat a hneh in a angchunga awm hahdam thlak zia ka hriat belh zel zawk dawn!
.
Khum ah chuan kan mu thla hnawk a, Ngaihtuahna buai nuai nuai leh mahni inthiam lohna in min rawn luh chilh leh hma in inbual tur in ka tho ta nghal daih a,Tuna ka kawng zawh mek hi a dik a maw...dik lo emawh pawh nise ka zawh laklawh tawh,Kawng laklawh ah min lo pawt ding tu tha tak a awm a nih loh chuan kawng tawp thleng ka zawh ang! A tawp rat thleng in!
.
.
Hun a liam a,Ka rin thiam phak bak in Fernando nen pawh kan inpawh in kan in mil phian zel,A chang chuan kei aia upa fe a nih vang hian a thuhnuai a min kun tir tlat a tum thin te hi ka ring a,Mahse a lo nilo nasa lutuk! Engkim ah ka thusawi a zawm,Awi awm loh khawp in minzah thiam a,Ka dawl chin tawk a hria in eng kawng ah mah min nawrlui ngailo.Chhungte a vang chuan ka zahloh phah miah chuang loh a nia!Thil ho mai Mai a sawi ngailo ang bawk in a thusawi tawh tihhlawhtlin loh ala nei lo,Mipa a ni tih hi a hre chiang,Chu a mipa nihna chu tharum chhuah in a lan tir ngailo,Dam ruih leh chetdan in a lan tir thin,Mipa mahni thutiam hlen ngailo leh an tusawi hnu theinghilh leh zung zung thin hi ka ngaina ngailo,Fernando erawh in chung ka mipa ngainat loh te mizia ang a nei ve hauh lo,Hmeichhia te hi awmnem zawk leh chaklo zawk kan nih zia a hre chiang hlei pawh a ni mahna!
.
Ka phone rawn ri dar dar chu huphurh rilru zet hian ka chhang a.
.
"Nu..I bill a kal hnem lutuk ang,Ka rawn call zawk ang che." Pangai tak a lo ti vat in keimah zawk in ka call ta zawk a.
.
Fernando nen kan inkar hi ka nu chauh ka hrilh,Min hau lo a min lawmpui chuang lo bawk,Hnamdang ka kawp hi a duhlo a nih pawh in ani hmeichhe rilru thatak hian ka rilru tur a hrethiam pawh a ni mahna..Aw ka vin a min hau lo in Bible chang tha tak ta min rawn thawn thin.Chu tinga a chet chang chuan tawngkamna tak a in hauh aiin ka lakah a thawh dan a na zawk thin.
.
"I dam em?" zanriah ka ei zawh tawh a vang in khum ah ka lawn nghal a.
.
"Kan tha..I pa in contract a hmu thar a,Naktuk hian a hna thawhna tur en in tuipui bari lam ah kan kal ang!"
.
"Nu..!"
.
"Sawi rawh...hei makeup ka chah ho a rawn thlen belh a,Coupon pawh free ka nei nual..ka rawn thawn duh che ngem?" min fiam tih hriat deuh hian a rawn ti lang lang,Ka nu hian cosmatic vel a zuar thin,Kum upa tawh lam ni tawh mahse a taksa leh vun a enkawl ukluk em a vang hian a lang naupang reng mai ni,Make up ka hman ka zeiloh lutuk a vang hian min fiamnan a rawn hmang thin!
.
"Coupon chu Lal-op-i kha lo pe rawh,A lawm ngawt ang!"
.
A rawn nui hawk hawk a, Min hau ngailoh vang hian a hlim tihna a nilo tih ka hrethiam ve kur hian min ti chau!
.
"Nu.." switur pawh chuang lo hian kan ti leh sep a.
.
"Fernando a tha em? ka Bible chang pek che kha i mut hma in chhiar leh ngei ngei rawh aw." a rawn ti leh lang lang a,'Nu ka tihpalh!'Ka rilru chuan ka lo ti mawlh mawlh.
.
Eng eng amaw sawiin kan in be reng a,Kawl rawn phe zawr zawr leh tek tla ri deuh thui thui te chuan khawlum up lutuk chu an rawn ti dai sawng sawng thei!
.
"Mate..Dawr ka khar tawh dawn a,Phone hi ti tawp rih ang,In enkawl tha la,Tawngtai kha thlah thlam miah lo ang che." Dam thlap a arawn tih tak ah chuan kan inbiakna kan ti tawp a.
.
Lu kham a ka Bible dah chu la kang in chhuatah ka thingthi a,Ka nu in Whatsapp hmanga Bible Chang min rawn thawn chu keu in ka chhiar nghal a.
.
"Lalpa.. Tleirawl ngaihtuahna pawh la Puitling lo tak ka ni..ka tana tha tur ka hriat loh ang bawk in ka tana thalo pawh ka la thliar hrang thiam lo, Fernando nen kan inkar pawh a tirte atang i hnenah ka hlan a,Engkim min hriatpui bawk,Ka tana i mipa ruat a nih chuan a fiahna ka duh..Chutiang bawk in ka tan a i mipa ruat a nih loh chuan thuk zawk a kan in hmangaih hma in min lakbo sak ang che." He tiang hian vawi tam ka tawng tai thin,Ka dil thin leh Biak thin Pathian hi tunah rih chuan la ngawi vung vung tihmahse ,Ka tawngtaina hi min la chhang dawn tih ka hriat a vang in ka beidawng chhin ngailo.
____________________///____________
"Gate hma ah ka awm' Tih message ka hmuh rual chuan ka nui sak a,Gate lam pan chuan ka kal chhuak nghal vat bawk, Street light eng dul ruih in a chhun phak chin na, Gate bul mai a thutna awmah chuan Fernando chu hahdam hmel zet hian a lo thu duai, a bawp lian leh sei zet pakhat chu a khup lehlam chungah a khang a, thutna ngheng chhan ah chuan a ban a lo phar deuh duai bawk, an hna vang in khawpui chhuah san in ni thum chhung an kal chhia,A landan chuan an rawn let chiah a nih hmel,Uniform a la inbel tlat!
.
Gate chhuah san a ka pen a hmuh chuan a bawp duh dah zet a adah chu siam rem vut in a ban a rawn phar chhuak hluai a. Ka awmna ah chuan ding in a lan dan hahdam hmel lutuk chu kan thlir leh phawt a, min nuih suk chung hian a rawn tho chhuak ve vut a!
.
"Zan khua in min in ngha tir i tum em ni?" A kekawr ipte zen lut pah chuan a rawn ti leh sup, hawi sawn in ka nui hak a. A palian in ava han pa hluah hluah tak em.
.
"Min rawn pan dawn nge ka raw pan dawn che?" min melh ngur chung chuan a ti leh sup, k kut lehlam pawh a uniform kekawr ipte ah a zen lut leh hlun, a palian in a banbul a lian ropui sia. A awm dan chua a ti langlian leh zual.


"Emily..?" rilr ruih hian a rawn ti thuk ruih. Ka awm chhung chu a che rawih rawih a! A aw thum lampang in ka hming a lam hian nuam ka ti thin!



Muang chang in ka pen hnai a, a taksa ka hnaih rual in ka lungphu an dang lam a, nal zet a min lo vei nuih leh lek phei chuan tun hun hi chelh din reng mai ka duh! Tuna ka hmuh thei zawng chu Light eng dul ruih hnuai a ding mek, nghakhlel tak a a hnen ka thlen hun min lo thlir reng tu! Fernando Rescal Decent. Amah chiah hi!
.
" ni thum a zawng a rei ber a ni. My Girl?" ti zawi sup in a hma a ka ding chu a ke chheh rawn ti hnai in min din hnaih sauh. A kut kha chu a kekawr ipte ah a la dah lut hlun tho! A aw thuk ruih chuan kan awmna hmun te chu vur hmunah a chan tir thei mai dawn lawm le!
.
"Eng tik nge I lo let a?" A mit ah tak melh chho kal, a khap fak a.

"Darkat chanve liam ta khan khawpui chung kan rawn lut,Chuan he hmun hi ka rawn pan nghal."Nui leh suk in a lo thutna hmun lamah chuan a thle buk, A kut kha a la la chhuak miah chuang lo.


"Zan riah pawh i la ei lo a nimaw?" Ka awm khat hnawk khawp in boruak ka hip lut, kut thawh a ka kuah hmasak mai ka hlau!
.
"In lam ah ka ei ang." ti muang ruihin a mitmeng pa zet chuan min melh chhukngur. in hmachhawn reng chung chuan kan han ngawi dun leh rauh rauh ,Ka lak atang a mit a lasawn miah loh a vang chuan ka sa deuh tan tan reng! Ka T-Shirt lianpui hak chhuang a tang hian ka lungphu te hi an rawn chhuak mai dawn in ka hria.
.
"Emily.. min kuah tur a ka hrilh kher Hun che em ni i ngha? " Thawp sat a arawn tih rual chuan ka meng nghal kawk thei, a hmel ka en a,A thusawi kha thinrim a sawi a ni em ka hrelo,A mit meng erawh a vawt ruih thung!
.
"Ka...!"
.
Ka sawi tur ka sawi hma in a kekawr ipte atang a kut la chhuak vut in a ban lianpui chuan taksa ah min kuah bet nghal hlu hlu a, dim dawi zet hian nichina ka boruak hip luh kha ka thaw chuak ham ham ringawt! Ka sam ah chuan rawn fawp in 'Ka hahdam ta!' ti ang mai hian a rawn thaw chhuak hawlh.



"Min kuah kha a har viau em?" Nghet leh zual a min kuah pah chuan a ti bul hmuk! Kan dang chiang teh e! Ka kuah mai lohnan ka lo insum ve em em a!
.
"Kan awmna hi khawlaia nih hi..!"A ban bul lianpui min kuah bet tlat na kar a tang chuan ka dak chhuak deuha.Min lo melh nghek ringawt.
.
"A nilo mi?" Kan ti leh hram!Min kuahna phelh in a in la hrang nghal ruai ruai, a pangtilum ah khan ka lo hahdam viau hman tih ka hriat rual chuan a tlai tawh, bul ka tan te a nih ngawt loh chuan ani palian leh rilru naupang chhia zet nei hian min kuah leh ngawt tawh dawn lo.
.
"Mr..!"
.
Min melh thuak in a hawi sawn leh vut, mipa naupang tau nen an danglam lo reng reng! Fapa mal a nih bak ah a unau hmeichhi te pahnih hian kehthei dawn in an dawm, Mipa nimah se duat rawn lo ni ta na na chu naupang chhiat na chen a neilo thei lo.
.
"Mr.. ka tihpalh.." pangchang deuh te hian kan ti leh vat a.
.
"I tihpalh tak tak a nih chuan i tihtur i hria a lawm!" A rawn ti sup. A aw ah chuan a thinrim lo tih ka hria. Pen hnai in a zak hnuaiah chuan ka kut ka rawlh lut a,a ding khawng ul ringawt, ka ban chu a taksa lianpui ah chuan kan suih nghet a,A lungphu ri dup dup zawn a ka lu ka ngha tak ah chuan rang tak in min rawn kuah let ve a! Ka lo nui hak ri a hriat chuan thawkhar khawp a nghet in min rawn kuah lui kher!
.
Hei hi kan awm dan chu ni..Kan in ti thinrim rei thei lo, tleirawl mawlmang ve tak hian he mipa lian leh kum lam ah pawh upa ve tawh tak hi ka thlem a ngaih chang a awm thin! Chutiang bawk in ka thinrim leh ka titau min tihreh sak thei tu chu he a ban tha chak tak leh taksa lungbang ang mai a nghet tha leh rintlak em em ka vawh vek chang pawh a lumna min pe thei tu..amah Fernando Rescal Decent ngei chauh hi a ni!
___________________________________
.
"Baby.. tuntum kan test ah hian ka tih that chuan ka course a zo ve chiah dawn!' Stephanie chu ka en a,Ngaiin khawhar dawn viau mah i la,Ka thiannu hlawhtlin(g) na hi ka pawmpui a ngai,Keipawh tun a tanga thlahnih a ral chuan ka course ka zo ve tawh dawn,A ban ah kuah in kan nuih var var a.
.
"Chuti chu vawiin tha tawk a i tih a ngai a nih chu."
.
"Nichiah e..Mahse Doctor rual hma ah hian ka zam dawn lutuk hi a.!" nui har har lah tiin Training kan neihna room chu kan pan a,Vawiin hian ka lo zir tawh kha enletna kan neih rual in thiam kan neih belh em tih kan lantir a ngai dawn,Damlo taksa leh kan taksa kha a in man tawk em?Damlo in kan taksa rinchhan chunga chet a lak lai khan kan dindan position a dik em?Engkim a kipkawiin min endik vek dawn,Zam awm duh tur tak chu a ni.
.
Doctor 10 rual hi an thu thap a,Kan traineer pahnih Samartha leh Mr Soon chuan kan tan tak tak hma in eng eng a maw a sawi kual duah a,Kan tan theih meuh chuan a tlai leh duai tawh.
.
~
~
"Aw Lalpa..Emily..Ka hlawh tling ta.' Stephanie chuan certificate lek chhuak va va pah chuan a khek chul a,Keipawn tun bik a tan khan crttificate ka nei ve,Heng kan certificate hi kan hma lam hun atan a pawimawh lutuk!Kan hna zawn zel na tur ah pawh heng hian awmzia thuitak an nei.
.
"Naktuk atang chuan keimah ngeiin bul ka tan ve tawh dawn!" Emwrgency pindan pawn thutna awm ah chuan kan thu hnawk a,Vawt tih vang in ka khur ru leh dar dar tawh.
.
"I vannei tak zet,I hun awlah kopitiama chaw ei tur tal in rawn kal thin ang che."Ka lo ti ve vat,Ka ngai dawn lutuk hi tah nghek mai ka duh.
.
"Lutuk.. Ka hrilh che kha.. private a thawhna tur i hmuh chuan thlang ve ang che, kan hospital te hi en la..Doctor aiin nurse te hi an hah daih zawk hi. Doctor te chu a tul tawp a leh ward fang tur bak in an rawn in lan ngailo, a dang chu nurse kut ah leh Care giver kut ah vek a awm, cabin C phei chu Nurse te kut vek a,Chuvang chuan hlawh in ang rau rau ah i hahdamna tur tawn thlang ve ang che."A ti leh siam siam a, ka kut tang kara a kuttang rawn rawlh luh chu nghettak hia ka lo hum nghal ringawt!




Thu tha min hrilh a, ka thinrim leh mize tha lo tak tak min hrethiam em em tu ka thiannu tello hian he Hospital zau tak leh tawng hran hlak hmang,Ni tina mipui sangkhat dawn in sulpel suau suau na ah hian Thla hnih chhung ka awm a la ngai dawn!
.
Ka phone rawn ri dar dar ka lak kan rual chuan ka hahdam sawng sawng na tur aw ri pa ruih ka hrezui nghal vat a, Stephanie tello in karkhat tha mah hun ka hmang ve tawh,A tir ang ngawt ngawt in ka lungleng tawh lo,Thian ka kawmtam em em loh a vang leh ka tawngtam loh vang hian midang ho pawh hnaih en ah ka enlo,Zingkar ah kal in ka tih tur ang ang ka ti mawp mawp a,Chaw chhun erawh Fernando in min rawn eipui thin,a theih chuan tlai lamah kan haw rual thin bawk.
.
"Chaw chhun ei chhuak ang, ka Unauten an hmu chak che a." A rawn ti chiah chu, hahdam ai mah in zam lamah a kal tawh zawk.

"Ti maw?" Ka ti let heu!
.
A rawn nui ri hawk a."Ka bialnu hi an hmu ve chak tawh a." pangai tak hian a rawn leh sup,

-Bialnu!' tih lai chuan min ti mur sung sung thei.



"Ka rawn hruai ang che, hun i neih rei loh thu ka hrilh tawh a, an mahni zawk in kan awmna lam an rawn pan ang." a tih zawm leh zat.
.
"Mr..!"
.
"Sawi rawh."
.
"Ka uniform nen hian i unaute min hmuh tir i tum tak tak maw?"Ka ti nghal chul,ka uniform pawl lian hnek hnuk chu kan thlek a, Sneaker neo rawng lawk ve tak ka bun bawk, kan uniform thui lah hi a nalh lo em em leh nghal, a kekawr kawng phei chu a kawngah hrui hmanga suih ngai ngat! ka lan dan zawng zawng ngaihtuah chuan tumah hmu ngam tur ka nilo.



"Hahdam rawh.. A pawilo.. landan aiin i chhunglam kha an hmu duh zawk, ka sawi awmzia i hria ti raw..Hmeichhe naupang mahni inring tawk tak kha a lawm ka unaute hian min hmuh pui se ka tih!" thuk ruih a rawn tih chuan ka nui hak a, hmeichhe naupang min tih chang hian thinrim viau thin mah i la,Ngaiah a nei tlat tawh.



"Ka rawn chhuak a nia.. Duh leh Bus stop ah khan lo awm lawk la." Ka zam tih a hria a ni ngei ang, tum dang zawng aiin a aw te chu an dam in hriat an nuam.A aw hi a thum tel deuh a vang hian a tawng ka chhuak hi a nem ngailo hrim hrim, mahse tun tum chu ngaihthlak a nuam raih.
.
Kan inbiakna chu ti tawp in ka uniform chu kan pawt mar deuh thuak thuak a, Tu unaunu te mah in an unaupa neihchun bialnu atan ka landan ang a maksak hmeichhia hi an duh pui miah lo ang!Mahse tihtheih ka nei der silo.
.
Kopitiam kal pel in Bus Stop lam pan in ka kal hlawk hlawk a,Zam lutuk a vang hian tah a lo chhuak tun thei tih ka hreve chiah.
.
Ka hma zawn a Taxi a rawn din rual chuan kut kan lo hum ruh nghal ringawt a,Fernando chu rawn chhuak in an rawn vei nuisuk . ka nui pawh a za ve vak lo,Ka luhna tur in taxi kawngkhar chu a hawng zau nghal a, thaw chuak leh hak phawt in ka thu lut!A rawn luh ve rual chuan taxi chu a hniam suih in ka hria,Driver hnen ah chuan kan kalna tur hmun a hrilh a,Ka kut chu a kutphah hlaipui chuan a rawn hum bo nghal hmak.



"Pangngai tak in i hmachhaw thei em em ang, keiah ai daih hian an tawng duh in an nelawm zawk a nia." Min veng thwng tih hriat deuh hian a rawn ti sup a,A taksa ka nghen theihnan a lamah min pawt hnia a, a taksa lum leh nghet tha zet ah hian ka hahchawlh chu a ngai khawp e.



"Hun i nei loh lutuk vang in zanriah ei chhuah ka rawt ngam lo zawk a. I buai tih ka hriat rual in ka unauten an lo hmu cha ve leh zel si che.. Chawp chilh deuh a thil ka tih a vang hian ka tihpalh!" A ti leh duah a,A rilru nawmloh ka hluah a vang in a kut lakang in ka fawp zauh.
.
"A pawilo..Mahse ka uniform vang hian min nuih ang tih ka hlau!" Ka ti leh sep,A rawn nui deuh nghawr dawt a! Ka lu ah rawn fawp in an rawn tauh zui dat a.



"Keipawh uniform nen ka nih hi, Hummm...Uniform ha chung hian kan la in date dawn nia." nui hawk hawk chuang hian a rawn ti leh sup, a malpui ah ka ben rik sak thlawp a. A mal tuai vat vat pah chu rawn kun hniam in ka beng min seh sak a nih chu!



Ka khek that a, Eng tin mah ka tihlet ve hma in Taxi chu a ding ta dat a,Fernando lak atang in la hrang in kan thungil nghal vat a,Kan hma a Mall lian leh ropui zet chU Taxi chhung darthlalang atang chuan kan melh vang vang a.
.
"I bulah ka awm tlat dawn, Ka kut hi vuan la." Ka nghawng zawn a Fernando rawn tawng thawp sut ka hriat rual chuan ka'n thaw halh a, Ral bei tur pawh ka ni em hleinem le..!

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Abbra Reo Ririni
Posts: 1237
Joined: November 10th, 2016, 8:57 pm

Unread post by Abbra Reo Ririni » April 26th, 2017, 7:56 pm

(Thumal diklo kha chu min siam rem sak zek mai rawh..ka edit hman ngang silo a.)

A kut phah hlaipui chuan ka kut a rawn hum a,Mall chhung lam pan chuan kan inzui lut nghal a,Pakhat in police uniform a inbel a,keilah in training lai ka ni tih hriat deuh in thuamhna lian hnek hnuk ka inbel bawk a,Kan mi tawh leh kal pelh a piang chuan min en zui leh zauh zel,Mahse min en vung vung tu an awm lo.
.
"Thai Food ho i ngaina in ka hria..!" Min nui suk pah chuan Thai chaw zawrhna lam ah min kal pui leh nghal a.

Kan thutna hmun tur kan thutfel rual chuan Thai chaw zawrhna dawr chhungah chuan hmeichhe pahnih an rawn pen lut ve nghal a,Ah hmel landan zahawm tak leh vun nung sar ah chuan Fernando in a lo sawi fo thin a unau nute ngei an ni tih ka hre thei nghal.Fernando chuan chung hmeiche pahnih a hmuh rual chuan a ban vei lam a phar chhuaka,A kut ding lam erawh in ka kut a rawn hum nghal!Engtin nge ka mamawh hun tak ah hian chet a rawn lak thiam thin le?
.
"Oh My God..She's So cute..!" Hmeiche pakhat lang naupang zawk chuan a rawn ti hluai a,An pathum chuan an nui ho leh dar dar phawt,Ka nuih pawh a za ve chiah lo. Nula ve uai tawh cute lo in tih chiam chu a dawng tu tan a nuam vak lo.
.
"Babe.." Fernando in thawl sat a arawn tih chuan ka tui in mek chu ka phuh chhuak lo chauh..Babe..Khai leh..!
.
"Babe..Hei Bella Rescal Decent..ka u leh ka zirtirtu ni bawk a nih hi.."Min hnaih zawk a thu hmwichhe hnarsang veh vawh leh mit meng buang thang lamah chuan a kut a lek zauh a,Ngainat aam deuh a min nuih var var hian Bella chuan eng a maw hi a sawi zawn leh a..
.
"Chuan...he ta hmeichhe hmeltha leh duhawn em em mai hi ka nua Zahara a nih hi.."A thutna lam hnai zawk a hmeichhe thu dar ah chuan an beng thak a,Hei pawh Fernando nen an landan chu in ang tak an ni,A vun uk kharh chu a mam han a,A kuttang mawlh hi..An zum sang mai!
.
An unau in pawh hmel lutuk leh thil engkim an in hrilhtawn vek thin tih hriat tak zet, Kei tawng duhlo ve tak pawh hi Zahara,Fernando nau zawk bulah chuan ka tawng ve duah zel,A tawng duh mak bak ah a fun tlat,Chuan Fernando hi an zah thiam in a dah pawimawh thiam hle tih ka hre thar bawk.
.
"Mamma leh Papa te nen engtik nge kan in hmuh ho theih ang?" Bella chuan a rawn ti sap a,Chhan maidan tur ka hriat loh ang bawk in an lakah ah hian ka inthlahrung tak zet,An niin thutak a min dawnsawn theih laiin kei erawh chuan ka nu chiah Fernando nen kan chanchin ka la hrilh ve! Hall chhung chhuahsan pah chuan Fernando chuan ka ban rek ah a rawn hmet a.
.
"Bell..Kha lam kha chu hman hmawh rih lo ang,Emily hi training lai a la nih a vang in hun awl a nei lo lutuk tih ka sawi tawh kha...Thla hnih chhung chu Mama te nen an la in hmu thei lo." Fiah fak hian a ti sup a,Kei erawh a ruk ka lo insang ruh nasa!
.
"Ok.ka hrethiam e..!"Bella'in nui var var a arawn tih tak ah chuan kan zia hawk in ka hria.
.
Mall chhawng hnuai lam ah chuan luthla in an car awmna thleng kan thlah a,Ka huphurh ruk ang aiin an kianga hun hman kha a nuam!
.
"Ka Unaute chu enge i ngaih dan?"
.
"An fel ka ti..Chuan Zahara tawng duhdan kha ka ngainat zawng tak."Nui var var hian ka lo ti let vat.
.
Ka kal lai chu min pawt ding a,A hmel ka enchian chuan ka hriat thiam chiah silo hian a mit meng a dul!
.
"Emily.. ka chhungte chuan an pawm vek che..Mahse..!" a dar akan ak a,Hnuai lam ka melh nghal daih,Ka chhungte tumah ka la in hmel hriattir ve lo,Ram hran a awm daih lawh nimah i la phone kal tlng tal pawn a tu a mah ka la biak tir ve lo.
.
"Fernando..Ka hlau thawng em a tin ni..!" Ka aw chu a ri chhuak em pawh ka hrelo.
.
"Ka tihpalh.. A pawilo,Lo kal teh..!" zawi sup a rawn tiin a awm zawn ah ka lu a bei tir a,A ban lianpuiin ka dar ah hneh zet in min kuah bet nghal hlu hlu a."Ka sawi lo ang ah ngai rawh,Nawr luih che ka duhlo." Ka chhip ah chuan an rawn fawp leh vang vang a!Hun reitak chhung min kiansan tawh tu..Mahni inthiamlohna leh hnam phatsan tu anga ka in ngaih thin na khan min rawn fan leh riai riai tawh! He ka kawng zawh mek hi a diklo tih ka hriat rual in ka duhna leh Fernando la hmangaihna hian min pawt ve zel si!
.
'Lalpa..Tunah khan ka hmangaih tih ka saw em? '
.
Ka nun chu ka hmang chho ve mawp mawp zel,A nitel in Fernando nen kan in pawh zual em em a. Engtin nge tawng hran deih hmang leh hnam ze hran daih nei mipa bulah hian thlamuang tak a ka awm theih tih hi ka kn zawt fo thin!
.
Hopital lam ah kan buai em a vang in hah pawh sawi thei lo in building dang nen ka tlan kawi tawn zak zak reng a,Ka traning hun chung pawh ka zo ve tep tawh,Ka vanneih leh zel na chu kan senior Doctor ho hian min duhsak in min enzui bik reng zel a,Ka thil hriatthiam thlawt loh leh ka man hlawl loh te ka zawh tum pawh hian phur tak hian min hrilhfiah zung zung thin,Samartha ka chungah tha ngailo mahse amah aia thil ti thei leh hautu zawk in min duhsak a,Ka tan chuan a hahdam thlak let ling zawk.
~
~
Kopitiam ah lut in Fernando nen kan thutna thin bik lam chu ka pan vat a,Vawiin chu amah ang lo tak in a rawn tlai ve ,Ni dang zaawng ah chuan keimah hi nghah ngaiah ka tang thin,Chair a thu pah chuan ka hunawl neih lai chuh in ka phone chu ka khawih kual a, Kan hun neih a tawt lutuk vang hian zingkar a phone ka khawih bak hi chu tlai lam ban hun ah chauh phone khawih theih chang ka nei thin,Mahse kei aia khawih khat chu ka Traineer Mr Soon hi,Vawi khatmah a phone khawih lai ka la hmu lo,Stephanie kha chuan vawi khat a hmuh fuh tawh thu a sawi,Kei chuan vawi khat mah ka la hmu miah lo,Ka sqi tum tak chu,Mi ram chu an hna ah an rinawm vek,Tupawh an thawk rim in an hna ah rilru an pe,An hna thawh laiin rilru lapeng thei thil an ti tel duh ngailo,An thawkrim ti ila a dik ber ang,An hna ah an tlai ngailoa ,Ban hun hma in tumah an haw ngai lo,Hotu leh dinhmun sang chelh tu an nih vang ngawt in an hna tur an hnuaia mite kut ah an dah tawp ngai lo,Hna hlutna an hriat rual in hun hlutna an hre bawk.
.
Kan ram,Kristian ram in ti hian ringlo mi ram hi kawng tam tak ah entawnna tur ka ngah hle,Keini ram ah chuan tlai tak tak a hna kal an in tihhmuh a,Ban hun hma a ban phet tum. Hna a tui leh rilru pe deuh te deu sawh em em bawk si,Thil tha ti duh an awm laia a ti peih hlei lo in an kawng lo dal phet tum lah kan tam!
.
"Minute 10 in a tlai tawh!" tiin ka phone chu kan melh leh zauh a.
.
Reilote hnu ah Darthlalang kawngkhar a a rawn pen lut ka hmuh rual chuan lo nuih var var in ban ka vai vat,Mahse min rawn hmu ve mai lo,A rawn kal mai ring in ka phone ah chu ka kekawr ipte ah ka dah lut a,Ka hawi chhuah leh rual a ka thil hmuh a vang chuan ka puak darh lo chauh.
.
Kha Chinese nula,Hman deuh pawh a ka hmuh tawh nu khan Frrnando ban bul ah chuan a vuan tai,Eng a maw sawiin a phun sep sep a,A taksa in Fernando a din hnaih lutuk te chuan ka thinphu a ti rang vek.
.
Fernando zawk chu a rawn hawikual thuak a,Min hmu mai lo tih a mit meng leh che zia ah chuan ka hre thei,A ban a sana dum lawk ve tak chu a melh leh zauh a,Hmeichhia zawk bawk chuan eng a maw sawi leh in Fernando chu pawn lam pan in a pawt zui tang tang a nih chu!
.
Za vak lo hian ka nui hak a,Fernando rawn hawi let leh chu min rawn hmuh hlau in ka chhak thutna a chinese pa pakhat thu phen thei tur chuan ka thu rem nghal vat! Dawhkan tlang chu ka hmer deuh vang vang a,Kawngkhar lam ka en leh chuan an lo awm tawh lo.
.
Ka ngaihtuah ber pawh ka hrelo,Ka thutna atang ka tho chhuak vut a,Engmah pawh ei ta chuang lo chuan Hospital lamah ka let phei leh ringawt .Ka phone ah lai rawn nghawr dar dar chu ka kekawr ipte atanga la chhuak in thawk kan la halh a,Chhang lo in ka reject hmak,A rawn ri nawn leh vat,Ka switchoff nghal hmak!Locker lam ka pan a,Ka locker chu hawng in ka phone thi tawh chu ka vawm lut pawp,Kawngkha pawh in vaw hawng leh sawk khawp in ka khar thuai a,Ka sam kar ah kuttang rawlh lut in kan tham vang vang phawt..
.
"Bum ka ni a maw?"Mumal lo zet in kan nui leh hak a.Ka awmdan min hmu tur a tumah Locker area a an rawn kal lo chu ka vannei tak zet,Rawn kal awm ngat se chuan mi a hmuh in min rawn hmu ang!Chhuat vawt thlar ah chuan ka thu thla hnawk a,Ka biang rawn lum thla pap chu ngei zet hian ka kut in ka hru nghal tawk! Ka taksa chhung a ka thinzawn na ngut ngut te, ka lungphu thikna vang a phu dawt dawt te hi ka haw lutuk!
.
Tlai lam zawng chu tiluih na tak zet zet in ka in la buai lui,Midang tih tur pawh ka tih khalh zung zung a, Hah deuh leh ka tlan buai chiam hian Fernando ka ngaihtuah lo zui mahna!
.
Fernando in thian kan ni a tih vang khan ka lo ring nghal ngawt a,Mahse kha nu mit meng ah kha chuan thian ang ngawt in a en ve lo tih hairual a nilo!Ka hmuh dun tirh ber a tang kha!Hu!Fernando zawk pawn thian lo deuh in a lo en reng thei! Enge hriat ka neih? Ka ring mawl ve tawp, Min lo nuihzat ru reng mai thei!
.
Ka ngaihtuahna a thil rawn lut mak pui pui chu a taka ni ang tih ka hlua viau thung! Ka hriat zawng chu kei hi bum leh hmeichhe dang nen a kawp tur ka nilo..ka nilo tak zet!
.
Tlai dar sarih ah kan haw thei chiah,Ka locker lam ah let in ka bag ka la a,Phone pawh chu switch on lo in ka bag ah ka thun tawp,Ka ipad zawk la chhuak in earphone ka vuah zui zat,Hospital chhuahsan in la theih ang a rang in ka kal nghal hlawk hlawk a,Gate ka pel dawn chiah tih in Fernando chau tih hriat zet nen kan in tawk,Min rawn pan hnai leh rual chuan sirlam ah ka lo tawlh ve thung, A ding chawt a.
.
'Emily!' A hmui phun chiah ka hmu,Earphone ka vuah a vang in enge a sawi zawk ka hrelo, Min rawn ban a,Na tak maiin a kut ka lo vai sawn ve vat,A hrilhhai hmel chu a khawngaih thlak let ling!Mahse nichina ka hmuh lai ngei a hmeichhe dang a zui lai a ka hrilhhai dan ang ai chuan tun a awm dan hi nep tak a la ni!
.
Ka hma ah a rawn ding hnai a,A hmel chau tih hriat ngawih ngawih chu ka lo chet dan a vang chuan a rawn thim nghal khup.Cho zet a melh chho ran in kan nui leh suk a,Ka chetdan hrethiam lo a alang tum te chuan ka thim a tirim zual.
.
"Ka kal tlang thei a ngem?" Melh kar pah chuan ka dar ka tih chhin khum ak a,ka chet dan chu a beiseilo lutuk tih hrait zet hian a nur nang! Ngai pawimawh duh lo in ka tawlh sawn a,A taksa silo in ka kal tlang bawk,Vawi khat pawh ka hawi let lo,Mahse keimah maiin ka kallo tih ka taksa khur ru dar dar leh tang run ah chuan ka hrethei!
.
Ka pen zel a,Kha paliana khan min zui ve zel tih chu ka taksa hian a hre chiang lutuk, Leiverh chhung ah chuan pen lut in chak tak in ka kal zui hlawk hlawk, he kawng hi chu Bus in min lo tlan san tawh chang chauh in ka zawh thin,Ka zawh hnu hnung ber tum a thil a thlen hnu phei kha chuan kal en ah ka en tawh lo,Mahse Bus ka nghah chhung in khu a tlai zel dawn sia,Thler lehlam kal chhuah nan he leiverh kal tlang hi ka mamawh.
.
Leiverh eng dul ruih ah chuan inbe miah lo hian kan kal dun reng,Min rawn bia pawh nise ka chhang dawn lo lutuk hi a ni mai!
.
Ka hnung lam atang ka dar ah a rawn tham a,Leiverh bang lam ah chuan min nawr bet nghal rawk,Ka hnungah a kal reng tih hre mah i la,Tiang hian a rawn chet ka ring lo lutuk!Ka au that a,Thinrim tur ka nih laiin amah zawk hi a thinrim hlauh a.
.
A ban leh lam a min nawr ber reng chung in ka earphone vuah lai chu a rawn pawt thla sawk,Cho tak mai hian ka lo melh let ve ram ram.
.
"Ti hian awm suh." A aw thum lampang ah chuan hrilhhai na a ri tel.
.
"Eng tin nge ka awm?"Leiverh khawk ram ram khawm in ka au nghek,Ka chet dan hi a awi thlawt lo tih hriat tak hian ka sir lam ah thle in a rum nghut a.
.
"Chaw chhun ei dawn a ka rawn kal loh a vang khan ka tihpalh.." A sawi zawh hma in ka kut in a awm ah ka lo nam nghal nawk nawk,Eng dawt nge sawi a tum?Vawiin khan a rawn kal chiang lutuk, ka hnen rawn thleng lo in hmeichhe dang a zui!
.
"...... Babe..min ngaithla phawt la.!" Ka ban rek tawn tawn ah a vuan a, 'inbeng dai tawh teh!' Ti ang hrim in ka ban a vawn chu an rawn thing deuh nawk nawk a.
.
"Ka ngaihthlak na chhan tur che a awm lo, kha nu kha kei aiin i thlang zawk a lawm..kal bo rawh.." Ka vin nghal tuar,A thaw chhuak hak a,Zawi zet hian leiverh bang ngheng chuan ka chal chu a chal in a rawn nawk bet,Ka nam ve tang tang a,A taksa lian pui nawmsawn tur in tha ka nei tawk lo,Ka kut chu leh lam leh lamah vuan in a taksa min kuah tirnan a hmang zui,Mahse ka chet phat phat reng a vang chuan min beidawng tih hriat zet hian min thlah a.
.
"Thil thleng awm vang a lawm!" a rawn ti sap,Ka lu chu a la nawk bet reng,A awm zawn ah ka nam leh a,A kut in ka kut a rawn vawn hnan leh vat..
.
"Thil thleng chu a awm khawp ang chu..A ni lawm ni?"
.
"Min ngaithla hmasa la." A aw ki a rawn san ve hlut,A ding ngil a,Ka ngaihthlak a tulna ka hrelo.
.
"Min rawn umzui suh ang che..Chuan engmah sawi dun ka duhlo bawk." Ka ban a rawn vawn a tum leh chu ka lo in dang leh vat a,Tiang a kan awm reng chuan ka thinrim leh rilruna hi ka in sum zo dawn in ka hrelo!
.
"Babe...!" Kan inzui tak tak hnu ah ka thinrim a vawi khat hmuhna a nih vang a ni ngei ang,Ka chetdan,Awmdan leh tawng dan zawng zawng chu a awi hlawl lo tih hi a hriat ngawih ngawih ! A hma zawng pawh khan kha nu nen khan an lo inzui reng mai thei,Ka hrechhuak har vang in min lo nuihzat ru reng mai thei a sin.
.
Thingbul ang mai a ding khawng reng chu kalsan in leiverh chhuahsan chuan ka tlan nghal hlawk hlawk a,Ka tah a chhuak tawh lo,Ka thinrim..Tlawm ka in ti bawk.
.
Leiverh a tang ka chhuak chiah a,Ka bus chuanna tur a rawn thleng zui ve nghal bawk,Ka card chu tap in bus thuna hnung ber chu ka pan ding nghal a,Ka thut thlak rual chuam darthlalang chhan atang Fernando 'n min rawn thlir zui reng chu ka hmu thei! Chauh hmel in beidawn viau mahse a lan dan chu pa tak a ni! A thinrim leh thil thleng duhawmlo a awm chang in a hmel hi a lang chang in a rum zual,Mahse thlirdan pakhat a tanga thlir chuan a lang sexy zual sauh zawk.
.
'Khawvel ah ka thil ngaihtuah hi a tul lo ber!' Ka hawi sawn hmak a,Ka earphone chu vuah in mit ka chhing zui nghal,Bus ah pawh chuan lawn tur zawng zawng an rawn lawn tawh tih hrit tak hian a nghing dur dur a, Beidawng leh hrilhaitak a min thlir reng tu chu kan tlansan zui nghal bawk.
.
A dinna hmun kan hlat telh telh a,A chhan ka hriatthiam siloh hian ka taksa chhung hi a rawn na hit ngut ngut thei! Stop Button hi hmet a ka tlan let leh mai loh nan ka kut chuan ka mal kan tham vang vang a,Ka sawi tawh em ka hrelo..Fernando hi hlat harsa ka ti,Mahse chu mi vang ngawt chuan midang nuih zat nitur in ka awm reng dawn tihna a ni chuang lo.
.
Bus a din hnu chuan chhuk in chaw zawrhna dawr lam ka pan ding leh nghal a.Hna bang then khat zanriah lei ve tur dang tam tak lo in tlar thup na ah chuan in tlar ve in ka ngaihtuah na la peng thei thil kan zawng pah nghal zat a, Hmeichhe then khat ang a duhzawng thlak zung zung ching leh thil reng reng haulam tak a lak ching ka ni ngai lo.Chuan ka thil tum tawh tih hlawhtlin loh ka la nei ngai lo bawk ,Lehkha zir kha ka tuilo lutuk leh ka man thlawt loh a vang hian ka beidawng der,Mahse kha pawh kha tum lui i la chuan ka la ti ve nawk nawk thei ang! Ka zir ang a nasa kham mitam tak kha chuan zirngat se chuan engtik lai pawn first divisiom hi an ni pha ang,Hnar thi thawt khawp khan ka zir thin,Tlai var lah ka tkaivar zawn ngun!Mahse ka thluak hi an chawl vek! Beidawng in class 12 hi vawi hnih admision ka ti nawn thak, Bengalore ah te open ten kan ti lawm lawp a,Zirlai a nih tawh kha chuan ka thluak hian a hrethiam thei thlawt lo,Kha vanga beidawn san tawp kha ka ni!
.
He mi ram ah pawh hian ka chhungte rem tilo chung ka kal lui,A chhan chu ka lo tum tawh lak lawh tawh,Chu mai bak ah mizoram ah chuan ka nu dawr nghah pui bak tih tur ka nei lo,Chuvang chuan hmasawn zawk nan a he hna hi hmachhawn ngat ka ni.
.
Ka kut tang Kar ah kut rawn rawlhlut ve tu an awm rual chuan ka au chhuak lo chauh!Mahse ka sir mai a,Mipa sang leh pa zet ka hmuh rual chuan kan thaw deuh hak a,Min melh lo in hmalam a melh run,A kut chu thin thlak ka tum a! A vawn ngheh lutuk a vang chuan beidawng tak hian kan nui hak ringawt!
.
Talbuai in a kut hi thin thlak tum ta ang i la,He tizah mipui zing ah hian ennawm kan siam tihna a ni ringawt dawn,A kut in an hum nghet sauh a, hnaih leh zual in min rawn din chilh bawk,Hrelo ang lan chu har tak a ni! Kan taksa insi miahlo a kan awm chung pawn keimah ah bian danglam na a thlen thin,Tun ah tak phei hi chuan alaka ka thinrimna leh chaw chhun a kan in hmuh loh a vang a lo thlalhlel tawh sa na nen...A laka ka rilruput dan chu a kual nuai!
.
.
.
"Min ngaithl la...!" Chaw lei na man ka pek rual in chak tak mai in ka pen chhuak hlawk hlawk,Fernando pawn min kalsan mai mai dawn lo tih hriat zet hian ka hnung lam a tang min rawn umzui tang tang a.
.
"Babe...?" A ringtha leng lawng khawp mai.
.
"Kan in ngaithla tawn lawm ni...A ni em? " Ka din a vang in ka hnung mai ah chuan a rawn ding ve,Ka rilru leh lam chuan tlan vang vang tur in min hrilh,Mahse ka rilru lelam chuan hawilet a, A thusawi te ngaithla tur in min duh!
.
"He tianga i awm hian awmdan tur ka thiam lo." Zuai raih hian a rawn ti sep! 'keipawh hian tianga awm hi ka duh bik reng reng lo.' ti let ve vak la chak tak zet!
.
"Ka lak a thinrimna i neih chuan a chhan tha deuh in kan sawi dun tur a ni dawm lawm ni?!" A sawi lai mek chuan a rawn pen hnai a,A ke pen ri khap khap te chu tlan chhiatsan dai ka duh!Mahse a aw ri a ngaithla tura min duhna ritel ve hian min pawt bet tlat bawk si. Ka hma mai ah rawn ding in min rawn melh chhuk run!
.
"Enge i sawi duh chu?" Tha leh kut thawh a ka hneh ngiloh tur mipa hi ka chetdan leh awmdan vel hian a tichau tak tak a nih dawn hi!
.
"Vawiin khan ka lo kal ngei a lawm,,Food hall pawh ka rawn lut,Mahse Sim Hiang khan buaina a neih a vang in min rawn umzui a,a tir in ka hre bik lo.!" dar kan ak pah chuan a rawk ti sup,Kha nu kha Sim Hiang maw lo ni!
.
"Chuan?"
.
" Chuan...Ka hmuh mai loh che vang leh Sim buaina kha a hman hmawh thlak a vang in ka let leh ta mai!" A sawi awlsam lutuk leh min ngaihtuah miah lo a khanu a zui thu a sawi chuan min ti thinrim thar leg a ni ber!
.
"A tha..Buaina a tawk a nilawm ni.Tunah pawh a mamawh ang che..a kiangah va awm rawh." Rum zet hian ka melh nghek,Eng buaina vang pawh nirawh se,Khanu in a melh dan kha ka hua..Chuan kan thut dinna thin rawn kal thleng lo a let leh ringawt pawh ka hua..
.
A kut rawn lek chhuak in ka bing rawn vawn a tum a,Ka chaw khai lai chuan a kut ah ka lo vua!,Min en tawp,Hmeichhi in thinna leh rilru natna tela thil a hmachhawn tawh reng reng chuan tih hreh a nei ngailo..Hlauh a nei ngailo !
.
Kan PG panna a Parka ah ka tlan lut,Min rawn umzui tawh loh. Min rawn umzui a nih chuan ka chaw khai lai hian vaw ringawt tawhlo in chaw hian ka vawm ang!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)