MAKE YOU FEEL MY LOVE BY Abbra Reo Ririni Khiangte (Complete)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: MAKE YOU FEEL MY LOVE BY Abbra Reo Ririni Khiangte (Complete)

Unread post by Ngaia » May 28th, 2017, 1:50 pm

Kawngkhar chu rawn nam zau in a rawn pen lut a,ka room chhuat laiah chuan a vai kual thuak thuak ,A thinrim lutuk tihreh a tum niber in ka hria, Tun hnai a a awmdan danglam lutuk vang hian amah ka ngaina tawh lo,Ka taksa tang nghal run leh thinphu dawt dawt a vang chuan ka thawk a cham thei tak ngial dawn!
.
"A tir kha chuan Nunsanga nen chauh in in kawp ah ka ngai a." A thinrim lutuk vang a ni ngei ang,A aw te chu a sehchilh nawk nawk, Ka khum bul ah a ding,A mitmeng thinrimna vang a sen vek chu ka melh ngamlo,A kut hum ruh ngawt ngawt dan a tang chuan kut min thlak a pawisak hmel loh tak zet.
.
"Zanrei ah in chhuahsan in an hlim hlawp bawlna ah i tel ve hial a maw?" Tunah chuan thinrim aw ni t tawh lo in a rilru a nat hmel zawk, Ka lam pan in a rawn pen hnai a,Sawitur ka hrelo,dik ka inti ngailo,Tunah leh lek phei chuan thiamthu sawi tur ka hrelo.
.
"Mate.. I mualpho hian nang chauh nilo kan chungkua a mualpho tel tih i hria em?." a rawn ti leh a, hnuai lam ka melh reng ringawt. Ka nungchang hi ka unau dangte ang in tuman min fak ve ngailo, Ka unaute dai ngailoh thiltam tak ka dai a, Mahse ka nihna lo pui, feltak ang leh hmeichhe tha tak ang a awm ka thiam ve lo!
.
"U Muana ka be dawn a,A rual in i chhuk thle ve nghal ang!" Ka thinphu a rang nghal dawt dawt,Ka a mai dawn in ka hria,Mumal lo zet hian lu ka thing nawk nawk a, ka awm zawn ah hian min hnawh hlum thei tak ngial dawn!. "Min hnial suh..kan hruai that theih laiche a hma kan la lo a nih chuan thilthleng tur kei ang bawk in i hria." Ngaihthlak hreawm lek lek a rum hian a rawn ti leh hrawih a.
.
"Mama.. Ka duhdan in ka awm ve thei lo a mi?" Ka ti chuak phawng, Diktak chuan ka naupanlai a tang enkawlna ka dawnte,Khuah khirna te, Heng zawng zawng in a chimbuai loh nun neih ka duh. He nun hi ka ning,Ka duhdan nilo a,Ka unaute duhdan ka zawm ngai reng thin pawh hi ka ning..ka hah tawh lutuk.
.
"Engmah sawi tawh lo ang." A thaw chuak ham ham a,Keierawh mahni in khawngaih lutuk a vang in ka tap hlawp hlawp.
Ngawi reng in min kal pel a.kawngkhar a rawn nem phui leh thlap, Ka room chhung boruak chuan min hmet chau vek! ka a mai dawn in ka hria..duhdan leh ngaihdan neilo mihring ah min ngai tihna mi? khumah ka lawn a,Ka phone pawh min laksak tawh, Naktuk mai hian U Rinmuana a rawn haw a nga,Chuan a rual in min thawn let ve dawn.Keihi bawm pakhat,An duhna hmun a an in thawn kual mai mai theih ka nilo.
.
Nunsanga ka ngaihtuah a,Ka ngai lutuk, Tunah te hian a ban tha chak tak in min rawn kuahse,Engkim a tha vek tih min hrilh tur tal in ka bulah rawn awm se!Mit ka chhing a,Nimin mai a a thusawi zawng zawng chiang tak in ka ngaihtuah chhuak zut zut, A lak atang ka kalbo a hlau a nih kha..Tunah chuan engang pawn kal duhlo mah i la,Ka u Mahni thuduh tak hian ka kalnan eng thil a maw tak a ti ngei dawn tih ka hria.
.
.
Reife ka mu ngawi reng, Ka naupantet a tang ka hun hman ka chhui let a,Engkim kha ka u te duhdan hlir a ka tih a ngai,Ka pa chu a hna vang in a buai em em a,zirna kawng leh thil Engkim ah ka unaupa te duhdan hlir in ka awm thin. Ka pa nihna a vang in ka rualpui dangte awm ang in ka awm ve thei ngailo a,'I mualpho chuan nangmah chauh nilo..kan chhungkaw mualphona ani!'Tih thu hi ka beng ah a ri nawn reng bawk.
.
Kawngkhar a rawn ri dat dat a,banglam hawi in ka in let thak a,Kawngkhar pawh chu a rawn in hawng ve nghal, taksa tang run chung chuan mit ka chhing lui tlat bawk. Mama thawhap ri leh ke pen thawm rawn hnai zel chu thaw dep dep hian ka lo ngaithla kar a,Mahse min rawn pawh lo in thawm a reh dat a.A rawn luh tirh ang bawk khan boruak khamlo tih hriat ngawih ngawih in a rawn thaw chhuak leh ham ham phawt a. Kan unau hi a vawi khatna a tan kan in nghirngo ve,Unau in ngaihlo leh in hau reng nun hreawm dantur ka hriatthiam pui ve chiah.. A hreawm lutuk!
.
Ka hlat zawng in ke pen a ri leh khap khap a.Kawngkhar a rawn in nem khar leh rual chuan khum khuhna puan tham in ka tap khur nghak dar dar! A vawi khatna atan pianpui hmeichhia ka awt ngawih ngawih..
.
Chumi nileng chuan room ka chhuahsan lo,Thil eitur leh tui in tut tak ngial pawn ka kal chhuak lo.A khat tawk in Mama a rawn lu ziah a,Banglam ka hawi miau a vang in min rawn pawh tak tak ngam biklo. Nunsanga mawl ka ngaihtuah..A phone call ka chhan loh ringawt pawn a talbuai thin a nia..Nizan a tang ka chanchin engmah a hretawh lo,A buai mangang dawn lutuk.
.
Ka dar rawn sawi dat dat tu a vang chuan ka che talh talh a,A ai a na deuh hian min rawn sawi leh a,peihlo zet in mit kan meng leh siar siar a.
.
"U...?" Ka meng nghal kawk,U Rinmuana'n min lo nuih var var,Ka thu chhuak a,A sam hnawk chap leh shower gel rim la nam veng veng ah chuan a inbualna a la reilo tih ka hria.
.
"Min kuah dawn na nge?" Zang khai vah hian a rawn ti hluai a,A ban a phar duai bawk,Ka tah nuih hial in ka hria,A bawh in ka bawhlo chauh..A darah hmai ka phum a,nghet tak in min lo kuah nghal hlu hlu thung.
.
"Ka Naute hian min ngai hle a nimaw?" Ka lu ah a fawp a,Ka nui a,Ka tap bawk.Tunah tak hi chuan duattu ka nei leh tawh.
.
"Ka ngai lutuk che.!" Ka ti sep a,Ka thlah phal mai loh a vang in ka kuah nghet sauh sauh.Unau ah pawh hian a mi lai mizi hi a dang bik thin,Chutiang deuh chuan upa ber leh naupang ber hi an inpawh zual bik.
.
"Nimin atang engmah i la ei lo tih ka hria a ni..Lo kal rawh,Chaw ei tur in chhuk ang."A aw thum lampang,ngaihthlak nuam zet chuan a rawn ti sup a.
.
"Ka riltam lo."Ka ti ve nghat,Mahse ka pum a rawn rik ruk ruk a vang chuan za tak hian kan nui dun hawk hawk a. Ka nu ang chiah a mit meng ngilneihna a khat leh dam raih chuan chiang tak hian ka nui lai chu min en,Ka biang a rawn dawm a.
.
"Ka Naute hi a puitling ve tawh tak tak tih ka hrethiam chiah e!" Nui suk pah hian a rawn ti..URinzoa lak atang ka awmdan zawng zawng a hretawh tih ka hria,aw ka vin a min haulo a,Damdap a min la be thei pawh hi a mak.
.
Khum atang a tho chhuak hlui a,dim light chiah ka on a vang in room chu eng dul raih,A hawi kual thuak a,a che vel chu Ka melh reng ringawt, Banga light on na a hmuh rual chuan a pan a,A hmet eng nghal uar...ka mit a vai lek lek.
.
"Lo kal rawh le..Cher chhe deuh a i awm ka phallo a nia.."A ban a rawn lek a,Nernawng chung hian ka lo ban ve vat.Ka room kan chhuahsan dawn chuan chhanawm lo in ka zam em em ringawt, Nilo..Chhan tha tak zawk avang a lawm ka zam a,Ka taksa a khurh!
.
"Ka nu leh pa.."Ka tisep a.
.
"Umm..An awm...!" ka kut a rawn vuan nghet a,tlem in ka thlamuang sawt.
.
Kailawn atang kan chhuk thlak lai chuan thutkhawmna lam a tang ka chhungte dang chhuan min lo thlir thap a. Misual,a chungthu relsak tur a an hruai ang mai hian ka rilru a mangang.
.
"Chaw ei kan peih tawh.. ei ang u.!" Ka nu chu a ding a,Ka pa pawn a tarmit vuah phelh in a bu ve nghut, Mama chu ka melh zawk a,A hmelhmuh nuam ka tilo.
.
"I pum a rik ruk ruk kha..ei teuh rawh." U Muana chuan ka thleng a chawhmeh rawn dah pah chuan a ti zung zung a,Midang chuan min biak an tumlo tawp.An ei mawlh mawlh a.Awmve lo ang ah min ngai hmak tih ka hria. Dawhkan hnuaiah ka mal chu kan tham leh tawk thin..
.
"Karleh hian i u Muana nen Delhi ah in chhuak ang, college pawh khulam ah i zawm dawn nia..!" Ka pa chu ka melh a,Ka thawk a rang nghal kawk kawk.Ka nu lam ka en leh a,Ka pa thusawi chu hria ang pawh a awmlo.
.
"Ka kal duhlo.." ka ti ringawt. Sawi mai tur ka hrelo.
.
"Duhloh theih a nilo.. I tan a tha turvek zawk a ni." Ka pa aw nghet tak a vang chuan tihve theih ka nihloh zia ka hrethiam.ka ding a,Ka thutna ka nawr hnung a.
.
"Larinzual...Zahpuiawm viau lo teh." U Rinzoa aw chang bal leh fiak that a vang chuan ka mengnghal kawk thei.
.
"A tawk rih.. In ti lutuk ka tih tawh kha..!" Chu aw damdap chu UMuana ka atanga rawn chhuak a ni ve thung,Ka nu erawh a la ngawi ngal.Hman atang tawh,Ka pa in min hauh chuan min chhan ngailo,Ka pa lam atang thin..Ka nu in min hauh laiin ka pa in min chhan ngailo bawk.
.
"Mate..I thleng a mi tal hi eizo la?" Ka tah chhuak hmel a rawn hmuh a vang in ka tan a hriat nuam ber tur in a rawn tawng,A nui var var bawk. Kei hmeichhe rilru no tan chuan lungchiatna tham a tling leh der tawh.
,
"Ai..!" Tih leh choka chhuahsan ka rual nghal a.kawngkhar a shanti rawn luh rual a atawngri chuan min ti nghing lawih thei.
.
"Gate pawn a thu reng pa saw,Ni zan zan khua pawn a awm tawh!" A rawn ti lang lang a,Kawngkhar a kharphui leh nghal.
.
"Nunsang!"Zawi te hian ka phunsep,Nizan zankhua pawn a lo awm tawh maw? Min hmuthei lo a beidawng hmel tur te ka mit thla ah an rawn lang zut zut..Ka a mai dawn in ka hria.
.
"I pindan ah cho rawh." Kawngkhar lam a pan rual in u Rinzoa aw rum lutuk vang in ka ding chawt,A lam ka hawi a,Ka bul mai ah a lo ding tawh,Shanti choka lut tur pawh Mama aw vang chuan a ding ve chawt tho.
.
"I ti mah mah tawh."Ka tisep a.A hmelah chuan kut min thlak mai dawn maw ka ti hman tawh.
.
"Hei ai a khoh zawk pawn kan awm a la ngai ang...Tawngtam lo in i room ah chho rawh."Kailawn lam a kawk va,Engtin nge Khang kum liamta zawng zawng khan heng a miza hi a lan chhuah tirloh theih zawk.
.
"Tunah...!" A ti leh tuar a,Ka chhungte dang thawm chu a reh thap.Ka hnial lui a nih vaih chuan ka hmai ah a beng hreh dawn miahlo tih ka hria.
.
Kailawnah ka tlan chho a,ka u te pahnih in khak thawm ni ngei tur ka hre vuai,Mahse ka ngaih ven lo,Pindan ah ka lut a,Khum ah ka bawk nghal hnawk.A tu pawh khan min haw vek!
.
Nunsanga ka ngaihtuah a,Ka thawk hi a tawp mai dawn in ka hria.
.
Ni a liam a,ka chhungte pawn an rilru sawhsawn an tum lo,Ka room hi ka khawvel a ni tawp,U Muana chuan min hrethiam em em,Mahse kan naupantet atang kan chhungkaw dan, midang in min hauh lai a,Lo in chhan ang kha a ti ngailo. ... Mahse a theih tawp in ka chhungte rilru thlak tir a tum ve tho tih ka hria.Kei erawh ka room ka chhuahsan lo tawp.Shanti room rawn tifai thin bulah pawn a mipa ding kha a la awm leh awmloh ka zawt thin.."A kalsan duhlo." tih zawng in min chang.
.
.
Dan ngaite bawk in zan laiah ka muhil chu ka thu chhuak hlawl a,Ka thinzawn rawn na vang vang a vang chuan ka then nghal sawk a. Kar khat tha dawn chaw ka ei tawh lo..Tun a tang ni hnih a ral leh chuan U Muana zui in Delhi ah min kaltir ve dawn.
.
Eitur ka eithat loh em a vang in ka taksa a tla dawk dawk a,tlai lam atang khan thi in ka luak bawk.Ka chhungte erawh ka hriat tirlo. Zawi zet hian khumah ka muthla leh hnawk a,Ka taksa chauh lutuk vang in karlo ah ka muhil leh mai bawk a.
.
.
Pangti lum ham ham in min rawn kuah a,Dimte te in ka biang leh hmui vel chu thil nem thep leh lum veng veng in a rawn nul kual dan dan a! A rim leh a taksa lumna a tang chuan tunge a nih tih hrilh nawn ka ngai tawh lo.
.
"Harhteh..!" zawi te hian ka beng bulah a rawn phun sup a,A hnar in min rawn nul leh nghal..He hi ka mumang nilo in a tak tihna a mi?
.
Ka biang lehlam ah a hnar in min rawn nul dan dan a,A kut in ka bek sam karah a zen lut bawk.Ka meng a,Ka room chu a ngai ngai in a lo la eng dul ruih..
.
"Tlanbo ang ...!" A rawn in nem khalh a,Kan hmui a insilo chauh.
.
"Tlanbo mai ang !" a rawn ti leh sup a. Dimte in ka hmui ah a rawn fawp zui bawk.
.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:51 pm

Ka rual in kal rawh aw?" Zawi sup a rawn ti leh in ka biang chu min tihnat a hlau tih hriat ngawih ngawih hian a rawn chul pah a.A kut in ka taksa a khawih loh na pawh a rei tawh...chu mai a nilo..a aw ka hriat lohna pawh a rei tawh lutuk.
.
"ka ngai che..!" Ka ti sep a,Nal zet hian a rawn nui suk,A kut chu ka hmui ah a tawp chat a,Dimte hian a kut zungpuiin ka hmui hnuai ah a rawn tuai phei leh a. "Ka à mai dawn in ka hria."A thaw halh a,A chal chuan min rawn nawk nghal bawk.
.
"insiam rawh... kal ang.." ka chal ah a nawk bet,A tawng zawi leh thum lam lek lek ah chuan a thusawi zawm tur in min duh ngawih ngawih tih ka hria,Mahse..He in chhuahsan a Nunsanga ka zui a nih chuan,Khawvar rual in ka pa hming a chhe nghal ang,Zan in hian Nunsanga ka zui lo a nih chuan kan in hmu tawh ngai bawk lo ang.Ka rilru insual bulh bulh a vang chuan beisei neitak a min mel vawng vawng tu chu chhanna ka pe thei lo.
.
A rawn thaw halh a,Ka awmdan a vang chuan hlauthawng hmel a rawn pu nghal.
.
"Bawihi?.. Thil tullo ngaihtuah suh..!" A rawn ti nghut,"boruak a that huna ah kan let leh dawn a lawm."Nem zawk hian a rawn ti leh a, Enge ka la nghah reng, ka hmangaih hi ka vuan mai tur a ni dawn lawm ni? Ka chhungte lah in an rilru sawhsawn an tum bik bawk silo.
.
.
GATE hma a tang chuan kan in chu ka thlir let a,Zingkar ah chuan he in chhung a tui tak a muhil mek te hi mangang tak leh zak tak in an awm ngei ang,Mahse.. An thusawi zawm in rilru neilo ang mai a pawhkawi mai mai tur ka nilo..Ka let leh ang..chu mi hunah chuan Nunsanga hi an pawm tawh bawk ang.
.
"KA tiam a che..Kan let leh vat ang.!" Ka chalah a rawn fawp a,Kei erawh ka mittui a hnam sawk,He tiang hi ka chungah a thlen ka ring ngailo,Nu leh pa hriatpui loh a pasal nei phei chu ka ngaihtuah ngai lo hrim hrim,Mahse mihring hi kan duh ang ngawt in kan awm thei bik lo.
.
"Nu..Pa..ka tihpalh..Kawng dang ka hre thlawt lo a ni .."Ka phun sep a,Ka unaute ang a ka fel tawk loh zia chu chiang tak in an hre tawh ngei ang.
_
_
_
Nunsanga chuan nghettak in ka kut ah a chelh a,An in gate ah min luhpui nghal.Zing lam dar 2 a pel hial tawh in ka ring.
.
"Kan mamawh tur la lawk ang..'A rawn ti sup a,.An kawngkhar chu a ti ri dat dat a,Kei erawh ka hlauthawng tak zet,Tun ah he tah kan awm khawmuang a nih chuan !!! Ka ngaihtuah ngamlo..
.
Kawngkhar chu mipa lian lampang hian a rawn hawng a,Rang tak in Nunsanga phen ah ka ding nghal vat,Mahse Nunsanga nui hawk hawk ri ka hriat rual chuan ka chetdan naupangchhiat zia ka hre chhuak chiah.
.
"Bawih hi..hei hi ka pa(A pahrawn) thawhpui ania..ka pa ang chiah a ka en a nih hi,Pa Hruai tiin i koh ve dawn nia.." Nunsanga chuan a rawn ti a, Eng vang a nichin khan lo hlau hman hmawh nge maw ka nih.
.
In ah chuan midang an awm ve lo tih hriat tak hian a reh duk a,Pa Hruaia chuan Nunsanga hriat tur hian eng a maw a sawi sup a,An thusawi erawh ka hre ve lo.
.
"Ka hrethiam e." Nunsanga chuan a ti leh sup a,An pahnih chezia ah chuan an in pawh hmel tak zet,Nunsanga pa (Pa hrawn) hi ka la hmu ve miah lo. "Thil ei hmasa ang aw.." ka biang ah rawn dawm pah chuan a rawn ti a, Eitur a sawi rual chuan ka riltam zia ka hre ve chiah..kan in ah khan kar khat thamah chaw ka ei tawh lo.Pa Hruaia chu choka lamah a lut a,Nunsanga chuan min kai lut ve a,Chaw ei dawhkan chungah chuan eng eng a maw a lo awm nual.Nunsangan ka thutna tur chair a pawh chhuah ah chuan ka thu a,Eng vang a he hmun ah hian himlo riau a in hria nge ka nih ka hre thiam lo.
.
"Oh...Mama..atm card kha la rawh,Tah khan eng a maw zah ka tranfer a,Chuan i hminga awm a nih loh a vang in hlauhthawn a ngai lo." Pa Hruaia chuan dawhkan chunga card chu kawk in Nunsanga a melh zauh.."Mamawh in neih chuan min rawn hriattir zel dawn nia..chuan card pakhat kha in thlenna tur hotel card a nih kha..Ni nga (5) chhung a tan ka hauhlawk vek tawh a,A aia rei in awm duh a nih chuan keiman ka rawn bia ang." A tawngkam a tang chuan Nunsanga'n a sawi ang khan pa leh fapa inbe vel an ang tak zet.
.
"Ka lawm e..!" Nunsanga chuan card chu a ban a,Min rawn en in ngainat awm deuh hian a rawn nui leh suk,A NUI hmel ka hmuh hi chuan ka hadam sawng sawng zel.
.
kan kalna tur ka hriatloh ang bawk in kan hmalam hun ah enge kan tawn dawn ka hrelo,Ka duh erawh Nunsanga nen a awmdun reng a ni thung.Bike in khawchhung kan chhuahsan a,Nunsanga kawngah chuan nghet tak in ka kuah,A khattawk in ka kut chu a rawn hum leh zauh thin.
.
Khaw en rual in ka chhungte chu min zawng tur in an rawn che chhuak ngei ang, min hnuh let leh theihnan eng thil pawh an ti duh bawk in ka ring,A biktak in U Rinzoa'n
.
Bike a tlan kan nibawk a,Thli a tam in a chang chuan thawk a hasa lek lek thin,Khua a var tan tawh,Khaw pakhat ah kan tlanlut mek,Khaw chhung a mi tam zawk chu an la muhil tih hriat tak hian khawi hmun pawh chu a la reh thup,Zing tawngtai inkhawm Biak in dar ri ral ral te chuan ka thinphu a ti rang nghal dawt dawt thei, 'Thil thalo tih hi chuan um kher ngailo kan tlanchhe lawk thin' ti a an lo sawi thin kha a dik hmel fu.
.
Tlema kawn lai deuh ah kan tlan chhuak a,Pa Hruaia card min pek a hotel hming chuang ang kha kawn ah chuan building lian tak hma a signbord ah a lo i ziak va a.Ka thaw chhuak nghal ham ham.
.
"I chau em?" Nunsang a chuan a rawn ti sap a,Ka chaulo ka tih chuan ka daw hle a ni ang..kan in a tang kan chhuah rual khan ka taksa hi hahdam in a la awm lo,Ka tang run a,A chang phei chuan ka thawchhuak lo hial in ka hre thin.
.
"Tah hian kan him ang maw?'" ka ti sep a,Hotel kawt a mipa lo thu leh zial zu hlut hlut ho chuan min lo rn nghal thup bawk.
.
"Umm..min ring rawh..!"Min rawn en a,A thaw chhuak nghal hawk.
"I landan a thalo lutuk,Lut i la..i muhil nghal dawn nia."A ti nghal zung zung,Gate lian ang reng tak ah chuan kan tlan lut a,Mipa rual ho khan min la rawn en zui reng tih ka hria.parking ah tlan lut in bike chu kan hung tha a,Kan thuamhnaw tam vak lo ken ve chu ka kut a tang Nunsanga chuan min laksak vat a.
.
"Damlo suh aw.." A mit mengbuai leh hlauthawng hmel ah chuan ka landan tur ka hrethiam mai,Chaw mumal ka eiloh a vaang in ka taksa a chau hma in ka dang pap reng.
.
Counter duty hnenah card chu kan hmuh tir a,Nui var var in chahbi min lo pe a,kan room tur kal dan tur min hrilh leh hnu chuan chu lam pan chuan kan kal ve nghal vat! Tun a ka chak ber chu hahdam tak a mutthil siai siai.
.
"Tah hian mu rawh le.." Khum a puansin tur chu a pawt hlim a,Naupang thuawi tak ang mai hian khumah chuan ka mu nghal tawp,Ka taksa khawi lai pawh hi a na in ka hria.Nunsanga chuan puan min rawn sin tir in ka hmuiah a rawn fawp vang vang a, Amah ang hian huaisen tak a awm ve ka chak tak zet.
.
"Lo mu ve rawh.."Ka ti sep a.A rawn nui hak,Nie..kan tlandun a nih chuan nupa kan ni tawh tihna..A pheikhawk bun tlawhthla in a jacket hak a hlip a,Ka taksa zawi tak chu khum a rawn lawn kai rual in hnehtak in min rawn kuah nghal hlu hlu a.
.
"Muhil rawh..ka lo veng ang che..!"A aw zawi raih te chuan manglam ah min hruai lut riai riai a,a taksa nghet tak leh lum ther ther hi ka tan chuan chakthar na tham a tling.
.
Eng a maw ri khat khat vang in ka meng siar siar a,parda chu in zar phui vek mahse pawn lam a tang eng a rawn lut ut tawh,Ka in let thak a,Nunsanga a lo awm tawh lo,Hlauthawng tak in ka thu chhuak a,Mahse washroom lam a tang thawn rawn ri rak ka hriat rual in Nunsanga chu boxer chauh ha in a sam huh hru mawlh mawlh chung in a rawn chhuak a,Atthlak khawp in ka thaw chhuak nghal ham ham.A landan sexy zia chu!!
.
"Morning..."A rawn ti vat a,A nuih suk ka hmuh rual chuan zinglam a nih tawh loh zia ka hria,Ka hawi kual a,Pindan chu zau lutuk a nilo,Mahse engkim a awm thlap,Fridge pawh lian lo te a awm,Tv bula san in hung chu ka en a,tlailam dar 4pm a hnai kuar tawh.
.
"Min kai tho ve lo a."Ka ham zui leh bai bai,A ner deuh sawk a,a sam hrukna towel chu chair lo awmah vawm kaiin khumah a rawn lawm ve nghal a.A taksa la vawt thler leh sam la hnawng chap a vang chuan a lang sexy zual.A vang zawng in a rawn bawk a,Ka mal ah a lu rawn nghat in ka dul zawn ah hmai a rawn phum nghal vang vang,A ban in ka hnung lamah nghettak in min kuah pah bawk.
.
"Ka tihpalh aw."A rawn ti sup a,Min en lo in a awmdan a siam rem sauh.
.
"Eng vang in..?" Ka ti a,ka rilrua mangan na rawn lut ve ringawt chu ka duhlo.
.
"Tun a kan awmdan vang hian.."A ti leh halh a,Hnung lam min kuahna chu ka kawrchhung ah zen lut in ka taksa chu a chul heuh heuh reng,Chu tiang in kan inkarah sex a lang lo,Mahse tianga inthiam lo tak mai a awm tur hian ka duhlo bawk.
.
"Kan bul tan dan hi i duhthusam a nilo ang tih ka hria,Mahse... !" a thaw halh a, A lu chet in min rawn melh. "Ka hlat a i awm ka phallo." a hmui hnuai a pet a,Keipawh a hlata awm ka duhlo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:52 pm

"Ka ril a tam."Ka ti sep a,A rawn nui nghal hawk hawk,Nie..he tianga a nui hmel hi hmuh reng ka duh.A rawn rum deuh tuah tuah a,A zang thal in a mu rem zui nghal.
.
"in hnuai ah chhuk thlak a ei nge i duh,Room chhung a ei hi.."A ti a,Ka sam hnawk niai chu a rawn zut dalh dalh bawk. "Umm..he tah an rawn dah theih chuan rawn dahse..Ka in tifai lawk a nga.."' ka ti a,Ka landan maksak lutuk tur ka ngaihtuah leh rual chuan nuam ka ti chiah lo,Maksak ni satliah lo in ka lang hlauhawm tel in ka ring.
.
"Ok.. enge i ei duh ang?" a ti a,A tho zui nghal bawk.A taksa khuhtu awm miahlo chu en in ka thaw hak a,Eng vanga ngaihtuahna maksak zet pu nghal ngawt nge maw ka nih?
.
"Bawihi?"
.
Hrep tak chuan..Ka in thing nawk a,Nunsanga chuan min lo melh reng,Ka ngaihtuahna chu a rawn hria ang tih ka hlau tak zet.
.
"Ih...eng pawh a ni mai,' Ka ti a,Amah pawh chu enlo in ka puansin chu theh hlip in khum a tang ka tho chhuak ve nghal,Ka pasal a nih tawh chuan hetiang a awm lai te hi ka la hmu ziah dawn,Chung hun a piang a ka danglam a nih dawn ngat chuan..a tha miah lo ang.
.
Bag a thuamhnaw chu ka la chhuak a,Kan in keng tam lo, Nunsanga sawi ang deuh khan kan let leh vat theih pawh ka ring,Chu mi hunah chuan ka chhungte pawn an rilru an lo thlak ve tawh mahna!
.
washroom lam pan in ka pen a,A rawn thim deuh suih..ka tlu mai dawn maw ka ti hman,Mahse ka hnung lam a tang Nunsanga'n nghet tak in min rawn chelh a.
.
"I tha em? mu leh rih la.?" a rawn ti sup a,a mang ang hmel tak zet!
.
"Ka tha.. eitur chu lo chah la."Ka nui lui suk a,Rilru nuam chiah loh tih hriat deuh hian min melh deuh ran phawt ."Ka ti tak tak...ka in eipuar a nga..ka chak tha leh mai ang." ka ti a,A bu ve nghut nghut,Mahse washroom kawngkhar thleng min kal pui tho,Washroom chhung ka luhrual chuan ka thaw chhuak ham ham a. Diktak chuan ka chhungte rilru tur ka hmuh lawksak vek a vang in ka inthiam theilo...Nunsanga pawh nuamlo ti tak in awmse ka duhlo bawk,Ka nu keimah vang a zak tak a a awm tur te..Ka pa keimah vang a thawhpui ten a hnung lama an sawi zui sep sep reng tur te..Mama..U muana..an vaiin an hawina lam a piang ah keimah vang in zahna an tawk dawn.
.
Tui sa ver vawr in ka taksa chu ka phuhtir sang sang a, Ka taksa kham leh na ngawih ngawih te chu an dam sawng sawng thei,Ka sam huh hniang chu towel a tuam in washroom a tang ka chhuak a,Nunsanga chuan ka thawm a hriat rual in min pan nghal vat,Mahse ka hmel ah thil thalo engmah a awnlo tih a rawn hmuh rual chuan a thaw deuh halh a.
.
"Ei tur an rawn dah tawh a."A ti a,Tawnzau dum a ha tawp, ka sawi tawh em ka hrelo,che bawraw in maksak pui pui in a nun hmang thin mahse a taksa ah hian tatto a chhu rang ve miah lo,Marawh chu a naupan deuh lai a,Apa(Pa hrawn) in a sawisak thinna hnu hma chu a taksa hnung lam ah hian ser a awm thluah!
.
Thil kan ei zawh meuh chuan khua a tlai ruih tawh,Parda chu ka pawt eng a,Ni pawh a liam fel tawh,Kan awmna room hi chhawng thumna a ni a,Khua vel pawh duhtawk a thlir theih. khawlian lutuk nilo mahse zin vei vahna kawng ber a nih a vang in a lun in motor veivak a tam hle.
.
"I lungleng a mi?" a aw ri ka hriat rual in ka hnung lam a tang ka kawngah a rawn kuah nghal a,Ka dar ah chuan a khabe a rawn nghat,A thawk zawng a ka nghawng rawn lum ham ham thin a vang chuan ka kawchhung lam a khur nghal dar dar ringawt.
.
"Ai..Mahse..Englo..!" Ka ti a,A hmui lum ther ther in ka beng hnuai a rawn fawh a vang in ka thaw chhuak leh halh phawt. "Ih..in thian accident vang a boral ta kha..?" Ka ti a,A rum nghal nghut,Mahse tunah hian hriat chian ve vek ka duh tawh.
.
"Ka hriat ve a chi loh a mi?" ka ti a,Min kuahna thlah in a in la hrang,A awmdan chu ka en reng,A hma ang chiah khan a hmel landan a mumal leh tawh lo,Tukver ah chuan a thu a,Min melh chho ralh bawk.
.
"Duhsaka nau kha a nia .,'" a rawn ti a,Duhsaka chu ka scooty ke zai chhe tupa,College misual leh awm herh ve zet pa kha.
.
'Keimah nen kan tlan dun a,Chuan kawngkawi ah a tlanliam a,Vanneih thlak tak in hrui pik karah a lo tang, Finishing thlennan kawi hnih chiah a awm tawh,Midang pawn min rawn hmu thei,Ka bike ti ding in ka tlan let a,A lo tanna hnuailam zawng chu kham leh lungkhawk rawk tak tak vek in a bir thla vui vek...Ka ban a,Ka chhan thei dawn maw ka ti tawh..Mahse..A bike chain leh a ke a in vet tel miau a..Hrui pik khan bike ritna kha rei a dawl biksilo.." A ngawi dat a, A taksa lang tang tawlh tawlh leh khabe ruh rawn pawng tawlh tawlh a tang chuan kha hun kha a tan a hun hreawm ber a ni ang tih ka hriatsak thei..
.
"Midang kha second 30 lek pawn rawn thleng hma se chuan kan chhan hman ang,An tanna hrui pik kha a peh hawk a,Bike ritna in a ke ah a uai bawk, Tetea zawk khan ka kut a rawn thlah a,An tla..!" a sawi tawp lam chu a ri chang chang chauh... Ka pan hnai a,a kut min lo pe vat bawk,Ka awmzawn ah ka bei tir a,Mipa nuapang thuawi tak ang mai hian a rawn thaw nghal ham ham a.
.
"Thil thlen hnu a tang khan Duhsaka hi a in la hrang a,A ngaihdan ah phei chuan a unaupa kha keimah thah ah a ngai hial..!" a ti leh hap, Tunah chuan ka hrethiam tawh,Catheren in a sawi rual a tupawh an danglam vek chhan kha, accident satliah a nihloh vang zawk in tupawh mai kha an hun kal tawh an an kir leh tih ka hrethiam.
.
"I thei tawp i chhuah a lawm.."A lu ah ka fawp a,Nunsanga'n Duhsaka a sawisak tum pawh khan..'Min that ve nghal law law rawh' a ti a nih kha,Nunsang zawk pawn thil hriat chhuah a nei tih hriat zet in a thawh san a! Engkim ka hrethiam ve ta chiah.
.
He hotel ah hian kan inkhung bet deuh chawt dawn chu a nih hmel,Tv lian vak lo awm ah chuan AXN channel a show pakhat kan en dun a,Kan tan lam a in an loh a vang in a tan lam an chak a piang in a malah ka chum chawrh zel.
.
"I phone kha la on miah suh aw."A rawn ti a,lu ka bu nghat,Ni hnih kan awmna a ni tawh,pa Hruaia choh khan kan awmna hi a hria,Nunsanga zawk hi mamawh la in a kal chhuak zauh thin,Amah pawh in a phone a hmang ngai bik lo,Pa Hruaia bula kan chanchin hrilh nan pawm PCO a hmang mai zel.
.
"Ti hian kan awm ringawta.. ka chungten min ngaihtuah ngawt ang!" zawi te hian ka ti sep,Ka nu leh pa rilru natdan tur leh zah dan tur ka ngaihtuah a,An fanu neih chhun hian an mahni hriatpuina tello mipa nen an tlanduh..An na dawn lutuk.
.
"Min hmangaih em?" A rawn ti a,Ka taksa chu nghet leh zual in a rawn kuah bawk.
.
"ka hmangaih che.."
.
"Min hmangaih chuan min ring rawh,I chhungte rilru hneh kan tum dawn lawm."Ka lu a rawn fawp pah chuan a ti leh sup a.
.
"Min rawn hmu a nih chuan...min hrui hrang leh nghal dawn.."
.
"Sawi tawh suh.. Ka tello in khawiah mah i kal dawn lo!" ka sawi zawh hma hauh hia a rawn vin nghal tuar,ka ip nghal chawi thei, A taksa a chet,ka chunglam ah a rawn in nem khalh leh a .
.
"I hria tiraw...Sawi tawh suh, tuman ka lak atang an hruai hrang dawn lo che." Ka mit ah tak a melh run a, Eng vang ber nge pawh ka hrelo, a taksa te chu an sen awp awp a, a chal leh bek vel ah thisen zam a awm phei ruih bawk.
.
"Nunsang!"
.
"Aw..Bawihi.." a thaw hak a. "ka sawi tum i hria tiraw, i chhungte pawn min hmu mahse an hruai let dawn lo che..." A hmai sen tawn tawn leh a landan a tang hi chuan a lak atanga min lakhran tum tu a piang chu natak in a sawisa duh mai ang thih ka hrai.
.
Dimte in a biang ah ka tawk a,A sa vang vang thei! ka kut chu rawn nul let in na tak hian a chal chuan min rawn nawk a,A taksa a lo insehruh leh hman viau tawh a ni ngei ang,A inthlahdul leh rual chuan a thaw ri hrawih thei! Tha neih loh hmel fe hian ka chungah a rawn bawk hnawk a,a tukhum ah vuan in a lu ah ka fawp!
.
" "Ka hlat a awm tur ang pawn in ngaihtuah buai miah suh.. Sawi ri tawh lo bawk la!" ka nghawnga hmai phum chung chuan a rawn ti leh halh a, Keipawn a hlat a awm ka duhlo,Chuvang tak a mualpho pawh huam a zui ka ni,A thinlung buluk hian thil haute vang pawn a ti hlauthawng a, A chang hi chuan keimah ai pawh hian a ngaihtuahna te hi an la tawi ve zawk te hian ka hria!
.
"Ti hian khawi hmun nge kan pan ang?" Ka taksa a delbet tlat,Zawi te te in ka nghawng leh benghnuai vel a rawn nul kual a.
.
"Ka pa bul ah kan kal rih dawn nia." Ka beng a rawn pet a,Ka thawchuak hak.
.
"A lo phal dawn mi?" Ka thawk diklo nghal vek te chu a hre vek thei ang.A thil tih a chawl a,ka mit ah tak a rawn en.
.
"Chung thil chu nakin ah sawi ang!" Sexy zet a min rawn mel pah hian a hmui hnuai a seh zauh a. "Tunah hi chuan tun hun chiah hi ngawihtuah rih la." A aw vawt raih chuan min ti a lo chauh! A kut in ka kawrchhung a rawn zen lut a. "I thawk a ran rual hian ka lo danglam ve vat zel!" Ka bengbula rawn phun sup pah chuan a rawn tham a,ka thaw chhuak ham ham ringawt,
.
A kuttang in ka hnute hnur a rawn khal a,Ka taksa hi a za chhuak vek! A chang in an tham leh tawn tawn thin,current chaktak in ka taksa chhung hi a kal tlang ta a maw ka ti hial! "Min mamawh a ni ti rawh?" a kut chawl hauh silo hian ka mit ah a rawn en,A kut in ka taksa a thiltih leh min tih danglam mek te chu a hre vek! Chil ka lem khawlh a.Chhanna ka pek mai loh a vang chuan a rum deuh nghut,A che thut a,A kut la chhuak in ka kekawr kawng ah a rawn vuan,Hneh zet hian a hlip thla tawk a,Ka ke lampang chu boruak ah an kang dawr thei!A theh sawn a ,Ka bawp chu pawt kau in a karah a rawn thing thi,Ka zauthau tawh lutuk chuan ka taksa chu ka lo kan leh tawk tawk thi! ka mal kara thingthi reng chuang chuan a kekawr kawng a phelh a,A pawt thla nghal,Mahse a vai in a hlip ve lo!
.
Saruak deuh thaw a ka hma a thingthi mek chu ka melh a,ka nui suka,A rawn bawk hniam a,A mipatna khawng vek tawh chuan ka panty hak chhan ah a rawn nawr kual a,Ka kawr chu rawn hnawk tawm chho in ka awmzawn ah a hlawm tawm vek!
.
"Min ngen a ngai ang!" A nui suk a,A mit meng erawh a thutak run,Chil ka lem leh khawlh a,Min rawn bawh bet in ka hnute a rawn hmuam a,Ka au chhuak that,Nasa zet hian a lei a tiche kual a_,Hnuai lam ah min nawmna zual sauh bawk,Nawmna nasa lutuk in ka taksa chu a rawn tuam hlup hlup hi a ni mai,A ka chhung sa ham ham in ka taksa a thil tihmek a vang chuan a sam ah ka tham a,a chang leh nghet lutuk in a kawngah ka kherh bet a,A kut chuan ka penty a pawt kau a,a zen lut nghal,Keimah a nawm na lai ber chu a rawn nuia nghal nawk nawk a,Ka taksa hi a buak dar thei mai dawn!
.
"Nunsang...!" a rawn hawi chuak a,Ka mit a en reng chuang in a kut chu ka taksa chhungah a rawn luhtir riai riai,Ka khel ka kan a,Ka ang pham mai.
.
"Sawi rawh leh..!" A kut chu a chet a,Ka beng zawh ah a rawn thaw halh hawlh bawk,A kuttang a luhthuk tir leh rual chuan ka dak nghal awk thei! dim vak lo hian an *awm lut zawt zawt a.
.
"Hei nilo thildang i duh a nilawm ni.? A ni em?" a aw khur leh sehchilh nawk nawk chuan min mamawh ve tawh zia a ti lang!Ka thaw hak a!
.
"Ka mamawh che..tun ah..!" ka thlan hial an rawn chhuak ka dang ro lutuk chu a rawn hria a ni khawp ang,Ka hmui ah duhthawh zet in a rawn fawp nghal tawn tawn a,Chu mipah chuan hnuailam ah a insiam rem zel,Ka panty a pawt thla a,Ka khup chu rawn nawr tawm in min rawn en a,Sexy tak hian a nui leh suk!ka taksa chhunga a rawn luh rual chuan kan rum dun hak a,A vawi khatna ang chiah khan zei tak in a che zawm a.
.
Ka zawi deuh hnawk rual chuan amah zawk pawh in min rawn bawh hnawk a,Ka kawchhung a lum nghal pup pup thei.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:52 pm

Khumah chuan Nunsanga chu tui tak in a la mu,Ka bag a tang thil la chhuak in washroom ah ka lut a.Mitchhing in thawk ka la vang vang phawt.Chu tah muang chang a meng in ka thil ken lai chu ka en a,Ka tah nui nghal hawk hawk,A landan chuan ka rai...!!
.
"Nu... I fanu hi ka rai..!" ka phun sep a,ka mit a tang a mittui rawn luang chu hlimna mittui a ni tih ka hria.Ka biang a mittui chu kan hru tawk a,Ka dul chu zawite hian ka chul dalh dalh bawk,he tah hian naute a awm tak tak.
.
Washroom a tang ka chhuah rual Nunsanga phun ri hluk ka hre nghal,A mit meng chi ai lutuk ah chuan ka kalbo san a maw a lo ti hman a nih ka ring.
.
"Min kaitho lo a." A rawn ti a,A aw chu thunun tum viau mahse a rum lek lek.Mahse min ngaihtuah vang a ni tih ka hria.Engtin mah chhang lo in test na chu ka pe a,A mit meng buai zet ah chuan a hrethiam lo tih ka hria.
.
"Bawihi ..?" A mit a rawn kan ak..Ka nui hak a.
.
"ka rai.." ka ti a,a rawn ang pham,Ka nui a,a kut pakhat chu la in ka dul zawn ah ka dahsak.. "Tah hian kan pahnih fa a awm..!" ka ti leh a,A rawn nui chhuak hawk hawk..
.
"Lo kal teh.." A ti a,A lam ah min pawt hnai in dimte in ka hmui ah a rawn fawp vang vang a. "Nang leh kan fa hi thatak in ka enkawl ang cheu...Ka thlah thlam ngai bawk lo ang cheu.." nghet charh hian a rawn ti a.
.
Tunah chuan kan pahnih mai kan ni tawh lo,Pathum kan ni tawh! Nunsanga hlim hmel mawlh hi...a khattawk in ka dul zawn a ngaithla reng a,Test na pawh kha paih a phallo..
.
_____________________________________________
__________________
.
"Bawihi...harh teh..?" ka mu lai dimte a min rawn sawi tu a vang chuan ka meng siar siar a,Nunsanga thuamhnaw inbel vek chunga ka bula lo thu ka hmuh rual chuan hlauhthawnna in ka khat nghal.
.
"Min lo en teh.." Ka chiai hmel a hnuh rual chuan hriatnuam tak hian a rawn ti a,Ka biang ah lehlam lehlam ah a rawn vuan nghal bawk.
.
"Tunah hian hotel hi kan chhuahsan nghal a ngai.."A rawn ti a, ngaihdan pakhat chiah ka nei..Ka chhungten kan awmna an rawn hre tawh.Vawin tlai khan in ti harh pah in hotel pawn a thuilo te kan kal chhuak dun a,He khua hi zin vei vak motor in a tlanpelh reng bak ah,Khaw laili a nih a vang in aizawl kal lam leh haw lam in chaw ei nan an hmang thin.
Min hmu tu awm in ka chhungte an lo hrilh tihna a mi?
.
"Nunsang..!" Ka tah a chhuak nghal ringawt,Mama ten min rawn hmu a nih chuan min hruai let nghal dawn,Ka taksa khur leh tang nghal run a vang chuan mumal ka nei theilo,Pum chhung a naute insiam tan lai hi nu taksa chauh hun lai a nih vang pakhat pawh a ni mahna,Ka mize hmasa ah kha chuan chiai chung te hi ka nei thin pawn ka hrelo.
.
"Hahdam rawh.. Ka sawi kha..kan biru reng dawn lo,Kan let leh em em ang,Mahse tuman an lahrang dawn lo che.."Ka chal ah a fawp a,"In ha lum rawh le,Ka pa te awmna lam kan pan dawn nia.." zawi te hian a ti leh a,Ka thuamhnaw hak tur chu rawn la in min rawn pe,Ka inbel lai te chuan ka taksa khur nasa lutuk a vang in ka che hleithei lo.Nunsanga chuan min rawn pui mawlh mawlh a.
.
"Kal ang le.. Min ring rawh ka tih kha.." a ti leh sap,Ka kut ah kai in hotel chu kan chhuahsan nghal a,parking ah kal in kan bike ah a lawn nghal,Zan lai dar 1 vel che che chauh a la ni.A hnung ah ka lawna,Nghettak in a kawngah ka kuah nghal,A kalna piang ah ka kal ve zel ang,Min hruaina hmun chu eng hmun pawh nise,Ka kiangah a awmve zel dawn chuan nuam ka ti mai ang.
.
Kan pahnih nun ralmuang lo lutuk chu lehlam kawng zawng a ngaihtuah chuan tah a chhuak tun thei, Mahse kan pahnih in kara hmangaihna ti nghet tu erawh a ni thung.
.
Khawchhung kan pel fel tawh,Kawng kual kawi deuh kan tlan lai in kan hnung lamah motor rawn tlanve an awm tih ka hmu nghal,Nghet tak in Nunsanga chu ka kuah sauh a,Amah pawh chuan a hmu ve tih ka hria, Ka thinphu a rang nghal dawt dawt,Hei leh chen min rawn umzui a nih chuan...eng ti kawng zawng pawh in min hruai let an tum tihna!
.
Zan lam sumo service, Aizawl lam atanga rawn tlan let an awm ve a vang in kawngkawi ah kan in tawk leh thut thut thi,Nunsanga pawh a fimkhur hle chuan ka hria,Mahse a hma ang mai mai in a speed a hniam lo.
.
Kawi pakhat kan tlan tur chiah chu motor head light eng zet in kan hmalam a tang min rawn chhun a,Thil ri bur ka hriat rual in ka taksa a kang nawl,Ka hit mup a,Ka tawp riai riai mai in ka hria,a rawn eng leh zawk a,Ka taksa pawn lam mai nilo..chhung lam na hit mup mup a vang chuan ka thaw thei lo.A rawn thim leh hmuk a...Ka tawp zui nghal duk.
.
Mit ka meng dawn a ka thei lo,Ka bul vel ah chuan zawi te te a phun sep sep thawm ka hria a,Tawng chhuah tum in ka bei a,Mahse ka ka atang eng ri mah a chhuak thei lo..Khawnge Nunsanga?Eng tin nge ka awm?ka naute a tha em? chung zawng zawng ka kiang hnaih a tawng mek te hi zawh ka duh..mahse ka tawngchhuak thei lo..Khawnge Nunsanga ..ka kiang ah awmse chuan ka awmdan hi a rawn hrethiam nghal ang..
.
"Oi...pa-a..Mambawihi mittui a rawn luang..Doctor va koh vat teh..!" Chu aw chu ka nu a ni,Engtin nge ka nu te nen kan awm theih..Nilo..Nunsanga lak a tang min hruai hrang tihna a mi?
.
"Mambawih...ka tawng i hrethei em?" Damdia a ka nu tawng ri te chu ka hrevek..a hmel hmu tur tak ngial pawn mit ka meng thei lo,Ka taksa ah na a awm lo,Mahse ka che thei lo..Chung te a vang chuan ka thintim tun thei.
.
.
Doctor ni ngei tur in ka ban a rawn khawih a.
.
"Jection ka pe leh a nga..a rawn harh leh hun ah chuan a pangai tawh ang."A ti sup a.Ka thisen ah damdawi a rawn thunluh hnu reilote ah ka thil hriat an hla leh tial tial a.
.
.
"Khawnge Nunsanga?" Ka phun chhuak sep,Tun tum chu ka aw a ri thei tawh..mit ka meng a,A eng deuh uar a vang chuan ka chhing leh rih.."Khawnge Nunsanga?" Ka ti leh tuar a,Ka nu in ka kut a rawn vuan nghal bawk.
.
"Ka zawh cheu chu...khawnge?" Ka ti a,Ka pa..U Rinmuana leh ka nu chu an ngawi ran hlawm.
.
"Khawnge...?" Ka ti a, ka ngaihtuahna a thil thalo tak rawn lut a vang chuan ka tawt nghal up up.."Nu...Khawn
g Nunsanga?" Ka ti lawi rat,Ka a mai dawn in ka hria.
.
"Hahdam rih la..nakin ah kan..."
.
"Ai...tunah..a bulah ka awm duh...khawnge a awm?Ka har thu hi hrilh u la ka bulah rawn kal rawh se!" ka manang lutuk a vang in a au in ka au tawn tawn.
.
"Ka harh tawh...hrilh ru..!" ka ti a,Ka nu in min rawn kuah nghal chawt ringawt.
.
"Nu...Ka pum ah hian Nunsanga nen kan fa a awm a sin..a rawn luh in phallo a mi?pawn ah sawn a ding reng a mi?rawn luh tir u la..!" ka ti a,Ka nu chu a in hnit nghal hlawp hlawp ringawt.
.
"Pa..?" ka pa ka en a,A mit meng a tang engmah a ngaihtuah tur ka hrethiam lo.
.
"Mama..Nunsanga pawn ah a awm em?Rawn luh tir rawh." Ka ti leh a,Mama erawh tukverh lam pan in a kal nghal daih.An awmdan vang hian ka hlauthawng zual.
.
"Mambawih..Nunsanga chu ICU ah karkhat chuang a mu tawh...!" ka pa aw zuai raih a vang chuan ka khawng lo chauh. "In bike chuanna leh sumo in in sua,Nunsanga zawk chu tun thleng in a la rawn harh ve lo."Ka pa chu ka en a,Za lo tak hian ka nui hak.
.
"Dawt insawi... " ka ti a,Ka nu chu nemsawn in khum a tang thawh chhuah ka tum a,Rangtak in ka pa in min chelh bet nghal vat.
.
"I naute..!" a rawn ti a,Ka harchhuak zawk mai in ka hria..nie..ka naute..
.
"Naute chu a tha..mahse i chet vak chuan thilthalo zawk a thleng thei."
.
"Pa..Tunah Nunsanga ka hmu duh..ka harh tih a hriat chuan a rawn harve ngei ngei ang.."ka ti a..chu chu ka ring tlat bawk.
.
.
ICU chhung ka luh hma in kut kawr leh apron ang deuh hi min hak tir a,Nunsanga nu pawh a tap tam tawk tawh tih hriat zet hian a mit a sen ram,A bul a mipa awm ve erawh nunsanga pa(Pahrawn) a nilo ,Ka pa thinpa laktlak loh zet kha a ni.enge a rawn tih ve ka hre hauh lo.
.
.
ka pen lut a,Ka thawk a tawp mai dawn in ka hria, Nunsanga taksa leh khawl tam tak chu an lo thlun zawm a, ka pan hnai chhet chhet a,ka mittui a vang in ka khawhmuh a phe ruai bawk.
.
" Tho rawh.." Ka ti a, "Hey.. reideuh kan biru dawn lo,Boruak daih hunah kan let ang i tih kha..harh rawh..ka haw duh tawh..min hruai haw tawh rawh."! A biang vawt thler leh duk chur chu ka chul a,Ka in hnit hlawp hlawp reng bawk.
.
"Nunsang..Ka riltam a nia." ka ti a,A hma a ka sawi a piang min tihsak vat vat tu khan ka thusawi chu hria ang pawn a awm lo.
.
"I phakar lutuk..Kei leh naute hi min ngaisak lo si..a hming i phuah dawn lo." ka ti leh a,Ka rai tih a hriat tirh lai a,A nui hmel leh hlim hmel te kha ka mitthla ah an rawn lang zut zut reng.A taksa tak ngial pawh a chet loh a vang chuan ka beidawng zual.
.
ka harh a tang kar khat a liam tawh,Nunsanga erawh khawl hmang in a thaw tawk tawk rih, A chang in ka vo a,A chang in ka thinrim khum a,Mahse harhse ka duh lutuk vang zawk a ni..
.
Ka naute vang in thil ka ei luih hram hram a ngai a,Nun phung mumal lo zet in ni ka hmang liam ve mawp mawp ringawt.
.
U Rinzoa hmel hmuh mawlh a hreawm,A inthiam lo hmel leh in kiltawih hmel chuan amah huat aiin lainatna min neih tir zawk.Kan hnunga min rawn um zui tu pawh kha a mah hi.
.
"Mambawih...hei i pa Lawmkima..Nunsanga pa.." Ka pa chuan a bula ding a rualpui tur vel chu min in hmel hriat tir a,Ka naupan deuh lai khan kan in ah chaw a rawn ei thin..Nunsanga pa a nih chuan ka nu leh pa in mipa naupang pakhat chanchin an sawi reng thin kha Nunsanga hi a lo nireng bawk.
_________________________________________
.
kar khat a liam leh tawh!Nunsanga erawh hmasawnna hmuh tur a la awm lo,Khawimah ka kalsan duhloh a vang in damdawi in a cabin pakhat chu kan la tawp a,A bulah awm thei lo mah i la,A hlat a awm ka duh lo.
.
Ka tih dan ngai te in Nunsanga bul ah ka kal a,a biang ah dimte in ka fawp,ka mittui chuan a biang chu a far huh fap a.
.
"I lo harh theihnan eng e ka tih ang?" ka nui lui hak a."Umm...thawnthu ka hril ang che aw.." Ka ti a,Ka biang a mittui chu hru in nunna neilo ang mai a mu zawi reng taksa chu khawih kual dan dan.
.
"Ih maw.. tuna i taksa dek mek tu hi i tello chuan a awm theilo tih hria la, Khawiah mah kalsan suh aw,Khawvel tawp ah i kal dawn pawn min hruai ve zel rawh." Zawi te te hian ka phun sep sep a.
.
Chutia ka tawng lai reng chuan a dul chung a a kuttang chu a rawn che zauh..Ka ang nghal pham ringawt..Mahse ka thusawi kha a hria tih ka hrethiam.."Min ngaithla tiraw..Ka ngai tawh che...lo harh vat rawh aw." ka ti leh sep a,reife hnu ah a kut tang a rawn chet leh a nih chu! Ka lawmlutuk hi ka a mai dawn in ka hria, a chal ah dimte in ka fawp a,Khawiah mah kal lo in a rawn harh tawh dawn.
.
Khami ni a tang khan ni hnih a liam leh tawh,Doctor pawn hmasawnna a hmuh belh zela,ICU a ka luh a piang in kan naute lo piang tur chanchin te ka hrilh a,A chang phei chuan a mit vun te a rawn chet ve thin...ka lawm lutuk a vang a tah chhuah hawm hawm chang lah ka ngah.
.
A taksa a khawl thenkhat an la chhuak tawh a,A mit rawn meng rihlo mahse kan thusawi engkim a hre vek tawh.
.
A mut na khum tlang bawh in mit ka chhing,Ka mut mumal loh a vang in ka taksa a chauh tak zet,Mahse ICU a doctor ten awm an phal lai hun bawhpelh erawh ka tum lo,Doctor sawi dan chuan naktuk lamah cabin ah kan insawn theih tawh ang!
.
"I tah chuan naute kha a tap ve dawn nia." ka thu ngil nghal zawk,Chiang mang lo a nunsanga rawn meng chu ka melh ngawt ngawt a,Tun ah rih hi chuan a awm zawn ah chiah khawl an vuah tawh.Lawk! Tunah khan a rawn tawng bawk!
.
"Nunsanga..!" A biang ah ka vuan a,vai riai hian a rawn meng,A rawn then sak a ."Ka muhil leh lawk ang aw."A tawngte chu naupang tawng thei tir ang mai in a fiah lo...Mahse a rawn tawng chhuak..Ka tah nuih nghal hawk hawk,Tui tak a muhil ang maiin a muhil leh siai siai a.
.
.
EPILOGE
.
Inchung sang ah insuk ka zar malh malh a,Nisa tha zet a vang chuan mit men a nuam lo lek lek.
.
"Mama." chu aw ka hriat rual chuan ka hawi let nghal vat,Nunsanga'n kan fapa Remruatpuia pawm chung a ka lam an rawn pan mek chu ka thlir a,ka nui nghal var var,Heng mipa pahnih te hi ka nuna ai pawh in ka hmangaih.
.
"Tinge in rawn chhoh duh a,Apa Sawma te kha an rawn thleng dawn tawh a sin.."Ka lo ti ve vat,Ruatpuia hi kum 2 a ni ve tawh,ka nun a arawn luh tirh a tang hlimna chhiarsen loh min rawn thlen nghal,Kei ai mah hian apa hian atchilh zawk,A fapa in a sawi a piang tihsak a tum a,A changchuan an in duat sual mai ka hlau lek lek thin.
.
"Mama bula sawi tur a ka tih che kha sawi rawh le."Nunsanga chuan a fapa bianga fawh sak pah chuan a ti lang lang a,An pafa hian thil an in zirtir reng bik ziah.
.
"mama...Ka nau tur i pum ah a awm a mi?" Ruatpuia tawngfiah lo leh kut tang ti che niap niap paha min melh reng tu chu ka nui nghal hawk hawk,Eng thil tak nge a fapa hi a lo hrilh leh tawh.
.
"Papa kha zawt la.."Ka ti a,Nunsanga lo phunhluk ri ka hriat rual chuan a thluak ka man pha leh tawh lo tih ka hria.mahse ka hrelo der tlang ta zawk,Insuak ka zar zawh chuan inhnuai lamah kan chhuk thla a,Ka pa pawh champhai ah an sawn leh tawh a,Tun a tearm hi a zawh chuan chawlh hahdam a tum ve tawh, Nunsanga pawh in a pa sumdawnna a enkawl pui ve tawh a,Mahse in hrang ah kan awm thung,Nunsanga pa(Pa hrawn) pawh kan lak a tha in Ruatpuia nen a infiam te hi nuam a ti,Mahse Nunsanga zawk in in hrang chan a duh miau a vang in kan awm hrang,An haw lem lo in ka hre bawk.
.
"Sawmdawnga te rawn thlen hma in Bawiha hi muhil leh lawk se?" Nunsanga chu ka melh zawk a,A bu nghut,A lak atang Ruatpuia chu lak la tum a,A lo duh der lo.
.
"Papa leh mama te nen kan mu ang aw?" a fapa sep kang lauh lauh pah chuan Nunsanga chuan a rawn ti a,An in ti thiam bik lutuk hi ka awt thin,Room ah lut in khumah an pa fa in an lawn nghal,ni a la vui zawh loh a vang in nikhat ah vawi khat tal a mutthil a la ngai thin.
.
Parda ka zar phui a,An pafa khuma infiam chu hnuhnawm ti zet hian ka thlir reng,Ruatpuia hi a pa naupan lai chiah chiah tiin a pi (Nunsanga nu) hian min hrilh thina,A tawngtam lo,A nuih pawn mawi tawk in a nui a,Naupang dang ang a nuih hawk hawk vel hi a ti ve vak lo,Nelawm loh a ni miah chuang lo a nia.A hnar ngul sang vah leh mit ko khur deuh a vang chuan tleirawl ho hian 'A la pa ang chu!' an ti ve nak nak zel.
.
"Bawihi..Lo mu la..?" A fapa kuah hlu hlu pah chuan a rawn ti sap a,an lam ka pan rual chuan Ruatpuia pawn min lo ban ve lap lap a.Ruatpuia chu a lai ah a mu,An bula ka mut ve tak ah chuan ka lam hawi lo in a mu leh duh dersilo,Min kuah chial a,Nunsanga'n ka nghawng hnuai ah a kut a rawn zen lut bawk,Ruatpuia tan nau awih hla ka sa a,Mit la sawn miah lo a kan nufa min thlir reng tu chu en in ka nui suk..A rawn then ve sak a.
.
"Ka hmangaih che.." a rawn phun sup a,Ruatpuia chu ka melh zawk. A nui leh hak a."Amah pawh ka hmangaih lutuk.. In pahnih hian ka nunna ai pawh in ka hmangaih che u.." A lu a kan a,A fapa muhil thaw ru sek sek lu ah chuan a fawp zauh a.Min hnaih pah in ka hmui ah a rawn fawp ve zauh bawk.
.
An pahnih ah hian ka hlimna zawng zawng chu a awm vek!kan chhungkaw hlimna hi khawvela thilhlu engmah hian a khum zo lo.
.
THE END
AN:- Induh ang in a ngaihnawm zo lo ang tih ka hria..mahse a tir a tanga,A tawp thleng min chhiar sak a vang in ka lawm lutuk a nia.Chuan..He chapter ah hian he story ka ziah chhan(A hming) pawh rem lo zet in ka rawn zep lut lui ta hram.(Hming rawn lang thar zinga pakhat khi a ni mai) .

MIN chhiarsak tu zawng zawng te ka lawm nawn leh e..Ka ngai dawn cheu e...Ka mit vang hian hun eng a maw chen ka hahdam rih ang..Ka lo kir leh hma chu lo in enkawl tha u la,Story tha tawk nen ka rawn let leh dawn nia..
Show post links

Link:
BBcode:
HTML:
Hide post links
Show post links

Xili
Posts: 8
Joined: April 10th, 2017, 10:19 am

Unread post by Xili » May 31st, 2017, 9:21 pm

Angaihnawm thlawt..chhiar a man hla si..nunsanga hi ka thinlai lutuk :D

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)