MAKE YOU FEEL MY LOVE BY Abbra Reo Ririni Khiangte (Complete)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: MAKE YOU FEEL MY LOVE BY Abbra Reo Ririni Khiangte (Complete)

Unread post by Ngaia » May 28th, 2017, 1:46 pm

Ka u leh Catherine kal chhuak chu mit khap miah lo hian ka melh reng ringawt, Engtin nge an ni pahnih ber kher,An Inkawp tihna a mi? Thaw ipik lutuk hian ka thaw chuak halh a!
.
"Nu..An in ngai zawng a mi?" Ka ti ta tawng.Ka nu chu a ner deuh nawng a.
.
"ka ring chiah lo...I hre zawk lo a mi?"A rawn ti leh,Ka hriat loh zia chu hria se min khawngaih zawk ang_,Mama hmichhe kawp ho hi chu ka hriatpui vek thin,Ngopa kan awm tirh hian KTP a in hmang deuh nen an in kawp a,An in ban thu min hrilh miah lo,Mahse tunah Catherine-i nen an in zui leh ang lawi a.
.
"Room ah ka chho dawn."Tih leh ka thutna a tang thawh ka rual nghal, A hmeichhe kawp sawisel sak thei ka nihloh rual in Catherine ber kher chu ka lawmteh chiam lo.
.
.
Khum ah ka lawn a,Lukham chu dahthuah in ka in kam kang ar, Phone chu khawih in champhaia ka thiante nen kan inbe pah a,Nunsanga min rawn call hun ka chang a ni pakhat.
.
Lawk!Mama khan kan collage ah Bike in tlansiak thin an awm thu a sawi a,Chuan accident an awm thu pawh a hrevek,Ani hi..Catharine nen an in kawp tak tak tihna ami? Kan collage chet dan zawng zawng hi zirlai te vek hnen a tang lo chuan a hre hauh in ka ring lo.Catherine in engkim a lo hril a nih chuan ka tel ve thin thu pawh a hre vek tawh zawk ang,Chaw ei lai a awmdan ka ngaihtuah let a,A hmazawng aiin ka awm a nuam lo,Engkim hrevek in hrelo ang in a awmder zawk tihna mi ni dawn! chungte a vang chuan delhi lama min awmbo tir a lo duh..! "Aw Lalpa thlen tir lo hram rawh.!" ka tisep a. Nunsanga nen kan boruak hi a hria a ni tawh zawk mai thei! engti kawng zawng pawh in min dahbo dan a ngaihtuah ngat ngat tawh ngei ang. ka thaw halha a.Ka ngaihtuahna te chu an buai nuai nuai mai.
.
Nunsanga nen kan inkar hi midang ka atang hrelo se ka duh.Anih loh chuan an na dawn lutuk tih ka hria,Keimah ngei in hmaichhan ah ka hrilh vek an la ngai ang,A mize maksak lutuk thin leh a chet thindan te hi ka hnen atang lo an hria a nih ngat chuan engkim a buai leh zual mai ang.
.
. Ka thu chhuak hlawl,Nizan a ka awmdan ang ang khan ka lo muhil tih ka ring kham thum ah chuan ka hre thei!Ka zi mar talh talh a,Ka pum rawn ni nghul a vang chuan tho chhuak in washroom lam ah bawk ka tlan nghal rawk rawk, Ka uak nghek a,Engmah chhuak tur la a awm der silo. Reife ka uak hnu chuan zawi hnawk in washroom bang ngheng chuan chuatah ka thu thla,Midang han hrilh vak dawn lah in na dang ka nei mang silo,Ka luak chhuak thin vang mai mai a damdawiin kal lah ka tum thak lo,Mahse eng a maw tak ka ti a nih lo chuan ka taksa in a tuar ka hlau ve tho bawk si.
.
Ka ding chhuak a,Ka hmai phih in ha ka nawt nghal,Karkhat taltap ka taksa ka sawizawi tawh lo,sawizawi a hneh in ka ei belh char char zawk,Naktuk a tang chuan zingtlan pawh ka tan leh tawh ang.
.
Ka sam hnawk chu ka khuih mam sawk sawk a,Ka room chhuahsan in kailawn lam ka pan,Mahse Mama room kawngkhar zawnah chuan ka chawl dat a,Nimin tlai lam a thil thleng vang khan nuam ka tilo tak tak,Kawngkhar hawnna chu ka vuan a,Dimte hian ka hawng them them, a pindan parda chu a lo la inzar phui mup a vang in pindan chung chu a la thim khup,Amah pawh chu khumah tui tak in a la mu sak sak.Kawngkhar chu ka pawt khar leh a,Ka hma zawn a min lo en reng tu a vang chuan ka phu nghal zawk.Ka thinzawn chu kan dawm a,Ka pa hian za vak lo in min lo nuih.
.
"Vawiin lam ah sawifel tum ru aw."kailawn ah kan chhuk thla,Ka pa chuan ka darah min rawn kuah a,Chhungkaw boruak nuamlo chu kan tuartlang vek in ka hria.
.
ka pa nen kan intur thingpui ka chhuang a,Thingpui ka siam zawh chuan kawngkhar pui hawng in gate a chanchinbu an rawn dah chu la tur in ka kal chhuak nghal ,Zingkar boruak thiangtak chu kawt lai a ding chung chuan kan hip lut leh vang vang phawt a.
.
Gate ka hawn rual chuan ka au deuh that,Nunsanga hmel pawrfap chu thinrim tun hian ka melh nghek,Amah zawk pawh a lungawi hmel teh chiam loh.
.
"Nizan ah ka call i chang lo."A rawn ti hmuk,Track suit a inbel a,a taksa chu akhuh veka vang in a lang lian leh zual.A kekawr khup ah chuan a var in a rang phei raih,ka ban rek ah rawn vuan in gate pawn lamah min pawt chhuak nghal.
.
"Mawh?" A rawn ti leh a.
.
"Ka muhil hman a lawm."Ka ti sep a,A rawn nui nghal suk.
.
"Ka ring deuh a,Mahse..."A ngawi dat a,A phone call ka chhan loh tum a atalbuai thin hi a la reh tak tak thei lo. "I mut hma tal in min hrilh tawh thin ang che."a ti leh sup a,
.
"Ka mutthil chhuak ka hrelaw bik lo a lawm."Ka tih chuan za vak lo hian a nui hak a,Ka run luih ve thin,A chang chuan thinrim lek lek awm hi hmuh nuam ka ti tlat thin.
.
"Thil ei tur in kal chhuak ang." a rawn ti leh a,ka hnial lo chiang khawp mai,Ka chanchinbu ken chu inchhung ah luhpui in ka pa ka pe nghal a,Ka room ah let leh in jacket ka in thawlh ve,Ka pa bulah ka kal chhuahtur thu ka hrilh a,Min chhan letna pawh nghak lo in kawtlam pan in ka tlan chuak nal nal. Gate ka chhuah rual chuan Nunsanga chuan ka kut ah a lo vuan vat a.
.
"Eitur sawi hi chuan i phur ve ngawt mai."Arawn ti,Min fiam tih hremah i la ka ner nghal sawk tho,Kut in kairial in kawn lam ah kan chhuk thla a,Zingkar lam a nih a vang in khawlai a kal chhuak an la tlem hlei bawk.
.
"Enge i ei duh?" Ka ep chiah thutna ah chuan a rawn thu thla ve,Engkim hi ka ei chak tih hriase chuan min khawngaih zawk ang.Ka ei duh ka sawi hnu chuan order siam in a kal a,Hmeiche thenkhat zing tlan zo dawr a rawn chawl ve ho chuan an en zui vang vang hlawm, Nunsanga erawh in a ngaihven vak hmel thin loh,Kan in hriat tirh lam a chet dan ngeng thin lutuk ka ngaihtuah let a piang hian a lakah thinrim in chum pawp hi ka la ching thin,Ngeng ngal mai a,Ka scooty hunna tur a Bike min hun khal thin lai te khan..tun ang hi kan thleng ang tih ka ngaihtuah pha ngai lo.
.
"Ka riltam reng bik hi mak ka ti."Ka ti sep a, Inlam pan in kan haw mek.Ka thusawi a vang chuan a rawn nui suk. "Kan ei reng a nga a ni mai lawm." A rawn ti a,Ka hnar ka ti chuar nawng. "Ka thau vek dawn sin...Ka insum tawh tak tak a."Ka ti halh a.Mahse nakin ka riltam leh hun a ka ei leh tur ringawt ka ngaihtuah leh tawh.
.
Nunsanga chuan gate thleng min thlah leh a,Vawiin lam kal chhuah kan tum a vang in mipa ho bik chuan kan chawhmeh ken tur an buaipui a ngai.
.
Gate chhungah ka lut tawh,Mama room parda che zauh chu ka hmu hman hram, Ka leh hawi a, Nunsanga erawh a awm tawh lo, Rilru nuam chiah lo in inchung ka lut a,Kan thenawmpa a lo leng,Ka pa nen thingpui hang an lo dawm mek,Hna vang nilo a in leng kan neih chang hian ka pa hi a lo phur thei lutuk.Kailawn ah Mama a rawn chhuk thla a,Ka lo ding reng chu min kalpel in kan thenawm pa lo leng chu nelawm tak hian a be zui nghal lang lang,Thu chung a atawng lai chu ka en a,Thinrimna a neih leh neihloh ka hrethiam lo. Choka lamah lutphei in Tui ka va in ve vak ringawt..
.
"Vawi in chuan tu te nen nge in nih dawn a?" chaw kan ei,Mama rawn tawngdan a vang chuan ka thawchhuak halh a.
.
"Kan tam ang..e..Catherine pawh kha a rawn kal ve ang."Hawi chhuak lo hian ka nui lui sak a.
.
"Kal ve kher a ngai ami?" A rawn ti,Ka melh zawk a,Min lo melh bik lo,Kan unau inkar boruak chu a in thlak hlawk hi a ni mai, Nunsanga nen kan inkar pawh hi a hriat ka ring tawh, A sawi chhuah hun ka nghak tawp ti i la a dik ang,Vawiin zing khan a room tukveh a tang min rawn thlir miau a.
.
"Vawiin chauh chu tel ve se,mahse tum dang ah chuan thinho thil tih khawmna ah te hian tel ve vak tumloh tur."Ka pa in a rawn ti a.Mama chuan a fian chu ring tak hian a dahthla bawl.. Ka vai chuan kan en nghal thup a.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:47 pm

Engmah sawi lo in a tho zui nghal daih a, harsa tak hian ka chaw thial lai zawng chu ka lem hram,Ka pa ka en a,A hrethiam bik chiah lo a nih hmel,Ka nu pawh chu ti bawk,kan ngawi thap a,Tumah in sawitur ka hrelo ti i la a dik ber zawk ang, Tun ang khan ka hriat tirh a ta Mama a la awm ngailo.


"Nang pawh chu tinge maw kal ve i tum luih tal le?" ka nu in a rawn tia. "I u a thinrim phah ngawt kha." a ti leh hlak. ka hnial peih lo,Ka hnial a nih chuan ka thinrim nghal dawn tih ka hria.Ka tho a,Ka thleng pawh thawh pui lo in ka room ah ka chho nghal,Mama zawk kha chu hmuh tur a awm tawh lo.Washroom ah lut in kut ka sil a, A chang hi chuan kan chhungkua hi ka ning thin..Ka sawitum tak chu..ka pa nihna vang hian kan duhdan ang pawn kan awm ve ngam thinlo a,Ka nun hi a zalen thlawt lo,Tet te a tang min phuar tun tu hi a awm tawh.


Ka phone charge lai arawn ri a,Nunsanga a nitih ka hria,Kan chhungkaw boruak vang a,A lakah lungawiloh vak a tullo.Phone ka chhang a,Hruai ka ngaih leh ngaih loh tur thu min rawn zawt a,Ka lo rem ti.. Ngopa kan awm hnu a tang hian tun hi thianho a kan chhuah ho vawi khatna tur a ni,Vawi khatna ringawt pawh in kan chhungkua ah buaina a thlen nghal der chu a nia!


Ka phone leh mamawh tur ho chu ka bag ah ka khung a,Cotton kawr var thawl hnalh ha in,Kekawr bul ka in thawlh,ka sam chu kang tak ah ka tawn khawm vek. Room a tang ka chhuah rual in Mama nen kan in hmachhawn nghal ran.A kekawr bul ipte ah a kut lehlam a zen lut,a hmel lang thim mup leh kar inkar hla ta duai chuan min ti chau zual! Min rawn melh a. Mahse engmah sawilo in a pindan kawngkhar hawng in a lut leh ta zawk a. Ka thaw chhuak halh...Engtin nge midang ho hi an Unaute nen an in hauh hian an awm bik ni,Ka a mai dawn in ka hria.


"Va fimkhur u la..Tlai tak ah rawn let lo bawk u la."Ka nu chuan a rawn ti zui lang lang,Mama nen kan Boruak vang hian kan chhungkua chu kan nguai lup vek.
Ka kal chhuah dawn pawn ka pa hmuh tur a awn velo.


Gate a tang ka chhuak a,Ka hawi let leh ngat,A ngaite in Mama'n a room tukverh a tang min lo thlir reng, A duh a nih chuan min hause..Pangai deuh in,Mahse tun a awmdan ah hi chuan thatak a min hau lo in min hal nghal em em ringawt a.


Kan in tang thuilote ke in ka kal,primary school Kawt ah ka lo ding a,Car var arawn tlan lut,Ka bul a a rawn din rual chuan ka nui chhuak hak hak a!


"Ti nge car i ken a?" A thutna a tang a rawn chhuak a,A inthuam dan holam tak a vang chuan ka thawchhuak hak.Vases dum a ha tawp,Cotton kekawr dum hlap a inbel a,A hmawr lam a thlep let bawk, A pheikhawk chauh pawh hi tlanbo pui tham a ni.

"I muhil rengsia..I mut theihna tur ka ngaihtuah tel a nih hi.." a rawn ti a,Ka nui leh ringawt, ka hmaah rawn ding in a hawikual thuak a,Rang tak hian ka hmui ah a rawn fawp zauh,mipa naupang chimawm deuh hi a ang.
A bulah vawiin nileng hun ka hmang a nih chuan ka hahdam thei deuh mahna!


"Eng Kim a tha em?" min en chiang a,Ka lo bu nghat ringawt.
Kan unau boruak vang mai mai a, rilru nuamlo tak a awmtir ve kher a tul in ka hrelo.


"Anih chuan kal ang.."A rawn ti a,Ka thutna lam tur ah min kai phei in kawngkhar a hawng,Ka thu lut a,kawngkhar min rawn kharsak zawng chuan a thawhap ri ka hre hman hram.

A rawn lut a,Nachin a hmel hmuh hahdam zet kha an bo vek tawh,Ngawi run chung hian car chu a tinung,Hneh zet a steering herh kual in a tlan let a,A hmel awmdan chu ka melh reng! 'Tihdikloh ka nei a mi?' Chu zawhna chu hetiang a awm chang a piang hian ka inzawt hmasa ber zel.

"Kan tha em?" Ka ti sep a,Hmalam melh ngur chung in a rawn bu zauh,Steering a vawnna kut pakhat chuan a Khabe a tuai zauh a.Min en miah lo leh ka awmve tih ngai pawimawh miah lo ang a a awmkual vel chu Ka thinrim tawk a tling nghal der.

Music a rawn play a,Rang tak in ka off nghal,eng a maw sawi hian a phun zui hluk.
Min la melh chuanglo.


"Car hi ti ding rawh...ka let leh dawn!" Ka ti a,Engah mah ka thusawi chu a ngailo tih hriat tak hian mel pawh min melh lo.


"Lalnunsang ka sawi chu i hria em?" ring tawk tak hian ka au vak,Min rawn en a,A mit meng nelawm loh zet a vang chuan ka tlawh sawk lo chauh.
Ka thinrim dan hrengat se chuan!!!!


"Ding rawh." ka ti leh sep a,Ring tak a tawng ka tum leh a nih chuan ka thinrim lutuk a vang hian ka tap chhuak thei in ka ring! Kawngpui sirah car chu a ti ding,Ka seat belt hren ka phelh ngal rawk rawk a,Ka thawk te chu a rang nghal vek theu.Car a tang kal chhuah ka tum.

"Eng thil nge i hriat le?" A rawn ti nghut, Ka melh a,Hmalam a lo la en run.

"Ka haw dawn..!" ka ti leh hlak,Diktak chuan in boruak rit lutuk kalsan tum in rilru ka siam ve a,Mahse a mize inthlak thut a vang hian a bula awm chakna ka nei lo.
Car kawngkhar hawn ka tum chuan a lo lock tlat a nih chu!

"Hmel a..lock hi hawng nghal rawh." kawngkhar sawi nawk nawk pah chuan ka au tawn tawn,Ka ban lehlamah a rawn vuan a,Ka thingthla tur chu hnehtak mai hian ka darah min rawn vuan a,seat nghengchan ah chuan min nawrbet nghal.

Ka tal phat phat a,Eng ti tih in nge min tih pawh ka hrelo..ka chehlei thei der lo.

"Min en rawh." thupe aw tak hian a rawn ti.


"Tinge dawt min hrilh?" a rawn ti leh sup, ka thaw chhuak nghal kawk a. Eng emaw sawi tum a ka an leh lai chuan dimte in ka hmui ah a rawn fawp nghal hmiah, ka meng nghal kawk bawk, In fawp ngailo kan nilo Mahse kan awm dan leh in fawh hi a in mil thlawt lo, a in la hrang nawlh , Mimawl ang mai hian ka melh reng ringawt



"Engkim a tha em tih ka zawh che kha" a hnar in min rawn nawk pah a, a awri dam lutuk chu awi awm loh tak a ni. Nichin lawk khan a vin em em a!


"I hmel ka hmuh rual khan thildik lo a awm tih ka hria a lawm, chuvang chuan a nia ka zawh che.." a in la hrang deuh a, chiang tak hian ka mit ah min m3lh nghal run, sawi mai tur pawh ka hrelo, ka in thup ve hram hram a maw ka ti a, Mahse engkim a lo hrevek tho.


"College sawn chungchang ah khan kan duhdan a in kalh deuh a."Ka tisep a,A rawn thaw hawk a.





"Min en teh.." a rawn ti leh nghut! A mit khur thuk leh mitmeng rum lam lek lek ah chuan ka melh ran, huaisenna ka neih belh thei hial in ka hria.



"Nangmah in engmah tuar tum suh..I harsatna pawh ka lakah zep bawk lo a, nangmah chuah a i tuar ngawt ngawt ka phallo." Dimte in ka biangah a rawn dawm a,

"Kawng kan zawng thei a lawm!'' A rawn ti leh sup,Tun ang tak hian Nunsanga bulah hahdam in ka la awm ngailo, A mit meng ah amah rinchhan tur a min duhzia alang chhuak a, nghet tak in ka kut a vuan reng dawn tih a aw nghet charh leh dam ruih ah chuan ka hre bawk.





"Ka hrethiam e..!" ka ti sep a,A lamah min pawthnai leh deuh in ka chalah a rawn fawp vang vang, ti kha chhuan ka pikna leh rilru buaina zawng zawng an bo nghal vek! awiawm loh khawp in ka hahdam!




Khawchhung a tanga hla fe ah kan tlan tawh,Midang in min lo nghahna hmun kan thlen chuan mi 20 rual zet chu kan ni dawn, mahse tumah in tibuai lo in a in kawpin bike ah an chuang far a,James in min rawn hmuh rual chuan kut a rawn vai nghal vat, ka vai let a. Nunsanga run tawk a lo tling em em tho.



kan Kim hnu chuan ka tlan chhuak leh a.






Kan thlenrual in mipa ho in ei an siam nghal a.Sawmdawnga pawh khup na e tilo chuan a phusa ber ah a tang, Catherine nen erawh vawi khat pawh kan inbe lo, tiau pho ah puan ka phah a,Nunsanga pawh kel sa siam in a buai ve hle, tui chen ka thiam loh a vang in ka lut ve ngam lo, swimming pool ang in a thuk chin hriat a ni bawk silo a.


Thli a rawn thaw heuh heuh rual chuan lui luang rim hi a rawn nam ve chek chek, an sawi dan chuan he lui hi luang zel in Tuivai a pawh an ti. Ka piah deuh lawk ah chuan thian thenkhat ten music an play a, an ri deuh hulh hulh bawk, Catherine leh mipa pakhat in hnaih tak a awm dun chuan ka mit a tikham deuh.. Mama nen nizan an chhuah dun ve vang pawh kha a ni mai thei..


"Bawihi.." Dimte a min rawn sawi tu a awm, mahse ka harh chhuak zo lo.


"I lo muhil leh hman tawh tak tak a law..?" Nunsanga nuihza insum chunga rawn tawng chu ka hre riai riai, mit ka meng dawn a, mahse ka thei lo.


"Car ah mu zawk rawh aw?" A tih sup rual in ka kang nawlh hi a nimai, a taksa lum veng veng ka deh rual te chuan ka tha zawi lutuk te chu an rawn chak thar sawng sawng in ka hria a. Ka lu lam chu dawm kang in zawite hian ka hmui ah a rawn fawp zauh a.



"midang in enge an tih..?" chu thil chu ka sawi ngei in ka hria.


"Umm..an tha.. Bawiha car kawngkhar hi lo hawng lawk teh.." Nunsanga tawng te chu an hla riai riai, dimte in ka taksa in thildup a deh leh rual chuan ka muhil zawm leh siai siai a.

Pang tilum ka hriat than deuh hian ka taksa a rawn dek a! Ka meng nghal siar siar.Ka ke lam ah Nunsanga a lo thu ve, nghen chhan ngheng chuan a mit a chhing vung vung ,Mahse a muhil lo tih ka hria, min tihnat hlau tih hriat ngawih ngawih hian a mal chunga a ka ke chu a hmet a.Hetiang thil hi a tih ka ring ngailo lutuk, chutiang a awm lai chu ka en reng, mipa naupang thusawi awi thei deuh hi a ang ber.





"Hey..!" tho phang aw zet hian ka ti tiak a.,Nunsanga chu rang tak in a rawn meng nghal vat,ka lam a rawn hawi a,Sexy deuh hian a rawn nui suk."I mutui em?" A rawn ti sup, a hmel a min ngaihtuah hliah hlaih tih lang chhuak chuan min ti hlim veng veng.



"Ka mutui lutuk..Midang ho in mak min ti awm" Ka ti sep,Ka kut pahniha hmai hup in ka ham leh bai bai a.Nunsanga'n car a lo keng hlauh chu ati chi tak zet.


"I chau tih an hria lawm. I ke hi a vung deuh.. a na em?" A rawn ti nghut, lu ka kan a, amal chunga ka ke chu ka en a,A vungtih pawh ka hrelo. A na pawn ka hrelo.


"Aih, nalo.. A van mak!" Ka ti liam puat, seat ah chuan ka mu thla leh hnawk a.Car chhung chu Ac hmanga a tih vawh raih a vang in awm a hahdam.


"Ana lo tak tak maw?" A rawn ti leh sup. Ka kaihza hnung lam a rawn hmeh rual chuan ka thawchhuak halh a, ka thisen a lum pap pap mai, ka dik dawn miahlo.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:47 pm

"Umm..a na tak tak, khawi.. kal chuak ang." Ka ti nghal zung zung, Ka tho dawn a, Nunsanga zawk chu a rawn che thut a, ka bawp leh lam lehlam chu rawn nawr tawm in a inkarah a rawn bawk lut nghal nawlh, ka thaw chuak halh a. A dar ah ka nem nghal ngawt ngawt, a la rawn nui hawk hawk zui.




"Min hlau tih sawi tum miah suh!" rawn insiam rem pah in ka lu zawnah a kiu in a rawn in beng kang a, chunglam atang chuan min melh chhuk nghal ngur, mitmeng de sawt sawt ka hmuh rual te chuan ka sa hat hat thei. Ka awm ang chiah hian a awm ve tih ka hria, chu chu ka duhlo.




"Hlau deuh che! Tho rawh, tak tak in.." Min delh bet chiah silo hian chethei miah lo in min siam tlat, anui suk a, a kut leh lam chet in ka mal ah a rawn tham deuh salh bawk, ka taksa danglam chu hrelo hramse ka duh.


"Min hlau maw?" A rawn ti nghut.


"Umm..i mize in thlak thut thut thinte hi ka ngaina lo,Chuan.. tuna kan awmdan pawh hi.." ka sawi zawh hma a a lo nuih hawk a vang in a dar ah ka chum zawt! "Kei chu tuna kan awmdan hi nuam ka ti.." ka kut man pah chuan a rawn ti,Ka tal dawn a, tal theih miah siloh hian min del bet sauh,Ka ban lehlam pawh a man a,Ka luchungah a kut pakhat in a man khawm vek!


"Nuam i tih ve ngei theihnan eng emaw tak ka tih a ngaiin ka hria". a aw vawt tak leh ril ruih a vang chuan ka vawt ve nghal sung sung thei!


Ka kawrchhung ah a rawn zen lut nghal hmiah, ka lu chhuak nghal vek! Dimte in ka hnunglam ah a zut phei a, Kan awm dan diktilo viau si chuan ka lo pui ve ang lawi a! Ka taksa chu tlemin ka lo kan hlek, ka bra kilhna a phelh hmih, ka ruak nghal hawk thei, dimte in ka bar hak pawt sawn miah lo chuan a rawn tham salh a. Ka thaw chuak halh.


"Ka sawi dik em?" Ka beng bulah min ti phur thei ber tur hian a rawn phun sup ,ka nui hak a, amah pawh chu a rawn nui ve suk, ka kut a nem beh miau a vang in a mah ka khawih ve theilo, ka bra hak chu tlem a pawt sawn in a kut a rawn la chhuak a. Ka kawrhak chhan ah chuan ka hnute hmur thla chu a lang nghal kal! Inthup tum eng mah i la, ka taksa hian a thup ve thei der silo.. Enge a tih lehzel tur ka nghak tawp hi a ni mai! Dimte in ka hmui ah a rawn fawp a, zei tak mai hian ka hmui chu a lei sa han ham chuan a rawn nawr kau a, chhan let loh chu a atthlak zawk, ka theih ang a uar in ka chhang let ve,A kei thap deuh hrak mai,Ka ka chhungah awnze nei tak a a chetkual tir meuh chuan khawvel dang daih ah ka awm mai in ka hria!A chawl deuh a, ka kut a nam beh tlat a vang in ka lu ka kang awk awk thung, ka hmui hnuai a rawn fawp leh a, chumi pah chuan ka kawrchhan ah ka *nute hnur chu a *rual kual a, ka taksa chu a za chuak vek! Curent chak tak kal ang maiin a kut a chet rual chuan ka za chuai chuai thei! ka rum chhuak hak a, ka a thei mai dawn in ka hria . A thil tih a tawp a, ka thawnghal kawk kawk! A dangdai lutuk..





"Min en rawh Bawihi.." A aw mumal lo lutuk a vang chuan ka nui chhuak hak a, seat ah chuan tlem a thle deuh chung hian ka la mu reng, ka melh chho a,Chiang tak hian min lo en ve reng..


"Ka la duhtawk lo..." a rawn phun sap a, hmui ka lo pet zauh thung, mitmeng ti zim deuhsun in min rawn en,Ka thaw chhuak hak a. "Lo kal teh.." zawmloh ngamloh khawp a sexy hian a rawn ti zawi ruih,Seat ah a thu a,Min tihnat hlau tak hian min pawt tho ve nghal a, amah hmachhawn zawng in a mal chung ah min thuttir a, ka Khabe hnuai chu a rawn pet a, ka thawchuak ham ham ringawt,.



"Keimah a i duhlo zawng zawng zawng sawi vek rawh" a rawn ti sup, a nghawngah ka kut pahnih ka suih zawm a, kan awm dan leh a thusawi chu a inpersan tak zet. A kut lehlam in ka hnung lam a chul heuh heuh reng bawk.


"Umm, i buluk thin lutuk.." ka ti sep a,A rawn nui huk. "Enge buluk chu?" A rawn ti hlut a, ka lo ner nasa mai.


"I mizia ka sawi thiam dan a nih chu..." ka ti leh a, eng emaw ngaihtuah hmel tak hian a ngawi vang vang a,Thinrim hmel miah lo mahse, a hmel landan chu a ngainatawm teh chiam lo.


"Umm.. A dang leh.." A rawn ti vut, ka rinloh tak mai in a la rawn nui zui.Ka mit ah a enran, tuna ka sawi bak kha chu amah hian sawisel tur ka hrelo. "A awm tawh lo." Ka ti chuai raih, na lek lek hian ka chalh a rawn tauh a, ka tuai nghal vat vat.


"A dang a awm tawh lo tak tak maw?" A rawn ti a, ka chal na vang a ner nawng chung hian ka melh vak, hmui hnuai seh zauh in ka hnungzang a chul chho riak riak, kut in a thlenna chin a piang chu an sa ham ham thei, chu mai a nilo Ka thinphu a rang nghal dawt dawt thei.Dimte si hian ka hnung lam a tang a rawn chul phei a,Ka awm bawr ah a rawn tawp chat.


"Enge ka sawi kha... ka la duhtawk lo.." Zawi raih hian a rawn phun sup, Hnuailam ah a *ipatna khawng vek tawh in a kekawr chhan a tang min do run bawk, a rawn tham a, ka tum loh lutuk in rum chuak leh hak!


"Kan awmna hi car a ni tih i hria em?" Ka taksa a thiltih mek a vang in ka zawi vek, ka aw mumal lo zet chu a hre kher a ngem tih pawh ka hrelo, chunglam hawi in ka dak a,Ka nghawngah a rawn fawp,Ka thaw chhuak leh halh thin... Mahse tiang reng a nih chuan kan tawp na tur ka hria!


"Kan tawp a ngai..." Ka tisep a. Nunsanga pawh a rawn harchuak ve in ka hria,a insum tum thawk la kualvel chu a rapthlak tak zet! Car nghenchhan chu a ngheng thla hnawk a, a awma ka bei thihnan min kuah bet tel nghal a.A lungphu ri dawt dawt chu ka ngaithla a,A thawklak zawng te chuan ka kang ve awk awk thei..


"Innei daih i la?" a rawn ti halh,Ka nui nghal hawk hawk,Ti lui tih hriat deuh hian ka nakah a rawn piaia a.


"Min nuih kher lo la...I chhungte Delhi awm an sawi reng a nih chuan ka ru daih tak tak dawn che."A rawn ti a,A lak atang in la hrang in a mit ah tak ka en. "Ka fiamthu lo...!" then suk pah hian a rawn ti,A hmel ah a nuihzat loh zia pawh a lang thei.

Car darthlalang chu a rawn ri dat dat a,Ka hawi nghal vat, Sawmdawnga chu pawn lam a tang chuan a rawn nui hui mai! Nunsanga lak a tang ka in la hrang tur chu ka kawngah a rawn chelh bet tlat a,Sawma hi kan thianmah nise, Nunsanga nen in hnaih tak a kan awm dun lai min hmu hi nuam ka ti chiah lo.

"A ei theih tawh.." Pawnlam atang chuan a rawn ti a, Nunsanga zawk a bu nghut.
A kalsawn leh nghal mai a.


"I riltam tawh em?" a rawn ti a, Mahse lu ka lo thing vat, a tam lo tak tak, nidang te chu nise ka mut thawh rual khan eitur ka ngaih ven ruai ang, thawh vel a ka thil hmachhawn vang pawh kha a ni mai thei.


Ka insiam that vek hnu ah car a tang kan chhuak, Nunsanga zawk chuan driver side lam a hawng a, Ac off in car chu a lock tha nghal vek.


"Engtin nge i riltam loh theih zawk le?" a rawn ti nang nang, ka lo nui ringawt.
Lirthei hunna leh kan Tui chenna hi a in hlat ang reng,Ka mutthil lai a min pawm khan kan thleng nghal mai in ka hresia.





Thian dang te kan va pawh chuan an lo ri leng lung hlawm. Hmeichhie thenkhat tui chen thiam deuh deuh pawh an awm nual,kei hi chu ngal chen vel a thuk ah lo inchiah ve mai mai i la ka duhtawk

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:48 pm

Mipa ho chuan chaw ei an peih tawh thu chu an rawn sawi leh lang lang a,Tui a la cheng mek ho pawh an rawn chuak sap sap.Kan vai hian kum 21-24 inkar vek kan ni,Thalai, Nawmchen nuam tih hun lai leh khawlai nuam tih hun lai boruak kha kan hmang chho mek!


"Arinzual..tui i cheng ve na nge?" James chuan tui in khawlh khawlh pah chuan a rawn ti a,Ka lo bu zoh a,A ni phei hi chu tuiah a cheng nasa ber in ka hria.


"He lai hmun thleng thleng kal tawh te chuan tui chen ngei ngei tur a sin!" a ti leh a,ka nuih a za zawk,tuichen ka thiamloh zia hria se chuan luikama ka awm ve pawh a phallo ang.


"Bawihi...he lam ah?" Chu aw rum lek lek rawn chhuahna lam ah chuan Ka hawi let a,Nunsanga'n kan piah deuh a tang min lo en run,Min nghak tih hriattak hian kalsawn a tum miah lo,James chu a rawn nui suk a.


"Va kal rawh, Hnek ka tuar leh hma in..!" a mit a rawn siai leh zauh,Ka ner nghal nawng thei, Nunsanga lam chu ka va pan a,A hmel landan a tang a ngaihtuahna a awm ka hriatsak mai thei thin lo.


"Rilote ka kalsawn chhung lek pawn be buaitu i lo nei hman ziah,"A rawn ti nghal hmuk,Tum dang nise chuan ka thinrim leh tawh ang,Mahse tuna a landan naupang chhia lutuk vang hian a thinrim theih lo.A kut tangkar ah ka kuttang ka rawlh lut a,A rawn thaw nghal hawk.


"Tun a ka mizia hi mi Buluk i tih kha?" Ka lam a rawn thle hnai pah chuan a rawn ti leh sup a,Nichina 'Ka mizia a i duhloh zawng min hrilh la' a tih kha a hrechuak leh thut a ni ngei ang.Ka nui suk a,Lu ka thing mat mat,Hriatthiam lo tih hriat deuh hian mit a rawn kan ak a.


"Tun a mi kha chu..Thikthu che over a nih kha."Ka tih sak,Lehlam hawiin a phun nghal hluk!


Midang awmna lamah chaw ei tur in kan kal a,A then chuan beer an lo hum far,Music an play dup dup a,Khaw chhunglam ven thawn a ngaihloh mai bak ah,Motor kawngpui a tang a hnai em em lo bawk,Duhtawk a bengchheng siam pawn min rawn hau tu tur an awm lo.


"A rim hi ka ti thei lo." Thleng chu ka nawrsawn a,Ka pumpui a ti no nghul thei.

"I tha em?" a thleng leh ka thleng chu a dahsawn hmak,Ka bu nghat a.Mahse ka luak chhuak lutuk vang in ka thutna atang ka ding chhuak a,Midang awmve lohna ah kal in ka uak nghal tuar tuar! ka hnung ah hian min rawn beng thak thak tu an awm!Ka chal a rawn dawm leh a,Nunsanga ngei a ni! luak chuah tur ka neilo,Mahse rawn chhuak mai tur awm ang tlat hian ka pum a tang a rawn in hnawh up up reng.

"Tui hi in la.." Reife ka uak hnu ah, Ka thu zawi hnawk, Mit chhing in thawk ka la vang vang a.

"Khawsik i nei em?" min ngaihtuah vang in a talbuai nghal vek,lu ka thing a.Tui bottle chu la in kam ka thuah a.

"Sawhthing rim hi ka haw tlat a.!" ka ti sep.Tun hnai deuh a tang khan sawhthing rim hi ka haw lutuk.

"Kan siam dawn khan..."A ngawi leh dat a.A nuamlo ti hmel chu a khawngaih thlak zawk.


"Hey...a pawi lo..ka sawi loh chuan in tan hriat ngawt ngaihna a awm hlei nem!" ka ti a,ka mit a a rawn en rual chuan ka nui nghal var var bawk.


"Umm...A thleng nawn tawh lo ang.. Car a eitur ka dah ho kha ei mai ang aw.!" Dimte in min pawt tho a,Car ah eitura dah tih pawh ka hrelo,He pa hi chuan min hreching deuh mah mah chu a ni e! Eitur ka mamawh reng tih in hre mah i la,In ken nachang ka hrengai lo, Nunsanga zawk hian a lo ngaihtuah lawk vek thin.


Tlai ni daih hnu a haw kan tum a vang in ruam daihlim laiah kan thu a,A then in beer an in,Nunsanga hian han in tumna a nei tawh miah lo,Awi awmloh khawp in a inchak thu te hi a sawi lang ngailo,Sawma phei chuan mak a ti fal nalh,An in hrechiang dun bawk a,A bansan hmak thei hi mak a tih thu a sawi leh thin.


"Ka nu in inrinni ah maw hian chaw ei tur in rawn hruai haw la a ti a." Ka hnung ah a thu,A taksa ngheng in a awmah lu ka nghat a,Ka beng ah a rawn fawp pah zauh.


"A zahthlak awm.."Ka ti a,A taksa che dat ah chuan a nui tih ka hria,A lam hawi chuang lo in ka kut ka chet,A beng ah ka han khawih a.


"I bulah ka awm tlat dawn lawm, A zinna hmun a tang pawn i that leh thatloh hi min rawn zawt ziah zel."a ti leh supa,A lawmawm rual in a lakah ka inthlahrung zual sauh..Ka chhungte tu mah in kan inkawp tih an la hrelo..Nilo..Mama'n a hre tawh,A hriat vang in mindah bo a tum nghal reng.


"Naktukzan ah khan Nunsang i tel ve dawn em?" Ringleng lawng a Catherine rawn tawng a vang chuan a lam chu kan hawi thup a,A harhfim vak lo tih a mit meng phe riai ah chuan a hriat theih..A thutna bul ka en a,Beer bur 2 a let ngat.


"Ka tello ang,Chuan a thei thei chuan bansan vek ru."Pangai deuh hian Nunsanga chuan a chhang let,A ban pahni in min rawn kuah nghal hlu hlu a, Catherine nui har har ah chuan a duhtawk mai dawn lo tih ka hria.


"Anih chuan...Naktuk zanhi tu a maw thih cham a ni tih i hre tel bawk ang chu tiraw?" a rawn ti leh..


"Catherine,A tawk..kha thil kha tumahin sawi chhuah tawh loh tur kan ti a nilawm ni!" chu aw vin leh rum lutuk chu Sawmdawnga ka ngei a tang raw chhuak ani,Ka thungil zawk a. Nunsanga pawh ka hriatthiam loh in a phun nghal hluk.


Ka hriat tirh a tang Sawmdawnga thinrim ber tum a ni hial ang, Catherine erawh sawifuh in ti ngawih ngawih hmel a pu! Sawma aw ri hlauhaw lutuk vang khan kei ni ila chuan ka khup zal zal in ka ring...


Catharine thusawi vang kha a ni ngei ang,tupawh mai chu an ngawingul hlawm, Tu thih cham nge ?Chuan.. an mahni te nen hian chu thihna chuan inzawmna a nei a mi? ka hawi kual a,Catherine tih loh chu muk tak a thil ngaihtuah tih hriat ngawih ngawih in a hmel landan a thimkhup..Ka hawi let a, Nunsanga landan pawh a dik lo.. mahse a lam ka hawi rual chuan za vak lo in a lo nui suk a. Ka hriat ve loh thil a la awm cheu tihna mi ni dawn?

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:49 pm

"Catherine-i thusawi kha enge a awmzia?" Car steering hneh sawh tak a herh kual mek tu chu ka melh a,Nichin khan boruak a dang satliah a nilo,Tu pawh mai khan thilthup an nei tih an hmelah a lang vek!Min en hma in tukverh lam hawiin a thawchuak halh phawt a.
.
"Sawi dawn chuan a sei lutuk.." bul tak hian a tawn ti hap a,Min chhan dan ah chuan ka lungawi chiah lo,Min rawn melh zawk a,a lak atang mit ka la la sawn ve lo.
.
"Bike intlansiak kan neih tirh hian accident vang in kan thian zianga pakhat a boral a." Awlsam tak in sawi liam tum eng ang mahse a thei lo tih a aw tang tung ah chuan ka hre thei.Engmah zawh belh lo chuan pawnlam ka en ta zawk a. Sawi belh a duhlo a nih chuan nawr luih ka tum lo.Mit ka chhing a,Tun ah tak hi chuan tun hun chiah hi ngaihtuah ka duh.
.
"Bawih-i?" Dimte a ka taksa rawn in sawi a vang chuan ka meng siar siar a,Nunsanga'n hnai tak ah min lo en ran, a hmel pa leh mit meng sexy zet a vang hian ka tuiral lo chauh.
.
"Kan thleng tawh a." Zawi te hian a tawn ti leh a,Ka hmai hliahtu ka sam chu a kut tang in a rawn huikiang pah bawk.Ka taksa mur nghal sung sung a vang chuan ka thaw chuak halh a, min rawn hriat sakloh hram ka beisei!
.
"Umm...ka muhil leh hman a law?" Ka ti sep a,Nunsanga erawh a rawn nui hawk hawk thung.Ka thu tha a,Kan Gate hma ah kan lo ding reng tawh,Thatchhe zet in seat nghen chhan ngheng chung chuan ka thu leh vang vang a,Nunsanga erawh in a lo tihfo dan in ka kut pakhat la in a biang ah a nul kual dan dan,He tiang a a awm chang hi chuan duat tu a mamawh ngawih ngawih thin tih ka hria.
.
"Mama lo haw dawn kha i hria ti raw?" Ka ti a,Ka kut fawp zauh pah in lu a rawn bu a.
U Rinmuana rawn haw hun ah Nunsanga pawh hi kan in ah ka hruai ang.
.
Car atang a chhuak a,Ka thutna lam kawngkhar chu min rawn hawn sak ve,Car a tang ka chuak fel chiah,Ka thil hmuh a vang chuan ka taksa a tang nghal run,Chil ka lem khawlh a.Ka kawchhung lamah chuan boruak nasa tak in a in lumlet kual nghal bulh bulh!Nunsanga chuan rang tak in ka kut a rawn hum a,Ka thinphu rang dawt dawt a vang leh ka taksa khur ru dar dar a vang chuan thut hnawk mai ka chak.
Ka taksa khur nasa lutuk chu a rawn hria a ni ngei ang,Ka ban chu a rawn hmer nghet nghal sal a.
.
"Kan pahnih in bia ang..!" Nunsanga chuan a rawn ti sup,Hmalam ka melh a,Mama chu kan lam pan in chak tak in a rawn kal phei pawk pawk bawk,A hmel landan a tang chuan min ching darah vek duh dawn tih ka hria!
.
Nunsanga chu ka melh zawk a,Mak ka ti zawk! mahni inring tawk tak hian min lo nuih suk a,kei erawh ka dang puap in ka ring.
.
"Rawn lut rawh.!"Mama chuan Gate a rawn nam hawng a,A aw zawi leh khauh zet a vang chuan ka thaw chhuak ham ham a,Ka thazam zawng zawng hi an tek chuai chuai in ka hria!Ka ke hmawr hit ngut ngut te chuan ka u thinrim ka hlauzia chu an ti chiang zual...
.
"Lalrinzual..Ka sawi i hria em?" a aia chang zawk hian a rawn ti hrawk,A kut lehlam in gate a vuan..lehlam erawh a kekawr ipte ah a dah lut,A ban a tha lang ruih ah chuan a kut chu hum ruh tawk hlei tih a hriat theih!
.
"Khawngaih in kan inbe thei a ngem?" Chu aw damdap leh nghet tak mai a vang chuan ka NEP bik zia ka hre thar uar uar, Nunsanga chu ka melh leh zawk a, a hmel a hahdam tur a min duhzia lang chhuak te chuan ka tah a ti chhuak.
Kei ve lah hi,Thlipui rawn thawk in dap in nghet lo tak a chhem awn kual vel ang lek in ka lo khur chhia a!Mahse ..ani hi chu Nunsanga a ni miau a lawm!
.
"Lalrinzual lut tur in ka ti che" Mama zawk chuan a rawn ti nghut, Ka awmdan chu a lai kual vel vek,Ka hmaah ka u ngei chu thinrim tak in a ding khawng luah a, Nunsanga'n nghettak in ka kut ah a chelh ve thung,Mama hmel chu rei ka en ngamlo. He tiang tak hian ka u hmelhi a hluahawm thei tih pawh ka hrelo. Che lo a ka din reng vang chuan a lung ka ti awilo zual sauh! Gate atang a rawn chhuak a, Rang takin Nunsanga chuan a hnunglam ah min din tir nghal,Ka taksa khur dar dar te chuan min ti chau hluah hluah!
.
"Zahpui awm lutuk..!" Ka u thinrim chuan Nunsanga kawrawm ah a tham a,Car ngheng chuan a nam bet nghal.
.
"Mama!" ka khek nghal tuar hi a ni mai,Nunsanga zawk chuan a khawih let ve mai ang tih ka hlau..ka hlau tak zet!
.
"Lalrinzual..lo va lut rawh." min rawn melh a,Tah chhuah hawm hawm mai ka duh,Maktak maiin Nunsanga zawk chuan thinrim hmel a pulo,tumdang te chu nise a taksa dek tu an awm rual khan eng khaw sawi set set lo in a vai thlu nghal tawp ang.
.
"Mama..?" Ka beidawng lutuk, kut hial thawh in a che chhuak chu a nia.. Nunsanga nghettak a nam bet chung chuan min rawn melh a. ka hlauthawng lutuk hmel a hmuh chuan thinrim insum zet hian a thaw chhuak hrawih,Nunsanga chu a thlan a,Ka banrek ah vuan in gate chunglam ah min kai lut nghal dawr dawr,a tha chak lutuk a vang chuan tan buai ngaihna ka hrelo,Ka hawi let a,Nunsanga beidawng leh natuar hmel chuan min ti na zual.
.
"I room ah chho la..khapa kha hmu leh tawh ngai suh ang che.." Kawngkhar pawh a khar phui nghal vek,Ka nu leh pa hmel ka hmu lo,A rawn inher a,Ka ip nghal chawi thei.
.
"Chho rawh..!" kai lawnlam a kawk,A mit meng sen vek leh bek ruh pawng tawlh tawlh te chu ka vawi khat hmuh na..Chet mai nachang pawh ka hrelo.Ka lam hnaih in a rawn che hrut a,Tah zet chuan ka harh chhuak nghal zawk, Kailawn lam pan chuan ka tlanchho nghal rawk rawk, Ka tha khur vang chuan duhang pawn ka che rang thei lo,Ka hawi let a,Chunglam en chung a a thawchuak halh halh chu ka zuk hmu..
.
Ka pindan kawngkhar ka nam hawn rual chuan ka taksa lo tan zia chu kahrefiah chiah,Khum pawh thleng zo lo in chhuat ah chuan ka thu thla hnawk, Ka tha khur ngawt ngawt a vang chuan ka che thei tawh lo, Mama hian eng chiah nge a hriat,A mizia leh tun mai a achetdan kha a in hmeh hlawl lo. Ka pik lutuk tih reh tum chuan thawk kan la leh halh halh phawt a,Tiang reng a nih dawn chuan ka a mai ang, Kawngkhar rinchhan in ka ding chhuak a! Khum lam pan in mungchang in ka kal chhet chhet..
.
Khumah chuan ka mu zawi hnawk a,Ka biangah mittui a rawn luang ngiai ngiai bawk, Ka nu leh pa awm hunah engpawh huam in Nunsanga nen kan chanchin hi ka hrilh ang.
.
Ka phone rawn ri dar dar a vang chuan rilru fim put hram hram ka tum,Ka mittui chu kan hru leh tawk a.Ka bag a tang phone chu la chhuak in ka phun nghal sep.
.
"Hey...!" Zawite hian ka tisep, Nunsanga zawk chu a rawn thaw chuak ham ham a.
A taksa thunun a tum chang hian tun ang hian a kawchhunga boruak te a thawchhuak ham ham thin.
.
"I tha em?" a rawn ti a.
.
"umm ka tha,Chuan a pawi ka ti.. ih..Nachina thil thleng kha..!" Ka ti leh sep.
.
"Ai..A pawilo,Thil tamtak kan hmachhawn a ngai dawn tih ka hria a lawm,Mahse keimah vang in engmah tuar lo la ka duh...!" a thaw leh hap a,.
"Min ring tiraw?" A rawn ti leh a.
.
"Umm..Ka ring che,Chuan hun tha a la awm mai ang!" tah chhuak tun hian ka ti leh tiak,Chunglam ka melh a,Ka mittui chu an rawn luang chhuak tho.
.
"Pawnah hian ka la awm a.."Zawite hian a rawn ti sep,Kuah vawng vawng ka chak lutuk,Ka room atang hian in hma lam a hmuh ve theih bawk siloh.
.
"I bulah ka awm chak." ka ti leh sep a, Nunsanga rawn thaw halh ri te chuan amah ka thlakhleh zia min hriat chiantir zual.
.
"Tlanbo mai ang.."Ngen ngawl zet hian a rawn ti a,Ka nui chhuak hak a,Mahse a rum nghut ri ka hriat chuan a fiamthu lo tih ka hria. Inruk ang zawng a pasal neih chu ka ngaihtuah ngailo,Ka nu leh pa te ka timualpho dawn lutuk.
.
"Nghak hram zawk ang.Ka nu leh pa ka be phawt a nga.."Ka ti a,min chhang let lawk lo.
.
"Ka lak atang an dahbo dawn che a nih ngat chuan... Ka thusawi ka hlen ang..Kan tlanbo ang!" zawi tak si hian a rawn ti sup a,phone kal tlang mah nise a hmel awmdan tur ka mit thla vek thei,Sawi ve mai mai nilo in,A tih ngei tur chauh a sawi.
.
Eng a maw chen kan inbia a, an in lam a let tur in ka ti ve bawk,Ka nu leh pa an rawn let rual in ka be ve bawk ang,Naupang chhia ka ni tawh lo a, Naupangchhia ang mai a ka nun min thunun beh tlat an tum pawh hi an in thlak ve a ngai tawh.
.
Nunsanga nen kan inbiak zawh hnu chuan washroom ah lut in ka inbual zung zung a, tumkhat na chauh a ka beidawn nghal ngawt chuan hmeiche chaklo ber ka ni ringawt dawn sin..Ka inbual zawh chuan thuamhnaw inbel in room a tang ka chuak a.Kan inzau tak chu a reh tlawk tlawk hi a ni mai.
.
Ka room kawngkhar ka pawt khar rual chuan Mama pindan kawngkhar a rawn in hawng ve chiah,Tullo lutuk in ka la phu dawr zui.
.
"Ka nu leh pa SDO in chaw ei ah a sawm a,An kal,Chuan pizza ka order a rawn thleng tep!" Min melh run chung chuan a rawn ti nghut a. Lu ka bu zauh ringawt. A in her a,Kailawn ah a chhuk thla nghal nul nul.
.
"Mama?" Thut khawmna ah TV a lo en,Ka auh rual chuan mi en nghal run a,Tum dang a min duatna leh min ngiahsakna kha a hmelah a lang tawh lo,Tunah tak hi chuan a hmelhriat satliah nen kan danglam pawh in ka ring lo..Oh..Chu ai pawh chuan min en hrang zawk,Kan hmel hriat te bulah chuan hawi hawm chhuah in kan la nuih tal a lawm!
.
"Ka be duh che.." Ka ti sep a,A ner nawng ah chuan min be chaklo tih ka hria,Ka u hi ka pa ang chiah a palian leh duhdan te nei a ni ve a,A thinche lo,Mahse a thinthawk erawh a na ve tawk tih tun mai a thil thleng ah khan ka hrethiam chauh.
.
"Tun mai a thil thleng kha sawi i tum a nih chuan...ka sawi peih lo,Chuan hmu tawh suh..I hmu lui leh a nih chuan nakum nilo in tunkar hian i college luhna ka sawn ang!" sofa ngheng chhan ngheng in a thu,A mitmu uk fiah zet chuan chiang tak hian min melh nghal run!
.
"Eng vang in..?" ka ti a,ka zawhna chu zawhna awmlo ber a ni!
.
"Ka sawi zo chiah in ka hria.. A ni kha I hmuh leh chuan tunkar la la hian i college ka sawn ang ka ti a nih chu." a rawn ti leh fak fak,Ka beidawng lutuk,Ka bula sofa nghenchhan chu ka tham ngawt ngawt ringawt.
.
"Enge Nunsanga nen kan inkawp chu a pawi viau na?" Hlaulo ang a lan ka tum,Ka kaiza tha khur dar dar a vang chuan ka tluk mai ka hlau.
.
"Ka thintihrim kher i duh em?" A TV en lai a off hmak,Kut min thlak a hreh miah lo tih ka hrethiam ta chiah.
.
"Mama?" ka mittui a rawn tla.Ka melh reng ringawt.
.
"Mate.. I tan a tha tur a nih hi.. Sawi belh ka duh tawh lo,Ka thuzawm la,A tha a ni mai!" A thutna a tang a ding a,Min kalpel in choka lamah a lutphei a,Mi a ang mai hian ka ding khawng reng ringawt,In hnung lam chhuahna kawngkhar a hawng a,A rawn nem khar leh rual chuan ka tap chhuak nghal hawm hawm.

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:50 pm

Room ah ka tlanchoa a,Khum ah ka bawk nghal hnawk, Ka awmdan chu eng tawng mahin ka sawi fiah thiam lo.
.
Ka tap muhil a ni ngei ang,Ka room kawngkhar a rawn ri dat dat a,Mit ka men rual chuan ka hmai leh nghawng huh dap chu ka hre hmasa ber,Ka thu chhuak a,Khua a lo thim mup tawh!kawngkhar bawk chu a rawn ri leh a.Khum atang tho chhuak in light ka ti eng nghal vek,Kawngkhar ma hawng a,Mama chu pizza box leh coke keng in a lo ding run,Ka tap tih a hria anih pawn hrelo ang hmak in a awm.
.
"Hei ei rawh... U Muana'n a rawn ca che a ,Call I chhang bawk silo..a ngaihtuah che a nih kha.." a ti bul hmuk,Ka kut ah box leh coke chu a rawn dah a,En pawh min en lo in a let leh nghal daih.
.
Eitur chu room ah ka luhpui a,Kawngkhar pawh ka kharphui leh nghal vek! Ka ei chakloh a vang in computer dawhkan chung ah ka dah a,Khum a ka phone let ngat chu ban in ka la kang nghal.
.
U Muana miscalled a lo awm thup, Rawn haw tawhse ka ti tak zet,Ka call back a,Aizawl a rawn thlen tawh thu a rawn sawi lang lang a,Ka pa thusawi awiin engmah Mama nen kan buaina pawh ka la hrilh ve lo,In a rawn thlen hunah engkim a hrethiam ve mai ang.
.
"Mate..i nguai riau in ka hria..!" A rawn ti a,Kan inbiak laklawh lai i ka lo ngawi leh vung vung thin.
.
"Umm..Vawiin ah lui ah min hruai a,nisa hnuai ah ka awm vang in ka chau deuh."Ka ti sep, U Rinzoa aw vin leh rum lutuk hriat ai chuan min duatna aw ri chu hriat a nuam zawk fe.
.
Ka chau tih ka sawi a vang in reilote hnu ah kan inbiakna kan ti tawp a. Ka room kawngkhar rawn in hawnrual deuh thaw in Mama a rawn lut nghal,Kawngkhar a kharphui a,Khum tlang ah thu in ka lo melh reng ringawt. Ka room tukverh lam chu a pan a,A hmel rum ul reng a vang chuan biak ka chaklo,Amah pawh hian min be chak biklo tih ka hria,Parda in zar chu a tlem a hnawl sawn a,Tukverh ah chuan a rawn thu.Min rawn melh zawk a,Computer dawhkan chunga eitur chu a melh leh a.
.
"Engmah i la ei lo mi?" a rawn ti a, Min melh run mahse a aw chu a nem viau thung! Lu ka bu nghat a,A kut phah pahnih in a hmai a hup thawk a.
.
"I u ka ni a... I hmalam hun ka ngaihtuah vang a he tiang thil hi ti ka ni tih hrethiam la ka duh." a rawn ti hap,A hma ang em em khan a thinrim tawh lo in ka hria,Min enlo in bang a melh run a,A ban leh lam in tukverh biang a a hmer tel bawk.
.
"Ka nu leh pa in hriase engtin nge an awm ang?" Zawhna min zawt tih hriat deuh hian a aw ki a rawn san hluai a,Min melh chung in a chal a chuar nang bawk. "Kan unau a hmeichhe awm chhun leh chhungkaw Naute hian khawvel mipa lutuk leh tharum thawh a chet chuah thin mipa a kawp tih hriase eng tin nge an ngaih i rin?" a thutna a tang a ding in min melh nghal run.
.
"A mize hlui ang kha a pu tawh lo." Sawitur ka ngah lutuk,A hma a amize mak pui pui ang kha a pu tawh lo,Mama hian eng chen chiah nge Nunsanga chanchin hi a hriat ka hrelo,Mahse hei erawh chiang tak in ka sawi ngam,Nunsanga hi a danglam tawh.
.
"I hriat chin ka hrelo...Mahse Mama..a danglam tawh a lawm!" Min hrethiamse ka duh tak zet,Ngengawl zet hian ka melh a,Lu a lo thing zauh ringawt.
.
"He tiang ho hi chuan an ze thalo hi an thlah tak tak theilo." A tawngdan chuan min chhun sawk mai hian ka hria, Tiang em em hian midang chanchin a sawi pawh ka ring ngai lo.Chuan..Nunsanga a thamlo lutuk chuan min tina vek thei.
.
"Ka nu leh pa ten engmah an hriat ve a ngailo.. Chuan engmah hi ka sawi mai mai loh tih hretel bawk la, I thlah theilo a nih chuan kawng dang ka dap ang..!" kawngkhar lam a pan a. Ka melh ngawt ngawt ringawt. Kei leh ka u hi unau Diktak kan nih pawh ka ring tawhlo hial zawk!
.
Ka phone rawn ri ve chhen chu thinrim tak hian ka la kang a,Caller Id ka hmuh rual chuan ka ner sawk.
.
"Enge?" ka ti a.
.
"I u nen in in hau leh tawh Ami?" Ka nu chuan a rawn ti lang lang,Hau satliah pawh kan nilo..kut kan in thlak lo chauh ka ti khum vak lo chauh.
.
"Haulo...in rawn let dawn lo mi?" Ka ti ta sep a,Kan in a tang SDO quarter hi hla over a nilo, Chaw ei tur a kalsi..zan dar7 ah pawh an la rawn let lo.
.
"Kan rawn let dawn chiah.. I pa thawhpui zinga pakhat a boral a,Zan in hian an khaw lamah kan kal ve nghal a ngai dawn,I pa nen kan mamawh tamlo te kha bag ah lo khung lawk la..In rawn lut lo in kan tlang nghal a ngai ."A rawn ti a. Ka tah a chhuak nghal tun thri,Mama nen chauh kan awm a ngai dawn a nih chu...Hremhmun a awmnen kan danglam dawn miah lo.Kan inbiak zawh chuan ka room chhuahsan in ka nu leh pa room ah ka lut a, an manawh tur ang a ka hriat ho chu bag ah ka khung khawm sak. Zan in kal chhuah ngailo se chuan engkim hrilh ka tum.
.
"Ka pa ,tu kha ber nge a?" Gate pawn ah tlanchuak leh mai tur hian an rawn ding a,Ka bag ken chhuah chu ka pe.
.
"Thenawm khua a tang a rawn thawk kha a nia..chawlh hmang a a let kha khum bet in a va na zui reng a ni awm e."A ti a,Mama hriat zawng a ni ngei ang,sawi belhtur a hria..Ka lo ngaithla mawl ve tawp.
.
.
Parda zarphui ve loh a tang chuan nizung a rawn lut iar a,Mit khap leklo in ni zung in chhuat a rawn Chunu en raih chu ka melh reng, Nizan ka mut dawn khan Mama'n ka phone min laksak nghal daih, Tha takin engmah kan sawidun thei bawksilo..A thinrim tun reng a!!
.
Ka pum rawn ni nghul a vang chuan ka tho chhuak a,Washroom ah lut in ka uak leh tuar tuar phawt,He tiang a ka awm reng thin hi a dik dawn in ka hre miah lo. Ka duhtawk la uak hnu chuan darthlalang ah chuan kan in thlek vang vang a,Ka hmai leh Khabe hnuai vel te chu an rawn vung in ka hria.
.
Washroom a tang chuak in dawhkan chunga calendar chu ka la kang a,Thla hmasa lamah keu let in ka thawchhuak kawk,Ka tha rawn khur nghal ringawt a vang chuan computer hma a chair ah chuan ka thu thla a,Ka thlatin hun bi neih hun a pel tawh. Rangtakin ka dul chu kan dawm nghal vat a!
.
"Ka rai tihna mi? Aw Lalpa.." Ka thinphu a rawn rang nghal dawt dawt ringawt. Chil kan lem khawlh a, Ka taksa danglam mek leh ei ka duh reng te hi ka rai vang a ni thei a ngem?Calendar chu dah let in kan thaw chhuak nghal ham ham a.
.
"Tah hian Naute a awm tihna mi?" ka dul chu ka chul a,Ka mittui a rawn hnam nghal sawk,Ka awmdan ber ka hrethiam lo,ka hlim a,Mahse hlauhthawnna ka nei.. Nilo.. Engmah ka hlaulo.. Ka fiahvat a ngai ngei ang..
.
.
Ka pindan kawngkhar rawn inchum ri dawt dawt a vang chhuan ka phu nghal dawr thei, Ka thil lo ngaihtuah mek a vang pawn ka hlau thawng bawk, Mama hian ka awmdan diklo a hria a nih ngat chuan min ringhlel ang!
.
Pangai tak a lan tum in ka tho chhuak a,Kawngkhar ka va hawn rual chuan ka u thinrim vang a thaw sawk sawk nen kan in hmachhawn nghal ran!

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)