MAKE YOU FEEL MY LOVE BY Abbra Reo Ririni Khiangte (Complete)

Moderator: Abbra Reo Ririni

Ngaia
Site Admin
Posts: 25813
Joined: April 30th, 2016, 4:07 pm

Re: MAKE YOU FEEL MY LOVE BY Abbra Reo Ririni Khiangte (Complete)

Unread post by Ngaia » May 28th, 2017, 1:41 pm

MAKE YOU FEEL MY LOVE
CHAPTER 17
BY
Abbra Reo Ririni Khiangte





Nunsanga chuan a hma a hmeichhia chu melh zawk in min melh nghal ngur
ka hrelo der hmak! Ka nghen mek bang chu in nem thawhnan a hmang in ka ding chhuak riai riai a, Nunsanga pawh chu a rawn ding ve nghal vut, ka ban rawh chelh a tum chu natak hian ka lo nam sawn sak lawp a! Hetiang mai mai a min palzam a tum te, nikhat chhungin hmeichhe dang ngaihsak in a chhuah pui hnu ah kei hi a duh ang ang a min rawn pawh kual a tum te hian min tina ngut ngut.






Zirlai dang in an pan sup supna lam pan chuan ka kal phei ve a, kha nu mit menga min huat hmel lutuk pawh kha chhut zui pawp ka chak hrep lo.



"In ti luhlul lo teh.. ka hruai haw ang che!" chu aw zawi thum sup vang chuan ka ke pen tawp in ka thaw chhuak hak, min zui tih ka hre miah lo, muangchang hian ka hawi let a, chik tak hian min lo melh run. Ka kalsan tak a hmeichhe lungawilo hmel pawh ka va hmu nghal.



"Engtin nge min hruai haw ang. Kan in leh a bul vel ah ka chhungten i kal ve an phal tawh lo.!" min tihnat em vang a tihnat let ve tum chuan nunrawn hmel takin ka nui lui sak! Ka thusawi avang chuan a ang deuh zawk thei! A inseh ruh a, ana hmel ka hmuh rual hian ka na ve leh ringawt tawh, heipawh hi a tul miahlo!




"Ka hrethiam e.. ka lo theinghil a ni!" ti zawi sup in dar a kan uk, hul tih hriat ngawih ngawih hian a rawn nui lui suk bawk.

Sawi tur ka hretawh bik lo, Nunsanga chu a inher nghut a, Muangchang in hmeichhe lam ah chuan a let phei! A ke pen tin chuan ka lungphu a ti rang dawt dawt a, kan awmna a in hlat vak lo, hmeichhia zawk in nui var var chung a Nunsanga ban a lo vuan chat lai chu rei en ngam lo in ka in her ve vat a.





'A Na tuar hmel kha!' Lu ka thing nawk nawk a, pawilo..min tina tawk tawh bawk a lawm,Khang ai khan ka na zawk daih. Ti khan a ni chu a mahti hlim tur in a bulah hmeichhia a la nei tal a lawm.



Daihlim chin ah ka thu a, intlansiak tan nan reilo te chiah hun a awm tawh, Ka taksa chau lutuk a vang chuan ka luak leh mai dawn tr hian ka hria tut tut a, Mipui au hul hul leh khuang an vuak rik vel te chu ka zo lo a ni ber in ka hria.




"Kan bul lamah i rawn thu ve dawn lo mi?" Ka hma a rawn ding chu ka chhauh en heu, lu ka thing ringawt.



"I awm dan hi a diklo a nia.. tinge Bawiha pawh hi hmuh tur a awm leh tawh loh a?" Sawma chu ka melh leh hrawk, Nunsanga'n a bul ah eng chiah nge a sawi ka hrelo, Mahse, keihi Nunsanga awmna min zawt reng tur a nilo.




"He tah a awm ve tawh lo ang." Ka ti leh sep, mipui thawm ring tak a vang chuan ka thusawi chu a hrepha pawn ka ring lo. KHA hmeichhia nen khan khawi hmun ah emaw an in phur chhuak leh daih tawh ang.




Sawmdawnga chu Angela in a rawn koh a vang in a kalsawn a, Freddy pawh an college lam a captain a nih a vang in a zirlaipui te intihsiakna a teltur ho a buaipui an ngai.




Ka bula cement bang vawt thler ngheng chuan mit kan chhing vang vang a, tunah rih chuan thawveng tak a awm ka mamawh ber, thawveng tak i... Nunsanga nen kan inkar buaina theinghil thak khawp in in tih thawven ka mamawh, kan pahnih inkar Boruak vang hian ka chau hneh tawh lutuk!





Mipui au hul hul thawm chu an hla tial tial a, a hnu ah phei chuan a reh nghal thuap thei!





Tun a ka hun tawn hreawm tak hi mumnang ang mai hian bo duak thei se ka duh tak zet! Mumang pawh hi eng ang pawh in hlauhawm in ralthlak thin mahse mit kan men rual in an bo dual thin a, an hnuhma pakhat mah hmuh tur a awm zui tawh ngailo. Chutiang chiah chuan tun a ka hun hman mek pawh hi than harh sak theih ka chak!






Ka kawng mu chur chur a vang chuan mit ka meng diar diar a, engkim a lo ruak vek tawh! Ka thungil nghal zawk, khawnge zirlai dang zawng zawng khan an bo tak duak!Mumang ah ka la awm zawk a mi?




"I mu tui bawk maw?" ti thum sup vang chuan phawk kawk in sirlam ka en dawrh! Ka bul mai ah Nunsanga a lo thu run anih chu! Ka taksa chu en in rang tak in a kamisz min khuh nan a hman chu ka pawt hlip pawp, amah vawm nan ka hmang, alo nui suk ringawt.




"Kan muhil rei hlei mai!"a ban a sana chu a melh. A ban pahnih chu phar in a ham bai bai bawk.'Kan a?' ka bulah a awm reng tihna mi?




"He tah eng e nge i tih ve? Khawnge midang?" Thawh vel a thil thleng a tan chuan mi a thawng mah mah, mipui ri hul hul karak ka muhil a. Ka harchhuah leh chuan tumah an lo awm tawh lo, ka hmuduh loh ber nen chiah kan lo awm.. Mithianghlim lawr zingah kan telve tihna em ni?




"Ka sawi chu..!" Ka makti hawikual min en reng tu chu ka vin leh nghek a, zirlai za tel kal bo thawm ka hrelo thei a..a mak khawp mai..




A hmui a ti sawi zauh a,Ding chhuak meuh in ka hawikual, Thil che zeuh takngial pawh hmuh tur a awm lo.
.
"Nunsang!!" Ka ti leh halh..a rawn ding ve a, tawnzau dum hak chuan a taksa nalhzet chu a khuh bo zo lo..
.
"I kamisz kha ha rawh." Rangtak hian ka ti leh nghal, Chimawm zet a nui in min rawn melh kher.
.
"Hall lamah an kal tawh.. " A hamzui leh bai bai,Ka hawi let leh chuan a kamisz a lo ha tawh a,Chiang tak hian min lo en ve kar.
.
"Engtin nge ka bul ah i awm theih?"
.
"Mipui karah bu lawp lawp in i muthlu a,Kan khawngaih vang che in ka taksa ngheng in ka mut tir che!" ka zawhna ang chiah a nel awmloh in min rawn chhang let ve a,Ka ner nghal nawng.
.
"A nih chu.." Hall lam pan tur in ka inher ve nghal,Mahse ka ban ah a rawn vuan leh chawt a,Ka thingthla dawn tih hre lawk ang hrim in a rawn hum nghet zui nghal.
.
"I riltam a nih kha..thil ei ang." ka kut a vawnna ngaih pawimawhloh hmel zet hian a rawn ti sup.
.
"A tamlo..!"
.
"Umm...chupawh nise ka riltam thung,Kal ang.." a ti hmuk a,Hall awm lohna lam zawk,Eitur an zawrhna lam ah chuan min kalpui nghal dawr dawr a nih chu!Infiam mite en theihna tur in thutna hi a hmalam atang a hnung lam zawng in a indawh cho zel a,Chung ah chuan talbuai in tan khawhve ngat i la chuan ka tlu tawp in ka ring.
.
Min dim miah lo a min pawt dawr dawr tu chu ka zui ve zel! khawnge a hmeichhia pawh kha a dah bo leh hman ni?
.
Eitur zawrhna kan thlen chuan a lo reh ve raih tho.'Ka riltamlo' k ti tak na a. tam tak a ni!
..
"Enge i ei ang?"
"ka hrelo..eng pawh a ni mai."Ka ti sep a,Kan hma lamah chuan a kut a phar chhuak zawk, Dawhkan zau vak lo leh thutna lo awm lam chu kan pan a,dawr nghak tute chuan min lo hmu duh ngei mai.Nunsanga chuan kan eitur chu a chah a,Tunah tak hi chuan ka ngaihtuahna ah eitur chiah a awm.
.
"Tinge midang zawng hall chhung ah an awm vek a,Pawn lam ah in la awm a?" dawr a hna thawk chuan kan eitur chah dawhkan a rawn dah pah chuan a rawn ti lang lang.
.
A eitur rawn dah chu a tui hmel tak zet.
.
"A muhil rei lutuk a,Kalsan ngawt a chi mang siloh a."Nunsanga chuan glass no a tui thlit chhuah pah chuan a rawn ti sup a,Rum tawk hian ka melh.Ka haw dawn tih a hresa a ni ngei ang,Min melh ve lo in hmundang a en daih,A hmel a nuihza insum lang chhuak vang chuan ka thaw halh a,he tia a awm chang hian a lang pa zual thin.
.
'Ka ngaihtuhna chu a va tullo ber!'
.
"Ei rawh..I mutthil lai pawh khan i pum a ri reng."Min melh zawk,eng vanga ka huat zawng a awm tum phet nge maw a nih le,A tui thlit chhuah zawng chu a in zo vek a. Nachin kan boruak ah kha chuan tun ang a in hnaih tak a awm dun leh hi a tel tawh miah lo!
.
Ei tur chu ka ei nghal zung zung,Ka hrethiam chiah lo,Nidang a ka puar hun tawh ah pawh ka la puarlo,Ka bowl a awm zawng chu ka ei zo vek a,Ka pum chu a la ruak tho!
.
"I ei leh duh em?" a tawp berna tur ka hawp chiah..Nunsanga chu ka melh a,A eitur chu a chanve pawh a lo la ei ve lo.
.
"Zeploh chuan... ka riltam a la reh lo." ka ti sep. A rawn nui suk a, za vak lo hian ka nui ve halh tho.


"A ngai ang kha mi i ei leh ang?" a eitur eina fian nghat thla pah chuan a rawn ti a, ka hriatthiam chiah siloh in a hmel a hlimsar bawk.



"Aw.. tun a mi ang kha." ka bowl ruak chu ka nawrsawn a, Nunsanga chuan eitur chu a chah belh leh, tum dang te chu nise chuan thau hlau in bowl khat pawh kha ka ei zo teuh lo. Mahse, tunah hi chuan thau hlauh lampang a lang tawh lo, ka pumpui ah hian a rem rem hnawh luh mawlh mawlh ka chak.




Ka hma ah eitur an rawn dah leh rual chuan engmah ngaihtuah buailo in ka hawp leh nghal bawrh bawrh ringawt, Tunah kher kher hi chuan tuna ka thil eilai tluk a thil tui hi khawvel ah a awm tawh lo ang.



Nunsanga'n thil ei thulh thak khawp a min en ngur pawh chu ka ngaihsak lo hmiah.



"Hman hmawh suh... kan chah leh dawn nia.." hnuhnawm tih hmel fahran a min en ngur lah chuan a ti sup, a ei lai pawh a la eizo ve chuang lo. Mahse, a bowl nawrsawn dan ah ei a tum tawh loh hmel, glass no ah tui a thli chhuak a, ka bul a no ah pawh chuan a rawn thli chuak ve leh a.




"Zingah engmah i ei lo em ni?" Tui in tur in min duh tih entirnan ka bula glass no chu a melh zauh bawk. Zing ah pawh chaw pangai tak in ka ei.



"Ei e..an eisiam tui lutuk vang hi a niang.."Tui lem khal pah chuan ka ti sep, tunah chuan ka riltam huam huam a reh tawh, mahse eitur dang la awmse chuan ka la ei thei reng tho ang.



"I duh leh em?" Ka ngaihtuahna hria ang hrim hian a rawn ti leh sup, Mahse lu ka lo thing vat thung.



"Anih leh Lasi i duh em?" a rawn nghut, Ka insum buai peih lo, ka duhthu ka hrilh a, min en run chungin a nui suk suk, a thutna atang tho chhuak in kan eiman pe pah in lasi a rawn keng a,Ka lo ding ve vat.




"Ei rawh. i riltam a la reh lo in ka hria."A rawn ti a, athil min pek ban pah chuan ka bu nghut ringawt.
.
Ngawi reng in Hall lam pan chuan kan let leh a, nichina hmeichia kha khawnge a awm hman daih ni?



"Bawihi...!" ka kal lai chu ka tawp chawt, a engamah hma chuan rum tak hian ka melh vak a.



"Kha ti khan min koh tawh suh." Ka ti nghal hlur , a inseh ruh ka hmuh chuan a thinrim leh dawn maw ka ti hman, a bawihi pawh k ni tawh lo.
.
"Ok.. iphone min lo hman tir teh." A rawn ti bul hmuk.

"I phone hmang ve mai la!"


"Ka ti bo a lawm." a ti leh hmuk, a thil eina ruak chu kan bul bawlhhlawh bawm ah chuan a vawm lut a, ka bag ah lai chu zen in ka phone chu ka pe ve mai, a la vut a, screen lock chu awlsam zet in a hawng hmiah , min rawn en in a nui leh kher a, ka chhir pawp chak lutuk. A hman zawh vel ah ka screen lock pawh ka thlak nghal ang.




"Hlim... khawi ah nge i awm?" Min hnung chhawn in a in her, ka thaw chuak halh thung, a rapthlak dan hi, ka phone a tang a hmeichhe kawp thar kha a be ngam a nih chu!



Engmah sawi lo in ka kal nghal nal nal! A ti em em deuh chu a ni, engtin nge hmeichhe dang biak nan ka phone kha min dil ngam zawk,
Ka feeling tur a care chhete loh leh min zahpah lo lutuk chuan min tina a, mihring pawh a ni tawp lo e.



Chak tak in ka kal hlawk hlawk, hall awmna ka thlen rual chuan midang pawh an rawn chuak ve mek. MSU a hruaitu tur an thlang nghal a ni mai thei!




"Ka haw dawn.." Sawmdawnga'n min rawn din chilh rual chuan ka ti nghal ringawt. Midang rawn chhuak mek a vang chuan min dinsawn pui leh deuh a, Function hun a la ral lo. Mahse ti ringawt hi chuan ka pangai dawn in k hrelo.


"I tha em? I lang var vek a nia!" Sawma chuan a lo ti ve vat. Ka bu zauh ringawt .
.
"Bawihi..?"

Hmela chu leh!! Min la rawn umzui ngam maw, Sawmdawnga nen kan bulah chuan a rawn ding nghal run, ka phone a humlai chu ka phih thlak sak nawk a. Kan piah cement char ah ka vawm dara vek! Mipa te pahnih hmel a hrilhhaina lang chhuak chu ngaih ven lo in ka Scooty awmna lam ah ka kal nghal hlawk hlawk a.




"Hey! Ding teh; kan inbiak a ngai a nia!" Corridor ka kal phelh dawn lai chuan Nunsanga'n min rawn vuan ding chawt.


"Hmela! Min thlan rawh, i kut hmawr pawh hian min dek tawh suh!" Ka tawng ring lo. Mahse, min khawih ka duh loh zia hriase ka duh a vang in rum tak hian ka melh chho khai a.



"He ti hian awm tlat lo teh, ka chau a nia." a rawn ti ve nghut, thiamloh min chan tir leh vek dawn ta.



"I chau a nih chuan enge min zui kual reng a, i duh dan dan in awm rawh keipawh ka duh dan dan in ka awm ang, ka hmuh theih loh ah awm tawh rawh! A tha em?" a au in ka au tawn tawn, mi tam vak lo hian chu lai hmun chu an rawh kal pel a, min en zui dauh dauh hlawm tih pawh ka hria.




Nunsanga taksa tang tawlh tawlh pawh chu ka hmu thei. Mahse ka lo rinloh dan deuh in a rawn che chhuak vut, ka lamah a ke chheh a rawn ti hnai a, thinrim lutuk a vang a ka taksa chau vek tawh chu a taksa ka rinchhan theih nan min rawn kuah nghal hrawk.


Tal tum a ka che phat chu a awm zawnah min kuh bet ngur chungin a rawn phun thum sup
"Thawk la phawt rawh!" a ti zawi sup, ngenngawlna rawn ri chhuak ve vang chuan ka tawp aih a, awm dan tur pawh ka hrelo, ka duh dan chuan amah hlat vang vang a awm ka duh! Mahse, ka hlat dawn vel ah hian min rawn hnaih ve leh zel thin si!




"Ka hua che! Chu chu i hria em?" ka ti sap a, nghet leh zual a min kuah in a rum hawk, ka chhipah chuan khabe rawn nghat in a thaw chhuak ham ham a.



"I taksa hi a sa vek, i damlo en ni?" min kuahna chu a thlah zui vut, ka pang a rawn dek a, ka dang ro halh a vang chuan chil ka lem khawlh. Ka pang a rawn deh rual chuan awmze nei lo hian a phun chhuak hluk.




"I damloh chuan sawi ta che.." Vin deuh hiaa a rawn ti bung vut, ka hmel a en a vin vak chi ka nilo tih a hrethiam leh a niang.




"Ka hruai haw ang che..min hnial tum miah suh." Fiah fek fawk hian a rawn ti nghut, ka taksa chhung lam a tang vawt in min rawn tham er er reng a, mahse ka taksa pawnlam chu a sa vek thung.



Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:42 pm

"Min ngaihtuah suh..keimah in ka haw thei." Ka thawk te thleng in a sa vek. Mahse Nunsanga chuan ka thusawi chu a ngai pawimawh miah lo,Ka kut ah kaiin Scooty awmna lamah min kalpui nghal hlawk hlawk, tang tur pawn tha ka nei lo. Tun hnai ka thil tawn maksak tak tak vang hian ka chau zo tawh a ni ngei ang.


"Hey, in let dawn mi?" Freddy'n kan hnung lam atang a rawn ti lang lang a.


"Khawnge i scooty chahbi..?" Nunsanga chuan a rawn ti hmuk. Ka bag zen in ka la chhuak a, ka kut a tang min chhuhsak in Freddy lam ah avawm phei hmuk.


"A scooty hi rawn khal sak rawh." Freddy melh zawk pah chuan a ti leh hmuk, a awm dan vel chu ka haw lutuk, thunei tu ber ang maiin a che kual a.Ka taksa zawi lutuk vang hian min kaihna lam lam ah ka kawilo thei silo..



Nunsanga'n a bike awmna lamah min kai phei a, Freddy pawn min rawn pan ve vat.


"Ehe..Arinzual i dam lo en ni?"
.
"Ka hruai haw dawn, a Scooty saw rawn khal let sak rawh!" Ka tawng hma in Nunsanga bawk a rawn tawng ve leh, a a tawh a ni ngei ngei ang, Mama khan a hrilh chiang viau, amah nen min hmu dun anih ngat chuan kut min thlak duh mai ang.


"Ka zui dawn lo che. "ka ti sep a.

"Kan hria ang chu.." rum tak in a lo ti ve thung. Ka ban ah a rawn chel nghal vat a, nimin Mama thusawi kha a hretawh lo tak tak a maw ni zawk.



"Arinzual.. zui rawh, in hnung ah ka rawn tlan ang." Freddy in dam dap a rawn tih chuan ka thaw chhuak hak a, ani hi chuan ka ngaihtuhna a rawn hrethiam mai a, He pa.. khawvel a mi ngeng ber leh maksak ber hi chuan a hrethiam ve ngai lo ang.



"Lalrinzual.. i taksa ah thil pawi dang a thlen hma in che hman hmawh rawh."Nunsanga chu ka melh a, tha ah hneh dawn ngat i la chuan ka hnek ve sawk duh tak tak ang.



"Khawi i jacket kha..?" Bike ah a lawm tum uk tawh, Mahse let leh in Freddy jacket hak lai chu a hlih tir hmiah . A che zia chu ka en reng ringawt, thu ber leh thil ti thei ber ah a in ngai a, Freddy hian thinrim in khing let duh ngatse chuan ka buai nghek mai ang, nahse Freddy zawk chuan rilru puitling tak in a dawr thei zel, Freddy te college jacket chuan min rawn khuh thawk a.




"Ti khan thlithaw lakah a veng deuh ang che..Kal ang.." A aw ching nial lo zet a vang chuan min ngaihtuah ve tak tak a maw ka ti mai dawn, Mahse a ni hi chuan min ngaihtuah tawp lo ang,Ka phone a tang hmeichhe dang a be ngam hial a nia.




Bike ah a lawn a,Ka lawn ve,a taksa deh duhlo viau mah i la ka kuah a ngai ,Ka tha neih ve hmang hian ka in ham tang zo dawn lo tih ka hria.

.
" I tha ti raw?" Hriat nuam zawk hian a tawn ti leh sup. Helmet chhan chuan ka lu chu an rawn nawk leh vang vang phawt a.



"Ka tha..!" zawite hian ka lo ti,Thaw chhuak halh in Bike chu a khalh chhuak a, Freddy pawh in kan hnung ah min rawn zui ve zel, tiang a mizia danglam thut thut thin hi ka hrethiam lo. Nimin lam te khan hrilh hai ngawih ngawih in min siam a.Tunah lem kehthei dawm tak te in min dawm leh a, Mahse,Tun a a awmdan a vang hian ka in hneh tir ringawt tur a nilo.
.
ka mit chu a kham thum,Ka taksa chhung khur dar dar chuan ka tha a ti zawi zual,Nisa hnuai a kan awm nasat lutuk vang a nih ka ring. Mit ka chhing a,Nunsanga chuan min ngai chang pah reng in Bike chu a khalh ,A khat tawk in ka kuahna kut chu an rawn vuan leh zauh thin. Midang ang in min ngaihsakna a ti lang ve ngai vak lo. A thiam thlawt lo zawk thin,Mahse.. thiam lo chung chung a min ngaihsak a ni tih a lantir tum ve hian a lawmawm zual thin...Ka ngaihtuhma tullo tak a vang chuan ka rum dat a,Tun ah chuan keilo hmeichhe dang buaipui tur a nei tawh,Kei chu a tul vang chauh a ka lak a that chuah a ni.
.
Bike chu a ding dat a_.Mit ka meng .Thinrim lutuk hian Nunsanga hnung lam pang chu melh nghek ringawt.
.
Freddy a rawn thleng ve a,Nunsanga nen chuan min rawn en ha!
.
"I duh leh ka bike hian collage ah chuan let leh mai rawh,Bawihi hi chu hetah hahdam rih rawh se." Freddy en chuan a ti sup a,"Chhuk la!" ka lam a rawn thle hnai pah in a ti leh a,Ka va han haw so bawrh bawrh tak em!
.
"Kei hi eng vang mah in i inah hian ka lut dawn lo."Uar zet hian ka ti nghek,An in Kawt ah a lawm min din pui,Bike a tang ka chhuk a,Mahse ka ban ah nghet lutuk in a rawn chelh hman tho.
.
"Mihring pawh i nilo." Ke per tawn tawn pah chuan ka ti leh nghek!Eng vang mah in a in ah hian ka lut dawn lo,Min hruai haw a intiam a vang chauh a tun ah pawh zui haw ka ni!
.
"Mihring pawh i nilo hi min ti ve ziah a,Mihring ka nilo a nih chuan midang ka ngaihsak vak a tullo tihna a nih chu.." A thinrim leh thinrim loh la hrethiam chiah lo,Mahse ka ban erawh a hmer nghet hle,a helmet khum a phelh a ,Bike ah chuan a dah,Freddy lam chu a hawi leh a,Kan pahnih awmdan ah chuan tan lamtur a hrelo a ni ngei ang min lo melh reng ringawt.
.
"ka bike hian i let thei ang." Min vawn lohna lam chuan bike chu a kawk zauh, Pianphung in tiat reng reng ah pawh Nunsanga zawk hi a tawhkhirh hmel fe zawk.
.
"Ka sawi tawh kha..hmeichhia a ni,Tharum hmang lo pawn i hneh tawh sa, Chuvang chuan a zawh tawk ang bak in a lak ah che miah suh.." Freddy thusawi vang chuan a thinrim leh mai ka ring a nia,Mahse a bu nghut a,Kei tha neilo zet chu an gate lampan in min luhpui nghal rawk rawk,Sawi tur pawh ka hrelo! Thil eng a maw, a pawh kual theih mai mai ah min ngai tawh niber ka hria.
.
kawngkhar kan luh rual chuan a phun sup a,Ka mit ah tak a rawn en. "ka reilo ang."Tih leh inher a rual a,Kawngka ah chuan a chhuak leh nghal.
.
"nilo..enge a tih dawn?"
.
ka tlan chhuak a,Mahse gate ah a rawn lut ve chiah..gate chu chhung lam atang a kalh a,Ka Scooty chahbi chu a lu zawn ah a rawn khai lang va va.




"Kha ti vak a min melh lo khan rawn mu hahdam rawh." Kal pah in ka ban rek ah a rawn vuan a,Inchung lamah bawk min kai lut leh, tiang em em a mihring leh mihring in pawh kawi hneh mai chu!




"Eng thil nge ti a i inhriat a?" An in ah chuan tumah an awm ve lo tih hriat tak hian a reh rawng rawng,Ka aw ring leng lawng bak thawm dang a a awm lo.
.
"Ka thil tih chu i hrechiag khawp a lawm."A lo ti ve hmuk, an pangpar khawina hi la kang a a lu a ka chhut pawp mai lohnan ka in thunun hram hram a ni ber e.




" In ah ka haw duh,"



"Luhlul chhuah suh..I haw dawn rih lo. " ti chhuak hrawk tupa chu a ding dat a. "Ka hmuh theih ah hahdam la duh!" nghet zet hian a rawn ti nghut,



"Ka bul hnaih a i awm loh chuan ka hahdam lo, tu nge i bulah ah awm ang? eng nge in tih? Nasa tak in ka ngaihtuah kual chiam chiam a, ka chau, ka hahdam ve theih nan ka hmuh theih ah awm la ka duh " A thusawi mumal lo zet chu hriatthiam pawh ka duh lo. A kut lehlam in a sam chu a hrawm chho tawk a!


" Hmeichhe pakhat vang in chutiang chuan ka awm ang tih ka la suangtuah ngai hauh lo" a ti hul halh. A thaw hawk a, kan hma mai a kawngkhar chu nam hawng in min luhpui a.



Pindan chhung kan luh rual chuan chil ka lem khawlh, engkim a la pangai vek! Nunsanga chuan ka kut a vawnna chu a thlah a, khum bul sofa ah chuan a thuthla hnak a,Kei erawh mikhual zakzum an sawi ang maiin ka ding ti dek!




"I khawsik kha a la awm em?" A mit meng zuai ruih chuan a ti lang sexy zual, min rawn en run a, ka khawsik pawh ka lo hre leh tawh lo, an in kawt ah kan awm tih ka hriat rual khan ka chiai nghal vek! Mahse khawsik kha ka nei tawh in ka hrelo.



"Ai..ih..awm lo..a reh tawh.." Mumal miah lo hian ka ti nawk nawk, a rawn nui hawk a , a thutna a tang chuan in thawzo tak hian a rawn ding chhuak nulh, ka tawlh hnung min rawn hmuh rual chuan tullo tih hmel tak hian a phun leh hluk a; Ka hma ah a rawn ding nghal khup, min melh chhuk ngur pah in ka chal chu a rawn dek a.



"A reh deuh tawh a nih hi, damdawi ei rawh aw." Hriat nuam deuh hian a rawn ti leh sup. Mahse, lu ka lo thing vat a, damdawi ei ka duh reng reng lo, ka naupantet atang min jection tawp te nih loh chuan damdawi ka ei ngai lo,Ka nu pawn min hau ziah.




"Damdawi ei ngai lo in a reh mai ang."Ka ti sep a,Ka chal a akut awm va chu Dimte hian ka nem sawn!



"OK..a nih chuan mu rawh."
"A teuh lo.. enteh, kan in ah let in ka hadam duh zawk."



"Aih! ka sawi tawh kha, duh leh college ban rual in i haw ang, tun a i tihtur awm chun chu khumah sawn va mu rawh, a nihloh chuan pawm che in I bulah ka mu ve ang!" chhum bung fahran in a rawn ti chang rawp! A thusawi chuh! ka chho melh vak vak ta ngawt.



"Tlu mai tur hmel pu chung khan min melh khak khai suh, va mu vat mai teh!" Amah vek chuan a rawn ti hmuk! Mipa nih a a hmai ah tak hnek chawrh mai ka duh.

"Mihring pawh i nilo.."


"Mihring pawh nilo lak atang hian thil tha beisei suh! mihring ka nih loh zia lantir a , ka duh tawk a i lakah ka chet lohnan tawngtai zawk rawh.!" A rawn ti chhum hmuk anih chu!



"Ugggh..... ka haw lutuk che.." Ka kut pahnih chu lek chhuak in ka lu zawn ah ka dah vak a, Ham nawk nawk mai ka chak. Mahse ka ham em lo, ham pawh ni mah i la, ka chhaihkawlh mai mai dawn tih ka hria, a dar a nam sawk pah in khum lam chu ka pan a, min nuih tih pawh ka hria, ka nuih pawh a za ve lo, ka ka ka an rual in kan inhnial leh nghal dawn, Ka thinrim tung laiin a thinrim ve duh mang silo a,Ka in ti hah mai mai.






Ka thinrim chu a khum leh a puansin in an tuar,Thinrim tun in puan chu ka pawt sawk sawk a, min la nuih hawk hawk chung in khum bul sofa ah chuan a rawn thu ve, a hnung chhawn zawng in ka saisir a, ka thawk a rangin thinrim tun hian ka thaw ta vak vak a




"I phone hi dawhkan ah ka dah aw." Nuihza insum deuh hian a rawn ti sap a.Ka inlukhuhna puan chu hlip in ka thu chhuak hlawl.




"Tawng tawh suh! Beng chheng i siam leh chuan...!" Ka ngawi dat a, ka room emaw ka ti hman a lawm, Lalnunsanga lah chuan chimawm zet a hmui tisawi in ka sawi leh tur a nghak tih entirnan mit a kan ak! Lukham pakhat zawk chu la kang in ka vaw nghal sawk a. A awm dan leh a chet vel dan zawng zawng te hi ka hua..Ka haw vek!



"A mak! Bawihi thinche viau lo teh!" A nui tawh lo, ka awm dan chu a hrethiam biklo a niang, khum ah chuan lukham chu a rawn theh kai leh a, kan in melh ran mai.



" Kha tiang khan i che ngai silo a.?" A rawn ti. A sawi dik, tun ang khan ka thinrim viau pawn ka awm ngai lo,Mahse tiang a ka awm chhan chu a mah vang vek hi a lawm, amah vang hi.



"Ka danglam ah ngai mai rawh." Ram hmak hian ka ti, ka mu a, sir lam ka hawi leh hmak. A ruk tak chuan nuam ka ti miah lo, tinge ka thinchhiat thar em em? Ka taksa tang tun chu thlah dul tum in thawk kan la ham ham a! A rapthlak lutuk! Ka hah tung mai.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:42 pm

MAKE YOU FEEL MY LOVE
CHAPTER 18
BY
Abbra Reo Ririni Khiangte
.
.
Nunsanga *Pov*




Sofa ah chuan thu kun ngul in min hnung chhawn mek tu chu ka .elh run, Hmeichhe zaidam tak a nilo! Mahse, vawiin ang reng reng hian a la che maksak ngailo, thil a ei hnem dan em em lah kha!




Ka thutna tang tho chuak in khum chu ka kal hual vut, ka rin ang chiah, Bawihi chu a lo muhil leh der tawh, a phone vawm darh ka chhar khawm sak chu khum bul dawhkan ah ka dah sak a, Bawihi mutna lam khum tlang ah chuan thu thla vutin in tuitak a muhil lai chu ka thlek vung vung! A hmel khuhtu a sam buang thang chu hui kiang in a pang ka dek leh vut a, khawisik chu a nei tawh lo! Mahse, nidang ang lo tak in a taksa hi a zawi! Ka khawih hian ka hrethei.




Kar liamta atang khan keipawh ka taksa a zawi leh ngawih ngawh zel, thinchhiat tawh sa nen dawhtheihna ka tla chham in engmah ngaihtuah ching peih loin ka che leh vut zel.




Bawihi chal ah chuan ka fawp vang vang a, thinchhe hler mahse ka thinlungin a duh chu ani tho hi!




Ka tshirt hak hlip vut in khum tlang aţang chuan ka tho vut, sofa ah ka vawm kai thawr bawk, intihfai tur in washroom ah ka lut zui nghal hmuk, tui vawt in ka taksa chu kan phuh tir sang sang a, he hmeichhie bulah hian insawifiah natur ka ngah lutuk! Mahse tun a a mizia en chuan min ngaithla duh dawn miah lo tih ka hria.





Washroom atang ka chhuah hnu pawn a la muhil sak sak reng, vawiin te kha darkar khat thamah a muhil tawh. Towel chuan ka sam hu chu kan hru a, kekawrbul chiah ka in bel.



Arinzuali lamah kal in a pang chu ka dek leh ngat a, ka meng nghal kawk thei!, an sa mah mah, washroom ka luh hmalawk kha chuan a pang kha an dai vek tawh a nisia.




"Bawihi..." tih harh tum in ka au mawlh mawlh, tui tak a muhil ang mai hian a che miah bawk silo! Thinphu a rang nghal vek thei!



"Bawihi.." ka towel bah lai chu chhuatah theh thla in ka tung tho nawlh a, thildang tih tur ka hre thlawt lo. Chiang lo zet in a rawn meng a, a chal leh nghawng vel chu thlan vang in an huh dap.



"I tha em?" a taksa zawi lutuk pawh hi a dik lo, a hmui a ro hil riap reuh bawk si.


"Eng nge maw i hriat le. Min mut tir mai mai thei loh chuan ka in a ka haw tal min phalsak la!" a tawng dan a tang chuan a thinrim leh ringawt tawh a ni ngei ang, Mahse a la rawn tawng chhuak tal a. A lawm awm e!



"Ka tihpal.. Mu leh rawh.." Ka ti sup, dam tha se chuan ka sam ah hian min kek nghek in ka ring, a ner nawng a,'Ka harh hma a min kaitho leh a nih chuan ka sawisa hrep tawh ang che' tih melh tak hian min melh, dimte in ka mut tir leh a, ka awmve lo ang hmak in puan in a inlukhuh leh hmak.



"i khu a sik..!"


"Ka hria, kal sawn la a reh mai ang!" a rawn ti hmak, za vak lo hian ka nui hak a, ka ngaihtuah lawk ang chiah kha.. tunah hi chuan min ngaithla dawn lo tih ka chiang,Ka tawngri a hriat ngun leh a thinrim a zual dawn.




"Damdawi tal ei la,Chuan i mu leh..."

"Lalnunsang kal bo rawh!"
.

"*uck...I duh dan dan khan awm teh.." Ka ti ve hmak.


A rawn thu chuaka, min melh leh nghek phawt! A puan sin lai thehhlip in khum a tang a chhuk thla ta mai!

"Khaw nge i kal dawn?" ka ti thawt, min chhang lo in kawngkhar lam a pan ding ngal anih chu! Hah thlak lutuk!

Mahni thinlo chhiat ve tawhsa nen, min ngai pawimawh lo tih hriat tak a khawsa hi en liam har ka ti thin.



"Lalrinzual..khawi ah teh hrep nge i kal dawn ka ti ani lawm ni?" khum tlang ah ka la thu ngur, ka aw nelawm loh tak a vang chuan a ke pen a tawp chat a.



"I duh dan dan in awm rawh min ti a nilawm ni? ka duh dan chu nang bum tu hi kalsan a ka khum ngei a hahdam!" rawn hawi let lo in a dar a kan ak, kawngkhar ah chuan a pen chhuak nghal a, ka rum chhuak hrawk! Ka rin ang chiah..A ngaidan in a kal leh vak tawh.


Engmah a hre chiang lo.




"Luhlul chhuah reng lo teh.." Ka room leh thutkhawmna pindan in kalpawhna lai ah ka um pha, a dar ah ka vuan a, a taksa sa ham ham te chu ka hrethei, engtia tih tur nge maw ni dawn?Ka kal tir ngawt thei der silo. A bulah ka sawi ang tak tak khan min hlat tak a awm hian ka a mai dawn in ka hre thin,Ka hmuh phak loh a a awm hian ka taksa a hahdam ngailo.



"Ka lak a tang hian enge i la duh a?" A tawng ring lo. Min la hnung chhawn ran bawk, ka pen hma hrut a, a hma ah tak ka ding zui khup in ka melh chhuk nghal ngur, min cho tih hriat ngawih ngawih hian min lo melh chho ve khai khai bawk.

"I ngaihsakna, Hmangaihna, nangmah a awm zawng zawng hi ka duh" a mitmeng nalh zet ah en ngur in ka ti chhuak sup, a dar tawn tawn ah ka vuan a, ka thusawi a vang chuan a rawn nui hawk, a mitmeng kha zet chuan min han melh leh a.




"Chung zawng zawng chu hmeichhe dang lak a tang i dawng vek tawh, ka lak atang dawn ve in beisei tawh suh." A tawp lam phei chu a rawn au hi a ni hawt!



"Kan sawifel thei!" ka ti nghut. Lu a thing nghal nawk nawk.


"Bawihi..i ngaihdan chiah hian kal thin lo la!"
.


"Huh! Ka tih leh tihloh tur min hrilh tur in dikna i neilo." A tawng dan leh hmel landan zawng zawng ah chuan min haw ngawih ngawih tih a hriat, luhlul chhuah a ka dang lui zel a nih chuan a chau zual dawn in ka hre bawk!




"I bialpa ka nih chhung chu i lakah hian thu neihna ka la nei.." Ka sawi zawh hma in kut a rawn thawh nghal thak, ka hmai ah a beng dawn maw ka ti hman. Mahse, ka awm ah a rawn chum pawp zawk!



"Ka bialpa i nitawh lo, ka tan engmah pawh i ni tawh lo." duhthawh zet hian a rawn au tawn tawn, min chum leh a tum chu a kut a ka lo man a, a ban lehlam a la rawn thawh hram! 'Kawlh reuh lutuk!'



Ka pawm nawlh a, nichin a tang ka lo beisei lawk tawh ang chiah in ka sam ah a rawn kek ta ngawng ngawng , Thlah phahna chhan tur a tling chuang lo, Room ah ka luhpui vut, khum a ka nghah thlak rual in min tlawh a rawn tum leh nghal zat, a ke rek ah ka man hmiah, kan awm dan chu min hmutu rawn awm ngatse chuan insual tak tak emaw min rawn ti ang!

A ke rek ve ve a vuan chuang chuan ka bawh bet nghal zat, a malkar ah ka tla zep a, Bawihi lah chuan ka beng ah a la rawn pawt vak zui, a ban rek ve ve ah vuan in khumah ka nem beh sam hmiah, a che thei tawh lo! Mahse, rum mangkheng hian min melh ngawt ngawt tho.



"Ka bum che a mi?" ka ti a,A ke a rawn leng bat bat, a nuam-sam lo tih ka hria, mahse engkim sawifel pui ka duh, nimin a tang engmah mumal in kan sawilo,chu chuan kan inkar ah khi zau tak a siam, nimin lek a thil thleng pawh nimahse kum tamtak liam tawh ang maiin kan pahnih hian kan in hlat, chu chu ka duhlo.



"Hahdam phawt la, inbe pangai ang, engmah kan sawi fel hma chu ka kal tir dawn lo che!" ka ti nghut, a thawh hlawp hlawp chuan min ngaih thlak a tum loh zia a ti chiang.



"Zing kar vang khan min hau dawn a nih chuan min hau thei ang!" ka ti leh sup, a taksa a la thlahdul ve miah lo, "Min hriat kha, midang in an hnaih ve che ka phallo, an mahni lam hawi a nuih ringawt pawh ka phallo.."




"I rapthlak lutuk! hmeiche dang i awmpui theih laiin midang min biakna ringawt pawh i ngai mawh a,I hma i sial hlei mai!" a kut ka vawn beh hi thlah ngat i la chuan a ham in min ham duh in ka ring, Mahse ka chelh ngheh em a vang chuan, ache thei silo a rawn au chhuak nghek hi a ni mai.




"Nimin zing vang khan ka thinrim lo, ka lakah i Lungawilo a nih ring in rilru nuam in ka awmlo zawk a sin..Ka call che a.. i chhang lo, ka message pawh i chhiar, min chhang lo anih kha!" Chil a lem khawlh a, ka phone ka tibo tih a hriat loh vang a ni khawp ang.





"College ah tal ka hmu ang che ka ti a... Mahse. I hria em? I awm dan khan min ti na a sin! Kei chauh nilo Sawma nen kan zawng che a, kan hmu lo che, midang hmuh ah tlawm tak in min siam, Chumai pawh a nilo reife hnuah hmeichhe dang nen ka hmu dun leh zel cheu a!" a thusawi tawp in a hmui a pet, a mitko a sen nghal talh talh, taksa khur dar dar chu a khawsik vang nilo in a rilru vang zawk a ni! A ban ka vawnna chu ka thlah a.




"Enge ka sawi kha..I kal duh chuan kal rawh, ka dang lo ang che!" a kuttang sei sang chuan a hmai a hup thek, Dimte in a chung a tang ka let thla a, a taksa chu ka kuahbet nghal,Ka kuah duhlo in a rawn che nawk nawk a, nghet leh zual in ka kuah ve tlat, a lu ah ka fawp tawk, a duhtawk a a thinrim zawh hun ah ka insawi fiah mai a niang chu..






ARINZUALI *Pov





Ka taksa nghet tak a kuah tu hi tha ah hneh ngat i la chuan ka ching nek duh tak tak ang! thiltisual lo ang mai in min la hnaih ngam chu anisia a.





A taksa dek reng a mu ka nih a vang chuan a taksa in thlah dul chu ka hre thei,Tlem hian ka dak chho a. 'Hmela leh!' min lo en ve kur anih chu!
.


"Kha hmeichia kha i thik dawn a nih chuan kan in karah engmah a awmlo tih hre hmasa phawt la ka duh!" A mit a khap fak a. " Zingkar ka awm dan kha a dik ka ti lo, Mahse ka dinhmun ah khan ding la chuan ka awm ang tho khan i awm ang." Tlem in ka taksa chu a awm hlat deuh, min kuahna a la thlah chuang lo, chik tak hian min melh run bawk.
.





"Ka rilru i hmin nan i duh duh i sawi thei a lawm." awlsam deuh hian ka ti puat, a ngaidan a nihloh hmel tak zet,Han thinrim leh veih tehse,amah aiin ka nasa ang.


"Bawihi...Thil la kawi vak thin suh,A chang phei hi chuan min hlat i duh vang ah hian ka ngai thin.." sawi zo lo in a inseh ruh a,amah hi a ni in lakhran tum a, amah tawp san ka duh leh duh loh min zawt tu pawh kha..
.



"I ngaihdan chu a dik ah ngai rawh.!" ka ti leh hmak,Diktak chuan Nimin a ka natna leh hrilhhaina te,Chuang biak ang a ka in ngaihna te khan min la tina lutuk!





"Lo dik pawh nise ka hlat ah i awm dawn chuang lo."A rawn ti ve hmuk,Ka tho chhuak a,A ni chu a la mu,Ka ban rek ah a rawn vawn leh rual chuan a awm ah ka beng ri nghal thlawp,ka ben na hnu chu a sen nghal tawn!
.




"Amak e aw!" A rawn ti nghal hluk,A rawn thu chhuak a,Eng a maw sawi leh a rawn tum rual chuan ka uak nghal tuar tuar ringawt! Khum a tang Nunsanga a chhuk nghal a,Ka ban ah rawn vuan in washroom lamah min kai phei nghal.
.




Washbasin ah chuan tui herhaw in ka uak nghek nghek a,Luak chhuah tur pakhat mah ka nei lo,Mahse ka pum chhung a tang hian eng a maw tak rawn chhuak tur a awm tlat.



"Bawihi..I tha em?" Nunsanga chuan minute 2 chhung in chu zawhna chu vawi eng zat nge min zawh hman pawh ka hrelo. Ka uakna lamah ka zawi hnawk thei.Chhuat ah chuan ka thu thla hnawk a,Nunsanga pawh ka hma ah a rawn thingthi ve,Ka sam hui kiang in ka pang an rawn dek nghal zung zung a,a hmel chiai lutuk hi a khawngaih thlak zawk.
.
"I tho thei em?" a hmai a tuaipuat a,ka hriat tirh a tang a la chiai ber tum a ni hial ta ve ang.
.
"Nisa hnuai kan tal tam lutuk vang hi a ni ngei ngei ang.."Ka ti chhuak sep a, "Na i la nei em?" A rawn ti ve leh nghal. Lu ka thing ,Na ka neilo.. Mahse ka chau tak zet.
.
.
"Damdawi in ah kal ang aw?" A rawn ti a,Ka insum hman lo,Ka nui chhuak hawk,Hriatthiam loh hmel deuh hian min rawn en a.
.
"Luak chhuak vang ringawt a damdawi in kan kal te chuan..."Ka nur nang a, za vaklo hian a rawn then ve suk! Ka ding kang a, ka ban ah min rawn vuan ve leh nghal a, Mahse ka lo tangbuai lo, ka taksa zawi lutuk vang hian rin chhan tur ka mamawh.
Ka pum ni nghul chuan awm a tinuam lo.
.
"Dar eng zat nge?" Ka ti a, a hawi kual thuak a.
.

"Dar 2:40pm!"


"OK..ka haw a hun tawh."Ka ti sep a, tun ah tak hi chuan a lakah thinrim tur pawn tha ka nei tawh lo.
.
"Bawihi..!"
.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:43 pm

"Aih..engmah ka ngaithla duh lo, He tiang a ka awm vang hian min khawngaih a nih chuan i thiam loh anilo,Ka tha leh mai bawk ang,I duh duh kawp rawh,I hlim dan tur ang ang in awm rawh."Amah en lo in hma lam ka melh lui tlat.




"Ka Scooty chahbi kha min pe la, ka haw duh tawh..tunah rih hi chuan hahdam ka mamawh tak zet!" ka ti leh a. Ka ban a vawnna chu a hmer nghet hle ringawt.




"Eng nge tise min duh?" A rawn ti hrawih.
.
"Nuam i tih dan dan in awm rawh." ka kut a chelh lohna lam chu ka lek chhuak, deidawn hmel zet hian min rawn melh a.
.
"Nimin khan maw.. chuang ngawih ngawih leh pawimawhna neilo ang in ka in ngai tih i hretel bawk dawn nia.. ka hlutna hmun ah chauh ka awm tawh bawk ang." ka ti leh halh .Nimin ka awm dan zawng zawng kha ka theihnghil thei in ka ring tawh lo, engkim kha ka ngaihtuah let zawng ringawt pawh in ka la feel vek thei!
.




Chelo a a din reng a vang chuan dimte in a ka kut a vawnna chu ka phelh sak a. Dawhkan chung a ka phone leh chahbi a dah na lam chu pan in ka bag ka ak nghal a. Ka awmdan min thlir reng tu chu kal san in min rawn man leh hma ngeiin chu pindan chu ka chhuahsan nghal hlawk hlawk, pawn ka thlen hnu chuan thawk la in mit ka chhing vang vang a.




'Nimin ang kha a thleng nawn leh lo ang tih tunge sawi thei! khatiang ang khan ka na nawn duh tawh lo.' Ka mittui rawn hnam tiam tiam chu khap bo tumin van lam hawi in ka khap fak fak a, tunah na mah i la, hmalam hun ka ngaihtuah tel a ngai!




ka scooty lam ah chuan kal in ka ti nung a,Gate ka tlan chhuah rual chiah in kawtah chuan Auto a rawn ding ve dat,Side glass a tang chuan ka thlek zauh a,Kha hmeichhia bawk kha a rawn pen chhuak! Za lo tak mai hian ka nui hak!
.
'Thian satliah khawiah va nisuh!'
.
.
Khaw rawn dur khup khup a vang chuan chak leh zual in ka tlan a,Ruahsur hun pawh a ni tawp silo,In ka thlen hma chuan a rawn sur ta em lo.Kan Gate ah ka tlan lut a,Mama car pawh motor dahna ah a lo awm tawh,Vawiin chu hna an bang hma a maw ni?
Scooty ka hunthat hnu chuan in ah ka lut a,Ruah fang lian pui pui in an rawn tla phuar phuar.
.
"Freddy kha chaw ei tur in i rawn hruai haw leh lo nia?" Ka nu chuan Lambak tauh tur siam malh malh pah chuan a lo ti nghal,Za vak lo in ka nui ringawt.




"Nu..Mama a lo haw tawh a mi?"
"Aw..vawiin chu a rawn haw hma, in sport chu enge a an?".



"A pangai..!" Ka ti ringawt..Ka nawmloh thu hrilh ngat i la chuan damdawi ei tur in min ti leh nghal ang. Inchung ah ka chho a,Mama pindan tlem a lo in hawng sa ah chuan ka dak dek dek a,khum tlang ah phone khawih ngur chung in a lo thu.
.




"Mama..Kan tha em?" Kawngkhar ah chuan ka lu chiah ka dah lut,A bu nghut a.
.
"Mate..Nizan a Freddy rawn khawi tu kha i hria em?" A rawn ti a..ka mit ah tak a melh ran bawk.
.



"Tinge?" Ka thinphu rawn rang nghal dawt dawt chu a tulmiah lo.
.



"Ka hre duh deuh..." thensawk pah hian a rawn ti, duhsatliah a nih hmel loh! Chil ka lem khawlh a, ka chhanna a la nghak tih entirnan min la en ran tho. Chhanna pek dan tur pawh ka hrelo, a hming hrelo mahse a hmel kha chu a theingil in ka ring lo, nizan khan an in dinchilh ran tlat! Vanneih thlak tak maiin Mama phone chu a rawn ri a,Ka thaw nghal hrawih! phone a chhan rual chuan hmanhmawh tak in ka room lam ka pan a, kawngkhar chu khar mai duh tawklo in a chung lam te nen lam ka kalh nghal ringawt!





'Lalnunsanga vang hrehraw hian engtik nge mangang reng reng a hun hman hi ka bansan dawn ni?'



Parda chu pawtphui in ka thuamhnaw hak ka hlip vek a, Ruahsur buan buan lai hian mut hman hram ka duh, ka inbual zung zung a, thuamhnaw inbel in inhnuailam ah ka chhuak thla leh nghal.






vawiin chhun khan thil ka ei teuh a chu tunah hian ka ril a rawn tam leh huam huam tawh.Ka pa a lo la letve loh a vang in chaw kan ei ngawt chu ka ring chiah silo a.
.





"Nu..enge eitur kan neih?" Fridge ka pawt hawng,Sinhlu silfaisa bowl a lo awm chu ka la chhuak a,Chi leh hmarcha dip siam in ka ei nghal bawrh bawrh ringawt.



"Nang te hi..i enge diklo, a hma zawng pawh a thei ei ngai dersilo, Chaw ei dawn dawn ah in ei tak chiam a." Ka nu chuan a rawn ti lang lang a,Ka nui tawi hal! a sawkdik fu! A hma zawng in thei ka ei ngailo . Lakhuihthei tih loh chu.

.





Zan lamah chuan ruah a sur buan buan, a khat tawk in khawpui leh Tek an ri leh rum rum thin, inhnuai lam ah chhuk in eitur ka zawng a, darkar tin mai hian ka riltam in ka hria, kan eitur dakhawm na a awm ho lah ka eichak zawng a ni miah bawk silo.




"Nu...Eng a maw ei tur kan neilo a mi?" Tah chhuak tun hian ka nu leh pa awmna lamah ka kal.



"Eitur a tam kha..va zawng la."Awlsam zet hian ka nu chuan a lo ti a,Chutiang a atawng te chuan ka thin a tirim hlur thei.
.
"Engmah a awm loh saw!" Ka tawng bak hlar a vang chuan ka nu in min melh nghek! Ka awmdan hreawm lutuk hi hriase chuan ka ei chak zawng a zawng ngei ngei ang.
.
Kailawn lam atang Mama a rawn chhuk thla a.Kal chhuahna tur a nei nge maw ni.
.
"Mama..Vur thur ka ei chak e.." ka lo ti ringawt.A rawn nuisuk a.
.
"Lo kal rawh...kan lei dawn nia."awlsam zet hian arawn ti,Ka lawm lutuk vang in ka kuah lo chauh.Ka nu in tulo ti a kan hnunglam atang min auh zui lang lang pawh ngaihven lo in Mama nen chuan ruahsur hnuaiah Vur thur lei tur in kan inkhalh chhuak a.Tun ang reng a eitur ka chak a nih chuan ka thau vat in ka ring.
_______________REO________________
_
_
College pan in ka inkhalh chhuak a,Vawiin hian sport an zo anga,Naktuk ah mikhual ho zawng zawng an haw ang, Gate ka tlan luh rual chuan luak ti chuak vek tur thil ka hmu nghal, Nunsanga chu tumdang ang bawk in a bike chungah a lo thu a,Min lo melh run,A bula hmeichhe ding ve zawk chuan Nunsanga be reng pah in min lo melh ve rawm rawm ringawt a!A tawng chu Nunsanga zawk chuan a ngaithla pawn ka hrelo.
.
Ka scooty chu hung tha in helmet ka phelh a,Ka hlamchen mai a tang a min thlir reng tu chu ngaihven lo in ka kalsawn nghal vat a,Mahse an mahni ka kalpelh zawnga hmeichia zawk tawng chuan min nghawr dawt mai in ka hria.
.
"Nizan kha chu duhaiin min dimlo..!" A nui zui leh hak a,Ka hriat ngei a tan a sawi tih hriat tak hian thildang a sawi zawm leh zat zat, ka kal tlang a, Ka tha rawn khur ve leh ringawt leh ka taksa chhung rawn na ve ngawt hi ka duhlo, Washroom lam pan in chak lutuk in la tlan a,Ka uak nghal tuar tuar! Nimin khan kan inkarah emgmah a awmlo a ti a!Tunah... Huh..ka buaina tur a nilo..a nilo..ka tan tumah pawh a ni tawh lo.
.
"I tha em?" Washroom a tang ka chhuak chiah,Bang ngheng a lo ding ka hmuh rual chuan kut ka hum ruh a,Mipa kurta ,senduk fual hnalh te hi a ha,A awm zawnah kilna pathum a in vuah thla a,A kilh chu a hawng vek,Kawr ban chu a banpuam thleng in a thlep chho bawk,Mahse! A hmel ka hmuh zawng te hian ka luak a chhuak zual.Nizan ah kha hmeichhia nen an chetna a ni ngei ang,A hmel te chu a lang pawr deuh phang!,Eng tinmah chhang lo in ka kalpel a. Midang pawh an awm ve nak nak, Mahse,Hneh tak mai in ka ban ah min la pawt let leh sawk tho!, Ka lo beiseiloh em a vang chuan ka rak that a.
.
"Ka bia che."Hnaih chet chawt ah min din chilh,Midang awm ve ho chuan min en nghal thup!
.
"Oh..!"
Ka nuih suk a.
Ka awmdan a vang chuan a hmel landan a danglam nghal vek! A bek zawn leh khaberuh che tawlh tawlh ah chuan a thinrim leh tawh tih ka hria.Ka lakah thinrim tur in dikna pawh a nei tawh bawk lo.
.
"Min hmuh ang hian ka tha..Min thla la.."Tiang hian ka palzam ve hmak hmak tawh ang! A thinrim in mung khawm vel tihreh tum niawm tak hian a rawn rum hrawih a,Ka kut a vawnna a thlah!
.
"E,chuan, Min khawih mai mai tawh suh ang che." A mit ah ka melh,Ka thusawi chu ka ti tak zet a ni tih hriase ka duh! Ka kalsawn rual in bang ri chawrh ka hria!A pawilo.. Na in thinrim rawh se!
.
.
A theih chen chen ah Sawmdawnga pehhel tum in hun ka hmang, Nunsanga nen kan Boruak vang hian hmuh nuam ka tilo! Freddy pawh a luck nangang mai, Basketball a thiam mai bak ah a mah a chhe zawk zawk bawksilo a, haw miah lo tu leh biak chak ngawih ngawih tu an tam khawp mai.
.
"Engtin nge Nunsanga Bike kha i dah let.?"
.
"Zingkar ah ka rawn dah chauh a lawm, nizan ah ruah a sur nasa bawk sia!" A ti nang nang a.Engtik lai khan nge an ni pahnih pawh hi an lo in pawh hman viau pawh ka hrelo.
.
"Kha hei ei rawh!" Ka hma a egg roll rawn lek va tu chu ka en a, ka thaw chhuak halh
.
"La mai mai teh..I riltam leh tawh tih ka hria a nia." Mit meng tak run a min melh tu chu beidawng zet hian ka en a.A à tawh a ni ngei ang.Egg roll chu ka ban a, ka bul thutna awl ah chuan a rawn thu thla ve nghal.A kurta hak lai nen a in rem deuh savun chapal a bun tel, dangdai deuh te a inchei hi chu a thiam ve thlawt.
.
Freddy zawk chu a thian ten an rawn au a, min kalsan daih, Nunsanga chu ka melh zawk a, hma lam melh in a lo thu run.Sir lam atang hian a landan hi a ngeng leh zual thin, a hnar zum vah leh mit ko thuk dak hian a tawh khirh ve tawk zia a ti lang chiang zual.
.
" Min en reng lo khan ei rawh?" A rawn ti hmuk a, ka hmai a sa nghal tawn tawn.
.
"Nizan khan khawsik i nei leh em ?" A rawn ti a, min ngaihtuah ve tak tak a maw tih tur hian min melh run bawk.
.
"Neilo...ka sawi kha..min ngaihtuah ang a lan kha a tull!" Ka ti nghal hlak, Tiang a lemchan kual ngailo hian ka lak atang a zalen tawh thu pawh ka hrilh ngun tawh malh malh e!
.
"A that chu!" A hmai tuai puat pah chuan a ti hap a,'vA kalsawn dawn lo a mi?' tih ngawt ka ngaihtuah tawh.
.
kalsawn lo in ka bulah chuan a thuve ta reng a, Nuam ti tak in ka awm ve thei lo, A khattawk in eitur an rawn kalpui chu min leisak reng a, ka lo duhve thei zel leh nghal. chawhnu lamah result puanna an neih dawn tawh a vang in darkar khat chuang chawlh kan nei, Keipawh kan thutna atang tho chhuak in ka kalsawn a, ka mut chhuak in tih harhnan ka hmai tal ka phih a ngai.




"ka be duh che." Washroom a tang ka chhuak chiah.. 'Hlim' ti a akoh nu ngei khan min lo nuih sawng.




"Sawi la..!" Ka melh ve ran, kei ai in a la tawi ve zui a, Mahse a hmai ah chuan makeup a hmang nasa zawk daih.




"Nunsanga hi rawn tibuai reng suh." A rawn ti a, a sam ah ka kek dawn maw ka ti hman tawh, mahse ka nuih ta zawk



"Oh..ka lo tibuai a law?"
.
"Nimin pawn an in ah i kal chilh tih ka hria!" A rawn ti leh a, tun ah tak hi chuan he nu ai hian Nunsanga lakah ka thinrim zawk, nimin khan an in ah ka kal chilh lo, tihluihna hmang in aman min hruai zawk.Mahse a hmeichhe bulah chuan ka kal chilh ang ten a lo insawi vel a!
.
"I hriarsual a nih ka ring.."
.
"Ka hresual lo. An in i chhuah san lai pawh ka rawn hmu che, Mahse khawngaih tak in ka bialpa hi lo tibuai tawh suh!" A rawn ti leh a. "in inkarah awm a lo awm tawh thin a nih pawh in rawn tibuai zui tawh suh,Amah zawk pawn a ning ru phian ang che!"
.
Sawi ve tur pawh ka hrelo. Eng tiang tak in nge Nunsanga hian ka chanchin a lo sawi thin!
.
"Nunsang!" Ka hma a hmeichia chuan hmuh thianglo hmu ang maiin ka hnunglam pang chu a melh a,Hmuh theih khawp in nichin lawk a,A hmel chapo al kha a dang nghal sawt sawt thei. Ka hnunglam chu ka hawi ve a, Nunsanga hmel hlauhawm lutuk chu ka hmachhawn ve nghal ran,a rawn pen hnai a,Ka ban ah a rawn chelh,Ka hma a hmeichhia zawk hi chu hremhnun a kal tur ang maiin a hmelah hlauh thawnna a rawn lang chhuak.
.
"Tun mai a i sawi zawh chiah kha i sawi nawn leh thei a ngem?" Nunsanga aw vawt raih chuan ka hma a hmeichhia chu a ti thlabar leh zual.
.
"Nunsanga.." A rawn ti sep a.
.
"Ka thian i ni lawm ni?" Nunsanga aw chu a ringmiah lo,Mahse keimah zawk pawh hi min tham sung sung thei.Hlimi zawk chuan chhan mai nachang pawh hrelo hian Nunsanga chu a melh reng. An awmdan hi ka hrethiam lo.
Pakhat in an inkawp thu min hrilh zo chiah a, pakhat lah in thian an nih thu a rawn sawi leh a, Ka duh ber chu an buaina a in hnuhluh ve lo.


.
"Nang leh kei hi kan in kawp maw?" Atthlak tih hmel tak hian Nunsanga chu nui zui hawk a.

Link:
BBcode:
HTML:
Hide post links
Show post links

Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:44 pm

Nunsanga min kaih beh tlatna chu talput tum in ka che a, a hma a hmeichhia melh ngar chung in a rawn hum nghet sauh.


Hmeichhia zawk lah chu tlumai tur hmel hi a pu!



"In pahnih buaina ah hian ka tel ve duh lo." lungawilo zet hian ka ti nghal hlak, ka kut chu kan thing leh sawk a, atthlak khawp in ka thing thla lo chiang lutuk.
B ang lam melh chuan ka thinrim hrikthlak nan ka rum chhuak nghek ringawt.



"Kan pahnih inkar thu i sawi dawn a nih chuan fimkhur tawh ang che; Khatiang a thleng nawn leh a nih chuan 'Thian' kan ni thei in ka ring tawh lo." zawi sup a Nunsanga atawng leh rual chuan min in her pui in chu hmuna a ta chu min pen sawn pui nghal hlawk hlawk a! A awm dan hahthlak lutuk hi ka kham tawh tak zet!





Ka tang ve tang tang pawh chu engah mah ngailo in hmalam ah min kalpui hlawk hlawk a.

"Nimin khan enge ka sawi ?" Campus hmun reh lamah min kalpui,A ding dat a.Nimin te khan min khawih mai mai lo tur in ka hrilh chiang lutuk.





"Kei pawn eng ka sawi kha..?" Ka tawng ang chiah a ngeiawm chuan a rawn ti ve, a rawn in her a,Ka mit ah tak a en. " Thil sawi kan nei ve ve, Kan thusawi ti hlawhtling thei tupawh keimah ni.." A rawn ti leh hmak, rum theih tawp hian ka melh ngawt ngawt ringawt! A rawn nui suk a, vawi leh khatah ka taksa chu a kang nghal nawlh a! Cement a tang a siam, tlakdal in dawh phei zai ah chuan min hlang kang nawlh. Ka ke hnuai leh mawng a za uaih bawk.




"Lalnunsang!!! Min dah thla nghal rawh!" Ka rak nghal chul hi a ni mai, ka kawngah a rawn chelh a, ka hnung lam zawng hi ruam chheng chhe tak tak vek in a bir thla vui! Ka awm dan hmuhnawm thlir takte a min lo thlir tu chu ka melh nghal rawm a.
.
"Ka sawi chuuu.. min dah thla rawh, misualpa min dah thla rawh ka tih mawlh mawlh chu" ka ti vak vak, Ka mawngte hi an za chuai chuai thei! A hmui hnuai seh pah hian ka mal chu a kut leh lamin a rawn nawr kau a, tlak ka hlau lutuk chu awm ber dan tur ka hrelo, kut pakhat chiah in ka kawngah min dawm a nih chu! Chu thil ka ngaihtuah zawng te chuan ka tim sung sung thei! Tlak hlau in rang takin a ban bulah ka vuan chawta. Ka mal karah chuan a rawn in zep lut ve thung!





"He thil hi fiamthuna chi a nilo.." Ka hnung lam a thil awm a vang chuan ka aw te chu a khur dar dar thei, ka tla vaih a nih chuan! Ka hnungzang chho te hi a hit chho chuai chuai, ka tla a nih ngat chuan ka ruh hi ka sawh sawm vek thei hial ang, Ka taksa hmuh tlak awm miah lo in kham chheng chhia leh bir thla vuai ah hian ka lum nghek bawk ang, a san em leh intihpalh pawh awm thei lak a invennan tlak dal hi siam an ni!
Min hlan kangna hmuna tur nilo in!






"Ka fiam thu lo, Bawihi, ka nghawngah min rawn kuah rawh!" thutak zet hian a rawn ti a, rum patheih tawp hian ka melh. A thinrim ve loh vang leh ka thinrim vel engah mah min ngaihloh a vang chuan ka tawt up up thei, a rawn nui suk a, a mit meng de sawt sawt te chuan ngaihtuhna dangdaih min puttir mai dawn lawm!




"Aih, Ka chhuk duh.." Ka sawi zo hman lo, ka kawngah a vawnna a rawn thlan thut a, sawi nawn leh ngai tawh lo in a nghawng ah ka kuah nghal chawi! Mawl mang tak a kuah pawh ka nilo, nghet tak in kut ka suih bet vak, a darah hmai ka phum bawk! Ka taksa chu an tek chuai chuai thei!




Ka tla dawn maw ka ti hman tawh.
.
"Hmela.!" Nghet tak hian ka kuah bet sauh, a rawn nui suk a, ka taksa chu hneh tak hian a rawn kuah nghal hlu hlu a, ka thinphu dup dup te leh tha khur dar dar te chu a hre vek thei ang!






"Ka kuah reng chung che pawh hian ka ngai che...!" A lu a chet a. Kei erawh in tun ah kher kher hi chuan ka ngailo chiang lutuk! "Hlimi vang khan thinrim tawh suh, kan inkarah engmah a awmlo tak tak." Ka beng zawn ah a rawn phun leh sup, A aw ri leh thawk lum ham ham a vang chuan Ka mur nghal sung sung thei! Nimin lawk a thil thleng mahnise hun reitak chhung taksa insi tawh lo ang maiin a lawm ka awm! "Ka awmdan kha a dik ka tilo,Mahse Khang mipa te kha ka thik! Chuan an mahni be chung a i nui pawh kha ka duh lo."Naupang titau ang mai hian a rawn ti leh hmuk a! Ka thawchhuak hak a,Ani erawh a rawn rum halh! A nghawngah hmai phut tlat hek i!





"College ah pawh khan ka lo nghak che lawm,Mahse, A tirin Hlimi kha a lo kal ve tih ka hrelo,Kan in hmu a, ka nu nen chauh a kan khawsak lai atang tawh a ka thian leh kawm tawm ber a ni bawk, nimin khan ka nu leh pa sumdawnna lamah zin chhuah an ngaih a vang in khami ni ngei khan ka nu nen in hmu hmanse ka duh vang in kan in lamah ka hruai a." a chawl dat a, mahse khami ni khan college ka thlen tirh in min lo nghak lo,A kawr hnung ah ka tham,in lak hran ka tum a, min lo kuah nghet leh sauh.



"Kan inkar a fel hma ka kaltir dawn lo tak tak che."
.
"A fel tawh dawn lo...ka duh tawh lo che!" rang tak hian ka ti a,A phun hluk,Amah zawk a in la hrang a,mahse ka hnung lam a thil awm vang hian Ka za nghal chuai chuai thei,ka theih ang a rang in ban ah ka vuan chung chung.
.
"Min duh leh theihnan ka awm mai ang!" A rawn ti ve leh a,Kan awmdan chuan nuih a tiza thut, Mahse ka nui em lo. Nem nghal mai ka tumlo ang bawk in,A thikthu chhe lutuk leh mize maksak zet hi a sim lo a nih chuan khatiang chiah khan kan buai leh dawn.
.
"Ka duhthawh dawn hlei nem che!" A mit ah ka en ran chung chuan ka ti sap a, A mit meng in thlak zut zut leh hmel landan danglam ta vek a vang chuan min nam thla thut mai ang tih ka hlau,chu ka ngaihtuhna vang chuan ka ip chawi a,Nunsanga erawh mit chhing in boruak a hip lut hrawih a!Hahdam hmel tak hian a rawn thaw chhuak leh ham ham,A mit a la chhin miau a vang in chiang tak hian ka lo en reng ringawt,A kurta senduk hak chuan a vun a ti lang uk zual,A hnar ngul sang vah leh mit khur khuar dak chu chik theih tawp hian ka thlek a,A hrawk a bawk awk chuan mipa a nihzia a tilang chiang ngawih ngawih..A rawn nui suk a,Ka hawisan rang lutuk.
.
"Min duh leh vat tur ah ngai ang!" A rawn ti a,Ka lo rinloh dan lutuk a rawn sawi vang chuan ka ang hau ringawt! Min thuttirna hmun a tang chuan min pawm thla a,He mipa ngeng tak leh kei ka ni in ti ve tak hian tinge ka thusawi te kha tlawma la a,Min kalsan vang vang loh!
.
"I hria em.. Nimin atang khan he thil hi ka insum nasa tawh lutuk!" A aw mumallo zet ka hriat rual chuan duhthawh tak hian min rawn fawp nghal tawn tawn ringawt! A awmah ka nam a,A in la hrang ve leh vat!
.
"I duh duh a i khawih theih ah min ngai a mi a?" Teu hlar hian ka ti.
.
"Bul tan tawh suh,Ka duh duh a khawih theih ah ka ngai ngailo che!" hnaih chet chawt ah min din chilh a. "Kha thu kha sawi tawh suh ang che,Ka duh hun hun a khawih theih hmeichhia ang in ngai che i la chuan Nimin te khan ka khawih ang che.!" A aw tir lam chu rum viau mahse a tawp lam chu a rawn dam raih. "Chuan..I duh chen chen thinrim la,Min haw rawh,a tihreh dan tur ka zawng zel ang, Min Bansan i duh a nih pawh in i lokir leh theihnan ka bei zel tho ang!"a rawn ti sap a, A thusawi a vang chuan ka hawi dawr dawr hi a nimai,Beidawn a tum miah lo tak tak a maw ni? Ka bek sam karah a zen lut a,Ka danglam nghal vek!A rawn kun hniam a,Dimte in ka chalah a rawn tauh dat. "Atthlak khawp in ka kaltir dawn lo che!" a rawn ti a.Sawi ve tur pawh ka hre tawh lo.
.
Sport a zo tawh a, Mikhual ho zawng an haw vek tawh bawk, Freddy ben phone kal tlang in chanchin kan in hrilh ve reng thin..reilote chhung in thian thatak kan ni hman. Nunsanga pawn theih tawp in ka rilru min thlaksak a tum. MAHSE ka hrelo der lui ve tlat thin.Ka duh ngei a lawm, mipa dang min be ve tu tam tak an awm, mahse ka rilru ah ka thilduh ka chiang em a vang in chung mipate tan chuan beisei awm in ka awm ngailo.





Khum a tang ka thu chuak hlawl a, ka riltam lutuk chu a chhan ka hrelo,In tifai hmasa lo in inhnuai lam ah ka chhuk thla a, ka chhungte tumah an la tho lo, tuk dang ah chuan ka thawh vel ah tui lum ka in thin,Mahse tun tum hi chu chulam a lang lo, fridge ka hawng a, Cake box a lo la awm chu la chhuak in chaw ei dawhkan ah ka dah,Ka chil te chu a put hial. Chhuar a chemte chu la in cake pawh chu a bawm a tang ka la chhuak a,lian lerh lawrh hi zaithla in plate ah ka dah , a dang chu fridge chhungah thun lut in ka ei nghal hawng hawng! Ka pum ruak lutuk chu a hnawh khat zo lo lutuk leh nghal, mase cake ka ei chak leh tawh lo,Chawhmeh awmna ka hawng a, nimin tlaia bai thing lo awm chu chhuang lum lo in a bel chawp chuan ka la chhuak a, si hluam hluam in ka ei leh nghal bawrh bawrh. Midang min ei khalh tu an awm ang tih ka hlauh hial a nih chu!




"Mambawih...a va mak hawng hawng ve?" ka thil hawp lai ka phuh chhuak lo chauh,Ka in her a. Ka pa chu choka luhna kawngkhar ngheng in a lo ding reng! A kut a chanchin bu a ken dan ah a rawn tho chhuak chiah tih ka hria.




"Ka riltam lutuk a." Zuai raih hian ka ti sep! Ka pa chu a rawn nui suk a,Chair chu pawt chuak in a thu nghal,Kei pawh chuan engmah sawi zawm lo in ka hawp zawm leh nghal a. Diktak chuan tun karhnih chhung a ka eitur duh lutuk leh mut ka duh lutuk hi ka hrethiam lo, darkar tin in eitur ka chak huam huam a, ka ei zawh rual in ka mut a chhuak nghal zel bawksi!





"I chhuang lum em?" A rawn ti leh a, Ka chhung lumlo chiang lutuk,Ka ei dawn lai khan Chutiang ngaihtuah hman in ka awm tlat lo a lawm.
.
"Aih"



"Pumnat a hlauhawm a sin..tun hnu ah thil thing chhuan lumloh in ei tawh suh aw." A rawn ti a, a lam hawia ka in her leh chuan chanchin bu a lo bih daih tawh.




Zingtlan tur pawn ka kal chhuak peih lo,Ka room lam ah ka chho a,tun atang darkar khat a liam leh hunah enge ka ei ang tih ngawt ka ngaihtuah nghal.Khum ah ka mu hnawk a, ka lukham a phone chu ban in ka enkual dan dan, Nunsanga message ka hmuh chuan ka nui suk a, zingtin min rawn wish ngei ngei zel, diktak chuan amah hi ka ngai in a bula awmreng ka chak lutuk, mahse, Tunah rih hi chuan tlema ka in lakhran a ngai ve deuh. Nun siam that ngai kan ngah dun lutuk!






Alarm chu ka set a,Mut chuak in min zem chial chial a vang chuan college kal hmatal mutthil leh ka duh. Tiang reng a ei leh mut ka duh a ni zel chuan ka thau vat in ka ring.

.
.
College kal tur in ka insiam mawlh mawlh,Mama han kal tur chu ka room ah a raw lut a.
.
"Mate..tun hnai hi i thau deuh in ka hria."A rawn ti a,Za vak lo hian ka nui ringawt,Thau duhlo viau mah i la,Eitur ka chak reng a,Ka ei vat loh chuan ka thinrim tung a ni mai.
.
"Nakum lam hian UMuana bul ah zirna chunzawn tawh la?" A laptop bag chu ka computer dawhkan ah a rawn dah a,Kei erawh darthlalang hma ah ka ding reng.
.
"Tinge?" Ka ti sep,He tiang a Mama'n a sawi tawh hi chuan a tak a thleng ngei ngei thin,Tun ah hian a ti ngei dawn tih min hrilh lawk a ni pakhat.
.
"He lam aiin zirna a tha a,Puitlin zirna a ni bawk,Mama nen kan sawi dun tawh a,Amah nen kan duh dan a nih chu...!" A kamisz ban thlep chho pah chuan a ti hap a, Chhanna pek dan tur pawh ka hrelo.Zawi zet in ka sam chu ka zut dalh dalh ringawt.
.
"Mahse Mama nen kan duhdan chauh a la ni rih..Ka nu leh pa bulah pawh kan la sawi chuang lo" Min rawn en a,Darthlalang atang ka hmel a hmu vek thei!Za vak lo hian ka then sak ringawt.
.
.
Scooty la chhuak in college lam pan in ka in khal chhuak a, Mama khan sawi satliah a ni dawn miah lo, UMuana ber nen an sawi dun tawh a nih chuan Delhi ah ka awm ve ngei ngei dawn tih ka chiang.
.
.
Gate ka tlan luh rual in dan ngaite in Nunsanga'n min lo nuih nghal var var,Scooty ka hung tha a,Min rawn pan ve nghal vat.
.
"I tha em?" a rawn ti a,Plastic bag in eng a maw hi a rawn khai va bawk.
.
"Ka tha..Kha kha eng nge ?" a thil khai chu ka melh,A mit a rawn kan ak a.
.
"Kha tiang mood ah khan ka awmlo.!" Ka lo ti ve hmak,A nui hak a."Ka nu bul ah i awmdan hi ka sawi a,Chuan i eitur a siamsak che."Tiin plastic bag chu a rawn lek chhuak a,Eitur tih a sawi zawng ringawt te chuan ka chil a put a nih chu...hahthlak lutuk.
.
"Heng thil hi i nu siam vek maw?" food hall ah kan lut a,Bag a tang eitur a rawn lak chhuah ho chu an tui hmel tak zet.
.
"Ummm.Chuan tah hian protein a tam a ti..!" tiin tofu chu min chhawp hnaih sak a,"Chuan hei hi hawp zo ngei ngei bawk rawh se a tia.!" Tiin shop la lum vat vat hi a rawn la chuai leh bawk.
.
"Ka ei vek tur tak tak a mi?" ka ti a,Nui suk pah hian lu a bu. Ka ei nghal bawrh bawrh ringawt. Nunsanga zawk chu ei ve tur a ka tih pawn a duh ve tlat lo.
.
"Nakum chu he lam ah ka awm tawh lo ang." ka ti sep a.Rang tak in ka kut a rawn vuan nghal chawt.A hmel landan chu sawi lo zawk ang.
.
"Fiamthu thlawhna chi pawh a nilo." a rawn ti hmuk.
.
"Ai..Mama'n a sawi tawh..a sawi tawh chu a ti ngei ngei bawk thin." ka ti leh sep a.A phun nghal hluk ringawt.ka kut a vawnna chu thlah in a kut chu a hum ruh nghal tlat.
ka thutna atang chuan ka ding a,Nunsanga zawk chu a la ngawi ngul.
.
"Class ah ka lut dawn." Min chhan let lehna pawh ngaih ven chuang lo chuan food hall chhuahsan chuan ka pen zui nghal a.
.
"I kal dawn loh tih hrilh la." Hnung lam a tang ka ban rek ah a rawn vuan,Ka ding dat a."Hnial i tum miah lo a mi?" a rawn ti leh sup,Mama thusawi hi ka hnial ngailo,Nau feltak chu ka nilo,Mahse ka u te pahnih thusawi hi hnial en ah ka en ngai lo ve tawp.
.
"Hnialna chhan tur ka nei hlei nem." ka tisep a,A thaw chhuak nghal hrawih. "Hnialna chhan tur i nei..!" a rawn ti hmuk,Ka hawi let a,Hreawm ka ti zawk,He pa hi a chiai lutuk mah mah,A hmel landan thleng in a pangai lo. "I kal theilo tih hrilh la," Zawi te hian a ti leh sup a, Hnuai lam a bih nghal tlat bawk.
.
"Min en teh.." ka ti a,Hnuai lam la bih ngur chung hian a thawchhuak hap. "ka sawi chu.." tlem in ka din hnaih deuh,A rawn hawi chhuak a,Mipa naupang mahni chauh a kalsan hlau tak ang mai hian a mit meng te chu a awm.
.
"Ka kal lohna chhan tur min han hrilh teh?" ka ti a.

"Lalrinzual fiamthu thawhna hun a nih loh hi!" A rawn leh hmuk.
.
"Aih.. ka fiamthu lo, ka u hnialna chan tur tha tak ka hriat ngei a ngai a lawm, Eng vang in nge zirna that zawkna hmun a kal lo a, he lai hmun ah hian ka awm ang.. a chhan tha tawk ka mamawh a lawm!" ka ti leh sep, ka din hniah a, a lak atang hian thil hriat duh ka nei! Dimte hian ka bek sam kar ah a kut a rawn zen lut a. A kut lum thup in ka taksa a deh rual chuan keimah ka dang lam nghal vek thei! He thil hi ka hrethiam lo, Movie leh fiction vel a thil thleng thei hi kan pahnih in karah hian a thleng tlat thin.



"Keimah vang in i kal thei lo. I hria em? min hnutchhiah in hmun dang i pan thei lo." chiang tak in ka mit ah a en ru
in thumal tin chu ka hriat loh hlau in a lam fak fak bawk. Ka nui nghal hak a.

.
"Chhan tha a la tling lo!" ka ti leh a.



"Ummm.. Ka hmangaih che vang leh i awm lohna hmun ah ka chet buai vek thin a vang pawn min kalsan thei lo." ti sup in chawl a, chiang tak hian ka en reng ringawt. Chung lam a melh a, a hrawk bawk che ral khawp in a chil a lem khawlh.


"Chuan ka telloin i awm thei bik lo." min rawn melh chhuk nghal ru. Ka lo nui sak a.

"A dik tiraw? Ka telloin i awm thei biklo, chucang chuan kan pahnih a kan awm dun a ngai a lawm." a rawn ti leh hrawk.


"Inzir lawk na i lo nei em ni?" Ka tih chuan a rawn nui chhuak hawk hawk, a lam ah min pawt hnai sauh, dimdawi tak hian min kuah zui nghal hlu hlu bawk .


"I kal theilo, Chu zawng chu, kal luih i tum a nih chuan ka tlanbo pui ang che!" fiamthu tel hauh lo hian a rawn ti sup. Hahdam tak in ka thaw chhuak nghal ham ham, a sawi zawng zawng kha a dik vek, a tello in ka awm thei bik lo a lawm!

_______________________________

Link:
BBcode:
HTML:
Hide post links
Show post links

Local Advertisement

MOBILE SIAM ZIR DUH TAN!!!

Tech-Inn Mobile Repairing Traning Centre, Bazar bungkawn

Kum tin mi za chuang eizawnna kan siamsak a, Eizawnna tlaka thiam turin kan zirtir thin

Mizorama mobile siam zirna hmasa ber changtlung ber kan ni. Hrechiang duh tan Contact : 9612099411 / 9862016122


Ngaia
Site Admin
Posts: 25813
Joined: April 30th, 2016, 4:07 pm

Unread post by Ngaia » May 28th, 2017, 1:45 pm

"Nu UMama room tur ah hian kan chhungkaw thalak pakhat hi ka tar dawn!" ring leng lawng hian ka au a,tun a tang ni 3 hnu ah kan upa ber a rawn let dawn,Kan phi cheng hi a ni mai.





"Ka tar tawh a maw ka ti..Tar rawh. Chuan khum puan phah kha shanti ka rawn thlak tir ang."Tiin a kal chhuak nghal a.




U Rinmuana room tur a kan tih hi chu ka nu leh pa mut pindan ai pawn a zau zawk, bathlar zau tawk a la nei zui a.



Reilote hnu ah Shanti chu bad cover dang keng in a rawn lut a, sawi tur a rawn ngah leh ngawt ang, keimah ai daih pawh hian ti ti a thiam, U Rinzoa nen pawh hian an tawng dun chiam zel, a pasal zawk erawh biak loh chuan a tawng ngailo thung.





"Mami.. i thau deuh in ka hria," a rawn ti a, ka beng ah chu zawhna chu tun hnai hian a ri fo, mut leh ei ka duh em bawk a ni.




"Ei i siam tui thei em a nih kha!" Ka lo ti a a nui zui har har bawk. Nunsanga hian ka riltam a hlau lutuk a. Eitur eng eng a maw hi a lei khawl a, ka room ah ka dah khawl teuh, assignment tih lai pawn ka ei reng zel.




"I u rawn haw tur hi eng maw a hming kha." A khum puan khuhna hlih sa ho chu a lo pawm tun,A sari chu a kawng ah a suih kual tah bawk.
.
"Rinmuana,Muana tiin an koh thin,Chuan URinzoa ai hian i ngaina daih zawk ang."Kan ti leh hram a,A nui var var, Keipawh hian URinmuana hi ka ngaina zawk, Mama ang hian a luhlul lutuk loh bak ah,Upa ber a nihna ang hian a thusawi thenkhat chu tlema nawr deuh hian a nem ve leh mai thin, U Rizoa zawk hi chu ngaihna awmlo khawp ina thusawi tawh a sawhsawn ngailo.Upa ber niawm tak hi a ni thin.
.
Chawhnu lam ah chuan duhthusam in mama pindan tur chu a felfai tawh,Ka nu pawh thenawm ten thingpui in ah an sawm a,A kal chhuak daih.. Huan lam ah ka lutthla a,Ka phone leh iPod chu keng in phul awmah chuan vai thut a thu in bawp ka khawkherh.iPod a hla chu play in ka bula thingkung lian pui ding chu ka ngheng ar ar,He tiang a thinghmun a, Chimbuaitu awm miah lohna hmun a awm hi nuam ka ti thin..
.
"Nizan ka accident na!" Sawmdawnga mesaage chu ka en a,Ka nui tawi halh,A kiu a sawh pilh phung mai.
.
"Hliam dang i nei em?" Ka ti a,Thlalak pakhat a rawn lut leh nghal.Ka download a,A khup zawk pawh a na hle a niang a tuam bar mai, Zirlai tam zawk in zan intihhlimna kha an kalpui leh tawh,Nunsanga erawh a telve tawh ngai lo.
.
"He tiang a i nat te chuan naktuk kha kan thul a va ngai awm ve?."
.
"lungngai suh..hei te chu chaw ei ti tui tham lek a hi." Tiin a rawn reply leh vat,Ka nui hak a,Naktuk hian thinho kal chhuah kan tum, Lui pakhat,Ka la kal ve ngailohna ah min hruai an tum.
.
.
Tlai chaw ei lai in kan thianho kal chhuah kan tum thu chu ka sawi a,Mama ngaihdan a nih loh hmel tak zet,Mahse ka pa zawk in a phal miau a vang in engmah a sawi zawm ta lo.
.
"In college ho hian Bike in tlansiak an ching an ti a.?" chaw hmeh ka suak tur chiah chu ka tawp chawt,.Mama chu ka melh a,Min melh lo in a thil ei lai chu a ei zawm mawlh mawlh.
.
"An ti ve mai mai a niang.",ka ti sep a,Ka nu zawk chu ka melh ngamlo hrim hrim.
.
"Ai..Nizan khan accident an awm a." Mama chuan min en miah lo hian a rawn ti leh nghut, Ka taksa tang nghal run chu duhlo in thawk ka la halh a,Hlauhthawn chhan tur ka nei ve hlei nem,Nunsanga a tel ve tawh pawh ni hlei lo.
.
"Ka hreve lo a nih dawn chu."Ka ti sep a,Mama zawk chu a rawn nui suk a,Tun ah chuan hlauhthawna tur ka nei tih ka hremai. ka u hian eng a maw tak hriat chu a nei! Mahse eng mah a sawi zawm lo,Ka nu zawk in bul tan in tel ve lo tur leh nun uluk tur in min hrilh leh nghek!Mama awmdan chu ka en a,Ka nu thusawi vel pawh chu a beng khawnlo,A ei mawlh mawlh a,Kei erawh ei chakna pakhat mah ka nei tawh lo, Ka taksa chhung ni nghul chuan ka tha a ti khur!
.
Chair in nawr hnung ri ka hriat rual chuan ka phu ngal dawr,Mama chu a ding vut a,A thleng leh bowl chu la in thlengsilna lam ah a kal nghal, A chet dan vel chuan awm nuam in min siam miah lo,Ka telve thin tih a hria a ni khawp ang.Mahse..A hria a nih chuan min hau tawh ngei awm sia.
.
"A mak vung vung e .ka sawi chu i hrelo a mi?" ka nu chu ka en a,Ka pa nen chik tak hian min lo melh reng,A thusawi a pawh chu ka hrelo tak tak.
.
"Eng nge i sawi?" Ka ti a.
.
"Nakum ah chuan I u Rinmuana bulah i awm ve tawh ang_,He lam aiin zirna a chang tlung a,I u mahni chauh a awm ngawt ai chuan in awmdun khan a buai lo deuh ang."A rawn ti a,Ka au nghal vak lo chau,U Rinzoa hian eng thil nge a hriat le? Nimin lawk ah 'Mama nen kan sawi dun ringawt a ti sia' ,Tunah ka nu leh pa rilru a hmin leh nghal der ringawt .
.
"ka duh hlei nem.." ka ti liam puat.
.
"Duhloh theih a nilo.. I tan a tha tur vek zawk a nih hi.." ka hawi chhuak a,Mama chu choka luhna kawngkhar ngheng in a lo ding,Chiang tak hian min lo melh run a,A chaw ei kham rual khan a chhuak daih tawh a maw tia.
.
" Semester laklawh deuh a insawn te chu ka khai lak vek dawn sin."Mama melh lo chuan ka ti ve hmak,A dik reng bawk.
.
"a laklawhna tur a awmlo,I semester hmabak kha i zawm leh dawn ani mai a,Engmah buaithlak a awm lo."Mama'n a rawn ti ve leh.
.
"Naupang chhia ang mai a nawrkual theih ka nih tawh bik loh hi.."ka ti a,Ka nu chuan min melh nghal kawk. Keipawn engtin nge Mama ka hnial ngam zawk pawh ka hre tawh lo.
.
"Chhungkua ah chuan i naupang ber a lawm." mama bawk in a rawn ti,a aw chu zawi viau mahse,Ri tel ve a awm.
.
"ka zirna kawng ah hi chuan ka duhdan a min kal tir ve ka phut." an vaiin ka melh kual,An ngawi reng ringawt.Ka thutna a tang ka tho a,Ka thleng leh bowl chu lakang in thlengsilna lamah chuan ka kal pui. Mama zawk chuan chiang tak hian min en reng tih ka hria,Ka unau boruak chu a dik miah lo.Ka u ka hnial vang a ni ngei ang,ka nu leh pa zawk pawh an ngawi ran,Diktak chuan ka u duhdan hian ka awmzel thin,A nin tha a tihdan ang in keimah bik hi chu ka awm,Ka nu leh pa pawn an hnial ngailo,Ka unaupa leh ka tan a thatur hretu a ni miau a.
.
"Thinrim in engmah la nghal ngawt suh.."Mama ka kalpelh dawn chuan a rawn ti a.
.
"ka thinrim pawh a nilo...Mahse ka zirna ah hi chuan ka duhdan in ka kal ve duh tawh." ka nu leh pa chaw kil mek te chu ka melh leh zawk a,Mama mit mengah chuan a rilru a awm tur ka hrethiam chiah lo.
Mahse thil thup a nei tih ka hria.
.
"In pahnih boruak kha ching fel vat ang cheu..I u rawn haw hma ngei in.!"Ka pa chuan chaw ei dawhkan thawhsan pah chuan a rawn ti nghut,ka nu erawh in sawitur a hrevelo a niang,Ka pa,Mama leh kei chu min en tawn chhen reng ringawt.
.
Kailawn lam ah ka chho a,Mama hnial zawnga awm kha nuam ka ti bik miah lo,Mahse Hmun dang ah awm ka duh lo.Khum ah ka thu thla hnawk a,Ka taksa tang lutuk tireh tur in ka thaw chhuak leh ham ham phawt. Kan unau hi kan fel bik ka ti a nimiah lo,Mahse in nghirngho na kan nei khat,Nikkhua ka hriat hnu ah tun hi a vawi khatna a tan kan in hnial tum a ni,Boruak a dang zar bak ah rilru a nuam tak tak theilo.
.
.
Ka room kawngkhar rawn ri dat dat a vang chuan ka insiam rem thuai a,Ka nu chu dawnfawh zai sa rawn keng in a rawn lut a.
.
"Enge?" Ka lo ti hmak.A thil rawn chawi luh rim chuan ka kawchung a fan nghal vek.
.
"I u nen in buaina kha ka rawn sawi fel pui dawn che."Ka khum tlangah chuan a rawn thu ve a,Kei erawh zawi tak in khumah chuan ka let thla nghal hnawk.
.
"Delhi awm pawh chu i va hreh awm ve?" Ka mala rawn beng thak pah chuan a rawn ti a,Hremhmun kal ai pawn ka hreh zawk.
.
"kan college zirna a that vang in Shillong lam a an fa te pawh an chah haw ang sauh sauh a! Chutih lai a in dah bo lo la tum te chu." Ka ti hlak.





"I u rawn haw thleng phawt se,Kan sawi ho leh dawn nia,Tunah buaina lo hmang loh tur." Ka nu chuan a rawn ti a. "Kum hnih ngawt a rawn haw tawh lo a, hlimlo hmel kha lo hmuh miah loh tur,A hrilhhai lutuk palh ang," A tih zawm leh zat, Khum atang a tho chhuak tih hriat tak in khum chu a che dat a.




"Dawnfawh hi ei rawh, a Chhinna ka rawn keng mang silo,a bawlhhlawh hman ang." a rawn ti a. Ka bu nghat ringawt.





Ka nu chhuah hnu chuan khum atang tho in dawnfawh chu ka ban a,Mahse ka ei chak thlawt lo,uak phahnan ka hmang chuang lo a chu.. A rim hian min ti thinrim tung,A bowl chawp chuan la kang in inhnuai lam ka pan pui a,ka nu leh pa TV en chuan min lo en dauh dauh.An mahni chu ngihven lo in bawlhhlawh bawm ah ka paih a,A bowl chu ka sil nghal thlap.





"He lamah rawn thu ve teh..!" Ka pa chuan a lo ti vat a,An mahni ep chiah ah chuan ka thu thla ve nghal, Zirna sawn chungchang kha an sawi leh dawn a nih chuan ka peih miah lo. Naupangchia ang mai a min en hi an bansan a ngai ve tawh tak tak.
.
"I u nen in inbe tawh em?" Ka pa zawk chuan a rawn ti a,Lu ka lo thing ringawt.
.
Kawngkhar rawn rik dat dat a vang chuan hawng tur in ka nu a kal a,Thil sawi theih loh a inleng kan nei tur chu ka lawm hle ringawt.




"Ehe..Catherine enge i duh teh mial a?" ka nu tawng ri a vang leh hmeichhe rawn lut mek a vang chuan ka thu ngil nghal zawk.




"Tihtur kan nei a... Min rawn sawm a nih hi..!" kai lawn a tang Mama a rawn chuk thla,Ka bo telh telh hi a ni mai.Engtin nge an ni pahnih hi an in hriat ngawt theih. Catherine chu ka nun nen an tawng hluai, Mama zawk chu choka lam ah a lut a, reilote hnu ah a rawn let leh.. Vawi khat pawh min melh lo, Catherine pawn ngeina deuh a min melh zawk bak chu ka awm ve tih hrelo ang hmak in ka nu nen an tawng.
.
"Kan kal dawn mi?" Mama zawk chuan a rawn ti sup a, Catherine chu a tho a,An inzui chhuak nghal a.

Link:
BBcode:
HTML:
Hide post links
Show post links

ADVERTISEMENT (A hnuai a milem hi a nia hmeh zeuh tur chu)